30-07-09, 12:06 PM | #622 | ||||
نجم روايتي وكاتبة في قسم قصص من وحي الأعضاء
| الجزء السابع عشر طلع حمد صافق وراه البيبان وقف علي مستغرب شو فيه حمد وطلع ابو حمد وويهه اسود من الغيض ابو حمد:البسي عباتج يابنيه الهرم هذا انا بعلمه السنع عدل يتحسب اننا في شوره مسود الويه....خليه ايطلق يعل مامنه ابركه ................................................. ركب حمد سيارته وتم ايدور بالسياره مش عارف وين ايروح وفيه غيض وقهر من الي يصير ياترا بتروح......اووووف وقف حمد السياره وقعد يضرب السكان بكل قوته...هل هو ندم ياترا؟ حمد"""لييييييييش لييييش خليت الامر في يدها......ابويه اكيد انه معصب بيقنعها بالسيره هذا اذا ما كانت اهيه تريد الطلاق صدق.....شو اسوي ارد يعني امنع سيرتها واتم معاهم بعد وقعه خلهم بالطقاق الي يطقها ان راحت لاكن النار عدها تسعر اكثر واكثر في صدره...هالحين عطيتها علي بارده مبرده....اكيد اهو السند الي والنعم امنه .................................................. ........... ام حمد حلفت على سهيل يتغدى عندهم بعد ماوصلهم وقالت له يقرب عندهم داخل البيت تمت ام حمد اول شي مع سهيل وقهوته وقعدت اتسولف معاه العاش بعد مابدلت نزلت ولقتهم قاعدين تحت ام حمد:العاش تعالي قهوي سهيل بروح اصلي مشت العاش لين وين هم قاعدين وهيه تعرج على ريلها وبعد ما راحت امها تمت العاش ساكته وسهيل ايفر بعيونه في المكان سهيل:انزين بنت دار الزين وعلومج بعد طالعته العاش:ماعنديه علوم سهيل:قومي ياله قهوينيه العاش:الدلال جدامك سهيل:خالتيه قالتلج قهويه ...ما قالت اقعدي ونسيه وقفت العاش بعصبيه وقربت من صنية لقهوه العاش:قهوه ولا جاهي سهيل:امممممم صبي الي بتصبينه صبتله العاش قهوه واعطته الفنجان لاكن سهيل اول ما اخذ منها الفنجال حط اصابعه على اصابعها عمدا سحبت العاش يدها بسرعه وطاح الفنجال صرخ عليها:بلاج؟ وقف وهو ايشوف كندورته خايسه من تحت سهيل:زين جذيه خيستي كندورتيه العاش:تستاهل رفع نظره الها:بعد استاهل زيين ما عليه غط سهيل يده في الغسول وقعد اينظف ثوبه من تحت عن لقهوه العاش:انته ليش دايمن اتهدد سهيل:انا اهدد؟!!ّ العاش:هيه سهيل:مادري يمكن العاش:بتقيل اهنيه ولا بتروح؟ سهيل:والله اذا حلفتو عليه بقيل ابتسمت العاش:لالا انخاف اتحنث بالحلفه سهيل:تحيدينيه احنث ابها؟ العاش:مادريبك يمكن سهيل:شرايج اتقومين اتقصيليه تفاحه العاش:فيك ايدين قص حق عمرك سهيل:فيه ايدين الحمدلله بس ما عرف اقص العاش:وانا ماليه خص فيك سهيل:مب ضيف؟ العاش:ضيف ثقيل سهيل:ما تستحين اتقوليليه جذيه العاش:لا قام سهيل وهو ايعض على شفايفه وخذ السكين وتفاحه ورجع مكانه وتم ايقطع التفاحه واول مارفع نظره للعاش تلاقت نظراتهم وصرخ سهيل لانه قص يده وقفت العاش بسرعه وقربت امنه العاش:شو سويت؟ سهيل وهو يضغط على يده:قلتلج ما عرف اقص الله ايسامحج قربت العاش اكثر:اشووف وبالفعل كان القص غزير والدم ما وقف مسكت المناديل وقعدت عداله ولفت صبعه بالمناديل وهوست قوي سهيل:اي اي لا تهوسين قوي دخلت ام حمد:بلاكم التفتت العاش لامها:سهيل قص يده ام حمد:بسم الله عليك وانته ياولديه شمعبلنك بالخضره جان خليت عاشووه اتقص لك تلاقت حينها نظراتهم ورجعت العاش اطالع تحت العاش:امسك الكلينكس جذيه قوي بييب لزقه راحت العاش ورجعت مره ثانيه وقعدت عداله حينها رن التيلفون وانشقلت ام حمد به كان سهيل ايطالع العاش وهيه قريب امنه هالكثر ويشوف كيف كانت ماسكه يده وتلزقها واول ما خلصت مسك ايديها في ثنتين بين ايديه قوي انتفضت العاش وحاولت تسحب ايديها وهيه ترفع نظرها له وهمست العاش:بطل ايديه انته مينوون هز سهيل راسه بلا وهو مبتسم التفتت العاش لامها الي لاهيه بالمكالمه ورجعت اطالعه وهيه اتحاول اتخلص ايديها من ايديه العاش:سهيل عن لينان احترم نفسك سهيل:ماريد شو بتسويين العاش:ياربييييي بطلنيه سهيل:ههه تبين اتشوفين حركه من الافلام الهنديه العاش:هااه مسك سهيل ايدين العاش بيد وحده بقو وفتح الاصق الي في صبعه ورفع كم ايد العاش الي فتحت عيونها على وسعهن لجرئته ورجع وحط صبعه على الدم وكتب على ساعد ايدها....احبـــج....ّ تلاقت نظراتهم بسرعه وكانت العاش مثل الي تلقت صاعقه بجسمها واخرستها وترك حينها سهيل ايديها بسرعه ووقف وهو يرجع اللاصق ام حمد:على وين ياولديه؟ سهيل وهو متخربط:هااه اهنيه خالوه بروح الميلس البراني ام حمد:لاتروح فديتك قبل لاتتغدا لف نظره للعاش الي كانت ماسكه ايدها ومتجمده وداسه الي مكتوب تحت ثوبها سهيل:ان شالله خالوه التفت عقب وراح وهو ايحس بدقات قلبه بتنفجر .................................................. ....................... المغرب دخل حمد الشقه وما حصل فيها حد دور في كل مكان في الغرف والمطبخ ما كان مصدق انها راحت يعني خلااااص انتها كل شي اتردد يتصل باخته الريم عشان يتاكد اذا رجعو او لا حمد:الريم ابويه وامل يوكم الريم:هييه وابويه وايد متضايق قعد حمد على الكرسي وهو ايحس انه منتهي حمد:وامل اكييد معاه؟ الريم:هييه هذيه عداليه سكر حمد عن الريم وتم سرحان لين ما سمع صوت جرس الشقه ايرن قام وفتح الباب وكان علي الي مسك حمد من كندورته من جدام لاكن الايه اتجلبت خصوصا ان حمد هو الي معصب على علي ثبت حمد علي على الجدار وصرخ عليه حمد:بلاااااك انته؟ علي:بلانيه سواد الويه الي سويته حمد:حشم عمرك ياعلي علي:بطلنيه تراك خنقتنيه حمد:مب انته الي هاد؟ ترك حمد علي علي:انته كيف تمنع عميه وحرمتك ايردون معايه وانا الي يايبنهم التفت حمد له:ما ردو معاك؟ علي:كيف اتعق طلاقك عليها اذا ركبت معايه؟ حمد:علي ترا النفس هب ****ه عليك وخلصنيه ردو معاك ولا شووه؟؟؟؟ علي:تباها من الله انته انك اطلقها...