آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-12-19, 06:28 AM
| #41 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  االفصل لتاسع والثلاثون مساء النرجس ..❤️ #خيال #الكحيلة #بقلمي_نشوى_السلطان🧚♂️ تقرب مني اكثر فتحلي ايديه اثنينهن كال: تعالي هين ويأشر على صدرة.. مو هذا مكانج؟ تعالي هين انسي كلشيبس تعالي دحگت عليه كمت رحت يمه خليت نفسي بحضنه حضني قووووي -اني اسف حقج عليه ميخالف انسي حبيبي بقيت ابچي ميخالف حبيبي خلص اهدي فتح تلفونه يگلب بالأسماء طلع رقم سارة واتصل عليها واني بحضنه دنج عليه باسني من گصتي وحجة كال الوو ام ليلى عسى ما كعدتج من النوم سكت شوي ماسمعت شتگله سارة -عجل خلي ادهام يجيبچ لو تخابرين ضرغام ولاااااتگولين انتي جاية علينا هين مااكوشي تعالي هساع مو وكت حچي سد الخط وگط التلفون لزمني من ايديه رفعني على صدرة شالني وصار راسي على كتفه وخلاني عالسرير غطاني وباسني من كصتي وباس ايدي ووخر مني بسسرعه لزمت ايدو -لاتروح خليك يمي ..اي هين يمج اني صعد يمي وتمدد بسدي نطيتو ظهري وسحبني لحضنه خله ايدو جوه راسي ونزل وجهو على وجهي -غمضي عيونج وسولفيلي اللي مضوجچ شنو وراح اسمع ما احجي كلمة -ماتزعل مني ..ابددد وغلات عيونچ -والله احبك اريدك يمي بس يعني مااكدر اللي تريدو مني صعب -ليش صعب حبيبي هي هاي سنة الحياة عجل ليش تزوجنه اذا ماتريدين اتقربلچ ؟ -مووو هيج هفففف ماتفهمني ..احچي انتي وفهميني ابويه انتي -مااكدر اسوي هالشي احس بتعب لا تجبرني ..تمام خلص ها هي حبيبي ..انداريت عليه وهو يلمس خدودي بأصابعه راح تبقى تحبني ؟ ..للموت وعيونج ..ليش خابرت سارة -هيج تجي نتعلل سوه ..زين راح انام من تجي كعدني -تمام نامي .... غمضت عيوني سلطان يدندن صوت اغنية ويلعب بشعري لخد ماانمت بس حسيت رجلية ثگلت وشي يصعد على رجلي مثل الريشة وصل ليم خصري وصار حاااااااااااااار ردت اكعد ما كدرت وبقه فتره طويلة شفت نفسي بعالم ثاني مكان لووونه مثل النار وحااار وحدي واركض وشعري مفتوح يغطي عيوني ما اشوف شي ركضت ادحك بنية بعيد واكفه اجت تركض عليه شايله بيدها عصا تركض وراية رجعت اركض ليوره ارررركض وكعت بمكان غميج جفلت كعدت من نومي مفزوووووعه واني اصيح ماماااااااااااا ..كحلاء اصحي حبيبي اشووووف اكعدي فتحت سلطان يخض بيه فتحت عيوني دحكت سلطان يمي وساره و ادحك لنفسي عرگااااااانة ..سلطان ماي اريد ماي ركضت ساره عالماي ... صحت طلعوني من هين طلعوووووني ماابقى هين ساره اخذنيني وياج اريد ماما الله يخليكم اخذوني خالي على صوتي جان بالغرفه الثانيه فات يركض اخذ الماي من ساره كال ..خلص خالو اهدي هاج اشربي ماي جابلي الماي سلطان قربه لحلكي كال سمي بسم الله دفعت الكلاص بكل قوتي على سلطان ..انتتتتتت وخررررر عنيييييييييي رووووووح - صفن بوجهي وكال اهدي تمام حبيبي خلص سارة-الوضع مو صحيح هيج اللي گلته الكم صح لاتناقشوني يلا اني البسها كومي كحلاء حبيبتي غيري ملابسج نروح -كمت اهجس نفسي جسمي مكسسسسر تعبانه حيلي راح ادحك سلطان يروح ويجي بالغرفة وصاح عليه خالي ادهام طلعو بره الغرفة وساره تنزعني وتلبسني واني ماحركت نفسي ..كملتلي ساره وصاحت عليهم اني مادحكت بوجههم كالت هاج الشال البسي ..ما البس اختنگت سلطان-ماشي ميخالف يلا امشي نروح -وين نروح -للبيت ..وامي هناك ؟ -اي اكيد حبيبي يلا امشي كمت كضبت سلطان وساره من الجهة الثانية وخالي جدامنة ..دحكي ساره اني نعسانه -هساع نصل وتنامين بحزتها امشي وجسمي منعنع وكأن سبوع صار مو نايمه ..صعدنا المصعد وحدرنا جوا ماادري الساعة جانت شكثر بس مبين نص الليل نزلت بدون حجاب من وصلنه جوا سلطان ذب عليه الشال وراح ماادري وين طلعوني بره للسيارة صعدتني ساره وخالي ادهام يسوق شوي واجه سلطان تحرك خالي خليت راسي عالكشن بس راسي طبللللل خليت راسي ريحت جسمي همه يحجوو براسي اني غفييت وماكعدوني لما وصلنه الحرس اجوي على سلطان ماادري شيكلهم اني فكيت باب السيارة وحدرت سارة-كحلااااء هساع يزكح بيج سلطان تعالي محدر من هين مارديت عليها حدرت وعفتها وكفت يم سلطان وهو يحاجي الحرس -سلطان افتح الباب اجت عليه ساره كضبتي نكتت ايدها واحد من الحرس فتح الباب وطبيت ودخلو وراية سلطان-من باب المطبخ كحلاء بدون صوت للغرفة اصعدو طبينه وصعدنه اني وسارة فوك صعدت الدرجات واني داايخة وصلنه الغرفة طبينه ..اريد انام ..ماشي يلا نامي لا مو وحدي ابقي هين ..ماشي يلا نزعت حذائي وتمددت وكطيت الشال دخل سلطان ..روحي خيتي ادهام جوا وتعالي الصبح من وكت اشوف شلون -طول بالك يخوي سوي الوصيتك بي ..ان شاء الله اني بس اسمع حچيهم نمت بعد ماحسيت ماااااكعدت لنص الليل فتحت سلطان بصفي نايم ... حسيت جسمي متوجع رجعت غفيت وماكعدت الا على صوت الباب يندك كعدت فتحت دحكت للغرفه .. مثل المفزوعه دخل سلطان وكال ..اني حبيبي يلا عمري الساعه 12 وربع واهلج هين وامج وبيت عمج يلا صحصحي اسبحي وانزلي ..تعبانه اريد ابقه نايمة -زين بس اسبحي كومي يلا حبيبي شبيج عبالك امبنجة ..مابيه -اساعدج اني بس كليلي شنو تلبسين ..اريد فستان مو دشداشة .صار بس ماريد اشوف المرض عليج وال ابويه مثل الورد جنتي شجرالج رفعت راسي علية كتلو والله مادري طلعلي فستان سلطان ولزمني -بس الزميني يلا نروح للحمام ..طلعنه الغرفة رحنه لحمام سلطان محد يسبح بي بس هو لاكتنه زهراء اخت ذياب ومنال جانو صاعدين للمخزن منال-هلا بالعروووووس صح النوم عيني ..هلوووو حياتي شلونج ..تمام بس شبيج وجهچ اصفر سلطان-معدتها تأذيها هساع شوي وتحدر ..اساعدها اني تسبح -لا اني هين مايحتاج ..عجل احنه ننزل كم شغله للمطبخ -طبينه للحمام استحيت انه سلطان يسبحني بس جسمي يأذيني ونحلانه سلطان اني اسبح رفعت راسي كتلو لاااا -والله دحگي اذا تحبين خلي المنشفة على جسمج بس اغسلج شعرج واعوفج لاتستحين مني -اي ..لكيت البانيو متروس ماي دافي لزم ايدي سلطان وخليت رجلي بالبانيو نزلت رجلي بي فتح شعري سلطان وذب عليه ماي كف ردانات دشداشته خلالي شامبو ودلكلي شعري ..غمضي لاتفتحين حبيبتي اي احد يسألج على نيشانچ لاتحچين شي مانريد يصير قال وقيل وتعرفين النسوان شلون تحور السالفة گولي يم سلطان لا تنطقين حرف وتكولين غير هذا الكلام ..اي ماشي خلص اني اكمل ..ماشي اني بالغرفة انتظرج طلع سلطان وكملت غسل ونشفت شعري وجسمي وبدلت وطلعت لكيت زهراء يم الحمام تروح وتجي بس دحكت عليه ونزلت رحت للغرفة لكيت سلطان مبدل دشداشتة وتعطر وكال اني محدر كملي وحدرب مشطت شعري ونشفته بالشسوار ردت اخلي مكياج بس ماصارلي واهس بس كحله وحمره وتعطرت حدرت حدرت الدرج وصلت الدرجتين الاخيرة البنات كلهن هلهلن واجت سراب عليه تركض حضنتني -الف مبروووووك حياتي وماما كاعده دخكت عليه والفرح بعيونها حدرت بسرعه رحت اركض عليها حضنتها قووووووي والحجيه ام ضرغام تهلهل سلمت عليهم كلهم كعدت يمهم بس حرمت عمي ام ذياب هي وزهراء كامت بسرعه وكالت احنه نترخص ام ضرغام-وين يمه الغدا صاير -مايحتاج حجيه احنه مو غربة دحكت عليه سوتلي حركة بحلكها ومشت -شبيها هاي شو مدري شتأشر عفتها واللتهيت ويا البنات لل2 صبن الغدا البنات وكمت ساعدتهم تغدينه وكملنة سلطان يروح ويرجع للربعه وعينو علية بقينا بالهول البنات يسولفون بالزفه والعرس اني بديت احس بتعب كمت الحيلي ترخصت منهم وصعدت للغرفة والحجية ام ضرغام صاحت على امي تجي وياي كالتلها يمه شوفي كحلاء خاف اتريد شي منج صعدت فوك طبيت الغرفة وامي اجت وياي -نزعت الفستان لبست دشداشة وكعدت اافتر بالغرفه مثل الواحد الايبه روحة -ها حبيبتي طمنيني -على شنو ؟ ..يعني اللي بالي وبالج ؟ سكتت مارديت كحلاء حاجيني لا تستحين اني امج ... تقربلج سلطان تمت الامور على خير مووو ! .. لا -شنو لا بنتي -يعني لا ماصار شي -لطمت امي على وجهها عزززززه عالماتلچ ليش يولي -ماكدرت -شنوووو ماكدرتي ؟ دحكي بوجهي شنوووو ماكدرتي ..ماكدرت هي مو بالغصب ولا كوة -شنوووووووو عجل ليش تزوجتي يمه ؟ يدحگ لطولج لو يحطج بجام خانه عزه عليج كحلاء شكال علينه الزلمة يولي شبيج ..اهووووووووو يمه تره عادي ..دحگي اليوم ان ماصار والله ياكحلاء اتصرف وياج غير تصرف فاهمه ؟؟ -مايصير ولا راح يصير اشششش ولا كلام كتلج اليوم يعني اليوم موبكييييفكم ماكدر عوفوني واني احجي ضربتني راشدي امي بقوه -والله يا كحلاء اوصلها لابوج واني مدنكة ولازمة وجهي انفتح الباب سلطان فات وسد الباب -عمه استهدي بالله الشغلة يمي .. يمة يافشلتنه منك يايمه هاي ماتنطي عين -خلص عمه ولايهمج لاتوصلين الموضوع لأحد خلص يمي اترجاج عمتي عوفيها وال يسألج كولي شفت نيشانها ..ول يا يمة ياعيبة العيبة منك ول يمه شبيها بنتنا بيها عيب احنه ناخذها -لاااااا عمه توكلي بالله بعدين نسولف طلعت امي وهي خازرتنل تتحسب علية كعدت عالسرير كمت ابجي اختنكت -اني شگلتلج .. الله يخليك عوفني اريد انام -ول ابوية شسالفتج ..مابية اني طالع بشغل ماشي اخذي راحتج طلع سلطان بس حسيته مقهور ضايج اني بقيت وحدي بقيت افكر ياربي شصايرلي والله راسي راح ينفجر نمت الله ذب عليه النوم وما اشبع اهجس نفسي تعبانة ويييين وكعدتني الحجيه ام ضرغام -ول يمه مايصير لهساع نايمة الدنيا مغرب كومي يلا حبيبة ..اي خالة كمت عدلت نفسي وغسلت ولبست شال وحدرت مر اليوم عادي خطار وناس تجي ولليل كلمن راح لغرفته اني هم صعدت وسلطان ماطول نص ساعه واجه وراية وبيده فراش ماحاچاني شي خلاه بالكاع وجر البطانيه والمخده كام نزع الدشداشه علگة بقى بالسروال والفانيله ... كعدت عالجودليه بالكاع -شبيك ؟ -سلامتج حبيبي مابية -عجل ليش نمت هين ..حتى ما اضايقج ..بس اني ماكلت ضايقتني ..نفورج مني واضح نامي ..سلطان والله مو بيدي اني ماادري ليش هيج -تمام لاتفكرين عوفي السالفة خلصصصص -شوكت امتحاناتي -اسبوع الجاي -ماعندي كتب -باجر تجيج الكتب هاي هي موو! هزيت راسي اي ... جر الغطى تغطة وصد غادي وبيده التلفون مرت 3 ايام الوضع تقريبا عادي وسلطان جابلي كم كتاب ماحصلنه الباقي وبديت ادرس عالتلفون شنو يدزولي صديقاتي اقراه بيومها سلطان كال راح اطلع لسليمانية عدهم شغل هناك يبات ليلة ويرجع حسيت روحي تريد تطلع مدي ومامدي يروح اخذ جنطته بالغرفة واني عالسرير ادرس كمت لحيلي وكفت جدامة كتله سلطان يسد بالجنطة جان ... كال ها كحلاء .. تعرفني احبك مو ؟ -اي ..ليش ماتحاچيني عجل مثل قبل -اسألي نفسج ..اني مابيه شي -شكد صار على زواجنه ؟؟5 ايام مو لو واحد غيري والله يجبرج من اول لحظة بس طولت بالي عموماً راجعي نفسج من ارجع اني قبلتي او رفضتي مايبقه الوضع هيج يعني شنو دقيقه اكف مارد عافني وطلع وبقيت بالغرفة وحدي صفنه توديني وصفنه تجيبني تذكرت حجايته من كلي مايبقى الوضع هيجي حسيت بخوووف رفعت راسي وكلت يارب سهلها عليه شبيه اني رجعت ادرس للمغرب ضجت وحدرت جوه لكيت مره يمنه كاعده هي والحجيه ام ضرغاام وامي وسارة وام محمد حرمت الشيخ تقدملهم عصاير صفننت منو هاي المره وجمعهم هالجمعه سلمت عليهم والمره صاحتني اكعد يمها صفنت عليها امي كالت حدري يمه اكعدي بسدها مشيت واني ماعرف شنو ومنو هاي كعدت يمها انتبهت محد بالبيت وين الولد ؟؟ سارة -كلهم ويه سلطان بس محمد بقه هين وطالع ويه ربعه اجاني صوت من يم المره انداريت عليها تقره قرأن سكتت شوي بديت احتصر خنگني متت اريد اتنفس مااكدر كمت من يمها وكفت اريد امشي جرتني شهد كتلها -عوفيني اللي اتذكرو جانت تقرة بسورة البقرة اختنگت تخبلت اريد بس اطلع من بين ايديهم ادحك البخور بالمبخرة كبالي ... احتصرت صحت -خلاااااص عوفوووني راح اموت مامااااااا كمت ارجف واديه الاثنين على راسي ... -قرت المره مااذكر شنو كمت اني كضبوني البنات كلهم اهجس روحي تريد تطلع ويقرون ماادري شنو تخبلت ماادري شلون خلصت نفسي رحت اركض لباب المطبخ وشهد وراي عيني اجت على باب الخارجي انفتح لين ذياب بوجهي وكفت كتلهم وخرو عني ... ذياب فات يمشي وياه منال صاح شكو شبيج شبيها يولو ساره ماكو شي خيي تعاي كحلاء فوتي .... ماريد لحد يقره عليه شبيكم تره اني مو مخبلةة عوفوني صاح ذياب يله جوه امشي جدامي التلطلع الباب اكسر رجليها وين تريدين تولين .... شفته خازرني بعينه وشكله حاقد اتذكرت لمن اخذني من الكليه وحبسني وكص شعري ادية على راسي وصوت القرأن براسي يتكرر .. صحت وخروو اريد اطلع ركضت عالباب مثل طير بقفص ويريد بس يفر ... روحة مفرفحة واني اركض سمعت .. ذياب يصيح للحرس على واحد منهم ابراهييييييييم سد الباب وكفت بمكاني ماتحركت بس دموعي تجري انسد الباب بسرعه اللتفتت ذياب كال اني ماكتلج لا تطلعين جة يمشي عليه وكضب اديه وكال بصوت ناصي ... اعلمج يولي اعلمج كسرتي رگابنا طبي جوه لا ادفنج هينه كاضب ايدي بقوه وعاصرها عصر كتله شبيييك شبيه يعني ماتدرين شبيه ... فضحتينا جدام الزلمة ... عبالج الحجي ماوصل الي .. ادري كلش زين فوتي اني اعمل دبرتج سهلة جت منال وساره فكو ايدي منه وهو عينه ماشالها مني خازرني ويدك بنظرات غريبة ... مشيت واني التفلفت ورايه شبي هذا اخذتني سارة طببتني للبيت ومنال بقت واكفه يم ذياب ... اسمعه يكللها ماكدر افوت هين انلزگ بسالفه جديده كوليله خل تركح وتكعد لا بالحرام اكسر راسها ... منال تهدي بي وهو يصيح عليه ... كتله ساره شبي ذياب عوفي ماعليج بي تعاي غسلي وجهج ... جرتني عالسنگ غسلت وجهي احسه نار حرگانه ... سحبت نفس عميق ... كتلها منو هاي المريه وشجابها هين هاي المريه خوش مره تقره للمحسوده وللمسحور الها زين يعني شنو ليش اني شبيه حبيبتي امرج غريب عجيب انتي نفسج انتبهي التصرفاتج .. تتوقعين صحيحة _ مادري ساره تعبت من نفسي بس شبيدي ... ساره ... تعاي امشي ... كادتني طبيت على كيفي من يم الهول حتى المره ماتشوفني اخذتني للربعه اسمع ام ضرغام تكللها جيبيها خل تقرالها ساره كالت الها بعدين عمه ... خل ترتاح طبينا وطبكت الباب.. كالت اكعدي .. كعدت وكعدتني بسدها اسمعي كحلاء اني اعرف بلي صار شنو الي صار يعني شوفي سلطان ديحاول يمثل بس اخويه واعرفه وانت وضعج موطبيعي يااختي ليش تخلين الناس تحطج بغير خانه يعني شنو ... يعني ليش مانعه سلطان يتقرب الج دقيقه شمدريج انتي ... حبيبتي من الفندق من اجيت عليج فهمت السالفه واضحة وسلطان كاسر خاطري جان يتمنى هاليوم بس انتي ماعرف شبيج اني اقترحت عليهم نجيب المره زين وسلطان يدري ... لا مايدري شعليه هو ... اني اريد تصيرين زينه بس اني شبيه يعني مسحورلي ...! شي اكيد حبيبتي منال ونور ذني مايكعدن راحة وشفتي غرفتج سابقا مو كلتي تتخايلين اصوات وماي بفراشج اي والله اكلكم بس محد يصدكني لا عمري مصدكيج والله بس هسه الي اريده منج تتعالجين زين شلون اتعالج اذاني لحد الان بيها صوت .. جسمي دحكي عليه يرجف اتحملي حبيبتي والله كاسرين خلطري انتو ماتهنيتو بعرسكم المريه كالت راح انطيها ماي تسبح بي وحجاب تشيلي بصدرج لحد ماتصيرين زينه ... والبيت يوميه راح اشغل بي القران صفنت كتلها اي بس هسه عوفوني تعبانه جسمي يأذيني عادي حبيبتي شوي شوي تصيرين زينه صدكي راح ترتاحين علوووواه والله اتمنى ... الله كريم ياعمري كومي هسه بدلي اللبسي تره انتي عروس ليش تخلين الكل ينتبه وسلطان تجي حجايه وانت كذالك ميخالف بس ذياب من حاجاني وكأن يعرف انو سلطان مامتقرب الي شلون يعني شكلك هوا يكلي كسرتي ركابنا والله العظيم اني مو هيج والله حبيبتي اعرف بس ذياب شمدري ماعرف راح اتخبل معقول سلطان حجاله مسسسسستحيل اكفي مو سلطان مره كلي علو اساس ذياب كايله انو هو من ماخذني بيت عمي متقرب اليه اي عمه بعينه شلون هيج يكول اي والله شفتي خبالاته وين وصلته ... عززه جوز جان فاقد عصبي