01-06-20, 04:24 AM
| #11 | ||||
|  ياهلا وغلا ❤سلمت أناملك كاتبتنا الغاليه 💕💕انا كنت من متابعين اما غرام يشرح الصدر طاريه ولا صدود وعمرنا ماعشقنا 💔💔ماتتخيلين قد ايش فرحتي لما عرفت انك رجعتي لنا بروايه جديده ❤❤❤انت من الكاتبات المبدعات والمميزات ❤❤❤عودا حميدا❤❤وبدايه موفقه ورائعه ❤❤وه بس 😍 | ||||
|
|
01-06-20, 05:50 AM
| #12 | ||||
| ياهلا ويامرحبا ايش النور الي شاع في المنتدى صدود صدود والله اني فرحانه في رجعتك للكتابه قلم فخم من انسانه فخمه الله لا يقطع ابداعك من الفرحه معرف اعبر 💃🏽💃🏽 تحيه لك من قرائك القداما في روايه ام غرام يشرح الصدر كنت معاك فيها | ||||
|
|
|
01-06-20, 06:01 AM
| #13 | ||||
| يالله ياصدود ماتتخيلين كمية المشاعر اللي حسيتها لما قريت اسمك فرحه مع عبرات انا كنت معاك في اما غرام بارت بارت ومابقول كم مره عدت قراءتها جدا سعيده بعودتك قلم بمثل جمال قلمك خساره يختفي تأكدي انك تركتي بصمه جميله في قلوبنا والا ماكان تذكرناك بعد هذي السنين سعدت جدا بعودتك💓 | ||||
|
|
|
04-06-20, 02:23 AM
| #16 | ||||
| نجم روايتي 
| السلام عليكم ورحمة الله .. كيفكم حبيباتي.. شكــــــــــــــرا بحجم السماء لترحيبكم الكبير والغالي على قلبي.. وصدوود إشتاااقت ورب السماء إشتااقت لتواجدكم ومحبتكم.. قرأت تعليقاتكم الجميلة .. الاغلب يقول غمووض ومع البارت الثاني بيكتشفون ويحللون صح.. والبعض ياقلبي حطوا البارت الاول بالخلاط وعطوني تحليل عجيييب .. همسة\\ دعوة لي ولعائلتي.. مدخل .. الليل ... ياصديقتي بعدكِ .. لا يطاق في غرفتي السوداء .. لا يُطاقْ . أودْ لو أسندتُ رأسي نحو صدْر أودْ لو أسندتُ أودّ لو بكيتْ هل تعلمين - مايعاني كائنٌ يَموتْ ؟ المرحوم غازي القصيبي... بخطوات ناعمة متسللة خرجت من سور البيت وهي تتنفس براحة.. لأن المعتوهة عمتها وزوجها نايمين وهذي أجمل لحظاتها في اليوم لما تكون وحيدة وبعيدة عنهم.. توجهت لمكانها المنعزل عن الانظار والناس وجلست تناظر شروق الشمس..وفي بالها الحاضرة الغايبة..إللي خسرتها بسبب حقد إنسان مريض..كانت دائما معها في مواجهة العالم والناس والدنيا..أنحرمت من أختها الغالية إللي كانت كلها طاقة إيجابية ودلع..وأقل شيء كان يرضييها ويصنع سعادتها.. نزلت دمعتها غصب عنها كيف أنخدعنا فيك يارعــد..؟ قلب اسود..عديم رجولة..سافل.. بس باقي ما انتهى عقابك..حسابك معي عسير..إصحى من غيبوبتك.. زين إنك مامت يقولون عايش..سبحان الله على ماجاك مامت ظالم باقي تبي تعيش وتتجبر..خلني اتخلص من المصايب إللي على راسي خلني أتحرر من الأسر إللي بسبتك عشت أنا فيه سنين.. إصحى يا رعد وأوعدك بتلقى جحيمك.. غمضت عيونها بتعب وهي تسمع عمتها تناديها بصوتها النشاز..تشهدت بخاطرها واستغفرت ثلاث مرات تبي تتصبر قبل لا تحرق البيت باللي فيه..بعمتها المحتالة وزوجها الخبيث إللي تدري إنه يزايد عليها مع الشيبان إللي مثله .. لأنه يفتكرها صارت ملكه ويبيعها لصاحب السعر الاغلى.. بس غبي مايعرف عن قوتها وعن إللي هي مخبيته .. من بعد ماتوفت جدتها من شهرين وهي تتمنى لو يصير لها جناحين وتطير.. هي ضعييفة جسد وضعيفة قلب..هي حنونة ومشتاقة..لكن تعاظم المصايب عليها من دخل حياتها رعد صارت تحس بنزعة الجريمة بدمها.. تستغرب كيف إنها تدعي ربها ينجي رعد من الموت عشان ترجع هي تقتله بيدها وتنتقم لكل وجع عاشته بسببه.. وقفت مجبورة عشان ترجع البيت قبل تولول عمتها وتفضحها.. بكل خطوة تخطيها تستغفر وتحاول تهدي نفسها لا تتهور وتسب عمتها وتكشف لهم عن سرها .. فتحت جوالها الصغير لما حست باهتزازه في جيب عبايتها الناعمة.. فتحت الجهاز وقرأت إللي رسم على وجهها إبتسامة فرح وسعادة..وتقول لنفسها قرب الفرج ياسديم وهذا العوض من الله.. باست جوالها بقوة وخبته مرة ثانية لا تشوفه عمتها او احد بناتها.. &&&&&&&&&&&&&&&&&&&&&&&&&& جلست بإنتصار بعد ما تخلصت من سكرتيرتها البليدة..باتصال هاتفي حتى ماكلفت على نفسها تقابلها وهي تطردها.. وعرفت إن غريمهم المراوغ لا زال يحس بالحقد إتجاه هذي العائلة وكأن ما كل غلطان تحاسب وتعاقب على غلطه..ليش لا زالوا يدورون بنفس الحلقة.. هذا فهــد المساعد لازال يشوف إن له الحق بإغتيال روح خالها راشد ( ابو جابر ) بحكم إن ولده قتل أبوه وهو صغير وألحين كبر ويبي ينتقم من جديد..أهل هذي القصة ماتوا من سنين..ومر عليهم الدهر.. ابو جابر عانى بوحدته وأنهزم وأنكسرت روحه..كان وحيد.. وهم كان حولهم أهلهم وأمهم وربعهم.. جاي بالحيلة يبي يدمر اساس الxxxx..يبي ابو جابر يطيح أكثر بس وينك من قصايد يافهد.؟! مستغربة من مساعد إللي الكل يشهد بعدالته وإنصافه كيف يسمح لك تكيد لنا ولشغلنا.. أنا اعرف إنه هو اللي يدير حلالكم.. إلا إن كنت تلعب من وراه.. بس أنا مليت من تصيدك ووجودك حولي يتسبب في مشاكل أنا بغنى عنها..مالك إلا سراب .. هي إللي بتطيح راسك وتشغلك في مصيبة وارتاح منك.. سراب بملل\لك ربع ساعة تتأمليني وتتبسمين..وش وراك؟؟ قصايد بابتسامة\أبي استعين بخدماتك.. سراب بفرح\جد والله تبين نصير شركاء..أسعد الأيام والله.. أبشري هاتي الاوراق نوقع عليها.. قصايد بضحكة متفاجئة\والله لو أخر من اشارك أنتي ماوثقت فيك وسلمتك حلالي.. سراب بتكبر\يحصل لك أشاركك..لو تسلميني شي من شغلك بشهر واحد توصلك ارباح ما تتخيلينها.. قصايد\لا مشكورة ما ابي..أرباحي مكفيتني.. سراب\طيب وش خدماتي اللي تبينها؟؟ قصايد بجدية\فيه واحد ناشب في بلعومي ويبي يخرب شغلي.. سراب\يبي شغلك الخاص..أو شغل جدي قصايد\لا أنا ما أهمه ولا شغلي..بس يبي يضرب أشغال خالي راشد.. سراب باهتمام\كملي .. قصايد\أبيك تسوين له مكيدة وتنصبين عليه..ابيه يصير بمشكلة كبيرة تشيله من طريقي لان وقته غلللط كليا غلط.. سراب باناقة ترفع رجل على رجل\هو نصاب؟؟هو سراق؟؟ قصايد بورطة\لا ما سمعت إنه ينصب ولا يسرق.. سراب بحزم\أجل مالي شغل معك..تعرفيني عندي قوانين ما أنصب إلا على نصابين.. قصايد\أقولك يبي يضر جدك خالي.. سراب\هذي التجارة ربح وخسارة..ويمكن يشوف جدي منافس له. قصايد\هو ولد المساعد .. ومتقصد بجدك يقال باقي يحس إن ثاره ما أنتهى معنا.. سراب\خييير وش يحس فيه..