آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
21-01-21, 12:38 AM
| #111 | ||||||
| مشرفة منتدى الروايات المنقولة 
|  اخر رد للكاتبة السلام عليكم ....مساء الخير للجميع ...أشكر كل من سأل عن الرواية وانتظر اكتمالها بعد الانقطاع الذي حدث ....بإذن الله سيتم إكمال الروية ...البارت رح يكون يوم الجمعة بمشيئة الله تعالى ...دمتم بخير | ||||||
|  |
|
22-01-21, 10:25 PM
| #113 | ||||||
| مشرفة منتدى الروايات المنقولة
| بارت 30 ** ** •• ام راكان جالسة بالصالة وبعناد : مستحيل باعنا علشان ست الحسن يشبع فيها ! سعاد رفعت حاجب،: انهزمي وخلي حضرتها تأخذ ولدك ! ام لؤي بتأييد : وباكر تعبي رأسه وتخليه يكره أهله لجين تكمل بخبث : انا لو مكانك ما اخليها تتهنى الا اخذ معي كل احفادي واعلمهم يخربون ويكسرون يقلبون الشقة الى دمار واخليها تقرف حالها ! وخليها تعرف انه بيت ابنك وتدخليه متى ما بغيتي ما هو عاجبها الباب يسع جمل !، ما رح تتحمل الوضع ورح تظهر على حقيقتها قدام خالي وقتها رح يتركها خالي بعد ما يعرف حقيقتها هالمنافقه! ام لؤي ابتسمت: والله فكرة مرتبة ومن اليوم رح نطبقها! يلا يمة لاتخلي لها مجال تقول شوف اهلك رموك وقت مرضك وانت تعرفين كيد الحريم !- ام راكان بعناد مجروح من ولدها الي باعها وتمسك بالغريبة : دامه باعنا خلاص انتهى كل شيء! ** ** ** متمدد بالصالة على طوله والهم والتعب واضح عليه ...هذا اليوم الثاني له في شقته وللحين أهله مقاطعينه حتى الجوال ما يردون عليه ...رفع نظره لما طلعت من المطبخ ومبتسمة بسعادة وكأنها مالكه الدنيا كلها : نسيت اسألك تحب الشوربة قاطعها بابتسامة متعبة : اي شيء !- هزت رأسها بارتياح : تدري اليوم أمي رح تزورنا ! وقدر معها اشتقت لها كثير ! كملت كلامها لما شافت سكوته وجلست مقابل له تبغى تستفسر عن كلام فياض لكن بإسلوبها : معقول ترفض ترجع مع امي للبيت قاطعها بهدوء: البنت كبيرة ما هي صغيرة على هذه الحركات ما رح تعمل كذا رفعت حاجب بتساؤل: انت ما تبغاها تعيش غمض عيونه لثواني وبعدها رد : لا تستبقي الاحداث يا رونق صحيح نسيت اخبرك جدتي اليوم جاية تزورنا! عقدت حواجبها: بس جدتي ام ناصر يقولون ما تقوم من السرير وضعها الصحي تعبان قاطعها،: جدتي صفية ! وقفت على حيلها بتذكر : نسيت الاكل على النار .دقيقة وراجعة ! بعد دقائق رجعت وابتسمت براحة :لو تأخرت شوي كان احترق الأكل حك جبهته بابتسامة باهتة اكلها بدون حرق مو ذاك الزود : الحمد لله تدرين سكت وناظر جهة الباب لما انطرق الباب وبتساؤل: امك ؟! هزت رأسها بالنفي: امي بالليل رح تيجي الحين الظهر لحظة اشوف .. اقتربت من الباب وسألت باستغراب: مين وصلها صوت تكرهه : افتحي تبغين تفتحين تحقيق ! عفست ملامحها وفتحت الباب بعد ما عدلت ملامحها سعاد ناظرتها بكره : سنة حتى تفتحين الباب ! ابعدي عن طريقي !، رونق واقفةوماسكه مقبض الباب وهي تناظر الزوار باندهاش! ام لؤي بانتقاد:ابعدي عن الباب واقفة وانت بهذا اللبس ! سعاد رفعت حاجب وهي تناظرها ...لابسة بنطلون ابيض وبلوزة حمراء وشعرها رافعيته بكماشه ولابسه عدسات رماديه ...مطت شفتها بغيرة من نعومتها ....الشبه حاليا كبير بينها وبين مريم الفرق لون العيون فقط! دخلوا وما سلموا عليها ! قفلت الباب وتوجهت لهم ...بعد السلام جراح فرحان بزيارة اخواته : كيفكم! وكيف امي؟ مطت شفته ام لؤي بقهر: مو بخير وانت تعرف السبب ! سعاد بنغزه: لوتهمك كان سمعت كلامها ! جلست رونق وهي تحس نغزاتهم عليها .... جراح ناظر رونق بمحبة واضحة وبعدها التفت على اخواته : عاد اليوم كنت مخطط ازوركم انا ورونق... اصرت تقول نسلم عليكم رفعت رونق حاجب باستنكار ما معها خبر لهذا الكلام وبمجاملة نطقت لما غمز لها جراح: ايه كنا قاطعتها ام لؤي وهي ساحبه عليها وتوجه الكلام لجراح: لا تغلب نفسك ... انا وسعاد كل يوم عندك! واعطت رونق نظرة تحدي! عقدت حواجبها رونق بانزعاج من صوت صراخ العيال ..ناظرت بجراح الي يهلي ويرحب بأخواته: البيت مفتوح لكم متى ما بغيتم ! سعاد بتفقد: تغديت ؟! ترى جبت لك معي الاكل الي يحبه قلبك رونق بمقاطعة: ليه غلبت نفسك جهزت له الأكل سعاد بسخرية: الحين تقارنين طبخك القروي بطبخي اسألي جراح خليه يقولك عن طبخي انقهرت بداخلها من كلامها.وبابتسامه ظاهرية رسمتها على محياها حتى تقهرها : عاد دوبه جراح يقولي بحياته ما ذاق ازكى من طبخي! جراح ناظرها بفجعة تبغى تورطه مع سعاد اكيد رح تنقل الكلام لامه ويزيد زعلها. ..غمزت له بابتسامه جميلة حتى يسلك لها ....وبتورط نطق وهو يشوف ملامح اخواته : طبخت لي طبخة اول مرة اسمع فيها ما عمره احد طبخها منكم ...يعني اقصد هذي الطبخة ما شاء الله طعمها غير شكل ! خزته رونق وهي تتذكر البارحة ما قدر يأكل الا كم لقمة وطلب من المطعم ! ام لؤي وهي تعلك: وكيف وضعك الحين ؟ ! انا اقول لو تنتقل لبيت اهلي بهذه الفترة انت تعبان والشقة صغيرة حتى ما تقدر تستقبل فيها ضيوف لوحدك بحاجة احد قاطعها بابتسامة: يا الضيوف مقطعين حالهم!!) ...هنا افضل رونق انزعجت منهم ومن كلامهم : اجهزلك الغداء سعاد فتحت حافظة الطعام الي احضرتها: هاتي شيء نفرغ فيه الاكل خلي جراح مرتاح هنا وجيبي بس شيء افرغ فيه الاكل .وطبخك ما له داعي رونق عقدت حواجبها: ماله داعي بالنسبة لك اما جراح ما يستغني عنه جراح اصابه صداع هذه اولها .نطق بهدوء: وش فيكم ترى ما رح يبقى شيء من طبخكم ترى ميت جوع ! تحركت رونق من الصالة و ماسكه اعصابها بقوة .... رتبت الاكل امامه وجلست تراقب الوضع ..