والله مامتوقعه منه هالحجايه شلون ينطي ببنت عمه مو هذا حضي غيررر يااااا تذكرت هسه من خابرني سلطان يكلي ذياب الكلب ايييي مو اكلج حتى لو مستحيل سلطان يكوله ويسوي عليج سالفه جان تقرب الج وتاكد شبيج ساره مو اكلج حاول وحاول واني اصده يااااا يمعوده والله تصير سوالف شبيج خايفه ساره ماعرف موبيدي كتلج اختنك احتصر اخاف مادري شبيه اووو الله يعينج ... هسه كلشي يرجع طبيعي بس كولي ياالله ونعم بالله بس خايفه من سلطان لا يسمع ذياب سامع راح يزيد الشك زين هو ذياب منين سمع وج مادري راح اتخبل بس صدكي ذياب من ديكلي هيج معناهه سامع ويدري ... خرب حضي شلون فضيحة والله بعد استحي ادحك بوجه احد وخاصه شيخ حامد شراح يكولون عليه لا لا محد راح يعرف سدي السالفه والله كريم كومي الغرفتج بدلي تعطري وكافي هموم هاي احلى ايام حياتج عوفي القهر اي راح احاول اكون اقوه ... كادتني ساره فتحلي الباب طلعت كبل صعدت الغرفتي ركض ماريد احد يصيحني ... طبيت للغرفه .. فتحت الكنتور ... اريد اطلع. كلابيه ابدل اتذكرت سلطان ... ماخابر ليش ركضت عالتلفون دحكت ولا مكالمه ... اخابره ... اي خل اشوفه وينه ... طلعت سحل المكالمات كلها على مريم نزلت للاخير لكيت اسمه اتصلت ... دك لحد ماافصل ماكو رد ... اتصلت مره اخرى وبسرعه نهيت الاتصال رجعت كطيت التلفون ... طلعت الفستان خليته عالسرير وكعدت ... صفنت اتذكررت كلام ذياب وتصرف سلطان كمت اخبط افكاري تشتت .. ضميت رجيله لصدري. عيني عالفستان اريد اكوم اللبس اسبح ماكدر احس نفسي متوجعه تمددت ... ماكدرت اكوم ... بقيت صافنه لحد مانمت ... حلمت ... مثل العنكبوت يشبهه جبير. لازگ بكل سقف الغرفه وين مااودي عيوني واحد اسود. ملزوگ يخيف شكلهم ... فتحت عيوني واني مرعوبه ... بسرعه دحكت للسكف ماشفت شي اخذت نفس ... تذكرت كلام ساره من كالت سحر ... زين معقول كل هاي الي ديصير ويايه بسبب السحر ... حسبي الله عليج اميره وعلى امثالج ... دحكت الساعه تسعه الدنيا ليل .. كمت اخذا البرنص وطلعت للحمام سبحت كملت حسيت شوي ارتاحيت .. .. طلعت بالممر ... دحكت من فوك المحجل .. شفت الكل مجموعين وريحة الاكل ديسوون البنات بالعشى جوعانه ... شبيه عازله نفسي خل انزل ... مشيت لباب الغرفة شفته شوي مفتوح ... اني بالبرنص .. تقربت ليم الباب عطر سلطان ... صار بخشمي دفعت الباب بأصابيعي ... دحكتله كاعد عالجربايه مبدل لابس سروال وفانيله ودينزع بالساعه ... اني شعري يقطر ماي مفتوح على وجهي ولافه نفسي بالبرنص بس قصير ... صد عليه ... كمت المملم بنفسي ... طبيت وطبكت الباب ورايه وكفت بسد الكنتور .. كتله ها رجعتو. اي رجعنه شلونج ... زينه اتصلت بيك ماترد جنت اخابر بالانتضار ... اكلتي لا بعد بس جوعانه ... ماشي اللبسي وحدري ... جه يمشي فتح الكنتور ... شال القاط ديعلگ بي ... بصفي واكف كتله عوفه اني اعلگهن ... لا ماكو فرق... ماحب ملابسي تبقى بدون تعليگ شبيك سلطان ... صد عليه وكال شبيه ..! اي شبيك ... ضحك ضحكة وهو يستهزء كال والله يكولون عريس والناس تباركلي ... بس لو باقي عزابي ارحملي ليش .... هههههههه ليش ... سامعه بالي يشوف ويسوف .... هذا ارحم من حالي ... هااااا...! واني احجي جرني خله ايده على خصري وهو خازني بعينه دگ راسه براسي ... همس والتالي _ شنوو..! ولج ارحمي حاااالي ... سكتت بس جسمي يرجف ... للحضه حسيت نفسي اريده مشتاكتله قرب شفته خلاهه على شفتي ... بده يبوس بيه واني ماتحرگ كوه. لازمة نفسي .. شالني بسرعه رفعني عالي وداني للسرير ... خلاني عالسرير رفعت راسي اريد احجي خلة ايده على حلگي وكال .... محتاجج يكفي عاد ... تلعثمت سحبت اللحاف عليه ... همست سلطان يكفي خوف وتردد عوفيني كلي لهفة وشوگ اني سلطان العليان بس جدامج مثل طفل محتاجج يكفي عناد اريدج حسي جر اللحاف مني وكطه غادي ... تقرب مني جرني عليه خله راسو قريب من اذاني وهمس... احبج احبج احبج .. بصوت ناصي جرني قوي اخذني بحضنة ... يتبع .....❤️ | ||||
|  |
|
27-12-19, 06:30 AM
| #42 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #الفصل الاربعون خيال #الكحيلة #بقلمي_نشوى_السلطان🧚♂️ جر اللحاف مني وگطه غادي....تقرب مني جرني عليه خله راسو قريب من اذاني وهمس... احبچ احبچ احبچ بصوت ناصي جرني قوي اخذني بحضنة... بهالاثناء اندك الباب وخر وكال هي مضعوف بخت جة هالحزه كتلو ترررررة الباب مفتووح عادي عادي محد يفوت لا تخافين.... صاح منووو شهد اني اني كولي يولي هاااا شكووو ابويه يكول خل يحدرون يتعشون سلميلي عليه جثيررر شنووو...! روحي مني ول ياب هي عشى انتي دعوفيني يعني ماتريدون لو شنووو خرب هاي واحد شيحجي وياهه اكلو كلو بس فارجينييييي اي اي بكيفكم ... دحك عليه وهو كاضب حنجي كال ... بطرانين هذوله سكتت مارديت صافنه واحاحي اكوم لو لا ماعرف وهو رجع تقرب وهمس ها حبيبي شبيج مابيها شي مرتاحة .. يبعد حيلي هزيت راسي اي .. - عجل سلميلي نفسچ وفكري بكل لحظة حلوة بيناتنه غمضي عيونچ ورخي جسمچ فكري بكلشي حلو يحچي وايده تفتح ملابسي والبرنص غمضت عيوني وبده يبوسني من وجناتي وعيوني وخدودي ويهمس حبيبتي وروحي وعمري للحظة حسيت نفسي اني مرتاحة حسيت كأنما كان اكو ثگل على صدري وبده ينزاح بلحظة حسيت بكل حركة من سلطان بيها شفا سلمت نفسي اله وروحي وكل شبر بيه سلمتها اله يمكن توجعت تألمت شوي بس نسيييييييت الدنيا سلمتله نفسي بكل رضا وارتاحيت عبالك اليوم ليلة عرسي وعطرو دخل بأنفاسي هذا حبيبي وروحي ودنيتي اللي حبيته كمت احاجي نفسي احاول اوهم نفسي انو اني اي احبه وماكو سحر بالدنيا يبعدني عنه للحظة حسيت على سلطان وخر مني بسرعة بدووون اي كلام فتحت عيوني دحگت سلطان كاعد يمي مدنج راسه وحسيت بألم حاولت اكعد وغطيت نفسي بسرعة مستغربة ردة فعل سلطان بقيت ساكته ماحجيت شي ... بس ماحسيته فرحان بقيت ادحك عليه ..سؤال وجاوبيني عليه بدون اي كذب ..هزيت راسي اي ..ليش ماطلع ؟؟؟ وين الدم كحلاء ؟؟؟؟؟ ...ش شش شنو ؟ دحگت لنفسي فعلاً ماكو دم بس اني متوجعة اكو ألم بس ماكو دم ولااااا قطرة رفعت راسي على سلطان هزيت راسي مااا مااعرف والله ..تقرب مني لزمني من ذراعي بقوة حيل وقربني يمه كال: يعني شنو ماتعرفين ؟ عجل منو اليعرف ؟ لهذا چنتي ترفضين اتقربلج مووو؟ زين..من سألتچ بالفندق وگلتلچ كحلاء احچيلي اذا حچيتي راح اتفهم الموضوع بس اذا عرفت بنفسي ما ارحمچ ليش ما حچيتي ؟ ..شحجي شبيييك والله ما ادري ليش ماكو دم مااعرف والله العظيم اني ... جرني قوي من ايدي ..اااااااااخ سلطان شبييييك ...اشششششششش تعرفين من شوكت اعرف ؟؟ من اول يوم خطفج بي ذياب بسسسس گلت راح تحچيلي وتفتحيلي گلبچ وتعتبريني سند بس للأسف ..لالااااااا والله سلطان مو صحيح ذياب كذاب والله وغلاتك عندي موهيج كلشي مسوالي والله احجي و ابچي تقربت منه كام من يمي ..ايااااااج تتقربين مني ... جريت البرنص ولبسته ... واني دموعي ماوكفت جنت متصوره راح يفرح وراح اشيل نص هالهم الي عليه دحكت عليه لبس وراح وكف غادي طلع جكارة وكام يدخن اني بمكاني كاعده مارفعت راسي .. بس دموعي على وجهي كتلو سلطان مو انت جنت تكول اتمنى هااليوم سلطان والله العظيم اني نضيفة ومابشر بالدنيا غيرك لمسني كتلج كاااافي خلص سدي الحجي ماريد اسمعج زين ليش لان مااكدر بعد اتحملج ولا اتحمل احجاية منج زين واني شنو مصيري ... يعني ماراح تقبلني بحياتك اشششش دحگي جدام اهلي نسولف عادي وماتبينين الهم شي بس هييييييين بالغرفة ماتتقربين مني ولا يطخ لسانج لساني تبقين عرضي وشرفي ولا راح أأذيج بشي تبقين هين يمي لفتره ربعدها حتى محد يجيب طاريج بالشينة ودوام ماكو كلية وجامعة ماكو..تلفون ماكو وطلعة بدوني ماكو واذا شفتچ واكفة بالباب الخارجي اكسر رجلچ تريدين شي تكليلي غيره ماكو هذا الصار ماتحچي لبشر حتى لسارة وامج اذا سمعت طالعة منج كلمة ادفنچ هين وحسابي وياج بس ارجع من يم ذياب ..اني بس صافنه عليه شنو اللي كاعد يحچيه وعيوني تصب دموع تخبلت كمت من مكاني هو يلبس بالدشداشة ... شال الباكيت والجداحة تقربت يمه .. واني ارجف نسيت الالم ونسيت كلشي حبيبي اترجاك اسمعني ..اندار عليه كال: -كحلاء اطلعي برا روحي من وجهي لازم اعصابي عنج لاااااااا وحق ربچ ادفنج هين ..سلطااا.. اطلعييييييي كتلج بس ابدل ماشي رجعت ليورا دحگ عليه واني فتحت الكنتور عالسريع لبست دشداشة وجريت الشال رحت للباب وراه امشي جان يزكح بية بصوت عالي -اكفي خليج هين لاتنزلين بقيت بمكاني ودموعي تصب جسمي يرجف مو متخيلة الصار // ليش ياربي لييييييييش شبية اني والله مااعرف ليش ماكو دم دحگت لجسمي متوجعة بس ماكو دم شلون هيج سلطان يشك بية شلون ذياب يحچي عني هيج شلون كل هذا صار ياربي ارحمني يارب انت تعرف اني ماسويت الغلط يارب هذا زوجي وحبيبي لاتخلي الشك بگلبة يارب ساعدني ابچي واحاچي ربي انتهييييييييت حسيت خلص انتهت حياتي وانتهى وياها كلشي بقيت ابچي كعدت يم الكنتور بالكاع رجيت ظهري وسحبت رجليه وابجي ليش مامكتوبلي افرح ليش ياربي انفتح باب الغرفة... رفعت لين سلطان فات ..راح يصعدولچ اكيد شيسالوج ماتنطقين حرررررف افتهمتي ؟؟ والقران اذبحج ..هزيت راسي اي طلع بسرعه وطبك الباب وراه من شفته هيج يعاملني ومصدك انهاريت فوك مااني منهارة بقيت الطم ملخت نفسي متت ليش هيج صار لييييييش بقيت بمكاني ماتحركت اهجس الدنيا تفتر بية لشوي اندك باب الغرفة ماحجيت شي اندك مره ثانية وانفتح دخلت ام محمد حرمة شيخ حامد والحجية ام ضرغام ام محمد-يا شبيج حبيبتي ليش هين شجالج خاف ضغطج نازل ماسمعت بس هلاهل الحجية ام ضرغام انوب الله ذب علية كل البچي متت قهر اااااااااخ ياربي ام ضرغام-يايمة بنيتي صلي على النبي ميخالف لاتخافين دحكي انفك عنكم السحر والله العظيم هساع ترتاحون والله ادري بي سحورة المصگوعة اميرة كومي بنيتي اسبحي الف مبارك يوم الولد الصالح ياربي هي كالت هيج واني حضنت ام محمد وبچيت بچييييييييي وظليت بس اكول يارب يارب ام محمد-كومي حبيبتي يلا فوتي وتوضي حتى تصلين ..اي اصلي والله اصلي محتاجة لربي چثير بس اعزل الغرفة ..اني ارتبها روحي بنتي شبيج ترجفين اذا ماتكدرين هساع ارتاحي شوي وفوتي /// اخذت البرنص وخاولي جديد وطبيت للحمام طبيت وكعدت ابچي بس ابچي طولت واني كضيتها بجي وقهر شفتهمت من عرسي شفتهمت ياربي افرجهاااا فتحت الماي وبديت اسبح سبحت وكملت وطلعت رحت للغرفة لكيت الحجية فاتحه حرمل وفاتحين قرآن جسمي تشنج وحسيت اطرافي بدت تخدر بس تحملت كعدت انشف شعري والحجيه مستمره تقره ايات شلت شعري كالت صلي يمه هزيت راسي اي فرشت السجادة وكفت عليها اريد انطق حرف ماكدرت جسمي صار صخرررر وكفت كتلها -خاله الله يخليج افتحي الباب راح اختنگ - يايمممه مايصير تحملي حتى تتعافين ..الله يخليج خاله مااكدر والله مااكدر -زين بنيتي بس شوي شوي عيني نفسج واني ماده السجاده واكفه امد ايدي اريد اشيلها وارد اتعوذ صليت بسرعه وشلتها ... عافتني الحجية ونزلت شويه ارتاحيت تذكرت تلفوني عالميز تواليت اخذتو وفتحت فيس كعدت اكلب بي وفتحت يوتيوب طلعت مسلسلات اكلب احاول انسى لا تعشيت ولا نزلت ولا اكدر اشوف احد ... دحكت الساعه 2 ونص واني اكلب بالتلفون خلص شحن كمت اريد اخلي عالشحن ونعست وسلطان ماكو ومااكدر اتصل بي كمت وانفتح الباب لين سلطان جمدت رجعت بمكاني دحگ عليه مدلي ايدو وكال: ..جيبي التلفون نطيتو التلفون وچان يرگعو بالحايط جفلت خليت ايديه على اذاني -منا ورايح ماكو تلفون حكت عليه شكله منهاررررر منتهي عيونه حمررر -شبيك سلطان -لاتسألين ولاتلعبين دور الزوجة خلص هين ما الج علاقة بية ..اخذ ملابس وطلع ركضت وراه اشرلي بيدي اررررجعي طلع وطبگ الباب ... رجع السينارويو كله صار جدام عيوني اتذكرت لمن تقرب مني وشلون جانت ردة فعله ... اختنكت وبجيت .... فتحت الكنتور ... بدلت ملابسي لبست دشداشة بدون ردان وقصيره مال نوم تمددت بمكاني وغمضت عيوني واني ادموعي عالمخده مابطلن وره شويه حسيت انفتح الباب مدخل سلطان سابح جر تلفونه وتمدد يمي بس بعيد عني واتصل بأحد وفتح المايك ..بيمن يتصل ساعه 3 الفجر -ماسمعت بس الوووو صوت اميرة هذا انداريت عليه واني بصدمة ... شنو الديحاول يسووي ..هلا ابو فهد -هلا باجر حضريلي فهد الصبح اجي اخذو ..تدلل من عيوني ..يلا تصبحون على خير ..وانت من اهله يالغالي -شنو هاي ؟؟ ساعه 3 تتصل بيها ؟ ..وانت شعليج ... نامي وسدي سوالفج -شنووووو شعليج ؟؟ شنو هالمعاملة شنوهذا الشك شبيك سلطان اصصصصصصحى دحك عليه اني كحلاء شجااااك ليش هيج والله اني ماسويت شي -اي واضح ...سلطاااااااااااااااان اني اشرف من الشرف اياك تتهمني بشي والله اعوفلك البيت واروح يم اهلي -اوك يمكن ماصار من اول مره تعالي نجرب مره ثانية يمكن اطلع متوهم اني لو مااشوف -والله ماتلمسني ..بكيفج هو ؟؟ اني مو تشوفني بنطرك ساقطه سدي حلكج لا اكصو للسانج وهسه شتريددد وخررر .... ... جرني قوي عليه وتقرب دقعته وخررر حسسسسج كافي تعاتجييين يولي. رجع كضبني. واخذنه الحضنه تخبلت نفسسسس الشعور اجاني واهجس الغرفة صارت نار عووووووفني سلطاااااااااان وخر عنييييييي دفعته وهو كام -شفتي ؟؟ لاتكولين ظالمني اقسسسسسم بالله من هين ورايح اني خللللللللل اسكت احسن .. لا تهدد كتلك مووذنبي ومن باجر اروح لاهلي -اكسر راسج والله اطلعي وشوفي ..حسبي الله ونعم الوكيل والله والله الي ابالك موصحيح دحك عليه وهو تعبان بنظره تكسر الگلب كضب راسو بقوه وكال كاااااافي مااتحملج بعد صد غادي انطاني ظهرو ونام بقيت بمكاني اتكلب كل شوي امد ايدي عليه وارجع اسحب نفسي احسه كاعد مو نايم بس ماايندار عليه اني مانمت لحد ماصبحت الدنيا غفيت شوي وفتحت ماحسيت على سلطان من طالع بس سمعت صوت صياح جوه كعدت لبست بسرعة ماادري شلون ونزلت لين منال بالهول وكاعدين يتريكون كلهم وهي واكفه جدام سلطان منال ليش شمسوي ذياب غير اعرف زلمتچ اللي يهد على حرمتي بغيابي ويحچي كلام اكبر من راسو مالو رجل عندي وصليله هالكلام ... كام سلطان من الريوك وكال: رد وكف وكال الها اسمعوني زين ذياب مايدخل البيت لابحضوري ولا بغيابي الزلمة اللي يتهجم على حرمتي ويحچي معاها حچي طالع نازل ينكص لسانو ليث -لا ياااااانذل كام ليث ورا سلطان وصاح بي شيخ حامد -اكعد هين يول سلطان الشغلة يمي يخوي -لا شيخ الشغلة طلعت من ماعونها وانتي منال اني اللي ربيتچ واني اللي شايلچ على كتافي وتبقين بنيتي مو بس بنت عمي شوكت ماتجين احطج على راسي ابقى سندج وحزام ظهرج بس زلمتچ طايح حظ ادحك عليهم وكسرت بگلبي منال تقدمت عليها وكفت جدامها كلتلها: -سامحيني كلو مني ..ماالج دخل انتي كحلاء ولا شايله بگلبي عليج من رخصتكم عافتنه وطلعت منال وراحت وراها الحجيه وضرغام صاح عليه شيخ حامد -تعالي هين يمي رحت كعدت يمه كاللهم صبو جاي لكحيلة صبتلي شهد الچاي وكالت : -تره امتحانكم بعد يومين ..ما امتحن شيخ حامد-ليش ؟ ..مايقبل سلطان -مو بكيفو تمتحين واني اوديج مالج علاقة -صدك والله ؟؟؟؟ -تعرفين كلمتي ماتنزل الكاع حاولت ابتسم رغم الوجع الي بداخلي ... خلت كبالي شهد الريوك ... /// مر اليوم عادي ومابينت لأحد هيج صار بيناتنه اني وسلطان ونظفت البيت اني وشهد لهيت نفسي للعصر وسلطان ماكو المغرب جت علينا ساره هي وخالي رحت اركض على خالي كعدنه بالحديقة وام محمد جابت الچاي والكيك وكعدنه نسولف ساره صاحتني وكمت وياها طبينه بالمطبخ هي تغسل بالسنك وتحچي: -كحلاء راح نخطب سراب لضرغام هاليومين ..صدك والله ؟؟؟؟ شو ماادري ..هههههه صارت اليوم حجيت اني وخالج ويه ابوج وامج اخذنه موافقة مبدئية وراح اكول لشيخ حامد حتى هو يفتح الموضوع ..