آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-06-20, 04:05 PM
| #11 | ||||||
| مشرفة منتدى الروايات المنقولة 
|  < 9 > " بعد يومين من الاحداث " البنات احياناً يتجمعون عند نجد واحياناً في بيت اي واحد من عمانهم اما من ناحية الجد اللي كان قبل ما يروح الشركه يا خذ كل احفاده معه ويعلمهم من جديد كيف الشغل وكان هذا الاسبوع مُتعب بالنسبه لهم ومن ناحية منصور اللي كان يحاول يتجاهل هتيف ويعطيها نظرات عشان تكرهه بس العكس عند هتيف اللي كانت متوقعه 90٪ انه ما يحبها ابداً مثل ما توقعت او انه يحب وحده ثانيه وعند سحاب اللي كانت مرتبكه من نظرات عبدالعزيز وهو يحاول يكلمها بس هي غصب عنها تستحي منه عكس اول كانت تسولف بس بعد سالفة المطبخ وهي ما تبي تشوفه ما تدري ابداً عن هذا الشعور اللي يجيها فجأه اذا كان موجود عند العنود وسلطان اقدر اسميهم عصافير الحب كل واحد منهم يحاول يشوف الثاني واللي مخليهم يتعلقون في بعض اكثر تنازلهم وفهمهم لبعض يعني هي تتنازل تتكلم معاه وهو مثل الشي عند سمو وحور واثير ومحمد وافنان هذولا اكثر الاشخاص اللي ماشيه حياتهم على الضحك بس اما سلمان اللي ما يبي يكون عاق في امه ونفس الوقت ما يبي يطيع لكلامها لانها كانت مزعجته بخططها وغصب الا تخليه مدير الشركه عند فهد وزوجته وولدهم اللي عايشين بسعاده وهم فرحانين انه بيدرس السنه الجايه اما الهنوف وريم وامل اللي كل خططهم فشلت الا خطة الكذبه على منصور ان هتيف بتتزوج اما الباقين عايشين حياه هادئه وطبيعيه " يوم الخميس في الشركة " " الساعه 10 الصباح " كل الشباب مجتمعين في مكتب عبدالعزيز محمد : والله اني نحفت من كثر الشغل سلمان : لا هالمره جدي صامل فينا منصور : احمدو ربكم انكم متعودين انا يوم حط الاوراق قدامي فجأه احس اني ما اعرف اقراء عبدالعزيز حط راسه على الطاوله : انا بنام سلطان وهو يوقف : طرده محترمه انا بروح لفهد منصور وهو يضحك : انا والله ما اتحرك عبدالعزيز وهو لازال راسه على الطاوله : انا ما طردت احد الله ياخذكم اقصد اني بنام محمد وقف وهو يقفل الانوار : حتى انا بنام هنا منصور انسدح ع الكنبه : سلطان اطلع وقفل الباب سلطان راح للكنبه الثانيه : والله ما اطلع محمد خذا فروته وحطها على الزوليه ونام سلمان انسدح بجنب محمد ونام " نص ساعه والكل نايمين " دخل فهد عليهم وشافهم نايمين وضحك وطلع يجيب فروته ونام بجنب محمد وسلمان عند نجد والبنات مسويين مكالمه جماعيه الا اثير نجد : تصدقون يا بنات ابي اروح للمخيم حور : صح احب المخيمات فالشتاء سمو : بنات كم باقي وتنتهي الاجازه سحاب : ليه مليتي من الاجازه باقي 3 اسابيع هتيف : اوف انا باقي اسبوعين وارجع سحاب : اي صح ترجعين انا كنت متوقعه ان جدي توسط لك وراح تدرسين معي هتيف : لا ما اقدر ، خلاص هانت باقي لي ترم افنان : بس عاد فكونا من طاري الدوامات نجد : ترى من فتحتو الموضوع وانا احط جوالي واروح اجيب قهوه وحلا عشان كذا قفلو الميضوع افنان وهي تضحك : حركات يالميضوع نجد وهي تضحك وبمزح : عشان تدرون اني فاضيه كل شهر اطلع ذبات جديده وبتعجبكم انشالله هتيف : بنات انا طفشت وش رايكم نطلع او تجوني نتابع فلم وناكل مع بعض وننبسط العنود : اي صح تعالو عندنا لاني مليت افنان : واخيراً سمعنا صوتك وينك غاطه من اليوم العنود : سوالفكم تجيب الهم والنفسيه نجد بمزح : ما دام الميضوع اثر فينا لهدرجه يالخريجات فـ لازم نسوي مكالماتنا وحدنا بدون بنات الجامعيات عشان الراحه بس هتيف : قصدك العاطلات نجد : ان بغينا الوظيفه لقيناها بس انتي عارفه نبي نرتاح ونحط رجل على رجل العنود وهي تاكل : معك حق والله غثيثات سحاب : هذا وانا اقول مرت اخوي ماشاء الله عليها حور : والله ان تبطي ما اخذته سمو : خيره لسلطلط هتيف : رتويت لسمو وترى اختي حتى طبخ ما تعرف تطبخ يعني ولدكم بيموت جوع العنود بحياء : اقول بس ايش رايكم نطب على جدي فالشركه واشوف اذا كان فيه وظيفه تناسبني هتيف : انا بروح معك اكيد نجد : خلاص انا الواسطه حقتكم سحاب : يا الله لي كم شهر ما شفت الشركه سمو بضحك : اخر مره جيتها كان عمري 16 افنان : الله اكبر والحين عمرك 30 نجد بضحك : حتى العشرين مادخلتها سمو : يعني اضحك ولا شلون حور وهي متفشله : تصدقون انا كنت اتوقعها مول سحاب بمزح : بس حمدلله اني علمتك بس العنود : طيب من بيروح معي هتيف : كلنا بنروح وبدون اعتراض افنان : طيب قولو لأثوره سمو : تكفين لاعاد تدلعين احد حور : اثوره يا حرمه حرام عليك نجد : خلاص انا براسلها واقول لها تتجهز البنات : اوك تمام نص ساعه والبنات جاهزات وكلهم راكبين مع سواق ابو سلطان وينتظرون اثير المتأخره نجد : اخر مره اخذ معي بنات صغار سمو وحور : وش قصدك نجد : انا صادقه مدري متى تكبرون العنود : انا هناك يا نجد اسحب على هتيف اذا تأخرت عني وانا ادري اذا رجعت ابوي بيهاوش افنان : الفكره حلوه وبطبقها على سمو حور : عنيد لا تحرضينها علينا العنود : انا اعطيكم تجارب حياتي هتيف : تجربتك كنها وجهك وتقولها بكل فخر نجد : مانبي زعل يا حبايبي الوضع ايزي هتيف : طيب اثير وش تسوي نجد : اسكتو انتم ما سمعتوها وهي اتصلت علي بغت تدخل من السماعه معصبه لأخر حد افنان : ليه معصبه ؟؟ نجد : تقول انتم قلتو لي متأخرين سحاب : عاد الله يعينها على امها وخواتها افنان : اذبحوني اذا مو الحين يهاوشونها هتيف والعنود : ليه يهاوشونها افنان : ما يبونها تجي معنا سحاب : الله يستر لو الهنوف تشوفنا بس هتيف : ذي وين بعد بتشوفنا افنان : السلقه توظفت عند جدي العنود : اما عاد طيب وش توظفت سحاب : مدري بس اتوقع تبي تجي مديره نجد تضحك : خير مديره مره وحده حور : سمعتها تهاوش سلمان تقول انت اذا ماقدرت تجي مدير بجي انا افنان : الله يعين سلوم المسكين ازعجوه ………… قاطعتهم اثير اللي دخلت وهي تغصب الابتسامه اثير : سلامم ردو عليها سلام ولاحظو حزنها وما علقو ابداً عشان ما يحرجونها ومشت السياره وهم يسولفون …... " فالشركه " الشباب لازالو نايمين والجد وأبناءه فالاجتماع مع الشركات العالميه والجد ما لاحظ ابداً غياب احفاده لانه كان مشغول بس الوحيد اللي ملاحظ هو ابو فهد اللي ما شاف ولده ولا الباقيين وصولو البنات الشركه ودخلو يدورون مكتب الجد هتيف : ما تعرفون وينه يعني نجد : الا انا اعرف مكانه بس كني ناسيه العنود : ياربيه انتم وش فيكم فاقدات الذاكره سمو : يابنت والله ما اتذكر الا الكافي اللي ع جنب حور بمزح : الله ياذا الكافي اللي جاء فيه سوالف سمو : تراك معي في هالسوالف انتي واثيروه اثير : ان ما تهاوشت معي سمو ما ترتاح سحاب : نجد والله انها صادقه انكم صغار كانو بيتكلمون وقاطعتهم هتيف بترجي : تكفون لا تبدون من جديد انتم كبار ماشالله عليكم افنان ماتت ضحك : هتوف والله اني حاسه فيك هتيف : جاني صداع نصفي البنات ضحكو ومشو يفتحون المكاتب ويدورون احد يقولهم وين مكتب المدير الرئيسي وصلو عند مكتب عبدالعزيز وانصدمو وضحكو نجد بضحك : وش ذا الجثث ياربي افنان : اعوذو بالله هتيف : خربو اخوي وخلوه ينام معاهم حور بمزح : معليش بس والله انهم مووووود اثير : وانا اقول ليه سلوم مايرد علي نجد : انا بشغل النور عشان اشوفهم زين سحاب : لا لا خليه ونبي ناخذ المويه ونسوي مقلب نجد وهي تلف عليهم : بنات انتم معنا في المقلب سمو وحور واثير : اكيييد العنود بتردد : مدري هتيف بخوف : بالنسبه لي خليني امون عليهم وبعدين بسوي اللي تبون نجد : كيف ما تمونين عليهم اقول بس يلا العنود بحزم : خلاص انا معاكم هتيف : انا بروح اشوف المكاتب ولا تجادلوني حور : هتيف انتي كنتي فله نفسنا وش تغير الحين العنود : هي ترى ما استحت الا عندكم اثير : هتوف تعالي معنا امانه هتيف : انا قلت بروح اشوف المكاتب الثانيه وبس العنود : تصدقون كانت هي ومها يسوون مقالب فينا هناك ومره فهود سكر الغرفه عليه يوم كامل افنان : اما عاد يوم كامل وش مسويات نجد وهي تسحبهم : ما حلت السوالف الا الحين يلا تعالو راحو كلهم الا هتيف اللي راحت تشوف المكاتب عند العيال اللي نايمين وما يدرون عن احد فجأه صياح البنات والمويه تنكب عليهم وهم بردانين منصور اللي ماقدر يوقف بسهوله عشان رجله : الله ياخذكم قولو اميين انا اوريكم بعد شوي سلطان : استغفر اذا كانت العنود معهم عبدالعزيز ضحك : اشوى ان فهد راح بس سلطان وهو يتذكر : اوف يا اني غبي منصور تذكر ان هتيف لازم تكون معهم وقام بدون شعور يبي يشوفها وطالع فالعيال اللي يركضون ورى البنات مالقاها بينهم وبتساؤول وين راحت يعني ؟؟ وده يسأل البنات فقرر يسأل السواق وقاله انها موجوده انبسط بس سأل نفسه ليه انبسط وهي بتتزوج وبعدين طلع يروح لمكتبه يا خذ اغراضه قبل دقائق : عند البنات اللي دخلو على العيال وبدون صوت اتفقو يكبون المويه مع بعض وكانت نجد وافنان وسحاب عند سلمان ومحمد ومنصور والعنود واثير عند سلطان وحور عند فهد وسمو عند عبدالعزيز انكبت المويه وقامو العيال فجاءه مع بعض وانصدمو يوم شافو البنات طبعاً ركضو وراهم الا سلطان اللي طاح على رجل منصور وجاهم عبدالعزيز عشان يشيله من فوقه ومنصور اللي جالس يتحلف فالبنات وسلطان … عند هتيف اللي عرفت مكاتب العيال كلها الا مكتب منصور حتى اسمه مو موجود عليه وبعدين لقت مكتب ماعليه اسم وجلست على الكرسي تشوفه ولقت مذكرات كانت بتفتحها بس انفتح الباب وشافته ودخلت تحت المكتب ما تبيه يشوفها … اما بالنسبه لمنصور اللي دخل بسرعه وهو يعرج واتصل على فارس عشان يمره بعد الدوام انهى مكالمته وجاء عند المكتب وفتح الاوراق وما انتبه للمذكرات وقام ياخذ مفاتيحه واخذ نص الاوراق وطلع هتيف كانت تحس انها في فلم رعب وكان قلبها بيوقف من الخوف وقامت ومعها المذكرات كانت بتفتحها بس حست انها بتنجرح لو قرتها ففضلت انها ما تتدخل في حياته وطلعت ... ... تفاعلو ✅♥ | ||||||
|  |
|
24-06-20, 04:07 PM
| #12 | ||||||
| مشرفة منتدى الروايات المنقولة
| - 10 - عند البنات والشباب في مكتب عبدالعزيز اللي كلهم اضحكو على اشكالهم كانو كلهم مبللين بمويه لاحظت العنود غياب هتيف ومنصور وهي تدعي من كل قلبها انهم يعترفون وياخذون بعض دخل منصور عليهم ومن حسن حظه ان عليه فروه وبكذا ما تبللت ملابسه منصور : خير وش ذا الحركات محمد : يستانسون على حسابنا نجد : طيب هذا مقلب عادي سلطان بحزم : هذا مقلب ميين ؟؟ بسرعه سحاب هنا خافت وما تكلمت عبدالعزيز : هو اكيد وحده منكم مطلعه هالفكره حور وهي تمثل القوه : ما راح نعترف وش عندك عبدالعزيز : والله العلي العظيم اذا ما اعترفتو اني لعلم جدي عليكم الحين سمو : حبيبي بس دمعتين مني جدي بيصدقنا سلمان بتعجب : وتقولينها في وجيهنا اثير : تستاهل ليه ماترد على اتصالاتي منصور : انا من رآيي يا سلمان تزوجها واحد يرد على اتصالاتها لانها بتشغلك اثير وهي تقلد صوته : انا من رآيي يا سلمان تزوجها انت ما احد طلب رايك سلطان : لحظه انتم ليه معصببن المهم انا اللي نعصب فاهمين المقالب غلط محمد : انا عرفت من سوى هالمقلب سلطان : حتى انا عرفت تعال علمني محمد شاور سلطان وعلمه وضحكو منصور : قولو لنا من خلوني اذبحها محمد : انا واخوي الكبير اتفقنا على انها هتيف جمد منصور وما تكلم ولف على البنات نجد وهي تضحك : ياعمري هتوف راحت تتمشى فالشركه ماتدري عنكم ويمكن تلقاها عند فهد عبدالعزيز : انا متأكد انها هي افنان بضحكه : ايش اللي خلاك تتأكد سلطان : هي ومنصور الله يسعدهم علمونا المقالب منصور تغير وجهه وقال ببرود عشان ما يشككهم : وين هتيف بحقق معها اثير : الله واكبر بتحقق معها ليه وش مسويه هي منصور : انا احس انها ما سوتها بس عشان العيال راح احقق معكم كلكلم حور : تكفى يالمحقق كونن رروح روح شوفها هناك منصور وهو رايح : عيال لا يطلعون الا اذا جيت … عند هتيف اللي طلعت تدور البنات وضاعت بالعربي ووصلت عند الاصنصير ودخلت فيه وفجأه وقف الاصنصير وهي ماعرفت وش تسوي ضغطت كل الازرار عشان يتحرك بس مافاد معها انكتمت وحاولت تتنفس وتهف على نفسها ونزلت شيلتها وهي تهف عليها وتدور في جيوبها وما لقت جوالها وتذكرت انها ماجابته من الاساس وجلست تبكي وهي تطق الباب وتصرخ بأعلى صوتها … عند منصور اللي ماخلا مكان الا وراح له : وينها هذي اختفت ، قطع تفكير اتصال من سلطان : سلامات يالحب وينك فيه طولت منصور : شفيك ترى ازعجتني بجيكم شوي بس خلني ادورها انا الحين مالقيتها سلطان يدري انه يحب هتيف وبنفس الوقت مستانس ان العنود معه : خلاص دورها على راحتك وتكلمو ترانا بنجلس نحقق مع اللي عندنا منصور : يلا مع السلامه راح منصور عند مكتب فهد ولقى فهد جالس يكلم وما لقى احد عنده وطلع للجهه الثانيه اللي فيها الاصنصير ولقاها مقفله الا واحد سمع عنده ازعاج وراح ع طول ينادي الحارس يفتحه ونزل الحارس عند غرفة الكهرباء وجلس 10 دقايق يضبطه … عند منصور اللي انفتح الباب عنده فجأه ولقاها طايحه وشعرها متناثر حواليها ودموعها على وجهها حس قلبه انقبض ورجعت له ذكرياته