13-12-20, 07:15 PM
| #41 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  #شريعة العشق #شريعة العشق بارت ٣٩ نورا ناصر هم تشتاك هم تحجي هم تتحسر وتبجي هم الكلب يوجع بيك وتذكرني من تمشي ؟ يالباكوك من حضني ومن عندي خذو كلشي وصار الفرح ماينشاف وحزني ساكن برمشي.. (مشاركة من --Shahad--) [] [] [] رجعت من الدوام فوتت السيارة للكراج ،، وداافوت وصلت للطرمة واسمع صوت هوسه فتحت الباب واسمع زهراء تهدد وتصيح .. انصدمت تقدمت كم خطوة شفت ابويه واكف بين اسراء ورشا من جهة وزهراء وامي من جهة . باوعلي اسراء ورشا وانصدمن اجت عيني بعيون اسراء ثواني ، قاومت رغبة ترجعني للماضي وذكرياته . صحت بصوت عالي اخترق الارجاء كلها .. انتبهت عليه زهراء عيونها غركانة بدمعها ووجهه مخرمش ونابعه منه قطرات من دمها . شعرها مكفوش وشالها واكع ..وتباوعلي مصدومه وحالها يتوسل الرأفة .. حسيتها باشد حالات الاحتياج لشفقتي .. صاح عليه عمو ابويه تعال انهي هالمهزلة هاااي يله بسرعة لك كلبي راح يوكف !! تقربت منهم واجتني زهراء صارت مقابيلي .. باوعت بوجهه وحواجبي معكودة خير شكوو شبيج وليش دتهددين هو هذا حجي .. بنبرة تتكفن الحزن وبغصة جاوبتني وترجف : انت ماسمعتهم قبل شويه شنوو يحجون عليه يكولن يردن يطلكني منك ويكولن علينه مثل الاخوان هاي رشا اختك هيج تكول ( وتأشر على رشا ) . صوتها ضرب بجدران قلبي ونبرتها اخترقتني .. زهراء .. باوع صفاء على رشا خزرها خزرة تموت .. من مكانها جاوبته لا تباوعلي هيج ترة هيه مرتك تهجمت علينا بالاول حاسبها مو تحاسبنا . اخذني من خصري وسحبني اله باوعت لاسراء حسيتها راح تنفجر ، خليت راسي على كتفه "الي يادوب اوصل واكدر اطخه "واباوعلهن وارفع بتك حاجبي . صفاء كال مرتي مايطلع منها هالحجي بس انت السعلوة اخ منج وانت اسراء من تجين هنانه رجاءً لاتسوين مشاكل احترمي نفسج . رشا كالت تره هيه ماجايه تسوي مشاكل جايه تشوفني وشوف جهال اخوها خلي يكون بعلمك . _ لاتجي مالها مكان هنا عييب اصلا واذا تريد تشووفج وميتة على شوفتج انت روحيلها مو اله تجي هنا . _ منو يوديني اني وزوجي مسافر .. _ خابري لواحد من اخوانج خلي يوديج لو اله تعلكينها مشاكل ؟ _ مابيكم خير ولا واحد منكم بي خير واشد بي ظهري .. _ انت ليش هيج جلدج يحكج على طول وتردين كتلة ؟ وباوع لعمو وكاله هيه هاي تربيتكم يابه دشوفها شلون ممعترفه باحد ؟ رفع ايده عمو يريد يضربها اسراء صارت حاجز بيناتهم وكالت وعينها على صفاء : لا عمو لخاطري اني راح اروح وبلا مشاكل وثبتت نظرها على صفاء وكالت مشكور ابن خالتي ماقصرت . تحركت من مكانها تريد تطلع بره كالتها رشا وين رتيحه خو متروحين وحدج ؟ رجعت تباوع على صفاء لا عادي اروح .. هو كاللها اسراء خابري زوجح خلي يجي عليج حيصير مغرب لتروحين وحدج .. جاوبته بحزن ليظل بالك ومدنكة تبحوش بجنطتها راحت لعمه بوستها الله وياج خالة مع السلامة عمو اعذروني ع الازعاج . رشا كالتلها ابقي هنانه انتظري بين ميجي وين طالعه تنتظريه بالبرد ؟ لاعادي .. تريد تطلع صرت كدامها ومثل مكتلج ابتعدي عن اختي عبير وبعد لتتصلين بيها وتتمسكنين ورفعت الها تك حاجب .. سحبني صفاء من اكتافي وكال يله نصعد فوك بدلي صبيلي لكمة اكلها .. واخذني وصلنا لنص الدرج وسحبت نفسي منه كتله يله خلصت التمثيلية .. ورحت صعدت قبله اجه سبقني باوعلي ويفر بيده وصعد . تنهدت وتبعته دخلت للغرفة بس حس بيه فتت للغرفة بدون ميباوعلي جان ديفتح دكم القميص. كال جوووعان خفي ايدج بدلي ونزلي صبي غده .. تنفست بعصبية ، قطعت المسافة الي بيني وبينن بخطوات معدودة ورحت صرت يمه ووكفت مقابيله وحجيت بثبات ؛ بعدنا ماخلصنا حجي ؟ رفع راسه باوعلي ورجع فتح الدكمة الاخيرة من القميص ونزعه ؛ ماكو شي ينكال كافي مشااااكل . كلت لاااء ماخلصنا ليش تصيح عليه كدامهم ؟ وخليت اديه على خصري . شمر القميص ع السرير وباوع لوجهي بتركيز كال هاي وين متعورة ؟ ومد ايده يريد يتحسس خدي .. ابتعدت عنه خطوات للخلف امنعه من ان لمس خدي . لاتغير الموضوع ليش تصيح عليه كدامهم . تقرب عليه خزرني منو معورج احجيي ؟ حبيبت..... قبل مااكمل واكوله حبيبتك خزرني خزرة اقوه وكال بنبرة تهديييد زهراااء . بعدت نظري منه حسيت بخووف .. كال احجي عدل !! جاوبته بنت خالتك الموصون هيج احسن موو ؟ وظليت افتر بالغرفة والله خوش تخاف عليها متريدها تطلع وحدها . اي العرض واحد .. جاوبني بقصد استفزازي عاكد هالحواجب الي موراضيات يتزاعلن ويبتعدن عن بعضهن مطبوكات النهار كله بعكدة وكاتم ضحكة . رحت تمشيت باتجاه باب الغرفة داريد اطلع . اجاني صوته االمستفز خلاني التفتت اباوعله : مو زين ماوصلتها اني ؟ كتلها خلي زوجج يجي عليج . درت وجهي مااريد ملامحي تفضحني : اي وصلها شعليه اني . من كل قلبج هذا الكلام ؟ سكتت مجاوبته وفتحت باب الغرفة كال على ووين ؟ مو كلنه بدلي جوعانيين .. رايحة لاهلي روح لامك خل تصبلك غده . اجه بسرعه سد الباب وفوتني للغرفة وعاط شنو هالحجي زهراء ؟؟ واني شنو كدامج طرطووور ؟ ترحين متكولين رايحة ؟ واني داا امرغ ايدي لان اذتني قبضته : هاي كتلك رايحة بعد شنو ؟ _ زهراء لاتخلقين مشكلة ومن لاشيء !!! مو جاهلة انتي ؟ عفته يحجي ورحت باتجاه الكنتور فتحتها طلعتلي ملابس : اي لا مراح اروح بس غده مراح اصب تعبانه واريد انام . اخذ ملابسه وطب للحمام واني طلعتلي ملابس وانتظرته يطلع حتى افوت ابدل اني همين ، طلع ونزل جوه معصب واني رحت بدلت وتمددت على السرير . بهاللحظة جندت كل حواسي حتى افسر نظراته بتجاه اسراء ونبرته من جان يحاجيها ، هواجس تعصف براسي غفيت لان تعبانة . كعدت بعد ماحسيت بحركة يمي وشي يتخله على وجهي فتحت عيوني شفته ديخلي لاصقة جروح على الخراميش مال دبوس الي على جانب خدي . هو خلاها على خدي باتقان وتمرس واني اباوعله وكل احاسيسي متيقضة اشم عطره واشبع عيوني بالنظر اله واسمع صوت دقات قلبه القريبة مني واصابعه الي تتلمس بشرتي بين مايخلي اللزكة ، احبه احبه .. وهو ديخلي اللزكة وبدون ميباوع بعيوني كال شبيج تباوعين ؟ مضيعتلج شي بوجهي ؟ فتحت عيوني ع اوسعها لحظات 'اي ادور نظرة حب صارلي كومة ادورلها عليها ومن حقي احصلها لخاطر حبي الي دافنته باعماقي تعبت واني اتلقى منه نظرات عطف وشفقة واكثر الوقت نظرات غضب وعصبية والاستصغار' كلت هالكلام بقلبي و حولت نظري لغير مكان هو خلص ووخر .. تمدد بصفي وظل يباوع عليه ، انطيته ظهري حسيت بخصلات شعري تنسحب مني عرفت ديلعب بشعري ويشم بي . سحبت نفسي منه وكمت من يمه ، اسمعه يكول ها وين شردنه ؟ نزلت رجليه من السرير وكمت وكفت باوعتله جووعانه اروح اتغدى .. ابتسم باستهزاء : هه حيصير المغرب ترة . اي عادي هو غدا وهو عشا .. كال بامتعاض : يلله لعد نزلي وخلصيني منج اريد انام وانت بس تحوسين .. عوجت حلكي ، جر تنهيدة بعمق وهو يباوعلي بعدم رضا واخذ المخدة بعصبية وخلاهه على وجهه واسمعه بس يتحسر ويتأفأف... عضيت شفتي واباوعله بنظرات انتصار ومنتشية اييه اله اشربك من الكاس الي شربته اليه بليلة العرس عبالك انسالكياهه اني ادري بي يريد يتقربلي بس اجه دوري اردله الصاع صاعين . * * * كرار: مباقي هواي واتزوج واجيب مها يمي .. نزلت يم ابويه نتفق ، الوالد كال نسوي بقاعه مو بالبيت لان يوكفون الشباب بالشارع والوضع صعب انفجارات واني اخاف عليهم .. امي :؛ واذا مقبلوا اهلها لمها العرس نسوي بقاعة ؟ جاوبتها ؛ لا عاد مو بكيفهم لهنا وبس الخطوبة وحد والزواج وحد كله يمنه هسه . كالت بكيفكم لعد .. اي نسوي بقاعة احسن مثل مكال ابويه .. وكعدنه نتفق على شغلات العرس كلها .. صعدت خابرت مها وفهمتها على كل شي .. بيوم الحنه كعدت الصبح ع هلاهل عمتي ام زهراء كعدت غسلت وبدلت نزلت ، تلكوني بالهلاهل والهوسات واني ماقصرت اخذتلي ركصه وياهن ع الواهس . انوب هنه تونسن ع الركص وكفت وصيحت عليها هسه راح نكضيها ركص مو كتلني الجوع وحدة منجن تسويلي زقوم .. ظلن يضحكن امي كالت تعال الريوك ينتظرك طلعت من الصالة واني انحني الهن وايدي على بطني بحركة امتنان . رحت للمطبخ تريكت ورجعت دخلت للاستقبال وهم الولد شغلوا دي جي وشالوني ويهوسون ... الكل فرحان بس مو اكثر من فرحتي .. للظهر رحت للحلاق قسما بالله لو واحد يجي يسألني شنو احساسك جوابي راح يكون هسه انولدت من جديد.... حب وخطوبة وهسه راح تصير أم بيتي شعور ماابالغ من اكول احس هسه انولدت مها اجمل وارق مخلوق عرفته بحياتي... وبكل لحظة ادعي الله يحفظها الي نبقى طول العمر سوى .. من رجعت من الحلاق اخذوني ورحنا للقاعه.. للمغرب رحت اني وامي حتى نحني العروس من دخلت وشفتها دمعت عيوني انترست فخر حمدت ربي لان صارت من قسمتي ونصيبي .. رحت عليها بستها على كصتها وطولت ببوستي حسي بيها رجفت قربت من اذنها وهمستلها: لاا بويه مو هسه وقت الرجفه ضميها لباجر ترى بعدنا شفهي باجر يبدأ العملي وغمزتلها وخرت مبتسم اباوعلها باوعتلي : عفيه كرار _عيون وروح كرار _كافي عيب عفية .. _هو منو ديسمع يا بعد الهواء الاتنفسه هم اشبع منج والله مااصدك _تشبع تشبع وتمل هماتين .. _عود اذا مليت اجدد وضحكت... عوجت حلكها ودارت وجهها جابوا الحنه حنيتها وسط هلاهل امي الي طرشت اذني .. كمت بست راس امي .. صار وقت نرجع للبيت قربت منها همست باذنها كلتها نامي زين وشدي حيلج لباجر .. باوعتلها عضت شفتها حيل وتحجي بتوسل عزاا كرار استحي والله تريد تجلطني انته !! ضحكت وهمست اسم الله ... حاجيتها مثل الي يحاجي طفل ولزمتها من حنجها ، بستها وطلعت ... رجعوا من القاعة وبالبيت هم نفس الشي هوسات وركص ودي جي يسطر سطر .. صعدت نمت قبل الكل لان تعبان ، خابرت مها جانت خايفة .. لج اني كرار الي يحبج لسش هيج خايفة مني .. والله خايفة من سوالفك اني ... شلون هسه بلله ؟؟ نبطل منتزوووج مو وصلت للحلك هسه ؟ لالالالا راح انام كرار دايخة . اسمعي مهاوي نامي زين ولتسهرين وباجر تريكي زين تمام اريدج مرتي قويه باجر لخاطري ترة اليوم معجبني وضعج شنوو هاي بس ترجفين شجاج . ضحكت : تمام حبيبي الي يهتم بيه لعيونك كل شي يهون احبك كرار .. واني امووووت عليج مو بس احبج لج يله روحي نامي عفت الدنيا مكلوبة جوة وجيت اخابرج قبل لتنامين . اي انته همين نام وعوفهم صوتك مبين نعسان . اني مو نعسان انيييي هههههههههه لج متحمس الباجر لج يله روحي لا تخليني اجفص واخوفج اكثر . عزااا شجفص وتخوفني بعد .. روحي روحي ماكو شييي ... سديته منها ونمت .. ثاني اليوم الزفه رحت عليها للصالون اخذتها صعدتها بالسيارة .. باوعتلها دمعة فرح لمعت بوسط عيني وهيه هم بجت ومبتسمة لا اعرف دموع فرح لااعرف حزن لااعرف خوف ، اخذت راسها وبستها ، اخذت ايدها وبستها .. امها كاعدة ويانه بالسيارة ممنتبه عليها .. اله لمن حجت يوم كرار تأخرنا .. فزيت على صوتها مها طالعة تجنن واني صافن بيها رفعت ايدي حطيت راسي حجيت بارتباك ها اي اي عمه مو دخت والله عاشت ايدج على هالخلفة . دير بالك عليها كرار .. خالة بدون متوصين بعيوني تره هيه هاي بنت بطنج صحيح بس هيه هسه بنت كلبي . الله يسعدكم ويحميكم ويحفظكم ان شاءالله .. حركت السيارة طلعنه سوينا جلسة تصوير ورحنا للقاعه من دخلنا الى ان خلص الوقت اني وياها نركص وسعادتنا متنوصف ابد .. بعدها اجه الوالد شاورني _يلا بويه اخذ زوجتك وروحوا سلمت ع امها وظلت توصي بيه متدري اخاف عليها اكثر من روحي وهاي الثانية ماتت بجي حرت شلون اسكتها بالكوة سحبتها من حضن أمها . طلعنا للفندق من وصلنا باوعت عليهم : يلا لهنا وخلصت فلوسكم عشيتكم وركصتكم تونستوا براسي مو ؟ ديروا وجهكم وبسرعه لبيوتكم الله وياكم . مها تكرص بيه وهم يضحكون دخلنا للغرفه واني لازم ايدها وهيه ترجف كعدتها على السرير ، بستها برأسها وهمستلها _حبيبي لتخافين أني امانج وسندج وكل كلامي الجنت احجي ترى شقه شو وين عيونها اريد اشوفها اووووف ليش كل هذا الخوف اني كرار ترى حبيبتي روحي انزعي البدله واسبحي وتعالي نصلي حتى نتعشى ترى ميت من الجوع ع الريوك الله وكيلج همست تمام راحت شويه وطلعت: كرار مدااكدر انزع البدله فدوة افتحلي السحاب ساعدتها اجت دتروح جريتها لحضني : لأ حباب كرار خليني اروح انزع البدلة . _مااسوي شي بس احضنج حبي... _ لا لا استحي .. _ لج لتستحين الله يخليج زين اعتبريني امج اختج ونزعي كدامي .. _ لا اني حتى كدام ماما واختي هم ماانزع .. شون سالفة هاي ضربت ايدي على فخذي دييله روحي فتحت اديه منها وراحت .. راحت نزعت البدله واجت شعرها ينكط مي .. متتتت عليها بكل لحظة تمر عليه اريدها اكثر من القبلها .. بس هي تباوعلي بنظرات كلها قلق وخوف .. صلينا وتعشينا وظليت اضحكها واسولف وياهه اطمنها الى ان فكت شويه واطمأنت ، كملنا كامت تشيل بالاكل وراحت غسلت واجت يم الميز .. حضنتها من ورا واخذتها للسرير جانت ترجف خوف على مستحى .. واني مقيدها بيديه رجفت جسمها تدك بعظمي احسها ، والرغبة مستميتة مسيطرة عليه .. ظلت تتوسل بيه اطفي الضوء غلست عنها الى واخذتها لحضني ، اعتليت ودنكت بستها ورفعت راسي اباوع لملامحها عيونها امتلأت دموع ابتسمت ورجعت بستها شهكت .. لميتها واخذتها لحضني وابوس بركبتها ، همستلها ولج انت دكة كلبي مااذيج والله بس هاي لازم تتأذين شويه مو هواي . هدأتها وتقربت الها تأذت عصرت عيونها دفعتي باوعتلها : مها ترى هي وراج وراج اخلصي متردين تخلصين انتي ياعمري والله مااذيج ياروحي حضنتي حيل من اخذتها شهكت وكامت تبجي همست: عفيه كافي حموت من الالم وخر حباب _هاي هي خلصنا عمري انتي خلصنا اخذتها لحضني ظلت تشهك بهدوء جريت رأسها بسته شويه وغفت على صدري واني ظليت اتأملها الى ان غفيت وراها . مريم : دنروح لعرس كرار وجنه قبلها مشترين فساتين دننزل دست على فستان عبير وانشكت ، انشكت لو كلبت الدنيا تعاركت ويايه وامي اجت رزلتها لان سمعتها تعيط بعصبية وصوت عالي .. عصبت عبير وكالت ماروح للعرس .. شكد حاولت وياها ماما ولج عيب ابن عمج وصديقتج ليش متروحين شيكولون عنج هسه لا خطبته رحتي لا عرسه !! بقت تباوع بعصبية وصعدت للغرفة .. بابا سمع ماما تصيح عليها كاللها عوفيها براحتها ورحنه للعرس .. رحنا للعرس والكل يسأل عنها ، اجني بنات خالة كرار سالني عنها اكولج شسالفتها عبير وليش مااجتي للعرس ... قبل لا اجاوب وحدة حجت تره هيه حتى للخطوبة ماجتي يمكن مقهورة خطية تحبه وهو صدك كرار ينحب.. وضحكت باستهزاء .. عطت بيها : انتن متستحن شكد فارغات انشغلوا بنفسكم شويه جايات لعرس لو جايات حتى تقشبن وتحجن ع الناس واختي اذا تحبه ما جان ساعدته وخلته يتزوج صديقتها بس الحيايا مثلجن متترك الناس بحالها .. عاطت اووزي على كيفج دنضحك شبيج نفسية ... ظليت اعيط عليهن ماغيرجن النفسية ولج انت دتشوفين نفسج ... بعدني ممكملة اجه عبودي اخو كرار بعدني عنهن وخزرهن .. عافني وراحن .. التفتت عليه معليج بيهن ذن يحبن المشاكل .. تنفست بضيق ههف شون يتهمن بالباطل ويظنن السوء شوكت نخلص من هالنفسيات الي تتصيد بالماء العكر .. طلع العرس من خشمي ما عونت يخلص وارجع لبيتنا وبيوم من الايام صادف يوم اربعاء مستحيل انسى هذا اليوم اعتبره يوم مشؤوم بحياتي كلها لان المريت بي للعدو مااتمناه اجت بنت خالي طلبت من ماما تاخذ عبير وتروح لوزارة المالية عدها معاملة ماما مقبلت كالتلها ابوها ميقبل تطلع ماما صاحت بابا وكدرت بنين تقنعه يمكن كرهت بنين وكرهت كل خوالي بهذا اليوم... طلعوا عبير وبنين .. بعد مرور تقريب ٤ ساعات صار انفجار هزنا هز... الظاهر موقع الانفجار قريب ، لان الجام تفلش ومنشوف غير بس التراب ... ماما فقدت وظلت تعيط _تحسسسسسين بنتي رااااحت لك شجااااك وقبلت تطلع صخااام بعيني راحت فرحة بيتي لجججج يووووم الحكي لبنتج...... والزاد الطين بله انطوها عاجل ع الشرقية انفجار بوزارة المالية والانفجارات هذا اليوم هزت بغداد هز وكالعادة سموا الاربعاء الدامي حتى يلتحق بمسيرة الايام الدامية الي اخذت زينة شباب.... وعبير اخذت نصيبها من الايام الدامية..... يتبع.... | ||||
|  |
|
13-12-20, 07:25 PM
| #42 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #شريعة_العشق #شريعة_العشق بارت ٤٠ نورا ناصر ماما تخبلت نريد نلزمها منكدر ملخت نفسها و بابا كام يدك ع راسه .. الكل منهار وميعرف شيسوي ، نتصل على بنين منحصلها ، ماكو شبكة والاخبار تمووت خووف بالتلفزيون الجو مخبوص خبص الطرق انسدت والشبكات انغلقت وانطوها حظر تجوال بابا ظل يلوب يريد يطلع يدور .. اجوي عمامي كلهم ابيتنا أني وزهراء اعصابنا تلفت وحرنا بين ماما وبابا وبين نار قلبنا على عبير مرت أكثر من ٣ ساعات ومنعرف أي شي الكل يتصل على بنين وعلى عبير ومنحصلهم . واشوف قسور جان بس صافن ومخلي رأسه بين ايديه ع الاغلب جان يبجي كاعد وحده بزوية ومعتزل عن الكل . زهراء اتصلت على صفاء حتى يطمنا لان اكيد اخذوا المصابين والشهداء للمستشفى الي يداوم بيها اتصلت بي هواي يله حصلته بس جاوبته الوو صفاء بابا اخذ الموبايل من ايدها وخلاه على اذنه وعاط: لك صفاء شوفلي بنيتي بين الجثث لو المصابين .. مااعرف شنو جاوبه صفاء بابا شمر التليفون وطب اخذ سويج سيارته وطلع ركض وراه كرار لحكه .. وتبعهم قسور وراها بثواني .. ماما انصدمت اكثر على تصرف بابا تريد تكوم من الكاع متكدر تريد تتبعه وتصيح تحسسين تحسسين شبيها بنتي شبيهااا عبرة جاووووبني . لزمناهه نهدأ بيها وهيه ماكو كل شووي تفقد وكلساع نخابر على بنين وعبير و الخطوط مغلقة بقينا على هذا الحال ، الى ان رن الموبايل مالة ماما بيدي صرررخت بنين بنيين دتتصل بنيين .. جنت بعيدة عنهم مسافة فتحت خط وسبيكر وداوصل التليفون الهم وسمعت صوت بنين تحجي وترجف _عمه فدووة عبير ما رجعتلكم ؟؟ اخذت امي الفون ووكع منها بحضنها رفعته الها زهراء وخلته كبالها .. صاحت ماما : بنيين ولج عبيير وينها عبييير بنتييييي وين... كلنه ايدنا على قلبنا وميتين خوووف ... بنين جاوبت ماما : عمه مو يمي اني رحت استنسخ واكمل المعاملة وخليتها كاعدة تنتظرني وصار الانفجار وانحجزت وهسه هي ماكو تعبت واني ادور عليها ودااتصل مااحصلها .. ماما ظلت تلطم على خدها ورجعت ليورة ع التخم ارتكت وفقدت ، جانت هاي اصعب لحظة تمر علينا ، صعب من شخص عزيز ومصيره مجهول يمكن ميتة يمكن عايشة يمكن مخطوفة يمكن بالمستشفى وحالتها خطرة او يمكن فاقدة الذاكرة ومتعرف حتى نفسها هواي احتمالات العقل مايتحمل بعد ، اختي ماكو والدنيا مكلوبة وانه حنتخبل .. نهينه الاتصال ويه بنين والتهينا بماما .. بابا وعمامي من طلعوا ماكو خبر منهم .. نتصل محد يجاوب اكيد ملتهين يدورون عليها .. دموعنا مدتنشف وقلوبنا نار ومتنطفي . صار نهار كامل واحنه منعرف شي عنها حتى منعرف شلون نواسي ماما لو شلون نسكتها بكل الاحوال حقها بنتها هاي وهي اقرب شخص الها ، اباوع على ماما و اني كلي خوف خاف افقدها لا بالفعل انتهت الله لايشوف كل انسان الوضع الدنمر بي أختي منعرف مصيرها ماما انتهت من كد البجي واللطم بابا نتصل بي منحصله . مددنه ماما وخليت جوها مخدة دفتها كالت ماريدها ولج عبير مدري بحالها انام على مخدة عوفيني يطبني مررض كابلتها وكعدت ابجي وابوس بديها اتوسللها تصير قويه .. كامت زهراء واني بقيت يم ماما الي بس تدعي ووجهه شحب قطرة دم مابي ، عيونها ذبلانه من كد البجي وشفافها يبست .. كمت من الصالة للغرفة ادور زهراء لكيتها تقرأ قرأن وتبجي ..شهكت من البجي اني همين بقت يمك ربي رجعلي اختي بسلامة ، على صوت شهكاتي شافتني سدت القرآن وخلته على صفحة واجت حضنتني : لتخافين مريومه حبيبتي ان شاءالله ترجع . واني بحضنهه احجي بنبرة كلها بجي : لج ماما حتموت اذا صار شي بيها والنبي تموت وراها فدووة اتصلي بصفاء شوفي وين صاروا وشنو الوضع يمهم .. نزعت محرم الصلاة وراحت تدور تليفونها وتحجي ويايه كالت اتصلت بي قبل شويه اي وشنو كال ؟ باوعتلي مقهورة وكومه دموع بعيونها وعلى خدها وصوتها مخنوك بالعبرة وغصة :ولج بابا متخربط عليهم بس لاتكولين كدام ماما . هي ماما فد نوب شون اكوللها .. امشي نروح يمها لتبقى وحدها .. اي امشي عمتي ام قسور راحت قبل شويه وهسه يمها عمه ام كرار .. صفاء: جنت بالدوام وفجأة صار صوت هز المستشفى هز .. طلعت من الردهة صارت خبصة وواحد يسأل الثاني .. اجه ممرض كال دكتور فجروا المالية وظل يعددلي اماكن التفجير .. بعدها جابوا الجرحى ، المستشفى بعد متستوعب العدد كاموا يشمروهم بالممرات الدم ملئ المستشفى الحياطين عبارة عن دم دم دم !!!! هذا المسلسل كل فترة يتكرر العراق ميشبع من دم شبابه عفيه بلد ترابك انخلط بدمنا وبعدك تطلب المزيد!! ظليت اركض واعالج بالجرحى ، انخبصنا خبص وتليفوني مابطل يررن ، فكرت بأهلي خاف احد بي شي ، ماكدر شغلي لود و المستشفى داخلة بإنذار .. سرقت من وقتي دقيقة وطلعت تليفوني ، عمي تحسين هواي متصل عليه ، خفت لا احد منهم بي شي اريد اخابره اتصل هو .. من سمعته يحاجيني ويكولي على عبير حسيت الدنيا وكفت بعيني ، بلحظتها حتى شغل مكدرت اشتغل اقسم بالله اني واكف وكعت ماتحملت ابد .... عقلي ظل يودي ويجيب ،، ويا الجرحى مشفت عبير ابد ، كلت ماكو غير استشهدت وهسه بثلاجات الموتى كل المواقف صارت كبالي ضحكها وخفة دمها عصبيتها من تضوج من شي وتظل تهز برجلها للحظه خطرت ع بالي عمتي ام زهراء تساءلت شنو حالها هسه دعيت الله يصبرها ، صحت غير دكتور طلبت منه يكمل شغلي وبوجهي طلعت ع ثلاجات الموتى... المنظر الشفته حتى مااكدر اروي اوصفه بس ادعي من الله متشوفوا بعمركم ابد والي اكدر اكوله جانت الجثث بكل مكان ماكو مكان يستوعبها لدرجة اكو بيهم نفس وديعالجون مخليهم ويا الموتى مااعرف الانسانية انشالت او الواحد من كد الالم بعد ميميز . .. .. .. طلعت خابروني الولد ، رحت تلكيتهم عمي تحسين ووياه عمامي والولد باوعت على عمي جان منتهي بمعنى الكلمة شفايفه بيض عيونه تدور بالفراغ قميصه مشكوك . يمشي ويلطم على راسه ويصيح بويه وينج نريد نلزمه منكدر اضطريت انطي أبرة مهدأ للاعصاب وهو واكف كعد بالممر لان اصلا الاسرة مليانه ماكو مكان رحت جبت جهاز الضغط قست ضغطه لكيته معلك شديتله مغذي وهو يون ويبجي حالته يرثى لها كل شويه يريد يكوم ويلزمه كرار لو واحد من عمامي او ولدهم .. قسور ظل يدور عليها مثل المخبل عبالك أم وفاقدة أبنها مااعرف شنو جان يحجي اخير شي كعد وكام يلطم ع رأسه رفع رأسه للسماء : ربيييي ليييش بعدني حتى متهنيييييت بيهاااا ليييش اخذتها منييي والله اخاااف عليها اكثر من نفسها اخاف عليها من الهواء ليجرحها تالي هذا مصيرها دخيلك اخذني بمكانها لو تاخذني وياها مااتحمل وداعة نبييييك اعيششش يوم واحد بدونها رحت عليه خليت ايدي على كتفه همست بمرارة : ادعيلها... مشيت وهو تبعني ظليت ادور بين الجثث لان الجرحى كلهم شفتهم عبير ماكو وياهم ، واني ادور ولمحت وحده متمدده عدها نفس قميصها رحت عليها ركض مااشوف اله قسور سبقني وركض قبلي جرها وحطها بحضنه باوعلي: وللللك هااااي بيها نفسسس وعلي بيها نفسسس الكلاااااب شامريها هنا لك صفاااااااء شامرين رووووحي بنص الموتى نعلعلا شيب ابهاتكم ماعدكم رحمه الله لايرحمكم بجاه النبي شالها وركض بيها ندور سديه ماكو اخذتها منه جانت تنزف ، شافني عمي تحسين تخبل عباله ميته .. حصلنا سديه خليناهه عليها ظلوا الولد يهدأوون بعمي قسور وكرار لحكوني .. .. اخذوا عبير فحصناهه ونظفوها من الدم ودخلوها صالة العمليات ... تذكرت عمتي اتصلت على زهراء حاجيتها بس كلمتين زهراء لكيناهه عبير جريحة طمني عمتي وديري بالج عليها .. بلهفة ومن صوتها مبينه متألمة كالت شلوونها اختي صفاء؟؟؟ بعدين زهراء بعدين هسه عندي شغل وادعولها .. سديته منها تقرب مني كرار : ها صفاء لك احجي شونه وضعها ؟ خو ما خطرة حالتها ؟ تحسرت ومسحت وجهي تمتمت الله كريم .. متصوبه بفخذها وكتفها ومستنشقة غاز هوايه . ظل كرار يتحسر وقسور كاعد ع الكاع واديه على جوانب راسه عفتهم يم صالة العمليات ورحت لعمي .. كرار : طلعت ممرضه تركض راحتلها : شكو اختي الله يخليج لتكولين بيها شي مجاوبتي وراحت ظلينا نراقب صارت ركضه لصالة العمليات وجابوا كادر ثاني ، معقولة هيج حالتها خطرة بقيت كلش قلق وبس ادعيلها .. . . . زهراء : بعد مكالمة صفاء ماما انهارت فد نوب وسكرها صعد ، خابرنا على خالي اجه علينا واخذناها لدكتورها بالحارثية.... شاف وضعها كال راح اكتب الها دخول بسرعة هسه اسويلها احالة لمستشفى اليرموك .. حتى حروف الكلمات ضاعت منه وتبدلت بالدموع منا ماما ومناك بابا وعبير ، احس البيت انهجم خلال ساعات مو اكثر ، أباوع ع نفسي ايدي ترجف ووجهي احسه نمل بس دموعي مااسيطر عليها باوعت لمريم منهارة حضنتها وهمست: تهون والله أني متأكدة ماما تطلع من هالشدة صح مابيدنا شي بس خلي ندعيلها .. خالي كال يله بويه ، طلعنا من العيادة ورحنا لمستشفى اليرموك وصلنا للمستشفى خابرنا الدكتور واجه .. اجتي عمه ام قسور ومريم رجعت ويه خالو خطية صغيرة مو مال تبقى بالمستشفى .. بقيت اني وعمه وياها ، للساعة ٣ بالليل يلا بدأ السكر يستقر... .. اسوء كابوس بشع مر علينا ، احنه بمستشفى وبابا وعبير بمستشفى ثاني تمرمرنا فد نوب . للصبح طلعنا ماما من المستشفى واحنه نتوسل بيها ماما حبابة الله يخليج صيري قويه ولتنهارين والله عبير محتاجتج هسه فدوة ماما صعدنا بسيارة خالو وبانفاس متهالكة كالت ودوني لعبير .. زهراء ؛ ماما حبابة تعبانة انتي ... خالو ؛ خويه صحتج تعبانه نرجع للبيت ارتاحي والعصر نوديج .. استجابت لتوسلات لخالو ولعمه ام قسور وسكتت وصلنا للبيت تلكتنا مريم تبوس بماما وتحضنها .. راح خالو تسوك النا وجاب الها دواء وترخص كال اترخص اني رايح للشغل وبعدين امر عليكم ، باس ماما من راسها وطلع .. بس طلع خالو ماما كامت سألتها عمه ام قسور ويه رايحة عيني مو صحتج تعبانه انت شتردين بس كوليلي اني اسوي . اشرتلها بيدها باشارة نفي ؛ لا اريد اروح لعبورة .. كالت اسمها وغصت بالبجي .. شكد توسلنه ميفيد كتلها راح اخابر صفاء لحظة بس شويه اصبري .. هي كعدت ع السرير ورجليها ع الكاع .. خابرت صفاء كتله هاي ماما تريد تجي للمستشفى شلون شسويلها ؟ جاوبني بنبرة تحذير : ديري بالج لأ زهراء .. كلبي احسه بعد شويه ويوكف .. اكتفيت بكلمة وليش ؟ _ اسمعي لازم عمتي متوصل للمستشفى وهي تعبانة عمي ضغطه معلك ومدنسيطر عليه هم صبريها وهدأيها تمام . سديته منه ورحت كعدت يم ماما خليت ايدي على كتفها ، اباوعلها وروحي متهشمة ، نظراتها تسألني وشجاوبها الله لايحير عبده . سكتت ماحجيت يمكن سكوتي اله وقع وتأثير اكثر من كلامي او العكس ماعرف احتاريت واضح انو الوضع مو زين يم صفاء عبير وبابا وماما همين!! ياربي صبرني . كالت متحجين شكالج ؟ بلعثمة حاجيتها؛ ماما صفاء يكول لتجين هسه المستشفى اصلا هوسة وانت تعبانة . طبعا مااقتنعت وتعال جيب اليقنع ماما متروح لعبير .. حقها أم وبنتها صار هذا يوم ثاني متدري عنها شي بالكوة عمه قنعت ماما وتمددت وخلت ايدها على عيونها .. صعدت لغرفة عبير ، حتى ملابسي ممغيرتهم ، بقيت بيها تمددت على سريرها وغفيت ، كعدت اشتميت عطرها على مخدتها بجيت هوايه ، من كد البجي احس اختنكت.. فتحت الشباك اتنفس ، دنيا الظهر والشمس قوية باوعت شفت ماما طلعت من الباب ، انصدمت نزلت اركض ع الدرج شافتني خالة ام قسور كالت على كيفج زهرة لتوكعين خاف بيج طفل ومتدرين . خليت ايدي على بطني وباوعتلها لثواني بنظرات مبهمة وبقلبي اكوللها خليها سكته هذا بحث اخر وضحكت باستهزاء بطرف شفتي على نفسي وعلى حالي الي اني بي مو على كلام عمه الي متدري شي خطية .. اشرتلها على الباب عمه ماما نزلت بدون مااسمع لعمة اخذت شالي من ع القنفة وركضت تبعت ماما للشارع واني اللبس بي ، لحكتها جريتها من ايدها اتوسل بيها ترجع مقبلت اصرت واستسلمت ورحت وياهه .. صفاء: . . . وبعد مرور ساعات طلعت عبير من العمليات .. الدكتور كال وضعها صعب لان هي مو بس اصابه وتعدي لا هي مستنشقه غاز لان السفله من يصنعون عبوات او يفخخون سيارات يخلون ويا المواد المتفجرة نسبة من الغاز بما معناه انو هي حتواجه صعوبة بالتنفس بالاضافه الى انو وجهه حيورم كل هذا اذا عدت ٤٨ ساعة على خير يعني تعدي مرحلة الخطر .. بقت بالعناية المركزة وممنوع احد يوصللها بس اني لكوني دكتور واشتغل هنا فعادي ادخل اشوفها دخلت انصدمت بشكلها وجهه مورم بشكل مرعب اديها ملفوفه ورجليها هم رأسها كذلك انتبهت ع شفايفها زرگه ومورمه عيونها جفنها مورم ، اذا اني من شفتها گلبي انمرد ودموعي مسيطرت عليها اذا امها شافتها شلون!!! حتروح بيها عمتي اكيد... بقت لثاني يوم والوضع كما هو ، اما عمي الحمدلله نزل ضغطه و بقى تحت المراقبه .. للظهر رحت اشوف عمي شفت عمتي ووياها زهراء جايين من شفتهم انجنيت.... رحت اخذت زهراء من ايدها لزمتها حسيتها رجفت بخوف شجابكم همست يم اذنها .. باوعتلي وعيونها حمرة دم وذبلانه من كد البجي همست بغصة : صفاء امي طلعت للشارع وحدها ولحكتها اني ومكدرت اتصل بيك بقى التليفون بالبيت . عمي عصب كاللها : انتي شلون اجيتي؟ عمتي: من البارحه لليوم واني گلبي نااار حموووووت ع بنتي وخرررر هسه اشوفها لو اعرف تطلعون جنازتي منا مااطلع منا اذا مااشوفها باوعت عمي يخزر بيها وهم وضعهم واعصابهم تعبانه تدخلت : عمه ممنوع تشوفيها بقيت اقنع بيها بس هي قافله اثناء الكلام انتبهت عمي طلع شايفها بالليل الظاهر من رحت اعالج بقية الجرحى هو مدخلي وشايفها . كال لعمتي: ام بناتي والله متتحملين أني خايف عليج خاف تشوفيها واخسرج أضحي بكل بناتي مستعد ومامستعد اخسرج بداعتهن عندج وبداعتي وياهن العني الشيطان وارجعي للبيت أنتي أم ادعيلها دعائج مستجاب بس لتحركين گلبي عليج بعد روحي قدري وضعي مو ظهري انكسر بينج وبين بنتج عمتي من سمعت كلام عمي ظلت تبجي ، وهي ابد مترفض اله طلب ، اقتنعت هزت راسهه بموافقة وتبجي كام باسها برأسها ولزمها من أيدها وطلب من أحمد أبن اخويه يوصلها هي وزهراء .. بعد مرور يومين وتقريباً ساعة ٣ الفجر جنت بالعناية المركزة دااعاين احد المرضى رجال جبير ومرتفعه اليوريا عنده ويريدون يسووله غسل كلى ومخلي تحت المراقبه . سمعت صوت ونين بصوت ناصي بالكوة ينسمع بس لان هدوء سمعته كملت معاينة الحجي ورحت دااشوف منو ديون طلعت عبير قسم بالله هي صح ونت بس الفرحة الفرحتها متنوصف مو بس علمودها لا علمود اهلها الي راح يموتون بسببها طلعت صحت دكتورها لان جان بيومها خفر هو اجه شافها كال بلشت تصحى اخذ سرنجة فارغه وظل يچك بيها بالاخير عاطت باوعلي وابتسم كال: نكدر نكول بنت عمك قوية وطلعت سلامات منها الحمدلله ع سلامتها .. عبير : اجت بنين طلع تعيينها وعدها معامله ورادتني اروح وياها حتى مناك نروح لشارع فلسطين تشتري ملابس بابا بالكوة قبل اروح وياها من طلعت خزرني عباله أني طلبت من بنين تجي عليه . وصلنا للوزارة وهاي هوسة المعاملات بالعراق معروفه ميحتاج اشرح وشلون يذلون الواحد رادوا استنساخ ردت أروح استنسخ مقبلت بنين كالت اني اروح ابقي هنا انتظريني ورا مطلعت بربع ساعه مااحس الا صوت قوووي هز البناية هزز جنت كاعدة يم الشباك الجام كله وكع عليه الغرفه الكاعده بيها صارت عبارة عن دخان اذا اخلي اصبعي كدام عيني مااشوفه حسيت جسمي ديرجف أريد اكوم مااكدر فقدت القدرة ع الحركه عيوني بعد مااشوف بيها وجهي احسه خدر ايديه كلهم دم مااعرف دمي دم الولد الكاعد يمي لو الحجيه البصفي... كولشي مدااميز ردت بس اشوف بنين وين اجيت دااكوم بالكوة يلا كدرت اوكف احس رجليه يرجفن مااعرف بشنو عثرت يمكن جثه... وكعت بسرعه وبعدها كولشي محسيت ... جنت بين النايمه والكاعده مرات اسمعهم شنو يحجون بس مااكدر افتح عيوني واجاوبهم ولا اكدر احجي بس فد يوم سمعت صوت واحد ديبجي ومن بدأ يحجي عرفته من صوته هذا قسور!! جان يحجي ويبجي حسيت دموعه دتنزل ع وجهي _ لج شلون ينطيج گلبج تسوين بيه هيج ها كوليلي اذا أني مو مهم عندج أمج شلون تهون عبورة روحي اذا رحتي والله مااسامحج أبد بداعة امج اصحي ووعد مني بعد ماازعل ولا اعصب عليج لج حتى لعنادج اشتاقيت بنت الحلال انتي حبج مرض ماكو علاج منه لج حتى النفس ضاق عليه حتى حلمي وياج بعدني مابديته حلمي وياج زفه وهوسة هاي الرادها وهاي التمناها بعدج ماصرتي أم بيتي شلون تنامين هيج نومة بعد طولي كون أني ولا أنتي اريد اجاوبه اكوله دااسمعك بس مكدرت تالي اجه واحد كاله كافي راح يجي الدكتور ويطردني حسيته دنك عليه كال: اني بالباب مااروح منا الا تطلعين وتكومين لو شمايصير بيج اني اريدج بكل حالاتج احبج هه الرعنة مالتي متلوكلج هيج نومه . بعدها طلع ... يتبع .. | ||||
|
| |
|
13-12-20, 07:29 PM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #شريعة_العشق #شريعة_العشق بارت ٤١ .. نورا ناصر .. مريم: بعد اسبوعين طلعت عبير من المستشفى بعدها وجهه مورم بشكل مخيف والصدمه القوية عيونها جانت شاديها لحتى اي ضوء ميأثر عليها .. الغاز المستنشقته أثر ع عيونها بشكل سلبي.. ماما جانت تخلص النهار تبجي وتدعي اما بابا جان ديبحث عن دكتور عيون لعبير .. دائما عبير من دونا توكع المصايب ع راسها وتتأذى هي هالمرة جانت هادئة عكس اصابتها الاولى كلمتها الوحيدة جانت (قل لن يصيبنا الا ماكتب الله لنا).... لمن طلعوها للبيت ماما كابلتها وظلت تبجي .. حست عليهل عبير وحاجتها ؛ ماما انتي فوك متشجعيني لويش البجي ياامي هياتني كدامج ترى ممتت الله يساعد الامهات الي فقدوا ولدهم واذا مااشوف بس ترى احس عفيه لتأذين نفسج علمودي والله تهون بدال متبجين ادعيلي اني بحاجة لدعائج ست الحبايب.. امي زادت بجي رحت لزمتها من اكتفها اباوع بوجهه بنظرات مطمئنة وارجع اباوع لعبير الي متشوف بسبب الشاش الي على عيونها ويمنع عنها الرؤية ظليت امسح بدموع امي. جتي زهراء همست يم إذنها ؛ ماما حياتي هيج دتأذينها انتي .. غمضت عيونها وجرت نفس ومسحت دموعها .. حاولت تسيطر على نبرة صوتها وهي تحاجي عبير .. _ اليوم بنيتي منورة البيت ولج والله البيت بلياج ميسوى والله وهسه شون مسويتلج دولمة من هاي الي تحبيها . عبير اكتفت بس بالابتسامة واخذناهه اني وزهراء ودنصعدها ، وامي ورانه توصي بينا ندير بالنا عليها لحتى لاتوكع . صعدناهه لغرفتها غسلنالها وغيرنا ملابسها . ومددناهه على سريرها لحتى ترتاح . للعصر نزلناهه جوة لان يجون خطار يشوفوهه وهيه كلساع صاعدة نازلة .. للمغرب اجه قسور كابلها وكعد ، ماما كالتله اكلها قليل وممشتهية تاكل كعد يقنعها ع الاكل عصبت منه .. : قسور لا تلح كتلك ماااااريد . جاوبها: ميخالف عبيري صيحي عليه اعرف نفسيتج تعبانه ومتكدرين تطلعين البداخلج كدام اهلج اني اتحملج واني الممنون ليش كم عبير عندي . جان يحجي بغصة وكوة مسيطر على نفسه .. اخذته ماما تحجي ويا على صفحة بين الها انو مو زعلان ولايمكن يزعل منها بكل الاحوال . يريد يروح فاتوا كرار ومها والظاهر قسور لمن شافهم غير رأيه وماطلع راح كعد بصف عبير . كرار ومها سلموا وكعدوا .. كرار على فطرته كاللها هاا مبروك عميتي بعد ماتشووفين مووو ؟ على كلام كرار ابتسمت هيه بعد ساعات من العبوس .. تأفأفت قسور وباوعله مخنزر ؛ انته لو تحجي حجي بي خير لو لتحجي مو بحال شقاك التافه هسه . جاوبه كرار ؛ بالعكس اني دا اطلعها من الجو الي هيه بي وهيه تعرفني كولش زين والا مجان ضحكت . مها بسرعة قطعت حديثهم وظلت تسولف ويه عبير . بقوا شويه وراحوا ، قسور ماطلع اله لمن مها وكرار طلعوا . بعد مرور اسبوع بابا قرر منبقى بالعراق ونسافر لسوريا ومناك نطلع لاوربا .. من حجه بابا هالكلام جنه كاعدين بالصالة وهو عرض علينا الموضوع ماما تقبلت الفكرة وسكتت . بس عبير جانت كاعدة ومبين على هيئتها معصبة كلش لازمه طرف بيجامتها وعاضة شفتها حييل . بابا عرفلها سألها ها بنتي عبير شكوو جنج مو قابلة على هالقرار ترة اني على مودج احنه ما النه مكان هنا بعد وحياتنا معرضة للخطر بكل لحظة . جاوبته وهيه مسيطرة على اعصابها _ شوف بابا لو اموت مااطلع من بغداد يمعود اني أروح ازور كربلاء لو النجف اختنك اني متعوده ع بغداد انت اذا تريدني أموت طلعني منا . كعد بابا يسولفلها ويقنعها بس هيه ابد مااقتنعت وانهارت بالزايد كالت صعدوني لغرفتي صعدناهه اني وماما وعفناهه وطلعنه . وره دقايق سمعنه صوت تكسير ركضنا احنه ال ٣ امي وماما وبابا لكيناهه تكسر بالاغراض ومنهارة ، وتصرخ ماريد اسافر ماريد اطلع حسوو بيه . اخذها بابا وحضنهه ماما كعدت يمه تبجي واني واكفة ابجي اشرلي بابا وكالي اخابر صفاء يجي ينطيها ابرة مهدأة . اجه صفاء وانطاهه ابرة ، هدأت و نامت واني وماما وزهراء نظفنه الغرفة . بقى بابا مصمم على موضوع الهجرة وبلش يحضر لهذا الموضوع .. وخلص كل تجهيزاتنا ورحنا ودعنا كل اهلنا بدموع وحزن .. الا قسور ماشفنا جان طالب من بابا يعقد على عبير ديضمنها اله بس عبير جانت بوضع ميسمح ابد وطلبه كان مرفوض منها ومن بابا .. سافرنا لبلد ناسه غير ناسنا الهواء البي يختلف عن هواء بغدادنا عبير جانت ممنوعه من البجي بس اخذت الطريق كله تبجي وبس المهدآت رحمت بحالها عن لاتنهار وتنجن . زهراء: من لم عرفت بقرار بابا بالسفر واني بس ابجي ويوميه عدهم ، دا اشبع منهم ما اكدر اطبلهم ابجي واطلع منهم ابجي . دز علينا بابا قبل ليسافرون بيوم ، اجاني صفاء جنت متحضرة وكاعدة اجه كال يله باوعتله بس رمشت وكعت دموعي على خدي . درت وجهي بسرعة اجه كعد يمي ودار وجهي عليه مسح دموعي ظليت اشهك . خلاني على صدره ويهدأ بيه .. كال ترة هواي بجيتي ، هياتهه سوريا هنا اوديج الهم اني . وخرت من صدره وامسح دموعي ، واهز راسي .. رحنه الهم احضنهم واحد واحد واشم بيهم وابجي ماتخيلت بيوم راح يبتعدون عني الله ينتقم من الي كان السبب وفرقنا . بابا حبيبي ابد ماراح تغير رأيكك ؟ اباوع لبابا واحاجيه اعرف كلامي مراح يجيب نتيجة بس شسوي ميتة قهر ماريد يرحون . اخذني صفاء وخلاني على جهة وظل يحجي وي بابا وبدوره بابا سلمه مفتاح البيت لحتى يبقى يمه . ودعتهم كوة شلعني صفاء منهم وهم يردون يطلعون ماما ملت اسماعي بوصاياهه وهيه تبجي ومنهارة عبير ممسيطر عليها غير ابرة المهدأ الي انطاهه الها صفاء قبل ليطلعون . وسافروا أهلي حسيت نفسي وحيدة ، صارت الفرحة احساس مستبعد وغزا طعم المرارة ايام .. التهم اطراف اظافري بوجع واوكف المغرب بالبلكونه مالة غرفتي .. واظل اباوع ع الطرمه وياخذني الحنين لضحكة عبير ومريم وشقاوتهن واتذكر حجاية أمي الدافية .. وبابا وابتسامته الحنينة وتنازعني مشاعر الحزن واكعد اشبع بجي عليهم ، الاشتياق صعب لشخص تحبه شلون بيه أني المفاركه أهلي كلهم !!! كرار: بعد ماسافروا بيت عمي تحسين مها گلبتها مناحه على عبير .. كعدت اهدأ بيها يمعودة ياام الغيرة على كيفج مو هيج ترة صايرة نكدية بشكل لتضوجيني جاي تعبان وانت كالبتها مناحة . أبد قفلت وانوب زادت بالبجي واني منا روحي طالعه من الوضع كله تركتها تبجي وحدها وطلعت من الغرفة نزلت جوة اهلي نايمين كلهم شهالضوجة ياربي كعدت ادخن بالحديقة .. خلصت جكارتي ورجعت للغرفة ، فتت لكيتها نايمه رحت كعدتها ؛ - مها أكعدي احجي وياج .. مها مها لللج مهااا ماكو متقبل تكعد ومغلسة ، عطت بيها طفرت _شبيك شتريد تقربت عليها لزمت أيدها حيل: شوفي لج مرة ثانية اذا حجيت وياج وغلستي اسويج نصين طايحة الحظ شنو كدامج طرطور احجي ومتجاوبين ترى افين حظج _اي اي بس أيدي وجعتني هاي شبيك اترُكني نترت أيدها وبقيت خازرها كامت من السرير ووكفت كدامي ؛ - شنو تريد _أمشي سويلي زقنبوت _صار بس ليش معصب . رفعت ايدي ليفوك خليتها على راسي ومجاوبتها . طلعت من الغرفة ونزلت جوة ، دقايق وصاحتني من جوة ، نزلت شفتها حاطه الاكل و واكفه بعيد تفرك بأيدها الجنت لازمها وتباوعلي بعتب - : تعال أكل . رحت ع الاكل بدون ما اجاوبها وكعدت اكل وهيه طلعت من المطبخ ماحاجيتها .. اكلت وصعدت للغرفه مشفتها دخلت للحمام غسلت وطلعت هي ماكو نزلت جوا ادورها لكيتها بالحديقه كاعدة لوحدها . رحت تقربت منها ؛- كومي مها كومي صعدي حتى اقفل واصعد ورايه شغل باجر يلا عيني . باوعت بعيوني ثواني وبعدها نظرة العتب على عيونها كامت ومشت من كدامي بدون ماتنطق ولا حرف . تأفأفت و لحكتها طبيت للغرفة بدون ما اباوع الها ورحت ع الفراش عدلته حسيتها اجت يمي ماباوعت عليها .. كالت ؛- شدسوي جاوبتها ؛- مااسوي شي دااعدل الفراش مثل متشوفين اعرف تفكيرج وسخ بس ميخالف اذا تريدين اني جهاز سته سلندر وغمزتلها باوعتلي صفح ودخلت للفراش بسرعة اتذكرت عدها خالتها أرملة : اكولج مها _همممممم _كم مرة اكولج لتسوين هيج ترى انتي شنو مرايدة نفسج بس فهميني .. ضحكت على كيف ، التفتت عليه بعد ما جانت منطيتني ظهرها: شنو تريد _خالتج أمل ماعدها نية تتزوج؟ _لا ليش تسأل بالله _لج يا لا غير بيوم زواجنا تباوعلج بالبدله وتتحسر اني لو مااخاف من أمي جانت انطيتها أبويه هديه . _هاي شلك بيها كرار بس تريد الصدك هي هواي تحجي عليك . _ادري ادري ذاك اليوم من رحت لاهلج سمعتها تكص بيه ادور جنت واكف ورجلي تحكني تالي نزعت الحذاء وكعدت احك برجلي وهم ماكو فايدة لازم جانت تحش بيه حش . ظلت تضحك بصوت عالي ، كعدت يمها ؛- زين أكولج هي راحت للعمرة مو ؟ _اي ليش ؟ _مو كلت لازم نوجبها والله عدنا الحدقجي خوش رجال راح اطرح عليه الموضوع بلكي يوافق وتنفك الجبسة مال خالتج ظلت تضحك تقربت عليها: حبيبي مي عيوني أسف لان قبل شويه عصبت عليج بس انتي حقيرة تعرفين اتخبل ولا تتجاهليني وانتي تسوين الاشياء التضوجني حطت ايدها ع حلكي: اممممم هسه انت دتعتذر لو دترزلني باوعتلها وظليت صافن بوجهه سحبتها وصرت فوكها حطت أيدها ع صدري وتباوعلي ونظرات عيونها كلها حب ولهفه تخبلني من تباوعلي هيج ظلت صافنه غمزتلها : ها حلو اني عجبتج مو وضحكت كالت بذوبان ؛- من زمان عاجبني رفعت أديها من صدري وحاوطت ركبتي ورفعت رأسها باستني وغنت (هذا الحلو كاتلني يا عمة هذا الحلو كاتلني يا عمه .. فدوة شكَد احبه وارد اكلمه انتي شلون عمتي؟ بي ما افتهمتي؟ روحي كلها يمه هو بالحسن باليني بلوه .. احلى من الكَمر وشويه اضوه توه بالعشكَـ يا عمه توه كَلبي شلون اصبره؟ .. نار العشكَـ كبره ما ينحمل همه .. يا عمه هذا الحلو كاتلني واريده .. معذب مهجتي والروح بيده ما اصبر بعد عمه بعيده كَلبي شلون اصبره؟ .. نار العشكَـ كبره ما ينحمل همه يا عمه آخ من العشكَـ منه يا ويلي .. عمه ع الولف سهران ليلي عمه انخطف لوني ونزل حيلي كَلبي شلون اصبره؟ .. نار العشكَـ كبره ما ينحمل همه يا عمه) جانت تغني وشفايفها تخط شفايفي كلتلها دتعالي هو مو انتي البعد متصبرين وبعيدة اني اهل اهلي اشتعلوا ضحكت بصوت عالي: لجججججج اششششش اخذتها بين احضاني وجانت كل مرة تصدمني بحبها ولهفتها . زهراء: نايمين دك موبايل صفاء كعدني من نومي مديت ايديه ورفعته باوعت مكتوب (د.