آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-09-19, 09:59 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت التـــــــــــــــــــــ(9 )ـــــــــــــــاسع بدر << صرت اركض زي المجنون على ابوي لمن وصلت وبدون احم ولا دستور فتحت الباب وتوجههت لمكتب ابوي وانا أحاول القط الأكسجين من هنا وهنا ............ بدر : يبه يبه الحق أبو بدر : ايش فيه جاي طيران بدر : عذبة ابوي عذبة أبو بدر : بدر خلصني بالقطارة هيه بدر : اشيائها مهي فيه تلاقيها طست بس وين وكمان ليه تطس ؟؟ أبو بدر :اكيد ما حتخرج الا بأذن خروج بدر : يعني مرت من عند المدير خلينا نروح نسأله لو نديه مبلغ ما حيعارض يقلنا الحقيقة <<راحوا غرفة المدير جري وهو كان متوقع قدومهم ويتذكر حوارة مع عذبة قريب اسوار المدرسة عذبة : أستاذ انا ما حتعمق بالسالفة بس أبو بدر يصير أبو صاحب اخوية الله يرحمه انا لأجلت له لظروف معينه وهو الي اقترح اجي هنا وهو الي زور الأوراق فأول ما حيحسوا بأختفائي حيجوك لذا ارجوك استر علي لا تقلهم اني مريت من عندك ولا انك تعرفني أساسا قبل سالفتي هذا آخر طلب حطلبه بصفة طالب لذا ارجوك لبيه !! المدير : طيب عذبة << وانا بديت ادمع : وعد << وسويت بيدي عركت الخنصر حقت الوعد المدير << رفعت خنصري وشبكته بخنصرها وشفتها تبكي وشكلها كان مرة بيبي وكيوت لكن الزمن والأقدار كذا علها خيرة لها ... << وعد ويله تسهلي بأمان الله عذبة << القيت نظرة أخيرة على المدرسة نظرة خوف وحنان مشيت راحلة الى الخارج المجهول ... <<نرجع للحاضر >> أبو بدر : هلا كيفك جميل ؟؟ < وسلم شيك هاند > بخير وصحة ان شاء الله المدير : الحمد لله ها كيفك انت ؟ وكيفك يا بدر أبو بدر + بدر : الحمد لله أبو بدر : الا يا جميل ما مر عليك عذيب المدير : ولد اختك ؟ بدر : أي أستاذ ولد خالتي لأني دخلت الغرفة ما لقيت اغراضة قلت اكيد ما حيخرج دون تصريح خروج المدير : لا والله ما مر علي من يوم تسجيله في المدرسة أبو بدر (يارب شهلبلوة) : لا حول ولا قوة الا بالله وين طس ... خلاص جميل شكلنا تعبناك نحنا نمشي وخلاص هم على وشك الخروج قال المدير : بس مهاراتك التزويرية رهيبة يا أبو بدر فأركد لا على السجن مرة وحدة ويله قفل الباب وراك أبو بدر << فتحت عيني مذهول اخر عمري ينقلي ذا الكلام ومن راس مين ومن راس بنت مهند والله لأخليه يندم تنحت وما اقدرت اتحرك حسيت قوايا خارت لكن استندت على بدر الي ما كان يقل دهشة عني خرجت وانا اتوعد في عذبة ان ما وريتها نجوم اليل بعز الظهر ----------------------------------------- جلست وانا مذهول من الي قاعد اسمعه هذا كلوا صار في ظرف أسبوعين ... عذبة << دخلنا البيت جلسنا في الصاله وبابا سكر التلفزيون وقال : تكلمي هاتي الي عندك ايش هببتي ؟؟ طبعا انا رخيت عيوني في الأرض وبديت احكي كل شي وانا نتحب ما خبيت حاجه قلتها من طق طق للسلام عليكم كل شي تعرفوا ليه أفرضوا خبيت حاجه ولو تنتوفه وبعدين ابويه سمع عنها حييعصب ويرجه يسوي هيلمان ومين يبلعها انا بلس انو حيشك بالي قلتلوا هو يقول كذبت في ذا اكيد كذبة بغيره عشان كذا خلاص كف واحد ابرك من كفوف بعد كذا رفعت راسي طليت في بابا الي كان وجه سرحان وواضح يفكر بعمق شديد أبو عذبة << لما سألت عذبة ايش هببت نزلت عينها وبدت تتكلم لدرجة الجمتني ما حسيت ولا بــ 1% تحفظ وما قهرني غير ذا الطلال يحسب بنتي من دون غير سند و اهل المهم قررت اروح اواجه أبو بدر كفاية خلاني اخسر ولدي ذياب ويجي يأذي بنتي والله لأوريك يا أبو بذر والأيام بيننا أبو عذبة : يله قدامي على غرفتك ولعد اشوف خلقتك ... عذبة : بابا سامحتني... أبو عذبة : انتي لسه لكي عين تتكلمي ؟؟ قولي ايش استفدتي افرضي أبو بدر صورك ولا مسك عليك يشي وانتي ما سمعتي ايش كان سويتي هاه ؟؟ أفرضي واحد من الأولاد كشفك ايش بتستفيدي ؟؟ عذبة : بس انت كنت بتزوجني واحد كبرك يا بابا ايش اسوي يعني ؟؟ أبو عذبة : أبو ناصر طيب وهو بيحطك بعينه كمان انتي لما رفضتي قلنا توك مصدومه لكن بعد ك ذا لما سألتك حتى بعد ما راح علطول طلعت سألتك وكنت موافقة ومستحية وعلى مدار الأسبوع يمكن مرة باليوم بسألك وانتي كنتي موافقة ومافي لو واحد بالمية الرفض وانا قلت خلاص كبرتي وعقلتي بس لا طلعتي من تحت لتحت تخططي ............ انقلعي يا عذبة انقلعي لا يرتفع الظغط عندي !! عذبة : حاضر << وطلعت وقعدت أفكر في كلامه هو صح انا كل ادلائي كان الموافقه عدى المرة الأولى والي غالبا تكون تحت وضع الصدمه لذا ما أنخذت بعين الأعتبار صح صح انا الهبله انا الي بنيت الحاجز بيني وبين بابا وسويت الي سويته ورجعت بذكرياتي الى ذكرا مريرة دخلت الغرفة وجلست على السرير استرجع سيل ذكرياتي المفاجئ ... اول ذكرى مرت علي هي ذيك الأنسانه الحبوبة الي فجأه أنقلبت علينا تصرفاتها تغيرت بالمرة الى يوم سمعت الشيء الي وضح لي حقيقت الأنقلاب الي صار يوم يوم سمعت بابا يرمي يمين الطلاق على ماما << نروح لذكرياتها بابا : يا خايته هذي آخرة العشرة تخونني يا سارة تخونني وانتي مكرمة عندي ها يا سارة ولا مع مين مع ولد عمي هذي عمله تتسوى ها ؟؟؟؟؟ ولا بعد جايه تطلبين الطلاق أكيد تبي الجو يفضالكم صح ؟؟ ماما : خلصت كلامك أي يله خلصني بمشي والعيال خليهم عندك ولا ابغا رقعت وجههم بابا : ولا كمان تتشرطي روحي والله ودي ارميهم عليكي بس منتي وجه تمسكي عيال ولا حتشوفيهم من اليوم ورايح لو تنطبق السما على الأرض والله ودي ما اطلقك بس مو لسواد عيونك بس عشان ما يفضالك الجو بس عشان ما اتشرف وحده زيك تكون على ذمتي ماما : خلصت محاضرتك يله طلقني يله ارحمني من ذا العقد الي بيننا عذبة << دخلت الغرفة وانا وقتها كان عمري 12 : بابا لا تطلق ماما يا بابا << وبديت ابكي فجا بابا شالني ووداني غرفتي وقرأ علي المعوذات ونمت بس وصحيت على الصبح قمت لما تذكرت الموضوع ودورت عل ماما يمين يسار ما لقيتها رحت لبابا لقيت شكله منهار ما حبيت أسأله فرحت لأخوية ذياب عذبة: ذياب ذياب أيش صار امس ماما وباب اكانوا يتضاربوا بس بابا جا شالني وما عرفت ايش صار بالنهاية بدر : عذبة روحي عني عذبة : بدر تكفى إيش صار بدر : ماما وبابا .......................................... بس ولهنا ينتهي البارت التــــــــــــــاسع اتمنى يعجبكم السلام عليكم ورحمة الله وبركاته اوكي بناء على بعض انتقادات البست فريندووو بذكر لكم نبذة عن كل شخصية لها دور بالصاعد الحالي يعني زي طلال وطارق ورائد انتهى دورهم في الرواية فما اضطر اذكرهم. اوتي ؟؟ عذبة: تعتبر طويله طولها قرابة 160 وزنها 45 بشرتها حنطية شعرها أسود زي سواد اليل بطبعه غجري وملفلف بس مو الخشن الي كذه خشن يعني الناعم المنفوش اذ فهمتوه كان يوصل لنص فخذها بس بعدين قصته زي الأولاد << واضح من أحداث القصة حواجبها مرسومه وتعتبر أحلى حاجه في وجهها بعد عينها طبعا الي كانت تنوصف بالملفتة والجميلة بس مو كبيرة خشمها يعني هو الشي الوحيد الشاذ بوجهها لأنو نوعا ما كبير شوي بس مو مرة وشفايفها مكتنزة تميل للون التوتي الجميل مهند (أبو عذبة): مليان اكيد زي غالب الكبار حنون بس ما يعرف يعبر عن حنانه فغالبا تلاقي معصب والأجواء شوي معاه متوترة لأنه مو عارف يوصل الرساله وكثير ناس يهابونه من دون سبب يعني له هيبته و وقاره أم عذبة : حبوبة ولطيفه بس لا بغت حاجه تخلت عن كل مبادئة واللي بنته بالسابق مليانه شوي يعني لاهي دبة ولا رشيقة بالنص مقبول جسمها شعرها من يوم من انولدت وهو بني فاتح ملامحها تطغى عليها اللمسه الجاوية . بدر : نحييييييييييييييف بالمرة عصعص ملامحه حادة وتبان فيه الملامح العربية وشعره سايح ذياب : نقدر نقول النسخة الثانية من عذبة بس على طبع ذكوري نوعا ما بس هو امتن من عذبة بشوي بس يبان الفرق وهو أطول منها . أبو بدر : يعني زي بقية العجايز شعره غزاه الشيب ملامحه حادة زي ولده وهو كمان نحيف بس مو عصعص . وكل ما حتدخل شخصية حعرف بيها وسلاااااااااااااااااااااا ااموووووه | ||||
|  |
|