وكلما بغى يأكل لقمة من طبخ رونق تسحب يده وتخليه يأكل من اكلها ! رفعت نظرها لاخواته ولجين يتهامسن ويضحكن بهدوء! ناظرت جراح وتقدمت وسحبت طبق الاكل الي حضرته سعاد : خلاص يكفي.....الحين دور طبخي سعاد شهقت وبردح نطقت : شفت بعينك وش عملت لجين بهجوم : انت ما تستحين على وجهك تع قاطعتها رونق بهدوء: انت ما دخلك جراح استغفر بداخله ..وضعه لا يحسد عليه واقع بين زوجته واخواته ...ما هو حاب يكسر بخاطر اخواته الي اول مره يدخلون بيته ..تناول الطبق من رونق: لا تخافين رح اكمل اكلكم كلكم ! رونق طالعت اخواته بتقييم وصدت عنهم ! بعد وقت تمدد على طوله بتعب يحس اصابته تخمه ما هو قادر يتنفس .... رونق جالسه بغرفتها بحجة عليها دراسة لانها ما تقدر تمسك نفسها اكثر من كذا ...قريب العشاء وهم للحين عندهم ! تمنت انها امها ما لغت الزيارة على الاقل تلاقي احد تكلمه ! عضت على شفتها بقهر لما سمعت صوت تكسير ...متأكده المكان صار دمار! مرت الايام وهذا حالها اخواته كل يوم عنده. والجدة صفية تنام وتصبح عندهم ...تحس المكان صار منتزة يدمرون ويطلعون ! تكتفت وهي تناظر المكان بعد ما غادروا وبقهر: اقنعني إنه هالزيارات ما هي متعمدة ! صفية تمشي بخطوات بطيئة بعد ما كانت بالحمام : عيب هالكلام ...أخواته يبغن يزورن اخوهن قاطعتها رونق: ما احد منعهم بس قرودهم بالبيت ما هو منتزه ! يعني ما في احساس جراح تعبان وازعاج ما هو طبيعي من صباح ربنا لوقت النوم! في شيء اسمه الذوق العام ! صفية جلست على الكنبه : وكاد تقصديني اني جالس عندكم ! جراح اعطاها نظره تهديد لو زعلت جدته...زفرت بضيق ونطقت : ما اقصدك انا اتكلم عن الصغار جراح بمحبة لجدته: البيت بيتك يا جدتي بس رونق متضايقة من هالوضع ..واشر على المكان! صفيه ضد رونق لأنها تشوفها السبب في خراب علاقة جراح بأهله وإخوانه ...تغير جراح حتى ما كلف نفسه يعتذر من اخوانهاو يبرر لهم اي شيء ! ما تحب الرجال الي يتبع مرته ويخرب علاقته بأهله علشانها وبلوم نطقت: انت خليك خلف سوالف الحريم رونق تعرف انها متحيزة لصف ام راكان ...نطقت بضيق : جراح ما تزوجني حتى اخدم تحت قذاره عيال اخواته ...انا مب فاضية عندي بيت ودراسة قاطعتها صفيه بسخرية:من كبر هالبيت!، يا بنت اسمعي من هالنصيحة لا تكوني من الحريم الي تقطع الزوج عن اهله! قاطعتها رونق وهي تناظرجراح : انا اقطعك من اهلك؟! جراح عافس ملامحه من التعب وما هو قادر ينطق حرف واحد ..فوق تعبه مشاكل رونق مع اهله..وبصوت هامس،نطق : اتصلي بابوك يأخذني للمستشفى صفية قامت على حيلها بخوف : جراح انت بخير رد بتعب: تعب بسيط صفية ناظرت رونق واقفه تناظرهم بصمت: تحركي اتصلي بآي احد واقفه مثل الصنم !، ** * ** ** في الجامعة وضعت راسها على الطاولة بروح ميته :مب قادرة استحملهم !، متأكده متعمدات يقهروني بهذه الزيارات ...وما اقدر اقول لهم ممنوع يزورونا هم اهله ..وما ابغى يأخذ جراح موقف مني او يزعل ! والمشكلة جدته صفية تخيلي تنام وتصبح عندنا ترجع لبيتها كم يوم...اقول واخيرا اتفاجئ اليوم الثالث عندنا ! روعة حطت يدها تحت خدها : انا لو مكانك اطردهم وامسح فيهم الارض والعجوز صفصف نعم خير زوجك مسجل الشقة باسمها كل يوم والثاني بوجهك ! والا مسمار جحا في بيتكم وجايه تتفقده! وطيب عريس الغفله وين موقعه من الجملة ! رونق رفعت رأسها بملل: منصوب عليه بسالفة المحبه ويبغون يطمئنون عليه ! امي تقول لي اخرتهم يملون ! وزوجها الموقر يقولي مع انك ما تستحقين النصيحة بس علشان امك رح انصحك لا تخسري جراح بتهورك وأهله فترة ويملون لما يشوفون استقبالك الحلو ولما يعرفوا خلاص خطتهم فشلت ! وانا طبقت كلامه واستقبلهم اممم استقبلهم عادي بصراحة ما قدرت انافق واجامل ....جراح متضايق حتى لو ما تكلم احس بضيقه تخيلي زياد الأسبوع الجاي زواجه وما اعطوه خبر ولا عزموه ..وامه مقاطعيته روعة عفست ملامحها : بصراحة غريبين ...مقاطعينه للحين !! رونق بضيق : انا ما احب اكون عثرة بينه وبين اهله ...ما أحب تكون هالقطاعة بسببي ....حتى أمه ما هي راضيه عليه ورابطه هالرضى بطلاقي ! وبغصه نطقت والدموع محبوسه بعيونها :روعة انا مو سيئة لذيك الدرجة انا مريت بأيام عصيبة خلتني اكره كل شيء ....انا مو صايعه بالعكس حافظت على نفسي ليه مصرين يشوهون سمعتي ؟! انا ما عملت لهم شيء يستحق هالمعاملة الي يعاملوني فيها ! الي يخليني اسلك بعض الامور هو جراح لأني ما ابغى اخسره لأنه يختلف عنهم الف درجة ! اضحي من اجل المحبة الي بيننا ! واجه الكل واصر على الزواج فيني وانا لازم اتحمل كل شيء حتى يستمر هالزواج ! لازم نضحي ببعض الأمور حتى تستمر الحياة ! روعة ردت بضيق لحال صديقتها : رح تفرج وتعيشين بسعادة رونق مطت شفتها بسخريه: بسعادة وأمه على قيد الحياة؟! الحين صفية ناشبه له حتى نسكن عند جدتي ام ناصر المكان واسع روعه : وافقتم؟! هزت رأسها بالنفي : جراح ما هو راضي ! روعه مطت شفتها : وش هذه الجدة !، وإذا وافق رونق ردت برفض: اكيد لاااا بس ابوي يقولي لا تعاندين تخربين بيتك علشان مكان سكن ! روعة : ابوك يعطي نصائح وهو مطلق قاطعتها رونق : صدقيني بعد التجربة نسبة كبيره من الطلاق راجعة لتدخلات الاهل بالزوجين !، روعة بتأييد : صادقة ! الا ما قلتي لي وين صفصف عنكم البارحة طالعين ومنزله صورك مع شارل ! ضحكت رونق : هذه سالفه ثانية صرنا انا وجراح نطلع بعد ما تنام سالفتها مطوله !