07-08-09, 05:48 PM
| #721 | ||||
| نجم روايتي قاري مميز 
|  ودووووووووووووووووووووم..ح بيبتي..يكفي لعب بالاعصاااب..نبغى نطمن على امووول..تكفين عجلي علينا ياغاااالية ..ترى ماعاااد نقدر نستحمل اكثر  اعصابنا تلفت:45:تحيااااااااااااااااااااات ي...ذهبيه | ||||
|  |
|
07-08-09, 08:44 PM
| #723 | ||||
| عضو ذهبي 
| يسلموووو وديمه ع البارت.. حمد متسرع ويفكر على كيفه.. بس كسر خاطري يوم قعد يصرخ في المستشفى.. امووول.. خوافه.. المفروض تصرخ وتقوله انت تتوهم.. بس الله يشفيها بس.. تكفييين لا تموووت.. العاش.. ياقويه انتي.. عجبتيني.. خليك كذا.. سهيل.. بصراحه ايش هالحركات القرعا هذه.. صرت اخس من سعيد.. سعيد.. احيانا ما امنتى الريم ترجعلك لانك من البدايه ضيعتها واستهونت فيها.. الريم.. اذا بترجعين لسعيد مررمريه وحوسي فيه.. يعني خليه كوره عندك وطلعي مواهبك وبعدييييييييييييييييين ارضي عليه<< شريره.. يلا استنى البارت الجديد.. مرسي وديمه | ||||
|
| |
|
08-08-09, 01:29 AM
| #725 | ||||
| نجم روايتي وكاتبة في قسم قصص من وحي الأعضاء 
| الجزء العشرون اتصلت الريم على سعيد بعد ما طلعت شما مع عريسها سعيد:هلا والله الريم :سعيد شفت حمد؟ سعيد:لا والله الريم:اسوييله مايرد عليه والكل اختفى من القاعه ومحد عنديه لاالعاش ولا سلمى وحتى حرمة حمد مالقيتها والعيايز بعد راحن الكل محد سعيد:اطلعيليه انا جدام باب القاعه بوصلج حتى انا اشوف المكان خلا ومادري وين راحو الريم :ياله يايه طلعت الريم وصعدت مع سعيد الي كان احساسه المره هذي غييير ابتسم اول ما ركبت:احم جزاهم الله خير التفتت له وقعدت لازمه السكوت سعيد:اوديج بيتنا؟ الريم:لا اريد الشقه مسويه من حرمة حمد مادري وين اختفت سعيد:اكيد حمد شلها واغلق تيلفونه الريم:لاا ما اظن تذكرت الريم سالفة امل قبل لا يروحن القاعه"معقوله قالتله منو هو ناصر الريم:والعاش كلش ما شفتها...ماعرف احس شي صاير سعيد:مابيصير الا الخير ان شالله .................................................. .. كانت عيون سهيل على العاش الي قاعده على الارض ولامه عباتها واتصيح صياح ايقطع القلب يكفيها انها تالمت لحال امل وكمل عليها حال حمد وهم ايجرونه من غرفة امل لغرفه ثانيه وهو ايحاول ايقاومهم ابدا ماتخيلت انها اتشوف اخوها المعروف عنه بتسلطه عليهن وقوته بهذا الحال سهيل عوره قلبه حييل واتمنى انه ياخذها باحضانه ويهديها لاكن الظاهر ان الكل هالحين محتاج تهدئه ابو حمد ياهم عقب ماعرف وهذوه قاعد ايصيح صياح اليهال ومعاه ابو سعيد ايهديه وسلمى بعد قاعده في زاويه وعندها ريلها الي ياب الشواب بعد ماكلمته وهو قاعد ايحاول ايهديها اما الحبيب المفجوع فهو متمدد على احد الاسره بعد ماتعبو معاه الممرضين عشان ايسيطرون عليه ويعطونه الابره الي خلته ايروح في عالم ثاني يمكن قريب من عالمها وهذا هو ايشوف نفسه رجع لسنوااات ورا في حوشهم قاعد يلعب وفجئه اطل عليه بنت شعرها اشقر وتاخذ العقل من مجلس الريايل وكل ما التفت صوبها اندست ورا الجدار لين ما قام وغافلها ومسكها فجئه ومط شعرها وشرد تاركنها اتصيح وراه....يمكن هذي الذكريات نساها بعد ما كبر لاكنه دايمن كان ايقول انا اذا تزوجت باخذ وحده شقرا .................................................. .. وصل سعيد والريم للشقه واتفاجئت الريم ان محد فيها الريم:وين راحوو؟ سعيد:يمكن في بيتنا الريم:ياسلام وانا بيخلونيه بروحيه وبيروحن عنيه...اكيد السالفه فيها شي الريم اول ما وصلت الشقه خلعت العباه والشيله وتم قلب سعيد ايدق وهو ايشوفها متوتره اتقوم وتقعد اتحاول تتصل ابهم الريم :حمد ما يرد؟ بلع ريجه مش مستحمل الي ايشوفه الريم:بتصل بسلمى سلمى الوحيده الي ما كلمتها قامت الريم واتجهت للقسم وبعد شوي سمع سعيد صرختها وصياحها ولحقها:شو صار؟ الريم:حرمة حمد.....تعبانه وفي العنايه...ياوييييييليه كله منيه ليتنيه كلمت حمد سعيد ارجوك ببدل وودنيه صوبهم سعيد:زييين...بنتظرج طلع سعيد وياه اتصال من سهيل الي خبره بالسالفه كلها بعد خمس دقايق طلعو الريم وسعيد متجهين للمستشفي ................................ نقز حمد من السرير ايطالع حوليه ويحاول يتذكر شو يايبنه اهنيه واتذكرها وقفز بسرعه طالع من الغرفه للغرفه الي ايحيدها فيها لاكنه مالقى حد .......وين راحت؟ تم يمشي في الممرات مثل المينون لين ما لمح ابوه والبقيه قاعدين في احد الممرات وقبل لا يوصلهم سمع ابوه ايقول لبو سعيد ابو حمد:كله منيه انا اتماهلت ابها ماسفرتها على طول اسويلها العمليه من يوم ما طاحت علينا في المفرق وقالولنا ان فيها فتحت القلب وانا قلبيه حارقنيه عليها ماعرف شو اسوي قدمت تقاريرها لاكنيه اتماهلت بعد وانا اشوفها بخير حمد:لييييييش؟ التفت ابو حمد لحمد الي انصدم من شكله واتقرب حمد من ابوه وجثى جدامه وهو ماسك ركبة ابوه حمد:ليييش انا دايمن اخر من يعلم.؟؟؟؟؟؟؟؟؟؟.....ليش انا كل الي ايخصها اكون فيه اخر من يعلم؟؟؟؟؟؟؟؟؟ ليش يابو حمد اتسويبيه جذيه؟؟؟؟ تم بو حمد منصدم من حمد وايطالعه وهو يالس جدامه حمد:لييييش اتسويبيه جذيه.؟؟؟؟....يبتها البيت وكنت انا اخر من يعلم بوجودها.........احوالها مع خالتها انا اخر من يعلم ابها.........وحتى سالفة الورث والديون الي توهقتو ابها اناكنت اخر من يعلم ابها... والحين يابو حمد اكتشف انها مريضه بالقلب واكون اخر من يعلم لييييش؟؟؟؟؟ واظن انها بعد ماتت وانا بكون اخر من يعلم....هااه يبو حمد ماتت..ماتت؟ ابو حمد ودموعه تسيييل:كل شي بيد الله حمدبالم:ماتت؟....ماتت؟؟؟ ابو حمد:تحت رحمت الله ياولديه حمد:ابويه......تدري لو ايصير فيها شي انا حياتيه تعتبر منتهيه....ومابسامحكم عقب لان خلاااص انتهت الحياه....انته يبتها يابويه وفريتها اهنيه واشار حمد لقلبه حمد:اهنيه تمت....عايشه اهنيه...اتغايضنيه اهنيه واتعاندنيه اهنيه وتتحدانيه اهنيه واتواقعنيه اهنيه وتثير غيرتيه اهنيه شو حياته هذا اذا طلعت امنه؟؟ ابو حمد:ياولديه لاتلومنيه انته من البدايه قلت ماتباهها وماتريد اتعرف شي عنها حمد:ماعليك من الي اقوله.....انته اتشوفها انسانه اقدر اكون عندها قد كلمتيه....والله انيه اليوم ناوي ايي احب اريولك عشان تسمح اليه اخذها واصفي كل شي معاها صاح حينها ابو حمد منتحب وحط حمد راسه على ركبة ابوه يحاول يكتم عبرته وصلتهم الريم الريم:شو صايير امل وين؟ شو سويتوبهاااا حمد انته قلتلها شي تراك فهمت موضوع التيلفون غلط التفت حمد وقام واقف واتقدم منها خطوتين لين وقف جدامها وهو يهز راسه بتسال الريم بهمس:ترا ناصر الي قالتلك اسمه بطل القصه الي تقراها غمض حمد عيونه بالم وهز راسه مبتعد عن الريم:انا حياتيه منتهيه منتهيه مشى حمد ودخل من البوابه الي تفصلهم عن امل وحصل الممرضين حمد:وييييينهااااااا الممرض:يا استاذ المريضه بعدها في العنايه المركزه لو سمحت انتظر برا حمد:اريد اشوووفها الممرض:الان مانقدر.....خل شوي يستقر الامر وحالها الاطبا مازالو يبذلون جهدهم لانعاش القلب حمد انهار:من متى من متى الله ايغربلكم....ليش ماتسووون شي...خلنيه اروح اشوفها الممرض:لو سمحت ممنوع الان حمد:يا اخي فارجنيه خلنيه اشوفها لو من بعيد دز حمد الممرض من طريقه واتقددم اكثر للغرفه الي كان حشد كبير من الاطبا فيها واقفين حوليها بعد ماقدرو ينعشون قلبها وواقفين يحاولون يتخذون قرارات لحالتها تم حمد ايطالعهم من النافذه المطله عليهم واحساسه ان وده يخترقهم كلهم ويكون قريب منها كانت عيونه محمره وخشمه محمر ودموع ماقدر الها حيله طلعله واحد من الدكاتره وسلم على حمد الدكتور:تقرب للمريضه حمد:ابا اشوفها من قريب الله يرحم والديك خلنيه اشوفها من قريب مسك الدكتور حمد ودخله تم حمد واقف ايشوفها وعيونه مفتوحات على وسعهن حمد:ليييييش؟؟؟