آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-04-21, 02:36 AM
| #221 | |||||
|  اقتباس:
يعطييييك الف عافيه على مجهودك مشرفتنا الغاليه ❤️❤️، والخطأ وارد | |||||
|  |
|
26-04-21, 04:26 AM
| #222 | |||||||
| مشرفة منتدى الروايات المنقولة 
| اقتباس:
| |||||||
|
| |
|
17-05-21, 08:43 PM
| #224 | ||||||
| مشرفة منتدى الروايات المنقولة
| بارت 39 *** *** *** ** بعد العصر اجتمعوا عند ابو جواد ...جواد ناظر جراح بهدوء وما نطق ! زياد بهدوء ناظر عمه: وش قلت يا عمي! ابو جواد ناظر جراح وبعدها جواد ...ونطق بهدوء: السالفة طالت وما هي حلوة قدام الناس هذا الوضع ! الحين جواد يعطي رونق خبر وتتجهز وتنزل لزوجها قاطعه جواد بجمود: انا قلت لك من قبل يبه رونق وجراح مستحيل يرجعون لبعض ...ما لك نصيب عندنا يا جراح واتمنى بدون شوشرة ترسل ورقة الطلاق وما له داعي نرجع للمحاكم مرة ثانية! جراح رفع حاجب وبداخله قهر من جواد وبنبرة حادة نطق:اتوقع هذا الامر يخصني انا ورونق قاطعه جواد بانفعال: رونق ما لها كلمة بعد كلمتي! ابو جواد ناظر ولده بغضب من عناده ...وبقوة نطق يبغى يضع حد لهذه المهزلة: جواد لهنا وكافي! سكتت لك بالمرة الأولى وكانت نهاية المطاف خسرنا عبدالله ومريم ! لو ما انتقلت هناك كان الحين موجودين معنا والسبب رونق ...وللحين متمسك فيها! زياد نطق بانتقاد: ما يصير كلامك هذا يا عمي ! مريم وعبدالله انتهى اجلهم وكل هذه أسباب وربنا ذكر بالقران إذا جاء أجل الانسان ما يتأخر ساعةولا يستقدم قاطعه ابو جواد بندم : استغفر الله!، والله يا ولدي فيني حره هنا ما انطفت! جواد اختنق لفقدان عياله ..عبدالله الي كان ينتظر الساعة الي يزفه ويزوجه ويفرح فيه ..كيف كذا فجأة يختفي وما له أثر ! راكان تكلم بهدوء: ربي يرحمهم ويجعل الجنة مثوى جميع المسلمين...ما نبغى نظل على اعتاب الماضي ونقول لو ويا ليت ! كم تمنيت يرجع الزمن ونصحح اغلاطنا ..انا خسرت مريم بسبب عنادي ....لا تكرر نفس الغلط يا جواد ...وارجع رونق لزوجها ..لا تنسى بينهم ولد ! جراح ناظر راكان مب مصدق انه تكلم كذا ..التفت على جواد يشوف رد فعله جواد تكلم برفض: انت ومريم شيء وجراح ورونق شيء ! زواجهم من الاصل غلط! ليه نستمر بالغلط؟! رونق عاشت حياة مختلفة عن حياتنا وليه اظلمها حتى تتأقلم وتعيش حياتكم ؟! انا ابوها واراعيها انت مب مجبور تتحملها ولا تنسى الأحداث الي صارت بالاخير ما رح تنساها انت واهلك وهي ما رح تنسى قاطعه جراح :هذا تابع كلامه جواد وهو يقطع عليه: انا رونق رح اطلقها منك ابو جواد صرخ بغضب: خلااااص كافي! وانحنى بتعب وهو يتكلم: انت تبغى تجلطني بكلامك يا جواد ....وش قاعد تهبب ؟!! جواد بحزم : رونق ما رح ترجع لجراح ابو جواد تفشل من جراح انتخاه حتى يرجع رونق ويصير كذا ...بنبرة حاده نطق: رح ترجع جواد لما شاف اصرار ابوه ...عرف انه ما رح يقدر على كلمة ابوه نطق بتعجيز: ترجع بس بشقه بروحها مع اهلك ما تسكن راكان باعتراض: كيف وبيته جواد بإصرار: رونق ما تسكن إلا بروحها في بيت مستقل وغير كذا ما عندي ! جراح عقد حواجبه: وليه اهلي وش فيهم ؟!! زياد بانتقاد: احمد ربك إنه رضينا تسكن معنا بعد سوالفها قاطعه جواد بقوة: وليه ما ترضى ان شاء الله يا حضرة الدكتور؟ سحرتوا ولدكم ولبستوا التهمة لرونق حتى تتخلصوا منها...بصراحة انا ما اضمن امك واخواتك يكيدون لها مرة ثانية قاطعه جراح وعقله يرفض هذا الاتهام لأمه وبقوة نطق: حدك امي ما اسمح لك بكلمة وحده عليها! دام وصلت فيكم تتهمون أمي بكل جرأة ابنتك ما ابغاها خللها عندك والله من باكر الا اتزوج الي تسواها وتسوى عشرة مثلها! جواد بانفعال: بقلعتك من زينك ! من باكر ترسل ورقتها والله لازوجها لواحد يسواك ألف مرة ! جراح بعناد: وما رح اطلقها وخليها معلقة طول حياتها واشوف وش يطلع بيدك! رمى اخر كلامه وطلع وهو مفور من العصبية هو الي المفروض يزعل وهي تتأسف له ! وفوق هذا يتشرطون عليه! ضرب قلبه بقوة اخخخخ من هالقلب الي ما حب الا هالرونق! ** ** واقفه قريب من المجلس تسمع كلامهم بعد ما خبرتها الجازي انه جراح يبغى يرجعها! تحس الصدمة اعتلت ملامحها من كلام جراح. ....ناظرت جدتها الي واقفه تسمع معها ! بعد خروج جراح ابتعدت بخطوات ميتة نحو الصالة ...جلست على الكنبة جسد بدون روح! اقتربت ام جواد منها وبضيق: اذا كنت تبغين زوجك ليه تعملوا كذا من الأساس...صدقيني جواد ما رح يجيبها على البر ولدي واعرفه! رونق ناظرتها باختناق وعيونها تلمع بالدموع: ترى أبوي ما طلب شيء بس شقة مستقلة ولا تنسين هذا شرط زواجنا من قبل يعني ما جاب شيء جديد! ام جواد زفرت بضيق: كلام ابوك ثقيل يعني يتهم امه انها الي سحرته قاطعتها بمرارة: جراح ما قبل هالكلام على أهله لكن انا صدق فيني على طول ! أنا عشت معه سنوات ما هو يوم ويومين لذي الدرجة ما يعرفني ويصدق هالكلام! رفض هالكلام عن أهله وعصب أما أنا سمعني كلام ثقيل وجرحني ام جواد قاطعتها بمواساة : صدقيني رح ييجي يوم وتطلع براءتك ما عليك الا بالدعاء! دخل ابو جواد ومعصب من جواد: انا بحياتي ما شفت مثلك يا جواد! جواد من خلفه بعناد : يظن بنات الناس لعبة! بقلعته! اقترب من رونق وبغضب: وربي يا رونق لو اسمع انك كلمتيه والا التقيت فيه ما يحصل خير تفهمييييين! ابو جواد بغضب: انت وبعدين معك ! ام جواد بهدوء بضيق: لا حول ولا قوة الا بالله ! ابو جواد بغضب والشرار يطلع من عيونه: يبغى تصير سيرتنا على كل لسان ! طلق مريم من قبل والحين الدور على رونق ! وبنبرة تهديد وهو يرفع يده : اسمعيني يا جواد وقسم بالله اذا تدخل المحكمة وترفع قضية على جواد لساني ما يناطق لسانك وغضبي عليك طول حياتي! جواد باعتراض: بس قاطعه بنبرة اقوى: انكتم! هذه اخرتها توصل بيني وبين عيال اخوي المحاكم ..اخخخ لو ابوي عايش ويشوف هالحال! تشتكي على عيال عمك يا جواد! اااه لو اخوي عايش الا يموت من قهره وهو يشوف عيالنا حالهم كذا! اسمعني زين يوم طلاق رونق هو يوم انقطاع العلاقة بيني وبينك ! ما تبغى ترجعها بكيفك خليها منطقه عندك لكن الطلاق مستحيل تفهم ! أعطاه نظره قوية وتوجه لغرفته! جواد إلي يختنق من تدخلات ابوه ...ناظر أمه بقهر: يمه لمتى قاطعته بوجع : طلبت تنتقل من هنا وتركناك على راحتك وشوف النهاية طلقت مريم وبعدها فقدتها للأبد مع عبدالله رد بوجع: يمه خلاااااص كافي ....ترى للحين جرح فقدهم ينزف ...مب قادر اعيش بشكل طبيعي ....احس نفسي بحلم بأي لحظة رح أصحى منه وألقى مريم تتشاجر مع بناتها وعبدالله طالع مستعجل لشغله!- ارحمووووووني ما هو كل ساعة تذكروني بفقدانهم وترشون ملح على الجرح! ناظر امه ودموعه على وشك النزول ...انسحب من المكان وهو يحس بالاختناق ! تنهدت رونق وناظرت جدتها الي تبكي بصمت! مسحت ام جواد دموعها ونطقت : كلما اشوف بنات مريم احس شيء يخنقني هنا! رونق اكتفت بالصمت وعيونها تلمع بالدموع ...وقفت وتكلمت بخفوت: الله يرحمها! ** * ** ** في اليوم الثاني ام راكان مطت شفتها بقهر: والله ويطلع لها تدلل وتتشرط ! والله لو عنده احساس الا يروح ويدفن نفسه على هالبنت الي مفتخر فيها! وش يعرفنا يمكن ساحرة أبوها كمان وإلا جواد يعمل كذا؟! تخيلي يمه عندها دوام مسائي وتنام برا البيت والوضع عنده عادي ! انت متخيله جواد يسكت ويوقف معها! صفية ناظرت جراح الي جالس معهم والجوال بيده والسماعات بإذنه : يعني وش نهاية السالفة اما يطلقها ولدك او يرجعها ! سعاد بقهر من نايف الي كذب وقال انه مسافر ولما سمع بابنته سرعان ما كان موجود ...تركها وما سأل عنها ولا عن عيالها ! نطقت بقهر: ليتها ماتت بدل مريم! رفع رأسها وناظرها بغضب من كلامها .قلبه ما يستوعب فكرة فقدان رونق للأبد وبغضب نطق: انت وش علاقتك فيها ؟! وش تبغين منها ؟! أبغى أفهم ليه كارهيتها هالكثر؟! سارقه حلالك ؟ ام راكان ناظرته بانتقاد : على اساس حاط بإذنك سماعات !! انت ما تحترم اختك إلي اكبر منك ! يكفي حياتها تدمرت بسببك مط شفته بقرف: على اساس نايف مجنون فيها...ترى جاءته على طبق من ذهب! شوفيه طلق وهرب حتى ما احد يجبره يرجع ابنتك! سعاد بغضب: سمعتيه يمه! طنش ورجع السماعات لاذنه واسند رأسه على الكنبة وبداخله تشتت وضياع... غمض عيونه ونفسيته تعبانه من بعده عنها ! ام راكان كشت عليه: مالت عليك دمر حياته وهو ينتظر بلقيس! وطول سنوات الزواج ما معه الا ولد واحد! اااااه حسرته هنا بقلبي! سعاد عابسه ملامحها حملت نفسها وغادرت وهي تفكر بعمق! صفية بهدوء : ربك يعينك! سكتت وهي تشوف جوال ام راكان يرن ...ردت ام راكان على الجوال..بعد دقائق قفلت الخط ...ووضعته مكانه وناظرت امها الي تسألها عن هوية المتصل! ام راكان: هذه ام فياض اتفقت معها نزور ام ناصر مع بعض ..