القديمه معها راح عندها وحط راسها على رجله وجلس يهف عليها ويشربها مويه وما فاد فيها شي جاء بيوقفها وطاح راسها على صدره حس بشعور كان يتمناه قبل وبسرعه شالها بألم جاء الحارس يبي يشيلها ورفض منصور وعصب ووداها لمكتبه وهو يعرج وسدحها على الكنبه وعطاها اكسجين صناعي كان موجود في مكتبه وجلس يتأملها وهو ماسك يدها وبعدها خانه شعوره ونزل راسه عند عنقها وهو يشم ريحة شعرها اللي نفس اخر مره شمها فيها وبعد 10 دقايق فجاءه بدت تتمتم بكلمات مافهمها وبسرعه انتبه لنفسه وقام ولف للجهه الثانيه ينتظرها تسأله اوتتكلم … عند هتيف صحت وهي تتذكر اخر شي لحظة التقاطها لأنفاسها رفعت يدها ونزلت الاكسجين اللي عليها وزادت انفاسها بسرعه اكثر وجلست وهي تتنفس بسرعه ودموعها تنزل وما انتبهت للي جالس يمينها ابداً كل همها انها تتنفس … عند منصور اللي انتظرها تتكلم بس ما تكلمت نهائياً بس انصدم يوم سمعها تلقط انفاسها وبسرعه جاء وجلس معها على نفس الكنبه ومسك راسها ويده الثانيه فيها الاكسجين وشافها جالسه وحاطه يدها على صدرها ودموعها تنزل بغزاره وتتنفس بأقصى سرعه عندها رفع الاكسجين وحطه مره ثانيه عليها وهي بدورها صاحت تبعده عنها استغرب منها بس اصر الا يحط الاكسجين عشان تتنفس وهي تحاول تبعد يده ما وقدرت لانها كانت تتوقع احد خاطفها وفجأه رفعت راسها له ودموعها تنزل وهي تشهق من البكاء وبسرعه ضمته وهو مليون علامة استفهام على راسه وفي خاطره : انت تبي هذا الشي وصار لك ليه تستغرب بس هي الحين ملك غيري ليش امسكها انا غبي . وبسرعه بعدها عنه وسدحها على الكنبه وحط الاكسجين وبصوت بارد : خليه عليك لحد ما تنتظم انفاسك اسكتت وهي ما فيها حيلل تتجادل مع احد في مكتب عبدالعزيز كانو كلهم يسألون البنات العنود خافت من شافت منصور طول لفت على سلطان تبي تسأله بس ترددت بس اخر شي قررت العنود بصوت حياوي : سلطان سلطان دق قلبه بسرعه : هلا بغيتي شي العنود : اتصل شوف منصور وينه سلطان بسرعه : ابشري العنود لفت على البنات اللي يتجادلون مع العيال وهي متوتره وسلطان اخذ جواله واتصل على منصور اللي مارد عليه ابداً بعد خمس دقايق حست نفسها بخير قامت هتيف وبدون صوت شالت الاكسجين وحطته وقامت تعدل شيلتها وقبل ما تطلع وبصوت مبحوح : شكراً ، وطلعت بدون ما تسمع رده عليها ……… منصور فز قلبه من صوتها كره نفسه بس حس انه معه حق هي ملك غيره وش يبي فيها غير انها بنت عم بس مع ذلك يدري انه يموت فيهاا للحين تفاعلو ✅♥ | ||||||
|
| |
|
22-07-20, 03:42 AM
| #13 | ||||||
| مشرفة منتدى الروايات المنقولة
| << 11 >> طلعت هتيف من الشركه وراحت من جديد تدخل للشركه عشان تروح للمكتب اللي بنات كانو فيه وهي تضحك على نفسها وعلى غبائها يوم لقته بسهوله دخلت عليهم وهي فيها ضحكه هتيف : هاييي العنود شافتها تضحك : هاي انتي وش قلتي لمنصور هتيف تورطت وماعرفت ترد : ما قلت شي نجد : ايه لا تقولين شي انتي ما سويتي شي هتيف بغباء : وش سويت انا حور وهي تمثل الحزن : شفتو البراءه كيف سلطان ضحك : انا اعتذر لها رسمياً لاني اتهمتها هتيف فضلت السكوت عشان تعرف السالفه عبدالعزيز : هي منكم اكيد بس ماراح تطلعون الا وانتم قايلين من هي منصور دخل عليهم وجلس بصمت محمد : يعني هتيف ما سوت شي يا منصور منصور ببرود : لا هي ماتدري اصلاً عن شي قاطعهم دخول فهد : عسى خير وش فيكم نجد بتعجب : يا الله ليتهم مثلك تقبلو المزح سلطان وهو يقلد على نجد : يالله عليك سامحتهم بالسرعه هذي يا فهود فهد : توني اتذكر انكم سويتو مقلب بعدين انا خلاص متعود على المقالب هذي ما تقصر هتوف محمد : يعني هذي فكرة هتيف هتيف : يعني بعطيهم الفكره وبنحاش سلطان وهو يضحك : يمكن عشان ما نشك فيك انحشتي واذا حلفنا البنات حلفو وهم متأكدين افنان : منصور قال انها ما سوت شي محمد بخبث : ماندري يمكن سامحها منصور وهو وده يذبح محمد : وليه اسامحها محمد : لانها صديقة الطفوله والمقالب منصور بتحفظ : مالها دخل اثير وقفت بعصبيه : يعني وشلون ماراح نطلع حور : لا بنطلع غصبً عنهم سلطان : وش بتسوون يعني ؟؟ سحاب وهي تمثل الزعل : ما توقعتكم كذا بتزعلون عبدالعزيز خق : عيال نسامحهم منصور جته الضحكه غصب وهو الوحيد فالعايله يدري عن العيال من يحبون ، وبضحكه : لا افنان فيها ضحكه وهي تطالع للجدار ولا حظها منصور ودرى انها فهمت بس سكت هتيف بصوت خفيف للعنود : قسم بالله سامجين العنود بخقه : شفتي السلط كيف يطالع فيني وحتى شوفي منصور يطالع كل شوي فيك هتيف بضحكه : انتي ما شفتي اسلوبه البارد معي العنود : يمكن يتغلى عليك هتيف : اقول خلينا نتناقش فالبيت ……… طبعاً هذا تحت انظار منصور اللي يبي يسمع وش قالت عنه ويبي يعرف شعورها اتجاهه لانها حيرته هو يشوف بعيونها وتصرفاتها حب بس الواقع غير سمو : يعني بنجلس كذا ساكتين سلمان : تقبلي الامر الواقع سمو رجعت على الكنبه ورى وخذت جوالها واتصلت على جدها بدون ما يدرون فجاءه حطت السبيكر : جدي انا في مكتب عبدالعزيز تعال انقذنا بسرعه من العيال وقفلت العيال تصنمو في اماكنهم ولفو عليها عبدالعزيز : هذا اللي ما حسبنا حسابه منصور : اغبياء من يومكم محمد : بنجحد يا رجال لا تخافون فهد ميت ضحك من تصرفاتهم الغريبه قام سلطان وفتح القفل عشان جدهم يدخل نجد : احسن الحين ابوي بيوريكم شغلكم منصور : مع الدمعتين حقت سمو ولا بدونها ضحكت سمو : ذكرتني بدمعتيني محمد : كيف بتطلعين هالدمعتين حور : انت ما تدري وش هالدمعتين راح تسوي سلطان بهبال : اوه يا محمد انت لازم تقدر هالدمعتين عشان مايزعلون اثير : الدمعتين بتخليكم تداومون الاسبوع الجاي قاطعهم دخول الجد عليهم : وش صاير وش فيكم فجأه جاهم تبلد وووصمممتت …………………… قطعت الصمت سمو وفعلاً طاحت الدمعتين محمد ضحك والباقين ما امسكو انفسهم من الضحك وسمو كانت بتتكلم وفجاءه ما مسكت نفسها وراحت تجلس وهي تضحك ……… الجد ضحك من ضحكهم بس فجأه قال : خلاص ضحكنا وش فيه عساكم تضحكون بدون سنون افنان بصوت خفيف لسحاب : ماخذ وضعية المرشده الطلابيه صح سحاب : انقلعي ترى قاعده احاول امسك نفسي سكتوو شووويي وفجأه وقف منصور بتمثيل انه تعبان : ممكن استأذن للبيت الجد : لا مب ممكن ، ولف ع الباقين : وش صاير قامت اثير : مافيه شي بس العيال قفلو علينا محمد : انتم اللي خليتونا نقفل الباب عليكم سلطان : ترى هم كبو الماء علينا نجد وهي تغير السالفه : تدري يايبه انهم نايمين كلهم في مكتب عبدالعزيز ولادرو عن الشغل . ' هنا العيال كلهم ما حسبو حساب هالشي الجد : لحظه اولاً انتم ليه نايمين وانتم تدرون في اجتماع مع شركات عالميه اليوم وثانياً اصلاً لو حفيداتي ما كبو الماء عليكم جيتكم انا وكبيته منصور : جدي تكفى لا تظلمنا هم اللي بدو العنود : طيب خلصتو شغلكم الجد : ايه وين شغلكم ووين الاوراق يا سلطان اللي لها اسبوعين وانا انتظرها ووين المخططات اللي خطتتوها يا محمد وعبدالعزيز ووين العرض اللي بتورينا يا سلمان ووين عاد الايميلات اللي قلتها لك يا منصور كلكم مامنكم فايده ' هنا العيال كلهم ساكتيين بقهر ماتكلمو الجد : انا كنت معطي الموظفين اجازه اسبوع عشان اعاقبكم بس راح اعطيهم الاسبوع الجاي بعد اجازه وراح تخلصون شغلكم هذا الحين نجد : الصراحه يابوي كنا ندور للعنود وظيفه بس الظروف ما خلتنا ندورها الجد : العنود الحين تروح تشوف الاقسام وتدخل القسم اللي تبيه وتختار الشغل اللي يناسبها العنود : خلاص يوم الاحد بجي هنا واختار الجد : تعالي فاليوم اللي يناسبك عبدالعزيز بقهر : لنا الله الجد : اقطع الصوت انت وياه وروحو كملو شغلكم … راحو الشباب لمكاتبهم وهم يتحلفون فالبنات اما بالنسبه للبنات اللي طلعو كلهم وقررو يتغدون برى بمناسبة انتصارهم على الشباب : الساعه 4:30 فالشركه : الشباب بعد ما صلو العصر وخلصو شغلهم اجتمعو كلهم في مكتب فهد اللي طالب من مها تسوي لهم غداء . منصور وهو واقف : كثر خيرك فهد : بالعافيه بس تعال كمل غداك منصور : لا شبعت حمدلله سلطان : شكلي بجي كل يوم اتغداء عندكم فهد : حياكم الله عبدالعزيز : انا بتزوج عشان اتغداء بس سلمان : وش رايكم نسوي زواج جماعي منصور : تزوجو انتم يالكبار اما انا وحمود تونا محمد : رتويت لكلام منصور سلطان وقف وهو يبي النوم : جاد الله عليك والله يكثر من امثالك محمد : لاتزعل سلوطي يوم الاحد علي الغداء منصور بضحك : بتسويه فالشركه محمد : لا بجيبه جاهز لكم قاطعهم دخول الجد عليهم واعمامهم ……......... الجد بمزح : ماشالله تغدون وماتعزمونا فهد : عندكم اجتماع وما حبينا نقطعه عليكم ابوفهد : لا عادي ابوي يمزح وغداه جاهز ابو سلطان : انا اسمع الصباح ازعاج ابو عبدالعزيز : اي والله ابي اسألكم بس ناسي الجد : بناتكم شافو العيال كلهم نايمين وقالو لي وانا بخليهم يداومون الاسبوع الجايي ابو فهد : حتى انت يافهد معهم فهد : انا والله مانمت امس واليوم انا اشهد ان العيال تعبو من كثر الشغل ونامو ونمت معهم ابو فهد : طيب ما جهزت اوراق اختك فهد : هي اليوم جت ليه ما جتني واسألت عنها ابو فهد : خلاص يوم الاحد ابيها جاهزه " منصور وسلطان كل واحد يفكر اوراق مين هذي " الجد : الحين ارجعو للبيت وبكره فالغداء ابيكم موجودين كلكم ولا واحد يتأخر العيال : ابشر " قامو وخذو اغراضهم وطلعو كلهم " عند البنات بعد الغداء رجعو كلهم للبيت … في غرفة هتيف جالسه وتحاول تتذكر اللي صار بس عجزت وهي تفكر وقررت تقول للعنود السالفه توها بتطق الباب على العنود الى وطلعت لها العنود : كنت ناويه اجي لعندك ابي اكلمك هتيف : يالله تعالي حتى انا بقولك السالفه دخلو غرفة العنود وجلسو على السرير هتيف قالت لها السالفه كلها العنود : اما كل هذا صار وانا مدري هتيف : مدري ليه يعاملني كذا العنود : صراحه انا بعد شفت نظراته لك هتيف : حمار ماعليه انا اوريه العنود : طيب ليه ما فتحتي المذكرات هتيف : خفت انجرح ويمكن يحب وحده ثانيه العنود : غبيه كان قريتيها هتيف : انا بسأله اذا شفته اكيد فيه سبب العنود بتفكير : هو يعاملنا كلنا بضحك ومزح الا انتي مدري بس احسه يحبك بس ماعرف يعني قاطعتها هتيف : شيلي من تفكيرك انه يحبني هذا اولاً وثانياً انا راح اوريه وجهي الثاني وراح امون على عيال عماني الباقين واستانس واخليه على جنب العنود : خليك كذا ياعمري قويه وما يهزك ريح هتيف قامت بحماس : يالله انا بروح اخذ شور العنود : حتى انا بعد طلعت هتيف لغرفتها وهي تقوي نفسها عند سحاب وحور فالصاله اللي فوق سحاب : انتي وش فيك من اليوم تطالعين فيني حور بتدقيق : انتي تدرين ان عبدالعزيز يحبك سحاب توترت : ومن قال انه يحبني حور : لا تحاولين انا شفت نظراته لك مو طبيعيه سحاب قامت : اف منك غصب الا انا صادقه حور بضحك : من تعصيبتك تأكد جت ام سلطان : حي الله بناتي متى جيتو سحاب التفت : من زمان جينا انتي وينك من اليوم ام سلطان : رحت لام عبدالعزيز اتقهوى عندها حور ضحكت بس ما علقت سحاب : جعلتس تضحكين بدون سنون حور ضحكت بقوه : يا الله راسي بيصدع منها ام سلطان : وش فيكم انتم تضحكون قولو لي دخلو عليهم ابو سلطان وعياله سلطان ومحمد سحاب وحور ركضو فوق لغرفهم وسكروها ولحقوهم سلطان ومحمد ام سلطان : وش بلاهم العيال ابو سلطان قال لها كل السالفه اللي سمعها منهم ام سلطان وهي تضحك : الله يقطع بليسهم ضحكوني هالبنات … فالدور الثاني سلطان عند سحاب ومحمد عند حور سلطان : والله اني لاجلس عند باب الغرفه سحاب : مع نفسك سلطان : قسم بالله لأكسر الباب اذا ما فتحتيه سحاب : والله لخلي ابوي يكسر راسك سلطان : واحد ، اثنين ، ثلاثه ، اربعه سحاب : خمس، سته، سبعه ، ثمنيه ، تسعه ، عشره فجأه الباب انفتح وانكسر من وسط سحاب دموعها نزلت تلقائياً وبكت سلطان انصدم : ليه تبكين مابعد سويت شي سحاب راحت لسريرها : انت حيوان يا السامج سلطان راح وجلس عندها وحط راسها على صدره سلطان ضحك : خفتي يا غبيه سحاب تبكي بقوه ولا رد سلطان رحمها : خلاص لا تبكين شوفي ما سويت شي وبعدين كل هذا خوف سحاب بصوت باكي : ليه ناوي تطقني سلطان : لا تتوقعينها مني وبعدين يالله بنتعشاء مع بعض انا وانتي وحور وحمود وامي وابوي معنا بعد سحاب تسلك : لا امي وابوي معزومين عند خوالي سلطان : خلاص نطلع حنا يا الاربعه سحاب وهي تمسح دموعها : طيب شكراً سلطان قام : العفو ويلا بروح عند حمود عند حور اول ماقفلت الباب ما سمعت احد حور : السلط وينك محمد : الله يسلط عليك قولي امين حور : امانه انت اللي بتهاوشني محمد : ليه طايح من عيونتس حور : فديت اللي يتكلمون بالتاء والسين محمد استحاء : يا عمري والله سامحتس حور فتحت الباب : تعال بسولف معك محمد دخل : تعزميني يعني حور فتحت الثلاجه الصغيره اللي في غرفتهاوطلعت شبسات وحلويات وحطتهم عنده ع الطاوله محمد : لا حور صدق ما عرفتس حور : اذا بتتكلم كذا دايم بعزمك كل يوم محمد وهو يفتح الشبس : يعني اعتمدها حور : الا صدق ياحمود ماتحس السلط يحب محمد ضحك وما بين انه يدري : لا ما احس حور : الا ما شفته وهو يطالع فالعنود محمد وهو باين عليه يدري : مدري حور : كذاب انا ادري انك تدري ، وبصوت ناعم : حمود انا ابي اساعد اخوي وابي العنود تحبه محمد بسرعه : هي تحبه بعد حور ضحكت : يالبيه احسن اخو شفته في حياتي محمد مفتح عيونه بقوه : اذا سمعت ان الخبر انتشر والله ما اعلمك بالباقين من يحبون حور : انا اعرف الباقينن على ما قولتك محمد منصدم : من تعرفين يلا حور : اعرف ان عزوز يحب سحاب اختي محمد رفع حواجبه وضحك : ما يفوتس شي حور : واعرف ناس واججد بعد محمد : طيب دامك تعرفين بس انا قاهريني اثنين حور : مين اللي قاهرك خلني اذبحه محمد ضحك : منصور و…………………… بس قاطع كلامهم دخول سلطان المنصدم منهم : ماشالله الله يزيد المحبه محمد : وش سويت مع سحاب سلطان : بكت ما بعد جيتها …… وقال كل السالفه محمد ضحك : انخرشت منك شكلها حور : اكيد قالت مدام انه كسر الباب بيكسر راسي سلطان ضحك : خير وينا فيه اكسر راسها والمهم ترانا بنتعشى الليل مع بعض يالاربعه حور : انا ادري ان العشاء فالليل بس وش المناسبه محمد ضحك : ياغبيه بمناسبة بكاء سحاب سلطان ضحك : تدرون انا انخرشت منها يوم بكت محمد : كلكم انخرشتو من بعض حور : حمود لو الموقف هذا صار لنا بتعزمني محمد : بالعكس لا شفتك تبكين بطقتس عشان تبكين مره وحده يعني عصفورين بحجر واحد حور حذفت عليه المخده : الشرهه على اللي عزمتك عندها وسولفت عليك محمد : انتي تمشين على المصالح حور ماردت عليه وتمثل انها زعلانه محمد بمزح : خلاص بوديك البقاله تشترين منها حور : هذا قدرك يا عمري سلطان : حور روحي لسحاب شوفيها حور طلعت : الله لنا محمد ضحك وطلع هو سلطان للمشب عند العيال انتهى .. اتمنى تتفاعلونن | ||||||
