آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-06-21, 01:12 AM
| #301 | |||||||||||
| نجم روايتي  
|  الذين يشاهدون محتوى الموضوع الآن : 321 ( الأعضاء 26 والزوار 295) موضى و راكان, مملكة الصمت, ام اليم, سر مهبا, بتلات الورد, شيمو اشرى, تنو الحربي, mariam5565, برنسس hanoon, نبض قلبه, فتاة ليبيه, اميره في كلمتي, هالة فاطمة, جيجي انور, لونا البلوي, سما وسمر, سما وقمر, جرح الزمن 2222, أم السوس, ام آية وهداية, مفااهيم الخجل, ميكاتشينو, بيد_, samrahmadhussein, عهود خالد, wsx السلام عليكم ورحمة الله وبركاته فى أنتظارك كاتبتنا العزيزة | |||||||||||
|  |
|
20-06-21, 01:12 AM
| #302 | ||||
 
| فتحت عيونها رونق على صوت ام راكان وهي تكلم قدر! انتبهت ام راكان على يد رونق: وش فيها يدك؟! رونق ببرود : ما فيها شيء بس انجرحت قاطعتها باهتمام: وكيفك الحين؟! إذا الجرح عميق قاطعتها رونق: لا لا جرح بسيط! هزت رأسها بتفهم : سلامتك ! ردت بخفوت : الله يسلمك! قدر همت بالمغادرة: تبغين شيء يمه أنا راجعه أكمل نوم! هزت رأسها بالرفض .... استأذنت وطلعت من المطبخ! ما لها حيل توقف...الدوار ما هو تاركها ...رفعت نظرها على دخول جراح ...صرفت نظرها عنه زعلانه منه كثير ....بدل ما يكسر الحواجز بينهم جالس يزيدها ! تكلم وهو واقف عند الباب وهو يناظر أمه تحوس في المطبخ،: رونق ساعدي أمي بتجهيز الغداء! أم راكان تركت الي بيدها ونطقت:ما له داعي أنا أجهزه رونق يدها انجرحت من الزجاج وهي تنظف فيه! اقترب منها وسأل باهتمام: نظفت الجرح وعقمتيه ناظرته وعيونه على يدها المصابة: ايه نطق بانتقاد: دامه جرح وليه كل هالشاش على يدك؟! ليه لافيته كذا؟! الي يشوفه ما يصدق دكتورة وتلف الشاش كذا! هاتي ألف الشاش لك انقهرت وهي تشوف سخريته منها ...خبت يدها خلف ظهرها وبقهر نطقت : ما يخصك! وبتذكر نطقت: وين ناصر حس بالفشيلة من رد فعلها قدام أمه... رد بقهر: ما يخصك! مطت شفتها بضيق خلق ..وما ردت ! جلس على الكرسي جنبها ..وهو يناظرها بتأمل..نطق بنبرة حانية: رونق انت تعبانه؟! رفعت رأسها وناظرته ونبرته ذكرتها بجراح القديم .. نطقت ببرود: لا تكلم بإصرار: بس وجهك شاحب وباين عليك التعب! ام راكان ناظرتها : صحيح وجهك شاحب...ليه ما تعملين فحوصات قاطعتها رونق بهدوء: ما فيني شيء! جراح زم شفته بتوعد: باكر عندي مراجعه تروحين معي ونعمل لك فحوصات قاطعته بانفعال ما شاف جراح له مبرر: قلت لك ما فيني شيء! هذه المرة الثانية تفشله قدام أمه ...أعطاها نظرة قوية وما علق! زفرت بضيق ...ونطقت بندم : أسفه ما هو قصدي بس انت قاطعها بزعل: أنا الغبي الي مه ردت بمقاطعة لكلامه : جراح وقف بزعل وتوجه خارج المطبخ وبداخله قهر من تصرفاتها ...ما يدري كيف رح تنكسر الحواجز بينهم ! أم راكان ناظرتها بعتب: ليه كذا عملت هذا هو زعلان؟! ناظرتها رونق بضيق ...وبنبرة خذلان نطقت: وكأنكم ما كنتم سبب بدمار حياتنا ؟! كنا عايشين ومبسوطين بس أنتم دمرتوا كل شيء! والحين جايه تلوميني على كلامي! ترى ما قلت شيء حتى يزعل كذا ! أنا مو تعبانة وإلا المرض هنا اجباري؟! قاطعها وهو واقف على الباب ويسمع كلامها: والله ما بقى إلا تضربينها ؟! ناظرته بصدمه ما توقعت إنه واقف يتسمع عليهم ..ناظرت حماتها واقفه ومرتسمه على ملامحها الرضا او كذا تخيل لها ! نطق يحثها على الإجابه: انت وش تبغين بالضبط ؟! إن سألنا ما يعجبك وإن ما سألنا ما يعجبك ؟! ام راكان بهدوء: يا يمه انت ارتاح ما هو صحي لك قاطعها بقهر: ليه هامها رونق! هذا الي تبغاه ..تبغى تجلطني بكلامها وتصرفاتها ..حتى ترتاح مني ! لكن قاعد على قلبك هنا ! أكيد انصدمت لما قالوا لك نجحت عمليتي يمكن كنت متوقعه تتخلصين مني بفشل العملية ! ومن قهرك بنجاح العملية هجيتي للقرية قاطعته أم راكان : لا يمه لا تقول كذا ترى رونق تحبك قاطعها بغضب : كذب ! صدقتيها ؟! هذه وحدة كذابة! إلي يحب ما يتخلى بأصعب الظروف! اتمنى شيء واحد بس ..اذبح قلبي واتخلص منه الي ما هو قادر يحب غيرها ! ما رح اسمح لك تستغلين حبي لك تفهمين !! ناظرته وهي ماسكه نفسها بصعوبة ما تبكي قدامهم من كلامه ...