بس تعتذر اليوم لأنها رايحه لاختها ام سالم تبارك لها عندهم خطوبة! صفية هزت : اخبر عيالها متزوجين والا حفيدها ام راكان : لا لا تقصدين فارس! المخطوبة حفيدتها! صفية باستغراب: وغريبة للحين ما زوجوا ولدهم ! ام راكان تنهدت بحسرة: كل العيال مثل بعض يحرقون قلب اهلهم علشان بنت الله اعلم من وين تكو ن! تخيلي كمل دراسة وتوظف وابوه يحاول فيه يخطب وهو معند ما يبغى ..يقول في بنت في باله متى جاءت الفرصة رح يخطبها مباشرة ...بس يبغى وقت حتى تتحسن الظروف صفية: ومين هذه البنت؟! ام راكان هزت رأسها بالرفض:ام فياض ما تعرفها لكن تقول انه نجوى وسالم ومريم وحتى الجازي يعرفونها ولكن الكل متكتم على السالفة! بس الي عرفته إنها كانت تدرس معه ويحبها من ايام الجامعة ! صفية مطت شفتها بجعرفه: ماشاء الله والله هالجيل ينخاف منه! وليه ماخطبها؟! ام راكان بتوضيح بدون ما تعرف إنه هالكلام رح تزيد النار المشتعلة بداخل جراح : هو ايام الجامعة خبر البنت انه يحبها ويبغى يخطبها بس اهله رفضوا والحين لما شافوا انه مصمم عليها وافقوا اهله عليها ..والله اني احس بمعاناة اهله يوم يخطبون بنت ما يبغونها! وقف على حيله وهو يسمع كلام امه والنار تشتعل بداخله وتوجه للخارج! صفية رفعت حاجب بدون ما تنتبه لخروج جراح: وليه اهله ما وافقوا عليها؟! دوبك تقولين ام فياض ما تعرفها ؟! وحتى أهله امام ام فياض ينكرون معرفتها ؟وهي شاكه انه يعرفونها ؟!!دامهم رفضوا البنت اكيد يعرفونها ؟! احس السالفة ما هي متراكبه! ما ادري احسها ما دخلت عقلي! ام راكان بتوضيح لأمها: تقول هم رفضوا البنت بدون ما يعرفونها ما يبغون يخطبون له بنت من الجامعة ! هزت صفية رأسها بعدم اقتناع : اها ** ** ** ** ** واقفه تساعد الجازي بهدوء بتحضير العشاء ....الجازي بدون نفس كلمتها :، شوفي بهذه الخزانة! ناظرتها رونق للحظات وبعدها توجهت للخزانة وهي ما هو عاجبها طريقة كلامها معها ! تنهدت وتابعت تجهيز العشاء ...التفت على ابوها الي دخل المطبخ وسحب له كرسي وجلس بعد ما رد السلام ...ناظرته رونق وابتسمت له وهي ترد عليه السلام مع الجازي! انمسحت الابتسامة وهي تشوف هالكشرة والعبوس على ملامحه من بعد موت اخوانها ما فكها ! الجازي تكلمت: نادي البنات هزت رأسها رونق وخرجت ...بعد وقت قصير اجتمعوا على سفرة العشاء ....كتمت وجع ظهرها وانشغلت مع بنت مريم الصغيرة ... ووضعتها مكانها على الكرسي وهي تسمع صوت ولدها يبكي : قدر انتبهي للبنت قاطعها جواد بجمود وهو يشوف البنت بدأت تبكي: كملي لها اكل وبعدها روحي لولدك ما رح يصير عليه شيء لو بكى! ناظرته للحظات وبعدها جلست وعقلها عند ولدها ...لبثت شوي وبعدها غادرت بدون ما تعطي فرصة لأحد يعترض ! ناظرت ولدها ووجهه احمر من كثر البكاء ...حملته وهي تهز فيه : خلاص يا قلبي ! بعد وقت نام ....تحركت للمطبخ كان الاغلب كمل اكل ...وقفت الجازي وتكلمت بجمود: نظفي المطبخ قبل ما تعترض تكلم جواد:وش فيك تناظري كذا! ردت بهدوء: ما في شيء خلي لين وقدر يساعدوني لأني تعبانه الجازي بانفعال:وش جبت شيء جديد،؟ دوووووم تعبانة وانا الشغالة هنا !! وبعدين لين وقدر صغيرات وما يعجبني شغلهم خلاص روحي وانا انظف المكان جواد ينهي السالفة وهو يهم بالخروج: نظفي المكان وبدون حجج يا رونق! ناظرت زوله وهو خارج وخلفه الجازي وبداخلها تردد «» بدون حجج » ...ناظرت المكان بعجز .... سحبت كرسي لها وجلست بتعب ...تعودت ما تشكي اوجاعها والامها لاحد ...ما خبرت احد بمرضها ووجعها لانه بكل بساطة ما احد سأل عنها ايام الحادث ربنا يسر لها حنين ووليد !- تنهدت ووقفت وبدأت التنظيف بصمت خارجي وبداخلها ضجيج وتشتت ما احد يعلم فيه غير ربنا! كملت تنظيف وجهزت الشاهي لابوها ..طلعت من المطبخ وتوجهت لهم ...جلست بعد ما وزعت الشاهي ....مر الوقت والصمت يخيم على المكان ....جواد منشغل بالجوال والجازي نفس الشيء ...والبنات يلعبون بالغرفة ... حست بالملل غادرت تتفقد ولدها ....ناظرته نائم بسلام ..قررت ترجع تجلس معهم ....قبل ما تطلع وقفت وهي تسمعهم يتكلمون باندماج .. رجعت ادراجها وهي تحس نفسها لا تنتمي لهذا المكان ! قفلت اضواء الغرفة وتوجهت للشباك تناظر الشارع ...أسندت رأسها على الشباك وتركت لدموعها حرية النزول بصمت ..... نصحتها ام روعة تترك جراح من البداية ..لكن عقلها صور لها انه الحب يصنع المعجزات !!! ما تدري كيف صدق فيها الكلام ...وأهله عصب وما سمح بالكلام عليهم ! غبية ظنت إنه مستحيل بيوم من الايام يفرقهم شيء .... ** ** * في اليوم الثاني مجتمعين في الصالة ....قاطعه ابوه بقهر: انت وش فيك مجنون! اقولك خلاص رجعها عاجبك صرنا علكة بحلق الناس قاطعه بضيق من هالموضوع: رح اطلقها مثل ما مريم تطلقت رح تتطلق بدر بغضب: انت وبعدين معك ؟ ! تبغى تطلقها وتبعدها عن زوجها مثل مريم.....مريم الي ماتت بحسرتها وقهرها! ما كانت تبغى الطلاق بس ما قدرت توقف بوجهك وتقول لك ابغى راكان ! ومع ذلك عنادك وتغطرسك اعمى عيونك وطلقتها وسحبتها غصب عنها لمكان بعيد ما يبغونه وهذه كانت نتائج عنادك فقدتهم بلمح البصر! لا تكرر نفس الغلط مع رونق والكل يعرف كيف رونق وجراح متعلقين ببعضهم .... شوف جراح بالرغم من كل الأدلة أمامه على سالفة السحر ومع ذلك رفض يتخلى عنها ومتمسك فيها غصب عن الكل ...ورمى كلام اهله خلف ظهره ...جواد رجاء اتركهم بحالهم ...بينهم ولد حرام يعيش مشتت ....وبعدين الناس بدأت تتكلم يقولون كل يوم طالعه من بيت ابوها الظاهر زوجها مطلقها!- الناس وضعت الف علامة استفهام على بناتك ليه ازواجهم يطلقوهم...لا تنسى عندك بنت وبنات مريم لا تشوه سمعتنا خلاص والله صرنا علكة بحلق الناس!- ابو جواد بضيق ناظر جواد وهو يجلس ...وبنبره فيها حرقة: من يوم ما شفنا هالبنت ما شفنا الخير ..المشاكل تتحاذف علينا من كل صوب ....ليتها الي ماتت مكان مريم وخلصنا من همها !- مريم المؤدبة المطيعة راحت بسببها ما كانت تبغى تروح معكم بس انت اجبرتها حتى ترضى رونق ! اصلا كل رحيلكم بسببها .... فقدت احفادي بسببها! وين ما نروح الكل يشتكي منها سودت وجههنا وفوق هذا للحين واقف معها يا جواد !! نسيت لما نزلت وجهنا للأرض لما تزوجت بدون علمنا وطلعت معه وحنا يا غافلين لكم الله ! مو هذا جراح الي كسرتنا قدام وليد علشانه! خليها تنقلع له ! خليها تقلع شوكها بيدها ...صدقني هذه البنت ما هي لنا ! انانية جالسة هنا لأنه مصلحتها هنا! ما احد خلص من شرها حتى أمها ما تركتها بحالها ! وأكيد هي الي لعبت برأس نايف حتى يطلق سعاد ...شوف الحين كيف عيال اخوك مشتتين ؟!!! وبنات مريم ! شوف حالهم بعد موت امهم! مريم قبل ما ترجعون بالليل جاءت لي تبكي وترتجي حتى اتدخل وما ترجع معكم وهي تشتكي من رونق ومعاملتها الزفت معهم وانت معمي على عيونك وما معك خبر...ماتت بحسرتها وقهرها هي وعبدالله! مات من الدنيا وهو ما يطيقها الكل يكرها وينبذها الا انت ما ادري وش فيك ما تشوف بعيونك؟! جواد يحس كلام أبوه شحنه بمشاعر كره لرونق ..لحظة كيف نسي لما طلعت وهي تقول حسبي الله ونعم الوكيل وكان قصدها عن مريم ! ويمكن تدعي على عياله وهو غافل ما معه خبر ....الاغلب يرجع سبب فقدانه لعياله بسبب رونق لو ما انتقل كان ما صار الي صار ...الجازي للحين تبكي على عبدالله قاطع أفكاره السوداء لما تكلم ابوه يحثه على الكلام:وش فيك ساكت تكلم ! زفر بضيق وقبل ما ينطق تكلم أبوه يشحن كره رونق بداخله : كان عبدالله متلهف للخطوبة والاستقرار ...لكن حسبي الله على الي كان السبب! نطق جواد وبداخله غمامة كره سوداء افترشت داخل قلبه اتجاه رونق...لينطق بحقد :رجوع لجراح ما رح ترجع لو على جثتي ! هذا الي تبغاه رونق انت ما تعرف كيف متعلقه بجراح ...مثل ما مريم انحرمت من راكان وماتت بقهرها وعبدالله راح قبل ما يفرح ... رح احرمها من جراح وخليها تبقى بحسرتها ..... قاطعه بدربحسافة: الظاهر إنه عقلك ضارب وانسحب من المكان بقهر من تفكير اخوه! ابو جواد كلام جواد كان غافل عنه ليه يرجعها خليها حسرة بقلبها مثل ما قهرتهم بتصرفاتها ! ...لكن كلام الناس ذابحه: انا مو ذابحني الا كلام الناس ...جواد اتصل بجراح وقول له حتى يأخذ زوجته !! جواد بتصميم :مستحيل على جثتي ** ** ** ام راكان بغضب وقفت: والله على جثتي ما تدخل هالبيت ! وش يضمن لنا ما ترجع تسحرنا ! وانت عقلك ضارب كيف تضمن ترجعها ؟!!! راكان ناظره:وانا مع امي وش تبغى فيها ناظره وهو رافع حاجب وبنغزه نطق: ما كان كلامك كذا لما كنا عندهم راكان مط شفته بمكر: لأني متأكد انه جواد ما رح يرجعها لك ! زياد بهدوء نطق: نصحناك من الأول ومع ذلك عاندت وتزوجتها و للحين تمشي بنفس اغلاطك ....