الله يسعدهم يارررربي -احمممم عفيه عليج سمعتي كلامي وريحتي سلطان ارتبكت كلتلها ااااي احسن -شبيج حبيبتي ؟ -لا ماكو شي بس بعدني تعبانه ..عادي شويه شويه بس افتحي قران اسمعي وصلي -ماكدرت اصلي اقطع بيها ..ميخالف واحنه نساعدج نعرفها هاي سحور من اول يوم شهد حجت ..اي واضح من هاي البارحه ب3 الفجر اتصل بيها -منو اتصل ؟ -سلطان خابر اميره جدامي يكللها باجر اجي اخذ فهد -يااااااا -والله ..اني اتصرف لاتخافين -الله عليج لاتكليلة اني حجيتلج -تمام لاتخافين اليوم اطمن امج خطية -بعدها زعلانه مني مو -باجر عازميكم عالغدة انتي وسلطان اجينه ننطيكم خبر -صدك -والله اذا مالحكنه بي انتي كليله -ماشي رجعنه بالحديقة وشيخ حامد كاعد هو ومحمد يحجون بموضوع ضرغام وسراب وكال لخالي يبلغ اهلي انه يوم الجمعة يروحون مشية شويه وراحو خالي وسارة ردت اخابر سراب بس شلون ماعندي تلفون اوف كلشي صار بالعكس وين جنت وين صرت رحت للمطبخ ويه شهد وامها اساعدهم بالعشا لل9 خلصنه العشا وصبينه تونه كعدنه وفات سلطان سلم وصعد فوك واني كمت صعدت وراه حتى ما احسسهم بشي صعدت وصلت الغرفة وفتحت الباب لكيته يبدل طبيت وطبكت الباب ورايه ... كتلو ..تحتاج شي .. لا دا اطلع من الغرفة وكال : مصرة تكسرين كلامي .. بشنو؟ كايله لابو محمد علمود الامتحانات -لا هو سألني وكلتله ما امتحن كال ليش كلتله انت ماتقبل -هااا -اي وعادي ماامتحن -خير ان شاء الله باجر اهلي عازمينة عالغدة ساره بلغتني -ماشي ردت انزل كال: اكعدي هين لاتنزلين -مانعسانه -اي افتحي تلفزيون -كعدت فتحت التلفزيون وبدلت ملابسي وفتحت شعري واكلب بالقنوات ماكو شي شفت قناة مصرية طالعة مسرحية عادل امام مدرسة المشاغبين بقيت اتفرج وسلطان اتصل بضرغام: صعدلي البريد اوقعه دزه بيد شهد اني بقيت اتفرج واضحك من كل گلبي اضحك ماعرف شلون كدرت انسى شوي واضحك شوي ودكت الباب شهد صحت فوووتي شهودة شايله كارتون بي اوراق خلته عالسرير وبيدها علاكة -هاي الج كحوله -شنو هاي ؟ -حلويات محمد جاب الج والي - اممممم عجل اكعدي هين يمي ناكل ..لااا مايصير انزل سلطان-اكعدي عمي لاتنزلين -عجل اجيب الببسي والباقي واجي نزلت شهد وسلطان كال غيري ملابسج بدون وعي گلتله اي حبيبي دحك عليه مارد ورجع يوقع الاوراق بدلت عالسريع واجت شهد -صبينه ببسي وطلعنه حب نكرز ونذب ونضحك ونستال وكيك والمسرحية مستمرة واحنه نضحك اخير شي مقطع عادل امام تسألة الممثلة سهير البابلي وهو يجاوبها تكله تعرف ايه عن المنطق ؟؟ ضحكت بصووووت عاااالي هههههههه يمه بطني شهد عفيه كافي اجت عيني عالمراية مال الكنتور سلطان يدحك عليه ومبتسم ساعه ونص هيج احنه بس ناكل ونتفرج كالت شهد نعست كامت وكالت بابا يكول باجر العصر ياخذنه اني وياج نروح نشتري ملابس للأمتحان دحكت على سلطان ما حجه شي ..ان شاء الله راحت شهد لميت الوسخ والكلاصات ونزلتهن جوه غسلت وصعدت فوك مشيت وحسيت احد يمشي وياي ويطخني تخبلت ركضت للغرفة فتحت الباب وسديته ووكفت وره الباب اتنفس سريع -شبيج يولي ..سلطان اكو شي هين والله -ماكوشي لاتخافين .. والله اكو -تعالي هين وكافي دلع ... رحت يمه طبيت جوه الفراش وخليت راسي بصدره ماتحرك هو ولا اهتم ... سحبت نفسي بقيت افكر علما نمت كعدت الصبح ساعه 11 وسلطان بعدو نايم كمت بدلت ونزلت جوه لكيتهم كاعدين شفتهم مخبوصين -منو هين شهد -بيت خال بابا اهل اميرة -شنوووو همه مو بالانبار ؟؟؟ -اي طالعين وواصلين اربيل الصبح .. هين اني صدك انضربت براسي الحجية شافتني اشوتلي تعاي .. مشيت وراهه بسرعه سحبتني للغرفة -اسمعيني يمة عينج على زلمتچ ولاتخافين ما اسمح لأميره تسوي شي طاوعيني اصعدي كعدي زلمتج والبسي واكشخي وحدري وياه -هزيت راسي اي صعدت كوه وصلت الغرفة فتحن الباب وطبيت طبكته ادحك عليه نايم وايده على كصته لابس الفانيله سوده كلش لايكة عليه بقيت اتأمل شكله ... ودي اخذه الحضني اظمه شكد محتاجته ثنيت رجليه وكعدت قريب يمه .. همست بصوت ناصب سلطان سلطاااان اكعد هين خطار يمكم ..هااا منو هين ..بيت خالك من الانبار ..شنو ؟؟ شوكت جوي ..من الصبح ..زين كام من الفراش ..اطلعلك ملابس ..مااريد طلع هو ملابسه وراح للحمام اني بدلت لبست فستان لونه رماني طوخ وخليت مكياج بعدني احط مكياج وفات سلطان دا اخلي مسكارا يمشي ويدحك عليه ..ها خير شدعوه هلكد مكياج -مو عروس عشتووو واهلي اليوم عازميه المفروض هساع رايحين ماحجه شي لبس ساعتو وتعطر ونزل جوا اني خليت مكياجي ولبست ذهبي ولفيت شالي عدل ونزلت وصلت الهول لين ام اميره بالهول كاعدة والبنات يمها سلمت والحجيه ام ضرغام صلت على النبي واني رحت اسلم على ام اميرة وبوستها كالت: -شوكت تزوجتي ؟ -صار اسبوع كعدت واني على نار شلون هيج سلطان ماراح نروح لبيت اهلي متت قهر ام اميره تباوعلي من فوووووك ليجوه .. كمت كتلهم اني اساعد شهد وخاله ام محمد من رخصتكم ام ضرغام-لا يمه هساع تروحون لأهلج عيب تأخرتو وين ضرغام يوووول ضرغام هساع اني اصيح ابوفهد ..هين ادحك لوجه ام اميره صاااار دم لو بيدها تكوم تاكلني كامت الحجيه واني بقيت كاعده وياها -عجل من وراج تنطرد بنتي من هين ؟؟ ..نعم ؟؟؟ واني شنو !؟ بنتج لو تخاف الله محد يطلعها -كل عقلج تبقين بهذا البيت ؟؟ -اي بيت زلمتي دحكي خاله مادام الله موجود محد يضرنه مادام الله يعرف ويشوف عمايل الظالم بعدني احچي وفات سلطان ..السلام عليكم الحمدلله على السلامه ..الله يسلمك يمه ولو عندي عتب وياك خليتلك امانه هين وماصنت الامانة سلطان-الأمانة لو چانت تخاف الله اخليها على راسي بس اليلعب بذيلو ينگص حجية يكفي الشفتو من تزوجت لهساع من عمايل وسحورالنسوان حجيه من رخصتج معزوم ابيت عمي يلا كحيلة ..اني يحجي واني اتبسم هو كال هيج سلطان واني عصافيري طااااارن كمت الحيلي واني الفرحة بوجهي مشيت رحت يمه وهو حط ايدو على ظهري وسحبني عليه جدام ام اميره حسيتها تريد تنفجر ابتسمت وطلعنه من باب المطبخ طلعنه برا وصعدت بالسيارة وشغل السياره سلطان وطلعنه يسوق وهو ساكت ولا حجة ويايه لشوي وكال -شوكت تكومين تصلين خاتون ؟؟ -هاا والله ماكدرت -اي عفيه انطي مجال للشيطان اكثر من هيج هو مطيح حظج شتنتظرين بعد ..ماكدرت والله حاولت ..نوصل بيت اهلج وتصلين وياي ..ماتوضيت وخليت مكياج -امسحي عادي ..سكتت انداريت عالجام ادحك عالشارع -ها خير ؟؟؟ ..لا ماكو شي وين وايح مو هذا طريقنه -خما نروح ايدنه فارغة ..ها اي ..نزلنه يم سوبر ماركت تيمارت نزلت كال وين يابع محدره ارجعي ارجعي رجعت فتحت الباب وصعدت راح هو عشر دقايق ورجع بيدو علبة ماكنتوش وعلبة جواهر الطريق كله ساكت من وصلنه بيت اهلي كال: -مثل ماوصيتج ماتنطقين حرف عالصار ..اي نزلنه ودكينه الباب ..شوي وفتح بابا الباب ...الف هلا ..هلا بيك عمي السلام عليكم ..هلا ابني حياكم ..حضنت بابا وبست ايدو بابا حضني قووووووي كال: ...هلا بغاليتي حبيبة ابوها الغالية نورتي بيتج يابعد بيتي ..حبيبي بابا فتنه جوا طبيت كبلللل للمطبخ -اني اجييييييت سراب-هلا هلا الحوووش والبيت امتله كلووووووولووووووش ..ههههههههههههههه حياااااااتي حضنتني سراب وبوستها وبوست ساره وليلى ول ليووووووول شلونج حبحب ليلى-اني زيييييينه دحكت لماما ناطيتني ظهرها رحت يمها دحكت بوجها عيونها بيها دموع -اني اسفة ماما حقج عليه وبستها من راسها دحكتلي وكامت تبجي -اني اسفه حبيبة ماما حضنتني وكامت تبجي تذكرت الصار بيني وبين سلطان وبچييييت من كل گلبي سراب-يولي مكياجج راح صرتي مثل دب الباندا خخخخخ ...عابتلج مسحت دموعي -اجه خالي كال كحلاء ابوفهد يكول خل تتوضه ..ها اي سارة-هااا صليتي ..لا بس سلطان كال تصلين وياي -حجيت وياه البارحه اجانه هين -صدك شوكت ؟ -والله وحجيت وياه وفهمتو كلشي ..ياااا من هاي مدري شلون حاجه ام اميره -شنوووو شجابها ..غير اجوي من الصبح ..اهووووووو عاد ادهام-يولي يلا ..اي اي ساره اريد امسح مكياجي ..تعالي للغرفة رحت ويه سارة للغرفة وطلعتلي قطن مكياج ومزيل مكياج وكعدت امسحو خلصت ورحت للحمام اتوضى اتوضى واهجس جسمي يثگل بس دست على نفسي كلت يارب تعوذت الشيطان بس راسي صار ينبض طلعت من الحمام لفيت الشال رحت للربعة كاعدين بيها سلطان-توضيتي ؟ ..اي ..يلا تعالي نصلي -مامصلين لسه ؟؟ ..اي بابا هساع -زين عجل صلو ..طلع بابا من الربعة وساره صاحت خالي ..سلطان راسي يأذيني -ميخالف يلا حتى لو تتعبين قاومي كحلاء هذا ربج لازم تهزمين الشيطان لاتخلي اقوى منج حتى لو بس ركعتين ..احاول .. ..بده سلطان يكبر واني شوي وراه بمسافة بس رجلية ترررررجف بدينه اول ركعة كلت اعوذ بالله من الشيطان الرجيم بسم الله الرحمن الرحيم(الحمدلله رب العالمين الرحمن الرحيم ) يقراها سلطان بصوت واني احرك شفايفي بس بدت رجليه تخدر اريد اگع بعد مابية اوگف مااعرف شلون كملت الركعتين وكمت ... سلطان بعده يصلي ... طبيت للهول لكيت ابويه وكلهم كاعدين كالت امي شبيج تعبانه ... ماعرف ماما مادكدر اصلي اشرلي ابويه رحت كعدت يمه خليت راسي على ايده وسحبني من راسي وكال: ..تتحسنين ان شاء الله بس لاتكطعين الاذكار والمعوذات ابد وحاولي تصلين حتى لو تتعبين ..اي اجت ساره فرشت السفره وسراب جابت لبن وعصاير وماي خليت راسي عالحايط وغمضت عاد اجاني صوت سلطان -اشربي دحكت صابلي كلاص لبن اخذتو منو وشربت كعدنه نتغدة ويسولفون بالوضع سلطان وخالي وبابا كالت سراب: يولي تلفونج وين ليش مغلق .. اريد احجي وجان يكول سلطان -عاطل حاجيها على تلفوني الزين راح اخلي يمها سراب-ماشي تغدينه وخلصنه وشلنه السفره ساره صبت الچاي وكعدنه سوه الساعه صارت ب3 ونص العصر سلطان فتح موضوع ضرغام جان ادحك سراب كامت من يمنه ضحكت عليها سلطان-عمي احنه اهل بس الاصول اصول اذا انت موافق باجر المشية وشتطلب تاخذه من عيوني ضرغام ابن عمي وايدي اليمين اعتمد عليه بكلشي وزلمة والنعم منه ينشد بي الظهر يشهد الله مو لأن ابن عمي لا والله بس زلمة ماكو مثلة واذا البنيه مو موافقة مابيها شي من حقها وحقكم ..لا والله والنعم منك ومن ضرغام بس تعرف الشرع اذا البنيه موافقة اني ناطي ..اسألو سراب كامت امي عليها واني ميته ضحك بكلبي هي غير تبصم بالعشرة مو بس توافق شوي واجت امي كالت موافقة ..بيها الخير عجل باجر العصر المشية يمك عمامي وولدهم هين سكنو بمنطقة (كسنزان ) وبمجمع الزيتون كلهم جو هين الباقين بسليمانيه وراح يجون ..يلا نترخص -وين يابه بعد وكت -والله عمي عندي شغل كمت اني ولبست حذائي وطلعنه سلمت عليهم اني وسلطان وطلعنه دحك عليه كال تريدين تبقين يم اهلج عادي لااااا اجي وياك ... براحتج ... صعدت السيارة وطلعنه سلطان كدام الكل يعاملني زين بس من نصير وحدنه لا حتى مايحاچيني اربيل ازدحام فات من شارع 40 يسموه برايتي كتله سطان نعم ... قربنه الشارع الاطباء اي وتره اندل ؟ اقصد اريد انزل لدكتورا شتسوين خير ... مريضه اريد انزل ... مابيج شي عرج مايطكج لا الله يخليك اريد اروح ... اسمعي اكولج تره اني كوه متحمل ماعايزني دلع لا شفتيني اعاملج زين تره نار بداخلي ماتنوصف السالفه عالجتني علج .... سلطان اترك الحجي كتلك اريد اروح لدكتوره تريد وراهه تطلكني طلكني والدكتوره شحابها هسه كتلك مررررريضه اشششش احجي عدل اللسانج طولان ... يله حدري ووكف جدام مجمع طبي نزلت بقيت واكفه جة يمي لزم ايدي ومشيت وياه طبينه المجمع صعدنه طابق ثاني وكفنه يم سكرتيرة دكتور سلطان-اختي اريد حجز بأسم كحلاء البنيه كالت اي كدامكم 2 ..دحكت مكتوب الدكتورة (لانا) اخصائية نسائية وتوليد دحكت لسلطان .. سكتت خير شكو صافنه بوجهي ... لازم تذكرتي سوالفج لااا والله عجل صدي غادي وعوفيني .... سكتت كام يكلب بتلفونه .. كتلو سلطان -استغفر الله اوو خلص ماحجي ... سكتت فاتن بنات وحده وره الثانيه نص ساعه وصاحت السكرتيرة كحلاء دحكت عليها كالت فوتي كمت وسلطان كاعد ..تفوت وياها ؟ ..لا يابه ... عفته وفتت للدكتوره ... سلمت كالت كولي حبيبتي شعندج كعدت يمها خير بنتي بديت احجي من الصفر ... وشرحت الها وضعي واني ابجي كتله دكتوره وحق الله مابشر لمسني ... بس ماعرف ليش هيج صار ويايه الدكتوره ... لاااا حبيبتي ليش تبجين امسحي ادموعج انطتني الكلينس ... كالت اصعدي افحصج ... صعدت واني مدري شبيه ارجف وابجي ... شوي وخرت مني كالت وين زوجج لازم يجي رجعت كعدت عالميز ودكت الجرس .... يتبع احتمال باجر مااكد انزل لان عندي مراجعه نزلتو هسه واذا باجر ماطلعت راح انزل اخر تحياتي ...❤️ | ||||
|
| |
|
27-12-19, 06:41 AM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الواحد والاربعون خيال #الكحيلة #بقلمي_نشوى_السلطان🧚♂️ الدكتوره ... لاااا حبيبتي ليش تبجين امسحي ادموعج انطتني الكلينس ... كالت اصعدي افحصج ... صعدت واني مدري شبيه ارجف وابجي ... شوي وخرت مني كالت وين زوجج لازم يجي رجعت كعدت عالميز ودكت الجرس .... يعني دكتوره انزل ... كملتي ،.. اي حبيبتي تعالي ... كمت دانزل .. سمعت الباب انفتح .. عدلت نفسي... ورجعت كعدت بمكاني ... حبيبتي زوجج كتيلي بره مو ..! اي موجود هو الي جابني ... خل يتفضل .. بقيت كاعده بمكاني بس اهجس نار بداخلي ... دموعي مثل الجمر تنزل ... واني مدنجة دخل هو... السلام عليكم ... دكتورا لانا ... اهلا تفضل .. رفعت راسي ودموعي على خدي ... انتبهت لردة فعله يدحك عليه واني ابجي والدكتورا كاعده ... كال خير شكو شبيها زوجتي ... وكف بسدي وكضب ايدي ... لا لا مابيها شي بس اني حبيت تكون موجود حتى تسمع الي راح اكولة ... من كالت هيج هو يمكن حس بموضووع الخشاء شفته دنج راسه وسكت ... رجع كعد بالكرسي المقابيلي د.لانا- زوجتك اجت وشرحتلي حالتها وفهمتني بالي صار - دكتورا السالفه طويلة واني جثير امور خلتني اطلع من طوري اعرف هي شريفه اعرف هي طاهره لكن القصه مو مثل مامتخيلها عقلج هين اني حجيت كتلو لا شكيت وكتلي ذياب متقرب الج يولي على كيفج لا تصيحين ... الدكتورا ... منو ذياب ... يولي انتي شتسولفين سدي الحجي مو وكته لا مااسدو خل تسمع الدكتوره بالي صار احسن الدكتوره امسحي ادموعج حبيبتي ... هاج كالتلو ممكن تشرحلي بالتفصيل حتى اكدر اشرح الكم بقى ساكت مارد بس يدحك عليه شلون ابجي الدكتوره كالت كملو حتو افهم ... لحظة عزيزتي هسه افهمج ... من اول يوم ردت اتقربلها ماقبلت وقدرت كلت ميخالف تخاف وردة فعل وثاني يوم وثالث ورابع نفس الشي تعبت واني صابر عليها واحاجيها مثل الطفل .. داريتها ماعرف شنو البيها جانت حيل خايفه وتبجي ومنهاره ... اجيتها بالسياسه شوي شوي لانت عاد هين هي وسلمتني نفسها تقربت منها حاولت وماطلع دم مانطتني اي ردة فعل واللي خلاني اتخبل هي تعرف اكو سبب وموضوع سابق هذا كل الي صار بس حتى وان يكن هي مالها ذنب واني اعرف هالشي وتبقى هي شرفي وعرضي... وتعرفني احبها بس الموضوع موسهل موبيدي ... انهاريت ... د.لانا ...بارك الله بيك .. طبعاً على راسي هدوئك وتفهمك وهذة اسلوبك نادراً ما يتقبلوه الرجال ومو كل رجل يتقبل هيج موضوع لكن قبل كلشي اريدك تعرف شي انه غشاء البكارة عند البنات يختلف من بنية للثانية والظاهر غشاء البكارة عند زوجتك هو غشاء مطاطي مايطلع الدم وينفض بسهولة وايضاً الغالب مايطلع دم أوووو ماعدها غشاء بكاره من الولادة اصلاً يعني اكو بنات يكون ماعدهم غشاء بكارة من الولادة واكو بنات يطلع منهم قطرررررة دم وحده تختلط مع السوائل ويكون لونها اصفر حتى اصلا مايبين دم لكن بعض العقول تفسرها غير تفسير عموماً هسه يبيم بالفحص نوع الغشاء الدكتورا تحجي واني مابطلت بجي وصلت المرحله اشهك مثل الطفل ... هو مدنج وهي تشرح وكل شوي يرفع عينو عليه حسيتو مقهور من الكلام الي سمعه ... هين اني صدك ماتحملت ابقى جدامه ولا اكدر اسمع الي دتحجي الدكتورا ... انهاريت حسيت المكان يخنكني ... كمت الحيلي ... بدون مااندار شلت الجنطة مشيت ليم الباب فتحته ... سمعت الدكتورا كالت وين حبيبتي تعاي بعد ماكملنا مارديت عليها هو يصيح كحيله اكفي وين رايده ... اللتفتت عليه كام الحيله ماوكفت سديت الباب ورايه ... طلعت بالعياده ماكو احد ولا مراجعه بس السكرتيره ... طلعت امشي .. حدرت الدرج مال العيادة صار بوجهي الشارع دحكت يمنى ويسرى مشيت يمين بقيت امشي وابچي سمعت صوت سلطان ورايه -كحلااااء اگفي يولي احاجيج .. مارديت سرعت مشيتي اكثر ماردت ابقى وياه ابتعدت عنه مسافة دحكت تكسيات 2 جدامي اشرت لواحد وكف ..