نطقت بصعوبة: باين الحب مقطع حاله ...روح لزوجتك وابنك الي قاطعها بحدة: هذا الموضوع ما يخصك ...والحين دامك مب تعبانه جهزي الغداء ...امي ما هي ملزومه فينا ! ام راكان بتدخل: جراح تعوذ من الشيطان قاطعها والشرار يطلع من عيونه: يمه سكت وهو يتعوذ من الشيطان بصوت مسموع وغادر المكان! ام راكان زفرت بضيق ..وبعدها نطقت: روحي ارتاحي أنا أجهز الأكل ...الوقت طويل لوقت الغداء! وقفت بصعوبة لبست نقابها ...كتمت ألم الجرح ..تحركت بخطوات بطيئة من الالم ...وام راكان تناظرها باستغراب! استندت على باب المطبخ للحظات تريح نفسها ...وبعدها تابعت خطواتها باتجاه الباب ...وقف جراح لما شافها ناويه تطلع من البيت ..وبصوت غاضب: وقسم بالله إذا طلعت ام راكان قاطعته وهي توقف بينهم:وش فيكم ؟! ردت بخفوت: رايحه اشوف ناصر قاطعها بأمر: انت اجلسي والحين قدر ترجعه! ام راكان : خلاص يا رونق اختصار للمشاكل اجلسي والحين قدر ترجعه ! رونق مب قادرة تتحمل الألم ... توجهت الى أقرب كنبه وجلست وهي عاضه على شفتها السفليه بقوة من شدة التعب ... هزت رأسها أم راكان بحيرة وتوجهت للمطبخ! زفر بضيق وهو يناظرها ... جالسه ومتغطيه ...اقترب منها وجلس جنبها ...عم الصمت للحظات ...نطق وكأنه يفضفض لأحد: أنا ما أبغى توصل علاقتنا لهذا الحد ! أبغى نرجع مثل قبل وأحسن بس كيف؟! تصرفاتك تقهرني ..انت تعرفين غلاتك بقلبي لا تجبريني أتكلم بكلام قبل ما يجرحك يجرح قلبي! ليه تغيرتي علي؟! كنت تقولين إني الشخص الوحيد الي قاطعته وهي تبلع غصتها ..وبنبرة حزينه نطقت: ما تغير كلامي بس انت تغيرت ! أنا انظلمت من اهلك وشوهتم سمعتي وبالمقابل ما اعتذرت عن ظلمك لي ...زدت الطين بله وقمت طلقتني بالشارع قدام العالم وكأني ما أسوى فلس واحد ! وهجرتنا وما عدت تسأل عني ولا عن ابنك وفوق هذا تزوجت وأنا جالسه على ذكراك قاطعها : وخطوبة فارس ردت بضيق: ما كان عندي علم فيها ...هو خطبني أكثر من مرة ورفضته ... لأني وحدة غبية يوم ظنيت انك قاطعها بتبرير: انا ما تخليت عنك أنا طول الوقت أفكر فيك تكلمت بتكذيب : وأكبر دليل تزوجت غيري قاطعها بدفاع عن نفسه: والله ما تزوجت غيرك ! تراها كذبه نفس الكذبة الي وصلتني يوم قالوا إنك بعد العدة تزوجت مباشره ...كرهت ارجع واشوفك مع غيري ... لأني ما أضمن رد فعلي ...فقررت أجلس برا أفضل للجميع ! ناظرته بذبول : وأكيد كذبة من كذبات أهلك حتى يفرقونا...جراح أهلك ما يبغون نكون مع بعض رد بعتاب على كلامها: لا تقولين كذا أمي بنفسها جاءت لبيتكم حتى ترجعك لي .... وإخواني هم الي ارجعوك لذمتي ...ومحراك الشر راحت بنصيبها ...خلاص صار الوقت تستقر حياتنا! شوفي السنين تمر وحنا واقفين بنفس المكان ! لا تخلي قلبك قاسي كذا؟! مطت شفتها بحزن : عمره قلبي ما كان قاسي كذا ...بس من كثر الظنون الي طعنته ...ومن كثر الوجوه الي خذلته ...أرهقتم قلبي بتصرفاتكم حتى صار قاسي كذا ! تنهد وكأن حمل الجبال على صدره : والصلح خير كتمت تعبها وهي تنطق بصعوبه: بس انت ما اعتذرت لي! قاطعها بنرفزه: افففف وبعدين ؟! انت ليه مصره على هالسالفة؟! انت المفروض تعتذرين لي كل مرة تفضلين أهلك علي قاطعته بتبرير: وأنا صادقه أنا زعلانه في بيت ابوي الأصول تقول ما ارجع إلا برضاه وعلمه ! ما هو يرجع وما يلقاني بالبيت تراها ما هي حلوة أبدا السالفة! كش عليها بغيض وهو يقلد صوتها: الأصول! المهم الحين وش قلت ؟! ناظرته بطرف عينها: اعتذر بالاول واعترف إنك الغلطان! زفر بضجر من عنادها: أنا الغلطان الي جالس اتفاهم معك يوم ظنيت انك كبيرة وعاقلة! فتحت عيونها بصدمه من كلامه : جرا قاطعها وهو يمسك يدها المجروحه وبدأ يفك الشاش غصب عنها: وقسم بالله لو يشوف الدكتور نايف كيف لافه يدك إلا يسحب منك الشهادة! عفست ملامحها من تذكر نايف: الحمد لله إنه استقال يرفع الضغط ! كأنه ما احد يفهم بالطب غيره! عكس ابنته الدكتورة ريم تحسها إنسانة راقية طموحة ...لما تشوفها تحس بالراحه النفسية! قاطعها وهو يشوف الجرح عميق: كيف جرحت نفسك كذا؟! غبيه المفروض خبرتيني وأخذتك للمركز الصحي ويخي قاطعته بعبوس من الألم: ما له داعي ...