آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-12-19, 12:07 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الفصل التاسع عشر مساء الخيرات شكراً من اعماق قلبي لدعواتكم لوالدي🌺 القصة بالمركز الاول بالبحث 🥇 أن كنتي ستنامي سأرتل على مسامعك همساتي أنتي فتاتي التي تخيلتها في أحلامي تتراقص في الحقل بين السنابل وتشاهد رقصاتُكِ شمس الصباحِ تعشقلِ معي نسائم الهواء تداعبها كم تمنيت ان اداعب خصلاتك قبلها أن تمتلىء عيوني من حسنك أن أتنفس أنفاسك أنتي فتاتي وأول أمنياتي في صباحي أثنينهم نايمات كل وحده على سريرها كاضات النقال ..بعد مارجعو من بيت صادق.. كل وحده تايهه بكلمات كل رسالة جايتها.. كل وحده اعيونهم تلمع بأمل ..بأحساس جديد يمكن أبتسامة حب حلوه نابعة من داخل بريء متعطش لتجربه حب أنفاسهن يزفرنها براحه .. مكدرن يفكرن شنو يكتبن ❤️ضاعت الحروف على منبر الحب كيف تلقى فالاعماق صعب أن تصفها كلمات❤️ يمكن يردعها قلب خائف من المجازفة بالحب المجهول تبعاته التفت لطيف الي راسها أذاها من ذكرياتها المؤلمه الي اليوم اذكرتها.. لكن شي بداخلها ارتاح.. ان ذبت حمل ثقيل بصدرها اذا يحبها صدك يداويها يفهم عمق جرحها حست كلماته بلسم مثل كلمات وحنيه أبوها.. اعيونه ابد ماتغيرت نظرتهم من وقت مااعترفلها بحبه بالكلية لحد اليوم .. مريم..طيف شنو الحب بنظرج التفتت وتباوعلها بأستفهام وتعجب مريم-لا تباوعيلي هيج .. اذا سألت شلتي كلمن جوابها شكل اريد اسأل شخص يوصفه الي بشي يلامس أحساسي طيف صفنت امممممم سمعي الحب ليس روايةً شرقيةً بختامها يتزوَّجُ الأبطالُ لكنه الإبحار دون سفينةٍ وشعورنا ان الوصول محال هُوَ أن تَظَلَّ على الأصابع رِعْشَةٌ وعلى الشفاهْ المطبقات سُؤالُ هو جدول الأحزان في أعماقنا تنمو كروم حوله .. وغلالُ.. هُوَ هذه الأزماتُ تسحقُنا معاً .. فنموت نحن .. وتزهر الآمال هُوَ أن نَثُورَ لأيِّ شيءٍ تافهٍ هو يأسنا .. هو شكنا القتالُ هو هذه الكف التي تغتالنا ونُقَبِّلُ الكَفَّ التي تَغْتالُ * مريم _اممم لابأس اقتباسك يا أختي تعرفين ذوقي واختاريتيلي الاقرب لقلبي نزار قباني باوعتلها طيف وضحكت ولي ونامي باجر ورانه دوام وبالي يم رغدة الله يبرد قلبها ويشافيها بجت مريم طيف-اوووف شكد ما احاول اوخر القلق والخوف عليها مااكدر .. يارب يشافيها حالتنا توجع القلب اليوم وهيه تودعنه وتوصينه بالجهال وصادق مريم-اي والله شمتنه شم ..حقها خايفة شي مو سهل هالمرض.. وراها جرعات وطريق طويل بدت تبجي وتدعي من قلبها .. """"""""""""""""""""""""""""""""""" بوست باقر وشمته حيل تاخذ منه جرعه تحس رنا وطيبة كاعدات هيه فهمتن رايحه للطبيب شبكتهن وهنه يكللها ماما انتي تصيرين زينة.. اي حبيباتي انا اصير زينه علمودجن وصلت لباب البيت وتشوف اول فرحتها..وسندها بوسها واعيونه يبجن .. -حبيبي كرار دير بالك على اخوانك..التفتت لام صادق وابوه الي اجو من الصبح يودعوة سلمت عليهم وتبارت الذمم وياهم خلتهم بدموعهم يسكتوها التفتت لامها الي مابطلت بجي عليها..توصيها بنفسها ..لا تهتم بشي -روحي يمه اهم شي انتي جهالج بعيوني .. حركت للسيارة واعيونها على الباب فاتحه الجامه تحس الهوى بيه ريحتهم ياترى ترجعلهم ..مثل قبل .. حست ايد انحطت على جتفها أختها عبير -رغدة صيري قوية رغم الدموع الي تنزل والقهر تحس داخلها قوي بايمانها بقضاء الله هزت راسها بالموافقة سدت الجامة وبدت السيارة تمشي سريع وهيه حطت راسها على كتف أختها غمضت اعيونها وعيه بين صلوات واستغفار تحس شي بداخلها يبرد.. هوه كل شوي يلتفت داخله مهزوز لان يشوفها متألمه أختها تمسح على راسها وتبجي وتتوسل لله مايفجعهم بيها تذكر طفولتهن وكعدتهن بالباب ومن يرسمن مربعات ويلعبن طاق ويشمرن الربازة من تخسر..وتظل تبجي تتبرع رغدة بدورها الها حتى تسكتها .. دومها تتنازل عن حقها وترضي الي اتحبهم اجه الوكت الي لازم اليحبوها يساندوها يكونون وياها.. "٠"٠"٠"٠"٠"٠"٠""٠"٠"٠"٠"٠"٠"٠" خلصت من تقديم بحوث العملي طلعت وتحس راسها يأذيها.. تقربت منها صفا -شبيج مريوم -راسيي يأذيني أمشي نروح أشرب كهوه..حتى نروح نشوف وين يصير التطبيق مالتنة باوعت لفونها ولكت رسالة منه.. عيناي تترقبان طلتك وأشواقي تسبقهما وقلبي يضرب الاجراس معلناً قدومك❤️ أنتظرج بالمكتبة أبتسمت باوعتلها صفا بصدمة ولكزتها من صفنتها -ها عيني شنو هالتغير من وجه ذبلان وملامح تعبانة لابتسامه واخدودح خجلن.. ضحكت -عابتلج حتى عابت ..امشي اذكرت الكتاب بالمكتبة.. خل نروح اخذه واشرب كهوه هناك.. مارادت تروح وحدها ..مشاعرها متخبطه بين أحساس يجيها حلو من تشوفه وكلامة .. وبين خوف منه شخص مجهول بالنسبه الها لو اي وحده جازف بالحب وبالمشاعر.. بس هيه وحساباتها وفكرها مختلف .. رادت تطي نفسها وقت أكثر قبل مجاوبة وشنو جاوبه.. خلال طريقهن فاتن على شباب سمعت واحد منهم كال هاي ام خشم اليابس الا اكسر خشمها التفتت اله بصدمه خزرته أبتسم بخبث وغمزلها صفا -مريم هاي عليج سحبتها مريم -يولي هذا ميثم الي دعمت بيه بالكافتريا وتعارك ويه حسن.. صفا -أبد ماعدة ذوق -كلش واحد مبين شايف نفسه وتافه كلام هذا زعجها وغير مزاجها وصلت للمكتبه مباشرة باوعت لمكانه .. شافته شلون مركز بالابتوب رفع اعيونه وباوعلها بأبتسامه خفيفة.. ماكدر يوكف ويتقدم الها ..لان صديقتها وياها.. والمكتبة كان بيها اكثر من أستاذ. توجهت لموظف المكتبة وأخذت الكتب الي راح تستعارهم.. قبل ماتطلع باوعتله وبشفايفها الورديات وهوه مركز بيها حركتهن بهلو وفهمها أبتسمت بس هوه عقد حواجبه بعدم رضا ماكان مخطط للقاء السريع.. راحت للغرفة ..العمادة أستلمت ورقة التطبيق بأحدى الدوائر ويه البنات وبعض الولد واكفة هي والبنات تنتظر الخط يجي ولابسة نظاراتها الشمسية .. حسن- شنو تأخر الخط عليجن..أوصلكم جاوبته صفا لا خابرناه كال ربع ساعة دك فون مريم باوعلها حسن -الو اي جايه التفت الهم اجه محمد عليه اروح.. مشت خطوتين -مريم مريم .. وكفت والتفت اله وتقرب منها كلش -ها حسن رايد شي.. باوعلها بأمل ..رفع ورقة كبالها ..أتمنى تقرين هاي .. أخذتها حطتها بالجنطه ..وتوجهت لاخوها .. وهيه تمشي ..سمعت صوت هورن السياره قوي باوعتلة ..ومشت السيارة سريع.. اي هوه باخر بس ليش حتى ماباوعلها.. -هلا محمد شلونك ..صعدت بالسيارة وسدت الباب.. نزعت المناظر شخبار صادق ورغدة.. -الحمد لله خابرتهم توني..واصلين بغداد.. ورايحين لبيت خالتها.. -اي تريد تشبع زيارة تكول اليوم..قبل متروح للمستشفى..الله يشفيها "٠"٠"٠"٠"٠"٠"٠"٠"٠"٠"٠ حست بتعب بعد ماخلصت شغلها التفتت لنجاة .. -جوعانه يمتى نخلص.. نجاة -أطلبلج أكل ويه الشباب -انتي راح طلبين اذا طلبين طلبيلي وياج كص باوعت للباب اليوم كله مابين..ولا راسلها..ظلت بقلق عليه هيه بداخلها خوف ان تخسرة ..او يتركها.. بعد ماخلاها تميل اله وهيه صافنه على الباب ..شافته وكف كبالها ابتسمت الع ودنكت هوه ابتسم باوعتلهم نجاة ..ها تردون اطلع اشحتوني جاوبها -لا انتي الخير والبركه ..حظري نفسج عن قريب تهلهلين بالعقد باوعتله طيف بصدمه ..أبتسم الها كافي الي ضاع من عمرنه..ماضيعج بعد.. غمزلها وراح خلاها دنكت ماتعرف شعورها.. بس الطاغي عليها الخوف .. "٠"٠"٠"٠"٠"٠"٠"٠"٠"٠"٠"٠"٠"٠"٠ يمة وسن كعدي صديقتج هيه وبتها دخلتهن بالاستقبال باروعتلها شوي تريد تركز ياصديقة محد بالدوام كلتلها راح اجيج منو.. بين ماغسلت وجهها وحطت شال .. فتحت بابا الاستقبال وتشوف صديقتها وثبة ضعفانه وجهها تعبان راحتلها وشبكتها وبدن ثنينهن يبجن على الزمن الي بعدهن.. وحدة تكول للثانيه صاير بيج.. نسو الي جانت واكفة بصف وثبة التفتت الها وسن منو هاي الحلوة بتج شبكتها وبوستها لا هاي وسن بت جابر تغيرت ملامحها لعيون مصدومة مملؤة بالدمع حظنتها حيل وشمتها يمكن حست بيها بنتها الي كان ممكن تكون.. شعور وسن الصغيرة متبادل حبت وسن.. -شخبارج وسن وين ماوين وليش مزوجتي -بعد ما صار الي صار اجى ليث ابن عمي بس ابوي وانا طردناة وهوه ورا اسبوعين ازوج عباله يقهرنه ..ذاك هوه مشاكله لليوم.. ومريض متعلعل ولا واحد من ولده على قلبه وانا الحمد لله صح مازوجت ..بس اثبتت نفسي .. اربي جيل.. مستقيمه بكلشي بعد تعرفيني من قبل.. مو كلشي للمرة نهايته زواج.. وثبة-صحيح والله انا ازوجت وخلفت وباريته بماي اعيوني تالي ازوج وهجرني ..من القهر صار بيه ذاك المرض صار بيه الوكيما قدر الله وماشاء فعل وثبة -وسن اذا تقدملج هسه جابر تقبلين وسن -هههههه ولج تحجين هيج وبنته كاعده هسه تفتن عد امها -لا امها توفت من سنين ..بس هوه ماازوج بعد باوعتلها وسن بحيرة تحجين صدك عودك بهالعمر تردين ازوج لا انا اتعودت وتماشيت وكبرت .. وسن الصغيره جاوبتها .. -خاله عفيه فكري زين..والله بابا انسان ميتعوض.. أتمنى اشوفه سعيد ومرتاح بعد هالعمر تعب وكبرنا وفرلنه كل شي هسه اجه دورنه ندور راحته -حظنتها وسن الله يخليه الكم ".".".".".".".".".".".".". وصلت وبعد السيطرة الاولى فتشتهم..وتشوف لمعة القبتين الذهبيات..والمنارات الي تحيطهم اعيونها تركتهم يشكون مابيها بعد عبرو السيطرة الثانيه..صادق مسك ايدها واختها بصفها.. وصوت نحيبها وعبراتها ..تقترب بخطواتها من الامام وهيه جايته تتوسل بيه ل لله حتى يشافيها وترجع لاطفالها.. يخفف الوجع الي بداخلها.. بس رب العالمين يدري بمقدارة .. منظر يريح النفوس والحمام يطير والناس تتخاطف قبل اخر سيطرة.. دخلت وهيه ..لسانها مايبطل ترديد .. ٠"٠"٠"٠٠"٠"٠"٠"٠"٠"٠" مريم أخذت كتاب بعد ماخلصت عشا وتنظيف وترتيب الغرفة وسحبت الفون.. ولكت رسالة منه اريد احجي وياج اذا تكدرين ظلت تعيد تفكير بالرسالة .. شي يدفعها وصوت يمنعها أخذت السماعات وخلتهم بأذانها أتبعت وتر الاحساس الي يعزف الها.. ضغطت على أسمه أتصال دقايق ورد -الو وجر نفس الو ياب لويش متحجين أبتسمت لكلماته -هلا أستاذ شلونك -ههههه بلاها أستاذ -مااعرف لازم اتعود ..سكتت وماتعرف شنو تحجي -تعرفين أنا اول مره اجرأ وابين مشاعري ..وبدون تأني.. أنتي مااعرف اوصف احساسي يمج شنو جر نفس عبالك مثل مرايتي الي عادي اكون كدامها واحجي .. ليش ماتحجين يابه -أنا يمكن متعرف مو بسهوله أمن وارتاح واحب ادرس كل خطواتي.. انت بالنسبة الي شخص مو كلشي اعرف عنه حتى تكتمل مشاعري تجاهه -صح احس من أحجي وياك يعني سكتت تحس ضاعت الكلامات يمكن لازم تستنجد باي كتاب قرته -فهمتج وحقج هالشي.. أنتي قريتي اسمي انا ولادتي بغداد بس اصلنه من الرمادي.. يعني انا اكلها الج اي سنه احنه خمس اخوه وبنات ثنين اخوي الثاني هوه الي توفى ..حبل اثر بيه وفاته محد بقى بالعراق بس اخوي عامر يدير اشغالنه والدي وامي.. رادو يطلعوني بس ماقبلت.. روحه اهنا مااكدر افاركها حست بانفاسه المتالمه -الله يرحمه -ويرحم امواتج..لا تسأليني شمعنى انتي لان احس جواب السؤال مكنون بيج وصلتله انفاسها الخجله باهر -أطي لنفسج فرصه اعتبريني زميل وياج مرحله ثالثة.. -امممم افكر -ههههه هذا كله الي حجيته وكلته وتفكرين الله يعين قلبك ياباهر ..بيمن وكعت -هههه الله يعين الجميع -بعد النتائج طبقين -اي -يعني مااشوفج -كلشي بيد الله ..ليش اليوم دكيت هورن وماباوعت.. -هههه لا تكدرين تكولين انزعجت من شفتج واكفه يم زميلج..الي دوم انتبه اكثر وكفاتج يمه يمكن غرت يكدر يوكف قريب منج وانا لا -هههه اي حسن سكتت شوي واذكرت الورقه الي اطاها اله -يله ياب تصبحين على خير سدت الفون ..وسرحت وهيه تبتسم.. راحت للجنطة أخذتها ..وطلعت الورقة ودخلت طيف تثاوب -هاولج عبالي الكاج نايمه.. ها لا بعدني انتي عدج زوام لهسه مانايمه -هاي راح انام -كعدت على السرير مالتها وشغلت ضوه الانارة يمها وفتحت الورقة... ."."."."."." اتمنى تابعون هالبنيه عدها كتاب بيه مقتطفات حلوة user939362035488 لا تنسون ضغطون ⭐️ مودتي القلبيه | ||||
|  |
|