ابوه مات وخالي انقص ومات بعده وش يبي اكثر؟؟ قصايد\والله هذا هو وهذا تفكيره..فابيك تحطين له مشكلة يلتهي عني خصوصا هالوقت عندي كم شغلة مهمة ومحتاجة تركيزي.. سراب\لا أخاف أخسر سمعتي.. قصايد\أي سمعة ترااااك نصاابة.. سراب بفخر\إيه نصابة ..بس نصابة شريفة ولي قواعد وقوانين.. إن كان نصاب أبشري بعزك..إن أخليه يدور حوالين نفسه ولا يدري وش صار فيه.. قصايد بملل\قلت لك مانصب على احد..ياختي مو تقولين بزنس هذا بزنس وعليك بالعافية كل اللي بتاخذينه منه يستاهل.. سراب تشهق\تبيني أكل مال حرام أستغفر الله.. قصايد\يوومه منك على اساس كل فلوسك حلال.. سراب\إيه إن شاء الله إنها حلال..أنا اسرق من سراقين.. وأنصب على نصابين..وسرقة السارق حلال.. قصايد\يعني ما بتساعديني.. سراب\أوعدك أخليه ينصب بريال واحد وارده لك من عيونه.. قصايد\وش ناوية عليه؟ سراب\أنا مو قابلة إنه يهدد شغل جدي ويضيق خاطره..جدي إللي جاه من الدنيا يكفيه..أنا باخليه يستاهل إني أنا سراب بمستواي العالي أنصب على واحد مثله بعير حاقد.. قصايد\ابيك هاليومين تشيلينه من طريقي.. سراب\تمام لازم اخليه ينصب اول او ياكل حق احد عشان ضميري ما يانبني لما انصب عليه.. قصايد بابتسامة\تكفين يالضمير.. سراب تغمز لها\على الأقل عندي واحد.. اسمه ضمير ولو بليد بس أحيان يحس..مو مثلك ولا نسينا الضرب بالميت حرام.. قصايد ببرود\ما احد يموت قبل يومه..وانا حذرتك إنسي اللي شفتيه.. سراب بعدم اهتمام\أنا بانسى بس الفضول.. قصايد\مايهمني فضولك..اشغلي فهد عني.. سراب\تـــــم..مابانصب عليه بس باشغله.. بلحظات صارت الصالة ساحة سباق لجوارح قصايد.. اللي دخلوا وهم يسحبون ايرم كل واحد بيد..وهي تحاول تضحك معهم مبسوطة بحبهم لها..تحبهـــم وتعشقهم.. رغم إنه مايجمعها بأمهم أي علاقة..مجرد سلام بارد وتعارف بسيط..حتى سراب واختها هم بنات خالتها بس ماقدرت تدخل أحد منهم لحياتها.. هيثم بصراخ ويضحك\يمه ايرم جات.. قرناس\لقيناها بالدرج رايحة فوق.. قصايد بترحيب\ياهلا وغلا طولتي علينا.. سراب تحضنها\هلا بالقطوع..يابنت وينك حتى جوالك ماتردين.. ايرم بمجاملة\أعذروني كنت ملتهية بالتطبيق والتخرج.. قصايد\ألف مبروك التخرج..حفلتك الأسبوع الجاي مع جوارحي.. هيثم\إيه ايرم حن تخرجنا انا وقرناس من أول ابتدائي والاسبوع الجاي حفلت تخرجنا.. ايرم تضحك بمحبة\فديت اللي تخرجوا وصاروا كبار عقبال ما تتخرجون من الجامعة.. سراب\خليهم يفلحون بالابتدائي هذولاء يمكن ينطردون قبل المتوسط..كل يوم مضاربة وإستدعاء ولي أمر.. شكل أخرتهم عسكرية.. قصايد\وش فيها العسكرية ماتقبل إلا الرجال الكفو وعيالي جوارح.. سراب\تراك مصدقة عمرك ياخوفي يصيرون زواحف.. قرناس\إيه حن زاحفين تبين ناخذك بجولة.. سراب بخوف\لا تكفى وربي أمزح.. قصايد بضحكة\لييه خفتي روحي معهم يسلونك.. سراب بقرف\يرحم والدينك حطوا الضب بحضني وععع وربي يومين اتغسل واقراء على عمري.. ايرم مفجوعة\ضب!! سراب\إيه لا يخدعونك بفرحتهم فيك..ولا تقبلين اذا قالوا تعالي الحديقة الخلفية حتى دينصورات عندهم.. ايرم\لا هم يحبوني مابيزعلوني.. هيثم بخقة\اشهد إني أحبك.. قرناس بهمس\إثقل عليها لا تصير خفيف.. قصايد بصدمة\أمي إللي خاقين ..والثاني يعطي نصايح على اساس خبرة.. ايرم منحرجة\أبشري احضر حفلتهم.. قصايد\مو حفلتهم .. حفلتكم إنتي وهم.. أستئذنت منهم ايرم وطلعت للدور الثاني وتوجهت لغرفة أمها.. زيارتها لبيت جدها أول مرة كانت مجرد عناد لجدها وعمامها وعيالهم.. وعناد لكل من حاول يمنعها عن اي شيء هي تقرره بعلاقتها مع خوالها.. رغم إنها لما تدخل هالبيت تختنق بأنفاسها..وتنهار روحها بداخلها.. تتذكر فرحة جدها راشد لما دخلت بيته اول مرة بعد سنتين من وفاة أمها..كيف حضنها ووعدها يعوضها عن كل شي فاتها منه.. وبعدها بنفس الليلة سوى عزيمة كبيرة وحضر فيها ناس كثار من اهل خوالها ومن خالاتها ووصل الخبر لجدها مساعد وعياله إللي ضايقتهم زيارتها لخوالها بدون علمهم..وعجزوا يردون فهد عنها اللي كان رايح لهم وقايل بيسحبها غصب عنها.. بس مساعد ولد عمها منعه عنها ومنع كل عمامه لا يتدخلون بأمورها وبقراراتها..لما اتصل عليه سعود وقاله عن نية فهد القشرا في ايرم..اتصل على فهد وحذره او بالاصح هدده إن تكلم مع ايرم او تواجه معها مايفكه من يدين مساعد أحد..هو ما رضى بحكمها عليه عشان يستغلون غيابه ويتفرعنون عليها..هو حتى بغيابه عنها كافلها ومسئوليته..وإن غاب رسمه ما غاب إسمه.. مايدرون ان نفسها طابت من بعد أمها ولا كانت تبي شي بهذيك الفترة من حياتها..كانت وحيدة وفاقدة ام ماعرفتها..وفاقدة مساعد خويها..ومساعد جدها.. لما دخلت بيت جدها ماكانت تبيه كشخص..كانت تبي شيء بسيط يدفع عنها الإكتئاب..وعزيمة جدها والزحمة اللي صارت حولها كتمتها وسببت لها أزمة ربو..أنهارت بسببها في غرفة لحالها.. بس قصايد لاحظت حالتها وهي ساعدتها.. بعدها طلعتها قصايد بجناحها وقالت للحضور إنها تعبانة وأعتذرت منهم..وهذي خدمة قدمتها لها بكل حنية ومراعاة.. خرجت هذيك الليلة من جناح قصايد وتوجهت لغرفة أمها..إللي كانت أمها توصفها لها بمئة رسالة كانت ترسلها لها..لون بابها وشكل غرفتها من داخل تصميم ديكورها وتسريحتها.. وأحلام كانت امها ترسمها لها لما يجي يوم و تزورها.. هي كم مرة ضاقت فيها الدنيا وماترتاح إلا إذا زارت غرفة أمها.. اليوم تحس بروحها مكتومة وتعرف إنها بتواجه أزمة ربو تخليها ضعيفة.. قفلت الباب وجلست ع الارض وحضنت نفسها وتكلمت بصوت مبحوح.. ايرم بضعف\اليوم شفته..أول مرة يجي من سبع سنين.. تغيير.. كثير تغير..صار أكبر وأعرض..يمكن لو بالشارع شفته ماعرفته..خفت منه يمه هذا مو مساعدي..ما اعرف إذا قابل جدي او سلم عليه..ما اعرف وش صار بينهم وما ابي اعرف.. من زمان وانا مسامحة جدي .. أنا أحبه وفراق مساعد أوجعه كثير وقهره.. وقلت له أنا اسقطت حكمي عنك إرجع لمساعد بس ماهو في البيت اللي انا فيه.. مساعد عاقبني وهجرني لما تركه جدي.. ماسال ولا همه وش صار فيني.. وحت إتصال ما اتصل ..ما سال عن ايام عزاك وش كان حالي..وكيف عشت من بعدك ومن بعد ماهو هجرني..وكاني كنت عثرة بطريقة وتخلص منها.. تحمل مسئوليتي وهو ما كان ملزوم فيني..