خلاص عقمتها وكل شيء تمام! لف الشاش على يدها برفق: انتبهي مرة ثانية وانت تنظفين قاطعته بوجع: انت انتبه مرة ثانية لما تدفني رفع حاجب باستنكار: انا وش دخلني! ردت بقهر:بسببك لما دفيتني على الأرض عفس ملامحه بضيق وندم: والله آسف ما انتبهت ...ولدك ما ترك لي عقل افكر فيه ! طيب ليه ما قلت ؟! سكت وهو معقد حواجبه باستغراب من طرق الباب! طلعت أم راكان من المطبخ وهي معقدة حواجبها: مين يطرق الباب كذا! تحرك جراح حتى يفتح ...قاطعته أم راكان: اجلس أنا اشوف ناظر رونق وهي تعدل نقابها توقعت أحد من أهله ! انصدم لما رجعت ام راكان وهي تقول : هذا ابو عبدالله ! قومي رونق استقبليه أنا رايحه لغرفتي ! وقفت رونق بتعب وهي مستغربة من قدوم أبوها بهذا الوقت ... فتحت الباب وهي تنطق: تفضل يبه حياك! قاطعها بصرامه: عمره ما يصير فيهم خير ... امشي قدامي اشوف ! قاطعته باستنكار: وش صاير؟! تكلم بصرامة : اقولك امشي قدامي تقدم جراح لما وصله صوت جواد: وش فيه؟! جواد بحده: أنا الغبي يوم ارجعتها لذمتك ...لو زوجتها لفارس او واحد ثاني كان صانوها! بس أنا الغبي الي سمعت كلامها وتركتها على راحتها! امشي يا رونق! صدق لما قالوا ابنة العم عورة! جراح يحس انضغط من جواد وكلامه: على كيفك تسحب زوجتي من البيت لا احم ولا دستور! وش صاير؟! نطق جواد بقهر وهو يشوف يدها عليها الشاش : هذه جزاء رونق ؟! ضحت بحياتها علشانك ! شوفي وش عمل فيك..هذا الي تبرعت له ...قلت لك ما يستاهل بس ما سمعت كلامي قاطعته رونق: يبه جراح حس إنه سمع غلط ..وزع نظره بينهم ... الحين عرف سبب تغيبها عنه ...الحين عرف سبب شحوبها وتعبها !!! ناظر جواد الي يتكلم : يلا يا رونق قاطعته رونق باستغراب: يبه ترى ما صار بيننا شيء!، ما ادري انت وش وصلك كلام ؟! تكلم وهو يؤشر على يدها: قدر اتصلت فيني وخبرتني بكل شيء وقالت إنك تغطين على السالفة اختصار للمشاكل! زفرت رونق بضجر من قدر وتصرفاتها: وانت صدقتها يبه! ترى ناصر كسر الصحون وأنا انظفهم انجرحت يدي ! وقدر أم لسان حسابها عندي! خيم الصمت على جراح وما نطق حرف واحد وهو يشعر بالاحراج من نفسه دوبه الصبح تكلم بكلام ثقيل واتهامات ما لها اصل .... ياااااه ظلمها كثير ! جواد بحزم: وأقسم بالله لو أتأكد إنه قدر كلامها صحيح قاطعته رونق برجاء خلاص ملت من المشاكل والزعل ...رح تكمل حياتها مع جراح على المر والحلو : يبه ما في بيننا شيء وهذه خالتي ام راكان ادخل وأسألها! تنهد جواد وما هو عارف يصدق مين ؟ هز رأسه بتسليك: يصير خير وناظر جراح بتحذير: هذه آخر فرصة لك مع رونق صدقني ما رح أعطيك فرصة ثانية! مط شفته جراح بضجر من جواد لما يتلبس دور العم وما هو لايق عليه ...نطق بتسليك: إن شاء الله عمي! ادخل الحين! خزه جواد ونطق بنبرة ما أعجبت جراح: بالافراح إن شاء الله ! رونق حست بإلتماس كهربائي بين جراح وجواد نطقت بقلق,: يبه قاطعها جواد وهو يهم بالمغادرة: المساء رح نزورك ...انتبهي لنفسك ...للحين انت في فترة نقاهة ارتاحي فيها! هزت راسها بهدوء ... استأذن جواد وغادر ... ورونق تناظر زوله ! جراح بهدوء نطق : ليه ما خبرتيني إنك ناظرته ونطقت بصوت عميق: لأني ما ابغى ترجع لي لأني قدمت لك شيء ...بغيت ترجع حياتنا مثل قبل وأحسن بدون اي قطعت كلامها وهي تشوف ناصر متوجه لها وصوته يضج بالمكان ! نطق بسخريه وقهر من هالناصر: هذا اكبر عائق بيني وبين الحياة الطبيعية ... يرفع الضغط الف...أقسم بالله إني ماسك نفسي بصعوبة ما أكسر رأسه ! ناظرته وما عجبها كلامه: جرب وشوف وش رح اعمل فيك ! **" *** ** ** مرت سنة جالسة بمكتبها ..ومرخيه ظهرها على الكرسي ...تنهدت وهي تنطق بهدوء: طيب وش المطلوب مني؟!, اترك شغلي علشان احضر حفلتك هذه ؟! ..يا قدر ترى والله مشغوله ويا دوب نقدر ننزل لكم كل اسبوعين ودوبنا قبل كم يوم كنا ...زفرت بطول بال : أشوف جراح ....إن شاء الله ....مع السلامة ! قفلت الخط ورن جوالها ... ابتسمت لاسم المتصل: هلا وغلا روعة بصوت رائق: كيفك يا بطه! رونق توسعت ابتسامتها : الحمد لله بخير ... كيفك وكيف عيالك وكيف الدوام؟! روعة بضجر : الحمد لله ...