، روعة ابتسمت بغمزه: دخيل عصافير قاطعتها رونق :دخيلك ما هو ناقصنا عذال ! روعة ابتسمت : شفتي وحده معلقه لك « جوكر ومتزوجه هالمزيون»، رونق ضحكت: شفته متأكده انها وحده من اهل جراح روعه رفعت حاجب: وش عرفك ؟! رونق بابتسامه: واضحة لاني بالصورة انا متغطيه وما هو ظاهر الا الجانب الايمن يعني اغلب الصورة لجراح وأنا جزء مني طالع ومتغطيه فكيف عرفت اني جوكر ؟! روعة بملامح رايقه : يا اختي الناس بس تبغى تلقلق اهم شيء زوجك وابنتك ودراستك اذكر قلتي انه جراح قالك لا تنزلين صوركم قاطعتها : بس هذه الصورة كلها له وانا مثل ما شفتي ما هي واضحة. ** ** ** زياد تنهد وهو مشبك اصابع يدينه ببعض ..وبنبره فيها ضيق : يعني انا المبسوط وانا اشوف اخوي كذا بعيد عني وما في تواصل ! لكن ما في حل غير كذا يمكن يصحى قاطعه راكان بقهر من انتصار رونق عليهم :ما ظنيت يصحى..تذكر لما قلت خليه يتزوجها شهر ونخلص منها مجرد نزوة والحين كم صار لهم متزوجين ؟! تكلم؟!، وملتصق فيها وباعنا بالرخص !، انت مستوعب _ وبنبرة اعلى _،مستوعب انه جراح يفضل هالقروية علينا!، جراح الي عمره ما نزل كلمتنا للارض الحين قاطعته ام راكان وقلبها موجوع : صدقني ما هو بوعيه انا اقول مسحور زياد عقد حواجبه: لزوم نتحرك بس من وين البداية ؟! راكان عبس بملامحه قهر : انا اعرف كيف اتصرف !، وقف وهو ناوي على شيء في باله ! غادر وهو مطنش تساؤل زياد وامه عن الي يفكر فيه !، * ** •* جواد ابتسم بهدوء وهو يناظرها : وبعدين!، رفعت حاجب بتذكر: ما صار شيء طلعنا من المطعم بسرعة ولا كأنه صار شيء ! تنهد وهو بداخله عدم راحه وهو يشوف بناته ما هم مرتاحين بالزواج ! وحده مشاكل مع بيت حماها والثانية قاطعت افكاره وهي تتكلم : تدري البارحة ضاع وقتي وانا اتابع فيديوهات لك على النت قبل ما اطلع لذي الدنيا !، مط شفته لما حس كلمتها ملغومه : وش رايك فيهم ! تابعت كلامها بسخرية : بصراحة لما شفتهم تعلمت درس كبير لا تصدق كل ما تسمع لانه لكل بيت اسرار الي يشوف كلامك يقول واوووووو حياته جنة مع زوجته ! رفع عيونه للسقف وهو يردد : لا حول ولا قوة الا بالله !،الحين ترجع لنفس السالفة ! ابتسمت بروقان : ما رح ارجع لنفس السالفة المهم بصراحة ما شاء الله كنت جميل ! ابتسم : يعني الحين صرت شين ! ناظرته وهي تتأمله وبعض شعرات بيض بلحيته الخفيفة .وشعره فيه القليل من الشيب : يمكن لما كنت تتصور تضع فلتر وتضبط امورك وتطلع ،وسيم ! فتح عيونه باستنكار: يعني الحين انا مب حلو يا جوكر ! احلى من جراحووووو هزت كتوفها بابتسامة جميله: انا اقول رايي مط شفته : والله! هاتي مثال لشخص جميل من محارمك خلينا نشوف ذوقك؟ ردت بتفكير : امممم نايف حلو عقد حواجبه وما عجبه كلامها: والله؟!، ومين بعد ؟! تكلمت بابتسامة : بصراحة فياض ما شاء الله جميل وشخصية وهيبة تحسه سكتت لما حست بشيء بنص جبهتها وبنبره غاضبه: انكتمي مسحت مكان الضربه بألم : ليه ضربتني! وليه زعلت ! انت الي سالت ! والا غيران! زفر بضيق وناظرها: ماكره ! الحين فياض احلى مني، ورجوله وهيبة ليه شايفيتني قاطعته بضحكة: والله ما قصدت انا جاوبت بمصداقية رد بقهر استفزته بقوة : ذوقك***** ناظرته باستنكار : زعلت؟ تنهد ورد بهدوء : ما أزعل من قلبي خزته : دوبك هفيتني والحين قلبك ! عدل جلسته : الحين خلينا من سوالفك البايخة ما صار شيء بينك وبين بيت عمك ؟! هزت حواجبها بالرفض : ناس ما يبغوني ليه افرض نفسي عليهم ؟! زفر بضيق : وجراح ما تصالح معهم البارحة ناظرته بلامبالاه:- ما تصالح هم رافضين الصلح ما يهموني دامني سعيده انا وجراح ..وهم رافضين الصلح ما هو جراح اص سكتت وهي تشوف مريم داخله ...وقفت بتردد لما شافت رونق وبعدها تقدمت سلمت على ابوها و جلست !، رفعت رونق حاجب واعطت ابوها نظرة بمعنى شفت ! جواد زاد ضيقته وهو يحس نفسه مكبل ما هو قادر يعمل شيء وهو يعرف انه راكان مانع مريم عن رونق ! جواد ناظر مريم: للحين زوجك مانزل الحطب الي في رأسه ! مريم مخنوقة من العيشة وبقهر نطقت : ما نزل ! من لما طلعت لنا قلبت حياتي !، ليتها ما رجعت قاطعها جواد بغضب : مريم رونق ببرود ظاهري : اتركها تقول كل الي تبغاه ..وخلي حضرة راكان ينفعها ! بحياتي ماشفت إنسانه ممسحة مثلك ! عديمة شخصية راكان يتحكم بتصرفاتك وانت مثل الروبوت ما لك راي ! مريم بشراسه: ما يخصك رونق بسخريه : ما شاء الله عليك كلهم يتحكمون بحياتك ! ترى كل اخبارك عندي ام راكان قالت لك ممنوع مريم بشراسه: ما يخصك روحي شوفي نفسك يا ساحرة ترى الكل يتكلم ا نك ساحرة جراح جواد نرفزه كلام مريم: وقص يقص لسانك تتكلمي على اختك كذا قاطعته رونق بابتسامة باهته: خليها تقول الي تبغى هذا من قهركم تقولون كذا ! اكيد سحرته بجمالي وجمال اخلاقي جواد بغضب ناظر مريم : مين يقول عن رونق الكلام الحين ابغى اعرف مريم بارتباك ردت : ما احد تكلم انا قلت كذا حتى استفزها قاطعها بغضب: تقولين عن اختك هالكلام حتى تستفزيها ! تراها اختك تعرفين وش يعني اخت ! ناظريها شوفي كم نسبة الشبه بينكم وبالمقابل كم قلوبكم بعيده عن بعض ! تتكلمين عن اختك وكأنها عدو لك قاطعته مريم بحرقه: لأنها اكبر عدوة لي ترى كلامها وصل لي تتشمت فيني لما الحمل نزل رونق بهدوء: انا ما تشمتت فيك مريم باندفاع: عبود ما يكذب! رونق مطت شفتها بسخرية : مو مجبورة ابرر لك لكن أنا قلتها و للحين اقولها انا قلت احسن ما تبغى نسل من هالخبيث قاطعتها مريم باندفاع: حدك راكان ما اسمح رونق ضحكت من قلبها وهي تردد: صدق ما تسمحين لي!، جواد اعطاهم نظرات نارية وبغضب: دام علاقتكم كذا مع بعض ما ابغى اشوفكم متى ما صرتو مثل الاخوان وقتها تعالوا مريم بتبرير: يبه لا تحملني فوق طاقتي لانها ما تنطاق هالبنت ! رونق لمعت عيونها بالحزن غصب عنها ..