بس كنت اظنه يحبني ويهمه حالي..وهو ماصدق يبيها من الله .. اليوم يمه رجع للبيت إللي أنطرد منه بس ماهو عشاني عشان رعد..عشان خويه وصاحبه..إللي توه يفكر في ولده..جاء يفزع معه على ثار جديد الله يعين إللي بيواجهم.. مسحت دموعها وخرجت جوالها اللي ازعجها برنينه المتواصل متوقعة انه فهد اللي حضرت رقمه عشان ترتاح من محاصرته لها.. شافت رقم جدها واستغربت اتصاله وهو يعرف انها رايحة لبيت خوالها..ردت وهي تحاول تعدل صوتها بعد ما انبح بالبكاء.. ايرم بهدؤ\ لبيه يبه.. الجد مساعد\لبيتي في بيت الله..كيفك يا ابوك.؟؟ ايرم تبلع غصتها وترد\طيبة طاب حالك..وش بخاطرك..؟ الجد بتعب\عمك يوسف قالب الدنيا عليك يبيك.. محد سلم من شره..كسر البيت علينا.. ايرم بخوف\ليش من زعله؟؟خلاص الحين طالعة لكم.. يبه لا تخلي أحد يهاوشه.. قفلت جوالها وقامت تغسل وجهها وتلبس عبايتها..ونست تشيل شنطتها اللي فيها علاجها وعبايتها.. ولا انتبهت على نسيانها إلا عند إشارة بالشارع لما كانت تبي علاجها قبل يشتد عليها الضيق اللي تحس فيه.. بدت تتنفس بهدؤ وتحاول تاخذ هواء على وتيرة محددة.. هي بمرحلة قبل الازمة وتقدر تصبر لحتى توصل البيت وتاخذ علاجها.. خوفها على يوسف اربكها ..هذا عمها يوسف اللي ماكان بينها وبينه اي علاقة قوية .. كان عسكري واغلب حياته بشغله..قبل سنتين تعرض لإصابة بشغلة كانت قوية على راسه..تسببت بضرر دائم له..وحولته من رجل عاقل واعي..إلى طفل خايف مضطرب.. وبما إنها الأنثى الوحيدة الموجودة بمحيطه تعلق فيها يوسف وصار ما يفارقها اغلب الوقت..إلا إذا قدر سعود بإسلوبه الهادي يقنعه يروح معه لجلسات علاجية مع الطبيب.. بالبداية كانت تحس بالاحراج منه لأن اغلب وقتها بغرفتها فيبقى معها وتضطر تطلع منها عشانه..وباول ايام الحادث ورجوعه للبيت تفاجئت فيه يسحب فراشه ويفتح باب غرفتها وينام عندها تركته اول يوم ماعرفت تتصرف معه.. وتكرر نفس الموضوع لمدة اسبوع .. فاشتكت لسعود وطلبت منه يفهم يوسف ان له غرفة.. بس يوسف مافهم وبقى مصر على النوم بغرفتها.. وبالنهاية توصلت معه لحل وسط ينام بالغرفة إللي ملاصقة لغرفتها وبينهم باب اذا احتاجها يطق الباب ويدخل.. وتعبت معه لحتى تعود على هالحل.. وصلت البيت ونزلت بسرعة خايفة عليه..هي تعلقت فيه اكثر من تعلقه هو فيها.. كان مصدر إلهاء كبير لها عن أفكار و مصايب كانت بتنهي حياتها.. دخلت وقابلت ثنين من عمامها يشتكون لها من عصبيته اللي ماقدروا يفهمون سببها..وحذروها لا تقرب منه وهو معصب لا يئذيها وهو مو قاصد.. أنجبرت تسلم عليهم قبل يطلعون لبيوتهم هي من اسبوع مو شايفتهم وعشان مالها بالمناقيد.. تدري إنهم يحبونها وبنفس الوقت ناقدين على بعض تصرفاتها واهم شي زيارتها لخوالها.. دخلت الصالة وعيونها تدور على يوسف.. شافته جالس مكتف يدينه وعاقد حواجبه..نادته وراحت له تضمه وهو يبعدها بيدينه زعلان منها..وباست راسه.. ايرم بمحبة\ليش زعلان؟؟مين زعلك وخلاك تعصب كذا؟؟ قولي عشان اضربهم كلهم.. يوسف بعتب\أنتي رحتي ومارجعتي.. ايرم\قلت لك باروح بيت أمي وارجع.. يوسف بعبرة\ماكنتي بترجعين.. ايرم\من قال وأنا اقدر ما ارجع لك..أنت حبيبي.. يوسف بخوف\يعني ما بتخليني..مثل مايقول فهد.. ايرم بقهر\كم مرة قلت لك فهد ما تاخذ منه الكلام.. هذا كذاب يكذب عليك..يبيك تعصب وتزعل.. كم مرة خلاك تكلمني وترجعني من دوامي عشان تاخر الوقت.. وعشان مافيه شغل بالليل..يوسف حبيبي لا تسمع كلام فهد.. فهد بعصبية\وخير ليه ما يسمع كلام فهد.. الساعة صارت 9 وانتي ماكنتي ناوية ترجعين البيت..لايكون كنتي ناوية تنامين عندهم.. ايرم تقصر الشر\واذا نمت عندهم هلي.. فهد بصراخ\حن هلك مو هم.. ايرم\فهد يرحم ابوك كلامك مأخوذ خيره..خوالي وللمرة المليون أقولك اطلع من اموري بخوالي.. فهد\ماهو بكيفك..هم عدو لك ولنا..بينا دم.. ايرم بضيق تنفس\هل الدم ماتوا..وان كنت تبي تعاتب وتنتقم رح لهم عند ربهم..إلحقهم للمقابر وخذ حقك منهم.. فهد بصراخ\قلت لك لا تعاندين ولا تردين الكلام علي..اوعديني ماتروحين بيوتهم مرة ثانية.. ايرم\مالك حق عندي عشان اوعدك.. تحركت رايحة للدرج تبي تطلع وتاخذ علاجها قبل تنهار.. بس فهد ماتركها بحالها..وانتبهت على رعد اللي دخل من صوت صراخ فهد..ومعه شخص ظنته سعود عصبية فهد وصراخه اليوم عليها كان مشحون بسالفة رعد إللي رفض يتكلم عن اللي غدروا فيه وخذوا ولده.. فهد بقهر\لا تمشين وانا اكلمك.. ايرم بتعب\رعد أنا بوجهك خذ أخوك وشره عني.. مساعد بقهر\ابو سارة..اعنبو وجهك يالكلب صراخك كله عليها.. والله ان أعلمك كيف تنزل عيونك وانت تكلمها.. صرخ على ايرم\اطلعي لغرفتك.. في ثواني صار فهد تحت مساعد إللي أعماه الغضب والقهر عن كل اللي حوالينه..وصار يضرب فهد بلكماته في وجهه وصدره.. كيف تتجرأ وترفع صوتك عليها.. من أنت من تكون عشان تصرخ عليها وتهاوشها.. كم مرة سويتها يافهد أنت وغيرك..كم مرة هاوشتوها بغيابي وضايقتوها..سبع سنين مخليها لكم ولجدها.. ويوم جيت اسمع صراخك يالسافل عليها..تحسب ماوراها احد.. تحسب ما اقدر اقطع لسانك والله ان اخليك عبرة.. وأخر لكمة كانت بوجه فهد تسببت في كسر أحد أسنانه الأمامية.. وكان مساعد بيكيل له لحتى يكسر باقي أسنانه ولكن رعد قدر يبعد مساعد بالقوة عن اخوه.. مساعد بقهر\ابعد عني يا رعد لا اكسر وجهك الحين..هذا وانا موصيك عليها من اول ماصحيت ومخلي ذا المسترجل يضيق عليها.. رعد\ما احتاجك توصيني عليها..هي بعيوني قبلك وقبل وصاياك.. وفهد يدري كم مرة تضاربت معه عشانها.. مساعد بغل\عيونك إللي باطمسها لك..عساها العمى.. تلفت حوالينه يدورها..يبي يلمحها ولو بالعباية ولثمتها محتاج يشوفها..بس بوقت هوشتهم طلعت مع يوسف لغرفتها.. فهد وكانه توه يستوعب اللي صار له..بلحظات كان يهاوش ايرم وباللحظة اللي بعدها هذا الثور الأهوج جالس على صدره ويكسر اسنانه.. فهد بقهر\عنبوا وجهك ياثعيدان مالقيت إلا ثنوني اللي بالواجهة.. كان ضربت إللي ورى.. مساعد بغضب\وأكسر عظامك إن رفعت صوتك عليها ولا عرفت انك ضايقتها يالكلب.. ناظر رعد بقهر\خذ إخوانك واقلعهم بيتكم..معكم بيت بنفس الحوش وش جايبكم هنا..هذا بيت جدي وايرم ويوسف بس..