تعرفين الدوام يرفع الضغط والعيال يجيبون السكري وابو الشباب يجيب الجلطة! ضحكت رونق وبنصيحه: يا اختي شوفي مستشفى ثاني ..ترى هذا المستشفى قاطعتها روعة وهي تثاوب: يصير خير ...مع مين مشغولة ؟ تنهدت وردت بهدوء: ما في غيرها قدر ! ...تبغى تعمل حفلة بمناسبة مرور عام على زواجها وتبغاني اترك كل اشغالي روعة بنصيحة: لا تردين عليها هذه طافيه...تعب عليك علشان الحمل تقطعين هالمسافة بالسيارة لمدة ساعتين قاطعتها رونق: الا قولي ثلاث ساعات جراح تلقينه على مهله يقود السيارة علشان الحمل ! وقبل كم يوم لما نزلنا زيارة تذابحنا أنا وإياه قاطعتها روعة باندماج: أفااااا ليه ؟! رونق ابتسمت وهي تعرف لقافة روعة ما لها مثيل: شوفي معه حق يعني يرجع من الدوام تعبان ويمسك خط عند أهلنا والله تعب عليه ...والحمل وأنا وضعي ما يتحمل كل هالمسافة ...بس وش اقول ذابحيتني قدر كل شوي تتصل تعالي ومشتاقه ومن هذه الموشحات...واتشجع أنزل علشان بنات مريم لو تشوفي كيف يفرحوا فيني! روعة بإنصاف: طيب. هو ما يبغى يزور اهله يعني كثير كل اسبوعين حتى تزوروا وأحيانا ثلاث اسابيع رونق براحة: والله أفضل يكفي عايشين لا قال ولا قيل ولا مشاكل..صحيح نتشاجر احيانا بس شجار طبيعي يصير في اي بيت ! روعة بضحكه قصيرة: بالله ما هو سبب المشاكل نويصر ؟! ابتسمت رونق: ايه والله يا اختي هالولد ما هو قابل يعقل وجراح رح ينجن منه ...لو تشوفيهم مثل توم وجيري واحسه هالناصر يتعمد يقهر أبوه بتصرفاته! بس أحيانا جراح يزيدها يتعامل معه وكأنه شاب بالعشرين ...ما هو قادر يستوعب إنه بعده صغير! روعة تنهي المكالمة: ربك يعين ...أكلمك بعدين رونق بابتسامة : مع السلامة ...قفلت الخط وتنهدت وناظرت جهة النافذة ...وهي تفكر بالايام كيف تمر بسرعة ...تحمد ربها إنها حياتها تعدلت.... متأكدة قرارها بالاستقرار في هذه المنطقة أفضل حل ... بالرغم من معارضة الجميع وخاصة أبوها. ...شعرت بالشوق لابوها ما توقعت بيوم تزين العلاقة بينهم كذا ...وما توقعت أبوها يكون إنسان رائع كذا ...تعلمت درس لا تحكم على الاشخاص اذا ما عشت معهم واختبرتهم بالمواقف ... أبوها وقف معها بالوقت الي كانت تحتاجه .... وصار لها سند قدام أهل زوجها بالدفاع عنها.... غرز بداخلها شعور الافتخار فيه .....عندها أب بدل ما كانت يتيمة ..... ومهما جارت عليها السنوات أبوها هو الدرع الي يحميها ..... أما أمها كل أسبوع تقريبا تزورها هنا ...تحس للحين روح الشباب فيها بالرغم إنها صارت جده ...لكنها مفعمة بالحيوية ...وفياض داعمها وما هو مقصر عليها شيء ... مع الايام قفلت دفتر الماضي وفتحت صفحة جديدة مع الجميع ...وكان من بينهم فياض ... ما تنسى مواقفه الرجوليه معها بغض النظر عن بعض تصرفاته معها ....أما وسيم تعتبره بالاسم اخوها لأنها ما تشوفه كثير .... قطعت حبل أفكارها وناظرته متكتف ومستند على الباب: مطوله وإنت تتأملين هالشباك ؟! ابتسمت رونق بمحبة لهذا الانسان ... بحمد الله وفضله تغلبوا على الحواجز الي بينهم ..يكفي انه رجع واعتذر منها ....وقفت وهي تجمع اغراضها : اتصلت فيك قدر! مط شفته بابتسامة ساخرة: أما ابنتك هذه عليها تصرفات بزران ...الحين من عقلها تتكلم ؟! رونق ابتسمت: وش قلت لها؟! توسعت ابتسامته : قلت لها وش دخلنا حتى نحضر ونشهد على الغلطة الي ارتكبها علي ...المفروض نعزيه ما هو نحتفل ناظرته بعتب: حرام عليك كذا تكسر بخاطرها! أشر لها تستعجل : ما ادري كيف رح تصير أم وهي بعدها تتصرف مثل البزران! تقدمت رونق ووقفت جنبه: والله هالبنت أحسها كبرتني دوبني اول الثلاثين وقريب رح أكون جدة! ابتسم وهو يمسك يدها : واحلى جدة! إن شاء الله ما يطلع الي في بطنك مثل قدر وناصر ! ناظرته بابتسامة : يا حليلها قدر ! المهم جهزي نفسك رح ننزل زياد عازمنا على العشاء وأمي ألزمت علي أحضر ! هزت رأسها وبدأت تتكلم بأمور الطب وشغلهم! شد على يدها وتوجه خارج المستشفى وهو يسمع لثرثرتها بإنصات ...يشعر وكأنها جزء منه ... أو كأنهم روح بجسدين ...لو يفديها بعمره ما وفى لها هالفضل إلي قدمته له..