آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-09-22, 03:32 PM
| #71 | ||||
 
|  اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي العظيم | ||||
|  |
|
20-10-22, 11:10 PM
| #72 | ||||
 
| السلام عليكم ورحمة الله وبركاته كيفكم متابعين الروايه الخفيين 😄 مع ان ما اظن احد منتظر بس حابه اعتذر جد عن الانقطاع انقطعت بسبب ولادتي وانشغالي مو لاني مابكمل الروايه بإذن الله الاسبوع الجاي بنزل كم بارت. واصلا صرنا بالنهايه كل اللي باقي حول ثلاث او اربع بارتات اشوفكم على خير ان شاءالله ❤️ | ||||
|
| |
|
20-10-22, 11:17 PM
| #73 | |||||
| اقتباس:
اهلا وسهلا يابعد قلبي اسعدني مرورك وردك جدآ ❤️❤️ مهما كان الاحباط بإذن الله مكملين حتى لو مافي متابعين لاني وعدت نفسي اني انزلها مهما كان اشكرك على كلامك الجميل ودعمك 😊❤️❤️ | |||||
|
| |
|
07-11-22, 09:05 PM
| #77 | ||||
| الــبــــــــارت الــــــــواحـــــــد والأربعـــــــون لا هوى قبلك ولا أمل بعدك ولا سما إلا فـ عيونك ولا ثرى إلا في وعدك انتي كل الناس وحدك من ملك عتمة عيونك وابتسام الفجر فيها ما بقى في الدنيا ولا بقى أرضٍ يبيها إنتي يا عمري الليالي كلها قربك وبعدك إنتي كل الناس وحدك أنا أحبــك والله شاهد روحي من غيرك تضيع وإن حكى في حــبي واحد أتركيه إنتي الجميع إظلمي قلبي بدلالك وإنصفي منهو يردك إنتي كل الناس وحدك /بدر بن عبدالمحسن صحيت من بدري بسبب بطني وقفت ع طول وطرت ع الحمام استفرغ اااه صار بطني يوجعني من كثر هالاستفراغ مايجيني الا وقت اصحى غسلت وجهي كم مره وانا القط انفاسي اخذت المنشفه معي وانشف وجهي وطلعت جواد بخوف: بسم الله عليك شفيك نزلت المنشفه شفته بوجهي ماتوقعت يصحى بس صوتي شكله كان عالي تعديته وجلست ع السرير وهو لحقني وكان واقف ينتظر جواب جوانه : لا ولا شي بس استفرغت نزل ع ركبته ع الارض وهو يحضن وجهي بيدينه: اكلم الدكتور يجي؟ خفت: لالا مايحتاج جواد: بتطمن عليك جوانه: انا بخير لا تخاف جواد بشك: اككيد؟؟ جوانه: اكيد وقف ووجلس جنبي: طيب ارتاحي جوانه: انا بخير صدقني جواد: ماعليه حتى لو بخير ارتاحي اسندت ظهري ع السرير ومديت رجولي وهو حط مخدات خلف ظهري و راح ع الحمام وشوي وطلع وهو يلبس قميص ابيض وسافط اكمامه شوي نزلت نظري بأحراج جلس ع حافة السرير جنبي بعد ما انهى تقفيل قميصه الا من كم زر من فوق كان صدره باين شوي رفع راسي من ذقني جواد: صرتي احسن؟ جوانه: ايه الحمدلله جواد: دقيقه وراجع.. راح ع الباب وفتح ورجع ضرب جبهته بخفيف وكنه تذكر دخل غرفة الملابس وطلع وفتح الباب وسط ذهولي يعني كان بيقفل علي ناظرني وكنه سمعني: خفت عليك تطلعين زي امس ويجيك شي ابتسمت وهو نزل استرخيت وظليت افكر وش اسوي كيف اخبي عنه حملي.. وليش اخبيه هذا ابوه لازم يعرف حرام احرم ولدي او بنتي من ابوه بس مو الحين خلنا نتطلق وينتهي كل شي وبعدها اخبره عشان ماياخذه حجه اني لازم اقعد معه فتح الباب وكان شايل صينيه بيده ومبتسم ف ابتسمت لابتسامته دخل وحطها ع رجولي جوانه: ليش كل هذا جواد: ندلعك شوي جوانه: مايحتاج قطع لي بيض واخذه بالشوكه وهو يرفع لي واكلته وظل يأكلني شوي جوانه: خلاص شبعت جواد: لالا لازم تاكلين وش اكل العصافير ذا جوانه: هههه لا انت ناوي تخليني اصير فيل جواد: ههههههه والله لو ااكلك من الحين لين بكره ماسمنتي. ما شاء الله عليك لو اكسرك تنكسرين جوانه: يلااا عاد مو لها الدرجه جسمي حلو جواد: ااه اي والله حلو "وغمز لي" وكثير بعد نزلت عيوني بإحراج اخذ نفس وابعد الصينيه عني رجع نظره لي: جهزي نفسك بنطلع بعد شوي جوانه: وين جواد: البيت والا عاجبتك الجلسه هنا جوانه: بصراحه المكان ماينمل منه يعني الهوا والطبيعه والحيوانات مكان حلو كثير وهادي جلس وناظرني مسك يدي: وانا؟ حسيت بتوتر: انت وش؟ جواد: ماحبيتي الجلسه معي؟ جوانه: احمم اممم عادي يعني انت متعوده على مزاجك المتقلب رفع حاجب: انا اللي مزاجي متقلب والاا انتي؟ جوانه: اقصد يومين تصير زين معي وتدلعني تحسسني اني ملكت الكون ويومين تصد وتبعد وتشوفني كأني ولا شي جواد: قلتلك هالمره ماراح تشوفين مني الا كل خير ان شاءالله وقف وطلع وانا اراقبه و ابتسمت ااااخ ياربي وش يصير معي انا اكرهه مستحيل مستحيل احبه .. الاصح اني مابي احبه مابي اعطيه فرصه ثانيه لانه مايستحقها ليش مو قادره اسيطر على مشاعري ليش التناقض اللي قاعده اعيشه ليش ما انساه واصد وخلاص قمت اجهز نفسي.. تحممت ولبست وحطيت ميك اب خفييييف لبست عباتي وطلعت كان ينتظرني تحت مسك يدي وتوجهنا للسياره ركبنا في الخلف وتحرك السايق جوانه: جواد التفت لي جوانه: احم امممم اقدر اروح بيت اهلي جواد: ليش؟ جوانه: ماتفرق هاليومين يعني خلاص خلنا ننهي ذا الاتفاق تعبت برتاح اخذ نفس: تفرق معي كل دقيقه جوانه: وش الفايده من جلستي جواد: كملي هاليومين والله يستر عليك سكتت وهو بعد لحد ما وصلنا مشى معي للداخل فتحنا ولسى ماسك يدي شاف امه بأحد الصالات اللي تحت ورحنا لها سميره تبتسم: هلا هلا تو مانور البيت جواد يبوسها: بنورك يمه صافحتها بس سحبتني وضمتني وانا مستغررربه بس ابتسمت سميره: كيفك حبيبتي وكيف جواد معك ان شاء الله هونتي عن الطلاق نزلت راسي بإحراج وتكلم عني جواد اللي جالس جواد: هذي راسها يابس مستحيل تتراجع عن شي ابتعدت وجلست جنبه وهمست له: مو يابس احنا بينا اتفاق وانتها سميره وهي تجلس: ليش يمه؟ جواد مقصر معك بشي؟ يضربك؟ يجرحك؟ ترا قولي لي وانا اعلمك فيه ابتسمت من قلب من يقول هذي اللي كنت اقول عنها ام اربعه واربعين ههه استغفر الله جوانه: لا والله مو مقصر ابد وهاليومين مدلعني بس ي خالتي انا مو منكم مو من ثوبكم وجواد يستاهل وحده من طبقته يفتخر فيها سميره: هالامور تخطيناها وخلصنا منها انتي منا وفينا انتي ي جوانه غيرتي فيني الكثير.. طبقات وما طبقات وش بتفيدني.. انتي عشتي معنا وعرفنا اصلك ومعدنك الطيب وصدقيني ما اتمنى لجواد زوجه غيرك لانك غيرتيه هو بعد وناظرت جواد وانا بعد ناظرته ف وقف على طول ويكلم امه جواد: لا تتعبين نفسك يمه. دامها ماتبينا خلها تروح الله يسمّح دربها...... تحرك وهو يكمل: يلا عن اذنكم وطلع وتركنا وانا اراقبه لحد ما اختفى ورجعت نظري لخالتي سميره: يحبك ي جوانه لا تكسرين قلبه نزلت عيوني بحزن: بس انا ماراح اقدر احبه وانسى سميرة: راح ينسيك صدقيني ماراح تكونين سعيده غير معه وقفت: بالعكس وانا معه ما احس غير بالذل والاهانه مهما سوا ماراح انسى الطريقه اللي جابني فيها لهنا ومشيت وتركتها ايه همها ولدها وانا وشعوري بالطقاق طلعت ع غرفتي فسخت عباتي وشفت الورده اللي جابها لي جواد قبل يومين ع الكمودينه ذبلانه اخذتها وحضنتها بيديني وانا بعد مثل هالورده جيت لها البيت وانا جوانه المرحه جوانه الشغوفه المشرقه بس هنا ذبلت بعد ماكانو اهلي يسقوني بكلمات الحب والحنان والتشجيع والدعم مالقيت هنا الا الالم الحزن الاهانه انفتح الباب وكزيت لانه مادق التفت له بخوف ولسى ضامه الورده بيديني لصدري ناظرني بإستغراب جواد: وش فيك؟ جوانه: ولا شي ناظر يديني اللي مازلت ضامتهم لصدري جواد: وش ف يدك؟ عناد فيه ولفضوله سحبت يديني من غير مايشوف ورجعتها خلف ظهري جوانه: مو شغلك رفع حواجبه بتفاجأ : ينقال لي هالكلام يا جوانه؟؟ جوانه: ايه ويلا اطلع برا برتاح قرب مني رفعت راسي واناظره بحده وكنه توه ينتبه جواد: تبكككين؟؟ نزلت راسي بس رفعه ومسح بقايا دموعي: ليش؟ امي زعلتك بشي؟ جوانه: لا جواد بحنان: زعلتي من كلامي؟ جوانه: لا جواد: اجل؟؟؟؟ جوانه: تذكرت شي وبكيت لاني اشتقت له تغيرت نظرات الحنان بعيونه وعقد حواجبه: م من هو اللي اشتقتي له؟ قلت اقهره: مالك دخل مسك يدي بعصبيه يبي يسحبها من خلفي وهو يصر ع اسنانه: ووووش بيددددك؟ اننننطقي لمممين اشتقتي كان يتكلم ويحاول يسحب يدي وقدر انه يسحبها لانه كان اقوى مني بكثييير يوم شاف الورده انصدم ووجه صاير مايتفسر توتر خوف غضب كل شي اجتمع فيه جواد: وش ذا من مين هالورده؟ هه انا قلت مستحيل يتغير جواد شاك فيني وراح ازيده قهر جوانه: من واحد ناظرني بصدمه وفاتح فمه عطاني ظهره وهو يتحرك بالغرفه رايح جاي ويده ع جبهته يفركها بيده اللي ترجف. شوي رجع لي ومسك ذراعي بقوه جواد يصر ع اسنانه: من هو سكتت واناظره ببرود هزني بعصبيه: اااانططططقي قلت ببرود: انت ناظرني بتفاجأ وارخى قبضة يده. ناظرني شوي وترك يدي وعطاني ظهره يهدي نفسه وهو رافع راسه للسقف اخذ نفس ورجع ناظرني جواد: ليش هالحركات؟ كتفت يديني: اشوفك تثق فيني والا لا مسكني من كتوفي بس بحنان : اثق فيك طبعا بس انتي ماخليتي فيني عقل يقدر يفكر. و ونسيت اني جبتها قبل يومين ناظرني وكنه تذكر شي وبإستفسار:ومنهو اللي اشتقتي له؟ ابتسمت بسخريه وانا احرر نفسي من يدينه واجلس ع سريري: وتقول تثق فيني؟ جلس ع ركبته والثانيه سافطها لفوق ع الارض ومسك يديني جواد: وربك اثق فيك بس مجرد استفسار جوانه : اشتقت لنفسي جواد. جيت هنا مثل هالورده اول ماعطيتني مفتحه مشرقه بس الحين ذبللللت ذبلت ومتتت مسح دمعتي بيده : اسقيك من روحي وترجعين زي ماكنتي جوانه: الميت مايرجع ي جواد الميت مايرجع سكت ووقف ووقفني جواد: ع العموم تعالي الجناح بقفل هالغرفه جوانه: انا مرتاحه هنا جواد: مو وعدتني تكونين معي جوانه: جواد ارجوك لا تضغط علي اكثر انا مابي قربك جواد بحده: مو بكيفك. قلتلك راح تجين معي حررت نفس منه بتمرد وانا ادفه : مممماببببي خلااااااص انا اكككره الجناح مابيه ماااابيه يذكرررني بكل لحظة الم عشتها بكل ليلة نمتت اتوسد الارض بكل ليلة نممت وانا جوعانه مكسسسوره بردانه يذكرني بضعفي بذلي واهاناتك لي .. ااااه كم من ليلة نمتها وانا اتوجع كم من ليلة سهرتها ودموعي على خدي اكره كل شي بالجناح لانه يذككككرني بقسوتك بظلمك وجبروتك ما ابيه اكرهه واكرهك جووواد تكفا ابعد عنننني اتركني اكككككره الجناح واككككرهك والله اكررررهك مو بالغصب خلاص حررني الله يرحم والدينك اتركني تعببببببت والله تععععببببت ااااااه ضمني بقوووووووه وكنه يبي يعصرني وانا صررت ابكي اكككثر جواد: اااششششش اهدي اهدي خلاص ماصار شي اهدي جوانه: اككككرهك يا جواد ابعد عني خلني بحالي طلقني تكفاااا خلاص انا مابيك ولا ابي قربك اكرررررهك طلقننننني مابيك مابيك وربي مابيك جواد: طيب اهدي .. ببعد عنك بس اهدي ما اعرررف ليش ابكي بس مو قادره اتحمل اكككثر .. ابي ابعد قبل لا اتعلق فيه لدرجه تخليني ما اقدر افارقه بكيت بحضنه كثثثير وهو يمسح ع شعري هديت شوي وحاولت ابتعد وهو ما منعني ابتعد شوي لحد ناظرته مسح دموعي جواد: خلاص لا تجين الجناح اجلسي وين ماتحبين. يرضيك هالشي؟ هزيت راسي بإيه وهو ابتعد عني شوي جواد: وانا راح اريحك مني ماراح اجيك لين تخلص هاليومين وترتاحين مني ومن الجناح ومن البيت بكبره وطلع بسرعه وانا ندمممممت بجد ندمممت اني زعلته... اااه ياربي وش يصير لي. مع هالحمل نفسيتي مخربطهه اخبص بالكلام واعصب كثير. بس جد انا ماقلت شي غلط هو كان قاسي كثيير معي لدرجة حسيته وكأنه شيطان ماعنده احساس ماعنده رحمممه.. صحيح الحين تغير بس مو قادره اتخطى اللي صار.. المشكله اذا زعلته احس بألم ماودي يتضايق اااه ياربي ساعدني ظل يلف ويدور بالحديقه وسجاره ورا سجاره مو قادر يهدا. كز لما جاد مسك ع كتفه والتفت جواد عاقد حواجبه : خير وش عندك؟ ابتسم جاد: وش فيه الحلو معصب جواد بملل: اوووه جاد مو فاضيلك جاد: افا وش صار؟ وراه انقلب حالك تنهد بضيق: تكرررهني تكككرهني ومن حقها هالشي انا سويت شي مايسويه عاقل مارحمت ضعفها قسيت عليها كثير جاد يواسيه: ماعليك اذا حبتك راح تنسى قسوتك كلها جواد فقد اعصابه وهو يذكر كلامها: تنسى؟؟؟؟؟؟؟؟ وضحك بجنون وقهر هههههه تنسسسسى اييييش ي جاد؟؟ تنسسسسى ايش والا ايش قول؟ راح تنسى كم مره ضربتها كفوف لحد ماعضت الارض؟؟ راح تنسى كم مره خنقتها الين ما وصلتها للموت راح تنسى كم مره جوعتها كم مره نيمتها بالبرد بدون غطا راح تنسى قساوة الارض اللي نامت عليها شهووور راح تنسى كم مره رفستها وكنها كوره بين رجولي. راح تنسى تجججججريحي لها راااح تنسى ككككيف مسحت بكرامتها القاع ودسسست وجهها بجزمتي والا اهاااناتي لها وكم مره خليتها تبوس رجولي؟ ولا تنسى كيييف خليتها خداااامه ونيمتها مع الخدم. اااه مع الخددددم ي جاد. تذكر وبألم اعمق وهو يهمس بينه وبين نفسه: هه والا بتنسى علامة سجارتي اللي بجسمها واللي اوجعتني قبل توجعها .. كمل بيأس وصوت عالي: قول لي الحين راح تنسى كللل ذا العذاب بيوم وليلة؟؟؟ وتركه مصدووم وطلع بسيارته وراح اما جاد ف ظل فاتح فمه مو مصدق ان جواد كان قاسي مع جوانه لها الدرجه توقع انه بس جرحها ولو ضربها توقع انه بس كم كف بسيطه ماتوقع كل هذا هز راسه بأسى وهو يشوف السياره تطلع من القصر جاد: لا والله ي خوك ماظنتي تنسى في مكان بعيد كانت جالسه ع التسريحه وترتب نفسها وقفت وتناظر المرايه كانت لابسه فستان خفيف صيفي ابيض طويل وقبعه كبيره ع شعرها المفتوح دخل وناظرها بأعجاب قرب منها ورفع خصلات شعرها عن وجهها امجد يبتسم: ذا الجمال كله لي؟ ابتسمت بدلع: امممم يعني نصه لك ونصه للطلعه امجد: لا والله؟؟ دانه: ايه والله امجد: وتتوقعين اني بخلي غيري يشوف كل ذي الحلاوة بوزت: لا عاد مو معقوله بتلبسني عباة هنا بعد امجد: ليش الغيره بس في السعوديه؟ هنا ممنوع اغار؟ دانه بدلع: امجد مو من جدك عااااد امجد يبتسم وهو دايخ من دلعها: من جدي وعمي بعد .. يلا اشوف غيري دانه: وش البس طيب امجد: غطي شعرك البسي حجاب ولبسك يمكن اعديه لانه ساتر راحت وهي تتأفف بتذمر ودلع وهو يضحك عليها خلصت ورجعت ابتسم: ايه كذا المره العاقله دانه باقي ماده بوزها: اهم شي رضاك طال عمرك وقف مقابلها: ابتسمي مايهون علي اشوفك كذا دانه بزعل: ليش ماتخليني اخذ راحتي امجد: مو ياقلبي لاني ما اقدر اشوف نظرات الناس لك .. اغااااار افهههمي دانه: عاد هنا ياكثرهم المفصخات ماراح يناظرون الا انا امجد يحاول يلطف الجو: عاد ذنبك انك جميله ... والناس تترك المتفصخات على قولتك وتناظر الجميلات اللي مثلك وشرواك ابتسمت بخجل وابتسم لابتسامتها امجد: نطلع؟ هزت راسها وطلعو وهو ينسيها بغزله لها نزلت الدرج رايحه المطبخ شافت أمها جالسه بالصاله مهمومه وتمسح دمعتها راحت لها على طول ريم: يمه شفيك جلست جنبها ام مازن بحزن: افكر باخوك لمتى بيقعد كذا تعب نفسه وتعبنا معه ريم: هونيها يمه كم يوم ويطلعونه لا تخافين ام مازن : انا مدري وش جاه ليش سوا سواته ذي لذي الدرجه يبغا منار. واللي مجنني وراه تركها وهو يبغا يجن عليها ريم تتنهد بضيق: اكيد عنده سبب يوم تركها بس يمكن ماتوقع تتزوج بذي السرعه عشان كذا مو قادر يصدق .. انتي ادعي له يمه. دعاء الام مستجاب رفعت يدينها وراسها: ياربي ياحبيبي ان تفرج عنه وتنسيه همه ياكريم يارحيم ارفق به ظلت تدعي وريم تركتها وطلعت غرفتها اخذت جوالها ودقت على منار اللي ردت على طول منار: هلا ريم: هلابك منار بخوف: فيه شي؟ ريم: شي مثل وش؟ منار: مدري انا اسألك. يعني اقصد مازن فيه شي ريم بحزن: ليش تعذبين نفسك وتعذبينه معك دام خايفه عليه منار: ولد خالتي اكيد بخاف عليه ريم: وبس لانه ولد خالتك؟ منار: ريم القرار اللي اخذته ما اقدر اتراجع عنه صدقيني ما اقدر ريم بحزن: دمرتي نفسك ودمرتينا بقراراتك المتسرعة سكتت منار ماتدري وش ترد بس اللي تعرفه انها مستحيل تجرح قلب فيصل حتى وان تألمت هي كوله كوله قوم فتحت عيونها بتعب ومن شافته ناظرته بتقزز: ابعد عني جندار: مافي يبأد انا زوج مال انتي يلا قوم سوي غسيل ملابس خولة بقرف: نننعممم انا ماغسلت ملابسي اغسل ملابسك الزباله عطاها كف لين لف وجهها. رجعت وجهها له بعصبيه : كيييف تتجرأ تمد يدك علي ي قذر قام ضربها اكثر وهي تصرخ وتتألم جندار: كلام زياده انتا سوف ايش انا سوي. سكتت وهي تبكي وهو طلع خولة: اااااه الله ياخذك الله لا يوفقك يا مشعل الله يبتليكم اثنينكم بمرض ماله علاج .. وجع يوجعه الحيوان. ااااخ يمه بعد العز اللي انا فيه شوفي ويني. انا اخذ هندي ااااه اااه يالقهر بس والله ما اخليها لكم والله لنتقم منكم كلكم .. والله لخليكم تندمون على اللحظه اللي فكرتو تلعبون فيها معي .. هين ع الساعه ١١ مساء رجع ع البيت متأخر بعد مادار بالشوارع ولا يدري وين يروح دخل جناحه وتذكر كلامها والمشاهد تنهمر عليه ذكريات قساوته وجبروته تنعاد قدام عينه وهو يناظر الصاله ولسى ماسك الباب ومادخل تذكر كيف كان يضربها بدون رحمه كيف المها كيف جرحها... الندمم بيذبحه ندمااان قد شعر راسه وده لو اللحظه ترجع ومايتزوج جوانه وده لو الوقت يرجعه لليوم اللي قابلها ويتعرف عليها من جديد.. غمض عيونه بألم رجع وقفل الباب بسرعه ماقدر يكمل لغرفته راح لغرفة ثانية من غرف القصر دخل وتوجه ع الحمام اخذ له دوش بااااارد يمكن يبرد النار اللي بقلبه.. طلع وشغل التكييف وتسطح بروب الحمام يحسسس نار بداخله مو راضيه تنطفي ماقدرت انام احس بضيقه احس بحزن ماكان ودي ازعل جواد ماكنت ابي اقول له ذا الكلام بس مدري شفيني مشاعري ملخبطه ساعات احس اني ابيه وودي اكمل عمري معه وساعات افكر لو يعطوني كنوز الدنيا مارجعت له .. اصلا هو يبيني؟؟ دايم اسأل نفسي هالسؤال الاكيد انه حاسس بالذنب وقاعد يكفر عن اخطائه ما اتوقع انه يبيني لشخصي ولا اتوقع انه يحبني. كل الحنان اللي اشوفه لانه حاسس بالذنب مو اكثر اخذت نفس احس مخنووووقه من كثر الافكار اللي تدور براسي .. فكرت انزل اشم هوا. ناظرت ساعتي كان الوقت متأخر اكيد مافي احد بالحديقه بذا الوقت لبست شال ع راسي ونزلت مشيت شوي شفت المسبح وابتسمت تذكرت يوم جواد يعلمني نزلت دموعي بدون ما احس وتذكرت بعد يوم دفني فيه بعز البرد كيف خلاني انتفض من البرد ولا رحمني حسيت بالبرد وضميت جسمي وانا الف مابي اناظر ذا المكان لي ذكريات حلوه ومره فيه بس من التفت شفت الباب الخلفي اللي ياما سحبني جواد من شعري وهو يطلعني الجناح وياما اكلت كفوف قدامه ناظرت السما ااااااه ياربي خلصني من ذا الشعور اللي ملازمني. جواد يستاهل اني اجرحهه يستاهل يتألم ويحزن مسحت دموعي وانا اذكر حنانه جوانه: مزززيف كل شي مزيييف يخدعني عشان يرضي ضميره اللي يأنبه ماراح اصدقه انا مابيه ولا ابي حنانه ابيه بس يطلقني وارتااااح اخذت جوالي ودقيت على منار منار: هلا وغلا كنت ابكي مو قادره اتكلم منار بخوف: بنننت شفيك خوفتيني جوانه: مدري مخنووووقه منار: سوالك شي الحقير ؟ بكيت اكثر: لأ منار: اهدي اهدي وعلميني شفيك؟ حاولت اتماسك واهدي نفسي مسحت دموعي جوانه: تعبانه منار: بسم الله عليك شفيك؟ جوانه: مدري شفيني يا منار اااااه ودي لو اعرف وش فيني مخنوقه مضايقه مو راضيه ع اللي اسويه منار: مضايقه من وش مافهمتك وضحي جوانه: انا بنفسي مافهمت نفسي .. بس يعني جواد منار: شفيه جوانه: اكرهه مابيه ابي ابعد عنه منار: طيب مو بينكم اتفاق انو تتطلقو قريب جوانه: ايه منار: اجل شفيك تبكين؟ افرحي وانبسطي كلها ايام وترتاحين منه جوانه: زعلته كثير بالفترة اللي راحت منار: احسن يستاهل مو تقولين تكرهينه طبيعي انك تزعلينه وانتي اصلا تدرين انه يستاهل يتألم مع اني ادري فيك ماراح تسوين فيه حتى واحد بالميه من اللي سواه فيك جوانه: لانه مو طبيعي مو اخلاقي اسوي له كذا منار: المهم لاتندمين يستاهل زود .. لو الموت بيدي كنت اهديته اياه قلت بخوف: لا بسم الله عليه وش هالكلام منار بصدمه: ليكوووون خايفه عليه؟؟ جوانه: احم لا يعني بس ما اتمنى له الشر لها الدرجه منار: قلبك حنين لو انا منك كنت ذبحته من زمان جوانه: انا حتى لو ضايقته احس بضيقته واتضايق والالم اللي اشوفه بعيونه اذا جرحته اتألم اضعافه منار: نعععععم؟؟ جوانوه ليكون حبيتيه الواطي سكت مدري وش اقول لاني جد مافهمت نفسي منار: الوووووو جوانه: معك منار: ردي على سؤالي جوانه: ما اعرف ممكن كل اللي يصير معي بسبب الحمل شعوري بالذنب والاحاسيس اللي احسها اتجاهه اكيد كلها من الحمل وبتروح منار: جوانه اصحي ولا تفكرين مجرد تفكير انك تعطين ولو جزء من قلبك لشخص اهانك .. شخص مسح بكرامتك الارض ولا احترمك .. شخص اوجعك وعذبك جسديا ونفسيا .. لو انا في مكانك كنت طلعت من عنده من زمان بدون تفكير حتى جوانه: اللي متعبني هالفتره ومخليني مشتته انه تغير ولا كأنه نفس الشخص .. حنون هادي رومنسي .. يبي اعطيه فرصه ثانيه بس انا مو قادره انسى منار: طبيعي مابتنسين لا الحين ولا بعد سنه اللي عشتيه معه مو شوي .. انتي قلبك كبير وتسامحين بس انا اقولك جوانه الا ذا الانسان لا تضعفين قدامه وتسامحينه .. مايستاهلك حتى لو تغير .. راح تكونين اسعد مع غيره مع شخص احترمك اخذك من بيت اهلك معززه مكرمه اخذك زوجه مو خدامه تحت رجوله بكيت اكثر منار: ما اقول ذا الكلام عشان تبكين بس عشان تصحين وتعرفين انه يستاهل الالم ويستاهل الجروح كم مره جرحك وزعلك وبكاك خليه يذوق شوي من اللي ذوقه لك جوانه: بس هذا مو طبعي .. ماعمري جرحت احد حتى وان اوجعني .. جالسه انا احس بالالم بداله سكتت شوي ومنار بعد منار: تحبينه؟ جوانه: لا منار: على مين تكذبين جوانه: حتى لو احبه مابيه منار: انتي لازم تقعدين مع نفسك وتفكرين بجديه وش تبين بالضبط؟ لازم تحددين مشاعرك وتعرفين اذا كنتي مقتنعه بقرارك او لا. صحيح اني اكرهه ومابيه لك وعارفه انه مايستاهلك بس لازم تفكرين زين عشان ماتتعبين اكثر اذا تركتيه جوانه: اللي اعرفه انه مهما صار مستحيل اجلس معه واكمل حياتي طبيعي منار: اجل قومي وغسلي وجهك واقري اية الكرسي ونامي .. التفكير الزايد يتعبك جوانه: بحاول انام منار: اوك اجل اخليك .. ارتاحي ولا تفكرين بشي تمام؟ جوانه: تمام منار: باي .. كلميني بكره اوك؟ جوانه: طيب . قفلت منها ناظرت السما .. اخذت نفس عمييييييق مازلت مخنوقه .. خايفه كثير. شي بداخلي خايف من فراقه ندمانه اني زعلته كثير باليومين اللي راحت .. تذكرت عيونه وهو يحاول يتهرب من عيوني ولا الضيقه والتنهيده اللي تطلع منه بعد ما اقول له اني مابيه او اكرهه بكيييت بحرررقه بأللللم وانا اغطي وجهي بيديني مدري شفيني ودي ابككككي كثير .. حسيت بيد على كتفي ف التفت بسرعه بخوف: بسم الله عليك شفيك.. من شفته وسمعت نبرة صوته الحنونه ارتميت بحضننه وكملللت بكاء ضمني وهو يمسح على شعري: اشششش اهدي وعلميني مين مزعلك حاول يبعدني وهو يرفع راسي ويمسح دموعي جواد بحنان: من منزل دموعك الغاليه بكيتتت اكثرر ما ادري ليش مو قادره اسكت كان حاضني ويمسح شعري جواد: اششش يا روحي خلاص اهدي اااه ي جواد ارجع اقسى لاتكون حنون قاعد تذبحني بحنيتك هديت شوي وابتعدت عنه مسح بقايا دموعي: وش صار ليش كل ذي الدموع جوانه: مم ما في شي جواد: كل ذا ومافي شي؟ جوانه: مخنوووقه حيييل جواد بخوف: بسم الله عليك.. في شي مضايقك؟ هزيت راسي بلا جواد: اجل؟؟ جوانه: بس كذا جواد: طيب امشي ندخل جوانه: مابي ودي اقعد هنا شوي جلس ع الارض وسحب يدي لين جلسني جنبه جواد: وهذي جلسه جوانه: اممم لا عادي انت روح نام جواد: ما اقدر انام والقمر زعلان ابتسمت: لا الحين احسن روح نام جواد: اعذريني لو مضايقك وجودي يعنيييي انا وعدتك ما تشوفين وجهي لحد ما تروحين بس من شفتك بالحديقه استغربت وجيت اشوفك ولما شفت حالتك ماقدرت ارجع ابتسمت: عادي مايحتاج تعتذر تنهد: يضايقك وجودي؟ تبيني اروح؟ مو قادره حتى اناظره فيني الصيحه لو ناظرته راح ارجع ابكي. كنت ضامه رجولي لي وتاكيه ذقني عليها وانا اناظر الارض جواد: جوانه جوانه: هممم اخذ نفس: يعني تبيني اروح؟ رديت بسرعه: لا خلك جنبي ابتسم : طيب ممكن اعرف وش مضايقك؟ مارديت.. مسك يدي ورفع ذقني لحد ماناظرته: ادري فيه شي مضايقك وانتي مو قادره تقولينه لي.. ف عشان ترتاحين كلمي اختك او وحده من صديقاتك وفضفضي لها.. صدقيني بترتاحين قلت بدون تردد: انا اسفه جواد جواد: على؟؟؟ تكلمت ودموعي بطرف عيوني بتنزل: زعلتك كثير ابتسم وضمني ورجعت ابكي جواد: اولا مستحيل ازعل منك. ثانيا ماقلتي الا الحق واللي لازم ينقال جوانه: ماكنت اقصد.. ماقصدت اجرحك او ازعلك جواد: انا اللي جرحتك جروح ماظنتي بتبرا رفعت راسي وناظرته: المهم مابيك تتضايق ابتسم: ليش يهمك زعلي لذي الدرجه؟ نزلت عيوني اناظر يدي: يعنيي انا كذا ما احب انام وفيه حد زعلان مني جواد: يعني انا من ضمن الاي احد؟ ما اعني لك شي خاص؟ ااااه ي جواد لو ماتعني لي ماكان شفتني جالسه ابكي لاني خايفه على مشاعرك جواد: الووووو جوانه: وش؟ جواد: ماجاوبتيني جوانه: ماعندي جواب. اللي اعرفه اني ما اقدر انام وانا مزعله احد اخذ نفس وصد عني وسكت شوي حسيت مخنوقه اخذت نفس عميق وزفرته بهدوء .. التفت لي جواد: وش رايك اغني لك تروقين شوي ابتسمت: اوك فكر شوي وناظر السماء تضيييق وامد النظر للسما فوق واهيم بين أفلاكها يمكن ألقاك لا انته عرفت اللي بلاني من الشوق ولا السما تاسعها وش قد انا اهواك *مسك يدي وناظرني وهو يكمل* سألت من سوااااك يا اعز مخلوووق نص اللي في صدري من العشق يبلاك وان كان حبك عوق انا راضي العوق .. انا راضي العوق دامي عجزت القا محبوب يسواك ولهان .. ولهان وان داريت يفضحني الموق واحشني كلك انت وعيوبك افداك لين امتليت من الوله قلب وعروق والارض ماشالت احاسيس مضناك تدري كثر ماني من البعد مخنوق عندي امل ترجع لي وارجع لدنياك محد لك كثري في هالعالم يلوق ولا تدور ما حدٍ كثري يهواك اااخ ي جواد بدل ماتهديني زدتني الم .. ارتميت بحضنه وبكييت اكثر مسح شعري: بسم الله عليك.. ليتني ماغنيت هديت شوي ومسحت دموعي وابعدت عن حضنه جوانه: انا اسفه جواد: انا اللي اسف مادريت اني راح ازعلك اكثر جوانه: لا انا اليوم مو طبيعيه اتحسس من اي شي وصوتك كان جميل لدرجة حرك مشاعري وبكيت اخذ نفس وقف ووقفني معه تحرك وهو ماسك يدي جوانه: وين موديني؟ ابتسم: الحين تعرفين دخلني من الباب الخلفي حق الصاله الرياضيه والمسبح كنت اناظر المسبح وانا امشي وابتسمت وقفنا ناظرت قدامي وهو فتح الباب جواد: ادخلي دخلت كانت الغرفه ظلام تكلم مع جهاز وانفتحت الاضائه الخافته وناظرت المكان منبهره سينما كبيره وشاشه كبيره مره اكبر من حقته اللي بلندن جوانه: واااو مره حلوه ابتسم ومسك يدي: وين حابه تجلسين؟ جوانه: اممم ما احب اكون قريبه مره خلها بالوسط اخذ الايباد وتقدمنا جلسنا ومده لي جواد: اختاري فيلم جوانه: انت اختار كتب اسم الفيلم ووقف جوانه: وين رايح جواد وهو يمشي: تعالي لو حابه لحقته بسرعه طلعنا من الصاله ودخل باب ثاني جنبها دخلت وراه كان مطبخ صغير فتح الثلاجه: وش تبين مشروب؟ ناظرت وانا افكر: اممممم هذا جواد: لا ي حلوه هذا بيكون لي(وسحبه) وهذا لك(مد لي عصير اورنج) تخصرت: لا والله وليش انا برتقال مابي .. عطني واحد زيك قفل الثلاجه وكأنه يكلم طفله جواد: هذا ي بابا مضر بالصحه خليك ع الاورنج جوس جوانه: جواااااد يلا عااااد جواد مطنشني: تعالي سوي ذا ما اعرف له مد لي بوب كورن حق المايكرويف سويتها اخذها مني ونزلها بأكواب خذيناها ودخلنا الصاله وابتدا الفيلم كان اسمه Hangover The مسك يدي وناظر بعيوني: ان شاءالله يعجبك بدا الفيلم وكان قصته عن 4 شبان يسافرون عشان صديقهم بيتزوج ويبون يسون له توديع عزوبيه بس المشكله يشربون شي يخليهم يقومون كل واحد بمكان ومو متذكرين شي الفيلم كوووومدي ساعتين وانا اضحك وجواد كان مره مبسوط خلص الفيلم جوانه: هههه اخيرا وصلو للزواج بعد معاناه ابتسم جواد: عجبك الفيلم؟ جوانه: مممممرررره كثير حلو جواد: في منه اجزاء لو حابه بكره نشوفه تحمست: تممممام ابتسم: يلا نقوم جوانه: ااااخ مابي بنام هنا ذا الكرسي مريييح كنه حق مساج هههه ناظرني وسرحان فيني: احب تصرفاتك الطفوليه كنت ماخذه راحتي بالتسطح من شفت نظراته جلست وظليت ابتسم له جواد: ههههه خلاص قومي يلا اهم شي غيرت مزاجك وقفنا وطلعنا كان محاوطني بيده وقفت ف ناظرني بإستغراب جوانه: مشكور حيل بجد غيرت نفسيتي 180 درجه ابتسم وحضن وجهي: انا اسوي كل شي بس تظلين مبسوطه وسعيده والله لأسوي اللي يسعدك يا جوانه حتى وان كان به موتي جوانه: بسم الله عليك وش هالكلام الحين غمز لي: تخافين علي نزلت راسي بخجل: يعني شوي جواد: هههههه شوي اجل؟ تقدمته: انا نعسانه بروح انام طلعت وهو خلفي وقفنا بالصاله العلويه وانا محتاره اروح غرفتي والا الجناح تقرب مني ناظر بعيوني بحنان: روحي للمكان اللي راح ترتاحين فيه اشرت على غرفتي: غرفتي اخذ نفس: اوك تغطي زين .. تصبحين على خير مسكت يده ف ناظرني: راح ننام الليله بغرفتي جواد: ننام؟؟؟ هزيت راسي وابتسمت: ايه والا ماتبي؟ سحب يدي وسبقني لها: ابي ونص.. احد يحصل له ينام جنب القمر ويرفض؟ ضحكت على تصرفه دخل وانا بعده تقدمني للسرير وفتح الشرشف جواد: يلا اشوف .. ع النووووم دخلت وغطاني ابتسمت وهو تسطح خلفي ويده ممدوه تحت راسي ويده الثانيه يلعب بشعري جواد: حابه احكي لك قصه؟ جوانه: شايفني نونو جواد: اي والله شايفك نونو ههههه رفسته على رجله: انا اصلا عقلي اكبر منك جواد: ههههه ايه واضح ابتسمت وظليت مبسوطه لين غفيت ولا حسيت في صباح اليوم الثاني صحت من بدري وطلبت فطور وهي كل شوي تناظر امجد وتبتسم وتحمد ربها انه زوجها وتدعيه انه يحفظه لها كانت لابسه فستان قصير للركبه مخطط بألوان الطيف. ناعم وعاكس جمالها رتبت الاكل وفتح عيونه بكسل من صوت قربعتها ابتسم اول ماشافها امجد: حبيبتي التفتت وراحت له جلست على طرف السرير رفع يده لشعرها وهو يرجعه خلف اذنها امجد: متى صحت اميرتي الحلوه دانه: اممم من ساعتين تقريبا امجد: اشتقتلك دانه: ههههه ي النصاب كيف تشتاق لي وانت نايم امجد: انا اشتاقلك حتى بأحلامي وقفت بتروح وهي تقول: ايه انت بس انصب علي خلني اغتر ويكبر راسي مسك يدها وسحبها لين طيحها على صدره العاري امجد بهيمان: يحق لك تغتري وانتي اجمل ماخلق ربي نزلت راسها بأحراج تحاول تبعد عنه دانه بدلع: مجووووود يلا عاااااد امجد: هههههههههه مجود بعينك دلعيني دلع حلو ارخى يده وهي ابتعدت عنه وتفكر: امممم شرايك ب مجودي وقف واخذ قميصه ويلبسه: لا وع وش مجودي دانه: طيب جودي امجد: بنت انا تناديني جودي دانه: خلاص نغير اسمك. صراحه صعب ماله دلع ابتسم وهو يكمل تقفيل قميصه قرب منها حضن وجهها بيدينه باس جبهتها بحب: انتي اي شي يطلع من لسانك حلو. تبين جودي تبين مجودي اللي تبينه قوليه دانه بخجل: احبك عض ع شفاته السفليه: اااخخخ ودي أكلك ابتعدت عنه: لالا يمه لساتني صغيره بعيش حياتي ضحك على اسلوبها وهو داخل الحمام دانه: لا تتأخر الفطور جاهز رد عليها من داخل: من عيوووووني صحيت بكسسسسل مو طبيعي على نور اشعة الشمس جواد وهو ينزل الرموت بعد مافتح الستاير: وش ذا الكسسسل ماشبعتي نوم غطيت نفسي بالبطانية: اممم فيني نوووم خلني انام لين ١١ وصحيني جواد: ههههههه اجل ١١ تدرين كم الساعه ياكسوله جوانه: كم جواد: وحده الظهر ابعدت البطانيه عني مصدومه: من جججدك ابتسم وجا جلس جنبي ع طرف السرير: اي والله قومي شوفي جوانه: يوووه شفيني نمت كثير ابتسم ويغمز لي: يمكن ارتحتي بحضني انحرجت ونزلت راسي جواد: قومي جهزي نفسك عشان ننزل نتغدا وقفت وتوجهت على الحمام تحممت ولبست روب الحمام وطلعت شفته بوجهي توقعته راح جناحه ناظرته باحراج: اممم نسيت اخذ ملابس اقترب مني رفع راسي وتأملني نزلت راسي وتعديته بس مسك يدي وقفني وحضني من الخلف وهو يحاوط بطني بيدينه استنشق شعري جواد: ااااخ احلى من المسك ابتعدت باحراج: احم اممم ممكن تطلع شوي لين البس جواد يبتسم: البسي قدامي انا زوجك مو غريب وجهي وللللع ونزلت راسي وهو كالعاده ميت ضحك ويتريق علي جواد: هههههههه خلاص خلاص لاتنفجرين وجهك صاير طماط هههه اخذت المشط من ع التسريحه ورفعته بضربه بس انحاش بسرعه وطلع جوانه: هين اوووريك قفل الباب وانا ابتسمت ااااه نفسي اقول الله لا يحرمني منك بس بكره بطلع من هنا حاولت ما افكر بذا الموضوع كثير غيرت ملابسي طلعت بسرعه رحت جناحه كان طالع من غرفته ابتسم من شافني انتظرته لين وصل عندي حاوطني بيده ونزلنا ع الغدا ظل محاوطني لحد مادخلنا شفت الكل يناظرنا ومبتسم خالد: يالله ان تحييهم ابتسمت وجلسنا خالد: ان شاءالله اموركم زينه ؟ جواد: من ناحيتي كل شي تمام بس عاد مدري عن ام راس يابس ضحكو وانا ابتسمت وناظرت جواد وكلمته بهمس: لا تنسى انه كان اتفاقك مو انا اللي قلت نتزوج واذا صحى جاد نفترق كملو اكلهم وانا بعد بديت اكل والتهيت اسولف مع منيره كانت جنبي التفت شفته يلعب بصحنه ولا ياكل جوانه: شفيك ماتاكل وقف: الحمدلله وطلع وانا بعدها ماقدرت اجلس. شفيه انعفس وجهه كان مبسوط طلعت بعده رحت الجناح ماشفته بالصاله دخلت غرفة النوم كان واقف بالبلكونه ف رحت له جوانه: جواد ما التفت لي: نعم جوانه: ليش ما اكلت جواد لسى معطيني ظهره: مافي شي جوانه: طب شفيك منت على بعضك التفت: يهمك امري رديت بتسرع: اكيد تهمني ابتسم ابتسامه باهته: اجل ليش تتمنين فراقي ؟ نزلت راسي بحزن: هذا قدرنا .. احنا ماننفع لبعض جواد: بتروحين لانك تكرهيني نزلت راسي: لاني عجزت انسى حسيت خبطه قويه ع القزاز رفعت راسي بسرعه شفته ينزل يده ومازال قابضها خفت يكون تعور مسكت يده ورفعتها سحب يده: مافيها شي تطمني .. الوجع الحقيقي هنا وضرب بيده يسار صدره نزلت راسي ورجعت ناظرته كان صاد عني يناظر البلكونه رفعت يدي ولفيت وجهه جوانه: ليش يوجعك قلبك؟ لاني ماراح اقدر انسى والا لاني رايحه؟ جواد: الاثنين بس اكثر لانك ماراح تنسين .. انتي مو راضيه حتى تعطيني فرصه انسيك اخذت نفس: تدري للحين اذا شفتك فجأه او من بعيد تعتريني رجفه .. سكن بداخلي خوف من طيفك عجزت انتزعه كيف اعيش مع شخص اخافه شخص بدل كل ما اشوفه ابتسم كل ماشفته انتفض كل شبر فيني كي......حط يده ع شفايفي جواد: اششش لا تكملين نزل يده عصر عيونه بألم وطلع ااااه ي جواد ماكان ودي اطلع هالكلام بس لازم تعرف اللي جالسه احسه في بيت اهل لمى جالسين يتقهون بالصاله لمى: يمه كلمتي امجد اليوم ام امجد: البارحه مكلمته لمى: كيف امورهم؟ ابتسمت: الحمدلله باين عليه كثير مبسوط الجده: الله يسعدهم ويهنيهم ويرزقهم بالذريه الصالحه الكل: امين فواز وهو داخل ورافع يده: السلام عليكم الكل: وعليكم السلام جلس ويكلم لمى: صبي صبي خلني اروق صبت له قهوه وهي تبتسم ومدتها: ليش مين معكر جوك اخذه منها: من غيركم يعني ام امجد: افا وش سوينالك فواز: كل ما قلت لكم بخطب فرح قلتو لي صغيره وصغيره. حسستوني باقي الرضاعه بفمها لمى: هههههههه الجده: وراك مستعجل ي ولدي مهي بطايره لمى: ههههههه اي والله من بالله بياخذ هالمرجوجه الا واحد مرجوج مثلها فواز: اقوووول عن الغلط على زوجتي ابتسمت امه: خلها تخلص الثانويه ونخطبها فواز: ليش يمه ترا فيه بنات كثير تزوجو اصغر منها ام امجد: تزوجنا صغار بس كنا قد المسؤوليه بس جيلكم ذا الوحده عمرها 25ماتعرف تسوي شي فواز: ولا يهمك انا اعلمها كل شي انتي بس اخطبي لي التفتت امه للجده. الشور شور جدتك الجده تشرب فنجالها: يصير خير فواز: كيف يعني بتخطبيها لي ولا لا الجده: اصبر ي ولدي لا تسوي سواة اخوك لمى: اي والله حاسنا بيومين فواز يوقف: والله ان مازوجتوني بالطيب بسوي سواته وهذا انا علمتكم لحد يلومني بعدين وطلع من البيت واصتدم فيها عند الباب ابتسم من شافها منحرجه فواز: ياليتك تدخلين بحضني واقفل عليك بدت بتهرب مسك يدها: لحظه بسألك ساكته ولا ردت فواز: الحين انا بفهم لسانك اللي مع خواتي وين يختفي معي بعد ساكته فواز: طيب لو خطبتك توافقين ولا بتكملين دراستك ناظرته : احمم مدري فواز: كيف مدري؟ انتي تبيني؟ فرح بأحراج: وش ذا السؤال فواز: ايه ولا لا عشان اعرف فرح تناظر يده: طب فك يدي وانا اجاوبك ترك يدها رفعت نظرها له فرح: ايه وحطت رجلها رجعت بيتهم ركضضض فواز: هههههههههههه وانا بعد اببببيك ي مجنونه رحت لمنيره لو جلست لحالي بتعب اكثر قعدنا بغرفتها نسولف وكانت مبسوطه وباينه الفرحه بوجهها جوانه: الا وش سبب ذي الفرحه نزلت راسها بخجل وهي ترجع خصلات شعرها القصير خلف اذنها: لها الدرجه باين علي؟ ابتسمت: ايه كثييير منيره بأبتسامه: اممم سامحت فهد ورجعت له جوانه بفرح: والله؟ منيره: والله جوانه: ياروووحي .. الحمدلله ترا والله فهد قلبه طيب وان شاء الله بعمره مايجرحك منيره: ان شاءالله.. بس اممم تهقين اهلي يوافقون جوانه: اممم عمتي اتوقع عادي بس ابوك ما اعرف منيره: اخاف يسألوني كيف عرفته ابتسمت: هالموضوع يمكن كان صعب لو اني ما اعرفك بس الحين سهله .. ع اساس فهد بيتزوج وانا اخترتك له عروس ابتسمت بأحراج: فكره حلوه ناظرت الغرفه وهي توقف وتمسك يدي: يلا نطلع الحديقه نشم هوا شوي ناظرتها بتردد: اممم اخاف جاد هنا صعبه منيره: لا مو هنا طالع جوانه: طيب دقيقه البس حجاب عشان الحراس منيره: مايحتاج هم واقفين عند الباب الرئيسي بس. واحنا راح نروح من باب ثاني يلااا ابتسمت ووقفت معها: يلا نزلنا تحت وطلعنا من باب اول مره اشوفه ماشاء الله من كبر بيتهم ماعمري شفته كامل طلعنا الحديقه والجو كان غيم وهوا حلو مشينا شوي وبعدها جلسنا منيره وهي سرحانه: تدري توقعت بعمري ماراح انسى اللي صار او اسامح فهد .. بس بعد ماكلمته وشرح لي كل شي وبعد قال لي انه ماكان بوعيه سامحته وقتها بس قلت له مابيك لانك تذكرني بذاك اليوم. لكن من حسيت انه راح يبعد عني واني بعمري ماراح اشوفه ضعفت وقلت له خلاص نرجع واعترفت له بحبي ابتسمت: الله يسعدكم ولا يفرقكم منيره: وانتي؟ جوانه: انا وش؟ منيره: ماراح تعترفين لجواد نزلت راسي: منيره انتي مو فاهمه شي. انتي تحسبين تزوجنا زواج عادي بس احنا لا منيره: احكي لي طيب جوانه: سالفه طويله بس زواجنا انبنا على اتفاق اذا جاد طلع من غيبوبته جواد يطلقني لاني انا كنت سبب الحادث .. منيره: كيف انتي سبب غيبوبته؟ مافهمت جوانه: صار سوء تفاهم بيني وبينه انا كنت اشتغل عندهم بالشركه وصارت مشكلة بيني وبين جاد بيوم الحادث وبسبب ذا الشي عصب هو وكلم اخوه قبل يصير الحادث انه معصب مني وكذا. ف جواد حط اصابع الاتهام كلها علي وتوقع اني سبب الم جاد عشان كذا اخذني مجرد انتقام منيره مصدومه: معقوووله جواد يسوي كذا تنهدت بضيق: ايه سواها منيره مو مصدقه: انتي كنتي تشتغلين عندهم؟ جوانه: ايه منيرة: كيف وانتي ماخلصتي جامعه جوانه: سالفه طويله منيرة: طيب جواد كان يعرفك؟ اقصد قريبه من مكاتبهم والا شغلك بعيد عنهم .. تواجهتي معه يعني؟ ابتسمت: تقريبا بديت كسكرتيرة لجاد وايه اكيد كنت اتواجه مع جواد بس ياهو كان شايف نفسه منيرة: هو كذا بشغله مايعرف احد جوانه: اللي يعين موظفينه منيرة: كنتي فاتشه وجهك بالشغل؟ جوانه: لا لثمه بس اممم جوادوه كان يدخل فجأه مكتبي واكون منزله اللثمه لا وبعد تخيلي مره تأخرت اقل من عشر دقايق لقيته مسنتر في مكتبي ويحاسبني .. وقتها اعطاني محاضرات عن الوقت والشكل واللبس خلاني ابكي الحيوان منيره: ههههههه غريبه شادها معك جوانه: مدري عنه من اول ماشافني ماحبني واستقعد لي الا يبي يفصلني منيره: اهاا صدق من قال ماكره الا بعده محبه جوانه: لا ي شيخه على اساس الحين يحبني منيره: طيب يا مدام جوانه حسب خبرتي وتحليلاتي اتوقع جواد اعجب فيك !