خيال الكحيلة / للكاتبة نشوى السلطان ، عراقية مكتملة

[لامارا]

الفصل التاسع عشر


انفتح باب الغرفة فاتت سارة تركض
صاحت يولي كحلاء خابرني ادهام يكول راح نجي اني وذياب ناخذ كحلاء
من گالت هيج لطمت على وجهي گتلها عززززززززة ذياب يجي وياخذني من سلطان ؟؟؟
خابري خالي لا يجي ساره والله هسه تصير مذبحه شلون يجي هو وذياب خالي شبي تخبل
...يولي انخبصت خل افهمج...اقصد ادهام راح يجي لهين لأن ذياب مخابر ابوچ كايلو راح يجي يرجع البنات من السوك وياخذج وياه يرجعج للبيت
وادهام خابرني كال راح اجي اني اخذ كحلاء ويه ذياب حتى ماتصير مشكلة
...شدخله هو ذياب شعلي بيه والله ماعاد افهم شلون يتصرف وشنو اباله ماعاد تخلص سالفة ذيااب
...هساع شلون يولي كحلاء عجل سلطان الظاهر يريد ياخذج وتطلعون راح يتلكاهم بالباب
...شمدريني ساره هساع شنسوي والله ماصار ثواني من تصالحنه
قاطعنه سلطان
...هاااا شعدچن تبسبسن شكو انداريت هو وراي
لا خيي بس داشوف كحلاء خاف محتاجة شي اكول راح تطلعون مو
اي ان شاءالله هسه
احنا واكفين وسلطان يسولف ويانه واجت المره اللي تساعدهم بشغل البيت
كالت..يمه اجن البنوات رجعن من السوك حدرو
دحكت لساره كالت اني راح احدر اتلكاهم
...
انداريت لسلطان كتلو انت خابرت ابويه كتلو راح نطلع ؟؟
...اي عجل شلون نطيتهم خبر
..
ها عجل خلي ارتاح ونطلع
... صد عليه دحكلي بأستغراب كال ليش شبيج حبيبي؟؟
..
هااا لااا بس راسي يوجعني خلي ارتاح ونروح
...كومي يولي هساع ناكل برا وتتسوكين ويروح الالم
..
شنو اتسوك ؟
..اليوم نروح تاخذين الي يعجبج السوالف كلها ناخذها سوه ومن نكعد نتغدا بالمطعم واذا تحبين وعدنا وكت نختار غرفة نوم
...ياااا سلطان عليش هيج مستعجل غير على راحتي اخلص
...اي قابل ماراح تشترين شي وره الزواج هو ناخذ الغرفة وجهاز الج واذا ردتي شي عود نجيبه وره الزواج
امشي هساع تأخرنا
..فتح الباب وطلع .. حدر جوه واني بقيت واكفه حاولت اخلي يتأخر حتى يروح ذياب ومايشوفو بس راسو يابس نزل وعافني
اخذت جنطتي وجريت نفس ونزلت وراه لكيت البنات والحجيه ام ضرغام وام محمد بالهول حاطات الغراض والعلاليك
...هاااااا يولي شصار
...
شصار منال الله ستر
كالت الحجيه:
عجل انتي ماكلتيلو طالعه ويانه
...ياااااا حجيه غير يدري طالعه نجهز وانتي كلتيلي اصعدي ويانه بسيارة ذياب واني احجي وياه تالي عفتيني بريشاتي ويه سلطان الله سترني
... من كلت هيج الكل كام يضحك
سمعتو صاح
...ول كحلااااااء يلا فضيني
...ووووين رايحين
...يكول نختار الغرفة
...
ها خوش لا تبطون
...يلا مع السلامه
دقيقه ااا عجل امي وين ؟؟
...برا هي وذياب بالسيارة
...يربييييييي شنو هل حظ وكفت بعد لا بية اطلع ولا بيه ارجع
صاحت منال كالت سلطان يصيح عليج .. كتلها اي اي رايحة

رحت طلعت من باب الربعه ساره وخالي ادهام واكفين برا وباب الخارجي مفتوح كلت اييييي الحمدلله خالي وصل گبله نزلت رجلي من الدجة ... لين ذياب وامي كبالي صارو صديت ياربي سلطان شلون بقيت جامده ماعرف شحجي ...
ذياب..يلا اركبي نرجع للبيت انتي شوداج ...
..
وين اجي ؟؟؟
...امشي نرجع عمي كال اجيبج
سمعت سلطان وراي جة يمشي .. اريد التفت بعد ماكدر
....
صاح كالوو وييييييين تاخذها ذياب ؟؟
...وصلت البنوات وعمتي ام كحلاء وياي خابرت عمي كتلو راح اجيب كحلاء وياي
ادحك على ذياب يحاجي وسلطان مجتف اديه الاثنين ويدحك عليه
كالوو هااااا ... مشكور اني اوصلها من نخلص شغلنه
...
يمه بنيتي تعالي ويانه عليش باقيه
... اني عباللك حلكي انلجم ماكدر احجي كتلها ماما ااا وجان يحجي سلطان
سلطان..عمتي الله بالخير عليج
؟؟ كحلاء حرمتي وماترجع وياكم تره هي مو عد غررريب
اتصور عد زلمتها لو اني غلطان
لا يمه صحيح بس...
توكلو حجيه .. صد عليه يدحك بعيوني ويرجع يتلفت على ذياب
اشرلي بحاجبه صدرج ... اني مثل الثوله مافهمت شديكول بقيت

بس صافنه بوجهه... جة يمشي وكف بسدي وجر الشال نزله على صدري... فشلت دنجت راسي
ادهام...ها هي يخوي توكلو عجل يابه هو يحيبها
اكول ابو فهد وهم اجيت انطيكم خبر اتفقنا اني وذياب اسبوع الجاي العرس الخميس ويصير بنفس اليوم
...بالمبارك الله يسهل
... ذياب ابو فهد بنت عمي خلها تروح وياي ماكو داعي تظل هين
سلطان... يول شو انت مدري شلون تسولف اني ماكتلك
اليوم باقيه هيناا.. انت شبيك شنو فلممممك.!
اسمعني يذياب حدك لهين اكثر من هيج لا تحچي
-شفت ساره جت وكفت ورايه .. رجعت خطوتينوكفت بسدها واكفه ه افرك بيدي خايفه تعلگ تصير مشكلة بس سلطان بقه يحچي بهدوء
خوووووش يابه ... ابقي الله كرييييم
اكف اكف ... شو تهزب ومدري شلون تحجي جن مو عاجبك.!
ماكو شي يابه سدو الحجي الخاطري .. اسمعني ذياب خل تبقى دمشي ليش تكبرها ابني
سلطان عمه تعاي ويانه ليش رايحة ..
لااا يمه والله اني تعبانه عجل مادام ابوها عندو علم ها هي يمه
...براحتج عمتي يلا نتوكل
يلا اكحيلة امشي ...
جرني من ايدي ومشة .. امي صعدت بالسياره وذياب راح وراهه
سلطان يمشي وعينه عليه محاوطتي من كل مكان همس بصوت ناصي دنجي راسج ولا تلتفتييين
هزيت راسي اي وطلعت
صاح كالووووو ضرغاااااااام جيب السيارة يول
ذياب دحك علينه اخذ امي وراح شخط السيارة حيل
...عجل زواجكم اسبوع الجاي دحكو الاحد المحكمة اخذت منهم موعد العقد والخميس زواجكم حيل زين
ادهام...اي يخوي والله احسن عجل انتو شوكت مقررين ؟؟
شفتهم اندارو بعرسي يحجون دنجت راسي خجلت
كلو سلطان..وراكم ان شاء الله مانطول خلي نخلص منكم ومن ذياب ومنال بس فارجوناااا
... ضحك خالي وكله مالومك والله عابت اكلوبناااا
جاب السيارة ضرغام وكال سلطان تعالي اصعدي وضرغام كال امشي وراكم مااخليك وحدك ابن عمي
...مايحتاج يابه ارجع
...
مايصير كلشي يصير خليني وراك
...يول ماكو شي عساهه بالكلاب فارجوني هل نشوف دربنا
...ميخالف شيخ حامد وصاني مايرهم وحدكم
...اووووو يلا امشي
صعدت بالسيارة وتحرك سلطان طلعنه وضرغام ووياه واحد بسياره ثانيه ورانه 🤚🏻
...شغل بالسياره اغنيه
(هذا الحلو كاتلني ياعمه فدوه شكد احبه وارد اكلمة)
كام يغني وياها انتبهت صوتو يجنننننننن اندار علي لزم ايدي وغنى(انتي شلوووون عمتي بيه مفتهمتي روحي كلها يمه يعمه يعمه))
...هههههههههه من شوكت تغني ،؟
...
شعبالج يابه هالكحيلة الجدامي خلتني اسوي كلشس
...اندمجت وياه هو يغني ولازم ايدي كمت ادندن وياه( هو بالحسن باليني بلوة..احلى من الگمر وشويه اصفى..توه بالعشگ ياعمه توووه)
يغني ويسوق ...
(
وگلبي شلوووون اصبره نار العشگ كبره)
سلطاااااان انتبه للطريق هساع نندعم
اخذت منو التلفون وميلت نفسي عليه صورت نفسي اني وياه
ادحك عليه شكد حلوه عليه الملابس.... ابتسمتله وداخي احس طايره
فرحاااانة بلحضة نسيت كلشس نسيت الضرب والصياح والعصبية
دحكت هو يأشرلو بالمرايه ارجع ...
كتلو هذا ضرغام مو
اي اكولو ارجع مايرجع
دحكت صارت سيارتو بصفننننه بالضبط
دحك علينه ضرغام وسلطان نزل الجامه حان ضرغام يطگ اصبعتين ويكول((رووووووحي كلها يمه يعممممه يعمه ) يوم الالي ابن عمييييييييي
...واحلى عروس لضرغام والله ابشر يغالي
...اني ضحكت جت ابالي سراب والحذاء
ضرغام .... يله يبن العم مو اعتلجنةةةةة
لاحك ياب لاحك تجيكم يولوووو
ضرغام ... ههههههه هلا بيها هلا بالغوالي ... اني طالع جدامكم
دكلنه هورن ومشة ... واني صافنه على سياقة ضرغام شلون يسوق سريع جان سلطان
صد عليه وكضبني من حنجي كال مبتسم الغالي ..
ابتسمت كتلو اي فرحانة
وصلنه يبعد حيلي بس اطبك السياره بعيد من هين
طبك السياره وضرغام هم كال انزلي
-نزلت من السيارة قفلها سلطان ولزم ايدي وكال لضرغام يمكن لو تروح احسن
_ هااااااا ليش لا عمي بعد محد يريدنا ....
لا لا يول بس اخاف عندك شغل شي هههه
هههههه لا عمي وصلت ... توكلووو
... عسيته بيدي كتلو عيييييب شبيك
انتي بس عوفي كلشس عليه ضرغام خويي
لا تخافين علينااااا
مممم ماعرف بعد براحتك ... كادني من ايدي واخذني فتنا للمطعم
.. صفنت ووهو بيده التلفون عسسته بيدي صد عليه ... كتلو سلطان
ها يبعد الروح ...!
اكول الوضع يخوف خاف احد مراقبك عفت الحمايه وكاعد هين
والله اخاف عليك لو جايييهم ويانه
...يولي الناس ماتحب الفخفخة والمظاهر والحمايات وسيارات تگطع الشارع اني شعندي جاي اخذ راحتي ويه حرمتي نتغدا ماردت سيارات وحمايه وهوسه بالعكس حتى اذا عرفوني وشافو وحدي طالع احسن ماكو شي لا تخافين
اووف والله اخاف عليك
لا تخافين يبعد حيلي وانت ويايه لا تخافين
..
هزيت راسي اي ودخلنا شاف طاوله مو بمقدمة المطعم كعدنه بيها
بأخر المطعم ... ادحك المطعم مليان بس المكان الي كعدني بي ماكو بس زلمة كاعد بظهر سلطان... فتح الماي وكام يشرب كال
.يولي اني ميت جوع شتاكلين
...
ماادري كيفك
انتي منين مستحيه شكلج تكولين بكيفك يولي هساع اني وياج واحد
لا تستحين مني شبييييج ابويه
لا والله بس ماابالي شي اكلووو داحاجي شفت النادل جة
سكتت وكف سلم على سلطان سلام قوي اني كاعده ايدي على خدي بس صافنه بوجهه ... ومبتسمه بدون ماانتبه النفسي
طلب سلطان الاكل وراح الولد وكعدنه نسولف
...
ها حبيبي بعدو الغالي مالي زعلان
لا بس قهرتني...
ماتنعاد ان شاءالله اعرف اني غلطان بس صدكي بالله
اسم ذياب وحدو ينرفزني .... انوب رحتي وياه
هالزلمة ماارتاحلةةةةة
وليش ماترتاحلة
هااااا وتسأليني ليش يولي سدي سالفتو ماريد اسمعهاااا
مهما يكون التفاهم حلو يعني والله ما اتخيلك تضرب ابد
شلون هيج سويت يعني يمكن شفتني متعلقه بيك
لا مو هيج يولي بس والله اعتلج نااااااار من اسمع شايفج
غصب عني والله موبيدي
الى متو يعني تره انت وذياب نسابه .. راح تحبسني منه
لو يرهم اضمج بكلبي اي والله احبسج
وليشششش يعني قابل محد راد كبل
يولي ماريد اسولف سالفه واخليج انتي نفسج تكرهين حتى عمامج
شبي احجي عادي ...
خل يولي سدي سالفتوووو
لا كلي شبي شكلك خاف خابرك وشوف شحجة عليه...!
داححي وياه صفن بوجهي وعقج حاجبه كال وانتي ليش هتميتي..!
شلون هيج فكرتي انو هو حاجي عليج..!
_ مو ذياب ابن عمي واعرفه كلشي يسوي ال..
الخاطرج مو لخاطر ياخذج ... شلون تريدني هسه ارجع اكلب كل حياته وحتى مره مايشوف مني
شبيييك سلطان احنا جينه نحلهااا
طلع جكارتو كام يدخن ... رفع عينو عليه كال ماضنتي
ماضنتي بيوم تنحل... تاليتي اذبحة وابتلي بي ...
اوووف والله كرهت نفسي بسيب هالسالفه
عجل سديهااااااا ذياب ماطيق اسمة افهمينيييييي
لا والله ابد ماحجي بي بس لا تعصب الله يخليك دحجي وياه
شفتو طفى الجكاره وكام الحيله التفتت وراي ازلمة مدلو ايده
...
حي الله استاذ سلطان الف هلا نورتو المكان شلونك شيخ
...كام سلطان سلم عليه طلع مدير المطعم
...الغدا تحت امرك اللي تطلبو حسابك واصل
...لاااا ابد والله ماترهم ضيافتكم هاي كافي
حطو كدامنه ماعونين حلويات وعصاير طبيعيه وراحو
...بقينا نسولف لما اجه الاكل حسيته هدء والتهه ويايه جابو الاكل كال هساع صدك خليتي اكل لان جوعااااااان مد ايدو وسمينه بسم الله
كام يسويلي لكمه صغار ويوكلني حلگي انترس اضحك واكل اكله راح اغص كافي اني اكل حباب
..
لا بيدي افتحي حلكج ... ناكل وعيني على زلمة وراه طول الوقت
ماشال عينه مني... اريد اكل مااكدر ذبيت الاكل من ايدي
...حاولت العي نفسي كتلو حبيبي شلون راح يصير العرس
...
الافضل بقاعه طبعا لأن راح يحضرون چثير بس هيج ماراح اكدر اشوفج بس بالزفة اني ابالي قاعه للنسوان وقاعه كبيره للزلم وهم ماتكفي
...
اي يا عمري قاعه الكم ووحده كبيره للزلم
...عجل شلون اني ابالي على الاقل نكون سوه نركض سلوو اني وياك
هههههههههه انتي تحجين صدك هي سلو يابه
شبيك شكو بيهااا...
لا مابيها بس حرمتي تركض جدام خلگ الله اكولج سالفه قاعه
ماتمشي عندي ... وان جان عالركص اركصي بأربيل مو هينا
...يعني نروح اربيل
..
اي ثاني يوم نطلع لأربيل وبس تخلصين امتحانات بالعطله اخذج نروح لتركيا لو الاردن
...شنوووو ليش انت شوكت ناوي تسوي العرس ؟؟؟
هالايام يابه
لااااا سلطان خلي اخلص هاي السنه اول


...دحگلي بنظرة😒😒
انتي كل عقلچ ابقيچ بعيده عني منا لأخير السنه ؟؟ تحلمين بنيتي
اقل الشهر اني معرس
...
لا سلطاااان
...اششش بالله خلصي حتى نكوم تاخذين اللي تريدي
ادهام وذياب الخميس اللاخ عرسهم اني شعنددي منتظر ؟؟
...سكتت
تقرب مني صار يغني بصوت ناصي( لزرعلك بستان ورود..وشجرة صغيري تفييكي..ولغزلك من نور الشمس سواااره وحطه بايديكي)
..الله هيج راح تسويلي بستان ورد
...
اسويها والله
...ههههههه شبعت يلا خلي بس اغسل
..كمت اروح للحمامات هذا بعدو مكابلني والله لو يدري بي سلطان عفتو فتت غسلت وعدلت شالي ومكياجي
دخلت بنيه ضعيفه بيضه وكفت كبالي كالت:
...بلا زحمة سؤال
..
اي تفضلي حبيبتي
..
هذا اللي وياج مو استاذ سلطان العليان؟؟
..اي نعم هو ..ليش؟؟
..
شتصيريلو ؟؟
..اني خطيبتو
دحگتلي من فوووك ليجوا عوجت بحلكها وطلعت
..ياااا هاي شبيها ؟؟بقيت صافنه
كملت وطلعت لكيت سلطان يحاسب عالغدا ماقبلو ياخذون وعو مصر انو يدفع الحساب رحت امشي والكل ادحك عليه وكأن
بس اني إمرأة بكل المطعم ... اسمعهم بصوت ناصي ..
يمكن مرته ... لا هاي صغيره هسه تطلع صاحبته لو اخته
دنجت راسي ماحجيت وكفت بسده صد عليه ورجع دحك للزلم
كال نزلي راسج
...دحكت ضرغام اباب المطعم هو وسلاحو
...استاذن سلطان منهم ولزمني دا نطلع
سمعنا صوت بنيه صاحت
...استاذ سلطان بلا زحمه استااذ
..انداريت لين هي نفسها اللي بالحمام
..
نعم تفضلي
..مرحبا استاذ اني نور معرفتني
...هلا هلا حياج الله اي عرفتج
..
شخبارك استاذ
..
بخير الله يحفظج
..استاذ اريد احاجيك شويه على صفحه
..خير تفضلي
..
بس شويه هنا على صفحه
...لا كولي هاي حرمتي مو غريبه كولي اسمعج
..
ردتك على ذيج الشغلة
...اختي اني وعدتكم خير وان شاء الله خير وكلفت جماعه بالموضوع ان شاء الله مايقصرون
من رخصتج
...استاذ زين بس رقمك
...اني اشتعلت ادحك عليها وهي تتموع
لزمت سلطان من زندو وضغطا عليها لزم ايدي بايدو الثانيه
كاللها-ست نور وياي حرمتي ياريت الشغل يكون بغير وقت تكدرين تتواصلين مع ضرغام وهو ينطيني خبر اعتقد عندج رقمو يلا مع السلامه
..ادحك عليها وجهها صار دم
طلعنه للسياره بسرعه شغل السياره سلطان
..
منو هاي ؟؟
..وحده
..ادري وحده قابل واحد منو هاي
..
هاي اخوها فاصلي من دوامو بالشرطه صايره مشكلة وتوسطو يمي قبل فتره ووعدتهم خير
..اي ماشاء الله كلش ماخذه ميانه وياك
..ول وين الميانه
..ماشفت شلون تخزر بيه
...اوووو بدت عاد
يولي هي اصلا كرايب اميره
...اييييي هيناااا الحچي كول هيج من البدايه
ماتحاجيها سلطان والله العظيم اسوي مشكله
. ما احاجيها هساع فكيها خلي نروح
...هفففففففففف
...دحكي راح نوصل السوك اي احد يسلم علي زلم لاتردين بشي وماعليج ابد تبقين بداخل المحل اكمل واجي يمج
..جان خليتني ويه ساره هيج انت راح تنحرج ومناخذ راحتنه
..ليش انحرج ؟ وين الغلط طالع ويه حرمتي للسوك واذا اني معروف ؟؟ هذا مو عيب الشغل وحد ودوامي وحد وحياتي الخاصه وحد
...ابتسمتله كتلو عجل يالله
...وصلنا السوك ونزلنا سوه وضرغام ورانه
ضرغام..وتمخطري يااااحلوه يازييينه//اييييييه يابه تالي وكت ابن عمي ينزل للسوك ويشتري ويشيل علاليك حرمتو ايبااااااه والله وكت
...ول سد حلگك انعل ابو شاربك يول
...
هههههههههه تمون عمي تموون
.. يحجون ويضحكوون واني مدري ليش بس اشوفه اتذكر سراب والمحزم وابتسم الحالي
هساع وين نروح يابه..
كتلو نبلش بالمكياج والعطور
..
امري لله تعاي اهم للمكياج عدجن
...دخلنا المحل بي شغلات تجنن عفت سلطان ورحت اخذ اللي اريده بس ما كثرت لا اخذت بالمعقول
بالمحل اكو نسوان اني اندمجت اخذ الشغلات انداريت لين واكفات يحجون مع سلطان وضرغام يسجل بدفتر ماادري شنو
بيهن شابات 2 وكبار 3
هديت البيدي ورحت يمو عسيته بيدي اندار عليه كال لحظة
.. كتلووو تتعال وياي اختارلي عطور
..اكفي
صار حجيه تأمرين
...الله يوفقك والله همزين شفتك
..تدللين حجيه سجل ضرغام
تقدمت بنيه وراها تكلو
والله استاذ من زمان اني اكول عنك متواضع
اني جاوبتها
...شكراً تسلمين حبيبه من رخصتج نريد نجهز لعرسنه ابتسمت ابتسامة كذابيه وسحبتو
...تعال هين
...هههههههههههههه شكد حلوه غيرتج
..اسكت والله هساع ابطل ونطلع
...هههههههههه ماشي يابه بس على كيفج
...خلصت ودفع سلطان الحساب وطلعنه
افترينا بالسوك تقريباً اخذت يعني ملابس واحذيه ومكياج وملابس نوم مابقه شي
صارت دنيا مغرب بي والله ماحسيت بالوقت وبسرعه مشخ
صعدت بالسياره رجليه اهجسهت خيووووط
...اووووووي عفيه رجعني للبيت كافي
...
ول شكثر تحبن السوك هاي عمتي تتصل ...
ياااااا جاوبها بسرعه ...
...
بس لا تخافين شبيييج ... اشرلي بيده لحظة وجاوب
اسمه يكللها لا جايين عمه مسافه الطريق
كتلو هاي ابويه اكيد عزه اليوم تاخرررت
ماكو شي قابل وين رايحة ...
...وصلني سلطان للبيت نزل هو فتح باب البيت ودخل الغراض هو وضرغام
طبيت للهول كاعدين ابويه وخالي
...
صاح خالي ... اويلي يابه هاااااا عجل جايبه السوك كلو
..اي خالو عجل غير احتاجهن
...بالعافيه يابه
...
الله يعافيك ..
طلعت لكيت سلطان ديخابر ... رجعت
دخلت جوه لين سراب تلكتني تدبج وتصفك( كل الهلا بحبيبي الجان ازعلان طابك ورده وخزامه وبالوسط عراان)
...سراب تره ميته تعب فارجي من وجهي ...
...هلا هلا هذا السلطان سليمان برا
،..وخري
رحت برا وديتلهم ماي لكيته واكف ويا ابويه وخالي ديتناقشون
..
سلطان كال الاحد عقد المحكمة وتجهزو الخميس وراه لعرس ادهام وذياب
سلم عليهم وراح شلت العلاليكي وسراب وخطيه خالي ادهام صعدهن ويانه للغرفة
...شوفيني شنو جبتي
...يبووووو اريد انام واكعد اقرا باجر دوام
...كامت شالت قسم من العلاليك وطلعت برا تشوفهن اني بدلت وكبل للفراش نمت
ماااااكعدت لل10
كمت غسلت واكلت شويه وبديت اقرا
ثاني يوم داومت بالكلية شفت مريم واتفقت وياها انه عرسي قريب ومشه اليوم عادي محاضرات ودوام
رجعت للبيت لكيت خالي ادهام توه داخل البيت وياه علاليك وعمال ينصبون الغرفة وابويه خطية يساعدهم
...كضينا الاسبوع كلو خلصنا بي احتياجاتنه الجهاز خلص اني وساره وخالي ومنال بقت بس غرفتنا اني وسلطان دزلي صور عالواتساب غرفة نوم كل وحده موديلها يختلف
كال ا اللي تختاريه انتي اجيبها وكعدت اني وامي نختار اول شي
... كالت امي يولي الاثاث المصري ارتب وتكمه لو تاخذين هاي ووصوه وياها شازلون بلونها
...حلوه كلش بس خلي اشوف سلطان
دزيتلو الصور عالواتساب كتلو دحك هاي عجبتني بس اريد وياها شازلون بلونها( شازلون هيج مثل القنفة تجي ويه غرفة النوم)
اتصلت بي
،...
هااا حبيبي هساع فتحت الصور
...
يلا شوفهن وجاوبني
انتظرتو شافهن وردلي كال تمام
للسبت قبل يوم عقد المحكمه بيوم وصلت الغرفة خابرني كال وصلت وخليتهم ينصبوها بعدهم يشتغلون
صار عقدنه بالمحكمه اني وخالي وذياب بنفس اليوم سبحان اللي جمعنه كلنه وسلطان على معارفه سواها للسرعة بنفس اليوم علمود زواج خالي وذياب سوه
بالليل اجت يمنا خالتي ولمياء وزهراء وامها
فرحانين كلهم خطية وخالي ادهام يطب ويطلع يعدل بغرفتو
راد يأجر بيت وحدو بس ابويه مقبل كال البيت شكبر ليش تطلع
اخذت لمياء وسراب وزهراء لغرفتي طلعت فستان من اللي جبتها بالجهاز لباجر البسو بالمحكمه ورهمت شال وجنطة
سراب طلعت كالت هسه اجي
بقن البنات يسولفن شنو يلبسن بالحنه والعرس
اجه على بالي سلطان دزيتلو مسج
...حبيبي وينك
دخلت سراب شايله مسجل بي سماعات كبار مال خالي ادهام وشغلت اغاني حسام بالغرفه
كامن يركصن وهلاهل هههههههههه
دك تلفوني دحكت هذا سلطان
طلعت برا الغرفه وجاوبتو
...ها عمري
..
هلا حبيبي
.. صوت اغاني شكوو
،...اي ههههههههه البنات محتفلين
....هااااا وماركصتي وياهن
،...لاااا
...شوكت تركصيلي
..
اهووووو لا
...
هو بكيفج لا
..ههههههه
.. فديت هالضحكة .. اكول باجربال8 ونص نطلع لاتتأخرون
..اي ان شاء الله
...يلا روحي تونسي وركصصصي
،...اهىوووو ماشي هههههه
سديت التلفون ورحت يم البنات دكينه وركصنه وهلاهل وماما وخالي ادهام وخالتي امي دمعت عينها من شافة هالي ادهام
فرحان ... كالت هذا الليوم جنت انتظره من سنيييين
بيومها جانت فرحة ماتنوصف .... ثاني يوم
سلطان خلص كل اجراءات العقد بيومين التحاليل وموعد المحكمة
....بالليل حضرت مستمسكاتي وكلشي وكال بابا كعدو من وكت مانريد نتأخر
الصبح كعدت بال6 شبعانه نوووووم سبحت ونشفت شعري وخليت مكياجي وبدلت ورحت جوا
....صباااااااحوووووو ياناس يااااعالم صباح الخير صباح الحب صباح العسل
.سراب...مبرووووووك عليك بنت الحلاااال مبروووك عليييييك ملكة جمال
حلوه واميره
كتلها حلوووووه
...لا عيع انتي مو ملكة جمال
..
طااااح حظج
...هااااا خالو شلون المعنويات
...
شو انتي حتى مو خجلانه اني اللي اعرفو العروس يوم العقد تخجل تسكت انتي لسانج هااطول
...يعني انت مو فرحاااااان
انتي المن تسالين ... تسأليني اني هاي الفرحة انتظرها من سنييين
الغالية راح تجي يمي وتصير حلالي ....
صاحت امي يلااااا يمعودين
...طلعت اركض للسياره صعدنا كلنا وطلعنه وسيارات بيت عمي ابو ياب بالباب سيارتين رايحين
خابر بابا على سلطان كلو نتلاكه هناك بالمحكمة احنا جايين
...گلبي يددددددك
الطريق كلو اتراسل ويه سلطان علما وصلنا المحكمه دزلي مسج
...انزلي وتعالي يمي
نزلت ووكفنا كبال المحكمه سلطان هالمره من صدك سياراتو ساده
الطريق
انگلبت المحكمة استنفار
ضابط وجنوده جدام سلطان ووراه هم جنود وضرغام وياهم وليث ومحمد محاصريه من كل مكان
...وكفت بنص الحجيه ام ضرغام وامي وساره كلتلهم عجل شلون افوت يمو يكلي تعالي يمي بالله هذا شلون افوت
...هساع امششي
...مشينا وابويه وعمي وذياب فاتو يم سلطان
...سلطان دحك لورا علينا صارت عينو عليا اشرلي اجي يمو
فتحولي طريق حمايتو ودخلت تلكونا ضباط بالمحكمة ماطولنه ودخلنا للقاضي
بعدين طلعنه اول شي عقدو لذياب ومنال وصارو شهود عليهم ضرغام وابويه وراها عقدو لخالي وساره وصارو شهود ذياب وابويه هم ههههههههه
اخييييييييير شي احنا
دخلنه...
سالني القاضي اذا راضيه بالزواح بدون اجبار
...نعم برضاتي هو يدحكلي ومبتسم .. دنجت راسي
...عقدنا واشتغلت الهلاهل
الحجيه ام ضرغام طشت چكليت فوكانه وناس تبارك لناس
حتى حماية سلطان المقربين منو ذبو فوكو جكليت
خلصنا تقريبال بال11 ونص من المحكمة
ادحك لسلطان يضحك وفرحاااان يسلم عالكل انتبهلي ادحك بي تقدم عليا باسني بين عيوني جدام الكل
...بنيتي وفرحتي انتي بالمبارك
...
دنجت حسيت روحي راح اكع من طولي همست الله يبارك بيك
ادحك ساره ومنال طايرات من الفرح
بابا باسني براسي وباركلي
شيخ حامد خطية عندو فصل ابغداد من قبل يومين ومالحك علينا كال اوصل ويه الغدا
كال سلطان يلا الغدا عليا
رحنا كلنا لمطعم طبكولنا 5 طاولات وكعدنا
...سلطان جرني كعدت يمو وساره يم خالي ومنال يم ذياب
انتبهت ذياب لازم ايد منال وهي مامصدكة ...
كلنا كاعدين نسولف ونضحك
سلطان لازم ايدي جوه الميز ودنك عليا كال :
...فرحانه؟
..اي حبيبي
..طلع من جيب الستره علبه حمره فتحها بيها (شباحيه) بيها حرفي بالانكليزي
لبسنياها
...همست شكرا .. مدري ليش بحزتها ميته خجل
سمعت حس شيخ حامد
..السلااااام عليكم
الكل كامو يسلمون عليه سلم عالكل واخير شي اني باسني براسي وبست ايدو نطاني بيدي علاكه بوكس بي علبه
...بالمبارك يابنتي شايفين الخير الله يسعدكم
..الله يسلمك عمو حامد ماقصرت
ونطه علبه
لمنال وعلبة لسارة
صاحت الحجيه افتحي هدية الشيخ دحكي الفرق بينها وبين هدية زلمتج
ههههههههههه
فتحتها...بيها علبتين كبيره وصغيرة
(تخم ذهب كلاده وتراجي وسوار ومحبس)
والعلبه الثانيه بيها سوار عريض متحرك
الذووووق فضييييييييييع كمت من مكاني بستو براسو
ساره ومنال كالن عجل احنه هم نفتح
..منال جايبلها كلاده قرآن وساره كلاده اية الكرسي كبيرة
كلهن باسنه
بابا تشكر منو چثير كلو هي بنتي
...حطو الاكل وصرنا نتغدا ونسولف ونضحك ..
بس سلطان ماشال عينه من ذياب ... اني على اعصابي كاعده خايفه يحجي حجايه ذياب واصير سالفه
خلصنا الغدا وجابو چاي
ابويه كال لشيخ حامد:


