آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-08-22, 11:28 PM
| #61 | ||||
 
|  الــبــــــــارت الــــســـــ37ـــابع والـــثـــلاثـــــون اصعب من الحب وشلون تخفيه الحب يفضح والملامح تتكلم لا صار لك غايب عن الناس تبغيه وشلون تقوى الشوق ابغى اتعلم انا سجين الحب في عالم التيه اكتب قصيدي فيه وانا اتألم انا العاشق الصادق المجنون فيه انا المغرم بصدقه ولا ابغى اعّلّم يسرقتي الشوق من شوقي واجيه كلي وانا كلي بحبه.. مسّلم ماعاش من حاول يلامس اياديه ولا عاش من حاول يجيه متحلم الشخص هذا مُلك لي وبعيش فيه كل العمر لان العمر لأجله تسلّم /يزيد الميموني صحيت متأخر شوي ع الساعه ١٢ تحممت وصليت رتبت الغرفة وزينت نفسي ولبست ناظرت ساعتي صارت ١ ونص اكيد جواد رجع بالعاده يرجع ١ بروح اكلمه اني ابي اروح بيت اهلي طلعت من غرفتي لجناحنا اقصد جناحه دقيت الباب مافي رد فتحت ودخلت يمكن بغرفته دقيت ع غرفته مافي صوت فتحتها مافي احد يوووه معقوله لسى مارجع. رجعت غرفتي بخيبة امل كلمت الخدامه وجابت لي الغدا لاني بمووت جوع جوانه: اسمعي الخدامه: يس مام جوانه: اذا شفتي جواد رجع تعالي خبريني اوك الخدامه: اوكي مام وطلعت وانا اكلت وبعد خلصت.. شغلت التي في اتسلى فيه شوي مر الوقت بطيء وانا انتظر شفت افلام شفت مسلسلات طفيته اخيرا وانا اناظر الساعه اففف صارت ٦ المغرب معقوله الخدامه نستني اكككيد نست وقفت ورحت الجناح دقيت بتردد وانا اسمع صوت المصعد مارد جواد ف بديت بفتح وكزيت لما سمعت صوته خلفي جواد: تبين شي؟ التفت له شكله مرهق مررره فاتح ازارير قميصه بأهمال وجاكيته ع يده وبيده الثانيه شوية اوراق وعيونه ذبلانه وشعره مهمل جواد: اللللووووووو انتبهت: احممم توك راجع؟ تعداني ودخل الجناح وهو يجلس ع الكنبه ويسند راسه للخلف ومغمض عيونه حسيت الوقت مو مناسب ف تراجعت خطوتين برجع جواد رفع راسه: تعالي دخلت بعد تردد وهالمره عدل جلسته وظل يناظرني وانا واقفه جوانه: امممم انت قلت لازم استأذن منك وانا ماحبيت اروح بدون ما اقولك جواد: وين؟ جوانه: بيت اهلي فقدتهم ابتسم بذبول: بشرط جوانه: وشو جواد بتعب: سوي لي مساج احس راسي بينفجر تقدمت منه: خلاص انت ارتاح خذ لك بنادول و.... قاطعني مسك يدي وحطها ع جبهته وهو يغمض: مايحتاج بندول وانتي موجوده سحبت يدي بسرعه وشبكت يديني ببعض تذكرت اول ماجابني يوم جرحني بالمكتب ويقول اني اعرف اسوي مساجات للرجال وبكم ومدري وش تذكرت قد ايش كان قاسي صخر مايرحم ناظرني بإستغراب ف تكلمت: م ما اعرف اسوي خذلك بندول وارتاح وانا بروح ماشي بديت بلف بس مسكني من معصمي ولفني وهو يسحبني له لين طيحني عليه صرت جالسه على فخذه ويدي ع صدره ناظرته كان قريييييب مني مره عيونه تعبااااااانه ومنهكه ابتسم نص ابتسامه وانا نزلت راسي بأحراج قرب مني اكثر تحسس خدي بخشمه حسيت اني بموت وانا احس بأنفاسه الحاره على خدي جواد: سامحيني ابعدت وجهي عنه وناظرته بصدمه وماتكلمت .. وهو تكلم وكأنه قاري افكاري وعارف ليش ارتبكت من شوي كمل: على الجروح اللي سببتها لك في الماضي طبطب ع راسي: اعرف انها مازالت هنا .. ومازال مخك اليابس ذا يذكرك فيها بين وقت ووقت ناظرته: ماراح اقدر انسى اي جرح سببته لي سواء من الاول او الحين رفع خصلات شعري: تناسي ع الاقل قلت بحقد: انا مابي انسى ولا نقطة الم عشتها معك حاولت اوقف بس شدني همس بأذني بهدوء جواد: الألم اللي عشتييه قاعد اعيش اضعافه يمين بالله وقفت بربكه وقلبي يدق بقوه وطلعت بسرعه من جناحه رحت غرفتي رفعت شعري ناظرت نفسي بالمرايه وش يقصد وش يبي بالضبط ماراح تخدعني من جديد .. كذاب اناني مايهمه الا نفسه ماراح احن عليك ولا احبك ولا حتى افكر فيك جهزت نفسي تحممت ولبست وتزينت لبست عباتي وطلعت شفت خالتي نازله الدرج من شافتني وقفت سميرة بإستغراب: جوانه؟ التفت لها: هلا رجعت رقت الدرج وصلت عندي: وين رايحه؟ جوانه: بروح بيت اهلي سميره: بس لسى ماخلص الشهر وش صار ابتسمت: لا بس بزورهم سميره بأرتياح: اها زين. سكت سميره: جوانه ادري تكرهيني ع اللي سويته فيك بس جواد محتاجك لا تتركينه ناظرتها بأستغراب سميره: ايه محتاجك لا تستغربين من كلامي انا بالاول ماتقبلتك لان كان ودي انا اختار زوجة جواد وماتقبلت انه يجيب لي وحده كذا ويقول تزوجت .. ماعندي غير ولدين يعني بفرح فيهم بختار لهم انا بس للاسف اختياري طلع غلط ف قررت اطيع قرارات عيالي واللي احسه بيسعدهم وجواد سعادته معك قلت بسخريه: سعادته مع خدامته؟ مسكت يدي: انسي ذا الموال صح الطريقه اللي جابك فيها غلط بس صدقيني يحبك جواد يحبني؟؟ حتى وان كان يحبني انا ماراح احبه جرحني كثير كيف بنسا قاطع تفكيري بصوته المبحوح جواد: جوانه التفت له: هلا جواد: جاهزه؟ جوانه: ايه بس عادي اروح مع السواق انت ارتاح جواد: انا بوصلك امشي ناظرت خالتي اللي ابتسمت لي ورحت معه نزلنا المصعد طلعنا وطول الطريق ساكت وانا افكر بكلام امه معقوله يحبني طيب ليه مايقول.. لالا مستحيل يحبني لو يحبني ماكان يتجاهلني فكرت كثيييير ولا حسيت يوم وقفنا جواد يأشر بيده قدامي: الوووووو التفت له جواد: في ايش سرحانه ناظرت البيت ورجعت ناظرت جواد: مافي شي بس كذا. المهم عادي انام عندهم جواد: ثلاث اسابيع واربع ايام وسبع ساعات وتنامي عندهم ابتسمت: حافظهم بالايام والساعات بعد لهالدرجة تبي فراقي؟ تنهد وابعد نظره عني .. ناظر قدامه وسكت هه وانا الغبيه فكرت باللي قالته خالتي. جواد مستحيل يتغير مستحيل يحب نزلت وانا كل تفكيري فيه وفي مزاجه المتقلب ارخى راسه وهو يسنده للخلف ويغمض عيونه ضرب صدره جهة قلبه جواد بتعب: دخيلك لا تسويها ... دقيت الجرس وانتظرت انفتح الباب ومن شفت ماما ضميتها بقووووه عبير بفرحه: جوانه؟؟؟ ابتسمت وانا ابعد عنها: ايه يمه ضمتني: ياروووحي انتي فقدناك والله هالجواد اخذ عقلك ونساك اهلك جوانه: مستحيل انساكم جا ابوي: جوانه؟؟؟ ابتعد ورحت بسته ع راسه وهو ضمني: اشتقنالك جوانه: وانا بعد كثييييير ناظرتهم: وين دانه؟ عبير: راحت عند منار الحين اكلمها ابتسمت: لا تعلمينها اني هنا وخلي منار تجي بعد اشتقت لهم دخلنا ع الصالة محمد: كيفك يبه وكيف جواد معك؟ عسى مو مزعلك ابتسمت وانا اذكر لندن: لا يبه مدلعني ومو مخلي شي ينقصني محمد: الحمدلله اهم شي انك مبسوطه معه عبير: كذا يا جوانه تطيرين معه ولا تودعيني بستها يقوووه على خدها: اااااسفه يالغاليه ما اعيدها وعد عبير: هههه خلاص خلاص خدي راح فيها جوانه: فديت روحك وقلبك جلست اسولف معهم شوي وانفتح الباب وقفت ورحت ومن شافتني صرخت بصوت عالي دانه: جووواااااااااننننه ابتسمت وضمينا بعض مثل المجانين نناقز ههههه شوي ودخلت منار ومن شافتني منار: جوووووووج وجت ضمتني بقوووووه منار: وحشتيني وحشتيني وحششششتيني جوانه: هههههه وانتي بعد بس لو ظليتي ضامتني كذا راح اموووت ابتعدت عني وهي تضحك دانه: من متى هنا؟ جوانه: من يوم كلمتك ماما منار: زين اني جيت تعالي تعالي نسوي معك تحقيق ههههه سحبوني على فوق عبير: تعالو وين ماخذينها دانه: نحش في نسيبنا هههههه طلعنا غرفة دانه وجلسوني بالوسط وحده يميني ووحده يساري دانه: اييه وش صار معك كيف اخذك وكيف لندن ومتى رجعتي منار: وليش رحتي معه اصلا صدمتيني بصراحه جوانه: هههههه حبه حبه علي شفيكم منار: يلا جوانه: اممم اول شي ترا مارحت معه بكيفي ارسل لي من رقم انو فيه اغراض عند الباب وانا حسبته فهد واول ماطلعت نيمني واخذني معه منار: الحقيييير متأثر بالافلام جوانه: ههههه شكله المهم تخيلو ماصحيت الا بلندن ولا ادري كيف وصلت هناك .. بس كان غير كان حنون لابعد حد داراني واهتم فيه ودلعني وفتح لي معرض بإسمي بعد دانه بصدمه: هالمتوحش يطلع منه كل ذا؟؟؟ جوانه: انا بعد كنت مستغربه بس بعدين استوعبت اني غبيه وكان بس يضحك علي عشان ياخذ شي مني وبعدها رجع نفس ماكان دانه: وش اخذ مافهمت مو توك تقولين تغير منار: حتى وان تغير وفرش لك الارض حرير ياويلك تحبينه سامعه؟ ابتسمت: مهما سوا يبقا فيه شرخ عميق بعلاقتنا مستحيل نكون طبيعين مع بعض تطمني منار: اشوا خفت تحنين وتنسين البلاوي اللي سواها فيك جوانه: لوهله نسيت بس الحمدلله الحين رجع لي عقلي ماراح انسى دانه: تهقين حبك؟ جوانه: ما اتوقع منار: يارب انه يحبك وتعذبينه وتتركينه خله يذووق شوي من الألم تذكرت كلامه قبل نطلع وانو قاعد يتألم دانه: ليش تقولين كذا لو حبها صدق وتغير ليش ماتسامحه وتنسى ناظرتها بصدمه: مو من جدك دانه: والله صدق .. اذا تغير للافضل وكان زين معك ليش تخلينه منار: غبيه انتي؟ وش اللي تنسى وتعيش معه عادي طبيعي دانه: هذا الصدق ليش تبينها تخرب حياتها انتي ماشفتي يوم تركها قبل رمضان كيف كانت حالتها .. عايشه معنا لكن روحها مو هنا ضحكتها مو هنا منار: حتى لو هي راح تتعافى وتناساه ليش تكون مع شخص ذلها واهان كرامتها ومسح فيها الارض ابدا مو معك بذا الكلام ي دانه جوانه: خلاص انتي وهي انا اصلا مقرره وخالصه شهر بس ونتطلق دانه: وليش شهر؟ اخذت نفس: يعني بعد مارجعنا فضح خوله قدامهم وبعدها شفت جاد وانه صحى حسيت نفسي مثل الغبيه ضحك علي وكذب علي ولا علمني. ف طلبت الطلاق لان اتفاقنا خلص اخيرا .. بس عمي قال اعطيه فرصه شهر. يعني اول مره يطلبني وانحرجت ارده منار بقهر: ماشاءالله وهو ليش ما انقهر عليك يوم يشوف ولده يعاملك بذيك المعامله جوانه: ماكان راضي منار: المهم ياويلك تسامحينه سامعه مهما سوا دانه: خير انتي ليش تخلينها تحقد على زوجها لفت وجهي لها: اسمعي ماعليك من كلام ذي الخبله. لو شاريك وتغير خليك معه والله ماراح تلاقين السعاده الا معه .. هو اللي جرحك وهو اللي راح يداويك بدت منار بتتكلم ف حطيت يدي ع فمها: خلاص خلاص فهمت ماراح اسامحه اصلا تطمني ابتسمت براحه: احسن لانه مايستاهل ضفر رجلك حتى ابتسمت: طيب ماعليكم مني انتم وش اخباركم دانه: مافي شي جديد امجد راح يجن ونتزوج وانا اقول له بنتظر جوانه اما هالخبله ف انخطبت ناظرتها كانت منزله راسها جوانه: ليش منار؟ احس تسرعتي بقرارك منار بحزن: ابي انساه وفيصل كان مستعجل قلت يمكن كذا انساه جوانه: ونسيتيه هزت راسها ب لا: بس عمري ماراح اسامحه .. جرحني تركني ولا اهتم بكلام الناس علي والحين راجع وش يبي بعد كل شي سواه جوانه: الله يجبر قلوبنا وينسينا منار: ان شاء الله جوانه: الا وش اخبار ريم منار: الخبله هذيك رمتنا كللللنا بالجدار والحين مع جاد بققت عيوني: الحين كل اللي انا فيه عشان انتقامنا منه واخر شي ترجع له؟ منار ترفع كتوفها: مدري عنها تقول تغير وانه يحبها ضربت جبهتي: هالخبله ماراح تتعلم من اخطائها طق طق طق فتحت امي الباب: تعالو جهزت القهوه ابتسمت: يلا الحين ننزل راحت امي ووقفت: يلا خلاص ننزل وان شاء الله بعد شهر او على قولة جواد ثلاث اسابيع واربع ايام اكون عندكم ان شاء الله ونكمل حش منار: هههه اوك بس ان شاءالله وقتها تجين مبسوطه مو مبوزه ونزلنا تحت اخذتنا السوالف حوالي ثلاث ساعات لحد ما رن الجرس وراحت امي تفتح جواد: السلام عليكم عبير: هلا وعليكم السلام.. دقيقه انادي محمد يقلطك المجلس جواد: لالا معليش مستعجل بس ممكن تنادي جوانه عبير: طيب دقيقه كنت اسمعهم لبست عباتي وطلعت بعد ما ودعت الكل ركبنا السياره جواد: قلتي ساعه كيف صارو ثلاث ساعات والا كنتي ناويه تنامين هنا جوانه: محد قالك تنتظر قلتلك ارجع وانا اكلم السايق جواد: لو ادري ذا كلامك ما وديتك رديت بعصبيه: مااالك حققق تمنعني منهم او تحدد الساعات احنا انفصللللنااا افهم ماتقدرر تجبرني اكون سجينتك من جديد جواد يناظرني بأستغراب: والله وطلللع لك لسان قلت بعصبيه اكبر: مننننن اليوم هذا اسلوبي وهذا طبعي عاجبك اهلا وسهلا مو عاجبك بالطقاق مسككك يدي بعصبيه لحد ناظرته وشفت نظراته الحااااده كنه وده يذبحني بس ماتكلم حاولت احرر يدي منه ولسى معصببه: اتتتتترررررك يدي خلصنا. ماعدتتت جوانه الضعيفه اللي تسمع كلامك ترك يدي وهو يمسك المقود بقووه حرك السياره بسرعه ياربي وش جاني ليش صرررخت عليه ماقال شي وش فيني انا حسيت ودي أكله اففف كان مسررع مررره خفت بصراحه ف قلت اراضيه قبل اموووت جوانه: احححم جواد انا اسفه ناظرني بأستغراب ورجع نظره للشارع جوانه: ما اعرف ليش عصبت اعتذر منك هدا السرعه الحمدلله وارتخت يده جواد: حصل خير جوانه: اممم خلنا نعيش هالايام اللي باقيه لنا مع بعض بسلام جواد: انا كافي خيري شري بس انتي اللي طلعتي مشتطه سكتت صدق ليش انفعلت بدون سبب سكتنا لين وصلنا ونزلنا مشيت قبله طلعت الدرج جواد: جوانه التفت له: هلا طلع بعدي ووقف جنبي : احم خذي هذا لك ومد لي جوال وهو يكمل: كنت بعطيك من امس بس نسيت ناظرته بأستغراب: هذا لي؟ جواد: ايه يعني عشان تتسلين فيه وانتي وحدك وكمان فيه شريحه اذا حبيتي تكلمين اهلك اخذته بفرح وبحركه لا اراديه ضميته ضمة شكر وانا ابتسم: مشكووور حييييل استوعبت وابتعدت شوي وانا منزله راسي: اسفه كنت بطلع جواد: دقيقه التفت ولا تكلمت جواد: فيه رقمي بعد لو احتجتي اي شي كلميني جوانه: اوك وتركته وطلعت ركض مبسوطه اخيرا صار معي جوال عنده .. اخيرا حسيت بحريه بذا البيت دخلت غرفتي فسخت عباتي ناظرت بالجوال وانا ابتسم جواد اللي كان يجن اذا حس مجرد احساس اني فكرت اكلم غيره معطيني جوال؟ سبحان الله هو اكيد تغير بعد ما صحى اخوه يمكن ندم يمكن يبي يعوضني. طيب واذا بيعوضني ليش كسرني من جديد ليش تجاهلني عيشني شهر كأني ملكة وبعدها ابتعد .. ع العموم حتى وان تغير على قولة منار مستحيل اسامحه دانه: يلا عاااد نامي عندي الوقت تأخر منار: والله برجع عندي شغللل ف البيت لفوق راسي دانه: منووووور منار: وبعدين طلبت تكسي بيوصل الحين رن جوالها: شفتي هذا هو وصل ودعت دانه ونزلت ركبت واتجهو للبيت وطول الطريق وهي تدق على ريم منار: يوووه وينها هالخبله بالعاده تكلمني كل يوم تخبرني عن جادوه وصلت البيت ونزلت بعد ما اعطت التكسي فلوسه بدت بتفتح الباب بس في يد دفتها للداخل ودخل معها بدت تبي تصرخ بس مسك ع فمها وهو يلزقها بالجدار كان مو واضح لان لمبات الحوش مقفله مازن: منار اهدي اهدي انا مازن اششششش سكتت ولسى مصدومه منه ومن وجوده ومن قربه ابعد يده عنها وهو يسحب شيلتها وعيونه تلمع بالحب بس طااااااااخ رجع وجهه بعد الكف اللي عطته شافها معصبه وتتنفس بسرعه منار: وووشش تبي ابتسم وهو يمرر يده ع خدها: ابيك منار بعصبيه: ابببببعد لا اصرررخ الحين واخلي الكل يجي مازن: مايهمني انا انا منار بعتذر منك منار نفس العصبيه : تعتذررررر؟؟؟ بها السهووووله مفكككر الموضوع؟؟؟ لعلمك انا صرت اكرررهك اكررررهك ومستحيل اسامحك رفعت يدها وهي توريه بأصبعها: انا انخطبت وملكتي هالاسبوع وانت اول المعازيم مازن بقهر: مااااارح تاخذين غيري انتي تحبيني زي ما انا اعشقك واكثر. احنا خلقنا لبعض منار خلقنا لبعض منار: نشوف ودفته وراحت ركض للبيت وهو نزل راسه بقهر وهو يصر على اسنانه: والله ما تاخذينه لو فيها موتي اما من جهتها طلعت ع غرفتها وهي تبكي قفلت الباب واستندت عليه طلعت جوالها من شنطتها بدون تردد ودقت رد بسرعه وبلهفه: هلا هلا تو مانور جوالي منار: معليش ازعجتك الوقت متأخر فيصل: انتي تكلميني بأي وقت منار: انا وافقت ابي نملك نهاية الاسبوع هذا فيصل بفرح: والله؟؟ منار: ايه فيصل: اوعدك منار راح اخليك اسعد بنت بالدنيا منار تبتسم بألم: ان شاء الله. ويلا مابي اطول عليك انت وراك دوام مع السلامة فيصل:باي ي رووحي انتي قفلت وجلست عند الباب وزاد بكاها منار: ااااااه مازن ليش رجعتتت لييييييش يتقلب يمين يسار مو قادر ينام حتى ملابسه ماغيرها يشم ريحة عطرها ويذكر ضمتها جلس وهو يفرك راسه فتح الدرج اللي جنبه اخذ باندول شربها ورجع يغمض يحاول ينام وهو يذكر شعرها الحريري كيف ضرب بوجهه يذكر ريحتها قربها نعومتها... تنهد بضيق جواد: ااففففففف خلاااااص خلاص ي عقلي كل شوي تذكرني. نام خلاص ماصار شي تنهد وابتسم: والله اللي يشوفني بيقول مجنون . مسك راسه بيدينه: هي اصلا خلت فيني عقل تبي تروح وتخليني يرد على نفسه: وش فيني انا كني بديت اهذي وش هالكلام طبيعي ننفصل خلاص مجرد اتفاق وانتها .. مجرد اتفاق غمض عيونه وها المره استسلم للنوم في صباح اليوم الثاني طق طق طق طق طق طق طق طق طق طق طق طق طق طق طق قام بسرعه وعيونه وحده مفتوحه والثانيه مقفله فتح وشاف جاد و بعصبيه : خخخخخير وش ذا الازعاج من صباح الله جاد بقهر: احررر ماعندي ابرد ماعندك ودخل وهو يجلس وجواد يمسح وجهه وعيونه بيدينه وجلس جنبه: وش فيك وش مناسبة ذا الكلام جاد: قلت لي نكلم امي وما كلمتها كنت انتظرك البارحه بس انت من الدوام لبيت اهل زوجتك وبعدها امي نامت والحين جيتك قبل تداوم تثائب جواد بكسل: طيب ماراح اداوم لين نكلمها يلا فارق خلني اخذ لي غفوه بعد جاد بقهر: جواااااادووووه جواد: ووجعووووه وش جوادوه اصغر عيالك انا جاد: ترا الساعه ٧ مايمديك تاخذ غفوه قوم نكلمها جواد: اوك البس واجيك جاد يوقف: مو ترجع تنام جواد بكسل: اوك راح وجواد تمدد ع الكنبه وهو يحضن المخده الصغيره وينام جالس بغرفته والجوال بإذنه: دانه وبعدين معك ترا كل مره تأجلين لسبب شكل. قلتي مابي زواج بسرعه وبتعرف عليك قلت اوك قلتي اختي مو هنا سلمنا امرنا لله ووافقت قلت ماعليه ي امجد لين ترجع اختها.. بس الحين وش عذرك ابفهم؟ دانه: يعني اختي بتطلق وتبي اتزوج امجد بنبره حاده شوي: وانا وش عليي تتزوج تتطلق انا مال امي دانه بزعل : امممجد تراك بتزعلني كذا امجد: ماقلت غير الصدق دانه: اصبر علي كلها كم شهر ونتزوج على وش مستعجل امجد: احبك ابيك بجنبي اصحى على وجهك الحلو دانه: وانا بعد احبك بس يعني لاحقين ع الزواج امجد: لو تحبيني بس نص حبي لك كان وافقتي على موعد الزواج دانه: والله احبك بس الظروف سكت مبوز دانه: المهم ترااا مره نعسست امجد: تصرفيني؟ دانه: لا والله بس جد عيوني ماتفتح امجد: طيب مع السلامه دانه: بس كذا؟ امجد: وش بعد تبين دانه بزعل: افا اخذ نفس: دانه خلينا واقعيين عاجبك وضعنا كذا .. انا انسان بتزوج بسرعه اولا مو قادر على بعدك ثانيا اهلي وابوي ضاغطين علي دانه: كله منك كل يوم جالس هنا اكيد بيضغطون عليك امجد: زوجتي حلالي محد له عندي شي اشوفك وقت ما ابي دانه: بس مو كل الناس تدري امجد: مايهمني دانه: عادي يتكلمون علي؟ امجد: دام ابوك راضي اني اشوفك وازورك ما لأحد عندي شي .. المهم فكري متى نحدد الزواج والا ترا بحدده بكيفي دانه: امجد مليت خلاص من هالموضوع اللي مايخلص زواج ماراح يكون قبل ثلاث شهور امجد: تدرين. انتي الحكي ضايع معك. باي قفل بوجهها وهي قعدت تناظر بالجوال مصدومه دانه: ياربي كيف بنعيش مع بعض واحنا مغير نتهاوش رمت جوالها ع الكمودينه وعدلت سدحتها وغمضت عيونها وهي تحاول تنسى اسلوبه وتنام صحيت والجوال بحضني هههه كني ماصدقت يكون عندي جوال قمت وتحممت ولبست بنطلون اسود وبلوزه احمر بأكمام متوسطه واسعه نشفت شعري وانا اناظر المرايه يوووه ماصرت اهتم ببشرتي زي اول من اخذت جواد وانا مهمله نفسي طلعت واخذت الجوال طبعا حملت كل البرامج انستا سناب تويتر كللل شي ظليت اتسلى فيه شوي وتذكرت فهد ياترا صاحي هالوقت لازم اكلمه واعرف السالفه لان منيره بعد الي صار ماجت عندي يمكن منحرجه دقيت وانتظرت وكنت بقفل لان مارد بس سمعت صوته فهد بنوم: الوو جوانه: نايم ي الدب؟ فهد فتح عيونه: جوانه؟؟؟ ابتسمت فديته عارف صوتي: ايه جوانه صباح الخير ابتسم وجلس ع السرير بسرعه: جوانه فيك شي؟ تبين اجيك؟؟ جوانه: لالا مافيني شي بس حبيت اسولف معك فهد ارتاح: زين. المهم كيفك وكيف جواد معك جوانه: الحمدلله بخير فهد: الحمدلله جوانه: اوك ارجع نام واكلمك وقت ثاني فهد لالا اصلا شبعت نايم من بدري ابتسمت: حلو قلت اشوف ردة فعله: امممم اخبار الحب؟ فهد بصدمه: اي اي حب ابتسمت: منور فهد لسى مصدوم: ك كيف عرفتي جوانه: امممم عرفت وبس الا علمني وش السالفه كيف ومتى حبيتها؟ فهد: اووه قصه طويله يبي لها قعده جوانه: اوك اذا جيت عند اهلي خبرتك وتعلمني كل شي فهد: اوك جوانه: يلا اجل باي بروح ابلع فهد: دقيقه هذا جوالك اقدر ادق اي وقت؟ جوانه: ايه ايه فهد بشك: وجواد؟ ماراح يسويلك شي جوانه: لا اصلا هو اعطاني فهد: زين يلا اجل انتبهي ع نفسك جوانه: وانت بعد انتبه ع نفسك انفتح الباب ولسى الجوال بأذني واناظر بجواد خايفه منه.. نزلت الجوال وهو دخل ويناظرني جواد: مين تكلمين من ذا الصباح؟ جوانه: امم اهلي مسح على شعره: اها.. ماشبعتي منهم البارحه؟ جوانه: مين يشبع من اهله جواد: المهم جيتك بخصوص المعرض اللي في لندن راح انقله لك لهنا واحتاج توقيعك على بعض الاوراق جوانه: مايحتاج مابيه خلاص قرب جنب السرير ومسكني من كتوفي بيدينه وهو يرفعني بهدوء كنت اناظر لفوق وقلبي بدا يدق وانا اتأمل ملامحه جواد بهدوء ووبحته المعتاده: اعتبريه هديه صغيره ع الايام اللي المتك فيها ماعاد عرفت اتكلم قربه يربكني نزلت راسي مابي اشوفه جوانه: طيب تراجع شوي وهو يعطيني الاوراق جواد: وقعيها واجيك أخذها بعد ارجع من الشركة اخذتها منه: اوك ابتعد بسرعه بخطوات ثابته وانا جلست والاوراق بيدي جوانه: اففف جواد قلتلك مابي اشوفك مابي اكون قريبه منك ماببببيك جواد ابعد عني اما من جهته مايعرف ليش وقف متجمد عند الباب سمع كلامها قبض يده بقوه وهو يعصرها وكمل طريقه لتحت شاف جاد ينتظره تحت الدرج جاد: بدري نزل وهو مايسمع غير صدى صوتها بأذنه تعداه على صالة الطعام وهو مشى بعد شافو امهم تفطر باسها جواد وجلس جواد: صباح الخير يمه وباسها جاد وكمان جلس ابتسمت: صباح النور والسرور رفعت راسها وانصدمت من منظر جاد سميره بخوف: وش صاير معك وش اللي بوجهك جاد بأرتباك: احمم لا يمه بس تهاوشت مع واحد من اخوياي سميره بخوف: جعل يده الكسر .. شافك الطبيب؟ جاد: مايحتاج يمه اصلا خفيفه بس وجهي حساس سميره: انا مليون مره قايلتلك اصحابك هذول ابعد عنهم ما ارتحت لهم بس محد يطاوعني سكت جاد وهي بعد سكتت وكملت اكل جاد مرتبك ويناظر اخوه وهو يميل براسه اتجاه امه بمعنى كلمها.. أشره له بيده وهو يضم اصابعه مع بعض علامة اصبر عقد جاد حواجبه ورجع يميل براسه بأتجاه امه انو خبرها الحين رجع جواد يأشر له انو بعد الفطور سميره تبتسم: وش عندكم انت وياه؟ وش من مصيبه بعد؟ جواد ترك شوكته ويناظرها: اححم لا يمه مافي شي بس اممم يمه جاد قرر يكمل نص دينه ويتزوج ويبي موافقتك سميره تبتسم: بس هذا هو موضوعكم اللي صار لكم ساعه مترددين فيه؟ جواد: ايه ولكن احم.... قاطعته: اول استقر انت وجوانه وبعدين نزوجه جاد: وانا وش دخلني فيهم يمه جواد: انا وجوانه راح ننفصل قريب سميره: خلاص لو انفصلتو ازوجك وبعدين نزوجه جواد: مابي اتزوج خلاص كرهت الزواج بعيش عزوبي سميره تبتسم: هذا شرطي جواد: طيب ع الاقل نخطب له سميره : تم. ادور له البنت اللي تناسبه ونخطبها جواد بتوتر: احمم يمه البنت موجوده سميره بتفاجأ : مين؟ جواد يناظر جاد اللي وهقه وهو خايف من ردة فعل امه: وحده من عيله محترمه جاد حابها ويبيها سميره تناظر جاد: من بنته؟ جاد بأرتباك: يمه ماتعرفينها. اممم بنت عاديه سميره: يعني مستواهم عادي ومانعرفهم؟؟ جواد يتدخل: يمه الحب مايعرف المستويات سميره: قول هالكلام لنفسك. قلتلك انت تحب جوانه قلت لي مو من مستواي جواد: احمم انا غير يمه جاد: يممه ركزي معي انا ماعليك منه يمه والله انا احبها وسعادتي معها تكفيين لا ترفضين سميره: تمام عطني العنوان ونروح نخطبها وقف وهو بيطير من الفرحه باسها ع راسها وعلى خدودها بقوووووه وهي تبتسم سميره: خلااااااص خلاص ترا اهون وقف: لالالا كله ولا تهونين ابتسم جواد: غريبه وافقتي توقعت تهمك المستويات سميره: هذاك اول بس لما عرفت جوانه غيرت رأيي جواد: بس كنتي تكرهيها سميره: كرهتها واذيتها بس الحق ينقال كانت طول وقتها محترمتني ولا تراددني ولا عمرها طلبت منك شي لا فلوس ولا ذهب ولا شي. بصراحه كبرت في عيني واتمنى تحاول تكسبها وماتتركها تنهد بضيق وهو يذكر كلامها اللي من شوي جواد وهو يوقف: عن اذنك يمه تأخرت ع الشركه وطلع بسرعه وجاد طلع بعده اخذ جاد جواله ويتصل على رقمها بس كان مقفل كلم جواد اللي ركب سيارته جاد: جواد. انا ماراح اقدر اجي الدوام لو سأل ابوي قوله اي شي اوك؟ جواد: وليش؟ وش عندك جاد: اممم ريم ماترد بروح بيتهم اكلم اخوها انو راح نخطبها جواد: صاحي انت؟؟ بتروح لهم الحين؟ جاد: ايه فقدتها لازم يرجع جوالها جواد: وش بيقول اخوها عنك جايهم بذا الوقت جاد: الحب اااااه ي الحب يسوي المستحيل جواد: خبل.. وكلم السايق.. تحرك اما جاد توجه لسيارته الفيراري وطلع بسرعه على بيت اهل ريم وصل بوقت قياسي نزل وهو يفرك يدينه ببعض ومتردد رن الجرس مره مرتين وبالثلاثه انفتح الباب انحرج لما شاف ابوها باسه على راسه جاد: السلام عليكم ي عم ابو ريم مستغرب: وعليكم السلام والرحمه جاد: احمم عمي انا صديق مازن وابيه ضروري ممكن تناديه لو تكرمت ابو ريم: اقلط انتظره داخل جاد: لالا مستعجل بنتظره هنا ابو ريم: طيب دقيقه دخل وجاد رجع لسيارته وخايف شوي وطلع مازن وعلى وجهه اثار نوم نزل جاد بسرعه ومن شافه مازن بأستغراب: انت؟؟؟ خير وش تبي؟ جاد: احمم انا كلمت الاهل وراح نجيكم يوم الخميس نخطبها ان شاء الله حبيت اخبرك مازن: تمام ننتظرك جاد: ابي رقمك عشان اتواصل معك مازن: اوك سجل عندك طلع جواله وسجل الرقم جاد بعد تردد: ريم بخير؟ مازن: ايه زينه ابتسم: يلا اجل عن اذنك مازن: مع السلامه طلع وركب سيارته وتحرك ومازن يراقبه دخل البيت وطلع غرفة ريم. دق الباب ودخل شافها صاحيه وتقرا كتاب ومن شافته خافت وهي تناظره تقدم وجلس جنبها: عارفه مين كان هنا هزت راسها بلا مازن: ولد الهامي نزلت راسها بخجل مازن: يقول يبي يجي يخطبك رسمي يوم الخميس ان شاء الله ابتسمت ولا ردت مازن: ريم وانا اخوك غلط اللي سويتيه مهما كان ثقتك فيه كان لازم تفكرين بأهلك بسمعتنا بأبوي وامي لو عرفو ريم: انا اسفه بس والله مابينا شي غلط خلك واثق من هالشي طلع جوال من جيبه: خذي جوالك ولا تكلمينه كثير ويا ويلك لو فكرتي تطلعين معه ترا المره الجايه ماراح احن عليك فاهمه ابتسمت: ابشر اوعدك ماعاد اشوفه بدا بيطلع من عندها ريم: مازن التفت لها ريم: اممم ليش جيت. اقصد كيف دراستك مازن: بقطعها خلاص ريم: لللييش؟؟ مازن: مو قادر اركز ريم بتردد: مازن تعال بتكلم معك شوي جلس جنبها ريم: منار انخطبت وملكتها قريب تعرف مازن بقهر: ماراح تاخذ غيري ناظرته بصدمه: بترجع لها؟ مازن بحزن: تركتها بسبب وهم وكذبه ريم: كيف يعني مازن: تخيلي جتني صور لها مع شخص ثاني يوم ملكتنا وقتها تركتها بس تخيلي طلعت الصور مركبه مو صورها ريم بحزن: اخيرا عرفت مازن بصدمه: ليش كنتي تعرفين نزلت راسها: سامحني انا انا كنت اعرف من اول بس ماقدرت اتكلم مازن: تعرفيييين وش بالضبط؟ ريم بحزن: انا السبب باللي صار مازن: كيف؟ ريم تبكي بقهر: انا مدري كيف اقولك بس صار اللي صار بسببي مازن: اهدي وعلميني وش فيك ريم: مازن انا انا متورطه بشي ومو قادره اقول لاحد مازن: وشو تككككلمي؟ ريم: انا تورطت مع تجار مخدرررات مازن من الصدمه ظل يفتح فمه ويقفله مو قادر ينطق ريم تبكي: مره ضاع جوالي وبعد فتره جتني بنت و و قالت هذا جوالك طلعو هم سرقوه وانا ماكنت احب اصور نفسي عندي كلها صور منار كانت ترسلها لي. قامو وو خربو الصور و و قالو لي اذا ما اشتغلت معهم راح ينشرون صورها.. ك ك كنت اسمع كلامهم وبعض مرات ما اقدر انفذ اللي يبونه مثل اني اطعن وحده كتهديد هم هم يعرفون كل شي عني وعنكم كيف مدري. تذكر حادثنا انا وانت كانو هم السبب فيه وكمان خربو حياتك ودمرو ككككل شي بسببي مازن بصدمه ومبقق عيونه: وليش ماتكلمتي؟ وش اللي سكتك للحين؟ ريم تبكي: خخخخفت قالو لو تكلمتي بشي اهلك كلهم راح يموتون تذكررت الحادث وخخخفت ماقددرت مسك راسه: يااااربي وش هالمصيييبه اللي دخلتي نفسك فيها و دخليتنا معك. ريم تبكي: انا راح اشرح لمنار سبب تركك لها وراح ترجع لك ان شاء الله مازن: اتركي منار الحين لازم نبلغ الشرطه عاجبك كذا تبيعين مخدرات؟ ريم نزلت راسها: بلغتهم هم عارفين كل شي والحين يراقبونهم مازن: كيف؟ ريم: بصراحه امممم جاد وقف معي اصر اني اعترف لهم بكل شي ولانه معي ما انسجنت ولا راح يصير لي شي هو يعرف ناس من هناك ف صار الموضوع بكل سريه مازن: والله طلع كفو هالجاد تذكر منار وزعل: ااااه ي منار لو تدرييين بس ريم توقف: بروح لها الحين واشرح لها كل شي.. تطمن ان شاء الله ترجعون لبعض تنهد بضيق: الله يسمع منك ريم: اجهز نفسي واجيك مازن: اوك طلع من عندها وهو يسحب جواله ويدق على منار اتصل كثييير ولا ردت بالاخير يأس ورمى الجوال بعصبيه ع السرير: ردي رررررردي ردي افففف رجع اخذه واتصل وهالمره ردت مازن: منار تككككفين لا تقفلين اسمعيني منار: ماززن ابعد عن حياتي مسستحيل اسامحك مسسسستحيل نرجع انت كسرتني والمتني ولا فكرت فيه مازن: منار والله اموت بدووونك ارجوووك اسمعيني وراح تسامحيني انا متأكد منار: مازن مابي اسمع شي اطلع من حياتي خلااااص انا ملكتي نهاية الاسبوع اترررركني بحالي راح اتزوج ي مازن جلس ع السرير مصدوم: لا ماراح تاخذين غيري انتي تقولين كذا عشان تقهريني وتزيدين النار اللي بصدري؟ انتي ماراح تاخذينه منار: والله ملكتي نهاية الاسبوع.. خلاص مابيك اترررركني وانساني زي ما انا نسيتك نزلت دموعه قفل ورمى الجوال لحد ماتكسر اخذ المخده ودفن راسه فيها وهو يصارخ بألم مازن: ااااااااااااااااااااااااا اه ااااااااااااااااااه اه اه ااااه رمى المخده ووقف وهو يدور بالغرفه: لازم اوقف هالملكه ماراح تكونين لغيري حتى لو اضطريت اقتله طق طق طق دخلت على طول وهي تناظر بنتها اللي كانت تكلم بجوالها خوله: يلا خلاص مها اكلمك بعدين : هههه كل هالرجوله وتقولي مها خوله: ايه ايه مامي تسلم عليك : اهااا اوووك ي حلوه اشوفك خوله: باي قفلت وناظرت امها ام خوله تبتسم: عندي لك بشاره خوله: وش هي؟ ام خوله: جاك معرس من عايله مستواهم فوق المتوسط. الولد لسى يدرس برا السعوديه خوله: يمممممه وش هالكلام ماراح اتزوج الا اللي ابيه انا ام خوله بعصبيه: بتاخذينه غصبن عليك فاهمه هذا لو انه مو صديق ابوك كان مافكر يجيك ولا يطل بوجهك. رن جوالها وشافت المتصل مشعل صمتت جوالها خوله: محد فيكم يقدر يغصبنننني مو على كيفكم.. وقفت امها: الا بغصبك هالمره يعني ولد الهامي وطار منك خلاص مافي غير اللي نختاره لك خوله: مو على كيفكم والله ما اخذه امها وهي طالعه: نشوف طلعت ورجع مشعل يتصل وردت بدون نفس خوله: نعم مشعل بعصبيه: مع مين خطك مشغول؟ خوله مالها خلق: مالك شغللل مشعل: لي هالكلام؟ خوله: ايه لك. ولعلمك انا اكلم غيرك وانا مابيك خلاص فكني ابعددد عني مشعل بصدمه: متأكددددده من كلامك؟ خوله بطفش: اقووول ططططير بس وقفلت بوجهه: اففف ناقصتك انت بعد تقعد تحاسبني الحين وش صار بخصوص جواد لازم اكلم هذاك الغبي هادي دقت عليه ورد هادي: هلا خوله : ووينك؟ هادي: موجود وش تبين خوله: وش صار على موضوعنا هادي: جهزت كل شي باقي بس التنفيذ خوله مبسوطه: كككفو هادي: متى نبدا خوله: بكره الصباح هادي: اوك بأنتظار اتصالك خوله: تمام قفلت وابتسمت بنصر. هين ي جواد والله لخليك تتعفن بالسجن وقف سيارته قدام بيت منار التفت لأخته اللي تاخذ شنطتها بتنزل مازن: قولي لها اني اعشقها واني اموت بدونها ريم: ان شاءالله نزلت دقت الجرس وفتحت لها خالتها سلمت عليها ريم: خالتي وين منو ام منار: فوق بغرفتها ابتسمت وطلعت لها فتحت الباب شافتها متسطحه وحاضنه مخدتها وماينسمع غير شهقاتها اللي تحاول تكتمها تقدمت منها وحطت يدها ع كتفها ريم: منوووور التفتت منار ومن شافتها ارتمت بحضنها وهي تزيد بكا ريم وهي تمسح على شعرها: خلاص منووورتي خلاص ليش كل هالدموع بكت لين ارتاحت وابتعدت وهي تمسح دموعها منار: ا ا اخ اخوك ل ل لييش ررجع كنت ناسيته مسحت دموعها: رجع لانه يحبك وانتي تحبينه هزت راسها بلا: ماااا احبه ما احبه خليه يروح خليه يسافر انا اكككرررههه اكررهه ريم وقفت وهي تصب لها مويا وتمده لها ريم: خلاص اهدي انا ابي اخبرك عن شي مره مهم شربت شوي ورجعته: وشو ريم: مو حابه تعرفين ليش تركك؟ هزت راسها بإيه فتحت ريم شنطتها وطلعت الصور ومدتها لمنار اللي من شافتها فتحت فمها بتفاجأ وهي مصدومه وتقلب وحده ورا الثانيه منار تهز راسها بلا: كككيف لا مو انا والله ماسويت كذا ريم تتنهد: شفتي؟ لها السبب تركك اعطوه الصور وهو جاي لعندك بيوم الملكه ف ماعرف كيف يتصرف غير انه يوقف الملكه منار: كان سألني كان خبرني كان ماتركني بهذيك الطريقه ريم: بس مازن ماقدر انصدم وماعرف يتصرف.. وماعرف ان الصور كذبه الا قريب. والحين هو ندمان ويبيك راح يجن عليك منار بحزن : كان وثق اني ما اسويها بس هو صدق. صدق اني كذا. خليه على نظرته لي انا ماراح ارجع لواحد شك في اخلاقي وهو عارفني زين من احنا صغار وعارف تربيتي ماراح اسامحه ريم: لا تقولين كذا منور انتي لمازن ومازن لك لا تعاندين وبالنهايه تندمين مسحت دموعها: ماراح اسامحه انا الحين اصريت اكثر لانه ما وثق فيه يعني لو يشوف علي شي زي كذا بعد الزواج اكيد بيطلقني ريم: لا منار مستحيل يسوي كذا مازن يحبك من صدمته ماعرف يتصرف منار: تكفين ريم خلاص لا تحاولين تقنعيني انا اخذت قراري وخلاص. وملكتي يوم الجمعه ريم بصدممه: للليش. كيييف بها السرعه منار: فيصل مستعجل وانا مابي اخليه ينتظر اكثر نزلت راسها بحزن: دام كذا وهذا قرارك الله يوفقك ويسعدك وقفت بتطلع والتفتت لها: على فكره جاد كلم اهلي راح يخطبوني يوم الخميس منار ناظرتها متفاجأه ريم: انا بالنهايه لقيت حبي وقفتي معه ماراحت ع الفاضي وكمان دموعي عليه وحزني عليه وحبي الكبير له راح ينتهي بزواج.. صح جرحني كثير والمني كثير. بس اكذب على نفسي لو قلت اكرهه انا ظليت احبه لحد ماحبني ما كابرت على مشاعري وابتعدت وظليت اتألم من بعيد منار سكتت لان حست الكلام موجه لها طلعت ريم من عندها ركبت السياره وناظرت اخوها بحزن ريم: منار رغم كل شي عرفته ماتبيك وتبي فيصل مازن مصدوم: للللبيييييييش ريم: تقول ليش ماوثقت فيها كيف تشك في اخلاقها مازن: انا ماشكيت بس بس اي شخص بمكاني كان سوا اللي سويته ريم بحزن: يمكن صارت تحب فيصل والا كان سامحتك ضرب الدركسون بقهر: مننننارررر لي انا وبس وماااااراح ياخذها هالحقيرررر حرك السياره بسرعه وطلع ع البيت اما من جهة منار اخذت الصور وظلت تبكي منار: شككككيت فيني ي مازن. صدقت اللي شفته خليتني اتألم واتعب واعاني بسبب شي لو جاني ماكنت صدقت فيك ولا كنت شكيت لو واحد بالميه انك تسويها وانت بكل برود من شفت الصور قررت تدمر كللللل شي قررت لوحدك بدون ماتستفسر بدون ماتسأل قررت تدمرني وتكسرني وتروح.. والحين راجع تبيني اسامحك. مسحت دموعها وفتحت درج الكمودينه ورمت الصور بداخله منار: ماراح اسامحك ابد ماراح اكسر قلب فيصل عشانك في بيت لمى بالتحديد في المطبخ جالسين يسوون غدا فرح و رسل يتحاربون مع الدجاجه عشان يقطعونها ولمى على الطاوله تقطع خضار مع رسيل اللي عايشه الدور وماسكه الملعقه وتغني لهم رسيل وهي بيد ماسكه ملعقه وبيد تطبل على الطاوله: موووهم جدا وجوودك في تفاصيلللللي. مووووهم جدااا بأغانيي ومواويللللي غيداء توها داخله المطبخ ومسكت راسها: بس خلاااااص كيف مستحملينها بالله رسيل بغرور: انطمي بس صوتي طرررررب رسل تكلم فرح: ي غبيه محد يقصها بالعررررض فرح بيدها السكين: اقول ماتعرفين تطبخين فارقي بس مناك رسل: والله انا الغلطانه اساعدك غيداء راحت لهم وانصدمت من منظر الدجاجه غيداء: حرام عليكم ماصارت دجاجه اختفت ملامحها المسكينه كل قطعه صارت شكل لمى: لاااا عاد وربكم ميته جوع مو ناقصه تسمم بعد فرح مسكت رسل وغيداء من اكتافهم: يلا يلا مابي احد فوق راسي خلوني اروق عشان اضبط الطبخه جلسو عند لمى ورسيل.. وفرح رجعت للدجاجه المسكينه لمى: اقول بنات وش رايكم نروح عند دانه فرح: وهو اخوك يفارقها دقيقه عشان نشوفها ماناقص الا يجيبون له سرير وينام عندهم رسل: منجد وراه مطيح عندها لمى تبتسم: محد يقدر يمنعه يحبها فرح التفتت لهم وبيدها السكين لسى: تصدقون ماتوقعت ذا النفسيه يعرف يحب. مغير يكفخ فينا ويهاوشنا رسيل: اااه عقبالي احصل لي زوج رومانسي ويحبني ولا يفكر بغيري فرح: لو حصلتيه علميني بالله عشان نغلفه ونحطه بكرتون لانه بيكون اخر حبه اكيد.. وبعدين اللي يبي واحد مثله نطبع له نسخه منه رسل: هاهاها سااااامجه فرح: حطي لها ملح لمى: خلاص اهجدو بدق اشوف دانه لو فاضيه الليله رحنا لها فرح: والله تلاقينه ناشب بحلقها المسكينه غيداء: هههههه الله يعينها ماتوقعت حتى انا امجدوه يعرف يحب طلعت لمى تبي تكلمها ورسيل رجعت مسكت الملعقه وتطبل: مووووهم جداا وجووووودك في تفاصيلللللي غيداء تمسك ع راسها واذونها: يلعععن ابو هالصوت ي شيييخه اسكككتي فرح: ياربي انا وش مسويه بحياتي تعاقبني بهالغبيات ردو بسرعه: والله ماغبيه الا انتي عند لمى اخذت جوالها من الصاله ودقت على امجد اول عشان تشوفه عند دانه والا لا وعشان تبيه يوديهم رد: هلا لمى: وينك؟ امجد: ليش؟ لمى: نبي نروح عند دانه بعد المغرب امجد: وليش؟ لمى: بزورها صديقتي وحشتني وش اللي ليش امجد: هاها هذا زمان وحشتك وماوحشتك الحين حقتي ما تشوفينها الا اذا سمحت لك انا لمى: لا والله هذا ولسى ماجبتها البيت اذا جت وش بتسوي امجد: بحبسها بغرفتي ماتشوفينها ولا تشوفك لمى: لا ي شيييخ. اصلا عادي بخلي فواز يودينا امجد يبتسم: اصلا انا الحين عندها وتقول ماتبيكم لمى تشهق: مااااتبينا؟ هين اوريك ي دنو سمعت اصوات وماعاد سمعت صوت امجد وشوي دانه: اهللللين لمى؛ اجل ماتبينا دانه تضحك وهي تركض هربانه من امجد ودخلت بيتهم: هههههههه لا والله اخوك كذاب تعالي حياك وحشتوني اكثر والله لمى تبتسم: ايه ع بالي بعد دانه: ههه المهم متى بتجون لمى: راح اشوف البنات وارد لك دانه: اوك قفلت ورجعت المجلس فتحت الباب بهدوء ماشافته دخلت شوي وهي مستغربه وين راح قفل الباب بسرعه وضمها من ورا وهو يكتف يدينها امجد: مسكككتك وين بتهربين مني دانه تبتسم: ههههههه خلاص قلتلهم يجون لفها لعنده لين صارت مقابله رفع يده ومسح خدها امجد: ويهون عليك تتركيني وتروحين لهم وانا اللي سهران ومانمت وتعبان من الدوام وفوقها جيت اتغدا عندك دانه تبتسم: اجل انت لازم ترجع البيت وترتاح وتنام وانا اكون مع البنات امجد ابتعد عنها وجلس: مابي بقعد عندك عناد فيهم دانه جلست جنبه: بكيفك انت اللي بتتعب .. اصلا ليش جيت امجد: افا. ابتسمت: احد يجي الظهر يعني بالله امجد ماهان علي ارجع البيت وانام وانتي زعلانه دانه: مازعلت اصلا امجد: ايه هذي الزوجه الكفو دانه: عشان تعرف ان لساني مو طويل مثل ما تقول ابتسم: عاد هذي مايختلف عليها اثنين بس مدري وش جاك هالمره ماكبرتيها دانه: لا والله؟ امجد: اي والله دانه: المهم يلا ارجع لازم تنام وترتاح امجد: الحين وش تقعدون تسولفون انتي والبنات دانه: ههههه وش دخلك سوالف بنات امجد: لان هذرتكم كثيره ومع ازواجكم ماتقولون كلمتين على بعض دانه: احنا نفهم بعض البنات بس معكم مهما تكلمنا ماراح تفهمون امجد: وش شايفه ثور قدامك مايفهم؟ اكيد بفهم عليك بس انتي احكي دانه: ههههههه لا مو عن كذا بس مدري احس مع البنات السوالف احلى امجد: اجل هذي قعده خل اشوف وش تسولفون فيه واتعلم دانه: ههههه لا والله؟ امجد: اي والله دانه: اعترف انك غيران ناظرها بحب: ايه غيران يعني بتقعدين تسولفين مع البنات وتضحكين معهم وانا بعيد مقدر اشوف ضحكتك تدرين الود ودي اجيب عصا سحريه واخليك صغيييييره عشان احطك بجيبي وين مارحت دانه : هعههههههههههههه هذا النوم مأثر عليك يلا يلا روح نام امجد وهو يوقف: تطرديني هيييين يجيلك يوم دانه: هههههه ما اطردك بس ابيك ترتاح ضمها: احبك دانه تبتسم: وانا بعد ابتعد عنها وعطاها بوسه وطلع وهي ظلت مبتسمه رجع البيت ع المغرب مر جنب غرفتها وراح لها حط يده ع مقبض الباب وتذكر كلامها ( اففف جواد قلتلك مابي اشوفك مابي اكون قريبه منك ماببببيك جواد ابعد عني) رفع يده وتراجع وهو يمسح ع شعره ويتنهد جواد: رُبَّ هَجْرٍ يكونُ من خَوْفِ هجرِ.. وبعدٍ قد كآن خَوْفَ بُعد. توجه لجناحه اخذ له دوش سريع وتوجه لسريره وهو يحاول ينام بدون مايفكر بشي متسطح ع سريره بتعب وجوله بيده ويتصل هذي المره المليون اللي يدق ولا ترد كتب لها رسايل كثير وكمان ماترد فتح صفحة رساله جديده( منار ردي علي. عشان ايامنا الحلوه بس ردي واسمعيني. انا اعترف غلطاااان وندمان قد شعر راسي بس طلبتك لا تتركيني ) انتظر كثير ومافي رد ( طيب ع الاقل ردي علي تكفين بتكلم معك اسمعيني) ( منااار والله لو مارديتي لأذبح نفسي وترتاحي مني وانا بعد ارتاح من هالمذله) ظل شوي بعدها ودق وردت وهي ساكته مازن بفرح: خخخخفتي علي خفتتتي اموت. يعني لسى تحبيني. لسى تعشقيني زي ما انا اعشقك واموت فيك. منار سامحيني لا تتسرعين ارجوك.. انا كان غصب عني لو احد في نفس موقفي كان سوا اللي سويته. ارجوك سامحيني منار: اسامحك بشرط مازن بفرح: وشووو انتي تامرين وانا انفذذذ منار: ابيك تحط الصور لفيصل بنفس الطريقه اللي استلمتها فيها.. واذا تركني برجع لك واذا كمل وما كأنه شاف شي بكون زوجته لانه وثق فيني مازن: اوك عطيني الصور وعطيني عنوانه ونشوف هالفيصل وش بيسوي منار: بكره اخلي ريم تعطيك مازن بلهفه: تعالي انتي.. مشتاق لك منار: ما راح اخون خطيبي عشانك حس بألم بصدره وكن احد غرس سكين بصدره اخذ نفس: تكلمينه؟؟ منار تبي تغيضه: ايه. كل يوم تنهد بألم وبصوت مسموع : اااه حست بالخوف عليه: شفيك مازن بألم وغصه: مخنوووووووق منار حنت عليه: خلاص يلا بقفل وبكره يصير خير مازن بحزن: احبك منار: مازن رجاءً مازن: طيب.. الله يصبرني لين يوم الجمعه منار: مع السلامه مازن: مع السلامة انتظرته كثير عشان يمر وياخذ الاوراق بس ما جا يمكن كان تعبان ونام يوووه وانا ليش ابيه يجي.. انا ابيه يبعد عني كزيت من سرحاني على صوت جوالي هه مو متعوده ع الجوال رفعته وابتسمت وانا ارد فهد: مسااااااااء الخخخخييييرررر جوانه : مساااء النووور فهد: كيفك وش اخبارك جوانه: بخير الحمدلله وانت فهد: ااااه اه انا .. انا تعباااان يا وخيتي جوانه: بسم الله عليك وش فيك؟ فهد: منيرة شيبت راسي وانا صغير ابتسمت: لها الدرجه؟ متى وكيف عرفتها؟ فهد: فاضيه اقولك كل شي لان مافيني صبر لين تجين .. ابيك تشوفي لي حل تعبت ابتسمت: ايه اكككيد فاضيه تكلم قول اللي عندك فهد: طيب اوعديني ماتعصبين علي جوانه: ليش وش مسوي؟ فهد: اوعديني وبس جوانه: وعد. يلا قول فهد: اممم احم انا مره سافرت الدمام مع خويي وكان لخويي ولد عم هناك كنا نروح له والولد ذا انا ماحبيته اخلاقه مو زين ويشرب وو... ............. .................................................. . حكى لي كل شي وكيف عطوه مخدر وكيف انه مو متذكر وككيف اخذو منيره وايش قالت له منيره عن هذاك اليوم وككككللللل شي كان يحكي وانا مو مصدقه مصدوووومه مو قادره انطق بحرف فهد يكمل : والحين هي كارهتني وانا ابيها والله احبها جوانه : تستاااااهل لو انا منها ابلغ عليك الشرطه والا لا اواعدك في مكان واقتلك بنفسي زين انها رحمتك فهد بخوف: يمممه ليش كل ذا. صدقيني جوانه ماكنت بوعيي انا مستحيل اسويها وانتي تعرفيني زين. صدقيني لو كنت صاحي كان دافعت عنها قلت بحزن: ياقلبي عليك يا منور عشان كذا دايم وجهها حزين ومكسوره فهد بحزن: انا مالي ذنب انا حبيتها ومستعد اعوضها عن الايام اللي راحت تككفين جوانه ساعديني جوانه: اوك بحاول اكلمها بالموضوع بكره فهد: اوك كلميها وخبريني وش يصير لا تنسين جوانه : تمام ماراح انسى فهد: يلا اجل تصبحين على خير جوانه: وانت من اهله قفل وانا ظليت افكر كيف افاتح منيره بالموضوع لحد ما غفيت بدون ما احسس في صباح اليوم الثاني في بيت خوله اللي ماقدرت تنام وهي تفكر بخططها الشيطانيه اخذت جوالها ودقت على هادي اللي كمان مانام هادي: نعم خوله: يلا كلم جواد الحين قبل يروح دوامه هادي بضحكة سخريه: ولا يهمك يعرف بكل شي خوله بخوف: يععععرف وش؟ هادي: يعرف اني ابي اقابله الصباح وقال ماراح يداوم يبي ينتظرني ارتاحت: اها اوك دام ماراح يداوم خل الكل يصحى ويشوفو اللي بيصير له وانا دقيت على كم واحد من الاخبار وخبرته واكيد هم منتظرين هادي يبتسم: اوك نتقابل عند قصرهم خوله: اوك رن جواله وهو كان بالحمام يتحمم طلع رابط منشفه ع خصره ومنشفه يجفف فيها شعره اخذ جواله ورد جواد: هلا... تمام....انتظرك....ولا يهمك.... مع السلامة رمى جواله ع السرير وراح لبس ملابسه اخذ ساعته.. مشط شعره حط من عطره المميز ونزل وهو يشوف الساعه صارت 8.. توجه لغرفة الطعام جواد: صباح الخير باس راس ابوه وامه وجلس خالد: صباح النور. وينك ماصرنا نشوفك جواد: احمم يبه عندك بالشركة بس انشغل بالمكتب وانسى امر عليك جاد: هلكت نفسك بذا الشغل خالد: وليش ماترجع بدري جواد: عندي شغل كثير هالفتره اضطر اتأخر خالد يناظره بشك: وش ذا الشغل اللي ما يخلص. عطني النص واساعدك فيه جواد بتوتر: ءءء لا يبه انا جالس اراجع اوراق وملفات قديمه شاك ان فيها خربطه خالد: كل امورنا تمام مافي اي شي اترك عنك الشغل الزايد وارجع البيت بدري جواد: حاضر يبه تامر امر وقف وطلع وجاد وقف وهو يشرب عصير جاد: خلني اروح انا بعد قبل يعصب علي الوالد وطلع وسميره تناظره لحد راح رجعت نظرها لجواد اللي يلعب بصحنه ولا ياكل سميره: في وش تفكر جواد رفع راسه وناظرها: مافي شي يمه سميرة: ليش جوانه ماتنام بجناحك؟ ناظرها بصدمه: وكيف عرفتي؟ سميرة: قالت لي منيرة .. بس مافهمت وش الفايده من جلستها دامها مو عندك تنهد: خلها براحتها ماراح اجبرها تقعد معي اذا هي تبي فراقي سميرة: انت تبيها؟ ناظرها: ابيها او ما ابيها الموضوع ماعاد بيدي .. انتي عارفه وش سويت فيها ف القرار بيدها تبي تجلس اهلا وسهلا تبي تروح الله يحفظها ويسعدها رن جواله رفعه وهو يوقف ويطلع بسرعه جواد: نعم... اوك... الحين بطلع قفل وطلع عند الباب شاف هادي تقدم واعطاه الشنطه هادي: هذا اللي قلتلك عليه طال عمرك جواد: اوك تقدر تروح طلع هادي بسرعه شاف سيارة تاكسي خارج القصر وتوجه لها فتح وشاف خوله طلع ركب ويناظر معها: هاه متى بتجي الشرطه خوله: الحين. صار لي كثير مكلمتهم سمعو اصوات سيارات الشرطه ابتسمت خوله بفرح لازم ادخل قبل يدخلون بشوف كل شي من جوه واضحك عليهم نزلت بسرعه وهي خايفه من الحراس لا يمنعونها بس غريبه ماكان فيه احد دخلت بسرعه وصلت اخيرا لباب القصر وظلت واقفه وهي تشوف سيارات الشرطه تداهم القصر سمعت اصوات اسعاف او دوريه وصحيت مفزوعه كنت لابسه بجامه بس خفت ليكون احد صاير له شي نزلت بسرعه واشوف الكل مجتمع عند الباب الرئيسي وقفت بعيد وانا اسمع صوت الشرطي : عندنا بلاغ عليكم وفي اذن لتفتيش سميره بخوف: بلاغ ايش؟ : عن استلام بضاعة ممنوعه جواد: اها ومين مبلغ؟ : البلاغ من مجهول بس مضطرين نفتش البيت جواد ناظر خوله اللي واقفه برا: معروف من وين البلاغ : لو سمحت راح نبدء تفتيش ابتسم جواد ببرود وهو يناظر خوله: اذا حاب تفتش فتش ولكن البلاغ كاذب .. والحين اجيب لك الشنطه او البضاعه زي ماتقول وتشوفها بنفسك : وينها الشنطه دخل ورجع بيده شنطه فتحها قدامهم وطاحت منها الاكياس البيضا كنت مصدووووووووومه مو مصددددقه جواد تاجر مخدرات حطيت يدي ع فمي المفتوح من الفجعه سميره: لا مستحيل هذي مؤمره.. مو صدددق جواد هذا مو لنا احنا مالنا علاقه قول لهم خوله وقفت جنب الباب وهي تضحك بصوت مرتفع: ههههههههه ههههههههه ااااه معليش خالتي مو قادره اوقف ضحك طلعتو تجار مخدرات ههههههههههههه جواد يكلم الشرطي: اعتذر منك ولكن ممكن تفتح الكيس وتتأكد وش بداخله خوله مبتسمه بإنتصار: السجن ينتظركم ههههه لا تحاول فتحه وذاقه وناظر جواد بأستغراب جواد يناظر خوله وابتسامه ارتسمت على وجهه جواد: طال عمرك هالانسانه حاولت تتهمني وتلفق لي تهمه حيازة مواد ممنوعة خوله مفجوعه: لاااا ككككيف شوف لقيتو مخدرات عنده انا مالي شغل الشرطي: اللي بالكيس دقيق خوله: لا تصدقه كذاااااب كذاااااب انا مالي شغل الشرطي: عندك دليل عليها ابتسم وهو يأشر بيده على قدام والكل التفت وخوله من شافت هادي قامت تتنافض من الخوف تقدم هادي وقف جنب جواد هادي: انا شاهد على كل مخططاتها وعندي دليل خوله مازالت تحاول: ترا احنا لاعبينها سوا ي هادي اذا طحت بتطيححح معي طنشها وطلع جواله وشغل صوت (خوله: اسمع ابيك تساعدني هادي: وانتي ماتكلميني الا وراك مصيبه؟ خوله: اسكت بس واسمعني ابي مخدرات هادي مفجوع: نعععم؟؟؟ خوله: اللي سمعته هادي: ليش؟؟ خوله: ابي عايلة جواد كلهم يدخلون السجن هادي: لا والله؟؟ وليش؟ خولة بقهر: يعني منت عارف ليش؟ ااااخ بموت من القهر انا حتى امي وابوي ما مدو يدهم علي تجي عجوز قريح تمدها وجواد الحقير يطردني؟ هين والله لاوريهم هادي: طيب وش خطتك وش بتسوين خوله: راح احط مخدرات في بيتهم وابلغ الشرطه وحتى الصحافه راح افضحهم واخلي سيرتهم على كل لسان هادي: بس البيت فيه حراس وكاميرات مستحيل تقدرين تدخلين بسهوله خوله: وانا عشان كذا ابيك تساعدني هادي: كيف؟ خوله: مو جواد صار يثق فيك؟ هادي: ايييه؟ خوله: عطه شنطة المخدرات وقوله هذي ملفات او اي شي ضد جوانه وهو مستحيل يفتحها لين داخل البيت واول ما انت تروح تكون الشرطه والصحفيين قدام الباب وانا بروح واتفرج لهم كيف يسحبونهم واحد ورا الثاني وانا اضحك عليهم هادي متفاجئ: لها الدرجه حاقده عليهم خوله بقهر: واكثرررر بعد) قفل جواله وخوله مصدومه خوله: بعتنننني ي هادي هين اووووريك هادي يكلم الشرطي: طال عمرك بعدها كلمت الأستاذ جواد وقلت له عن مخططها فقال لي ساييرها لين نشوف اخرتها.. وفعلا ماتراجعت ف اضطرينا نحط دقيق عشان ماتشك. وبعدها مثل منت شايف دقت عليكم عشان تورط الاستاذ جواد وعايلته وتلفق له ذي التهمه الشرطي: امسكوها حاولت تهرب وهي تصرخ: انا مالي دخلللل اترررركوني كلبشوها الشرطيات والشرطي اعتذر من جواد جواد: ماعليه سويت واجبك تقدم عند خوله وناظرها بأحتقار: رحمناك وسكتنا عنك وبعد ترجعين وتسوين اللي سويتيه؟؟ هالمره راح تروحين للمكان اللي يناسبك اكثر ناظر الشرطي: لو سمحت بشتكي عليها بعد حاولت تقتل زوجتي وشربتها خمر عندي ادله على هالشي الشرطي: تقدر تلحقنا المركز وتقول كل شي هناك.. جواد: اوك المحامي راح يروح الشرطي: شاكر لك تعاونك ونعتذر مره ثانيه سحبو خوله ودخلوها السياره وهي تصارخ خوله: لااااااااا مالللللللي دددددخل... هيييييييين ي جواااااد واللله اوووووريك واللله لووووريكم كلللكم والله راح تدفففعون الثمممن غالي راحت سيارات الشرطه وجواد تقدم لهادي جواد: يعطيك العافيه خليتها ماتشك بشي هادي: انا تحت امرك طال عمرك طلع ظرف من جيبه واعطاه جواد: تستاهل ابتسم واخذ الفلوس وراح بسرعه تنهد بأرتياح ودخل البيت كان الكل ينتظره عشان يبرر اللي صار جلس بالصاله وراحو ع الصاله بعده وجلسو الا انا ظليت واقفه عند مدخل الصاله مدري حسيت رجولي مو قادره تتحرك بعد اللي شفته جواد: هذي خوله حاولت تورطنا بقضية مخدرات.. كانت متفقه مع واحد من موظفيني عشان هالشي وهالموظف يعلمني بكل شي تسويه ف من قال لي بخطتها قلتله سايرها وقول لها انك راح تدبر لها المخدرات طبعا قلتله يحط دقيق عشان ماتشك وتشوفه نفس المخدرات وطبعا شفتو وش صار بعدها سميره مصدومه: ياويلي مو مصددقه ان هالمجرمه كانت بتكون زوجة ولدي منيره: شوفي وين وصلها الحقد حصه: اعوذ بالله منها ومن شرها.. الحمدلله ارتحنا منها جواد وقف وهو يناظرني كنت ساكته ما اعرف ليش بس خلاص كل ظالم مصيره ياخذ جزاه وهي خذت عقابها ع كل اللي سوته فيه تقدم وهو يقرب مني جواد: اطلعي غيري ملابسك ناظرت نفسي وانحرجت طلعت بسرعه وقفلت الباب وناظرت نفسي صح يعني بجامه بس مو فاصخه عاديه.. يمكن قصده عشان اخوه هنا ايه صح انا نسيت هالشي... لميت شعري اللي كان طايح ع كتوفي وغيرت ملابسي وطلبت فطور وكنت ناويه اروح لمنيره بعد ما افطر بس طق طق طق وفتحت الباب وهي تطل براسها منيره: اقدر ادخل ابتسمت: اكككيد دخلت وجلست ع الكنبات اللي جنب السرير منيره: شفتي هالحقيره وش كانت تبي تسوي بجواد تنهدت: الله يعينه جواد كل مايقول خلصت منها ترجع له وجع لزقه منيره تبتسم: غيرانه؟ جوانه: ليش اغار مالي حق فيه عشان اغار منيره لسى مبتسمه: اعترفي اعترفي انتي تحبينه شفت نظراتك له ابتسمت بسخريه: من جدك تبيني احب شخص كرهني بعيشتي وخلاني اتمنى الموت منيرة: ليش لا. عطيه فرصه جوانه: وانتي ليش ماتعطين فهد فرصه منيرة: احم اعطيه فرصه لإيش؟ وقفت وجلست ع الكنبه اللي جنبها مديت يدي ومسكت يدها لحد ناظرتني جوانه: منور يشهد علي الله اني حبيتك مثل اختي واكثر واني اعتبرك اختي الصغيره وابي مصلحتك. امممم منيره فهد خبرني كل شي عنكم. اعرف اللي مريتي فيه صعب تنسينه بس ابيك تعطي فهد فرصه صدقيني هو مو كذا فهد عمره ماقرب من بنت ولا يفكر. بس بهذاك اليوم طلب..... قاطعتني وهي تحط يدها ع اذنها ودموعها تنزل: مااابي اسمع شي مممممابي لسمممممع شي انا ماراح انسى اللي سوووه فيني ماراح انسى ووقفت وطلعت وهي تمسح دموعها... اففف وش قلت انا خليتها تزعل وتذكر. بس لازم تعرف انها ظالمه فهد وان اللي صار مو بيده عند جواد طلع الجناح. جلس بالصاله بتعب .. ارخى راسه للخلف فكر بحياته ولوين وصل تذكر كل شي صار له مع جوانه وكيف ظلمها. تذكر يوم هادي جاب له فاتورة خوله توقع ان فيه غلط بالموضوع كيف خوله ماتكلم غيره. رجع بذاكرته لذاك اليوم >>>>>>>>>>>>>>>>>>>>>>>>>>>>>>>>>>>>>>>>>>>>>>> جاه اتصال ورد جواد: نعم : طال عمرك حاليا هادي مع خوله وصورتهم لك جواد بعصبيه: متأكد من كلامك؟؟ : ايه طال عمرك جواد: كلم اللي معك و جيبوه لي الآن.. : ابشررر جواد: خوله لا تشوف شي خلوها لين تروح : حاضر قفل منه وهو مقهور: تخوني انا ي هادي. هيييين بعد ساعه تقريبا كلمه الحارس انهم صارو تحت حرك كرسيه المتحرك ونزل بسرعه ع المستودع الموجود بالكراج تحت .. دخل وكان هادي جالس ع ركبه بالارض ويدينه مربوطه خلفه وحوله ثلاثه من رجال جواد .. اول ماشافه وقف ع رجوله هادي: طال عمرك وش صار ليش تعاملني كذ جواد كان بيده عصا حاول يوقف عليها بيد ويده الثانيه مدها وهو يحطها على رقبة هادي جواد بقهر: تخون ثقتي فيك يا هادي هادي مو قادر يتحرك فيه اثنين ماسكينه وجواد يخنقه تكلم بصعوبه: وو والله مم ما خ خنتك جواد خانقه اكثر: وتحلف بعد وانت متفق مع خوله ضدي ي الخاين ماعاد رد لانه مو قادر يتنفس. ابعد جواد يده عنه بعد ماشاف وجهه صار لونه ازرق .. جلس ع الكرسي وهو يراقب هادي كيف قاعد يلقط انفاسه بس ما ان اخذ نفسه هادي: كذذذب ماخنتك انا انا معك صدقني معك اشر لحراسه براسه ف قامو ضربوه لين طاح بالارض بألم جواد: يا تعترف بنفسك ويمكن اني اسامحك يا اما اذبحك واريح نفسي هادي بألم: طال عمررررك سامحني تكفا سامحني غرني الشيطان جواد بعصبيه: اننننطق وشششش مخبي علي بعد هادي بخوف لا يقتله: عطني الامان جواد بعصبيه: ولكككك عين بعد تطلب الامان وانت خاين ثقتي هادي بخوف: وش يضمن اني لو حكيت لك ماراح تذبحني جواد يمد يده للمساعد ف اعطاه مسدس. عشق المسدس ومده في وجهه جواد: ان مانطقت كل بلاويك الحين راح افضي ذا المسدس براسك هادي بخوف: لالا تكفا خلاص بتكلم بتكلم نزل المسدس هادي بتردد: صدقني ما اعرف كيف خولة عرفت عني. اتوقع سمعتك في الشركه وبعدها جابت رقمي سألتني عن فهد وانك وش تبي فيه في البدايه رفضت اتعاون معها بس غرتني الفلوس وهي عطتني مبالغ زينه جواد بعصبيه: صدق اذا اكرمت اللئيم تمرد. الحين ماكفاك اللي تاخذه مني وانا متأكد اني اعطيك ضعف ماتعطيك هادي: طال عمرك غرتني الفلوس سامحني جواد: كمل هادي: هي كان هدفها تفرقك انت والمدام جوانه. وانا ... انا وافقت لاني. جواد: لانك وشششش انطق هادي: لاني بغيت اخرب زواجها منك. كنت الاحقها في الشركه بس ماكانت تعطيني وجه. انا حبيت اخلاقها وكنت ابيها قبل تتزوجها انت بس كل ماحاولت فيها تحتقرني او تبعد عني بعمرها ماحاولت تقترب مني جواد بقهر وهو يذكر كيف كان شاك فيها: ايه وبعدين؟ هادي: لما خوله قالت انها بتفرق بينكم جاني امل انو ممكن احاول اقنعها اني ابيها .. ف كنت اعطيك معلومات غلط عن فهد عشان تزيد من غيرتك وتطلقها جواد بعدم استيعاب: وش .. كيف يعني؟ هادي: فهد. مايحب جوانه زي منت مفكر جواد: اجل وش؟ هادي: فهد اخوها بالرضاعه انصدممم وكأن احد صب عليه مويا بارده تذكر يوم يضربها بسببه تذكر ايمانها اللي كانت تحلفها وهي تقوله انه اخوها وين كان عقله كيف ماصدقها جواد: وششش بعد تعرفه وماتكلمت هادي : هالمعلومه مو انا عرفتها جواد: اجل من؟ هادي: خوله عرفت وقالت لي. جواد: كيييف عرفت هادي: المدام كتبت لك رساله وخوله قرتها وقالت لك عنها بس بطريقه ثانيه اخفت كثير معلومات فيها جواد تذكر الخدامه يوم تعطيه رساله .. معقوله نفس الرساله اللي من جوانه. انا لازم اشوفها هادي: طال عمرك خوله هي أساس المصايب حاولت كثير تتهم جوانه وتأذيها. وهي خططت وطلبت مني حبوب الهلوسه والخمر. عشان تطلعها من البيت جواد باقي مصدوم: هيييين ي خولوه حساااابك عندي هادي بخوف: طال عمرك سامحني اوعدك اني اسويلك كل اللي تبيه بس تكفا سامحني جواد: ابيك تكمل اللعبه مع خوله وكني مادريت عن شي. واي شي تخطط له تخبرني على طول سااااامع هادي: ابششششر جواد بتحذير: والله ياهادي وانا ان حلفت انفذ. يا انك لو فكرت مجرد تفكير تلعب علي يا انك بتتمنى الموت ولا تحصله سااااامع هادي بخوف: ابشررر اوعدك ما اخون ثقتك ذي المره حرك كرسيه وطلع الجناح راح الغرفه وفتش الادراج شاف رسالة جوانه له اخذ نفس وفتحها بتوتر .. جواد ادري لما تقرا ذي الرساله راح تحاول ماتصدقني ولكن اقسم لك بمن احل القسم ان كل كلمه مكتوبه فيها هي الحقيقه. جواد مو عارفه من وين ابدا او كيف برتب كلامي اولا فهد. ذا الشخص اللي انت تكرهه كره الموت. فهد اخوي. لا. لاتفكر ان قصدي مثل اخوي. فهد اخوي بالرضاعه امي قبل تجيبني ب اربع سنوات جابت ولد وتوفى بساعته وخالتي ام فهد عشان تواسي امي عطتها فهد صارت ترضعه بحليب اخوي اللي توفى.. المهم اسفه على كثر الشرح بس عشان تفهم ان فهد اخوي بالرضاعه موضوعك الثاني هو هادي. هادي كان يلاحقني يحاول يتقرب مني ولكن اقسم بالله العظيم اني ماعمري عطيته وجهه والموقف اللي شفته بالشركه كان بالصدفه هو عرف ان اوراقي مزوره وجا يهددني حاولت امشي بس سحب يدي وكنت بطيح بس مسكني. والله ان هذا اللي صار واي موقف ثاني لي معه كله بسببه يحاول يأذيني ويلحقني على طول. موضوعنا الثالث جاد. جاد ياجواد كسر صديقتي. نيمها واغتصبها .. ومن صحت تركها وقال مايبيها بعد ما اخذ اللي يبي. صديقتي كانت راح تموت وحاولت تنتحر. وانا انقهرت عليها. انا ماقدرت اشوف الظلم اللي صار لها بسبب اخوك واسكت. دخلت الشركه بمسك عليه شي عشان يتزوجها. بس مالقيت شي حسيته يتقرب مني بس ماعطيته وجه وبعدها قلت ليش ما اقهره زي ماقهرها. لكن خرب علي يوم كلمني وقال انه يبي يخطبني. ف طبيعي ارفض ولما سألني كلمته عن ريم وان دموعها حدوني اسوي به كذا. وقتها ماتوقعت انه بيعصب لدرجه يصير عليه الحادث. بس هذا قدر ومكتوب واتمنى من الله انه يقوم بالسلامه اليوم قبل بكره وهذا كل شي عندي اتمنى تصدقني ي جواد لاني والله ماكذبت عليك بحرف واحد صرخ بصوت عالللي وهو يرمي كل شي يشوفه بطريييقه هدا شوي ومسك على راسه: مسستحيل مسسستحيل .. كل شي سوييييته فيك ظلم بظلم. ااااااااه كيف بكفر عن اخطائي ااااااخ كيف ارتاح الحين وانا عارف كم المتتتك وكم جرررحتك بدون سبب .. ااااخ وريتك الموت بدون سبب .. لالا مستحيل مستحيل تكفيييين كوني غلطانه بشي .. >>>>>>>>>>>>>>>>>>>>>>>>>>>>>>>>>>>>>>> رجع من ذكرياته وهو يعصر عيونه بقوه وقف طلع البلكونه استشق الهوا يبيه ينتشل الضيقه اللي بداخله .. مو عارف كيف يعبر عن خطأه جواد: وديتك لندن بداوي جروحك .. بس جرحتك اكثر. جرحتك لدرجة مو طايقه تشوفين وجهي رن جوالي شفته ورديت وانا ابتسم جوانه: هلا وغلا منار بهدوء: هلابك جوانه: ميمي شفيك ليش صوتك كذا منار تتنهد: مازن رجع ويبيني اسامحه بققت عيوني: ررررجع متى وليه وش قال ليه سوا فيك كذا منار تبتسم: حبه حبه شفيك جوانه: سامحتيه طيب؟ منار: لا مستحيل اترك فيصل الا اذا هو تركني جوانه: منور وش رايك تجين عندي ونسولف بموت من الملل منار: بس زوجك الكريه راح يطردني جوانه: ههههه لا تخافين تغير منار: اككيد؟ جوانه: اكيد. بعد ما فاق اخوه صار زين معي منار: اوك اشوف فهد وارد لك خبر جوانه: تمام قفلت منها وطلعت بشوف منيره حزنت عليها شفته نازل الدرج وريحة عطره واصله لعندي استنشقتها بجنوون ي لللببببيه ريحة عطررره تجنن.. هذي الريحه نفسها اللي كانت ترعبني الحين شفيني احس ودي استنشقها .. استوعبت وفتحت عيوني شفته واقف قدامي يمممه متى جا ماسمعت خطواته جواد بأستغراب : وش تسوووين؟ جوانه: هاه لالا مافي شي كنت بروح عند منيره جواد: وش تبين فيها ماعرفت وش اقول: اممم ولا شي بس بنت عمي جايه وابي منيره تجلس معنا جواد يرفع حاجب: ما شاء الله صايره تعزمين صديقاتك على بيتي وبدون علمي حطيت اصابع يدي ع حاجبه وهو كز من حركتي جوانه: اول شي نزل حاجبك ذا تقهرني فيه. ثانيا عادي بيت زوجي هو بيتي واعزم اللي ابي لحد ما اتركه قرب اكثر وحط يده ع خصري ويده الثانيه رفع فيها راسي من ذقني... جواد: اجل بيت زوجك؟ جوانه بأرتباك: احم اييه جواد: طيب ماتدرين ان اي زوجين لازم ينامون بنفس الغرفه؟ قلبي رجفف لا مسسستحيل ما راح اعيد نفس اخطائي ولا راح اثق فيه ابتعدت بسرعه وعطيته ظهري: لا مستحيل قرب وحاوطني ولزق فيني وانا احس بموت ونفسي انقطع. همس بأذني جواد: مو بكيفك غصب عنك لفيت وناظرته بحده وعصبيه: انت كذا على طول كذا بس تعرف تامر وتغصب وتضرب لو ماتنفذ طلبك. مافي اي رأي للشخص الواقف قدامك ناظرني بتفاجأ: طيب اوسسس الحين يسمعونك ادخلي نتفاهم بالغرفه خفضت صوتي بس لسى معصبه: ماراح اتفاهم معععك ابدا.. وحكاية انك تغصبني على شي ما ابيه هذي زمااان الحين زي ماقلتلك تغييييرت مابيك ولا ابي قربك واومرك هذي احتفظ فيها لنفسك انا مو خدامتك زي ماكنت تقول شد ع اسنانه وهو يحاول مايعصب: راح اسوي نفسي ماسمعت شي يلا على غرفتك اشوف بديت برد حط يده ع شفاتي جواد: اصصصص سمعت ما يكفي يلا ادخلي مانبي فضايح ابعدت يده بعصبيه ودخلت وقفلت الباب بوجهه اففف غبيييي يحسبني لعبه ف يده متى ما يبيني قرب مني ومتى ما كرهني رماني بعيد عنه قبض يده بقوه ورفعها وهو يضربها ف الجدار توجه على جناحه دخل وقفل الباب وهو يوقف جواد: صايره تعصب ع امور تافهه. وش فيها لها الدرجه كرهتني من اكلمها كلمه بسيطه تنفجر بوجهي. تقدم وهو يسحب سجاره من جيب جاكيته الداخلي ولعها وطلع ع البلكونه اخذ له نفس وغمض عيونه تذكر شكلها الصباح البجامه الحرير الورديه اللي راسمتها و شعرها الطويييل الناعم اللي طايح على كتوفها وواصل لخصرها بنعومه.. بياض بشرتها خدودها الورديه ابتسم ابتسامه جانبيه: كل هالنعومه ولسانك ياطوله.. ااااه ي جوانه اااه منك اخذ نفس من السجاره وطفاها وطلع يبي يروح الشركه عشان ينساها مع انه كان مقرر مايداوم بس لو جلس راح يجن من التفكير لبست ورتبت الغرفه وظليت انتظر منار شوي ورن جوالي ورديت منار: انا تحت عند الباب جوانه: اوك دقيقه طلعت من الغرفه ونزلت بسرعه فتحت الباب ومن شفتها ضميتها بقوه ابتعدنا عن بعض وانا امسك يدها واسحبها وهي مفهيه وتناظر البيت جوانه: اممممشي طلعنا ومن دخلت غرفتي منار: واااااااو وش هالبيت اقصد وش هالقصر روووووعه فخامه عمري ماشفت مثله فسخت عباتها واخذتها وعلقتها وجلست ع الكنبه وانا جنبها جوانه : هههههههه اي والله حتى انا يوم جيت هنا زيك انصدمت منار تبتسم بأستهبال: الا ماعندهم اخ ثالث تزوجيني ياه جوانه: هههههه والله مايجيك غير الهم منار: وش صار معك بخصوص جواد تنهدت: ابد مافي شي غير الهواش ما ادري وش فيني كل مايقول لي شي اكلته منار: احسن يستاهل .. اصلا هذا كله من كثر الضغط اللي سببه لك كتمتي بداخلك كثير والحين انفجرتي جوانه: يمكن.. اممم وانتي وش بتسوين منار بحزن: مابيدي شي. مازن هو تركني بالاول والحين جاي يعتذر وفيصل مسكين مابي اكسر بخاطره هو يتيم اهله كلهم ماتو يقول ماعمري فرحت من بعد وفاتهم غير من شفتك. ما اقدر اتركه جوانه: طب لسى تحبين مازن منار: اكذب على نفسي اذا قلت اكرهه ايه احبه بس خلاص فات الاوان لرجعتنا. ماراح اكسر قلب فيصل عشان واحد تركني جوانه: ماقالك ليش تركك منار: الا امممم دقيقه فتحت شنطتها وطلعت كم صوره ومدتها لي وانا من شفتها تفاجأت جوانه: كككككييييف متى هالشي منار: الصور مو حقيقيه لا عبين فيها المهم اعطوه بيوم ملكتنا وهو صدق جوانه: معذور والله. لو انا مكانه كنت ذبحتك بعد مو تركتك منار: من جججدككك جوانه : اي والله تخيلي اشوف زوجتي المستقبليه بأحضان شاب غيري. ماراح افكر غير اني يا اقتلها او اتركها سرحت وهي تفكر منار: بس صعبب صعب اترك فيصل. انا قلت لمازن اسامحه بشرط اذا اعطى فيصل الصور وفيصل شافها وتركني رجعت لمازن واذا شافها واصر يكمل ف معناته حبه لي اكبر من حب مازن جوانه : خبببله انتي تشوهين صورتك عند الناس منار: وش اسوي هذا الحل الوحيد انه يتركني وهو كارهني ومن غير ما اكسر قلبه جوانه: اللي تشوفينه وقفت واخذت التلفون ودقيت وانا اناظرها جوانه: وش تشربين؟ منار: اممم عصير برتقال جوانه: واحد عصير برتقال ووحد فراوله الخدامه: اوكي مام قفلت ورجعت لها وظلينا نسولف ونسينا انفسنا لحد ماشفت الساعه صارت ١ ونص منار: يوووووووه تأخرت بروح جوانه: لاااا عادي تغدي هنا وروحي منار: لا وين زودتها الحينزجوادوه بيجي غرفته ينام جوانه: هههههه هذي مو غرفته هذي غرفة ضيوف بس انا جيت هنا عشان مابشوفه منار: اما كل هالغرفه الكبيره وغرفة ضيوف؟ اجل وين غرفتكم وقفت ومسكت يدها: تعالي اوريك طلعنا على جناح جواد فتحت الباب ع الصاله الكبيره منار: واااو جوانه: هذي الصاله وهنا غرفة لمكتب جواد وهناك غرفة استقبال كنت انام فيها قبل واللي قدامك غرفة النوم وريتها الجناح كامل منار: الجناح بروحه بيت كامل ما شاء الله... اااايه ذكككرته مو هذا الجناح اللي دخلناه اول بس كان ظلام مو مبين فخامته جوانه: ايه هو منار تبتسم: والله لو انا مكانك ماكنت تركت هالبيت هههه اي شي ابيه موجود جوانه: الا الحب مو موجود بها البيت مسكت يدي وتبتسم: لا تزعلين ان شاء الله بعد ماتتركين جواد تتزوجين باللي احسن منه و تحبينه ويحبك ابتسمت: ان شاء الله طق طق طق حسبت الخدامه: ادددخل رد بصوته الثقيل المبحوح: جوانه تعالي كزيت من الخوف وناظرت منار منار : يووو رجع وقفت ورحت له بتردد ناظرته كان نظراته معصب جوانه: هلا جواد بعصبيه: متى بتروح بنت عمك؟ جوانه: اححمم الحين الحين نروح غرفتي جواد: بسرعه تعبان ومو فاضي دخلت وزين ان منار ماسمعت شي لانها بعيده جوانه: تعالي نرجع الغرفه منار تلبس شيلتها: لالا خلاص برجع البيت جوانه: بس ماكلمتي فهد منار: اروح تكسي عادي جوانه: لالا راح اكلم واحد من السواقين يوصلك منار: اوك طلعنا ع غرفتي وماكان موجود دقيت ع الخدامه وقلت لها تكلم السايق يجهز السيارة جوانه: تمام السواق تحت ابتسمت وهي تضمني: انتبهي لنفسك جوانه : وانتي بعد طلعت من عندي وانا جلست ع السرير احس بتعب وفيني نوم رغم اني نمت بس ودي اناااااام انفتح الباب بقوه خلتني اكز واجلس ناظرته لسى معصب تقدم لين وصل عندي جواد: راحت بنت عمك؟ جوانه: ايه جواد: تراك لسى على ذمتي انتبهي لكلامك قبل تدورين عريس غيري جوانه: بس....... قاطعني جواد بعصبيه: اوووس سمعت حديثكم.. المهم وين الاوراق جيت اخذها سكت وفتحت الدرج وطلعتها وانا امدها له سحبها مني بقوه وطلع زي مادخل بسرعه وضرب بالباب بقوه... ياربي طير نومي وش فيه معصب ماقلنا شي. دخل الجناح وقفل الباب بقوه جواد: هه تخطط لبعد طلاقنا تبي تتزوج واحد احسن مني.. وتبي واحد يحبها وتحبه غبيه تحسب اذا تطلقنا المعاريس راح يصفون قدام بابها طابور.. ... توجه لمكتبه وهو يمسك راسه: ااااااه انا وش جالس اخربط وش ذا الكلام.. خلها تتزوج اللي تبيه رمى الاوراق ع المكتب والتف وجلس ورا مكتبه اسند يدينه وحط راسه عليهم غمض عيونه لفترة شاغله تفكيره رغم محاولاته المستمره لتجاهل شعوره وتجاهلها .. يحاول يكذب احساسه يحاول يقنع نفسه انه مجرد شعور بالذنب مو اكثر رجع راسه للخلف استرخى وغمض عيونه لفتره قرابة الربع ساعه وهو يهدي نفسه لين حس بهدوء مشاعره فتح عيونه ورفع جسمه وهو يتقدم للمكتب اخذ قلم وفتح الدفتر علميني يابعد روحي وعيني كيف ابعد كيف اهجر ذا الحنين علميني كيف امضي في سنيني ناسين همي وصرخات الانين تعبت اكابر واخفي حنيني واتصنع البسمه وقلبي حزين لي متى قولي بس وريحيني مستعد انتظر لو بعد حين ابيك بروحك وكل مافيك تجيني وفي عمق قلبي تسكنين Noonaa/ ........بــــــــعـــــــــــ ـد يـــومــــــــــــين.......... مرت يومين ولا شفته يداوم بدري ويرجع متأخر وينام.... ملكة منار بكره. لازم اروح لها وبكلم جواد عشان ابي لبس للحفله صح حفله بسيطه بس لازم اكشخ. ايييه تذكرت رقمه موجود راح اكلمه.. اخذت جوالي ودقيت عليه رد بعد ثاني رنه بصوته المبحوح الهادي جواد: هلا جوانه جوانه: امممم ابي اروح السوق اذا ممكن جواد: ليش؟ جوانه: اممم بنت عمي ملكتها بكره وابي اخذ لي شي البسه جواد: ارتاحي و السوق كله يجي لعندك جوانه: لا مابي. متعوده على المولات جواد: اها يعني تبين تتمشين جوانه: لا والله بس اختياري محدد ومن براندات محدده جواد: اوك اللي يريحك.. راح اكلم السايق يوديك جوانه: مشكور جواد: العفو قفلت منه وقمت جهز نفسي وطلعت فرييييت لين قلت امين ياربي ذوقي صعب مايعجبني اي شي بسهوله واخيرا اقتنعت بفستان ناعم باللون العودي طويل ومن فوق ماسك ع الرقبه بحركة مثلث وظهري ويديني مفتوحه رن جوالي شفت جواد يتصل رديت جواد: السلام عليكم جوانه: وعليكم السلام جواد: رجعتي؟ جوانه: لسى باقي لي كم شغله جواد: اوك انتبهي لنفسك جوانه: ان شاءالله جواد: اشوفك على خير جوانه: باي قفلت وكملت تسوق تنهد ورمى الجوال وهو يفرك راسه جواد: ااااه يارقة هالصوت ويا نعووومته. يارب عطني القوووه ياااررررب تنهد بضيق من فمه لان حس ان النفس احتبس بصدره لثواني . قطع تفكيره لما اخوه فتح الباب بسرعه ناظره: انت ماتعرف تدق قبل تدخل ابتسم وجلس مقابله: المره الجايه بدق جواد: خير وش تبي جاد مبسوط: الليله بخطب ريم جواد رفع حاجب: والمطلوب؟ جاد: تروح معنا جواد: مايحتاج يكفي الوالد معك حضوري ماله معنى جاد: ابيك تعزز لي يلا قول تم جواد: اشوف لو ماعندي شي رحت معك جاد: خف علينا يا معالي الوزير. جواد رفع حاجبه: ترا اهون جاد يبتسم: لالا خلاص شف جدولك وعلمني.. يلا انا بطلع رفع ساعته وناظر جاد: تو الناس لسى دوامك ماخلص جاد: ي ابن الحلال بروح اجهز نفسي الليله خطبتي.. يلا سي يو ليترر وطلع ابتسم جواد وهو يتنهد: ياليتني مثلك ي جاد.. ياليت لو اقدر بكل سهوله اعترف بأخطائي واصححها.. صرخ صوت بداخله لسى فيه وقت ي جواد. وقف وقفل الملفات المفتوحه واخذ جواله وطلع بسرعه جالسه بغرفتها ودولابها مفتوح وكل ملابسها ع السرير.. جلست وسط ملابسها واتسطحت بعرض السرير ريم: افففففف وش الللبس شكلي اروح اخذ لي شي من السوق اخذت جوالها بدون تردد ودقت منار: هلا ريمي ريم: منوور تككككفين احتااااجك منار: امري وش تبين ريم: تعالي عندي. الليله خطبتي ابيك تساعديني منار بتردد: بسسس ريم: لالالا مافي بس ترا وربي ازعللل منك منار: حاضر كم عندي ريم. اجهز نفسي واجيك ريم ابتسمت: الله لا يحرمني منك منار: ولا منكك قفلت من منار وقامت وهي تتوجه للمرايه وتفتح شعرها وترفعه بيدينها تشوف كيف راح تسرحه بالليل فريييت و تعبت اخيرا وجلست بكوفي طلبت لي قهوة وظليت اتأمل بالرايح والجاي يازين التسوق بالصباح مافي زحمه وهدوء : اححم اقدر اجلس التفت بسرعه ويدي على قلبي: يمممه ضحك وسحب الكرسي اللي مقابلي وجلس وهو لسى مبتسم جواد: اسف خرعتك؟ جوانه: بسم الله كيف عرفت مكاني اشر براسه ع واحد من حراسه كان خلفي طول الوقت ولا انتبهت له عدلت جلستي: احمم اطلب لك شي؟ جواد: لا لا جاي بخطفك شويتين جوانه: تخطفني؟ ابتسم: اقصد بعزمك نطلع نتغدا جوانه: اممم لسى ابي كم غرض ناظر الاكياس ورجع ناظرني وابتسم: خميتي السوق كله ابتسمت: لا والله قليييل حرام عليك جواد يتريق: ههههه ايه مره سكتت شوي وشربت قهوتي جوانه: غريبه تركت الشركه ابتسم: تبيني ارجع لها رجعت جوانه: لا ماقصدي بس انت تعشق الشغل ماشاءالله جواد: ههههه من قال؟ في اشياء ثانيه اعشقها غير الشغل (وغمز لي) قلبي دق بقوه بس اكيد مايقصدني حاولت اهدي نفسي والتهي بالقهوه جواد: جوانه رفعت نظري له: همم جواد: وش ناويه تسوين بعد الطلاق؟ جوانه: اممم مدري ليش يعني؟ جواد: احم اقصد يعني لو جاك نصيب راح تتزوجين؟ استغربت سؤاله بس اتوقع باقي كلامي انا ومنار في باله ولا نساه .. ماحبيت اضايقه ودي اشوف ضحكته ف رديت بمزح: ايه باخذ واحد احلى منك ولطيف مع جنسنا ابتسم: لا والله ؟ وكمل بغرور: ماراح تلاقين نفس جمالي جوانه: الا فيه ريتتيك روشان ناظرني بإستغراب: ومن ذا ؟ جوانه: يوووه ماتعرفه الممثل الهندي رفع راسه ميت ضحك: ههههههه هندي عاد جوانه: بلاك ماشفته يطيح الصقر من السما ضحك اكثر: اسمها يطيح الطير مو الصقر جوانه: اللي هو ابتسم: يازينك وانتي مروقه جوانه: اصلا انا دايم كذا مروقه بس مع احترامي الشديد لك انت نفسسسسسيه وتجيب الاكتئاب وعديتني معك مات ضحك: ههههههههههههه انتي خليتي فيها احترام ههههخ ااااخ وش شاربه انتي اليوم ناظرت القهوه: يوه ليكون حطو لي فيها بلا جواد: والله البلا بعقلك مو بالقهوه ابتسمت: والله اني عاقله جواد: ايه مره جوانه: المهم خلك بروح محل وارجع بسرررعه جواد: لالالا رجلي على رجلك جوانه بتذمر: يووه والاغراض تعبت اشيلهم ابتسم واشر للحارس وشال الاكياس وانا حسيت بإرتباك لما حاوطني بيده جواد: هاه وين تبين جوانه: ابي كعب جواد: من براند معين والا عادي جوانه: لا عادي اي مكان فرينا شوي وشفنا محل دخلنا واخترت الكعب جواد: ماتبين تقيسينه؟ جوانه: مايحتاج مقاسي 37 ناظر بالكعب: متأكده؟ احسه كبير عليك جوانه: يب متأكده جلسني وجلس جنبي ع الارض ركبه ونص وبيشيل جزمتي انحرجت: مو لازم انا البسها .. اصبر ماسمع لي وانا احس ودي الارض تنشق وتبلعني لبسني الكعب وناظرني وابتسم: شفتي قلتلك كبير ناظر بالموظفه اللي مبتسمه: جيبي 36 ناظرته: خلاص ناخذ ٦ جواد: لا تجربين قبل احس احتريت ودي الموقف يخلص بسرعه: خلاص انا بلبسه جواد: اصبري جابته وطلعته مدته لجواد اللي لسى ماسك رجلي لبسني جواد: اييه الحين تمام وقف وانا ماصدقت وقفت بسرعه ولبست شوزي ورحنا ع المحاسبه الموظفه ابتسمت وهي تعطيني: الله يخليكم لبعض ناظرته وناظرني واكيد ان البنت مافهمت ان نظراتنا لبعض كأن نقولها قريب بنفترق .. قريب بنبعد عن بعض .. مسك يدي وشكرها وطلعنا جواد: تبين شي بعد والا نطلع. جوانه: نطلع طلعنا بسيارته وتحركنا جوانه: اممم وين بنروح جواد: سبازيو تعرفينه؟ جوانه: اممم لأ جواد: بالمملكة هو. تحبين الستيك طبعا تذكرت لندن وقت طبخ لي: ايه احبه بس مدري راح يعجبني زي اللي سويته لي او لا ابتسم: لا لا بيعجبك ان شاءالله وصلت بيت ريم نزلت بتردد وهي تدخل وبداخلها تدعي ماتشوف مازن حطت يدها ع الجرس وقبل تدق انفتح الباب ناظرت اللي فتح منار(ياررربي الحين انا ادعي ما التقي معه واول شخص اشوفه هو) رفعت راسها شافت وجهه بوضوح شكله مرهق وتعبان مهمل ذقنه وعيونه تعبانه نزلت راسها وهو مسك يدها وهي سحبتها بسرعه منار: مازن ارجوك ابعد عن طريقي بدخل مازن: قولي ماراح تتركيني وانا ابعد منار: لاتنسى بكره ملكتي مازن بألم: ااااه بكره موتي ي منار بكره موتي ابعدته عن طريقها وهو ماقاوم وطلعت بسرعه وهي تمسح دمعتها وتحاول تكون قويه فتحت الباب ودخلت عند ريم وهي تحاول تتماسك عشان فرحة ريم وصلنا وطلعنا شفته ضغط الدور 77 وقلبي طاح قربت منه ومسكت يده ناظرني بإستغراب جوانه: احمم عندي فوبيا من المرتفعات والاماكن الضيقه ابتسم وحاوطني وهو يشد علي: اجل بجيبك كل يوم هنا جوانه: تبي تموتني بسرعه يعني؟ جواد: ههههه لا شال لثمتي وتحسس خدي بنعومه: بس عشان تلصقين فيني نفس الحين نزلت راسي بإحراج وانفتح المصعد مسك يدي وتوجهنا لطاولتنا سحب لي الكرسي وجلست التف وجلس جواد: اطلب لك على ذوقي؟ جوانه: اي عادي جلست اناظر من القزاز المطل ع الرياض كلها طلب وخلص ناظرته جوانه: جواد رفع راسه: هلا جوانه: اممم ليش مدلعني اليوم ابتسم: لانك تستاهلين الدلع جوانه: لا جد ليش جواد: اممم مدري حبيت نغير جو والا ممنوع؟ جوانه: مو اتفقنا مانكون مع بعض وانو بس جلست عشان عمي جواد: ادري جلستي عشانه بس مايمنع انو نطلع مع بعض اعتبرينا بهالفتره اصحاب جوانه: اصحاب؟؟؟ جواد: ايه والا ماتبيني مره جوانه: طيب الاصحاب مايكذبون على بعض ولا بينهم اسرار جواد: ليش وش كذبت عليك فيه جوانه: مو عن كذب بس ودي اعرف شي جواد: وشهو جوانه: جاد تغيرت ملامحه: شفيه جوانه: متى صحى؟ ليش ماقلت لي؟ نسيت اتفاقنا نسيت يوم وعدتني و قلت لي باليوم اللي جاد يدخل من ذا الباب راح اطلعك بنفس اليوم؟ اخذ نفس: صح اتفقنا بس انا تركتك قبل يصحى جاد يعني انتقض ذا الاتفاق .. اما متى صحى .. صحى بيوم العيد. عرفت بعد مارجعت من عندك جوانه: طب ليش خطفتني جواد بإستغراب: خطفتك!!!! جوانه: ايه يعتبر خطف ابعدتني عن الكل بدون سبب جواد: مو تركتك شهر قبل يصحى جاد. هذا هو الشهر قلت لازم اعوضه جوانه: لا والله؟ ابتسم ومسك يدي: انسي هالامور الحين خلاص صار اللي صار وانتي بعد كم اسبوع راح ترتاحين مني جا الاكل قطع حديثنا جواد: كلي وارمي كل شي ورا ظهرك عيشي يومك وخلاص فتحت لثمتي واخذت السكين: انت تعرف كيف ترد بصراحه ما اخذت منك ولا اجابه ع اللي في بالي ابتسم: في اشياء مالها اجوبه فلا تتعبين نفسك بالتفكير فيها سكتت وظليت اكل وهو بعد من جهة مازن كمل طريقه وطلع برا البيت ماشاف نفسه الا واقف قدام المستشفى. خلاص مابيده حيله مستعد يسوي المستحيل عشان ترجع له ودامها رافضه مره فكر انه يحكي لفيصل قد ايش حبها.. فكر انه بهالطريقه راح يستعطفه ويخليه ينسحب من حياتهم. تنهد ونزل بعد تردد توجه للاستقبال مازن: لو سمحتي وين اقدر الاقي الدكتور فيصل الموظفة: روح الدور الثالث واسأل هناك مازن: يعطيك العافيه طلع وسأل هناك ودلوه على غرفته طق الباب بتردد فيصل: ادددخل دخل وكان فيصل منزل راسه يناظر ملف مريض عنده رفع راسه فيصل: هلا والله تفضل مازن: اقدر اتكلم معك شوي فيصل: امر جلس ومنزل راسه بيأس وحزن مازن: عرفتني؟ فيصل: لا والله مازن: انا مازن تغيرت نظراته فيصل: خير وش تبي مازن: اممم مو عارف وش اقول بس عشان منار فيصل: وش فيها؟ مازن: متأكد انها تبيك لانها تحبك؟ فيصل تغيرت ملامح وجه: مو لازم تحبني مع الوقت راح تحبني مو مستعجل مازن: من يوم فتحت عيني وهي معي من احنا صغار ربينا مع بعض حبينا بعض كثير ومن كبرنا كبر حبنا معنا وصارت اقرب لي من كل شي بها الدنيا كانت اسعد انسانه وهي معي. ماكنت اخلي شي ينقصها. اجيب لها الشي قبل تطلبه تنهد بضيق وكمل: بس صار شي ابعدني عنها صح كسرت قلبها والمتها بس هي لسى تحبني لسى تبيني. ولو انت ماطلعت بطريقنا كانت راح تسامحني بس هي الحين تفكر فيك ماتبي تكسر قلبك فيصل بعصبيه: خلاص اسكت. واذا خلصت قصة حياتك ف ياريت تتفضل عندي شغل وقف مازن بحزن: لاتحرمنا من بعض ي فيصل لا توقف بطريق سعادتها فيصل معصب بس ماسك نفسه: ممكن تطلع؟ طلع وفيصل رجع نفسه ع الكرسي: لا هو يقول كذا عشان اتركها. منار تكرهه.. اكيد انها صدته عشان كذا جاني.. ماراح اصدقه.. ماراح يلعب بمخي منار تكرهه ايه تكرهه رجعنا وكل منا راح غرفته. جلست اشوف التي في بس احس تفكيري معه مو قادره اركز على شي. كان يوم حلو فاجأني بجيته طق طق طق انفتح الباب وقلبي من شافه رجف تقدم بخطواته الثابته ويدينه بجيب بنطلونه جواد: اممم الليله راح نخطب لجاد جيت عشان اعلمك فتحت عيوني بتفاجأ: مممين؟ جواد: صديقتك ريم ابتسمت بفرح: والللله؟؟ جواد: والله جوانه: ي عممممري ي ريم اكيد بتطير من الفرحه هي مجنونه فيه جواد: غريب كيف خذت عقله. حتى هو صاير مجنون فيها ابتسمت وانا اذكرها: ريم انسانه هاااديه ناعمه طيووووبه وحلوه طبيعي يحبها جواد: مثلك ناظرته بإستفهام ولا تكلمت جواد: يعني انتي بعد هاااديه وناااعمه ورقيقه وحلوه. اخذ نفس. حلوه كثير بعد نزلت راسي بأحراج جواد: المهم جيت اقولك لو حابه تروحين لها بما انك كنتي شاهده على قصة عذابها معه من الاول.. اشهدي على فرحها ناظرته بأستغراب: وانت كيف عرفت قصتها جواد بتوتر: جاد. جاد خبرني جوانه: اها يعني عرفت ليش انا سويت اللي سويته مع جاد توتر اكثر: مو موضوعنا الحين. المهم حابه تروحين والا لا؟ جوانه : اكيد ودي اروح جواد: اجل جهزي نفسك جوانه: حاضر طلع وانا ظليت افكر ليش توتر وش يعرف بالضبط.. ياترا يدري انه ظلمني وفوق كل هذا ساكت والا اعتذر مني لها الدرجه مو قادر يعترف انه ظلمني وغلط بحقي على الساعة 8 المساء طق طق طق فتح الباب ومن شفته خقيييييت يازينه وهو لابس ثوب وشماغ. الثوب راسمه رسم ومبين عضلات يده نزل راسه وهو يرفع يدينه ويناظر نفسه جواد: وش فيك؟ فيه شي غلط؟ ابتسمت: لا مافي شي بس استغربت ماتلبس ثوب كثير ابتسم ابتسامته اللي تسحر وهو يقرب مني غمز لي جواد: بس كيف؟ حلو علي؟؟ ابتسمت: كثيييير حلو ابتسم: الثوب حلو والا لباسه انحرجت ونزلت راسي: اثنينكم حلوين قرب وحط يده تحت ذقني وهو يرفع راسي جواد: جد انا حلو بنظرك؟ جوانه: امممم ايه انت حلو كثير والف بنت تتمناك جواد وعيونه تبرق: بس انا مابي من الالف الا وحده نزلت راسي وابتعدت ما ادري اذا يقصدني او لا بس مهما كان قصده انا وهو ماننفع لبعض تنهد: البسي شيلتك تأخرنا لبستها واحنا ماشيين وكملنا طريقنا وهو يده ممتده ع كتوفي وانا خاقه ع ريحة عطره نزلنا وكان السايق ينتظرنا ركبنا وتوجهنا ع بيت ريم وبنص الخط رن جواله رفعه جواد: هلا.... بالطريق..... هههههههه...... لسى بدري..... اوك... طيب طيب..... خلاص ي ابن الحلال وصلنا قفل وهو يبتسم: هذا جاد تأخرنا عليه مستعجل ابتسمت: فديته مبسوط جواد: ننننعم؟ ناظرته بشك:وش وشو اقول مبسوط جواد: الحين انا زوجك ماعمرك قلتي لي كلمه حلوه والحين تتفدين بجاد انحررجت: اسسفه طلعت عفويه جواد: ماراح اسامحك حتى تقولين لي كلمه حلوه جوانه: كلمه حلوه رفع حواجبه: لا واللللللله؟ جوانه: هههههههههههههه ابتسم وهو يناظرني: فديت هالضحكه وراعيتها انحرجججت وسكت ع طول وهو لسى مبتسم جواد: يلا يلا ماراح اتركك الليلة لين ماتقولينها وقفنا وجواد ضغط زر فتح الحاجز اللي بينا وبين السايق: وش فيك السايق: هذا الموقع طال عمرك ابتسمت: حظك عاد وصلنا. جواد يصر ع اسنانه بضحكه: ااخ مممنك تعرفين كيف تهربين. بس الرجعه راح تقوليها لي اندق القزاز جهة جواد وفتحه جاد بنفاذ صبر: مطول حضرررتك؟ ابتسم: ودي افهم على وش مستعجل ترا لسى خطبه مو زواج جاد: كيفي خطبتي وكيفي ابي استعجل جواد: الله يصبر بنت الناس عليك ضحكت عليهم ونزلنا انا توجهت للداخل وجواد راح مع جاد دقيت الجرس وفتحت لي ام ريم سلمت عليها ام ريم: هلا يمه كيفك وكيف اهلك؟ جوانه: الحمد لله خالتي الكل بخير.. ام ريم: البنات فوق بغرفة ريم جوانه: تمام راح اروح لهم طلعت وفتحت الباب شفت ريم وش زينها جالسه ع السرير ومن شافتني ابتسمممت وهي توقف ريم: جووووااااانه ضميتها: وش هالززين وش هالحلاوه كلها. عريسنا راح يغمى عليه بسببك ابتسمت: ي عمررري انتي الزين كله جوانه: الللف مبروووك ريم: الله يبارك فيك تلفتت وانا اجلس: الا وين منار ماكملت كلمتي الا وهي طالعه من الحمام وتضبط شعرها منار: انا هنا ابتسمت وبستها: كيفك؟ منار: ماشي الحال ريم: جوانه جاد صار تحت؟ جوانه: ايه وصل هنا من بدري وكل شوي يدق على جواد يقول تأخرنا ريم بتردد: امممم الا كيف جواد معك؟ تنهدت: زين بس خلاص مالنا مستقبل مع بعض ريم: ليه؟ جوانه: يعني لان ظروف زواجنا مو طبيعيه ف اكيد راح يكون نهايتنا الطلاق ريم: جاد يقول ان جواد يحبك ليش ماتعطيه فرصه جوانه: وان قلنا انه ممكن حبني انا كيف بنسى الوجع اللي سببه لي .. طريقنا مسدود ماراح نقدر نكمل مع بعض .. وبعدين خلك مني الحين انتي فكري بنفسك وبجاد وبس ريم: بس منار تقاطعها: جوانه معها حق فكري في جاد اللي رجيتينا فيه ابتسمت واندق الباب ودخلت امها ام ريم: يمه تعالي انزلي ام جواد تحت وقفت ريم مفزوعه: جتتتت امممه؟ ام ريم: ايه شفيك ناظرتنا بتوتر وامها طلعت ريم: يووه امه شريره اكيد بتجلس تتفحصني واذا ماعجبتها اكيد ماراح تخليه ياخذني جوانه: لا تخافين انا صارت تتمنى اظل مع جواد يعني تفكر بسعاده عيالها ريم: والله؟ جوانه: اي والله منار: امشو ننزل نزلنا وريم مرتبكه سلمو على خالتي وجلسو ومن شافتني ابتسمت سميره: زين انك هنا اول مره اخطب ولا عارفه وش اقول ابتسم الكل جوانه: ولا يهمك انا اغششك سميره تضحك: اجل تعالي جنبي قبل تجي ام العروس جوانه: هههههه حاضر رحت جلست جنبها ومن جدها تبيني اعلمها التفت لي سميره: ايه وش اقول جوانه: امممم بالعاده يقولون والله شفنا بنتكم وطالبين القرب منكم.. او مثلا. نبي بنتكم ريم لولدنا... وكمان تسأليها كم يبغو مهر والشبكه وكذا دخلت ام ريم وخالتي غمزت لي انو اسكتي ههههه ي حليلها صايره طيبه ماعرفتها سميره تبتسم لام ريم وام ريم ترد لها الابتسامه اخيرا نطقت وليتها مانطقت سميره: اممم اححم جايين نبي القرب لولدكم من ريم عجزززت امسسسسك ضحكتي صراحه ف انفجرت ضحكك وريم تحاول تضحك ع الصامت مسكينه سميره: ههههه والله ما اعرف لها الامور المهم نبي ريم لولدي جاد وان شاء الله نتفق على باقي الامور بعد موافقتكم هديت وابتسمت: ايه حنا مستعدين بالمهر والشبكه اللي تبيها ريم. وان شاء الله مانختلف على شي منار تغمز لي: الحين صرتي من اهل العريس؟ سميره تبتسم وتكلم ام ريم: ايه هذي زوجة ولدي الكبير جواد ابتسمت اخيرا اعترفت اني زوجة ولدها ضلينا نسولف وكذا وطلب جاد يشوف ريم ف دخلوه مجلس الحريم وريم راحت له وانا ومنار نراقبهم من عند الباب دخلت ريم واول ماشافها وقف ومد لها ورد اخذته بحضنها و جلست جنبه جاد مبسوط ويهمس لها: واخيرا بتصيرين لي ابتسمت ريم بخجل: ع فكره طالعه كثيييييييييير حلوه انحرجت اكثر سميره تعطي ولدها الخواتم: لبسها وتلبسك سحب يدها البارده ولبسها بالخاتم ومد يده عشان تلبسه ولبسته جاد بهمس: احبك وقفت ريم منحرجه وطلعت بسرعه وهو ابتسم وناظر امه: ليش طلعت؟ سميره: لا والله وتبيها تجلس لمتى ترا هذي لسى الشوفه اذا ملكتو تجلس معك ناظر ام ريم: اححم خالتي عادي بكره نملك الكل: هههههههههه سميره: يلا قوم بس. نتفاهم ع الملكه بعدين طلعت ريم واستلمناها جوانه: حركاااات وش هالورد وش هالهمسات منار: باقي شوي ويبوسك قدام الكل ريم منحرجه: عادي ماقال شي جوانه: ايه ايه واضح من خدودك الحمرا ريم لسى خجلانه: يلا عااااد جوانه: ههههه اكيد قال حبيبتي واحبك ومن هالكلام رن جوالي وشفت جواد يتصل رديت بسرعه جوانه: هلا حبيبي سكوووووووووت من الطرفين يوه وش قلت انا وش حبيبي مالت علي وش بيقول عني حسيت بالجو حر وقلبي يدق جواد: احم يلا اطلعي "وشدد ع الكلمة" حبيبتي قلبي كان بيوقف بس اعرف انه يتريق علي جوانه: طيب قفلت وانا منحرجه ي ربي جت عفويه بدون قصد يعني لاني كنت اسولف عن حبيب ريم تنهدت ولبست وودعت الكل وطلعت ركبت وانا ساكته جواد: اممم كيف الوضع اتفقتو على كل شي جوانه: يعني تقدر تقول جواد: امي كيف كانت؟ اقصد قدرت تتقبل البنت والا لا ابتسمت وبديت احكي له كل اللي صار بحماس وكني اسولف مع صدقاتي قلت وانا مكمله ضحكك: تتتخخخخيل وش قالت كان مبتسم معي ومتحمس لسالفه: وش جوانه: اااه ههههه ههههه قالت جايين نبي القرب لولدكم من ريم هههههههههه جواد وهو يرفع راسه: ههههههههههههههههههههه اول مره اشوفه يضحك من قلب جوانه: هههه بس طبعا انا انقذتها وتكلمت معها وكني وحده منكم وفيكم هدت ضحكته بس ضل مبتسم مسك يدي وناظر بعيوني جواد: وانتي وحده منا جوانه: بس انا عمري ماحسيت اني منكم دايم تحسسوني اني اقل منكم واني مو من مستواكم تنهد: هذاك اول بس الحين غير جوانه: ليش غير وهو ماتغير شي جواد: غيرتي تفكيرنا جوانه: يعني انت الحين واثق فيني؟ مصدق اني ما تعمدت اكون مع هادي او جاد عارف وش يكون لي فهد؟ نزل راسه: انا طويت الماضي خلاص جوانه: لا كككيف تطويه كيف تطويه وانت مو عارف شي فيه جواد: خلاص قفلي ع الموضوع جوانه: لا م..... قاطعني بحده: جووووانه سكتت هدا نفسه شوي: قلتلك خلاص جوانه: طيب تنهدت بضيق وظليت اناظر بالشوارع لحد ماوصلنا قصرهم نزل قبلي وانا نزلت وماعاد شفته يمكن طلع بالمصعد طلعت ع الدرج رحت غرفتي وانا هلكااااانه تحمممت بسرعه وطلعت لبست ونننننمممممت اما من جهته طلع من الحمام وهو ينشف شعره.. تذكر سوالفها وحركات يدها وهي تسولف وضحكتها اللي تجننه تذكر عيونها وهي تدمع من الضحك وابتسم وهو يتنهد جواد: برائتك راح تجنني جفف شعره وتوجه لمكتبه اخذ ورقه وكتب تهت بكِ وغرقت روحي في عيناك اين ذهب عقلي واين صرتُ انا ابحرت بكِ ورسَيتُ في مرساك كل جوارحي معك وانا هُنا تلك العيون سلبت قلبً يهواك تلك الشفتين الجارحتين عنا ياليتني استطيع ان انساك وارمي حبا من قلبي قد دنا Noonaa/ تنهد بضيق وترك المكتب وطلع ع غرفته غمض عيونه يحاول ينام تذكر كيف عصب عليها جواد: اعرف كل شي ي جوانه وياليتني ماعرفت انتهى البارت انتظر توقعاتكم ❤️❤️ | ||||
|  |
|
09-08-22, 07:43 PM
| #62 | ||||
| البارت الثامن والثلاثون لا ياخذك غيري ترى خاطري فيك شطرأ وقف بين الرجاء والقناعـه اردده لا مر ذكرك وطاريك ويردني سلم العرب والجماعــه محدً بعارف قيمتك كثر مغليك اللي زرع في القلب حبك زراعـه لا ياخذك غيري وانا اللي مربيـك الله ولا رد الوفى بالقطاعـه ادخل علي الله لا تقفي وانا ادعيـك العمر واحد لا تسبب ضياعـه اكبر جريمة في الهوى بيع شاريك وأقوى خيانه من يخون الوداعــه ماقدر ينام جالس يدور بغرفته وهو كل شوي يناظر الساعه مازن: ماراح اخليك تاخذين غيري ماراح تاخذينه ككككيف بتحمل منار كككيف اتركك له.. اااخ كيف اصلا قدرتي كذا بكل سهوله تاخذينن غيري لا لالا ماراح يتم ذا الزواج لازم اسوي شي ما اضمن يتركها اذا عطيته الصور وش اسوي اخطفها اايه اخطفها واخذها واتزوجها غصب. لا ي مازن اهدا وش هالافكار بس والله ي منار ماتاخذينه حتى وان كان موته على ايدي صحى بدري تحمم و غير ملابسه رتب نفسه ونزل ع صالة الطعام شاف بس امه تفطر جواد: صباح الخير ي الغاليه ابتسمت: هلا صباح النور جواد وهو يجلس يفطر: الا وين البقيه سميره: جاد نايم تعرف اليوم جمعة وابوك افطر وطلع ع الحديقه جواد يذكر: يوووه والله مدري وين عقلي جهزت نفسي ع اساس بداوم نسيت ان اليوم جمعة ابتسمت سميره: عقلك خذته جوانه ابتسم: اااه بس سميره: سلامة روحك من الاه. وش فيك؟ جواد: مافي شي سميره: جواد يمه لا تكابر على مشاعرك .. اعترف لنفسك بالاول عشان تقدر تعترف للبنت .. صدقني بتكون سعيد معها جواد يناظرها بأستغراب: سبحان مغير الاحوال ابتسمت سميره: يغير ولا يتغير ناظرها بجديه: الحين من جدك يمه حبيتي جوانه؟ سميره تركت شوكتها وناظرته: اي والله البنت مسكينه اذيتها كثير ولا تكلمت وفوق كل هذا ظلت محترمتني انا وانت رغم اللي سويناه فيها انا كثييير ندمانه ع اللي سويته مدري وين كان عقلي وقتها وانت الله يهديك زدت النار حطب بدل ماتخليني احبها قعدت على راسي خدامتي وخدامتي ناظرته بأستفسار: الا ليش تزوجتها؟ ومن وين عرفتها وليه كنت قاسي معها تنهد بضيق: كانت تشتغل عندي بالشركه بشهادة مزوره ولما عرفت عاقبتها بالطريقة اللي شفتيها خيرتها بين السجن او اتزوجها وتخدمني سميره: كللل هذا عشان انها مزوره شهاده طيب مافكرت ليش؟ يمكن كانت محتاجه يمكن ظروفهم سيئه يمكن ويمكن الف سبب حدها على هالشي جواد بضيق: المهم يمه خلاص صار اللي صار مانقدر نرجع الماضي سميرة: بس نقدر نصلح المستقبل جواد: وش نصلح فيه؟؟ التراكمات اللي بالماضي صعب تتصلح بسهوله سميرة: خلها تحبك نسيها الماضي جواد: الكلام سهل بس الفعل صعب كثير او حتى مستحيل سميرة: مافي شي صعب لسى عندك وقت حاول فيها جواد: ماراح احاول اذا تبي تجلس بحطها بعيوني ماتبي براحتها الخيار لها سميرة: ليش طيب؟ من الغلطان انت والا هي؟ انت المفروض تبادر جواد: لاني مابي اجبرها على شي ابيها تختار الشي اللي يسعدها سميرة: حتى وان كان هالشي راح يدمرك؟ اخذ نفس وسكت وهو حاس بخنقه انتظرت شوي ووقفت بعد مامسحت فمها بالمنديل: الله يهديك بس تنهد: آمين والجميع صحيت بدري افطرت بغرفتي كالعاده رن جوالي رديت وانا ابتسم: يا هلا فهد: هلا وغلا ومسهلا صباح الخير لاحلى واجمل جوانه بالدنيا جوانه: ههههههه قول قول شعندك بدل ذا الترحيب فهد: ابد بس فاقدك البيت مظلم بدونك جوانه: شكل اللمبات مقفله شغلها وينور فهد: هاها بايخه ماتعرفين تنكتين جوانه: ههههههه المهم يلا قول شعندك .. مستحيل داق من صباح الله ع الفاضي فهد: احم شسمه بصراحه يعني ابيك بخدمه وادري انك ماراح تردين طلب اخوك الوحيد ابتسمت: ايه ايه انا داريه هالغزل مو لله فهد: منيره جوانه: شفيها؟ فهد: ابي اشوفها الليلة جوانه: نعععععم؟؟ فهد: نعم الله عليك. اللي سمعتيه جوانه: وش اللي بتشوفها وش تبي فيها فهد: بكلمها بتفاهم معها هي صدت كل الطرق بوجهي جوانه: تستاهل احد قالك تصادق شلة خربانه؟ فهد: ماكنت اعرف قسما بالله ماكنت اعرف ويوم عرفت تركتهم .. تكفين جوانه ساعديني اصلح الغلط اللي ارتكبناه جوانه: طيب وش بتصلح بالضبط؟ تبي تتزوجها؟ في البدايه بيكون مجرد حماس ومع الوقت بتحس انك كارها لان اصحابك.... قاطعني فهد: محد لمسها غيري جوانه: وكيف عرفت؟ فهد: صديق حمد قال لي يعني كان منتظريني بالصالة ومن كثر الشرب نامو جوانه: طيب هي ماراح تتقبل او تنسى فهد بحده: تنسىىىى لازم تنسى عاجبتها حياتها وهي مغيرة هويتها ومخليه نفسها بنت ينقال عنها بويه كله عشان محد يفكر ياخذها جوانه: معك حق فهد: طيب خليها تجي معك حاولي فيها والباقي علي جوانه: احس اني اخونها فهد: لازم تشوفني يا جوانه .. اولا بشوف وش كثر كارهتني ثانيا بحاول اكلمها واتفاهم معها جوانه: وتتوقع انها بتكلمك؟ هي مو قادره ترد عليك كيف تبيها تشوفك؟ فهد: ماعليك جيبها معك وانا اعرف اتصرف جوانه: امممم اشوف فهد: قولي تم تكفين جوانه: بالاول اشوفها فهد: طيب قفلت منه وقعدت افكر بكلامه .. صح لازم منيرة تواجهه لازم ترمي مخاوفها مالها غير فهد ودامه بيصلح اللي كسره ليش لا وقفت و طلعت على جناحهم دقيت وفتحت عمتي حصه ابتسمت: صباح الخير عمتي ابتسمت لي: صباح النور والسرور.. ادخلي حبيبتي جوانه: اممم لا بس منيره صاحيه؟ حصه: ايه صاحيه تعالي هي بغرفتها دخلتني الجناح يشبه جناح جواد بس هنا الغرف كلها نوم وحده لعمتي ووحده لمنيره وغرفة للصغار ابتسمت منيره لما شافتني جوانه: صباااح الخييير منيره : صباح النور جلست جنبها ع السرير: وش تسووين؟ منيره وهي تقفل اللاب توب: ولا شي كنت اشوف فيلم جوانه: يووه قاطعتك اجل منيره: لا اصلا ماحبيت قصته كنت بغيره جوانه: طيب امممم الليلة ملكة بنت عمي وحابه انك تجين معي وش رايك منيرة: مين منار؟ جوانه: ايه منيرة بتردد: لا لا مابي مالي خلق اطلع جوانه: منووور يالله عاد وش تسوين بالبيت طفش؟ منيرة: بس يعني اخاف يصير شي زي المره اللي راحت وتتركيني ابتسمت: انا اسسسفه والله وقتها جواد كان معصب مني اخذني بالغصب وطلعني.. وبعدين هالمره غير ما اظن بيصير شي منيره: اممم طيب ماشي متى تطلعين جوانه: ع الساعه 7 تقريبا منيره: تمام وقفت : يلا اجل بروح ولا تنسي الساعه ٧ نطلع منيره تبتسم: ان شاء الله طلعت من عندها ولسى ابتسم وطااااااخ تراجعت خطوتين وناظرت فوق شفته رافع حاجب جواد: وين عيوونك؟ جوانه : انت اللي وين عيونك ماتشوووف قدامك؟ جواد بسخريه: والله حسبت نمله قدامي اعذريني ما انتبهت فتحت عيوني ع كبرها: لا واللللللله.. الحيين صرت انا نمله ي الديناصور رفع راسه:هههههههههههههههههههه� �هههنهه جوانه: ماقلت نكته نزل راسه ولسى مبتسم: اعصابك ي نمله حطيت يديني ع خصري بعصبيه: ماااااااني نمممممله جواد لسى مبتسم: نمله لووو تموتين نمممله اصررريت ع اسناني بقهررر: ااااااااااااه ماني نمممله قرب مني ومسكني من خصري ورفعني بخفه وانا يديني ع كتوفه جوانه بخوف: نزززززلني جواد: ماراح انزلك لين تعتذرين على كلمة ديناصور جوانه: تكككفا جوااااد نزلني جواد: عطيني بوسه صرت احرك رجولي بقوه عشان يتركني جواد: ماراح اخليك لين تبوسيني قربني له اكثر وبسته ع خده ابتسم ونزلني وهو يضحك ورايح جواد: نمممممله نزل بالمصعد وانا لسى واقفه مكاني اااه جواد ليش تصعبها علي انا قلت مابي قربك عشان ما اتعلق فيك اكثر بس انت قريب مني في كل لحظاتي تنهدت بضيق وتوجهت ع غرفتي دق جواله ورد على طول ولسى بقايا الابتسامه على وجهه جواد: اهلا ايملي ايملي: اهلاً بك سيد جواد.. لقد طلبت التحدث معي ماذا هناك ابتسم: نعم. اردت ان اعرف ماذا حدث بشأن كرستين ايملي: للاسف لم اتوصل لمعلومات حتى الأن جواد: حسنا ابذلي مابوسعك لتتحققي من الموضوع ايملي: حسناً سأبذل قصارى جهدي جواد: الى اللقاء ايملي: وداعاً ع الساعه ٧ المساء كان واقف قدام باب بيت فيصل انتظر لين طلع تلطم بشماغه و أخذ ظرف الصور وتوجه له سحب يده بسرعه وحط الظرف فيها وتوجه ع السياره فيصل : لللحظظظظه من انتت وش ذااا من شاف الرجال اللي هو مازن ركب السياره وهو تركه ومازن حرك بسرعه.. فتح الظرف وشاف صور منار بقق عيونه مو مصدددق : هاه جاهز ي ولدي اخفى الصور بسرعه وابتسم لعمه فيصل: ايه جاهز. توكلنا على الله طلعو بسيارة فيصل وتوجهو ع بيت منار وكل تفكيره بالصور ( لالا منار ما تسويها.. وليش ماتسويها اكيد عشان كذا تركها مازن... بس حتى لو كانت مسويتها.. هذا ماضي واكيد ندمت عليه... لا ما اعتقد انها سوت كذا مستحيل منار تسويها) وصل البيت ونزل ومازن لسى ماوصل راح بيت خويه عشان كان ماخذ سيارته اعطاه السياره واخذ سيارته وتوجه لبيت منار فتح الباب بسرعه ووقف شوي وهو يناظرها ومنبهر الفستان راسمها رسم ومبين بياض بشرتها التفتت تناظره وماقدر يشيل عينه عنها نعومة شعرها المنسدل على اكتافها عيونها المسحوبه والاي لاينر اللي زاد من جمالها خشمها الصغير وخدودها المورده وشفاتها اللي مثل قطعة التوت رقبتها الطويله اللي ملتف عليها الفستان بدقه وكنه تفصل عليها حس بإرتباك ورجفت يدينه ولا يعرف السبب نزل عيونه خاف تفضحه وتبين المشاعر المتضاربه بداخل صدره.. مسح وجهه بيدينه وهو يدخل بتوتر جواد: احمم جاهزه؟ جوانه: ايه جواد يلتف بيطلع: انتظرك تحت نزل بسرعه ركب سيارته ارخى راسه للخلف وهو يغمض عيونه.... ااااه ناعمه لابعد حد.. حس وده يرجع وده يمتع عيونه بالنظر لها وده يشبع شوق قلبه لو كان بكم دقيقه.. حس على نفسه وتكلم عقله وهو يحاول يسيطر على الاحاسيس الجياشه اللي بداخل صدره. جواد: جوانه تكرهك ي جواد تكرهك.. الافضل ماعاد اقرب منها لازم ابتعد خلصت تجهيز ولبست عباتي و بنزل له وانا متوتره اذكر نظراته.. رحت لمنيره لقيتها جاهزه.. نزلنا مع بعض وركبنا في الخلف وجواد كان مرجع راسه للخلف ومغمض عيونه ظلينا شوي ولا انتبه لوجودنا معقوله نام جوانه: اححمم فتح عيونه وناظرني وناظر منيره جواد: منييره؟ جوانه: ايه انا قلت لها عشان تروح معي جواد يناظرني: طيب ليش جالسه ورا تعالي هنا نزلت وركبت قدام و تحركنا كان طول الطريق ساكت وقف جنب بيت منار وكالعاده فهد يحوس برا خفت ينزعج جواد ناظرته بس كان عادي وكنه مايهمه اذكر اول كان يبي يجن يوم شافه معقوله كان غيران علي. والحين ماعدت اهمه ياربي والله اني مجنونه ابيه يغار علي من اخوي. بس جواد يكره فهد يحسبه يحبني جواد: الوووووووووو انتبهت وانحرجت جواد: في وش سرحانه لها الدرجه جوانه: مافي شي بس افكر بمنار راح تتزوج واحد ماتحبه جواد: ليش؟؟ جوانه: لان حبيبها ولد خالتها تركها بيوم الملكه جواد: مصيرها تنساه وتعيش حياتها جوانه: مستحيل تنساه الحب الاول غير عن اي حب يظل محفور بالقلب مهما حاولت تتناسى جواد بشك: ليش مجربه؟؟ بققت عيوني: لا طبعا بعيد الشر انا ما احب الا نفسي جواد: طيب انزلي بتخلص الحفله وانتي لسى عندي ابتسمت بإستهبال: شكرا ع الطرده باي ونزلنا انا ومنيره ودخلنا البيت سمع صوت بالكفرات ف وقف ع جنب ونزل يتفقدها شاف كفره مبنشر رفسه بعصبيه مازن: افففففف هذا وقتتتتك؟ فتح شنطة سيارته ونزل العده وبدا يصلحه وهو يحاول يستعجل عشان يلحق على منار اما منار كانت جالسه ع سريرها وتهز رجلها بتوتر وهي تناظر الساعه وتناظر جوالها ريم تكلمها: تراك وترتيني خلااااص منار بغصه: خايفه ريمي ريم قربت منها ومسكت يدينها: ليش الخوف انتي اخذتي قرارك ومايصير تندمين بأخر لحظه منار: مو ندمانه بس بس خايفه ما اعرف ليش ريم: اقري اية الكرسي كذا مره وراح ترتاحين ان شاء الله غمضت عيونها وظلت تقرا ومن خلصت منار(يااارب ما اكون ظلمت احد بقراري. يارب ريح قلبي يااااارب) فتحنا الباب كانت منار رافعه راسها لفوق ومغمضه عيونها وتتمتتم بشفايفها كنها تدعي دخلت بهدوء واشرت لريم بيدي بمعنا شفيها هزت راسها بحزن حست منار ع وجودنا وفتحت عيونها ومن شافتني وقفت وانا رحت حضنتها وهي انفجرت بالبكا جوانه: اااووووسسس منو لا تبكين بيخترب مكياجك لا تبببكين خلاص ابتعدت عني وهي لسى تشاهق: اااااه ي جوااانه تعببببانه كثثثييييررررر جلستها وجلست معها وانا امسح دموعها جوانه: منار حبيبتي لا تسوين بنفسك كذا. لو ماتبين فيصل خبريه بس لا تسوين شي قلبك مايبيه منار: ما اقدر اكسر قلبه جوانه: بس حرام تاخذين شخص ماتحبيه راح يتألم هو بالنهايه منار: ما اقدددرر والله صعب صعععب افهميني ريم: عذبتي نفسك وعذبتي مازن معك بذا العناد منار: ريم انتي مستحيل تفهمين .. كيف تبيني اكسر قلب وفرحة شخص ما اذاني بشي مقابل شخص تركني اعاني جرحني اوجعني وشمت الناس فيني كل الناس تكلمت علي بسببه .. وتبيني ارجع له بها السهوله ريم: عادي لانك تحبينه وماراح تقدرين تعيشين مع فيصل وقلبك مع غيره منار: احبه بس اكرهه بنفس الوقت ولا راح اسامحه طق طق طق مسحت منار دموعها بسرعه وفتحت امها الباب ام منار: منار حبيبتي انزلي فهد ينتظرك تحت عشان توقعين منار: طيب راحت خالتي وهي ناظرتني جوانه : توكلي على الله وسوي اللي يريح ضميرك وقفت اخذت نفس وطلعت ي عمممري ي منار الله يعينك اختيار صعب بصراحه بين شخص تعشقه بس جرحك وشخص يعشقك بس قلبك ماينبض له ريم بحزن: مازن راح يموت والله جوانه: هذا نصيبهم الله يصبره وبس ريم: كككله بسبببي الله ياخذني ويرتاح الكل مني جوانه: لااا بسم الله عليك.. وانتي وش دخلك بكككت حيل وكنها تتذكر رحت لها وضميتها ريم: اناا سببب تعاسة اللي حولي. انتي اولهم تعذبتي مع جواد بسببي والحين منار ومازن افترقو بسببي مسحت شعرها: لا مو انتي السبب هذا نصيبنا صدقيني محد ياخذ غير نصيبه ضلت تشاهق ناظرت منيرة: منور ممكن تجيبين لها مويا من تحت منيره: طيب راحت وانا ظليت مع ريم اهديها شوي وانفتح الباب ومن شافت اشكالنا دانه: بسم الله من مات ابتعدت عني ريم مسحت دموعها: محد تعالي بس وقفت وضميتها دانه تضمني اكثر: وححححشتيني ابتسمت وابتعدت راحت ضمت ريم دانه: شفيك تبكين ريم: ولا شي احس اني سبب تعاسة اللي حولي دانه: وش هالكلام الله يهديك. كلن عقله براسه وهو اختار مصيره بيده ناظرتني تقصدني ف رديت: عادي ماني ندمانه على قراري ولو يرجع بي الزمن سويت نفس اللي سويته دانه: طيب كملي معه ليش بتتركينه جوانه: لانه ما اخذني زوجه .. المهم وين ماما؟ تحت؟ دانه: لا ماجت تعبانه جوانه بخوف: بسم الله عليها وش فيها؟ دانه: لا تخافين زكام وشوي حرارة جوانه: ي عمررري وككيف تركتيها؟ دانه: اصرت علي وبعدين الحمدلله شفتها تمام... جوانه: زين اهم شي خليها تاخذ ادويتها مو اذا حست انها زينه تركتها غلط ترا دانه: ماعليك جالسة لها جلسه جوانه: زين عند منيره نزلت تحت وتدور المطبخ شافتها ام منار ام منار: امري ي بنتي وش بغيتي منيره: وين المطبخ اشرت لها عليه وهي تبتسم: هناك ع اليمين ابتسمت منيره : مشكوره خالتي دخلت المطبخ واخذت كوب وصبته مويا وهي طالعه وقفت متصلبه مكانها وهي تشوفه واقف عند باب المطبخ طيحت الكوب من يدها بخوف وعيونها تحكي الرعب اللي جالسه تعيشه وكأن الموقف ينعاد قدامها بدت بتصرخ دخل وقفل الباب وهو يحط يده على فمها فهد: اوووص اهدي يابنت الناس ماراح اسويلك شي نزلت دموعها وهي تشوف ملامح وجهه وتذكر كل شي صار معها ضمت نفسها بيدينها وبدت ترتتجف تتخيل الموقف فهد: منيرة انا احبك احبك افههههمي صدقيني ماراح تلاقين احد يحبك كثري .. عطيني فرصه اشرح لك اللي صار لازم تسمعيني حطت يدينها ع اذونها وهي تلف راسها بلا ودموعها تنزل شال يدها: لا تتهربين اسمعي اللي بقوله .. يمين بالله مالي يد باللي صار معك انا مثلك كنت ضحيه صدقيني دفته بقوه وركضت للباب وطلعت بسرعه على فوق تنهد بضيق: ادري ماراح تصدقيني بسهوله بس ماراح اتراجع ماراح اتركك تعانين بسببي دخلت منيره وهي تقفل الباب بقوه وملامح الخوف باينه على وجهها تتنفس بسرعه وترتجف من شفتها كذا عرفت انها اكيد شافت فهد رحت لها بسرعه مسكت يدينها اللي زي الثلج جوانه: منورحبيبتي اهدي شفيك؟ هزت راسها بلا ولا تكلمت هزيتها: منييييره ناظرتني: بطلع برجع البيت ريم بإستغراب: بسم الله شفيك؟ صرخت: مافيني شيييي بس برجع اشرت لريم ودانه انهم يطلعون وطلعو فعلا مسكتها من كتوفها: شفتي فهد؟ ناظرت بعيوني بخوف وهزت راسها بإيه ضميتها اهديها: طيب خلاص اهدي ماصار شي اهدي ابتعدت عني شوي: برجع البيت جوانه: شوي ونرجع خلاص اهدي ماراح تشوفينه اوعدك منيره: مابيه مابيه ليش طالع لي بكل مكان جوانه: يبيك تسمعينه هزت راسها: مابسمع منه شي انا بنساه وانسى كل شي صار خلاص تكفيييين كلميه جوانه: ابشري بكلمه بس انسي اللي صار .. روحي امسحي وجهك وتعالي ننزل عند البنات شوي ونرجع البيت تمام ؟ هزت راسها بإيه وراحت ع الحمام بعد ماعلمتها وينه من جهة مازن جا يركض بسرعه فتح الباب الخارجي ودخل الحوش وهو يتوجه للمجلس بس شافها واقفه جنب المجلس اسرع بخطواته مسك ذراعها من الخلف ولفها لحد ناظرته بتفاجأ مازن بخوف وصوت مرتجف: ت ت تزوجتيه؟ وقعتي؟ منار نزلت دمعتها ونزلت راسها ولا ردت حضن وجهها بيدينه وهو يرفع راسها يناظر عيونها يبي جواب يشفي غليله مازن بألم: ارجوك انطقي قولي ماتزوجتيه ااااه على هاللحظه مرررت عليه كنها سنين تمنى تقول لا تمنى ترجع له تمنى وتمنى وتمنى بس للاسف ما كُل مايتمناه المرء يدركه منار تبكي ولا قادره تنطق. من شافت نظرات عيونه ماقدرت تجرحه مازن بدا يحس بدموع تتجمع بعيونه: تكككككفين لا اررررجوك لا تقولين خذاك غيري لا تقولين سرق حلم عمررري هزت راسها بإيه ومازن ابتعد والصدمه ع وجهه ونزلت دمعه على خده خلاص راحت منه ماتوقع ابد في يوم ان منار تكون لغيره. ماتخيل ضحكتها الا معه ولا دلعها الا له.. حس بسكاكين انغرست بصدره وهو يلوم نفسه الف مررره كيف انه فرط فيها وتركها مازن: لا مستتتحيل تسوينها انتي ماتتركيني انتي لي وانا لك ماتسوينها منار مسحت دموعها : سويتها ي مازن واخذت اللي يستاهلني. مازن بألم: وانا منار؟ ؟ وحبنا؟؟ منار تقدمت منه وتتصنع القوه: انت ماضي وحبنا كان صفحه جميله بحياتي وطويتها ماقدر يتحمل طاح على ركبه و جلس ع الارض وهو ينزل راسه ويبكي بصوت متألم ومسموع يذكر كلمته لها يذكر دموعها وهي بالمشفى وتترجاه يظل معها ويذكر كيف نطق نفس الكلمه ببرود وتركها تتألم صرخ بأآآآه عاليه ااه الم ااه فقد ااه شووق اه حزن ااه نددددددم ندم احرق قلبه حررررق طلع فهد ويناظرهم ومن شافه عقد حواجبه وبعصبيه: ننننعم وش اللي جابك؟ رفع راسه ناظره بأنكسار: ااااااه اخذها منيييي ي فهد اخخخذ حبيبتي فهد راح له بعصبيه ومسكه من ثوبه وهو يوقفه ويصرخ عليه ويهزه: انتت اللي تركتها لغيرك. لو كانت غاليه عليك ماكنت ضيعتها. والحين يلا من غير مطرود اقضب الباب مازن مو قادر يقاومه بهت جسمه وحس للحظه انه فقد الحياه بكبرها ناظر منار وبقهر: حراام بالله مايلممممسك غيري وانا حي فهد عصب وعطاه بوقس طيحه بالارض: تخخخخسي تطولها.. انا قلتلك ي مازن اذا رجعت تبيها انا اللي بوقف بطريقك خرج ابو فهد على اصواتهم وفيصل بعد ابو فهد: خير ي ولدي عسى ماشر فهد بعصبيه: ومن وين يجي الخير يبه وهذا هنا ناظره ابو فهد بإستغراب: ماااازن؟ ويش اللي جابك وقف وهو يحاول يقوي نفسه: ع عمي انا انا ندمان انا ابي منار....قاطعه بحده فيصل: منار صارت زوجتي على سنة الله ورسوله وما اسمح لأي مخلوق غير محارمها ينطقون اسمها ناظره مازن بغيض: والله ان تخسسسى تاخذها يمين بالله ماياخذها غيري لو فيها قطع رقاب فهد صر ع اسنانه وبيهجم عليه بس مسكه ابوه فهد: خخخلني يبببه خلللني عليه ابو فهد: استهدي بالله ي ولددي... وكلم مازن.. وانت ي مازن اعتقنا وتوكل فيصل قرب من منار اللي ماوقفت دموع وكنه بيقهره حاوطها بيده ومازن انجن وراح مثل الثور الهايج هجم على فيصللل عطاه بوقس لين طيحه وما هدا نزل له و يضررربه بكل ما أوتي من قوه والكل يفكه ولكن هو من نار غيرته ماعاد شاف شي مازن: ااااذذذذذذببببببحححككك وربك ادفنك هناا ان لمممممستها صرخت بصوت عالي خلته يوقف ضرب فيصل: مممماااااازززززن كان راافع يده وقابضها يبي يبقسه ويده ترجف بس وقف وهو يتنفس بسرعه.. فهد بعصبيه وابوه ماسكه: انننننت مين مفكككر نفسككك هاه... اتتتترررركني يبه منار انهارت وجلست ع الارض وهي تبكي: خلاااااااااص ابوس رجوووولككككم خلاااااص يكككككفي ما اقدر اتححححمل والله ما اقدددر راااح اموووت والله اااههىيي نزلو الاثنين لعندها وكل واحد من جهه مازن: بسم الله عليك جعل مابك بي يانظر عيني فيصل مسك يد مازن وابعدها عن منار بقوه وعصبيه فيصل: ما اسممممح لك مازن ناظره بقهر: عساك عمرك ماسمحتتت منار لييي انا ساااامع للللي اننننا منار منهاره: خلاااااص ااااه ااااه بسسسس ارجوكم خلاااااص اططططلعو مابي اححححد مااااابي احد اططططلعو مازن يناظر فيصل بنصر: سمعت؟؟ يلا عطنا مقفاك فيصل وقف: لو بروح عشان منار موب عشان اشكالك ابتسم بسخريه ولسى جالس عندها ناظرته منار بصوت مبحوح من كثرة البكى: وانت روح مازن مابي احد فيكم اترككككوني بحالي فيصل يكلم فهد وابوه: انا بطلع ي عم بس لو احتجتوني بشي انا بالخدمه ابو فهد: ماتقصر ي ولدي والسموحه منك اخذ نفس: مسموحين. وطلع وعمه طلع بعده وقف مازن ومد يده لمنار اللي لسى ع الارض فهد دفه ونزل مسك منار وهو يوقفها ويسندها ناظر مازن بقهر: عساك ارتحت الحين؟ نزل عيونه ولا تكلم وفهد اخذ منار ودخلها ومازن يراقبها لحد مادخلت البيت لف نظره شاف عمه نزل راسه بإحراج مازن: والله اني اشوفها الدنيا ومافيها حط يده على كتفه ويربت عليه: انت اللي زرعت والحين تحصد. كانت لك وماهي لغيرك لكنك فرطت فيها. وخذها مني وانا عمك. اللي انكسر عمره مايتصلح وتركه مقهووور مصدووم مهممموم ودخل البيت كنا نسمع ونشوف كل شي دخلت منار ورحت لها ع طول حضنتها وهي ضمتني بقوووه وهي تبكي وريم ومنيره ودانه وخالتي حولنا يحاولون يهدونها منار بوسط شهقاتها: ااااه للليش للليش مكتوب علي الحززن والشققىى لللليش ما افرح بيوم مثل هذااا لللليش ي نااااس لللليش اااااه اه جوانه: اذكري الله حبيبتي مايصير اللي تقوولينه اهدي ي روحي اهدي ريم تناظرني وهمست لي: انا بروح خايفه على مازن طمنيني عليها هزيت راسي بإيه وهي راحت ام منار: تعالي يمه تعالي غرفتك ارتاحي تعالي طلعناها فوق وتسطحت من غير تغير او تمسح مكياجها وبكككت لين نامت... اخذت نفس عميق يااارب اسعدها ووفقها بحياتها يارب في السياره مع فيصل. كان هادي رغم ان عمه توقع انه بيكون معصب بعد اللي صار عم فيصل واسمه سعد سعد: منهو ذا وش اللي قاله؟ تنهد: هذا ولد خالتها كانو خاطبين وانفسخت خطوبتهم سعد: بس ي ولدي الولد جان وانا بيني وبينك خايف عليك منه ابتسم فيصل: ماعليك ي عم انا اعرف كيف اسكته وبالقانون بعد سعد: ي ولدي ماشفت الشرار اللي يتطاير من عيونه.. خايف يسويلك شي فيصل: لا تخاف ولد اخوك ذيبان وبعدين هذا توه صغير كلام ع الفاضي مايقدر يسوي شي سعد تنهد: والله اللي تشوفه مير انتبه منه فيصل: ان شاء الله وصلو البيت ونزلو طلع غرفته على طول اخذ جواله ودق بدون تردد فهد: هلا والله بالنسيب فيصل: هلابك زود.. ها بشرني عن منار كيفها الحين؟ فهد: الحمد لله بخير.. بس انها نايمه فيصل: اكيد بخير؟ فهد: اكيد.. فيصل بتردد: ولد خالتك باقي موجود؟ فهد: لا طلع بعدك. اعذرنا ي فيصل طيح وجيهنا فيصل: لا تعتذر وانا اخوك . انا مقدر اللي يمر فيه فهد: هذا من طيب اصلك فيصل: تسلم.... تامرني على شي؟ فهد: ابد مانبي الا سلامتك فيصل: يلا فمان الله فهد: فمان الكريم قفل ورمى جواله ودخل ع الحمام تحمم وطلع نشف نفسه وهو يشوف الكدمات اللي على وجهه فيصل بقهر: والله يا مازن لدفعك الثمن غالي غير ملابسه واتجه لسريره وناااام في غرفة منار كنت جالسه جنبها ع السرير وامسح شعرها دانه تناظر بمنار: ي روحي ماتستاهل اللي صار لها قلت بحزن وانا اهمس عشان ما اصحيها: اي والله رفعت جسمي شوي: خلاص روحي دانه اخاف ماما تتعب اكثر وتحتاجك دانه: مالي قلب اترك منار بهالحاله جوانه: لا تخافين انا جنبها دق جوالي ناظرته كان جواد ورديت جواد: تأخرتي جوانه بتردد: جواد انا اسفه اقدر انام عند منار الليله جواد بأستغراب: لييييش؟ جوانه: احكي لك اذا شفتك بس حالتها تكسر الخاطر ما اقدر اتركها جواد: وانا ما اكسر الخاطر كل ليلة تتركيني جوانه بعتب: جواااااد مو وقته اخذ نفس: طيب نامي عندها وبكره اخذك استغربت انه وافق بكل هدوء وفرحت لان منار بحاجتي جواد: خلي منيره تطلع انا واقف تحت جوانه: حااااضر قفلت منه وخبرت منيره وطلعت ودانه بعد راحت وانا ظليت بغرفة منار ادعي لها وقلبي مقهور عليها ملكتها من مازن وخربت والحين فيصل بعد.. ااااه الله يصبر قلبك ي منار ع اللي تمرين فيه طلعت منيره السياره وجواد ناظرها وبعدها تحرك وهو يكلمها جواد: وش صار؟ ليش جوانه بتنام هنا فيه مشكله منيره: اي والله صار اكككشن ي جواد وحكككت له كل شي سرح بخياله: من حقه لو اني مكانه كان فضيت المسدس براسه منيره بخوف: مننن جدك جواد؟؟ ابتسم: ايه اجل اخليه ياخذ حبيبتي وانا اتفرج منيره فكرت لبعيد: طب جوانه مصيرها تتزوج بتسوي نفس اللي سواه؟ جواد: جوانه مو حبيبتي عشان اسوي اللي سواه منيره: بتقنعني انك ماتحبها؟ سكت منيره: انت تحبها وميت عليها واضح عليك الحب جواد: وانتي واضح عليك اللقافه الزايده منيره: لاتصرف الموضوع اعترف اخذ نفس: انتي مو فاهمه شي منيره: فهمني عادي. يعني تكلم طلع اللي بقلبك تنهد بضيق: فات وقت الحكي مابقى غير السكوت منيره: انت اللي بتندم بالاخير على هالسكوت مارد عليها وهي ماعاد تكلمت في صباح اليوم الثاني دخل البيت بتعب بعد ماظل طول ليله يلف ويدور بالشوارع شافته امه اللي كانت تنتظره وراحت له بخوف كان سافط اكمام ثوبه وفاتح ازاريره العلويه وباين على وجهه التعب ام مازن وهي تضم وجهه بيدينها: يمممه حبيبي وين كنت شغلت بالي مازن: لا تخافين يمه باقي عايش مامت ام مازن بخوف: بسم الله عليك يمه جعلني ما ابكيك. ليه تخوفني عليك وين رحت قفلت جوالك ولا كلمتني مازن بتعب: يمه انا بخير والله بخير مافيني شي ام مازن بحزن: وين بخير وهذا وجهك؟ كان الكدمات باينه بوجهه سحبته وجلسته بالصاله وهو رجع راسه بتعب أسنده ع الكنبه وغمض راحت خذت ثلج وحطته بمنشفه وجت عنده وتحطه على الكدمات ووجها حزين ومتألم وكن الالم فيها مو فيه مازن يمسك يدها: اااه اه يمه مو لازم خلاص مازالت تكمد: انت ماتقول لي وش اللي انت مسويه؟ وشو له تدخل نفسك بالمشاكل فتح عيونه ورفع راسه وهي ابعدت الكماده مازن بألم: خذوو روحي مني يمه ام مازن: هماك تركتها بطيب خاطر وراك رديت وتبيها؟؟ اخذ نفس بألم: كنت غبي يوم اني فكرت اتركها ام مازن: يا يمه خلاص خلها تروح بحال سبيلها وانت عيش حياتك.. منار خذت غيرك و... قاطعها مازن بقهر: والله ماياخذها غيري وانا راسي يشم الهوا ام مازن : بس البنت تملكت خلاص ماعادت لك وقف بقهر: يططططلقها يطلقها غصبن عن خشمه وقفت امه معه وتهديه: خلص يمه هد نفسك مايسوى عليك اللي تسويه بنفسك مازن بضيق: يسوى يمه. وربي انها تسوى ارخص الغالي و النفيس لجلها طلع غرفته وترك امه اللي تناظره بحزن وهي تدعي له ينسى منار وحبها فتحت عيوني واناظر حولي للحظه نسيت وين انا وكنت بصرخ هههه من بعد تزوجت جواد ماعمري نمت بيت عمي. معني بالاول كنت ساكنه عندهم من كثر ما انام هنا حتى نص ملابسي عند منار رفعت جسمي شفتها واقفه عند الدريشه ومكتفه يدينها وسرحاااانه ع الاخر. ي روحي ي منو اكيد انك مهمومه جوانه: صباح الخير لفت وناظرتني وبأبتسامه باهته: قصدك مساء الخير بققت عيوني: ليش كم الساعه؟ تقدمت مني وجلست جنبي : ١ ونص جوانه: ي ربببي نمت كثير منار: عوافي مسكت يدها: كيفك اليوم؟ نزلت راسها: نفس امس وبكره بيكون نفس اليوم.. صارت ايامي ممله مافيها روح جوانه: قولي الحمد لله على كل حال.. وان شاء الله تنحل. مافي مشكله الا ولها حل اخذت نفس: خلاص مافي مشاكل انا تزوجت فيصل خلاص نقطه انتهت القصه جوانه: مقتنعه باللي سويتيه؟ منار: ايه. فيصل يستاهلني اكثر. مازن من شاف الصور تركني بس فيصل كمل رغم اللي شافه.. لو احد غيره كان طلقني البارحه وطلع وتكلم عني وفضحني بس هو كان عاقل وتفهم الوضع جوانه: واذا مقتنعه ليش هالحزن يكتسي وجهك منار نزلت دمعتها: مازن.. افكر كيف بيتحمل كيف بيعيش. نظراته البارحه وكن احد سلب منه روحه مو قادره انسى دموعه ورجاه واالللمه اللي كنه انا اتألمه حزننت لحزنها ولا عرفت كيف اقدر اواسيها وهي كملت منار: ليش هو ماحزن يوم شافني اتألم كيف هنت عليه وانا بالمستشفى وتركني بكل برووود ككيف طاوعه قلبه اخذت نفس: منار حبيبتي لا تتعبين نفسك اكثر بالتفكير. مازن باعك وتركك. انتي عانيتي كثير لحد ما تعودتي على غيابه ..كم من ليالي بكيتيه وكم من ليالي انتظرتيه بس هو غاب ولا فكر فيك ولا بحزنك ولا بأيامكم الحلوه. ف الحين انسيه وابدي صفحه جديده. ماتدرين يمكن اللي صار كله خيره لك. يمكن فيصل يسعدك اكثر منار: تتوقعين اقدر انساه واحب فيصل؟؟ جوانه: راح تقدرين. بس بالاول بطلي تفكير فيه ولا تفكرين غير بزوجك. انتي الحين على ذمة رجال غيره. لا تخونيه حتى لو بأفكارك حرام ماله ذنب غير انه حبك منار بحزن: عمري ماتخيلت اكون زوجه لغيره جوانه : راح تتعودين منار: بسس مازن حبي الاول ومستحيل احب بعده جوانه: ولللليش اخذتي فيصل منار: ما اعرف ماحبيت اخذله فيصل ماله احد بها الدنيا وحبني.. كان وحيد لحد دخلت بحياته يقول ضوت دنيته اللي كانت ظلام ودفت حياته بعد البرد اللي سكنها سنين. حزنننت عليه ماكنت اقدر اكسره بس مازن اقدر لانه اصلا كسرني وتركني جوانه: انتي قلتيها بنفسك. كسرك وتركك يعني مايستاهل حتى تفكرين فيه. صدقيني لو حبك ماكان شك فيك.. انسيه منار. انسيه وعيشي حياتك وافرحي وانبسطي وعطي فيصل فرصه يدخل لحياتك وينسيك اخذت نفس طووويل وهدت نفسها ناظرتني وابتسمت: مشكورره انك ماتركتيني ماكنت راح اعرف وش بسوي بدونك انفتح الباب بقوه خرعتنا دانه : سرررربررررايز ابتسمممت: ههههه ي المجنونه خرعتيني دانه وهي تفسخ عباتها وتعلقها: وين جوالك ساعه ادق عليك دورته حوللي ولقيته بالارض وشفت مكالمات من فهد وريم ودانه والاخيره ابتسمت من شفت اسمه كانت مكالمه وحيده الساعه ١٠ الصباح. دقيت بسرعه مطنشه دانه ومنار اللي يسولفون جواد برحابه: حي هالصوت ابتسمت: هلا.. اممم لقيت لك اتصال جواد: ايه كنت بتطمن عليك جوانه: انا تمام جواد: جعلك دوم بخير وبصحه وعافيه جوانه : امين وياك جواد: متى اجيك؟ جوانه: اممم عادي ارسل لي السواق جواد: لالالا الاميره جوانه ماياخذها غيري انحرجت : اللي يريحك جواد: امرك الحين جوانه: اوك تعال البنات ودانه: لالالا ووووين رايحه بعدني ماشبعت منك جواد ابتسم: قولي لها كم اسبوع وتشبع منك ضحكت لانه سمعها ويرد: امممم جواد بللليز بس كم ساعه بس تنهد: الله يصبرني عليك.. اوك اجيك بعد العشاء ان شاء الله. تمام؟؟ جوانه : اووك جواد: مع السلامه جوانه : باي قفلت منه وناظرتهم: يوووه شفيكم دانه: لا والله وش هالدلعع وش قالك باقي شوي وتسيحين؟ جوانه: ههههههههه لا والله ماسحت ولا شي وقفت ودانه تتمسخر علي وتقلدني ومنار تضحك جوانه: غلطانه انا اللي جالسه عند وحوش مثلكم ورحت الحمام وتركتهم يضحكون دخل مكتبه حط السماعات ع المكتب وشال الكمامه اللي مغطي فيها الكدمات اللي بوجهه جلس وارخى جسمه للخلف وهو يذكر مازن وكيف ضربه فيصل: واثق بنفسه زياده وكنه عارف ان منار تحبه حتى لو تزوجتني.. بس والله يامازن راح اخليها تكرهك ومن قلبها وتحتقرك لدرجة تقول لنفسها انا كيف حبيت هالشخص بيوم من الايام اخذ جواله واتصل ولا ردت ف ارسل لها ( منار حبيبتي انا وش ذنبي ماتردين علي. انا ابيك واحبك بس لو ماتبيني عادي قولي وراح اتركك) عند منار شافت الرساله ولا قدرت ترد اخذت نفس وهو رجع اتصل ردت بهدوء فيصل: اخيرا تكرمتي علينا ورديتي منار: فيصل انا اسفه بس مشوشه شوي فيصل بشوية عصبيه: مشششوووشه؟؟ خلاص منار مافي مجال للتشويش انا زوجك الحين منار: اعرف هالشي وانا ماتراجعت عن قراري ولا ندمت عليه. بس عطني فرصه استوعب اخذ نفس: كم تبين يوم يومين ثلاثه عطيني وقت منار: ما اعرف فيصل يستعطفها: منار ابيك تعرفين ان مالي غيرك بهالدنيا لا تخليني انتي بعد حزن قلبها عليه: انا معك ولك. اوعدك بهالشي بس ابي الوقت عشان اريح عقلي واكون معك بقلبي وعقلي وكل شي ابتسم: طيب بس لا تتأخرين علي منار: ان شاء الله قفل وابتسم بسخريه: هه فرحان بنفسك كثير ي مازن.. انا اوريك خل جنونك ينفعك مر الوقت بسرعه صارت الساعه ٨ وماشفت الا اتصال جواد كان ينتظرني ف نزلت له طلعت السياره وناظرته جواد مبتسم : هلا ابتسمت: هلابك جواد: كيف كان يومك ابتسمت: امممم ماشي الحال وانت جواد: انا اتعس يوم بحياتي ناظرته واستغربت مو راح يطلقني اجل كيف يقول كذا جوانه: ترا قريب بنتطلق تغيرت ملامح وجه ونزل عيونه شوي ورفعها ويحاول يبتسم: اعرف ذا الشي. وانا ماقصدت المعنى حرفياً بس مجرد رد جوانه: يعني عادي راح تتعود ع غيابي؟ اخذ نفس وازاح نظره عني ولا رد ناظر الشارع وتحرك بهدوء وهو يشغل اغنية ابتدت نغمات الاغنيه نغماتها هاااااديه وحلوه (("""شغلو الاغنيه وعيشو مع ابطالنا""" اغنية عيد النظر بصوت "احمد الهرمي")) عيد النظر أرجوك بس عيد النظر والله ما جيتك حبيبي أجبرك أنا أعتذر إن كان باقي لي عذر وأنا أوعدك إني أبد ما أقهرك أرجوك أبي منّك أنا فرصة عمر فرصه ترجّع نوم عينٍ تسهرك إرفق عليّ بالله لا تنوي الهجر ومنّي وعد يا قلبي أجبر خاطرك عيد النظر جيتك أمل وأحلام وأشواقي بحر جيتك سما وغيوم حبّي تمطرك يا أجمل عمر يا اللي ابتدا فيك العمر وباقي العمر أبغيك فيه وأشعرك إيه أعشقك إن كان ما عندك خبر واني أحبك موت وجيت أخبّرك إنت الهوى وإنت الهنا وأغلى البشر يا غايتي وشلون قلبي يخسرك عيد النظر حسيت دقات قلبي تتسارع ومتوتره حييييل ياترا قاصد هالكلمات والا صدفه ياترا وده اعطيه فرصه ياترا جد يحبني اااااه خربط افكاري دايم يعرف كيف يلعب بمشاعري بكل سهوله.. ي الله ودي لو يعيدها احس كل الكلام اللي فيها موجه لي كنه هو اللي كاتبه تنهدت بضيق ناظرني بس ماتكلم ورجع نظره للشارع وانا ودي اوصل البيت بسرعه وصلنا ونزلت على طول توجهت لغرفتي رميت العبايه بأهمال ياااربي وش يقصد معقوله الكلام لي معقوله يبيني انفتح الباب وكزيت وانا اناظره قرب مني وصار واقف مقابلني بالضبط جواد: احم اممم جوانه: شفيك جواد: شفتك متضايقه بالسياره ف بس بشوفك جوانه: لا مافي شي بس كنت افكر بمنار جواد: اها. يعني مافيك شي؟ جوانه: لا ناظرني شوي وكان بيطلع بس رجع. قرب مني بهدوء مسك وجهي بيدينه واسند راسه على راسي وغمض عيونه جواد بهدوء: جوانه اناااااااا ......... احم ......انااا ..... سكت ابعد راسه وفتح عيونه تأملني شوي جواد ببحه تقتل: ا ش ت ق ت لك حسيت زي الكهربا سرت بكامل جسمي.. تحسس خدي بخشمه وهو يشمه وانا زي الصنم مو قادره افكر او اتحرك وطبعا بداخل قلبي طبووول رفع راسه شوي ولسى يناظر عيوني بعيونه الناعسه الذايبه المنهكه جواد: جوانه لا تروحين صدمني جد. يعني جواد يطلب مني اجلس معه .. معقوله حبني ولا بس يحاول يستغلني زي لندن جوانه: ليش؟ سكت شوي وبعد تردد: تعودت وجودك ابتسمت بضيق: عادي راح تتعود غيابي بعد جواد: وانتي؟ جوانه: انا وش؟ جواد: راح تتعودين؟ راح تنسين؟ راح تكونين سعيدة؟ جوانه: بكون اسعد وحده بالدنيا ابتسم: وانا مابي من هالدنيا غير سعادتك ابتعد بسرعه وطلع وانا جلست ع السرير وقلبي يدق بقوه .. هه تعود وجودي اصلا انا عارفه هالانسان مستحيل يحب فتح عيونه بتعب وهو يطب طب ع الكمودينه يدور جواله أخذه وفتحه وعين مقفله وعين مفتوحه ومن شاف الوقت فز بسرعه جلس ع السرير ابعد الغطا ودخل ع الحمام اخذ له شور سريع طلع لبس بسرعه اخذ جواله ومحفظته حطها بجيب ثوبه وطلع اصتدم في ريم اللي ناظرته بإستغراب ريم: وووش فيككك وين طاير رد وهو نازل الدرج: مو شغغغلك ونزل بسرعه طلع سيارته وحتى ماسخنها زي عادته توجه ع بيت منار ومن وصل ابتسم براحه وهو يرخي جسمه مازن: اوووه الحمدلله مو عندها والا كان ذبحته اليوم اخذ جواله واتصل عليها وردت منار: نعم ابتسم: حتى النعم منك كنها مية هلا منار بحزن: مازن عيب عليك خلاص انا تزوجت اقتنع مازن بقهر: والله ماياخذك غيري ولا يشم ريحتك سامعه منار: مو بكيفك. انا خلص مابيك ارررجوك خلني بحالي انساني مازن زي ما انا نسيتك وعشت حياتي مازن: لا مانسيتيني.. انتي لي وانا لك حنا مكتوبين لبعض منار اخذت نفس: اسمع انا رديت عشان بقولك هالكلمتين. انا ماعدت احبك اتركني وعيش حياتك. ما اقدر اخون زوجي واكلمك مازن بعصبيه: لااااا تقوووولين زوجي. يمين بالله محد متزوجك غيري وقفل الجوال قبل يفقد اعصابه رمى الجوال ع المقعد اللي جنبه ومسك راسه مو قادر يفكر او يستوعب شي وصلت البيت نزلت من السياره وفتحت شنطتها وحاسبت الرجال الرجال: اختي لو تبين اي مشوار هذا رقمي دقي علي ابتسمت واخذت الرقم: ان شاء الله تحرك وبدت بتدخل بس فيه يد منعتها ولفتها بقوه ومن شافته صرخت بوجهه دانه: ننننننعمممم وششش فيك سحب الورقه من يدها بعصبيه وعيونه بعيونها وده يذبحها رفعها وشاف الرقم امجد: وش اللي اشوفه؟ دانه بخوف بس تبين القوه: رقم التكسي عشان لو احتجت اي مشوار يوديني امجد عصر عيونه وهو يزم شفايفه يحاول يمسك اعصابه امجد: هذا يبي يغازلك يا غبيه شافك طاقه اللثمه والعباية ملونه ماقدر يقاومك دانه فاتحه عيونها بصدمه رفعت سبابتها بتهديد: احتتتترم نفسك. مااااا اسمح لكككك تشكك بأخلاقي الرجال ماقصده شي بس يبي يسترزق امجد يضحك بقهر: هههه تبين تقنعيني ان قصده شريف يعني دانه: ليش تحسب كل الناس عقليتهم مثل عقلك الزباله ي زبّال ثارت براكينه فوق ما انها غلطانه َتسبه بعد رفع يده وهي غمضت عيونها بخوف شد قبضة يده بقوه وهو ينزلها: اعوذ بالله منك يا بليس فتحت عيونها وتتصنع القوه: ليش وقفت كمممل اضربني طلّع رجولتك على مره اخذ نفس: ادخلي. ادخلي دام النفس عليك طيبه دانه: ماشالله هذي وهي طيبه بغيت تضربني كيف لو شانت بتذبحني شكلك امجد: ي بنت الحلال ادخلي مانبي فضايح بالشارع دخلت ودخل بعدها واتجهو لمجلس الرجال جلست وهي مطنقره ومكتفه يدينها اخذ نفس يهدي نفسه وجلس مقابلها امجد: مو وعدتيني ماتحطين لثمه وانك تلبسين نقاب دانه لسى معصبه وتتكلم وهي صاده بوجهها عنه: طلعت مستعجله ونسيته لف وجهها لين ناظرته نزل راسه ورجع رفعه امجد: غرت والله العظيم غرت ولا سيطرت على نفسي. نار شبت بصدري يوم شفته يرقمك دانه: مايرقمني امجد: خلص طيب مارقمك انا فهمت الموضوع غلط.. وبعدين انتي بعد ماتمسكين لسانك شوي. ترا كلامك يوجع قلبي ويجرحني نزلت راسها وهدت من كلامه وتكلمت وعيونها ع الارض:اولا والله اخذت الرقم بطيب نيه يعني قلت حرام اكسب اجر فيه ولا فكرت نفس تفكيرك ابد. وثانيا ادري غلطت عليك بس انت قهرتني وانا تكلمت من غير ما افكر.. بس حتى لو ايش ماتفكر تمد يدك علي على طول. كان تفاهمنا امجد: انتي تتركين مجال للتفاهم؟ .. على طول تهجمين علي بكلامك اللي زي السم دانه بخجل: انا اسفه سامحني ابتسم: المشكله ما اقدر ازعل منك دانه بحزن: راح تضربني بالمستقبل؟ امجد: جعل يدي القطع ان فكرت ترتفع ثاني عليك دانه: امممم طيب انا باقي زعلانه كيف راح تراضيني؟ حضن وجهها وباس جبهتها: اسف ولو الآسف ماتكفي. امري وتدللي لو تبين القمره جبتها لك ابتسمت: ابي نطلع نتعشا ميته جوع ابتسم: غريبه بالعاده انا اطلعك بالغصب. وش عدا مابدا دانه: ههههه اسبقك قبل ماتكرفني وتطلبني اسويلك عشا امجد: اهااااا تتغدين فيه قبل اتعشا بك دانه بدلع: ايوااااا بالضبط امجد: طيب ي روحي ماطلبتي شي .. قومي نطلع بما انك لسى بعباتك دانه: لا لحظه بروح استأذن من ماما واجي امجد: اوك انتظرك بالسياره بدت بتروح مسك يدها ورجعها له ناظر بعيونها امجد: غيري عباتك والبسي نقاب دانه: يوووه مافيني امجد بهدوء:عشاني ابتسمت: طيب راحت وهو طلع وانتظرها شوي وجت بعد ماغيرت ركبت معه امجد مبتسم: فديت هالجمال دانه: الجمال كله اختفى بس ماعليه لجل عين تكرم مدينه امجد: ههههه لا والله بالعكس طالعه مرتبه اكثر وجمالك مابيه يظهر الا لي انا وبس باس يدها وهي نزلت راسها بإحراج.. ابتعد وهو مبتسم وطلعو ع المطعم في صباح اليوم الثاني صحى من بدري كالعاده لبس وجهز نفسه شاف الجو حلو ف طلع ع الحديقه وطلب قهوته هناك جلس وفتح لابتوبه ويتصفح جت القهوة رشف منها شوي وابتسم وهو يذكر البارحه وكيف كان قريب منها كيف لامس خدها الناعم الوردي وشم ريحة عطره كيف ناظر بعيونها العسليه المسحوبه مو قادر ينسى صورتها قفل اللاب توب وغمض عيونه بألم: تكككفين اطلعي من راسي اططططلعي تعبت : ماراح تطلع من راسك لانها ساكنه بقلبك التفت شاف جاد يتقدم ويجلس جنبه جواد : بسم الله الرحمن الرحيم.. انت طالع لي بكل مكان.. قمت اشك فيك ترا جاد: هههههههههههههه جواد: اي والله كل مافكرت ف حياتي طلعت لي وخربت علي افكاري جاد: من حسن حظك عندك اخ يخاف عليك تتوجع بعدين ف ينصحك من الحين قبل تذوق مرارة الفراق جواد بسخريه: الله الله تصدق ماعرفتك وانت مسوي حكيم جاد: ههههههه نحاول نتعلم .. المهم انت وش بتسوي راح تجلس كذا تناظرها لين تطير منك تنهد بضيق: ماباليد حيله جاد: ليش ماتحارب عشان حبك وش تنتظر جواد: انت مو فاهم شي جاد: فهمني طيب عشان احلها جواد: انا ما احبها بس متعلق فيها جاد: يا غبييي منت متعلق انت غارق لشوشتك جواد يكابر: لا لا مستحيل يكون حب انا ممكن تعودت على وجودها. جاد بنص عين: وايش اعراض ذا التعلق؟ او التعود؟ جواد: مدري بس شي غريب يجذبني لها .. ودي اشوفها واذا شفتها ما اشبع منها .. اشتاق لها نفسي اسمع صوتها وسوالفها ما ابيها تغيب عن عيني. اجاهد نفسي لا ادق غرفتها كل شوي ... يعني بس متعود على وجودها بحياتي جاد: ياربي من هالانسان الغبي ناظره بنص عين: ماتشوف انك قاعد تغلط علي من اليوم وانا ساكت لك جاد: لانك صدق ماتفهم. ... ي ابن الحلال هذا حب هذااا اسمه حبب تشتاق لها تتمنا تشوفها على طول تتضايق في بعدها ودك ماتبعد عنك هذا حب جواد: لا مستحيل جاد يمسك راسه بنفاذ صبر: للليش مستحححيل سكت ثم سرح شوي ونطق بغصه: لانها ببساطه تكـ رهــــ ــني. تكرهننني ي جاد .. لو حبيتها بكون كتبت على نفسي عذاب ماله نهايه. جاد: جواد كل البنات كذا اسألني انا .. تسوي نفسها تكرهك بس تقولها كلمتين حلوه تنسى كل شي .. صدقني مو بحقودات زينا .. صح ممكن تعاند وتصر على رأيها فتره بس بالنهايه بترضخ لك .. اسمع مني حبها قول وفعل اظهر حبك سمعها انواع الغزل .. اعتذر بين لها ندمك ..اعتذر منها و ترجاها تسامحك يا جواد جواد: اعتذر و اترجاها؟؟؟؟ جاد: ايه تترجاها بعد اللي سويته فيها لا تقول انك للحين ماطلبتها تسامحك؟ اخذ نفس: لا .. اساسا ليش اهين نفسي وانا عارف وواثق انها ماراح تسامحني جاد: جواد انت ناوي تجنني؟ يعني بعد البلاوي اللي انت مسويها لها مافكرت حتى تعتذر. وش ذا الحب ؟ سكت شوي ونطق بهدوء: انا اللذي لا تذكر .. غصته عبره وانا اللذي لا تناسى ماقدر ينسى لكني الصامل الواقف على قبره الموت قاسي لكن قهر الرجال اقسى جاد: افهم من كلامك ان كرامتك ماتسمح لك تعترف انها هزمتك وسرقت قلبك غصبن عنك ابتسم بضيق: انا ما انهزم تعلمت بس اهزم وقف وترك اخوه وتوجه ع البيت وهو يطلع جواله دق على منصور منصور: سم طال عمرك جواد : خلهم يجهزوا لي طيارتي منصور: ابشر قفل منه وطلع جناحه اخذ له كم غرض وسحب شنطته وطلع شافته امه واستغربت سميره: جوااد؟؟ التفت لها سميره: وووين رايح؟ جواد: بسافر يمه كم اسبوع وارجع سميره: وزوجتك؟ جواد بحزن: ماعندي زوجه يمه ماعندي وطلع وتركها ركب سيارته وتوجه ع المطار في مكان لاول مره نزوره مكان محد يحب الجلوس فيه ابد كانت جالسه ع سريرها بإشمئزاز وتناظر المكان حولها بقرف جتها وحده من المسجونات : الا انتي ي حلوه وش قضيتك؟ ناظرتها بقهر ولا ردت : هههه وش فيك القطو اكل لسانك؟ المسجونه الثانيه: يوووه هذي سمعت انها متورطه بقضية مخدرات كملت وحده ثالثه: لا وبعد متهمينها بمحاولة الشروع في القتل الأولى : هههههههه غبيه ومسويه نفسها ياااي الكل: هههههههههههههههههه ناظرتهم بقهر مو قادره ترد خايفه منهم خوله بداخلها" ااااه هين ي جواد انت وجوانه والله ما اسكت لكم والله لأذبحكم ككككلكم.. انفتحت الزنزانه: خوله وقفت بخوف: نعم السجانه: عندك زياره وقفت بسرعه ولبست عباتها والطرحه وطلعت تكلم السجانه: مين؟ السجانه بدون نفس: ما اعرف وصلتها لين الغرفه ودخلت ومن شافت امها ركضت لها وحضنتها بقققوه وامها تبكي ام خوله: كيفك ي بنتي طمنيني عنك كيف صحتك خوله بعدت عنها: يمممه تكككفين طللللعيني من هناااا. اليوم. اليوم تطلعيني. يمه ما اقددرررر اجلس هنا دقيقه تتتكفين ابي اطلع ابي اطططططلع خلاص ام خوله تهديها وتجلسها: انا عشان كذا جيتك حبيبتي خوله: وش يمه وش السالفه ام خوله: في واحد جانا من عايله كبيره ومحترمه وقال انه راح يطلعك من السجن وراح يوكل لك افضل محامي بس شرط بشي خوله: موووافقين يمه وااافقو ع اي شي يبيه اهم شي اطلع منها ام خوله بتردد: شرطه الزواج خوله: ننننننععععععم؟؟ زواج ايش بالضبط ماني فاهمه ام خوله: مدري يمه هذا اللي قاله خوله: ومن هو طيب؟ ام خوله: علمي علمك ابوك ماتكلم كثير بس اعطاه الموافقه خوله: لااا يمه مو من جدكككم تبوني اتزوج بها الطريقه؟ ام خوله: وانتي من راح يقبل فيك او يفكر يتزوجك بعد اللي صار. احمدي ربك انه فكر ياخذك خوله مو عاجبها الوضع بس تقول خلني اطلع من هنا وبعدين نطير العريس في بيت اهل ريم رن جوالها الثاني وصحت مفزوعه ردت بسرعه : وينك ريم: بالبيت : راح ارسلك موقع تجين عليه ريم بخوف: ل ل ليش رد بصوته اللي يرعبها: من غيييير ليش الحين تجين ساممعه؟ ريم: ح ح ححاضر قفلت بخوف ودقت على جاد جاد: ي هلا تو مانور جوالي ريم خايفه: حبيبي دق دقو علي جاد يركز معها: وش قال وش يبي ريم: يبي يقابلني جاد: دقيقه لا تروحين راح اجيك الحين ريم: لااا لاتجي اخاف يراقبوني ويعرفو جاد: ماراح اخللليك تروحين لهم لحالك مسسستحيل ريم: جاد اسمعني لازم ماتجي بيكون خطر علي وعليك. جاد: طيب ماقالو لك وش يبون بالضبط؟ يعني كالعاده يسلمونك بضاعه والا ايش؟ ريم تذكرت اخر مره والشاليه وقالت بخوف: هذا اللي مخوفني ماقال شي. انا خايفه يكونوا عرفوا شي جاد: لا مستحيل لو عرفوا ان الشرطه تراقبهم من طريقك كان ماقابلوك ارتاحت شوي: اوك انا بروح الحين جاد: رررييييم والله ماتروحين بدووووني انتظريني ريم: طيب انا راح اطلب تكسي عشان لو احد يراقبني مايشك. وانت خلك بعيد عن البيت وامش خلفي اوك؟ جاد: تمام قفل منها وطار لسيارته وتوجه بسرعه ع بيت ريم وصل وكلمها ونزلت وظل يمشي وراها ولاحظ ان فيه سياره اصلا تمشي وراها وهو بعد هالسياره دق عليها جاد:الوو حبيبتي ترا فيه سياره تلاحقك طلع معك حق ريم: زين ما اخذتني كان شكو جاد: ترا الشرطه صاروا بالموقع ريم بخوف: للليش خبرتهم جاد: هم كلموني والا نسيتي جوالك مراقب يسمعون كل شي بس لا تخافين هم متخبيين ريم: طيب وصلو الموقع اللي بمكان شبه مهجور وفي بيت او عماره تحت الإنشاء انفتح بابها ومن شافته قلبها رجف سحبها من يدها وهو يطلعها من السياره بقوه.. وجاد من شافه أصر ع اسنانه بعصبيه وهو يضرب الدركسون : ححححقققير مسكها ودخلها معه العماره المهجوره طلعو درجها اللي لسى ما اكتمل كان فيه واحد جالس على كرسي ومبين كبير اول مره تشوفه واللي ماسكها سعدون دفها لين طاحت ع الارض : اجل انننتي ريم؟ هزت راسها بخوف: ايه طلع مسدس من جيبه ووقف وهو يمده بأتجاها وهي صرخت اشر لسعدون بعيونه. ف تحرك على طول و سحب شيلتها وربط فمها فيها كانت تهز راسها بلا وهي تحاول تتراجع للخلف.. نزل ع ركبته وهو ثانيها لفوق ويلعب بالمسدس الرجال الكبير: هههههههه انتي تعرفين كثير اشياء عنا لازم محد يعرفها هزت راسها بلا ودموعها ع خدها ونظرات الخوف بعيونها وهي تشوفه يعشق المسدس ويمده بإتجاهها................ صحيت وتحممت طلعت و طلبت لي فطور وجابته الخدامه .. افطرت وخلصت وتذكرت منيره لازم اروح اشوفها .. طلعت ع جناحهم دقيت ودخلت غرفتها بعد ماسلمت على عمتي طليت براسي من الباب جوانه: صباااح الخييير ممكن ادخل ابتسمت بفتور: صباح النور .. تفضلي دخلت وجلست جنبها: كيف اصبحتي؟ منيره: تمام جوانه: اممم منو بخصوص البارحه منيره: دخيلك لاتكملين خلاص وربي تعبت من ذي السالفه اللي مو راضيه تخلص جوانه: ياروحي انتي انا مو جايه افتح عليك جروح بس ابي منك طلب صغيرون وصدقيني بترتاحين بعدها منيره: وشهو جوانه: فهد ماراح يتركك لين تسمعين اللي عنده .. بس اسمعيه مره وان ماجاز لك كلامه خلاص يكون ارتحتي منه منيره: اسمع ايش بالضبط؟ انتهت القصه مافي شي يفسره او يشرحه كل شي واضح جوانه: اسمعي منه من جهته يمكن ترتاحين شوي من التفكير منيره: مو قادره جوانه افهميني جوانه: والله فاهمتك بس صدقيني فهد راح يسعدك وينسيك كل شي لو حابه تنسين. بس بالاول اعطيه فرصه اسمعي منه منيره: اذا سمعته وما عجبني كلامه توعديني ماعاد يزعجني؟؟ جوانه: اوعدك والله اوعدك ماعاد يتعرض لك ابد اخذت نفس: طيب تمام بس مو اليوم جوانه: خذي راحتك بالوقت اللي يناسبك قولي لي منيره: طيب ابتسمت: زين .. يلا اجل بروح لعزلتي منيره: اقعدي نشوف موفي مع بعض جوانه: امممم اوك نطير الطفش عند ريم اللي قلبها بيوقف من الخوف وقف وصار يدور حولها بهدوء: انتي جبانه من اول مايستجوبوك راح تقولين كللللل شي عندك صح والا لا ي ريم هزت راسها بلا نزل لعندها بعصبيه والمسدس ع راسها بصراخ: راااااح تعلمينهم؟؟؟ زادت بكاها وهزت راسها بلا وقف وابتسم: انتي حافظه هالوجه صحح؟ ومد لها صورته شافته وهزت راسها بإيه رفع راسه بضحكه عاليه: ههههههههههه عارفه وش سوينا فيه فتح جواله ووراها بصوره خلتها تصرررخ وتغمض عيونها : هههههههه خررربطت معالم وجهه ومحد راح يتعرف عليه... والحين انا جبتك هنا اختبر قدرة تحملك. مو مستعد اضحي بأعمال صار لها سنين بسبب غبيه مثلك دار وبعدها جلس وابتسم: سمعت انك انخطبتي حط رجل ع رجل: من هو سعيد الحظ كانت تبكي كثير عشان خايف على جاد اخذ سجاره وولعها: سمعنا انه غني ومن عايله لها مركزها مو بس بالسعوديه في دول برا بعد شفط من سجارته وكمل: الحين مهمتك صارت اصعب ي حلوه... عندي عمليه تسوى المليارات وماتقدر تسويها غير بنت وللاسف البنات اللي كانو معي صارو مدمنين وبدل ما اعطيهم يبيعوها صار يتعاطون ف بكل سهوله طااااخ واشر ع راسه وهو يحط يده عليه بعلامة مسدس : هههههههه قتلتهم. وانتي راح تلحقيهم اذا مانفذتي اللي اقوله لك بالحرف هزت راسه بإيه وقف وصار يدور حولها: حلووو كذا حلوووين نزل لمستوها وهو يصر ع اسنانه: بس يااااااوييييلك لو تتذاكين وتبلغين الشرطه. غيرك كثير حاولو بس شوفة عينك انا لسى قدامك وهم بحححح هههههههه جزاء اللي يخوني الموت ومو بس له الموت له ولكل اهله وقف وهو يشوف نظرات الرعب بعيونها وهذا اللي يبيه : راح اعلمك وش تسوييين وكيف وايش مهمتك الجايه مستعده هزت راسها بإيه اشر لسعدون يوقفها ووقفها وبدو يشرحون لها الخطه اخذ جواله ودق جاد: ماكنها طولت الضابط: لا تخاف احنا جالسين نشوف ونسمع كل شي جاد: وش تسويي؟ الضابط:عندهم خطه جديده ويخوفوها عشان تقدر تسويها.. جاد: اذوها؟ الضابط: لا تخاف هم بحاجتها حاليا ماراح يسون لها شي قفل منه وظل يناظر بالعماره من بعيد وهو متوتر ازعجها رنين جوالها سحبته من ع الكمودينه ودخلته تحت الغطا وهي ترد منار: الووو مازن ابتسم: فديت النايمين فتحت عيونها وهي تبعد الجوال عن اذنها تتأكد من المتصل ورجعت كلمته: نعم وش تبي مازن: ابيكك ماراح استغني عنك لو تموتين منار: مازن ارجوووك اررررجوك اتركني اعيش براحه ترا تعبت والله ماعاد فيني طاقه اتحمل اكثر ارجوك ابعد عني مازن بحنان: لا تترجين ياروح مازن انتي.. انا ما اقدر بدونك والله ما اقدر منار نزلت دمعتها من صوته وحنانه وسكتت ماقدرت ترد مازن: يمييين بالله اموووت بدونك وانتي عارفه منار بحزن: بس انا تززززوجت خلاص مازن: مو خلاااص منار انا احس بجن تدرين اني مسنتر قدام بيتكم ليل نهار.. منار بإستغراب: وليش؟ مازن: لو شفت الحقيير فيصل اللي اخذك مني. اموته ولا يشوفك ويجلس معك منار : مجنننون انت؟ مازن: ايه مجنوون خلاص عقلي طار وربك منار: مازن روح البيت فيصل ماراح يجي مازن : وكيف عرفتي.. الحين انتي زوجته راح يشوفك بإي وقت منار: لا انا كلمته وقلتله عطني وقت ابتسم مازن بفرح: اكككيد ماراح يشوفك؟؟ منار: اكيد مازال مبتسم: الحمدلله ريحتيني. اجل برجع البيت التعب فيني الف ابتسمت منار بدون ماتحس: مع السلامه قفلت منه وظلت تناظر الجوال : ليش ي مازن تصعبها علي. ليش تخليني احن عليك غصب. ليش تبيني اسامحك. واذا سامحتك وش يفيد دام تزوجت غيرك.. رمت الجوال بعيد عنها وغمضت عيونها: لازم ما انجرف ورا قلبي. لازم انسااااك لازم عند ريم طلعت بسرعه وخوف شافت سيارة التكسي اللي لسى منتظرها ركبت معه ومن شافها جاد دق عليها وهو يحرك سيارته بعدها ريم ردت بخوف: ه هلا جاد: حبيبتي سوو فيك شي؟ ريم مرعوبه: لا لا ما صار شي بس لا تلاحقني جاد: شفيك طيب ليش صوتك كذا ريم صرخت عليه: ابببببعدددد عني لاااا تلاحققققني اصلا ككككل شي بسبببببكككك جاد مصدوم اول مره تكلمه كذا : حبيبتي اهدي علميني وش صار ريم: ماااافي شي قلللتلك بس ابعد عني وبكون بخير اببببعد عني وقفلت الخط ورمت الجوال وهي تبكككي بخوف ريم: ااااه سامحني ي جاد. راح يأذونك اذا ظليت معي وانا ماراح اتحمللل لازم اتررركك لازم ابعد عننننك سامحححني وظلت تبكي لحد ماوصلت البيت وطلعت بسرعه كان مازن راجع ومن شافها تركض قدامه لحقها بخطوات سريعه طلعت الدرج بس قبل تكمل مسكها من كتوفها ولفها له: شفيك ومن وين راجعه هالوقت حررت نفسها منه وكملت طريقها للغرفه وهي تقفل الباب وجلست تبكككي طق طق طق طق طق مازن: رييييم افتتتتحي.. ردت من خلف الباب: اتتتترررررركني مابي افتح بظل بروحي مازن من سمع صوتها الباكي خاف عليها: ررررييييم ااافتحي لا اكسررر هالباب على راسك الحين ظلت شوي وفتحت وأثار الدموع لسى ع وجهها دخل وجلس ع سريرها وهي تقدمت وجلست جنبه مازن بهدوء: وش فيك؟ ريم: ولا شي مازن: كل ذا وولا شي؟ انطقي وش صار معك؟ و من وين راجعه؟ نزلت راسها: كلموني حقين المخدرات ورحت لهم مازن بعصبيه: خخخخبلللله انتيييي تروحين وحدك؟ ريم: الشرطه معي لا تخاف مازن: طيب؟ ووش صار؟ ريم: هددوني وعطوني بضاعه كالعاده اوزعها مازن بخوف : ووينها الحين؟ ريم: هاه عطيت الشرطه يتصرفون فيها مازن ارتاح: ايه زين. وكمل بتحذير: بس ثاني مره ماتروحين لين تعلميني سامعععه؟ ريم: حاضر ووقف: خلاص لا تبكين دام الشرطه معك لا تخافين راح تتخلصين منهم قريب وانا بكون معك ريم بخزن: ان شاء الله ابتسم وطلع وهي رمت نفسها ع السرير وتبكي وتذكر خطتهم اللي راح ينفذوها بعد يومين ولا تدري وش تسوي انتهى البارت | ||||
|
| |
|
16-08-22, 07:43 PM
| #64 | ||||
| الــبــــــــارت الــــتـــاســــ39ـــع والـــثـــلاثـــــون بــــــــعــــــــــــد يـــومــــــــــــين مرت يومين ولا شفته ولا سمعت حسه ي ترا وينه غريبه مختفي ولا يطل علي اخذت جوالي وناظرت رقمه وبعد تردد دقيت بس اعطاني مقفل. جواد مايحب يقفل جواله غريبه. دقيت على منيره وردت ع طول منيره: هلا جوجو ابتسمت: هلابك. امممم بسألك عن شي منيره: تفضلي جوانه: احمم جواد شفتيه اليوم؟ منيره: ليش ماقال لك؟ جوانه؛ عن وش منيره: اممم جواد مسافر صار له يومين جوانه: مساااافررر؟؟؟ وين ومتى بيرجع منيره: ما اعرف والله بس سمعت خالتي سميره تقول قالها كم اسبوع كم اسبوووع. انا باقي ع جلستي هنا اسبوعين وخمس ايام وهو يقول كم اسبوع. يعني مايبي يجلس معي لحد اروح منيره: اللللووووووووو انتبهت لها: هلا اممم اوك اجل مع السلامة منيره: باي قفلت ومدري ليش حسيت بالحزن ليش مايبي يجلس ليش راح .. اف وش اللي ليش راح خلاص اصلا وش بتفيد جلسته احنا بالنهايه بننفصل ياربي وربي تعبت احس عندي انفصام في الشخصيه احس ابيه وبنفس الوقت مابيه .. حبيت حاضره وكارهه ماضيه ومو قادره اتقبل ذا الحاضر وانسى كل اللي عشته معه جالس بجناحه ويلف ويدور وجواله بيده يدق على ريم اللي من اخر مره شافها وهي ماترد عليه رمى الجوال بقوة لحد ماتكسررر جلس ع الكنبه جاد بعصبيه: ويننننك وينك وووينك افففف وقف ونزل تحت بسرعه كلم الحارس بعصبيه جاد: جيب سياااارتي : ابشر طال عمرك وراح يركض بسرعه ع الكراج وجابها له نزل وفتح له الباب ركب وفتح الدريشه جاد: اسمع عطني جوال مع شريحة : حاضر.. ثواني بس راح ع المستودع اللي عندهم دخل الباسوورد وانفتح الباب دخل بالغرفة راح قسم الجوالات فتح الدولاب بالبصمة اخذ جوال جديد وركب له شريحة جديده ورجع له وهو يمده : تفضل طال عمرك جاهز اخذه منه: اوك. انا طالع.. كلم الخدم ياخذو شريحتي من جوالي بالجناح وركبها بجوال ثاني ارجع تكون جاهزه. سامع؟ : ابششررر ابتعد الحارس وجاد تحرك بسرعه لحد ماسيارته طلعت صوتها الرياضي اتجه ع بيت ريم ودق الجرس كم مره فتح مازن ناظره بإستغراب: جاد؟ سلم عليه ونزل راسه: اممم احم بتطمن على ريم مازن: ريم بخير ليش وش صار جاد: العصابه دقو عليها وراحت لهم ومن بعد رجعت من يومين مقفله جوالها وانا خفت يكون صاير معها شي مازن: ايه قالت لي انها قابلتهم بس لا تخاف هي بخير وانا راح اشوفها وارد لك خبر ابتسم جاد: مشكور واسف على الازعاج مازن: لا ازعاج ولا شي انت صرت نسيبنا يعني منا وفينا ابتسم جاد: الله يسلمك مازن كنه توه يستوعب: يووه اخذنا الكلام وما دخلتك تفضل.. ومد يده يأشر ع الباب جاد: لالا خلها الجايات اكثر ان شاء الله الحين بمشي مازن: اللي يريحك وطلع سيارته ومازن دخل البيت طلع ووقف عند غرفة ريم دق الباب ماردت ف توقع انها نايمه واتجه غرفته وهو يرجع يدق على منار اللي صار له ساعه يدق ولا ردت عليه واقفة قدام المطار وقلبها بيوقف من الخوف جاها اتصال وردت ع طول : ريم المكان مراقب لا تخافي راح نحميك طول الوقت وفي كم واحد راح يطلعون معك نفس الرحلة ف التزمي الهدوء ولا تثيري شكهم ريم بصوت يرجف : ح ححا ضر نزلت بخوف والشنطة بيدها وجاها اتصال ردت بخوف بعصبيه: وووينننك؟ ريم: انا داخله الحين : اوك بسرعه ريم : طيب قفل منها ويراقبها وكمل طريقه وهو يدق : توها دخلت : خل عينك عليها انا مو واثق فيها : لا تخاف انا وراها خطوه بخطوه : برافو. ولو حسيتها بتنكبنا عارف وش تسوي؟ : ايه اكككيد. لا تخاف قفل منه وكمل طريقه وهو يتتبعها دق للمره الرابعه وجوالها مشغول انقهررر اكثر بس ما استسلم ورجع اتصل واخيرا رن وبعد ثاني رنه ردت منار: هلا فيصل يحاول يهدي نفسه: هلابك حبيبتي... اممم اتصلت اكثر من مره وجوالك مشغول منار: معليش بس مازن مو راضي يوقف اتصالات شد ع الجوال بقوه: كنتي تكلمينه؟ منار: لا والله ماكلمته هو بس يتصل وانا ما ارد اخذ نفس: اوك راح اطلع لك خط جديد منار: لالا مايحتاج انا اتصرف معه فيصل: وش بتسوين؟؟ منار : راح ارد عليه واتفاهم معه فيصل: لا مابيك تكلمينه خليه انا اتفاهم معه... سكتت وهو كمل: المهم ماعلينا منه اقدر اشوفك الليله؟ منار: لا ماينفع ابوي مايسمح فيصل: وليش؟ انا زوجك على سنة الله ورسوله وش يمنع يعني منار: صعب فيصل انسى الموضوع اخذ نفس: انا بكلم عمي بس اهم شي انتي ماعندك مانع منار: اللي تشوفه فيصل: طيب ارسلي لي رقمه منار: طيب فيصل: احبك سكتت وهي تحس بتأنيب الضمير فيصل بضيق: عن اذنك الحين عندي مرضى لا تنسين ترسلين الرقم منار: طيب قفل منها وناظر جواله فيصل : طيب انا اعرف كيف ابعدك من طريقنا اخذ جواله ومن غير تردد ارسل له رساله وابتسم ينتظر العاصفه اللي راح تجيه مرت الساعات ثقيله احس بملل واحس بضيقه ووحده احس فاقده شي. مدري شفيني من وقت عرفت انه سافر وانا حاسه بفراغ سألت نفسي كثير هل انا اكره جواد طيب لو اكرهه فعلا ليه يشغل بالي ليه زعلانه الحين عشان تركني وسافر وقفت وطلعت من غرفتي رحت الجناح من غير تفكير فتحت الباب وقلبي صار يدق بقوه وانا اشم ريحته لاصقه بكل جزء بالجناح ناظرت غرفتي ترددت بس دخلت بالنهايه انصدممممت من اللي شفته .. كانت مأثثه بس كغرفة للرسم والقرائه حاط فيها مكتبه صغيره ع الزاويه ومكتب وعليه لاب توب وكم دفتر وباقي الغرفه فيها لووح وادوات الرسم صارت حلوه كثير بس متى سوا هالشي وليش ماقال لي ... تقدمت للمكتب جلست اخذت كتاب وجلست اقراه شوي .. تركته وفتحت الادراج شفت دفتري وقلبي دق يووه هذا الدفتر اللي اخذه مني قبل .. فتحته وانا اقرا كلامي عنه وعن قسوته وجبروته ..قفلت الكتاب بسرعه ومسحت دمعتي .. اهاني كثير ضربني جرحني كسرني الامني وللحين افكر اذا اكرهه او لا .. اكيد بكرهه لاخر حياتي ماراح اسامحه حتى وان ترجاني .. هه ع اساس يطلع من فمه كلمة اعتذار عشان انتظره يترجاني. مغرور شايف نفسه واضح عليه ندمان ومع ذلك يكابر ولا اعتذر ع الايام السودا اللي عيشني فيها .. اكرهه مايستاهل اصلا افكر فيه وقفت وطلعت من الجناح رجعت الغرفه كان جوالي يدق اخذت نفس ورديت جوانه: يا هلا فهد يبتسم: هلااابك . كيفك جوانه: الحمدلله ماشي الحال وانت اخبارك؟ فهد يتنهد: والله اخباري ماتسر جوانه: افا لييييه؟ فهد: انتظر منيره تحن علي وتوافق اكلمها زي ماقلتي لي بس مافيني صبر اكثر جوانه: خلاص اليوم اكلمها ولا يهمك فهد: طيب كلميها الحين ناظرت الساعه: طيب بشوف اكلمها بعد الغدا فهد: ياليت والله وخبريني وش يصير ابتسمت: حاااضر فهد: مع السلامه جوانه: باي قفلت منه وتسطحت وانا احاول انام او اشغل تفكيري بأي شي غير جواد لانه مايستاهل ابدا حتى اني افكر فيه واقفة عند باب تفتيش النساء وقلبها يدق بقوه بس جالسه تقوي نفسها ريم: خلاص انا من وش خايفه الشرطه كلها معي ليش اخاف جاها اتصال وردت برجفه ريم: ن نعمم بعصبيه: ادخخخخلي انتي ناويه تفضحينا؟ ريم: ط ط طيب قفل منها اخذت نفس ودخلت من جهته اخذ جواله ورجع دق وردت : اسمعي البنت توها دخلت الشنطه اللي معها لونها احمر.. زي ماقلنا لك مشيها والا عيالك بعمرك ماراح تشوفيهم تكلمت بخوف: طيب بس واللي يسلمك واللي يعافيك بعد هالشي رجعو لي عيالي بملل: زين زييين شوفي شغلك بس عند ريم دخلت مرتبكه وحطت الشنطة ع السير وقلبها يرجف واطرافها بارده ناظرتها المفتشة اللي جالسه قدام الكمبيوتر بنظرة خوف وريم عرفت ان هذي الحرمه اللي مهددينها بعيالها طلعت الشنطة وريم سحبتها بسرعه ومشت المفتشه الثانيه بصوت عالي: لححححظه وقفت مصنمه بخوف وماقدرت تلتفت بعد ماراح جاد اخذ مفتاحه وطلع يبي يفطر ويدق على منار بس رفضت ترد جته رساله اخذ جواله بسرعه توقعها من منار بس وقت شافه الصور جننن انننصدم صور منار اللي سلمها لفيصل دق ع رقم فيصل بسرعه بس كان مقفل رمى الجوال بعصبيه وحرك السياره بسرعه قويه لحد طلعت صوت مازن يصر ع اسنانه: ططططيب ي حقققير والله ماااا اررررحممممك كان مقهووور طول الطريق وهو معصب ولا شايف قدامه ماعرف كيف وصل المستشفى بالسلامه... نزل بسرعه وهو يتوجه لمكتب فيصل اللي يعرفه فتح الباب من غير استأذان وما عطى فيصل اي فرصه للكلام او حتى اعطاء ردة فعل هجم عليه ورفعه من اللابكوت وهو يلززززقه بالجدار مازن: اااانننننت كككككيف تتجرأ ترسسسسل هالصووور وووش ققققصدكك؟ فيصل ببرود وهو يحط يدينه ع يدين مازن المشدوده: ههههه هد اعصابك واجلس عشان نتفاهم مازن بقهر: عللىىى ووووش نتفاهم نزل يدين مازن اللي ارتخت شوي وابتعد عنه وهو يعدل اللاب كوت مازن: اخخخخلص وووش هدفك ليش ترسل هالصور لي اشر له ع الكرسي: اجلس مازن متوتر بس سايره وجلس وفيصل رجع لكرسيه وجلس تقدم وشبك يدينه ببعض فيصل يناظره بتفحص: هالصور جتني بيوم ملكتنا انا ومنار. وماعرفت مين اللي ارسلها وليش بس بعد ماعرفتك وعرفت شخصيتك المتهوره اتوقع انه انت مرسلها عشان اترك منار مازن بعصبيه: ايه انا ولليش مرسلها لي الحين؟ فيصل يتسم: بتفق معك اتفاق مازن : اخخخلص وش تبي ابتسم ووقف وراح وقف مقابله متعمد نزل جسمه لحد صار راسه عند اذن مازن فيصل: تبعد عن منار مقابل حفظ صورها ووقف وسط صدمة مازن وفاتح عيونه فيصل يكمل: واذا ماوافقت بنشر صورها وافضحها بين اهلها واقاربها وكل العالم واطلقها ولا همني شي كان ساكت ويشششد قبضة يده على مسند الكرسي مو مصدق حقارة هالانسان مو مصدق ان منار راح ترتبط بشخص يستغلها كان زي الهدوء اللي يسبق العاصفه لانه وقف بسرعه وبجنون مسك فيصللل وضربه بووقس لين طيحه ع الباب اللي انفتح للخارج ونص فيصل داخل الغرفه ونص جسمه خارجها نزل له بقهر وهو يكمل ضرررب والممرضات والناس وبعض الدكاتره تجمعو عليهم وفكو مازن اللي مازال يحاول يهجم على فيصل. رغم ان الامن ماسكينه مازن: الله يللللعنك ياعدددديم الرجوله.. يييييا واااااطي ي نننننذل.. ااااه فكوووني. الله يااااخذني ان ماخذذذيت روحك ياكللللب وقف وهو يمسح الدم النازل من شفايفه ويتصنع: الله يسامحك بس مسكوه الامن وطلعوه من المستشفى وهو مازال يتوعد ويصارخ ومسكوه الشرطه بطلب من فيصل وودوه للقسم في قصر الهامي ع طاولة الطعام كان الكل جالس وجاد سرحان ويلعب بصحنه ناظره ابوه خالد: وش فيك صارلك يومين ماتداوم مارد لانه بوادي ثاني ولا سمع ابوه.. دقته امه بكوعها عشان ينتبه ترك الشوكه ورفع راسه ببلاهه جاد: هاه وشو خالد يناظره بأستغراب : وين عقلك؟ ابتسم: موجود يبه خالد يناظر سميره: عيالتس راح يجننوني. الحين جواد وشو له مسافر وياليت يداوم هناك وهذا هنا وبعد مايداوم وكل الشغل فوق راسي راح تموتوني قبل يومي سميره: بسم الله عليك جاد: يبببه الله يهديك وش هالكلام خالد: وانا صادق. الحين ماتقول لي شعندك ماتداوم؟ جاد: يبه عندي مشكلة. عطني اسبوع احلها وارجع الشغل زي اول واحسن مسح يده وفمه بالمنديل وتركه خالد وهو يوقف: على خير ان شاء الله طلع وطلع بعد جاد اللي ماله نفس ياكل وكل شوي يتصل على ريم وجوالها مقفل سميره تناظر منيره اللي بعد تاكل وهي سرحانه بفهد سميره: اقول منيره وش صار مع جوانه بخصوص اللي قلناه منيره بيأس: والله ي خالتي مافي شي جديد وانتي عارفه جواد سافر لو انه هنا كان ممكن نتصرف بس للاسف سميره تنهدت بضيق: الله يهديه ويرجع له عقله منيره: امين وقفت منيره: بس لا تهتمي انا ماراح ايأس بكلم جوانه وكمان راح اكلم جواد واشوف ان شاء الله خير سميره: ان شاء الله وطلعت منيره تبي تروح لجوانه التفتت بخوف شافت وحده من المفتشات تمد جوالها المفتشه: نسيتي جوالك اخذته ببتسامه باهته: مشكوره اختي المفتشة : العفو حبيبتي طلعت بسرعه واتجهت للصالات شافت تذكرتها وجلست عند البوابه كانت تتلفت بخوف وهي حاضنه الشنطه جاها اتصال وردت بصوته الثقيل اللي يخوف: ههه برافو عليك قدرتي تسوينها.. ريم برعب: وش تبون بعد ببرود: اووو هووو نبي الكثير ي حلوة هذي بس البداية ريم: لا مستحيل اسويها مره ثانيه هذي اخر مره بسخريه: ههههههههه انتي عارفه من تكلمين ريم تستفزه متقصده: ايه عارفه مجرم وحقير وبياع سموم عصب: اننننتبههههي لكلامك والا مايصيرلك طيب ريم مستمره: ماني خايفه منك اصلا هذا اللي فالح فيه اتصالات ماتقدر تواجهني لانك جبان بسخريه ممزوجه بحقد: راح تشوفين وش يقدر يسوي فيك هالجبان وقفل الخط وريم خافت بس هذي كانت خطه من الشرطة عشان يقدرو يتوصلو لزعيم هالعصابة "النداء الاول لرحلة رقم.... والمتجهة بمشيئة الله الى. الدمام............. وقفت واخذت الشنطة اخذت نفس طويل وهدت نفسها وتقدمت ع البوابة جت الخدامه وخذت الغدا وشوي اندق الباب طلت بأبتسامه: مسااااء الخييير ابتسمت: ي هلا عاد توني كنت بجيك دخلت وجلست جنبي: وهذاني عندك وش كنتي تبين جوانه: بصراحه مابي اعكر مزاجك بس اممم فهد. تغيرت ملامح وجهها: شفيه جوانه: جنني يبي يكلمك مافيه صبر يقول تنهدت بضيق: طيب خليه يدق مسكت يدها: متأكده؟ هزت راسها بإيه اخذت جوالي وارسلت له وشوي ورن تلفونها ابتسمت لي واخذته وطلعت وانا ظليت اتسلى بجوالي وقررت اروح بيت اهلي دام جواد مايبي يرجع وش ابي اقعد هنا لازم اكلم عمي خالد اليوم ردت بعد تردد منيره: الو ابتسم فهد: هلا بروح الروح منيره: فهد لو سمحت. انا بس بسمع اللي عندك وخلاص تنهد بضيق: طيب.. سكتت وهو بدا يتكلم فهد: امممم احم مدري من وين ابدا بس ابي اقولك عن كل شي من البدايه منيره: طيب. اسمعك فهد اخذ نفس: ااممم ف يوم كنت بالكلية وجاني صديق لي اسمه حمد.. قال لي وش رايك نروح الدمام يومين نغير جو بعد الاختبارات.. كانت نفسيتي تحتاج طلعه وافقت وطلعنا ع الدمام انا وياه بسيارته اول يوم كان ممتع رحنا البحر وتسلينا بس باليوم الثاني جا واحد ينقال له عبدالله ولد عم حمد ويعتبره صديقه الصدوق انا ما اعرفة عزمنا على بيته ورحت معهم ماكنت عارف انه خربان وراعي شراب فر راس حمد خويي وخلاه يشرب معه وانا زي الاطرش ف الزفه كان المفروض نرجع الفجر بس حمد ثقل ونام وماقدرنا نطلع باليوم الثالث صحصحو متأخر ع العصر وع بال ماتجهزو كان المغرب طلب حمد من عبدالله انه يودينا الشقه اللي مستأجرينها ناخذ اغراضنا ونطلع مشينا وطول الطريق يتريقو علي واني مستشرف واسوي نفسي ما اشرب وصدقيني عمررري ماذقته ولا افكررر قالي الحقير عبدالله بعطيك مشروب عادي موسي اتوقع كان والله ماكنت عارف وش حاط فيه شربته بصفا نيه وبدت الرؤيه عندي تتشوش واحس راسي ثقيل ومو قادر اركز كنت اسمع ضحكهم علي بس مو عارف او فاهم شي. طبعا هم بعد كانو شربانين بس لانهم متعودين مايغيبو عن الوعي بسرعه تنهد بضيق وهو يتكلم بألم: س س معتهم يتكلمون واحس اني بحلم كان يقولون( شف شف هالصيده.. والله بنستمتع الليله تألمت منيره وهي تسمع هالكلام عنها وكانت تبكي بصمت فهد: ماكنت مستوعب وبعدها حسيت اني اغمى علي مو متذكرر شي... صحيت باليوم الثاني واحس بتعبب مو طبيعي وراسي مصدع ومجروح والسرير فيه اثار زجاج وربك ماكنت عارف وش فيه ولا فكرت طلعت شفت الشباب نايمين بالصاله هاوشتهم وحرمت امشي مع حمد النذل وهذا كل شي اذكره عن ذيك الليله وابي منك تعلميني وش صار؟ مازالت تبكي وانعاد عليها الحادث كنه صار لها الحين فهد بحزن: ميمي حبيبتي انا وربي احبببك مايهمني وش صار اللي يهم اني اصلح غلطي منيره وهي تشاهق من البكي: م م مس ت ححح يل.. ان انا مم ما اققدر ا ا اشوو ف وجه ك. يذكرني ب بذيك ا ا الليله.. ماراح اقدر ان انسى بها السهولة فهد بحزن: عارف وادري شي صعب بس انا مستحيل اتخلى عنك مستحيل اتركك.. سامحيني بس وانا اوعدك اغير حياتك كلها منيره تبكي:ان كنت صادق باللي قلته ف انا مسامحتك بس مو معناته اني بكون معك لا. مستحيل نكون مع بعض مستحيييل فهد: عطيني فرصه منيره عطيني فرصه واوعدك ماراح تندمين منيره: فهد ارجوك خلاص انا سمعتك لا تضغط علي اكثر من كذا تنهد بحزن: طيب اللي يريحك منيره: باي فهد: مع السلامة قفلت منه وحضنت مخدتها وظلت تبكككي لحد ما نامت "استعدادً للهبوط نرجو من الساده المسافرين العودة لمقاعدهم وربط احزمة الامان............. ناظرت حزامها اساسا مافكته من وقت طارو غمضت عيونها وظلت سرحانه وتفكر وتدعي (يارب احميني منهم واحمي عايلتي يارب احمي لي حبيبي واحفظه يارب. يارب ينتهي هالشي على خير وارجع البيت سالمه) وطولت تدعي لحد حست بهزه ع كتفها فتحت عيونها ومن شافت ملامح وجهه كزت وعرفت انه منهم قرب منها وهمس: وش تنتظرين بسرعه الحقيني فكت الحزام وناظرت حولها اغلب الركاب نزلو وهي ما انتبهت نزلت بعده وطلعو من الطياره ومن المطار بكبره جاها اتصال وردت بسخريه: هههههه اهلن فيك تو مانورت الدمام ريم: خل احد ياخذ هالزباله مني ماعاد فيني استحمل اكثر : الزباله تسواك وتسوا مليون من امثالك ريم: الحين انت وش تبي بضاعتكم ووصلتها خلاص اتركوني بحالي : ههههههاي حلوه نتركك.. توك بديتي ياحلوه توك بديتي اركبي الحين السيارة اللي قدامك ناظرت بالسياره مظللة بالكامل استودعت نفسها واتجهت لها رجع البيت وهو يمشي شوي شوي عشان عمتة زوجة عمه ماتسمعه ولكن ما ان رقى اول درجتين طلعت من المطبخ ( اسمها كريمه) كريمه وهي تتخصر: انت وش اللي مرجعك هالوقت ناسي ان البيت فيه بنات ياللي ماتستحي اخذ نفس بملل ولف جسمه لها: انتي ماعندك شغل غيري؟ كريمه بققت عيونها: والله طالت وتشمخت ي فيصلوه.. البيت بيت ابونا والقوم حاربونا فيصل: ارجوك فكيني شرك. اصلا لو ماعمي ماكنت جلست بهالبيت دقيقه وحده التف يطلع: عن اذنك وطلع وهو يسمع صدى صوتها كريمه: هييين ي فيصلوه ان ما طلعتك من هالبيت ماكون بنت ابوي دخل غرفته قفل الباب بقوه توجه لسريره بتعب وتسطح وقعد يفكر ( انا لمتى بتحمل اففف لازم اتحرك الامل الوحيد اني اترك هالبيت وعمي مايزعل علي هو الزواج. ومنار لازم تنسى هاللي اسمه مازن عشان نتزوج بسرعه. انا لازم اطلعه من حياتها) اخذ جواله واتصل وردت بعد عدة مكالمات منار:هلا فيصل يتصنع التعب: هلابك ي روحي منار حست بصوته فسألته: وش فيك؟ فيصل: ااااخ ولا شي حبيبتي منار: لا فيك شي يلا علمني فيصل بخبث: ماكان ودي اقولك بس اكيد راح تدرين منار بخوف: عن وش فيصل: مازن الله يهديه ويصلحه هجم علي بالمشفى وضربني منار خافتت: ممممازن؟؟؟ وللليش يسوي كذا فيصل: يمكن انه مو قادر يستوعب انك صرتي زوجتي منار بصدمه: لا مازن مستحيل يسويها بدون سبب فيصل انقهر: انا عارف ماراح تصدقين في مازن بس اللي اقوله لك هو الصدق منار: والحين كيفك انت ووين مازن فيصل: اناا اااه كل شي فيني مكسر. مع اني كنت اقدر اوقفه واضربه بس بوقتها تذكرتك وماحبيت ازعلك عليه ف ماسويت له شي ولانه شاب وطايش عذرته منار بحزن: هذا من طيبة قلبك ي فيصل.. والله يهديه مازن راح اتفاهم معه فيصل يحاول يكسب عطفها: ااه منار بخوف: بسم الله عليك شفيك ابتسم: ولا شي بس يدي مو قادر ارفعها الظاهر انها انكسرت منار حزنت على حالته: طيب روح سوي لها اشاعه فيصل: الحين رجعت البيت راح ارتاح واشوفها بكره منار: اوك اخليك ترتاح.. مع السلامة فيصل: اسمعي لا تقسين على مازن ترا انا عاذره ومسامحه من قلبي منار: والله مدري كيف اوفيك حقك رغم كل شي جاك منه باقي تدافع عنه ابتسم لانه وصل للي يبيه: ماجاني منه بسبب صغر عقله مفكر اني انا اللي اخذتك منه مايدري ان هذا قرارك منار: ماعليك راح افهمه بها الشي فيصل: مع السلامة منار: مع السلامة قفلت ودقت على جوال مازن كثير ولا رد في القسم عند مازن.. وبعد ماحطوه بالتوقيف كم ساعه ناداه العسكري واخذه ووداه للشرطي القا التحيه وتركه وطلع وناظره الضابط الضابط: جوالك ماسكت الظاهر اهلك خذ طمنهم اخذ الجوال ومن شاف منار تتصل رد بسرعه بهدوء مازن: هلا منار: مازن انت متى بتتركني متى برتاح منك ليش سويت كذا بفيصل المسكين مازن بهدوء: منار انا بقسم الشرطه بعدين اكلمك منار بخوف: لللليش مازن بقهر: اسألي حبيبك اللي تدافعين عنه وقفل وناظر الضابط: طال عمرك فيصل هو اللي بدا واستفزني الضابط: هالموضوع نتكلم فيه بكره ان شاء الله... يا عسسسكري دخل والقا التحيه: سم الضابط: خذه للتوقيف أخذه ورجعه للتوقيف وهو يفكر بمنار وكيف كانت معصبه عليه ( ااااخ اكيد لعب عليها بكم كلمه.. انا لازم اخبرها عنه لازم تفهم هالغبيه كيف استغل صورها) اما من جهة منار رجعت دقت على فيصل اللي ابتسم ورد فيصل: فقدتيني بها السرعه؟ منار بتوتر: فيصل ليش ليش اشتكيت عليه فيصل يتصنع: على مين ي روحي منار بتبكي: مازن بالسجن فيصل مسوي نفسه مايعرف: للليش؟؟ صدقيني انا ما اشتكيت عليه.. قلتلك انا عذرته ومافكرت اشتكي عليه منار: تكفا ي فيصل طلعه لا تخليه يبات بالسجن فيصل انقهر شوي بس تصنع: ابببشري من عيوني الحين اروح ولو ان يدي تعورني بس التعب لجلك يهون ابتسمت منار وهي تلوم نفسها ليش ماتحب فيصل رغم طيبة قلبه الزايده بنظرها يستاهل الحب اكثر من مازن منار: مشكوووور فيصل مدري والله كيف اجازيك واردلك جمايلك فيصل: سهله منار: وش فيصل: خليك جنبي وثقي تماما انك بتكونين اسعد انسانه منار: انا معك ابتسم: احبك سكتت فيصل: يلا مع السلامه حبي منار: باي عند ريم وقفت السياره عند فندق ونزلت وهي ماتدري وش السالفه.. جاها اتصال وردت بس كان مو نفس الشخص اللي تهاوشت معه ريم: الو : في حجز بأسمك خليك بالفندق لين اعلمك موعد التسليم ريم بخوف: لاا مستتحيل ما اقدر اتأخر : هذي تعليمات البق بووس انا مالي علاقه قفل منها وهي دخلت وعطتهم اسمها وطلعت غرفتها وهي متوتره ولا عارفه وش بتسوي وقفت قدام باب جناحهم ودقيت بعد تردد انتظرت شوي وانفتح الباب واستغربت وجودي سميره : جوانه؟؟ شبكت اصابعي مع بعض واناظر تحت: اممم خالتي بتكلم معك بموضوع فتحت الباب: تفضلي حبيبتي ماتوقعت تدخلني جناحهم دخلت وانبهرت مع ان جناحنا كبير مره بس هذا غير ديكوره ملكككي واكبر بكثير من جناحنا دخلت وجلسنا بالصاله ناظرتني تنتظرني اتكلم جوانه: اممم خالتي جواد سافر وقال مايبي يرجع الحين يعني مطول. وجلستي مالها داعي هنا ف حبيت استأذن منك انتي وعمي عشان بروح بيت اهلي سميره: قلتي لجواد طيب؟ جوانه: كنت ابي اقول له بس جواله ع طول مقفل ف قلت استأذن منكم سميره: والله ودي انك تقعدين معنا بس لو حابه روحي عند اهلك زوريهم وارجعي وانا بكلم جواد واشوفه جوانه: طيب وقفت بطلع مسكت يدي ووقفت معي سميره: جوانه عطي جواد فرصه.. جواد ولدي واعرفه يحبك بس ماراح يقدر يقولك. لانه حاس ان سعادتك بعيد عنه. قاعد يكابر صدقيني جوانه: بعد وش؟ بعد ما اهدر كرامتي بعد ماعذبني واذاني وجرحني سميره بحزن: غلطنا بحقك كثير اعرف ذا الشي بس صدقيني ماراح يداويك غير اللي وجعك .. عطيه فرصه يضمد جروحك وينسيك ويظهر لك حبه جوانه بسخريه: هه جواد مايعرف الحب ولا كيف يحب هو حتى ما فكر يعتذر مني عشان يحبني سميره: ما اعتذر؟؟؟ جوانه: ايه سميره: ولا غير اسلوبه؟ يعني باقي قاسي معك جوانه: تغير وكثير بعد بس ايش الفايده دامه مو معترف بغلطه سميره: ماعليه مصيره يعتذر ويعترف انه غلط بحقك بس ليتك صبرتي عليه اكثر وماطلبتي الطلاق جوانه: ماراح اقدر انسى واتخطى اللي صار بسهوله. افضل حل لنا الانفصال سميره: بتقدرين تنسين بس حاولي .. اوعديني تفكرين بالموضوع جوانه: ان شاءالله سميره: الله يرضى عليك ويوفقك ابتسمت وطلعت من عندها وانا احاول اتناسى كلامها اخذت جوالها ودقت ورد بعد ثاني رنه جواد: هلا بالغاليه سميره: هلا حبيبي كيفك جواد: الحمدلله تمام انتي طمنيني عنك سميره تختبره: انا بخير بس زوجتك جواد بخوف : جوااانه؟؟؟؟ وش فيهاا؟؟ سميره تبتسم: تطمن بخير بخير تنهد بإرتياح: الحمد لله.. المهم وش فيها سميره: تبي تروح بيت اهلها تقول قعدتها مالها معنى وانت مو موجود تنهد بضيق: طيب سميره: وش اللي طيب؟ جواد: خلها تروح لو حابه سميره: من جدك عادي خلاص بسهوله تروح؟ جواد: وش تبين اسوي يعني؟ سميره: متى بترجع انت جواد: مطول شوي اسبوعين ثلاثه سميره: جواد ماراح اخليها تروح جوانه راح تظل هنا لحد تخلص الشهر وانت بعدها بكيفك جواد: بس يم.... قاطعته سميره: خلاص قلت اللي عندي يلا مع السلامه جواد: مع السلامة قفل منها اسند راسه للخلف جواد: الله يعدي ذا الشهر على خير في قسم الشرطه ناظر الورقه ونزل بجسمه وهو ياخذ قلم ويوقعها رفع نفسه وناظر الضابط فيصل: متى راح يطلع؟ الضابط: دام وقعت التنازل مابقى الا يوقع هو على تعهد عدم التعرض ويطلع فيصل: اقدر اشوفه الضابط: ايه اكيد... ياعسسكرري دخل ودق التحيه: امر الضابط: خله يشوف مازن اشر له العسكري: تفضل معي وداه لغرفة التوقيف كان فيها مازن وكم واحد معه كان سرحان ولا يفكر غير بمنار العسكري: ماززن التفت ومن شاف فيصل وقف بسرعه وقههرر وهو يتوجه له بأنفعال مازن: نننعم خخخخير وش تبي بعد ابتسم ببرود: اشوف الحاله اللي وصلت لها بسبب صغر عقلك مازن : انقللللع بس من هنا مابي اشوف وجهك فيصل: اسكككت واسمع ترا انا سحبت الدعوه عشان منار والحين انا بعيونها البطل اللي تنازل عن حقه بسبب طيبة قلبه الحين انا بعيونها الانسان المتسامح الصافي اللي مايحقد على احد مازن بقهر : راااح اخبرها بكل شي وعندي المحادثات وصورها فيصل: ههههههههههههههه ناظره ومبتسم: شكلك نسيت ان في شي اسمه خاصية حذف الدردشه عند الطرفين وهذا اللي صار مازن انقهر: راح اوريها انك حذفت شي وراح تصدقني فيصل: ههههه والله انت غبي مفكرني غبي مثلك ترا علمتها قبل ارسلك اني راح اتواصل معك ولو قلت لها انا راح ارد اني كلمتك بطيب وانت تبي تشوه صورتي قدامها مازن: ااااه ي النذذذذل اه ي الحححقير فيصل:اسمع اللي بقوله وحطه براسك زين. منار منت بماخذها لو تموت وابعد عنها سامع اذا تهمك ابعد عنها والا اقُسمُ بالله العظيم اني لنشر صورها واخلي اللي ماشاف يشوف ولا فكرت لا فيك ولا فيها وطلع وتركه مصدووم مفجوع مو مصدددق انهارت كل قوته جلس ع الارض بتعب وهو يمسك بالحديد حق الباب.. ولا قادر ينطق بحرف بعدها بساعه طلع بعد ماوقع تعهد انه مايتعرض لفيصل رجع المستشفى اخذ سيارته وتوجه لبيت منار ويحس الدنيا صاكه فيه ومقفله بوجهه كل ابوابها كيف يساعدها من غير مايضرها كيف يبعد هالحقير فيصل عنها كيف وكيف وكيف مليون سؤال براسه ولا لقى له جواب ناظر البيت وتأمله ومحتار ينزل والا ماينزل يخبرها والا يبعد عنها عشان مايفضحها فيصل ماقدر ياخذ قرار وظل مقابل بيت منار ويفكر كلمتني خالتي ع تلفون الغرفة وقالت ان جواد رفض اروح لاهلي لحد يخلص الشهر عشان عمي خالد مايزعل بس عادي ازورهم ناظرت ساعتي صارت ١٠ راح اروح بكره الحين مافي وقت واصلاً نعسانه غمضت عيوني ومرت على بالي ضحكته وجمالها وابتسمت من غير ما احس .. انقلبت وانا احاول اشيل طيفه من راسي. ليش ما انساه ليش احس بشوق له ابتسمت اكثر يوم ذكرته يقول لي نمله وكالعادة كملت ابتسامتي بدمعه.. مسحتها واخذت نفس. اللي سواه جواد الصح لنا الاثنين .. حسيت أخيراً بنعاس واستلمت للنوم وانا ادعي ان بكره يكون اجمل رجع البيت شاف عمه بالصاله رد السلام عليه بيده من بعيد وكمل طريقه لغرفته فكره مشغول.. لو مازن يخبر منار باللي صار اكيد راح تخليه جت في باله فكره ف اتصل عليها بسرعه وثواني وردت منار: ها فيصل طمني وش صار فيصل يتصنع: ااه اه مدري وش اقولك ي حبي منار بخوف: وش فيك صار شي؟ فيصل: هذا لا قالك تسوي خير تلاقي شر منار زاد استغرابها: فيصل لا تخوفني وش صار فيصل: تنازلت عنه والله يشهد ان مابقلبي عليه شي بس مدري ليش مازن يعتبرني عدوه اللدود منار: ليش سوالك شي بعد؟ فيصل: خللله يسوي بي اللي يبيه بس توصلل لك لا هنا انا ماراح اسمح له لو اقتله منار منار بخوف: تقتله؟؟ ليييش وش مسوي بعد فيصل: تخيلي ي منار قد ايش هالرجال مجنون لدرجة يقول لو ماتركت منار راح انشر صورها وافضحها واخلي سمعتها على كل لسان منار من الصدمممه سكتت مو متخيله ان مازن حبيبها وروحها يسوي فيها كذا مو مصدقه انه مستعد يشوه سمعتها ولا تروح منه مو مصدقه كييف تجرأ وقال هالكلام فيصل: حبي معي انتي؟ منار دمعت عينها: مازن يسوي كذا؟؟ ابتسم فيصل بس يبين لها الحزن: تصدقين انه سواها قلتلك الرجال جن وقعد مستعد يسوي اي شي عشان يبعدني عنك منار: كككيف مازن يقول كذاا كككيف قدر فيصل: عاد بعض الناس قلوبهم كذا تحقد لما شاف انك تركتيه جاي يهددني. لا وبعد ما اكتفى بهالشي تدرين وش يقول؟ منار مو قادره تنصدم اكثر فيه: وش؟ فيصل: يقول انه راح يكلمك ويقولك اني انا الشين وانا اللي هددته وانا اللي قلت له بالصور.. قلت له ماعندك دليل. تدرين وش رد علي؟ منار: وش؟ فيصل: قال انك غبيه وقلبك طيب وراح يضحك عليك بدمعتين وتصدقينه. قال انه عارف نقاط ضعفك وراح يستغلها منار بكت بحرقه: ليش يسوي كذا فيصل: قلتلك لانه حقد عليك ويبي ينتقم ف ما قدامه الا انه يبعدني عنك ويشوه سمعتك ومحد ياخذك وطبعا هو بعدها اكيد بيرتاح ويتزوج ويعيش حياته منار تمسح دموعها: مايقققددرر وانا مهما سوا ماراح اصدقه ماراح اخليه يفرقني عنك ابتسم بنصر: هذا اللي ابيه منك استأذنت منه وقفلت لانها مو قادره تتحمل اكثرر صورة مازن بخيالها تحطمت وانكسسرت. لاخر لحظه وهي خايفه عليه وتحبه بس الحين بعد مافكر يأذيها تحطططمممت وانكسر حبها الكبير اللي بقلبها له.. كانت تشوفه كل الدنيا ومحد يساويه بس الحين بنظرها احقر شخص على وجه الارض جالس في مكتبه ويفكر دقت عليه ورد بسرعه جواد: اهلاً اميلي هل وجدتي شيء ابتسمت: نعم وكما توقعنا وجدت السجلات بنفس التواريخ جواد بأبتسامة: هذا يعنييييي ايميلي : نعم.. ما تفكر به صحيح فرح من قلب: هين حسابك عندي ي حقيره ايملي: لا افهم ماتقول جواد: حسناً شكراً لك على كل شي وسوف تحصلين على مكافأه لم تحلمي بها في حياتك فرحت ايملي: شكراً لك جواد : ارسلي لي جميع المستندات ايملي: حسناً جواد: وداعاً ايملي: الى اللقاء تعب ورجع البيت وراسه مصدددع مر جنب غرفة ريم وتذكر سؤال جاد عنها دق الباب بهدوء بس ماردت مازن: اكيد نايمه تركها ودخل غرفته تسطح بعرض السرير بتعب ضغط بكفوف يدينه ع جوانب راسه بقوه واصابعه تتخلل بشعره.. مو عارف كيف ينبه منار من غير يضرها خايف لو اقترب منها فيصل ينفذ تهديده. ندمان على الساعه اللي اعتبر فيها فيصل رجال وسلمه بنفسه صور حبيبته والحين يحس انه مقيد اذا اقترب من منار فيصل راح يأذيها واذا ابتعد بالنهايه منار راح تتزوج واحد نذل مافكر غير ف مصلحته.. جلس يفكرر لحد نام بدون مايحس في صباح يوم جديد الساعه ٩ الصباح كانت واقفه متوتره ماقدرت تنام الا ساعتين وصحت مفزوعه.. ماتدري وش مصيرها جالسه بهالغرفه وماتعرف لحد متى راح تنتظر ريم (يارربي اكيد اهلي راح يعرفون اني مو بيت منار.. اكيد راح يذبحووني ااااه ياليت اقدر اقول لمازن.. ياربي ياحبيبي طلعني من هالمصيبه جاها اتصال رجف قلبها وردت بخوف سمعت صوته اللي يخوفها : انزلي بتحصلين سياره جيمس اسود اركبي فيها وجيبي معك الشنطه اعطاها الاوامر وقفل بوجهها لبست عبايتها بخوف ونزلت فتحت الباب ووقفت مصدومه شافت واحد عمره تقريبا بنهاية الاربعين شعره كله ابيض ولابس نظارات شال النظاره وابتسم ابتسامه سخريه وهو يسحبها من يدها ويدخلها ولسى ماسك يدها ضحك وبانت االسنتين الذهب اللي مركبها ع جانب من اسنانه قرب وجهه منها وريم متقززه منه ومن نظراته والريحه اللي تفوح من فمه وباين عليه شربان : تقولين عني جبان هاه سحب شيلتها بقوه وهي لسى مبققه عيونها ومصدومه تذكر اللي قالته امس وماتوقعت انه يتواجد بنفسه بس عشان هالكلمه : هالجبان جا بنفسه وتعنا وسافر عشان يثبتلك عكس توقعاتك كمل : ومافي مانع لو استمتع بجمالك شوي ومسح ع خدها بأطراف اصابعه ابعدت يده بقرف وهي تلزق في الباب ريم: ابببعدددد عني ابتسم بسخريه: حااااضر تامرين ي حلوه كانت تحاول تبين انها قويه وانه مايخوفها بس بقلبها بتمووت رعب خصوصا انها ماراح تقدر تكلم الشرطه وخايفه منه لا يسوي لها شي ظلت تدعي لحد وقفت السياره نزل وشوي وانفتح بابها نزلت بعد تردد : تفضلي ي حلوه ريم بخوف وهي تشوف البيت: خذ بضاعتك واتركني : ههههههه اتركك؟؟ لا ي حلوه مو انا اللي اخلي وحده مثلك تتلفظ علي ولا احاسبها اشر لحراسه وسحبوها ع البيت وهي تصارخ ريم: اترررررككككككوني تتتتكفااااا انا اااااسفه اترررركني وبدا صوتها يختفي وهي تدخل القصر فتح الشنطه وتطمن وهو يشوف بضاعته كامله وتنهد بأرتياح : ههههه خلصنا المهمه الاولى بنجاح.. لسى المهمه الثانيه تنتظرني داخل اخلص عليها هههههههه مو انا اللي اترك وراي اثر يا شاطره ودخل قصره وهو شايل الشنطه وناوي على ريم شاف منار لابسه فستان ابيض وتبتسم وهو كثييير مبسوط وفرحان مد يده عشان تتقدم له ولكنها التفتت ولسى نفس ابتسامتها ومسكت يد فيصل اللي طلع فجأه شافه يضمها وهو مو قادر يروح يبعده عنها صرخ بألم مازن: لااااااااااااا صحى وجلس وهو يتنفس بسرعه وقوه غمض عيونه وفتحها اكثر من مره مازن: حلللم حلللم ماراح ياخذك لالا ماراح ياخذك اخذ نفس هدا نفسه اخذ جواله من الكمودينه كان فيه كم مكالمه من جاد رمى الجوال ومافكر ليش جاد اتصل كل اللي شاغل تفكيره منار راح ع الحمام اخذ له شور. طلع نشف شعره ولبس اخذ جواله من جديد و طلع من الغرفه وقف شوي وهو يناظر غرفة ريم دق الباب ماردت ناظر الساعه كانت ١١ الصباح مازن: كلل هذا نوم مستحيل دق اكثر وهو يفتح الباب بس كان مقفل ام مازن: مازن؟؟ التف وناظرها: هلا يمه ام مازن: اذا تبي اختك تراها عند منار قالت بتجلس عندها كم يوم فتح فمه وهو مستغرب: عند منار؟؟. ام مازن: ايه مازن: طيب.. رجع غرفته مازن: اففف انا كيف انشغلت بمشاكلي ونسيتك دق عليها كان جوالها مقفل فتح الواتس تردد بس فتح محادثتها وارسل لها مازن: ريم عندك؟ انتظر كم دقيقه على اعصابه لحد ردت منار ( لا) مازن( ريم مو بالبيت من امس وقالت لاهلي انها عندك) منار( لا مامرتني ولا شفتها) مازن (اوك راح اشوف) منار( طمني عليها) مازن(طيب) طلع من المحادثه ودق على جاد اللي رد على طول جاد: ووووينك انتت مارن: معليش كنت نايم جاد: اممم ريم مازن بخوف: وش فيها؟ سكت مو عارف كيف يقول له مازن: ووو ش تكلم جاد: ريم بالدمام مازن بقق عيونه: بالدممماااام؟؟؟؟؟؟؟؟ جاد : لا تخاف الشرطه معها مازن جلس والخوف يكتسي وجهه: كيف وليش ومتى سافرت جاد: في عمليه مهمه راح يقبضو فيها على رئيس هالعصابه ان شاء الله واتفقو الشرطه مع ريم انها تنفذ اللي يبغونه عشان يقدرون يمسكون افراد العصابه كلها مازن: الله يستر عليها انا لازم اسافر الحين وارجعها جاد: اهدا ي مازن زي ماقلتلك الشرطه معها خطوه بخطوه الافضل نخلي التصرف لهم عشان ريم ترتاح لانها تعبت كثير بسببهم مازن: اوك خبرني بأي شي تعرفه عنها جاد: ان شاء الله قفل منه ودق على منار اللي كانت تفكر بريم منار: الو.. هاه حصلت خبر تنهد بضيق: ريم بالدمام منار بخوف: كيف ومع مين راحت؟ خبرها السالفه كلها عن المخدرات منار بخوف: مخدررررات؟؟ كككيف عرفتهم ومتى وللللليش ماقالت لي مازن: اذا رجعت بالسلامة تحكي لك بس الحين لو امي دقت عليك تسأل عن ريم قولي لها انها عندك تمام منار لسى مو مستوعبه: اووك باي مازن: لحظه سكتت مازن: بخصوص فيصل ... قاطعته منار: انا رديت عليك عشان ريم مو اكثر ومالي كلام ثاني معك باي وقفلت بوجهه دخلوها غرفة باالقصر الكبير وهي تصارخ اخذو شنطتها وجوالاتها جلست ع طرف السرير وخايفه كثير ودموعها ع خدها شوي وانفتح الباب ودخل نفس الرجال قرب منها وهي حست بالخوف اكثر صار مقابلها رفع راسها بقوه من ذقنها ويتفحصها بنظرات خوفتها ريم بخوف: اتركني خلني اروح خلاص اخذتو بضاعتكم كامله : ههههه مانترك الحلوات بها السهوله ريم: وو وش ق قص دك : اللي اعرفه عنك انك ذكيه واكيد فاهمه قصدي فسخ جاكيته ورماه وبدا يفتح ازارير قميصه العلويه وريم ارتعبت وصارت تزحف ع ورا بخوف ريم: لا الله يخليك. تكفا اتررركني انا عطيتك بضاعتك اررررجوووك خلني اروح ارررجوك خلص فتح قميصه وفسخه وريم غمضت عيونها بقرف وهي تترجاه طلع ع السرير وهو يحاول يبعد يدينها اللي تمنعه من الوصول لها طق طق طق التفت وراح فتح الباب وهو بنفس شكله : خير؟ : السيد كارلوس ينتظرك تحت : طيب قله اخلص من اللي ف يدي واجيه : بس هو مستعجل ويبيك ضروري : اووووه طيب يلا اذلف قفل الباب ورجع لريم اللي ترجف من الخوف سحب قميصه من ع الارض وبدا يلبسه ويناظرها : لا تفكرين انك نجيتي راجع لك ي شاطره وطلع وقفل عليها بالمفتاح وهي انهارت بكى ع الساعه ٦ المغرب عند ريم ماشافت احد طول اليوم غير الخدامه انفتح الباب بقوه وكزت بخوف تقدم منها ويبتسم بمكر : مساء الخير ع الاموره بدت تبكي: الله يخليك خلني ارجع البيت ارررجوك ارحمني الله يرحم والديك قرب وسحبها من يدها وهي تترجاه طلعها من الغرفه وطلعو خارج القصر ركبها وركب جنبها وهي فرحت تحسب انه بيتركها ظلت ساكته وتدعي وهي تشوف الشمس غابت وقفت السياره ونزل ونزلها معه ناظرت المكان مافي غير عماره و حولها ٥ سيارات سحبها وتوجه لها دخل وكان المكان مليان رجال وحراس تركها ع جنب بعد ما امر حراسه يربطوها ويقفلون عيونها نزل واحد اجنبي لابس لبس رسمي وقبعه وبيده اللي تمليها الخواتم سجاره كوبي تقدم ووقف قدامه : اين هي بضاعتي مستر احمد قرب الشنطة منه: ها هي واين نقودي فتح الشنطه واخذ كيس من تحت ورماه لاحد حراسه اللي فتحه ع طول وذاق منه رفع راسه واشر له انه ممتاز رجع نظره لأحمد : عمل ممتاز. ونقودك ها هي ناظر واحد خلاه يقرب بالشنط اللي فتحها قدام احمد كانت 4 شنط : والأن اين هي الفتاه احمد اشر له عليها : حسناً اقتلوها احمد: اريدها الليلة وسوف اقتلها بعدها : هههه يالك من حقير تستغل الفرص ابتسم احمد بمكر: تعلمنا منك راح وسحب ريم ويبي يطلع بس سمعو اصوات بالمكان " سللللم نفسسسك المكان محاصر" كل واحد منهم طلع سلاحه واخذو اماكنهم بداخل العماره واحمد ماخذ ريم وحاط المسدس على راسها احمد يصر ع اسنانه: تلللللعبببببين مععععي ي بنننت الكلب.. اوريك خليني اطلع بس من هنا والله لقطعك قطعه قطعه قبل اموتك وانهيك ريم مرعوبه واصوات اطلاق النار بدت بين الطرفين سحبها لفوق وهو يطلع معه حراسه اللي شايلين الشناط اللي فيها الفلوس كان يبي يهرب بالهليكوبتر اللي فوق العماره وصل فوق بأمان والهوا قوي بسبب مروحية الهليكوبتر بس تفاجأ وهو يحس بمسدس على راسه : ارمي سلاحك وسلم نفسك مازالت ريم معه والسلاح عليها التفت وصار مقابله وانصدم من منظر حراسه اللي كانو خلفه وتم تصويبهم بسلاح كاتم : ههههههه اذا بتقتلني راح اقتلها.. خلني اروح وانا اتركها : قلتلك المكان محاصر مافي امل للهروب سمع اصوات طالعه والتفت الشرطي واحمد استغل الفرصه وصوب عليه وطاح الشرطي بألم وصل الطياره ودف ريم بعيد عنه طلع ع السلم وعشق المسدس عليها وطاااااااااخ وصلت بيت اهلي اللي كانو منتظريني ماما وهي تحضني : ي هلاااا تو مانور البيت ابتسمت وضميتها اكثر وبستها: بنورك يمه دخلت وسولفنا كثير وطلعت مع دانه نسولف شوي بروحنا كنت جالسه ع سريرها وهي جنبي دانه: ماتغير شي بعلاقتكم؟ تنهدت: لا والله دانه: يعني تقريبا باقي لك اسبوعين وتجين عندنا جوانه: للاسف ايه دانه مسكت يدي: جوانه انتي تحبينه؟ جوانه: احبه؟؟؟ دانه: احس انك تحبينه .. لا تحاولين تخبين ذا الشعور اللي بداخلك جوانه: ما اخبيه .. صح حبيت اسلوبه الجديد معي وضحكته ودلعه لي بس مو قادره انسى ماضيه وقسوته دانه: لازم تنسين وتفتحين صفحه جديده معه جوانه: مستحيل مستحيل انسى دانه: وش يفيد لو عشتي بالذكريات؟ بيتغير شي؟ بتكونين سعيده؟ طبعا لا .. اجل ليش تسجنين نفسك بماضي لاهو بيدك ولا يده .. هو ماكان يعرف عنك شي طبيعي يقسى معك جوانه: سهل عليك الكلام لانك ماعشتي اللي عشته انا دانه: صح بس حاسه فيك. وعموما مابضغط غليك بس انا متأكده انك مابتكونين سعيده الا معه جوانه:المهم ماعليك مني خبريني عنك وعن امجدوه كيفه معك تنهدت بضيق: تمام جوانه: وش فيك ليش تضايقتي دانه: مافي شي مهم بس امجد يبي يغير اشياء كثير فيني وانا ما اتقبل ف نتهاوش على طول جوانه: ليش طيب؟ وش اللي بيغيره؟ دانه: يغار علي كثير لدرجة مره كان بيضربني شهقت بخوف: يضرررربك؟ ليش؟ وش صار؟ دانه: ابد ماكان فيه شي يستاهل بس رجعت في تكسي وعطاني رقم واخذته وهو شافني وقال ان الرجال يرقمني وانا عادي عندي ف قلت له تحسب الناس مثل عقلك الزباله يازبال. وبس قام كان بيضربني بس مسك نفسه ابتسمت بتصنع: لا بصراحه ما معه حق كيف يحاول يضربك ع شي تافه زي كذا دانه: ايه وانا قلت بعد ناظرتها بجديه: خبلللله انتي من جدك تشوفين اللي سويتيه عادي؟ دانه: ايه جوانه: ياويلي. انا جواد لو يشوفني كذا او يسمع مني هالكلام اتوقع يقتلني. يعني احمدي ربك ع اللي عندك دانه: ههههه والله احس عادي جوانه: غلط ي روحي الرجال غير عننا مايسمح لبنت ترفع صوتها عليه حتى وان كان يحبها.. يحسها اهانه له مستحيل يتقبلها.. وبالنسبه للغيره من حقه يغار بالعكس افرحي معناته يحبك كثير دانه: يعني انا غلطانه؟ جوانه: من راسك لرجولك تنهدت بضيق: اجل بحاول اصير اسمع كلامه ولا اثير غيرته ابتسمت: ايه شاطره دانه: هههههه شايفتيني بزر جوانه: والله بعد هالكلام ايه اشوفك بزر طق طق طق فتحت امي: يلا تعالو العشا جاهز ابتسمت وطلعنا بعدها جلست وامي تمد يدها تاخذ صحني عبير: سويتلك ورق العنب اللي تموووتين عليه جوانه: ي روووحي من جد مشتاااقه له ورق العنب من يدك غييير دانه: اييه الله لنا ماكنتي تسويه الا يوم جوانه هنا مدت الصحن لي كنت مبتسمه بس وجهي انعفس من الريحه مدري ليه احس ماحبيت ريحته غصبت نفسي عشان اكل لقمه بس ماااقدرت وقفت ع طول ع الحمام واستفرغت كل اللي ف بطني وقفت وغسلت وجهي كم مره اخذت لي منديل ورجعت لهم وشفت امي مبتسمه عبير: تعالي يمه اجلسي دانه بإستغراب: وش فيك؟ جوانه: مدري ماقدرت اكله من شميت ريحته حسيت بغثيان عبير: جوانه حبيبتي شكلك حامل كنت شايله كوب مويا بيدي ومن الخرعه طيحته وانكسر عبير: بسم الله عليك شفيك كنت مفهيه وفاتحه فمي بتفاجأ هزت دانه كتفي دانه: جووووانه حبيبتي شفيك وقفت بسرعه وطلعت هذا اللي ما حسبت حسابه الحمل معقوله معقووووله اكون حامل لالالا مسسستحيل مستتتتحيل فتحت دانه الباب وجلست جنبي وهي تمسك كتوفي دانه: ماعليك امي ماتدري عن علاقتكم تحسب انك حامل. بس عاد انا مافكرت اكيد مو حمل ههه لا تتضايقين ناظرتها والله انتي اللي ماتدرين وش صاير جوانه: احم اممم انا انا و جواد صارت بينا علاقه بققت عيونها وهي تشهق: ككككككيف جوانه: اممم يعني بالغلط اقصد ماكان نبي هالشي بس يعني دانه: وانا على نياتي حسبت مابينكم شي بس كيف وانتم كارهين بعض جوانه: مو قلتلك تغير بلندن وقتها يعني .. المهم الحين خايفه جد اكون حامل دانه: طيب خذي لك جهاز حق الحمل وشوفي تنهدت بضيق: الله يستر صرخخخخت بخوف وهي تسمع صوت الرصاصه قريب منها وتسمع احد يتألم ومو عارفه شي وتحاول تفك الحبال عنها سمعت اطلاق نار اكثر وبعدها احد شالها ونزل فيها وظل ضامها بقوه وماسك ع راسها وشوي وغمضت بخووف من صووت الانفجار القوي اللي صار وهز المكان هدت الدنيا ووقف اطلاق النار ومازالت ترجف وتصرخ ساعدوني بيد ترجف فتح ربطة عيونها رمشت كم مره تحاول توضح الرؤيه شافته حاضنها ويبتسم بألم ريم بتفاجأ: جججااااااد؟؟؟ وش تسوي هناااا تحرك وبان الالم ع وجهه مع اه اطلقها بدون مايحس انتبهت ريم وصرخت وهي تشوف صدره مليان دم طلعت الشرطه لعندهم ومن شافتهم ريم اللي تبكي وحاضنه جاد ريم: سااااعدووووه تككككفون بسرررعه اخذوه بسرعه وكانت سيارة الاسعاف جاهزه وتم نقله للمستشفى وريم كانت معه بعد كم ساعه وبعد ماسوو له عمليه طلعو الرصاصه اللي بالجهة اليمنى من صدره فتح عيونه بتعب وناظر حوله وتذكر اللي صار قبل يوم دق جاد ع الضابط جاد: السلام عليكم الضابط: اهلين استاذ جاد وعليكم السلام جاد: بسألك عن ريم وش صار بخصوص العصابه الضابط: بصراحه ريم تواصلت مع العصابه وكلفوها في مهمه جديده وهي اكدت علينا انك ماتعرف شي بس لازم اخبرك ريم سافرت الدمام جاد متفاجأ: لللليش خبره كل شي وقفل منه اخذ جواله واتصل جاد: دبر لي رحلة بطياره خاصه الحين ع الدمام : حاضر طال عمرك طلع وسافر بنفس الوقت وجن لما عرف ان ريم في بيت واحد منهم جاد: ممممستتتتحيل اخليها هناك الشرطي: استاذ جاد ممكن تهدا احنا حاطين جهاز تنصت بملابسها وصدقني لو حسينا ان حياتها بخطر راح نداهم القصر جاد: بسس صعبه الشرطي: انت ماتبيها تعيش حياتها مرتاحه.. لازم نظل نراقبهم لحد موعد تسليم البضاعه حاول يصبر وظل سهران ولا قدر ينام لحد اليوم الثاني المغرب تحركت السيارات من القصر وهم لاحقوهم من بعيد لحد ما وصلو سمعو اللي دار بينهم ويوم سمع جاد عن قتل ريم هجمو الشرطه ع العماره وهو توجه للخلف طلعو هو ومجموعه من الشرطه بواسطة الحبال للسطح شافه ماسك ريم والمسدس ع راسها خاف يتقدم وهالحقير يأذيها قرب من الخلف بس يوم شافه يوجه المسدس بإتجاه ريم ركض وصدها وجت الرصاصه فيه والشرطه ظلو يطلقون ع المروحيه اللي بدت تبي تطير وهو اخذ ريم رغم المه ونزلها وانفجرت الطياره باللي فيها غمض عيونه بألم ورجع فتحها دخل عليه الضابط الضابط: الحمدلله على سلامتك ابتسم بتعب: الله يسلمك الضابط بأبتسامه: لا انت لازم تشتغل معنا بصراحه نحتاج لاشخاص مثل شجاعتك ابتسم: ما سويت الا واجبي ابتسم الضابط وربت على يده: الله يقومك بالسلامة ان شاء الله و اللي سويته مايسويه اي احد ابتسم جاد وكمل الضابط: القسم كان راح يخبرون عائلتك الكريمه بس فضلت اسألك حاب انهم يعرفون والا لا جاد: لالا انا بخير لحد يخبرهم الضابط: ابشششر. ويلا عن اذنك جاد: لو سمحت امم ريم وش صار عليها الضابط بأبتسامه: لا تخاف البنت تمام والحين بالغرفه الثانيه اعطوها مغذي عشان مو قادره توقف وضغطها نازل تنهد بأرتياح: والعصابه؟؟ الضابط: مسكنا راس العصابه والثاني احمد توفى بفضل الله ثم جهودك انت والشباب وبعد اللي كانو بالرياض ابوعبدالعزيز وسليمان وسعدون تم تتبعهم والقبض عليهم كلهم ولله الحمد وعلى شركائهم جاد: الحمدلله استأذن الضابط وطلع وجاد ظل يفكر في ريم رجعت البيت دخلت غرفتي فسخت عباتي وفتحت شنطتي اخذت الجهاز واحس خايفه مو قادره اسويه لو طلعت حامل بتكون مصيبه جواد راح يضطر يخليني على ذمته غصب عنه تنهدت وأخذته وقريت الطريقه وحللت انتظرت وماهي الا ثواني وبان خط واضح والثاني خفيف طاح قلبي طلعت واخذت جوالي وتأكدت ان الخطين معناها حمل لالالا كككككيف كييييف مستحيل اللي اشوفه. أكيد فيه غلط اكيد فيه غللللط. . فتحت الدرج وتركته فيه لازم اسأل امي عشان اتأكد. تسطحت مابي افكر بشي غمضت عيوني ونمممت ع طول دخلت ريم شافته نايم قربت منه مسحت ع شعره وهي تبكي بصمت حس بوجودها وفتح عيونه بتعب ابتسم : لا تبكين حبيبتي انا بخير مسحت دموعها: مجنون ليش جيت جاد: وتبيني اتركهم يقتلون حبيبتي ريم: وتضحي بحياتك عشاني؟ جاد: اذا ماضحيت عشانك اضحي عشان مين؟ انتي كل حياتي ي ريم. معك عرفت معنى الحب ابتسمت ريم: صاير رومانسي ماعرفتك جاد: هههه تأثير الرصاصه ريم: اخليك ترتاح وانا بروح الضابط قال يبيني جاد رفع يده ويمسح ع شعرها: ماعندك غطا؟ ريم توها تستوعب: لا طاحت شيلتي جاد: طيب غطي نفسك بأي شي او كلمي الممرضات يعطونك شيله. اغار عليك ريم ابتسمت : حححاضر جاد كنه تذكر: كلمتي مازن؟؟ ترا كان خايف عليك ريم بخوف: لا. انا مدري كيف بشرح لهم جاد: انا خبرته كل شي كلميه وطمنيه ريم: طيب وطلعت من عنده واستكملت التحقيق مع الضابط وخبرتهم بكل شي وطلعت الضابط: تقدرين تتفضلين. وشكراً على تعاونك معنا. لولا الله ثم انتي ماكان قدرنا نمسكهم ريم: العفو والشكر الأول والأخير لكم الضابط: راح تتفضلي معنا الحين الطياره بإنتظارك ابتسمت وراحت مع الشرطي وطلعو ع السياره متوجه للمطار وكل تفكيرها بجاد اخذت الجوال اللي اعطوها ياه ودقت ع مازن مازن: هلا ريم: مازن انا ريم مازن: رررريم وووينك انتي وش صار؟؟ انتي بخخخير؟ ابتسمت : الحمدلله انا بخير وخلاص كلللل شي انتها كككل شي انتها ي مازن ابتسم بفرح: الحمدلله رب العالمين ريم: الحين انا رايحه المطار راجعه ع الرياض مازن: اوك راح اكون بانتظارك بالمطار ريم: لا ماله داعي اخذ تكسي مازن: وشو تكسي وانا موجود. اقول انتظريني بس يلا بروح اجهز نفسي باي ابتسمت ريم: باي في مكان بعيييد في مدينة الضباب واقف على بلكونة الفندق اللي جالس فيه وبيده سجارته وسرحااااان.. مو قادر يروح القصر من يوم راح لندن وهو بالفندق ناظر السماء غمض عيونه واخذ نفس عممممميييييق وده ينتشل الضيقه اللي بداخله فتح عيونه وبنبرة يملاها الالم: اشتقتلك. بالحييييييييييل اشتقت. في اليوم الثاني منار حاضنه ريم وتبكيي ريم تبتسم: هالكثر تحبيني وانا مدرري منار: حمممماره ليش ماعلمتيني بكل ذا للللليششش ريم: ماحبيت ادخل احد بمشاكلي منار تمسح دموعها: انا كنت شاكه والله في البنات اللي بالجامعه كنت اقولك اشكالهم مو بطبيعيه ريم تنتهد: خلاص الحين ارتحت منهم الحمدلله كله بفضل الله ثم جاد اللي وقف معي منار بنص عين: صراحه الحق ينقال طلع رجال وكفو غير نظرتي له ريم: ههههه الحمدلله منار بهيمان: الللله كان بيموت عشانك. وين فيه شخص هالايام يضحي بحياته عشان حبيبته جاها صوت من عند الباب : انا مستعددد اموت قدامك الف مره لو تبين بس ارجعي لي منار تغيرت ملامح وجهها وقالت بحزن: انا متزوجه وزوجي مستعد يضحي بحياته عشاني وما احتاج غيره فتح الباب ودخل بعصبيه وريم وقفت تبي تطلعه ومنار مازالت جالسه مازن: زوووجك اللي تقولين عنه اكبرر كذاااب ترا يلللعب عللليك وقفت منار وهي تغطي نفسها: ما اسمح لك. تحسب الناس كلها مثلك استغلاليه ريم: خلاص مازن اطلع مايصير اللي تسويه ناظر ريم: لازززم تسمعني فيصل حقققير رفع نظره لمنار: اسمعيني بس شوي في موضوع لازم تعرفينه منار: اعرفه موضوعك مايحتاج تتعب نفسك مازن : منار تكفين اسمعيني وصدقيني تكككفين لا تتزوجين فيصل تراه احقر مما تتخلين ويب.... قاطعته منار: يبي يشوه سمعتي وينشر صوري لو ماتزوجني مازن فتح فمه من الصدمه مو قادر يستوعب ان فيصل سبقه وعلمها مازن: ايه هالكلام صحيح ي منار صدقيني فيصل مايستاهلك منار: انت اللي ماتستاهل دقيقه وحده اضيعها معك مازن مصدوم : ليش؟ انا وش مسوي لك؟ منار بسخريه: هههه تقتل القتيل وتمشي ف جنازته.. الحين مو انت مهدد فيصل اذا مابعد عني تشوه سمعتي مازن بقق عيونه: اننننااااااا؟؟؟ منار: اجل انا؟ مازن: لا منار مستحححيل اسوي شي يضرك انا ماضريتك حتى يوم تركتك بليلة ملكتنا كان اقدر اتكلم واشوه سمعتك زي ماتقولين بس صدددقيني انا اموووت ولا يمسك شي منار تحاول ماتتأثر: لا تضحك علي بها الكلام اساسا الناس حكو فيني لين شبعو والحين ارجججوك اترككني اعيش حياتي مازن: منار انتي مو فاهمه شي هذي لعبببه منه والله لعبه فيصل الوسخ يلعب عليك طنشت كلامه واخذت شنطتها وطلعت وهو لف بيلحقها بس ريم وقفته ريم: خلها ي مازن خلاص انساها منار مستحيل ترجع لك مازن بصدمه: لالالا هذا ساحر ي ريم خلاااص غير تفكيرها وقلب عقلها ع الاخررر ريم: تعال اجلس وخبرني السالفه جلس وقال لها كل شي صار مع فيصل وكيف سجنه وكيف يتصنع البراءه قدام منار وكيف هدده ريم بصدممه: ككككل هذا يطلللع منه؟؟ مازن بحزن: اي والله ريم : وكيف نقنع هالخبله تصدقنا هز كتوفه بيأس: ما اعرف يمكن مانقدر واخاف نضغط عليها وتعاند وتتزوجه ريم: طيب فهد قول لفهد مازن: هه فهد يكرهني اكثر من منار ومستحيل يسمع مني ريم شافت مازن مهموم وسرحان حطت يدها ع كتفه : لا تخاف راح نلاقي طريقه. كل مشكله ولها حل اخذ نفس ووقف: ان شاء الله طلع وتركها طلع يفطر مع خويه كان جالسين ياكلون وصديقه يتكلم بس فهد مو معه ابببد بدر: اقولك عاد انا هنا ماتحملت قمت ضربته لين عض الارض ناظر في فهد اللي مسرح: نحن هنا ي بو الشباب فهد التفت له: هاه معك معك. ايه قلت لي اخذ محفظتك وبعدين؟ بدر: اوووهووو والله منت معي ابد خلصتها من زمان سالفة المحفظه فهد: اعذرني ي خوك في موضوع شاغل بالي بدر: معذور معذور... . الموضوع فيه بنيه ابتسم: اي والله بدر: وش السالفه؟ فهد تنهد بضيق: ااااخ سالفه طويله مايمديها الحين بدر: هونها وتهون وانا اخوك هز راسه وابتسم: ان شاء الله التهى بدر بتصوير سنابات وفهد اخذ جواله وبعد تردد كتب ( منيره انا ضغطت عليك كثير وانا اسف ع هالشي بس ابيك تعرفين اني حبيتك من قلبي وللحين احبك بس دام حبي لك يسبب لك الالم اوعدك تكون هذي اخر رساله مني واوعدك اختفي من حياتك بس قبلها ابيك تسألين نفسك انتي تكرهين فهد؟ فهد اللي كلمتيه اللي ماشفتي منه الا كل الحب والخير فهد اللي مستعد ينسيك كل الالم اللي عشتيه والعذاب اللي تعذبتيه.. القرار بيدك ي منيره انا ماعاد راح اجبرك اكثر. لو تبين تنسين انا مستعد انسيك ولو تبين تظلين طول عمرك حابسه نفسك بهالظلام ف ماراح اقدر اقول غير الله يوفقك) وارسلها لمنيره اللي من شافتها نزلت دموعها واحتارررت تقبل وتكمل معه والا تبعد عنه مسحت دموعها واخذت جوالها واتصلت ورد فهد بسرعه بس ماتكلم ينتظر قرارها منيره بعد تردد: فهد انا امممم انا ودي يعني فهد: وش تكلمي انا معك في قرارك وماراح اجبرك على شي منيره اخذت نفس: انا احبك فهد الفرحه ما وسعته: ووووش؟؟ انتتتتي وشششش؟ منيره بإحراج: احبك صرخ بصوت عالي لحد كل اللي بالمطعم ناظروه باستغراب بس طنشهم وطلع برا وهو يتجاهل كلام بدر منيره ابعدت الجوال عن اذنها وهي تبتسم: ههههه وش جرالك؟ فهد يتنفس بسرعه والابتسامه شاقه وجهه: اخخخخيرررا اخيرا سمعتها منك ااااه وش كثر مشتاق لها وش كثر ابيها قوليها تكفين عيديها بشبع منها منيره منحررررجه مو قادره تتكلم فهد: اللللووووو منيره: ه هلا معك فهد: هههههه ماراح تعيدينها؟ منيره: اممم اقدر اكمل كلامي فهد: كملي كُلي آذآنٌ صاغية ابتسمت منيره: اممم بصراحه ي فهد كنت اكرهك حيل بس لما كلمتك تغير هالكره شفت فيك انسان ثاني وحبيتك ولما حسيت بها الحب ابتعدت عنك عشان اللي صار بس حبك ظل بقلبي احبك واكرهك بنفس الوقت بس بعد اخر مره كلمتني جلست افكر بكلامك وانك مالك ذنب وحبيتك اكثر من قبل والحين من شفت رسالتك ماقدرت افكر انك راح تبعد عني انا ابيك تظل معي فهد كثر فرحان: وانا معك من الحين لأخر ايامي وكمل بأستهبال: متى نتزوج مافيني صبر منيره : هههههه لسى مطوللللللييييييين فهد يبتسم: عادي انتظرك العمر كله اهم شي تكونين معي منيره: يعني اقل شي اخلص الثانويه وبعدها نخطب فهد: الله يصبرني على بعدك وتذكر شي: تتوقعين اهلك يوافقون علي؟ منيره : اممممم مدري بس ايه ليش لا خصوصاً هنا صار الكل يحب جوانه وانت ولد عمها اتوقع راح يوافقون ابتسم فهد: الله يسمع منك سكتت وهو ابتسم والفرحه مو واسعته "" كن الليالي اللي مرو في غيابك سنين اخفي مواجع غربتي وحنين اشتياقي "" ***بعد عدة ايام*** وقف بعد ما جفا عيونه النوم وهو يطلع من غرفته لغرفة ريم دق الباب ومن سمع صوتها دخل بسرعه مازن: زين انك صاحيه ابتسمت: تعال دخل وجلس ع كرسي التسريحه بعد ماسحبه لعند سريرها شافت وجهه مهموم ومضايق: مازن شفيك تنهد: منار هدت حيلي والله هدته. سدت كل الابواب في وجهي. احس اني مكتف لا قادر اوصل لها ولا قادر احميها ريم حزنت عليه: مازن انساها.. ربي كاتب لها يكون نصيبها شخص غيرك لا تعترض على حكم الله خلص مازن: راضي بقدري والله اني راضي لو ماكانت من نصيبي بس اللي قاهرني ان هالخسيس فيصل بياخذها والله عندي اذبحه وادخل السجن ولا ياخذها ريم بأسف: اي والله انه خسيس ونذل بس كيف نفهم هالغبيه منار تنهد بقل حيله: علمي علمك. مو راضيه تسمع مني ابد ومبلكتني في كل شي ريم: انا اخاف اكلمها وتعاند اكثر مازن: لالا خليها انا بحاول ادور حل ريم: وش رايك تقابل فيصل وتحاول تجره بالكلام لحد مايتكلم وتسجل كلامه مازن: فكره حلوه بس لو قابلته ذابحه ذابحه ماراح اقدر اتحمل وانا موقع تعهد عدم تعرض وهو اصلا يبيها من الله عشان انسجن وياخذ منار بالراحه ريم: والله مدري هذا الحل الوحيد حاول تمسك اعصابك اخذ نفس وهو يوقف: راح احاول اروح له بكره.. ونشوف ريم: الله يوفقك ويكتب اللي فيه الخير طلع من عندها وحس براسه بينفجر من التفكير. اخذ بندول ضبط المنبه على الساعه تسع ونام في المجلس عند دانه وامجد دانه: امجد يلا قووووم الوقت تأخر امجد يتقهوى وببرود: واذا تأخر عادي بجلس عندك للصبح بققت عيونها: لا والله ابتسم: ايه عندك مانع؟ دانه: مايصير اهلي نامو يلا افضل تطلع التفت لها وبغمزه وابتسامه: يعني فضى لي الجو اقدر اسوي فيك اللي ابي كان يمزح بس ردت بحده: تخسي تلمسني قبل الزواج تغيرت نظراته الهاديه: هاااه بدينا بالغلط. "وناظرها بتحذير: الزمي لسانك قبل يجيك شغل يعدل اسلوبك معي دانه: ايه ماتثبت رجولتك الا بالصراخ ومدة اليد ووقفت زعلانه بتطلع بس وقف بسرعه ومسكها وهو يلفها له ويمسكها من خصرها بقوه امجد: عندي اساليب ثانيه تثبت لك رجولتي حابه تجربينها؟ انتفض كل شبر في دانه من الخوف بس تبين له القوه: اقول انقلع بس واتركني لصقها اكثر بجسمه لحد ماصرخت دانه: ااااخ كسرت ضلوعي وخر عني ي غبي رفع راسها بهدوء وهو يناظرها بهيام: تخسي وانقلع وغبي؟؟ كللللهم بحاسبك عليهم الحين حست ببرودة اطرافها وقلبها يدق بقوه وانفاسها بدت تتسارع دانه بعصبيه: وش بتسوي يعني ماني خايفه منك بتضرب اضرب بس والله ان سويتها انك تحلم اكون زوجه لواحد كلب وخسيس مثلك ابتسم ببرود ومازال لاصق فيها وهي تحاول تتحرر: زودن على اللي قبل كلب وخسيس؟ دانه مقهوره من بروده ومو قادره تفلت منه تدفه تحاول تتحرك ولكنه مثل الصخر ما اثرت فيه محاولاتها الضعيفه امجد: اششش اهجدي معاقبك معاقبك ماراح تفلتين مني دانه حست ان العصبيه ماراح تجيب فايده ف هدت نفسها ووقفت عن الحركه شوي ورفعت راسها تناظره دانه بدلع: انااا اسسسفه حبيبي وربي ما اعيدهاااا بس اتركني كانت تحسب انه بيتركها ولكنه شدها اكثر له وهو دايخ من دلعها اللي ماجا بوقته امجد: في رجال بالدنيا يكون مع بنت جميله مثلك ومقفل عليهم باب ويتركها؟؟ رجف جسمها بين يدينه: و و ش تقصد امجد: ابيك بلعت ريقها: امجد ابعد واترك هالكلام الفاضي. قريب بنتزوج خلاص امجد: متى؟؟ تعبت كل ماقلت لك اجلتي انا مو قادر استحمل اكثر تحاول تفلت ويشدها: خلص موافقه بالوقت اللي تبي والله موافقه بس اتركني امجد: والله يا عزيزتي تأخرتي مره دانه بعصبيه رفسته برجلها في مكان ماقدر من بعدها الا انه يفلتها وينطوي على بطنه وهو يتأوه بألم بدت بتهرب بس مسكها من معصمها بيد ومازال منطوي ويده الثانيه مكان الالم. سحبها لحد صارت مقابلته رفع جسمه بهدوء ووجهه معفوس من الالم بس شاد يدها بقوه امجد: قد هالحركه يا دانه دانه تصر ع اسنانها وتحاول تحرر يدها: ابععععد ي حقييير وربي ما اسامحك ي امجد ابببببعد سحبها ولزقها في الجدار: انتي يبيلك اربيك من اول وجديد ولسانك ذا يبي له قص دانه: الله يلعنك اببببعد امجد: كنت ماراح اسويلك شي بس بهبل فيك. بس الحين والله ما اخليك لين اربيك واعلمك كيف تحترميني دانه بحده: استح على وجهك.. ابوي مأمن فيك ومدخلك بيته وانت تخونه؟ امجد: والله ما اجرمنا.. انتي زوجتي ومحد يقدر يمنعني منك حاولت تفلت منه بس محاوطها بقوه ناظرته برجاء: واللي يسلم عمرك امجد اتركني.. حرام اللي تسويه والله حراااام امجد: لا بالله مهوب حرام الا حلالي دانه بدت دموعها تنزل: اسسسفه والله اسسسفه انا غبيه وانا خسيسه وانا كلبه وانا حقيره. بس لا تسوي لي شي حن عليها وكسرت خاطره ولكن مو قادر يقاومها دموعها وضعفها بين يدينه زادت من جنونه فيها ومافكر في هاللحظه غير انه يبيها وميت عليها وبس نزل راسه يبوسها بجنون ودانه تحاول تبعد ولكن كان اقوى منها طيحها وصار فوقها دانه تبكي: لا تسوي شي تندم عليه مابي اكرهك امجد تعوذ من ابليس امجد: حرام بالله ما اتعوذ وانتي قدامي.. واذا غلطت ف صدقيني حاليا انا تحت تأثيرك ذهب عقلي مني دانه: حرام علييييك ابي هالشي وانا راضيه مابيه كذا ماااابيه امجد ولا كأنه يسمعها: سامحيني الواحد ما يقدر يمسك نفسه قدام الحرام فما بالك لو كان المحظور مباح وحلال تتوقعين امسك نفسي .................................................. . عند جاد كان باقي بالدمام ماحب يرجع الرياض عشان لسى حاس بتعب شوي وما حب احد يشوفه من اهله .. طلع من الحمام بعد ما اخذ له شور يريح اعصابه شاف جواله يدق اخذه جاد بإبتسامه: هلا وغلا جواد: هلابك.. كيفك وكيف ابوي وامي جاد: الحمدلله الكل بخير وابوي بيذبحنا انا وانت جواد: هههههه وليش؟ جاد: انا باقي بالدمام وانت يقول ماتداوم وهو انكرف بالحاله ابتسم وتنهد: الله يكون بالعون جاد حس فيه: انت طمني عنك عساك طيب تنهد تنهيدة طالعه من اعماااااق قلبه جواد: لا بالله ماني بطيب. والتعب واصلٍ حده فاقد والفقد موجع، والكون ضايق بي ومخنوق ياخوي كانك تبي حالي من عقب صده شفني مبتسم واضحك وداخل القلب "محروق" جاد حس بضيقة اخوه: من اللي مضيقن صدرك هالكثر.. وش فيك ي جواد علمني تنهد بضيق: اااخ اخ فيني من الهم ما لو حمّلته جبال لنهدت جاد خاف عليه جواد مو من النوع اللي يحب يشكي جاد بخوف: ي ابن الحلال تكلم طيحت قلبي جواد تنهد: جوانه جاد: وش فيها جواد: اعيش صراع مابين عقلي الراجح وقلبي المسيير جاد فهم عليه: عقلك الراجح ذا خله على جنب شوف قلبك وش يقولك واتبعه تنهد: مو قادر حواجز كثيررره واقفه بطريقي جاد: اكسرها وتقدم ولا تخاف ي جواد جواد: اتقدم مع علمي ان نهاية هالحواجز حفره عميقه لو طحت فيها ماقمت؟ جاد: شفيك اليوم تتكلم بالالغاز؟ جواد تنهد: جوانه تكرهني جاد: خلها تحبك جواد بيأس: كيف؟ جاد: عبر عن مشاعرك طلع اللي بقلبك عطها فرصه تحبك جواد بألم وسخريه: ههه كيييف تحب واحد مثلي واحد الحقد عما عيونه وسوا فيها اشياء مايسويها عاقل جاد: جواد ماعليك من اللي سويته قبل حاول تفتح معها صفحه جديده جواد: خايف ي جاد خايف جاد: جواد الهامي بجلالة قدره يخاف؟ تنهد: اخاف احبها وتتركني. واخاف ابعد واتعذب جاد: لسى خايف لا تحبها انت حبيتها وخلصت تنهد بضيق: مو بيدي. ما اخترت ذا الشي جاهدت نفسي كثير ولكنها عصتني جاد: يعني هذا اعتراف منك انك تحبها؟ جواد: ااااه ايه احبها و ميت عليها ومشتاق لها .. ااااخ يا جاد ليتني مت ولا حبيت جاد: وش ذا الكلام ي رجال الحب مو عيب ولا حرام وماحبيت شخص غريب حبيت زوجتك ارجع و اعترررف لها اطلبها السماح ترجاها تسامحك ابتسم بألم: كرامتي ماتسمح لي انهزم قدامها واعلن لها استسلامي. مازال جيش دفاعي يقاوم بشده جاد: اجل بتتعب كثير وانا خوك تنهد بضيق وسكت جاد: ارجع ي جواد ارجع وحاول قبل ينتهي هالشهر اقلها تكون حاولت جواد: انت مفكر اني ماحاولت؟؟ انا ماسافرت الا بعد ما يأست... والحين ماعاد فيني للصده جاد: الله يكون بعونك. بس الافضل ترجع ترا ماراح تقدر تنساها لا تقول فتره وانساها. ما الحُب الا للحبيب الاولِ ابتسم جواد رغم المه: صاير تنقط حكم جاد: هههه سمعتها من ريم جواد يتناسى : الا وش وضعكم جاد: اااه ي جواد اخوك طاح ومحد سما عليه جواد بإبتسامه: افا جاد: ههههه ماتوقعت اني احبها لها الدرجه جواد: الله يوفقكم يارب جاد: ااامين ويهديك جواد يبتسم : وش فيكم علي انت وامك الله يهديك والله يهديك شافيني ابليس مثلاً جاد: هههههههه لا والله ابليس يمكنّه اعقل وافهم منك جواد يبتسم : استغفرالله بس جاد: اقول لازم تجي هاليومين تشوف البنت قبل تطير من يدك وياخذها غيرك جواد بصدمه: ياخذها غيررري؟؟؟ جاد حس فيه ويزيده عشان يتحرك: ايه اجل بتحسب انها تجلس طول عمرها بأنتظار حضرتك اكيد راح تتزوج بعدك وتعيش حياتها حس بألم بصدره من فكرة ان احد غيره يشوفها او يلمسها جواد بخنقه: قفل ع الموضوع خلص جاد: راح تجي طيب؟ جواد: اشوف يمكن جاد: فكر وقرر بسرعه. يلا سلام جواد: مع السلامة قفل منه اخذ نفس عميق يحس بضيقه.. غمض عيونه وتخيلها وابتسم جواد "اااه موجع شعور الشوق لشخص مادرى عنك ولا فكر فيك.. موجع شعور الحب من طرف واحد. موجع شعووور الخوف من فقدان شخص اصبح قلبك ماينبض الا لجله" تنهد بألم وراح ع سريره تسطح وحاول ينام وبعد محاولات عديده لطرد طيفها من باله استسلم للنوم...... تغيب إلا عن الخافق حبيبي بعيد إلا من أفكاري قريبي أهوجس بك واسولف مع طيوفك واروح لك طواريقي واجيبي على ليل الهوى رسمت وجهك وعطرت النسايم منك طيبي يحسبون المكان أبعدك عني يغيب العمر ما عني تغيبي أشوفك في سواد الليل ومضه واشوفك في نوايبها طبيبي يجيني مع طلوع الشمس نورك وصوتك فوق موجات المغيبي لك بالقلب خفقه وانتفاضه تلوعني ولا ودي تطيبي أحبك يا هتون من سحابه بعثت الحب في قلب خصيبي في صباح اليوم الثاني صحى على صوت المنبه وقف بتعب ودخل تحمم نشف شعره وهو يشوف شكله ويلمس ذقنه مازن : لازم احلق صاير افجع بسم الله رمى المشط ولبس ثوبه وعليه كاب اخذ نظارته وطلع سيارته وتذكر ان عنده شريحه ثانيه أخذها قبل فتره وابتسم دورها بدرج السياره وحصلها. فتح جواله وركبها وهو يدعي انها ماتكون انفصلت ركبها وجرب اتصل على رقمه واتصلت يعني شغاله. فتح صفحة رساله وارسل ( منار لو منتي مصدقتيني راح اثبت لك اليوم ان زوجك اللي فرحانه فيه نذل وبايعك ولا هميتيه. انا قبل اكون حبيبك انا ولد خالتك. اللي يضرك يضرني. صدقيني بس هالمره وردي علي. راح اخليك تسمعينه بنفسك وتعرفين الحقيقه) وارسلها وتحرك ع المستشفى دخل البيت وهو يركض والعرق يتصبب منه ناظر ساعة يده وابتسم انه اليوم ركض اكثر فتح المويا ورشها على راسه وشرب الباقي جا بيدخل البيت بس شاف اخوه جالس يدور بالحديقه وجواله بأذنه بس واضح متوتر ومايكلم احد راح له فواز: السلام عليكم التفت له ناظره وكنه ماله خلقه ولا نطق بشي ولسى يدور وجواله بأذنه فواز: رد السلام واجب امجد ينزل جواله: شتبي انت الحين فواز: اعصااابك لا يطق لك عرق امجد: اووووه اطلع من راسي فوازوه وتركه وطلع سيارته رمى جواله جنبه مسك المقود بيدينه ونزل راسه عليهم.. مو متخيل حجم الخطاء اللي ارتكبه.. غلط ومعترف بغلطه.. بس يواسي نفسه انه ماسوا شي حرام هي حلالة.. ولكن صوت تأنيب ضميره يوجعه شكلها دموعها خوفها رجفتها كل هالاشياء جالسه تأنبه بقوه امجد: ماكان لازم يصير اللي صار صدقتي ي دانه والله اني كلب وخسيس .. ااااخ وين كان عقلي ووووين رفع راسه وحرك سيارته بإتجاه بيتها ولا يدري وش يسوي صار لها شوي تقرا رسالته ومتردده تصدقه وتسمع كلامه والا لا منار: مو خسرانه شي خلني اشوفه وش يبي يثبت دقت عليه ورد بلهفه مازن: هلا يابعد كل هلي منار: قول اللي عندك بسرعه مابي اطول مازن: حاضر من عيوني. بنزل الحين عند هالنذل منار تقاطعه: ما اسمح لك تغلط عليه مازن انقهر بس متماسك: حاضر ما لك الا اللي يسرك. المهم بنزل لفيصل وخليك معي راح تسمعين كل شي بنفسك تمام؟ منار: طيب نزل من سيارته واتجه لغرفة فيصل دق الباب ودخل بهدوء ظاهري وبقلبه نااار تغلي ناظره فيصل بعصبيه فيصل: نعم وش تبي؟ مازن يحاول يمسك نفسه مايعصب: ممكن اتكلم معك شوي فيصل ناظره بتفحص وكأنه حس ان وراه شي: تفضل جلس وحط الجوال ع الطاوله اخذ نفس وناظره مازن : ابي صور منار واوعدك ابعد عن طريقكم زي ما قلت لي ارخى جسمه للخلف وناظر مازن بتفحص وابتسم بسخريه: وش اللي غيرك؟ من كم يوم جاي عندي وتضرب وتسب وتلعن وش صار الحين؟ مازن: حقك علي وانا اسف بس عطني الصور خلاص. حرام منار مالها ذنب عشان تبتزني بصورها ضحك بصوت عالي بسخريه ووقف من ورا مكتبه تقدم وجلس في الكرسي اللي مقابل مازن فيصل: انت الظاهر عندك مرض فقدان الذاكره. تنرفز بس مسك اعصابه: فيصل عطني الصور والله ماعاد تشوف وجهي فيصل: غلطان ي مازن ماعندي اي صور كلها حرقتها من وقت سلمتني ياها لاني واثق في منار ثقه عمياء. وبالنسبه للابتزاز على قولتك ف انت اللي مهددني ان ماتركتها تنشر صورها والا نسيت مازن بقق عيونه: انااااا؟؟ فيصل ببرود: الظاهر عندك زهايمر لازم تفحص نفسك مازن بدا يعصب: فيصل لا تجنني انت قلت لو مابعدت عن طريقنا لافضح منار بين اهلها وجماعتها واطلقها ولا فكرت فيصل يسوي متفاجئ : انا قللللت كذا؟؟؟. . حاشا لله ماقلتها لا تتبلى علي يارجال توتر مازن وهو يدري ان منار تسمع كل شي مازن : فيصل محد غيرنا هنا ليش نكذب على بعض ابتسم فيصل بسخريه: اطفال حنا ي مازن تجي تقوّلني كلام ماقلته وتبيني اسكت واقول صادق وقف ومسكه من اللاب كوت بقوه وعصبيه ولزقه بالجدار: انت وش قصصصصتك؟ كييف تنننكررر وانت قايل هالكلام بنفسك ابتسم ببرود وقرب من اذن مازن وهمس بهدووء: الحيطان لها ودان على قولة اخوانا المصريين دفه بقهر: هيييين ي فيصل انا اوريك عدل اللاب كوت ببرود: اعلى مابخيلك اركبه سحب الجوال من المكتب وطلع وشاف المكالمه لسى شغاله رفعه مازن : منار صدقيني حس وماتكلم بس اوعدك اكشفه لك اوع.... قفلت الخط ناظر بالجوال بيأس وقهر: الله ياخذذذذك يافيصل الله ياااااااخذك انفتحت الزنزانه : خوللله فزت بسرعه: هلا : عندك زياره لبست عباتها بسرعه وطلعت دخلت واستغربت وجود رجال واقف معطيها ظهره خوله: احمم التفت لها بنص ابتسامه وقلبها طاح ف بطنها من الخوف خوله: م م مشش عل؟؟؟. مشعل ابتسم اكثر: وش فيك مستغربه جاي ازور حبيبتي الخاينه خوله بتوتر: ه هـ هلا مسك الكرسي وهو يسحبه لها وبنظراته خبث: تفضلي ي روحي ارتاحي توجهت بتردد وجلست وهو لسى خلفها ولسى ماسك الكرسي انحنى لحد قرب من اذنها مشعل: مبروك ي عروس التفتت له بخوف: ووش قصصصدك ابعد جسمه وهو يبتسم بخبث والتف وجلس مقابلها مشعل: خلاص انتي صرتي متزوجه وقفت مصدومه وفاتحه فمها: لا مممستتتحيل انت تكككذب مسستحيل اتزوووجك انت تحلم تحلم ضحك بقوووه لدرجة شكت بنفسها انها قالت نكته رجع راسه وناظرها مشعل باستهزاء : انا ولد حمد الراشد اتزوج وحده خريجة سجون لا ي حلوه ما اتشرف فيك اصلا فاتحه عيونها ومصدومه خوله: اا جل وش قصصدك وقف واخذ نظارته ولبسها: كل شي بوقته حلو ي حلوه قرب منها: قلتلك لا تلعبين معي ي خوله بس ماش ماتسمعين الكلام طب طب على كتفها: اصبري وشوفي والله لاخليك تندمين على الساعه اللي عرفتيني فيها طلع وتركها وهي مو مصددقه ومو عارفه وش يقصد بكلمة انها متزوجه الساعه ٦ المغرب مازال يدور قدام بيتها ولا قدر يرجع اخذ نفس وشجع نفسه راح ودق الجرس بتوتر انفتح الباب شاف ابو دانه ف سلم عليه امجد: اقدر اشوف دانه شوي الموضوع ضروري محمد: اقلط حياك دخل المجلس وابو دانه راح وقف عند الباب وهو يناظر المكان اللي نسى نفسه فيه وصار شخص مايعرفه شخص غلبت شهوة نفسه على عقله.. اخذ نفس وصد يناظر مكان ثاني انفتح الباب خلفه والتفت بسرعه مستعد يطيح عند رجولها عشان تسامحه بس كان ابوها بهت وجهه محمد: اعذرني ي ولدي دانه تعبانه وعليها حراره ولا تقدر تقوم من فراشها انخطف وجهه: وششش فيها؟ محمد: لا تخاف شوية زكام امجد: طيب بوديها المستشفى محمد: حاولت فيها ولكن رفضت وامها عندها لا تخاف حس بقهر من نفسه وشد على يده: اقدر اشوفها محمد: والله انا ماعندي مانع بس دانه ماودها تشوفها بهالحاله امجد: بس اتطمن عليها واطلع والله محمد: ماعليه احترم رغبتها وصدقني ماعليها الا العافيه ان شاء الله اخذ نفس: ان شاء الله.. عن اذنك طلع ركب سيارته وضرب الدركسون بقوه وبقهر امجد: ككككله مني كككككله مني شغل السياره واتجه لمكان من غير تفكير دخل وحجز وطلع من عنده واتجه للبيت دخل وشاف الكل بالصاله تنحنح عشان البنات يغطون وتوجه لهم وهو صاد نظره عنهم امجد: يمه زواجي نهاية الأسبوع ذا ام امجد مفجوعه: مجنون انت وش اللي نهاية الاسبوع اركد ي ولدي هالامور مايبي لها عجله امجد: جاكم العلم. اللي بيحضر حياه الله واللي مايبي بكيفه. وترا حجزت القاعه يوم الخميس وطلع وتركهم مصدومين لمى: لا مو من جده.. خيييير وش اللي حجز ماحجز فرح: والله ضربت فيوزاته ع الاخر ام امجد تصفق يدها ببعض: ولدي جن وقعد كيف يقرر من غير مايشاورنا غيداء: صدقيني وراه بلا. مو معقول يحدد الزواج بسرعه كذا رسيل: ماراح يمدينا نسوي شي بذي اليومين. هذا زواج موب لعبه غيداء: اي والله يمه لازم تكلمينه ماينفع كذا يحوسنا وهو مريح راسه فرح: الا الدلخه دانوه موافقه؟ لمى تهز كتوفه: مدري عنها في صباح اليوم الثاني فتحت عيونها بتعب شافت امها نايمه جنبها جلست وطاحت الكمادات عن راسها ابتسمت وناظرت امها توجهت ع الحمام تحممت وطلعت صلت وخلصت اخذت جوالها وفتحته وانهمرت عليها الرسايل اكثرها من امجد بس ماوقفتها الا رسالة من لمى خلتها تنصدم دقت على لمى ع طول وردت بعد كثير رنات بصوت نايم دانه: الو لمى وش اللي كتبتيه لمى مو معها: وش وشفيك ماكتبت شي دانه: الزواج اي زواج؟ لمى تحاول تستوعب: زواجك انتي وامجد دانه : وش فيه؟ لمى: امجدوه حدد زواجكم يوم الخميس ذا دانه بققت عيونها: موب على كيفه وش اللي الخميس لمى: والله مدري عنه كلميه احنا عجزنا منه راكب راسه دانه: طيب طيب يلا باي بكلمه قفلت منها وطلعت برا الغرفه و دقت عليه رد بلهفه وكنه منتظر اتصالها بس ما ان سمعت كلمة الو استلمته دانه: انت على اي اساس محدد الزواج.. ترا الامور ماراح تمشي بكيفك بكل مره.. قلتها لك مابيك خلاص عافك الخاطر ي امجد.. انتهينا. سامع وزواجك ذا والقاعه انزف فيها مع غيري. والا اقولك ليش بنت الناس تنظلم بواحد حيوان مثلك. زف معك زباله من الشارع لان انت والزباله واحد باي قفلت بوجهه وهو فاتح فمه بيتكلم ولا امداه نزل جواله وناظره بصدمه وتبدلت ملامحه من الصدمه للعصبيه بثواني ورجع دق عليها كثير لين اخيرا ردت دانه: خير امجد يحاول يمسك اعصابه: انزلي بشوفك دانه: وليش ان شاء الله تبي توريني قد ايش انت حقير ونذل امجد بعصبيه: دااااانه دانه: وش بعد امجد: انزلي قلتلك لا ادخل الحين وانزلك غصبن عنك ولا فكرت ف اكبر شنب وقفل بوجهها.. رجعت غرفتها شافت امها باقي نايمه اخذت عباتها وطلعت بسرعه شافت سيارته وراحت بتردد ركبت بهدوء ناظرت فيه كان باين وجهه معصب حرك السياره دانه بخوف: وين ماخذني ساكت ماتكلم دانه: اممممجد اكلمممك التفت لها: نعممم؟ دانه: ي سلام وش اللي نعم جاي وماخذني واخرتها ساكت وش تبي هدا نفسه شوي ووقف على جنب ظل ساكت شوي وبعدها تكلم امجد: ادري معصبه مني كثير لذلك ماراح اواخذك على الكلام اللي قلتيه بالجوال.. وانا جيت اعتذر منك انا غلطت وندمان وعشان كذا حددت الزواج بأسرع وقت عشانك قبل مايكون عشاني دانه: مو على كيفك تحدد انا مابيه الحين ولا ابي اشوف وجهك اخذ نفس : ي بنت الحلال اخاف تحملين وقتها الكل بيعرف اذا ولدتي بدري.. خلينا نستعجل احسن لك دانه انصدمت ولا فكرت بذا الشي ونزلت دموعها دانه: كككله مممنك يا نذذل امجد بتحذير: دااانه. امسكي لسانك ظلت تبكي وساكته وهو ساكت يبيها تبكي يمكن ترتاح وتهدا شوي. ناظرها وكسرت خاطره ماقدر يسكت اكثر امجد: حبيبتي خلاص اهدي صدقيني وقتها ضاع عقلي و ماقدرت اسيطر على نفسي دانه بعصبيه: لانك حيواااان مايهمك غير تشبع رغبتك عصب واشر بسبابته في وجهها: قسماً بالله يادانه ان ماعدلتي اسلوبك معي ل... قاطعته بحده دانه: لا ايش؟ تفرد عضلاتك علي؟ والا توريني رجولتك التعبانه امجد يصر ع اسنانه بعصبيه وهو يحس ان صبره بدا ينفذ: داااانه ترا نفسي تراودني على الشر. لا تخليني استخدم معك اساليب ثانيه تخليك تنخرسين طنقرت وصدت عنه وهي تكتف يدينها وتناظر الدريشه ودموعها على خدها سكت هدا نفسه وتعوذ من الشيطان امجد: والله اللي يشوفك يقول اغتصبتك التفتت له بحده: اجللل وش تسمي اللي سويته امجد: ماسوينا حرام انتي حلالي.. ليش هالتعقيد. قلتلك غلطت ومعترف وندمان بس مو معناته اني اجرمت او ارتكبت ذنب تعاقبيني عليه بكلامك القاسي ذا ماردت امجد: جهزي نفسك زواجنا الخميس.... هذا اللي جيت اقوله لك ماردت بعد امجد تنهد: الله يصبرني عليك تحرك ورجعها البيت وقبل تنزل مسك يدها ف التفتت له امجد بحنيه: والله اني احبك. سحبت يدها منه ونزلت ولا تكلمت اخذ نفس وهو يدعي بداخله ان ربي يعطيه القوه والقدره على تحمل كلامها الجارح ونفسيتها رن جوالي صحيت بكسسسل اخذته ورديت بس ماسمعت غير شهقات ابعدت الجوال اشوف المتصل كانت دانه جلست بسرعه: الووو دانه شففيك دانه تشاهق: مح مح محتاجتك جو وانه تعـ ـا لي طاح قلبي: شفففيك انتي بخير؟ دانه: ابيك جوانه تكفين تعالي جوانه: طيب طيب باي وقفت بسرعه رحت الحمام غسلت وجهي عشان اصحصح وطلعت لبست عباتي حتى ماغيرت بيجامتي ونزلت شفت خالتي بالصاله رحت لها ومن شافتني استغربت سميره: جوانه؟ خير عسى ما شر جوانه: خالتي بستأذنك بروح بيت اهلي اختي كلمتني وتصيح وتقول تعالي ولا ادري وش صاير. تسمحي لي اروح سميره : اكيد ي قلبي روحي وطمنيني. ابتسمت وطلعت على طول كلمت السايق وطلعنا ع بيتنا والف فكره تدور براسي الله يستر الله يحفظهم يارب نص ساعه ووصلنا نزلت بسرعه كان الباب مفتوح استغربت بس مافكرت كثير دخلت ماشفت احد طلعت غرفة دانه فتحت ولا شفتها كنت بطلع بس سمعتها طالعه من الحمام رجعت كانت اثار الدموع باينه ع وجهها من شافتني ركضت وضمتني وبكت اكثر مسحت على ظهرها: ووش فيك اهدي ترا جننتيني وش صار؟ دانه: زواجي يوم الخميس ابتعدت عنها بصدمه: الحين كل ذا الصياح عشان زواجك الخميس ابتعدت وجلست ع سريرها بتعب : ايه ماراح يمديني اجهز شي وتهاوشت مع امجد وسمعته كلام يجرح رحت لها وجلست جنبها وضميتها: الله يهديك طيحتي قلبي حسبت احد مات لا سمح الله.. كانت ساكته وانا كملت: عادي راح يمدينا ان شاء الله باقي ٤ ايام تكفي.. هدت ومسحت دموعها: وامجد؟ جوانه: ليكون بعد قلتي له زبال هزت راسها بلا وهي منزلته جوانه: اجل؟ دانه: قلت له حقير ونذل وحيوان وكلب وهو والزباله واحد صفقت خدي: ي ويل حالي وش هالكلام ي مجنونه؟ دانه: مدري كنت مقهوره منه جوانه: وهو وش كان رده دانه: هددني ان ما مسكت لساني راح بيسكتني بطرق ثانيه.. يمكن قصده يضربني جوانه : ما الومه والله دانه بعتب: الحين انا اختك وتوقفين معه جوانه: انا مع الحق. وش ذا الكلام محد يتقبله. حرام عليك دمعت عينها: هو هو غلطان سوا شي مستحيل اسامحه عليه جوانه: وش سوا؟ دانه: ما اقدر اقول المهم انه يستاهل جوانه:الله يهديك ويعينه عليك عند منار اللي من اخر مكالمة لها مع مازن وهي مو قادره ترتاح تحس بتأنيب الضمير انها شكت بفيصل وتبكي حبها اللي بنظرها مازن مايستاهله اخذت جوالها ومسحت دموعها ودقت ورد فيصل: احلى من يصبح علي منار بهدوء: شخبارك؟ فيصل: تمام ي روحي وانتي؟ منار: انا بخير. اممم بقولك موضوع بس اوعدني ماتتضايق وابيك تعرف ان ماسويت ذا الشي الا عشان ارتاح منه فيصل بخوف: وش؟ وش سويتي؟ اخذت نفس: مازن كان عندك امس فيصل بصدمه: ايه كيف عرفتي؟ منار: بصراحه كنت معه على الخط وسمعت حديثكم حس بصدمه اكبر بس بعد حس براحه كبيره ان ماتكلم وعرف ان مازن واراه شي منار تكمل : مهما قلت عني ف معك حق. ومعك حق لو تزعل. بس ابيك تعرف انه والله ازعجني وانا سايرته عشان يوقف.. فيصل تنهد: حصل خير.. بس انتي ماتثقين فيني منار: لا والله يا فيصل اثق بس مازن يقول انك كذاب قاطعها بحده : مازن قال ومازن يقول. انتي لين متى بتسمعين كلامه لين متى انا مجبور اتحمله هو واكاذيبه؟ تعدا علي بالضرب وعذرته وكررها بالمستشفى وسامحته وتنازلت عنه وفوقها يكذب ويتبلى علي انا وش مسوي له المفروض جزاء الإحسان إلا الإحسان ولكن مازن زودها. اسمحي لي لو تكرر غلطه هذا صدقيني هالمره ماراح اتساهل معه وراح اوقفه عند حده. منار: ادري انه غلط وتطمن انا اوعدك ماعاد يتعرض لك فيصل: منار اذا انتي صدق تبيني خلينا نتزوج بأسرع وقت عشان انا مو مستعد كل يوم والثاني اتجادل معه منار: اللي تشوفه ابتسم بنصر: لازم نحدد وقت يناسب الكل ويكون قريب. منار: طيب فيصل: راح امرك الليله ونتفاهم منار اخذت نفس: تمام راح انتظرك قفل منها وابتسم ارخى نفسه ع الكرسي وهو يلعب بجواله وجاته فكره وابتسم اكثر واخذ الجوال دور على رقم مازن واتصل وجاه الرد فيصل بسخريه: ههههه كيفك بعد الفشل الذريع في خطتك مازن شد ع الجوال بقوه وهو يصر على اسنانه: اااه ياواطي يانذل فيصل: شوف مع مين تلعب يا بابا وركز بخططك الجايه مازن: انت وش طينتككك قول وش سوتلك منار تسوي فيها كذا؟ فيصل: ماسويت لها ولا راح اضرها دامها على ذمتي انا حبيتها للامانه ولكن هي للحين تحب واحد غبي. لكن اسمعها مني ي مازن راح اخليها تكرهك كره الموت راح اشوه صورتك قدامها وماعاد تشوف غيري مازن: يعني معترف ان منار مازالت تحبني فيصل: للاسف ايه. ولكنها مستعده ترضيني باللي ابيه سامع. باللي ابيه وانا بروح لها الليله وراح اشوفها واخذ اللي ابيه وبعدها اذا ماتبيني براحتها بطلقها اهم شي انا ادخل عليها قبلك مازن كان يسوق ومن الصدمه ماشاف السياره اللي تبي تلف يمين الا بأخر لحظه ف لف بسرعه وضرب بالرصيف لين اهتزت كل اركان السياره بس ولا فكر مازال ماسك الجوال ويستوعب اللي يسمعه وهو بينفجر من الغضب لو فيصل قدامه كان قطعه .. قطعه قطعه ولا فكر مازن: يميييين بالله وحرااااام حُرررم الدم ان حاولت تقرب منها او تلمس منها شعره والله مايشيلووونك الا جنازه سااااامع فيصل ببرود: ههههه تصدق عاد خوفتني قمت ارجف.. "ورجع بحده" اقووول انت اللي اسمع منار الليله راح تصير ملكي باي وقفل ومازن باقي مصدووم ماقدر حتى يرمش من قوة صدمته. الناس خلفه تدق بوري والبعض ينزل يتطمن عليه ويدق الدريشه ولكن ابد مو حولهم كان قريب من البيت وقفت سياره خلفه كان فهد اللي كمان راجع البيت وبما انهم ساكنين بنفس الحي بيوتهم قريبه من بعض. انصدم يوم شاف سيارة مازن وخاف عليه ونسى كل مشاعر الكره اللي يحملها له وعلى قولتهم عمر الدم مايصير ماي نزل بسرعه وفتح الباب بس كان مقفل دق الدريشه بقوه اكبر لين التفت مازن وشاف فهد يأشر له يفتح الباب.. فتح امان الابواب ونزل فهد: فيك شي؟ هز راسه بلا : لا فهد : تبي ندق على نجم؟ مازن يحس عقله مو معه مايدري فهد وش يتكلم فيه.. وفهد يحسب انه مصدوم من الحادث فهد: ماااازن انت بخير اوديك المستشفى؟ مازن: هاه لالا انا بخير فهد: طيب يلا تعال اوصلك طلع معه وفهد ساكت ومازن يفكر بفيصل التفت لفهد وكنه توه يستوعب.. وفكر ليش مايقول لفهد عن فيصل. اخذ نفس وهو يمهد للموضوع مازن: احم مع انك تكرهني بس ساعدتني و فهد: مهما صار من مشاكل ومهما كرهتك تظل ولد خالتي واكيد ما اتمنالك الشر سكت شوي وهو يفرك يده بتوتر: بتكلم معك بموضوع فهد وقف عند بيت مازن: اذا عن منار. ف لا تتكلم لان الموضوع منتهي نزل راسه ورجع رفعه : ايه نعم منار ولازم تسمعني فهد: لا تخليني اندم اني ساعدتك مازن: طلبتك يا فهد اسمع مني ولا تقاطعني اخذ نفس والتفت له : قول ابتسم : اممم المشكله في فيصل يمين بالله يافهد انه نذل.. اسمع السالفه من اولها وليش انا تركت منار وحكى له عن ريم والمخدرات وكيف استغلوا صور منار وكيف اعطوه. وكيف تركها من الصدمه وبعد ماعرف الحقيقه ندم ورجع حاول يصلح الوضع لكن دخل فيصل بينهم ومنار ماقدرت ترفضه بعد ما وافقت وكيف انها اقترحت لمازن يعطي فيصل صورها ومازن سوا اللي قالته بس فيصل كمل ولا فكر بالمرضوع فهد مصدوم: انت كيييف تسمح لنفسك تسوي كذا؟ اذا المتكلم مجنون فالمستمع عاقل. المفروض ماتطاوع منار على ذا الشي تنهد بضيق: ايه وربي ليتني ماسمعت لها. بس ماكنت افكر. كل اللي في بالي اني ما اخسرها فهد: خسرتها من يوم تركتها بذيك الحاله مازن: والله اني ندماااان قد شعر راسي. فهد : المهم الحين وش سالفة فيصل مازن: فيصل لما ضربته عندكم حقد علي وقاعد يسوي المستحيل عشان منار تكرهني وتحبه. ارسل لي صورها اللي كانت عنده وانا ماقدرت امسك نفسي رحت له المستشفى وسألته وش يقصد قال اني لو مابعدت عن منار راح ينشر صورها ماتحملت انه يبيع منار لذي الدرجه قمت وضربته ف بلغ عني ومسكوني الشرطه وحطوني بالتوقيف من الظهر لين الليل بها الوقت فر راس منار علي قال اني ضربته بدون سبب وانه مسكين وانه مايدري عن اني انسجنت. وكبر بعينها لما جا وسحب الدعوه بعد ما وقعوني تعهد عدم تعرض طبعا كرر كلامه وقال ان ماتركت منار راح ينشر صورها ويفضحها ولا فكر فيها وبعدها يطلقها فهد بصدمه: لالا انت تتبلى عليه مازن: يممين بالله ما تبليت عليه هو كذا نذل.. حاولت اكشفه لمنار ولكن كأنه عارف تظاهر انه ماسوا شي ولا قال شي ومنار صدقته اكثر. والحين الحين كلمني. وقال انه يبي يزورها الليله وعشان يقهرني ويحرق قلبي. قال انه... وسكت فهد: كمل وش قالك اخذ نفس ونزل راسه: معترف ان منار تحبني وعشان يضمن انه ماتغير قرارها وترجع لي يبي احم يبي يدخل عليها فهد فتح فمه وتوسعت عيونه من كبر الصدمه مايدري يصدق مازن ولا يكذبه. بس حالة مازن اللي شافه فيها والحادث وكيف كان مصدوم وساكت اكدو له انه مايكذب فهد بعصبيه: متأكد من ذا الكلام لا اذبح الرجال باطل مازن التفت له: لالا وش اللي تذبحه انا اللي راح اذبحه ان قرب لها انا بايعها يا اما منار يا مابي حياتي بدونها فهد فكر شوي: بس ليش يقولك ذا الكلام؟ لو يبي يسوي كذا ماكان كلمك كان سواها وبعدين تكلم وقهرك مازن: مدري عنه. المهم اني ماراح اخليه يسوي اللي يبي لو اذبحه بيدي فهد: خلص انت الحين انزل والموضوع عندي لا تشيل هم راح اجلس على قلبه مازن: انا ماراح ارتاح لين يعدي ذا اليوم على خير .. ومشكور انك سمعتني والا كان مدري وش سويت ابتسم. ومازن نزل وكل تفكيره بمنار اما فهد طلع على بيتهم ونزل بسرعه ودخل غرفة منار اللي كانت مشغله التلفزيون والرموت بيدها التفتت له: فهد؟ شفيك كذا مدرعم خرعتني فهد: لا بس بسألك عن فيصل وش اخباره منار استغربت: بخير ليش تسأل؟ فهد: لا مافي شي بس مستغرب ليش مايجي ويزورك مع انكم مملكين منار: الليله راح يجي تأكد فهد من كلام مازن: ليش وش يبي؟ منار: يوه فهد تحقيق هو. مو توك تقول ليش مايجيك ويوم قلتلك بيجي تقول ليش فهد: ومازن باقي يضايقك؟ اخذت نفس: يعني فهد: كيف يعني؟ ايه او لا منار: لا حول ولا قوة الا بالله وراك اليوم فاتح تحقيق معي وبعدين وترتني تعال اجلس وتكلم جلس جنبها: هاه جلسنا منار: اممم بصراحه ايه مايدري وش يسوي عشان اترك فيصل فهد: طيب وانتي تحبين فيصل؟ منار: لا بس راح احبه مع الوقت. هو قلبه ابيض تخيل رغم كل شي سواه مازن فيه الا انه مايتكلم عنه الا بكل خير ولا تكلم عليه فهد يذكر كلام مازن: اها. يعني فيصل زين معك؟ منار: ايه مررره.. واحس بالذنب اتجاهه ودي اسعده باللي يبي.. هو يتيم تخيل حجم معاناته يعني ماودي ازيد همه وحزنه ابي اسعده وبس فهد بداخله" والله عرفت يافيصل كيف تستغل طيبة منار" فهد وقف: المهم متى بيجي؟ منار: يمكن ع المغرب كذا فهد: تمام وطلع وهي كملت الفلم اللي كانت تتابعه بعد المغرب .. رفعت جوالها وهي تناظر نفسها بالمرايه منار: الو فيصل: انا تحت منار: طيب دقيقه قفلت واخذت نفس وهي تهدي نفسها منار: فيصل يستاهل الحب فيصل يستاهل احاول علشانه اخذت جوالها ونزلت تبي تفتح الباب بس شافت فهد واقف عند الباب فهد يبتسم: ياحي الله النسيب فيصل: الله يحيك فهد يمد يده: اقلط تفضل فيصل ابتسم ودخل المجلس وهو يشوف منار واقفه وبعدها لحقتهم دخل وجلس. وجت منار وسلمت وجلست فهد داخل من الباب وبصوت عالي فهد: ارررحب والله تو مانور البيت.. ناظر في منار: جيبي شاي وقهوه ناظرت فيه مستغربه اسلوبه فهد: اخلصي طلعت وراحت وفهد يبتسم بوجه فيصل وفيصل يرد له الابتسامه وهو بداخله وده يرتاح منه عشان يكون مع منار وحدهم فهد: ايه كيف دوامك؟ فيصل يعدل نظارته الطبيه: ماشي الحال فهد: الله يعينك عاد اصعب مهنه الدكتور مايدري اذا مرض يبتلش بنفسه والا بمرضاه ابتسم فيصل بدون نفس بس يسلك له سكتو شوي وجت منار حطت القهوه وصبت وجلست وفهد جالس يناظر بفيصل اللي موجه نظره لمنار فهد نزل فنجاله: الا ماقلت لي متى بتحدد زواجكم فيصل: ان شاء الله قريب اذا وافقت منار فهد: اكيد موافقه ليش ماتوافق. خير البر عاجله منار قربت من فهد وهمست له: انا اتفاهم معه بهالموضوع فهد ابتسم وبصوت عالي: مافيها شي الرجال مستقدر واحنا مانحب بناتنا يطولون بالملكه منار رجعت تهمس: فهووود وراك قلبت كنك ابوي اتركني معه شوي وانا اتفاهم معه رفع فنجاله وهو يرفع رجوله ويتكي رجل سافطها على فوق ورجل تحته وماد يده على ركبته فهد: خذي راحتك اعتبريني مو موجود وتكلمي معه منار بتنجلط من حركة فهد وقفت وطلعت وفهد ابتسم بوجه فيصل وكنه يقوله قاعد على قلبك رن جوال فهد ومن شافه منار طلع لقاها بالحوش منار: انت وش ذي الحركات فهد: وان شاء الله تبيني اخليك معه وحدكم؟ منار: تراه صار زوجي فهد: حتى ولو. الرجال مانعرفه ولا نعرف طينته احسن لك اجلس معكم منار: ارجوك فهد لا تتدخل خلني اتفاهم معه وحدي فهد: طيب ودخلت وفهد قرب من الباب عشان يسمع حديثهم عند منار دخلت وجلست وفيصل ابتسم وهو يسحب يدها ويحضنها بيدينه التفتت له فيصل: وش ذا الجمال نزلت راسها بإحراج وتحس بقلبها شي يوجعها تحس انها تخون مازن رغم أنها بتفكيرها فيه قاعده تخون فيصل. بس مشاعرها مو قادره تسيطر عليها قرب منها اكثر ف ناظرته بإستغراب فيصل : ليش احسك بعيده عني؟ منار ارتبكت وتناظر يدها اللي بحضنه سحبتها ووقفت منار تبلع ريقها : اممم تبي اصب لك قهوه؟ وقف وحط يدينه على كتوفها من الخلف فيصل: مابي الا ان قلبك يكون لي وحدي ولا يشاركني به ثاني التفتت وصارت مقابلته ناظرت بوجهه: وانا قلبي لك صدقني مابه غيرك ابتسم: اثبتي لي منار: كيف؟ فيصل: غمضي عيونك حست بتوتر: ليش؟ ابتسم: ابي اشوفك تحبيني ولا لا نزلت راسها وفركت يدينها بتوتر: مايحتاج انا قلتلك طويت الماضي و سكتت لما شدها لحضنه بقوه.. حست بضربات قلبها تزيد اول مره تحضن شخص غريب. علامات استفهام كثيره دارت براسها كيف غريب وهو زوجي ومازن اللي ماكان محرم علي الا انه لما يضمني انسى الدنيا واحس بالأمان . ليش الحين ماودي يطول هالحضن ليش ما احس بنفس الدفا والحنان اللي حسيته مع مازن حطت يدينها ع صدره وهي تبعده حط يده تحت ذقنها وهو يحرك ابهامه ويلامس شفايفها.. كانت منزله عيونها وودها لو تموت مو قادره تتأقلم معه وتحس انه غريب عليها.. قرب وجهه من وجهها و و.. طق طق طق ناظر جهة الباب بقهر ومنار بلعت ريقها بصعوبه منار: عن اذنك دقيقه ابتسم: خذي راحتك اتجهت للباب وطلعت سحبها من يدها بسرعه منار بعصبيه: خيييير شفيييك فهد سحبها لين قربو من باب البيت: اجلسي هنا وان شفتك تحركتي حشيت رجولك ناظرته بأستغراب: وووش فيك؟ طنشها ورجع دخل المجلس وفيصل من شافه وقف بأستغراب.. فهد: معليش الوالده تعبانه شوي ومافي غير منار تشوفها وتراعيها انقهر فيصل وداخله يردد مو وقته ابد ابتسم بتصنع: ماعليها شر ان شاء الله فهد: الشر مايجيك فيصل: اجل بمشي الحين.. فهد: الله معك.. سلم على عمك فيصل وهو يطلع: ان شاء الله طلع ومن شافه مازن اللي كان جالس بسيارته ماقدر يخفي القهر بداخله راح له وهو مبتسم يبي يقهره مازن: هاه عساك سويت اللي براسك ناظره وعدل نظارته من الوسط: صحيح ماوصلت للي ابيه ولكن يكفيني شوفتها حس بقهر بس يبين البرود: شوفه ع الفاضي قرب منه فيصل متعمد وهمس له: من قال ع الفاضي. يكفيني متعت عيوني بجسمها الفاتن والجذاب. ودفيت من حضنها اخ بس لو هي بفراشي كان متعمد يقولها بطريقه يخلي مازن يفقد عقله وفعلاً جن جنون مازن وبقسه بقوه وطاح ضرب عليه لين بردت شوي النار اللي بقلبه وقف وهو يتنفس بسرعه وفيصل يتطوى ع الارض مازن: والله تخسي تلمسها وانا حي.. يمين بالله لأذبحك ومايرف لي جفن ابتسم ووقف وهو يمسح الدم النازل من فمه ومازن استدار بيروح طلع من جيبه سكين: مااازن التفت مازن وفيصل رفع السكين بوجهه ويبي يطعنه بس مازن مسك يد فيصل يحاول يبعدها عنها ضربة بوقس لين طيح مازن ع الارض ونزل بيطعنه لكن مازن ماسك يد فيصل بيدينه الثنتين لف السكين بإتجاه فيصل وكان قريب لكتف فيصل مرره شد عليه مازن ويده ترررجف من كثر الضغط وبحركه غير متوقعه طاح فيصل وانغرس السكين بأعلى كتفه صرخخخ بألم وطاح على الارض وقف مازن بخوف وهو يناظره يتطوى ع الارض مازن : قوم قوم اوديك المستشفى فيصل يتألم: شيل السكين بس مازن بخوف: لا امش المستشفى افضل فيصل: ااااه اقولك شيل السكين الجرح بسيط شيله نزل يده بيد ترجف وهو يحط يده على السكين وما ان مسكه فيصل مسك يد مازن وصرخ بصوت عالي فيصل: الللللحقققوووني ففففههههد الللللحقني مازن مو مستوعب صراخه ويحاول يوقف بس كان مثبته بكل قوته طلع فهد ومنار صنمت عند الباب وهي تشهققق وتشوف فيصل غرقان بدمه ومازن اللي طعنه ارخى يدينه عنه ف وقف مازن وفهد جاه مصدوم وهو يناظر فيصل فهد: وووش اللي سويته يا مااازن مازن يناظر منار اللي مصدومه : لا لا والله ماحاولت اقتله هو اللي كان بيقتلني حتى السكين حقه فيصل بألم: منار دقي على الشرطه هذا راح يقتلني وانتي السبب جلس وهو يتألم مازن: والله انك كذاب ونذذذل.. منار لا تصدقينه اخذت جوالها وهي ترجف ودقت فهد مصدوم ويكلم مازن: الله يهديك كنت مسكت اعصابك مازن: يمين بالله ماكنت ناوي اطعنه هو اللي هجم بالسكين وانا دافعت عن نفسي ركضت منار للبيت وشوي ورجعت لابسه عباتها ومعها منشفه جلست عند فيصل بالارض وهي تحطها على كتفه وتبكي شد قبضة يده وهو يزم شفايفه بقهر وفيصل استغل الوضع وزاد من قهره لما مال جسمه عليها وحط راسه على كتفها فيصل يكلمها: دايخ اعذريني التف مازن مايبي يشوفها قريبه منه وهو يحس بناااار شابه داخل صدره فهد يبي يهدي الوضع : فيصل تعوذ من الشيطان اللي صار مو مقصود.. قوم نوديك المستشفى وعدها على خير فيصل: والله ما اتحرك من هنا الا لما اخذ حقي من ذا المجرم التفت بعصبيه ووده يذبحه جد وتمنى لو ان السكين انغرست بقلبه مو بكتفه: ليتني ذابحك كان صدق ماتحسفت.. منار بحده : راح تاخذ جزاك ي مازن مازن ناظرها برجاء: منار انا ربيت معك من صغرك تتوقعين اني اسويها؟ انتي تعرفيني اكثر من نفسي كيف تتوقعين اني اسويها ماردت مازن: والله يامنار انه يكذب ناظري بعيوني وانتي تعرفين.. هو قالها راح يخليك تكرهيني.. قال يبي ي ماكمل كلمته الا واصوات سيارات الشرطه ماليه الحي وشوي ووصلو عندهم نزلو بسرعه حاملين اسلحتهم.. فيصل اشر على مازن: هذا الشخص حاول يقتلني طال عمرك مازن: لا يتبلى علي. صدقني ماسويتها العسكري: كل شي راح يتبين بالتحقيق تفضل معنا مازن: ماعنننده دليل خله يثبت اني الفاعل العسكري: عندك دليل فيصل وهو يجلس بداخل سيارة الاسعاف: الدليل بصمات اصابعه اللي على السكين و عندي شاهد بعد وناظر منار مازن يناظرها بترجي وهو امله كله فيها: منار انتي تثقين فيني تكفين تكلمي قولي اني ما اسويها اخذت نفس واستجمعت نفسها وقالت بكل وضوح: ايه طال عمرك هذا الفاعل هدد زوجي كثير والحين نفذ تهديده ضاقت الدنيا الوسيعه فيه.. صدمته فيها عميقه حس الدنيا اسودت بعينه.. عينه بعينها ولا قدر يرمش من قوة الموقف. كلبشوه وسحبوه للسياره وهو عيونه عليها اول مره يحس بشعور الخذلان.. ماتوقع ان منار بيوم بتشهد ضده ولا بعمره تخيل انها تدخله السجن بنفسها. ويعلم الله مافي القلب من امنيات لكنّها مع جروح الجارحين نزفتㅤ حبيب عمري من الميلاد حتى الممات عز الله ان طعنتك كفّت معاي ووفت مسافة جروح غيرك ياكبير الصفات من تشتعل جمرة السيقار حتى طفتㅤ ولا انت مسافة جروحك مسيرة حيات تهديني جداد لامن القديمه شفتㅤ /سعد علوش انتهى البارت اتمنى تشاركوني بتعليقاتكم وتوقعاتكم ❤️❤️ | ||||
|
| |
|
24-08-22, 10:31 PM
| #66 | ||||
| الــبــــــــارت الاربـــــــــ40ـــــــعــ ــــــون ليه أحس اني وانا اشوفك حزين !! قلبي الليله بهمّي ممتلي .. كانها الفرقا !! طلبتك حاجتين .. لا تعلمني / ولا تكذب علي خلني مابين شكي واليقين السكوت رضاي عنك و (ا)زعلي باكر اللي خافي لازم يبين .. الوعد بلقى مكانك به خـَلي وانتظر لي ليلةٍ او ليلتين لين مايقفي السحاب وينجلي .. ولا طويت الياس بذرف دمعتين .. للهوى الغالي وبوادع هلي صاحبي با اموت من كثر الحنين !! خلني بختار لحظة مقتلي .. /بدر_بن_عبدالمحسن يوم الاربعاء الساعه ٧ المغرب.. طبعا كل هالايام نمت عند اهلي كلمت ام جواد اني بساعد اختي بأمور الزواج وكذا ووافقت وعطتني سواق وسياره من عندهم وخدامه بعد هههه حسيت نفسي شي مهم. طبعا اكيد السواق ندم الساعه اللي جا عندنا كرفنا ام امه هههه كل يوم بذي المولات عشان نخلص بسرعه فتحت الباب على غرفة دانه كانت اللمبات مقفله فتحتها وشفت دانه نايمه هالغبيه وبكره زواجها رحت لها: دنووو قومي دانه: امممم شتبين جوانه: امجد تحت جاب فستانك ويبيك دانه من تحت البطانيه: مابي اشوفه خل يترك الفستان ويروح جوانه: وليييش؟ حرام تراه من اسبوع كل يوم يجيب شي عشان يشوفك وانتي رافضه. انتم زعلانين من بعض والا ايش ابعدت البطانيه وجلست وهي تلم شعرها: ايه زعلانين ولا بكلمه خلاص خلوني بحالي قامت وراحت ع الحمام وانا اناظرها بإستغراب شفيها ذي منفسه ع الاخر تركتها ونزلت عند امي رجعت البيت هي شايله فستانها بيدها دخلت الصاله وتناظر مافي غير غيداء جلست جنبها بتعب لمى: وينهم البيت هاجد؟ غيداء تناظر التي في : بالسوق مع فواز التفتت لها : هاه عدلتي فستانك لمى ايه الحمدلله بس باقي ناقصني كم شي غيداء: والله انا اخذت كل شي بطلعه وحده انتم كل يوم تفرون بذا السوق ولا خلصتو لمى: اي والله ماشاء الله عليك مدري كيف تختارين بسرعه انا ذوقي صعب دخل عليهم امجد: السلام عليكم ابتسمت لمى: هلا بالمعرس امجد بهمس: امحق معرس. لمى: وش تقوول؟ امجد: ولا شي المهم امي وينها غيداء: طلعت مع خالتي يشترون الذهب وباقي الاغراض امجد: طيب اذا جت قوليلي لمى: الا تعال دانه وش وضعها امداها تجهز نفسها؟ ادق عليها ماترد تنهد بضيق: ايه ايه امورها تمام طلع وتركهم اخذ جواله من جيبه ودق للمره المليون ولا ترد رمى الجوال بملل وطاح ع سريره بتعب امجد : هين انا اوريك بكره. والله لطلع هالتطنيش من عيونك ابتسم وقام تحمم وطلع لبس ونااااام داخل الحجز منسدح على سريره وعيونه ع السقف ويده تحت راسه يفكر بذا الحب اللي مايدري وين بيوديه بعد مازن" وش سويت بحياتي عشان اتعاقب كل ذا العقاب. ااااخ ي منار حبك ذا بيوديني في ستين داهيه.. غمض عيونه يحاول ينام بس طيفها في باله كيف قدرتي تسوين اللي سويتيه بحبيب عمرك وولد خالتك. كيف طاوعك قلبك تنسين ايامنا الحلوه وتسجنيني ولا يرف لك جفن. ااااخ ظلمتيني وصدقتيه. وفضلتيه علي.. هز راسه يبعد عنه الافكار ذي. وحاول ينام ولا هو عارف وش بيكون مصيره طق طق طق شالت الخيار من على عيونها وردت بصوت مشدود: ادخل دخل بهدوء بس من شافها: بسم الله الرحمن الرحيم.. وش مهببه بوجهك انتى جلست ع السرير وهي تبتسم خفيف: ماسك فهد: طيب قومي امسحيه بتكلم معك بموضوع منار : وشو فهد : غسليه وتعالي اعلمك تذمرت وقامت ع الحمام غسلت وجهها وطلعت وهي تنشفه جلست مقابله ع السرير منار: خير وش السالفه؟ فهد: مازن منار تغيرت ملامح وجهها: شفيه فهد: اقنعي فيصل يسحب الدعوه قبل تتحول للنيابة منار بعدم اهتمام : خلها تتحول هذا جزاه فهد: منار اللي صار حادث مو مقصود منار: انا مالي دخل كلم فيصل لو بيتنازل عن حقه بكيفه فهد بنفاذ صبر: فيصل مستحيل يتنازل الا لو كلمتيه منار تهز كتوفها: وانا مالي علاقه فهد: كييييف مالك علاقه القضيه اذا تحولت للمحكمة بيكون التنازل صعب ويمكن يجلس بالسجن شهور. ترضينها لولد خالتك منار: والله محد قاله يطعن ولد الناس.. فيصل وش ذنبه يتحمل اخطائه ويسامحه دايم. خله يقعد بالسجن يمكن يعقل فهد: من قلبك ذا الكلام؟ سكتت وهي منزله عيونها وفهد فهم انها ماراح تساعده ف وقف وهو يتنهد فهد: الله يرد لك عقلك ويهديك طلع وهي رفعت يدها تمسح دمعتها اخذت نفس منار: لازم تنساني لازم توقف الجنون اللي قاعد تسويه لمصلحتك.. اعرف لو شفتني عروس لغيرك راح تجن ويمكن ذي المره تقتله صدق.. خلك كم شهر بالسجن ولا تقضيها مؤبد. مسحت دموعها وفتحت جوالها على صورته ابتسمت وهي تشوف ابتسامته ونزلت دموعها من جديد منار: سامحني : جوااانه جوووووانه سمعت صوت دانه بغرفتي مسحت وجهي وطلعت من الحمام حامله المنشفه وانا احس بدوخه اول ماشافتني قربت وهي تمسك يدي دانه: بسم الله عليك شفيك جلست ع السرير بتعب : لا بس كنت استفرغ وحسيت بدوخه دانه بخوف: طيب ارتاحي والا اقولك امشي نوديك المستشفى جوانه: لالا الحين خف شوي جلست جنبي: ماراح تقولين له؟؟ تنهد بضيق: لا او ع الاقل لحد ما نتطلق دانه: ليش طيب؟ من حقه يعرف قبل الطلاق عشان يمكن يغي..... قاطعتها جوانه: يغير رايه ويخليني معه. مابي. يعني مابيه يضطر يخليني معه عشان الطفل وانا اصلا مابي اكون معه دانه: بس حرام يتربى بدون عيله وامه وابوه حوله جوانه: دانه ارجوك لا تحاولين. مستحيل اقول له.. وياما ناس ربو عيالهم احسن تربيه وهم منفصلين تنهدت: والله عاد بكيفك جوانه: المهم وش كنتي تبين؟ دانه: اممم مافي شي بس قست الفستان وجيت اعلمك انه طلع حلو مايحتاج تعديل ابتسمت: زين.. نشوف بكره الاميره دانه كيف بتطلع ابتسمت: ان شاء الله يوم الخميس بالصالون دانه وجوانه ومنار وريم ناظرت مكياجي والتفت لمنار: منور ما كأنه ثقيل شوي؟ منار: لا بالعكس يهبل ونااااعم مره جوانه: ي ترا الخبله دنو وش مسويه؟ منار: خلصي وروحي شوفيها انا لسى مطوله جوانه: ايه ايه ناظرت ريم اللي جالسه وسرحااااانه جوانه: ريم.... الووووو اشرت بيدي قدامها ف انتبهت ريم: ه هلا جوانه: وين وصلتي تنهدت بضيق: معلش بالي مشغول ف اخوي ناظرت منار اللي ولا كأن الموضوع يهمها وكلمت ريم: ماعليك ازمه وتعدي ان شاء الله ريم تنهدت: ان شاء الله.. والله لو ماغلاة دانه عندي والا كان ماجيت.. النفسيه صفرررر جوانه: الله يفرحكم بطلعته وانا متأكده مصيره فيصل يتنازل ريم: ماظنتي ذا النذل يتنازل منار تدخلت: لا تغلطين عليه وانتي عارفه ان اخوك الغلطان ويستاهل ماجاه ريم التفتت بقوه والبنت تسوي شعرها ومحتاسه من حركتها الزايده البنت: اهجدي ي بنت خليني اعرف اشتغل ريم مطنشتها وتكلم منار: الحين بفهم هالغبي وش قالك لدرجة تكرهين مازن هالكثر منار مطنشتها تدخلت قبل تكبر: ريم حبيبتي خليها براحتها ماراح تسمع الا اللي براسها رجعت ريم ع كرسيها وهي باين عليها الهم خلصتني بعد نص ساعه ورحت شفت دانه وخقيييييت طالعه غيررر وكأنها اميييره لالا ملللكه بسم الله عليها رحت لها وماقدرت امسك نفسي ضميتها وبكيت جوانه: طالعه قمر ابتسمت: يلا عاااد لا تبكيني البنت تبتسم: ترا ما اعيد مكياجها ابتعدت عنها وابتسمت: طلعتيها اميره تسلم يدك البنت: القالب غالب .. هي حلوه و جميله وانا بس برزت جمالها دانه: بعد قلبي والله عيونك الحلوين بعد ساعتين خلص الكل دق جوالها ناظرته ولا ردت جوانه: شفيك عليه ردي دانه بعناد: مابي جوانه: طيب فهد تحت وانتي اكيد امجد يجيك باي دانه: هييييه تعالي لا تروحين التفت: خير ترا تأخرنا دانه: بروح معكم مابي معه ناظرت فيها بإستغراب: وليش ان شاء الله؟ وشفيك انتي مو لذي الدرجه الزعل ترا بعد كم ساعه راح تكونين معه وحدكم دانه: مابي مابي مو الحين بعد يخلص الفرح عادي اخذت نفس: اللهم طولك يا روح. امشي ساعدتها ونزلنا بس كان فهد واقف يسولف مع شخص معطينا ظهره جوانه: فهد. دانه راح تروح معنا من غير مايلتفت: لا انا راح اخذها سلم على فهد وركب فهد وانا بركب بس الاخت ماسكه يدي همست لها جوانه: ماراح ياكلك تراه زوجك روحي دانه: قلتلك مابي جوانه: طب كلميه عاندتني وركبت عند فهد قدام وانا ركبت ورا مع البنات فهد بإستغراب: وين مدرعمه الاخت. سيارة زوجك مناك دانه: احم انا حلفت مايشوفني الا في بيتنا فهد: بزر انتي وش ذا الكلام عيييب الرجال متعني وجاي عشانك دانه: امش بس ماعليك منه فهد: لا حول ولا قوة الا بالله سكتت وفهد نزل اعتذر من امجد ان دانه رفضت تفهم الموضوع وراح وفهد رجع وتحركنا فهد: الله يهديك فشلتينا بالقاعه فرح تكلم البنات: يا اخوانا ماكنهم طولو لمى: كلمتني جوانه من شوي صارو عند القاعه فرح: كويس رسل جت تركض: بنات بنات الحقو الكل تخرع: وووش فيك؟ رسل: دانه طالعه تاااااااخذ العقل فرح ضربتها على كتفها: وجججع خرعتينا الله ياخذك رسل: لا تدعععين.. هذي جزاتي جايه اعلمكم لمى: المهم يلا مشينا نشوفها دق جولها كلمت البنات: خلاص روحو وانا الحقكم وردت لمى: هلا امجد امجد: اذا المصوره موجوده علميني لمى: ايه من بدري هنا بس دانه توها تجي. امجد: طيب شوفي لي درب بدخل لمى: حاضر طلعت الغرفه وقالت للبنات والكل نزل مابقت الا لمى دانه: وش يبي يطلع ناظرتها لمى بإستغراب: عشان الصور وش فيك؟ دانه: ماله داعي في ذي االحظه دخلت ام امجد ومعها امجد وتزغرد ومبسوطه ودانه منحرجه ومنزله راسها وقفت عندها ودانه وقفت ام امجد وهي تحضنها: اللللف مبروك ي بنتي منه المال ومنك العيال.. وجعلها زواجة الدهر ان شاء الله ابتسمت دانه: الله يبارك فيك ويسعدك طلعو ومابقى غير دانه وامجد والمصوره وقف امجد المصوره: قربو لبعض اكثر حاوطها من خصرها وسحبها لعنده وهي ناظرته بقهر بس مبتسم ع الاخر المصوره: ابتسمي حبيبتي قرب من اذنها: ابتسمي لا بعدين عيالنا يحسبونك كنتي مغصوبه ابتسمت بالغصب واخذت صوره المصوره: قابلو بعض وحطي يدك ع كتوفه وانتي تناظرين فيه ابتسم وقابلها مسك خصرها وهي رفعت يدها ع كتوفه واول مارفعت راسها له حس بدوخه من كمية الجمال اللي جالس يشوفه اكثر وضعيه تمنى انها ماتخلص حفظ كل قطعه فيها دانه: شيل ايدك المصوره خلصت كلم المصوره ولسى نفس وضعه: صوره ثانيه لو سمحتي وقرب طبع بوسه على جبينها وهي غااااصت بملابسها وصورتهم ابتعد وخلصو باقي الوضعيات وطلعت المصوره دانه: خيييير انت وش ذي الجرأه ماتستحي قدام الحرمه تسوي ذي الحركات ابتسم: مو عشانك ترا. عشان الصور تطلع احلى دانه: بس حتى لو مو عذر وا.... طنشها والتفت وطلع وهي بتنفجججر من القهر طلعو عندها البنات وهدوها وانزفت على موسيقى ناعمه وبعض الاغاني الاجنبيه الهاديه والكل كان يمدح فيها وبجمالها رقصو البنات ليييين قالو امين وأخيراً خلصت الليله ودخل ابوها وفهد وامجد وزفها وصلو السياره فتح لها الباب وركبت وركب جنبها وتحركو كانت تفرك يدينها بتوتر ماتدري ليش خايفه. اخذت نفس وهدت نفسها وامجد طول الطريق ساكت فرح شايلها كعبها بيدها: ااااخ ي رجيلاتي ااااه يويلي انا من قال لي اطاوعكم والبس كعب لمى: اجل بتلبسين بوت مثلا.. لازم كعب عشان يرزك فرح: ااااخ وش استفدت من الترزز غير ان رجولي تورمت رسل: هههههه ضريبة الجمال فرح: انا ذابحته ذابحته الله لا يعوق بشر بس خلني اشوفه لمى: ههههههه منهو؟ فرح: هاللي مخترع الكعب للحريم.. اكيد نيته يبهذلنا بتالي الليل نكمد رجولنا والاخ مرتاح ع الاخر رسل: اقول امشي بس بعدين تفاهمي معه. فواز والبقيه ينتظرونا برا فرح وهي تمشي : هين انا اوريه خليني بس اشوفه لمى: هههههه ع اساس لسى عايش منتظرك لين تحاسبينه ويموت. فرح : ليش هو مات لمى: اكيييد. لان من زمان الناس تلبس كعب فرح بقهر: ااااخ قدر يفلت مني ضحكو عليها البنات وطلعو وهم يمدحون بدانه وجمالها دخلت الفندق بعد مافتح لها الباب وقفت بالصاله بخوف وهي تلقي نظره ع المكان التفتت له تعداها وهو يفسخ بشته جلس على احدى الكنبات ومدد رجوله وهو يرخي راسه للخلف بتعب حست دانه بتوتر اخذت نفس وتقدمت منه دانه: وش فيك؟ مارد عليها دانه: الووو مارد ناظرته بقهر: انا غلطانه اخاف عليك. خلك جعلك عمرك ماتكلمت مارد ولا كأن احد يتكلم عصبت وسحبت فستانها ودخلت الغرفه وطبقت بالباب بقوه خلته يكز.. نزل رجواله عن الطاوله وجلس وهو يلتفت خلفه جهة الغرفه وابتسم امجد: راح اعلمك قد ايش التطنيش والتجاهل مزعج ويقهر جلس يمكن ١٠ دقايق بالصاله طاح شي بالغرفه ورفع راسه ويناظر امجد: هههههه والله لو تكسرين الفندق بكبره ماجيتك اما من جهتها ف جالسه تلف وتدور بالغرفه بقهر دانه: اففف الغبي الحيوان اكيد راح يفهم اني تعمدت اكسر شي.. ليش يتجاهلني لللليييش مرت حول الساعه ولا دخل. وهي بهالساعه فتحت شعرها وفسخت فستانها وتحممت ولبست روب نوم حريري ابيض وطلعت وسرحت شعرها ورطبت جسمها وحطت من عطرها المفضل وجلست ع السرير وهي تحاول تهدي نفسها اخيرا انفتح الباب ناظرت فيه بشوق وهي توقف بس ولا كأنه يشوفها دخل الحمام على طول اخذت نفس طوييييل: هدي نفسك يادانه هو متعمد يخرب علي هاليوم بس والله ما اخليه جلست وهي تهز رجولها بتوتر وتنتظره طلع من الحمام وهي وقفت بتروح تتهاوش معه بس من شافته لابس بس منشفه على خصره وصدره باين شهقت بخفيف و نزلت راسها بخجل وهي تشبك اصابعها ببعض ابتسم وهو ده يقرب منها. حبيبته جنبه ريحتها دخلت اعماااق مخه ولكن بنفس الوقت لازم يربيها على قولته.. اخذ ملابسه ولبس واتجه على السرير دخل تحت اللحاف وعطاها ظهره وطفى النور اللي جنبه كل هذا وهي تشوفه وباقي واقفه مصنمه مصدومه ماتوقعته ولو واحد بالميه يتجاهلها كذا نزلت دموعها بسرعه واخذت نفسها وطلعت الصاله وضربت الباب بقوه ابتسم وهو يلتفت للباب: الله يعين ذا الباب عليك الليلة رجعت البيت طبعا بيت جواد لان امه عطتني اسبوع اجلس مع دانه عشان التحضيرات و قالت لي اني ارجع بعد يخلص الزواج وماحبيت ازعلها. فتحت باب غرفتي دخلت وفسخت عباتي وعلقتها التفت بقفل الباب وقلبي وقف وانا اشوفه قدامي جوانه: جوااد؟ كان يناظر كل قطعه فيني وتقدم مني وهو يقفل الباب وراه جواد: عيون جواد قلبي صار يدق اكثر من قربه وريحة عطره قلت اخفي ارتباكي: متى رجعت كان سرحان في عيوني وكني مو قاعده اتكلم يناظرني وكأنه اول مره يشوفني .. سحب يديني البارده ناظرهم ورجع رفع نظره لي تحسس خدي بيده جواد: متأكده اختك العروس الليله والا انتي؟ نزلت راسي باحراج بس حط اطراف يده ع ذقني ورفعه جواد بهيام: جمالك يسحر وكأنك قطعة من القمر انا ماعاد لقيت نفسي توووترررت اول مره يتغزل في جمالي احس الأوكسجين انقطع والجو صار حااار ابتعدت شوي وكأني باخذ شي من شنطتي : احمم ماقلت لي متى رجعت ؟ جواد: قبل يومين ناظرته: غريبه ماجيت اخذتني جواد: قالت لي أمي عن اختك ف قلت راح اخذك بكره .. والحين كنت واقف ع البلكون ومن شفت زولك قلت اتأكد هو انتي رجعتي والا صرت اتخيلك ناظرت بعيونه: مدري مافكرت ارجع بيتنا ابتسم ورجع قرب واعدم المسافه بيننا: والحمدلله انك جيتي هنا ع الاقل قدرت اشوف كل ذا الجمال ناظرته بدلع: ليش انا بباقي اوقاتي مو حلوه؟ جواد هيمان فيها: حلوووه بكل حالاتك بس اليوم غير .. اليوم كنك اميرة ابتسمت بخجل قرب رفع راسي ناظر كل قطعه بوجهي .. نظراته ضيعتني اقترب اكثر مني وباسني ع شفاتي. حسيت زي الكهربا بكل جسمي وتذكرت اخر موقف له معي بلندن وكيف بعد ما اخذ اللي يبي رماني وطنشني .. دفيته بقوه وجفا وبانت الصدمه على وجهه عطيته ظهري جوانه: جواد ارجوك اطلع. باقي اربع ايام ونتطلق سكت واخذ نفس وزفره جواد: ابشري ما ناظرته بس وقف شوي وبعدها طلع وانا ع طول دخلت الحمام مسحت مكياجي وفكيت تسريحة شعري وتحممت وانا ابكي ادري ضايقته بس مو قادره خلاص قرب فراقنا ليش يحاول يقترب مني ااااه بس خلصت ولبست روب الحمام وطلعت لبست بجامتي ونشفت شعري وتسطحت. اااه يا نظرات عيونه وكأنه يعشقني وكأنه يبيني .. معقوله جواد يحبني فكرت وفكرت وفكرت لين نمت وماعاد حسيت بشي من جهة جواد كان واقف في البلكونه ويدخن ناظر السماء يذكر جمالها نعومتها صورتها مو راضيه تختفي من عقله جواد: اااااخ بس كيف قدرت اخليك!! ابتسم وهو يناظر القمر: ماتشبهك الليلة ابد. يمكن انت اللي تشبهها .. لا تزعل بس اليوم جوانتي اجمل منك بكثيييييييير عند دانه كانت جالسه ع الكنبه ورافعه رجولها وضامتها لها وهي مسنده راسها عليها وتبكي بحرقه. "غبي كريه ليش يتجاهلني والله ما اسامحه. انا اوريه. هدت شوي ومازالت تبكي" ليش تورينه خلاص الرجال واضح انه كرهك. انا استاهل سبيته وماخليت كلمه ماقلتها له وطنشته اسبوع واخر شي اكيد مل مني وكرهني. بكت اكثر من الفكره "بس انا اححححبه والله احبه مهما قلت.. ردت على نفسها" وايش يفيد حبك وانتي ماخليتي فيه عرق مهما كان هو رجال ومايرضاها على نفسه زي ماقالت جوانه. ليتني سمعت كلامها. الحين كرهني حتى مو طايق يشوف وجهي. ااااه ي ربي وش اسوي كيف اراضيه. وبكتتت. حست بشي على كتفها التفتت على طول كان واقف خلفها وماد يده ع كتفها وقفت بسرعه وصارت مقابلته بس بينهم الكنبه.. كان وده ينام ويتركها عشان تتعلم ماتتجاهله مره ثانيه بس ماقدر قلبه ماطاوعه ناظرته شوي ومسحت دموعها ونزلت راسها وطاح شعرها على وجهها التف وتقدم منها وقف مقابلها مسك كتوفها وهي رفعت راسها تناظره والدموع رجعت تتجمع بعيونها ابتسم وضمها وهي انفجرت في حالة بكى مريره حضنها وهو تاكي ذقنه على راسها لحد ما ارتاحت وابتعدت عن حضنه شوي رفع يده ومسح دموعها وهو يحس بتأنيب الضمير كيف خلاها تبكي هالكثر اخذ نفس امجد: ليش تبكين؟ نزلت راسها: مافي شي اشتقت لأهلي ابتعد عنها شوي وسحبها وجلس معها رفع خصلات شعرها عن وجهها امجد: كل ذا عشان اهلك؟ هزت راسها بإيه.. ابتسم وطلع جواله ودق على ابو دانه ورد على طول امجد: السلام عليكم محمد : وعليكم السلام خير ي ولدي عسى ماشر امجد: خير ان شاء الله.. بس دانه تصيح تقول فاقدتكم. ابتسم ابوها: عطني ياها مد لها الجوال وأخذته بإحراج: هلا يبه محمد: وش فيك ي بنيتي ضايقك بشي؟ زعلك ترا بس تقولين ايه راح تلاقيني عند باب جناحكم ابتسمت بحب : لا والله ابد بس اشتقت لك وماما محمد: الله يهديك بكره تجين عندنا لا تخربين ليلتك دانه: ان شاء الله محمد: هذي امك اخذتها وردت: الو حبيبتي وش فيك؟ دانه: مافي شي بس اشتقت لكم عبير: الحمدلله خوفتيني.. احنا بخير حبيبتي يلا شوفي زوجك وانتبهي لنفسك دانه: حاضر قفلت ورجعت الجوال لأمجد. رفعت راسها وما ان التقت عيونها بعيونه غورقت امجد بتذمر: ياللليييل مو كلمتيهم ليش الدموع بعد؟ دانه تشاهق: انت صرت تكرهني سحبها لحضنه صار راسها على كتفه وهو يلعب بشعرها امجد: اكره العالم بكبره ولا اكرهك.. انا حبيتك ومازلت احبك وراح اظل احبك دانه تشاهق بحضنه: طيب ليش تتجاهلني امجد: انا اسف. بس انتي وقت تجاهلتيني اسبوع قلت البنت ماتبيني ف احسن ما اقرب منها ردت بسرعه وهي ترفع راسها عن كتفه : الا ابيك واحبك والله ابتسم: بس انا قلبي متحطم ماينجبر بسهوله دانه: وش اسويلك وترضى؟ ابتسم: والله انتي ابخص. اهم شي راضيني مو بس حق التطنيش وحق كلامك القاسي اللي تقولينه لي نزلت راسها بإحراج: انا اسفه ورجعت رفعته وتناظره ومسكت يده: بس اوعدك اوعدك وربي ما عاد اقول كلمه تجرحك او تزعلك. ابتسم: تمام سامحتك مبدئياً وبعد تراضيني اسامحك اكثر ابتسمت: امممم وكيف اراضيك الحين امجد: عاد الرجال حتى بوسه ترضيهم قربت منه وصار وجهها مقابل وجهه وهو راح ف خرايطها مو قادر يمسك نفسه اكثر لفت راسها وباسته على خده بسرعه ورجعت وهو فتح عيونه بصدمه امجد: لا واللله؟ مافي مارضيت دانه: هههههه انت قلت بوسه ترضيك خلاص امجد بأعتراض: لالالا قلت بوسه بس مو بخدي ابيها هنااا "واشر على شفايفه" ومد وجهه بإتجاهها وهو يغمض عيونه اخذت مخده من خلفها وضربته وهربت وقف بسرعه واخذ مخده وصار يركض وراها امجد: هييين خليني امسكك والله لقطعععك وقفت خلف الطاوله وهو من الجهه الثانيه كل مايلف يمين تروح يسار واذا راح يسار تروح العكس دانه: هههههه ماتقدددر" ومدت لسانها" لف من يمينها وهربت للجهه الثانيه بس كان اسرع منها وكتفها من خلفها وهو يرفعها لحد رجولها طارت عن الأرض وتحاول تفلت منه وهي تضحك. اخذها غرفة النوم ونرلها ع السرير ومازالت تضحك امجد: قلتلك والله ان مسكتك لقطعك دانه: لا والله وكيف غمز لها: الحين تعرفين " مسك روبها وشقه نصين بوسط صدمتها. وابتسامته اللي ما فارقته...................................... ..... ..................................... في صباح اليوم الثاني فتحت عيوني وانا احس بشي يداعب خشمي اكيييد احلم شفت جواد وابتسامته الجميله جواد: صباح الورد ابتسمت : صباح النور لسى مبتسم: يلا يلا قومي فتحت عيوني وجلست وعدلت نفسي ع السرير وانا اسند ظهري للخلف رجعت شعري خلف اذني: اممم وش صاير ليش مصحيني جواد: ودي افطر مع ذا الوجه الحلو و عندي لك خبر يمكن يسعدك لبتسمت: وش الخبر جواد: مو الحين صحصي وغيري وتعالي الحديقه انتظرك تحت وتطمني مافي احد صرفت الحراس وجاد مو موجود ابتسمت: طيب طلع وترك الورده ع السرير اخذتها وشميتها وابتسمت.. قمت تحممت ولبست بعد مارفعت شعري ذيل حصان ونزلت كان جنب الباب ويدخن من سمع صوت الباب التفت وناظرني بأعجاب وكملها بأبتسامه وهو يقرب مني جواد: طالعه كثييييير حلوه ابتسمت بخجل: شكرا مسكني من يدي وسحبني وركبنا الغولف كار ناظرته: ياكبر حديقتكم ماشاء الله ماتقدر تروحها مشي ابتسم: شفتيها كامله قبل كذا؟ جوانه: لا جواد: طيب بوريك بيتي وبيت جاد جوانه: عندك بيت؟ جواد: ايه بس لسى بعض الاثاث مو موجود يعني الوالد حاط لكل واحد بيت من زمان عشان اذا تزوجنا وكذا جوانه: حلو جواد: نروح له جوانه: مايحتاج خل زوجتك تشوفه انا وش دخلني ابتسم ومسك يدي: وانا مصر انك تشوفينه كلم السايق واتجهنا لجهه ثانيه من القصر اول مره اشوف ذا الطريق وصلنا كان فيه فلتين جنب بعض بس لكل وحده حوشها او حديقتها الخاصه نزلنا فتح الباب ودخلت فهيت وانا اناظر المكان الممر اللي يوديك للفيلا عباره عن جسر خشبي تحته يجري نهر او مويا الورد محوط المكان وصوت البجع والبط اللي في البحيره ياخذ العقل ناظرت يميني وشمالي كانت مساحات خضرا تزينها الورود .. تقدمنا وسمعت صوت عصافير عالي ناظرت فيه ف مسك يدي وسحبني للجهه اليسرى ومن شفت القفص الكبير المليان عصافير دمعت جواد: تذكرينها؟ ابتسمت بحزن: وكيف انساها؟ رفع راسي وتفاجأ مسح دمعتي: ماجبتها الا لأنك تحبينها بس لو يضايقك وجودها اشيلها الحين جوانه: وكيف عرفت اني احبها جواد: سألت ابوك وقتها وعلمني. والحين نقلتها هنا جوانه: كنت تكلمه وانا ودي بس اسمع كلمة الو منه واتطمن عليه .. وش كثر كنت قاسي تشوفني اعاني ولا رحمتني جواد: انسي .. الذكريات المؤلمه راح تدمرك اكثر جوانه: انسى؟؟؟؟ وش كثر سهله الكلمه عليك بس اللي عشته صعب ينتسي جواد: وبتقعدين اسيره لذكريات راحت ولا بترجع؟ جوانه: ايه مابي انسى عشان اظل اكرهك ناظرني بصدمه اخذ نفس وابتسم وسط استغرابي جواد: بالنهايه الكره مشاعر وانتي تحملين مشاعر اتجاهي تذكرت يوم سألني اذا اكرهه وقلت له ان الكره مشاعر واني ما احمل بقلبي له اي مشاعر لا كره ولا حب مسك يدي ودخلني البيت كان تصميم مودرن عصري حبيته كثير بس حسيت بضيقه مدري ليش يعني البيت بالنهايه مو لي مو من حقي اشوفه .. بدا بيمشي بس سحبت يدي منه ناظرني ف رديت: برجع القصر مابي اشوفه رفع حاجب: ليش؟ جوانه: خلص قلتلك برجع مو غصب اشوفه جواد: طيب اهدي خلاص طلعنا بسرعه وركبت السيارة ومشينا جواد: ماراح نرجع القصر بنفطر اول جوانه: طيب سكت لين وصلنا نزل ومسك يدي لين نزلت شفت حاط طاوله وكرسيين ومرتبه وعليها فطور سحب الكرسي وهو يأشر لي اجلس. جلست وهو التف الجهه الثانيه جواد: هاه كيف المكان عجبك؟ جوانه: ايه حلو بس ليش وش المناسبه نفطر مع بعض وحدنا جواد: لاتدققين بكل شي عيشي اللحظه وخلاص .. المهم تشربين شاي والا عصير جوانه: عصير جت الخدامه بتصب لي اشر لها بيده انو وقفي اخذ العصير وصب لي وانا اناظر فيه جواد: تفضلي اخذته: شكراً جواد: العفو بدا ياكل وانا بعد جواد: احم جوانه جوانه : هلا جواد: احمم شسمه بطلبك طلب صغيرووون بما ان باقي كم يوم ونفترق تضايقت ويمكن بان على وجهي لانه مسك يدي جواد: لا تتضايقين ماراح يكون شي صعب هه مفكرني زعلت لان عنده طلب وانا زعلت لانه قرب وقت فراقنا صدق ان عندي انفصام مابيه بس مابي اتركه وش ذي الحاله اللي جالسه اعيشها اخذت نفس: تفضل وش تبي؟ جواد: توعديني تنفذينه؟ جوانه: اول اعرف وشهو جواد: لا بالاول اوعديني جوانه: واذا ما اقدر؟ جواد: لالا بتقدرين ان شاء الله جوانه: طيب اوعدك انفذه ابتسم ابتسامة رضى: ابي نسوي هدنه ابي اودعك بطريقتي واعوضك الايام اللي جرحتك فيها. جوانه : كيف يعني؟ جواد: ابي اكون بقربك ماراح اضايقك بشي بس ودي اودعك بطريقتي سكتت لان ماراح اقدر كذا راح اتعلق فيه زياده جواد: ترا وعدتيني ابتسمت: طيب جواد: و بعد شي جوانه: وش جواد: تنامين عندي مو بغرفتك. اقصد بجناحنا بققت عيوني وهو تكلم جواد: يعني ودي هالكم يوم اقضيها معك ليلها مع نهارها جوانه: بسس جواد: بدون بسبسه يلا عاد كلها كم يوم استحمليني سكت ما اعرف وش اقول جواد: اوك خلصنا من هالموضوع. الموضوع الثاني اللي قلتلك انه ممكن يبسطك هو عن ولدي ناظرته بتركيز: شفيه؟ جواد: طلع مو ولدي ولا ولد كرستين بعد. فتحت عيوني ع كبرها: الحققققيررره وبعد مو ولدها الله ياخذها ان شاء الله الكذابه رفع راسه ع فوق وهو يضحك وانا خقييييت ع شكله جواد: هههههههههههههههههه ليش كل هالحقد جوانه: لانها حقيره تبيك بالغصب جواد لسى مبتسم : وانتي ماتبينها تاخذني؟ (وغمز لي وانا بغا يغمى علي من جماله جوانه: اححم لا بكيفك يعني تبيها انت خذها انا وش دخلني ابتسم: المهم عرفتها قبل تلعب علي الولد مسكين من الميتم وهي اخذته واستغلته عشان تاخذ مني فلوس جوانه: والتحاليل؟؟ جواد: كله كذب خلت الدكتور يزورها وعطته مبلغ محترم جوانه: طيب وش سويت معها جواد: ولا شي هددتها وتركتها جوانه: كان بلغت عليها يسجونها هذا تزوير .. والا بس انا المسكينه اللي كنت بتسجني عشان التزوير .. يعني بالله شلون تخيرني بينك وبين الفضيحه والسجن اكيد كنت عارف اني بختار سجنك بس ليش من الاساس تخيرني ابتسم: ممكن لاني مابيك تغيبين عن عيني لحظه جوانه: اول مره اشوف احد يكره احد ويبيه عنده جواد: انا ماكنت اكرهك لشخصك كرهت تصرفاتك جوانه: ماشاءالله كل اللي سويته بي وهو ماتكرهني لشخصي اجل لو كرهتني مره وش بتسوي كنت بتعلقني من رقبتي اتوقع جواد بإبتسامه: دايم تظلميني بتوقعاتك عني جوانه: ما اظلمك انت الظالم .. ماسمعتني ماعطيتني فرصه ابرر او اشرح ماتصدق تشوف الزله علي عشان تضربني وتجرحني .. اختفت ابتسامته تقدم من الطاوله ومسك يدي: انتقمي مني .. خذي حقك عشان تنطفي النار اللي بقلبك سحبت يدي: تحسبني مثلك؟ الانتقام مايدمر الا صاحبه وانا مو مستعده ادمر نفسي عشانك جواد: بهذي صدقتي وقف فجأه: شبعتي قومي عشان بنطلع جوانه: وين؟ جواد: مكان يمكنه يغير نفسيتك السيئه ذي جوانه: نفسيتي زينه مابطلع معك على مكان جواد: من زود ماهي زينه استلمتيني رايح جاي جوانه: طبيعي انفعل من التراكمات اللي خليتها بقلبي قرب ووقفني كان قريب مني حيل ناظر بعيوني كثير جواد بهدوء: حلالك اقسي انفعلي اجرحي اهم شي ترتاحين ويرتاح قلبك الغالي نزلت راسي وابتعدت شوي: برجع القصر اشر بيده بمعنى تفضلي سبقته وطلعت بالغولف كار وهو بعدي وتحركنا للقصر فتحت عيونها بكسل وهي تحط يدها ع عيونها تمنع اشعة الشمس دانه بتذمر: اممممججججد بلللليز قفل الستاير ابتسم وهو يقرب منها: قومي ي كسلانه ورانا شغل كثييير دانه: اففففف انا من قالي اتزووج كنت بغرفتي مرتاحه انام وقت ابي واصحى وقت ابي امجد: ههههه خلاص وداعاً للعزوبيه ابعدت اللحاف عنها وقامت ع الحمام وهي تتذمر وهو يبتسم على حركاتها اندق باب الجناح راح وفتحه كان الروم سيرفس دخل العربه حق الفطور رتب كل شي ع الطاوله طلعت دانه رتبت شعرها ولبست وكانت تحط قلوس امجد: حبيبتي التفتت له بإبتسامه: هلا ناظرها بإعجاب وهو يقرب منها: ااااخ ودي آكلك ابتسمت بإحراج وهي تنزل راسها امجد: تعالي نفطر عشان باقي كم ساعه ونسافر ناظرته بتفاجأ : نساااافر؟ ابتسم: ايه دانه بحماس: وين؟ امجد: مفاجأه دانه بدلع: لالا بلللليز قول وين عشان ارتب اغراضي امجد بإبتسامه: اممممم اذكر مره قلتي ودك شهر العسل بالمالديف نطت دانه بفرح: قوووول والله امجد: هههههه والله باسته بقوه على خده: ياااارووووحي انتتتت امجد دايخ من قربها وبوساتها: اااخ بس لو ما عندنا رحله كان صار كلام ثاني نزلت راسها بإحراج اخذ نفس وابتسم : يلااا الفطور برد دانه: يلا طلع من الحجز مع الشرطي لغرفة الضابط بعد ماطلبه دخل ومن شاف اللي جالس تغيرت ملامح وجهه تركهم العسكري وطلع.. وقف فيصل ومرسومه ع شفاته ابتسامة شماته قرب منه فيصل: يأسفني اشوفك بذي الحاله صراحه. ولكن ما باليد حيل. هذا جزاك من الله مازن بعصبيه: شتبي؟ فيصل بإبتسامه: لا عيييب تكلمني بذا الاسلوب ترا بتوقيع مني تروح ورا الشمس ف خلك عاقل نصير احباب مازن وده يذبحه بس ماسك نفسه: اخلص عندك شي والا بطلع؟ فيصل طلع بطاقة من جيبه ومدها بإبتسامه شاقه وجهه: جيت اعطيك دعوة زواجي من حبيبة قلبي منار تغيرت ملامح مازن وبهتت فيصل يكمل: اوووه نسيت انك بتكون في السجن ولا راح تقدر تحضر. بس ماعليه علمتك عشان تدعي لنا بالسعاده مازال مصدوم ولا قادر يتكلم فيصل ربت على كتفه: يله تكبر وتاكل غيرها يا حلو حس فيصل ان مازن لو صحى من سرحانه ممكن يذبحه ف طلع بعد ما كلم العسكري اللي رجع مازن لزنزانه وهو مازال مصدوم مو مستوعب والبطاقه بيده جلس لفتره وهو يناظرها تردد كثير ولكن استطاع بالنهاية انه يفتحها. شاف التاريخ ووقف قلبه. بعد اسبوع لا مستتتتحيل بتتزوج بعد اسبوع وانا هنا ما اقدر امنعها. ااااااااخ سويت اللي براسك ي نذذذذل سويت اللي تبيه وقف بعصبيه وهو يعفس البطاقه بين يده والعروق اللي بجبهته برزت من قوة عصبيته صرخ بأه عاااليه وهو يضرب يده بالجدار بقوووووه وقهررر ع الساعه 4 العصر اندق الباب ودخل بدون مايسمع ردي جواد: البسي عباتك بنطلع جوانه: قلتلك مابي عاجبتني الجلسه هنا جواد: ماسبب لك اكتئاب غير جلستك هنا جوانه: البركه فيك عودتني على الحبسه صرت اكره الطلعات حتى شمة الهوا اكرهها ججواد: بدليل كم مره مدخلك من الحديقه اللي تهربين لها بدون علمي جوانه: شفت انت السبب يعني .. حتى النفس والهوا مستكثره علي .. يعني بالله وش بينقص من حلالك لو خليتني اشم هوا براحتي ابتسم: مابينقص من حلالي شي بس تنقص راحة بالي جوانه: ي سلام وانا شدخلني براحة بالك جواد: يعني يوم ما احصلك بالغرفه اخاف تكونين هربتي جوانه: طيب صدق لو كنت هربت ومارحت لأهلي وين بتحصلني جواد: اطلعك لو انك بالارض السابعه بديت بتكلم: اششش خلاص لو استمريتي بتذمرك ذا محنا بطالعين سكتت جواد: انتظرك تحت .. لا تتأخرين طلع وانا قمت جهزت نفسي ولبست خلصت ولبست عباتي وطلعت شفته واقف ويطقطق بجواله يا ربي وش هالجمال اول مره اشوفه لابس سبورت لايق عليه كثييير ناظرني جواد: جاهزه جوانه: ايه قربت له ومسك يدي ونزلنا ع السياره ركبنا وتحرك السايق ظلينا ساكتين شوي التفت له: وين رايحين جواد بإبتسامه: سربرااايز جوانه: انت تسوي مفاجأت؟ جواد: ههههههه ليش؟ جوانه: مدري مو لايق سحب يدي وحضنها: ونسيتي لندن؟ جوانه: هه قصدك التمثيل اللي صار بلندن جواد: تمثيل؟؟؟ جوانه: ايه خداعك لي واستغلالك ماراح انساها اكيد جواد: ماخدعتك بشي كل شي سويته. سويته من قلبي ناظرته بنص عين: ليش انت عندك قلب؟ ابتسم: لا اليوم مستلمتني تزبيد جوانه: هههههه ضحكتني وانا ماودي اضحك باقي مبتسم: جعلها دوم هالضحكه ابتسمت: ان شاءالله .. بس ماظنتي دامك معي جواد: افا جوانه: هههههه امزح ابتسم: حلالك طلعي كل اللي بقلبك جوانه: وش سالفتك علمني؟ يعني هو مستحيل تخدعني زي لما سفرتني بس اسأل عشان ما انصدم جواد: قلتلك ماخدعتك .. ثانيا كم مره اقول عيشي اللحظه لا تفكرين ليش جوانه: ايه اعيشها واصدقها وبعدين انا اللي اكلها جواد: مابتاكلين شي هذا بيكون اسلوبي لين نفترق جوانه: حتى وان تغيرت مابتتغير نظرتي لك جواد: وايش نظرتك لي جوانه: انك وحش وشرير وقاسي وماعندك احساس ابتسم: كالعادة ظالمتني جوانه: انت الظالم لا تشبهني فيك جواد: انا الظالم وانا القاسي وانا الشرير .. وانتي الملاك الطاهر اللي مايغلط .. هاه ارتحتي؟ جوانه: هذا الصدق اخذ نفس: وهو ماعذب قلبي غير الصدق صديت عنه ناظرت الشارع مابي اتكلم اكثر مدري شفيني ماكان اسلوبي كذا اخذت نفس اهدي نفسي وظليت ساكته لين وصلنا ناظرت المكان وشوي وانفتحت البوابه ودخلنا واااو ناظرت جواد: مزرعه؟؟ جواد: ايه هذي مزرعتي الخاصه يعني حتى اهلي مايدرون عنها .. احب اجيها لو كنت متضايق عشان افكر براحتي جوانه: واليوم ليش جبتنا؟ متضايق؟ فتح الباب نزل ونزلت معه التف لجهتي وحاوطني بيده لزقني فيه ومشى ناظرته: ماجاوبتني جواد: لا مو متضايق بس نغير جو شوي جوانه: اممم جواد: المهم راح ننام الليله هنا جوانه: ليش؟ جواد: عشان تغيرين نفسيتك. تركتك كم اسبوع رجعت لقيت حالك مقلوب جوانه: مو مقلوب عادي كنت مرتاحه اصلا بغيابك وقف .. قابلني حضن وجهي بيدينه جواد: اعرف ان قربي يزعجك واعرف انك تكرهيني واعرف انك مرتاحه في بعدي .. مايحتاج كل شوي تزيدين وتعيدين بذا الموضوع جوانه: مو بكيفي التراكمات اللي بقلبي كثيرة هي اللي قاعده تطلع جواد: سيطري عليها وعيشي جوك كلها كم يوم وترتاحين مني جوانه: احاول اسيطر عليها .. ايه ماوريتني المزرعه جواد: انتي تخلين احد يوريك شي ابتسمت: خلاص هاه مابقول شي .. يلا مشينا جواد: توعديني تعيشين بسلام ذي اليومين؟ جوانه: امممممم احاول ابتسم ومسك يدي توجهنا للكوخ الخشبي جواد: كوخي المتواضع ابتسمت: يهببببل جواد : فيه فوق غرفة نوم وحمام لو حابه تغيرين او شي جوانه: لا مو الحين جواد: طيب مشينا على باقي المزرعة وانا اناظرها ومبسوطه فجأه التفف له بسرعه ويدي ع شعري اللي سحب الربطه منه لين طاح ع كتوفي جوانه بعتب: جواااااد مبتسم: عيونه حسيته يتريق: مابي عيونك خلها مكانها عطني جواد: شكلك احلى بدونها جوانه: اففف منك ترا حر محنا في لندن ابتسم: يا ذي اللندن اللي اشغلتك غمز لي وهو يكمل: الظاهر مشتاقه لها؟ ناظرته بحده وانقهرت: بالعكس اسوء ايام حياتي عرفت فيها وش كثر انا غبيه وعلى نياتي واصدق ناس ماتستاهل تصدقها ابتسم ببرود: خلصتي دراما؟ صديت عنه ومشيت وتركته وانا اشوف باقي المزرعه وهو خلفي بس ماتكلم ابتسمت من شفت مضمار كبيير وفيه ٤ خيول يجننوا جوانه: وااااو يازينهم ابتسم: تعالي اوريك شي توجهنا لها ووقفنا ع السياج جواد وهو يمد يده جواد: شايفه هذيك الفرس البيضا ناظرتها: ايه تجنن شعرها كثيررر ناظرني: هذي انتي ناظرته بأستغراب: اناااا؟ جواد: ايه. هي عنيده مثلك وراسها يابس حاولت اروضها ولا قدرت عليها. و اسمها جوان جوانه: انا مو عنيده صحيح كنت اول عنيده وكبريائي عالي بس البركة فيك قدرت تكسر غروري وتكسر عنادي تنهد بضيق: ماعاش من يكسرك. جوانه: انت حطمت كثير اشياء بداخلي ومنهم غروري وثقتي بنفسي ناظرني بحزن وهو يتحسس خدي بيده: ليت يدي انكسرت قبل تنمد عليك ولساني انقطع قبل ينطق بشي يجرحك جوانه: اصلا خلاص انا نسيت جواد: لو نسيتي مانطقتي. بس اوعدك جوانه ان ب الاربعة الايام ذي اني انسيك عذاب السنه كامله ابتسمت وقلت اغير السالفه: طيب بركب الفرس جواد: والله ترفسك توصلك بيتكم جوانه: هههههههههههههه ااااه هههههههه حلوه ههههههههه ابتسم ويناظرني: جعل مايضحك غيرك انحرجت وحاولت اخفي ضحكتي بيدي مسح شعره بيده وهو يطلع آآه عاليه سحبني: تعالي دخلنا واخذنا حصان التفت لي: تركبين؟ جوانه: لا مابي جواد: غريبه في لندن كل ماطلعت ع الخيل جيتي تبينه جوانه: هييييه هذا زمان الحين عقلنا جواد: ههههههههههههه عقلتي بشهرين؟ ابتسمت: يب شالني بسرعه وانا صرخت بخوف ونزلني ع الحصان وحدي جوانه: جوااااااد ابتسم: لبيه جوانه: نزلننننني مسك لجام الحصان وصار يمشي هو تحت ويمشيني جواد: مابياكلك اقعدي بس سكت بصراحه مبسوطه بداخلي بس شي جالس ينكد علي ويقول لي لا يستغلك لا يلعب عليك لا تتعلقين بوهم. شي يكرهه ولا يبي منه اي اعتذار او مسامحه يبي يظل يكرهه وبس صحت مفزوعه بعد الحلم اللي شافته اخذت نفس عميق وطلعته بهدوء وهي تركز وتستوعب انه حلم منار: أعوذ بالله من الشيطان الرجيم.. الحمد لله انه حلم اخذت جوالها وشافت كم مكالمه من فيصل دقت عليه ورد بسرعه فيصل : هلا وغلا منار: هلابك فيصل: كيفك اليوم عساك بخير؟ منار: الحمدلله فيصل: حبيبتي عندي لك خبر راح يسعدك اكيد منار: وشو فيصل: حجزت القاعه بعد اسبوع من اليوم منار بتوتر: لللليش؟؟ فيصل: وش اللي ليش؟ مو اتفقنا نعجل بالزواج؟ منار: بس يعني باقي مو مستعده.. وكيف اقدر اجهز نفسي بأسبوع فيصل: انا اخذت اجازه ذا الاسبوع اي شي تبينه انا حاضر تنهدت بضيق: طيب. اللي تشوفه ابتسم: فديت قلبك. اجل عن اذنك بخلص كم شغله وارجع اكلمك منار: اذنك معك قفلت منه ونزلت الجوال وهي تناظره منار: اي بنت بمكاني راح تكون اسعد انسانه بس انا وش فيني ليش ما احس بسعاده وش بيكون مصيري معه اااخ ي ربي ساعدني حست بضيقه وودها تكلم ريم هي الوحيده اللي تفهمها هي توأم روحها وكانت معها ع طول.. من غير ماتفكر دقت ع رقمها ريم: الو منار وباين الحزن بنبرة صوتها: هلا ريم حست عليها: فيك شي؟ انفجرت تبكي ولا تدري وش السبب.. تحس بألم تحس بضيقه تحس بتأنيب الضمير ريم بخوف: بسم الله عليك شفيك...... الووو منور اهدي وعلميني وش فيك منار تشاهق: زواجي زواجي بعد اسبوع ريم سكتت مصدومه هي بعد منار تحاول تهدا: ريمي مالي غيرك. ابيك محتاجتك. احس اني مخنوووووقه حييييل تكفين لا تخليني. ريم بحزن: انا بظل معك بس انتي اللي تغيرتي علي وعلى مازن اللي سوا كل شي عشانك منار تبكي ريم: مازن مستعد يضحي بحياته عشانك. لو عرف الحين بزواجك وش ممكن يكون شعوره وهو محبوس ولا قادر يعبر عن حزنه منار: صدقيني السجن افضل. انا من خوفي عليه طلبت الشرطه. مابيه يتهور ويسوي شي اكبر ويندم عليه طول عمره ريم: منار لو باقي بقلبك ولو ذرة من الحب اقنعي فيصل يتنازل. منار: صدقيني كذا افضل. خليه لين اتزوج وراح يطلعه اوعدك ريم بحزن: انتي كذا تدمرينه منار: انا احميه من الجنون اللي فيه تتهدت بضيق: ما اقول غير الله يوفقك. ويصبر قلب اخوي على فراقك منار بحزن: اللهم امين تركها وراح وهو يناظرها كيف تمسح على شعر الخيل وتأكله ومبسوطه اخذ سجاره وعيونه عيت تفارقها.. اخذ نفس وطيره في الهوا وهو يتنهد ( كيف راح اتحمل بعدك كييف راح انساك جوانه) ابتسم وهو يشوفها تأشر له انه يجي. اشر لها بأصبعه انو دقيقه وكلم بجواله : هاه كل شي جاهز؟؟..... اوك قفل وجاه اتصال من جاد اللي كان جالس بمكتب جواد اللي بالبيت ومرخي جسمه للخلف وماد رجوله فوق بعض ع المكتب وبيده دفتر ويقرا جواد: هلا وغلا جاد: هلابك. ها بشرني كيف امورك؟ ابتسم جواد: الحمدلله ماشي الحال جاد: كيف الوضع مع زوجتك جواد: عادي. صحيح مبسوطه بس في جروح بداخلها عيت تطيب جاد: داوي كسرها وضمد جروحها. تبي اعلمك وانت اخبر مني جواد ابتسم: وش يدريك اني اخبر جاد: هههه بصراحه طحت لك على دفتر لو اني بنت ذبت من اللي فيه جواد عقد حواجبه يتذكر: دفتر وش جاد يقرا من الدفتر وهو يبتسم " حبيبتي. قد ذاب القلب في بعدك وعطشت الروح لهمساتك. للمساتك. لرائحة شعرك ال.. قاطعه جواد بحزم جواد: جاااااد انت من متى تتعبث بأغراضي ضحك جاد ويقرا مقطع ثاني: اميرتي معشوقتي الجميله كجمال قمرٍ بليلته الخامسة عشر اضيئي عتمة ليلي الدامس بدونك.. اشعلي نار حبي بوهج ابتسامتك... جواد: ووووبعدددين مععععك قفل الدفتر اشوووف جاد: ههههه والله طلعت افهم مني بالحب وانا اللي مفكر نفسي اعلمك جواد: انت كيف لقيت هالدفتر ابفهم جاد: بمكتبك اللي بالبيت وزين ماطاح بيد ابوي ههههه "وتذكر مقطع وقال برومنسيه" بردان وابي حرارة انفاسك تدفيني وابي شفاتك تشعل ناري وتطفيني.. ابي شفه على الشفه يذوو.... قاطعه بحده جواد: اصصصص خلاص جاد ميت ضحك: هههههههه اوك اوك خلاص جواد متوتر: والله ان قريت شي بعد لأجيك واتوطاك الحين جاد يتنفس بعد الضحك اللي ضحكه: المهم ورا ماتقولها هالكلام صدقني راح تذوب بين يدينك مسح جبهته ممر يده لشعره بتوتر: مدري ما احس يناسب بهالوقت جاد: هذا هو الوقت المناسب ي غبي جواد بحزم: اصغر عيالك انا من اليوم تسفل فيني جاد: ههههههه لا بس جد ياخي انت غبي جواد: خلينا الذكاء لك ابتسم ونزل رجوله عن المكتب وهو يعدل جلسته جاد: اسمع بس. رح قلها هالكلام ترا البنات مخفات ينضحك عليهم بكم كلمه جواد: اقووووول لا تغلط على زوجتي جاد: ههههه اوك ابتسم: يلا بروح اشوفها مع السلامة جاد: باي قفل ومسح وجهه وشعره وهو يشوفها (الله يصبرني على قربك... كل هالجمال قدامي ولا قادر المسه) تنهد وتوجهه لها تسليت كثييير في المزرعه كان فيه حيوانات مختلفه اليفه مثل الارانب والبط والقطط وغير الطيور والخيول .. لفيت وشهقت وانا امسك ع صدري جوانه: بسم الله جواد يبتسم: وش؟ شايفه جني؟ ابتسمت: لا بس خرعتني واقف خلفي ولا حسيت فيك ناظرني بنظرات كنه وده يحفظ معالم وجهي حط يده ع خدي وهو يتحسسه نزلت راسي بخجل ف رفعه من ذقني وانا قلبي زادت ضرباته وانا اشوف نظراته لي جواد: عيونك تأسرني. تضيعني في بحرها.. اخاف في يوم اغرق فيها ولا احد يقدر ينقذني اظن وجهي صار مثل الطماط من كلامه وقربه ونظراته لي نزلت راسي وهو رفع راسه واخذ هوا وطلعه.. حاوطني بيده جواد: تعالي نرجع توجهت معه وانا ساكته مو عارفه وش اقول. ي ترا جواد يحبني ليش يقول هالكلام يمكن بس معجب فيني مو حب لو يحبني ماكان تركني.. لا غزله فيه ونظراته مو عاديه يناظرني بنظرات وكنه هيمان فيه.. بس وش يمنعه ليش مايتكلم معقوله لاني اقل منه. معقوله اعجب فيه او حبني ومو قادر يقول لاني ما اناسب مستواه.. ابعدت ذي الافكار من راسي جواد بس حاسس بالذنب وقاعد يكفر عن اخطاءه ايه مافي غير ذا التفسير طق طق طق من خلف مكتبه: ادددخل دخل: السلام عليكم رفع راسه ووقف بسرعه وهو يبتسم : هلا والله وعليكم السلام والرحمه.. تفضل جلس ع الكرسي المقابل له فيصل: تشرب شي؟ فهد: لالا مشكور فيصل: اول مره تزورني هنا خير عسى ما شر فهد: خير ان شاء الله.. جيتك بخصوص مازن تغيرت ملامحه: شفيه؟ فهد: ياليت لو تسحب الدعوه قبل ماتتحول للنيابه فيصل: مستحححيل. كان يبي يذبحني وانت شفت بنفسك فهد: بس انت خلك افضل منه وتنازل فيصل: اسمح لي يا فهد بس مازن زودها ولازم يتعاقب فهد: زودها في ايش بالضبط؟ لا تسوي نفسك الملاك الطاهر ترا انا مصدق مازن في كل شي قاله ارخى ظهره للخلف: امممم يعني مصدق ذاك النصاب ومكذب زوج اختك فهد: ذاك النصاب عشرتي معه فوق 20 سنه تبيني اكذبه واصدق واحد توي ما عرفته الا من كم شهر فيصل يعدل نظارته الطبيه: مو مهم المده المهم انك ماقد شفت مني شي يثبت لك اني انسان سيء مجدر كلام واحد مقهور ويبي يفرقني عن منار بأي طريقه فهد: اذا مازن شايف انك سيء ف انت كذلك وان كنت ماتبي تسحب الدعوه ف راح تشوف مني تعامل ثاني فيصل بثقه: ههههههه وإيش راح تسوي مثلاً؟؟ فهد يبتسم ببرود: راح اوقف بطريق زواجك من منار رفع حواجبه مع نص ابتسامه: بتمنعني اخذ زوجتي؟؟ للمعلوميه ماراح يكون لك حكم عليها. حاليا انا ولي امرها واقدر اخذها غصبن عنك فهد: هههههه ضحكتني والله.. زوجتك يوم تصير في بيتك الحين لو ابي وقفت زواجك ذا وطلقتك منها بعد فيصل اخذ نفس وتقرب من المكتب: الحين وش تبي بالضبط؟ فهد: تطلع مازن فيصل: لا تخاف بطلعه بس بعد زواجنا فهد: لا تطلعه اليوم فيصل: اعذرني اخاف يسوي شي من الاعيبه فهد: مازلت متهمه فيصل: وانت مازلت مصدقه؟؟ تراه يكذب عليك عشان مو قادر يفارق منار. صدقني ماسويت له شي.. اتهاماته لي كلها كذب بكذب.. فهد يوقف: المهم طلعه اليوم والا بحكي لمنار كل شي اعرفه سكت فيصل وفهد طلع. ضرب بيده بقهر على المكتب فيصل: افففففف من وين طلعت لي انت بعد.. من جهة فهد رجع البيت رن جواله ف رفعه ورد وهو داخل فهد: هلا وغلا منيره ابتسمت: هلا فيك.. اممم لقيت لك مكالمه فهد: ايه كنت مشتاااق لك ابتسمت: وانا بعد دخل غرفته رمى شماغه وتسطح بعرض السرير وهو يتنهد منيره بخوف: فيك شي؟؟ فهد بضيق: اي والله افكر بشي شاغل بالي منيره: اقدر اعرف وشهو؟ جلس: سالفه طويله مابي اشغل بالك فيها منيره: بس مو تقول انا نصك الثاني.. يعني تقدر تتقاسم معي همك فهد: ولد خالتي بالسجن وانا مو قادر اساعده منيره: يووه وليش وش صار معه فهد: كان خاطب اختي بس ماصار نصيب والحين منار بتتزوج وهو مو مستوعب انها راحت لغيره ف قام يتهاوش مع فيصل اللي هو زوج منار منيره: اييييه اذكر يوم صارت مضاربه في ملكة منار.. كنت موجوده فهد بضيق: ايه هذا هو وفي مره طعنه بالغلط يعني فيصل تعمد يستفز مازن لحد ماتهاوش معه منيره: يووه الله يعينه والحين وش بتسوي فهد: علمي علمك.. انا كنت توني راجع من عند فيصل طلبت منه يتنازل بس مدري عاد عنه منيره: ومنار كيف وضعها؟ فهد: هذا اللي قاهرني.. ماهمها ولد خالتها ابد، تقول يستاهل منيره: اكيد محد يقدر يقنع فيصل يتنازل الا منار. انت شوف هالكم يوم اذا ماتنازل كلم منار تقنعه فهد: المشكله كبيره ويبي افهمك اكثر. وانا الحين راسي مصدع من هاللي اسمه فيصل. خليني اروق واحكي لك السالفه كامله منيره: تمام اجل اخليك ترتاح ابتسم: انتي راحتي وانتي دواي انحرجت وسكتت فهد: بس اخذ لي دوش واشرب لي بندول وارجعلك منيره: ماشي فهد: احبك ابتسمت: وانا بعد كنت جالسه تحت وجواد مدري وين راح جتني الخدامه مدت لي ورده وانا اخذتها ومستغربه كان لاصق فيها كرت اخذته ( يا اجمل نساء العالم ادعوكِ لتشرفيني على العشاء في تمام الساعه الثامنه مساءً ) ابتسمت وانا اشم الورده ناظرت ساعتي كانت 6 اقدر اتجهز في ساعتين الخدامه: مدام كم وذ مي بليز وقفت ورحت معها طلعنا فوق فتحت لي باب الغرفه الخدامه: ذس فور يوو ناظرت السرير وابتسمت كان مجهز فستان ع السرير.. وجنبه كعب ووردتين وعلبة ميكب رفعت الفستان كان لونه احمر كم قصير مره يلتف حول الكتف ومفتوح سبعه على الصدر وماسك رحت تحممت وطلعت نشفت شعري ورتبته على فوق يعني لميته لتحت الرقبه وكان فيه خصلات نازله ع جوانب وجهي حطيت ميك اب خفيف وناعم اي لاينر واي شدو خفيف مشطت حواجبي مايحتاج ارسمها وبلشر وروج مات احمر ناظرت نفسي ف المرايه وابتسمت .. طالعه اميره على قولته .. ياترا ليش يسوي كذا وش يبي مني ليش يعلقني فيه. لحظة لا انا ماتعلقت فيه انا اكرهه. هه واضح تكرهينه ياجوانه والدليل انك جالسه تتجهزين له وتفكرين فيه .. لا انا بس اسلي نفسي يكفيني ظلم لنفسي خلني ادلعها شوي وحتى لو ايش مايسوي ماراح احبه وان صار وحبيته ادوس على قلبي ولا ابين له حبي ليش؟ شي بداخلي سألني ليش ابي اكرهه ليش وهو تغير وصار زين معي مدري لانه مايستاهل. جواد يستاهل العذاب .. عذبني و اوجعني اهان كرامتي المني جرحني ليش اعطيه فرصه ليش احبه مايستاهل الحب. اخذت نفس ووقفت عموما بعيش اللحظه على قولته وبالنسبة للحب ماراح احبه نزلت وكانت الخدامه بأنتظاري ومشت قبلي وانا امشي بهدوء خلفها لحد ماشفت انوار الشموع وناظرت تحت رجولي فارش الارض بالورد ي الله وش هالجو قربت وكان واقف بأنتظاري وهو يبتسم مد يده لي ومسكت يده باس يدي .. انحرررجت جواد: تفضلي مشينا متجهين للطاوله وقف ووقفت معه كان وجهي قريب من وجهه لاني لابسه كعب ياطوله.. ناظرني بأبتسامه جواد: طالعه كثير حلوه احلى من القمر بس كنه ناقصك شي ناظرت نفسي بأستغراب: وش حط يده بجيب جاكيته الداخلي وطلع علبة صغيره فتحها واخذ اللي فيه والتف وصار خلفي مد يده حول رقبتي ولبسني السلسله وانا حطيت يدي عليه قفله من ورا وطبع بوسه سريعه على رقبتي كنت بسببها راح يغمى علي رجع وقابلني وانا ناظرت العقد ي اللله ي ها العقد لف ولف ورجع لرقبتي جواد: عجبك؟ ناظرته: مره حلو وبيكون احلى لو لبسته لزوجتك رفع حاجب: وانتي وش؟ جوانه: انا مو زوجتك الرسميه على قولتك كله ورق مسكني من خصري وشدني له ناظر بعيوني جواد بهدوء: صرتي زوجتي قول وفعل والا نسيتي حسيت الاوكسجين انقطع ابتعدت بسرعه وعطيته ظهري جوانه بتوتر: احم المهم مابيه مايحتاج يعني رجع لصق فيني من الخلف جواد: واجهي مخاوفك الهروب مو حل التفت له: ماعندي مخاوف بس مو من حقي اخذ شي مو لي جواد: ومن قال انه مو لك؟ جوانه: شفته عندك اول ماجبتني. يعني مستحيل يكون لي ابتسم: يشهد علي الله ما اخذته غير لك ومو من الحين من قبل اتزوجك لو تدرين ناظرته بصدمه ابتسم ومسك يدي وتوجهنا للطاوله سحب الكرسي لي جواد: تفضلي جلست وهو راح جلس ع كرسيه جت الخدامه صبت عصير اخذه ورشف منه وناظرني ونزله وانا للحين انتظر تفسير منه .. تقدم من الطاوله مسك يدي جواد: اخذته قبل اتزوجك او اعرفك جوانه: لا ي شيخ؟ كيف يعني تنبأت اني بكون بحياتك والا وش؟ جواد: هههههه لا بس بعد شفتك .. اقصد بيوم الحادث تذكرين؟ ابتسمت بسخريه: اكيد بذكر هو احد ينسى قد ايش كنت قاسي وعديم احساس جواد: هههههه لا لا انتي كذا تظلميني جوانه: ما اظلمك نسيت كيف كنت اترجاك؟ جواد: مانسيت بس توقعتك تكذبين بس عشان تتهربين من المسؤولية.. جوانه: حرام عليك ماشفت حالتي وقتها جواد: مدري عقلي ماكان معي .. المهم بعد سالفة الحادث بكم يوم.. سافرت لندن وانا بالعاده اخذ قطع لأمي من هناك وكان فيه ذا العقد مدري ليش تخيلته عليك اخذته وانا داري اني مستحيل اشوفك مره ثانيه بس سبحان الله هذا انتي قدامي وهذا العقد زي ماتخيلته عليك انصدمت صراحه يعني معقوله كان ماخذه لي معقوله ذي الصدف.. يعني جواد قبل يحقد علي ويكرهني فكر فيني.. لفتت انتباهه زي ماهو لفت انتباهي. يالله كيف القدر قرر يجمعنا بس بالنهايه راح نفترق سكت مو عارفه وش اقول جواد: التقينا كثير قبل نعرف بعض وكن القدر يبينا نجتمع. وكن مصيرنا نرتبط قلت بحزن: ارتباط انبنا على حقد وكره وانتقام تنهد بضيق: صحيح اجتمعنا على حقد وكره ولكن شوفي الحين كيف وضعنا جوانه: ماتغير شي باقي اربع ايام وينتهي العقد او الصفقه اللي بيننا زي ماتقول عنها ونتطلق تنهد بضيق وتكلم بحده شوي: مايحتاج كل شوي تعيدين وتزيدين بذا الموال. عيشي يومك وخلاص جوانه: ما اقدر اكون طبيعيه وانسى جواد: هذا طلبك والا الود ودي نبقى مع بعض اكثر جوانه: لا مو بس طلبي هذا اتفاقنا.. مو انت قلت لي اذا صحى جاد تطلقني تنهد نزل راسه وهمس : ليتني ماقلت ماسمعته زين: وش تقول؟ رفع راسه وابتسم : ولا شي. سكتت وهو طلب من الخدامه تنزل العشا بديت اكل بهدوء واصلا احس مالي نفس بس عشان اكون طبيعيه قدامه خلصت اكلي واسندت ظهري للخلف وانا اتأمله .. معقوله يحبني .. يبيني ابقى بقربه .. بس انا مو قادره ما اقدر اكون مع شخص ذلني واهاني كيف بنسى كيف بحس بكياني ومكانتي عند شخص اهدرها من زمان .. اللي انكسر بعمره مايتصلح مستحيل يتصلح حسيت بضيق اخذت نفس عميق وطلعته بهدوء فتحت عيوني كان يناظرني جواد: شفيك؟ جوانه: مخنوقه جواد: وجودي يزعجك؟ جوانه: مدري بس احم الافضل نبعد هاليومين مالها داعي جلستنا مع بعض جواد: الداعي انه تبقى بينا ذكرى حلوه بعد طلاقنا جوانه: ماراح اذكر غير قسوتك وجروحك وتعذيبك لي رفع راسه للسماء واخذ نفس .. حسيت بضيقته. اعرف كلامي يخنقه .. انا اللي مضايقني وجودي جنبه مابي اتعلق فيه وكمان عارفه اني جالسه اضايقه بكلامي ادري انه ندمان وده لو اللحظة ترجع واضح عليه ان وده اروح من عنده وانا ناسيه ظلمه وقسوته بس مو قادره اصلا جالسه اجرحه واضايقه واضايق نفسي نزل راسه مسح وجهه بيدينه شرب مويا ورفع عيونه الناعسه لي جواد: ما اجبرك تنسين اللي صار او اللي سويته .. لكن حاولي تتناسين هالفتره .. اي يوم قبل هاليوم يعتبر ماضي حتى وان كان مؤلم بس حاولي تتناسينه ليش تسجنين نفسك بذكريات ماضيه راحت وانتهت .. عيشي يومك انبسطي اضحكي كوني طبيعيه معي وانا اوعدك ما يبدر مني اي تصرف يزعلك او يضايقك جوانه: انت اساس ذا الماضي المؤلم كيف انساه وانت قدامي وقف وقرب من عندي جلس ع الارض ركبه ونص وهو يمسك يديني جواد بحنان بعيون مليانه رجاء: ابقي معي اكثر واوعدك اداوي جروحك وانسيك كل شي مسح دموعي اللي نزلت ووقف ووقفني معه ضمني وانا انفجرت ابكي جواد: هشششش اهدي .. ماراح اجبرك تجلسين معي اذا ماودك رفعت راسي له بعيوني المدمعه: طلقني ما ابيك تكفا طلقني مسح شعري وابتسم بفتور: اوعدك اسويلك اللي تبين جوانه بس ع الاقل نكمل هالشهر مابقي غير كم يوم استحمليني جوانه: ماعاد فيني طااااقه ااااهي اهي ضمني اكثر: تعالي امشي ارتاحي بالغرفه وانسي اني موجود طيب؟ هزيت راسي ورحت معه طلعنا الغرفه تركني عند الباب جواد: غيري ملابسك ونامي دخلت الحمام اكمل بكا وتركته اااه تعبانه تعبانه كثير .. احس بداخلي شي يبيه بس اكرهه بنفس الوقت .. خايفه منه ومن بعده طلع من عندها اخذ سجاره ورا سجاره احرق نفسه بالسجاير جواد: استاهل العذاب اللي قاعد اعيشه .. انا اللي لعبت بالنار وهذا تاليها دق عليها وهو نازل الدرج ويقفل ازارير قميصه العلويه ريم: الو ابتسم: هلا باللي لها الخافق يهلي ريم: هههههههههه هلابك جاد وهو يطلع من البيت متجه لسيارته: وش تسووين؟ ريم: ابد قاعده افكر بمازن ركب سيارته : ووش صار معه؟ للحين ماطلعتوه؟ ريم بحزن: الحقير فيصلوه مو راضي يتنازل جاد بعد تردد: اقدر اشوفك ريم: لا مستحيل. انا وعدت مازن. مو معناته غايب اقدر اشوفك جاد: اعرف وصدقيني مو قصدي استغل غيابه. بس اولا الشووووق ذابحني وثانيا عشان تغيرين جو. صوتك مو عاجبني تنهدت بضيق: وكيف بيكون حالي ومازن محبوس وحبيبة عمره زواجها بعد اسبوع. افكر لو عرف وش راح يسوي انا خايفه عليه ي جاد جاد: شوفي اذا كانت من نصيبه صدقيني لو الكون كله وقف ضده مصيره ياخذها. بس اذا الله مو كاتب ذا الشي صعب انه يصير. لازم يرضى بالواقع ويتقبل الهزيمه ريم: لو انت مكانه وش بتسوي؟ جاد: طبيعي بحاول بأقصى قوتي اوقف ذا الزواج ريم: وانا خايفه عليه من كذا اخاف يسوي بنفسه شي، او يسوي بفيصل شي. صاير مجنون ع الاخر. اااخ ي جاد لو تشوفه جاد: مازن عاقل ما اظن يسويها، ودامك تظنين انه راح يسوي شي عشان يوقف الزواج ف الافضل انه يقعد بالسجن لحد ما تهدا الامور ريم بحزن: ومنار كذا تقول بعد جاد: اجل حاولي انك ماتسعين لخروجه عشان ماتصيرين سبب لمصيبه ثانيه ريم: الله يستر ويعدي هالايام على خير جاد: اللهم آمين.. انا طالع من البيت الحين ريم: وين بتروح جاد: بجي بيتكم ريم بخوف: وللليش؟ جاد: بعطيك شي من عند الباب ريم: مجنووون انت؟ اخاف اهلي يشوفونك بالذات خلاص صارو يعرفونك جاد: خلهم يشوفوني يمكن يعجلون بزواجنا ريم بحده وعتب: جااااد ابتسم: عيوووونه ريم: تكفا لا تجي جاد: محد راح يشوفني بس بعطيك شي وامشي ريم: وشهو؟ جاد اعلمك اذا جيت. باي ريم: الله يصبرني ابتسم وقفل وتوجه على بيتها تحممت ولبست بجامتي وطلعت لقيته بوجهي ناظرني وانا صنمت مكاني اقترب بخطوات بارده وهاديه وثقيله صار قدامي بالضبط ماناظرته بس حسيته يناظرني.. طول ف رفعت راسي اشوفه عيونه الناعسه باين عليها التعب والهم ماتكلم وطالت النظره وانا ماعاد فيني اتحمل اشوف عيونه اكثر نرلت عيوني وتعديته جوانه: بغيت شي؟ كنت عاطيته ظهري وهو معطيني ظهره بس التف ولصق صدره بظهري وانا اقشعر كل جسمي من قربه نزل راسه واسند ذقنه ع كتفي ويدينه تحاوط بطني وهمس جواد : بغيت كل مافيك يشعر باللي اشعره ارتجف جسمي رعشه غريبه دايم قربه يربكني ابتعدت ولفيت صرت مقابلته جوانه: جواد ارجوك. نعسانه وبنام قال بهدوء: طيب تعالي ننام جوانه: بنام تحت بالصاله جواد : لا تنسين وعدك جوانه: بس... قاطعني جواد: بدون بسبسه انتي وعدتيني اخذت نفس وانا اسبقه ع السرير: طيب دخلت تحت البطانيه وانا احاول انسى وجوده دخل ع الحمام وانا من تعب اليوم نمت قبببل يطلع تحمم وتأخر متعمد عشان تنام طلع بعد مالف روب الحمام عليه ومنشفه ع راسه حس بهدؤها وانتظام نفسها وعرف انها نايمه لبس بيجامته واقترب ناظرها وطول النظره مبتسم و مو قادر يشيل عينه عنها لحد ماعكر مزاجه صوت بداخله يقوله ترا كلها يومين وتتركك ازاح نظره عنها وتنهد بضيييق التف ع الجهه الثانيه وتغطى وهو يغمر راسه بشعرها وناااااام رفع جواله وهو جالس بسيارته ويناظر البيت جاد: حبيبتي انا تحت ريم بخوف: خلاص اترك اللي معك عند الباب وروح جاد: بس بشوفك شوي ريم: جاااد يلا عاد اخاف ابوي يشوفني رفع ساعة يده: الوقت متأخر تلقينه بسابع نومه يلا انزلي استناك ريم بتذمر: ياااربي من راسك اليابس انتظر شوي لين شاف الباب انفتح نزل بسرعه ودخل وهو يناظرها من فوق لتحت جاد: اشتقت لك ريم بإحراج: وانا بعد رفع الكيس اللي بيده وهو مبتسم: شوفي جبتلك احلى برقر من بنش اعرفك تعشقينه ريم مصدومه: جاد مجنون انت جاي عشان ذا مد لها الكيس واخذته: لا عشان شي ثاني ابتسم وطلع علبه من جيبه ريم: وش ذا جاد: خاتمك ضاع يوم خطفوك ف جبت لك نفسه وقلت لازم البسك بنفسي ريم: ماكذبت يوم قلت انك مجنون الحين جاي بذا الوقت عشان خاتم؟ جاد: ايه عشان لو طلعتي محد يشوفك من يشوفون الخاتم يعرفون انك ملكي لي انا لحالي نزلت راسها بخجل رفع يدها ولبسها وختمها ببوسه على اصابعها الناعمه جاد: احبك رفعت يدها تناظر الخاتم: الله لا يحرمني منك جاد: ولا منك ريم: يلا خلاص بدخل قبل احد ينتبه جاد: ماشبعت ريم: اذا تزوجنا بتشبع مني جاد هيمان فيها: اااه الله يعين قلبي ويصبره ابتسمت وهو طبع بوسه سريعه على خدها وطلع بسرعه رجعت البيت وهي تناظر يدها وتبتسم: مدري وش كنت بسوي بدونك ..................................... في صباح جديد غير عن كل الصباحات اللي شافتها صحت من لفحات الهوا البارد اللي داخل عليها جلست وهي تناظر الغرفه اللي كانت ابوابها من الزجاج مفتوحه والستائر الخفيفه يلعب فيها الهوا ابتسمت وهي تشوفه جاي عندها امجد: صباح العسل ياعسل ابتسمت اكثر: صباح الخير كان لابس بنطلون ترابي وقميص ابيض شفاف ومفتوح ومبين صدره غمز لها بعد ماشاف نظراتها له: عجبتك؟ اخذت المخده من خلفها وضربته فيها وهي تقوم بس مسك يدينها وجلسها عليه.. همس باذنها امجد: اشتقت لك بقوووه حست بالاحراج وقفت بسرعه ودخلت الحمام وهو يضحك على خجلها تكلم بصوت عالي امجد: لاتتأخرين الفطور جاهز طلع من الغرفه ع الفيو اللي ع البحر.. كان مجهز الطاوله وعليها الفطور جنب المسبح رتب باقي الاغراض وهو يبتسم على تصرفاتها صحيت بدري ولقيت نفسي بأحضان جواد حسيت بأحراج وكنت بروح بس ضمني اكثر جواد: جوانه لا تتركيني ناظرته حسبته صاحي بس ارتخت يده وقدرت ابعد عنه رحت الحمام وقفت عند المغسله وغسلت وجهي مره مرتين ثلاث ناظرت نفسي ف المرايه جوانه: جواد يحبني. واضح عليه هالشي بس ليش مايقول... لالا ي جوانه لاتضحكين على نفسك. لو يحبك كان مافكر يتركك هو بس حاس بالذنب ع اللي سواه فيني مو قادر يسامح نفسه اكيد او يمكن هو متعود علي زي ماقال يحسبني شي من املاكه ويبيني اظل معه عشان يرضي غروره تنهدت ومسحت وجهي وطلعت وكان لسى نايم ف نزلت تحت احس بطني قالب علي واحس بغثيان ودوخه الله يستر لا يلاحظ علي وقفت وطلعت اتمشى رحت للاسطبل غامرت ودخلت وقربت من جوان الفرس مسحت على شعرها ولقيتها حابه هالشي هههههه انبسطت وظليت امسح ع جسمها وانا اكلمها كنها تفهمني جوانه: جوان حبيبتي انا انتي وانتي انا انا بعد اسمي جوانه وراح نكون حلوين مع بعض. يلا عاد خلينا نسوي دويتو هههه قررت اركب الفرس ناديت الخدامه اللي من طلعت وهي تلاحقني هههه جابت لي درج صغير من ٣ درجات اخذت نفس وطلعت وانا احاوط رقبة الفرس بقوه خايفه ترفسني او تطيحني زي ماقال جواد بس كانت هاديه وتتحرك بمكانها رفعت نفسي وانا ابتسم بنصر وامسح شعرها جوانه: اييييوه شاطره جوان الحلوه خليك كذا هاديه .. ايييه وينك ياجواد تشوفني تقول ماقدرت عليها شفني كيف مهجدتها هههه مسكت اللجام ورفعته وشكلي شديته بقوه لانها بدت تهرول وتسرع حبه حبه جوانه:لالالا جوان اهدي اهدي اهدي. اااااااااااا صرخت لانها بدت تركض وانا ماعندي خبره كثيييير خففففت مو قادره اهديها ترركض بسرررعه وتلتف وتركض اسرع اااااااه ي ربي من قالي ما اسمع كلام جواد اكيد بموووت.. اااااااه اهدددددي تككككفين كنت اشد الحبل ابيها تهدا بس تزيد ويزيييد خوفي ورعبي.. كل محاولاتي في تهديتها فشللللت صرررت ابكي واصرررخ بصوت عالي لعل احد يسمعني ويقدر يوقفها سمعت صوت خيل التفت شفت جواد يلاحقها وانا صرخت عليه اطلب النجده جوانه: جوووووواد اقترب منها ومازالت تركض وانا بمووت نزل رجوله عن الخيل وقفز بسرعه صار خلفي ويده ع الحبال وحركها كم مره والفرس تصهل وترفع راسها لحد هدت وصارت تهرول وبعدها خفت حركتها ووقفت كنت اتنفس بسرعه من الخوف وجواد صدره يطلع ويهبط نزل ونزلني معه التفت شفته معصب وخفت منه جواد يصر ع اسنانه وعاقد حواجبه بعصبيه: انتتتي متى راح تسمعين الكلام؟؟ "وحط اصابعه ع راسي وهو يدقه" راسك اليابس هذا يبي له تكسير، ليش تحبين تعانديني؟ ليييييش؟؟ كنت ساكته وبدت عيوني تدمع ف صرخ بعصبيه جواد: انننننطقققي ناظرت فيه مو قادره اتحمل عصيبته تركته وركضت ع البيت واسمع خطواته بعدي دخلت بس مسك يدي ولفني له بقوه لحد ضربت بصدره ضمني وانا بكيتتتتت مدري. بعد الحنان والاهتمام اللي عطاني مو قادره اشوف قسوته من جديد.. مسح ع شعري ظليت ابكي شوي لين بديت اهداء جواد بهدوء: خفت عليك .. الفرس ذي مجنونه يبي لها ترويض غلط اللي سويتيه رفعت راسي له: انا ا ا اسفه ابتسم ومسح دموعي: هالمره سماح بس توعديني ماتعيدينها؟ جوانه: وعد ما اعيدها مسح بقايا دموعي وهو يرجع خصلات شعري خلف اذني : اسمعي كلامي ترا ما امنعك من شي الا لمصلحتك. لأ يعني لأ مفهوم؟ هزيت راسي بإيه وانا ابتسم جواد: يلا اجل انا بروح اتحمم وانتي خليهم يجهزون الفطور جوانه: اوك وطلع ع فوق وانا اراقب خطواته وابتسم. واحس بمشاعر غريبه بصدري اتجاهه وكأني ماودي يغيب عني في السجن انفتحت الزنزانه السجانه: خوللله فزت بسرعه وتناظرها السجانه: عندك خروج جهزي نفسك بققت عيونها ماتدري تفرح او تحزن ماتدري كيف فجأه عندها خروج مافكرت كثير وقفت وجهزت نفسها وطلعت مع السجانه بعد مالبست عباتها.. وقعت بعض اوراق وطلعت من السجن بسرعه خايفه يكون فيه شي غلط وترجع لحياة القرف زي ماتسميها.. اول ماطلعت من باب السجن شافت امها ركضت بسرعه وحضنتها وهي مبسوطه مره.. كانت امها تبكي كثير وضامتها بقوه خوله ابتعدت شوي: يمممه شفيييك انا طلعت انبسطططي ليش تبكين حست بشخص يسحب امها ناظرت ف ابوها وابتسمت تبي تروح تضمه بس وقفها بيده اللي مدها قبل تجيه ابوخوله: من اليوم ورايح لا تعرفيني ولا اعرفك. انا متبري منك وسحب امها وطلعها السياره وخوله باقي مصدومه الى ان استوعبت وراحت له وهي تبكي خوله : لا ييييبه تكفا لا. انا بنتك ساااامحني انا غلطتتت بس سامحني يبه مالي غيركم مارد عليها وركب السياره وقفت عند شباكه وتدق الباب: يبببببه لا تكون قاسي اناااا بننننتكك ارجوك سامحني لا تخلييييني تحرك وتركها وهي مصدومه ولا قادره تتكلم بالسياره ام خوله تبكي: كككككيف هانت علييييك كيييف قدرت تسوي ببنتنا الوحيده كذا.. كيف قدرت تخليها ابو خوله بحده: لا تنسين اننا زوجناها مقابل خروجها. الحين هي مع زوجها ماهي بلحالها ام خوله: بس زوجها شكله مو ناوي خير ابو خوله: بكيفه فيها طلعت من ذمتي لذمته كملت بكا ولا قدرت ترد عليه نزل وكان الفطور جاهز بالحديقه سبقته ريحة عطره اللي حبيتها بأخر فتره الظاهر بسبب الوحام .. قرب مني وانا وقفت حاوطني بيده وانا ذاااايبه بريحة العطر ناظرته جوانه : وش اسم عطرك؟ رفع حاجب بأستغراب وابتسامه خفيفه: ليش؟ جوانه: اممم حبيت ريحته عشان اذا افترقنا باخذ منه واظل اشمه تغيرت ملامح وجهه من الروقان جواد: اذا حابه عطري ظلي معي وشميه كل يوم مني. لانه مو موجود بأي محل هذا مصنوع خاص لي انا ناظرته: من جدك؟ ابتسم: اي نعم ناظرني شوي وكمل: وقصة فراق مافراق هذي ماعاد ابي اسمعها يعني لسى ٤ ايام قاطعته: صارو ٣ ايام تنهد وناظرني شوي بعيونه الناعسه: مستعجله ع الايام تبينها تمر بسرعه؟ جوانه: اي والله خلاص ابي ارتاح كنت اقصد ارتاح من التفكير والتعب النفسي اللي احسه وانا اعد ايامي الاخيره معه ابتسم بقهر: ترتاحين مني .. لذي الدرجه وجودي ثقيل عليك!!! جوانه: لا اق... قاطعني كالعاده جواد: الفطور واشر لي بيده خلاني انجبر امشي واجلس ع الطاوله فطر بهدوء ولا تكلم ف تكلمت بدون مقدمات جوانه: كنت اقصد ارتاح من التفكير مو منك رفع نظره ولسى منزل راسه والشوكه ف فمه نزلها وبلع لقمته ورفع راسه مسك يدي جواد: يعني ماتتمني فراقي؟ مدري ليه هزيت راسي بلا: لا ابتسم وبعد تردد: اممم طب ماودك تظلين معي اكثر؟ جوانه: لأ ابتسم: على طول لأ مافي اسباب يعني؟ جوانه: تبي اسباب اكثر من اللي صار معنا جواد: لو فرضنا ماصار شي او ماجرحتك والمتك وش بتكون اسباب رفضك لي جوانه: امممم اولا مستواك ثانيا يمكن فارق العمر بينا جواد: المستويات مو مهمه و....قاطعته جوانه: مهمه بالنسبه لك.. نسيت وش كثر كنت تكلمني بعلو وغرور جواد: ماعادت تهمني .. وبالنسبه للعمر ياما ناس متزوجه اشخاص اكبر منهم وما صار شي بالعكس متفاهمين اكثر جوانه: يمكن الفرق بسيط بس اللي بينا 12 سنه انت مستوعب؟ ابتسم بسخريه: يعني شايفتني شايب على قولة جاد جوانه: بالعكس مو شايب في شكلك ماشاء الله بس يعني الفكر بيختلف مع اختلاف العمر .. يعني انت رجُل ناضج عاقل وانا لسى ما اخذت دروس من الحياه مثلك. وبعدين انت كل بنت تتمناك بس..... قاطعني: كل البنات الا وحده (يقصدني) ابتسمت : المهم. لو مثلا مابينا ايام سيئه كانت هذي بتكون اسباب رفضي .. الا وكمان شي انت مستحيل بعمرك تفهمني او تعرف شعوري جواد: من قال ما افهمك؟ جوانه: انا اقول تنهد: انا افهمك اكثر من نفسك قلت بتحدي: طيب اثبت لي يلا جواد: اممم اعرف انك حالياً خايفه من فقداني وخايفه تظلين معي بنفس الوقت بداخلك حرب. تنطقين اشياء انتي اصلا مو مقتنعه فيها وتبررين لنفسك عشان ماتحسين انك غلطانه في تصرفاتك نزلت عيوني بسرعه لها الدرجه انا مكشوفه عنده لها الدرجه يفهم وش احس فيه رجعت نظري له وناظرته بحده: كلامك كله غلط بغلط ليش اخاف من فقدك.. انا اكثر وحده اتمنى بعدك ضحك بصوت عالي وهو يرجع جسمه ع الكرسي ورافع راسه نزل راسه ولسى مبتسم: وش هالتناقض قبل شوي قلتي انك ماتتمني فراقي اخذت نفس قهرني واثق بنفسه بزياده يحسب انه قادر يلعب علي بكلمتين جوانه: قلته عشان ما ازعلك بس انا اعد الايام لفراقك.. اذا نسيت وش سويت فيني انا مانسيت انت انت كلمة ظالم قليلة بحقك انت متجبر متسلط ع اللي اضعف منك اخذتني ذوقتني المر بأنواعه والحين جاي تبيني انسى؟؟؟ اناعمرررري ماراح انسى ولا تقدر تنسيني عذاب سنه كامله بكم يوم حلوين. ووقفت وتركته وانا ابكي اففف مدري ليش خربطت كذا وخربت يومنا طلعت الغرفه وقفلت الباب الخشبي واستندت عليه وانا اكمل بكا أما من جهته عصر قبضة يده وضرب الطاوله بعصبيه اخذ سجاره وقف بسرعه وهو يولعها ويده تهتز رمى الولاعه وشفط منها كم نفس وطلعه بقهر ظل يدخن شوي وطفاها ومشى طلع من المزرعه ركب سيارته غمض عيونه وارخى راسه ويفكر بكل كلمة قالتها ويحس يعتصر الم دق جواله فتح عيونه وعدل جلسته ورد بتعب وببرود جواد: هلا جاد جاد يستهبل: هلا بالمعرس جواد بإستهزاء: هه. امحق معرس جاد: شفيك جواد: ابد مابه جديد جاد: وش صار علمني؟ جواد: كل شي منتهي مايحتاج نعيد ونزيد جاد: ليش هالكلام لسى في وقت جواد: تكرهني كثير ي جاد تشوفني ظالم متسلط ماراح تنسى لو اشعلت لها اصابعي ندم ماراح تنسى ابتسم جاد: جرحتك بالكلام؟ جواد: وراك فرحان جاد: لان هذا بداية الشفاء تنهد جواد: اي شفاء ي بن الحلال جاد: جواد اذا عندك جرح ملتهب وجيت تعقمه بتحس ان المعقم زاد الجرح الم وراح تكره هالمعقم بس باليوم الثاني راح تكتشف انه سبب راحتك وراح ترجع تحطه وحتى لو تألمت منه راح تحبه.. جوانه الحين نفس الشي مجروووحه ودلعك لها بمثابة معقم لجرحها. راح تتألم وتتذكر وتكرهك وتبعدك بس لو استمريت صدقني راح تحس انها ماتقدر تعيش بدونك وبدون دلعك وحبك ابتسم جواد: قلتلك صاير تنقط حكم جاد: هههههه خلاص بصير استشاري علاقات زوجيه جواد: ههههه... سكت شوي وتنهد : عطيتني شوية امل بكلامك جاد: يلا اجل اخليك معها ولا تنسى كل شي حبه حبه لا تستعجل على شي جواد: ان شاء الله قفل ورمى الجوال شغل السياره وطلع ولا يدري وين يروح بس وده يبتعد عن جوانه لحد ماتهدا : هلا بالعروس التفتت بسرعه ومن شافته انتفض كل شبر فيها ابتسم ببرود: شفيك شايفه جني لا سمح الله خوله بخوف تحاول تخفيه: اا ا انت و وش جابك هنا مشعل: سالفه طويله نقدر نحكيها بالطريق خوله : ا اي طريق ماراح اروح معك رفع راسه بغرور: للاسف ماعندك خيارات ابوك باعك لي وانا اشتريتك بفلوسي حست بالاهانه لاول مره بحياتها : تخسي ابوي مايسويها مشعل : سواها وخلص. والحين اركبي ولا ركبتك غصب خوله بعصبيه: بصففففتك من اركب مععععك؟ مشعل بحده وهو يرفع سبابته ف وجهها: قصصصصري صوتك. صوتك ذا ماينرفع على اعمامك فاهممممه؟ بدت تحس تبي تنهار مو مستوعبه شي. ركب السياره وهي خافت يسوي لها مشكله وركبت معه طق طق طق كانت جالسه على سريرها وحاضنه الدبدوب اللي جابه لها مازن.. من سمعت دقت الباب مسحت دموعها بسرعه وهوت نفسها بيدينها منار: ادددخل دخلت امها وهي تبتسم: صباح الخير على عروستنا الحلوه ردت بإبتسامه باهته: صباح النور جت وجلست جنبها وهي تمسك يدها: ماني مصدقه انك بتفارقيني بعد كم يوم منار: لا تخافين يمه مستحيل اقطعك انا بكون عندك كل يوم ام منار: ايه هين كلنا قلنا كذا لأمهاتنا وماعاد شافو الا غبارنا هههه ابتسمت منار: لا انا غير راح تشوفين ام منار: المهم حبيبتي بخصوص فستانك بما انك مايمديك تفصلين جبت لك وحده عندها فساتين تجنن هي تصممها قالت تاخذ مقاساتك وتعدله عليك.. انا عجبني شغلها وش رايك نروح لها بعد الظهر تنهدت بضيق: اللي تشوفينه يمه ام منار وهي توقف: خلاص اجل جهزي نفسك منار: ان شاء الله طلعت وهي رجعت حضنت دبدوبها وتبكي منار: اااااه يا مازن ليش تركتني. ليش سافرت.. ليش خليتني اعيش شي ماكنت متخيله اعيشه. للللليييييش انت السبب من البدايه انت اللي تركتني وعذبتني وعذبت نفسك :انتي سبب اللي انتي فيه مازن ماله علاقه رفعت راسها مفجوعه شافت فهد يدخل ويقفل الباب.. مسحت دموعها ونزلت راسها.. سحب كرسي التسريحه وجلس مقابلها فهد: اسف بس الباب كان مفتوح وسمعتك وانا مار.. منار بهدوء : عادي فهد : منار ابفهم بس دامك تحبين مازن ليش متمسكه بهاللي اسمه فيصل؟ منار: فيصل ما اذاني بشي ماقدرت اكون سيئه معه فهد: هه والله انك غبيه ضاحك عليك بكم كلمه وانتي مصدقته منار: وليش ما اصدقه ترا مازن حاول يثبت انه كذاب ولا قدر فلا تقنعني فهد: شغلي ذا المخ المصدي. مازن وش مصلحته يكذب؟ منار: عشان الغيره ذابحته مايبيني اتزوج غيره فهد: انا بعد مره قلت له ارضى بالواقع يمكن انها مو من نصيبك. قال راضي واستاهل بس ماتاخذ واحد حقير زي فيصل.. يعني لو غيران على قولتك كان ماقال الله يوفقها تتزوج اللي تبي بس غير فيصل منار: لا تصدق لو باخذ غير فيصل صدقني راح يسوي نفس الشي وقف: ياااااربي منك صدق راسك يابس. بدا بيطلع ووقف عند الباب: نصيحة مني ي منار لا تمشين ورا عقلك اسمعي لقلبك وطيعيه طلع وقفل وهي قعدت تفكر بكلامه ولا تدري تسمع لقلبها والا عقلها انفتح باب الفيلا حقته ودخل بسيارته كانت منبهره من جمال المكان ماتوقعت ان مشعل عنده ذا الخير كله وقف ونزل وهي نزلت بعده تقدم بيدخل البيت وهي وراه مشعل بحده: هيي هيي هييي وين مدرعمه؟ خوله : معك جوا مشعل بضحكه عاليه: هههههههههه وبصفتك من تدخلين جوا خوله: ما تقول اشتريتني يعني قصدك تزوجتني رجع ضحك بصوت عالي استفزها: ههههههه لا ي حلوه في لبس في الموضوع انا ما اتشرف اتزوج وحده خريجة سجون خوله بقهر: اجل شتبي فيني جايبني لبيتك مشعل: ابد الهندي سواقي مسكين خاطره يتزوج عاد انا ماخليتها بخاطره تدرين فيني كررريم وياما تصدقت على ناس مثلك وشرواك يشحذون الفلس بقلة الادب والطلعات مع شباب أغنياء بققت عيونها: لحظه لحظه خل ذا الكلام على جنب شتقصد انت بالهندي اللي يبي يتزوج؟؟ انا وش علاقتي ابتسم بشماته ورفع يده ينادي: جندااار جا السايق يركض لعنده وهو التفت لها بسخريه: عاد اسم زوجك مره حلو. تقدرين تدلعينه جوجو مازالت مصدومه جندار: يس بابا دفها من كتفها لعنده: خذ ذي زوجتك تخيل عاد اشتريتها لك ب 500 الف.. كله ولا يكون بخاطرك ابتسم وهز براسه: ثانكيو مودير حست بالاهانه وهو يردد كلماته: تخخخخسي مستحيل اهلي يوافقووون ابوي مو من النوع اللي يحب الفلوس انت كذااااب مشعل مبسوط: الفلوس دفعتها عشان تطلعين من السجن.. كفالتك يعني. والا مهرك الجزمه افضل منك ليش ندفع فيك مهر خوله مصدووومه مو مصدقه اللي قاعده تسمعه مشعل: وعشان ما اخليها بخاطرك بتسألين نفسك كيف ابوك وافق يزوجك على غير سعودي. طبعاً ابوك بعد اللي صار تبرا منك. ماتشرفه بنت مثلك. قلت له استرها وزوجها وانا بتكفل بخروجها عاد هو ماصدق كيف يفتك منك ومن الفضيحه.. وافق لانه عارف انك بتقعدين على كبده من بيتزوج وحده رخيصه مثلك ماقدرت ترد تحس وكأن احد صفعها كففف ومو اي كف اشر للسواق بيده انو خذها.. ف بدا بيمسك يدها وهي صرخت وابعدت يدها: وووووخر عنننني يا قذذذذر كان طالع الدرج بيدخل بس رجع بسرعه وعطاها كف طيحها عند رجول جندار مشعل: ان سمععععت حسكك ثاني مره مايضفك الا الشارع.. وهاللي تقولين عنه قذر انظف منك مليون مره انتي قذارتك تخطت حدود الجلد والبشره صارت تمشي بدمك كلم جندار بعصبيه: شيلها من هنا يلااا.. وان ماطاعتك خذها بالقوه ابتسم: اوكي بابا مد يده لها عشان توقف دفت يده بإشمإزاز ناظر مشعل اللي اعطاه اشارة الموافقه ف مسكها من شعرها وسحبها لغرفته وهي تصرخ ومشعل مبتسم مشعل: قليل فيك يا حقيره صحيت مفزوعه ناظرت ساعة يدي صارت ٤ العصر وقفت رحت الحمام وغسلت وجهي وطلعت اشوف جواد نزلت تحت مالقيته سألت الخدامه قالت طلع برا المزرعه من الصباح تنهدت بضيق انا وش سويت ليش قلتله هالكلام اكيد جرحته .. طيب ويعني اذا جرحته خله ينجرح هو ياما جرحني والمني وكسرني .. لا ليش اكون مثله انا احسن منه .. فكرت اعتذر منه بس وش بيفيد اعتذاري. برسل له رسالة اعتذار بس وش اقول وش اكتب ياربي اخذت جوالي برسل بس ماشفت نفسي الا دقيت شوي ورد جواد: هلا جوانه جوانه: وينك؟ جواد: ليش؟ فيك شي؟ جوانه: احم لا بس احمم جواد: وش فيك؟ جوانه: تعال واعلمك جواد: اوك نص ساعه واكون عندك قفل وانا وقفت بسرعه وطلعت فوق اجهز نفسي فكرت اني اسوي له جو وكذا يعني ممكن اسوي له عشا .. مدري لحد يسألني ليش براضيه لاني انا بنفسي مو عارفه اللي اعرفه مابيه يزعل ضايقته كثير من امس وانا اعصب عليه وابين له كرهي الحين مدري شفيني ماودي يزعل او يتضايق. ماعاد فكرت كثير رحت تحممت وطلعت لبست سشورت شعري وفتحته .. لميت اطرافه لفوق والباقي نازل وحطيت ميك اب خفيف لبست الكعب وتعطرت و نزلت تحت كنت برتب الوضع واسوي عشا خفيف بس شفته بوجهي كان لابس ثوب وشماغ طااالع يجنن بالثوب عن ايش احكي والا ايش كل تفاصيله تجنن حتى لمعة الكبك والساعه شي ثاني فخااااامه هيييبه رززززه لو اي وحده تشوفه بتخق عليه .. من شافني مفهيه فيه رفع حواجبه بإستغراب وتقدم مني جواد: خوفتيني فيك شي؟ ترددت بس حطيت يديني ع كتوفه وميلت جسمي لجسمه ورفعت راسي لانه طويل ماشاء الله رغم الكعب جوانه بنبرة دلع: امممم انا بخير بس حبيت اعتذر منك ياليتني ساكته احسن عيونه بتاكلني وكنه ذاااايب من قربي.. قرب وجهه اكثر مني وهو يحط يدينه ع خصري وانا احس بنار من لمساته طبع بوسه طوووويله ع جبهتي.. وانا غمضت عيوني رفع راسه ف فتحت عيوني واناظره ولسى لازقه فيه ومحاوطه رقبته بيديني جواد: وانا اقدر ازعل منك؟ ابتسمت برضا وكملت ابرر: صدقني ماقصدت اللي قلته انا بس عصبت كذا وقمت اخربط بالكلام جواد ببحته وهدوءه وهو يتحسس خدي بيده: يقولون الصراحه بوقت الزعل تعكس الشعور الحقيقي اللي تخفيه المجاملات جوانه بدلع: لأ مو صحيح هالكلام صدقني انا ماعليك منهم ماقدر يقاوم جاذبيتها اكثر اقترب وباسها هالمره ع شفاتها وطاااااااالت البوسه انفتح باب الحجز الشرطي: مازن التفت له بهدوء الشرطي: قوم عندك زياره وقف وراح له مد يدينه وكلبشه ووداه لغرفة الضابط دخل ومن شاف فهد ابتسم وجلس مازن: بشر فيه اخبار زينه فهد بحزن هز راسه بلا : لا والله ي خوك.. حاولت بكل الطرق مافي فايده تغيرت ملامح وجهه: يعني خلاص راح تتزوجه فهد بحزن: ايه نهاية الأسبوع مازن بقهر : الله يلعنه الواطي فهد: استغفر ربك مايجوز اللعن. مازن: استغفر الله بس قاهرني الله ياخذه .. انت مارحت له؟ ماكلمته؟ فهد: الا رحت و حاولت معه وهددته بس ماسحب الدعوه الخسيس وكأنه واثق ان منار ماراح تصدق الا هو مازن بقهر: اااااخخخخ لو امسكه والله ما يطلع عايش فهد: هي منار عشان كذا ماتبي تساعدك لانها عارفه انك مجنون وراح تسوي مشكله مازن: لو انت مكاني سويت زود فهد: تظاهر ان الموضوع ماهمك.. عل وعسى يشوف ذا الغبي انه ماقدر يقهرك ف يسحب الدعوه وقف بعصبيه: عساه عمره ماسحبها. وبلغه احسن له مايسحبها لان لو فكني ماني مخليه لين اشوف دمه يجري قدامي وقف فهد ومسكه من كتفه: مجنوووون انت.. تبي تلحقه قصاص.. محسب اهله بيتركونك مازن بلا مبالاه : احسن ماعادت تفرق معي وطلع وترك فهد مصدووم ابتعد بسرعه وكنه توه يستوعب عطاني ظهره وانا متوتره من اللي صار وقلبي يدق بقوه ابتعدت عن الحايط اللي لزقني فيه وانا ابلع ريقي بتوتر جواد ولسى معطيني ظهره: تعشيتي؟ جوانه: لا جواد: اوك انتظرك برا نطلع نتعشا وطلع وانا طرت للغرفه غيرت ملابسي وعدلت روجي اللي انعفس وانا اذكره وحسيت بأحراج وانا اشوف علامه ع رقبتي بس زين انه ماتمادى اكثر. حسيت بتوتر .. شفيني انا وش صار لي ليش صار قربه عادي .. الحين وش يقول عني اكيد راح يحسب اني ميته عليه .. لا لا بس انا وعدته احاول اعيش اللحظات الحلوه معه ولازم ما افكر بشي سيء .. تنهدت ووقفت ونزلت بعد مالبست عباتي لقيته يدخن التفت لما سمع حسي جواد: جاهزه؟ جوانه: ايه طفى سجارته وقرب مني مسك يدي ومشينا طالعين جوانه: ليش تدخن تراه مضر ابتسم بسخريه: ماجبتي شي جديد قلت بعتاب: جواااد والله جد جواد: تعودت عليه خلاص ما اقدر اتركه جوانه: حاول عشاااني ناظرني ولسى نمشي: خليك معي وانا احاول جوانه: جوااااد خذ الموضوع بجديه ابتسم واشر لي ع باب السياره اللي فاتحه لي ف ركبت والتف وجلس جنبي وتحرك السواق مسك يدي بحنان: صعب تترك شي تعودت عليه.. انا اموت بدونه حسيت الكلام لي مو للدخان ههههه بس سكتت وهو بعد وظليت اناظر بالشوارع لحد وقفت السياره ناظرت المكان كان الفيصليه نزلنا واتجهنا للبرج وطلعنا المصعد وطولنا ناظرته جوانه: ليكون خرب؟ جواد: هههههههه لا المطعم اخر شي فوق عشان كذا طول تنهدت بأرتياح حاوطني بيده: لا تخافين وانا جنبك ابتسمت واخيرا انفتح ودخلنا ع المطعم وااااااااو مطعم البلوره اول مرررره بحياتي ازوره جواد عطاهم رقم الحجز وتوجهنا على طاولتنا كانت اطلالة الرياض شي شي ماينوصف مو قادره اشيل عيني عن القزاز جواد: حابه شي معين والا اطلب لك على ذوقي جوانه: اممم على ذوقك طلب وناظرني وابتسم: وش رايك بالمطعم ان شاء الله عجبك جوانه: مررررره يجنن ماعمري فكرت اجيه ابتسم: اهم شي عجبك سكت وانا اناظر مسك يدي وخلاني التفت له جواد: جوانه جوانه : همم جواد: خليك اسبوع بعد عشان ابي اوديك اماكن كثيره بالرياض اتوقع تعجبك نزلت راسي ماودي اخرب مزاجه جوانه: افكر ابتسم ويازين ابتسامته ظلينا شوي وجا الاكل صراحه ماعرفت وش اللي بها الاطباق كل طبق عليه كم لقمه بس. لكن الشكل يهبل كنه تحفه ماودي اكلها واخربها جواد: سمي شفيك بديت اكل واناظر جواد اللي يناظرني ومبتسم نزلت شوكتي والسكين وناظرته بأحراج جواد مبتسم : شكلك حلو وانتي تاكلين انيقه ورقيقه بكل شي تسوينه انحرررجت وجواد زادت ابتسامته جواد: ي زين خدودك لا صارو مثل الكرز غصت بملابسي مو قادره على غزله ماعاد تكلمت ولا اكلت جواد: خلاص خلاص كلي ماراح اناظرك ناظرته شفته ملتهي بأكله ف كملت اكل شوي وجا الويتر واخذ الاطباق ونزل اطباق ثانيه وراح اكلنا وخلصنا واخذو الاكل رجع جواد يمسك يدي لحد ناظرته قلت بسرعه: نروح؟ جواد يبتسم : اصبري لسى نحلي ونمشي سكت جواد : ليش مستعجله ما عجبك المكان جوانه : بالعكس كثير رومانسي وهادي ويجنن ابتسم: طيب ليش مستعجله سكتت مدري وش اقول بس احس بالاحراج والتوتر نظراته وغزله واسلوبه موترني جانا الحلى ووبدا جواد يقطع بياكل بس لا مدها لي قربها من شفتي وهو يبتسم فتحت فمي واكلتها بخجل ورجع عطاني مره ثانيه وكليت والمره الثالثه رفع الشوكه بس تكلمت جوانه: وانت ليش ماتحلي جواد ببحه تقتل : انا حليت في البيت. على احلى كرزتين "اشر بأصبعه ع شفاتي وغمز لي.. وكمل وهو يعض شفته السفليه" جواد ببتسامه: اااااه حلى من نوع فاخر ماينشبع منه لالالا هو الجو حر والا انا حرانه احس الأوكسجين انقطع احس جسمي كله صار ينبض مو بس قلبي وقفت بسرعه مو قادره اتحمل اكثر من كذا.. ابتسم: تبين نمشي حتى كلام ماعدت قدرت اتكلم هزيت راسي بإيه ف قال اجلسي وطلب الفاتوره حاسب وطلعنا وهو محاوطني رجعنا المزرعه قرب مني وشبك يده بيدي جواد: نعسانه؟ جوانه: لا جواد ينادي الخدامه جت وكلمني جواد: عطيها عباتك فسختها وعطيتها حاوط كتفي بيده وهو يبتسم واتجهنا على جلسة (جازيبو) خشب وعلى اعمدتها ستاير من الشيفون البيج وكلها مخدات جلس وجلست جنبه كنت اناظر تحت.. رفع راسي وناظر بعيوني يتأملها وسرحان جواد ببحة صوته: عيناك تأسرني وتسرق قلبي مني دواءُ روحي هيا وهي الحياه أتيمُ بها. واُبحرُ في صفاؤها كأني غريقٌ ينتظر طوق النجاه ابتسمت وانا منحرجه بس الفضول ذابحني وتذكرت كلامة اللي كاتبه في كتابه جوانه: انت تكتب هالكلام؟ ابتسم: ايه نعم. عجبك؟ جوانه: يعني انت شاعر؟ ابتسم: الشاعر اللي يلتزم بوزن معين لأشعاره لكن انا ما التزم. يعني انا احب اكتب اللي بقلبي بس جوانه: اممم طيب سمعني اكثر جواد: ما احفظ اللي اكتبه كثير بس وش رايك اغني لك تحمست: ايه ي ليت جواد ينادي الخدامه الخدامه: يس سير جواد: عطيني عودي راحت وانا ناظرته: وتدق عود بعد ابتسم: مع اني ماقد غنيت قدام احد ولا دقيت عود بس عشان عيونك بغني لك جابت الخدامه العود واخذه وهو يضبط اوتاره جواد: اممم وش حابه تسمعين جوانه: اي شي قريب لقلبك تنهد وناظرني وبد دق ع العود وانا مفهيه فيه وفي طريقة دقه مرتني الدنيا بتسأل عن خبر مابه جديد عشاق ليلة تفارقوا صاروا بعيد لا طاحت نجوم السماء ولا تاه في الظلماء قمر لا تاقف الدنيا وتسأل عن خبر ما به جديد اسهل من الكذبة على شفة طفل فرقى الاحبة يا هوى احلى من الحلم الي ودي لو كمل كانت ليالينا سوى لا طاحت نجوم السماء ولا تاه في الظلماء قمر لا تاقف الدنيا وتسأل عن خبر ما به جديد لا تاقف الدنيا على اول طريق فرقى الاحبة يا هوى لا تسأل جروحي متى خان الرفيق عهد المحبة والهوى لا طاحت نجوم السماء ولا تاه في الظلماء قمر لا تاقف الدنيا وتسأل عن خبر ما به جديد مرتني الدنيا بتسأل عن خبر مابه جديد عشاق ليلة تفارقوا صاروا بعيد نزل العود عنه ووقفه جنبه وهو يبتسم وانا مفهيه ومسنده راسي على يدي وهيمانه فيه وبصوته واحساااسه الطاغي ودقه وكل شي فيه يجنن لوح بيده قدامي: الللللوووووو انتبهت لنفسي وعدلت جلستي وانا اناظره ابتسم: وين سرحانه جوانه: بصوتك. يجنننن يجننن .. احساسك طاغي وصوتك وبحته عطت الاغنيه نكهه حلوه ومميزه .. ابتسم بفرح: بيكبر راسي اذا مدحتيني اكثر واصدق نفسي جوانه: خله يكبر بصراحه ماتوقعت كل هالقساوه يطلع منك ذا الاحساس الحلو .. يابخت اللي بتاخذك كل شي فيك شاعر وعازف وصوتك حلو ورمانسي جواد بنظراته الغريبه: طيب تتزوجيني؟ حسيت انه يستهبل علي ف كملت استهبال: لا انا متزوجه هههه ابتسم: وزوجك ماعنده مواهب زيي؟ جوانه: عنده كل شي بس ماننفع مع بعض مسك يدي وكلمني بجد: ليه ماننفع؟ وش يمنع؟ رن جوالي وكأنه يبي ينقذني من الموقف اللي انا فيه جواد يناظر فيه: مين؟ جوانه: منار بنت عمي جواد: طيب خذي راحتك انا رايح وقف وراح وانا رديت قبل ينطفي: هلا ماسمعت غير صوت شهقاتها جوانه بخوف: بسم الله عليك شفيك باقي تبكي جوانه: منوووور خوفتيني فيك شي؟ انننطقي منار من بين دموعها: ل لأ ب بسس مخنووووقه جوانه: بسم الله عليك.. تعوذي من الشيطان واهدي منار: ااااه ي جوااانه ليتني اموت وارتاح جوانه: بسم الله عليك وش ذا الكلام... تعوذي من الشيطان يا روحي وفهميني وش السالفه منار تشاهق: مافي شي انا وجودي زيادة عدد قاعده اعذب اللي حولي واتعذب جوانه: صار شي مع فيصل منار: لا بس حدد زواجنا نهاية الاسبوع جوانه: بذي السرررعه؟ منار: ايه ومازن مسجون بسببي. اااه ي جوانه تعباااانه مره ضميري يأنبني مو قادره ارتاح جوانه : وانتي كيف وافقتي على موعد الزواج؟ منار: حجز وجا علمني ما استشارني.. كان كثير مبسوط ماقدرت اكسر فرحته جوانه: كيف كذا ما يسألك.. هذي حياتك انتي تقررين متى وكيف تكون منار: ماناقشته لاني ابي ارتاح تعببببت من الهم تعبببت من التفكير تعبت من حياتي جوانه بحزن: تعبتي تقومين تتزوجين واحد ماتحبينه؟؟ اصحي ي منار مو هذا الحل. صدقيني الحل بيدك ليش تروحين لطريق نهايته مسدوده منار: مااا اقدرر صععب اتركه بأخر الطريق جوانه: صدقيني محد بيتعب بالنهايه غيرك. فلا تبدين مصلحة غيرك على مصلحتك منار: جوانه انتي ماشفتي فيصل انسان ما اقدر اقوله لا وقف معي وكان محترم قراراتي. وكمان ظل معي رغم انه عارف ان قلبي للحين ينبض لغيره ومع ذلك ماقد سمعني كلمه تجرحني. ف كيف تبيني اتركه ما اقدرررر جوانه: تدرين رغم كل شي ذكرتيه الا اني ما ارتحت له . بالعكس احسه هو سبب تعاستك لو ماطلع بطريقك كنتي الحين بخير منار: صدقيني انتي ماتعرفينه بس صعب اجرحه صعب جوانه: وبتقعدين كذا "اللي يبينا عيت النفس تبغاه واللي نبيه عيا البخت لا يجيبه؟؟ منار: اااه اي والله ذا المثل اكثر مثل ينطبق علي جوانه: متى زواجك اي يوم بالضبط منار: الخميس تذكرت وقلت بحزن: بيكون بعد طلاقي بثلاث ايام منار: طلاق وش انتي الثانيه جوانه: نسيتي؟ مو قلت لكم بينا اتفاق بعد الشهر نتطلق منار: ايه تذكرت بس حسبت خلاص اموركم تمام جوانه: تمام واحلى من التمام بس ماينفع نكمل منار: وليش؟ جوانه: ما احس بالانتماء لذا المكان احس هنا كني غريبه. وحتى جواد احسه غريب عني ماقدرت اتخيل ان ممكن امورنا تزين ونكون زوجين عاديين بعد كل الالم اللي عشته.. تدرين مستحيل نكون مع بعض لاني ببساطه ماقدرت انسى المر اللي ذوقني ياه كان راجع ياخذ جواله. سمع كلامها حس بألم يعتصر قلبه تراجع قبل تنتبه له وتوجه ع سيارته جلس فيها وهو يرخي راسه للخلف ويغمض عيونه رنت كلماتها بأذنه ( جواد غريب عني،، ما اتخيل نكون عاديين بعد كل الالم اللي عشته،، لاني ببساطه ماقدرت انسى المر اللي ذوقني ياه جواد بألم: والله ان الالم اللي قاعد احسه الحين يا جوانه اقوى أضعاف من اللي حسيتيه .. اااااه اه بعد ساعتين على جلسته بالسياره نزل بتعب سحب شماغه بهدوء وعصره في يده تنهد ودخل البيت ناظر الدرج شوي اخذ نفس عميييق وجلس ع الكنبه بالصاله وهو يرخي راسه للخلف ويد ممدوده ع طول الكنبه ويده الثانيه يفرك مقدمة راسه بتعب ورافع رجوله ع الطاوله اللي قدامه فتح ازارير ثوبه العلويه مخنوووق مضايق حززين يحس قلبه يعتصر الم كل ما تذكر كلامها يحس انه تأكد انها مستحيل تسامحه مهما سوا.. حس بغصه لما تذكر ان باقي يومين وتختفي جوانه من حياته.. كيف يعيش كيف يتحمل اخذ نفس: سهل سهل فتره وتعدي سهل النسيان .. مستحيل اقعد اذكرها طول عمري غمض عيونه تذكرها وابتسم .. يذكر دلعها اللي لايق عليها يذكر نعومتها نظراتها الطفوليه اذا صارت تبي تبكي. يذكر خجلها اذ تغزل فيها. فتح عيونه بتعب جواد: والله المستحيل هو نسيانك انتهى البارت تعليقاتكم وتوقعاتكم تسعدني فلا تحرموني منها ❤️❤️ | ||||
|
| |
|
19-09-22, 07:45 AM
| #69 | |||||||||
|
| اولا : بسم الله الرحمن الرحيم 😁❤️ ثانيا : صباح الخير والفل والسعاده 💙💜 ثالثا: بتقدم الك بشكر اله اول ماله اخر على مثابرتك وثقتك وإصرارك واللي تمنيت لو يكون عندي القليل منها ما شاء الله تبارك الله عليكي انتي في غايه الروعه رغم قله المتابعين الا انك ملتزمه بتنزيل الفصول وهذا شيء مبهر للغايه ❤️❤️❤️❤️❤️ رابعا : تمنيت لو ما عندي روايه قيد الكتابه لابقى واقرأ روايتك الرائعه وواكتشف شخصيات جاد وجواد وجوانه 😍😍😍❤️ خامسا : لا تستلمي لقله المتابعين والبدايات دائما صعبه وان شاء الله روايتك رح يكون عليها اقبال لانها رائعه ❤️ وانا ان شاء الله رح اكون داعمه الك وصديقه واخت لأني عانيت من الاحباط الشديد خصوصا مع بدايه روايتي الثانيه واني بكتبها من ال 2018 لكن الحمد لله اللي بيرجع النا الامل ❤️💖 انا معك ان شاء الله واستمري حنان الجميلة 😍😍😍😍💗 ملاحظه : العنوان لفتني جدااااا لانه يامس اشياء كثيره في حياتنا اللي بنعيشها ومع ناس بنحبهم😭😭😭💔 بالتوفيق يااا قمررري ❤️🌕🌕🌕 | |||||||||
|
| |
|
| أدوات الموضوع | |
| انواع عرض الموضوع | |
|
|
215Likes
العرض العادي
