31-03-20, 05:50 PM | #2431 | ||||
| سلسلة قلوب معلقة الكاتبة المتميزة نور بلاك _شظايا_القلوب شظايا القلوب مش مجرد رواية هي ملحمة حقيقية محاكاة للواقع بتقدم نماذج من البشر لهم ما لهم و عليهم ما عليهم من غير ما تصبغهم و تعطيهم صفات ملائكية، شظايا هنشوف فيها صورة من مجتمع مصغر بيمثلنا جميعاً لأننا بنلاقي فيه بشر تشبهنا بمختلف أفكارهم و معتقداتهم و جنسياتهم و ده اللي يميز شظايا القلوب إنها جزء من كل واحد فينا بتعبر عنا و تعرض لينا قضايا شائكة و تمسنا بتدق ناقوس الخطر المتربص بالمجتمع لو تغاضينا البصر عنها و مناقشتها تشتت الأبناء نتيجة لصراع الآباء والأمهات أو غياب القدوة و المثل الأعلى، الخيانة الزوجية و تأثيرها على كيان الأسرة، غربة الأبناء في بلاد الغرب و تأثرهم بأفكارهم و إنجذابهم للبريق الخادع و وقوعهم فريسة سهلة للإستغلال، سلب الأوطان و تمزقها و شتات الشعوب و طمس الهوية للأبناء شظايا القلوب هي ملحمة معزوفة موسيقية بقيادة مايسترو بيقودها بوعي للمواضيع اللي بيقدمها نور بلاك صاحبة الملحمة دى بقلمها الذهبي و ثقافتها و موهبتها في رسم الشخصيات و بحبكة قوية و إستخدامها لمفردات لغوية الدقيقة و سرد و حوار راقي و إنها تدمج كل الشخصيات و الأحداث ببعض في نسيج واحد مترابط و توصلنا لحالة من السحر و الشغف و التوحد مع كلماتها وصفها حقيقي يوم الإتنين أصبح ميعاد مقدس عندي بنتظره من الأسبوع للأسبوع❤️❤️❤️❤️❤️❤️❤️❤️❤️ ❤️❤️❤️ _راشد_بدور _مشاهد راشد و بدور و إياب و لأول مرة يكون في بينهم جو من السلام و الهدوء و لو أنى شايفة إنه هدوئهم ده هو هدنة مؤقتة فقط لغاية ما كل واحد فيهم يجهز عتاده لمواجهة الطرف الآخر و هتكون مواجهة حاسمة بينهم تضعهم على الطريق الصحيح لبداية جديدة ليهم بعد ما يفتحوا الجرح و بطهروه و يعقموها و يداووه و بعدها يغلقوه للأبد راشد بيمارس لعبته المفضلة مع بدور في كر وفر عشان يستعيد ثقتها و حبها من جديد و مش بيخجل من التصريح بمشاعره و رغبته إنها تكون أم أطفاله، أول مرة يدلي راشد بإعتراف صريح لبدور إنه ما كانش على دراية بدخولها مصحة نفسية _و إياب اللى بدأ يتقبل بدور في حياته و يتجاوب معاها شيئاً فا شيئاً بسرعة و إنه الطريق أصبح ممهد إنه يتقبل الحقيقة و إنها أمه من غير ما يرفضها و نفسيته تتأثر _سبنتى_منى _سبنتى و اللى كانت بتحاول إنها تراضي شلبي و تصالحه صديقها اللي أضطرت لتخلي عنه حقيقي مشهد رائع بالمشاعر الإنسانية الجميلة و اللى بتعبر عن معني الصداقة و الوفاء و إن أحياناً كثيرة الحيوانات بتكون أصدق في مشاعرها من الإنسان _سبنتى و منى أد إيه حبيت حوارهم مع بعض و محاولات منى إنها تسترد حب بنتها و ربيبتها و تهدم الحاجز اللي إتبني بينهم و تعيد أواصر علاقتهم جميلة و تعتذر لها عن خطأها في حقها بسبب وقوعها تحت وطأة لحظة ضعف و وسوسة شيطان و تنال سماحها و ترجع إليها بنتها و حبها من تاني و سبنتى و عتابها و جرحها منها و لكن في النهاية سبنتى ما خيبتش ظنها و قلبها النقي البرئ برغم