ليييش اتسوبها جذيه حرام عليكو كان منظر امل والاجهزه موصوله فيها والتنفس الصناعي شي فوق طاقة حمد الي بدا ينتفض حمد:حرااام عليكو قطعتوها بالابااااار....ليش اتسوبها جذيه؟؟؟؟؟ليش الوايرات هذي عقوه عنهااااا..عقوه عنهاااا....انتو شووووه ماتحسووون هذي انساااانه هذي الغلا لا تسوبها جذييييه احد الاطبا:هذا ليش يدخل طلعوه برا......انا مانبهتكو مايدخل اهنيه جاوبه الدكتور الثاني:انا دخلته وبطلعه حبيته يطمن عليها الدكتور الاول:شوووه يطمن عليها انته اتشوف فيها حياه عشان يطمن وشي طبيعي يلتفت له حمد ويضربه ...وتبدا المقاومه مره ثانيه وحمد يصرخ عليهم عشان يرفعون عنها الاجهزه طلعو حمد وفجعو البقيه بمنظره وهو يصارخ عليهم حمد وابو حمد وسعيد يقتربون امنه:بيذبحونهاا يابويه بيذبحوووونها...ماشفت شو مسويبها داخل ابوحمد:ياولديه اذكر الله تراهم دكاتره ويعرفون شغلهم حمد بصراخ وهو يمسك راسه:يعنيه افاااااااارق اويوههم....يعنيه افااااااارق ويوههم ذبحوووووووها بلابااااااار..... والوايرات في كل مكااااان والله لو يستويلها شي انيه احرق عليهم المستشفي تركهم حمد وطلع من المستشفي مايدري وين ايروح ابو حمد:سعيد ياولديه الحقه فديتك سعيد:ان شالله كان سعيد متعجب من حب حمد لزوجته"معقوله في حب جذيه"الدنيا بخير ياسعيد لاكن المثل ايقول ياك الموت ياتارك الصلاه لحق سعيد حمد وركب معاه السياره قبل لايمشي عشان ايحاول ايهديه والمسكين مادرا ان اليوم هذا عالمي فتح عيونه مبحلق وهو ايشوف حمد ايريوس بالسياره بسرعه جنونيه ويطلعها من بين السياير سعيد:حمد فديتك ...مب زين مب زيييييييييين...ياريال لا لا..هد السرعه يعنيه افداك محد يلحقنا...ياليل الشقى حميد فديتك..الله ايخليلك حرمتك الله ايخليها لك خف خف يابويه....لااااااااااااااا كل مالف حمد باي شارع كان سعيد يصرخ وهو يدري ان حمد ماله وجهه عشان ينتهي هذا العذاب سعيد:فدييييييييييتك فدييييييت حرمتك وقف وقف بزووووع...ياويييييييليه انا منوه داعي عليه اليوم حمد يعنيه افداااك ..يعنيه افداااااك...اوكيه نزلنيه نزلنيه....مارييييييد اموووووت الله ايخليك....لا لا لا لاتروح صوب الشاطئ..كله ولا الشاطئ ماريييييد اموووت في البحر ....خلنا انموت عند النخله...عند النخله فديتك مش في البحر.........ياوييييييييليه بياكلنيه السمج كانت سرعة حمد سرعه جنونيه وهو ايشوف منظر امل بغرفة العنايه جدام عينه جسمه ينتفض وعيونه محمره وشي داخله ايريد ايطلعه ويفجره ومش عارف كيف وكان صريخ سعيد دافع قوي له انه يستمربسرعته الجنونيه سعيد:خلاااااااااااااااااا� �ص السلام عليك يارسول الله....سعيد بيمووووووووت اللهم اني ميييييييييت ...استغفر اللــــــــــــــــــــــ ــــــه...استغفر اللــــــــــــه سبحاااااان الذي سخر لنا هذااااااااا..سبحاااااااااا ن الذي سخر لنا هذاااااااااايااااااارب عفوك بمووووووووت اللهم اني اللهم اني لك صمت وعلى رزقك افطرت استغفر الله استغفر الله لاااااااااااااااحول ولااااااااااااااااقوة الااااااااااااابله ياربييييييييييييي الشيمه ياحمد الشيمه يابوي بنموووووووت لا لا لا مب من الطرييييييق هذااااااا فدييييييتك حمد يعنيه افارق ويهك ياالله يااااااااااالله توبه توبه والله اصلي الصبح في المسيد يارب توبه مابغازل تووووووووبه اوعدك ياربيييييي لالااااااااااا حمد حراااااااااام علييييك جبديه طاااااحت جبديه طااااحت خلاااااااااااص الودااااع الوداااااااع واخيرا وقفت السياره بقو قريب الشاطئ ونزل حمد والتفت لسعيد حمد:تم اهنيه ياويلك ان لحقتنيه سعيد:ان شالله انشالله مشى حمد مبتعد عن السياره للبحر وسعيد تم مش مصدق انه نجى باعجوبه سعيد:اتم اهنيه طل في ويهك اتم والله لا اطالعليه سياره ولا ارد مشي ولا اتم مع مينوون مثلك .................................................. ........... الريم راحت للعاش الي قاعده على الارض اتصيح وقعدت عدالها وخذتها لحضنها وتمت اتصيح معاها سهيل ارتاح ان العاش لقتلها اخيرا حد ايواسيها بعد ساعه قرب منهن وقعد متكي على ريوله سهيل:ماتبنيه اوديكن البيت؟ اول ما سمعت العاش صوته قفزت وانكمشت اكثر في حضن الريم ومافاتت سهيل حركتها هذي الي خلته صدق يندم على الي صار بينهم لانه حس انه مصدر رعب بالنسبه الها الريم:قومي العاش خلينا انروح عشان اتبدلين العاش:اريد اروح شقة حمد...ماريد ارد بيت خالتيه الريم :ماعليه قومي وبنيي باجر ان شالله سهيل وهو متضايق من نفسه:برقبكن برا مر على ابو حمد:عميه ماتبا اترد البيت وباجر بيبك ابو حمد:حرااام عليك ياسهيل والمسكينه هذي عند منو اخليها سهيل:تراهااا تحت رحمة الله ابو حمد:لا ياولديه هب طالع منيه الا وهيه معايه سهيل:انشالله ابو حمد:ان مالقيت حمد في الشقه تم عند خواتك لاتخليهن بروحهن سهيل:انشالله طلع سهيل ومعاه العاش والريم متجهين للشقه وتاكد سهيل من مخاوفه يوم دخل فجئه للمطبخ في الشقه ايريد ماي وانكمشت العاش في الزاويه متروعه امنه سهيل:العاش ليش كل هالخوووف انا مابسوي فيج شي العاش:قم عن طريقيه ولا ترانيه بصرخ سهيل:يابنت الحلال عن الفضايح هب مسوي شي قلتلج العاش:انته ماينتمن منك لو يدري ابويه بالي سويته اليوم ما امنك علينا سهيل:لاحووووول ولا قوة الا بلله انا مب للدرجه هذي الي تتخيلينها العاش:لاتكثر الكلام معايه وعطنيه طريق قبل لا اصرخ سهيل:خلاص خلاص اهدي بطلع ووالله لوما عميه امننيه عليكن جان طلعت من الشقه وما شفتي ويهيه العاش:كلام فاضي وانته مب قد كلمتك اتضايق سهيل وطلع وراح للصاله متندم من تسرعه ومصارحته لها بحبه .................................................. . وصل سعيد للشارع العمومي وعقبها رد متروع على حمد لا يسوي بعمره شي سعيد"بردلك ياحمد بس والله لو تعق عمرك في البحر ماسويلك شي اما حمد فتم قاعد على صخره وهو ايشوف البحر ويبحر في ذكريات اول الايام الي التقى فيها بامل وكيف انها تغللت بحبها في عروقه ومر شريط الذكريات جدام عيونه ايام المزرعه....والايام الي كانو فيها في البيت وايام البحر كل يوم في حياته مر معاها قاعد يتذكره وغير هذا تانيبه لنفسه انه سبب كل الي صار الها طال انتظار سعيد لحمد في السياره لين ماحط راسه ورقد....على الفجر وبعد بزوق الشمس اعتدل سعيد وعضامه متكسره وشاف حمد بعده قاعد"لحووووووه هذا عده قاعد نفسي اعرف شو ايطالع في البحر..قاعد يستعين يعني بجن البحر ينقذون حياتها...اسميه مسوي الها سالفه مشى سعيد لين وصل عدال حمد وتحنحن التفت حمد لسعيد وتم ايطالعه سعيد بتوجس:ا ا ا مابنروح؟ قام حمد ونفض ثيابه وتوجه للسياره لاكن سعيد كان اسرع امنه وركب مكان حمد سعيد:انا رقدت خلنيه اسوق عنك""اونه راعي فزعه" ركب حمد مكان سعيد وتم ساكت لين طلع سعيد للشارع العام حمد:رح المستشفي سعيد:انشالله انشالله انروووح المستشفي...احنا شو ورانا عرس شموووه وخلص اول ماوصل حمد المكان الي ترك ابوه فيه حصل امه وخالته وابو سعيد تم واقف ايطالعهم والتفت للباب قرب امنه ابو سعيد ابو سعيد:ان شالله انها بخير....قالو ارقبو اربعه وعشرين ساعه لين اتعدي مرحلة الخطر حمد:عدنا في مرحلة الخطر....