آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
21-10-19, 11:11 AM
| #11 | ||||||||
| مراقبة عامة ومشرفة منتدى الروايات المنقولة  
|  البارت التاسع عند سارة بعد ما شافت ان الكل طلع وكل واحد التهى بشغله طلعت لفوق لعند شقة ناصر ووسن دقت الجرس وطلع ناصر الي كان بالمطبخ وفتح الباب تفاجأ لما شاف سارة بالباب وابتسامتها دخلت وسكرت الباب وراها سارة: لهالدرجه كارهني وما تبي تشوفني ناصر الي ما كان عارف شو يرد ومتوتر ومستغرب من جرأتها سارة قربت منه وحضنته بشوق ساره: اشتقتلك واايد وانت الي ما سألت عني ولا حتى ر سلتلي انك وصلت بعدت عنه وطالعت بوجهه مسكت وجهه بكفوفها سارة: ليش ما ترد عليي انت ما فقدتني ناصر: سارة ليشج ايه هنا كان رسلتيلي بنزلك تحت سارة بقهر: خايف مرتك تشوفني عادي ما فيها شي ناصر: سارة اعقلي انتي عارفه انه كل شي تغير وانتي بتظلي اختي وصديقتي سارة: لا تقول اختي ناصر مسكها من ايدها : روحي الحين بشوفك بعدين طلعت وسن وهي تنادي ناصر ناصر لف عليها وسارة الي كانت جنبه وحاضنه ايد ناصر وسن استغربت من حركات سارة وسن: شخبارك سارة سارة: الحمدلله طيبه حمدالله عالسلامة وسن: الله يسلمك سارة : يالله استأذن اخليكم على راحتكم نشوفكم عالعشاء قربت من ناصر وهمست بأذنه: انتظرك واذا ما شفتك بتشوفني عندك طلعت وناصر الي تعب من تصرفات سارة الي بدت تفقده اعصابه وسن جلست عالكنب الموجود بالصاله ناصر جلس جنبها ناصر: من لما توفت أمها وابوها هاملها عمرها ما حست باهتمامه وحبه لها حتى لما تمرض ما كان يهتم فيها ولما تنجح او تحقق أي انجاز ما كانت تحس بوجوده معها انا كنت اقرب شخص لسارة اعتبرتها اختي عشان ما احسسها بالضياع لعدم وجود ابوها او النقص لعدم وجود أمها لكن سارة تعلقت فيني بشكل كبير وهالاهتمام انقلب عندها (سكت ناصر ما حب ينطق الكلمة) وسن: لحب ناصر رفع راسه وطالع بوسن : هذا هو عشان كذا انا حاب ابعد عشان لا تتعلق فيني اكثر لان جدتي لاحظت هالشي وجدتي اذا عصبت وحطت أي احد براسها ما يهمها أي شي تسويه ومره هددتها انها تبعدها عن البيت وعن ابوها عاد كيف مدري وسن: الله يستر والله جدتي تخوف .................................................. ...................... عالعشاء كان الكل مجتماع وكان ناصر ووسن موجودين ويوسف وزينب بعد كانوا الرجال بمكان والحريم بمكان لكن الفاصل مجرد جدار الصاله كبيره ومقسومه بطريقه ان الي بالجانبين ما يشوفوا بعض لكن الصوت ينسمع ويقدروا يشوفوا مهرة الي كان لها كرسي كبير بالوسط مهرة: اليوم مجتمعين عشان وسن وناصر معاريسنا الي رجعوا بالسلامه من شهر العسل القصير لكن يالله يتعوض ويوسف وزينب الي بعد رجعوا من سفرتهم طبعا مثل ما خبرتكم انه الجمعه ان شاءالله بنسوي حفل بسيط للمعاريس بنعزم فيه الحبايب والقراب ويالله الحين تفضلوا عالعشاء مرت ساعه والكل اجتمع بعد العشا البنات بالصاله والرجال بالمجلس طلعت سارة من غير محد يلاحظها للحديقة الي ورا وناصر طلع بعد ما رسلتله انها تنتظره وصل وشافها جالسه عالكرسي تنتظره ناصر: هلا سارة سارة وقفت وقربت منه : هلا كذا بهالجفا ولا خلص الحين بعد ما تزوجت صرت غريبه عنك ناصر مسك سارة من ايدها وجلسها عالكرسي وجلس جنبها ناصر: سمعي كل شي بقوله من غير ما تقاطعيني شوفي سارة انا من البدايه كنت واضح معك قلتلك بكون لك الأخ والصديق متى ما احتجتيني بكونه جنبك وسندك لكن انتي تفكيرك مدري وين وداك كل شوي تطلعيلي بسالفة انتي لازم تعرفي حدود علاقتنا لان جدتي او عمي لو عرفوا بتفكيرك هذا تعرفي شو ممكن يصير وبعدين كم مره قلتلك ان انا ولد عمك يعني كل هالاشياء ما يصير الي تسوينها يعني جلستك معي دون حجاب وتصرفاتك الثانيه واحضانك هالشي حرام يا ساره انا ما احللك وبعدين انا تزوجت خلص وصار عندي حياه وزوجه واكيد ما بترضى بهالتصرفات سارة الي بدت الدموع تنزل بغزارة من كلام ناصر الي جرحها وقهرها وقفت قدامه سارة: انت من سمحلك تحكم على مشاعري وتنهيها بهالطريقه انت اجبرتني احبك واتعلق فيك انت ملاحظ تصرفاتي من قبل وكنت ساكت ودوم اعاملك بهالطريقه وعمرك ما عارضت انت ابوي الي ما شفته وجوده كجسد فقط معي اما انت جسد وروح انت اخوي الي الله ما رزقني فيه انت حبيبي الي كل مشاعر الحب والاهتمام ما حسيتها الا معك جاي الحين وبكل سهوله تقولي خلص ناصر: سارة ما يصير هالشي وبعدين دموعك غاليه عليي والله اتضايق لما اشوفك بهالوضع سارة جلست ومسكته من ايده وحضنت ايده : انت لي انا انت لسارة وبس ووسن مالها أي حق فيك احنا ما عرفناها الا من كم يوم انت ما مداك تعرفها ولا حتى يكون فيه مشاعر بينكم انا المفروض أكون مكانها انا ناصر سحب ايده : سارة لا تخليني افقد اعصابي هالكلام ما يصير من البدايه وانتي مثلك مثل دانيه ومعزتك من معزتها عمري ما حسستك بأي مشاعر ثانيه كنت احبك واداريك واتابعك دوم لمعزتك الغاليه على قلبي والحين بروح أخاف يفقدوني مشى ناصر تارك وراه سارة المحطمة الي كل شي كانت تحسه اتجاه ناصر طار بمجرد زواجه من وسن حقدت على جدتها وعلى وسن وعلى ابوها الا ناصر ما قدرت تحمل فقلبها له الا كل حب دخلت لداخل وقبل ما تدخل للحريم عدلت شكلها ومسحت دموعها ودخلت رنا كانت جالسه جنب وسن رنا: متى باكر تخلصي محاضرات وسن: باكر فيه عندي محاضره وحده عالساعه 12 أكون خالصه رنا: طيب بمرك بنروح السوق شوي نشتريلك أغراض وسن: ليش فيه عندي الي يكفيني رنا ابتسمت لوسن: حبيبتي انتي الحين عروس بتحتاجي أشياء كثير غير باكر بنروح مع بعض وانا بختارلك طبعا بمساعدتك هذي أوامر مهرة بعد ما نقدر نقولها لا وسن: ان شاءالله سمية الي كانت جالسه جنب زينب سمية: لا تحاتي حبيبتي ولا تفكري وكلي امرك لربك وان شاءالله مثل ما قالت الدكتورة لا تفقدوا الامل زينب: انا خايفه انه يمل ويروح يتزوج غيري سمية: مستحيل يوسف يسويها انتي ما تدري كيف يحبك قطع عليهم صوت حمد الي جا بعد ما استأذن حمد: خذوا ولدكم حشرنا من صراخه سميه: اسم الله على ولدي حبيبي ما فيه اكيت منه ولا اهدا منه حمد: صحيح روحي شوفي كل الي بالمجلس اذونهم انخرمت من صراخه سميه: هذا جزاته بعد يسليكم ييبه بس عنك الشرهه عليه انه جاي عندكم عطاه امه وطلع رزان: يا عمري عطيني إياه اشتقله هالصغنون خلود: تعالي هنا خلينا نلعب فيه شوي دانيه: الحين بتسمعك عموه وتحشرك خلود: عاد من يفكنا .................................................. . مر الأسبوع بسرعه مع احداثه الحلوة والمره ويم الجمعه الي كان يوم حفل وسن وناصر بغرفة رزان خلصت وسن ميكبها وشعرها وصار وقت تلبس فستانها الأبيض الي كان بسيط وانيق وهادئ يشبه شخصيتها والي انتقته لانها تحب البساطه كل البنات جهزوا والمعازيم ابتدوا يوصلوا سميه بعد ما جهزت اتصلت على سيف عشان يجي يأخذ غسان معه دخل سيف وهو يدور عليها طلعت من الغرفه وشافته قدامها قرب منها وهمس بأذنها سيف: عادي نسحب عليهم سميه بحيا: سيف مو وقتك الحين والله تأخرت خذ غسان وروح وانا بروح للفله سيف: طيب بوسه عالخد ما يحقلي بعد سميه باسته على خده: وهذي بوستك رضيت سيف: لا ما رضيت انا بعلمك كيف تراضيني بعدين سميه : لاااه طيب انا مو راجعه اليوم بنام ببيت امي سيف: سويها وشوفي كيف بتحصليني فوق راسك سميه: مجنون وتسويها يالله بروح تأخرت هذي رزانوه تتصل .................................................. ... عند يوسف وزينب كان واقف قدامها ويطالع فيها باعجاب يوسف: استودعتك الله يا بعد هلي وطوايفي انتي زينب كانت ساكته وتطالع فيه يوسف: لا تطالعيني بهالنظرات والله اذا ما تعقلي تحلمي تروحين زينب ابتسمت وعطته الحلق عشان يلبسها: ممكن تلبسني يوسف: اكيد من عيوني لبسها الحلق وبعدها مسكها من كتوفها وهو يطالعها بكل حب وبنبرة حنونه يوسف: هالحزن الي بعيونك ما ابغا اشوفه ابد انسي كل شي يضايقك وعيشي هاللحظات الحلوة واعرفي ان كل لحظه تمعني فيك هي احلى لحظة بيومي وبساعاتي وبحياتي بعد زينب ارتمت بحضنه وهي تشد عليه : لا تخليني والله اني بدونك اضيع يوسف شد عليها بحضنه: انا الي اضيع بدونك بعدها عنه وصارت مقابلتنه: يالله الحين لا تتأخرين عليهم زينب: ان شاءالله .................................................. . رنا تجهزت وخلصت وكانت جالسه تلبس اكسسسواراتها لبست الحلق والعقد الناعم الي حاوط رقبتها خلصت وكانت بتطلع شافت خالد قدامها شهقت بخوف لانه ما كان موجود ما حست فيه لما دخل رنا تجاهلت وجوده بلعت ريقها وكملت شغلها كانت حاسه بتوتر من وجوده معها بنفس الغرفه مو قادرة تركز بالي تسويه وجوده يوترها ويرعبها حست فيه يقترب منها لفت عليه وبخوف واضح بصوتها رنا: انا بطلع الحين امي اتصلت فيني تستعجلني تأخرت كانت بتطلع لكنه مسكها من ايدها طالع بعيونها الي كانت الدموع تلمع فيها كانت شوي وبتطيح دموعها وحس برجفة جسمها الي كانت واضحه بشكل كبير خالد: ليش كل هالخوف مني ترا انا زوجك ماله داعي كل هالشي رنا بترجي : خالد الله يخليك بروح لامي خالد: طيب بخليك تروحي بس بشرط رنا : ما ابغا اسمع شي ولا بسوي شي اترك ايدي وخليني اروح خالد: اذا ما نفذتي شرطي ما فيه روحه رنا مسكت ايده الي ماسكها فيها بالايد الثانيه وغرزت اظافرها فيه خالد تألك لكنه ما بين لها خالد: تعاندين يعني رنا: خالد خلص انا تعبت يكفي والله خالد طالعها وفك ايدها : لبسي عباتك وتغطي زين ولا رجعتي تفاهمنا رنا بعد بخطوات سريعه عنه ولبسته عباتها وطرحتها وطلعت بسرعه من الشقه خالد جلس وطالع ايده وكيف ان اظافرها علمت على ايده ابتسم وهو يطالع ايده تنهد بصوت مسموع خالد: الى متى راح نظل نكابر يا رنا .................................................. ................... رزان كانت مخلصه اول وحدة نزلت لتحت تشوف الضيوف الي وصلوا مهرة: رزان روحي شوفي ميري يمكن محتاجه مساعدة رزان: يمه احنا خلصنا كل شي وجهزناه مهرة: طيب روحي شوفيها ما ابغى أي شي ناقص تأكدي من كل شي رزان: ان شاءالله راحت المطبخ وهي تكلم نفسها بصوت مسموع رزان: يعني ما فيه غير رزان ورزان انتي روحي وجيبي وحطي وسوي آآآخ من غي هالفستان الي مدري كيف اخترته عذبني ميري: بسم الله ماما رزان فيه شي انت يكلم مين رزان بعصبيه: يكلم نفسي ممنوع ولا ميري: لا لا ما فيه ممنوع فيصل الي كان بيدخل لما سمع صوتها وقف ورا الباب ينتظرها تطلع ضحك على كلامها وعصبيتها طل شوي من الفتحه الي بالباب لكنه ما قدر يشوف أي شي رزان: جهوتي كل شي ميري: خلص ماما كل شي جاهز رزان: زين ترا اذا صار شي او نقص شي ماما مهرة يذبح انا وانتي ميري مسكت رقبتها: بسم الله لا شو يزبح رزان طلعت من عندها وهي تضحك على شكل ميري وفيصل الي كان يضحك على سوالف رزان دخل المطبخ بعد ما تأكد انها طلعت واخذ الي يبيه من ميري .................................................. ................. عند سارة الي كان مالها خلق تحضر تجهزت ولبست وحطت ميكب خفيف دخلوا خلود ودانيه عندها دانيه: انتي للخين ما جهزتي خلود: المعازين كلهم وصلوا سارة: وانا شعلي منهم انا لو برايي وكيفي كان ما حضرت دانيه: سارونه شفيك ليش كل هالنكد سارة: بس كذا انا كذا نكديه خلود اشرت لدانيه بعيونها انهم يطلعوا دانيه: طيب براحتك احنا بننزل ومتى ما خلصتي انزلي .................... عند المعازيم كان الكل فرحان ومستانس بالحفله الي كانت مرتبه بشكل راقي نزلت وسن الي كانت ترجف وخايفه الكل كان يطالعها بانبهار واعجاب ام خالد: ماشاءالله عليها زين ما اختار ناصر مهرة: تسلمي الغاليه مهرة الي كانت فرحانه بكلام الناس عن وسن وعن جمالها واناقتها البنات كانوا مستانسين ويرقصوا وكل وحده تطلع الي بداخلها لان يعرفوا ان هالمناسبات نادره عندهم فك وحده قررت تسعد نفسها بطريقتها وسن الي كانت حاسه نفسها غريبه عن هالناس وهالعالم ما كانت مرتاحه كان الكل يطالعها ويتهامسوا ما تعرف شو السبب لكن بداخلها حاسه انه فيه شي غلط وان هالمكان مو مكانها بعد العشا المعازيم بدوا يطلعوا سارة الي حست نفسها مخنوقه طلعت لغرفتها وغيرت ملابسها وقفت عند الشباك تطالع الحديقه كان محمد وناصر جالسين يتكلموا ظلت تطالع فيهم وتتأمل ناصر محمد: الله يعينك ناصر: مدري يا محمد حس اني جرحتها من يومها ما عاد شفتها ولا رسلتلي مثل العاده انا خايفه عليها محمد: لا تحاتي ان شاءالله خير وهالخطوة كان لازم تصير من زمان وتعرف حدود علاقتكم ناصر: الله يستر بس من الجاي بعد الحفله وسن حست براحه لما الكل طلع وركض على الشقه دخلت وجلست بتعب على الكرسي رجعت راسها لورا وهي حاسه بتعب وألم فضيع بالرأس دخل ناصر وشافها جالسه ظل يتأملها لدقايق لاحظ ملامح وجهها الي كانت تدل على ان فيها شي قرب منها وجلس قريب منها مسك ايدها وسن حست من قربه لكنها ما قدرت تفتح عيونها ناصر: فيك شي وسن: راسي بينفجر صداع قوي ناصر: عندك دواء او أي شي تشربينه لما يجيلك هالصداع وسن: فيه دوا بشنطتي بعلبة زرقاء ناصر راح للغرفه يجيب الدواء حط حط الدوا والماي وقرب منها سندها عشان تقدر تشرب الدواء عطاها الدوا والماي شربت الدوا ورجعت راسها على الكرسي ناصر: ما يصير تنامي هنا بتتعبي خليني ادخلك غرفته وسن: طيب شالها بين ايديه ودخلها للغرفه وسدحها بالسرير غطاها بالبطانيه وسحب الكرسي وجلس مقابلها سند ذقنه بايديه وظل يتأملها وما حس بالوقت الي مر غفلت عيونه ونام .................................................. ..................... الفجر صحت ندى على ألم قوي ندى: راشد راشد اصحى الله يخليك بطني وظهري ألم قوي شكلي بولد راشد فز من النوم : بسم الله عليك حبيبتي خليني اغير ملابسي ونروح للمستشفى ندى كانت تتألم مو قادرة تتحمل كل ولادة لازم تكون صعبه وتحس بنفس قوة الألم راشد: خليني اساعدك تلبسين عباتك نزلوا لتحت وما حصلوا احد موجود طلعوا على طول للمستشفى بالمستشفى كان راشد رايح جاي متوتر وخايف على ندى مر 4 ساعات من لما وصلوا ومحد طلع يطمنه عليها رن موبايله وشاف سلطان المتصل سلطان: هلا راشد شفتك اتصالاتك كان تلفوني صامت خير فيك شي راشد: ندى بالمستشفى وشكلها بتولد وانا مو عارف كيف اتصرف سلطان: خلص لا تحاتي انا الحين بجي وانا ومنى راشد: الله يخليك لا تتأخر بعد مرور 6 ساعات ولدت ندى وكانت بنوته طلعوا ندى لغرفتها وكانت منى معاها منى: حمدالله على السلامة حبيبتي ومبروك عالمولودة بنوته مثل القمر ماشاءالله عليها ندى بابتسامة : الله يسلمك دخل راشد ورا الممرضه الي كانت جايبه البنت والفرحه مو سايعته راشد: مبروك حبيبتي ندى: الله يبارك فيك عطوني بشوفها الممرضه شالتها وعطتها ندى ندى: يا عمري صغيره وايد راشد: اهم شي صحتكم انتي وهي بخير هذا يكفي عاد صغيرة ولا كبيره مو مهم منى: شو بتسمونها راشد: أمها تسميها طبعا ندى كانت تطالعها وتتأمل فيها طالعتهم: بسميها قمر منى: الله يحفظها لكم ويخليها لكم هي واخوانها راشد وندى: آآآآآمين انفتح الباب بقوة والكل صد للباب دخلت خلود وخالد ودانيه وسارة ومهرة خلود: عطوني عطوني بسرعه سحبت البيبي من ايد أمها ندى: شوي شوي خلود مسكتها وصارت تبوسها ودانيه وسارة معاها سارة: يا حياتي هالنتفه دانية: جميله ماشاءالله خالد: عطوني شوي اشوفها عالاقل مهرة: حمدلله على سلامتك ندى ندى: الله يسلمك يمه مهرة: ليش ما خبرتني لما طلعتوا راشد: يمه كنا مستعجلين ساتها ما فكرت اكلم احد مهرة: خير ان شاءالله راشد: يا بنات عطوا البنت لجدتها تشوفها خلود: ان شاءالله تفاعلكم وتوقعاتكم | ||||||||
|  |
|
21-10-19, 11:12 AM
| #12 | ||||||||
| مراقبة عامة ومشرفة منتدى الروايات المنقولة