وهذا الي بيصيران شالله رجع حمد ومسك علي من ثوبه من جدام حمد:شف عاد يالخمه انا هب ساكت لك اكثر من جذيه يانيه منك الي ايكفينيه وانا ساكت عنك من زمان...سالفة زواجيه اظهر منها لاتتدخل لافي شوي ولا شويات..ولا تسويليه فيها راعي فزعه علي:بتتطلق منك ياحمد انا اقنعت عميه وانا باخذها...وانا ادري انك ميت من الغيره لاكنيه باخذها وبحرق قلبك حمد ما قدر يستحمل وعطى علي بوكس على ويهه خلاه ايطيح على الارض والدم ايسيل من ثمه عقب رجع ومسكه ووقفه حمد:قم قم انقلع من اهنيه وان شفتك والله لا اذبحك طلع حمد علي من الشقه ورجع للكرسي قعد وهو يزفر من الغيض وطبعا هذي عداوه من زمان بين حمد وعلي الي ما كان حمد يتقبله ولا ايدانيه لانه شخص مستهتر عينه زايغه وراعي بلاوي سفريات وشرب والي قاهر علي على حمد انه يوم اتقدم يخطب سلمى بنت عمة علي اعترض حمد ورفضه وبدت من بعدها العداوه بينهم اتزيد اكثر اتصل حمد على الريم وصرخ فيها:الريم ابويه وامل مع منو ردو الريم بتردد:ا ا حمد:ارمسي بلاج؟ الريم:ردو مع التكسي حمد:شوو؟ كان مرتاح ومنصدم في نفس الوقت وحس بتانيب ضمير انه حدهم على انهم يرجعون مع التكسي وصل حينها مسج لحمد وفتحه وكان من عند علي علي"""راحت عليه المره هذي ياحمد لاكن صدقنيه ابوك يباله دقه ويطلقها منك وانا ترا لبنيه دخلت مزاجيه....يلعن ابو الشقار اتجنن...ودام ان رقمها عنديه بييب راسها وبتشوف.....تحياتي ولد خالك المخلص على طووووول التيلفون انظرب بالجدار حمد:الحيووان....يتحسب عمره قداللعبه الي يلعبها حاول عقبها حمد ايكلم ابوه لاكنه ما قدر لرفض ابوه..وفي نفس الوقت ما بغى انه ايروح وهو عده معصب من سالفة علي وخايف ان ابوه يجبره على الطلاق كان طول الوقت ايفكر ويتخيل لو ان علي فعلان قدر اييب راس امل بالتيلفون لاكنه كان ايهدي نفسه ويقول ان سوتها فهيه ما تستاهل شي .................................................. .... العاش عاشت الايام الي يتها عقب وهيه اتفكر في سهيل وفي الكلمه الي كتبها هل هو فعلان يعنيها ام انها مثل ما قال حركة افلام هنديه لاكن حتى لو كان يعنيها اهيه ماتقدر تسمح لمشاعرها انها تستجيب لدقات قلبها وهيه تدري ان بنت خالها اتحبه والكل يدري بهذا الشي وحتى هو نفسه يدري الريم تمت على عزلتها وامها كل يوم تيب الها ماي مقراي فيه وتطلب منها تشربه وكثرت الاتصالات بين الاختين الي ما كان همهن غير انهن كيف يعالجن لبنيه من المس الي صايبنها اما امول ههههه فهي في عالم ثاني كل وقتها مع التيلفون ماخلت فيه حاجه ما تعبثت فيها وطول الوقت ولا اتصور اوتلعب بلالعاب الي فيه ويننت الريم بالرسايل وكانت تتمنى انها ماتشوف حمد لانها مفتشله امنه لانها ماحققت الي ايريده بلخلاص منها وكان الامر بيدها...