كاكه بختياري صعدت ودا اسد الباب وفتحو سلطان -انزلي ..وخر مااجي وياك -انزلي گلت -ماانزل كتلك ... احجي ويا والسايق صافن علينا ..الصبر ياربيييييي جرني من ايدي ونزلني من السيارة بقيت ادفع بي ضربتو على صدرو وهو ما اهتزت منو شعرة لازمني ويمشي ..بالقرآن ان ماعفتني هساع اصيح الم الناس عليك ..انتي بنت ابوچ وسويها ..اووووووو كاااااافي عاااااااد ابعد عني حچيتها بصوت عالي چانو شباب 2 قريبين من عدنه تقربو علينه واحد منهم كال: -خير اختي بيچ شي تريدين شي ؟؟ من كلامه عرفته عربي مو كردي رد عليه سلطان: سلامتك زرجتي هي -هااا تمام اعتذر عافونه الشباب وراحو -عاجبچ هيج ؟ ..اي عاجبني جرني من ايدي ورجعني لعيادة الدكتورة كووووه دخلني عليها دك الباب ودخلني وفات وراية -تفضلي حبيبتي ارتاحي هدي اعصابج ))) ..شهدي دكتورة انتي سمعتي كلامو يعني شنو عادي هيج ابقى يمه لو صدك كلامه ماجان تصرف وياي عكس هيج بالبيت سلطان-شلون تصرفت بالله ؟ ذبحتج؟ ضربتج ؟ رجعتج لأهلج وصارت فضيحة ؟ ..سلطان وخر من جدامي الدكتورة كامت من مكانها كعدت كبالي كالت: شوفي حبيبتي اقدر وضعج واعصابج تعبانة بس عادي تصير وزوجچ لو انسان غيرة جان سوه تصرف همجي تعرفين انتي العراق بلد عشائري لو واحد غيره جان اما قتلج او رجعچ لأهلچ وصارت فضيحة تعرفين حتى هنا عدنا كم بنية تنقتل بسبب غشاء البكارة يطلع مثلچ ويقتلوها اهلها او زوجها وبعد القتل بالفحس تطلع عذراء تصرف زوجچ كلش هادئ والواضح عنه يحبچ وشاريج قدري هاي النعمة حبيبتي اني هسه راح اكتبلكم تحويل على مستشفى رزگاري تنعرضين على لجنة 4 دكتورات يفحصوج ويكتبون بيج تقرير انه انتي غشائج هذا نوعة حتى لاسامح الله اي شي يصير انتي عندج تقرير طبي ثانياً عندج حلول اثنين غشائج اما ينفض بتدخل جراحي بالعياده بسيط او بالمحاولة زوجچ يفضة حجه سلطان بسرعة: -لا دكتورة خلص منحتاج تدخل جراحي ..تمام خلي اكتبلكم التقرير على مستشفى رزگاري الدكتورة كعدت تكتب واني عيني على سلطان هو بينت اعصابه ومتوتر اخير شي ختمت التقرير ووقعت الدكتورة كالت هذا تحويل لمستشفى رزگاري الصبح تروحون اخذه سلطان وتشكر منها وطلعنه نزلنه جوه يمشي جدامي الورقة بيده دحك عليها شگها وذبها بحاوية الاوساخ -هااااااااي ليييييش شگيت التقرير ليييييش مارد عليه اجه لزمني من ايدي وفتح باب السياره واشرلي اصعدي صعدت واني متخبله -فهمني لييييييييييييييييش شگيته -هيچ -شنو هيج ..شنسوي بي ؟ ..شنو شنسوي بي ليش هيج تستفزني ..مانحتاجة ..اهوووووووووووو ..صوتج اخر مره اگلج نصي صوتچ احنا بشارع مو بالبيت //الطريق كله ساكتين بس اني على اعصابي وصلنه البيت ماانتظرت حتى الباب ينفتح نزلت من السيارة وسديت باب السيارة قووووووووي سلطان- يووولي .... دفعت باب البيت وفتت رحتامشي سريع للغرفة وصلت الدرج دحكت ماكو احد صوتهم بالربعه صعدت وقفلت الباب طلعت جنطة وفتحت الكنتور وحطيت بيها ملابسي وغراضي الباب يندك سلطان مااهتميت ..افتحي الباب كحلاء -بقيت ساكته احط الغراض بالجنطة -كحلاء احاچيج افتحي البااااااااب -مااااااا افتح روح ..بقه يريدني افتح الباب ومافتحته كملت الجنطة سديتها مااااا حسيت الا صياحو اتذكرت اهل اميره هين ... ركضت عالباب تفتحين الباب لو اكسرو فتحت القفل وفات هو -من اكلج افتحي الباب افتحييييييي هذا عنادچ مايمشي وياي دحك عالجنطة كال: خير ياطير وين ناوية ؟ ..م ما ماعليك ..تقرب مني ويأشر بأصبعه عليه كحلاء ان خطيتي خطوة خارج باب والله ثم والله اكسر رجلچ تريدين تكبرين الموضوع يعني ؟ راح تروحين وراح يسألوج شكو وراح تحجين ..مو بكيفك وخر جريت الجنطة ولزمني من ايدي ودفعني عالسرير وسد الباب وقفله واخذ المفتاح -لا والله ؟ هيج راح تجبرني ابقى يعني وين رايده يولي اركحي كافي عاد اوكي خليني بس گلبي مو وياك ولا مشاعري ولا راح ارجعلك مثل قبل سكت ماكال شي كعد عالجربايه خله اديه الاثنين على راسه اني لابده بسد الحايط وعيني عليه - طلع جكاير و كام فتح الباب ونزل كعدت عالسرير بقيت ابچي متت قهر شوي وسمعت صوتو يصيح رحت مشيت يم الدرج رفع راسو عليه كال رايح الكركوك مارديت عليه سكتت ورجعت للغرفة سديت الباب وبدلت ملابسي مانزلت ماصارلي واهس ولا اريد اشوف اهل الحقيره دحكت عالثلاجة لاب توب مال سلطان كمت اخذتو فتحتو مابي شحن شكلتو عالشاحنة وفتحتو حاط بي باسوورد يبووووووو عاد هو لاب توب شكو مخلي بي باسوورد حاولت بي مايفتح فات سلطان حك عليه مستغرل بسرعه عفت ال لاب توب على صفحة -ها شعندج بي ..مارديت -اني طالع لكركوك ... .. وين مت تريد تروح روح مااااايهممني بس اريد تلفون من ارجع ..هسه اريد -استغفرك ربي هساع منين اجيبلج ما الحك اروح اخذلج واحد وراي طريق .. كول لليث يجيبلي مو شرط انت اريد شي التهي بي لا وحق الله اهج من البيت ماتحمل بعد ... خله الباكيت والسويج عالميز وجة وكف بصفي ... همس كافي عاد يكفي قهر ... منو يجيبلي القهر غيرك... حقج يابه حقج ... عايزه والله هم تخلي الوم عليه لا اثنينه مالنا ذنب ... اني هم رجال وغيرتي ماتسمح بهالشي صح جان المفروض اتأكد واخذج لدكتورا بس والله ماعرف شبيه اني هم تعبان والامور كلها اختلط كبالي .... كتلك وشرحتلك كتلك وووووالله مابشر لمسني كافي عاد انهي هالسيره ... لا تبقين تقهرين بنفسج يولي والله صوج هالخسيس النذل ضيع فرحتنا دكافي ... احنا ولد اليوم يعني خاف عبالكككك نعيد الكره مره اخرى تحلللللم ولا يهمج يجرالج بس كافي عاد لخاطر عيونج هذني مو تعبن يتعبن ينتهن ماااااااااعليك بيه تذكر شكتلي ... اهووو ردينااااا يولي كافي لا تعبيني اني هم فتره واعوفك واروح الاهلي ... شتسوين الاهلج يولي .... شسوي ارجع الحياتي المابيها لا هم ولا قهر هسه اني هم وقهرر..! اي واكثر ... ماكدر بعد اكون وياك ابد واهووون عليج.... اي مااريد افهم هالشي وجودي. يمك لفتره مااريد ازيد اهموم اهلي واشفي الناس بيه ،،، صارلي شغل ومااريد اروح ماكدر اعوفج وانتي بهالحال بهالحال .... ههههه نسيت شسويت بيه بأحلى ليلة عندي نسيت شلون ابجي واحلف وانت ماتصدكني ... اني احجي بجيت دموعي نزلت ....كتله المتني جثيرررر جرني عليه حضني ... اخذني الصدره ... اني ابجي مابطلت بجي همس والله احبج ولج من اشوف دموعج اعتلج بنار لا تزيديها عليه انهي الراح وانسي ... والله الي كلتي حقج واني غلطان بس كافي تقهرين بنففسج كااافي رفعت راسي عليه كتلو ماكدرر موبيدي ،.. وخر مني دفعته ... رجع جرني ... بده يبوس بيه من وجهي من شفتي رجعت وخرته وابتعد ،.. اياااااك تعيدها مره اخرررى اياك... اني وياك حبر على ورق ايام وينتهي كل الي بينا ليش ... ابويه بس اسمعيني مااكدر بعد كتلك .... مااريدك اكرررررهك وخررر مني اكررررهك .... لا تجي يمي اني انسانه مو نضيفه اتركنيييييي خلص خلص اهدي شبيج ابويه شبيج راح اطلع ارتاحي ... اهدي ... سحب نفسه مني ... ومشة شال السويج ومشه ... فتح الباب الغرفه وكف كال باسويرد الاب توب اسمج بالانكليزي مرتين .... مارديت بقيت بمكاني واكفه وابجي ... طلع وطبك الباب وراه بقيت بالغرفه وحدي ... تمددت بفراشي ... بقيت افكر واتذكر كل شيء صار ... من خطوبتي الاحد هاليوم ... اووووف يمكن الناس هسه تحسدني مايدرون بلي بي اني مايدرون شكد شفت قهر ... ياربي افرجه عليه اريد ارتاح .... بقيت صافنه وافكر واشهك من البجي لحد ماغفيت... كعدت من نومي على صوت الباب ... فتحت عيوني واني مخروعه خايفة دحكت للساعة .. ياربي شكد نايمة شنو ليل هسع لو مغرب ... صحت منو... شهد اني اني ... تعاي فوتي ... كعدت الحيلي ... شهد صح نوم عييييني اكعدي ... مادري والله بقيت نايمه جان كعدتوني .... مادري عبالي عمي هينه ... لا موهين .. راح الكركوك ... اكلج هذا الجهاز هسه جابله ليث مبايل هذا مو... اي كال صعدي انطي الكحلاء هاج افتحي واذ تريدين تنسخين الاسماء ليث يعرف كلشي عود انزلي... ماشي... اكلج اكفي. بيت اميره راحو لا ماراحو هينه همه باجر يطلعون يمكن اجرو بيت ... يله حدرط تعشي عود دنتتظرج ماشي اغسل وجهي واجي .... طلعت شهد كمت غسلت وجهي ... اخذت الجهاز وحدرت واني عالدرج دحكت الكل ملمومين وهوسه ... حدرت وام اميره عينها عليه ... سلمت وطبيت للمطبخ طبيت لكيت شهد دتصب بالجاي ... كتلها سلطان جة لو لا ... مادري والله اسألي ليث ... تريدين اصبلج عشى لا ماريد تسلمين مالي نفس ... عجل راح اودي الجاي واجيج نطلع للحديقه ... ماشي ... انتظرج ... راحت شهد ... فتحت الثلاجة داشرب ماي ... حسيت احد ورايه التفتت .. لين سلطان واكف ... وخرت من يمه مشيت .... دقيقه تعشيتي.... مارديت شلت الماي وطلعت للحديقه ... جة ورايه يمشي.... صاح يولي شبيج مو احاجيج تعشيتي ماعليك تعشيت او لا ... يولي كوكي تعشي ادري بيج مى ماكله ويننا شهد يووولي خل تجي تصبلج عشى جاوبلج الجهاز اي جابولي ... اي وانر ليش ضايجة يابه لا عادي مو ضايجة ها خوش عجل يابه اروح ابدل هدومي راح سلطان واني بقيت بمكاني كاعده ... بس رجعتلي نفس الحاله بديت احتنك واحتصر ... فتحت الشال ماكدرر احسه خانكني .. جت شهد شايله صينيه بيها العشى ... كتلها شنو هاي.... مادري هو كال صبيلها عشى رجعي حبابه والله ماكدر اكل اصلا محتصره والدنيا بكبرها طالعه من عيني اووف حبيبتي والله لو تقبلين هاي الحجيه يوميه تقرالج جان مو هذا حالج ... دانحجي وجان يفوت فهد يركض وراه اميره ... صفنت هاي شنو من عين شجابها ... شهد لا هلا جتج ام عطوب ... زين سلطان مو طردها شنو من بشر هاي عشتو عود اهلها هين جت تشوفهم ... ماشاءالله ماشاءالله يعني شحجي ماعرف خل اسكت خل تولي همه بس هاليله ويروحون .... كومي بدلي خلي شي بوجهج غير انتي عروس ... لا ماريد عوفيني شهد حبيبتي والله راح تخبليني شجاج مادري شهد خل اكوم اشوف ليث يسويلي الجهاز.. وينه الجهاز ... عفته بالمطبخ عالكاونتر .. دكومي كومي اميره هسه اذا تلكاه وتعرف مالتج توكعه خباثه صفنت كتلها خل توكعه هي بقت على هاي هي وكعتنا كلنا كمت الحيلي طبيت للمطبخ شلت التلفون ... طبيت للهول الكل مجموعين ... ليث كاعد ديتفرج لعبة هو وضرغام ... وكفت بسد الباب كتلها شهد روحي انتي انطي الجهاز... شهد هسه ارجع بس اجيب ماي الهم اني واكفه واميره عينها عليه ...تباوع ماشالت عينها جانت كاشخة ومكيجة بهالاثناء حدر سلطان من الدرج يمشي ويلبس بيده بالساعه ... اول ماشافته اني ادحك عليه دغيرت ملامحها ... ماتعرف بعد شتسوي ..عوذه منج ومن نفسج ماخليتنا حتى نتهنى ... الله لا ينطيج صافنه واحاجي روحي ... فهد كام الحيله ركض صاح بابا بابا... صعدله عالدرج ... هلا يبعد ابوك هلا ..شاله بوسه وحدر ام محمد كالت حدري عروستنا تعاي .. هلا ليث وينها شهد يمعودين الحكولنا بجااااااي شالت الصينية اميرة ودتها للمطبخ رادو چاي كالتلهم اميرة هساع اسوي بطريقي كلتلها -لا اني اسوي بعد شوي رجعت ادحك على سلطان گلبي يريدو وعقلي يگول لا وهاي هين اميرة اهجس نار بصدري شاعلة غيرتي ماخلتني ابد اريد افوت اتجاهلهم ماااكدر بقت اميرة بالمطبخ وفهد كام يريد ياكل صاح عليها سلطان مرتين وماردت دحك عليه كال هاي وين ولت ؟؟ -شمعرفني اجت هي كالت: اجيت عيوني -عجل لمن تسمعيني اصيحلج شكو ماتردين ليش فهد لهساع ماماكل عفتهم اني وكمت حسيت روحي تريد تطلع من اميرة وسوالفها مشيت شوي وكالو الولد وين الجااااي يمعودين : .. كتلهم اي هسه اني اسوي الجاي رحت للمطبخ حضرت القوري غسلتو وخليت بي ماي وهيل فتحت العين وجدحت الجداحة برمشة عييييييين انفجر الطباخ بوجهي ورأساً درت نفسي ماشفت بس النار بهدومي من رداني وبطني وصفحتي اليمين النار تلهب عيطططططططططت متت من حلات روووحي رحت اركض عليهم سلطاااااااااان الحكوووووووووني والنار موجره بيه من حلات روحي ما احس بألم النار كمت اجر بملابسي كطيت الشال والملابس تحترك دخلت للربعة واني اعيط ماشفت منو ركض عليه وذب عليه جودلية لفوني بيها بس سمعت صووووت اسمممم الله اسممم. الله اعيط وكمز من النار الي اكلت جسمي ادحك عليهم مثل الحلم غشاوه احس فوك عيني سلطام ركض كط الجودلية ويجر بملابسي اللي احتركت ويذب بالكاع اخييييير شي عيوني غمضت طفت ماعاد اشوف يتبع .... | ||||
|
| |
|
27-12-19, 06:42 AM
| #44 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الثاني والاربعون خيال #الكحيلة #بقلمي_نشوى_السلطان🧚♂️ سلطان ركض كط الجودلية ويجر بملابسي اللي احترگت ويذب بالگاع اخيييير شي عيوني غمضت طفت ماعاد اشوف شي كاعده صاحية اني بس ماعاد اشوف وبده الالم وسلطان صوتوووووووى يرن بأذنييييي ولللللللل السيااااااااااااااااااااا ارة -كحلااااااااااء بينتي فتحي عيونج يبعد حيلي اسمع بس شيخ حامد صاح بصوت لااااااااتحركوووووووها جيبو چرچف نظيف حسيت على سلطان يجر بملابسي الباقية تكشفت حسيت الهوا ضرب جسمي كلللله بديت اوووون وما اسمع بس عياط البنات والحجية وهنااااااااك وذبو علي شي ماادري چرچف اووو شنو ماادري وحسيت احد يفك بعيوني فتحت عيوني الالم زااااااااااااااد نفسي راح بس دحكت ضرغام جرني من ايدي اليسار هو وسلطان والحجيه رفعوني وكفت على رجلية وسلطان يصيييييييييح ...الحكوني حموووووت ااااااااااااااخ خاالة يممممممممه دخيلكم ليث-يلا السياره بالطرمة يلااا عمي مشيت خطوتين رفعني سلطان شالني ركض بيه للسياره شهد كالت اروح وياكم .. صعدوها ليورا واني خلوني يمها طببوني سلطان وضرغام وسلطان لافني بالچرچف بس كللللل ملابسي ماكو كللللشي ماكو والحجيه بس اسمع صوت لطمها وبچيها وشهد وامها جدامي بس ماواعية اريد الالم بس يروح شهد كعدت يمي سلطان صعد يسوق وضرغام يمه الدنيا صييييييف جهنم وسلطان قفل كل جامات السياره شاغت روحي -سلطااااااااان افتح الجام اريد هوااااا ولكم نار نار هوا اريد -يا گلبيييييييي بس نصل المستشفى مااكدر افتحلج الجام راح اموت حار جسمي ابوس ايددددك افتح الجام يبعد الروك والله اخاف عليج يتلوث الحرق بس اصبري ياروحي ربع ساعه حبيبي هانت مابقى شس خرر ب غيررررتكم ياااااا مستشفى بيها قسم حروق ضرغام يكله امشي اطلع على مستشفى الجمهوري وبيدو التلفون يخابر شوارع اربيل ازدحام بالليل وسلطان يريد يطير بالسيارة واني اريد اموت من الوجع ضرغام-يحجي بالتلفون ويأشر لسلطان اطلع من هين على مستشفى غرب اربيل فقط هي راح يستقبلوها بيها الحروق داس بانزين سلطان والاشارة حمره مال المرور وعبررررها ضرغام-المروووووور ابوفهد ورانه ضربت الاشارة -تسكت لا اگلب عاليها واطيهاً ..سلطان بس افتحلي الهوا ابوس ايدك يممممممة دخيلك ربي ..والله مااكدر يصير تلوث هيان هساع نصل بس اصبري مدلي ايدو سلطان ويسوق بيد وحده ..بس كليلي وين الحرك وين بالضبط ..ماادريييييييييييي بطني موتتني ..