اعطيني ضمان واحد ما ترجع تسحرك! ام راكان برجاء: إذا لي خاطر عندك يمة اتركها وقف بهدوء: انا اعطيتهم كلمه والعصر رح اروح أخذها ومثل ما تبغين ما رح تدخل هالبيت قاطعته: وانت قاطعها بهدوء: ترى الأذكار ما أتركها ما احد يقدر يؤذيني والا كلامي غلط! هز زياد رأسه بتأكيد اذا حصنت نفسك كل يوم بالاذكار ما احد يقدر يؤذيك ! ام راكان بقهر بعد خروجه: متى اخلص من هالبلوى!!!! ** ** ** ناظرت جدها بهدوء: بس انا ما ابغى ارجع قاطعها بصراخ كسر قلبها: لا تجنيني أقولك زوجك العصر رح قاطعته وهي ماسكه نفسها بصعوبه: وإنت ليه تصرخ علي كذا؟!! زفر بضيق وبعدها نطق: لأنك تبغين تفشلينا ! خلاص لمتى هالحال الناس أكلت وجههنا ! تكلمت والغصة بحلقها: كيف ارجع وهم اتهموني قاطعها بخلق ضايق: احمدي ربك انه رجعك وهو الأدلة بين يدينه ..خلاص يا رونق جهزي نفسك قاطعته باعتراض: وين أبوي مستحيل ارجع بدون وجوده تكلم بغضب رح يرجعها قبل رجوع جواد: مثل ما تبغين خليك هنا ...بس احب اقولك ترى ولدك مع أبوه تحت رح ينتظر 5 دقائق ما قاطعته بتكذيب: مستحيل ولدي نائم وبسرعه تحركت لغرفتها تتفقده ...جحظت عيونها بصدمه وحست نفسها ضاق وهي تشوف مكانه فاضي ! متى أخذه ما تعرف ...وما تركت لعقلها يفكر بالاسئلة وبسرعة لبست العباءة ولفت الشال بعشوائية وهي تركض مثل المجنونة وتردد: حسبي الله عليكم ! جالس بالسيارة ينتظرها والهدوء يغلفه .... رح يرجعها وهي ما كلفت نفسها تعتذر عن فعلتها ! وفوق هذا تبغى الطلاق ..تتلاعب بقلبه وكأنه لعبه بيدها ....ما رح يسامحها على فعلتها ...زفر بضيق لما شافها طلعت تركض مثل المجنونة ! كم تمنى يعيش معها بسلام وسعادة لكن هي الي دمرت كل شيء جميل ! فتحت الباب من جهته وملامحها مثل اللبوة بأي لحظة تنقض عليه وبغضب نطقت : اعطيني الولد! رفع حاجب بقهر منها للحين رافضه ترجع له وكأنه هو الغلطان ...وبحدة نطق : تبغين ولدك اطلعي معي ! تكلمت والنار مشتعلة بداخلها من تصرفهم: اعطيني الولد وإلا قسم بالله قاطعها بغضب: وقسم بالله اذا ما قاطعه ابو جواد وهو يتقدم منهم وأعطاه حقيبتها : فضحتونا .وإنت خلصيني قاطعته وما بقى شيء على انفجارها: وش دخلك بحياتي قاطعها ابو جواد وهو تستقر يده على خدها: انكتمي وبدون فضائح خذي نقابك ناظر جراح بعد ما قفل بابه: ثلاث ثواني ما ركبت تحرك وجعلها بالحريقة! ماسكه نفسها بقوة ما تضرب جدها ...قهرها يتحكم بحياتها على كيفها ....صرخت بقهر لما حست السيارة رح تتحرك: وقف! توجهت وركبت والنار تشتعل بداخلها ...قفلت الباب بقوة ....وناظرته ولدها بحضنه : اعطيني حرك وهو يقاطعها بغضب وهو يشوف ربيع واقف يناظرهم وأمه معه :غطي وجهك طالعه كاشفة قاطعته بقهر وصوت مرتفع: ما يخصك هز رأسه بتوعد : يصير خير! سحبت النقاب ولبسته ومن الداخل تغلي غليان ...تكره هالجد ولا رح تحبه بيوم من الايام لأنه أذاه بلغ أقصاه! ..بحثت بحقيبتها عن الجوال قاطع بحثها وهو يمد لها الولد : خذي أخذته وهو يتابع كلامه ببرود: جوالك معي واكتفى بالصمت ! رونق خلاص انفجرت منه .. ناظرت من حولها وبغضب نطقت :وين رايح فينا! رجعني بسرعة تفهم قاطعها بحدة وعيونه على الطريق: انكتمي ! ردت بقهر وهي تحس بالعجز : انت مجنون ؟!، أقولك أعطيني جوالي ما تسمع هزت طفلها الي بدأ يتململ من اصواتهم! ما رد عليها وعيونه على الطريق ! بعد وقت وقف امام مبنى ...غمضت عيونها وهي تحاول تمسك أعصابها .. نزل من السيارة وفتح لها الباب وبجمود نطق: انزلي! ناظرته للحظات والدنيا بدت تظلم نطقت بغضب: ما أبغى أنزل ...رجعني الحين ما رح اجلس هنا دقيقة تفهم! سحبهابقوة خارج السيارة ...اخذ منها الطفل بقوة ..وبنبرةحازمة نطق ؛ امشي قدامي ! انقهرت من تصرفاته وأسلوبه ...ما هي مصدقة هذا جراااااح والا استبدلوه ؟؟؟ دخلت الشقة وهي تحس نفسها بحلم....وين عينها من أبوها ؟! راجعه بدون علمه! نطقت والعبرة خانقيتها: أعطيني جوالي! رد بعد ما وضع الطفل على الكنبة ببرود: لا تخافين أرسلت له من جوالك انك رجعت لي قاطعته بغضب وعيونها تطلق شرار ....كيف يتصرف كذا على كيفه : انت كيف تسمح لنفسك تعمل كذا! وبتهديد نطقت : قسم بالله رح تندم قاطعها بتحذير: وقسم بالله إذا تكلمتي بهذه الطريقة الا قاطعته بملامح مقهورة ...وبنبرةمخذوله نطقت: تغيرت يا جراح ...تغيرت كثير ما كنت كذا ! سرعان ما احتدت ملامحها وهي تتذكر ابنتها : قدر قاطعها بجفاء : قدر ما هي صغيرة ناظرته بحده ... والتفتت على ولدها الي بدأ يبكي ! جلست على الكنبة وبدأت تهز فيه ! تكلم بهدوء وهو يهم بالمغادرة: انا طالع اجيب بعض الاغراض وراجع ! ما ردت عليه وصدت عنه ! تحس بداخلها قهر وين عينها من أبوها ترجع بدون موافقته وهي زعلانه عنده! مسحت على شعر صغيرها الي يرضع بهدوء ..ضربت جبهتها بخفه ...نسيت صلاة المغرب ! استغفرت بسرها...وضعت الطفل بشويش وتوجهت تتجهز للصلاة... كملت ورجعت جلست على الكنبة وهي تلعب بشعره وهو نائم ..بداخلها حزن كبير ...تتمنى حياتها طبيعية مع جراح مثل زمان بدون حواجز ومشاكل ...مسحت دمعة يتيمة نزلت على خدها ..حست بحركته لما دخل ....ما التفتت وهي معطيته ظهرها... وضع الاغراض وتكلم بتجهم:تعالي نتعشى قاطعته بهدوءبدون ما تلتفت: ما ابغى شيء! اقترب منها وجلس مقابل لها على الكنبة والصغير بينهم ..ما ناظرته ولا كأنه موجود ..وقع نظره على يدها إلي تلعب فيها بشعر الطفل...رفع حاجب بحدة: وين الذبلة؟! رفعت رأسها وناظرته باستغراب من حدته: بالبيت قاطعها وهو يشد على يدها بقوة:والا الاخت ناوية على الطلاق وما له داعي لها ..ما احد يدري يمكن احد قاطعته وهي تسحب يدها بقوة: انت وش تبغى مني ؟! مو تقول انت واهلك إني سحرتك ؟!!! وش تبغى بوحده مثلي ؟! روح خلي امك تشوفلك وحدة 24 ساعة بالمسجد شيخة قاطعها بغضب: فوق غلطك وعينك قوية! بدل ما تبررين موقفك او تعتذرين قاطعته بقوة وبصوت مرتفع : والحين إنت ساحبني هنا حتى اعتذر؟!- قاطعها بحدة وهو يشوف الولد بدأ يبكي من صوتها المرتفع ...مد يده يحمله سرعان ما سحبته منه واحتضنته بقوة:: هذا ولدي وإنت ما لك حق فيه ؟! فتح عيونه باستنكار: انت مجنونه! تراه ولدي قاطعته بحنق وقهر : ناسي كلامك بالمستشفى ! تنهد وتكلم وهو يناظر ولده الي رجع ينام: جلبت معي أغراض له إذا تبغين تبدلين له! ما ردت وهي تناظر جهة النافذة ! تكلم بهدوء:اسمعيني زين ....انا قررت نرجع لكن في أشياء كثيرة رح تتغير قاطعته بسخرية ظاهرية ومن داخلها تتجرع الالم وهي تشوف جراح وكأنه شخص اخر: ومين قال اني ابغى ارجع لك ؟!!! قاطعها بقوة: غصب عنك ترجعين! انا سكتت لك اشوف نهايتها معك لكن الظاهر انت وأبوك ما رح ترسوها على البر .. ردت بقوة: أبوي لا تجيب سيرته على لسانك هز رأسه بقهر من ردها : يصير خير ! ردت بلامبالاة: يصير خيرين! ناظرته لما دخل احد الغرف وقفل الباب خلفه بالمفتاح ...مطت شفتها بسخرية يقال زعلان! توجهت للغرفة الثانية عقدت حواجبها فاضيه ما فيهاالا قطعتين كنب ! حتى خزانة ما فيها !!!. وضعت الطفل على الكنبة بتعب وجلست وهي تتحسس مكان الألم وبدأت بقراءة الفاتحة حتى يخمد الألم ! ** ** ** ** **يتبع | ||||||
|
| |
|
17-05-21, 08:43 PM
| #225 | ||||||
| مشرفة منتدى الروايات المنقولة
| ** في اليوم الثاني بالرغم انه أبو جواد خبره إنه جواد رضي على رجوع رونق لكنه ما يثق فيه ....لزوم يبعد عن المكان كله ..خلاص مل من المشاكل والقيل والقال يبغى يستقر بحياته ويعيش بسعادة مع رونق وابنه ! طول الطريق كل واحد ملتزم الصمت ..التفت لها لما تكلمت: رجعني لبيت أبوي قاطعها بقهر من عقلها إلي معلق على هذه الجملة : انت وبعدين معك ؟! خلاص طق قلبي من كلامك ! أنا احاول ارجع المياه لمجاريها وانت بعنادك تقطعينها ردت بانفعال : اقطعها! والا انت الي قطعتها وصدقت فيني على طول ! رد بضيق يرافقه من كل شيء حوله: ترى انا بشر ! مو معصوم ...لما اشوفك طالعه من بيت الساحرة وبحقيبتك السحر ...وش تبغيني قاطعته بخيبة : وين الثقة ؟!! رد ويحس نفسه قرب ينفجر منها : أنا بالرغم من كل الادلة ضدك ما تركتك ورفضت اطلقك ورميت كلام كل الي حولي خلفي ..بس انت وش عملتي علشاني؟!!، ولا شيء حملت نفسك وزعلت ورفعت قضية طلاق وما حاولت تبرري او تعتذرين ! وكأنك تبغين الفكة مني! هذه جزاتي قاطعته بعد ما تنهدت تبغى ترجع لابوها وترجع من بيته لبيت جراح برضاه ...تبغى ترجع والكل يعرف إنها بريئة...وبنبره هادئة نطقت : الحين رجعني لابوي حتى قاطعها بغضب: انكتمي ما ابغى أسمع صوتك ! ناظرته بقهر من عصبيته ...وقررت تسكت لوقت وصولهم وبعدها يصير خير! وقف السيارة باب بيتهم ...تكلم بجمود: مارح أتأخر رح اجيب شيء وراجع وقبل ما تعترض نزل وقفل السيارة ..