20-12-21, 12:30 PM
| #1 | ||||
|  أحبك ي خفوقي ومسكنك قلبي * مكتملة * الشخصيات :- اليد(حمدان): طيب وحنون مع احفاده ويحب ويعز فاطمة أكثر وحده وعطوف ع الكل ويحب يسمع مشاكل احفاده ويساعدهم عمره 75 رجل اعمال . اليدة(شيخة): طيبة حنونة تحب وتعز حمد لأنه البجر والحفيد الأول للعايلة و دوم تلعوز فاطمة وتعق عليها كلام بس ماترضى عليها عمرها 70. عايلة بو حمد:- بوحمد (عبدالله): ريال طيب وحنون ومماعنده طولة بال صارم بس يحب عياله وايد ودكتور وفاتح له مستشفى واحفاد العايلة يشتغلون عنده حلو وجميل . أم حمد(حور): حلوة شوي مربربة صارمه بس حنونة رزينة وماتحب سوالف الشباب وسهراتهم . حمد: البجر حفيد عيالة القاسمي الأول وطبعاً له هيبة حليو برونزي خشمه سيف معضل شعره ناعم وكثيف فله وحبوب عصبي و محامي مشهور متزوج من أخت ربيعة مريم عمره26. ميم: حلوة وقصيرة شعرها لين ظهرها لونه بني وعيونها سود رشيقة رموشها طوال وفله وخوافة و مهندسة مدنية وعمرها22 ومرت عبدالله. عليا: حلوة وطويلة اطول من ميم وفاطمة شعرها تحت جتفها ولونه كستنائي وجسمها رشيق وطيوبة وجريئة وتحب تغامر وقلبها ابيض و دكتورة نساء و ولادة 21وعمرها اكبر من فاطمة بثلاث شهور ومرت خالد . عايلة بو عبدالله:- بوعبدالله(سيف): ريال طيب وحنون وطويل البال والعم المحبوب للاحفاد ويعز فاطمة وايد لأنها بنت الوحيدة وطلباتها اوامر بس صارم بعض الاحيان رجل اعمال . أم عبدالله(أمنه): حلوة بمعني الكلمة ماشاءالله بس توفت يوم كان عمر فاطمة 15 عبدالله: البجر وسيم شعره كثيف كيرلي وناعم ولونه حنطي ومعضل وعيونه سود تجذب النظر عنده غمازة ع خده اليسار حنون وفله وحنون مهندس كهربائي متزوج بنت عمه ميم مايرضى ع فاطمة عمره 23. خالد: وسيم لونه برونزي شعره كثيف وكيرلي ولون عيونه بني و جسمه رياضي وطيب ومغرور شوي بس فلة دكتور اسنان ومايرضى ع أ خته مالج ع بنت عمه عليا عمره 24. فاطمة: حلوة وقصيرة شعرها لين ركبها ناعم ولونه اسود وفيه خصل بنيات طبيعي وعيونها وساع ورموشها كثاف ولون عيونها عسلي ع أخضر وحواجبها مرسومة وحلوة وخشمها سيف وحنطية وجسمها رشيق وعندها غمازتين في الخدين و واضحين وحكيمة وجريئة بس صياحة وعنيدة بمعنى الكلمة وهي عميد بس تدرس هندسة معمارية وعمرها 21 تعز مايد ولد عمتها خولة . ( عماتهم خولة و خلود وعيالهم هاذيل مو في كل المقاطع نادراً بيطلعون في الرواية هم وعيالهم ) خولة : أرملة حلوة عندها مايد عمره18 ربيع سالم وحمدة عمرها 16 خلود: مطلقة عندها خلفان ونهيان توأم عمارهم 23 و ريم عمرها 17 عايلة بوسلطان:- طبعاً تقربلهم من بعيد الكل يعرفون بعض لأنهم يقربون حق بعض من صوب اليد الا فاطمة وعليا مايدرون وين الله حاطهم بوسلطان(علي): ريال صارم وعصبي ومايحب المصخرة الثقيلة بس طيب مع الي يحبهم ويعز ولده سلطان وايد ويحبه رجل اعمال مشهور . أم سلطان(أميرة): طيوبة وتحب وتعز عيالها وماترضى عليهم وتسعى عشان تلقى رضا عيالها ومستعدة تضحي بنفسها عشانهم سلطان: هيبة و رزة حليو شعره كثيف وناعم ولونه حنطي ومعضل وعيونه و حواجبة مثل فاطمة وطيب ومتهور وربيع خالد روح بالروح ورجل اعمال مشهور وعمره 23 . ميثا: أخت سلطان حلوة ملامحها مثل سلطان بس سلطان احلى منها وعمرها 20 دكتورة اطفال. سالم : عمره 18 شبيه سلطان بس سلطان غير طيب وفلاوية مايحب النفسين و شيطان في المدرسة ربيعه مايد ملاحظة الفصول تم ترقيمهم من الاشراف حسب ارقام الصفحات للمساعدة في تنسيق الروابط، ف الكاتبة نزلت المشاركات دون ترقيم روابط الفصول الفصل 1 .. المشاركات بالأسفل الفصل 2 الفصل 3 التعديل الأخير تم بواسطة ebti ; 23-12-21 الساعة 02:03 AM | ||||