تبارك) هو حس ع الموبايل جان بجهتي لان هو مخلي ع الشحن مد جسمه من فوك جسمي ثكله صار كله عليه رفعت عينه باوعتله هو ابتسم وغمزلي مد ايده اخذ الفون من ايدي وملصه من الشحن و جاوب الدكتورة ، خزرته وهو ظل يحجي وياها علمود حالة مريض... اني بس أريده يوخر كتلني شثكله وبنفس الوقت أريد اتعارك وياه.... سد الموبايل ظل صافن بوجهي وهمس : سبحان الله ولا غلطة دفعته من صدره وكمزت عليه: اكولك دكتور هاي شعدها تخابر بهيج وقت ترى ساعة وحده بالليل ظل صافن بوجهي ومبتسم قرب وجهه عليه لدرجة طخ بوجهي: تغارين ؟ بعدني ممجاوبه اخذ شفايفي بين شفايفه وجانت بوسته كولش قاسية ضربت على صدره حتى يبتعد عني أريد اجر نفس ، ابتعد عني يتلذذ بشفته ونظراته مخدرة . همست: هوا هوا اختنكت ، واهفي بيدي على وجهي .. ظل يضحك بصوت عالي وهمس: يمعوده بعدنا بس بوسة اذا شرحتج شتسوين . فتحت عيوني على وسعها حسيته ديقترب مني كمزت من السرير ليجوه رحت يم باب الغرفة اجه لحكني توة ديحجي كال هااي شبيج تره طولناهه خلي نحسمهه هسه . ديريد يرجعني للسرير واني اريد افك منه .. وهو بعده يضحك .. سمعنه صوت عياط اخوه بهاء :يووووم وووينج بنتج السكط اليوم ادفنها وحق محمد... تركني صفاء وظل يباوع بوجهي ثواني مصدوم بعدها فتح باب الغرفة وهو يحجي شبيه بهاء جاي بهاي الساعة يصيح ، ونزل صفاء يركض... لبست ملابسي و نزلت وراه لكيت بهاء عيونه صايره بكصته ع كد مامعصب باوعلي ونزل رأسه عبالك خجل من نفسه لان جان يعيط ويغلط على اخته واني سمعت كل كلامه بقيت واكفة مصدومه واباوع . راح عليه صفاء _خير شبيك بهاء جاي علينا والساعه متاخرة شكو شصاير جاوب بعصبية ؛- لككككك اختك راح تخبلني جايه ع مرتي تحرضها عليه ادرررري شمسويلها اني لك لو تموت اشرف من ما يكولون عدكم هيج اخت ووووووينهاااااا اليوم اشرب من دمها وحق اباعبدالله ع صوته طلع عمي : خير شبيك مثل الزمال خبصتنا بصوتك متكول ناس نايمه انت ماعندك اخلاق ولا حرمة للبيوت طايح الحظ المفروض اذا عندك مشكلة تنتظر للصبح مو جاي تهوس فوك رأسنا منو كالك عدنا عرس وعازميك وجاي هيج وقت امشي اطلع برا طايح الحظ انعل ابوك لابو حتى اختك ابن الكلب بهاء كعد ع القنفه ودنك وحجه بصوت تعبان: يابه بنتك طايحة الحظ تكول لبيداء زوجج يخونج ومدري منين جايبه رسائل ع اساس اني دااخون مرتي لك يااابه ماقاهرني شي غير سوتني زاااااااااني اني ازززززززني من امداني كام وكف بوجه عمي : وداعتك يابه منا وجاي لو اشوف رشا تحترك وبيدي مي وتيزاب اذب عليها تيزاب وانت اذا مااخذت حقي منها انسى عندك ولد اسمه بهاء تركنا وطلع وعمي صعد يركض لرشا جرها من شعرها شلعه بيده عمه تجر بي وهو فقد من كد ماشفت معصب ركضت ع صفاء لزمته من زنده _فدوووة صفاء كول لعمو يتركها حتموت بيده الله يخليك اتحرك ابد ولا جاوبني مكتف ايديه لصدره اهز بي باوعلي صفح وهمس : والله ؟ تركني وصعد فوك ولا اهتم رحت ع عمو اجر بي بالكوة يلا تركها رحت كومتها وجهه مسوي خريطه بس كامت دفعتني : وخرررري لج بنت أم السحورة انوب راحت لسوريا هي وبناتها حتى تشبع * .. من فشرت على ماما ضربتها راشدي كل قوتي وصعدت اركض واني خايفة على ندمانه ومعصبة لو مخلية عمو يضربها احسن شكد مغفلة اني شون ادافع عنها وهي تتهم امي بابشع التهم . دخلت للغرفه سديت الباب وانتجيت عليه وخليت ايدي ع گلبي جنت الهث التفتت صفاء يباوعلي ومغمض تك عين جان ديدخن اجه يمي وحجه بصوت ناصي كولش :شبيج تلهثين راكض وراج جلب!!! خليت أيدي ع صدره وبعدته عني ورحت كعدت ع الجرباية التفتت عليه: صفاء ليش مخلصت اختك من أيد عمو _معليج خليها طبها مرض كافي تعبنا منها _ميخالف اختك هاي أنت شلون تقبل عليها هيج عمو يأذيها هاي لو بابا يسوي هيج بعبير اتخبل والله _هه والله؟ شنو هالمقارنه التافهه لج تجيبين رشا ع عبير هو الظلم شلون يصير دااريد احجي جان يعيط بيه: اشششششششششش سدي حلكج ترى افرغ ناري وضيمي بيج وحق الله لججججج عبالج سهلة عليه من اشوف ابويه هيج يضربها لو من اسمع يحجون عليها بالموزين بس هي عوووووووووجه تعببببببت واني اركض وراها واصلح عيوبها كااافي عاااااد تعبببببت وانتي جايه تعوجين بحلكج عبير لجججج شجاب هاي ع هاي هو ديصيح جان تصعد رشا تدعي ع أبوها: ان شاءالله يوم الي اصيح ع جنازتك من سمعتها انصعقت هاي شلون تدعي هيج صفاء سمعها طفر يريد يطلعلها ركضت عليه قفلت الباب ووكفت وراه .. _فدوووة صفاء استر علينا اروحلك فدوة باجر تروح لبيتها بداعة عمو عندك اتركها _دوووخررررري خررررررررب بيج خرررررب يوووومج لج الادبسز تدعي ع ابويه اليوم اشيل جنازتها هالسسسسسكط هاي لزمته كمت ابجي من صدوك خفت عليه اول مرة اشوفه هيج وهي بس سمعت صوته طبكت باب غرفتها حييل والظاهر خافت وقفلته . باوعلي اجه حضني: كافي بس كافي اسكتي استغفرالله ياربي ظليت ابجي بزيادة .. نتر بيه مو داااحجي ويااااااج خليت ع ايدي ع حلكي اكتم شهكاتي هو بسرعه جرني لحضنه وظل يبوس براسي ويهمس ..كافي لتخافين واني مستمرة ابجي انهاريت .. ظل يهمس : اشششش سكتت هاي هي عمي سكتتتت شلون اني بالفاهيه والترفه مالتي ولج مو عليتي گلبي بترافتج تخافين من الصوت العالي تخافين من البزونه شبيج بويه متكليلي مسحت دموعي ورفعت رأسي: فدووة بعد لتعصب وتصيح اخاف عليك والله منو بقالي بعد اهلي وراحوا وكملت بجي ضحك: هسه انتي خايفه عليه لو لان محد بقالج بعدين شكد تبجين انتي ولج ادري نافورة جرني ع الجرباية صرت فوكاه اجيت اكوم شدد لزمته من خصري رفع ايده مسح دموعي وباسني بكصتي غمزلي: شوكت نتمم زواجنا ترى بعد مااتحمل يولي استويت افتهمي وانتي وفهاوتج شليتي حالي شل لج نصى صوته ورفع وجهه وقرب حلكه ع أذني: اررررريدج زهرراء بعد مااتحمل فدووة افهمي لج اني اخاف الزمج ادري بيج ترفه مااريد اذيج اريد اتمم زواجي ومااريد مااتحمل دموعج اذا شفتها واني اعرف بعدها راح تبجين شي طبيعي هذا عند كل بنية فهميني شسوي هسه هو يحجي واني خدودي احسهم صاروا نار ووجهي يباوع بعيوني خجلت ضميت وجهي بركبته هو ضحك وصاح اشتعلوووووووو اني شلون بيه ربييييي منك الصبر رفع وجهي باسني بخدي بعدها عضني عطت اريد اتملص منه وهو مقيدني .. شاورني: يوم الي اخليج تعطين من غير شي وغمز كوة دفعته ودخلت بالفراش وغطيت حتى رأسي واسمع بس ضحكاته .. غفيت يوم ثاني كعدت نزلت للمطبخ دااسوي ريوك حسيت حوسه ورايه التفتت شفتها رشا غمضت عيوني وتحسبت بقلبي عليها ، جتي تقربت عليه ظلت تحجي يمي بحقد وتنفث سمومها :- اسمعي بنت سوسن ترى لا عبالج اني مااعرف لا اعرف كولش زين انتي بعدج بنية وصفاء مماخذج بس وحق الله الا افضحكم انتظري تركتني وطلعت. ^ ^ ^ مريم: وصلنا لسوريا وجان صديق بابا هناك مأجرلنا شقه كعدنا بيها جانت الشقه بالعاصمه دمشق عبير ابتعدت عن الكل تكعد ويانه حسب وجبات الاكل وبعدها منشوفها واذا صار المغرب تشبع بجي تريد ترجع لبغداد واكثر شي جانت تسمع اغنية هيثم يوسف راجع ياوطن ثاني اخذ ناسي باحضاني هي تسمعها وتتخبل خصوصاً من يكول( ما نلكه مثل بغداد أم واحنه الها اولاد) تظل تبجي بصوت عالي وماما تاخذها لحضنها الى ان تتعب من البجي وتنام.. الفترة البعدها بابا كام ياخذها لدكتور عيون كال لازم نسويلها عملية تصحيح نظر (ليزك) وتحدد موعد العملية وسوتها عبير والحمدلله استقر وضعها بس بقت جروح جسمها كولش تأذيها خصوصاً ايدها والجرح الاكبر جان الحنين لبغداد ... * يتبع .. | ||||
|
| |
|
13-12-20, 07:40 PM
| #44 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| شريعة العشق بارت ٤٢ ... نورا ناصر احس بخنكة مو طبيعية حتى نفسي ما اكدر اجره احس رياتي تنعصر عصر وينسحب منها الهواء سحب ويجرح قلبي ويمزق قصباتي ، مشتاكة لبغداد ياناس ماكدر اعيش بعيده عنها ، بغداد امي وابويه ماتخيلت بيوم تلفضني وتبعدني ، شكد تعذبت بيها وشفت الموت بيها مرتين بس تبقى مثل الام تضرب طفلها ورة لحظات يرجع لحضنها بس مايكرهها . ضجت من اهلي وانعزلت عنهم ، مايحسون بيه لو يحسون بيه بس يخافون عليه نسوا الاية ((يدرككم الموت ولو كنتم في بروج مشيدة .. )) الحجي ضاع مني وماكدر حتى احجي التزمت الصمت وسكتت حتى رجوع بصري الي مافرحني ٣ اشهر هنانه احنه واحس الوقت يمر بطيئ كولش.. اجتني ماما بيدها الفون وتحجي والغصة بحجيها .. عبورة امي ابوويه اهلي انتي لاتسوين بينا هيج .. مسحت دموعي بظاهر كفي واباوعلها بنظرات هيه تعرف شنو معناهه . كعدت يمي على السرير ولج يووم ع الاقل جاوبي لقسور راح يطك من القهر ، ٣ اشهر صارله متعلعل يريد بس يسمع صوتج مو هذا العزيز هذا بي ريحة بغداد جاوبي يووم جاوبي خطية . هنا ماتحملت طلعت مني شهكة قووية وخليت راسي على رجل امي وطكيت بجي ، واني اللتهم اطراف اصابعي بوجع ، ظلت تمسح على شعري وتبجي ويايه . بعد دقايق هدأت اخذت جرعة مهدئة من حضنها الدافي الي كان قادر على ردم بحر من الاوجاع وكلامها الي يلامس قلبي ويناغي اسماعي وعطرها الي يخليني اتنفس واعوض عن الحنين الي يعصف بداخلي لبغداد . باوعتلها وحجيت بتعب ؛ شوكت يتصل قسور حتى احاجي. ابتسمت رغم لمعان عيونها بالدمع ؛ يا صلوات على محمد والله هسه اتصل بي واحجي ويا هو حتى كال اذا متحاجيني اجيكم لسوريا ما اتحمل بعد . _ لا لا تخابرينه هسه ماما من يخابر هو عود احجي ويا .. حجيت وانفاسي مسدودة وتعيق مخارج الحروف الي تطلع من حلكي . _ براحتج يوم براحتج . _ مريم وبابا وين ؟ _ اختج دتغسل مواعين وابوج نزل يتسوك ليش تسألين تردين شي حبيبة . هزيت راسي برفض . بعدها اجت ماما وانطتني التليفون ووجهه مبتسم كالت هذا قسور يريد يحاجيج . اخذت التليفون منها وخليته على اذني .. حجيت بغصة ؛الو ؟ اجاني صوته بكل حنية وغصة ؛ عبيري شلونج ؟ اطبقت اجفاني وانسابت العبرات من عيوني .. همست زينة اني . كال مشتاقلج كد تعب البية .. سكت شويه كمل ؛- تدرين هذا التعب من شنو . بلعت ريك همست ؛ لا . جاوب بسرعة ؛- من فراكج عبير والله هد حيلي . _ قسور بابا مديقبل نجي واني منعزلة عن كل شي اريد ارجع حباب قنعهم . _ اني هسه عندي دورة مالة ضباط بس اخلصها اجيكم لسوريا بعد ما اصبر والله واحتمال حتى امي وابويه اجيبهم ويايه حتى نعقد . _ قسور شتحجي اني اريد ارجع لديرتي واهلي وناسي هنا اني مخنوكة وانت دتحجيلي ع العقد اني بيا حال قسور لتصير اناني . حجيت بعصبية .. _ عمري انتِ حبيبتي اني ماخابرت حتى اضوجج واعصبج اني بس ع مزدج اسوي هالشي حتى اكدر ارجعج لبغداد . _ وتتوقع بابا يقبل ؟؟ لا تره بابا ع مودي جابني هنانه واني هم ماارجع بدون اهلي . _تمام تمام الي تريدي يصير بس اني هم اجي اشوفج مو إله نعقد بس ارتاحي فدوة لروحج رحت اني . اني ماكو شي يمنعني عنج لاحدود ولا مسافات ولا دول ولا حتى اسلوبج الجاف هذا وياي ، يجي يوم وتلينين الي واني الي اغيرج مؤمن بهالشي اني . اعرف الحوادث الي تعرضتي الها تعبتج واذتج واثرت على شخصيتج ونفسيتج واني الي راح اعوضج عبيري انتي . هسه اتركج ترتاحين حبيبي واخابرج بغير وقت . كال اخر كلامه واحسه كوة مسيطر على اعصابه .. ختمتها وياه بالسلام .. خليت الفون على الكومدي الي بصف السرير وتمددت صفح وخليت اديه جوة خدي . صوت قسور وكلامه بعده يطرق اسماعي ويذكرني بديرتي وبلادي ، ويخلي اعاصير الحنين تعصف بداخلي . اني هنا بنصف قلب ونصف روح ورئة وحدة كلشي بقى ببغداد وهنا اني مجرد نصف وكل نصف يحن لنصفه الاخر . زهراء: طلعت رشا وتركتني حايرة ، ويسكنني الخوف .. تهديدها استعمر صدري و خله نبضاتي ترتفع بلا هوادة .. ايدي جوه حنكي وواكفة بصف الطباخ واراجع كلامها ، فكرت اكول لصفاء ، بس شحجي انوب استحي... هسه عباله ميته عليه استبعدت التفكير بالموضوع .. فكرت باهلي ، تصير مشكلة اذا عرفوا الله يستر يربي وهم مو ناقصين الي بيهم كافيهم .. ظليت النهار كله اتصفن .. بعدها شفتها مبدلة ملابسها واخذت ابنها الصغير عمره ٦ أشهر وطلعت وبقت بس بنتها يم عمه . للساعة عشرة اجتي مرة بهاء وكعدت بالصالة سويت عصير وديت الها ، كعدت تشكي يم عمه . عمه شفتي بنتج شسوت علكتها بيننا اني وبهاء البارحة لنص الليل احنه نتعارك ترة والله الي سوته عيب عليها . عمه جانت دتمشط للينا بنت رشا ، باوعتلها بطرف عينها وجاوبتها ؛ وانت شنو جاهلة وتصدكين كلامها صوجج انتِ تعلمي شون تثقين برجلج وتحافظين عليه .. اي بس ياعمه رشا غلطت وهيه دومها مشكلجية وتخرب علاقات اخوانها بزواجتهم عبالك عدوينها وانت لا زم تشوفولكم صرفة وياهه . عمه شمرت المشط ونطت بعصبية ؛ وشنسويلها ندفنها خو ماندفنها ونضحك الناس علينه شكلك دفنوا بنتهم كلمن عقله براسه يعرف خلاصه انت لاتحاجينها ولاتسمعين منها مامجبورة وديري بالج وحافظي على بيتج واذا اجتج عود سدي بابج بوجهه واذا خابرتج سدي منها اكعد اعلمج اني مرة شكبرج وشكدج . مرة بهاء بقت صافنة وعمه عاطت زهراء انطيني المشط ، كمت وتناوشت المشط من الكاع وانطيته الها . كامت مرة بهاء ؛ اترخص اني الله وياكم .. عمه مجاوبتها وبقت تزفر بعصبية واني تبعتها للباب .. ودااوصللها كالت اني اكول الله بس يعينج على هالنسرة هاي شون معاشرتها وانوب اهلج راحوا بس الله يوكفلج وانت هم فقيرة . همست الله كريم .. كالت هو رجلها ماطلعت معاملة لم شمل مالتهم ؟ قوست شفايفي وحجيت والله ما ادري .. كالت هه والله اني متاكدة هو سافر شرد منها ماتنجرع عوذة واني متأملة عود يسحبها يمه بس والله فلا نرتاح منها تظل من بعيد تحفر وتسوي مشاكل . ضحكت وجان اسمع عمه تصييح زهراء وينج وين صرررتي ؟ كالت روحي روحي عمه تصيحج هيه عمتي الله يسلمها هم ماتقبل على بنتها يله اني اروح سلميني على اهلج اذا خابرتيهم .. الله وياج يوصل سلامج .. طلعت وسديت الباب وراها وركضت لعمه كالت تعالي ضفريلها شعرها مداااسيطر عليها ايدي ترجف شكول عليج ليلى(مرة بهاء). كعدت اظفر شعر لينا فردت شعرها من الجانب وخليته بالجهة الثانيه و سويته كصيبه صفح والباقي كله لزكته بالكصيبة وسويته ذيل حصان . واني دااربط الستوته بشعرها طبت رشا شافتني ظلت تعوج بحلكها ، ربطتها على السريع وكمت . عمه كالتلها ها لقحتي سيوفي .. كالتها اي اثير بعده نايم ؟ روحي شوفي تلاكي كعد هسه .. كمت اني واسمعها تكول لبنتها شنو هالتمشيط هذا يلعب ستين نفس اشو تعالي افتحه الج . ظليت افر بيدي واني بالمطبخ طليت شفت لينا تمشي ورة امها وشعرها مفتوح ومنكوش بقلبي كلت مو صوجج . ظليت اشتغل للظهر تعبت وصعدت فوك شفت اثير ولينا بالغرفة وديلعبون بمكياجي واغراضي . رحت اخذته من اديهم وخليته بالمجرات وطلعتهم برة الغرفة كتلهم بعد لاتعيدوها خوووش ؟ جانت هيه توها صاعدة وشافتني ادفعهم من اكتافهم واطلعهم بره . اجتي تخصرت ووكفت مقابيلي شكوو تدفعين بيهم ولج ؟ خزرتها وخري بالله مالي خلكج .. اعرف لو شكد مراح احجي ميفيد ، دااطب للغرفة دفعت الباب وطبت صررخت بوجهه طلعي بررررة يللله رووووحي .. اسمع صوت عمه تكول شكوو شصاير . وكفت يم الباب وظلت تصيح جنتج تطرد بيه وبجهالي كمت طبكت الباب عليها ، واسمعها تهدد من وره الباب . رحت دخلت للحمام وفتحت المي وظليت اغسل . سبحت وطلعت وبعد مانزلت جووة ابد بقيت بغرفتي . العصر سمعت صوت سيارة صفاء وهو توه جاي من الدوام ، نزلت بسرعة ، شفتها طلعت للباب واخذت اخوها وراحت للحديقة ، تملكني القلق ، ركضت للاستقبال لان شباكها يشرف على الحديقه يعني اذا قريبين عليه اسمعهم... رحت شفتهم كاعدين بالطرف الثاني وديحجون وانظمت الهم عمه طلعت من باب المطبخ ، مسمعت شي وشديحجون هم ال ٣ وعمه تشاركهم الحديث عرفت الشغلة انلاصت ، وكبل صعدت لغرفتي وظليت اروح واجي حتى عدد الكاشي حسبته واعصر بأصابعي . وافكر شدتكوله ؟ دتحضر لمصيبة جديدة الله لايوفقها . سمعت صوت خطوات ع الدرج رحت كعدت ع الجرباية ، تنفست بعمق وقلبي عبالك حيطلع من بلعومي . دخل صفاء باوعتله وجهه ميتفسر ؛ كال ها شلونج بارتباك جاوبته ؛ زينه.. سكت تنهد بس مبين معصب ويباوعلي بعده بنفس النظرات .. _ شبيك هيج تباوعلي شكو؟ _شكو؟ المفروض اني اسأل شكو مو انتي !!!شصاير بينج وبين رشا اني كم مرة محذرج تتجنبين هالانسانه ليش تعاندين هااا؟ ظليت اباوعله محتارة شجاوبه وكالعادة سكتت والتزمت الصمت .. صرخ بيه: شبيييييييج تباوووووعين شنو اول مرة تشوفيني احجيييييي شلون تطرديها من بيت ابوها ولج شنو أنتي شفتيني حجيت عليها كدامج تروحين تطرديها ؟ سكتت مصدومة شبسرعة راحت ألفت هاي المسرحية ؟ اجه تقرب عليه لزمني من كتفي حيل: احجي لج لتظلين ساكته ترى اجرم بحقج والله باوعت عليه بس هو سبقني كال: احجي طردتيها لولا؟ _صفاء بس اسمعني افهمك _لحظه اوكفي مد رأسه من الغرفه وصاح لعمه لرشا واجوي و هي بكل عين صلفه تبجي تكول لاخوها بعده ابويه عايش وانطرد اذا مات ابويه شتسوي بيه زوجتك . كلت بداخلي : انهجم بيتج لعد منو ذاك اليوم تدعي ع ابوها امي لو انتي .. وعمه ايدتها كالت سمعتها تكوللها اطلعي برة متوقعتها منها زهراء وين تروح تطلع برة وزوجها مسافر . صفاء باوعلي بمعنى احجي بس شفت نفسي عاجزة كدام هالانسانة الحقيرة وانصدمت بعمه . مااعرف ليش محجيت والتزمت الصمت يمكن ماعندي شي احجي وهو مدينطي مجال ، هو افتهم سكوتي انو صح اني طاردتها أشر لاخته تطلع طلعت وعمه تبعتها . اجه عليه: من شوكت انتي هيج وكحه وتطردين بكيفج ها احجي ولج فشلتيني كدام امي شون تطردين بنته ا كدامها ؟ زفرت بعصبية وحجيت بحدية ونتر ؛ اسمع صفاء بس افهمك... ضربني راشدي رفعت راسي خزرته .. عاط ؛ عينننننج لجججج لا افكسها طايحة الحظ .. درت وجهي منه ونطيته ظهري ، ماريده يشوف دموعي سمعته يتنهد ، وطلع من الغرفة وطبك الباب قوي . كعدت ابجي تندمت ليش محجيت شجاني وسكتت انفتحت الباب عبالي هو شفتها رشا دخلت تباوعلي وتضحك _شوفي هاي البداية لا عبالج لهنا وخلصت اني الج سهلة اذا مطلعتج من البيت فلا اسمي رشا كمت من مكاني ورحت عليها : امشي اطلعي برا غرفتي يا قذرة وسختيها برررررا ادبسز اني سكتت لان انصدمت بوقاحتج ومكرج مو سكتت لان خايفه منج والا انتي انسانه وضيعه شايفه هذا واشرتلها ع نعالي هذا بي مااشتريج فلسين متسوين ويجيج يوم اطلعيييييييي ضحكت بصوت مستفز وطلعت .. ظليت اغلي ، رحت ادور على مفتاح بيت اهلي اريد اروح اكعد بي واخلص منهم . مالكيته . لبست شال ونزلت جوه طلعت من باب المطبخ وطلعت من البيت وجان دنيا مغرب ، كعدت يم باب بيت اهلي وابجي واشهك وميتة قهر ، مشتاقتلهم واحس انظلمت هوايه . وحتى ما اكدر اخابرهم بهاللحظة خاف ماما تحس بيه شي من صوتي . بقيت دقايق كاعدة يم الباب ، انفتحت الباب مالتنا وطلع صفاء عبالك يدور على شي باوع عليه مرعوب درت وجهي منه وشهكت بلا وعي ، تلاحكت روحي خليت ايدي على حلكي امنع شهكاتي المتبقية . اجه عليه لزمني من ايدي وفوتني جوة للحديقة ظليت ادفع بي .. لزمني ثبتني ويحجي للللج تخبلتي شمكعدج بالشارع شجاج .. دفعته وووخر عني وووخر روووح صدك اختك وامك واني افتحلي بيت اهلي اكعد بي تعبت منك تعععبت . اريد ارجع اطلع من البيت رجع سحبني ويصيح تعالي شنو هالحجي ؟ عيطت بووجهه روووح جييب المفتاح روووح ييله .. دفعني وثبتني ع السيارة ويباوع بووجهي واني ابجي واشهك وميته قهر وحاقدة عليه كارهته . ظل مركز نظره عليه درت وجهي للجهه الثانية همس بحدية : باعي عليه لتدرين وجهج مدرتله بال وبس اتنفس بعصبية .. سحبني وصعدني للغرفة سحل .. فتت للغرفة طبيت بالفراش غطيت حتى وجهي واحس بي واكف فواك راسي ويتحسر ... دقايق سمعت صوت الدوش معناها دخل للحمام.. غفيت مادريت بنفسي .. كعدت على صوت تليفوني باوعت هو مو يمي .. اخذته شفت ماما تتصل .. جاوبتها وحجينه .. سألتني شبي صوتي كتلها منشولة وهماتين جنت نايمة .. كالت حيجي قسور هو وامه النا اكو كم شغلة بالبيت اريدج تدزيها بيدهم . تفاجإت سألتها ؛- شنو ماما مطولين انتوا مناوين ترجعون ؟ _ اي بنتي ابوج مصمم نطلع لاوروبا هماتين .. سكتت شويه ورجعت احاجيها بس بالي مو مرتاح ابد راح ابقى وحيدة اني هنا ..!!!!ختمت وياهه المكالمة .. واني كارهه الحياة كلها وبس افكر ، اهلي مراح يرجعون شون بيه اني شووون ؟ واني على هذا الحال انفتحت باب الغرفة غطيت وجهي بسرعة حتى الفون بقى بيدي ، حسيت الفراش نزل ، معناهه اجه يمي ، مدري شبيه كمت ابجي بصوت مسموع .. وهو ظل يستغفر كال: كافي بس عندي دوام باجر اريد انام ياامة الاسلام ترى تعباااااان شمرت الغطى وباوعتله: انت واحد كولش حقير واناني وسطحي طلكني وخليني الحك اهلي ماابقى وياك ولا دقيقة .. خزرني ويحاول يسيطر على اعصابه .. كملت بعصبية : لتخزررررر انت تعرف اختك وحده طايحة الحظ شلون تصدك بيها هاااا شلون تصدك اني اطردها اذا اختك اهلك ممربيها اني اهلي تعبانين عليه يعني مو مثلها اني واعرف اسوي هيج سوالف بس وداعة امي اني مطردتها اني احجي وهو صافن بوجهي تقرب عليه كال: مال حقير واناني وسطحي هاي بعدين احاسبج عليها اما اذا جنت متندم لان ضربتج فهسه لااااا انتي تستاهلين هيج راشدي بلكي يصحيج ويخليج بعد متسكتين ع الظلم وتدافعين عن حقج وهسه يلا انخمدي اريد انام ترى ابتلي بيج والله ظليت ابجي ؛ قسور وعمه حيروحون لامي اريد اروح وياهم . جان يعيط: كااااافي وكطنه وشيليها من اذنج فاهمة ماكو سفر .. مسكتت صيحت لا ماابقى يمك كافي تعبت من عشرتك هاي .. جرني عليه وحضني كمت ادفر بي ، حبس رجليه بين رجليه وضم راسي لصدره وباسني من رأسي همس : كافي فدوة اروحلج مو شلعتي گلبي يابه اسف تنكسر ايدي اذا مديتها عليج بعد بس زهراء الله يخليج لتسكتين عن حقج رفعت رأسي باوعتله كمل كلامه: يعني هي صح اختي حقيرة وشريرة بس هم صعبة عليه تطرديها واني من سألتج سكتي وامي سمعتج .. كتله تطردتها من الغرفة مطردتها من البيت . _ وليش محجيتي لو بس ناطقه وكايله لا جان صار تصرفي غير شكل هذا الراشدي اخذي درس الج اجيت احجي كال: دخيل ربج شكد تلغين وسحب شفايفي بين شفايفه ادفع بي اريده يوخر ماكو اختنكت دفرته كام يضحك عليه همس : زهراء اريدج افهمي عاد والله اريدج _بس انت متحبني اني شلون اسلم نفسي لشخص ميريدني افهمني صعبة عليه انو اكون بين ايدك وانت تفكر بغيري _منو كال؟ _انت _شوكت كلت _انت تصرفاتك توضح هذا الشي وانت رفضتني بيوم عرسنا تقرب عليه همس بصوت مليان حنية : زهراااااء احببببج افهمي عااااد اووووويلي هو حجاها احس گلبي يريد يطلع من مكانه ظليت اباوعله وهو تقرب عليه لدرجة من يحجي انفاسه تضرب وجهي شافني صافنة عليه نفخ بوجهي غمضت ، همس: احجي شبيج ساكته اعرف تعبتج أني واعرف اذيتج بس هي قسمتج هيج ماادري اني صدك حقير مثل مكلتي بس المهم هسه أني احببببببببج لج من تمشين احسج تدوسين ع گلبي من كد ممركز بيج حتى خطواتج احسبها ، بالليل من تنامين واتأكد انتي نايمه ادفن وجهي بشعرج حتى اتنفس عطرج لج حتى شامات وجهج حفظتهن انتي نايمه واني مشتعل شعل همستله: صفاء انت دتحجي صدوك لو لان تريدني ضحك ع كيف: اوووويلي ع حظي لج والعباس احبببببببج ميت بيج افهمي حبيبتي حجيت بداخلي : لا هيج هواي والله لو ماعيب اكوله اكرصني حتى اصدك هاي حقيقه مو حلم احس فراشات ببطني ونبضات گلبي مدااسيطر عليها حسيت انفاس دافية ع ركبتي انتبهت من صفنتي صفاء ديبوسني لا مجانت بوسة عادية عبالك جان ديتنفسني شواربه دغدغتني همستله :صفاء _عيونه ونبض گلبه كولي ابويه انتي _حباب وخر انطيني مجال واني كارهتك اليوم لان ضربتني . بسرعه ابتعد وباسني بكصتي :صار تدللين . بعده ممكمل بوسته دفعته .. ابتعد عني مثل الزعلان .. زفرت بضيق وابتعدت عنه ، نزلت من السرير مقهورة .. دخلت للحمام كعدت ابجي وحاضنة نفسي ، بجيت كلش هوايه ، كمت على حيلي اتأمل روحي بالمراية واباوع لانعكاسي ، شفت خدي شون متلون بسبب ضربته اليه ، لشوكت اتحمل لازم انطي درس مينساه ابد . ظليت افكر هوايه والايام الي بعدها انطويت على نفسي ، انعزلت واكلي قل شعور عميق ينمو بداخلي جنت مصممة اتبع اهلي .. استعيد نفسي ابتعد عن صفاء واختبر حالي اشوف نفسي شلون من ابتعد عنه اكدر على بعاده لو ما اكدر . ساءت صحتي ، صفاء احتار ويايه وشيسويلي بس اني تعبانه تعبانة كلش مطلب واحد بس واحد اريد ابتعد . عمه تصعد وتنزل تكول خاف حامل واني حتى ابتسامة ماكدر ابتسم ، اخذت عمه صينيه الاكل الي مااكلت منها ولا شويه ونزلت وبقى صفاء يمي . يباوعلي بنظرات كلها حزن ، درت وجهي منه . شتردين لخاطر الله تره تعبتيني زهراء والله تعبت منج . كمت بوهن وضعف متملك جسمي ونطقت بتعب ؛- اريد اروح يم اهلي . كطنه وشيليها من اذنج . لعد اموت هنا . كلت هيج وتمددت .. كال باعي ترة اني ما اوديج . لاتوديني انته قسور وعمه حيروحون عود اروح وياهم انته بس خلص الاجراءات مالة السفر . لج زهراء خايف تروحين واخسرج ..... اني لازم اروح لو اموت هنا وانته كيفك بعد .. ليش تردين ترحين ؟ تردين تعاقبيني ؟ اكو عقاب اكبر من دموعج هايه ووضعج هذا ؟ سكتت رغم مليانه حجي بس ماريد احجي . استمريت على هذا الحال الى ان رضخ صفاء وقبل اروح ويه قسور وعمه بس بقى مطنكر عليه .. دخل عليه للغرفة بالليل جنت دا اخلي ملابسي بالجنطة مالة السفر . راح سبح وطلع مزعوج ومعصب كال باجر اذا ردتي تطلعين كعدين خوش ومستمسكاتج وجوازج كلها حاضرة بالمجر لتنسيهن عود . هزيت راسي وهو فات بالفراش وغطه روحه واسمع تنهيداته واحس حينفجر .. مانمت غير بس كم ساعة والالم يعصر كل قطعة بجسدي الواهن ، كعدت سبحت وجهزت نفسي ، لبست وكولشي حضرته ، رحت يم السرير واباوعله نايم . اتمنى احطك بعيوني واغمض عليك بس شسوي ضروري ابتعد عنك هالفترة تعبتني صفاء هوايه تعبت منك وخاطري كسرته وقلبي حطمته . طلعت من الغرفة وماكعدته مثل ماطلب مني . نزلت جوة انتظر عمه وقسور يجون عليه . بقيت دقايق كاعدة بالصالة البيت صنطة وهدوء والكل نايمين ، جريت نفس وزفرته وصارت دموعي على خدي تجري . سمعت صوت عمو ورايه بسرعة مسحت دموعي. ودرت كتله صباح الخير .. كال والله غلط روحتج هاي عبالك زعلانه .. عمو لازم اروح وهم اشوف اهلي خاف يعبرون لاوروبا وبعد شوفتهم تصير صعبة عليه . اي حقج بنيتي .. صفاء نايم ؟ اي عمو نايم متكعدي يروح وياج يوصلكم للمطار ؟ لا عمو خلي نايم احسن ماريده يكعد . اندكت الباب طلعت بسرعة شفت عمه وقسور اجوي اخذ قسور الجنطه وصعدها بالسيارة ، باوعت للسماء بعد شويه ويصير صبح . دااجيب الجنطة شفت صفاء طلع من البيت واجه باتجاهي وكالعادة مخنزر ومعصب .. اجه يمي همس تردين تروحين بدون حتى ماتودعيني ؟ لهدرجة ؟؟! رافعه حاجبة ومركز نظره بيه .. ماتحملت نظراته ، خايفة لا اضعف ، دنكت تجمعت الدموع بعيوني ، غمضت عضيت شفتي تمنيت احضنه تمنيت ماروح وابقى يمه بس لازم اغير من وضعي تعبت . كال بعدين من ترجعين احاسبج عليها . جريت نفس رفعت راسي بوجهه كتله اذا رجعت عود . هو بقى صافن .. اصر اله يوصلنا للمطار ورجع عمو قسور للبيت صعدت بالسيارة وانطلقت بينا للمطار متوجهين لسوريه وتاركة كل شي ورايه .. يتبع .. اسفة حبايب ماعندي نت الشبكة عاطلة كلها هسه طلعت وحصلت ان شاءالله افعل ع الخط والتزم وياكم | ||||
|
| |
|
13-12-20, 07:47 PM
| #45 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ﺷﺮﻳﻌﺔ _ ﺍﻟﻌﺸﻖ ﺑﺎﺭﺕ ٤٣ ﻧﻮﺭﺍ ﻧﺎﺻﺮ ﻭﺻﻠﻨﺎ ﻟﻠﻤﻄﺎﺭ ﻭﺻﺎﺭ ﻭﻗﺖ ﺍﻭﺩﻉ ﺻﻔﺎﺀ ، ﺟﻨﺖ ﻃﻮﻝ ﺍﻟﻮﻗﺖ ﺍﺗﺠﻨﺐ ﺍﺑﺎﻭﻉ ﻟﻌﻴﻮﻧﻪ ، ﺍﺳﺘﺼﻌﺐ ﺍﻟﻤﻮﻗﻒ ﻋﻴﻮﻧﻪ ﺗﻀﻌﻔﻨﻲ ﺗﺨﻠﻴﻨﻲ ﻫﺸﻪ ﻭﻣﻬﺰﻭﺯﺓ ، ﻧﻘﻄﺔ ﺿﻌﻔﻲ ﻫﻮ . ﺗﻘﺮﺏ ﻣﻨﻲ ﺩﻧﻜﺖ ، ﺑﻠﻌﺖ ﺭﻳﻚ ﻭﻏﻤﻀﺖ ﻋﻴﻮﻧﻲ ، ﺻﺎﺭ ﻳﻬﻤﺲ ﻟﻲ ؛ - ﺑﺎﻋﻲ ١٠ ﺍﻳﺎﻡ ﻭﻳﺮﺟﻌﻮﻥ ﻗﺴﻮﺭ ﻭﻋﻤﺘﻲ ﺗﺮﺟﻌﻴﻦ ﻭﻳﺎﻫﻢ ﺗﻤﺎﻡ ؟ ﺳﺤﺒﺖ ﻧﻔﺲ ﻣﻦ ﻋﻄﺮﻩ ، ﺑﺎﻭﻋﺖ ﻟﻌﻴﻮﻧﻪ ﺳﺎﻛﺘﻪ ﺑﺲ ﻋﻴﻮﻧﻲ ﺗﺤﺠﻲ ﻋﺘﺐ ﻭﻟﻮﻡ ﻭﺗﺸﻜﻴﻠﻪ ﺣﺰﻧﻲ ﻭﺧﻴﺒﺘﻲ . ﻫﺰﻳﺖ ﺭﺍﺳﻲ ﺑﺪﻭﻥ ﻗﻨﺎﻋﺔ ، ﻭﺍﻧﻄﻴﺘﻪ ﻇﻬﺮﻱ ﻭﻣﺸﻴﺖ ﻭﺍﻧﻲ ﺍﺳﺤﺐ ﺑﺠﻨﻄﺘﻲ ، ﻭﺑﺮﻭﺣﻲ ﺻﺪﻣﺎﺕ ﺗﺮﻛﺖ ﺑﻜﻴﺎﻧﻲ ﺍﺛﺎﺭ ﻣﺎﻳﻜﺪﺭ ﻳﻤﺤﻴﻬﺎ ﺍﻟﺰﻣﻦ ، ﻭﻣﺤﻤﻠﺔ ﺑﺎﻟﺨﻴﺒﺔ ، ﺧﻴﺒﺔ ﺣﻄﻤﺘﻨﻲ ﺍﻟﻰ ﺍﺷﻼﺀ .... ﻭﺻﻠﻨﺎ ﻟﻤﻄﺎﺭ ﺩﻣﺸﻖ ﻇﻠﻴﺖ ﺍﺑﺎﻭﻉ ﻟﻠﻮﺟﻮﻩ ﺑﺘﻔﺤﺺ ﺑﺪﺍﺧﻠﻲ ﺍﺣﺴﺎﺱ ﻏﺮﻳﺐ ﻣﺜﻞ ﻃﻴﺮ ﻓﺮ ﻣﻦ ﺻﻘﻴﻊ ﺍﻳﺎﻣﻪ ... ﺻﺮﺕ ﺍﺩﻭﺭ ﺑﺎﺑﺎ ﺍﻟﻲ ﺟﺎﻥ ﻳﻨﺘﻈﺮﻧﺎ ، ﻟﻤﺤﺘﻪ ﺭﺣﺖ ﺍﻟﻪ ﺍﺭﻛﺾ ﻭﺩﻣﻮﻋﻲ ﺑﻠﻠﺖ ﻭﺟﻬﻲ .. ﺣﻀﻨﺘﻪ ﻭﺣﻀﻨﻲ ﺑﻜﻞ ﺣﻨﻴﻪ ﻭﻳﺒﻮﺱ ﺑﺮﺍﺳﻲ ﻳﺨﺎﻃﺒﻨﻲ ؛ - ﺯﻫﺮﺍﺀ ﺑﻨﻴﺘﻲ ﺷﻠﻮﻭﻧﺞ ﻭﻟﺞ ﺫﺑﻼﻧﻪ ﻫﺬﺍ ﻛﻠﻪ ﻋﻠﻰ ﻓﺮﺍﻛﻨﺎ . ﻇﻠﻴﺖ ﺑﺲ ﺍﺟﺮ ﺍﻧﻔﺎﺳﻲ ﻭﺍﻣﺴﺢ ﺑﺪﻣﻮﻋﻲ ﻭﺍﺷﻬﻚ ﻭﺍﻓﺮﻙ ﺭﺍﺳﻲ ﻋﻠﻰ ﻛﺘﻔﻪ . ﺍﺧﺬﻧﻲ ﻣﻦ ﺍﻛﺘﺎﻓﻲ ﻭﺧﻠﻴﺖ ﺭﺍﺳﻲ ﻋﻠﻰ ﺻﺪﺭﻩ ، ﻭﺍﺧﺬ ﺟﻨﻄﺘﻲ ﻣﻨﻲ ﻭﺭﺍﺡ ﺳﻠﻢ ﻋﻠﻰ ﻋﻤﻪ ﻭﻗﺴﻮﺭ . ﻭﺍﻧﻄﻠﻘﻨﺎ ﻟﻠﺸﻘﺔ ﻭﺍﻧﻲ ﻃﻮﻝ ﺍﻟﻄﺮﻳﻖ ﺑﺲ ﺍﺭﻳﺪ ﺍﻭﺻﻞ ﻭﺍﺷﻮﻑ ﺍﻫﻠﻲ ﻭﺑﺲ ﺍﻓﻜﺮ ﺑﺼﻔﺎﺀ . ﻭﺻﻠﻨﺎ ﻟﺸﻘﺔ ﺍﻫﻠﻲ ، ﺑﺎﺑﺎ ﻓﺘﺢ ﺍﻟﺒﺎﺏ ﻭﻓﺎﺕ ﻭﻳﺼﻴﺢ ﺍﻡ ﺍﻟﺴﻮﻭﺱ ﻭﻳﻨﺞ ﺗﻌﺎﻟﻲ ﻭﺻﻠﺖ ﺯﻫﺮﺗﺞ . ﻃﻠﻌﺖ ﻣﺎﻣﺎ ﺗﻠﻜﺘﻨﺎ ﺻﺎﺣﺖ ﺑﺤﻨﻴﻪ ﻳﻴﻤﻪ ﺯﻫﺮﺗﻲ . ﺭﺣﺖ ﻟﺤﻀﻨﻬﺎ ﻭﺍﻧﻲ ﺍﺷﻬﻚ ﺑﻜﻠﻤﺔ ﻣﺎﻣﺎ ﺍﻟﻲ ﻃﺎﻟﻌﻪ ﻣﻦ ﺍﻋﻤﺎﻗﻲ ﺑﻨﺒﺮﺓ ﺗﺸﻜﻲ ﺍﻟﺨﻴﺒﺔ ﻭﺍﻻﻟﻢ . *** ﻓﺘﺤﺖ ﻋﻴﻮﻧﻲ ﻣﺸﻮﺷﺔ ﻭ ﻣﺘﺨﺪﺭﺓ ﺍﻟﺤﻮﺍﺱ ، ﻋﻠﻰ ﺻﻮﺕ ﻣﺮﻳﻢ ؛ - ﻋﺒﻴﺮ ﻋﺒﻴﺮ ﻛُﻌﺪﻱ ﺷﻮﻓﻲ ﻣﻨﻮ ﺍﺟﻪ ، ﻟﺞ ﻛﻌﺪﻱ ﻭﺻﻠﺖ ﺯﻫﺮﺍﺀ !!! ﺍﺳﺘﻴﻘﻆ ﺍﺩﺭﺍﻛﻲ ﺗﺪﺭﻳﺠﻴﺎ ، ﺩﺍ ﺍﺭﻳﺪ ﺍﻛﻮﻡ ﻭﺍﻧﻲ ﺍﻓﺮﻙ ﺑﻌﻴﻮﻧﻲ ﻫﺒﻄﺖ ﻋﻠﻴﻪ ﺯﻫﺮﺍﺀ ﺗﺒﻮﻭﺱ ﺑﻴﻪ ﻭﺍﻧﻲ ﻣﺴﺘﻠﻘﻴﺔ ﻭﺭﺍﺳﻲ ﻋﻠﻰ ﺍﻟﻤﺨﺪﺓ . ﻭﺧﺮﺕ ﻣﻨﻲ ﻋﺪﻟﺖ ﻧﻔﺴﻲ ﻭﻫﻴﻪ ﻛﻌﺪﺕ ﻳﻤﻲ .. ﺗﺤﺠﻲ ﻭﺑﻨﺒﺮﺗﻬﺎ ﺣﺰﻥ ﻣﺘﺒﻘﻲ ﻭﺳﻌﺎﺩﺓ ﻣﺆﻗﺘﺔ .. _ ﻫﺎﻱ ﺑﻌﺪﺝ ﻣﺘﺸﺒﻌﻴﻦ ﻣﻦ ﺍﻟﻨﻮﻡ ﻟﺞ ﻛﻮﻣﻲ ﻛﻮﻣﻲ ﺩﺍﺷﻮﻓﺞ . ﻛﻤﺖ ﺣﻀﻨﺘﻬﺎ ﻣﺮﺓ ﺛﺎﻧﻴﺔ ﻭﺍﺷﻢ ﺑﻴﻬﺎ .. _ ﺯﻫﺮﺍﺀ ﺟﻴﺘﻲ ﻭﻟﺞ ﻣﺎﺩﺭﻱ ﺑﻨﻔﺴﻲ ﻭﻧﻤﺖ ﺍﻟﻌﻼﺝ ﺍﻟﻲ ﺍﺧﺬﻩ ﻳﻨﻌﺴﻨﻲ ﻭﺍﻻ ﺟﻨﺖ ﺍﻧﺘﻈﺮﺝ ﻭﺍﻟﻠﻪ ﺑﺲ ﺗﺄﺧﺮﺗﻮﺍ . ﺷﻨﺴﻮﻱ ﻫﺎﻱ ﺣﺎﻝ ﺭﺣﻼﺕ ﺍﻟﻄﻴﺮﺍﻥ ﻳﻜﻮﻟﻮﻟﺞ ﺏ ١٠ ﻧﻄﻴﺮ ﻭﺗﺎﻟﻲ ﻧﺮﻭﺡ ﻧﻨﺘﻈﺮ ﻭﻣﻨﻄﻴﺮ ﺍﻟﻪ ﺏ ٢ .. ﻃﺒﺖ ﻣﺮﻳﻢ ؛ - ﻟﺞ ﻋﺒﻴﺮ ﻗﺴﻮﺭ ﻛﺎﻋﺪ ﺑﺮﺓ ﻋﻠﻰ ﻧﺎﺭ ﻭﺑﺲ ﻳﺘﻠﻔﺖ ﺧﻄﻴﺔ ﺩﻳﻨﺘﻈﺮﺝ ﺗﻄﻠﻌﻴﻦ ﺗﺴﻠﻤﻴﻦ ﻋﻠﻴﻪ . ﺟﺮﻳﺖ ﻧﻔﺲ ﻭﻭﺧﺮﺕ ﺍﺍﻟﻔﺮﺍﺵ ﺍﻟﻲ ﻣﻐﻄﻴﺔ ﻧﻔﺴﻲ ﺑﻲ ﻭﻛﻤﺖ ﺍﻋﺪﻝ ﺭﻭﺣﻲ ﻉ ﺍﻟﻤﺮﺍﻳﺔ ، ﺯﻫﺮﺍﺀ ﺳﺤﺒﺖ ﻣﺮﻳﻢ ﻣﻦ ﺍﻳﺪﻫﺎ ﻭﻇﻠﺖ ﺗﺤﺠﻲ ﺑﺄﺫﻧﻬﺎ ﺑﺼﻮﺕ ﺷﺒﻪ ﻣﺴﻤﻮﻉ . _ ﺷﺒﻴﺞ ﻭﻟﺞ ﻭﻳﻪ ﻋﻤﻪ ﺍﺷﻮﻭ ﻣﺎﺳﻠﻤﺘﻲ ﻋﻠﻴﻬﺎ . ﻣﺮﻳﻢ ﺳﺤﺒﺖ ﺍﻳﺪﻫﺎ ﻣﻦ ﺯﻫﺮﺍﺀ ﻭﺍﺳﺘﻘﺎﻣﺖ ﺗﻌﺪﻝ ﻧﻔﺴﻬﺎ ﻭﺗﺤﺠﻲ ﺑﻨﺒﺮﺓ ﻣﻘﺘﻀﺒﺔ ؛ - ﺍﻳﻴﻴﻪ ﻫﻴﻪ ﻣﺘﺤﺒﻨﻲ ﻋﻤﻪ ﺷﺴﻮﻳﻠﻬﺎ ﺍﺻﻼ ﻋﻤﻪ ﻣﺒﻴﻨﻪ ﺟﺎﻳﻪ ﻋﻠﻰ ﺍﻋﺼﺎﺑﻬﺎ ﻭﻣﻤﺘﺤﻤﻠﺘﻨﻪ . ﻧﺒﺮﺓ ﺗﺤﺬﻳﺮﻳﺔ ؛ - ﺍﺷﺸﺶ ﻟﺘﺴﻤﻌﺞ ﻭﻟﺞ . ﻋﻔﺘﻬﻦ ﺍﻧﻲ ﻃﻠﻌﺖ ﺍﺳﻠﻢ ﻋﻠﻴﻬﻢ ، ﺑﻮﺳﺖ ﻋﻤﻪ ﺍﻭﻝ ﺷﻲ ﻭﺭﺣﺖ ﻭﻛﻔﺖ ﻛﺒﺎﻝ ﻗﺴﻮﺭ ﻭﻧﻄﻘﺖ ﺑﺎﺑﺘﺴﺎﻣﻪ ﺧﺠﻮﻟﺔ _ ﺷﻠﻮﻧﻚ ﻗﺴﻮﺭ ؟ ﺍﺑﺘﺴﺎﻣﺔ ﻟﻄﻴﻔﺔ ﻋﻠﻰ ﻭﺟﻬﻪ ﻭﻧﻈﺮﺍﺗﻪ ﻛﻠﻬﺎ ﺣﺐ ﻭﺃﻣﻞ ﻭﺻﻮﺗﻪ ﺗﻐﻠﻒ ﺑﺎﻟﺤﻨﻴﺔ ﺟﺎﻭﺑﻨﻲ ؛ - ﺍﻟﺤﻤﺪﻟﻠﻪ ﺍﻧﺖِ ﺷﻠﻮﻭﻧﺞ ﻋﺒﻴﺮﺭﺭﺭﺭﺭﺭ . ﺟﺎﻥ ﻳﺮﻳﺪ ﻳﻜﻮﻝ ﻋﺒﻴﺮﻱ ، ﺍﻟﻜﻠﻤﺔ ﺍﻟﻤﺘﻌﻮﺩ ﻋﻠﻴﻬﺎ ﻫﻮ ﺑﻴﻨﺎﺗﻨﺎ ﻳﻜﻮﻟﻬﺎ ﺑﺲ ﺑﺎﻟﻮﻗﺖ ﺍﻟﻤﻨﺎﺳﺐ ﺳﻴﻄﺮ ﻋﻠﻰ ﻟﺴﺎﻧﻪ ﻭﺷﺪﺩ ﻋﻠﻰ ﺣﺮﻑ ﺍﻟﺮﺍﺀ ﻭﻣﺎﻛﺎﻟﻬﺎ ﻻﻥ ﺧﺠﻞ ﻣﻦ ﺍﻟﻜﻞ ﺍﻟﻲ ﻣﻮﺟﻮﺩﻳﻦ ﻳﻤﻨﻪ . ﺑﺎﻟﻮﻗﺖ ﺍﻟﻤﻨﺎﺳﺐ ﺩﺍﺱ ﻉ ﺍﻟﺒﺮﻳﻚ ﻫﻬﻬﻬﻬﻬﻪ .... ﺍﻟﺘﻬﺒﺖ ﻭﺟﻨﺎﺗﻲ ﺑﺨﺠﻞ ﻭﺍﺑﺘﺴﻤﺖ ﺑﺎﺣﺮﺍﺝ ﻭﺍﻧﻲ ﺍﺑﺎﺩﻟﻪ ﺍﻟﻨﻈﺮﺍﺕ .. ﺑﻌﺪ ﺍﻟﻐﺪﺍﺀ ﻛﻌﺪﻧﺎ ﻭﺣﺪﻧﺎ ﻧﺤﺠﻲ .. ﻛﺎﻝ ﺷﻠﻮﻧﺞ ﻫﺴﻪ ﺯﻳﻨﺔ ؟ ﺍﻱ ﺍﻟﺤﻤﺪﻟﻠﻪ ، ﻗﺴﻮﺭ ﺣﺒﺎﺏ ﻗﻨﻊ ﺑﺎﺑﺎ ﻧﺮﺟﻊ ﺍﻟﻠﻪ ﻳﺨﻠﻴﻚ ﻫﻮ ﻳﺤﺒﻚ ﻭﻳﺤﺘﺮﻣﻚ . ﺩﺍ ﺍﺣﺠﻲ ﻭﻳﺎﻩ ﻭﺍﻟﻠﻪ ﻭﻫﻮﺍﻱ ﺣﺎﺟﻴﺘﻪ ﺑﺎﻟﺘﻠﻴﻔﻮﻥ ﺑﺲ ﻫﻮ ﻗﺎﻓﻞ ﺧﺎﻳﻒ ﻋﻠﻴﺞ . ﺍﻧﻲ ﻣﺎﻋﻠﻴﻪ ﺷﻲ ﻭﺍﻟﻠﻪ ﻫﻮ ﻗﻀﺎﺀ ﻭﻗﺪﺭ ﻭﺍﻟﺤﻤﺪﻟﻠﻪ ﻃﻠﻌﺖ ﻣﻨﻬﺎ ﺳﻼﻣﺎﺕ ﻭﻫﺴﻪ ﺍﺭﻳﺪ ﺍﺭﺟﻊ ﻟﺒﻐﺪﺍﺩ ﻣﻴﺘﻪ ﻫﻨﺎ ﻭﺍﻟﻠﻪ ﻣﻴﺘﻪ . ﻛﺎﻝ ﺑﺤﻤﺎﺱ ؛ - ﺍﺳﻢ ﺍﻟﻠﻪ ﻋﻠﻴﺞ ﻋﻴﻮﻧﻲ ﻋﻠﻰ ﻛﻴﻔﺞ ﻭﻳﻪ ﻧﻔﺴﺞ ﻭﺧﺎﻟﻲ ﺍﻥ ﺷﺎﺀﺍﻟﻠﻪ ﻳﻘﺘﻨﻊ ﻟﻌﺪ ﻋﻠﻮﻳﺶ ﺟﻴﺘﻲ ﺑﺲ ﺍﻧﺖِ ﺭﻓﻀﺘﻲ ﺍﻗﺘﺮﺍﺣﻲ ﻣﻦ ﻗﺒﻞ ﻭﻣﺎ ﺍﺭﻳﺪ ﺍﻟﺢ ﻋﻠﻴﺞ ﺍﻛﺜﺮ . ﻗﺴﻮﺭ ﻳﻤﻌﻮﺩ ﻣﻮ ﻫﻴﺞ ﻧﺤﻞ ﺍﻟﻤﺸﻜﻠﺔ ﺍﻧﻲ ﺍﺭﻳﺪ ﺑﺎﺑﺎ ﻳﻘﺘﻨﻊ ﻭﻧﺮﺟﻊ ﺍﻗﺘﺮﺍﺣﻚ ﻫﺬﺍ ﻣﻮ ﺣﻞ ﻭﺍﻟﻠﻪ ﻫﻮ ﺍﺻﻼ ﺟﺎﺑﻨﺎ ﻟﻬﻨﺎ ﻋﻤﻮﺩﻱ ﻣﻮ ﻏﻴﺮ ﺷﻲ . ﺩﺍﺭ ﻭﺟﻬﻪ ﻭﺗﺤﺴﺮ ﻭﻗﺒﻀﺔ ﺍﻳﺪﻩ ﻋﻠﻰ ﺣﻠﻜﻪ ، ﻇﻞ ﻳﺴﺘﻐﻔﺮ ﻭﻳﻜﻮﻝ ﺑﻌﺼﺒﻴﺔ ﻻﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ ، ﻟﻮ ﻣﺎ ﺍﻻﻧﻔﺠﺎﺭ ﺟﺎﻥ ﻫﺴﻪ ﺍﻧﺖِ ﻣﺮﺗﻲ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ ﺍﻟﻠﻪ ﻳﻨﺘﻘﻢ ﻣﻦ ﺍﻟﻲ ﻛﺎﻥ ﺍﻟﺴﺒﺐ . ﺑﺎﻭﻋﺘﻠﻪ ﺑﺘﺠﻬﻢ ﻫﻮ ﻭﻳﻦ ﻳﻔﻜﺮ ﻭﺍﻧﻲ ﻭﻳﻦ ، ﻫﺰﻳﺖ ﺭﺍﺳﻲ ﺑﻌﺪﻡ ﺭﺿﺎ . ﻳﻮﻡ ﺛﺎﻧﻲ ﻣﻦ ﺍﻟﺼﺒﺢ ﻋﻤﻪ ﺍﺧﺬﺗﻪ ﻭﺭﺍﺣﻮﺍ ﻳﺰﻭﺭﻭﻥ ﻭﺍﺻﻼ ﻋﻤﻪ ﻣﺒﻴﻨﻪ ﺿﺎﻳﺠﺔ ﺣﻴﻴﻴﻞ ﻣﺪﺭﻱ ﺷﺒﻴﻬﺎ . *** ﺑﻌﺪ ﻣﺎ ﻭﺻﻠﺖ ﻻﻫﻠﻲ ﻭﺷﻔﺘﻬﻢ ﻭﺻﻮﻟﻲ ﻳﻤﻬﻢ ﻭﻟﻘﺎﺋﻲ ﺑﻴﻬﻢ ﻳﻌﺘﺒﺮ ﺟﺮﻋﺔ ﻣﻦ ﺍﻟﻄﻤﺄﻧﻴﻨﺔ ﻭ ﺷﻮﻳﺔ ﺩﻓﺄ ﻭﺍﺣﺘﻮﺍﺀ ﻟﻤﺴﺔ ﺣﻨﻴﺔ ﻭﺷﻮﻕ ﻣﺸﺎﻋﺮ ﺗﻬﻮﻥ ﻋﻠﻴﻪ ﺧﻴﺒﺘﻲ ﺍﻟﺜﻘﻴﻠﺔ ﺍﻟﻲ ﺍﺟﻴﺖ ﻣﺤﻤﻠﺔ ﺑﻴﻬﺎ . ﺑﻌﺪ ﻟﺤﻈﺎﺕ ﻣﻦ ﺍﻟﻠﺬﺓ ﺍﻟﻮﻫﻤﻴﺔ ، ﺭﺟﻌﺖ ﺍﻓﻜﺮ ﺑﻠﻲ ﺷﺎﻏﻞ ﺑﺎﻟﻲ ، ﻛﺎﻋﺪﺓ ﻋﻠﻰ ﺍﻟﺴﺮﻳﺮ ﻭﺍﻓﻜﺮ . ﻳﺎﺗﺮﻯ ﻫﺴﻪ ﻫﻮ ﻣﺸﺘﺎﻗﻠﻲ !! ﺍﻧﻲ ﻣﺸﺘﺎﻗﺔ ﻟﻜﻞ ﺷﻲ ﺑﻲ ﺣﺘﻰ ﻋﻜﺪﺓ ﺣﻮﺍﺟﺒﻪ . ﻣﻴﻠﺖ ﺭﺍﺳﻲ ﻋﻠﻰ ﻛﺘﻔﻲ ، ﺗﻤﻠﻜﻨﻲ ﻳﻘﻴﻦ ﺩﺍﻓﺊ ﻭﺧﺎﺻﺔ ﺑﻌﺪ ﻣﺎ ﺍﻋﺘﺮﻑ ﺑﺤﺒﻪ ﺍﻟﻲ ، ﺍﻧﻮ ﻫﻮ ﻣﺸﺘﺎﻗﻠﻲ ﻫﺴﻪ ﻭﻣﻔﺘﻘﺪﻧﻲ . ﺍﻻﺣﺴﺎﺱ ﺍﻟﻤﻨﺴﺎﺏ ﺑﺪﺍﺧﻠﻲ ﻭﻧﺒﻀﺎﺕ ﻗﻠﺒﻲ ﻫﻲ ﺍﻟﻲ ﺍﻧﺒﺌﺘﻨﻲ .. ﻫﻮﺍﻱ ﺍﺗﺼﻞ ﻋﻠﻰ ﺑﺎﺑﺎ ﺑﺲ ﺍﻧﻲ ﻣﺎﺣﺎﺟﻴﺘﻪ ﺍﺑﺪ ، ﻟﺪﺭﺟﺔ ﻣﺎﻣﺎ ﻭﺑﺎﺑﺎ ﻇﻠﻮﺍ ﻳﺴﺄﻟﻮﻥ ﺷﻜﻮ ﺑﻴﻨﻜﻢ ﻭﺷﺼﺎﻳﺮ !! ﺑﺲ ﺍﻧﻲ ﻫﻢ ﻣﺎﺟﺎﻭﺑﺘﻬﻢ ﻭﻫﻢَ ﺧﻠﻮﻧﻲ ﻋﻠﻰ ﺭﺍﺣﺘﻲ . ﺟﺘﻲ ﻣﺎﻣﺎ ﻛﻌﺪﺕ ﻳﻤﻲ ، ﻇﻠﺖ ﺗﻄﺎﻟﻌﻨﻲ ﺑﻨﻈﺮﺍﺕ ﺗﺴﺄﻝ ﻋﻦ ﺣﺎﻟﻲ ، ﺣﺎﺟﻴﺘﻬﺎ ﻭﺍﻧﻲ ﺍﺧﻠﻲ ﺧﺼﻼﺗﻲ ﻭﺭﺓ ﺍﺫﻧﻲ ﻓﻲ ﺗﺼﺮﻑ ﻳﺪﻝ ﻋﻠﻰ ﺍﻟﺤﻴﺮﺓ ﻭﺑﻨﺒﺮﺓ ﻣﺮﺗﺒﻜﺔ ؛ - ﻫﺎ ﻣﺎﻣﺎ ﺍﻛﻮ ﺷﻲ ﻫﻢ ﺭﺟﻊ ﺧﺎﺑﺮ ﺻﻔﺎﺀ ﻛﺮﺓ ﺛﺎﻧﻴﺔ ؟ _ ﻭﻟﺞ ﺍﻣﻲ ﻻﺗﺨﻮﻓﻴﻨﻲ ﻋﻠﻴﺞ ﻣﻴﺼﻴﺮ ﺗﺮﺓ ﺗﻮﻛﻔﻴﻦ ﻗﻠﺒﻲ ﻫﻴﺞ . _ ﺷﻜﻮ ﻣﺎﻣﺎ ؟ ﻟﻴﺶ ﻫﻴﺞ ﺗﺤﺠﻴﻦ ؟ ﺗﺮﻩ ﻫﻴﺎﺗﻨﻲ ﻛﺪﺍﻣﺞ ﻣﺎﺑﻴﻪ ﺷﻲ . _ ﻣﺎﺗﻘﻨﻌﻴﻨﻲ ﻣﺴﺘﺤﻴﻞ ﺷﺼﺎﻳﺮ ﺑﻴﻨﺞ ﻭﺑﻴﻦ ﺻﻔﺎﺀ ﻣﺎﺭﺩﺕ ﺍﺳﺄﻟﺞ ﻛﺪﺍﻡ ﻋﻤﺘﺞ . _ ﺍﻱ ﺍﺣﺴﻦ ﺯﻳﻦ ﺳﻮﻳﺘﻲ ﻣﺎﺳﺄﻟﺘﻲ ﻛﺪﺍﻣﻬﺎ ﻣﺎﻣﺎ ﺍﻧﻲ ﻋﻨﺪﻱ ﺷﻮﻳﺔ ﻣﺸﺎﻛﻞ ﺑﻴﻨﻲ ﻭﺑﻴﻨﻪ ﻭﺟﻴﺘﻲ ﻟﻬﻨﺎ ﺣﺘﻰ ﺍﻋﺎﻗﺒﻪ ﺍﻭ ﺍﻋﺮﻑ ﻏﻼﺗﻲ ﻋﻨﺪﻩ . _ ﺻﺪﻙ ﺗﺤﺠﻴﻦ ﻋﻮﺩ ﺯﻫﺮﺍﺀ ﻭﻟﺞ ﺷﺼﺎﻳﺮ ﺑﻴﻨﻜﻢ ؟ ﺍﺧﺬﺕ ﻛﻒ ﺍﻳﺪﻫﺎ ﻭﺻﻠﻨﻲ ﺩﻓﺊ ﺑﺸﺮﺗﻬﺎ ﺍﻟﻨﺎﻋﻤﺔ ﻟﻤﻦ ﺍﺣﺘﻜﺖ ﺑﺒﺸﺮﺗﻲ ﺣﺎﺟﻴﺘﻬﺎ ﻣﻄﻤﺌﻨﺔ ؛ - ﻣﺎﻛﻮ ﺷﻲ ﻣﺎﻣﺎ ﻣﺠﺮﺩ ﻣﺸﺎﻛﻞ ﻭﺍﻟﻠﻪ ﻻﺗﻔﻜﺮﻳﻦ ﻭﻻﺗﺸﻐﻠﻴﻦ ﺑﺎﻟﺞ . _ ﻭﻣﺸﺎﻛﻠﺞ ﻫﺎﻱ ﻣﺎﺗﻨﺤﻞ ﺍﻟﻪ ﺑﺎﻟﺒﻌﺪ ﻟﻮ ﻣﺘﺮﺩﻳﻦ ﺗﻨﻄﻴﻦ ﺑﺼﻔﺎﺀ ﻛﺪﺍﻣﻲ ؟ ﺷﻤﺴﻮﻱ ﺑﻴﺞ ﺻﻔﺎﺀ ﻳﻤﻪ ﻛﻮﻟﻴﻠﻲ ؟ ﺣﺴﻴﺖ ﺑﻜﻒ ﺍﻧﻤﺪﺕ ﻟﻘﻠﺒﻲ ﻭﻋﺼﺮﺗﻪ ﺟﺎﻭﺑﺘﻬﺎ ﺑﺸﻲ ﻣﻦ ﺍﻟﺤﻴﺮﺓ ﻭﺍﻟﺘﻠﻌﺜﻢ ؛ - ﻭﺍﻟﻠﻪ ﻣﻤﺴﻮﻱ ﺷﻲ ﻣﺎﻣﺎ ﻣﺸﺎﻛﻞ ﺧﺎﺻﺔ ﻣﻴﺼﻴﺮ ﺗﻌﺮﻓﻴﻬﺎ . ﺳﺤﺒﺖ ﻛﻒ ﺍﻳﺪﻫﺎ ﻣﻨﻲ ﻭﻛﺎﻣﺖ ﻋﻠﻰ ﺣﻴﻠﻬﺎ ﺗﺘﻨﻬﺪ ﺑﺎﺣﺘﺠﺎﺝ ؛ - ﺍﻭﻭﻭﻑ ﻣﻨﺞ ﺯﻫﺮﺍﺀ ﺍﻭﻭﻭﻑ ﻛﺘﻠﺞ ﺭﺍﺡ ﺗﺘﻌﺬﺑﻴﻦ ﺭﺍﺡ .... ﻣﻴﻔﻴﺪ ﺍﻟﺤﺠﻲ ﺑﻌﺪ ﻫﺴﻪ ﻻ ﺍﺣﺠﻲ ﺍﺣﺴﻦ . ﺗﺄﻓﺄﻓﺖ ﺍﻧﻲ ﻫﻤﻴﻦ ﻭﺧﻠﻴﺖ ﺭﺍﺳﻲ ﻋﻠﻰ ﺭﻛﺒﻲ ﻭﺗﻨﻔﺴﺖ ﺑﻌﻤﻖ ، ﻏﻤﻀﺖ ﻋﻴﻮﻧﻲ ﻭﺭﺟﻌﺖ ﺍﻓﻜﺮ ﺑﺼﻔﺎﺀ ﻭﺣﻴﺎﺗﻲ ﺍﻟﺠﺎﻳﺔ ﻭﻳﺎﻩ ، ﻣﻬﻤﺎ ﺍﺑﺘﻌﺪﺕ ﺍﺑﻘﻰ ﻣﺆﻣﻨﺔ ﺍﻥ ﺍﻟﻤﺸﺎﻋﺮ ﺍﻟﻲ ﺧﻨﻜﺘﻨﻲ ﻭﻋﺬﺑﺘﻨﻲ ﺭﺍﺡ ﺗﺒﻘﻰ ﻋﺎﻳﺸﺔ ﻭﻳﺎﻳﻪ ﻭﻣﺎﻛﺪﺭ ﺍﻗﺪﻣﻠﻪ ﺫﺭﻩ ﻣﻦ ﺍﻟﻜﺮﻩ ﺣﺘﻰ ﻭﺍﻧﻲ ﻓﺮﺣﺎﻧﺔ ﻭﻳﻪ ﺍﻫﻠﻲ ﻳﻜﻤﺰ ﺍﺳﻤﻪ ﺑﺎﺻﺮﺍﺭ ﻭﻳﺘﻤﻠﻚ ﺗﻔﻜﻴﺮﻱ ﻳﺸﻮﺵ ﻋﻠﻴﻪ ﻭﻳﺮﺑﻜﻨﻲ ﻳﺠﻲ ﻟﺬﺍﻛﺮﺗﻲ ﻗﺴﺮﺍ ﻣﺮﺍﺭﺍ ﻭﺗﻜﺮﺍﺭﺍ ﺷﻜﺪ ﺍﺗﻤﻨﻰ ﺍﻃﻠﻖ ﺳﺮﺍﺣﻪ ﻣﻦ ﻗﻔﺺ ﻣﺸﺎﻋﺮﻱ ﻭﺍﺭﺗﺎﺡ . ﺍﻧﻘﻀﺖ ﺍﻻﻳﺎﻡ ﺍﻟﻌﺸﺮﺓ ﺑﺴﺮﻋﺔ ، ﻭﺻﺎﺭ ﻭﻗﺖ ﻧﺮﺟﻊ ﻟﺒﻐﺪﺍﺩ ﺟﻨﺖ ﻣﻤﺴﺘﻌﺪﺓ ﺍﺭﺟﻊ ﺍﺑﺪ ﺭﻏﻢ ﺍﻟﺸﻮﻕ ﺍﻟﻔﺎﺿﺤﻨﻲ ﻭﺍﻟﺤﻨﻴﻦ ﺍﻟﻲ ﻣﺴﺘﻮﻟﻲ ﻋﻠﻴﻪ . ﺗﻈﺎﻫﺮﺕ ﺑﺎﻟﻤﺮﺽ ﺍﻭ ﺗﻌﻤﺪﺕ ﺍﻣﺮﺽ ﻧﻔﺴﻲ ، ﻛﺪﺍﻡ ﻋﻤﻪ ﺍﻡ ﻗﺴﻮﺭ ، ﺗﺮﻛﺖ ﺍﻻﻛﻞ ﻷﻳﺎﻡ ﻣﺠﺎﺯﻓﺔ . ﻫﻲ ﻭﻛﻔﺖ ﻣﺘﺠﻬﻤﺔ ﺗﺒﺎﻭﻋﻠﻲ ﻭﺗﻮﺟﻪ ﻛﻼﻣﻬﺎ ﻷﻣﻲ ؛ - ﺳﻮﺳﻦ ﺧﺎﻑ ﺑﻨﺘﺞ ﺣﺎﻣﻞ ؟ ﺑﺎﻭﻋﺘﻠﻬﺎ ﻭﻋﻴﻮﻧﻲ ﻣﺘﺴﻌﺔ ﻋﻠﻰ ﺍﻻﺧﻴﺮ .. ﻛﻤﻠﺖ ﻛﻼﻣﻬﺎ ؛ - ﺍﻱ ﻳﺎﺑﻨﺘﻲ ﻳﻮﻡ ﺍﻟﻲ ﺗﺪﺭﻳﻦ ﺑﻨﻔﺴﺞ ﺣﺎﻣﻞ ﻭﺗﻌﺒﺎﻧﻪ ﻟﻴﺶ ﺟﻴﺘﻲ ؟ ﺟﺎﻥ ﺑﻘﻴﺘﻲ ﺍﺑﻴﺘﺞ ﺃﻣﻦ ﺍﻟﺞ ﻭﻟﻠﻄﻔﻞ ﻭﺍﻫﻠﺞ ﻻﺣﻜﺔ ﻋﻠﻴﻬﻢ ﻭﺗﺸﻮﻓﻴﻬﻢ . _ ﻋﻤﻪ ﺍﻟﻠﻪ ﻳﺨﻠﻴﺞ ﻻﺗﻜﻮﻟﻮﻥ ﻟﺼﻔﺎﺀ ﻣﺮﺍﺡ ﺍﺟﻲ ﺍﻟﻪ ﻟﻤﻦ ﺗﻮﺻﻠﻮﻥ . _ ﻏﻴﺮ ﻳﻜﻠﺐ ﻋﻠﻴﻨﺎ ﺍﻟﺪﻧﻴﻪ ؟ ﺍﻣﻲ ﻛﺎﻟﺘﻠﻬﺎ ﻻ ﻋﻴﻮﻧﻲ ﺍﻧﻲ ﺍﺧﻠﻲ ﺗﺤﺴﻴﻦ ﻳﺤﺠﻲ ﻭﻳﺎﻩ ﺷﻮﻓﻲ ﺍﻟﺒﻨﻴﻪ ﺷﺼﺎﻳﺮ ﺑﻴﻬﺎ . _ ﺍﻱ ﻏﻴﺮ ﻣﺎﺗﺎﻛﻞ ﺍﻛﻮﻟﺞ ﺩﺍﺩﻩ ﻣﺎﻋﻠﻴﻬﺎ ﺷﻲ ﻣﻴﺼﻴﺮ ﺟﺒﻨﺎﻫﻪ ﻭﻳﺎﻧﻪ ﻧﺮﺩﻫﻪ ﻟﺮﺟﻠﻬﺎ ﺍﺣﺴﻦ ﻳﻼ ﻛﻮﻣﻲ ﺯﻫﺮﺕﺀ ﻣﺎﺑﻴﺞ ﺷﻲ . ﻏﻄﻴﺖ ﺭﺍﺳﻲ ﺑﺎﻟﺒﻄﺎﻧﻴﺔ ﻭﺳﻜﺘﺖ ﻭﻣﺎﻣﺎ ﺗﻮﻟﺖ ﻣﻬﻤﺔ ﺍﻗﻨﺎﻋﻬﺎ . *** ﻭﻛﻒ ﻛﺒﺎﻟﻲ ﻳﺮﻳﺪ ﻳﻮﺩﻋﻨﻲ ، ﺳﻤﻌﺘﻪ ﺗﺤﺴﺮ ﻭﺍﻧﻲ ﻣﺪﻧﻜﺔ ﺭﺍﺳﻲ ، ﺍﺟﺎﻧﻲ ﺻﻮﺗﻪ ؛ - ﺭﺍﺡ ﺍﺷﺘﺎﻗﻠﺞ . ﻫﻤﺴﺖ ؛ - ﺩﻳﺮ ﺑﺎﻟﻚ ﻋﻠﻰ ﻧﻔﺴﻚ ﻭﺍﻟﻠﻪ ﻳﻬﺪﻱ ﺑﺎﺑﺎ ﻭﻧﺮﺟﻊ . ﻛﺎﻝ ﺍﻥ ﺷﺎﺀﺍﻟﻠﻪ ﻭﺧﻠﻪ ﺍﻳﺪﻩ ﻋﻠﻰ ﻗﺒﻀﺔ ﺍﻟﺒﺎﺏ ﻭﻣﻴﺒﺎﻭﻋﻠﻲ . ﺍﻧﻘﻬﺮﺕ ﻋﻠﻰ ﺣﺎﻟﻪ ﻛﺘﻠﻪ ﻗﺴﻮﺭ ﻻﺗﻀﻮﺝ ﺍﻟﻲ ﻛﺎﺗﺒﺔ ﺍﻟﻠﻪ ﻳﺼﻴﺮ . ﻭﺧﺮ ﺍﻳﺪﻩ ﻣﻦ ﺍﻟﺒﺎﺏ ﻭﺑﺎﻭﻋﻠﻲ ﻭﻫﻮ ﻣﺒﺘﺴﻢ ﺑﻤﺮﺍﺭﺓ ﻻ ﻋﻠﻴﻤﻦ ﺍﺿﻮﺝ ﺍﺻﻼ ﺍﻧﺘﻲ ﻣﺘﺪﺭﻳﻦ ﺷﻠﻮﻥ ﺭﺩﺗﻴﻠﻲ ﺭﻭﺣﻲ ﻣﻦ ﺷﻔﺘﺞ ﺍﺧﺬﺕ ﺟﺮﻋﻪ ﻣﻨﺞ ﻭﺩﻋﻴﺖ ﻳﻢ ﺍﻟﺴﻴﺪﺓ ﻫﻮﺍﻱ ﺍﻟﻠﻪ ﻳﺮﺩﺝ ﺍﻟﻲ ﻭﺗﺘﻘﻠﺺ ﺍﻟﻤﺴﺎﻓﺎﺕ ﺍﻟﻲ ﺑﻴﻨﻨﺎ . ﺍﺑﺘﺴﻤﺖ ؛ ﺍﻟﻠﻪ ﻳﺴﺘﺠﻴﺐ ﺩﻋﺎﺋﻚ ﺍﻥ ﺷﺎﺀﺍﻟﻠﻪ . ﻃﻠﻌﺖ ﻋﻤﻪ ﻭﻭﺭﺍﻫﻪ ﺑﺎﺑﺎ ﻭﻣﺎﻣﺎ ﻭﻣﺮﻳﻢ ﺭﺍﺡ ﻗﺴﻮﺭ ﺍﺧﺬ ﺍﻟﺠﻨﻂ ﻣﻦ ﺍﻳﺪﻫﺎ ، ﻭﺩﻋﻨﺎﻫﻢ ﻭﺭﺍﺣﻮﺍ ، ﻗﺴﻮﺭ ﻛﻠﺴﺎﻉ ﻳﺪﻭﺭ ﻳﺒﺎﻭﻋﻠﻲ ﻭﺍﻣﻲ ﺗﺘﺤﺴﺮ ﺑﺎﻭﻋﺖ ﻟﺒﺎﺑﺎ ﺧﻄﻴﺔ ﺗﻌﺬﺏ ﻫﺎﻟﻮﻟﺪ ﻛﺎﺗﻞ ﻧﻔﺴﻪ ﻋﻠﻴﻬﺎ ﻭﺍﻟﻠﻪ ﻳﺎ ﺗﺤﺴﻴﻦ ﺍﻧﻲ ﺍﺷﻮﻑ ﻧﺮﺟﻊ ﻟﺒﻐﺪﺍﺩ ﺍﺣﺴﻦ ﺷﻮﻑ ﺣﺎﻝ ﺑﻨﺎﺗﻨﺎ ﺷﺼﺎﺭ ﺑﻴﻬﻦ ﺷﻮﻑ ﺯﻫﺮﺍﺀ ﺷﺤﺎﻟﻬﺎ ﺍﺻﻼ ﺍﺫﺍ ﻣﺮﺟﻌﻨﻪ ﻭﺍﻟﻠﻪ ﺗﻤﻮﺕ ﻋﻠﻰ ﺻﻔﺎﺀ ﻭﺍﻟﻠﻪ . ﺑﺎﺑﺎ ﻛﺎﻝ ﺩﺧﻠﻲ ﺟﻮﺓ ﻣﻮ ﻫﻨﺎ ﻧﺤﺠﻲ ﺑﻬﺬﺍ ﺍﻟﻤﻮﺿﻮﻉ ﻭﺯﻫﺮﺍﺀ ﺍﻧﻲ ﻫﺴﻪ ﺭﺍﻳﺢ ﺍﺷﻮﻑ ﺷﺒﻴﻬﺎ . ﻭﺍﺣﻨﻪ ﺩﻧﻔﻮﺕ ﺟﺎﻭﺑﺘﻪ ﻣﺎﻣﺎ ؛ ﻧﺎﻳﻤﻪ ﻫﺴﻪ ﻭﺻﻔﺎﺀ ﺣﺮﻙ ﺍﻟﺪﻧﻴﺎ ﺑﺎﻟﻤﻜﺎﻟﻤﺎﺕ ﻭﻣﺘﻘﺒﻞ ﺗﺤﺎﺟﻲ . ﻇﻞ ﻳﺘﻨﻬﺪ ﺑﺎﺑﺎ ﻭﺩﺧﻞ ﺟﻮﺓ ﺧﺎﺑﺮ ﻋﻠﻰ ﺻﻔﺎﺀ ﻭﺣﺠﻪ ﻭﻳﺎﻩ . ﻛﺎﻟﻪ ﺯﻫﺮﺍﺀ ﻣﺮﻳﻀﺔ ﻭﺑﻘﺖ ﻳﻤﻨﻪ ﻭﻇﻞ ﻳﺸﺎﻗﻲ ﻭﻳﻀﺤﻚ ﻋﻠﻴﻪ ﻭﻣﺒﻴﻦ ﺻﻔﺎﺀ ﻣﻌﺼﺐ ﻭﻣﺼﺪﻙ ﺷﻘﻪ ﺑﺎﺑﺎ ﻭﻳﺎﻩ . ﺭﺣﺖ ﻻﻣﻲ ﺣﺠﻴﺖ ﻭﻳﺎﻫﻪ ﺑﻨﺒﺮﺓ ﺗﻮﺳﻞ ؛ ﻣﺎﻣﺎ ﺍﻟﻠﻪ ﻳﺨﻠﻴﺞ ﻗﻨﻐﻲ ﺑﺎﺑﺎ ﻭﺍﻟﻠﻪ ﻫﻮ ﻳﺎﺧﺬ ﻛﻼﻣﺞ ﻣﺘﺸﻮﻓﻲ ﺷﻠﻮﻥ ﻏﻴﺮ ﺭﺃﻳﻪ ﺑﺲ ﺣﺎﺟﻴﺘﻲ ﻭﺍﻟﻠﻪ ﻫﻮ ﺑﺲ ﺍﻧﺖ ﺗﻜﻮﻟﻴﻠﻪ ﻧﺮﺟﻊ ﺑﺴﺮﻋﻪ ﻳﺮﺟﻌﻨﺎ ﺑﺲ ﺍﻧﺖ ﻣﺎﺗﺒﺎﺩﺭﻳﻦ ﺍﺑﺪ . ﻭﻟﺞ ﻳﻮﻡ ﻗﻠﺐ ﻭﺍﻟﺪﺓ ﺍﺧﺎﻑ ﻋﻠﻴﺠﻦ ﺍﻧﻲ ﻣﺘﺸﻮﻓﻴﻦ ﺍﻟﻲ ﺻﺎﺭ ﺑﻴﺞ ﻣﺎﺑﻴﻨﻪ ﺣﻴﻞ ﻭﺍﻟﻠﻪ . ﻣﺎﻣﺎ ﺍﻟﻲ ﻛﺎﺗﻠﺔ ﺍﻟﻠﻪ ﻳﺼﻴﺮ ﻭﻛﻞ ﻭﺍﺣﺪ ﻣﻨﻪ ﺍﻧﻮﻟﺪ ﻭﻗﺪﺭﻩ ﻭﻧﺼﻴﺒﻪ ﻭﻳﺎﻩ ﻟﻴﺶ ﻣﺼﻌﺒﻴﻦ ﺍﻻﻣﻮﺭ ﺍﻧﺘﻮﺍ ﺧﻠﻴﻬﺎ ﻋﻠﻰ ﺍﻟﻠﻪ . ﺗﻨﻬﺪﺕ ﻛﺎﻟﺖ ﻭﺍﻟﻨﻌﻢ ﺑﺎﻟﻠﻪ .. ﻳﻌﻨﻲ ﻫﺴﻪ ﺣﺘﻜﻮﻟﻴﻠﻪ ؟؟ ﺍﻣﺮﻱ ﻟﻠﻪ ﺍﻧﻲ ﻫﻢ ﻣﺎﺭﻳﺪ ﺍﺷﻮﻓﺠﻦ ﻫﻴﺞ ﺍﻧﺖ ﻭﺍﺧﺘﺞ . *** ﻗﺮﺍﺭ ﺑﻘﺎﺋﻲ ﺧﻠﻪ ﺻﻔﺎﺀ ﻳﺘﺨﺒﻞ ، ﻋﺸﺮﺍﺕ ﺍﻟﻤﻜﺎﻟﻤﺎﺕ ﻣﻨﻪ ﺍﺟﺘﻲ ﻭﻣﺎﺭﺩﻳﺖ ﻋﻠﻰ ﻭﻻ ﻭﺣﺪﺓ ﻣﻨﻬﺎ ، ﺟﻨﺖ ﺧﺎﻳﻔﺔ ﻣﻦ ﺭﺩﺓ ﻓﻌﻠﻪ ، ﻣﺎﻣﺎ ﺗﺘﻮﺳﻞ ﻭﺑﺎﺑﺎ ﻳﺘﻮﺳﻞ ﻭﺍﻧﻲ ﻻﻓﺔ ﺭﺍﺳﻲ ﻭﻧﺎﻳﻤﺔ ﺧﺎﻳﻔﺔ ﻣﻦ ﻗﺴﻮﺓ ﺍﻟﻜﻼﻡ ﺍﻟﻲ ﺭﺍﺡ ﻳﺘﻮﺟﻪ ﺍﻟﻲ ﻣﻨﻪ . ﺍﺟﺘﻲ ﻣﺎﻣﺎ ﺗﻀﺤﻚ ﻛﺎﻟﺖ ﺍﺑﺸﺮﺝ ﺣﻨﺮﺟﻊ ﻟﺒﻐﺪﺍﺩ ﻋﺪﻟﺖ ﻛﻌﺪﺗﻲ ﻣﻤﺼﺪﻛﺔ ﺻﺪﻙ ﻣﺎﻣﺎ ﺍﻟﻠﻪ ﻋﻠﻴﺞ ؟ ﺍﻱ ﻭﺍﻟﻠﻪ ﻟﺞ ﺻﻔﺎﺀ ﺣﻴﺘﺨﺒﻞ ﺍﺑﻮﺝ ﻣﺎﻛﺎﻟﻪ ﺣﻨﺮﺟﻊ ﻛﺎﻟﻪ ﺳﻤﻌﺖ ﺑﻴﻚ ﻣﺰﻋﻞ ﺯﻫﻮﺭﺓ ﺭﺍﺡ ﺍﺧﺬﻫﻪ ﻭﻳﺎﻱ ﻧﻌﺒﺮ ﻻﻭﺭﻭﺑﺎ ﻭﺻﻔﺎﺀ ﺗﺨﺒﻞ . ﻋﻀﻴﺖ ﺷﻔﺘﻲ ﻭﺍﺑﺎﻭﻉ ﺑﺤﻴﺮﺓ .. ﻛﻤﻠﺖ ﻣﺎﻣﺎ ﻛﻼﻣﻬﺎ ﺻﻔﺎﺀ ﻳﻜﻮﻝ ﻣﺎﺗﻜﺪﺭﻭﻥ ﺗﻄﻠﻌﻮﻫﻪ ﺑﺪﻭﻥ ﺍﺫﻥ ﻣﻨﻲ ﺍﺑﻮﺝ ﻛﺎﻟﻪ ﺑﺎﻟﺘﺰﻭﻳﺮ ﻛﻮﻟﺸﻲ ﻧﺴﻮﻱ . ﺿﺤﻜﻨﺎ ﻭﺳﻜﺘﺖ ﻣﺎﻣﺎ ﺷﻮﻳﻪ ﺟﻨﺖ ﻣﺘﻌﻄﺸﺔ ﺍﺳﻤﻊ ﺍﺧﺒﺎﺭﻩ ، ﻭﻣﻴﺘﻪ ﻋﻠﻰ ﺳﻤﺎﻉ ﺻﻮﺗﻪ ﺑﺲ ﺑﺪﺍﺧﻠﻲ ﺧﻮﻑ ﻣﻨﻪ ﻣﺎﺭﻳﺪ ﺍﺳﻤﻊ ﻛﻼﻡ ﻗﺎﺳﻲ ﺍﻭ ﻳﺠﺮﺣﻨﻲ . ﻛﺘﻠﻬﺎ ﺍﻱ ﻣﺎﻣﺎ ﻭﺑﻌﺪ ﺷﻨﻮ ﻛﺎﻝ ﺻﻔﺎﺀ ؟ ﻋﺒﻴﺮ ﻛﺎﻟﺖ ﺟﺎﻭﺑﻲ ﻋﻠﻰ ﻣﺨﺎﺑﺮﺍﺗﻪ ﻭﺍﻧﺖ ﺗﻌﺮﻓﻴﻦ ﺷﻨﻮ ﻛﺎﻝ ﺑﻌﺪ . ﻫﺰﻳﺖ ﺭﺍﺳﻲ ﻭﺩﺧﻠﺘﻪ ﻭﺟﻬﻲ ﺑﺎﻟﺒﻄﺎﻧﻴﺔ ﻭﻫﻢ ﻇﻠﻮﺍ ﻳﻀﺤﻜﻮﻥ . ،،، ﻣﺮﺕ ﺍﻳﺎﻡ ،،، ﻛﺎﻋﺪﻳﻦ ﺑﺎﻟﺼﺎﻟﺔ ﺑﺎﺑﺎ ﻛﺎﻝ ﺻﻔﺎﺀ ﻣﺘﺨﺒﻞ ﻳﺮﻳﺪ ﻳﺠﻲ .. ﻋﻄﺖ ﻋﺰﺯﺯﺯﻩ ﺑﺎﺑﺎ ﺩﺧﻴﻠﻚ ﻻﺗﺨﻠﻲ ﻳﺠﻲ ﻭﻻﺣﺘﻰ ﺗﺪﻟﻲ ﺍﻟﺸﻘﺔ . ﻇﻠﻮﺍ ﻳﻀﺤﻜﻮﻥ ﻣﺎﻣﺎ ﻭﺍﺧﻮﺍﺗﻲ ، ﺑﺎﺑﺎ ﻇﻞ ﻳﺒﺎﻭﻋﻠﻲ ﺑﺠﺪﻳﺔ ﺧﻴﺮﺝ ﺑﻨﻴﺘﻲ ﻫﻮ ﺷﺼﺎﻳﺮ ﺑﻴﻨﻜﻢ ﺑﺎﻟﻀﺒﻂ ﻟﻴﺶ ﻫﺎﻟﺨﻮﻑ ﻫﺬﺍ؟ ﻻﺑﺎﺑﺎ ﺑﺲ ﻻﻥ ﻛﺎﻝ ﺭﺟﻌﻲ ﻭﻣﺮﺟﻌﺖ ﺑﺎﺑﺎ ﻭﺍﻟﻠﻪ ﻣﺎﻛﺪﺭ ﻣﺮﻳﻀﺔ ﺍﻧﺘﻪ ﺷﻔﺖ ﺣﺎﻟﺘﻲ . ﻭﺩﻧﻜﺖ .. ﺍﻱ ﺑﺎﺑﺎ ﻇﻠﺖ ﻳﻤﻜﻢ ﺍﻧﺘﻲ ﻭﻳﺎﻩ ﺑﻌﺪ ﺷﻮﻥ ﺗﺤﻠﻮﻥ ﻣﺸﺎﻛﻠﻜﻢ ﺣﻠﻮﻫﺎ ﻭﺍﻋﺮﻓﺞ ﺍﻧﺖ ﺑﻨﻴﺘﻲ ﻫﺎﺩﺋﺔ ﻭﺣﺒﺎﺑﺔ ﻭﻫﻮ ﺻﻔﺎﺀ ﺍﺑﻦ ﺍﺧﻮﻳﻪ ﻭﺗﺮﺑﻰ ﻛﺪﺍﻣﻲ ﺍﻛﻴﺪ ﻣﺎﻣﻨﻪ ﻏﻠﻂ ﻭﺍﺫﺍ ﺍﺣﺘﺎﺟﻴﺘﻮﺍ ﻣﻨﻲ ﺷﻲ ﺍﻧﻲ ﺣﺎﺿﺮ ﻭﻟﻮ ﺍﻧﻲ ﺍﺷﻮﻑ ﻛﻠﺸﻲ ﻣﺎﺑﻴﻜﻢ ﻣﺮﺗﺎﺣﻴﻦ ﺍﻥ ﺷﺎﺀﺍﻟﻠﻪ . ﺣﺎﻭﻟﺖ ﺍﻛﺘﻢ ﺣﺴﺮﺗﻲ ﻛﺪﺍﻡ ﺑﺎﺑﺎ ﻭﻣﺎ ﺍﺑﻴﻦ ﺍﻟﻪ ﺷﻲ ﺍﺑﺪ ﻛﻤﻞ ﻛﻼﻣﻪ ﺑﺎﺑﺎ ﻛﺎﻝ ﻫﻮ ﺍﻛﻴﺪ ﻣﺸﻐﻮﻝ ﻭﻣﺎﻳﻨﻄﻮ ﺍﺟﺎﺯﺓ ﻭﻣﻴﻜﺪﺭ ﻳﺠﻲ ﺍﺣﻨﻪ ﻧﺮﺟﻊ ﻭﻧﺴﻮﻳﻬﻪ ﺍﻟﻪ ﻣﻔﺎﺟﺄﺓ ﻣﺎﺑﻘﻰ ﺑﺲ ﻛﻢ ﻳﻮﻡ ﺍﻥ ﺷﺎﺀﺍﻟﻠﻪ ﻧﺨﻠﺺ ﻛﻞ ﺷﻲ ﻭﻧﺮﺟﻊ . ﺟﺎﻧﺖ ﺍﻛﺜﺮ ﻭﺣﺪﺓ ﻓﺮﺣﺎﻧﺔ ﻫﻴﻪ ﻋﺒﻴﺮ ﻃﻜﺘﻬﺎ ﺿﺤﻜﻪ ﻭﻛﺎﻣﺖ ﺣﻀﻨﺖ ﺑﺎﺑﺎ ﻭﻓﺮﺣﺎﻧﻪ ﻭﺍﻧﻲ ﺑﻴﻦ ﺧﻮﻑ ﻭﺣﻴﺮﺓ ﺩﻋﻴﺖ ﺑﻘﻠﺒﻲ ﻳﺮﺑﻲ ﺍﻛﺘﺒﻠﻨﺎ ﻛﻞ ﺧﻴﺮ ﻭﺍﺣﻨﻪ ﺭﺍﺟﻌﻴﻦ ﻳﺎﺭﺑﻲ . ﻭﺭﺓ ﺍﻳﺎﻡ ﺟﻨﺖ ﻛﺎﻋﺪﺓ ﻭﺍﻓﻜﺮ ﺑﺼﻔﺎﺀ ﺗﻔﻜﻴﺮ ﺍﺧﺬﻧﻲ ﻟﻐﻴﺮ ﻋﺎﻟﻢ ﺑﺲ ﺍﻧﻲ ﻭﻳﺎﻩ ﻭﺍﺗﺬﻛﺮ ﻛﻞ ﺍﻳﺎﻣﻨﺎ ، ﻟﺤﻈﺎﺕ ﺳﻤﻌﺖ ﺻﻮﺕ ﺻﻔﺎﺀ ﺑﺎﻟﺸﻘﺔ ، ﻛﺬﺑﺖ ﻧﻔﺴﻲ ﻣﻌﻘﻮﻟﺔ ﺍﺟﻪ ؟ ﺩﺧﻠﺖ ﻋﺒﻴﺮ ﻟﻠﻐﺮﻓﺔ ﻛﺎﻟﺖ ﻭﻭﻭﻟﺞ ﺍﺟﻪ ﺻﻔﺎﺀ ﺍﺟﻪ ﺭﻭﻭﺣﻲ ﻃﻠﻌﻴﻠﻪ ﺭﻭﻭﺣﻲ ﺑﺲ ﻓﺎﺕ ﺳﺄﻝ ﻋﻨﺞ . ﺍﻥ ﺍﻟﺘﻔﻜﻴﺮ ﺍﻟﻌﻤﻴﻖ ﺑﺎﻻﺷﻴﺎﺀ ﻳﺨﻠﻴﻬﺎ ﺗﻜﻤﺰ ﻣﻦ ﺭﺍﺳﻚ ﻭﺗﺼﻴﺮ ﻛﺪﺍﻡ ﻋﻴﻨﻚ ... ﻇﻠﺖ ﺗﺠﺮ ﺑﻴﻪ ﻋﺒﻴﺮ ﻓﻠﺘﺖ ﻣﻨﻬﺎ ﻭﻛﻤﺰﺕ ﻉ ﺍﻟﺴﺮﻳﺮ ﻏﻄﻴﺖ ﺭﺍﺳﻲ ﻭﻗﻠﺒﻲ ﻳﻀﺮﺏ ﻋﻠﻰ ﺍﺿﻼﻋﻲ ﺑﻌﻨﻒ ﻭﺟﻨﻮﻥ ، ﺍﺭﻳﺪ ﺍﺟﺮ ﻧﻔﺲ ﻣﺎﻛﺪﺭ ﺍﺣﺲ ﺧﺎﻳﻔﻪ ﻣﺤﺘﺎﺭﺓ ﻣﻤﺴﺘﻮﻋﺒﻪ ﺍﺑﺪ . ﺻﺎﺭ ﻫﺪﻭﺀ ﺑﺎﻟﻐﺮﻓﺔ ﻭﺑﻌﺪﻫﺎ ﺍﻧﻔﺘﺤﺖ ﺍﻟﺒﺎﺏ ، ﺍﺟﺎﻧﻲ ﺍﺣﺴﺎﺱ ﻗﻮﻱ ﺻﺮﺕ ﺍﺣﺮﻙ ﺑﺆﺑﺆ ﻋﻴﻨﻲ ﺟﻮﺓ ﺍﻟﺒﻄﺎﻧﻴﺔ ﺣﺴﻴﺖ ﺑﺨﻄﻮﺍﺕ ﺗﺠﻲ ﺑﺎﺗﺠﺎﻫﻲ ، ﻛﺮﺳﻲ ﺍﻧﺠﺮ ﻭﺳﻮﺍ ﺻﻮﺕ ﺍﺣﺪ ﻛﻌﺪ ﻋﻠﻴﻪ . ﻟﺤﻈﺎﺕ ﻣﻦ ﺍﻟﺴﻜﻮﻥ ﻭﺍﻟﻬﺪﻭﺀ ﺑﺲ ﺍﺣﺲ ﺍﻛﻮ ﺻﻮﺕ ﺍﻧﻔﺎﺱ ﺑﺎﻟﻐﺮﻓﺔ ، ﺻﻮﺕ ﺍﻧﻔﺎﺳﻪ ﻫﻮ . ﻃﺎﻟﺖ ﻓﺘﺮﺓ ﺍﻟﺴﻜﻮﻥ ﻭﺧﺮﺕ ﺍﻟﺒﻄﺎﻧﻴﺔ ﺷﻮﻳﻪ ﺑﺎﻭﻋﺖ ﺷﻔﺘﻬﺎ ﻛﺎﻋﺪ ﻉ ﺍﻟﻜﺮﺳﻲ ﺑﺼﻒ ﺍﻟﺴﺮﻳﺮ ﻭﻣﻜﺘﻒ ﺍﺩﻳﻪ ﺑﺎﻭﻋﺖ ﻋﻠﻰ ﻋﻴﻮﻧﻪ ﻣﺨﻨﺰﺭ ﻋﻴﻮﻧﻪ ﻭﻋﺎﻛﺪ ﺣﻮﺍﺟﺒﻪ . ﺷﻬﻜﺖ ﻣﻦ ﺟﻮﺓ ﺍﻟﺒﻄﺎﻧﻴﺔ ﻭﻏﻄﻴﺖ ﺭﺍﺳﻲ ﻋﺪﻝ . ﺳﻤﻌﺖ ﺻﻮﺕ ﺗﻨﻬﻴﺪﺍﺗﻪ ، ﺣﺴﻴﺘﻪ ﻛﺎﻡ ﻣﻦ ﺍﻟﻜﺮﺳﻲ ﻭﻛﻌﺪ ﻉ ﺍﻟﺴﺮﻳﺮ ﻭﺷﻮﻳﻪ ﺷﻮﻳﻪ ﻭﺧﺮ ﺍﻟﻐﻄﻰ ﻣﻦ ﻋﻠﻴﻪ ﺷﻬﻜﺖ ﻭﺩﻓﻨﺖ ﻭﺟﻬﻲ ﺑﻜﻔﻮﻑ ﺍﺩﻳﻪ . ﺍﺟﺎﻧﻲ ﺻﻮﺗﻪ ﻫﻮ ﻫﺬﺍ ﺣﺒﺞ ﺍﻟﻲ ﺻﺮﻋﺘﻴﻨﻲ ﺑﻲ ؟ ﻫﻴﺞ ﺗﺮﺩﻳﻦ ﺗﺘﺮﻛﻴﻨﻲ ﻭﺗﺮﺣﻴﻦ ؟ ﻟﺰﻡ ﺍﺩﻳﻪ ﻭﺧﺮﻫﻢ ﻣﻦ ﻋﻠﻰ ﻭﺟﻬﻲ ﺑﺎﻭﻋﺘﻠﻪ ﻭﻋﻀﻴﺖ ﺷﻔﺘﻲ ﻣﺎﺩﺭﻱ ﺷﻮﻛﺖ ﺻﺎﺭﻥ ﺩﻣﻮﻋﻲ ﻋﻠﻰ ﺧﺪﻱ . ﻇﻞ ﻳﻌﺎﺗﺒﻨﻲ ﺑﺲ ﻣﻌﺼﺐ ﻭﺍﻧﻔﺎﺳﻬﺎ ﻣﻤﺴﻴﻄﺮ ﻋﻠﻴﻬﻦ . ﻭﺑﻌﺪﻩ ﻻﺯﻡ ﻣﻌﺎﺻﻤﻲ ﺟﺎﻭﺑﺘﻪ ﺗﻌﺒﺎﻧﻪ ﺗﻌﺒﺎﻧﻪ . ﺍﺧﺬﻧﻲ ﻟﺼﺪﺭﻩ ﺣﻀﻨﻲ ﺣﻴﻞ ﻟﺪﺭﺟﺔ ﺍﻟﻮﺟﻊ ﻣﺎﺩﺭﻱ ﺣﺐ ﺍﺷﺘﻴﺎﻕ ﻟﻮﻋﻪ ﻟﻮ ﺣﻘﺪ . ﺟﻨﺖ ﺍﺗﻤﻨﻰ ﺍﺩﺧﻞ ﺑﺼﺪﺭﻩ ﻭﺍﺣﺘﻀﻦ ﻗﻠﺒﻪ ﻟﻘﻠﺒﻲ ﻣﺎﻋﺮﻑ ﻣﻨﻴﻦ ﺟﺘﻲ ﺍﻟﻘﻮﺓ ﻭﺗﺮﻛﺘﻪ ، ﻣﺎﻋﺮﻑ ﺷﻮﻥ ﻛﺪﺭﺕ ﺑﺲ ﻫﺴﻪ ﻣﺠﺎﻱ ﺍﻛﺪﺭ ﺍﺷﺒﻊ ﻣﻨﻪ ﻣﺪﺍ ﺍﻛﺪﺭ ﺍﺗﺮﻛﻪ ، ﺟﻠﺒﺖ ﺑﻤﻼﺑﺴﻪ ﺣﺴﻴﺖ ﺭﺍﺡ ﻳﺘﺸﻜﻜﻦ ﺑﺪﻳﻪ . ﻣﺪﺩ ﻭﻫﻮ ﺣﺎﺿﻨﻲ ﺧﻠﻪ ﺭﺍﺳﻪ ﻋﻠﻰ ﺍﻟﻤﺨﺪﺓ ، ﻭﺳﺤﺒﻨﻲ ﻟﺼﺪﺭﻩ ﻭﻇﻞ ﻳﻠﻌﺐ ﺑﺸﻌﺮﻱ ﻭﻳﺒﺎﻭﻉ ﺑﻌﻴﻮﻧﻲ ، ﻫﻮﺍﻱ ﺳﻮﻟﻔﻨﻪ ﺍﻧﺘﺒﻪ ﻋﻠﻴﻪ ﺗﻌﺒﺎﻧﻪ ﻭﺟﻬﻲ ﺷﺎﺣﺐ ﺳﺄﻟﻨﻲ . ﻛﺘﻠﻪ ﺑﺲ ﻣﺮﻳﻀﺔ .. ﻛﺎﻝ ﻻ ﻫﺬﺍ ﻓﺮﺍﻛﻲ ﺍﺩﺭﻱ .. ﺿﺤﻜﺖ .. ﻛﺎﻝ ﺷﻮﻓﻲ ﻣﻤﺠﺬﺏ ﻭﺍﻟﻠﻪ ﺑﺲ ﺍﻧﺖ ﺗﻜﺎﺑﺮﻳﻦ ﺑﺎﻟﻠﻪ ﺷﺴﺘﻔﺎﺩﻳﺘﻲ ﻫﺴﻪ ﻣﻦ ﻋﻔﺘﻴﻨﻲ ﻛﻞ ﻫﺎﻟﻔﺘﺮﺓ ﻭﺍﻧﻮﺏ ﻣﺘﺮﺩﻳﻦ ﺗﺮﺟﻌﻴﻦ ﻣﻮ ﻛﺘﻠﺞ ﺍﺣﺒﺞ ﻭﻛﻞ ﺍﻟﻤﺎﺿﻲ ﺻﺎﺭ ﻭﺭﺓ ﻇﻬﺮﻱ ﻟﻴﺶ ﻫﺎﻟﻌﻨﺎﺩ ﺑﻠﻠﻪ . ﺩﻓﻨﺖ ﺭﺍﺳﻲ ﺑﺼﺪﺭﻩ ﻭﺍﺗﻨﻔﺴﻪ ... ﻫﻮ ﻋﻨﺪﻩ ﺷﻐﻞ ﻣﻜﺪﺭ ﻣﻨﺮﺟﻊ ﻭﺗﺤﻀﺮﻧﻪ ﻟﻠﺴﻔﺮ ﻭﺩﻋﻨﺎ ﺑﺎﺑﺎ ﻭﻣﺎﻣﺎ ﻭﺍﺧﻮﺍﺗﻲ ﻋﻠﻰ ﺍﻣﻞ ﻧﻠﺘﻘﻲ ﺑﺒﻐﺪﺍﺩ ﺑﻌﺪ ﻓﺘﺮﺓ . ﻭﻃﻠﻌﻨﺎ . ﻭﺻﻠﻨﺎ ﻟﺒﻐﺪﺍﺩ ﻭﻟﺒﻴﺘﻨﺎ ﺟﺎﻧﺖ ﺭﺷﺎ ﻣﺎﻛﻮ ﺍﻟﺒﻴﺖ ﻣﺮﻳﺢ ﻋﻤﻪ ﻭﻋﻤﻮ ﻓﺮﺣﻮﺍ ﺑﻴﻪ ﻭﻛﻌﺪﻭﺍ ﻳﻌﺎﺗﺒﻮﻧﻲ ﻟﻴﺶ ﻣﺎ ﺍﺟﻴﺖ ﻭﻳﻪ ﻋﻤﻪ ﺍﻡ ﻗﺴﻮﺭ ﺻﻔﺎﺀ ﺟﺎﻭﺏ ﻋﻨﻲ ﻛﺎﻝ ﻣﺮﻳﻀﺔ . ﺻﻌﺪﻧﺎ ﻟﻐﺮﻓﺘﻨﺎ ﻭﺭﺃﺳﺎ ﻏﻔﻴﻨﻪ ﺗﻌﺒﺎﻧﻴﻦ ﻛﻠﺶ .. ﻛﻌﺪﻧﺎ ﺍﻟﻤﻐﺮﺏ ﻫﻮ ﻧﺎﻳﻢ ﻭﺍﻧﻲ ﻛﻤﺖ ﻏﺴﻠﺖ ﻣﻼﺑﺴﻨﻪ ﻭﺗﻮﺿﻴﺖ ﻭﺭﺣﺖ ﻟﻠﻐﺮﻓﺔ ﺷﻔﺘﻪ ﺗﻮﻩ ﺧﻠﺺ ﺻﻼﺓ ﻓﺮﺷﺖ ﺳﺠﺎﺩﺗﻲ ﻭﺻﻠﻴﺖ . ﺍﺟﻪ ﻭﻛﻌﺪ ﺑﺼﻔﻲ ﻭﻣﺮﻛﺰ ﺑﻴﻪ ، ﻛﻤﻠﺖ ﺻﻼﺓ ﺍﻟﺘﻔﺘﺘﻠﻪ _ ﺷﺒﻴﻚ ﺻﻔﺎﺀ ﻣﺪﺗﺸﻮﻓﻨﻲ ﺩﺍﺍﺻﻠﻲ _ ﻭﺍﻧﻲ ﺷﺴﻮﻳﺖ ﻋﺠﺒﻨﻲ ﺍﻛﻌﺪ ﻳﻤﺞ ﻭﺍﻧﺘﻲ ﺗﺼﻠﻴﻦ ﻟﺞ ﺍﻧﺘﻲ ﺷﺪﻋﻮﺓ ﻫﻠﻜﺪ ﺣﻠﻮﺓ ﻭﺍﻧﻲ ﺷﻜﺪ ﺍﺛﻮﻝ ﻣﻦ ﺟﻨﺖ ﺭﺍﻓﻀﺞ . ﺍﺑﺘﺴﻤﺖ ﺑﻌﺼﺒﻴﺔ ؛ - ﺗﻮﻙ ﺗﺪﺭﻱ . ﻋﺼﺐ ﺷﻨﻮ ﺗﻮﺓ ﺍﺩﺭﻱ ﺷﻨﻮ ﻗﺼﺪﺝ ﺍﻧﺖ ﺣﻠﻮﺓ ﻟﻮ ﺍﻧﻲ ﺍﺛﻮﻝ . ﺍﺭﻳﺪ ﺍﺟﺎﻭﺑﻪ ﻭﺩﻙ ﻣﻮﺑﺎﻳﻠﻪ ، ﺭﺣﺖ ﻃﻠﻴﺖ ﺑﺎﻟﻤﻮﺑﺎﻳﻞ ﻣﻨﻮﻭ ﺷﻔﺘﻪ ﻭﻫﻢ ﺗﺒﺎﺭﻙ ﻣﻦ ﺻﺪﻭﻙ ﺍﻧﺰﻋﺠﺖ .. ﺟﺎﻭﺑﻬﺎ ﻭﺍﻧﻲ ﺷﻠﺖ ﺍﻟﺴﺠﺎﺩﺓ ﻛﻤﻞ ﺍﺗﺼﺎﻝ ﺍﺟﻪ ﺣﺎﻭﻃﻨﻲ ﻣﻦ ﺧﺼﺮﻱ ﻭﺣﻂ ﺭﺃﺳﻪ ﻉ ﻛﺘﻔﻲ ﺑﻌﺪﺗﻪ ﻋﻨﻲ _ ﺻﻔﺎﺀ ﺗﺮﻯ ﺗﺒﺎﺭﻙ ﻫﻮﺍﻱ ﺗﺘﺼﻞ ﺑﻴﻚ ﺑﺪﻳﺖ ﺍﺿﻮﺝ ﺍﻧﻲ ﺗﻘﺒﻞ ﺯﻣﻴﻠﻲ ﻳﺘﺼﻞ ﺑﻴﻪ ﺑﺴﺮﻋﻪ ﺣﻂ ﺍﻳﺪﻩ ﻉ ﺣﻠﻜﻲ : ﺣﺘﻰ ﺍﺑﺘﻠﻲ ﺑﻴﺞ ﻟﺞ ﺍﺑﻮﻳﻪ ﺍﻓﻬﻤﻲ ﻫﺎﻱ ﺗﺒﺎﺭﻙ ﺗﺨﺎﺑﺮﻧﻲ ﻋﻠﻤﻮﺩ ﺗﺴﺄﻟﻨﻲ ﻭﻫﺬﺍ ﻛﻞ ﻣﺎ ﻓﻲ ﺍﻻﻣﺮ ﻭﺍﻻ ﻫﻲ ﻣﺘﺠﻲ ﻻﻇﻔﺮﺝ . _ ﺩﻭﺧﺮ ﻟﺨﺎﻃﺮ ﺭﺑﻚ ﺍﺫﺍ ﺍﺗﺼﻠﺖ ﺑﻴﻚ ﺑﻌﺪ ﻭﺍﻟﻨﺒﻲ ﺍﺳﻮﻱ ﺑﻴﻬﺎ ﺳﻮﺍﻳﺔ ﺑﻌﻤﺮﻫﺎ ﻣﺼﺎﻳﺮﺓ ﺑﻴﻚ ﻳﺰﺯﺯﺯﻱ ﻋﺎﺩ ﻣﺘﻌﺮﻑ ﺭﺟﺎﻝ ﻣﺘﺰﻭﺝ ﺷﻮﻛﺖ ﻣﺎﻋﺠﺒﻬﺎ ﻭﺍﺗﺼﻠﺖ ﺷﻨﻮ ﻓﺎﺗﺤﻴﻦ ﻋﻴﺎﺩﺓ ﻫﻨﺎ ﻭﺣﻠﻮﺓ ﻫﺎﻱ ﻣﺎﻝ ﺗﺴﺄﻟﻚ ﻟﻴﺶ ﺷﻨﻮ ﻫﻲ ﺩﺭﺳﺖ ﻃﺐ ﺑﻴﻄﺮﻱ ﺣﺘﻰ ﺗﺠﻲ ﺗﺴﺄﻟﻚ ﺗﺮﻯ ﺍﺛﻨﻴﻨﻜﻢ ﻧﻔﺲ ﺍﻻﺧﺘﺼﺎﺹ . _ ﺗﺮﻳﺪﻳﻦ ﺍﻟﺼﺪﻙ ﻣﻦ ﺟﻨﺘﻲ ﻣﺴﺎﻓﺮﺓ ﻫﻴﻪ ﻣﻘﺼﺮﺕ ﺑﺎﻻﺗﺼﺎﻻﺕ ﻋﺒﺎﻟﻚ ﺗﻌﻠﻢ . ﻋﺼﺒﺖ ﻋﻠﻴﻪ : ﺻﻔﺎﺀ ﻛﻮﻡ ﺍﻃﻠﻊ ﺑﺮﺍ ﺻﺢ ﺍﺣﺒﻚ ﺑﺲ ﻣﻮ ﻣﻌﻨﺎﻫﺎ ﺗﺪﻭﺱ ﻋﻠﻴﻪ ﻛﺎﻓﻲ ﻫﻮﺍﻱ ﺗﺤﻤﻠﺖ ﻟﻬﻨﺎ ﻭﺑﺲ ﻳﻼ ﻛﻮﻡ ﺍﻃﻠﻊ ﺑﺮﺍ ﻏﺮﻓﺘﻲ ﻋﺼﺐ ﻇﻞ ﻳﻌﻴﻂ ﻫﻢ ﺭﺟﻌﻨﺎ ﻟﺨﺒﺎﻻﺗﺞ ﻟﻮ ﺿﺎﻟﻪ ﻳﻢ ﺍﻫﻠﺞ ﻣﻮ ﺍﺣﺴﻦ ﻫﺴﻪ ﺍﻧﻲ ﺷﻠﻲ ﺑﺸﻠﻌﺎﻥ ﺍﻟﻘﻠﺐ . ﺳﻜﺘﺖ ﺑﺲ ﺍﺗﻨﻔﺲ ﺑﻌﺼﺒﻴﺔ .. ﻛﺎﻟﻲ : ﻟﺘﺨﻠﻘﻴﻦ ﺷﻲ ﻣﻤﻮﺟﻮﺩ ﺍﻧﺘﻲ ﺷﺪﻋﻮﻩ ﻫﻠﻜﺪ ﻧﻜﺪﻳﻪ ﺗﺮﻯ ﻃﻠﻌﺖ ﺭﻭﺣﻲ ﻣﻨﺞ . ﺍﺣﺲ ﺍﻋﺼﺎﺑﻲ ﻣﺎﻛﺪﺭ ﺍﺗﺤﻜﻢ ﺑﻴﻬﺎ ﻫﺎﻱ ﺍﻭﻝ ﻳﻮﻡ ﺭﺟﻌﻨﻪ ﻫﻴﺞ ﻛﻤﺖ ﺍﺭﺟﻒ ﺍﺭﺟﻒ ﻭﻫﻮ ﻳﺰﻳﺪ ﻧﺎﺭ ﻓﻮﻙ ﻧﺎﺭﻱ ﻋﺒﺎﻟﻚ ﻳﺮﻳﺪ ﻳﻄﻠﻊ ﺣﺮﻗﺔ ﻗﻠﺒﻪ ﻻﻥ ﻣﺎﺭﺟﻌﺖ ﻭﻳﻪ ﻋﻤﻪ . ﺍﻟﺘﻔﺘﺖ ﻳﻤﻲ ﻓﺎﺯﻩ ﺷﻠﺘﻬﺎ ﻭﺷﻤﺮﺗﻬﺎ ﻋﻠﻴﻪ ﻭﺍﺟﺖ ﺑﺮﺃﺳﻪ .. ﺍﺑﺎﻭﻋﻠﻪ ﺍﻟﺪﻡ ﻣﻠﺊ ﻭﺟﻬﻪ ﻣﺘﺘﺖ ﺑﺪﻣﻲ ﻛﻤﺖ ﺍﻋﻴﻂ ﻭﺍﺩﻳﻪ ﻋﻠﻰ ﺣﻠﻜﻲ ، ﻭﻫﻮ ﺑﻌﺪﻩ ﻣﻤﺴﺘﻮﻋﺐ ﺍﻟﻤﻮﻗﻒ ﺭﺣﺖ ﺍﺭﻛﺾ ﻋﻠﻴﻪ ﻫﻮ ﺭﻓﻊ ﺍﻳﺪﻩ ﻟﻤﻘﺪﻣﺔ ﺭﺃﺳﻪ ﻭ ﻧﺰﻟﻬﺎ ﺷﺎﻓﻬﺎ ﻛﻠﻬﺎ ﺩﻡ !!!!! ﻳﺘﺒﻊ | ||||