26-12-19, 12:08 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل العشرون صباح الخيرات في بادىء الامر اعتذر عن تاخيري بالي يم والدي وصحته تعبانه قليل اكدر اكتب بالي كله مشغول بيه الله يشفيه اليه🌺 ثانياً اليوم عيد ميلادي😁 اي كل عام وانا بخير🎂🍷🍷🍷🍷🍷 جبت كيكتي وعصيري وياي😁 🌺🌺🌺🌺🌺🌺🌺🌺🌺🌺🌺🌺🌺 فتحت الورقة وبدت تقرا أحتاج لشجاعة لاعترف..فالحب وحده لايكفي.. هل تعلمين مدى خوفي وقلقي.. بأنك لاتفهمين مايجول في اعماقي نحوك أحساس صعب أوصفه وأنتي أمامي أخاف أن أنسى حرف منه أخاف من صدك من خسارتك أعترف بأني أفهمك ..وأعلم بمشاعرك تجاهي.. لكن لا أستطيع أجبار قلبي بأن ينساكِ أنتي كالكنيسة ..وحروفي جائت ذليلة تحمل نبضات قلبي قربان لعلك تتقبلينه .. عزمت كلماتي أما أن تنتصر بأيصال مدى حبي أو تزفين خبر أستشهادها برفضكِ أو تأسرينها لديك وأنتي تفكرين.. سأنتظرك ..أيام ..أسابيع ..أعوام لا ملل سيصيبني ولا تراجع في حبك أتأمل أن تحبيني..💔 ربما تأخرت ..لكن تردد..وخوف يصيبني كلما حاولت..فأنا منذ المرة الثانية لرؤيتك تمنيت بألأعتراف بحبك أحبك مريم .. ظلت تباوع للحروف بصدمة ..مجانت متوقعة حبه الها.. ولا لهدرجة يحبها ..كلامه اذاها.. هيه متفكر بيه غير زميل.. اصلاً الحب مو بالها..نجاحها وأثبات نفسها أهم شي.. حتى باهر هيه ترتاح ..تميل اله لان بيه صفات من أبوها.. بس لهسه ماتكدر تحسم مابداخلها .. بدت تبجي ماتكدر تجرحه ولاتشوف متأذي.. شنو تكتب اله بدون متأذيه..أو أذا تشوفه شلون تكلمه.. """"""""""""""""""""""""""""""""" بعد فترة تتعلم الفرق الواهي بين الإمساك بيد وبين تكبيل روح، وتتعلم أن الحب لا يعني الاتكاء وأن الصحبة لا تعني الأمان وأن الهدايا ليست وعوداً وتبدأ بتقبل هزائمك مع رأسك مرفوع وعينيك مفتوحتين بسمو إمرأة، وليس بحزن طفل، وتتعلم بناء كل دروبك على يومك الحاضر لأن أرض الغد غير جديرة بالثقة بالنسبة الى الخطط بعد فترة تتعلم... إنه حتى أشعة الشمس تحرق إذا بالغت في الاقتراب. لذا تقوم بزرع حديقتك وتزين روحك بدلاً من انتظار شخص ما ليحضر لك الزهور وتتعلم أنه بمقدورك حقاً الاحتمال... انك حقاً قوي وأنك تطوي قيمتك بداخلك... وتتعلم وتتعلم... مع كل وداع تتعلم #خورخي_لويس_بورخيس بين فحوصات وتحظيرات وتحاليل..وكل يوم تروح أزور الكاظمية.. تتوسل بهم الى الله أن يطوها الصبر ..وبركتهم تشفى اليوم العملية ..بدت تنزع ملابسها كأن أوراقها تتساقط.. تنزل بين حين وأخر دمعة وتتبعها أستغفار..وحمد لله عز وجل.. لبست ملابس العملية وطلعت كاضتها أختها ..أبتسم بوجهها صادق .. وحاول يشجعها بكلماته أنتي قويه ..أحنه ننتظرج هيه تبتسم بألم حجت بغصة -صادق ..أطفالي أمانه عدك لاتأذيهم.. بدت شهكاتها تعلى حظنها أجت الممرضة أخذتها لصالة العمليات ..ودعتهم وتتمنى تستفيق وتشوف أعيونهم.. تدعو بداخلها وتتمنى ..ماتنحرم منهم.. ساعات الانتظار موجعة ..حتى كلمات الدعاء أستنفذت.. ومن في الداخل يصارع الألم وحدة.. بعد ساعات طلع الطبيب وجه مرسومة عليه أبتسامة طمنتهم.. العمليه تمت بنجاح .. وأخذو الغدد الي أستأصلوها للزرع.. """""""""""""""""""""""""" كلهم منجمعين بيت صادق يم الأطفال..كل العيون ..مترقبة ..قلقة ..متوجهه لابو صادق بعد مادك فونه -الو صادق ..طمني يابه على رغدة..الحمد لله ..الله يكومها بالسلامه الحمد لله باوعلهم كاللهم نجحت العمليه بقى بس تصحى من البنج حمدو الله ..وصلو صلاة الشكر أمها خطيه ماتركت السجادة لحد ماصبن الغدا """""""""""""""""""""""""" فتحت أعيونها ببطىء شديد تعب ووغزات الم .. تنهك أعصابها.. حجت بكلمات متقطعة -م ..ي ع..ط..ش..انه تقربت أختها وبيدها بطل مي بللت شفتها سمعتها تكول -الحمد لله على سلامتج رغودة..ربي يشافيج..باستها براسها جرت حسرة وحجت داخلها ونعم بالله وراي درب طويل ويه الالم أنشالله نهايته شفاء.. شافت صادق تقرب منها .. غمضت براحه .. -حمد لله على سلامتج ام بيتي.. باوعتله وحجت بصعوبه شلونهم الجهال الحمد لله ..لايظل بالج أهم شي أنتي "٠"٠"٠"٠"٠""٠"٠"٠"٠"٠"٠"٠"٠"٠" باوع وأبتسم .. عادل-وهوه يقدم الها الاوراق.. شلونج طيف شوفيلي هالبيانات نجاة تضحك نجاة-تعذب الولد وتعلعل يمتى الفرج ياربي يستغيث.. -أي والله التفت لطيف -اليوم توصل مرت أخوج مو وأطيج كم يوم الجمعه الجاية أخلي أختي ومرت أخوي يجوكم اطي اهلج خبر -بس هيه وراها جرعات خطيه شلون -ماكو اي تاجيل طيف تعبت شوفي أهلج ورجعيلي خبر.. طلع منزعج من تأجيلها وخوفها يحس لازم تأمن بيه.. صح جرحها عميق..بس لازم تأمن بيه وهيه دنكت كتبتله رسالة اطمأن.. قلبي لك ..شعرتُ أنك لي طوق النجاة و أنك الأمان الوحيد الذي لن يعقبهُ خوف.💙 رسلتها ٠""٠"٠"٠"٠"٠""٠"٠"٠"٠"٠"٠"٠"٠"٠٠" مريم واكفة تغسل الصحون حتى يصبون بيها كاستر .. الي تطبخها سمر ... تطبخ وتضوك .. - ههههه ولج مريوم أبن أخوج حبه يريد بعد ضحكت عليها مريم مريم -يمه فديته على عمته يحبه بعد ماخلصو طبخ الغدا وينتظرون صادق ورغده وأختها..ماباقي شي ويوصلون وأخذتها صفنتها..لكلمات باهر الها من حس بيها مقهوره وخايفة على رغدة.. باهر ...لا توقدي نيران الفراق بداخلي.. لا شيء أصعب من تفارقينهم تحت التراب كل شيء يصبح ضيق وكل الامنيات تدعوه لان يعود مازلت للان أفتح باب غرفتي وأتمنى ان يكون موجود حتى ولو مقعد ..مريض أنفاسه معنا تكفي.....جر حسرة بوجع الله يرحمه -الله يرحمه ..ويجعل مثواه الجنه باهر-مريوم أدعيلها أفضل من تبجين فوضي أمرها وأستودعيها عد الذي لا تضيع ودائعة بجت بصوت مكتوم جرت حسرة - أنشالله انا جنت ادعيلها لابسه أحرام الصلاة جاوبها بحسره الله يتقبل أنشالله ..لتبجين يابه ..تقهريني عليج.. مكدرت تجاوبه حنيه صوته نطي أطمأنان بداخلها.. -أنشالله ..تدري بابا راح يعلمني على السياقة.. -آه تمام تستاهلين كل خير -أنت شلونك -هههههه اوووف همزين أذكرتي شلوني -هههههه -من سمع ضحكتها الهادئة الخجوله هسه تمام وكل تعب راح .. -الله يديمها -تصبحين على خير رجعت من ذكراه على دكت الباب ودخلت رغده وصادق وأختها الكل بده يتحمدلها السلامه كانت مشتاقة لاطفالها بشده تحظن بيهم وتبوسهم.. تحس همه عافيتها .. خل تفقد كلشي خل تكون هيه فداء لسلامتهم .. دفع الله ماكان أعظم تحتاج بس تكون يمهم وتشوفهم من يكبرون ويتخرجون ويزوجون.. دمعت أعيونها .. صبوا غدا ..وأكلوا وتوجهت لغرفتها ترتاح..حاظنه باقر والبنات ونامت من التعب.. بعد ٢٠يوم وتبدي تاخذ الجرعات الكيمياوية الي تحتاج بيها الى صبر وتحمل تدعو ربها يعينها ويلهمها الصبر.. طيف ومريم وسمر رتبن البيت .. بقت مريم يمهم والبقية رجعوا "٠"٠"٠"٠"٠"٠"٠"٠"٠"٠٠"٠"٠"٠"٠" بعد يومين.. طيف بين مرتبكة وخايف.. مترددة دخلت للمطبخ أمها وعمتها وسن كاعدات يشربن جاي.. جرت الاستكانه وصبتلها جاي وكعدت يمهن وسن-اي شلونج طيف شخبارج شبيج شو مخطوف لونج.. -ها باوعتلها -الحمد لله عمه .. وسن-أحجي طيف شبيج باوعت لامها وعمتها أكو موظف ويانه يوم الجمعة راح يدز أخته ومرت اخوه يخطبوني دنكت خجلانه ومرتبكه تفرك بأيديها وسن باوعت لام محمد ..شرايج -خل أشوف أبوها وهم يجون ونشوفهم الله يهنيج يابتي ويجوز ربي كاتبلج الاحسن من ذاك الي راح جرت حسرة طيف توجع انشالله .. وسن -هههههه شهالصدفه انا هم اجوني خطابه بس التهيت برغدة ونسيت أحجي طفرت طيف صدك عمه ..خوش أنسان .. دولي صدكتي اقبل تعودت ومرتاحه هيج.. باوعتلها ام محمد -ليش وسن ..اذا زين ماتقبلين يجوز ربج رسله الج هسه بيه تعويض الج كل هالسنين دوم الارزاق المتأخرة بيها سعاده لاتوصف.. باوعت وسن ..مااعرف بس انا مابيه حيل اتحمل مسؤوليه زوج وبيت ومنا ضغطي وهالعمر خليها على الله ... دخلت مريم وراها أبوها وتضحك بنت البط عوامه يومين وتعلمت أسوق وهسه مشيت بشارعنه وكفت السيارة.. بالعافيه انشالله ربي يحفضج حجت وسن بأبتسامة مريم نزلت بالحالة فديو شلون تسوق وكاتبه أنا كدها شوي وكتبلها -ياب منو يلحكج -ههههه تسلم شلونك -الحمد لله وأنتي بخير بقيه البنات يراسلوها ها ولج حتى نطلع وياج وهاي تكلها انا اول وحده وهيه تضحك فرح رسلتلها فرح-ها عوبه خيانه تفترين وانا مو وياج.. خل اجي الا انتفج تنتف خوش مدبره السياقة بس تصيديلج صاك الج والي مادبرتيها.. ضحكت وكتبت ايا عوبه مااكلج باخر التطورات الي صارت وياي ..ومن تجين فلا افرفرج .. رسلتها ورا شوي تشوف باهر رسللها -ههههههه اي بله هاي يهيه العوبه الي تسولفيلها كلشي هنيالها ضربت كصتها ... -اسفه بالخطأ مو كلهن يراسلني ..دوخني.. هاي بت خالتي😅 -هههه يعني صدك لهسه عدج الروح الطفوليه..الي غزيتي بيها قلب ابوج..وقلبي.. ماعرفت شنو ترد عليه رسلت😊 داعبي أشواقي بكلماتك تمهلي فأنا أضيع بين ثنايا حسنك كم أتمنى المسافات أن تطوى لاراك الى الآن تحس بأن هيه جامده عن التعبير يعزف على وتر هيه تحبه خواطر ..وكلمات تلتمس بيها دفئ بده يدخل كالشعاع لداخل قلبها.. هل تجعله ينبض بحبه كتب الها ..أعتبر السكوت خجل -اي "٠"٠"٠"٠"٠"٠"٠"٠"٠"٠" رتبت نفسها ولبست فستان مخطط ابيض وسمائي..وشمرت شال وردي وهيه تحظر بالكيك وسمعت الجرس يدك أخذت الكيك والعصير تقربت وسمعتهم يسولفون ويه أمها ويحجن عنهم دخلت سلمت عليهم مرت أخوه ام يزن أسلوبها حلو وفرحانه وأخته ام يوسف أظاهر مو هالكد متقبله الموضوع.. كعدت بهدوىء ام محمد-احنه اهم شي الولد..وان بتنه يكون الها حتى لو مشتمل وحدها أخته -اي عيني هوه بدة من شهر يبني مشتمل ..وكل شروط تريدها كال انفذها ام يزن-هوه شاريها بماي اعيونه..جانت هم وياه بالكليه وتعرفه.. طيف مدنكة بخجل وخوف الي محاوطها ..سبب الي صارلها ام يوسف -بس احنه امنه ماصارلها سنه من اتوفت ..جانت امنيتها تشوف عرسه الله يرحمها.. بعد ماطلعو امها ارتاحت نسبيا ..وصلت كل المعلومات لابوها.. صاحلها ابوها تعالي بنيتي أنتي هالمره شنو رايج الولد مامزوج ومثل مافهمت قابل بالي تردينه سؤال طيف يعني حاجي وياج دنكت خجلانه من سؤال ابوها -بابا هوه كان وياي بالكلية اربع سنين بس زميل..هسه من شافني بالدوام رسل بنيه حاجتني ورفضت..لح حتى يعرف السبب كتله مخاوفي وتجربتي السابقة.. وهوه كان كلامه مصر يتقدم باوعلها ابوها تمام نسال واقابله وحده والله يكتبلج الخير والسعادة بنيتي تركها بأملها ..بأمنياتها باجر أفضل... ٠"٠"٠"٠"٠"٠٠"٠"٠"٠ لتنسون دوسون ال⭐️ مودتي🥰 | ||||
|
| |
|
26-12-19, 12:09 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الواحد والعشرون مساء الخيرات يا ابي اصبحت أول دعواتي أن اراك بخير دموعك يا ابي تحرقني دعوت الله فما لي غيره اناجيه أن يأخذ من عمري لعمرك لاحاول ان أوفي 💔 🌺🌺🌺🌺🌺🌺🌺🌺🌺🌺🌺🌺🌺 أقف على باب عينيك كمن يقف على باب منفى ماعرفت ان عينيك منفاي وأنا متيم بالمنافي حتى قبل أن التقيك كنت أحبك كان في داخلي شيء لاينام وهوه انتِ لا مقياس للحب سوى رفه رمشك لا وزن للشعر سوى أيقاع خطواتك كل شيء فيكِ كان لي..كان أنا جننت بك..والعقل ينتهي حين يبدأ الحب لقد أحببتك أيامي قبلك كانت عمراً من الموت والظلم أو الانتظار.. كنت ممتلىء بك كسنبلة حبلى بالقمح.. وعيناكِ كانت تجيد أقتلاع السنابل يذهب العقل حين يأتي الحب..ومازلت أحبك ...لادهم الشرقاوي حال عادل❤️ أعيون مريم فرحانة وهيه تحظن بأختها ..من سمعت أبوها وافق على عادل.. وطمنها أن هوه انسان يعتمد عليه بعد مادز عليه وحجه وياه وأخذ منه عهود ومواثيق .. ويوم الخميس هوه العقد والخطوبة وطلب هوه تكون بسيطة..بسبب أن والدته مادارت سنويتها حتى طيف رادتها بسيطة وبس المقربين.. رن فون طيف وبدت تقرا كلماته ودمعت اعيونها.. أتصل بيها هيه تباوع لمريم ومريم تكللها ردي اريد أسمع وهيه دفع بيها ولي منا وتضحك دفعتها وسط ضحكاتهن وطلعتها برا وسدت الباب رجع دك مره ثانيه.. ردت بصوت مرتبك الو سمعت أنفاسه الي زفرها براحه.. اووووف ياصبر الصبرته ..حتى أحظى بيج.. وياحركه كَلب من شفتج لغيري💔 فاكد عزيز شحاله تدري يصير..؟! من يشوفه مره ثانيه كبال اعيونه!! فزت كل ذره بيه ترحب بيك وتكلك مكانك فارغ محد سكن بيه يظل بس ألك ينبض وتجري بشراينه يحلفوني بعزيز قلبي كون مااذيك يكدر واحد يأذي ضوه اعيونه مايدرون أشتم طيفك لو مرني شم وأحظن بالصور لو مرني ليلِ كلهم يحبني ومجنوني يسمونه....بقلمي❤️ سكتت والكلماته انسابت لقلبها وبجتها مامتوقعه لهلدرجه تحبه حجه بعد ماجر نفس مببن من جكاره ونفخه -اووووف أحجي طيف لو أكلج لاتحجين مهما كتبت وكلت وحجيت ..مااكدر اوصف الي بداخلي.. أتمناج لحظه لحظه شايفه فرحتي اليوم من قرينه الفاتحه انا وابوج بس بعد ماانقهرت بالبدايه جرت نفس ليش انقهرت.. -لان أخذ مني وعود ومواثيق حتى اراعيج ومااذيج حسيت اختنكت انا اكدر بس حقه ابوج مايترف غلاتج بقلبي مايدري فرحتي من شفتج ومطلكه وانرسمتلي فرصه شكد كلولي مطلكه وانت بعدك مامزوج لا تزوجها شوفلك بنت بيوت ..بس انا كتلهم ادور راحه قلبي حجي الناس مايخلص ومايرضون على احد قلبي شيصرفله الحجي ..لو جر حسرات فكدج مره وجربتها ..يمكن ربج يعرف بنيه قلبي ورجعتيلي وأصبر صبراً جميلاً وكن برب مقسم الارزاق مؤمناً..تنهال عليك العطايا وفيره دعوه امي بصلاه الفجر انتي.. دمعتها من شافتني مكسور رجعتج الي أحبج طيف ولو من اكولها احس تموت كدام مامكنون بداخلي الج -عادل كافي هيج حب هواي عليه بجت ...مااعرف اعبرلك عن فرحتي لان هيج انسان مثلك وياي -لا مو هواي تجين يمي ..وانشالله انتي هم تحبيني أكثر -بس انا ما ازوج الا تخلص رغد جرعاتها.. -الله يشافيها أنشالله """"""""""""""""""" فرشت تور أوف وايت وحطت الكيكه البسيطة عليها أسم عادل و طيف وحلقتين ذهب وفضة بعجينه السكر وخلت قران فضي هوه وقاعدته ..ومزهريات ثنين ناعمات ذهبيات بيهم ياس وبخور..شمعتين مطبوع عليهم "أنا فتحنا لك فتحاً مبيناً "وحده عليها اسم طيف وحده عادل ونثرت وريقات ورد على التور.. وغطت القنفه العرسان بستن الاوف وايت وكوشايات بلون بصلي وذهبي ترتر.. فستانها من فوك رصاصي ساده وعلى الخصر ترتر بلونه وجاكه ويطلع بنطرون ترتر وحجاب وعليه طوك كرستال أخذت لقطات للميز وترتيباتها.. ولقطه وهيه واكفه.. رسلت لباهر ولكروب البنات الصورة الميز.. وكتبت شرايكم بترتيباتي شوي ورسللها - عاشت ايدج اذا الميز هيج رائع ..صاحبته شلون أكيد طالعه أميرة.. - رسلتله صورتها .. -شنو أكتب وبشنو أتغزل الآن وأنا بعيد عنك..صمت ثرثار يحدثني عن أيامي معك..عن دمي المسفوح برمشكِ عبثاً أعلمه السكوت.. يريد صمتي أن يتكلم..أن يهمس في أذنك أحبك.. كم هيه موحشه الايام بدونك كم هيه ثقيله لحظات عمري عندما تكونين فيها وأبقى أحبك..راقت لي❤️ زفر أنفاسه أبتسمت لفيض كلماته .. -أنت تخجلني بكلماتك .. -أنتي تستحقين كل حرف ليش أنتي وشمعنى انتي تركيها للوكت وتشوفين وتحسين ليش.. -أشوفك من يعلنون النتائج -أكيد ماافوت هالفرصة مبتسمة ماحست الا وحده هزتها وبصوت عالي فززتها يوووووم الالج حطت مريم ايدها على صدرها -خرب يومج خرعتيني ياعوبه..يوم الالج واذب وراج سبع حجارات -اي شخبارج وتتلامض بعيونها شو سرحانه ومبتسمه وبالك عني -مو هسه عوبه بعدين..