الجرح لكنها ما نسيتش إنها كانت بمثابة أم ليها و منحتها الحب و الحنان و مش هتقدر تتجنبها و ترفضها حقيقي سبنتى أثبتت إنها ما تشبهش عائلة الراوي في شئ _تأكيد منى لسبنتى على إنها بنتها تملك نفس دماء أبنائها و تبث جوه نفسها الثقة و الكبرياء و كأنها من غير ما تعرف بتطبطب على جروحها و تداويه بسبب كلمات ياسر الراوي المسمومة و اللى كانت لها أثر دامي في نفس سبنتى مازال بينزف لغاية دلوقتي _ياسر الراوي_سبنتى _للأسف الشديد نظرة ياسر الراوي و اللى ما تختلفش كتير عن نظرة المجتمع للي مثل سبنتى و مريم شايفينهم عار و ملوثين لو أقتربوا منهم هيلوثوهم و يدنسوا ثوبهم الطاهر و عشان كده كانت كلمات ياسر الراوي المسمومة بقسوته و جبروته و اللى نحرت سبنتى و كأن اللي حصلها و شافته مش كفاية خلاه يكمل ذبحها ، سبنتى و اللى حاولت تتواصل مع شيماء و توصل لبدور طرف الخيط اللي يوصلها ليهم لكنها أصدمت بياسر و إنه ألقي عليها اللوم و الذنب في إنها كانت السبب وراء اللي حصل بين راشد و بدور و إنه يأخذ إبنها منها و تأكيده على كلام صادق الأمير إنها نذير شؤم و وجودها تسبب في أذى الكل و إنها لا يمكن ترقي لمستوى زوجة لإبنه و نسي إنه هو كمان يملك إبنة لها نفس ظروفها و وضعها و برغم إعترافه بيها لكن الناس بتنظر ليها بنفس نظرته و أبلغ دليل إبتسام و حميده والدي لانا اللي سعي لإرتباط إبنه ببنتهم _سبنتى _ للأسف كان كلام ياسر الراوي له بالغ الأثر علي سبنتى و زود إحساسها بالندم و الذنب إنها هى اللى بعدت راشد و إياب عن بدور و غير أنها حاسة بالذنب تجاه جوان و دمرت حياتها بمجيئها لهذا العالم و اللى ما كانش لها يد فيه و ده اللي دفعها إنها تحاول تتواصل مع شيماء و تصلح ما أفسدته من وجهة نظرها لكن بعد كلام ياسر الراوي و تهديده ليها حرفياً إنها تبتعد عن حياتهم ده آخر خطوتها و خلاها تكتم أنينها و جروحها بصمت من غير ما تصرخ بها و عشان كده ما قالتش لراشد لأنها مش عايزه تكون سبب في خلاف بينهم و ما تزيدش الفجوة بين راشد و عمه و عائلة الراوي و تمنع رجوعه و رجوع إياب لبدور _لانا_إبتسام _إبتسام و حميده والدي لانا هما نموذج لإتحاد قوي المال و الأعمال بعيد عن أى مشاعر إنسانية و ده سبب سعيهم على نسب من عائلة الراوي حتى لو على حساب مشاعر بنتهم _لانا و اللى كانت عروس ماريونيت بيحركوها في إيديهم طول الوقت و عارفه إنه كانوا بيدفعوها تقريباً لتقرب من خالد و هي شافت إنه فرصة مناسبة ليها و شخصيته بتتوافق مع معاييرها و طريقة تفكيرها لكنها مقدرتش تتحمل إنها تشوف مشاعره تجاه سبنتى و اللى فشل إنه يخفيها حوارها مع أمها أوضح لها إنهم كل اللي عايزينه هو الإتحاد ده و اللى مش هيتم غير بزواجها من خالد و أوضح لها زيف مشاعرهم تجاه عائلة الراوي و اللى بيمثلوا إنهم أصدقاء مقربين و هما بينظروا ليهم بنظرة حقد و غيرة و برغم إنهم عارفين بخيانة راشد لبدور و ياسر الراوي لمنى و برغم مشاعر خالد لسبنتى لكن ده ما يمنعش إنهم يزجوا ببنتهم في زيجة هتحطمها في سبيل تحقيق