من قبل يصير اللي صار مع جاد. بس جواد مايحب يضعف ولا يعترف بالحب وعشان يرضي غروره وكمان عشان مايخسرك تزوجك على اساس انه انتقام بس بداخله عشان يملكك وتظلين عنده ابتسمت على تحليلاتها: خلصتي ي محقق كونان منيره: هههههههه يب خلصت جوانه: اجل امشي ندخل احس حر وابي عصير منيره: لالا تعالي عندي لك مكان يعجبك ووقفت وانا وقفت معها ودخلنا دق وهو بالسياره يناظر البيت فيصل: حبيبتي انا تحت منار: اوك ثواني قفل وينتظرها اندق القزاز ف التفت بسرعه وهو ينزله فيصل بأرتباك: هه هلا فهد كيفك ناظره بنص عين ولا رد: على وين؟ فيصل: ابي اودي منار السوق تعرف عشان تخلص اغراضها فهد: امممم فيصل: تامرني بشي فهد: انتبه لها وياويلك تحاول تلعب بذيلك لاني ماراح ارحمك وابتعد لما شاف منار طالعه قرب منها: انتبهي لنفسك منار تبتسم: طيب طلعت وتحرك فيصل: ايه وين تبين امري وتدللي منار: عادي اي مول فيصل: ابشري سكتت وتفرك اصابعها بتوتر: اممم فيصل فيصل: هلا منار: احممم اممم بخصوص مازن تغيرت ملامح وجهه: وش فيه منار: اممم خالتي اليوم جتني وترجتني اكلمك قاطعها وهو يرفع يده: منار رجاءً انا مو مجنون اتركه عشان يذبحني ذي المره منار: اوعدك مايسويلك شي وقف عند اشاره والتفت لها وهو يمسك يدها: حبيبتي افهميني كيف اطلعه قبل زواجنا؟؟ اخاف يحاول يسوي شي صدقيني صاير مثل المجنون ماراح يتحمل منار: بس ما اقدر ارد خالتي انت ماشفت كيف مقهوره على ولدها اخذ نفس وهو يحرك ويناظر الطريق منار: هاه موافق؟ فيصل: افكر ابتسمت وسكتت فيصل: مع ان لو تهمك حياتي ماكان قلتي كذا منار: والله تهمني وصدقني ماراح يقدر يسوي شي فيصل: اشوف دخلنا البيت وقفت قدام مكتب جواد اللي تحت وهي تفتحه مسكتها ووقفت جوانه: بننت وين موديتني منيره تبتسم: اششش تعالي بدون صوت دخلنا وقفلت الباب بهدوء وهي تناظرني مبتسمة منيره: تعالي مو تحبين الكتب عند جواد احلى الكتب جوانه: لالا اخاف يجي ويشوفنا منيره: مسسستحيل يجي.. مايدخل المكتب كثير جوانه بتردد: لا تكفين جواد مايحب احد يشوف خصوصياته تعالي نمشي منيره : ي بننننت مو بجاي اسمعي كلامي واسترخييي ابتسمت ودخلت ناظرت المكتبه اللي عنده وتقدمت ظليت افتح الكتب واقرا ومنيره بعد منيره: تعالي تعالي شوفي هالكتب شكلها المفضله عند جواد ناظرتها والكتاب بيدي شفتها تأشر على المكتب كان فيه كتابين ودفتر رجعت الكتاب للرف ورحت جلست ع الكرسي وانا اخذ الكتاب فتحت الغلاف وانا مبتسمه بس اختفت ابتسامتي وانا اشوف اسمي مخطوط بطريقة حلوه بأول صفحه بالكتاب. ما استغربت اسمي استغربت التاريخ المخطوط تحت الاسم. تذكرت هالوقت تقريبا اتوقع وقت دخولي للشركه استغربت كثييير وعلامات استفهام فوق راسي ليش كاتب اسمي واحنا كان بينا مشاكل.. ماعرفت السبب تركته وفتحت الكتاب الثاني ولقيت كاتب عابره ولا غيرها هزت كياني عابره من حسنها كنها البدر مرت بلحظة بعثرتني ف مكاني ضاعت الخطوه وعجزت انتظر ياطيفها الساحر ويا قلبها الحاني ارفق على روحي وعطني خبر ليش حظي في طريقك رماني وليش متشفق للقا ولا بي صبر السؤال المهم يا روعة زماني ي اجمل من مر في قلبي وعبر هو انتي ملاك والا شي ثاني لان استحاله تكوني انتي من البشر وننننفسسسس الصدمه ارتسمت على وجهي كان تحتها تاريخ والتاريخ قبل اعرف جواد لالا التاريخ بيوم حادثي معه ايه اذكر هذاك التاريخ لانه يوم حادث اهلي. معقوله الكلام لي معقوله جواد اعجب بي قبل يعرفني لالالا اكيد صدفه اكيد ماقصده انا بس نفس التاريخ والكلام يعني "عابره" ونص الكلام يدل انه انا ايه يقصدني .. رفعت يدي لصدري اتحسس العقد. جواد يقول اخذه بعد الحادث. يعني هو فكر فيني وقتها واكيد الكلام لي.. تذكرت كلام منيره وانه ممكن ما تزوجني الا عشان فيه شي بقلبه لي. اكيد كذا والا ليش ياخذني كان يقدر يحبسني واخذ جزاي وخلاص. بديت افتح الدفتر الثالث بس اول مافتحته انفتح الباب نزلت جسمي بسرررعه وتخبيت تحت المكتب ومنيره مدري وين اختفت سمعت خطواته تقترب وريحة عطره اللي احبها واعشقها شفت رجوله وكتمت انفاسي ي ويلي والله ليذبحني جواد مايحب احد يشوف شي خاص فيه طول واقف مدري وش يسوي ما اشوف غير رجوله تحرك سمعته يبتعد فتح الباب وطلع وقفل اووووه ارتحت طلعت وانا ارتب نفسي واخذ نفس التفت بروح ولسى الدفتر بيدي وشهقققت كان واقف عند الباب ومكتف يدينه ورافع حاجب جواد: وش عندك هنا؟؟ طلعت منيره من تحت الطاوله وهي تبتسم بأستهبال منيره: احححم انا جبتها كنا نتمشى ناظرها مصدوووم وراح لها مسكها من اذنها وهي تمسك يده منيره: اي اي اي جووواد تكفااا سحبها لين الباب وطلعها وهو يكلمها: حسابي معك بعدين.. وقفل الباب والتف لي وهو يتقدم وانا خااااايفه وقف قدامي ولا تكلم رفعت راسي بتردد شفت نظراته هاديه ف قلت ابرر جوانه: انا انا اسفه ماقصدي بس تدري انا احب الكتب وو ومنيره قالت عندك مكتبه ناظر الدفتر اللي بيدي وسحبه مني جواد: قريتيه؟ جوانه : لا لل لسى والله ماقريت شي منه تعداني وجلس على الكرسي الجلدي الفخم وسحبني من يدي بقوه جلسني بحضنه انحررررجت جواد ابتسم: برضي فضولك واعلمك اللي فيه مارديت فتحه وقلب الصفحات لحد وصل للي يبيها قربه من وجهي جواد: اقري بصوت عالي رفعت نظري للدفتر وبديت ابي اقرا بس سكتت وناظرته مصدووومه ابتسم ورفع حاجب جواد: يلا اقري نزلت راسي بأحراج: لا لا مو لازم مابي اقرا خلاص هونت جواد: ههههههه اقول اقري والا انا اذا قريت بطبق المكتوب باللي قدامي غصصصت بملابسي مو قادره اتنفس حتى. رفعت عيوني وقريت بتوتر جوانه: ليلة خ خاصه .. تت تعالي الي في هذه الليله ليلة اكتمال القمر ليكتمل حبنا ليكتمل عشقنا لتندمج ارواحنا مع بعضها البعض ويتحد ج ججس جسدي الملتهب بب بجسدك وت تلتصق ش شف شفتي المتعطشه بب بشفت يك.. وقفت بس مسكني من يدي ويبتسم: وش فيك؟ قلت بإرتباك: ي يكفي قريت كثير سحبني وجلسني بحضنه مره ثانيه: لالا ارضي فضولك جوانه بتوتر: م ما مايحتاج خلاص عرفت المكتوب جواد: لالا لازم اشبع فضولك .. كملي بلعت ريقي وكملت: تعالي واسقيني من رحيقك ق ق قبليني في عنقي واقب اُقبب ل عُنقك و دعيني اتجرأ قق قليلاً واعض عض. هنا و و هنا و وف وفي و في منت منتصف وفي قفلت الدفتر بسرعه ووقفت والعرق يتصبب مني بتوتر وانا ابلع ريقي وقف وهو يضحك ويرفع راسه: هههههههههههه وش فيك؟ كملي ماقدرت اناظر بعيونه ااااه ي ربي وش هالكلام وش هالجرأه كيف يكككتب كذا حط يده تحت ذقني ورفع راسي وهو مبتسم جواد يغمز لي: وش رايك نطبق المكتوب؟ نزلت نظري بإحراج جواد: ههههه امزح معك ارفعي عيونك ناظرته بتردد جواد: عشان تتركين اللقافه اللي فيك ابتعدت عنه ولسى خجلانه ومتوتره : اقدر اروح؟ جواد: تفضلي.. طلعت بسرعه ووجهي احسه مووولع طلعت غرفتي وحاولت اتناسى الموقف المحرج اللي حطني فيه واقعد اتذكر كلامه اللي بدفاتره معقوله حبني قبل او مو حب ممكن لفت انتباهه انشد لي بس بالمواقف اللي صارت دخلت الشك لقلبه يا الله تخيلت لو حبني وتزوجني وعشنا حياه طبيعيه عاديه مافيها حقد وانتقام وشكوك وش كثر كان راح نكون سعيدين ومتفاهمين جلس ع الكرسي ولسى مبتسم تذكر خجلها ارتباكها حمرة خدودها جواد: ااااه ي جوانه.. راح تتركيني؟؟؟ رد على نفسه: لا تكون اناني ياجواد انت عذبتها والمتها كثير خلها يمكن تكون سعيده وهي بعيده عنك. حتى وان مت وتعذبت استاهل ذا العذاب ارخى راسه للخلف غمض عيونه فيه كمييية الممم بصدره مو طبيعيه.. جواد: ااااه صبرني ياااااارب صبرني عند منيره بعد ماطلعت غرفتها ردت وهي تبتسم جاد: هاه وش صار خليتيها تقراه؟ منيره: بصراحه فتحت كتابين وانصدمت مدري وش قرت بس الدفتر فتحته اخر شي وجواد دخل جاد: يوووه اكيد عصب عليكم منيره : هههه انا قضبني الباب وظل مع جوانه بس لا تخاف ماسوا لها شي جاد: وكيف عرفتي؟ منيره: بصراحه جلست عند الباب اتنصت عليهم جاد: ايييه؟؟ منيره: وش اللي ايه يوم سمعته هادي معها تركتهم ورحت جاد: تمام اهم شي ما تهاوشو منيره: لا جاد: اوك منيره حاولي قد ماتقدرين انهم يعترفون لبعض اليوم اخر يوم لازم يعترف جواد بحبه لها لازم تسامحه منيره: ان شاء الله. راح اسوي اللي اقدر عليه جاد: مع السلامة منيره: باي طلع من المكتب شاف ابوه راجع من الشركه ومن شافه ابتسم وراح حبه على راسه جواد: عساك ع القوه يبه ناظره بنص عين: انت واخوك بفصلكم من الشركه جواد ابتسم: افا لللليش؟؟ خالد: تاركين الشغل فوق راسي وانتم مرتاحين هنا توجه للصاله بعد ماخذت الخدامه بشته من يده والشنطه وجواد خلفه ابتسم : ااااخ يبه لو تدري بكبر همي راح تعذرني جلسو خالد: جوانه؟ جواد: وفي غيرها؟ خالد: ي ولدي انت ماتسمع الكلام. قلتلك الف مره حبها قووول وفعل.. البنت مسكينه مو داريه عنك انك متقطع عليها جواد: وكيف انت عرفت كيف امي وجاد وكل اللي بها البيت شايف الا هي خالد: حنا اهلك عشنا معك ٣٢ سنه بس هي لها سنه معك ماراح تفهمك. جواد اخذ نفس: بكيفها لا تفهم خالد: جواااد خل عنك العناد والغرور مراح يفيدك اخذ نفس: احاول خالد وقف: يلا اجل عن اذنك جواد: اذنك معك يبه كنت بغرفتي ناظرت شنطتي اخذتها وجلست ارتب ملابسي حسيت بريحة جواد خفيفه ع ملابسي لانه جلسني بحضنه اففف خاطري اشم عطره وريحته ياربي من ذا الوحام اللي جاي غلط يعني اللي اعرفه الحرمه تعاف زوجها وتكره ريحته وانا قاعده اتعلق فيه وبريحته .. كملت ترتيب الشنطه ومر الوقت بسرعه اذن المغرب ف رحت اتوضيت وصليت وللحين خاطري اشم عطره وقفت بدون تردد ورحت الجناح دخلت ومالقيته اكيد لسى بالمسجد دخلت غرفته توجهت بسرعه لتسريحته كان فيها اكثر من نوع عطر كنت افتح واشم ويطلع مو هو مو ريحته فتحت العطورات كلها ولا حصلته زفرت بملل واتجهت لسريره سحبت مخدته وضميتها وانا اشم ريحتها ااااه نفس الريحه شممميتها بقوه ابي ريحته تتغلل لداخل مخي وتثبت فيه جواد: وش تسوين كزيت بخوف وابعد راسي عن المخده وانا التفت له ولسى حاضنه المخده جوانه: هاه ولا شي انظف رفع حاجب وتقدم مني وريحة عطره اللي عشقتها وصلتني قبله جواد: واللي ينظف يحضن المخدات ويشمها؟ نزلت راسي اناظرها ورميتها ع السرير بسرعه وانا ابتسم ببلاهه: امم ايه شميت ريحتها اذا تحتاج غسيل او لا ابتسم وشكله مو مصدقني: اها يعني مو عشان ريحتي فيها؟ ابتعدت عنه شوي بربكه: لا وش ريحتك مو لها الدرجه بديت بطلع بس تحرك بسرعه ووقف قدامي جوانه : شفيك؟ جواد: على وين؟ جوانه:اححمم بروح اكمل ترتيب اغراضي جواد: مافي طلعه من هالغرفه رفعت راسي له: ليه قرب تحسس خدي بأصابعه: لانها اخر ليله تجمعنا وابيها تكون ذكرى جميله بلعت ريقي: جواد خلني اروح مسكني من خصري: يمين بالله ما اخليك ناظرته بتفاجأ: شتبي يعني؟ جواد: ابي اغرق فيك وارتوي نزلت عيوني بأحراج اهرب من نظرات عيونه الذايبه جوانه: احمم اممم شسمه لازم اروح اخلص ترتيب رفع راسي وباسني على جبتهي غمضت عيوني وباس عيوني ونزل لخدودي وخشمي ابتعد عني شوي وانا خلاااااااص بموت جواد: سامحيني جوانه: على وش جواد غمز لي: ع اللي بيصير بعد شوي حاولت ابعد بس مسكني: جواد اتركني حملني بسرعه ونزلني ع السرير ويد تحت ظهري ويد ع جنبي وهو وجهه بوجهي جواد: مجنون اللي يترك قمر بليلة اكتماله اقترب اكثر واختلطت انفاسه بانفاسي وشفاته مع شفاتي وكن اللي قريته له اليوم الظهر جالس يتطبق،،،،،،،،،،،،،،،،،،،، ،،،، : مااااازن التفت للعسكري وهو يوقف تقدم منه .. فتح الباب وكلبشه ومشى معه لغرفة الضابط رفع راسه واول ماشاف فيصل تغيرت ملامح وجهه تركه العسكري وطلع مازن: خير وش تبي؟ فيصل: تنازلت عنك مازن بسخريه: بتقنعني الحين انك متنازل لله ؟ ابتسم: هه زين انك عارف اني ما اسوي شي بلاش مازن: ايش تبي قرب منه ورفع سبابته بوجهه وبتهديد: ابعد عن طريقي انا وزوجتي ي مازن والا رفع يدينه المكلبشه ونزل يد فيصل: يدك ذي ماتنرفع صوبي لا اكسرها لك. وثانيا منار ماراح اخليك تشم شعره من شعرها فاهم ضحك بطريقه استفزت مازن فيصل: اللي ماتطوله بيدك كمله برجلك .. يلا سلام وطلع انتظر شوي بالغرفه شوي وجا الضابط ووقعوه على شوية اوراق وطلع طلعت من الحمام وانا انشف شعري توقعت اني ما اشوفه بالغرفه زي اخر مره بلندن بس كان جالس واول ماشافني تقدم مني. نزلت راسي بأحراج .. وهو اقترب لين اعدم المسافه بيننا رفع وجهي واقترب باسني ع جبهتي وابتعد وناظر بعيوني جواد: انا اسف قلت وانا احرر نفسي منه واعطيه ظهري: عادي مشيت كنت بروح اغير ملابسي مسك يدي جواد: زعلانه مني؟ التفت له: عادي اصلا من متى وانت تهتم لزعلي. ياما زعلتني وياما بكيتني والمتني وانا تعودت خلاص صرت عديمة احساس تغيرت ملامح وجهه: وش مناسبة ذا الكلام الحين جوانه: ولا شي بس اذكرك جواد: هذاك اول مايهمني زعلك بس الحين اهتم قلت بسخريه: ليش ليكون طحت في غرامي وحبيتني؟ ابتعد عني بسرعه وكأنه لسعته كهربا واعطاني ظهره جواد بتوتر: لا مو عن كذا انا ما اعترف بشي اسمه حب. بس عرفتك اكثر وتعودت عليك .. كنت عارفه انه مستحيل يحبني بس قلت اتأكد جوانه: دامك ماتعترف بالحب اجل لا تهتم لزعلي بديت بروح مسكني ولفني له ناظرني شوي جواد: انتي امس ماقدرتي تنامين عشان زعلتيني .. افهم من كلامك الحين يعني انك تحبيني؟؟ ارتبكت صراحه وتلعثمت يعني عرف كيف يقلبها علي جوانه: احممم اممم شسمه لا بس يعني يصراحه سكتت ماعرفت اكذب ابتسم: وش فيك ؟ ليش ذا التوتر؟ جوانه: مافيني شي. خلاص اتركني بروح ارتب اغراضي اخذ نفس: كالعاده تعرفين تهربين جوانه: ما اهرب بس بكره بطلع من ذا البيت وابي ارتاح خلاص تعبت جواد بملل: انتي مو ناويه تنسين؟؟ خلاااص ماصارت كل يومين قاعده تذكريني باللي صار خلاص انا نسيت وطويت هالصفحه جوانه: لانك ماعشت اللي انا عشته انت بس عشت نشوة الانتصار علي. وانا دايما كنت اعيش الظلم القهر العذاب. ف طبيعي انت تنسى وانا لا اخذ نفس بضيق مسكني من كتوفي وناظر بعيوني بحزن: يمين بالله ماعمري ذقت هالنشوة على قولتك صحيح ماكنت اتألم جسديا. بس العذاب النفسي والصراع اللي كنت اعيشه اشد الم صدقيني جوانه: زين طلع عندك احساس جواد: والله اني اتقطع بكل لحظه اشوفك فيها مكسوره ولا اقدر اجبرك جوانه: ع العموم خلاص موضوع وانتهى من زمان جواد: مو هي هنا المشكله ان الموضوع انتهى بس مازال راسخ هنا *ودق بسبابته على يسار راسي* جوانه: تبيني انساه؟ جواد: والله لو ينشرى النسيان لشريته بحلالي كله ولا ترددت لحظه وحده جوانه: لذي الدرجه جواد: واكثر بعد ابتعدت: ع العموم انا بردت بروح البس .. ماتركت له فرصه يتكلم مشيت على طول لغرفة ملابسه غيرت ولبست وطلعت وما كان موجود .. اااه ي جواد تذكرت نظرات عيونه يوم يقول انه عايش بعذاب .. هو اللي قاهرني انه ماحبني يعني هو بس احساسه بالذنب راح يقتله ندمان ويبي يسعدني عشان يرتاح ضميره مو عشان يحبني .. احس تفرق معي كثير مشطت شعري وتركته مفتوح ورحت غرفتي اكمل ترتيب اغراضي .. اخذت حول الساعة لان ماعندي اغراض كثير قفلت الشنطه واتجهت لبلكونة الغرفة بشم هوا شفته تحت يدخن وملابسه مبلله شكله كان يسبح.. دخلت خفت يشوفني جلست ع التيفي حول الساعه وانا اقلب بذي القنوات وقفت ورجعت فتحت الستاير وشفته على نفس جلسته ماتحرك. بصراحه خفت عليه لبست حجابي ونزلت اشوفه ما ان سمع خطواتي رفع راسه بتعب جوانه: شفيك جالس هنا وملابسك مبلله جواد: كنت بالمسبح جوانه: طب قوم غير لا يجيك برد وقف واقترب مني: خليني ابرد يمكن النار اللي بصدري تنطفي سكتت وانا اذكر كلمته لي سبحان الله دار فيه الزمن وقالها لنفسه جواد: في وش سرحانه جوانه: لا كلمتك ذكرتني اول ماجبتني بيتك يوم رميتني في المسبح جواد يحاول يذكر: ايه وش قلتلك؟ جوانه: كان شتا والمسبح زي الثلج بردت مره كان قلبي يرتجف من جوه يوم شفتك وقلتلك بردانه رديت علي نفس ذي الجمله احسن لك...قاطعني وكمل بقهر: احسن لك تبردين لان نار حقدي راح تحرقك وتخليك رماد ابتسمت بحزن: ذكرت؟ اخذ نفس: هو انتي تخليني انسى شي ؟ ابتسمت: اسفه بس كلامك ذكرني المهم الحين قوم لازم تبدل جواد: انتي اسبقيني وانا باخذ لي سجاره والحقك جوانه: بتدمرك ذي السقاير جواد: خليك معي واوعدك اتركها جوانه: اتركها عشان نفسك عشان صحتك الحين تلاقي رئتك متفحمه المسكينه تطلب الرحمه جواد وهو يرفع راسه: ههههههههههههههههههههه ابتسمت لضحكته جواد باقي مبتسم: اااخ ي جوانه من غيرك يقدر يزعلني بعز فرحتي ويضحكني بعز ضيقتي جوانه: امممم هذي اعتبرها مدحه والا ذمه جواد: من ناحيه شي حلو ومن ناحيه سيئ. جوانه: المهم امش ادخل قبل تبرد جواد يتمصخر: حااضر عمتي اوامر ثانيه ابتسمت: لا طلعت وهو باقي رحت ع الجناح مابي اخر ليلة انام بغرفتي بكون معه واودعه دخلت غرفته تسطحت وظليت انتظره لين نمت ولا حسيت بنفسي قفلت ستارة غرفتها وزفرت بضيق خالد اللي يحاول ينام: علامتس جلست على طرف السرير موضي: اناظر جواد. صار له فوق الثلاث ساعات على نفس جلسته عدل نفس: والله ولدتس ذا طالع عليتس راسه يابس موضي: مو عنيد بس كيف تبيه يقول لها احبك بعد كل اللي سواه فيها. هو مستصعب الموضوع خايف يقول لها وتكسره او تتشمت فيه خالد: الحين يتوقع من جوانه هالانسانه اللي صبرت عليه وتحملته رغم كل شي انها تتشمت فيه ؟؟ موضي: ماتدري جواد جرحها كثير خالد: والله اني حبيتها من وقت عرفتها وداري انها طيبه ومالها بالمشاكل .. بس انتي وابنتس الله يهديتسم ماتسمعون من احد. قلت له خف عليها وانا ابوك لا تخسرها بس ماش مايفهم موضي: انا ندمت واعتذرت منها واعترفت اني ظلمتها بس جواد مو قادر. اكيد بينهم شي قوي يمنعه يعترف لها تسطح وهو يتغطى: المهم انتي نامي وماتدرين وش يصير باتسر تنهدت بضيق: ان شاء الله طفا السجاره وهو يناظرها رفع راسه وناظر السما اخذ نفس عمميييق وتذكر اول ماجاب جوانه للبيت تذكر الطريقة اللي اخذها من بيت اهلها جواد بألم: ادري اهنتك وذليتك كثير ادري اني غلطان وندمان صدقيني. بس لو تعطيني فرصه لو تعطيني امل انك راح تنسين .. ااااخ اخ انا كيف سويت فيها وبنفسي كذا كيف وصلت لها المرحله ليش تزوجتها اصلا كنت اقدر ابلغ عليها وتنسجن وخلاص منها انتقمت ومنها ما تأذيت ولا تعلقت بوهم. ااااخ اخ "ضرب على صدرة جهة قلبه" انا كيف طاوعتك ليش رحت لها ورجعتها مو انهيت كل شي بينا ليش رجعت لها و اخذتها لندن و علقتني فيها اكثر واكثر ليش حبيتها ليش تجاوزت حدودي معها كيف صار كل هالشي ليش ماسيطرت على مشاعري وانجريت وراها ليييييش نزلت دمعه تحكي المه تحكي همه وضيقته اللي مو قادر يحكيها لاحد ومخبيها ورا قناع القوه والصلابه واللامبالاه .. تمردت ونزلت لاول مره يحس انه عاجز ومابيده حيله رنت كلمتها في باله (كل ماحاولت تحرقني راح تحترق معي اوعدك بذا الشي ) مسح دمعته: حرقتيني ودمرتيني ي جوانه حس بنغزه ف قلبه مسك يده عليه سرح شوي ونطق وكأنه يكلمه تعبت ياقلبي وتوك بأول المشوار؟ اجل كيف الليالي المقبله وش بتعاني من اول لقا نهيتك وبنيت حدود واسوار لكنك عاندتني هدمتها وكنت اناني حملتني حب ماتطيقه جبال وبحار حب مستحيل واللقا فيه اشبه بالاماني حاولت اخلق للوصل اسباب واعذار سويت الممكن والمستحيل لاكنه جفاني تمنيت حبه يهل علي كما الامطار ويحي قلبي الميت من اول وثاني عرفت ان الحب هبه ماتوصله بالاجبار مثل ماحبه تغلغل بصدري و خذاني حبيبي يعلم الله ان قوتي بدت تنهار اعد وقتي معك بالدقايق والثواني شارد. مهموم. منهك ومحتار حالتي ماتسر حتى شخص عاداني دخيلك لاتخليني بعد كل اللي صار عطني اشاره مشتاق اخذك بأحضاني محتاج لوجودك وابوح كل الاسرار اني احبك وابيك يا عالمي انت وكياني Noona/ انتهى البارت واعتذر لو كان فيه اخطاء او شي. نزلته بدون ما اقراه + شاركوني بتعليقاتكم وردودكم الجميلة❤️ | ||||