شهالحااااله ابو سعيد:اذكر الله ياولديه كل شي بامر الله التفت ابو سعيد لام سعيد واشر الها تي اتكلم حمد وتهديه وماقصرت فيه ام سعيد الي تمت تذكر له ان الصبر زين وان المؤمن يبتلي ولازم يصبر حمد:ااااااااااه ام سعيد:قل لااله الا الله ياولديه حمد:احس انيه صارط اليه موس وتم اياشر لصدره:احس اهنيه بلا مادري شو اسوي ام سعيد:سر ياولديه صل واذكر الله التفتت ام سعيد لسعيد:خذ اخوك ياسعيد وسيرو المسيد صلو سعيد تم ايطالع امه""عدنيه بعد بسير معااه ياربيييي ............................................. وعى سهيل على ريحة القهوه والشاي وشاف الريم تدخل الصاله وتحط الريوق الريم:صباح الخير سهيل:هلا صباح النور ....سويتي تيلفون على الجماعه الريم:هيه كلمت اميه وخالتيه اهناك...الحمدلله ان شالله بخير سهيل ليش مارقدت في حجرة حمد؟ سهيل :لا ماعليه اهنيه...العاش وين؟ الريم:العاش طول الليل وهيه اتصيح وكله اتقافز هالحين رقدت سهيل:زين عطينيه طريق بروح حجرة حمد الريم:اتفضل راح سهيل لغرفة حمد عشان الحمام ورن جرس الباب فتحته وكان حمد وسعيد حمد على طول راح داخل اما سعيد تم واقف ايطالعها رغم ان سعيد ريال الا ان له نظرات طفوليه اتموت الريم عليها سعيد:ا ا ا ادخل؟ الريم:حد مانعنك؟ ابتسم سعيد وحج راسه:ماقلتيليه حمدلله على السلامه الريم :لييش؟ سعيد وهو يخطو داخل الشقه:الباارحه...البارحه كنت بمووت الريم:سلامتك عسى ماشر سعيد:كنت مع حمد في السياره وهو يحاول ينتحر ولوما انيه اجتهدت في الدعاء جان اخوج اليومـ...ّ الريم:سعيد حرام عليك تتفاول عليه سعيد:والله صدق..ماشفتي شو سوابنا البارحه مشى سعيد سيده لين طاولة الاكل سعيد:عادي اتريق؟ الريم:وشو المشكله؟....اتريق واول ما التفتت الريم عشان اتروح داخل مسك سعيد يدها التفتت اطالع يده الي ماسكه يدها الريم:في شي؟ سعيد ..بنظرات ثانيه...معبره عن الحب:وين بتروحين؟ ارتبكت الريم من نظراته لاكنها قوة قلبها الريم:بروح داخل سعيد:تمي الريم:وشو اسوي اهنيه؟ سعيد:قعدي معايه الريم:هالحين بيك سهيل ولا حمد وبيقعد معاك سعيد:بس انا اريدج انتي ابتسمت الريم:سعيييد شو السالفه انته نسيت سعيد:نسيت شوووه؟ الريم:الاتفاق على الطلاق....ترا كل شي ماشي حلو سعيد:والي صار البارحه الريم:ماعليك من الي صار انا اعرف كيف امشي الامر بقول انا اصلا ماحسيت بالي صار اليه....ترا ايقولولك هذولا الي ايمسهم شي ساعات مايحسون بعمارهم ولا انا متى قد رقصت في عرس؟ تم سعيد ايطالعها مستقرب من كلامها وهز راسه:انا مش فاهم انتي ليش رقصتي اصلا؟ الريم:شو اسوي عشان خاطر حمد...تراااه شاف انك مندمج مع الشله الي على طرف الكوشه وحب ايذكرك انك متزوج...بس ماعليك الخطه ماشيه تمام وسحبت يدها وراحت داخل في اليوم الثاني استقرت حالة امل وقالهم الدكتور انها لازم اتسوي العمليه في اقرب وقت يسمح اسرع عقبها ابو حمد بتجهيز معاملات السفر وطلب من سعيد ايروح معاه ومعاهم الريم واول مادرا حمد بترتيب ابوه دخل عليه في الاستراحه حمد:شووه يابو حمد بعدك مصر انا دوم اخر من يعلم ابو حمد:وانته وين من البارحه؟ حمد:موجووود............شفتهاااا� �ا؟ ابو حمد بالم:ماقدرت امك دخلت عليها واتقول انهم قالو عدت مرحلة الخطر التفت حمد:انا بروح اشوفها طلع وراح وطلب منهم ايدخلونه لاكنهم رفضو حمد:مب على كيفك ياحبيبي خز منه ودزه حمد وراح داخل وكآن الممرضين صارت عندهم حاله طارئه من دخل حمد استعداد لاي هجوم وقف عند الدريشه وتم ايطالعها....بعدها على الحال الي ايحيدها عليه حمد بعد ما قربت امنه سلمى الي كانت عنده داخل:كيف ايقولون عدت مرحلة الخطر وهذا حالها من امس سلمى:الحمدللـــــــــــــ� � اليوم قالو احسن واييد عن البارحه....كل يوم انشالله بتكون احسن حمد:اااوف سلمى:حمد فديتك اذا انته مش مستحمل اتشوفها جذيه لاتدخل عليها حمد:مااااااقدر وديه اعق كل هالبلا عنها واشلهااااا سلمى:هذا ايساعدها على التنفس وانعاش القلب حمد:انزييين وكيف بتسافر....