مصالحهم الشخصية _عندي إحساس إنه لانا مختلفة عن أهلها و مش هترضي بالمصير اللي أختاروه ليها و عايزة زوج تكون هي الأولى والأخيرة في قلبه و عقله _نزار_شيماء _نزار و إصراره و محاولاته على أنه يحظى بقلب عصفورته العنيدة برغم دفعها له بعيد عن طريقها و إستفزازه لكنه أثبت أنه إتغير و نضج و تحلي بالعقل أخيراً و ما رضخش لمحاولاتها و أدرك إنها مازالت متألمة من كلامه و إنه أذاها و جرحها _شيماء برغم عنادها لكنها روحها شفافة و ما تقدرش تخفي مشاعرها و إنها مازالت بتحبه و ده اللي بيمنحه أمل إنه قادر على الوصول إليها _و سبنتى هى اللى بتحاول تكون همزة الوصل بينهم و تساعد نزار إنه يستعيد حب صديقتها و قبولها به طبعاً من غير ما تتخلى عن مشاكسته و إغاظته لأنه هيشاركها صديقتها _نزار و سبنتى صداقة بتبدأ و اللى بيجمع بينهم حبهم لشخص واحد شيماء، نزار لاحظ التغيير اللي حصل لسبنتى و إنطفاء نظرة عينيها و اللى كانت كلها حماس و شقاوة و إستبدالها بنظرة ألم و حزن _خالد_سبنتى _خالد و راشد أبتدوا يأخذوا خطوات لتنفيذ وصية ياسر الراوي و قرارات لتحجيم دور الضباع اللي دخلت في شركات الراوي و السيطرة عليهم و طبعا ده ما نالش قبول من حميده و تميم الخطيب اللي لاذ بالصمت مؤقتاً لحين جولة آخري ده بالنسبة للعمل _أما على الصعيد الشخصي فا حقيقي أثلج صدري اللي عمله راشد مع خالد و تحذيره إنه يعترض طريق سبنتى و يجرح كرامة بنته بأى شكل من الأشكال و كنت أتمني لكمة تزين وجهه من قبضة نمر الراوي 😍😍😍😍😍😍 _خالد و اللي لأول مرة يختلي بنفسه و يفكر في حياته و تصرفاته و إزاى وصل لصورة بيرفضها و يظلم سبنتى و لانا و إزاى جرح كل واحدة فيهم لما أنصاع لصوت العقل و المنطق و إلحاح والده بالزواج من لانا و اللى دفعها جنونه نحو سبنتى إنها تطلب منه طلب بعيد عن شخصيتها و تذل نفسها لمجرد أنها تشعر بتمسكه بها و لكنه أنسحب و تركها مجروحه الكرامة _و من جهة أخرى سبنتى حبيبته و اللي شاف نظرة الألم في عينيها و هو مع لانا و مازال بيجرحها بسبب أنه مش قادر يأخذ قرار و ينهي تشتته و دائرة التوهة اللى دخل نفسه فيها و مصر يجذب سبنتى معاه، غضبه و غيرته الحارقة عليها و رؤيتها إنه مش فارق معاها وجوده من عدمه و كأنه لا يعنيها في شئ و هو اللى على جمر نار بحبها ليها و إنه يشوفها مع نزار و تدفعه بعيد عن حياتها و تذكره بأنه لا يملك صفة في حياتها أشعل فتيل جنونه و أذاها بكلماته و إنها بتخون صديقتها مع حبيبها و نكأ جرحها و ضغط بكل قوته عليه و ما أكتفاش بكده سلبها شلبي صديقها خالد مشكلته إنه تعود على إن سبنتى تدور في مداره تتوسل مشاعره _سبنتى سبنتى و اللى بتتعرض لضغوط كبيرة عليها أكبر من طاقة تحملها و مع كده بتصمت و تكتم أنينها أكثر و مش بتصرح بوجعها و بتحاول تساعد كل اللي حواليها بتحاول تساعد بدور و إياب و إنها ترجعه ينتمي إليها بتحاول تساعد شيماء تحظي بسعادتها مع نزار بعد ما تأكدت من صدق مشاعره تجاهها و إنه مش هيتسبب في أذيتها مرة أخرى حتى راشد بتحاول تكون له عون