|  |
|
20-12-21, 12:31 PM
| #2 | ||||
| يوم الخميس الساعة 6:30 العصر الكل قاعد في العزبة في راس الخيمة اليد واليدة وعايلة بوحمد وبوعبدالله فاطمة: يا حلوين ,عادي لو طلعنا انا و ميمو و عليو؟ عبدالله: أنا باخذ ميم وبنطلع فاطمة: ميم تبي تطلع ويانا اصلاً ميم: لا انتي و عليو اطلعو أنا بطلع مع عبدالله فاطمة وعليا: خاينة فاطمة: ذكريني ان مره ثانية مانحسبها ويانا عليا: أوكي بوحمد: وين بتسيرون؟ فاطمة: ستي وك حمد: لا مابتسيرون اليوم اربعاء وكله شباب فاطمة: وأنا شو علي من الشباب بتغزل فيهم مثلاً عليا: صادقة فطوم شوعلينا منهم نحن سايرين ناخذ كوفي ونصور ونغير النفسية وبس والله. حمد : واذا تغزلو او تحرشو فيكم فاطمة : في شي اسمه سكيورتي أو أمن وبعدين اقدر ارش عطر فعينه وبس والله. خالد: غلبوك حمد فديت أختي المتوحشة. فاطمة: تفداك بعد كلشي ولا شرفي أنا بنت اأبوي يلعبها ع غيري . بوعبدالله: هاذي بنيتي كفو أنا موافق تقدرون تسيرون بوحمد: دام أخوي وافق خلاص تقدرون تسيرون أم عبدالله: اذا اتصلت تردون مفهوم؟ عليا وفاطمة: إنشاءالله وقامو تجهزو خلو ميكب خفيف ولبسو عباياتهم سودا بس فيها دزاينات بالون الابيض فاطمة لبست كعبLV وعليا لبست كعب amina muad عليا: فطوم انزلي اطلبيلي كوفي وتعالي بعد ما اشرب بننزل فاطمة: لا والله ليش أنا انشاءالله؟ عليا: دخيلج فاطمة فاطمة : امري لله ولبست فاطمة كمام وخذت فونها بس لأن تستخدم Apple Pay وكانت تمشي وتقرا جات ربيعتها ولا تدعم بشخص فاطمة تمسك راسها : عمى عمى ماتشوف جدامك شو حمار ؟ الشخص : لا تسبين دامني محترمنج فاطمة رفعت راسها وتلاقت عيونهم في بعض لفترة12345 وعقب استوعبوا فاطمة : لو محترم جان تعذرت مني سلطان : انتي الغلطانة فاطمة: أقول انجلع يالفرخ هاذا الي ناقص هاي الأشكال "وتأشر بصبعها ع سلطان " اطلعني أنا الغلط. ومشت عنه بس سلطان مسكها من ايدها بالقو وكان معصب سلطان: منو الفرخ سمعيني مره ثانية فاطمة: يعل ايدك الكسر هدني احسن ما انادي لك السكيورتي يشلونك سلطان ماسك ايدها : ازقريه بتخوفيني مثلاً فاطمة عصبت ولا تقوم وتصفع سلطان كف من الخاطر وتشرد للسيارة وسلطان وراها جان تركب السيارة وحاولت تضيع سلطان وسلطان تم يلحقها وتمت تلف لين ماهي روحها ضاعت جان توقف سيارتها فاطمة: ترى ضعنا عليا بخوف: أحلفي ولا فجاءة ينفتح باب السيارة وين فاطمة قاعدة ويسحبها سلطان من ايدها وينزلها ويدزها ع سيارة | ||||
|
| |
|
20-12-21, 12:33 PM
| #3 | ||||
| ولا فجاءة ينفتح باب السيارة وين فاطمة قاعدة ويسحبها سلطان من ايدها وينزلها ويدزها ع سيارة سلطان: مرا ثانية مديتي ايدج بكسرها لج تفهمين ولا ؟!! فاطمة بخوف: لا مافهم شو بتسوي ؟ سلطان بعصبية: عطيني رقم أبوج فاطمة بخوف : شو تبي فيه؟ سلطان: بخليه يربيج من يديد ويعلمج ان ماترفعين ايدج ع ريال فاطمة بخوف: مابعطيك شو بتسوي؟ سلطان سحب فونها من سيارة و أول مافتحه كان فيد فاطمة وهي لابسه مخصر أحمر ,وبدون شولدر ونص صدرها يبين وشعرها ويفي وهي تلعب بشعرها هني سلطان خق ع فاطمة وارتخت ملامحها ولا فاطمة استوعبت الخلفية ولا تضربه ع جتفه سلطان: بنجوف اذا بيعرفج يالمهرج فاطمة خلاص هني خافت وبدت دموعها تنزل وبشهقات والكلام متقاطع: خلاص اسفه بس لا تخبر بابا الله يخليك. سلطان عوره قلبه بس كابر وحط الفون ع ويها والفون فتح هني فاطمة خلاص صاحت بصوت مسموع فاطمة : خلاص اسفه والله مابعيدها بس لا تخبر بابا سلطان خذا رقمها بس بدون ماتنتبه : عالعموم سامحتج بس يويلج لو تكرر بخبر عليج فاطمة: توبة اصلاً مافي مره ثانية سلطان: انزين خلاص لا