شيخ الخميس الجاي ان شاء الله عرس ادهام واسترخصك بنتنا منال وذياب نفس اليوم مادام مكملين كلشي ماكو داعي للتأخير
...يجرالكم الف مبارك
كلو عمي: منال بنتنا واحطها بعيوني
قاطعهم ذياب
...منال حرمتي اشيلها بعيوني وتدلل
خطيه هي چثيييير فرحت
ادحك سلطان كاعد صفح جان يكوللهم
...وراكم بكم يوم اعرس اني
..عجل سوو عرس جماعي
...لالالا عرسي وحد بس احسبو حسابكم هالايام
ادهام اي احسن لان داعش وصلنا مابقى شي
... لا ماكو شي
على خير ان شاء الله
دك تلفون سلطان مرتين ونطاه رفض حاول يخفي الرقم عني
انتبهت لمن يدك التلفون شكلو يتغيررر اني الشك بده ي عندي يقره
الف رجع دك المره الثالثه دك سحبتو اني لان لعب كلبي
يتبع ....
.بنااات قريتوو الحلقة الاخيرة من المراهقة والاربعيني تمووت💔😔

[لامارا]

الفصل العشرين
#مساء المحبة ..❤️
#خيال #الكحيلة
#بقلمي_نشوى_السلطان

دك تلفون سلطان مرتين ونطاه رفض حاول يخفي الرقم عني انتبهت لمن يدك التلفون شكلو يتغير اني الشك بده يقره الف
رجع دك المره الثالثه سحبتو لأن لعب گلبي قريت مكتوب (ام فهد)
...جيبي التلفون حبيبتي خلي يولي
...خلي يولي ؟؟ شتريد اميره ؟ مو تدري اليوم مهرنا لو تريد تغثني وليش مترد عليها جدامج ؟؟
...اني مااريد اغثچ لذلك ما رديت اليوم يومنه وفرحتنه ليش ارد عليها جدامج
...ميخالف خليني ارد عليها اني خليها تعرف احنه اليوم مهرنه عيب عليها تتصل عليك ماشايفة وحده تطلگت وتتصل وتتواصل ويه طليقها شتريد افتهمنه بينكم ولد على عيني وراسي انت ابوه والولد حقو عليك بكلشي اذا تريد شي لفهد تخلي ابوها لو اخوها يتصلون
...لزم ايدي وگال
لا تشغلين بالچ وحق ربچ كاتله روحها تريد ترجع واني مامهتم مامعبرها عليش انتي دمج محترگ شيليها من بالچ
اخذ التلفون مني وخلاه عالميز
... دحكلي اني خازره عيوني اوضايجة كال شييج ابويه
شبيج حاجيني... اهلي كلهم ملتهين ويسولفون حجيت كتله
اني ما... وجان يقاطعني التلفون دگ
مد ايده سواه صامت ... بسرعه ورجع خلاه عالميز
عاد هين اني ماتحملت جريت التلفون بدون وعي وكمت من يمهم رحت يم الحمامات امشي وادحك ورايه سلطان يأشرلي ارجعي
كتلو دقيقه اشررت بيدي ...
شفتو كام ورايه ... اني بسرعه فتحت خط
عاد صاحو علينا هاااااا وين كايمين
... جاوبت الووو
حجيت بدلع
...الو ؟ منو انتي ؟
..انتي اللي منو داكه على زلمتي
...ههههههههاي زلمتج ؟ اني ام فهد حرمتو
...هااااااا طلييييقته قصدج عالعموم
تلفون سلطوووني يمي اخذ صور بي لأن الصبح جان مهرنا وهساع كاعدين نتغدا العائلتين عود من نخلص احتفال انطي خبر
...سلطان يجر بيدي يريد ياخذ التلفون واني ابعدو مني وابقه احجي

... كالت حسبي الله عليج الله ياخذ حقي منج يا ماعندج اخلاق بواگة الزلم تاخذين الزلمه من حرمتو وابنو عساج ماتتهنين يارب ابنو مريض خلي يدزلو احد ياخذو للطبيب
...اي اني اخبرو يلا روحي احنا كاعدين نتغدا نريد ناخذ صور قطعتي علينا لحظات حلوه
...شكد ادب......
كامت تغلط .. سلطان ماديسمعها .. بس جر التلفون مني وسده
الناااااااار بگلبي تسعر حجه بعصبية كال ليش اخذتي الجهاز
احسن اريد احط حد بينك وبينهااا
مهما يكون المفروض ماتسحبين الجهاز بهالطريقه واني اصيح عليج
اعكبي مايفيد بيج ...
ماكدررررر موبيدددددي
قاطعنه ليث
شو هين واكفين خيررر خما اكو شي
...كول لعمك ليش لحگني
...
ها هساع صار عمك مو سلطان
...يلا امشي
رجعنه كعدنا يمهم وبقينه نسولف ونضحك تذكرت عسيت ايد سلطان
..حبيبي هاي صخمان تكول فهد مريض
...وللللل الفاظچ عيب شنو صخمان
...دنجت راسي ماحجيت شي سكتت
...دحك على محمد كلو العصر تاخذ عمتك ساره تروحون تجيبون فهد مريض تاخذو للطبيب لو اني اخذو بس جيبوه
ساره-سوده عليه هساع فهد صار عزيز واخذتو
...مايظل يمها اني ارجعو
خلصنه الغدا والسوالف وكالو يلا نتوكل وكمنا نريد نطلع🤩
طلعنه نريد نركب بالسيارات كال سلطان اصعدي وياي اني ارجعج للبيت
...ها واهلي
هاي يولي اني شكتلج مو كتلج اني اهلج .. اكفي هساع اخذ اذن من عمي ...
دقيقه ماعليه اني خاف مايقبل ...
... بس اكفي لا تحجين اني اكله ... تقرب عليه كالو عممممي كحلاء تصعد وياي امشي بسيارتي وراكم
...
براحتكم يابه ماكو فرق
...
صعدو الكل بالسيارات وصعدت يم سلطان طلعت سيارات الاهل وبقت سيارة سلطان بالاخير صارت كدامنه 3 سيارات
وسيارة الحمايه ورانه ... ادحك عليهم بالجامه كتلو
...يبووووو شلون ازعاج حماياتك
...
يووولي صدي هين لا تدحكين عليهم
...
هساع شسويت
...
لاتدحكين بيهم ارفعي الجامعه حتى ماتبينين
...
حتى سيارتك مظللة واحد شيفتهم
...
كلت ارفعييي
...
اي اي
...
باجر اجيج الظهر اخذج لمكان نغير جو وبعد باجر اطلع لبغداد عندي شغل
...اممممم وين نروح
...اممممم باجر تعرفين
...ههههههههههههه اي بس كول لبابا
...
ول بابا اعرف الاصول وثاني شي انتي حرمتي هساع
...وصلنه للمنطقة وسلطان وكف سيارتو كال لضرغام لايدخلون الحماية بداخل المنطقة والفرع عيب ازعاج الناس والجيران خلاهم واكفين عالشارع العام واحنا دخلنه للديره
وصلني للبيت لكيت اهلي واصلين قبلنه حدرت من السياره

وهو حدر ورايه .. سحبت الباب... كتلو ديربالك على نفسك
...صديت جان اسمع
...حي سلاحو وسحب اقسام جفللللللت
صحت عززززه ... بسرعه خله ايده على حلگي
كال شجرالج اسلاح وسحبت شجاج ...
لا عفيه كطه من ايدك شوفته ترعبنيييي
ادري ابوي لا تخافين نوبة الاخ اعلمج عليه ...
هااا اني ارمييي لا يابه ماعرف
عجل بس تعرفين ترميمي بسهام عيونج ... دفوتي يابه
هساع احنا باب البيت كون يمي هسه ... اخ يابه
هههههههه ابتسمت ودنجت كتلو روح مو زين عليك
اي يابه اي ادري موزين ... تحاجيني ابرود واني محروك جد جدي يابه فوتي ...
...
ههههه يمه شلون يحجي بگلب محروگ
اي بالله محروك عجل شوكت اخذج بحضني...
مااادري ... عيب عيب راح اروح ... طبيا اركض وهو مرتجي عالسياره ويفر بالمسدس... ابتسمتله وكتلو مع السلامه
اشرلي بأيده بسببطه بسيطه ... فتح الباب وركب بالسياره
ادحك عليه شغل السياره ومشه
فديت عمرك شكد احببببببك طبكت الباب وطبيت للبيت
سلمت لكيت خالي ديصلي وابويه ديتابع اخبار داعش ومعلي للتلفزيون ... دحكت للاخبار شفت ابويه مخبوص كلت الله يستر يارب كون مايصير مشيت
صعدت وصلت لباب الغرفه وخابرني سلطان
بسرعه فتحت خط...
..الو ها حبيبي
...
يولي باجر مو عندج دوام كليه شلون نطلع
...ايييي صحيح نسيت
خليها من ارجع لو اطلع المحاضره الاخيره
...ادزلج ليث لو ضرغام خوش
...
ماشي
اني راح انام شوي واكعد ادرس
...نوم الهنا يالروح
دقيييقه .... اكف
وين اكف جاي اسوق يابه ...
ههههه لا اقصد لا تكطع الاتصال ...
ها سولفي يابه نسمع
اميره خما خابرتك
يولي شيلي هالسيره من بالج
تره اني ماانغار بس هي ليش دتخابر
لا يابوي ماتنغارين ادري .. عجل خل اشوفها شتريد
هاااااااا والله الحگك هسه اجييييك ها سلطانننننننن
هساع انتي معتلجة بنار وتصييحين مانغار يابه الگلب بس لج
گووول والله
هههههههه هساع كل هذا مو غيره شلون تريدين افر الستيرين
وارجع
مممم وشتسوي ترجع ....
والله ان كضبتج ايدي ... مايدك راسي الا بغرفتي
عزززززه
عليش عززززه حرمتي تره لو الا هوسة وخرابيطططط
روح عيني روح
رايح يابه رايح ....
هههههههههههه
هلا والله شهالضكة يابه ... نعله على وادليك البالي
هههههه لو بس اعرفه منو...!
موشغلج يابه ... روحي نامي راح اصل البييت ...
بالليل كالت امي باجر يجون خوالي من باقي المحافظات لازم نحظر كلشي كلهم يجون بالعرس
...اي يمه حياهم الله
...سوينه چاي وكعك وكعدنا بالهول وشوي ودك تلفون ابويه
وديتو الو لين سلطان يتصل بي
...سمعتو يكلو اي ابني هي بعد حرمتك ان شاء الله
سد التلفون ابويه وكال:
بنتي زلمتج باجر يريد ياخذج تشوفون كم شغله للعرس
...اي بابا
ثاني يوم الصبح كعدت بدلت وخليت مكياج واجاني مسج فتحتو من سلطان
(حبيبتي صباح الخير...البسي شي ترتاحين بي مو شي يضايقج لأن راح نطلع مكان ينرادلو لبس مريح)
... استغربت شنو شي مريح ... رديتله اوك تمام
..
بس بدلت تنورتي لبست شوي اعرض وكملت ونزلت للسايق
رحت للكليه وكعدت اني ومريم حضرنه المحاضرات عادي وامتحنت ونطونه جدول امتحانات اخير السنه ماظل اقل من شهر ونمتحن تقريباً 23 يوم
للمحاضره الاخيره خابرني ضرغام كال اطلعي اني اباب القسم
سلمت على مريم وطلعت شفتو من بعيد رحت يمو
كال يلا خبصني عم سلطان
...
هو رجع من شغلو ؟؟
...
اي هساع بالطريق
وصلنه لبيت سلطان حدرت من السياره صديت ووصل ورانه بس فتح جامة السياره كال تعالي اصعدي
رحت صعدت شفتو لابس دشداشه ومحزم بالسلاح ... ولاف اليشمغ ..عطره شجان يجنن ... ابتسمتله كتلو وين النيه
اصعدي ابويه هساع مووكت حجي
اي ماشي خليت جنطتي وكتبي ليورا
...يلا نمشي كملتي مو..!
...
بس كلي وين
دحكت لين جايب اكل وحلويات
...هاي شنو
...
ناكل بالبريه ماتريدين تاكلين شي
...
هاااا يعني سفره
...اي
عجل لو جايبين ويانه سراب ساره احد
شسوي بيهم يابه جايبتلي عنتلانه ويانه
هههههه شكو بيهااا
اسكتي لا اذبحج هساع ... بعد ماتريدين اجيب شيخ حامد
علواه هههههههه
اخ يابه ضحكتج ... خل نطلع يابه ...
حرك السياره والطريق كلو يتغزل واغاني وسياره وحده من حمايتو ورانه
وصلنه لمكان كلوووووو زرع وخضار چثييييير حلو
كتلو سلطان سلطان هين يخبل المكان خل نننزل
ها عجل كولي تخبلت انزلج جدام خلگ الله
يااااا شعلينه بيهم
ماعلينا منهم بس اني مو جايبيج هين فرجة الامة محمد
يووو سلطان لا تصير معقددد
يولي هذا حرص .. هذي غيره ... غيرتي عليج ماتخليني
تدرين شمفكرر ...
اي شنو ....
مفكر اللبسج نقاب ...
يبوووو بس هاي بقت ....
هين يابه الايام تثبتلج .... ان مالبستج ماكوون اني سلطان
هسه انتي عد اهلج ... تجين يمي ... وذاك الوكت كلشي يتغيرر
لااااا حبيبي لا تصير مثل ذيااااب
داحجي وهو ديسوووق جان يضرب بريگ وضرب بأيده الاستيرن
جفللللللت شبيك سلطان شكووو.. كمت اتلفت ورايه ... اتذكرت
قبل فتره جيران بيت خالتي كالو طالع للصيد وماخذيهم الدواعش
كمت ارجف
دحكلي وهو مخنزررر ... يولي اني ماكتلج ...
ذيااااااااب لا تجيبين اسمووو على السانج ...
اني شحجيييييت ليش كلشي وكلتي ذياب ... شسالفتج
شبييييك والله ماقصد شي بس اقصد ...
اي شتقصدين ليش هالگد مرعوبة من ذياب...
شبيج فهمينيييييي خل نفتهممممم
ماكو شي شبيييك انت ليش بسرعه اتعصب ...
استغفر الله العظيم ماتصيرلج جاااااره ابد ... انعل شاربو الذياب
لابو ساعتوووو ... دحكي يولي اياااااااج تجيبين طاري ذياب
اي والله ماحجي بس لا تعصب
كام ينفخ ... طلع جكارتو ..تعوذ الشيطان وكال حدري
شبيك سلطان لا تزعل ماقصد شي والله
اي بس حدري وانهي السالفه ...
فتحت الباب المكان عالي وماكو احد قريب علينا ..
صديت عليه كتلو وين حمايتك..!
راحو غادي يصيدون انتي ماعليج منهم
زين ليش خليتهم يرووحون واحنا بمكان فارغ شلون نبقى وحدنا
لا تخافين حدري ...
نزل وكام ينزل بالغراض ...
خليت تلفوني بالسياره وكمت انزل وياه .. ساكت مايحجي شي
فرشنا الفراش
شفتو نزل منقلة ... شنو راح تشوي هين
اي عجل شنو يابه نجيب الكل بارد ...
نزل الفحم وجهز المنقله .. شعل النار... اني بس صافنه عليه
وهو مبرم اردانه .. ويشتغل .. اتذكرت وين جنت وين صرت
منو جان يتوقع بيوم قسمتي تكون من شخص معروف ..
من انسان تحلم بي كل بنت ... ياولي بس عيونه تكفي ...
ادحك عليه والشمس بعيونه ... مدري هو حلو مدري لان احبه
حليان بعيني ...كمت نزلت الترمز والماي ..
وهو يدحك عليه من جوه لجوه يحاول يخفي نظراته. حسيته
بعده زعلان...
حاجيته .... حبيبي ...
رد ها كحيلة
زعلان مني ...
لا تعودت على جطاتج
وعيونك ماقصد شي
خلص انسي تعاي حدري بسدي
تقربت وكعدت بسده رفعت راسي عليه ... ابتسمتله ...
كتلو وهسه بعدك زعلان ...
صفن بوجهي ورجع مد ايده سحب راسي خلاني جوه ذراعه
_يولي عيوني هذن الحلفتي بيهن ... مايكدرن على زعلج ...
ابتسمتله واني خجلانه ... كتلو احلى شي بيك عيونك
لأنهن يشوفنج ... مدي السفرة ... ورانه شغل جثير اليوم
شغليش ... كمت فتحت السفرة مديتها ... الشمس بعيوني
كتلو سلطان ... خل نحدر جوه والله الشمس حاره ..
لا هساع اكلط السياره جاي ويصيرلج في .. بس نحدر جوه
لا ممنووووع


...المكان يجنن حبيبي يفتح النفس
...
عجل اكلي زييين ... تعاي بسدي اكعدي
تقربت وكعدت بسده ... كتلو ليش دائما توصيني بالاكل
اشوفج غاديه خلصانه يولو
هههههه اي اكلي قليل
اكلي يبعد حيلي تره الحيل بالگمة وبعدين ماتعجبني المره
الضعيفه ...
بس اني مو ضعيفه
ادري يابه .. بس يحتاجلج شويه ...
تدريني اكون اسمن من اميره ...
هساع شجاب اميره بالنص ... يعني لو اميره لو ذياب
مايفيد بيج دواج مره
هاااااااا مره
هههههههه تسويهن كلهن يبعد النسوان ...
والله انتم الزلم اااخ
شبينا يولي ...والله ماحرمة حلت بعيني غيرج
يولي ... بنص المحافضه والدنيا كلها يمي ... وتجي صورتج اكبالي
لو انذكر ضحكتج ... بحزتها ... اليجيبج كبالي احسبي يزور بيت الله وهو بمكانه ... هي نسوان التحجين عنهم ... ولج انتي كلهن
ابتسمتله ... كتله مدري شتسويلي بكلمتين انسى كلشي ...
ضحك بصوت عالي .... كال والله ماحجيت شي جذب
سلطان كلشي ولا تخذلني ...
اهووو يمعوده اشاقيج وداعة فهد ...
...امممم ماشي
...
ديله اكلي مو برد الاكل .. راح اخابر ضرغام والولد يعمرولي النركيله ...
كملنه الغدا كام للسياره جاب التلفون وكان يخابر... مدري شحاجاهم واني الم بالسفره .. سد التلفون وفتح الجنطة جاب سلاحو
...تعالي كحيلة
هاي اشايل ......
كسيرية شبيج ..!
عزززه هاي برنو ..
لا خاف بيكيسي .. هههههه دتعاي ...
شتسوي اخاف من السلاااح
...
بس تعالي منين تخافيم وانتي يمي تكلطي
..
كمت يمو وكف وره ظهري دنك راسو على رگبتي خله المسدس بيدي رفعت راسي صديت عليه عيونه جت بعيني ..
كتلو والله خاف .. داحجي وجان يبوسني .. صفنت كتلو شسويت
شبيج دارمي عالصيد ...
ههههههه عيب ...
صدك ... خاف اتشاقين
يااااا ماعليه ماريد والله اخاف
يولي اعلمج تستخدمين السلاح هاي دنيا كلشي يصير بيها
...
انت ليش هيج تسولف مااريد عفيه
...
ههههههههههه ول شبيج بس اعلمج
بس انت كلت هاي كسريه ... شو صار مسدس
دحگي الزمي المسدس بديج الاثنين اي هيج عفيه
الزمي المسدس بيدج اليمنى واسحبي اقسام باليسره ادفعي المسدس
ليكدام باليمنه واسحبي الاقسام للخلف باليسار
..يلا جربي
...
شجررررررب يممممه لا هاك ماريددددد.
...
وللل يلا شبيج
...
سويت مثل ماكال سحبتو اول مره ماكدرت رفع ايدي وساعدني شوي رجع خلاني اسحب اقسام وحدي وكدرت
...هيييييييي سحبتو
هلا والله هاي النسوان معدله ...
...دحگي من تريدين ترمين خلي اصبعج عالزناد وايدج اليسار تحت ايدج اليمين وارفعي اديج الثنين بشكل مستقيم ليجدام ثبتيهن حتى من ترمين ما يرتد المسدس على ايدج
...رفع ايدي وكال يلا ارمي
...سويت مثل ماكال وغمضت عيووووني همست ارمي
ههههههه درمي قابل مدفع بيدج لا تخافين
سميت بسم الله .... ورميت وبسرعه كطيت المسدس
...ضحك بصوت عالي كال والله شاطره بعد مره مرتين تتعلمين
...
لاااااا يمه اسمع گلبي للساع يدگ
يبعد گلبي ودكاته ...
...سحبني لحضنو بأيد وحده رفعني لصدرو
...راح للسياره فتح اغنية كاظم (هاااا حبيبي مو على بعضك احسك...هاااا حبيبي لخاطري لاااا تأذي نفسك منووو الزعلك ) كتلو انتتتتتتتت
...ا يموت عمرو وكتره سلطان اذا يزعلج
...
اسم اللللله والله راح ازعل
...
تعاي كعدنه وخلاني قريب ... كتلو عجل وين الصيد الكلت عنه
ماكو لازم انطب جوه غادي .. بصحراء الانبار كلشي تلكين
حتى ضب ...
لا عيني ماريد ولا اروح ... داحجي وياه .. شفته يدحك لسجل
المكالمات.. جره حسره وكال والتالي...
شكو شبيك منو ديخابر ...
ماكو شي .. ابقي هين لازتحدرين خل اجيب الغراض من جوه
فتح الباب حدر وحده كام يخابر... المسجل يمي عالي... نصيته
حاولت اسمع شديحجي بس جان متقصد يحجي بصوت ناصي..
ادحك عليه يسولف ويشومل بأيده .. مخبوص...
كمت احوص اريد بس اعرف ويامن يحجي ...
انتظرت شوي جة صعد ..
كتلو اميره مو...
لا ماكو. شي بس خابرت ساره سالتها على فهد ... نمشي هساع
عادي حبيبي براحتك ..
شغل السياره ورجعنا بس حسيته تغير وتعكر مزاجة
كل شوي يدخن جكاره .. طلعنا عالشارع العام دحكت بالمرايه
الجانبيه سياره ضرغام ورانه ...
كتلو هيان جوي
اي ادري بيهن عندي علم ...
سكتت شفته موطبيعي اخذني للبيت نزلني يم الباب كال مستعجل صارتلي شغله ولازم ارجع ...
سلم عليه ومشة ...سحبت الباب ... اول ماطبيت اسمع هوسة
تقربت للهول .. لكيت خوالي وكرايبنا جايين كلهم انصدمت
سلمت عليهم سلام عليكم شهاللمة الحلوووه
صاحوو ايييييي واخيرا جت حرمة المسؤل
كامن يهلهل هلاهل وهوسات بوستهم كلهم ادحك خالي ادهام فرحااااااان
كضينه هاي اليومين كلهااااا تحضيرات للعرس واني الكراب صار براسي كل الشغل اغلبو براسي يستاهل خالي ادهام
بيتنا صار بي 7 عوائل ماادري شلون كفانه بس احسو بوقت الفرح يوسع الف شخص ماحسينه بشي
ليوم الحنه واني ناسيه احيب فستان للحنه والعرس التهيت كله بالبيت والتنظيف وغرفة خالي يعني مو ناسية بس ماصارلي مجال حتى اطلع وياهم للسوك وعندي فساتين جبتها بالجهاز كلت البسها
كالتلي ساره اروح وياهم كلتلها لا مااروح اخاف سلطان مايقبل وحتى للصالون ما خليت ابالي اروح كلت ارتب نفسي بالبيت اني مكياجي حلو
الاربعاء الصبح بيوم الحنة ع اساس سلطان من الثلاثاء يطلع لبغداد بس اجلها للخميس الصبح يروح مايريدي يبقة للعرس يكول ماترهم احظر عرس اختي
منال وساره راحن لنفس الصالون ذياب وصل منال للصالون وخالي ادهام صاح عليه كال يولي سلطان يدك عليج وين تلفونج
...يبووووووو ناسيتو فوك
رحت ركض للغرفه شفتو متصل 6 مرات
خابرتو
...الو ها حيياتي
...ويييييينج تلفونج خلي يمج عليش كاطتو
...والله حبيبي الشغل كلو براسي اعذرني
...شو ماكلتيلي على فستان للحنه وللعرس ؟؟
...هااا مو جبت بالجهاز
...شلون هيج ؟؟
عموماً فساتين 2 دزيتهن ويه ساره بالصالون اخذيهن منها وخلي خالج يوصلج يمهن للصالون روحي وياهن
...صددددددك ؟؟ شوكت جبتهن ؟؟ وتقبل اروح بعرس ذياب
..عجل ليش مااقبل حرمتي تتدلل حالها حال العروس وماينقصج شي وصيت ساره عالفساتين شوفيهن وكوليلي زينات لو لا يلا لا بسرعه وراي شغل لا تتأخرين عليهن
...احبك اموت عليك اعشقك
...
مجنونه...احبج يلا روحي
سديت التلفون واخذت عبايتي وشال ونزلت ركض لخالي ادهام مخبوص جايب علاليك... حريتهن منه وكطيتهن غادي ... كتلو
...خااااااالي يلا وصلني للصالون يمهم يلا
...
ها ياستار شبيج
...وصلني عفييية سلطان قبل
...امشي امشي والله تاليج الخبال بيت عيونج
ههههههههه اكول خالو
..امي وسراب وين
...سراب راحت وياهن وامج بالمطبخ هي والربع
عجل هل الحك بيهن ...
بس لا تكعين يمعوده على كيفج شخلصنا عاد من ابن العليااان
.... ضحكت وطلعت اركض اخذني خالي للصالون حدرت دكيت الباب فتحولي الباب كلتلهم اني ويه العروسات
....ترووووووووحن وتعوفني طبيت اشر بيدي واضحك
...
هااااااااا شجابج يولي
ساره—عجل غير حرمة اخوووووي لازم تكشخ
تعاي هاذي الفساتين دحكي
...فتحت العلاليك وكامت اتطلع
فستان اسود مخصر مثل ذيل السمجه ساده بالردان نقش ذهبي وفوكاه صايه شيفون كللللها نقش ذهبي
يجنن يخبببببببل
والفستان الثاني وردي بدييييييييييييع بس الاسود عجبني اكثر
سراب—شوف الحظ واني نعال مكطع محد جابلي ادري نكطع حذائها ... لو مصباح السحري طلع كبالها احوو يانار گلبي اكوووووول انطيني الوردي البسو
...دطيري البسو بالعرس هذه هديه من الحب
...
وجع انوب الحب .... اي بس سراب مسكينه محد يحبها
ماسامعه من يكولون ماحبني غير الجلب واجاهل ماعنده گلب
...ضحكو منال وساره ام محمد على سوالف سراب
دانحجي جتي العامله كالت انتي عروسه لو شنو
لا بس اريد اسوي مكياجي
طيب استرحي ...
سحبت الكرسي وكعدت ... كتلها البس الاسود وشعري ارفعي كلو
خليت مكياج سموكي بس الحمره فاتح
طلعت اجنن صفنت على نفسي بالمرايه ماعرفت روحي
بس ادحك منال صافنه ماتحجي شي .. مدري ليش كسرت گلبي
بس با ذياب بعده ماغير طبعه ...
كملنه من الصالون خابرت سلطان كتلو خلصنه منو يجي ياخذنه كال ضرغام وليث بس من تطلعين تبركعي ... ماريد زلمة يلمحج
صار حبيبي تدلل...
ماشي هساع يني هوسه غير وكت نحجي ...
سديت الخط .. كتلها سراب اريد شي اخلي على وجهي
هاااا لازم مايقبل الحب عليش عشتو راح تنحسدين مثلا
بس خديداتي تكفي هههههههعع
اهووو وكت شقاج مو وصلووو
برررربج منو راح يجي ياخذنه ...
ماكلج لو تموتين .... فتحت الشال بالعرض وخليته علو وجهي
سراب واذا ماكلتي عشتو اول وتالي اطلع واشوف ...
شالت العلاليك وكامت تغني ... يايمه نطيني الدربيل لنظر حبي
واشوفه .. عسيتها ... كتله ام محمد ويانه تخبلتيييي عيب
هساع واحد حرام يغني بلكي عندي موهبه مدفونه
اووو كلج مواهب دمشي امشي
اجانه ضرغام وخابر على ساره كال يله اطلعن ...
اول مافتحت الباب كلشي مامبين مني واني كوه اشوف الشال اسود وهدومي سود ..
فتح الباب كال بسم الله شو سواد خير
تقربت كتلو افتح الجنه شسوي غير سلطان . مايقبل
ماينلام والله عفية ... زين سوه
هااااا ههههههه والله انتو
ضرغام ... وينهن ومن. جة وياجن
هساع يطلعن ... محد بس اختي ...
دقيقه خاف ماتكفي السياره
عادي ويايه ليث .. جيبي اختج خل تصعد هين وياج
من كال هيج طخت عندي ...
وكفت .. كتلو لا دقيقه خل اشوفهن ... صديت لين سارب واكفه كبالي وادحك عليه .. وهو فاتح باب السياره واكف صافن بوجهه
طلعن العرايس... نص صعدن ويا ليث ونص يم ضرغام
كتله سراب روحي .. بذيج السياره
ضرغام دحكلي بالمرايه .. كال لا خليها ...
صديت عليه كتله اصعدي .. اصعدي هم الج عين بعد تقلدين على
حذائي المكطووووع ....
ضرغام شغل ومشة ... شغل اغنية ... ادحك عليه كاشخ وعطره
بالسياره .. ومرتي اللحية ...
وسراب توزع ابتسامات ... ممممم ذوله شغلتهم موخاليه
شغل اغنيه . الله يزين الحظرت غطت على كل الحظور
الراشد الماجد...
اني عيني هين وهين ادحك سراب صارت طماطيه ... خدودها حمرن ... هههههه
وصلونه للبيت سلطان سيارته ماشفتها اتصل عليه مايرد معقول بعده بالاجتماع ... طبيت لكينا الكل هناك النسوان كلهن طبينه والهلاهل اشتغلت والديجي دك شعلووو صوتووو
طبت ساره وراها منال وسراب وراهم اني وام محمد
..كعدوهن عالكوشه ورحت وياهن شافتني الحجيه ام ضرغام
...صلوات على محمد يمممه عين البارده يولي ليش لابسه اسود هساع يحسدوج شلون طالعه
...كتلها جابو سلطان هو اختاره ...
دحكت البيت انترس جوي نسوان عماني وبنواتهم.
راحت سراب للديجي وخلت ساجده عبيد والبنات كلللللهن ركصن ركص ردحن ردح
الربعه ملياااااانه سمعت حرمت خالي الكبير كالت عجل ادهام ليش مايعيش يمنه خل ياخذ عروسته ويجي
...كتلها ابوي ماقبل وخالي ادهام قطعه من عدنا مانستغني عنو
ودوامه هين امي وابوي مالهم احد عليش يجي يمكم
....اشتغلت اغنية كاظم (صغير وملعب وعلى گلبي يلعب تسلم
عالروح يابابا) تحبها ساره الاغنية كامت جرتني الحجيه ام ضرغام والاااااا تركصين شو حدري هين خل نشوف
...حجيه سلطان مايقبل سحبت نفسي ..
...
مااااعليج مو بكيفو الكل صاح ركصوهت ركصوهت تعرف تره
اشرتلي ساره الخاطري يله ...
سحبتني سرلب ويه البنات مادري ليش راح الخجل تحمست وكمت اركص واغني ويه الاغنيه وسراب تركص وتهلهل
لهنااااك وغيرن الاغنيه طلعن انوب ساجده(خاله ويا خاله
خاله شلون بيه مادريتي مالومج ياخاله شماحجيتي ) اني هزيت چتف وركصت بكل فرحه من كل گلبي ماصدكت يجي اليوم الي لشوف بي خالي عرررسس
ادحك ساره تصور بيه
بطلت كتله لاااااااا
...يولي كملي بداعتي
...
بربج لاتدزي لسلطان
.....
ضحكت اشرتلي لا
رحت اريد اكعد تعبت دحكت اباب القاعه اميره وامها طبن
يتبع ..