نطقت وهي تظهر عدم المبالاة :قولي بصريح العبارة السيد راكان مانعك وانتهت السالفة مريم بتأكيد: بالضبط زوجي ما يبغاني اختلط فيك وما رح افرط براكان وازعله علشانك! جواد زفر بقهر من راكان وتسلطه حرك شفته يتكلم قاطعته رونق وهي تبتسم بألم : خلينا كذا افضل عشت حياتي بدونها وما رح توقف الدنيا عليها ! وقفت وهي مستمره بالكلام : بالاذن انا تأخرت! تحركت خطوة على دخول الجازي وهي تقفل الجوال ...ناظرتها الجازي بهدوءوما علقت ! جواد تنهد وبهدوء نطق: اجلسي رونق اتصلي بجراح وانا ارجعك بعد ما تسهري معنا هزت رأسها بهدوء: خليها مرة ثانية بالاذن استأذنت وطلعت من المكان وهي تحس صدرها ضائق .... لمحت جدتها وهي طالعه من المطبخ لما شافتها رجعت مباشرة تعمل نفسها ما شافتها! مطت شفتها بسخرية وحزن يكمن بداخلها تنقهر من النظرات الدونية من الي حولها وكأنها فعلا بنت أخلاقها بالحضيض ...تكره زياد فضحها عند جدها و اعمامها وجدها اكيد خبر جدتها وجدتها وش يضمن لها انها ما تكلمت ! حتى لو ما تكلمت ...نظرات الي من حولها وكأنها خاطفه جراح او زواجهم حرام وما يجوز وإنها بنت قليلة التربية لانها ملكت عليه بدون علم احد وطلعت معه لزيارة ام مرعي ! حتى. ابوها تحسه يحاول يظهر انه طبيعي وإنه نسي سالفة زياد لكن بالحقيقة ما نسيها واكبر دليل اتصالاته الدائمة والسؤال عن مكان تواجدها !، يمكن سكوته ما يبغى فضائح ! رفعت نظرها بعد ما طلعت البوابة الخارجية وزفرت بضيق وهي تهمس: حسبي الله ونعم الوكيل ! وقت الغروب المشي فيه ينمو بداخلها مشاعر واحاسيس غير ! رح ترجع على اقدامها ما لها مزاج تشوف احد او تكلمه! قاطعها رنين الجوال ومرة ومرتين وثلاث ...وقفت ورفعت الجوال ..عقدت حواجبها لما شافت اسم فياض....ردت بهدوء: الو بدون مقدمات:وينك؟!- هبط قلبها خافت على قدر: وش صاير؟!، رد بضحكه قصيرة: علامك خفتي كذا بس طالعين وجراح يقول انك عند اهلك قاطعته بهدوء: ما ابغى اطلع قاطعها: جراح يقول عنده مشوار وقدر رافضه تطلع بدونك كتمت ضيقها قدر نقطة ضعفها...نطقت باستسلام: انا بالشارع الرئيسي طلعت من بيت ابوي صرت عند شجرة قاطعها: خليك مكانك الحين جايك !!، قفلت الخط ووقفت تنتظره على جنب الطريق،وهي تفكر جراح ما خبرها إنه خارج! بالرغم من علاقتهم الحلوة والراحة الي تشعره بوجود جراح الا انه تحسه غامض في امور عقلها ما يستوعبها وما يقتنع فيها واهم هذه الامور حبه وعشقه لها يختارها على اهله ؟! اي حب هذا الي يكون من نظرة عيون! شاف عيونه وسقط عاشق متيم بحبها ؟! هذا الشيء لا تصدقه كيف حبها من عيونها؟!! وفوق هذا شايفها ملكة جمال مع انها تشوف نفسها عادية عنده مبالغه في هذا الامر ! تفكر بهذه السالفه بس ما لقت جواب لها! يكذب إخوانه ويصدقها ؟!، ابوها وجدها صدقوا زياد وكذبوها وهو بكل بساطه يصدقها ! الهدوء الي يغلفه وان عصب لحظات ويروق بسرعة ! ما في شيء يدل على نقصان عقل فيه !، انسان طبيعي لكن الغموض إلي فيه ما تقدر تفهمه ! ليه اختارها هي من بين كل البنات؟ تحس فيه حلقه ناقصه بالموضوع ...زفرت بضيق واتصلت على رقمه ! اعطاها مشغول ...زمت شفتها بضجروناظرت خلفها وهي تسمع صوت يطرب مسامعها : سلام للحلوين ! ناظر سيارة فياض وجراح جالس جنبه وابتسامته العريضه تزين ثغره ! تقدمت بابتسامة وسعادة ولا كأنها دوبها كانت متضايقة وقفت عند الشباك وخزته: عندك مشوار؟! توسعت ابتسامته: احلى مفاجأة قاطعه فياض بضجر: ممكن يا سندريلا تركبين ؟ واقفين بالشارع! * ** ** ** يتبع | ||||||
|
| |
|
22-01-21, 10:26 PM
| #114 | ||||||
| مشرفة منتدى الروايات المنقولة
| رونق فتحت الباب وجلست جنب امها بابتسامة : كيفك يالغلا؟! فياض علق على كلامها وهو يحرك السياره : ترى دوبك قبل كم ساعة كنت معها ! الجازي براحة لقرب رونق منها : لو تغيب عني دقيقة أشتاق لها رونق حضنت ذراع الجازي بتملك :-ربي لا يحرمني منك ! قدر ناظرت رونق: ليه تأخرتي؟! رونق ناظرتها بحب : ما جلست كثير جراح التفت للخلف : كيف الأهل ردت بابتسامة باهتة : بخير مسكت الجوال بهدوء...قاطعها فياض بانتقاد وهو يناظرها من المراية: بدينا تصوير ! رونق بابتسامة :وش احلى من الذكريات ! فياض بتحذير يا ويلك لو تطلع امك بالتصوير قاطعته بضجر من تشدده : لا تخاف ما رح تطلع سندريلا ! فياض ناظر جراح الي يناظر للخلف ومبتسم لرونق : أشك احيانا بعقلك ! جراح التفت له: دام كل الي عندها بمواقع التواصل بنات وين المشكلة وفوق هذا متستره وحسابها تشرح للبنات المواد العلمية تكسب فيهم اجر ما اشوف فيها شيء سكت لما تكلمت رونق وهي تستفز فياض: مساء الخير لكل الاصدقاء اليوم رجعت لكم بفيديو جديد ...طبعا اناطالعه الحين مع امي الغالية اجمل جازية على وجه الارض برفقه زوجها الوسيم اتوقع مره طلع بالغلط بإحدى الفيديوهات ..ضحكت بخفه على نظرات فياض الحادة ...كملت بابتسامة : المهم ومعنا طالع توأم روحي جراحوووووو وجهتالكاميرا على جراح المبتسم : وش شعورك بهذه الطلعة جراح ابتسم وهو فاهم حركاتها س تبغى تستفز فياض : بصراحه شعوري لا يوصف مبسوط دام عيون الغزال معي مط شفته فياض لسخافة الجوز ! رونق بابتسامه رجعت الكاميرا لجهتها : رح اكمل معكم اليوم معي احلى بنت بالعالم قدر قدر قاطعتها وهي تناظر من الشباك :-ماما شوفي فياض وقف السيارة وبنرفزة: طفي الزفت الي بيدك ! العتب ما هو عليك معروف انه عقلك طافي لكن العتب على زوجك المحترم كم قاطعه جراح بابتسامة على انفعال فياض لأنه متأكد رونق ما رح تنشر هالمقطع بس تستفز فياض : دام كل الي عندها بنات وين المشكلة؟! فياض ناظره بقهر: وش يضمن لك انه سوسو والا فاطمه والا بطيخة انها بنت فعلا ؟! اكثر الشباب يدخلون باسم بنت علشان جراح قاطعه: عاد لا تكبر السالفة كلهم بنات وفوق هذا متغطيه الجازي حست بنغزة بداخلها تذكرت ايام جواد