| البارت العاشر اول ما صحت من النوم كانت حاسة راسها ثقيل فتحت عيونها وشافت ناصر نايم عالكرسي والظاهر انه مو مرتاح بنومته استغربت وجوده تذكرت ليلة أمس والصداع الي صابها فجأة تعدلت بجلستها شافت ملابسها والفستان الي للحين عليها انتبهت على ناصر الي فتح عيونه كان يحرك رقيبته ويضغط عليها دليل على الألم من النومه الغلط الي كان نايمها وسن: صباح الخير ناصر طالعها وبابتسامه: صباح النور وسن: ليش نايم هنا ناصر: امس كنتي تعبانه ما حبيت اخليك بروحك خفت لا تتعبي وسن: اسفه تعبتك ناصر: ما فيه تعب يالله الحين قومي اخذيلك دش وغيري ملابسك وسن: ان شاءالله طلع ناصر من غرفتها واتجه لغرفته شاف تلفونه وكان فيه اتصالات من امه وابوه وعمه ومحمد استغرب وفباله خاف لا يكون صاير شي اتصل على محمد محمد: صح النوم معرسنا ناصر حك راسه وابتسم على كلمة معرسنا وبسخريه: ليه قومتني من العسل الي كنت غرقان فيه لازم يعني تزعجوا الواحد وما تخلونه يتهنى بأحلى لحظاته محمد: السموحه طال عمرك لكن بغينا نبغلك انه امي ولدت وجابت بنوته بغيناكم ويانا والله تشاركونا فرحتنا ناصر بفرحه: ماشاءالله مبروك ما جاكم محمد: الله يبارك فيك يالله اخليك الحين ناصر بعد ما كلم محمد دخل واخذله شور سريع وطلع علشان يخبر وسن ويروحوا للمستشفى طلع من الغرفه ولمحها بالمطبخ قرب من الباب وكانت مندمجه تسوي فطاير بيض وجبن كان شعرها مبلول ومفتوح منسدل على وجهها ولابسه بيجامه سودا حرير منقطه بنقاط ورديه واصله لتحت الركبه كان منظرها يفتن ناصر الي تسند على الباب وهو يتابع تحركاتها يستغل الأوقات الي ما تمون منتبه فيهه ويستمتع بمراقبة تفاصيلها بعد ما خلصت ابتسمت على مجهودها الي بذلته وهي تسوي الفطاير صحيح هو شي عادي لكن النسبه لها شي كبير لانها ما تعرف تطبخ كانت بتروح تنادي ناصر لفت ونقزت بخوف لما شافته قدامها ارتبكت ونزلت راسها وسن: ما انتبهت على وجودك ناصر: من شوي جيت كنت بخبرك ان ندى ولدت وجاتهم بنوته وسن بابتسامة: ماشاءالله ناصر: يالله الحين خلينا ناكل هالفطاير الي شكلها مشهي وبعدها نروح للمستشفى وسن: طيب .................................................. ....... رجع الكل للبيت بعد ما تطمنوا على ندى وبنتها مهرة: محمد بغيتك توصلني بيت او خالد محمد: ان شاءالله يمه متى بتروحين مهرة: بعد ساعه محمد: ان شاءالله انا بغرفتي موجود مهرة: بريح شوي وبعدها نروح شوي ودخل سليمان والي كان الشرار يتطاير من عينها مر من جنبها ولا حتى كلمها وسلم عليها مهرة الي استغربت من جرئته وشكله الي ما كان طبيعي وكيف يمر عليها من غير ما يسلم عليها شوي وسمعوا صوت صراخه بغرفه سارة طلعت خلود ودانية ومحمد من غرفهم ومهرة الي توجهت لغرفه سارة كان الكل خارج ويستمع الا مهرة الي دخلت كان سليمان ماسك سارة من شعرها ويصرخ فيها : هذي اخر تربيتي فيك تسودين ويهي سارة الي كانت تبكي بألم: يبه والله مو فاهمه شي انا شسويت مهرة بصوت عالي : سليمان نزل ايدك عن البنت وفهمنا شوص اير سليمان: خليني اربيها مهرة رفعت عصاها وضربت ايد سليمان الي ماسك فيها سارة: قلتلك نزل ايدك وفمهني شو صاير سليمان نزل ايده وطلع تلفونه : شوفي يمه هالصور مهرة الي فتحت عيونها على وسعها من صور سارة الي كانت بمواضع مختلفه وكانت بعضهم جالسه مع شباب مهرة: استغفرالله شهالصور ومن رسلهم لك سليمان هجم على سارة مرة ثانيه وصار يضربها وهي تصرخ ومهرة تحاول تبعده عنها خلود: شصاير ليش عمي يضربها دانيه: الله يستر محمد: لا هالوضع ما ينسكت عنه دخل محمد وركض على عمه حول يفك سارة من ايدينه وعمه الي كان ماسكها ويضربها ناصر ووسن الي كانوا بيطلعوا وسمعوا الصوت وطلعوا لعندهم ناصر االي دخل وشاف الوضع الي صاير ناصر مسك عمه ومحمد سحب سارة وطلعها من الغرفه وناصر الي حاول يهدي عمه عشان يفهم الموضوع محمد: خذوها من هنا خلود ودانيه شالوها ودخلوها لغرفه خلود ناصر: هدي يا عمي وفهمنا شو صاير محد رجع للغرفه وجلس معاهم رمى عليهم التلفون وهو ينافخ من العصبيه : شوفوا عشان محد يلومني حتى لو اذبحها ناصر ومحمد كانوا يطالعوا بالصور ناصر: اكيد فيه شي غلط سليمان: وين الغلط بالموضوع الغلط غلطتي انا انا الي كنت مخليها على راحتها عبالي بتقدر ثقتي فيها لكنها خانت هالثقه مهرة: انت روح غرفتك الحين ارتاح ولكل حادث حديث وانتوا الاثنين تعرفوا شغلكم ابغي اعرف هالرقم الي راسل الصور من صاحبه وتجيبوه لعندي وبعدها نعرف من المفروض الي يتحاسب طلع سليمان والعصبيه واصله حدها طلع من البيت وتوجه لشقته عند زوجته ناصر ومحمد جلسوا بالحديقه وكل واحد فيهم يطالع الثاني محمد: فيه شي فالموضوع البنت طول عمرها تحت عيونا واذا طلعت طلعت مع البنات متى صار هالشي وكيف مدري ناصر: كل شيب يوضح انا رسلت لطارق وان شاءالله كل المعلومات الليلة عندنا مهرة دخلت الغرفه عند البنات سارة الي كانت بحضن دانيه وتبكي ووسن الي كانت جالسه على صوب وتطالعهم حست انه وجودها بهاللحظات غلط لكنها مجبورة تجلس مهرة: سمعيني سوير اذا طلع الي بالصور صحيح لي معك شغل ثاني وراح تكوني جنيتي على نفسك سارة الي زاد بكاها بلحظه حست ان الكل ضدها طلعت مهرة وسارة الي كان بكاها يقطع القلب سارة: والله العظيم كذب والله هالصور مفبركه مو صحيحه انتوا مصدقيني صح خلود: مصدقينك والله مصدقينك دانيه: خلص حبيبتي ذبحتي روحك من البكا كل شي بيبان فالنهايه سارة: ابوي موم صدقني ابوي الي المفروض اول واحد يقول بنتي مستحيل تسوي هالشي هو الي صدق هالصور لكن ما الومه لانه عمره ما اهتم فيني كيف بيعرف عني أي شي خلود: خلص سارونه ان شاءالله الله بياخذلك حقك من الي سوا هالشي ................................................. ناصر اتصل على وسن وطلعوا توجهوا لمحل ورد واخذوا ورد لندى وبعدها توجهوا للمستشفى زاروهم وسلموا عليهم وبعدها طلعوا ومهرة الي كان المفروض تزور ام خالد كنسلت الروحه بسبب الي صار والموضوع الي شغل بالها عند سليمان كان نايم بحضن هدى الي كانت تمسح على راسه هدى: شو الي صارلك كنت هادي وما فيك شي رجعت من عندهم معصب ومصدع ومضايق سليمان: ما فيه شي وبعدين انا جاي ارتاح بتقضيها أسئلة يعني اذا بتزعجيني بروح اشوفلي أي مكان ثاني هدى: لا خلص خلص بسكت سليمان: خلص طلعي بنام برتاح شوي هدى: ان شاءالله ...................... مهرة اتصلت على سلطان وخبرته كل شي سلطان: وهو وينه الحين مهرة: مدري من لما طلع وماله حس وتلفونه عند ناصر ومحمد سلطان: اكيد الحين مضايق اول ما يهدا بيرجع بروحه مهرة: انا ما راح ارتاح الا لما اعرف من صاحب هالصور ومن وين جابهم سلطان: ناصر ومحمد بيحلوا الموضوع مهرة: ان شاءالله سكرت الخط والعصا بايدها تضرب فيه عالارض من القهر والتوتر مهرة: من هالشخص الي يتجرأ ويلعب معنا هاللعبه الوصخه والله اني ما برحمه ....................... رزان ورنا دخلوا عالبيت وكان الهدوء يعم البيت رزان: غريبه وين البنات راجعين قبلنا رنا: يمكن فوق خلينا نشوفهم طلعوا للغرفه وسمعوا صوت بغرفه خلود فتحوا الباب ودخلوا تفاجأوا بشكل سارة والبنات حوالينها رزان: بسم الله شفيكم رنا: شفيها سارة دانيه حكت كل الي صار للبنات رزان: الله ياخذك وين ما كنت عبالهم اعراض الناس لعبه رنا: لا تبكي حبيبتي ان شاءالله الحق بيظهر وانتي مستحيل تسوي هالشي سارة: عمتي والله ما سويت هالشي ولا اعرف من هالاشخاص الي بالصور رنا: ادري حبيبتي نحن واثقين فيك سارة: الي كاسرني ان الكل مصدقني وواثق اني مو انا الي بالصور الا ابوي الي المفروض يوقف جنبي ويصدقني لا ضربني وما صدق اني مظلومه رزان بحزن على حالتها: لا تلوميه حبيبتي من الصدمه سواه الشي ولا هو عارف انك مستحيل تسوي هالشي سارة: أي صدمه الي تخليه يسوي فيني كذا كملت بكا والبنات مو عارفين كيف يهدوا الوضع .................................................. .. مر يوم كامل وصار الليل مهرة وسلطان كانوا بالمكتب وراشد عند زوجته بالمستشفى والبنات مع سارة بغرفتها مهرة : اخوك ما رجع سلطان : يمكن متضايق من الي صار وانتي اكثر وحده تعرفين اذا تضايق يهرب من البيت ومن الناس مهرة: ووين محمد وناصر سلطان: كلموني قبل شوي وقالوا انهم جايين بالطريق ومعاهم اخبار زينه شوي ودخلوا ناصر ومحمد مهرة: بشروا محمد: مثل ما توقعنا هالصور مفبركه وفوتوشوب احنا قدرنا نوصل للرجال الي سواهم وعلى حسب ما قال انه فيه بنت عطته صور سارة وصور الشباب عشان يحطهم بهالطريقه وطبعا هالشخص محترف يقدر يحول الصور باحتراف وما يقدر أي شخص يفرق ويعرف انهم مفبركين وهذي معلومات البنت كامله مهرة مسكت الورقه وفتحتها قرت المكتوب بالورقه والصدمه بانت على ملامحها فتحت عيونها على وسعها مو مصدقه الا سم المكتوب عالورقة تحس انها تتخيل سلطان فيك شي مهرة : سلطان قوم ودني لهالعنوان بسرعه سلطان: يمه فهميني بالاول مهرة: ماله داعي تفهم أي شي الظاهر اني لما ما رضيت ارد عليه قال ما فيه غير هالطريقه يجبرني اني اشوفه فيها سلطان: من هو مهرة بعصبيه واضحه : من غير ما تسأل ودني يالله سلطان: ان شاءالله .................................................. ............. خلصت تنظيف ورتبت الشقه بعدها دخلت غرفتها خذت دش عالسريع وطلعت عشان فيه فيلم بتتابعه جهزت بوب كورن وشيبس وعصير وجلست وتغطت بالبطانيه الخفيفه الي جهزتها بدأ الفيلم وهي مستمعه بالاحداث الي فيه كان فلم اكشن كانت متحمسه ومندمجة بالاحداث الي مريحها ان خالد مو موجود يعني ماخذه راحتها عالاخر ....................... وصلوا عالعنوان المكتوب اخذت نفس ومشت بعكازها ضربت الجرس وانفتحت بوابة الفله دخلت ووقفت بوسط الصاله فهد وغاليه وفاطمة وياسر وقفوا من شافوا الحرمة الكبيره الواقفه قدامهم فهد بابتسامة : مهرة اختي مهرة حي الله ( قرب منها وكان بيحضنها لكنها مدت عصاها ومنعته انه يقرب) فهد: ليش يا اختي بعد كل هالسنين نلتقي وما تبيني احضنك والله كنتت ادور عليك وكم مرة اتصل فيك و لا كنتي تردي مهرة: لا تقول اختي انا ما اتشرف انه يكون عندي اخو مثلك وبعدين انا جيت اليوم لشي محدد وبس ولو مو هالشي كان رجلي هذي ما وطت هالمكان انت ما قدرت عليي قلت بتقدر على بناتي انت كيف تتجرأ وتسمح لبنتك تسوي الي سوته مع بنتي فهد مو مستوعب كلامها: بنتي مهرة: لا تستغبا وبعدين انتي تعالي هنا فاطمه الي كانت واقفه ورا أمها وخايفه ولا تقدمت خطوه غاليه: من هالمرة يا فهد وشوه الكلام الي تقوله مهرة: اكيد ما راح تعرفي من انا لانه مستحيل يخبرك طبعا الي يسوي سواته هو واخوانه مستحيل يكون انسان هو عارف انه لو عرفتي ش وسوا مستحيل تقدري تعيشي معه مو هذا موضوعنا الحين (طالعت بفهد) خل بنتك تجي قدامي الحين فهد : فاطمه تعالي لا تخافي فاطمه قربت من ابوها ووقفت جنبه مهرة: بنتك هذي ماخذه من صفاتك كثير غداره وتطعن بالظهر وما يهمها احد انتي كيف تتجرأي وتسوي الي سويتيه بسارة فاطمه الي وسعت عيونها على وسعها : سارة مهرة: ايه سارة الي فبركتي صور ورسلتيها لابوها انتي ما تخافي من ربك تطعني فشرف بنت بريئة لكن من وين بتعرفي الظلم وانتي ابوك اكبر ظالم ومن وين بتتربي اذا هذا الي مربيك سامي: الزموا حدودكم عاد من لما وصلتي وانتي طايحه تسمعينا بهالكلام الي مثل السم سكتنا وقلنا مرة كبيره لكن زودتيها بكلامك هذا مهرة: ماشاءالله انت محامي الدفاع يعني الحين سامي: انا اقدر اشتكي عليكم وأقول انكم متهجمين علينا وبوسط بيتنا سلطان الي احترم طلب امه انه يسكت وما يتدخل مهما صار مهرة: سوها وشوف الي بيصير من الي بيدخل السجن تعرف ان اختك اتفقت مع واحد الله يعلم من هو وزيفت صور لبنت ولدي ورسلتها لابوها وهذي جريمه اقدر اسجنها هي والي ساعدها فهد وسامي طالعوا بفاطمه فهد: هالكلام صحيح فاطمه: يبه اسمعني بالاول فهد: شو الي اسمعني الكلام الي انقال الحين صحيح فاطمة: يبه هي من لما كنا بالمدرسه وهي دوم تطيحني بمشاكل ودوم تهيني بكرامتي قدام البنات والمدرسات وعمره محد وقفها عند حدها وحتى لما دخلنا الجامعه دوم مسبتتلي احراجات مهرة: يعني دامها سوت هالشي تروحي وتطعني بشرفها انتي وحده مو عاقله فهد: حقك علينا يا اختي خلص الموضوع عندي مهرة: انا مو محتاجتنك عشان تخلص مواضيعي انا اشتكيت عليها وخلصت فهد: اشتكيتي ليش والله مو مستاهله احنا اهل ونحلها بينا مهرة: اهل أي اهل انا ما اعرفك ولا تعرفني انت انسان غريب وهذي شوهت سمعت بنت بريئه ولازم تتعاقب على الي سوته ومره ثانيه يا شاطره لما تحبي تلعبي اعرفي انتي تلعبي مع مين فاطمه الي كانت خايفه وترجف ركضت عند أمها وارتمت بحضنها ومهرة الي عطتهم ظهرها وكانت بتمشي قرب منها فهد ومسكها من ايدها فهد: الله يخليك يا مهرة سمعيني بس ولو لمرة وحده مهرة: شو تباني اسمع انت سويت الي عليك انت واخوانك من سنين كفيت ووفيت خرجت مهرة وخرج سلطان وراها سلطان: يمه من هذا الظاهر انك تعرفينه زين مهرة: بعدين اقولك سلطان: وبعدين ليش ما خليتني اتدخل هذيل ناس يبالهم تربيه يلعبوا باعراض الناس وما همهم شي مهرة: هالشخص وهالناس الي تقولهم عنهم بالذات انا بروحي بتصرف معهم ............................................ سامي: يبه من هالمره وبعدين كيف تسمحلها تتهجم علينا بهالشكل فهد: انت بدل ما تقول هالكلام روح شوف المصيبه الي طيحتنا فيها اختك انت مو محامي شوفلنا مخرج قرب من فاطمه ومسكها من ايدها: انا من متى ربيتك عالهشي الا اعراض الناس يا فاطمه فاطمة ببكا: والله هي الي ابتدت غاليه: خلص يا فهد بعدين قالتلك ان هالبنت كانت تهينها دوم سامي: بس هالشي ما يسمحلها تسوي الي سوته انتي تعرفي عقوبة الي سويتيه يالله عاد الحين دوريلنا مخرج على عملتك ......................................... رجعت مهرة وحاسه حيلها مهدود شوفة فهد رجعتها لسنين ورا وكيف انهم تركوها وهي ف عز حاجتها لهم دخلتها غرفتها من غير ما تكلم ولا احد ناصر كان واقف على الشباك شافهم لما وصلوا ولما دخلت دخل وراها مهرة: ما ابغا اكلم احد بنام ناصر: حتى انا مهرة لفت وطالعت بناصر الي شوفته دوم تشرحلها صدرها مهرة: تعال يمه اجلس ناصر جلس عند رجولها وصار يمسح عليهم مهرة مسحت على راسه بايدها: الله يخليك لنا ناصر: يمه وين كنتي ومن هالناس الي رحتيلهم مهرة: يا يمه ليش تعور راسك اهم شي حليت الموضوع المهم انت ما قلتلي كيفك مع وسن ناصر: الحمدلله امورنا زينه البنت طيبه وتنحب مهرة: الحمدلله كنت دوم افكر واحاتي اني ممكن أكون ظلمتك بهالزواج ناصر طالعها باستغراب: غريبه يمه يعني اول مرة تفكري بهالشي انتي طول عمرك تزوجي الاثنين الي ببالك بدون لا تفكري اذا هم يبون بعض مهرة ابتسمت على كلام ناصر تنهدت بصوت مسموع: كل واحد فيكم يشوف اني ظلمته بحياته واني اجبرته على شي هو ما يبيه ولا عمري أي احد شاف الموضوع من زاويه ثانيه غير الظلم والكره ناصر : لا يمه حشى مو سالفة ظلم وكره لكن أي اثنين ما يحبون بعض لا يمكن يعيشوا حياة سعيدة مع بعض ولا يتفاهمون مهرة: بعدين راح تعرفوا اني بهالزواجات ما ظلمتكم بالعكس حافظت عليكم كعيله مهرة: وسن بالذات انا زوجتها لك انت ما فكرت ليش ناصر: مدري يمكن لاني اكبر واحد بالعيال ولا عشان موضوع سارة مهرة: لا كان ممكن ازوجها محمد عادي لكن وسن محد بيصونها ويحبها ويحافظ عليها غيرك وسن جايه من بيئة غير عن بيئتنا وتربيه غير عن تربيتنا ممكن يكون عمك زرع فيها بعض الصفات لكن تظل انه تربت بعيد عن هالبيت وعن هالبلد وعادات غير عن عاداتنا لكن انت بوجودك معها راح تغيرها وتصونها انت الي اوثق فيه من بين الكل انت الي عمرك ما تكر لي كلمه وبعدين انت عبالك اني مو ملاحظه انه محمد يميل لسارة ويبيها لكن انا مخلتنه على راحته لان ادري محمد بشخصيته راح يقدر ولو شوي انه يغير فيها ناصر: بتزعلين اذا قلتلك ان فيها أشياء لازم تتغير وما يصير تتحكمي فيها بهالبيت مهرة: انا راح اشيل هالتحكم الي مو عاجبكم ومسمينه ظلم لما أأمن عليكم واتأكد ان كل واحد فيكم مستقر بحياته .................................................. ............................. دخل خالد للشقه وكان مرهق وتعبان بعد يوم طويل من الشغل شافها نايمه عالكنب والتلفزيون شغال على قناة الأفلام طفى التلفزيون وجلس عالكنب جنبها ومن وجهها كان واضح انها مو مرتاحة بنومتها هزها بخفيف خالد: رنا رنا: هممم خالد: رنا قومي نامي داخل بغرفتك رنا لا رد خالد وقف وشالها بين ايديه ودخلها لغرفتها وسدحها بسريرها وغطاها وطلع لغرفته جلس بغرفته وهو حاس نفسه مرهق جسديا وعقليا كل شي ضده ما قدر يعترف لرنا بحبه لها لانه الطريقه الي تزوجوا فيها كانت غلط ما حب يفرض حبه لها وهي الي كانت تكرهه ما حب انه كرامته تنهان ويذل نفسه لها وهي الي ما كانت تحب قربه ولا طاريه ما تعرف ان هي حب الطفولة وانه من صغره وهو يراقب كل تحركاتها وتصرفاتها حفظ كل شي عنها شو تحب وشو تكره حتى الألوان والاكل الي تحبهم كل شي خاص فيها كان حافظه زواجهم الاجباري على قد ما كرهه على قد ما ارتاح انها ما راح تروح لغيره طول هذي السنوات وهو صابر على امل انها تتغير وتسمحله يقرب منها ومن مساحتها الخاصه لكنه اكتشف انه كل يوم يزيد بعدها عنه قرر انه يقرب منها ولو بالطريقه الاجباريه لانه فنظره انه الي راح من عمرهم فالكره والبعد يكفي العمر يمضي وهو يحبها وحاب انه هالحب يكتمل برضاها وحبها وطفل يجمعهم تفاعلكم الحلو | ||||||||