[لامارا]

الفصل الواحد والعشرون

مساء الياسمين ..❤️
#خيال #الكحيلة
#بقلمي_نشوى_السلطان🧚‍♂️


بطلت كتله لاااااااا
...يولي كملي بداعتي
...
بربج لاتدزي لسلطان
.....
ضحكت اشرتلي لا
رحت اريد اكعد تعبت دحكت اباب الربعةً اميره وامها طبن
اميره جت تمشي وكايدة بيدها فهد ... طبت تسلم عالمعازيم
اني كعدت بمكاني حاولت ماادحك الها ... جت سراب
كعدت بسدي...
يولي ... هاي عنز ارميم اشجابها هين ....
اششش لحد يسمعج نصي حسج
ديله الديجي عالي عليش خايفه ...
عوفيها ماريد مشكال مالي حيلها
_ ابقي جبااااانة ابقي تاليها تاخذ سلطان منج ...
صديت عليه كتلة فاااااال الله ولا فالج شلج بهالحجي
يمة مو حجي دحكي هاي كشخاتها وجياتها شيسموها يبوو دحكي شلون تمشي بالحذاء متخايلة روحها ملكة وتمشي ...
يولي ماتنطيني فردة حذائج المكطوووع
وجع شتسوين بي هاااا ردينااااااا
جان ركعتها بي على علباتها بلجي تصحى تحس .. خاف شافت اسمها اميره وصدكت نفسها هههههههههههههه اميره الذبان
_ عزه عليج هههههههههههه اش جتي حرمة شيخ حامد
ام محمد ... ها يمه كومي ويايه ...
كادتني من ايدي ... كتله وين نروح ...
امشي سلمي جثير ديسألوني وينها حرمة سلطان ... مشيت وياهه
واميره ادحك عليه ... صرت امشي بكل ثقة واني مبتسمه سلمت عالنسوان شك امشي واوزع سلام واسمعهم ايتشاورون ...
هي هاي مرت سلطان والله بعدها صغيره وحلوه ..
لمياء عينها عليه من بعيد ... مشيت رحت وكفت يم ساره ...
دنجت راسي عليه شاورتها .. ( اكلج خالي يجي هين لولا ،!

والله مادري بس من كتله كال وين جايين بنص النسواين ..
مايقبل ...
اووو والله عرفته مجموعين بيت عمي ابو ذياب الزلم مسوين حفله
_ صدك .. فدوه تمنيت اشوف خالج ادري بي يلعب جوبي مضبوط
هاااا وشدراج عينيييي...
هههههه تسأليني اني ... يولي هذا ادهاممممم
_ اووف يارب يسعدكم بعد كل هالسنييين ... مديت ايدي طبتبت
على رجل منال كتله ويسعد منال وذياب كولو امين
ابتسمت منال كالت ان شاءالله ويسعدكم حبيبتي
داحجي وياهم .. وجان بنات خوالي يسحبووووني ...
_ شبيكم راح اكع ووووين ووووين...! يولي ساره صيحي عليهم
يجرون بيه واني ميته ضحك ....
_ اركصي بسرعه يله مو تكولين هذا عرس ادهام عجل وينج
لاااا تعبت ماكدررر ...
ماكو تعب بلشي ويااانه .. مدي ايدج ....
وكفت بالنص كتلها شكو شو طفيتووو...
دحكت سراب شغلت الاغنية ...
تكاودنا البنات كلنه واني بالوسط خلوني ... شغلو اغنية
لكعدلج عالدرب كعووود حلوه يم عيون السود ..
البنات كامو يهوسون ويغنون وياه ومسوين عليه فريره .. واني بالوسط .. اركص ...
كامو يهوسسون ويا الاغنيه ... بصفكة واغاني ..
لكعدلج عالدرب كعود كحيله يم عيون السود ....
اني خحلانه ومبتسمه ماكدر بعدد اكمل ... ادحك الانظار كلها عليه
وكفت ومديت ايدي وكمنه انجوووب ...
صاحت سراب هلا بنسوان الجوبي هلا ...
صاحو البنات انووووب انوووب ... صارت الدبجة تجنن ...
واني ادبج عيني على اميره عينها بعيني ... كاضبه الفستان بأيدي طويل كوه كدرت العب جوبي ... انتبهت جت وحده فاتت منطيتني
ظهرها ... واكفه يم اميره .. دحكت اميره نخبصت بيها وتأشرلها بيدها... منو هاي..! .. عفت الجوبي الفستان ظايقني ..
رحت كعدت يم ام ضرغام ... اهفي الوجهي حاره ...
صدت عليه ... كالت ها يمه عكبتي ...
اي خاله يمج تلفوني انطينياه ....
هيهو منهن يمه ..!
خاله بس واحد اني انطيتج .... دحكت فتحت شليلها ..وحضنها
لين يجي 7 تلفونات ... كتلها هاي شنو هههههه
شمدريني يمه ابين كطنهن عليه وراحن ... ضحكت كتله هذا تلفوني ... سحبتها منها ... واني احجي وياهه جت ليلى تمشي وحده وراهه ... ثولت السالفه وكمت اكلب بالجهاز... عيني جوه مدنجة وهمه بسدي ...
اسمع اميره تگللها خاله هاي نور تريد تسلم عليچ
رفعت راسي دحگت لين نفس البنية اللي شفناها بالمطعم اني وسلطان
انصدمت فكيت عيوني هاي شجابها ؟؟ وليش ويه اميره
نور-شلونچ خاله ام محمد
هلا يمه شلونكم شلون الوالده واخوچ شخبارو وبوستها
..الله يسلمج خاله بخير تسلمين
-ول اكحيلة تگلطي
اني بس صافنه عليهن اريد بس اركز ماعاد اگدر والتلفون بيدي سلطان يدك ومارديت
هاي حرمة سلطان اعرفچ عليها
هي دحگتلي وكالت اييي اعرفها شفتها ويه ابو فهد ذاك اليوم
...اني ابتسمت وكلت من رخصتكم سلطان يخابرني
كمت من يمهم وناااااار ناااار بيه اهجس اريد بس اگطعهن
رديت خابرت سلطان يدك وماكو
رحت يم ساره شافتني مو على بعضي بسرعه كالت شبيج
...هاي مني نور ؟ شتصير من اميره
هاااا هاي بنت خالتها لأميره..ليش ؟؟
..ياااااااا صلاوات على محمد بنت خالتها ؟؟؟
..اي شكو شبيج
..شفتها بالمطعم ذاك اليوم اني وسلطان ورادت منو شغله وسلطان تعذر حبيت اعرف منو هاي
...اي هاي اخوها عندو شغله وسلطان مشالو بيها بس اعترفلچ ما تنبلع

ادري بيها ماتنبلع تعلميني بيها اووووف منين طلعتلي هاي
ساره جانت تحاول تهديني بس اني مامرتاحة الهن
صارت الساعه بال9 وقربت الحفلة تنتهي بس بعدهم ماجوي ياخذونه الولد
اني ظليت اروح وارد الجهال فتحو باب الصاله لمحت سلطان واگف برا يم الباب يحچي مااعرف ويه منو
شلت التلفون ومشيت وكفت ورا الباب ادحك عليه مخبوص حاولت اخلي ينتبه ... ادحك يفتر والمسدس محزم بالجراب محزم بي ...
سويتلو...بسسسسبسسس
انتبهلي اشرلي بيده دقيقه.... ترخص وسده واجاني
... صفن بوجهي وابتسم ... يولي هاي شنوووو ؟؟
شكووو شبيك
وين واكفه امشي فوتي ...
ماكووو احد شبييك
صفن عليه وكال ... شطالعه يابة ...
ابتسمتله وكتلو حلوو..!
اي يبعد عيوني حلو وانتي المحليته لزم ايديه اثنينهن وعصرهن وكال اكحيلتي اني طالع لأربيل هساع الانبار انذار وصارلي شغل واشوف شنو الوضع واخابرچ
وييييين شو الاربيل لا ماتروح....
اسمعيني يولي اريد منچ تصيرين سبعه ماتخافين من شي انتي حرمة سلطان وحرمتي تكون بعشر زلم اوصل واخابرج بس ديري بالج على حالچ هاي اليومين واني على اتصال وياج لحظة بلحظة
..سلطاني شكو ليش تخوفني ؟ شلون تروح وتعوفني وشنو هسه تطلع لاربيل مابقى وكت وانوب الطريق يخوف
لا تخافين وياي اعضاء مجلس والحرس لاتخافين بس تلفونج خلي بيدج لاتغلقي دحك الساعته كال لازم امشي ... تاخرت
ديحاجيني .. اجاه اتصال ...
هزيت راسي اي بس گلبي وجعني چثييييييير ما حسيت بس دموعي تنزل من وجع گلبي دنگت بست ايدو جر راسي لصدرو وباسني
دحگت بعيونو وطلع وكال استودعكِ الله الذي لا تضيع ودائعه
حبيبي خابريني كل شوي ...
اي ان شاءالله هساع فوتي جوه
دقيقة اميره هين ...
اي ادري بيها مالج شغل بيها اتركيها
مممم يعني راح تعوفني واتروح
شسوي ابوي انتي غير شغل ... لازم اكمله
بس اني اخاف عليك والله شلون راح يغمضلي جفن
لا تخافين كولي يا الله كلمن يموت بساعته ... حجاهه ومشى
اشرلي فوتي ... التلفون مابطل يدك ... ضرغام جة يمشي
صاح يله عمي تانمشي ... طلع بسرعه
راح سلطان واني واكفه ادحكلو يمشي اندارلي شمرلي بوسه بالهوا
ابتسمتله واني خجلانه .. بس بداخلي مثل غصة مدري ليش اهجس الدنيا ضاكت بعيني ... اتعوذت الشيطان .. ومشيت
طبيت جوا لين اميره تدحگ حاطة رجل على رجل وتهز برجلها او ماشافتني كامت تعوج بحلكها وصدت ...
دحكت هاي شبيها ... عفتها مااهتميت رحت لساره كعدت بسدها .. كتلها ساره
سلطان طلع لأربيل يكول الانبار انذار
...صخاااام بعيني ليش شكوو ياستار
اي والله راح
ياربي دخيلك الله يستر .. بقيتا كلعدين والحفلة مستمره .. العرايس كامو لبسو قفطان .. وجابو صينية الحنة وكامو يحنون بالعرايس
اني الوقت كله اهجس حتى فرحة بداخلي مابقت .. شكد جنت فرحانه كلشي راح بالي بس يم سلطان ويم الوضع
لل10 وكمنه نروح وخابرني سلطان بسرعه فتحت الخط
...الو
هلا كحيلة
هلا بيك شلونك وين وصلت
على كيفج ابويه ... اني زين وبعدنا بالطريق لا تخافين
والله بالي يمك شوداك
...
لا تخافين ماكو شي ان شاءالله اسمعي خليت فلوس يم ليث اخذيهن كبل ماتطلعين
...
فلووس ! مال شنو ؟
...
خليهن يمج راح تحتاجيهن هل يومين يلا اني اروح هساع
دقيقه شو مستعجل ...
ماكدر هساع يمي الربع يحاجيني بصوت ناصي بسرعه كطعه
صفنت شنو يكلي تحتاجيهن قاطعتني امي كالت امي يلا امشن
سلمت على ساره ومنال وام محمد بس ام محمد چانت تححي بالتلفون وكفت يمها اسمعها بس تكول الله يستر يارب دخيلك
اشرتلها شكو
...يمه داعش واصل الانبار
لطمت على خدي عززززززززة يمه خاله سلطان طلع لأربيل
...رحت اركض برا جريت الشال تبركعت بي وطلعت ادور واحد من الولد شفت ليث صحتلو بصوت ناصي ليث ليث ومارد دزيت عليه واحد من الجهال دحكلي واشرتلو تعال
... جة يمشي هلااا كحلاء شبيج
...
ليث شصاير عمك ليش هساع طلع وداعش واضل مافهمت شصاير
...لاتخافين هو راح بشغل وهم احسن هساع طلع وياه محمد وضرغام وولد عمامنه لاتخافين الاحسن يروح حتى نعرف شنتصرف وها نسيت هاج هاي عمي كال الفلوس الج
..شالهن خلاهن بيدي اني بس صافنه اخذتهن خليتهن بيدي كتلو نريد نروح كال يلا
طبيت صحت امي وسراب وخالتي ولمياء خليت الفلوس بجنطتي وادحك اميره ونور يتشاورن مااهتميت
صاحتلي ساره كالت يولي عود نتخابر
هزيت راسي اي طلعنا ... رجعنا لديارنا .. فتت نن فرع بيت عمي
دحكت الساحة جدامها السيارت تقربت السياره وشفت الحفلة
سراب ... هلا هلا دحكي يابه الجوبي المعدل
تخاجيني واني صافنه بالي راح بعيد خايفه يصير شي
صار كبالي خالي واكف بسد المطرب ... والزلم يلعبون الجوبي
اريد اشوف ماكدر كلها واكفين ... طلعنا من فرعهم دخلنا الشارعنه
وصوت المطرب عالي ...،نزلنا للبيت وراح ليث جان مستعجل
اول ماطبيت اتذكرت
اني ومريم امتحاناتنه اخير السنة بدت يعني الخميس بيوم العرس
اول يوم امتحاناتنه رجعت للبيت واني بعدني ماقاريه شي بس اني شاطرة زينة ادرس باليومي ومسيطرة سعياتي زينه
عكس مريم تدرس على كد النجاح ماتدور سعيات زينه
طبيت البيت كلتلهم لحد يصيح علية اريد اقرا يدوب الحك
رحت سبحت وغسلت مكياجي ومشطت وطلعت امتحاني وكلت اخابر سلطان وين وصل
دكيت عليه نطاني رفض ... وينة هسه لو بس اعرف وصل لو لا حتى يرتاح گلبي ... كمت
فتحت كتابي وكعدت اقرا الحمدلله تذكرت كلشي بس مراجعة وركزت على اسئلة الشهري واسئلة العام الماضي
بقييييييت ادرس لل2 ونص بالليل طفييييييت نعست والصبح لازم اروح امتحن وارد ابدل واتحظر للزفة
اجيت انام ودك سلطان ...
... جريت التلفون بسرعه فتحت الخط الووو ه
...
جاوبني بصوت ناصي ..
هلا يالغالية شلونج
..
هلا بيك حبيبي طمني وينك هسه


لاتخافين ابوي .. راح نصل اخذتي الامانه من ليث ؟؟
اي اخذتها
دحگي ذن تحطيهن يمج اي شي يصير انتي جوا ايدج فلوس
اي دفهمني شصاير والله متت خوف
بس اصل نحچي..درستي؟
اي
عجل ليث يوصلج للامتحان ويبقى وياج
..
ليش عندي خط
اسمعي الكلام الوضع مو زين
ماشي حبيبي
يلا تصبحين على خير
وانت من اهلو حبيبي
كطيت التلفون وقتو بال6 ونص ونمت
دك المنبه طفيتو وكمت رحت اغسل وبدلت نزلت جوا لكيت الدنيا مكلوبه يحظرون للعرس والريوك بالربعة
صبحت عليهم واكلت شوي وشربت چاي كعدت انتظر ليث يجي
ادهام...هااا بعد خالج امتحان والله اذيتج بالعرس
..يفداك الامتحان وصاحبو حبيبي
الله يسهل عليج
ادحكلو فرحاااااااااان الله يسعدك يارب
شوي وخابرني ليث كتلو اجيت
خابرت مريم كلتلها لاتمرون عليه ليث ياخذني
الطريق كلو ليث يتصل بسلطان ومحمد وشيخ حامد والوضع كلوووو مو طبيعي
...دحكي بس تخلصين امتحان تجيني
...اي ماشي
وصلني واني بوجهي رحت للكليه ادور قاعة الامتحان شفت مريم كالت هين نمتحن باقي 10 دقايق نفوت للقاعه
ماخليت دعاء ماكلتو الله يسهللي يارب
دزيت مسج لسلطان كتلو اني راح افوت امتحن ثواني واتصل
...هلا حبيبي
...كحلاء تخلصين امتحان وتخابريني فورا
..
شكووو
...
اسمعي الكلام ابويه ... يله انتظرج اروح اني وسد الخط
...ياربي والله موطبيعب شصايرررر واني صافنه صاحو عالطلاب نفوت فتنه وتفتيش خاف اكو غش
دخلنه للقاعه دورت اسمي لكيتو وكعدت واجوي الدكاتره يراقبون وزعو الاسئلة والدفاتر وامتحنه الحمدلله الاسئلة كلها من الشهري
افتر علينا عميد الكلية للقاعات وصل يمنا كال
...ولدي وبناتي ارجو ان من تخلصون الامتحان تطلعون لبيوتكم لاتبقون بالجامعة الوضع خطر وداعش واصل الانبار
هين اني انتهييييييت اهجس گلبي يدك الف بالدقيقة عالسريع ماادري شلون جاوبت سلمت دفتري وطلعت
ادحك الجامعه كلهاااااا استنفار الكل مخبوص وطالبات يبچون والأمن يطلعون الطلاب خارج الجامعة عبالك حرب
هناااااك وادحگ ليث يركض جة وكف يمي صاح يله خيتي لزمني من ايدي وجرني ومشه سريع واني اركض وراه
ليث راح اگع اصبر
...
امشيييييييييييييييي داعش طب الانبار راح يوصلون هين
...لااااااااااااااا ليش شلون
مو وكتها ختي الحكي ...
ركضنا للسيارة والطالبات كلها طلعت تركض ...
ادحك الناس مخبرصة خبص... صديت عليه
كتلو فهمنيييييي
داحجي وياه رن جهازي .. دحكت سلطان
...
جاوبت الووو .... واني ارجف وانهت كتلو سلطان شنو الوضع فهمني راح امووووت
...
يابه ماوصل داعش لمناطقنا لاتخافون كولو يا الله فضو الزفة اليوم ويصير خير هساع عندي شغل اخابر بعدين
لا سلطان والله اكو شي الناس مخبوصه
ادري ابويه ادري ... هساع اني بالمكتب اخابرج بعدين
لا تخليني انتظر بداعتي خابرني ...
تأمرين .. بس ديري بالج على نفسج ...
ان شاءالله... سديت الخط
...
رجعت لأهلي الوضع كلهم يدرون بي بس خفت بالجامعه لان عبالهم داعش طب للمركز
استغفرت ربي وكمت بدلت وغسلت ورحت للبنات ناس تطبخ وناس تجهز غرفة خالي وناس تخابر يبووووووووو الهوسه
دحكت الساعه 1 يعني لازم اروح اجهز نفسي رحت على خالي ادهام كتلو وصلني للصالون كال يلا
ركبنا بالسياره
..
الوضع مايطمن
..يارب خير كتلو خالي اني خبلوني بالجامعه عبالهم داخل للمركز وليث خبلني اكثر
...اي صحيح بس الوضع خطر چثير ربج الساتر
الله يكفينا شرهم يارب ... يسوق خالي واني الطريق كله ادعي واستغفر ..
وصلنا للصالون طبيت عليهم ساره خطية قلقه كالت شوف حظي ويه عرسي الانبار انذار
... انقهرت عليهم .. مامقسوم الهم الفرح بعد كل هالسنين وانوب داعش .. كتلها حبيبتي دكولي يا الله الكاتبو الله يصير
بدت تشتغل ام الصالون وكلتلها اني بس مكياج ولفيلي حجابي
لل3 الا ربع وشويه كملنه لأن هي باديه بيهن قبلي ساره ومنال
خابرتني امي كالت راح يجون ياخذوكم يرجعون ساره ومنال لبيت سلطان وانتي هين
جة ليث وابويه
ليث اخذ ساره ومنال واني ويه ابويه للبيت
الزفة بال4 طلعت طلعنه سيارات من بيتنا سيارتين سياره لذياب وسيارة لخالي ادهام
وصارت السيارات 16 سيارة
وصلنه بيت سلطان والهلاهل والهوسات للعرسان طبينا جوا
ساره ومنال مكعديهن بالربعة
طبينه النسوان هوسنا وهلاهل شويه وولد عمامي يهوسون لذياب وخالي ادهام كلهت بره تهوس واحنا جوه انفتح الباب وطفت المسجل حرمة حامد كالت يبنوات جة شيخ حامد ...
اني بسرعه عدلت حجابي وكفت بسد امي ...
طب لابس العبايه والدشداشه والغتره والعكال ..
طول بهيبة ... بشخصيه ...جة
يمشي شيخ حامد اجه صاير بالنص وعلى يمينو ساره وعلى يسارو منال لازم اديهن صاحو جوي الزلم
فاتو خالي وذياب والزلم واكفين بره .. جوي وكفو ... كبالو ذياب وخالي ادهام
خله ساره بيد ادهام ومنال بيد ذياب
...امانتكم ساره ومنال وصيتي بيهن يابه
...تأمر شيخ بعيونها ان شاءالله طلع شيخ حامد وراه ام محمد تمشي ... دحكت ام ضرغام فاتت والدمعه بعينها .. رحت ركضت لزمتها من ايدها ...
جت تمشي حضنت العروسات وكامت تبجي وبجتنا كلنا ...
صاحت يولو ذوله بنواتي ... ماوصيكم بيهن ...
حضنتها كتلها لا تنقهرين بناتكم بناتنا .. جت امي سلمت عليها وبوستها هي وام ذياب ...
گلبوها مناحة ... كتلهم والتالي تره عرس لا تكلبوها بجي...
صاح خالي ... يمعودين شوكت نمشي !
كالت امي ... اوو عاد مايصبر بعد الزلمة حگو والله
ام ضرغام توكلو يمه .. شايفين الخير...
جت تمشي منال والبدله بيدها دنجت على امها حضنتها بوستها
جنا ... نهوس .. لاگاني ذياب اول ماشافني صد على صفحة ..
فات لابس دشداشه بيضه .. يمشي ويعدل بالغتره سلم .. وكف بسدها النسوان يهلهلن .. صاح كافي خل نمشي ...
منال ادحك عليه .. صافنه بوجهه ..
جت امه تمشي شاورته ... جان تكضب ايده اتخليها بيد منال
طلعنا للبيت والزفة طلعت
وهوسنا
بنت الشيخ لأبن الشيخ جبناها هاي الرادها وهاي التمناها
خالي ادهام بغييييييير عالم
ركبناهم بالسيارات وصعدنه وطلعنا لبيت عمي الچبير ابيتو العرس والعشا بيتو چبير طببناهن كعدناهن وحده بسد الخ ..
التلفون بيدي كل شوي ادحك ماكو مكالمه من سلطان ..
فات خالي يمشي صحناله فوت تعال.. ركضت عليه كتلو دكعد عاد يمها ...
صديت ساره دنجت راسها وهي مبتسمه
كال لا مو هساع غير وكت ..
لاااا صحنا عليه كلنا جريناه اني ولمياء وسراب ... كعدنا يمها
دنفع بي وهو يضحك ... يولن بس على كيفجن...
كعد بسدها والكل كامت تهلهل .. هو دنج عليها مدري اشاورها
ادهام .. صرتي حلالي يابعد العمر
ساره ... الحمدلله ...
ادهام ... عجل مانزف هسه
ساره وييييين ...
للغرفه ابويه ...
هاااااااا
عايزه والله بعد كل هالعمر وتكليلي لااااا
ابتسمتله وكتله تدري شكثر جنت اتمنى هالحظة ...
لا تسولفيلي مثل مايكول اسأل امجرب ...
عاد گلبي هذا ادره بحالي...
ساره وهو يحجي واني صافنه عليه. بخجل وارتباك كتله يابعد گلبي گلبك .... اني الك طول العمر
دحك بوجهي وكال شكلتي ... ايباااااه شكثر مشتاك اسمع هالكلمه
جنت گبل اسمع الاغنيه الي تكول ..
يا حبيبي كل شيئٍ بقضاء ..
ما بأيدينا خلقنا تعساء
ربما تجمعنا أقدارنا ..
ذات يوم بعد ما عز اللقاء
فإذا أنكر خل خله ..
وتلاقينا لقاء الغرباء
ومضى كل إلى غايته ..
لا تقل شئنا فإن الحق شاء...
قاطعته وكتله .... الحمدلله جمعتنا اقدارنا من جديد...
الحمدلله ... ربج مايكطع ...
اني اكوم اروح ... يم الزلم ..
كحلاء
____
الحفلة برا صارت بالحديقة واحنا جوا ركصنا وهوسنا وساره طااااااايره هي ومنال
اجت سراب تركض
-يولووووووووو راح يبدي الچوبي
هين البنات كللللللهن صعدن فوك للغرف ندحگ عليهم من الشبابيك
هنام وجان تصيح سراب... عززززه جانه عمي وطبتن
صاح عمي طفن الضوااااا لاتبينن
وكفنا ندحك اشتغل المطرب والمطبگ وابو الدمام وراووس الچوبي هو بدا الچوبي
صاح المطرب
....عالميمر وعالميمر وعالميمر فديت روحك ياحبيبي الاسمر
مانشوف بس خالي ادهام يكوم ويلزم السبحه براس الچوبي
ويدبچ جان تهلهل امي وخالتي وبيبيتي
الزلم يركصون چوبي بيهم بال15 واحد يجننون واحنه ندحك عليهم
بقه الركص والجوبي لل7 بالليل عاد صاحو صبو العشا
...صبينه العشا كلو مناسف سويناه وولد عمامي ينكلون من المطبخ للحديقة وصبينا للنسوان بس ماحطيت لكمك بحلكي بالي يم سلطان
لل9 فضينه العشا كال عمي يلا نزف العرسان
ذياب زفوه قبل خالي ادهام لان خالي ابيتنه زفتو غرفتو
منال دخلناها لغرفة ذياب ادحك بس ترجف مثل السعفة طلعنا وبقت ام محمد يمها وجابو ذياب زفوه بهلاهل وهوسات بس هو وجهو ما مبتسم ابددددد فات من يمي ومادحگلي
زفوه ونزلنا خلينا خالي ادهام وساره بالسيارة وطلعت الزفة لبيتنا زفيناهم للبيت عاد خليناهم وحدهم بس اخذت كتبي وملابس الجامعة ورحنا نبات ابيت خالتي وناس باتت يم عمامي
لليل اني عاد كلت للمياء افوت ادرس والله بقيت ادرس لما خابرني سلطان يطمني يكول يرتب وضع باربيل كلشي يصير خاف يدخلون داعش وصاني بنفسي ماطول وراح
للصبح والله رحت امتحن وهم اخذني ليث بس الوضع جان اسوووووء بچثير
طبيت امتحن ونص الطلاب مو جايين ماكو حتى الجامعة مابيها طلاب چثير بقينا مستغربين ومحد يعرف شكو بس الطرق مكطوعة
وزعو الاسئلة احنه نمتحن وماااااانسمع بس الضرب والرمي وصياح كمنا من مكاننا بس الدكاتره ماخلونا نتحرك لما الأمن اجوي كالو اطلعو سقطت الانبار
عزززززززززه شصار بيه الكل طلعت ولا طالب بقه بالقاعه والبنات يبجوووووون خصوصا اهل الاقسام الداخليه
دخلو داعش 150 بيكم من صحراء الانبار اختلطو ويه المتظاهرين اللي بجسر البو فراج هذا مركز المتظاهرين هين اختلطو داعش ويه
المتظاهرين بحجة ثوار العشائر وصارو يثبتون اقدامهم ووضعهم وشوي شوي صارو ينقلبون على المتظاهرين وسقطو اول شي
المناطق الريفية البو نمو والخط السريع والحوز وزنگورة
المنطقة الساخنه هي زنگورة وباقي المناطق القائم سقطت وره زنگورةم...
وسقطت الفلوجه وبعدها سقطت الرمادي وصارت الفلوجة والحوز زنگورة صارت مناطق ساخنة وصارت بيهن معارك تخوف ومن
اكبر هاي المعارك ( معركة السچر) اللي راح بيها ضحايا هواي من الجيش معروفه على مستوى هاي المعركة
وبعدها سقطت الموصل بأقل من شهر
وراها اندمرت احياء صارت تراب ويه الگاع لدرجة بعد التحرير
البلدية طلعت تخطيط عمراني من جديد وحددتها للمواطنين اللي انمسحت بيوتهم من ضمنها حي البكر والضباط صارت تراب بالرمادي
صارت معارك چثيرة بالانبار منها معركة ابو فليس رادو يعبرون على منطقة ابو فليس اللي هي متقاطعة ويه قاعدة الحبانيه بس الخالدية بقت ماسقطت هي وحديثة وقاعدة البغدادي..
صارت الدنيا تخوووف الناس كلها كامت تحمل سياراتها وتنهزم
حدرت من غرفتي على الدرج واسمع الاخبار ابويه معليه كله
اخر درجة وجان اسمع خالي يكللهم ... هذا سلطان يكولون جاي
راح يطلع من اربيل ...
..
ابويه كال لا وييين جاي لا يجي اذا جة هاي نهايته
اني هين اهجس الدنيا
اضلمت بعيني ... صرت اتخايلهم وهمه يوكفو عالطريق
ولابسين اسود وياخذو مني .... انتهييييييت شلت التلفون
اتصلت عليه وايديه ترجف ...
صارت كبالي ساره تلطم على وجهه مدري شتحجي
جان يطلع مغلق عذرا رقم الهاتف المطلوب مغلق
اريد اكف الحيلي ماكدر ... كعدت عالدرج ...
ييتبع ....
..اللتمس لأخيك سبعين عذر ...فإن لم تجد فضع اللوم على نفسك ...لانك لم تتفهمه كما ينبغي !!
الله المستعان