اذا تبون جدي بيخرج لكم بالمجالس الخارجية..هالبيت ولا واحد منكم يدخله.. رعــد ببرود\على شحم..وبعلمك لو إنت ما كسرت اسنانه كنت باكسر فكه انا..خل عني عصبيتك الزايدة.. وناظر فهد وبوعيد\هذي ثاني مرة يافهد..والله إن عدتها إن أطحن عظامك..وتذكر ماهو بس مساعد إللي ورى إيرم..حتى رعــد وراها ولو إنك أخوي تموت دونها.. سحب مساعد معه إللي زادت عصبيته وكان بيرجع يضرب فهد بعد ماسمع رعد يقول هذي الثانية..الثانية..أجل كم مرة سواها فهد وسواها غيره وأنا لا علم ولا خبر.. يعني استوحدوا فيها من دوني.. خرجوا وفهد يسب مساعد ويشتمه.. فهد بقهر\ثود الله وجهك..حثبي الله عليك فضحتني وث اثوي الحين..وبعدين أنا أخو ثارة مالك شغل بعزوتي تاخذها لك.. سعود بمسخرة\ اذكر ما معنا إخت اسمها سارة عشان اتعزوى فيها..خلها لمساعد لايقة عليه ابو سارة.. فهد\تخثي انت وهو .. سعود ماقدر يكتم ضحكته أكثر..وأنفجر بالضحك على نطق فهد وعلى وجهه وملابسه اللي مليانه دم.. &&&&&&&&&&&&&&&&&&&&& أما مساعد إللي ترك رعد يكلم 20 مكالمة لحتى يتوصل لمعلومات عن أشخاص يدلونه على مكان حنين وولده.. توجه لاسطبلات الخيل..ووقف عن حصان رعد وهو يفكر بايرم.. يبي يشوفها..لازم يقابلها بما انه رجع لهذا البيت..لازم يقابل ايرم ويشوف كيف حالها..ضاق صدره بالتفكير..كيف أنا كنت تاركها ومهملها ..يتذكر نبرة صوتها التعبان وهي تترجى رعد وتقول أنا بوجهك يارعد فكني منه..صرتي تترجين يا ايرم وانتي اللي كنتي تأمرين وتحكمين.. أنتي المدللة المرفهة..ماخليت أحد يعلي صوته عليك إلا وأنا ألوي رقبته..هين يافهيدان والله إن أسنانك على البلاط مابردت ناري.. يوسف معها ألحين...وش يفكني من غيرته ولو أغريه بمليون شيء مابيرضى يعطيني فرصة اقابلها.. نايمة بفراشها وتحس بيد يوسف تظفر شعرها ولما يسمع شهقاتها.. يبوسها على راسها ويقول أنتي حلوة لا تبكين.. تسمع مواساته البريئة لها وتبكي أكثر..هو إللي شالها ع الدرج وطلعها لغرفتها لحتى تستخدم بخاخها وتهدأ نوبتها .. وركض يقفل باب الغرفة ويجلس عند الباب وكانه بيمنعهم يدخلون..ولا واحد منهم بحياتهم الماضية والحاضرة طلع الدرج لان الدور العلوي كله لها لحالها..ويوسف صار يشاركها فيه من بعد الحادث ..لولاك يا يوسف ماكنت باعيش الى هاليوم.. مسئوليتك تجبرني ابقى تجبرني أستمر.. ألتفتت على يوسف وبكت بحضنه بصوت عالي وشهقاتها تعلى.. ايرم بحزن\شفته يايوسف..شفت كيف يصارخ علي.. ومساعد الكلب جاي عشان رعد عشان صاحبه..مو عشاني..أصلا هو من سمح له يدخل بيتي هذا بيتي أنا مو بيت ابوك..مو بيت جدي..لو ابي اطردكم كلكم ..جاي يستعرض قوته.. يوسف\أنتي حلوة...أنتي حلوة.. يمه رضيت بكل مايرضي الحال.. بس الزمــن بالحييل يلوي يميني.. [/color] اقتباس {[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 49 غير مقروء اليوم, 01:05 AM صورة صدووودَ الرمزية صدووودَ الافتراضي رد: صدوا وأنا من عزة النفس صديت &&&&&&&&&&&&&&&&&&&&&&&&&&& لابسة بجامتها الحريرية الضيقة وتستعرض نفسها قدام مرايتها.. تراقب لون بشرتها الابيض الصافي وإحمرار مفاصل اصابعها .. تعطر شعرها بعطرها المخصص..وتحاول تلقى ولو شي بسيط فيها يقبل الإنتقاد.. الجميع يشوف فيها أيقونة جمال وجاذبية.. وهي مليئــة بشك عظيم يتسربل بدواخلها ويعيث فيها فساد.. هزت راسها وتحرك شعرها الكثيف الناعم لحركة راسها السريعة.. توجهت لجوالها واتصلت برقم غير محفوظ بذاكرة الجوال ولكن محفوظ بذاكرتها هي..لما تبي تهرب من تفكيرها تتصل بصاحبة هالرقم إللي تشاركها بعض اقل تفاصيلها.. بس اول ماسمعت صوت الي جاوبتها فز قلبها مقهور.. لانها عرفت انها تبكي.. قصايد\روووحي ليه تبكي.. سديم بقهر\خذيني عندك..تعبت تكفين.. قصايد بحب\روحي غناتي انتي من عيوني..بعد اسبوعين وانا عندك ياقلبي باخذك منهم واحاسبهم على كل اللي سووه فينا.. سديم بخجل\مالقيتي لي عريس الى الحين؟؟خلي سراب تساعدك.. قصايد بضحكة\وانتي مصدقة اني باخلي احد يتزوجك او يلمسك..انا اخاف عليك من الهواء فكيف تتوقعين اخلي رجال يقرب منك.. سديم\مو كل الرجال رعد ياحنيــن.. قصايد بهدؤ\لا تذكرين اسمه..تراه فال شين.. سديم\باقي بغيبوبة؟! قصايد مو حابة تخوفها\ايه باقي بغيبوبته ومابيصحى ان شاء الله.. سديم\ابيه يصحى عشان اقتله بيديني.. قصايد\وان صحى وماتاب من ذنبه موته ينتظره.. هو مايعرف ويني ولا وينك انتي..واعتقد اصلا ماراح يعرف عنا شي لو يصحى.. هذا الإسبوع ناوية اخلص كم شغلة أنا مرتبطة فيها والأسبوع الجاي بأجيبك عندي .. أنا مخططة لكل شي لا تخافين.. هذا كان تفكير قصايد لانها كانت متاكدة ان رعد ماتذكر شي او كان بيحفر الارض عشان يلقاها..وهي مطمنة لان له شهور طويلة من صحى من غيبوبته وماسوى شي عشان يلقاها..وبكذا تاكدت من فقدانه لذاكرته لها .. غيبوبته إللي خذت من عمره سبع سنين ..وأهدتها سبع سنين ..كبرت فيه حنين وصارت قصايد..والضعف والحطام إللي كانت عليه صار قوة وشدة.. ماتنكر رعبها لما عرفت إنه صحى..وخوفها لا يلقاها وهي مو مستعدة له.. زارته بايام غيبوبته بتاريخ اليوم الاسود إللي اقترن اسمها باسمه..كشفتها سراب لما تنكرت باسم ممرضة ودخلت غرفته.. إعياء هذا كان إحساسها لما شافته نايم بهدؤ.. مو غريب عليها شكله وهو نايم بس غريبة عليها المشاعر السوداوية إللي كانت تحفر براسها تترجاها تخرج خنجره إللي بشنطتها وتزرعه بقلبه.. بس بدل ما تزرعه بقلبه رسمت أثر جديد على نفس الأثر القديم وبنفس الخنجر..وهي تتمنى لو تغضط بزيادة لحتى ينفتح الجرح الملتئم مع الوقت وتشوف الدم بوجهه بعيونها.. همست بإذنه\إن صحيت بيوم تعال ودورني..أنا استناك.. واجهتها سراب إللي أستنكرت تصرفها وكيف ترسم بخنجر على وجه رجل بغيبوبة..ومن يكون لها وأيش علاقتها فيه.. بس قصايد تمنعت عن جوابها ورفضت ترد عليها.. ودخلت بحالة إكتئاب خلت سراب تبتعد عن طريقها وما تفتح الموضوع معها.. سراب تركت الموضوع ينتهي من طرف قصايد ..بعد ماخذت منها عهد ماتزور رعد مرة ثانية وماتستخدم الخنجر او اي أداة ..بس بحثت في ماضي رعد وحاولت تلقى إللي يربط قصايد فيه.. ومالقت اي شي يساعدها.. كانت قصايد ناوية تزوج سديم لرجل توقع معه اتفاق تبقى اختها بذمته لمدة شهر وبعدها يطلقها..