تصيحين وعقب ودرها وركب سيارته وفاطمة ركبت وتمت تصيح وعليا تحاول تخفف عليها وعقب ودرها وركب سيارته وفاطمة ركبت وتمت تصيح وعليا تحاول تخفف عليها خمس دقايق وتسكت فاطمة وتمسح دموعها فاطمة: عليو مابي الموضوع يطلع الله يخليج عليو: من عيوني منو قال أني بقول فاطمة: انزين ترانا ضايعين وما ادري نحن وين عليو: بسمالله ولا فجاءة سيارة سلطان تمر صوبهم كانت Range Roverودق هرن لهم وفاطمة نزلت الجامة سلطان: الحقوني بردكم عزبتكم عليا بصدمة: أنت كيف تعرف أن نحن في العزبة سلطان: ترى خالد يا أخت عليا ربيعي الروح بالروح وبعدين يدي حمدان عم أبوي فاطمة شهقت سلطان: لحقوني ولا تحاتون مابخبر عليكم بستر عليكم وفاطمة لحقت سلطان لين ما وصلت الشارع الرئيسي وعقب لفت يمين عشان تسير M14 Cafe وسلطان انتبه لها ودق هرن بس فاطمة سحبت عليه وهو كمل طريجة لبيتهم وفاطمة طلبت وبعدين وصلت الطلبية 2 Spanish Latte Hot وعقب ردو العزبة ونزلو وكانت الساعة 11 ميم: ترى الساعة 11 فاطمة شهقت: بيدفنونا خلينا ننزل بسرعة أنا بقول كنت أعبي بترول ونزلو من دخلو العزبة حمد وخالد وعبدلله في ويهم وكانو معصبين حمد بعصبية وصراخ : جان مايتو جان كملتو سهرة ورديتو 12 شرايكم فاطمة وعليا صمت لم يصمته الصامتون حمد: هالوقت كله عشان ستي وك؟؟؟ فاطمة وعليا صمت لم يصمته الصامتون عبدالله بعصبية: تكلمو لتسكتون عليا ودموع في عينها: كيف تبونا نتكلم وأنتو تزاعجون علينا !! خالد : نفس الناس والعالم فاطمة بخوف مكتوم : تراكم اوفر تأخرنا لأن كنت اعبي بترول وطحنا في الزحمة وبس حمد: جب لا اصفعج طراق تحت اذنج فاطمة: أخر شي تفكر فيه أنك تلمسني. عليا: خلاص اسفين اخر مره فاطمة بصيحها : اسفين ما كان قصدنا نتأخر بس زحمة أخرتنا هني قلب عبدالله وخالد حن ع أختهم لأنهم مايحبون يجوفون دموعها ولا يسيرون يحضنونها ويبوسون راسها عقب عليا تنهدت وصاحت ويا حمد وحضنها خالد: اشوفك لازق في حرمتي شو عندك؟ حمد : أختي وكيفي يسحب خالد عليا من حضن حمد ويحضنها: لا هب ع كيفك هاي مرتي احين هي ع ذمتي حمد : يوم بتسون عرسكم تعال حاسبنا فاطمة: مريوم لحقي زخيت حمد وهو قاعد يتغزل بوحده لحقي و مريم ع طول نزلت وكانت معصبة حمد مصدوم: جذابة جذابة هاي مريم: تراني حامل والنفسية زق لا تعصبني | ||||
|
| |
|
20-12-21, 12:36 PM
| #4 | ||||
| حمد: الشرع محلل اربع مريم: هاذا الي فالحين فيه بس الصلوات ماتقدرون تصلونها سبحان الله فاطمة: قوية قوية تعيبيني مريم: اذا ماعيبتج اعيب منو ؟ حمد: وانا وين سرت مريم : عند نسيبك خله ينفعك يلا تصبحون ع خير.(ومست وسارت عنهم) حمد: من صجها زعلت؟!! فاطمة : شرايك أنت ؟ عينك عينها وتقول الشرع محلل أربع ؟!! وفوق ها حامل حمد : أتمصخر عليا: خل مصخرتك تنفعك أوكي وكل واحد سار غرفته وفي غرفة فاطمة كانت الساعة 1:00 وكانت تفكر بالموقف الي استوالها لين مارقدت واليوم الثاني الظهر في بيت بوسلطان بوسلطان: ها سلوم سمعت أن اجازتكم قربت سالم: هي سلطان : شو تفكر تسوي ؟ سالم: أول أسبوع بنت عم ميود تباني اي بيتهم مادري شو عندها سلطان: أنت متستحي ع ويهك تقعد معاها ؟ سالم: ليش استحي اولاً مابينا شي ثانياً هي أكبر مني بوايد يمكن عمرها احين 20 او 21 وبعدين هي من زمان كانت تدرسنا أنا وميود أم سلطان : تقصد فاطمة بنت سيف ؟ سالم : عليج نور يمه أم سلطان : من زمان ماجفتها سالم : حتى أنا بس اظنها حلوة لأن هي من زمان حلوة سلطان : أنت مافيك مذهب يالهرم بو سلطان ضحك : استح ع ويهك ميثا وهي نازلة قعدت عندهم : دوم الضحكة بو سلطان : تدومين سالم : ميثو بسئلج تعرفين فاطمة سيف القاسمي ؟ ميثا : أكيد أعرفها وحتى عقب شوي بتي عشان تعطيني كم من غرض سالم : كيف شكلها ؟ ميثا : شو يخصك سالم : ترى بشوفها الأسبوع الياي ميثا: ياحبج فطوم حق هالمراهقين سالم: ميثو كيف شكلها ؟ أم سلطان : هي كيف شكلها من زمان ماشفتها ميثا تنهدت والكل انتبه لها حتى سلطان: شقول شو اتم ما اقدر اوصفها بختصار ايه من الجمل قمر ماشاءالله تطيح الطير من السما خشمها سيف وعيونها مثل عيون سلطان وشعرها قطعة | ||||