[لامارا]

الفصل الثاني والعشرون


شلت التلفون اتصلت على سلطان
صارت گبالي ساره تلطم على وجهها مدري شتحجي چان يطلع مغلق..عذراً رقم الهاتف المطلوب مغلق حالياً
اريد اگف على حيلي ما اگدر.. كعدت عالدرج اديه ترجف اهجس گلبي انعصر ادحگ لسارة بس دموعها اصب وبيدها التلفون
رديت اتصلت على سلطان ماكو مغلق واتصلت على ضرغام هم مغلق هيييين اني تخبلت گعدت ابچي بصوووت عالي اني وساره
..ولللل گومن كولن يا الله الشبكة يمكن انضربت هين يمنه ترا
خالو شنو انضربت دكيت يحصل بس مغلق شلووووون لا هو ولا ضرغام عجل شيخ حامد وين
..هساع اروح اشوفو بس كومن لا تبقن هيج بس لطم كولن يا الله
طفت الكهرباء صحت بصوت هااااا هي كملت مابقت بس الكهرباء
الله ياخذكممممممممم يربي شلووووووون
سمعت صوت سراب
-ولكم امييييييي تخربطت كحلاااااااء
رحت اركض على صوت سراب لين امي اباب المطبخ واكعة لا ايد ولا رجل خليت راسها بحضني وكعدت اضرب على وجهها وافرك بصدرها ماكووو
جت سراب ذبت عليها ماي شوي صحت وساره تفرك برجليها صارت اطرافها باردة جة ابوي وخالي شالوها للغرفة واني اهجس
جسمي ثگيييييييل كعدت يمها بالكاع خليت ايدي على خدي والتلفون بالايد الثانية وصافنه على امي مااعرف شسوي گعدت اتذكر بداية
المظاهرات الصارت بالانبار بداية الشرارة صارت من اخذو النائب ( احمد العلواني) وراها بدت المظاهرات كل جمعة تصير لمدة 50
جمعة تصير المظاهرات طالبو الأهالي بعدم اقصاء وتهميش السنة وسببها الاكبر اعتقال احمد العلواني وداعش استغلو هذا الوضع دخلو بين المتظاهرين تغلغلو بيناتهم عدهم اقناع فضيع للناس اللي يريدوهم ينظمون لتنظيم داعش او ما يسموه بتنظيم الدولة الاسلامية
قاطعتني ساره من صفنتي كالت كومي اكلي شي وجهج اصفر
..ما اشتهي سارة سلطان وين هساع شنو راح يصير فهموني والله راح اموت...
ماردت علي سارة صفنه توديها وصفنه تجيبها .. البيت اثبر ثبر جريت حسرة وعفتها وكمت طلعت للهول ...كعدت خليت الجهاز عالشحن ... ورجعت اتصلت ... يطلع مغلق راح اتخبل ليش مغلق

جهازه .... هناك وجان تصيح سراب كومي يولي شيخ حامد واكف بالباب يم ابوي...
من كالت هيج ... كمت ركض جريت الشال وخليته على راسي
ياالله خير كون يطلع سلطان مبطل مو جاي...
دحكت ليث والشيخ واكفين بسد الباب يسولفون مخبوصين .. تهدرست على ميفي وكفت بسد ابوي ... سلمت
..السلام عليكم ... صد عليه الشيخ وكال
وعليكم السلام يهلا بنيتي حياج
..بابا حامد انت مو گلتلي صيحيلي يابه
؟ مو كلتلي اني مو اخو زلمتج احسبيني ابوج الثاني ؟
..واني ابوچ والله حدري شبيج يابه .. شبيج بنيتي ...
..اريد سلطان ليش خليتوه يجي تلفونو مغلق فهموني ليش صار هيج ليش يرد يرجع ويعرف داعش دخلو الانبار اذا جة كلنا نعرف شراح يصير ... الله يخليك اتصررررف
لا مايجي اني احاجي .. موبكيفه وين جاي ...
بس خالي كال راح يجي .... داحجي وجان يدك
تلفون شيخ حامد واحنه نسولف كال هيان ابو فهد دك
جمدت بمكاني .. اهجس روحي ردت بس كال ابو فهد تقربت بسده
رد عليه شيخ حامد
...ابو فهد وينك الووو...
فتح المايك شيخ حامد وكلنه اني وليث وبابا وخالي ادهام واكفين يمه نسمع بس جانت الشبكة ضعيفه ...
هلا شيخ شلونكم ... شلون الوضع يمكم
بخير .. ماكو شي ان شاءالله بس سمعت تريد تعكب للانبار
اي اني طلعت اربيل لازم اخذكم ماتبقون بالانبار
..لا تجي سلطان اسمع الكلمة اني اجيبهم كلهم بس انت لا تجي
..لا للمغرب اني يمكم الطريق حاليا ماكو شي
مو احاجيك لا تجي كتلك
بس اني ماكدر ااعوفكم هناك لو اعرف اموت اليوم لازم ارجع للانباررر ...
..ول اسمع مني لا تجي والله ان جيت للأنبار اتبره منك يول هاي حرمتك ما ظل بيها دم عليك شتسوي تجي ...
وينها يمك ... لو شنوو .. مادحصلها ...
هاج زلمتج كوليلو لا يجي السالفه بالعقل كلمن بالدولة مطلوب شنون يجي الله اكبر حتى الكلمة ماتسمعوها
هزيت راسي اي واني خايفة منه شفته صار عصبي اخذت منو التلفون وطلعت امشي غادي منهم ...
...الوو حبيبي ....
...
ها يغاليه شلونج ... عكب روحي
شلوني ... راح اموت والله
ليش يبعد حيلي ليش شبيج ابويه لا تخافين ربج موجود
مو خايفه بس خايفه عليك انت والنوب ادك وماحصلك ليش هيج تسوي بيه
يولي شبكة يمي فول بس يمكم ماحصلتكم كوة الطيران فوك الانبار
اي ماعليك مني سلطااااان
هاي يبعد عمره ... ها يبعد روحي شبيج حسج يرجف
خايفه عليك ومادري شبيه اهجس روحي تريد تطلع
لا تكولين هيج ..
راح يصلكم دحگي تكولين لأهلج ولخالج الكل الفجر يطلع من الانبار هساع بس طريقين مفتوحين من الانبار يطلع على اربيل
وباقي المحافظات طريق ( المكسر ) والثاني طريق الرحالية عالمسيب وعلى كربلاء لو من عامرية الفلوجة على بزيبز

هساع افهم حامد وانتي بوجهچ تاخذين شكو مستمسكات وشغلات مهمه عوفي الملابس لاتجيبين كليلهم القصف راح يبدي وراح ينكطع حتى الماي فهمتي ؟؟
...اي اي فهمت بس احلفك بالله عليك بداعتي اذا اني غالية عليك اترجاك لاتطلع من اربيل اترجاك حبيبي والله اموت اذا صارلك شي الله يخليك
...عجل اسمعي كلامي وتعالي والله باجر ان ما طلعتو اجي اخذج والله الصوج مني طلعت لأربيل وماحسبت حساب هذا الوضع وعفتچ هناك
...حبيبي اريد تخلي ابالك اني احبك وحبيتك اكثر من روحي حتى لو بعيد عني تره روحي يمك والله
..ااااااااااااااااااااخ ربييييييييي دخيلك
كحلاء استعجلي
روحي انطيني حامد وفهمي اهلج كلامي يلا حبيبة الله يحرسج ديرباالج على نفسج ...
ان شاءالله ... اني ماعلية شي بس انت خليك بعيد .. احاجي وامشي
ود دموعي تصب نطيتو لشيخ حامد وكفت يمهم علما خلص ويه سلطان كال يابه تحضرو نطلع لازم نطلع
ادهام..شلون نطلع شيخ ؟ منو اليبقه يدافع عن الكاع اذا كلنه طلعنه
انتم حگكم تطلعون بس اني شعندي مدرس .. لازم ابقي هين
..
ول يابه القصف راح يبدي هاليومين
..لا الله موجود .. الكاتبه نشوفه .. ماكدر اطلع
...يعني شنو خالو ؟ داعش بأي لحظة يفوتون علينا واحنه من ضمن المطلوبين اكيد لأن سلطام بالدولة شلون نبقى
...مايصير شي هساع هدوء
ادحك لبابا هم شكلو مايقبل يطلع هزيت راسي ورحت على سارة لغرفة امي فتحت الباب وصحت ... يمة
سلطان بخير ... وهي مدده تهنضت الحيلها وكالت
...
الله يبشرچ الحمدلله الف الحمدلله
... صديت على ساره كتلها اقنعي خالي نطلع مايقبل نطلع من الانبار
...
صدكيني ادهام ماراح يطلع اعرفو البارحة كتله مايقبل يمشي
..عجل شلوووووون سطان يكول الوضع راح يصير حرب شلون مانطلع اوويلي راح انحصر وسلطان هناك
...
لاتخافين سلطان مايخليج هين
صديت على سراب حاطة راسها يم امي وتبچي
..شبيج يولي ؟؟ ليش تبچين
..هااا لا بس الوضع يخنگ وامي تعبانه
..
يمه شبيچ حبيبتي شتحسين شنو يوجعچ كعدت يمها ياربي التمن علينا
مابيه شي يمه بس عندي وجع هين بخاصرتي وبطني ماادري شجاني
...يمه سلطان خابر يكول لازم نطلع من هين نروح لاربيل
يمه خلي نفتهم شنسوي وشيصير عود نطلع
...عجل يمه الماي راح ينكطع والكهرباء وهاي الشبكه تروح وتجي
مادري بنيتي ابوج اعرف ... خل نشوف شيقرر
دتحجي امي عفتهم وطلعت ضجت دكيت على سلطان ماحصلت .. الشبكة تروح وتجي .. بقيت اكرر الاتصال شوي وحصل رد علي
بسرعةةةةة جاوب
...
ها حبيبي
اني من گال حبيبي بچيت شلون واحد مخنوگ ونفجر حسيت نفسي صدك محتاجتة
...سمعت ينتهد وجر حسرة كال اكحيله عليش تبچين ؟ ابويه انتي لا تبچين بالقرآن ما اخليج هناك واني هين بس اصبري علي لا تخافين ابوي انتي
.. اريد احجي ماكدر كتلو بصوت مخنوگ والله. گلبي نار
...
اسمعي اهدأي واليوم اني ارتب طلعتكم راح ابقى اخابرج كل شوي وانتي خلي التلفون بيدج شوكت تحبين تحاچيني دكي علي راسليني بكيفچ ماراح اخليچ تحسين بعيده عني
زين حبيبي بس الله عليك اي شي يصير لا تجي اسوي اي شي تريدة بس انت لا تجي احجي وابجي
...
اني هيچ علمتچ ؟؟ ماعلمتچ تصيرين ضعيفة ولا اريد تنزل منچ دمعة هساع روحي شوفي الوضع شنو اني اطلع للأسايش داخل اربيل اخذ بيوت النه لازم احصل موافقة لأن الفنادق بدت تنترس ومستحيل اكعدكم بفنادق
.. ماشي ...
..عندج رصيد ؟؟
اي عندي يمكن
ماشي مادزلج بعد شوي بس بجي وقهر ماااااريد.
اي مابجي بعد
يلا حبيبتي لا اله الا الله
محمد رسول الله حبيبي الله وياك
—سديت التلفون ورحت على بابا شفتو يحچي ويه خالي يريد يروحون لبيت عمي ابو ذياب صاح عليه كاا
سدي الباب ورانه كحلاء
طلعو ورحت اسد الباب وراهم ومانشوف بس سيارات الدواعش بيكمات وصاعدين بيها ملثمين وسلاحهم وراياتهم السود انقبضضضض گلبي رأساً رجعو للبيت ابويه وخالي
ادحگ السيارات وگفت اباب بيتنا وبراس الشارع طبيت جوه لباب المطبخ وساره تدحگ وجهها خايف چثير وكالت :
... امچ وضعها ماادري شبيها تون من بطنها
...خلي نشوف بلكي اكو مستشفى خل اصيح ال ابويه اركض
لكيته كاعد هو وخالي وجوهم ماتفسر. كتلو يابه امي تعبانه شلون
شمدريني بنيتي هم ماظل اطباء كلها طلعت
بقينه لليل على نفس وضعنا ماصار شي والكهرباء تروح وتجي ومن تجي ضعيفة چثير بس نشحن تلفوناتنه


الشبكة هم صارت ضعيفة بس يعني نگدر نتصل
للصبح تقريباً الساعه ب6 ونص ومانسمع بس الرمي وصياح وعياط
كعدت مفزوعة ادحگ اهلي كلهم بالهول يتراكضون طلع خالي للباب وراحت وراه ساره ماتخلي يطلع
بقيت اني بالهول جسمي يرجف لشوي جة خالي كال داخله قوه جديدة من داعش هاي سياراتهم فاتت من هين
اهلي حسو الوضع صار اخطر الكهرباء راحت صارو المولدات يشغلون بس بالليل و4 اياااااام احنه هذا حالنه
لا كهرباء لا انترنت زين يروح ويجي وسلطان ماحصلتو بعد واني لا اكل ولا شرب انتهيييييت
لخامس يوم بالليل وشيخ حامد كال لهين الوضع بعد راح يزيد ومانبقة هين ابويه وخالي ماقبلو نطلع
بينما عمامي وبيت عمي ذياب راح يطلعون بنفس اليوم ويه بيت شيخ حامد وحتى قسم من جيرانه بس بقيت احاول اقنعهم للطلعة عبالهم ماراح تصير معارك ولا راح يصير ذبح
العصر بيومها اني ظليت ادك على سلطان علماااا حصلت
جاوب بسرعه. هلا كحيلتي .. شلونج يبعد الروح
...حبيبي شلونك
... شلوني مارتاحيت الا ووصلتني رساله من حامد كال الفجر تطلعون
...هاااا ااا اي اي
..
شبيچ ؟؟؟
لا مابيه بس هيج توتر
لاتخافين اني وياكم بس تطلعون الانبار الشبكة زينه واخابرج كل شوي اني احاجي
...انقطع الاتصال راحت الشبكة صفنت گلت شلووون هذا سلطان عبالة اني راح اطلع اني واهلي واهلي مايقبلون يطلعون
امي على وضعها زادت چثير وبقت متخربطة بس مسكنات عدنه ننطيها وسراب ذبلانه بس تنام يم امي والدنيا تصير تكرب الروح من العصر وورة اهجس الموت يفتر علينا
بالليل اجانه ليث كال بال2 نطلع حضرو بس غراضكم المهمه:
- ادحك ابوي كال ابني احنه باقين هين مانطلع هساع مااكدر اعوف البيوت وكلشي عود نطلع بس مو هساع
..عندج رصيد ؟؟
اي عندي يمكن
ماشي ادزلج بعد شوي يلا حبيبتي لا اله الا الله
محمد رسول الله حبيبي الله وياك
—سديت التلفون ورحت على بابا شفتو يحچي ويه خالي يريد يروحون لبيت عمي ابو ذياب
..سدي الباب ورانه كحلاء
طلعو ورحت اسد الباب وراهم ومانشوف بس سيارات الدواعش بيكمات وصاعدين بيها ملثمين وسلاحهم وراياتهم السود انقبضضضض گلبي رأساً رجعو للبيت ابويه وخالي
ادحگ السيارات وگفت اباب بيتنا وبراس الشارع طبيت جوه لباب المطبخ وساره تدحگ وجهها خايف چثير وكالت :
...ول امچ وضعها ماادري شبيها تون من بطنها
...خلي نشوف بلكي اكو مستشفى خل اصيح ابويه
رحت لابويه كتلو كال ماظل اطباء كلها طلعت
بقينه لليل على نفس وضعنا ماصار شي والكهرباء تروح وتجي ومن تجي ضعيفة چثير بس نشحن تلفوناتنه
الشبكة هم صارت ضعيفة بس يعني نگدر نتصل
للصبح تقريباً الساعه ب6 ونص ومانسمع بس الرمي وصياح وعياط
كعدت مفزوعة ادحگ اهلي كلهم بالهول يتراكضون طلع خالي للباب وراحت وراه ساره ماتخلي يطلع
بقيت اني بالهول جسمي يرجف لشوي اجه خالي كال داخله قوه جديدة من داعش هاي سياراتهم فاتت من هين
اهلي حسو الوضع صار اخطر الكهرباء راحت صارو المولدات يشغلون بس بالليل و4 اياااااام احنه هذا حالنه
لا كهرباء لا انترنت زين يروح ويجي وسلطان ماحصلتو بعد واني لا اكل ولا شرب انتهيييييت
لخامس يوم بالليل وشيخ حامد كال لهين الوضع بعد راح يزيد ومانبقة هين ابويه وخالي ماقبلو نطلع
بينما عمامي وبيت عمي ذياب راح يطلعون بنفس اليوم ويه بيت شيخ حامد وحتى قسم من جيرانه بس بقيت احاول اقنعهم للطلعة عبالهم ماراح تصير معارك ولا راح يصير ذبح
العصر بيومها اني ظليت ادك على سلطان علماااا حصلت
...ول ابوي انتي
...حبيبي شلونك عمري
...وصلتني بس رساله من حامد كال الفجر تطلعون
...هاااا ااا اي اي
..شبيچ ؟؟؟
لا مابيه بس هيج توتر
لاتخافين اني وياكم بس تطلعون الانبار الشبكة زينه واخابرج كل شوي
...انقطع الاتصال راحت الشبكة صفنت گلت شلووون هذا سلطان عبالو اني راح اطلع اني واهلي واهلي مايقبلون يطلعون
امي على وضعها زادت چثير وبقت متخربطة بس مسكنات عدنه ننطيها وسراب ذبلانه بس تنام يم امي والدنيا تصير تكرب الروح من العصر وورة اهجس الموت يفتر علينا
بالليل اجانه ليث كال بال2 نطلع حضرو بس غراضكم المهمه ابوي وعمامي كلها طلعت من المغرب مابقى احد غير اني وامي لازم تطلعون ويانه كلو بابا:
-ابني احنه باقين هين مانطلع هساع مااكدر اعوف البيوت وكلشي عود نطلع بس مو هساع
ليث
عمي تحچي صدك ؟؟؟؟ عمي يابيوت يا كاع مو راح يصير الذبح بفلس صارلنا شكد وكلشي بدة ينكطع عجل اذا بقينا اسبوع انوب شيصير
ماقبل ابويه كال ما اطلع يعني ما اطلع واني تخبلت مااعرف شسوي
كتلو ليث شوكت تطلعون ؟
...بالليل وماراح يبقه احد وعمي سلطان انكطع الاتصال وياه اخر شي فهمنا من يا طريق نطلع هساع ارجع افهم ابوي انه انتو باقين
..اي فهمو ليث الله يخليك بلكي يقنع ابويه وخالي عجل شلون نبقى دحگ الدواعش يفترون
...يلا ارد اجي بالليل مع السلامة
راح ليث طبيت جوه لين سارة وخالي ادهام يسولفون مايقبل يطلع يكول بعد وكت نطلع بس مو هساع
-بالليل ساعه 8 كلنه كاعدين بالربعة بس امي وسراب بالغرفة
اندك الباب صاح خالي منوووو
-اني ذياب
هلا حياك.
فتح الباب خالي لين ذياب ومنال وعمي فوتهم خالي للربعة سلمت عليهم بس بداخلي مامرتاحه گلبي وتفكيري يم سلطان
ذياب-نطلع بالليل سوه احنه وبيت شيخ حامد عمي لاتعاند انت وادهام الوضع راح انتهى اليوم داخلين حتى تكريت يعني الانبار وصلاح الدين صارت تحت سيطرتهم مانضمن شنو راح يصير مايرهم نبقى
اني رأساً كتلو:
يعني شنو ذياب ؟؟ سقطت گاعنا؟؟ خلاص ؟؟
...دنگ راسو وكال اي للأسف
...انعصر گلبي هضيمة العراق هيج يصير بي انقهرت چثييييير هيج الغريب يدخل گاعنه والحكومة مسفطة وكاعده ياحيف العراق ينداس وكاعنه تنترس بدم شهدائنا يارب الصبر والفرج
مر الوكت ولليل ... وابويه معند كال ماطلع ..
الشبكة حيل ضعيفه ماكدرت احصل ليث ... دزيتله رساله
كتله توكلو محروسين بأسم الله ..
مشو كلهم لاربيل وسلطان كله امل انو اني وياهم ...
مرت الايام وسقطت الموصل ... وصارت الدنيا مخيييفة
الدواعش صارو اكثر شراسة صارو يعتقلون ويداهمون ..
حاربو الناس حرب نفسي ... اني القهر سلني سل ..
اهجس نفسي بسجن بس جبيرر... مانعرف شوكت نموت
شوكت تصفه شوكت نرجع الحياتنا الطبيعية ..
جنت اكول بأي لحظة ياخذونا ...
كليتي راحت كلشي راح ... حدرت من غرفتي لكيت الكل مادين حصيرة بالهول وكاعدين ... خالي لحيته عاليه ابويه اكثر
وجوهنا شاحبه ... الهم بوجوهنا ... اسمع ساره تكول ..
مهددين سلطان بفهد .. يريدون يخطفو ... دازيله خبر لو يرجع لو ناخذ ابنه .. اووف ربي افرجها علينا
هي تحجي واني هين انتهييييت حدرت بسرعه ... كتله صدك والله وشلون هسه سلطان راح يجييييي يربي
امي كالت لا تخافين بس اكعدي .. جرتني من الدشداشع كعدت بسدها
ساره ... لا امه ماخذته ورايحة يم بيت عمها مهزومه ...
صخاااااام وفهد خطيه شذنبه ...
مادري والله شلون راح نحلها ماااادري كلبي نار على اهلي
دانحجي وكام خالي كال راح اطلع البيت سلطان
كامت عليه ساره ركضت كضبته كالتله وين شتسوي هناااااك
اشبيج لا تخافين اني شعندي واذا رحت هناك
لاااااا ماتروح ابد ... حاجي كحلاء كليله مايرووووح
ليلى شافت امها خافت ركضت لزمت امها وكامت تبجي
كالت راح ياخذونا مو تعيط وساده اذانها ..
جريتها يمي كتله لا حبيبي لا تخافين محد يسويلنه شي
داعش راحوووو تعاي هين ... كعدتها بيني وبين امي
ادحك عالطفله ترجف ....
ادهام ... ماتاخر بس اشوف شصار بالبيت ...مايرهم ماامر
ساره ... فدوووه البيت وكلشي بس لا تروح خاف يعرفون
انت مناسب سلطاااان
ضحك وكال عاد بسويها الحظ وياخذوني منج
كمت الحيلي كتله لا ماتروح خالي ارجع
ولا اهتم اخذ المفاتيح وطلع ... كال ماتاخر ..
صاحت عليه امي كالتله اخذ وياك سيف لا ترووح وحدك
طلعت ترمض وراه ساره ...
تتوسل بي ... بس ماسمع من احد شغل السياره وطلع ...
للمغرب ... وخالي مابين ... كمت داسوي بالعشى اني وساره
وهي بالمطبخ وعينها عالباب ...
اني بحزتها الخوف اخذ من حيلي حييييل بس مابينت جدام امي
واني داغسل عالسنك ... الدنيا بدت تظلم .. انفتح الباب البرة
طب سيف وحده ... اريد اشوف زين ضلام ...
خالي ماكووو وياه ... اي عبالك ماكووو ... ركضت عالباب المطبخ
يتبع ...
متابعيني الاعزاء اني داتاخر عليكم لان الف موال براسي
يشهد الله عليه ...
تدرون شنو زوجي مريض يعني الدنيا انتهت بعيني
وحق الله گوه اكتب بالي يمه ومن هين امتحانات
والقصه وحده شاغله فكري ...احي اريد اكتب ماكدرررررر
والله دماغي واكف... ولي يسلمكم اني قدر الامكان راح اممل
بس الي اتاخر عليه يتركها لحين مااتكمل واني اعتذر منكم
الف مره لكن كلشي مقدر ومكتوب

[لامارا]

الفصل الثالث والعشرون

مسائكم مسك وياسمين ..❤️
رمضان كريم عالجميع
#خيال #الكحيلة
#بقلمي_نشوى_السلطان
🧚‍♂️
اني داغسل عالسنك..الدنيا بدت تظلم..انفتح باب البره
طب سيف وحده..اريد اشوف زين ظلام
خالي ماكو وياه...اي عبالك ماكو
ركضت على باب المطبخ فتحت الباب وبيدي زاهي ادحگ هذا سيف وحده عجل وين خالي
...سيف وين خالي ؟؟
وجه سيف احممرررررر دم ويرجف وايدو ترجف مشه خطوتين جدامي وكعد بالكاع
...سيف سيف شبيك ؟ ليش ترجف
تقربت منو ما يحچي
..ول شبيك خالي وين ؟؟ وانت شبيك
يربي هذا شبي ما ينطق ركضت على ابويه وسارة صحت عليهم
...باباااااا هذا سيف مدري شصارلو وكع هين بره
-ياستار شكو
طلع ابويه وسراب وراه وسارة وكفت كبالي
-عجل ادهام وين ؟؟
..ماادري هو اني اسأل بسيف ومايرد امشي اشوف شبي
طلعت اني وسارة بره يمهم لين سيف يدگ على راسه وسراب تبچي
...شكوو ؟؟ شبيكم
—يولن خااااااااالي راح رااااااااح اخذووووو
..بسم الله منو اخذه شبيكم ردووو عاد
نطق سيف كال داعش اخذو من جدام بيت سلطان
هين سارة جمدت وجهها صار اصفر ووكعت لا ايد ولا رجل واني ما حركت ساكن بقيت صافنه على سيف وماعرف خرررسيت ماوعيت الا سراب تكط ماي على سارة التفتت
دنجت على سارة اضرب على وجهها وماتكعد
صاح ابويه اخذنها لجوه
سحبتها شلناها اني وسراب لجوه وسراب تبچي
..جيبي عطر سراب
بقت سراب واكفه
...ول روووووحي
كعدت افرك بأيديها اريدها بس تصحى ماكو انوب امي حست علينا صاحت علينا اشرت لسراب تروحلها بس ماتحجي لأن وضعها امي للأسوء بقيت اكوم واكعد يربي منين اتلگاهه ... بحزتها
كعدت سارة دحكت عليه وعيونها مليانه دموع
كالت كحلاء خالج ووووووينه صاحت بوحشة بصوت عالي مبحووووح ....
من كتلت هيج اني بعد اريد اسكت من البجي ماكدر
كامت تلطم ملخت وجهها وشعرها ركضت عليها كضبت اديها
يووولي والله يرجع بس كولي ياالله بعد مافهمنه شي
جريت راسها على صدري اريد اسيطر عليها ماكدر
اجت امي سمعتها تكابلن هي وياها يدكن ويلطمن اني وكفت باب الغرفه لا بية احجي ولا بيه بعد بجي ... شوداك يخالي
شوداك اووويلي عليك عريس بعدك ... شلون الفرحة
مو مكتوبة الك .....
ابويه وسيف طلعو مااعرف وين شويه ورجعو بس ابويه جان يبين عصبي نار ومقهور .. دحكت فات يمشي وكعد بسد الباب .. ملتثم باليشمغ ... وادي على راسه
كتلهم اصبرو جوي خل نفتهم ... كمت الحيلي
ركضت عليه ...
... وكفت بسده ادحك عليه يتنافح وانفاسه عاليه ..
كتلو ها بابا ماسمعت خبر عن خالي
...شسسسسسسمع ماخذي راح بعد
...من كال هيج حسيت خلص بعد ماراح اشوف خااي بيوم
بجيت ادموعي نارررر گتله بابا كلو منكم گلنالكم خلي نطلع الدواعش غدارين هاي شوفت عينكم لا كهرباء لا ناس ظلت بس جم بيت على عد الاصابع وشيخ حامد توسل بيكم وماقبلتو ليش هساع شنو مصير خالي شنوووو مصيرنه احنا عجل نموت هين ؟ خما راح تظل الانبار ساقطة ؟ لا راح تصير حروب وانتو ماقبلتو تطلعون عجل امي شنو ذنبها مريضه وماكو طبيب يعالجها ليششششش بدون شعور عليت صوتي بوجه ابويه من قهري .. واني احجي كام ابويه ...
ماحسيت بس الراشدي على خدي الا عيوني جدحت احسها
... زكح بيها بصوت عالي لسانج طولاااان قسم بالله اذبحج هين
حسج ماريدددد اسمعه .... لا انعل والديج
...صفنت بوجهو اول مره بابا يسويها ويضربني
وهيج ينعل ويسب بيه .... بقيت مثل المصدومة
بدون ماحجي عفته ومشيت احس الدنيا انتهت طبيت وكعدت ابچي عفتهم جوه يبچون واني هين وحدي ماكدر اشوف ساره ولا اكدر اشوف امي ... شوفتهم تكسر الگلب
دحكت على ميز تواليت مالتي يم العطور عطر مال سلطان الhugo اخذتو منو من السيارة بحزتها ظل يدور عليه ماگتلو اني اخذتو