يله نكمل الترتيبات..بعد اليوم انتي ماكو مولود بس انصفك وهلهولة -اي والله اليوم انا اطك اصبعتين ..امشي انروح نرتب الكيك "٠"٠"٠"٠"٠"٠"٠"٠"٠"٠"٠"٠"٠"٠"٠"٠ كانت نفسيتها تعبانة تفكر بالجرعة وموعدها..بأطفالها..بأمها الي ماتركتها وحدها.. خابرتها طيف راح تمرلها هيه ومحمد.. دخلت للغرفة وشافت فستان معلك على كنتورها..باوعت للجهه الثانيه صادق -يله حبيبتي البسي وروحي ويه طيف وانا وعمتي نبدل لباقر والبنوتات.. تلالت بعيونها دمعات ..هزت راسها بأيجاب -شكراً -تقرب منها كلشي اسويه الج قليل بحقج والله """"""""""""""""""""""""" لبست فستان بسيط تور كلوشه عنابي..وهيه تحط الحمرة.. تقرب عليها محمد باوعتله سمر- شكو ..شبيك ..باسها بخدها.. طالعه حلوه.. أبتسمت بفرح وكرصت خده شكراً حبيبي -ماكو بس كرصه شي منا منا وغمزلها -لا ماكو هسه عودك سجلها على الحساب حك لحيته -والله الحساب ثكل ياسمر وراد سددين حتى لو اول دفعة وضحك.. ابتسمت وضحكت اي شكو بيها يدلل ابو ابني.. هم لازم ادلله شوي -لا مااريد شوي اريد هواي """""""""""""""""""" باوعت لنفسها رغم فستانها البسي وشعرها المفتوح ومبرومه اطرافه.. ومكياج هادىء داخلها الخوف تتمنى تتخلص منه.. باوعت لرغدة ..لبست فستانها ..جرتها طيف وكلت للحلاقه طلعيها عروسة ورا نص ساعة شافت نفسها شكد فرق هواي أبتسمت بفرح -طيف شتتوقعين صادق راح يحب هيج .. شافت شعرها المفتوح وانقهرت اكيد راح يوكع..صادق يحبه .. حظنتها طيف -الله يخليج لتبجين والله ربي يشفيج وترجعين احلى من قبل.. -ونعم بالله خلصو وخابرلهم صادق صعدت بالسيارة يمه رغدة باوعلها وأبتسم -شنو هالحلوه اليوم طالعة كيكة وأريد اضوك منها شوي ههههه صدك حلوه عجبك -أي والله كلش عجبني خل نوصل العروسه ونروح للبيت هههههه طيف وراى صعدت ويمها البنوتات وباقر يصفكن ياسايقنه دوس دوس حتى نوصل العروس ضحك ابوهم وضحكت رغدة """"""""""""""""""""""""""""""" صلاوات على محمد وال محمد كلللوش هلهوله فرح بصوت مو عالي احتراماً لاهله كانت تنبيه لاتمام العقد بعد عشر دقايق كالو راح يدخل العريس تحس اوصالها ترتعش خوف على قلق..ماتوقفت الا من حط ايدة على ايديها حست بدوفو وهوه يعصر ايدها رفعت راسها وشافت اعيونه الي طمنتها شافت فرحته بيهن لبسها الذهب تقرب باسها براسها .. ودمعت اعيونه ..جانت امي امنيتها تردح اهنا بالنص واشر طيف -الله يرحمها كامن خواته بمكان امه يحاولن يعوضن مكانها ويزرعن فرحه بروح اخوهن ومرت اخوه اخونه خوش اخو يستاهل الهوسه بس بدموع يتمنن امهن موجوده وهاي الرادها وهاي التمناها وقلبه يهواها أبنه هيبه كل القوط تلوك عليه أبتسم عادل بخنكه واحد مشتاق .. فرحتها هالمره بيها كلمات أطمنها منه.. لمسات تثبتلها حبه وأمانه ماكان المجهول يوماً مخيفاً اذا كان هناك عاشقاً لانفاسك رفيقاً وسن تباوعلها بفرح ودعاءها مابطل ربي يتمملها بالخير تقربت منها ام محمد وكالتلها عن قريب نفرحلج باوعتلها وسن واذكرت ..من رن فونها ورقم وثبة -الو حست بأنفاس مضطربة ..تدخل لاذنها حسرات موجعة -شلونج وسن شخبارج حاولت تقوي نفسها وتحجي ..بس حست بضعف يمه يمكن من كثر مارسمت بأحلامها هوه موجود وفقدته واعتادت على عدم وجوده ..بس هسه رجعها لحنينها للماضي.. -اهلا استاذ..وثبه بيها شي -وثبه تحت عنايه الله اخذت جرعة اليوم وحيل تعبانة بس انا ردت احجي وياج..ارجوج اسمعيني.. جرت نفس اي تفضل -من يوم واجيت وشفتج رجعت لاخر يوم ودعتج انتي امنيه تمنيتها هواي ومصارتلي.. شي اقوى مني جبرني ..كملت حياتي..بس كنتي انتي ال لو الي اكولها لو هيه يمي لو هيه تحجي وياي لو هيه مو خيانه بس أمنيه ..الحمد لله ماقصرت ويه زوجتي عاطفياً ونفسياً ومادياً بس صعب .. رغم تجاعيد السنين الي رسمتهن رغم كلشي بس قلبي يتمناج كافي اشوفج يمي ونشرب فنجان كهوه ونطالع كتاب احنه مو الزمن يكبرنه احنه نكبر انفسنه الروح بأمنياتنه تبقى شابه -بس انا تعودت الوحدة.. ومريضة .. الدنيا التي بخلت بك عليّ المسرح الذي لم يجمعنا في بطولة مشتركة وحرمني القبلة الطويلة قبل إسدال ستار المخمل الأحمر على النهاية السعيدة القدر الذي صاغ كل اسم في قصة مختلفة لها نقطة التقاء وحيدة في المنتصف حاولنا مدّها ومطّها بكل حيلة ممكنة بكل ذريعة محـتملة رغم اليقين بانـفـراج عمرينا الأسئـلة التي في رأسك الأجـوبة الهزيلة التي في عقلي لو كل هذا يسقط لـليلة واحـدة ينطـفئ... وحـدنا فـقـط نـضـيء... نـحــدث ونـلـتـقي ...راقت لي❤️ تمثل حالها -فكري وسن وشاوري اهلج فزت من صفنتها.. وام محمد حجت اليوم اخوج كال الرجال جايله البارحة ومحاجيه التفتت الها وسن بصدمة طيف صاحت لامها وجرتها تكص وياهم صور وظلت وسن مشدوهه حايرة شنو حجه ويه أخوها.. صاحتلها طيف وبالها شارد.. مريم الي روحها المرحه هيه وفرح شنو يسوون طيف وعادل يسون كص الكيكه وكلها سون نفسهن بس وحده تلفت وجه الثانيه وهنه يضحكن.. شربها عصير سون طيف الي تضحك عليهن وعادل الي كلمات تحشيشه ضحكهن وهوه يكوللهن -مبين الجفاف واصل مرحله عدهن ههههه باوعتله مريم ورجعت باوعت لفرح -هذا لو يشوفنه من نباوع مسلسلات وبيهن بقلاوه..وشلون نزحف.. -اكيد يسوي مثل خالتج كومي سوي هاي الشغلة كومي جيبي ذيج..حتى بس لا اباوع خو اذا تيم حسن طلع بعد شايفتني شأسوي حتى مو بس اموع انصهر تكول وين حلاته بله كتلها غير تسكت سلافه معمار على اساس ابوي حلو خشمه شطوله جان الله يرحمه اذكر من مره بالصوبه النفطيه اجه يورث الجكاره ورث خشمه قبلها ههههههه اهنا مريم شركت بالعصير وفطست ضحك -ظلت تكح خرب يومج فرح حتى فستاني تلفته... """"""""""" اعرب الليل عن القدوم وفاضت أشواق العاشقين كان ستاراً للتغزل وغطاء يثير مشاعر المجموعين تتألف القلوب في مسكنه تتألق نجوم وتختفي ومازال نتغزل بسوادهِ ومره بزرقته فالقمر يتحكم بجماليته والنجوم زادت من روعته وكلمات الشعراء وتسبيح الساجدين ودعوات المحتاجين لعطف الله تستقر بجوفه...بقلمي رغدة طلعت من الحمام بعد ماسبحت وتوضت وهيه تشوفه نايم زرع بداخلها فرح بعد ليله قضتها وياه بجماليتها ..وانسجامهم تحس يحاول يعوضها او لا متتمنى تكولها يودعها فرشت سجادتها وبدت تصلي ..وتسبح وتندعي لربها يشافيها ويخفف أوجاعها.. """""""""""""""" لتنسون ⭐️ | ||||
|
| |
|
26-12-19, 12:27 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني والعشرون صباح الخيرات لم أعرف كيف أصف مكان وجعي إنه وجع الروح يا صديقتي وأنا لا أعرف مكانها إنها كلي إنها أنا أنا التي توجعني !💔💔 صباح الخير ..لعالمٍ معزول يبحث عن السلام. صباح الخير.. لكل من أخفق في التعبير عن شعوره الحزين من هذا الكون المليء بالوحشية. صباحك أمل اختلسه عالمٌ ظننته سيحميك من كل وجع، لكنه لا يحميك كما تحميك عزلتك. @راق لي❤️ كان صباحاً ثقيلاً.. حرارة الشمس ..تحرق أكثر من الي جواها سدت بابهم البرة ..ودموعها تنزل شغل صادق السيارة..وصعدت هيه وأختها عبير.. وصلو للمستشفى ..قسم الاورام السرطانية.. كعدت على كراسي الانتظار وتباوع للناس..الحالات الي كبالها مسبحتها الالكترونيه بيدها مره تستغفر ومره تسبح.. تحاول تهدي خوفها ..هيه مؤمنه بأن الله لايترك عبداً فوض كل شيء له حتى الروح هوه الذي خلقها وهوه يتولاها ونعم بلطائف رحمته .. هذا الي حاظن الطفل الخالي من الشعر ويبجي يكله بابا شكد حلو انت ازين مثلك يبتسمله أبتسامه بارده ..هيئته دل بأن هوه جثه بيها روح سالبها المرض الخبيث.. حقاً خبيث💔 تباوعله بدموع وتدعيله.. نست نفسها وبدت تدعي للحالات الي كبالها.. ربي يشفيهم هذا الي صاح على موظف ..أتركها تموت أبوك واجيبلها فلوس يارب أرحمنه الوضع مزري الاصابات بالمئات الجرعات أغلبها تشتريها من حسابك الخاص.. تنتظر الحكومه ..فالموت اقرب من انهم ينقذوك.. بلد أقل مايقال عنه يقدم للمولد ختم اهلاً وسهلاً بك في بلد الموت ... تعبت نفسياً وأنقهرت على الي تشوفه ..هوه الصاحي من يشوف هيج وضع يتمرض شحال هيه..💔 حست بأيد على جتفها..نزل لمستوها صادق- يله أمشي حبيبتي وصلها للردهه الي يطوها الجرعها.. تحس خطواتها ثقيلة ..كوه جر نفسها حتى تدخل .. انفاسها خايفة تريد تلوذ وتهرب ..بس هوه هذا الطريق الي مكتوب الها.. لعل بعد هالعناء شفاء كعدت على الكرسي..رفعت ردان الفستان بايدها اليمنى .. أخذت الممرضه طبطب على ايدها.. طلعت الوريد ..خلت الكانونه.. وبدت الجرعه تختلط بالدم.. بدت تغمض اعيونها وتستغفر وتسبح بأستمرار تضيع حروره الجرعه شيء حارق ينساب مع الدم.. نغزات توعز القلب ..بالالم وشدته خلايا سوداء وعلاج اسود وروح متعذبه.. أختها عبير الي كل شوي تباوعلها وتبجي ..وهيه مو يمهم هيه بمناجاة مستمره "٠٠"٠"٠"٠"٠"٠٠"٠"٠"٠"٠"٠"٠" شوقٌ هائجٌ في القلبِ لا يمضي أنّى والهَوى يا سيّدي فَرضي عوّدتَ اشتياقاتي ترى دفئًا من شمسِك حتى وِردها تَقضي يا أرضًا تلمُ الغيمَ ترتيلاً ضمّيني إلى كفّيكِ يا أرضي مشتاقٌ إلى جنّتك الكُبرى " كلما مر اسمك رف نَبضي "راقت لي❤️ ⠀⠀⠀⠀ نزلت من السيارة وتحس هالصباح أحلى صباح راح يكون تستلم نتيجتها و ...... اي تشوفه هيه متشوقه تشوف أعيونه وعقجة حواجبه .. صارت كبالها صفا ودانه ورشا وراقيه وبان كلهن ملتمات وكاعدات على مصطبات مريم -هلو شلونكم صفا -هلا يابه تعالي ولج كعدي فد ساعه ويعلنون النتائج..جايين مغبشين احنه بان -اي والله ملينه من كعده البيت نريد نجي نلتم نسولف نضحك نزحف ههههه سهاد-هههه اي نشوف السنه الجايه مرحله اولى شلونهم بدت جلستهن وهنه بين ضحكات وسوالف بنات شوي واجو الولد تقرب حسن سلم ومهند والبقية عينه عليها وعلى كل تفاصيلها وهيه تحاول متباوعله.. حتى من يراسلها تجاوب بحدود.. باوع مهند يله كومو ولكم ..خل نستلم.. حتى وراها نتغدا غدا جماعي كلها وافقت.. بده التوزيع باهر واكف ويه كادر الاساتذة..يباوعلها بتركيز .. اعيونه فرحانه ومشتاقه لشوفتها كل شي بداخله انجرف الها شخصيتها الي شافها..اعيونها وتحديها..ماندم ولاحس بنفسه أستعجل من بين مشاعره الها.. لان هيه مثل تحفه فنيه نادرة لاتعوض اما ان تقتنيها او تذهب لغير شخص يقدرها .. بدو ينادون واكو مصور يكص صور يوثق اللحظة ..والبقية بالنقالات.. هوه اتفق ويه استاذ سمير ان هوه يطي وجبه الحروف الاخيره.. بده دوره بان يكول الاسماء صاح مازن.... رفعت راسها من سمعته ولمحت اعيونه أبتسمت لا ارادياً.. مريم علي باهر-مبروك ناجحة وبتقدير جيد جداً تقربت واعيونه تباوعلها بلمعه.. وهيه خدودها توردن وابتسامه عريضة فرحانه بنجاحها قلبها يدك حيل مد الورقه وأخذتها من ايده تلامست ايديهم سريعاً بأبتسامه حجت -شكراً أستاذ -تستاهلين أكثر دارت للبقية فرحانه ورافعه ايدها علامة النصر بعدها الكل بدا واحد يبارك للثاني..أجواء فرح رن فونها هوه ابتعدت كورفعته الو تباوع بأتجاه يباوعلها ومبتسم حجه بهمس * ** أ حب ك . . كيف ترديني أن أبرهن أن حضور ِك في الكون ، مثل حضور المياِه ، ومثل حضور الشجر وأنك زهرةُ دوار الشمسِ .. وبستان نخلٍ .. وأغنيةٌ أبحرت من وتْر .. دعيني أقولك بالصمت .. حين تضيق العبارُة عما أعاني .. وحين يصير الكلاُم مؤامرةً أتورط فيها . وتغدو القصيدة آنيةً من حجر .. * ** دعيني .. أقولك ما بين نفسي وبيني .. وما بين أهداب عيني ، وعيني .. دعيني .. أقول ِك بالرمزِ ، إن كنت لا تثقين بضوء القمر .. دعيني أقولك بالبرقِ ، أو برذاذ المطر .. دعيني أقد ُم للبحر عنوا َن عينيك .. إن تقبلي دعوتي للسفر .. لماذا أحبك ؟ إن السفينةَ في البحر ، لاتتذكر كيف أحاط بها الما ُء .. لا تتذكر كيف اعتراها الدوا ْر .. لماذا احبك ؟ إن الرصاصةَ في اللحم لاتتساءُل من أيَن جاءت.. وليست تُـقد ُم أ َّي اعتذا ْر .. لماذا أحبك لاتسأليني.. فليس لدي الخيار.. وليس لديكِ الخيار..نزار قباني❤️ أبتسمت .. ودنكت خجلانه .. الكاج مثل كل مره -تمام بس بسرعه يردونه نتغدا سوا -ههههه يصير اجي وياكم -هههه هلا بيك بعدها سلمت الكتب للمكتبه وتوجهت اله تقربت منه وهوه يكلب بالكتب .. -شلونك.. التفت الها وابتسمامه بوجهه زين دام شفتج ..مبروك النجاح تستاهلين -أشكرك كانت نظراتهم واطراف حديثهم تحت انظاره يحترق داخله.. عرف هيه عمره مراح تحبه ..هوه يشوف لمعه الحب بعيونها .. خجلها أبتسامتها المريحه .. كلهن صارن ملك لغير شخص والاهم قلبها نبض بالحب لغيره .. أنسحب مجروح ..مقهور بأن الدنيا مانصفته.. اتمنالها السعاده حتى لو مو وياه..مايكدر الا يتمنالها الخير.. هيه مو بيدها القلب ومايهوى. مشى سريع صارت كباله راقية بنظرات مشفقه وشامته ها حسن مو كتلك ماتحبك تحب غيرك..يابه ترسم لبعيد هيه زاحها من طريقه وحجه بغضب - قلبج اسود ..وهيه ابيض اكيد تحظى بالي يقدرها على نياتكم ترزقون..واذا تظنين اباوعلج فلا مااحب القلوبهم سود تحوك وتحجي بظهر صديقتها وتطعن بيها .. - تركها مصدومه وباهته - "٠"٠"٠"٠"٠"٠"٠"٠"٠"٠"" وكف بالباب ويباوعلها بفرح واخيراً صارت اله.. شكد بداخله فرحه ..بكد حبه الها رفعت راسها وابتسمتله -هلو يله شوي واخلص نجاة حجت روحي انا اكمل مكانج..هاي احلى فتره بحياتكم عيشوها باوع لنجاه وحك لحيته بضحكه -لا انشالله كل حياتنه حلوه ..ماكو فتره محدده نجاة -مو تغلسون على عزيمتي طيف-شلون نغلس وانتي الخير والبركة.. ٠"٠"٠"٠"٠"٠"٠"٠"٠"٠"٠" تمتصني أمواج هذا الليل في شره صموت وتعيد ما بدأت , وتنوي أن تفوت ولا تفوت فتثير أوجاعي وترغمني على وجع السكوت@راقت لي💔 كاعده تكلب بقنوات التلفزيون .. دك الباب أخوها ابو صادق وسن-هلا خويه تفضل.. -شلونج شخبارج -الحمد لله -أمي وابوي بسابع نومه.. -اي والله كلمن خذه دواه ونام.. حست بارتباكه وقلقة -شنو اكو خيرك ابو صادق -مااعرف شلون احجي اجاني رجال للمحل.. وكان يريد يطلب ايدج..هوه مرته متوفيه.. متقدملج سابقاً وماصارت وقدم نفسه وشرح وضعه.. أنتي شنو رايج باوعتله بتركيز -لا ماموافقه طبعاً أخته اجتلي.. انا بيا حال ضغط وكبرت الحمد لله ..هيج مرتاحه واولادكم اولادي ..ومنا الاطفال بالمدرسه والحمد لله - أنا واحد من هؤلاء البشر الذين يفضلون البقاء بلا رفقه،ولكي أكون أكثر دقة أنا شخص لا أجد في الوحدة أي ألم أو عناء.💔 لتنسون ⭐️مودتي🥰 | ||||