|
| |
|
13-12-20, 07:49 PM
| #46 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| شريعة العشق بارت ٤٤ نورا ناصر .. لَم يكُن حبيبي شاعراً يُقيدني بين الأسطر كان هادئاً ، قليل الكلام ، كثير المشاعر، حادَ اللهجه عادةً يُخبرني بأن يريد قول الكثير لكِنه يصمت ، يتنهد ويقول : - أحبج" ⠀ ┈┉━❀❃❀━┅ اتسعت عيوني بذهول واني اشوف الدم ينزل من راسه ظليت اصفك بخدودي واعيط عزااا بعيني صفاء عزااا والنبي ممتقصدة والنبييييي .. عاط بوجهي بعصبية اششش اسكتي ولااااحرف هيه هاي سوايه تسوينها يا غبيه !!!! اخذ باكيت الكلينكس وظل يمسح راسه ويدردم طاح حظج اني صوجي ناطيج مجال اصبري اني اعلمج منا وجاي .. اني صارت صورته توصلي مغوشة وانعزلت عن بقية الاصوات صرت مااسمعها ووكعت من طوولي على الكاع .. لحظات ومااحس بس بالمي يقطر على وجهي وراشديات صفاء على خدي وعمه تصيح صلوات صلوات حامل بين الوعي واللاوعي اسمع صفاء يكول لامه: يمه متسكتين منين تحبل من الهوا جاوبته يااا شنو من الهوا ولك لعد انت شنو دورك هااا بس لا مو كدها احجي يلا احجي _اي اي يمه حامل منج ومن اختج باوعت شفت عمو واكف يمهم ويحجي وي صفاء : ولك فهمنا شكو بلا هذا الرطن مالتك انت وامك . صفاء بده صوته يضعف ويتعب ماكو شي يابه ماكو شي .. كمت ابجي باوعلي صفاء كال انت زينه مابيج شي هاا زهراء احجي مابيج شي ؟ لالا بس انته انته واباوع للدم .. عمه عاطت صفاء شجاكم غير افتهم ؟ ماكو شي يوم ليظل بالج .. يابه بلكي تخابر كرار خلي يجي يوديني للمستشفى مااعتقد اكدر اسوق اني . ظلت عمه تباوعلي بشك ، نزل عمو ونزلت وراه وصفاء راح غسل راسه واجه شاده ونزل جوة واني كمزت نزلت وراه شفتهم كاعدين ينتظرون كرار ، عمه ظلت تباوعلي بنفس نظرات الشك ؛ احجوا شكو شبيكم هاا ولك صفاء شبيك سابح بدمك . صفاء رد عليها بضعف ؛ ماكو شي يوم وكعت عليه الفازة ... _ ششون وكعت بالله ماتكولي ، اني سمعت زهراء تكولك والله مادري والله ممتقصده ولج ملعونه انت ضربتي . باوعت لصفاء واريد احجي خزرني بمعنى لاتحجين .. عمه انتبهت على نظراته وكامت على حيلها تعيط وتصيح عليه ولج انت شنووو ووين رشووو عنج والله ماتنلام بيج ابد هيج تضربج رجلج وين تربيتج وين اخلاقج .. كام صفاء على حيله كال يووم كاافي ماله داعي هالحجي وانت كوومي صعدي فوك حسابي وياج بعدين . وطلع تليفونه وخابر وعااط كراار انته وووينك مطي وييينك .. عمه بعدهه تدردم عليه واني بقيت واكفة ساكتة وبس ابجي ، قفل التليفون وباوعلي شحجيت شكلت كتلج رووحي صعدي فووك .. تمتمت وبنبرة بكاء ؛ اريد اروو وو ح وياك للمستشفى .. رمقني بنبرة غضب وكال ؛ لااااء صعدي كتلج .. درت وجهي منه كوة مسيطرة على نفسي وصعدت للغرفة كوة امشي وارجف .. عبير .. اني بغرفتي سمعت صوت بابا وهو يسب ويلعن بزهراء ويصيح ماعرفت اربي بس سهله تدلل نرجع واني اعلمها . تفاجئت شكووو وشصاير بس نعسانه مابيه اكوم والنوم ابدا من كل شي بالنسبة الي ، توني اغفى وجان تجي مريم السعلوة : اكعدي عبير اكعدي عندي خبر الج يجنن بس اول شي انطيني غمه _غمه شنو ولج وغميتها _لا يا حقيرة غمه يعني خمسه شكو تغمين ولججج _انتي كلتي انطيني غمه واني غميتج خلصيني شعندج _ولج عمه ام صفاء خابرت على ماما تشكي من زهراء ضاربه صفاء براسه مخليه دمه بطوله هاي بطولات اختنا والله عفيه عليها كفووو معاً لمناصرة حقوق المرأة _طيح الله حظج شنو اليضحك بالله هسه وانتي جايه تتمضحكين ليش عبالج حقوق المرأة بالعرامة كومي كومي والله خطيه انتي واختج فاهمات السالفه من ذيلها يلا اطلعي وطفي الضوء اريد انام واذا رجعتي للغرفه انوب اشمرج من البالكونه والله طلعت وهي تدردم واني اجيت انام تذكرت شغله صحتها اجتني لزمتها من اذنها حيل: باعي لج صرتي واعية الخطأ من الصح _ايييي بس اذني _اششششش خلي اكمل كلامي مرة ثانيه اذا اجيتي وجايبه سالفه عوجه وداعتها لامي ابتلي بيج عيب واكبر عيب انتي بنية وتنقلين حجي وتفتنين ادوس ع رأسج والله منا وجاي افتهمتي لليوم محد كال علينا ينقلن حجي جايه انتي من تالي ماخذه دور ساعي البريد _لج والله بس الج احجي مو سمعت بابا وماما يحجون واني هم عرفت كلت اجي اكولج قابل بقت عليج ليش تفهمين خطأ حصرتني الضحكه كوة كتمتها: اليوم تنقلين اليه باجر لغيري والله مريم اذا انوب جبتي خبر اطيح حظج يلا امشي ولي .... طلعت من الغرفة مبرطمه شفايفها .. وراها رجعنا للعراق ووصلنه لبغداد جانت الفرحة مسايعتني ابد التهم ذرات الهواء المحيطة بيه وما اشبع جان باستقبالنا قسور يمكن جان فرحان اكثر مني . وكفت السيارة يم بيتنا واني وكفت يم قسور ودا ينزل الجنط من السيارة .. واني اساعده وبابا جان يم امي ومريم .. كال ؛- والله دااحس حتى هوا بغداد اليوم تغير لان انمزج ويه انفاسج . ضحكت ؛- قسور توه وصلنا والله ملحكت اتنفس .. باوعلي مبتسم وعيونه تشع سعادة وحب ؛ اي اي ضحكي ضحكي اصلا صوت ضحكتج عافية لو يدرون بضحكتج شون تداوي جروحي وتهون عليه تعبي جان باعوهه دوة بالصيدليات . استمريت اضحك : لالا هيج هوايه عليه والله قسور . كال ؛ اششش ماكو كلام يوصف حبي ومشاعري والله عبير .. اجت مريم قاطعته همست بأذني ولج زهراء حتجي هسه وماتدري بابا محضرلها رزالة معدلة ارووح ابشرها تريد تروح جريتها من ملابسها ورجعتها يمي وخزرتها خزرة بكل قوتي وهمست من بين اسناني المطبقة .. تعااي عوفيها خلي يربيها من تالي لاتظل هيج عرمة . قسور ظل صافن علينا ونظراته تتساءل شكو ..ومتعجب من تصرفي القاسي ويه مريم . ابتسمت بوجهه كال والله متلوكلج القساوة على كيفج وياهه مو راح تشلعين ايدها . جاوبته ؛ لا قسور مو انته هم متدري شكو حقك . وبقيت محافظة على ابتسامتي بعصبية ولازمه ايد مريم عن لا تفلت . دخلنه جوه ارتاحينه شويه واني بس اكمز وماما تعيط عليه ولج لاتتعورين ... شويه ودخلت علينا زهراء فرحانه وبيدهه كيكة . ضحكت عليها ماتدري شمنتظرها ، خلت الكيكة ع الكاونتر بوست ماما وحظنتها ، واجت علينا بوسناهه سألت عن بابا ومريم طكتها ضحكة امي خزرتها اشرتلها ع الصالة راحت باتجاه بابا تبعناهه احنا . بابا بس اجت عينه عليها تريد تحضنه اشرلها تكعد باوعتله وبنبرة تنذر ببكاء قريب سألته ؛ خير بابا شكووو .. انفجر بابا بوجهه ولج هيج احنه ربيناج زهراء مزوجيج رجال يسوة الدنيا تفشخين راسه هيه هاي سوايه ؟؟ عمتج تخابرنه لهناك تحجي تكول شوفوا بنتكم شسوت . جاوبته وبدت تبجي ؛ بابا والله مجنت متقصدة والله حتى صفاء عذرني والله . نتر بيها بابا اشش سكتي ولا حرف ماريد تبرير لفعلتج هايه تعلمي شلون تتحكمين باعصابج مو جاهلة انتي ولاربيناج عرمة ، ولج بابا اساس الشخصية القوية هي ضبط النفس والتحكم بيها اثناء الغضب... مو عبالج الي سويتي شخصية قوية وجرأة لاء هاي وقاحة وقلة ادب وطيحان حظ عبالج شكو بيدج تشمرينه عليه عود انتصرتي عليه اذيتي فيضتي دمه لا عيب لج ابويه هذا زوجج اني مالي علاقه بعلاقتج بي هسه ولا مشاكلكم بينكم حلوها بس لا تسيئين لاخلاقج ولا لتربيتي وتعبي بيج بهاي التصرفات . هزت راسها ودموعها توكع ع الكاع من شدة غزارتها . عافنه بابا وفات للغرفة وهي كعدت ع التخم كملت بجي ، كعدت يمها ماما وهم استلمتها محاضرة شطولها تحسسها بخطأها وذنبها . *** كرار: رحنا اني ومها وابويه لبيت خالة مها مسوية عملية لعيونها قبل فترة ، ورحنا نتحمد الها بالسلامة اول مادخلنا استقبلتنا احسن استقبال... كعدنا وكعد يمي مها قربت منها وهمستلها: مو اكولج هاي تريد تتزوج متصدكين كل مرة نجي وحدنا تكلب الخلقه هسه ويانه ابويه شوفي استقبالها كوليلها ترى متزوج ميدور سوالف مكسرة ضحكت ؛- كرار عيب اسكت حباب لتروح تسمعك .. _شعليه اني غير خالتج ذبت زروك ترى اخابر امي او اكولج خلي انتبه ع الوالد هذا عسكري ينخاف منه شكو سالفه عوجه تلكيها عنده _عزززززا بعيني حتى عمو ماسلم من لسانك شنو انت _اخبل شنو اني ... ظل ابويه يباوعلنه غمزتله خزرني وظل يحك بلحيته كال شعندك حمار دتصنف عليه موو ؟ يابه مرتي بطولي ، باوعتلها لا اقصر مني بهواي لج شوكت تجيبيلي خلفة اتباهه بيها كدام اهلي حتى ابويه لايغلط عليه بعد . كال لو عشرة يصير عندك تبقى مطي وحمار .. كلت افاااا اجت خالتها جابت الضيافه واكلتنا اكل بالكلام الحلو المعسول .. باوعتلها : خاله هالايام خففي حجي عني العصفورة تكول بالطالعه والنازله تحجي عليه شمسويلج تصنعت الصدمة وكالت ؛ يايمه ع بختك منو كال هيج مدت ايدها وكرصت مها _اذا تريدين تتزوجين كولي _ليش جايبلي عريس _اي وداعتج وشلون عريس الحدقجي مالتنا خوش زلمه _لايمه النفس طابت بعد المرحوم ... همست هاا متأكدة فتحت عيونها كالت شنوو ومها طختني وابتسمت اي خالة شوونج عيونج شونها هسه خو ماتأذيج ؟ حجت بضيكة خلك ؛ لا عيوني زينات رفعت العدسة قبل اسبوع وهسه الحمدلله اشوف زين .. ورجعت دارت وجهه على ابويه وظلت تسولف وياه .. همست لمها لو جايب امي ويايه والله قصرت والله دشوفيها راح تاكل ابويه اكل بعيونها . رجعت دغتني مها كرار حتسمعك والله وتطلعنه بالنعل من البيت ... _ يله لعد نروح ، وكمت على حيلي كملت ؛ لاناكل نعل .. خالة مها ؛ ها وين بعد وكت . _ لا والله خالة عندي طلعة .. _ طلعاتك اله بيوم الي تريد تجيني بي ؟ _ اي والله خالة عود نمرلج غير مرة . _ هلا بيكم بأي ووقت .. سلمنا ورجعنا للبيت بدلت متواعد ويا جماعتي اني طول ماابدل مها عينها منزلت مني التفتتلها: شبيج مهاوي اول مرة تشوفيني ؟ _شو هالمرة مهتم بنفسك زيادة عن اللزوم _ليش شنو مبهذل اني اشو دائما هيج _لا بس طالع حلو هالمرة هسه البنات يباوعولك _اي عادي خلي يباوعون المهم اني مااشوف غيرج بس ترى للامانه اني قبلج جنت اكبر ابو بنات فد حنين وماارد بنية _ياااا عزززززا بعيني صدوك تحجي _اي وداعتج هن كريمات ويجن يعترفن واني حنين عليهن ومايرد الكريم الا البخيل معوزات حنان واني مثلهن شكو بيها يلا حبي راح اطلع محتاجه شي _تعال وين طالع _بالليل اتعاركي مهاوي هسه وربج مستعجل واذا نسيتي اني اذكرج واخليج تتعاركين ويايه باي حب. عبير .. زارتني مها للبيت وكعدنا اول ماكعدنا ظلت تشكي من كرار .. جاوبتها بعصبية :- ترى هسه اسبج واسب اهلي الخلفوني ولجج ابتلييييييت بيجن انتي منا وزهراء منا خو اتزوج وافضها واكعد احل مشاكلي احسن _اي اتزوجي شكو بيها مو قسور يريدج _متسكتين انتي وهذا زوجج ترى هو حلو واذا باوعوله البنات احد كالج اتزوجي حلو اخذي واحد ازرك حتى تضمنين محد يباوعله.... _ هسه كوليلي لج شسوووي النار شاعلة بيه .. _ لج شدعواج متكوليلي ترة كرار ميباوع لغيرج اني اعرفه كولش زين ارتاحي هسه . حجت بضجر: يمعودة أبن عمج خبلني مااعرف شيريد من يعصب واسكت يتخبل واذا ارده يعصب بالزايد مدااعرف شيريد ضحكت بصوت عالي باوعتلي : وسم شكو تضحكين حجيت نكته طاحظج اكوم اروح اشرفلي عود عندي صديقه واجيت احجيلها استمريت اضحك اشو سوتها صدوك وكامت تريد تروح لزمتها من ايدها: اكعدي عليج الله هسه احجيلج عن كرار باوعتلي صفح: يلا احجي فضيني _باعي ولج هذا كرار مثلي بالضبط من يعصب لا تجاوبي بطريقة تخلي يعصب بالزايد ولا تسكتين واهم شي اذا جاوبتي لتستفزي اذا استفزيتي ترى يجن جنونه _هاي شلون حيرة يربي هسه اني احير بعصبيته لو احير شلون اجاوبه جواب ميستفزه اكولج عبير شو انتي وكرار هواي تتشابهون بالاطباع وبالخلقه وبكولشي حتى بالاكل التحبوا والتكرهوا _غير أبن عمي _اي هم صح يلا أني اروح لايجي وميلكاني ويتخبل مدري شبي هالايام _ليش طالعه بدون علمه _لا يااا شلون يصير حتى يسويني نصين بس كالي لتتأخرين كون من ارجع الكيج بالبيت _ ها .. او وجعاه ارووح اني .. تبعتها للباب ودعتها وراحت .. كرار... رجعت بالليل فتت للغرفة شفت مها كاعدة ومبينه ضايجة بدت سوالف الزواج الطايح حظها حاولت اخذ وانطي وياها بالكلام بلكي تفك لان بس تنفخ كتلها بابتسامة : هاحب ؟ مجاوبت رحت كعدت يمها بستها من خدها برقة عاطت : دوخررر _لج بس دااذكرج ترى جانت عندج نية تتعاركين _شوف اذا مابطلت حركاتك البس صايتي واهج ومتعرف وين مكاني _لا عليج الله بس ترى هذا مصطلح امي مال البس عبايتي واهج ليش تخمطين منها مو عيب دتعالي خلي اخمط شفايفج ببوسه ترى مفرفح عليج _كرار ليش هيج دتسوي بيه _اي شمسوي لخاطر الله ابتليت طلعت ويا المكاميع جماعتي بعدين شبيج مسويتها دراما انعل ابوه هالعيشة باوعتلها صافنه عليه: ترى اني حلو والبنات صايرات عليه مثل الكشمش بس وداعتج وعيونج عندي بنظرة مااباوعلهم لتسوين مشاكل مفتعله بدون سبب الله يخليج ترى تعباااااان _كذاب _ولج صح اني كذاب بس مو دائما ظلت تضحك .. _اووويلي باع الضحكه تركص ع اوتار گلبي همزين متعشي عشاء دسم هسه اسويج كرزات بنت الحلال جايج... اجت تحجي ماانطيتها مجال اخذتها لحضني.... *** زهراء: طلعت من بيت اهلي دمعتي بعيني وارجف ، ضجت من تصرف عمه شون راحت كالتلهم واني عود رايحة وفرحانة بيهم لان جايين الكي رزالة كدامي جانوا ضاميها اليه .. فتت للبيت سمعت صوت رشا الظاهر توها جايه من بيت خالته ، حجيت بقلبي لا هلا ولا مرحبا بالسم والطيحان حظ ، ما فتت جوة بقيت بالحديقة اخلي اهدأ يله افوت خاف تحجيلها حجايه واني مالي خلكها ومنا صفاء صارله كم يوم ينام جوة وتاركني وعمه تسمعني كوومه حجي يسم البدن بعد الي صار احس بثقل جاثم على صدري مثل صخرة على كتف نملة .. طلعت عمه باوعتلها كالت ها شعندج هنا كاعدة ؟ مو جنتي ابيت اهلج شنو طردوج وضحكت بسخرية طلعت من وراها رشا حاجت امها ليش طردوها شنو شمسوية ؟ عمه ؛ هيه تعرف بنفسها شمسوية .. رأسا دخلت للبيت وصعدت لغرفتي ، للعصر اجه صفاء صعد للغرفة تفاجئت بي بس جان كلش معصب خفت منه فتت للحمام .. حسيت صار هدوء طلعت من الحمام شفته مبدل ونايم نزلت جوة رشا وعمه ماكو الظاهر طالعين بس عمو واثير ابن رشا الكبير . بقيت يمهم للمغرب صليت جوة ورحت سويت العشه اجوا رشا وعمه محملين اغراض وكعدوا بالصالة يسفطون بيهن ويقيسون ملابس للاطفال ويسولفون واني بالمطبخ يجيني صوتهم . كملت العشه ودزيت لينا تصيح صفاء ينزل يتعشه اني ماصعدت اله واحس خايفة منه . نزل عاكد الحواجب بس شايل لينا وهيه لافه ايدها على رقبته وتضحك وياه هو يحجي وياهه ومحنزر . تعشينا وصعدت فوك بسرعه اول وحدة كامت من السفرة اني مااتحمل اكعد ويه رشا بنفس المكان . صعدت فرشت اسناني وغسلت وكعدت اقرا .. دخل صفاء للغرفة ظليت اباوعله محتارة مشتاقتله ومتندمة على الي سويته لو يرجع الزمن ليورة فلا اتجرأ ولا اسويها صارله كومه معاقبني وتاركني . اجه يمي حسيته تنهد وتكلم بجدية ؛- زهراء كافي لهنا وبس واحنا لازم نتمم زواجنه واللليلة .. كمزت وعطت شنوووو ؟؟ كام على حيله واجه باتجاهي ، لزمني من عكسي وعاط بوجهي ؛- اششش للج هم اخذيلج شي وركعي بعد حتى اكسر ايدج هالمرة . وخرته عني بدلع وكتله بلعثمة ؛ مممستعدة هسه ودا اقرا اجلها عود .. رجع لزمني من عكسي ولافني عليه وكال بنبرة حزم _ ماكو اجلها هسه يعني هسه .. _ لالا والله عندي عذر ميصير هسه خلي اخلص وبعدين انوب .. رفع حواجبه بنفي ومن عيونه تنبثق نظرات شرسة _مااقتنع شوفيني شي يثبت انتي عندج عذر بصدمه ؛ شلون يعني ششوفك؟ انصدمت بي اتقرب واشر على خانة ملابسي الداخلية رجعت التفتت عليه رفعلي حاجبه ورقق نبرته بالكلام صارت رجاء وتوسل وحديه وبنظرات تتملكها رغبة؛- زهورتي ترى اعرف كولشي مابيج واذا جنتي تكولين مااحبج ثقي بالله ميت بيج لج يا بنت عمي افهمي عليه احبببببببج صار كم يوم انام جوه خايف اصعدلج واذيج على الي سويتي من سوايه كشرة . _بس بس لتصيح فهمت والله فهمت اجه تقرب عليه اجيت اشرد للحمام لحكني ومد رجله حتى لا اسد الباب _تعالي شنو ليفه انتي كل مااسويلج شي تختلين بالحمام هههه تعالي ابويه .. جرني عليه اجيت بحضنه كام يبوس ورا إذني واحنه واكفين اديه على صدره واني اتحرك بخفة ولمساته تذوبني .. وهمساته وهو يتغزل تزيد حبي وتخليني ارجف اكثر ونبضاتي تنطلق بلا توقف امام سرعة وتيرة انفاسه الدافية الي تلفح بشرتي . رفعني من الارض واخذني للجربايه وهو مندمج يهمس بنبرة مخدرة بكلمات غزل تخترق اسماعي وتغزوا قلبي ... خلاني ع الفراش همستله: فدووة صفاء اخاف والله حباب وخر وعضيت شفتي .. باسني :لتخافين ياروح صفاء هو اني وين اكدر ااذيج بس هي وراج وراج اخلصي منها سكتت مستسلمه بس جنت ارجف اتذكرت كلام ماما من وصتني هو انتبه عليه حط كصته ع كصتي وحجه بمكر: انتي ليش خايفه ترى هو اني خايف عليج اكثر منج لان راح اشرحج اليوم ههههه عطت ؛- عززززززا وخرررر انهزمت جواه بسرعه رجع سحبني ورجعني ع السرير ؛- دتعالي!!!! واخذني لحضنه جان كولش هادئ بس لمسته قاسية ومن يشوفني اعصر عيوني يرقق لمسته بس ادركت ان هو قاسي حتى بالفراش يعني مو القسوة النعرفها بس هو يحب يمتلك كل شي بطريقته حسيت بألم قوي توني اعيط جان يكتم ع انفاسي واخذ شفايفي حبسهن حتى مااعيط من ابتعد كمت ابجي جرني لحضنه _مبروك عمري .. نطق بنبرة مخدرة ... وظل يمسح بدموعي عصر راسي بصدره وشم راسي وظل يهمس ؛- زهورتي كافي بجي الله يخليج هو المفروض يصير هيج من أول يوم بس اني ما ردت اتقربلج وانتي تعرفين الاسباب بس هسه اني متيم بيج رفع راسي وركز بعيوني وابتسم : لج انتي من تبجين تصيرين احلى عيونج تلمع بطريقة غريبة احبها . جر الغطى من جواه وانطانيا : كومي نسبح _نسبح!!!! وين وين شو انت داخل هجمه مرتدة لا عفيه مو كلها مرة وحده الله يخليك ضحك بصوت عالي: ولج يا هجمه هسه مو هجمت عليج وصارلج ساعه تبجين هسه اجه وقت الاسترخاء وغمزلي بعدني صافنه عليه مااحس الا شالني من الفراش شهكت وهو الخبيث يضحك عرف ليش شهكت قرب حلكه ع اذني: يلا حبيبي بس اول ايام تتأذين بعدها تصير سوالف دخلني للحمام: حباب اطلع الله يخليك ماسمعلي ابد وسبحني بيده وطلعني وهو بقى يسبح بين ما كملت تمشيط طلع اجه حضني من ورا وحط راسه على كتفي وهمسلي ؛- اليوم اني اسعد انسان بالدنيا احس سعادتي اكتملت اليوم .... باوعتله وكلامه يسعدني ممصدكة بيوم راح يحبني وينسى الماضي متفاجئة ، اخذني للجرباية ومدد سحبني على صدره .. احس تعبانه ونعسانه وبس اريد أنام اجفاني احسها ثكلت وحدها ، وهو ميقبل كل شويه وضغط ع ايدي قوي حتى ماانام ومن نمت شويه حسيته عصر ايدي _اكعدي زهراء لتنامين اريد احجيلج كلشي اليوم _حباب صفاء نعساااانه بس شويه انام وعود كعدني الله يخليك ديريد يحجي رفعت اصابعي خليتهم ع شفته اللتهم اصابعي وعضاهم ، فزيت باوعتله ضحك عدلت نفسي وكلت وتثائبت: يلا احجي .. _ تعالي اصحيج اول ، واخذ وجهي بديه وظل يبوس بخدودي ويعضني بخفة ولحيته تبززني . دفعته ؛- عليك الله كافي .. ضحك وظل مركز نظره عليه ويحجي ؛- تدرين زهراء انتي من جيتي للدنيا اني جان عمري ٨ سنوات من اجت بيبتي كالت زوجة تحسين جابت بنية دبدوبه تجنن غبت من الدوام حتى اروح اشوفج ومن رحنا لبيتكم شفتج جنتي نايمه وخامله كلها كالت هاي متعيش تعبانه اجيت شلتج وبوكتها ماقبلوا لان اني طفل ويخافون خاف ااذيج اجه ابويه تقربلي: ها ولك عجبتك جاوبته اي بابا تخبل اريدها اليه هاي لعابه بوقتها الكل ضحك عليه وبيبي كالت عود من تكبر واذا اكو نصيب تصير الك وكبرتي صار عمرج ٣ سنوات واني اتخبل اذا واحد تقربلج او اذاج اضربه واذيه خو اذا بجيتي گلبي يفز _لعد ليش بعدين محبيتي وحبيت غيري وجنت وتأذيني بكلامك _مو اني كبرت واسراء هم كدام عيني وهي جانت اكبر منج وانضج لذلك گلبي مال الها وحبيتها بس انتي طفلة گلبي صح جنت ااذيج بس ثقي بمحمد كل نظرة منج وانتي مدمعه احترك حرك اجي هنا اخلص باكتين جكاير وماانام الليل واظل اسب بنفسي شلون بجيتج ضحكت : بس بالنهاية جبتك للطريق _الا جبتيني واجيتج واني الممنون انتي حبج انفرض عليه من اصفن اكول شلون ماحبيتها شنو البيها مينحب كتلة مال انوثه ورقه وحنان انتي كاملة مكمله زهراء اني النقص بيه جنت ارفضج _حشاك عمري باوعلي بهيام وغمزلي : مابيج بعد ؟ _لالالا مااتفقنا هيج كافي وخلصت اللعبة عزلنا انتهت بالفوز الك كملت كلامي وغطيت راسي واني اضحك سحبني ونيمني بحضنه الصبح كعدت ع بوسات تتوزع على وجهي حاولت ادفعه بس مكدرت حجيت بنعس : عفيييه صفاء _اشتعل صفاء هي بس نبرة صوتج تجيب التايه شيفكج منييي بعد ... حاولت ابعده مكدرت رفع اديه فوك رأسي واخذني بس هالمرة اتأذيت كولش كمل وابتعد وكام سبح ونزل جوا كمت سبحت ونزلت وراه شفته يريد يطلع كال راح اجيب صمون واجي وانطاني بوسة بالهوا ابتسمت اله وهو راح .. طبيت للمطبخ تلكتني رشا الغضب عبالك ماعدها بيت داكة اقامه هنا ظلت تباوعلي وركزت ع مشيتي رحت للمطبخ سويتلي كلاص عصير لحكتني _اشو تمشين بالكوة خير شبيج؟ _شعليج انتي شكد حشرية رحمة لنبيج خليج بحالج ترى لعبتي نفسي انتي _هه الظاهر اخويه قرر يسترجل و** _عزززززا بعينج شكد قبيحه انتي وخري من وجهي دفعتني : لا عبالج ساكته عنج اصبري اليوم اكولهم جنتكم متقبل صفاء يتقربلها الله يعلم ويامن مصخمه _يابه دولي متحجين خايفه منج اني مااحس الا صوت طبة قوية وصرخة الظاهر عمو سمع كولشي وعاط بصوت ضعيف ومبحوح : ولججججج رشاااااا طلعت للممر لكيته واكع وميتحرك .. يتبع .... | ||||