يشد من أزره و ده سبب إنها ما تقولش له على مطاردة مروان ليها و تحرشه بها و أكتفت بالصفعة اللي وجهتها له و أعتقدت إنها كافية يكف أذاه عنها و رفضت تبلغ راشد لأنها عارفه حجم المسؤولية الملقاة عليه و مش عايزة تزيد من أعباءه بحملها هي كمان و فوق كل ده إنها بتعاني من رؤية خالد حواليها و كل ما بتحاول تتخطاه بيحاصرها بنظراته و تصرفاته تجاهها أكثر و ده خلاها روح وحيدة بتتآلم في صمت و بيضغط على أعصابها مواجهتها الأخيرة مع خالد و اللي كان بيدفعها فيه لإعتراف بمشاعره تجاهه و مكانته بالنسبة ليها و نسي إنه خاطب و بكده بيخون خطيبته و بيعرض سبنتى لنظرات لانا و والدتها على إنها دخيلة و سارقة و هادمة بيوت المواجهة بينهم أستنزفت مشاعرها و أنهكت قواها و قدمت له تنازل جديد منها و إنها كانت على حبه و عهده باقية في منفاها و بتعيش باللي تعلمته منه في حين هو خطب في نفس الليلة اللي وعدها فيها هتكون ملكه صفعته بالحقيقة اللي تهرب منها إنه هو اللي خان و خضع لوالده _ممدوح_لورين_أيوب_مرح _ممدوح و مفاجأة إن أمل بنته برغم عدم تأكيد أو نفي من جانب لورين و أيوب و مرح لكنه بحدسه و قلبه شعر بها إنها قطعة منه معلومة أفقدته ثبانه و زلزلت الأرض من تحت رجليه و ما كانش عارف يتعامل مع الحقيقة دى إزاى يحتضن أمل ولا يكسر البيت على اللي فيه و مع كده ما حاولش ينتظر إثبات إنها بنته و حاول التقرب منها و التعرف عليها و أكتشف فيها إنها نسخه مصغرة منه و من لورين و فيها ملامح من إسراء كمان شعور ممدوح بأمل إنها تخصه و مش هيسمح بأذيتها و واجب عليه حمايتها _لورين و اللى بتتعامل بقسوة و حقد على ممدوح و عايزة تجرده من حقوقه كأب و بتظلم بنتها و تقسي عليها و تحرمها من أبوها و حنانه و أكتفت إنها تمنحها إسمه و صورته لورين مقدرتش تتخطي حادثة إغتصابها من ممدوح و إن أمل كانت نتيجة الحادث ده و ده بني حاجز بينها وبين بنتها و تمنحها مشاعرها كأم و تسمع منها أجمل كلمة تسمعها أم من طفلتها ماما و ده كان واضح من كلام أمل و إرتباطها بمرح و إحساسها بأنها هي اللي أمها بتهتم بكل شؤونها و بأكلها و شربها و تلعب معاها و تخرجها و لورين دائماً مشغوله و كلام طه كمان بيأكد على أنه هو كمان لاحظ تباعد لورين عن أمل برغم حبها الشديد ليها _أيوب و اللى أكتشف إنه كذب لورين في كل اللي قالته عن ممدوح و شاف في أمل نسخة من أولاده اللي حرم منهم و رفض يكون لها نفس المصير و وقف قدام ظلمها و أنانيتها في عقاب ممدوح و حرمانه من بنته و لكنه في نفس الوقت تأني في إنه يبلغه بالحقيقة لغاية ما يتأكد من إن ممدوح شخص جدير بثقته و تحكم في غضبه و أستمع لحكايته مع لورين بصبر و حكمة و خبرة كبيرة علمته من التجارب اللي عاشها إنه كل إنسان يحتاج فرصة تانية إذا ثبت إستحقاقه ليها و شاف في ممدوح برغم كل اللي عمله مع لورين إنه يستحق فرصة تانية و حب يمنحه و يمنح لورين فرصة أخيرة من أجل صالح أمل _مرح و اللى شايفة إنها هى و أيوب وتد بيت أيوب حقيقي بشوف فيها قوة و صلابة و رحمة برغم كل