اهدي اذكري الله كولي يارب -طريق المستشفى صار علية سنه متت مووووووووت وييييييين وصلنا ركض سلطان للمستشفى دقايق وطلع وياه دكاتره وممرضين فتحولي باب السيارة رفعوني خلوني عالسدية ودخلوني للمستشفى جوه لردهه الالم زاد الحرق فضييييييع المه الله لايشوفو لبشر اول مابلشو بالفحص خلو عالسرير چراچف من فوك غطو مثل سرير الطفل سووه حتى مايدخلي فايروسات ...ساعدوني دكتووور انطيني مسكن ..تماااام اهدي شنو اسمج ..كحلاء رديت واني اعيط من وجعي ..كحلاء كوني قوية ساعديني حتى اساعدج اترجاچ اتحمليني شوي رفع عني الچرچف جسمي كللللو مابي ملابس واجه دكتور ثاني ودكتوره وياه الدكتوره صاحت على ممرض شوي وجاب ادوات وكطن وشاش دحكلي كال ماتحتاجين عملية بس تحمليني شوي ..دكتووووور اريد زوجي ..ممرضات اثنين لزمو ايديه والباقين ديشيلون الجلد المحترق ويعقمون وماادري شسوو الله يخليييييج اريد زووووجي ... ليش محد يردد. سلطان وييييينة .... اسكتي حبيبتي خل نشوف شغلنا ... لااااااااااااااااا عوفوني والله راح اموووت يوووم لحگيلي سلطاااااااااان وينككككك الوجع يذبح يذبح گلبت المستشفى اسمع صوت سلطان خارج الغرفة اسمعو يصيح بس مايخلوه يدخل عليه خلولي مراهم وشفتهم يعصرون عصارات وياها عصارة ميبو چثيييييير فتحو عصارات وخلولي عالحرق وحطو فدشي مثل الشاش خفيف وممرضة ثانية خلتلي مغذي بيدي اليسار ووحده ضربتني ابره مباشر بالوريد هين دحكت الضماد على بطني وخاصرتي اليمين وكتف ايدي اليمين وزندي بجييييييت ياربي مالي غيرگ خلولي الضماد وكملو والمغذيات ثنين حاطيلي وكل شوي ابره ممرضة اجت فتحتلي شعري حچت وياي بالكردي مفتهمت عليها رجعت حجت عربي كالت: اجر يارب كله اجر لاتخافين والله كله يزول احمدي الله حرقج مو صعب صح متوجعة والله بس ان شاء الله اجر -يارب يا الله يارب يا الهي بقيت بس هيج اردد يارب يارب رجع علية الدكتور : -عدل حركة جسمي وايديه وكاللهم بعد مغذي اكو الم بجسمي بس بديت اخدر يحجون اسمعهم والالم موجود بس راسي ثگل ونمت كعدت على صوت حجي يمي بس فتحت عيني حسيت بالالم سلطان ماما وينكم فتحت عيوني ماكو احد يمي بس الممرضين ..زوجي وين -بره ممنوع يفوتون ..اشوفهم بس الله يخليك ..موهسه بس يجي الدكتور هسه انطيج العلاج دحكت على المكان وارم جسمي خفففت ووجع وره شويه اجاني دكتور كال حتى نغير الضماد ..خلص المغذي او مو مغذي ماادري شنو هو مثل المغذي جابو حوض بالغرفة حاطين بي ماده مااعرف شنو هي ومي يمن وياه الممرضة كالت تمددين بهذا الحوض حتى يتنكع الضماد ونشيلة هزيت راسي اي ..ساعدوني كمت من السرير يممممممة رجعلي الالم متت بديت بس اصيح وابجي خلوني بالحوض زين مايحرگ كلش خلوني نص ساعه وراها اجوي شوووووي شالو طرف الضماد شافوه متنكع لو لا الممرضة-اي تمام ينشال بس لاتتحركين ..بدت هي وممرضه ثانيه يشيلون الضماد واني عياطي للسمااااا بس مااجه على لساني غير ( ربي مسني الضر وانت ارحم الراحمين) كمت من الحوض عقمو الحروق وخلولي مراهم من جديد وهم خلولي ضماد ورجعوني عالسرير حطولي مسكنات ومغذيات وابر واني الووووووب اجه على بالي شغلة (حر جهنم) والله شاغت روحي كلت ياربي اذا هاي نار الدنيا هيج يارب احسبه اجر اليه يا الله يارب ساعدني ويييييييين يلا شوووووي مفعول العلاج بده بس مو كلش لليل يلااااااا فات علية سلطان وممنوع يتقربون مني من بعيد عيوني راحت من البچي ودحكت سلطان فات من باب الغرفة ..سلطاااان لاتبقيني هين والله جاي اموت متوجعة كوللهم ينطوني مسكن -روووووووحي الچ عمري الچ ريت الوجع بيه ولا بيچ ريتني ميت ولا شفتچ هيچ ..تعال تقرب مني والله اني احبك لاتصدك كلامي من گلتلك اكرهك والله احبك سلطان لاتعوفني وحدي هين -ما اعوفج والله لاتبچين مايصير اتقرب منج اكثر غاليتي كله يعدي هذا امتحان من ربچ صدكيني ربچ يحبچ وكاعد يختبرج صيري صبوره والله العظيم بس تتحسنين اطلعچ ..يارب يارب لاتروح يخلوك هين مو ..خلص اهدي ابقى وداعتچ دحگي شنو تريدين اسويلچ بس كليلي ..مااريد شي بس الالم يروح ..هين سلطان انهار لزم السرير رفع راسو للسكف كال( يااااااااربي بس هي عندي خفف عنها يا الله اللهم اسألك الشفاء بحق اسمك الاعظم يارب) دعاء سلطان يرن بأذني ودموع بعيونو شكثر البشر يحقد شكثر نزعل من ناس ونحقد عليهم وشكثر ندعي بالموت على ناس مايتعض البشر ابدددد شكثر صغرت الدنيا بعيني بالمستشفى شكثر تمنيت مامزعلة سلطان بكلمة ولا مزعلة امي بشي ولا جرحت احد بشي بقيت يوم كامل محد يدخل عليه بس سلطان مرتين شفتو وراها رابع يوم دخلو علية امي وابويه وخالي وسراب وسلطان والحجية امي من شافتني انهارت صارت عدها مثل الهستيريا ماما احتاج دعائج ..الله يساعدج ويوكف وياج يابنت بطني ياعمري انتي ربي ان شاء الله يجعلج ناجحه بهذا الاختبار تحجي امي واني ابجي على حچيها سراب بس تبچي وبابا شايل القران وسلطان خلاااااااص مانايم عيونو ذبلانة وكلها دموووع ادحك عالحجية القهر بعيونها وتدعي ادحكلهم لو بيدي اكوم واحضنهم بابا حبيبي مابية شي زينة -حبيبتي يافرحتي اني وياج مااعوفج دخلو الممرضات كالو وقت تبديل الضماد طلعوهم لأهلي وسلطان ماقبل يطلع توسلت بيهم يبقوه وبقه ..كمت للحوض وسلطان ساعدني : حبيبتي سباعية اعرفج قوية يلا عمري كولي يا الله ..يا الله كعدت بالحوض شوي يحرگني سلطان كعد يمي -دحكي بس تتحسنين وترد عافيتج شوي اخذج ونسافر ..وين ..بكيفج ..رفعت راسي عليه وعيوني مليانه دموع كتله دحك راح يتشوه جسمي ..لالااااا نسوي تجميل حبيبتي شنو يعني المهم الالم يروح وتتعافين وترجعين لحضني راحت روحي من شفت النار بيج يولي والله ماريد شي من االدنيه غير شوفتج كبالي قاطعتنه الممرضة كالت يلا لزمت ايد سلطان قووووووي يممممممة موووووت احمر سلطان يلوووووب وياي يدنج عليه يخلي راسي على صدرو ولازم ايدي واني حتى اظافري نبتتها بأيدو من الوجع من كملو خلولي ابره بالكانولة كالت الممرضة هاي الابره 5 دقايق تنامين عليها يضربوها شوي شوي الالم موتني وسلطان يمي يحاول يخفف عني الممرضه تضرب بالابره وسلطان يگلي: شكثر تحبيني ؟ ..ابتسمت كتلو جثيررر كد عمري ..لا قليل عجل شكثر تريد ماادري هذا قليل ..وانت تحبني ؟ يولي تساليني .... انتي حيلي ... وبهاي وكعتج والله مابقالي حيل ..ادحك عليه عيونة بعيوني مدنج عليه ويلعب بشعري وعيونه تلمع دموع .... همس كحيلتي .. اني اسف ... على شنو على جثير امور كحيلتي الغالية اني اذيتج جثيررر .. لا هذا كلو قدر ... شنو ذنبك انت سحب نفس سكتت سحب الكرسي وكعد كبالي كاضب ايدي ويفرك بيها ... صفنت عليه يحجي واني ماادري شجاوبه حسيييت بنعاااس اخذني النووم بقيت على هذا وضعي اسبوع بالمستشفى وسلطان ماعافني ابد حتى للحمام هو ياخذني مايقبل اي بشر يساعدني ... داراني مثل اب وطفلتة ... يشليني ينومني يشربني يأكلني .. شكد جنت احبه هسه حبي اله ماله حدود اليوم ال8 كتبولي خروج ونطونه تعليمات وعلاج الصبح بال11 وعشره جةً بابا وخالي وسارة وسلطان وياي يساعدني ساره تنزل برجلية للكاع وخالي ساند ظهري وسلطان لازمني من ايدية كعدوني على كرسي متحرك طلعنه خارج المستشفى للسيارة خالي خطية يتعامل وياي بحذر خاف يطخني ويأذيني وسلطان سحبني من ايدية على كيفه كمت وراح خالي من الباب الثاني للسياره مناك يساعدني وسلطان دنج وخله ايديه يم باب السيارة كال دوسي على ايديه حتى ارفعج للسيارة صعدت على ايد سلطان وكعدت بالسيارة سد الباب وراح هو من الباب الثاني كعد يمي دحكت ليث واكف غادي اشرلي بيدو واني رديتلو السلام راح بابا وساره ويه ليث/ وخالي يسوق سيارة سلطان الطريق كله تلفون سلطان ماسكت خطية عندو شغل واجتماعات وماراح علمودي ... وصلنه البيت نزل سلطان فتح الباب ونزل رجلية ولزمني من ايديه ونزلت ومشيت شوي شوي اول مافتح الباب خالي ودخلت شفت ذبايح بالباب والكللللل واكفين برا طبيت وشيخ حامد صاح على رجال گلو اذبح ذبح الرجال الذبيحة يم رجلي والحجيه ام ضرغام هلهلت ادحك الكل ملتمين فرحانين ... شيخ حامد-اجر وعافية يابنتي راح الشر الحمدلله على سلامتج دنج عليه وباس راسي ..الله يسلمك ويعافيك فتت جوه وسلطان يمشيني وداني للغرفة الجوه اللي جنت بيها اني وسراب ونومني عالسرير اجوي اهلي امي وسراب وساعدوني نطوني علاجي الجيران بدو يجون علينا وخطار واصدقاء سلطان وزوجاتهم يومين اني يلا شوي بديت امشي واتحرك علمود الحرق لازم اتحرك شوي ماياخذ وضع وياخذ قالب سلطان هو يخليلي المراهم يووومية ويقره قرآن يمي علما انام بيوم اني نايمة وحدي والبيت هدوء سمعت صوت يمي يخوووووف فتحت عيوني الغرفه بيها دخان وظل يخوووووف بقيت اعيط سلطاااااان وينك مخليه اديه على عيونب ومدنجة اهاف افتح انفتح باب الغرفة طبت الحجيه صاحت اسم الله يمه اسم الله شكو يايمه شبيج فتحت عيوني كتله وين سلطان داححي طب سلطان بيده كلاص الجاي خلاه عالميز -هاااا حبيبي رجعتلج الاحلام شبيج خايفه ..موووو احلام والله مو احلام ليش ماتصدكني ..مصدكج خلص حبيبتي اني اشوف حل تمام ارجعي نامي ..لا مااريد .. اني هين لا تخافين ارتاحي ... الحجية كالت راح ارجع اجيب هاي المره تقرالج سلطان مني هاي... يمه والله ايدها عافيه مره من اهل الله وجثير حمدولي بيها جيبيه ماكو مشكلة بس خل تتحسن - طلعت الحجيه وهو كاعد يمي. .. شلون صرتي هسه الخرق شلونه يأذيج لا شوي احسن الحمدلله احسن من قبل الحمدلله دحكت الساعه 3 الظهر وتلفون سلطان ماسكت كال لحظه خل اشوف شكو ... جاوب رد السلام ... وماعرف شديكلوله بس اسمعه يكول اي ماكو مشكله جاهز اني الظاهر اكو شي بالمحافظة خلص وكال: حبيبي لازم اطلع لبغداد يومين وارجع وراح ابقى وياج عالتلفون ومن ارجع اشوف المستشفى بالاردن حتى تتعالجين هناك ..گلبي وجعني چلبت بي لاتروح وين عايفني هيج والله روحي محتصره ... ..حبيبي لازم اروح والله يومين واذا خلصت ارجع باجر واذا ترتاحين اخلي الخط مفتوح وتسمعين صوتي ..وعد تبقى وياي عالتلفون ؟ ..وعد يبعد حيلي بس ارجعيلي مثل گبل ... اريدج تكفين على حيلج اريد اشوف طولج وابتسامتج الحلوه ان شاءالله ارجع صاح على شهد كاللها تبقى يمي راح هو نص ساعه ورجعلي وطلعت شهد بقه يمي عالسرير : ..اخذي علاجج وشوكت ماتضوجين خابريني حتى لو بأجتماع راح افتح خط وتبقين تسمعين صوتي ..حجزت للاردن هناك يشوفوج اطباء احسن بس تتحسنين شويه .. اي -كحيلة ولو مااريد اذكرج بذاك اليوم بي تحمليني شوي شلون صار الحادث يعني الطباخ شلون هيج صار ..ماادري اني جبت فتحت الغاز وبس شعلت النار انفجر -زين انتي ما اشتميتي ريحة غاز شي ... .. ؟؟ لا ماشتميت بس شجاه الطباخ جديد مادري والله ...اني شاك بشي واذا طلع صحيح والله ثم والله اذبحها بيدي صاح سلطان على شهد شنو شاك بيمن قصدك ...! ..اجت شهد كالت ها عمي ..امشي صيحي الحجية وامج ..اي -شبيك سلطان منو قصدك .. دخلت الحجيه وام محمد كالت ام ضرغام خير يمه خما بيها شي ... لا لا الحمدلله بس اريد اسألكم قبل ماينفجر الطباخ قبل جانت بي مشكله شي ؟؟ ام محمد والله اني نوبات اشغله من اسوي جاط ماشفت بي شي ام ضرغام—والله يمه مابي شي كلنا متعجبين شجاه طك عجل شجاه ياالله طباخ جديد ام محمد -والله يايمه جثير طباخات ينفجرن تره تصير خاف انت شاك بأميره ااااخ كون تطلع صدك هيه بالحرااام ادفنها بمكانها اريد بس اعرف شلون هيج طگ لا يابه ماشفنه بعيونه حرام نحط بحظنه جوز هو نفجررر كام سلطان كال وراي شغل فتح الباب وطلع ... الحجيه كالت جان عايزه تطلع هاي. الحية وره السالفه عوذه منها مو مره هاي بلية ... سوده والله ان طلعت هيه الا انام بخوانيكها اذبحها كبل سلطان ... شهد هلا هلا واني وياج ... والله الا اسحلها بكل اربيل شكد كتلهم هاي ما اتفوت ابيت هاي حيه اني اخاف منها مجرمه والله توقعو كلشي جوز هيه وره الحادث جوز هي سوت سحر الكحلاء والله لو بس تمنعوها وتحطولها حد بالله حياتنا تصير بخير تحجي شهد ماتدري سلطان وراهه واكف ... طب مبدل كال الها وداعتج راح اخليلها حد تحلم بعد تعتب عتبة الباب واذا بس لمحتها عيني هين اكسر رجلها .... ماتبقى بكل اربيل... اعلمها سهلة سهلة راح اطلع البغداد بس خاف تجي انطوني خبر كامن الحجيه كالت اروح اصلي ... شهد طلعت وراهه وسدت الباب سلطان لا تتأخر وديربالك على نفسك من الطريق لا توصين حبيبي ... اني اريد اروح وبالي يمج ... كحيلتي اريد العلاج تاخذي مو تنسي وصيت شهد تكعد يمج اداريج ماشي ... هزيت راسي اي ... جة كعد يمي ... صافن بوجهي ... كتلو ها شبيك ... مابيه بس صافن على هالوجه الحلو ... ابتسمت اريد ارجع الكاج بحيالج ... اي اريد اخذج واروح مكان بعيددد مابي احد بس احنا وليش... هناك حزتها اكولج ليش ... ضحكت كتلو شتقصد هااااا يولي اشوف تضحكين ... سلطان... صدك ها يبعد عيوني .. احنا اتفقنا تذكرر على شنو يابه كلنا حبر على ورق صدك .... اييييي ايبااااااخ .... هي ورق هذا ... دطيبي وارجعي الحيلج حتى اشوفج الحبر والورق على اصولة ... ياااااااا مابيه بعد ولج معتلج بنااااار .... وانتي تكولين ورق .... مابالي هالحزه شي .. غير شوكت ينمد طولي على طولج دنجت راسي سكتت واني مبتسمه ... رفع راسي من حنجي... قرب نفسه باسني من شفتي دحكت بعيونه ... همس ... كحيلتي ها سلطان احبج والكعبة ... اريد اكوم اطلع بس ماكدر ... شلون فهميني عجل اخذني وياك ... ها والله خوش وادخلج للجتماع ونص الزلم الله واسمعكم شتحجوون هههههههه عايزج دوخة راس ... والله جان يكلولي هسه اطيبين وهم ماتصلين وليش يعني ...! ها ماخذج فرجة للزلم ... راح اكوم اروح ... ديربالج على نفسج ماشي حبيبي الله وياك ... طلع سلطان بقيت وحدي بالغرفه ... فتحت جهازي الجديد بقيت اكلب بي ... —— لليل اجوي اهلي وساره خطية كالت من يرجت سلطان نعقد لسراب وضرغام كلتلها اي خطية طلعت من خشومهم دانحجي وجان نسمع بس عياط مره كامت ساره طلعت شوي شوي يتقرب الصوت لين هذا صوت اميرة -فهد ويييييييييين ابني وييييييييين شبيييج تصيحين شنو ابني وين..؟ اخذووووو سلطان حرااااام عليه يحرمني منووووو ليش كمت اني شوي شوي لزمت الحايط ومشيت للهول لينها تعيط وتبجي ام ضرغام-شجاج يمصكوعة شبيج وين الوليد ..ابني اخذو محمد مني وسلطان مايقبل يخلي يمي بعد ليييييش يا ظلام الله ينتقم منكم سارة-شمسويه مكسوره وسلطان اخذو ها ؟؟ ..دحكت عليه كالت هااااااا بعدج موو ميته شفتي الله شسوه بيج شفتتتتتتي خربتي بيت الله شيسوي بيج بعد ياريت تحسين وتكولين الله اخذ حق اميره كتلة -انتي الله شسوه بيج وخله سلطان ياخذ فهد منج ؟؟ انتي متأكدة تعرفين الله ؟ دحكي هذا شي بينج وبين سلطان لاتجين تذبين علينه تهايم هين جرتها الحجيه وكالتلها كافي فضحتينا امشي روحي شهد هساع انتي هيج حابه ابنج وليل نهار تكتلين بي لو جايه بحجة فهد ... امشي عيني هاي ملاعيبج بعد ماتعبر علينا اميره .... خاف الله شسويت الكم اني شنو هالحجي شهد والله لما تخافين الله ام السحور عبالج مانعرفج ياسحورر هاي ... انتي شتحجين بعمري ماشفت سحار شهد اطلعي منا يله والله اكبر سحاره انتي واذا الكل يسكت بعد اني مااسكت يله ولي لا وحق الله اسحلج بيدي اميره .... من هين سلطان يطرني انوب انتو حسبي الله عليكم اي عمي مايريدج حسسسسس عاد حسي دتشوفي يطردج ولج انتي شنو بليه كرامه .... كحلاء تحجي شهد بوده اجط عليها ابوسها بردت كلبي ... ساره ... اميره روحي عيب هالحجي ... وان جان على ابنج تره احنا هم اهله عوفي البيت وروحي سلطان حذرنا مايقبل تفوتين بعد .... شهد اي مانريد شوفتج ... انتي مجرمة والله انجبي ولج لازم ذابحة اهلج مو عيب هالحجي والله ردتي تذبحين كحلاء وحركتيها بعد عليش مجرمه ونص ياااا عاد حطوها براسي ... اني لوبيدي اشرب من دمها عالزعطوطه الخبلتج عمج بالسحر .. بس مو اني الحركتها تره لا خايفه ولا مستحيه جان كلت ... بس هين الايام تثبتلكم منو اميره ومنو هالزعطوطه الي لتفت على سلطان وغرته واخذته مني هههههههههههههههه ضحكتيني التفتت عليه شهد كالت ليش هيج كحلاء تغرين الزلم وماتعلميني ساره ... اكولج اميره تره سلطان يعرفج شكبرج وشصغرج من سين ونعرف ليش طلكج فماكو داعي تكطين هالتهايم عالبنيه دانحجي وجان يفوت الشيخ حامد وهي كامت تبچي اكثر شيخ اريد ابني اخذه سلطان مني كله يرجعه الي ... الشيخ ... شنو هالحجي هذا فوتن جوه يله .... وانتي اميره مالج بعد مكان هين ... ليش يبن خالي شسويت الكم هاي حگ العشرة ساره كالت خل نفوت الشيخ مايقبل ... طبينه جوه .. واسمع الشيخ يحاجيها ... شهد طبت للبي تركص واطك اصبعتين كالت واخيرااا يحيى العدل واخيرررا انطردت ... ولج كحلاء سبعه ماسوينالج ومهر سراب قريب ... وانتي تشافيتي يمين عليه اسويلج حفله فلا صارت ..... ولكم فرحتي شكبرها هسه ماتنوصف ساره تعاااااالن شوفت ولجن صدك محمد ماخذ فهد مشينه للباب دحكت محمد شايل فهد ومشتريله العاب وحلويات اميرة-ماتخافون الله هااااا يولو اخذتو زلمتي وتاليها ابني تقرب عليها شيخ حامد وماادري شنو شاورها بذانها وهي جمدت بمكانها دحكت عليه وكامت عدلت شالها وطلعت مااااا حچت اي كلمة صاح شيخ حامد على محمد يوصلها فهد اخذتو شهد جابته استغربت اللي صار شنو وليش هيج سلطان سوه شعجب خطه هالخطوه صار الليل وسلطان بيني وبينا بس المسجات ... شهد وفهد نامو يمي ... بقينا كاعدين لل2 ونص نلعب بي لحد ماانام بدون ما يسأل على امه لثاني يوم الظهر كعدت وخابرتني مريم كالت راح اجيج تغدينا واخذت علاجي وسوولي الضماد للعصر خابرت مريم كالت ساعه واجي بدلت ملابسي ساعدتني شهد ومريم اجت وره ساعه وربع كالت شهد اجت فاتت عليه للغرفة هي وامها سلمت عليها امها وجهها مريح اول ماشافتني كالت : جيبولي ماي اجت الحجية وام محمد وشهد جابت ماي حطت الماي ام مريم يم حلكها ومدري شنو تقره عليه ونفخت بي قربت الماي يمي كالت اشربي استغربت ليش دحكت للحجيه كالت اشربي ..اخذت الماي شربتو كعدنه نسولف سألت مريم عالامتحانات ..عادي اجلي السنه حبيبتي ضرفج وصحتح اهم ..حرامات مريومه بس شسوي ..ها هي حياتي الصار صار بعد المهم سلامتج تلفوني دك سلطان كتلهم هسه اجي شهد هلا هلا سلطان سليمااااان يتصل بعد كلنا تعوفنه كحيله .. طلعت بره الغرفه .. فتحت خط الو ..ها يبعد كلمن كال الو شلونج يبعد حيلي ..ابتسمت. كتلوو زينه ... انت شلونك .. الحمدلله اني طالع من بغداد وجاااي مشتاك وكلي شوگ لعيونج ..بالسلامة عمري بس سلطان فهد هين ليش ..احسن ..ها ..يلا حياتي اوصل ونحچي ..ماشي حبيبي الله وياك سديت الخط والتهيت ويه البنات سوالف وضحك وچلبت بمريم هي وامها عالعشا وتعشينه سويه لل9 بالليل كالت عاد كافي لازم نروح راحت ام محمد على محمد كلتله يوصلهم سلمت عليه مريم وراحو سلطان من ال3 مااتصل عليه اتصلت بي مغلق ماكو بقيت بفراشي فتحت نت كعدت اباوع مسلسل حريم السلطان يبوووو اعشقها اخذني الواهس حلقه وره حلقه لل10 ونص اندك باب غرفتي كلت سلطان عبالو نايمه كلت ..فوووت انفتح الباب لين محمد اول مره محمد يدخل عليه ..هلا فوت ..خما ازعجتچ ..لا والله ابد ..اكول الله بالخير عليج عندي حجايه وياج ....يتبببببع ... لا تنسوا التصويت على القصة ... قربنا نوصل المليون 🙈 | ||||
|
| |
|
27-12-19, 06:53 AM
| #45 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثالث والاربعون خيال #الكحيلة #بقلمي_نشوى_السلطان🧚♂️ اخذني الواهس حلقه وره حلقه لل10 ونص اندك باب غرفتي كلت سلطان عبالو نايمه كلت ..فوووت انفتح الباب لين محمد اول مره محمد يدخل عليه ..هلا فوت ..خما ازعجتچ ..لا والله ابد ..اكول الله بالخير عليج عندي حجايه وياج اي شكو خمو سلطان بي شي لا يابه شبيج. مابي شي الحمدلله بس مو راهمه هين نسولف تعاي نطلع بره ... يمه هبطت مو جهازه مغلق ... جايه جايه كمت الحيلي وهو مشة جدامي ... محمد لا بس سالفتي .. سالفه تعاي خل نكعد هين اني سألت شهد كالت كاعده بالغرفه وجيت اي صحيح كاعده انتظر سلطان... نمشي ونحجي اني وياه طبيت للهول هدوء بس شهد بالمطبخ دتسوي اكل يمكن كعدت كتلو يا الله خيررر شكووو... شوفي اخيتي انتي والله مادري منين ابدي كول اسمعك خير خمو اكو شي لا لا بس السالفه ... اني رايد بنيه يعني احبها هالله هالله اي كمل ... عدلت نفسي زين كعدت هههه خل اكملج ... شوفي هاي البنيه عيوني ماتشوف غيرها يعني ويا روحي تصعد وتنزل ياااااا عاشق محمد وماندري اكول كبل تسمع الاغاني ومنطرب وصفنه تجيبك وصفنه توديك اااااخ شحجيلج .. والله معتلچ بنار عليها بس اي بس شنو وينها هي منيه شو ماادري اني ماتعرفيها اخيتي بس اني جيت هين رايدج فزعه وياي عد عيناك والله ابشر بس شسوي يعني رايدج تحاجين عمي تكوليلة يقنع ابوي يخطبها لي ياااا يعني الشيخ مو راضي عليها لوشنو اي موراضي واني بقيت بين نارين لا بيه اعوفها ولا بيه اكسر حجاية الوالد خطيه الله يعينك .. زين شنو اليمنع ليش مايقبل يكول اخذ من بنواتنا .. عباله الشغله بس گبع واخذ تره الگلب من يهوى مصيبة بعد لا بيدي ولا بيد احد گلبي يهواهه وماهوى غيرها حقك والله صحيح ..انت كاعد تحجيلي اني كلهن جرن على اخيتك بس محد يعرف شنو الانسان من يحب شخص ومابعد يحله بعينه غيرة... الله كريم اني بس يجي عمك راح احجي وياه ماتقصرين والله ... انتظر منج خبر ... تدلل اخويه والله شبيدي ماراح اقصر... دانحجي وجان شهد تفوت ..... كالت هاااا خير شدتحجون سمعت بطاري حب وفزعه محمد ... يولي فارجيني لا ابتلي بيج ... شكو حاطه اذانج حباب اخوي انت ... غير تححي الاخيتك تعاي كحلاء فهميني شكو منو يحب منو يخطب ... اليوووووم لازم اعرف محمد اهوووو مگرود الينحط بالسانجن ... اروح اني ومثل ماكتلج لا تقصرين بفزعة اخوج ... تطمن والله ماراح اقصر تسلمين الله يعزج اخيتي... يله من رخصتكم .... كام محمد طب الغرفته ... وجت شهد كابلتني .. هااااا احجي شكالج محمد المن يريد فهميني وج شريددد مايريد... لاااا اني سمعتو. اعرف والله يحب وحده تعلميني بي من زمان منتبه عليه اي واشلوون انتبهتي ... اني اعرفه والله المهم مني هاي.... دانحجي .. وجان يصير لايت عالشباك كتلها جة عمج اهووو كحلاء دسولفيلي... ماكو شي بعدين بعدين ... كمت الحيلي ... طلعت من باب الهول دحكت ضرغام يسوق وسلطان كاعد بسده ... نزلو من السياره نزلت سلطان يمشي ... وشايل بيدو اوراق ... وصل ليمي ابتسمت كتلو الحمدلله عالسلامة الله يسلمج شلونج ... زينه الحمدلله شكد اتصلت بيك مغلق خليت بالي اي جنت بالمطار وخلص شحن تلفوني الخاص والثاني مغلق تعاي فوتي ... كادني وطبينا نمشي ... للهول ضرغام وراه فات ... كعدنا راحت شهد جابت ماي الهم .. سلطان وين فهد .. جابو محمد مو اي نايم فهد ... وين نايم ... بالغرفه يم الحجيه ... خمو يدور على امه ... لا ولا سأل ابد شهد شيدور هي ليل ونهار تكتل بي اصلا يلعب وفرحان ولا رايد شوفتها سلطان اعلمها بعد منا وهيج شلون تكتله هين هين سهلة ضرغام ... اكول مدام كاعدين واخيتي صارت زينه ... ماراح تكطعولنا مهررر مو ذبحتوني ... ضحكت كتلو حكك والله ... سلطان ... يول ساعه 3 وربع وانت تسولف بالمهر... خل تصبح الدنيا هااا شوكت كل مااكول اتأجلوهااا ... اريد اخطب عاد مو مابقى صبر وعيونك ...اريدددددددهاااااا شلون يعني اصيح اكعد اهل البيت يووول شجاك هاليومين نروح بس لا اتخبل علينا كحلاء ... ضحكت لمن صاح اريدهاااا كلت والله وسراب طلعت جايبة الزلمة وليل نهار تعيب على فرده حذائي بسيطه خل اشوفج ست سراب ... سلطان كومي خل انام تره مكسررر تكسررر ... ضرغام هالله هالله بيني مو تنسانه يمعود .... سهلة سهلة تبشر هاليومين ... كحلاء كام سلطان صعد جدامي بمشي واني وراه.. كلت اليوم يوم الحب والخطوبات منا محمد وهسة ضرغام ... طب سلطان وطبيت وراه سديت الباب... كعدت عالسرير وهو كام يبدل... دنجت راسي شلت التلفون للان احس نفسي اخجل منه ... اشلونج اليوم ... الحمدلله زينه اوديج باجر للدكتوره تشوف المكان لا ماحجة الحمدلله طاب كل الحرق بس بقت اثار... وانتي شبيج مدنجة راسج... لا بس داكلب بالجهاز ... راح افوت اسبح عالسريع واطلع مااكدر انام ... ماشي ... طلع اخذ البرنص وياه ... كمت الحيلي كلت خل ابدل صارلي كم يوم هامله نفسي ... فتحت الكنتور طلعت ملابس لبست دشداشه قصيره لون وردي ... فتحت شعري وتعطرت ... ورجعت تمددت بفراشي... شوي وفات سلطان ... سابح ومكمل... طبك الباب وراه وقفله كحيلة ملابسي وين ... بمكانهن يمك ... كومي انطينياهن كولي رجلي جة تعبان اساعدو ابتسمت كتلو حقك ... كمت الحيلي فتحت الكنتور طلعت الملابس انداريت هو واكف ورايه ... رفعت راسي واني خجلانه جان لاف نفسه بالبرنص .. كتلو هاي الملابس ... اخذهن من ايدي شمرهن عالجربايه اريد امشي خله ايده كبالي .. صارت جدام وجهي ..اريد اعبر ماكدرت ... رفعت راسي عليه واني ساكته بس بفس الوقت مستحيه كلش.. خلة ايده على حنجي ورفع راسي... اني هين كمت ابلع بزيگي مدري ليش تذكرت ليلة عرسنه قرب نفسة وباسني من شفتي ... رجع سحبني من خصري ... همس مشتاگ بخجل وارتباك كتلو واني هم ... وخرر ايدة اريد اعبر جرني علية .... شبيج اتراجفين ومستحيه شبيج ابويه لا لا عادي بس اريد انام جهزي نفسج تره بعد مابيها .... عرفت شنو يقصد بس ثولتها ... مشيت كعدت عالجربايه اسمعه ايكول هين وين تروحين مني ... مارديت جة يمشي وكف عالمرايه مشط شعره ... دحك عليه بالمرايه وكال .. شوكت يناسبج نخطب سراب الضرغام مو هذا شيب اهلي ... ههههه بكيفك اي كلها راح تعرس الا اني .... ليش شبيك انت عايزه تريد الثالثة ليش هو اني شمفتهم من الثانيه ... مممممم .. سكتت ... شفته ديريد يبدل صديت وصرت اكلب بالتلفون .... حسيته ورايه راح مشه طلع ملابس بدل لابس بجامه وفانيله وجة يمي كعد... كتلو اطفي الاناره .... لا خليج ... كام راح طفاهه وخله بس الكلوب الهادء... جة يمشي سحب الفراش وتمدد ... اني بسده بس كاعده خليت التلفون عالميز .. همس ها والتالي ... صديت عليه كتلو شنو ... سحب ايدي عليه تعاي تعاي... سحبني عليه نومني على ذراعة ماحنيتي يولي ما نكسر گلبج عليه ... ابتسمت كتلو على شنو ... هااا يعني ماتدرين على شنو... ولج منو داعي عليه صار شكد معرس مامفتهم شي سكتت ... واني ايديه على صدره ... سحبها وباسها همس كحيلتي مدام صرتي زينه ... كتلوواااااي .... اتذكرت من الدكتورا كالت تدخل جراحي هين صدك خفت ... حجيت واني مرعوبه اييييي وشنو يعني هاااا هوب هوب لا تاكلينا يمعوده ... اي كمل شتريد يكولون صحت وتمحت وماظل للضيف حجة موو يابه اييي يعني يعني بعد مابيه اصبر تره صبرت جثيررر سلطان حبيبي هااا بعد حيلو دحگ الشمس طلعت لا بشرفج .. خاف اتشاقين عبالي عدها خبر سلطان خل انام ... مابقى وكت وانت تعبان هاااااااااا ملعونه عليمن تلعبين يولي سحبت اللحاف واني اضحك غطيت راسي جرني علية وصار يبوس بيه كتلو موووو اليوم حباب... خلص مو اليووم يجرالج .... بس لا تنرعبين مني مستحيل اسوي شي انت خايفه منه ... ولج اني اخاف عليج اكثر من روحي عجل بعدين حباب خلص بعدين ولو جدي شفتو بعيني بس هم يجرالج سلطان ها يبعد الروح ... اسمعني اميره اليوم جانت هين وجت تصيح وتهدد اي اني مو كتلكم لا تخلوها تفوت شجابها سلطان اذا اميره بيوم حاولت ترجع او فكرت ترجعها والله العظيم لو الدنيا كلها تكف بوجهي اعوفك .. مستحيل اكون زوجة واكو امراه اخرى تشاركني بيك هههههه هسه انتي اخذتيني حاصل فاصل ام المشاركة منو الكال راح ارجعها بيوم ولج خبله انتي ... مادري خاف احد يضغط عليك ويكولك ام ابنك وخطيه تره ماكدر اتقبل هالشي ابدددد وان جان على فهد اني اربي والله اشيله بعيوني الاثنين لا ابوي انتي ماتجي ولا تلفي ولا اريد اشوفها هاي انسانه مريضه هسه اني ويييين جنت وين اخذتيني عگرتي ابو المزاج مو خايفه من هالسالفه مدري ليش ... لا تخافين ماكو حرمة بعد بالدنيا تجي وتصير بظهر جنسيتي غير كحيلتي ... تعاي وكافي سوالف ... سحبني لحضنة ونومني... مثل الطفل جنت تعبانه نمت نوم من زمان مانايامة هيج ... حسيت الصبح على سلطان وهو كاعد ... مرتجي عالمخده وصافن بوجهي واديه متغلغلة بخصلات شعري.... فتحت عيوني لين هو بوجهي... صباح الخير حبيبي ابتسمت كتلو صباح النور .. قرب نفسه وباسني من رگبتي... همس شحلو وانت نايمه.... جن غزال ونايم گبالي وجه هذا لو لوحة ... سبحان الي خلق ... ابتسمت كتلو عيونك هي الحلوه ... اكول هساع احنا شنو يالله شنو ..! لا احنا المخطوبين ولا احنا المعرسين ... ادري والتالي مو حركتي اهلي يولي كتلو هااااااا ردينا اصلا اني كتلك مستحيل بعد اخليك تتقرب الي لا بربج عجل وحجي البارحة حباب مو هسه وين راح هاي جنت حلمانه لو نايمه عالنص يولي اشوف لو تكملين حلمج ونفضها مو احسن شنووو هو ولج اريد اعرس من صدك تره راح اطلع الم العرب عليج عزززززه اي شعبالج مخبل تره ماصايره هاي لا عليك الله صدك اهووو جاهل وكلشي تصدكين ... حسسسسسسيي يولي تره اني رجاااااال وانتي بسدي نايمه ادري شلون يعني احد گلج الي نايم بسدج حجاره... لا بس ... كمت ... الحيلي انهزمت ويييين رايحة كووووووم نتريك اليوم كالو راح نجيب گيمر عرب واشكال لا خاف بعدج حلمانه ولج هي كيمر عجل والكيمر العندي هذا شنو دتعااااي مااااااااااا شلون راح اكوم اذبحها سلطان اندارررررر ليش ..! بس اندار عليك الله وغمض.. هااا تريدين تبدلين مو .. اي هههههه ابقي بهذا خبالج ... ليش وين رايح عنج اني منهو الي يداويج يوميه كام الحيله سحب الدشداشه من الزاويه لبسها وصل للباب صد عليه وكال غيري طبعج هذا تره اني بشررر فتح الباب وطلع حسيته ضاج مني ... طلع هو بدلت وطبيت للحمام غسلت وجهي وحدرت ... لكيت الكل ملمومين عالريوك ... سلطان ماكو ... الحجيه صاحت عليه كالت تعاي حدري يمه وكفت يم شهد كتلها وين سلطان طلع للحديقه شايل الصونده ويرش ... شنو ماتريدگ .. لا صحنه عليه يكول ماريد .... كالتلو تعال اكل كيمر عرب تتدري بي يحبه شو كال الها شطيح حضي غير كيمر العرب ... بقينا ساكتين ماندري شيقصد الحجيه لااااا يمه يأذي القالون عندو اعرفه مايريد يكله سووله اي شي الثلاجة مليانه همه يحجون واني اضحك بداخلي عرفت هو شنو جان قصده كتلهم هسه اجي.... طلعت وراه ... لكيته شايل الصونده ويخابر من بعيد اشرتله خزرني بعينه واندار.... الشمس حاره جانت ... رجعت للبيت .... لكيتهم فاتحين سالفه ضرغام وسراب.... وديحددون المشيه ضرغام .... خيتي بلغي اهلج راح نجي .... تره وريتونا ور الحجيه اسال سلطان شوف شيكول دايحجىون وجان سلطان يكول هاي هي اليرده ضرغام يجرالو .... ضرغام ... هلا ببو فهد هلا حيهممممم هلا بالمعدل جة فهد يركض على سلطان ... شاله كالو حبيبي تريكت شهد اي سويتله ريوك تريك فهد ... بابا انلوح بالسياره وين تروح حبيبي.... نلوح بعيدددد اشتري باسكل ... صار اليوم اجيبلك ... وينو ليث محمد خل ياخذو يشتروله باسكل ... الحجيه جوه محمد كاعد ... سلطان .. اخذ فهد كال لا اني راح اطلع اشتريله كام ضرغام غسل وطلع وراه .... الحجيه يمه عجل اذا هيج كولي الاهلج الجمعه احنا يمهم ان شاءالله خاله اليوم اخابرهم مر يومين ... والحمدلله اني تحسنت وصرت احسن الحروق كلها طابت على المراهم .. مابقى غير فقط الاثر بدت تتحسن نفسيتي ... جانت الحجيه يوميه المغرب تجيبلي المرة تقرالي وتروح وسووالي حجاب.. بديت اتحسن الحمدلله بيومها اخذني ضرغام وشهد للدكتوره ...