|
| |
|
22-07-20, 03:43 AM
| #14 | ||||||
| مشرفة منتدى الروايات المنقولة
| << 12 >> قبل نص ساعه في بيت تركي " ابو عبدالعزيز " عند افنان اللي تدور لها فستان في المواقع جت سمو : هاي فنو افنان : تحسسيني انك توك شايفتني سمو : لو انك قلتي هايات بدال ذا الجمله اللي تغث افنان : تصدقين خايفه من العيال سمو : بطقاق اصلاً بروح انادي امي جت ام عبدالعزيز : ليه تناديني سمو قالت لها السالفه وطبعاً ام عبدالعزيز تضحك افنان : عشان كذا حنا في وجهتس ام عبدالعزيز : انتم اللي بديتو وتستاهلون ما يجيكم سمو : انا داريه الام تحب عيالها اكثر من بناتها ام عبدالعزيز عصبت : ان كررتي هالكلام ياويلك قاطعهم دخول ابو عبدالعزيز ومنصور وعبدالعزيز ابو عبدالعزيز : السلام عليكم ام عبدالعزيز وسمو وافنان : وعليكم السلام سمو بصوت خفيف : سوي نفسك ناسيه السالفه افنان بنفس الصوت : قسم بالله سالفتنا ما تترقع منصور : يمه ممكن تبعدين شوي عبدالعزيز جاء من الجهه الثانيه : تكفين شوي بس سمو وقفت : خير وش شوي ما شوي بعد انت وياه افنان ماسكه جوالها وبخوف جالسه : خير منصور بعصبيه : لو انكم سويتو مقلبكم وقلبتو وجيهكم كان ماقلنا شي بس انكم تعلمون جدي ليه عبدالعزيز : الاسبوع الجاي كله بنداوم الحالنا منصور : طبعاً هذا بسببكم سمو وهي تمثل القوه : انتم اللي حبستونا ولو انكم ما طولتو كان طلعنا وما درى جدي بهالسالفه منصور : عذر اقبح من ذنب افنان : انت لك اسبوعين وانت تعصب علينا خير منصور : انا ماعصب الا اذا سويتو شي سمو وهي تدري انه يحب هتيف : لا ياعمري قبل امس ما عصبت علي فالمطبخ منصور : متى يا كذابه سمو بخبث : يوم اكلم هتيف هاوشتني منصور انصدم وهو يرقع : هاوشتك عشان تكلمين هتيف ولا عشانك ما سويتي القهوه لنا افنان : لحظه لحظه من متى سمو تسوي قهوه منصور تورط : هي قالت بتجرب تسويها وانا قلت طيب بس من دخلت المطبخ لقيتها تسولف سمو : انت ما تحب احد يجرب فالقهوه ابو عبدالعزيز بصوت مرتفع : بس انت وياه ام عبدالعزيز : كلكم اطلعو فوق بسررعه عبدالعزيز بعد سكوت : بس لا سوينا فيكم مقلب لاتزعلون وانا ماقهرني الا دوامي الاسبوع الجاي منصور : من قال انا ماراح نسويه انا اوريكم افنان عصبت : اعلى ما بخيلك اركبه ، وطلعت فوق سمو : ما ينمزح معكم انتم وجيهكم هذي وراحت بسرعه لغرفة افنان عشان تتناقش معها ابو عبدالعزيز : مهما صار هم خواتكم عبدالعزيز : بس حركتهم سامجه مع ذا البرد منصور رجله تعوره : انا بنام فالصاله ام عبدالعزيز بخوف : رجلك توجعك منصور : لا تطمني بس بنام تحت شوي في غرفة افنان اللي انفتح الباب وجت سمو افنان : نعم انتي الثانيه وش تبين سمو : انتي تدرين احب اتناقش في هالموقف معك افنان : طيب وش اسوي لك سمو : تدرين منصور يحب عشان كذا يعصب افنان : تستهبلين يعني ما يعصب الا اللي يحب سمو : اخواني عرفت حريمهم افنان : يا بتقولين السالفه او اطلعي برى سمو بعصبيه : ما راح اقولك بسبب هالبرود اللي فيك واذا جيتيني وتبيني اقولك والله ما اقول لك افنان ندمت : طيب تعالي قولي سمو طلعت : انقلعي بس عند منصور فالصاله اللي ما قدر ينام وهو يتذكرها ويتذكر ريحتها اللي عالقه في ملابسه رفع ثوبه وشم ريحت عطرها وانسدح وهو يتذكر ادق تفاصيلها وتذكر موقفه فالمطبخ مع سمو وهي تكلمها قبل امس : منصور : سمو تعرفين تسوين قهوه سمو : اذا افنان ماعرفت تبيني اعرف انا وبعدين الخدامه هنا ليه ما تقولها منصور : لا ما ابي الخدامه تسويها سمو : تبيني اجرب لك منصور راح ومارد عليها بعد شوي جاء بيدخل يسويها بنفسه بس شاف سمو حاطه جوالها سبيكر ع الطاوله وقاعده تقطع لها فواكه وحاطه نوتيلا معها سمو : لا خذيتيه والله ان تموتين هتيف بمزح : لا انقلعي يازينه سمو : خاطري اشوف عيالك منه هتيف : لا خير انا اساساً اذا تزوجت راح اجلس سنه وبعدين يصير خير بفكر اجيب عيال سمو بضحك : ماعليه والله ان قال لك ابو العيال ابي عيال والله ان تجيبنهم من اول شهر هتيف : انقلعي ياحمار استحي شوي سمو : الحياه خلتني كذا يا هتوف من سمع اسمها دخل وهو اصلاً متأكد من صوتها على طول سكر الجوال وحذفه على الطاوله وبعصبيه : خير وين القهوه سمو باستغراب : بسم الله الرحمن الرحيم وش فيك منصور : خلي عني الجوال ووين القهوه افنان دخلت : خير وش ذا الصياح وينا فيه سمو : اناقلت لك اجربها بس انت سفهتني منصور بتصريفه : السكوت علامة الرضاء سمو : الله واكبر وش اللي يخليني افهم افنان دخلت : منصور انت وش فيك لك اسبوع وانت تعصب علينا منصور وهو ندم : اسف بس مضغوط من الشغل سمو باستهزاء : هذا وهو اول اسبوع لك منصور عصب : انتي تدورينها من اليوم افنان : سمو بس عاد انقطع تفكيره بدخول افنان وسمو عليه افنان : انا اسفين منصور لف عليهم وابتسم : لا عادي سمو : كيف لا عادي وانت بغيت تاكلنا قبل شوي منصور : قلت لكمم مضغوط من الشغل افنان بضحك : وانا زدناها اسبوع ثاني منصور : يعني وشلون تبونا نتزاعل سمو : فنو وش فيك عليه الرجال يحب منصور : خير وش قلتي سمو وهي تتعمد : الرجال يحب منصور وهو يحذف عليها المخده : انقلعي بس سمو وقفت وخذت المخده وحذفتها عليه وبدا حرب المخدات عند منصور وسمو ودخل عبدالعزيز معهم فالحرب وطبعاً معهم افنان عند اثير اللي طفشانه من امها وخواتها وكيف هم حاقدين على عمانها كانت امنيتها انها تكون مع خواتها وبنات عمها مثل الخوات الباقيين بس خواتها غير كل وحده منهم مضيعه حياتها بالشر طق سلمان الباب وهي قالت له ادخل سلمان : وش فيها اختي الحلوه جالسه لحالها اثير : شايف عندنا اهل مثل الناس عشان اجلس معهم واسولف لا بس قاعدين يخططون سلمان رحم اخته : طيب ماعليك بتزين انشالله بس انتي خليك غير عنهم وانا لافضيت علمتهم الشغل الزين وخليتهم يندمون على خططهم الفاشله اثير خافت : وش بتسوي يعني سلمان : لا تخافين بس انا قاهرني ابوي اللي ساكت عن امي والبنات ولا كان انا تفاهمت معهم اثير : لا خلك منهم وتعال ابي اخطب لك العنود سلمان : لا العنود لسلطان هو يبيها اثير : امانه تقولها من جد سلمان : ايه وبعدين انا لا بغيت اتزوج بخليك انتي بنفسك تختارينها لاني اثق في رايك اثير ضحكت وضمتها : الله يخليك لي سلمان حط يده على ظهرها : ويخليك لي في غرفة سحاب اللي نست انها بكت اصلاً بس الموقف من جد ارعبها ونفس الوقت بكت بسبب عبدالعزيز اللي موترها والحيره لها دور دخلت سمو بدون تطق الباب : هاي يالمنخرشه سحاب : ما تعرفين تستأذنين بالأول حور : ماعندي حركات الاستأذان هذي مع اخواني سحاب : يعني مسويه فيها تمونين حور : لا جد انتي انخرشتي ابي اضحك قولي لي سحاب : مافيه شي يضحك وتجهزي للعشاء حور : ادري ان ورانا عشاء وبروح شوي اتجهز سحاب : لازم نكون شخصيات مع اخواننا حور بخبث : مع اخواننا الله الله سحاب سحبتها وطلعتها برى وحور تضحك محمد وهو طالع شافهم وضحك على حور عند منصور وعبدالعزيز وسمو وافنان اللي جالسين بتعب من بعد الحرب اللي صار وقام عبدالعزيز وراح لغرفته وراحت افنان وبقى سمو ومنصور سمو بهدوء : ممكن اسألك سؤال منصور بنفس الهدوء : طبعاً ممكن سمو : لاتعصب تقدر تقول لا انت تحب ؟؟ منصور حس بالعصبيه اللي لها اسبوعين مداهمته والغيره اللي ذابحته عليها ، وبهدوء : لا ما احب سمو : حمدلله منصور غصب ضحك : حمدلله لاني ما احب سمو وقفت : الا الحمدلله اني ما مت منصور : وش دخل ياغبيه تقدرين تسألين بدون كل هذا الدراما اللي تسوينها سمو : ياعمري لك كم يوم وانت تعصب علينا منصور : يا ذا الكم يوم اللي علقتو عليها سمو وهي تمثل الحزن : حاسبتهم من ضيقي منصور ضحك : تونا متراضين عشان كذا انقلعي سمو : لك ساعه تبي تنام بس .. سكتت منصور كنه عصب : بس ايش سمو وهي ترقع : بس انك ما نمت منصور رجع راسه للمخده وهو يشم ريحتها من جديد في ملابسه وناسي وجود سمو وسمو قامت وراحت لغرفتها وهي تتحلطم " الجمعه الساعه 9 الصباح " " في بيت ابو عبدالعزيز " في غرفة سمو تحديداً : افنان : تكفين اصحي سمو : انقلعي وروحي شوفي الساعه كم افنان : بنت والله طفشت اصحي سمو : افنان قسم بالله ان يجي طق افنان : وش رايك نعزم البنات ع الفطور سمو : الناس نايمين مو مثلك افنان : ياغبيه قبل شوي قاعدين نسولف فالأنستا سمو جازت لها الفكره : نادي حور واثير افنان بمزح : على اني ما ابي بزران بس يالله سمو : اقول روحي جهزي الفطور بس افنان : بطلبه يا غبيه ماراح اجهزه سمو : لا تقولين السواق ترى ما اثق فيه افنان : لا بقولل لعزوز ولا منصور سمو تذكرت منصور : منصور شيليه من عقلك افنان قامت : بحايله اذا ما وافق عزوز سمو قامت وخذت ملابسها وراحت تاخذ شور … في غرفة عبدالعزيز طقت الباب وما سمعت رد افنان : عزوز ممكن تصحى عبدالعزيز لارد افنان بصوت عالي : عبدالعززيزز عبدالعزيز خاف وقام : نعم وش تبيين عيديها بس افنان : اسف بس تقدر تجيب لنا فطور عبدالعزيز : لا ماراح اجيب افنان : انا عزمت البنات عاد لا تفشلني عبدالعزيز : روحي لمنصور افنان بكذب : منصور رجله توجعه عبدالعزيز : من بيجي من البنات افنان : كل بنات عمي بيجون ونجد عبدالعزيز : يعني انتم كم عددكم افنان : اتوقع 8 عبدالعزيز : خلاص بجيب فطور واجد واعزم العيال افنان : طيب بس الحديقه بنفطر فيها حنا عبدالعزيز قام : طيب بنفطر داخل … بعد ساعه ووصلو كلهم والفطور جاء تفاعلو 💘💘 حسابي انستا : _twqxz@ | ||||||
|
| |
|
22-07-20, 03:44 AM
| #15 | ||||||
| مشرفة منتدى الروايات المنقولة