زفرت بضجر وهي تحس بالاحراج من ابوها لو تشوفه الحين وش موقفها رح يكون زعلانه عنده المفروض ما ترجع الا بعلمه وما هو بهذه الطريقة ! دخل البيت بهدوء وهو ناوي يأخذ بعض الاوراق المهمة وينتقل مع رونق لمكان ما يعكر صفو حياتهم احد ... وقبل ما يفتح الباب حس يده تشنجت وهو يسمع صراخ امه! ام راكان بغضب: حسبي الله عليك من بنت! كيف سولت لك نفسك تسحرين اخوك !- هذا أخوك سعاد بمقاطعة وهي تبكي: والله ماعملت سحر حقيقي بس اتفقت معها تعمل شيء مثل السحر بس ما هو حقيقي قاطعها راكان بغضب وهو يشد شعرها بقوة : من متى حنا نعرف السحر يا زفته! كيف وصلت لهذا الانحطاط ؟! انا بنفسي أخذته لشيخ وفك السحر! سعاد تحاول تفلت من يده:ما لقيت الا ذي الطريقة حتى يطلقها جراح راكان بغضب دفها بقوة: حقيرة! انا اكره رونق وانتظر اللحظة الي تنفصل فيها عن جراح لكن مستحيل انزل نفسي لهذا المستوى ...انت تعرفين حكم الي يروح لذول المشعوذين ! وفوق هذا تتهمين البنت ظلم ! بصق عليها وهو ينطق بقهر: الحين كيف مظهرنا امام بيت عمي ابو جواد! زياد مقهور من تصرف اخته: سبحان الله الظلم ظلمات شوفي كيف انت الي تطلقتي ونايف سحب منك عيالك وجلست بدون زوج وعيال ...وشوفي كيف رونق متمسك قاطعته ام راكان وجهها اسود من هالمصيبة: والله مالي وجه اناظر ام جواد! حتى رونق وين عيني منها وانا ظلمتها زياد قاطع امه وهو يكلم سعاد باشمئزاز: وش رح تقولين لجراح! قبل ما ترد سعاد ...دخل جراح بروح خاوية وهو يحس بقوة الطعنة من اهله ...كيف ظلم روح بريئة وقسى عليها بالكلام .... ما توقع تطلع اخته تعمل كذا ؟! نطق بكره: ما له داعي تقول شيء! ما أعطى فرصه لأحد يكلمه وتوجه لغرفته بهدوء! بعد وقت قصير طلع من الغرفة وملامحه ما تتفسر ...ناظر امه الي نطقت بتوجس: جراح ناظر أمه وإخوانه والعبرة خنقته ما قصر بحق احد حتى يلقى هذه المعاملة ....طول عمره يتمنى الخير للجميع ليه يدمرون حياته!!... من لما ارتبط اسمه بإسم رونق وانقلبت حياته لجحيم ...استخسروا يفرحوا معه ...طول الوقت يعكروا مزاجه ....وهذه نهايتها ؟!..وبخيبة نطق : ليتني اموت وارتاح منكم كلكم ....استخسرتوا فيني اعيش سعيد ....اكرهكم كلكم كلكم! تركهم وطلع وهو يحس بالاختناق بحياته ما توقع هالشيء! وش اصعب من شعور لما يطعنك أعز الناس بظهرك ! فتح باب السيارة وملامحه ما تتفسر.... ناظر رونق الي تتكلم بغضب : افتح الباب ناظرها وهو يحس خنجر مغروس بوسط حلقه ! حتى رونق نفسهم هو يركض خلفها وهي معطيته طاف وتتلاعب بمشاعره ! ناظر جواد الي توجه لهم وملامحه ما تبشر بخير ..تكلم جواد بأمر بعد ما وصله تصرفات سعاد: رونق انزلي! ناس ما عندها ذمة ولا ضمير جراح ما هو متحمل كلمة وحده نطق بغضب: احترم نفسك جواد اقترب منه والشر يسري بدمه: واذا ما احترمت نفسي وش رح تعمل ؟!- امك الي دافعت قاطعه جراح بشراسة: سيرة امي لا تطريها على لسانك تفهم ناظرتهم رونق بصدمة لحظات كلمة من جراح وكلمة من جواد حتى اشتبكوا مع بعض بالأيدي....فرق الموجودين بينهم بصعوبة! جواد بغضب وما هو متصور كيف جراح يمد يده ويضربه وبتوعد نطق: والله لو تموت ما شفت ظفر منها ! وخلها حسرة بقلبك! جراح يحس نفسه خسر كل شيء من حوله ...ليه يلتصق في ناس ما يبغونه ؟؟ ليه يرمي نفسه عليها؟! ضحى علشانها كثير ..لكن وصل لحد اكتفى من الجميع ! تحرك لجهة رونق إلي واقفه تناظرهم بذهول وما هي قادرة تنطق حرف واحد ....ما تبغى تخسر ابوها وبنفس الوقت ما تقدر تعيش بدون جراح ..... سحبها بقوة لجهته وهزها ...بصوت مخنوق نطق:- أكيد سمعتي كلام أبوك ورح تختارين الحين أبوك .... روحي له واشبعي من اهلك وأنا بستين داهية ...عمرك مافكرت فيني ...انا دائما بآخر الرفوف عندك .... اصلا مب موجود بحياتك ...أنا اراكض خلفك وإنت متمسكه بأهلك..انت أنانية مثلهم وما يهمكم الا مصلحتكم ! زفر بوجع ونطق بصعوبه :روحي يا رونق انت طالق ! يحس نفسه مخنوق استنزف كثير من طاقته ..مخذول من كل الي حوله ...خذلوه بأبشع صورة ! توجه للسيارة وتحرك بسرعة من المكان! رونق واقفه وهي تحس نفسها سمعت غلط ...او حلم بأي لحظة تصحى منه ! *** ** ** بالصالة ابو جواد بغضب ناظر جواد : ارتحت الحين بعد ما فضحتنا بين الجيران! حسبي الله فضحتنا هذا وإنت الكبير تعمل كذا ؟؟؟؟ جواد بغضب: عاجبك يوم سحروا ولدهم ودبسوا رونق قاطعه بغضب اكبر: الي يسمعك يقول كثير تهمك رونق ..الظاهر انك كذبت الكذبة وصدقتها ! الحين تعمل بجراح الطيب كذا علشان ابنتك القروية ....ترى ملينا منها ومن مشاكلها ! ليتنا ما عرفناها ولا شفناها ! ما في مصيبة الا ورونق هي السبب ! اسمعني شوف لك بيت يضفك إنت وصاحبة المصائب دام انك طلقتها قاطعه بضيق :ان شاء الله ....بدون ما تقول انا نويت اطلع لانه البيت يا دوب واسعنا ابو جواد بحزم: تسكن بنفس المنطقة تفهم وقسم بالله اذا طلعت من المنطقة إلا قاطعه جواد بملامح عابسه: ان شاءالله ! ام جواد جالسه تناظرهم وتبكي بصمت من الحال إلي وصلوا له! *** ** ** جالسه على السرير وللحين تحت الصدمة ..تحس إنها بحلم ورح تصحى منه بأي لحظة ...تتمنى كل حياتها حلم ...وتستيقظ وتجد نفسها عند ام مرعي وتصرخ عليها حتى تطلع تبيع على البسطة! كل الي صار معها فوق طاقتها ما تقدر تتحمل اكثر ...ناظرت بشرود قدر الي تكلمها بضيق ظهر على ملامحها: ماما هم ليه يكرهونك عقدت حواجبها : مين ؟! قدر جلست على الأرض أمامها : جدي ابو راكان وجدي جواد رونق قلبها ما يتحمل اي كلام نطقت: كيف ؟ مين قال قاطعتها قدر بضيق: أنا ما احب جدي ابو جواد لأنه يتكلم عليك قاطعتها: وش يتكلم قدر بملامح عابسه: كان مع جدي جواد ومع عمي بدر ويتكلمون عليك ...يقول جدي انك سبب موت خالتي مريم وعبود ...إنت سبب كل المصائب ...ليه يقولون عنك كذا ؟! وما يبغى جراح يطلقك! حست بخنجر انغرس بصدرها ...نطقت بخفوت وكأنها ما تبغى تسمع الإجابة قلبها ما يتحمل : وابوي وش قال؟! قدر عفست ملامحها : اقولك ما يحبونك يقول مثل ما خالتي مريم انحرمت من راكان وماتت بحسرتها ...وخالي عبدالله مات وما فرح رح يحرمك الرجوع لجراح وتبقى حسرتك بقلبك وم قاطعتها رونق وهي تحس إنها تتنفس من خرم إبرة بسبب الكلام زاد ضيقها: خلاص قدر..... انت فهمت السالفة غلط ....إنت روحي تفقدي بنات خالتك وما تقولين لأحد ! ناظرتها بتردد وهي تحس وجه أمها تغير: بس قاطعتها وهي تحثها على الخروج :تحركي! غمضت عيونها ...والنفس ضاق عليها ..عقلها يرفض خيبات جديدة .مب قادرة تصدق إنه أبوها قال كذا...ابوها وقف معها بالرغم كل الادلة ضدها مستحيل يقول كذا...أكيد قدر ما فهمت السالفة ....استلقت على السرير بروح خائرة وعقلها رافض يستوعب هالصدمات.... ** ** *** ** مرت السنوات وبداخلها ذبول من فراق روحها ....لكن تكمل الحياة بابتسامة لأنها بكل بساطة ما عمرها وقفت الدنيا على انسان! ما رح تجلس على اطياف جراح ... وما سمحت لكلام الي حولها يؤثر عليها ....واثبت للجميع إنها ناجحة بحياتها .... وما اثر الطلاق على تفوقها بحياتها العملية ..دفنت اوجاعها وكل خيباتها بقلبها ... بدأت صفحة جديدة مع كل من حولها لكن وضعت حدود بينها وبينهم حتى ماتكون ضحية الخذلان والخيبة....مصطلح الثقة انمسح من قاموس حياتها ! تنهدت وابتسمت وهي تناظر روعة محتفلة داخل مكتبها :وش هالمناسبة ؟!!! روعة وضعت يدها على كتفها بابتسامة جميلة: بمناسبة إنها احلى دكتورة دخلت الثلاثين ! وقريبا رح تصير ام العروس! دفتها رونق بضحكة : سخيفة ! ترى ما دخلت 30 بس إنت تبغين تكبريني روعة وهي تأكل من الكيكة ..غمزت لها: تعالي ذوقي طعمها خرافي! رونق بدأت تأكل بابتسامة: بسرعة الايام تمشي مين يصدق قدر صارت عروس! روعة بضحكة بعد ما شربت من العصير: و للحين ما عقلت ! هزت رأسها بأسف :العقل بجهة وهي بجهة روعة جلست وهي تستفسر: من وين العريس رونق وهي تأكل من الكيكة : عن طريق ليث ولد عمي ! روعة هزت رأسها: ايه ..طيب وش مواصفاته؟! رونق مستمرة بالأكل: هذا الله يسلمك ليث يعرفه عندهم بالشغل ...هو ضابط عمره 23 وعايش هنا بنفس منطقتنا ومدحه كثير ...عاد لو تشوفيه لما شافها يقول لنايف الحين خلينا نملك ! مسكين مايدري إنه عقلها فاضي! روعة بضحكة ساخرة: وكبرنا وصرنا ام العروس! كشفت قدام العريس؟! رونق ضحكت بخفه وهي تتذكر الموقف: بالاول فكرني العروسه !، قال له نايف :،ترى العروس هنا هذه أمها ! تحسينه طاح وجهه من الاحراج ! روعة غمزت لها : عاد ما عنده اخ او ولد عم يخطبك ونفرح فيك ...يا بخته الي رح يتزوجك دكتورة قد الدنيا! وضعت الكيكة حست نفسها سدت ...وتكلمت تغير الموضوع : اقول خذي معك هالاشياء يأكلونها بزرانك .