08-12-22, 11:09 PM
| #111 | |||||
 
|  اقتباس:
| |||||
|  |
|
08-12-22, 11:10 PM
| #112 | ||||
| 39 استغفر الله العظيم واتوب اليه - . ((شقة عمر)) رغد بالمطبخ تهمهم بوناسة وهي تقطع البصل ناظرتها وهي تدخل/هلا عمة امري وش بغيتي ام عمر/ادور مطرقة رغد باستغراب وهي تتجه لها وتوقف جنبها وتفتح الدولاب تخرجها من ادراج المطبخ العلوية مدتها/تفضلي عمة بس بوش تحتاجـ/اتسعت عيونها بصدمة وهي تناظرها تسحب يمينها وتثبتها على رخامة المطبخ/ ام عمر ثبتت يد رغد ورفعت المطرقة وبكل مافي قلبها وسط عيون فاضت من دموعها ضربت يد رغد بالمطرقة رغد صرخت صرخة هزت العمارة كلها رفعت نظرها بدموع انسابت على خدها من قوة ألمها ام عمر بدموع تنهمر بدون توقف/ضميتك تحت جناحي واعتبرتك بنتي اللي ماجبتها نفذت وصاة أمي وأبديتك حتى على بنت بطني رغد وقفت ورا الطاولة اللي صارت فاصل بينهم وهي تناظر يمينها الراجفة بوضوح رفعتها بمساندة يسارها وهي تضمها بخفة وسط شلال دموع الالم اللي ماوقفت ابد تراجعت بخطواتها لورا مبتعدة عن ام عمر ام عمر بقهر/اكرمتك عزيتك رفعت قدرك فوق الكل وهاذي تاليتها هاذي!! رغد تناظرها بتشتت تحاول تفهم الموضوع لكن للاسف الالم يعيق كل حبال تفكيرها ام عمر/هاذي هي تالية الوصية هاذي هي تالية البر انا لو دريت ان نهاية بر أمي كذا ماقبلت بك ابد مانفذت/وبرجفة صوتها/عساني طول عمري بعقوق يوم اني احتضنت بين كفوفي دمار عيالي ماالوم مُزن(زوجة ابوها)يوم تسوي فيك هالسواة مالومها رغد من ورا الطاولة وهي تستجمع طرف افكارها المشتتة وبرجفة صوتها من الالم/عمة كسرتي لي يدي ام عمر بقهر/وبأكسر راسك بعد رغد بدموعها/بس حتى لو كسرتيها أنا مسامحتك ام عمر ارتفعت حواجبها بضحكة خفيفة رغد بدموعها/انتي أمي اللي مااعرف غيرها ام عمر صرخت بقهر/لاتقولين أمي!! رغد فزت من صرختها ام عمر/انتي ماانتي ببنتي عساها بالمرض بطنٍ جابت اشكالك لهالدنيا ياعساها رغد وهي تاخذ نفس وبثقة/عمة انتي اكيد فاهمة شي غلط ليش هالقسى علي كله اكيد فيه احد كايد لي اكيد!! ام عمر حذفتها بالمطرقة اللي بيدها بقهر رغد اتسعت عيونها بصدمة وهي تنحني عن المطرقة ثم ناظرتها ام عمر بتموت من كثر القهر التفتت وراها وهي تسحب من المطبخ اي شي تطيح عينها عليه وترميها به رغد وهي تنحني تحاول تحمي نفسها قزاز وتناثر حولها صواني ترامس وحتى ملاعق شي صابها وشي لا وسط مناداتها لام عمر بدون اي فايدة قررت تهرب من المطبخ تحركت وهي تدعس عالقزاز المتناثر كملت طريقها بالم وهي تجري لغرفتها دخلت لها وهي تقفل الباب ام عمر تضرب عالباب وبصراخ/افتحي ياكـ** ورب البيت ماتروحين من يدي الليلة وربي رغد بوسط انفاس سريعة ورا الباب تراجعت بخطواتها لورا وهي تفد مع ضربات الباب القوية عجزت تلاقي جواب لسبب تصرف ام عمر الغريب بعينها للحين تعتبرها أمها ليش كل هالحقد الغريب ليش التفت ورا وقشعر كل جسمها برعب من وجوده عمر جالس عالسرير يناظرها بابتسامة رغد اتسعت عيونها وتلاحقت انفاسها بهلع وهي تناظر اللي بين يديه عمر بابتسامة وبين يديه الجوال/ايوه صح اخيرا لقيته اخيرا رغد بدموع انسابت برعب وسط رجفتها وهي تتراجع بخطواتها لورا قبالها عمر ووراها ام عمر اللي الفاصل بينهم باب وهي تضرب عليه بجنون مافيه اي مخرج من هالمصيبة مهما بررت مهما وضحت مافيه اي مخرج لها وبصوت مخنوق من كثر الرعب نطقت/عـ.ـمـ.ـر عمر وقف فوق السرير بابتسامة/صح عليك الحين دور عمر رغد وقفت وظهرها يلاصق الباب وبهمس/عمر عمر احتدت ملامحه/مافيه عمر الحين،الحين فيه رد حقوق!! . ____________________ ((يوم جديد)) . اعتلى صوت الراديو بايات من القران يكسر الصمت اللي مخيم على السيارة وبعد تردد سألها/وش بتسوين؟ سحايب/حنا رايحين زيارة على طلبهم ماراح اسوي شي ابد ثابت/سحايب سوي اللي تبين وماعليك من احد وابشري انا قدامك ووراك وكلي حولك لايردك عن اللي بخاطرك شي سحايب ابتسمت وهي تلتفت تناظره كيف كبر بسرعة ذاك الصغير كيف صار ينطق بكلام رجال للحين بعينها ثابت الصغير اللي يبكي من سجايا القوية وتاخذ له حقه تنهدت/عسى الله يبقيك لي ذخر ياعين سحايب انت ثابت ابتسم/والله وانا اخوك لازم ماعليك راحة بالك كان ماتبين الروحة لهم حتى رجعنا الحين لايردك شي ابد سحايب/ماتقصر ياثابت ماتقصر لكن انا لازم اشوف نهايتها اليوم لازم . ،،الـمـسـتـشـفـى،، سلطان جالس بانتظار الطوارئ متلثم ومتكتف مغمض عيونه وهو شاد ظهره لاقصى درجة بوسط دوامة افكاره يحاول يربط الامور وللاسف مافي اي رابط ماعدا رابط وحيد يتجنب حتى التفكير فيه فتح عيونه من حس بلمسة على كتفه نايف واقف جنب سلطان مد له علبة موية بعد مافتحها سلطان ناظره لثواني نايف ميلها اكثر وهو يمدها له سلطان تنهد وهو يفك لثمة شماغه واتضحت على ملامح وجهه التعب بعد ماكان مخفيها بهاللثمة اخذ العلبة منه وسمى وشرب التقت عينه بعين ذاك الثابت قباله بمسافة مو بالبسيطة بنظرات كلها حدة شرق بالموية وكح غصب عنه نايف التفت لمكان نظرات سلطان ثم احتدت نظرته وهو يناظره بنفس نظراته وبالاشارة/ذا وش فيه علينا!! بدر جالس لحاله مبتعد عنهم متكتف وهو يناظرهم بحدة بجلسة تأهب وكأنه ينتظر مصيبة تحل عليهم بهالمكان نايف/اللي يشوفه يقول حنا من سوا باهله هالمصايب!! سلطان بلغة الاشارة بعصبية ارتسمت على ملامحه/خلاص يانايف خلاص!! نايف كشر بوجهه تجاهل تعصيبة سلطان/سعد مع عواد سلطان احتقن وجهه بغيظ من سمع اسمه ارتبط اسم هالادمي بافكار شينة وظالمة بحق نفسه قبل حقه وحتى حقها شد على قبضته بقهر وهو يعدل شماغه بمحاولة منه يخفي هالشعور نايف/يقول اخوه رفض يجي عشانه ويقول ماعنده اخو بهالاسم سلطان رفع نظره لنايف بعد ماقطب جبينه من هالكلام بشك نايف/الحين هو معه وفيه شرطي بعد سلطان تلثم/يصير خير ان شاء الله يصير خير/وقف وهو يناظر الدكتورة تكلم بدر/ بدر اختفت جدة ملامحه وارتسمت ابتسامته على وجهه وهو يسرع بخطواته سلطان مشى وراه بخطوات تماثله بسرعتها . ،،مركز الشرطة،، ابو عمر جالس على الكرسي ورا مكتب الضابط بوجه مخطوف من شدة صدمته ماصدمته فعلة طلال ابدا وهذا متوقع منه الصدمة الاكبر كانت فعل تركي ام تركي دخلت ووراها اخوها دخلت وهي منهارة بكى وبفجعة قلبها وقفت وهي تناظره بدموعها وبوسط رجفة صوتها من بكاها/وين ولدي ياعبدالله؟ ابو عمر تنهد وهو يناظرها ثم وقف وناظر ابو سالم/ايش جبتها معك؟ ام تركي بصرخة/اتركه عنك ورد علي ولدي وينه تركي وينه ابو عمر/يعني وينه ياام تركي بالحبس ام تركي مسكته من ثيابه وهي تشد عليه وبدموعها/حسبي الله عليك ياعبدالله الله ينتقم منك مثل ماقهرتني بولدي/وبوسط شهقاتها/الله ينتقم منك ويوريني فيك العجايب ياعبدالله ابو عمر دفها عنه ابو سالم مسك اخته وهو يدف ابو عمر بيده بوسط نظراته المحتدة ابو عمر/بدال ماتدعين له بطيب سواياه صان عرضه واكرم ماء وجهه!! ابو سالم بقهر/الله لايكرم وجهك لا دنيا ولا اخرة ابو عمر بصراخ/انطق حرف وربي لااحطك انت واختك فوق بعضكم بهالمكان بدون حيلة الضابط دخل لمكتبه/بس!! ابو عمر ناظره/عيالي وين هم فيه؟ الضابط جلس ورا مكتبه/موجودين موجودين كان بياخذ حقه بوقته . ،،الـمـسـتـشـفـى،، ام عمر متكية بظهرها عالجدار عند باب الغرفة وهي تناظره قبالها وبلوم له/ورا مارميتها بالشرطة ذي حتى المستشفى فيها حرام كان تركتها تموت عمر ابتسم/لااا يمه لااا ماهي بحلوة بحقنا خليها تطبخ عالهادي وتاكل طبختها لحالها ام عمر اختفت حدة عيونها والتمعت عيونها/اختك وشلونها الحين؟ عمر/بدر يقول صحت الحمدلله وخرجوها من العناية للتنويم ام عمر برجفة صوتها/وهو؟ عمر وهو يوقف جنبها/كبيرة سواته يمه كبيرة بالحيل ام عمر بكت/حسبي الله عليك يارغد حسبي الله عمر خرج جواله يتصل على بدر ومده لامه/يمه كلمي بدر وتحمدي لها بالسلامة ام عمر دفت الجوال عنها/لا ياعمر لا عمر قطب جبينه باستغراب/ليه!! ام عمر بدموعها/ماقدر مااقدر بعد كل شي سويته اكلمها بهالبساطة مااقدر ياعمر مااقدر عمر تنهد وهو يرجع يمينه من ورا اكتافها يحتضنها/يمه ماهو بيدك كنتي مغيبة عن الحق ماهو بيدك ام عمر/وهي كم حاولت ومالقت الا الصدود كم حاولت وتعبت بدون فايدة الا زادت عليها الاوجاع اكثر واكثر لا مااقدر قبل اتاكد بنفسي من دمار هالحية مااقدر ياعمر الضابط خرج من عندها ووقف قبالهم عمر اعتدل بوقفته الضابط بحدة/ممنوع تدخلون عالضحية عمر ابتسم ام عمر قطبت جبينها/ضحية!! الضابط ناظر عمر/معي عالقسم يالله مقدم ضدك بلاغ تعنيف عمر ناظر امه مبتسم/ماقلت لك يمه لازم اطبخها بالهون . راضي واقف برا العمارة وهو يناظره بابتسامة مصافحه بيده ولا تركها/يالله ان تحييه ياهلا ومرحبا/سحبه لداخل العمارة/حياك ياهلا ومرحبا فواز ثبت مكانه وهو يسحب يده منه بقوة خفيفة ماغابت عن راضي راضي قطب جبينه من تصرفه فواز بغيظ/انا جايك ابي جواب اطرد فيه شين ظنوني راضي قطب جبينه/خير ان شاء الله عسى ماشر فواز بدون مقدمات وبدون اي صبر/الحريق لك يد فيه؟ راضي احتدت نظرته/تتهمني؟ فواز باصرار/الحريق لك يد فيه؟ راضي دخل يديه بجيوبه وهو يناظره بتفكير فواز شد على قبضتيه وهو يناظر بروده صرخ/رد علي راضي زفر وهو يستشف اللي بخاطره طلع يديه من جيوبه ثم ابتسم بانتصار/انا اخذت عهد على نفسي دماركم ياعيال جابر على يديني فواز احتدت ملامحه راضي ضحك بخفة وبابتسامة/شطبت سلطان والحين انت والدور جاي على اصغركم فواز هجم عليه/تخسى تخسى/وابتدأ الضرب بين الاثنين/ . ((شقة حاتم)) حاتم ماغفت عينه طول ليلته وهو يدور عليها واخيرا بعد فقدان الامل قدم بلاغ بفقدها دخل بيته وهو يجر خطواته بخيبة رمى شماغه عالارض بوسط مدخل الشقة الصغير وكمل طريقه وهو يرمي نفسه عالكنبة بضيق ويغطي وجهه بكفوفه وسط افكار توديه وتجيبه(وين مكانها..هي طيبة..لايكون سوت بنفسها شي..وين اختفت بهالسرعة وبهالبساطة)تنهد وهو يعتدل ويجلس خرج جواله وهو يناظره ميل فمه وهو يشوف اسمها/هلا ياقوت..لا للحين..لاحد يدري امسكي السر طلبتك يااختي..ان شاء الله ان شاء الله..رزان؟../برجفة صوت واضحة/مو بس هي اللي تبكي على امها ياياقوت مو بس هي/تنهد/يالله يالله الله يعين بس الله يعين/قفل جواله وفتحه وهو يناظر اسمه بتردد عزم امره وهو يتصل فيه/هلا ياعم وشلونك وشلون عمتي والاهل عساكم بخير/سكت للحظات وهو يسمع نبرته الهادية المرتاحة بدون اي قلق اخذ نفس/ياعم عجايب من امس مفقودة . بجاد صحى منه نومه على رنة جواله سحب الجوال وهو يرد بصوت كله نوم/هلا منايا برجفة صوتها/بجاد بجاد فز جالس من سمع صوتها وطار كل النوم من عينه/وش فيك؟ منايا بدموعها/ليش تكذب علي ليش بجاد بعدم اهتمام لسؤالها وهو يوقف/انتي طيبة؟العيال طيبين؟ منايا ببكى واضح/الله لايوفقك يابجاد كانك ناوي على عيالي بظلمك الله لايسامحك بجاد صرخ/وش صاير انطقي!! ام راضي دخلت بعد ماوصلتها صرخته منايا بدموعها/وعد تشتكي من راسها ونومها كثر بالحيل يابجاد كثر بجاد جلس وسط ملامح الصدمة اللي ارتسمت عليه ام راضي/وش فيك وش صاير منايا/الله لايسامحك الله ينتقم منك كان بتذبحني بعيالي يابجاد بجاد رجف قلبه وهو يفكر ببناته احن وارق ماطلع فيه بهالدنيا منايا/انا بأريحك من هالخوف واتكلم ماعندي استعداد اخسر بناتي يابجاد يكفيني سلطان يابجاد يكفي/قفلت بوجهه/ بجاد غطى وجهه بكفوفه الراجفة من هول المصيبة بذاك الوقت حافظ على اعصابه وتحمل وتظاهر بالقوة لعيونها بمحاولة يائسة منه لتخفيف هالشعور بعينها حتى لاتنكسر بشدة رغم ان شعوره مساوي لشعورها موجع وموجع جدا فقد ولده وهالشي كبير جدا على أي أب بنفس قساوة هالشعور لأي أم رجف قلبه وهو يتخيل لو تكرر الموقف هلت دموعه بدون شعور منه مجرد التخيل وصل به لهالحالة كيف لو اصبح الموضوع حقيقة وش بيسوي وش حيلته او بيوقف يناظرها مثل ماظل يناظر سلطان اهتز جسمه بوضوح من بكاه اللي فشل يكبحه ام راضي حطت يدها على كتفه تناظره وبخوف/وش فيك يمه؟وش صاير خوفتني وش فيه تكلم بجاد مسح على وجهه بكفوفه وهو عزم يسويها نزل كفوفه عن وجهه وناظر امه/يمه ولدك مثل ماهو ماتغير طول هالسنين ماتغير الا زاد خبث فوق خبثه ام راضي احتدت ملامحها/استح على وجهك ذا اخوك بجاد بقهر/لبس قناع الطيبة والخير وهو مستمر بالاعيبه يمه ام راضي رفعت صوتها بعصبية/قلت خلاص يابجاد خلاص بجاد/واللي يتحمل ذنبه انا لاني داري بفعوله وساكت ام راضي/واجب عليك تسكت يابجاد بجاد/ليش اسكت؟!!جاملت على حساب نفسي وسكت لكن عيالي لا يمه لا عيالي خط مايتعداه احد ابد يمه محد يتعداه ام راضي قطبت جبينها/ومن متى اخوك يتعدى على عيالك!!لاتظلمه الظلم شين يابجاد بجاد ضحك وسط لمعة عيونه/ظلم!!مين راضي ينظلم/ضحك/هذا انتي يمه دايم بصفه دايم ، ، ابو راضي بيمينه عقاله ويساره ماسك راضي من ياقة ثوبه يضربه وبصراخه وقهره/الله يسود وجهك مثل ماسودت وجهي بكل مكان فاضحني بكل مكان راضي(18سنة)بصراخ/ماهو بانا كل شي براسي كل شي!! ابو راضي وهو مستمر بضربه/ياللي ماتخاف ربك مكيف المسجد!!قلة البيوت عشان تسرق المسجد!! ام راضي وهي تفك راضي من يديه وبصراخ/ذبحت الولد ذبحته راضي تخبى ورا أمه ام راضي/ارحمه ياللي مابك حتى ذرة رحمة ابو راضي وهو يسحبها من يدها يبعدها عنه/انقلعي عني ورب البيت توبته الليلة على يديني ابعدي عن وجهي ام راضي وهي تسحب راضي وراها تحميه/ظلمته ماهو بهو ظلمته خاف ربك ابو راضي وهو يضربها معه/ظلمته انا ظلمته انا اعلمك وشلون الظلم بجاد(15سنة)يناظر اللي يصير بكسرة خاطر على امه وبتردد احتواه يشيل التهمة لاجل امه ام راضي/بجاد بجاد اللي سرقها بجاد بجاد يناظرها بصدمة كيف قدرت تضحي فيه لاجل راضي وهاذي اول خيباته اللي وضحت له فرق المحبة بينه وبين راضي بقلبها كيف هان عليها كيف خاطرها رضى يبيعه بهالسهولة ابو راضي ناظر بجاد ثم احتدت ملامحه اكثر وهو يسحبها بكل قوته ويجلد راضي اللي اعتلى صراخه بدون قدرة على ابوه اللي يفوقه بالقوة بجاد ناظر امه الباكية المستميتة بدفاعها عن راضي بقلة حيلة تنهد وهو يغمض عيونه وصرخ/انا سرقتها يبه انااااا ، ، ام راضي/لاتصير حساس عاد يابجاد بجاد زفر بضحكة/كلنا بكفة وهالراضي بكفة يمه صح؟ ام راضي احتدت نظرتها/اقول عاد اترك قول الحريم عنك لاتترك الحرمة تفرق بينك وبين اخوك سمعت بجاد/يمه انا بعت نفسي عشان هالراضي اللي بكل مرة تحذفيني تحت رجول ابوي حِمَى له يمه انا فقدت ضناي فقدت اول افراحي يوم طعت شوره لاول مرة ماعندي استعداد ابد افقد عيالي عشانه حتى لو نهايتها زعلك علي ام راضي بحدة/تبيعنا عشان هالحية ضحكت عليك بكم كلمة!!اخوك تحطه فوق راسك وبين عيونك يابجاد لو يقص راسك ماتنطق عليه حرف سمعت بجاد/تم ام راضي ابتسمت براحة بجاد/هذاك اول اقولها يمه ام راضي احتدت نظرتها بجاد/الحين ألزم ماعلي عيالي وهو خليه يكفر من ذنوبه شوي/مشى/ ام راضي مسكته من يده وهي تمشي وراه/بجاد بجاد سحب يده من امه وكمل طريقه ام راضي بصراخ/ولد بجاد بجاد كامل طريقه بدون اي اهتمام لذيك الصرخات اللي تحاول تستوقفه . ابو راضي طالع الدرج بخطوات سريعة كلها غيظ/اخر عمري افكك من يدين الناس انهبلت انت راضي بكدمات ملت وجهه وثوبه اللي تمزق من جهات مختلفة يطلع الدرج بشويش وهو يعرج وبلامبالاة/والله يتحمل مايجيه اجل يتهجم علي وأسكت له ابو راضي وقف وهو يلتفت وراه يناظره بحدة/الظاهر انك تشوقت لايامك الاولة ياراضي راضي/ايامي الاولة هي من شدة ظهر هالرافضي اللي قدامك الحين ابو راضي/والله من كثر الغضب اللي ماليها يابو شدة ظهر لكن عسى الله يبيحك من فعايل يديك ياراضي راضي ابتسم/فعايل يديني خير على خير البلا باللي يسمع ويرخي اذنه حق اللي يسوى ومايسوى ابو راضي سحب عقاله وهو يضربه راضي ابتسم ابو راضي بحدة/للحين فيني شدة اربيك ياراضي كان نسيت!! راضي بابتسامة/ماعليه هالمرة حق الابوة والثانية حق الوصل/احتدت ملامحه وبتهديد/والثالثة بالمركز ابو راضي قطب جبينه من كلامه راضي مر من جنبه ثم وقف بعد درجتين والتفت يناظره/يبه ترا ماعاد بك حيل مثل اول تريح تريح عسى الله يعافيك ابو راضي اتسعت عيونه بصدمة من كلامه للحظة ثم احتدت ملامحه/انا داري ان ذا الوجه مغضوب عليه مايتوب ابد راضي التفت كله بابتسامة/كـ/سكت وهو يسمع صراخها/ جوهرة تجري نازلة من بيتها وبدموعها/رااااضي ياراااضي راضي قطب جبينه وهو يسرع بخطواته لها وقف قبالها وهو يناظرها بهالمنظر جوهرة بقميص نوم خاص للبيت كاشف عن اجزاء مستحقة له هو فقط وبدموعها/راضي راضي بفزع/وش فيك وش صاير جوهرة انهارت بين يديه ماقدرت توقف/سراج ياراضي سراج . ،،الـمـسـتـشـفـى،، سحايب وقفت على باب الغرفة وسط توتر احتواها هذا اول لقى بعد ذيك الليلة الموجعة بكل تفاصيلها بلعت غصتها بحزن على نفسها وهي اللي عاهدت نفسها كرامتها فوق اي اعتبار ولاجل هالشي هي واقفة الحين بهالمكان مو رحمةً بحالته ابد فتحت الباب ودخلت/السلام عليكم سراج متمدد عالسرير وسط ملامح وجهه المندثرة من كثر الجروح والكدمات وبعض الغرز بيمين يده المكسورة ورجله بعد يناظر السقف بهدوء وصمت ماهو بغريب عليه ابد بهالفترة الاخيرة ابو ماهر وقف بابتسامة/وعليكم السلام والرحمة ياهلا ومرحبا ياهلا بام علي ياهلا سحايب وهي تتقدم له وتسلم عليه/ام ساجر ياعم ام ساجر ماعاد لهالاسم مكان بيننا سراج التفت بصدمة وهو يسمع صوتها هالمرة بوضوح ناظرها بعدم تصديق لوجودها بهالمكان اعتدل بجلسته رغم اوجاعه وهو لو عليه احتضنها بهاللحظة بدون حتى موافقتها كل اللي يقدر عليه الحين بوضعه يناظرها فقط سحايب التفت عليه من مكانها بدون ماتقرب منه ماغابت عنها نظراته اللي اكلتها اكل رفعت نقابها وهي توقف عند رجوله بنهاية السرير/اجر وعافية ياابو ساجر ماتشوف شر سراج ماقدر ينطق بسبب جرح فمه واكتفى يناظرها بلهفة ابو ماهر/الله يسلمك ياسحايب الله يسلمك اعذريه مايقدر يقول شي من جروحه سحايب/الله يتمم عليه عافيته انا جيت اقوم بالواجب ومرة وحدة نحل امورنا الواقفة سراج كشر بوجهه بعدم راحة من كلامها ابو ماهر بابتسامة/عين العقل يابنتي عين العقل سحايب/امساك بمعروف او تسريح باحسان انا جاية ماابي الامساك يابو ساجر ابو ماهر تغير وجهه سراج انتفض قلبه يدري من البداية ان هاذي نهايتهم لكن ليه الحين تخوفه هالنهائي كثير ليه الحين مايبيها ولا يبي يسمع طواريها غطى اذانيه برفض لسماع اللي تقوله سحايب احتدت نظرتها وهي ترفع صوتها/ابي التسريح جيتك اكرام للعشرة وان كان ماتبيه باحسان جبته بالخلع ياابو ساجر وانت بكيفك هذا اللي عندي