|
| |
|
26-12-19, 12:29 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثالث والعشرون صباح الخيرات كم كانت أيامي معك متعبة وأنا أفنيتها في محاوله أسعادك فأوصلتني الى حافة الهلاك .. فتحت اعيونها بتعب من رجعت من المستشفى تنام وتكعد تحس بنجول بجسمها.. تقرب منها ..كض ايدها كومي رغده اتعشي ميصير تبقين بلا عشا.. جبرت نفسها تاكل .. هوه يباوع لروحها التعبانه.. ونفسها الي جره بصعوبة.. تصفن بوضعها وبحياتها ..أفترت على اطفالها وهمه نايمين .. تحس لازم تتقوى من اجلهم.. بس مو بيدها هالتعب.. التفتت هوه وراها حظنها من ورى بقوى دارها اله.. أخذ وجهه بين اديه ..باوعلها بنظرات تعرفه كلش زين هيه نظرات شفقة وندم ..باسها بكصتها .. زاحتة من طريقها وراحت لفراشها تحاول تبتعد عن كلشي ..ماطايقه الوجع تحس الالم يغزو تفكيرها.. ٠"٠"٠"٠"٠"٠"٠"٠"٠"٠"٠"٠"٠"٠"٠"٠" طيف &عادل بين كلماته ..وهمساته.. أشياء ماكانت تعيشها ..هيه حبت أحساسه بأتجاهه..كميه حبه وخوفه عليها -يعني مابقى شي ونختار الوان الاصباغ..انا أحب الالوان الفاتحة -تمام -وبعد ديكورات اجيب الكتلوك واجيج وشوفي المديلات.. بعدها شي ورا شي هههه اجت التاخيرات من صالحج بس انا الي اتعذب -ليش تتعذب .. -لان اريدج يمي .. -انشالله يكمل البيت وأجي ..وتشبع مني.. -مااشبع منج لو عمري يخلص -الله يخليك اليه فتحت الباب مريم ..وهيه فرحانه... -كلي لعادل على هديتي مو تغلسون ترا تدرين شسوي طيف-ههههه ولج والله عليج اسوالف انا اجيبلج شنو تردين بس فكيني.. حجه عادل لا انا اجيبلها هاي اول هديه مني.. باوعت لنقالها ومسج من باهر أتعلمين ما أحساسي عندما لامست يدي يدكِ ..وانا أعطيكِ الكتاب كالدفئ الذي سرى بجسد بارد ..وأعدتي بهِ الحياة.. كوليلي ليش حبج هزني ..ومااكدر اقاوم وما احاجيج يوم مااسمع نفسج بأذني..من طلعتي من المكتبه ودي جان أمنعج وتبقين يمي.. أبتسامتها الي انرسمت ..لان من أطاها الكتاب لمحت لمعه اعيونه وشلون المسه أثرت بيه ..مال راسه ويباوعلها بلهفة حست بدكات قلبها القويه..خوفها من مشاعرها الي تحس بيهن بقربه سحبت أيدها وهوه يجر نفس قوي كأنما يريد يشبع من أنفاسها.. باوعلها بنظرات حانيه لحظات رسمتلها لوحة لحبه الها.. جرت نفس وكتبتله أنا اليوم أحسست بتلك الكلمة..التي كنت أقرأها بالروايات.. وتتغنى بالشعر والخواطر أنا اليوم وقعت أسيرة للمعة عينيك.. تقربت منها طيف ندستها..انتي وين صافنه وتبتسمي بحركه مرتبكة غلقت النقال وباوعتلها ويه البنات قابل وين .. -ليش أحسج ضامه عني شي مريم..ترا شاركيني وانا اساندج.. باوعتلها بنظره رضا وابتسمت -صدكي عن قريب كلشي أحجيلج "٠"٠"٠"٠"٠"٠"٠"٠"٠"٠"٠"٠"٠"٠"٠"٠ سمر &محمد تقرب وجهه عصبي أوردته الي بارزة اعيونه الي منططهم وحمر ..وأشر بصبعة بس كافي سمر ولا كلمه ..مالها داعي غيرتج الزايدة.. من كلشي تغارين ..مو هيج الله يخليج ..مو كافي أختنك.. تلفون تمدين راسج.. يم الموظفات هم تحشكين نفسج..وكتلج ماعدي شي ليش هالغيرة الزايدة باوعتله وادموعها متجمعه بعيونها.. تعرف نفسها شكد زايده غيرتها..بس مو بيدها .. هنه كدامها اوكات يتغزلن بيه وبشخصيته وهيه تحترك بداخلها..ماكافي عليها ازهار والي سوته وياها ماحست الا انطبك باب الغرفه ظلت تبجي .. تعب الحمل ..ومنا حبها الجبير اله .. تذكرت قبل يومين من شعلتله الشموع بالارض وجابت كيكه وعليها ..حذاء بيبي سمائي وعلى سبوره سوده صغيره كتبت ❤️آدم ❤️ أنتظرته ..وانتظرت لحد ماغفت فزت وهوه يحركها ..كومي سمر باوعتله وهيه منعسه شنو هالاجواء الحلوه برطمت حك لحيته وحجه بأسف والله كضو بيه وكالو دام باجر عطله نتأخر بالسهره .. ماعبالي مسويتلي مفاجئة تركته ..وراحت لمت كلشي ..حاول يراضيها بس هيه قفلت لحد ما اليوم من شافته يسولف ويه بنيه جديدة .. هوه يبتسم وهيه تبتسمله.. ماتحملت وراحت تقربت منهم -محمد تعبت ..اريد اروح للبيت ومسكته من ايدة التفتت لهاي البنيه مرحبه انا زوجته -اهلاً وسهلاً راحت البنيه وهيه دارت عليه -اي يعني أخذت رقم تلفونها لو كطعت عليكم الانسجام نظرات وضحك شسالفه ماكلت خاف هاي تشوفني .. -صوتج نصيه وبالبيت نتفاهم.. باوعتله بدموع..وضربت رجلها بالكاع وعلت صوتها -يله هسه وديني عدي شغل -اي تروح تكمل وراها باوعلها واعيونه بكصته بسيطة سمر ٠"٠"٠٠"٠"٠"٠"٠"٠"٠"٠"٠"""٠"٠"٠"٠ وسن❤️ يله يمه شسالفة راح نتأخر ويصير الظهر هم يله انروح اشوفها -الله يشفيها اي والله يمه تكسر الخاطر من خابرتني وكلتلي اريد اشوفج ضروري باجر.. دك تلفونها رفعته وشافت رقم وثبة -الو هلو حبيبتي وسن (الصغيره)شبيج وكع منها التلفون وباوعت لامها توجهت للجربايه وكعدت عليها وهيه تبجي.. يمه راحت ..ماتت جانت امنيتها تشوفني قبل ما تموت بدت تبجي بوجع روحها فرفحت عليها حظنتها امها تحاول تهديها كان وجع رحيلك ثقيل هذه المرة ياليتك لم تعودي واراكِ اعتدت غيابك ورؤياك قد اعادت الذكريات رحيلك هذه المره دون امل ان تعودي.. ٠"٠"٠"٠٠"٠"٠ ركضت بعد ماشافتها وارتمت بحظنها..وتبجي بشهكات عاليه حاولت تسكتها وتهديها بس وثبه كانت مثل الام بالنسبه لوسن الصغيرة بعد فتره وسن الصغيره سحبتها بحديقه بيتهم الخلفيه بعيداً عن ضجيج وهوسه النسوان - اريد أحجي وياج.. وصتني عمتي وثبة بشي ضروري الج.. كانت حديقة بسيطة مرتبه بيها نخله حجمها وسط ..جواها مرجوحة حديد ..وكبالها ميز مستطيل حديد.. كعدت وهيه جر حسرات ..التفتت وسن الصغيرة الها -أسمحيلي أكلج عمه اخر ايام كلش تعبت ماتحملت الجرعات زيدوها لان المرض انتشر جانت تريد تشوفج وتحجي وياج.. من يوم رجعتي الرفض لوالدي.. بس والدي منعها اخر شي كالت اريد اتبارى وياها الذمه.. بجت وسن مبريه ماشايله عليها كتلها شي راح وانتهى.. -بس هيه جانت تريد ذممج تقبلين بوالدي حتى لو اخر ايامج او ايامه كالت كافي تبقى يمه ..وعليه امنج يمها انتي وابوج.. فتحت ايد وسن الجبيره وخلت حلقه قديمه مابيها اي شي بس جوا مكتوب جابر وسن باوعتلها ورفعت راسها اي عمه عمتي وثبه كالت هاي امنها جابر عدي سواها الها من خطبها اول مره.. بعد ماشلنه وراحت القسمه واحتفظت بيها من تقدملج هسه طلعتها -بجت الله يرحمها تعبت بحياتها الله يرحمها سمعن صوت صاح وسن باباتي وكفن اثنينهن وهوه تقرب عليهن يباوعلهن بدهشه شلونج ست وسن شخبارج -البقية بحياتك ..الله يصبركم على فراكها.. باوع للشي الي بأيدها ولمع بعيونه حاول يقوي صوته ونفسه الي تخربط.. -وصلتلج الامانه باوعت لايدها وبجت اي وصلت الله يرحمها.. باوعلها بتوسل صح كبرنا والعمر عده ومحطات هواي فاتت بس هاي اخر محطه اتمنى تتراجعين عن قرارج انا ماجنت اريد احجي بس هيه توسلت احاول اخر محاوله لخاطر وسن الي هيه زرعت بيها منج💔 دنك وبعد مايكدر يكمل جانت تحبج هواي الله يرحمها تركها بدموعها وسن الصغيره تحظنها تحاول تهديها ٠"٠"٠"٠"٠"٠"٠"٠"٠"٠"٠"٠"٠"٠" مريم صارلها أسبوعين داوم تطبيق .. متأنقه واثقه كعادتها ..بس الي أنضافلها بريق الحب الي يلمع بعيونها.. صفنتها الي تاخذها يمه ويم كلماته..بين الحين والحين الاخر.. قرائتها لاشعار زادت عن الروايات..بين كل بيت وقصيدة وخاطره ترسم بيها أحلامها وياه من بدت داوم كان مل مره ويكللها كون أجي وأشوفج واكعد كبال أعيونج .. جان ملتزم بشغل وبحوث بغداد ومايكدر يتفرغ.. جابولها بيانات وطلبو منها تمليها الهم.. وهيه مدنكه حست بدكه على الميز -شلونج ست مريم شخبارج رفعت راسها وانصدمت بالي تشوفه كبالها نفس الانفه ورفعه الراس باوعتله بجمود -اهلاً وسهلاً ميثم مو ودنكت تكمل باي وجهه يسلم عليها وبأي صفه التفتت للموظف الي كاعد بالميز بصل مريم وصفا اي استاذ حبيب معقوله ماتضيفون الي يزوروكم عينه عليها تكصها كص بس هيه ابد ماتباوعله.. حطها باله نوع صعب عليه وراهن عليها يوكعها باي طريقه حاول يحصل رقمها فيسها ونجح بس تحظره .. لحد ماعرف اطبق اهنا وأجه اضايقت من وجوده وانزعجت ..وهوه ولا تحرك جرت صفا وحجت بصوت هامس - يله امشي انروح -اي عيني شكد حلو اليوم انتي تسوقين..كون يشوفج فد واحد سولفيلي ولج عنه هم عصبي وكوه يحجي وياج وكون يدرن البقيه ينجلطن -هوه كوه قبل الوالد يطيني السياره ..وشكد كتله امن ماقبل بس لان مكان قريب اقتنع..اما هذا فهوه لتساليني عنه كلشي بيه يختلف من يحجي ..اووف حطت ايدها على قلبها -اويلي يابه واصله مرحله وانتو توكم ..بعدين شلون من داومين الله عليج هم تغارين عليه ويغار عليج وعصبي ومثل مانقرا باوعتلها مريم عابت بيش طالبتني يعصب عليه ماادري ماسالته اساله اليوم واشوف هههه -اكلج صدك من دلعيه شتكليله هوه باهر شدلعيه بهوري لو شنو ههههههه -ههههه عابت هالشكل يله امشي ولج بالطريق شرايج نشرب عصير -لا عمي وديني سيدا للبيت عدي شغل شافها من طلعت وساقت السيارة شلون يكدر يوصللها وتقبل بيه..أصبح شغله الشاغل هيه ٠"٠"٠"٠"٠"٠"٠"٠"٠"٠"٠"٠"٠" رغدة &صادق بدت تنهار بالبكاء ..ماكدرت تتحمل وجع مابعد الجرعه الثانية وهيه تشوف شعرها الي راح .. ايدها الي صارت سوده والاورده شبه احتركت من الجرعات تقرب صادق حظنها ويبجي وياها.. ماتحمل الشحوب الي بيها.. باسها براسها .. شكد قويه ...بس هيه بشر تجيه لحظات انهيار أتمنت الموت.. بعد طريقها طويل واشهر من العلاج وهيه تتصور كل مره هيج او ازيد تقربت منها امها كام صادق وكعدت يمها وحظنتها تمسح على راسها وتقرا ايات -يمه من صبر زينب ..يمه رغدة انتي المؤمنة لاتنهارين يمه بيه ولابيج باوعت لانها بخوف لايمه اسم الله هاي شوفيني مابيه شي المهم انتو سالمين "٠"٠"٠"٠"٠"٠"٠"٠"٠"٠"٠" مريم❤️ بعدها بأيام ..طلعت هيه وصفا من الدوام وشافته قبالها -ممكن أحجي وياج شوي باوعتله بتركيز ..تفضل أحجي لانكعد بمكان -لا اسفه مااكدر ارتبك شلون يحجي أنا معجب بيج واريد فرصه حتى نتعرف.. باوعتله بعدم تصديق كضت صفا -أسفه انا مو مال هيج سوالف باوعلها بتوسل -بس قصدي شريف صدكي -أسفه واتمنى ماتعترضلي وشيلني من بالك -بس انا ماراح ابطل ..واظل وراج لحد ماتقبلين رفعت حاجبها وباوعتله بغضب -شنو كوه هيه خو مو كوه -اي اعتبريها سحبت صفا ومشت وهيه تلعن باليوم الي شافته .. صفا-هذا من كل عقله -يولي تركيه -شنو يولي صفا تحجين صدك احجي لاحد خاف كلشي يصير ..هذا بلا ضمير الله كريم اشوف طيف وعادل.. وهوه حس باهانته اله وزاد اصراره عليها كانتقام لنفسه المتغطرسه ..كيف ينرفض لتنسون متابعه حسابي ودوسون⭐️ مودتي ومحبتي 🥰 | ||||
|
| |
|
26-12-19, 12:30 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الرابع والعشرين صباح الخير💔 مايحدث مؤلم كل ما أرادو أن يشعرو بأنسانيتهم وحقهم بعيش أفضل أختارو الثورة وما رضو بالذل والظلم فأردوهم قتلى ليرتاحو من أصواتهم لم يعلمو بأن أرواحهم لن تسكت ستظل ترفرف في السماء تشكو لله من ظلم من يحكم أرضهم أبتسمو ياساسه العراق ستكونون في يوم تحت الارض وتلعنكم أرواحهم الطاهره وتأكلكم الذنوب وتحرقكم نيران الحساب أشد حرقاً طغى فرعون وأغرق وهامان فخسفت الارض به وكل طاغٍ نهايته سوداء دماءهم الطاهرة ستكون سياط من نار تخنقكم الرحمه لهم ❤️ الصور والفديوات للشهداء أدمت قلوبنا لاتنسوهم بالدعاء لاتنسوهم بالانتخابات السوداء التأخير بسبب النت 😞كالو بعد من ٧الصبح لل٣الظهر ينفتح النت 🌺🌺🌺🌺🌺🌺🌺🌺🌺🌺 طيف &مريم جرتها من أيدها وكعدتها كبالها طيف تباوعلها بقلق -شبيج مريم متوترة فركت أيدها شوفي راح أحجيلج الي صار وياي بدت تسولفلها عن الحادثه ويه ميثم وعن أخر مضايقاته الها حاولت أتلافاه ورفضت أحجي وياه بعدها.. اليوم مثلاً ..وكفني ..وانا طالعه للمره الثانية وكلي ..راح اجي اخطبج وانا كتله لتجي وتفشل نفسك ..يااخي ابتعد عني مااريدك.. كليلي طيف شنو أسوي يهدد ..ويتوعد.. حظرته أكثر من مره بالتلفون والبرامج البقيه.. مااريد اوصل لبابا او محمد لان مااريد اكبر السالفه وهذا واحد مدلل ..متعود كلشي يريده يحصله والي يطلبه يتنفذ شافني صعب ينولني لزك باوعتلها طيف بتركيز زين اذا هوه قصدة شريف ومواصفاته مقبوله ..ليش ترفضيه رفعت وجهه وظلت باهته فتره دنكت -كتلج اسلوبه وطريقته ..مو هوه الشخص الي اتمناه..واصلاً ما افكر بالارتباط هسه.. مريم رفعي راسج وباوعي بعيوني -أنت تحبين مو ..انا أختج احجيلي واساعدج رفعت اعيونها وباوعتلها لمعت أعيونها وهيه تذكر الي ساكن قلبها.. بدايه حبتكدرين تكولين .. كضت ايديها طيف ..ولج وماتحجيلي تحبين وماادري ليش ..ومنو؟! باوعتلها ليش لاسألين هوه غزا كلشي بيه فجأة ..ومنو هوه أستاذي جديد اجانه من بغداد.. باوعتلها وفتحت اعيونها مريم شنو تحجين ترا اذا طش الخبر بالكليه ترا يتعاقب ..ومن غير الحجي اشكال عليكم.. نظرتلها بعتب -ليش متعرفيني طيف ..تعرفيني شكد حذره حتى مشاعري توني حددتها وكتلج بدايه حب ..