|
| |
|
20-12-21, 12:40 PM
| #5 | ||||
| أم سلطان : الله يحفظها ويحميها من كل عين وهالوقت رن الجرس وسالم سار فتح وشاف بنتلي عند الباب وفاطمة هني نزلت وسلمت على سالم بس سالم ماعرفها لأنها لابسة نظارة ومن زمان مو شايفنها فاطمة : شحالك سويلم سالم: بسمالله منو أنتي ؟ فاطمة: نسيت العشرة نسيت منو يدرسكم فيزيا و ريضيات سالم: فطوم فاطمة عقت النظارة : هي فاطمة سالم: قربي قربي فاطمة : لا مايحتاي بس كنت ابيك تعطي ميثو الكيس هاذا سالم: لا مايستوي تفضلي فاطمة : أقولك مابي سالم زاعج: ماما تعالي بسرعة فاطمة: يحمار أسكت فشلتنا أم سلطان: شوفيك سالم تزاعج؟ سالم: ماما فاطمة بنت عمي سيف يايه وماتبي تدخل أم سلطان يت وشافت فاطمة وحضنتها وخلتها تدخل غصب طبعاً كلهم كانو موجودين وفاطمة سلمت عليهم عقب شاف سلطان وانصدمت وتتمنى الأرض تنشق وتبلعها فاطمة من داخلها ( اويه هاذا بيتهم يفشيلتي يا فشيلاه ويهي وين اوديه احين ) بوسلطان: قعدي فاطمة ليش واقفة فاطمة: لا عمي أنا يايه أعطي ميثا الأكياس وارد بوسلطان: افا تردييني عشان خاطري قعدي أم سلطان: لا تستحين ترى سلطان وسالم حسبة عيال عمج فاطمة ابتسمت وقعدت بوسلطان : شو مسويه وكيف المدرسة وياج فاطمة: عمي حرام عليك تراني جامعة وأخر سنة وبتخرج بعد ثلاث أشهر وعمري 21 ولين احين تقولي مدرسة والله مب حاله هاذي بوسلطان ضحك: مايسوى علي اتمصخر وياج يا بنيتي فاطمة : السموحة عمي مو قصدي بس متعقدة شوي من السالفة هاي بوسلطان : لا عادي ماخبرتيني شو تدرسين ؟ فاطمة: عمي أنا ادرس وأشتغل أم سلطان : كيف يابنيتي؟ فاطمة : أنا اشتغل في الشرطة منصبي عميد وادرس هندسة معمارية بو سلطان : أبوج موافق؟ قاطمة : مابنكر أنه اعترض والكل أعترض بس وافقو أنا أشتغل لأني أحب سوالف التحقيق وجي ونفس الوقت أدرس هندسة مع أن أبوي مو مخلي قاصر علي بس أحب أعتمد ع نفسي سلطان بنظرة استهزاء : أنتي عميد ؟ فاطمة : هي سلطان : عيل معاج سلطان علي من الفريق الأول فاطمة : أنت الي كنت وياهم في قضية الشواذ ؟ سلطان: هي فاطمة : ايوا سالم : طلعتو تعرفون بعض فاطمة : لا أنا بس أعرف اسمه فاطمة ابتسمت وبداخلها ( أخيج ياهي سالفة عميد وشايفني أصيح فشيلتي ) فاطمة شافت ساعتها وانصدمت يوم شافت المس كولات كان 15 من عليا 20 من خالد 10 من سيف ميثا: فطوم تعالي غرفتي وايد سولفتي وياهم فاطمة : ودي بس ماقدر متأخر ع البيت وفوني في سيارة ومتصلين فيني وفوني كان سايلنت ومانتبهت عشان جي يلا مع سلامة بوسلطان : في وداعة الرحمن وطلعت وركبت سيارتها وردت البيت سلطان: أنت ماتستحي ع ويهك يالهرم تقولها فطوم؟ سالم: أنت شوفيك مشتط ترها بحسبة أختي واناديها مثل ما ابي دام هي عادي عندها بو سلطان: استحو ع ويهكم | ||||
|
| |
|
20-12-21, 12:46 PM
| #6 | ||||