ما كان يغار عليها كانت تطلع كاشفة والوضع عادي بالمقابل الجازي حبيبة قلبه بس ظهر معصمها فضح الدنيا! ناظرت رونق وقلبها يخفق من النتيجة الي وصلت لها « جراح ما يحب رونق لو يحبها كان غار عليها» وخاصه أهل امها يغارون على اهلهم ! ليه جراح ما يغار على رونق ! حست بمشاعر كره تجاه جراح كيف يلعب بمشاعر رونق! رونق وهي تناظر فياض: خربت المقطع حرك السيارة فياض بغضب :-اطفي هالزفت وين ابوك عن سوالفك هذه! رونق رفعت حاجب وتعكر مزاجها بسبب فياض: ما احد له دخل بحياتي دام زوجي راضي ! جراح تنهد: حصل خير حرك السيارة فياض شغل السيارة وهو يتكلم: وقسم بالله وسيم المراهق عنده غيرة اكثرمنك يا دكتور ! جراح بضحكه : البارحة يقول لي يبغى يطلع مع رونق بمقطع يمكن يلقى معجبات رونق مطت شفتها بسخرية: لا ذول حلال عليهم ..على سيرته وينه؟ الجازي بهدوء: عند عمتي نجوى يبغى يجلس. مع عيال خالتك سمية قدر ابتسمت: ماما انا احب فارس البارحة سمح لي اقطف ورد وقال بنت الوردة تستحق احلى وردة وسأل قاطعتها الجازي وهي تقرصها بفخذتها وبترقيع نطقت:،يسألها اي صف يقول باينة كبيرة ! قدر وهي متألمه من وجع القرصة : مو كذا سآلني رونق فتحت عيونها بملامح مخطوفة تخاف قدر تجيب العيد بكلامها جراح عقد حواجبه بتذكر: فارس الي يدرس فياض يقفل السالفة : ايه الحين وين نازلين خالد يتكلم بعفوية مع قدر : قال لك فارس لو ما وقفوا بوجهنا كان فياض تغيرت ملامحه وقاطع خالد وهو يقول: وش رايكم نجلس هناك جراح ناظره وهو رافع حاجب يحس في كلام ناقص...التفت على الجازي الي تتكلم : خلينا ننزل هنا مكان حلو وقفت السيارة وقلبها يدق بقوة خايفة جراح يفهم السالفة غلط ....ما تبغى تخسره ابدا ! بعد وقت فياض جالس ويناظر رونق وجراح وقدر يتصوروا بسعادة : ما اتوقع هالسعادة تدوم ! خفق قلب الجازي من كلامه: ليه تقول كذا !، انت سامع شيء؟ فياض زم شفته ما هو عاجبه تصرف رونق: كل حركات رونق غلط! تراها تلعب بدمها بحركاتها!- ما رح يسكتون لها الجازي بقهر من كلامه: وش عملت رونق حتى تقول الكلام ؟! ملتزمة في بيتها وقائمة بزوجها واهل زوجهاما يبغونها يعني وش تعمل تروح تبوس رجولهم حتى يرضوا عنها؟! كافي انه جراح معها فياض مط شفته : لا تنسي كثر الدق يلين الحديد! ما رح يتحمل مقاطعة اهله له ...جراح يحب اهله ويحترمهم ولما تقدم على الخطوة ما توقع تكون النتائج كذا! توقع بالبداية يعارضون ويزعلون واسبوع يكون كل شيء منتهي والكل رضي بزواجه! لكنه تفاجئ بالواقع امه للحين غضبانه عليه وما تكلمه والفترة طالت ...و راكان وزياد ما رح يتحمل جراح هالجفا منهم اكثر من كذا ! ما تشوفينه يبتسم ويضحك لكن ما هو من قلبه جراح مثل الي بلع موس وما عارف كيف يطلع قاطعته الجازي بقهر:معقول يترك رونق فياض تنهد ببرود: ما رح يتركها بذي السهولة لكنه رح يبدأ يقدم تنازلات لاهله على حساب رونق حتى يرجع الموية لمجاريها وابنتك ما رح تقبل بذي التنازلات ووقتها رفع حاجب وهو يمط شفته بأسف : رح ينتهي كل شيء! الجازي تحس شيء كتم على قلبها من كلامه ...ما تبغى هالشيء يصير لأنه رونق رح تتدمر! قبل ما تتكلم اشر لها فياض تسكت وهو يناظرهم تقدموا نحوهم ! رونق جلست بابتسامة وهي تتكلم عن قدر وخالد وديما وش عملوا! رفعت حاجب باستغراب وهي تشوف وجه امهامقلوب والكدر واضح فيه ..سألت باستفهام: وش فيك يمه ؟ فياض بترقيع : متضايقة لأنه وسيم ما هو معها تبغاني ارجع جراح مط شفته بشبح ابتسامه: تلقينه الحين مبسوط مع عيال خالته واصلا ما في وقت يرجع فياض قاطعه بابتسامة: لا تخاف ما رح اتحرك من هنا ! الجازي تنهدت والحزن يحوم حولها وهي تشوف رونق تمد لجراح للجوال وتبتسم : شوف هذه الصورة! اشر فياض للجازي بعيونه تختصر وما تظهر شيء...لانه بالاول والاخير كل هذه توقعات ! فياض ناظر جراح : رح تحضر زواج زياد! جراح اكتسى الهم ملامحه وبمحاوله لاخفاء ضيقه ابتسم : ان شاء الله ...حتى لو رفضوا وجودي غصب عنهم رح اكون معهم ! فياض بتأييد : صحيح كلامك ذول اخوانك ومهما صار عمر الدم ما صار موية ! تسمع كلامهم وهي خايفة من هالزواج تخاف يطردوه ...ناظرته وهو يتكلم متحمس لزواج زياد ...تحس بألم بداخلها ما تبغى تكون العثرة بينه وبين أهله ...وش تعمل اذا هم رافضين وجودها! مطت شفتها بضيق ما وقفت على اهله حتى اهلها تحس غير مرحب فيها والنظرة الدونية ترافقهم! تركت الجوال ووقفت لما نادت عليها قدر ...تحركت بهدوء بخطوات هادئة باتجاه قدر ! بعد لحظات وصل احمد ومعه وسيم تقدم وهو يبتسم: هذا ولدكم عندكم والأمانة وصلت! وسيم جلس بهدوء ناظر جوال رونق ابتسم بخفة ومسكه بدون ما احد ينتبه عليه وابتعد عنهم ** ** ** جالسة والقهر بداخلها يغلي غلي ....ولدها يبيعها كذا ؟! ويقدم رضا رونق على رضاها ! ام لؤي وهي تناظر امها :يا يمة والله الغلط راكبك والله ما اترك ولدي لها ! هذه هي تمشيه على كيفها ام ناصر هزت رأسها بتعب: انت الي قاعدة تخسرين ولدك بسبب صدك ! كل يوم يراكض خلفك حتى يرضيك وانت تقفلي كل الابواب بوجهه! راكان تكتف: خليه اشوف كيف رح تفتح الدنيا بوجهه وامه غضبانه عليه ! سعاد وهي تعلك وترش على النار بنزين : طول وقتها تنزل صورها وهي ساحبيته من مكان لمكان وهو مثل الخروف خلفها ! راكان رفع حاجب: وانت ما شاء الله متابعه كل حالاتها ! سعاد مطت شفتها : اكيد ابغى اعرف اخبار اخوي ! لجين دخلت وبيدها جوال مريم وباستنكار: والله خالي جراح ما عنده كرامة لو تشوفون المقاطع الي منزليتها على مواقع التواصل ! زياد جالس بهدوء ويستمع لكلامهم رفع راسه وناظر لجين وهي فاتحه الجوال حتى يشوفون!