24-12-19, 01:40 AM | #1502 | ||||
| فصل مبهر بكل المعايير يانور تسلم ايدك ❤❤❤ نمر الراوي مش هيرحم حد لا منى ولا غيرها وصدر قراره باعدام كل حد له يد باذية سبنتي حتى لو كانت منى ذات نفسها نوة عندها حق من رعبها منه لان نيته يحرق بدور وهي على قيد الحياة وخوفها انها تحاولرانقاذها بس المصيبة انها ماعم تتقبل تمسك ايد اي حد فيهم خالد لاخر رمق حيحاول يبعد عزام الواطي عن بدور ياريت يقدر لانها ببساطة عم تحرق روحها وتاذيها بقربها من واحد قليل شرف متل عزام شيماء وسبنتي ولا اي قوة في دنيا تقدر تفرق بينهم عقاب نضال قاسي وانا لا الوم جوان على اختيار ابنتها فهي بنهاية ام واي ام بمكانها حتخار اولادها مقابل اي كفه في دنيا بس بجد نهاية مؤلمة في الحظة دي عرفت معنى انتقام النمر وده ولا شيء قدامك انتقامه من بدور بس ياترى جوان هتكسب بنتها بعد تخليها عن نضال للاسف لا اظن 😭😭😭😭😭 | ||||
24-12-19, 02:09 AM | #1504 | ||||
| إيه الفصل ده قنبلة موقوتة و إنفجار مدوى بتخطفينى في كل مشهد حقيقي مبهورة جداً جداً بأبداعك و قلمك و أفكارك المميزة راشد أظهر وجه نمر الراوي اللى كان حريص إنه يخفيه عن عائلته و أبتدأ إنتقامه المدمر و اللى هيأخد في طريقه كل اللي خانوه و بدأ بجوان و نضال و الدور الجاى على بدر البدور طاووس الراوي و عزام مش هيرحم حد خالد فارس آل الراوي أخد دوره في حياة أخواته و هيحمى بدور حتى لو رغماً عنها نور بلاك تسلم إيدك و دمتي مبدعة ومتميزة دائما يارب 😘😘😘😘😘😘😘😘😘😘😘😘😘😘😘😘😘😘😘😘😘😘😘 | ||||
24-12-19, 02:20 AM | #1505 | ||||
| الفصل قنبلة موقوتة إنفجار مدوى بتخطفينى في كل مشهد حقيقي مبهورة جداً جداً بقلمك وتميزك و طريقة سردك للأحداث و الشخصيات شابوووووووه بجد سلمت يمناك 👏👏👏👏👏❤️❤️❤️❤️❤️❤️ راشد بدأ خطته في معاقبة كل اللي تسببوا في أذى صغيرته و خانوه و بدأ بجوان و نضال و الدور الجاى على بدر البدور طاووس الراوي و عزام مش هيرحم حد خالد فارس آل الراوي و أخد دوره في حياة أخواته و هيحمى بدور حتى لو كان غصباً عنها حبيت أوى قوة شخصيته قدام ياسر الراوي و تحديه | ||||
24-12-19, 08:17 AM | #1507 | ||||
| الفصل رائع وفي قمه الابداع تسلم ايدك يانور هقول كلمتين ولسه الريفيو ان شاء الله كل واحد غلط لي حق سبنتي راشد حيدفعه الثمن من حاجه بتوجعه وهيخليه يتوجع زيها بالضبط مني رفض تماما انها تشوفها او تقعد معاها قالها حصحح غلطه وصيه والدتي انها تكون معاكي وحسحب بساط الامومه منك ودي طبعا وجعت مني وكمان لما طلب منها شيماء الوحيده اللي حتكون معاها بدور حب يأدبها فزاد من شكوكها ناحيته مع جوان وهو خارج من المكتب مسك ايديها وقالها عزيزتي وهنذهب لسبنتي والغي المواعيد علشان عندي حاجه اهم هو عاوز يقولها خليكي في شكوكك اللي خلتيها سبب انتقامك مني وهوجعك بيها وانتي شايفاني مع جوان جوان ودي الانتقام كان مضاعف وبشده راشد شاف ان جوان هي السبب الرئسي في حاله سبنتي هي وجعتها من غير تفكير طيب انا هخليكي تتوجعي زيها واكتر هحرق قلبك علي الصور اللي كنت متمسكه بيهم كانهم روحك والشهاده كمان علشان خاطرها ماحديش يتجرأ ويقولها كلمه وبعدين انتي اللي هتحكمي علي نضال يايعيش يايموت علشان خاطر بنتك طبعا الحكمين اللي فرضهم راشد عليهم كانوا وجع اقوي وقهره وكسره بس هو يوجعها كل مايفتكر منظر المقابر وانهيار سبنتي فيه ورفضها ليه بيشوف ادامه جوان وعدم تفكيرها انا عارفه ان انتقام راشد جامد وموجع لكل واحد بس هو في النهايه عاوز يريح ضميره من ناحيه سبنتي عاوز يقولها انا مااتخلتيش عنك انا وجعت كل واحد قدر يخليكي تعيطي وفي نفس الوقت راشد عاوز يعلم كل واحد فيهم درس وده اللي فهمته من كلامه مع نوه | ||||