مايشوفها ولا يلمسها ولكن باسم هالزوج تقدر تخرج اختها من جهنم عمتهم وزوجها المريض.. كان بامكانها تاخذ اختها بالهرب..ولكن سمعة اختها بتتلوث بافواه الناس السافلة..وبتصير مرصد لإنتقام القبيلة للشرف.. عمتهم إللي صارت هي وزوجها مسئولين عن إختها سديم بعد وفاة جدتها قبل شهرين..تعرف جدتها الله يرحمها ماكانت بتفرط بسديم..ولا بتسمح لزوج عمتها يئذيها ولكن الحين مابقى لسديم أحد غيرها يخلصها منهم.. قصايد محتاجة سراب تلهي فهد عنها لانه بيتسبب بمشاكل بالشغل تشغلها عن إختها.. هي ضامنة إن رعــد مايقدر يلقاها..لأنه مايعرف علاقتها بابو جابر إللي يصير خال أبوها..وهو إللي ضمها في بيته هي وعيالها لما لجأت له هاربة من الدنيا خباها عنده من دون مايعرف وش قصتها وايش صار فيها ومن إللي متسبب لها بالحالة العنيفة إللي كانت فيها..جاب لها الأطباء وداواها..أهتم بعيالها.. ما سالها من عدوك؟! من غريمك.. كانت محتاجته وهو محتاجها..مرت عليها شهور لحتى قدرت تسترجع نفسها وتستقوي عشان خاطر عيالها.. ترعاهم وتربيهم لحتى مايحسون بنقص او حرمان..استقوت فيهم وفي خالها ابو جابر..كملت دراستها لإدارة الأعمال وأدارت شغله.. وبعد سنة من شغلها معه فتحت شغل خاص صغير لها كتأمين لعيالها..هم مالهم من مال وحلال أبو جابر شي..ولازم تأمن لهم حياة..لحتى مايحتاجون أحد.. &&&&&&&&&&&&&&&&&&&&&&&&&&& دخل العيادة متلثم بشماغه وشايل بيده سلة هدايا صغيرة مخفي اللي فيها..طلب موعد خاص عندها..بس أعتذرت منه موظفة الاستقبال وقالت لازم موعد مسبق عشان يدخل عندها.. بس هو عرض عليها بطاقته وقال انه اخوها ويبي يفاجئها.. دخل مكتبها والسلة بيده رغم ان لثمته تثير الشك.. وقفت بخوف لما شافته..واستغربت من هذا الملثم.. فهد بهدؤ\جيتك أمد غصن الزيتون وأبي السلام معك.. ايرم باستغراب\فهد ليش متلثثم طيب؟ فهد بقهر\من مثاعد الكلب كثر أثناني..وبعد ما نتثامح أنا وأنتي أبيك تركبين لي اثنان.. ايرم بضحكة مكبوتة\فهد بجد أسنانك مكسورة أو تتكلم كذا تستهبل..؟ فهد بضحكة\والله ما اثتهبل تبين تشوفين.. نزل شماغه وبان وجهه المكدوم لها وبانت اسنانه المكسورة.. ايرم بقيت مصدومة مو مصدقة إن مساعد تسبب بكل هذا الخراب بوجه فهد لأنه صارخ عليها.. ايرم بأسف\ماكان له حق يضربك كذا.. فهد\لو ماني عاذره ومعطيه الحق كنت يمكن اثتبيح دمه.. ايرم\لا تكفى وش تستبيح دمه..الموضوع مايسوى.. كل إخوان يتهاوشون ويصارخون على بعض..وحتى يتضاربون وبنفس اليوم يتراضون.. فهد\ايرم إنتي غالية علي كثير..وهواشي الدايم معك غلط ادري..وتدخلي في وضعك مع خوالك يضايقك..أنتي أختي ثارة إللي أعتزي بها..لما اقول اخو ثارة.. ايرم بهدؤ\اسمي ايرم مو سارة..واعرف اني اختكم بس يافهد إللي لقيته أنا في موضوع هلي وخوالي يكفيني لباقي عمري..مقدرة انك حاقد عشان ابوك الله يرحمه..بس حتى أنا ابوي مات من نفس اللي قتل ابوك..بس هو بعد موته ما مات ذنبه معه..أنتوا انتقمتوا منه في امي..وفيني..انا بنتكم اللي تحبونها وكانكم بحرمانكم لي من امي تقهرونه..وهو ميت مادرى عنكم..ما انكر في البداية كانت زيارتي لهم عناد فيكم وعناد فيني ..بس ألحين أحاول ألقى شي يرضيني..أنا اروح هناك أقابل طيف أمي ..أدور عنها ما القاها..بتبخل علي حتى بخيال امي يافهد؟؟! فهد بندم\ماعاش من يقهرك يا ايرم..واوعدك ما اتدخل بعلاقتك بخوالك مرة ثانية..بث باقي الامور اشهد اني باتدخل مايثير تاخذين ثفت مثائي..خذيه ثباحي.. (مايصير تاخذين شفت مسائي..خذي صباحي) فهد أنقهر لما عرف انها تبي تضحك ومو قادرة تتنفس لانها كاتمة ضحكتها.. فهد\اضحكي مبثوطة بنطقي..ياكلب يامثاعد..تعالي اغرثي (اغرسي ) لي اثنان او اذرعيها ( ازرعيها ) .. خلينا نثتفيد من دراثتك.. ايرم بضحكة\تعال اخذك لدكتورة الغرس والزراعة انا مو تخصصي هالشيء..وبعدين توني مبتدئة وتحت التدرييب..مو طبيبة.. فهد بورطة\لا والله تبين تفثليني معها..ابغى دكتور وقبل نروح افتحي الهدية قبل تموت البثة.. ايرم باستفهام\البثة؟؟! فهد بغيض\القطوة اشتريت لك قطوة ترضية..مع اني المطقوق والمكثورة اثنانه.. ايرم بشهقة\يامجرم ومقفل على المسكينة بصندوق هدايا يمممه منك..مو صاحي.. فتحت الصندوق متششوقة تشوف القطوة اللي اشتراها لها.. خرجها وهي تصارخ مبسوطة بشكل القطوة الشرازية البنية.. ايرم بحب\فديييت الشكل الحلو سجنك المجرم بصندوق..خلاص فهد سامحتك عشان عيونها الحلوين.. فهد بصدمة\ثامحتيني عشان عيون القطوة الحلوين ؟؟! واثناني المكثورين ما كثروا خاطرك.. ايرم بضحكة\واسنانك المكسورين كسروا خاطري..تعال نشوف الدكتور.. الله يعينه وش بيصلح بوجهك.. فهد\انا المثكين إللي رحت فيها..وقبل نطلع غطي عيونك كويث (كويس) وان ثفت احد يطالع فيك خرجت عينه.. نزلت القطوة تحت مكتبها وطلعت معه وهي تضحك على تحلطمه ونطقه للكلمات بعصبية فهد المعهوده.. &&&&&&&&&&&&&&&&&&&&&&&&&& رعــد إللي قدر يرتاح نسبياً لما قدر يلقى معلومة عنهم.. حنين إللي حفر الأرض يدور عليها أخر مرة أنشافت قبل سبع سنين في بيت ابوها..وبعدها أختفت ولا حد يدري عنها.. بس هو يعرف كيف يجيبها وألحين جالس عند جده إللي حلف يمين مايخليه يروح مكان من دون مايكون مساعد أو أحد عمامه معه.. رعــد بهدؤ\أوعدك ما اقتل أحد بهالوقت..بانتظر لحتى القى ولدي وبعدها يصير خير.. الجد بجزع\ياولدي خاف الله في نفسك..لا تتهور يا رعد ماتدري وش يصير..التسرع ماهو زين بيحطم كل شي.. رعــد بحقد\أي تسرع يبه سبع سنين لو فيهم خير رجعوا ولدي عليكم..بس هم مو هل خير هم عرق ولازم ينقطع.. الجد مساعد\وش بينك وبينهم؟! هل الثار إللي أنت رايح تجيبه وش بينك وبينهم؟! رعــد بقهر\إللي بيني وبينهم سواد وجه.. الجد بفزع\أبو صالح..وش علمك يارعد؟ رعــد\إن لقيت ولدي بخير علمتك..فمان الله وقف وجده وقف معه ومسكه \والله ماتروح لحالك.. ياخوفي يقتلونك..وش بينك وبينهم يارعد.. دخل مساعد المجلس وهو يسلم ..ردوا عليه السلام وجده صد عنه.. قرب منهم وماقدر إلا إنه يضم جده من وراه ويبوس راسه.. ولما طول بضمه حس بإهتزاز جده بين يدينه .. لفه عليه وباس جبينه وعينه..