|
| |
|
21-10-19, 11:13 AM
| #13 | ||||||||
| مراقبة عامة ومشرفة منتدى الروايات المنقولة
| البارت 11 رجع ناصر للشقة ووسن الي كانت تنتظره اول ما وصل كان بيدخل غرفته لكنه سمع صوتها الهادي وهي تناديه ناصر: هلا وسن تفضلي وسن: كنت بتكلم معك فموضوع خاص شوي ناصر : تعالي جلسوا وكان ملاحظ التوتر بوسن ووجها احمر ناصر: فيك شي صار شي وسن بتردد: جدتي اليوم كلمتني فموضوع ناصر: موضوع شو وسن طالعته وبعدها نزلت راسها: سألتني اذا كنت حامل ولما قلتلها لا قالت بتاخذني لدكتور عشان تسويلي فحوصات ناصر غمض عيونه وهو كان عارف ان جدته بتسأل وتسوي هالشي ناصر: خلص انا بكلمها وسن: طيب (وقفت) انا بنام تصبح على خير ناصر: وانتي من اهله دخل ناصر للغرفه رن موبايله وشاف رقم سارة كان متردد ما يبي يرد عليها لكنه رد خاف انه صاير معها شي ناصر: هلا سارة سارة ببكا : ناصر محتاجتك محتاج وجودك معي شفت كيف ابوي ضربني شفت كيف انه صدق فيني معقولة انا اسوي هالشي ناصر: اهدي ما يحتاج هالشي كله وبعدين احنا خلص حلينا الموضوع والموضوع تسكر سارة: طيب بشوفك تعال الحديقة والله ما بطول بس شوي ناصر: الوقت تأخر يا سارة ما يصير باكر ان شاء الله اشوفك ناصر ما سمع ردها كان يسمع بكاها كان يدري انها مضايقه وإنها محتاجة تتكلم لكنه ما حاب يخوض فالغلط أكثر لازم تعرف انه هالشي غلط ناصر: سارة تسمعيني سارة قفلت الخط ورمت التلفون بكل قوتها وصارت تضرب على البطانية وهي تبكي بقهر وتصارخ سارة: ما عدت تبيني يا ناصر خلص حصلت الي تعوضك مكاني اكرهكم كلكم رزان كانت ماره من عند غرفتها وسمعت صراخها دخلت عندها رزان: بسم الله عليك شفيك قربت منها وحضنتها وكانت تبكي بقهر رزان: خلص حبيبتي الموضوع انتهى وامي حلت الموضوع لا تتعبي نفسك سارة: ليش الكل يكرهني عشان اني ما عندي ام ولا عشان انه ابوي راميني ولا داري عني رزان الي وجعها قلبها على سارة مسكت وجهها بكفوفها رزان: سارة حبيبتي محد يكرهك كل الي بهالبيت يحبونك وعمرهم ما عاملوك معاملة غير عن أي احد فينا لا تخلي هالافكار تلعب براسك انتي بنت هالبيت وراح تظله كذا طول عمرك الكل يحبك ويداريك سارة: فيه ناس كثير تغيروا عليي رزان بعدت شوي عنها : سارة خلينا نتكلم بصراحه ادري انك تتكلمي عن ناصر لكن من البدايه انتي عارفه انه ناصر يعاملك مثل اخته يعني مثلك مثل دانيه وعمره ما تمادى عن كذا انتي الي عقلك صورلك أشياء ثانيه ناصر الحين متزوج وعنده حياته انتي حاولي تعيشي حياتك وتتأقلمي عهالوضع ونحن كلنا معك سارة الي حاسه ان محد فاهمها الكل يبيها تنسى ناصر وتبعد عنه الكل همه راحة ناصر ووسن ولا احد فكر براحتها وبقلبها وجدتها لما فكرت تزوجه زوجته ابعد بنت عن العايله ولا فكرت فيها مع انها كانت ملاحظه وشايفه اهتمام ناصر الكبير فيها وقربه منها رزان: الحين نامي ولا تفكري بأي شي وان شاءالله باكر بيكون احلى واحلى وابوك بيجي وبيعتذر منك انا سمعت امي تكلمه قبل شوي سارة بسخرية : شو فايدة الاعتذار الحين رزان: عشان يعرف انه فالمرات الجايه قبل لا يمد ايده يتأكد من الشي والاهم انه يثق فيك ولا يتأثر بكلام الناس .................................................. ............. اول الصباح الشرطة خذت فاطمة بسبب قضية سارة غالية ببكا: كيف تسمحلهم ياخذونها حرام البنت بيضيع مستقبلها فهد: خلص كل شي بينحل ان شاءالله وبعدين مثل ما سمعتي سامي هذي إجراءات روتينيه وبعدين بنتك غلطاني ورطت نفسها وورطتنا معاها غالية: بدل لا تلوم بنتك روح لاختك خلها تتنازل هي السبب مدري هالاخت من وين اطلعتلنا فهد: قلتلك خلص هدي وبعدين هذاك سامي معاها ومستحيل يخليها غالية: والله لو صار ببنتي شي ما اخليها هذي الي تتسمى اختك فهد بعصبيه وفرطت اعصابه من الاحداث الي فجأة حاوطته طلع من البيت وتوجه للشركة يبعد عن البيت وعن بكا غاليه والكلام الي ماله داعي .................................................. ............. فمركز الشرطه الشرطي: انت محامي وعارف عقوبة الشي الي سوتك اختك وما فيه أي شي بيطلعها من الي هي فيه الا التنازل من جهة البنت او أهلها سامي: طيب انا بقنعهم بالتنازل لكن ممكن اخرج اختي الشرطي: للاسف اختك بتظل عندنا للتحقيق لهاليومين بعد ما خلص سامي كلامه مع الشرطي خرج ركب السيارة ويحس نفسه ضايع مو عارف كيف يتصرف مشكله ان الرجال اعترف انه اخته هي الي اقفت معه وعطته مبلغ عشان يسوي هالشي يعني القضية لابستنها لابستنها فكر وعصر مخه بالنهايه ما كان عنده غير هالحل شغل سيارته وطلع .................................................. ............... بالشركة كان الكل باجتماع سلطان: انا اقترح ان هدى ترافقنا بالمهمة بما ان سليمان راح يظل يخلص الاعمال الي تبقت ويوافينا باخر المستجدات انا وناصر ومحمد بنروح وسليمان وخالد وسيف ويوسف بتكونوا هنا وطبعا بما ان فيصل للحين جديد وما تعود للشغل نخليه هالفترة بس لكن لا تبرد همتك الشغل جايك سليمان ما عجبه الكلام الي انقال كيف يعني زوجته تروح معاهم وهو هنا بعد النقاشات الطويله والاجتماع الي استمر لاربع ساعات الكل طلع من الاجتماع بعد ما استلم شغله سليمان: آنسه هدى لو سمحتي تتفضلي عندي المكتب شوي هدى: ان شاءالله أستاذ طبعا هدى هي ممشيه أمور مدراء الشركة هي الي تعرف مواعيدهم وشغلهم يثقوا فيها ومسلمينها كل شي يخصهم وترتبلهم كل شي دخلت هدى مكتب سليمان وما حست الا بالايد الي تسحبها وتقفل باب المكتب رماها عالكرسي الي قدامه هدى: آآآآه سليمان قرب منها وحاوطها : انتي كيف ما اعترضتي على كلام سلطان ولا عاجبك انك بتروحي بروحك معهم هدى: سليمان شفيك انت تعرف اني ما اقدر اعارض لان طول عمري اروح معاكم بهالمهمات والسفرات ولا مره اعترضت سليمان: هالمره غير والوضع غير هدى: مدري كلم اخوك انا مالي دخل سليمان: انتي الي بتكلميه وبتقوليله ان عندك ظروف ما تقدري تروحي هدى: سليمان: ما أقدر ما أقدر وانت تدري سليمان: اذا تبي تطلقي روحيمعاهم هدى وقفت وبعصبيه واضحه: انت ليش رابط حياتنا وعلاقتنا بهالامور والمواضيع كل شي بروحه حياتنا غير و الشغل غير وانت تدري كيف اني احب شغلي وعمري ما قصرت فيه لا معك ولا مع غيرك كان بيتكلم لكن الباب اندق فتح الباب ودخل سلطان سلطان: غير ان شاءالله فيه شي صواتكم من خارج تنسمع فيه شي يا هدى سليمان طالعها وبخبث استغل هالفرصه: ما فيه بس عصبتني تخيل تقول عندها ظروف ما تقدر تسافر معاكم سلطان: طيب اذا ظروفها ما تسمحلها خلص احنا من متى نجبر موظفينا على أشياء فوق طاقتهم وبعدين عمرها هدى ما قصرت معنا هالمرة ما عليه معذورة صحيح بنختبص شوي لن يالله ان شاءالله الأمور سهالات وبعدين يا سليمان ما يحتاج كل هالعصبيه البنت ما قالت شي هدى الي كانت تطالع سليمان كيف انه كذب وطلعها من هالسفره مثل كا كان يبي وسوا الي براسه تنرفزت وكانت بتطلع هدى: شكرا أستاذ سلطان انا استأذن سلطان: العفو وبعدين يا هدى قبل لا تطلعي ابيك تجلسي مع ناصر ومحمد وتعطينهم كل الأوراق المهمه وتفهمينهم على كل شي هدى: ان شاءالله عن اذنكم طلعت هدى من المكتب وشوي وتنفجر من تصرف سليمان سلطان: الله يهديك يا سليمان بتطفش البنت وبعدين هدى معنا من زمان ما نبي نخسرها عشان أسباب تافهه سليمان: هي الي طلعتني عن طوري سلطان: اذا ما تعرف تتصرف معها خليها عندي انت خلك بعيد سليمان: لا خلص صار خير سلطان: المهم قبل لا اطلع جيت اذكرك تمر سارة البنت مسكينه تكسر الخاطر بعد الضرب الي ضربتها إياه مر راضيها البنت مالها غيرك .................................................. ................ وصل للفيلا دخل بعد ما دق الجرس مهرة كانت بمكتبها دخل للمكتب بعد ما خبروها بقدومه مهرة: اهلا بولد فهد خير ان شاءالله شو الي جابك عندنا سامي يحاول يتمالك نفسه واعصابه عشان يوصل للي يبيه سامي: ما فيه عندي غير الكلمتين الي بقولهم والي اظن عارفتنهم مهرة: سمعني سامي: اختي مهرة: شفيها؟ سامي: الشرطه اخذوها اول الصباح وما راح يطلعونها الا اذا تنازلتوا مهرة طالعته وبابتسامة ساخره: وانت مفكر اني اشتكيت عشان اطلعها وانت مفكر ان اللعب بأعراض الناس شي عادي لو ان اختك الي بمكان بنت ولدي كنت بتسكت سامي: ادري انه شيم و هين لكن البنت تو ببداية عمرها وببداية دراستها بيضيع مستقبلها وبعدين هي ندمانه وتعرفي لو لا تصرفات بنتكم كان هي ما سوت الي سوته هي الي استفزتها واكنت تتعالى عليها من غير التصرفات والكلام الي كانت ترميه عليها مهرة وقفت وبعصبيه: بس هالشي ما يعطيها الحق تلعب بأعراض الناس وتنازل ماني متنازله ولو سمحت اطلع برا بيتي سامي: هذا اخر كلامك مهرة: هذا اخره طلع سامي وهو معصب وقبل ما يخرج لمح بنت جالسه بالحديقه تقرا كتاب وشوي ونادتها خلود خلود: دانيه تعالي بسرعه دانيه لفت عليها طيب لحظات جلست عالاض وهي تلم الأوراق الي طاحت من ايدها ما حست غير بشخص يغطي فمها ويسحبها ويركبها بسيارته حاولته تصرخ لكن ما قدرت حاولت تضربه ما قدرت رماها بالسيارة وركب وقفل الأبواب دانيه صارت تصارخ وتضارب وتضربه دانيه: نزلني نزلني يا حقير انت مين شتبي فيني نزلني سامي صار يسوق بسرعه خاف احد ينتبه عليه ضرباتها كانت تعور لكنه تحمل الى ما وصل دانيه كانت طول الطريق تصارخ وتضربه لكن دون فايده وصل لشقته الي كانت بعيد عن المنطقه الي ساكنينها فتح الباب ونزل شماغه الي على راسه وغطاها وحملها بين ايديه وطلع لشقته رغم مقاومتها له دخل للشقه ونزلها دانيه الي رمت الشماغ على الأرض وصرخت بوجهه : انت واحد حقير وما تستحي من انت وشتبي فيني سامي قرب منها ودانيه بعدت بخوف ملامحه الي كانت محمره ومبينه العصبيه فيها لكنه مسكها قبل لا تبعد : انتي ما تعرفي تسكتي وبعدين كل الضرب والسب الي سويتيه وقلتيه مردود بس خليني اخلص منك بالاول دانيه ودب الخوف فقلبها : انت من وشتبي فيني سامي طالعها من فوق لتحت : تعرفي ان شكلك حلو لكن لسانك سم وايدك الله يعينا منها دانيه: انت ليش ما تجاوبني انت من وشتبغي فيني وليش جايبني هنا انا ما اعرفك ولا انت تعرفني سامي: بخلص شغله وبعدها برجعك دانيه بلعت ريقها : تخلص شغله شقصدك سامي ما رد عليها سحبها لغر فة النوم ورماها عالسرير دانيه : لا لا والله لو قربت مني بذبحك والله بموتك وبموت نفسي سامي صرخ فيها: اسكتي شوي صدعتيني انتي ما تعرفي تسكتي دانيه: والله حرام حرام الي تسويه انا بنت ضعيفه ومسكينه ومالي ذنب انت الي خطفتني مدري ليش سامي: الله يصبرني بس الله يصبرني خرج وقفل الباب من خارج وجلس بالصاله وهو يسمع صريخها وضربها للباب سامي: انا شو الي بلاني لكن يالله اهم شي اخلص الي ابيه .................................................. ................................. صار اليل والكل كان متوتر وخايف من اختفاء دانيه المفاجئ من البيت الكل كان بالصاله سلطان بعصبيه: كيف يعني محد شافها من الظهر وين بتروح يعني منى الي كانت تبكي: يمه بنتي أخاف صار فيها شي رنا الي كانت جنب منى وحاضنتنها: اهدي ان شاءالله ما فيه الا كل خير راشد: انتي اخر وحده شفتيها وين كانت خلود: كانت بالحديقه تقرا وتذاكر ناديتها وقالت لحظات بجب وبعدها ما شفتها مهرة بشك: متى هالكلام خلود: بحدود 12 مهرة دخلت لمكتبها وهي شاكه بالي ممكن يكون اخذ دانيه دخلوا محمد وناصر سلطان: هاه شصار ناصر: بلغنا الشرطة وطبعا البحث ما يصير الا بعد مرور 24 ساعه سلطان: اخ بس اخ محمد: هدي نفسك عمي ان شاءالله بنلاقيها عند مهرة بالمكتب كانت بتتصل بفهد لكن تلفونها رن وكان رقم غريب مهرة: الوو سامي: طبعا عرفتي من ولا صوتي مو واضح لك مهرة : عرفتك قول الي عنك اخلص سامي: اظن انكم فقدتوا اليوم شي مهم وغالي بعد ما بطول عليك هالشي عندي عندك لبكره الصبح اذا اختي ما تطلع راح يصير الي لا تحمد عقباه على بنتكم الحلوة الي عندي مهرة الي تحاول تتمالك اعصابها : والله لو تلمس من البنت شعره بس شعره احرقك انت واهلك ولا يهمني أي احد سامي: طيب ما بلمس منها شعره لكن مثل ما قلتلك اختي الصبح تطلع مهرة: لا تحاول تهدد يا ولد فهد انت واحد ضعيف ولا ما كنت استخدمت هالاسلوب الحقير والدنيئئ عشان تطلع اختك بدل ما تخليها تأخذ عقابها على الي سوته سامي: عندكم 24 ساعه والعد التنازلي ابتدا من الحين قفل الخط ورمى التلفون : مو انا لا هذا مو انت يا سامي لكن هم الي اجبروني ما سمع صوت لدانيه قرب من الباب وفتح الباب وشافها نايمه قرب منها كان وجهها محمر من كثر البكي سامي: مجنونه بس حلوة طلع من الغرفه وتوجه لغرفته بعد ما قفل عليها عند مهرة الي تحس نفسها مخنوقة من الاحداث الي كل يوم تصير واخوها الي ظهر فحياتها وكل يوم يزيد كرهها ناحيته مهرة: مو كافي الماضي يا فهد حتى في حاضري محاصرني مو كفاك انا جاي لاحفادي واولادي بعد طلعت مهرة والكل طالعها مهرة: ما يحتاج تدوروا عليها انا اعرف وينها سلطان وقف ومنى الي منهد حيلها من البكا والخوف منى: وين بنتي قوليلي بروحلها سلطان: وينها يمه قوليلي عشان اروح اجيبها مهرة: كل واحد مكانه باكر ان شاءالله انا بجيبها منى: شو هو الي كل واحد مكانه هذي بنت وبروحها انتي ما تحسي ما تخافي عليها بكل برود أعصاب ناصر: يمه هدي شوي اكيد جدتي مأمنه عليها ولا ما كان خلتها منى: انت كل شي تقوله جدتك يعني صح هذي اختك وانت هذي بنتك يا ناس هذي بنتي بنتي وبروحها ليش محد قادر يستوعب ويفهم مهرة: سلطان اخذ مرتك وطلعها لغرفتها وانتوا كل واحد لغرفته سلطان اخذ منى وطلعها للغرفه سلطان: حاولي تنامي منى: أي نوم وخر عني انت تمشي ورا امك ولا همك احد لو صار ببنتي شي والله ما اسامحك لا انت ولا امك سلطان: منى عن الغلط ونامي الحين والصباح امي وعدتنا ان دانيه بتكون بالبيت منى: وانا شويصبرني للصبح وبنتي مدري وينها ولا مع من ولا شوص اير فيها اخ بس سلطان طلع من الغرفه من الضيق الي حس فيه وهو مو قادر يسوي أي شي وما عنده غير انه يصبر للصبح ويشوف واذا ما صار