بنشلها جذيه؟ سلمى:فديييتك ياحمد بلاك جنك اول مره اتعرف كيف هو ترتيب المستشفيات؟ حمد:ومنو قالج انيه انا قد شفت هالاحوال سلمى:ويوم اطيح علينا في المفرق؟ حمد:كانت حالتها جذيه بعد؟ سلمى:يعني.... ما ابطت مثل جذيه؟ حمد وهو ياخذ نفس بصعوبه:اااااااااه سلمى:حمد لاتسوي جذيه بعمرك....بتقوم انشالله ...مثل ما قامت المره الي فاتت حمد:احسبه حلم مستحيل يتحقق .................................................. ....... مرن يومين كان سهيل كل ما يتصادف مع العاش يحس انها متروعه امنه وحاول انه مايتصادف معاها لاكن سيرات المستشفي وهذا ايودي وهذا ايرد...اظطرو فيها انهم يجتمعون مراات واذا صادف مره ان سهيل ايردها البيت كانت ترفض اترد معاه بعد سعيد حصل صد قوي من الريم الي بدا ايحس انها ملكت قلبه لاكنه ماعرف كيف يتصرف او كيف يبين الها شعوره الي تغير حمد كل يوم ايي ويتم ايطالع امل من الدريشه واستانس يوم شافهم بدو يرفعون بعض الاجهزه عنها يعني في امل وفي الايام الي عقبها انشغل بالتجهيز للسفر لانه قال حق ابوه انه هو الي بيسافر معاها ومعاهم الريم وسعيد على الليل وصل حمد للقسم الي فيه امل وما شافها على السرير....صرخ عليهم يسال عنها وقالو له انهم نقلوها فوق حمد:صدق يعني قعدت اتكلمت؟ الممرض ابتسم:الحمدلله حمد:طيب وييين في اي غرفه؟ على طووول حمد ركض رايح للقسم وكان مستغرب ليش ما قالو له عند باب الغرفه وقف ودقات قلبه ايحسبها في كل جسمه واستانس وهو يسمع ضحكتهم داخل دق الباب وقامت العاش قربت امنه العاش:هلا حمد اقرب وبخطى حس انها ثقيله معقوووله بشوفها هالحين...مشى اكثر داخل لاكنه انصدم يوم شاف ان الي فوق السرير متغطيه بالكامل التفت للعاش وعيونه محتاره حمد:شبلاااها؟ العاش:مافيها شي توها كانت قاعده قربت العاش من امل ورفعت طرف اللحاف العاش:امل حمـــ....ّ امل بهمس:بندي الليت اريد ارقد وسحبت امل اللحاف وتغطت به عدل قربت العاش من حمد وهيه تدري انه متشفق عشان ايشوفها حمد:شوووه؟ العاش:تريد ترقد حمد:واعيه؟ هزت له راسها بنعم مشى حمد متخطنها ووصل لين عند السرير لاكنه حس بعجز انه يرفع اللحاف التفت للعاش وابتسم وعقبها طلع...الرساله واضحه ماتريد اتشوفه## احترم حمد رغبتها بانها ماتشوفه وتم يومين ايي المستشفي لاكن مايدخل على امل انها يمكن تسمح له يدخل لاكن مافي فايده...نسيت ياحمد؟ امل رفضت تسمح لاي حد اييب طاريه حتى ابو حمد سالها اذا حمد ضايقها هزت له راسها بلا وغيرت الموضوع على طول وماكانت تتكلم وايد الا جواب على اي سؤال اييها واول ماقررو يطلعونها طلبت انها تطلع سيده للعين كان حمد برا ينتظرهم وشافها وهيه يايه وكانت متغطيه ركبت مع عمها في سيارته والبقيه مع حمد في العين طلبت امل من الريم تيب فراشها عند عمها وعمتها ماتريد اتروح فوق ونفذو الها طلبها بدون مناقشات بعد ماوصل حمد خواته رجع عشان ايكمل اجرات السفر وبعدها رجع للعين وقال انه يمكن اتكون احسن عن قبل حمدوهو ايكلم الريم:عند اميه وابويه في الحجره ليييش؟ الريم:مادريبها؟ على طول حمد التفت عنها واتوجه لغرفة امه وابوه وزين انه حصل الباب مفتوح شافها على فراشها طايحه في الزاويه راسها عند ساس وويهها مجابل الساس الثاني الي فرشت عداله وماسكه تيلفونها لاهيه فيه سلم حمد على ابوه وامه واتوجهت نظراته الها ابو حمد:شو سويت بموضوع السفر حمد وهو ايحاول يسحب نظره عنها:هاااه ورجع نظره عندها حمد:زيين زين كل شي زيين ابو حمد:ومتى السفر؟ حمد ونظره عند ابوه ونظراااات عند امل:الاربعاء الياي باذن الله ابو حمد:بتروحون امريكا؟ هز راسه بنعم وعيونه عندها حس ابو حمد ان الكلام معاه ضايع تركه وراح يتوضئ اما حمد فقعد على نهاية السرير ايطالعها وهيه تبعد عنه كم خطوه وكانت منشغله بالتيلفون ولا كان حد يتكلم وراها منسدحه ونصف اللحاف مغطيها وشعرها طالع شوي مليون سؤال وسؤال ايدور في راسه شبلاهااااا ام حمد كانت اتصلي قيامها التفتت صوبه ام حمد:حمد....