07-10-19, 12:23 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــــــــــــــــــــــ ـــــــــــــــــــــــــ ــــــــــــ(10)ـــــــــــ ـــــــــــــارت بدر : ماما وبابا ................ تطلقوا أرتحتي خلاص << بدأ يبكي عذبة < أنا بس شفت عبرات ذياب انا بديت ابكي اول مرة اشوف دموع اخوية وهي غالية علي صح احنا ناقر ونقير بس مهما كان يظل اخوي الغالي (وبالمناسبة كان عمرة<<عمر ذياب >> وقتها 14) رحت بست راسه ومسحت دموعه وقلت : انا آسف ما كان قصدي << وطلعت غرفتي يعني محاولاتي امس بائت بالفشل ........... ومرت ذكرة أخرى امر من الي قبلها لما جانا خبر وفاة اخوي انتحر ... أي حرفياً انتحر بعد ما تناول كمية حبوب منومه هل أحداث قصتي تتوقعوا من نسج خيال طفلة حزينه لا هذا الواقع كانت أشتباكات قصة اخوي غريبة لكن كل شي يشير الى انتحاره وعزاء الشرطيين هو مرورة بفترة صعبة أدت الى انتحارة فما كانت في أي دلالات عملية قتل وهذي الشي هزت بنفسيتي كثير وتخيلوا وقتها كنت توني داخلة ال 13 من عمري المفروض في ذا العمر أكون سعيدة مدللة أعيش عمر الزهور على قولتهم لكن : (( ما كل ما يتمنى المرأ يدركه .. تجري الرياح بما لا تشتهي السفن )) بس هذي الشي قلب كياني وأنا حطيت كل اللوم على ابوي هو السبب لو ما طلق ماما ما كان انتحر اخوي هذي المعادلة الي قدر عقلي بتفكيرة البريء نسجه لكن يليت لو امر كان مقتصر على تفكير عذبة لا الموضوع كان اكبر من كذة كان خلاف بين أبو بدر وبابا وضحيته كان اخوية ذياب –الله يرحمه – وهل الأيام حتوقف على أحداث ابطالنا ...... بالطبع لا **كم أتمنى أن أكون كالزمن امضي دون أي أدني اعتبار للغير ** بعد سنـــــــــــــــــــــــ ــ((6)) ـــــــــوات عمري صار 22 والدنيا تحسنت عذبة : ها بابا بتروح الشغل ؟؟ أبو عذبة : ايوة تحتاجي شي ؟ عذبة : لا خلاص .. يصير لما ترجع تتغدى متأخر ولا تبغاها عشا ؟؟ أبو عذبة : خلاص خليها عشاء عذبة : تمام يله يصير انا اروح اتجهز للجامعه استودعتك الله أبو عذبة : استودعتك الله ودخلت بعدين افتكرت مافي الا دجاجه وحدة فنزلت جري لقيت بابا خلاص بيخرج من الكراج بسيارته عذبة < قعدت الوح له > : بابا بابا بابا أبو عذبة << فتحت الطاقة : ها ايش فيه عذبة ؟؟ عذبة : لا بس ما بقي الا دجاجه وحدة وكما ناقص مقاضي زي بصل وطمام و .. و .. خللاص ما افتكر بس بصفه عامه ناقصه أشياء أبو عذبة : طيب ولاا يهمك ادخلي الله يرزقك ولد الحلال عذبة << بس سمعت السالفه تغير وجهي وزعلت والدموع بدأت تترقرق من عيناي << امحق تعبير والله وجري طلعت مهند << لاحظت دموعها شكلها الا الآن متأثرة بالموضوع داخله في قوقعه على نفسها وشكلها نفس الوضع في الجامعه ما تجلس مع احد رغم انو الموضوع خف والناس نسيت بس هيه لسا جرحها ينزف ... عذبة << دخلت ورميت نفسي على سرير وبديت ابكي ما أقول غير حسبي الله على أبو بدر الي رسم ليه ذيك الخطة الهبله المهبولة المفقوعه المحروقة الله يفقعها صح كسبت كثير ( ما تزوج الشايب + وكسبت ود ابوي )بس كل ماأتذكر الي صار ابكي الي صار شي كان كفيل بدمار نفسيتي واحلامي وطموحي وعالمي ككل .......... ورجعت بذاكرتي بعد 3 أيام من رجعتي البيت عند بابا دخل علي وهو زي الثور الهايج شال العقال وبدأ ضرب في لحظة كان ودي يقول المخرج كت ويصفق الستاف حسيت نفسي كأني بمسلسل خليجي المهم ضربني ضرب مبرح << زي مايقولو بالعربي << ليه أنا بتكلم فلبيني << اس كملي وانتي ساكته << حاضر << الله يحضرك بالخير كنت ابكي بس بداخلي أحس بالرضا عادي انا استاهل الضرب أصلا غريبة انه ما ضربتي اول ما رجعتت وما عرفت سبب الضرب الحقيقي الا لما داومت بأول سنه ثانوي لما خلصت الصيفيه .... لقيت البنات الأبلات حتى الخالات نظرات احتقار واستحقار وأنا مستغربه أيش فيه لمن وحدة قالت لي لما سألتها عن الأحوال وكذا لأني ارتحت لها وحبيت اتقرب لها .. ردت باقتضاب : انت بعد فعايلك لكي عين تجي المدرسة ولا بدل ما تمشي مرخية راسك لا رافعه راسك وتسألي عن الأحوال طبعا انا هنا وجهي يبغالوا اكبر صورة كانت علامة الأستفهام مرسومه على راسي لدرجة حسيت اني في انمي لما يرسمو ملامح الوجه بعلامات استفهام جات الفسحه وجليت لحالي بالركن وذيك النظرات ما زالت موجهه لي الرايح والجاي يرسلي هي هاي ايش السالفة ما تحملت ورحت أخذت المايك وسألت البنا ت في الساحة : خير تطالعوا كذا ماكله حلالكم على غفله وكلهم صاروا يطالعوا فيه بس مو لذا السبب لأنوا بشاير جات وهزتني من كتفي طيرت الفكرة الي كنت بدرسها براسي قبل ما انفذها والي هي حركت المايك طالعت فيها بنظرة من طراز ( خير يا طير ايش تبي ؟) ابتسمت بشاير : شايفة النظرات الي بتتوجه لك هذي مقامك طبعا خلاص لفل الاستغراب وصل الف : طب فهمينا يا فهيمه بشاير : ........................... بس وهنا نسوي كت ونرجع نكمل بعدين ان شاء الله اليوم خميس فلما أرجع من المدعسة حفرغ وقتي وانقل الرواية من الورق الى الاب عشان انزله .............. وسلاااااااام | ||||
|
| |
|
07-10-19, 12:40 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البــــــــــــــــــــــ ـــــــــــــــــــــــ(( 11))ـــــــــــــــــــــــ ــــــارت ((كل ما ترسله يعود أليك)) من مثلك - عبدالمجيد عبدالله على مثلك أصافح وقتي وآهنيه واهني خافقي ولا إنت من مثلك عجزت أوصف سما قدرك عجزت أوفيه وش أبعاد السما قلي وانا أوصف لك هلا بك يا نسم روحي و يا لبيه في قلب ما اعترف بالحب من قبلك وش الحيلة في قلب محبتك تمليه في شخص من غلاتك صار يشبه لك تفاصيلك هي ضعفي لا تسأل ليه حنانك ضحكتك هيبتك وطيب اصلك وصوتك كوكبي الوهاج وحسك فيه إذا سولفت ياخذني وأسافر لك وانا يا سيد إحساسي ويا غاليه فؤادي خيل ما ساسه سوى وصلك يحبك حب يشبّ الحاسد ويطفيه إلين يرمد وجعله فدى ظلك هوانا ما تهزه ريح وللتشبيه هوانا يا جبل وش اللي يقدر لك وغرامك يا خليفة قلبي وواليه وطن وإحساسي به شعب فدى كلك يا إسم من غلاه إن مرني طاريه يراودني سؤال وده يوصل لك أبي مثلك وش اللي ينهدى وأهديه إذا إنته يالغلا ما فيه أحد مثلك بشاير : ولا شي وانتي سالمه عرفنا سالقة زواجك وتفركشت يوم زواجك وهذا اول شيء طلع كلام عنك .... عذبه ( قاطعتها) دحين كل ذي النظرات عشان تفركش الزواج ؟؟ بشاير : مممم ا اسمعي لا تقاطعيني (قالتها بغنج يلوع الكبد) المهم ايووه وكمان بعدها اختفيت ولا صار لك اثر ولا فمكان رغم انه مو عوايدك عذبة : يعني وحدة دوبها مطلقة وزواجها تفركش تبيني اطلع وما انحبس بالبيت تستعبطي فوق راسي انتي ؟ بشاير : طيب خلاص كليتيني بكلامك << وقربت مني وهمست بأذني : تحسبيني ما أدري ايش مهببه ها ؟؟ بس رحمتك بشاير : بس في شائعات طلعت عنك مرة في الحي عندنا وما يحتاج اوصف لك انواع الشائعات الي قالو فيها عيب والي قالو فيها مرض ولا بلى فذي سبب النظرات ذي لغز سهل عذبة : طب دحين كل ذا الهيلمان على ذا تعرفوا ايش اعطيتك أكبر من حجمكم هاه وشمقت ومسيت للساحه الى برى عشان اشتري للمقصف وانا خارجه لفيت وغمزت وقلت : ترا ما هميتوني * * * في الحصة الي بعد الفسحه لقيت في رساله لبشاير درج المكتب تنص انو قابليني في الصرفا ورى المدرسه المهم رحت ولقيت بشاير لحالها مسكت يدها ووديتها مكان تاني يمكن تكون حاطه كاميرا << ثقتي معدومه عذبة : ها يا مديرة ايش تدري عني ؟؟ بشاير : هاهاهاها تحسبيني حمشيها ترا عرفت انك يا عذبة امك وابوك مطلقين عشان كذا الرجال سابك !! ( وبدت تضحك ههههههههههههههههههههههههه ) انا قتحت فمي هذي الهبله على بالي انها عرافه على سالفة الأولاد والمدرسه وذي البرابر طلعت ذا هبالها << اوكي انا ما كنت احب احد يعرف انو ماما وبابا منفصلين يعني ما احد يعرف غير انعام (( الي بالبارت الأول الي صحبتي بالمتوسط -مهي مرة مهمه بالقصة-)) فهي علبالها طيحتني لما ذا بالطقاق الي يطقها عذبة –ببرود- : طيب المطلوب بشاير – وبان على وجها الصدمة - : يعني ما يهمك ؟؟!! عذبة : لا ويالله لا أتخر على بابا تبي تبلغي البنات محد ماسكك بس وصلت غرفتي ذاك اليوم انهرت بكا ودخل علي بابا غرفتي يومها وسألته : بابا ليه ضربتني يومتها ؟ مهند : كنت راجع من المسجد وسمعت أثنين يتكلموا عنك وعن طلاقك .. (وخرج وطفق الباب وراه بقوة ) عذبة < وقتها أستوعبت انه حتى لو تغطى موضوع المدرسه حيضل في موضوع الطلاق وأبتسمت بسخريه وانا ابكي وجمدت قلبي ومشيت الحياه (( الحاضر )) وطبعا بعدها صرت أنطوائية رغم انو الناس نسيوا الموضوع وصار من طيات الماضي وخلاص كان عندي مجالات عدة اني أكون صداقات بس رفضت لأنوا خلاص صار عندي عقدة من الناس وبنيت لي قوقعه خاصة يعني مهما صار حياتي متعطلة محد حيرضا فيا وبابا مو قاعد لي العمر كله ولو رضي فيه احد على اقل شي يعايرني واذا مو هو عيلته او نفر منهم وان صبرت وتحملت ما اعتقد ذنب عيالي بتحملوا << مدري ليه حسيتها بتحل القضية الفلطسنية المهم ففضلت الوحدة والأستقلال على وجع الراس بس خلاص بقي لي استقل ماديا وخلاص بأذن الله انا الي بزوج بابا بنفسي ... خلصت بكى ورحت الجامعة بعد ما تكشخت لأني قلت كل ما حأبكي حتكشخ كذا واطلع سنقت عشرة ورحت الجامعة مع السواق ودخلت ومشيت دخلت الكلاس لقيت لمار في القاعة وسبقتني آه يا لمار كل ما أقابلها أفتكر أنعام لأنوا في سنه ثالث ثنوي قعدت ادور على تنورتي وما لقيتها بس فرحت ادور ناحية الأدراج القديمة فتحت الدولاب لقيت ظرف ابيض مرة شكله كذا مترب وقديم فأخذته بعد مالقيت التنورة خرجت رحت المدرسة وجلست في الساحة الخارجية في الركن وفتحت الرساله ومن يوم ما طاحت عيني على الورقة بدت عيوني تبكي ((شوفو اسمعوا لا تقولوا كل البارت ذا بكى لاني بلخص ابرز الأحداث في عهد الملك فيصل <<قولي قسم <امزح يعني في الست السنوات الي فاتت بقول اكثر الأحداث تأثيرا )) عيوني تبكي كانت الرساله رسالت انعام الي قبل 3 سنوات من وقتها << في البارت الأول >> وتنص على : هاي عذبة أتوقع نسيتي الرساله وابصم بالعشرة أنك دحين ثالث ثنوي او سنه التحضيرية بالجامعة صح ؟؟ المهم قرأتي الكلام ذا يابقرتي الضاحكة خليكي ضاحكة ولا تخلي الدنيا تكدر خاطرك خليكي بشوشه فمهما كشرت الدنيا حتبتسم لك في النهاية أختك الغير بقرة ((أنعام)) الدموع غرقت وحجهي وحضنت الرساله وأول ما رفعت راسي على صوت احد بيتكلم كانت لمار سألتني ليه ابكي ومع الوقت ويوم على يوم صرنا صحبات وكبرنا ودخلنا مع بعض طب بشري او عام والحين احنا في السنه الثالنية جامعة ......... المهم عذبة : هلا لمار كيفك من زمان عنك لمار : هلا الحمد لله بخير كيفك انتي ؟ من زمان عنك عذبة : الحمد لله ها الدكتورة جات ؟ لمار : ايش رايك ؟؟ يعني كيف بنتكلم وكيف ما تهزئتي رغم انك متأخره عذبة : طيب خلاص كليتيني بقشوري لمار : اهو جات الأبله عذبة : الله المستعان وأستمر يومنا الجامعي الى البريك ورحت مع لمار ---- (ستوب خليني اوصف لمار) أنسانه لطيفه كيوته شخصيتها حلوه وبسرعه تدخل القلب بيضه << مسلوقة ولا مقلية << خلاص توبه امزح يا لمار >> بشرتها يعني ابيضانيه شعرها لونه بني غامق يوصل لنص ظهرها يعتبر ناعم حواجبها الجميله وعيونها الواسعه ورموشها الطويله خشمها سلة صيف وصغير وشفايفها التوتية الجميله نرجع ---- رحت معها الكافتيريا وجلست وقعدنا نآكل بس كلامها ما يخلوا من الأحداث اليومية بس الفترة الأخيرة لاحظت مدحها لأخوها الوليد ولستت صفاتها بطريقة ملفته للأنتباه الي كأنها تبغا تنبهني بصفاته لدرجة خلاص صار عندي صورة له في راسي (ركزوا صفات الوليد) واحد عمره 32 (اكبر من عذبة 10 سنوات) بشرته حنطية طوله 164 جسمه وسط يحب الأسود شعره أسود بسواد اليل يحب السليق زي عذبة وحنون ومتعاطف عقله رياضي يعني منطقي درس طب ومتوظف طبيب بالمستشفى عيونه واسعة رموشه كثيفة حجم جزمته 42 واحلى صفه في الوليد هو انه يدخن تعرفوا – خصوصا الي لعب براسي رواية قرأتها نسيت اسمها بس اسم بطلها مهند المهم من كثرة ما حببتنا الكاتبه بالشخصية صرت احب كل صفاتها – متقلب المزاج ويحب أحد يدلعه كأنه طفل وأحلى شي عنده غمازه المهم خلصنا البريك كملنا محاضراتنا ورجعت على الــ 4 العصر دخلت غيرت بجامه حقت امس دخلت طبخت صينية باشميلا وكبة ………………… وهنا ننتهي البارت الـــــ 11 أتمنى يعجبكم وترا جاهز كثير بس تعتبت وانا انقل من الورق ............ وسلاااااااااااااااااااااا ام التعديل الأخير تم بواسطة لامارا ; 07-10-19 الساعة 05:53 PM | ||||
|
| |
|
07-10-19, 05:52 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الـــــــــــــــــــــــ ـــــــــ((12))ــــــــــ ـــــــــبارت تبيني لك – راشد الماجد تبيني لك مثل أول وبعد ماصار لك أرجع على عيني ولا تزعل وش اللي بس لك يشفع ترى الأشياء تتحول ولا يتكرر مقطع وتبيني لك مثل أول تراني غبت ومطول ولا عندي سبب مقنع ومابي تسأل أو أسال ولا ابي اشوف أو أسمع مادام إني قدرت ارحل لا تتوقعني لك أرجع وتبيني لك مثل أول خذاني طاري وطاري طويت اشراعي من بحرك مع السارين أنا ساري لا تزعل والبقى بعمرك وتبيني لك مثل أول على جمرك طفت ناري وعلى ناري طفى جمرك اذا ماتدري أو داري أنا ماني تحت أمرك وتبيني لك مثل أول *** معلومه عذبة ترا شعرها رجع طول وصار يوصل لتحت ظهراها *** السلام عليكم ونطب بالبارت الي مرة اتحمست وانا اكتبه 1.....2.....3...... أكششششن : طبخت صينية باشميل وكبة وحطيتها بالفرن من دون ما أشغل عليها النار بس عشان تمسك حرارتها وما تبرد ورحت غيرت لبسي ومدري ليه اشتهيت اتزين لبابا عقبال ما تتزين له زوجته <<خخخخخخخخخخخخخ مود بس قلت لكم عذبة بس تستنى تستقل ماديا وتزوج ابوها مو ذنبه يتحملها هذي وجهة نظرها دخلت غرفتي اتروشت وخرجت لبست بلوزة برتقالية فاقعه شوي فضفاضة كت مع تنورة جنز للنص الساق ضيقة لا بقة مع البلوزة ولبست معاها اكسسوارات خضرا وبرتقاليه كذا شكلها غجرية ورفعت شعري ذيل حصان ولبست خرس متدلدل لونه اورنجي برضو ورحت لبست شراب ابيض بخيت عطر وحطيت مسكرا فرشت حواجبي وحطيت قلوس لحمي حلو ناعم وأخذت معايا الكتاب ورحت نزلت تحت بالصاله وجلست فتحت التلفزيون وبديت اذكار مدري ليه فجأه حسيت بوحدة نفسي احد يقعد معايا يونسني وكنت على وشك ابكي بس فجأة توقفت ونفخت نفسي وابتسمت ورجعة اذاكر وفبالي انا ما حقعد على أي شي ابكي ابوية حيتزوج وحجلس وقتها بالوحدة الحقيقة فخلي مخزون الدموع لبعدين المهم سمعت صوت الجرس نزلت فتحت الباب لقيت بابا سلمت عليه وبست يدة بأبتسامه هذا الأنسان الي تعب عشاني مهما سويت ما حقدر ارد له الصنيع ومهما صار ما اخرج عن جزاه . بعد ما طلعنا في الصالة ----- عذبة : ها بابا ناكل ولا بعد العشاء ؟ مهند : كم بقي على الصلاة ؟ عذبة : خلاص نص ساعه مهند : خلاص يصير انا اروح اغفي وبعد الصلاه نرجع ناكل عذبة : حاضر توصي شيء مهند : سلامتك هي ذاكري عذبة : ان شاء الله << مشي من هنا ورجع الوجوم لوجهي عارفه اني ثقيلة يا بابا عارفة بعد ما أقامت اللصلاه ونزل بابا يصلي رحت صليت وحميت الأكل وحطيته في الطاولة جا بابا وجلسنا ناكل واحنا نتفرج تلفزيون وبابا متحمس مع المسرحية فأحترمت حماسه وما قاطعته الا لما جا الأعلان تكلمت عذبة : بابا جبت المقاضي ؟؟ بابا – وعلامة التذكر على وجهه بانت -: يا الله نسيت خلاص من ربك بكرة نخرج ناكل برا على بعد العشا فتحملي واحسبي حساب تصبيرة على الغدا تمام عذبة : الي تشوفه يا بابا ورجعت المسرحية وكملنا الوضع خلصنا الأكل لميت السفرة رحت المطبخ نظفت كل شيء ورحت خرجت لقيت بابا بيسمع الأخبار المهم رحت له بست راسه : تصبح على خير بابا تبغا شي مهند : لا تسلمي تصبحي على خير عذبة : هي انا اتسهههل (قلتها بضحك) ومشيت -------اليوم التالي------- <<قولي قسم نفس الموضوع ودعت بابا رحت الجامعة قابلت لمار حضرنا الحصص وحكيت للمار اني بخرج مع بابا اليوم ومتحمسه بس لاحظت انها مهي على طبيعتها كأنوا نظراتها فيه شي من انا آسف بس مشيت السالفه لأنوا لمار مو من النوع الي يتكلم بالظغط لازم بنفسها تتكلم لما رجعت البيت بدأت أذاكر وكل شي جا وقت المغرب المفروض بابا يجي من شغله بس تأخر توترت يمكن عندة اجتماع يمكن فيه شي ومع توتري ما ركزت بالدراسه ولفيت الدنيا كلها بس آخر شي رحت لبست جنز وبلوزه كت وغسلن وجهي ولبست العباية اذن صليت ونزلت تحت استنى بابا يجي تأخر مرة عدت كذا ساعه بس ما جا استغربت وخفت عليه بس آخر شيء قررت اطلع البس البجامة شكلوا بابا بطل طلعت غرفتي فتحت المكيف دخلت الحمام تشطفت واستحميت وحطيت ماسك لوجهي خرجت بعدها لبست بجامتي المفضله عبارة عن شورت يوصل لنص الفخذ وبلوزة علاقي مع شيء زي الروب حرير لونه عودي وقفلت باب غرفتي بالمفتاح لأنه شكلوا بابا بيتأخر ولا أنا عادة ما البسه قدام بابا المهم كذا صارت الساعه 11 وبابا لسه ما رجع خلاص حسيت النوم جافني ومني عارفه اتصرف بس فجأه سمعت صوت... ضحححك ضححك خفت التفت حولي بديت ارجف لما حددت صوت الضحك جاي من الحمام خفففت وحطيت يدي في وجهي وبدبت ابكي حسيت في يد انحطت على كتفي ارفع راسي بهدوء اطل الاقي ........ ولا شي طليت الناحية التانية الاقي جسم من دون دون رااااااااس .......... صرخت وصحيت مفزوعة والعرق يتصبصب من جبيني تنهدت عذبة : اوف حلممممم خفت سمعت صوت دق على الباب رحت فتحت الباب لقيت بابا << طبعا بعد ما لفيت البطانية على خصري لقيت بابا رحت من الخوف عليه حضنته وقعدت ابكي عذب : بابا وين رحت تأخرت مرة مهند (بهدوء ومن غير نفس ) : ما في شي بس انشغلت خذي ذا العشا << ومد كيس ماك >> هي نامي لا تتأخري على الجامعة عذبة (بأستغراب): حاضر مهند ( ناظرها بنظره عذبة ما عرفت تفسرها كانت غريبة عليها تنهد ومشي ) رحت آكل وغسلت كل شيء ونمت ومن بعد ذا الموقف صار بابا يتعامل ببرود وهدوء ومن غير نفس كذا كأنه من طرف خشمه وحاولت أكسر برودة حاولت اشده للحديث حاولت افهم ايش فيه بس ما كان في أي استجابه لأنه ببساطة كان يسفهنييييي ... عدت 3 أسابيع ودخلنا في اختبارات آخر السنه وانا نفسيتيييي زي الزفت بابا صرله 3 أسابيع وهو نفس الحال ولا يتعامل معايا حالي حال اللوح فحطيت جام غضبي واحباطي في الدراسه وكنت أقابل لمار وكانت تصبرني تقول يمكن صار شي بشغله كذا ولا كذا وباله مشغول بآخر يوم اختبار ....... عذبة : والله حتوحشيني يا لمار لمار : والله انتي كمان يا عذبة ما اصدق خلصنا ثاني سنه جامعة عذبة : أي والله وخلاص حنصير ثالث جامعه لمار : اية عشان اقدر اتفلحن دحين عندي في البيت كل ما قلت شيء قالوا لسه ثاني ( وضحكت وبانت اسنانها ) عذبة : ما شاء الله الأبتسامه شاق الوجه لمار ... لمار... لمار : ايش فيه يا عذبة ليه مترددة ... عذبة : لمار خايفة دحين ارجع اكلم بابا ويصدني دحين ما عندي شي أشغل نفسي بيه خايفه يا لما ر مدري انا ايش سويت أخاف ما يرجع ليه بابا أخاف أكون خسرته وانا مني عارفه السبب .... لمار : عذبة استهدي بالله مدري ليه تحبي تبالغي بتقدير المواضيع اليوم ارجعي وأعقدي العزم تفهمي ايش فيه وتراضيه عذبة : خلاص ان شاء الله ... ودخلت البيت وانا خلاص قررت ما انام الا وافهم ايش يدور براس بابا ........ هل حتقدر تعرف ايش بيدور براس ابوها ؟؟ وايش علاقة نظرات لمار بالموضوع ؟؟ وايش السالفة أساسا ؟؟ وسلاااااااااااااااااااااا اااااام | ||||
|
| |
|
07-10-19, 05:54 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الـــــــــــــــــــــــ ـــــــــــــــــــــــــ ـــــــــــــــــــــــــ ـــ((13))ــــــــــــــــ ـــــــــــــــــــــــــ ـبارت ((المعلمة حروف شهدت على اسمى معاني العطاء)) يا متعبة كل الناس أنا مو حاس سوا في قلبي الي بدا يدق وتسارعت الأنفاس وجاني إحساس إن قلبي مني بينسرق صدقيني مو إعجاب فعلا حاب قربج وبتدى قلبي يدق بلهفة من شافج ولحظة ماهدا طحت بهواها توي أتعب واقول جوي غصبن علي أحبها مو بيدي بعد شسوي وأحيان تحب إنسان ويدخل قلبك من الله بلا استئذان صرتي محط الأنظار والكل صار مغرم فيج وأولهم أنا يا أم العيون النار قلبي اختار قربج ماله عن حبج غنا في لونج الخمري شي سحري وشلون أوصفه مهما تغزلت بجمالج أدري ماراح أنصفه والسلام عليكم ..... وجيت بالبارت الـ((13)) ... ونطب ولا أقول تفضلوا حياكم الله : دخلت البيت وانا من الدور الأرضي انتبهت انو الصاله فوق مفتوح لمباتها خفت مين يكون في ... بابا اكيد دحين في الدوام فقلت قبل ما اطلع ادق على بابا اديه خبر لكن سمعت صوت جواله فوق قلت معقوله يكون هو في الصاله استجمعت قوتي وطلعت فوق لقيت بابا جالس بثوب البيت وجالس يتفرج تلفزون ويشرب شاهي << مود الله رحت بست راسه وجلست جمبه ... شكله كان متردد كأنه في شي بيقوله بس مو راضي مني فاهمه بس الي واضح انو في صراع بداخله حبيت اشجعه عذبة :بابا في شي تبغى تقوله ليا ؟؟ مهند : ................ عذبة : خلاص انا اروح غرفتي متى ما بغيت شيء ناداني << جبت أقوم بس مسك يدي فرجعت جلست مهند : روحي تجهزي بنروح ناكل في الكورنيش عذبة : حاضر وجري على غرفتي كنت فرحانه انه اعطاني وجهه أخيرا بفهم ايش فيه ... بس يا ترى ايش فيه ؟؟ ما أهتميت لذا السؤال قد ما اهتميت اني أراضي بابا ولبست وتجهزت في ظرف خمس دقايق لبست بلوزة صفرا كت كنت احبها اشترتها ماما زمان بس ادتني هي وقالت لما تكبري البسيها ... المهم لبستها مع جنز ازرق فاتح غسلت وجهي لبست العباية وخرجت لبابا ما لقيته بالصاله رحت المطبخ اخذت الشنطة حقت الرحلات الصغيرة حطيت ثلاجة شاهي كاسات بسكوتات فصفص يعني معدات البحر وخزعبلات ولما رحت الصاله صادف نزول بابا من الدرج مهند : ايش ذا الكيس عذبة (توترت): شاهي فصفص بسكوت مهند : لا اتركيها بنروح مطعم على أصوله عذبة (بتعجب):الي تشوفه وخرجنا رحنا البحر وركبنا سفينه صغيرة حلوة وتعشينا فيها وكان الأكل طعم وتكلمت مع بابا بعد ما حسيت الحاجز انهدم بس مهما حاولت ما بين لي ليش هو كان بارد معايه ... بعد ما جو الوايتر وشالوا الأكل والصحون وكذا كنا في طريق رجعتنا من الرحلة الجميله .. مهند (بتوتر): عذبة بفاتحك بموضوع بس أتمنى تسمعني للأخير وما تحكمي بسرعة وتستخيري عذبة (توترت بس مو حلوة اوترة زياده فأبتستمت له أبتسامه ناعمة ) : حاضر تكلم بابا ايش مضايقك ؟؟ مهند (طالع بالبحر): في واحد اسمه الوليد بن ياسر الــ-------- هو طلب يدك من قرابة 3 أسابيع بس اجلت تبليغك لبعد الأختبارات النهائية ودحين انا بلغته اني ببلغك اليوم (كان يوم الثلوث) والجمعة ان شاء الله ردك بعدين نروح نسوي التحليل لو وافقتي ... عذبة (بأندفاع): بابا بس ما ابغا لذي الدرجة انا ثقيله عليك استنى شوي استقل ماديا وبترتاح ما ابغا ما ابغا (وبدء صوتي يتهدج ) اتعب نفسي مين يبغاني بعد طلاقي بيوم عرسي مين ؟؟ وما حرتاح ما حرتاح وان تحملت عيالي ما حيتحملو (و نزلت راسي وصرت ابكي بس من دون صوت ) مهند(بهدوء وهو يتأمل البحر ): الله يكملك بعقلك يا بنتي من يوم يومك تشيلي هم غيرك ويشهد الله انك منتي حمل ولا شيء بس يا بنتي انا ما حقعد لك العمر كله والبنت مصيرها بيت زوجها والرجال لقطة وسألت عنه وكلهم مدحوه ونسبهم ينشرى بالفلوس وان لم يخب ظني انه يصير اخو صحبتك لمياء مدري لمار ... قاطعته عذبة : ايوة صح نفس اسم لمار يمكن يكون اخوها مهند : عذبة فكري مزبوط بس بطلبك طلب عذبة (اوف يا كثر طلباتك يا بابا): امر تدلل مهند: لما تخذي القرار لا تفكري في انا ترى انتي ابد موب حمل يا بنتي ولا تفكري بأي عوامل ثانية فكري انتي كنفسك حترتاحي ولا لا ؟؟ عذبة : ان شاء الله افكر بس انا ما أضمن لك الموافقة فبليز لو ما وافقت لا تجبرني مهند: مو انا مهند الي اجبر بنتي عذبه<< اكتفيت بأبتسامه باهته ( وبداخلي سبحان الله ما دري ايش صار بالماضي مع ذالك الي ما يتسمى (ناصر)بس ارجع وأقول كلامه صح انا الي بنيت الحاجز وما عارضت لازم اتحمل ) رجعنا البيت طلع بابا الصاله يتابع اخبار التتاسعه بعد ما لبس ثوب البيت بينما رحت انا سويت حلا النوتيلا بالمطبخ كنت احس نفسي اشرد من المواجهه الي حواجها نفسي فعشان كذا بحاول اشغل نفسي بأي شي خلصت سويت معاه قهوه عربية ورحت لبابا لقيته نايم ورقبته خطأ طالعت فيه بفخر لو واحد تاني كان باقرب مزبله رماني ... قعدت اصحيه عذبة : بابا بابا بابا مهند( وهو يفتح عيونه ) : ها ايش فيه يا بابا ؟؟ عذبة : بابا رقبتك خطأ تبا تدخل تنام ولا ؟؟ مهند : لا خلاص انا شوي كذة أدخل انام عذبة : طب على كذا انا سويت حلا دحين اجيبه دقايق لك مهند : طيب يله عجلي مشيت عذبة ومهند يتمتم < الله يرضا عليكي ويزوجك ولد الحلال > عذبة << رجعنا جلسنا أكلنا وتكلمنا ورفعت ورجعت غرفتي .... خلاص صار وقت المواجهه اول شيء كنت ابغا اسوي بعد ما سمعت الخبر اني ابكي... مدري ليه؟؟ يمكن لاني من النوع الي لما ابكي احس نفسي اصفى وما في عوامل تأثر على أي قرار اتخذه بعد البكاء بعد ما حسيت خلاص كل مخازين الدموع انتهت فنشت بديت احط نفسي للأمر الواقع يعني زي ما قال بابا هو ما حيقعد ليه العمر كلها ومصير أي بنت بيت زوجها وان ترك لي أرث برضوا مافي رجال يسترني ويشيلني عشان كذا لازم افكر ... تقولو خيلاني انسوا اذا امي نفسها ما شفتها من يوم ما كان عمري 12 سنه تبوا أهلها يشولوني اعمامي اعرفهم مهم بوجه خير ولو شالوني مو لسواد عيني لورث بابا الي حيكون ملكي ووقتها ما أضمن المعامله الي حيتعامل بها معايه ... بعدين شوي شوي وضحت الصورة معايا بديت افهم سبب نظرات لمار بديت افهم بس بعد ايش ... شوفوا هو شكلاً ما ينعاب اكيد تلاقي بنات عمه يموتوا عليه زي الروايات < خخخخ ليه ملاك على غفله يا بنت شوي ثقة او عنده فنزات < اوب اوب خلاص انا غست يدي من عذبة بس المشكله او الشي الي شاغل بالي ليش انا يعني ليه ما يدور له عن وحدة ملاك زيه ايش يبغا فيه ؟؟ مدري ليه بس احس في شيء مو طبيعي معقوله الدنيا بتبتسم ليه ؟؟ وصار كذة كل ليله استخير الى ان جاء يوم الجمعه كان قبل الصلاه وببخر بابا قبل ما يروح يصلي ... عذبة : يله سلام بابا استودعتك الله أبو عذبة : استودعتك الله بعد الصلاه بنروح نسوي التحاليل ... لو وافقتي (وشدد عليها ) عذبة <ما قدرت ابتسم له من خجلي وتوتري > : يله سلام (قلتها سريع وجري لغرفتي من دون ما أقفل الباب وراه) مهند : ابتسمت عليها ومشيت بنية اتأخر في الرجعة عشان خلاص تحزم قرارها عذبة << صليت واستخرت آخر مرة مدري ليه حسيت نفسي لا أرادياً أتوجه للحمام اتشطفت غسلت وجهي ولبست جنز ابيض وبلوزتي الصفرة حقت ماما << قلتها بالبارت السابق >> ولبست العباة وأخذت النقاب ونزلت تحت بالصاله استنى بابا لما دخل بابا حسيت قلبي بدء يدق وانا اشوف وجهه الي بانت عليه ملامح الدهشة والسعادة بمزيج ابهجني اني قدرت اسعدة بس مع توتري ما عرفت اعبر عن ذا الشعور مهند << دخلت لقيتها جالسه ولابسه العباية معناه عذبة وافقت ؟؟ مهند : عذبة موافقة ؟؟ عذبة : .................................................. .. لا رد مهند : بنتي موافقة ؟ عذبة (وقفت) : يله بابا خلينا نروح تسوي التحاليل مهند : يله سرينا وخرجنا انا ما صدقت انو عذبة موافقه مو لازم اسمع موافقه مباشرة منها ... طالما انها لابسه ومستعدة عذبة << لما سألني بابا موافقه مدري ليه حسيت لساني انعقد وقلبي بدء يوجعني لكن ظغطت على نفسي وقلت له نروح نسوي التحاليل حسيت ما عندي قدرة أقول موافقه وشكله بابا فاهمني فما اصر يسمع موافقه بطريقة مباشرة << فيييييييييييوه الحمد لله خرجنا من البيت وركبنا السيارة طول الطريق كان الصمت سيد الموقف كنت بتأمل بالطرق هل معقوله كل نظرتي للعالم حتتغير لما اتزوج ايش حيصير بعدها معقول بابا يتزوج .... اوكي انا ما ابغاه بس ابغاه << انفصام بسرعه نادو عبد الوهاب الرفاعي ابغاه ليه انا بس ما ابغا احرمه من انو يعيش حياته المهم نزلنا المستشفى وانا كنت امشي بهدوء تام وورا بابا من دون ما اميل كذا شفتوا التابع نفس الوضع رحنا دخلنا كنت مرة متوترة وانا اسب والعن بلمار <<مو حقيقي دونت ووري >> يعني ليه ما ادتني الوضوع مباشر ليه قاعد تلف وتدور وانا أقول سبحان الله اخوها النكدي الي اعوز بالله منه فجأة يقلب دوبلوماسي ورومنسي وحبوب وصفات فارس الأحلام ومدري ايش والله ما يندرى عنك يا لمااااااروه .. بس مقتوله مقتوله وهذي كلمة رجال << لا تكوني رجال وانا ما ادري خخخخخخخخخخخخخخخ وسويت التحاليل ورجعت البيت واثناء أيام أنتظار التايج حقت التحليل ............ هاي وسوري اذا البارت قصير بس حوقف هنا عشان عندي واجبات كثيرة ... بس فضيت وقتي لتلبية لأحتجاجات الجمهور اللماري بس ترا 6 صفحات وورد والله متعوب عليه وسلاااااااااااااااااااااا ااااااااااام | ||||
|
| |
|
13-10-19, 07:58 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الـــــــــــــــــــــــ ـــــــــــــــــــــــــ ـــــــــــــــــــــــــ ـــ((14))ــــــــــــــــ ـــــــــــــــــــــــــ ـبارت السلام عليكم .... عطشان – ماجد المهندس عطشان يا برق السما بموت من طول الغياب بموت من كثر الظمأ وأنا على متن السحاب خطاك في عيوني صواب حبك بقلبي منتحي مكتوب ومقدر كتاب نقش بحجر ما ينمحي أصفق جناحي في هواك مشتاق لك ميت عليك القلب من حرقه غلاك وده بلا موعد يجيك ماجيت في الموعد وراك وش صار مدري وش حصل كان السبب ذولا وذاك أبعتبر عذرك وصل معذور من عقب التعب مسكون قلبي بالعذاب مالي على الدنيا عتب ولاعلى الغالي عتاب أصفق جناحي في هواك مشتاق لك ميت عليك القلب من حرقه غلاك وده بلا موعد يجيك هلا والله كيف الأحوال وجيت ببارت جديد ((الرابع عشر)) أتمنى يعجبكم بس يا جماعة الخير بحاول اطوله قدر المستطاع لأني احس نفسي ابحرت بالكتابه وكتبت كثير بعدين انصدم انو الناس يققولو قليل او قصير فأتمنى يكون ذا البارت قد توقعاتكم .... ممممم مافي فبالي طريقة ندخل بيها .... وخلاص جات فبالي وحدة رهيبة ... تفضلوا خذو راحتكم الرواية روايتكم هاتو العبايه اكيد حر عذبببببه روحي جيبي العصير ... لماااااار تعالي ساعديني نعلق العبايات ... ونبدأ : في الأيام الي تلت التحاليل والي كان مفروض فيها تطلع نتائج التحاليل اعتزلت كل شيء .... الأكل الناس كل حاجه حرفياً ... اعتمدت على الماء وعلى المنتديات .... حرفيا صرت مدمنه لروايات المنتديات من روايه لثانية لدرجة حسيت اني بطفح روايات صرت لما أقرأ البدايه اعرف الشخصيات الي حتتشبك كمان في العديد من الأساسيات في عالم الروايات الخاصه بالمنتديات ... لازم اذا بتصيري البطله : - يصير لك حادث ولما تتعبوا يعرفوا قيمتك ,,, وبالمناسبه مافي أي مانع تموتي ويعرفوا قيمتك , بعدين ترجعي تحيي ويفرحوا فيكي << بلاشي بكش مو لذي الدرجه << ما تعرفي شي اسمه تعبير مجازي << لا اعرف شي اسمه مزاجي << أقول قومي تلايطي لا أحذفك بالاب - لازم تكوني ملكة جمال العالم رغم اني اشك انك حتفوزي بذا الللقب قدام كل ابطال الروايات الذين خلقوا كبشر بالغلط فالمفروض يكونوا ملاك الشعر الأشقر او الأسود العيون الي نص وجهك من كبرها الخشم الواقف والسكسوسه الذباحه ولا الجسم النحيف ,,,, الي مستحيل يمر عليكي أحد بذا الوصف الا مرة في حياتك او مو لازم انك تشوفيه لأنك ببساطه حيتجسد بالحور العين بالجنه ( أن شاء الله ) - ولازم تكوني كذا غير عن الكل يعني يا فله ورجه ولا يا هادية وغامضه ما في حل وسط يا طخه يا أكسر مخه يعن بأختصار معايير صعبه ما حتنفعنا فخليها لهم ابرك ... صح افتكرت وفي قاعدة أساااااسية : أي واحد تكريه من النهايه حيصير زوجك وحتموتي على الأرض الي يمشي عليه وهو حيكون الشرير الي حيموت عليكي ويتحول للحنون العطوف المحب الولهان ... مود رغم كل ذا كنت استمتع بالقرائه يمكن لأني لقيت عالم بعيد عن الواقع تتحقق في كل الرومانسيات الي ما حنلاقيها بواقعنا << ترا وأقولها على بلاط انا انسانه مرة عاطفية واحب الأشياء الرومانسية < بس لا يروح فكركم بعيد انا ما اتتابع أشياء كذا يمكن أقرأ بس ذا حدودي > المهم فدايم ماما تقلي انه الروايات تلعب بعقلك وتعيشك بعوالم ولا واحد بالميه بتصير بالواقع (( شخصية عذبة منسوخة من شخصيتي وكل تصرفاتها قايمه على تفكيري واسلوبي بس اكيد بالخيال او الي أتمنى اسويه لأنه يمكن بالواقع اسوي غير كذا )) مممم << اوكي انا دحين ايش وصلني لهذا الكلام دقيقه اسأل عذبة ,,,,,,,,,,,,,, (بهمس) : عذبة عذبة عذبة : ها نعم ... ,,,,,,,,,,,,, : وين وصلنا ؟؟ عذبة : عن لما كنت استنى نتايج التحاليل حق الزواج ,,,,,,,,,,,,: شكرا خلاص دحين اكمل فأستمرت عزلتي الا اليوم الي ,,,,,,,,,,,,, كنت وقتها نايمه بالعصر صحيت كذا على المغرب رغم انوا مو من عوايدي انام العصر ... تأملت في سقف الغرفه كذه وتنحت يمكن نص ساعه بعدين حولت عيني على الجوال الي المفروض يكون فوق الكمودينو لكني فوجئت ب شي اقدر اوصفه بالقنينه << مثال أوضح شفتو سبونج بوب مو كانت وصفى سلطى برجر ب داخل قنينه ... زي ذيك بالظبط كانت ملفوفه بشريط اصفر وابيض وهذي الواني المفضله استغربت ؟؟ مما جاب لي الشك ,,, والسؤال الأهم ايش جابها هنا ؟؟ قررت أتعوذ من الشيطان واروح اصلي وارجع اشوف ايش السالفه ,, رجت الحمام – الله يكرمكم – وصليت بعدين رحت غيرت ملابسي بعد الترويشه الحلوه الي أخذتها بعد ما صليت ورحت جلست جمب السرير وبأنامل ترجف فتحت القنينه وبهدوء لقيت بداخلها ورقه ملفوفه وبطاقه صورة وباين مكتوب كلام بالقفا ,,, للحظه شكيت تكون هديه من سبونج بوب عشان افتح مطعم برجر واااااو وسرحت افكر في الموضوع بس ,,,,,, رجعت للواقع على ذبانه كانت في يدي نفظتها برعب وطلعت الورقة وفتحتها وسرحت فيها خمنوا ايش كانت ؟؟؟ << افكر أوقف البارت هنا واخلي ذا السؤال هو الي يشغل تفكيركم بس بكمل عشان لا تقوقوا قصير سرحت في الورقه وبدت عبراتي تنقط على الورقه ,,, دمعة دمعتين الى ان تحول الى بكاء من دون صوت كانت نتائج التحاليل وكانت ,,,,,,,,,,,, توافق بعد ما هديت اخذت البطاقة وقلبتها لوجها الا الاقي صورة بنت كانت لابسه جلابية ومتصورة في طبيعه خلابه البنت كانت ملامحها جاوية ناعمه هادية شعرها اشقر بس باين انه مصبوغ يوصل لركبها ما أقدر اقارنها بي لأن لكل وحده جمالها ,,,,,,,,,, يعني مثلا ما أقدر أقارن مثلا ملكة جمال كوريا بملكة جمال العرب لكل شخص نوع معين من الجمال ... استغربت واستنكرت الوضع يعني توقعت يحط صورة له مو لبنت وبعدين تعالوا ايش تقربلوا بالظبط لفيت الصورة للقفا وكان كذا مكتوب حرفيا : اسمعي باعذبة ما حطول السالفه وهي قصيرة ... انا انجبرت فيك وصورة البنت هي صورة حبيبتي ... أتمنى تتفهمي لأني ما اعتقد انوا فيك شي زود عن غيرك ... أتمنى الفركشه للموضوع من طرفك لأني لو فركشت الموضوع ما بيتضرر أحد كثرك ... من الوليد .... ذي المره من الصدمه ما نزلت دموعي لأني علقت فتره حسيت انه ادراكي للزمن فيها توقف علقت ما حسيت بشيء جاني جمود عاطفي مدري ايش صار لحظتها غير اني شفت كل شيء اسود وغبت عن الكون .... * * * * * فتحت عيني بثقل والاقي نفسي بالسرير وأشعة الشمس بتدخل من الشباك مثبة انه النهار دخل جيت بتحرك بس حسيت جسمي ثقيل جاهدت نفسي ورحت وقمت صليت العشاء والفجر لأنه الساعه كانت 7 الصبح نزلت المطبخ بعد كذا أكلت سندوشت جبنه وشربت عصير ,,,,, لأني حسيت ابغ اشيء اشد بيه بطني ... طلعت فوق بعد كذا ولقيت في الصورة ونتائج التحليل أخذتها ورجعتها زي ما كانت وحيطتها بدرج خصصته لأي شيء استلمه بوقت الخطبة على أساس اوريه بناتي بس شكلي ما حتهنى بعيشتي جلست على السرير وبديت ابكي ,,,,,,,,,,,,,,,, لمتى الشقى يارب لمتى وانا استقبل صفعات من الحياه ,,,,,,,,,, آه من الحياه هذي << سلامتك من الآه يا بعد عمري عذبة أستخرت وحسيت قلبي تطمن وأرتاح للقرار ألي اتخذته ............ وهو ؟؟ فكروا ها كيف طوله ؟؟ ويله سلااااااااااااااااموه | ||||
|
| |
|
13-10-19, 08:00 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته هلا والله ايش اخباركم اليوم وعدت لماااااااااااااااااااااار وه اني اكتب كل اللي بالدفتر بحيث أكون كل الي كتبته بالورق منقول للوورد ثم للمنتدى .................... فمتحمسه نووعا ما لأني بدأت كتابه امس فذا حصيلة كتابة يومين ...... وتفضلوا حياكم الله : الـــــــــــــــــــــــ ـــــــــــــــــــــــــ ـــــــــــــــــــــــــ ـــ((15))ــــــــــــــــ ـــــــــــــــــــــــــ ـبارت ارتحت لقراري .... وبلغت بارا بقراري وطلبت منه ينفذة بيوم الملكه ... كان مصدوم ورافض بس مع الزن وافق رفم انو عادة الولد الي يطلب الشي ذا مو البنت بس ما همني .. ذا القرار فيصل بحياتي وما يهمني احد ... وحددوا الملكه بعد اسبوع .... - بعد اسبوع - مر الأسبوع عادي خرحت مع بابا السوق واشتريت فستان اخضر ناعم عليه كرستالات خضرا كت من فوق ويجي ضيق من عند الصدر و الخصر ويبدأ يوسع من تخت مع نفشه حلوة وخفيفه « يعني محببه مو زي النفخات الي تكون اوفر ورتبت مع كوفيرا تسوي التسريحه والمكياح بالبيت ... كنت من الصبح متوترة مرة من امس اليل النوم جافاني وبطني تزتزق لدرجة صرت احس اني اربي عصافير في بطني من امس ما ليه نفس اكل ومتوترة وحالي حاله واحس نفسي مختبصه ... والي زاد اختباصي « العربي ينتحر القرار الي متأخذته احس حركه جريئه بس زي ما قلت فيصل .... المهم عدا الصبح الظهر بهدوء نقدر نوصفه بهدوء ما قبل العاصفه ... جاء العصر وبعد الصلاه جات الكوفيرة وبدت عليه وسوته بف يعني كذا ملفلف انا طلبت منها تسوي قبل مكياحي لشيء في نفسي .. بعد ما خلصت من شعري بدأت تسوي المكياج بعد ما صليت المغرب حطت مكياج كحلي حلو ناعم يعني يغلب عليه اللون الكحلي والفضي لانه مناسب للون الفستان الاخضر ... بعد كذا الشعر تفكفك وقدوا خلاص جا العشا يعني قريب منه فعشان كذا اظطرت ترفعه ذيل حصان وتسوي حركه من قدام زي النفخه وهي الي كنت ابغاها بس بابا رفض وقال تفردي شعرك ومدري ايه لانه احلى ومن ذا الكلام ... ( بس والله ما اتجمل لذاك البطه ) المهم لبست الفستان بعد صلاة العشا وبعده بدت تحط لي مناكير اخضر بنفس لون خضار الفستان « وارجع واعيد اللغه العربية بتنتحر $$ معلومه الفستان لونه اخضر بس مو اخضر زي لون العلم (السعودية ) لا كذا ناعم كأنه تفاحي $$ وعدا الليله على خير كانت مريحه مافي ناس كثيرة بس المقربين والي هم : لمار. والجيران. واهل العريس وكمان المقربين منهم وكل ما غفلت عني ام لمار لمحت للمار أنى بقتلها .... (طب نعرف بعيلة لمار ) ام الوليد / حنونة وطيوبه شوي متشددة وتحب عيالها خصوصا الوليد أبو الوليد / انسان متفهم يحب عياله ودود وحبوب له هيبته الي ما انبنا على الشدة ولا الشر بل على خيرة وتعاونه وتفهمه الوليد (32) / سبق التعريف به عبد الملك (29) / ملامحه غريبة شوي عن العيله شعره بني غامق طبيعة وتحت الشمس يبان بني فاتح طويل نحيف مملوح عندة سكسوكه بدون شنب عيونه حادة مرة بس حلوة < فغالبا حتى ووجهه طبيعي مح حدة عيونه تحسبيه معصب لمار (22) / معرف بها سابقا عبير (19) / حبوبه بس فيها شيء من الغرور ابيضانية جسمها شوي مليان شعرها قصير لأطراف اذنها صابغته بني وخصل منها اشقر ملامحة حادة وجميله جمال شرس وتعتبر ملامحها جميله اكثر من كونها ملفته ... فيصل (12) / هذا فصول الكيوت حنون وقلبه كبير عاطفي مرة بس ترا داهيه يعني من تحت لتحت ويسوي نفسه غبي وما يفهم ولا هو خبرته بخبرة عجوز له وجودة ومكانته في العيله وآخر العنقود &&كانت لمار لابسه فستان احمر ناعم كمه طويل ويوصل لنص الساق عليه نقش ورود بيضه && عدا الوقت وجا وقت المواجههههههه دحين وقت الشوفه الي انا طلبتها ... « تنتنتنتنتن انا طلبتها مو الوليد وهو عكس الطبيعه بس والله حطيتها من ضمن الشروط للقبول « بالجامعه ..... خخخخخخخخخخ المهم رحت ورا بابا ودخلت الغرفه وكنت مستحيه بس أكيد بتمثيل تعرفوا تجاربي بالحياه ادتني قوة اني اعرف امثل استحي وانا مني مستحيه من الأساس لحد يقول مغسول وجهي بمرق وما استحي من الاولاد بالعكس انا اولهم بس لما يكون في موضوع او احد غلط بحقي اقلب ... رئيسة المغسولات وجههن بمرق « خخخخخخخخخخ التعبير رهيب المهم وكنت جالسه مرخية راسي وسمعت بابا يقول : اهي البنت وجات انا استأذن خذوا راحتكم وها لا تطولوا ترا بنطب عليكم ( وانا ابتسم من جواي بسخرية ) خرج بابا وقفل الباب وانا اول ما اتأكدت انو راح رفعت راسي بنظرات حادة وثاقبة طليت في الوليد من فوق لتحت قيمته على السريع تقريبا نفس الصورة الي في راسي بس دحين شكله مرتب مرة واكثر وحلو ويا لبا بسسسسس اقول عذبة نكمل كلامنا لا ننحرف عن الخطه ... عذبة : مبروك علينا يا الوليد .. الوليد « وبانت نظرات الاستغراب الي تحولت لبرود بسرعه : -بتهكم- الله يبارك فيك مممممم ما عرفت ما جاتك الرساله ولا يمكن أرسلتها لأحد تاني (بضحك) << وبدا يحس بالورطة الحقيقية .......... عذبة : وهذي الرساله سبب ذي الجلسه الي جامعتنا شوف اسمع << بقي ذوق والمس وشم هههههههههه هو شرط واحد وافقت عليه قول مبروك ما وافقت انت الي فركش السالفه لأنه مالي بوجع الراس تاني مرة الوليد : ايش شرطك يا مدام عذبه ( بشي من السخريه ) << وبداخله يارب شرط سهل عذبة : حقوقك توصلك كامله مكمله الا شيء واحد ... زواجنا على ورق وكل له غرفته الخاصه وتبغا تتزوج حبيبتك الله يسهلك < قلتها ببرود عكس نيران الغيرة الي بتتولع جواتي > الوليد : ................................ سكت لا رد << كنت أفكر بعمق أوافق ولا لا الوليد << من يوم ما دخلت وهي مستحيه ما أدري هي عندها دم يعني قايل لها عندي حبيبه وبرضوا موافقه ولا طالبه شوفه كمان بس مشا عمي قلبت الحياا كأنا وحدة ثانية وتكلمت بحدة وثة صدمتني وقتها ما حسيت بنفسي سرحت فيها كانت آيه من الحمال تحسفت وندمت ياليت ياليت ما سويت الحركة ذي وكانت الأمور زي الفل .... المهم كنت مصدوم من كلامها بس بسرعة غيرت ملامحي للبرود عشان ما تقول مهبول ونفضت امنياتي من راسي ايش ذا الكلام انا ما عندي غير حبيبتي شهد << اسم الي بالصورة شهد لما حطت شرطها ان انقهرت وافقت عنادا فيها والله لا اطلع عيونها وكمان شفتها فرصة اذا اقدر ارقع السالفة خاصة انها كانت راضيه اتزوج عليها والله لا اخليها تموت في بعدين اتزوج عليها وي وي انا ايش اخربط يا الله وضعي زي الي كذب الكذبة وصدقها .... الوليد : انا موافق بس برضوا عادي اتزوج مو بعدين تغيري رأيك وتقولي لأ ومدري ايش عذبة : انا قد كلمتي < وطلعت ورقتين من جيبها كانت مطبوع بها ورقة المعاهدة على كل البنود ونتشت قلم من جيب الثوب الي قدام حق الوليد << تعتبر حركة جريئه ترا الوليد : هي دقيقة رجعي قلمي عذبة : ليه خير مكتوب عليه اسمك ؟! الوليد : مو قلنا كل لحاله وما نقرب من بعض عذبة : لا تخاف مني ميته عليك حالك حال الأخو وخذ وقع على النسختين انك موافق << طبعا كان وقع الكلمه كبير على الوليد بس سكت وقع الوليد على الورقة الي كانت عذبه موقعتها من اول بعدين اخذت جوال الوليد الي كان محطوط على الطاوله ومدته له : خذ فك الباس وورد الوليد : طيب << وفك لها الباسوورد عذبة << أخذت الجوال ودخلت رقمي وخزنته عنده وارسلت له الصوت الي سجلته بجوالي من يوم ما دخلت الغرفه الا ان قفلته بعد تسجيل موافقت الطرفين : اجل خلص كذا كل واحد مننا عنده دليل ورقي وصوتي .... اجل كذا تمام بس متى بتسوي العرس يا أخوي ؟ (وغمزت ) الوليد < سكت وما رديت وانا خلاص بنفجر الموضوع اخذ منحنى تاني غير المقصد من خطته لدرجة خلته يندم انه ربي رزقه ممخ يفكر ويسوي خطط : ......................................... (لا رد ) عذوبة : لا تقول تستحي اجل خلاص يناسبك بعد 3 شهور الوليد : لا يكون انا العروس وما أدري اجل على كذا خليها بعد شهرين كويس كذا عذبة : خلاص هو ذا تمام اجل اشوفك بعد شهرين ولا يجي ببالك تطب علينا تبا شي الجوال عندك ... ومشيت وهنا نخلص البارت والله من يوم ما جيت البيت ما فتحت ولا حاجه يا لهوي بروح اذاكر ........... وسلاااااااااااااااااااااا اااااااااااااااااااااااام | ||||
|
| |
|
25-10-19, 08:47 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| هاي السلام عليكم ورحمة الله وبركاته كيفكم اخباركم ورجعت بعد سحبه ... الـــــــــــــــــــــــ ـــــــــــــــــــــــــ ـــــــــــــــــــــــــ ـــ((16))ــــــــــــــــ ـــــــــــــــــــــــــ ـبارت الوليد << جلست وانا اغلي يارب صبرني على ما بلاني نروح الديرة بس وان شاء الله تتحسن الأمور .. فتحت الجوال لقيتها مسمية نفسها : الماء العذب استغفرت وقعدت اكبر عشان اهدي ولا افلت اعصابي جاني ابوها وكملنا نقاش المهر وحددناه وقلت له انه رتبنا الفرح بعد شهرين ... ومشيت الجلسة عادي عذبة راحت غرفتها وقعدت تبكي تحس بشعور كاتم صح ياما تمنت يكون عندها اخ « طبعا بعد وفاة ذياب >> بس هي ابد ما نظرت للوليد كاخ هي تنظر له كرجل لكن لازم تضغط على نفسها ولا ترخصها الي ما يبيني ما ابيه ... هو ذا نظامها الي حتتبعه من يوم ورايح ... بس فنامت بالفستان المكياج وكل شي زي هو والغرفة منكوبه نكبة عالمية .... الوليد « رجعت البيت بعد ما قعدت اوزع ابتسامات صفراء عشان لحد يقول مهوب فرحان ما صدقت اختليت بنفسي ... وجلست لحالي افكر بحل المشكله والمشكله الحقيقة اني لما اواجه اي مشكله الجأ للمار بس ذي الحاله غير هذا صحبتها وما اضمن ايش ردة فعلها اذا عرفت تصرفي .... وكان يتكلم بصوت عالي لدرجة ان لمار لما مرت من غرفته سمعته وابتسمت ابتسامه عرضها السماوات والارض وراحت تبشر ......... « حتعرفوها بالاحداث وعدت الايام عادي والعرس زي ما هو بعد شهرين والعلاقه بين عذبة والوليد راكده مافي اي حركة فيها واذا اطر الوليد يتواصل مع عذبة حده الواتسب .... المهم ايفري ثنق واز اوكي انتل ... زار الخوف قلب لمار لما جا واحد من اصحاب اخوها الوليد اسمه ياسر وطبعا عبير مهي مصدقه انه العيله بدأت تتفكفك ولما لمار عرفت الخبر اعتزلت العالم وقعدت مسنترة بغرفتها في وقت جمعة العيله من دون الام والاب عبد الملك : وليدووه الوليد : نعم خير صرنا وليدووه ؟؟ ايش تبغا ؟ عبد الملك : تحمست عبير : لأيش ؟ (وهي تقلب القنوات وجا على سبيستون ) عبد الملك : ابغا « قاطعه فيصل فيصل : عبير عبير خلي سبيستون الوليد : يا ليل ... ما تكبر انت فيصل : حرية شخصيه عبير : اوف اقول ايش رايكم نخلي فيصل يتفرج ونروح نجلس بالحوش ؟ عبد الملك : الله الدنيا اليوم مو طبيعية عبير تقترح اقتراح كويس الوليد : مني مصدق اكيد انتي عبير « وجلس يشد شعرها والله ما يفتح غريبه عبير : تفو عليكم الوليد و عبد الملك (بصراخ): عبييييير عبير : طيب حاضر شوري هي اسبقوني اروح اسوي الشاهي ... وطلعوا وقامت عبير سوت الشاهي وجابت البسكوت والخرابيط ذي جهزت الفرشه وكل شي لقت الوليد وعبد الملك جالسين على الدرج ... عبير : هي قومو ساعدوني اخذ الوليد وعبد الملك الفرشة منها وفرشوا على الارض ... حطت عبير الثلاجه والقرنبع كامل صبت لأخوانها الشاهي وجلسوا يتكلموا الوليد : ايوة لايش صرت متحمس ست عبد الملك ؟ عبد الملك : تحمست ابغا اتزوج عببر : يا الله ما اصدق اخيرا البيت بيفضى ... وليد : ليه قالولك احنا بنات بنخرج من البيت ؟ عبير : لا بس مو انت حتاخذ شقة برى ؟ وليد : تصدقي والله ما طرى ببالي ذا السؤال خلاص اليوم اسال عذبتي ... عبير : الله ما اقدر انا على عذبتي الوليد : اصلا انتي ايش يدريك في شي السواليف ... ما لاحظتوا انه لمار مافي « قول قسم دوبك تلاحظ عبد الملك : اي واللهى الله يعينها طب الوليد مدحه معناه مالها راي بس بتستعرض تلقيطا للوجه .... عبير : ااه « رفعت يدها وقال يارب : زوجني قريب كمان واخرج من البيت انا أبو الوليد (من ورا ) : ليه ما عاجبتك الجلسه معانا ست عبير عبير التفت لقت أمها وابوها عند الباب شكلهم خارجين من البيت رايحين مكان طلعا عبير ما غير ترخي راسها وتلملم وجهها الوليد : عشان تدعي تاني عبد الملك : ها ماما بابا وين ؟ ام الوليد : ايش دخلك الوليد : اووووه الأم توزع جبهات ها يا الغاليه تفصلي ما ابغا قضصف جبهه أبو الوبيد : تطردنا الوليد : محشوم ابوي أبو الوليد : اجل مع السلامه كلهم : مع السلامه وخرجت ام الوليد مع اب الوليد وجلسوا يتكلموا الا خرجتلهم لمار لمار (ببأبتسامه شيطانيه ) : شبيبه خمنوا ايش الوليد : اوه من وين الشمس طالعه قررتي أخيرا تفكي العزلة عبد الملك : لللللللللو للللي << قال يزغرط لمار : ههههههههههههههههههههه أقول ايش رايك تجي تزغرط في الفرح ايش ذا ولا الشغاله حقتنا هههه عبير : اوه يا الجبههه لمار : المهم اسمعوا تخيلوا كنت بنزل اكلم ماما وبابا بس سمعتهم يتكلموا وانه بابا فاجأ ماما وحاجزلهم فندق ليله وعشا (وغمزة) الوليد : اجل استعدوا من دحين لأستقبال اخونا الجديد عبير : لا اعوذ بالله فيصل ومني مستوعبه انه عمرة 12 لمار : أقول عن الغلط الا فصوول الوليد : عقبال ما يسمعوكي عيالك يا لماررر هنا لمار وججهههها قلب علبة الوان وجري على فوووووووووووووووق عبد الملك : اوف ما تجوز عن سواليفك يعني مثلا لو استنيت شوي نعرف ايش قرارها يا ربيه منك تنكه الوليد : يا الله كيف فاتني وكملوا جلستهم عادي ... اليوم التالي لمار بلغت أمها بالموافقه الي بدورها بلغت زوجها وبلغ اهل العريس والفرحه كانت ظاهره بين العائلتين وجات يوم شوفة لمار والملكه ..... تنتنتنتننننننن كانت لمار لابسه تنوره جنز لحدود الركبه وبلوزة بمبيه ناعمه لابقه معاه ومكسره شعرها ومخليته غجري ولابسه اخاس حلقات دائره مع مكياج ذهبي بصفه عامه وروج لحمي ناعم وطلع شكلها آيه من الجمال ... والعريس كان ابيضاني جميل بشكل يمثل الجمال العربي عيونه الكحيله طبيعي رموشه الطويله وسكسوكته الذباحه وشعره الأسود بسواد الليل .... كانوا الأثنين لابقين لبعض طبعا عذبة الآن ما راح توقف كصديقه لا بل كخطيبة اخوا ان صح التعبير فالأمور حتناقاس من منبر آخر عشان كذا أطرت تكون رزينه ومن ذا الكلام .... وصلى اللهم وسلم ان شاء الله حلو اعرف قصير بس والله مظغوطه مع الايلتس وقعدت امككيج اختي عشان تروح الجمعه | ||||
|
| |
|