لا اندفعت بس على مهلي ولا رفضت لان حاسه صدك يحبني ابتسمت طيف شلون يعني حسيتي صدك يحبج -طريقه اعترافه مامخطط الها يعني حجه من قلبه لمعه اعيونه من اكون كباله تحسسني بالامان تحسسني بقيمتي وبنفسي.. كلماته تنساب لقلبي.. تخليه ينبض بقوه وفرح .. أحس بيه من بابا وهذا الي جذبني اله.. ابتسمت طيف ..اويلي اموع ..اذوب طكتها على ايدها وانا اخر من يعلم ..طكت كصتها واكول قبل فتره سالتيني عن الحب -هوه انتي بعد صفا لان مره دك عليه وهيه بصفي واضطريت اكللها يعني انتي اول وحده التجأ الها وابين داخلي بصراحه حتى هوه يحسني متردده ..ميعرف حبه بده يحيطني حظنتها طيف ..حلو الحب ربي يهنيج وانا وياج دام داخلج احساس صافي تجاهه لا تخافين ..المهم تكون نيته ارتباط .. كوليلي حلو وتغمزلها -بعيوني هوه أحلى واحد -امممم ..وهذا راح استشير عادل واشوف شنو يقترح علينه - ..انا هم خلصت وبعد مااداوم بس اخاف يلح باتصالاته او بدايه السنه الجديده يصير شي اكولج.. طيف -اي عيني حب حب ..وتغمز بعيونها -هههه يعني بربج يعني ماحبيتي عادل وهم هيج تحسين.. باوعتلها ودمعت اعيونها عادل انسان ماكو منه بس انا الخوف حاجز أحس مكتفني مااعرف أحدد الي بداخلي وهوه مجروح.. فأحس يحبني اكثر ..يدور راحتي ..سعادتي...راح أحاول بكل مااملك أسعدة يستاهل عادل -امممممم اي والله يستاهل ..مبين من هديته تحرك طرف اذنها والترجيه نجمه صغيره طيف-هوه انسان مايتعوض مريم-ولج كلش عجبتني هديته بس استحيت كلف نفسه .. -ههههه لا خطيه مستحي يكول لو عدي جان ما اقصر هاي قليله ياقليله كليله كفيت وفيت ..بس ترا اردها اله لان هذا بعد صار نسيبنه ندلله حتى يدللج كفختها مريم يله كومي نامي تأخر الوقت .. وراي دوام -اي عيني منو كدج وتشوفين الحب ويوصلج ..انا وين بعيد بغداد ..حطت أيدها على أعيونها ..وسوت نفسها تبجي أهئ أهئ -ههههههه يا تكول بدايه حب والله مااصدك وهيه تبجي لان بعيد ومتشوفه أنتي عابرة مراحل هههههه توجهت لفراشها سحبت النقال ..وشافت رساله منه أبتسمت ❤️عندما تكون البدايه من عينيك..تصبح الحياة أجمل..هكذا أدركت عندما كنتِ قريبة مني كنبضه في القلب.. ولا أخفيك..لم تعد الحياة مغرية ومسلية وأنتِ في الغياب..أشعر بالبرد كلما حملتكِ ذكرى لم يدعوها أحد الي.. كيف لا وكنتِ أنتِ المعطف والدفئ والخوف الذي يجيئنا..ونحن بقمه الحاجه الى شخص يكون جانبنا ويهدئ من روعنا.. وأنتِ كل الاشياء..❤️ استرسلت اعيونها بالدموع على وقع داعب احاسيسها .. دوم يختار كلمات تغري نبضاتها ..وتتلهف للمزيد منه.. "٠"٠"٠"٠"٠"٠"٠"٠"٠"٠"٠"٠"٠"٠"٠ سمر&محمد كاضه ايده ويباوعون للاثاث ..كناتير (دولاب)للاطفال وسرير الطفل .. وهي تتنقل بين الاثاث وفرحانه ..تباوعله بحب وهوه يضحك.. ماكدر يطول بزعله عليها .. راضاها باقة ورد طبيعي تحمل كلماته وهمساته الي تحبهن.. مبدئياً أختارت الي يردوه ..وقبل مايطلعون صارو كبالهم زهور وزوجها وأبنها مد أيده محمد وسلم عليه..وهيه بوست زهور التفت لزوج زهور وسلمت شلونك عمو أنصدمت زهور وظلت منططه اعيونها بالغضب محمد باوعلها بأبتسامه ..وزوج زهور ضحك -محمد مرتك كبرتني طلعو وحست بأنتصار كدرت تقهرها ..هوه صدك جبير بالعمر بالسبعينات مواليده .. محمد -ولج والله قصفتي جبهته سمر-ههههههه..بس هيه تشمر حجي وتحرك قلبي..كل مااشوفها الا أضغطها هههه نروح لاهلي نتعشى يمهم ونرجع... ٠"٠"٠"٠"٠"٠"٠"٠"٠"٠"٠"٠"٠"٠"٠"٠" وسن خلصت ختمه القران الثانيه بدت تقرا الحمد وهدتها لروح وثبه مع دموع الم وفراك فاتت ٣أسابيع على وفاتها.. ماتركت وسن الصغيرة كل يوم تتصل بيها ..او تراسلها.. اما موضوع جابر ..فهي تحس ماتعرف أحساسها هالفتره .. كل الي بالها والي تفكر هيه مو مال زواج ..رافضه فكرة الزواج بهالعمر بس قلبها تعلق بوسن الصغيرة تحسها جزء منها صارت.. توجهت للاستقبال وتشوف أبوها يفر بمسبحته ويضحك ويمه أمها .. -هاي شنو متصافين اليوم بلا مداهر وعرايك .. باوعتله الحجيه بخزرة .. يمه ابوج يمكن صايبه النسيان ..يكلي عوفي غرفه وسن وتعالي حطي فراشج يمي خاف يتخربط باليل احتاج جيبيلي ماي دنكت تضحك ..والله انتو ولا تخلص سوالفكم باوعت لابوها وحجت لابوها كل شي وحبت تاخذ رأيه وامها موجودة.. -بنيتي أنتي كبرتي وتعرفين شنو الي ترديه ..بس اذا علمود بته ماطول وتزوج وتبقين انتي وياه بس..الي ترديه انا قابل -يبه انا محتاره .. -شاوري خواتج وأخوج الحجيه- الله يهديج ويدليج الطريق البيه راحتج بنيتي الغاليه.. ٠٠"٠"٠"٠"٠"٠"٠"٠"٠"٠"٠"٠" مريم❤️٠ منزعجة ومتوتره صارلها أيام.. تحظره من الفيس والواتساب وكل البرامج..ويرجع من غير ارقام.. حتى باهر حس بيها وحاول يفهم ..بس هيه ماحبت تشغل باله حطت السماعات واتصلت بصفا -الو هلو شلونج صفا-الحمد لله يمتى ترحين تجهزين للدوام اروح وياج ترا -اي تمام -شبيج شو مالج خلك ..بس لا انتي وباهر -ثول بكلشي كلتي بس لا باهر ..تردينه بس نتعارك -اي احب المكافش والطشار هههههه -لا راح شهدين على عركه ويه هذا ميثم -اه بعده يضايقج -اي ولج احظره ويرجع موتني -شرايج نكول لحسن يوكفه عد حده ..لان باعتبار جان موجود من صارت الشغله -لج ولي حسن ماادخله عوفيه -اي شبيه حسن غير افتهم شو حتى سمعت مسافر هالفتره وهاي راقيه كل مره تدخل تسالني عنج وعنه عبالها بينكم شي -لا مو بينه شي ..بس بس -بس بس ميو هههههه شبيج ظليتي تبسبسين شفتي عتوي .. لو شميتي زفر -هوه انتي بس المخبل يخابرج حتى تنسيني شنو ردت احجي -هههه يله والنبي راح اسكت.. بس بس كلتي -بس صفا ماتحجين ..لا والنبي مااحجي ..حسن اعترف يحبني وانا صديته وانسحب هوه يعرف بيه اعتبره اخ وصديق وما اكن اله اي مشاعر -اممممم خطيه حسن مايستاهل الله يعوضه بالاحسن انشالله -امداج هاي عودك صديقتي بدل ماتكلي ماكو احسن منج ...يحصل الي مثلج تكول الاحسن -ولي ولي دوختيني ههههه -امممم راح اروح انشر بالكروب مالت الكليه عودك تركيلي تعليق -تدللين صقيقتي .. نزلت المنشور بكروب الكلية المختلط بالفيس 🌺🌺🌺🌺 هناك العديد من الناس الذين يفوتون الحياة لأنهم دائما ينتظرون شيئا عظيما ليحدث. يمكن أن يحدث، لكنه يحدث فقط من خلال الأشياء الصغيرة، تناول فطورك، المشي، محادثة صديق أو الجلوس وحيدا تنظر إلى السماء أو مستلقيا على سريرك لاتفعل أي شيئ. هذه الأشياء الصغيرة هي ماتتألف منه الحياة، إنها المادة الخام للحياة #أوشو 🌺🌺🌺🌺🌺 وبدت التعليقات وارد عليهم.. تفاجئت بتعليق "ردي على أتصالي احسن الج " هذا شلون هيج يجرىء وكدام كلها..بين ماانا صافنه رن الفون واسم باهر .. أنا ادري هالوكت هوه متواجد واكيد شاف المنشور حطيت السماعات باذني وانا مرتبكة حجيت -الو أجاني صوته وهوه عصبي بس كاتم عصبيته -مريم منو هذا الي رد على منشورج وهيج يحاجيج -ها ..خفت بداخلي اريد اجمع الكلام ماكو.. تصير مشكله مريم احجي لخاطر ربج.. -بس هدي نفسك .. -جر نفس وأستغفر..هادي يابه بس احجي كلشي.. -بديت أسولفله من أول شي ..لحد أخر يوم من وكفنه.. -وليش ماحجيتيلي مريم ها ..يعني اسولف يومي الج وانتي هم على اساس -يعني اسولفلك وقتها حتى احرك دمك لو اريدك تغار عليه..مامهتمه بالصار كوله ..لان هوه انسان مايهمني -يعني مو من حقي اغار عليج .. -ها ..يعني ماحسبتها هيج صدك -لا لازم تحسبيها ..أحبج اذن اغار وعبالك نار وتحركيني..بس أنا اتفهم وضعج ومااحجي.. -بس زملائي وال بكروب المجله -ادري ياعيني ..وهذا حله عدي بس خل يجي الدوام ومهما هددج تركيه ..ومسحي التعليق او المنشور كله ..ضوجني -اي هوه تاركته ..لاضوج لخاطري -جر حسره وتنهد ..مشتاق اشوفج شيجيب الدوام -أنا مشتاقتلك حجتها بخجل ..هذا الي تحس بيه هسه وخله قلبها يدك حيل.. أغار من أشعة الشمس والهواء حين يلامساكِ تلك قطع القماش التي تحس بترافتكِ أغار من أبتسامه حتى لو كانت لصديقتكِ ذاك السوار الذهبي أكرهُ يجعل يديك أجمل ويجعلني بنار الغيرة أحتار كيف أطفأها كل شيء فيك ملكي وحدي أنانيتي ليست أختيار نابعه من قلب يعشقك هيه أجبار "٠"٠"٠"٠"٠"٠"٠"٠"٠"٠"٠"٠"٠"٠" رغدة 💔 تمشي هيه وبناتها وأبنها باقر وصلت قريب بيت أهل صادق تعب الجرعات واضح عليها .. وتشوف وحده لابسه عباة طلعت من بيت عم صادق تتقرب منها.. حست بضيك أنفاسها ..هالة -شلونج أم كرار -تجاهلتها رغده وعبرتها ..لكن سمعتها -مابقى شي أنشالله ويصير اليه.. والله صدفه حلوه اشوفج بهالشكل ضحكت ضحكة مستفزة تركتها بداخلها المريض وافكارها الوقحة.. فتحت باب الخارجي ..وتدخل وتكعد على المصطبه الي خاليها بالحديقة وتحس بضيك نفسها ..وقهرها من هالانسانه بناتها وأبنها يباوعولها بألم هيه نفسيتها وتعبها من الجرعات..وتجي هاي تكمل عليها حطت راسها وهيه تذكر شلون تعبت بعد الجرعة الرابعة وأجه بالها فكرة مجنونه متخليه عن كلشي بس تريد ترتاح من الخنكة الي تخس بيها نفسيتها المدمرة وتصرفاتها النابعة من الوجع بداخل جسمها نار حارقة تسري بأوردتها.. توجهت لصادق وهوه كاعد كبال التلفزيون ومدد رجلية تقربت منه وهيه تفرك بأيديها وأعيونها مجمع بيهم الدمع باوعلها بأنتباه هالفترة كلها هوه يحاول قدر الامكان يحتويها.. ويعوضها بحب بدل الوجع الي بيها.. -شبيج رغدة -صادق عندي طلب يمك -اي تفضلي -أذا تريد تزوج أزوج..خاف ضايج مني ومن حالتي بدت تنهار بالبجي مجرد نطقتها وحست بحجم الي كالته -شبيج رغدة شنو هالحجي.. مريضة واتركج بأول وكعة ليش شايفتني .. انا بالي محتار بيج..وادعي الله يطيبج ويخليج الي ولجهالنه ..ليش تكولين هيج شفتيني نفرت منج لو أبتعدت.. أستغفر الله ظل يرددها.. مكدرت تحجي شي غير الدموع الي تعبر بيها عن وجعها تقربت مريم منها ودنكت عليها هزت أيدها.. شبيج رغدة بيج شي ليش هالبجي باوعتلها لا ماكو شي بس تعبانة -لا والله ترحين ويانه ونغير جو حتى لو ساعة ..انا بعد كم يوم دوامي وأكمل نقوصاتي.. وهم نشتري للجهال احتياجات المدرسة.. ومناك نروح نشوف مشتمل طيف هسه هيه وعادل يرتبوه .. رغدة -اي انشالله الله يهنيهم "٠"٠"٠"٠"٠"٠"٠"٠"٠"٠"٠"٠"٠"٠" واكف يرتب بالبردة الغرفة بعد ماعلكها .. وهيه تباوع للغرفة بعد ماكملت بقت تنقل غراضهم والفرشة ..والوسادات حست بفرح جبير بداخلها التفتت اله ..وتقربت منه ..وحظنته من ورا حس برجفه بجسمه.. وبراحه ..وسعادة..كل حركة منها وأبتسامه وضحكة تاخذ عقله بيهن حط أيده على أيدها ومال راسه على راسها.. وظل يتمايل هوه وياها بحركة بطيئة.. بدى يغني بصوت هادي من بين الناس حبيتك من بين الناس.. وبكل أحساس أغليتك وبكل أحساس حبك جرى بدمي نساني كل همي خله حياااااتي غير من بين كل الناس صرت بحياتي الروح واللهفه والأشواك والصمت الك والبوح ولشوفتك أشتاك من بين كل الناس دارها اله وشاف أعيونها مدمعات كض وجهها بأيده وأنفاسه تتسارع..وهوه يشوف أعيونها عليه وتبلع بريكها أخذ يتذوق شفايفها الطريات ويتفنن بتقبيلهن بهدوىء يسلب كل أحساس ورجفه بين قلوبهم.. تركهن وحط كصته على كصتها وأخذ نفس أحبج طيف هواي أحبج.. باوعت لعيونه رفعت نفسها وهالمرة هيه الي سحبته الها خلت أيدها ورى راسه وقربته الها وباسته حركتها حركت كل الافكار والاحلام الي جانت باله شنو يسوي بيها لو صارت بين أديه.. ماحست الا جرس الشقه ودكات الباب دفعته وهوه وكف يفرك بوجهه وأخذ تشيرته المشمور وهيه تباوع لفستانها المفتوحه دكمه لشعرها المخربط التفتت للمرايه وتشوف الحمرة الي ممسوحة ..وجهها الي محمر بسبب بوساته ولمساته سمعت صوت مريم ورغدة واطفالها باوعت مريم للمشتمل..وبدو يساعدون ..ورغدة كعدوها بس تباوع وتضحك..على المشادات بين طيف ومريم ومريم وعادل مريم-اي متونسين خليتي العرس ويه بدايه الكليه وتعبها بعد اقل من شهر وينجمعون ٠"٠"٠"٠"٠"٠"٠"٠"٠"٠"٠"٠"٠"٠" بعد مارتبت الاغراض الي جابتهم للمدرسه بأماكنهم راحت تغسللهم حتى ينامون -يله ماما أمشو نروح نغسل ونام باوعت لصادق وجه مبين عصبي ومضايق تقربت شبيك صادق -ليش ماكتيلي هاي هاله ذابه حجي عليج باوعت لبتها رنا .أخذت نفس -سولفتلك ..تولي مو بحالها انا -طبعاً تولي بس هوه اتفقنه ويه اهلها تكف بلاها ..ليش سوي هيج وتأذيج وأنتي تعبانه ..أخذ السويج انا الها -وين صادق كعدت وهيه تلهث ..وتحس مابيها اي قدرة لاي مشكله او مغثة بعد أكثر من ساعتين سمعت الباب الخارجي أنفتح وصوت السيارة راحت وشافتة يغسل وجهه التفت الها -بعدج مانايمه -اي ظل بالي يمك.. -لاتخافين بس أخذت عمتي وسن وراحت فهمت أهلها ومنعتها بعد توصل الهم .. تقرب منها وباس راسها وحظنها.. لتهتمين بشي أهم شي طيبي ..ورجعيلنه مثل الاول أصرخ ... على أحبّك ان تُقال بصوتٍ غنائي جهُور ، يجتازُ حقول الصفصاف و الذرة .. يلوي أذرع الأسوار ... يصفعُ حيطان الممرات .. ينفضُ الثياب المعلقة على حبال الجيران يحطمُ النوافذ المغلّقة.. حتى يصلني ! على أحبك أن تكون ساخنة أصـرخ بأسمي أحرقني .. تورط في حبي ... أقحمني في ذاتك ، في رأسك و ذاكرتك قدم كل شعورك قرباناً لخوفي وقلقي وحذري لنحب دون حدود ... أحبني بأفراط و إسراف ... تذمر في وجه الوقت لأجلي .. أشتم كل الانتظارات اللامجدية حدثني بعفوية و قبلني مثل فيلسوف على أكمل منطق ... #نوران_الحسيني ❤️ مودتي ومحبتي "٠"٠"٠"٠"٠"٠"٠"٠"٠"٠"٠"٠" أن شالله بعد بارت او بارتين وتنتهي القصة🌺 لتنسون متابعتي🥰 وودوسون ال ⭐️ | ||||
|
| |
|