حمد التفت صوبها:لبيه ام حمد:لبيت في منى ان شالله....بلاك ياولديه هز راسه:مـ...ماشي فديتج قامت وقعدت عداله وعلى طول حط راسه على ريلها وعيونه عند امل تمت ام حمد تمسح على راسه لين ما حست ان عينه غفت دقها ابو حمد واشارت له مايتكلم راح ابو حمد وعطاها مخده حطتها تحت راسه وطلعت مع ابو حمد برا ابو حمد:لاحول ولا قوة الابالله ام حمد:بلااك؟ ابو حمد:ولدج هب عاجبنيه حاله ام حمد:ومتى قد عجبك عاده حاله؟ ابو حمد:اكيد مسولها شي مخلنها صاده عنه ام حمد:وهو قليل الي ايسويه ولدك فيها؟ ابو حمد:وكيف انا بخليها اتسافر معاه باجر يمكن ماطيع؟ ام حمد:لا عادي قالت الها الريم وعادي عندها ابو حمد:زين روحي انتي عندهم انا ببات في الميلس مب قاهر اشوفهم جذيه فتح حمد عيونه اول ما حس انها قامت....ومرت من عداله ولا كانه موجود التقت بام حمد عند الباب:عمووه انا بروح غرفتيه وطلعت رايحه فوق ........................................... في المارينا موووول انتشرو ربع سعيد في المحلات الرجاليه للبحث عن بدل زقرتيه لسعيد...وفي احد المحلات كان غنوم مندمج على الغنيه الاجنبيه وهو ايدور شويه ايبس معاها وشويه ايسوي حركات وهو يمشي كانو سعيد وسلطان ايطالعونه سعيد:ان شالله بلبس على ذوق غنوم سلطان:هههههه حرام عليك قاعد ايدورلك بذمه سعيد:اي ذمه هذي طالع انته البناطلين الي لمهن صفر وخضر سلطان:هههههههه...ذوق عالمي سعيد:اااااه والله لاتعق عليه الطلاق الريم لو اتشوفنيه ابهن مرت مجموعة بنات عدال غنوم وانفعل اكثر مع الغنيه الاجنبيه بحركة يابس غنوم:او او او يا يا يا ومشى خطوتين وطـــــــــــــــــــــــ ـــــــرااااااااخ دعم الجدار الزجاجي .................................................. .... اقترب يوم السفر وطول الايام امل صاده عن حمد ولا تقعد معاه في مكان واحد وهو ايحس انه ايموت كل يوم من صدهاولاهب قادر يتكلم معاها وقرب يوم السفر وقبل السفر بكم يوم كلم سهيل امه عن العاش ورغبته بالزواج منها ام سعيد:وحمده؟ سهيل:بلااها؟ ام سعيد:انا لمحت لخالك انناانريدها لك سهيل:على اي اساس اتلمحيله انا قلتلج؟ ام سعيد:لا بس خواتك دوم يطرنها ويقولن اخطبوها لسهيل سهيل:وانا ييتج وقلتلج اخطبيها اليه ام سعيد:لااا بس خواتك قـــ...ّ سهيل:هالحين منو الي بياخذها انا ولا خواتيه؟ ام سعيد:ياولديه لاتفضحنا في خالك قده هالحين مشاور بنته سهيل:والله هذي مشكلتكو وانتو حلوهاا ....انا لايبت طاريها ولا قلت اخطبوها..وغير العاش ماباخذ طلع سهيل وهو متضايق من قرار هله وتحكمهم بمصيره بدون رايه كلمت ام سعيد اختها ام حمد وقالت الها بطلب سهيل للعاش ام حمد:وحمده ياخويتيه انتي ماكلمتي اخويه امس ام سعيد:كلمته بس سهيل قال انا ماطلبت منكم تخطبونها اليه وماليه خص فيكم ام حمد:فضيحه يا خويتيه في اخونا واحنا مانقدر انبدي بنتنا على بنت اخونا ام سعيد:الثنتين غلاهن واحد...وانا ماعرف شو اسوي"عسى تستاهلين حد قالج تدخلين اخبرت ام حمد العاش بطلب سهيل العاش:لاااااا قوليلهم مش موافقه...اميه نسيتي حمده...البارحه اتكلمنيه واتقول انهم طلبوها شو هيه لعبه ام حمد:ياميه ما صار كلام رسمي بس تلميحات العاش:لااا اخبرت ام سعيد سهيل برفض العاش سهيل:مب على كيفها ام سعيد:ياااااالله بسترك على كيف منو عيل؟ سهيل:اسمعينيه اذا تبينيه اعرس عندج بنت اختج اقنعيها واذا لا ترانيه هب امعرس مرررره يا العاش يا بلاه هالعرس احتاااارت ام سعيد مع سهيل وما عرفت شو تسوي ............................. يوم السفر قرب وامل والريم خلصن كل استعداداتهن وتقرر السفر لامريكا منسوتا مستشفي سانت ميري هوسبتل الله لايعود ايام كانت فيه.....مستشفي كبير يضم كل الحالات وفيه قسم كبير لامراض القلب ## ## ## اظاهر ان القصه مابتخلص قبل رمضان الا اذا استعجلت في الاحداث ادري اليوم الاحداث بارده لاكن باذن الله انسخنها الكم في البارتات اليايه واذا لاعت جبودكم عادي انخلصها بسرعه شكرا لفتووونه سفيرة قصة جددي وللركب المتابع معها ودمتم بخير وديمه العطا التعديل الأخير تم بواسطة كاردينيا الغوازي ; 31-12-17 الساعة 03:47 PM | ||||