29-10-19, 05:28 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته واهلا وسهلا ......... أخيرا جيت كتبت ... مرة متحمسه ... أتمنى يعجبكم الـــــــــــــــــــــــ ـــــــــــــــــــــــــ ـــــــــــــــــــــــــ ـــ((17))ــــــــــــــــ ـــــــــــــــــــــــــ ـبارت طبعا عذبة الآن ما راح توقف كصديقه لا بل كخطيبة اخوا ان صح التعبير فالأمور جتنقاس من منبر آخر عشان كذا أطرت تكون رزينه ومن ذا الكلام .... عذبة << كانت لابسه فستان وردي ناعم للساق ولفلت شعرها من تحت وظفرته من قدام وحطت طوق ورد لونه وردي ناعم من قدام مع فلات ابيض ناعم عشان تقدر تتحرك بأريحيه < كان شكلها نعومي ومرة كيوبت ملامحها الناعمة وطوق الورد الي أضاف لمسه رومنسية طبعا قابلت الوليد كذا مرة في طريقها بس كانت مجرد لحظات عابرة كانت تنظر له بحب داخلي هي نفسها مهي فاهمه نفسها بس الي واثقة منه انها ما حترخص من نفسها ولا يهمها شيء سوا انه ابوها يرتاح منها ومي مشكله لو تزوج الوليد بس اههم شيء تكون بذمته ... بس اللقاء الحاسم الي كان فيه اكشششششششششششششششششن كان في المطبخ << معلومة تبي احد يحبك بناء على عالم الروايات روحي المطبخ وسنتري فيه كل احلااامك بتتحقق > المهم ام الوليد طلبت مني اجيب الحلا (كان شي زي العلبة الصغيره فيها شيء زي التشيز كيك ) رحت المطبخ وانا جاية بلف عشان اخرج من المطبخ لقيت الوليد في وجهي واقف ومتكتف عند باب المطبخ انا اول ما شفته ارتبشت وكان صحن الحلا بيطيح فراح ثبته وشاله من يدي وحطة على طاولة المطبخ وبدأيقرب مني المشكله مني قادرة اتخطاه واخرج من المطبخ تورطت وكل ما يقدم انا ارجع لورا تورطت حرفيا ايش اسوي ؟؟ كنت مرة متوترة مهما قلت نكون زي الاخوان ومدري ايش الي اني مازلت استحي بلس انه محنا لحالنا يعني في احتمال احد من اهله يطب بالمطبخ عادي فاهمين قصدي عاد وقتها انا بموت قرب مني لمن خلاص لصقت في الجدار وراية وتسندت عليه وهو حصرني بيدينه << يا خي نفس الوضع خذلني التعبير أتمنى تفهموه وجا قرب مني خلاص احس قلبي طبول احس كل الي بجدة سمعوه وهو ينبض بجنون –لا تخافوا ما سوا الي ببالكم – حضني انا مرة توترت فجأه حسيت الجو صار حار والمكيفات تعطلت الوليد : هذا مو احنا اخوان ليه مستحية يا ............. (ما كمل اسمي ) لأنه امه فجأه دخلت وشهقت وقالت : الوليد عذبة ايش تسوو ؟ عاد انا هنا غصت في ملابسي وتخبيت ورا ام الوليد واشرت عليه وقلت : عمتي والله هو الي بدأ عمتي : الوليد اشبك خلاص هي شهر ما تقدر تصبر (بضحك) ولأول مرة اشوف وجه الوليد وهو قالب طماطم شكله استحى << خخخخخخخخخخخ يا هبله مين المفروض يستحي << اه السنع يبكي بالزاوية فكان شكله اضوحكة حركت حواجبي بطنازه وخرجت ادور على لمار شفتها كانت تمشي وشكلها خارجه من مجلس الرجال وخدودها حمر ... عطول مسكتها واخذتها وجلستها على وحدة من الكنبات الي على السيب المهم عذبة : لمار تكفي ايش فيه ليه وجهك غادي كانه طماطم ؟؟ لمار : منجد ؟؟ (بأبتسامه) عذبة : لا صديقتي العزيزة فقدت عقلها ايش صار ؟؟ (وغمزت لها ) لمار استحت ونزلت راسها : ................ عذبة : خلاص يا المستحية ما عرفتك فاتك ايش صار .............. << ما كملت كلامي لأني لما رفعت راس لمار لقيتها مليانه دموعها كانت تبكي ليش ؟؟؟ عذبة (شهقت) : لمار حبيبي ايش فيه آذاك ياسر ؟؟ حبيبتي لا تبكي خلاص اكلم الوليد ولا يهمك كل شيء يتفركش .... لمار : طب ليه انتي تكملي حياتك مع واحد ما يسعدك ؟ عذبة (تلعثمت) : ها يا لمار ايش ذي المعلومات من فين جبتيها ؟؟ شكله ذي اثار الجلسه مع ياسر طبعا الوليد جا مر وسمع كلام عذبة من ياسر فما عجبه من ياسر ذا الي تتكلم عنه شافتني لمار بس عذبة مديتني ظهرها لمار : لمار لا تكذبي عليه ليه تكمي حياتك مع واحد ما يريحك ؟ عذبة : حبيبتي منجد ذي المرة تأكدت انك شاربه حاجه او يمكن آثار ياسر في احد يعيد السؤال مرتين ؟ لمار : عذبة .......(بعصبية ) عذبة : يا ماما احد شكالك الحال مرتاحه مع الوليد و فديته حبيبي ايش فيه يعني ما تبغيني اخذة قاعدة على قلبك ؟ طبعا تحت نظرات الوليد المليئة بالسخرية << شكلي بأتزوج ممثلة بارعة لمار : عذبة حبيبتي انا ما أقصد كذا عذبة : اجل خلاص قفلي الموضوع لمار : (بعصبية بارزة ) عذبة قسم بآيات الله لو تكذبي عليه تاني مرة ما راح تشوفي الشمس تاني مرة ... تحسبيني مني فاهمه شيء ابد ما حسيت لا انتي ولا الوليد على بعضكم من يوم الشوفه وانتي وهو شكله بينكم حاجه كمان انتي مسجله رقمه عندك ((وليدوه البطة )) ؟؟!!! عذبة (بدا الوجوم والسكوت على وجهها ) وفجأة بعصبية : وانتي مين سمحلك تمسكي جوال وتشوفي هاه ؟؟ وتحولت العصبية الي ضعف خلاص انا تعبت وانا اشيل واسل ولا أقدر أقول شيء للمار هذا اخوها صعبة ... وبومب انفجرت القنبلة في مدينة عذبة خلاص الدموع تعبت وهي محبوسه خرجت بحماس زي لما تخرجي المسجون لمار حاولت تهديني ما فلحت لمن جلست جمبي واخذت راسي وسدحتني على فخذها ... لمار : عذبه حبيبتي هدي والوليد هنا صنم ابد ما كان متوقع عذبة تكون ضعيفة كذا مع اول مواجهه فجأة حس نفسه تافه كيف انه جرح بنت من الصميم ... حس بتأنيب الضمير حس بشعور الندم حاولت لمار مع عذبة بدون أي نتائج اخر شيء لمار : عذبة خلاص انا اروح اجيب موية من المطبخ عذبة :................................... (بكاء) لمار :يا الله ايش ذا ليتني كنت ساكته .................. وقامت راحت لمار وبقيت عذبة تبكي على الكنب وهذي ضامه نفسها وفجأة حست في شي انحط عليها ... الوليد << نزلت دموع لمار ونزل راسي معاها انا ايش هببت انا ايش سويت بكرة ربي يردها فأخواتي حسيت بالندم على حال عذبة بس لا مو انا الوليد الي اتنزل وافهمها واستسمح منها ... المهم رحت لها وحطيت جكتي الي كنت لابسه عليها بان انها فزت طالعت فيه وعيونها كان باين عليها التوتر حمروا خدودها لسبب والله مني عارف احلله بالظبط قربت منها وباين عليها التوتر بزيادة استغربت ما تحركت بس شكله حركة جسمها انشلت بست خدها وهمست بأذنها : لا تقولي للمار شيء وراح للمجلس عند ابوه وياسر ... عذبة << حسيت في شي انحط عليه فزيت رفعت راسي لقيته هو استغربت نظراته الي كانت غريبة والي ما قدرت افهمها قرب مني وخلاص انا مني عارفه اتصرف حسيت كل عضلات جسمي يبست مني قادرة اتحركت لمن حسيت أنفاسه تخالط انفاسي وفجأة طبع قبلة هادية على خذي وقال : لا تقولي للمار شيء مشي من هنا هديت من هنا وتحسفت من هنا ليه ما صديته ليه ما تصرفت دحين بالله موقفي فشله ... بس الحمد لله جا دعمني ولا كان انفضحت قدام لمار وبسسسسسسسسسسسسسسسس والله ادري نه قصير بس بكرة بنزل ان شاء الله وسلاااااااااااااااااااااا ااااااااااام | ||||
|
| |
|
02-11-19, 06:50 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته الـــــــــــــــــــــــ ـــــــــــــــــــــــــ ـــــــــــــــــــــــــ ـــ(( 18 ))ــــــــــــــــ ـــــــــــــــــــــــــ ـبارت والحمد لله اختبرت الايلتس ... لحظه ابغا اسمع احلا زغريطه < للللللللللللللللللللللللل للللللللللولييييييييييي يا رب مرة متحمسه ابغا اعرف النتيجة حتطلع بعد 13 يوم يعني في 15 نوفمبر دحين دوبو خلصت السبيكنغ رجعت بكتب وانزل وبروح مكة يا الله من زمان ما رحت هناك ... (( لو سمحتوا ممكن شوي تعبير يعني والله بتعب بس نفسي اشوف تحفيز فلو سمحتوا ابدوا حماسكم للرواية ... )) ونطب على بركة الله : جات لمار مع كاسة المويا وعيونها مفتوحة ... قدي جلست ورحت شطفت وجهي يعني تحسنت اوضاعي 180درجة بعد ما قواني الوليد لمار : ما شاء الله ثواني غبت تحسنت الأحوال ليكون تمثلوا علي انت وهو ؟ عذبة : اناو مين بالضبط لا يكون قريني جمبي وان امني داريـــــــــ ...... << ما كملت لاني حسيت شي يحضني من ورا فتحت عيني برعب والا اشوف في وجه جمبي كانت وجهه زفرت برعب : وليد فجعتني << بعدين لما استوعبت الوضع وجهي على طول قلب بندورة << افتكرت أنا بالندورة الحمرة مزروعة بين الخضرا تاكل مني ما تشبع وتصير خدودك حمرا وتصير خدودك حمرا << نرجع لمار : يا هو نحن هنا حرام عليكم وليد ياسر مشي ولا لسا ؟؟ وليد : ليه خير ايش تبيبه ؟ لمار : بروح له يعوضني بدل هذا المشاهد الرومانسية ... وليد (بعصبية مصطنعة ) : عيب استحي يا بنت والله السناعة تبكي بالزاوية لمار : لا والله وانتي الي بتسويه مو عيب وليد : حلالي وش لك دخلتك ؟؟ عذبة وراضيه صح ؟ عذبة ؟ رفعوا راسها ولقوه احمر قووووووووووووووطة لمار : ما اقدر على المستحي (( قامت عذبة وتخبت ورا الكنبة )) عذبة : لمار لمار تعالي ووليد << الصبر حقه نفذ ههههههههههههههههههههههههه هههههههههههه عذبة : لمتار تكفى استحي خليه يروح لمار : والله يا وليد الباب قلي انه واحشنك الوليد :طردة يعني لمار : < باتشر له على عذبه من دون ما تنتبه عذبة : الرحمة حلوة .... الوليد : أصلا ابغا امي ومشي ........................... سوري أي نو قصير بس وعد في الويكند الجاي بالأدق الخميس حنزل بارت طويل قووووووووووووووووومن وسلاااااااااااااااااام | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