عرضت نفسها للخطر حتى تنقذه ... يتمنى إنه يقدر يرد لها الجميل ويجعل ايامها كلها سعادة وفرح ! ** ** ** جالس بالصالة كالعادة يقلب الجوال ..رفع نظره وهو يصرخ : ولا صووووووت ما أبغى أشوف أحد حولي! شهد باعتراض : يعني وين نلعب؟! رد بغضب: أنا وش دخلني إن شاء الله بالمريخ ...يلا ما ابغى احد يلعب هنا وأشر على ناصر وخاصة هذا ! مرام ضحكت: هذا وش دخله دوبه وصل استوعب جواد الموقف ...وقف بابتسامة: رونق هنا دخلت رونق بابتسامة : كذا تستقبل ولدي! جواد اقترب وسلم عليها بحرارة : هلا والله ...اقول غريبة فجأة كذا نور المكان! خزته الجازي وسلمت ببرود على رونق ! مرام بابتسامة عريضة وهي تسلم: لك وحشة يا دبه! جواد باستفسار: وين جراح ؟! جلست رونق : عنده مشوار ١٠دقائق وبعدها رح نروح لبيت عمي ابو راكان هز رأسه بتفهم : كيف وضعك الحين؟! ردت بملامح باين عليها الراحة: الحمد لله ! ابتسمت بحزن وهي تشوف بنات مريم مجتمعات حولها وكأنها ملاك .... كم تتمنى لو مريم بينهم الحين بالرغم من علاقتهم السيئة مع بعض لكن اهون عليها من نظرات هالبنات اليتيمات ....تنهدت بضيق وناظرت أبوها وهي تحس إنه يكتسي ملامحه الضيق كل ما شاف هالمشهد ...لكن ما باليد حيلة الا يقول ربنا بتغمدها بالرحمة ...ويكسب أجر ببناتها اليتيمات ...الواحد ما ينسى فضل كفالة اليتيم وأجرها العظيم عند ربنا .... مسحت على شعر الصغيرة بحنان ...سرعان ما نقزت لما تفاجأت بكف على وجهها بعد ما قفز من فوق بنات خالته ! مسك ناصر بشعر فرح وشده بقوة: ماما! جواد سحبه من ملابسه ...تكلم وهو رافعه بالهواء: انت يا عفريت ما رح تتوب! ناصر وهو يحرك رجلينه بالهواء يحاول يفلت من قبضة جواد: ماما ماما ضحكت على شكل ناصر ...وتكلمت بتدخل: يبه اتركه نزله جواد على الأرض وشد اذنه قبل ما يفلته... بدأ ناصر يبكي بصوت مرتفع! الجازي بانزعاج من صوته: ليه خليته يبكي ! وش يسكته الحين! جواد بلامبالاه : رح يسكت لوحده ! شهد حملته وهي تراضيه: خلص يا بطل مرام : لا تحمليه ترى ثقيل عليك! نزلته شهد وسحبته معها لغرفتهم حتى تعطيه حلاوة! ## ## ام راكان جالسه جنب زياد والهدوء يغلفها ...سألها زياد باستغراب: وش فيك يمه! تنهدت وناظرته بنظرات ما قدر يفسرها: ولا شيء زياد بشك : جراح ؟! مطت شفتها بضيق : ولا أحد .... سكتت للحظات لكن سرعان ما بدأت بالبوح: وش يضره لو سكن بهذه المنطقة وبشقه لوحده ؟! لذي الدرجة كارهنا وكل كم اسبوع حتى ينزل علينا ! من قبل يقدسها كيف الحين بعد ما تبرعت له قاطعها بدفاع: يمه جراح ما قصر معك ودوم يتصل فيك وينزل يزورك عفست ملامحها بضيق: أنا نفسي أفهم وش عملت حتى يحبها هالكثر..هذا أنا لما كان أبوك عايش كنا عادي وانت وزوجتك حياتكم عادي وحتى راكان الي كان يحب مريم كانت حياته عادي! بس اخوكم هذا غير ...ما تشوفه وهو جالس معنا عيونه ما تفارفها وإذا تكلمت يناظرها بإعجاب وفخر يعني قاطعها بهدوء: الله يهنيهم ...مو هذا الي كنت تبغينه بأنه يرجع جراح مثل قبل وأفضل؟! وش إلي تغير؟! وزوجته ما أشوف عليها شيء ...الكل يحمد بأخلاقها ...كلنا أخذنا عنها فكرة غلط وطلعت مظلومة ...ومع ذلك رجعت تتعامل معنا باحترام ولا كأنه صار شيء بيننا !! ام راكان مطت شفتها : نسيت لسانها الطويل معك ومع راكان قاطعها : يا يمه هذا زمان وأنا وراكان ما قصرنا معها ولما تكون مظلومه اكيد رح يكون لها رد فعل عنيف قاطعته بعبوس: الله يهدي النفوس بيننا! هز رأسه بتأكيد : هذا الي نبغاك ودوم كرري ربنا لا تجعل في قلوبنا غلا للذين ءامنوا ! نبغى نكمل هالحياة بدون مشاكل ولا وجع رأس..نبغى نكون اخوة مجتمعين وما تفرقنا الحريم...ما نبغى نكون مثل بعض ناس سنين الاخ ما يكلم أخوه ...نبغى نمون يد وحدة ! سكت وهو يسمع جرس الباب...نطق: اكيد وصلوا ..وبتنبيه : يمه ما نبغى نرجع لأيام زمان ...تنهدت ام راكان وهزت رأسها بدون ما تنطق...توجه يفتح الباب وهو متأكد إنه جراح ...فتح الباب ونطق بترحيب : هلا هلا ابتسم جراح وسلم على زياد: ربي يسعدك زياد ناظر رونق : كيفك يا ام ناصر،! ردت بهدوء: الله يسلمك ..