، «مساء الخير لكل الاصدقاء اليوم رجعت لكم بفيديو جديد ...طبعا اناطالعه الحين مع امي الغالية اجمل جازية على وجه الارض برفقه زوجها الوسيم اتوقع مره طلع بالغلط بإحدى الفيديوهات ..ضحكت بخفه : المهم ومعنا طالع توأم روحي جراحوووووو وجهت الكاميرا على جراح المبتسم : وش شعورك بهذه الطلعة جراح ابتسم: بصراحه شعوري لا يوصف مبسوط دام عيون الغزال معي» ام راكان جحظت عيونها وهي تشوفه طالع ومبسوط وكأنه ما له امي يسأل عن غضبها عايش حياته ومبسوط وهي جالسه هنا بقهرها ابنة ابليس قلبته ما كان كذا !، عقدت حواجبها وهي تشوف مقطع ثاني وضحك جراح بارز ومعهم قدر وعيال جازي ...ما تتحمل هالشيء ابدا سرقت ولدها منها وهي جالسة هنا تندب حظها! من شدة القهر والضيق تحس ما في هواء تتنفسه وخلال لحظات كانت فاقدة الوعي ! وقف زياد بسرعة برعب وهو يشوف امه على الارض جثة هامدة سحب الجوال من لجين وضربه بالارض بقوة وبصراخ: ليه تخليها تشوفه ! وتوجه لأمه يهزها وراكان يشتم رونق ويتوعد فيها !، ** ** ** ** راكان والشرار يطلع من عيونه: ترضيك تصرفاتها! عاداتنا وتقاليدنا ما تسمح لها تعمل كذا ! حنا وين عايشين ؟! اخذت اخوي بالغصب غصب عنها تحترم عاداتنا وتقاليدنا! ابو جواد كتم القهر بداخله الظاهر هالبنت ما رح تريحهم ! جواد بداخله قهر وهو يشوف التصاقها بفياض وكأنه ابوه طالعه نازله معه وكأنهم عائلة وحدة ! زياد بتوعد: والله ان أصاب أمي شيء مارح نسكت لها ابدا! نايف بانتقاد : يا اخي لها زوج روح كلموه ابوهاوجدها على وش يقدرون ؟! زياد ناظره بقرف : انت ما تتدخل ! مسك جواله وهو يرن ...عفس ملامحه وهو يشوف اسم جراح ! اعطاه مشغول ورجعه مكانه ما رح يسامحه على كل تصرفاته ! رجع جواله يرن مرة ثانية....ابتعد عنهم وفتح الجوال بحدة : نعم ! جراح يتكلم على اعصابه : الي تقوله سعاد صحيح ؟! امي وين ؟! زياد بسخرية : واضح كثير انها امك تهمك !- جراح بضيق: زياد قاطعه زياد بحدة : ايه بالمستشفى ويا ليت ما نشوفك ما نبغى تنتكس حالتهامن جديد وكله بفضل زوجتك الموقرة تقهرها قاطعه بضيق : انا سكتت لما قفل زياد الجوال بوجهه ! زفر بضيق وكلام سعاد بذهنه بعد ما شافت المقاطع انتكست حالها ! ما يعرف ليه رونق عملت كذا ونشرت مقاطع كذا وهو منبه عليها مثل هذه المقاطع ما يبغى ! ليه عملت كذا؟! مسح على وجهه بتعب ...مل من هالحياة زوجته بكفة وأهله بكفه وش يعمل بينهم ! زفر بضيق وحرك السيارة متوجه لأمه لازم يرضيها وما يبغى القطاعة تطول اكثر من كذا ! بعد وقت كان عند باب غرفتها ...فتح الباب ودخل وهو يشوف اخوانه متجمعين حولها وهو الوحيد الي بعيد عنهم ! اشتاق لجلستهم والكلام معهم ! اوجعه قلبه لما صدت امه عنه ...تنهد بعجز وش يعمل حتى ترضى عنه ؟!! زياد رفع حاجب بحدة نطق : مو قلت لك لا قاطعه جراح بصوت مخنوق: زياد خلاص لا تزيدها علي ! اقترب من امه : يمه اهون عليك ام راكان بتعب:مثل ما هنت عليك واخترت القروية على امك وعايش معها ومبسوط !، وانا امك الي قاطعها بقهر: يا يمه انا كل يوم عندك بس انت تقفلين الباب بوجهي ! وش الذنب الي اقترفته؟ ذنبي اني تزوجت البنت الي احبها ! ليه راكان وزياد اختاروا زوجاتهم وانا قاطعته بغضب: زوجاتهم معروف اصلهم وفصلهم ما هو مثل زوجتك ! من مركز شرطة لمركز شرطة ابوها وقفته بمركز الشرطة بدون ما يرف لها جفن ! اسأل فياض يوم تكفلها لما اتهموها بمقتل طالب معها بنفس الدفعة هددها بصورها الي معه ! وتزوجتك بدون علم اهلها وطالعه بدون ما احد يعرف معك وبالاخير ترسل لزياد رسائل غرامية ! عن اي انحطاط اتكلم ! لا تقارن زوجتك بزوجات اخوانك ! تفهم ! قاطعها بغضب: ما افهم!- لانه كل هالكلام ما هو مضبوط ....رونق ما تعمل كذا ! ناظر زياد بقهر وهو يتابع كلامه: المفروض الواحد يتأكد قبل ما يتهم الناس ويفضحهم ..وكل سالفتك معي خبرها والرسالة ما هي منها الرسالة كانت من م قاطعه راكان بغضب : يكفي! انت لمتى طيبة قلبك ؟! كذبت عليك وصدقتها ؟! تغيرت يا جراااح كثير ! جراح تنهد : انا ما تغيرت بس انتم ما تبغون الحقيقة! يمه انا مستعد اعمل اي شيء تبغينه بس الا الطلاق !، الا الطلاق ما اقدر اظلم انسانة لانكم ما تحبونها ! صدت ام راكان عنه : طول ما هي على ذمتك لا انت ابني ولا اعرفك! زفر بضيق وبكذب نطق: رونق حامل تبغون ولدي يتشتت؟!! ظهرت علامات الاستنكار على ملامحهم ....ام راكان تحس انفاسها ضاقت عرفت هالشيطانه كيف تثبت نفسها! راكان ضرب الارض بقوة: انت زياد اكتفى بالسكوت وعيونه على امه الي نزل عليها الخبر مثل الصاعقة! ام راكان بغضب نطقت:،براااااا حسبي الله عليها حسبي الله عليهااااااا زياد تنهد وبعدها نطق: انتظري يمه بما انه بلقيس حامل المفروض ننظر للموضوع من زاوية ثانية! عقد حواجبه بعدم فهم : كيف؟!! ** ** ** ** وضعت الكتاب بتعب جراح من الصبح طالع ورح يتأخر حسب كلامه..مدت يدها حولها تبحث عن الجوال ...رفعت الوسادة يمكن تحتها ..عقدت حواجبها بتذكر ...اكيد بحقيبتها البارحة لما رجعت نامت وما مسكته ....تكاسلت تقوم تجلبه.... قررت تغفى شوي تريح نفسها ..غمضت للحظات سرعان ما نقزت لما دخل جراح وهو ينادي بإسمها ! دخل الغرفة بملامح ضايقه ....وقف يناظرها مفزوعة: وش فيك ؟) سألها بملامح حادة: وش هالمقاطع الي نزلتيها ؟! عفست ملامحها بعدم فهم : اي مقاطع قاطعها بغضب: لا تستهبلين! بسبب هالمقاطع امي دخلت المستشفى اقتربت منه باستنكار: مستشفى ؟! انا ما نزلت شيء فتح جواله وهو يمده لها : وش هذا؟! انا نبهت عليك تنزلين بس دروس تعليمية أما بهتت ملامحها وعقلهاما هو مستوعب شيء ! تكلم بحزم: ما ابغى اي حساب لك على مواقع التواصل خلاص احذفيهم ما هو ناقصنا مشاكل ..