| << 13 >> قبل 20 دقيقه : في الحديقه جابت افنان وسمو الطاوله الخشبيه الطويله ووزعو الخداديات 5 في جهه و5 في جهه افنان : يالله خلينا نوزع الفطور قبل البنات ما يجون سمو : اهم شي خلينا نخلص ابي اسوي القهوه افنان : قهوة ايش سمو : بنتقهوى بعد الفطور افنان : طيب ما عندنا حلويات سمو وهي تدق صدرها : ما عليك اختك بتسويه افنان ضحكت : تكفين لا تفشلينا سمو : انا على الاقل بجرب المشكله انتي ماحاولتي افنان : خلاص لا تعصبين وخلينا نخلص بعد عشر دقايق ووصلو البنات : هايييي سمو : كيف جيتو مع بعض حور ضحكت : والله صدفه افنان : يلا تعالو افطرو سحاب وهي تفك الموية الموجوده فالحديقه : فنو تعالي شوفي المويه ما تنفتح افنان : خربانه جيتها قبل اسبوع اتوقع سمو : سحابي ادخلي داخل وغسلي هتيف جت : البنات هناك روحي غسلي معاهم راحت سحاب اللي شافت الزحمه عند المغاسل سحاب : بنات العيال وين حور : فالمجلس يفطرون ما يمك احد راحت سحاب للمطبخ تغسل ……… عند العيال اللي كلهم مجتمعين على الارض منصور : عزوز بناكل كذا على الارض عبدالعزيز : لا بروح اجيب سفره بعد شوي منصور : روح جيبها انا برتب الباقي عبدالعزيز : منصور لا تخرب تراني اعرفك منصور ضحك : لهدرجه ما فيه ثقه عبدالعزيز ضحك وراح ما توقع واحد بالميه انه يلقى احد لان العيال ما بعد وصلو ودخل المطبخ وسمع فيه احد بس توقعها وحده من خواته عبدالعزيز فك الدرج بسرعه وهو يدور السفره وبدون ما ينتبه : وين السفره سحاب تورطت وماعليها الا عبايتها وشعرها مربوط لفت ع طول للمغسله عشان يشوفها ويطلع عبدالعزيز وقف : صقه ما تسمعين سحاب لارد صمممممتتت عبدالعزيز لف عليها وتفشل : انا اسف ما شفتك سحاب متوتره لابعد درجه وما تدري ليه طلع عبدالعزيز وارسل رساله لأفنان تجيب سفره عند سحاب اللي طلعت بسرعه من المطبخ وهي تهف على نفسها ووصلت للبنات اللي يضحكون سحاب : نعم وش اللي يضحك العنود بطقطقه : ترانا فالشتاء هتيف وهي تكمل : انتي مطروده سحاب : المفروض اني اضحك يعني حور : اختي العزيزه سوي سكب وتعالي افطري … افطرو البنات وهم يسولفون ويضحكون داخل عند العيال كانو يسولفون وعبدالعزيز مسرح بعد ما جاء من المطبخ وهو ما تكلم كثير محمد : جاد الله عليك يا بو تركي عبدالعزيز لارد منصور يلوح بيده قدام وجهه : وين وصلت عبدالعزيز انتبه : هلا تبي شي محمد : اقول كثر الله خيرك عبدالعزيز : بالعافيه منصور بصوت خفيف لعبدالعزيز : شايف لك شوفه فالمطبخ ترى المطبخ يجي دايم فيه قصص الحب عبدالعزيز غصب ضحك : الحين انت وش تبي منصور : شفت سحابك عبدالعزيز : بعدين اقولك سكت منصور وهو عارف ان اخوه شاف سحاب وكملو سواليفهم وراحو العيال اللي كانو نعسانين عند البنات وافنان توها تفتح جوالها افنان : الحين وش يفكني من لسانه سحاب بسرعه : مين افنان : عزيز يبي سفره سحاب ماردت وبان في وجهها التوتر حور فهمت وناويه عليها فالبيت عشان تعترف اثير : وخدامتكم وينها سمو : يووه انتي ما دريتي امي تحبها اكثر منا هتيف وهي تضحك : لا يكون مدلعتها سمو : كل شوي حرام عليكم ما تعطونها اكل وحرام عليكم كل شوي توصونها ومنصور بغى ينهبل منها هتيف توترت وعشان محد يشك : وتاخذ راتب ليه نجد : شوفو انتم لا ترخون الحبل ولا تشدونه ماكملت والعنود صفقت : الله وش هالحكم يا نجد هتيف بمزح : لا عمتنا متغيره اجل تشدون وترخون اثير : لا العطاله لها دور افنان : انتي ما تفهمين انّا خريجات وش عاطلات هتيف : تـرم بس وانظم لحزبكم هذا نجد : نتشرف والله بس مع ذلك راح نطقطق عليك سحاب : بنات انا برجع البيت راسي مصدع هتيف : حتى انا ما توقعت اني اصحى العنود بضحك : من صيحة افنان صحينا كلنا افنان : طيب مين اللي كان يراسلني قبل ساعه نجد : انا واثير اما هتيف قالت انها بتنام هتيف : مامداني احط راسي الا وتتصلين سمو : انتم جيتو عاد خلونا نستانس مع بعض هتيف : بنروح لخوالي العصر وتبينا نروح وفينا نوم حور : ازين شي تروحين وانتي وجهك تعبان هتيف تضحك : ليه وش دخل هذي في هذي اثير : انا فهمت يعني تروحين وجهك حلو من التعب نجد : هي خلقه عيونها ناعسه ما شالله ما يحتاج العنود قامت وهي تضحك : اي والله وانا بروح ما عاد يمديكم توقفوني سحاب : انا شايله هم كيف اروح لبيتنا هتيف : ترانا في حوش واحد حور : انتم بيتكم بجنب بيت عمي تركي اثير وهي فيها نوم : مثل ما جبتوني ودوني سمو ضحكت : الا مثل ما جيتي هنا انقلعي من هنا نجد وقفت : تعالي يا اثورتي بوديك معي اثير وقفت : ونعم العمه ضحكو وراحو كلهم لبيوتهم افنان : لحظه روحي نادي الخدامه تساعدنا سمو : طيب خلينا نشيل الطاوله وهي تشيل الباقي افنان : قلت روحي ناديها هذي مدلعه سمو دخلت تناديها والخدامه كانت مره غيثيه كانت بتطلع بس وقفها منصور : عندكم احد سمو : لا ما عندنا احد منصور : القهوه من مسويها سمو : انا مسويتها منصور استانس : في ذمتتس قولي والله سمو : والله علمتني امي كيف اسويها منصور : مسويتها لمن سمو : للبنات وكنا بنتقهوى بس هم يبون النوم منصور : انا بروح عند افنان وانتي جيبي القهوه سمو : طيب انت اسبقني راح منصور للحديقه وبسرعه رفع عيونه لغرفتها غصب عنه لازم يشوفها حتى لو مو موجوده منصور : صباح الخيرات فنو افنان ضحكت : صباح النور وش ذا الروقان منصور ضحك : بروق اكثر لو نتقهوى مع بعض افنان : ابشر كم منصور عندنا منصور : واحد بس افنان وهي تدف الطاوله على جنب : اخوي مغرور منصور : خليها بتجيها الخدامه افنان : خلها تخلص الي عندها وبنشيلها مع بعض منصور عصب : انا قلت خليها يعني خليها افنان كانت بتطيح الطاوله منها بس جاء منصور ورفعها من الجهه الثانيه وفجأه لقى شي طايح على الارض يلمع وشاف سلسال له سنين ما شافه سلسال اهداه لصديقة وحبيبة عمره وقلبه خذاه على طول وحطه في جيبه ورفع الطاوله مع افنان ودوها للبيت ورجعو مره ثانيه للحديقه افنان وهي توها تنتبه : منصور وش فيك منصور قلبه يدق بسرعه : ما فيني شي قاطعهم دخول سمو : بتاكلون حلا ولا احلى منه منصور وهو ما يبي يشكك احد : دامه منك اكيد سمو : منصور وش ماكل اليوم انت افنان : اتصلتي على عزوز خليه يجي معنا سمو اتصلت وجاها الرد متأخر : هلا سمو سمو : تعال فالحديقه تقهوى معنا عبدالعزيز : شوي وبجيكم قفلت سمو ورجعت تكمل سواليف وضحك مع اخوانها وانظم لهم عبدالعزيز وبعدها امهم وابوهم في غرفة هتيف اللي كانت تبدل ملابسها وفجأه تذكرت سلسالها اللي من يوم انها صغيره وهي تلبسه وماضاع منها لانها كانت تحب هالسلسال وتحب اللي اهداها هالسلسال وقفت وهي تدوره في شنطتها وبجيوبها وفي غرفة التبديل وبعدين تذكرت وقالت يمكن انه طاح فالحديقه خذت جوالها واتصلت على افنان اللي ردت : هلا هتيف : انت للحين فالحديقه ولا دخلتي افنان : الا انا باقي موجوده فيها هتيف : طيب شفتي سلسال طايح عندك افنان : دقيقه بدور خليك لا تقفلين … عند افنان اللي اتصلت عليها هتيف وقامت طبعاً منصور كان حاس انها بتتصل فكان متوتر جت افنان : شفتو سلسال طايح عندكم عبدالعزيز وهو يلف حواليه : لا مافيه شي سمو : حتى انا ما حولي شي ام عبدالعزيز : سلسال مين ؟؟ افنان : سلسال لهتيف ابو عبدالعزيز : تبشر بالعوض بجيب لها واحد ثاني افنان وهي تدور : يعني ما فيه شي عندكم كلهم : لا مافيه شي افنان وهي لازالت واقفه عندهم : هتوف مالقيته اذا مو مهم بجيب لك واحد ثاني وعد هتيف : تكفين فنو تراه غالي علي دوري مره ثانيه افنان لفت عليهم : خلاص انا بقفل وبدور واذا لقيته بقولك طيب هتيف : شدي حيلك وانتي تدورين افنان وهي تضحك : لهدرجه مهم هتيف وهي ناسيه ان افنان اخته : بقوه قفلت افنان وهي مستغربه وراحت عندهم ابو عبدالعزيز : هاه لقيته ولا لا افنان : لا مالقيته بس هي محرصه اني ادوره لها ام عبدالعزيز : تبشر بسلسال يجيها اليوم انشالله افنان : قلته لها بس هي تقول هذا غير غالي عندي ومهم بالنسبه لها واتوقع من صديقاتها او ابوها منصور قلبه شوي ويطلع ومالاحظ هالتوتر هذا الا سمو اللي كانت تشوفه من اول ما طرو اسمها وقف منصور : انا بروح انام انتهى تفاعلكم يهمني ♥♥ | ||||||
|
| |
|
04-08-20, 01:20 AM
| #17 | ||||||
| مشرفة منتدى الروايات المنقولة
| « 14 » وقف منصور : انا بروح انام ابو عبدالعزيز : انا مستانس ان عيالي صاحين بدري ومفطرين ومتقهوين وبعد تبي تروح تنام منصور باس راسه : راسي مصدع ولا كان جلست عبدالعزيز وهو يمد يده : امسكني انا بروح انام بعد ام عبدالعزيز : انتبهو تشغلون المكيف ترانا فالشتاء العيال : انشالله ، ودخلو داخل عبدالعزيز : غريبه ما سألتني منصور بفهاوه : عن ايش اسألك عبدالعزيز : عن المطبخ منصور وهو يتذكر : اها قولي الحين شفتها عبدالعزيز : تصدق محتاج افضفض عند احد منصور : انا موجود بس قولي السالفه الحين عبدالعزيز : صدق ما عندك احساس منصور ضحك : تعال عندي فالغرفه وقولي عبدالعزيز راح مع منصور وقاله كل السالفه منصور : طلعت تحب يعني عبدالعزيز : ليه شايفني بدون احساس مثلك منصور تنهد وما رد عليه عبدالعزيز : واضح انك تحب بس علمني من منصور : بس خلني اتأكد من مشاعرها وابشر عبدالعزيز : واذا ارفضتك طيب بتقول منصور : اكيد لا عبدالعزيز : واللي يقولك اني اعرفها من منصور خاف : لا تقولي واطلع برى يالله عبدالعزيز بمزح : تطرد اخوك الكبير عشان بنت منصور : انا ما احب اتكلم فالمواضيع هذي عبدالعزيز : طيب انا اخوك قولي منصور : بس اتأكد منها وانت اول واحد بقولك عبدالعزيز بحماس : طيب لمح لي منصور ضحك : ولد تراك زودتها اطلع عبدالعزيز : تكفى ابي اشوف ذوقك منصور انسدح : صدق ما تنعطى وجه عبدالعزيز طلع : وراك وراك لو الزمان يطول منصور ضحك ومارد عليه وسرح بكلامها " افنان : قلته لها بس هي تقول هذا غير غالي عندي ومهم بالنسبه لها " منصور بخاطره : يعني انا المهم والغالي طيب ليه تتزوجين واحد ثاني .. تنهد وهو ناوي يكلمها بخصوص السلسال ويعرف هو بالنسبه لها ايش وطلع السلسال وهو يناظر فيه ويتذكر يوم اهداها فالماضي : كان فيه حفلة تخرج بمناسبة تخرج افنان من مرحلة الابتدائي للمتوسط وكانت ام عبدالعزيز فالسوق تشتري هدايا لافنان ودخلت محل ذهب وشرت سلسال وكان معاها منصور اللي اصر انها تشتري واحد ثاني سألته امه لمين قال بكذب لسمو .. شرته وقالت : منصور نكتب اسمها قال منصور : انا بقوله انتي روحي خلصي حق افنان راحت امه وعطته فلوس وهي مصدقه كذبته وهو راح وكتب اسم هتيف وحرف الميم من ورى وغلفه بسرعه فالليل وقت الحفله ناداها فالحوش الخلفي هتيف : منصور انا قلت لك اخاف من المكان هذا منصور : حتى انا قلت لك انا موجود معك هتيف : بس لو جاء حرامي خذانا كلنا لانك صغير منصور : طيب خلينا من هالسالفه وانا جبت لك سلسال بس لا تقولين لامك وابوك واختك حتى امي وخواتي ما ابغاهم يعرفون حتى اخوك طيب هتيف بضحكه : لي انا طيب خليني اشوفه منصور : ايه لك خذيه هتيف بشهقه وهي تشوفه : هذا اسمي صح منصور : ايه هذا اسمك هتيف بوناسه : حلو طيب تعال بلبسه منصور لبسها وهي كانت مبسوطه بالهديه رجع للواقع وهو محتار اول مره يجرب شعور الحيره تمنى انها الحين قدامه وتقوله مشاعرها اتجاهه حتى لو ما تبيه وما تحبه اهم شي يفتك من هالشعور وبس ما قدر ابداً يتكلم معها كلام عادي ويبي بعد يفاتحها بالموضوع هذا … عند حور اللي ازعجت سحاب وما خلتها تنام سحاب : وبعدين يعني ماراح انام حور : بتقولين لي يعني بتقولين سحاب : قلت ما احبه ما تفهمين انتي حور : طيب ليه توترتي من سمعتي اسمه سحاب : وش دخلك انتي الحين حور بتمثيل : يعني انا اختك لازم تفضفضين لي سحاب : عشانك انتي اختي ماراح اقولك شي حور واقفه عند الباب : انا اوريك تعالي لي بعدين حور طلعت وسحاب جلست تتذكره وضحكت لا شعورياً وفي خاطرها " يعني انا احبه " وبعدها حاولت تنام بس غصب فيها ضحكه ….......... واخيراً سحاب اكتشفت حبها مع انها كانت تعارض اللي يحبون وتكره الخيانه بس ماتدري ليه حبت هالمره وطبعاً عطت نفسها فرصه ثانيه …… عند نجد اللي شافت ابوها جالس في غرفته دخلت : غريبه ليه جالس فالغرفه ابوها مسح دموعه وسكت نجد من شافت جلال امها بكت لا ارادياً وضمت ابوها وشاركت ابوها الحزن اللي مهما عاشو ماراح ينبسطون بدونها هي اللي كانت مسويه جو فالبيت ولاول مره يفقدون حسها ومن جد كان لها فقده والغريب على نجد ان ابوها اول مره يبكي عندها وهو كان ما يبي يضعف عشان ما تضعف معه كان يبيها تتخطى هالالم وتعيش بس كيف الحياه بدون ام وكيف تقدر تعيش بدون امها الي كانت مبسوطه بجيت بنتها نجد بعد 4 عيال كانت تتمنى هالامنيه وتحققت بس اللي ما تحقق انها كانت تبي تشوفها وهي تكبر قدامها وتكون معها في حفلة تخرجها وفي زواجها وتشوف بعد احفادها بس كل هذا ما تحقق لها وهذا اللي كان متعب ابوها . الساعه 12 الظهر الجد وتركي وخالد وعبدالله محمد واحفادهم فهد وعبدالعزيز وسلطان وسلمان كانو يتغدون مع بعض والاغلبيه ساكتين حتى الجد الجد بعد سكوت طويل : وين الباقين تركي : منصور تعبان ونايم والبنات نفس نايمين الجد : عسى ما شر وش فيه تركي : الشر ما يجيك بس رجله احياناً توجعه الجد : وده للمستشفى انا احس انه فكها قبل موعدها هالولد هذا ما اثق فيه تركي : اصلاً انا كنت ناوي اخليه يروح صممتتتت كسر الصمت سلطان : جدي وين نجد الجد تذكر وضاق عليها : نايمه ابو سلطان : اروح اناديها تجي وش ذا النوم الجد : لا خلك هي تعبانه شويي ونامت ابوفهد خاف : وش فيها ابو عبدالعزيز : ليه ما قلت لنا نجي الجد : ادري انكم تخافون عليها بس تعبها خفيف ابو سلمان : طيب قول لنا وش تعبها ابو عبدالعزيز : ابوي ترى خوفتنا قول شي الجد بعد صمت وبصوت مكسور : تذكرت امكم ' عم الصمت على عياله اللي يعانون من نفس المشكله اذا سمعو طاريه غصب تنهل دموعهم ' سلطان وعبدالعزيز وفهد وسلمان منصدمين واول مره يشوفون الضعف بعيون جدهم وابائهم هم يدرون اكيد انهم بيحزنون بس لهدرجه يعني اكيد ان نجد بتتذكر جدتهم بس هالمره فعلاًكانت غير لانها شمت ريحتها في جلالها وكأن الذكرى تنعاد " طبعاً راحو العيال لبيوتهم الا ابوعبدالعزبز وابو سلمان وابوفهد وابو سلطان اللي قعدو ينتظرون نجد تصحى ويطمنون عليها ومرت دقايق وطلعو فوق عندها يشوفونها " وكانت نايمه ومعها جلال امها ودموعها على مخدتها " كأن فيه حمل ثقيل طاح على اكتافهم بعد ما شافو دموعها مايبونها تنكسر بس غصب اذا هم ينكسرون لاسمعو طاريها فما بالكم نجد وهي انثى وحساسه ومحتاجه لها " في نفس اليوم الساعه 8 الليل " نزلت فالحديقه تدور بنفسها وبنفس الوقت ما تبي منصور يلقاه وبعدين كيف تطالع في وجهه لانها كانت متوقعه ان فيه وحده في حياته هتيف بتحلطم وهي لازالت تدور : اوف وينه منصور