وانا خليني اروح ازور امي قاطعتها روعة بضحكة : انا الغبية الي جاية احتفل فيك ! بس انت اسمعي كلامي وتزوجي وقسم بالله الا ارقص بعرسك ضحكت رونق على ملامح روعة : وقسم بالله مافيك عقل ! انا طااااالعة ..سلاااااام يا حلوة! ** ** ** ** بقسم النسائية دخلت غرفة امها وهي تجر قدر من اذنها ...دفتها داخل الغرفه بعدم صبر: صدق ما عندك عقل ! الجازي باستغراب: وش صاير؟! رونق عافسه ملامحها من تصرف قدر: تخيلي لأي مدى وصلت قلة الادب عندها ....مدرعمة على وحده من الغرفة قدر قاطعتها بتبرير: زيارة المريض فيها اجر رونق بعصبية: وقسم بالله أجرك من شعرك يمكن تصحين على نفسك ... تدشين غرفة ما تدري مين داخلها ؟! تخيلي يكون فيها رجاجيل وش موقفك ؟! صدق قلة أدب قاطعتها الجازي وهي تتذكر أيام مراهقتها تحس رونق جالسة تشتم فيها: هييييه احترمي نفسك وعن الغلط! ما احد قليل أدب غيرك رونق رفعت حاجب باستغراب لانفعال الجازي: وليه منفعله كذا؟ الجازي توهقت ..وبترقيع: يعني البنت تدور الأجر والثواب وانت جايه تزفيها ؟!! خلاص البنت كبرت وصارت عروس! قدر بابتسامة عريضة: صادقة يا جدتي! والله ما تحترمني وطول الوقت تزفني! مطت شفتها رونق بتعجب: والله وصار لك لسان يا قدر يرحم أيام زمان ! المهم ما علينا حسابك بالبيت! وناظرت أمها بجدية:يمه يعني ما لقيتم الا هذا المستشفى جايه له ؟! الجازي عقدت حواجبها: ليه؟ رونق مطت شفتها وهي تجلس تريح ظهرها : يعني والله انحرج قدام زميلاتي امي مجهضة قاطعتها الجازي بغضب وهي تضربها بالوسادة الي خلفها: صدق انك قليلة حياء ...تنحرجين مني! رونق بانفعال: يمه تراك بالخمسين مو صغيرة ما تعرفين لو تم الحمل احتمال كبير تنجبي طفل ما هو سليم قاطعتها الجازي وهي تسحب منها الوسادة وتعيدها خلف ظهرها: هذا انت انجبتك وانا بالعشرين وطلعت عقلك ضارب ما هو شرط رونق فتحت عيونها باستنكار: يعني أنا قاطعتها الجازي بهجوم: ايه ...وإلا وحده عاقله توقف حياتها على ذكرى هالجراح ! دامه تزوج وبنى حياته من جديد وليه انت جالسه على ذكراه؟! رونق بهدوء : لأنه افتقدت الثقة بالرجال ...وليه اعيش تجربة فاشلة واخسر قلبي من كثر الطعنات !! لا كذا قفلت قلبي وما رح اسمح لاحد يطعني من جديد ! قدر : مو كل اصابع يدك واحد رونق ناظرتها بروح ميته: صدق !! نصيحة لا تتأمل كثير من خطيبك ..خلي في مسافة تقدري من خلالها الانسحاب بدون أضرار قدر ما عجبها الكلام: أحس نفسي داخل حرب رونق مطت شفتها بإحباط: شوفي جدك جواد ...طلق امي بقلب ميت والسنين الي عاشتها معه ما شفعت لها ..... شوفي راكان كم جلس بعد موت مريم ؟! راح تزوج وعاش مبسوط بحياته مع إنه لو راكان الي مات مستحيل تتزوج مريم من بعده !- بس الرجال غييييير قدر تكلمت : حتى إنت طلقك جراح بالشارع وكأنك قاطعتها رونق بعصبية: اقول انكتمي! وقلدت صوتها بسخرية«حتى انت طلقك جراح» الجازي تنهدت: وهي صادقة !- اسمعي مني وتزوجي على الأقل تكسبين عيال قاطعتها رونق: عندي بنت وولد نعمة ...الحمد لله الجازي بإقناع: صدقيني أنا كنت مثلك كذا ربنا يسر لي ابوي وغصبني على الزواج ....وسبحان الله ربي رزقني بوسيم قاطعتها رونق بجعرفه: واااااع ! اجلس طول حياتي بدون عيال ولا يكون عندي ولد مثل وسيم وقسم بالله تحوووووم كبدي منه قاطعتها الجازي بغضب : انكتمي! إذا وسيم ما هو عاجبك صدق إنه عقلك ضارب ! رونق وقفت وهي عابسه: القرد بعين أمه غزال ! الجازي وهي تناظرها بتقييم: على وش شايفه روحك! ابتسمت رونق وغمزت لها: احلى دكتورة ** انتهى البارت ...انتظروني يوم الاحد بإذن الله ..وكل عام وأنتم بخير | ||||||
|
| |
|
17-05-21, 08:44 PM
| #226 | ||||||
| مشرفة منتدى الروايات المنقولة
| بارت 40 # جالسه بالصالة ومحتضنه رأسها بيدينها من الصراخ والازعاج من حولها ! رفعت رأسها وناظرت بنات مريم لما اشتبكوا مع بعض ....وابنها يشد شعر البنت الصغيرة ... وقدر تصارخ حتى تفرق بينهم! ولين واقفه وتضحك على المشهد ... مرام بغضب نطقت: وقسم بالله شيء يفجر الرأس ! ناظرتها رونق وحكت شعرها بضجر: والله ما صارت حالة! دخل جواد بغضب وفرق بينهم ...ومسك ولد رونق من إذنه وشده باتجاه أمه : انت أساس البلاء اجلس عند أمك ! رونق ما يعجبها تصرف أبوها تحسه متحيز لبنات مريم وما يطيق ولدها لأنه ولد جراح ..وبعبوس نطقت: ترى شهد هي إلي قاطعها بعد ما صرف البنات على غرفهم : لا ترقعين ترى ولدك جني ! رونق وهي محتضنه ولدها وهو يبكي : لا والله تبغاه ينضرب ويسكت لهم ؟ خليه يكسر رأس كل واحد قاطعها بضجر :-ونعم التربية! ترى ذول بنات يتيمات ما عندهن ام يشتكوا لها وابوهم كل نهاية الأسبوع يشوفونه مره ساعة من زمن وكأنه الأبوة عنده بالانفاق! لا تتحسسي يوم اعاملهم معاملة خاصه تنهدت وهي تمسح على شعر ابنها بحنية ..على الاقل بنات مريم يعرفون ابوهم وبينهم زيارات ماهو مثل ولدها ما يعرف ابوه ولااحد يسأل عنه ...وكأنه يتيم بس ما احد يحس بهذا الشيء ! مرام بحزن : ترى بنات مريم يحبونك ومتعلقين فيك يا رونق ...شهد ذيك المرة تأخرت من الدوام وهي جالسة تنتظرك تقول مشتاقة لأمها وتبغى تشوفك قاطعتها رونق باختناق وهي تمسح دموعها : وأنا ما قصرت معهم اعاملهم مثل بناتي وإنت تشوفين جلست الجازي بهدوء وجلست وهي تناظر مرام : ولدك يبكي انسحبت مرام بهدوء من المكان .....جواد ناظر الجازي: وش صار على ابنة اخوك الجازي بهدوء تكلمت مع جواد عن ابنة أختها... رونق تناظر الجازي وهي تتكلم وتحسها للحين ما تقبلت فقدان عبدالله بالرغم انهاظ ولدها الثاني تزوج و أنجب ولد اسمه عبدالله لكن للحين ماتلبس الا الاسود والحداد ما انتهى ....حتى جواد للحين متأثر لفقدانهم ومانسيهم ...... تمشي حياته بشكل طبيعي أحيانا يضحك الا انه في فترات يظهر حزنه وضيقه لفقدانه ....متأكدة إنه من الداخل يتمنى إنها ماتت مكانهم ...ما هي غبية حتى ما تلاحظ حبه لمريم وعبدالله اكثر منها .... ما تنسى يوم راجعته بكلام قدر برر موقفه إنه قال كذا حتى يضغط على ابوه ويوافق على الطلاق ...لكن ملامحه وارتباكه وقتها يحكي شيء ثاني ...ومع ذلك طنشت الكلام واظهرت له إنها صدقته لكن في الحقيقة موقفه اوجعها لحد النخاع ..... لكنها مضطرة تسلك له لأنه بالنهاية أبوها وله حق عليها و لو جلست تدقق على كل كلمة ما رح تمشي الحياة ...تعلمت درس من الحياة « حتى تعيش مرتاح طنش فنش عش تنتعش » رفعت رأس ولدها وهو يغط بالنوم ...حملته بشويش وهي عافسه ملامحها بألم ولدها ثقيل ...دخلت الغرفة وضعته على السرير ..قبلته وهي تناظره نائم بعمق وأثر الدموع على خده ! همست بخذلان : ما رح اسامحك يا جراح ...أسامح الكل الا إنت وسعاد ما رح اسامحكم ! ** ** ** ** في اليوم الثاني ضحكت رونق من قلبها وهي تتكلم: لو شفتي لما اشتبكوا مع بعض والناس تطالعهم بالطوارئ ! روعة تضحك على ضحك رونق: وليه ما اتصلتي حتى قاطعتها رونق واثار الضحك واضحة: نسيتك! اخذت نفس عميق واردفت: بالمستشفى تشوفين حالات عجيبة غريبة! روعة هزت رأسها وبدأت تتكلم عن بعض المواقف الي شافتها بالمستشفى بعد ما انضمت لهم دكتورة ثانية! ما توقفت عن الضحك وهي تستمع لهم باندماج ....رمت كل أحزانها خلف ظهرها ليه تكدر خاطرها علشانهم ...رح توسع خاطرها وتبني حياتها من جديد ! تشغل نفسها بالابحاث وضعت هدف رح تكون افضل جراحة ...وش تستفيد من النوح على اعتاب الماضي ...دامهم تركوها يعني ما يبغونها !!!! وليه توجع قلبها وتستنزف طاقتها بالتفكير فيهم ...الي باعك بيعه ! *• *• •• •* *• جالسة بالصالة كعادتها وهي تحس بفراغ داخلها لفقدان ولدها ..من بعد تلك الحادثة سافر واستقر في الخارج. رجع مرة وحدة بعزاء أمها صفية في بيت صفية وهذه المنطقة ما دخلها وبعدها رجع وسافر .... تنهدت وناظرت منار وهي تتكلم مع زياد: ايه سمعت ....مين رح يروح معها على المؤتمر؟! زياد : والله ما أعرف بس ما أتوقع جواد يروح معها منار بتعجب: ما توقعتها كذا متفوقه تابعت حياتها بجد ! حتى لما ألتقي معها بالمستشفى تتكلم معي ببشاشة وأسلوب حلو زياد تنهد: من أيام الجامعة ومستواها الدراسي متميز وما صار بينك وبينها تصادم ومواقف حتى تصد عنك! ام راكان زفرت بضيق : كله من رأس سعاد ! زياد مط شفته : والله سعاد يبغى لها تكسير رأس بس راكان اعطاها جزاءها وزيادة منار بانتقاد: بس راكان زادها عليها كثير حول حياتها جحيم ...افضل شيء إنها تزوجت واكيد اخذت درس ام راكان والهم اكتسى ملامحها: الله يهديها ! كسرت فرحة أخوها منار رفعت حاجب: كلكم كسرتم فرحته ..الكل وقف بوجه سعادته ! زياد يغير الموضوع : ما له داعي هالكلام ...يقول تزوج واستقر الله يوفقه ! ام راكان بحسرة: ليته يرجع والله لأخطب له رونق بنفسي بس يرجع ويكحل عيوني بشوفته! زياد رفع حاجب: قلت له هالكلام؟ هزت رأسها بالنفي: اكيد لا ....وش ذنبها زوجته اخرب حياتها ! بس غريبة ما تزوجت رونق للحين؟! ام جواد تقول رافضة الفكرة نهائيا زياد بتذكر: ما فكرت تطلبي ولد جراح منها هزت رأسها بالنفي: متأكدة ما رح تقبل ..وما لي قلب أشوفه ...ابغى أشوف جراح نفسه ....الله يهديه ! ** ** ** جالسه بالصالة تشرب شاهي مع أبوها وكالعادة الازعاج والصراخ يعم المكان : يبه لزوم تضع لهم حد وقسم بالله الواحد يرجع من الدوام يبغى يرتاح !، جواد بهدوء:يبغوا يلعبون شوفي ولدك وش يعمل! ناظرته رونق وابتسمت وهي تشوفه يركض ويصرخ بصوت عالي ..تموت عليه بالرغم من شقاوته : ربي يسعده ! وبتذكر نطقت : علشان المؤتمر جواد قاطعها باعتذار :والله ما أقدر شوفي البيت ما اقدر اتركهم و اترك شغلي وانت تعرفين إنه صعب اروح معك ! خلاص كنسلي لانك ما رح تروحين لوحدك! وأخوك عسكري ما يقدر يروح معك لمدة أسبوع ! هزت رأسها بضيق حابه تروح للمؤتمر ...وبنبره متردده نطقت: مروان قال لي أسبوع يقدر يروح معي قاطعها برفض: مروان لا تقطعي باب رزقه بصعوبة حتى وجد هالوظيفة لا تقدمين مصلحتك عليه....حتى في ايام عطلته يستغلها ويرجع للقرية هزت رأسها بضيق وتكلمت: وسيم نشب لي يرافقني جواد مط شفته: هالمغرور ! طيب فياض قاطعته برفض: صحيح تصالحنا لكن ما ابغى احد يحملني جميل ويمن علي!! خلاص انسى! تكلم بتفكير: رح أشوف عمك بدر يمكن يقدر يروح معك ! هزت رأسها وكلها أمل تجد احد يطلع معها للمؤتمر ! سرعان ما ضحكت بصوت مرتفع وهي تشوف الكرة ضربت برأس جواد ! جواد وقف بعصبية : مين الي سكت لما شافهم اختفوا من حوله! قطعت ضحكتها لما خزها بقوة: الحمد لله شفنا ضحكتك! ابتسمت بنعومة : أنا والله اضحك ما هو مثلك 24 ساعة مكشر لانت ملامحه : أقول قومي اعملي لي شيء يعدل راسي والله اصابني صداع من صراخهم ..والا أقولك انا طالع عند أمي ! رونق ابتسمت: الهروب ثلثين المرجلة ! انتظرني دقيقة رح أروح معك ! تكلم يستعجلها:بسرعة! خلال دقائق كانت خلفه وولدها خلفها ...وقف باعتراض: اتركيه مع قدر ترى أنا طالع أريح رأسي! ردت برفض: الحين يستفردوا فيه قاطعها وهو يمشي ببطئ: تراه قرد قاطعته بانزعاج : يبه إنت ما تطيق هالولد لأنه ولد جراح وقف وناظرها وهي تعدل نقابها: ومين قال هالكلام؟ ومين قال اني أكره جراح؟!!!! رونق بضيق مسكت يد ولدها ونطقت : تصرفاتك وتفضيلك بنات مريم قاطعها لسذاجة عقلها: أقول اتركي عنك المقارنة وخلي عقلك كبير يا حضرة الدكتورة .هذا طفل كيف اكرهه؟!!! زفرت بضيق وتحركت بخطوة بطيئة ...سرعان ما التفتت لجواد لما نطق : أنا آسف! نطقت باستغراب: ليه تقول كذا! جواد تكلم بضيق : أنا آسف لأنه بسببي انفصلت عن جراح !! ما ادري وش أصابني وتصرفت بتهور بدون وعي ...الكره والحقد أعمى قلبي .. انا فعلا اسف ردت ببرود ظاهري: ما له داعي هالكلام ...كل هذا قسمة ونصيب وأنا وجراح ما في بيننا نصيب تكلم جواد بندم: بس هو كان متعلق فيك ويح قاطعته بلامبالاة وداخلها نيران للحين ما خمدت: قلتها «كان» والحين هو متزوج ....كل شيء انتهى زفر بضيق وتوجه للسيارة وهو متأكد بعدها للحين على ذكراه !!! •* ** ** وقف نايف لما شافها داخله عليهم مع جواد: هلا والله بالدكتورة ! جواد اشر على جواله بقهر: وقسم بالله إني أبغى أهفك بهذا كلما أشوفك! ضحك نايف بروقان: يا أخي أبغى اصير جد كش عليه بقرف: لو توصل لعمر 90 وإنت عقلك مثل البزران ما رح يكبر ! ام جواد بهدوء نطقت: تزوجنا بعمر 15 وش صار؟! والبنت ما شاء الله رونق جلست بعد ما سلمت: والله ما أحد لعب بعقل البنت غيركم ....ترى والله عقلها طافي ما هي صاحبة مسؤولية بيت وزوج قاطعتها ام جواد: رح تتعلم مع الأيام ....إنت بس ناظري نفسك جواد مط شفته : الحين الدور عليك ! ام جواد بضجر: يا ابنتي تزوجي وريحيني من وجه ام ربيع كل يوم بوجهي تبغى تخطبك لولدها وتقول مستعد يطلق زوجته إن بغت جواد عفس ملامحه بعصبية: وقسم بالله إن رجعت مرة ثانية الا أنا أوقفها عند حدها ! ام جواد ناظرته بانفعال:وانت مثل الدبور تثور وحالتك حالة!! تبغى تفضحنا بين الجيران !- وإنت دام ولد خالتك يبغاك ليه رافضه ؟ خلاص تزوجي قاطعها جواد بجعرفه: ما بقى الا ولد سالم !!! اقول قفلي السالفة ترى بدأت اتنرفز ! مطت شفتها بقهر من تفكير جواد : لا حول ولا قوة الا بالله ! رونق نزلت رأسها لولدها الي بحضنها بعد جراح ما تفكر ترتبط بأحد . بالرغم من الانفصال لكن للحين مب قادرة تنساه ويطلع من قلبها ..أحبته بالحلال وبصدق كيف تنساه بهذه السهولة ؟ !.. ومن بعد جراح مستحيل ترتبط بإنسان اهله رافضينها .....ضاقت المر وتشتت بسبب هذه النقطة ....ما تدري وش يشعرون لما يدمروا حياة غيرهم .....ما رح تسامح سعاد بسببها دمرت كل شيء ..كان ما في وقت على سفرها مع جراح ...كانت رح تودع هالمكان وتعيش بسعادة مع عالم ما فيه نكد ومشاكل ....لكنها سعاد بدم بارد دمرت كل شيء ....وبعد سواد وجهها جاءت تعتذر ؟!!! وش تبغى باعتذارهم بعد ما فقدت قلبها !!! وش يفيد الاعتذار بعد ما خسرت جراح؟! وش يفيد اعتذارها لولدها بعد ما حرمته من أبوه ...يعيش وكأنه يتيم ! ما أحد يسأل عنه من أهل أبوه وش قساوة قلبهم !!! هذا طفل بريء ما له علاقة بالمشاكل الي صارت ! رفعت نظرها لجواد الي يكلمها: الحين اتصل بعمك ينزل ونشوف إذا يقدر يروح معك هزت رأسها بهدوء والتفتت لجدتها إلي بدأت تسالها عن أعراض وتعب يصيبها ! نايف ناظرها وهي مندمجة مع أمه وعيونها فيها لمعة حزن مهما كابرت ما تقدر تخفيها ! تأنيب الضمير يقتله وهو يشوف حالها هو السبب بدمارها من البداية لكن هو ما له ذنب ما كان يعرف هالشيء! هذا السبب الرئيسي الي جعله يبحث عن براءتها يبغى يكفر عن الماضي ! ما كان بالسهل حتى وصل لأم خلف وبالتهديد أجبرها تعترف واخذها معه لبيت ابو راكان واعترفت أمامهم..ما انصدم من حقارة سعاد لأنه يتوقع منها أزفت من كذا .. مشكلتها حسوده والغيرة تقتلها ...مثل هالانسانة لا تستحق تكون أم .....مباشرة سحب العيال منها وما أحد اعترضه .....وربنا رزقه بزوجة راضية مطيعة والكل يحبها لطيبة قلبها ..كانت متزوجه من قبل وزوجها طلقها لأنها عقيم ....ما يهتم لهذه السالفة اهم شيء راحة البال ويقدر يسعد عياله وهذا يكفيه ! التفتت لجواد الي يكلمها بعد ما قفل الجوال: خلاص عمك بدر يروح معك للمؤتمر وانتبهي على نفسك ! هزت رأسها وحمدت ربها إنه تيسر الأمر ...ناظرت نايف الي تكلم: هو نفسه المؤتمر الي رايح له زياد ؟! هزت رأسها بهدوء:-إيه نفسه جواد باستفسار: وين شفته زياد نايف مط شفته بتعجب:-ترى الباب بالباب ! ام جواد بمديح: ما شاء الله عيال ناصر بالرغم من الأحداث الماضية ما قاطعوا بالعكس اعتذروا جواد رفع حاجب: وحنا ما قاطعنا بالرغم من غلطهم الفادح ام جواد :-؛والله ما قصر راكان بسعاد والله جعلها تتمنى الموت ...حرمها من كل شيء... وتدخل زياد قبل فترة وزوجها لرجال بآخر الدنيا ...والله ام راكان كسرت خاطري تقول خلاص غلطت وندمت جواد بقهر: سرعان ما ترقع لعيالها جعلها لهذا الحال واردى وش تحس فيه يوم تدمر بيت ام جواد عفست ملامحها: ما هو كأنك إنت دمرت حياة رونق تذابحت مع جراح وحملته يطلقها قاطعتها رونق بانزعاج من هذه الذكرى الي ملتصقه بعقلها وبذاكرة من حولها وما احد ناسيها : جدتي خلاص قفلي هالسالفة ...كل شيء قسمة ونصيب وأنا راضية الحمد لله على كل حال!!! ** ** ** الجازي جالسه تلاعب ولد رونق بعد ما تركته عندها: يا حلاته ....قول جدتي الجازي حلوة ضحك فياض على كلامها : انا اشوف رح تستخفي والسبب عيال رونق ! الجازي ابتسمت: والله عيالها عسل الحمد ما اخذوا صفات رونق يذبحني بروووووودها ! اذا ضحكت اقرص نفسي يمكن حلم ....حتى يقولون عنها ثقيلةورزينة مالت عليها تقتل شبابها قاطعها وهو رافع حاجب بتحليل: شوفي يعني احسها من بعد طلاقها تغيرت ظاهريا كثير للأفضل ....لكن من الداخل احسها حاملة على كل من حولها وما نسيت شيء .. يعني لا تظنين إنها سامحتك ونسيت لما الكل صدق فيها سالفة السحر ... او نسيت يوم هجرتيها وانا طردتها ..هي بس تبغى الحياة تمشي طوت الصفحة حتى تستمر لكن ما محت الي داخلها ! شوفيها تحاول تجتمع معك خارج بيتنا وان دخلت ما تجلس كثير قاطعته بعجز: اعتذرت لها كثير وإني قصرت معها لكن ما احس منها استجابة ما تقول إلا انسي الماضي وإنت أمي ومهما صار ربي أمرني قاطعها :خطوة حلوة منها إنها تعدت صدمتها بجراح وما جلست على اطيافه تبكي بالعكس عايشه حياتها الطبيعية ولا كأنه شيء صار وما وقفتها بالرغم إنه الكل خذلها الجازي مطت شفتها : وإنت نفس الشيء كيف طاوعك قلبك تعمل فيها كذا ! أنا مستغرب كيف بيت خالي ما ذبحوها يوم لقوها مع جراح رد بتبرير:صحيح كنت أبغى اكسر خشومها وانتقم من جواد لكن بعدين ندمت صراحة ..