رشيت منو على ايدي اشتميت العطر تخبلت تخيلتو جدامي تخيلت حضنو عيونة هساع شنو راح يسوي من يعرف اني ماطلعت من الانبار شنو حالة
حضنت العطر وغمضت عيوني قوي وتخيلت سلطان يمي نمت ماحسيت على روحي ابد انهياري خلاني انااام نومة هم ...
هيج عيوني غمضت والدمعه بيها ...
كعدت على صوت التلفون يدددك بس جسسسسمي ثگيييييل ماكدرت اتحرك ابددد كوووة شلت راسي خليت العطر عالمخده نزلت رجليه من السرير وكمت عالتلفون عالميز تواليت...
دحكت الساعه 2 وثلث بالليل حيييييييل شكثر نايمة اني
انكطع التلفون شلته دحكت هذا سلطااان اي والله سلطان يااااربي توني فتحت الرمز ورجع اتصل بسررررعة رديت
...حبيبي الو ... داححي وجان اسمعه يصييييح بصوت عالي
...انعل اهلچ يولي لييييش ماطلعتييييييييييييييييييي يي اني شكللللللت كحلاااااااااااء يولي تكسرين كلمتي يووووولي اجي بس يطر الفجر يولي اني لعبه عنددددددج ....
اريد احجي بعد ماكدر عصبي ويزكح كتلو : حبيبي والله ماكسرت كلمتك ابويه وخالي ادهام ماقبلو اني شنو بيدي عجل اني قابل مااريد اجي والله گلبي يوجعني
...اشششششششش ابوج وخالج شنوووو يولي انتي حرمتي بالشرع وبالقانون حرمتي زلمتچ كلج تعالي تجين ليش ماجيتي ويه حامد ؟؟؟ يولي هساع منين اجيبچ يولي انتي بالناااااار غادي واني هين اااااااخ كحلاء لو اكضبج بيدي
...يعني اني شبيدددددي فوك البية انوب انت تصيح عليه
اني كلتلهم وماقبلو اني شعلي بس فهمني شعلي تعال شوف حالي وانت هيج تحاچيني والله حرام عليك حراااام ومن هين وخالي ادهام لهساع مانعرف مصيرو قابل اني اللي ردت نبقة
... اكفي ...... يولي ادهام وين ؟
...اخذووووو سلطان داحجيله ماتحملت اختنگت بجيت
... يوووووولي بس فهميني منهم الي اخذو داعش ؟؟
...اييييييي داعش راح لبيتك واخذووووووو
امي مريضه هم والله گلبي يوجعني سلطان والله محتاجتلك منين اجيك هسه والله اريدك اهجس روحي بين نارين
...استغفرك ربيييييييييي هاي تاليها كلنالهم اسمعو الكلمه واطلعووو
...سلطان اذا صار شي وبعد ماشفتك لاا...
...اششش اسكتي تجين واجيج واخذج واطلعج من نصهم بس اصبري عليه هاي الساعات سديي التلفون
او اكلج ..... انطيني ابوج
..مسحت دموعي وكتله اي اي هسه
...و
يولي نار بيه من وصلو حامد والاهل وانتي مو وياهم نار اشتعلت بيه يولي ماصدكت اخذج تاليها هيج
...يارب ارجع اشوفك ....
..روحي على ابوج تره نبرة صوتج هاي ذبحتني
نزلت على ابوية طبيت للهول ماكو رحت دكيت باب غرفتهم ماكو فتحته ماكو
..سلطان اكف بس اشوف وينو وياي بعدك الووو
... اي اسمعج يبعد سلطان ... يولي اليوم الشبكة زينه يمكم
..اي تروح وترجع ... داحجي وامشي
رحت للربعة لكيتو يقره قرآن
...بابا سلطان يريدك عالخط
..صدق الله العظيم جيبي ...
نطيتو التلفون ورحت على امي لكيتها تصلي قيام ليل هي متعوده تصلي بالليل عفتها ورحت على غرفة خالي ادهام دكيت الباب سمعت صوت سارة لينها عالسجادة تبچي من شفتها نعصر گلبي عصر وينه خالي ادهام عنها خل يجي ويشوف حالها .. ماتحملت بچيت وياها كعدت يمها ... كتله ساره
سلطان عالتلفون
...رفعت راسها وعيونها مليانه دموع بشهگة حجت كالت وينه !؟
..
يحجي ويه بابا


كامت الحيلها وطلعت بره الغرفه عرفتها راحت على ابويه تركض ومفرفحة روحها ... ركضت ورااهه
ا وكفنه جدام ابويه
انتبهت ابويه يكول لسطان عسى ولعل يقبلون مادام يطلعون بفلوس
...اشرلي ابويه سلم على سلطان ونطاني التلفون انطيتو لسارة
بس كالت الو بچت بچييييي ماصاير تريد تحچي ماتكدر حركت گلبي حرگ صوتها بداني وهي تبجي ... اووف ربي
..............:::
وخرت التلفون من اذنها وفتحت سبيكر اشرتلي ماكدر بعد احجي
انتبهت عليها خانكتها العبره ...
سلطان اسمعه .. ،..يتنافخ
فتحي سبيكر ؟؟
...اي خويه فتحت
..يمج كحلاء؟
..
اي يمي
..دحگن..بالقران لو على گص راسي اطلعجن و لو اعرف اسلم نفسي وادهام يطلع لا تنقهرين يبعد اخوج تهون
كحلاء ... لا ان شاءالله ماكو شي ربي يحميكم .. ادحك الساره
تمسح بدموعها وكوه وتحجي ... كال ..
بعدهم داعش بأولهم يحبون الفلوس اني ادبرها لاتخافين بس ادعيله خليج قويه مثل ماعرفتچ بعد اخوچ كحيلتي وينج تسمعيني
...اسمعك اي ... وياك
..اياااج تفكرين لحظة ابعد عنچ والله ماياخذني منچ بس الموت تطلعون هالمره انتي وساره اني ادبرها بس وحق رب الكعبة اللي تكسر كلمتي وماتطلع والله ثم والله احسبها ماتت بعد
..صار بدون ماتكول اني بعد مابقى بس نشوف خالي ادهام اول
...يولي كتلج لو اعرف ارجع اسلمهم نفسي ماخلي دهام يروح بيها
اسمعي اكحيلة الفلوس اللي خليتهن يمج تنطيهن لابوج اني راح اشوف صيرفه تستلم فلوس بالانبار ...
..ماشي موجودات بعدهن يعني كلهن انطيهن
..اي كلهن وتنطي ذهبج كلوووو سامعتني ؟؟ كلللل ذهبچ
وانتي ساره ذهبج وشكو فلوس جوه ايدج تنطي لكحلاء وكحلاء انطي لأبوج هاي في حال اذا ماوصلتج فلوس مني ..
...لا عوف الفلوس وعوف كلشي اني راح اسلمهن الابويه هسه
داححي ساره كامت تنزع ببتوتها اشرتلها بيدي اكفي
... الووو حبيبي هسه انتو وين كاعدين ...داحجي
انقطع الاتصال متت قهر راحت الشبكة رديت اتصل وماكو ماحصلت يفصل الاتصال
دحگت لسارة بس دموعصها تصب رحت حضنتها وبقينا نبچي سوه وسراب واكفه اباب الربعة هم تبچي كالت:

ما سألتوه اذا كلهم بخير ؟ يعني شيخ حامد وليث وضرغام وخاله ام ضرغام وصلو اربيل!!
...كلهم زينين واصلين بسلامه
..هاا اي الحمدلله
...كضبت ساره كتلها امشي نسوي اللي كال عليه سلطان
..
هزرت راسها ومسحت دموعها بالحجاب ومشت
رحت اني صعدت لغرفتي فتحت الكنتور طلعت الفلوس حسبتها طلعت بيها بال27 ورقة وطلعت ذهبي اخذته ورحت على غرفة خالي دكيت الباب
...فوتي كحلاء
... فتحت اللباب ليلى نايمه وساره مكابلتها وكاعده
حالها يبجي الصخر كتله هذا ذهبي
...كامت الحيلها فتحت الكنتور وكالت وهذا ذهبي امشي
خلته كبالي ... كامت تنزع بالبتوت والمحابس خلتهن فوك
الذهب الي طلعته ... شلناهن ومشينه
رحنا على غرفة بابا دكيت الباب وامي كالت فوتو
فكيت الباب امي ادخك علينا مستغربه شنو شايلين الذهب بدينه
وكفت بسد ابويه كتله بابا هذا سلطان مااعرف فهمني اني وساره كال ننطيك الذهب وهاي الفلوس يمي
...تنفس قوي وكال حطوها بالربعة هساع اجي
كالت امي..شكو ... مادري شحاجاهه ابويه
عفتهم ورحت للربعة
جة ورانه كمت نطيتو علب الذهب والفلوس وسارة هم
...هاي نطلع بيهن ادهام اشوف منو يوصلني للي اخذوه وسلطان يحاول يدبر احد يدخل لهين يجيب بعد فلوس
...فدوه بابا فدوه لخالي انطيهم بلكي يقبلون بس بابا احلفك ب الله اذا خالي طلع بخير خلي نطلع من هين بابا الله يخليك
صفن بوجهي وعيونه حمررر جرني لصدرو وباسني
ان شاء الله بابا
سيارتي هم راح اخليها ويه الذهب والفلوس المهم اعرفو وين هساع
...دحگتلو گتلو بابا اعرض عليهم بيت سلطان هم خاف نيتهم البيت
دحكتلي سارة صفنت شوي وكالت اي بلي خلي ياخذن بيت سلطان المهم يطلع متأكدة سلطان ما يغلي البيت على ادهام واني على مسؤوليتي
...لا سارة اني اتحمل المسؤولية وسلطان من يخابر اني انطي خبر
صار الاتفاق انه بابا الصبح يروح جدام بيت سلطان ويشوف اذا بي احد من الدواعش ويطلب منهم يقابل المسؤول عنهم بخزتها جانت
مجاززفة چثييييييير چبيرة بس ماعدنا خيار والدواعش بهاي الفتره بالبداية چانو اللي يعلن التوبه يمهم وينطيهم فلوس يعفون عنو ومايذبحوه وهذا اللي شجعنا
:/اني مانمت وسارة مانامت وسراب تلوووب وامي خطية عبالك متخدرة بس تتوجع وتنام
بال8 ونص صارت وكال بابا راح اروح
گلبي انقبض صار يدگ سريع خفت چثير بس شسوي خالي هم غالي
ومايستاهل الي صار وياه
اندك الباب انرعبت كلت هاي الدواعش ركضت وكفت وره الباب
ورجليه يرجفن ادحك من الفتحة ماشوف ... بس انفتح اندفع الباب لين سيف وخالتي
دخلت خالتي تلطم ركضت عليه كضبتها سيف واكف والجكاره بيده
مكسور شكله يكسر الخاطر ... كتله
.خاله الله يخليج امي تعبانه فدوه اروحلج اسكتي
... طلع ابويه يمشي واليشمغ كال يلا اني اتوكل اللهم لا اسألك رد القضاء ولكني اسألك اللطف فيه
صاح سيف وين رايح عمي ؟؟
... تنهد ابويه وكال بلكي ربك يحلها اعرف ادهام وين ..
... عجل وياك اروح
...كتلو وييييين انت الثاني اكعد يمعود مابينا حيل هبطات
...اي جيبيلي ربطة البسها واكعد وياچن وخرررري عاط بية
ومشة جدام ابويه
طلع ابويه واني وسارة وسراب اباب الربعة الخارجي ندعي يارب الطف يارب يا الله مايسوله شي وخالي ادهام عايش ياااارب يارب
كامت خالتي طبت يم امي ...
صفنت اتذكرت زين هو ابويه ليش راح مو كال سلطان راح يدبر احد يدخل هين يجيب فلوس ؟؟؟
اوووو يربي شلون تنحل ربي حلها يارب
سارة لازمة القران تقرأ وتبجي
...بهاي الفترة خلااااص ماطلعنه برة البيت ولا اعرف شنو صاير برة واذا احتاجينا شي ابويه يجيبه بالرغم الاكل بده يخلص بالسوك والدواعش استحلو كلشي حتى اللي عندو حلال واغنام اخذوها والبيوت الكبيرة اخذوها والسيارات كللللشي اخذوه
بقينه لل2 الظهر ننتظر ابويه وماكو هين بديت اخاف كلت اخذوه ماكو بعد تخبلت مااعرف شسوي
كمت الوب وروحي مفرفحة افتر بالبيت مثل طير مذبوح عالنص
...يعني شلووووون شنو هالحال ربي دخيلك ساعدنه
الدنيا حاره والكهرباء ماكو تجي ساعة بالليل فقط والمولد يشتغل من ال11 لل2 بالليل بسسس
بقينا ننتظر لل7 المغرب واحنه طلعت رواحنه ننتظر ايسنه كلنه اخذوهم هو وسيف بعد اريد افوت اشوف امي ماكدر
بال7 وعشره انفتح باب البيت سمعتو
كتلهم ياااالله
طلعت اركض لين ابويه وسيف صيحت على سارة تعاااالي رجع ابويه
... ركضت عليه حضنتو ادحكلو تعبان ومدنج راسه ..
ها بابا بشر
...جيبيلي ماي .....
دحكت لسراب جيبي ماي اركضي ...
كعد بالحديقة
...شصار بابا احجي والله راح اموت احجي
يتبع ....
اعتذر عن التأخير والتقصير لكن بعد انتم عرفتو
جنت بوضع صعب وان شاءالله ارجع مثل اول
ماراح انقطع منكم راح انزل القصة حتى اكملها
بس شوي شوي هالأكدر عليه حتى اختم القصه
وماخليكم تنتظرون ... اشكركم جميعا على الدعاء
وعلو وكفتكم ويايه .. ربي لا يشوفكم الي شفته
الحمدلله على كل حال... تحياتي الكم جميعا
#نشوى

[لامارا]

الفصل الرابع والعشرون

صباحكم عافية .... 🌹
#خيال #الكحيلة
#بقلمي_نشوى_السلطان
...........
...شحجي يابنتي العراق مبيوع يا حيف
رحنا جدام بيت سلطان بالحديقة الخارجية جدامها سيارت 4 مطوقين البيت عرفت بي كاعدين وماخذين البيت
اللي بالسيارة اللي جدام الباب نزلو 2 منهم تحملت ودست على نفسي كلت السلام عليكم :
...السلام عليكم شلونك اخوية
..وعليكم السلام ورحمةُ الله وبركاته نعم تفضل شو جابكون هون(لهجتو سورية )
...لو سمحت شلون اكدر اقابل القائد عدكم او رئيسكم يعني لشغلة احنه يعني مانعرف شي
،..مشان شو بدك ياه ؟؟
..والله علمود شغلة صارت ويانة ومثل ماتكولون لازم نشوف اصحاب الأمر
...طيب خليكم هون شوي وبرجع
راح وبقينا اني وسيف يابنتي ننتظر 3 ساعات والله يلا طلعلنه شخص ثاني بس هذا عراقي للأسف وياحيف عراقي
كال:
...ليش اجيتو لهذا البيت بالذات ؟؟ شنو رايدين ؟؟
..يابه غير توصلني للچبير مالتكم حتى اتفاهم وياه
...يصير خير امشي سلمني اللي بيدك هذا شنو ؟؟
...صفنت انطي للفلوس لو لا ترددت للحظة
دحكت على سيف عاد كلت خل انطي ونشوف بلجي الله
نطيتو الجنطة بيها كل الفلوس والذهب صاح على واحد اسمو مصعب بس اشرلو جه وياه ثاني جتفونه وغطو عيونه
كلت هذا هو عجل راح نلحگ ادهام خلونه بسياره والسياره تمشي بقت تمشي مسافة ووكفت نزلونه واحنه مربوطة عيونه
كعدونه على كراسي وهم مرت تقريباً بالساعه اكثر يلا جانة احد وفكونه وفكو عيونه لين واحد عندو لحية ولابس دشداشة وسلاحو بيدو سلم علينا ورديت السلام
كال:
شنو الموضوع ؟ ليش جدام بيت سلطان العليان واكفين؟
مالكيتو غير هالمترد يحاجيني بنتر وعصبية ووعيونه
تجدح نار وغضب ...
...
كتلو والله جايين اشوف نسيبي اخبارو شو طلع وبعد مارد ومانعرف عنو شي صار يومين وهم ازلمة جاري مابين للحزه
...
لا تكتر الكلام احكيلي شنو يشتغل هو؟
.. هاا واللع مدرس
...لكن ليش يختفي اذا ماعندو شي
..والله مااعرف هو اني اريد اعرف
...شيصير من سلطان ؟؟
...نسيبو لا اكثر ولا اقل ولو عدنه شي جان طلعنه من الديرة ومابقينا بس هذا حالنه ماعدنه شي بقينه ببيوتنه وماطلعنا
...اي ايييي اعرفو ادهام وماصارلو چثير من عرس اعرفو مدرس هم اعرفو وين يداوم لكن حبيت اعرف انك راح تكذب عليه بالكلام ولا راح تتكلم الحق

... لا العفو ليش اجذب اني حجيت الصدك .. احاجي وهو يفتر يروح ويجي مدري شيحاجي واحد واكف بسده سكتت شوي وكتله يااخي مافهمت هسه
المطلوب منه شنو أو من عدنا حتى نكدر نعرف وين
...يعلن التوبة من شغلو بالحكومة العميلة الصفوية ويطلع ويدفع نص راتبو للمسؤول عن المنطقة وتسليم بيت سلطان النا
... ان جان عالبيوت اخذوها حلال عليكم البيت وحالي ومالي كلو بس يطلع ادهام والله الزلمة ماعندو شي وانسان ذهب بس حاجيني يخويه يمتى يطلع
...ماااااا الك علاقة شوكت يطلع سلمولنه كلشي وروح
اشر للولد الواكف وربطونه امشي ويدفعون بينه ... كل شوي اريد اكع على وجهي
كحلاء يحجي ابويه واحنا بس نبجي عالضيم الي احنه بي ...
ادموعي مابطلت على ابويه من شفته باهالحال محترمو شيباتو
يدفعون بي حسبي الله عليهم ... مسحت ادموعي وانتبهت الابويه وهو يحجي ... كال
واخذونه بالسياره هم مشت مسافة وخلونه بالسيارة ماادري شجم ساعه وهناااك وصعدو بيها وذبونه بالچول الجدام بيت سلطان وهاي جيتنه يابنتي
وخااااالي شلون كلي شلوووون ... صديت على ساره
عيونها دم مدنجة وتبجي ....
مادري بنتي للأسف هذا العراقي يبيع العراق والله العتب مو على الغربه اللي ويه داعش العتب على الخونه العراقيين
...حسبي الله عليهم ... اووويلي خالي عاب گلبي عليييييك
ماتهنييييت بفرحتك ... ادحك الساره كامت الحيلها تمشي
وصوتها بذاني يرن وهي تشهك وتبجي بحرگة ...
والله كسرت گلوبنااااا ... ومرررت الايام كلشي ماكو
بقينا ننتظر خبر يجينه من خالي عسى ولعل نسمع شي بس ماكو
سارة شبه تخبلت ماكو بس النفس يصعد وينزل وامي وسراب وبابا وخالتي ولمياء مايطللعون من بيتهم بس سيف يجينه يتطمن ويروح
نوبات ايتسوك النا ...
6 ايام وخالي ماكو وبعد ما حصلت سلطان ابد واني بديت انتهي حسيت خلص حياتنه لهين انتهت وكل ليلة اطلع صور سلطان ادحك بيها وابچي وادحگ بصور خالي ادهام وابچي
الاكل بده يخلص والسوك بده يفرغ الناس چثير طلعت ولا كهرباء لا ماي زين ورمضان الدنيا كام المولد يشغل ساعتين فقط من ال11 لل1 بالليل التلفونات نسينااهه كامت الناس بالموت تحصل جهاز الثريا وتخابر بي .... اوووف يمة اشصار بهالبلد شكد شفنه قهرررر

بيومها جنت كاعده اني وسراب وسمعنه بيت جيرانه الي ابنهم شرطي شرطي اخذو الدواعش بنفس اليوم اللي اخذو بي خالي
بالليل تقريباً بال10 وربع سمعنه صراخ وبچي من بيتهم اهجس جسمي انتهى انرعبت نزلت من غرفتي ركض وعثرت رجلي بالدرجات الاخيره طااارت روحي من الوجع ماادري شلون گمت صارت بوجهي ساره لكيتها جامده بمكانها ترجف رجف هي وليلى والصراخ مستمر صاحت ساره بصوت يرجف
ادهااااااااام وينه .... كتله كولي ياالله لا تخوفينااا
اخذت ليلى لحضني طلع بابا صاح شكو بنيتي شصايررر
_ كتله مادري يمكن بيت جيرانه خطية
ادحك ابويه حيله خلصان يمشي ويتوجد عالحيطان .. طلع بره يشوف شكو اريد انطق اكله لا تطلع بس صوتي مايطلع وسراب اباب بغرفة امي واكفه وجهه اصفررر ترجف ادحك كلها
ترجف ... گويت گلبي
عفت ليلى وطلعت للطرمة اريد اباوع ماكدر الشارع مايان ناس ..
رجعت راسي ... لين ابويه كبالي جة يردد انا لله وانا اليه راجعون حسبي الله ونعم الوكيل بس شكله ايد مايتفسر بابا
...بابا شكووو شبيهم بيت ابو انمار ؟؟
...انمار قتلوه الدواعش وكل اللي اخذوهم وياه ديحجي ويايه ادحك عليه كضب الحايط مايكدر بعد يكف كعد بالكاع
...صخااااااااااام بابااااااا وخالي ادهام ياااااايمممممه وج يممممه
اهجس الدنيا انتهتتتتت واني واكفه جان اسمع
سارة صراخها يرج البيت صاحت ادهاااااام مااااات راح وعافتي ادهام بعد عينييييي وينك لا تكووولوها ادهام مامااات ملخت روحها وكطعت شعرها ادحك ابويه بس يبجي وامي كايدتها سراب جت وكفت كبال ساره وعياطهن اخذ عقلي سراب انهزمت
وكفت باب المطبخ ترجف ماتكدر بعد تجي وتشوفهن ..
ركضت وديت ماي الابويه رجعت ركض على امي ادحك ساره ماكو .. انداريت ... كتله سراب ساررره وين ...
كالت طبت جوه ... ركضت وراهه الباب مفتوح شويه دفعته لكيتها ثابره الكنتور وليلى بالزوية كاعده تبجي ومرعوبة ...
ركضت عليه ساررره شبيج لا تفاولين يرجع والله يرجع
ادحك عليه ماتصد عليه بيدها الهدووووم حاضنتتهن وتبجي
شعرها مفتوح وجههه احمر ... منظرها يكسر گلب الكافر
حضنتها بعد عمري ساره لا تسوين بروحج هيج
يرجع ولج والله يرجع. خالي شعنده حتى يذبحوووو
_ داحجي وجان تعيط ... بوجهي ....
لااااا مايرجع راح مايرررجع ادري بروحي مامقسوملي الفرح
ليش يربي ليشششش اخذته مني ...
مو نحرمت منه كل ذيج السنيييين ليش اخذته مني
مو هو ابوي وهو امييييييي ربييييييييي بجاه كلمن له جااااه
عندك ربييييييي لا تحرمنيييييي منه ولج كحلاء امووووت
والله اموت شعندني غيره منو بعد اليه بهالدنية
_ بعد عمري لا تقهريني فوك قهرري الله يخليج ادعي
والله يرجع دشوفي شسويتي بنفسج ...
شوفي بنتج راح تموت من الخوف ... دكومي ياعمري والله يرجع
سراب... كحلاء شبي خالي ولكم والله مابيه بعد اكف
صديت على سراب ... يربي احير المن اسكت ..
كتله مابي شي شبيكم تفاولون ... تعاي ويايه
_ اني قصدج ... وين اجي
تعاي كودي ويايه ساره خل انطلعها عالهوى
ساره ماريذ اطلع خليني هيييين عوفوني اموووت
_شبيج ساره دكومي تمددي بفراشج لا تحجين هالحجي ..
دكومي ياعيني...
جت سراب .. ويايه تناوشناهه اثنينه وصعدناهه عالسرير
جت ليلى جطت على امها ... وحده حضنت الاخ وكعدن يبجن
جزيت حسرررة وطلعت على امي ...صحت على سراب كتله
اركضي جيبي الدوه ... صفنت انوب تذكررت ابويه
يربي وين انطي وجهي بعد... طلعت اركض للطرمة مالكيته
صحت سرررراب ولج وين بابا ... طبيت للبيت
تلكتني سراب بيدها كلاث الماي كالت ابويه بالغرفه فوتي وقفلي للبابً، ... كمت كدت امي ... شربناهه الدوه وديتها يم ابويه باالغرفه .. طبيت لكيت ابويه يقرأ القران ... نومت امي بفراشها
وطلعت
لكيت سراب .. واكفه كبالي كالت ها بعده سلطان يريد يجي بهالوضع دشوفي شصار بحالنه
_ يولي لو عليه عادي عنده جان جاج بس حامد حالف يمين
وبالحرام مايطلع اربيل واذا يطلع كالو لا انت اخوي ولا اعرفك
ولا جان جاج بس هم زين لو ما شيخ حامد
لا اسم الله لا يجي ... خاف يخابر وصي يولي
واني راح افوت بلكي اكدر انام ...
اي الله كريم .. راحت سراب رفعت راسي ادحك بال1 ونص ضبط واني ماكدر انام و افتر بالبيت احاول احصل اتصال بسلطان بس ماحصلت الشبكة تروح وتجي كلت خل اصعد لفوك
بلكي احصل شبكة صعدت عالدرج .. ثاني درجة ولين اسمع
الباب يندك خفييييييف الباب الخارجي عبالي دا اتخيل طنشت كلت صرت اتخايل الباب .. استمريت بالصعود .. وجان اسمع
انوب اندك خفيف اسرع ... هين مدري شصار بحالي
خفت بعد لا بيه اصعد ولا بيه انزل ...
خاف خالي جة ... لا شبيه اني ... حدرت على كيفي
امشي واحاجي روحي للحظة كمت اتخايل الدواعش جايبين خالي وهو ميت ... لاااااا يمه اسم الله ... مشيت بسرعه الغرفه ابويه
اريد ادك الباب لين ابويه بوجهي ... كال منهو الديدك الباب
مادري بابا منهو يجي هالحزة لا تطططلع بابا