مب مستعد افقد امي تفهمي! زمت شفتها بتعجب: والله! الحين علشان هذا المقطع دخلت امك المستشفى ؟! عملت امك هالفيلم والاكشن حتى قاطعها وهو يضغط على فكها : امي انتبهي تغلطين عليها ! دفته عنها وبقهر نطقت : قول هذه أوامر اخوانك لكن باحلامهم والله ما احذف شيء والي ما هو عاجبه لاقرب طوفه ويطق راسه ! تكتف وهو يناظرها باستنكار: ما شاء الله زفر بضيق وبعدها نطق وهو يمد يده: وين جوالك؟! ردت بهدوء: اكيد فاضي من الشحن وين الشاحن؟!- تقدم من الادراج....اخرج الشاحن ..و بعدها ناظرها بندم: رونق يمكن كنت منفعل بس لا تلوميني انا داخلي هموم ربي يعلم فيها....الكل واقف ضد حياتنا ...ومع ذلك لازم نتعاون وينجح هالزواج! بفعلتك ذي زادت الامر سوء! ابوك وجدك واهلك بأقصى غضبهم بسبب هالتصرف! حتى فياض اتصل وصوته يرعد اتصل فيك وما تردين عليه ! امك طالعة بالفيديو وجن جنونه! يا ليت بس تفكرين بعواقب الامور قبل ما تقدمين على عملك! والحين تفضلي لحقي على نفسك اتصالات ...اشرعلى جواله ..تقدمت من الجوال وهي بحالة صدمة من الموقف الي صار وهي ما معها خبر عنه ..شافت اسم امها...ردت بملامح جامدة...الو الجازي بلوم: رونق احذفي المقاطع ترى واحد من المقاطع طالعه فيه وفياض معصب على الاخير تنهدت رونق بملامح عابسه وبداخلها دوامه مين نشر المقاطع...وبنبرة فيها ضيق نطقت: ما عليك ... وفياض انا اتفاهم معه انت لا تدخلين نفسك بالسالفة! انهت المكالمة وتحس الدنيا قفلت بوجهها مين عمل كذا بدون ما يخبرها ؟! رفعت نظرها لجراح واقف فوق رأسها وهو يؤشر على جواله ...رجع يرن مرة ثانية: يلاااا ردي مطت شفتها بقهر وناظرت جواله واسم أبوها على الشاشة...اخذت نفس واعطته مشغول ...وقفت وناظرته بتعجب والقهر واضح بعيونها: انتم ليه مكبرين الموضوع كذا ؟ رح افرض اني نزلتهم وين المشكلة؟ قاطعها بقهر وهو يصفق بيدينه: انت نزلتيهن وخلصت!!!! رونق انا وافقت انك تعطين دروس علمية اما تنزلي حياتنا وتنشريها للعالم حتى تقهري فلان وعلان هذا مرفوض نهائيا تفهمين ! اعطيني الجوال الحين رح احذف كل حساباتك قاطعته لما اقترب منها وبتهديد: جراح ما اسمح لك ترى قاطعها بسخرية : وش رح تعملين تذبحيني بالمشرط؟ بهتت ملامحها من كلامه ... الظاهر إنه جالس مع اهله ولعبوا بعقله والحين رح يتحكموا بحياتها وبكل صغيرة وكبيرة يتدخلوا مثل مريم بالضبط ما لها رأي أو شخصية ! هذا الشيء مستحيل تسمح فيه! خلال ثواني غافلته وطلعت من الغرفة ومعها حقيبتها وبسرعة وتوجهت للغرفة الثانية وقفلت الباب بالمفتاح! استندت على الباب وزفرت بضيق ! جلست على الارض وهو يطرق الباب بهدوء: رونق افتحي...رونق افتحي الباب ردت بصوت قوي :،ما رح افتح وحساباتي ما تنحذف هالكلام وصله لأهلك ما لهم علاقة بحياتي! والفيديوهات ما رح تنحذف وخليهم ينقهروا وكل شوي رح انزل مقطع وافضحهم قدام الناس خليها تعرف تسلطهم وظلمهم قاطعها بتوعد : ورب الكعبة يا رونق ان نزلتي شيء ما يصير خير ! زفر بقهر لما ما شاف منها رد ....ضايقته بهذا التصرف بكل. جهده يحاول يصلح ا لوضع بينه وبين اهله وهي بتصرفها خربت كل شيء! امه مصممه على الطلاق ورافضه كل الحلول الي اقترحها راكان....... غير الطلاق ما ينزل الحطب الي برأسها! نطق بتهديد : رونق وقسم بالله اذا ما فتحتي الباب الحين ما رح يصير خير معك 5 دقائق افتحي الباب! عقدت حواجبها باستغراب من كلامه ...وش يقصد؟! مطت شفتها يظنها بزر يضحك عليها بهذا الكلام يقال يخوفها! فتحت حقيبتها حتى تأخذ الجوال ...رفعت رأسها لما حست بطرقات على باب الشقة... اقتربت من الباب وسرعان ما نقزت لما انطرق باب الشقة بقوة ! بلعت ريقها وهي ملتصقة بالباب حتى تعرف مين ! تصلبت ملامحها وهي تسمع صوت ابوها وهو يسأل: وين رونق! وصلها صوت جراح الهادي ولا كأنه دوبه كان معصب : ارتاح يا عمي الحين تيجي! نادى بصوته الهادئ : رونق يا رونق تعالي! زفرت بضيق ما رح تحسس ابوها إنه بينهم شيء .....فتحت الباب وخرجت بهدوء ...رفعت حاجب وهي تشوف ابوها وقف وعيونه تقدح شرار : هلا هلا وين جوالك وتعالي صوريني ونزلي المقطع على حسابك !!! زمت شفتها بضيق من نبرته الساخرة ...تابع كلامه : انت قاطعته رونق بقهر: الي يسمعك يقول قاطعها بقهر: ولك عين تتكلمين بقوة عين ردت بنبرة قوية:،لأني ما عملت غلط وما في شيء اخاف منه قاطعها بنبره اقوى فيها تهديد: رونق صوتك لا يعلى علي وتكلمي بأدب ! ناظر جراح باستفسار: حذفت حساباتها؟! عقدت حواجبها باستنكار يعني هالاوامر من ابوها! اكيد انها من جدها كمان! صكت على اسنانها بقوة من تدخلهم ...ناظرت جراح الي رد بهدوء: قلت لك ما رح تحذفهم الا بكيفها إن بغت تحذف حساباتها او لا هذا شيء راجع لها...والمقاطع اكيد رح تحذفهم لأنه قدر نزلتهم وهي تعبث بجوالها ! ورونق ما عندها خبر ! عقدت حواجبها من كلامه ! جواد بعدم تصديق لترقيع جراح : حتى لو كان بالغلط ما ابغى يكون لك حسابات والي يبغى يدرس يا كثر المراكز الثقافية ! انا احذرك اسمع صوتك والا صورة لك على مواقع التواصل تفهمين! ردت وهي تتوجه للمطبخ: رح احضر القهوة! ناظر جواد جراح بقهر وجلس : جراح احذف حسا قاطعه جراح بهدوء: ما رح يتكرر هالشيء ! جواد زفر بغضب : يا برود اعصابك! رفع حاجب وهو يكمل كلامه:سمعت انك رح تنتقل عند جدتي أم ناصر جراح هز رأسه : حتى اكون اقرب لامي لعلها وعسى ترضى!- جواد ينقهر من رفض اهل جراح لرونق ....