كيف حالك قاطعها : الحمد لله ..تفضلوا حياكم ...وين ناصر؟! جراح براحة : الحمد لله رفض ييجي معنا يبغى يلعب مع بنات راكان ! دخلوا وسلمت رونق على ام راكان بابتسامه : كيفك خالتي! ام راكان فرحت برؤية جراح ...وحتى شعرت ببعض الفرح لرؤية رونق لكنها تكابر..ردت بابتسامة: هلا ربي يسعدك أنا بخير! تفضلوا تفضلوا تقدمت زوجة زياد تسلم وترحب بوجودهم ! ابتسمت رونق وهي تحس العبرة خنقتها وأخيرا تخلصت من المشاكل ...ودب الوفاق بينهم ... حتى لو ام راكان بداخلها ما تبغاها لكنها غصب عنها تقبلتها... لأنهم اقتنعوا أخيرا إنه جراح ورونق ما في قوة بشرية تقدر تفرق بينهم ...جمعهم الحب الصادق ... ما هو حب المصلحة ... جلست رونق ورفعت نظرها لجراح الي يتكلم ويؤشر عليها : مو مصدقني اسأل رونق ! زياد يسلك له : خلاص صدقتك يا رجال ! ضحك جراح بصوت مرتفع وهو يشوف نظرات زياد المكذبة له ! ام راكان بابتسامة وهي تشوف ابتسامة جراح الي فقدتها من زمن : أنا اقول نتعشى الحين زياد باعتراض : ننتظر شوي راكان قريب ما يوصل كان عنده شغل وقريب ما يوصل ! جراح : خلاص ننتظره ...وش رأيك يا رونق ؟! ابتسمت وردت بهدوء: ننتظر ** ** ** الجازي بابتسامة : والله إني أحس إني مبسوطة لما أشوف الراحة بعيونها ...ما توقعت بيوم تستقر حياتها ! حنين هزت رأسها بهدوء: عمر الحزن والضيق والكدر ما استمر ...ربك يفرجها ...ورونق تستاهل كل خير ... إن شاء الله ربنا يوفقها ويسعدها ... وليد بصوت هادئ : الدنيا أرزاق ...سبحان الله بعد ما انفصلوا رجعوا لبعض ... الإنسان هنا لزوم يؤمن إنه إذا كان لك نصيب بشيء رح تحصل عليه غصب عن الكل ...مين قال إنه راكان وزياد بنفسهم يرجعونها لذمته؟! مين قال بيوم رح تيجي ام راكان بنفسها وتطلب منها ترجع لولدها ؟! يعني الي كانوا ضد هالزواج وحاولوا ينهوه هم بأنفسهم أرجعوا هالزواج! وصل لرونق أذى كثير وظلم منهم سبحان الي أظهر براءتها حتى لو بعد حين ... الإنسان المفروض ما يدخل قلبه اليأس ويتيقن إنه ربنا ما ينسى أحد وهو أرحم بعباده وكل أمر له حكمة فيه ... الجازي هزت رأسها بتأييد: صحيح أنا لما انفصلت عن جواد وفقدت البنات حسيت وقتها الدنيا كلها سكرت بوجهي وما في معنى لوجودي بهذه الحياة ...كنت يائسة متشائمة لدرجة ما توصف ...وكنت أجهل إنه ربي اختار لي حياة جديدة أجمل وأروع مع فياض... عمر الطلاق ما كان نهاية العالم بالعكس يمكن يكون فاتحة خير وحياة اجمل لك ! أنا الحين بفضل الله عندي زوج ما أبدله بكنوز الارض ...عندي عيال هم بلسم الحياة وعندي احفاد ...ياااه ما اجمل كلمة (جدتي) والاجمل من كذا عندي أم وأب وإخوان ما أبدلهم بالكون كله ... وش أبغى حياة مستقرة أكثر من كذا ؟ حنين ابتسمت بوجهها الي اكتسى بالتجاعيد : ربي يوفقك ويسعدك دنيا واخره ! اشتريتي شيء لزواج فارس؟! هزت رأسها: ايه ...متشوق أشوف العروس! حنين مطت شفتها : والله إني احس بالحزن على هالعروس .. اخاف تنكسر فرحتها إذا عرفت إنه زوجها قلبه بمكان ثاني! الجازي تنهدت: اذا تزوج رح ينسى صدقيني وإن شاءالله ربنا يسعده ! ** ** ** | ||||
| |
|
20-06-21, 01:14 AM
| #303 | ||||
| طالعين نزهة مع بعض ...فياض بضحكة: والله يا جراح إنك جراح وجهه احمر من الضحك : أنا ما لي علاقة ! قدر خزتهم : ترى ما هي حلوة الكل جالس وجالسين تساسرون وتضحكون ! علي الي يبتسم على ضحكهم: وش تبغين فيهم ؟! فياض وما زالت آثار الضحك على ملامحه: ذابحيتها اللقافة! الجازي بدفاع: اترك قدر على جنب ترى ما أرضى عليها جراح بابتسامة: سبحان الله ما تقدر تعيش بدون لقافه! علي بدفاع وهو كاتم ضحكته: ترى ما اسمح لكم هذه ام سعيد ما أرضى عليها قاطعته بعبوس: والله والله لو أقطعه وارميه للكلاب ما اسميه هالاسم ! سعيد ؟! وش هالاسم ؟! اقولك مستعده اسميه حزين ولا سعيد ! ضحك علي على انفعالها ...دوم لما يبغى يستفزها يقول لها ابغى اسمي الولد سعيد! جراح بانتقاد: والله هو أبوه وهو حر يسميه مثل ما يبغى مطت شفتها : تبغاني أكون هبلة مثل أمي ...