|
| |
|
08-08-09, 02:09 AM
| #727 | ||||
| نجم روايتي ومشرفةسابقةونجم مسابقة الرد الأول 
| تسلمي على ا لبارت الجميل أمل جدعة زين تسوي في حمد ترد له الكف بنفس طريقته لكن خفي عليه شوي الرجال رايح فيها سهيل ذوق ما جاك خرعت البنت وأحين تبغيها تأمن لك مع إني اعتقد تحبك حمد يا سلام عليك لما بدأت تفقد الشئ حسيت بقيمته الله يعينك ولا تزعل بترجع لك أمل الريم خفي على سعيد يا بنت الناس الرجال اعتدل وتسلمي على البارت | ||||
|
| |
|
08-08-09, 02:52 AM
| #729 | ||||||||
| مراقبة عامة ومشرفة منتدى الروايات المنقولة  
| تسلمين يالغاليه على البارت الرائع جدا كاتبه مميزه كعادتك صحيح إحنا ودنا تخلصين الروايه قبل رمضان لكن ما ودنا تستعجلين في الأحداث وتختصرينها بشكل يؤثر على روعة ماتكتبين يالغاليه وأخيرا إعترف حمد لأبوه بحبه لأمل وهذي الخطوه الأولى لحل مشكلته مع أمل والخطوه الأصعب اللي بتشيبه وبطلع له قرون كيف يخلي أمل تسامحه على كلامه واللي سواه فيها ويخليها تحبه وتعترف له بحبها له الله يكون بعونك ياحمد المهمه ماهي سهله أمل تغلي عليه شوي عشان تبردين حرتك بس لاطولين كثير والله حمد حزني شوي وبيستخف ولو ماسامحتيه بيطلع جنانه عليك ههههههه وتحملي عاد جنانه سعيد بديت أحس إنك بتتغير والرحله هذي فرصه لك تكسب الريم فيها عاد إنت وشطارتك لاتفوت الفرصه الريم راح تنسى اللي صار لو أثبت لها سعيد إنه تغير ويحبها لأنها تحبه سهيل توك تعقل وتصرفك صحيح بس لازم العاش تعذبك على اللي سويته فيها بس أثبت على رايك وتحملها ولا يهمك آخرتها بتوافق لأنها تحبك العاش والله تعجبيني بعقلك وتصرفك أدري إن اللي خلاك ترفضين هو حبك لحمده وماحبيتي تجرحينها ولا إنك تكونين سبب مشاكل بين الأهل وكمان تصرف حمد أتوقع توافق إذا حمده وأبوها طلبوا منها توافق على سهيل وحست إن حمده متقبله الوضع ولا راح يؤثرعلى علاقتها بحمده وديمة العطا كنت داخله بأكتب أستعجلك إنك تنزلين البارت لأن صبري نفذ وفرحت يوم شفتك منزلته يعطيك العافيه يالغاليه منتظرين الحاي واللي أتوقع إنه راح يكون رائع مميز | ||||||||
|
| |
|
08-08-09, 03:29 AM
| #730 | ||||||
| نجم روايتي 
| اقتباس:
اقتباس:
ههههههههههههههههههههههههه هههههههههههههههههههههه وديمه والله انك عسل وسعيد بالبارت هدا يجنن ههههههههههههههههههههههههه ههههههههههههههه بجد الله يسعدك على البارت هدا روووووووووووعه .. حمد شكله ح يتعذب كتير قبل ما تسامحه امل وتنسى الكلام القاسي اللي قاله لها .. اما سهيل فالصراحه يجنن اعجبني تمسكه بالعاش وهو معه حق على كيفهم اهله يخطبوا له بدون مايعرفوا رايه بالبنت دحين لازم يتحملوا نتيجة عملهم ولدهم شكله ح يعنس بسببهم ههههههههههههههههههههههههه ه ولا نبغى منك تستعجلي على الروايه علشان تنهيها بسرعه احنا مستعدين انه نتابعها معك لبعد رمضان المهم تكتبيها براحتك بدون اي ضغوطات .. الله يعطيك العافيه وتسلم اناملك الحلوه حبيبتي .gif "Eh S(7)") وهادي ورده لسعيد ههههههههههههههههههههههههه هههههه وتستاهلي احلى تقييم دسم  | ||||||
|
| |
 |
| أدوات الموضوع | |
| انواع عرض الموضوع | |
|
|
47Likes
البارت خطير
.png)
العرض العادي