وفمان الله/مشت وهي تتركه هالمرة هي اعلنت الصدود بدون رجعة هي من قررت نهاية ارتباطهم بنفسها تحررت من قيوده الظالمة عليها من سنين تنفست براحة وجبال الهم اللي استوطنت قلبها انزاحت اخيرا بعد معاناة/ سراج يناظرها وهي تبتعد مد يده بمحاولة منه حتى يناديها لكم مجرد همهمات هادية وغير مفهمومة اعتلت منه ولكن ماوصلتها حاول يوقف ولكن خانه جسده المتضرر واجبره يظل بمكانه وسط الام ازدادت حدتها غصب عنه ثقلت انفاسه وهو يناظرها تخرج من الباب مودعة لها بدون حتى لاتلقي عليه نظرة وكانها تقطع اوتار قلبه المتصلة فيها بحدة وبدون رحمة يتمنى ترحمه وهو اللي اكتشف غلاتها بقلبه متأخر مال بجسمه بدون شعور وهو يغيب عن وعيه من قوة صدمته بفعلتها القوية على قلبه . ،،الـمـسـتـشـفـى،، فتنة متمددة عالسرير بوجه شاحب بعد مرور عمليتها بسلام لروحها بصمت مطبق تناظر الفراغ بدر جالس على طرف السرير قبالها يناظرها بحزن عميق يخفيه رسم على وجهه ابتسامة/لا الحمدلله كنت مرعوب لكن اختي اخت الرجال قدرت إتعداها فتنة ببحة صوت من التعب/هالرجال هم أساس بلاي وعذابي بدر بلع ريقه/جزاهم بياخذونه مايضيع حقك يافتنة/مد يديه واحتضن يدها/مايضيع عهد يافتنة عهد فتنة سحبت يدها من يديه بدر قطب جبينه باستغراب منها ثم عذرها بنفس اللحظة وهو مقدر وضعها فتنة بحزن ظاهر احتواها وارتسم على ملامحها/وعشان انت اخر هالرجال خلك بعيد يابدر تكفى/برجفة صوتها الممتلي خوف/تكفى خلك بعيد بدر رجع مسك يدها بين يديه وسط مقاومتها/يشهد الله لاجيب حقك من بين عيونهم يافتنة يشهد الله فتنة تركت يدها بين يديه وناظرته بوسط التماع عيونها وبحطام/يكفيني خيبات يابدر يكفيني بدر شد على يدها/ماعاش من يخيب هقوتك وانا اخوك ماعاش فتنة بدموعها/هذا هم عايشين يابدر اخذوا اول افراحي يابدر اخذوها/بوسط شهقاتها/قتلوني يابدر قتلوا قلبي يابدر ماابي حقي منهم ابي بس يرجعون لي فرحتي عفوت وسامحت بس يرجعونه لي تكفى يابدر تكفى/انهارت بكلمات مو مفهومة من بكاها/ بدر مد يده وهو يمسح على راسها بأسى وهالشي اقصى مواساته كيف يرد شي اكبر واقوى منه انكسر قلبه عليها وهو يناظر انهيارها/خلاص مو زين البكى/التفت وهو يسمع فتحت الباب احتدت نظرته وهو يوقف/ سلطان دخل بوجهه المتجهم غصب عنه من الخبر الثقيل على قلبه شي صغير دخل لهالقلب ورسم اماني واحلام وحتى صدى ضحكات وبلحظة تحطم انكسر شي بداخله واوجعه حاول يرسم الهدوء على ملامحه وبكل اسف هالملامح المتجهمة هي اقصى احتماله/السلام عليكم بدر بحدة/وعليكم السلام خير فتنة قشعر جسمها من سمعت صوته الف فكرة وفكرة تدور ببالها تجرأت ورفعت نظرها اللي مثبته لاسفل تناظر كفوفها والتقت عيونها بعيونه وفزت برعب وهي تناظر ملامحه المتجهمة همست لنفسها بوسط رجفة احتوتها من كثر رعبها منه بهاللحظة وسط ترديد افكار مسمومة لنفسها من كثر خوفها/اكيد عرف بعواد اكيد رغد كذبت عليه،طلال قال له اني كنت مع عواد،او اخواته اخواته اكيد قالوا له كنت مع عواد/ماتحملت دوامة هالافكار اللي تكبر اكثر واكثر عن الخبر اللي وصله وكيف وصله ونهاية هالخبر الاكيد هي المسؤولة عن كل ماحصل مدت يدها وسحبت يد بدر تقربه منها بمحاولة منها تتخبى وراه بدر زاد حقد وهو يناظر حركتها ناظر سلطان وبتلميح/كان عندك شي تقوله قوله الحين وخلصنا سلطان/انا ابي اجلس مع فتنة لحالنا بدر/نعم!!لا وش يضمني وش بتسوي سلطان تنهد/افا هاذي هقوتك فيني يابدر؟! بدر ناظره بحدة واصرار على رايه سلطان تقدم لها وهو يجلس على طرف السرير قبالها مرر نظره عليها وجهها شاحب منهارة خارجيا وداخليا بوضوح كل مافيها ينطق حزن من هول مصيبتها رجف قلبه بتشتت مابين وجعه على اللي صاير لها ومابين ماتلمح عيونه من اللي حوله فتنة مع كل خطوة يخطيها سلطان يرجف قلبها برعب وش ممكن يسوي فيها هل بيرحمها او يذلها مثل اخوانها واكثر شدت على بدر وهي على حافة الانهيار من كثر شد اعصابها سلطان همس بحنية وهو يناظر رعبها/هذا سلطانك يافتنة وش يسوي سلطان فتنة بظنك؟ فتنة هدت رجفتها وهي تناظره بتردد من ورا يد بدر سلطان/يافتنة سلطان جيت الى حدك صمّيت أذاني وكذبت ماقرت عيوني بعيونهم وأخرست لساني مثل ماعاهدتك/مد يديه تنهد بصوت مسموع وهو اخيرا جلس عندها يبي يفهم منها يبي يعرف الحقيقة منها قبل يسمع من غيرها/خذيني يافتنة تكفين خذيني من وسط بحر ظنونهم وارسي بي بأعمق شواطيك فتنة غرقت عيونها دموع وهي تناظره كيف نست طبعه يقبل عليها كله كيف نست عهده كيف نست شعوره بالظلم اللي كم مرة همس لها فيه ناظرت يديه سلطان مد كفوفه لها/تكفين يافتنة تكفين فتنة تركت يد بدر بوسط دموعها وهي تمد كفوفها الباردة تلامس كفوفه سلطان شد على كفوفها بكفوفه/عاهدتك يافتنة وانا على عهدي بوحي بمكنون صدرك وابشري والله لااحطه بين يديك يرجي عفوك ولايناله ابشري وانا سلطان ابشري . مـدي يـديـنٍ عـاهـدتـهـا يـديـّـا.. يـالـلـي سـمـاك مـلبّـدة بـرق و غـيـوم.. لاتـشـتـكـيـن الـلـوم وأنـا هـنـيـا.. أنـا هـنـيـا لـجـل مـايـلـحـقـك لـوم.. إن كـان مـاجـتـنـي عـلـيـك الـحـمـيّـا.. مـاعـاد لـي فـي بـاقـي الـعـمـر مـلـزوم.. كـان الـذي فـي خـاطـرك مـاتـهيـا.. مـانـي ولـد عـود كـفـخ وابـعـد الـحـوم.. . . ((شقة حاتم)) حاتم غفى عالكنبة بدون شعور من كثر تعبه فز من نومته بفجعة وهو يسمع فتحة الباب جرى للمدخل وهو يتعثر ونط على يساره وهو يحاول يتوازن بوقفته استند عالباب اللي وصله وهو يناظرها قفاها بوسط انفاسها السريعة عجايب قفلت الباب والتفت وهي تناظره تأملته ثوبه المفتوحة ارزاريره بالكامل شعره المبعثر ملامحه المفزوعة والمصدومة من تواجدها حاتم اعتدل بوقفته يناظرها بعدم تصديق من تواجدها قدامه هل لازال نايم وهي حلم هل هي فعلا حقيقة او هو فعلا صاحي وهي تهيأوته عجايب تنهدت وهي تدخل مفتاحها بالشنطة/اذا ناوي تقول شـ حاتم من وصل صوتها لاذنه تأكد هاذي هي فعلا مو حلم عجايب بذات نفسها واقفة قدامه رجعت ورجع معها كل هدوءه واستقراره رجعت ورجعت معها سعادة بيته الصغير اسرع بخطواته لها وهو يحتضنها بكل مافيه من قوة عجايب اتسعت عيونها بصدمة من فعله توقعت يستقبلها وابل طويل من السب والشتم حتى الضرب والشك بمكان وجودها كل شي خطر على بالها في طريق رجعتها للبيت الا ردة فعله الغريبة ذي حاتم زفر براحة وبرجفة خفيفة اهتز فيها صوته للحظة واتزن بعدها/الحمدلله انتي طيبة الحمدلله يارب الحمدلله عجايب قطبت جبينها وهي تدفه عنها حتى يتركها حاتم شد عليها يثبتها عجايب تنرفزت وهي تدفه/ابعد عني حاتم شاد عليها/اصبري علي اتركي قلبي يهدأ ياعجايب اتركيه . ((شقة بدر)) بدر دخل للشقة يجر خطواته قطب جبينه من عدم تواجد ريان دخل لغرفته وهو ينزل شنطة يده اللي فيها اغراضه عالتسريحة وارتمى بتعب فوق السرير وهو يتأوه بصوت غمض عيونه واخذ انفاسه بثقل من تعبه فتح عيونه وهو يستذكر ليلته البارح كم كان ثقيل الخبر عليه وايقن مليون بالمية تصرف سلطان مايقل عن تصرف طلال شعرة اتخذ وضعية الهجوم بدل الدفاع كل شي ولا اخته يكفي ماحصل لها لو فكر يتصرف معها اي تصرف مو مقبول بيتصدى له ويكون له بالمرصاد والطلاق افضل لهم ابتسم من ردة فعل سلطان اللي ماتوقعها حتى اقل نسبة ممكنة برد قلبه قبل يطيب خاطره تبدد استغرابه من فتنة يوم كانت تهتم قدامه بسلطان بزيادة وهو يناقرها بكلمته(كن مااحد تزوج غير ذا الفتنة)عدل تمدده وهو يسند راسه بيده اللي ثبتها تحته وهو يغمض عيونه ويطرد افكاره حتى ينام/هنيالك سلطان يافتنة هنيالك/كشر بوجهه وهو يسمع رنين جواله اختفت تكشيرته وهو يفز من طرت فتنة بباله اتجه للتسريحة وهو يناظر شاشة جواله ميل فمه بتردد وباستثقال فتح الخط/خير وش وراكم بعد؟!! . ((بيت سلطان)) ذهب تناظرها متكتفة بتردد مريم/يابنتي هي كلمة ورد غطاها وانا معك وان شاء الله مو صاير الا كل خير ذهب تنهدت بتفكير اخذت نفس وهي تحسم امرها/طيب بس اجيب عبايتي/دخلت الغرفة وهي تلبس عبايتها/ سجايا باستغراب/وين رايحة؟! ذهب/أتمشى شوي سجايا/ماشاء الله!!وتتركيني مع ذا البزران لحالي ذهب/ماني بمطولة/ناظرته/عاصم تعال معي سيف على جواله وقف وهو يقفله/سيف خالة ذهب سيف سجايا/على اساس فيه فرق سيف ابتسم/ايه اسمي اختارته امي لي هذا احلى فرق ويكفيني سجايا بغبطة/ايييه الله يرزقنا ياسحايب بس الله يرزقنا ذهب لبست نقابها/يالله سيف مشى معها ذهب/وانتي انتبهي لهم دقايق وراجعة/اتجهت لها ووقفت قبالها/ مريم ناظرت سيف لثواني وهي تبي الموضوع بينهم فتحت الباب بدون تعليق على تواجده/تراه قريّب ماهو ببعيد/خرجت/ ذهب خرجت وراها ويدها بيد سيف مريم وقفت على باب مجلس العم يسر الخارجي/وصلوا ضيوفك ياابو حمد العم يسر اللي مجهز القهوة ينتظرها وقف وهو يصد بوجهه عنها/ياهلا ومرحبا يالله ان تحييها يالله حيهم ذهب شدت على يد سيف بتوتر لاول مرة تنفرد برجل غريب وبدون علم اهلها سيف/الله يسلمك ياعم الله يسلمك العم يسر انصدم من تواجده لكن مااهتم/حياك ياولدي حياك تعال تقهوى وقهو خالتك معك ذهب بصوت رجف للحظة/الله يكثر خيرك ياعم لكن ام سعد تقول موضوع ضروري ولازم تسمعه مني العم يسر عذرها وهو يشوفها ترفض ضيافته ويحق لها/يابنتي انا ادري مايحق لي هالسوال لكنه والله انه جرح بقلبي ذهب اوجعتها كلمته رحمةً فيه لكبر سنه وتسرق نظرات له العم يسر/ودي ماترديني وتعلميني وشو له رديتي سعد ذهب تنهدت وهي تكابر وتكسر شعورها اللي ماكان وليد اللحظة ابد/الزواج ياعم قسمة ونصيب والله ماهو كاتب لنا نصيب مع بعض العم يسر/القسمة والنصيب مفروغٍ منها يابنتي سعد والله لو تطلبين عمره حطه بيدك بدون لايتردد مُنى روحه ليلةٍ تضمك معه على طرف البركة وبيده كوب الشاهي يسامرك ذهب وكل مافيها يأكد لها صدق مشاعره ومشاعرها بلعت غصتها بخفية العم يسر/يابنتي كان وصلك عنا شي شين علميني والله لاعلمك الصدق حتى لو على حسابه ذهب/محشوم ياعم وكرمت مااسمع عنكم الا كل خير محشومين ياعم محشوم العم يسر قاطعها/يابنتي سعد ماعاد هو سعد بعد خطبتك ذهب رجف قلبها ورفعت عينها له والتقت عينها بعينه العم يسر بضيقة/سعد الضحوك فارقته الضحكة وأصبحت روحه عليلة ذهب تغالب دموعها من كلامه شافته قبل خطبتهم بلحظة سريعة وشافته بعد خطبتهم والفرق واضح جدا وموجع بالحيل استنكرت ان وضعه يكون بسببها لكن كلام ابوه لها الحين يأكد لها السبب رغم ميل مشاعرها لناحيته بخفة الا انها متخوفة ماقدرت تتجاوز سبب معرفته لها وهالشي حاجز كبير بالنسبة لها رفعت عينها لها من سمعته يناديها باسمها بدل اللفظ اللي يناديها فيه من لحظة قابلها(يابنتي) العم يسر/بنت ياذهب انا جايك بنفسي هالمرة جيتك بدون وسيط بيننا انا جاي اخطبك لولدي سعد على سنة الله ورسوله ذهب قفلت يديها وهي تشد على قبضتيها/ياعم العم يسر قاطعها/وهالمرة هي اخر مرة نجي ونخطبك لو تاليتها موته ذهب انخطف وجهها العم يسر بانهاء لاي نقاش بعد كلامه/وتالية علمك علميه مريم والله ييسر امرنا وامرك هاذي القهوة حياك عليها/مشى وتاركها وراه تتخبط بتردد مابين قلبها وعقلها/ . ،،الـمـسـتـشـفـى،، فتنة متمددة عالسرير نايمة بوجهها المنفوخ من كثر بكاها وسط شهقات تفلت منها بعد الانهيار اللي صدر منها بين يدينه سلطان محتضن كفها بين يمينه وخده بوجه محتقن من كثر غيظه يناظرها يمسح على راسها يهديها ويسمي عليها مع كل فزة تفزها بدون شعور منها رغم تماسكه قدامها الا انه مر بمختلف المشاعر غيظ قهر غضب حقد حزن اوجعه قلبه من كثر تضارب هالمشاعر ناظرها بغصة اجتمعت بقلبه قبل يرتسم طيفها على هيئة دموع تلتمع بعيونه كم عانت وهو في غفلة كم شعور عاشته بلحظة تواجده تلون وجهه بالسواد من كثر قهره من نفسه لام نفسه مارد عليها بعز حاجتها له قام وهو يسرع بخطواته خرج من الغرفة نايف اعتدل بوقفته وهو يناظر باب الغرفة ينفتح قطب جبينه وهو يناظر وجهه سلطان ناظره/وش عندك؟ نايف/عواد خلصوا من اقواله سلطان ابتسم/زين الحمدلله نايف ميل فمه بعدم ارتياح لهالابتسامة سلطان مشى نايف مشى معه سلطان/وعساه طيب الحين؟ نايف بالاشارة/ماعليه غير جرح بطنه العميق به غرز بوجهه وكدمات بجسمه الباقي ماعليه ان شاء الله/سكت بتفكير وشلون يفاتحه بالموضوع/ سلطان وقف قبال باب غرفة عواد نايف مسك سلطان من يده يوقفه سلطان التفت له يناظره باستغراب/خير؟ نايف/الصدق اقوال عواد تفزع ياسلطان سلطان سحب يده بقوة وبحدة/ماابي اسمع له لو هو حرف نايف قطب جبينه بصدمة من رده سلطان دخل ووقف وهو يناظرهم عواد مستند على سعد فزع للحظة واخذ نفس وهو يثبت مكانه سعد ساند عواد بيمينه متجه به لدورة المياه وبيساره يدف حامل المغذي انخطف وجهه من تواجده/سلطان!! نايف دخل وهو يناظر وجه عواد كشر بوجهه وهو ماارتاح لهالعواد من البداية سلطان اسرع بخطواته وهو يسحب حامل المغذي من يد سعد بكل قوته ويرفعه ويضرب عواد به من خلف رجوله بقصد يطيحه عواد ارتمى عالارض على ظهره بقوة من ضربة سلطان سعد اتسعت عيونه بصدمة نايف ميل فمه بابتسامة بدون تدخل سلطان وهو يضرب عواد بحامل المغذي بوجهه وكل جسمه بكل قهر سعد مسك سلطان بكل قوته وهو يبعده عن عواد وناظر نايف بحدة من بروده/نايف!! نايف رفع اكتافه بمعنى مالي شغل سلطان دف سعد وهو يضغط بقاعدة الحامل على رقبة عواد وبرجله يدعس على صدره يثبته بقهر عواد صرخ/هي تلاحقني سلطان اتسعت عيونه ويغير مكان رجله ويدعس بها على فمه يسكته سعد سحب سلطان بكل مافيه بعد محاولاته الفاشلة وهو يحس بجبل قدامه مو قادر عليه سلطان دف سعد وبصراخ/اذلف عني ياسعد نايف مسك سعد يبعده/اتركه سعد بصراخ/اجل يذبحه نايف/اتركه يعرف وش يسوي سلطان ثبت رجله على فم عواد من جديد عواد بقوته الضعيفة من طعنته وألم ضرب طلال له يضرب بيديه على رجل سلطان الثابتة بوجهه بدون اي حركة منه ومحاولاته بالدفاع عن نفسه ضده مثل ضرب امواج البحر بكل مرة يزداد الموج ويبلعه سلطان يتأمل محاولاته اليائسة حتى يخلص نفسه تخيل حجم معاناتها وهي بين يديه كم صرخة كم دمعة انسابت من عيونها كم مرة ترجته يتركها ولا رحمها ولا رحم ضعفها عض على شفته بقهر ورفع رجله بهدوء عواد وهو يلامس بيديه فمه ووجهه وسط اهات اعتلت الغرفة سلطان بقهر/انت حتى ارخص وحدة على وجه الارض مافكرت تناظرك عواد ويديه على فمه وانفه يناظره بحدة/والله لا سلطان وهو يرفع رجله ويسدد لكمة بكل قوته على يدين عواد اللي فوق وجهه عواد من قوة الضربة تراجع لورا وصرخ من قوة ألمه الممرضة دخلت واتسعت عيونها وصرخت لزميلتها من مكان وقوفها عالباب/الامن عواد الغارق وسط دمه وألامه بطيف دموع ملت محاجر عيونه سلطان رفع صوته حتى يسمعه زين وبحدة/جهز عمرك وربي ان تتمنى الموت ولاتلقاه/مشى وهو يحس بحرارة تجتاحه واستقرت بصدره/ نايف مشى وراه سعد يناظر عواد بصدمة سلطان وقف والتفت له/سعد اذا بقيت بهالغرفة ثانية وعهد الله اخر مابيني وبينك/خرج/ سعد مشى وهو يترك عواد وراه سلطان بانفاسه السريعة ووجهه المحتقن من كثر غيظه واهتزاز قبضتيه اللي يشد عليها/سعد كلم ذاك المحامي اللي خلص عقدنا الحين الحين ياسعد سعد/ابشر سلطان وقف وهو يلتفت له يناظره يكبح نفسه/لو ماكملته الحين رجعت وذبحته/صرخ/كلمه الحين ياسعد سعد خرج جواله وهو يتصل/ابشر ابشر نايف حط يده على كتف سلطان وهو يسحبه معه يبعده عن المكان/مايصير خاطرك الا طيب انت تعال معي تعال سلطان دف يد نايف عنه وبحدة/مايطيب خاطري الا بموته يانايف مايطيب/مشى بخطوات سريعة مبتعد/ . ((شقة حاتم)) ابو فواز جالس بملامح محتدة وسط سواد وجهه من فجعته بالخبر وبعروق رقبته البارزة وهو يكتم غضبه لاينفجر ناظر حاتم وبحدة/وش هالعلوم ياابو حازم؟! حاتم وهو يمد له الفنجال/والله ياعم مثل ماقلت لك حصل عجايب جلست قبالهم وهي تقرب من ابوها صحن التمر متجاهلة حاتم حتى بنظراتها ويشكل واضح جدا لابوها ابو فواز وهو يناظرها بغيظ/وين ذالفة يابنت؟ عجايب تكتفت/يبه اموري الخاصة ابو فواز اتسعت عيونه والتفت يناظر حاتم حاتم نزل فنجاله/والله ياعم نفس كلامها لي ابو فواز يناظره بعدم استيعاب من بروده/وبس ذا اللي قدرت عليه؟!!/ناظر عجايب/بنت وينك فيه انطقي عجايب وقفت/احتجت فترة استرخاء ولا ذي بعد ممنوعة منه!!/مشت/ ابو فواز ارتفع بنفسه بيوقف حاتم مسكه وهو يجلسه/ياعم لاتظن سكوتي رضا على سواتها لكن لاعرفت ماصار بذاك اليوم بتعذرها مثلي . ___________________________ . ((يوم جديد)) . ،،الـمـسـتـشـفـى،، جوهرة متمددة عالكنبة جنب سراج فزت من نومتها وهي تلتفت له تنهدت براحة وهي تناظره صاحي اعتدلت بجلستها وهي توقف بابتسامة/اخيرا صحيت سراج صد بوجهه عنها/وش جايبك عندي؟ جوهرة تنهدت/الله يهديك وش هالكلام/سحبت الطاولة اللي عليها الاكل وهي تقربها منه اخذت لقمة بالملعقة وهي تمدها له/يالله بسم الله سراج ضرب يدها يبعدها عنه جوهرة طاح الاكل عالشرشف اللي يغطيه وهالارض تنرفزت للحظة اخذت نفس وهي تعذر وضعه/مو مشكلة حصل خير سراج بحدة/لااا ماحصل خير وش جايبك عندي وش بقى وناوية تدمرينه وش بقى ياجوهرة؟ جوهرة بحدة/سراج اخت وتزور اخوها وش اللي دمار وما دمار!! سراج/واجب ومشكورة مانبي من وراك شي فكيني اتركيني بحالي ياجوهرة اتركيني جوهرة/مانيب تاركتك وانت بوضعك ذا سراج/وتتوقعين من السبب بوضعي ذا هاه/صرخ/مين/مسك راسه بتوجع/اااه جوهرة بحدة/ماهو بانا السبب بوضعك اتهمني بذي بعد!!/التفتت تناظر اللي دخلت من الباب// ***/صحيح ماهو بأنتي السبب جوهرة بحدة/خير مين انتي بعد؟ سراج قطب جبينه يناظرها باستغراب ام فيصل تناظر سراج/انا أم اللي حطك بهالسرير جوهرة بصراخ/وخير ان شاء الله لايكون جاية تكملين فعلة ولدك لا ياحبيبتي لااا انا هينا اقطعك تقطيع ولا ارحمك!! سراج بهدوء وهو متاكد مرت عليه هالادمية لكن عجز يذكر ابد وين ممكن يكون شايفها ام فيصل/بكل مرة ربي يكتب لك السلامة على شين فعولك جوهرة احتدت نظرتها/مايكفي سواد وجهك من فعلة ولدك جاية تكملينها بلسانك اطلعي برا برا ام فيصل بتجاهل لجوهرة/ماذكرتني؟ سراج قطب جبينه ام فيصل/المرقوق والجريش والقرصان بغرفة 404 سراج انخطف وجهه وهو يناظرها ، ، ,,قـبـل 19سـنـة،، سراج(20سنة)بتوتر وهو يناظر باب المستشفى هون عن اللي ناويه ولف زامل(27سنة)مسكه من كتفه/اصبر اصبر على وين سراج بخوف/لا مااقدر انا مااقدر زامل/من اللي قال انك بتتبرع؟ سراج/بس زامل يقاطعه/بتجلس معزز مكرم يومين والثالث نستلم المبلغ سراج تنهد بضيق زامل وهو يناظر تردده اللي مايطمن/لك 70٪ سراج التفت يناظره وهو يرمش بحساب لقيمة نصيبه زامل/تستاهل اكثر من النص بعد هاه وش قلت؟ سراج يراجع نفسه بتردد المبلغ فعلا مغري لكن المشكلة اذا تبرع فعلا وهو مايبي هالشي زامل وهو يتركه/شد ظهرك هاذي هي جت ام فيصل بخطوات واسعة وسريعة خفيفة جدا وكأنها بتطير من عمق فرحتها واخيرا اخيرا فرجت عليها حصلت متبرع بعد مدة انتظار طويلة تدهورت معها صحة ولدها فيصل(24سنة) بكل لحظة تمر بدون متبرع الانتظار طويل جدا ومهلك لولدها بمجرد اقتراح ابنها الاخر عبدالحميد(14سنة)عرض مبلغ للتبرع باعت كل ماتملك حتى مطعمها مصدر رزقها الوحيد تنازلت عنه لسلامة فيصل استقبلته بابتسامة من تحت نقابها/ياهلا مرحبا ياهلا بولدي سراج حياك الله عبدالحميد واقف جنب امه بابتسامة سراج شد على حبال شنطة اغراضه اللي بيديه يخفي توتره/الله يسلمك ويبقيك الله يسلمك زامل/هلا ياخالة الله يحييك ويسلمك ام فيصل/هلا بك ياولدي زامل ياهلا سراج بلل شفايفه من كثر توتره وهو يتحاشى يناظرها ام فيصل وهي تتامل ملامحه وبخوف/عسى ماانت مريض ياسراج زامل ضحك وهو يرجع يده من ورا كتف سراج ويسحبه له/لا ياخالة بسم الله على اخوي لا مابه مرض بس هو اول مرة بيدخل العمليات الوسع جديد عليه ومتوتر شوي ام فيصل بخوف من انه يكنسل الموضوع/لك عطية فوق الاتفاق عشرة سراج رفع عينه يناظرها مرت به لحظة حزن سريعة وهو يناظر محاولاتها حتى يتبرع اخذ نفس/اول ماادخل العمليات ياخذها اخوي ام فيصل/ابشر ابشر تم حياك معي لغرفتك ياولدي حياك سراج مشى وراها ام فيصل وقفت قبال باب الغرفة/بالاول لازم تقابل شخص ينتظرك من مدة/فتحت الباب ودخلت/السلام عليكم سراج دخل وانصدم من منظره فيصل بوجهه الاسمر ونقاط سودا تشبه النمش لكن اغمق ملت وجهه وكل جسمه واضح جدا انه من اصحاب الاجسام النحيفة لكن بطنه منفوخ جدا وبشفايف بيضا متشققة بيديه متصل عدد من المغذيات وعلى صدره اسلاك اجهزة التخطيط ابتسم وحاول يعدل جلسته ولا قدر ام فيصل وهي تسرع حتى تساعده/ارتاح ارتاح انا بساعدك فيصل ببحة صوته من كثر التعب/هلا بسراج ياهلا سراج تصنم مكانه يناظره لاتقدم له زامل دفه بخفة لقدام سراج جر خطواته بثقل وصافحه وهو يحس بكل خلية بجسمه تنتفض من هول اللي بيسويه بهالانسان البائس همس/قدامك العافية ام فيصل/الله يعافيك ويعافيه يالله يالله عشان ترتاح يالله/اتجهت فيهم ام فيصل للغرفة ووقفت وهي تفتح الباب/ياهلا حياكم الله ياهلا سراج دخل بوجهه المتجهم وهو ينزل شنطته عالسرير ويمرر نظره بالغرفة زامل/الله يكثر خيرك ياخالة الله يكثر خيرك ام فيصل/اترككم ترتاحون وابشروا شوي بالعشا زامل بابتسامة/الله يكسر خيرك الله يكثره ويسلمك ام فيصل خرجت سراج سحب شنطته وهو يتجه للباب زامل مسكه بقوة/سراج سراج سراج وهو يفك نفسه من يديه وبرعب/الرجال بيموت بيموت زامل رفعه ورماه عالسرير سراج ارتمى عالسرير وطاح زامل/ادفع اللي عليك الحين سراج تغير وجهه وهو يجلس زامل زفر وهو يثني يديه حول وسطه وسط انفاسه السريعة/لاتحدني على ذا الطريق وانت تدري بغلاتك عندي وانا ابي لك الخير معي لهالسبب جيتك وتركت اللي كان مكانك سراج عض شفته بقهر زامل/اذا طلعت من هالباب بأتلك للمركز وتدفع حقي غصبا عليك سراج شد على يديه بقلة حيلة وقهر زامل تنهد/اقصر الشر ياسراج وبالحالتين كلنا كسبانين/خرج وتركه/ //مرت يومين وسراج فعلا معزز مكرم ام فيصل تخدمه بعيونها وحان الموعد المنتظر// ،،يوم العملية،، ،،غرفة سراج،، ام فيصل برجفة صوتها/والله ياولدي مااخفيك توقعت انك نصاب سامحني وانا امك سامحني سراج شد على لحافه وهو منزل عيونه من تأنيب ضميره الممرضة دخلت وهي تشيك على علاماته الحيوية ام فيصل/اترك ترتاح يالله عن اذنك/خرجت/ سراج ناظر الممرضة/شيلي مغذي الممرضة قطبت جبينها/مافيه عملية بعد شوي سراج من بين اسنانه/شيلي مغذي الحين مافيه عملية مافيه . زامل يناظر ساعته بتوتر كل لحظة تمر عليه وكانها دهر اتسعت عيونه وسط ابتسامة ارتسمت على وجهه وهو يشغل السيارة سراج يجري للسيارة وركب وسط انفاسه السريعة/حرك حرك زامل دعس عالبنزين بكل قوته مصدر صوت بالمواقف وهو يبتعد بالسيارة وبضحكة وحماس/شفت قلت لك قلت لك مو بصاير لك شي سراج ناظره/الفلوس؟ زامل وهو يرفع الظرف بابتسامة/وصلت وصلت سراج باصرار/حقي 70٪ زامل ضحك/على خشمي على خشمي ابشر به ابشر ، ، جوهرة التفتت تناظر سراج/وش ذي الغرفة؟ سراج مارد اكتفى يناظرها بصمت ام فيصل بقهر وبرجفة صوتها/وشلون قدرت تنام ذيك الليلة وانت حكمت علينا بالهلاك سراج/فلوسك بترجع لك ام فيصل بصراخ/وفيصل مين يرجعه لي مين سراج تنهد/ولدك بتنازل عنه جوهرة التفتت تناظره بحدة/سراج ام فيصل/لا لاتتنازل عنه ماقدر ياخذ حق اخوه بالمرتين سراج جر خطواته بثقل وصافحه وهو يحس بكل خلية بجسمه تنتفض من هول اللي بيسويه بهالانسان البائس همس/قدامك العافية ام فيصل/الله يعافيك ويعافيه يالله يالله عشان ترتاح يالله/اتجهت فيهم ام فيصل للغرفة ووقفت وهي تفتح الباب/ياهلا حياكم الله ياهلا سراج دخل بوجهه المتجهم وهو ينزل شنطته عالسرير ويمرر نظره بالغرفة زامل/الله يكثر خيرك ياخالة الله يكثر خيرك ام فيصل/اترككم ترتاحون وابشروا شوي بالعشا زامل بابتسامة/الله يكسر خيرك الله يكثره ويسلمك ام فيصل خرجت سراج سحب شنطته وهو يتجه للباب زامل مسكه بقوة/سراج سراج سراج وهو يفك نفسه من يديه وبرعب/الرجال بيموت بيموت زامل رفعه ورماه عالسرير سراج ارتمى عالسرير وطاح زامل/ادفع اللي عليك الحين سراج تغير وجهه وهو يجلس زامل زفر وهو يثني يديه حول وسطه وسط انفاسه السريعة/لاتحدني على ذا الطريق وانت تدري بغلاتك عندي وانا ابي لك الخير معي لهالسبب جيتك وتركت اللي كان مكانك سراج عض شفته بقهر زامل/اذا طلعت من هالباب بأتلك للمركز وتدفع حقي غصبا عليك سراج شد على يديه بقلة حيلة وقهر زامل تنهد/اقصر الشر ياسراج وبالحالتين كلنا كسبانين/خرج وتركه/ //مرت يومين وسراج فعلا معزز مكرم ام فيصل تخدمه بعيونها وحان الموعد المنتظر// ،،يوم العملية،، ،،غرفة سراج،، ام فيصل برجفة صوتها/والله ياولدي مااخفيك توقعت انك نصاب سامحني وانا امك سامحني سراج شد على لحافه وهو منزل عيونه من تأنيب ضميره الممرضة دخلت وهي تشيك على علاماته الحيوية ام فيصل/اترك ترتاح يالله عن اذنك/خرجت/ سراج ناظر الممرضة/شيلي مغذي الممرضة قطبت جبينها/مافيه عملية بعد شوي سراج من بين اسنانه/شيلي مغذي الحين مافيه عملية مافيه . زامل يناظر ساعته بتوتر كل لحظة تمر عليه وكانها دهر اتسعت عيونه وسط ابتسامة ارتسمت على وجهه وهو يشغل السيارة سراج يجري للسيارة وركب وسط انفاسه السريعة/حرك حرك زامل دعس عالبنزين بكل قوته مصدر صوت بالمواقف وهو يبتعد بالسيارة وبضحكة وحماس/شفت قلت لك قلت لك مو بصاير لك شي سراج ناظره/الفلوس؟ زامل وهو يرفع الظرف بابتسامة/وصلت وصلت سراج باصرار/حقي 70٪ زامل ضحك/على خشمي على خشمي ابشر به ابشر ، ، جوهرة التفتت تناظر سراج/وش ذي الغرفة؟ سراج مارد اكتفى يناظرها بصمت ام فيصل بقهر وبرجفة صوتها/وشلون قدرت تنام ذيك الليلة وانت حكمت علينا بالهلاك سراج/فلوسك بترجع لك ام فيصل بصراخ/وفيصل مين يرجعه لي مين سراج تنهد/ولدك بتنازل عنه جوهرة التفتت تناظره بحدة/سراج جوهرة قطبت جبينها ثم اتسعت عيونها وهي تربط الامور ام فيصل/اتركه يتعلم درسه حتى المرة الجاية ياخذ حقنا زين جوهرة بحدة/اقولك عاد انتي الحين اعترفتي بلسانك انتي اللي مخططة على خطف بنتنا وطعنتوا امها وجاية بكل وسع وجه تقولين بعدك ناوية على اخوي والله ماتطلعين منها وانا بنت ابوي والله سراج بحدة/جوهرة اسكتي مالك شغل ام فيصل/ سراج/وش يرضيك وابشري به ام فيصل/يرضيني موتك وماهو براحة بعذاب بعد سراج ميل فمه بابتسامة سخرية/وهذا اللي يصير معي الحين بالضبط جوهرة التفتت تناظره باستغراب ام فيصل قطبت جبينها سراج بحزن واضح ارتسم على وجهه/يوم لقيت الشي اللي ارتكز عليه بعمري وراحتي قرر يتخلى عني ويتركني اعيش بعذاب ام فيصل/عساك من هالحال واردى يالله ياكريم جوهرة خرجت من الغرفة بخطوات سريعة ام فيصل/لاتظن اني بأرحمك وانت تشكي لي لا والله اني لاسعى بدمارك انت كسرت مجاديفي واحد وتسببت بموته والثاني بيقضي عمره بالسجن لكن انا ان ماوصلتك يديني بتوصلك دعاويي ياالخسيس جوهرة دخلت للغرفة ومعها اثنين من الامن/هاذي هي امسكوها الى ماتوصل الشرطة ام فيصل دخلت يدها بشنطتها وهي تخرج السكينة وجرت لسراج سراج ابتسم وهو يناظرها جوهرة صرخت وهي تجري له/سراج الامن جروا لام فيصل ام فيصل غرقت عيونها دموع وهي تناظر ابتسامته/مووووت سراج تقدم بجسمه للسكين المتجهة له ام فيصل اتسعت عيونها وهي تناظر ردة فعله ووقفت رجل الامن1مسكها لحظة ماوقفت سراج تحامل على نفسه وهو يوقف على ركبته عالسرير ومسك يدها وسحبها وبهيجان/تكفين اذبحيني تكفين رجل الامن2ضغط على زر الاستدعاء ومسك سراج وهو يثبته عالسرير جوهرة تناظره بصدمة سراج بصراخه/اذبحيني اذبحيني ومن الحين متنازل عن دمي اذبحيني تكفين اذبحيني ام فيصل تناظره باستغراب من ردة فعله جوهرة اسرعت بخطواتها لام فيصل وهي تضربها كف على وجهها بكل قوتها وسط لمعة عيونها وهي تدفها/برااااا اطلعي برا . ثابت مشى بالسيارة بوجه كله غيظ/لايكون نسيتوا شي ترا مانيب راجع ابد الجدة سدول/لا مانسينا شي ان شاء الله انت بس امش اخلص علينا ثابت ناظرها بالمراية/تراني تعبان مقضيها خطوط ماابي اسمع ازعاج وصل؟ سجايا/اقول احمد ربك مامعك الا احنا الصغار كلهم مع منايا اسكت بس ام فواز/انت اسكت عنها وهي بتسكت خلاص فكونا ذهب شاردة بافكارها الخاصة اعتدلت بجلستها وهي تلمحه سمو بضحكة وهي تجري مبتعدة عنه/اتحداك يالله اتحداك سعد وقف وثنى يديه حول وسطه بوسط انفاسه السريعة/تعالي اذا فيك خير تعالي سمو تتبختر بمشيتها وهي تقرب منه/يالله وش بتسوي هاه قربت وش بتسوي يعني وش سعد تقدم منها بضحكة يحاول يمسكها سمو هربت وهي تصرخ بضحكة سعد تغير وجهه وهو ينحني ثم يجلس حط يده على صدره/ااه ياسمو اه ذهب فز قلبها وهي تلتف كلها تناظر لورا مع ابتعاد السيارة وخروجها من بوابة المزرعة سجايا التفت باهتمام من انتبهت لذهب/وش فيه وش فيه وش شفتي وش ذهب اعتدلت بجلستها وهي تشد على قبضة يدها بقلق تخفيه/ماشفت شي اتركي اللقافة بس/ابتعدت السيارة من المزرعة/ سمو وقفت عنده بخوف/سعد انادي جدو يسر؟ سعد رفع راسه وهو يمد يديه يمسكها بذات اللحظة وبوسط ابتسامته/هه هاه سمو صرخت وهي تتحرك بين يديه/لاااااا باباااا سعد بضحكته/مسكتك مافي هجّة يابنت نايف مسكتك . ،،المـركـز،، ابو عمر يناظره ساكت بملامح كلها غيظ طلال بوجهه المتجهم/بشر يبه عساه قضى؟ ابو عمر زفر/ودي ألومك وبالحيل لكن فعلك مايلام طلال ميل فمه بابتسامة/اكيد مايلام يبه اكيد/ناظر ابوه بنظرة يخالطها شي من التردد/وهي وش صار عليه لحقته؟ ابو عمر/اثنينهم ماحصل بهم شي طلال اتسعت عيونه بصدمة وبعدم استيعاب/كيف يعني؟ ابو عمر بضيق/يومك نويتها وراك ماانهيتها هاه؟ طلال وقف وبحدة/يبه لاتهبل بي قولي وش صار عليهم ابو عمر/هو وعلى كل سواياك طلع منها حي وهي على فعل اخوك طاح ضناها وسلمت طلال يناظره بصدمته/لا يبه تمزح معي اكيد تمزح ابو عمر/لا انت اللي تممت فعولك ولا انت اللي سلمت منها طلال سحب الكرسي اللي وراه وهو يحذفه بالجدار بكل قوته وسط صرخة هزت المكان/لـيـش!!! ابو عمر مسح وجهه بكفوفه بعد ماناظر ردة فعله طلال اتجه للجدار وهو يلكمه ورا بعض من قهره كل تخطيطه ارتد عليه بدون اي فايدة تذكر ابو عمر اخذ نفس وبحدة وهو يناظره/طلال طلال مستمر بضرب الجدار بغبنة وسط يده النازفة بلامبالاة ابو عمر وقف وهو يرفع صوته/موج رفعت قضية خلع عليك طلال وقف ضرب والتفت يناظر ابوه بتقطيبة جبينه مابين هل اللي سمعه حقيقة او من كثر غبنته اختلت مسامعه ابو عمر ناظر استغرابه وبتاكيد لمسامع طلال/موج بتخلعك ياطلال بتخلعك . ،،الـمـسـتـشـفـى،، سلطان واقف على باب دورة المياه متكي بظهره عالجدار ومتكتف وللمرة الالف يعيد سؤاله/قفلتي الباب فتنة داخل دورة المياه بتافف من ازعاجه بذا السوال ووضح على صوتها/ماقفلته والله ماقفلته سلطان/يعني ادخل عادي؟ فتنة تبدل ملابسها بشويش اتسعت عيونها بصدمة للحظة سلطان تكلم بسرعة/امزح امزح فتنة بعد دقايق فتحت الباب وهي تجر خطواتها بخفة من ألمها سلطان اسرع بخطواته وهو ينزل يده من تحت كتفها يسندها فتنة ارتخت بجسمها براحة وهي معتمدة عليه بثقة سلطان/انا لو علي شلتك مااخليك تتحركين وانتي بذا الحالة لكن الشكوى لله دكتورتك تقول لازم تتحركين فتنة تنهدت وهي تناظر السرير وتحس ببعده رغم قربه بوضوح سلطان وقف وهو يشد عليها يوقفها معه ويناظرها فتنة قطبت جبينه وهي ترفع راسها له سلطان باستغراب/الا يابنت انتي متأكدة انك تعبانة؟ فتنة ميلت فمها بتوقع للي يقوله سلطان/والله ان عيني ماشفت ازين منك بهاللحظة فتنة زفرت بابتسامة سلطان بوسع عيونه/والله اني اقوله صادق كل لحظة امر عليك وانتي بهالتعب تزيدين حلاوة وين السر يابنت لايكون اكل المستشفى فتنة وسط تنهيدة راحة/سلطان سلطان/ولا التغلي له دور؟او انك تـ فتنة قاطعته/سلطاني سلطان/ياعيونه وكل مافيه فتنة/تعبت ابي اجلس سلطان انحنى وهو ينزل يساره تحت ركبها ورفعها فتنة توجعت للحظات وهي تغمض عيونها وتلفظ انفاسها بخفة حتى مايزيد وجعها فتحت عيونها بشويش وهي تناظره واقف ماتحرك سلطان بوجه ارتسم عليه الضيق بوضوح/هاه ياروحي خف الوجع؟ فتنة همست/الحمدلله سلطان طبع بوسة بأعلى جبينها ثم ناظرها/يشهد الله علي ان امنيتي بهاللحظة اخذ الوجع كلها عنك ولاتشوف عيني هالاوجاع ظاهرة على محياك ياروح سلطان فتنة امتلت عيونها دموع وهي تكبحها سلطان/عسى الله يكتبها اجر ياعيني اجر وعافية يافتنة سلطان اجر وعافية/طبع بوسة على جبينها/الظاهر هالدكتورة تكذب علي تقول وزنك قليل فتنة ناظرته بغيظ وهي تضرب اعلى صدره بخفة سلطان زفر بابتسامة/عسى هالوجه ربي يديمه لي ولايحرمني منه قولي امين بدر دخل/السلام عليكم/تغير وجهه وهو يناظرهم/ فتنة دفنت وجهها بسلطان باحراج سلطان صد واعطى بدر قفاه وهو يناظر خجلها بدر بارتباك اعطاهم ظهره/انا جيت اتطمن وماشي سلطان وهو ينزلها عالسرير بخفة وحذر/وعليكم السلام والرحمة وثم حياك الله والمكان مكانك ياابو عبدالله بدر كشر بوجهه للحظة من الندا ثم التفت لهم بتردد سلطان يعدل الشرشف لفتنة بدر ابتسم وهو يناظرهم سلطان سحب الموية وهو يمده لها حتى تشرب ثم رفع عينه وانتبه له وهو يناظره بنص عين/اذكر الله علينا بدر ضحك بخفة/الف من ذكره تبارك الرحمن احسد نفسي ولا احسد وحيدتي سلطان يغيظه/زين الواحد احيانا يرميها بدون قصد بدر تنهد وهو فاهمه/حقك علي اسف ياابو جابر والله انك رجال وسبعة انعام سلطان بزعل/وليش يعني من اول وش تشوفني؟ بدر بورطة/والله انك كفو وابيض وجه ابيض من السحاب وبياض الشحم سلطان/ليش وش قصدك رخمة يعني؟ بدر زفر بصوت وهو يناظره/ابشر بحقك امرني وابشر ياابو جابر سلطان بعتاب/هاذي تاليتها يابدر؟ فتنة مدت يسارها وهي تشد على كفه ماتبي تكبر الثغرة بين اخوها وزوجها وبرجى توقفه/سلطان سلطان تنهد وهو يناظرها ثم ناظره/ولو اني زعلت من هقوتك بي لكن ماالومك تخاف عليها وانا عشت نفس خوفك بأعذرك هالمرة لعيونها لكن المرة الجاية بدر قاطعه/الله لايجعل بها مرات جاية يااخوي سلطان ماقدر يكبح ابتسامته بعد اخر كلمة صدرت منه وارتسمت بوضوح/امين الله يسمع منك ولايجعل بها مرات جاية بدر ناظر فتنة/فتنة فتنة قطبت جبينها باستغراب بدر/امي وعمر بالتوقيف فتنة رمشت تستوعب تفهمت كون عمر بالسجن اكيد تسبب لنفسه بمشكلة لكن امها صدمة بالنسبة لها ناظرته وسط تفكيرها بدر وهو فاهم عليها/أمي تهجمت على رغد فتنة اتسعت عيونه بصدمة من اللي تسمعه بدر/ورغد ماقصرت كالعادة اشتكت وكبرتها . اللهم صل وسلم على نبينا محمد . #سلطان_الهوى_يافتنة_الألفية | ||||
|
| |
|
12-12-22, 11:57 PM
| #114 | |||||
| اقتباس:
| |||||
|
| |
|
13-12-22, 12:02 AM
| #115 | ||||