كالت الحمدلله بعد اتركي كل العلاجات واذا تريرين تروحين الاثر الافضل تطلعين للخارج بجلسات كلها تروح وارجع مثل قبل .. طلعنا من الدكتور للسوك اني وشهد ... اخذنا ملابس النا والسراب ورجعنا ذبنا يم اهلي كال شويه وارجعلكم نزلنا حتى سراب تقيس الفستان ... لان جانت امي مريضه ماكدرت تطلع ويانه ... طبيت البيت اهلي لكيت خالي وساره توهم يريدون يطلعون للدكتورا سلمنا عليهم همه طلعو واحنا دخلنا طبت شهد جدامي كالت وينها سروبه... امي مدده بالهول كالت توها فاتت جوه ... خليت العلاليك يم امي بوستها وطبيت واني متحملة صحت سررررررراب ... وينج لكيتها حاطه المرايه تلقط بحواجبها ومخليه قناع بوجهه طالعه تموت ضحك ... شهد عستني كالت فوت ضرغام ماكو احد جان اجط سراب من فوك الكرسي... كالت لااااا بربج وينه ... خلت ايدها على وجهه ... شهد شكو بيها عليش مستحية فوت ضرغام ماكو غير عروستك سراب دخيييييييييل ربج خل يروح وج كحلااااااااااء اطلعي عليه شهد ههههههههههههه جذب جذب راح بس عيني اخذلج فستان وعطور واشكال كال خل تقيسه اذا ماعجبها اجيبلها غيره طيييييييح الله حضجن على هالسالفه شسوي بط عندي اشتريت فستان كحلاء اكوووووووول عيني ست سروبه تذكرين شيسويتي بيه مووو شكووو وجع شبيجن تذكرين شكد حششتي على الحذاء كلته حب من اول فرده شهد هههههههههههههههههههههه سراب اي وهسه شنو يعني قابل جاذبه اني لاااااااااا حشاج بس انتي حب من اول شاااااااارب صخام الوجه هي شارب تذكرين مووو تذكرين مو لاكينه ضرغام بسيطرن اربيل من كلتي شورابي توهن خاطات وتخبلتي وجاوبج هو وكالج لا عمي حلوااااات اي وويعتي شنو هسة يعني سحلتي المحززززززم سامعه واحد من يكول اخذها من هالشارب ... ولج شاربج طلع بي بلا اهووووووووو دسكتي هااااااا صارت اهووو والله الا ابهذل احوالج خل يجي ضرغام الا اشهرج جدامه عادي كوليله اني هم اكول السلطان جانت كحلاء تعدل روحها وتتعطر يله تخابرك عبالك راح تشوفها صوره وصوت عزززززززه جذابه اني الج شهد ههههههههههه يمه راح اموت بطني لكم انتو تحشيش طبت سراب للحمام وقفلت عليها الباب انهزمت رحت كعدت يم امي وبطني توجعني من الضحك قاست الفستان سراب طلعت كلش حلوه بي وقياسها مضبوط خابرنا ضرغام وجانه دياخذنه طلعنا دنمشي وجان امي تكول ... يولن هلهلن ساره مصوره بيها وليد شهد واني وسراب بالممر دنمشي كلبناهه هلاهل... وهوسات يمه تمنيت اشوف فرحة خالي شكال هسه طلعنا للباب وسراب وصلتنا ... ضرغام جان كاشخ نزل من السياره سراب لابده بس. الباب ... جانت مغسله ومبدله ضرغام شكو الهلاهل شو من هسة ... شهد لا مو ساره طلع بيها وليد (ولد) هاااا بيها الخير ... اكول شو عروستي مستحيه وينها دتعاي سلمي كولي سراب شلونك كحلاء كلووووش ... تقربت عليها كتلها من هالشارب سراب خرب ولج فضحتينا ضرغام مبتسم مايدري شدنحجي كال الها لبستي الفستان اي حلو شكرا ليش كلفت نفسك هو مرتجي عالسياره يحجي وياهه وهي ماده راسها من الباب واني وشهد متفرجات ... لا مايغلا عليج شي ... اشكرك كتلهم اكول يله يله عيب بعدكم مو كاطعين مهر خل نروح ضرغام ها خيتي يابه ماراح ناكلها على كيفج عيب عيييييب امشو يله شهوده فتحت باب السياره واني اضحك كل شوي اتذكر شارب سراب ضرغام صعد بالسياره ونزل الجام كاللها فوتي وسدي الباب وراج شهد عستني كالت شاهدي الغيره يولي ههههههه اي عيني ست سروبه يحبها ليش لا والله الل اخبلها ههههههه لا خطيه عوفيهم شكد حلوين رجعنا للبيت ضحك وسوالف على سراب والفستان والصالون وصلنا الباب جان يكول ضرغام ياالله خير .. كتلها شكو شهد هاي سياره خالي طابكة ابو اميره يعني.... اي همه ... من كالت اي انقبضت روحي نزلنا وبيدنا العلاليك ... تمشي شهد جدامي واني وراهه سمعت صياح رجال يحجي بعصبيه طبيت للمطبخ ... اريد افتهم شكووو... جت تمشي ام محمد سحبت الكرسي اني وكعدت شهد يمه ذوله شجابهم شكووو ام محمد جوي يحطون شروط شروط شنو ... همه يحجون واني كلبي مدري ليش اهجسه يريد يطلع من مكانو ام محمد يريدون يرجعون اميره على ذمه سلطان يكولون خل يكطع الها مهر وتبقى مرته بس عالورق لان الوليد مايصير يبقو هيج .... وصار ساعه صياح ومعارك يتبع ادري اكو سحك بي غلسو امانة💜😁 ولا تنسون التصويت وباجر ان شاءالله بس يصير بيدي مجال انزل التكمله ... تحياتي | ||||
|
| |
|
27-12-19, 07:09 AM
| #46 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الرابع والأربعون والأخير خيال #الكحيلة #بقلمي_نشوى_السلطان🧚♂️ #انتباه مساء الخير متابعيني الاعزاء طبعا اليوم هو البارر ت الاخير .. للي متحمسين للنهاية هذا مقطع صغير نسخته الكم ... والله يعزكم لحد يكول غيري بالنهاية لانها قصة حقيقية ومااكدر اتلاعب بالاحداث ... ⭐️ كحلاء كاعدين جنه والفرحة يامحلاها ... سراب بالفستان وضرغام بسدها ويشاورون جن طيور حب ... وصوت الهلاهل ترن بأذاني اتذكرت يوم عرسي ... دمعت عيني ... الله شكد جنت تعبانه نفسيا اليوم صدك ارتاحيت لمن شفت الكل فرحان واني اتشافيت... وتحسنت نفسيتي كمت على سراب اريد اكعد يمها ... جن اتجرني من فستاني ليلى ... خاله كحلاء خالو سلطان ذاااك يريدج صديت عليه .. لين واكف باب المطبخ ... بس يدحك عليه بنظرات غريبة .... مشيت وطلعت ليمه ... وكفت كباله ... كتلو صحتني..! اي صحتج تهيري ... ليش بعدهم موجودين كلهم ماخلصت الحفلة لا مطوله انتي هين لا تخافين بس رايح للمحكمة للمحكمة ... ابتسمت كتلو وشنسوووي ننفصل وكلمن يروح الحاله ... ههههههههه اهو سلطان شبيك...! تره ماكو شي يضحك تذكري كلامج زين موكلتي مااريدك مااكون زوجة الك .. هذا اختيارج وقرارج ومستحيل افرض نفسي على انسانه لحد الان مامسلمتني نفسها تره اني موجامد كافي عاد هنتي كرامتي جثيررر .. وهسه يله اللبسي عباتج وخل نمشي ... يحاجيني واني بصدمةةة اهجس واحد خنگنني .. صدك يعني هاي هي انتهت قصتنة وحياتنا بطلاك ... لا مستحيل صاح على ليلى كال الها جيبي عبايتها ... لان جنت لابسه فستان وبارز جسمي بي .. راحت تركض جابت الفستان خلته بأيدي هو اندار حسيته ضايج .... مايكدر يدحك بعيني لبست العبايه .. وايدي ترجف ... انداريت ورايه ادحك فرحة امي اليوم بسراب وبعد شوي الفرحة هاي تنتهي بطلاكي ..... اكمل سرد القصة وبالليل انزلها .. وانتظرووني بوحدة من هالروايات ... انا محرمة ⭐️ وماهمني ان خرجت قتيلا ⭐️ اروع حب عشتة ⭐️ كأني انا خلقت الحب ⭐️ لما تلموني... ⭐️ اختارو وحده من هالروايات... ............⭐️.............. ام محمد جوي يحطون شروط شروط شنو ... همه يحجون واني كلبي مدري ليش اهجسه يريد يطلع من مكانو ام محمد يريدون يرجعون اميره على ذمه سلطان يكولون خل يكطع الها مهر وتبقى مرته بس عالورق لان الوليد مايصير يبقو هيج .... وصار ساعه صياح ومعارك شهد .. اي وليش منطيهم مجال ... عيب يولي لا يسمعوووج كتله بس فهميني اي شروط وسلطان وين...! دانحجي جان شهد تكول تعالوووووو اسمعو ذبيت العلاليك من ايدي وكمت ركضت ليم الباب اسمع الشيخ حامد يصيح ومنفعل.... وهو يكول الهم الحرمة الي تجيب الشر الاهل بيتها ماتفوت بعد هينه جانت هين معززه مكرمه وبالتالي ماتراهمت هي وابنه وراح كلمن لحال سبيله بقينا احنا اهل .. وجت هين هم معززة مكرمة رغم وجودها جان بالدار اكبر غلط بس كلت هينه هي جم يوم وترجع .. بس مال تسوي مشاكل لا ابد مااقبلها ... ام اميره دقيقه شيخ ادري ماقصرتو والله حكگ بس اريد افتهم اميره كلنا نعرف هي فقيره ومالها شر على احد ادري شنهو السوته ... شهد بسدي ... كالت استلمممممم فقيره فقيره رجل دحاجة ماتحل ... والله انعل ابو ساعتها ... شيخ حامد ... لا والله مو فقيره الي تسوي سحر وتجي تكطة هين وتثبر اهل البيت هاي شيطاااان ... شهد استلمممممم اكول يمه هذا ياسحر... كحلاء ادحك ام محمد ساكته .. ماحجت شي كالت هسه اجي ... راحت يمهم... ابو اميره ... ليش شكووو ياسحر هذا الشيخ حامد... والله لكينا سحر بغرفة سلطان ... والبنيه تمرضت بسبب هالشي ... مالها داعي للشي السوته حرام عليهز وعيب تهدم بيت ... انداريت على شهد كتلها عزززه ولج صدك هالحجي _ مادري علمي علمج اصبري خل اسمع موكتلكم هاي مال كتل بس ام اميره .. ها يعني تحطو براس بنتي .. الدنيا اشكال بيها واني الادري ابن عمها جان رايدها وسلطان اخذها منه ليش تحطوها براس بنتي شمدرينا مو من عمام البنيه ... ام محمد... لااااا حجية واحد بحجي حضة وبخته السحر لكينا وديناهه للمره فتحته وقرينا المكتوب بي ... الشيخ ... سولفي يم محمد كوليلهم شمكتوب اني راح اسكت اي ... والله حجيه مكتوب خراب وكراهية بين سلطان وعروسته ومحبة ورجوع بين اميره وسلطان يعني بعد شوفة عيونه شفناه هاي هم ذياب... ام اميره ... لا بس جوز احد متعمد شخبط هالشخابيط حتى تطردون بنتي... تره والله مايصير هالحجي البنيه احتركت خليتوها براس بنتي انوب سحر حرام عليكم الشيخ... لا الحرگ ماشفنه بعيونه ولا اكو دليل لهل شي الله اعلم ممكن قدر وصار بس السحرر لاااا البنوات كل نوبه يشوفوها بغرفه سلطان وهي طليقتها موراهمه تدخل الغرفتهم الا جانت ناويه غير نية..... كحلاء يحجون واني بس بصدمة اتذكرت الشي الصار ويايه كله صار كبال عيني من جنت احلم واشوف اشياء والكوابيس وعصبية سلطان ... ونفوري منه ... ياربي معقول اكو بشر بهالخبث وهالحقارررره .... احنا ماكلنا رجعوها ترجع وياه عادي خل يفتح الها بيت ثاني حتى يبقى ابنهم بينهم ... حرام تبعدون الوليد عن امه حجيه اني مادكلج الوليد ناخذه بس بنتكم مالها مكان عدنا الوليد يبقى يمكم ويم ابوه هذا حقها مانخذه منها .. ابنها حرام علينا بس مال ترجع على ذمة سلطان لا بالله اني ماقبل مو بس سلطان يعني هيج هاي تاليها تفضلون الغريبة على بنت خالكم حجية اولا البنيه دام دخلت بيتنه وصارت حرمة اخويه بعد مااتسمه غريبة .. وشي ثاني دامها بنت اوادم تبقى معززه بهاللبيت وراسها عالي .. بس الي يجي وناوي الشر والله ثم والله ماتدخل عتبة الباب دايحجون وكام ابو اميره ... ضايج الكعده كلها حجة كلمتين وسكت الضاهر انغث من سمع بسوالف بنتهم ... كال الها كومي حجيه... اخذها وطلع ... اني على وكفتي بالمطبخ .. بغير عالم ... افكاري راحت بعيد صفنت تذكرت الماي الي جان عالفرشة .... كتلها شهدد تذكرين الماااي من كتلكم فراشي بي ماي يعني هذا جان سحر شهد اي والله سحر وطبعا الي مشتركة وياهه نور مو كتلكم هذني بلوه وكعت بروسنا الله لا ينطيهن .. كومي ماعليج منهن باجر المهر... خل نكضيها اليوم هز للصبح... بعد ماطلعو اهل اميره ... طبيت الغرفتي اخذت ملابسي ورجعت ادور بكل زوايه الغرفة ... اخاف اكو سحر اخر كلبت الغرفه كلها والحمدلله كلشي مالكيت... خليت ملابسي بالجنطة ... وطبيت سبحت وكملت وسلطان بعده مو راجع من الاجتماع... صارت ليل واني واكفه عالمرايه .. دامشط شعري كلت خل اشوفه ليش تأخر ... احس نفسي كلش مشتاقتله... ... شلت التلفون اريد اتصل بي... جان يندك الباب... كلت فوتي شهد انفتح الباب لين سلطان... طب وسد الباب وراه...سلم ... وكعد عالجربايه... كتلو اليوم تاخرت... اي جان عندي شغل هسه كلمت... ولازم ارجع اطلع جهزيلي الحمام اريد اسبح واطلع زين شنو ماتتعشى.. لا معزوم عالعشه... زين الحمام جاهز وملابسك جاهزه بس من تطلع توصلني الاهلي شتسوين مو كال ضرغام وديتهم مرو هناك لا اريد اروح ابات هناك... داحجي رفع راسه عليه وهو يفتح بأزرار القميص... ها تريدين تبااااتين موو.! اي لان سراب خطيه وحدها واريد اساعدها ها مو هية فزعه ..! خطيه اريد اروح حباب انتي مو تريدين تساعدين سراب بس تريدين تتهربين مني .. عالعموم جهزي حالج تدللين هاي شبيك سلطان والله... اشششش ماكو داعي تكملين مو تريدين تروحين خلص تهيري حجة هيج اخذ البرنص وطلع... كمت طلعت ملابسه بس محتاره اروح لو لا اخاف يزعل مني بس خطيه سراب منو راح يحف الها. اوف شلون هسه جهزت الملابس عالسرير خليتهن .. وملابسي بالجنطة كلت خل اروح اشوف شديسوون جوه خاف شهد وحدها خطيه حدرت الجوه دحكت عالحمام بعده يسبح مامكمل.. حدرت لجوه اسمع حس منال بالمطبخ... تلكتني شهد كالت تعاي صبينا العشى حدري تعشي ويانه... دقيقه منال وياهه ذياب لو وحدها لالا ماشفناه ذياب وصلها للباب وراح ... ماشي... طبت شهد واني وراهه... سلمت على منال شلونج منوله مشتاقين والله حياتي الحمدلله انتي شلون صرتي لا الف الحمدلله بخير .. شخباركم شكو ماكو والله ماكو شي بس عمتي ام ذياب تريد تروح للرمادي ياااا شتسوي تروح والله تكول اشوف البيت شبي مابي وهم تسلم على كرابتهم وترجع بس والله لو ماتروح احسن اي هو داكللها لا تروحين لان تريد تاخذ ذياب وياهه واني كلش خايفه عليه حقج والله غلط روحتهم عفية كحلاء تعنيت عليج اريدج تحاجين الوالد يكللها لا تاخذين ذياب والله اخاف عليه تدللي اني اليوم بايته يم اهلي بس اروح اكوللهم ... تسلمين ماتقصرين الحجيه عشاجن برد كافي سوالف حدرت اكلن كعدت يمهم ... بدينا ناكل... كعدت يمي فهودي عشيته حبيبي جوعان جان .. دنسولف اني ومنال ... جان يفوت ضرغام مزين وبيده علاكة يمكن ملابس مشتري الحجيه من شافته كامت تهلهل... شكد حلوه الفرحة عليهم جانت ابتسم وكال رايح اسبح اني حدر يمه تعشة وروح... عليش مستعجل شتعشة مليان شعر خل اسبح ... اكلو الف عافية حتى عشى ماريد منال كالت اي صدك لو كالو ماريد العشى بالعجل زفوني ضحكنه كلنا على حجايتها طلع من المطبخ دحكت جدامي سلطان نزل كاشخ لابس بنطرون وقميص ابيض .. ودينشف بأذانه من الماي.. تفضت ايدي وكمت شهد كالت وييين بعد مااكلتي شي لا راح اروح الاهلي الحمدلله شبعت هااا يعني راح تباتين اصبري خل اخابر امي اكللها اروح وياج ماشي اغسل زني وابدل وانزل... طبيت للهول هو يدحگ عليه ويرجع يندار... كتلو اني هسه احدر مااتأخر... تريدين ضرغام يوديجن..! لا ليش ضرغام مو انت راح تطلع... بطريقك وصلني عجل يله مابقالي وكت.... لحكتني شهد ليم الدرج كالت عوفي لا تكليله هسه على سالفة اميره والسحر ابويه هو يحاجي اي عادي بس ليش يمعوده مانريد مشاكل خل نكطع مهر ونكله وعود خل بروح يطبح حضها من يسمع هسه يطلع عليها بعد شيخلصنا ههههه ماشي هم صدك يله خابري اهلج بين مااصعد صعدت للغرفه بسرعه غسلت وبدلت شلت جنطتي دحكت الحلقه مالت سلطان عالميز... شلتها بيدي وحدرت ... لكيت منال دتغسل بالمواعين .. كتلها وين سلطان.. كاعد بره هو وامي ... ماشي... زين شهد وينها ... دتلبس راح تروح وياج ... خوش عجل... طلعت للطرمة دحكت هو منطيني ظهره بالحديقه كاعد ويا الحجية مدري شيسولفون ... شافتني الحجي كالت تعاي يمه حدري اللتفت عليه وكال لا يله خل نمشي .. كام الحيله والسويج بيده... كتله جايه وراك... طبيت على منال كتلها كوليلها خل تجي بسرعن اني انتظرها بالسياره تره سلطان كمل وطلعت بديه غراضي والحلقة .. صعدت للسياره ..