|
| |
|
13-12-20, 07:56 PM
| #47 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| شريعة العشق بارت ٤٥ نورا ناصر شفت عمو متمدد بالممر وميتحرك ، ظليت الطم على وجهي ، التفتت شفت رشا واكفة مصدمومة ، عطت بوجهه ؛- ارتاحيتي هسه راح تموتين واحد من وره سوالفج . دنكت لمستواه اريده يكعد ميكعد ، جتي رشا تكعد بي وتعيط على صوتها جتي عمه ، شافته امدد ، ظلت تمشي وتصرخ كوه وصلت يمه انهارت كلش ، كعدت يم راسه وخلته بحضنها وتباوعلنا ؛ تعاركتن وجلطتنه هاا اعترفن ولجن .. عفت رشا تتلاغه وياهه واني صعدت اركض لغرفتي اخابر ع صفاء يجي بسرعة عمو راح يروح بيها ... اتصلت عليه ميجاوب ، نزلت شفتهن يمه يحاولن وياه بس هو ماكو ولا حركة ، طلعت لبيت اهلي دكيت الباب طلعلي بابا ؛- زهراء خير شكوو وجهج اصفر شمسويه من مصيبة بعد .. _ بابا الحك عمو وكع وميتحرك .. بدون ميحجي ركض وطب للبيت ، شافه وراح طلع السيارة مالته ورجع ويانه كوة شلناه اني وبابا وعمه ورشا وصعدناه بالسيارة مالة بابا وراحت وياه عمه اخذوا للمستشفى... بقيت وحدي بالحديقة وكلي ارجف واعصر باصابعي وادعيله يكون مابي شي ، وراها بشويه دخل صفاء ... اجه باتجاهي كال شكووو ؟ _ عمو تخربط ووداه بابا للمستشفى انته وين جنت وليش ماترد على التليفون .. انصدم ؛ شبي ابويه شصار ؟ حجه هيج وهو يطلع تليفونه من جيبه وكال صامت وراح بسرعة صعد فوك للغرفة واني تبعته ، بدل ملابسه واخذ الباج ولحكهم ... انتبهت رشا ماكو اختفت الحقيرة شردت لغرفتها... بقيت بس افكر بعمو خطية وضميري يأنبني خاف بسببي هيج تخربط ، خابرت صفاء كال ضغطه والسكر لليل جابوا عمو ، التمينه كلنا عليه وولده كلهم موجودين ، يطمئنون على صحته .. اجتي رشا ومبينه متندمة وكفت مقابيله تريد تحجي وياه كال: وخروها عن وجهي لا اكوم اجرم بيها لو مخلف ولد سرسري ولا مخلف هيج بنية اخلاقها متنباع بفلس... عمه كامت على حيلها واخذتها باتجاه غرفتها والولد ظلوا يتسائلون شكو وشصاير ؟ عمو كاللهم روحوا لبيوتكم اني اريد ارتاح تعبان .. هم اخذوا كلامه تحمدوا اله على السلامة و راحوا .. نريد نطلع عمو كال صفاء صيح الملعونة رشا .. _ يابه انتَ تعبان عوفها تولي طبها طوب توك تعرفها مريضة نفسية وماتحب الخير لأحد .. بإصرار ؛- صيحها كتلك يله .. هز راسه صفاء باستسلام وهمس ؛- صار يابه .. اجت رشا وجهه على الكاع وتمشي على كيف .. كاللها عمو اسمعي ولج هسه تروحين لبيتج وبعد مالج فوته ع بيت ابوج وانسي عندج اهل وشوفيلج احد يبات وياج حتى لو تاخذين امج وياج بس فكينه منج باوعتلي وخزرتني تريد تحجي خزرها وعاط بيها بتعب وايده على قلبه ؛- ولي مناااااا يله صفاء ودووها لبيتهاااااااا.. تنفس صفاء بعصبية وراح باتجاه رشا ، اخذها من عكسها ودفعها باتجاه غرفتها وهو يأمرها بنبرة أمر _ يلله ولي لمي اغراضج وامشي اوديج لبيتج ... راحت جوه وتباوعلي وتخزر اجتي عمه كعدت يم عمو وتتوسل بي صدك جذب منك توك تعرفها انت زين هسه شون تروح هيه ماتكولي تبقى وحدها ابيتها والوضع خطر ورجلها مامنه خبر يطبون عليها يذبحونها ويذبحون اطفالها الله يرضاهه رسوله ؟ اشرلها عموو اششش سكتي انتِ عاجبتج سوالفها روحي وياها يله كومي من وجهي وين صفاء يوديني لغرفتي انام ومن اطلع ماريد اشوفها كدامي .. عمه خزرتني واني درت وجهي وصعدت فوك .... *** مريم:... طلعنا اني وماما لعرس إبن عمتي يمنه بالمنطقة عبير راحت قبل الحنه بيوم بقت يمهم ، واني بقيت ويا أمي ، وصلنه لبيت عمتي دخلنا للبيت جان هوسه كلش كعدنا بالصالة والناس طابة طالعة وبعدها الحفلة مابدت ، صار بوجهي محمد ظل بس يخزر بيه.... ندست ماما انتبهت باوعتله سألته ؛ خير ماما شبيك مضيع شي .. جاوبها بحدية ؛- لا خاله سلامتج بس هاي شلون مطلعتها هيج ؟ ماما عصبت ؛ وانت شعليك بنتي واني حرة بيها وابوها راضي انت منو حتى تدخل اخوها لو ابن عمها ومن هسه اكولك كطنه وخليها بأذنك لو تنطبق السما ع الارض مريومه ماانطيها الك يلا وخر من كدامي يله . راح ويتلفت ويخوزر بيه ، لمن ما اختفى من كدامي كمت ادور على عبير اريد اشوفها وين فتت ع الممر الي يودي للدرج محد موجود بي دااريد اصعد مااحس الا محمد جرني ولزكني ع الحايط وكال ادبسززز عطت ؛ مامااااا باوعت قسور ع الدرج نزل بسرعه و دفعه عني لزكه بالكاع ودنك صار بمستواه يريد يضربه صارت عمه ام قسور بيناتهم وفاككتهم بس قسور بقى معصب وبس يريد ينتقم منه .. *** عبير: جنت كاعدة ويا البنات فوك سمعت صوت هوسه جوة نسيت نفسي بالبدلة ربع ردن وقصيرة ورحت نزلت شفت قسور لازم محمد و يصيح لك خزيتنا الله ينتقم منك .. وعمه تفاكك بيهم .. ويمهم اولاد عمتي باوعلي قسور خزرني ، حسيت على نفسي ركضت صعدت فوك وايدي على قلبي واكول الله يستر شكو شصاير وكتها هسه يتعاركون الحمدلله والشكر .. لشويه صعدت مريم كوه تحجي وتتنفس بسرعة باوعتلها مصدومة ولج شكوو شبيج ؟ تحجي وترجف ؛- امشي عبير ماما دزتني عليج تكول نرجع للبيت متشوفين هالهوسة الجوة بسبب محمد .. _ولويش نرجع شعلينه هو هذا محمد واحد سافل حيل بي _لج دمشي يمعوده ترى هم اتعاركوا بسببي .. وحجيت السالفه لعبير _ طبه مرض عاشت ايده لقسور شكو ديسحبج شنو خطيبته لو زوجته شهالاستهتار هذا حييييل بي هالنذل ومع ذلك ماارجع للبيت واترك الحنة دروحي بنتي مخبله انتي اترك الحفلة هو اني جايه اريد اركص وداعتج عظامي يحتاجلها هزة _ انت ماتشبعين ؟ مو من البارحة لليوم انت هنا بعد شكوو ؟ بعدنا نحجي ومريم تتوسل بيه اروح صعد قسور واجه يمي : عبير امشي ارجعي ويا اهلج يلا بسرعه واذا حضرتج معوزة ركص عود شغلي اغاني واركصي يلا بسرعه امشي حتى اوصلكم اباوعله خجلانه و حجيت بقلبي : خررررب شكد عيب سمعني من كلت اريد اركص .. رحت لبست شال طلعت ماشفتهم نازلين ، نزلت جوة ، سجى بنت عمتي مشغلو اغاني التفتت ورايه ماكو أحد كابلتها وركصت جان يكمزني صوت قسور وهو يعيط _لج غضضضضضب وينج ادري بيج د تركصين يلا بسرعه اطلعي لتخلين غضبي يطلع عليجج طلعت اركض شفته واكف بالحديقة ويمه مريم شافني دار وجهه ومشى باتجاه باب الشارع ، تبعناه يمشي كدامي ويسب بأخوه خفت احاجي واني روحي واصله لخشمي التفتت ع مريم _اكولج انتي شكد غبية بدال ماتعيطين جان كفختي هسه هيج احسن انحرمنا من العرس بسبب غبائج ثول الثولج كون شكد اعلم بيج بس ميفيد . التفتلي قسور كاتم ضحكته ، هم سمعني تنهدت بعصبية هذا شدعوة هيج مركز ويايه ، عضيت شفتي وتمتمت عابت . سألت عن ماما مريم كالت بسيارة قسور تنتظرنا ... اسمع صوت عمه ورانه تصيح التفتت تخزر بينا وتعيط على قسور وين مولي سكطت اخوك شبعته كتل علمود هذني شجاك تخبلت وهسه رايح تفرفر بيهن ؟ تقرب منها قسور ؛ يووم صوتج وابنج سكط وممتربي شكو يتحارش بالبنية مو بنت اخوج هاذي ؟ باوعت لمريم وكالت ؛ هيه صلفة ومتنجرع .. عبير ؛ عمه شنو هالحجي هذا متشوفي لابنج لازك لاختي لزكة خلي يفك ترة عيب عليه واختي مو صلفة . ظلت تأشر عليه وتحجي وي قسور ؛ هيه هاي الي كتلت اخوك علمودها ام لسان شوفها شون تحاجيني اسمع ولك قسور اذا هاي تفرق بينك وبين اخوك من هسه لا نعقد الكم ولا تنخطبون كطنه وشيلها من اذنك فااهم ؟ طبك اسنانه وحجه ؛ يوووم راح اوصل البنات واجي وبعدين نحجي .. اشرلنه مشينه اني ومريم وهي تعيط وراه وممهتمه للناس الي يسمعوهه اذا رحت اتبره منك والله ....... *** كرار: كاعد بغرفتي دا انتظر مها تجي من الدكتورة دخلت للغرفة وجهه شاحب وعيونها مغوركة سألتها شبي وجهج مكلوب جينكو ؟ سألتها!!!! وياريتني ما سألت انفتحت تبجي وتعيط _انت راح تعوفني وانت منا وجاي حتتركني _يمعوده شكو شبيج لج خوفتيني عليج كافي بجي ماكو متحجي وبس تشهك ، عطت بيها بصوت فززها يلا حجت ؛- الدكتورة تكولي عندج التهابات وعندي ضعف بالمبايض _اي وشنو يعني الالتهابات تتعالج والمبايض تاخذيلهم منشطات ع هاي ثبرتيني وجايه تنوحين واطمئني حتى اذا ماصار اطفال وجودج يكفيني انتي طفلتي المدلله شسوي بالاطفال اذا اجوا يبعدوج عني انت دگة گلب كرار . مسحت دموعها عبالك ممقتنعة وتباوعلي .. كامت على حيلها تركتني ونزلت جوا ، تركتها مانزلت وراها ، احسن خلي تهدأ ، اصلا أني بالفعل موضوع الاطفال مو ببالي وهي ذابحه نفسها .. طولت جوا ضجت وحدي نزلت لحكتها لكيتها كاعدة يم أمي وابويه وتبجي وهم يهدأون بيها . كمبصت كدامها : لج عيني ادري مالكيتي مكان غير تكعدين بالنص ادري صينية جاي انتي كامت تبجي بالزايد باوعتلها: اكولج اذا فكرت أتزوج مو لان متخلفين بس لان تلطمين هواي واني رجال احب الضحك وانتي محرم وصفر مجتمعات عندج . مدنكه ولا يمي بعدها تبجي وتشهك .. اتقربت شاورتها : ادري اجيب كلنكس لدموعج لو للاستخدامات الاخرى عبالي تفك ماكو قافله ، ابويه حجه وياها حتى يضحكها : باباتي شنو بالطفل احنه عدنا كرار اكبر قرد يكمز واحنه نفتر وراه _الله يخليك حجي خوش تخليلي احترام كدام زوجتي مااهتم وكمل كلامه: يا بنتي اذا تريدين طفل اول شي ربينله كرار لان ربالي عله باوعتله : اكولك حجي هو القرد ابو شنو هسه قابل اني طفرة وراثيه _لا ياادبسز يا ناقص قصدك اني قرد يادايح ابو الشوارع التفتت لمها تضحك كلتلها : ها هسه ارتاحيتي من شبعت غلط بسببج!!!!! صفاء: مرت ايام واشهر واني وزهراء حياتنا ماشيه تعودنا على بعض وتعلقنا ببعض ، وبيوم راجع من الدوام بالطريق وكفت بالتقاطع وازدحامات ، وصلني مسج من رقم غريب .. اخذت الموبايل فتحت المسج مكتوب بي (انت بالدوام والمي يمشي من جوا رجليك زعطوطه تقشمرك وتتمعشق ويا استاذها) مااهتميت للرساله لان اني واثق من زهراء ثقتي بيها عمياء واعرف هي شنو فتحت عينها عليه وينها وين هالسوالف حتى طخ براسي هذا ملعوب من رشا لان اعرف بيها متوب وهسه اكيد حاقدة اكثر لان ابويه مانعها من الجية لبيتنا اكيد دتسوي مشاكل من بعيد ، بس منو عدها بالكلية ويصور !!! تنهدت و اتعوذت من الشيطان ... واني داافكر ومحتار وصلني مسج على وتساب وجان توه منتشر النت بالعراق فتحت المسج باوعت صورة زهراء بالكلية ووياها ولد وجانت هي مبتسمة بس الولد ممبين ، انصدمت وكف شعر راسي ماعونت يخلص الازدحام واطلع سقت باقصى سرعه وانطلقت للبيت. واني بطريقي حاولت اتصل بالرقم يطلعلي مغلق ورا تقريب نص ساعه وصلتني صورة ثانية وهي كاعدة وهو كاعد يمها على ميز بالكافتريا مال الكلية... انوب النرفزني ازدحامات بغداد بس أريد اوصل للبيت اني اعرف هي مستحيل عدها شي بس ردت اعرف هذا منو ؟ بالف يا الله يلا وصلت للبيت صعدت للغرفه بعدها ماجاية ، كعدت انتظرها على نار .. وكلساع اطل من الشباك ، ورا ساعه او اكثر يلا اجت شفتها نزلت من سيارة ، هي بالعادة تجي قبلي بس اليوم مااعرف ليش اجت ورايه ، انتبهت ع ملابسها نفس الملابس الجانت لابستهم بالصورة عقلي كام يفسر بكيفه بس گلبي يبررلها . انتظرتها تصعد ، واحاول اتماسك بس مجاي اكدر .. باوعت عليه وارتبكت عبالك مسويه مكسورة واني منا دين ما باقي براسي وهي دتجيب الشكوك لنفسها سألتها: خاتون الساعه بالاربعه الا ربع وين جنتي؟ ظلت مصفصفه وتباوعلي ابد مرمشت جريتها من ايدها وقربتها عليه ظلت تهتز بيدي مثل السعفة ووكعت اغراضها من ايدها .. عطت بوجهه : دااسألججججج وييييين جنتي لتنخرسين مية مرة اكولج من اسألج الغييييي لتظلين صافننننه بوجههي وتخليني اخربط بالحجي ظلت على نفس صفنتها وعيونها تبث الرعب والخوف ومدمعة وترجف ، تذكرت تخاف من الصوت العالي واني منا نار لعنت الشيطان خررررب حظي هسه هاي شلون اتفاهم وياها؟ نصيت صوتي ورققت لزمتي لايدها : احجي زهراء وين جنتي بتوسل جاوبتني ؛ صفاء والله السيارة مال الخط عطلت واجيت أاجر تكسي بس خفت منك انت متقبل ومانعني من انو اجي تكسي _اكولج هسه شفتج من الشباك اجيتي بغير سيارة الخط شنو كدامج طرطور وتجذبين عليه ترى راضع ويا ابليس أني منو هذا الي وصلج _بلي بس على كيفك خل افهمك ، والله هو خابر أبن عمه جابنه لان سيارته عطلت واجينا اني والبنات وياه تركتها بدفعة خفيفة ، موبايلي جان ع الجربايه سحبته وفتحت الرسائل وشوفتها الصور : وهاي شنو بعد ست الحسن عطل الستول مالتج وكعدتي ويا هذا التيس لو شنو لج راااااح اتخبل باوعتلي محتارة ورجعت باوعت للموبايل جاوبتني بنبرة تحاول تقنعني : هذا دكتور عدنا يدرسني واكو محاضرة جنت مفاهمتها وهو درسنياها اليوم وبعدين ترى هذا رافد ابن عمة بابا يعني مو غريب بمقام عمو واذا كعدت وياه وبعدين اني حاجيتلك عنه . _بمقام عمو!!! لعد بعد عمج.. هذا عمج ليش ما مطلع وجهه شنو يستحي اخطبه لو اصجمه وهو خافي وجهه عني .. وبعدين اني مو محذرج من رافد السكط وكايلج ماارتاحله هذا مو راحه شكو تكُعدين وياه وحدكم ابتلي بيج هسه لو شسوي _اتذكر انته مرة كتلي راح توصي عليه لو نسيت وبعدين هو حباب والله انت ظالمه . _لججج اعتبريني محذرج منه هسه وترة لاتكولين حباب ما تعرفيني بسوالف الولد بهاء اخويه جان وياه وسولفلي كل سوالفه قبل فترة وانتي توكفين وياه طول بطول وتتمضحكين _بس اني شمدريني ؟ _لابس ولا شي اسكتي لا اجرم بيج ومحمد تعرفين هذا ليش دز الرسائل اليه؟؟ تقربت منها وكزيت ع اسناني هذا دزهم لان معجب بيج لان يريدج ياغبرة خزرتني لتخزرين لا افكس عيونج بالعباس هسه اموتج فسرررررريلي ليششش يدزلي هيج صور _منو يكول هو ها شنو دليلك _لعد منو دزهم أمي لو الكائنات _ماادري ماادري تعبانه ومالي خلك وروحي طالعه روح انت ابحث عن الرقم وشوف صاحبه احسن من ما جاي تحقق ويايه وتتهم استاذ رافد _شو دتدافعله خير سالمين سكتت وتنهدت بضيق ، رفعت أيدي اريد اضربها هي باوعت لايدي وخزرتني والصدمة تزيد اتساع عيونها ، كوة سيطرت على نفسي وماضربتها ، دفعتها وطلعت من الغرفه.... ظليت احاول ابحث عن صاحب الرقم واتصلت باصدقائي ، طلعت من البيت لان اذا ابقى اجرم بيها شلون صلفه واكفه كدامي وتدافعله سهلة !! *** عبير: خابرني قسور سألني عندج شي لولا هالايام جاوبته لا بس استغربت لويش دتسأل شكو؟ _مو دوامي صار اسبوع ب١٤ يوم علمود اذا ماعندج شي نهاية هالاسبوع نسوي حفلة الخطوبة ونعقد _هاا بس انت غير اول شيء تخابر اهلي ليش دتخابرني اليه _لا ياعمري اول شيء انتي حتى اذا عندج رفض او تأجيل مايحتاج ابلغهم لان اذا وصل الخبر الهم بعد زحمه اكعد أاجل لذلك سألتج بالاول _ لا ماعندي . _عبير انطيت لامي فلوس البدلات والذهب شنو يعجبج اختاري وشنو الي بنفسج واريده كله من الزين ترى دااتعب علمودج انتي وبس ابد لتبخلين ع نفسج خوش حبيبة _قسور اني مااريد اشياء ضخمه ومتهمني المظاهر اني من وافقت عليك وافقت لانك رجل وبيك صفات تشبه بابا اما الذهب اني حشتري بس حلقه ومن تجي انت نشتري الباقي اني وياك ع ذوقنا ضحك ع كيف: ها يعني وافقتي عليه بس لان عندي صفات اشبه ابوج بس اني احلى من ابوج ترى _ياااا منيلك مو زين قبلت بيك لتنسى ركضتك سنة ونص يلا وافقت عليك هههه _ذليني بعد ذليني ومن نتزوج سولفيها لاطفالنا لتنسين ابد ضحكت .. _عبير امي تجي وياكم ترى من تأجرون البدلات _اهووووو شعدها قسور اني مااحب أمك نسيت اخر مرة شسوت بينا امك كلش متغيرة ويانه والسبب اخوك . _ميخالف لخاطري وبعدين هاي أمي عبير لتظلين كل مااخابرج تحجين عليها ترى مااقبلج ابد خوووش حسيته عصب :هي كل متشوفني تظل تشمر حجي عبالك كاطعه ليلة عرسها عليها ذاك اليوم تكولي مدري اشاف بيج وذبح نفسه عليج أني لو يرجعلي ازوجه بنت صديقتي انتي شكو وحجتها كدام الكل لو بعرس ايهاب من رحنا لزمت مريم وغسلتها غسل كدام الولد والبنات وكدام نسوان العشيرة تكولها انتي ع شنو شايفه نفسج مو زين داانطيج الكادود مال بيتي كطنه وطلعيها من اذنج اني ادخلج لبيتي وهاي اختج المسترجله قسور كسر كلمتي وكال لو هي لو مااخذ انته صدك كسرت كلمتها قسور ؟ لو هيه جانت رايدتني اريد اعرف شغيرها ؟ كال عبير ... قاطعته ؛ بعدين تعال اكولك اذا اخوك محمد السكير كادود البيت انت شنو لعد فانوس لو شمعة شحن _بس كافي اسكتي _اوكي اسكت بس امك كوللها لتظل تشمر حجي لو مو عمتي ترى مااسكتلها مو تمشي وتشمر قنابل لو تصيح بنات تحسين مستهترات والله شنو لان ما لابسات حجاب شعليها بينا هي بمكان الله خوما بمكانه كل لشه تتعلك من كراعها _اكولج ترى روحي طافرة وخابرتج مو اجي اسمع الموشح هذا اخابر امي هم تسطر رأسي اجي اخابرج تاكليني اكل احسن شي اعزلج بيت وحدج واخلص من هالدوخه بس اسكتي لخاطر ربج سكتت حسيته كولش ضاج لان حجيت ع امه صح هي حقيرة وتضوج منه بس تبقى امه .. سمعته كال يلا اروح أني وباجر الصبح تجيكم أمي _اوكي _محتاجه شيء _لا عاط بيه: خرررررب يومج خرررررب عشيرتي بيوم حبيتج لج انتي غضب انتقام ونزل ع رأسي اني كلب أبن كلب مو شلعتي گلبي لجججج انتي شنوووو _شبيك شسويت كلتلي اسكتي لتحجين ع امي وسكتت شتريد بعد سد الخط بوجهي ، عصبت ظليت ادردم درروووح عشتو نزلت سويتلي لفة وطلعت كعدت بالحديقه صارت ساعه ١١ نعست صعدت داانام واجيت اوقت الموبايل شفت ١٢ مكالمه من قسور تفاجأت شبي وشيريد بعد .. بعده الفون بيدي واني افكر رجع اتصل بيه اول مفتحت خط كال: اسف سيدة قلبي عصبت عليج بس وغلاتج عندي مضغوط من كولشي وبس صوتج يريحني _عادي مصار شي زفر حسيته مهموم .وجعتني نبرة الضيق بصوته .. بس محبيت اسأله يمكن كبرياء مني او مااحب اتدخل بخصوصية غيري او اخاف اذا اسأله وميجاوبني وانحرج ففضلت السكوت كال: خو ما زعلانه مني _لا جنت ضايجه من عصبت عليه بس هسه عادي _لعد احنه لازم نفترق احنه مد وجزر هاي باجر عكبه تصير مكافش بيناتنه ومراح نعيش بسعادة الاحسن كلمن يشوف طريقه!!!!! يتبع .... | ||||
|
| |
|
13-12-20, 08:02 PM
| #48 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ﺷﺮﻳﻌﺔ ﺍﻟﻌﺸﻖ ﺑﺎﺭﺕ ٤٦ ﻧﻮﺭﺍ ﻧﺎﺻﺮ ¸.• ﺑـ ﻟﺴﺎﻥ ﺟﻨﺪﻱ ﻋﺮﺍﻗﻲ ﻳﮕﻮﻝ : ﻳﻌﻨﻲ ٧ﻭ ٨ ﺳﻨﻴﻦ ﺣﺮﺏ ﻭﻗﺬﺍﺋﻒ ﻭﺿﺮﺏ ﻭﻗﺼﻒ ﻭﻃﻠﻌﺖ ﻣﻨﻬﻦ ، ﻭﺃﺧﺮ ﺷﻲ ﺍﻣﻮﺕ ﻣﻦ ﺍﻟﺸﻮﮒ ! ، ﺿﻴﻌﺘﻲ ﻫﻴﺒﺔ ﺍﻟﺤﺮﺏ ﻳﺎﺑﻪ 💙 ﻟﻤﻦ ﻛﺎﻝ ﻫﻴﺠﻲ ﻣﺎﺣﺴﻴﺖ ﺑﺄﻱ ﺷﻲ ، ﺩﺍﺧﻠﻲ ﻳﻜﺴﻮﻩ ﺍﻟﺠﻠﻴﺪ ﻭﺻﻌﺐ ﺍﻟﻜﺴﺮ ﻭﻣﺎ ﺍﻋﺮﻑ ﻟﺤﺪ ﺍﻻﻥ ﺍﺫﺍ ﻋﻨﺪﻱ ﺍﻱ ﻣﺸﺎﻋﺮ ﺗﺠﺎﻫﻪ ﺍﻭ ﻻ ﻣﻤﺘﺎﻛﺪﺓ ﻣﻦ ﻣﺸﺎﻋﺮﻱ ﻟﺬﻟﻚ ﺍﻛﺘﻔﻴﺖ ﺑﻜﻠﻤﺔ ﺍﻭﻛﻲ .. ﻭﺑﺒﺮﻭﺩ ﺑﺴﺮﻋﺔ ﺭﺩ ؛ ﻳﻌﻨﻲ ﻫﺬﺍ ﺍﺧﺮ ﻛﻼﻡ ﻋﻨﺪﺝ؟ ﺟﺎﻭﺑﺘﻪ ﺑﺜﻘﺔ ؛ ﺍﻱ ﻛﺎﻝ ؛ ﻳﻼ ﺑﺎﻱ ﺟﺎﻭﺑﺘﻪ ﺑﺒﺮﻭﺩ ؛ ﺑﺎﻱ ﺍﺭﻳﺪ ﺍﺳﺪﻩ ﺳﻤﻌﺖ ﺻﻮﺗﻪ ؛ ﺍﺩﺭﻱ ﺍﻧﺘﻲ ﻣﺘﺤﺴﻴﻦ ﻭﻟﻮ ﺷﻮﻳﻪ ﻭﻟﻮ ﺷﻮﻳﻪ ﻛﻮﻟﻲ ﺍﺑﻘﻰ ﻛﻮﻟﻲ ﺍﺣﺒﻚ ﻋﺰﺍ ﺑﻌﻴﻨﺞ ﺷﻨﻮ ﺍﻧﺘﻲ؟ _ ﻻ ﻣﺎﺍﺣﺲ .. ﻋﺎﻁ : ﻧﻌﻠﻌﻼ ﺷﻴﺐ ﺍﻟﺨﻠﻔﻮﻧﻲ ﺣﺘﻰ ﻋﻴﻮﺑﺞ ﻭﺑﺮﻭﺩﺝ ﻫﻢ ﺍﺣﺒﻪ ﺍﻋﺸﻘﻪ .. _ ﺍﻭﻛﻲ .. ﺿﺤﻚ : ﺍﺭﻭﺡ ﺍﻭﻟﻲ ﺍﺷﺮﻓﻠﻲ ﻻ ﺍﺑﺘﻠﻲ ﺑﻴﺞ _ ﺷﺪﻋﻮﺍﻙ ﺷﻬﺎﻟﻌﺼﺒﻴﺔ ﺗﺮﺍ ﺍﻧﺖ ﺍﺫﺍ ﺗﺮﻳﺪ ﺗﺮﻭﺡ ﻋﺎﺩﻱ ﻣﺎﺭﺍﺡ ﺍﻣﻨﻌﻚ . _ ﻭﻳﺮﺿﺎﻫﺎ ﻗﻠﺒﺞ ؟ _ ﺧﻮ ﻣﺎ ﺍﻛﻌﺪ ﺍﺗﻮﺳﻞ ﺑﻴﻚ ﻗﺴﻮﺭ !! ﺗﺮﺍ ﻣﺎﺍﻋﺮﻑ ﺍﺗﻮﺳﻞ ﻭﺍﻟﻠﻪ . _ ﻛﺎﻳﻠﺞ ﺗﻮﺳﻠﻲ ﺗﺮﺍ ﻫﻲ ﻣﻮ ﺷﻐﻠﺔ ﺗﻮﺳﻞ ﻻ ﺑﺲ ﺍﻧﺖ ﻣﻮ ﻫﺎﻣﺞ ﺍﺑﺪ .. ﺗﻨﻬﺪﺕ .. _ ﻳﻠﻪ ﺍﻧﻲ ﺍﺭﻭﺡ ﻫﺴﻪ .. _ ﺗﺼﺒﺢ ﻋﻠﻰ ﺧﻴﺮ .. ﺗﺤﺴﺮ ﻣﻦ ﺟﺎﻭﺑﻨﻲ ﻭﺍﻧﺖِ ﻣﻦ ﺍﻫﻞ ﺍﻟﺨﻴﺮ .. ﻧﻤﺖ ﻭﻛﻌﺪﺕ ﺍﻟﺼﺒﺢ ﺑﺎﻭﻋﺖ ﻟﻠﺴﺎﻋﺔ ﺑﺎﻟﻌﺸﺮﺓ ، ﺍﻧﻲ ﺑﺎﻟﻌﺎﺩﺓ ﺍﻭﻝ ﻣﺎﺍﻛﻌﺪ ﻣﺰﺍﺟﻲ ﻣﻀﺮﻭﺏ ﺟﻼﻕ ﺍﺫﺍ ﻭﺍﺣﺪ ﻛﺎﻟﻲ ﺻﺒﺎﺡ ﺍﻟﺨﻴﺮ ﺍﻋﻴﻂ ﺑﻲ ﻭﺍﻫﻠﻲ ﻳﻌﺮﻓﻮﻧﻲ ... ﻧﺰﻟﺖ ﺟﻮﺍ ﺍﻟﺒﺠﺎﻣﻪ ﻣﺎﻟﺘﻲ ﺗﻚ ﺻﺎﻋﺪ ﻭﺗﻚ ﻧﺎﺯﻝ ﻭﺷﻌﺮﻱ ﻣﻔﺘﻮﺡ ﻭﻧﺎﺯﻝ ﻉ ﻭﺟﻬﻲ ﺑﺲ ﻫﻤﺰﻳﻦ ﺷﻌﺮﻱ ﺳﺮﺡ ﻭﺑﺎﻟﻠﻴﻞ ﻣﻦ ﻧﻤﺖ ﺟﻨﺖ ﻣﻨﻈﻔﻪ ﺑﺸﺮﺗﻲ ﻭﻣﺨﻠﻴﻪ ﺣﻤﺮﺓ ﻭﻣﺮﻃﺐ ﻭﺍﻟﻜﺤﻠﻪ ﺳﺎﻳﻠﻪ ﻃﺎﻟﻌﻪ ﺟﻨﻲ ﺳﺎﺣﺮﺓ ﺩﺧﻠﺖ ﻟﻼﺳﺘﻘﺒﺎﻝ ﺷﻔﺖ ﻋﻤﻪ ﻳﻤﻨﻪ ﺑﺲ ﺷﺎﻓﺘﻨﻲ ﺷﻬﻜﺖ ﻭﻋﻮﺟﺖ ﺣﻠﻜﻬﺎ ﻭﺑﺎﻭﻋﺖ ﻉ ﻣﺎﻣﺎ : ﻫﺎﻱ ﺷﻨﻮ ﺳﻮﺳﻦ ﺑﻨﺘﺞ ﺗﻜﻌﺪ ﺍﻟﻈﻬﺎﺭﻱ ﺃﻧﻲ ﻫﺬﺍ ﺍﻟﺤﺠﻲ ﻣﻴﺼﺮﻓﻠﻲ ﺍﺑﺪ ﺍﻧﻲ ﻣﻦ ﺍﺟﻴﺘﻜﻢ ﺍﻧﻮﺳﻪ ﺣﺘﻰ ﻃﺒﺦ ﻏﺪﻩ ﻛﻤﻠﺘﻪ .. ﺑﺎﻭﻋﺘﻠﻪ ﺻﻔﺢ : ﺣﺠﻴﺖ ﺑﺪﺍﺧﻠﻲ ﻫﻲ ﺍﻳﻨﺎﺱ ﻟﻠﻮﺣﺪﻩ ﺍﻟﻈﻬﺮ ﺯﻳﻦ ﺍﺫﺍ ﻛﻌﺪﺕ ﻣﺎﻣﺎ ﺟﺎﻭﺑﺘﻬﺎ : ﻳﺎﻋﻴﻨﻲ ﻣﺘﻜﻮﻟﻴﻠﻲ ﺷﻌﺪﻫﺎ ﺗﻜﻌﺪ ﺍﻟﺼﺒﺢ ﺑﻌﺪﻫﺎ ﺑﻴﺖ ﺃﺑﻮﻫﺎ ﺍﺫﺍ ﻣﺘﺪﻟﻞ ﺑﺠﺎﻝ ﺍﻣﻬﺎ ﻭﺍﺑﻮﻫﺎ ﻟﻌﺪ ﺷﻮﻛﺖ ﺗﺪﻟﻞ ﻭﺑﻌﺪﻳﻦ ﺗﻮﻫﺎ ﺳﺎﻋﻪ ﻋﺸﺮﺓ ﻋﻤﻪ : ﺍﻱ ﻣﺘﺸﻮﻓﻴﻦ ﺗﺮﺑﻴﺘﻬﻦ ﻓﺎﺳﺪﺓ ﺍﺫﺍ ﻳﺴﻤﻌﻦ ﻫﺬﺍ ﻛﻼﻣﺞ ﻛﻞ ﺧﻴﺮ ﻣﻴﺼﻴﺮ ﺑﺮﺃﺳﻬﻦ ﺑﺎﻭﻋﺘﻠﻲ : ﻳﻼ ﻓﻮﺗﻲ ﻏﺴﻠﻲ ﻭﺍﻛﻠﻴﻠﺞ ﻟﻜﻤﻪ ﺣﺘﻰ ﻧﺮﻭﺡ ﺻﺎﺭ ﺳﺎﻋﻪ ﻛﺎﻋﺪﻩ ﺍﻧﺘﻈﺮﺝ ﻣﺎﺍﺩﺭﻱ ﺍﺷﺎﻑ ﺑﻴﺞ ﻭﺧﺒﺼﻨﺎ ﻫﺴﻪ ﻟﻮ ﺑﺠﻤﺎﻝ ﺍﺧﻮﺍﺗﺞ ﺟﺎﻥ ﻛﻠﺖ ﺣﻘﻪ ﻣﺎﻣﺎ : ﻳﺎ ﺷﺒﻴﻬﺎ ﺗﺨﺒﻞ ﺣﻨﻄﺎﻭﻳﺔ ﻣﻤﻠﻮﺣﻪ ﺍﺣﻠﻰ ﺑﻨﺎﺗﻲ ﻋﺒﻮﺭﺓ ﻛﺎﻓﻲ ﺧﻔﺔ ﺩﻣﻬﺎ ﺍﻧﻲ ﻣﺰﺍﺟﻲ ﺑﻨﺰﺭﻗﻲ ﻛﺎﻋﺪﻩ ﻭﻫﺎﻱ ﻫﻮﺍﻱ ﺟﻔﺼﺖ ﻟﻌﻨﺔ ﺍﻟﻠﻪ ﻋﻠﻴﻚ ﻳﺎ ﺍﻟﺸﻴﻄﺎﻥ ﺷﻠﻮﻥ ﺗﺨﻠﻴﻨﻲ ﻫﺴﻪ ﺍﻏﺮﺩﻟﻬﺎ ﻭﻛﻒ ﺑﻌﻴﻨﻲ ﺑﺎﺑﺎ ﻭﻗﺴﻮﺭ ﺧﻄﻴﻪ ﺗﺬﻛﺮﺕ ﺷﻠﻮﻥ ﺿﺎﺝ ﻣﻦ ﺣﺠﻴﺖ ﻋﻠﻰ ﺳﻬﻴﺮ ﺭﻣﺰﻱ ﺍﺗﺬﻛﺮﺕ ﻣﻘﻄﻊ ﻟﺴﻬﻴﺮ ﺭﻣﺰﻱ ﻭﻳﺎ ﺣﺴﻴﻦ ﻓﻬﻤﻲ ﺟﺎﻥ ﺷﻮﻳﻪ ﺟﺮﻱﺀ ، ﺿﺤﻜﺖ ﻫﻲ ﻋﺒﺎﻟﻬﺎ ﺩﺍﺍﺿﺤﻚ ﻋﻠﻴﻬﺎ ﻇﻠﺖ ﺗﻌﻴﻂ : ﺷﻮﻓﻴﻬﺎ ﺷﻮﻓﻴﻬﺎ ﺷﻠﻮﻥ ﻣﻤﺘﺮﺑﺎﻳﻪ ﺗﻀﺤﻚ ﻋﻠﻴﻪ ﺗﺮﻛﺘﻬﺎ ﻭﻛﻤﺖ ﻏﺴﻠﺖ ﻭﺗﺮﻳﻜﺖ ﻭﺻﻌﺪﺕ ﺑﺪﻟﺖ ﻭﻧﺰﻟﺖ ﺻﺎﺭﺕ ﻣﺎﻣﺎ ﺑﻮﺟﻬﻲ ﺍﺧﺬﺗﻨﻲ ﻋﻠﻰ ﺻﻔﺤﻪ _ ﺑﻨﻴﺘﻲ ﺷﺘﺤﺠﻲ ﻟﺘﺠﺎﻭﺑﻴﻬﺎ ﻣﻮ ﺗﺨﺰﻳﻨﻲ ﺯﻳﻦ ﺗﺮﻯ ﺍﺑﺘﻠﻲ ﺑﻴﺞ ﺭﺃﺳﻲ ﺻﺪﻉ ﻣﻦ ﺍﻟﺼﺒﺢ ﻟﻬﺴﻪ _ ﺍﻫﻮﻭﻭﻭ ﻳﻌﻨﻲ ﺗﻈﻞ ﺗﺠﻔﺺ ﻭﺍﻧﻲ ﻻﺯﻡ ﺍﺳﻜﺖ _ ﺍﺷﺸﺶ ﺍﻧﺠﺒﻲ ﻳﻼ ﻓﻮﺗﻲ ﻛﺪﺍﻣﻲ ﻋﻴﺐ ﻣﻦ ﻗﺴﻮﺭ ﺍﻟﻮﻟﺪ ﺑﻜﻮﻟﺸﻲ ﻭﺍﻛﻔﻠﻨﻪ ﻗﺪﺭﻱ ﺣﺒﻪ ﺍﻟﺞ ﻭﺍﺳﻜﺘﻲ ﻗﺎﺑﻞ ﺭﺍﺡ ﺗﺘﺰﻭﺟﻴﻦ ﺍﻣﻪ ﺍﻧﺘﻲ؟ _ ﻻ ﺑﺲ ﺍﻟﻌﻔﺮﻳﺖ ﺍﻻﺳﻮﺩ ﺣﺘﺼﻴﺮ ﺍﻡ ﺯﻭﺟﻲ ﺿﺤﻜﺖ ﻣﺎﻣﺎ ﻭﺩﻓﻌﺘﻨﻲ ﺣﺘﻰ ﺍﻃﻠﻊ ﺣﺠﺖ ﻣﺎﻣﺎ ﻭﻳﺎ ﻋﻤﻪ : ﻳﻼ ﻋﻴﻨﻲ ﻛﻮﻣﻲ ﻛﻤﻠﺖ ﻋﺒﻮﺭﺓ ﺑﺎﻭﻋﺘﻠﻲ ﻣﻦ ﻓﻮﻙ ﻟﻴﺠﻮﺍ ﻋﺒﺎﻟﻚ ﻣﻌﺎﺟﺒﻬﺎ ﻟﺒﺴﻲ ﻭﺍﻧﻲ ﺩﺭﺕ ﻭﺟﻬﻲ ﻋﻨﻬﺎ ﻭﻋﺪﻟﺖ ﺷﻌﺮﻱ ﺑﻌﻨﺎﺩﻫﺎ ﺍﻋﺮﻓﻬﺎ ﺗﺘﺨﺒﻞ ﻣﻦ ﻫﺎﻟﻔﻘﺮﺓ ﻛﺎﻟﺖ ﻻﻣﻲ ﺧﻠﻲ ﺍﺧﺎﺑﺮ ﻋﻠﻰ ﺣﺴﺎﻡ " ﺍﺑﻨﻬﺎ ﺍﻟﺠﺒﻴﺮ " ﺣﺘﻰ ﻳﺠﻲ ﻳﺎﺧﺬﻧﺎ ﺧﺎﺑﺮﺕ ﻭﺣﺠﺖ ﻭﻳﺎﻩ ﻣﻦ ﻛﻼﻣﻬﺎ ﻓﻬﻤﺖ ﺍﻧﻮ ﻃﻠﻊ ﺑﻌﻴﺪ ﻋﻨﻪ _ ﻋﻤﻪ ﻟﻌﺪ ﻏﻴﺮ ﺗﻨﻄﻲ ﺧﺒﺮ ﻟﻮ ﺑﺲ ﺟﺎﻳﻪ ﺗﺘﻌﺎﺭﻛﻴﻦ ﻭﻳﺎﻧﻪ ﻣﻦ ﺍﻟﺼﺒﺢ .. ﻛﺮﺻﺘﻨﻲ ﻣﺎﻣﺎ ﻭﻋﻤﻪ ﺧﺰﺭﺗﻨﻲ ﻭﺗﻨﻔﺴﺖ ﺑﻌﺼﺒﻴﺔ .. ﻭﻇﻠﺖ ﺗﻬﺰ ﺭﺍﺳﻬﺎ ﺑﻌﺪﻡ ﺭﺿﻰ .. ﻇﻠﻴﻨﺎ ﻭﺍﻛﻔﻴﻦ ﺑﺎﻟﻄﺮﻣﺔ ﺭﺑﻊ ﺳﺎﻋﻪ .. ﻣﺎﻣﺎ ﻛﺎﻟﺖ ﻟﻌﻤﻪ : ﺍﻡ ﺣﺴﺎﻡ ﺍﻣﺸﻲ ﻧﺮﻭﺡ ﺑﺴﻴﺎﺭﺓ ﺗﺤﺴﻴﻦ ﺷﻜﻮ ﻭﺍﻛﻔﻴﻦ ﺻﺎﺭ ﺭﺑﻊ ﺳﺎﻋﻪ ..... ﺭﻓﻌﺖ ﺗﻚ ﺣﺎﺟﺒﻬﺎ ؛ ﺷﻨﻮ ﺍﻥ ﺷﺎﺀﺍﻟﻠﻪ ﺍﻧﺖِ ﺗﺴﻮﻗﻴﻦ ؟ _ ﺍﻱ ﻟﻌﺪ ﻟﻴﺶ ؟ ﺗﺮﺍ ﻣﻦ ﺯﻣﺎﻥ ﺍﻧﻲ ﺍﺳﻮﻕ ﺷﺒﻴﺞ ﺧﺎﻳﻔﺔ؟ _ ﻻ ﺑﺲ ﻣﻤﺠﺮﺑﺔ ﺻﺎﻋﺪﺓ ﻭﻳﺎﺝ ﺧﺎﻑ ﺗﺴﻮﻳﻠﻨﺎ ﺣﺎﺩﺙ ؟ _ ﺩﻛﻮﻟﻲ ﻳﺎ ﺍﻟﻠﻪ ﺍﻡ ﺣﺴﺎﻡ ﺻﺪﻙ ﺟﺬﺏ ﺻﻌﺪﻱ ﺻﻌﺪﻱ ﻭﺗﻮﻛﻠﻲ ﻋﻠﻰ ﺍﻟﻠﻪ .. ﺻﻌﺪﺕ ﻣﺎﻣﺎ ﻭﻃﻠﻌﺖ ﺍﻟﺴﻴﺎﺭﺓ ﻣﻦ ﺍﻟﻜﺮﺍﺝ ﻭﻫﻲ ﻛﻌﺪﺕ ﺑﺎﻟﺼﺪﺭ ﻭﺍﻧﻲ ﻟﻴﻮﺭﺍ ، ﺣﺴﻴﺖ ﺑﻌﻤﻪ ﻛﻮﻟﺶ ﻣﻨﻀﻐﻄﻪ ﻭﻣﺎﻣﺎ ﺣﺴﺖ ﺑﻬﺬﺍ ﺍﻟﺸﻲ .. ﺍﻟﺘﻔﺘﺖ ﻋﻠﻰ ﻣﺎﻣﺎ : ﻣﻦ ﺷﻮﻛﺖ ﺗﺴﻮﻗﻴﻦ _ ﻣﻦ ﺯﻣﺎﻥ ﺍﺧﻮﺝ ﻋﻠﻤﻨﻲ ﻭﻃﻠﻌﻠﻲ ﺍﺟﺎﺯﺓ ﺳﻮﻕ ﺑﺲ ﺍﻧﻲ ﻣﺎﺍﻃﻠﻊ ﻫﻮﺍﻱ ﺍﻻ ﺑﺎﻟﻀﺮﻭﺭﺓ ﻣﻦ ﺗﺤﺴﻴﻦ ﻣﺎﻛﻮ ﻳﻼ ﺍﻃﻠﻊ ﺑﺎﻟﺴﻴﺎﺭﺓ .. ﺩﺍﺭﺕ ﻭﺟﻬﻪ ﻭﻣﺪﺭﻱ ﺷﻨﻮ ﺩﺭﺩﻣﺖ .. ﺭﺟﻌﺖ ﺑﺎﻭﻋﺖ ﻻﻣﻲ ؛ ﺍﻛﻮﻟﺞ ﺳﻮﺳﻦ ﻛﻮﻟﻲ ﻟﻤﺮﻳﻢ ﺑﻨﺘﺞ ﻟﻤﻦ ﺗﺸﻮﻑ ﻣﺤﻤﺪ ﺧﻠﻲ ﺗﺜﻜﻞ ﻻ ﻛﻠﺶ ﺗﻤﻮﻉ ﺭﻭﺣﻬﺎ ﻭﺍﺩﻭﺭ ﻗﺴﻮﺭ ﻳﻠﺰﻣﻪ ﻳﺸﺒﻌﻪ ﻛﺘﻞ ﺗﺮﺓ ﻫﻮ ﻛﺒﺮ ﻋﻤﺮﻩ ١٨ ﻫﺴﻪ ﻭﺻﺎﻳﺮ ﻣﺪﻣﻐﺔ ﻭﻣﻜﻔﺨﺔ ﻟﻘﺴﻮﺭ ﺑﺴﺒﺐ ﺑﻨﺎﺗﺞ ؟ _ ﺷﺴﺎﻟﻔﻪ ﺍﻡ ﺣﺴﺎﻡ ﺑﻨﺎﺕ ﺍﺧﻮﺝ ﻫﺬﻧﻲ ﺷﻮﻥ ﺗﺤﺠﻴﻦ ﻋﻠﻴﻬﻦ ﻫﻴﺞ ﺷﺠﺎﺝ ﺍﻧﺖ ﻛﻠﺶ ﻣﺘﻐﻴﺮﺓ ﻫﺎﻟﻔﺘﺮﺓ . _ ﺍﻱ ﻳﺎﻋﻴﻨﻲ ﻣﻮ ﻗﺴﻮﺭ ﻛﻀﺎﻩ ﻟﻤﺤﻤﺪ ﻛﻀﻴﺎﻥ ﺑﺴﺒﺐ ﺑﻨﺎﺗﺞ ﻫﻮ ﻳﺮﻳﺪ ﻳﺮﺿﻲ ﻋﺒﻴﺮ ﺑﺄﻱ ﻃﺮﻳﻘﺔ ﻭﻭﺍﻛﻊ ﺑﻴﻬﺎ ﺍﻟﻤﺴﻜﻴﻦ ﻣﺤﻤﺪ . ﻋﺒﻴﺮ ؛ ﻋﻤﻪ ﺷﺴﺎﻟﻔﺔ ﻫﻮ ﺍﺑﻨﺞ ﺳﻜﻂ ﻭﻃﺎﻳﺢ ﺣﻈﻪ ﻭﺍﻧﺖ ﺻﺎﺭﻟﺞ ﺳﺎﻋﺔ ﺗﺴﺘﻔﺰﻳﻦ ﺑﻴﻨﻪ ﻧﺮﺟﻊ ﻟﻠﺒﻴﺖ ﻣﻮ ﺍﺣﺴﻦ ؟ _ ﺍﻳﺒﺎﺍﻩ ﻋﺎﺩ ﺷﻠﻮﻧﺠﻦ ﺍﻧﺘﻦ ﺍﻻﻡ ﻣﺴﺘﺮﺟﻠﻪ ﻭﺍﻟﺒﻨﺎﺕ ﻛﻠﻤﺔ ﻣﺴﺘﻬﺘﺮﺍﺕ ﻗﻠﻴﻠﻪ ﺑﺤﻘﻬﻦ _ ﻣﻮ ﻋﻴﺐ ﺍﻡ ﺣﺴﺎﻡ ﺷﻨﻮ ﻫﺎﻟﺤﺠﻲ ﺗﺮﻯ ﺍﻛﺪﺭ ﺍﺟﺎﻭﺑﺞ ﺑﺲ ﺍﻧﻲ ﺳﺎﻛﺘﻪ ﺍﺣﺘﺮﺍﻣﺎً ﻟﺘﺤﺴﻴﻦ ﻭﻟﻘﺴﻮﺭ ﺑﺲ ﺍﻧﺘﻲ ﺍﻱ ﺍﺣﺘﺮﺍﻡ ﻣﺎﺧﻠﻴﺘﻲ ﺍﺫﺍ ﺍﺣﻨﻪ ﻫﻴﺞ ﻟﻮﻳﺶ ﺟﺎﻳﻴﻦ ﺗﺨﻄﺒﻮﻥ ﻣﻦ ﻋﺪﻧﺎ ﺩﻛﻴﻨﺎ ﺑﺎﺑﻜﻢ ﺍﺣﻨﻪ ﻟﻮ ﺷﻤﺮﻧﺎ ﺑﻨﺘﻲ ﻋﻠﻴﻜﻢ _ ﻫﺴﻪ ﻉ ﺍﺳﺎﺱ ﺷﻠﻮﻧﻬﺎ ﺑﻨﺘﺞ ﺍﺷﻮ ﻫﻲ ﺳﻜﻂ ﻣﺮﺗﻴﻦ ﺗﺼﻮﺑﺖ ﻭﺍﻛﻴﺪ ﺗﻠﻜﻴﻦ ﺑﻴﻬﺎ ﻋﻄﻞ ﺣﺠﻴﺖ ﺍﻧﻲ : ﺍﻛﻮﻟﺞ ﻋﻤﻪ ﺻﺎﺭﻟﺞ ﺳﺎﻋﻪ ﺗﺘﺠﺎﻭﺯﻳﻦ ﻭﺍﺣﻨﻪ ﺳﺎﻛﺘﻴﻠﺞ ﻻ ﻋﺒﺎﻟﺞ ﻣﻴﺘﻴﻦ ﻉ ﺍﺑﻨﺞ ﺍﺧﺬﻱ ﺍﻟﺞ ﺍﺷﺒﻌﻲ ﺑﻲ ﺷﻨﻮ ﻗﺤﻂ ﺭﺟﻮﻟﻪ ﻭﻫﺴﻪ ﺗﺮﺟﻌﻮﻧﻲ ﻟﻠﺒﻴﺖ ﺍﻧﻌﻞ ﺍﺑﻮ ﻫﻴﺞ ﺯﻭﺍﺝ ﺑﻌﺪﻧﺎ ﺑﺎﻟﺒﺪﺍﻳﺔ ﻭﻫﺎﻱ ﻟﻌﺒﺖ ﻟﻌﺐ ﺍﺑﻨﺞ ﺿﺎﺑﻂ ﻉ ﻧﻔﺴﺞ ﻣﻮ ﻋﻠﻴﻨﺎ ﺷﻨﺎﻗﺼﻨﻲ ﻭﺍﺗﺰﻭﺝ ﻫﻴﺞ ﺯﻭﺍﺝ ﻳﻼ ﺍﻣﻲ ﺫﺑﻴﻬﺎ ﺑﻴﺘﻬﺎ ﻭﺧﻠﻲ ﻧﺮﺟﻊ ﻫﻤﺰﻳﻦ ﻣﺎﺍﺑﺘﻌﺪﻧﺎ ..... ﺭﺟﻌﻨﺎ ﻟﻠﺒﻴﺖ ﺟﻨﺖ ﻛﻮﻟﺶ ﻣﻌﺼﺒﺔ ﻭﻣﺎﻣﺎ ﻇﻠﺖ ﺑﺲ ﺗﺒﺎﻭﻋﻠﻲ ﺍﻟﻲ ﻓﻬﻤﺘﻪ ﻣﻦ ﻧﻈﺮﺍﺗﻬﺎ ﺍﻧﻮ ﻋﺒﺎﻟﻬﺎ ﺍﻧﻲ ﺍﺣﻤﻞ ﺑﺪﺍﺧﻠﻲ ﻣﺸﺎﻋﺮ ﻟﻘﺴﻮﺭ ﻟﺬﻟﻚ ﺟﺎﻧﺖ ﺗﺒﺎﻭﻋﻠﻲ ﺑﺘﺮﻗﺐ .. ﺑﺲ ﺣﺘﻰ ﻟﻮ ﺗﻌﻠﻘﺖ ﺑﻘﺴﻮﺭ ﺍﻭ ﺗﻮﻟﺪﺕ ﻋﻨﺪﻱ ﻣﺸﺎﻋﺮ ﺗﺠﺎﻫﻪ ، ﺍﻟﻤﺸﺎﻛﻞ ﺍﻟﻲ ﺻﺎﺭﺕ ﻭﺃﺩﺕ ﺍﻟﻤﺸﺎﻋﺮ ﻭﻫﻴﻪ ﺑﻌﺪﻫﺎ ﺑﺎﻟﻤﻬﺪ . ﺑﻘﻴﺖ ﻛﺎﻋﺪﺓ ﻉ ﺍﻟﻜﺮﺳﻲ ﻭﺍﺿﺮﺏ ﺑﺮﺟﻠﻲ ﻉ ﺍﻟﻜﺎﻉ ﻭﻣﻌﺼﺒﺔ ﺑﺴﺒﺐ ﺍﻻﻫﺎﻧﺔ ﺍﻟﻲ ﺗﻮﺟﻬﺖ ﺍﻟﻨﺎ ﻣﻦ ﻋﻤﻪ ... ﺍﺟﺘﻲ ﻣﺎﻣﺎ ﻭﺻﺎﺭ ﻣﻮﻋﺪ ﺩﻭﺍﻣﻬﺎ ﻋﺼﺮﻱ ﺍﻟﺴﺎﻋﺔ ﺏ ١٢ ﻛﺎﻟﺖ ﺭﺍﻳﺤﺔ ﻟﻠﻤﺪﺭﺳﺔ ﺍﻧﻲ ﻭﺧﻠﻲ ﺍﻛﻮﻟﺞ ﺷﻐﻠﺔ ﻣﻤﻨﻮﻉ ﺗﺨﺎﺑﺮﻳﻦ ﻗﺴﻮﺭ ﻭﺗﺤﺠﻴﻦ ﻭﻳﺎﻩ ﺣﺠﻲ ﺯﺍﻳﺪ ﺍﻓﺘﻬﻤﺘﻴﻰ؟ ﻛﺎﻟﺖ ﻫﻴﺞ ﻻﻥ ﺗﻌﺮﻓﻨﻲ ﺣﺮﻭﺡ ﺍﺗﻌﺎﺭﻙ ﻭﻳﺎﻩ ﺑﺎﻭﻋﺘﻠﻬﺎ ﻭﺗﻨﻔﺴﺖ ﺑﻀﻴﻖ ﻭﻫﺰﻳﺖ ﺭﺍﺳﻲ . ﻫﻲ ﻃﻠﻌﺖ ﻭﺍﻧﻲ ﺣﺎﻭﻟﺖ ﺍﻟﻬﻲ ﻧﻔﺴﻲ ﺣﺘﻰ ﻣﺎﺍﺗﺼﻞ ﺑﻲ ﺩﺧﻠﺖ ﺳﺒﺤﺖ ﻭﻃﻮﻟﺖ ﺑﺎﻟﺤﻤﺎﻡ ﻛﻤﻠﺖ ﻭﻃﻠﻌﺖ ﺻﻠﻴﺖ ﻭﺣﻤﻴﺖ ﺍﻻﻛﻞ ﻭﻛﻌﺪﺕ ﺍﻧﺘﻈﺮ ﻣﺎﻣﺎ ﻭﻣﺮﻳﻢ ﻭ ﺑﺎﺑﺎ ﺣﺎﻟﻴﺎ ﺧﺎﺭﺝ ﺑﻐﺪﺍﺩ ﻋﻨﺪﻩ ﻣﻨﺎﻗﺸﺔ ﻣﺎﻝ ﻃﺎﻟﺐ ﻣﺎﺳﺘﺮ ... ﺍﺟﺖ ﻣﺮﻳﻢ ﻣﻦ ﺍﻟﻤﺪﺭﺳﺔ ﻭﻣﺎﻣﺎ ﺧﺎﺑﺮﺗﻨﻲ ﻛﺎﻟﺖ ﺧﺎﻟﺞ ﻣﺘﺨﺮﺑﻂ ﻭﺣﺮﻭﺡ ﺍﺷﻮﻓﻪ ﺍﺗﻐﺪﻱ ﺍﻧﺘﻲ ﻭﺍﺧﺘﺞ ﻭﻣﺎﺍﺭﻳﺪ ﺍﺭﺟﻊ ﻭﺍﻟﻜﺎﺟﻦ ﻣﺘﻜﺎﻓﺸﺎﺕ ﺗﺮﻯ ﺍﻓﺮﻍ ﺿﻴﻢ ﮔﻠﺒﻲ ﺑﻴﺠﻦ ﺯﻳﻦ ؟ _ ﺍﻧﻲ ﺑﺤﺎﻝ ﺍﺗﻌﺎﺭﻙ ﻭﻳﻪ ﻣﺮﻳﻢ ﻫﺴﻪ ؟! _ ﺍﺩﺭﻱ ﺑﻴﺞ ﺗﻄﻠﻌﻴﻦ ﺿﻴﻢ ﻛﻠﺒﺞ ﺑﻴﻬﺎ ﺍﺳﺘﻘﺮﻱ ﺑﻴﻦ ﻣﺎ ﺍﺟﻲ .. _ ﺻﺎﺭ ﻣﺎﻣﺎ ﺍﻃﻤﺄﻧﻲ .. ﺻﺒﻴﺖ ﻏﺪﻩ ﻭﺗﻐﺪﻳﻨﺎ ﻭﺻﻌﺪﺕ ﻣﺮﻳﻢ ﺗﻨﺎﻡ ﻭﺍﻧﻲ ﻛﻤﺖ ﻋﺰﻟﺖ ﺍﻟﻤﻄﺒﺦ ﺻﺎﺭﺕ ﺳﺎﻋﻪ ﺑﺎﻟﺜﻼﺛﻪ ﺍﻧﺪﻙ ﺍﻟﺒﺎﺏ ﺭﺣﺖ ﻓﺘﺤﺘﻪ ﺻﺎﺭ ﺑﻮﺟﻬﻲ ﻗﺴﻮﺭ ﻋﻴﻮﻧﻪ ﺩﻡ ﻭﺩﻛﻢ ﺑﺪﻟﺘﻪ ﺍﻟﻌﺴﻜﺮﻳﺔ ﻣﺸﻠﻌﻪ ﻭﺷﻌﺮﻩ ﻣﻜﻔﺶ ﻭﺣﺎﻝ ﺍﻟﻀﻴﻢ ﺣﺎﻟﻪ ... ﺑﺎﻭﻋﻠﻲ ﺑﻌﺘﺐ ﻭﻧﺪﻡ ﻭﻟﻮ ﺑﻴﺪﻩ ﻳﻤﻜﻦ ﻳﺎﺧﺬﻧﻲ ﻭﻳﺸﺮﺩ ﺑﻌﻴﺪ ﻋﻦ ﺍﻣﻪ ﻭﺍﻧﻲ ﺑﺎﺩﻟﺘﻪ ﺍﻟﻨﻈﺮﺓ ﺑﻜﻞ ﺍﻟﺜﻘﻪ ﻭﻋﺒﺎﻟﻚ ﺟﻨﺖ ﺷﻤﺘﺎﻧﻪ ﺑﻬﺬﺍ ﺣﺎﻟﻪ . " ﻗﺴﻮﺭ ﺟﺎﻥ ﺭﺟﻞ ﺑﻤﻌﻨﻰ ﺍﻟﻜﻠﻤﺔ ﺍﺑﺪ ﻣﺎﻳﻮﻡ ﺿﻮﺟﻨﻲ ﺍﻭ ﺍﻧﺘﻘﺺ ﻣﻨﻲ ﺟﻨﺖ ﻣﻦ ﺍﺿﻮﺝ ﻭﻫﻮ ﻣﻮﺟﻮﺩ ﻳﻜﻮﻟﻲ ﺍﺑﺪ ﻟﺘﻀﻤﻴﻦ ﺑﺪﺍﺧﻠﺞ ﺍﺣﺠﻲ ﻋﻴﻄﻲ ﻛﺴﺮﻱ ﺍﻻﺷﻴﺎﺀ ﺑﺲ ﻟﺘﻘﻬﺮﻳﻦ ﺣﺎﻟﺞ ﻧﻬﺎﺋﻲ ﺍﻟﺪﻧﻴﺎ ﻣﺘﺴﻮﺍ ﻭﺍﺣﺪ ﻳﻀﻮﺝ ﻋﻠﻤﻮﺩﻫﺎ ﻟﺘﻀﻮﺟﻴﻦ ﻭﺗﻘﻬﺮﻳﻨﻲ ﻭﺍﺫﺍ ﺿﺠﺘﻲ ﻣﻦ ﺷﻲ ﺗﻌﺎﻟﻲ ﺍﺣﺠﻴﻠﻲ ﻭﺍﻋﺘﺒﺮﻱ ﻧﻔﺴﺞ ﺩﺗﺤﺠﻴﻦ ﻭﻳﺎ ﺣﺎﻟﺞ " ﺗﻨﻬﺪﺕ ﺑﻌﺼﺒﻴﺔ ، ﻭﺑﺪﺍﺧﻠﻲ ﺍﺣﺲ ﺑﺎﻟﻢ ﻏﺮﻳﺐ ﺑﺼﺪﺭﻱ ﻭﺍﻧﻲ ﺍﻗﺮﺍ ﻋﻼﻣﺎﺕ ﺍﻟﺤﺰﻥ ﻋﻠﻰ ﻣﻼﻣﺤﻪ . ﺑﺎﻭﻋﺖ ﺍﻧﺘﺒﻬﺖ ﻛﺮﺍﺭ ﻭﻳﺎﻩ !!!!! ﺍﻧﺼﺪﻣﺖ ﻣﺎﺗﻮﻗﻌﺖ ﺭﺍﺡ ﺍﻭﺍﺟﻪ ﻗﺴﻮﺭ ﺑﻬﺎﻱ ﺍﻟﺴﺮﻋﺔ ... ﻛﺮﺍﺭ : ﺟﻨﺖ ﺭﺍﺟﻊ ﻟﻠﺒﻴﺖ ﻭﺍﺷﻮﻑ ﻗﺴﻮﺭ ﺩﻳﻤﺸﻲ ﺑﺎﻟﺸﺎﺭﻉ ﻭﺣﺎﻟﺘﻪ ﺣﺎﻟﻪ ﻭﻣﺒﻴﻦ ﻣﺘﻮﺟﻪ ﻟﺒﻴﺖ ﻋﻤﻲ ﺗﺤﺴﻴﻦ ﺍﺳﺘﻐﺮﺑﺖ ﺷﺒﻲ ﻫﺬﺍ ؟ ﻧﺰﻟﺖ ﻣﻦ ﺳﻴﺎﺭﺗﻲ ﻭﺭﺣﺖ ﺍﻟﻪ ﺳﺤﺒﺘﻪ ﺟﺎﻥ ﻣﻌﺼﺐ ﺳﺄﻟﺘﻪ ﻭﻳﻦ ﺭﺍﻳﺢ ؟ ﻇﻞ ﻳﺪﺭﺩﻡ ﻣﻔﻬﻤﺖ ﻣﻨﻪ ، ﺟﺮﻳﺘﻪ ﻟﺴﻴﺎﺭﺗﻲ ﻭﻛﻌﺪﻧﺎ ﻭﻇﻞ ﻳﺤﺠﻴﻠﻲ ﺍﻟﻲ ﺻﺎﺭ ﻭﻳﺎﻩ .. ﻛﺎﻝ ﻗﺴﻮﺭ ؛ ﻳﺎ ﺍﺧﻲ ﺭﺟﻌﺖ ﺭﺟﻌﺖ ﻟﻠﺒﻴﺖ ﻭﺍﻟﻴﻮﻡ ﻓﺮﺣﺎﻥ ﻉ ﺍﻻﺳﺎﺱ ﺭﺍﺡ ﻳﺄﺟﺮﻭﻥ ﺑﺪﻻﺕ ﻋﻤﻮﺩ ﺣﻔﻠﺔ ﺍﻟﺨﻄﻮﺑﺔ .. ﻭﺻﻠﺖ ﻟﻠﺒﻴﺖ ﻗﺒﻞ ﺷﻮﻳﻪ ﺩﺧﻠﺖ ﺷﻔﺖ ﺍﻣﻲ ﺑﺎﻟﺒﻴﺖ ﺍﺳﺘﻐﺮﺑﺖ ﺷﻮ ﺭﺍﺟﻌﻪ ﺑﻮﻗﺖ ؟ ﺳﺄﻟﺘﻬﺎ ﻇﻠﺖ ﺗﻔﺸﺮ ﻉ ﻋﺒﻴﺮ ﻭﺍﻣﻬﺎ ﻭﻃﻠﻌﺘﻬﻦ ﻏﻠﻄﺎﻧﺎﺕ ﺃﻧﻲ ﺍﻋﺮﻑ ﺃﻣﻲ ﻣﻮ ﺧﻴﺮﺓ ﻭﻋﺒﺎﻟﻬﺎ ﺍﺿﺮﺏ ﻣﺤﻤﺪ ﻻﻥ ﺍﺭﻳﺪ ﺍﺭﺿﻲ ﻋﺒﻴﺮ ﻭﺑﻴﺖ ﺧﺎﻟﻲ ﺗﺤﺴﻴﻦ ﺑﺸﻜﻞ ﻋﺎﻡ . ﻭﺑﻨﻔﺲ ﺍﻟﻮﻗﺖ ﺍﻋﺮﻑ ﻋﺒﻴﺮ ﻋﺮﻣﺔ ﻭﻣﺘﺴﻜﺖ ﺍﺑﺪ ﻭﺍﻟﻠﻪ ﻳﻌﻠﻢ ﺍﻣﻲ ﺷﺤﺠﺖ ﻭﺟﺎﻥ ﺭﺩ ﻋﺒﻴﺮ ﻫﻴﺞ ﺑﺲ ﺍﻟﻲ ﻋﺼﺒﻨﻲ ﺃﻣﻲ ﺧﺘﻤﺖ ﻛﻼﻣﻬﺎ _ ﺍﺯﻭﺟﻚ ﺑﻨﺖ ﻟﻴﻞ ﻭﻻ ﺍﺯﻭﺟﻚ ﻫﺎﻱ ﺍﻻﺩﺑﺴﺰ ﻭﺣﺪﻩ ﻓﻠﺘﺎﻧﻪ ﻭﻃﺎﻟﻌﻪ ﻋﻦ ﺍﻟﻄﺮﻳﻖ ﺍﻧﺖ ﺷﻌﺒﺎﻟﻚ ﺍﻟﺘﻤﺸﻲ ﺑﺎﻟﻄﺮﻳﻖ ﺍﻻﻋﻮﺝ ﺑﺲ ﺍﻟﻲ ﺗﺮﺍﻓﻖ ﻭﻟﺪ ﻻ ﻣﻮ ﻫﻴﺞ ﻛﺪﺍﻣﻚ ﻋﺒﻴﺮ ﻭﺣﺪﻩ ﻋﻮﺟﻪ ﻭﻣﻜﺴﺮﺓ ﺍﻧﻲ ﺣﺠﺖ ﻫﻴﺞ ﻉ ﻣﺤﺒﻮﺑﺘﻲ ﻟﻮ ﺍﻟﺸﻴﺎﻃﻴﻦ ﺗﺮﺑﻌﺖ ﺑﺮﺃﺳﻲ ﻛﺪﺍﻣﻲ ﺍﻟﻄﺒﻠﻪ ﺍﻟﺠﺒﻴﺮﺓ ﺿﺮﺑﺘﻬﺎ ﺑﻮﻛﺲ ﻓﻠﺸﺘﻬﺎ ﺍﻣﻲ ﺷﻬﻜﺖ ﻭﺭﺟﻌﺖ ﻟﻮﺭﺍ ﺑﺎﻭﻋﺘﻠﻬﺎ : ﻟﺠﺠﺠﺞ ﺍﻧﺘﻲ ﺷﻨﻮﻭﻭﻭ ﻣﻦ ﻋﻤﻪ ﺷﻠﻮﻭﻭﻭﻥ ﺗﻄﻌﻨﻴﻦ ﺑﻨﺖ ﺍﺧﻮﺝ ﺑﺸﺮﻓﻬﺎ ﻓﻬﻤﻴﻨﻲ ﺗﻘﺒﻠﻴﻦ ﻭﺍﺣﺪ ﻳﺤﺠﻲ ﻉ ﺑﻨﺘﺞ ﺍﻧﺘﻲ ﻣﻮ ﺍﻡ ﺍﻧﺘﻲ ﺍﻟﺸﻴﻄﺎﻥ ﺑﻌﻴﻨﻪ ﺍﺭﻳﺪ ﺍﻟﻠﻪ ﻳﺎﺧﺬﻧﻲ ﻭﺍﺧﻠﺺ ﻣﻨﺞ ﻛﺮﻫﺖ ﻋﻴﺸﺘﻲ .. ﻟﺠﺠﺠﺞ ﻟﻴﻴﻴﻴﺶ ﺷﻤﺴﻮﻳﻠﺠﺠﺞ ﻭﻣﺘﺮﻳﺪﻳﻠﻲ ﺍﻟﺴﻌﺎﺩﺓ ﻓﻬﻤﻴﻴﻴﻴﻨﻲ ﻳﻮﻭﻭﻭﻭﻡ ﺷﻄﺎﻟﺐ ﻣﻨﺞ ﺑﻨﺖ ﺍﺧﻮﻭﻭﺝ ﺣﺒﻴﺘﻬﺎﺍﺍ ﻛﻔﺮﺕ ﺧﻮﻣﺎ ﻛﻔﺮﺕ ﻣﻦ ﺧﺮﺭﺭﺭﺏ ﺣﻈﻲ ﺍﻧﺘﻲ ﻫﻴﺞ ﻭﻫﻲ ﻋﺮﻣﺔ ﻟﺴﺎﻧﻬﺎ ﻃﻮﻟﻪ ﻣﺘﺮﻳﻦ ﻣﻮ ﻋﺒﺎﻟﻚ ﻃﻮﻟﻬﺎ ﺷﺒﺮ ﻭﻧﺺ _ ﺩﻣﺸﻲ ﻟﻚ ﺻﺎﻳﺮ ﺭﺟﺎﻝ ﻭﺟﺎﻱ ﻳﺼﻴﺢ ﻋﻠﻴﻪ ﺑﻴﻚ ﺧﻴﺮ ﺟﺎﻥ ﺍﺧﺘﺎﺭﻳﺖ ﻭﺣﺪﻩ ﺑﺮﺃﺳﻬﺎ ﺧﻴﺮ ﻣﻮ ﻭﺣﺪﻩ ﺑﻼ ﺍﺧﻼﻕ _ ﺑﺴﺴﺴﺲ ﻟﺨﺎﻃﺮ ﺭﺑﺞ ﺷﻨﻮﻭﻭﻭ ﺍﻧﺘﻲ ﻣﺪﻳﺖ ﺍﻳﺪﻱ ﻉ ﻣﻘﺪﻣﺔ ﺍﻟﻘﻤﻴﺺ ﻣﺎﻝ ﺍﻟﺒﺪﻟﺔ ﺳﺤﺒﺘﻬﺎ ﺑﻘﻮﺓ ﺍﺗﺸﻠﻌﺖ ﺍﻟﺪﻛﻢ ﺍﺧﺘﻨﻜﺖ ﺍﺭﻳﺪ ﻫﻮﺍ ﺍﺣﺲ ﻧﻔﺴﻲ ﺿﺎﻕ . ﺍﻧﺼﺪﻣﺖ ﻣﻦ ﺷﺎﻓﺘﻨﻲ ﻫﻴﺞ ﻇﻠﺖ ﺗﺪﻋﻲ ﻋﻠﻰ ﻋﺒﻴﺮ : ﺍﻥ ﺷﺎﺀﺍﻟﻠﻪ ﻳﻮﻡ ﺍﻻﺷﻮﻓﻬﺎ ﺑﺘﺎﺑﻮﺕ ﻫﻲ ﻭﺍﻣﻬﺎ ﻭﺍﺧﻠﺺ ﻣﻨﻬﻦ ﺭﺍﺡ ﻳﻤﻮﺕ ﺍﺑﻨﻲ ﺑﺴﺒﺒﻬﻦ ﺍﻟﺴﺎﻗﻄﺎﺕ ﺗﺨﺒﻠﺖ ﻣﻦ ﺳﻤﻌﺘﻬﺎ ﺩﻋﺖ ﻛﻤﺖ ﺍﺩﻙ ﻉ ﺻﺪﺭﻱ ﻭﻣﺎﺍﻋﺮﻑ ﺷﺤﺠﻴﺖ ﻭﺷﺨﺮﺑﻄﺖ ﺑﺲ ﻓﺰﺯﺗﻨﻲ ﻭﻫﻲ ﺗﺪﻋﻲ ﻋﻠﻴﻪ _ ﻟﻚ ﺍﻧﺖ ﺍﺑﻦ ﻋﺎﻕ ﺣﺮﺍﻣﺎﺕ ﺗﻌﺒﻲ ﺑﻴﻚ ﺣﺮﺍﻣﺎﺕ ﺣﺒﻠﺖ ﺑﻴﻚ ﻳﻮﻡ ﺍﻟﻴﺠﻴﺒﻮﻙ ﺍﻟﻴﻪ ﻣﻠﻔﻮﻑ ﺑﺎﻟﻌﻠﻢ ﻭﺍﺗﺤﻨﻪ ﺑﺪﻣﻚ ﻓﺘﺤﺖ ﻋﻴﻮﻧﻲ ﻋﻠﻰ ﻭﺳﻌﻬﺎ ﺩﻓﺮﺕ ﺍﻟﺒﺎﺏ ﻣﺎﻝ ﺍﻟﺼﺎﻟﻪ ﻭﻃﻠﻌﺖ ﺍﻣﺸﻲ ﻭﺍﻋﺜﺮ ﺍﺭﻳﺪ ﺍﻭﺻﻞ ﻟﻌﺒﻴﺮ ﺍﻛﻮﻟﻬﺎ ﺍﺧﺬﺝ ﻭﺍﺭﻭﺡ ﻻﺧﺮ ﺍﻟﺪﻧﻴﺎ ﻣﻌﻠﻴﻪ ﻻ ﺑﺄﻣﻲ ﻭﻻ ﺑﺄﻫﻠﻲ ﺍﻧﺘﻲ ﺍﻫﻠﻲ ﺻﻴﺮﻟﻲ ﺍﻫﻞ ﻭﺍﺻﻴﺮﻟﺞ ﺍﻟﺪﻧﻴﺎ ﻛﻠﻬﺎ ﻋﻮﺿﻴﻨﻲ ﻋﻦ ﺣﻨﺎﻥ ﺍﻣﻲ ﺍﻟﻔﺎﻗﺪﻩ ﺍﻋﺮﻑ ﺍﻧﺘﻲ ﻛﺘﻠﻪ ﻣﺎﻝ ﺣﻨﺎﻥ ﺑﺲ ﺧﺎﻓﻴﻪ ﻫﺬﺍ ﺍﻟﺸﻲ ﻭﻋﺎﻛﺴﻪ ﺟﺎﻧﺐ ﻗﺎﺳﻲ ﺣﺘﻰ ﻣﺘﺒﻴﻨﻴﻦ ﺍﻧﺘﻲ ﺿﻌﻴﻔﻪ ... ﻭﻭﻭﻛﻼﻡ ﻫﻮﺍﻱ ﺍﺭﻳﺪ ﺍﻛﻮﻟﻪ ﺍﻟﻬﺎ . ﺍﻧﺘﺒﻪ ﻋﻠﻰ ﻧﻔﺴﻪ ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﻧﺰﻝ ﻳﺮﻛﺾ ﺑﺎﺗﺠﺎﻩ ﺑﻴﺖ ﻋﻤﻲ ﺗﺤﺴﻴﻦ ، ﻟﺤﻜﺘﻪ ﺑﻨﻔﺲ ﺍﻟﺴﺮﻋﺔ ﻭﺻﻠﻨﺎ ﻟﺒﻴﺖ ﻋﻤﻲ ﻇﻞ ﻗﺴﻮﺭ ﻳﺪُﻙ ﺍﻟﺒﺎﺏ ﺑﺠﻨﻮﻥ .. ﺛﻮﺍﻧﻲ ﻭﻃﻠﻌﺘﻠﻪ ﻋﺒﻴﺮ ﺑﺲ ﺷﺎﻓﺘﻪ ﻇﻠﺖ ﺗﺒﺎﻭﻋﻠﻪ ﺑﻜﻞ ﻗﺴﻮﺓ ﻭﺷﻤﻮﺥ ﻭﻋﺒﺎﻟﻚ ﺩﺗﺘﺸﻔﻰ ﺑﻌﻤﺘﻲ ﻣﻦ ﺧﻼﻟﻪ ﻛﻠﻠﻬﺎ ﺍﺭﻳﺪ ﺍﺣﺠﻲ ﻭﻳﺎﺝ ﺟﺎﻭﺑﺘﻪ ﺑﻘﺴﻮﺓ ﺍﻛﺜﺮ ؛ - ﻭﺍﻧﻲ ﻣﺎﺍﺭﻳﺪ ﺍﺣﺠﻲ ﻭﻳﺎﻙ ﺧﻠﺺ ﻛﻠﻤﻦ ﻳﺮﻭﺡ ﻟﺤﺎﻟﻪ ﻣﺎﻛﻮ ﻗﺴﻤﺔ ﻭﻧﺼﻴﺐ ﻭﺧﻠﻲ ﺍﻣﻚ ﺗﻔﻴﺪﻙ ﻣﻮ ﺍﻟﺒﺎﺭﺣﻪ ﺳﻮﻳﺘﻬﺎ ﺑﺮﺍﺳﻲ ﺍﺣﺴﻦ ﺍﻡ ﺑﺎﻟﺪﻧﻴﺎ ﺭﻭﺡ ﺧﻠﻲ ﺗﺰﻭﺟﻚ ﻉ ﺍﻳﺪﻫﺎ ﺍﻧﻲ ﻣﺎﺍﻓﻴﺪﻙ ﻭﻉ ﻛﻮﻟﺘﻬﺎ ﺍﻣﻲ ﻣﺴﺘﺮﺟﻠﻪ ﻭﺍﻧﻲ ﻣﺴﺘﻬﺘﺮﺓ ﻛﻤﻠﺖ ﻛﻼﻣﻬﺎ ﻭﺭﺍﺩﺕ ﺗﺴﺪ ﺍﻟﺒﺎﺏ ﺑﻮﺟﻬﻨﺎ ﺩﻓﻌﻪ ﻋﻠﻴﻬﺎ ﻫﻲ ﻣﺪﺕ ﺭﺍﺳﻬﺎ ﺑﺎﻭﻋﺘﻨﻲ ؛ - ﻛﺮﺍﺭ ﺍﺧﺬﻩ ﻭﺭﻭﺡ ﺭﻭﻭﺣﻮﺍ ﻣﺎﺭﻳﺪ ﺍﺷﻮﻭﻓﻪ .. ﺑﻌﺼﺒﻴﺔ ﺣﺎﺟﻴﺘﻬﺎ : ﻭﻟﺞ ﻋﺒﻴﺮ ﺍﺳﻤﻌﻲ ﻣﻨﻪ ﺍﺣﺴﻦ ﻟﺘﺨﺴﺮﻳﻦ ﺣﺒﻪ ﺑﻌﺪ ﻣﺘﻠﻜﻴﻦ ﻣﺜﻠﻪ ﻟﻮ ﺗﺪﻭﺭﻳﻦ ﺍﻟﺪﻧﻴﺎ ﻛﻠﻬﺎ ﺗﺮﻯ ﺑﺎﻳﻊ ﺍﻟﺪﻧﻴﺎ ﻛﻠﻬﺎ ﻭﺷﺎﺭﻳﺞ ﺍﻧﺘﻲ ﻣﺘﻌﺮﻓﻴﻦ ﺍﻟﻌﺴﻜﺮﻱ ﻣﻦ ﻳﺤﺐ ﺍﻧﻲ ﺍﻋﺮﻑ ﻭﺷﻔﺖ ﻫﺎﻟﺤﺐ ﺑﺄﺑﻮﻳﻪ ﻭﺷﻠﻮﻥ ﻳﺤﺐ ﺍﻣﻲ .. ﺍﺣﺠﻲ ﻭﻳﺎﻫﻪ ﻗﺎﻓﻠﺔ ﻣﺘﻘﺘﻨﻊ ﻭﻗﺴﻮﺭ ﻳﺪﻓﻊ ﺑﺎﻟﺒﺎﺏ ﺍﺭﻳﺪ ﺍﻫﺪﻱ ﻣﺎﻳﻔﻴﺪ ، ﺩﻓﻊ ﺍﻟﺒﺎﺏ ﻣﺼﺮ ﻳﺮﻳﺪ ﻳﺤﺠﻲ ﻭﻳﺎﻫﺎ ﺍﻧﻔﺘﺢ ﺍﻟﺒﺎﺏ ﻭﻫﻴﻪ ﺭﻛﻀﺖ ﻓﺎﺗﺖ ﺟﻮﻩ ﻭﺳﺪﺕ ﺑﺎﺏ ﺍﻟﺼﺎﻟﻪ ﻟﺤﻜﻬﺎ ﺣﺎﻭﻝ ﻳﻘﻨﻌﻬﺎ ﺗﻔﺘﺢ ﺍﻟﺒﺎﺏ ﻣﺎﻛﻮ ﻗﻔﻠﺖ ﻇﻞ ﻳﺪﻓﺮ ﺑﺎﻟﺒﺎﺏ ﻗﻔﻞ ﻟﺰﻣﺘﻪ ﺣﻴﻞ ﺑﺲ ﺍﺭﻳﺪ ﺍﻃﻠﻌﻪ ﻣﻦ ﺑﻴﺘﻬﻢ ﻣﺎ ﺍﻛﺪﺭﺕ ، ﻇﻞ ﻳﺼﻴﺢ ﺑﺼﻮﺕ ﻋﺎﻟﻲ : ﻟﺠﺠﺠﺞ ﺍﻧﺘﻲ ﺟﻬﻨﻢ ﺟﺤﻴﻴﻴﻢ ﺍﻧﺖ ﺍﺑﺘﻼﺀ ﺍﻟﻴﻪ ، ﺗﺪﻭﺳﻴﻦ ﻋﻠﻰ ﮔﻠﺒﻲ ﻭﻋﻠﻴﻪ ﻭﺍﺭﺟﻊ ﺍﺣﺒﺞ ﺍﻛﺜﺮ ﻭﺍﻟﻘﺮﺃﻥ ﺍﺫﺍ ﻣﺎﻓﺘﺤﺘﻲ ﺍﻟﺒﺎﺏ ﺍﺑﺘﻠﻲ ﺑﻴﺞ ﺍﻟﻴﻮﻡ ﻋﺒﻴﺮ : ﺷﻔﺘﻪ ﻓﻘﺪ ﻛﺎﻡ ﻳﺪﻓﺮ ﺑﺎﻟﺒﺎﺏ ﻭﻳﺤﺠﻲ ﻭﺻﻮﺗﻪ ﺍﻧﺒﺢ ﺍﻭﻝ ﻣﺮﺓ ﺍﺷﻮﻓﻪ ﻗﺴﻮﺭ ﺑﻬﻴﺞ ﺿﻌﻒ ﺑﺲ ﻣﻊ ﺫﻟﻚ ﺟﻨﺖ ﺭﺍﻓﻀﻪ ﻣﻮﺿﻮﻉ ﺍﺭﺗﺒﻂ ﺑﻲ ﻗﻔﻠﺖ ﻓﻜﺮﺕ ﺍﺫﺍ ﺍﺗﺰﻭﺟﻪ ﺍﻣﻪ ﻭﻛﺤﻪ ﻭﺍﻧﻲ ﺻﻠﻔﻪ ﻣﺴﺘﺤﻴﻞ ﺣﻴﻌﻴﺶ ﻣﺮﺗﺎﺡ ﺑﻴﻨﺎﺗﻨﻪ ﻓﻜﺮﺕ ﺑﻲ ﻫﻮ ﻣﻮ ﺑﻴﻪ .. ﺍﺫﺍ ﺗﺰﻭﺟﻨﺎ ﻫﻲ ﺍﻣﻪ ﻭﺍﻧﻲ ﺯﻭﺟﺘﻪ ﺣﻴﺎﺗﻪ ﺣﺘﺼﻴﺮ ﺗﻌﻴﺴﺔ ﻓﻀﻠﺖ ﺍﺑﺘﻌﺪ ﻣﻦ ﺍﻟﺒﺪﺍﻳﺔ ﻭﻻ ﺍﺗﺰﻭﺟﻪ ﻭﺍﻓﺸﻞ ﻣﻮ ﻛﻮﻟﺸﻲ ﺑﺎﻟﺤﻴﺎﺓ ﻧﺮﻳﺪﻩ ﻧﺤﺼﻞ ﻋﻠﻴﻪ ﺻﺢ ﻗﺴﻮﺭ ﺑﻲ ﻛﻞ ﺍﻟﻤﻮﺍﺻﻔﺎﺕ ﺍﻻﺣﺒﻬﺎ ﺑﺲ ﺍﻛﻮ ﺍﻣﻮﺭ ﺍﻗﻮﻯ ﺗﺠﺒﺮﻧﻲ ﻣﺎﺍﻗﺒﻞ ﺑﻲ ﺑﻌﺪ ﺍﻟﺼﺎﺭ ﺍﻟﻴﻮﻡ ﻓﺰﺯﺗﻨﻲ ﺩﻓﺮﺍﺗﻪ ﻉ ﺍﻟﺒﺎﺏ ﺣﻴﻞ ﻭﻛﻼﻣﻪ ﻭﻫﻮ ﻳﺤﺠﻲ ﺑﺼﻮﺕ ﺗﻌﺒﺎﻥ : ﺭﺍﺡ ﺍﺗﺮﻛﺞ ﺑﻠﻜﻲ ﺍﻟﺰﻣﻦ ﻳﻄﻴﺐ ﮔﻠﺒﻲ ﻭﻳﻌﺎﻟﺞ ﺟﺮﺣﻪ ﺑﺲ ﻟﺘﺼﺪﻛﻴﻦ ﺗﺘﻮﻓﻘﻴﻦ ﻭﺍﻧﻲ ﻧﻔﺴﻲ ﺑﻴﺞ ﻭﻣﺎ ﺭﺍﺡ ﺍﺿﻌﻒ ﻭﺍﺗﺮﻛﺞ ﺑﻬﺎﻱ ﺍﻟﺴﻬﻮﻟﻪ ﻻ ﺭﺍﺡ ﺍﺑﺘﻌﺪ ﻣﺆﻗﺖ ﺣﺘﻰ ﺗﻌﻴﺪﻳﻦ ﺣﺴﺎﺑﺎﺗﺞ ﻣﻮ ﻗﺴﻮﺭ ﺍﻟﻴﺘﺮﻙ ﺷﻲ ﻣﻠﻜﻪ ﺍﻧﺘﻲ ﻣﺎﻟﺘﻲ ﻭﺍﻟﻴﺎﺧﺬﺝ ﺍﺧﻠﻲ ﻃﻠﻘﻪ ﺑﺮﺃﺳﻪ ﺳﻤﻌﺖ ﺻﻮﺕ ﺧﻄﻮﺍﺗﻪ ﻭﻫﻮ ﻳﺒﺘﻌﺪ ﻭﻛﺮﺍﺭ ﻳﺤﺠﻲ ﻭﻳﺎﻩ ﻳﻜﻮﻟﻪ ﺍﺗﺮﻛﻬﺎ ﺑﻌﺪﻫﺎ ﻣﻌﺼﺒﻪ ﻣﻦ ﻛﻼﻡ ﺍﻣﻚ ﺍﺫﺍ ﺍﻣﻚ ﻃﺎﻋﻨﺘﻬﺎ ﺑﺸﺮﻓﻬﺎ ﺷﻲ ﻃﺒﻴﻌﻲ ﻳﺼﻴﺮ ﻋﺪﻫﺎ ﺭﺩﺓ ﻓﻌﻞ ... ﺻﺎﺭ ﺻﻮﺗﻬﻢ ﺑﻌﻴﺪ ﺑﺎﻭﻋﺖ ﻣﻦ ﺍﻟﺸﺒﺎﻙ ، ﺷﻔﺖ ﻛﺮﺍﺭ ﻻﺯﻣﻪ ﻭﻣﺎﺧﺬﻩ ﺑﺎﺗﺠﺎﻩ ﺍﻟﺒﺎﺏ ، ﺍﻟﺘﻔﺘﺖ ﻛﺮﺍﺭ ﺑﺎﻭﻋﻠﻲ ﺑﺄﺳﻰ ﺍﺟﺖ ﻋﻴﻨﻲ ﺑﻌﻴﻨﻪ ﻭﻫﺰ ﺭﺍﺳﻪ ﺑﻌﺪﻡ ﺭﺿﻰ ﺳﺪﻳﺖ ﺍﻟﺸﺒﺎﻙ ﻭﺧﻠﻴﺖ ﺭﺍﺳﻲ ﻋﻠﻴﻪ ، ﺳﻤﻌﺖ ﺻﻮﺕ ﺍﻟﺒﺎﺏ ﺍﻟﺮﺋﻴﺴﻲ ﺍﻧﺴﺪﺕ ... ﻛﻌﺪﺕ ﻭﺭﺍ ﺍﻟﺒﺎﺏ ﺍﺑﺠﻲ ﻗﻬﺮﻧﻲ ﻣﻨﻈﺮ ﻗﺴﻮﺭ ﻭﺷﻜﻠﻪ ﺑﺲ ﻟﻬﻨﺎ ﻭﺑﺲ ﻛﻠﻤﻦ ﻳﺸﻮﻑ ﺣﻴﺎﺗﻪ ﻟﻮﻳﺶ ﺍﻇﻠﻤﻪ ﻭﺍﻇﻠﻢ ﻧﻔﺴﻲ ﺩﻋﻴﺘﻠﻪ ﺍﻥ ﺷﺎﺀﺍﻟﻠﻪ ﻳﻠﻜﻲ ﺑﻨﺖ ﺍﻟﺤﻼﻝ ﺍﻟﻲ ﺗﺴﻌﺪﻩ ﻭﺗﻨﺴﻲ ﻭﺗﻌﻮﺿﻪ ﻭﺍﻧﻲ ﺍﻧﻄﻔﻲ ﺑﺤﻴﺎﺗﻪ ﻣﺜﻞ ﺷﻤﻌﺔ ﺣﺎﺻﺮﺗﻬﺎ ﺍﻟﺮﻳﺎﺡ ﻭﻫﻴﺞ ﺍﺣﺴﻦ ﻟﻠﻜﻞ . ﻧﺰﻟﺖ ﻣﺮﻳﻢ ﺑﺎﻭﻋﺘﻠﻲ ﻋﻴﻮﻧﻬﺎ ﻣﻨﻌﺴﺔ ﻭﺗﺘﺜﺎﺋﺐ : ﺷﻨﻮ ﻫﺬﺍ ﺍﻟﺼﻮﺕ ﻋﺒﺎﻟﻲ ﺻﻮﺕ ﺍﻟﺘﻠﻔﺰﻳﻮﻥ ﻭﺑﻌﺪﻳﻦ ﺷﺒﻴﺞ ﺗﺒﺠﻴﻦ ﺑﺎﻭﻋﺘﻠﻬﺎ ﺑﺎﻉ ﺣﻈﻲ ﻫﺎﻱ ﺍﺫﺍ ﻳﺠﻴﻨﺎ ﺣﺮﺍﻣﻲ ﻭﻫﻲ ﺑﺎﻟﺒﻴﺖ ﻳﺒﻮﻛﻬﺎ ﻭﻳﺼﻌﺪﻫﺎ ﺑﺎﻟﺴﻴﺎﺭﺓ ﻭﻫﻲ ﻉ ﻧﻮﻣﺘﻬﺎ ﻓﺎﺻﻠﺔ ﺭﺏ ﺍﻟﺤﻠﻮ ﺗﺮﻛﺘﻬﺎ ﻭﺻﻌﺪﺕ ﺍﺣﻮﺍﻝ ﺍﻧﺎﻡ ﻭﻣﻨﻈﺮ ﻗﺴﻮﺭ ﻣﻴﺮﻭﺡ ﻣﻦ ﻛﺪﺍﻣﻲ . *** ﺻﻔﺎﺀ : ﺑﻌﺪ ﺍﺳﺒﻮﻉ ﺧﺎﺑﺮﻧﻲ ﺻﺪﻳﻘﻲ ﺍﻟﻜﻠﻔﺘﻪ ﻋﻠﻤﻮﺩ ﺍﻟﺮﻗﻢ ﻛﺎﻝ ﺍﻟﺨﻂ ﻣﺴﺠﻞ ﺑﺄﺳﻢ ﺑﺜﻴﻨﺔ ﻋﺒﺎﺱ ﺗﺸﻜﺮﺕ ﻣﻨﻪ ﻭﺳﻠﻤﺖ ﻋﻠﻴﻪ ﻳﻌﻨﻲ ﺍﻟﺨﻂ ﺑﺄﺳﻢ ﺍﺧﺖ ﺭﺍﻓﺪ ﻣﻌﻨﺎﻫﺎ ﺷﻜﻮﻛﻲ ﺻﺤﻴﺤﺔ ﺍﻟﻜﻠﺐ ﻣﺨﻠﻲ ﻋﻴﻨﻪ ﻋﻠﻰ ﺯﻭﺟﺘﻲ ﺍﺫﺍ ﻣﺎﺧﻠﻴﺖ ﺩﻣﻪ ﺑﻄﻮﻟﻪ ﻣﻮ ﺍﺑﻦ ﺍﺑﻮﻳﻪ ﺍﻧﻲ ... ﺭﺟﻌﺖ ﻟﻠﺒﻴﺖ ﺻﺎﺭﺕ ﺑﻮﺟﻬﻲ ﺯﻫﺮﺍﺀ ﻭﺟﻬﻪ ﺗﻌﺒﺎﻥ ﻭﺍﺻﻔﺮ ﻭﻃﺒﻌﺎً ﻫﺬﺍ ﺍﻻﺳﺒﻮﻉ ﺧﻠﺺ ﻣﺸﺎﺣﻨﺎﺕ ﺑﻴﻨﺎﺗﻨﺎ ﻛﻠﻤﺔ ﻭﺣﺪﻩ ﻣﺎﺍﺗﺤﻤﻞ ﻣﻨﻬﺎ ﺑﺴﺮﻋﻪ ﺍﻋﻴﻂ ﺑﻴﻬﺎ ﺯﻳﻦ ﻭﻣﻨﻬﺎ ﻣﺘﺤﻤﻠﺘﻨﻲ . ﺑﺎﻭﻋﺘﻠﻲ ﺍﺟﺖ ﻋﻠﻴﻪ ﺣﺠﺖ ﺑﺘﻌﺐ : ﺍﻟﻠﻪ ﻳﺴﺎﻋﺪﻙ ﺑﺒﺮﻭﺩ ﺟﺎﻭﺑﺘﻬﺎ ؛ ﻫﻠﻮ .. _ ﺟﻮﻋﺎﻥ ﺍﺣﻀﺮﻟﻚ ﺍﻻﻛﻞ _ ﺗﻐﺪﻳﺘﻲ ﺍﻧﺘﻲ؟ _ ﻻ ﺩﺍﺍﻧﺘﻈﺮﻙ ﺑﺲ ﻋﻤﻮ ﻭﻋﻤﻪ ﺍﻛﻠﻮﺍ ﻭﺩﺧﻠﻮﺍ ﻧﺎﻣﻮﺍ _ ﺍﺳﺒﺢ ﻭﺍﻧﺰﻝ ﺑﻴﻦ ﻣﺎ ﺗﺤﻀﺮﻳﻦ ﺍﻻﻛﻞ . _ ﺍﻥ ﺷﺎﺀﺍﻟﻠﻪ .. ﺻﻌﺪﺕ ﺳﺒﺤﺖ ﻭﻧﺰﻟﺖ ﻟﻜﻴﺘﻬﺎ ﻣﺤﻀﺮﺓ ﺍﻻﻛﻞ ﻭﻛﺎﻋﺪﻩ ﻉ ﺍﻟﻤﻴﺰ ﻭﺻﺎﻓﻨﻪ ﻓﺰﺕ ﻣﻦ ﺻﻔﻨﺘﻬﺎ ﻋﻠﻰ ﺻﻮﺕ ﺳﺤﺒﺔ ﺍﻟﻜﺮﺳﻲ . ﺑﺎﻭﻋﺘﻠﻬﺎ ﺑﺸﻜﻮﻙ ﻭﺳﺄﻟﺘﻬﺎ ﺷﺒﻴﺞ ﺷﻮ ﻭﺟﻬﺞ ﺗﻌﺒﺎﻥ ﻭﺷﺎﺣﺐ ؟ ﻭﺧﺮﺕ ﺍﻳﺪﻫﺎ ﻣﻦ ﺟﻮﻩ ﺧﺪﻫﺎ ﻭﺟﺎﻭﺑﺘﻨﻲ ؛ - ﻣﺎﺍﺩﺭﻱ ﺷﻮ ﺩﺍﻳﺨﻪ ﻭﻣﺎﺑﻴﻪ ﺣﻴﻞ ﻭﻋﻨﺪﻱ ﺍﻣﺘﺤﺎﻥ ﻭﻟﻌﺒﺎﻧﻪ ﻧﻔﺴﻲ ﻣﻦ ﺍﻟﺪﺭﺍﺳﺔ ﻛﻮﻟﺶ ﺻﻌﺒﺔ ﺳﻜﺘﺖ ﻣﺎﺟﺎﻭﺑﺘﻬﺎ ، ﻛﻤﻠﻨﺎ ﺍﻛﻠﻨﺎ ﻭﺍﺣﻨﺎ ﺳﺎﻛﺘﻴﻦ ﺧﻠﺼﺖ ﻛﻤﺖ ﻋﻠﻰ ﺣﻴﻠﻲ ؛ ﻛﻤﻠﻲ ﺷﻐﻠﺞ ﻭﻟﺤﻜﻴﻨﻲ ﻟﻠﻐﺮﻓﺔ .. ﻫﺰﺕ ﺭﺍﺳﻬﺎ ﻭﺗﺒﺎﻭﻋﻠﻲ ﻣﺤﺘﺎﺭﺓ ، ﺻﻌﺪﺕ ﺍﻧﻲ ﻟﻠﻐﺮﻓﺔ ﻭﻛﻌﺪﺕ ﺍﻧﺘﻈﺮﻫﺎ ، ﻭﺭﺍ ﺷﻮﻳﻪ ﺍﺟﺖ ، ﻭﻛﻔﺖ ﺗﺒﺎﻭﻋﻠﻲ ﻣﺤﺘﺎﺭﺓ . ﺍﺷﺮﺗﻠﻬﺎ ﺗﻌﺎﻟﻲ ، ﺍﺣﺖ ﻭﻛﻔﺖ ﻳﻢ ﺍﻟﺴﺮﻳﺮ ، ﻛﻤﺖ ﻋﻠﻰ ﺣﻴﻠﻲ ﻭﺷﻐﻠﺖ ﺗﺴﺠﻴﻞ ﺍﻟﺼﻮﺕ ﻣﺎﻝ ﺍﻟﻤﻜﺎﻟﻤﻪ ﺳﻤﻌﺘﻬﺎ ﺻﻮﺕ ﺻﺪﻳﻘﻲ ﻧﺼﻴﺮ .. ﺳﻤﻌﺘﻪ ﻛﻠﻪ ﺭﻣﺸﺖ ﻋﺪﺓ ﺭﻣﺸﺎﺕ ﻭ ﻇﻠﺖ ﺻﺎﻓﻨﻪ ﺗﺒﺎﻭﻋﻠﻲ ﻣﺘﻮﺗﺮﺓ .. ﺭﻓﻌﺘﻠﻬﺎ ﺗﻚ ﺣﺎﺟﺐ ﻭﺍﺑﺎﻭﻋﻠﻬﺎ ﺑﺸﺮﺍﺳﺔ ﻭﻧﻈﺮﺍﺗﻲ ﺗﺄﻣﺮﻫﺎ ﻭﺗﺮﻳﺪ ﺗﺒﺮﻳﺮ .. _ ﺻﻔﺎﺀ ﻭﺍﻟﻠﻪ ﻣﻤﺒﻴﻦ ﻋﻠﻴﻪ ﻫﻴﺞ ﺷﻤﺪﺭﻳﻨﻲ ﻫﻮ ﺷﻨﻮ ﺑﺪﺍﺧﻠﻪ ﺍﺷﻮ ﻣﺒﻴﻦ ﺍﻧﺴﺎﻥ ﻟﻄﻴﻒ ﻭﻣﺤﺘﺮﻡ ﻭﻫﻮ ﻳﺘﻌﺎﻣﻞ ﻭﻳﺎ ﺍﻟﻜﻞ ﻣﺜﻞ ﻣﻴﺘﻌﺎﻣﻞ ﻭﻳﺎﻳﻪ ﺑﺎﻭﻋﺘﻠﻬﺎ ﻛﻮﺓ ﻭﺍﻛﻔﻪ ﻛﻞ ﺷﻮﻳﻪ ﺗﺮﻳﺪ ﺗﻮﻛﻊ ﻟﺰﻣﺘﻬﺎ ﻛﻌﺪﺗﻬﺎ ﻋﻠﻰ ﺍﻟﺠﺮﺑﺎﻳﻪ ﺟﻨﺖ ﺑﺎﺭﺩ ﺑﺘﻌﺎﻣﻠﻲ ﻭﻳﺎﻫﺎ ﻫﻲ ﻓﻄﻴﺮﺓ ﻭﺩﺍﺋﻤﺎ ﺗﺎﺧﺬ ﺍﻟﻨﺎﺱ ﻉ ﻧﻴﺘﻬﺎ ﻳﻌﻨﻲ ﺗﺸﻮﻑ ﻛﻞ ﺍﻟﻨﺎﺱ ﺧﻮﺵ ﻧﺎﺱ ﺳﻜﺘﺖ ﻋﻨﻬﺎ ﺑﺲ ﺗﺤﻠﻔﺖ ﻟﺬﺍﻙ ﺍﻟﻌﺎﺭ ﺍﻧﻲ ﺍﻟﻪ ﺭﺣﺖ ﻟﺒﻴﺘﻬﻢ ﺳﺄﻟﺖ ﻋﻨﻪ ﻛﺎﻟﻮﺍ ﻣﺴﺎﻓﺮ ﺧﺎﺭﺝ ﺑﻐﺪﺍﺩ ﻭﺭﺍ ﺷﻬﺮ ﺻﺎﺩﻑ ﻣﺤﺮﻡ ﻭﺩﻧﻴﺎ ﺷﻮﻳﻪ ﺑﺎﺭﺩﺓ ﻭ ﺑﻠﻴﻠﺔ ﻋﺎﺷﻮﺭﺍﺀ ﻋﺪﻧﺎ ﻃﺒﺦ ﻭﺍﺣﻨﻪ ﺑﻄﺒﻴﻌﺘﻨﺎ ﻣﻦ ﻧﻄﺒﺦ ﺍﻻﻗﺎﺭﺏ ﻛﻠﻬﺎ ﺗﻠﺘﻢ ﻋﺪﻧﺎ ، ﻻﻥ ﻃﺒﺨﻨﺎ ﺿﺨﻢ . ﻟﺒﺴﺖ ﺩﺷﺪﺍﺷﺔ ﺳﻮﺩﺓ ﻭﻟﻔﻴﺖ ﺍﻟﻴﺸﻤﺎﻍ ﻟﻔﺔ ﻧﺴﻤﻴﻬﺎ ﭼﺮﺍﻭﻳﻪ .. ﺷﺎﻓﺘﻨﻲ ﺳﺖ ﺯﻫﺮﺍﺀ ﺳﻮﺗﻠﻲ ﺣﻔﻠﻪ ؛ - ﺍﻧﺘﻪ ﺷﻨﻮ ﺗﻠﺒﺲ ﻫﻴﺞ ﻭﺗﻄﻠﻊ ﻭﻳﻤﻜﻦ ﺗﺠﻲ ﺍﺳﺮﺍﺀ ﻭﺗﺸﻮﻓﻚ ﺗﺮﻳﺪ ﺗﺠﺬﺏ ﺍﻟﺒﻨﺎﺕ ﺍﻧﺖ ﻣﺘﻌﻠﻢ ﺗﺸﻠﻊ ﮔﻠﺒﻲ؟ _ ﺍﺳﺮﺍﺀ ﺗﺠﻲ ؟؟ ﺷﺒﻴﺞ ﺍﻧﺘﻲ ﺧﺒﻠﺔ ﻻ ﻻ ﻭﺣﺪﺓ ﻣﻦ ﺍﻻﺛﻨﻴﻦ ﺍﻧﺘﻲ ﻟﻮ ﺧﺒﻠﺔ ﻟﻮ ﺧﺒﻠﺔ . ﺑﻠﻌﺜﻤﺔ ﻛﺎﻟﺖ ؛ ﺍﻱ ﺍﺫﺍ ﻣﺘﺠﻲ ﻳﺠﻦ ﺑﻨﺎﺕ ﺧﺎﻻﺗﻚ ﻭﻳﺮﺣﻦ ﻳﻮﻛﻠﻠﻠﻬﺎ ﺻﻔﺎﺀ ﻫﻴﺞ ﻻﺑﺲ ﺍﻧﺘﻪ ﺗﺮﻳﺪ ﻫﻴﺞ ﻣﻮﻭ ؟؟ _ ﺍﻭﻭﻭ ﺷﻮﻥ ﺗﻔﻜﻴﺮ ﺗﻔﻜﻴﺮﺝ ﻭﻟﺞ ﻫﺴﻪ ﺍﻧﻲ ﺷﻼﺑﺲ ﺯﻱ ﺍﻟﻮﺯﻳﺮ ﺩﻃﻴﺮﺭﺭﻱ ﻭﻭﺧﺮﻱ ﻣﻦ ﻛﺪﺍﻣﻲ . ﻃﻠﻌﺖ ﺑﺴﺮﻋﺔ ﻣﻦ ﺍﻟﻐﺮﻓﺔ ﻭﺭﺣﺖ ﺟﻮﺓ ، ﺍﻟﺒﻴﺖ ﻣﻠﻴﺎﻥ ﺍﻗﺎﺭﺑﻨﺎ ﻃﻠﻌﺖ ﺑﺮﻩ ﻳﻢ ﺍﻟﻮﻟﺪ ﺷﻮﻳﻪ ﻭﺭﺟﻌﺖ ﺳﺎﻋﺪﺗﻬﻢ ﺑﺎﻟﻄﺒﺦ . ﻃﺒﻴﺖ ﺍﺭﻳﺪ ﺍﺭﻭﺡ ﻟﻠﻤﻄﺒﺦ ﺍﺟﻴﺐ ﺍﻟﻤﺼﻔﺎﺓ ﺍﻟﺠﺒﻴﺮﺓ ﺣﺘﻰ ﻧﺒﺰﻝ ﺍﻟﺘﻤﻦ ، ﺩﻧﻴﺎ ﺍﻟﻠﻴﻞ ﻭﺍﺣﻨﻪ ﺑﻬﺬﺍ ﺍﻟﻴﻮﻡ ﻧﺤﺞ ﻟﻠﺼﺒﺢ ﻧﻮﺍﺳﻲ ﻋﻘﻴﻠﺔ ﺑﻨﻲ ﻫﺎﺷﻢ ﻧﺎﺱ ﺗﻄﺒﺦ ﺣﺘﻰ ﺗﻮﺯﻉ ﺛﺎﻧﻲ ﻳﻮﻡ ﺑﺜﻮﺍﺏ ﺍﻻﻣﺎﻡ ﻭﻧﺎﺱ ﺗﻘﺮﺃ ﻗﺮﺃﻥ ﻭﻧﺎﺱ ﺗﺴﻤﻊ ﻣﺤﺎﺿﺮﺓ ﻭﺗﺒﺠﻲ . ﻃﺒﻴﺖ ﺍﻛﻮ ﻣﻨﻮﺭ ﻳﻢ ﺍﻟﻤﻄﺒﺦ ﺩﺍ ﺍﻓﻮﺕ ﺳﻤﻌﺖ ﺻﻮﺕ ﻫﻤﺲ ﺍﺗﻘﺮﺑﺖ ﺳﻤﻌﺖ ﺻﻮﺕ ﺭﺍﻓﺪ ﺩﻳﺤﺠﻲ ، ﺑﺎﻭﻋﺖ ﺷﻔﺖ ﺯﻫﺮﺍﺀ ﻭﺍﻛﻔﺔ ﻳﻤﻪ ، ﺍﺳﺘﻌﺮﺕ ﺍﻟﺸﻜﻮﻙ ﺑﺪﺍﺧﻠﻲ ﺧﺘﻠﺖ ﺑﺎﻟﺠﻬﻪ ﺍﻟﺜﺎﻧﻴﺔ ﺣﺘﻰ ﻣﺤﺪ ﻳﺸﻮﻓﻨﻲ . ﻭﺑﻘﻴﺖ ﻭﺍﻛﻒ ﺍﺭﻳﺪ ﺍﺳﻤﻌﻪ ﺷﻴﺤﺠﻲ ﻭﺑﺪﺍﺧﻠﻲ ﺑﺮﻛﺎﻥ ﻭﻣﺸﺘﻌﻞ ﻫﺬﺍ ﺷﺠﺎﺑﻪ ﻭﻣﻨﻮ ﻋﺰﻣﻪ ﻛﺘﻤﺖ ﺍﻧﻔﺎﺳﻲ ﺑﻌﺼﺒﻴﺔ ﺳﻤﻌﺘﻪ ﻳﻜﻮﻟﻠﻬﺎ -: ﻭﺍﻟﻠﻪ ﺯﻫﺮﺍﺀ ﺍﻧﻲ ﺩﺍ ﺍﺣﺠﻴﻠﺞ ﺍﻟﺤﻘﻴﻘﺔ ﻫﺎﻱ ﻣﺸﺎﻋﺮﻱ ﺍﻟﺞ ﻣﻦ ﺍﻭﻝ ﻳﻮﻡ ﺷﻔﺘﺞ ﺑﻲ ﺯﻫﺮﺍﺀ ﺍﻧﻲ ﻛﻠﺶ ﺣﺎﺑﺞ ﻭﺍﻟﻠﻪ !!!! ﻳﺘﺒﻊ ... | ||||
|
| |
|
13-12-20, 08:07 PM
| #49 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| شريعة العشق بارت ٤٧ نورا ناصر بالترك مال البيت جنت دااحمس البصل وداافكر بصفاء الخبيث حرك دمي ولبس الدشداشة السوده ومافكر بمشاعري واني اغار عليه ، وذني بنات خالاته وخواله يكولن اله من لبس السواد سبي العباد واني دمي يفور ويغلي . فززني من صفنتي صوت دكتور رافد وهو يسلم عليه جمدت بمكاني وتذكرت كل كلام صفاء عنه وتذكرت من سمعت المكالمه وتهديدات صفاء ، هذا شجابه هسه !! ومنو عزمه ؟ اكيد الولد وميدرون بعملته رديت السلام بتوتر وكملت : عمو مدتشوف اني وحدي هنا والمكان اظلم يعني اذا احد شافك هنا وحدنا شيكول شعندك جاي هنا ؟ جاوبني: اول شي أني مو عمج وثاني شي افتقدتج مدااشوفج بالكلية وسألت عليج كالوا دتداوم معناها دتتهربين مني _ليش اتهرب منك اكو شي حتى اتهرب بس محاضرتك مملة واني اكتفي استنسخهم من صديقاتي وادرس بالبيت وهاي كل السالفه _امممم بس ترى افصلج غيابج كثر _براحتك وياريت هسه تروح وجودك هنا غلط اني دااشتغل وخاف احد يشوفك ويفهم غلط _علاوا يجي واحد ويفهم غلط اني اريد يفهمون غلط من حسن حظي اذا فهموا غلط _نعمممممم شبيك عمو شدتحس ترى عيب عليك "بإصرار"كلتلج مو عمج أني زهراء .. زهرااء اني احبج من قبل لا تتزوجين وجنت مقرر اخطبج واعرف صفاء تزوجج وهو مجبور وهو يحب بنت خالته ، بوقتها جنت ادرس ومشغول وانت صغيرة وملحكت اخطبج من تزوجتي صفاء انصدمت وهسه انتِ كبال عيني ادري بيج متعذبة ويه صفاء هواي اطلكي منه وربي اسعدج اني . _اششش اسكت تخبلت وخررر منااا يله ..شجابك على صفاء وتقارن نفسك بي انته _ ليش بلله شناقصني وصفاء احسن مني . حجه هيج وهو يتقرب مني .. ابتعدت كم خطوة وجاوبته ؛ لاا انت تخبلت رسمي واذا تريد تعرف شناقصك انت ينقصك هواي اولهم الغيره والشرف انت واحد خسيس جاي دتصارح مرة متزوجه شكد شرفك رخيص يا خايس اتقدم عليه حاول يلزمني ويحجي ؛ والله زهراء اني دا احجيلج الحقيقة هاي مشاعري الج من اول يوم شفتج بي زهراء اني كلش حابج والله!!!! ماكدر اصرخ لاتصير مشكلة جبيرة تقربت منه اريد اضربه راشدي كمت ارجف اول مرة اتعصب ، مد ايده لزم ايدي الي رفعتها بوجهه .. فتحت عيوني على اوسعها ، سحبت ايدي منه واريد انهزم من يمه مااشوف الا صفاء كبالي وعيونه يتطاير منها شرارات الغضب . بسرعه صفاء دفعه وصار وجهه ع الحايط النثر ، لزم رأسه ولطخه بالحايط وظل يغلط عليه ويسبه وذاكه يحوس يريد يفلت نفسه . عطت صفااء ، التفتلي ودفعني من زندي ولازمه بيد وحده . وهمس: ثوووووله تريدين تفضحين نفسج هسه كلها تكول هي مواعدته محد يكول عنه كلب أبن كلب تعرفين مجتمعنا يقدس الذكور . كمل كلامه دار وظل يلكم رافد ع مكانه الحساس مرة ومرة يركع راسه بالكاع والحايط وذاك يرافس والجدورة كبار ونار مشعولة ظليت اشهك بخووف ورعب . وذاك حار شلون يمسح الدم عن وجهه وصفاء تولاه بوكسات ودفرات الجدر وكع ع الكاع وارتجى ع الحايط واني ايديه على وجهي مرعوبة ، ركضت طفيت البريمز . ظليت اجرجر بصفاء التفتت عليه صاك اسنانه ومعصب كال فوتي جوا بسرعه وبوجهج لغرفتج وابد لتنزلين لزمته من ايده: فدووة شحتسوي أبوس ايدك لتعصب شوف ايدك شلون دترجف خيولي ميوصل لنعالك والله _لج بويه فوتي جوا "ويدفع بيه " يدفع يريد يطلعني ورافد كام لزم صفاء من ملابسه ووكعه ع الكاع ، اجت ايده ع الجدر الحار ، يريد يكوم ضربه على وجهه ظل يطلع الدم من خشمه حلكه . وكاموا واحد يملخ اللخ ، فقدت من شفتهم وصفاء يضرب وينضرب كمت اصرخخ ، على صوتي اجوا حمويني وولد عمامي البقية اول واحد وصل عمو حسين شافهم يتمالخون عاط : هااااي شكووو هنا ؟ وراح ظل يفاككهم .. طب وراه بهاء واني طلعوني ، وكعت بالمطبخ كمت الطم اجوي البنات كوموني واستلمني خالات صفاء تحقيق واني مابيه حيل حتى اردهن بالي يم صفاء منظره ميروح من بالي والدم يطلع من حلكه وخشمه ، ما اتحمل اشوفه هيج قلبي يعورني عليه . تجمعن بنات خالاته وظلن يتهامسن واسمع بنت خالته تهمس ويا بنت خالها : لج عيني لكفها ويا هذا رافد ابن عمة ابوها ع اساس دكتورها تلكيها مسويه وياه علاقه وصفاء شافهم وذيج تجاوبها: هسه هي شنو واذا حلوة وعيونها ملونه اشو تنكط فهاوة شنو شاف بيها لج شايفته شلون يباوعلها من تفوت عيونه تريد تاكلها عبالهن لاهية اللطم وما اسمعهن وهنه يحجن عليه وبسمعتي عذرت صفاء اثاريه يعرف شنو من ملة هذول . متحملت كلامهم عطت بيهن: انتن شنووو جايات لبيتي وتطعنني بشرفي وحدتجن متوصل لاظفري جايات تحجن عليه حقيرات صفاء حبني لان شاف العندي من اخلاق وأدب انتن تفتقدنه الله لايبارك بيجن عدجن الشرف شي سهل وتكعدن تحجن بي ظليت اعيط عليهن وهنه سون نفسهم مصدومات اجت زوجة حسين أروى شافتني اصيح.. تقربت مني تهدأ بيه ؛ زهراء على كيفج اعصابج شكوو شبيهن وياج ؟ تباوعلهن وتباوعلي .. حجيتلها واني ارجف واشر عليهن ، هنه يبتعدن واني امشي وراهن واصيح .. وكفتني على جهة وحاجتهن ؛ احنه بمصاب وحزنانين على الامام وانتن جايات تسوون افلام مكسيكية اوصلن لاخلاق زهورة وبعدين احجن وكفت بوجهه وحدة ؛ انت فاهمة غلط ترة ماحجينه عليها ولا طعناهه بس الي بعبه صخل يمعمع . تسارعت انفاسي شهكت مصدومه من حقارتهن توجهت الهن ام احمد تطلع بيهن وتحاجيهن ؛ لا تزودوها كافي متشوفوها شون متفرفرة على رجلها صدك جذب . اخذتني من ايدي وتصعد بيه ع الدرج ؛ روحي لغرفتج زهورة هسه اجي يمج بس اسويلج عصير ليمون. التفتت عليها وكوة متحمله الي اني بي احس دوخة فضيعه ونفسي تلعب اريد اتقيء بس ما اكدر _ ماريد اريد اروح اشوف صفاء حبابة شلونه هسه . _ مابي شي صدك جذب منج هسه هم برة جاي يتفاهمون وشويه ويرجع . صعدت لغرفتي اطكطك باصابعي تنهدات الاسى تنبثق من اعماق صدري ، ودموعي تجوي خدي شوكت ارتاح يربي مامقسوملي لا افرح ولا ارتاح . صعدت ام احمد بيدها كلاص العصير خلته ع الكومدي ؛ مددي ونامي ارتاحي لاتخافين صفاء يم الولد برة يحجون انت ارتاحي شوفي شصار بيج ووجهج شحاله . _خابرت ع صفاء ادك وميجاوبني. خو مابعدهم يتعاركون فدوة ام احمد والله اخاف يصير بي شي وايده طخت بالجدر هماتين بس لا احتركت ايده . _ لا تخافين زهورة لا تخافين على كيفج ليش هيج انت خوافة ؟ كعدت يمي وانطتني كلاص العصير ، اخذت منه رشفة وخليته احس لعبت نفسي من ريحته . طلعت ام احمد ، ارتاحيت شويه بس روحي مجاي تهدأ ، غسلت وجهي بمي دافي ونزلت جوة ظليت انتظرهم كعدت يم عمه كلساع تباوعلي بشك وتسأل بيه ؛ بنات اختي يكولن جنتي يم رافد بالترك ودخل عليكم صفاء وصارت العركة شسالفة ؟ احجيلي هسه ؟ غمضت عيوني ودنكت راسي تنفست بضيق وروحي احسها بخشمي ، شجاوبها هسه ، ام احمد تولت المهمة عني وسكتت عمه ؛ عمه ماكو شي بيناتهم رافد متجاوز ومفشر على صفاء وتدرين بصفاء عصبي ومايتحمل . سكتت بس نظراتها باتجاهي كلها شكوك . ام احمد تريد تغير الموضوع سألتني ليش ما اجوي اهلي .. جاوبتها عمه ؛ هم هماتين عندهم طبخ . ظليت اباوع للساعة واكل باظافري باوعت لام احمد بحيرة ؛ ام احمد تأخروا شعدهم ؟ _ هسه اخابر احمد ، وكامت على حيلها . راحت تخابر باوعت للساعة صارت تقريباً ساعه ٣:٣٠ بالليل ، ورة دقايق دخلوا باوعت لصفاء جان مشدوده ايده ووجهه خريطة نسيت الكل واكف ركضت عليه و عيوني تسبق خطواتي حضنته وابجي وهو استحى لان خالاته وخواله واخوانه و عمامنا واكفين واني حاضنته كدامهم . بعدني وابتسم طمني انو هو مابي شي خالاته تحمدله بالسلامه ويسألوا عن سبب العركة ظل يسب برافد ويغلط بدون مينطيهم اسباب العركة الرئيسية . تركهم وصعد لحكته لكيته ديطلع ملابس من دخلت للغرفه التفتلي : تعالي حضريلي ملابس سوده حطيتي عينج ع الدشداشة تالي انترست دم "حجاها وهو مبتسم " كمت ابجي ظل يتأفأف و اجه يمي لزم وجهي وباوع بعيوني: بس فهميني حنفيتج شوكت تخلص _متخلص _معناها تورطت لعد ماكو فد طريقه اتراجع بيها وارجعج لبيت عمي؟ باوعتله مبرطمة ودموعي على خدي هو كمل كلامه: ولو شرجع منج اخذتج من بيتج مسلفنه ارجعج مكسوره زحمه صرتي حاجه خربانه واكسباير ضربته ع صدره غمزلي : اكسباير يم الكل بس يمي صلاحيتج متجدده _دوخر شكد متستحي نصه صوته وقلد صوتي: شستحي خييييه ومط حلكه مو شفت الصايه والصرمايه بعد عمج وضحك بصوت عالي _ع فكرة انت واحد قليل الادب _لاعيب قابل شفتيني مغتصبج لو متحرش بيج ها منو ركض ورا منو دمشي لج كل مااشوفج جنتِ توكعين كدامي هم واكعه بحبي وهم مخلصتها تكوم وتوكع . برطمت شفايفي ورحت باتجاه الكنتور رحت طلعتله ملابسه اجه حضني من وره وباس خدي سألنيى: شبيج زهرتي شنو ضجتي لان كلتلج تركضين ورايه اذا انتي ركضتي ترى انتي احسن مني اني زحفت لعد ههه احبج والله _لا والله مزعلت بس سكتت لان اعرف اذا ابقى اناقشك تكوم تحجي حجي فاسد ضحك بصوت عالي: ولج حجي فاسد شنو انتي منين تجيبين هالسوالف ، امشي اطلعي من الغرفه لاصدك اصير فاسد وجهج صاير احمر من البجي وعيونج ذبلانه ترى هذا الشي يغريني... شمرت الملابس عليه وشردت من الغرفة.... ******** كرار: من بعد الموقف الصار بين قسور وعبير بعد مشفتها ابد ، ورا شهرين عمي دز عليه عنده شغله ويريدني اخلصها اله رحتلهم طبيت للبيت وكعدت يم عمي سولفنه طبت عمتي سلمت عليها وكعدت يمنه واجت مريم جابت ضايفة ، هذا كله وعبير ماكو ماشفتها ولا اجت سلمت ابد . كملت شغلي ويا عمي وطلعت ، شفت عبير كاعده بالحديقة .. رحت يمها سلمت عليها ردت عليه ببرود ودنكت تباوع للكتاب الي بيدها ، باوعتلها هيئتها شكد قاسية وذاك المسكين قسور راح يموت بسببها وهي ولا يمها تنهدت و سألتها: مو كافي؟ باوعتلي ؛ بحيرة كافي شنو؟ جاوبته ببرود حازم ؛ عبير قسور يحبج وثقي بمحمد لو تدورين الدنيا كلها متلكين احد يحبج من بعد امج وابوج بكد قسور لج فلش بيت اهله من عرف أمه هيج حاجيه وياج عبير قسور خوش ولد وصايم مصلي اسألني اليه اني اعرف سوالف الضابط مااعمم واكول الكل بس الاغلبية تراي _تراي؟ شنو هاي انوب _ههههه هسه انتي تركتي كل الكلام ركزتي بتراي عبير لتوكفين حياتج ع حجاية اقسم بمعتقداتي لو عندي اخت اكبعها وانطيها لقسور لج بابا صعب بهذا الزمن تلكين هيج رجال يحبج فكري زين ولتخسرين هيج انسان _لا متسوى بعد كلمن يروح بطريقه أني متأكدة اذا اتزوجه نهاية زواجنا الطلاك خليني هيج ابقى بالنسبة اله ذكرى حلوة ولا يجي يوم ويكرهني اني متأكدة اذا تزوجنا حيكرهني كرار أني اعرف نفسي مااتعاشر مزاجيه وعصبية ومغرورة وميعجبني العجب وانته تعرفني لو متعرفني كرار ؟ هزيت راسي بثقة .. كملت كلامها ؛ تمام وبعد فوك كل هذا انانية يعني يمكن بالمستقبل اذا استمرت امه هيج تعاملني امنعه يتواصل وياها وهو شله بهالدوخة والتمعمس خلي يشتري راحة باله احسن اله . _ مصرة على كلامج اخر حجي عندج هذا ولج الولد تعبان بسببج تعبان ؟؟ حسييي . _ شوف كرار أني اعرف أنت تتواصل وياه بلغه كلامي كوله عبير تسلم عليك وتكول خلي ينساني ويشوف حياته وبحاله وحده أصير اله _شنو هي ؟ _الا اذا انطبقت السمه ع الارض بعصبية ؛ خررررب يومج شكد قاسية لج انتي شنو ولا تستاهلين حبه دمعه من دموعه متستاهلين ظلي هيج بهذا غرورج وكبريائج واذا ماعضيتي اصابعج ندم مو ابن حلال أني . ظلت تباوعلي بشموخ ولا اثر كلامي ولا حتى بقدر ذرة عصبت منها كلش ما اتحملها ابد . تركتها وطلعت اذا ابقى كاعد يمها والله اجرم بيها رجعت للبيت بعدني بالباب خابرني قسور عبالك يعلم جنت يم الي يحبها واذته قبل شوية . رحتله حجيتله كل كلامها كال هذا هو براحتها بلكي يجي يوم وتحن وتشوف حبي نصحته اتزوج بلكي تنسى هاي قافله ومستحيل يجي يوم توافق بلكي اذا شافت تخطب تتحرك مشاعرها ولو هي مجمدة شيحركها رب الحلو قسور: كل عقلك انت تحجي تصيرلي مرة غير عبيري شكد بطران ليش هو اني اشوف غيرها بعيوني لو تحلالي مرة غيرها باوعت عليه وصفنت حبه عجيب حتى ميفكر بكرامته ومع ذلك مااذاها ولا ضغط عليها مكتفي يراقبها من بعيد .. ضحك : تدري هي مو بلا احساس لك من تصوبت متظهر آلمها ولا تشتكي كدام اهلها ومن جنت اروح اشوفها جانت تشكيلي شنو يوجعها وتظل تبجي وتعبر عن ألمها بس كدامي متريد امها تشوفها وتتأذى عليها بس حظي الاسود من اسألها تحبيني تجاوبني بكل ادب واخلاق : لا الحب يجي بعد الزواج واذا انت كدها حتخليني احبك اما هسه أني مااحبك حركني حرك من يحجي وعيونه دم ، قهرني طلعت من يمه واني بذيج الساعة كرهت عبير وحقدت عليها بزيادة و اتمنيت اليه سلطه عليها حتى اعرف شون اتصرف وياهه . وصلت للبيت لكيت مها دتنظف وامي وابويه كاعدين بالصاله سلمت وكعدت يمهم روحي بخشمي اذا واحد دغني انفجر بي اجتني مها جابتلي جاي وراحت شربته وصعدت للغرفه تمددت ع الجربايه ظليت بس اتصفن فكرت اخابر ع عبير تالي كلت تولي شكو اكبر رأسها دك تليفون مها مجاوبت ظل يدك غلست عنه سطرني اجتها رسالة اخذت الفون وفتحتها .. جانت الرساله من بنت خالها ؛ كاتبتلها عرفت مكان هاي السحارة بصليخ اخذت موعد الج يوم الجمعه تعالي عليه ونروح ... انصدمت شنو سحارة؟؟ ومها منين تعرف هيج نماذج قذرة ، عصرت التليفون بيدي حييل ، كمت من مكاني فتحت الباب ومديت رأسي صحتها بعصبية _ مهااااااا اجاني صوتها من جوة ؛ اجيتك كرار . بقيت واكف بباب الغرفة ، احس التليفون راح ينكسر بيدي من شدة ضغطي عليه . اجت باوعتلها واشرتلها تفوت للغرفة . فاتت واني فتت قبلها ، سمعت صوتها . _ ها حبيبي ؟ التفتت عليها بعصبية ، طابك اسناني وعيوني بكصتي رفعت الموبايل وبعدني فاتح الرسالة خليته بمستوى عيونها _ هاي شنو مها شديصير بله تكدرين تفهميني شنو اني غشيم ونايم ورجليه بالشمس ومرتي من ورايه تفتر ع السحارات تقربت مدت ايدها اخذت الفون من أيدي وترجف وتباوع بالشاشة قرت الرساله وباوعتلي دتخفي خوفها وارتباكها خزرتها وصكيت ع أسناني: احجييي لا أبتلي بيج ومحمد بتوسل ؛ كرار خلي افهمك _اي فهميني غبي كدامج خليني افتهم _لاحشاك حبيبي شوف هاي وحده تاخذ خيرة واني كلت خلي أشوف ليش مديصير عندي حمل خاف احد مسويلنا سحر . _سحر!!! منو يسويلنا برأيج وع شنو يسوون غير اكو شي بينا يجذب الانتباه حتى يسوون علموده صخام بوجهج اذا هسه اجنزج اكو كلب أبن كلب يلومني سكتت متحجي جريتها من شعرها صاحت اخخ ولزمت ايدي الي لازم بيدي شعرها ، طليت بوجهه حجيت من بعد ماشددت لزمتي لشعرها: اهلي او عمامي وحتى اهل امي ماعدهم سوالف السحر والشعوذة اذا ابالج واحد مسويلج سحر اميرة ديانا دوري عليه يم اهلج راح اطلع ارجع مااريد اشوفج كبالي وحق محمد اذا رجعت وشفتج بالبيت اجنزج وعلي انعل أبوج لابو ساعة السودة العرفتج بيها بنت الكلب انوب تفترين ع السحارات موووو ؟ يتبع .... | ||||
|
| |
|
13-12-20, 08:11 PM
| #50 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ﺷﺮﻳﻌﺔ ﺍﻟﻌﺸﻖ ﺑﺎﺭﺕ ٤٨ ﻧﻮﺭﺍ ﻧﺎﺻﺮ ﺍﺷﺘﻌﻠﺖ ﻧﻈﺮﺍﺗﻬﺎ ﺑﺮﻋﺐ ﺗﻤﺘﻤﺖ ﺑﺘﻮﺳﻞ ﻭﺩﻣﻮﻋﻬﺎ ﺗﺠﺮﻱ ﻋﻠﻰ ﺧﺪﻭﺩﻫﺎ ؛ ﻻﺍﺍ ﻛﺮﺍﺭ ﺣﺒﺎﺏ ﻣﺘﻨﻌﺎﺩ ﻭﺩﺍﻋﺘﻚ ... ﻓﻠﺘﺘﻬﺎ ﻣﻦ ﺍﻳﺪﻱ ﻭﻛﻌﺖ ﻳﻢ ﺭﺟﻠﻴﻪ ، ﺩﻧﻜﺖ ﺍﺑﺎﻭﻉ ﺍﻟﻬﺎ ﻇﻠﻴﺖ ﺍﺻﻴﺢ ﻋﻠﻴﻬﺎ ﺍﻧﺘﻲ ﻣﻨﻮ ﺻﺨﻢ ﺑﻮﺟﻬﺞ ﻭﺑﺠﻰ ﻳﻤﺞ ﻉ ﺍﻟﻄﻔﻞ ﺷﺒﻴﺞ ﻣﺨﺒﻮﺻﻪ ﻭﻋﻨﺪﺝ ﺍﻛﺒﺮ ﻫﻢ ﺑﺎﻟﺰﻭﺍﺝ ﻫﻮ ﺍﻧﺠﺎﺏ ﺍﻻﻃﻔﺎﻝ ﺍﺣﺠﻴﻴﻴﻴﻲ _ ﻛﺮﺍﺭ ﻭﺍﻟﻠﻪ ﻣﺎﺍﺣﺐ ﻫﺎﻱ ﺍﻟﺴﻮﺍﻟﻒ ﺑﻨﺖ ﺧﺎﻟﻲ ﺍﺳﻤﺎﺀ ﻫﻲ ﻛﺎﻟﺖ ﻋﻤﺘﻬﺎ ﺗﺴﻮﻳﻠﻬﺎ ﻣﺸﺎﻛﻞ ﻭﺗﺮﻭﺡ ﻟﻬﺎﻱ ﺍﻟﻤﺮﻳﺔ ﻭﻣﺪﺭﻱ ﺷﻨﻮ ﺗﻨﻄﻴﻬﺎ ﻭﻋﻤﺘﻬﺎ ﺻﺎﺭﺕ ﺯﻳﻨﻪ ﻭﻳﺎﻫﺎ ﻭﺍﻟﻠﻪ ﻛﺮﺍﺭ ﻣﺎﻋﻨﺪﻱ ﻧﻴﺔ ﺳﻮﺀ ﺑﺲ ﺃﺭﻳﺪ ﻃﻔﻞ ﺃﻧﻲ ﺍﺭﻳﺪ ﺟﺰﺀ ﻣﻨﻚ ﻳﺼﻴﺮ ﺑﺄﺣﺸﺎﺋﻲ ﻭﺍﺫﺍ ﻣﺘﻘﺒﻞ ﺍﺭﻭﺡ ﺑﻼﻫﺎ ﻭﺍﻟﻠﻪ ﺑﻼﻫﺎ ﺣﺒﺎﺏ ﻟﺘﺰﻋﻞ _ ﺗﻜﻮﻟﻲ ﻟﺘﺰﻋﻞ ﻃﺎﻳﺤﺔ ﺍﻟﺤﻆ ، ﻣﺎﻛﺮﺭ ﻛﻼﻣﻲ ﻫﺴﻪ ﺗﻠﻤﻴﻦ ﻣﻼﺑﺴﺞ ﻭﺗﻮﻟﻴﻦ ﻻﻫﻠﺞ . ﻃﻠﻌﺖ ﻣﻦ ﺍﻟﻐﺮﻓﺔ ﻭﺑﺲ ﺍﺳﻤﻊ ﺷﻬﻜﺎﺗﻬﺎ ، ﻧﺰﻟﺖ ﺟﻮﺓ ﺷﻔﺖ ﺍﻣﻲ ﺑﺎﻟﺼﺎﻟﺔ ﻭﺍﻛﻔﺔ ﺑﺲ ﺷﺎﻓﺘﻨﻲ ﻛﺎﻟﺖ ؛ ﻫﺎﻱ ﺷﻜﻮﻭ ﺷﺒﻴﻚ ﺗﺼﻴﺢ ؟ _ ﻳﻮﻭﻡ ﻭﺩﻳﻬﺎ ﻻﻫﻠﻬﺎ ﺧﻠﻲ ﺗﺘﺄﺩﺏ ﻣﺎ ﺍﺭﻳﺪ ﺍﺷﻮﻓﻬﺎ ﻛﺒﺎﻝ ﻣﺎﺍﺍﺭﻳﺪ .. ﻣﺸﻴﺖ ﺑﺎﺗﺠﺎﻩ ﺍﻟﺒﺎﺏ ﺩﺍ ﺍﺭﻳﺪ ﺍﻃﻠﻊ ﺗﺒﻌﺘﻨﻲ ﻭﺗﺤﺠﻲ ﻭﻳﺎﻳﻪ ﺗﺠﺎﻫﻠﺘﻬﺎ ﻭﺩﻣﻲ ﻳﻐﻠﻲ ﻃﻠﻌﺖ ﻣﻦ ﺍﻟﺒﻴﺖ ﻭﺧﺎﺑﺮﺕ ﺍﻡ ﻣﻬﺎ ﻛﺘﻠﻬﺎ ﻋﻤﻪ ﺗﻌﺎﻟﻲ ﺍﺧﺬﻱ ﺑﻨﺘﺞ ﻭﻋﻠﻤﻴﻬﺎ ﻋﺪﻝ ﻭﻋﻮﺩ ﺭﺟﻌﻴﻬﺎ ﺑﻌﺪﻳﻦ ﻫﻴﻪ ﻣﺎ ﺍﻓﺘﻬﻤﺖ ﺳﺪﻳﺘﻪ ﺑﺴﺮﻋﺔ . ﻋﺒﻴﺮ .. ﺩﺍ ﺍﻗﺮﺍ ﻫﺎﻟﺴﻨﺔ ﺳﺎﺩﺱ ﻭﻣﻜﺮﺳﺔ ﻭﻗﺘﻲ ﻟﻠﺪﺭﺍﺳﺔ ﺩﻙ ﻣﻮﺑﺎﻳﻠﻲ ﺭﻓﻌﺘﻪ ﻣﻬﺎ ﺗﺘﺼﻞ ، ﺟﺎﻭﺑﺘﻪ ؛ ﻫﻼﻭ ﻣﻬﺎﻭﻭﻱ . ﺟﺎﻭﺑﺘﻨﻲ ﺗﺒﺠﻲ ﻭﺗﺸﻬﻚ ﻣﺎ ﻓﻬﻤﺖ ﻣﻦ ﻛﻼﻣﻬﺎ ﺷﻲ ﺍﺑﺪ ﺑﺲ ﺗﺒﺠﻲ ﻋﻄﺖ ﺑﻴﻬﺎ ؛ ﺍﺳﻤﻤﻌﻲ ﻭﻟﺞ ﺭﺍﺳﻲ ﺻﺎﻳﺮ ﻫﻠﻜﺪﻩ ﻣﻦ ﺍﻟﺪﺭﺍﺳﺔ ﻭﻣﺼﺪﻋﺔ ﺍﺣﺠﻲ ﺷﺒﻴﺞ ﺗﺮﺓ ﺳﻄﺮﺗﻴﻨﻲ ﺳﻄﺮ ﺍﺣﺠﻲ ﺷﻜﻮﻭﻭ ﺑﻼ ﻣﺎ ﺗﺒﺠﻴﻦ ؟ ﺣﺴﻴﺘﻬﺎ ﺍﻟﻠﺘﻘﻄﺖ ﺍﻧﻔﺎﺳﻬﺎ ﻭﺷﻬﻜﺖ ﻭﻧﺎﺷﻐﺖ ﻳﻠﻪ ﺟﺎﻭﺑﺘﻨﻲ ؛ ﻛﺮﺍﺭﺭ ﻛﻜﻚ ﺭﺍﺭ ﻃﺮﺩﻧﻲ ﺣﻴﻄﻠﻜﻨﻲ ﻋﺒﻴﺮ ﻟﺤﻜﻴﻠﻲ !! ﺑﺼﺪﻣﺔ ﺟﺎﻭﺑﺘﻬﺎ ﻭﺍﻧﻲ ﺍﻋﺪﻝ ﻛﻌﺪﺗﻲ ﻉ ﺍﻟﺠﺮﺑﺎﻳﺔ ؛ ﻋﺰﺍ ﺑﻌﻴﻨﺞ ﺷﻤﺼﺨﻤﻪ ﻭﻟﺞ ؟ _ ﻣﻤﺴﻮﻳﻪ ﺷﻲ ﻭﺩﺍﻋﺘﺞ . ﻛﻤﺖ ﻣﻦ ﺍﻟﺴﺮﻳﺮ ﻇﻠﻴﺖ ﺍﻓﺘﺮ ﺑﺎﻟﻐﺮﻓﺔ ﺣﺎﺟﻴﺘﻬﺎ ﺑﻌﺼﺒﻴﺔ _ ﺍﺳﻤﻌﻲ ﻟﺞ ﻻﺗﺤﻠﻔﻴﻦ ﺟﺬﺏ ﺑﺪﺍﻋﺘﻲ ﻣﺎ ﺗﻌﻠﻤﻴﻨﻲ ﺑﺎﺑﻦ ﻋﻤﻲ ﻭﺧﺎﺻﺔ ﻛﺮﺍﺭ ﺍﻋﺮﻓﻪ ﺍﻛﺜﺮ ﻣﻦ ﻧﻔﺴﻲ ﻳﺤﺒﺞ ﻭﻳﺒﻮﺱ ﺍﻟﺘﺮﺍﺏ ﺍﻟﻲ ﺗﻤﺸﻴﻦ ﻋﻠﻴﻪ ﻣﺎﻳﻄﻠﻜﺞ ﻫﻴﺞ ﺑﺪﻭﻥ ﺳﺒﺐ ﻛﻮﻟﻴﻠﻲ ﺷﻤﺼﺨﻤﻪ ؟ ﺍﺭﺗﺒﻜﺖ ﻭﺟﺎﻭﺑﺘﻨﻲ ؛ ﻋﺒﻴﺮ ﻭﺍﻟﻠﻪ ﻣﻮ ﻗﺼﺪﻱ ﺑﺲ ﺩﺍﺭﻭﺡ ﻟﻮﺣﺪﺓ ﺳﺤﺎﺭﺓ ﻭﻫﻢ ﺗﺬﺏ ﺧﻴﺮﺓ ﺩﺍﺷﻮﻑ ﻟﻴﺶ ﻣﺎﻳﺼﻴﺮ ﺣﻤﻞ ﻭﺻﺎﺭ ﻛﻮﻣﻪ ﻣﺘﺰﻭﺟﻴﻦ . _ ﻣﺎﺭﻳﺪ ﺍﻏﻠﻂ ﻋﻠﻴﺞ ﺑﺲ ﺍﻛﻮﻟﺞ ﺍﻟﻠﻪ ﻳﻄﻴﺢ ﺣﻈﺞ ﻭﻟﺞ ﺍﻧﺘﻴﻲ ﺷﻨﻮﻭﻭ ﺷﻨﻮﻭﻭ ﻫﺎﻟﺴﻮﺍﻟﻒ ﻫﺎﻱ ﺍﻟﻲ ﺗﺮﺩﻳﻦ ﺗﺪﺧﻠﻴﻦ ﻧﻔﺴﺞ ﺑﻴﻬﺎ ﻭﺍﻟﻠﻪ ﺣﻘﻪ ﻭﻣﺎ ﺍﻟﻮﻣﻪ ﺍﻱ ﺭﺟﺎﻝ ﻣﺎﻳﻘﺒﻞ ﻣﺮﺗﻪ ﺗﺴﻮﻱ ﻫﻴﺞ ﺳﻮﺍﻟﻒ ﻃﺎﻳﺢ ﺣﻈﻬﺎ ﻭﺧﺎﺻﺔ ﺍﻧﺘﻲ ﺯﻭﺟﺞ ﻳﺤﺒﺞ ﻭﻣﻤﻘﺼﺮ ﻋﻠﻴﺞ ﻋﻤﻪ ﻭﻋﻤﻮ ﻳﻤﻮﺗﻮﻥ ﻋﻠﻴﺞ ﻭﻣﺪﻟﻠﻴﻨﺞ ﺷﻜﻮ ﺗﻤﺸﻴﻦ ﺑﻬﻴﺞ ﺩﺭﻭﺏ ؟ ﺗﺪﺭﻳﻦ ﺍﺫﺍ ﺭﺣﺘﻲ ﻣﺮﺓ ﻭﺣﺪﺓ ﻟﻬﻴﺞ ﺍﻣﺎﻛﻦ ﺗﻈﻠﻴﻦ ﻛﻠﻤﺎ ﻳﺼﻴﺮ ﻋﻨﺪﺝ ﺷﻲ ﺗﻠﺠﺄﻳﻦ ﺍﻟﻬﻢ ﻻﺩﻧﻰ ﺷﻲ ﺣﺘﺮﻭﺣﻴﻦ ﺍﻟﻬﻢ ﻭﻳﺼﻴﺮ ﻋﻨﺪﺝ ﺍﺩﻣﺎﻥ ﻋﻠﻰ ﻫﻴﺞ ﺳﻮﺍﻟﻒ ﻛﻞ ﻣﺨﺎﻓﺔ ﺍﻟﻠﻪ ﻣﺎﻛﻮ . _ ﻋﺒﻴﺮ ﺣﺎﺟﻲ ﻟﻜﺮﺍﺭ ﻓﺪﻭﺓ ﻣﺎﺭﻳﺪ ﺍﺗﻄﻠﻚ ﻣﻨﻪ ﺍﺣﺒﻪ ﺍﻟﻲ ﺍﺳﺒﻮﻉ ﻳﻢ ﺍﻫﻠﻲ ﺍﺧﺎﺑﺮﻩ ﻣﻴﺠﺎﻭﺑﻨﻲ ﻭﻋﻤﻪ ﺗﻜﻮﻟﻲ ﻣﻌﺼﺐ ﻟﺘﺠﻴﻦ ﻫﺴﻪ ﺧﻞ ﻳﻬﺪﺃ ﻓﺪﻭﺓ ﺍﻧﺖ ﺗﻌﺮﻓﻴﻠﻪ ﺷﺴﻮﻱ ﻛﻮﻟﻴﻠﻲ . _ ﺷﺴﻮﻳﻦ ﻳﻌﻨﻲ ﺷﺴﻮﻳﻦ ﻣﺼﺨﻤﺘﻬﺎ ﻭﻣﻠﻄﻤﺘﻬﺎ ﺑﺎﻋﻲ ﺍﻧﻲ ﻣﺎ ﺍﺣﺠﻲ ﻭﻳﺎﻩ ﺻﺎﺭ ﻓﺘﺮﺓ ﻣﻄﻨﻜﺮﻳﻦ ﻋﻠﻰ ﺑﻌﺾ ﺑﺲ ﺭﺍﺡ ﺍﺧﺎﺑﺮﻩ ﻭﺍﺣﺎﺟﻲ ﺷﺴﻮﻱ ﺍﻣﺮﻱ ﻷﻟﻠﻪ ﺑﺲ ﻭﺍﻟﻠﻪ ﺍﺫﺍ ﻋﺪﺗﻴﻬﺎ ﻭﺟﻔﺼﺘﻲ ﻫﻴﺞ ﺟﻔﺼﺔ ﺍﻧﺴﻴﻨﻲ ﻣﺎﺍﺣﺘﺮﻣﺞ ﺑﻌﺪ ﺍﺑﺪ . _ ﻫﻮ ﺑﺲ ﺧﻠﻲ ﻳﺮﺟﻌﻨﻲ ﻭﺍﻟﻠﻪ ﻣﺎ ﺍﻋﻴﺪﻫﺎ . _ ﺍﻛﻮﻟﺞ ﺍﻧﺖ ﺗﺮﺓ ﻻ ﺣﻜﺔ ﻉ ﺍﻟﻀﻴﻢ ﻭﺍﻛﻮ ﻋﺸﺮﺓ ﻭﻋﺸﺮﻳﻦ ﺳﻨﺔ ﻭﻣﻴﺼﻴﺮ ﻋﺪﻫﻢ ﻭﺍﻧﺖ ﺑﺲ ﺳﻨﺔ ﻭﻣﺪﺭﻱ ﺷﻜﺪ ﻭﺣﺘﺘﺨﺒﻠﻴﻦ ؟ ﻇﻞ ﺗﺘﺄﻓﺄﻑ ، ﻭﻋﺪﺗﻬﺎ ﺍﺣﺠﻲ ﻭﻱ ﻛﺮﺍﺭ ﺭﻏﻢ ﺍﻟﻤﺸﺎﺣﻨﺎﺕ ﺍﻟﻲ ﺑﻴﻨﺎﺗﻨﺎ ﻭﺍﻟﻘﻄﻴﻌﺔ ﺍﻟﻲ ﺻﺎﺭﻟﻨﺎ ﺑﺎﻻﺷﻬﺮ ﻣﻨﺤﺠﻲ ﻭﻱ ﺑﻌﺾ ﺑﺲ ﻫﺎﻱ ﻣﻬﺎ ﺍﻧﻲ ﻣﻌﺘﺒﺮﺗﻬﺎ ﺍﺧﺘﻲ ﺍﻟﺜﺎﻟﺜﺔ ﻭﺑﻨﻔﺲ ﺍﻟﻮﻗﺖ ﻣﺎ ﺍﻋﺮﻑ ﺍﺣﺪ ﻳﻄﻠﺐ ﻣﻨﻲ ﻃﻠﺐ ﻭﺍﺭﺩﻩ ﻣﻮ ﺑﻌﺪ ﻣﻬﺎ ﺻﺪﻳﻘﺘﻲ ﻭﺍﺧﺘﻲ ، ﺧﺘﻤﺘﻪ ﻣﻨﻬﺎ ﻭﺧﺎﺑﺮﺕ ﻛﺮﺍﺭ . ﺩﻙ ﻫﻮﺍﻱ ﻣﺎﻓﺘﺢ ﺧﻂ ، ﺩﺯﻳﺘﻠﻪ ﻣﺴﺞ ﻉ ﺍﻟﻮﺗﺴﺎﺏ ﺭﺩ ﻛﺮﺍﺭ ﺩﺍ ﺍﺣﺠﻲ ﻭﻳﺎﻙ .... ﻗﺮﺃﻩ ﻭﺍﻧﺘﻈﺮﺕ ﻫﻮﺍﻱ ﻣﺎ ﺭﺩ .... ﺧﺎﺑﺮﺕ ﻣﻬﺎ ﻛﺘﻠﻬﺎ ﺯﻭﺟﺞ ﻣﻄﻨﻜﺮ ﻋﺸﺘﻮ ﻭﻣﺎﻳﺮﺩ ﻋﻠﻴﻪ . ﻛﺎﻟﺖ ﺗﻠﻜﻲ ﻫﺴﻪ ﻋﺮﻑ ﺍﻧﻲ ﻣﺨﺎﺑﺮﺗﺞ ﻭﻣﺤﺎﺟﻴﺘﺞ ﺑﻤﻮﺿﻮﻋﻨﻪ ﻟﺬﻟﻚ ﻣﺎﻳﺮﺩ . _ ﻻ ﻫﻮ ﻣﻄﻨﻜﺮ ﻭﻛﺎﺭﻫﻨﻲ ﻻﻥ ﻛﺎﻟﻲ ﺍﺭﺟﻌﻲ ﻟﻘﺴﻮﺭ ﻭﺍﻧﻲ ﺭﺍﻓﻀﺔ ﻋﻤﻮﺩ ﻫﻴﺞ . _ ﻓﺪﻭﺓ ﻋﺒﻴﺮ ﺭﻭﺣﻴﻠﻬﻢ ﻟﻠﺒﻴﺖ ﻭﺍﺣﺠﻲ ﻭﻳﺎﻩ ﺣﺒﺎﺑﺔ ﺑﺪﺍﻋﺘﻲ . _ ﺍﻱ ﺍﻱ ﻻ ﺗﺨﺒﺼﻴﻨﻲ ﻳﺠﻲ ﺑﺎﺟﺮ ﻭﻳﺼﻴﺮ ﺧﻴﺮ . ﻳﻮﻡ ﺛﺎﻧﻲ ﺩﺍﻭﻣﺖ ﻭﺟﺎﻥ ﺩﻭﺍﻣﻲ ﻋﺼﺮﻱ ، ﺑﺲ ﻃﻠﻌﺖ ﻣﻦ ﺍﻟﻤﺪﺭﺳﺔ ﺍﻧﻲ ﻣﻼﺑﺴﻲ ﺗﻮﺟﻬﺖ ﻟﺒﻴﺖ ﻋﻤﻮ ﻛﺮﻳﻢ ، ﺑﺎﻭﻋﺖ ﺷﻔﺖ ﺳﻴﺎﺭﺓ ﻛﺮﺍﺭ ﻣﻮﺟﻮﺩﺓ ﺑﺎﻟﻜﺮﺍﺝ ﻓﺘﺖ ﻟﻠﺒﻴﺖ ﺩﻛﻴﺖ ﺑﺎﺏ ﺍﻻﺳﺘﻘﺒﺎﻝ ﻃﻠﻌﺘﻠﻲ ﻋﻤﻪ ﺳﻠﻤﺖ ﻋﻠﻴﻬﺎ ﺳﺄﻟﺘﻬﺎ ﻋﻦ ﻛﺮﺍﺭ ﻛﺎﻟﺖ ﻓﻮﻙ ﻫﺴﻪ ﺍﺻﻴﺤﻪ . ﺻﻌﺪﺕ ﻋﻤﻪ ﻭﺍﻧﻲ ﺧﻠﻴﺖ ﺟﻨﻄﺘﻲ ﻋﻠﻰ ﺍﻟﺘﺨﻢ ﻭﻭﻛﻔﺖ ﺍﻧﺘﻈﺮﻫﺎ ، ﻋﺪﻟﺖ ﺻﺪﺭﻳﺘﻲ ﺑﻬﺬﻟﺘﻨﻲ ﺍﻟﺠﻨﻄﺔ ﺑﻴﻬﺎ ﻛﻮﻣﺔ ﻛﺘﺐ . ﻧﺰﻟﺖ ﻋﻤﻪ ﻭﺟﻬﻪ ﻭﻣﻼﻣﺤﻬﺎ ﻣﺎﻣﺮﺗﺎﺣﺔ ، ﻇﻠﻴﺖ ﺍﺑﺎﻭﻉ ﺍﻟﻬﺎ ﻛﺎﻟﺖ ؛ ﻭﺍﻟﻠﻪ ﺑﻨﺘﻲ ﻣﺪﺭﻱ ﺷﻜﻮﻟﺞ ﻣﺎﻳﻘﺒﻞ ﻳﻨﺰﻝ . _ ﻣﻴﺨﺎﻟﻒ ﻋﻤﻪ ﻫﻮ ﺯﻋﻼﻥ ﺍﺩﺭﻱ ﺑﻲ ﺍﻧﻲ ﻫﺴﻪ ﺍﺻﻌﺪ ﺍﺣﺠﻲ ﻭﻳﺎﻩ ﻭﻫﻮ ﻓﻮﻙ . _ ﻭﺍﻟﻠﻪ ﻳﺎﺑﻨﺘﻲ ﺻﺎﻳﺮ ﻧﺎﺭ ﻭﺷﺮﺍﺭ ﺑﺴﺒﺐ ﻣﺮﺗﻪ ﻭﻋﻤﻠﺘﻬﺎ ﺗﺨﺎﺑﺮﻧﻲ ﺗﺒﺠﻲ ﻭﺍﻛﻌﺪ ﺍﺗﻮﺳﻞ ﺑﻲ ﻳﺮﺟﻌﻬﺎ ﻣﻴﻘﺒﻞ . _ ﺍﻱ ﻋﻤﻪ ﻫﻴﻪ ﻣﻬﺎ ﻓﻄﻴﺮﺓ ﻭﺗﻤﺸﻲ ﻭﺭﺓ ﻛﻼﻡ ﺍﻫﻠﻬﺎ ﺑﺲ ﻣﺘﻘﺼﺪ ﺧﻄﻴﺔ ﻭﺗﺤﺒﻪ ﻫﺴﻪ ﺍﻧﻲ ﺍﺣﺠﻲ ﻭﻳﺎ ﺑﻠﻜﻲ ﻳﻘﻨﻊ . ﺭﺍﺣﺖ ﻛﻌﺪﺕ ﻉ ﺍﻟﺘﺨﻢ ﻭﻛﺎﻟﺖ ﺍﻱ ﻭﺍﻟﻠﻪ ﻳﺎﺭﻳﺖ ﻭﺍﻧﻲ ﻫﻢ ﺗﻌﻮﺩﺕ ﻋﻠﻰ ﻭﺟﻮﺩﻫﺎ ﻫﻨﺎﻧﻪ ﻭﻳﺎﻳﻪ ﺭﺍﺩﻩ ﻋﻨﻲ ﺍﻟﻮﺣﺸﺔ ﻭﺗﻜﺴﺮ ﻛﻠﺒﻲ ﻣﻦ ﺗﺨﺎﺑﺮ ﻭﺗﺒﺠﻲ . ﻫﺰﻳﺖ ﺭﺍﺳﻲ ؛ ﻣﻦ ﺭﺧﺼﺘﺞ ﻋﻤﻪ ﺭﺍﺡ ﺍﺻﻌﺪ ﺍﺷﻮﻓﻪ . ﻋﻔﺘﻬﺎ ﻭﺻﻌﺪﺕ ﻓﻮﻙ ، ﻭﺻﻠﺖ ﻟﺒﺎﺏ ﻏﺮﻓﺘﻪ ﺩﻛﻴﺖ ﺍﻟﺒﺎﺏ ﻣﺮﺓ ﻣﺮﺗﻴﻦ ﺍﻟﺜﺎﻟﺜﺔ ﺑﺪﻳﺖ ﺍﻋﺼﺐ ﻭﺿﺮﺑﺖ ﻋﻠﻰ ﺑﺎﺏ ﻏﺮﻓﺘﻪ ﺑﻌﺼﺒﻴﺔ ﻭﺻﺎﻛﻪ ﺍﺳﻨﺎﻧﻲ ﻳﻠﻪ ﻛﺎﻝ ﺑﺘﻌﺠﺮﻑ ﻧﻌﻢ . ﻭﻳﺪﺭﻱ ﺍﻧﻲ ﺍﻟﻲ ﻭﺭﻩ ﺍﻟﺒﺎﺏ ﻣﺤﺪ ﻏﻴﺮﻱ . ﺯﻓﺮﺕ ﺑﻌﺼﺒﻴﺔ ﻭﻓﺘﺤﺖ ﺍﻟﺒﺎﺏ ، ﺷﻔﺘﻪ ﻣﺘﻤﺪﺩ ﻋﻠﻰ ﺍﻟﺴﺮﻳﺮ ﻭﺍﺩﻳﻪ ﺟﻮﻩ ﺭﺍﺳﻪ ، ﺗﺒﺎﺩﻟﻨﺎ ﺍﻟﻨﻈﺮﺍﺕ ﺭﻓﻊ ﺣﺎﺟﺒﻪ ﻭﺩﺍﺭ ﻭﺟﻬﻪ ﻭﻛﺎﻝ ﻃﻠﻌﻲ ﻭﺳﺪﻱ ﺍﻟﺒﺎﺏ . ﻛﺘﻠﻪ ﺑﺘﻜﺒﺮ ؛ ﻛﻮﻭﻭﻭﻡ ﺧﻞ ﻧﺤﺠﻲ . ؛ ﻣﺎﻛﻮ ﺣﺠﻲ ﺑﻴﻨﻨﺎ ﻳﻠﻪ ﺭﻭﻭﻭﺣﻲ . ( ﻭﻳﺄﺷﺮ ﺑﻴﺪﻩ ) ( ﺑﺈﺻﺮﺍﺭ ﺣﺎﺯﻡ ﻭﺑﺪﺃ ﺻﺒﺮﻱ ﻳﻨﻔﺬ ) ؛ ﻻﺍﺍﺍﺀ ﺍﻛﻮ ( ﻭﺑﻨﺒﺮﺓ ﺃﻣﺮ ﻭﺃﺷﺮ ﺑﺮﺍﺳﻲ ) ﻳﻠﻪ ﻛﻮﻡ . ﻛﻌﺪ ﻋﻠﻰ ﺣﻴﻠﻪ ﺑﻜﺴﻞ ﻣﺪ ﺍﻳﺪﻩ ﻟﻮﺭﻩ ﺭﺍﺳﻪ ﻭﻳﺤﻚ ﺑﺸﻌﺮﻩ ؛ ﺷﺘﺮﺩﻳﻦ ؟ ﺣﺴﻴﺖ ﻋﻘﻠﻲ ﻳﺜﻮﺭ ﺑﺪﻣﺎﺀ ﺣﺎﺭﺓ ﻭﻗﻠﺒﻲ ﻳﻔﻮﺭ ﻣﻦ ﺗﺼﺮﻓﺎﺗﻪ ﻛﺘﻠﻪ ﺑﺘﻔﻬﻢ ... ﺷﺮﻳﺪ ﻣﺜﻼ ؟ ﺗﺮﻯ ﻣﺠﺮﺩ ﺩﺍ ﺍﻧﺎﻗﺸﻚ ﺑﻤﻮﺿﻮﻉ ﺯﻭﺟﺘﻚ ﻣﻮ ﺍﺟﺒﺮﻙ ... ﺿﺤﻚ ﺑﺎﺳﺘﻬﺰﺍﺀ ﻭ ﻭﻛﻒ ﺑﺠﺬﻋﻪ ﺍﻟﻤﺘﻌﺐ ﺗﻘﺮﺏ ﻣﻨﻲ ﻭﻧﺰﻝ ﺭﺍﺳﻪ ﺍﻟﻤﺴﺘﻮﺍﻱ ... ﺷﻨﻮﻭ ﺩﺗﻨﺎﻗﺸﻴﻦ ﻣﺘﺠﺒﺮﻳﻦ ... ﻻ ﺍﻟﻠﻪ ﻋﻠﻴﺞ ﺍﺟﺒﺮﻳﻨﻲ ﺑﺸﺮﻓﺞ ﺍﺟﺒﺮﻳﻨﻲ ... ﻛﻤﻞ ﺑﺴﺨﺮﻳﺔ ... ﻫﻬﻬﻬﻬﻬﻬﻬﻬﻬﻪ ﺗﻨﺎﻗﺶ ﻣﺘﺠﺒﺮ ﺷﻮﻓﻲ ﻋﺰﻳﺰﺗﻲ ﻻ ﺗﻨﺎﻗﺸﻴﻦ ﻭﻻ ﺗﺘﺪﺧﻠﻴﻦ ﺣﻴﺎﺗﻲ ﻭﺣﺮ ﺑﻴﻬﺎ ﻣﺜﻞ ﻣﺎ ﺍﻧﺘﻲ ﺣﺮﺓ ﺑﺤﻴﺎﺗﺞ ﻣﻮ ﺻﺢ ؟ ﺭﺩﻳﺖ ﺑﻌﺘﺐ ﻭﻗﻬﺮ ... ﺍﻫﺎﺍﺍﺍ ﻳﻌﻨﻲ ﺍﻻﺥ ﺯﻋﻼﻥ ﻻﻥ ﻣﻘﺒﻠﺖ ﺗﺘﺪﺧﻞ ﺑﺤﻴﺎﺗﻲ ﻃﻘﻄﻖ ﺍﺻﺎﺑﻌﻪ ﺑﻬﺪﻭﺀ ﺷﺪﻳﺪ ﻭﺿﺤﻚ ... ﺗﺮﻯ ﻣﺘﻬﻤﻴﻨﻲ ﺍﻧﻲ ﺍﻟﺨﺎﻃﺮ ﻗﺴﻮﺭ ﺣﺠﻴﺖ ﺍﻟﺘﻘﻄﺖ ﺍﻧﻔﺎﺳﻲ ﺑﻐﻀﺐ ﻣﺮﻳﺮ ﺟﺎﻭﺑﺘﻪ ... ﻭﻻ ﺍﻧﺖ ﺗﻬﻤﻨﻲ ﺑﺲ ﺍﻧﻲ ﺍﺟﻴﺖ ﺍﻟﺨﺎﻃﺮ ﺻﺪﻳﻘﺘﻲ ﻭﻫﺴﻪ ﺍﻛﺘﺸﻔﺖ ﺍﻧﺖ ﻓﻌﻼ ﻣﺘﺴﺘﺎﻫﻠﻬﺎ ﻭﺍﺻﻼ ﺣﺮﺍﻣﺎﺕ ﺍﺗﺰﻭﺟﺘﻚ . ﺭﻓﻊ ﺍﺻﺒﻌﻪ ﺑﻨﻈﺮﺍﺕ ﺟﺎﻣﺪﻩ ﺧﺒﻴﺜﻪ ... ﻟﻌﺪ ﺍﻃﻠﻌﻲ ﺑﺮﺍ ﻣﻦ ﺗﺪﺧﻞ ﻓﻲ ﻣﺎ ﻻ ﻳﻌﻨﻴﻪ ﻟﻘﻴﻪ ﻣﺎ ﻻ ﻳﺮﺿﻴﻪ ﻭﺍﻧﻲ ﻣﺎ ﺍﺣﺠﻲ ﻭﻳﻪ ﺍﻟﻤﺰﻋﻄﻪ ﻭﻣﺎﻛﻮ ﺩﺍﻋﻲ ﺍﻓﻬﻢ ﺷﺨﺺ ﻣﺎ ﻳﻔﻬﻢ ﻻﻥ ﺍﻛﻮ ﻗﻮﻝ ﻳﻜﻮﻝ ... ﻧﻘﻞ ﺍﻟﺼﺨﻮﺭ ﻣﻦ ﻣﻮﺍﻗﻌﻬﺎ ﺍﻓﻀﻞ ﻣﻦ ﺗﻔﻬﻴﻢ ﻣﻦ ﻻ ﻳﻔﻬﻢ . ﻗﺎﺑﻠﺘﻪ ﺑﻨﻈﺮﺍﺕ ﺿﻌﻴﻔﻪ ﺗﺎﻳﻬﻪ ... ﻫﻬﻬﻪ ﻃﺎﻟﻌﻪ ﺍﺻﻼ ﻉ ﺍﺳﺎﺱ ﻏﺮﻓﺘﻚ ﺍﻟﻘﺼﺮ ﺍﻟﺠﻤﻬﻮﺭﻱ ﻗﻬﺮﻧﻲ ﻭﺣﺴﻴﺖ ﻛﻼﻣﻪ ﻣﺜﻞ ﺍﻟﺮﻳﺢ ﺍﻟﻌﺎﺗﻴﻪ ﺍﻟﻲ ﺑﻌﺜﺮﺕ ﺍﺟﺰﺍﺀ ﺭﻭﺣﻲ ﻓﻼﺯﻡ ﺍﺣﺮﮒ ﮔﻠﺒﻪ ﻣﺜﻞ ﻣﺎ ﺍﺳﺘﻔﺰﻧﻲ ﻭﺍﺳﺘﻨﺰﻑ ﻃﺎﻗﺘﻲ ﻛﻤﻠﺖ ﺑﺎﺳﺘﻔﺰﺍﺯ ... ﺑﺲ ﻗﺒﻞ ﻻ ﺍﻃﻠﻠﻊ ﺍﺣﺒﺐ ﺍﻛﻮﻟﻚ ﺷﻐﻠﺔ ﺟﻨﺖ ﺍﻧﻲ ﻭﺍﻛﻔﺔ ﻭﻳﺎﻙ ﺿﺪ ﻣﻬﺎ ﺑﺲ ﻫﺴﻪ ﻣﻦ ﺷﻔﺖ ﺗﺼﺮﻓﺎﺗﻚ ﻻ ﻓﻌﻼ ﻣﻬﺎ ﻣﻮ ﻏﻠﻄﺎﻧﺔ ﺍﻧﺖ ﺍﻟﻐﻠﻂ ﻣﻨﻚ ﻭﺑﻌﺪﻳﻴﻦ ﺍﺣﻤﺪ ﺭﺑﻚ ﻭﺷﻜﺮﻩ ﺍﻥ ﻣﺮﺗﻚ ﺩﺗﺤﺎﻭﻝ ﻳﺼﻴﺮ ﻋﻨﺪﻛﻢ ﻃﻔﻞ ﻭﺗﻜﺬﺏ ﻋﻠﻰ ﻧﻔﺴﻬﺎ ﺑﺲ ﻫﻲ ﻏﺒﻴﻪ ﻧﺴﺖ ﺍﻧﺖ ﺑﺪﻭﻥ ﺭﺟﻮﻭﻟﺔ ﻭﺍﺣﺘﻤﺎﻝ ﻋﻘﻴﻴﻢ ﺗﻌﺎﺑﻴﺮ ﺍﻟﻌﻨﻒ ﺗﻐﻄﻲ ﻭﺟﻬﻪ ﺍﻟﺼﺎﺭﻡ ، ﺛﺎﺭ ﺍﻟﻐﻀﺐ ﺑﺪﺍﺍﺧﻠﻪ ﻣﺎ ﺷﻔﺖ ﻏﻴﻴﺮ ﻧﻔﺴﻲ ﺍﺭﺗﻄﻤﺖ ﺑﺘﺎﺝ ﺍﻟﺠﺮﺑﺎﻳﻪ ﻣﻦ ﻗﻮﺓ ﺍﻟﺮﺍﺷﺪﻱ ﺍﻟﻲ ﺧﻼﻧﻲ ﻓﻘﺪﺕ ﺍﻟﺴﻤﻊ ﻟﻠﺤﻀﺎﺕ ... ﺛﺒﺘﺖ ﻧﻔﺴﻲ ﻛﻮﺓ ، ﺭﺟﻌﺖ ﺑﺎﻭﻋﺘﻠﻪ ﺗﻘﺎﺑﻠﺖ ﻧﻈﺮﺍﺗﻨﺎ ﺑﺼﺮﺍﻉ ﻏﺎﺿﺐ ﺭﻛﺰ ﺑﻨﻈﺮﺍﺗﻪ ﻋﻠﻴﻪ ﻭﺻﻤﺘﻪ ﻳﺨﻮﻓﻨﻲ ﺍﻛﺜﺮ ﻣﻦ ﺛﻮﺭﺓ ﺍﻟﻐﻀﺐ ﺍﻟﻲ ﺗﻮﻗﻌﺘﻬﺎ ﻣﻨﻪ . ﻭﻛﻔﺖ ﺍﺑﺎﻭﻋﻠﻪ ﺑﺴﺨﺮﻳﺔ ﻭﺍﺳﺘﻬﺰﺃ ﺑﻴﻪ ﺑﺎﺑﺘﺴﺎﻣﺔ ﻣﺴﺘﻔﺰﺓ ﻭﺭﺍﻓﻌﺔ ﺣﺎﺟﺒﻲ ، ﺍﺷﺘﻌﻠﺖ ﻧﻈﺮﺍﺗﻪ ﻣﻦ ﺟﺪﻳﺪ ؛ ﻟﺘﻴﺎﻭﻋﻴﻦ ﻫﻴﺞ ﻟﻠﺞ ﻳﻠﻪ ﺍﻧﺰﻟﻲ ﻻ ﺍﺑﺘﻠﻲ ﺑﻴﺞ ﻭﻣﻬﺎ ﻣﺎﻟﺞ ﻋﻼﻗﺔ ﺑﻴﻬﺎ . ﺩﺭﺕ ﻭﺟﻬﻲ ﻭﺑﺴﺮﻋﺔ ﺭﻛﻀﺖ ﻭﺍﺳﻤﻌﻪ ﻳﺘﺤﺴﺮ ، ﻧﺰﻟﺖ ﺍﺭﻛﺾ ﻋﻠﻰ ﺍﻟﺪﺭﺝ ﻭﺍﻧﻲ ﺑﺤﺎﺟﺔ ﺍﻟﻰ ﺍﺧﻤﺎﺩ ﺍﻟﺤﺮﻳﻖ ﺍﻟﻤﻨﺪﻟﻊ ﻓﻲ ﺟﻮﻓﻲ ، ﺍﻧﺴﻠﺖ ﻣﻦ ﺩﺍﺧﻠﻲ ﺍﻣﻨﻴﺔ ﺗﻤﻨﻴﺖ ﻣﺎﺍﺷﻮﻑ ﻋﻤﻪ ﻛﺪﺍﻣﻲ ﻟﺘﺸﻮﻓﻨﻲ ﺑﻬﺬﺍ ﺍﻟﻮﺿﻊ . ﺭﺣﺖ ﻟﻠﺼﺎﻟﺔ ﻣﺎﺷﻔﺘﻬﺎ ﺗﻨﻬﺪﺕ ﺑﺎﺭﺗﻴﺎﺡ ﺍﺧﺬﺕ ﺟﻨﻄﺘﻲ ﻣﻦ ﻋﻠﻰ ﺍﻟﻘﻨﻔﺔ ﻭﻃﻠﻌﺖ ﻣﻦ ﺑﺎﺏ ﺍﻻﺳﺘﻘﺒﺎﻝ ﺍﻛﻮ ﻣﺮﺍﻳﺔ ﺑﺎﻭﻋﺖ ﻟﻮﺟﻬﻲ ، ﺻﻔﺤﺔ ﺧﺪﻱ ﺣﻤﺮﺭﺭﺭﺓ ﻭﺷﻌﺮﻱ ﻣﺨﺮﺑﻂ . ﻋﺪﻟﺘﻪ ﺑﺴﺮﻋﺔ ﻭﺍﻧﻲ ﺍﻣﺸﻲ ﻭﻃﻠﻌﺖ ﻣﻦ ﺑﻴﺘﻬﻢ . **** ﺯﻫﺮﺍﺀ : ﺩﺍﻭﻣﺖ ﻭﺍﻧﻲ ﻣﺘﺤﻠﻔﻪ ﺍﺫﺍ ﺭﺍﻓﺪ ﺗﻘﺮﺑﻠﻲ ﺍﺷﺘﻜﻲ ﻋﻠﻴﻪ ﺍﻭ ﺍﻓﻀﺤﻪ ﻓﻀﻴﺤﺔ ﻻﺻﺎﺭﺕ ﻭﻻ ﺍﺳﺘﻮﺕ ، ﻭﺻﺎﺩﻑ ﺑﻴﻮﻣﻬﺎ ﻋﺪﻧﺎ ﻣﺤﺎﺿﺮﺗﻪ ، ﺻﺎﺭ ﻭﻗﺖ ﺍﻟﻤﺤﺎﺿﺮﺓ ﺗﻔﺎﺟﺌﺖ ﻣﺎﻛﻮ ﻣﺎﺍﺟﻪ ، ﺍﺳﺘﻐﺮﺑﺖ ﺍﺧﺮ ﻣﺤﺎﺿﺮﺓ ﻃﻠﻌﺖ ﺗﻠﻴﻔﻮﻧﻲ ﻭ ﺧﺎﺑﺮﺕ ﺻﻔﺎﺀ . ﺟﺎﻭﺑﻨﻲ ؛ ﺣﺒﻴﺒﻲ ﺣﻄﻠﻊ ﻗﺒﻞ ﺍﻟﺨﻂ ﺍﻧﻲ ﺗﻌﺒﺎﻧﺔ ﺩﺍ ﺍﺭﺟﻊ ﻟﻠﺒﻴﺖ . _ ﻟﻄﻠﻌﻴﻦ ﻭﺣﺪﺝ ﺯﻫﺮﺍﺀ ﺧﺎﺑﺮﻱ ﻋﻠﻰ ﺃﺣﻤﺪ ﺍﻭ ﻛﻯﺎﺭ ﻳﺠﻮﺝ . _ ﺗﻤﺎﻡ ، ﺧﺎﺑﺮﺕ ﺍﺣﻤﺪ ﻭﺍﺟﺎﻧﻲ ﺭﺟﻌﻨﻲ ﻟﻠﺒﻴﺖ ﺩﺧﻠﺖ ﺟﻮﻩ ﻟﻜﻴﺖ ﺑﻬﺎﺀ ﻳﻤﻨﺎ ﺳﻠﻤﺖ ﻭﺻﻌﺪﺕ ﺑﺪﻟﺖ ﻭﺻﻠﻴﺖ ﻭﻧﺰﻟﺖ ﺭﺍﻳﺢ ﺑﻬﺎﺀ ﺗﻮﺟﻬﺖ ﻟﻠﻤﻄﺒﺦ ﺣﻀﺮﺕ ﺍﻻﻛﻞ ﺑﻴﻦ ﻣﺎﻳﺠﻲ ﺻﻔﺎﺀ .. ﺍﻧﺘﻈﺮﺗﻪ ﺟﻮﺓ ﻻﻥ ﺍﻋﺮﻑ ﻋﻠﻰ ﺟﻴﻪ ، ﻭﻣﻦ ﺍﺟﻪ ﺻﺒﻴﺖ ﻭﻛﻌﺪﻧﺎ ﻧﺎﻛﻞ ، ﻛﻠﺴﺎﻉ ﺍﺑﺎﻭﻋﻠﻪ ﻭﺑﺪﺍﺧﻠﻲ ﺷﻜﻮﻙ ﺍﺭﻳﺪ ﺍﺳﺄﻝ ﻋﻠﻰ ﺭﺍﻓﺪ ﺑﺲ ﺍﺧﺎﻑ ﻣﻨﻪ . ﻫﻮ ﻇﻞ ﻳﺮﺍﻗﺒﻨﻲ ﻋﺒﺎﻟﻚ ﻳﻌﺮﻑ ﻋﻨﺪﻱ ﺣﺠﻲ ﺭﻓﻊ ﺣﺎﺟﺒﻪ ؛ ﺷﺒﻴﺞ ﺍﺣﺠﻲ ؟ ﻋﻴﻮﻧﺞ ﻣﻠﻴﺎﻧﻪ ﺣﺠﻲ ! ﺍﺣﻢ ؛ ﺣﺒﻴﺒﻲ ﺍﺳﺄﻟﻚ ﺑﺲ ﻟﺘﻌﺼﺐ ﻭﺗﻔﻬﻤﻨﻲ ﻏﻠﻂ . ﺧﻠﻪ ﺍﻟﺨﺎﺷﻮﻛﺔ ﻣﻦ ﺍﻳﺪﻩ ﻭﻇﻞ ﻳﻔﺮﻙ ﺑﺎﺩﻳﻪ ؛ ﺍﺣﺠﻲ ﺍﺳﻤﻊ . _ ﺍﻟﻴﻮﻡ ﺟﺎﻧﺖ ﻋﺪﻧﺎ ﻣﺤﺎﺿﺮﺓ ﻟﺮﺍﻓﺪ ﺑﺲ ﺷﻮ ﻣﺎﺍﺟﻪ ﻟﻴﺶ ﻭﻣﻦ ﺳﺄﻟﺖ ﻋﻠﻴﻪ ﻛﺎﻟﻮﺍ ﺻﺎﺭ ﺍﺳﺒﻮﻋﻴﻦ ﻣﺎﻛﻮ _ ﺍﻱ ﻣﻮ ﺑﻬﺎﺀ ﺳﺠﻨﻪ ﻭﺃﻧﻲ ﺭﻓﻌﺖ ﻋﻠﻴﻪ ﺩﻋﻮﺓ ﻭﺷﺮﻃﺖ ﻋﻠﻴﻪ ﺍﺗﻨﺎﺯﻝ ﺑﺸﺮﻁ ﻳﻘﺪﻡ ﻧﻘﻞ ﺑﺄﺳﺮﻉ ﻭﻗﺖ ﻭﺍﺫﺍ ﺗﺄﺧﺮ ﻣﻮﺿﻮﻉ ﻧﻘﻠﻪ ﻳﺎﺧﺬ ﺍﺟﺎﺯﺓ ﻭﻫﺴﻪ ﺳﺪﻱ ﺍﻟﻤﻮﺿﻮﻉ ﺗﺮﻯ ﻣﺎﻟﻲ ﺧﻠﻚ ﺳﻜﺘﺖ ﺷﻔﺘﻪ ﺗﻌﺼﺐ ﻛﻤﻞ ﺍﻛﻞ ﻭﺍﻧﻲ ﻟﻤﻠﻤﺖ ﻭﺻﻌﺪﺕ ﻟﻠﻐﺮﻓﻪ ﺩﺍﺍﻧﺎﻡ ﺗﻮﻧﻲ ﺍﻏﻔﻪ ﻭﺩﺧﻞ ﺻﻔﺎﺀ ﻟﻠﻐﺮﻓﻪ ﺑﺲ ﺳﻮﻳﺖ ﻧﻔﺴﻲ ﻧﺎﻳﻤﻪ ، ﺍﺟﻪ ﻳﻤﻲ ﻭ ﺳﺤﺒﻨﻲ ﻟﺤﻀﻨﻪ . ﻗﺮﺏ ﺣﻠﻜﻪ ﻣﻦ ﺍﺫﻧﻲ ﻭﻇﻞ ﻳﻬﻤﺴﻠﻲ : ﺍﺩﺭﻱ ﺑﻴﺞ ﻛﺎﻋﺪﻩ ﺣﻴﺎﺗﻲ ﻓﻼ ﺗﻤﺜﻠﻴﻦ ﺍﻟﻨﻮﻡ ﻻﻥ ﺃﻧﺘﻲ ﻓﺎﺷﻠﺔ ﺑﺎﻟﺘﻤﺜﻴﻞ ﻓﺘﺤﺖ ﻋﻴﻮﻧﻲ ﺑﺎﻭﻋﺘﻠﻪ ﻏﻤﺰﻟﻲ : ﺑﺲ ﺑﺎﺭﻋﻪ ﺑﻐﻴﺮ ﺷﻲ ﻭﻫﺬﺍ ﺍﻟﺸﻲ ﺃﻧﻲ ﺍﺣﺒﻪ _ ﺻﻔﺎﺀ ﻭﺍﻟﻠﻪ ﻧﻌﺴﺎﻧﻪ ﻭﺗﻌﺒﺎﻧﻪ ﻭﻇﻬﺮﻱ ﻳﻮﺟﻌﻨﻲ ﻓﺪﻭﺓ ﺧﻠﻲ ﺍﻧﺎﻡ ﺍﻋﻮﺿﻚ ﺑﻌﺪﻳﻦ _ ﺑﺸﻨﻮ ﺗﻌﻮﺿﻴﻨﻲ _ ﻫﻬﻬﻬﻬﻪ ﻉ ﺍﺳﺎﺱ ﻣﺘﻌﺮﻑ ﺣﺠﻴﺖ ﻭﻭﺧﺮﺕ ﺍﻳﺪﻩ ﻋﻦ ﺟﺴﻤﻲ ﻻﻥ ﺟﺎﻥ ﺩﻳﺘﻠﻤﺲ ﺑﺠﺴﻤﻲ ﺑﺠﺮﺃﺓ _ ﻻ ﻣﺎﺍﻋﺮﻑ ﻭﺍﺫﺍ ﺍﻋﺮﻑ ﺑﺲ ﺍﻭﻝ ﺳﻄﺮ ﺍﻧﺘﻲ ﻛﻤﻠﻲ ﺍﻟﺒﺎﻗﻲ _ ﻣﺎﻃﻮﻝ ﺗﻌﺮﻑ ﺍﻟﺴﻄﺮ ﺍﻻﻭﻝ ﻣﻌﻨﺎﻫﺎ ﻭﺍﺿﺢ ﻋﻨﺪﻙ ﺍﻟﺘﻌﻮﻳﺾ ﺣﺒﻴﺒﻲ ﺑﺴﺮﻋﻪ ﺻﺎﺭ ﻓﻮﻛﺎﻱ : ﻳﺎﺭﻭﺡ ﺣﺒﻴﺒﺞ ﻭﺍﻧﻔﺎﺳﻪ ﻭﻧﺒﻀﻪ ﺃﻧﻲ ﻣﺎﺍﺟﻞ ﺍﻟﺘﻌﻮﻳﺾ ﻭﻻ ﺍﺣﺐ ﺍﺳﺎﻭﻡ ﻉ ﺣﻘﻮﻗﻲ _ ﺣﻘﻮﻗﻚ؟ ﻣﺎﺍﻧﻄﺎﻧﻲ ﻣﺠﺎﻝ ﺍﻛﻤﻞ ﻛﻼﻣﻲ ﺑﺴﺮﻋﻪ ﺍﺧﺬ ﺷﻔﺎﻳﻔﻲ ﻭﺟﺮﺩﻧﻲ ﻣﻦ ﻣﻼﺑﺴﻲ ﻋﺒﺎﻟﻚ ﺩﺍﺧﻞ ﺑﻤﻌﺮﻛﻪ ﻭﻋﺒﺎﻟﻚ ﻫﺎﻱ ﺃﻭﻝ ﻣﺮﺓ ﻳﺘﻘﺮﺑﻠﻲ ﺃﺑﺪ ﻟﻬﻔﺘﻪ ﻣﺘﺘﻐﻴﺮ ﻣﻦ ﻳﺘﻘﺮﺑﻠﻲ ﻫﻲ ﻫﻲ ﻭﻣﻦ ﺍﺳﺄﻟﻪ ﺷﻠﻮﻥ ﻫﻴﺞ ﺍﻧﺖ ﻳﻜﻮﻟﻲ ﺣﺘﻰ ﺍﻧﻔﺎﺳﺞ ﺗﺜﻴﺮﻧﻲ ﺃﺳﻜﺘﻲ ﻭﺍﺳﺘﺮﻱ ﻉ ﻧﻔﺴﺞ ﻭﻛﺎﻟﻌﺎﺩﺓ ﻳﺴﻜﺘﻨﻲ ﺑﻄﺮﻳﻘﺘﻪ ﺍﻟﺨﺎﺻﻪ ﺍﻻﺣﺒﻬﺎ ﻫﻮ ﻛﻮﻟﺶ ﺣﻨﻴﻦ ﺻﺢ ﻋﺼﺒﻲ ﻭﺷﺎﻟﻊ ﮔﻠﺒﻲ ﺑﺲ ﻣﻴﻄﻮﻝ ﻏﻀﺒﻪ ، ﺍﻻ ﺑﺎﻟﻔﺮﺍﺵ ﻣﺠﻨﻮﻥ ﻭﻟﻤﺴﺎﺗﻪ ﻗﺎﺳﻴﻪ ﺑﺲ ﻣﻦ ﺃﺑﺎﻭﻉ ﺑﻌﻴﻨﻪ ﻳﻌﺮﻓﻨﻲ ﺍﺗﺄﺫﻳﺖ ﻳﺮﻗﻖ ﻟﻤﺴﺘﻪ ﻭﻳﻬﻤﺴﻠﻲ ﺍﺳﻒ ﺣﺒﻴﺒﻲ ﻣﺎﺍﻛﺪﺭ ﺍﻗﺎﻭﻣﺞ ﺍﺑﺎﺩﻟﻪ ﺑﺄﺑﺘﺴﺎﻣﻪ ﻣﻦ ﺑﻌﺪ ﻣﺎﻛﻤﻞ ﻭﺍﺑﺘﻌﺪ ﻋﻨﻲ ﺣﺴﻴﺖ ﺑﺄﻟﻢ ﺑﻄﻨﻲ ﻭﻭﺟﻊ ﺑﻈﻬﺮﻱ ﺟﺎﻥ ﺧﻔﻴﻒ ﺑﺲ ﻣﻦ ﻛﻤﺖ ﻭﻭﻛﻔﺖ ﻉ ﺭﺟﻠﻴﻪ ﺩﺍﺍﺭﻳﺪ ﺃﺭﻭﺡ ﻟﻠﺤﻤﺎﻡ ﺍﺑﺎﻭﻉ ﺭﺟﻠﻴﻪ ﻋﺒﺎﺭﻩ ﻋﻦ ﺧﻂ ﺩﻡ ﻧﺰﻝ ﻣﻨﻲ ﺗﻔﺎﺟﺌﺖ ﻋﺒﺎﻟﻲ ﻋﺎﺩﻱ ﺑﺲ ﺻﺎﺭ ﺍﻟﻢ ﻋﻨﺪﻱ ﻭﺍﺻﻼ ﻓﺎﻳﺘﺘﻨﻲ ﻫﻮﺍﻳﻪ ﻭﻧﺎﺳﻴﺔ ﻧﻔﺴﻲ . ﺧﻠﻴﺖ ﺍﻳﺪﻱ ﻋﻠﻰ ﺑﻄﻨﻲ ﻣﺘﺄﻟﻤﺔ ﻭﺍﻛﻮﻭﻝ ﺍﺧﺨﺦ ، ﺑﺴﺮﻋﻪ ﻃﻔﺮ ﺻﻔﺎﺀ ﻣﻦ ﻣﻜﺎﻧﻪ ﺍﺧﺬﻧﻲ ﻟﻠﺤﻤﺎﻡ ﺳﺒﺤﻨﻲ ﺳﺄﻟﻨﻲ ﺷﻮﻛﺖ ﺃﺧﺮ ﻣﺮﺓ ﺍﺟﺘﻨﻲ ﺍﻟﺸﻬﺮﻳﺔ ﺗﺬﻛﺮﺕ ﺻﺎﺭﻟﻬﺎ ﺷﻬﺮ ﻭﻧﺺ ﻣﺎﻛﻮ ﻣﻦ ﺟﺎﻭﺑﺘﻪ ﻋﺼﺐ . _ ﺍﻱ ﻏﻴﺮ ﺗﺤﺠﻲ ﺗﻜﻮﻟﻴﻦ ﺑﺴﺮﻋﻪ ﻟﺒﺴﻨﻲ ﻭﻧﺰﻟﻨﻪ ﺟﻮﻩ ﻛﺎﻝ ﻻﻣﻪ ﺗﻠﺤﻜﻨﻪ ﻟﻠﺴﻴﺎﺭﺓ ﺍﻻﻟﻢ ﻣﻮﺗﻨﻲ ﻛﻤﺖ ﺍﻋﺾ ﺑﻴﺪﻱ ﻭﺍﺑﺠﻲ ﻭﻫﻮ ﺍﻧﺨﺒﺾ ﻣﻴﻌﺮﻑ ﺷﻴﺴﻮﻳﻠﻲ ﺣﺘﻰ ﻳﺮﻭﺡ ﺍﻻﻟﻢ ﻇﻞ ﺍﻻﻟﻢ ﻳﺮﻭﺡ ﻭﻳﺠﻲ . ﺍﺟﺖ ﻋﻤﻪ ﺻﻌﺪﺕ ﻭﺳﺎﻕ ﺑﻜﻞ ﺳﺮﻋﺘﻪ ، ﻭﺻﻠﻨﺎ ﻟﻠﻤﺴﺘﺸﻔﻰ ﺩﺧﻠﺖ ﻋﻠﻰ ﺍﻟﺪﻛﺘﻮﺭﺓ ﻓﺤﺼﺘﻨﻲ ﻭﺩﺯﻭﺍ ﺗﺤﺎﻟﻴﻠﻲ ﻟﻠﻤﺨﺘﺒﺮ ﻭﺍﻧﻲ ﻟﻠﺮﺩﻫﺔ . ﺑﻘﺖ ﻋﻤﻪ ﻳﻤﻲ ﻭﻛﻠﺴﺎﻉ ﻛﺎﻟﺖ ﺍﻧﻲ ﻣﺘﺄﻛﺪﺓ ﺍﻧﺘﻲ ﺣﺎﻣﻞ ﻭﺿﻌﺞ ﻣﻮ ﻋﺎﺟﺒﻨﻲ ﻫﺎﻟﻔﺘﺮﺓ ﻭﺟﻬﺞ ﺷﺎﺣﺐ ﻭﺍﻛﻠﺞ ﻗﻠﻴﻞ ﻭﻧﻬﺎﺭ ﻛﻠﻪ ﺗﺼﻴﺤﻴﻦ ﺍﻳﻊ ﻭﻣﻴﻊ . ﺩﺭﺕ ﻭﺟﻬﻲ ﺷﻮﻛﺖ ﺻﺤﺖ ﺍﻳﻊ ﻭﻣﻴﻊ ﺑﻠﻠﻪ . ﺭﻥ ﻣﻮﺑﺎﻳﻠﻬﺎ ﻃﻠﻌﺘﻪ ﻣﻦ ﺟﺰﺩﺍﻧﻬﻪ ﻛﺎﻟﺖ ﻫﺬﺍ ﻋﻤﺞ ﺍﺭﻭﺡ ﺍﺟﺎﻭﺑﻪ ﻭﻃﻠﻌﺖ . ﺷﻮﻳﻪ ﺍﺟﻪ ﺻﻔﺎﺀ ﻭﺟﻬﻪ ﻣﺸﺮﻕ ﺑﺎﺑﺘﺴﺎﻣﺔ ﻋﻠﻰ ﻣﻼﻣﺤﻪ ﺗﻘﺪﻡ ﻭﺩﻧﻚ ﻟﻤﺴﺘﻮﺍﻱ ﻭ ﺑﺎﺳﻨﻲ ﺑﻜﺼﺘﻲ ﻭﺭﺟﻊ ﻇﻞ ﻳﺒﺎﻭﻉ ﺑﻮﺟﻌﻲ : ﻣﺒﺮﻭﻙ ﻳﺎ ﻓﺮﺣﺔ ﺻﻔﺎﺀ ﻭﻧﺒﻀﻪ ﻟﺞ ﻃﻔﻠﺘﻲ ﺍﻧﺘﻲ ﺣﺎﻣﻞ _ ﺻﺪﻭﻙ ﺻﻔﺎﺀ ﺍﺣﻠﻒ _ ﻭﺩﺍﻋﺘﺞ ﻋﻨﺪﻱ ﺧﻠﻴﺖ ﺃﻳﺪﻱ ﻉ ﺑﻄﻨﻲ ﺍﺣﺴﺎﺱ ﻳﺠﻨﻦ ﺍﻧﺞ ﺗﻜﻮﻧﻴﻦ ﺣﺎﻣﻞ ﻣﻦ ﺍﻟﺮﺟﻞ ﺍﻟﺘﺤﺒﻲ ﻭﺗﻌﺒﺘﻲ ﺣﺘﻰ ﺻﺮﺗﻲ ﻣﻦ ﻧﺼﻴﺒﻪ ﺣﺴﻴﺖ ﺑﻌﻄﻒ ﺍﺗﺠﺎﻩ ﻫﺬﺍ ﺍﻟﻜﺎﺋﻦ ﺍﻟﺼﻐﻴﺮ ﺍﻟﻤﻮﺟﻮﺩ ﺑﺄﺣﺸﺎﺋﻲ ﻭﺗﺸﻮﻗﺖ ﻟﺸﻮﻓﺘﻪ ﺳﺄﻟﺘﻪ ﻟﻌﺪ ﻟﻴﺶ ﻫﻴﺞ ﺻﺎﺭ ﺷﺒﻴﻪ ﺍﻧﺰﻑ ﻭﻣﺘﻮﺟﻌﺔ ؟ _ ﻣﻮ ﺍﻧﻲ ﺍﺧﺬﺗﺞ ﺑﻘﻮﺓ ﻭﺍﻧﺘﻲ ﺑﻌﺪﺝ ﺷﻬﺮﻳﻦ ﻻ ﻭﺍﻟﻤﺼﻴﺒﻪ ﺣﺮﻣﻮﻧﻲ ﻣﻨﺞ ١٥ ﻳﻮﻡ ﻫﺎﻱ ﻻﺯﻡ ﺍﺑﺎﺕ ﺑﺎﻟﻤﺴﺘﺸﻔﻰ ﻫﻮ ﺍﻧﺘﻲ ﺑﺲ ﺍﺷﻤﺞ ﺍﻓﻘﺪ _ ﺷﻜﺪ ﻣﻨﺤﺮﻑ ﻭﻭﻛﺢ _ ﺍﻱ ﻣﻨﺤﺮﻑ ﻟﻌﺪ ﻟﻮ ﻣﺎ ﺍﻧﺤﺮﺍﻓﻲ ﺟﺎﻥ ﺻﺮﺗﻲ ﺃﻡ ﺷﻮﻓﻲ ﻫﺎﻱ ﺍﻫﻢ ﻣﻨﺠﺰﺍﺗﻲ ﺑﺲ ﺍﻧﺘﻲ ﻣﺘﻌﺎﻓﻴﺔ ﻭﻣﺘﻘﺪﺭﻳﻦ ﺍﻟﻨﻌﻤﻪ ﺃﺳﻜﺘﻲ ﻻ ﺗﻄﻴﺮ ﻣﻦ ﺍﻳﺪﺝ ﻭﺍﻋﻄﻞ _ ﺧﺮﺭﺭﺏ ﺻﻔﺎﺀ ﻋﻴﻴﻴﺐ ﺍﻧﺖ ﻣﺘﻌﺮﻑ ﺍﻟﻌﻴﺐ ﻣﻨﻴﻦ ﻋﻴﺐ ﻣﻨﺞ ﺃﻧﺘﻲ ﻫﻬﻬﻬﻬﻪ ﺣﺠﺎﻫﺎ ﺑﺎﺳﺘﻬﺰﺍﺀ ﻭﻛﻤﻞ ﻛﻼﻣﻪ : ﺑﺎﺑﺎ ﺍﻧﺘﻲ ﻣﺮﺗﻲ ﻳﻌﻨﻲ ﻣﺎﻛﻮ ﻋﻴﺐ ﺑﻴﻨﺎﺗﻨﻪ _ ﺍﻱ ﺯﻳﻦ ﺷﻮﻛﺖ ﺍﻃﻠﻊ _ ﺑﺲ ﻳﻜﻤﻞ ﺍﻟﻤﺤﻠﻮﻝ ﻭﻧﻄﻠﻊ ﻧﺮﻭﺡ ﻟﺪﻛﺘﻮﺭﺓ ﻧﺴﺎﺋﻴﺔ ﺗﺸﻮﻓﺞ ﻭﺑﻌﺪﻫﺎ ﻧﺮﺟﻊ ﻟﻠﺒﻴﺖ ﺑﻘﻴﺖ ﻋﻠﻰ ﻣﺎ ﺧﻠﺺ ﺍﻟﻤﺤﻠﻮﻝ ﻭﺗﺎﻟﻲ ﻃﻠﻌﻨﻪ ﺍﺧﺬﻧﻲ ﻟﺪﻛﺘﻮﺭﺓ ﻫﻮ ﻳﻌﺮﻓﻬﺎ ﺃﺑﺎﻭﻋﻠﻪ ﻣﺘﺤﻤﺲ ﺃﻛﺜﺮ ﻣﻨﻲ ﺗﺎﻟﻲ ﻋﻤﻪ ﻛﺎﻟﺘﻠﻪ : ﺍﻛﻮﻟﻚ ﻳﻤﻪ ﺍﺫﺍ ﺗﺮﻳﺪ ﻧﺸﻴﻠﻪ ﻧﺨﻠﻲ ﺑﺒﻄﻨﻚ ﺍﺛﻜﻞ ﺷﺒﻴﻚ ﻓﻀﺤﺘﻨﺎ ﺟﻨﻚ ﺩﻳﺞ ﻫﺮﺍﺗﻲ ﺑﺲ ﺗﻜﻤﺰ . ﺿﺤﻜﻨﺎ ﺍﺛﻨﻴﻨﻪ ..... ﺟﺎﻭﺑﺘﻬﺎ ﻋﻤﻪ ﻓﺮﺣﺎﻥ ﻋﻮﻓﻲ .. _ ﻣﺎ ﻛﺎﻳﻠﻴﻠﻪ ﻻ ﺗﻔﺮﺡ ﺍﺣﻨﻪ ﺑﺲ ﻣﻮ ﻫﻴﺞ ﺩﺍﺩﺓ . ﺑﺎﻭﻋﺖ ﻟﺼﻔﺎﺀ ﺑﻤﻌﻨﻰ ﺷﺒﻴﻬﺎ ﺍﻣﻚ ﺟﺎﻭﺑﻨﻲ ﺑﻨﻈﺮﺍﺗﻬﺎ ﻣﺸﻴﻬﺎﺍﺍ .. ﻭﺻﻞ ﺍﻟﺴﺮﻩ ﺍﻟﻴﻪ ﻓﺤﺼﺘﻨﻲ ﻛﺎﻟﺖ ﺍﻟﻄﻔﻞ ﺻﺤﺘﻪ ﺯﻳﻨﻪ ﺑﺲ ﻻﺯﻡ ﻣﺎﺍﺗﺤﺮﻙ ﻫﻮﺍﻱ ﻭﻻﺯﻡ ﺯﻭﺟﻲ ﻳﺒﺘﻌﺪ ﻋﻨﻲ ﻣﻦ ﻛﺎﻟﺖ ﻫﻴﺞ ﺑﺎﻭﻋﺖ ﻟﺼﻔﺎﺀ ﻋﺒﺲ ﻭﺟﻬﻪ ﺷﻜﻠﻪ ﻳﻀﺤﻚ ﺑﺎﻭﻋﺘﻠﻪ ﺑﻨﻈﺮﺍﺕ ﺷﻤﺎﺗﻪ ﺭﻓﻊ ﺣﺎﺟﺒﻪ .. ﻛﺘﺒﺘﻠﻲ ﺍﻟﺪﻛﺘﻮﺭﺓ ﻣﻘﻮﻳﺎﺕ ﻭﻓﻴﺘﺎﻣﻴﻨﺎﺕ ﻭﺭﺟﻌﻨﺎ ﻟﻠﺒﻴﺖ .. ﺭﺣﺖ ﻻﻫﻠﻲ ﻛﻠﺘﻠﻬﻢ ﺑﺎﺭﻛﻮﻟﻲ ﻣﺎﻣﺎ ﺍﻗﺘﺮﺣﺖ ﺍﺑﻘﻰ ﻳﻤﻬﻢ ﺑﺲ ﺻﻔﺎﺀ ﻣﻘﺒﻞ ﺻﻔﺎﺀ ﺍﺧﺬ ﺍﺟﺎﺯﺓ ﻭﻛﺎﺑﻠﻨﻲ ﻭﻛﻌﺪ ﻳﺤﻴﺮ ﺷﻠﻮﻥ ﻳﻬﺘﻢ ﺑﻴﻪ ﻭﺻﻞ ﻣﺮﺣﻠﺔ ﺣﺘﻰ ﻳﻮﻛﻠﻨﻲ ﺑﻴﺪﻩ ﻭﻳﺴﺒﺤﻨﻲ ﻭﻳﻤﺸﻄﻠﻲ ﺍﻟﻰ ﺍﻥ ﺧﻠﺼﺖ ﺍﺟﺎﺯﺗﻪ ﻭﻭﺿﻌﻲ ﺗﺤﺴﻦ ﺭﺟﻌﺖ ﺍﺩﺍﻭﻡ ﺑﺲ ﺍﻟﻨﺴﺎﻭﺓ ﻣﺘﻌﺒﺘﻨﻲ ﻛﻮﻟﺶ ﺍﺗﺨﺒﻞ ﻣﻦ ﺭﻳﺤﺔ ﺻﻔﺎﺀ ﻭﻣﻦ ﺭﻳﺤﺔ ﺍﻻﻛﻞ ﻭﺍﺫﺍ ﺍﺟﻪ ﻳﻤﻲ ﺍﻇﻞ ﺍﺳﺘﻔﺮﻍ ﻭﻫﻮ ﺧﻄﻴﻪ ﺍﺑﺪ ﻣﻴﻀﻮﺝ ﻭﻻ ﻳﻌﺼﺐ ﻳﻐﺴﻠﻲ ﻭﻳﺘﺮﻛﻨﻲ ﻭﻳﻨﺎﻡ ﺑﺎﻟﺼﺎﻟﻪ ﺍﻟﻔﻮﻙ ﺣﺘﻰ ﺧﺎﻑ ﺍﺣﺘﺎﺝ ﺷﻲ ﻫﻮ ﻳﻤﻲ ﺩﺧﻠﺖ ﺑﺎﻟﺸﻬﺮ ﺍﻟﺮﺍﺑﻊ ﻭﺻﺎﺩﻑ ﺍﺧﺮ ﻳﻮﻡ ﺍﻣﺘﺤﺎﻧﺎﺕ ﺍﻟﻔﺎﻳﻨﻞ ﺭﺟﻌﺖ ﺳﺒﺤﺖ ﻭﻟﺒﺴﺖ ﺷﻲ ﺧﻔﻴﻒ ﻭﺻﻠﻴﺖ ﻭﻛﻤﺖ ﻭﺭﺗﺒﺖ ﺍﻟﻐﺮﻓﻪ ﺻﺎﻳﺮﺓ ﻫﻮﺳﻪ ﻭﺍﻧﻲ ﻫﺎﻣﻠﺘﻬﺎ ﻛﻤﻠﺖ ﺍﺣﺘﺮﻳﺖ ﺩﺧﻠﺖ ﺫﺑﻴﺖ ﻣﻲ ﻉ ﺟﺴﻤﻲ ﻭﻟﺒﺴﺖ ﺩﺷﺪﺍﺷﺔ ﺍﻟﻴﻮﻡ ﻋﻨﺪﻱ ﻣﻮﻋﺪ ﻳﻢ ﺍﻟﺪﻛﺘﻮﺭﺓ ﻭﺻﻔﺎﺀ ﻣﻴﻘﺒﻞ ﺍﻻ ﻫﻮ ﻳﺎﺧﺬﻧﻲ . ﺗﻤﺪﺩﺕ ﻋﻠﻰ ﺍﻟﺴﺮﻳﺮ ﺧﻠﻴﺖ ﺍﻳﺪﻱ ﻋﻠﻰ ﺑﻄﻨﻲ ﻭﺍﺑﻨﻲ ﻳﺮﺭﻑ ﺭﻓﺎﺕ ﺧﻔﻴﻴﻔﺔ ﺍﺑﺘﺴﻤﺖ ﻋﻠﻰ ﺍﺛﺮﻫﺎ . ﻛﻤﺖ ﻃﻠﻌﺖ ﻣﻦ ﺍﻟﻐﺮﻓﺔ ، ﺣﺴﻴﺖ ﺑﺒﺎﺏ ﺍﻟﻤﻘﺎﺑﻞ ﻏﺮﻓﺘﻲ ﻣﺜﻞ ﺍﻟﻲ ﺗﻮﻩ ﺍﻧﺴﺪ ﺍﻭ ﺍﻧﺪﻓﻊ ﺩﻓﻌﻪ ﺧﻔﻴﻔﺔ .. ﺻﺤﺖ ﺻﻔﺎﺀ ﺍﻧﺖ ﻫﻨﺎ ؟؟ ﻣﺠﺎﻥ ﺍﻛﻮ ﺍﺟﺎﺑﺔ ، ﻓﻜﺮﺕ ﺍﻧﻲ ﺩﺍ ﺍﺗﺨﻴﻞ ﺧﻠﻲ ﺍﻧﺰﻝ ﺟﻮﺓ ﺍﻧﺘﻈﺮﻩ ﺍﺫﺍ ﺍﺟﻪ ﻋﻮﺩ ﺍﺻﻌﺪ ﺍﺑﺪﻝ . ﺗﻮﻩ ﻣﺨﻠﻴﻪ ﺭﺟﻠﻲ ﻉ ﺍﻟﺒﺎﻳﺔ ﺍﻻﻭﻟﻰ ، ﺣﺴﻴﺖ ﺍﻛﻮ ﺷﻲ ﺟﻮﻩ ﺭﺟﻠﻲ ﻋﺒﺎﻟﻚ ﺯﻳﺖ ﺍﻭ ﺯﺍﻫﻲ . ﻓﺘﺤﺖ ﻋﻴﻮﻧﻲ ﻋﻠﻰ ﺍﻭﺳﻌﻬﺎ ، ﺫﺑﻴﺖ ﻛﻞ ﺛﻘﻠﻲ ﻋﻠﻰ ﺍﻟﺤﺪﻳﺪ ﻣﺎﻝ ﺍﻟﺪﺭﺝ ﺑﺲ ﻣﺎﻛﻮ ﻓﺎﻳﺪﺓ ﺗﺴﺮﺳﺤﺖ ﻣﻦ ﺍﻟﺪﺭﺝ ﻋﻄﺖ ﻋﻴﻄﺔ ﻳﻤﻜﻦ ﺣﺘﻰ ﺃﻫﻠﻲ ﺳﻤﻌﻮﻫﺎ ﻛﻞ ﻓﻜﺮﻱ ﺻﺎﺭ ﺑﺄﺑﻨﻲ ﺧﻠﻴﺖ ﺍﻳﺪﻱ ﺑﻄﻨﻲ . ﺍﻧﺮﻛﻌﺖ ﺑﻄﻨﻲ ﻋﻠﻰ ﺍﻟﺒﺎﻳﺎﺕ ﻭﺍﻳﺪﻱ ﻭﺭﺟﻠﻲ ﺗﻌﻮﺭﺕ ﺍﻧﻜﻠﺒﺖ ﻓﻮﻙ ﻭﺟﻮﻩ ، ﺷﻔﺖ ﺍﻟﻤﻮﺕ ﺑﻌﻴﻨﻲ ﻭﺑﺲ ﺍﺻﺮﺥ ﺍﺭﻳﺪ ﺍﺣﺪ ﻳﻄﻠﻊ ﻳﻨﻘﺬﻧﻲ ﻣﺎﻛﻮﻭﻭﻭﻭ ... ﺭﺟﻠﻲ ﺍﻧﻠﻮﺕ ﻟﻤﻦ ﻭﻛﻌﺖ ﻉ ﺍﺧﺮ ﺑﺎﻳﺔ ، ﻭﻣﺎﺍﺷﻮﻑ ﻏﻴﺮ ﺑﺲ ﺍﻟﺪﻡ ﺍﺧﺬﻧﻲ ﻭﺍﻟﻢ ﻓﻀﻴﻊ ﺻﺎﺭ ﻋﻨﺪﻱ ﺑﺒﻄﻨﻲ ، ﻇﻬﺮﻱ ﻭﻛﻞ ﻋﻈﺎﻣﻲ ﻭﺟﺴﻤﻲ .. ﻳﺘﺒﻊ ... | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