خاف من عمامج يولي...
بابا شبيك ساعه وحده ونص... هاي الدواعش واللع
...لا بابا لو داعش جان كسرو الباب وخري غادي خل اشوف
لا تروح بابا الله يخليك ارجع ... ركضت وراهه ...
وكف بسد الباب ديفتح بي صاح منهوو
اني حجي فك الباب ...
اسمعه يحاجي ابويه بصوت ناصي
ارجع بابا شبيك ... ركضت كضبت ابويه
كال وخري ... فتح الباب اسمعه يكله حجي خل افوت
مديت راسي .. لين ولد زلمة يطلع عمرو 30 تقريبا بسرعه فات وسد الباب وراه شايل بيدو جنطة مثل جنطة اللابتوب
سحب ابويه يم باب المطبخ بسرعه اني وخرت ابويه كال سوو طريق
فتت بسرعه جوه رحت لغرفة طلعت عباية امي وخليته عالجتافي
امي رفعت راسها كالت ها رين ابوج كتله هسه يجي ماما للحمام راح .. طلعت طبكت الباب ورايه .. مشيت ادحك الزلمة من الباب
ابويه يحاجي ...
...انت منو ابني ؟ وشرايد بهالليل ...
...عمي ابو كحلاء مو ؟؟
..اي
...اني من طرف شيخ سلطان اسمعني عمي بالف يا الله دخلت الانبار اليوم تطلعون وياي اليوووووم رتبت طريق ورتبت كلشي حتى السايق اللي يطلعنه عمي شيخ سلطان وصاني مااطلع بدون حرمته واخته ....
...ول يابه مو عن شي بس ادهام لهساع مامنو خبر ادهام نسيبو
...عمي اليروح يم داعش بعد مايطلع وكيلك الله
...اني سمعت هيج شهكت بصوت عالي .. سمعني الولد كال؛
..خيتي لا تعلين صوتج مااريد احد يسمع صوت منهم خلونه نطلع بسلام بال4 نطلع من البيت لو قبل ال4
...ساره واكفه وراي تسمع اني مانتبهت الها هزت راسها كالت لووووو اموت هين مااطلع بدون ادهام والله مااطلع مااااا اطلع تفتهمون شنو مااطلع وادهام مايموت لا مايموت والله هووو وعدني كلي يبقى العمر كلو يمي شلون هيج يعوفني والله ماشبعت منو والله ماشبعت
...رحت حضنتها وياها وليلى بحضني شسوي ياربي الصبر
لا تسوين بنفس هيج
... بكل الاحوال اذا بقينا هين نموت والله خالي غالي عليه صار اسبوع ماكو خبر وسلطان يريدج عجل روحي انتي اطلعي واني ابقى هين اني و اهلي عسى نحصل خبر من خالي بس انتي اخذي ليلى وروحي اترجاج لاتبقين انتي اخت سلطااان صعبه يولي
...مااطلع والله مااطلع اموت هين اني اريد اموووت
...دكعدي بس خل اشوف الزلمة وارجعلج
اي بس كحلاء كليله ماروح ...
هزيت راسي اي .. عفته ورحت على بابا كتلو احاول اقنعها كال بابا بلغي اختج وامج يلمون الشي الضروري والمستمسكات
كتله اي بس شنهو هذا البيدك ...
هذا تلفون ثريا يكول حتى اتصل بيكم ...
هااا اي انطينياه بابا ...
عوفي عساع لمي غراضكم ...
اي بابا بس انطيني الجهاز ...
اخذتها منه ...
...رحت عليهم كلتلهم
اني اصلا حاسبه حساب لهذا اليوم محضره اوراقي كلها وقررت مااخذ شي بس المستمسكات والبس شي واخذ قطعتين وياي
..... صعدت لغرفتي طلعت جنطة وسط حطيت بيها دشداشتين وحجابات 2 وخليت كم عطر ومرطب وشاحنة التلفون وهاي الشغلات اللي نحتاجها وجنطة ايد بيها مستمسكاتي ولبست عباية وشال كلت اسرع وخفيف
نزلت الجنط جوه لكيت سراب هم خطية حاطه جنطة وحده كبيره بيها ملابس امي وابويه وحاطة ملابسها وياهم وجنطة بيدها كالت:
...شلون نقنع ساره ؟؟
...هساع اني اقنعها ماعليج
رحت عليها دكيت الباب سمعت صوت ليلى
دخلن للغرفه ساره حاضنة قميص خالي وحاطة صورتو يمها عالسرير تبچي دافنه وجهها بالمخدة وليلى تبجي وياها
...سارة كومي كولي يا الله مثل ما هو زلمتچ فهو خالي وتربيت بحضنو اني بس ماكو فايده ننتظر هين والقصف بده اسمعي الرمي هساع من هين للفجر يصير القصف كومي على الاقل هناك سلطان يلكالج حل وصدكيني گلبي نار مثلج بس عندي اكل يجي يوم يجينه خبر من خالي
...شلون اطلع ؟؟ اعوف روحي هين ؟؟ ليش ياربي ماشبعت منو والله محتاجتلو دحگي شوفي شنو عافلي وراح
لزمت بطنها بيدها وتأشر عليها
...مااا ممم ما فهمت يعني شنو ؟؟
...اني يمكن حامل كحلاااااء حااااامل وخالج ويييييييين فهميني وين
...بحزتها ماادري شسوي ارتبكت تقدمت عليها حضنتها قووووي ياعمرررررري هاي بشارة خير على حياة جديدة والله ان شاء الله مايروح خالي
هساع المفروض انتي اللي تريدين الطلعه من الانبار لخاطر اللي ابطنج الله عليج اسمعي كلامي اذا ضارت ولادتج هين شلون ؟؟
عايزة والله يبقون الدواعش هين الذاك الوكت
شمدرينه والله ماندري شراح يصير دكومي دحكي على ليلى خطية والاكل خلص والقصف بده لخاطر خالي كومي والله لو يعرف جان كلج روحي
...هزت راسها بس دموعها تصب
رحت صحت سراب تجي تساعدها واني رحت على امي لبستها الجبه وشال كووووة تكوم وبطنها مابطلت وجع مانعرف قولون لو مرارة ماادري
...يلا يمه هانت يارب نطلع بسلامه يارب
بابا صاح علينه الساعه صارت ب3 الا ربع الفجر كال يلا
طلعنه من باب المطبخ كلنه..بابا ساند امي واني لازمه ليلى بيدي وسراب سانده سارة وسارة بلا روووح بس جسد ويمشي
واحد يعين بالاخ وكلوبنة ميتةةةة
درت وجهي عالبيت مع السلامه يابيتنا يا ذكرياتي الحلوة يا اجمل ايام عمري بي مع السلامه وماندري نرجعلك لو لا نزلت دموعي على خالي وعلى بيتنا وعلى كلشي مثل شريط ومر جدام عيني
طلعت قفلت الباب وخليت المفتاح بالجنطة دنكت على ليلى
...ليلى حبيبتي راح نطلع بس مو تحجين بصوت عالي زين ؟؟
...اي زين
...
طلعنه برا وماكو سيارة كتلو لبابا وين سيارة الولد (بصوت ناصي)
...امشو نطلع مشي هساع من منطقتنه بين الافرع مو هين تجينه السيارة ولاتطلعون صوت مشه ابويه وواحنه وراه نمشي وانتلفت
كل شويه احس واحد يمشي ورانه ... سراب مطيره عيونها وادحك
خايفة ... ليلى ساده اذانها وتمشي كسرت گلبي هالطفلة مشيت
....واني ادعي (وجعلنا من بين أيديهم سداً ومن خلفهم سداً فأغشيناهم فهم لا يبصرون)
اجه على بالي طاري ام مريم صديقتي هي امها من العمارة جانت تكول من تكع بشده تكول ( دخيلك ياابو فاضل )
ماادري ليش كزبر جسمي من تذكرتها ورددتها بلساني بدون وعي ( دخيلك يابو فاضل ) ...
سمعتني ماما كالت (دخيل اسمه ) يارب ياالله
مشينه بهدوووووووء حتى صوت اقدامنه نخاف نطلع صوت بيها
حسينا اكو دواعش يمشون بالشارع العام متت رعب متت وبقيت اردد الدعاء واني كاضبه ايدها ...
الولد اللي جامة اشر بأيدو كال من هين طبينه بفرع خارجي ثاني وبنهايتو كانت السيارة هناك كال استعجلو
همزين الجنط مالتنه كانت مو حيل كبار شلناها تحملنه عبرنه خارج منطقتنه مشي علما وصلنه السيارة
صعدنه بالسياره جانت سيارة جمسي هاي مال السفر كفتنه
كال الولد:
يا الله يا مسهل
تحركنه واني اردد الدعاء
التلفون سويتو صامت وسويت الاضاءه مالتو خافته كلش وخليتو بردان العبايه
دنيا ليل ماادري منين طببنه ومنين طلعنه افتر راسي حتى ديرتنا احس مو هيه الولد
كال:
خاف يوكفونه داعش سيطراتهم لاتحجون شي اني احجي
مستمسكاتكم الاصليه وين ؟؟؟
...يمنه كلها ...
...بس خيتي كحلاء هاي دزها شيخ سلطان انتي وولأختي ام ليلى جناسي بأسماء وهميه وبيها صوركم هاي نعبر بيها من الانبار خاف تلاكينة سيطرات داعش ومن نشوف سيطرات الجيش طلعو الاصلية
نطانيها اخذتها دحكت بيها صورتي نفس صورتي اللي بمعاملة المحكمة بالعقد وكاتب اسمي ( ريام) وساره كاتب اسمها ( مروة)
...احفظي زين سارة ...
داحجي وجان سراب تكول اسكتي هيانهم الدواعش
رفعت راسي لينهم ملثمين ولابسين هدوم سووود يخيف شكلهم
يتبع

[لامارا]

الفصل الخامس والعشرون
مسائكم عافية .... 🌹
#خيال #الكحيلة
#بقلمي_نشوى_السلطان



نطانيها اخذتها دحكت بيها صورتي نفس صورتي اللي بمعاملة المحكمة بالعقد وكاتب اسمي ( ريام) وساره كاتب اسمها ( مروة)
...احفظي زين سارة ...
داحجي وجان سراب تكول اسكتي هيانهم الدواعش
رفعت راسي لينهم ملثمين ولابسين هدوم سووود يخيف شكلهم ..
دنجت راسي بسرعه ... ارتبكت خفت اتذكرت التلفون دفعته بالردن زين خفف السياق وكف بسدهم ...
صديت على امي انتهتتت كامت تردد لا اله الا الله وتقرأ ايات كتله يمه لا تخافين ماكو شي
سراب كاضبتني من ايدي...
ليلى عاطت وضمت راسها بسد امها...
اني خايفه حيييييل بس جنت امثل دور القوية حتى اخفف عن اهلي وامي ... جربعت نفسي وسميت بسم الله ... كلت لازم ادافع عن نفسنه ... سمعته السايق يكله ...
والله ماخذهم كروه ...
_ وين ماخذهم ارجعو يله ... ارجعععع .. محد يطلع
السايق سكت ماحجة شي ... جان يمد راسه من الجامة دحك علينا
كال جانسيكم طلعوهن....
من كال هيج اهجس روحي انتهت كمت اقرأ ايات ...
ابويه كاله .. والله الحجية مريضه ونريد نطلع بيهااا...
_ صاح بي ... اسكت .. ولا كلمة ... تريد تقنعني انكم كلكم رايحين
لدكتوررر...
اني يحجي وافرگ بأدين امي... سراب حجت بصوت ناصي
كحلاء راح يذحووونه مثل انمار ...تحاجيني بصوت محنوگ تريد تبجي من الخوف ...
عسيتها كتله اسكتي شبييييج ...
حاجاه ابويه. ... كاله ...والله الحجية مريضة صارلها شهر وماكو اطباء تعرف بالمنطقة ولازم زوجها وياها والبنات مايصير يبقون
وحدهم بالبيت بدون محرم فجبناهم كلهم نشوف بلجي اكو هين دكتورة شي لأن حتى ماتنام من المرض ...

ديحاجي ابويه جة واحد من غادي يمشي وبيده بطل ماي يمشي ويشرب ... ملابسه كلها تراب .. ولحيته عاااليه ... مدري شحاجاه
وجان يمد راسه ... كال هاتو
جناسيكم
نطيتو جنسيتي اني وساره واهلي نطوه واني كنت لابسه النقاب بس عيوني طالعة بينما ساره وامي وسراب لا جانو مغطين حتى عيونهم ..صاح عليه ...استري حالك يا اختي (لهجته مو عراقية)
...ماعرفت شنو يقصد جان السايق يكول البوشي نزلي ع عينج
نزلته واني بداخلي اتحسب الله عليهم .. ادحك على. امي شلون تتراجف ... ابويه مرعوب من تحقيقهم..
كام يقرأ بالجناسي ويدحك علينا وحده .. بس ماكال ارفعو النقاب بس راد يعرف العدد .. على مااعتقد...
الجناسي جانت مالتي ومالت ساره مزوره ماعرف سلطان شلون نقذنه بهالفكره ولا جان رحنه بيها ... مشه خطوتين راح الذاك العراقي الوياه ورد رجع يمشي كط الجناسي على السايق ... كال ماكو طلعه ارجعو يله ...
اريد احجي وجان امي تعسني بحيل ... سكتت ...
ابويه كاله والله مريضه المره ،..
صاح بقىوووة يازلمة انا حكيت وانت سمعت .. يله ارجع من هون بسرعةةةة والاااا..،!
السايق .. كاله لا راجعين ... هين اني بحزتها نار وشبت بداخلي
مدري مقهوره على امي مدري على حالنه ... مدي اعيط انفجر
بالبجي ... السايق خطيه فر الستيرن ورجع ...
صعد الجامه وكال يمعودين مو زين ماسوولنه شي خل يولون
نحاول نطلع غير يوم ...
اني يحجي ودموعي تصب ... اتذكرت سلطان اكيد هسه دينتظرني .....
رجعت عالبيت واني منهاررررة ادحك سيارتاهم بالشارع
ويفترون ولا كأن ... وين ماامشي مكتوب الدوله الاسلامية
طببنا بفرع عمامي ادحك بيوتهم ضلمة ... الشوارع تصفر ماكو غير الدواعش يفترون بيها ... وصلنا باب البيت ... نزلت امي والجنط
اني كايده امي وسراب كاضبه ساره ... طبينا للبيت ..
صحت على سراب كتله افتحي الباب ... المفتاح عد ابويه ..
ركضت سراب جابته وجاي كامت دتفتح بالباب وجان اسمع دوووية

رجت البيت رج ... ليلى عاطت وجت خالت يمنه .. ساره كالت شكووو شنو هاي قصف.. خلت اديها على اذانها وكعدت بالكاع سراب فكت الباب وطبينا نركض
كعدت امي باب الهول بالكاع وطلعت اركض على ابويه
تلكاني بالباب... كتله شكووو شنو. هالصوت ...
_ ماكو شي بنتي .. ارجعي هاون يعني ماتعودتو عليهن ...
هاج اخذي الجنطة .. وين امج ...
مديت ايده اخذته كتله بالبيت امي .. ...
طبينه جوه وسدينه الباب واحد صافن بوجه الثاني ...
امي تون ولازمة بطنها .. كل شويه اكول راح تروح امي ..
مكابلتها وكاعده ..
ساره طبت جوه هي وبنتها وسراب ...
الجنط كبالي بقت على حطتهن .. صافنه واحاجي روحي
مامقسوملنه نطلع .. رجعنه لبيتنه ... اتلفت عالبيت والدمعه بطارف عيني ... ابويه .. فات للغرفة ... امي كالت وديني يمه هل اتمدد
بفراشي... كومتها ... جة ابويه ساعدني اخذته للغرفة
نومتها بفراشها .. رحت جبت كلاص ماي .. وطلعت من حنطتها
العلاج خليته يمها ... كتله يمه اني اروح لو اريدين ابقى يمج ..
كال ابويه لا بنتي روحي نامي ... اني يمها ...
هزيت راسي اي... مشيت خطوتين اتذكرت الجهاز الثريا ..
فتحت الجنطه ... طلعته اخذته ويايه ومشيت .. طبيت للهول البيت اظلم وموحش ... صوت ليلى بالغرفه تبجي وامها تحاول تسكت بيها ..مشيت اريد اصعد الغرفتي ... ماكدرت حسيت بخوف تراجعت ... صفنت لا خل اروح يم سراب وساره ...
الجهار بيدي اخذته وطبيت للغرفه ... ساره بعدها بعباتها مدده حاطه بنتها على ايدها وتنوم بيها ...
سراب كاعده غادي منها وبيدها التلفون ... صنه توديها وصفنه تجيبها طبيت وطبكت الباب ... كعدت بالكاع بظهري الكنتور

ارتجيت عليه ... فتحت الجهاز .. شتغل... صار بي صوت ...
دحكت عليه ساره كالت شنو هذا ...
مادري الزلمة جابو كال من سلطان ...
يعني نكدر نخابر بي...
تحاجيني واني اكلب بالتلفون كتله اي يرهم بي صبري خل اشوف
سراب.. هذا يمكن الا تصعدين بمكان عالي لو تطلعين بره ..
صفنت عليه كتله صدك ..!
ساره جربي كومي بلكي صحيح ... ،
كمت كتلهم تعالن ويايه اخاف ...
ساره جايه وراج اصعدي فوك ...
ماشي اخذا سراب وصعدت فوك بالبيتونه ...
كتله ولج سراب يعني هسه اذا اخلي رقم سلطان يحصل...
مادري شمدريني انطينياه ...
جرته مني سراب دتكلب بي وجان يرن الجهاز ..
كتله شنو هاي شسويتي ...
ولج ماسويت شي عبالك ديدك...
سحبته بسرعه منها ...
اسوتلي كالت من هين يمكن من هين جاوبي ...
جاوبت. بسرعه ... الووو ... الصوت يووش مو صافي
سلطان .. كحيلتي لنتي وووين ...
كتلهن سلطططططططان هذا ... الو سلطان ... تسمعني
ساره عالدرج ركضت صعدت بسدي وكفت ..
سراب دحجي شبي شديكول...
كتله اي اسمعك بس بعيدد ...
_ حاجيني انتي وين هساع طلعتو بيا منطقه ...
صفننت مادري بعد شحجي... كتلهن ديسالني ...
سراب كليله رجعونها شبييج اول وتالي يعرف ...
كتله سلطان اني رجعت ماخلونه نطلع ... الووو
سلطان خلي عندج شببكة ابوي انتي..!
اكولك تسمعنيييي.،!
اي اسمعج يايبه احجي ..!
ماجينه ماخلونه تطلع ....
صدك تحجيييين ..!
اي والله ... شنسوي ...
لا اله الا الله والتاااالي شلوووون ساره وينهاااا.، ادهام ماسمعتو عنه شي..!
ساره هين يمي بس خالي لا ماكو اي خبر عنه ...
سلطان ... روحي هساع ...
دقيقه وييين ...
راح اجيكم تهيرووو ..!
لا امانننننننننة وين تجيييي سلطان ... الووو
اسمعج يايبه اسمعج ... يله اروح اني وراي طريق ...
ماتجيييي والله شبييييك وين تكدر اتطلعنه الدواعش بكل مكاااان.
ساره لااااا يجي ابدددد انطينياااه
سلطان ... يولي هي موتةةةة لو موتييين من انعل ابو هالعمر العايشي احنه ... جاي والي يصير خل يصيررر
ماتجييي ووووالله ماتجي سلطان .... وينك
ماسمعج يكطع ... خلي عندج شبكة خاف اخابرج بالطريق
سلطان لا تموتنيييييي بداعتي لا تجيييي راح اكعد ابوويه الووو
الووو سلطان ... خررررب نكطع ...
ساره ... شنو راح يجي صدك ديحجييييي يعني
اوووف شكد عنااادي مدايقبل وخري خل احدر ابويه يخابره...


حدرت بسرعه وحدرن ورايه ساره وسراب ... وكفت بسد
باب الغرفه .. اريد افوت ... بس خاف ابويه يجفل ...
كلنا عايشين برعب ... كتلهن لا تسون صوت ...
ساره على كيفج دكي خاف يجفلون ...
_ مدريت ايدي دكيته دكتين على كيفي ...
لين امي تصيح منووو منوووو .. من صوتها تبين مرعوبه ...
كتله اني كحلاء ماما ...
اسمع ابويه يحاجيها كالت تعاي فوتي ... فتحت الباب ووكفت بالعتبه
والجهاز بيدي ... ابويه كاعد الحيله ...
كال ها بنتي خيررر خما اكو شي...
لا بس سلطان خابرني وراح يطلع هسه للانبار ...
طبت سراب كالتله بابا اذا جة سلطان راح يروح مثل خالي
وبعد ننساه ... والملامة راح نصير احنا لان ماطلعنا...
تحاجي سراب ابويه مبهوت بس ساكت مايعرف بعد شيحجي ..
كتله بابا شلووون سلطان راح يطلع خابرو عفية ....
احاجي مايرد كام الحيله . لف راسة باليشمغ ...
وطلع ... يمشي اني مشيت وراه كتله بابا شبيك وين رايح
صد عليه كال تهيرو خل نطلع كبل مايصل هوه ...
سراب ... يعني بابا نطلع الاربيل ... زين شلون ويامن خاف يرجعونا ...
نحاوووول بلجي ربج ولين مطلعينه كومي امج اني رايح اجيب الزلمة ...
كحلاء .... لاااا بابا خاف يلاكوك ذوله ويسوولك شي .. لا ارجع
لاتخافييين بنتي الكاتبه الله نشوفه .. تهيرن ماتأخر ان شاءالله
طلع ابويه وطبك الباب وراه سراب راحت على ساره واني بقيت مثل المسجنة لا بيه اكوم اتهير ولا بيه احجي جان بالي بس على سلطان انوب ابويه طلع ..
شلون يربي خاف يصير شييي والسبب اني ... صافنه واكل بروحي .. ركضت صعدت فوك ... اتصلت بسلطان يدك دگة وينكطع ...كررت الاتصال مره يجاوب ومره مايحصل ...
حدرت على ساره كتله يله تهيري يمكن راح نطلع ...
امشي واخابر ... ماكو النوب بعد حتى ماياخذ اتصال
مدري الجهاز عاطل مدري حضي .. سديته وطبيت على امي
كومتها وطلعنه كلنا بالطرمة ... كعدت امي عالعتبة وبقينه ننتظر ابوية ... ليلى تصرخ تريد ترجع تنام نعسانه ...
ساره مابيها حتى تسكتها صافنه ومرتجيه عالباب ...
سكتتها سراب ونومتها على رجليها ... اني افتر اروح واجي
هناك وجان اسمع صوت سياره بالفرع ...
ركضت عالباب فتحته شوي دحكت الجمسي نفسها طابكة بسد
الباب .. كتلهن كووومن يولن جوي ...
سراب صاحت توبشن لا تنسن .
ركضت عالجنط مثل طير بقفص روحي ... وتريد بس تطلع
تشايلنه الجنط اني وسراب .. وابوية ... ونزلت البوشي على وجهي
وصعدنا بالسياره... امي حيل تعبانه ... تووون من وجع بطنها
وابويه مثل واحد مصروب براسه حتى حجي مايحجي ...
طبينا بالفروع ... تمشي السياره وعيني عالديره ..
خرابه ... اوف يربي شصار بيناااا وين جنا وين صرنه
طبينا من يم بيت جدي ... ادحك وعيني مليانه دموووع ...
السايق كال راح تلاكينه السيطره نفسها ... ديربالكم يختلف الكلام
مثل ماحجينا نحجي ... ماااشي..!
اي ماشي انت اححي بدالنه ...
كال همه يتبدلون بلجي الي يلاگونه غيررهم ...
ان شاءالله يارب ... تمشي السياره وكلنا ندعي يارب سهلها يارب
ليلى نامت على رجل سراب وساره داكة راسها بالجامة
وعينها عالدرب ... اوف شكد كاسره گلبي هي وخالي ...
يارب رجعه النا ساااالم يارب. ياالله ..
خفف السايق السياره وكال وصلنه سيطرتهم ...
من كال هيج عبالك ملك الموت كبالي كمت اتراجف وامي
من الخوف زاد المغص عدها ... كاضبه بطنها وتلوب
جان يسلم عليهم السايق ...
تقرب واحد منهن لون بشرته اسود وسنونه بيض شكله يخيف
كال وين رايحين ....
حجة ابويه كله والله الحرمة مريضه وتعبانه ...
_ والجماعه الي معاك وين رايحين ...
والله هاي بنواتي ماخذهن وياهه ...
مد راسه من الجامة باوع عالكشانه مالت السياره ...
صاح على واحد بصفه ... ماسمعه ... راح ليمه يمشي
كال السايق خاف يرجع يسال شي مثل مارصيتكم نفس كلامنه
سراب ... والله من الخوف اليوم اموت ...
شوي ورجع هذا ااسوداني ... كال وين الجناسي ...
ابويه كاله موجىودات كلهن... ديطلعهن شو كاله لا ماحاجة
يله اطلعووو ...،
من كال هيج .. شلون ميييت بأخر نفس وردتله روحة ...
ماصدكنة واحد يبشر باالثاني طلعنه طلعنه ... بس الفرحة جانو مو كامله لان خالي مانعرف عنه شي...
مشه السايق ... وطلعنه ... كل شوي ويلاكونه الدواعش بس محد وكفنه .. اني الطريق كله اقرأ ايات ...
السايق كال لو نطلع من عامرية الفلوجة على بزيبز لو من طريق بغداد على طريق الرحالية وبعدين المسيب وعلى كربلاء
...كله بابا اللي اسهل شنو؟؟
..
كله طريق طويل حجي بس بزيبز ظيم وعذاااب
...اطلع على كربلاء
...
هذا الاحسن ان شاء الله ....
استمر بالمشي ... كل شوي اكول راح يوكفونه اديه عالگلبي ...
/بقينا بالطريق من نشوف سيطرات داعش نلبس النقاب ومن نطلع خارج السيطرة نذبو
بقينا كل ساعه وشويه سيطرة بس رب العالمين سهلها الف الحمدلله واللي ساعدنه الجناسي الوهمية ومسويها سلطان النفوس بغداد
...صارت الساعه ب9 واحنة بداخل الانبار بسبب السيطرات
بال9 ونص ضبط صاح السايق صلو على محمد طلعنه الانبار بسلام
...اللهم صل على سيدنا محمد وآل محمد الف الحمدلله والشكر الف الحمدلله ياربي دمعت عيوني مامصدكه بس خالي على بالي ياربي خليتو امانة عندك ياربي تنهضت وكعدت الحيلي مامصدكة ادحك عالشارع ...
مشينا بالساعتين لل11 وربع لاكتنه عالطريق الخارجي سيطرة جيش عراقي والعلم العراقي يرفرف
يااااااااااااااااا الله على هذا الشعور ياربي دخيلك رجع الديار بيد العراق شفنه سيارات جت ورانه 2 اكيد هم طالعين مثلنا
وصلنه السيطرة تذكرت تلفوني صامت طلعتو بي شحن نص
فتحت النلفون وكامت الرسائل تهل بعد ماعرف شلون استخدم الجهاز ... كمت اقرأ بالتوازيخ رسائل قديمة من اول يوم طب داعش الانبار .. لحد اليوم سلطان متصل على خطي ... مكالمات ماتنحسب ولا الرسائل ... يمة عبات كلبونا ... واني داكلب بالرسائل
.. وجان اسمع الضابط( جناسيكم) فعت راسي احنا بسيطرن جيش عراقي ...
...نطيناه الجناسي قراها ...
...منو كحلاء؟؟
...نعم اني
...
شيصير منج سلطان العليان ؟؟
...مكتوب بالجنسية زوجي
...شعجب ماطلعتي وياه من وقت ؟؟
...ظروف صارت وماطلعنه سوه
...
دك تلفوني هين لين سلطان ترددت اجاوبو لو لا لأن الضابط يحچي
..سويته صامت ...
ابويه سأله خمو اكو شي ابني ...
...لا ابد والله حجي بس نريد نسوي الواجب وياكم مدامكم اهل استاذ سلطان...
... اني هيج ماكدرت اسكت شفت الناس ورانه شصاير بحالها كلتله ياريت تساعد اللي ورانه يحتاجون الواجب اكثر لأن ماعدهم احد يساعدهم الناس اللي دتعبر من الانبار وباقي المحافظات اللي وكعت بيد داعش اكيد يحتاجون المساعدة اكثر من عدنه
...ارتبك وكال تأمرون ان شاء الله ...
...سراب نفسها تلعب هي وليلى كال بابا انزلو غسلو وطلب بطل ماي من اللي بالسيطرة
...رجع اتصل سلطان بسرعة نزلت يم سراب ورديت
الووووو سلطاااااان ....
هلا بكحيلتي شلونج بعد حيلي ...
الحمدلله سلطان انت وين ...
على كيفج شبيج تنهتين جايج بالطريق
اني وضرغام شلوون جت بالجهاز مالتج شبكة ...
لااااا ارجع احنا طلعنا من الانبارررر ...
يولي لا تجذبين عليه ... كتلج جاي يعني جاي ....
سلطان والله طلعنه شبيك انت على ياطريق راح تجي فهمني
خاف رحت عالطريق الخطر رررر....
يتبع .. (لكن احداث غير متوقعه ☹️ )


ان شاءالله نكمل .... تحياتي
...

[لامارا]

السادس والعشرووون
مسائكم جوري .... 🌹
#خيال #الكحيلة
#بقلمي_نشوى_السلطان



على كيفج شبيج تنهتين جايج بالطريق
اني وضرغام شلوون جت بالجهاز مالتج شبكة ...
لااااا ارجع احنا طلعنا من الانبارررر ...
يولي لا تجذبين عليه ... كتلج جاي يعني جاي ....
سلطان والله طلعنه شبيك انت على ياطريق راح تجي فهمني
خاف رحت عالطريق الخطررر ...
مالج شغل كتلج مستحيل بعد اعوفج هناك لو هالشي يكلفني عمري .. ادهام راح بسببي شلون اعوووفكم ...دحكي عليه
ساره شلونها خمو تعبانه ...!
ساره زينة بس انت لا تجي والله شوي ونصلك ...
يعني انتم بالطريق وين عمي انطينياه ...
اي والله شبيك... دقيقه هسه انطيكياه ... دحكت ابويه واكف يحاجي الجيش كتلو بابا ... سراب صيحيله ...
اخذت التلفون ورجعت للسياره ... جة ابوي يمشي
كال خير شكو..! عباله امي تخربطت ...
كتله ماكو شي هاك احجي ويا سلطان طلع جاي بالطريق ...
انطيته الجهاز ... اخذه وطلع غادي يحاجي ...
سراب ... شكد عنودي سلطان ...
اني ادري ... جماله جايب ويا ضرغام ...!
_ صدك جايبه وينهم هسه همه ... خل يجونه نطلع سوه
شبيج ... توج كلتي عنودي .. دحكتلها صفح ...
ارتبكت وكالت شبيج يعني بعد جة قابل شكو بيها ...
مممممم والله مدري ليش گلبي لاعب منكم ...
منو احنا شو تجمعين بالكلام ... خاف عبالك فردت حذائج سوت شغل وداعتج ابو سنديلا مايلحكني .. حضي واعرفه ...
من كالت هيج ضحكت ماتحملت .. صفنت بحزتها على نفسي صارلي شكد موضاكة .يولي ولا تنسين الحذاء ...
جة ابويه يمشي علينه كال حسجن نصنة ... خله التلفون بيدي
وصعد هو والسايق ...
كتله بابا شسويت شو سديته ..!
_ لا دليتو عالدرب وراح انتلاكة .. احنه وياه ... اي الف الحمدلله
اهم شي مايطب الانبار
مر الوقت امي بعدها على وضعها مره تصحى وتكعد ومره ترجع تون وهي نايمه
ساره عيينها عالدرب ونظراتها تكسر الگلب ...
ابويه من التعب نااام ...
وسراب صفنه توديها وصفنه تجيبها ....
واني ماراح خالي من بالي .... كل شوي اتذكره شلون جان فرحان
بوجود ساره بحياته ... من جان يكلي
هسه اني عشت من يوم الي اخذتها ...
ياربي كوون يرجع ويتلم شملهم ... ويرجع سالم النا بجاااه النبي
بقينا بالطريق انام ...
بحزتها جان الشارع العام بي سيارات لكن قليل ... بس قربنه نوصل جسر بزيبز ... بديت اشوف سيارات بكثره ...
كعدت سراب ... وامي كعدت الحيلها...
كتلهم دحكوووو شكد بشر هينه ....
ليلى ... ماما احنه وين شنو وصلنا..!
لا حبيبتي بعد طريقنه طووويل ...
مشينه والناس تمشي راجله وبالسيارات ... ياربي شسالفه
كل هالبشر هيييين مجموع .... السايق خفف المشي وركنها على صفحة ... صديت على ابويه ... كتلو شو وكفنه شنو مانعبرر

_ وين تعبرين بنتي دحكي البشر الجدامج كله مو كادر يعبر...
يعني شنو راح نرررجع لا مستحيل ..!
لا مانرجع بس نكضب سره حالنه حالهم ... شوي شوي ودلين احنه طالعين...
بس بابا هين بشر جثيررر ... صديت ادحك حرمة جبيره بالعمر
شايلها زلمة على جتافه ..... والشمس بوجهم ...
صاح السايق لهين وبعد ماكدر اعبر ... ادحك ساحة جبيره والسيارت مركونه والناس مدافع ...
اني يحجي وعيني عالناااس والبشر الي جدامي الجهيل اتعايط
والناس كوه تجر النفس الحر كاتلهم ...
ناس تدفع بناس وعياط وصياح والي يبجي والي كاعدين بالكاع
والناس ادوس عليهم .... ياربي معقوووول هيج شي نزلت ونزلو اهلي ورايه ...بدون شعور اخذتني رجليه وكمت امشي ... امشي وادحك عالناس ..
لاكتني مرة عجوووز شايله بيدها علاكة خبز وعلاكة صغيره مالت طماطه ... وياهه جاهله صغيره وبنيه ... تمشي خطوتين وتكعد ...
ادحك عليها گوة تجر النفس .. تربعت وكعدت بالتراب
وترفع راسها وتكول ربييييي ان جان باقي الي عمر اخذه
ربي شمسوين بدنيانه ... حسبي الله ونعم الوكيييييل
متنه عطش متنه جوووووع الحر جتلنه ياالاهي ... مابعد بيه اتحمل ... هي تدعي وعينها بالسما واني ماكدرت اتحمل اختنكت بجيت على بجيهااا ... كعدت يمها كتلها خاله هو هذا احنا العراقيين
ماكتوب علينا الفرح ... گومي خاله گومي
_ وين اكوم يمه وين انطي وجهي انذليييييت واني بهالعمر اتوسل بيهم بس عبروني ... محد يقبل ...
ميخالف امي انتي دكومي هناك اكعدي بالفي ....
\ ريتج طيبة بنيتي وين اكدر اصل لهناك رجليه ماتاخذني ....
اني أكودج خاله بس گومي الناس راح ادوس عليكم ...
يايمه ماتشوفين رجليه مجرحة وتنزف ... عجل بقيت للساع محد
داس عليه ... والله انداست روسنه وكرامتنه گبل اجدامنه
الله كريم خاله ان شاءالله مايبقى الحال هيج
_ الله يسمع منج امييييييين بجاة الله واهل البيت ... ونرجع الديارنا
ولدي اثنين صارلي فوگ العشرين يوم ماكو ...
طلعو. للشغل الصبح وماردووو ... ماريد شي من الدنيا
بس اريد ولدي .... واحد خاطب والثاني يدرس ... والله ماعدهم شي
جيف اخوهم الجبير ضابط اخذوهم بداله .... والله يايمه