كان وراها ويسمعها وبرود : وش تدورين هتيف عدلت فروتها على راسها وماردت عليه منصور استغرب : وش فيك سافهتني هتيف خايفه يكون معه : ادور اسوارتي منصور جاء وبحماس : خلاص بدور معك يالله انتي روحي الجهه الثانيه وانا هذي الجهه لي هتيف استغربت بس خايفه ويتردد : لل لا لا ما يحتاج بدور بنفسي منصور وهو يدور : ما ابي اعتراض هتيف راحت تدور وماردت عليه وخايفه انه يلقاه ولفت بسرعه وبصوتها المبحوح : منصور ما يحتاج خلاص ما ابيها منصور ببرود يقتل : من جيتك اكيد انها مهمه هتيف بقهر : لا عادي بشتري غيرها واساساً انا نازله أغير جو وتذكرتها وراحت بسرعه لبيتهم ومنصور ما شال عينه من عليها الا بعد ما اختفت تنهد وهو يحس فيه امل وانبسط وهو يتخيل شكلها وهي تحبه .... دخلت غرفتها وهي مقهوره منه ليه يتصرف كذا تخيلت لو يلقاه وبسرعه راحت لشباك وفتحته وشافته يطالع فيها ويضحك وقفلته بسرعه وهي خاقه على ابتسامته وجلست متوتره وهي كل شوي تشوف اذا راح او لا قعدت على هالحاله وبعدها راح وهي ارتاحت وراحت عند العنود تساعدها .... عند العنود وهي تسمع فيروز قاطعتها دخول هتيف هتيف متوتره : عنودتي انا خايفه العنود بروقان : احد مات من عايلتنا هتيف : لا العنود : ما فيه شي يخوف اكثر من كذا رجعت سماعتها وسحبتها هتيف منها هتيف : بس لو اقولك سالفتي خفتي العنود خافت : قولي طيب الله يستر هتيف قالت لها سالفة السلسال ومقابلتها لمنصور العنود بصدمه توها تعرف بالقصه : امانه طيب كل هالسنين وانا ما شفته هتيف ببراءه : هو قال لاتورينه احد حتى اختك العنود وهي تقلد صوتها : هو قال لاتورينه احد غبيه انتي صدق مخفه وبجديه اكثر : خير كيف م شفناه طيب هتيف : مخبيته في علبه بعد م سافرنا واحياناً البسه تحت ملابسي انتي ترى قد سألتيني عنه بس انا صرفتك كالعاده العنود بنظره : ومبسوطه وانتي تقولين مصرفتك هتيف طقتها وبخوف : خلينا من السالفه هذي انا خايفه الحين يلقاه العنود رحمتها : عادي قولي انا احتفظ بالذكريات هتيف بحزن : ما احتفظت الا بهديته العنود بحلطمه : البلا ان ذكرياتك كلها معه هتيف ضحكت وهي تدعي ربها انه ما يلقاه والعنود تطقطق وتضحك عليها . يوم جديد عند الكل " يوم السبت " الساعه 12 م عند نجد اللي نامت نومه طويله بعد كمية حزن صحت وراحت تتوضى وتصلي الصلوات اللي فاتتها وبعدها خذت شور سريع ولبست بنطلون اسود وبلوزه فيها رقبه وبأكمام طويله لونها اسود وجاكيت فرو لحد الركبه لونه وردي باهت ولفت شعرها ولبست حلق وانزلت تحت ولقت اخوانها جالسين ما استغربت لانهم كل يوم يجون وناداها ابو عبدالعزيز تجلس جنبه ابوعبدالعزيز : وش فيه وجهك تعبان نجد : لا ما فيني شي ابوعبدالعزيز : الا واضح فيك وبعدين لا تنسينا ترانا موجودين حولك واذا نزلت دمعه وحده منك ترى كلنا نضيق وامي بس تحتاج دعواتك نجد بصوت مبحوح : انشالله ابو فهد وهو يحاول يغير الجو : انا عازمكم عندي فالبيت تغدون عندي يلا ولا واحد يجلس حتى حريمكم وعيالكم " كلهم وافقو بسرعه عشان يغيرون جو نجد " في بيت ابوعبدالعزيز قال لهم عن سالفة الغداء وانهم يتجهزون ويجون في بيت ابو فهد : عبدالعزيز راح يصحي منصور : منصور بسرعه قوم منصور صحى بسرعه : الساعه كم عبدالعزيز : لك يومين وانت نايم والساعه 12 منصور : انت غبي تراني امس صحيت وصليت عبدالعزيز : تدري قبل شوي قاعد اعد صلواتك منصور ضحك : غبي من يومك وانا اخوك عبدالعزيز بحماس : امس تغدينا عند جدي وفاتك نص عمرك انصدمت من جدي منصور : الحين متحلفً فيني صح عبدالعزيز : ياليته متحلفً فيك منصور : خلاص اعتبرني ميت من الحين عبدالعزيز : لا ياولد انت ما شفته محزن ما سأل عنكم الا اخر شي وحتى ما طول وهو يسأل عنكم حتى نجد ما تغدت معنا كل هذا عشان جدتي منصور قام : والله لو اني متغدي معكم ما صار كل هذا بس الله معي عبدالعزيز : وعماني وابوي مارجعو ينتظرون نجد منصور : والله حزنت على عمتي نجد بس وش ذكرهم هالوقت بالذات عبدالعزيز : عشان كذا عمي محمد عازمنا عشان يغيرون جو نجد ونونسها وانت سو نفسك ما تدري منصور انبسط ان العزيمه عند عمه محمد : طيب راح عبدالعزيز ومنصور راح ياخذ شور ويصلي … نفس النظام عند محمد اللي مثل صدمة منصور وصحى بسرعه عشان يشوف وش صاير … عند فهد اللي جالس بهدوء ومعه ولده وينتظرون … عند ابو سلمان اللي عصب على زوجته اللي قالت لا ابو سلمان : بتجين انتي وبناتك غصبً عنك الا والله ما يصير خير لك والله ان تروحين اليوم لاهلك ام سلمان راحت وماردت وفي نفس الوقت خافت تتطلق وراحت قالت للهنوف والتؤام اللي عصبو بسرعه واثير اللي استانست انها بتروح للبنات … بعد نص ساعه بضبط اجتمعو عند ابو فهد وجلسو يتقهوون وكلهم مجتمعين وراحو البنات عند هتيف اللي تناديهم فالمجلس الحريم ولحقتهم نجد الجد : وين رايحين نجد : هتيف تنادينا داخل الجد : هي ليه ما تجي تسلم علينا وعلى عمامها نجد : اكيد انها بتجي بس تلقاها مشغوله الحين منصور انقهركان يبي يشوفها مع البنات بس هي ما جت عندهم وواضح انه ماراح يشوفها اليوم عبدالعزيز بصوت خفيف لمنصور : بذبح هتيف انا منصور عصب : ليه وش سوت لك عبدالعزيز : الحين سحاب دخلت ولاهي بطالعه منصور ضحك : طيب هتيف مالها دخل عبدالعزيز : انت ليه تدافع معها منصور يرقع : انا مع الحق ياحبيبي عبدالعزيز : لا واضح ماشالله جاء محمد : انتم صايرين تسولفون مع بعض واجد سلطان : انت شايف عندهم اسرار واضح منصور : اخوي طبيعي بتكلم معه عبدالعزيز : هو من ناحية الاسرار اكيد عندنا محمد : بس اسراركم ما طلعت الا الحين سلطان قام : محمد فضحتنا ياقلبي محمد : وين بتروح انت يالثاني سلطان : بروح لفهود اسولف معه منصور عصب : سلطان لي كلام معك بعدين محمد : عزوز ماعندك كلام لي عبدالعزيز ضحك : حمود والله اني ابي كلام مثلك سلطان : خلو عنكم السماجه وشوفو سلمان منصور بتدقيق : معصب الرجال عبدالعزيز : حتى عمي عبدالله معصب مثله محمد : عرفت السبب ما يحتاج سلطان : ماتدري يمكن مو مثل اللي في بالك عبدالعزيز : مدري بس انا احس مثل محمد سلطان مشى : انا بروح لاغلى عيال عمي منصور مسكه : بس خلني اتفضالك واعلمك الاغلى سلطان ضحك وراح لفهد يسولف معه … عند نجد اللي اغلب الوقت سرحانه والبنات ابداً مايدرون وش السالفه وكانو يسولفون هتيف : بنات انا سويت حلا وانشالله بيعجبكم العنود : ازعجتنا تقول اذا ما كليتوه ياويلكم حور ضحكت : يعني غصب بناكل اليوم هتيف : حتى برسل للمجلس الرجال عشان ياكلون سمو وهي تتعمد : عاد منصور بياكله كله اذا اعجبه هتيف توترت بس حست ان سمو متعمده : برسله اذا اعجبهم اهلا وسهلاً اذا لا ترى عادي ما ياكلونه اثير : انا باكله يا هتوف معليك بس روحي جيبيه هتيف قامت : ياعمري للناس اللي يدعموني " راحت هتيف للمطبخ واتصلت على فهد يجي ياخذ الحلا وهي متوتره من منصور يمكن ما يعجبه بس قالت بخاطرها " انا بسمع كلام منى وماعلي منه " قفلت من فهد اللي يطقطق عليها وخذت الحلا للبنات وللحريم ووزعته عليهم … عند فهد اللي راح يصب القهوه وحلف عليه سلطان منصور : روح امسك اخوك شوي وينظف بيتهم محمد : على الاقل بياخذ اللي يحبها منصور توه ينتبه : انت لك اسبوع تدقني بالكلام محمد ضحك : يعني انت تدري اني ادري منصور : تدري في ايش مافهمتك محمد : انا ادري انك تحب اختصر واعترف لها منصور : انت وش دخلك الحين محمد : بكيفك بس اذا ما خذيتها باخذها انا منصور عصب : انت خير بتاخذ من ياويلك محمد ضحك : امزح بس تأكدت انك تحبها منصور انقهر منه : انقلع يا محمد بس جاء فهد وجلس : محمد اجلس وين محمد : منصور بيذبحني اذا جلست عنده فهد ضحك : بسم الله عليك منصور وش بلاك منصور عطى محمد نظره : لا مافي شي هو يتهول قطع كلامهم اتصال لفهد ورد بسرعه فهد : هلا وش فيه هتيف : فهد انا مسويه حلا تعال اخذه فهد : اوف انتي مسويته هتيف : لهدرجه طايحه من عينك فهد ضحك : طيب بجي بس يمكن ما ياكلونه هتيف : والله ان ماكليتوه ان ما يصير خير فهد : غصب ناكله يعني هتيف عصبت : فهد تعال بسرعه وهم بياكلونه فهد ضحك : يالله جاي مع السلامه محمد : معليش انا سمعت مكالمتك فهد قام : لا عادي يالمحترم لانك جنبي سمعت محمد : طيب انت وين رايح فهد : بروح اجيب حلا هتيف تقول اذا ما كليتوه ياويلكم واذا ما عجبكم ياويلكم محمد وهو يقهر منصور : انا باكله معليك منصور : فهد روح لا تأخر عليها نبي الحلا فهد ضحك : انت من جدك ، وراح يجيبه منصور لف على محمد : انت تبي تفضحني محمد : انت اعترف لها ولا ترى والله اني لخطبها وعيونك تشوف اجل تنتظر احد يجي ياخذها منصور بعصبيه : وش دخلك انت ما تعرف شي محمد : وش الشي اللي انا ما اعرفه منصور : انا قلت وش دخلك يا محمد محمد : انا علمتك معك اسبوع بس منصور : محمد اعقل ترى اللي تسويه سماجه محمد : انت ما خذيتها ولا خليت احد ياخذها منصور بسخريه : روح اذا قدرت تاخذها بس محمد : لا تستهون فيني منصور : محمد سو اللي تبي وانقلع عني قاطعهم فهد وهو معه الحلا ويوزعه عليهم محمد : واضح ان الحلا حلو فهد يضحك : ليتها تسمعك والله ان تنبسط منصور بدون ما يتكلم جلس ياكل الحلا فهد : وش رايك منصور فيه منصور : والله حلو وانت ليه ما تاكل فهد : ما ابي اسد نفسي عن الغداء منصور ضحك : يارجال والله انه حلو فهد : لا والله فالأكل ما اقدر اغامر … عند البنات اللي ياكلون الحلا اللي من جد اعجبهم نجد بهدوء غير عن العاده : والله يجنن العنود : هتوف هذا ومن اول تجربه هتيف طالعت في سحاب سحاب بخوف : قسم بالله اني ما اكذب يجنن حور : هتيف وش ذا النظرات خرشتي اختي سحاب ضحكت : والله بديت من كيفي فالكلام سمو : خلوني اتكلم والله حلو انا ترى ذويقه فالحلويات وانا اصغر منك ترى اسوي افنان : بس ما شفنا نتيجه سمو : اهم شي منصور اعجبه ولا انتي مو لازم هتيف بتصريفه : باقي اثير ما عطتنا رايها اثير : اكبر من الخقه هتيف انبسطت ووقفت : تصدقون باخذ أرآء حريم عماني وعماني والعيال البنات اضحكو على حماسها ................. عند الحريم اللي كانو يسولفون دخلت عليهم هتيف : سلام وش رايكم فالحلا ام سلطان : تسلم يدينك والله يجنن ام عبدالعزيز : حتى انا اعجبتني ارسلي لي الطريقه هتيف استحت : شكرا والله والباقين اعجبكم ولا مها : انتي عارفه رآيي واكيد بيعجبني دامه منك ام فهد : هتوف حلاك يا خذ القلب والله هتيف لفت : وزوجة عمي عبدالله وش رايها ام سلمان بدون نفس : حلو هتيف : والهنوف وامل وريم عطوني رايكم الهنوف وريم ما ردو بس عطوها نظره امل : ترى مسويه حلا مو محرره فلسطين هتيف : الشرهه اللي خذى رايك اصلاً وطلعت وما سمعت ردها وهذا الشي قهر ام سلمان وبناتها واهم شي بردت قلبها في امل المتكبره … عند البنات اللي مندمجين فالسوالف نجد بهدوء : اخواني عندهم احد هتيف : ليه وين بتروحين نجد : ابي اجلس عندهم شوي سحاب : هتوف روحي لجدي ترى يقول ليه ما تسلم علي وترى بيزعل منك افنان بضحك : ومنها تعرفين رايهم بالحلا هتيف ضحكت : صادقه بروح يانجد معك بس لحظه بروح اجيب جلالي واجي نجد ضحكت على حماسها : بس لا تطولين …… عند منصور اللي وده يسألها وما وده لازال فيه الخوف وكان اخر قرار له انه يكلمها العصر قطع تفكيره دخولها اللي ما توقعه : سلام بسرعه رفع راسه يشوفها ولف بسرعه لمحمد اللي يطالع فيه ويضحك وعبدالعزيز اللي يغمز له منصور بصوت واطي لمحمد : حركات مبزره ماابيها محمد : وش فيك ما قلت شي انا سفهه منصور ونزل راسه يطالع في جواله محمد لف ع هتيف : الحلا فالمخ هتيف انبسطت : امانه اعجبك محمد وهو يقهر منصور: دامك مسويته بيعجبني هتيف ضحكت بحياء وما ردت منصور ارسله رساله ومحمد خذى جواله وضحك كان مكتوب فيها ( اخوها لا يسمعك والوعد برى ) نجد : ترانا في عطله ليه ما نسافر محمد : رتويت لكلام نجد فهد : ايه صح استغربت انكم ما سافرتو سلطان : تونا جايين من تركيا قبل شهرين عبدالعزيز : عادي نسافر مره ثانيه الجد : خلاص سافرو بس تكون سفرتكم حول الخليج يعني لا تبعدون المدارس بتبدا ابوسلطان : يا تروحون دبي او البحرين محمد : دامها الخليج خلونا نروح لعمان نجد : اي والله يا ان عليها اجواء تهبل سلمان : الكويت حلوه بعد ابو سلمان : فكرو انتم مع بعض واتفقو وبنروح ابو فهد : ليه ما تنقسمون وتروحون مجموعتين ابو عبدالعزيز : ايه صح انتم واجد فهد : اذا بتاخذون رايي ترى بيصلح لكم سلمان : اثق برايك انا ومن الحين موافق فهد : جعلك تسلم والله بس اقول لو جدي وابوي وعماني وحريمهم واي وحده من البنات تبي تروح تروح معكم لعمان اجوائها بتناسبكم يالكبار والباقين يروحون يا دبي او البحرين الجد : تبي البزارين يجتمعون نجد : وش قصدك يبه عبدالعزيز : معليش جدي ليه بزارين الجد : انتم حتى شغل ما عرفتو تديرونه تبون تاخذون بنتي وحفيداتي ويضيعون معكم سلطان جازت له الفكره : جدي تكفى عبدالعزيز : اساساً لاراحو معنا بنخاف عليهم وماراح نخليهم يضيعون ابد فالحفظ والصون محمد : جدي لو سمحت كلنا طلبناك الجد بقلة صبر : موافق بس ترى بعد اسبوعين فهد : ليه اسبوعين ؟؟ الاجازه بتخلص عليهم الجد : لاني بضبط الحجوزات انا واحجز لنا ولكم فندق راقي وامن وكلكم تجتمعون فيه ابو فهد اشر لهم : سو اللي تبي اهم شي رضاك الجد : تمام الحين نبي نتكل على الله ثم عليك يافهد انت الكبير وبعدك يجي سلوم اما الباقي تراني غاسل يدي منهم ما اقول الا الله يحفظهم منصور رفع راسه : لهدرجه يا جدي الجد : انت اولهم ترى ما منك فايده ومشاكلك واجد توك ما فكيتها الا السنه هذي منصور : مشاكلي كلها واضحه تشرف الواحد عبدالعزيز : يعني نفخر فيك ونعلق صورك فالشارع منصور ضحك : يعني انا مو مثل الورعان اللي اذا تمشكل مع واحد بدون سبب محمد : صادق منصور تراني معه في كل شي منصور رفع حواجبه وطالع فيه وضحك محمد شافه : صادق جدي ما منك فايده والله منصور : وانا وش قلت الحين محمد : تضحك ليه ؟ ترى تخرب ع نفسك كذا منصور صب لبنفسه قهوه ومارد عليه وناسي وجود هتيف اللي لها ساعه تتأمله " هتيف بعد ما شافته يضحك تخرفنت ولفت بسرعه وبصوت واطي لنجد : اسألي الباقي اذا اعجبهم نجد ضحكت وبنفس الصوت : ما نسيتي السالفه هتيف : تستهبلين ترى تعليقاتهم تهمني وتحدد استمراري في طريق الطبخ نجد : تعليقاتهم وتهمني وتحدد وين يابوي تحسسيني انك في توب شيف مو في بيتكم هتيف ضحكت وبصوت حزين : اسأليهم نجد لفت على عبدالعزيز : ذقت الحلا عزوز عبدالعزيز : ايه ذقته تسلم يدين هتيف حلو نجد : وسلطان وش رايه سلطان : انا بفتح كافي والحلويات عليك هتيف ضحكت : خلاص تم من الحين نجد : وسلوم وش رايه سلمان : انا ما اكل حلويات بس هالحلا خذا قلبي منصور بسرعه رفع راسه له ومحمد مات ضحك جنب عبدالعزيز اللي نزل راسه وفيه ضحك سلمان ضحك من ضحكهم : وش فيكم محمد بتصريفه : من يومك ما تعرف تعلق عبدالعزيز يكمل التصريفه : ليتك ساكت منصور غصب ضحك معهم بس تحلف فيهم بعدين نجد : فهود واضح ما كليت منه فهد : انا قايل لهتوف ترجع لي باكل بعد الغداء هتيف : لا تكذب ما رجعت لحد انا فهد : انتي تعرفيني ما احب اكلها الا العصر هتيف ضحكت : بطنك ترى ما يعرف الساعه كم ضحكو كلهم وقال : اول مره تسوينه وازعجتينا نجد : هي تقول رايكم يحدد مصيري فالطبخ منصور واخيراً تكلم : استمري حلو والله هتيف ما عرفت ابداً تتكلم كل الحكي ضاع منها نجد : خلاص هتوف البيت كله اعجبه الحلا يعني استمري ومعليك من هادم اللذات فهد : يعني انا هادم اللذات هتيف : ايه يعني اختك تسوي حلا وما تذوقه فهد : عناد لك ماراح اذوقه هتيف : انت تدري ان رايك يهمني بس تتعيبط نجد : نذل من يومه وعشان تقهرينه كملي طبخ هتيف : عشانك ما ذقته بكره بسوي حلا جديد فهد : سوي اللي تبين ما يهمني ترى هتيف بعصبيه : نجد اسألي جدي وابوي و عماني نجد ضحكت من عصبيتها : ابشري نجد لفت على ابوها : يبه انت كليت الحلا الجد : انا ما اكل حلويات فيني سكر نجد : طيب اخواني وش رايكم ابو سلطان : انا عني حلو ابو عبدالعزيز : وانا بعد عاجبني ابو سلمان : كلنا عاجبنا ابو فهد ضحك من نظراتها له : عجبني والله ضحكو كلهم عليها وهي وقفت وراحت بعصبيه … عند البنات دخلت عليهم هتيف معصبه العنود : شفيه الحلو معصب هتيف : كلهم يتسحبون وهم يعطوني رايهم الا محمد الله يوفقه ولا فهد يقول ماراح اذوقه سمو تضحك : علمو محمد جته دعوه سحاب : بقوله ان هتيف تحب المديح هتيف : انا اعترف امامكم انا احب المديح جت نجد وهي تضحك : بموت فشلتنا هههههه حور : اذا انتي من اول حلا كذا الله يعينك افنان : لو مسويه كبسه وش بتسوين فينا هتيف بتمثيل : حتى انتم بديتو تطقطقون نجد وهي تحاول ما تضحك : بنات عندي بشاره افنان : بتتزوجين انشالله نجد : انقلعي بس لا عندي بشاره من نوع فاخر سحابب : قوليها طيب نجد بضحكه : بنسافر كلنا يا دبي يالبحرين البنات انبسطو وبدو يصيحون ويضحكون هتيف بحزن : يمكن ما اجي معكم سحاب : ليه طيب هتيف : بتبدا الجامعه عندنا وبعدين انا ماخذه اجازه غير الاجازه الرسميه وما يمديني اخذها مره ثانيه يعني ادعولي اكمل هالترم الاخير ع خير حور بحزن : لا تكفين لا تقولينها عاد هتيف : والله العظيم اثير : اف ما تكمل يعني سمو : الاجازه الرسميه كم يوم هتيف : اسبوعين وانا اخذت اسبوع ثالث اجازه البنات اسكتو وبدت حور تغير السالفه كالعاده …… بعدها تغدو كلهم ورجعو لبيوتهم … .. الساعه 8 الليل : قفلت من منى وراحت لابوها فالصاله تكلمه هتيف : السلام عليكم ابو فهد : وعليكم السلام هتيف : يبه باقي اسبوع وكم يوم وتبدا دراستي ابوفهد تنهد : ادري بس انا خايف عليك هتيف : انا توقعتك نسيت المهم لا تخاف معي صديقتي منى وبنعيش مع بعض هالترم واهلها اساساً بيتهم جنبنا ع طول واهل مها موجدين ابوفهد : ونعم والله فيهم اجل بوصيهم عليك هتيف قامت : انا بروح للعنود دخلت بدون ما تطق الباب وكالعاده العنود تسمع لفيروز وكالعاده تخرب عليها هتيف العنود : اتوقع امي وابوي ما قصرو بالتربيه على مين طالعه انتي اكيد على فهود هتيف ضحكت : والله لاعلمه عليك العنود : الا كم باقي وترجعين هتيف : بعد اسبوع اتوقع العنود : ودي اروح معك بس والله السفره ما تفوت هتيف : تقهريني قصدك العنود ضحكت : لا والله لاصار معك مجموعة بنات وواحد مثل السلط كيف بتفوتينها هتيف ضحكت : اي والله ما تفوت العنود : لا جد بفقدك هتيف : وانا بعد بس والله حزينه العنود : لحظه منصور ماقال شي عن الحلا هتيف : الا قال بس بعد الشين تكلم يتغلى هو ووجهه وقال استمري والله حلو العنود : اهم شي ما احقرك هتيف : بس والله ودي اتكلم معاه اشوف ايش مشكلته معاي وحتى انه يعطيني نظرات غريبه العنود : نظرات حب هذي يالغريبه هتيف : تكفين لا تقولين حب ترى بذبحك العنود : انا قلت احقريه خليه مو مهم بالنسبه لك واذا عنده مشكله معك بيجي يتكلم معك انا اعرف منصور ما يحب اللف والدوران واكيد انه يحبك هتيف قامت : غبيه من يومك ما عندك الا هالكلمه … عند منصور وسلطان ومحمد فالمشب : منصور : عيال قررتو وين نسافر محمد : دبي دام جدي والباقين بيروحون لعمان منصور : حتى انا اقول دبي حلوه سلطان : بنسافر انا والعنود من جديد والله وناسه محمد بخبث : حتى منصور بيسافر مع هتوف عادي منصور طقه : انت وشفيك معلق علي هالايام سلطان : مسكين علق علي وبعدين على عزيز والحين جاء دورك يالحبيب محمد : مشكلتي الحين مع سلوم مافيه احساس منصور : انت وش مشغلك مع خلق الله محمد : انا ماعندي اي موهبه في ذا الحياه غير ان صوتي حلو واراقب الناس بس سلطان : انت فارغ وانا خوك منصور : طيب يالصوت الحلو سمعنا شي محمد : ابشر . وبدا يغني " عشقت الليل " ............ بعد ما خلص شافهم يبتسمون ومندمجين محمد وهو يصفر : الحب لعب فيكم منصور فز : انت ما تكمل جميلك سلطان بقهر : ترى انت سامج لأبعد درجه محمد رن جواله فهاللحظه وكانت حور ورد عليها حور : حمود ترانا نحبك انت تدري محمد : ادري بس وش تبين حور : نبي نروح المول محمد : طيب احد ماسكم روحو مع السواق حور : لا نبي نشغل شيلات واغاني تعرف جونا انت محمد : انتي وسحاب بس حور : بتجي سمو واثير وهتيف وافنان ونجد والعنود محمد : يالليل سيارتي ما تكفيكم كلكم حور : قول لسلطان العنود معنا وهو بيوافق محمد : خبيثه من يومك حور : هذا اسمه ذكاء ويلا مع السلامه محمد : مع السلامه | ||||||
|
| |
|
26-08-20, 09:16 PM
| #18 | ||||||
| مشرفة منتدى الروايات المنقولة
| « 15 » محمد : سلطان نبي نودي البنات للمول سلطان : لا خلهم يروحون مع السواق محمد : ترى العنود معهم سلطان قام : يالله مشينا بسرعه منصور : افا تقوم لها وما قمت لخواتك سلطان : طول عمري اوديهم الحين دور سعادتي محمد بضحك : تدري ان حور تقولي قوله العنود وبيوافق بسرعه بدون مجادل منصور : كلهم بيروحون محمد بخبث : ايه هتيف بتروح منصور حذفه بالكلينكس ومحمد وقف يبعد عنه وهو يرقع لسالفته : اقصد خواتي يا غبي محمد : لا صادق يلا مشينا تبي تروح معنا منصور : يلا خلنا نشتري للسفره سلطان : بقول للعيال اذا بيروحون منصور قام : عبدالعزيز توه نايم ما اتوقع يجي سلطان : سلوم ما يرد اكيد نايم محمد : يلا حور احرقت جوالي ' طلعو يشغلون سيارة محمد ومنصور لانها وسيعه - - طلعو البنات وكلهم واقفين عشان يتوزعون محمد وهو يتعمد : انا ابي ناس يضحكوني مثل الثلاثي المرح وافنان حور : انا وسمو واثير وافنان معك منصور انبسط داخلياً بس مابين هالشي لهم وسلطان عاد بيموت من الوناسه - - سيارة منصور : سلطان قدام والعنود وراه وهتيف وسحاب وسط ونجد ورى منصور بضبط سيارة محمد : افنان قدام بحكم انها الكبيره وسمو ورى محمد واثير وسط وحور ورى افنان .. وصلو المول وكلهم تفرقو واتفقو انهم يجتمعون الساعه 10 عشان يتعشون ويطلعون مع بعض .. - - سلطان : محمد خير وش ذا الفكره الخايسه محمد : لا تبينا نمشي كلنا مع بعض منصور : خلهم يا خذون راحتهم سلطان بحسره : ما تهنيت بشوفتها منصور : انا كل يوم اقول بتكلم معك بس انسى محمد : تكلم الحين وش تحرى منصور بتصريفه : لا الحين خلونا نجهز للسفره انا بروح لاديداس تروحون معي سلطان :لا قبل اسبوع طالع منه بثلاث اكياس محمد : مدري بروح اشوف ذاك المحل واجيك - - عند البنات اللي كل وحده راحت محل طبعاً الثلاثي راحو قوتشي وافنان ونجد والعنود لديور وهتيف وسحاب راحو لزارا - - عند هتيف اللي خلصت وتنتظر سحاب هتيف : سحاب خلينا نروح لأديداس سحاب : دقيقه خليني اختار انا مطوله ترى هتيف : انا بروح وانتي تعالي لا خلصتي سحاب : اوكيه تمام - - دخلت هتيف وراحت تختار تشيرتات وخذ تيشرت اسود وعليه الماركه نفسها واكمامه شوي وتوصل لذراع وراحت تحاسب بس كان فيه شوية زحمه .. - - دخل منصور وبعد كم دقيقه خذا نفس التيشرت وراح يحاسب ووقف وكان قدامهم سته يحاسبون .. - - شافتهم قدامها وفكرت تشتري بجامه وتيشرتات ثانيه ولفت وعلى طول اصددمت فيه ولقته شاري نفس التيشيرت ولفت بسرعه بدون كلمه .. - - عند منصور اللي كان يطالع قدام وفي بنت قدامه معها نفس التيشيرت حقه وطق فيه عرق الفضول وكان يبي يشوف شكلها بس لفت هتيف عليه واصدمت فيه وعطته نظره وراحت طبعاً استغرب حركتها وقرر يشوفها ويكلمها بالموضوع .. - - عند هتيف اللي كانت تكلم منى اللي تشتكي لها من الطفش وانها مشتاقه لها وجلست تسولف وتختار هتيف : يا الله يا منى ترى جد بجي لا تخافين منى وهي تكلم اخوها الصغير : عزوز بعد عني هتيف : عزوز وينك اشتقت اشوف وجهك عزوز : انا احبك خاله هتوف هتيف : لا تقول خالتي ما نسيت السالفه انت منى ضحكت : احسن ليه تقولين له عزوز : منى ازعجتنا تبي تروح عندكم بالسعوديه هتيف : ياعمري لو تجي معها بستانس عزوز : اصلاً انا احبك هتوفه هتيف : وانا بعد ياعمري منى : العنود ترسلي تقول لا تكلمين هتيف خليها تجينا تتقهوى الحين هتيف : يالله انا بسكر الحين مع السلامه منى : مع السلامه سكرت وخذت اغراضها وراحت تحاسب ومالقت الا بنت قدامها وحاسبت بسرعه وطلعت - .. قبل عدة دقائق : عند منصور اللي قرر يعترف لها بأي شكلً كان وراح وشافها تضحك جاء وراها بس اصدمته هتيف : عزوز وينك اشتقت اشوف وجهك هتيف : لا تقول خالتي ما نسيت السالفه انت هتيف : ياعمري لو تجي معها بستانس هتيف : وانا بعد ياعمري راح بسرعه وتمنى انه ما جاء عندها هنا فعلاً كرهها وعرف اسم اللي بتتزوجه بعد وعرف انها تحبه وراضيه فيه وكره نفسه انه بس مجرد فكر انه يكلمها من ناحية حبه لها ويسألها عن نظراتها له ويسألها عن دموعها في اول لقاء بينهم ويسألها عن السلسال اللي تقول غالي على قلبها كل شي تبخر .. عند البنات مجتمعين يتقهون ودخل عليهم سلطان ومحمد وجلسو يتقهوون معهم سلطان : هاه خلصتو عشان نروح نتعشى محمد : انا ميت جوع سلطان : منصور قال العشاء عليه محمد : خلاص انا بتصل وبشوف وش الوضع اتصل عليه ورن ومارد وبعد 3 رنات رد منصور : هلا محمد : انت بتعشينا منصور : ايه لا خلصتو تعالو في .... محمد : طيب الحين نتقهوى ترى تعال معنا منصور : فيه احد يتقهوى هالحزه محمد : ايه وانت ليه ما تجي منصور : خلاص انا بكمل اغراضي ولا بغيتو تعشون اتصلو علي وبتلقوني فالمطعم محمد : يلا مع السلامه وقفل منه وقال لهم وكملو سواليف وتقههو .. بعد نص ساعه اجتمعو فالمطعم منصور : اختارو واطلبو اللي تبون محمد : بنات تبون شي محدد نجد : انا ذوقي من ذوق منصور سمو : اتوقع كلنا مثل منصور منصور خذا المنيو وتصفحه وبعدها طلب العشاء طبعاً ولا رفع عيونه لها ابداً وكان كاره وجودها . عند العنود اللي كانت منحرجه من سلطان وبقوه حور ارسلت رساله لسلطان (تبيني اخطبها لك ) سلطان ضحك اول ما قراها ( تكفين ) حور ( لاتقول تكفين بس ترى احرجت البنت ) سلطان ( احبها ) حور ( ترى والله لكبشر وارسلها لابوي ) سلطان ( طيب طيب يلا انقلعي ) حور ( بنقلع بس شيل عيونك من عليها ) سلطان ( عشانها بوافق ) حور ماردت عليه ... اما عند العنود اللي خذتها شوية غيره لما شافته يطالع جواله ويضحك وكل شوي