، لكيته كاعد بالسيارة ... مشغلها وخال ايده على راسه .. كعدت بسده... فتح المسجل وشغل ... اغنية ... ماجد المهندس "يمر الوكت والذكرى ندامه على من علم بگلبي علامه خدعني وگال احبك ياحبيبي و انا من فرحتي همت بغرامه ولا ادري وش لي جاه مني الي من غبت جرحني بكلامه عگب ذيك المحبه صار خلي يعاديني ويلحگني الملامه"... بقيت ساكته وهو يسمع للاغنيه وسارح ... شوي ونصاه كال ها مانمشي ... لا بس خل تجي شهد سكت مارد عليه كتلو الحلقه مالتك ناسيها... صد عليه وابتسم .. كال ايباه ... حلقتي ذكرتيني ليش اني متزوج سكتت ماححيت شي دنجت .. شلت الحلقه فتحت جف ايده كتلو اللبسها لا تذبها ... لبستها اله اي جرها حسره وكال اسمعي اسمعي ... عله المسجل على مقطع ابرحل مع وجع قلبي و حزني و اعيش العمر في ذكرى هيامه الا يا وقت اتركني لهمي ترا المهموم يتمنى السلامة ... بهالاثناء شهد فتحت الباب وصعدت مشه سلطان وايديه على راسه صافن ويسوق ... ومشغل ماجد اغنيه ورا اغنية ... لحد مارصلنا بيت اهلي مانطق بحرف وكلنا ساكتين وصلني للباب ومانزل ولا حجة شي ... حدرنا اني وشهد هو راح ... بس من شفته هيج وضعه ضجت حتى واهس للحفلة مابقالي طبينا سلمنا على اهلي وباركت الخالط والساره عالولد كعدنا شوي تعللنا وياهم وصعدنا للغرفه ... شهد وسراب وزهراء .. كاعدات سوالف وشقى وضحك واني بالي يم سلطان بودي اتصل بس اخاف كاعد بعده ديتعشى لو احد يمه ... ترددت اتصل .. حدرت شوي كعدت يم ساره حجيتلها الصار ويايه لكن جانت رده فعلها عاديه لمن سمعت انو مانعته يتقرب الي لحد الان حسيتها تعرف بالي صاير .. كل شوي اشوفها تبتسم وترجع تسكت ... حاولت اللهي نفسي بس ماكدرت كل حديثي جان عنه ... لحد ساعه 12 بالليل وهو مااتصل ولا دز مسج ... الكل بالغرف والبنات فوك وحدي كاعده بالهول ،. اتصلت بي مااجاوب عليه... بقيت احوووص ... شوي وماصبرت دزيتله مسج كتبتله اريدك يمي مشتاقتلك... وضغطت إرسال انتظرت شوي مارد... جاني مسج من عنده على الڤايبر فتحته بسرعة لكيت رابط... وكاتب اسمعي هاي الاغنية تره اني سلطان مو جايه تالي الليل تلعبين بأعصابي تصبحين على خير ... اريد انام بسرعة ضغطت عالرابط... شغلتها اغنية لكاظم الساهر ... أقاسية المشاعر غادريني فما أنا عبد سيدة وكأسِ لقد أخطأتِ حين ظننت أني أبيع رجولتي وأذل نفسي فأكبر من جمالك كبريائي وأعنف من لظى شفتيك بأسي فما أنا عبد سيدة وكأس أقاسية الوصال إلي ردي لهيب عواطفي وجحيم حسي لقد دمرت أيامي وعمري فجفت دمعتي وانبح همسي أعيديني إلى أصلي جميلاً فمهما كنت أجمل منك نفسي فما أنا عبد سيدة وكأسِ ،... ركزت بالكلمات والاغنية حسيته كلش مقهور مني ومن تصرفي ... ياربي انوب كاتبلي راح انام يعني مايريدني اتصل بي ... والله لو مااجاية احسن .. هسه اني شجابني طلعت الرقم اتصل... لا خاف نام لو ضايج مني.. افتر بالبيت وافكر .. مدي هسه اني يمه ... والله شتاقيتله ... فتحت الفيس .. طبيت على صفحته الشخصية... بقيت اكلب بالصور والتعليقات رجعت طبيت للماسنجر اخر ظهور منذ 43 دقيقة واني اگلب بالجهاز لين زهراء ورايه كتله صخام بوجهيج صدعتيني الله يصدعج هههه شبيج شو وحدج كاعده تعاي شوفي سراب وشهد موتوني ضحك .. سراب نحفله وتصيح جوعانه ماتعشيت وكبالها حاطه سلة فراكة وحلويات هههههه عاد سراب ام بطن وين ماتوديها تصيح جوعانه دمشي تعاي اصعدي الگعدت فاتتج اي هسه راح اجي اكولج كحلاء اتذكرر ت شنو حبيبي كولي علمود ذيج الليله من جة عليج ذياب ومصيح عليج والله اعتذر منج طلعت من وجهي ياليلة اتقصدين شوفي اني ثاني يوم عرسج صعدت فوك دنطلع اغراض من المخزن وسمعت سلطان يحاجيج عالنيشان والله اني ماعرف شلون طلعت مني وحجيت الامي من حدرت كتلها سلطان هيج يكول لكحلاء عاد امي من رجعنه حاجيه لذياب ... والله مااقصد اسويلج سالفه واني اعتذر بس ماعرف شلوون طلعت مني يااا واني اكول ليش جاي يريد يكتلني ليش زهراء مايصير يعني انتي بعدج كلشي مامفتهمه ورحتي حجيتي وسويتيلي فضيحة جبيره وتدرين بأخوج شلون عصبي يعني والله مايصير كل الي صار بيه ... وانتي بحجايتج هاي كملتيها عليه هو عرس بس انگلب عليه عزه والله صحيح ماتدرين شلون نقهرت وتحاجيت ويا امي كتلها ليش تحجين الادياب .. امانه كحلاء سامحيني لان اني السالفه كلش ماتروح من بالي لا حبي عادي تعودت اني عالمصايب اذا على هاي سهلة خايفه من الجاي لا ان شاءالله حياتج كلها افراح وسعاده ... تسلمين زهوره ... امشي نصعد... اخذتها وصعدنا فوك ... سراب كاعده تاكل هي وشهد اني تمددت بالفراش ... سلطان ابالي ماراح الاغنيه كل اشوي اسمعها بالهتفون كررتها اكثر من مره وكلماتها جانت الها معنى جبيرر... صفنت النفسي كلت راح اخسر سلطان كافي خوف لازم اتحمل حتى لو اتأذه لازم احاول راح يمل مني ويكرهني... بقيت اسمع بالاغنيه لحد مانمت كعدت الصبح على هوسة البنات صوت سراب واصل ليمي مبينه عليها الفرحه وعلى صوتها ابتسمت وكمت رحت غسلت وغيرت ملابسي ونزلت الهم لكيتهم حاطين الريوك بالهول الداخلي سفره حايرين شمخلين بيها وجايه زهراء وبنات عمي عجيل ومنال استغربت منال جت شعجب وساره دحكت للمطبخ(بيوت اربيل بالداخل اغلبها شباك من المطبخ يطل عالهول) دحكت عالمطبخ لين بنات ومره وياهم تقربت اكثر لين بنات خالي علي اللي ابغداد يبووووووووووو صار شكثر ماشايفتهم رحت اركض عليهم عندوخالي علي بنات2 و3 ولد البنات الكبيره اسمها سهام والصغيرة شيماء وامهم خاله هديل رحت اركض عليهن ولللللل سهاااااااام سهام-هلاااااااااااااا صح النوم هلا بعروستنه ..جت عليه حضنتني وبوستها وبوست شيماء وخاله هديل ..شوكت جيتو؟ منو جابكم شيماء-بابا جابنه اجينه طيران يولي من ال8 احنه هين ..الف هلااا والله فرحتوني ..الف مبارك الزواج والله ماكدرنه نجي ..حياتي الله يباركلكم اجت سراب مخليه ماسك بوجهها وفاتت علينه ..يولييييي شكو حاطة هساع نروح للصالون سراب-معلييييج ترتاح بشرتي يروح ينهزم مني العريس دحكي لوجهج روحي حطي لايطفر منج السياسي وياخذلو وحده عضوة مجلس ..وليييي عابتلج ساره-يلا يمعوداااااات الساعه 10 ماظل وكت امشن كحلاء تروحين مو ؟ ..اي اي يلا رحت اكلت عالسريع جبن وزيتون وصعدت للغرفة طلعت عباية وشال واخذت تلفوني ونزلت كلتلهم منو يودينه ؟؟ سراب ..ليث -ها عجل صوت سياره بره يمكن اجه بعدني ماكملت حچايتي جطت سراب تركض بره ..صگع يولي شجاچ سراب-تره خطووووبتي اليوم يلا امشن ..هزيت ايدي ومشيت دحكت لسهام بنت خالي مثل اللي تريد تجي ويانه بس مستحيه وخايفه من امها ماتقبل كلتلها سهام تجين ؟ ..هاااا لا ..خاله خلي تجي والله مكياج خفيف اعرفج ماتقبلين ..ماشي روحن ..جطت سهام باست امها وجابت عبايتها وجتي طلعنه بره اني وساره وسراب وسهام فتحت باب السياره وصعدنه اني وسراب وسهام ليورة وساره جدام ليث-هاااااا رايحات تغيرن روس يولن صالون لو بلاوي كلجن غششش سراب-اي من تتزوج وتروح مرتك للصالون اتحداك تحجي هيج ..ههههههههه ها ماشي وصلنه ليث ونزلنه كال من تخلصون خابروني تونه طبينه وخابرني سلطان ..الو ها حياتي ..كحيلة يولي الأربطة مالتي النيلية وينهن ولا واحد ..بالجرار الثاني مال كنتوري استعجلت رتبتهن عالسريع وطلعت نسيت اكلك ..انتو وين ..بالصالون ..يلا اخذي راحتج سديت الخط ورحت يم سراب ام الصالون تشوفها صور تسريحات ومكياج بال اي باد ..سراب دحكي هاي نازكة ومكياجج سوي ناعم ..امممم اخابر ضرغام اسالو ..ول شعلييييييي هو شبيچ ..غير هو زلمتي هساع انتي تكدرين تسوين شي بدون اذن سلطان هاااا عجل هساع من خابرچ اكص ايدي اذا ما گلج لاتخلين احد يشوفج ...يبوووووووووو عليچ برنووو خما برنووو يلا فضينه بقينه نضحك عليها وضرغام كل شوي يراسلها وام الصالون تكللها عوفي التلفون كملت ام الصالون سراب ووراها اني رفعت شعري كله وسويت مكياج سموكي وخليت عدسات وساره وسهام هم سوو مكياج خلصنه وساره خابرت ليث كال جاي بقينه ننتظر ثلث ساعه وكال اطلعو...!!!!! لبست فستان احمر ناري والردان مالته دانتيل ومكياجي صار سموكي اسود والحمره بلون الفستان سراب لبست فستان مثل القفطان خليجي لون بيجي وسمائي يجنن من وصلنه البيت سراب سكتت مثل اللي ارتبكت تقربت منه ..هااا شبيج ..اكلج صارت صدك السالفه مو ؟ ..ايبااااااخ لا نلعب هسه بس نركص وكلمن يروح لبيته ..عابتلج ..اي شبيج تره ماراح ياخذج هساع ..دحكتلي بنضره متت ضحك عليها نص ساعه واجت المشية زلم تسد عين الشمس وكعدو بالربعة ربع ساعه وحجو بالخطوبة والمهر واجه خالي علينا كال يلا سراب تعالي يم باب الربعة كمنا رحنا يم الباب وسراب ترررررجف شجاها ماادري سمعنه صوت الشيخ(سراب بنتي هل تقبلين بالزواج من ضرغام بدون اي ضغط ؟؟) سكتت وبقت تدحك علينه ..يولي يلااااا ..نعم موافقة صارت الهلاهل واشتغل الدبج والاغاني والبنات صارن يركصن والحجية ام ضرغام طااااااايرة تهوس بعباتها لهناااااك وصاحت منال كالت جة العريسس هلهلنا ودخل ضرغام فرحااااااااان كعد يم سراب باس راسها وهي خجلااااانه ماااعرفتها سريبة خجلانه... ضرغام-واخيرا ؟؟ يولي والله الدنيا ماواسعتني سراب-اني هم تحجي سراب وعينها علينا ..بعد صوتي هالصوت ..اووو ضرغام ..خجلانه مني يبعد الروح شنو هل جمال ؟ يولي اريد اليوم اتزوج ..عزززززه ..اي شكو صرتي مرتي ..امم لا بعد المحكمة ..باجر اعقد يولي ماعندي مشكله ابتسمت واني اسويلها من هل شارب من بعيد وهيه كوه. كاتمه الضحكة كاعدين جنه والفرحة يامحلاها ... سراب بالفستان وضرغام بسدها ويشاورون جن طيور حب ... وصوت الهلاهل ترن بأذاني اتذكرت يوم عرسي ... دمعت عيني ... الله شكد جنت تعبانه نفسيا اليوم صدك ارتاحيت لمن شفت الكل فرحان واني اتشافيت... وتحسنت نفسيتي كمت على سراب اريد اكعد يمها ... جن اتجرني من فستاني ليلى ... خاله كحلاء خالو سلطان ذاااك يريدج صديت عليه .. لين واكف باب المطبخ ... بس يدحك عليه بنظرات غريبة .... مشيت وطلعت ليمه ... وكفت كباله ... كتلو صحتني..! اي صحتج تهيري ... ليش بعدهم موجودين كلهم ماخلصت الحفلة لا مطوله انتي هين لا تخافين بس رايح للمحكمة للمحكمة ... ابتسمت كتلو وشنسوووي ننفصل وكلمن يروح الحاله ... ههههههههه اهو سلطان شبيك...! تره ماكو شي يضحك تذكري كلامج زين موكلتي مااريدك مااكون زوجة الك .. هذا اختيارج وقرارج ومستحيل افرض نفسي على انسانه لحد الان مامسلمتني نفسها تره اني موجامد كافي عاد هنتي كرامتي جثيررر .. وهسه يله اللبسي عباتج وخل نمشي ... يحاجيني واني بصدمةةة اهجس واحد خنگنني .. صدك يعني هاي هي انتهت قصتنة وحياتنا بطلاك ... لا مستحيل صاح على ليلى كال الها جيبي عبايتها ... لان جنت لابسه فستان وبارز جسمي بي .. راحت تركض جابت العباية خلته بأيدي هو اندار حسيته ضايج .... مايكدر يدحك بعيني لبست العبايه .. وايدي ترجف ... انداريت ورايه ادحك فرحة امي اليوم بسراب وبعد شوي الفرحة هاي تنتهي بطلاكي ..... طلع جدامي يمشي وجا ساره عليه كالت ها كحلاء كتله ساره سلطان شبي تخبل يكول نطلگ اششش لحد يسمعج ... والله مدري شكولج غير انتي حارمة الرجال موكتلج الرجال يمل ياعيني يعني غير جنت مريضه اي هسه انتي زينه وماشاءالله اليوم طالعه صدك عروسه اختنكت وهي تحجي كتله وشنو الفايدة ... هو خابرني كال مدام تعاند وماتقبل وحارمتني منها من اليوم خلص كلمن يروح الحاله ياااا يعني مسويها صدك ... مو كتلج ياعيني الرجال مل .. حاولي تقنعي بالطريق كوليله احبك ومستعده الكلشي تريده اي والله احبه والله ادري عمري يله توكلي وقنعي وج يريد يطلگ ساره والله ماكدر بدونه اطلعي حاجي ولج وين اطلع كلها بره انتي بعقلج ساسيي واعرفي شلون تتصرفين وياه ... هزيت راسي اي وجوي الجهال كالو عمو سلطان يدگ هورن يكول يله ... هين اني صدك طلعت امشي واني مكسوره .. حتى ماكلت الاهلي ولا حجيت بوجهي عالسياره ... واني بغير عالم ... شبي سلطان معقول السحر اثر عليه كله منها الله لاااااينطيج .... لا سلطان مستحيل يطلكني اعرفه يحبني... امشي واحاجي روحي.. لحد ماصعدت بالسياره ادحگ عليه ولا مهتم كاشخ ومبدل بالقاط ... شغل السياره ومشه الفرع الجدام اهلي مليان سيارات كلها جايه للمشية .. طلع يسوق وهو ساكت ... واني مثل الغصة بلعومي واكفه ... شبيج كحلاء شو عبالك مالج خلگ مارديت سكتت. عيني عالشارع سمعتي الاغنيه لو اشغلها الج ... لااا سمعتها كلش زين ها خوش عجل يابه صفنت هين طخت عندي كتلو دقيقه وين اكو محكمة العصر لاااا موجوده كاعدين ينتظروج لا جديااااات شبيك تتمهزء لا ماتمهزء بس اني ماخذج على غير محكمة شلون يعني ... محكمة تحكم عليج .. مؤبد بحضني ... شنووو ... ديفان ينتظرنا عروستي ... س س سلطااااان كافي تلعب بأعصابي ها هساع منو اليلعب بأعصاب منو ... يولي اشوفج اختلفتي وتعبتي ماينطيني گلبي اخليج مقهوره هااااا يعني شنو احجي سلطان يولي اني اريدج كافي عاد ... وهسه احنا رايحين للفندق يعنييييي اي يابه اي لمحكمة مليانه عشگ ... اليوم مابيها بعد مجال سلطاااااان ليش هيج تسوي بيه عجل شسويلج جيتج بالسياسه ماتقبلين حيتج بالعيني واغاتي وهم لا كلت ماكو غير اخذج بيدي للفندق ولو امه محمد اليوم تكف كبالي مااعوفج والاريده يصيررر ابتسمت كتلو هو شنو الي تريده ... نصل واكولج يبعد حيلي... هين اني بين الخوف بين الفرح ... ماعرف اوصف شعوري بس اهجس نفسي طااااايره فرح ... شغل اغنيه .. وعله المسجل ... وصلنا الفندق ... واني شلون واحد مصخن خجلاااااااانة طبيت واني مدنجة ... كلشي ماحجيت ... راح سلطان حجة وياهم ورجع ... فتح المصعد وصعدنا ... وصلنا الممر بس جانت الغرفه غير رقم ... فتح الباب وكال سمي بسم الله وفوتي ... فتت جدامه وهو ورايه فات وقفل الباب... كتلو سلطان... اهلي امي اهلك هسه يكولون وين اختفو ماعليج بلغت ساره وتدري بكلشي هاااااااااا من هذاااااااااا بسيطة ساره ههههههه عوفج منهم خمو هم خبالج اليوم موجود وكفت الحيلي تخوصرت وهو واكف كبالي كتلو شتقصددد اني مخبله .. هاااا جرني من خصري وهمس علواه كل المخاليل هيج ... شطالعه اليوم... خجلت ودنجت كتلو بس اليوم يعني تره اني من يومي حلوه حجيتها بدلع ... ضحك وكال...عشگت روحج گبل شكلج ... حلوه يبعد روحي ذب ستره القاط عالسرير ... اني واكفه بمكاني كتلو ... ها شدتسوي ضحك يعني واحد ماينزع سترته عليش مرعوبه ... سلطان خل نرجع البيتنا هي بيييييت ولج الغرفتنا شبيك يعني ليش جايبنا بفندق وشبب الفندق وحدنا ماريد ازعاج ولا دوخة راس اريد الي وحدي ومحد يقاطعنا ز ز ين يعنييي الا اليوم هو شنو ابويه اهووو عساس ماتعرف انت اكولج تسكتين لو مايدك راسي الا بالمحكمة هااا خوش تهديد بعد ماصدك عيني خاف عبالكك تقشمروني يولي .. لا اقشمرج ولا تقشمريني جدي السابع عشر هسه لو يكلي اجلها اكوله جدي انت متت وشبعت موت ارجع الگبرك احسنلك شلون هسه وانت شبيج مرتبكة وخايفه لا تخاااافين اني موطفل بابا اي عيني ادري بيك خبره ههههه استغفر الله شر البلية مايضحك اكولج هاي شنو بكصتج ... اني جنت خاله الشال على راسي بس مفتوح ماملفوف اتقرب على كصتي رفعت راسي داباوع شراح يسوي تقرب وبكل هدوووء قرب شفته وباسني ... ابتسمت كتلو شنو هاي... بدينا بمعاملة الطلاق يابه ضحكت كتلو سلطااااااااان شالني واني احجي همس كافي خوووف كافي دلع وخليج ويايه اليوى اجمل يوم بعمرنا... انسي كلشي خلاني عالسرير .. مد ايده طفى الاناره ... هين اني بعد سكتت لا بيه امنعه. ولا بيه بعد اقاوم لان فعلا اني مااكدر بدونه ولا بعد بيه ابتعد اكثر ... !!!!!!! جانت اجمل يوم بعمري رغم جنت كلش خايفه ومرتبكة وحسيت راح ياخذوني للاعدام من كد الرعبة الي جنت عايشتها سلطان بعد مااتقرب مني واتأكد اكثر انه جان هالشي مو بيدي حسيته فرحااااان والفرح بعيونه ... قربت نفسي عليه وهمست بصوت ناصي احبك احبك واني طايرررره فرح لان رجعت ثقتي النفسي ... جرني عليه وهمس ... يبعد حيلي اموت عليج .................................................. .. النهااااااااية ..⭐️ انتهت قصة خيال الكحيلة بنهاية سعيده .. والحمدلله ان شاءالله نالت إعجابكم ... وانتظروني بقصة جديدة بعنوان (.. #هل #انا #محرمة .. ) (لكم مني كل الحب والتقدير ... ) ... #نشوى #السلطان ..⭐️ فديتك ياهلي وناسي وغلاي وكحلة عيوني..❤ جمالي يلوكَ لك وحدك على عناد اليكرهوني..❤💙 ... هناك تفاصيل الله يرحمك ليث 💔 // تعالووو محبين كحيلة😍   | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