26-12-19, 12:34 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الخامس والعشرون مساء الخيرات صباح الليالي التي غفت اسفل عينك صباح الحب يجيء مهذبًا، يطرق الباب، ويقف على الجانب الأيمن منه، منتظرًا منك أن تفتح. صباح الأمل يجيء بكل عنفوانه، محطمًا بابك. صباحه يجيء بشتّى الصور لتحقيق ذات النتيجة: أن تتنفّس... صباحُ الـ "أُحبك" التي تجمعنا دون أن تُقال #نوران_الحسيني مريم كعدت من الصبح كلي نشاط ..الابتسامة ماليه وجهي .. بدلت وتأنقت ..خطيت اعيوني بشوي ايلاينر ومكياج وردي هادىء.. وأنا أتذكر همساته البارحة ..وشكد مشتاقلي..وكال وقريب مااوصل اطيه خبر حتى يشوفني اول شي.. نزلت وأنا أدندن .. بيني وبين نفسي اليوم اجمل يوم بعمري اليوم اجمل يوم ❤️ ريحة الجاي والجرك اويلي معبيه الطابق الجوة.. دخلت للمطبخ واشوف ماما محظرة كلشي..وسمر وياها.. ماما-صباح الخير مريومه انشالله سنه خير وتوفيق ونجاح يارب سمر-صباح الخيرات مريومه انشالله خاله تستاهل مريوم -انشالله ماماتي باوعت لسمر انشالله ام ادومي بطنها جبيرة لابسه قميص نيلي وخرط شوي من جوا الصدر.. كعدت يمي مديت أيدي واتحسس بطنها حجيت بفرحة وهي تاكل لفه قشطة مريم-بعد شكد ويشرف آدم شربت الجاي سمر -شهرين او اقل ويجي انشالله بالسلامة دخلت طيف وراها محمد صباح الخير حجو ماما-طيف تعالي تريكي -لا عادل واكف بالباب اليوم جاي من وكت عده اوراق ماما-خل يجي بسرعه خطيه يتريك طلعت شوي واجت هيه وياه خطيه مستحي كلش كعد وبدا يسولف عن الشقه والعرس والتحظيرات سمعت صوت الخط طلعت وراي محمد وسمر فتحت الباب وهوه يمشي وراي وفتحه كله حتى يطلع السيارة من الكراج وسمر صعدت صعدت بالسيارة صباح الخير حجي -هلا بنيتي التفتت لصفا وبان ورنا كاعدة كدام صباح الخير عوباات اشتاقيتلجن -شنو هاي صايره حلوه عيونه باردة مريم/ههههه هوه العطله اكل ونوم وصفا تغمزلي وانا خايفه جفص كضيت النقال وكتبتله صباح جميل كجمال همساتك❤️راح اوصل نزلت من السيارة .. وكفت ارتب اهدومي رفعت ايدي اتلمس الحجاب وانا اباوع على انعكاس صورتي بجام السياره وانا امشي.. هوه كال احتمال اوكف يم الاستنساخ بدايه الكليه اول ماندخل تصير على الجهى اليسرى.. دخلنه للكليه التفتت وشفته بيده اوراق واكف رفع راسه والتقت اعيونه وحدهم شفايفي ابتسمو ونبضات قلبي فرحت بشوفته وهالعيون الصفر الي صرت عاشقتهن سمنان شوي وشعره رافعه ليفوك ..قميصة نيلي مرفوع ارداناته ..جينز سمائي ابتسامه خفيفه بعيونه هالمعه الي حبيتها محسيت الا لكزه صفا بخاصرتي وبهمس حاجتني -اييييييه ربي يديمها ويرزقني وتبتسم -ولج صفا الله يخليه الي كولي باوعتله مشى ورانه احنه توجهنه لوحه الاعلانات .. حتى نعرف شنو عدنه وبيا قاعة هوه توجه للادارة بقية البنات هم مجمعات يم الوحه وكفنه نباوع ونسولف بعد ربع ساعة ما حسيت الا صوت يمنه باهر- شلونكم بنات سنة دراسيه موفقة انشالله باوعتله بيدة ورقه وعلكها ابتسمت صباح الخير أستاذ صفا وبان وسهاد والبقية كلهن ردن ويباوعله وسهاد تقربت يمه وسلمت عليه وانهالت عليه بالاسأله هوه يجاوبها وانا عقدت حواجبي انزعجت رفع راسه باوعلي بتركيز وبعدين رجع حجه وياها وابتسم الها وانا ظليت اغلي ادري بسهاد عينها عليه ..تتمنى منه نظره مو هنوب ابتسامه.. هنوب هوه اليوم طالع كلش صاك ماادري لان احبه اعيوني تشوفه هيج ياربي راح ابجي اكلنه بعيونهن .. تقرب استاذ رافد هذا هالسنه ياخذنه سلم على باهر والتفت علينه سلم يعرفنه مرحلة اولى اخذنه باوع عليه -رافد شلونج مريومة شخبارج بعدج هالسنه ممثله الشعبة أبتسمت -اي انشالله بس وياي مهند -ها تمام ابتسم لان احتاجكم تجوني اليوم او باجر -تدلل استاذ اكول لمهند ونجيك باوعت لباهر مركز ويانه راح هوه واستاذ رافد واحنه توجهنه للقاعة .. كعدنه وهاي سهاد تحجي -ولجن شفتن استاذ باهر ولكم هالسنه يموت طالع..سمنان شوي وحليان بالزايد ليتني هالشامه بخده ولا هالعيشة دانه -شلون بله بقلوبنه ماتتحمل الحلوين .. وهذن الباقيات يضحكن ويتغزلن وياها وانا القهر بكلبي والدمعه بطرف عيني صفا بهمس-ولج شبيج راح تبجين ها غرتي اخذيها بروح رياضيه .. مريم-ها الله كريم شاسوي ولج خايفه من اعيونهن عليه صفا-هههه هوه انا المتدينه اليوم من شفته اجيت ازحفله بس كلت خطيه صديقتي -ههههه كفختها بيدي امداج عايزه انا -اي والله بعد مرحله اولى والبقية -شفتي ياخذ اولى وثانيه ماياخذنه بس يمكن اشراف ويه استاذ حكيم بالعملي -اي شفت لتقهريني بالزايد محسينه الا دكة باب القاعة ودخل استاذ حكيم ،وسلم وتمنالنه عام دراسي سعيد، وبدا يتحدث عن المادة ٠"٠"٠"٠"٠"٠"٠"٠"٠"٠"٠"٠"٠"٠"٠"٠"٠"٠" وهيه مخبوصة بترتيب الجدول والاضبارات.. بدت المدرسه واستقبلت الاطفال الجدد.. عملها متعب ولازم تكون صارمة ويه المعلمات حتى سيطر على الوضع من البداية الاهل هاليوم اغلبهم يجون ويه اطفالهم صف اول ابتدائي.. و الي يبجي منهم ميريد يداوم.. والي وكح وبس يطفر ..وووووو أندك الباب عليها للمرة الي بطلت ماتحسبها صاحت بصوت بين التعب والعصبيه تفضل وهيه مدنكة بالاوراق رفعت راسها وأبتسمت -هلا وسونه حبيبتي شلونج شخبارج وكفت وتقربت منها وبوستها وحظنتها.. -هلا عمه مشتاقتلج وكلت لبابا يجيبني اسلم عليج -هلا بيج حبيبتي -عذريني عمه مشغولة واجيتج بس شنسوي انتي رفضتي تكونين يمي راح انا اظل اجي يمج أبتسمت وتنوريني بجيتج .. هيه رفضت جابر ..بس اتفقت ويه وسن دوم تجيها ومن تحتاج اي شي تعتبرها عمتها.. سمعت دكة الباب تفضل دخل باوعلها شلونج ست وسن -هلا ابو امجد تفضل جر حسره و تنهد ..لا والله مستعجلين ..انروح نكمل اوراقها -هلا بيكم بأي وقت .. ٠"٠"٠"٠"٠"٠"٠"٠"٠"٠"٠"٠"٠"٠"٠"٠"٠" طلعت من المحاضرة وياها صفا ولج أمشي انروح للكافتريا جوعانه.. تعودت على الاكل هههههه -ولج لاصيرين سمينه وخاف دكتورج مايحب السمينه هههههه -هههههه والله راح ماافتك منج نمشي ونحجي وفتحت اعيوني على الي يمشي بأتجاهنه.. وكف كبالي وخرت للجهه اليمنى صار كبالي لليسرى صار وانا مدنكة رفعت راسه وهوه يبتسم وانا عصبت -وتالي ميثم-الله العالي صفا -اخي وخر منا ميصير هيج تتعرضلنه ميثم-مريم بس احجي وياج شوي اهنا ..بس سمعيني -مااريد اسمع لتخليني اشتكي عليك .. باوعلي باستفزاز وبعده يبتسم مااتركج ابد اذا ما وكفتي وياي ماتخسرين هسه شي بس بعدين مستعد اسوي هوسه شكبرها وراها ميهمني شنو يصير ميصير بيه باوعتله بعصبيه وحجت شنو تريد -تعالي منا ميصير بالنص وناس رايحة جايه -باوعتله ورفعت حاجبها اذا تعرف ميصير شلون توكفني صفا بعصبيه -اخي كافي ميصير ماتريد تحجي وياك كوه هيه ميثم-تعالي بهاي الحديقة الصغيره حجه بضوجه اريد وحدنه مااكدر احجي والاخت صفا وياج جرتني صفا وصرنه على صفحة وهوه يمشي ورانه..ودرت عليه ظل ينافخ وعصبي سكت شوي يهدي نفسه حجه بحده -شنو الي بيه ويخليج ما تتقبليني ..حتى شوي ماتقبلين توكفين يمي تحجين وياي..مستعد شنو تردين أسوي.. حجيت بملل -ياخي بصفة شنو اسولف واحجي واوكف وياك انت بقسم وانا بقسم .. ماعدي ملاحظات عليك لان مااعرفك ..ولا اريد منك اي شي بس ما اريدك هيه مو كوه ..الله يوفقك بعيد عني.. -عصب بصفة زماله صديق بالجامعه عادي ترى.. وانا اريدج ،اريدج.. عصبت وضجت لان تعبت نفسي وهوه نفس الحجي ومعاند -هذا الي عندي وبعد لتتعرضلي لان أخلي اهلي والعماده تتصرف وياك مرة ثانية.. -يله صفا..مشيت ومحسيت الا وكضني من زندي التفتت بعصبيه وفاتحه اعيوني وجريت ايدي بس كاضها قوي -انت شنو الي تسويه شلون تكضني هيج تقربت صفا على ايدة تريد دفعه بالكتب الي كاضتهن قابض على ايدي بكل قوته -مبين تحبين واحد حجه ومنطط اعيونه حجيت بعصبيه شي مايخصك هد ايدي حقير محسيت الا اندفع بايد شخص من انعتت ايده الكاضني بيها جرتني صفا حظنتني وصار صياح ..باوعت مهند وياه باهر واكف اويلي شجابه يكله شكو مهند يدفع بيه وهوه مايوخر واصدقاءه يجروه التفت مهند لباهر استاذ يريد يتهجم على زميلتي دار باهر وجهه وهوه معصب لمريم وهيه تباوعله بعيون مدمعه تقرب عليها وحجه بعصبيه بيج شي أذاج جانت كاضه ايدها الي اذاها بس سكتت تهز راسها بالنفي..متكدر تحجي خانكتها العبرة.. صفا -أستاذ هوه استوقفنا كوه وماقبلت تحجي وياه بعدين من عبرته كضها واجه مهند دفعه باوعت بعيونه حمر الاورده بركبته بارزات و زرك وجه احمر صار من العصبيه وهوه يباوعلي بتركيز باهر-تعالو وراي اتجه الهم انتو هم تعالو مشى بأتجاه العمادة دخل يم العميد شوي وتالي طلع وصاحنه.. باوعلي بتركيز جنت حاطه ايدي على ايدي وصفا سكت بيه مسحت ادموعي والتفتت اله واكف بالباب دخلو الولد وتالي صفا من فتت من يمه كال من طلعين تعالي لمكتب استاذ محمد هزيت راسي ب اي ودخلت باوعت العميد كاعد على الميز ويباوع لميثم ومهند وصفا توجه مريم - مرحباً دكتور العميد -هلا بنتي رفع سماعه التلفون وطلب رئيس قسم ميثم يحظر مدنكه راسي ارفع شوي اباوع لباهر يمسح وجه ومعصب ومركز بميثم العميد-انت ميثم ليش تتعرض لمريم مو عيب عليك زميلتك هاي المره الثانية أحنه مو ماخذين عليك تعهد -دكتور ردت احجي وياها شوي بموضوع باهر -هيه ماقبلت ليش تجبرها العميد -هدي استاذ باهر العميد -مثل مكال الاستاذ ماقبلت انت ليش تهجمت عليها جر نفس ميثم -أسف دكتور ساعة عصبيه التفت النه أسف مريم باوعتله وماقابله -اريد تعهد ميتقرب مني او يحاجيني ..انا حاجيته بأسلوب بس هوه ماسمع فأعتذاره ما أقبله الدكتور-أنشالله بتي ..حقج دخل رئيس القسم ..وباوع لميثم سلم على الزكتور وسولفله بشكل مختصر باوعله -وقعه على تعهد وهوه ارسبه بمادتي عقوبه.. لان كم مره ماخذ تعهد منه .. ميثم يباوعلها بحقد وتوعد مرتين اعتذر الها وكدام كلها وكف باهر ترخص طلع وسمحلنه نطلع مهند -لديرين بال مريم انا اخوج -الله يخليك والنعم منك ..انا هم راح ابلغ بابا واخواني مااسكتله ترخصت تروح تغسل غسلت وجهها ورن نقالها باهر جرت نفس -الو -وين انتي مو كتلج تعالي بمكتب استاذ محمد -اي هسه اجي جنت اغسل شفت صفا ومهند يتمشون وظهرهم الي مشيت سريع ورحت دكيت الباب سمعت تفضلي فتحت الباب وخليتها شوي مسدودة وكف باوعلي وتقرب كعدي وهوه كتف ايديه وسند على الميز كعدت وانا منصيه راسي -اسمعه يجر حسرات -شلونج يابه .. هزيت راسي العبرة خانكتني بصوت كوه طلع زينه -باعيلي يابه ..مشتاقلج هواي باوعتله واعيوني مدمعات .. اوووف هذا خرب اليوم تمنيت انا مهند وافلش وجهه ..انا شفته وتوني طالع من باب القاعة شلون يمد ايده ويكضج الا اكسرها لايدة..ولو واصل قبل مهند جان الله بعلم شأسوي.. ماحجيت شي شنو اكدر احجي كلش مقهورة..طاحت ادموعي.. مد ايدة وبيده الكلينس ومسحهم -كافي تبجين لاتخليني اروح هسه اكسرة.. مريم-تدري هاي كم مره تشوفني ابجي .. -اي والله صدك شايف دموعج اكثر من ضحكتج ولا مرة سامعها.. -ضحكت بهدوء هذا هم حظك مو؟! -يابه قابل بيج وبكل حالاتج ..جر حسرة بس هالضحكه اشتريها بروحي دنكت خجلانه سالمه روحك -أحبج مريم .. باوعتله وأبتسمت بفرح وقلبي يدك حيل وانا اشوف اعيونه تحجيهن قبل لسانه واحس حتى اسمع دكات قلبه .. هز راسه اي أحبج كولش هواي .. فوق التصور والتخيل والامعدود.. مع ثرثرات احاسيسي ونظرات عيوني شهود..❤️ رن فونها ..باوعتله -الو صفا اي جايه فد شوي وكفت وصرت قريبه منه.. وهوه مبتسم بعد كل ما التقي بيج اخذ النقال.. أبتسمت...وهوه جر نفس ومال راسه ..عطرج مله ريتي ..ديري بالج على نفسج .. -هزيت راسي انشالله مع السلامة وصلت لصفا ومهند صفا بعصبيه -وين جنتي ظل بالي -اهنا بالمكتبه وديت كتاب -ها ..اطيني خبر مره ثانية -يله خابرت بابا وراح يجي مااكدر اكمل تعبت.. داخلي ضوجه وقهر وخوف ..معقوله يتركني هذا ميثم مااكدر افكر واركز بشي.. بوستني وشاورتني المكتبه مو ..بسيطة أبتسمت ٠"٠"٠"٠"٠"٠"٠"٠"٠"٠"٠"٠"٠"٠" كاضين ايد بأيد بعد ماخلص الدوام.. عادل-مابقى بس عشر ايام وتالي نروح لبيتنه سوا -باوعتله وفرحانه لفرحته انشالله..امشي وياي للبيت نتغدا -لا زحمة مساع تريكت ..واتغدا -ههههه ترا اهلي مايحسبون -لا بس مااكدر امشي نشتري غدا ونتغدا بالشقة وهم ترتبين الغراض الي جبناهن البارحة..وارجعج يضحك -لا خاف تتوكح مثل كل مره ههههه .. -هوه حلاة الخطوبه بيها وكاحة مو حلوة ناشفة..ويغمز -هههههه هوه انا اكدرلك ..خل أخابر لامي واطيها خبر صعدنه بالسيارة وعاصر ايدي باوعلي أحبج طيف باوعتله وابتسمت وانا أحبك هواي شغل اغنيه -أخيراً كالها كال احبك كالها وانا قلبي قلبي توكف بعدها واخيراً كالها كال احبك كالها.. فرحان ويغني وياها ويكلي هاي تمثل حالتي ❤️❤️❤️❤️❤️❤️ أتمنى سوون متابعة للبنات reahana313 rhooluy والكاتبهة الراقية RuaaSMahdi لتنسون ضغطون ⭐️ مودتي ومحبتي🥰 | ||||
|
| |
|