تجيه رساله .. جاء العشاء وتعشو ورجعو للبيت بعد نص ساعه ونامو لان وراهم دوام واسبوع مليان تعب وكرف _ _ اليوم التالي : فالشركه كلهم موجودين وطبعاً الجد مستغرب وكل واحد في مكتبه وفهد كان اكثر واحد يتعب لانه يشتغل باللي عنده ويعلم عيال من جهه ثانيه وكان هذا الشي مُتعب بالنسبه له .. عند هتيف اللي صحت من صوت الرساله من الجامعه وان الاجازه بتنتهي وبسرعه اتصلت على ابوها وقالت له وقال لها تجي عند فهد فالشركه يخلص اوراقها وحجوزاتها وصحت وتروشت وتجهزت وراحت مع السواق للشركه .. بعد نص ساعه : راحت بسرعه لمكتب فهد وفتحت الباب فهد ببتسامه : هلا والله تزورينا هتيف وهي تعطيه الجوال : شوف الرساله فهد حزن عليها : هانت مابقى الاهالسنه شدي حيلك فيها هتيف : اهم شي خلص الاوراق والحجوزات دخل محمد في هاللحظه عليهم بسرعه محمد : فهود تكفى هذي اكيف اطبع فيها الختم وبعده انتبه لهتيف : اهلا ببنت العم جايتنا اليوم هتيف ضحكت من اسلوبه : وش فيكم مستغربين محمد : اول مره جيتونا عفستو الدنيا فهد قطع سالفته : حمود تكفى جهز اوراق هتيف حقت الجامعه وخذ بطاقة ابوي وبصم على الاوراق وطلع الاوراق الباقيه والحجوزات اذا قدرت محمد بخبث : بقول لمنصور لانه فاضي اليوم فهد : والله فاضي خله يسويها الله يسعدك محمد : هتيف خذي الاوراق وروحي مكتب منصور وانا الحين بكلمه وقوله عن كل شي تمام هتيف تورترت وما حببت تبين : تمام طلعت هتيف وهي متوتره لأبعد درجه .. .. .. عند محمد طلع عند الباب واتصل على منصور منصور : هلا حمود وش تبي محمد : انت بتشكرني اليوم وبتدعي لي منصور غصب ضحك : ليه اشكرك وادعيلك محمد : اولاً هتيف بتجي الحين المكتب منصور عصب : احد طلب منك هالشي محمد : انا قلت لفهد خلها تروح عند منصور منصور : محمد مو فاضي لسماجتك هذي محمد : هي جت عندك يا حمار الحين لا تفشلني منصور وهو يحاول يتمالك نفسه : هالمره بسكت بس بعدين لا وبهدوء : وش تبي الحين هي ؟؟ محمد : بتعطيك اوراق حقت جامعتها يعني خذ بطاقة عمي وبصم عنه كأنك ولي امرها وخلص باقي الاوراق وطلع الاوراق الباقيه واحجز لها بالتاريخ اللي عندك فهمت علي الحين منصور قفل في وجهه وهو ماينكر انه فرح بجيتها عنده بس مع ذلك كرهها بعد المكالمه - - عند هتيف اللي وقفت عند الباب متردده بس رغم انها خايفه طقت الباب وجاها الرد بسرعه هتيف : سلام منصور بدون ما يرفع راسه : وعليكم السلام اجلسي هتيف ودها تعطيه كف ومدت له الاوراق : خذ منصور خذاها ولارفع راسه ابداً وبعدها عمّ السكوت وبعد عدة دقائق قررت تتكلم وتشوف وش مشكلته معها وليه يعاملها هالمعامله هذي هتيف وهي تفتح موضوع : ممكن تقفل المكيف منصور بصوت عالي غصب عنه يتذكر الموقف : اطلعي وبتجيك اوراقك بعد شوي واعتقد ما فيه برد مره والمكيف ماراح يتقفل هتيف بصدمه من عصبيته المفاجئه : مالها داعي هالعصبيه كلها عشان مكيف منصور بصوت عصبي : انتي تعصبين الواحد هتيف بقهر : اصلاً متى تكلمت معك انا عشان اعصبك منصور فعلاً ماعرف يرد عليها وسكت هتيف : لا تسكت تكلم متى تكلمنا اخر مره اتوقع قبل 10 سنين معليش متى عصبتك انا وبعدين انت اللي متغير وحتى كأنك ناسي اللي قبل سنين هنا منصور انفجر وطق الطاوله بيده : انتي اللي نسيتي اللي قبل 10 سنين مب انا ولا تطرينها على لسانك مره ثانيه والحين كل شي تغير بالنسبه لي تتكلمين وكأنك ما تعرفين اي شي والحين اطلعي برى وبتجيك الاوراق او بعطيها فهد هناك انا ما اتحمل اشوف وجهك واكرهك تفهمين ولا لا ' هتيف ما قدرت تحمل اسلوبه الجارح وخذت شنطتها وجوالها وطلعت برى بدون ما تتكلم كانت مو فاهمه اي شي من اللي يصير ودها تسأله بس هو ما عطاها ابداً فرصه انها تتكلم وبسرعه اتصلت على اخوها وقالت انها تعبانه وبترجع البيت ' اما منصور اللي تمنى انه ما انفعل الى هالدرجه بس كان متوقع انها بتقول ما خنتك وما راح اتزوج بس لا ابداً ما تكلمت وتذكر في نفس الوقت انه ما عطاها فرصه بس بسرعه رجع يضبط اوراقها وهو مو منتبه في أي شي وبعد كم دقيقه راح وعطاها فهد وراح لمحمد يتفاهم معه .. دخل على محمد وهو معصب لأبعد درجه وصفق الباب وجلس ينتظر محمد اللي دخل وهو يغني محمد بروقان : حّي الله اللي جانا منصور بعصبيه : لانك حمار انا عصبت على البنت وتهاوشت معها محمد ببرود : يالبى ما يرضى على زعلها منصور وهو فاقد الامل فيه : محمد اخر مره تسوي شي بدون ما تقولي والله اني لاذبحك وقتها يا حيوان والسالفه هذي لا تطلع لحد تسمعني ولا لا محمد وهو يحط رجل ع رجل : الشرهه مب عليك الشرهه على اللي يبيكم تتزوجون وتحبون بعض وتجيبون عيال بس لا كلكم متكبرين ومعصبين ولا واحد منكم فاهم الثاني منصور وقف وبعصبيه : امي اللي تخطب لي مب انت فـاهـم !؟ وطلع وهو ما سمع الا ضحكت محمد اللي كل الدنيا عنده مزح وطقطقه ومافيه اي جديه .. .. انتهى ❤❤ اتمنى القى تفاعل | ||||||
|
| |
|
26-08-20, 09:17 PM
| #19 | ||||||
| مشرفة منتدى الروايات المنقولة
| «16» رجعت للبيت وبسرعه راحت غرفتها وهي تبكي وانقهرت انها ماردت عليه وماجاء في بالها وتوها تستوعب كلامه كله الحين وبسرعه راحت للعنود عشان تساعدها دخلت كالعاده بدون ما تطق الباب هتيف بحزن : العنود اصحي بسرعه العنود خافت : خير من يصحى هالوقت وش تبين هتيف بتردد : العنود عندي سالفه قويه العنود بسرعه جلست : وش عندك فيك شي هتيف قالت لها السالفه من الألف للياء العنود : اف اف لهدرجه معصب الله ياخذه الحيوان يعصب عليك ويقولك انا اكرهك هتيف : يكرهني ليش تكفين قولي لي العنود : مدري يمكن عشانك سافرتي وخليتيه هتيف : لا ماتوقع مو غبي لهدرجه وش دخلني انا العنود : صح مالك دخل في هذي السالفه هتيف : راسي بينفجر منه الله ياخذ بليسه العنود : ازين شي انك بتبتعدين فتره عنه عشان تهدى الامور والاوضاع بينكم وبعدها يصير خير هتيف قامت : انا بروح انام راسي مصدع العنود : انا بصلي وبرجع انام بعد هتيف طلعت وراحت لغرفتها ودقايق ونامت … بعد 7 ساعات نجد : يبه تكفى خلها بعد اسبوع انت ليه كذا الجد : عشان اختار لكم الفنادق بنفسي وارتاح نجد بترجي : يمديك تختارها في اسبوع الجد مايبي يردها : خلاص بعد اسبوع قولي لهم نجد قامت وحبت راسه وطلعت لغرفتها وارسلت لقروب العايله ( اوامر ملكيه : اخواني وابناء اخواني وحريم اخواني وبنات اخواني بعد اسبوع بأذن الله سوف نذهب الى السفر جميعاً ) رد محمد بسرعه ( الى اين تذهب مجموعتنا ) نجد ( نذهب الى دبي ) ام فهد ( والمجموعه الاخرى ) نجد ( الى سلطنة عمان ) سلطان ( ياوناستنا جميعاً ) الجد ( اعلم انك صايع وسوف تضيعون البنات ) عبدالعزيز ( البنات كبار ياجدي لذا لاتخاف عليهم ) سلمان ( الله يبشركم بالخير جميعاً بهذي البشاره ) منصور ( سوف نفتك من الشغل ) حور ( ان اللغه العربيه تبكي في زاويه ) سمو ( يالها من فرحه سوف ابكي وناسه وناسه ) فهد ( جدي انني معهم لا تخاف ) اثير ( ياجدي نحنُ بأمان دام انا مسافرين ) افنان ( لماذا دبي خلصت الدول ) العنود ( لانها دبي ) افنان ( ليتكي ساكته يافتاه) العنود ( اسفه ) سلطان ( انها صادقه لانها دبي ) محمد ( سلطان عزيزي ارجع ونم مرة اخرى ) العنود ( انتم لماذا اكلتوه ) سلطان خق ( صحيح ليه تأكلوني ) محمد ( انك تفشلنا يا سلطان ) نجد ( لو اني اعلم انكم تعبثون باللغه العربيه هكذا ما ارسلت الرساله ) منصور ( عمتي الجميله انها اللغه العربيه نفسها ) حور ( لا والله انها عكس اللغه العربيه تماما ) هتيف عشان تقهر منصور وما تبين انها زعلت( وش اسم اللغه بالله ) سمو ( هل تصمتين يالأستراليه ) هتيف ( عن الغلط يالسعوديه ) محمد بتعمد ( الان نور الواتس بقدومك ياهتيف ) هتيف ( النور نورك يامحمد ) الجد ( والله انكم صايعين اذهبو للنوم ) هتيف ( مع السلامه انا سأغادر ) الجد ( سوف تغادرون جميعاً وتجهزون للسفر ) …....................... الخ .. في بيت ابو سلمان اللي كان اكثر بيت فيه ملل وطفش يا أنهم ينامون او يتمشكلون او يخططون الهنوف وهي نازله من الدرج : امل ريم وينكم امل فالصاله : انا هنا تعالي الهنوف : واخيراً لقيتكم تعالو لازم نكمل ريم : وش نكمل الهنوف : خطتنا يا غبيه ريم : انا وضعي تمام يعني منصور مايطالع حتى في وجهه هتيف ثانيه بس الهنوف : شاطره تربيتي وانتي يا امل امل : وش اسوي مثلاً هو اصلاً ميت فيها الهنوف : يمديك تجيبين راسه امل : البس لبس حلو يعني شوي عاري واتضبط لاخر حبه وادخل عليه كأني مدري ريم : خطتك حلوه بس وين تدخلين عليه امل : سلوم احيانًا يعزمه وما يكون معاه احد الهنوف : الخطه يا بنات تهبل طبقيها انتي عاد امل : اكيد بطبقها بس اذا ما فادت الهنوف : اكيد بتفيد واذا ما فادت بدور غيرها امل : ريم انتي لازم تسوين شي مو معقوله بس بعدتيه عنها انا ابي يحب الارض اللي تمشين عليها ريم : هب هب شوي شوي علي بعدين افكر الهنوف : ايش بعدين من الحين تطلعين فكره ريم : بسوي مثل امل وبلبس وبطلع قدامه الهنوف : اتوقع بيتعشى عندنا اليوم او بكره ريم : مالي خلق اليوم البس واتزين امل : ياحمار هذا من مصلحتك ريم : خلاص تكفون لا تبدون من جديد دخلت ام سلمان : يا ماشالله عليكم وين ابوكم الهنوف : انتي اللي لازم تعرفين وينه ام سلمان : يعني طلع ولا لا امل : ما اتوقع انا لي ساعتين بالصاله ام سلمان : وش كنتم تقولون الهنوف : كالعاده نخطط ام سلمان : بنات خططو شي ما فيه ضرر للعايله يعني شي يفيدكم في المستقبل انا ترى ما راح ادافع مع وحده تبي الضرر لغيرها الهنوف : انا اللي اعرفه انك تكرهين هالعايله ام سلمان : انا اكره حركاتهم ومحبتهم لبعض اغار منهم بس انتم شفتو اثير كيف اندمجت بسرعه معهم لانهم ناس طيبين بس انا مدري ليه اكرهم المهم ان خططكم مافيها ضرر فهمتو ريم : فهمنا فهمنا ام سلمان راحت لغرفتها والبنات رجعو يكملو .. عند منصور اللي منسدح فالصاله وبجنبه قهوته وسرحان فيها وفي شكلها وصوتها وكل تفاصيلها كان مشتاق لها فعلاً بس الاشياء اللي سمعها وشافها كانت ضد حبه لها وكأنها تقوله ما فيه امل وقرر انه يتعامل معها معاملة بنت عم فقط وراح يسولف ويضحك وكأنها ازمه وعدت بس مع ذلك جرحها باقي ما طاب . .. عند العنود اللي توها راجعه من المول وكانت تقيس عند هتيف وتاخذ رايها العنود : حلو ولا اللي قبل هتيف وهي تاكل : لا هذا احلا العنود : طيب وش البس عليه هتيف : البسي جاكيت فرو ابيض بيطلع خقه العنود : طيب شريت خمسة عبايات هتيف ضحكت : كل هذا عشان سلطلط العنود قامت تقيس : وش عرفك فالحب انتي هتيف سكتت وسرحت في منصور وبهدوء : صادقه العنود رحمتها : يا حيوانه امزح وش فيك انتي هتيف تصرفها : روحي جربي العبايات يلا العنود راحت تجرب وهتيف طبعاً تعطي رايها .. عند سحاب اللي تسأل نفسها هي تحبه اولا وقررت تفضفض لحور بس خايفه تطقطق عليها ولان حور ما عندها جديه طقت الباب ع حور حور بهبالها المعتاد : تفزل لعندي سحاب في خاطرها " هذي من اولها " حور بتمثيل : اهلين اختي عندي ما كنت متوقعه سحاب بتردد : توقعي اي شي مني حور بضحكه : يمه ينخاف منك يا حيوانه سحاب : ممكن افضفض لك شوي وتعطيني رايك حور باندماج : انا ادري وش بتقولين بس من الحين احب اقولك خذي عزوز ترى ميت فيك يعشقك يا بنت انتي ما شفتي نظراته لي وكأنه يقولي روحي فهميها اني احبها واموت فيها بس يا حياةٌ لمن تنادي سحاب غصب ضحكت منها : خلاص اوكيه فهمت بس انا خايفه ومو مرتاحه حور : يا حياتي انا ادري انك تحبينه بلاش اللف والدوران ياعمري توكلي على الله وماراح تندمين سحاب قامت : مدري بروح افكر حور وهي م صدقت : يعني ماتعرفين تفكرين هنا سحاب بنظره : عطيتك وجه انا حور : طيب لاقررتي قولي لي سحاب : بس لا تضغطين علي لو سمحتي حور : تمام صدقيني انا معك قلباً وقالباً سحاب : يا عمري صدقيني باكلك ترى وطلعت وهي مبسوطه طبعاً حور انبسطت لان اختها راح تحب وتستقر وانشالله بتتزوج وكانت تتمنى لها السعاده من كل قلبها برغم انها مو جديه في حياتها بس من ناحية اخوانها تكون اكثر انسانه فاهمه . .. عند افنان وسمو اللي حالتهم حاله مع الملابس وهم يرتبونها ويقيسون يعني عندهم حرب قايمه دخل عبدالعزيز وانفجع : خير عندنا خدامه وش ذا افنان : ما احب احد يرتب ملابسي جاء منصور : سلامات وش ذا العفيسه سمو : بتطلعون ولا كيف منصور جلس بعناد : وش بتسوين سمو بتسرع : بتصل على هتيف وبقول اخوي ما يبيك وما يحبك منصور برد وجهه ووقف وهو يمثل انه يطالع في جواله وطلع بدون مايرد عبدالعزيز استغرب وطلع وراه بسرعه .. افنان نطت عند سمو بين الملابس افنان : يووه انتي صادقه طلع يحبها | ||||||
|
| |
|
19-09-20, 02:46 AM
| #20 | ||||||
| مشرفة منتدى الروايات المنقولة