بس جده غمض عيونه عشان مايشوفه وكلام ايرم قبل سنين يتردد في باله كيف إنها غمضت عيونها عشان ماتشوف أمها.. مساعد وضاقت به الدنيا\المعذرة ياطويل العمر..قلبي عصى عقلي.. والله إني من الشوق ماقدرت إلا أضمك..سامحني يمكن كسرت عهدك لحبيبة قلبك..تقدر تلومني إنت وإياها على هذي بعد.. فمان الله..مشينا يارعد.. خرج مساعد من المجلس بدون مايلتفت على جده إللي أوجعه للمرة المليون بصده عنه..ركب سيارته بمكان الراكب لانه مايعرف الطريق إللي رعد ناوي عليه.. ولحقه رعد إللي كان كاره تصرف جده وتصرف مساعد.. رعد بعصبية وهو يحرك السيارة\لو إني ماسكك من رقبتك قبل سبع سنين ومعقلك كان انت كفو..لكنكم تحاكمتوا اليوم وانا سافرت بكرة..ماظنيتكم جادين انتوا الثلاثة في خبالكم..وصحيت قبل كم شهر وانتوا مصممين ولا واحد تنازل..بس دواكم عندي.. مساعد بهدؤ\خلك منا ألحين..وقلي سالفتك كاملة.. رعد برفض\مالك لوا..بس خلها بيني وبيني.. مساعد شال عقاله وعصب شماغه على راسه\جايب معك سلاح..؟ رعد\سلاحي معهم وباخذه منهم وباطعنهم فيه.. مساعد\رعــد يا إخوي إذكر ربك..وصل على النبي..إنك ناوي قاتل ومقتول هذي الشرطة والمحاكم والله إن يسحبونه لك وهو مايشوف الدرب ويرجعون ولدك لك وياخذون حقك.. لا تفتكر إنك إن قتلته ما أنت بلاحقه..خل القضاء ينتقم لك.. رعـــد\لا وإللي خلق عيونك وإللي رد فيني روحي بعد سبع سنين.. إن ما ينتقم لي غيري.. مساعد بشك\غريمك كان له حق عندك قبل يغدر فيك؟؟! سكت رعــد عن مساعد وألتهى بذكرياته..كان له حق وحاول ياخذه..وهو يمكن اخذ حقه بس بعدها خسر حقوق وحقوق.. يدري إنه طعن بالظهر بس كان معذور.. وإنه أول من غدر وتجبر..بس لازال معذور.. حاول مساعد يفهم من رعــد أكثر عن المصيبة إللي صارت قبل سبع سنين..بس رعد فضل يبقى كل شي مكتوم ومنطوي بداخه.. مساعد بصبر\ طيب ولدك وش بالفته؟؟ رعد بهدؤ\ولدي من نورة.. مساعد بصدمة\كيف من نورة؟ انت لما طلقتها كنت تدري إنها حامل؟! رعد\لا هي ماقالت شي لحتى ولدت..وماكانت بتقول عشان تقهرني بس..لما شافت إنها بتتزوج قررت تعطيني الولد.. مساعد\الخبيثة..وبعدها من أخذ منك الولد..يمكن هو عندها. رعد\لا أنا تاكدت إنه مو معها..أنا اعرف من إللي خذاه.. مساعد\يعني مالك نية تتكلم وتقول من إللي أنتقم منك بولدك؟! مر الوقت طويل بصمت رعد.. وهم بالسيارة لحتى وصلوا لنفس الديرة اللي بدأ فيها ثأره إللي أرتد عليه.. نزل من السيارة ونزل معه مساعد مستغرب من المكان إللي ماتوقعه.. مساعد بحذر\رعــد حسبتك بتودينا لوكر عصابات.. جايبنا لهذي الديرة بأخر الدنيا..وش لك بهالمكان.. رعــد بقهر\لي فيها دم.. &&&&&&&&&&&&&&&&&&&&&&&&&& كانت حفلة صغيرة كلها مقالب وضحك بين عيال قصايد وسراب.. وهواش بينهم من صاحب القطوة الشرازية إللي جابتها لهم ايرم.. سراب\الحين ماتقولين وش قاصرك ما اشتريتي قطوتين..تعرفين هم ثنين مو واحد جايبة قطوة وجاية لنا.. ايرم بابتسامة\توها واصلتني اليوم وكانت هدية وجبتها يشوفونها مو لهم يسرقونها مثل الهمستر اللي سرقوه هو وعياله وحرمته.. سراب\باقي ناقدة علينا على عائلة الفيران اللي خذوها منك.. روحي شوفيهم باخر الحوش الخلفي حافرين الارض ومتكاثرين اعوذ بالله منهم.. قصايد تبتسم على كلامهم وانتبهت على هيثم اللي دخل يركض وجلس جنب قرناس يوشوشه باذنه.. قصايد\هيثم وش عندك ؟؟وش تقول لاخوك؟ قرناس يوقف ويمشي مع اخوه ولا يرد على امه.. قرناس\تعال خلنا نحك وجيهم بالرصيف..أجل يهددونك سراب بفرحة\وناااسة مضاربة جديدة..قرناس عطهم من الحركات اللي علمتك.. قصايد بفزع توقف وتركض وراهم\هيييه إنت واياه إن طلعت من البيت ياويلكم مني.. سراب تركض وراهم وبمحارش\وش تبين يسكتون عن حقهم هذولاء الجوارح.. إخرجوا فديتكم كفخوهم تكفخ دووسوا عليهم.. قصايد\سراااب انقلعي داخل باذبحك لا تحارشينهم..باكلم خالي راشد اخليهم يحوسكم يا اثنين..مافيه مضاربة.. هيثم\يمه لو سمحتي أمور رجال مالك فيها..كانوا ثلاثة مقدر عليهم لحالي ..خلي قرناس يجي يلعن ابو شكلهم..هم يخافون منه ومني لما نكون مع بعض..ولا يرضيك احد يغلط علينا.. قرناس يشمر اكمام ثوبه\عليهم يالخوي عليهم .. سراب بمرح\كفوو في ذمتي..وقفوا لي بالبس عبايتي واجيكم لا تبدون قبل اجي.. سراب تركض تلبس عبايتها وتطلع تتفرج على المضاربة اللي تعتبرها ترفيه اسبوعي ..وتحب تزيدها بالمحارش.. وباخر المضاربة هي معتادة توزع على جميع المشاركين بالمضاربة فلوس وتقول ترضية حرام رفهوا عني.. رجعت قصايد وشافت ايرم تضحك على هبال سراب ومحارشتها لهم..أخذت جوالها واتصلت على حارس البوابة وقالت له ينتبه يمنعهم يخرجون ويقفل البوابة.. ايرم\ياحظك فيهم ياقصايد..قرناس شي ثاني لما يهايط.. قصايد بابتسامة\بكل مكان هذي حركاته اذا فيه هوشة يحب يدخل فيها..ياخوفي بس يكبر وش يسوي.. ايرم\يذكرني بفهد ولد عمي..فيه هوشة على طول تحسين بس يبي يهاوش.. قصايد بتعمد\هذا اللي كان بغيبوبة وصحى منها؟ ايرم\لا هذاك رعــد الله يعينه عنده ذكريات مفقودة..وتو لحتى تذكر إن عنده ولد.. قصايد برعب حاولت تخفيه\كيف توه يتذكر ان عنده ولد؟ ايرم\من بعد ماصحى من غيبوبته بقى شهور طبيعي ولا تذكر شي عن اخر ايام الحادث..بس قبل كم يوم تذكر فجاءة ان له ولد وراح يجيبه.. قصايد وتحاول تخفي رجفتها\يجيبه من وين؟؟ ايرم\هذا الشي إللي ما عرفناه..قال بيروح يجيب ولده وحرمته.. قصايد وقفت بسرعة واعتذرت من ايرم انها بتخرج تجيب عيالها.. وايرم بنفس الوقت ردت على فهد إللي قال لها بيمرها بدل السواق.. عشان يوريها اسنانه الجديدة المؤقته..وقال ابيك تتاكدين اني ما باتدخل بزيارتك لخوالك وهذا انا باجيك عند بابهم.. خرجت ايرم وهي شايلة قطوتها ..وانتبهت على سراب واقفة بالشارع مع عيال قصايد..وتعطيهم بعض النصائح.. سراب\إن خلاص عدمت معكم الحركة ولقيتوا إنكم بتخسرون..إضربوهم تحت الحزام.. قرناس\هذي نذالة.. سراب\تبي تفوز او لا؟؟بعدين يضحكون عليكم.. ايرم بتحذير\قرناس حبيبي انت وهيثم هم اكبر منكم واكثر منكم روحوا داخل امكم تناديكم.. سراب\شلي قطوتك وتوكلي..حن ادرى بعيال حارتنا.. ايرم\دامك مرة متحمسة ورى ما تروحين تتضاربين.. قرناس\ابو قصايد..