26-12-19, 12:35 AM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السادس والعشرون مساء الخيرات حاولت اختمها بس بعد بيها احداث ومارد اعطلكم البارت القادم انشالله الاخير احاول قدر الامكان باجر آخرُ الليلِ يَخُطَّني رِوايـــةً و إنبلاجُ الصُّبْحِ يُمْحوهــا و أَضْحو قَصيدةَ منْ وجعٍ ونايُ المساءِ راهبٌ يَتْلوهــا. رغده&صادق باوعلها بتعب شلون نايمه بعدلها جرعتين وتكمل .. وبعدها فحص ..وأشعاع رجع راسه وجر حسرة وهوه يشوفها ورا كل جرعه ..شلون تهلك وتتوجع مرة تكون قويه ومره تنهار بجي او تدخل بسبات النوم.. عصر اعيونه كون اكدر اشتري عافيتج الي راحت وارجعج ذيج الي تحتار شلون ترضيني.. وأنا غروري كان عاميني عنها مفتقد اهتمامها ..وغيرتها .. مفتقد النظره الي تقراني بيها.. صايره بس نظرات تعب اشوف بيها درت وجهي فتحت غرفة كرار .. شفته مدنك بكتبه ويكتب -مو تتاخر كرور باوعلي مبتسم لا يابه بس اخلص واشوف امي وانام رحت لغرفه البنات نايمات ويمهن بيبيتهن وباقر حاضنها ونايم.. رجعت لغرفتنه فتحت الباب ..رفعت راسها.. -ها صادق تريد شي -لا حبيبي مارايد شي ..شلونج هسه تردين شي اجيبلج -لا بس تعبانه جرت حسره وبدت دموعها طيح تقربت عليها شبيج حبيبتي تعبت تعبت باوع ايدي شلون اسودت..وجهي التعبان ..نفسي كوه اجرة..الخنكة بداخلي ..كلشي بيه تعب تعب حظنتها وبدت تبجي اهدي حبيبتي اهدي انشالله بعد هالتعب راحة وتصيرين احلى من الاول ... باجر روحي ويه طيف ومريومه وامي واشتري فستان وروحي وياهن للصالون.. أختنكت بعبرتها لا مااريد هيه تعرف ماعده هالفتره بسبب الي تمر بيه والمدارس والبيت .. -ليش حبيبتي طيف تزعل هيه كالت اريد رغدة -الله يهنيها ربي عوضها بشخص يقدرها ..بس انا مااريد تعبانه صادق ..حتى انت وأطفالي تعبتو وياي تعبتكم -حط ايدة على حلكها اوووووس يسكتها لتحجين هيج أنشالله تفرج وربي يشافيج النه ونعوض كل شي.. ٠"٠"٠"٠"٠"٠"٠"٠"٠"٠"٠"٠"٠"٠" مريم&باهر تسمع صوته وعتبه وأشتياقه الها مرت اسبوعين أما يلمحها قليل ..او لا -بعد تعرف أنت باجر عرس طيف ..هسه اقاربنه كلهم موجودين نسويلها حنه بسيطة -الله يهنيها باركيلها بالنيابه عني ..ويوم الالنه حبيبتي خجلت وحست بفرحة بداخلها جبيرة وهيه تتخيل هذا اليوم -الو يابه وين رحتي اكيد خجلتي..جر نفس وخدودج صارو حمر مو هسه سمعت الباب ينفتح ودخلت فروحة وهيه تصيح يله ولج امشي وهيه طفر وتهوس يوم الالي وأذبح طلي وها وها وها وهوه طكها ضحكه مريم -مع السلامه تسمع ضحكاته اتقربت منها وكفخت فرح -ثول فشلتينه بهالصوت هههههههه فرح تباوع بعيونها وجرت مريم من أذنها -والله السالفه مالتج مبين بيها قلب وحب وحبشكلات الا سولفيلي هسه -مريم وجرت حسرة ايا خاينه ماتحجين تكولين وانا اكول هالثوله راح تتخرج ومامدبرتها -هههههه عابت اي اكو وخلت ايدها على قلبها ..فديت اعيونه الصفر..لو طوله ..وهيبته كلشي بيه احبه فرح سوت نفسها ماعت -وانا ياغافلين الكم الله ..شوفيه ماعده اخو صاحب يدفعه عليه ههههه أختج انا كتلني الجفاف ..وراح اقدم لجوء ههه رحت للغرفه ذيج أختج طيف مبدله و مسنحه ويه الحب مالتها.. ولج مريم احلى شي تكلهم لحد تعلمني شي هالمره شحتت حتى امي ههه يمكن عادل كلشي علمها هههههه -هههه جبح افكارج اي والله والله عليج سوالف .. -امشي كلهم جوا ملتمات بجلسه تخبل راح نسوي مولود جلوا لطيف نزلت جوا وتشوف الكل كاعد بالاستقبال تحظيرات عمتها وسن وأمها ورغده وخالتها أم علاء نزلت طيف بقفطان لونه أخضر وأطرافه ذهبي شعرها مفتوح واحنه كلنه بدلات بسيطات.. كعدت طيف وكبالها الميز بيه صينية بيها ياس وبخور بمزهريات رفيعات كرستال.. وطوس زغار اربعه بيهن حنه ورد ناعم طبيعي .. فتحت خالتي ام حيدر مفرش الابيض وطلبت من عدنه انكض اطرافه وطيف جواه كاعدة.. أم حيدر -كل وحده عدها طلب تكض طرف المفرش وبدت فرح بصوتها الحاني وهيه تجر كلمات الصلوات والتبريكات بعد ما شغلت السماعه اللهم صلي وسلم وزد وبارك على رسول الله واله ِ الاطهار أميرة في أمانيها ..مليحة في معانيها .. ندعي ربي يهنيها.. مريم كضيت طرف وبقلبي امنية انجمع بحبيبي هوه الي ملك كلشي بيه .. ودعيت ربي يسعد طيف ويشافي رغدة الي كاضة الطرف مقابيلي رغم تبين فرحتها بس دموعها يجرن على حالتها التعبانة وسن أباوع لوسن بت جابر جريتها وظليت اتمايل وياها سبحان الي زرع محبتها بقلبي صح رفضت ابوها بس طلبت منه ومن اهلي اداريها وصية عمتها وثبة مريم خليت حنه بيدي وكصيت صوره ورسلتها اله كتبلي يوم أجي أحنيج بيدي حبيبتي ٠"٠"٠"٠"٠"٠"٠"٠"٠"٠"٠"٠"٠"٠"٠"٠" طيف الفرح الي بداخلي غير خصوصاً عادل يحتار شلون يدللني ويوفر كلشي لراحتي ومايقصر بشي اليوم حنتي واشوف اهلي وفرحتهم.. خلصت الجلوة واشوف فرح خلت رجلها من وكفت وكلتلي دوسيها بلكي اعرس وراج ودستها حيل وانا اضحك وهيه كامت تكمز -هم رجل ويجي باذيه هم مااريد خالاتي احتارن شنو يعلكن ويقرن على راسي من ادعية حتى ربي يهنيني من غير نذورة ست الحبايب بابا حبيبي ..يدور ويرجع يكول متأكد من عادل زين بس هم أوصية عليج صعدت للغرفه بعد ما حظرت جنطه السفر مالتي .. لان عادل كال نطلع للنجف كبل وحظرت احرام ابيض من ندخل النجف البسه.. يارب يسعدني ويسعد عادل الي ماكو مثل قلبه ومحنته ودلاله الي.. "٠٠"٠"٠"٠"٠"٠"٠"٠"٠"٠"٠ طيف&عادل أحبك ❤️ثم تتبعها ملايين الحروف تحاول تحاول تفسيرها وتحليلها لكِ تحاول أقناعك بأنك حبيبتي❤️ بأنكِ الحلم المنتظر منذ سنين بأنك الحب الخالد فيها طوال السنين فبأي الكلمات أبدأ كتابتكِ وبأي الاوصاف أللقب أوصافك أيكفيكِ أن تكوني مثيرة.. أعيونه لمعت بالدموع وهوه يشوفها كباله بفستانها الابيض الابيض بدانتيل لماع المجسم يبين أنحنائاتها مكياج هادىء وتسريحه بسيطة يشوفها هاديه تقرب منها وباسها براسها -طالعة كمر حبيبتي مالحكت أشوفج زين بيت أهلج أبوج بس يوصي وأمج وكلها .. أبتسمت بخجل ..وتباوعله .. -بس همه يعرفون أنت تصوني بعيونك بس يحبون يوصون زيادة جر حسرة ..ميعرفون الي بقلبي الج شنو جان وصوج أنتي داريني.. رفعت نفسها وباست راسه -بعيوني أخليك حس بقلبه ودكاته وفرحته الي ملته بأهتمامها أجت المصورة وبدت تاخذلهم لقطات.. صعدو بسيارة وأنطلقت بيهم للنجف .. بعد ساعات السفر المتعبة.. نزلت من السياره بعد ما لبست الاحرام ..ومسحت مكياجها كله كاض أيدها الدافيه الترفه ..وألتفت الها كل مره..وأشوفها بقلبي أميرته.. روحي الي تصعد وتنزل ولاحت كبه أمير المؤمنين كبال عيني واعيوني انملن ادموع عصية باوعتلها هيه دموعها يصبن ..زرنه من بعيد ..بعدين رحنه للفندق.. بعد ما ارتاحينه وغسلنة صلينه وتعشينه .. سحبني من أيدي وأنا كلي خجلانه أرجف وتعب.. طفى الاضويه ونام ونمت على أيدة يشتم بشعري ..ويرجع يبوس راسي.. خل نام شوي ونرتاح.. أنا بسرعه غمضت أعيوني ماصدكت كالها.. ظل يضحك بقوة ترا مراح تفلتين مني حبيبتي أكلج أكلج ههههه أبتسمت ...وغمضت أعيوني وأذكر من رحنه للشقه مالتنه نتغدى سوا خلصت وبديت أغسل الماعين حسيته صار قريب لظهري التفتت اله ..وبالي شلون أحاجيه .. خله كذلتي الطويله الي وكعت على أعيوني وره أذني باوعتله تقربت باسني بشفتي .. عادل اريد أكلك شي باوعلي بأهتمام شنو حبيبتي -أنا ..أنا تعرف مزوجه..يعني قطع كلامي -شنو شجاب طاري الماضي مو كتلج لذكريه طاحت دموعي وانا اجه بالي الضرب والاهانه والفحص -شبيج ليش البجي مسح دموعي -أنا ترا بعدني بنيه غطيت وجهي وبجيت من الخجل والذكرى السودا حظني ويبوس براسي الحمد لله جوهرتي محد حاسها بقت اليه لاضوجين حبيبتي أنسي خليج وياي أنا حاظرج وراحتج.. فزيت ويه أذان الفجر تسحبت منه ..كعد رحت توضيت وهوه دخل وراي للحمام.. وفرشت السجادة وصليت.. طلع من الحمام ورحت لفراشي أكمل نومتي.. محسيت الا جرني واسمعه كال بسم الله الرحمن الرحيم نبدي فزيت كتله بشنو تبدي شكو -تعالي اكلج شكو بدا يطبع بوسات ..ويتلمس لحد ما تم الامر.. غطيت وجهي مستحية ومتوجعة عادل-ها حبيبتي الف مبروك صرتي زوجتي ورقياً وفعلياً ههههه ٠"٠"٠"٠"٠"٠"٠"٠"٠"٠"٠"٠"٠"٠"٠ مريم البيت فرغ من طيف أتزوج .. ونخابرها مرتاحة من النجف راحو كربلا وبغداد والشمال.. دوامي عادي ماشي والحمد لله أشوف باهر بالعملي نظرات أعيونه من يتقرب مني ويحاول يفهمني .. حتى لو كتله افهم يكلي اسسس اتعمد اتقرب حتى أشتمج أخذ جرعة أنتي صرتي أدماني.. أو أخذ صفا ونمر على مكتبه أشوفه بسرعه .. او هوه يكلي اوكات وين اشوفه بس كلام بس بالفون مضايقات من ميثم ماكو بابا حاجيته بسالفه ميثم ..من رجعت وسولفتله شي مختصر وبسيط عنه وعن التعهد الي أخذوه اله بالعمادة.. وراها ثاني يوم أجه بابا للعمادة حتى يبين الهم ان هوه مساندني بكل خطواتي شكد أحب بابا لان قريب من عدنه ومنطيني ثقة الي خلت بداخلي قوه ..من اتخذ اي قرار او اكتب اي شي واشوف الرضا والتشجيع بعيونه احس بنجاح وسعادة ماتوصف.. حتى أختياري لباهر اتمنى أكول اله واشوف شنو رأيه بأختياري أعرف بقرار نفسي راح يقتنع بس اكو شغلات راح الاكي صعوبه بيهن بس منتظرين أخلص الثالث ويتقدملي باهر حتى بعد التخرج نزوج.. بدت الغيرة دب بداخلي وأشوف البنات دوم يمه ويتغزلن بيه.. والله صعب أحساس الغيرة من أحاجيه أشاقيه ومتفهمه يضحك ويكلي أنتي بالقلب وغيرج نظرة مايحصلن مني لحد ما يوم طلعت من وكت تعبانة..وخابرت لبابا يجي الي أدري بيه اليوم هوه ماعدة دوام .. طلعت للكراج وأنتظر بابا وشفته هوه وبنيه شايفتها يمكن موضفة بقسم المحاسبة بالكليه.. يمشونرسوا ويسولف وياها ويبتسم ..وصعدو بالسيارة.. وطلعوا وانا واكفه حتى ما أنتبهلي.. دموعي تجمعن حركه نار بداخلي ..شفت بابا اجه.. رحت أمشي وانا دايخة فتحت الباب صعدت -شبيج بابا شبيج -تعبانه بابا تعبانه دايخة بديت أبجي من وجع راسي ومن حركتي رجعنه للبيت شربت حبايه ونمت لحد الليل صار عدي تقىء .. وانا ماماكله قبلها بيوم لان احس بتعب .. وراها محسيت الا أنا بالمستشفى التهاب بمعدتي.. رجعت ثاني يوم وبس نايمة ماما خابرت لصفا تاخذلي أجازه والتلفون غالقته حتى لا أخابرله.. ثاني يوم الظهر أندك الباب وجان اكثر البنات والولد أجو صعدت ماما كعدتني.. لبست فستان بسيط..باوعت لوجهي بالمرايا..وجهي تعبان أصفر سواد جوا أعيوني.. دمعت أعيوني فتحت الباب صفا -هلا حبيبتي حظنتني وظلت تبجي خايفه عليه -مابيه شي ولج لتبجين التهاب قوي واخذ علاج -ولج شصاير بيج قلبي نغزني من طلعتي.. اوووف يله عدي الج مفاجئة امشي جرتني حجيت بتعب ولج اوكفي الكانونه لا تحركيها نزلت الدرج البنات ملتمات بين المطبخ والموزع بوستهن وهنه تحمدلي السلامة والولد بالاستقبال فتحنه الباب اويلي شنو هاي أكثرهم جايين.. باوعت كبالي انصدمت باهر ويه أستاذ محمد واستاذ رافد سلمت عليهم وتحمدولي السلامه بس هوه ابد ماخليت أعيوني بوجه ترخصو وطلعو بس صفا بقت يمي..راقيه اصلاً ما أجت..من سالفه حسن أبتعدت .. صعدنه أنا وصفا بعد ماسوتلي واهس وتغدينه سوا أكلت شوربه كعدت على جربايه طيف وكعدت كبالها .. صفا-ولج لو تشوفين باهر شلون يلوب يم قاعتنه والبارحة العملي وما لكاج ظل بس ينافخ وكاض النقال ويستغفر تالي تقرب مني وبصوت ناصي باهر -شو مريم ماكو صفا-بالمستشفى خطيه امها خابرتني الصبح فتح اعيونه وهز راسه ..وراح وكف شوي وطلع من المختبر... جريت حسرة ودمعت اعيوني -شبيج مريم ليش هالمرة نمتي للمرض انا اعرفج قويه -شفته صفا ويه موضفة يضحك وصعدو سوا وراحو حتى ماانتبه الي ظليت ابجي حظنتني افتهمي يجوز عدهم شغل شي ليش تحكمين عليه هاي انتي ام العقل والكتب هيج شخليتي للغيرج ..دوم تكليلنه لتستعجلون -في الحب يذهب العقل فهوه كالخمر يصيبنا بالدوار وعدم الاتزان يدفعنا للترنح والجموح بأحاسيس تداعب قلب مجنون يجعل من صاحب العقل وأحياناً يكون هوه الصواب وقت الجنون يثير بداخلنه نزعة التملك ويجعلنا نضاجع الوجع مع كل نار فراق او غيرة او غدر بقلمي🌺 باوعتلها بحيرة ..سحبت صفا التلفون من الميز واطته الي وفتحت القفل ونهالت المسجات والمكالمات الفائته.. باوعتلها بربج شيقرا مسجاتكم هوه بس باهر وشوفي فوك ١٠٠مسج ومكالمه دك الفون هوه باوعتلي صفا ردي عليه ولج لتتسرعين فتحت الخط وجريت نفس مااريد احجي مخنوكه وتعبانه -الو يابه أحجي ليش هيج تعبانه لج صاير بيج.. ليت المرض بيه ولا بيج -طاحت دموعي .. -شبيه تعبان حبيبي منو وياج احس مو بس مرض اليوم حتى ماباوعتيلي تتهربين مني.. صارحيني شبيج زفرت انفاسي بتعب وحجيت رغم الكلام احس مختنكه بيه -انت الي بيه منا معدتي تأذيني من أسبوع وشفتك ويه الموضفه يوم الاثنين من تعبت وخابرت لبابا حتى ماانتبهت الي من فتت بالسيارة ملتهي وياها -اوووووف اوووف يعني كل هذا ..ليش كاتمه بنفسج ليش مااتصلتي عاتبتي بسمرتي مثل كل مره -لا التمت بعد مريضه -اووووف شكد محظوظ ياربي وهيج وحده تتمرض من الغيرة علمودي كون الله يبلاني بمرضج لان انا السبب روحي راحت ويه تعبج كل ما بالامر هيه أخت صديقي وتوسل بيه اروح عليها .. لان خطها ماكو بيومها وهم صارت شغله اوراق بالجامعه فكلي فد مرة وهوه ترا جان بالمكتب الxxxxي براس الشارع كاعد وده اوراق ..يعني اخذتها ورحنه عليه وصلتهم لبيت كرايبهم بس بأطراف البصرة وتغديت عدهم.. وصدك ضحكت وياها ..لان تسولفلي على الموضفات من شافوني اجيت عليها كالت باجر ياكلن راسي علمودك اذكرتج والله بوقتها كلت بقلبي شحال لو تشوفني مريوم وتالي طلعت شايفتني وتاهمتني وظالمتني هم والله وروحه لاخوي وتدرين مااحلف بيه جذب كلت اسولفلج باليل بس انتي ماكو حرام عليج تهمتيني باطل هسه انا زعلت سمعته وانا احس ارتاحيت أبتسمت -هههه درتها عليه هسه انت زعلان بس انا هم خطيه مريضه -عمي لخاطر العيون الذابله التعبانه طايح الزعل وهوه انتي تكدرين تراضيني لو زعلت -ليش اذا زعلت شنو صعب اراضيك -لا بس الطريقه صعبه هسه ههههه خليها بعدين تعرفيها -ابتسمت الحمد لله هسه ارتاحيت -ولج أحبج تفهمين معناها ماانظر لغيرج مثل ماانظرلج مستحيل انت النفس وانتي الي هذا الي ينبض بصدري -خجلت وحجيت بهمس انا هم أحبك يله اروح اشرب دوا باي -ههههه ديري بالج على روحج ياروحي صفا صافنه عليه وتبتسم -اي عيني اي هذا الحب ولا بلا ها شفتي -اي تعبانه ومريضه بوقتها ما عدي عقل افكر هههههه -سبحان الله شوفي عمي الحب داومت يوم الاحد صحتي تحسنت .. كاعدة بالكافتريا ااكتب وصفا راحت جيبلنه نسكافيه وحسيت أنجر الكرسي وكعد شخص رفعت راسي انصدمت وفرحت -هلا حسن شلونك شخبارك باوعلها بعيون عاشق حزينه حب من طرف واحد لوعة في القلب لا تنطفىء كل ما يتذكرها يشتاق الها يشتاق لربما للاحساس من يكون يمها مثل هيه -الحمد لله مريم الحمد لله وانتي -الحمد لله مفتقديك والله يحس الكلام ضايع اشتياقه جابه هالمسافة كلها شخبارك شغلكم بدبي صار مو -اي حتى دوامي راح استقر اهناك الهروب افضل بمعركه خسران بيها جرت حسرة تعرف شنو قصدة باوعتله بألم -والله مو بقصدي أذيك بس والله اتمنالك كل خير ما تعرف معزتك بداخلي بس كصديق وأخ التفت للجهه الثانيه يحاول يوخر الوجع الي صابه وهوه يحس خسران خسران.. -ماضيفيني وانا ضيفكم -اه شتعرف عني ..