اللي حصلها و شافته و ما نعرفش لأى مدي أذاها لكنها منحت أيوب فرصة شعرت أنه يستحقها لأنه ظلم و عاني مثلهم حبها و حمايتها لأخواتها ببخليها دائما تتصرف من غير ما تفكر و عشان كده وقفت قدام ممدوح و أدعت إنه أمل بنتها لكن لما أكتشفت إن لورين كذبت عليهم و شافت محاولات ممدوح إنه يتقرب من أمل منحته الفرصة مع مراقبة دقيقة منها و لما حست إنه فعلاً أثبت حبه و جديته في التواصل مع أمل وقفت قدام لورين إنها تستمر في ظلمها و تجني علي أمل و تكون نسخه آخري من أولاد أيوب،مرح أم بالفطرة و اللى يهمها صالح بنتها بغض النظر عن أى إعتبارات آخري _مشهد النهاية _مشهد النهاية و اللى فيه حدثين إنتهاك براءة لأرواح بريئة أمل و سبنتى و إنهم يتعرضوا لنفس الأذي في نفس الوقت في مكانين مختلفين من نفوس مريضة حقودة مستغلة _أمل و اللى خرجت تبحث عن ممدوح و اللى ما تعرفش هو صفته إيه بالنسبة ليها و لكنها بتحبه و كانت منتظرة رجوعه من مجرد صوره شافتها و خافت يبعد عنها تاني بعد ما رجع و خناقه مع لورين و خروجها لوحدها عرضها تقع في إيد ذئاب بشرية و صراخ لورين بالتزامن مع رؤية ممدوح المشهد ذبحته و إنه يشوف بنته بتدفع ثمن جريمته و يذوق من نفس الكأس اللي ذوقه لمريم و إيهاب في عقاب أقسي و أصعب من كده 💔💔💔💔💔💔💔💔💔 _سبنتى و اللى هى كمان كانت بينصب ليها فخ من نفوس حقودة رافضة تشوف حد أفضل منها مروان و مايا و اللى أعتبروا رفضها الإنضمام ليهم تكبر من جانبها لازم تدفع ثمنه و عرفوا يصطادوها من نقطة ضعفها و هي حبها لمساعدة الآخرين و كمان إحساسها بأنه صديقتها شيماء ممكن تتعرض لمشكلة مشابهة خلاها تتخلي عن حذرها و تذهب مع مايا من غير ما تفكر و لكنها لما حست إنه في شئ غريب أتصلت على راشد و لكنه واضح أنه كان في إجتماع مع تميم الخطيب و ما سمعش الإتصال و لما حست إنها محاصرة خلاص و نفس الكابوس اللي حلمت بيه و كأنه قلبها حاسس باللي هيحصل أتصلت على خالد ثاني شخص بعد راشد بيمثلها معنى السند و الأمان و هو لبي النداء و ما شعرش بوجود لانا جنبه و اللى شافت بعينيها إزاى خايف عليها و قلبه نطق باللي بيحس به و كل اللي شعر به خالد هو إحساس بالخوف و الخطر على حبيبته و اللي بتستنجد به عشان ينقذها قبل ما تفترسها الذئاب و تكسرها سواء راشد و خالد و ممدوح كل واحد منهم قدر ينقذ اللي يخصه سبنتى و أمل اللي تعرضوا له من أذى نفسي و جسدي هيكون له تأثير كبير على أنفسهم و هيكون له تأثير على قرارات كتير في حياة الجميع اللي حصل نقطة فاصلة هتتحدد مشاعرهم و اللى أختبروا فيها معنى الخوف و الفقد على أشخاص غاليين على قلوبهم الشظية ال ٣٣من الفصول الماستر سين حقيقي شابووووووه تسلم أناملك الذهبية 🌺🌺🌺🌺🌺🌺🌺🌺🌺🌺🌺 التعديل الأخير تم بواسطة ebti ; 02-04-20 الساعة 01:28 AM | ||||
31-03-20, 06:42 PM | #2433 | ||||