بس هالبنت تستفزني بقوة ! تتوقعين توافق على فارس ابوك يبغى يوم ملكة قدر يطلبها لفارس!! الجازي مطت شفتها بضيق: ما رح توافق وما ادري فارس ليه متعلق فيها كذا؟! سمية ماتبغى رونق ..و خطبت له استغربت فترة قصيرة وفسخ الخطوبة...والحين رجعوا لرونق ! فياض بواقعية: أنا نصحتها ما تبغى فارس ما يناسبها أبدا ...وقلت لها تزوجي انسان لا تعرفيه ولا يعرفك واهله موافقين عليك الجازي باندماج: وش قالت لك ؟ مط شفته على جنب: قلت لك من قبل ابنتك وقحة ..تخيلي تقول لي «لما أستشيرك وقتها قول هالكلام » ابتسمت الجازي :صدقني احسها تعزك بس تكابر .... أنا ما ألومها وابغى لها الخير.....لو سمعت كلامي وتواصلت مع جراح لعل يرجعوا قاطعها بهدوء: انا من بعد ما سافر ما كلمته ولا شفته ...وحتى لو شفته ما رح افتح معه الموضوع ! متأكد رح يرجع لرونق قاطعته باستبعاد : ما اظن لو بغى يرجع كان رجع صار عمر الولد اكثر من سنتين وهو ما سأل ! تغير جراح كثير ما توقعته يعمل كذا ...على الأقل هذا الطفل وش ذنبه ما سأل عنه فياض نطق بخفوت: الله يهديهم ! ** ** ** ** مر وقت المؤتمر ورونق مندمجة ....اخر الوقت ناظرت روعة الي تكلمها بخفوت: ارسل لي يقول عجلي بخرابيطك نبغى نطلع للمطعم نتغدى !- وكأني سحبته معي سياحة وسفر! شوفي معصب الأخ ! ناظرت رونق المسجات وابتسمت : حياة السنجل افضل ما احد يتحكم فيك روعة غمزت لها : تنصحيني أتبعك واخلع هالرجال ! رونق بروقان: انت بالذات لاااااا انتبهي تعمليها ....عندك عشيرة بزران قاطعتها روعة وهي تكش عليها : مالت عليك! رونق اشرت لها تسكت: بعدين نتكلم ! روعة تجمع أغراضها : اصلا انتهى الوقت ما تسمعينه جالس يتشكر ...خلاص يااخي شكرك وصل يلا ورينا عرض اكتافك مع السلامة! انحنت رونق تضحك وهي واضعه يدها على فمها وجسمها يهتز من الضحك على كلام روعة وطريقة كلامها! روعة رفعت حاجب: وليه جالسة تضحكين وكأني قلت نكته ! عفست ملامحها بضيق تبغى تطلع تأخرت على زوجها : شوفي ابن الذين بعده يغرد ....يا رجال خلاص شكرك وصل بس روووووح ! افففف يا حبه للثرثرة! تنفست براحة لما انتهى المؤتمر: ما بغى يكمل كلام ! اقول ارفعي رأسك ولا تفضحينا بالضحك رونق رفعت رأسها وهي مستمرة بالضحك على الصامت ! روعة : رح تفضحينا اقول انطمي وخلينا نطلع آخر شيء رونق بصعوبه كتمت ضحكتها على شكل روعة المتوهق بين المؤتمر وزوجها الي معصب على الاخير !! روعة وقفت بعجلة لما خرج الكل: أقول امشي ...تأخرنا ...عز الله رح اتطلق و السبب انت ! تحركي! رونق تمشي وهي تضحك: كل هذا خوف منه ! روعة رفعت رأسها بشموخ : تخسين ترى أنا أخوف بلد ...بس علشان العيال معه ما ابغى أتأخر عليهم ! كله بسبب الي لابس نظارات دكستر سنة وهو يشكر! وقفت رونق ما قدرت تكتم ضحكتها اكثر .... روعة بانتقاد : حسبي الله على عدوك فضحتينا ...الحمد لله المكان فاضي رونق غرقت بموجة ضحك : خلاص روحي اذا كملت معك الطريق رح ننفضح ! ابتسمت لها روعة: اشوفك بعدين ! وغادرت لأنها مستعجلة .....اخذت نفس عميق وشكل روعة بالقاعة وهي تتكلم يجبرها تضحك ! اسندت نفسها على الجدار لعلها تستعيد توازنها بدون ضحك....بعد وقت قصير تنهدت وتحركت بهدوء راجعة والبسمة مرسومة على ملامحها ! ما انتبهت على الشخص إلي يراقبها ... وزاد قهره وهو يشوف ضحكها وسعادتها ولا كأنه صار شيء ! ** ** *• ** بعد العصر قفلت الخط بعد اطمأنت على عيالها ...ناظرت عمها الي يحثها تتحرك: يلا خلينا ننزل للفندق تحت نتغد قاطعته باقتراح: عمي وش رأيك نطلع لمطعم بدر هز رأسه بهدوء: ما عندي مشكلة! تحركت خلف عمها بخطوات متزنة ..والصمت يغلب عليهم .. وقفت لما شافت عمها وقف مع زياد ومعه شخصين ...غضت نظرها بأدب وتحركت تنتظر عمها في الخارج ....تنفست بعمق وهي تناظر المكان من حولها ...التفتت لما اقترب منها عمها : مشينا!- هزت رأسها وتحركت وهي تخطط لمشاريعها العلمية .... توجه للمطعم واختار الأكل وهو يفكر برونق وجراح وش رح يكون مصيرهم....ما توقع جراح يكون موجود بهذا المؤتمر .... ما فاته لما استرق النظر لرونق ....يحس إنه جراح متغير ..كان اكثر حيوية والابتسامة تزين ثغره دائما ...لكن الحين يحسه ما هو مثل قبل ! رونق استغربت نظرات عمها متسلطه عليها ....ونطقت باحراج: عمي في شيء تناظرني وما أكلت لقمة ابتسم ابتسامه دافئة: ولا شيء !- حست خلف نظراته سالفة بس طنشت يا خبر اليوم بفلوس باكر ببلاش! ** ** ** ** بعد المغرب جالس مع زياد في المقهى ويسمع كلامه بصمت: عاجبك حالك هذا ...هجرتنا وكأننا قتلنا لك احد ! يا رجال ما في بقلبك رحمة ..لو تشوف امي طول الوقت تبكي لبعدك رد ببرود : ترى انا لا أول واحد ولا آخر واحد يسافر .....ترى ابوي طول وقته كان مسافر ..راجح ولد عمي عايش حياته كلها برا بالمناسبات حتى يشوفونه وهذه امه عادي ما عملت شيء! وهذا قاطعه بضجر: انت وش دخلك بغيرك ! انت تعرف امي كم متعلقه فيك ..جراح وضع أمي الصحي يتدهور والسبب إنت! متى تريح قلبها ؟! اسمع مني ارجع انت وزوجتك عند امي حياة جديدة قاطعه وهو يسند ظهره للكرسي لينطق ببرود: بس انا طلقتها زياد رفع حاجب بحده: انت على بالك بنات الناس لعبة تتزوج وتتطلق ! مط شفته بلامبالاه :هذا الي أنتم تبغونه قاطعه بدون ما يهتم لكلامه:اسمعني زين كل الي يهمني الحين بعد المؤتمر ترجع معي وبدون اعتراض ! خلاص انسى الماضي وخلينا نبدأ حياة جديدة ....ليه انت واقف مكانك وكأن الدنيا انتهت ..شوف رونق كملت حياتها ولا كأنه صار شيء ولا اثر عليها ناظره والنار مشتعله بداخله ما يقدر يرجع ويشوفها متزوجة وعايشة حياتها وهو جالس على أطيافها ....وببرود ظاهري نطق: لا تقارني بأحد زياد تنهد وهو يشوفه يتظاهر بالبرود وعيونه تحكي قصة ثانية: جراح إنت ما نسيت رونق قاطعه ما يبغى يتكلم بشيء من الماضي: ما يهمني أحد ولا افكر بأحد لأنه ما في شخص يستحق التضحية ! وقفل هالموضوع أفضل! ** ** ** كانت مستعجلة وقبل ما تدخل القاعة وقفها زياد :رونق وقفت وردت برسمية : نعم زياد تكلم بهدوء: معك رقم جدك وليد تكلمت بعفوية : ليه؟! رد بهدوء: أبغى رقم رجال يعرفه رونق طلعت الجوال واعطته الرقم ..رجعت الجوال وتحركت باتجاه القاعة ..التقت عينها بعينه طالع من القاعة ..سرعان ما نزلت نظرها وتجاوزته ولا كأنها عمرها عرفته او شافته ...اول ما جلست ..اخذت نفس عميق تهدي دقات قلبها ورجفة يدينها ..ما توقعت تشوفه هنا أبدا! روعة باستغراب وهي تناظر حالها : وش فيك ؟! بلعت ريقها ونطقت برجفة ما قدرت تخفيها: جراح هنا روعة ناظرت جهة الباب لما دخل زياد ومن خلفه جراح ....تكلمت بحنق: وخير يا طير ! وش عليك منه ؟! رونق نطقت بخفوت : كرهته يا روعة ...كيف تلاعب بقلبي ومشاعري ...تخلى عني بكل برود وما اعتذر بعد ما ظلموني ! وكمل حياته ومبسوط وأنا ما سأل عني،! لما اناظر ولدي احس قلبي ينفطر لحاله وش ذنبه يعيش وكأنه يتيم ! استخسر فينا سؤال واحد ! وكأني نكرة بحياته وما لي قيمة عنده! أهل ابوي قلوبهم قاسية ....احس قلوبهم أقسى من الحجر ... روعة بمواساة:ربك كريم ..لا تقلبي وجهك الحين وتصيرين بائسة اثبت للكل وجوده وعدمه واحد رونق كتمت ضيقها ونطقت: أكيد ما رح اسمح لشوفته تدمر حياتي من جديد ! مسكت يدها روعة بتشجيع: أيوه كذا كوني ويا جبل ما تهزك ريح ! ابتسمت رونق وداخل عيونها بريق يحكي قصة اوجاعها !! ** ** ** يتبع | ||||||
|
| |
|
17-05-21, 08:45 PM
| #227 | ||||||
| مشرفة منتدى الروايات المنقولة