شيب يتصرف بعدها .................................................. ..... عند سارة كان سليمان جالس معها كانت تبكي بصمت وهو يكلمها سليمان: انا ادري اني غلطت لما تسرعت وضربتك لكن الصور طلعتني من طوري ما عرفت اتحكم بمشاعري سارة: انت المفروض اول واحد تصدقني وتكون واثق فيني سليمان: انا واثق فيك انتي بنتي حبيبتي الوحيده وان شاءالله ما اعيدها بعد سارة: انا ما ابغا أي شي من هالدنيا ابيك انت تكون معي وحواليني انت كل يوم تبعد اكثر واكثر عني سليمان حضنها ومسح دموعها: هالدموع ما ابغا اشوفها عيونك الحلوة ابيها بس تلمع بفرح سارة بداخلها(أي فرح الي تتكلم عنه وانت مو داري عني وناصر الي بعد عني ونساني ولا عاد يهتم فيني ) سارة بابتسامة مصطنعه: ان شاءالله .................................................. . عند دانية الي صحت وتحس بصداع براسها والرؤيه عندها مشوشه مو قادرة تركز حاولت تقوم ما قدرت سامي الي صحى من نومه وتوجه للغرفه عند دانيه فتح الباب وشافها جالسه وماسكه راسها قرب من عندها دانيه مدت ايدها وتحس ان كل جسمها مكسر من التعب وبصوت متقطع : انت شسويت فيني هالحبه الي عطيتني إياها شفيها ليش جسمي كله يعورني ولا قادرة اركز سامي: ما فيها شي هذي حبه منومه بغيتك تنامي شوي صدعتي راسي بصريخك و كلامك دانيه: رجعني البيت ما ابي اجلس هنا ابغا امي ردني سامي: قلتلك لما يخلص شغلي معك ومع اهلك بردك دانيه حاولت توقف نزلت من السرير وهي متسنده عالجدار لكنها ما كانت قادرة تحس رجولها من شايلتنها سامي الي كان يطالعها والابتسامه بوجهه طاحت على الأرض ودموعها بدت تنزل : انت واحد نذل وحقير وما تخاف الله سامي قرب منها وبهمس فأذونها : شسوي انتي ضحية اللعبة الي صارت تخلص اللعبه الي ابتدوها اهلك وراح نرتاح كلنا دانيه ضربته على صدره : وخر عني ولا تقرب ناحيتي انت واحد مريض ومجنون واستغلالي سامي مسكها من ايدها : تصدقي اشتقت للسان الي ينقط عسل تعالي معي شوي قومها وشالها بين ايديه لانها كانت مو قاردة تمشي دانيه وهي تضربه بضعف: نزلي وين موديني سامي الي كان مطنشها دخلها للحمام وخلاها تحت الماي وفتح الماي عليها نقزت من برودة الماي الي لامست جسمها وحست برجفه بجسمها طلع وخلاها بروحا والماي يصب عليها سامي من خارج وهو يكلمها: هالماي راح يصحصحك شوي تفاعلكم وتوقعاتكم | ||||||||
|
| |
|
21-10-19, 11:30 AM
| #14 | ||||||||
| مراقبة عامة ومشرفة منتدى الروايات المنقولة
| البارت 12 سامي الي كان مطنشها دخلها للحمام وخلاها تحت الماي وفتح الماي عليها نقزت من برودة الماي الي لامست جسمها وحست برجفه بجسمها طلع وخلاها بروحا والماي يصب عليها سامي من خارج وهو يكلمها: هالماي راح يصحصحك شوي دانيه كانت ترجف والماي يصب عليها سكرت الماي والعصبيه واصله حدها عندها من تصرفه حست انها تنشطت شوي ومفعول المنوم راح طالعت نفسها وملابسها صارت مبلله وشفافة بسبب الماي سامي: اذا صحصحتي وخلصتي اطلعي يالله دانيه: لا يكون تبيني اطلع بهالشكل قدامك والله ما طلعت ان ما عندك إحساس ما عندك خوات تخاف عليهم انت كيف ترضى تشوفني بهالشكل بلا غطا ولا أي شي يغطيني انت ما عندك كرامة ورجوله سامي الي كان يحاول يمسك اعصابه: لا عندي بس فيه ناس خلوني انسى كل هالصفات الي قلتي عنها اختفى صوته استغربت وين ممكن يكون راح شوي ونقزت من صوت الباب الي اندق سامي: خذي هالملابس البسيها الى ما تجف ملابسك خلاهم عند الباب وطلع فتحت الباب شوي شوي تتأكد انه طلع سحبت الملابس بسرعه وقفلت الباب دانية طالعت بالملابس: هذا من صدقه جايبلي ملابسه البسهم الله يصبرني ويفكني منه غيرت ملابسها وطلعت .................................................. .... رزان الي كانت مع رنا بطلب منها لانها هالايام ما تحب انها تنفرد وتتواجد مع خالد بروحهم من حفلة ناصر ووسن وهي حاسه انه فيه شي متغير وكذا مره كان حاب يقرب منها بس هي تتهرب منه وما تسمحله حتى انه صار هادي اكثر من قبل ولا يتضارب معها كالعاده دخلوا للشقه رزان: يا بنت عيب والله زوجك موجود احس ما راح تاخذوا راحتكم الرجال بيرتاح رنا: هو ينام من وقت واغلب الوقت مشغول والله ملل انتي اجازه خلينا نجلس شوي مع بعض وباليل نروح نسوي شوبينج من زمان ما خذيت ملابس جديده واغراض شو رأيك وناخذ سيمه وزينب والبنات وبعدين هو مو موجود الحين طالع رزان: رنوه شفيك نسيتي الي صاير وانتي تبي تطلعي وتستانسي والله امي تذبحنا رنا: هيه والله ياعمري دانيه والله ما تستاهل الي مريحني شوي ان امي تدري وينها ودام امي بالموضوع يعني محلول ان شاءالله رزان كانت تطالعها بنظرات رنا: شفيك رزان: اول مره يعني اسمعك تمدحين امي رنا طالعتها وبتغيير للموضوع : انا بدخل اغير ملابسي واجيك انتظريني هنا ولا اقولك دخلي المطبخ وسويلنا شي خفيف ناكله رزان: بتجلطني هالبنت مسحبتني معاها وتشغلني بعد شوي ودخل خالد ومعاه فيصل خالد: ما عليك امر خذ هالاغراض للمطبخ وانا بشوف رنا وجايك فيصل: ان شاءالله خالد دخل للغرفه وفيصل دخل المطبخ كانت رنا ماخذه راحتها وهي تغير ملابسها بحكم ان خالد مو موجود كانت تغير بالغرفه ومعطيه الباب ظهرها ما انتبهت على خالد الي دخل وهي تغير لما خلصت ودارت بوجهها شافته واقف ويطالعها حمر وجهها وقلبها صار يدق بقوة وجسمها يرجف رنا والرجفه وصلت لصوتها : انت من متى هنا خالد: مو مهم رنا : انا غلطت لما ما قفلت الغرفه خالد قرب منها وهي الي تحاول تبعد لكنه ما عطاها فرصه مسكها من ايدها قبل ما تتحرك خالد: انتي ليش تتهربي مني رنا بتسرع واندفاع وخوف بنفس الوقت: لاني اكرهك واكره قربك واكره كل شي فيك خالد: ولانك تكرهيني انا راح اظل اتقرب منك اكثر واكثر الى ما تنسي هالكلمة وتمسحيها من قاموسك وراسك رنا: انت شتبغي فيني انا عايفتك واكرهك واما ابيك خالد قرب منها اكثر لحد ما ضربت ظهرها بالجدار قرب منها وحط جبهته على جبهتها غمض عيونه وبهمس خالد: اذا بتنعاد هالكلمات منك يا رنا والله ما راح ارحمك رنا الي كانت ترجف من قربه ومن همسه مو فاهمه كلامه ولا فاهمه سبب معاملته لها بهالطريقه المتناقضه نزلوا دموعها باحساسها بالضعف الي انزرع فيها من معاملة خالد لها ومن الظروف الي عاشتها من لما تزوجوا بكت بحرقه وهي بين ايديه سحبها لحضنه وسمحلها تبكي بين ايدينه عند رزان كانت بالمطبخ تغني وتجهز اكل دخل فيصل للمطبخ والاغراض بايدينه تفاجأ برزان بالمطبخ ورزان الي لفت على دخول فيصل وتفاجأت فيه وطاح الكوب من ايدها وانكسر فيصل رمى الأغراض بالطاولة وتقدم ناحيه رزان فيصل: صارلك شيت عورتي رزان كانت واقفه ومتجمده وتناظر فيه هزت راسها بلا بدون لا تنطق من الصدمه فيصل: انا بلم الزجاج اطلعي انتي رزان ولا تحركت ودموعها نزلت ما تدري ليش بس كل ما تشوف فيصل تخاف وتجيها هالحاله خاطرها تصرخ وتطلع الي بخاطرها لكنها تمالكت اعصابها دفت فيصل وطلعت ركض وفيصل الي استغرب من تصرفها ومن دموعها فيصل نظف الزجاج وطلع هو بعد لما شاف ان خالد تأخر توجه للشقه الي مهرة مجهزتنها له بالبيت وهو للحين مستغرب من تصرف رزان وكل تفكيره راح انها ممكن تكون خافت منه وتفاجأت من وجوده قدامها عند رزان الي ركضت لغرفتها وقفلت الباب وارتمت على السرير تحس نفسها بينقطع من الركض الي ركضته رزان: لا يا ربي ليش رجع ليش يعني خلص بيكون مصيري مثلهم كلهم مثلي مثل رنا وسميه وزينب واخواني كلهم كل يوم ادعي ربي ان امي تأخر زواجي وترحمني بس كيف وهو قدامها وخلص رجع واستقر وهي تنتظر رجوعه من زمان .................................................. ... عند دانيه طلعت من الحمام وكان فيه مفرش طاوله كبير على طاولة المكتب خذته وغطت فيه شعرها ونص جسمها طلعت للصاله شافته جالس بالكرسي انتبه عليها كتم ضحكته لما شافها بهالشكل دانيه: انت سامي: انا دانيه: لا خيالك ما فيه هنا غساله ملابس ابغا انشف ملابسي سامي: بالمطبخ دخلت للمطبخ ودخلت ملابسها بالغسالة ووقفت تنتظرهم حصلت عصير بالثلاجه وما كان فيه شي ثاني دانيه: خاطفني ومجوعني بعد يالله بشرب هالعصير الي ما فيه غيره اسد هالجوع شوي و دخل سامي وراها دانيه تحاول تتمالك نفسها وما تخاف منه ضغطت على الكوب الي بايدها كانت تشرب ومتجاهله نظراته بعد ما خلصت تركت الكوب عالطاولة سامي: غريبه يعني ما احسك خايفه ما تخافين اني اسوي فيك شي مثلا بما انك عاجبتني ونحن بروحنا ومحد داري عنك اني مثلا اقرب منك واخذ الي ابيه منك دانيه الي بلعت ريقها بخوف وناظرته وهي شابكه ايدينها: يعني لاني ادري انك انسان زين ومستحيل تأذيني يعني وثانيا انا مو خايفه لان ادري ان اهلي ما راح يخلوني عندك وهي كم ساعه وارجع لحضن امي وابوي سامي قرب وجهه منها : يعني مو خايفه دانيه رجعت على ورا بخوف ومدت ايدها وحطتها على صدره تمنعه يقترب : لا تقرب دفته وطلعت ركض من المطبخ للغرفه دانيه: اووف الباب ما فيه مفتاح شوي وانفتح الباب .................................................. ............................... مهرة الي النوم مجافي عيونها مو قادرة تنام تحس ان كابوس اخوانها رجع ومو لمسها هي وبس الا أولادها واحفادها مهرة: راح تظلوا تألموني وتتعبوني وانتوا قراب وانتوا بعاد يا رب رحمتك ان شاءالله هالخسيس ما يسوي بالبنت شي عند وسن الي كانت نايمه تعبت وهي تنتظر ناصر فالنهايه نامت كانت الكوابيس تطاردها كانت تشوف سيارات واسعاف واصوات غريبه قامت وهي تصرخ بخوف وتبكي ناصر الي كانت بالصاله سمه صرختها ودخل للغرفه قرب منها ارتمت بحضنه وتمسكت فيه كأنها تدور الحنان بين احضانه ناصر: بسم الله عليك شفيك وسن: نفس الكابوس تعبت منه خلص ناصر: خلص اهدي ولا تفكري فيه وسن: كيف ما افكر فيه وهو كل يوم ملازمني قولي ناصر الله يخليك انا شصارلي يمكن هالكابوس يكون يخص حياتي ناصر: اهدي وبعدين هذي كوابيس كلنا تجيلنا بفتره من الفترات ان شاءالله ما فيه الا كل خير الحين حاولي تنامي ولا تفكري بهالكوابيس وسن: طيب خلك معي والله احس اني خايفه ناصر بتردد : طيب يالله نامي وانا بجلس جنبك هنا الى ما تنامي وسن طالعته وبابتسامة : شكرا ناصر الي كان يطالعها وراحم حالها لكن ما يقدر يقولها أي شي ولا سر هالكوابيس والاحداث الي تشوفها فيها صار يقرأ عليها المعوذات الى ما نامت وبعدها طلع ونام بالصاله عشان اذا احتاجت أي شي يكون قريب ناصر بداخله كانت الأفكار تروح وتجي (خايف من هالمشاعر الي كل يوم تكبر من ناحيتك آسف يا وسن ما قدرت اتحكم بمشاعري وحبيتك هالمشاعر الي بداخلي مو مشاعر اخ لاخته هذي مشاعر حبيب لحبيبته الي اسرتيني من اول يوم شفتك فيه وانتي الي تزيدي هالشعور بمعاملتك ولطفك وجمالك ادعي ربي انه يصبرني وما اتهور واسوي أي شي يخليني اندم ويخليك تكرهيني) نام بعد فترة من التعب والتفكير بكل الاحداث الي مرت عليهم ......................... حمد الي كان جالس بالحديقه حاس نفسه مخنوق مو قادر يفكر ولا يتصرف واخته الوحيده ما يندرى وين دخل محمد وشافه جالس قرب منه وجلس جنبه محمد: ليش مو نايم حمد: كيف يجيني نوم واختي ما يندرى وينها محمد: جدتي تدري وينها وهالشي يمكن مطمنا شوي حمد بعصبيه: جدتي كل شي غامض بحياتها وكل شي تدري عنه ودام انها تعرف دانيه وين ليش ما خبرتنا طيب ليش ما راحت وجابتها هي ليش مخلتنا نحاتي ونفكر وميه سؤال وفكرة فبالنا ليش محمد: كلنا ندري طبع مهرة ودام انها تعرف دانيه وين تطمن ولا تفكر حمد: تطمن ولا تفكر لا ما راح اتطمن الا لما اشوف اختي قدامي وما فيها أي شي محمد: مدري يا حمد احنا سوينا كل شي نقدر عليه وان شاءالله الصبح كل شي بيبان حمد الي صار يهز رجوله بتوتر وخوف على اخته وضيق من جدته الي مو راضيه تتكلم ................................ واقفه عند الشباك والنوم مجافيها والدموع على خدها ولا وقفت سلطان: تعالي نامي وان شاءالله الصباح بنتك عندك منى: كيف انام وبنتي مدري وينها ومع من واذا كانت بخير او لا كيف سلطان: ان شاءالله ما فيها الا العافيه منى: انت ما عندك قلب ما تفكر ببنتك مريح رأسك ولا تفكر فيها ولا خلص صرت مثل مهرة انمسحت عندك كل المشاعر سلطان: انا ماسك نفسي عن كل الكلام الي من الصبح تقولينه لاني مقدر وخايف خوفك على بنتك ولا كان لي كلام ثاني معك منى: لا قول رد انا ابيك ترد ولا ما عندك كلام تقوله انا مليت من كل شي خلص من تحكم امك وسيطرتها عليكم حتى حياتنا وقراراتنا متحكمه فيها ومشاعرنا بعد نحزن ولا نضحك ولا نفكر كل شي سيطرت عليه شهالمره الغريبه سلطان: انا اذا جلست دقيقه وحده هنا راح افقد اعصابي احسن اني اطلع طلع من الغرفه منى: اهرب هذا هو انتوا كلكم كذا تهربوا من كلام الحق .................................................. .......... زينب كانت تطالع بيوسف الي كان نايم ومتعمق فنومه زينب بداخلها (حرام اظلمك معي انت وايد طيب معي وتحبني وعمرك ما زعلتني وانا الي حرمتك من ابسط شي يتمناه كل رجال حرمتك من الضنا لكن موب ايدي والله ولا اقدر اشوفك مع مره غيري ما اقدر اتخيل انك ممكن بيوم تتزوج وحده غيري ادري اني انانيه لكن شسوي والله ما اقدر ) زينب: يارب تفرحنا بطفل يالله تجبر بخاطرنا طبعت قبله على جبهته وتمددت بحضنه ونامت ............................................... عند سامي ودانيه قلبها صار يرقع من الخوف وهي تشوفه قدامها دانيه رفعت اصبعها بتهديد: والله لو تقرب مني اذبحك سامي قرب منها : يالله ذبحيني راويني شجاعتك دانيه قربت منه وضربته على صدره : اطلع برا (صارت تدفه ) اطلع سامي مسك ايديها الثنتين ورجعهم ورا ظهرها : اكسرهم لك دانيه بخوف من قربه : انت ليش تسوي كذا ردني لاهلي خلص انا أصلا ما اعرف انت من ولا شتبي فيني انا ما سويت فيك شي يعني ما من حقك تسوي الي تسويه سامي: انتي ,, انتي سويتي فيني الي محد سواه قبلك دانيه: والله اني ما اعرفك هذي اول مره اشوفك فيها حست بدوار جاها فجأة والرؤه بدت تتشوش عندها مرة ثانيه دانية: شفيني احس اني دايخه ومو قادرة أوقف سامي كان ساكت ويطالعها تهاوت بين ايديه شالها وسدحها بالسرير .................................................. ........................................... بعد ليلة طويله وثقيلة كانت على كل واحد اول الصباح طلعت مهرة وتوجهت لمركز الشرطة وتنازلت عن قضية فاطمة وعند الباب مهرة: ساعه اذا البنت ما كانت بالبيت انا لي تصرف ثاني معك ولا تظن ان الموضوع الي صار راح يمر كذا لاااه انت غلطان مو انت الي تلعب مع مهرة سامي طالعها بنظره ومشى عنها وصل فاطمة البيت وتوجه للشقة دخلت فاطمة البيت واستقبلتها أمها بالحضن غالية: حبيبتي وأخيرا رجعتيلي الله لا يسامح الي كان السبب مسكت وجهها بكفوفها : انتي بخير محد اذاك فاطمه ووجها ذبلان من التعب وقلة النوم: ما فيني شي يمه تطمني بس تعب غاليه: طيب اخذيلك شور ونامي شوي لوقت الغدا فاطمه: ان شاءالله الا وين ابوي غاليه: بالشركة تفاعلكم | ||||||||
|
| |
|
21-10-19, 11:31 AM
| #15 | ||||||||
| مراقبة عامة ومشرفة منتدى الروايات المنقولة