كان هذا اعتقادها بالنسبه لسعيد فقدر سهيل انه هو بنفسه يقعد معاه جلسات ايخليه فيها يتكلم عن الماضي بعد ما رفض سعيد انه ايروح لاي دكتور لاكن سهيل اتصل على دكتور نفساني وعرض عليه حالة سعيد وطلب منه الدكتور انه يكثر معاه من جلسات المصارحه...حس بعدها سعيد ان نفسيته ارتاحت اكثر ورجع لجوه المرح ومازال سهيل معاه يسهر معاه لساعات يخليه يتكلم ويطلع الي في خاطره كان سهيل وسعيد في مره من المرات منسدحين على طيبلون السياره من جدام قريب الكورنيش ويطالعون النجوم سهيل:سعيد سعيد:هلا سهيل:شو بتسوي بموضوعك مع الريم سعيد:شو بسوي يعني؟ سهيل:انته لازم اتكلم الريم واتقول الها توقف من الي تسويه...ترانيه كل يوم اسمع اميه وخالتيه ايخططن وين ايودنها ولا وين ايبنها....كلمها وقللها تترك الموضوع لك سعيد:انا كلمت خالتيه سهيل:كلمتها وشو قلتلها؟ قعد سعيد قاعدوالتفت لسهيل سعيد:قلتلها....خلي بنتج اتبطل الحركات هذي واذا ماتبانيه يفتح الله قعد سهيل منصدم:شووتقوول في ذمتك...شو هالرمسه ياسعيد سعيد وهو يلعب بخصايل شعره من جدام:والله اميه اذتنيه...كل يوم فاتحه اليه السالفه يعني شو تبانيه اسوي سهيل:وبعدين؟شو بيصير؟ سعيد:مابيصير شي عدنا على البر نطلق وكل واحد ايروح في طريقه سهيل:ايووووا وباجر الناس بتقول والله لبنيه هب صاحيه وبتم فحلج هلها لين اتموت محد بياخذها سعيد بضيقه:لحووووووه ياذا السالفه الي مابتوقف....ما بيستوي الها شي لاهي اول وحده ولا اخر وحده انتو ليش امكبرين الموضوع المهم ان هلها عندهم سبب مقنع للطلاق خلاص يا اخي سهيل:حرام عليك ياسعيد انته عده راسك مانظف سعيد وهو يحرك حواجبه :الا نظف ونص صرت اشوف البنات ايجنن وااااه يدخلن القلب بسرعه دز سهيل سعيد من جتفه من القهر الي ايحسبه عليه وطاح سعيد على الارض وقف سعيد:عنلاتك يالهرم ليش اتعقنيه سهيل:وان مسكتك بعد بغرقك في البحر سعيد:هااه لا لا دخيلك وركض سعيد بسرعه وسهيل يلحقه يتوعده قريب من الشاطئ والماره تسمع صريخهم مر اسبوع وحمد ما راح العين لين قرر في يوم انه ايروح واول ما دخل الصاله سمع العاش اتكلم امل العاش:ياذا التيلفون الي ماتفارقينه اربع وعشريين ساعه وعينج فيه امل:هههههههه مشكله الي ما يغار ابوه حمار وقف حمد في نصف الصاله ايطالعهن ايريد يستوعب الي سمعه رفعت كل من امل والعاش نظرها له امل حست بدقات قلبها اتزيد والعاش وقفت اترحب به وهيه سايره صوبه اتسلم عليه وايهها ورفع نظره لامل الي كانت ماسكه تيلفونها وداستنه على جنب خوف من انه ياخذه منها حمد:اميه وين؟ العاش:في حجرتها تركهن حمد وراح لغرفة امه امل:اوووف تروعت ياخذ التيلفون انا بروح فوق باااي وركضت امل فوق لغرفتها...حصل حمد ابوه في الغرفه وسلم عليه وحبه فوق راسه وعلى جتفه حمد:السموحه يابو حمد ابو حمد:رضايه عليك انك ماتذي لبنيه وتخليها في حال سبيلها حمد:الي تباه انا حاضر له ابو حمد:اقلع لبنيه عنك...