| انتهى المؤتمر على خير ...ما شافت جراح الا مرة وحدة ...ما تنكر للحين متعلقة فيه وما نسيته .. هذا شيء خارج عن سيطرتها وما تقدر تتحكم بقلبها لكنها تقدر تتحكم بعقلها ... خرجت من سرحانها على كلام أمها: وكيف كان المؤتمر ؟! قدر بلقافة: اكيد ممل ويلوع الكبد ....كله كلام ما هو مفهوم ..واااااع يمه انت كيف تتحملين قاطعتها رونق بضجر: ما اقول الا يصبرني عليك ..الدراسة اخر اهتماماتك قدر بضحكة: وش ابغى بوجع الرأس ! قبل ما ترد عليها رن جوالها ...ردت بهدوء ...لحظات وبعدها قفلت الخط وهي تنطق: يلا يا قدر جدك الجازي باعتراض: وين وين ما جلست رونق وهي تمسك بيد ولدها: مرة ثانية ابغى ارتاح وأنام الجازي بقهر: ترى عندنا غرف قاطعتها بتبرير: والله ما ارتاح الا بغرفتي ! مرة ثانية قدر وهي جالسة: انا انتظر ديما ورح انام هنا ! كشت عليها رونق : مالت عليك! وغادرت المكان !! ** ** ** ** ام راكان من لما رجع ما تركته بحاله: عاجبك حالك كذا لا زواج ولا عيال ! رد بهدوء: مرتاح ومريح رأسي! تكلمت بضيق على حاله: على الاقل اطلب ولدك! كتم ضيقه ما يبغى يقترب منها وتتولد داخله مشاعر الانتقام لما يشوفها مع زوجها ويسحب منها الولد ...يبغى يبتعد لأنه يحبها ما يبغى ينتقم من الشي الي احبه ...و ببرود نطق : ما ابغى اشوف احد ! ام راكان ارتفع ضغطها من بروده: أنا مستعدة بنفسي اخطب رونق لك ...في سبيل ترجع مثل قبل يا جراح الحين اتصل فيهم واخطبها لك مرة ثانية ويرجع شملك معها ومع ولدك! حس بالصدمة اعتلت ملامحه ومكالمة سعاد معه بعد ما ترك المنطقة 3 اشهر حتى تعتذر وترتجيه يرجع لهم .ما نسي كلامها الي كان مثل السم ..." _قول ما تبغى ترجع بعد ما تزوجت رونق غيرك _ تزوجت؟! للحين ما خلصت عدتها _ ابشرك قبل كم يوم خلصت عدتها والبارحة ملكتها واليوم زواجها ! لينطق وهو يتجرع مرارة الغدر من رونق : وش علاقتي فيها.. وأنا بعد تزوجت وما جلست على اطيافها ...وما عادت تهمني.." نفض هذه الذكرى من رأسه ويشعر إنه مشوش لينطق بتوجس وهو ناظر أمه: هي تطلقت ؟! ام راكان هزت رأسها بقلة صبر من تصرفاته : استغفر الله ..هي تزوجت حتى تتطلق !!! بلع صدمته بصعوبة ونطق باستغراب:سعاد قالت لي يوم خلصت عدتها ملكت وتزوجت ثاني يوم فتحت عيونها بصدمة من الكلام ...بعدها هزت رأسها بأسف من تصرفات سعاد : ما ادري وش هدفهايوم تكذب عليك يوم تقول هالكلام ! الله يصلحها ويهديها ! رونق لا تزوجت ولا شيء ان بغيتها الحين اخطبها ! ناظر امه بشتات وبعدها وقف ويحس نفسه دخل دوامة من جديد! ام راكان تحثه على الكلام: وش قلت اخطبها لك ناظرها بخيبة : وليه نرجع لنفس النقطة ...وكل حياتنا رونق قالت رونق عملت طلق رونق ...أغضب عليك ليوم الدين إذا ما طلقتها ! هذا الي رح يصير!!! أنا اكتفيت من وجع الرأس ومن تدخلاتكم قاطعته : والله ما اتدخل بحياتكم ... اهم شيء تكون مبسوط ...صدقني مع الايام الي مرت اكتشفت انه رونق ما هي سيئة مثل ما توقعت قاطعها بسخرية: والله !!! الحين اكتشفت إنها ما هي سيئة ! وش استفدت الحين من كلامك ! كلامك جاء متأخر يمه ... استأذن وخرج وبداخله ضيق من كل شيء حوله ...دمروا حياته والحين يبغون يرجعونها ! بينه وبينها حواجز كبيرة ...ما هي بالسهولة تنكسر ..... هي مجروحه منه وهو مجروح منها ! كيف الدنيا تفرق ....مرت من جنبه ولا كأنها تعرفه ...بحياته ما شاف ناكرة للجميل مثلها ..... أعطاها قلبه وذبحته بكل برود ....راحت ايام الجامعة لما كان يشوفها يحس وكأنه ملك كل الدنيا ... بالمستشفى كان يناظر البريك حتى يجلس معها .....ليه يحس البرود يغلفه ...يحبها لكن شيء مكبله اتجاه رونق ..... ما توقع انها تفضل اهلها عليه .....كانت اجمل امنياته يعيش معها بسعادة وسلام .لكنها استكثرت عليه هالامنية واختارت اهلها !!! ما رح يسامحها قتلت اشياء حلوة بداخله ....حبها داخل قلبه ما رح يشفع لها أبدا !!! ** ** ** يوم خطوبة قدر الجازي فرحانه وتذكر الله :ربي يحفظك! قدر ابتسمت : جدتي عادي قاطعتها رونق بحزم : قلت لا وقسم بالله الا كلامك عند ابوي علشان يكسر رجلك ! الجازي عفست ملامحها : علامك تهدديها بأبوك ؟ ترى عندها أبوها قاطعتها رونق بعبوس: من زين أبوها ! اصلا أبوها يبغى له تربية! تخيلي تبغى بعد الحفلة تطلع مع خطيبها على مطعم ! شفت قلة الحياء ؟!! هذه البنت عقلها طافي ...اثقلي يا مجنونة ترى الثقل مطلوب ! الجازي كشت عليها: يا سخفك اذا تفلسفت !! ايام خطوبتك. . بجراح كم مرة التقيتم في الجامعة بالسر ؟!! والحين عاملة نفسك على قدر شريفة مكة قدر تكلمت بانفعال واخيرا لقت زلة على أمها: اييييه اعترفي كم مرة طلعتم ؟!! ناظرت أمها بضيق تحسها جالسه تحث قدر تتمرد عليها : يعني بدل ما تنصحيها وتقولين لها ترى الرجال بعدنا ما عرفنا خيره من شره تقومين تحرضيها ؟! وقسم بالله أحيانا تصرفاتك ترفع الضغط وما تناسب سنك قاطعتها الجازي بردح: نعم نعم نعم ! ترى انا امك يا قليلة الادب ما تستحين على وجهك تكلميني كذا !!! وش زيني مين يصدق إني صرت جدة! اقول شوفي نفسك قربت الحفلة وانت للحين منشغله بأبحاثك !!! يا برودك! رونق توجهت للسرير قفلت اللاب ...وردت بابتسامة على انفعال الجازي: انا حلوة لو لبست خيشة! الجازي مطت شفتها : يا شين الغرور ! ** ** ** كانت الحفلة عائلية في بيت ابو جواد ناظرت قدر وهي مبسوطة وكأنها ملكت الدنيا ..تحس براحة إنها اطمأنت عليها تتمنى تكون أيامها سعادة وهناء .....خاصة وهي تشوف أهل المعرس طايرين من الفرح فيها !! اقتربت من جدتها حنين جالسة بالرغم من كبر سنها الا تحسها قوة الشخصية واضحة عليها ...ابتسمت وهي تقبل رأسها : عساك بخير!- حنين ابتسمت لها وبداخلها تفكر معقول تتم خطوبة فارس ورونق ...وبهدوء نطقت : الحمد لله بخير! رونق أشرت على الجازي : ابنتك هذه متى تعقل ؟! حنين هزت رأسها بأسف: ما هي مصدقة إنها جدة العروس واغترت بنفسها وهي تشوف عيون الاعجاب فيها وما هو باين عليها!! ربي بلاني ببنات ولا وحده منهم صاحية ! سمية اقتربت منها وهي تسمع كلامها : وش حلاتنا بس انت يمه ما تقدرين النعمة الي عندك ! حنين مطت شفتها : تصرفاتكم ما ادري كيف! ناظري رونق بالرغم إنها ام العروس لكن ثقيلة وتحركاتها رزينة ... يا عمي الدكاتره غير! ابتسمت رونق وناظرت خالتها الي ردت وما عجبها الكلام: هذا فارس دكتور ومع ذلك تصرفاته ترفع الضغط! رونق اكتفت بالصمت دائما خالتها بوجودها تتعمد تذم فارس بأي طريقة ما تدري إنه ولدها ما هو بعينها ! اقتربت ام راكان من حنين وسلمت بهدوء : وش اخبارك! حنين بابتسامة: هلا الله يسلمك بخير ! ام راكان مدت يدها لسمية وسلمت وبعدها لرونق ..سلمت رونق بهدوء ! ام راكان حست ببرود سلامها لكن ما تلومها ....سمعت كلام عن خطوبة فارس لرونق لكن للحين ما صار شيء علني! ما تلوم ولدها يوم عشقها فيها جاذبية ما هي طبيعية هادئة ثقيلة الكل يمدح ادبها وأخلاقها بالمستشفى.اكتشفت معدنها الاصيل يوم ما اجبر راكان سعاد تعتذر لرونق على فعلتها ...وقتها اقتربت ام راكان من رونق وبغت تقبل رأسها وهي تنطق :سامحيني يا ابنتي...لكن رونق رجعت للخلف مثل المقروصة ونطقت : استغفر الله ..واقتربت رونق من ام راكان وقبلت رأسها : ليه تعتذرين على شيء ما لك علاقة فيه ....إنت شفت الادلة بعيونك ومن حقك تصدقين فيني ...إذا الشخص إلي كان بيني وبينه عيشه وملح صدق فيني ما ألوم إلي يكرهوني" تنهدت ام راكان بضيق ما كانت تشوف هالمواصفات فيها من قبل ....تشعر بالندم بسبب تصرفاتهم كسرت قلب ولدها وهج من المنطقة كلها! ولما رجع وكأنه ثوب وانقلب ! استغفرت بسرها وكلها ندم على الماضي ! ام ربيع اقتربت منهم وعيونها اكلت رونق ...سلمت وهي مقهورة والحسد يأكل قلبها : وش اخبارك يا ام بندر ؟! حنين متأكدة عمرها رونق ما رح ترتاح بحياتها من عيون ام ربيع : بخير! رونق وقفت لما كلمتها ام عبود: ولدك يبكي غادرت وابتعدت عنهم ..قبل ما تصعد لولدها وقفها جواد بتردد وعيونه تحكي صاير شيء : رونق لحظة ! *** ** ** ** عند الرجال تمت ملكة قدر على خير ....الكل وجه نظراته لوليد لما بدأ يتكلم بمقدمات ليختم كلامه : نبغى نخطب ابنتك يا جواد لحفيدي فارس ! جراح الي جاء يحضر ملكة قدر بعد ما احرجوه إخوانه بحضور الملكة ....عقد حواجبه باستنكار معقول اصروا عليه حتى يحضر بنفسه ملكة رونق !! ما اكتفوا من قهره بالايام الماضية والحين يبغون ينهوه عن الوجود وهو يشهد على زفافها لرجل ثاني !! قلبه ما يتحمل وعقله ما يتصور هالشيء أبدا ...ما توقع منها تبيعه رونق وتتزوج فارس! كيف تغدره وهو جالس على ذكراها ما ناظر بقلبه غيرها ! هم بالمغادرة ما يقدر يتحمل هالمشهد ....أكيد متفقين على الزواج والشيخ رح يملك لهم الحين ! وهو الغبي جالس و الموية تمشي من تحت رجوله ! لحظة ما رح ينسحب وما رح يسمح لها تتزوج غيره ...قبل ما ينطق بحرف واحد فتح عيونه باستنكار من الكلام الي وقع على مسمعه ! حس إنه سمع بالغلط او إنه بحلم وبأي لحظة رح يستيقظ منه ....رجع ناظر راكان وكلامه ينعاد على مسمعه بعدم تصديق «قدرك كبير يا ابو بندر .لكن كلامك جاء متأخر لأننا خطبنا رونق لجراح قبلكم ...وانت تعرف انه بينهم ولد وجراح اولى من غيره ..ورونق ابنة عمنا وما تطلع برا العائلة ...والحين رح يملك لهم الشيخ » وليد ابتسم : على بركة الله ...عسى ربي يوفقها مبارك يا جراح ! انهالت التبريكات على جراح وهو تحت تاثير الصدمة ! معقول ذول اهله والا استبدلوهم ؟! والاهم كيف يقررون عنه بدون علمه ..... الحدث ما سمح له يعترض او يبرر او يقول شيء ! ناظر جواد يشوف رد فعله ...تفاجئ هو يشوف الفرح يشع من عيونه ...أكيد هو بحلم ورح يستيقظ منه بأي لحظة !!! انتهى البارت ...لنا لقاء بإذن الله قريبا ...دمتم بخير | ||||||
|
| |
|
| أدوات الموضوع | |
| انواع عرض الموضوع | |
|
|
27Likes
العرض العادي