| البارت 13 رنا اول ما صحت من النوم حست بايدين حاضنتنها صدت تشوف من شافت خالد نايم وحاضنها فتحت عيونها على وسعها ودفته عنها خالد فز من النوم خالد: شصاير رنا بعصبيه: انت من سمحلك تقرب مني وتنام معي بنفس السرير خالد بابتسامه: انتي رنا: تخسي انا مستحيل اسويها واسمحلك تتمادى معي خالد: مو مصدقه بكيفك الظاهر ذاكرتك صارت ضعيفه اذكرك انا شو صار امس الله يسلمك بعد البكا الي بكيتيه بحضني قلتيلي لا تخليني وبعدها نمتي فأنا نمت معك بناءا على طلبك رنا ضربته فصدره: انت كذاب كذاب خالد مسك ايدها وبجديه: طيب انا كذاب بس شوفي انتي وين كان مكانك امس وبحضن من وبتعرفي اذا كنت كذاب او لا رنا الي دموعها شوي وينزلوا خالد: ليش هالعصبيه الي مالها داعي انا زوجك يعني الي صار عادي واقل من عادي قام تاركها وراه ودموعها تنزل على خدودها مسحتهم بعنف ورمت المخده على الباب : حقير ............................................ عند دانيه وسامي وصل دانيه للبيت طبعا بعد ما عطاها عبايه وحجاب عشان تتغطى سامي: هذا ورجعتي بيت اهلك ما فيه شكرا حتى دانيه طالعته بكره ولا ردت عليه نزلت وسكرت الباب بكل قوتها سامي بصوت عالي عشان تسمعه : ما عليه مردوده وسلمي على جدتك يا حلوه وعلى فكره خليتلك ذكرى حلوه عاد شوفيها بعدين دانيه ما فهمت قصده طنشته ولا همها الحين غير انها تدخل البيت وترتمي بحضن أمها دخلت البيت وقابلت جدتها بوجهها دانيه اول ما شافت جدتها انفجرت بكي وارتمت بحضنها ما تدري ليش بس يمكن محتاجه للامان بعد الي صار او هو خوف من العقاب مهرة: خلص حبيبتي لا تبكي دانيه: والله العظيم مدري من هو ولا اعرف هو شيبغي فيني مهرة رفعتلها راسها : ادري انك ما تعرفيه ولا عمرك شفتيه دانيه: يعني مصدقتني مهرة: مصدقتنك بس قوليلي هو اذاك قرب منك سوالك شي دانيه: لا مهرة: متأكدة دانيه: متأكدة نزلت منى ومعاها سلطان بعد ما سمعوا صوتها منى ركضت ناحيتها وحضنتها بكل قوتها من الفرحه منى: حبيبتي يا عمري كنت بموت لو ما رجعتيلي دانيه: يمه حبيبتي اشتقتلك كنت خايفه اني ما ارجعلكم منى: يا عمري انتي وين كنتي كل هالوقت مهرة: ما يحتاج كل هالاسئلة المهم البنت رجعت بخير وما فيها شي سلطان كان واقف شاف نظرات الخوف الي كانت بعيون دانيه فتحلها ايديه عشان تيجي فحضنه دانيه قربت منه بخوف وارتمت بحضنه سلطان: ليش كل هالخوف دانيه: خفت لا تفكروني طلعت من البيت وانا قاصده والله مالي ذنب بالي صار سلطان: أدري حبيبتي ما قلتيلي حبيبتي انتي وين كنتي وشو الي صار مهرة: خلوا البنت الحين ترتاح وبعدين يصير خير اكيد البنت تعبانه منى: تعالي حبيبتي منى خذت دانيه وطلعتها لغرفتها جلست معها الى ما نامت وبعدها طلعت .................................................. ................... ناصر اول ما صحى من النوم نزل للبيت علشان يتطمن اذا دانيه رجعت او لا دخل البيت وما انتبه على وجود جدته وابوه كان بيطلع لفوت لكن جدته نادته مهرة: ناصر يمه تعال هنا ناصر: السموحه ما انتبهت عليكم صباح الخير سلطان ومهرة: صباح النور ناصر: طمنوني عن دانيه سلطان: الحمدلله رجعت والحين نايمه خلها ترتاح وبعدين تشوفها مهرة: تعالي يمه ناصر اجلس مع ابوك فيه كلمتين بقولهم وابيك تسمعهم جلس ناصر وصار يستمه باهتمام لكلام جدته الي صارت تحكيلهم عن الماضي وعن اخوانها والمعاناة الي عانتها بسببهم وكيف انها أمها ماتت عنها وهي بعمر صغير واخوانها محد اهتم فيها وسافروا كلهم بعد تقسيم الميراث عليهم مهرة: البنت الي سوت السالفه لسارة تكون بنت واحد منهم وهو الي رجع للبلد الحين اما البقيه مدري عنهم ودانيه ولده المحامي هو الي خطفها لاني اشتكيت على اخته والشرطه اسجنوها فخطف دانيه عشان يضغط علينا نتنازل ناصر: حقير لو هو رجال كان واجه الرجاجيل ما يستخدم هالاسلوب الرخيص سلطان: زين يمه ليش خبيتي عنا كل هالشي لو قلتيلنا كان حلينا كل شي معاهم مهرة: لو خبرتكم كان الموضوع بيكبر وبيوصل لمكان احنا ما نبيه ما كنت بضغط عليه عشان لا يأذي البنت سايرته ومشيت معاه للأخير عشان مثل ما خذاها يرجعها وانا بكلم دانيه بعد بس خليتها ترتاح الحين بعرف كل الي صار من لما خذها الى ما ردها وانتوا لحد يسأل ولا يحسسها انها سوت ذنب لانها هي ما لها دخل بالموضوع وهالفهد انا اعرف اتصرف معه ومع أولاده الي مو عارف يربيهم نزلت سارة بعباتها وشافتهم متجمعين مهرة: على وين سارة بربكة : فيه أغراض محتاجتها للجامعه من المكتبه بروح اجيبها اذا ممكن توصلني ناصر محمد كان وراها نازل: بوصلك على طريقي انا طالع اذا تبي سارة غمضت عيونها بقهر وبنفسها(هذا من وين طلعلي الحين ) مهرة: ايه محمد وصلها ولا تتأخري فاهمه وناصر انت تجهز عشان تروح الشركه مع ابوك سمعت اليوم بتسافروا ناصر: ان شاءالله طلع محمد وسارة وراه ركبت السيارة ورا وقفلت الباب بكل قوتها محمد طالعها من المرايه الاماميه وبابتسامة : يفداك الباب سارة طالعته بقهر ومسكت تلفونها تلعب فيه وصلوا للمكتبه ونزل معاها سارة: ليش نازل انا مو صغيره وبعدين باخذ الأغراض وراجعه ما راح اهرب محمد: من قال اني نازل عشانك حتى انا بشوفلي كم غرض طنشته ودخلت بدت تنتقي الأغراض الي تبيها بعد ماخلصت صارت تدور على محمد جاها فضول تعرف هو شيبي شافته ماخذ أغراض رسم والوان ومن هالاشياء استغربت لكن ما اهتمت محمد: عطيني الأغراض وروحي السيارة سارة: لا بحاسب بروحي محمد بصوت واطي: انا بعرف هالراس اليابس متى يلين سارة: قلتلك مالك دخل فيني بعدين وخر بحاسب ما سمعت مهرة تقول لا تتأخروا محمد يقلدها : وخر ما سمعت مهرة قالت لا تتأخروا سارة: ترا سمعتك محمد: تصدقي يهمني وايد يالله مناك خليني احاسب سارة حطت اغراضها عند المحاسبه و حطت عينها بعينه: ليدز فريست (وغمزتله ) محمد صد بوجهه عنها وبداخله (الله يصبرني على هالبنت الي مو راضيه تهجد) .................................................. ......................... عند دانيه الي صحت من النوم وهي بقمة نشاطها دانيه: بسم الله شفيني نايمه بالعبايه قامت وشالت العبايه وقفت قدام المراية ترفع شعرها عشان بتدخل تأخذ شور وقفت بصدمة وهي تشوف العلامات الي بجسمها دانيه وهي تلمس رقبتها و اكتافها ونحرها : الله يأخذك من وين كل هالعلامات هذا شمسوي الحين عرفت معنى كلامه لما قال هدية الله لا يوفقك شوي وينفتح الباب وتدخل مهرة عند دانيه دانيه الي فزت من صوت الباب الي انفتح وابتها رجفه وخوف من جدتها الي دخلت وخاصه انها بهالشكل ومو مغطيه الآثار الي بجسمها قربت منها ودانيه الي متجمده مكانها مهرة وكاتمه الغضب الي بداخلها : قلتيلي انه ما قرب منك ولا سوالك شي لكن الي اشوفه قدامي غير دانيه برجفه وخوف غير طبيعي : والله العظيم مدري والله ما سمحتله يقرب مني والله العظيم مهرة: عيل ممكن تخبريني هالعلامات الي بجسمك من وين جات من الهوا اذا كان ما قرب منك منى الي كانت عند الباب رايحه عشان تتطمن على دانيه سمعت مهرة وصوتها العالي بغرفه دانيه فتحت الباب ودخلت منى: شفيكم شصاير قربت من دانيه وشافت العلامات الي بجسمها منى بخوف : شهالعلامات الي بجسمك مهرة: تحكيلي كل شي صار من لما اخذك معه الى ما رجعك والحين ومن غير كذب دانيه ببكا وخوف وهي حاضنه أمها: هو لما اخذني وداني على شقه وخلاني بغرفه وقفل عليي الباب وما كان يقرب صوبي كان يتشاد معي بالكلام بعض الأحيان لكنه ما كان يقرب مني مهرة: عيل هالعلامات من وين دانيه: مدري والله مدري ايه تذكرت فيه أوقات كنت احس بدوار وافقد الوعي مرتين كانوا مهرة: وقبل ما يصير معك كذا كان يعطيك شي حبوب او أي شي ثاني دانيه: لا بس مرة شربت ماي وصار معي هالشي والمرة الثانية شربت عصير وصار معي كذا مهرة: خسيس ما راح يجيبه من بعيد اذا كان ابوه فهد منى بخوف انه الي فبالها صار : أخاف انه مهرة: الله ياخذهم دانيه ببكا: يمه شفيكم والله ما سمحتله يقرب مني مهرة: لا تطلع من غرفتها الى ما اشوف حل لهالموضوع طلعت مهرة ودانيه الي طالعت بأمها دانيه: يمه انتي مصدقتني صح انا ما سويت شي والله ما سويت شي منى الي مو عارفه شتسوي تحس مصيبه وطاحت على رأسهم تفاعلكم وتوقعاتكم | ||||||||
|
| |
|
21-10-19, 11:32 AM
| #16 | ||||||||
| مراقبة عامة ومشرفة منتدى الروايات المنقولة
| البارت 14 عند هدى وسليمان سليمان: صباح الخير كأنك اليوم صاحيه متأخره هدى بدلع جلست على رجله وحاوطته بايدينه: كله منك ما سهرتني طول اليل سليمان: شسوي فيك بغينا نراضيك هدى: أصلا انا ما كنت زعلانه بس اتغلى سليمان: على فكرة ترا مو كل مره نراضي هدى: ادري انك تحبني وما ترضى على زعلي سليمان الي بعدها عن رجوله: انا ما ارضى عليك لكن انتي عادي عندك ازعل صح هدى: لا حشى عمري زعلتك سليمان: هالسفره الي كنتي زعلانه عليها هدى: مو سالفة زعل لكن انا تعودت أكون معاهم بكل اجتماعاتهم وسفراتهم هالمره حسيتهم بيشكوا ليش ما وافقت اروح معاهم سليمان: حطي فبالك مرة ثانيه سفره انا مو فيها من البداية انك ما تروحيها وترفضيها هدى: ان شاءالله من عيوني نقوم نفطر الحين عشان لا نتأخر بجهز اوراقهم قبل لا يروحوا والملفات سليمان: يالله .................................................. ................. مهرة الي تحس شوي و يغمى عليها الضغط ارتفع عندها ومحد من عيالها يعرف ان عندها الضغط شربت حبوبها وانسدحت تحاول تهدي نفسها شوي وتعرف ان سبب كل هالشي الي صار مع دانيه وسارة بالجامعه كانت وسن بروحها محد من البنات كان مداوم سارة الي طنشت محاضراتها ودانيه بحكم تعبها جالسه تراجع بملل وصلتها راساله من ناصر ناصر: بمرك بعد شوي نطلع نتغد لأني مسافر باليل ان شاءالله وسن الي فرحت بالبدايه بس ما تعرف ليش تضايقت لما قرت باقي الرساله قفلت تلفونها وكملت قراءة جلست جنبها بنت فرح: السلام عليكم وسن: وعليكم السلام فرح مدت ايدها تسلم على وسن بابتسامه: انا فرح وسن ردت السلام: وانا وسن فرح: تعرفي انك وايد حلوة انا من لما دخلتي الجامعه عندنا وانا خاطري اجي واتكلم معك وسن: عيونك الحلوة حبيبتي فرح : ممكن نكون صديقات وسن مستغربه من هالبنت الي جت فجأة وعلى طول من غير مقدمات تبغا تكون صديقتها وسن كانت بترد لكن رن موبايلها وسن: هلا ناصر ناصر: انتظرك خارج وسن: طيب دقايق واكون عندك فرح: اخوك وسن تحس انها تضايقت من هالبنت الي تتدخل بكل شي وسن: لا زوجي يالله استأذن بروح فرح: على اتفاقنا اشوفك باكر وبنجلس ونسولف مع بعض اكثر ونتعرف على بعض اكثر وسن بتهرب منها : ان شاءالله مع السلامه فرح حست بوناسه ان وسن جلست وتكلمت معاها خذت اوراقها وطلعت لان اخوها وصل ركبت مع فارس وكانت بقمة وناستها عكس الأيام الماضيه الي طافت الي كانت كل ما ترجع من الجامعه تكون مكتئبة ومو طايقه احد فارس: ان شاءالله دوم هالضحكه ما تفار ق محياك فرح: انا مبسوطه حيل حيل فارس: ممكن نعرف السبب آنسه فرح فرح: فيه بنت اليوم جلست معها وكلمتني وبادلتني الحديث استانست انها ما عاملتني مثل البقيه فارس: من هابنت عرفتيها من تكون فرح: مدري بس من لما دخلت وانا اتابعها حسيت غير عن الكل هاديه ورقيقه وجميله يعني بشكل عام ترتاحلها من لما تشوفها فارس: طيب خلينا نروح الحين نتغدا عشان موعدك لا نتأخر عليه فرح لما تذكرت الموعد مع الدكتورة النفسيه تضايقت وسكتت فارس حس عليها لكن هالشي ضروري عشان فرح ترجع الاوليه مثل ما كانت اسم على مسمى .................................................. .................................................. .. فالمطعم كانوا جالسين بعد ما طلبوا ينتظروا طلبهم ناصر: طيب ليش حسيتي انها غريبه وسن: مدري طريقتها الاندفاعيه بالكلام واسلوبها مو كأنها اول مره تشوفني كأنها تعرفني من سنين ناصر: انتي بعدي عنها ولا تتكلمي معها أخاف تسببلك مشاكل احنا في غنى عنها وسن : ان شاءالله ناصر طالعها وحس ان بخاطرها كلام بتقوله ناصر: فيه شي ثاني صار ما اعرفه وسن: لا ناصر: طيب وسن بتردد: مع من مسافر يعني قصدي وين ناصر بابتسامه: مسافر مع اوبوي وعمي لدبي فيه عندنا كم شغله خاصه بالشركة الي هناك بنخلصه ونرجع ان شاءالله مو مطولين كلها يومين وسن ابتسمت لناصر وبنفسها (ملقوفه لازم اسأل يعني ) ناصر: تحبي تروحي معي وسن: لالا بس سألت كذ وبعدين الجامعه والاختبارات ناصر: طيب طيب .................................................. ...... صحت من النوم على صوت منى الي كانت تصحيها مهرة: هلا منى منى: يمه بغيتك شوي مهرة: انتظريني بالمكتب تحت شوي ونازله منى: ان شاءالله نزلت للمكتب وجلست تنتظر مهرة على اعصابها اول دخلت جلست بالكرسي المقابل مهرة: اسمعك منى بخوف وتردد : دانيه يعني موضوع دانيه شبنسوي فيه وسلطان شو بقوله اذا سأل مهرة: سلطان ما راح يعرف أي شي والموضوع هذا انا بحله منى: كيف مهرة: قلتلك بحله خلص ليش تزنين انت خلك مع بنتك وانا لي شغل مع هالحقير منى: والله خايفه عليها من الصبح مقطعه نفسها من البكا وخايفه وانا مو اقل منها خوف مهرة: سكري هالموضوع وخلي السايق يجهز السيارة وينتظرني عندي مشوار منى: ان شاءالله .................................................. ....................... سميه ورزان ورنا كانوا متجمعين بشقة زينب زينب: وهذا العصير فريش جهزته لكم سمية: فديتك والله حاسه فينا بس يعني ما فيه شي جنب هالعصير الحلو زينب: اكيد فيه لحظات دخلت المطبخ وجابت الكيكة الي سوتها وزينب معروفه بالسويتات محد يضبطها كثرها رزان بفرح: يا عمري زنوب تعرفين شكثر احب هالكيكة زينب: فرحت لما قلتوا بتتجمعوا عندي قلت اسويلكم الأشياء الي تحبوها وانتوا الاثنين ترا ما نسيتكم سويتكلم الكوكيز الي تحبوها سميه: والله كنت انتظر دوري أقول اكيد نست وانتي الي تعرفي اني احب اشوف الكوكيز اول شي بالطاوله فكل تجمع البنات طالعوا بعض وكل وحدها تغمز للثانيه مستغربين هدوء رنا رزان: يعني وقتك الحين تنومينه كان خليتيه شوي يسلينا مشتاقتله والله سميه: لا خليه نايم لو صاحي ما بيخليني اتهنى بجلستي معاكم زينب ضربت رنا بالخفيف على كتفها: شفيه الحلو سرحان رنا بابتسامه: ما فيني شي الا رزان والله هذاك اليوم نسيتك خالد طلب مني شي اسويه له ونسيت سالفتك شو صار ليش طلعتي رزان انقهرت لما تذكرت الي صار رزان: قولي شو ما صار يا ربي هالمخلوق وراي وراي مدري من وين يطلعلي سميه تحمست: من فيصل رزان: فيه احد غيره اقولك كنت بالمطبخ لفيت الا اشوفه قدامي مرتز عينك ما تشوف كيف دزيته وركض عالبيت عاد مدري شصار فيه زينب وسميه يضحكوا على رزان رنا: حرام رزان: شو حرام هذا مو مصدق ذبحني كل يوم فوجهي سميه: يا بنتي الرجال ما يعرفك واصلا امي ما فتحت الموضوع انتي من خوفك ان هالموضوع ينفتح صرت تهلوسين فيه وتتخيلي انه بكل موقف متعمد يكون قدامك زينب: صحيح رزان: ما تتخيلوا كيف انا خايفه ان هالموضوع ينفتح والله بموت زينب: ليش خايفه يعني انتي ما عرفتيه ولا حاولتي انك تعرفي شخصيته اكثر فنصيحه مني لا تعطي الموضوع اكبر من حجمه رزان: ياختي شو اكبر عن حجمه سمعت العيال يتكلموا مره يقولوا انه عصبي سميه: هو كان عصبي يعني لكن الحين اهدأ شوي يعني سيف كان يسولف عنه بعض الأحيان رزان: لاااه يعني كذا طمنتيني يعني لو سويت شيع طول كف ( حطت ايدها ع خدها )يمه ما اتخيل ولا يفلعني بأي شي زينب: رزانوه خلص مو لهالدرجه عاد وبعدين مبين عليه طيب رزان: الله يكون بالعون (طالعت برنا) رنوي شفيك احنا متجمعين نستانس ليش كذا ساكته رنا: انا بتطلق رزان وزينب وسميه بصوت واحد: شووو سميه: انتي انجنيتي زينب: رنوي شو طلاق ما طلاق هو لعبه يعني رنا: ما احبه وانتوا طول عمركم تعرفوا انه امي زوجتنا غصب سميه: طيب هالكلام زمان وبعدين مر فتره طويله على زواجكم معقولة ما تعوتوا على بعض ولا تغير شي بمشاعركم رنا: هالشي الي ما ابيه خلص انا كرهته خلص هو الحين يسوي تصرفات غريبه ادري كل هالشي عشان يكسرني دوم يسوي كذا وبعدها يجرحني بكلام او تصرف زينب: يمكن هو قصده شي ثاني من هالتصرفات ولما شاف بعدك عنه يصير كل شي عكسي عليكم حاولي تحتوينه وتفهميه حاولي تتقربي منه حتى لو مو قادرة وما تتحملي قربه حاولي عشان هالعلاقات الي انبنت كلها ما تروح كذا رنا كانت بتتكلم لكن حست بغثيان وركض للحمام وصارت تستفرغ ركضوا البنات وراها .................................................. ............................ بالعيادة كانت فرح جالسه مع الدكتورة وفارس يشاركهم الغرفه والحديث اعرفكم على فرح وفارس فرح عمرها 20 سنه طيبه وحلوة صارت لها حادثه سببتلها ازمة نفسيه وتعقدت منها انخطفت واغتصبها مجموعه من الشباب وبعدها احرقوا جزء من جسمها داخل وكل الناس عرفوا بقصتها وصاروا يتكلموا عنها ويتجنبوها حتى أهلهم وخطيبها الي تركها ويبعدوا بنتاتهم عنها والشباب كل ما يشوفوها يضايقوها فصارت ما تخرج من البيت ولا تتكلم وبس حابسه نفسها وتخاف من ظلها فارس :عمره 28 اخو فرح الوحيد يشتغل بشركة حالتهم الاجتماعية ميسورة امهم وابوهم توفوا بحادث وحاليا عايشين بشقه بعد ما كل أهلهم تخلوا عنهم بعد حادثه فرح وبعد ما خطيبها فسخ الخطوبه بعد قصة حب دامت لسنين وهذا الي زاد الموضوع وعقده دكتور غادة: هاه يا فرح كيف نفسيتنا اليوم فرح: الحمدلله غادة: يقول فارس اليوم عندك اخبار حلوة فرح ابتسمت وحكتلها كل الي صار غادة: حلو شفتي كيف انه مو كل الناس حولنا تفكر بطريقه عدائية وان فيه ناس ما زال بقلبها خير وحب فرح: ما توقعت انها بتبادلني الحديث لان كل بنات الجامعه يتجنبوني غادة: انتي لا تفكري بهالاشياء السلبيه وكوني ايجابيه بكل شي يصيرلك حتى الاحداث السيئة واجههيها بضحكه وتغلبي عليها انتي قويه وقادرة تواجهي كل هالناس والدليل انك طلعتي وكملتي دراستك هذا الي ابيه منك لا تخافي من أي احد ولا من أي كلام توكلي على ربك واستعيني فيه فرح: ان شاءالله غادة: اليوم فيه عندي لك هالهديه البسيطه فرح مدت ايدها وتناولت السلسال الي كان بايد غاده وصارت تتأمله كان عبارة عن عقد ذهب بداخله ماسه كان منسق بشكل جميل فرح: جميل غادة: يشبهك بجمالك وجمال روحك وطيبتك ابيك تلبسينه وكل ما تضايقتي تطالعينه وتتذكري انك نقيه و جميله بجمال هالعقد الي لابستنه فارس كان يطالعهم وفرحان بالتقدم الي وصلتله فرح بعد معاناة طويله والم صارت تتكلم وتطلع وتبتسم بعد ما كانت عايش فعزلة وخوف وبكا شكر ربه وتمنى انها ترجع فرح الأولى توقعاتكم الجميلة مثلكم | ||||||||