| أم سلطان : شرايك أخطبها لك سلطان؟ سالم: لا حرام ماما تخربين حياة البنت أم سلطان : يصحلها تلقى ريال شرات ولدي سالم: هي وعيال خوالها وعماتها موجودين والكل ريايل وبعدين ماما هم ناس اوبن مايند يطلعون مع عيال عمهم وخالهم ضحك وسوالف والميانة طايحة وطلعات وروحات وييات وسلطان مابيعيبه وبيبهدل بنت الناس ميثا: سلوم صادق بس بعد أخوي ماله شبيه سلطان : شرايكم تتزوجون بدالي وفجاءة يرن فون بو سلطان عند قم فاطمة طبعاً ردت والساعة كانت 2:30 وكلت هزبة من الكبار وعقب سارت ترقد ومع مرور الوقت استوت الساعة 4:30 فاطمة نشت وسارت تتسبح والكل كان تحت البنات وعايلة بو سلطان واخته وبناتها وعمتها خولة وخلود وعيالهم وبنات خالتها وهي ماكانت تدري ( تتذكرون يوم رن فون بو سلطان ؟ كان اليد حمدان متصل وعازمنهم وكان الجو حلو وجو عائلي) اليدة : وين فاطمة ؟ عليا شهقت: بسير اشوفها خالد: شوي شوي عن تتكسرين مابي مرتي تكون متجسحه الكل ضحك وعليا سوت طاف وسارت عند فاطمة ودقت الباب عقب فاطمة فتحت لها الباب وهي معصبة فاطمة : شوي شوي بتكسرين الباب خير ؟ عليا: تعرفين ان في ناس تحت و مو اي ناس وانتي لين احين مو نازلة يويلج فاطمة : منو الناس ؟ وانا ماكنت ادري عليا: لو شفتي قروب الواتس بتعرفين فاطمة: انزين منو ياي؟ عليا: سلطان الي صفعتيه في ستي وك طلع يقربلنا من بعيد يده أخو يدي وهم موجودين تحت كلهم وحتى خوات عمي علي موجودين ( الحوار يدور وفاطمة قاعدة تلبس وتتعدل) كلهم طيبين غير وحده اسمها حصة ماتنبلع فاطمة وهي تحط تنت : لحقتي ماتبلعين البنت وأنتي ماتعرفينها ؟ عليا: لأنها ماتنبلع خليها تكلمج وبتشوفين المهم يلا فاطمة رشت اقصد تسبحت بالعطر وسبحت عليا معاها عليا نزلت قبل فاطمة وفاطمة خذت فونها من الجارج ونزلت وسلمت ع الكل وقعدت عند عليا وخالد يا وقعد عند فاطمة من الصوب الثاني وفاطمة كانت مجابلة سلطان بو سلطان وكان يطالع فاطمة : شو هالكشخة والجمال الحلو هاذا فاطمة استحت : مأخوذ من جمالك عمي سالم : أبوي في ناس تغار ارحمهم بو سلطان: أم سلطان قلبها ابيض ماتغار اصلاً غلاتها غير عن الكل أم سلطان استحت والشباب والبنات صفقو وكانو يسولفون وحصه انتبهت لنظرات سلطان لفاطمة(حصه تحب سلطان من طرفف واحد) حصه: شحالج فاطمة ؟ فاطمة: الحمدالله بخير من صوبج حصه : يعني أنتي شو رايج أكيد بخير فاطمة رفعت حاجب واحد وأبتسمت: مع أحترامي بس أظن في شي اسمه ادب مايد: أنتي ليش تكلمين فطامي بالأسوب ها ؟ حصه: أنت لا تتدخل يوم الكبار يتكلمون اليهال يسكتون مايد: اليهال يربونج من أول ويديد هني كلحد سكت يوم مايد قال جملته وطالعو عاد ويه حصه مايتشاهد يهلك من ضحك فاطمة وهي ماسكة الضحكة وقرصت ظهر مايد: فديته ميود يطيح الميانة بسرعة حصه ليكون شايلة بخاطرج ؟ حصة : لا لا عادي وردو يسولفون وطبعاً سلطان يطالع فاطمة وفاطمة تطالعه | ||||
|
| |
|
20-12-21, 12:47 PM
| #7 | ||||
| وردو يسولفون وطبعاً سلطان يطالع فاطمة وفاطمة تطالعه وفجاءة التقت عيونهم في بعض 12345 عليا: الي ماخذ بالك يتهنى فاطمة : اء مافي حد مايد: سويلم قوم بسير اخذ ديو؟ سالم: سويلم مرتك , ما أقول لا مايد ضحك: حد يبي شي من الدكان؟ مايد وسالم طلعو و سارو الدكان نرد حق داخل أم سلطان: فاطمة مايد اخوج بالرضاعة ؟ فاطمة: لا بس اعتبره أخوي فأنا متقربة منه لأنه شبية الغالي حصة: في حد مرتبط ولا كلكم عزابين؟ فاطمة: المهم باجر يوم ميلاد مايد وسالم بعده بسبوع ف باجر بسويلهم حفلة بسيطة فالبيت وجي وكلكم معزومين أم سلطان: لا ليش تكلفين ع عمرج حبيبتي فاطمة: خالو شو هالكلام سالم بحسبة ميود وكلهم واحد ( نسيت أقولكم الاولاد خالد وعبدالله وحمد وسلطان وخلفان ونهيان ومايد وسالم والشياب ) قاعدين الصوب الثاني فاطمة: عيل تمام يلا وحده تسير تخبر الشباب عليا: فطوم أنتي سيري فاطمة تنهدت: انزين حد اي وياي حصة: أنا بي وياج وقامو وهم سايرين صوب الريايل حصة: انتي تحبين سلطان؟ فاطمة: ها ؟ حصة: تحبين سلطان ؟ فاطمة: ع ماظن مايخصج و وصلو عند الريايل فاطمة: ميود وسلوم سيرو خالو تبيكم مايد: ليكون زختنا؟ سالم : لا لا سارو عندها فاطمة: بقولكم شي ومابيهم يسمعون المهم باجر يوم ميلاد ميود وسالم عقبه بسبوع فبسويلهم حفلة وجي وحبيت أخبركم ومافي مجال للرفض لأن كلشي مجهز أنا مجهزة وجي | ||||