ترا والله لوما انيه متروع ان خالتها تي واتشلها جان خليتك اطلقها حمد:على كيفها اتشلها ابوحمد:خالتها معارضه ييتها اهنيه وانا واهيه في وقعه من زمان وتراها مهددتنا بالمحاكم ولبنيه ماتريد اتعيش عندهم حمد:ليش ماقلتليه ان السالفه جذيه ابو حمد:انته ماتريد اتعرف شي ومر اليوم تجنب حمد فيها امل كل ماتصادف معاها لاكنه كان مقهور من الي في يدها واكثر اوقاتها اتم فوق في غرفتها في اليوم الثاني كان حمد طول فترة العصر قاعد في البيت وامل ما نزلت حينها ماكانت الذبابه تقدر تخطف عند خشمه من الغيض وكل الي في البيت ما سلمو من وقعته وكل ما حاولت الريم او العاش اتروح فوق يمنعها....خاااااطره ايقول روحن ازقرن اليه لحماره الي قاعده فوق مع الزفت تيلفونها يعطيها كم كلمه حاره لاكنه وعد ابوه يتركها في حالها العاش:حمد بروح شويه فوق حمد وهو يعض مفاصل اصبوعه:مالج حايه فوق انثبري اقعدي اهنيه تبادلت العاش والريم النظرات ورجعت العاش وقعدت وفي خاطرها تزفر بصوت عالي في المسا نزلت امل الي كانت الاجواءعندها عاديه بعكس الجو الي متكهرب تحت والمشكله انها اول مانزلت كانت اعيونها في شاشة تيلفونها تكتب شي وما انتبهت للعيون الي تراقبها وبعد ما خلصت رفعت نظرها الهم وبادلت حمد نظره سريعه وراحت لين العاش امل:وينج من الصبح؟ العاش:يالخبلا شو الي نزلج هالحين كيف بتقدرين تطلعين امل:ليش شو صاير؟ العاش:حمـــــ حمد:عاشووووه التفتت العاش بسرعه ناحيته:هااه حمد وهو موجه نظره للتلفزون:سيري هاتيليه ماي امل:شبلاااه؟ العاش:بعدين بعدين قعدت امل ووصلتها رساله وكان الصوت عالي حس حمد انها ضربت في قلبه عاد عقبها امل ست نفسها وانشغلت بالتيلفون رساله رايحه ورساله يايه واول مارفعت نظرها فوق كان حمد واقف عند راسها ابتسمت له متفشله حمد:هاتي التيلفون وقفت امل وهزت راسها بلا حمد:هـ ...ا...ت...يـ..ه هزت راسها بلاا وهيه حاطتنه وراها حمد:بالطيب هاتيه قبل لا اسوي شي ما يسر الكل امل:بـ....خـ بر عليك ...عميه صرخ حينها صرخه قويه حمد:قلتلج هاتيه امل:مارييييد دزته من جدامها وركضت فوق تم حمد واقف ايحاول يتمالك نفسه عن لا يتهور ويسوي شي ابها التفت لخواته وخذ سفرته وعقاله وطلع بعد ساعه اتصل للريم وخذ رقم امل من عندها واتصل عليها ترددت امل اتجاوبه وهيه تدري ان حمد هو الي متصل امل:ا الو حمد:والله والله ان ما نزلتي هالحين ويبتي التيلفون الزفت الي عندج انيه اسوي اليوم شي ماقد سويته في حياتيه ووقفت المهزله الي احنا عايشين فيها وبشوف عاده منو الي بيمنعنيه امل:مـ مافهمت شو تـقصد حمد:افهمي عاده مثل ماتبين امل:انزين شو فيها اذا عنديه تيلفون حمد:انا ماريد عندج تيلفون ...كيفيه...مب انتي اسمج حرمتيه امل:عميه عادي عنده حمد:وانا مب عمج انا ريلج ابتسمت امل وهيه تحس بالقشعريره بجسمها امل:انته وين هالحين؟ حمد:في غرفة الطعام امل:حد عندك؟ حمد:لااا امل:ياله هالحين بايي سكر عنها حمد وهو ما يعرف شو يسوي معاها نزلت امل بسرعه وراحت لغرفة عمها وعمتها دخلت عليهم ونطت عندهم فوق السرير وكانو عدهم قاعدين ايسولفون امل:عموووه برقد عندكم ام حمد:مررررحبا في ذمتيه ضحكت امل وطلعت تيلفونها من تحت لفراش وكتبت لحمد امل""""سو الي تريد اتسويييه مابيييك وقف حمد:الكلبه انا اراويها يعني ما بقدر اكسره الباب عليها طلع حمد لفوق وحصل باب غرفتها مفتوح وراح لغرفة خواته وما لقاها عندهم حمد:وين امل؟ العاش:في غرفتها حمد:محد....طلعنها اليه اليوم من تحت الارض ولا ترانيه برتكب جريمه في حد اتصل عليها وما ردت عليه حمد:زييين وين بتروحين يعني دق حمد الباب على ابوه وامه ام حمد:اقرب دخل حمد وما كان منتبه للي راقده بينهم حمد:ابويه انــــــ انصدم يوم شافها كاشفه لفراش ومطلعه عيونها ابو حمد:بلاك يا حمد؟ حمد:اريد امل شويه التفتت امل لعمتها وحضنتها:انا اريد ارقد حمد:انتي ماتستحين على ويهج راقده اهنيه لزمت السكوت ابو حمد:بلاك انته خلها على راحتها ترقد وين ما تبا ماشي عندنا مشكله حمد:اظن انها هب ياهل تتصرف هذي التصرفات ابو حمد:انته شعليك منها انا ما قلتلك اقلعها حمد:خلها تيب التيلفون ابو حمد:شلك فيه من الحايه حمد:اباااه وهب ظاهر منيه الا وهو معايه ابو حمد:لاحول ولا قوة الا بلله....احلف اول شي انك ماتكسره وانك اترده حمد:ماعليه ابو حمد:اموول هاتي التيلفون امل:خله ايحلف اول شي هو ما حلف حمد:زييين والله ما اكسره امل:واترده حمد:وارده امل:احلف حمد:والله قامت امل واعطته التيلفون حمد:تعالي انزين برا شويه امل:لالالا انا برقد اهنيه....خذ التيلفون خله ايبات عندك ورده باجر غفلت امل الباب بعد ما طلع لانها اعطته التيلفون بدون بطاقه وزين انه مسك اعصابه عن لايكسره في الجدار اول ما عرف ان البطاقه مش فيه ## ## ## التعديل الأخير تم بواسطة كاردينيا الغوازي ; 31-12-17 الساعة 03:40 PM | ||||
30-07-09, 12:46 PM | #623 | ||||
| الله يعطيج العافيه وديمه ماقصرتي وتسلمين ياقلبي واحلى شي انج ماتاخرتي علينا والله مايونسنا الا الروايات في هالعطله ويليت تكملين الروايه قبل رمضان عساه يعود عليج كل سنه انتي وكل اعضاء منتدى روايتي بالخير ان شاء الله وتسلمون | ||||
30-07-09, 07:53 PM | #630 | ||||
قارئ مميز
| تسلمين ودوم على البارت وعلى عدم تأخيرج علينا والله سهيل عليه حركات صدق أنها فلم هندي ويحليلها العاش ما عرفت شوه اتسوي وسعيد الله يهديه شوه قصته يوم أنه اتشافى يقول الحين ما يباها والله مانلام فيه من البداية ونحن رحمناه في البارت القبلي صدق أنه ما يستاهل والريم & حمد متى ناوين تتصالحوا تعبنا من هواشكم ونبي نعرف شوه أخرتها معاكم ودوم نتمنى أنج تخلصين الرواية قبل رمضان ومشكوره ما قصرتي على مجهودج مقدرينه لج | ||||
أدوات الموضوع | |
انواع عرض الموضوع | |
|
|