مابقى إلا تضارب معنا حرمة.. تبينهم يقولون تخبوا ورى حرمة.. ايرم بتعجب\ودي أحلف انك فهد اخوي بس من وين يجمعكم الدم.. سراب بصرخة\اهجمواااا جوارحي.. وفعلا بلحظات بدت المضاربة بينهم وسراب ان شافت قرناس وهيثم بيخسرون ضربت معهم وترجع تشجع.. ايرم خافت لانها مو متعودة ابدا على مضاربات اولاد بالشارع وخافت على عيال قصايد.. انتبهت على سيارة فهد اللي وقفها باول الشارع..واتصلت عليه.. ايرم\فهد تكفى تعال خلص عيال خوالي من المضاربة.. فهد بصدمة\وش دخلني فيهم رجال يدافعون عن اعمارهم مابقى الا افزع لعيال خوالك.. ايرم بعصبية\فهد أطفال مو رجال بيذبحونهم والله.. فهد\تعالي السيارة معليك اذا اطفال يتهاوشون ويصلحون.. ايرم بقهر\انقلع مابي منك شي انا بافزع لهم.. قفلت منه وهو مصدوم من كلمتها..تفزع لهم لا والله من زين الحال يالله شايلة عمرك عاد تفزعين بهوشة عيال.. والله ان جاها شي من الهوشة ان يكسر مساعد باقي اسناني.. قرب سيارته لعند البيت ونزل وهو معصب من الموقف اللي حطته فيه ايرم..وانتبه على حرمة ثانية واقفة معهم شوي تضارب وشوي تشجع..وسمع واحد من الاطفال يصرخ عليها ويقول ياسراب لا تضاربين معنا.. صدمته كيف داخلة جو وتشجعهم وتحاول تخوف باقي الاولاد منهم.. قرب منهم وسال ايرم وين عيال خوالها منهم واشرت له على قرناس وهيثم.. دخل بين الاطفال الي يتضاربون وشال قرناس بيد من ثوبه وشال هيثم باليد الثانية وصرخ على باقي الاولاد المتجمعين.. فهد بصراخ\يالله كل واحد بيته لا احوسكم الحين.. وبخوف ركض بعض الاولاد الي كانوا متجمعين وبعضهم واقف ينتظر هدايا سراب بعد كل هوشة.. فهد بعصبية\مو قلت انقلعوا بيتكم ماتفهمون انتوا.؟ واحد من الاولاد رد عليه\نبي اتعابنا من سراب.. فهد بعدم فهم ناظر ايرم يبي يفهم وش يقصد الولد بكلامه.. بس قرناس اللي وجه لكمة على صدر فهد منعها تتكلم.. قرناس بعصبية\اصغر عيالك شايلني مثل التيس..نزلني انت ماتعرف من انا.. فهد بمسخرة\خير يا طير ومن انت؟! قرناس بفخر\أنا قرناس ولد قصايد..نزلني قبل تجي امي وتقطع راسك.. فهد\الرجال مايقول اسم امه عيب يقول اسم ابوه.. قرناس\امي عن الف رجال وافتخر فيها..وجدي يقول الله ينادينا باسم امنا يوم القيامة.. فهد نزل قرناس من يده ونزل هيثم..وماعلق على الكلام الجبار اللي قاله طفل يالله بدأ يعرف يتكلم بدون لعثمة.. قرب هيثم من قرناس وبدأ يرتب ثوبه بعد المعركة .. ونفس الشي سواه قرناس إللي رتب شعر هيثم وبعدها ضمه.. فهد كان يراقبهم باعجاب انتزعوه منه بالقوة بتصرفاتهم العزيزة بين بعض واهتمامهم ببعض..وقطع تامله لهم صوت واحد من الاولاد ينادي سراب.. إللي كانت تتسلل ناوية تدخل من بوابة البيت.. .....\سراب وين فلوس الترضية..شوفي محد فاز بالمعركة عشان هذا تدخل بينا..يعني كلنا ناخذ ترضية اما جائزة الفوز محد بياخذها.. فهد بمسخرة\أجل ناقة البسوس هذي هي إللي ناشره بينكم الفتنة.. &&&&&&&&&&&&&&&&&&&&&& مشى وكانه يعرف محيط المكان تجاهل البيت ولف حوالينه للمكان إللي شاف فيه حنين أول مرة هي وأختها الطفلة سديم.. ولحظه الوافر لقى بنت وكانها حنين بنفس المكان.. قرب منها وبصوت غاضب\حنيـــــن؟؟! ألتفتت عليه سديم وشهقت بصدمة لما استوعبت إن إللي واقف قدامها هو رعـــد .. حست بلسانها انعقد ورجلينها صارت مثل الماء ماتقدر تشيلها..حنين قالت إنه بغيبوبة وماصحى.. كيف صحى وجاء لهنا؟؟ ليش جاي؟؟وش يبي لحتى يرجع بعد كل هالوقت؟؟! لما تاكدت إنه واقف قدامها وما يبعدها عنها إلا أمتار صغيرة.. وقفت وهي ترتجف مو من الخوف إلا من الغضب ومن الكره.. وبلحظات كانت أظافر يدها تحفر برقبته وهي تصرخ عليه بكل مسبة تعرفها وتمنت تنطقها بكل صوتها لعمتها وزوجها.. بدت تركله برجلينها وتضربه بلكماتها بكل مكان توصله بجسمه الضخم.. وهو كردة فعل حاول يسيطر عليها مسك يدينها من ورى وثبتها بمكانها.. رعد بوعيد\كبرتي يا سديم وصرتي مجرمة مثل إختك.. سديم بحقد\ماشفت من إجرامي شي..أنا ناوية اقتلك وارقص على قبرك.. رعد\اقتليني بس بعد ما اقتل حنين..وارقصي على قبورنا براحتك.. سديم بغيض\تخسي تقتلها هي إللي بتقتلك..شيل يدينك القذرة عني مالك اي حق تلمسني .. رعــد\أنا أخوك زوج أختك..لي حق حتى اسلخ لحمك من على عظامك.. مساعد واقف بمكانه مصدوم من الحرب الغير متكافئة إللي صايرة قدامه بثواني كانت البنت الصغيرة إللي كان يحسبها طفلة بثواني بس تمسكت برقبة رعد وكانها ناوية تقتله.. كيف بنت بقصر قامتها وضعفها تفكر تواجه كتلة مثل رعد يفوقها بالحجم مرات.. انتبه على بعض كلامهم إللي مليان مسبات من القصيرة العصبية المتهورة.. وانفجع باخر كلام نطقه رعد إللي يتوعد البنت يسلخ لحمها عن عظامها.. راح لهم يركض وسحب رعد عن البنت بالقوة وهو يصرخ عليه.. مساعد بعصبية\إنت مجنون تهاجم بنت.. ماتخاف من اهلها يشوفونك الناس اعراض وسمعة..بيتهمونك تبي الشينة لبنتهم.. رعــد\أخرج منها يامساعد وخلني اتفاهم معها.. سديم وهي تثبت طرحتها\إيه إبعد عنه إنت خلني أربيه الكلب.. مساعد\أنتي أص ولا كلمة وروحي بيت هلك..لا تبلينا فيك.. سديم بقهر\إنت اللي انطم معه..وإنقلعوا من ديرتنا يالله اشوف.. مو مكفيك إللي سويته يارعد النذل قبل سنين..جاي ألحين وش تبي؟؟! رعد بصراخ\إختك وينها؟؟حنيــــن وينها فيه؟؟ سديم\وش تبي في أختي ما أنت سويت إللي تبي..خلاص مالك شغل فيها.. رعـد\زوجتي وابيها إنتي قصري لسانك لا اقصه وجاوبي على سؤالي.. سديم بشماتة\نعــم زوجة مين يا تافه..شكل ماعندك خبر إنت رجل مخلووووع من زوجته ..أختي الغالية خلعتك بالمحكمة مثل ماتخلع اللبس الوسخ وتقطه.. رعــد بقهر يدفع مساعد عنه بقوة ويمسك سديم ويهزها بقوة لحتى طاحت طرحتها من راسها..هو بالقوة متملك اعصابه ويحاول ما يقتل احد من يوم تذكر وش حقيقة حادثه وغيبوبته.. له أكثر من اسبوع يفكر ويخطط ويجمع ويطرح..لحتى يقدر يلقى ولده ويلقى حنن..والحين هالنتفة تقول حنين خلعتك.. رعد بغيض\أخلع ضروسك إنتي وهي..وين إختك وين ولدي؟! سديم بألم\يا مجرم تبي تكمل إجرامك إللي سويته بإختي فيني.. غيه خلعتك وأشكرها إنها تركت لي هالخبر الحلو عشان اقوله لك واشوف قهرك.. قالت للشيخ يرضيك ابقى متزوجة بجثة نايمة بالمستشفى له سنين مافاق ويمكن يكمل عمره بغيبوبته..