| 40 لااله الا الله وحده لاشريك له له الملك وله الحمد وهو على كل شي قدير - . ((شقة حاتم)) //الكل جالسين بالملقط على سفرة الاكل عالارض تاركين طاولة الطعام احترام لعادة ابوها وطبعه// عجايب تقطع الفواكه لاولادها وابوها مكررة نفس تصرفها متجاهلة وجوده نهائيا حاتم زفر وهو كل تفكيره لاتطلب تروح مع ابوها وذا اخر العهد بينهم/ياام حازم نسيتيني؟ ابو فواز رفع عينه لها عجايب بدون تناظره/لا مانسيتك معك يدين اخدم نفسك حاتم تنهد رزان وهي تمد قطعة موز لابوها وتحطها بصحنه حاتم ابتسم وهو يميل بنفسه ويبوس جبينها/ياروح ابوك عسى الله يبلغني فيك عجايب وهي تحط من السلطة لاولادها/باذن الله بيبلغك فيهم تربيتي طبعا ابو فواز اخذ نفس يكتم غيظه وهو يسمعها حاتم/واحلى من يربي اي والله عجايب زفرت بضحكة وهي تكتم ردها اللي خاطرها تبوح فيه حاتم كشر بوجهه وهو عرف ردها/حطي لي ياعجايب عجايب رفعت نظرها له/معك يدين صح ولا انا غلطانة؟ ابو فواز وقف اكله ماعاد تحمل وبحدة فزوا معها الصغار/عجايب!! عجايب ناظرت ابوها/نعم يبه حاتم تنهد وهو يسكت ابو فواز بحدة/بالاول وماقلتي وين رحتي وسكتنا والحين مااستحيتي على وجهك تنزلين قدر زوجك قدام ابوك وعيالك ماتستحين!! عجايب زفرت/يبه امور خاصة بيني وبين زوجي ابو فواز اتسعت عيونه/وشو؟!! حاتم وهو يحسها تمادت وقف/ياعم هي ماتقـ ابو فواز وقف وقاطعه وبصراخ/والله لو انك تشيليني وتحطيني يابنت جابر كلمتي تمشي عليك وانتي ماتشوفين الدرب اجل امور خاصة عشت وشفت ياجابر عشت وشفت!! عجايب حست بغلطها وقفت/يبه انا ابو فواز قاطعها/لاتونونين لي وجاوبيني وين ذلفتي ذاك اليوم عجايب ميلت فمها بعناد/مو لازم تعرف يبه/ناظرته/وهو راضي وين المشكلة!! ابو فواز وهو يسحب عقاله من على راسه/انا ولد ابوي الله والعوبا كبر راسها علي يوم تزوجت عجايب اتسعت عيونها وبلعثمة/يـ.ـبه لحظة ابو فواز ضربها بالعقال ضربة صرخت منها حاتم وقف بينهم وهو يضمها له وقفاه لعمه يحميها/ياعم اهدا تكفى ياعم ابو فواز وهو يجلده معها وبعصبيته/الله والرخامة اللي معك على ابو تراضيها نعنبوكم يالاثنين حاتم مسكها من يدها وهو يجري لداخل البيت ويسحبها معه عجايب جرت معه وهي بين فترة الثانية يلحقها طرف عقال ابوها يلسعها حاتم دخل لغرفة نومهم وهو يقفل الباب وراهم وسط انفاسه السريعة ابو فواز يضرب عالباب وبعصبية/نعنبوكم من رجال ومرته كل واحد له راي حاتم التفت عليها يناظرها مسكها من يديها وسحبها له يتفحصها لفها وهو يلم شعرها بيديه ويرفعه يناظر رقبتها واعلى كتوفها بخوف عليها/تعورتي؟ عجايب سحبت نفسها منه بهدوء وهي تبعد عنه حاتم تنهد وهو يترك شعرها ابو فواز/ان ماسنعتكم يالاثنين ماني بجابر افتح افتح انت وياها والله لااخليكم طول عمركم متصافين تاركين عنكم هالمناقر/صرخ/افتح افتح كان فيك خير افتح حاتم من ورا الباب رفع صوته وهو يثني يديه حول وسطه/ياعم انا وهي نتصافى وشو لك برفعة الضغط ابو فواز اتسعت عيونه بقهر من كلامه/عساكم من هالحال واردى انا الغلطان اللي جيت لعندكم/مشى/ حاتم تنهد والتفت لها عجايب بوجهها المحتقن بالاحمر وهي تغالب دموعها/لا من أب ولا من زوج عسى الله يلطف بحالي/انسابت دمعتها غصب عنها/ حاتم تقدم لها بخطواته عجايب تراجعت لورا مبتعدة حاتم وقف عجايب بقهر/كنت عند عليا وطلبتها محد يدري ابي اجلس لحالي ماابي اسمع ولا اشوف احد وماقصرت معي يعني ارتحت عرفت وين كنت وش طرا على بالك اكون فيه في بار ولا فيه بيت دعارة يعني وبعدين انا تربيته ولا نسى!! حاتم/كرمتي وحشمتي عن هالاماكن يانور عيني عجايب زفرت بضحكة/نور عينك!!هذاك اول الحين به من تشاركني عيونك حاتم/هالعيون صاحبتها وحدة ياعجايب عجايب زفرت بضحكة وهي تناظره حاتم تقدم لها وسحبها من يدها يضمها لحضنه/والله اني ندمان من كل قلبي على كل لحظة زعل دامت بيننا عجايب دفته عنها حاتم ماتركها وضمها له اكثر/وربك هالحضن ماانخلق الا لك عجايب بكت/ايه اضحك علي بهالكلام حاتم/واللي خلق هالقلب ماعرف طريق لغيرك حتى لو شاف مليون غيرك عجايب وهي تضربه على ظهره بدموعها/ابعد عني ولا تلعب علي وش يبي هالقلب بالوقحة وش يبي لاتلعب علي ياحاتم لاتلعب ابد حاتم تركها وهو يلامس كتفها بكفوفه وعيونه التقت بعيونها/طلقتها طلقتها يابنت والله طلقتها عجايب قطبت جبينها وهي تناظره بدموعها حاتم/قلبي مايبي غير الوقحة وبعدين وش ملح الحياة بدون هالوقاحة عجايب/لاتظن بأرضى عليك بعد هالكلام حاتم/لاترضين وانا مستعد انتظر هالرضا ماابي نرجع الا بعد مايطيب خاطرك ونرجع عجايب حاتم وحاتم عجايب عجايب/بأعذبك حاتم/راضي عجايب/بأكسر كلامك ولايهمني حاتم تركها وهو يثني يديه حول وسطه ويتنهد/الشكوى لله راضي عجايب/تطلبني واردك حاتم هز راسه بموافقة/دام يبرد قلبك وترجعين لي راضي عجايب ناظرته بشك حاتم/تدرين كسرتي يدها؟ عجايب تكتفت/أحسن ليتني كسرتك معها عندك اعتراض حاتم هز راسه بلا/استغفر الله الا فكيتيني منها بلحظة وانا افكر كيف انفك منها من شهور عجايب ميلت فمها/حسبالي بعد للحين بالك معها حاتم ابتسم/عمره ماانشغل البال الا فيك والدليل اخر ضمة راحة عجايب شتت نظرها بالمكان بتجاهل لقصده اللي فاهمته زين حاتم/يسلم لي الخجلان عجايب ناظرته بتقطيبة جبينها باستغراب/مين؟ أنا!! ابو ماهر ضرب عالباب وبحدة/حاتم حاتم فز وهو يلتفت للباب بفجعة ابو ماهر/وش انت مسوي ياقليل الخاتمة وشو؟ . ،،الـمـسـتـشـفـى،، ام فواز واقفة وهي تخرج الاكل من السلة سلطان وقف جنبها/ارتاحي يمه انا اسويه عنك ام فواز وهي تدفع بخفة/رح رح ارتاح بس انا اعرف شغلي رح سلطان تنهد وهو يحتضنها/يمه مشتاق لجريشك تدرين كم لي عنه ام فواز دفته عنها وبنص عين/مين التعبان انت ولا هي سلطان رجع احتضنها/اكل عني وعنها اصلا هي ممنوعة فتنة ملتزمة الصمت مانطقت حرف من لحظة وصولهم بتوتر وخوف تعيشه من لحظة عرفت بقدومهم بترقب وخوف من ردة فعلهم عاللي حصل معها تبدد توترها من سمعته وسط اتساع عيونها/من قال؟!! سلطان/أنا الجدة سدول/الله اكبر عليك ياسليطين ناوي على اكل الضعيفة الله اكبر عليك ياقو نفسك ماتخاف سلطان/بسم الله علي/مرر نظره بين امه وجدته/مين ولدكم الحين هاه؟ الجدة سدول/اعقب بس لاتصير بزر علينا اعقب فتنة ابتسمت وهي تناظرهم سلطان تنهد براحة ورضا وهو يناظر ابتسامتها سجايا دخلت وهي ترفع نقابها/اوف مابغينا ندخل ام فواز/السلام لله ذهب دخلت ويدها بيد سدول/السلام عليكم الجدة سدول/ماتقولين من نفس البطن سبحان من خلق وفرق سجايا بعد ماسلمت على فتنة/استلمتوني يالله ماعليه لخاطر فتنة نصبر/سلمت على سلطان/ سحايب وهي تحط الكيس بحضن جدتها/بالقوة تركتني ادخل بعد ماقلت عجوز نفسها فيه الجدة سدول/عجوز بعينك محد نفسه فيه غيركم سحايب بنص عين/صح ياجدة سلطان قرب عند جدته/وشو جدة وشو؟ الجدة سدول دفته وهي تفتح الكيس/مالك شغل شغلة حريم سلطان/عادي جدة اعتبريني وحدة منكم ام فواز مدت له الصحن/عيب استح رح بس سلطان اخذ الصحن وهو يتجه لفتنة جلس جنبها يأكلها سجايا تناظرهم وهي تستند على كتف ذهب تنهدت وهمست لها/عقبالك ذهب دفتها/اذكري الله وادعي لنفسك انا ماهمني ذا الامور سجايا ميلت فمها/ماشاء الله الف وايه مرة واضح مايهم/هربت مبتعدة عنها جنب سحايب/ ذهب زفرت بصوت ام فواز باستغراب/وش فيك؟ ذهب/مافيه شي يمه ام فواز/تعالي ساعديني سحايب وهي تمد زبدية للجدة سدول/سمي ياجدة الجدة سدول/سلمتي/فرغت مابداخل الكيس بالزبدية/ سلطان اتسعت عيونه/انا انا ابي معكم الجدة سدول/عزالله ماانت بصاحي سلطان/عادي ياجدة الرسول تحنى!! سجايا بضحكة/يامحلاك بالمستشفى تدور وبيديك الحنا اكيد بيضيعون بينكم من المريض/انفجرت تضحك/ الجدة سدول/اعقبي طول لسان قطع سلطان بغيظ/قولي ماتقولين متحني معكم متحني الجدة سدول وقفت وهي تنزل الزبدية عالسرير جنب فتنة وهي تحرك الحنا اللي بداخله/وفتنة من يقوم بها يالدايخ كان تحنيت سلطان كشر بوجهه/من زمان وانتم كل مرة تطلعون لي عذر سحايب/نفسك ماطابت انا بس ودي اعرف وش تبي بالحنا سلطان/نفسي يااخي نفسي حتى ذي بتطردوني عنها فتنة مدت يدها اللي بها المغذي له سلطان ناظرها ومرر نظره عليهم وسط استغرابه اللي مايقل عنهم وحط يده بيدها فتنة وهي تاخذ شوي من الحنا وتغطي به خنصره الايمن/هاذي عن خاطرك سلطان ناظر الحنا حول اصبعه بتكشيرة/بس ذا!! الجدة سدول بعصبية/احمد ربك احد طاوعك وكان ماهو بعاجبك رح رح اغسله يالله رح سلطان وهو يبعد عن جدته اللي مقابلته/خلاص خلاص رضيت/ناظر اصبعه بابتسامة/وشلون ماارضى بس الجدة سدول وهي تاخذ بيدها من الحنا/الحنا ماجبته الا لخاطرها/مدت يدها/عطيني يمينك فتنة حطت يدها بيد الجدة سدول الجدة سدول حنتها قبضة ناظرت يسارها اللي بها المغذي/عاد هذيك ما باليد حيلة سجايا/دوري الحين/جلست جنب الجدة سدول/ الجدة سدول/قومي قومي مافيه الا وانتي واقفة فتنة ابتسمت سجايا وقفت بتكشيرة/طيب طيب سلطان رن جواله اللي عالطاولة قدامه كشر بوجهه وهو يناظر الاسم وقف وهو يناظر جدته تحني اخواته/انا طالع شوي وراجع/مشى وهو يرد/نعم../باستغراب/تحت!!..طيب جايك/خرج من الغرفة/ سحايب/بالاول انتي سدول وبعدك انا سدول/على راحتك ذهب وهي تناظرهم/انا بالبيت دام كلكم تحنيتوا مين بيساعد امي بالاغراض سجايا/اقول تحني ثابت يجي ويشيل الله لايهينه سدول ابتعدت عن الجدة سدول سحايب تحنيها الجدة/الله بارد يجنن سجايا لاصقت كفوفها بكف فتنة/يالله يالله تعالوا كلكم ذهب القطي لنا صورة الجدة سدول وهي تمد كف يمينها المتلون بلون الحنا الاحمر الجميل/هاه ويدي معكم فتنة ابتسمت وهي تناظر يديهم حول يديها رغم اللي مرت فيه وسوء الفهم اللي لابد يترك اثر بداخلهم حتى بعد وضوحه الا انهم لازالوا يعاملونها مثل الاخت غرقت عيونها دموع ام فواز اسرعت بخطواتها وهي تمد يدها الملونة بالاحمر/ارسلوها على عجايب خل تنقهر سجايا اتسعت عيونها/الوالدة شايلة كثير على عجبة ام فواز/قليلة الحيا ماتصلت علي ذهب بنص عين/يمه مو انتي طفشت من اتصالاتهم ام فواز/صوري وانتي ساكتة فتنة ضحكت بخفة وهي تسمع مناقرتهم همست برضا/الحمدلله الجدة سدول باست جبينها بعد ماسمعتها/اي والله الحمدلله على سلامتك يابنيتي الحمدلله . ،،المركز،، رغد قبال مكتب الشرطي بالكرسي المتحرك بوسط دموعها/لولا رحمة ربي فيني انا الحين ميتة الضابط/الحمدلله عالسلامة وماتشوفين شر نجي للمهم رغد قطبت جبينها باستغراب من كلمته وهي المهمة بهاللحظة الضابط/بسبب رفضك ترجعين لوالدك تحت اي ظرف ومافي اي وسيلة تواصل معك حاليا سوى هالاخوات فالافضل حاليا تقابلين المحامي رغد قطبت جبينها من كلامه الضابط/قبل تروحين لدار الرعاية بدر دخل بابتسامة/السلام عليكم رغد قشعر جسمها وهي تناظره الضابط/وعليكم السلام والرحمة تفضل استاذ بدر تفضل حياك رغد بنفسها وهي تناظره بحدة/وش يبي ذا بعد الله لايسلم هالوجه بدر ناظرها بابتسامة/بحكم صلة القرابة بيننا اخت رغد رغد قاطعته بحدة/ماني بأختك جاي انت تكمل سواة المجرمين اهلك!! بدر هز راسه/الصراحة كنت ناوي ارشح لك محامين رغد قطبت جبينها بكره بدر/لكن دام ماتبين رحمة صلة القرابة زين ريحتيني وانا والله كاره ارشح لك لانك ماتستاهلين الصراحة رغد احتدت نظرتها بدر/بصفتي محامي الاستاذ عمر ابلغك باني موكل برفع قضية شروع بالقتل ضدك رغد قطبت جبينها باستغراب/كيف يعني شروع بالقتل!! بدر بتجاهل/وبصفتي محامي الاستاذة عزة ابلغك برفعها قضية للتحريض على القتل وتشويه سمعة/بابتسامة/واكيد طبعا ضدك رغد/سمعـ بدر قاطعها/وبصفتي ايضا محامي الاستاذة فتنة موكل بقضية تشويه سمعة وتحريض عالقتل رغد ضحكت تقاطعه/يالله مساكين كلكم باقتلكم لحالي!! بدر ابتسم وهو يسمعها رغد بصراخ/حتى انا برفع قضية عليكم كلكم تحاولون تقتلوني وانا المسكينة بينكم بدر/استاذة رغد احب ابلغك بصفتي ولد عمتك/بملامح محتدة/ورب البيت هالمرة مابتطلعين منها وانا ولد ابوي . ،،بوابة المستشفى الرئيسية،، سلطان يسوق بسيارته خارج من المستشفى وقف برا أسوار المستشفى وهو يناظره جالس على كبوت سيارته ينتظره احتدت ملامحه وهو يوقف وينزل من السيارة/خير وش بغيت بجاد نزل وهو يعتدل بوقفته وينفض ثوبه/هلا ومرحبا يا سلطان بحدة/اقصرها وقل وش عندك يابجاد وش ورا هالجية نويت تقول ماوراك كله ولا جاي تدور قهوة ترا ماعندي قهوة ابد يابجاد ماعندي بجاد اخذ نفس وبجدية وهو يشد على قبضتيه/تكفى حللني ياولد جابر/رجف صوته/عيالي يروحون مني وانا يشهد الله مالي ذنب بظلمك كل غايتي منايا مانويت دمارك بهالطريقة تكفى حللني يكفيني سلطان لاتفقّدني عيوني تكفى سلطان بحدة/مالي ذنب بعيالك انا دعوتي على الظالم وكانك ظلمتني بغيتها فيك ماهو فيهم لكن ربي عادل عاقبك بأغلى ماعلى قلبك لان مايردعك شي يابجاد بجاد بدموع ملت محاجر عيونه/وربك وربي بعالي سماه مالي يد بشي ابد ياسلطان مالي يد حللني تكفى رجيتك لاتروح مني عهد تكفى مااقوى الفقد مرتين تكفى سلطان/حتى لو نطقتها يابجاد قلبي مايقوى الحِل ابد مااقدر الله يستر عليك/لف عنه متجه لسيارته/ بجاد انسابت دموعه وهو يشد على يديه بقلة حيلة/سلطان سلطان وقف والتفت له وسط تقطيبة جبينه بجاد مد له كاميرا فيديو باللون الاحمر بحجم الكف سلطان اتسعت عيونه بجاد/ماعمرك سألت نفسك وشو له يستاجرون اخوياك شقة بالعمارة قبالك والعمارة اللي انتم فيها فاضية وحتى شقتكم بها غرف فاضية؟ سلطان ماغاب عن باله هالسؤال لحظة طول فترة سجنه بجاد/تبيه يكشف نفسه لك بهالسهولة!! ، ، راضي(27سنة)قباله مخططات محطة البترول اللي يشتغل فيها سلطان ناظر خالد بفخر/والله انك كفو دامك خاطرت واخذتها بدون لايحس اسأل الله ان يكتب لك بها اعلى منازل الجنان خالد(24سنة)المرتسمة عليه ملامح الصلاح والتدين/والله كان الموضوع جدا صعب خصوصا بتواجده ورغم بحثه ورفعه للادارة بخصوص الموضوع لكن مااخذوا بلاغه على محمل الجد وهالشي بصالحنا اسال الله ان يكتب النصر لنا بجاد(24سنة)دخل للمجلس قطب جبينه وهو يناظرهم خالد سحب الاوراق بسرعة وهو يقفلها راضي بحدة/ماتعرف تستاذن قبل الدخول ماتعرف اداب الاستئذان بجاد باستغراب من ردة فعله القوية/مادريت ان به ضيوف جيت ادور شريط السوني راضي بحدة/انت الان في ذروة شبابك في قمة صحتك استغلها بذكر الله اناء الليل واطراف النهار اترك الملهيات عنك المفروض تاخذ بيدي وتسابقني للجنان بجاد يناظره وهو يقارن بينه وبين نفسه بين راضي قبل والحين قطب جبينه بعدم اقتناع راضي/وش فيك تناظرني كذا بجاد/ابشر ابشر ان شاء الله باراجع نفسي ادع لي الله يهديني يااخوي ادع لي/فتح درج المكتبة الاعلى يحوس وسط اشرطة السوني المبعثرة/ راضي بحدة وهو يوقف/وش فيك للحين واقف بجاد وهو يسحب شريط/خلاص خلاص لقيته/خرج/ راضي مشى وهو يخرج برا يتاكد من عدم تواجد اي شخص قفل الباب ورا بجاد ورجع جلس جنب خالد/المعذرة منك خالد/حصل خير راضي/هالمخطط بيكون مفيد جدا فعملية الاستشهاد نسال الله ان يكرمنا خالد بانشراح صدر/امين اللهم امين راضي/المحطة/يأشر عالمخطط/من هالموقع الى هالموقع بيكون موقع التنفيذ بحول الله وقوته خالد هز راسه/باذن الله راضي سكت بعدم راحة خالد ناظره باستغراب/عسى ماشر ياابو الوليد راضي وهو يقفل المخططات/نتفاهم بالتفاصيل باذن الله مع باقي الاخوة بالمقر اللي انت خابر واحرصوا من العيون احرصوا كثير الحرص خالد/فالنا النصر باذن الله راضي/اللهم امين امين //بعد سكون الليل اكثر واكثر تحديدا على قرب انقضى هالليل بساعته الاخيرة// دخل للمجلس يتسحب وهو يتاكد من عدم تواجد اي شخص فتح الدرج الاعلى وهو يسحب الكاميرا اللي كانت مفتوحة على وضعية التصوير من ذيك اللحظة اللي دخل فيها عند راضي خرج بخطوات سريعة من المجلس ومن البيت كله وهو يوقف ورا الشجرة اللي تتوسط الحارة تلتفت يمينه ويساره وتأكد من خلو المكان وقف الفيديو اللي لازال يسجل وعاده من البداية بفضول يقتله مـن فترة اتسعت عيونه بصدمة من فداحة الوضع سرت بجسمه رجفة عجز معها حتى يبلع ريقه من كثر الفزع من اللي فهمه من الحوار رفع ابهامه الراجف حتى يوقف الفيديو بعد لحظات صمت طالت لفترة قطب جبينه وهو يسمع ضحك تراجع عن ايقاف الفيديو بعد هالضحك الغريب ثم تحول هالضحك لضحك هستيري الى ان ظهر على الشاشة راضي بابتسامة اعتلت محياه/والله وجا يومك ياسلطان/ضرب على صدره وهو يزفر من شدة الفرح رجف صوته/طالت السنين وحان الفرج حان بجاد هوى قلبه برعب وطاحت الكاميرا من يده اخذ نفس يحاول يهدي فيه ضربات قلبه المتسارعة وبهمس لنفسه وسط رعبه/رمى نفسه وسط الموت عشان ينتقم كل ذا عشان ينتقم/جلس ماتحمل يظل واقف من كثر رعبه/ ، ، سلطان يناظر الفيديو بصدمة شلت كل خلية بجسمه بجاد بدموعه/انا مااقدر أبـ سلطان جرى لسيارته وسط ملامحه المحتدة بجاد اتسعت عيونه وهو يلحقه سلطان ركب سيارته وشغلها بجاد فتح الباب اللي خاب ظنه وكان مقفول ضرب عالقزاز/سلطان اسمعني لحظة سلطان حرك بسرعة جنونية وهو يفيض حقد وقهر . ،،الـمـسـتـشـفـى،، جوهرة وهي تناظره وبرجفة صوتها وسط دموعها/اعطوه مهدئ حتى ينام ياقوت/اكلم ابوي يجيكم؟ جوهرة وهي تمسح انفها بخفة بطرف المنديل/لا مايحتاج الله يشفيه بس ياقوت تنهدت/امين يارب جوهرة بملامح احتدت/كله منها حسبي الله عليها الله لايهنيها بحياتها مثل مادمرت حياته ياقوت كشرت بوجهها/استغفري ربك ذا النصيب!! جوهرة/وربي لو شفتي حالته ماكان ذا كلامك صدمة عمري ذا مو سراج ذا مو اخوي اللي اعرفه مو هو ابد ياقوت/وليش ماتقولين اللي يصير الحين معه يمكن تكفير ذنوب له جوهرة باشمئزاز/فكينا واللي يعافيك من ذا الكلام اللي ماله طعم وش ذنوبه اجل هي منزهة من الذنوب على كلامك!! ياقوت/استغفر الله بس وش تخربطين انتي!! جوهرة بقهر/واللي قهرني اكثر ذي الـ**لها وجه بعد سواياه تهدد اقولك بلغي العلة سحايب عشان تشتكيها وننفك منها ياقوت قطبت جبينها/مين؟ جوهرة/ام الولد اللي تهجم على سراج هي اللي طعنت سحايب ياقوت اتسعت عيونها/كيف؟!! جوهرة/بلغيها وقولي لها تشتكي وتترك ضعافتها اللي على قلة سنع قولي لها تشتكي لاأجي واجرها من شعرها هي ناقصتها بعد/ابتسمت وهي تتناسى حزنها/الا تعالي وش اخبار عصافير الحب ياقوت قطبت جبينها/مين؟ جوهرة/حاتم ورؤى ها حددوا العرس؟ ياقوت/يوه ياقدمك طلقها جوهرة اتسعت عيونها/وشو!!كيف وليش مهبول اخوك!!يضيعها من يده مهبول ذا ياقوت بحدة/مالك شغل فيهم جوهرة اتركيه بحاله جوهرة/ايه اخوانك ساحرينهم بنات خالاتك واحد انهبل والثاني مايقدر يكسر لها كلمة ياقوت/جوهرة خلاص!! جوهرة/عزتي لنا وحدة اخذت حافي ومنتف والثانية اول ماتطلقت منه اغتنى ياقوت تغير وجهها بتحسس من كلامها جوهرة/كلمي زوجك حاولي ترجعين له سمعت انه مو هيّن ورث مبلغ وقدره ياقوت/اولا طليقي ثانيا وشرعا انتهت العدة ثالثا مالك شغل بامور الناس حتى لو هو انا ياجوهرة سمعتي/قفلت بوجهها/ جوهرة ناظرت الجوال/وجع وش فيها صايرة نفسية!! . راضي واقف قدام سيارته وبحدة/خير ماكفاك ماجاك تبي نكمل؟ فواز واقف قباله بمسافة وبحدة/عطني بطاقة الصراف واقصر الشر راضي بعناد/ماعندي شي لك فواز/استاهل انا وشلون وثقت فيك وحطيتها عندك فواز/امالك شي عندي استريح وذلف بس فواز ارتفعت حواجبه/يعني فوق شين فعولك سواد وجهك ايه اصلا كيف توقعت ترجع فلوسي وانت هاذي سواياك يالخسيس راضي/تقلّع يالله تقلع بس ولايكثر فواز ميل فمه بابتسامة بتحدي/وش بتسوي يعني مابتقدر تسحب منها هللة راضي احتدت ملامحه فواز/الحين اروح البنك واقفلها واقعد يالسروق مابيدك شي راضي عض شفته بقهر وهو فعلا مايقدر يسحب منها شي لانها بخاصية ايداع فقط فواز ضحك بانتصار/انا جاي اقول هالكلام بس عشان اشوف ذا الوجه المنغبن بقلة حيلة راضي شد على قبضتيه بقهر من فواز فواز مشى وهو يضحك بصوت حتى يغيظه راضي ركب سيارته شغلها وهو يدعس البنزين فواز التفت بوسط تقطيبة جبينه ثم اتسعت عيونه راضي حرك سيارته ناوي دهس فواز سلطان بسرعته الجنونية صدم بسيارته مقدمة سيارة راضي راضي انصدم وهو يحاول يرجع بسيارته لورا عن هالمجنون سلطان دعس عالبنزين اكثر ودخل بمقدمة سياراتهم بعمارة ابو راضي فواز تراجع بخطواته يناظر اللي يصير بذهول . ،،الـمـسـتـشـفـى،، ذهب ساندة فتنة اللي خارجة من الحمام حتى توصل سريرها وباستغراب/امي وجدتي ماجوا للحين؟ سحايب/يعني ماتعرفين جدتي لازم تمر على كل الصغار وتعطيهم حلاو وامي وراها تقهوي امهاتهم ملازمة لها ماتعودتي على ذا الطبع سدول/وربي احسن شي ليتنا مثلهم بس فتنة جلست على سريرها بشويش ذهب انحنت حتى ترفع رجولها/نسوي مثلهم ليش لا سجايا/خلي نسوي مثلهم الحين يطردونهم الثنتين وتشوفون سحايب/كلها قهوة وحلاو سجايا/وليه الصغار مو ممنوعين من الحلاو مثلا!! سدول/اسكتي بالله سجايا خلاص لاتطولينها فتنة مسكتها توقفها/لا تسلمين ذهب بوسط كلامهم باصرار على فتنة رفعت رجولها بخفة عالسرير/لو انا مريضة متاكدة يافتنة بتسوين نفس اللي اسويه فتنة باحراج/الله لايوريك مكروه باحبابك مشكورة ياذهب شكرا سحايب وهي تسحب اللحاف وتغطيها/ماله داعي هالكلام بين الخوات لاعاد اسمع شكرا ذي تجيب لي حموضة سجايا ارتفعت حواجبها وهي تترك جوالها وتناظرها/اجل وشو له تطلبين اشكرك غصب عني سحايب/لاتقارنين انتي مايملى عينك شي لازم اخليك تشكرين عشان تخفين عني شوي سجايا هزت راسها بياس/اصلا انا الغلطانة اللي اطلبك وانا اقول احنا واحد سدول وهي تصب بالكاسة حليب لفتنة/انتي بالذات كلنا واحد بس معك انتي لا ثنتين/حطت الكاسة عالطاولة/ سجايا كشرت بوجهها/ايه كلكم علي وانا ماعمري سويت لكم شي ذهب/ايه لانك تاخذين كل شي فتنة ضحكت بخفة سجايا/خليتوني مهزلة قدام مرت الاخو حرام عليكم ارحموا اصغركم سحايب/راحت عليك/وقفت جنب فتنة وهي تنحني لها ورجعت يدها من ورا رقبة فتنة وبابتسامة/فيه اصغر منك الحين اكلت الجو كله كله فتنة ابتسمت/تظل سجايا اخر العنقود واختي الكبيرة سجايا كشرت بوجهها/بدينا بدينا استقعاد سحايب ضحكت/تستاهلين ذوقي ماذوقتينا سنين جا دورك/التفتت للصوت القوي اللي سمعته صوت يشابه لصوت موية انسكب بقوة قطبت جبينها/وش ذا؟!! سدول بلعت ريقها بوجهها المخطوف ذهب عينها على سدول بتكذيب للي في بالها/سدول //اتجهت الانظار لها// سحايب ناظرتها بوسع عيونها وهي تتقدم لها بخطوات حذرة/تكفين سدول لاتقولين توك باقي سدول انسابت دموعها بخوف رغم انعدام الالم بصمت من صدمتها ذهب جرت خطواتها لسدول بتردد فتنة تناظرهم بتوتر هالموقف جديد عليها بشكل يخوف سجايا قامت من مكانها وهي تتجه لها بفضول وسط خوفها الظاهر/مو تقولين باقي شهر سحايب وقفت عندها ناظرت الارض وملابسها المبتلة سدول صرخت بألم هالمرة سحايب وسجايا صرخوا معها بفجعة من صرختها ذهب فزت من صراخهم وجرت للحمام دخلت وقفلت على نفسها سدول بدموعها وسط المها المتتابع وهي تنحني شبه جالسة وبصراخ/سحايب يا*** ساعديني . بجاد اللي يسوق وراه بنفس سرعته وقف وهو ينزل من سيارته مسك راسه بذهول من المنظر سلطان متكي براسه عالدريكسون بعد دوخة داهمته للحظات من اثر الصدمة ماحس بها من كثر غبنته الا بعد ماشاف راضي يدخل معه لداخل بيت ابو راضي محطمين سور العمارة ماحس الا بيد تلامس صدره وثانية تلامس ظهره ترجعه بهدوء لورا التفت بشويش يناظره فواز بخوف/سلطان تسمعني ولد ياسلطان سلطان غمض عيونه يسترجع وعيه وسط انفاسه الثقيلة اللي يجرها لداخل صدره فتح عيونه وهو يناظر ثوبه اللي تلون بالاحمر وسط القزاز اللي يخالطه شي من جدار البيت المكسر مغطيه ومغطي السيارة حوله رفع يده الراجفة وهو يمسح الدم المنساب من اعلى راسه بغزارة راضي فتح الباب ونزل من السيارة وسط دم ينساب من أيمن جبهته وسط ملامحه المحتدة سلطان تبدد تعبه وهو يناظره قدامه دف فواز وهو ينزل من السيارة ويجري له مثل المجنون راضي ابتسم وهو يأشر له بيده بمعنى تعال وهو يتجه له بخطواته المترنحة للحين مااستعاد توازنه الكامل سلطان هجم عليه وهو يرميه عالارض ويجلس فوقه ويسدد لكماته المتتالية بقهر سنين الظلم اللي اجتمع كله بصدره من جديد وسط دموع ملت محاجر عيونه ام راضي وقفت عندهم برعب وبصراخ/يمه ولدي سلطان التفت لها وبحدة صرخ/ولا اسمع لك نفس لااذبحه قدام عيونك فهمتي ام راضي بلعت ريقها وهي تناظره وكل مافيه يأكد لها يسويها هالمجنون بهاللحظة بدون تردد سلطان ناظره بقهر/ليش وش سويت لك انا؟/صرخ/لــيــش؟ راضي انفجر يضحك بين يديه سلطان قطب جبينه يناظره بقهر/تضحك؟ راضي بابتسامة/قولي وش شعورك وانت صرت مكان راضي؟ ، ، >>قبل 18سنة>> ابو سلطان داخل السيارة يناظره/اعجل والحق على خوينا قبل يسكر محله وبعها واحرص لا ينوخذ منك انتبه سلطان(17سنة)بيده كيس مخفي داخله طقم ذهب/ابشر يبه لاتوصي/نزل بخطوات هادية مطمئنة غلب السكون عالمكان خصوصا ان اغلب المحلات مقفولة بهالوقت وقف على باب المحل بوسط نظرات متسعة من الصدمة/ //شخصين ملثمين واحد يجمع الذهب بكيس والثاني فوق صاحب المحل يعتدي عليه بالضرب// سلطان بلع ريقه للحظة ثم استجمع شجاعته بهاللحظة وصرخ بكل مافيه/حراااامية الحقوا علينا حرامية الحرامي(1)اللي جمع الذهب جرى وهو ينط من فوق صاحبه وهو يدف سلطان بطريقه سلطان حاول يمسكه الحرامي(1)فلت من يده وهرب الحرامي(2)مر من جنبه يحاول يهرب سلطان مسكه بكل قوة عكس الاول الحرامي(2)التقت عينه بعيون سلطان ورجف برعب منه سلطان قطب جبينه بشك وارتخى للحظة الحرامي(2)استغل هاللحظة وفك نفسه وهرب سلطان جرى وراه ولاقدر يلحقه رجع طريقه لصاحب المحل يتطمن عليه . راضي(20سنة)دخل البيت بوسط انفاسه السريعة وبوجهه المخطوف بتيشيرته الابيض اللي خالط بياضه نقط من الدم وسط يديه اللي تلونت بالدم وهو يفك لثمته اللي من زود توتره نسى يفتحه طول الطريق قفل باب البيت باطمئنان لغياب اهله بسبب السفر ورغم هالطمأنينة الا ان رجفة يديه واضحة من فعلته الشنيعة فوق السرقة اعتدى على صاحب المحل وكل ذا تحت انظاره متأكد وميقن انه عرفه لو يتلثم بمليون شماغ قفل انوار البيت كلها بايهام للدوريات المتواجدة بالحي بكثرة بوسط شكوكه من تواجدها بجاد(17سنة) دخل للبيت بخطوات سريعة/راضي راضي/شهق وهو يحس بسحبة قوية من وراه ارتفع معها للسما وارتمى عالارض راضي بحدة وهو يشده من تيشيرته ويضربه/يالخاين تخونني تدلهم علي بجاد وهو يغطي وجهه بيديه يحمي نفسه بصراخ/وش دخلني انا،مدري عن شي مدري راضي بصراخ/كيف عرفوا كيف عرفوا بيتنا هاه كيف بجاد بصراخ/مدري مدري راضي سكن للحظة وهو يذكر سلطان احتدت ملامحه بقهر و غل/ولد ال*** عرفني/اتسعت عيونه وهو يسمع دوريات الشرطة برا باب البيت وبعيون غرقت دموع/هين ياولد جابر هين . ،،بـعـد سـنـتـيـن،، راضي(22سنة)وقف برا بوابة السجن بعد ماقضى فترة عقوبته بمظهر مغاير جدا عن قبل دخوله اطلق لحيته اللي غطت وجهه وطالت شي بسيط ارتسمت عليه ملامح الصلاح والهدى وقف وهو يرسم على محياه ابتسامة مافارقته ابد بجاد(19سنة)واقف عند السيارة ناظره باستغراب من مظهره قرب منه بتردد/راضي؟! راضي ابتسم/ياهلا ومرحبا ياهلا/سلم عليه/ بجاد سلم بهدوء بصدمة من كمية التغيير اللي طرت عليه راضي لازال ماسك يده مصافحه/وين الوالد؟ بجاد/والله ابوي حالف عليك ماتدخل بيته راضي تغير وجهه بجاد/ولولا امي ماكان احد جاك راضي زفر وهو يشد على قبضته اللي ترجف قهر عكس ابتسامته اللي ارتسمت على وجهه/هداه الله ان شاء الله استسمح منه ويعفو عني الله يهديه بجاد يناظره بعدم تصديق/يالله اركب حياك راضي/جزاك الله خير جزاك الله خير/اقفى عنه وارتسمت عليه ملامح القهر/ ، ، سلطان وجّه يديه لرقبة راضي وهو يخنقه وسط محاجر عيونه اللي غرقت دموع راضي يتأمل ملامحه برضا وسط ابتسامة ارتسمت على وجهه سلطان صرخ وهو يناظر ابتسامته/يالخسيس ام راضي جرت له وهي تضربه على ظهره بصراخها وسط تجمع الجيران يناظرون الموقف بفضول/اترك ولدي اتركه ذبحته يالمجرم يالارهابي ذبحته فواز جرى لسلطان وهو يسحبه وبصراخ/اتركه لاتبلي نفسك فيه مايستاهل اتركه بجاد يناظر اللي يصير بصمت وكأن الموضوع لايمت له بصلة فواز سحبه بكل قوته بصراخ/خلاص اتركه سلطان يناظره بقهر راضي بابتسامة وسط صوته المخنوق/قولي وشلون طعم اول ليلة بالسجن سلطان عض شفته بقهر وهو يناظره راضي جلس وهو يلقط انفاسه وبوسط ابتسامة/كيف وجه ابوك يوم قابلك بعد سواتك؟/انفجر يضحك/ سلطان بوسط رجفة احتوت جسمه من كثر الغضب وبملامحه المحتدة/محد غيرك بيذوق طعم السجن من جديد جهز عمرك راضي كشر بوجهه ام راضي انخطف وجهها من تهديده سلطان ابتسم وهو يناظر وجهه/هالمرة جيتك وانا لاجيت مااجي بالقليلة/مشى وهو يتجه لسيارته/ بجاد رجف للحظة وهو فاهم قصده زفر وهو اخيرا ارتاح من هالهم اللي كابس على صدره من سنين اخيرا باح بمكنون صدره لاصحاب الحق رغم انه هالشي بيعرضه لخساير كثير لكن يهون قدام سلامة عياله ام راضي ناظرته وبحدة/تعال ساعد اخوك ماتشوفه تعال!! بجاد تقدم بخطواته لامه سلطان انحنى لداخل سيارته وهو يسحب الكاميرا من الدرج اللي انفتح من قوة الصدمة ودخلها بجيبه وكمل طريقه يمشي وبدون احساس بنفسه مال فواز وقف جنبه وهو يسنده سلطان قطب جبينه والتفت له احتدت ملامحه وهو يناظره ودف يده عنه بكل مافيه/ابعد عني فواز مارد ولا ابدى اي ردة فعل مشى وراه بهدوء سلطان مد يمينه يستند على جدران البيوت وهو يكمل طريقه وبعد فترة من المشي وقف على الشارع العام ومد يده لاي سيارة تمر به بدون اي فايدة فواز وقف وهو يأشر بيديه الثنتين لسيارة اجرة وقفت عنده وفتح الباب وناظره/اركب/عطاه ظهره وهو يرجع طريقه بدون اي نقاش معه/ سلطان ناظره بتعب وهو يبتعد ركب السيارة وميل راسه عالقزاز وهو يغمض عيونه يكبح عبرته من كثر قهره/ياصديق حقي باخذه/رجف صوته/لكن مين يرجع عمري اللي راح ظلم ياصديق الهندي التفت له باستغراب سلطان بهمس/رح بي للمستشفى ياصديق رح بي . اللهم صل وسلم على نبينا محمد . هالبارت اعتبره قصير لكن هذا اللي كتبته اعتذر منكم حيتاخر البارت القادم لظروفي الصحية حاليا . #سلطان_الهوى_يافتنة_الألفية | ||||
|
| |
|
22-12-22, 10:07 PM
| #119 | ||||
| 41 لاإله الا الله وحده لاشريك له له الملك وله الحمد وهو على كل شي قدير ________________________________ . ((يـوم جـديـد)) . ،،الـمـسـتـشـفـى،، جوهرة صحت برنة جوالها وهي تتوجع من جلستها بالمستشفى اللي ماتناسب وضعها ابد سحبت الجوال وهي ترد بنوم مافتحت عيونها/هلا حبيبي ام راضي بحدة/حبيب!! جوهرة فتحت عيونها غضب وهي تناظر الشاشة تتاكد من الصوت هل هي فعلا سمعتها ميلت فمها بابتسامة/اهلا ياعمة عاش من سمع صوتك اصلا اول مرة اسمعه بالجوال/ضحكت/ ام راضي بكره/ضحكتي من وجع قولي امين جوهرة قطبت جبينها وهي تناظر سريره الخالي وقفت وهي تدور عليه/امين للي يكرهوني ام راضي/ماتستحين على وجهك ماتقولين اتصل بزوجي اسلم عليه واتطمن جوهرة وهي تفتح دورة المياه/زوجي امس كلمته طيب ام راضي/لاطاب حالك ذا اخر علمك فيه؟ جوهرة وهي تخرج من الغرفة/اقول عاد اسمعي ولايكثر انا مشغولة الحين ومالك باللي بيني وبين زوجي هو زوجي ولا انتي/قفلت بوجهها وقفت وهي تناظر حامل المغذي عند الباب منزوع اسرعت بخطواتها وهي تتجه للريسبشن/ . ((شقة حاتم)) ابو فواز و ابو ماهر جالسين يتقهوون بدون لايناظرونه حاتم جالس بينهم يقهويهم بصمت ابو ماهر نزل الفنجال اللي بيمينه/اسمع ياجابر مابقى بالعمر كثر ماراح عسى الله يرحمنا برحمته ابو فواز تنهد/عساك بطولة العمر بصحة وعافية ورضا من الله وش داعيه هالكلام ابو ماهر رفع يمينه لراسه وينزل عقاله ويحطه قبال ابو فواز حاتم اتسعت عيونه حازم اللي فهم وش بيصير جرى لداخل البيت ابو ماهر/ياجابر اول العمر تدخلوا بيننا وخربوا علي صفاوة الليالي معك الحين هذا عقالي اللي يقول كلمة ماتعجبك اجلده وانا فوق جلدك ازيده لو هم يمشون على عكاز معي حاتم بلع ريقه وهو يناظر ابو فواز ابو فواز تنهد وانحنى للعقال ورفعه عجايب دخلت بوسط انفاسها السريعة وهي تجلس جنب حاتم وتنزل صحن التمر المحشي اللي يحبه عمها وابوها وبابتسامة/ها صنع يديني الله يسلمني مو محلات ابو فواز ميل فمه بسخرية ابو ماهر ابتسم/الله يسلمها اي والله عجايب غمزت لعمها/خذ راحتك ماني بقايلة لعليا ياعم ابو ماهر مد يده عالاخر واكل منها عجايب ناظرت ابوها/وبعدين يبه الله يهديك انا مارحت عند غريب تراها عليا ماتسوى تزعل علي هالكثر ابو فواز ميل فمه بابتسامة من اعترافها الملتوي عجايب وهي تناظر ابوها وبنفس الوقت لامست كفها بكف حاتم وشدت عليه تخفي توترها حاتم ابتسم وشد عليها عجايب/ياعم انا وحاتم كلن عقله معه وكل مشكلة بيننا ونحلها ابو فواز رفع نفسه وهو يمد العقال لراس ابو ماهر/عساه عزيز ياابو ماهر عساك سالم ابو ماهر وهو يرفع نفسه ويمسك يد ابو فواز يمنعه/سلمت سلمت ياجابر ابو فواز اعتدل بجلسته/صدقت وش لنا بوجع الراس عساهم ماتصافوا مابقي الا هي يشغلونا ذا البزارين عجايب التفتت لحاتم بنظرة انتصار حاتم ضم كفها بين يديه عجايب سحبت يدها وسط تغير ملامحها وهي تذكر زعلها وصدت عنه وهي تتكتف حاتم زفر بضحكة خفيفة ابو ماهر دخل يده بجيبه يخرج جواله اللي اعتلى صوته المكان وهو يفتحه/اي بالله صادق عساها نار وش علينا منهم يكفينا وجع راس من وراهم/قطب جبينه من وصله صوت بكاها وبحدة/وش فيك جوهرة ببكى/يايبه الحق علي مدري وش اسوي مالقيناه اختفى يبه اختفى ابو ماهر بفجعة/انطقي يابنت لاتذبحيني وش صاير جوهرة بدموعها/سراج يبه سراج اختفى سراج هرب من المستشفى هرب يبه . ،،الـمـسـتـشـفـى،، سجايا المرافقة لها فزت من نومتها على فتح الباب التفتت وهي تناظر الغريب اللي يتوسط الغرفة لحظات وانتبه انه فيه غلط بالموضوع وخرج مثل مادخل عقدت حواجبها باستغراب من الموقف وهي تلتمس له العذر ممكن غلطان فتنة صحت من نومها ناظرت الطاولة وهي تمد يدها وتوجعت شوي سجايا وقفت وسحبت جوال فتنة وتمده له/ارتاحي انتي قولي وش تبين وحاضر من عيوني فتنة بهمس/مشكورة/فتحت جوالها وهي تفتح كل البرامج رغم انها مفعّلة الاشعارات لعل وعسى تحصل رد منه ناظرت سجايا وهي تتصل فيه/مااتصل عليكم؟/استقبلها نفس الرد من امس مغلق/ سجايا بإخفاء لحقيقة اختفاءه/ايه اتصل الحمدلله قال بيرتاح ويجي ان شاء الله شوي فتنة تغير وجهها ايقنت انه سلطان فيه شي حتى لو كان تعبان كان مرّ عليها وتعذر بنفسه او عالاقل كلمها لكن الموضوع الاكيد سلطان محد يدري وينه غرقت عيونها دموع وهي تبلع غصتها من كثر القلق ام تركي دخلت/السلام عليكم فتنة رفعت عيونها لها سجايا باستغراب وهي تناظرها/وعليكم السلام والرحمة ام تركي رفعت نقابها وهي تكبح عبرتها من لحظة خروجها من البيت من كثر يأسها من وضع ولدها/الحمدلله على سلامتك يافتنة/رجف صوتها/ومعوضة خير فتنة بجمود/الله يسلمك ياام تركي ام تركي غرقت عيونها دموع/مافيها خالة اجل؟ سجايا قطبت جبينها تحاول تذكر من هالانسانة فتنة تنهدت وهي تصد بوجهها عنها ام تركي/تركي اخوك يافتنة سجايا اتسعت عيونها وهي تعرفت عليها وعرفت المقصد من جيتها/عن اذنكم/خرجت قطبت جبينها وهي تناظره واقف قريب من الغرفة/ ***/ماعليك يارجال انا اعرف لها ان شاء الله كل شي بيصير باحسن حال سجايا احتدت نظرتها ***/خلاص قلت لك مايصير خاطرك الا طيب يالله سلام سجايا اسرعت بخطواتها مبتعدة ام تركي بدموعها/تكفين يافتنة اخوك تكفين فتنة بحدة/والاخ يطعن اخته!! ام تركي/كله من طلال والله من طلال تركي ماله بهالامور يافتنة والله ماله فتنة بعيون التمعت/خلاص اتنازل عن حقي مثل ماتبين ياخالة ابشري ام تركي ارتسم الفرح على وجهها/صدق يافتنة تقولينه صادقة فتنة/خليه يرجع لي ولدي اللي راح ام تركي انخرست من الصدمة فتنة/وش فيك ولد بولد ياخالة ولا مايصير فيها عدل ام تركي هزت راسها بيأس وهي تنزل نقابها/جزاك الله خير يافتنة ماقصرتي ابد فتنة/وشلون اقصر بيد انمدت لي بالاذى اكيد مابقصر ابد ام تركي خرجت وهي تجر خطواتها بثقل ويأس وهم وحزن على حال ولدها فتنة عضت شفتها بقهر وهي تناظرها وانهمرت عيونها بدموع كلها قهر بدر اشتغل خروج سجايا ودخل بسرعة/السلام عليكم فتنة ناظرته وصدت بوجهها بدر اتجه لها وانحنى يسلم عليها سجايا دخلت واتسعت عيونها وهي تناظره منحني لفتنة ومو واضح لها وش يصير جرت له ورفعت شنطتها وسط رجفت يديها وهي تضربه على راسه بكل قوتها وبرجفة صوتها/تحسب الدنيا على كيفك!! بدر ثبت يديه عالسرير بكل قوته يوازن نفسه حتى مايطيح على فتنة وسط ملامح وجهه المخطوفة من صدمته سجايا رفعتها من جديد وهي تضربه على ظهره ورا بعض/ابعد عنها تحسب محد بيوقف بوجهك ابعد فتنة اتسعت عيونها وتاكدت انها فاهمة الموضوع غلط بدر بحدة بدون لايلتفت/ابعدي عشان ابعد فتنة وهي تمسك يدين بدر شبه حاضنته وتناظرها من وراه/سجايا اخوي اخوي!! سجايا رجعت بخطواتها لورا وهي تستوعب الكلمة فتنة/بدر اخوي سجايا قشعر جسمها ولفت عنهم وجرت من احراجها فتنة/سجايا سجايا بنفسها وسط عيون امتلت دموع من زود احراجها/لاتقولين اسمي قدامه لاتقولين/بكت وخرجت من الغرفة/ بدر اعتدل بوقفته وهو يمدد رقبته بألم/خوات زوجك عليهن قوة فتنة/اذكر الله بسم الله عليها ماجات القوة الا عشاني لاتغلط بس بدر/الف من ذكره الف المهم فتنة قاطعته وهي تشيل عيونها عنه/تنازل عن تركي بدر اتسعت ابتسامته/هذا العشم وانا اخوك هذا العشم انا قابلته وهو ندمان تدرين ورع يمشي ورا غيره فتنة ناظرته بحدة/لكن طلال لاتتنازل عن شي ابد يابدر ولاااا شي بدر تنهد/اصلا حتى لو تنازلتي ماهو بطالع منها ابد يافتنة ماهو بطالع . ،،المركز،، ابو عمر يناظر رسايل الجوال بصدمة طلال ارتفع حاجبه/وتبيني اصدق؟ عمر جالس قبالهم متكتف وبحدة/والله ماطلبت مقابلة استثنائية حتى ابارك لك على فعولك الشينة!! طلال/يعني تبي تقنعني الحين ان كل اللي صار تخطيط من هالرغد!!ذي حتى ماتعرف تفك ابرة من خيط عمر ضحك/والدليل مكانك الحين!! طلال احتدت نظرته عمر/ارضى واقتنع بالواقع اختك مظلومة واللي لعب علينا كلنا رغد واللي بين يديك اكبر اثبات طلال/وانت كيف دريت/احتدت نظرته/الا اذا انت متعاون مع فـ عمر قاطعه/طلال!! طلال بحدة/لاترفع صوتك!! عمر/يكون بعلمك ياطلال من البداية شاك فيها واللي اكد كذبها وكاشفها لي كاميرات البيت ركبتها بدون لاتدري/ضحك/والمصيبة اكتشفت انها كانت تحاول تسممني بعد ناوية تذبحني لانها تدري اني باكشفها وش تبي اكثر بعد؟ طلال سحب الجوال من يد ابوه يقرأ هالمرة يقرأ بعقله وتركيزه قبل جنونه اللي يمشي وراه بدون تفكير بكل مرة عمر/ماتقول لي وشلون عرفت ان عواد بالمزرعة عند فتنة وهي ماتعرفه اصلا ولا نسيت طلال شحب وجهه ورفع عيونه له يناظره ابو عمر وقف وخرج عمر وقف وهو يسحب الجوال من بين يديه وربت بيساره على كتف طلال/كان الله بعونك وانا اخوك كان الله بعونك طلال بلعثمة وهو يسحب الجوال من يديه يحاول يستوعب/لحظة لحظة كيف لعبت علي ماتقدر انا محد يمشيها علي محد ذا كان مع فتنة انا عطيته فتنة مستحيل تكون رغد مستحيل عمر تنهد/طلال لو تقرأ من هينا لبكرة الجوال ماكان مع فتنة الجوال كان مع رغد رغد ماغيرها ولعبتها علينا كلنا مو لحالك/لامس بيساره كتف طلال/طلال الحين فكر وشلون تطلع من المصيبة اللي انت فيها طلال دف يد عمر عنه وبحدة/ماهي مصيبة انا اخذت حقي محد له كلمة علي واحسن له يكون مات لو طلع حي باطلع من هالمكان والاحقه الى مااذبحه واخلص منه عمر بنرفزة/طلال طلال بعناد ومكابر/لاتكلمني مايهمني هي فتنة او رغد اللي سويته صح رجعت شرفي ومستعد اعيدها مرة وثنتين وثلاث كل شي الا الشرف ياعمر الا الشرف عمر ناظره/انت مافيك طب ياطلال مافيك/خرج/ طلال بصراخ/انتظر لاتروح انتظر لاتقول اني غلطان وتمشي تعال عمر تعاااال . بجاد يسوق السيارة بهدوء ام راضي جالسة ورا بابتسامة/الحمدلله على سلامتك يايمه الحمدلله راضي بوجه كله كدمات وغرز باعلى راسه صاد بوجهه عنها وبدون نفس/الله يسلمك يمه خلاص هاذي عاشر مرة خلاص ام راضي/من فرحتي بسلامتك تلومني ياراضي تلوم؟ راضي تنهد وهو يعتدل ويلتف لها سحب كفها وطبع بوسة عليه/محشومة يمه ماتلحقك الملامة الله يخليك لي لكن تعبان للحين بجاد زفر بابتسامة جانبية كلها سخرية راضي ناظره/وش عندك قل بجاد رفع اكتافه/ابد بس مدري امي متى تبين تروحين لسدول حتى ماتضغطيني وقت الدوام ام راضي احتدت نظرتها/مالت الا مالت ماني برايحة هي تجي بجاد زفر بياس من تصرفاتها والتزم الصمت راضي/اوقف عند الصراف بجاد/ان شاء الله/وقف بعد فترة/ راضي نزل الصراف خرج البطاقة بابتسامة انتصار/ونقول بسم الله . ،،الـمـسـتـشـفـى،، صحى من نومته وهو متكور على نفسه فز مثل المجنون من استوعب انه صحى رفع الوسادة واللحاف يدور عليها مد يده للدولاب الصغير اللي جنب السرير وسط انفاسه السريعة وفتح الادراج زفر براحة وهو يناظر الكاميرا داخله حس بوجع صدره اللي نساه من كثر خوفه من ضياع الكاميرا جلس وهو يلقط انفاسه ويسترجع احداث البارح وصل المستشفى دخل وخيطوا جروحه قفل جواله دخلّه بجيبه وطلب مسكن هذا اخر شي يذكره ناظر المغذي اللي بيده تنهد وهو يوقف على ركبه بينزل من السرير ناظر ثوبه المليان دم جلس وسحب جواله من عالدرج وفتحه انهالت الاتصالات والرسايل عليه كشر بوجهه من العدد فز وهو يقرأ اسمها وبلوم لنفسه/يازينك ياسلطان هي تعبانة وانت تزيدها يازينك/فتح على اسمه وارسل له الموقع وطلبه ملابس وختمها(اسرع لاتتاخر انتظرك لاتبطي علي)ثم ارسل لها(انا بخير لاتخافين)ثم اتصل لامه ولاردت عليه وقف ونزل من السرير رمى الجوال عالسرير وهو يتجه لدورة المياه بخطوات ثقيلة/ . ،،الـمـسـتـشـفـى،، عزيزة جالسة عالكرسي جنب سرير سدول مانزلت نقابها ولاطرحتها/الحمدلله عالسلامة ياام ورد الحمدلله على سلامتكم ومبروك ماجاك سدول باستغراب من جيتها/الله يسلمك يارب الله يسلمك عزيزة/انا ادري اني ضيفة ثقيلة عليك لكن يعلم الله مو بيدي ياسدول كان ودي اترك ترتاحين شوي وعقب امرك/دق الباب بقوة وفزت معه هي وسدول/ سدول تاكدت من غرابة وضعها/ارتاحي ياعزيزة ارتاحي عسى ماشر عزيزة ضمت كفوفها وهي تخفي رجفتها دخلت يدها بشنطتها وطلعت ظرف وهي توقف وتحطه تحت مخدة سدول/كان ودي اشوف وردة ساجي اللي نورتنا وابوسها لكن ماعليه الجايات ان شاء الله سدول مسكت يدها/عزيزة انتي فيك شي؟ عزيزة ناظرتها بعيون امتلت دموع اخيرا احد سألها سدول/هو صحيح احنا وضعنا مو ذاك الزود لكن انتي محسوبة من ساجي فيك شي مضايقك شي //دق الباب بقوة من جديد// عزيزة فزت وهي تناظر الباب وسط رجفة يدها اللي وضحت لسدول سدول/ذا زوجك؟ عزيزة ناظرتها بصمت سدول ضغطت زر استدعاء الممرضات عزيزة برعب/لا ياسدول لا سدول ناظرت رعبها/ذا وش مسوي فيك/مدت يدها وهي تسحب نقابها/ عزيزة حاولت تمسكه ماقدرت سدول سحبته واتسعت عيونها وهي تناظر وجهها عزيزة بوجه مليان كدمات ابتسمت وبرجفة صوتها/هذا ذنبي فيك ياسدول تكفين حلليني سدول وهي ترفع جوالها وتتصل عليه وبنرفزة/ماهو بوقته هالكلام ماهو بوقته عزيزة بدموعها/لا ياسدول لا هو معصب لاني حامل سدول ناظرتها بصدمة/بدال مايفرح!!/ناظرتها/وانتي ليه ماانتي بفرحانة!! عزيزة بدموع/خليه يضربني الى مايشبع انا ابيه يطيح ماابي عيال منه بكرة يحرق قلبي فيهم ولااقدر اسوي شي سدول بنرفزة/اسكتي واللي يعافيك اسكتي بس واخوك ذا مايرد ساجي دخل بابتسامة/هلا ومرحب/اختفت ابتسامته وهو يناظر عزيزة/ . ،،،دار الرعاية،،، ابو عمر جالس بغرفة الزيارة ينتظر وكل شوي عينه على ساعته رغد بعبايتها وبصمتها وقفت على طرف الباب ومعها الموظفة همست لها/لاتروحين عني خليك قريبة مااضمنه مثله مثل عياله مايخافون الله ابو عمر ابتسم من لمح زولها/هلا ومرحبا ياهلا برغد رغد بمكانها عالباب قطبت جبينها باستغراب من ترحيبه اتسعت عيونها من خطر ببالها للحين ماعنده علم اشرت للموظفة تروح ودخلت وهي تتصنع البكى/وين ياهلا ومرحبا وين/فتحت طرحتها وبان وجهها المغطى جروح/يرضيك ياعم يرضيك سواة ولدك وفوقها انرمي بهالمكان يرضيك!! ابو عمر بوسع عيونه/الله لايعطيك عافية من ولد انا غاسل يدي منه من اولها قطع له اي والله قطع رغد جلست قدامه وهي تمسح دموعها/هي وقفت عليه حتى عمتي مثله بس عمتي مهما تسوي راضية بالاخير هي مثل امي انا بس لو اجلس معها وتفهم بس لو تجلس معي شوي ابو عمر/انا سمعت ان هالخسيس اخذ منك كل شي ورماك رغد هلت دموعها/اي والله ياعم رماني ولارحمني ابد زين انه علي عبايتي الحمدلله مستورة ابو عمر دخل يده بجيبه وهو يخرج جوال جديد ويحطه عالطاولة قبالها/سمي وانا عمك رغد تهلل وجهها بالفرح وهي تسحبه من عالطاولة/عساك ذخر ياعمي الله يوسع عليك يارب/وهي تفتحه/ماتدري وش كثر طفشت بهالمكان الله يسعد قلبك ابو عمر/اجل عمر اخذ جوالاتك كلها؟ رغد وهي منسجمة بالجوال الجديد هزت راسها بايه/ايه اخذها كلها ابو عمر/حتى جوال فتنة الضايع؟ رغد/ومن قال انه ضايع هو معـ/سكتت وهي ترفع عيونها له بعد ماستوعبت/ ابو عمر بنظرات حادة/انا قلت اسمعها باذني عن الظلم لاينعاد مرتين لكن طلع صدق معك رغد بلعت ريقها وسط رجفة عظامها قبل يديها/عمي انا ابو عمر سحب الجوال من يديها رغد وقفت لحظة ماسحب الجوال من يديها ابو عمر ضرب الجوال براسها بكل قوته بدون مايعطيها فرصة تهرب رغد صفرت اذنها من قوة الضربة وحست الدنيا دارت فيها جلست مجبرة ابو عمر بحدة/اجل انا تلعبين بسمعتي وتاخذينها رايح جاي على هواك!!تعقبين يابنت محمد ماانخلقت اللي تنزل راسي بالتراب ماانخلقت/هجم عليها يضربها/ رغد اعتلى صراخها/الحقووووني بيموتني الحقوني ابو عمر سحب عقاله وهو يضربها بكل مافيه/محد يفكك مني الليلة ياالفقر ياللي مابك خير رغد تصرخ وهي تحاول تهرب منه ابو عمر مسكها من يدها ورماها بالارض وهو يدعس عليها بكل مافيه من غل وقهر/محد رزك وعزك غيري انا وعيالي وهذا جزانا هاه هذا تاليتها ذوقي ذوقي ماذقت فتنة ذوقي . ((شقة فواز)) فواز مسرع بخطواته من اصوات الضرب القوي عالباب/طيب طيب جاي الحين/فتح الباب وانصدم من الرجال اللي دخلوا وقفلوا الباب وراهم وكتفوه/ *** بحدة/فواز جابر؟ فواز وهو يتحرك بين يديهم بصراخ/وش فيه مين انتم وش تبون مني؟ جابر وقف وانفجر يبكي وهو يناظر ابوه بين يديهم ***اتجه لجابر وضمه وهو يهديه/خلاص يابابا خلاص فواز اتسعت عيونه وهو يناظره يدخل البيت/هيه اوقف وين رايح هييييههه ***غطى فمه وبحدة/اسكت كل كلمة بهالحظات تنحسب ضدك اسكت فواز وهو يتحرك بين يديهم بدون اي فايدة ****/كلها ساعتين نتاكد من المكان ونطلع القسم اسكت احسن لك . نايف واقف متكتف يناظره بحدة سلطان جالس على طرف السرير منزل ملابسه العلوية ويلبس التيشيرت الاسود اللي جابه نايف مع بقية الاغراض وبهدوء وهو يناظر داخل الكيس جنبه/لاتعاتب ولا تلوم يانايف نايف زفر وهو يفك يديه وبالاشارة/كيفك الحين بس سلطان زفر/الحمدلله احسن من امس نايف/صاير المستشفى بيتك الثاني وانا مدري!! سلطان تنهد وهو يسحب البنطلون من الكيس/عطني قفاك ابي البس نايف بعناد يناظره سلطان/نايف!! نايف بغيظه/يعني فواز يرمي القنبلة علي وانا اقعد بها مدري ارضك من سماك وين!! سلطان تنهد/افهمك كل شي والله افهمك قلت لك لاتعاتب يانايف لاتعاتب نايف بغيظ/كثر التغلي ياسلطان ينعاف والله انتظرك بالسيارة/مشى بخطوات سريعة/ سلطان زفر/صاير نار عقب طلاقك ماتنقرب اعوذ بالله . ،،الـمـسـتـشـفـى،، سجايا تتحاشى تناظر فتنة وهي تقلب بعصيرها فتنة تتجنب تحرجها وعينها على كوبها/وش فيك تاخرتي علي فقدتك سجايا/نزلت تحت اجيب لنا عصير فتنة/الدكتورة جات وقالت بكرة خروج الحمدلله سجايا التفتت لها بابتسامة/صدق الحمدلله عالسلامة ياعيني انتي الحمدلله فتنة/الله يسلمك بس سلطان ماكلمكم للحين؟ سجايا بربكة تخفيها/وش فيك الله يهديك قلت لك كلمنا وهو مشغول شوي ان شاء الله بيجي/وقفت/تبين جوالك؟اجيبه؟ فتنة/لا اتركيه يشحن اصـ/سكتت وهي تناظرها باستغراب اكثر من الصدمة لوجودها/ سجايا التفتت تناظر الباب ابتسمت/ياهلا ومرحبا حياك الله فتنة احتدت ملامحها/الحمدلله انا بخير ومشكورة هذا ان كنتي بالاساس جاية تتطمنين سجايا بوسط هالجو المشحون/انا بروح للريسبشن عندي سوال لهم فتنة بحدة/اجلسي سجايا بتوتر جلست/ان شاء الله ام عمر تنهدت/الحمدلله على سلامتك يابنتي فتنة زفرت بضحكة سخرية/الحين بنتك!!مو انا العاقة وش تغير!! ام عمر/يافتنة ادري اخطيت وخطاي كبير بالحيل فتنة بحدة/الحمدلله انك تدرين ام عمر بلعت غصتها/ادري فضلت هاللي ماتتسمى عليك فتنة ضحكت بخفة/فضلتيها!! ام عمر/كنت مغيبة تمشي بي يمين ويسار وحتى اليوم اللي شكيت فيه فتنة بقهر/زدتي الطعون ومشيتي وراها مثل كل مرة مافيه شي جديد ام عمر/غصب عني والله غصب كان لازم اعرف وش وراها وش ناوية عليه زيادة فتنة ضحكت/عندك الف طريقة وطريقة لكن بكل مرة كل مرة تختارين توجعيني انا الاعذار جاهزة وانخلقت لاجل نوجع فتنة ولا يمه؟ ام عمر/فتنة فتنة قاطعتها بحدة/انتي يمه جاية تعتذرين لي لكن حتى اعتذارك بلا روح جاية لي وضامنة ان واجب علي السماح ام عمر تنهدت بضيق/يحق لك تزعلين وماالومك لكن لاتحكمين علي بهالسهولة فتنة برجفة صوت وقهر/يحق لي الزعل معك حق ولايحق لكم اللوم وهاذي فيها مية حق والحكم ايه من حقي احكم انا ماضريت احد ولا اخطيت على احد عاملتوني مثل المجرمة حتى ابسط الحقوق حرمتوني منها وانا ابد سلمت امري ولا اعترضت قلبي نزف منكم قبل عيني نزف ايام وشهور وحتى سنين وانا على بابكم يمه اطلبكم تصدقوني وتضموني تحت جناحكم مهما كان مالي غنى عنكم/ابتسمت/والحين يوم رفضت اقبل اعتذاركم تحسستوا!!ليه مكتوب علي اعاني وانتم حرام فيكم العنا!!لاااا لازم تدقون وتطلبون وحتى تبكون الى مايطيب الخاطر ويلين هذا اذا طاب ولان بعد/انخطف وجهها وهي تلامس بيدها جرحها تتوجع/ سجايا/فتنة هدي شوي لاتسوين كذا هدي ام عمر بخوف وضح على ملامح وجهها/طيب طيب ابشري انتي بس اهدي وانا باسوي اللي تبينه فتنة دفت يد سجايا وهي تناظرها/ماابي شي ماابي منكم شي اتركوني بحالي اتركوني ام عمر/ابشري ابشري/خرجت/ فتنة بكت/حتى دمعة مانزلت منها وتبيني اسامح!! ام عمر جلست عند باب الغرفة وانهمرت عيونها بالدموع عمر جلس جنبها/يمه انت تدرين بيصير كذا وشو له هالدموع؟ ام عمر ماردت عمر/لو تبين الحين ادخل عندها واهاوشها ارجع لها عقلها ام عمر ضربته بخفة على كتفه وبوسط دموعها/لااا اترك اختك يكفيها مافيها لاتزيدها عمر تنهد بابتسامة/ياام عمر اللي مرت فيه ماهو بهين ومالنا حق نغصبها وش بيدينا غير الانتظار يايمه ننتظر الى ماتطيب الجروح وبعدها لكل حادثٍ حديث ياعيني ام عمر هزت راسها/مالومها وانا امك انا حتى ماقدرت اقول كلمتين على بعض مالي وجه مالومها عمر وقف وهو يمسك يدها يوقفها معه/قومي ياعيني قومي الايام كفيلة تداوي قومي يديمه قومي ام عمر وقفت معه عمر وهو يحتضنها عن جنب ويمشي/هونيها وتهون يايمه هونيها سجايا تناظرها بحزن عليها/اجيب لك شي؟ فتنة بوجهها الاحمر صدت عنها/لا مشكورة بس ابي ارتاح انام وارتاح ان شاء الله سجايا تنهدت وسحبت اللحاف تغطيها/انا عالكرسي جنبك اذا احتجتي شي فتنة غمضت عيونها وهي تتصنع النوم ماتبي تتكلم ابد . {{الـمـزرعـة}} سمو تجري باقصى سرعة وقفت وهي تناظره بينهم/سعد سعد بيساره الملف وبيمينه القلم يجرد التمور وسط العمال حايس بعد الشغل اللي تعطل بسبب مشكلة عواد وفتنة/بعدين سمو بعدين مو بفاضي الحين روحي لمريم سمو وقفت عنده وشاتته برجله سعد رجع خطوة لورا وسط وسع عيونه/اااه سمو/حتى انا رجلي اوجعتني سعد/مشغول سمو لاتزعل من بعض سمو رمت الورقة اللي بيدها بالارض/بكيفك انا مالي شغل/مشت/ سعد انحنى وهو ياخذ الورقة وفتحها وهو يقرأ(السلام عليكم مالقيت غير هالطريقة اتواصل فيها معك انت وشلون عرفتني لازم احط النقط عالحروف حتى اقرر بدون ندم)تسارعت نبضات قلبه من تبادر لذهنه صاحبة الرسالة رمى الملف اللي بيده وهو يجري ورا سمو وسط رجفة احتوت جسمه وسط صراخ هز المكان/سمو سمو سمو كانت على مسافة بسيطة من بيت سلطان وقفت والتفتت باستغراب للصراخ القوي وتحركت باتجاهه من ناظرته وهي تتكتف سعد انحنى شبه جالس وسط انفاسه المتلاحقة من سرعتها سمو بـشـوفـة نفس/ايوه الحين سمو وشوي انت مشغول سعد بوسط انفاسه/مين اعطاك الورقة؟ سمو/يعني مين؟! سعد اتسعت عيونه من تاكيد ظنونه وماقدر ينطق اسمها وبصوت مخنوق/هي؟ سمو هزت راسها/ايه سعد جلس وفتح الورقة وهو يقرأ من جديد رسالتها هالمرة يتامل تفاصيل حروفها اول تواصل بينهم عقب الرفض المرير له كم مرة(السلام عليكم مالقيت غير هالطريقة اتواصل فيها معك انت وشلون عرفتني لازم احط النقط عالحروف حتى اقرر بدون ندم)تهللت ابتسامته وهو يلمح الامل بين كلامها(بدون ندم)لمح الامل ولمح التردد وندمها على قرارها بين هالكلام حتى لو اعلنت العكس مسك القلم خرج جوالها المصاحب له من سنتين وزيادة ناظره وخاف يعطيه لها ويفقد كل شي رجعه لجيبه وهو اغلى ماامتلكه بيوم وناظر الورقة بتفكير رد على سوالها وقفل الورقة بحرص ثم مدها لسمو/اعطيها/تلعثم باسمها/ذ.ذ. سمو/ذهب؟ سعد هز راسه بايه/وانتبهي لااحد يلمحك حتى سمو سحبت الورقة وهي تجري لداخل البيت سعد بتوتر/يالمفضوحة سمو!!/جلس وهو يحس بنار تغلي تحته/ ذهب واقفة وسط رجفة يديها الخايفة من اللي قرأته رجعت وقرأت مرة ثانية حتى تستوعب(عشت بمصيري المجهول مع صورة اسامرها وتسامرني تونس وحدتي وتواسي ضيقتي هي صورة بس كيف قلبي الحين يوم قرأ خطك يشهد الله ماعاد ارضي ارض المسلمين ولا سماي سماهم)صحت على صوتها سمو واقفة قبالها ومتكتفة وبتهديد/شوفي ياذهب والله والله تقولين شي له تخلينه يمرض مرة ثانية/رفعت رجلها وشاتتها/ياويلك ذهب توجعت من هالشوتة اللي رجعت لها تفكيرها شوي اخذت نفس وهي تكتب مدت لها الورقة/خذي ولااحد سمو قاطعتها بنظرات حادة/ادري محد يشوف قاله لي وبعدين ياويلك لو كتبتي شي يزعله/لفت عنها ومشت/ ذهب رمشت/اللي يشوفها يقول هو ابوها!! سمو تجري متجهة له وقبل توصل له حتى/سـعـد يا سـعـد سعد فز واقف وهو يتلفت/يالفضيحة اوص اوص سمو وقفت عنده بوسط انفاسها وهي تمد الورقة/خذ سعد سحب الورقة منها بسرعة جلس وهو يفتحها سمو تراقب ملامح وجهه سعد ضم الورقة لصدره وهو ياخذ نفس يهدي قلبه ثم ناظرها يقرأ(فوق المعرفة صورة او اساس المعرفة صورة؟وياليت تجاوب بدون لف ودوران)ابتسم وبنفسه/زين المعصّب علي والله/كتب رده ومدها لسمو/ سمو زفرت/وان شاء الله الى متى وانا رايحة راجعة سعد سحبها له وهو يجلسها على رجوله/والله ياسمسمة قلبي لاوديك البقالة اذا خلصنا هاه وش قلتي؟ سمو هزت راسها بلا/عطني فلوس سعد/ابشري على هالخشم/وقفها/انتي بس روحي الحين سمو جرت متجهة لها وقفت عندها وهي تمد الورقة وبنظرات حادة وسط انفاسها السريعة/خذي الحمدلله مازعل ولا كان زعلت عليك ذهب ميلت فمها من اسلوب سمو معها اخذت الورقة وهي تفتحها متناسية التوتر اللي كانت فيه من تهديدات هالكائن الصغير رجع التوتر وهي تتجاوز رسالتها ورسالته السابقة ووصلت لرده اخيرا(سعد ملكت قلبه صاحبة صورة على خلفية جوال لقاه بالبر ومن لقاه ماعاد سعد سعد ولا عاد يومه يوم سعد)قطبت جبينها بتفكير اتسعت عيونها وهي تجمع افكارها واخيرا عرفت كيف عرفها جوالها الضايع معه كتبت بسرعة وهي تمد الورقة لسمو/تفضلي سمو تناظرها بشك/وش كتبتي؟ ذهب/كله زين سمو تكتفت وبتكذيب/وجهك يقول غير ذهب/سمو اعطيه سمو سحبتها منها بغيظ ومشت ثم وقفت والتفتت لها وبتهديد/ذهب والله ان تزعلين انا قلت لك/مشت/ ذهب هزت راسها بياس من هالتهديدات المستمرة ضدها سمو وقفت قدامه/خذ سعد فتحه وتغير وجهه وهو يقرأ سمو احتدت ملامحها/وش كتبت؟ سعد زفر/كل خير كل خير/(فهمت الحين الموضوع ومشكور عالتوضيح لكن متى ترجع الامانة لاهلها؟)ابتسم وهو لاحظ نسيانها لشي مهم جدا كتب بوسط ابتسامته ثم مد لسمو الورقة/ سمو كشرت بوجهها/خلاص تعبت سعد ابتسم/ماعليك هالمرة لو تقول شي صرفيها سمو ناظرته/ماتزعل اذا زعلتها؟ سعد سحبها لحضنه/افا انتي صديقة سعد اقدمي ولاعليك انا وراك يمينك ازهليها يابنت نايف ازهلي سمو ناظرته بتفكير/انا مدري وش تقول بس خلاص اسوي اللي بكيفي/جرت من عنده/ ذهب هالمرة عالباب تنتظر قطبت جبينها وهي تناظرها تدخل سمو مدت لها الورقة بملامح مغتاظة ذهب اخذت الورقة/ماعطاك شي؟ سمو هزت راسها بلا ذهب فتحت الورقة باستغراب وقرأت رده(ابشري به نرد الامانة لكن أمانتي اللي بين يديك رديها بالاول)احمّر وجهها وهي فهمت مقصده سمو انحنت وهي تعض ذهب من رجلها ذهب صرخت وهي تدفها عنها سمو بغيظ/انا ماقلت لاتزعلينه ذهب وهي تمسح على رجلها/ماقلت شي سمو/وش كتبتي له وجهه صار مثل يدي/وبتشديد وهي تمد يدها/ابيييض والله لو يمرض لاقولهم كلهم انه انتي ذهب تغير وجهها/سمو لحظة سمو بتهديد/بروح اشوفه الحين خليه بس يرجع يمرض احنا ماصدقنا يطيب/مشت/ ذهب مشت/اعوذ بالله امه امه ماهي بوحدة تلعب معه وبس/تنهدت بصوت وسط افكارها وقفت من سمعت امها/سمي يمه ام فواز/تجهزوا بنرجع البيت سحاب باعتراض/ليه جدة ليه ام فواز/خلاص يكفيكم وبعدين فتنة تعبانة واحنا ماشاء الله اهدى منا مافيه منايا/ابشري ياعمة على رايك الجدة سدول/انا ماني برايحة معكم سحايب ضمت يدها/انا مااقدر اروح بدونك ياجدة منايا ضمت يدها الثانية/وتتركيني ياجدة الجدة سدول حنت على منايا/والله لولاك مامشيت لكن الشكوى لله منايا باست كفها/الله لايخليني منك ياجدة سمو وقفت عنده تناظره بخوف/سعادة سعد متمدد عالارض على جنبه مغطي وجهه بشماغه ومتكتف مارد عليها سمو انحنت وهي ترفع الشماغ شوي عن وجهه/سعد سعد ناظرها عن طرف وبابتسامة/سمسم فيني نوم والنومة بتكون حلوة حلوة بالحيل سمو مسكت يده تشده/قوم نام بغرفتك قوم سعد سحبها وجلسها/هينا احسن صدقيني احسن ياسمو سمو سحبت يدها منه وجرت/جدّو يسر جدووو سعد ابتسم وهو يسمعها اتسعت عيونه وطار النوم من طرا بباله اللي صار من شوي فز واقف وهو يجري وراها/سمو قمت خلااااص قمت . ،،الـتـحـقـيـق،، فواز يتعرق بغزارة/انا ماحولت لاحد شي والله ماحولت الضابط وبين يديه اوراق التحويل من البنك/من متى وانت تتعامل مع هالتنظيم؟ فواز/خلني اعرف وشو هالتنظيم بالاول عشان اتعامل معه!! الضابط/ايه مرة ماتعرفه وانت محول مليون وعليها فواز بضياع يحاول يلملم نفسه اتسعت عيونه/البطاقة كانت مع راضي والله مع را/سكت مجبر من الاوراق اللي ضربت بوجهه/ الضابط بحدة/اكتب اسماء كل المتعاونين معك احسن لك واخف عليك اكتب . ،،الـمـسـتـشـفـى،، سلطان دخل للغرفة بشويش قطب جبينه وهو يناظر الغرفة ظلام ماعدا نور دورة المياه اتجه للسرير وهو ينزل الباقة هالدولاب جنبها ويرفع اللحاف ويتمدد جنبها فتنة صحت فيه رفعت راسها وهي تدقق النظر وهمست/سلطان؟ سلطان همس/اشتقت لجحري بالحيل فتنة التفتت لورا تناظر سجايا سجايا متمددة عالسرير اللي جنبها وبينهم مسافة بسيطة معطيتها ظهرها ونايمة فتنة همست/اختك فيه!!قوم سلطان ضمها بعناد فتنة توجعت/اااه سلطان تركها فتنة سحبت الجوال من تحت مخدتها وهي تضغط زر القفل تناظره اتسعت عيونها سلطان سحب كفها اللي به الجوال وهو يطبع بوسة على ظهر كفها/مرت سلامات لاتخافين مرت الحمدلله فتنة ميلت فمها وهي تناظره زفرت/اهم شي انك بخير سلطان تنهد وهو يلامس بكفها خدها ويحتضنه بكفه/الحمدلله دام انتي قبالي بخير انا بخير فتنة ناظرت عيونه/وش وراك؟ سلطان ابتسم/لهالدرجة بعيونك مفضوح؟! فتنة/أعرفك مثل ماتعرف نفسك واكثر بعد سلطان تنهد/وانتي وش وراك؟ فتنة ضحكت بخفة/لاتقلبها علي!! سلطان/يشهد الله مااقلبها ولا شي عيونك تنطق فتنة/عندي خبر حلو وشين سلطان/وانا بعد فتنة/اجل انت ابدأ سلطان/الحلو عرفت اخيرا المكيدة فتنة همست/والشين؟ سلطان/مو قبل اعرف منك انتي اول فتنة زفرت بابتسامة/ظهر الحق عن العقول المغيبة سلطان/والشين؟ فتنة/ماقدرت اسامح ناس الواجب اني اسامحهم سلطان مد يده لشعرها يمسح عليه/لاتسامحين لاتضغطين على نفسك وتتعبينها فتنة تنهدت براحة بعد طيف تانيب ضمير تسلل لقلبها من فعلتها مع امها سلطان/هالوقت عليك بنفسك وراحتك ومستقبلا كل شي جايز وكل شي بوقته لاتستعجلين فتنة/وانت؟ سلطان تنهد/ابي ارتاح وراي بكرة حمول تهد الجبال من ثقلها يافتنتي فتنة ناظرت الهم بعيونه وفضلت عدم السؤال تنتظره يبادر مدت يدها لتشيرته وهي تسحبه لها/ارتاح ياروحي الليلة ارتاح وبكرة ان شاء الله يحلها ربي سلطان دفن وجهه بحضنها وهو يستسلم بهدوء للنوم اللي يهرب له من عالمه فتنة مسحت على راسه وهي تقرأ وتنفث عليها سجايا غمضت عيونها بقوة وعضت شفتها السفلية بلوم لنفسها وبنفسها وهي تغطي نفسها اكثر/وش اللي جابني هينا وش . ______________________ . ((يوم جديد)) . ((شقة حاتم)) حاتم دخل للبيت بوجهه كاسيه الهم صحيح بينهم مشاكل لكن يظلون اخوان رد الباب وراه حتى يقفل التفت من حس بشي يمنعه وراه جوهرة دخلت بوجه واضح عليه اثار البكى وبحدة/ها قول لقيته؟ حاتم زفر/جوهرة جوهرة قاطعته بصراخ/ايه كلكم مامنكم فايدة تراه اخوك اخوك مهما صار بينكم واجب عليك تدور عليه تفهم حاتم بصراخ مثلها/وش تبيني اسوي اكثر من اللي سويته هاه؟!!دورت عليه رفعت بلاغ حتى اخوياه اللي ماادانيهم طاردتهم مطارد عشان اتاكد اذا هو معهم او لا وش تبين مني ياجوهرة هاه وش تبين اكثر وش؟! عجايب وقفت عالمدخل بعد ماسمعت الاصوات المرتفعة زفرت وهي تناظرهم جوهرة/وبس ذا اللي قدرت عليه؟ حاتم صرخ/وش اسوي؟وش تبين؟ جوهرة/لو انك مهتم من كل قلبك ماترجع لبيتك تبات بالقسم تغثهم الى مايعرفون ارضه من سماه بس/بسخرية/لاااا انا دورت عليه ومالقيته!!/بغبنة/لكن هين انا اعلمكم وشلون تتصرفون ياعيال احمد انا اعلمكم/مشت/ حاتم مشى وراها عجايب اسرعت بخطواتها وهي تمسكه من يده/حاتم حاتم التفت لها بنظراته المحتدة عجايب/لاتلومها اتركها اكيد بتهدأ شوي اتركها حاتم زفر/استغفر الله العظيم بس استغفر عجايب سحبته من يده دخلته للبيت وهي تقفل الباب ثم مشت لداخل البيت/تعال تقهوى وارتاح شوي وبعده يصير خير ان شاء الله حاتم وقفها وهو يسحبها لحضنه يضمها ويدفن وجهه بكتفها/كذا تواسين قلب حاتم ياعجايب عجايب زفرت وهي تتوسط احضانه حاتم /مالقيته والله مالقيته عجايب رفعت يمينها تمسح على ظهره تهديه/بتلاقيه ان شاء الله بتلاقيه حاتم تركها وهو محتفظ بكفها/وش رايك تكلمين سحايب يمكن لو تتصل فيه يرد علينا عجايب تنهدت/اعتذر مااقدر قول لعمي يكلمها انا مااقدر اجبرها ياحاتم مااقدر حاتم زفر/انا ادري انه بخير بس لو انه يطمنا عليه محد بيمنعه عن اللي يبي محد عجايب مشت تسحبه معها تطمن حاتم رغم كرهها لسراج/ماعليك سراج ماينخاف عليه ان شاء الله مافيه الا العافية . ((بيت سلطان)) ،،المطبخ،، ذهب تهمهم وهي تجهز الفطور سحايب متكية قبالها تناظرها باستغراب ذهب ناظرتها وهي تلمس وجهها/وش فيك فيه شي؟! سحايب بنص عين/الصدق فيك شي غريب اليوم ذهب ميلت فمها بابتسامة وهي تصف الكاسات بالصينية/زايد حلاي؟ سحايب رمشت/شفتي فيك شي والله ذهب زفرت بضحكة خفيفة/لازم نجاريك انتي وسجايا ولا بأقعد كذا محد يمدحني منايا وقفت عندهم/ثابت ينادي يابنات سحايب اعتدلت بوقفتها ذهب/خليك انا بروح له/مشت/ سحايب قطبت جبينها/بنت منوة منايا التفتت لها وهي تكمل توزيع الفطور اللي عالطاولة بالصحون/همم سحايب/تحسين فيه شي غريب؟ منايا زفرت وهي تلتفت لورا همست/دريتي؟ سحايب ناظرتها بشك وهي ماتدري/ايه منايا بهمس/وربي مرة حزنت بس نروح البيت واكيد عمي بيبلغ عمتي سحايب تقدمت لها/وش فيه وش صاير منايا انصدمت وبلعثمة/لا ولا شي سحايب وقفت عندها/منايا وش صاير منايا/اول احلفي محد يدري سحايب بنرفزة/قولي وش فيه نفضتي قلبي وش فيه ذهب وقفت عنده/خير ثابت/جهزتوا اغراضكم؟ ذهب/ايه من البارح جاهزين ثابت/بعد الفطور على طول مشينا ذهب/وش فيه عسى ماشر ثابت/ابوي اتصل وشياطينه قايمة حلف لو مانصلي المغرب بالبيت مالنا مكان عنده ذهب باستغراب/وش فيه بسم الله ثابت/مدري بس اكيد فيه شي اول مرة كذا معصب ذهب/طيب ثابت/افطروا سريع سريع ويالله سمعتوا ذهب/ابشر اصبر لاتروح اجيب الفطور توديه للمجلس ثابت/اكيد سعد وابوه مجهزين كل شي ذهب كبحت ابتسامتها من سمعت اسمه/ولو عيب انتظر/رجعت للمطبخ وهي تناظر مجد اللي جالس عالطاولة جنب سحايب وياكل وبابتسامة/ياصباح الخير اي والله/باسته على خده ثم ناظرت سحايب/ سحايب بوجهها المخطوف تناظر الاكل بتفكير ذهب قطبت جبينها وهي تناظرها/سحايب خلصتي كل شي سحايب ماردت ذهب رفعت صوتها/سحايب سحايب ناظرتها/هاه ذهب باستغراب/وش فيك سحايب وقفت وهي تسحب صينية الكاسات/مافيه شي انا بأصحي الصغار حتى يفطرون/مشت/ ذهب ناظرتها بشك وهي تبتعد زفرت وهي تلتفت والتقت عينها بعينه ابتسمت/مجودي وين اختك مجد/اكيد مع سعد ذهب ميلت فمها/وهي ماتعرف غيره!! سمو واقفة وراها تكتفت وبغيظ/خير وش سويت لك انا!! ذهب فزت للحظة ثم زفرت/اشتقت لك بس وش فيك معصبة علي سمو رمشت/ثابت يقول روحي جيبي الفطور ذهب مدت لها الخبز/انتي خذي هذا الباقي هو يشيله سمو اتسعت عيونها وهي تناظرها ذهب مدت لها الخبز اكثر/سمو خذي سمو سحبته من يدها بسرعة وهي تجري ذهب ابتسمت وهي تنحني للصينية وترفعها ثابت واقف عالباب الفاصل وهو ينتظر سمو مرت من جنبه تجري ثابت/هيه هيه سمسم سمو تجري ماردت عليه ذهب وقفت عنده/اتركها خذ ثابت/سلمتي سلمتي/مشى/ سمو وقفت عالمجلس الخارجي بوسط انفاسها السريعة وهي تناظر ابوها والهم يسر نايف قطب جبينه باستغراب منها وبالاشارة/وش فيك يابابا؟ سمو مشت له وهي تنزل الخبز/وين سعد؟ العم يسر/راح للبركة يفتحها سمو جرت نايف هز راسه بيأس سمو تجري وهي تصرخ/سعد سعد سعد عند البركة وقف وهو ينفض يديه من التراب بعد مافتح الموية حتى يسقي المزرعة التفت باستغراب وهو يسمع صوتها اللي يخالط صوت مكينة البركة سمو وقفت عنده بابتسامة/سعد سعد قطب جبينه للحظة ثم ابتسم وهو ينحني شبه جالس قبالها وعيونه بعيونها/ياعيون سعد سمي وابشري ها وش بغيتي سمو مدت يدها/اول احلف تعطيني 500 سعد كشر بوجهه وهو يضرب يده بيدها/هي حاصلة لي الشايب ماسك فلوسي علمتك من اول حدك مية ميتين سمو هزت راسها بلا وسط ابتسامتها/خلاص ماابي500بس تشتري لي اغراض الرسم سعد ميل فمه بتفكير سمو غمزت له/والله بتفرح سعد/ياويل قلبي عالغمزة ابشري تم اغراض الرسم كلها علي هاه وش وراك يابنت نايف سمو ابتسمت/لابسته/حركت راسها لفوق/هذيك لابسته سعد قطب جبينه/وشو اللي لابسته سمو احتدت ملامحها/سعد سعد اتسعت عيونه من فهم قصدها/احلفي سمو وهي تنط مكانها/والله لابسة القلب لابسته سعد وقف وهو يمسك راسه بيديه الثنتين يناظرها بصدمة سمو تضحك وهي تناظره/لابسته ياسعد لابسته سعد مشى بربكة خطوتين لقدام ثم تراجع/ااه البركة ماقفلتها/وقف بذهول وسط تسارع نبضات قلبه ورجفة احتوت جسمه ماقدر يجمع افكاره التفت لها/سمو تكفين صادقة؟ سمو بابتسامة/والله والله ياسعادة والله سعد سحب شماغه من على راسه وهو يجري وبصراخ/يبه يبه سمو جرت وراه سعد بصوت تردد صداه بالمزرعة/يـبـه/وقف على مدخل المجلس وهو يناظرهم/ العم يسر واقف مفزوع وهو ناوي يتجه له وبحدة/وش فيك؟ سعد ناظر ثابت ونايف ثم جرى لابوه وهو يحتضنه/والله اني أحبك يايبه أحبك بالحيل العم يسر ضربه على قفا راسه/ووجع ياسعيدان ووجع اي والله سعد ترك ابوه وهو يمسك راسه وبغيظ/يبه وش فيك علي؟!! العم يسر بغبنة وهو يتقدم له بخطوات مغتاظة سعد تراجع لورا مبتعد عنه العم يسر وقف وبغيظه/وش فيّ عليك!! سعد جرى لابوه وهو يحتضنه/يايبه احبك لاتطردني عنك ضمني لك لايطير قلبي من مكانه تكفى يبه تكفى العم يسر قطب جبينه وهو يحتضنه وربت على ظهره بخفة سعد احتضن ابوه بكل قوته عسى يهدي قلبه الراجف من كثر الفرح/والله اني احبك ياابو حمد احبك عسى الله لايخليني منك يابعدهم كلهم اي والله لايخليني . ((بيت ابو راضي)) ام راضي تناظرها بغيظ عزيزة جالسة جنب ساجي بتوتر وهي تتجنب تناظر امها ام راضي بعصبية/جاية مستفزعة به على سواد وجهك هاه ساجي/يمه تعوذي من الشيطان ام راضي/انت اسكت مالك شغل بيني وبينها عزيزة اخذت نفس وهي ترفع نظرها لامها/الا يمه ساجي له دخل ام راضي احتدت نظرتها/وشو!!تكسرين كلامي بعد؟ عزيزة سكتت ام راضي/نعنبو ذا الوجه مايثمر فيك معروف!!الرجال شاريك وتقولين لا عزيزة/ماابيه يمه ماابيه ام راضي/عسى ربي مايبيك اي والله وجه فقر صدق حتى العز تهجين منه!!فيه احد يجيه كل هالخير والدلع ويقول لا!!ايه وين تروحين عن ابوك يالخايبة عزيزة/العز اللي وراه ذل ماابيه يمه كرامتي فوق فلوس الدنيا كلها ام راضي/مالت عليك ياام كرامة بكرة لاتنقعتي انتي وورعك لحالك بدون فلوس نشوف وشلون بتاكلين من كرامتك!! عزيزة غرقت عيونها دموع ساجي بقهر/مابتحتاج احد وانا موجود يمه ام راضي/مالت عليك معها انت بعد شف وش وظيفتك بعدين تكلم ليتك تقدر تغطي بيتك وقتها بعد دق الصدر بالفزعة لغيرك!! ساجي/الارزاق بيد الله واختي محد يجبرها على شي ماتبيه ام راضي/انت اسكت تسمع اترك اختك عنك/ناظرتها/واحد معززك ومكرمك ومكرم اهلك فوقها عمره مادخل بيتي ويده فاضية لا للبيت ولا حتى لي كريم وكل شي تبينه يقول سم نعنبوك حتى خواتك على كثر سنين زواجهم ماعاشوا اللي عشتيه بكم شهر ثم تروحين وتطلبين الطلاق منه وحامل بعد صاحية انتي صاحية عزيزة برجفة صوتها/يمه هالخير اللي فرحانة فيه تدرين وش مقابله؟ ام راضي تناظرها بحدة عزيزة بدموعها/كل صبح وين كل صبح الا كل مايمر من جنبي اذا مارمى كلمة يسم فيها خاطري مد يده وكملها يضربني ام راضي/اكيد ماحشمتيه عزيزة اتسعت عيونها ام راضي/بنتي واعرفك لسانك اطول منه مافيه ساجي بحدة/يمه!! ام راضي/وصمة!!يعني انا وش لقيت من ابوكم وهذاني معه ابو راضي وقف عندها وبحدة/تعقبين وتخسين اي والله تعقبين!! ام راضي فزت واقفة/محمد ابو راضي قرب منها وبصراخ/وش لقيتي مني ياعايشة هاه وش لقيتي؟!! ام راضي بلعثمة وسط مكابرتها/كسرت الخاطر دايم تكسرني قدام عيالي مثل الحين ابو راضي بقهر منها/والله انا اللي بأكسر خاطرك زين هالمرة انتي طالق طالق طالق ياعايشة ساجي يناظر ابوه بصدمة ام راضي تناظره بعدم استيعاب ابو راضي/تحرمين علي ياعايشة ليوم الدين تحرمين وبنتي مالك عليها كلمة سمعتي مالك كلمة ام راضي تناظره وسط عبرتها المختنقة/محمد محمد ابو راضي مشى وتركها وبعصبيته/لاابوك لا ابو اليوم اللي جمعني فيك تف عليك من مرة تف . ،،الـمـسـتـشـفـى،، سجايا/انا انتظركم تحت فتنة جالسة على طرف السرير بعبايتها تناظره سلطان يجمع اغراضها بالشنطة التفت لها/لحظة لحظة سجايا وقفت والتفتت له/نعم سلطان دخل يده بجيبه وخرج محفظته ثم مد لها بطاقته/خذي سجايا/ليش؟ سلطان/اطلبي فطور على مايجي بدر سجايا كشرت بوجهها وهي تسمع اسمه سلطان/خذي سجايا سحبتها/ترا انا مااتهاون يدي تحكني سلطان ابتسم/حلالك بالعافية عليك سجايا/ايه حلالي بالمستشفى وش اسوي فيها قلها بالسوق لها طعم والله سلطان ضحك بخفة/ماهو بذنبي عاد هذا حظك لاتلوميني سجايا مشت/امري لله يمكن اهدي نفسي باقة بما ان محد فقدني سلطان/اهدي عمرك باقات مو وحدة بس سجايا/ايه تمسخر علي ايه/خرجت/ سلطان قفل الشنطة ثم وقف قبالها وهو يناظرها بابتسامة ثم انحنى يبوس جبينها/الحمدلله على سلامتك يافتنة سلطان فتنة/الله يسلمك ياروحي سلطان مد كفه لها/يالله مشينا فتنة لامست بكفها كفه واستندت عليه توقف/بسرعة اشتقت للمزرعة والبيت كثير سلطان بنص عين/وأنا؟ فتنة/هذا انت قدامي ليش اشتاق؟! سلطان شهق وهو يلامس بيده اعلى صدره/ياوجع قلبي فتنة كتمت ضحكتها/شبعت خلاص لازم تفك عني شوي عشان اشتاق سلطان يناظرها بذهول وهو يترك يدها/ياقسوة قلبك انا حتى وانا معك اشتاق لك فتنة/لازم تفك حبيبي عشان ابادلك الشوق مايصير تكتمني كذا سلطان رفع بلوزتها وهو يناظرها فتنة نزلت بلوزتها بوسع عيونها/وش فيه؟!! سلطان/أتأكد هي الطعنة ببطنك ولا بقلبك؟ فتنة ميلت فمها بزعل سلطان بعتاب/والظاهر انها ماصابتك صابت قلبي انا فتنة ابتسمت وهي تحاوط يده بيديها/حبيبي سلطان سحب يده منها/اتركيني اداوي خيبتي مادريت اني الوحيد اللي يقبل كله بشوق فتنة زفرت بابتسامة وهي تحاوط يده من جديد بيديها/ياسلطان فتنة سلطان صد بوجهه بتغلي/مابه سلطان به وقعان بالخيبة فتنة كتمت ضحكتها وهي تناظره بحب/سلطاني ياسلطان فتنة وروحها سلطان تلفت حوله/وينه ذا؟من هو اصلا؟ فتنة مدت يمينها وهي تمسكه من دقنه وعيونها بعيونه/هذا هو قدامي سلطان ولد جابر زوج فتنة بنت عبدالله هذا هو قدامي سلطان فتنة سلطاني حبيبي سلطان تكلم بين كفها اللي ماتركه/مايستاهل شي هالسلطان بعد ذا الكلام؟ فتنة بابتسامة وبنص عين/يمه منك يالاستغلالي سلطان بنفس وضعه وباستعطاف لها/مااستاهل؟ فتنة بابتسامتها/يستاهل بس مافيه/تركته/ سلطان ناظرها بغيظ وانحنى للشنطة وحطها على ظهره ومشى فتنة اتسعت عيونها/سلطان!! سلطان التفت لها/انا صدري يوجعني مااقدر اثقل عليه زيادة فتنة ضحكت بصدمة سلطان حاوط نفسه بيديه وهو يمشي ببطئ/ااه ياوجع ذا القلب من كل مكان طعنة فتنة ضحكت من قلبها/يمه يالتهول يمه!! . راضي خارج من البيت وهو يهمهم مبسوط بعد سواته مد يده لباب السيارة المستأجرة حتى يفتحها قطب جبينه وهو يلتفت له بحدة ابو فواز وقف جنبه وهو يمسك يده وضغط عليها بكل مافيه وبحدة/يالخسيس يااللي ماتثمر فيك عشرة راضي سحب يده بقوة وهو يلتفت له كله هالمرة بابتسامة/خير عسى ماشر ياعم جابر ابو فواز ضربه كف على وجهه/وتضحك بوجهي عقب فعايلك بعد!! راضي ميل فمه بابتسامة شر وهو يناظره/لاتخليني انويك بعد مايكفيك عيالك!! ابو فواز بصق عليه بقهر راضي مسح خده وسط حدة نظراته ابو فواز/الخسيس يظل خسيس مايتغير لو يملك كنوز الدنيا كلها راضي/صدقت لان الخسيس مثلك مايتغير ابد وهذا انت قدامي ماتغيرت ، ، >>قـبـل 26سـنـة>> ،،المدرسة الثانوية،، ابو راضي داخل المدرسة وقت الفسحة بكل مافيه من غيظ وقف بالساحة وهو يناظر الطلاب يتفحص وجيههم ثم احتدت ملامحه من طاحت عينه عليه اسرع بخطواته وبصراخ متجه له/رااااضي راضي يسولف مع خويه التفت بصدمة من وجوده بهالوقت/يبه!! ابو راضي وقف عنده ومسكه من ياقة ثوبه وبقهر/الله لايرضى عليك من ولد الله يشغلك في نفسك مثل مااشغلتني وسودت وجهي بين الرجال الله يشغلك/نزل عقاله من على راسه وبدا يجلده قدام المدرسة كلها/ . ،،السيارة،، ابو فواز فتح الباب الخلفي وناظره مد يده وهو يمسح على كتفه بمواساة راضي بوجه خالي من اي تعبير رفع عيونه وهو من صارت المشكلة محد ناظر فيه او عبّره غرقت عيونه دموع وهو يناظره ابو فواز همس له/ماعليك مالك الا اللي يطيب خاطرك وانا عمك ابشر ابشر راضي ركب وهو يكبح عبرته ابو فواز ركب مكان السواق/الله يهديك ياابو راضي اللي سويته غلط مايصير هالتعامل ابد مايصير ابو راضي جنبه بنرفزته/الا حقه وماجاه سويد الوجه ذبحني ماخلا فيني عقل هالولد الله لايبارك فيه راضي شد على يديه وهو يناظرها بصمت ابو فواز/استغفر بك بس وش هالكلام وتراها فترة طيش وبيعقل ان شاء الله ابو راضي بعصبية/وش يعقل!!ذا ماخلا سيارة بالحارة صاحية ماخلا مكيف حتى هندي البقالة الضعيف ماتركه بحاله سود وجهي بين جيراني الله لايبارك فيه من ولد الله لايبارك فيه ابو فواز بنرفزة/انا يوم قلت لك عن سواته بالسيارة مابغيتك تجره بالمدرسة بهاللون راضي اتسعت عيونه والتفت لاارادي يناظر ابو فواز بصدمة ابو فواز بغبنة/اللي سويته مو صح ابد انت خليتني اندم اني علمتك انا يوم قلت لك بغيتك توجهه تعلمه تنصحه مو تسوي هالسواة ابد!! راضي شد على قبضته الراجفة وبقهر/وقف ابو راضي ناظره بالمراية ابو فواز/هلا؟ راضي صرخ وسط دموع انسابت/اقولك وقف ابو راضي اتسعت عيونه/ولد!! ابو فواز وقف راضي نزل وقفل الباب وراه بكل قوته ابو راضي فتح الباب بينزل له وبعصبية/انا ولد ابوي هاذي تواليها!! ابو فواز مسك ابو راضي من يده/تعوذ من ابليس واتركه يكفيك ماسويت راضي يسرع بخطواته مبتعد وسط مشاعر كلها حقد وغضب وقهر ودموع/تواسيني طول هالمدة ونهايتها انت من يملا ابوي علي هين والله هين اصبر لاخليك تندم والله ان تندم ياجابر ، ، ابو فواز رفع يده بيضربه راضي دفه عنه/لااا ماهو بعلى كيفك ماتركت ابوي يرفع يده علي مرتين حتى تسويها انت!! ابو فواز يناظره بصدمة منه راضي ابتسم/بخاطري شي من زمان ودي اعرفه منك ولاحصلت فرصة لكن دام تكررت الفرصة وجب اني أسأل ولا اتركها بخاطري ابو فواز يناظره بغيظ راضي/وشلونك مع عيون الناس؟وشلونك مع همساتهم؟وكيف شعورك اول مادريت عن سلطان؟يختلف عن فواز ولا نفس الشعور؟