لما ولدته أخذت الأوراق وسميته ناصر ولا كلفت نفسك تشوفه قاطعها بانفعال: وبعدين مع ام هالسالفة انت ما حفظت غيرها ؟! كلما تشوفينا يشتغل هالشريط؟!! علي شوف زوجتك الظاهر ناويه تخرب بيتنا ! رونق الي جالسه تراسل الي قرر يستقر بالقرية ....رفعت نظرها و ابتسمت على انفعال جراح ..وناظرت قدر الي تتكلم بغيض: ورح أظل أكررها ... لأني مقهورة من السالفة وكلما أتذكرها أتمنى أطحنك تحت أسناني لأنك أناني ! وقف جراح وهو ناوي لها: الحين اراويك مين الاناني ...الظاهر إنك حالفة يمين ما نرجع الا انا ورونق متطلقين لكن بأحلامك..لكن أوعدك ما رح نرجع إلا وهالنعال على رأسك تحركت قدر تهرب وهي تضحك بصوت عالي : ما تقدر! مسكه فياض وخلاه يجلس: يا رجال اجلس جراح رفع يده بتوعد وهو يناظرها ماسكه بيد علي وناويه تتمشى معه : انا اراويك! ضحكت رونق على شكله المنفعل : اتركها تراها تمزح معك ! فياض بنغزه: سبحان الله طالعه لبعض ناس لسانها احد من السيف خزته رونق : لأنه بعض المواقف لزوم يكون لسانك كذا ! فياض بضحكة قصيرة: ونعم التربية يا حضرة الدكتورة! الجازي بضجر: لا تقولون رح تدخلون بحرب جديدة؟! ترى انا الي اتوهق بينكم ! رونق ابتسمت: أنا خلاص رفعت الراية البيضاء مع الكل وحتى خصومي .. وش نبغى نعمل ...المعاملة مع ربنا فياض ناظر جراح: يعني وش تبغى هذه مني؟! كل ما نلتقي اقول لها (أنا آسف مدام رونق على كل تصرفاتي السيئة معك ... أرجو منك العفو والصفح عني) ضحكت رونق على طريقة كلامه وكأنه رجل آلي ! جراح ابتسم: هيه الحال من بعضه كل فترة تطلع لي نفس الموال اعتذر ,؟! الظاهر إنها فاهمةالسالفة غلط! فياض ابتسم : عاد ما تدري إنه نادرا ما يقول لك الرجل أنا آسف ... لكن بطرق أخرى يظهر أسفه على المواقف الي فاتت ....فما رح اقول لك آسف ! مطت شفتها بجعرفه,: ما رح اسامحك الجازي قرصتها بخفه: خلاص غيروا الموضوع والله اخاف ينقلب الموضوع إلى حقيقة وأنا الي اضيع بينكم ! رونق ابتسمت بمحبة: لا تخافي ما رح نتشاجر ! الجازي حمدت ربها ...ورددت بداخلها " يا رب تمم هالمحبة بيننا وتبعد عنا المشاكل والكره والأحقاد " تقدمت قدر وهي تناظر جراح بتردد: بالله لا تقرص ولا تضرب أنا كنت امزح معك ! جراح هز رأسه بتوعد: الوعد مو الحين ..صدقيني إذا ما تسمى ولدك سعيد راجعيني! عبست ملامحها بضيق : يمه شوفي زوجك قاطعتها الجازي وهي تمسك الجوال: تعالي با ابنتي هو على كيفه ...تعالي نتصور الثلاث مع بعض ! اقتربت رونق من أمها وناظرتهاوهي رافعة حاجب: ما يزبط إني اكون بحضنك يعني تحت جناحك ... لأني اطول منك وما رح تظهري قاطعتها الجازي وهي تخزها: يا حبك للثرثرة...جكر فيك رح نتصور انت تحت كتفي اليمين وقدر تحت كتفي اليسار.... اقتربوا من بعض ..لحظات وتم التقاط الصورة لثلاث نساء.. والبسمة مرسومه على ملامحهم.... مروا بتجارب قاسية ...وسيطر عليهن الحزن والأسى ...لكن مع مرور الزمن انكشفت غيمة الأحزان ...وحلت السعادة عليهن ....قد لا تنتسى الاحزان وتندثر مع طيات السنين .. لكن الحياة كفيلة بتطبيب الجروح .... هنا نصل لنهاية الرواية ..... أتمنى أن تنال إعجابكم ...انتظروني في الرواية القادمة بإذن الله ...دمتم بخير | ||||
|
| |
|
20-06-21, 01:15 AM
| #304 | |||||||||||
| نجم روايتي
|  الذين يشاهدون محتوى الموضوع الآن : 323 ( الأعضاء 26 والزوار 297)  موضى و راكان, ضاقت انفاسي, مفااهيم الخجل, مملكة الصمت, ام اليم, سر مهبا, بتلات الورد, شيمو اشرى, تنو الحربي, mariam5565, برنسس hanoon, نبض قلبه, فتاة ليبيه, اميره في كلمتي, هالة فاطمة, جيجي انور, لونا البلوي, سما وسمر, سما وقمر, جرح الزمن 2222, أم السوس, ام آية وهداية, ميكاتشينو, بيد_, samrahmadhussein, عهود خالد  يا هلا بكاتبتنا العزيزة نورت روايتك يا غالية | |||||||||||
|
| |
|
20-06-21, 01:48 AM
| #305 | |||||||||||
| نجم روايتي