بس الشيخ خلعها منك يعني ماعادت حرمتك ولا زوجتك.. مساعد يسحب سديم بالقوة ويدفعها بعيد عن رعد للمرة الثانية وهو مفجوع من كل كلمة نطقتها..ماتعرف ان رعد ممكن يقتلها بمكانها.. يقضي عليها بحركة بسيطة من يده اللي يعرف كيف يضعف فيها مقاومة اي شخص بحجمه بحركة بسيط على الرقبة.. بس سديم باقي مابردت قلبها الموجوع على اختها..والموجوع من خيانة رعد لها ولحنين..لازم تقهره اكثر وتنتقم منه اكثر.. سديم بشماتة أكبر\ولو تعرف وش ينتظرك يا رعد الكلب.. بس بأترك الانتصار الاكبر لحنين لحتى تصفعك بكل شي بوجهك.. خافت..إيه خافت لما شافت رعد يطرح مساعد على الارض ويتوجه لها..عرفت إنها ميته ويمكن يصير حالها بحال حنين قبل سنين..تراجعت كم خطوة وبعدها بدت تركض بكل قوتها وتصرخ تبي أحد يسمعها وينقذها منه.. تناظر وراها وتشوفه يمشي بخطوات سريعة وكانه ضامن إنها ما بتقدر تهرب..وانه بيقدر يمسكها بسرعة..ومساعد يحاول يوقفه ويصرخ عليه.. كانت تبكي ومرعوبة..الادرينالين اللي كان بدمها بدأ يضعف ويضعفها..شافت رجال واقف عند سيارته ونادت بصوت عالي وهي تبكي وشعرها يضرب بوجهها من قوة الهواء.. ألتفت عليها وناظرها وهي تركض باتجاهه.. تخبت وراه وهي تاشر بييدها على مساعد ورعد غللي بقى كم خطوة ويوصلون لها.. سديم برجاء\تكفى نخيتك..هالاثنين يبون يقتلوني..ساعدني. وصل لهم رعد ومد يده وسحبها من شعرها.. وهي بدت تصرخ وتضربه وتحاول تفك حالها منه.. مساعد نزل شماغه وحطه عليها وسحب يد رعد إللي رفض يترك شعرها.. مساعد بغضب\فك البنت حسبي الله عليك أنهبلت وقعدت..وش مسوي فيهم أنت..فكها نشفت عروقها من الخوف.. رعد\إن كنتي صادقة واختك خلعتني مثل ما تقولين ..الحين بندخل عند زوج عمتك الكلب وبأملك عليك وتشوفين كيف باسحب اختك.. سديم بجنون\تخسي إلا انت يالسافل..ماكفاك حنين واللي سويته فيها؟؟ رعـد وهو ياشر بيده على مساعد\أجل هذا بيتزوجك..وبتبقين تحت عيني لحتى القى اختك المجرمة .. مساعد بصدمة\أنت انهبلت بكيفك الدنيا..فك بنت الناس وخلها تروح لهلها..ان لك ولد وحق عندهم خذه من الرجال.. سديم\ايه ياخذه من الرجال لو كان منهم..بس هو مو كفو.. مساعد مسك يد رعد اللي كانت بتضرب سديم..وبالموت قدر يسحبها من بين يدينه لا يكسرها.. مساعد يناظر سديم وبصراخ\انطـــمي انتي ولا اسمع لك حس.. ورجع يناظر رعد إللي صار شخص ثاني\خلنا نشوف أحد من اهلهم ونتفاهم معه.. رعد برفض\أما انك تملك عليها الليلة وناخذها معنا..او باخذها خطيفة..ولا عندي باطلق شنب.. مساعد بقهر\لا والله تخسي تاخذها خطيفة..اعراض ناس هذي يروح فيها دم.. رعد بغضب\اجل تزوجها وخلصني.. سديم وتحاول تهرب من ورى الشخص الثالث اللي كانت متخبيه وراه يناظرهم بعدم فهم لاغلب كلامهم..وخايف من عصبية رعد ومحاولة ضربه للبنت القصيرة إللي ماتوصل لنص طولهم..بس شدته كلمة تزوجها..فابتسم بفرحة طفولية.. يوسف بسعادة\أنا ابي اتزوج بعد.. مساعد سمعه ومسح على وجهه بقوة\هذا اللي كان ناقصني..يوسف إنت كيف جيت اصلا؟؟ يوسف بخوف\ركبت ورى بالسيارة معكم..انت ماتجينا البيت من زمان..وكنت باشوفك فتخبيت بسيارتك.. قطع كلامهم رعد اللي ابتسم ليوسف وباسه على راسه.. رعد بخبث\يوسف تبي عروسة حلوة..؟ يوسف بسعادة\إيه مثل هذي حقت مساعد.. رعد\هذي مو حقت مساعد هذي اللعبة حقتك انت..تعال نشتريها من زوج عمتها.. يوسف يضم رعد بفرحة\ايه ايه تكفى رعد ابيها. رعــد بوعد\أبشر بها.. إلى الملتقى بإذن الله تعالى الاسبوع القادم.. ما اعتقد راح التقيكم السبت.. ربما الثلاثاء .. كونوا بخيـــــــــــر .. التعديل الأخير تم بواسطة ebti ; 04-06-20 الساعة 02:41 AM | ||||
|
|
|
04-06-20, 05:24 AM
| #17 | ||||
| يا هلا با الحامل والمحمول اسفرت وانورت سما نا ما اصدق وربي احلا خبري انك رجعتي العالم الروائات ربي يسعدك وشكل الروائه بطله بنتضارك عل نار وربي حمممممماس موفق بإذن الله ... لك مني أجمل تحية . شـكــ وبارك الله فيك ـــرا لك ... لك مني أجمل تحية . | ||||
|
|
|
04-06-20, 07:05 AM
| #18 | ||||
| السلام عليكم ورحمة الله وبركاته مره متحمسه للروايه والبارت الثاني مره روعه و (رعد و قصايد) بينهم شي كبير لدرجه انها تغير اسمها , وعيالها هم عيال رعد بس واحد منهم من نوره والثاني رعد ما يدري عنه واتوقع قصه الخلع كذبه (اتمنى انها كذبه) (مساعد و ايرم ) راح يعصب لما يعرف انه تنازلت عن الشرط ويمكن يزعل من جده , وايرم صج سامحتهم واهيا الي شرطت عليهم بس راح تزعل من مساعد ليش ما يسال عني ويهتم. (سراب و فهد) مادري ليش حسيت راح يكون في قصه حب بينهم بس طبعا عقب كره (سديم و يوسف) راح يتزوجون وراح ترد له الذاكره وبس اتمنى توقعاتي صح و موفق بإذن الله ... لك مني أجمل تحية . | ||||
|
|
|
04-06-20, 10:53 AM
| #19 | ||||
| اهلا بالحامل والمحمول فرحت كتيير لما لقيتك منزلة رواية جديدة من مواجهة رعد وسديم فهمت انو رعد قام بنذالة كبيرة معاهم اتمنى انو ما تكون متعلقة بالشرف او الروح الجد مساعد مافهمت ليش ما صالح حفيده بعد ما حللته ايرم مع انو الإثنين يموتون من شوقهم لبعض ،اذا كان يبي يعاقب نفسه فما يحق له يعاقب المسكين التاني معاه ويعيشه منبوذ فهد مع كل عصبيته وتفكيره اللي ما يخلص في التأر ما رح يلقى يحب إلا سراب ،بنت عدوه صحيح يلعن الحب شو بيذل هههه من مشهد العراك فرناس ظهرت عليه جينات العصبية والجنون اللي وارثها من أبوه وعمه هههههه أتوقع يكون هو ابن قصايد | ||||
|
|
|
05-06-20, 02:15 AM
| #20 | |||||
| اقتباس:
من طول الغيبات جاب الغنايم وعزالله انها غنيمةً جزله تصدقين كل فتره اكتب اسمك وادور رواية ثانية وماحصل ودايماً يطلع لي عنوان كاتبات مميزات بتجربه واحده ويضيق صدري اننا خسرنا قلم مبدع مثل قلمك واخر مره بحثت بداية الحظر تقريباً من ثلاث شهور وماحصلت بس الحمدلله بشرتنا امال العيد الله يسعدها ويسعدك حبيت ارحب بيك ولي عوده باذن الله للتعليق على الروايه ودمتى بصحه وسلامه التعديل الأخير تم بواسطة ebti ; 06-06-20 الساعة 06:23 AM | |||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
20Likes
العرض العادي