|
| |
|
21-10-19, 11:33 AM
| #17 | ||||||||
| مراقبة عامة ومشرفة منتدى الروايات المنقولة
| البارت 15 مهرة نزلت من السيارة عند باب بيت اكره انسان على قلبها تحاملت على نفسها ودقت الجرس دخلت بعد ما فتحتلها الشغاله وجلست بالصاله غاليه: لك عين بعد تجي بعد الي سويتيه ببنتي مهرة بكل هدوء طالعتها من تحت لفوق : الي المفروض يقول هالكلام انا مو انتي انتوا الي المفروض لسانكم هذا ينقطع وما تتكلموا بعد الي سويتوه وبعد الي صار الي سويته نتيجه افعالها وحبيت اادبها شوي عشان تعرف ان اعراض الناس مو لعبه غاليه: انتي وحده مريضه دخل فهد الي صرخ على غاليه الي كانت بتكمل كلامها : غاليه غالية: بدل لا تصارخ عليي صرخ عليها هي فهد: روحي غرفتك بعدين نتكلم غاليه: هذا الي ماخذته منك بس طلعت لغرفتها وهي واصله حدها فهد: هلا بالغاليه (قرب بيبوس راسها لكن مهرة صدته بايده) مهرة: جايه أقول كلمتين وماشيه وين ولدك خله يجي فهد: شوي ويوصل خليني اجيبلك شي تشربينه مهرة: ما ابغا شي بخلص الي عندي ورايحه فهد: انتي ليش مو راضيه تنسي الماضي والله العظيم ندمت على كل شي صار بالماض احس ان الله عاقبنا لما سافرنا صارت حريق واخوانا كلهم توفوا وانا الي بقيت منهم هالشي كله عقاب من رب العالمين على الي صار زمان ادري وانا رجعت ودورتك عشان اتسامح منك والله صارلي كم شهر وانا ادور عليك مهرة بغصه على الي صار بأخوانها : ما يهمني كل الي صار فيكم ومثل ما قلت الله اخذ حقي وما بقى غيرك واكيد ان ربي بياخذ حقي وحق امي منك دخل سامي عليهم والابتسامة شاقه وجهه لما شاف مهرة قدامه سامي: هلا والله عمتي وانا أقول ليش البيت منور اليوم مهرة: عندي لك كلمتين وماشيه سامي جلس بكل اريحية وحط رجل على رجل : تفضلي مهرة: ممكن تخلينا بروحنا (لفهد) فهد تركهم وصدره ضايق من علاقته بمهرة الي يردد بداخله انه من حقها تسوي فيه كذا واكثر الي سووه فيها مو شوي مهرة: شو الي صار بينك وبين دانيه وانت فاهم قصدي زين سامي: ليش هي ما قالتلكم الي صار مهرة: انا اسألك انت جاوبني اذا انت رجال قول سامي نزل رجله وتكلم : والله الي صار تعرفي اني رجال (شدد على الكلمة ) وقدامي بنت بهالجمال بصراحه ما قدرت امسك نفسي مهرة بحرقه وان الي فبالها تأكد من كلامه: انت كذاب هي قالتلي انه ما قربت منها انت تسوي هالشي بس تبغا ترد الي سويناه بأختك سامي: والله صدقتوا ولا ما صدقتوا هذا اخر اهتماماتي وبعدين اظن شفتوا جسمها واصلا هي مستحيل تتذكر لان اغلب الوقت كانت نايمه بسبب الحبوب الي معطيها إياه مهرة الي تحس ضغطها ارتفع من كلام سامي ومن المصيبه الي طاحت على راسهم سامي: بس انا ما بكون نذل معكم ومستعد اتزوجها اليوم قبل باكر مهرة: تخسي اعطيك بنتي وانا باخذها المستشفى وبتأكد اذا كنت قربت منها او لا سامي: براحتك ومن حقك بس بعدين وين بتروحوا من الفضيحه اذا طلع كلامي صحيح مهرة شوي وتقوم تخنقه من كلامه واسلوبه الي ينرفز قامت وكانت بتطلع سمعته يكلمها سامي: العرض ما زال قائم لحد باكر باليل اذا ما وصلني ردكم تحملوا الفضيحه الي بتجيكم عاد انا مالي خص انا سويت الي عليي وعرضت عليكم عرض مغري مهرة الي بلحظه حست ان هيبتها انكسرت وان هالولد كسرها وفمين فأعز ما تملك أولادها طلعت من غير ما ترد عليه ورجعت البيت .................................................. ......................... عند وسن وناصر كانت جالسه ترتب شنطه ناصر وهو واقف ويطالعها ابتسمت بعد ما خلصت : خلص خلصت ممكن تشوف اذا ناقص شي او لا ناصر: انا واثق انك رتبتيها ميه بالميه وسن: أخاف تروح هالثقه بعد ما تشوف الترتيب ناصر قرب منها : تعرفي ان اول مره احد يهتم ويرتب شنطتي بهالطريقه ويهتم بأدق التفاصيل وسن نزلت راسها بحيا ورجعت خصلة من شعرها ورا اذنها ناصر حس انه احرجها : طيب شرأيك ننزل تحت نمشي شوي قبل ما اروح المطار وسن: فكره حلوة والجو اليوم خطير سحب ورذاذ خفيف ناصر: يشبهك وسن طالعته وبابتسامه ذوبته: انت كل شي تشبهني فيه شو الي ما يشبهني ناصر: يشبهك كل شي ناعم ورقيق وهادي وما يشبهم كل شي قاسي وجلمود وسن: انا بسبقك (ركضت وكلمته بصوت عالي ) الحقني وبنشوف من يفوز ويسبق الثاني للحديقه الي ورا ناصر ضحك و ركض وراها .................................................. ....... رزان كانت مع رنا بالمستشفى بعد ما تعبت السايق وداهم لانهم اتصلوا بخالد وما رد عليهم كانوا حاطين لها مغذي رنا: متى يخلص هالمغذي بروح البيت ما احب ريحة المستشفيات رزان: نص ساعه وخالصين وبعدين التحاليل بعدها شوي وسمعوا دق الباب ودخل خالد وواضح الخوف بملامحه قرب من السرير ومسكها من ايدها : خير شفيك شصاير رنا صدت الجانب الثاني عنه رزان : تعب خفيف لا تحاتي ان شاءالله كلها ساعه وتطلع بس ننتظر التحاليل خالد: انا بروح اشوف الدكتورة دخلت الدكتورة ومعاها أوراق التحاليل الدكتورة: السلام عليكم الجميع: وعليكم السلام الدكتورة: كيفك يا رنا الحين رنا: الحمدلله احسن دكتور بطلع اكتبيلي على خروج الدكتورة : ان شاءالله حبيبتي لما يخلص المغذي ونتطمن عليك اكثر (طالعت بخالد) انت زوجها خالد: ايه الدكتورة: زين خالد: طمنيني دكتورة كيف نتيجة التحاليل الدكتورة: مبروك الكل طالع بالدكتورة وهو متفاجئ الدكتورة: مبروك المدام حامل خالد ورزان الي فرحوا على الخبر ورنا الي من الصدمه مو قادرة ترمش ولا تسوي أي ردة فعل ثواني واستوعبت كلام الدكتورة رنا: حامل أي حمل لا مستحيل أكون حامل لا (صرخت بكل علو صوت)لا دكتورة الله يخليك قولي غير هالكلام خالد ورزان ركضوا ناحيتها يحاولوا يهدوها شالت المغذي ونزلت من السرير جلست على الأرض وصارت تضرب بطنها بكل قوتها رنا (تصارخ وتبكي ): ما ابيه لا ما ابيه نزليه دكتورة نزليه الدكتورة: بنادي الممرضه تعطيها مهدئ خالد نزل على الأرض ومسك ايديها الثنتين وصرخ فيها : انتي مجنونه بتأذي نفسك والي فبطنك رزان بعدت عنهم وفضلت تطلع من الغرفه وتخلي خالد معها رنا رفعت راسها وطالعته: ما ابي هالطفل هالطفل لازم ينزل انت تعرف ليش ما ابيه ما ابيه خالد: بس انا ابيه وبتمسك فيه ومستحيل اخليك تنزليه او تأذيه رنا: مو بكيفك مو كل مرة تكون اناني وتسوي الي تبغاه انا ما ابيك ولا ابي أي شي منك ما ابي أي شي يربطني فيك انا اكرهك خالد: خلص يا رنا خلص دخلت الممرضة ومعاها الابره ضربتها الابره وطلعت رنا الي بدت تغيب عن الوعي شوي شوي رنا: ما ابيه ما ابيه طاحت بحضن خالد وخالد الي مو عارف كيف يتصرف معها وهالحمل عقد الموضوع بينهم اكثر واكثر رغم فرحته بأنه راح يكون عنده طفل ومن رنا بالذات .................................................. ............... وسن كانت تركض وتطالع بناصر الي كان يركض وراها وتضحك عليه وصلت للحديقه وما حست غير بايده الي تسحبه وطاح على ظهره وطاحت فوقه ناصر : وصلنا مع بعض وسن كانت تتمنى الأرض تنشق وتبلعها من الخجل والموقف الي هي فيه كانت فوق ناصر وهو محاوطها حاولت تقوم لكنه كان مقيدها ساره الي كانت جايه من بعيد شافت الي صار اقتربت منهم سارة بقهر : ما شاءالله عصافير الحب هنا وسن وناصر انحرجوا وبعدوا عن بعض سارة: لا كملوا عادي انا كنت بروح ناصر بحده: سارة سارة: هذا الشغل الي عندك لما طلبت منك توديني المكتبه قلتلي مشغول لا بصراحه اشوفك مشغول وااايد ناصر سحبها من ايدها وبعدوا شوي عن وسن ناصر: كم مرة اقولك هالكلام ما احب اسمعه وهالتعليقات الي مالها داعي اتركيها عنك سارة: انا ما قلت شي غلط وبعدين عندكم شقه سوو فيها الي تبون مو قدام خلق الله استحوا على وجهكم ناصر: ما شاءالله والله وطال هاللسان سارة: مالك خص فيني مو انت خلاص اخليت مسؤوليتك عني يعني انا ما اعنيلك شي ووقفتك معي هذي غلط وانت متزوج وزوجتك تغار عليك روحلها تركته ومشت وناصر الي مصدوم من كلامها وسارة الي دموعها انزلت مسحتهم بعنف وركضت لداخل البيت سارة: ما يستاهل دموعك يا سارة كلهم كذابين ومنافقين سمعت صوت قمر تبكي وبكاهاا ما وقف ركضت لفوق دقت الباب محد رد عليها فتحت الباب ودخلت قربت من السرير كانت ندى جنبها لكنها مو حاسه فيها شالتها سارة وحاولت تسكتها وحاولت تصحي ندى لكنها كانت نايمه بعمق ولا حاسه بالي حولها سارة: يا ربي شسوي ما اعرف للأطفال كيف بسكتها خلص حبيبتي خلص انتي حلوة وجميله شكتي يا عمري هذي ما تسكت يا ربي طلعت من الغرفه وتوجهت لغرفة منى دقت الباب طلعت منى منى: شفيها سارة: مدري سمعتها تبكي ودخلت وحصلت ندى نايمة ولا حاسه فيها وهي تبكي ما عرفت شسوي منى: لا يكون فيها شي سارة: مدري منى: هاتي عنك (مسكت قمر ومشوا لغرفه ندى) حاولت منى تصحيها وصحت بعد عناء ندى بخوف: بسم الله شفيكم شفيها قمر منى: ما فيها شي بس تبكي شكاها جوعانه وانتي موح اسه فيها فيك ش يتعبانه حاسه بشي ندى: لا بس الظاهر نمت من التعب ولا حسيت عليها والله صارلي يومين ما انام عدل منى: طيب امسكي بنتك رضعيها شكلها جوعانه بس زين ان سارة كانت موجودة وسمعتها ندى: الحمدلله مشكورة حبيبتي .............................................. عند وسن وناصر وسن الي كل يوم تكتشف شي جديد فعلاقات الي حولها اكثر شي شدها علاقة ناصر وساره الي كل يوم يصير شي جديد ومختلف توقعاتكم وتفاعلكم | ||||||||
|
| |
|
21-10-19, 11:34 AM
| #18 | ||||||||
| مراقبة عامة ومشرفة منتدى الروايات المنقولة
| البارت 16 عند وسن وناصر وسن الي كل يوم تكتشف شي جديد فعلاقات الي حولها اكثر شي شدها علاقة ناصر وساره الي كل يوم يصير شي جديد ومختلف ناصر: انا صار لازم اروح وسن: طيب بس يعني كم يوم بتجلسوا ناصر: كلها يومين ان شاءالله ما بنطول وسن: ان شاءالله اخذ شنطته واغراضه وقبل لا يطلع حضن وسن ووسن الي تفاجأت من تصرفه وبنفس الوقت بادلته الحضن الي دوم يحسسها بالأمان بعد عنها وبابتسامه متبادله ناصر: استودعتك الله وسن: الله يحفظك ناصر: فيه تحت المخده ورقه لما اروح اقريها وانتظر ردك عليها بفارغ الصبر وسن: ورقه شو ناصر: بعد ما روح تقدري تشوفيها يالله لا اتأخر مع السلامه وسن: مع السلامه لحظه بنزل معك لتحت ناصر : طيب يالله لبست عباتها وتحجبت ونزلت مع ناصر مهرة الي دخلت على نزول ناصر ووسن ناصر لاحظ وجه جدته الي كان غير عن العادة غير عن القسوة الي كانت ظاهره عليه والعيون الحادة هالمرة وجهها يدل انه فيه شي عظيم وعيونها الذبلانه دليل ان صاير شي لها ناصر : وسن انتظري شوي دخل ناصر ورا جدته الي مرت من جنبهم ولا انتبهت عليهم كانت شاردة ومو معاهم ودخلت لمكتبها دخل ناصر وراها ناصر: يمه مهرة طالعته بتعب وجلست على كرسيها وحاسه برجفه وضعف بجسمها ناصر: يمه فيك شي تعبانه مهرة: ما فيني شي يمه بعدين انت ليش بعدك بالبيت بتتأخر عليهم يالله توكل ناصر: اذا تعبانه بجلس عندك خلهم يروحوا مهرة: ما فيني الا العافيه يالله روح ناصر: متأكدة مهرة بابتسامه: متأكدة ناصر: طيب يالله بالاذن باس راسها وطلع وسن: خير ناصر: احس ان جدتي فيها شي اول مره اشوفها بهالشكل اذا صار شي كلميني على طول وسن: ان شاءالله ولا يهمك ناصر: خلك جنبها وسن: ان شاءالله بعد ما طلع ناصر كانت وسن خايفه ومترددة انه تدخل عليها تخاف تتعامل معها وتتواجد معها بمكان بروحهم لكنها كانت حابه تتطمن عليها دقت الباب مهرة: من وسن: انا وسن مهرة: تعالي وسن دخلت و وقفت بعيد عنها: كنت حابه اتطمن عليك مهرة: تعالي جلسي جنبي وسن قربت منها وجلست جنبها مهرة: تعرفي شكثر كنت احب واعز ابوك من بين كل اخوانه كان اكثر واحد مطيع لي أي شي ابغاه احصله اول واحد يلبي الي ابيه وسن كانت تسمعلهاباهتمام اول مره احد يتكلم عن ابوها قدامها مهرة: انتي وايد تشبهينه بهدوءك مدري شو الي غيره وخلاه يعصيني وسن سألت بتردد خوفا من ان جدتها تعصب: بشو عصاك مهرة: بزواجه وسفره وبعده عني وسن: ابوي ما كان عايش معاكم مهرة انتبهت على نفسها وسكتت: ناديلي ميري ونادي منى وسن فقدت الامل بأخر لحظه كانت بتعرف ولو شوي عن ماضيها خرجت وهي كلها خيبه مرت على ميري وبعدها صعدت لمنى ما حصلتها بغرفتها وسمعت صوتها بغرفه دانيه استأذنت ودخلت وخبرتها تنزل بعد ما طلعت منى جلست وسن مع دانيه الي كان التعب مبين بوجهها وسن طلعت جنبها بالسرير وجلست وسن: دانيه سلامتك حبيبتي شفيك دانيه الي حاسه ان كل شي بوجهها مقفل مو طايقه لا صوت ولا حركه ولا أي شي دانيه: ما فيني شي مجرد تعب وحرارتي شوي مرتفعه وسن: تحبي اسويلك كمادات دانيه: مشكوره حبيبتي امي قبل شوي سوتلي وخذيت دوا بنام شوي يمكن تخف وسن: طيب اخليك ترتاحي طلعت من غرفه دانيه وشافت سارة بوجهها سارة: هلا والله شخبارك وسن: الحمدلله زينه سارة: تصدقي انتي اكثر وحده اشفق عليها بهالبيت وسن ماسكه اعصابها ولا حابه تنفلت عليها : شكرا مو محتاجه شفقه من احد سارة: لا بجد يعني لو تعرفي ماضيك مثلا يعني ولا لو تعرفي ان ناصر انجبر عليك ولا يحبك واصلا هو يحبني انا والاشياء الثانيه الي الكل يخبيها عنك وانتي مثل الغبيه تصدقي كل شي ينقال لك وعنك وسن شدت على ملابسها تحاول انها تتمالك نفسها ولا ترد هي تعرف طبع سارة عشان كذا كانت تحاول تحافظ على هدوءها وسن: كل الي ابيه انك تبعدي عني وخلص واذا حبيت اعرف شي اكيد ما راح يكون منك سارة: وانا اكيده انا ما فيه احد راح يقولك الحقيقه كامله غيري انا انا وبس خلود كانت وراهم وسمعت الكلام من الأخير خلود بعصبيه واضحه بصوتها : سارة سارة طالعت بخلود: هلا خلود خلود: انتي شهالكلام الي تقوليه سارة: ما قلت شي غلط ليش تحبوا النفاق فهالبيت مدري يعني لازم كل واحد يضحك بوجه الثاني ويحسسه ان حياته كلها ورد بورد وهو عارف الحقيقه خلود: لا مو لازم وانتي ادرى بالي راح يصير سارة مرت من جنب خلود : ما يهمني يصير الي يصير خلود طالعتها بقهر ولفت على وسن الي كانت ملامحها متغيره من بعد كلام سارة ومن قهرها من أسلوب سارة ولسانها خلود: حبيبتي لا تتضايقي من سارة هذا طبعها مع الكل وسن بابتسامة: لا تحاتي ما تضايقت استأذن انا بروح انظف شقتي خلود: تحبي اساعدك وسن: مشكورة ماله داعي عن اذنك .................................................. ................ بمكتب مهرة منى: مستحيل مستحيل هالشي يصير هالكلام مستحيل يكون صار وانا مستحيل ازوج بنتي بهالطريقه وسلطان اذا درى شو بيكون موقفه مهرة: ادري ان هالشي صعب علينا لكن مجبورين كلها كم شهر ويطلقها بنتفق معه على هالشي منى: معقوله هالشي يصير ببنتي بعدها صغيره كيف بتستوعب كل هالصدمات وهي بهالعمر مهرة: فترة وتعدي ان شاءالله وبعدين انا بحطله شروط بعد هذي بنتي بعد منى: الله يعين يارب تصبرنا وتعينا مهرة: انا بكلمه وبتفق معاه على كل شي ولما يرجع سلطان نسوي الملكة وحفلة صغيره بنفس اليوم منى ببكا: هذي نهايتها بنتي وحيدتي تتزوج بهالطريقه ليش ليش شو ناقصها مهرة ما كانت بوضع يسمحلها تجلس وتتحمل هالبكا واللوم الحين مهرة: باكر لما يجي نتكلم ................................................ وسن اول ما دخلت الشقه قفلت الباب بكل قوتها وجلست على الأرض ودموعها وصوت بكاها العالي يتردد وسن: ليش مو قادرة أتذكر من انا مين انا تعبت من هالوضع خلص تذكرت كلام ناصر لها قبل ما يطلع وجا فبالها انه ممكن يكون كتب بهالرساله شي يخصها ويخص ماضيها وقفت ودخلت الغرفه خذت الرساله وفتحتها بسرعه كان محتواها ( مدري اذا هالخطوة وبهالوقت تكون صح او لا لكن ولأول مره اسمح لقلبي ان يتحكم فيني وبكل مشاعري واحاسيسي انا من اول ما تزوجنا عاهدت نفسي وعاهدتك اني أكون لك الأخ والسند والأمان لكن الي ار اكبر مني مدري كيف ولا متى تعلقت فيك وحبيتك تمنيت انك تبادليني هالاحساس تمنيت اننا نكون زوجين طبيعين مثل أي زوجين علاقتهم تكون باندماج ارواحهم واجسادهم انا من البدايه انجذبتلك يمكن قلت انجاذب شكلي لشكل جميل لكن يوم بعد يوم بديت انجذب لكل شي فيك اسلوبك طريقتك كل شي خاص فيك انا ما اقدر اجبرك انك تقبلي بكلامي هالشي راح يكون من اختيارك وانا راح احترمه انا ما انتظرت الى ما اتأكد من مشاعرك ابتديت بهالخطوه وأتمنى انها تكون بوقتها وأتمنى اعرف جوابك وتفرحيني برساله على قبولك او لا هل تحبي ان علاقتنا تكون علاقة اخوة او ازواج وانا تأكدي راح احترم قرارك وراح أكون جنبك مهما كان خيارك) وسن صارت ايدها ترجف وطاحت الورقه من ايدها متفاجئة من الكلام الي قرته بالورقه تناولت الورقه من الأرض وصارت تقراها مره ومرتين وثلاث الى ما نامت .................................................. ................................. عند ندى وراشد راشد: عطيني هالحلوة شوي ندى: شوي شوي عليها خلود: اشوف الحب صار كله لقمر الحين راشد: بدينا نغار اشوف خلود: لا ليش اغار أصلا عادي خالد كان ساكت ويضحك ندى: شفيك انت بعد مو حاب تقول شي خالد: لا بس اضحك على هالخبله صارت عيوز وتبغا دلع بعد خلود رمت عليه علبة الكلينكس خلود: عيوز فعينك خالد: يبه كان خذيتني معاكم والله طفره هنا راشد: نسيت جامعتك وبعدين مو انا وعدتكم نسافر بالاجازه خلص خالد: الله يصبرنا راشد: يالله انا بطلع أخاف اتأخر يالله خالد خالد: يالله .................................................. ......... عند فرح الي كانت طالعه من الحمام بعد ما خذت شور وكانت لافه الفوطه على جسمها وقفت قدام المرآية وصارت تتأمل بجسمها كيفه متشوه من داخل الحروق كانت مأثره بمناطق معينه بجسمها نزلوا دموعها غصب عنها فرح: من الي بيرضى فيك بعد كل شي صار معك من الي بيسمح لبناته انهم يرافقونك من الي بيطالع بوجهك وانتي كل شي تشوه فيك سمعتك وجسمك رن موبايلها مسحت دموعها وردت على التلفون فرح : هلا فارس فارس: هلا فروحه انا بتأخر شوي قفلي الأبواب زين ونامي انا عندي مفتاحي فرح بخوف بس ما وضحتله: طيب طيب فارس: يالله مع السلامه فرح : مع السلامه اول ما قفل فارس لبست بيجامه خفيفه وركض تقفل كل الأبواب والشبابيك بالبيت جلست بالصاله وشغلت التلفزيون ودخلت للمطبخ تجهزلها عشا خفيف تسلي نفسها وتحاول انها ما تفكر مرت ساعه وبدا الخوف يتسلل فقلبها وصارت تتخيل أصوات وتنتقز على كل حركة وفجأة سمعت صوت قوي فالمطبخ صرخت صرخت صرخة قوية وركضت لغرفتها وقفلت باب الغرفه وتأكدت ان الشبابيك كلها مقفوله ارتمت عالسرير وغطت كل جسمها مع وجهها بالبطانيه توقعات حلوه وتفاعل قوي بليز واريد رأيكم بالروايه بعد واذا حابين اني اكمل بالاحداث | ||||||||
|
| |
|
21-10-19, 11:36 AM
| #19 | ||||||||
| مراقبة عامة ومشرفة منتدى الروايات المنقولة
| البارت 17 جلست بالصاله وشغلت التلفزيون ودخلت للمطبخ تجهزلها عشا خفيف تسلي نفسها وتحاول انها ما تفكر مرت ساعه وبدا الخوف يتسلل فقلبها وصارت تتخيل أصوات وتنتقز على كل حركة وفجأة سمعت صوت قوي فالمطبخ صرخت صرخت صرخة قوية وركضت لغرفتها وقفلت باب الغرفه وتأكدت ان الشبابيك كلها مقفوله ارتمت عالسرير وغطت كل جسمها مع وجهها بالبطانيه اول الصباح وصل فارس ودخل البيت استغرب لما شاف التلفزيون شغال ومحد موجود صعد غرفته ومر على غرفة فرح حاول يفتح الباب لكنه كان مقفل عرف فارس انها كانت خايفه دق الباب كذا مرة لكنه ما سمع رد خاف لا يكون صايرلها شي اتصل على موبايلها وكان يسمع صوته يرن وما كانت ترد اتصل مره ومرتين وفالثالثه ردت بصوت كله تعب ونوم فرح: الووو فارس: فرح انتي بخير فرح فزت : انت وينك فارس تأخرت فارس: انا عند باب غرفتك تعالي فرح نطت من السرير وفتحت الباب وعلى طول ارتمت بحضن فارس وصارت تبكي فارس صار يمسح على ظهرها بحنيه فارس: ليش البكى الحين فرح: كنت وايد خايفه مره ثانيه لا تخليني بروحي فارس: والله غصبا عني تعرفي ظروف الشغل فرح: مدري فارس بس والله بغيت امموت من الخوف فارس: اسم الله عليك شهالكلام يالله الحين خلص هذاني رجعت وبنام شوي وبعدها بوصلك الجامعة اظن محاضرتك اليوم الساعه 11 فرح: ايوا فارس: يمديني انام كم ساعه .................................................. ................. عند مهرة الي النوم مجافيها عيونها ما غمضت من لما كلمت سامي وخبرته انه يجي البيت عشان يتفقوا على موضوع الزواج ووسن الي نومها كانت متقطع من لما قرت الرساله وهي مو قادرة تستوعب كلام ناصر الي ما توقعت انه يكن لها كل هالمشاعر بهالفترة البسيطه وهي الي كانت مستبعده سالفة الحب بكبرها وكل همها تحاول تعرف كل شي عن حياتها السابقه والي زادها إصرار كلام سارة الي كل مره ترميه عليها من غير التكتم الكبير على حياتها من كل الموجودين بالبيت دانيه الي التعب ملازمها وحرارتها مره تنخفض ومره تزيد كل هذا نتيجه الإرهاق والتعب النفسي سارة الي كل همها تنتقم من اهمال ناصر لها وما كانت تدري ان كل شي تسويه بيرجعلها هي وبيضرها هي اكثر من أي احد ثاني جالسه بالحديقه كالعادة وحاطة رجل على رجل وشاردة وتفكر بعمق ولا حاسه بالي حولها نزلت خلود تنتظر خالد بالحديقه عشان بتروح الجامعه شافتها جالسه بروحها قربت منها وضربتها فكتفها خلود: سوير انتي ما عندك جامعه سارة : بسم الله خوفتيني شفيك ما تعرفي تتكلمي مثل الاوادم خلود: لا اعرف بس انتي الي صايره غريبه وتصرفاتك اغرب سارة: تطمني ما فيني الا كل خير خلود: والجامعه سارة: بكيفي متى ما بغيت بروح خلود: يعني انتي ناويه تضيعي مستقبلك حرام الي تسوينه الناس تتمنى تكون بمكانك وانتي موح اسه بالنعمة الي انتي فيها سارة: انتي فاضيه يعني عشان مخليه كل اشغالك وجايه تعطيني محاضرات فالي يصح والي ما يصح خلود: سارة حبيبتي والله مو هاين عليي اشوفك تدمري مستقبلك واسكت والله حرام وبعدين عمي بيزعل منك سارة ضحكت بعلو صوتها: لا لا ضحكتيني صراحه أي عم ايه اكيد قصدك ابوي الابو الي ما يدري عن بنته عايشه ولا ميته الابو الي ما اهتم لنجاحها او رسوبها الابو الي ما يداريها وقت مرضها أي أبو الله يخليك أقول اخوك ينتظرك روحي جامعتك ابرك لك تركتها ودخلت داخل وخلود ركبت السيارة خالد: شفيك خلود: سارة نرفزتني خالد: شصار بعد خلود حكتله كل شي صار بينهم خالد: والله ما ألوم سارة على تصرفاتها هالشي من معاملة عمي واهماله خلود: بتضيع نفسها والله مو حابه اشوفها كذا خالد: شو الي بايدنا ونقدر نسويه خلود: ناصر ايه ناصر هي تسمعله خالد: مدري احس مو حلوة نكلمه بهالموضوع خلود: عيل شالحل خالد: جدتي هي الي تقدر عليها خلود: لا أخاف جدتي عصبيه وسارة ماخذه طبعها ابعد احسن ما احب ادخل فمشاكل انا في غنى عنها .................................................. .......... صحت من النوم على غثيان ودوار وركض للحمام ترجع رنا: آآآه بطني رنا بتعب: خالد خالد خالد الي كان بالصاله يتجهز بيروح الشركة سمع صوتها ودخل ركض للغرفه شاف باب الحمام مفتوح ورنا بالأرض طايحه خالد قرب منها وشاف ملابسها الي توسخت خالد: خليني اساعدك تشيلي ملابسك رنا: لا وخر عني اتصل برزان خلها تجيني ما ابيك وخر عني خالد: رزان بالجامعه رنا الي تحس ان قوتها تبخرت من التعب والارهاق والغثيان الي مسيطر عليها رنا: عطني ملابس بغير بروحي خالد ما يعرف كيف يكسر هالعناد الي فيها طلع وطلعلها بيجاما من الكبت وعطاها وقفل الباب وانتظرها عند الباب رنا تغسلت وغيرت ملابسها وطلعت من الحام وهي متسنده على الباب كانت بتطيح لكن ايد خالد كانت اسرع ومسكها وسندها ما قدرت تقاوم لانها ما فيها طاقه شالها بين ايديه وسدحها بالسرير خالد: بجيبلك ادويتك هالشي كله لانك هاملتها رنا: ما ابي ادويه ولا أي شي ولا هالطفل خليه ينزل عشان ارتاح خالد: كأني ما سمعت الكلام الي قلتيه بجيب الادويه واذا ما رضيتي تشربينها والله يا رنا راح تشوفي الوجه الثاني مني وراح اسوي اكثر تصرف انتي تكرهينه وما راح انتظر موافقتك راح اسويه غصبا عنك رنا الي فهمت قصده انه بيقرب منها وياخذ الي يبيه كالعاده غصبا عنها لمقاومتها له فكل مره وبكاها استسلمت لكلامه وتهديده وشربت الدوا عشان لا يتجرأ وينفذ تهديده خالد بداخله(لهالدرجه كارهتني وكارهه قربي ) تذكر قبل 15 سنه لما صار الحادث لرنا وعمه بنفس اليوم الي توفى فيه عمه رنا كانت بغيبوبة وأجزاء كثير من جسمها تأثرت والكلى كانت من بينهم وصاروا يدوروا على متبرع لها بعد يومين وصلهم خبر عن متبرع مجهول فاعل خير وان الأنسجة متطابقه والعملية كان لازم تنعمل بأسرع وقت وهالفاعل خير رفض أي مقابل مادي الكل استغرب ساعتها وحاولوا يعرفوه عشان يكاف}ه لكنه كان متكتم على معلوماته الشخصيه سووا العمليه ونجحت وما قدروا يوصلوا لهالمتبرع الي انقذ بنتهم من الموت بعد شهر صحت رنا من الغيبوبه والكل فرح ما عدا رنا الي دخلت بصدمه بسبب خبر وفاة ابوها الي عاشتها والي حست بالذنب لانه لولا إصرارها انه يجي ياخذها من المدرسه ما كان صار الحادث صارت ما تتكلم وايد وشخصيته المرحه تغيرت وصارت ما تجلس مع احد كله بروحها لوقت زواجها بخالد الي عقد الموضوع وزاد حالتها النفسيه سوء لان هالزواج ما كان بوقته والي ما تعرف رنا ولا أي احد غير مهرة الي بتقصياتها ومعارفها قدرت تعرف ان هالمتبرع كان خالد الي ضحى بنفسه وحياته عشان ينقذ رنا وتبرعلها ومحد شك انه هو لانه كان يدرس بالخارج وما كان موجود لكن لما سمع عن الي صار رجع وما خبر أي احد من اهله وسوا العمليه ورجع مرة ثانيه بعد ما تطمن على رنا وهالسبب زاد إصرار مهرة على زواجهم كرد جميل لخالد وانه بهالشي اثبتلها انه هو جدير فيها وراح يحافظ عليها ) صحى من ذكرياته على صوت موبايله خالد: هلا فيصل فيصل: انت وينك صارلي انتظرك ساعه تحت خالد: اوووف نسيتك دقايق ونازل فيصل: والله لو انه مو سيارتك كان خليتك وروحت خالد بضحكه على صوت فيصل المعصب : خلص هدي قلتلك جاي خالد الي طالع برنا الي كانت نايمه بعد ما خذت الدوا غطاها وخذ أوراقه وطلع .............................................. فيصل الي كان ينتظر خالد شاف رزان الي كانت واقفه تنتظر السواق الي تأخر عليها وباين من ملامحها الي متنرفزه ومعصبه فيصل ابتسم ونزل فيصل: صباح الخير رزان الي كانت منتبهه عليه اول ما تكلم بلعت ريقها وولفت عليه رزان: صباح الخير فيصل: شخبارك رزان رزان ولا انا غلطان رزان الي فتحت عيونها على وسعها وبداخلها (ويعرف اسمي بعد يا سلام ) رزان اول ما شافت السيارة كأن الفرج جاها ركض عالسيارة وطنشت فيصل ولا عبرته ولا حتى سلمت كان كل همها تهرب منه فيصل ضحك على تصرفها الي كل مره تكرره من تشوفه كل مره يكون ردها الهروب وصل خالد خالد: بسم الله شهالابتسامه قبل شوي كنت معصب وشوي وتطلعلي من سماعة التلفون فيصل : سمعت وشفت الي روقلي مزاجي خالد: لاااه امش بس امش وبتقولي عن هالي روقلك مزاجك .................................................. ...................... بالجامعه كانت وسن حاسه بصداع لانها ما نامت زين ولأنها طلعت من غير ما تفطر كانت جالسه فمكانها المعتاد بعد ما خلصت محاضرتها تنتظر المحاضرة الي بعدها كان تلفونها صامت وكانت تتفادى ترد على أي رسالة او اتصال من ناصر لانها مو عارفه ترد عليه ولا شو بتقوله وفضلت انها تبعد وما تفكر عن الموضوع تفاجأت بالبنت الي جتها وجلست جنبها فرح: مساء الخير وسن شخبارك وسن ونظرات الاستغراب بوجهها من البنت الي جلست جنبها وتعرفها فرح: ما تذكرتيني انا فرح امس تعرفت عليك وسن: ايه عرفتك هلا فيك حبيبتي فرح: ممكن تلفونك وسن والي الخوف تسلل لقلبها من تصرفات هالبنت وسن: تفضلي فرح خذته شوي وبعدها رجعته : خذي سجلت رقمي عندك وخزنته وسويت رنه على تلفوني علشان اخزن رقمك اذا ممكن نتواصل وسن ابتسمت وبداخلها (تستأذني بعد شو يا خوفي منك شالي تبغيه مني ) : ان شاءالله مروا شلة بنات من جنبه وصاروا يطالعوهم بنظرات وسن الي مستغربه ومستنكره من الوضع وليش هالبنات يتهامسوا ويأشروا عليهم فرح الي تضايقت من الوضع ووقفت وبعدت عن المكان قربت وحده من البنات الي كانت بين البنات الي واقفات البنت: بما انك بنت طيبه وفحالك حبينا نعطيك نصيحه لوجه الله هالبنت الي كانت معك ابعدي عنها لان سمعتها سيئة وبتضيعك معها وسن: ممكن اعرف ليش وشو الي سوته هالبنت عشان تقولوا عنها كذا البنت: شكله راسك يابس وما تحبي النصيحه عموما بقولك اكسب اجر فيك هالبنت الله يسلمك كانت تطلع مع شباب وبيوم من الأيام غدروا فيها وخذوا شرفها ورموها رمية الكلاب فالشارع كل شخص بحارتهم شافها وكانت بوضع استغفرالله وطبعا قصتها انتشرت والكل عرف بقصتها وانتقلوا من حارتهم لكن بعد شو بعد ما انتشر كل شي عنها شكلها واسمها الكل صار حافظنه ومحفور براسهم وسن بخوف من كلام البنات وبسبب فرح وتصرفاتها الي تخوف وسن: عن اذنكم وسن بعدت عنهم وتوجهت للحمام مو مستوعبه الكلام الي قالوه البنات دخلت دورات المياة الي موجود بآخر الممر لقلة البنات الي تتواجد فيه سمعت صوت بنت تبكي داخل دقت الباب وسن: من هنا فرح اول ما سمعت صوت وسن كأنها كانت تنتظر هاللحظه فتحت الباب وتفاجأت وسن لما شافتها وسن: فرح فرح بانهيار : والله كذب كل الي قالوه عني كذب والله انا مو كذا وسن مو عارفه كيف تتصرف خايفه وبنفس الوقت مو قادرة تتركها بهالحاله وسن: طيب اهدي فرح: انتي مصدقتني صح وسن: تعالي نجلس خارج ما يصير تبكي بالحمام فرح: ما ابغا اطلع ويشوفوني ويتشمتوا فيني وسن: من يتشمت فيك فرح: البنات كلهم محد يحبنب ولا يحب يقرب مني كأن فيني وباء الكل يهرب مني وسن: اهدي وفهميني فرح الي بدت تهدا وبدت تحكي لوسن كل الي صارلها بالماضي ووسن الي دمعوا عيونها من قصة فرح الي كانت تقهر ولو هي مكانها ما كانت تحملت وكانت بتنهار اكثر يمكن وسن فاشله بالمواساه لكن كانت تحاول تخفف عنها وسن: كل الي اقدر أقوله ان ولد عمك ما يستاهلك ولا يستاهل ظفرك وان اهلكم ما فيهم خير انهم تخلوا عنكم وكانوا وقفوا جنبكم بدل ما يسوو الي سووه وهالحقيرين ربك راح يأخذ حقك منهم فرح الي حست انها ارتاحت لما تكلمت مع وسن وان فيه شخص صدقها وما نفر منها فرح: ما تدري شكثر ارتحت لما تكلمت معك انتي الوحيده بعد اخوي فارس الي صدقتوني وسن: الله معك وهو شايف وعارف بكل شي صار وهو الي راح ياخذلك حقك من كل واحد ظلمك تفاعلكم مع هالبارت القصير | ||||||||