| كل مشهد من الفصل محتاج ريفيو مستقل بزاته يا بنتي انتي عاوزه مننا ايه كل مره انبهارنا تجاهك بيزيد الفصل 33 كما توقعت فصل ناري احداثه جامحه مصارعه بين المشاهد لاستخراج كل ما تحمله قلوبنا من مشاعر شظايا ليست مجرد روايه نريد فيها ان يحيا ابطالها حياه سعيده وان تكون نهايتها نهايه ورديه لا شظايا القلوب هي كشف حقيقي لكل ما نعيشه من الخير والشر بكل ما فيه هي طرح للخير بكل ما فيه وللشر بكل طرقه ❤️❤️❤️❤️❤️ | ||||
31-03-20, 06:44 PM | #2434 | ||||
| كما توقعت فصل ناري احداثه جامحه مصارعه بين المشاهد لاستخراج كل ما تحمله قلوبنا من مشاعر شظايا ليست مجرد روايه نريد فيها ان يحيا ابطالها حياه سعيده وان تكون نهايتها نهايه ورديه لا شظايا القلوب هي كشف حقيقي لكل ما نعيشه من الخير والشر بكل ما فيه هي طرح للخير بكل ما فيه وللشر بكل طرقه ❤️❤️❤️❤️❤️ | ||||
31-03-20, 07:01 PM | #2437 | ||||
| كل ما استطيع قوله هو نور بلاك انكي تعديتي كل التوقعات يالكي من كاتبه قلمك قاسي ولكنه حقيقي افكارك مدمره ولكنها واقع نعيشه معاناه نعيشها في شظايا بكل حزفيرها قضايا متشعبه فى مجتمعنا تتطرقين اليها بكل مكر وذكاء شظايا القلوب رواية الحدث الذي يمكن ان يتحول كل حرف فيها الي روايه مستقله بنفسها نور بلاك #شظايا_القلوب ليست مجرد روايه بل هي كما قولت وساظل اقول هي ملحمه تخطها كاتبها ببراعه وابداع شكرا نور بلاك لما تجعلينا نشعر به معكي من انبهار بما نقرائه❤️❤️❤️❤️ | ||||
31-03-20, 07:03 PM | #2438 | ||||
| رغم الثوره على قراءة سعيده😂 ولكني اقول بكل صدق جميع فصول نور بلاك يليق عليها قراءة سعيده ❤️فابعيدا عن الهزار انا فعلا بشعر بسعاده وانا بقراء كل كلمه لها😍 انا بعشق قراءة سعيده مهما كانت القفلات❤️❤️❤️ | ||||
31-03-20, 07:04 PM | #2439 | ||||
| انتم عارفين انا ايه اللي شدني في مشهد خطف امل ممدوح واحساسه ان ربنا بيعاقبه في بنته في اللحظه دي تاكدت ان ممدوح اصبح انسان سوي تانيبه لنفسه واحساسه بالذنب اثبات شفائه من انانيته وتاكيد على ان جزء السواد الذي كان يملئ قلبه لم يعد له وجود❤️❤️❤️ | ||||
31-03-20, 07:05 PM | #2440 | ||||
| في الوقت اللي اغلبكم شايف اللي حصل او اللي هيحصل مع سبنتي وامل عقاب او دفع ثمن لاخطاء الاخرين مش عارفه ليه انا شيفاه انه هيبقى صحوه للجميع ❤️❤️ نور بلاك😘 اراها في هذا الفصل ولا اعظم لاعبت شطرنج كل خطواته مدروسه ومحسوبه حتى يصل الى الخطوه التي يقول بها للجميع كش ملك هنا قف ستبدا الحكايه لاستعادة ترتيب الاوراق وتغيير حياة الجميع 💪💪 الفصل الثالث والثلاثون هو حدث لحل طلاسم الروايه💪 كنا جميعا نسال كيف ستتمكن نور من معالجة احداث الروايه والقضايه التي تملئها والان اقول ان ما حدث في هذا الفصل هي بدايه خطوات طرق علاجها وبدايه حلها لكل ما مررنا به 🤩 سبب تترتب عليه النتائج وما حدث ما هي الا اسبباب لاول خطوات العلاج نعترف جميعا ان الطريقه قاسيه ولكن فى اغلب الاوقات يكون البتر اول طرق الشفاء😍 نور بلاك ❤️❤️❤️❤️❤️❤️❤️❤️❤️❤️❤️❤️❤ ️❤️❤️❤️❤️❤️❤️ | ||||
الكلمات الدلالية (Tags) |
#شظايا القلوب ... رومانسية .. اجتماعية .. درامية |
أدوات الموضوع | |
انواع عرض الموضوع | |
|
|