24-12-19, 11:21 AM | #1508 | ||||
| فصل ٢٣ شيماء وسبنتي علاقه صداقه وأخوه حقيقيه احتواء وسكينه من غير كلام من غير تفسير اكتر علاقه قيمه وقويه وتستحق الاستمرار شيماء مفكرتش تسأل ايه السبب شيماء احتوت مع وعد البقاء للابد شيماء اروع صور الانسانيه الحقيقية نوه-خالد-بدور عجبني جدا مواجهه الاخوات وإصرارهم على رمي حقيقة افعال بدور وأثرها على تدمير سمعتها وتدمير ابنها مستقبلا نوه دورها وتقديمها لاختها الاحتواء والسكينه لاختها في محاوله انقاذ من تدمير حياتها وحياة ابنها وخالد بشدته وقوة شخصيته وإصراره على تقويض جموح بدور حتى لو استخدم اقسى وسيله القسوه مطلوبه أحيانا للنجاه خالد بتولي زمام اخواته وتنحيته لياسر بدأ فصل جديد في الحياه هيقدر يواجه تقلبات الحياه والطعنات القادمه ولا لا خالد وياسر برغم المواجهه والقيادة أن خالد لم يسئ الحديث أو الادب لياسر دور خالد و نوه تجسيد رائع للاخوه ما بين الشده واللين مابين التهديد والاحتواء دور كان مطالب به الاب والام من زمن فات لتقويم حياتها بدل وهم الانتقام بدور اقسى انواع الظلم هو ظلم الإنسان نفسه عزام كان كارت تهديد وأصبح واقع حسيتي بالتقزز والنفور من فكره ارتباطك بيه وحياتك معاه بتجلدي نفسك وتعاقبيها وابنك فين وعشان خاطر مين الحب دا مميت ميستحقش أنه يعيش اتمنى خالد هو الي يروضك مش حد تاني عزام القذاره نفسها مشاعر ايه وحقيقية ايه انت الي زيك يتعدم في ميدان عام مرات اخوك المفروض لو اخر ست تفكر فيها بس نعمل ايه عينك فارغه دايما عينك على الي في ايد اخوك جوان غبيه لوفكرتي في لحظه أن راشد يخليكي توصلي لسبنتي نضال كان يستحق لحظه تفكير أو محاوله للاسف ضيعتي انسان كان بيحب بجد وبغباء نضال جزاء الغدر الغدر راشد كل رد فعل عمله لإنقاذ سبنتي طبيعي جدا لاب بيحب بنته ومفيش اي لوم عليه ام انتقامه لسه في البدايه بدأ ببنضال ولسه هنشوف ضربات اقسى للموكوسه بدور والمخفي ممدوح ولورين ونقول اهلا لممدوح الأصلي رجعت لعنفوانك وجبروتك تاني لورين غلطتي اه بس هتقدري تستحملي الجانب الاسود لممدوح علاقة ممدوح ولورين كانت مسكن لاوجاع ارواح مثقله بالوجه والقهر والخذلان علاقه كانت ممكن تبقى اقوى واصح لو كان فيها احتواء وسكينه ممكن تكون بدايه للم شتت عيله ايوب نزار وجوشوا صدق جوشوا لما سماك حمار ابيض بتغير على مين من مين (بدور-جوان-لورين) محتاجين مصحه نحطهم فيها كل ما افكر في حال ابطال الروايه افتكر الايه دي (وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ (21) كلهم برغم الحب والمشاعر القويه تجاه كل طرف الا السكينه والرحمه الأساس لنجاح أي علاقه مش موجودين عندهم | ||||
الكلمات الدلالية (Tags) |
#شظايا القلوب ... رومانسية .. اجتماعية .. درامية |
أدوات الموضوع | |
انواع عرض الموضوع | |
|
|