|
| |
|
15-11-22, 10:11 PM
| #79 | ||||
| الــبــــــــارت الـــ42ـــــثانـــــــي والأربعـــــــون تذكّر النسيان لاعاد تنساه ياقلب وانسى القلب لعل يشفى يدرى الحبيب انه حبيب وابجفاه ماهو خراب الكون لاقفيت واقفا كان الخطا مني فقلبي خطاياه هو علمه وشلون يهجر ويجفا تعب المسافر وابعد الموج مرساه صار المدى له يم والشمس مرفا ومل الهوى نوحه وبوحه ونجواه ماعاد لي صبر على الجرح تكفى /بدر بن عبدالمحسن في صباح اليوم الثاني : اممممم اااااممممم اممممم صحيت على صوت انين جواد ناظرته كان نايم شفت ساعتي كانت ١١ غريبه جواد يحب يصحى بدري جواد: اممممم قربت منه حطيت يدي ع جبهته وكزييت يوووووه هذا مسخنن مررره جواد: كحح كح كححح وقفت بسرعه رحت اشوف درج الاسعافات لقيت فيه مقياس حراره واخذت باندول حطيت المقياس ع جبهته وشوي وشفته كانت حرارته 39.8 ي ويلي هذا مسخنن مره جوانه: جواد جواااد قووم جواد تسمعني قوم فتح عيونه بتعب: هممم فتحت له حبتين باندول: قوم لازم تشرب الدوا يلا حاولت اسنده لحد جلس عطيته وعطيته المويا شربها ورجع تسطح وهو يشد الغطا عليه جواد وهو يرجف: ب ب برر دااا ن كنت كثير خايفه عليه ولا ادري وش اسوي طلعت من الجناح بسرعه دقيت ع جناح عمتي وفتحت منيره ومن شافت الخوف باين على وجهي منيره: وششش فيك؟ جوانه: جواد حرارته مرتفعه. ابي رقم الدكتور منيره شافت جوالها ودقت على طول منيره: دكتور تعال ع القصر بسرعه...... جناح جواد... تمام قفلت وكلمتني: الحين يجي لا تخافي شكرتها ورجعت اشوف جواد وانا اسمع انينه اخذت المقياس وقسته وانصدمت كيف زادت كذا صارت ٤٠ ابعدت الغطا عنه فتحت ازارير بجامته وفسختها له رحت اخذت كمادات من الثلاجه وحطيتها ع راسه ورقبته... ظليت شوي وسمعت طق على باب الجناح لبست عباتي وطلعت شفت الدكتور ومعه واحد ثاني دخل الدكتور ع جواد وانا دخلت بعده كشف عليه الدكتور: حرارته مرتفعه ادتيه خافض؟ جوانه: ايه عطيته باندول الدكتور: تمام هتتخفض بعد شوي حديله ابرة مضاد مع المغزي عشان عنده التهاب في الحلق هاكتبلك على مضاد وشوية مسكنات تديها له بعد 8 ساعات والمضاد بعد 12 ساعه جوانه: ان شاءالله الدكتور: لو ارتفعت حرارته تاني تقدري تديله مسكن بس ع الاقل بعد 5 ساعات جوانه: طيب كتبها وطلع ع الصاله الدكتور: ح انتظر هنا لحد ما المغزي يخلص الشخص الثاني اخذ الورقه منه وناظرني :تامريني بشي طال عمرك؟ هزيت راسي بلا : راح اجيب الادويه جوانه: طيب راح وانا رجعت اشوف جواد قست حرارته صارت 38 الحمدلله بدت تنخفض صحى ويحس بصدااااع فضيع ماقدر ينام البارحه من بعد ماطلع من السجن وهو يفكر بمنار وكيف يوقف زواجها من فيصل. يذكر تهديده وخايف عليها مايبيها تتأذى .. قام وتحمم لبس ونزل تحت يدور امه اللي كانت جالسه بالصاله ورافعه يدها تدعي مازن: صباح الخير التفتت له بسرعه وكنها مو مصدقه وقفت وراحت له: مازززن؟ ابتسم وهو يبوس راسها وهي ضمته وتبكي مازن: ليش البكا الحين يمه رفعت راسها ومسحت دموعها وجلست وجلسته جنبها: متى وكيف طلعت ابتسم مازن: طلعت البارحه بس يوم جيت كنتي نايمه وماحبيت ازعجك تحضن وجهه بيدها: يابعد روحي كان فرحتني. كيفك يمه وش مسوي.. وراك كذا نحفان ماكنت تاكل؟ مازن: الحمدلله يمه انا طيب تطمني وقفت: اسويلك شي خاطرك بشي ابتسم:ولو اني مابي اتعبك بس والله خاطري بقهوتك ي الغاليه راسي مصدددددع ام مازن: بسم الله عليك.. الحين اسويلك احلى قهوه راحت المطبخ وهو جلس يقلب بجواله سمع خطوات ع الدرج ف رفع راسه ومن شاف ريم نازله ابتسم كانت لابسه عباتها وقف ومن شافته ريم بفرحه: مااااااااازن ركضت له وضمممته ابتعدت عنه وهي مبسوطه: كيييف طلعك ذا الحيوان؟ مازن: مدري عنه جاني وقال بطلعك وقعد يهدد جلسو ريم: الله ياخذه اكيد وراه شي مستحيل طلعك لله تنهد مازن بضيق: انا بعد توقعت كذا ريم: ابتعد عنه مازن انا خايفه عليك هذا مو ناوي خير مازن: وكيف اقدر اساعد منار ريم: مازن منار عارفة بكل شي وصدقني هي مصدقة اللي قلناه لها بس هي خلاص تبي تاخذ فيصل بخيره وشره. خلها تجرب حياتها معه مازن بضيقه: اخاف يأذيها ريم: لو اذاها صدقني تستاهل لاننا حذرناها منه مليون مره وهي معنده.. وبعدين مو انت قلت لي انه قال انه يحبها يعني مستحيل يأذيها هو يسوي كذا عشان ماتقرب منها او تحاول تخرب زواجها مازن بحزن: صح هو قال لي اذا ماقربت منهم ماراح يضرها بشي ريم: خلص اجل ابعد وانساها اخذ نفس: هي هنا المشكلة .. كيف بنساها حطت يدها على كتفه: الوقت كفيل بأنه ينسيك انت بس حاول ماتفكر فيها كثير. اشغل وقتك بأي شي ثاني ناظرها ومن شاف عباتها: وين كنت طالعه ريم: اممم عند صديقتي اخذ نفس: رايحه لها؟ ريم ماتبي تزعله: لالا بروح عند اريام تعرفها اخت مشاري اللي كان يدرس معك رفع ساعته ورجع نظره لها: انتي بذا الوقت ماتروحين غير عند منار نزلت راسها مو قادره تكذب عليه وهو كاشفها. وقفت بتروح ناظرها بحزن: قولي لها اني راح ابعد عن طريقها.. والله يوفقها معه حزنت على حال اخوها بس ماتدري وش تسوي تركته وطلعت لعند منار فتح عيونه بتعب وانا من شفته ابتسمت جواد: جوانه جوانه: آمر جواد: كحح كح مم مارحتي؟ جوانه: كيف اروح وانت تعبان ابتسم: ماعليك انا بخير كله شوية زكام قلت بعتب : قلتلك البارحه نشف نفسك والا بتمرض بس انت الله يهديك راسك يابس ابتسم بتعب: يازين المرض دامك جنبي ابتسمت وسمعت دق ع الباب جوانه: ادخخخل كانت الخدامه جابت ادوية جواد اخذتها وشفتها كان مكتوب عليها كل المعلومات ناظر اللزقه اللي بيده: متى جا ومتى حطها ومتى شالها مو متذكر شي وكأني بغيبوبه كنت جوانه: بس الحين احسن صح؟ جواد: الحمدلله احسن وقفت ومسك يدي جواد: على وين جوانه: امم بنزل تحت اسويلك شوربه جواد بأستغراب: وليش انتي البيت مليان طباخين جوانه : لا هذي شوربتي الخاصه محد يعرف لها وبحضرها بنفسي لك. مره مفيده وان شاء الله تحبها ابتسم: طيب لا تطولي علي جوانه: حاضر ونزلت تحت لبست قبعه وكمامه ومريله ودخلت سويت له الشوربه وطلعت كان نايم قربت منه جوانه: حـبـيـبـي فتح عيونه بتعب جوانه: اجلس عشان تشرب الشوربه عدل نفسه ع السرير رفع اللحاف وجلس وانا جلست مقابله على طرف السرير والصحن بالوسط اخذت الملعقه ورفعتها له مسك يدي وابتسم جواد: وش قلتي من شوي؟؟ قلت بأستغراب: وش؟ ماقلت شي؟ جواد: اول ماجيتي وش قلتي حاولت اتذكر: اممم قلتلك قوم الشوربه جواد: لا قبلها جوانه: امممم قلت جواد وبعدها قوم اشرب الشوربه ابتسم بتعب: سمعتك تقولين شي ثاني ابتسمت: يلا اشرب ترا بردت شربها وقال بتلذذ: اممممم لذيذه ابتسمت: عوافي ظليت اعطيه وهو مبتسم رغم تعبه جواد: خلاص رفعت الصينيه واخذت المقياس قست حرارته جوانه: 37 ونص احس تحتاج بنادول جواد: طيب رفعت ساعتي مرت فوق 5 ساعات عطيته الدوا وشربه وانا طلعت الصينيه ورجعت له جلست جنبه: بقيس حرارتك مره ثانيه اتأكد جواد: مايحتاج انا بخير لا تخافي ناظرت ساعتي: موعد الدوا الثاني بعد ثلاث ساعات ارتاح لوقتها تسطح وكنت بروح مسكني من معصمي والتفت له جواد: وين رايحه؟ جوانه: بجلس هنا ع الكنبات جواد : يعني ماراح تروحين بيت اهلك؟ ابتسمت: ماراح اروح لحد ما اشوفك شفيت تماما. ناظرني بنظراته الغريبه : اجل ياليت ما اشفى طول عم..... حطيت يدي ع شفاته بسرعه: اششش بسم الله عليك ابتسم: تخافين علي؟ جوانه: ايه وقلت اغير الموضوع : ويلا خلاص انت لازمك راحه يلا نام ابتسم: تعالي جنبي ع السرير والعبي ف شعري وانا انام جوانه: يووه صاير طفل ابتسم: كحح كح سايريني انا مريض لفيت وجلست جنبه وهو لف وجهه وحط راسه ع فخذي وصار بحضني ارتبكت بس بعدين ظليت العب في شعره الناعم ناظرت يده لما لف شفت شي زي الحرق وسط ذراعه لمسته جوانه: وش ذا؟ وحمه والا حرق رفع عيونه صارت بعيوني وابتسم: علامه جوانه بإستغراب: علامة وش؟ جواد: علامه تذكرني فيك عشان ما انساك قلبي رجف يوم تذكرت علامته لي: وش تقصد جواد: ذوقت نفسي. نفس اللي ذقتيه جوانه: حررررقت نفسك؟؟ جواد: بنفس القوه ونفس الالام دمعت عيني ماقدرت اصدق انه سواها بنفسه جلس ورفع يده ومسح دمعتي جواد: وليتني اقدر اخذ كل الجروح والآلام اللي غرستها في روحك جوانه: سويته قريب؟ جواد: لا بوقتها بنفس اليوم جوانه: ليش؟ جواد: عشان احس بألمك جوانه: بس كنت تكرهني جواد: حتى وانا اكرهك عارف ان ذا التصرف مو رجولي وان اللي سويته بلحظة غضب غلط ولازم احس فيه مثلك واكثر. سكتت مصدومه مو مستوعبه انه سواها ابتسم بتعب: تذكرين يوم قلتلك وحده من امنياتك تحققت اقصد وقت تمنيتي تضربيني وتحرقيني هزيت راسي بإيه جواد: كنت اقصد هالامنيه انك تحرقيني بالسجاره نزلت دمعتي ومسحتها جواد: اسف لو ذكرتك جوانه: مو عن ذكرتني بس مو مستوعبه كيف سويت بنفسك كذا ابتسم: اسوي الممكن والمستحيل لجلك جوانه: ليش طيب؟ جواد: قلتلك عشان احس بألمك واعرف متى يوجعك .. رغم اني ادري ان الالم وقتها كان نفسي وروحي اكثر من انه جسدي .. بس رغم معرفتي بها الشي مارضيت تحسين بالوجع وحدك .. لازم احس فيه عشان ما اكرره. كنت اكرهك صحيح بس ماتوصل لدرجة اسوي هالشي ولسبب تافه قلت بحزن: كان عشان ما اهرب منك جواد: الاصح عشان ماتنسيني وقت تفكرين تهربين بتذكريني جوانه: قاسي جواد: تعلمت الحنيه على يدك وشكلي علمتك للقسوه .. صرتي قاسيه جوانه: انا مافي احن مني لكن مو عليك جواد: هههه شفتي ان حتى كلامي ناسختيه جوانه: زين ذكرت انها كلمتك جواد: البركه فيك ماتخليني انسى اي حديث دار بيننا .. جوانه: تذكر متى قلتها؟ اخذ نفس: وقت جبت لك الطيور .. قلتلك اني حنون وقلتي اني بعيد عن الحنيه ف قلتلك هالكلمه سكتت جواد: لسى تشوفيني قاسي جوانه: لا صرت متصنع وممثل شاطر بقق عيونه: ممثل؟ جوانه: ايه تخدعني انك حنون جواد: ما اخدعك انا فعلا هذا طبعي .. الشخص اللي عرفتيه قبل مو انا ولا اسلوبي ولا عمري تخيلت اني اضرب انثى لو ايش ماسوت .. بس معك كنت افقد عقلي نزلت دمعتي من ذكرت: وكأن شيطان يتلبسك و يتحكم فيك مو بشر اخذ نفس سحبني وحط راسي على صدره وظل يمسح على شعري جواد: جوانه لا تظلين اسيرة لذكريات مُره سواء كنتي معي او تركتيني انسي عيشي يوم من غير ماتذكرين .. يعني بفهم انتي لها الدرجه كارهه نفسك وجالسه تعذبيها .. ارحمي حالك جوانه: ماقدرررت كل ماحاولت ماقدرررت جواد: اذا حابه تروحين بيت اهلك ف انا بخير .. اذا يريحك بعدي ابعدي وانسيني اهم شي تكونين مرتاحه جوانه: بتطمن عليك كم يوم واروح جواد: طيب ممكن في هالكم يوم تنسين او تتناسين يعني عيشي معي من غير ماتفكرين بشي راح جوانه: احاول ابتعدت عنه: خلاص ارتاح وانا بروح اشوف منيره وارجع جواد: طيب تسطح وانا طلعت جالسة ترتب شنطها منار: تهقين اخذ معي شتوي؟ قال بنسافر سويسرا تتوقعين برد ريم سرحانه ناظرتها منار: الووووو انتبهت لها: هلا منار: وين عقلك ليكون جادوه مزعلك ريم: لالا الحمدلله علاقتنا وش زينها منار: الحمدلله اجل شفيك ريم بحزن: طلع منار: مين ناظرت فيها: مازن طلع من السجن شتت نظراتها ورجعت وقفت واعطت ريم ظهرها وكانها ترتب شنطتها: الحمدلله على سلامته ريم: قال لي اقولك شي سكتت منار ومازالت معطيتها ظهرها ريم: قال إنه ماعاد راح يضايقك ولا يوقف بطريقك. ودعا لك بالتوفيق ماقدرت ترد تحس بدموع تجمعت بعيونها ولا تدري ليش. هذا قرارها وهي مقتنعه فيه بس ليش تضايقت لما عرفت انه ماعاد بيحاول يرجع لها ريم: مبسوطة؟ حاولت تتماسك: اكيد رن جوالها اخذته كان فيصل ناظرت ريم وخلت الجوال سايلنت ريم: مين؟ فيصل؟ هزت راسها: ايه وقفت ريم وهي تلبس شيلتها: كلميه انا اصلا برجع البيت منار: لالا اجلسي مابي ارد عليه ريم: ليش؟ نزلت راسها: مدري ماقدرت اتعود على وجوده ريم مسكتها من كتوفها: يومين وتكونين في بيته لازم تتعودين عليه ماتكلمت وريم طلعت اول ما طلعت من الباب الخارجي رن جوالها ابتسمت وردت جاد: هلا بالقمر ريم: هلابك .. اسمع الحين انا مو بالبيت ارجع واكلمك ماشي؟ ابتسم: ناظري قدامك رفعت نظرها شافت سيارته: مجنون انت وش جابك هنا جاد: تعالي اركبي واعلمك ريم: لا مستحيل اخاف حد يشوفني جاد: يلا عاد محد حولك تقدمت بخوف وهي تتلفتت حولها وركبت معه ابتسم: هلا هلا هلا ريم: كيف جيت هنا جاد: مو قلتي لي انك بتروحين لمنار ريم: اييه؟؟؟ انا جيت عشان اشوفك ومشيت خلف سيارة التكسي اللي طلبتيها لحد مانزلتي وكنت انتظرك ريم: وليش ي مجنون جاد: انتي تقولين صعب اخذك من جنب بيتكم واهلك صارو يعرفوني وانا مو قادر الشوق ذابحني ماقدرت اصبر ابتسمت بخجل: طب تحرك لحد يشوفنا جاد وهو يمشي: ابشرررري من عيوني الثنتين رجعت عنده عطيته ادويته ورجع نام وانا ظليت جنبه اناظره واتأمل العلامة اللي بكتفه .. معقوله كان يكرهني ويسوي كذا ليش؟ يعني هو معترف انه غلطان .. يبيني اسامحه .. طيب انا شفيني ليش مابي اسامحه ليش ما اعيش معه وخلاص .. جوانه اصحي تعيشيين مع شخص اوجعك وجرحك واهانك .. عادي هالشي ماضي جواد تغير ليش ما افتح معه صفحه جديده عشان ولدنا او بنتنا .. لا مايستاهل مايستاهلني حتى لو ندم اللي انكسر مايتصلح. ليش مافكر قبل يتزوجني ليش ماحكم عقله قبل يسوي فيني اللي سواه توه يحس؟ توه بعد ماسلب مني كل شي جميل بشخصيتي بعد ما غرس فيني الخوف والحزن والنكد .. وانا ليش افكر بالموضوع؟ وش ابي فيه ليش جالسه معه الحين ليش اخاف عليه ليش احب اشوفه مبسوط واذا ضايقته كأني ضايقت نفسي .. ياترا احبه.. احبه؟؟؟ معقوله حبيته؟ لا لا مستحيل احبه هذا بس شعور عابر بسبب الحمل .. اللي محيرني اني لامن تذكرت اللي سواه بي احس اكررررهه .. متناقضه مشاعري زي ماكان هو متناقض بمعاملته معي كان يضربني ولا انهرت ضمني وهداني يجرح ولا بكيت مسح دمعتي يكسرني ويسندني غريب تعامله مثل مو غريب شعوري الحين. شعور عجزت احدده او افهمه بس اللي اعرفه انه مايستاهل اني احبه مايستاهل اعطيه جزء من قلبي .. بعد الشي اللي عشته معه مابي اسامحه اصلا بعد كل شي ياليته حبني او فكر فيني. كل اللي اشوفه انه ندمان على تصرفاته وجالس يكفر عن ذنوبه. زي ماحرق نفسه وهو يكرهني. يعني بس عشان مايحس بالذنب عشان يرضي ضميره اللي يأنبه .. طيب وليش انا ابيه يحبني انا مابيه ولا ابي حبه انا بس جالسه معه عشان ما احب اترك احد محتاج لي تحرك ف ناظرته وعدلت جلستي فتح عيونه بصعوبه : جوانه جوانه: انا هنا ابتسم وهو يشيل الكمادات جوانه: للليش خلها لسى ما انخفضت حرارتك مره مسك يدي وسحبني بقوه لحد ماطيحني ع صدره وصارت عيوني بعيونه انححرررجت جواد ببحة وتعب: مشتاق لك رفعت نفسي وانا ابتعد عنه: شكل السخونه أثرت على عقلك جواد: اااااه جوانه تعبان. كثيييير تعباااااااان جوانه: وش يوجعك؟ تبي اكلم الدكتور يشوفك؟ مسك يدي وحطها ع صدره جهة قلبه جواد: كثييير يوجعني جوانه : بسم الله على قلبك جواد: اذا تخافين على قلبي ارفقي علي جوانه: ماسويتلك شي ابتسم بتعب: موتتني في الثانيه الف مره وتقول ماسويتلك شي ناظرته بصدمه: اناااااا؟ ابتسم اكثر: اجل انا؟ ايه انتي جوانه: وشو وش سويت جواد: عيشتيني بعذاب نفسي جوانه: والله اني ماسويت شي وان طلع مني شي غصب عني ف انا اسفه ابتسم: ليتك تفهميني بس جوانه: انت مستحيل احد يفهمك من شوي كنت اذكرك وش قد كنت متناقض وما تخليني اعرف متى تكون معصب ومتى تكون راضي .. كنت تجرح وتداوي غريب امرك عجزت افهمك .. اكثر سؤال كان يدور ببالي انك ليش متناقض جواد: انتي بذمتي يعني لو صارلك شي بكون انا السبب. اجرحك من كرهي لك واداويك لجل ماتصير بذمتي. هاه ارتحتي علمتك الحين ليش كنت متناقض هه كنت عارفه قبل مايقول يعني زي ماتوقعت حتى الحين يداريني لانه حاسس بالذنب جواد: الوووو التفتت له: هلا جواد: وين سرحتي جوانه: ابد معك جواد: مابتروحين بيت اهلك؟ جوانه: يمكن بكره او بعد يومين لين اتطمن عليك جواد: مابي اجبرك اذا حابه تروحين روحي ابتسمت: على قلبك مابتخلص مني بسهوله جواد: احطك داخل عيوني جوانه: عيونك مابتكفيني خلني بالبيت افضل جواد: هههههه ظريفه ابتسمت وسكتت جواد: مشكوره جوانه ناظرته: على؟ جواد: على وقفتك معي واهتمامك بصحتي جوانه: مايحتاج تشكرني انت زوجي لازم اهتم فيك ابتسم بسخريه: زوج مع وقف التنفيذ بققت عيوني واحس خدودي ولعت جوانه: نام نام قلتلك السخونه اثرت على مخك ابتسم بتعب وانا طلعت وتركته من طلعت من الجناح شافتني منيره منيره: جوااانه ناظرتها منيره: هاه كيفه الحين؟ جوانه: الحمد لله احسن منيره: لا تتركيه جوانه اجلي روحتك ابتسمت: من غير ما تقولين . ماراح اروح وهو تعبان.. اتطمن عليه واروح بعدها منيره بأبتسامه : زين. لان جواد مايحب يشرب الادويه وقت المرض يتعب خالتي اذا مرض عنيد وكنه بزر ابتسمت : لا الحمدلله اخذ الادويه بدون مايرفض ناظرتني بأستغراب : جواد يشرب ادويته بدون تذمر هذي تكتب بالتاريخ هههه وغمزت لي: والا لانها من يدك ماقدر يرفضها ابتسمت: يمكن وقف ومسك يدها بيد ويده الثانية رفع لثمتها جاد: انتي كل مابعدتي عني كل ما حلويتي اكثر. وش مسويه بنفسك ابتسمت بخجل ودلع: اممم ماسويت شي لانك تحبني تشوفني حلوه ابتسم: مو لاني احبك .. انتي جميلة من الله ااااخ لو تدرين وش كثر متلهف لزواجنا نزلت راسها بخجل جاد: وش رايك نسوي زواجنا في ذي الشهرين ريم: صعبه لسى الوضع حولنا مو زين انتظر لين تتحسن الاوضاع جاد: اي اوضاع؟ ريم: اخوك وجوانه راح يتطلقون وانا اخوي لسى مضايق عشان منار ومدري متى بينساها .. يعني مو اجواء فرح مره جاد: بس انا مقدر اصبر ريم: خلها بالاجازة اللي بين الفصلين جاد: يووووه لا مره بعيد .. طب عندي فكره شرايك املك عليك الحين والزواج عادي بين الترمين. ع الاقل اقدر اشوفك براحتي ريم: اممم مدري افكر ناظرت ساعتها: يلا رجعني تأخرت جاد: مع إني ماشبعت من شوفتك بس ماعليه بصبر عسى انك توافقين على الملكة ناظرت امجد اللي نايم جنبها دانه: امجججدووووه يلا عاد عن الغثاثه اليوم اخر يوم لنا هنا قوووووم بودع المكان بليز قووووم ... اممممجد ترا وربي ازعل .. يهون عليك تزعلني. ... امجججد افففف ياربي وش هالنوم .. طيب ترا بطلع لحالي سامع ... وبكشف ترا .. خلاص لا تلومني علمتك ترا ناظرته ولا كأنها تصحيه دانه: والله ولا ار بي جي بيصحيه ذا وقفت ولبست حجابها وطلعت كانت الدنيا ظلام صحيح فيه اضائة لكنها خافته اخذت السيكل اللي جنب الفيلا وركبت ومشت لنهاية الجسر وقفت وهي تناظر المكان كان فيه قولف كار والسايق جنبها بس ترددت تروح دانه: انا وش جالسه اسوي هنا والله اني خبله طالعه وحدي تالي هالليول : السلام عليكم التفتت بخوف ويدها على قلبها: بسم الله الرحمن الرحيم خرعتيني : هههههههههه مدت يدها: معك هنوف من السعوديه دانه بإبتسامه وهي تمد يدها: اهليييين انا بعد من السعوديه انتي من وين بالضبط هنوف: من الدمام دانه: هلا وغلا وبعد جيران انا من الرياض. اسمي دانه ابتسمت: شفتك تكلمين نفسك وحنيت عليك دانه بإحراج: ههه معليش بس اول مره اطلع وحدي ف خفت وكنت بديور وارجع هنوف: تبين نروح المطعم؟ دانه: في مطعم هالوقت؟ هنوف: يب فيه امشي معي انا كنت رايحه هناك دانه: اوك يلا ركبو الغولف كار واتجهو للمطعم هنوف: جايه وحدك؟ دانه: لا شهر عسل مع زوجي ابتسمت: الله يخليكم لبعض دانه: امين وانتي؟ هنوف: مع صديقاتي دانه: وينهم الحين؟ هنوف: نايمين .. كنا الصباح في رحلة غوص سباحه مع الدلافين .. جربتيها؟ دانه بحماس: ايه مررره كانت تجربه ممتعه هنوف: عقبال ما اجربها مره ثانيه مع زوجي ههههه دانه بإبتسامه: ان شاءالله هنوف: انتي كم عمرك؟ دانه: عشرين وانتي؟ هنوف: يوووه توك صغيره .. انا 27 ولا فكرت اتزوج احسني باقي صغيره وش ابي بالهم ووجع الراس دانه: ماشاءالله العمر كله يارب هنوف: وينه زوجك ليش طالعه وحدك دانه: نايم واليوم اخر يوم لنا هنا بكره الظهر راح نطلع من هنا ف حبيت اودع المكان هنوف: زين ماتسوين وصلو المطعم ونزلو هنوف: بما انه اخر يوم لك انا اللي بعزمك ومابي اي اعتراض لو سمحتي دانه: ههههه طيب طلبت وجلسو دانه: انتي متى راح تسافرين هنوف: بعد اربع ايام دانه: حلو بتستانسين هنا كثير هنوف: تدرين ما احب المالديف جيتها قبل كذا واحسها كئيبه حق يوم يومين استجمام وخلص .. يعني انا وصديقاتي كل مره وحده فينا تختار المدينه اللي حنسافر عليها وهالمره دور بتولوه عاد هي تعشق التشمس .. صارت فحمه مو برونزيه دانه: هههههههه هنوف: ما اشوف تغير لونك ؟ ماتشمستي؟ دانه: لا ما احب هنوف: احسن لك احنا انصلخنا بذي الشموس دانه: هههههه جا الاكل وظلو يسولفون وياكلون ودانه مبسوطه بصديقتها الجديده لين سمعت صوت خلفها امجد بعصبيه: كييييف تطلللعين بدوووون علمي التفتت ووقفت بخوف واحراج من هنوف اللي وقفت معها دانه: تعال نتفاهم مسك يدها بقوه وسحبها وصار يمشي بسرعه لين طلعو ووقفو قدام الشاطيء امجد: وين تحسبين نفسك؟ كيف ماتعلميني دانه بعصبيه: خير وش هالاسلوب احرجتني قدام البنت امجد: وبس هذا اللي همك .. مافكرتي وش بفكر لما اصحى وما احصلك جنبي مافكرتي وش فكرت وكيف كانت حالتي دانه: مايهمني صحيتك كثير بس ماصحيت وش اسويلك يعني امجد: لا وتاركه جوالك بالغرفه دانه: نسيته طيب وش صار وبعدين وين بروح يعني ماله داعي هالانفعال والشوشره اللي سويتها امجد بعصبيه: خفت عليك يا غبيه دانه: ماله داعي طيب اففف منك فشلتني عند البنت امجد بصدمه: وهذا كل همك؟ بنت توك متعرفه عليها وبالطقاق في شعوري وخوفي والاحساس اللي حسيته دانه: انا اسفه .. كنت طفشانه طيب وانت عيت تصحى قلت بتمشى قريب وارجع بس لقيت البنت جلسنا نسولف وقالت تعالي نتعشا ورحت امجد: طيب امشي نرجع ولا عاد تفكرين تعيدينها دانه: اف ياربي صدقت هنوف وش لها بالهم ووجع الراس بقق عيونه: انا هم ووجع راس دانه ماحبت تخرب اخر ليلة ف قالتها بإستهبال: ايه وغثيث وتجيب حرقان ( ومدت لسانها وركضت امجد وهو يركض وراها: هيييين انا اوريك ي ام لسان دانه: ههههههههه مابتقدر تمسكني يا الدب امجد: طيب يا المعصقله نشوف راحت تركض وهي تضحك وامجد بعد يحاول يلاحقها مع ضحكته اللي شاقه وجهه في صباح اليوم الثاني صحيت من بدري تحممت وطلعت لبست وصليت وقفت عند جواد وانا اناظرة يا الله شكله بريء وهو نايم ابتسمت من غير ما احس . قست حرارته كانت طبيعيه طلعت ونزلت المطبخ تحت سويت له اومليت وحطيت انواع جبن وانواع زيتون ومربى وعسل وقطعت شوية خضار وشاي.. وطلعت مع الخدامة اللي ساعدتني رتبت على الطاولة اللي بالصالة دخلت بشوف جواد لقيته جالس ع السرير اول مافتحت الباب التفت لي وابتسم تقدمت مع ابتسامة: صباح الخيرر باقي مبتسم: صباح النور رفع ساعة يدة: وش مصحيك بدري جوانه: اممم عشان موعد ادويتك. كيف تحس ان شاءالله احسن؟ وقف ويتمغط: ااااااخخخ احس مافيني ولا عظم صاحي جوانه: بسم الله عليك طب تعال افطر وتاخذ ادويتك جواد: باخذ لي دش سريع واجيك جوانه: طيب انتظرته بالصاله لحد ماطلع ابتسم وهو يناظر الطاولة جواد: كل ذا عشاني ابتسمت: ايه جلس ومد يدة وهو يذوق الاومليت وانا صبيت شاي قال بلذاذة: اممممممم والله اني كنت داري جوانه: وش؟ ناظرني: يوم كنت بالمستشفى انتي طبختي لي تذكرت: احم ايه. ليش ماعجبك؟ جواد ياكل: عرفت انه مو نفس طبخ سيد. كان غير لذاذته غير وبعد ماطلعت كنت اطلب من سيد يسويه بس ماكان نفس الطعم الحين عرفت ليش ماطلع نفسه ابتسمت: وقتها لو عرفت انه انا ماكنت اكلته جواد: اممم الصراحه ايه لاني كنت معصب منك كثير سكتت جواد: تدرين حتى امي عجبها ابتسمت: الحمدلله جواد: وش بعد تعرفين تطبخين بذوق طبخك جوانه: اممم مو اشياء كثيرة بس بذوقك كم شغلة بذي اليومين جواد ابتسم وهو يشرب شاي: لا تسوينها بس زي السالمن ضحكت يوم تذكرت: ههههههه ماكنت اعرف له وتبي الصراحه ماحبيت اضبطه عناد فيك .. كان مكتوب خل البلسمك وانا حطيت الخل العادي مسكينه قامت تسبح ههههههه ضحك معي: هههههه راسك يابس وتحبين العناد ... زين وقتها ماذبحتك ناظرته بإستفسار: الا جد وقتها ليش ماعصبت علي ترك اللقمة اللي بيده وناظر عيوني: جيتك بذبحك لاني عارف انك سويتيه كذا متعمده. بس اول مافتحت باب المطبخ ماشفت الا طفلة جالسة ع الطاولة تلعب برجولها وتناظر السماء من شفت برائتك هدت كل البراكين اللي كانت بصدري .. كنتي بريئه وجميلة كثير ابتسمت وقلت بغرور: يعني تعترف انك خقيت ابتسم: انا مو بس خقيت انا طحت ومحد سما علي من اول مرة شفتك فيها بيوم الحادث وصورتك مافارقت خيالي ابتسمت وسألتة بتردد: امممم احم يعني امم اعجبت فيني قبل تتزوجني؟ نزل عيونه وابتسم وكنه يذكر رفع راسة جواد: شدتني ملامحك عجزت اتجاوزها ما ادري اذا كان اعجاب او لا بس ماقدرت انسى ملامحك ولو اني رسام مثلك كنت رسمتك جوانه: وبعد ماعرفتني اكثر ندمت انك فكرت فيني اخذ نفس: لأ بس مثل ماقلت لك كنت احب برائتك ولكن تصرفاتك كانت مناقضة لذي البرائه حيرتيني قلبي يقول صدق وعقلي يقول لا تلعب عليك جوانه: والحين انت مع مين قلبك والا عقلك جواد:الحين بطاوع قلبي على كل مايقولة لانه بالنهايه عقلي وحكمتي ونظرتي اللي بعمرها ما اخطت فشلو قدامك جوانه: طيب ابي احكي لك كل شي مابي اطلع من هنا وانت مو عارف عني شي ابتسم: مايحتاج صرت اعرفك اكثر من نفسك جوانه: بس حابة اعلمك جواد يناظر ساعته: موعد الدواء راح فزيت بسرعه: دقيقه الحين اجيبه ابتسم وانا ركضت للغرفة أخذت ادويتة وجيت عطيته شربها وانا جلست اعدل المنبه بجوالي عشان ما انساها جواد: وش تسويين؟ جلست: خلاص ماراح انساها عدلت المنبه على طول ابتسم: مايحتاج اصلا اذا حسيت نفسي افضل ماراح اخذها جوانه: مو بكيفك غصبن عنك تاخذها جواد: هههههههه وكيف بتجبريني اخذها جوانه: بسويلك زي توم وجيري اضرب ع رجلك بقوة لين تفتح فمك بتصرخ انا احط الحبوب فيها. وبعدها اقفل خشمك عشان ماتقدر تتنفس ف تضطر تبلعها مااات من الضحك: هههههههههههههههه ااااخ ي بطني هههههههه حشا صايره ارهابيه مو حبيبتي الكيوت حست الجو احتر نزلت راسي واشغلت نفسي اجمع صحون الفطور وكني ماسمعت شي انا حبيبته ياترا يحبني. كيف غلط بكلمة زي كذا معقولة يحبني جواد بتوتر: احمم اتركيها الحين الخدامه تجي تاخذها تركني ودخل الغرفة وانا جلست بالصالة افكر جت الخدامة وخذت الاكل ونظفت المكان وانا لسى نفس جلستي.. اذا يحبني ليش مايقول ليش مايعتذر ليش مايتكلم لها الدرجه ما اسوا يحاول عشاني. لو نطق او قال انه يحبني ممكن كان تغيرت اشياء كثير. لا وش اللي بيتغير مهما سوا انا مابيه ايه مابيه خلصنا جوانه كل ساعه تفكرين بذا الموضوع خلاص انتي اخذتي قرارك .. قررت الانفصال يعني مهما صار ومهما تغير انا ماراح اتراجع عن قراري طق طق طق صحيت من سرحاني ورحت للباب اكيد منيرة فتحت بس كانت خالتي ابتسمت لها وفتحت الباب جوانه: تفضلي خالتي حياك دخلت: كيفك جوانه؟ جوانه: الحمدلله جلسنا ع الكنبات سميرة: قالت لي منيرة ان جواد تعبان جوانه: لا تخافين شوية زكام الحين اناديه لك وقف ورحت الغرفة كان واقف في البلكونه ويدخن رحت له من سمع صوتي التفت جوانه: احمم جواد خالتي هنا بتطمن عليك طفا سجارته وتقدمني بدون مايتكلم طلعنا لها تقدم وباس راسها و يدها جواد: صباح الخير يالغالية سميرة تمسح على شعرة: كيفك حبيبي وش تحس ابتسم: بخير يمة الحمدلله ..ناظرني.. وجوانة مو مخليتني امرض قبل موعد الدوا تلاقينها مسنترة فوق راسي لين اخذه ابتسمت سميرة: يعطيك العافية.. مدري كيف بجازيك ابتسمت: ماسويت الا واجبي سميرة: الله يكملك بعقلك ابتسمت جواد: هذي عندها كل شي زين الا عقلها ادعي لها يمه ادعيلها تعقل ابتسمت سميرة: جوانه اعقل مني ومنك ابتسمت وانا اناظره بغرور ان خالتي وقفت معي مو معه جواد يسوي متفاجأ: الحين انا ولدك وتوقفين معها سميرة: ههههه والله الحق ينقال البنت مو ناقصها شي كاملة والكامل الله عقل وجمال ورزانه نفخت صدري واناظره: احم احم جواد: لالالا وش ذا اكيد ساحرة امي وش مسوية اعترفي اعترفي انا وخالتي: ههههههههههه سميرة: سحرتني بأسلوبها بأحترامها برقيها ابتسمت: تسلمين خالتي معرف شقول احرجتيني بصراحه ابتسمت وتناظر جواد: جوانة تدخل القلب مستحيل تعيش معها وتعرفها وماتحبها نزل راسة مع اني كنت اناظره بلهفة بسمع وش يرد بس سكت .. وقفت جوانه: خالتي وش تشربين؟ سميرة: تسلمين حبيبتي مابي شي جوانه: لالا اول مرة تزورينا بالجناح لازم اشربك شي سميرة: طيب عشان خاطرك. اممم بلاك كوفي جوانه: من عيوني بجهزها لك بنفسي ابتسمت وانا طلعت عشان تاخذ راحتها مع ولدها من جهة جواد مسكت يده ف ناظرها سميره: وش فيك يمه جواد تنهد: مافي شي سميرة: يا ولدي جرب تطلع اللي بصدرك ماراح تخسر شي اخذ نفس: ما اقدر مو عشاني عشانها.. يعني هي ماتحس بالراحة هنا تحس نفسها غريبة وانا مابي اجبرها على شي ماتبية. ابي اشتري راحتها لو على حساب تعاستي مابي اكون اناني كافي الالم اللي عيشتها فيه سميرة: جواد صح الحب تضحية بس في حالتك ماينفع تضحي. انا اشوف جوانه تحبك والا ماكان جلست معك جواد: جلست شفقانة علي لاني مريض بس هي من داخلها تكرهني سميرة: اذا تكرهك زي ماتقول كان مافكرت في مرضك صدقني هي بعد تحبك بس انت لازم تبدا لازم تحاول جواد بهم: واذا رفضت؟ اكون خسرت حبي وكرامتي سميرة: مافي كرامة بالحب لا تصير جاهل عاد .. استغل الفرصه قبل تروح ماتدري يمكن تروح اليوم او بكرة جواد: بتروح بعد يومين سميرة: المهم علمها جواد خلك جريء وانطق جواد: وبإيش اعتذر عن الايام السودا اللي عيشتها فيها؟ سميرة: الانسان سمي انسان لانه ينسى ماتدري ي جواد زي ماسامحتني راح تسامحك صدقني جواد: يمه انتي ماسويتي لها شي بس جرحتيها بكم كلمة. انا كنت كنت اضربها ما ارحمها طول ذيك الشهور تنام بذي الغرفة بدون حتى شي تنام عليه تنام بالارض كم وجعتها وكم جرحتها مستحيل تسامحني انا مو مسامح نفسي كيف تبيني اطلبها السماح نزلت راسها بحزن: وحتى لو ماسامحتك تكون حاولت انفتح الباب ودخلت جوانة مدت الفنجان لخالتها وجابت عصير برتقال لجواد جوانه: اشربة عشان يقوي مناعتك ابتسم واخذه: تسلمين ابتسمت: الله يسلمك جالس بغرفته على سريره بيده جواله يقلب بصورها مازن: احبك منار يمين بالله احبك .. اااه يا روحي انتي كيف طاوعني قلبي اتركك ليش ماوثقت فيك وانا اعرفك من صغرك وذا الغبي ماصدق الصور واملك عليك. اخذك مني حرمني منك فز بسرعة من سمع صرخة ريم برا طلع بسرعه متجه للصوت كان من المطبخ كان امه طايحة بالارض وريم جنبها وتبكي ريم: مااااازززن الللحححق عل اممي مدري شفيها راح لها بسرعة ويضرب خدودها مازن بخوف: يمممه يمممممه تسمعيني ناظر ريم :بسرعه جيبي عباتها وقفت وطارت لفوق تجيب العباة ومازن يحاول يصحي امه جت ولبسوها مازن: ساعديني نشيلها ساعدته وطلعوها السيارة واتجهو بسرعة ع المستشفى كانت ريم حاضنتها وتبكي وتدعي لها مازن بخوف: تتنفس؟ لمست خشمها: ايه مازن: ماعليك لا تخافين ان شاءالله مافيها الا العافية يمكن شوية تعب ريم: ان شاءالله وصلو ونقلوها ع الغرفة وجلسو ينتظرونها برا كان رافع راسه ويدعي لها فجأه قلبة رجف غصبن عنه يوم سمع صوتها .. نزل راسه حاول مايناظرها وجه نظره لريم بنظرات استفسار؟ ريم تبرر: كانت معي ع الخط يوم نزلت وشفت ماما مارد وابتعد شوي ريحتها وقربها يخنقه يحس بضيقه انها بكره زواجها من غيره طلع الدكتور واتجه له على طول: بشر ي دكتور شفيها امي جت ريم بسرعه لعندهم الدكتور: حاليا مافيها شي عطيناها مغذي باقي نستنى نتايج الفحوصات مازن: الحمدلله يعني بس ارهاق الدكتور: نقول ان شاءالله وتركهم وراح ريم: متى تطلع نتيجه التحليل مازن: علمي علمك ماسألته خله يرجع واستفسر منه ريم: يارب تكون بخير مازن ناظر منار اللي واقفه بعيد ورجع كلم اخته : انا بطلع شوي اذا جا الدكتور كلميني ريم: طيب تحرك وهو يمر من عندها ويتعدها. ونظراتها تتبعه مافارقته لين ما اختفى غدينا اغراب ياروحي بعد ذاك الغرام نسينا وعدنا السامي وغدينا اغراب بعد نظرات الولة وبعد ذاك الهيام غدت نظراتنا توجع كلها همّ وعذاب كنت جالسة بالصالة افكر بمنار. ياقلبي عليك بكرة زواجك ياترا مبسوطة ياترا نست مازن كيف قدرت تنسى حبها عشقها كانت مجنونه فيه كيف قدرت تاخذ قرارها بسرعه التفت لجواد اللي يلوح بيده قدامي جواد: الوووو وين وصلتي جوانه: لا هنا معك جواد: في ايش تفكرين لي شوي اكلمك جوانه: مافي شي مهم كنت افكر بمنار جلس جنبي ومد يده ع الكنبة خلفي صار قريب حيل. ريحة عطرة تغلغلت بأعماق مخي جواد: ليش وش فيها؟ جوانه: زواجها بكره جواد: بتروحين؟ جوانه: اكيد جواد: وتتركيني وانا تعبان رفعت نظري له وتهت بجماله جوانه: اممم عادي ماراح اتأخر بس لازم اكون موجوده اخاف تصير مصيبه لازم اكون جنبها جواد: منار بنت عمك؟ جوانه: ايه جواد: ايه والله الله يعينها ملكتها الاولى خربت والثانية صارت هوشه الله يستر بزواجها لا يتذابحون عليها جوانه: لالا الله يستر جواد: ليش هي جميلة لذي الدرجة مدري ليش حسيت بالغيرة من سؤاله ف رديت بحدة : وانت شدخلك رفع راسه ميت ضحك: هههههههههههه نزلة وناظرني: ليش غيرانه؟ كنت بقوم بس مسكني واقترب اكثر مني جواد ببحه تقتل: تغارين علي؟ قلت بارتباك: احمم اممم لا ليش اغار جواد: يعني عادي عندك اكون مع وحده غيرك اعطيها كل اللي تتمناه وتحبه وادلعها واتغزل بجمالها و وقفت وانا جد جد مقهوره وقاعده اتخيل اللي يقوله جوانه: اذا تطلقنا سوي اللي تبي ماتهمني وقف ورفع راسي ناظر شوي بعيوني واختفت ابتسامته جواد: انا اسف ماقصدي ازعلك مسح دمعتي وانا نزلت راسي بسرعه ليش ليش دمعت وقدامه ليش ماحسيت بدموعي ليش جواد: جوانه مسحت دموعي ورفعت راسي اتصنع القوه جواد: دموعك غالية علي جوانه: مابكيت اصلا بس كذا. ابتسم: وش اللي كذا جوانه: انت شتبي الحين؟ جواد: افا جوانه: ايه خلاص روح نام روح الحديقه ليش قاعد عندي. خلني ابي اجلس وحدي اخذ نفس: شفيك عصبتي طيب جوانه: مافيني شي خلاص خلني وحدي طق طق طق جواد بصوت عالي: مييين الخدامه: سيير مام كلام انزل غدا جواد: طيب طيب الحين نازلين رجع نظره لي :غسلي وجهك وتعالي نتغدى جوانه: مالي نفس جواد: اوك انا بعد ماراح اكل خليني انتكس جوانه: لالالا خلاص يلا اسبقني وانا الحقك جواد: رجلي على رجلك.. انتظرك رحت الحمام غسلت وجهي ونشفته رتبت شكلي وطلعت مسك يدي وابتسم ونزلنا جلسنا وقامو الخدم ياخذون اطباقنا ويغرفو لنا نزلت الصحن عندي وانا حسيت بغثيان ومن شفت ورق العنب ماقدرت امسك نفسي وقفت بسرعة وانا اركض ع المغاسل واستفرغت حسيت خطواته خلفي جواد: بسم الله عليك شفيك ارتحت شوي وغسلت وجهي اكثر من مره وهو يمسح على ظهري جواد: لازم الطبيب يشوفك الحين اكلمه رفعت راسي ورديت بسرعه: لالا مايحتاج. بس برتاح قلتلك مالي نفس بس انت اجبرتني جواد: خلاص خلاص تعالي ارتاحي جوانه: اذا تبي راحتي ابيك تاكل جواد: ما اقدر اخليك وانتي تعبانه جوانه: الله يخليك روح اكل عشان تقوي مناعتك اخذ نفس: طيب اوصلك فوق وارجع طلعني لين الجناح دخلني الغرفه وفتح لي اللحاف وانا دخلت تحته غطاني جواد: اذا احتجتي شي دقي علي جوانه: طيب طلع وانا حسيت بنعاس ونمممت نزل وهو يفكر فيها دخل غرفة الطعام خالد: طمني ي ولدي شفيها زوجتك جواد وهو يجلس: مدري والله عيت اطلب الدكتور. استفرغت سميرة: يمكن حامل رفع راسه بصدمة: حاااامل؟؟؟ حصة: ايه الحامل كذا من تشم ريحة الاكل يجيها غثيان وتستفرغ مافكر بالحمل لو واحد بالمية تذكر يوم المزرعة صحت وكانت تستفرغ تذكر كيف كانت تعصب عليه بدون سبب تذكر سؤالها عن عطره وكيف كانت تشم مخدته جواد: طيب الحمل وش علاماته غير اللي ذكرتوها حصة: ابد تتوحم من كل شي يعني بعضهم حتى تعاف زوجها وريحته سميرة: والا بعد ممكن تصير تحب اشياء غريبه.. انت سوي لها تحليل وان شاء الله خير جواد: طيب يغير النفسية؟ خالد بضحكه: ذا السؤال تسأله لي. ياما شبت فيني بسبب ومن غير سبب هههههه سميره: لا تصدقه كنت وش زيني ادلعك واهتم فيك خالد: ههههه ايه ايه بجواد حتى ريحتي ماطقتيها وكنتي تنامين بغرفة وانا بغرفه بس بجاد سبحان مغير الاحوال نشبت في حلقي حصه: اي والله اذكرها هههههههه كان مو معهم يذكر مواقف جوانه يذكر عصبيتها الزايده يذكر تعلقها بعطره معقولة حامل ولا تعلمني وقف وطلع لها شافها نايمه جلس مقابلها ينتظرها تصحى وهو يدعي تكون حامل عشان يجبرها تجلس معه بالمستشفى عند ريم دخلو امهم غرفة وكان جالسين ريم ومنار عندها ام ريم: بروح البيت دقي على مازن ريم: يمه لازم نتطمن عليك اصبري لين نتايج الفحوصات تطلع ام ريم: يمه انا مافيني شي بس شوية تعب منار: ماعليه اصبري شوي نتطمن عليك وتطلعين اندق الباب وانفتح مازن: اححم تغطت منار وهمست لريم: انا بطلع طمنيني عليها ريم: ان شاءالله توجهت للباب اللي كان واقف فيه ناظرها بشوق وده ياخذها بحضنه ويبعدها عن كل هالناس بس صحاه صوتها منار: لو سمحت ممكن اطلع ابتعد عن الباب وهي طلعت بسرعه ظل يراقبها لين اختفت عن نظره اخذ نفس ودخل عند امه مازن وهو يبوس راسها: كذا يا الغاليه تخوفينا عليك؟ ام مازن: مافيني الا العافيه يمه لا تخاف .. وينه ذا الدكتور بطلع مازن: الليلة لازم ترتاحين هنا ونطلعك بكره ان شاءالله ريم: الدكتور قال شي؟ اخذ نفس: فحوصتها سليمه الحمدلله يقول يمكن بسبب التوتر والتفكير الزايد ناظر امه ومسك يدها: وش اللي مشغل بالك لها الدرجه يمه؟ نزلت دمعتها: افكر بالحاله اللي وصلت لها ي ولدي شف شكلك شف حالتك لا تاكل ولا تشرب تعبت وانا اشوفك قدامي تنهار ولاني قادره اساعدك بشي يريحك ريم: يمه الله يهديك الحين كل ذا بسبة هالغبي ؟ تراه مسوي دراما مافيه الا العافيه مو اول ولا اخر واحد بيفارق خطيبته مع الوقت بينساها مازن: يمه اهم مافي هالدنيا صحتك وسلامتك مايهمني شي غيرها صدقيني. وعلى قولة ريم لاني بأول ولا اخر وحده يترك حبيبته .. اوعدك اني انساها ولاعاد اجيب طاريها ام مازن: بتقدر؟ ابتسم: وليش ما اقدر؟ كل شي نقدر ننساه مع الوقت ابتسمت امه: ايش رايك اخطب لك؟ اختفت ابتسامته فكر شوي وبعدها ناظرها: ماعندي مانع يمه بس خليها يعني مو الحين لسى بكمل دراستي اللي قطعتها واسس نفسي وبعدها نشوف موضوع الزواج ام مازن: بفرح فيك قبل الله ياخذ امانته مازن: بسم الله عليك يمه وش هالكلام .. الله يطول بعمرك وتشوفين احفاد احفادي ابتسمت: حشا تبيني اطق الميتين سنه مازن: لساتك بأول شبابك يالغاليه وان كانك تشوفين نفسك كبرتي ماعليه نزوج ابوي عشان يجيب وحده تساعدك ضربته على كتفه وهي تبتسم: قلبت الموضوع علي هاه .. جرب تزوجه والله ان ماتمسون انت وياه مازن: هههههههه فديت اللي يغارون فتحت عيوني بهدوء واحس بصداع وغثيااان جلست ورتبت شعري وربطته لفيت بنزل وانفجعت كان جالس ع الكنبات اللي بجنب السرير ويناظرني جوانه: بسم الله خرعتني شفيك وقف وقرب مني رفعني من كتوفي بهدوء ناظرت فيه جواد: متى كنتي ناويه تعلميني ارتبكت: بإيش؟ جواد: انك حامل كيف عرف مستحيل هو بس شاك تصنعت التفاجأ: حامممل؟؟ كيييف؟ جواد: انا اللي اسألك جوانه: لا مستحيل كيف يصير حمل بيومين جواد: جوانه لا تستغبي. نسيتي لندن جوانه: احمم لا مستحيل مو حامل جواد: نسوي فحص الحين اشتريت لك جهاز تحليل قلبي قام يرقع: قلتلك موب حامل واذا على لندن تطمن بعدها جتني شسمة احم يعني مو حامل وخلاص جواد ببرود: طيب شفيك خايفة سوي التحليل وخلص تصنعت العصبيه عشان اهرب من الموقف: خايفه لاني مابي احمل من واحد مثلك مابي يربطني فيك شي انا اكرهككك مابيك ولا ابي اي شي يذكرني بك انصدم زي ماتوقعت وانا تعديته وطلعت على غرفتي رجع البيت توجه لغرفته على طول دخل ااحمام ووقف قدام المرايه يناظر نفسه لحيته اللي طولت بهتان وجهه التعب اللي واضح بعيونه اخذ نفس وغسل وجهه كم مره طلع عدة الحلاقه وحلق لحيته ورتبها اخذ له دوش طويييييل ريح اعصابه فيه واستعاد نشاطه طلع بعد مالبس روب الحمام تسطح بعرض السرير مازن: لازم انساها لازم اشيلها من تفكيري.. عذبتني وانا عذبت امي.. لازم اتخلص من ذا الحب وارميه ورا ظهري دخل الصالة وشاف امه وابوه ف توجه لهم جاد وهو يرفع يده: مسهم بالخيييير والرضا والنعيم ابتسم ابوه: تعال تعال جابك الله جاد: هههه لا خلاص برجع من حيث اتيت لف بيرجع سميرة: هههههه من جدك بتهرب تعال بس ماعليك منه دخل وباسهم وجلس جنب ابوه جاد: ادري يبه مقصر بالشغل وتاركه عليك بس شسوي الحب ذبحني ما انام الليل ضربه على رجله: اجل الحب ذابحك ياللي ماتستحي جاد: هههههه اااخ يبه بتزوج تعبان سميرة: كلم اهل ريم وحددو موعد مناسب قبل تبدا المدارس جاد: مو راضيه تقول بين الفصلين سميرة: اجل مالك الا تنتظر جاد: طيب انتو موافقين يمديكم قبل المدارس سميره: انا ماعندي مانع يعني يمدي نجهز ناظر ابوه ف تكلم: ولا انا .. يعني هالامور الحريم ابخص بها سميرة: حلو .. تقريبا باقي شهر على الدراسه لسى بدري وريم تقدر تتجهز انت كلمها وشوف جاد بحماس: فديييت التعزيز يا ناس سميرة تبتسم: نبي ندخل الفرحه لذا البيت من زمان ما انبسطنا خالد: اي والله معس حق من حادث جاد واحنا محنا معينين خير .. الحمدلله على كل حال جاد: افا عليك يبه والله لخليك تفرح وتنبسط و ترقص بعد لين تقول امين خالد بنص عين: ارقص اجل؟ ابتسم ببلاهه: امزح يبه لا تشدها خالد: بكره من الساعه سبع اشوفك في مكتبك ولا ماني بمزوجك سامع جاد: لا لا لا توك وش زينك وراك قلبت ابتسم: اقول لا يكثر بس .. اللي سمعته تسويه لو تبي الزواج جاد: يبببببااااه يلا عاد بريح ذا الشهر عشان استعد لدخول القفص الذهبي سميرة: هههههه وهو صادق ي خالد خله يستعد وانت جواد ان شاءالله مابيقصر معك خالد: هذاك بعد ناسي الشغل مره .. عيالس خذو عقولهم هالحريم جاد: ماكنك انت طايح على وجهك عند الوالده اصلا ما تعلمنا الا منك ياقميييل مسكه مع اذنه: انت ماتتوب؟ جاد: اااي اي اي يبببه اسف اسف خلاص ابتسم وهو يتركه جاد يفرك اذنه: اااخ يمين بالله بتصير اذان فيل مره انت ومره الغاليه سميرة: هههههههه تستاهل اقضب لسانك وقف خالد: عن اذنكم بروح انام جاد بإبتسامه: نوم العوافي ياجميل ابتسم وكمل طريقه وجاد نط عند امه جاد: يمه شرايك نخلي الزواج بعد اسبوعين سميره: قلتلك ماعندي مانع بس كلم ريم واهلها يمكن ماتقتنع جاد: انا اعرف كيف اقنعها وقف بيروح مسكت يده ف التفت سميره: اجلس جلس وينتظرها تكمل سميره: تهقا جواد وجوانه ينفصلون؟ جاد بتفكير: مدري والله اللي اشوفه انهم مصممين خصوصا زوجته سميره: طيب ممكن انفصالهم يأثر على زواجك يعني ممكن مايتم هالشهر بسبب الظروف جاد: لا عاد يمه وانا وش علي سميره: يرضيك تتزوج واخوك متضايق جاد: يستاهل هو غبي ما اعترف للبنت بحبه لها يبيها تصير كونان تستكشف وتفهم بنفسها تخيلي يمه بعد كل البلاوي اللي سواها فيها ما اعترف ولا اعتذر ولا ترجاها تسامحه سميره اخذت نفس: هذا طبعه عاد وش نسوي جاد: غلط ذا الطبع كيف يغلط بحقها وياليت شوي طلع موريها النجوم بعز القايله .. سوالها كثير اشياء يمه لو انا منه اترجاها ليل نهار واعتذر منها بكل ثانيه على الايام السودا اللي عيشتها فيها بس ولدك مدري وش يحس فيه مو راضي يعترف او يعتذر يبيها تجلس معه وبس .. انتي كلميه يمه فهميه ان هالشي غلط سميره: كلمته كثير ولا سمع مني وش اسوي بعد مابيدي شي جاد: ع العموم ان شاءالله الزواج راح يتم سواء كملو او انفصلو اوك؟ سميره: ان شاءالله خير وقف: عن اذنك اجل بروح اشوف ريم بعد يارب اقدر اقنعها وارتاح سميره: اذنك معك حبيبي طق طق طق جوانه: ادخلي منور حياك انفتح الباب وتفاجأت من شفته بالعاده مايدق الباب دخل ووقف قدامي رفعت راسي له جواد: ما توقعتي جيتي؟ جوانه: لان مافي غير منيره تدق الباب انت ماشاءالله تدخل مداهمه على طول اخذ نفس: اقدر اجلس؟ ناظرته بإستغراب: تفضل ابتسم وجلس مقابلني ع الكنبه المفرده ناظر يدينه ورجع رفع نظره لي: تكرهيني لها الدرجه؟ نزلت عيوني اتهرب من نظرات عيونه المتعبه جوانه: انا اسفه بس لانك ضغطت علي طلع الكلام مني بدون قصد جواد: اذا ودك تروحين بيت اهلك ماعندي مانع .. جهزي نفسك و اوديك ناظرته ومدري وين راح كل كلامي اللي بيني وبين نفسي واني اكرهه ومراح اسامحه حنيت عليه من شفت نظرات عيونه ماقدرت ازعله جوانه: ابي اروح بس مو بيت اهلي جواد: وين؟ جوانه: شرايك نطلع نتمشى نغير جو ابتسم: ماعندي مانع جوانه: بس لو تحس تعبان خلاص يوم ثاني وقف: لا لا .. لاتعبان ولا شي .. جهزي نفسك وانا بعد بروح الجناح ابتسمت: طيب طلع وانا من غير ما افكر بشي قمت لبست وتجهزت ومن خلصت رحت له كان بالصاله من شافني وقف وقرب مني مد يده وحاوطني جواد: وين حابه تروحين ي سنفوره ابتسمت: ترا انا طويله بس انت عملاق عشان كذا تشوفني قصيره جواد: ههههه ايه صح وبدليل انك واصله بطني ضربته بخفيف ع صدره: يلا عاد ترا واصله لصدرك جواد: بسبب ذا الشوز اللي كنه دبابه جوانه: هههههههه ابتسم وفتح لي باب السيارة: تفضلي ركبت وطلع هو: وين تبين مول والا مطعم جوانه: اممم اللي تحب تحرك: اوك مشينا واحنا ساكتين وانا اناظر شوارع الرياض وزحمتها جواد: بوديك مكان هادي وبعيد عن الازعاج جوانة: وين؟ ابتسم: الحين تشوفين سكت لييين وصلنا الجبل نزل والتف للشنطة اخذ منها فرشة نجلس عليها وانا نزلت واناظر المكان صدق هدووووء وكان هواااا يرد الروح مشيت لعنده وهو يضبط الجلسه وشفت وش كثر احنا مرتفعين والانوار تحت منظر يجنن التفت لي: ها عجبك المكان جوانه: مرررره. يجيب راحه نفسيه ابتسم وجلس وجلست جنبه جوانه: كيف تعرف اماكن زي كذا. اقصد انتو طبقتكم مايفكرون يكشتون بذي الاماكن جواد: هههه طبقتنا؟ جوانه: اييي يعني والله جد ما احس اللي بمركزكم يروحوون بر او زي كذا جواد: لا عادي ترانا بشر طبيعيين جوانه: وكيف اصلا عندك وقت تجي هنا جواد: قلتلك قبل كذا انا احب يكون وقتي مرتب انظم ساعات فراغي وايش راح اسوي لمدة اسبوع يعني احط وقت لاكلي وقت لنومي وقت لرياضتي حتى لو بجي هنا احطه ضمن جدول جوانه: يووووه روتين الاغنياء طلع ممل جواد: ههههههههه صحيح كنت منظم جدا بس من جيتي انعفس جدولي ولا صرت نفس قبل جوانه: اكيد بينعفس تخيل عاد ترتبه وش بتكتب الساعه 10 بروح اتهاوش مع جوانه جواد: ههههههههههههههه اااخ جوانه: والله صدق هدا من ضحكه: بس تدرين صدق كنت ممل دوام البيت ومن البيت ع الدوام سكتت رفعت راسي ناظرت السما شفت القمر: اشتقت لدانه ناظر مكان ما اناظر: تبين اوديك لها جوانه: لا مايحتاج اشوفها بكره بزواج منار ان شاءالله .. بس القمر يذكرني فيها جواد: ليش؟ ابتسمت: كنا نتهاوش انا وهي عليه هي تقول انها القمر وانا اقول لا انا القمر زي كذا يعني ابتسم: مافي قمر غيرك بذا الكون كله ابتسمت: شكرا سرح شوي وتكلم : كانت تقصد اختها التفت له: مين؟ ناظرني: انتي جوانه: مافهمت جواد: مره شفتك تناظرين القمر وقلتي اشتقتلك بالحيييل اشتقتلك .. وقتها فكرت انك مشتاقه لحبيب بس الحين فهمت كنتي تقصدين اختك جوانه: كل يوم راح تعيشه معي راح تكتشف انك ظلمتني بكثير اشياء اخذ نفس: ماجينا عشان نفتح هالمواضيع .. سولفي لي عن حياتك قبل تعرفيني جوانه: انت علمني عن حياتك ماقد حبيت؟ وليش ماتزوجت للحين عمرك 32 جواد صار33 جوانه: يوه ليش ماقلت لي كان سويت لك بارتي بس عموما هابي بيرث داي عقبال مية سنه جواد: هههههه بدري دخلت من 5 شهور جوانه: يووه عجزت خلاص الحين من بتتزوجك جواد: ههههههه ناظرته بجديه: مفكر تتزوج؟ بعد انفصالنا هدا واخذ نفس: لأ جوانه: ليش؟ جواد: تكفيني تجربه وحده جوانه: تسمي اللي عشناه زواج؟ جواد: اجل وش خطبه؟ جوانه: ماكان زواج كان اتفاق صفقه على قولتك جواد: قلتلك لاتجيبين هالمواضيع .. ارمي كل شي ورا ظهرك جوانه: اممم طيب شرايك نلعب جواد: وش نلعب جوانه: صراحة او تحدي تعرفها؟ ابتسم: ايه اعرفها جوانه: عندك مويا بالسيارة وقف: اشوف الحين راح ورجع وهو يرفع القارورة: فيه ابتسمت وتحمست جلس واخذتها: يلا ببدا لفيتها وجت علي ابتسم: تحدي والا صراحه جوانه: اممم صراحة جواد يفكر: امممم قد حبيتي بحياتك؟ جوانه: الحب اساس الحياة طبيعي احب ماما وبابا و صحباتي واختي وكذا يعني جواد: ماقصدت اهلك ولا صحباتك اقصد طرف ثاني حبيتي رجُل جوانه: وش ذي الاسئلة جواد ابتسم: والله اذا انتي مو قد اللعبة ليش لعبتيها جوانه: امممم اوك بجاوب. ايه حبيت تغيرت ملامح وجهه وانا لفيت القارورة وجت كمان علي جوانه: اففففف ابتسم: نصيبك من الله ههه جوانه: اممم صراحه جواد بسرعة وكأنة منتظر: من اللي حبيتيه؟ جوانه: ممكن نطلع من جو ذي الاسئلة. يعني اسألني وش اتمنى وش احلامي مثلا مو حب وما حب و.. قاطعني جواد: جاوبي جوانه: شخص ماتعرفه جواد: وين ومتى وكيف؟ جوانه: وشو صار تحقيق مو لعبه اخذ نفس: محد قالك تفتحين ذا الباب طنشته ولفيت القارورة وجت علية: يسسسس كان سرحان ولما صرخت التفت جوانه: وش تختار جواد: صراحة جوانه: لو ماطلعت بحياتك كنت راح تتزوج خوله؟ ابتسم: لا جوانه: بس امك كانت تحبها اكيد كان بتزوجك.. يوه كان لعبت عليك واخذت حلالك جواد بأبتسامه: الحمدلله طلعتي انتي وانقذتيني منها جوانه: لا تتريق ترا صدق لولا الله ثم انا كشفتها لكم خليتها تطلع كل اسلحتها وهجومها علي جواد: هههههه فيلم اكشن جوانه: المهم يلا لفها ابتسم ومسك القارورة لفها وجت علي جوانه: لاااااا مو عدل اش ذاا كله علي ابتسم: المهم يلا بسألك قلت اخرب عليه: بختار تحدي .. ناظرني بتفاجأ: والله؟ ابتسمت: يب جواد: امممم اوك تحدي تحدي. اتحداك تبوسيني بققت عيوني وهو ابتسم ورفع يده: انتي اخترتي مالي شغل قرب وجهه مني وانا ارتبكت نزلت عيوني ورجعت رفعتها وناظرته اخذت نفس وبسته بسرعه على خده وكنت برجع بس مسكني وهو قريب مني كثير جواد: ماقلت خدي .. ابيها هنا..واشر ع شفاته ابتعدت: لا خلاص راحت عليك ماحددت وين ابتسم: اوك بعديها لك هالمرة اخذت القارورة ولفيتها وجت عليه جوانه: وش تختار جواد: صراحة جوانه: امممم طيب .. تعرفني جواد؟ ناظرني بأستغراب جوانه: اقصد تعرف انك ظلمتني بكثير اشياء؟ نزل راسه: ايه جوانه: تعرف فهد وش يكون لي رفع راسه وناظرني: مع انه صار سؤالين بس بجاوبك ايه اعرف انه اخوك بالرضاعه جوانه بعتب: تعرف و ماقلت لي؟ اخذ نفس: وش بيتغير لو قلتلك جوانه: مدري ع الاقل اعرف انك ندمان والا الموضوع ماهمك جواد اخذ نفس: انتي كل شي فيك ويخصك يهمني جوانه: وهادي وجاد تعرف عنهم جواد: اعرف كل شي جوانه ككككل شي جوانه: من متى؟ جواد: بعد الحادث اللي صار لي جوانه: كيف عرفت جواد: شكيت بهادي وراقبته لقيته يتفق مع خولة جبته ومن اول كفين دع الاول والتالي جوانه: وش دخل هادي. كيف يعرف عن فهد جواد بخجل: احمم اممم كنت شاك انه يقابلك او يكلمك ف قلت له يراقبه ويعطيني كل تفاصيله. طبعا هو وخولة عرفو انه اخوك وماعلمني عشان كان يبيني اطلقك جوانه بصدمة: كنت تشك اني اقابل فهد جواد: ماكنت اعرفك جوانه. الشيطان وسوس لي انه يحبك وانتي تحبينه. بالذات يوم شفت رسالتك له. تأكدت ان بينكم شي. نزلت راسي مصدومة جواد: جوانه انا صدقيني عقلي ماكان معي. يمين بالله اني للحين اتألم على كل لحظة المتك او جرحتك فيها قلت بحزن: قلتلك كثير بس ماصدقتني والرساله كتبتها يوم جا الدمام كنت بعطي هديل تعطيه بس فكرت فيك وخفت منك وخبيتها مسك يدي ورفع راسي نزلت عيوني ماقدرت اناظره احس ببكي جواد: جوانه تقدرين تسامحيني؟ ناظرته وهزيت راسي بلا ووقفت وقف معي ومسك يدي جواد: وين رايحه جوانه: ممكن تخليني شوي بشم هوا جواد: بس جوانه: خلاص نرجع البيت جواد: لالا خلاص خذي راحتك رحت بعيد عنه شوي شفته يدخن ويفرك جبهته متوتر وكل شوي يناظرني. صديت عنه وناظرت السما ااااخ ي جواد ليش تسوي فيني كذا. لذي الدرجة كنت بنظرك انسانة رخيصه لذي الدرجة تحسبني اراكض من رجال للثاني ليش وش سويت عشان شافني بهالنظرة. طول وقتي وانا محترمة نفسي ااااخ اخ احس مقهووورة مخنووووقه صح الشي ذا مر وانتهى والواضح ان جواد مررره ندمان بس حتى ولو. مافكر ان هالبنت لها عائلة وش بتكون ردة فعلهم لو طلع عني كلام زي كذا. وش راح يحسوون كزيت من صوته جواد: ااحححم التفت له وسكتت مد يدينة على اكتافي: جوانه انا مهما اعتذرت ماراح تغفرين اخطائي بس ع الاقل تكلمي عصبي هاوشيني طلعي اللي بداخلك لا تجلسين ساكته كذا ابعدت يدينه وتعديته: مافي شي اتكلم فيه مسك يدي و لفني: دخيلك لا تعذبيني جوانه بسخرية: هه انا اعذبك؟ انت تعذب بلد ولا حد يقدر يلمس منك شعرة جواد: انتي نقطة ضعفي نظرة قاسية منك تكسرني جوانة: ليش؟ وش افرق عن الباقي؟ والا حاسس بالذنب لانك ظلمتني سحب يدي وحطها على صدرة جهة قلبة: انتي ملكتي ذا .. تبين اكثر من كذا؟ سحبت يدي بسرعه وتعديته رجعت الجلسة وجلست كان واقف مكانه ماتحرك طلع سجارة وجلس يدخن وانا احس قلبي يدق بقوة. يحبني ليش ماخليتة يكمل ليش انا متناقضة ابيه يحبني واهرب منه معقولة قصدة يحبني ظليت افكر وهو خلص سجارته ورجع جلس جنبي جواد: تبين نمشي؟ جوانه: ليش؟ جواد: مدري شكلك طفشتي جوانه: ليش تسوي فيني كذا جواد بإستغراب: وش سويت؟ جوانة: ترمي كلام ماتحسب حسابة جواد: انا اعرف كل كلمة اقولها واعنيها بس انتي ساعات تستغبين لانك ماتبين تصدقين كلامي جوانه: طيب الحين وش قصدك قبل شوي جواد: ملكتي قلبي خليتيني ما اتمنى الا قربك ماودي افقد صوتك ولا حسك يفارقني ابيك جنبي جوانة انا ماراح اقدر على غيابك. نزلت راسي وسكت رفع راسي من ذقني ناظر بعيوني جواد: جوانه انا اا انا .. اححم انا ا ابيك جوانه: تبيني؟ حسستني اني مجرد غرض من اغراضك ومو راضي تفرط فيه وترميه جواد: لا ماقص... حطيت يدي ع شفاته جوانه: انت بس عشان طول عمرك اي شي تبيه توصل له واي شي تمتلكه تتركه بكيفك. بس الحين انا كسرت هالقاعدة وبمشي عشان كذا تحس اني شي ماتقدر تفارقه جواد: تتوقعين كذا؟ جوانه: ايه جواد: ممكن معك حق. دامه كذا اجل راح اتعود على غيابك لانك ماتعني لي شي مجرد تعود ناظرته بصدمة جواد: تأخر الوقت خلينا نمشي ما اعطاني مجال ارد تعداني اخذ الاغراض وطلعها وركب وانا لحقته وتحركنا بدون اي كلام مني او منه .. وكأنه زعل من كلامي وكالعادة نهاياتي معه دائما تعيسه لا جيت أنا بــ أسامحك.. تبكي الجراح ما ودها.. مشتاق ودي أصافحك.. عيت يدي لا أمدها... آه. .يـــا الجراح .. راح اللي راح .. وراحتي .. من يا ترى بيردها ..؟؟ يا حب.. ياذ كرى واســم.. مدري انا ابكي عليك من العذاب أو ابتسم.. صدقني في يأسي .. نفسي تبي نفسي تبيــــــك .. لا يا دفا شمسي تبيـــــــك.. ليه خنتني ..الله عليك .. آآآآهـ يا الجراح .. راح اللي راح.. وراحتي .. من يا ترى بيردها .. لا تحاكي عيوني .. يمطر سحاب الملح .. ولا تلمس شجوني .. ينبت في قلبي جـــرح .. ناظرني يا خلي .. جرح انا كلــــي .. وشلون أبـ أرضى الصلح ..؟؟ الأمير بدر بن عبدالمحــسن في صباح اليوم الثاني متسطح على ظهرة وعيونه للسقف كأنه مجرد جسد مافيه روح مافيه حياه ضايقه الدنيا فيه نفسه مكسوره .. كانت ماليه عليه حياته .. حبه الاول وروحه راحت والليلة زواجها مسح دمعته وجلس مازن: اااااه ااااااااااااه ماراح اقدر على فراقك ماراح اقدر على نسيانك اااااااااه ياوجع قلبي .. كيف بنساك كييف اموت ذا القلب اللي ماينبض غير بحبك اخذ جواله ومن غير تفكير دق ارقام جوالها اللي حافظها اكثر من اسمه تردد في اتصاله بس كمل واتصل منار: الو مارد: منار: الووو .. فيصل؟؟ حس بسكاكين انغرست بصدره صحيح رقمه جديد ومنار ماتعرفه بس من سمع اسمه ع لسانها حس بألم مازن: فيصل حاليا يستعد لزواجكم ماراح يكلمك بذا الوقت تطمني منار ببرود: وش تبي؟ تكلم بغصه: لذي الدرجه هنت عليك؟ ابعدت الجوال عنها وهي تعصر عيونها بألم ماتبي تسمع نبرة صوته المكسوره ماتبي تحس بالذنب عدلت جلستها ع السرير وتتصنع القوه: انت اللي بعتني انت اللي تخليت عني مو انا مازن: غلطت وجيتك ندمان جيتك شاريك بدم قلبي بس فضلتي الغريب علي منار: الغريب اللي تقوله وقف معي بوقت ضيقتي وذا الغريب ماشك فيني وهرب زيك .. يلا مع السلامه زوجي مايرضى اكلم غيره مازن: دقيقه قلتلك وش تبي؟ مازن بألم: ابيك تحلليني دق قلبها بقوه وحست بخوف من كلمته: وش ذا الكلام مازن: ما اتوقع اصبر لين الليل ف بقولها لك الحين. الف مبروك.. وكمل بغصه ودمعته نزلت: الله يسعدك ويهنيك حاولت تكون قويه بس خانتها دمعتها ونزلت غصبن عنها : الله يبارك فيك.. وعقبالك مازن بألم: يمين بالله مابغيت من هالدنيا الا سعادتك.. ودامك تشوفينها معه ف الله يوفقك ماقدرت تسمعه اكثر قفلت وانفجرت بحالة بكاء موجعه اما من جهته نزل جواله ويكلمه وكنه يكلمها مازن: ليش يابعد كل هلي ليش عاندتي قلبك وتركتيني لييييش ؟ ااااه ي منار ااااه طلعت من المطبخ وهي تسب وتلعن في ابوها ومشعل اللي اهانوها وخلوها مع هالشخص اندق باب الملحق خوله: وجع ان شاءالله اكيد رجع اتجهت للباب: طيب دقيقه فتحته ومن شافت مشعل حاولت تعدل نفسها ناظرها من فوق لتحت باشمئزاز مشعل: وين زوجك خوله بقهر: مدري عنه مشعل: كيف ماتدرين عن مكان زوجك .. كلميه انقهرت انه جالس يعيد الكلمه: كلمه انت انا ماعندي رقمه ولا عندي جوال اصلا ابتسم بسخريه: افااا ولا تعلميني؟ الحين يجيك احلى جوال احنا مانحب نحرم خدمنا من شي انقهرت اكثر: ماني خدامه .. راح تشوف ي مشعل وربي لندمك الساعه اللي فكرت فيها تلعب معي مشعل: اقول لا يكثر ويلا قدامي على الفيلا نظفيها من فوق لتحت ابيها تلمع لمع وياويلك لو لقيت نقطة وسخ او غبار خوله بقهر: تخسي والله ما اسويلك شي مشعل: اوك اجل انقلعي من بيتي يلا برااا خوله: تحسبني بموت عليك واترجاك ابركها من ساعه دخلت اخذت عباتها وطلعت وهو لسى واقف ومبتسم بسخريه مشعل: مردك لي ماصدقت انه وافق لها طلعت على طول وظلت ربع ساعه تمشي للشارع عشان تحصل تكسي .. اول ماركبت عطته عنوان بيتهم وهي مبسوطه اول ما وصلت السايق: مدام فلوس؟ خوله: دقيقه انتظر الحين اجيبها نزلت بسرعه وراحت تدق جرس البيت بجنون شوي وانفتح الباب ومن شافت امها خوله: يمه ابي فلوس للتكسي بسرعه امها مو مصدقه انها شافتها ضمتها بقوه خوله: يماااه بعدين يلا السايق ينتظر جاهم الصوت من خلفهم: مين ؟ التفتو عليه ومن شافها اكتست وجهه علامات الغضب وتقدم لهم بسرعه مسكها من كتفها وطلعها خوله: يييبه لا تكفا يببببه تكفا سامحني مالي غيركم يبببه لاتسوووي فيني كذااا تكفا يبببه دفها برا البيت: لا انتي بنتي ولا اعرفك ارجعي من مكان ماجيتي ام خوله تبكي: لا ياناصر لا تصير قاسي هذي بنتك الوحيده سامحها تكفا ابو خوله: بنتي ماتت بعلن وفاتها اليوم واستقبل العزا فيها بكره وقفل الباب بوجهها وهي مصدومه مو مستوعبه يعني خلاص ابوها تبرا منها اهلها مايبونها معقوله وين تروح طيب كيف تعيش .. صحاها صوت البوري اللي يدق توجهت للتكسي السايق: وين فلوس خوله: رجعني للمكان اللي اخذتني منه سكت ورجع فيها وهي مازالت مصدومه صحيت ناظرت جواد لمست جبهته ماكان مسسخن الحمدلله رحت تحممت وطلعت صليت ودعيت لنفسي ولمنار ولجواد بعد صحيح انه متعبني ومدوخني بعد بس ماعليه ندعي ان الله يهديه البارحه من رجعنا ماكلمني على طول تحمم ونام .. مفروض انا اللي اتضايق مو هو يعني ولا هميته ولا حبني بس يبيني جنبه وكأني شي مايستاهل ينحب. لحظه انا وش قاعده اخربط ليش ابيه يحبني مو غصب الحب .. اففف شكلي بديت اجن صارت تجيني افكار مستحيله جواد: تقبل الله رفعت راسي ويدي على قلبي: بسم الله الرحمن الرحيم ابتسم: خرعتك؟ جوانه: ايه ماتوقعتك صحيت جلس جنبي: دعيتي علي؟ ناظرته بصدمه: لا طبعا .. دعيت لك ابتسم: طيب و قبل؟؟ .. اقصد اول زواجنا كنت ادخل عليك اشوفك رافعه يدينك كنتي تدعين علي؟ جوانه: مستحيل ادعي على احد بس كنت ادعي ان جاد يقوم واتخلص من العذاب جواد: تذكرين يوم المطر؟ وقفتي ودعيتي قلت اكيد قاعده تدعي علي ابتسمت : يا الله كان اجمل يوم بس كالعاده نهاياتي معك دايم تعيسه جواد: قبل التعاسه كنتي جميله كنتي بريئه كثير جوانه: والحين؟ جواد: قسى قلبك وصرتي شريره جوانه: هههه شفت من ناسخ كلام الثاني ابتسم: ماعدت شرير زي ماكنتي تقولي .. قلتلك علمتيني للحنيه جوانه: وعلمتني ع القسوة جواد: ليش بيوم الرصاصه ماتركتيني اموت وترتاحين مني جوانه: اعتبرها مساعده انسانيه ابتسم: مازالت توجعك؟ ؟ جوانه: الوجع الحقيقي بداخل صدري جواد بهدوء: بسم الله على قلبك وروحك وكلك سكتت جواد: امشي نفطر وقفت وطلعنا وانا مدري ليش هالانسان كذا معقوله يتصنع والا يكذب علي والا يحبني وصلت نزلت تجر رجولها كيف ترجع له وهو اهانها وذلها بس وش تسوي مالها غيره دقت الباب بتردد فتح لها جندار ودخل ولا كلمها ترددت بس دخلت وهي منزله راسها مخنوقه متضايقه تفكر كيف هانت على اهلها يرمونها هالرميه وقفت من سمعت صوته مشعل وهو رافع ساعته: مسرع مارجعتي كان طولتي شوي خوله ساكته ولا تدري وش تقول مشعل: مالك مكان هنا .. اطلعي برا ناظرته بصدمه: وين اروح؟ ابوي طردني مشعل: وانا شدخلني. كنت ضافك في بيتي بس انتي رفستي النعمه برجولك والحين يلا اشوف انقلعي برا مابي اشوف وجهك هنا خوله بقهر وهي تجبر نفسها على ذا الكلام: ماراح اطلع ذا المكان فيه زوجي وبجلس معه مشعل: هههههههههههه زوجك؟ حبيت الاعتراف هههه .. المهم لو بخليك بخليك عشانه مو عشانك وقدامي على البيت ابيه يلمع فاهمه خوله: طيب احم اممم ابي 60 ريال حق التكسي مشعل: مع انك ماتستاهلين بس اعتبريها مخصومه من راتبك فتح محفظته وطلع 100 رماها بوجهها وطاحت ع الارض نزلت بقهر وهي تحس بالاهانه واخذتها وطلعت عطت السايق ورجعت مشعل: قدامي راحت معه ع البيت دخلها وهو لسى عند الباب طلع بطاقه من جيبه ومدها لها مشعل: الغرف اللي هنا ماتفتح الا بها البطاقه .. وهي بطاقه وحده للخدم كل يوم تكون عند وحده. يعني اذا فكرتي تسرقين شي اعرفي انه مايمديك تلزقينها بأحد ثاني لان بتكون اليوم البطاقه معك .. يلا انا طالع طلع وتركها رفعت راسها تناظر البيت وتتأمله خوله: ااااخ صدق اني غبيه ضيعت على نفسي واحد مثل مشعل كان ميت علي .. والحين الحقير مو طايق يشوف وجهي .. ااااخ يا القهر انا انا يعاملني هالمعامله انا اللي بغيت وتمنيت الغنى والعز والفلوس اخرتها يعاملني كخدامه التافهه الحقير .. يحسب اني بسكت له والله لوريه والله لحرق قلبه خلني بس اخطط واشوف وش بسوي دخلت البيت وهي تدور على احد تكلمه شافت خدامه ثانيه خوله: هيييه انتي تعالي راحت لها: يس مدام خوله: بابا مشعل كلام سوي تنظيف بيت هذي البطاقه خذي ناظرتها: بابا بس يعطي بطاقه .. ممنوع شيل بطاقه من واحد ثاني خوله بقهر: ايش يعني مابتنظفين؟ ترا بيطردك هو قال لي كلام انتي سوي تنظيف : مافي هذا نظام هنا .. بابا مسعل يبي انا نظف جيب بطاقه خوله بقهر: طيب انقلعي وجع يوجعك مشت بتروح خوله: لحظظه التفتت خوله: في احد في البيت ماما بابا كبير اي احد : مافيه كولو سافر خوله: متى راجعين : ما يأرف خوله: طيب طسي خلص راحت خوله: اففف حاسبها صح الحقير مطلع اهله من البيت .. بس احسن ولا يشوفوني وانا بذي الحاله حسبي الله على ابوي اللي باعني كملت تحلطم وسب فيهم وهي تتوجه للداخل تستكشف المكان وتحاول تعود تفسها على الحياه الجديده اللي بتعيشها على الساعه 8 المسا لبست فستاني وسويت شعري ويفي ناظرت مكياجي اذا يحتاج تعديل طق طق طق تكلمت وانا احط بلشر: ادددخخخل خلصت والتفت كان واقف عند الباب جواد: وااو وش هالجمال جوانه: شكراً ابتسم وتقرب مني نزل عينه ع العقد وانا بحركة تلقائية حطيت يدي عليه جواد: رقتك زادت العقد جمال انحرجت: تسلم جواد: الله يسلمك جوانه: احمم بروح بعد شوي كلمت السواق جواد: سواق وانا موجود جوانه: انت تعبان ارتاح جواد: صرت بخير لا تخافين جوانه: طيب وقفت انتظرة يروح عشان اخلص بس واقف يناظرني ابتسم: قلبي مايطاوعني اتركك نزلت راسي: عادي خليك لو تبي ابتعد عني شوي وجلس ع الكنبة جواد: احد يحصل له يتأمل القمر ويقول لا ماتوقعته يجلس بس حط رجل على رجل وتكى يدة على خدة وجلس يناظرني. توترت بس حاولت ما ابين له حطيت روج وزودت بلشر رتبت شعري وتعطرت لفيت واخذت كعبي ولبسته واخذت عباتي ناظرته جوانه: انا جاهزة وقف وقرب مني قررررب مره مسكني من خصري رفعت راسي اناظرة جواد: ممكن تغيرين لبسك انصدمت: ليش حرك اصابعه على ظهري بنعومة: ماتشوفين انه كاشف ظهرك كلة جوانه: اممم عادي انا عند بنات جواد بهدوء: ولو .. ما احب احد يشوفك كذا جوانه: بس رتبت نفسي على ذا اللبس صعب اغير كل شي. وبعدين غريبه احس عادي عندك هالامور ابتسم: تصدقين كنت احسب انه جدا عادي ومافكرت اني راح اتدخل بلبس زوجتي. بس من شفتك مدري حسيت ماودي احد يشوف جمالك حتى وان كانو بنات جوانة: طيب راح افتح شعري يعني شعري يغطيه جواد: وريني كيف بيكون جوانه: يلا عاااااد جواد ترا تأخرت رفع ساعة يدة ورجع ناظرني: لسى بدري يلا بشوف جوانه بتذمر: يوووووه ابتسم وانا مقهورة رحت وعدلت تسريحة شعري وطاح على ظهري رتبته ورحت لعنده وانا ماده البوز جوانه بزعل: ها ارتحت؟ ابتسم بهدوء وقرب مني حط يده على خصري وشدني له.. قرب من اذني وهمس بهدوء جواد: غرت .. مابي حد يشوف جمالك غيري ابتعد شوي: اعذريني نزلت راسي بإحراج: عادي رفع راسي وقرب مني باسني ع جبهتي بهدوء وابتعد جواد: البسي عباتك عشان نمشي انا ضايعه من قربه وريحته وصوته ولمساته جواد: الوووو جوانه: هاه هلا جواد: مو قلتي تأخرتي جوانه: ايه ايه يلا انزل وانا اجيك جواد وهو طالع: اوك لبست وطلعت لقيته ينتظرني فتح لي باب السيارة جوانه: مايحتاج ابتسم: اميرة لازم ندلعك ابتسمت وهو ركب وحرك ناظرني: بسمعك شي جوانه: طيب شغل الاغنية ويازين نغمتها مرررة حلوة الفاتنة اللي على قلبي تمون هي صباح الخير ولا الخير هي ناظرتني وسلهمت ذيك العيون الغزل والشوق واسرار الحكي الفاتنة اللي على الدنيا مشت كن ما به مثلها احدن مشى الكلام العذب لا منها حكت من حلاته فز قلبي وانتشى الفاتنة اللي على قلبي تمون هي صباح الخير ولا الخير هي من خلقها الله وهي كل الوجود وهي ملامح دنيتي واغلا البشر الخلائق في محبتها شهود تسوى قلبي ودنيتي وكل النظر يا مساء هـ الليل يا عطر وداخون يا غرام الحب يا احلى العمر يا عبير الورد يا غيم ومزون يا اصدق ابيات القوافي والشعر عشتك اجمل حب يعمري انا يا عساها ما تفرقنا السنين نبقى طول العمر ويبقى حبنا شوق واحساس المشاعر والحنين تسوى قلبي ودنيتي وكل النظر الفاتنة اللي على قلبي تمون ناظرتني وسلهمت بذيك العيون الغزل والشوق واسرار الحكي جواد مبتسم ويردد: الفاتنة اللي على الدنيا مشت .. كن مابه مثلها احدن مشى نزلت راسي بإحراج وانا مبسوطه كثير جواد: عجبتك الاغنية جوانه: كثييير وقفت بعد ماخلصت مكياجها برودها مو طبيعي ماتحس بسعاده ماتحس انها عروس : شوفي اذا في شي تبين اعدله قبل امشي منار ببرود: كل شي تمام يعطيك العافيه : الله يعافيك حبيبتي راحت ترتب اغراضها ومنار تناظر المرايه وتتأمل وجهها الشاحب وروحها المكسوره وعيونها الذبلانه حست بالم بداخلها سحبت جولها وفتحت على رقمه ناظرته كثير ودها تطمن عليه خايفه من كلامه لها الصبح. صحت من سرحانها ع صوت ريم ريم: منار التفتت لها بسرعه وكنها تنتظرها: وينك انتي ؟ ليش طولتي؟ ريم: ماطولت بس مثل ماتعرفين امي تعبانه شوي وانشغلت معها شوي منار بحزن: انا اسفه كان ودي تكون معنا الليله بس فيصل مارضى نأجل ريم: اصلا امي ماراح ترضى تأجلين. المهم الحين خلاص جهزتي كل شي منار: ايه ناظرت عيونها اللي يبين الحزن والتعب فيها قربت منها ريم : وليش مضايقه احد مزعلك؟ هزت راسها بلا وتحس ودها تبكي: لا بس خايفه شوي ريم تمسك يدها: ادري تفكرين بمازن مهما حاولتي تخفين ذا الشي. ادري صعب ذا الشعور بس ي منار ماعاد يفيد .. عيشي حياتك وانسي كل شي افرحي هالليله ماتنعاد نزلت دمعتها: كلمني الصباح وقال لي كلام خوفني يقول حلليني ومدري وش ريم: ماعليك مافيه الا العافيه راح ينسى مع الوقت .. منار: هو جابك هنا؟ ريم: لا جيت مع دانه هي بالقاعه تحت شوي وبتطلع ابيها تشوف ابتسامتك. يلا امسحي دموعك وانبسطي اخذت نفس: ان شاءالله جاني اتصال من دانه: الووو وينك انتي؟ جوانه: عند القاعه بنزل الحين دانه: اوك قفلت وناظرت جواد: انا ارجع مع السايق روح البيت ارتاح جواد: لا راح اجيك انا كلميني اذا خلصتي جوانه: بعيد وانت مريض جواد: لا بعيد ولا شي انا حاب اخذك بنفسي. جوانه: طيب فتحت الباب بنزل بس مسك يدي ف التفت له جواد: حصني نفسك لا تنسين ابتسمت: حاضر نزلت وانا افكر في تصرفاته وكلامه وكيف غار احد يشوفني كل شي يدل انه يحبني كل اهتمامه كل شي فيه واضح انه يحبني بس ليش مايقول ليش ودي افهم واقف برا ويناظر المعازيم وهو مخنوق يحس انه احد مقيده بسلاسل مو قادر يوقف الزواج ولا قادر يبعد شاف فيصل طالع كان لابس بشته ويكلم بجواله وده يروح يذبحه وده يدعسه بالسياره ويرتاح منه فكر بجنون شغل سيارته بسرعه وضغط ع البنزين بدون مايتحرك لين السياره طلعت صوت انتبه فيصل وناظر بس ماكان شايف شي من نور السياره نزل البريك ودعس بقوه ناوي يقتله .. اما فيصل من شاف السياره جايه بإتجاهه بسرعه بهت جسمه وتصلب ماقدر يتحرك لين صحاه صوت فرامل السياره اللي بينه وبينها خطوه تنفس بقهر وهو يضرب الدركسون بقوه: لالا لاااااا مسك راسه ورجع السياره ورجع تقدم وهو يشوف فيصل مازال متجمد مكانه اما عند فيصل استوعب اخيرا الموقف .. اخذ نفس يتدارك الخوف اللي اعتراه غمض عيونه بقهر: هين يا مازن انا اوريك اتجه على البيت طلع بسرعه اخذ شنطة ملابسه فتح دولابه ورمى الملابس في الشنطه بشكل عشوائي قفلها وطلع مر على غرفة امه ودق الباب شوي وطلعت ابتسمت: هلا يمه امر بغيت شي؟ مازن: ابي اودعك بسافر انصدمت: تسافر؟؟ وووين وليش مازن يحاول يكون طبيعي قدام امه عشان مايضايقها: بروح يمه اشوف دراستي اذا قبلو عذري والا رفضوه ام مازن: بتسافر برا السعوديه مازن: ايه يمه بس مابطول بس اشوف وضع الدراسه وارجع ام مازن: ليش كذا فجأه ي ولدي .. بسبب منار؟ اخذ نفس: يمه لو جلست هنا برتكب جريمه في ذا اللي اسمه فيصل .. خليني اروح وارتاح ضمته وباسته على جبهته وهو باس راسها ويدها ام مازن: روح ي ولدي عسى اللي يفتح لك ابواب السعاده ويزيل همك ويرزقك راحة البال مازن: اللهم آمين يا الغاليه .. فمان الله وسلمي لي على ريم وابوي ام مازن: ان شاءالله.. استودعتك الله طلع من عندها وتوجه ع المطار وهو يحاول يطرد اي فكره تجيه عن منار وفيصل دخلت والخبله دانه من شافتني جت تركض وضمتني دانه: فقققققدتتتتككككك ابتسمت: وانتي بعددد موووت .. غمزت لها الا وش هالحلاوه مادريت ان الزواج يحلي كذا نزلت راسها بإحراج: يلا عااااد لاتحرجيني جوانه: ههههه المهم يلا يلا احكي لي كيف كانت سفرتكم وكيف امجد معك؟ دانه تبتسم: تجننننن السفررره ماشبعت من الجلسه هناك لو ما زواج منار كان طولنا شوي جوانه: ماعليه تسوون شهر عسل ثاني بذكرى زواجكم دانه: وانتي وش مسويه مع جواد جوانه: ابد على حطت يدك .. يدللني ويسعدني ويعاملني كني اميره دانه: يعني بتكملون مع بعض جوانه: لا يعني هو وده .. بس انا متناقضه مره نفسي اكمل عمري معه ومره احس اني اكرهه دانه: لا ي شيخه؟ وش ذا ليش طيب جوانه: ماقدرت انسى احس بالذل معه مهما سوا .. ما احس بنفسي ولا بقيمتي ولا كرامتي .. عجزت اتقبل شخصه الجديد وانسى الماضي الموجع دانه: تحبينه طيب؟ جوانه: لا ما اعتقد دانه: على كيفك ما اعتقد. والله انا اشوفك غرقانه بالحب لين شوشتك جوانه: ههههههههه لا وين صدقيني ما احبه ممكن عجبتني شخصيته الثانيه بس مو حب دانه: ايه ايه اكذبي على نفسك بس قلت اغير الموضوع: المهم امشي نطلع نشوف منو دانه: يلا دخلت امها عليها والابتسامة شاقه وجهها سلمت على بنتها ومنار باستها على راسها حضنت وجهها بيدينها: الله يسعدك ي بنتي ويهنيك الف مبروك .. الحين تطمنت عليك .. فيصل رجال كفو والنعم فيه لاتزعلينه يمه منار: ان شاءالله يمه دخلو عليها البنات جوانه: ي لبى هالجمال .. لا لا فيصل اليوم بيغمى عليه ابتسمت بهدوء: تسلمين ضمتها: الف مبروك يا روحي جعلها زواجة الدهر اخذت نفس: آمين : السلام عليكم التفتو البنات شافو حرمه عمرها بالخمسين تقريبا تناظر بمنار من فوق لتحت وهي متخصره وتعلك تقدمت منها: انا عمتك كريمه منار: نعممم!!!! مازالت تعلك ورافعه حاجب: الحين انتي اللي فيصلوه متجنن عليك جوانه بحده: خير من انتي وش تبين؟ كريمه: انا زوجة عم فيصلوه دانه: طيب خير وش ذا الاسلوب منار تهدي البنات: اييه عرفتها حكى لي عنها فيصل وايش كثر هي انسانه وقحه وشايفه نفسها عاد ياليته على زين بس كريمه: ههههههه وانا سمعت عنك .. وكثيييير بعد (وغمزت لها) منار بقهر: وش اللي سمعتيه؟ كريمه: استغفرالله مابي اتشمت يقولون ولد خالتك تاركك بليلة ملكتكم ويعني اللي انقال انه لا لا حرام اخرب فرحتك انتي بس استانسي ماعليك بكلام الناس عاد مو حزنانه الا على فيصل اللي دبسوك فيه على طول انصدمت منار ودمعت ام منار بعصبيه: الزمممممي حدودك عاد .. اذا ماصار لها نصيب مع ولد خالتها مو معناته فيها شي ولو سمحتي اطلعي من هنا .. المكان يتعذرك كريمه: تطرددديني انا؟ لا ي حبيبتي انا هنا الاساس وانتي اللي تطلعين جوانه: نعم انتي ماتستحين؟ مافي كرامه؟ محد يبيك انقلعي دانه تهدي اختها ريم اللي توها داخله وشافت الوضع متوتر: شفيكم وش صاير كريمه تناظرها بنص عين: مين ذي بعد؟ ريم: انتي اللي مين كريمه: يعلمونك البنات عني انا نازله اشوفك تحت ياعروس وطقت بكعبها وطلعت ريم: من هي؟ منار جلست وتبكي راحو لها البنات دانه: بننننت ياويلك تبكين يخترب مكياجك جوانه: هالتافهه تبكيك؟ خليك قويه ماعليك منها جايبه هالكلام من كيسها ماعندها سالفه منار: اكيد الناس تكلموو عني اكيد الكل يقول نفس كلامها ريم: وش الساللللفه علموني ام منار تضم بنتها: بس حبيبتي تكفييين خلاص افرحي وخليني افرح فيك لا تنكدين على نفسك بسببها رفعت راسها شافت امها تبكي ف مسحت دموعها بخفيف منار: انا اسفه يمه ماقصدي ازعلك ام منار: مازعلتيني يمه بس خلاص يكفيك زعل افرحي انبسطي وفرحيني معك .. ماعليك منها هذي مو تقولين انها تكره فيصل يعني بس تبي تقهرك عشان تنكد عليكم .. الحين يلا جهزي نفسك عشان تنزلين منار تمسح دموعها : ان شاءالله وقفت وناظرت البنات: يحتاج تعديل؟ عدلته لها جوانه ريم تكلم دانه بهمس: وش صار علميني دانه: ههههه امشي ننزل واعلمك اللقافه ذابحتك على الساعه 1 دخل فيصل ومعه عمه كان طاير من الفرحه عكس منار اللي تحاول تكون مبسوطه وصل عندها باسها ع جبهتها فيصل يهمس لها: احبك نزلت راسها بإحراج: انا بعد فيصل: ماراح تندمين ابدا على اختيارك لي ابتسمت وسكتت .. شوي وزفها وطلعو ع السياره فتح لها الباب وضبط فستانها وركب وهو يناظرها سحب يدها وباسها فيصل: مبسوطه؟ منار: ايه فيصل: نسيتي هاللي مايتسمى؟ ناظرته بإستغراب: وش مناسبة هالكلام؟ اخذ نفس: كان هنا منار بفضول: وش يبي؟ فيصل يبتسم بسخريه: يبي يدعسني الغبي منار بققت عيونها: صدق؟ فيصل: ايه بس وقف بأخر لحظه .. ليتني ماتنازلت عنه هذا مايتوب منار: المهم انه ماسوا شي .. خلاص انساه وخل نعيش ليلتنا بسلام ابتسم: اي والله ليش اعكر مزاجي فيه .. تحرك ع الفندق وهو كل شوي يتغزل بمنار ويمدحها وهي تسلك له لين وصلو طلعو جناحهم حست بنبضات قلبها بتطلع من مكانه وقفت بالصاله وهو قفل الباب وتوجه له اقترب منها بهدوء شال الغطا عن وجهها وتأملها كثيييير فيصل: اااه ي جمالك نزلت راسها بإحراج رفعه من ذقنها ناظرها وهو ذايب فيها قرب منها اكثر يبي يبوسها نزلت راسها بأخر لحظه وعطته ظهرها منار بإرتباك: احمم بغير واجهز نفسي وارجع لك اخذ نفس كنه يقول اللهم طولك ياروح فيصل: اوك .. لا تتأخرين علي دخلت الغرفه وقفلت بالباب بسرعه وهي ترتكي عليه نزلت دموعها بكت بقهر مو عارفه ليش منار: اااااه ليش مو قادره اتقبله للللليش مو قادره اعطيه ابسط حقوقه للللليش ليش ليش. لمتى بهرب منه لمتىىى ناظر الباب فسخ شماغه ورماه بقهر فيصل: وشششش اللي فيه وماهو فينننني لللللليش تبينه للحين. للللليش رفع راسه وهو يدور بالصاله بقهر طلع جواله بسرعه وهو يدور رقم مازن واخيرا لقاه ودق عليه مارد رجع دق عليه مازن: نعم فيصل يقهره: شخبارك ها اكلم الدفاع المدني ولا عاجبك وضعك وانت تحترق مازن بقهر: ليتني دعستك وارتحت منك فيصل يضحك بإستفزاز: هههههه شرايك فيني فزت والا مافزت مازن: شتبي انت الحين؟ فيصل: ابي اعلمك ان منار صارت ملكي ساااامع ملكي قول وفعل هههعه مازن بقهر: الله ياخذك والله انك ماتستاهلها ي حقير. فيصل: ههههههه مازن: دامها صارت ملكك على قولتك امسح الصور اللي عندك فيصل: امسح الصور؟؟ مستتتتحيل. بصراحه ما اضمنها بخليها ضمان لو فكرت تتركني اهددها فيها مازن بقهر: انت وش نوعك من البشر؟ لالا يكرمون البشر والحيوانات عنك .. قاطعه: اققققول احتررررم نفسك والا ترا تعرف وش بسوي بصور حبيبتك مازن بعصبيه: صااااارت زووووجتك ي غبي مايهمك يعني عادي تفضح زوجتك؟؟ فيصل: زوجتي اللي تقول عنها ماخذتني عناد فيك مو حبا فيني .. يعني لو فكرت تلعب بذيلها او انت فكرت تسوي شي طلقتها ونشرت صورها ولا فكرت. وزي ماتعرف مجتعمنا دايما الرجل على حق مازن وده يذبحه: الله يلعنك يا وصخ فيصل بحده: قلتلك لا تغلط اخذ نفس يحاول يتمالك نفسه: وش تبي فيصل: ابيك تكلمها وتقول لها ان صورها معك وانك كنت بتنشرها مازن: انت ماتبطل من الاعيبك ذي فيصل: ابيها تنساك ابيها تكرهك سامع .. انا حاولت اكرهها فيك بكل طاقتي بس شكلها للحين حاسه انها ظلمتك. مازن: ما اقدر اقول لها هالكلام فيصل: بتقول لها غصبن عليك .. والا انت عارف وش بسوي مازن يحاول يهدا: متى؟ فيصل : شوي مو الحين. انا اعلمك متى مازن: طيب فيصل: باي قفل منه وهو مبسوط انه قدر يقهره ويحرق اعصابه فيصل: هه ع بالك بنسى يوم تسوي نفسك رجال قدامها والله لخليك تتألم بكل يوم ي مازن (يقصد يوم مازن مردغه بملكتهم ^_^) كلمني جواد ان السايق ينتظرني طلعت وركبت وانا مستغربه .. مو يقول سايق وانا موجود. ي ترا تعبان. ظليت افكر لين وصلنا طلعت بسرعة رحت ع الجناح اول مافتحت كان جالس بالصالة ومسند يدينه على رجولة وفي شي بيدة مرخي راسة يتأمله جوانه: احمم رفع راسه بهدوء وناظرني ورجع نزله خفت عليه بصراحه قربت منه حطيت يدي على كتفه جوانه: فيك شي؟ وقف وناظرت على فوق: خوفتني فيك شي تعبان؟ رفع يده باللي فيها لوجهي وانا انصددددممممت جواد: متى كنتي ناويه تخبريني؟ جوانه بإرتباك: هذا مو لي حق وحدة من البنات جواد: لا والله شايفتيني بزر عندك جوانه: وبعدين مالك حق تفتش بأغراضي جواد بعصبيه: ليييييش خبيتي عني؟ قلت بحده: لانيييي ما ابيكك مابي شي يربطني فيك ولفيت بطلع من الجناح لحقني ومسك يدي بقوه ولفني له: لما اتكلم ماتعطيني ظهرك لين اخلص فااااهممممه سحبت يدي منه بعصبيه: اصلا انا غلطانه جالسة لين الحين معك. طللللقني جواد طلقنننننني جواد: اطلقك؟؟ وابني اللي ف بطنك جوانه: مو ابنك ابني بس اناااااا مسك يدي بقوه وعيونه تطلع منها الشرار: وش قصدك مو ابني جوانه: هه وبعد تشك بأخلاقي وتبيني اجلس معك ...سحبت يدي بقوه: فك يدي انا بروح بيت اهلي وياليت تطلقني بأقرب وقت مشيت بسرعه وطلعت كنت بنزل الدرج بس سحب يدي جواد: ماراح اخللللليك ولدي بيتربى عندي غصبن عنك سامعه كان شادني من يدي بس تركني فجأة وراح وانا حسيت اختل توازني ومع الكعب ماقدرت اثبت زلقت رجلي وبدون سابق إنذار شفت نفسي طحت و اتقلب ع الدرج جوانه: جواااااااااااااد كان راجع الغرفة التفت بسرعة ع صراخها شافها تتقلب على الدرج لحقها بسرعة بس كانت اسرع منه وتقلبت لين وقفت في اسفل الدرج نزل بسرعة جلس ع ركبه وهو يحط راسها عليه جواد: جوانه جواااااانه قووووومي فييييك شي جوااااانه سميرة وخالد من فوق: وش فيه وش صاير ومن شافو جوانه وجواد جالس وحاضنها سميره تشهق: وش فيها جوانه رفع راسه: راحت يمممممه راااااحت نزلو بسرعه لعنده خالد: قوم بسرعة نوديها المستشفى جواد مو قاعد يستوعب جالس يحاول يصحيها سميره: بكلم السايق يجيب السيارة خالد: قووووم جواد وقف وشالها وطلع فيها ركب وهي بحضنه جواد: قومي جوانه . اوعدك اسويلك كل اللي تبينه بس اصححححي رفع يده شاف دم على يده وانصدم فحص راسها مافي دم انصدم لما عرف انها تنزف صرخ على السايق: بسررررررعه دخل الغرفه شافها جالسه بهدوء ع السرير شعرها الحريري نصه خلف اذنها ونصه الثاني طايح ع وجهها تقدم منها مسكها من كتوفها ووقفها ناظرته بخوف وهو يناظرها بهيام نزلت راسها وهي تفرك يدينها بتوتر: ف فيصل ا انا رفع راسها من ذقنها: اشششش الشوق لك الف نزلت دمعه واستغرب منها منار: ا انا اسفه مدري شفيني تكفا عطني شوية وقت ادري صبرت علي كثير بس ارجوك اوعدك اخر مره عطني وقت فيصل بعصبيه: وقت لإيش وقتت عشان تحبيني؟ والا عشان تنسين الحقير اللي مافكر فيك وقرر يخليك باجمل يوم بحياتك .. وقت لأيش منار تككككلمي منار تبكي: مدددري ممممدرررري فيصل بحزم: بروح اخذ لي شور وراجع لك مابي اشوف هالوجه منار ابي اشوف زوجه مستقبله زوجها سامعه هزت راسها ومازالت دموعها على خدها: طيب مكتف يدينه ويدور سميره: اجلس حبيبي ماعليها الا العافيه ان شاءالله طلع الدكتور وجواد راح له على طول جواد: طمني بخيرررر الدكتور: الام الحمدلله بخير ابتسم بفرح: الحمدلله لك يا رب الدكتور: بس للاسف خسرنا الجنين سميره بصدمه: جنييين؟؟؟ الدكتور: المدام كانت حامل وللأسف اجهضت بهت جسمه وبردت اطرافه لوهله حس الأوكسجين انقطع عن المكان تراجع وهو يحاول يتسند على اي شي خلفه مسك طرف الكرسي اللي خلفه وجلس .. وش بيقول لها كيف يبرر كيف تسامحه وهو سبب فقدانها لطفلها الاول .. الطفل اللي تأمل انه بيصلح علاقتهم راح ام جواد وهي تحط يدها على كتفه: لا حول ولا قوة الا بالله جواد: انا السبب انا قتلته قبل ينولد سميرة: اذكر الله يا جواد هذا قضاء الله وقدره جواد: وش بقول لها كيف بتتقبل سميرة: جوانه انسانه عاقله وواعيه وهالشي لا بيدك ولا يدها كان مقدر ومكتوب له مايعيش ظل سرحان خايف يصير له شي خايف يقابل جوانه وهو السبب باللي هي فيه طلع من الحمام سمع صوت الجرس اللي اول ما منار سمعته فزت على طول وقفت ناظرها: طالبه شي ؟ هزت راسها بلا ظل الباب يندق بقوه طلعو من الغرفه وتوجه للباب اللي ما ان فتح قفله اندفع لقدام بقوه فهد بعصبيه: ووووين. منار؟ ناظره فيصل بإستغراب وناظر بمنار اللي على طول ركضت خلف فهد فيصل بصدمه: منار؟ ماتوصل لها الدرجه. كان قدرنا نحل امورنا ونتفاهم وحدنا فهد يكلم منار: روحي جيبي عباتك فيصل: خير وش فيه وش صاير؟ راحت ركض وفهد كنه ماصدق عطى فيصل بوقس طيحه على الارض فيصل مو مستوعب مسك خده ووقف بصعوبه: فهد جنيت؟ ضربه مره ثانيه في بطنه خلاه يتطوى فهد بعصبيه: ليتني مصدق مازن من قبل تملك عليها ليتنا ماوثقنا بغريب بس ااااخ ااااخ طلعت منار لابسه عباتها وقف فيصل ومسكها فيصل: ليش؟؟ وش سويتلك؟ منار بقهر: كذذذذبتتتت ولد خالتي وصدقتك كذببببت حب حياتي ووثقت فيك واخر شي يطلع منك كل ذا ؟؟ فيصل بإرتباك: وش وش اللي طلع مني وش سويت منار شغلت جوالها على كلامه مع مازن وكل شي دار بينهم حس الدنيا دارت فيه: منار انا انا احبك سويت كل ذا لاني مابي اخسرك. صدقيني قلت له هالكلام بس عشان اقهره صدقيني ماعندي صور لك صدقيني ماراح اضرك منار تصرخ بقهر: كذذذذذاااااااااب كذاااااااب فهد: امشي. وناظر فيه بعصبيه: انت بس فكر مجرد تفكير انك ترسل شي على طول التسجيلات بتروح الشرطه وبيتقفل ملفك ياحضرة الدكتور وطلعو من عنده وهو مازال مصدوم بيجن مو فاهم كيف ومتى ومن وين سمعته سميره مسكت ع كتفه: جوانه صحت ماتبي تشوفها ناظر امه ووقف بتردد: وش اقول ؟ اعلمها؟ سميره تتنهد بضيق: مالك الا تقول لها اخذ نفس وراح لغرفتها وقف كم دقيقه متردد خايف متوتر مو عارف كيف يفتح معها الموضوع .. فتح اخيرا ومن شاف شكلها والكدمات اللي عليها حس بغصه جواد تقدم: الحمدلله على سلامتك التفتت له بسرعه: ولدي بخير شد يده ع مسند السرير: احححم يعني شسمه جوانه: بخير والا مات تكلم اخذ نفس عميق جواد: للاسف خسرناه .. اجهضتي بققت عيونها بصدمه وجواد ساكت ماعرف كيف يواسيها هو بنفسه يبي من يواسيه خسر اثنين بيوم واحد ولده وجوانه اللي متأكد مليون بالميه ماراح ترجع له نزلت دموعها بقهرر:مااات ؟؟ ولدددي ماااات؟ جواد بحنيه: قضاء رب العالمين جوانه بقهر: اننننت السببب .. كللله منك انت السببب نزل راسه بإحراج ولا عرف وش يرد صرخت بجنون: اطللللللللع مابي اشوفك جواد .. اااااااه اططططلع مااااابيك ماااابيك ولدي مات بسببك اننننت قتلتتتتته قتلت رووووح اااه قتلته اططططلع مااابيك بحياتتتي مسكها يحاول يهديها: ابشري بطلع بس اهدي اهدي واذكري الله هذا قضاء وقدر جوانه ومازالت نفس وضعها تصرخ وتبكي: اطللللع من حياتي اترررركني بحالي خلاص اخذت كل شي مني وش تبي بعد ااااه خذ روحي عشان ترتاح خذهاااا وريححني دق الزر وجات الممرضات عطوها ابرة مسكن وماهي الا لحظات وبدا صوتها يهدا وشهقاتها تخف وثواني الا وهي نايمه قرب منها كاره نفسه اكثر من كرهها له مسح ع شعرها باسها ع جبهتها رفع راسه وتأملها كثير .. مسح بقايا دموعها جواد بغصه: ما استاهلك بالسياره مع فهد منار مازالت تشاهق فهد: خلاص اهدي احمدي ربك عرفتيه بدري منار: انا مو مصدقه كيف كيف قدر يخدعني فهد: كلنا علمناك عنه ومازن حاول لين تعب بس ماصدقتيه بكت اكثر: ااااخ ليتني سمعت كلامك ااااه الحين كيف بقابل ابوي كييف اشرح له وش الناس راح يقولون عني؟ فهد: اهدي منار وماعليك من احد دامك مو غلطانه لا تخافين من احد منار: ولو نشر الصور فهد: لا تخافين فيصل اجبن من انه يسويها ويضيع مستقبله منار: خايفه مابي اروح البيت فهد: وين تبيني أوديك؟ منار: كيف ارجع البيت كيف تبيني أقابل أبوي وأمي وش تبيني أقول لهم؟ فهد: ما عليك راح يتقبلون الموضوع .. أبوي أصلا من الأول مو مرتاح لفيصل. الحين ارتاحي ولا تفكرين بشيء. منار: اااه ياربي فشلتهم وطيحت وجيهم بالارض الناس وش بتقول عني فهد: منار خلاص اهدي ماصار شي عادي تصير هالامور مو اول وحده ولا اخر وحده ترجع بليلة زواجها منار بتهور: رجعني لفيصل التفت لها بصدمه: نعععععم؟ منار بإصرار: رجعني لفيصل .. لازم اتحمل نتيجة قرارتي المتهورة .. ليش اخلي اهلي يعانون بسببي فهد: مجنونه والا بعقلك وش ذا الكلام منار: فهد قلتلك رجعني فهد: لا لا انتي جنيتي ع الاخر .. ماراح ارجعك له منار: تكفا ي فهد تكفا مابي انكد على امي مابي ازعلها .. يكفي اللي تحملته يكفي اللي جاها مني دخيلك رجعني له فهد: يابنت الحلال راح يتفهمون صدقيني .. لا ترمين نفسك هالرميه عشان كلام الناس منار: مو عشانهم عشان امي وابوي مابي احد يتكلم عليهم وخلاص لازم اتحمل نتيجة قراراتي فهد: وش بتسوين يعني؟ وش بتقولين لهاالخسيس فيصلوه منار: انا اعرف اتفاهم معه انت بس رجعني فهد: تعوذي من ابليس خلينا نروح البيت ونتفاهم منار: انا عارفه وش اسوي رجعني له فهد: دامك بترجعين له ليش خليتيني اخذك من الاساس منار: مدري مافكرت وخفت بس الحين تذكرت الناس ماراح يرحموني من كلامهم واكيد بالنهايه امي وابوي اللي بيتأثرون فهد: مصممه يعني؟ منار: ايه اخذ نفس: اللي تشوفينه طلع اقرب مخرج ورجع متجه للفندق اقنع امه وابوه انهم يروحون وهو ظل بالممر للساعات طلعت الشمس وهو مازال نفس وضعه عارف انها اكيد صحت المهدء مدته ساعتين بالكثير بس خايف يدخل خايف يواجهها عارف انها بترجع تطرده اذا دخل .. وقف اخيرا وحاول يشجع نفسه جر رجوله لغرفتها جر وقف لدقايق وهو يده على مقبض الباب واخيرا فتح .. كانت صاحيه تناظر بالفراغ ما انتبهت لوجوده قرب منها وقف مقابل سريرها جواد: احم التفتت له ولا تكلمت جواد: كنت بتطمن عليك جوانه بصدود: متى اطلع؟ جواد: راح يجي الدكتور على الساعه 8 يشوفك ويقرر جوانه: ابي اروح بيت اهلي اعترت صدره رجفه غريبه رجفه خوف: لل ليش؟ جوانه: طلقني جواد عصر عيونه بألم: اطلقك؟ صدت عنه: انتهت كل الخيوط اللي ممكن تربطنا في بعض جواد: لا تتسرعين فكري بالموضوع جوانه: فكرت وقررت .. مابي حياة انت فيها وهالمرة لو اجبرتني راح اقتل نفسي ولا اعيش معك رفع راسه وكأنه يمنع دموعه لا تنزل ورجع ناظرها جواد: لك اللي تبين .. دامه يريحك ويسعدك صدت عنه وهو طلع مخنوووووق يبي بس يشم هوا جالس بالبانيو بملابسه وفاتح الدش عليه يبي يهدا يبي يطفي النار اللي شابه بصدره .. سرحان مو قادر يفكر بشي غير منار صار له فترة على ذا الحال ماحصل رحله ولا له خلق يرجع البيت ف اخذ له فندق لين يجي موعد رحلته قفل الدش طلع من الحمام بتعب لبس وتسطح بعرض السرير وهو يناظر السقف مازن: اااااه ياوجع قلبي اااااه ياروحي انتي .. احبك احبك احبك .. ليش سويتي بنفسك وبي كذا ليش عذبتيني .. غلطت بس ما استاهل منك كل هالعذاب والله ما استاهل دق جواله رفعه وجلس وهو يرد مازن: هلا فهد فهد: وينك؟ جيتك البيت ماحصلتك مازن: كنت بسافر بس ماحصلت رحلة ف اخذت لي فندق قريب من المطار فهد: طيب منار عرفت كل شي عن فيصل وقف بسرعه: عرفت؟ وش سوت؟ تركته؟ قول انها تركته اخذ نفس: تركته بس رجعت له مازن بصدمه: كيف يعني فهد: كلمتني ورحت اخذتها وبنص الطريق خافت على اهلي من كلام الناس ورجعت مازن بعصبيه: ليش طاوعتها ليييييش؟ كان جبتها للبيت غصب عنها .. وش يعني بتجلس مع شخص بايعها فهد: مدري عنها والله حاولت فيها كثير مازن: وين الفندق؟ فهد: وش بتسوي لا تتهور مازن: بروح اخذها غصبن عنها الغبيه فهد: خلاص ي مازن رجعت له مابيدنا شي مازن: اااااااه اه ليتك ماقلت لي فهد: قلتلك عشان مايكون عندك امل وعشان يكون عندك علم انها عرفت بكل شي ورغم ذلك رجعت له مازن: غبيه وين عقلها وووووين فهد: خلها تتحمل اللي يجيها منه مازن: تتوقع يضرها؟ فهد: الله اعلم .. ما اعرفه زين عشان احكم مازن: استودعتك الله يا منار .. استودعتك الله جالس بالصاله مازال بروب الحمام مصدوم متفاجئ مو قادر يفكر بشي غير انه لوين وصل بسبب انانيته فيصل: كنت عارف انها تحبه وهو يحبها تدخل بين اثنين يحبون بعض ليش؟ ليش عاندت وش استفدت .. الرجال جاني في البدايه وكلمني بكل هدوء بس انا ركبت راسي الا اتزوجها وكأنها اخر بنت بالدنيا .. ااااخ نسيت قيمي ومبادئي صرت شخص ثاني ما اعرفه ليش .. وقف بتعب راح غير ملابسه لبس ثوبه شاف فستانها اخذه وضممممه وهو يستنشق عطرها .. تركه وطلع ع الصالة اخذ مفتاح سيارته وفتح الباب بيطلع بس توسعت عيونه بتفاجأ وهو يشوف بنت جالسه مقابل الباب ضامها رجولها ومسنده راسها عليها عرفها من الدبله قلبه خفق ونزل لها وهو يحط يده علي راسها فيصل: منار؟؟؟؟ رفعت راسها وما ان شافها ضمها بسرعه بس ابعدته بجفا مسكها من كتوفها ووقف ووقفها معه فيصل: مارحتي؟ ليش جالسه هنا؟ ماردت فيصل: ندخل؟ ماردت بس مشت معه للداخل قفل الباب وظل يناظرها توجهت للكنبات اللي بالصاله وجلست جلس ع الكنبه المفرده ويناظرها منتظرها تتكلم اخذت نفس: رجعت عشان اهلي سكت وهي كملت وهي تفرك يدينها بتوتر: يعني مابي احد يتكلم عليهم يكفي عمتك اليوم سمعت امي كلام اوجعها فيصل بإستغراب: عمتي؟؟؟ منار: ايه حليمه مدري كريمه قالت فيصل: ايه كريمه زوجة عمي .. شفيها؟ منار: جت الزواج وجلست تتكلم علي وان ولد خالتي تركني لاني سمع عني كلام ومن ذا الكلام اللي يسم فيصل بعصبيه: وليش ماقلتي لي وانا اعلمها منار: مايحتاج طلعتو كلكم نفس الطينه اخذ نفس: منار انا احبك سويت ذا الشي عشان تكرهين مازن لانك ما اعطيتيني مجال اكون معك واعرفك على نفسي كل شي سويتيه وزواجك مني عناد في مازن مو عشاني مو عشان شخصي منار: غلطان تزوجتك لاني شفتك زي الملاك كنت طيب حيل بالنسبه لي شفتك مظلوم ومكسور ماحبيت اكسرك اكثر بس طلعت كذاب خاين اناني مايهمك غير نفسك فيصل: والله اني احبك يا منار ولو اناني ف من حقي اكون اناني فيك ومابي احد يشاركني فيك حتى لو كان بتفكيرك .. يمين بالله مابغيت اضرك بشي بس كنت اقهر مازن لانه كثير قاهرني .. ماخذ عقلك وتفكيرك وقلبك .. انا ادري اني غلطان بس والله ثم والله اني حبيتك وان مالي في هالدنيا غيرك .. شفت فيك الحياه شفت فيك اهلي اللي فقدتهم شفت فيك كل شي حلو كنت اتمناه وماقدرت اخسرك ماقدرت على فقدك وفقد حياتي واهلي من جديد انفجرت تبكي: اااااااه تعبااااانه تعبااااانه كثييييير وقفها وضمها لين هدت شوي .. شالها بسرعه ودخلها غرفة النوم نزلها على السرير ووقف فيصل: ارتاحي ونامي .. انا بنام بالصاله ناظرته بشك فيصل: قفلي الغرفه لو حابه ابتعد: تصبحين على خير وتركها وطلع ع الصاله على الساعه 8 الصباح دخل الدكتور وهو معه ماقدرت اناظره واحط عيني بعينه ركزت نظري على الدكتور اللي يقلب بملفي الدكتور: كيفك اليوم جوانه: الحمدلله الدكتور: للاسف ماقدرنا ننقذ الجنين جوانه: الحمدلله على كل حال الدكتور: حابه تقدمين بلاغ او شكوى؟ ناظرت جواد اللي انصدم جوانه: لا الدكتور: طيب اذا حاسه نفسك بخير راح اكتب لك خروج جوانه: ايه بطلع الدكتور: طيب .. راح اكتب لك فيتامينات وبعض المسكنات طلع وشوي وجت الممرضه شالت المغذي نزلت من ع السرير وما ان وقفت حسيت بدوخه حاولت امسك اي شي مسكت يده اللي مدها لي بسرعه وجلست وما استوعبت اني ماسكه يده تركتها بسرعه جواد: اكلم الدكتور؟ لا تكابرين مازلتي تعبانه جوانه: بكون بخير اذا بعدت عني اخذ نفس ووقف لانه كان منحني معي جواد: البسي وانا انتظرك برا .. هذي ملابس وعباة جبتها لك لو حابه تغيريين ناظرت مكان ما يأشر وهزيت راسي انو طيب .. طلع وانا وقفت وهالمره ماحسيت بشي الحمدلله رحت ع الحمام لبست وجهزت نفسي وطلعت لقيته ينتظرني جواد: تبين عربيه؟ جوانه: مايحتاج اقدر امشي مد يده يبي يساعدني بس تجاهلتها وياه ومشيت سبقته لحقني وصار قدامي عشان يعلمني الطريق وصلنا السياره ركبت وطلعنا كنا ساكتين ما ادري وش يفكر فيه وانا مالي خلق اتكلم جواد: نروح بيتنا بالاول عشان تاخذيين اغراضك؟ جوانه: طيب سكتنا لين وصلنا البيت نزلت واحس ماودي انزل بس قلت بودعهم جواد: اساعدك؟ هزيت راسي بلا طلعنا فوق دخلت غرفتي وهو خلفي جوانه: كلم الخدامه عشان تنزلهم ناداها وعلمتها ع الاغراض اللي مرتبتهم انا واخذتها ونزلت جيت بطلع بعدها بس وقف قدامي وقفل الباب بدون مايشيل عينه عني ناظرته بحده: نعم؟ ضمني بقوووووه حاولت ابتعد بس ابد ماتحرك حتى استسلمت وهجدت جواد: سامحيني رفع راسه ومازال محاوطني بيدينه: ماقصدت يصير ذا الشي .. ولو انك تبين هالطفل مره ف انا كان ابيه الف مره .. قدر رب العالمين كوني مؤمنه بقضاءه ابتعدت : مؤمنه بقضاء الله وقدره بس انت السبب لو ... قاطعني جواد: لو تفتح عمل الشيطان .. قدر الله وما شاء فعل جوانه: ونعم بالله .. جواد: لعلها خيره جوانه: ان شاءالله ابتعد عن الباب : كلمت امي وابوي عن روحتك الكل ينتظرك تحت اخذت نفس ونزلت كان الكل بالصاله توجهت لعمي سلمت ع راسه خالد: عساها خيرة وانا ابوس .. الله يرززتس ويسعدتس ويجعلها اخر احزانتس .. تسان ودنا لو جلستي معنا ونحطتس بعيونا مير دامس تشوفين سعادتس عند اهلتس ف الله يوفقس واعذرينا وسامحينا بالنيابه عني وعن كل من زعلتس بذا البيت وترا المحل محلس والبيت بيتس متى ما بغيتي تردين حياتس الله العين اوسع لتس من المكان بسته على راسه مره ثانيه ودمعت: تسلم ياعمي .. ودي لو زواجنا كان طبيعي من البدايه كنت جلست لكن مابني على باطل فهو باطل .. اعذرني ي عم حاولت ولا قدرت هز براسه بحزن توجهت لخالتي اللي من شافتني ضمتني سميرة: سامحيني جوانه غلطت بحقك كثير ابتعدت عني: الله يسامح الجميع بعدت وبست راس عمتي حصه حصه: الله يوفقك بحياتك ويسعدك ويعوضك بالافضل جوانه: اللهم امين التفت لمنيره كانت تبكي كثير وصاده جيتها وضميتها منيره: ليش ي جوانه ليش بتروحين وليش ماعلمتيني عن حملك .. والله اني اعتبرتك اكثر من اخت جوانه: سامحيني منو خفت لو تقولين لجواد ويجبرني اجلس منيره: جواد يحبك يبيك بس هو مايعرف يعبر وربي يبيك ياجوانه وانتي مالك غيره صدقيني سعادتك معه ماراح تلقين نفسك الا بقربه مسحت دموعي: ما احس بقربه الا بالالم .. ضمتني اكثر: لا تقطعيني همست لها: فهد بيوصل بينا لا تخافين ابتعدت عني ومسحت دموعها .. التفتت له واقف بعيد عند الدرج تقدمت شوي رفع نظره لي جوانه: حررني .. عطني حريتي اللي وعدتني فيها رفع راسه اخذ نفس ورجع نزله ناظرني شوي جواد: اا احم. ج جوانه انتي ا ان انتي بلع ريقه ناظر عيوني: ماتبين تعفيني منها؟ جوانه: انت وعدتني اخذ نفس وكأن الأوكسجين انقطع منه .. كأن الكلمه ثقيله عليه مو قادر ينطقها وللامانه وانا بعد ثقيله علي ولاني قادره اسمعها بس لازم اتقبل الواقع هذي نهاية علاقة ابتدت اصلا غلط بغلط جواد: جوانه انتي احم انتي طـــالـــــــــق اتصدقي. ما اخترت أنا أحبك ما احدٍ يحب اللي يبي ياحبي المرّ ... العذب سكنتي جروحي غصب ليت الهوى وانتي ... كذب كان اعتذر لك عن هواي ما أقول أنا ... كوني معاي ان ضايقك اني على بابك أمرّ ليلة ألم واني على دربك مشيت عمري وأنا قلبي القدم ابعتذر ... ابعتذر ... كلي ندم ابعتذر عن كل شي ... إلا الهوى ما للهوى عندي عذر الله كريم . حبك ... يكون همي القديم وجرحي القديم والله عليم ... يا أحلى العيون ان الفراق ... جزا الفراق ابا اوعدك ... كان الطريق بيبعدك بامشي الطريق وكان الجحود بيسعدك مالي رفيق ابجمع أوراق السنين ... و أودعك كان الفراق اللي تبين ... الله معك . كان الفراق اللي تبين ... الله معك. / بدر_بن_عبدالمحسن# انتهى البارت البارت الجاي راح يكون البارت الاخير ❤ | ||||
|
| |
|
| أدوات الموضوع | |
| انواع عرض الموضوع | |
|
|
215Likes
العرض العادي