| « 17 » افنان نطت عند سمو بين الملابس افنان : يووه انتي صادقه طلع يحبها سمو : انا وحور واثير ملاحظين هالشي فيه افنان : طيب انا ما لاحظت شي سمو : لاحظي يوم كنا نطريها السنوات اللي قبل كيف يهتم لاسمها ولسالفتها افنان : بس ولا عمره كلمها معنا سمو : اقولك شي بس ما تقولين لحد افنان : قولي يا السلقه عندتك علوم انتي سمو ضحكت : مره سمعته يقول لفارس ابي اقابلها مستحيل اتحمل صوتها بدون ما اشوفها وبعدها بفتره قال انا غبي ليتني عودت اهلي اكلمها كان الحين عرفت اذا هي تكن لي بعض المشاعر او لا افنان : عندك سوالف مثل هذي وما تقولينها لي سمو : الحين عرفتي وش بتسوين يعني افنان : بنساعد اخونا يستعيد حبه من جديد سمو وهي تقلدها : كيف يستعيد حبه من جديد افنان : نعزم البنات ونسوي لها حفله وداعيه وبعدين نوديها لصاله اللي فوق وانتي تنادين منصور يجيك وبعدها راح يتقابلون مع بعض سمو : اوكيه شافها وبعدين اكيد بيقول اسف وبيمشي يعني ما منها فايده خطتك افنان : ياغبيه هم محتاجين يتكلمون مع بعض سمو : ااه قصدك اذا شافو بعض ماراح يتحملون افنان : ايه يعني ما يتحملون وبيكلمون بعض قاطعتها سمو : وانا مو مخوفني الا هالكلام افنان طقتها وضحكت منها ومن فهاوتها .. عند نجد اللي جالسه عند ابوها ويتعشون نجد : يبه امي صح كانت تتكلم بتاء والسين الجد : ايه وانا احياناً اتكلم عشانها نجد : انا احياناً اقولها بس من اليوم راح اتكلم مثلها الجد : خلاص اتفقنا وانا مثلك بتكلم نجد : وش رايك ننادي اخواني ونجتمع نسولف الجد : وش رايك نفرش الزوليات برى ونشوف القمر مثل اول وتنادين اخوانك وعيالهم اذا حبو نجد وقفت بحماس : اوكيه الحين برسل للقروب طبعاً الجد يحاول يبين انه م يتأثر من طاريها ولجل نجد كان يبيها تستمر في حياتها بدون تعقيدات بس الام غير راح تفقدها ارسلت للقروب وبعد ساعه جاء الجد وابناءه ونجد وطبعاً منصور اللي كل ما سوو هالحركه يكون اول واحد موجود وجاء عبدالعزيز وسلطان وسلمان ومحمد واثير وحور وسمو والعنود وسحاب واكيد امل وريم اللي كانو كاشخين لاخر حبه والهنوف وافنان . .. عند هتيف اللي خايفه تقابله بس هي شافته جاء ولا درى عنها فقررت تنزل وتجي مع اخوها فهد لبست جاكيت فرو طويل ابيض وخذت لفه رصاصيه وخلتها فوق راسها وكان شكلها كيوت مع البرد ومن جمال عيونها ووجها البريئ قابلتها مها : نعم وش ذا الزين هتيف : بتروحين معنا مها : لا لا حمودي توه نايم له اسبوع وهو تعبان هتيف : ياعمري الله يشفيه بس فهد وينه مها : راح من زمان هتيف : اف كنت ناويه اروح معاه مها : عادي روحي وش فيها لا تقولين مستحيه هتيف بتوتر : لا لا بس حبيته يكون معي يلا انا بروح .. عند منصور اللي كان يلتفت وما شافها كان يدري انها تحب هالشي ومن زمان كانو يسوون هالحركه وطبعاً جدتهم اللي مخليتهم يتعودون عليها وكانت هتيف اللي دايماً معاه وتجلس جنبه بس اليوم مو موجوده ابداً وحتى لو موجوده ماراح تكون جنبه .. المكان كان فالوسط قدام قصر جدهم بالضبط وفيه مثل العقد ولونه اصفر على برتقالي وكان موصل من البيوت الاربعه وفيه زوليات وسط وكانو بس مقفلين الانوار كلها ومافيه الا ضوء القمر والعقد وكانو مشغلين نار وسط وقبل كانو كلهم ينسدحون ويطالعون النجوم والقمر بس الحين صعبه من ناحية انهم كبار فـ راح يجلسون مثل السنه اللي قبل يغني لهم محمد او يسولفون عن الجن او مواقف صارت لهم او يلعبون العاب ورقيه او العاب المجموعات .. طلعت وشافت المكان كان حلو وغير عن اول بس المكان اللي قبل كان فيه منصور وهتيف وعشان كذا تفضله عن المكان هذا وبكثير راحت وبصوت واطي : السلام عليكم كلهم ردو عليها الامنصور اللي سارح فالقمر نجد : وينتس تأخرتي هتيف ببتسامه : فديت وينتس انا نجد ضحكت : عشان امي راح اتكلم كذا هتيف : الله يرحمها ويغفرلها وانا بعد بتكلم كذا سمو من بعيد عشان اخوها ينتبه : هتوف قولي تسذا مو كذا عشان تكونين مثل جدتي الله يرحمها ' منصور توه ينتبه ولف عليها بسرعه وشافها مندمجه في السوالف وتضحك وكان شكلها يأسر قلبه كثير ووده يا خذها ومحد يشوفها غيره وطالع بسرعه في محمد اللي متكي ويغني بصوت خفيف منصور : حمود عادي تغني " يوم كنتي مغرمه محمد وهو يلتفت له : مع ذا الاجواء تصلح لنا منصور : بس لا تقول اني انا طلبتها محمد ضحك : اعين واعاون ولف ع الباقين : تبون اغني ؟ البنات : ايووووه تكفى وبدا محمد بصوته الشجي اللي الكل يحب يسمعه : يوم كنتي مغرمه كنتي تجين ويوم حبيتك تغليتي علي تدعين الحب ياللي تدعين … الخ .. عند منصور اللي شاف هتيف عيونها فيها دمعه وغصب فز قلبه كان من اليوم يبي يشوف ردة فعلها لانهم كانو يحبون هالاغنيه ويغنونها مع بعض وفعلاً شافها بس الا الان م راح يثق فالحب هذا .. وسمو وافنان اللي كانو يراقبون اخوهم وهم حزينين عليه وتمنو انهم يساعدونه من كل قلبهم بس يبون يتأكدون من حبها له بس من شافو دمعتها تأكدو .. هتيف كانت من البدايه فيها البكيه ومن اول م شافته مسرحه حزنت اكثر وتوقعت في باله احد ويبين لها العكس عشان م تحبه بس تأثرت اكثر من الاغنيه وصوت محمد الجميل عند محمد اللي خلص وصفقو البنات والشباب له وبدو يطلبون اغاني منه .. بعد نص ساعه : العنود: سحابي قولي هتوف سوي لنا كرك سحاب : ليش ما تقولينه انتي العنود : هي حالفه ما تسويه لي سحاب ضحكت ورفعت صوتها عشان هتيف تسمعها : هتوفه سوي لنا كرك سمو شهقت : تسوينن كرك انتي هتيف انحرجت : ايه اسويه بس من قالك سحاب سحاب تورطت : انتي كلمتيني وقلتي بروح اسوي كرك وبكذا عرفت انك تعرفين هتيف بدون ما تنتبه : طيب اوكيه بسويه سحاب بحماس : تكفين الحين ابيه وعلى النار بعد هتيف ببراءه : ماعرف على النار سحاب : انا معك ماعليك افنان ضحكت : الله واكبر وش بتسوين حور وهي تكمل : بتمسك النار شوي عن هتيف اثير بصوت خفيف : توحمين انتي ؟؟ سحاب ضحكت : لا هذا وحم العنود ضحكو وبعدين لفت ع العنود : كيفني بس العنود ضحكت : ذيبانه ع ما قولت فهد اخوي قطعت عليهم سوالفهم امل وبصوت ناعم :عزيز انت رسام صح ولا لا عبدالعزيز بقرف : ايه توكم تدرون انتم امل بدلع ماصخ : وليه ماترسم الحين عبدالعزيز بدون نفس : لا احس ضيعت وقتي امل : طيب متى اخر مره رسمت عبدالعزيز : رسمت شخص واحد قبل شهر امل بتسرع : مين عبدالعزيز بتحفظ : شخص وبس امل حاولت تكسب الموقف وتضحك يعني تخلي نفسها قدام سحاب انها هي المرسومه وجلست بجنبها وبصوت واطي : ما توقعته كذا سحاب بكرهه : وش اللي توقعتيه امل : تدرين انه يحبني وكل شوي يسأل اثير عني سحاب بندم انها حاولت تجرب : شسويلك امل بتمثيل : لا بس توقعتك بتفرحين لي سحاب قامت ولاردت عليها وراحت تنادي هتيف يجيبون اغراض الكرك عشان يسوونه .. في مطبخ ام فهد كانت هتيف تدور الاغراض وتحطها في الصحن اللي ماسكته سحاب السرحانه هتيف : ياهوه وين وصلتي وش فيك سحاب عيونها دمعت : مافيني شي هتيف خذت الصحن منها وجلستها ع الكرسي هتيف : الا فيه شي وبتقولين لي الحين سحاب قالت لها عن كل شي هتيف : وانتي عاد صدقتي امل الكريهه سحاب : شفتيها انتي يوم تبوسم له وهو يقول رسمت شخص واحد وبس وهي تحجر له يعني اكيد انها هي ولا كان وش عرفها انه ما يرسم الحين هتيف ضمتها : خلاص انسيه وقومي معي الحين سحاب قامت وغسلت وجهها وراحت مع هتيف .. كان منصور مكانه يسار النار وجنبه محمد وعبدالعزيز والباقي كانو مسويين دائره يمين النار دخلت سحاب وهتيف اللي معهم الصحن وجلسو وبدو يشتغلون بدون صوت نجد : سحابي وش فيك سحاب لو بترد بتبكي ففضلت السكوت هتيف وهي تصرف : عشانها عند النار حور : احد موكلك عليها انتي هتيف ودها تذبحها : محرومه من الكرك حور وهي ندمانه : انتم وش فيكم معصبين سمو وبضحك : والله يا هتوف عطتس نظره حور بضحك : على ان عيونها بريئه وطايحه الا ان الخافي اعظم اثير : معليكم راح احفظ طريقة الكرك وبسويه لكم العنود : بس حق هتيف غير افنان : الصراحه انا استغرب منك انتي واختك ماتتهاوشون انا وسمو اذا ما تطقينا كل يوم فيه شي غلط صاير في بيتنا هتيف بطقطقه : اذكري ربك ترانا متفاهمين العنود : انا ما جيت الا عشان عمتي منيره ونوره اللي لا كلموني يشتكون منكم جيت اربيكم على الهداوه والاناقه والاحترام وعدم تطويل اللسان هتيف بضحكه : اهم شي عدم تطويل اللسان محمد وهو يلتفت عليهم : اعجبتني عدم تطويل اللسان العنود : يعني الاحترام بشكل عام عبدالعزيز : طيب تطويل اللسان من وين جايبتها سلطان : المعنى في بطن الشاعر هتيف غصب ضحكت ولفت تكمل شغلها منصور شافها تضحك واستغرب كيف العنود تستحي واختها تدري ان سلطان يحبها وبتتزوج واحد غيره يعني حتى سلطان يدري وما سوى شي قطع تفكيره عبدالعزيز : منصور عطني شاحنك منصور عطاه شاحنه : شاحنك فالمجلس طايح عبدالعزيز لف ع سمو : يا حيوانه شاحني وين سمو بخوف بس تبين القوه وبخبث : عزيز حبيبي انت تدري ان سحاب كانت تكلمني في موضوع مهم عبدالعزيز تبخرت عصبيته من طاريها: دامك تكلمين سحاب ما نقدر نقول شي سحاب ما عاد عرفت تفهم هو يحبها او لا هتيف وهي تلطف الجو : سمو حبي راس سحاب سمو : اخواني كذا ما يسوون شي عشاني منصور : الحين انتي زعلانه سمو : ايه زعلانه انتم مستحيل تسون شي عشاني منصور وهو يقهر هتيف : خلاص بتزوج صديقتك وبسرعه انتبهت هتيف سمو تلف عليه : من قصدك احلام منصور : اللي معك فالثانوي وقلتي اخذها سمو تبي ردة فعل هتيف : ايه تكفى اخذها منصور : خلاص قولي امي بتجيكم بكره عبدالعزيز وكأنه فهم عليهم : على كيفك اخذ راي امي بالاول منصور : اكيد باخذه بس اللي بيعيش معها انا العنود عشان ما تبين : خلاص بنروح نشوفها مع عمتي بكره انا وسمو منصور : روحو كلكم وعطوني رايكمم فيها بس انا قد شفتها حلوه ماشالله وواثق بس رايكم يهمني سمو شافته صامل : خلاص نتفاهم فالبيت هتيف وكأنها ما سمعت شي ومن داخلها " ادري انه ما يحبني من الاول وقالت: سحاب عطيني الكاسات سحاب عطتها : هتوف لا ينكب تراني اعرفك هتيف ضحكت : لا هذيك المره كنت تعبانه العنود تضحك: لا هتوف اليوم مروقه بعد الرساله سمو فهمت وضحكت : اويلاه يالرساله بس ' منصور قفلت معه للاخر وسكت وتوقع انها من زوجها والبنات يطقطقون عليها وهي تضحك طبعاً الكل فاهم وعارف انها من الجامعه بس منصور الوحيد اللي دخل في كذبة ريم قطع تفكيره صوت هتيف : منصور خذ منصور لارد وخذاها وهي ما انتظرت رده ووزعته عليهم وهم مبسوطين من طعمه محمد بصدق : في ذمتي احلى كرك نجد : افا يا هتيف وابوي واخواني ما تعطينهم هتيف : يالقرمه عطيتهم بريق لوحدهم نجد : ياعمري ياسناعه اللي يشوف شكلتس يقول هذي ما تعرف تسوي حليب حتى هتيف : انا طباخه ترى مابعد عرفتوني افنان : ايه اشوفتس تصورين لنا اثير : ما عرفتي تعلمين اختك هتيف : انا وفهود ومها نسهر والدافوره تنام بدري عشان كذا تأثرت من مها وعرفت بسرعه العنود : خير اروح الجامعه وانا فيني نووم حور : الوناسه اهم حبيبتي العنود : بالعكس هتوف دايماً تسحب ع الجامعه بس لا جاء المعدل معدلها عالي نجد : فديت بنت اخوها اللي طالعه علي سحاب شهقت : ليه ماطلعت لكم انا طيب هتيف : لا جاء وقت المذاكره مذاكره ولا شفت الوناسه ما اخليها نجد : انتي مثلي مستحيل اشوف سهره واخليها محمد : من جدكم نسمع سوالف البنات عبدالعزيز وهو مستمتع من ردة فعل سحاب وسوالفها وصوتها : عندك سالفه قولها منصور : حاب المكان عزيز محمد ضحك : انت شفت ماوده يروح ام سلمان من بعيد : اثير تعالي قامت اثير بسرعه وراحت لها سحاب شافت ريم من بعيد جايه : جتكم جتكم حور : يا الله انا ما ابلعها محمد : حتى انا اكرهها حور لفت عليه : يمه انت كيف سمعت محمد : انا داري من زمان انكم ما تحبونها منصور : ماله داعي ذا الكلام هذا عبدالعزيز : ايه صح ترى هم بنات عمكم سحاب انقهرت منه : واذا غصب نحبهم يعني حور استغربت وضحكت : انت ماتدري عن شي منصور : وحتى ولو ما يصلح محمد : الحب والكره من الله عاد مو بكيفهم جاء سلطان : انا قيت يا قدعان العنود شافته وابتسمت وهو خق وجلس يطالع فيها ، هتيف تعطيه الكرك وضحكت : خذ حور ماتتت ضحك : سلطان ياخوي اشرب كرك سلطان ابتسم : شسوي فيه ناس اشغلوني العنود قامت وراحت بسرعه وهم ضحكو عليها هتيف : احرجت اختي الله يهداك سحاب : عاد هي خاطرها فالكرك سلطان : لاتزوجنا بفتح محل كرك لها انشالله منصور اندمج ونسى : هي ما تبي الا حق اختها سلطان : بعطي هتوفه راتب وبخليها تسويه لنا هتيف : جايه على الدنيا عشان اسوي لها كرك سلطان : مهما كان هذي اختك سمو : حتى ولو وهي بعد بتتزوج منصور تذكر وانعفس وجهه من جديد سلطان : لاتزوجتي انشالله اعتزلي سمو : منيصير توني ادقق ليه مرسم اليوم منصور وهو يبي يغثها : قلت لكم عشان احلامي سمو : ما امدى تصير احلامك قطع عليهم سالفتهم جدهم : تبون عشاء كلهم قالو ما يبون وكملو سهرتهم بضحك وسوالف ' بعد ساعتين كل واحد رجع لبيته ' اليوم التالي : الساعه 2 الظهر في بيت ابو عبدالعزيز فالصاله افنان : هاه وش فكرتي فيه سمو وهي تعدل جلستها : نسوي حفلة وداعيه افنان : ايه ونخليها تروح الصاله فوق اذا اتصل علينا منصور ونخليهم يتقابلون | ||||||
|
| |
|
| أدوات الموضوع | |
| انواع عرض الموضوع | |
|
|
5Likes
العرض العادي