اللگمة عليه علگم ... افكر بيهم شلون اكل وهمه جوعانين ...
اووف خاله الله يساعدج والله نفس حالنة ... هناك حرمة خالي
بعدهم عرسان واخذوا ... بس شنكول ...مانكدر نسوي شي بعد
العراق انبااااع وزلمنه راحووا ... واني احجي قاطعتني سراب
يولي ويييييينج انتي هييين ابوي يدور عليج ... امشي ويايه
_ هين اني يم الحجيه .... خطيه وحدها ....
_ سراب ... يا خطيه خاله شو وحدج ماكو احد وياج
_ لا وين يايمه ولدي واخذوهم مابقالي غير بنتي وهاي بنتها
\ كحلاء ... هااا يعني اكو وياج بعد بنيه ...
اي راحت ادورلي بطل ماي كتلنا العطش يايمه ...
اووف امشي سراب دوريلها ماااي اركضي
سراب .. خاله دگومي ويانه ... هسه ناخذج يمنه تكعدين يم امي
_ هااا مو بنتي هساع تجي تدور عليه ...
لا خاله هين تبقى كحلاء تجيبها ورانه ...
هااا عجل گوميني يايمه والله رجليه اثگاال وحيلي ميت ...
كحلاء ... كومناهه اني وسراب اخذنه العلاكة والجاهله وصلتها اليم اهلي ورجعت واكفت بنفس الدرب ...
انتظرتها تجي ماكو ... صديت على حس نسوان اتعايط ... ويركضون ركضت ليمهم ... ياربي خير شكووو
طبيت من بين الهوسه ... دحكت جاهل رافعي لفوك ويعيطن ملتمين عليه ... صحت شكووو شبي هذا الطفل...
ولكم شكووو ...
جة ازلمة بسدي ... كال خيتي الناس كلها متسممة الماي مو نظيف
الناس كامت تشرب ماي مو صحي ...
يااااا خطيه يعني الطفل بسبب الماي متسمم ...
_ خيتي مو بس هذا الجاهل جثير. ناس تسممت .. دحگي وراج الناس ملگحة بالكيعان ... المات مات والي كتله الحر ... شحجيليج خيتي ... الله مووووجود
ونعم بالله ... الله يفك شدتنه بجاه كلمن له جاه ...ادحك امه اخذت الجاهل وراحت تركض بعيد من لوبة روحة تحير شتسوي خطيه
رجعت امشي واتعثر بالبشر الي بالكاع ... ادحك ماكو هاي الحرمة وين صارت ... الشمس كتلتني .... واني واكفه دگ جهازي ...
جاوبت بسرعه ... الووو سلطان ...
هلا شلونج ابوية ....
الحمدلله انت شلونك ....
بخير بس انتظر شوفتج ...
اوووف سلطان احنا على جسر بزيبززز ...
اي حاجيت السايق وراح يطلع ياخذ الجهاز للجيش حتى يعبروكم
سلطان خطيه تدري شكد بشررر..!
اي يالغاليه ادري .... ادري بس شبيدنا ناس تجر وناس تعر ..
بلجي يعبروهم كلهم ... والله لو بيدي شي عليهم جان عبرتهم بس مابيدي شي يالحبيبة ..!
اوف سلطان مره يمنه اخذتها جبيره ... خطيه تكسر الگلب
ودتها سراب يم امي
_
ها... ليش وانتي وين ...!
اني بالهوسة انتظر تجي بنتها حتى اخذها ....
_ وماكو احد يكف غيرج ... ارجعي بسرعه
لا وين ارجع راح اتيه المرية ...
شكو واكفه بنص المدافع ... والزلم وحدج ... يولي لا تشيبين گلبي ارجعي اكفي يم اهلج ...
سلطااااان ششبيك ....
اسمعيني تعبر البنيه تاخذيه وكبل يم ابوج تكعدين ماتكومين الل تطلعووون ...
اي ميخالف ... هسه انت وين
_ شو الميخالف مالتج مو مقتنع بيها ها يووولي!
_ هههه لا والله شبيك راح ارجع
_ _ وين يعني بالدرب واكف انتظركم ... وبالي يم ادهام
والله شاعل گلبي شعل ....
_ اييي خالي ادهام ياكل ويشرب ويايه عاب گلبي عليه تعال شوف حال ساره ...
_ شبيها ساره خمو. مريضه ....!
لا بس مقهورة على خالي ...
حگها يايابه حگها بس شبيدنا عليها... والله ماكعدت ماخليت واحد ما دزيته يدوره ...
اي وشكلولك ...
بعد ديدورون والله كريم ...
يارررب يارررب كون يرجع النا سالم ...
وهسه شلووووون راح تبقين واكفه وحدج
طبعا صوتك يقطع گوه افهمك الممهم مو وحدي هين شكد بشر عينك وماتمدددد
هااا ماشاءالله وكحيلتي بنصهم ...درجي بسرعه
ههههه خرب والله مابيه اضحك واني بنفص هالقهر اكول ضرغام وياك صدك
اي وياي .. دانتتظركم ... بس تعاي عاااد
الله كريم ... بلكي يخلونه نطلع...
درجعي يله بسرعه .... ولا ثوليها علية


ماشي هيان سراب جتي مدري شبيها تأشرلي يمكن لكتها ...
ماشي يالغاليه ديربالج على نفسج ولا تكفين بالشمس ...
حاره عليج ....
ماشي حبيبي ... الله وياك .... سديت الخط ... جت سراب كالت تعاي من زمان جت البنيه ... كتله اي اللتهيت ويا قهر هالناس
امشي وعيني عليهم يارب رحمتك بينا .. يارب شذنب هالاطفال
مشيت اريد ارجع اني وسراب ... وهم سمعنا صياح ...
سراب... ولج تجااتلو خل نرجع يولي
اصبري اريد افتهم شكووو...
يبو. شعليج انتي امشي
لا شنو شعلي اني اذا اني وانتي وكلها تكول اشعلي ...
شلوو هالناس تعيش غير انكون ايد وحده ...
تعاي .. مشيت خطوتين .. وكفت على تله عاليه شويه ..
اسمع الشايب يكله والله مسوي عمليه ... وماكدر بعد اكف على حيلي عبرونا الله يستر عليكم
واحد عسكري يصيح علية ويكله ... هسه صرتو اترجووون
منو الصفگ للدواعش مو انتو خووووونة ...
من كاله هيج العالم صارت تصيح ...احنا مو خونه مو احنه الجبناهم هاي لعبه ونذبت بروسنه احنا مالنه ذنب ... حالنه حالكم بس الي
جابهم علينه لا ذمة ولا ظميررر عبرونا بسرعه ...
بهالاثناء صار رمي كامو الجيش يرمون بالجو والناس انرعبت
وكامت ترجع ليوره ... وصارت مدافع ناس فوك ناس
ووكعت بيها العجايز والشياب بالمدافع .. كلها درس عليهم ...
اويلي والله الحال يبجي الصخر ... ..
رجعنا نركض اني وسراب وادينه على اذانه نركض ...
وصلت اهلي لكيت ابويه خطيه جاي ديدور علينه من شافنه رجع ...
_ كام يصيح علينه ... كال دتشوفون هوسه والنار منهاره من الحر والجووع والعطش اكعدن بمكانجن اخير الجن ...
كتله اي ماكوم بعد ... تربعت وكعدت يم الحجيه بالتراب بعبايتي
كالت .. ها بنتي وين جنتي بطيتي يايمه ابوج خطيه خاف عليج
هي تحجي واني ادحك على بنتها وياهه ... تبين مهمومه .. صافنه
وماتحجي بس حلوه ملامحها .. عيونها كلش حلوات ...
كتله انتي بنت الحجيه ...
رفعت راسها عليه كالت اي هاي امي ...
عجل واخوج الضابط وينه شو وحدكم ...
اخويه اووف ياريت نسمع عنه خبر ... من طبو الدواعش الانبار اختفه ماندري وينه
ياااا يعني هم الدراعش اخذو
والله ياخيتي ليش اجذب عليج مادري هو طلع لمكان مادري ماخذي واجب والله يايمه ماندري وينه وتلفونه مقفول
خطيه الله يساعدكم شلون قهر 3 زلم مامنهم خبرر...
_ الحجية .. اوف يايمه والله السكر ديصعد من قهري عليهم
وخايفه اموت هاي بنيتي مالها احد ... غير هالطفله ..
عمرج طويل خاله ... انتو منين ...
من البو نمر بنيتي ... ...
عالراس خاله ... ان شاءالله يرجعون وتفرحين بشوفتهم
سراب ... كحلاء امي خطيه تعبت شلووون ..!
صديت عليه ها ماما شبيج بعده بطنج ....
اي والله يمه بعدني مادري شبيه عبالك المراره ...
زين شلون راح نطلع من هاي الهوسه يارب فرجك ...
اكول ساره خلي شي على راس ليلى باعي الحر موتها خطيه
شسويلها اكللها اكعدي ماتكعد تريد تلعب يم الجهال
اي ياريتنه مثلها جهال ومانعرف شي من هاالدنيا .....
بقينه كاعدين احنا والحجيه .. واندحك عالقهر وعالناس الي ادمرت
بالحر والي كتلها العطش ... يابه منظرهم يكسر الگلب ...
كامو حتى الي جايب ويا اكل وفراش من الشي الشافه يكطه بالكاع ويمشي .. الناس تركض ورافعه جناسيها وتنتظر بس الفرج ...
كلشي بعد مايريدون .. بس يردون يطلعون بروحهم ...
مر الوقت وبقينا على اتصال ويا سلطان ... وصار الليل وماكدرنا
نطلع ... امي ادهورت صحتها اكثر ... ومابقى حتى ماي نشرب ..
ليلى تصرخ تريد بس اكل تاكل ...
بوقتها الحجيه خطيه كامت تلفلها طماطه بالخبز وتوكلها ...
ادحك الناس حفاي يمشون ويركضون يردون بس احد يفتح الهم
المكان ويطلعون ... جانو يعبرون الناس بس قلييييل كلش والاكثر
يعبرون الي عدهم واسطه لو الي حالته توصل الموت ...
بوقتها تدقيق عالجناسي ... وحاسبات الواحد يشوف الموت يله
يوصل سراه ...لنص الليل واحنا على كعدتنه ابويه يروح ويرجع ليم الجيش وماكو فايده ... سلطان يدك كل شويه
والهوسه والتعب الي علينا ماينحجي .. عبايتي كلها تراب ...
تعبت حييييل ... الحجية نايمت فرشت عباتها ونامت وبنتها وكلنا كاعدين ننتظر الفرج ... اذن اذان الفجر ... وصاح
الله اكبر ... وجان الناس كلها تصيح الله اكبر على كل ظالم
حسبي الله ... ونعم الوكيل ... ادحك الناس تدعي وتشغر
كامو يتمشون الي راح ايتوضى والي كاعد على حيله كاتله العطش
واني صافنه دك الجهاز ... دحكت ابويه من بعيد جة يمشي سريع
يأشر تعالووو
جاوبت بسرعه ... لين سلطان كال توجهو عالسيطره بسرعه ...
كتله ماما كوووومي ...راح نطلع
الحجيه كعدت الحيلها وكالت يايمه واني ... ماتاخذونه وياكم
ياعيني قهرتني مالها احد كتله كومي خاله والله ماطلع اذا ماخذج ويايه ...
سراب كامت تسحل بالجنط ... هي وساره والبنيه وياهم خطيه
امي طلعت اجدامنه هي وابويه واحنا وراهم الحجيه گوه تمشي
كتلها خاله انطيني اديج ..
كالت يايمه ب
دشوفي عباتي شصار بيها ....
اي خاله كلنا مثلج تراب طبعا ..
يايمه دحكي عليها عبالك جلاب متجاتله فوك عباتي .. كلها تراب
مرغلة تمرغل ...
هههههه اوف خاله والله ضحكتيني ... الله ينطيج العافية كله هذا يهون بس خل نطلع ...
اي والله بس خل نطلع ويرجعون ولدي ...
كحلاء ..بقينا نمشي ازدحام وعياااط وصياح وناس ادفع بناس ... ... الكل منهارررر ياويلي عليكم
الحجيه تكعد بالكاع من التعب ترتاح وترد تمشي واني وياهه وياهه
لحد ماوصلنا تقريبا للسيطره كالت يمه خل ارتاح شويه وارجع امشي .. كتله اكعدي خاله عادي اني واكفه يمج .. كعدتها على صفحة .. دحكت عائله نايمين بالكاع وياهم رجال جبير .. .. دحكت العسكرينزع قميصه العسكري وكام ... ويسفط بي ... بقيت صافنه عليه شراح يسوي .. .. جة يمشي عالحجي كاله حجي شو ارفع راسك ... دنج عليه ورفع راس الححي بدي .. سفط القميص مالته وخلاه جوه راسه ...
الحجي خطيه تعبان منتهي ... كاله رحم الله والديك ...
الجندي بوقتها جان من اهل البصره من لهجته عرفته ...
خطيه جة عالاطفال كام يشرب بيهم ماي واحد واحد ...
ورجع النوب عالحجي كاله ها حجي محتاج شي .. اني مثل ابنك هنا
امانة الله شتحجتاج كلي ..
تشكرو من عنده الناس ...
كلهم جا غير احنا اهل وناس تساعد بناس ... والله لو انتم يمنا بالبصره افرشلكم الكاع ورد ... وامانه الله تعالو عدنا بيوتنا مفتوحة الكم ... كامت الحجيه بوست راسه ...
وهي تبجي نزلت دمعتها ... كالتله يايبه جنت اكول مابقى بشر يرحم ... روح ابني الله يحفظك من كل مكروه .. راح ادعيلك بكل صلاة ...
اووف قشعر جسمي والله ... من شفت نخوة الجنود وشلوو يساعدون اهلنا .. ماسيطرت نزلت دمعتي ...
اخذت الحجيه وطلعت للسيطره ... لكيت ابويه مقدم الجناسي
واكفين بسد سياره عسكريه ... كعدت الحجيه يم بنتها وجيت على امي ... شفتها امورها تقريبا زينه الحمدلله ...
تقربت على ساره كتلها يالة مابقى شي ونطلع ...
دحكتلي .. وكالت .. والله لو عايفيني هناك ارحم .. عليش ماخذيني
شو روحي وعفتها بالانبار ...
لا تكولين هيج ... هسه يطلع ويرجع النا ...
شووكت كحلاء شوكت ... التفكير موتني والله ...
هسه لو بس اعرف شحاله هسه عايش طيب شكالت روحة ..
جوز عذبو جوز كتلوو كحلاء راح اموت والله ...
تقربت بستها وحضنتها كتلها لا تحجين هيج عفيه والله مابيه قهر
منين مااباوع قهرر...
واني احاجيها قاطعتني سراب وكالت ... ولكم يلةةةةة طلعنه
صديت لين ابويه ايإشر تعالو ...
شلنا الجنط واخذنه الحجيه وركضنه عالجيش...
شوي وطلعنا السيطره ...
يابه ... والله جن جنت بناااار وطلعوني منها ... بحزتها
كل الحيل صار بينه ... نررركض ومانلحك حتى الحجيه كامت تمشي سريع ... ... وصار بيها كل الحيل...
طلعنا من السيطره مسافه جبيره .. صبحت الدنيا انريد عاد بس ماي نشرب ... حلوكنه يبست . ..
ابويه عافنه وراح يدور سياره ...
واني كمت افتر اخذت ويايه البنيه الصغيره كدتها بيدي ومشيت اريد محل اريد بيت شي بي ماي ... والجو ناررر
دورت ماكو .. برجعتي ... لاكتني سياره عسكريه ...
الجيش جان صاعدين بالبدي ...
خفف السياره وكال ها خيتي محتاجة شي...
اريد احاحي الشمس بعيوني .. خليت ايدي على كصتي ماله الله يسلمك اخويه والله ادور مكان بي ماي...
كال دقيقه ... مد راسه صاح الجنود الي بالبدي كال الهم انطوها بوكس ماي...
اواني واكفه جان ينزل العسكري كال ... هاج خيتي ...
واحنا هين مفرزة واكفين ... امانه الله شتحتاجون تعاي علينه ..
وياج اخوج من اهل النجف .. ماراح نقصر ...
كفو والله ريتكم طيبين ماتقصرون ... رحم الله والديكم...
من ذبلي البوكس مالت الماي عبالك منطيني كنز ...
اخذته وطلعت اركض .. اني والبنيه .. دحكت من بعيد واكفه سياره جمسي بيضه واهلي ديصعدون بالجنط ...
اااااي واخيرا ابويه جاب سياره ... طلعت اركض وييدب الماي رافعته عالي ... كتلهم حييييت وجبتلكم ماي ...
عاد صعدنه كلنا بالسياره ... وزعت البطاله عالكل .. رغم جان الماي نار .. بس بعد مابينه نتحمل العطش ..
يومين واحنا من سياره السياره .. ونتفتر من محافضه المحافضه
تكسرنه من التعب والطريق ...
سلطان بوقتها رجع الاربيل .. راحو جابو سيارة ضرغام ورجعو انتظرونا بالسيطره ... بعد التعب والمعناة الي شفناهه ...
وصلنا سيطرة كردستان ... واحدانه منتهي يريد بس يشتم الهوى
طبك السياره السايق وانزل هو وابويه راحو واخذو الجناسي
الحجيه تنام وتكعد وتصيح ها ولجن ماوصلنا ...
عاد سراب كالت حجيه اكعدي وصلنا واخيرا ...
كعدت الحيلها الحجيه مو مصدكة كامت تلف بالكحج كالت
الله يبشرجن بالخير... عجل دكومن خل ننزل
كتله لا خاله غير نختم من الاقامة يله نعبر...
سراب ... ولج كحلاء ... جناسيجن القديمة خاف ابويه نساهن
عززززه خاف صدك ... فتحنه جنطة امي
لكيت الجناسي
بعدهن ... كتله عزه ولج اركضي ابويه راح ينطيهم المزورات فتحت الباب ونزلت اركض اني وسراب
دحكت السيطره ملياااااانة ناس من تكريت ومن موصل ومن سامراء ومن الانبار ... حييييل شكد بشر
اركض ورايه سراب تركض ورايه وعباياتنه مفتوحة عبالك بات مان ...امشي وادحك عالشبابيك اريد اعرف ابويه
على ياشباك واكف كتله سراب امشي خل تلفوف من غادي ...
احاجيها شو هاي ماترد .. صديت بسرعه ... لين سلطان
بوجهي ... واكف عيني صارت بعينه ...اريد انطق ماكدر بعد
يتبع ... التوقعات الي كتلكم عليها بالبارت الي بعدو يعني من يصلون داخل اربيل ( خل تشوف منو الي راح يحزر )
مالحكت اليوم اكمل والله ... وياريت ترفعولي المنشور لان القصه مادتظهر عد الكل ...
😔😔😔
عجبت لحال وطني إنه برغم انحرافه يتضخم ويتعظم ويتعملق ، ويملك القوة والنفوذ ، ويصنع الأشياء من الإبرة حتى الصاروخ ، ويبشر باتجاه إنساني عظيم ، ولكن مابال الإنسان فيه قد تضاءل وتهافت حتى صار في تفاهة بعوضة ، ما باله يمضي بلا حقوق ولا كرامة ولا حماية ، ما باله ينهكه الجبن والنفاق والخواء.

[لامارا]

#خيال #الكحيلة
#بقلمي_نشوى_السلطان🧚‍♂️
الفصل السابع والعشرون


دحكت السيطره ملياااااانة ناس من تكريت ومن موصل ومن سامراء ومن الانبار ... حييييل شكد بشر
اركض ورايه سراب تركض ورايه وعباياتنه مفتوحة عبالك بات مان ...امشي وادحك عالشبابيك اريد اعرف ابويه
على ياشباك واكف كتله سراب امشي خل تلفوف من غادي ...
احاجيها شو هاي ماترد .. صديت بسرعه ... لين سلطان
بوجهي ... واكف عيني صارت بعينه ...اريد انطق ماكدر بعد
دحكت بعيونه تلمع وصافن بوجهي .. لحيتة عاليه ...
ضعفان ... كمت الملم بنفسي .. واعدل بالحجاب ... جان لابس
قميص اسود وبنطرون ... فتحلي اديه الاثنين ...
همس ... كحيلتي .....
دنجت راسي وعيوني مليانه دموع ... اريد احجي ماكدر ... ...ورديت رفعت راسي ...
مشيت خطوه ... جان يجرني عليه ... حضني بقوووة ...
همس يبعد عيوني ... شلونج ...يبعد الحيل ...
سحبت راسي ودحكت بعيونه وعيوني تدمع ... اديه محاوطتني كتلة
بصوت مخنوك الحمدلله ... انت شلونك
_ اني ... اني شلوني والله ماصرت زين الا هسه ... تعاي
يبعد الروح هاي شصاير بيج ... رجع حضني ...
اوف يبعد العمر يولي شسويتي بيه ....
مسحت دموعي .. كتله گول اني شصار بيه ...
لا تبجين حبيبي تعاي...
سحبت نفسي منه دحكت على روحي ملابسي كلها تراب .. على كولت الحجيه صدك جن جلاب متجاتلات فوكاهه ... شكلي مبهذل كتلو لا تعيب عليه مو زين بيه روح ...
ابتسملي وكال ... الحلو حلو لو شما يكون ... تعاي تعاي ...
جر ايدي ... مشيت خطوتين ،. لكيت سراب وضرغام واكفين
وكوه كاتمين الضحكة ...
كتلها يولي وين اختفيتي ...!
ضرغام ... شلونج خيتي الحمدلله عالسلامة ...
الله يسلمك الحمدلله انتو شلونكم .. حجيت وياه ورحت وكفت بسد سراب ... كالت الجناسي كحلاء
اووووو جيبيهن ...
سلطان تعاي اشربي ماي شي ..امشي ويايه ... جر ايدي ..
كتله دقيقه الجناسي ... مالاتنه ابويه اخذ القديمات...
_ انطينياهن... ضرغام ... اركض وديهن العمك ...
ضرغام ... ههههه شلون يريدون يورطونه .. بالجناسي المزوره
خل اتلاحكة ...
اخذ الجناسي ضرغام ... مشيت اني وسلطان وسراب ..
وداني للحمامات .. لكيتها كتل البشر .. كتله شلون متربنه ع الاقل بس وجهي اغسله ...
كال تعاي .. اخذني بساحة ورا البنايه ... شايل بديه بطل ماي ...
كلي اكعدي ..... نزلت روحي ... كام يصبلي ماي ...
واني اغسل .. الماي بارد ثلج .. اخلي على وجهي واشهك
وهو يضحك عليه ...اخذ مني البطل ... كام هو يغسلي بيده
واني ميته خجل بساعتها ولا اكدر ادحك بوجهه مبتسمه
وهو يصب بالماي...
سراب واكفه كبالي تسجل افلام كلت اليوم ماراح نخلص من اللسانها
كمت الحيلي الشمس بوجهي حواجبي طالعات وشواربي ..
جن واحد شاب .. توه خاطات شواربه .. امشي ومخليه اديه على وجهي واحاول ابعد نفسي عنه ...
شوي وجة ضرغام ...
_ سلطان امشن ورايه خل اوديكم للسياره وبعدين نكمل من السيطره
طلعو يمشون جدامنه ضرغام وسلطان ...
سراب .. كالت كحلاءء يولي...
ها شبيج ...
كحلاء ... دحكي علينا شطالعات خرب حضي
كتله اسكتي لحد يسمعج ... شوفي اني والحواجب الطالعه
جني خبله وافتر باعي العبي ..
\ سراب... كحلاء ... خرب كلها شافتني هييييج ... ولج شواربي ينحلف بيهن...ورجليه يطركن بالحذاء ...
\ نمشي ونحجي بصوت ناصي... ...
جان يصد عليه سلطان ... كال يمعوده والله حلوه شبيج
يحجي وميت ضحك ...
اني من حجة بعد مادري وين اودي وجهي من الفشله ...
سراب وكفت بعد ماتمشي من عرفت سمعونا ...
ضرغام صد علينا وهو يضحك كال .. حلوات عمي حلوات
الله يستر عليجن بس امشن ...
سراب ... من كال هيج .. عايزه تكعد وتبجي من الفشله
سلطان حبيبي ..!
صديت عليه ها واني اضحك علو سراب
- شبيج واكفه امشي على هاي غرفة التفتيش مال النساء واطلعي كبل السياره كبالها اصعدي هساع اجيب الباقين
..لا خليك يمي لاتروح الله عليك خليك قريب مني
صفن بوجهي ابتسم .. جة سحب ايدي لزمني وكادني يم شباك اخذني مشي وصلنه الاقامه ازدحاااااااام اهلي واكفين واني ميته تعب وامي تلوب
عفت ايده وركضت على امي ،.
ها ماما دتوجعين مو ...
اي والله بنتي ماكدر اجر النفس ... الوجه اهينه ... مافارگني
داتحجي جة سلطان تقرب مني .. كال
بس خل ندخل اربيل بوجهنا للطبيب
..ياريت والله بس نريد نعرف شبيها
ان شاءالله سهلة .. لا تخافين .. ابقي هين هساع اجيج
هزيت راسي اي ... راح يمشي
..عبر عالشباك ماادري شنو حجه ويه اللي كاعد يسوي الاقامات ونطاه هويته وصاحني بسرعه رحت اخذلي صوره واخذ معلومات وورايه اهلي
نسيت الحجيه الدي دخلتها ويانه هي وبنتها تذكرت كتلو سلطااااان الحجيه
.. صفن بوجهي وكال هي
حجيه ؟؟
هاي خطية مره دخلتها ويانه من عبرنه دحك ذيج هي وبنتها ارملة يمكن والله نسيت شنو كالتلي وعدها طفلة عليك الله جيبها يسوولها الاقامه نشوف بعدين وين تروح
لا شنو وين تروح ناخذه ويانه وينها .... طلع يمشي عليها ...
كاللها حجيه تهيري حتى نختم ...
دحكت عليه وعليه صفنت كتلع اي خاله كومي
.. ها اي يمه راح اكووم والله يا يمه تكسرت رجليه عجل امج خطيه مدري شبيها
..هساع خاله بس نفوت سلطان يودينه طبيب
.. هاا بنتي منهو سلطان ؟
..خطيبي خاله يلا تعاي انتي ولو ماعرفت شنو اسمها صديت عليها
اني اسمي فاطمة وبنتي اسمها وسن
..عااشت الاسامي يلا تعالو
دنمشي جان الحجيه تكف .. دحكت على سلطان ...
جت تمشي عليه صفنت بوجهه ..
هو ابتسم كال الها ها حجيه مشبهه عليه لازم ...
: يمه وين شايفتك ؟؟
فاطمة..يمه هذا الاستاذ سلطان عضو مجلس ماتعرفي مو خيتي كحلاء
.. ابتسمت كتلها اي صح
..يايمه اكول وين شايفتك عجل هو انت زلمة كحلاء ؟؟
..اي حجيه اني حياج الله
...يااااايمه بعد روحي تستاهلها الله يحفظكم عجل خلي نروح
...ضحك كاللها اي خاله هساع
اخذتهم اني وسطان وسوينه الاقامات وخلصنه كلنه الاقامات كال يلا نتوكل وصاح على ابويه كلو اصعدو ويه ضرغام انت وعمتي والحجيه وبناتها وكحلاء وساره وليلى وسراب وياي
..كال ابويه يلا بس خل نصل ناخذها طبيب
...عجل الحجيه وين نوصلها ؟؟؟
..راح سلطان يسألها كالتلو بنتها فاطمة بيت اخت الحجيه كاعدين بفندق كالو اسم المنطقه تيراوه مدرشنو .. هيج كالت هساع اخابرها نروح يمهم
...ماشي خيتي خل نصل سهلة ضرغام يوصلكم وين ماتريدون
ضرغام اي بطيراوه قصدها ... خل نمشي
صعدنه كلت لساره اصعدي جدام يم سلطان بس ماقبلت كالت لا انتي اصعدي
صعدت بالسياره وجريت نفس قوي وصعد سلطان
...ياااااااهلا بالغوالي لو تدرون شكثر جنت خايف عليكم ..
.....
ماردت ساره ابد دحكت لسلطان جر نفس قوي شغل السياره وفتح التبريد وطلعنه
الطريق كله ساره ساكته بعدين حطت راسها عالكشن ونامت
..ادحك عالطريق انتبهت سلطان كل شوي يدحك بوجهي
ابتسمت..شبيك حبيبي ؟
..يولي مشتاقلج ... فراگج علج گلبي علچ ..
دحك بالمرايه على سراب كاللها اخيتج
تكلي شبيك ... ها يابه ...
ماتدري غيابها اخذ من حيلي حيييل
سراب ..لا كلتلها اني كلتلها هذا مو حذاء هذا مصباح سحري
سلطان ... شنهو يولي..!
كحلاء ... عوفها شاخطه هاي ماتكدر الا تحشش ههههه
سلطان ... ولله وراجن سالفه مدري شتسولفن عالعموم بس انطيني العلاكه الجوه رجلج
..سراب ... اي صدك شنهي هاي العلاكة ..
سلطان ... انطيها الكحيله
سراب ... ليش لا كحيله ... هاج عيني هاج ...
..كحلاء واني مبتسمه على حجي سراب
..انداريت اخذت العلاكه خليتها بحضني استغربت كتلو شنهو هذا
يمعوده اكلي افتحيها
فكيت العلاكة .. لين بيها نساتل وشوكولاته اللي احبهن وببسي وشوكولاته اسمها ( ميرسي ) فرنسيه اعشقها عشق دحكت عليه كتلو هاي شنو يمعود شجايب
..اكلي حبيبي بين مانصل
..شكثر جايب شسوي بي هالكد
..اكلي بألف عافيه وناوشي سراب خل تاكل
..نطيت سراب وليلى بيسي وكيك ونساتل واني هم اكلت وسراب كل ما اكد راسي تأشرلي وتقلد هههههه
دحكت سيارة ضرغام صارت بصفنه من يم بابي نزل الشباك سلطان وضرغام كلو ام كحلاء تعبانه بوجهنه عالمستشفى
سد الجام سلطان واتصل بضرغام
...بس ندخل داخل اربيل اوكف بالطريق خليها بسيارتي اني اطلع بيها اني وعمي ابو كحلاء للمستشفى والباقين وديهم للبيت ودزلي ليث ياخذ ساره وليلى والبنات
..لا سلطان اني ابقى ويه ماما اشوف شبيها
..هز راسو اي اشرلي بيده
شوي وسد الجهاز
... كال دحكن البيت اللي اخذتو چبير يطرد بي الخيل خليت الكم غرفتين
غرفه لعمي وعمتي وغرفة الج ولسراب
..ليش كم غرفة بي
..7
...حيييييييييل شدعوه
..اي مو طابقين ولازم جبير حتى يكفينا بين ما نشوف شلون بعدين
‏...‎عجل هذا ڤيلا مو بيت
..بالضبط ڤيلا بس اني اكول بيت
...وين راح نودي امي
...هساع بس نصل
.. ماشي ..
تقريباً نص ساعه هيج صرنه داخل اربيل اتصل سلطان بضرغام كلو اطبك على صفحه
طبكنه على صفحه ونزل سلطان كال انزلي اصعدي وره
نزلت وكعدت ساره كالت عجل اروح وياكم اتطمن على امج
...لا حياتي مايحتاج انتي حامل لازم ترتاحين
..سمعت سلطان كال مني الحامل ؟؟؟
..واني احجي عستني ساره عرفت ماتريدني احجي
كتلو لا ماكو شي
.. صفن عليه حس اني ماحبيت احجي سكت وكال
..يلا اصعدي انتي وليلى وسراب ويه ضرغام يوصلجن للبيت
..رحت اني ساعدت امي وركبت ليورا وبابا صعد جدام واني وامي ليورا
...طلع ضرغام جدامنه واحنه سلطان راح بغير طريق
اتصل بشخص يمكن صديقو كلو احجز غرفة بمستشفى زينه وردلي خبر يا مستشفى بسرعه لووو شوف مستشفى الرسول او المستشفى التركي وحده منهن
وصلنه تقاطع مال مرور نزل سلطان التلفون وفتح السبيكر
اسمع ذاك الولد كلو التركي غالي اكو مستشفى (بار) هم زينه بس نار غاليه
...مو مهم بس احجز بين ما اصل
..ماشي صار
دخلنه بشارع مزدحم كلو محلات ومطاعم وسيارات والترفكلايت كل شوي واحد ونوگف