دقايق اجت تكوم واحت صفا ومهند فرحانين بشوفته وكامو وراحو كلهم للبقيه حتى يسلم عليها مر هاليوم ودعهم بس هيه تهرب من ان يودعها ٠"٠"٠"٠"٠"٠"٠"٠"٠"٠"٠" بين صرخاتها وجعها .. قلبه الي توجع عليها وهوه يشوفها بالمخاض والمها يدعي الله يسهللها واكف بصاله الانتضار بعد مانقلوها للمستشفى الاهلي بس امها يمها فوك وهوه وابوه وامه وابوها وأختها سارة جوا يدعون الها بالتساهيل ارتاحت وغمضت اعيونها وهيه تسمع صرخاتها استسلمت للنوم بعد مانقلوها لغرفه النفاس الخاصه بيها تقربت العامله الفلبينيه بالحاضنه الي بيها الطفل صوت بكائه لان حوعان فززها شالته امها ودموعها يصبون بوسته وقربتها منه وهيه تبجي حست كل التعب راح منها بشوفته بعد ٣ ساعات وهمه ينتظروها نزلت ام سمر وهيه لافه الطفل بيت الطفل الابيض والي داير مدايرة دانتيل سمائي وبنهايته يم رجليه يكون وردة ستن سمائي بنص البيت مطرز بخيط سمائي عليه آدم❤️ تقرب محمد من سمر يشوف شفايفها المفطره وجها الشاحب من التعب الي تدفعها العامله وباس راسها الحمد لله على سلامتج حبيبتي توجه لام سمر وهوه يشيله وجه ناعم ابيض باسه براسه وكبر بأذنه بعدها بأسبوع أم سمر سوت حفله لادم بينهم وبين أهل محمد ٠"٠"٠"٠"٠"٠"٠"٠"٠" اليوم تأخر ابو الخط ..وعدها اول أمتحان بالكورس الاول فتوسلت بأبوها تاخذ السيارة واطاها السيارة تمر بصفا تاخذها ويرجعون سوا مرت أيام الامتحانات كل مرة من تخلص الامتحان تلمح ميثم وهوه بكراج السيارات مركز نظرة عليها ويمه أصدقائه.. بس هيه ماتهتم .. لان مامتعرضلها او يحاول يحاجيها حتى بالفون ماكو لحد أخر يوم يوم أخذت صفا وصعدو بالسياره وحركت وصلت للشارع الرئيسي لافت ومشت وتشوف سيارة بالمرايه الجانبيه بيها اي هوه سرع وصار بموازاتها وشمر عليها من ارتباكها فرت المقود ودعمت بالعامود وهوه تركها وفر هارب... وهيه بعد ماحست بشي 💔💔💔💔💔💔💔 شنو توقعاتكم 🤔 للبارت الاخير🤭 اليوم اصابيعي راحن🥴الصبح لفيت دولمه🤤 بناتي رادنها🤫وبقيه الوقت اكتب البارت🥴 مودتي ومحبتي لتنسون دوسون ⭐️ | ||||
|
| |
|
26-12-19, 12:39 AM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السابع والعشرون والأخير مساء او صباح الخيرات💐 عذراً لتأخري هم النت بالضيم وظروفي عطلتني عنكم أعتذر جداً🌺 حتى في حالة فقداني للادراك أعرفك نعم أنهُ أنت الذي أهيم بعدوبه همسهِ عشقاً أتعلم أستشعر وجودك ولو كنت لا ارى فأن قلبي يبصرك لا أعلم كيف توددتَ له حتى أصبح يستشعر طيفك ويوعِز أحاسيسي بالجري لاستقبالك🌺بقلمي مريم حسيت بصوت هوسه بس غواش بعيوني ودوخه وشبه فاقدة من الدم انا لابسه حزام الامان وحتى صفا بس انضرب راسي بالمقود وصفا بالجامه الي بصفها .. بالي كله يمها بعدها فقدت الوعي من الخوف وهول الموقف.. بعدها بفترة وعيت واحس ايدي بيها كانونه.. وأسمع أصوات ..بس ركز بصوت أعرفه تقرب مني بعد ماهدأت الغرفه -مريم تسمعيني بيج شي ظليت مغمضه ودموعي يصبن ... جر حسرة مخنوكة وطل يردد الحمد لله الحمد لله ليش البجي ياروحي ويمسح بدموعي فتحت اعيوني يباوعلي بخوف وقلق لازم اطلع هسه جايين اهلج بالطريق.. مابيج شي صدكي هاي انتي بس خيطين وحط ايدة على كصتي وصفا هم بكصتها صفح مااعرف كم غرزة .. هسه يجيبوها صيري قويه .. راد يفلت أيدي شديت عليها حيل حتى لا يتركني -ماراح اتركج واكف برا لحد ماترحين -بجيت ردت اموت باهر حط ايده على شفتي لتكوليها بالله عليج حيلي راح وانا اسمعهمبغرفه الاساتذة يكولون بنيه سوت حادث من كليتنه ركضت للسيارة وسقت بسرعه ومن وصلت لكيتهم مصعديج بالاسعاف واجيت وراج.. أبتسم بوجهي وكرص خدي وأبتعد وطلع أنفتحت الباب وبابا أجه يركض وجه أصفر أنا كعدت بس الدوخه رهيبه ومحمد وصادق ماما البقت تبجي وتكلب بيه وانا بس ملفوف راسي ومعنجر محمد وصادق عصبيين يلومون بابا بس مايحجون يحجون بس عليه مو كد السياقه ليش تسوقين وشلون وياي بنيه جان تحملت مسؤوليتها.. أجو الشرطة وطلبت بس بابا ببقى يمي وسين وجيم وكتلهم بالي شفته وشلون هيثم خلاني ارتبك وشمرت بابا ظل يجر حسرات ومقهور.. وراها طلعوني فتحو الباب ومحمد وصادق واكفين يم باهر ومهند وكم شخص موجود.. أبتسمت بألم بوجهم وهوه سلم عليهم ومريت بصفا بوستها وتعذرت منها وهيه تبجي هم خايفة عليه طلعنه من المستشفى ورحت للبيت تلكوني عمتي وسن وسمر وطيف الي ميته بجي عليه ورغدة والبنوتات.. طيف دخلت وياي سبحتني ورحت لفراشي ومااشتهي بس كون انام ويرتاح وجع الي براسي.. الصبح كعدت ..جريت نفس بتعب وجع.. طيف فزت ..تقربت مني وتتفحصني بعيونهت -ها حبيبتي يوجعج شي -لا مابيه..شنو بتي أهنا -اي مااكدر اعوفج -خطيه عادل خليتيه وحده - لا حبيبتي كلشي يهون بس أشوفج بسلامه هاي مزوجه فوك الشهرين ولا مره بتت .. نزلت وهيه كاضه أيدي لان دوخة تلكاني بابا -ها باباتي شلونج أنشالله زينه باس راسي -الحمد لله شوي وجع ودوخة لليل دخلت بغرفتي وجابت طيف الفون وتضحك ولج حاجيه كل شوي يرسل ويسأل وخابر وجاوبته ..وهوه مستحي بس يكول بالي يمها -كتله هاي بزون سبع ارواح ههههه باوعتلها بصدمه وحجيت كأنو زعلانه صدك هيج تحجين عليه عابت هسه شفايتج لو جهالج يطلعون نفسي وأنا أحجي وياها دك الفون -الو -هلا ياب توا ارتاح قلبي من سمعتج.. شلون راسج -الحمد لله أحسن بس بين الخطار والبيت ماكضيت النقال -يله اهم شي أنتي بخير -الحمد لله -مريومه -ها حبيبي -قلبي قد ألمني مجرد مرت فكره فراقك أصابه الندم كيف لم يستطع أن يضمك بين كل الناس وقفت غريباً عنكِ وأنا الاقرب لكِ ولنبضكِ أسمع كلماته ونبرته الي يبين بيها شكد يحبني -مريوم مراح أفوت وكت بعد ..أسبوع وأنا وأهلي يمكم.. لان انا حاجيلهم عنج وعدهم علم اريد اتقدم.. وهمه مايصدكون بس شنو أريد منج مهديلي والباقي عليه.. جريت حسره بين فرحانه وقلق صايبني -أحاول خل اشوف الوضع -ماعرفو منورسبب الحادث -ارتبكت وخفت احجيله يعصب..انا اطيت افادتي للشرطه كأنو شفت ميثم سكت فتره واحس بنفسه تغير -يصير خير انا اله -لكوه مسافر لتركيا نفس اليوم -ايصير خير وين يروح مني -عوفه باهر والله اخاف عليك ختمها بغزله وتوصياته على صحتي دخلت طيف تباوعلي وأنا كاعده وحاطه ايدي على راسي -ها مريوم شبيج باوعتلها والحيره بعيوني جريت نفس -باهر الاسبوع الجاي ايريد يجيب اهله ويخطبني -هوه هذا الصح بس انتي بعد الج سنه منو يكول بابا يقبل -هوه كال مهديلهم بابا بقت يمه انا ما اعارضه بس اكيد يتفهمني بابا وانشالله مايكسر بقلبي -اممممم بالاول نكول لماما ..وبعدين هيه تحجيله .. -أنشالله خير بعدها بأيام العصر كاعدين بالحديقة أنا وماما و طيف كاضه ايدي .. طيف-أحم أحم ماما باوعت أمي بنظرات أستفسار طيف -ماما مريومه جايها ناس يخطبوها بينت بعيونها علامات التعجب وباوعتلي .. ماما-مريم منو هذا..أنتي تعرفين الا تتخرجون ونزوجكم دنكت بخجل وتوتر عركت حتى اطرافي -أستاذ ويانه العام داوم وانا كتله الا نتخرج بس هوه لان اهله بغداد وهوه وحده اهنا حاجاني ..والصراحه ماما انسان راقي وشخصيته الكل يمدح بيها.. هوه الجمعه يجيب أمه وأخته.. وأنتم الي تشوفوه أقبل بيه باوعتلي امي بعدم رضا -الله كريم بس ماراح اكول لابوج الا من استقبل امه لان اعرف تفكير أبوج.. بس مريم لاتخونين ثقتنه بيج ابوج يشوفج نبض قلبه انتي لتأذيه - رفعت راسي بعيون مدمعه ابد والله يوم لو مامتأكده منه ارفض وانا تربايتكم كمت وانا بالي شلون بعدها راح اواجه ابوي رتبت نفسي بفستان زهري بسيط ومكياج بناتي كاضه صينيه الضيافه واكفه بالباب وتوتري يخليني مااكدر اخطي خطوه ماما ورغده وطيف جوا وياهم فتت وصلت يمهم وسلمت عليهم وبوستهم أمه وأخته حلوات واعيونه على امه بشوشين ومريحين كعدتهم أمي أطمنت بعد ما امه كلشي سولفت الها.. تغزلت بيه بكلام معسول وأنا أكول منين يجيب هالكلام كل غزلها تختمه بغمزه طلعت وصلناها للباب أنفتحت وهوه واكف بوستني امه واخته التفتت اباوع اله اشرلي بحاجبه ادخل لان شالي كان محطوط بدون اهتمام لليل وانا صعدت لغرفتي وراها بشوي سمعه دكت الباب -تفضل دخل بابا كمت هلا بابا رايد شي -اي اريد احجي وياج عن الناس اليوم أجو دنكت خجلانه وقلبي توتر -اي مريومه منو هذا الي يريد ياخذ وردتي عدة امج اطتني رقمه وراح اخابره والتقي بيه باجر -بكيفك بابا الي تشوفه زين الي انا وياك -انتي شرايج بيه -انا اعرفه من الي اسمعه بالكليه والعام كان استاذي أخلاقه عاليه..محترم ..وراقي ومثقف وهواي اسمع يمدحون بيه.. باوعلي بتركيز ..فهمت جوابج بنيتي ٠"٠"٠"٠"٠"٠"٠"٠"٠"٠" سمر فرحتي بأدم ماتنوصف رغم التعب والسهر .. بس الحمد لله كدرت أسيطر .. اليوم لازم اداوم وراح ابقيه يم عمتي .. امي كالت يوم عدي هم.. تأنقت ورتبت نفسي ردت اطلع باوعلي محمد جرني يصير مانروح -لا حباب شتحجي انت اريد اتريك بيج ..لان اول وتالي اخليج تبدلين هالفستان -لا الله عليك -والله هذا الموجود هذا هوه محمد راح يبقى هيج مايتغير اي شي حلو يحسه عليه ميقبل اداوم بيه "٠"٠"٠"٠"٠"٠"٠"٠" وسن وسن بت جابر حيل تعلقت بيها وهيه يمي تبقى يوم كامل يمي رغم رفضت ابوها ودوم تلومني بس انا هيج اريح الي.. ٠"٠"٠"٠"٠"٠"٠"٠"٠"٠"٠" رغدة كاضة نتائج التحاليل النهائيه الي تبين سيطرو على المرض او بعد احتاج جرعات وجهي الشاحب وخوف بداخدي وترجي من ربي مايفارك لساني قبلها بأيام أخذني صادق للامام علي عليه السلام وبتت بالصحن الشريف كضيتها استغفار وقرآن لحد مااذن الفجر صليت ورجعت للفندق حسيت نفسي ارتاحيت وقلبي أطمن صاحو أسمنه ودخلنه قدمنه الاوراق -هلا بنتي رغده استريحو -باوع للاوراق بعدها رفع راسه ابتسم بوجهي انتِ انسانه قويه ومؤمنه الحمد لله نتائجج كلها سليمه وسيطرنه عليه بعد يحتاج الج أشعاعات وقائيه .. دموعي صبو بفرح ربي فدواتك مارديتني.. الحمد لله والشكر باوعت لصادق وفرحته ..وكف وتقرب الي وباس راسي وطلعت ابشر امي واهله الي فرحتهم ماتنوصف وفرحتي اكبر بصادق وامنياتي يبقى هيج وميتغير يحبني ويداري خاطري يفرح لفرحي ويتعب ويه تعبي ويدور راحتي مثل ٠"٠"٠"٠"٠"٠"٠"٠"٠"٠ طيف صارلي كم يوم مخص بطني وتقيء حالتي تعبانه وعادل حبيبي محتار بيه -امشي اخذج للطبيب -لا حبيبي خليها لباجر هيه تاخرت اكثر من اسبوع بس هيه اكثر الاوكات تتخربط عدي شربت حبوب مغص ..واخذني من ايدي ونيمني على صدره يقره ايات قرانيه ويبوس براسي ويفرك على ظهري لحد ماهديت..ونمت كعدت الصبح ويه وكفتي وأشوف الدم جوايه صرخت وكف عادل مذهول حظني وكلي لتباوعين أخذني للحمام وجابلي ملابس واحتياجاتي وأخذني للمستشفى أسقاط شهر ونص أنقهرت حيل لفقداني .. بس عادل يكول فدوه اهم شي انتي بخير والطفل يتعوض انشالله أباوعله واكول الله عوضني بك ومااجمل التعويض حين رزقني بقلب يعشقني وجعلني أميرة بين أحظانهِ ٠"٠"٠"٠"٠"٠"٠"٠" لابسه فستاني سمائي بتطريزات اطوخ بسيط بس مغطي لجسمي جماليه مكياجي وتسربحتي شعري مفتوح وتاج بسيط وأبتسمت بفرح من شفته دخل عليه بعد ماعلت الهلاهل وفصلت صرت بس انا وياه ممصدكه الي صار بابا من شافه وظل اشهر يسأل عنه رغم ممانعه أخواني ..بس هوه يدري بقلب بته واثق من أختياري.. واليوم احلى يوم عقدلنه سيد وشيخ.. كال حتى نرضي الطرفين جاب شيوخهم وناس هواي.. تقرب مني وعيونه تباوعلي بنظرات حب وأعجاب هايم بيه وانا اكثر تقرب وباس كصتي متحمل كدامهم كلهم حظني .. -يكول حتى اصدك أبتسمت بخجل -عيب باهر كلهم اهنا وهوه يشاورني صرتي الي ومحد عده الي شي ..اسوي الي اريدة -تقربت امه بوسته وبوستني.. وتضحك عليه لبسني الذهب.. فرح بوسط هوساتها عن قريب خطوبتها وارجعلها وكفاتها انشالله.. أباوع خالتي ام حيدر الي خطيه ماتغير ابنها نفسه نفسه وهيه متغيرت التفتت لرغد وفرحتها بشفائها ماتنوصف بابا وصادق ذبحو لوجه الله وزعو عمتي وسن وسن الصغيره موجودة هم وتصفك وفرحانين طيف الله يعوضها تكول احلى تعويض حب عادل وانا وحبيبي أحبك يامن جعلتي لحياتي الف معنى معنى ان اكون عاشق يهيم عشقاً بعينين تغزوه بالدفىء هنا تنتهي ولكن حياتهم مستمرة وما زالت❤️ أتمنى نالت رضاكم وعجبتكم طريقتي بالسرد ❤️ عذروني لان تأخرت بتنزيل البارتات كل مره ظرف يصير عدي وانشغالات🥺 ادعو لوالدي ربي يشفيه حالته نفس ماهيه ماكو تحسن🥺 واتمنى أستمتعتوا بالخواطر مالتي🥰 الي هيه اقرب الي من كتابه القصص🥰 انتظروني 🥰بقصه جديده انشالله حقيقيه ل ٣صديقات مقربات💔💔💔 .. الى اللقاء مودتي ومحبتي ولتنسون دوسون ال⭐️ واراءكم😌 خبر سعيد احد البطلات رغده اخذت جلسات اشعاع وقائي تعبت جداً بهالفترة والحمد لله قبل كم يوم النتائج طلعت والحمد لله نتائجها سليمه ربي يعافيج حبيبتي ويطول بعمرج ويسعدج❤️ | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
العرض العادي