|
| |
|
23-10-19, 02:36 PM
| #20 | ||||||||
| مراقبة عامة ومشرفة منتدى الروايات المنقولة
| البارت 18 دبي الكل كان مركز ويتابع مع الشخص الي كان يشرحلهم عن البرج الجديد الي بيبنوه وبيكون من اضخم المشاريع الي راح يشتغلوا عليها خلال السبع سنوات القادمه الا ناصر الي كان بعالم ثاني ويحس نفسه ضايق من تطنيش وسن وانها ما ترد عليه لا اتصالاته ولا رسائله من غير رسالته الي كان ينتظر ردها عليه كان يتمنى يخلصوا اليوم ويرجع الليلة بعد ما خلص الاجتماع الكل كان مرهق محمد: كيف نرجع الفندق خاطري انام يوم كامل من التعب الي فيني سلطان: ما فيه وقت للنوم غيرت الحجز بعد ساعتين نكون فالمطار امي تبينا اليوم نرجع تقول فيه موضوع مهم لازم يخلص اليوم ناصر فرح بهالخبر عكس محمد الي يحس جسمه مهدود من الكرف ناصر بداخله(اليوم راجع وبشوف وين بتهربي مني ) .................................................. ........................ عند سامي الي كان مع مهرة بالمكتب سامي: طيب بما ان الملكة اليوم بستأذن عشان تعرفي معرس ولازم اتجهز والعروس ماله داعي تشترولها أي شي انا مجهز كل شي والبوكس الي فيه الأغراض بنزله قبل ما اطلع مهرة بقهر مكبوت من ثقته الزايده بنفسه وتصرفاته الي تحس انها تخنقها مهرة: لا تحسب اني سويت الملكة بهالسرعه عشان خايفه منك انت نذل والواحد ما يسويلك اعتبار كل هالشي عشان هالمسكينه وامها وابوها وبعد نحن عندنا شروط وافقت وافقت ما وافقت خلص الي بينا ينتهي سامي: طيب سمعوني شروطكم مهرة: هي ستة اشهر بالتمام والكمال اول يوم بالشهر السابع تكون مطلق البنت سامي : موافق مهرة: تيجس تسكن عندنا انت وهي وفيه غرفه يا كثرها عندنا سامي: شرطكم الأول ووافقنا عليه لكن هالشرط ما اقدر أوافق عليه انا بعد اهلي بروحهم ما قدر اخليهم تعرفي يعني بس برضيكم بنقسم بالعدل يعني بما انكم حابين تستضيفونا عادي كم يوم بالبيت وكم يوم هنا مهرة وقفت وهي شوي وتضربه بالعصا الي بايدها : انا خلصت الي عندي باليل ملقانا .................................................. ................... العصر وصل سليمان وناصر ومحمد مهرة الي خبرت سلطان الي صار من غير بعض الأشياء الي خبتها بالاتفاق مع منى سلطان لأول مرة كان حاس نفسه عاجز ومو قادر يتصرف ولا يحمي بنته الي من لحمه ودمه بنته الوحيده كان بالغرفه معها هو ومنى يبلغوها بالقرار دانيه ببكا وصراخ : انا مستحيل اتزوج هالانسان مستحيل انتوا معقوله توافقوا عليه وتبيعوني بهالرخص انا بنتكم والله حرام منى الي كانت حاضنتنها وحرارة جسمها الي للحين ما نزلت ووجها الي كان مبين التعب عليه منى ببكا: خلص حبيبتي والله قطعتي قلبي خلص سلطان: لا تتعبي نفسك حبيبتي جدتك شرطت عليه يطلقك بعد كم شهر تعرفي الي صار وهو انسان ما عنده ذمة ممكن يشوه سمعتك بسهوله انتي راضيه يصير هالشي دانيه: والله ما صار شي بينا هو كذاب عشان ترضوا تزوجونه قال الي قال سلطان: حبيبتي انتي والله ما بخليك معه كم يوم وارجعك للبيت معززه مكرمه طلع سلطان بعد ما حس انه شوي وينهار من الموقف ودموع وضعف بنته دخل حمد بعد ما طلع ابوه ومعاه ناصر حمد: انتوا كيف توافقوا على هالشي بدل ما تأدبوا هالحقير تروحوا تعطوه لها انتوا جنيتوا ناصر: خلص حمد انت بدل ما تهديها تزيدها حمد: شو اهدي انت مو سامع تقولك الملكه اليوم ولااه ما فيه عرس بعد اختك احسن واحد يتمناها احسن من هالشخص الي مسمي نفسه رجال ناصر: اذا ما تبي تسكت اطلع خلص لا تزيدها على اختك حمد: انا طالع مو بس من الغرفه من البيت كله فالنهايه قرارت جدتي هي الي راح تذبحكم واحد ورا الثاني وتنهي حياتكم منى: ناصر يمه شوف اخوك أخاف يتهور ويسوي شي ناصر: لا تحاتي يمه ما راح يصير الا كل خير طلع ناصر بعد ما تكلم مع دانية وحاول يقنعها ولو شوي بالوضع والشي الي راح يصير بهاليوم الكل كان يتجهز عشان ما يحسسوا دانيه انها تزوجت من غير حتى حفل الكل كان يتجهز وطلبوا عشا وبوفيه متكامل وما خبروا غير الناس القريبه وقالولهم ان السبب ان المعرس جاتله سفره مفاجئة لشهر وهو اصر ياخذها معه لهالسبب العرس كان بسرعه وبالبيت الكوافيره الي عانت مع دانيه الي ما كانت راضيه تخليها تسويها أي شي والفستان الي موراضيه تلبسه لولا اقناع أمها وناصر البنات كلهم تجهزوا والكل حاس بأسى وحزن على دانيه والي صارلها .................................................. ........... عند سامي الي كان الوحيد الفرحان والمرتاح بهاليوم بعد ما جهز نزل يشوف اذا اهله جهزوا سامي: يمه بعدك على قرارك غالية: انا مستحيل اروح بيت المره الي سجنت بنتي وكانت بتضيع مستقبلها سامي: وانتي فاطمة: انا مع امي سامي: براحتكم فهد طلع من المكتب ونادى على سامي بعد ما دخل سامي فهد: انت متأكد من قرارك هذا سامي: ميه بالميه فهد: انا للحين مستغرب كيف مهرة وافقت تزوجك بنت ولدها سامي: ماله داعي كل هالتفكير المهم انه صار فهد: اه يا سامي انا خايف من الي راح يصير بعدين سامي: انا متأكد انك راح تشكرني فالمستقبل على هالخطوة الي صارت فهد: ما أقدر أقول غير الله يوفقك كان ودي أكون معك بس تدري مهرة بعظمة لسانها قالتلي ما تبيني ادخل بيتها رفضت اني اتواجد حتى بهاليوم معك سامي: ان شاءالله قريب كل شي راح يتغير .................................................. ............................. بالبيت سلطان الي كان حاس ان الألم يزيد ويزيد دخل للسيارة وهو حاط ايده على صدره ومنزل راسه على الدريكسون يحاول يأخذ نفس طلع الحبوب من درج السيارة وشرب حبه سلطان مريض بالقلب هالشي الي مخبيه عن الكل بسبب الضغوطات الي مر فيها بحياته صار عنده ضعف بعضلات القلب واي مجهود او اذا تضايق وصار عنده مشاكل يجي هالالم الكبير الي ما يقدر يتحمله بعض الأحيان ومحد من اهله يدري بهالموضوع نزل من السيارة بعد ما شاف سامي وصل اتجه ناحيته سامي: هلا عمي شخبارك سلطان:الحمدلله بخير وعافيه بغيت أتكلم معك كلمتين قبل ما تدخل سامي: تفضل عمي سلطان: تعال معي السيارة ركب سامي السيارة مع سلطان بس سلطان جاه اتصال سلطان: لحظات وراجعلك سامي جلس بالسيارة وهو يدندن وهو مبسوط ومروق لمح شي يلمع تحت رجله تناوله وكان كرتون صغير لدوا فتح النشره الي داخل وقرا النشره انصدم من الموضوع دخل سلطان وانتبه على الدوا الي بايد سامي حبه بسرعه بخوف سلطان: انت من وين جبت هالدوا سامي: حصلته تحت طايح سلطان: انا ما اوثق فيك ابد بعد الي سويته فبنتي لكن هالمرة أتمنى انك تكون قد الثقه وهالموضوع ما ابي أي احد يعرف عنه فاهم سامي: ان شاءالله سلطان: ثاني شي بنتي يا سامي والله لو فكرت تأذيه او بيوم شكت منك والله ما راح ارحمك سامي: ليش الكل شايفني نذل ووحش ترا انا انسان عادي مثلي مثلكم سلطان: والله مو نحن الي نقول تصرفاتك الي تقول .................................................. .................... عند وسن الي لبست فستانها وحطتلها ميكب خفيف خلصت وصارت تدور تلفونها وسن: ياربي وسن راح قبل شوي كان هنا ناصر: تدوري على هذا وسن الي شهقت بخوف ناصر: خوفتك وسن بارتباك: انت متى جيت ناصر: قبل شوي وسن قربت منه بتاخذ تلفونها مدت ايدها: ممكن ناصر سحبها من خصرها وقربها منه ووسن الي غمضت عيونها من الربكه والخوف ناصر بهمس: ليش تسوي فيني كذا وسن مو فاهمه عليه هو شو يقصد وبنفس الوقت مرتبكه من قربه منها وسن بربكه: ششوو سويت ناصر: موعارفه شسويتي وسن: لا ناصر: ليش ما تردي عليي ومخلتني انتظر ردك على نار وسن سكتت لان ما عندها رد على كلامه ناصر تركها بعد ما حس برجفتها وسكوتها الي احبطه اكثر نزل راسه ومد ايده: تفضلي وسن تناولت التلفون زايدها كانت تنتفض ما تدري هالشعور الي صابها من قربها شو تفسيره ولا تعرف ليش سكتت لما سألها ناصر: انا بنزل تحت تغطي عدل وانتي نازله لا تصادفي احد وسن الي جلست وهي ما تدري شو صابها ليش مو عارفه تتصرف وتتكلم .................................................. ......................... رزان كانت مع رنا تساعدها رزان: انتي متأكده انك بتروحي وانت يتعبانه بهالشكل رنا: بروح اغير نفسيه شوي رزان: امي اذا شافتك بتشك وبتعصب انك ما خبرتيها رنا: ما ابي أي احد يعرف انتي وعدتيني رزان: طيب انا ما قلت شي بس قلت يمكن تعرف رنا: ما راح تعرف امشي انتي بس رزان: يالله صادفوا خالد وهم طالعين خالد: على وين مو كنتي تعبانه رزان: قالت بتغير جو شوي يمكن يخف التعب شوي خالد: خلي بالك عليها رزان: ان شاءالله رزان دوم تفضل تدخل بنص الحوار مع خالد ورنا لان رنا دوم تحرج خالد وما ترد عليه خالد: ولا تتأخري طلعت من غير ما ترد عليه رزان الي اشرتله بطيب خالد اتصل على اخوانه علشان يجوا يسهروا عنده بما انه رنا عند خواتها واكيد بعد الحفله بيسهروا مع بعض ويمكن تنام عندهم يعرف عنادها الحفله كانت جميله البنات ما حسسوا دانيه انها بروحها كانوا يرقصوا ويستهبلوا عشان لا تحس بالحزن على الي صار رغم ان دانيه كان داخلها عواصف من غير الحرارة الي كانت بجسمها مره تخف ومره تزيد والنوم الي مجافي عيونها من لما صارت هالسالفه بعد الحفل طلعت مع ابوها عشان بتروح كانت تبكي وحاضنه أمها وعدها حضنت ابوها سامي كان يطالعهم منى ببكا: بنتي امانه عندك سامي: ان شاءالله عمتي لا توصي دانيه الي بالغصب فكت ابوها وركبت بالسيارة حرك سامي وما كان يسمع غير صوت شهقاتها وبكاها خلاها على راحتها دانيه الي كانت حاسه نفسها دايخه من التعب الي داهمها خلص مو قادرة تتحمل رجعت راسها للخلف وغمضت عيونها بتعب سامي الي حس ان فيها شي مسك ايدها وحس بالحراره الي كانت بجسمها كانت جسمها حار سامي: انتي مريضه ما سمع رد منها وقف على جنب سامي مكسها من كتوفها وفتح الغطا الي على وجهها تحسس وجهها كان حار وكان انينها كل شوي يعلى شغل السيارة وتحرك لاقرب مستشفى بالمستشفى كان متوتر ومو عارف كيف يتصرف طلعت الدكتوره بعد ربع ساعه الدكتورة: انا كتبتلها ابره ومغذي عشان الحرارة تخف وراح نتابعها للساعات القادمة اذا نزلت حرارتها راح تقدر تاخذها واذا ما نزلت بنخليها عندنا كم يوم وانا كتبتلها على كم فحص عشان نتطمن عليها اكثر مرت 3 ساعات وسامي ما تحرك من عندها كان جالس معها بالغرفه وماسك ايدها وهي ولا حاسه فيه دخلت الدكتورة ومعاها أوراق التحاليل سامي: طمنيني دكتور ة الدكتورة قربت من دانيه وقاست الحرارة الدكتورة: الحمدلله الحرارة نزلت والتحاليل كلها سليمه لكن الظاهر انها هامله اكلها كثير عندها نقص بالدم لازم تهتم بأكلها اكثر سامي: ان شاءالله دكتورة الدكتورة: يخلص المغذي وتقدر تاخذها بعدين سامي: مشكورة دكتورة بعد ساعتين اخذ سامي الادويه وشال دانية الي كانت متخدرة من الابرة الي عطوها إياها وتوجه للبيت اول ما وصل كان الفجر والبيت كان هادي توجه لجناحه الخاص الي جهزه ابوه له لما قرر يتزوج سدحها عالسرير وشال عنها عباتها وغطاها وانسدح جنبها ونام من التعب والارهاق الي كان حاس فيه .................................................. ................... نرجع لكم ساعة ورا مع وسن وناصر دخلت الشقه وهي حاسه بتعب فضيع وصداع جلست على الكرسي بدت تفك كعبها طلع من الغرفه بعد ما سمع صوت الباب وشافها جالسه تشيل كعبها وقف يطالعها الى ما تخلص خلصت ورفعت راسها بتوقف عشان تدخل غرفتها تفاجأت فيه واقف قدامها وسن بتوتر وخجل من شكلها وفستانها وحالتها وهي بهالوضع قدامه وسن: ناصر ناصر: ممكن نتكلم شوي وسن وهي مو قادرة تتحمل أي شي الحين بس بتاخذ دواها وتنام لكن شكل ناصر وجديته الي وضحت بنبرته اجبرتها انها تجلس وتسمعه وسن : طيب ممكن اغير ملابسي ناصر: ممكن وسن ارتاحت انه ما عارض ودخلت تغير ملابسها وتاخذ دواها لبست بيجاما مريحه ناصر بداخله(حتى متعة النظر تحرميني منها ) ربع ساعه وكانت قدامه ناصر: انا من البدايه تعرفيني اني ما احب اجبر أي شخص على أي شي هو ما يبيه وانتي تعرفي الظروف الي تزوجنا فيها وكل واحد كان مصدوم فالبدايه وهالشي ما عطانا الفرصه انه نحدد مشاعرنا فالكم يوم الي عشتها معك تأكدت من مشاعري لكن الشي الي ما عرفته للحين هو حقيقة مشاعرك انتي هذا الي ابغي اعرفه والحين لان هالشي بيحدد كثير أشياء هل للحين انتي تعتبريني مثل اخوك وحابه انه نكمل على هالاساس ولا وسن الي تحس نفسها ضايعه ولا قادرة تفكر ناصر يطلب منها تقرر فشي مصيري وهي نفسها مو قادرة تفهم وضعها ومشاعرها وسن : ناصر انت من البدايه كنت وايد طيب معي ولا اجبرتني على أي شي انا ما ابيه ووقفت معاي لكن فيه شي بداخلي يحسسني بعد الراحه مو عارفه انا نفسي شو ابغي منك او من هالبيت او كل الناس الي تحيط فيني انا دخلت هالبيت وانا ما اعرف أي واحد فيكم مع انكم اهلي ما كان عندي فرصه اعرف أي شي عن حياتي السابقه الي الكل يحاول انه يخفيها ناصر: انا مو قلتلك الماضي خليه بالماضي مو يمكن الماضي بيتعبك اثر اذا عرفتيه ليش ما تنسي كل شي و ترميه ورا ظهرك وتعيشي يومك وسن: هالشي صعب يا ناصر صعب ناصر: طيب انتي ليش تربطي مشاعرك فيني بماضيك وسن: لان كل شي مرتبط ببعض ناصر: يعني افهم من كلامك انك رافضه كل مشاعري وانك مو حابه ترتبطي فيني كزوج وسن سكتت وتحس داخلها صراع بين عقلها وقلبها وقفت ودخلت غرفتها قفلت الباب واستندت عليه ودموعها الي بدت تنساب حاسه بخوف هي نفسها مو عارفه سببه حاسه بضياع ناصر الي حس بخيبة امل ودخل غرفته ورمى نفسه بسريره ونام من التعب والارهاق النفسي الي حاس فيه .................................................. .............................. الصبح الكل كان متجمع عالفطور مهرة: اليوم باليل اريد الكل حاضر فيه موضوع بكلمكم فيه الكل: ان شاءالله ناصر: انا استأذن عندي شغل وايد بالشركه ولا تنتظروني عالغدا ما راح ارجع طلع من غير ما يسمع الرد من أي أحد ووسن الي حست بالضيق لانها عارفه ان هي السبب بحالة ناصر مهرة: وانتي (اشرت على سارة) كم يوم ما اشوفك تداومي وسكتت عنك بشوف اخرتها معك سارة: كنت تعبانه ما قدرت اداوم مهرة: والله اشوفك تتنططي قدامي ما اشوف فيك شي ولا هذي عله عشان لا تداومي سارة سكتت ما لها بارض ترادد مهرة: محمد تخلص وتأخذ سارة ووسن ورزان وتوصلهم لجامعتهم محمد: ان شاءالله وسن: عن اذنكم بروح اجهز سارة بدون نفس: وانا بعد محمد: انتظركم بالسيارة رزان: انا جاهزة بنتظركم بالحديقه طلعت وجلست فالكراسي الي عند البوابة شافت رجال غريب دخل رائد: السلام عليكم رزان: وعليكم السلام تفضل رائد: ممكن اقابل وسن رزان الي استغربت منه والي زاد استغرابها سؤاله عن وسن وكثير أسئلة دارت فبالها من يكون وكيف يعرف وسن وشيبغي فيها تفاعلكم وتوقعاتكم | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