...اتصل صدق سلطان ماادري شنو كله
كله ابويه...‎ابني حتى لو طوارئ
...على بختك عمي طوارئ شنو هاي المستشفيات ما الله كثر غير الاهليه باربيل
..والله ياابني غاليه
...ابشر عمي عاين بالله خير
...راح سلطان بفرع ثاني مشينه مسافه ووكفنه كبال مستشفى مكتوب ( مستشفى بار) دحكت زلمه اجه يتقدم علينه ووياه ممرضين 3 وسديه
الظاهر المستشفى جديده لأن بنائها حديث
نزل بابا واني نزلت والممرضين نزلو امي وخلوها بالسدية دخلوها جوه
وبابا راح وياها وسلطان اشرلي افوت وياهم
...دخلنا لين مايقبلون يدخلون امي للطوارئ الا ندفع تأمينات بالحسابات
..وكف بابا كتب المعلومات وسأل ابو الحسابات شكثر الفلوس ؟؟
..500 الف حجي
..صخاااام هو شسوو بعد حتى ياخذ 500
كتله اكلك هسه دشوفها شبيها خل يجي دكتور نعرف شنو المرض
وماسمعت بس صوت سلطان
...كحلاااااااء
اندرت دحكت عليه خزرني واشرلي اسكتي هزيت راسي اي وخرت من يم ابو الحسابات
وسلطان طلع فلوس حسب 500 دولار نطاه وكلو اريد دكتور فوراً واذا تطلب الامر تبات مستشفى مو مشكلة
...اجانه واحد ثاني اخذ امي فوتها للطوارئ مال مستشفى وتلكانه دكتور
خلاها بغرفه وحدهم وياه ممرضات2 طبو جوه
اني من اخذو امي عبالك اخذو روحي .. اريد ارگد بمكاني ماكدر بقيت ادعي يارب مايطلع بيها شي
دقيقه طولو وطلع الدكتور والممرضه بيدها سرنجات ساحبه منها دم للتحليل
..الدكتور كال تنام هين واشك هاي المرارة بس هساع تطلع الفحوصات وسوو السونار هذا والتحليل بس يطلع جيبو عليه
..اخذ سلطان الاوراق هو وبابا فتحتزالباب وطبيت اركض يم امي لكيتها تفتح وتغمض بعيونها كضبت راسها بديه

واديع ترجف .. يمه كلشي ولا امي كتله ... ماما شبيج شتحسين هساع ....
...شوي راح الوجع ضربتني ابره وبديت انعس
اااي احسن عجل نامي ارتاحي كمت فتحت الباب وكفت بالممر ماكو احد ..
بقيت انتظر سلطان وابويه دحكت امي نامت
طلعت عليهم سلطان يحجي ويه صاحبو وممرضين اجوي سحبو سدية ماما ودوها بالمصعد ركضت عليهم ...
...وين ماخذيها سلطان
.. جرني من ايدي شبيييج لغرفتها فوك بالطابق الثاني امشي
... ركضت وراهم رحنه صعدنه بالمصعد الثاني للطابق الثاني وحطو امي بغرفة رقم 8
..طبيت الغرفة كلشي بيها دحكت ابويه بالباب كاعد اديه على راسه... مهموووم ... جيت كعدت يمه .. كتلو بابا ماما مابيه شي
وهسه تكوم الحيلها ..
ادري بنيتي ادري ... ليش هي بس امج ... الهموم كثرت ..
حرت شجبر ششد شدهت جثيرات وعليه
صعب عدهن ... خالج كاسرظهري
هو ديححي حسيتو اختمك .. كام يم امي وغطاها زين وهي نايمه
الغرفة باااااردة بس اني احس بداخلي نااار واني صافنه طب
سلطان كال تعاي كحيله .. دحكت ابويه مكابل امي كمت فتحت الباب وطلعت وراه
.. مشيت وراه طلعنه بالممر واني امشي فتح ايدي كال
..الزمي خلي ذني الفلوس يمج
شنو ذني شسوووي بيهن..!
اهوو شبيج اخذيهن واسكتي ...
هزيت راسي اي واني صافنه ...
..كال خل اشوف الدكتور شنو يقرر بعد شوي بس يطلعن التحاليل
ان شاءالله ماييها شي يارب
ان شاءالله بس غطي هذا شعرج زين يولي اظل اعلم بيج
...ابتسمت كتلو والله تعبانه ماانتبهت
..يخسه التعب تعاي اكعدي هين
كعدنه بالممر عالكراسي سحب ايدي دحك ماكو حلقة بيدي
...حلقتج وين ؟؟ يولي
مو نطيتها لبابا ويه ذهبي
فدوه الكم اخذلج بدالها بس ارتاحوا هسه
...كلشي مااريد والله بس خليك يمي والله ردت اموت بدونك
...اشششش الموت لاتذكري وهو يحجي سحبتي خلاني جوه ايدو وايدو الثانيه لازم بيها وجهي بنيتي انتي
...ابتسمتله ومادرب ليش خجلت
...قاطعنه الممرض وجان اكوم الحيلي عدت شالي
كال الدكتور يريد احد منكم
...كام سلطان كال تجين ؟؟
..اي طبعا ...
رحنه نزلنه للدكتور دكينه الباب وفتنه
...بلي دكتور
...عيوني المريضه عدها مراره ومفتوحه لازم تنشاا فوراً
...كله سلطان عجل توكل دكتور
...تمام راح اسوي الاجراء اللازم بس كملو الحسابات واسعار العمليه
.. خوش عجل ... كلشي موجود بس المريه ياريت تسعجلون بيها
سلطان يحجاي الدكتور واني صافنه فتحت الباب وطلعت
وگلبي ناااار
جة ورايه سلطان كال اكفي .. وين محدره ..!
... صديت عليه كتلو يعني شنو ماما راح تسوي عمليه ؟؟؟
...بسيطة حبيبتي بس خلي ترتاح
...لا والله اخاف شلون
...شبيج حبيبي كولي يا الله ما سمعتي المراره لازم تنشال
مادري بس خاف ماتتحمل العمليه ..
لا لازسهله شبيج .. طلع تلفونو واتصل شويه وكال
..ليث جيب مبلغ من ابوك كلو عمي سلطان دزني ماشايل بالسياره
... كتله لااا دقيقه خلي اكول لبابا يجي يدفع واني احجي اشرلي اسكتي ..

... سكتت شوي وسد التلفون وكال كل مره اكلج احنا فلوس ماكر بيناااا امشي هساع .. خل نكمل ..
رحنه لابو الحسابات نطاه سلطان ورقة الدكتور وماادري شنو كتب بالحاسبه ونطانه وصل بي سعر العمليه
...تمام كاكا هذا جزء من المبلغ وبعد ساعه المبلغ كامل يندفع وهاي هويتي خليها يمك علما يجي المبلغ
...اوكي
...تاكلين شي ؟؟
..لا مااشتهي
..مو بكيفج امشي بس خلي ابلغ ابوج بالعمليه
دحكت للمصعد كتلو هيان ابويه جة ابويه يمشي علينا
كال ... ها بشرو شبيها امج كحلاء
..عمي المرارة لازم تنشال بسرعه
...والله شكيت بيها لا حول ولا قوة الا بالله هساع شنو الاجراء
...كملت كلشي عمي
...شكملت والحساب ؟؟
..اندفع عمي توكل بالله
..ول ابني مايصير هيج
..عمي لاتنسه انتو اهلي واحنه بوقت وازمه ياعمي ماكو فوق بينا هي هم امي
...رحم الله والديك ابني رحم الله والديك ماجذب ادهام من كال عنك ذهب
... اخ ادهام .... الله يردو سالم ان شاء الله
..عجل اني صاعد يم الحجيه
...ماشي بابا اجي وياك ..
... سلطان كرصني من ايدي .. صديت كال اششش
جرني كال تعاي
..طلعنه بره المستشفى يمها مطعم مال مستشفى
طبينه وكعدنه على طاولة حط سلطان تلفوناته والوصل مال الحسابات كال شتاكلين
...والله ماكدر اكل ...
...مو بكيفج .. هساع اجي ..
..راح يوصي واني صار عندي فضول اعرف سعر العمليه والمستشفى اخذت الوصل فتحتو
بسرعه ورجعت الورقه ...
شوي واجه سلطان
.. كال ها شبيج صافنه ..
كتلو .. هاي شنو !؟؟
..
شكو شبيج حبيبي..!
..سعر العمليه مبالغ بي كلش
..دحكي انتي بمستشفى بار مستشفى راقي وخدمتها راقية واطبائها بعد احسن
..وليش مارحنه غيرها
...اسكتي هساع احجيلي شلون ادهام راح
...جريت نفس وحجيتلو كلشي وهو صافن عليه اخير شي كلي وانتي ؟؟
..اني شنو
..انتي لو صاير بيج شي ورايحه مني جان شنو حالي هساع ؟؟
..دحكت يحجي وهو مقهورررر ... حسيته اختنك
ارتبكت ماعرفت شسوي
...لزمت ايدو
..جرني لحضنو وكال الله يخليج هيج على طول بحضني
عجل گولي تخبلت اذا بيوم عفتج وحدج ...
وهو يحجي
..دك تلفونو
كال هذا ليث
جاوبو كلو بمستشفى بار بالمطعم مالتها تعال علينا
..جابو الاكل ومشاوي وببسي ومقبلات وكللللشي طالب
..اني بس صافنه عالاكل ولا كدرت اخلي شي بحلكي ..
واني صافنه .. قاطعني صوت ليث ..
...سلاااااام عليكم
..وعليكم السلام
...يااااااهلا بكحلاء ياهلا واخيراً جيتي يمعوده العاشق ذبحنا عليج يوميه يريد يحدر غادي...
...انچب يول
..عليش انچب قابل مچذب اني احجي لووو اسكت ..
...
يول اكضب السانك يول اتخسيت شتريد تححي يعني
.. ضحكت كتلو سولف ليث بعد
...جيب الفلوس وفارجني يلا
...لا صدك امج شلونها
...راح يسوون عملية مرارة
...لااااا ماتستاهل والله يارب الشفاء العاجل
،...عجل خيتي كومي ارجعي للبيت ارتاحي
...مستحيل لازم ابقى هين يم امي
...ماشي براحتج اني اروح وانطيهم خبر هناك بلجي يجي احد من البنات هين
راح ليث وكمنه وسلطان راح دفع الفلوس كالو المغرب تدخل عمليات
...ردنا نصعد عليها للغرفة ودك تلفون سلطان دحكت مكتوب ( ام فهد ) انطاهه رفض ... رجعت اتصلت .. اني مادري شبيه من شفت اسمها گلبي كام يدك سريع ... ادحك عليه بطارف عيني
... رجعت اتصلت نوبه الخ
كال استغفر الله ..جان يفتح خط بهالاثناء
... سراب اتصلت بيه رديت عليها بسرعه
احجي وعيني على سلطان شراح تحاجي وشتريد منه ..
..ها سراب
..اكلج كحلاء اريد اكلج شي بس لاتعصبين
..شنو كولي
يتبع...
البارحة هذا البارت كتبته وكملته جيت انشر بالسحور انطيته حذف بدون ماادري .. وراح كل التعب وهذا هسه كملته
اوقات ممتعه ..

[لامارا]

الفصل الثامن والعشرون
خيال #الكحيلة
#بقلمي_نشوى_السلطان🧚‍

بهالأثناء سراب اتصلت بيه رديت عليها بسرعه
احجي وعيني على سلطان شراح تحجي وتريد منه اميرة..
ها سراب
اكلج كحلاء اريد اكلج شي بس لاتعصبين
..شنو كولي
..دحكي هين ابيت سلطان مو......
سمعت صوت ساره قاطعت سراب تكوللها سراب سرااااب تعالي هين جيبي احاجي كحلاء
...ول شبيجن فهمني
...هاااااا لالا هاي ساره تريدج وكوليلي امي شلونها
..بعد شوي تفوت للعمليات دحكي كولي لليث يجيبلنه خاوليات وكم شغله ساره تعرفهن
..هاج ساره
...هففففف فضووووني احاجيهم وعيني على سلطان
...ها ساره هلو ..
...كحوله حبيبتي شلون امج
...شلونها راح تدخل للعمليات المرارة مفتوحه هساه الساعه 5 وعشره بال5 ونص تفوت
...زين ديري بالج عليها مابينه حيل هبطة ثانيه
... اكول ساره ليش ماردتيني اكول لسلطان انتي حامل ؟؟
..اااااااااااااه بعدين حبيبه والله حتى استححي احجي
..ماشي يلا اني اروح ..
الله وياج
...سديتو وسلطان عيني عليه بعدو يحجي بالتلفون ناطيني ظهره رحت تقرب يمه عسيته بأصبعي على ظهره
اندار عليه لزم كف ايدي
...تخصرت كتلو شتريد منك ؟؟؟
وخر التلفون من اذنو وكلي ويولي اصبري ..
رجع حاجاهه مدري شيكلها بس افتهمت جم كلمه .. يكلله __
وتالي يعني شريد اسويلج انطي دوه
سد الخط بس جان يحجي بأعصاب رجع التلفون بجيبها وراح كعد عالكرسي
رحت وراه وكفت جدامو واهز برجلي
..شتريييييييييييييد منك
... رفع راسه وهو مخنزر ... اششششش صوتج
سلطان حاجيني اريد اعرف انتم مو منفصلين ليش دتخابرك
...اوووووووو ياطلابه الماتخلص
هساع بيا حال احنه امج راح تفوت العمليات امشي
...سلطان والله اذا هساع ماتكلي شتريد اتصلت عليك بالقران لساني مايطخ لسانك بعد ... مشيت ... وعفتة جان يسحبني من ايدي ...
... شبيج تخبلتي .. يولي فهد مرييييض صارلو يومين بس يذب من راسو شبيج

...استغفرك ربي يعني مثلا غير تودي طبيب لو الاتصال راح يعالج المرض طفل مريض غير تودو للطبيب لو اكو حل ثاني
يولي والله تعبان دخليني مرتاح بشوفتج امشي هساع نتطمن على امج وبعدين نسولف
.. سكتت .. هزيت راسي اي مشيت
رحنه لغرفة امي فوك طبينه الممر لكيناهم ماخذيها بالسرير يودوها للعمليات
رحت ركض عليها بستها براسها وبست ايدها حضنتني قوووووي
..ماما ارجعيلي اني انتظرج
...كحلاء ديري بالج على اخيتج سراب تره فطيره وماتعرف تدبر شي هذي اخيتج ..مالها غيرج..!
..الله يخليج ماما لا تحجين هيج ان شاء الله تطلعين بسلامه
...بوستها و جوي ابري وسلطان وكفو بسدي سلمو عليها ودعناها اخذوها وراحوا وكلتلها استودعك الله الذي لاتضيع ودائعه
بقيت اردد الدعاء وامشي رايحه راده ونزلنه يم غرفة العمليات
امي فاتت للعمليات 5 ونص ضبط ولل6 و40 دقيقة امي ماكو ماطلعت
زهگت روحي اخير شي رحت على سلطان
..اكلك ماكو احد يطلع يطمنه شلوون يعني
..بنتي اصبري ادعيلها هساع يطلع الدكتور يطمنه
...يا بابا صار ساعه وربع
سلطان__ميخالف هساع يطلعون استغفري الله وادعي
...دك تلفون سلطان كمزت اني عبالي اميره لين ضرغام يكلو وينكم بيا طابق كلو بالعمليات كبال قاطع العمليات
...رحت كعدت گلبي وجعني امي قطعة مني ماتحملت كعدت ابجي اريد اطلع هاي الحرگة اللي بكلبي ياربي شگد هموم حمل هالگلب .. ابويه شافني ابجي ..
ماتحمل عافنه وطلع خارج المكان
وسلطان جة كعد يمي جر راشي بحضنو وكعد يطبطب على چتافي
.. كافي كولي يا الله هساع تطلع شبيج ..
...امي چثير توجعت سلطان والله العظيم امي تتوجع وماتكول حتى مانشيل همها اذا صارلها شي اموت وراها
..اشششش كافي حبيبتي كومي غسلي هساع يطلعون احسبي شوي ولينها يمج ..!
كمت وياه ولين الحجيه ام ضرغام بوجهي هي وضرغام ومنال
..جت منال تركض عليه صاحت كحلاء شلونج حبيبتي
دحكت عليها واني الدمعه بعيني جن سنين صار مو شايفتها
ياربي شكد طيبة هالبنيه حضنتها وبجيت كتله منوله شلونج
مشتاقتلكم والله ..!
جت الحجية بوستني ..بنيتي كحيله شلونها امج ...
...ياعمري ياخاله ليش تعبتي روحج
...شلووون يا يممه عجل شلون مااجي يولي غير هذا ابو السلاطين شوفني الويلات الليل كله ماينامو بالو يمج يولي لا اكل لا نوم عجل شعندي غيركم
...دحكت لسلطان رفع حاجبو دحكلي ابتسم وصد غادي
.. دنجت استحيت كتلها واني احبكم يشهد الله يا خاله
جريتها كتلها تعالي اكعدي هين خاله
...كال ضرغام مابين شي ؟؟
..لا بعد والله
انداريت لمنال ..
عجل يولي وين كعدو بيت عمي ؟؟؟
..بنفس المنطقة كعدنه ضرغام وسلطان اخذولنه بيتين وشيخ حامد بيناتنه بيتين بنفس الشارع
.. هااا حلووو وين المنطقة ؟؟
...اسمها بختياري كلشي حلوه بيوتها كبار
..هاا خوش
..شخبارج ويه ذياب ؟؟
حجيت .. وجان سلطان يدحك عليه .. كال وينه ذياب شنو جة وياكم
منال ... يمكن يجي ورانه ...
شفته يدحك عليه سكتت ..
... دحكت للساعه بال7 وربع ولحد هساع امي ماطلعت بديت اقلق
..الحجيه كالت يايمه لاتخافين بس ادعي
..يارب يارررب .. ان شاءالله خير بهالاثناء
..طب علينا ليث شايل علاليك
سلم علينا
..ردينا وعليكم السلام
..هاي امي دزتهن خاوليات واكل ومدري شنو هاج منال ..
جيبهن
.. راحت اخذت العلاليك منال كالت امشي كحلاء نوديهن للغرفه وين غرفتها !؟
..صاح علينا سلطان وين وين رايحات
اكعدن ليث يوديهن
...وديهن ليث
..
صار عمي صار ..
...ادحك الساعه 8 الا عشره شنو القصه تأخرت امي
...ب8 ليث كام كال اروح كلو ضرغام ماتسوق اني اوصلك يمه
اوصل ليث وارجع
..تلفون سلطان ماسكت واني اعرفها اميره تتصل وينطي رفض 6 مرات اتصلت اخييير شي هو واكف يكلب بي اتصلت مره اخرى جان اجره من ايدو وهي تتصل فتحت خط وجان يجو التلفون من ايدي بسرررعه ... خزرني بعينه ...
...اذا عدتي هاي الحركة تشوفين مني شي مو صاير .. ايااااج تعيديها ...
...هيج اتصالاتها مهمه بحيث ماتريدني ارد عليها ؟؟؟
...لا تسولفين بكيفج اسكتي
...واذا ما سكتت ؟؟
...استغفرك ربي الصبر ياااارب


ول بابا بنيتي اهدي
....ماااااااااا اهدأ
... صاح عليه والتالي كحلاااااااء يحجي هو واني ادحك على ليث وضرغام فشلانه منهم ...
..الحجيه كالتلو :
يايمه حرمتك حقها عليش تتصل عليك ام فهد شنهو اللي تريدو بعد ؟؟ شو عايشه بعز كالت فهد وحطينه فهد بحضنها كالت اخاف عليه وجبناه يمنه شتريد انوب
...شنوووو خاله ؟؟ ليش يعني فهد وين هساع ؟ هين لو يم اميره ؟ وهي وين ؟؟
انفتح باب العميات وطلع الدكتور
...الحمدلله على سلامتها شلون جانت متحمله ماادري
المرارة مفتوحه والحصو اللي بيها ساد الاثني عشري
كمت الحيلي والكل كام ورايه يحجي الدكتور واني عيني عالصاله
كتله وين امي شلونهااا هسه ... احجي وتلفت ...
...
لزمني سلطان من ايدي وكال للدكتور هساع شلون حالتها
...مستقره الحمدلله بس هساع بالعناية المركزة ترتاح ونطلعها
..شكرا دكتور ..
الحمدلله ياربي الف الحمدلله
بابا خطية فتر بالمستشفى راح عالدكتور كله اكدر اشوفها كال الدكتور لا من تطلع للغرفة
...كعدت عالكرسي حمدت ربي چثير
هين يلا حسيت بالتعب واهجس جسمي مكسر وعيوني ثگيلة
الحجيه كالت يلا يمه هساع امشو للبيت ترتاحون وتسبحون وتاكلون لگمة وترجعون بعدين
...لا خاله مااكدر اعوف امي خاف يطلعوها للغرفه
سلطان-ماتطلع هساع تبقه بالعناية المركزة لباجر الصبح هيج نظام المستشفى امشي ارتاحي انتي تعبانه
يلا عمي امشي
..
لا ابني اني ابقى هين
..مايصير ياعمي والله ماتطلع اليوم
..ميخالف ابني
..عجل شوف اجيب حرمت اخوي حامد ووحده من البنات تبات هين واخلي ضرغام وياهن وانت بالليل اجي اخذك ترتاح
..لا سلطان خابر سراب يجيبها احد هين واني ارجع بس اسبح

حاجيته بس بداخلي ضجت من صاح بيه رغم اني تسرعت واخذ الجهاز منه ادري بنفسي بس ماتحملت ...
..
سلطان وين صافنه خابريها وكوليلها ترجع ويه ضرغام
... دحكتلو صفح كتلو صار راح اخابر .. طلعت التلفون وكفت على صفحه اتصلت على سراب
وبسرعه جاوبتني ...
... الوووو ها كحلاء هاااه بشري
..طلعت امي وزينه الحمدلله ...
...اييييييي يا الله الف الحمدلله ساره امي طلعت تكول كحلاء زينه
.. اكلج اسمعي راح اجي اني اسبح وانتي ترجعين ويه ضرغام راح يوصل ليث للبيت حضري ملابسج وياج .
.. هااا اني يعني اجي ويا ضرغام ...!
اي شبيج ماتسوعبين
هاا اي زين ماشي
سديت الخط كتلو بابا راح تجي يمك سراب اني ماتاخر بس اذب اهدومي واجي
اي بنيتي الله وياكم اني هين باقي
... طلعنه بس بالي يم ابويه جان يبين تعبان خطيه
...طلعنه بره المستشفى على سيارة سلطان ركبنه اني ومنال ليوره والحجيه جدام
...طلع سلطان عالشارع ادحك الله شكثر حلوه اربيل وشكثر حلو النظام بيها شلون نظافة وشوارع حلوه ومحلات تخبل الله يحفظها لأهلها
...الطريق كله يحجون واني نعست چثييييير صافنه والسوالف اسمعها مثل الحلم بدون شعوررر غفيت
عالكشن
شوي حسيت بصوت منال وهي تكلي كحلاء اكعدي وصلنا ...
فتحت عيوني ... لين سلطان يدحك عليه واني نايمه
ابتسم كال اكعدي ... بين عليج التعب..!
فتحلي باب السياره نزلت ... اوويلي جسمي مشنك
مكسر گوه امشي ...
دحكت البيت ماشاءالله جبيررر ... كتلو هاي وين احنه شو بس كراج ..
منال ... كحلاء البيت خريطتها الكراج جوه البيت تعاي اصعدي...
مشه سلطان جدامنه واني مشيت وراه ...
صعدنا عالدرج .. دحكت البيت من بره يخبل عالي الواجهه حلوه
فتح الباب سلطان وفات ... كالت منال شبيج امشي ..
سحبتني من ايدي وفتنه...
بعدني بالباب وجان ادحك باسكيل مالت اطفال والعاب .. بالكاع
واني صافنه جان يجي فهد يركض كال بابا بابا ...
صديت راسي عليه . لين فهد لابس دشداشة بيضه
جة يركض على سلطان كضبه من رجليه ...
سلطان صد عليه وجان يشيله ...
منال... هلا فهودي هلا بالشيخ ...
اني يحجون وبس صافنه .... دحكت هذا الهول يعني ...
جان اسمع اميره تكول ... تعال فهودي تعال ماما ...
صديت ورايه ... لين اميره كاعده .. خاله رجل على رجل
لابسه كلابيه ذهبي تشبه القفطان ... صابغه شعرها اشقر ورافعته عالي ... والمكياج عالاخر ... المكان ريحته تجنن العطر تارس الغرفه ... بعد اريد احجي ماكدر ...
جت منال عليه كالت تعاي ... امشي الغرفتج ...
صديت على سلطان .. كال امشي ويا البنات ...
اميره ... ابو فهد ... شلون اليوم نودي فهودي لو لا
سلطان ... شبي. فهد هيان مابي شي ماحاجة نودي ...
لا مو هو يتحسن ويرجع ينتكس ... خاف يزود ...
اني يحجون وعيني بالكاع ..
شفتها دمي نشف
اهجس جسمي صار ثلج
شديصير ؟؟؟؟
ادحك عليها تحاجي سلطان وفهد وعيوني على سلطان اريدو بس يبرر بس يحجي شي
..گلبي اهجس وكع من شي عااااالي للكاع
شلت رجليه كوووووه وطلعت خارج المكان ركضت رككككككض على الباب الخارجي للشارع طلعت امشي سرييييييع شافني ليث بره
...كحلاء شبيج
ول اكفي
...طلعت اركض امشي ودموعي بدت تنزل
ابجييييييييي على خيبة الامل اللي نطانياها سلطان على حظي على حبي على گلبي نظرات اميره وهي ادحك عليه وشمتانه ابالي ياررربي ليش هيج ....
ليش سلطان ؟؟؟ ليييييييييييييش
اسمع صوتو يصيح عليه سلطان
مااهتميت بقيت امشي ومااعرف وين اروح
وماحسيت بس ايد سلطان جرتني وسحبني عليه جمدددت
دحك بوجهي
...عليج بغلات عيوني اكفي افهمج
..هزيت راسي لا
ليش ؟؟ ها ليش ؟؟ بشنو اذيتك اني ؟ شنو سويت حتى هيج تسوي ؟؟ سلطان تعرف انت شسويت ؟؟
كسرت گلبي سلطان ليييييييييش
ما ممما ادري يعني حسيت اني اللي ماالي مكان ليش هيج سويت
ليش ماكتلي ليشششش ماحجيت ...
اشتححين يولي ... عاب گلبي اذا اكسر گلبج تعاي امشي
جريت ايدي ماا اجي وخررر
يولي لا تحجين هيج امشي داكلج
وووووين امشي مالي مكان بعد بهالليت ....
يولي لا تخبلين عليه ... س امشي واني افهمج
شتفهمني هااا شتفهمني...! كلشي واضح ... واضح
موجعها ومنتهي كلشي حتى حجاب مالابسه جدامك تريد تقنعني منفصلين
يولي تعاي عااااد... جرني من ايدي ومشه ليث بقى واكف يدحك علينا غادي حرني مامشيت
...لا اله الا الله
...اريد اروح يم امي وخر
..اني اوديج
..
لالالا مااروح وياك وخر
...شوووووو تعااااااااي انتي مو مال عيني واغاتي
شاني وخلاني بحضه مثل الطفل ... يمشي واني اصيح نزلني والله راح اصيح والم الناس عليك ...
اني احجي وهو ولا عبالك ...
طبيت لين ساره وسراب ومنال والحجيه واكفين بالحديقه ويحجون بعصبيه
كالت الحجيه..
يمه لا يروح بالج بعيد والله
اني يحجون واني معلگة فوك شايني
ادحك ساره وسراب ومنال يضحكن عليه .. واني نار وشابة بداخلي
طبيت للهول واني بحظنه لين اميره كبالي ...
يتبع ... رجاءا بدون تجاوز على اصحاب القصه
طلبتوا مني اتكلمكم كحلاء وكلمتكم وسلمت عليكم
مابيها شي البنيه حالها حالكم ما اجايه من المريخ
الله يعزكم ... انتم الي تنتقدون وادقوون على اصغر
شي شراح تستفادوون...