|  الذين يشاهدون محتوى الموضوع الآن : 334 ( الأعضاء 30 والزوار 304) موضى و راكان, almoucha, bobosty2005, Bintabowha, ضاقت انفاسي, فالنسيا, مفااهيم الخجل, مملكة الصمت, ام اليم, سر مهبا, بتلات الورد, شيمو اشرى, تنو الحربي, mariam5565, برنسس hanoon, نبض قلبه, فتاة ليبيه, اميره في كلمتي, هالة فاطمة, جيجي انور, لونا البلوي, سما وسمر, سما وقمر, جرح الزمن 2222, أم السوس, ام آية وهداية, ميكاتشينو, بيد_, samrahmadhussein, عهود خالد  نهاية سعيدة لرواية عشنا مع أبطالها لحظات السعادة و سنوات الحزن و معاناة الفقد و الفراق تسلمى كاتبتنا العزيزة أبدعتى و فى أنتظار الأبداع القادم لك منى كل الحب و المودة  | |||||||||||
|
| |
|
20-06-21, 01:50 AM
| #306 | |||||||||||
| نجم روايتي
| الذين يشاهدون محتوى الموضوع الآن : 520 ( الأعضاء 47 والزوار 473)  موضى و راكان, dodoalbdol, لونا البلوي, $هدوءأنثي$, سفينة العود, الياسمين14, بيبو عزاوي, الاسطورهـ, XAFff, ضاقت انفاسي, nor1111, هاجر73, سر مهبا, Bintabowha, ريحانة ابي, ريحانه تو, أم هالة, جاسمن81, jewa, صمت الزوايا, alhaera, ام نواره, ام احمد ورؤى, ألين ♡, حليمة سباغ, شموخ أمين, العيون لا تكذب, almoucha, fah, eman90, sona81, برنسس hanoon, غوايش, مفااهيم الخجل, مملكة الصمت, ام اليم, بتلات الورد, شيمو اشرى, تنو الحربي, mariam5565, نبض قلبه, فتاة ليبيه, اميره في كلمتي, هالة فاطمة, جيجي انور, سما وسمر, سما وقمر :heeheeh::heeheeh: شـكــ وبارك الله فيك ـــرا لك ... لك مني أجمل تحية . | |||||||||||
|
| |
|
20-06-21, 01:54 AM
| #307 | |||||||||||
| نجم روايتي
| الذين يشاهدون محتوى الموضوع الآن : 536 ( الأعضاء 48 والزوار 488)  موضى و راكان, غـــزلــ, شموخ أمين, dodoalbdol, لونا البلوي, $هدوءأنثي$, سفينة العود, الياسمين14, بيبو عزاوي, الاسطورهـ, XAFff, ضاقت انفاسي, nor1111, هاجر73, سر مهبا, Bintabowha, ريحانة ابي, ريحانه تو, أم هالة, جاسمن81, jewa, صمت الزوايا, alhaera, ام نواره, ام احمد ورؤى, ألين ♡, حليمة سباغ, العيون لا تكذب, almoucha, fah, eman90, sona81, برنسس hanoon, غوايش, مفااهيم الخجل, مملكة الصمت, ام اليم, بتلات الورد, شيمو اشرى, تنو الحربي, mariam5565, نبض قلبه, فتاة ليبيه, اميره في كلمتي, هالة فاطمة, جيجي انور, سما وسمر, سما وقمر موفقة بإذن الله ... لك مني أجمل تحية . | |||||||||||
|
| |
|
20-06-21, 01:58 AM
| #308 | |||||||||||
| نجم روايتي
| الذين يشاهدون محتوى الموضوع الآن : 576 ( الأعضاء 50 والزوار 526) موضى و راكان, صووفيا, (ميرال), بسومهه, eman90, غـــزلــ, شموخ أمين, dodoalbdol, لونا البلوي, $هدوءأنثي$, سفينة العود, الياسمين14, بيبو عزاوي, الاسطورهـ, XAFff, ضاقت انفاسي, nor1111, هاجر73, سر مهبا, Bintabowha, ريحانة ابي, ريحانه تو, أم هالة, جاسمن81, jewa, صمت الزوايا, alhaera, ام نواره, ام احمد ورؤى, ألين ♡, حليمة سباغ, العيون لا تكذب, almoucha, fah, sona81, برنسس hanoon, غوايش, مفااهيم الخجل, مملكة الصمت, ام اليم, بتلات الورد, شيمو اشرى, تنو الحربي, mariam5565, نبض قلبه, فتاة ليبيه, اميره في كلمتي, هالة فاطمة, جيجي انور, سما وسمر :heeheeh::heeheeh: شكرا جزيلا كاتبتنا العزيزة مع تمنياتنا لك بدوام التوفيق و مزيد من الأبداع و التميز | |||||||||||
|
| |
|
20-06-21, 02:02 AM
| #309 | |||||||||||
| نجم روايتي
| الذين يشاهدون محتوى الموضوع الآن : 636 ( الأعضاء 53 والزوار 583) موضى و راكان, سر مهبا, ام عمر العمر, مفااهيم الخجل, سانور, بنتي نور عيني, alhaera, Sun Fairs, صمت الزوايا, بيبو عزاوي, dodoalbdol, العيون لا تكذب, (ميرال), صووفيا, بسومهه, eman90, غـــزلــ, شموخ أمين, لونا البلوي, $هدوءأنثي$, سفينة العود, الياسمين14, الاسطورهـ, XAFff, ضاقت انفاسي, nor1111, هاجر73, Bintabowha, ريحانة ابي, ريحانه تو, أم هالة, جاسمن81, ام نواره, ام احمد ورؤى, ألين ♡, حليمة سباغ, almoucha, fah, sona81, برنسس hanoon, غوايش, مملكة الصمت, ام اليم, بتلات الورد, شيمو اشرى, تنو الحربي, mariam5565, نبض قلبه, فتاة ليبيه, اميره في كلمتي, هالة فاطمة, جيجي انور, سما وسمر :heeheeh: | |||||||||||
|
| |
|
| أدوات الموضوع | |
| انواع عرض الموضوع | |
|
|
27Likes
.png)
العرض العادي