/انفجر يضحك/ ابو فواز/مريض انت مريض!! راضي/لاااا ماني بمريض ابد انا كل اللي سويته اخذت حقي وانتم رجعتوا لمكانكم بعيوني وعيون الناس كلها ابو فواز قرب منه/لاتغتر وتفرش ريشك مردك تطيح بشر اعمالك ووقتها ماني بمتكرم حتى عليك واذكرك يالخسيس راضي بحدة من بين اسنانه/ماني بخسيس الخسيس اللي يبدل وجهه بكل لحظة ابو فواز ناظره بحدة/محد يبدل وجهه غيرك وسواتك ذي ماتمر مرور الكرام ياولد محمد هين هين/مشى/ راضي بابتسامة ورضا رفع صوته/اللي ماتقدر توصله بيديك اوصله برجولك بس ياليت تغير عن العدس ولدك محتاج يتغذى زين عشان يتحمل اللي بيشوفه/انفجر يضحك وهو يركب سيارته/ . {{الـمـزرعـة}} العم يسر باستغراب/ماعرفته؟ سعد هز راسه بلا/يبه انا ماشفت منه شي زين طلبك بالاسم وحتى يوم قلت مشغول قال انتظره ماعندي مشكلة العم يسر زفر/الله يجعله خير الله يجعله خير/دخل للمجلس الخارجي/يامرحبا ياهلا ومسهلا يالله تحييه ياهلا/وقف يتفحصه يتأكد من اللي قدامه احتدت نظرته/لا هلا ولامرحبا الله لايحييك سعد اتسعت عيونه للحظة ثم احتدت ملامحه وتقدم له بخطوات سريعة العم يسر مسك سعد من يده يوقفه سعد وقف والتفت لابوه وبحدة/يبه!! العم يسر رجع سعد وراه وهو يضغط على يده سراج اللي وقف من سمع ترحيبه نزل كاب الهودي عن راسه ثم نزل كمامته المغطية وجهه وبوجهه اللي ماخف ابد من كدماته وكل مافيه ينطق بوضوح من تعبه زفر وهو يسمع تغير النبرة جذريا/ياعم العم يسر قاطعه بحدة/لاتقولي ياعم وعمى يعميك ويصم اذانيك انا ماني بعمك ابد والله لايجعل بيننا قرب نعنبو هالوجه اذلف اطلع برا اطلع سراج دخل يده بجيبه وهو يخرج ظرف/ياعم ذي فلوسك انا جيت ارجعها وابري ذمتي العم يسر ابتسم بسخرية/ذمة!!ذمة!!عجيب والله عجيب!! سراج تقدم له وهو يمد الظرف العم يسر بحدة/اوقف لاتقرب مني!! سراج وقف العم يسر/تبي تبري ذمتك هاه سراج ناظره بصمت العم يسر بقهر/رد لي حمد الحين رده وتبرع بكبدك مثل الاتفاق اللي كان بيننا سراج/ياعم انت تطلب شي مستحيل العم يسر/الحمدلله جاوبت على نفسك لارجع حمد من قبره هاك الوقت حللتك من ذنبك سراج بندم/ياعم يشهد الله جيت تايب اطلب الحِل ارحم واعف واجرك عند الله العم يسر بغيظ/اسكت اسكت لا اسمع لك حس انت تعرف الله!!تعقب اللي يعرف الله يخافه ويخاف من تواليها اذلف عن وجهي دام النفس للحين هينة لينة معك سراج انحنى وهو ينزل الظرف عالارض العم يسر اتسعت عيونه وبحدة/خذ وسخك معك مالنا به حاجة سراج اعتدل بوقفته وهو يرفع الظرف معه ناظر سعد سعد بنظرات محتدة/انا مالي كلمة بعد ابوي سراج ناظر العم يسر/ياابو حمد العم يسر ضرب بعكازه عالارض وبحدة/لاتطريه على لسانك لاتطريه!! سراج زفر وهو يناظر اصراره/وش يرضيك ياعم وابشر به تكفى طلبتك علمني لاتردني؟ العم يسر بحدة/مايرضيني من امور الدنيا شي ولا تتعب نفسك ابد الرضا الحق يوم نتقابل بذيك المحكمة وكلن ياخذ جزاه والحين اطلع برا بيتي عيني لاتشوفك ابد اطلع برا الله لايردك برا!! سعد تقدم له وهو يدفه من كتفه سراج تقدم بخطواته لقدام سعد بحدة/برا برا سمعت صاحب البيت وش يقول برا اذلف سراج خرج وهو يجر خطواته بخيبة . ،،الـمـركـز،، بدر وقف بالسيارة بالمواقف سلطان/لاتنزل بدر قطب جبينه/لازم اكون معك هالمرة سلطان/لا مو بلازم انا اعرف امشي اموري بدر/بس هاذي فيها اعتداء لازم يكون معك محامي سلطان/رح الليلة وخلك مع فتنة وبكرة لا اصبح الصبح تعال بدر/بس سلطان قاطعه/لاتجادلني وانت تدري رايي اللي بيمشي يابدر بدر/وان سألت؟ سلطان/قول لها الحقيقة وتعذر لي منها وان شاء الله كلها بكرة وانا طالع بكفالة بدر/اسمعني واتركني انزل معك سلطان باصرار/انت اسمعني واتركني على ماابي بدر تنهد/على راحتك سلطان نزل وقفل الباب/فمان الله بدر/استودعناك الله/حرك مبتعد/ سلطان التفت يناظر بوابة المركز اللي على مسافة بعيدة عنه زفر وهو يلمس بيمينه جيب ثوبه الجانبي الايمن يتاكد من وجودها/بسم الله توكلت على الله/مشى بخطواته متجه للمركز/ _________________________ . ((الليل)) . ((بيت ابو راضي)) عزيزة فتحت الباب وناظرتها بصدمة للحظة ثم تداركت الوضع/يامرحبا حياك الله تفضلي ياخالة ام فواز بحدة وسط بقايا دموعها/مابي ترحيبك روحي نادي لي اخوك عزيزة باستغراب/ساجي؟ ام فواز/لا اللي مايتسمى راضي الله لايرضى عليه عزيزة/بس ياخالة هو مسافر ام راضي وقفت بوجهها اللي مايقل ضيقة عن ام فواز وبنرفزة/خير ام فواز بحدة/واللي يعرفكم يعرف الخير!! ام راضي بغيظ/اسمعي عاد انا ادور اي شي اطلع قهري فيه وجابك الله لعندي ام فواز/انتي اللي اسمعي قولي لولدك اذا عنده ذرة خوف من ربه باقية بقلبه يعترف ويقول الحقيقة يكفيه خراب ودمار لحياة الخلق من حوله ام راضي تناظرها بعدم فهم لكن ماسمحت لها تلاحظ/الحمدلله عيالي كلهم يخافون الله العتب على اللي يهجم عالناس ماكفته حياة السجون ام فواز قطبت جبينها للحظة وفهمت قصدها لسلطان/والله يستاهل حلال من كسره تكسير ام راضي رفعت يدها بتضربها ام فواز مسكت يدها ودفتها بكل قوتها/انا جيت عشان اقول هالكلمتين والله حق ولدي مايروح والله اني لااطارد وراكم بكل مكان وبكل لحظة حتى بنومكم تلقوني والله لااخليكم تتلفتون حولكم من الفجعة واخرها انا اللي بأدخل السجن بعد ماابرد قلبي منكم/مشت/ ام راضي اللي مافهمت انها تتكلم عن فواز تناظرها بقهر وهي مبتعدة وبصراخ/هي ناقصتك انتي بعد!!الله لايقر عينك بهالولد اللي ذابحتنا فيه كأن محد عنده ولد غيرك!!/قفلت الباب بقوة/ووجع يوجعك انتي وعيالك جميع وجع!! . ((بيت سلطان)) فتنة تخطي خطواتها بهدوء زفرت بضيق وهي تنتظر المكان يعمه الصمت بعد ماكان ينبض بأنواع الاصوات والازعاج بدر وقف وبيده حافظة/احطها بالمطبخ؟ فتنة/اكيد بدر/احط لك طيب؟ فتنة هزت راسها بلا بدر يتحاشى يناظرها/اسبقيني للمجلس فتنة قطبت جبينها وهي تناظره يبتعد اتجهت للمجلس وهي تتوقع ممكن يكون سلطان رجع وقفت بصدمة من وجوده ابو عمر وقف وهو يناظرها عالباب/الحمدلله على سلامتك فتنة تناظره بصدمة اكبر/تكلمني؟! ابو عمر/ايه اكلمك انتي فتنة دخلت بخطوات هادية مجبرة من اصابتها بدر دخل وبيده كرسي وقف جنبها وهو ينزله/ارتاحي فتنة ناظرته بعتاب بدر همس/لو سمعتي اللي سمعته كان عذرتي فتنة جلست بفضول وهي تناظر ابوها بصمت ابو عمر/انا دريت بسواة اللي ماتنسمى فتنة ارتفعت حواجبها ابو عمر/دريت انك من البداية مالك ذنب فتنة/يعني؟ ابو عمر/قصدي واضح دريت انك ظاهرة شريفة واللي صار كله تخطيط من تحت راسها فتنة زفرت بضحكة خفيفة/والباقي؟ ابو عمر سكت فتنة/جحودك ونكرانك لوجودي من الاساس وش صار عليه؟ولا بعد تنتظر اثبات اني بنتك!! ابو عمر بحدة/اسمعي بس انا جيت اقول لك ضفي عفشك فتنة قطبت جبينها باستغراب من طلبه/اضف عفشي!! بدر قطب جبينه وهو يسمع الكلام الجديد عليه كان كل طلب ابوه يقابل فتنة ويستسمح منها ولهالسبب سمح له يقابل فتنة ابو عمر/ايه تضفين عفشك وش لك تجلسين مع واحد كل شهر وهو مسجون بدر تغير وجهه ماتوقع ابوه عنده علم بوضع سلطان فتنة التفتت لبدر بصدمة ابو عمر بحدته /واحد كل شوي وهو يمشي ويذبح بخلق الله وشلون تأمنين نفسك معه هاه وشلون فتنة بدون اهتمام لكلام ابوها/بدر وينه سلطان؟ ابو عمر بغيظ/اقولك بالسجن ضارب له واحد وانتي تسالين عنه!!قومي ضفي عفشك ولك اللي تعيشين عنده معززة مكرمة فتنة/بدر جاوبني بدر/كان ودي تعرفين مني ماهو بهالطريقة وسلطان طلبني اقولك لكن انا ماعرفت كيف افاتحك بالموضوع فتنة/يعني رجع للسجن؟ بدر/ماعليه كلها بكرة ان شاء الله واطلعه بكفالة فتنة زفرت براحة/الحمدلله ابو عمر قطب جبينه بغيظ/الحمدلله!! فتنة التفتت لابوها/اذا هاذي طريقة اعتذارك وتحاول تصلح الامور بيننا فأنا اقول لك لا ابو عمر/وشو اللي لا!! فتنة/طلبك اضف عفشي لا ماني بمتحرك من بيتي أنا مااطلع بدون إذن زوجي ابو عمر/وشو!! فتنة/انا ماعرفت العز والكرامة تحت جناحك بيوم حتى تعرضها لي الحين بكل ثقة ابو عمر احتدت نظرته فتنة/وهو لو يمشي ويضرب بكل خلق الله ادري ان وراه سبب ومقنع بعد ابو عمر صرخ/صاحية انتي؟!! فتنة/اللي يده ماانرفعت علي بلحظة ماوصل له اني خنته بوسط بيته مابتنرفع يده علي ابد لاخر العمر ابو عمر يناظرها بقهر/اقولك ذبح ناس ويمشي ويتجبر وانتي تقولين مابيرفع يده علي!! فتنة احتدت نظرتها/لاتهينه وانت بوسط بيته احترم صاحب البيت ابو عمر/وشو!! فتنة/جوابي اللي انت جاي عشانه وعطيتك اياه غيره ماعندي كلام ابو عمر/بتندمين يافتنة بتندمين فتنة/صحيح بأندم اذا سمعت كلامك وتخليت الحين ابو عمر بغيظ منها/وش ارتجي من وراك وانتي عيونك منعمية عنه لاتجيني بعدين وهالعيون تذرف دموع القهر تبي المعزة/مشى/ فتنة ناظرت بدر/تكفى بدر و بدر قاطعها/والله بيطلع امره هين لاتشيلين هم لاتشيلين هم/مشى ورا ابوه بخطوات سريعة/ياابو عمر ابو عمر التفت له وبحدة/حقي عليك تناديني يبه بدر زفر وبهدوء/ماخبرت الاعتذار بهالطريقة!! ابو عمر/ماخبرتك ابوي حتى تحاسبني!! بدر/يبه اذا تبي الكل حولك لازم يلين قلبك قبل لسانك ابو عمر/هدا اللي ناقص تعلمني!!مشى وتركه/ بدر زفر بيأس/عسى الله بس يهديك عساه يهديك . راضي يسوق سيارته وسط جو هادي يخيم عالسيارة من فترة/الحمدلله على سلامة الوصول حبيبتي جوهرة صادة بوجهها عنه بزعل ولا ردت راضي زفر/ياحبيبة قلبي وعدتك أنا وعدتك وراضي لا وعد مايخلف جوهرة التفتت له وبضيق/اخوي ذا ياراضي اخوي كيف تجبرني ارجع معك وانا ماادري هو حي او ميت كيف راضي/ابشري ياعين راضي ابشري اول مايلقونه اترك كل شي ونروح طيران لهم ابشري/وقف بالسيارة عند باب العمارة/ جوهرة/وش الفايدة اذا ماشافني قدامه اول مايرجع وش الفايدة/فتحت الباب بتنزل/ راضي احتدت نظرته وحرك السيارة بسرعة جوهرة فزت برعب وهي تقفل الباب بسرعة والتفتت له وبصراخ/مجنون!!بتذبحني!! راضي وعينه بالمراية وسط سرعته الجنونية صرخ/افتحي الدرج وطلعي الفرد جوهرة استغربت صراخه عليها اكثر من سرعته فتحت الدرج وانصدمت من وجود كذا مسدس قبالها وبهدوء/أيها؟ راضي بحدة/اي واحد اخلصي جوهرة خرجته وقفلت الدرج راضي مد يده/هاتي جوهرة بوسط ترددها/ليش؟ راضي اتسعت عيونه وصرخ/جيبيه!! جوهرة فتحت القزاز وهي ترميه راضي صرخ بقهر منها/جوهرة!! جوهرة بصراخ مثله/قولي ليش مسرع وليش تطاردك السيارات ورانا!! راضي صرخ/مجانين مستقصديني!! جوهرة اللي مقتنعة بكذبه فتحت الدرج وهي ترمي المسدس الثاني وسحبت المسدس الثالث والاخير وهي تميله من القزاز بتهديد راضي صرخ/جوهررررةةة!!!/انحنى وهو ينزل يده تحت كرسيه ويخرج قنبلتين ويحطها بحضنه/ جوهرة قشعر جسمها من كثر رعبها وبصدمتها/انت مين؟وش تكون؟ راضي مد يده وهو يسحب المسدس من يدها ويفتحه قراره ويرمي عالسيارات وراه جوهرة اعتلى صراخها وهي تغطي اذانيها من صوت الرصاص وبوسط دموعها/وقف وقف ليش ماتسمع لهم وقف!! راضي صرخ وسط تسارع نبضات قلبه المرعوبة/اسكتي لااسمع لك صوت ماارجع ماارجع لذاك المكان لو فيها موتي ماارجع!! جوهرة ناظرته بدموعها وهي تناظر جنونه والسيارات الغريبة وراه ايقنت بهاللحظة ان هالشخص اللي قدامها مرتكب جرايم ونهايتها بتكون معه بهاللحظة فتحت الباب وهي ترمي نفسها من السيارة بتهور راضي اتسعت عيونه بصدمة من فعلها صرخ/جوهرة!!/كمل طريقه وهو يناظر السيارات تتفاداها وراه وصرخ/مجنونة مجنوووونة!! . ______________________ ((بعد يومين)) . ((شقة ابو راضي)) ام راضي على اعصابها وقفت وهي تناظره بقلق/تكفى قل لقيته حتى العلة ماترد انا ماعاد فيني صبر اكثر يكفيني مصايب يكفي بجاد بوجه كله ضيق وحزن/يمه راضي يطلبك الحل ام راضي بعدم استيعاب/كيف يعني؟ بجاد مسك يديها وشد عليها/يمه البقا براسك ادعي له عسى الله يرحمه ويتجاوز عنه ام راضي سحبت يديها منه وبحدة/وش اللي ادعي له امس طلع من عندي طيب راح يجيب العلة زوجته اكيد هي السبب بتاخيره اخوك مافيه شي مافيه بجاد ضم امه وبرجفة صوته/يايمه ادعي له بس الحين هو بحاجة دعواتك ادعي له عزيزة تهل دموعها بصمت ام راضي تتحرك بين يديه وبصراخ/فكني اخوك وينه وين راضي يابجاد وينه تكلم وينه بجاد شد عليها وبدموع انسابت غصب/ادعي له يايمه ادعي له/وبنفسه/ماسمعت عنه مايسر يمه مايسر . ((بيت سلطان)) سلطان دخل للبيت بهدوء بوجه ينطق تعب بعد اصعب يومين مرت عليه بعد ذيك الايام اللي ببداية سجنه سحب هواء بكل مافيه يبي يملي صدره بانفاس بيته اللي يضمه بكل مرة تقدم بخطوات ثقيلة وهو يقفل الباب وراه بهدوء تقدم بخطواته وكل مافيه يتأمل تفاصيل بيته كم له مادخل بيته من تعب فتنة وبعدها سجنه بهاليومين توتر وهو مايلمحها بأي مكان دب الخوف لقلبه من طرت فكرة رحيلها على باله زفر براحة وهو يوقف على باب المطبخ يناظرها ثم تسلل الحزن لقلبه وهو يناظر قفاها وكيف هي وحيدة بهالمكان فتنة جالسة عالطاولة وقبالها فطورها صوت اذاعة القران غطى المكان وكسر هدوءه الفظيع مجبرة نفسها عالفطور لصحتها سلطان رسم ابتسامة واسعة على محياه هينا مكانه هينا ملجأه هينا كل حياته هذا المكان الوحيد اللي يرجع له ومتأكد بيستقبله بدون أي نقاش و عتاب وحتى لوم/السلام عليكم فتنة اتسعت عيونها وهي تفز واقفة وتلتفت له بعدم تصديق لوجوده سلطان بابتسامته/رد السلام واجب فتنة غرقت عيونها دموع وبهمس/وعليكم السلام سلطان/انتظرتيني؟ فتنة هزت راسها بايه سلطان ضيق عيونه/أبطيت عليك؟ فتنة انسابت دموعها وبرجفة صوتها/بالحيل سلطان تقدم لها وهو ينحني يضمها لحضنه فتنة ضمته وبدموعها/تركتني وراك سلطان يمسح على راسها بخفة وبهمس/سامحي سلطان يافتنة كان مجبور فتنة بعتاب/تركتني لحالي وين وعدك لي؟ سلطان زفر/غصب عني يشهد الله غصب فتنة بكت/قال يوم وزاد بعده يوم وانا قلبي انتفض لاتكثر هالايام ياسلطان سلطان/هالمرة اخرها وعد يافتنة وعد فتنة ضربته بخفة على ظهره/لاتوعد لاتوعد سلطان/وعد ياعيني وعد اخرها ماعاد اغيب بهالمكان مرة ثانية وعد/ضمها له وهو يدفن وجهه بكتفها/رجف قلبي يافتنة رجف فتنة مسحت على ظهره/بسم الله عليك وعلى قلبك ياقلبي انت سلطان برجفة صوته/عقب وحدتي هناك ظنيت اني وحيد من دخلت البيت ومالمحتك فتنة ضمته لها/وشلون تظن هالظن وانت تدري بي وشلون سلطان/لاتلوميني يافتنة لاتلوميني فتنة بتطمين لقلبه/لو كل العالم حاربوك ياسلطان تأكد اني معك جنبك ووراك وبين عيونك انا معك لااعلن الكل انسحابه . ______________________ ((بالليل)) . ((الـجـلـسـة الـخـارجـيـة)) سلطان جالس قبال شبة النار بابتسامة وهو يحركها بالعود وسط صوت الراديو اللي غطى المكان فتنة مستندة على حضن سلطان بابتسامة وهي تدف نفسها لحضنه/بررررد سلطان وهو يرجع يده من ورا كتفها ويضمها لحضنه وبابتسامة/والحين دفيتي؟ فتنة/وكيف ماادفى وانا بين يدينك سلطان/يابنت للحين مابرا جرحك ارحميني!! فتنة ضحكت بخفة/وينه بدر؟ سلطان/قال بيروح لشقته الليلة فتنة بزعل/ولا يقول لي كلمة كاني غريبة سلطان باسها على جبينها/انا وانتي واحد ياعيني //اعتلى صوت مقدمة موجز الاخبار// فتنة دفته/اووووش نسمع نسمع يالله/رفعت الصوت باعلى درجة/ مـذيـع الاخـبـار/((صرح مصدر مسؤول في رئاسة أمن الدولة عن مداهمة احد اوكار الخلايا الارهابية في محافظة **** عبارة عن احد الاستراحات استخدمت كمأوى ومعمل لتصنيع الأحزمة الناسفة والعبوات المتفجرة وإقدام الارهابيين راضي محمد الـ*** و ناجي مسلم الـ***بتفجير نفسيهما أثناء مداهمتهما وإمتدادًا للتحقيقات المستمرة التي تباشرها الجهات الأمنية في أنشطة هذه الخلية فقد توصلت بفضل الله إلى نتائج هامة كشفت عن تورطها المباشر في جرائم إرهابية أخرى وتفاصيل ذلك على النحو الاتي: ثبوت علاقة هذه الخلية بالعمل الارهابي الاثم الذي استهدف محطة بترول في محافظة****بتاريخ الرابع عشر من الشهر السابع من عام ****وذلك بتأمين الحزام الناسف المستخدم في هذه الجريمة النكراء وتسليمه للانتحاري خالد فهد الـ*** وبقيادة المركبة المفخخة الانتحاري سالم سعود الـ*** مما نتج عنه مقتلهما وانفجار لاحد انابيب الخطوط واستشهاد اثنين من العاملين بالمحطة واصابة اربع موظفين اصابات خطيرة ومن خلال متابعة المعلومات المتوفرة عن هذه الخلية والمرتبطين بها ظهرت دلالات تشير الى ارتباط عدة اشخاص بانشطتها الارهابية واستاجر استراحة ومنزل بحي*** في مدينة*** بتكليف من راضي الـ***كمأوى لعناصر الخلية ومعمل لتصنيع الاحزمة الناسفة وقد تم بفضل الله تحديدهم والقبض عليهم وهما الارهابي **** و الارهابي *****ولازالت التحقيقات جارية للوقوف على المزيد من المعلومات عن حقيقة ادورهم ورئاسة أمن الدولة اذا تعلن ذلك لتؤكد ان ماتكشّف حتى الان من نتائج عن جرائم هذه الخلية والمرتبطين بها يدل دلالة واضحة على مدى الاجرام المتأصل في نفوسهم والضلال الذي بلغه حالهم فاعمالهم الدنيئة لم تراعي حرمة لمكان او لزمان او لدماء معصومة يقودهم اصحاب فكر مضل يدفعونهم باسم الدين والدين منهم براء لارتكاب افعال تنفر من بشاعتها الفطرة السوية وقيم المروءة والانسانية حمى الله بلادنا ومواطنيها والمقيمين على اراضيها من مكرهم ورد كيدهم في نحورهم والله الهادي إلى سواء السبيل)) سلطان غطى فمه بيده يكتم عبرته ويبلعها فتنة التفت له وامتلت عيونها دموع وهي تناظره سلطان/سمعتيه؟ فتنة هزت راسها/ايه سلطان هلت دموعه/نفس التاريخ نفسه يافتنة فتنة/ايه نفسه ياسلطان نفسه سلطان بشهقاته وسط دموع الظلم والقهر وبصدمته من عدم تصديق الخبر/قالوا خالد وسالم كانوا معي معي يافتنة فتنة تناظره بدموعها سلطان/مالي ذنب بشي مالي ذنب هم اللي سووها هم فتنة بدموعها هزت راسها سلطان/سمعتي راضي بعد راضي فتنة/سمعت سمعت سلطان باستذكار وسط لعثمته/ومين بعد مين فتنة/ناس الله كفاك شرهم سلطان بدموعه/مظلوم كم صحت مظلوم محد صدقني يافتنة فتنة تناظره بصمت سلطان مسك كفها وهو يضغط عليها بين يديه الراجفة/شوفي شوفي طلعت الحقيقة طلعت بعد 16سنة طلعت/اعتلت شهقاته اللي فاضت بمشاعر عدم تصديق للحظات وثم حلت مكانها مشاعر الفرح بظهور براءته بعد كل هالسنين غطى فمه بيده بمحاولة يائسة منه حتى يكبحها/قلبي يفيض يافتنة قلبي فاض ماهو بعيوني والله فاض فتنة سحبته لحضنه وهي تضمه بوسط دموعها تهدي قلبه الراجف من صدمته بالخبر /مبروك ياعيني مبروك ربي نصرك مبروك سلطان ضمها له وسط شهقاته اللي ماقدر يوقفها //انهلت الرسايل والاتصالات على جواله بوسط مباركات القريبين واستفسار البعيدين// . اللهم صل وسلم على نبينا محد . #سلطان_الهوى_يافتنة_الألفية | ||||
|
| |
 |
| أدوات الموضوع | |
| انواع عرض الموضوع | |
|
|
162Likes
العرض العادي