رفع نظره لرونق الي مدت له بالضيافة: تفضل جواد تناول وهو يتكلم حتى يشوف رد فعل رونق: متى ناوي تنتقل لبيت جدتي ام ناصر ! جراح بهدوء:نهاية الاسبوع على الأرجح جلست وهي حاسه نفسها سمعت غلط: بيت جدتي ام ناصر؟!! جواد هز رأسه بتأكيد:، افضل مكان لكم ولا تنسى جدتي تعبانة وبحاجة لأحد يكون عندها تكلمت وهي تحاول تمسك أعصابها : جدتي بيت عمك ناصر عندها قاطعها جواد بنظرات نارية ناقده: عمك ناصر اعتقد! وبعدين ام راكان ما هي 24 ساعة عندها يكثر خيرها تعتني بجدتي واكيد تبغى احد يساعدها رونق بملامح معفوسة: مريم تجلس عندها بما انها زوجة الغالي ! جراح بملامح منزعجة : رونق ناظرته بقهر:-رونق !!!! يعني انت بنظرك ينفع اعيش مع اهلك بنفس البيت ؟! انا ما عندي مشكلة بس اهلك رافضين وجودي وانا إنسانة ما عندي طول بال وان غلطت ما رح ترضى على الشيء هذا ! يعني حنا رح نخرب حياتنا هناك لأنه ألف واحد رح يتحكم فينا ! رح نوصل لدرجة نستأذن من جدي اذا يسمح لنا نطلع او لا ! جواد بغضب من كلامها: خلاص انت ما تحترمين أحد ! جدك يبغى مصلحتك! بس انت سكت بقهرمن تصرفاتها وبعدها نطق: لمتى وانت ما تحترمين اهلك! وقسم بالله طق قلبي من تصرفاتك وارقع من خلفك صغيرة جاهلة لمتى! صغرتيني قدام الكل! الكل يناظرني ما لي كلمة على ابنتي لانها بكل بساطة ترمي كلامي بعرض الحائط وتنفذ الي برأسها وما هي سائلة عن اهلها ! لمتى يا رونق! احاول بجهدي اني اسعدك بس انت تقابليني قاطعته بقهر من كلامه: انا وش غلطت بحقك يبه! جراح انت قاطعها جواد بقهر: لا تستغلي نقطة حب جراح لك وتصغرينه قدام اهله ...تراه اعلن انه رح يسكن عند جدتي ..تدرين الاغلب يناظر بسخرية يقولون رح تمشي رونق كلمتها عليكم وما رح ترحل! تعرفين وش قال لهم جراح::! رد عليهم بثقة وهو يقول « رونق ما تتركني لو اسكن بصحراء الا تترك كل الدنيا وتتبعني» ناظرت رونق جراح وملامحه جامده يحملونها فوق طاقتها ! زفرت بضيق ونطقت : على اساس شرطتم على جراح بيت مستقل والحين جواد قاطعها: عنيدة وما تسمعين الكلام لو فياض الي طلب منك مباشره تقولين أمرك! تزوجتي بدون علم اهلك ونفذتي كلام فياض ورميتي عاداتنا وتقاليدنا بعرض الحائط !، ترى انا ابوك ما هو فياض! ترى طق قلبي من تصرفاتك جراح اشر لجواد بشويش: عمي لا تنفعل بزيادة ! ترى رونق تعزك وتحترمك قاطعه بقهر : لو تحترمني كان سمعت كلامي مطت شفتها وهي تحس بالاختناق من هالموقف ....تكلمت بصوت ظهر فيه الضيق: مثل ما تبغى اذا ودك الحين ننتقل عند جدتي ام ناصر ما عندي اعتراض! جواد حس انه سمع بالغلط ...ناظرها بعدم تصديق وهي تتكلم : والمقاطع الحين احذفها ! في شيء ثاني مضايقك؟! هز رأسه وهو يناظرها: ايه فيه ....فياض يا ليت تخففي علاقتك معه امك ما لي علاقة فيك اما فياض يا ليت كتمت قهرها وردت : انا ما لي علاقة بمشاكلك مع فياض ! ناظرها بقهر: عنيدة! رفعت نظرها للسقف تصبر نفسها على هالأوضاع! بعد وقت غادر ابوها ..ناظرت جراح باستفسار: ليه قاطعها بملامح مقلوبة وزعل : اشوف ابوك علشانه وافقتي تحذفين المقاطع وكمان وافقتي تنتقلين وأنا قاطعته بتبرير: انت بغيت احذف حساباتي قاطعها بنبره أعلى:انا قلت تحذفين المقاطع رونق بتأكيد : لا انت طلبت احذف قاطعها: رح افرض اني طلبت منك تحذفين الحسابات لذي الدرجة كلمتي بالارض؟!!! رونق خذيها على بلاطة ..صحيح اني حبيتك وعاندت الكل وتزوجتك هذا الشيء ما يعني اني اسمح لك تكسرين كلامي وتهمشي وجودي ! انا لما اقول شيء تنفذيه فهمتي! قلت لك من قبل صورك لا تنزليها على الزفت لكن ما ادري وش هدفك من هالشيء؟؟!!! واقفة تناظره وهو يتكلم وهو متنرفز من تصرفاتها ....تحس فعلا إنها غبية لما ظنت انه غير عن إخوانه ..غير عن أهلها ....التسلط يسري بدمهم. غمضت عيونها لما قفل باب الغرفة بقوة بعد ما انهى كلامه! اخذت نفس عميق وهي تحس بخنجر وسط حلقها ! توجهت بخطوات هادئة باتجاه الشباك تناظر بصمت وهي تفكر معقول غلطت بشيء؟!! هي ما عملت شيء حتى تنقلب امورها كذا! ليه دائما الامور تسري ضدها....... ** ** ** ** راكان بتأكيد على امه : يا يمه لا تخربين مخططاتنا! ام راكان بقهر : ما اطيق اشوفها! راكان بخبث: ما عليك منها لازم نسحب جراح لصفنا ...لازم تكوني حريصة حتى يشوف الجانب السيء من رونق ..خليها يكتشفها على حقيقتها ..طبعا هذه مهمتك انت واخواتي ! ام راكان زفرت بضيق : متى اليوم الي نتخلص منها ! راكان بتفاؤل : قريب كثير ! ** ** ** ** انتهى البارت ....لنا لقاء قريب بإذن الله دمتم بخير | ||||||
|
| |
|
22-01-21, 11:29 PM
| #115 | |||||||||
| عضو ذهبي 
| راكان جعله يموت وتلحقه مريم وكل إلي يكره رونق🙏 راكان ولجين كل شوي مطلعين لهم مشكلة خوفي جراح ما يتحمل ويطلق رونق💔💔💔😭 ودي ما يفترقون رونق وجراح 😥 حرام المسكينة ما قد ذاقت السعادة ..😭 ووش هالخطة إلي مع راكان .....؟😱 افف ما اقدر اقول الا الله يعين رونق عليهم 😭 بإنتظار البارت الجاي عساه يبرد القلب «« مع اني ما اظن 😒😒 | |||||||||
|
| |
|
24-01-21, 02:38 PM
| #116 | ||||
| عودا حميدا دامة افراحنا برجوعك المميز. العاقبة للكاتبة وطن نورة طال الانتظار ياوطن؟ رواية حوريتي ، اسمتني امي قربى ودمية جميلة للبيع وغيرها كم جميل لو نحيى لنرى تتمتها .ربما لايعلم الكاتب مدى تعلق قرائه به والالما استطاع ترك الرواية. عذرا اعلم انه هناك ظظروف...... | ||||
|
| |
|
30-01-21, 12:28 PM
| #119 | ||||
| الى عزيزتي الكاتبه حبيت انبهك يا غاليه انك كتبت هذي الآيه خطا «سبحان الذي سخر لنا هذا وما كنا له بمقرنين الخطابكلمة بمقرنين والصواب هو «سبحان الذي سخر لنا هذا وما كنا له مقرنين" بدون زيادة حرف الباء اسعدك الله سعادة الدارين | ||||
|
| |
|
| أدوات الموضوع | |
| انواع عرض الموضوع | |
|
|
27Likes
العرض العادي