|
| |
|
20-12-21, 12:49 PM
| #8 | ||||
| خالد: يهال هم عشان تسون حفلة فاطمة: بتخبركم سالم مطلعيله سيرة سلطان: هي أنا مطلع له فاطمة: شو نوعها ؟ سلطان : بي أم دبليو ليش؟ فاطمة: طلعته حق عيد ميلاده سلطان: هي فاطمة: انزين عادي لو باجر يبتله السيارة سلطان: لا فاطمة: لوسمحت لا تخرب مخططاتي وايب السيارة باجر سلطان: لا فاطمة و طالعة بو سلطان: عمي بليز قوله ايبها باجر !! بو سلطان ضحك: فالج طيب سلطان السيارة تكون موجودة باجر سلطان طالع فاطمة بنظرة: انشاءالله أبوي حصة: فاطمة بلعنج فاطمة رافعت حاجب واحد: فيج خير جربي بس المهم شو بتبون لهم هدايا خالد: شرايكم شباب نشتري جيتكسي حقهم ونتشارك في القطه الكل بردود مختلفة: أوكي , زين , تمام , اك سلطان: أنا بشارك بقطة حق ميود اما سلوم مبشارك خالد: أوكي عبدالله: ميود منو بيشتريله سيارة عيل فاطمة: الموضوع ها عندي عبدالله: ليكون شاريه سيارة حقه بدون ماتقولين فاطمة تضحك عبدلله: بتتصفعين والله! فاطمة: ليش بعد خالد: لو دافعه مخالفات سيارتج ابرك فاطمة: أنتو أخواني ادفعو عبدالله وخالد: لا والله؟ فاطمة: هي والله شو جي كله أنا أدفع خالد: محد قالج ماتسوقين نفس خلق الله فاطمة: ماعلينا أنتو بتدفعون نص بنص ولا تزوجنو ونسيتوني ؟؟ عبدالله: أنتي عميد أنا لو بدالهم واشوف مخالفاتج افنشج فاطمة: جب جب جب غبدالله: حق منو جب فاطمة: حق نفسي عبدالله: عبالي فاطمة: ماعليه لو ماخليت ميمو تجلب عليك اليلة ماعليه عبدالله: بصفعج فاطمة: اوهو أنت ع كلشي بصفعج بصفعج غير ياخي مليت عبدالله رفع صوته: فاطمة يلا زولي فاطمة خافت: من عيوني وتشرد وحصة كانت واقفة ماتحركت | ||||
|
| |
|
20-12-21, 12:53 PM
| #9 | ||||
| عبدالله بصوت عالي ويطالع حصة: شو تترين أنتي حصة خافت: اويه اويه ماسويت شي ليش تصارخ وتشرد ع الطول والشباب يضحكون ويشكرون عبدالله فاطمة: ميمو ميم: عيونها فاطمة : يرضيج عبود يهزبني؟ ميم: شو مسوية بعد؟ فاطمة: ماسويت شي بس قلت غير مليت من كلمة بصفعج ميم: تستاهلين فاطمة: ع خرا عدا اليوم ع خير واستوى يوم الجمعة وتغدو وخلصو واستوت الساعة 4 والكل تيمع ويجهزون المكان خالد كان ماخذ سالم ومايد فاطمة : يلا ميثو تعالي شلي الكيك وياي ميثا : لا انا بصور خلي سلطان يشل سلطان : ليش انا انشاءالله ؟ فاطمة : يلا بسرعة حد منكم يشل الكيك سلطان شل الكيك وعقب خمس دقايق دخلو مايد وسالم وفاطمة وسلطان يابو الكيك ودخلو وشغلو الاغنية و ودو الكيك وحطوه ع طاولة فاطمة : كل عام وانتو بخير حبايبي وعقبال الميه عام وعسى عامكم مديد والله يديمكم لنا وبس حسيت اني قلت قصيدة اطول من حياتي بس المهم مايد : حبيبة والله فديتج ماتقصرين سالم : ماتقصرين كثر الله خيرج فاطمة : مابينا وعقب قصو الكيك وخلصو وطلعو برع وفاطمة يابت بلونتين وعطت مايد واحد وسالم واحد سلطان : يلا نقعوهم ونقع مايد وطاح في ايده مفتاح سيارة وسالم بعد الاثنين صارخو من الصدمة والفرحة وعدا اليوم ع خير عقب اتفقو انهم ينزلون تحت لبسو البنات هوديات والشباب بعد ونزلو تحت الا فاطمة متأخرة خالد: جان مايتي ؟ وشيلتج وين ؟ فاطمة : مو لازم تراني لابسه الكاب ف عادي عبدالله : اشوفج مره ثانية فاطمة : متى اتزوج ومحد يتدخل فيني ؟ مايد : عبالج اذا تزوجتي بتمرحين ع كيفج فاطمة : لا بس اقدر اعاند ريلي اما اخواني اخاف احصل طراق بلغلط عليا : فاهمة الحياة غلط اختي فاطمة : ماعلينا عليو متى بتسوين عرس ابي اتكشخ عليا : يوم بيج النصيب فاطمة : تتمصخرين صح ؟ عليا: لا انا قايلة حق خلود بسوي عرسي يوم خطوبتج فاطمة : حياتي انتي انا انسانه مستحيل ارضى واحد يتحكم فيني بس ابوي الي يتحكم م تخيل يقولي لا تسوين جي لا تلبسين جي لا تحطين ها اعور راسي ليش خليني جي وشحلاتي وزيني وانتي عرسج سويه ابي عرس انا خليفة: يوعانين نيهان: بعد صح سلطان: ميثا سوي لنا باستا ميثا: لا لا شكلكم ماجربتو باستات فطوم عليا: هي فطوم سوسيلنا باستا فاطمة: اوكي حد يسير ايب علبة غاز من سيارتي كلحد انشغل فاطمة: اي انتو شو فيكم ؟ مايد:أنا وسلوم مابنسوي شي لأن اليوم ميلادنا فاطمة: استغفرالله سلطان: خلاص أنا بسير ايب فاطمة: لا عادي أنا بسير سلطان: عطيني سويج السيارة فاطمة : أوكي وطلعت المفتاح من جيبها وعطت سلطان وبلغلط تلامست اياديهم وفاطمة تسحب ايدها بسرعة وسار سلطان وياب الغاز من سيارة فاطمة وعقب طبخو وخلصو ويا وقت الي يجربون الباستا فاطمة : عوافي عليكم رايكم يا حلوين ؟ نهيان : عجيبة ماشاءالله ماوصيج يوم بتزوج عطي مرتي الوصفة فاطمة : يلا مناك خليفة : تسلم ايدج من الاخر فاطمة : عوافي | ||||
|
| |
|
20-12-21, 01:08 PM
| #10 | ||||
| خالد: طر مع أني ما أحب مكس صوص بس حلوة ماشاءالله فاطمة: عافية عبدالله: من الخاطر لذيذة سالم: ميثو تعلمي كيف يسون باستا مو باستتج المره ميثا: يا جلب استر علي خليفة وهو يقلد سلطان: ميثو حبيبتي سويلنا باستا تبي تنفلع سلطان صح؟ سلطان: جب مايد: تسلم ايدج فاطمة: عافية سلطان طالع فاطمة: شباب وبنات بقولكم سالفة استوت حق ربيعي وابيكم تعطوني رايكم فاطمة كتبت حق عليا في واتس " ليكون بيخبرهم يوم صفعته " عليا " لا ما أظن " فاطمة " الله يستر " سلطان قال لهم السالفة الي استوت بينه وبين فاطمة ( بارت 2 , 3 بتلقون السالفة ) بس مب هم اونه ربيعه عبدالله: أنا مكانك بتصل في أبوها ع طول خله يربي بنته من يديد وو كان الموقف حق فاطمة كنت بذبح الولد وفاطمة بلعنها فالبيت فاطمة : أنا شو يخصني عبدالله: لا تحاتين نحن واثقين فيج ونعرف أن مستحيل تطاولين ع ريال او تمدين ايدج سلطان ن يطالع فاطمة ( واضح واضح ) فاطمة تطالعه ( مايخصك ) نيهان: بعطيها طراق يردها بطن امها فاطمة: خيبة ترى البنت صفعته لأن لمسها وهاذي لمسه تعتبر تحرش كان يقدر يعتذر ويسكر السالفة عليا: فكونا خلونا نسير نرقد ورانا شغل باجر فاطمة : هي صادقة ميم: اي اشغال ؟ فاطمة: انا نقلوني راك وباجر بسير يبوني هناك عبدالله : ع كيفج ؟ متى طلبتي نقل انتي ؟ فاطمة : من اسبوع عبدالله بعصبية: ع كيف منو تنقلين راك ! فاطمة : شو فيك مو لازم هالعصبية وانا ابي راك شو فيها عبدالله يصارخ: نحن عايشين في شارجة شو الي يخليج تطلبين نقل ؟ فاطمة: عبدالله لا تقعد تصارخ وعبالك بسكت أخوي الكبير ع عيني وراسي ويوم بتعدل أسلوبك وبتحترمني هاذاك الوقت تعال وكلمني عبدالله بعصبية: فاطمة أحترمي نفسج أحسن ما أدفنج هني تحترميني وكلمتي تمشي عليج تفهمين ولا لا ؟ فاطمة: الي يحترمني احترمه والي مايحترمني لا يقعد يدور الأحترام عندي ودام راس أبوي يشم الهوا كلامك مايمشي علي عبدالله: لا تعاندين عشان ماتتصفعين والحين بتكنسلين النقل وبتمين في شارجة فاطمة: لين هني وبس النقل مابكنسله انت تعرف شرطة شارجة شو ؟ خلني ساكتة بعدين راك تحتاج ف بسير هناك وبعدين الا ساعة او ساعتين ماصار شي خالد بعصبية :جب ما اسمع صوتكم احشمو المكان الي قاعدين فيه وبعدين من متى الصريخ كان أسلوبنا فاطمة: تسئلني أسئل أخوك الي فيوزاته ضاربة عبدالله كان بيتكلم بس خالد سكته: كل واحد يذلف غرفته جدامي ! وأنتو حسابكم بعدين يا أخواني. وفاطمة باجر تاخذين عذر أنج ماتقدرين فاطمة وعيونها دموع : انشاءالله وطلعو وسارو غرفهم الا فاطمة سارت وقعدت عند الحوض وبدت تصيح ومايد شافها وسار وسلطان في دربه شافهم وقف عشان سمعهم مايد : لا تصيحين ما احب اشوف دموعج فاطمة: ما اقدر مايد: بس اليوم اقعدي صيحي وفضفضي لي فاطمة بشهقات: ليش ي مايد أول مره عبود يصارخ علي ليش شو سويت أنا ماسويت شي أنا تعبت كل واحد يتحكم فيني استوى ع كلشي يعصبون استوى كلامهم الي يمشي وأنا كلمتي مايسمعونها أنا ابي امي هم ماقدرو يعوضوني هم عاشو مع ماما وايد اما انا كم بس 15 سنة عشت ليش خبرني أنا أحاول اسعدهم وافرحهم تعرف أحاول أعوضهم واعطيهم الاشياء الي انا فاقدتنها و ادورها عطيتهم كلشي اقدر عليه بس ليش يعاملوني جي تعرف أنا شو اعيش كم مره انهرت اسئل عليا وقولها كم مره فاطمة يت وانهارات في حضنج مايد اخواني تزوجو ونسوني تزوجو ونسوني ماقامو يهتمون فيني لهدرجة الزواج غيرهم ؟ تراني أختهم أنا مالي راسي هم أنا ماعندي حد غيرهم تعبت يا مايد تعبت أبي ماما أشتقت لها ليش تركتنا ليش؟ وتمت تصيح ومايد يهديها وعقب حضنها عشان تسكت مايد: بس لا تصيحين بعدنين هم عندهم ظروف لوتعرفين ظروفهم فطوم جان ماقلتي هالكلام هم أكيد مضغوطين صدقيني بيردون مثل قبل بس تري عليهم شوي ونحن وين سرنا وصدقيني بتلقين عبود متلوم الحين وموقادر يرقد أحين أنتي سير غسلي ويهج وسيري خذي لحافج وسيري غرفة خلود وارقدي معاه وعمو سارت عند الي ارحم منا ادعيلها فاطمة وتمسح دموعها: عادي ؟ مايد:هي والسموحة أني حضنتج فاطمة: مسموح ومشكور ميود مع صغر سنك بس جبر خاطر مايد: حبيبتي أنتي يلا جدامي ما ابي اشوفج تصيحين مره ثانية فاطمة ضحكت : من عيوني مايد: فديتهم وسارو وسلطان سمع وشاف مابنكر انه غار بس بعد انكسر خاطره ع فاطمة سلطان بين نفسه ( الله يجبر خاطرج ويرحم أمج ويحفظ امهاتنا المسلمين لنا ماتوقعتج عايشة في الم الله يعوضج انشاءالله ) فاطمة دقت باب غرفة خالد مع لحافها ودخلت خالد: فيج شي فاطمة: عادي لو رقدت معاك ؟ خالد ضحك: تعالي تعالي في حضن أخوج وفاطمة ع طول حضنته ورقدت وهي في حضن خالد بس كل واحد ولحافه( لا تفهمون غلط دخيلكم ). واستوى اليوم الثاني وبعد ماتغدو عبدالله: فاطمة قومي بنسير المكتب فاطمة: ليش؟ عبدالله: قومي وعن العناد وسارو داخل عبدالله تنهد: اسف فاطمة ع الي صار بارحة وماكان قصدي بس كنت معصب وطلعت حرتي فيج اسف فاطمة ابتسمت: مسموح أخوي وانا مالي غيركم مستحيل ازعل منكم أنا بعد اسفه لأن بارحة نزلت من قدرك وما احترمتك وباجر بستقيل عبدالله : لا لا تستقلين الا بارادتج وليش تستقيلين اصلاً؟ فاطمة: تم لي شهرين وبتخرج من الجامعة وببدا امتحانات الفاينل الاسبوع الياي وعقب الأمتحنانات بنقعد نخلص مشروع التخرج الي اشتغل عليه من 6 سنوات عشان جي بركز بدراستي وكان عندي هدف وحققته وانجزت وساعدت المظلومين وأنا بستقيل و6سنوات وانا في شرطة يكفي مو ؟ عبدالله قام وحضن فاطمة وباس راسها: فخر والله أنج وأفتخر يوم بيقولون هاي أخت عبدالله ويوم أقول هاذي أختي دمتي فخر لنا خالد دخل: كفو فخري أختي حبيبتي ولا تنسين أنا وعبدالله بنكون وياج في كل خطوة سواءً كان غلط أو صح أنا وعبدالله سندج وعزوتج فالحياة هاي وطبعاً ما ننسى ميود فاطمة ضحكت وحضنت أخوانها : الله لا يحرمني منكم لأثنين: ولا منج | ||||
|
| |
 |
| مواقع النشر (المفضلة) |
| الكلمات الدلالية (Tags) |
| احبك |
| أدوات الموضوع | |
| انواع عرض الموضوع | |
|
|
3Likes
العرض العادي
