02-08-22, 01:29 AM
| #11 | |||||
 
|  اقتباس:
حياك الله اسعدتيني بردك وتوقعاتك الجميلة🤍🤍 مشكورة حبيبتي وان شاء الله يستمر الحماس لنهاية فصول الرواية🤍 | |||||
|  |
|
02-08-22, 01:35 AM
| #12 | ||||
| 5 لاإله إلا الله وحده لاشريك له،له الملك وله الحمد وهو على كل شي قدير - ((شقة ياقوت وجوهرة)) جوهرة بغرفتها وهي تخفض صوتها/اقولك رجعة ماني ببراجعة وعيالي معي غصبن عنك!!ماسألت فيهم وهم قدامك بتاخذهم مني يعني!!اتحداك واللي براسك سوه ماتهمني/قفلت بوجهه/وجع فوق شينة قواة عينه والله!!/وقفت قبال الباب واخذت نفس وهي ترسم ابتسامة على وجهها وفتحته خرجت من غرفتها وهي تناظر ياقوت وعيالها وحتى عيالها بعد وبابتسامة/ماشاء الله الكل موجود!! وسام/ماما نبي ننزل تحت عند الالعاب جوهرة/لا يزن/الله يخليك ماما ياقوت/خليهم ينزلون الله وديزني عاد!! جوهرة بتكشيرة/ماتعرفين سراج يعني!! ياقوت/وش عليك منه انا بأوقف له جوهرة زفرت/اوكيه وسام رمى جهازه وجرى نازل ووراه اخوانه سمو جالسة قبال كراستها والوانها ناظرت امها جوهرة/روحي ياماما روحي مجد ابتسم وهو يوقف ياقوت/انتبهي لمجد فاهمة مجد مسك يد سمو/حاضر ماما جوهرة وهي تنحني تبوسه/يمّه يسلم قلبه القمر حبيب خالة سمو سحبت يدها من مجد وحطت الوانها وكراستها بشنطة الظهر الصغيرة ولبستها وهي تمد يدها لمجد وهي تمشي معه جوهرة وعينها عليهم/بِسْم الله عليهم يهبلون والله وربيت صح يانايف ياقوت كشرت وبنرفزة/وش قصدك!! جوهرة وهي تمشي لياقوت/والله واضح قصدي/وقفت قبالها وانحنت وهي تاخذ كوب قهوة ياقوت وغمزت لها/لانضحك على بعض ياقوت سحبت كوبها من يد جوهرة/اخدمي نفسك وترا امهم فهمتي جوهرة/ريلااااكس ماقلت شي ها بشري اتصل؟ ياقوت سكتت ماردت جوهرة ضحكت/يحبك هاه!! ياقوت صدت بوجهها ولاردت جوهرة/ياغبية اسمعيني تعبت وانا افهمك مافيك فايدة انتي!! . ((بيت بجاد)) بجاد فتح غرفة النوم بهدوء وسط استغرابه من نومتها بهالوقت تمدد جنبها عالسرير ووجهها بوجهه وهو يهمس/منيتي منايا نايمة بجاد طبع بوسة هادية على جبينها وهو يسحب يمينها لخده ويحتضنها بين يده وخده/منية قلبي منايا بانزعاج/همممم بجاد/وش فيك ياروحي لايكون تعبانة منايا بنوم/مافيني شي بجاد بعدم راحة/حبيبتي منايا تنهدت وهي تعرف خوفه الزايد فتحت عيونها غصب/والله بس ابي انام بجاد/طيب قومي معي نطلع نتعشى برا منايا/لا ماابي بجاد/الصغار جاهزين لاتكسرين خاطرهم منايا/طلعهم الحديقة ومرهم اقرب محل وجبات انا ابي انام بجاد طبع على يدها بوسة/والله مـاهـو بلي هالعشا عشان الصغار قومي ياحبي تكفين منايا تنهدت وهي تجلس بجاد جلس وابتسم وهو يناظرها/يأذن نصلي ونطلع منايا ماردت بجاد احتضن وجهها بين يديه وهو يبوس جبينها بقوة/الله لايخليني من هالوجه منايا دفت يديه عن وجهها بضيق بجاد ابتسم اهم شي يشوفها قباله حتى لو زعلانة منه - ((بيت ابو عمر1)) موج دخلت للبيت من جهة المطبخ استغربت وهي ماتشوف فتنة كملت طريقها تطلع الدرج لفوق للصالة ووقفت قبل المدخل وهي تسمع اصواتهم عمر يمشي قدامها رغد مسكت يده بداخل الصالة/طيب جاوبني ليش!!وش المانع؟ عمر سحب يده/انا مااحب هالحركات وانتي تعرفيني رغد/بس بكرة غير!! عمر زفر/وش المناسبة ان شاء الله رغد اتسعت عيونها فوق رفضه مايدري ليش موج نزلت ورجعت للمطبخ بخطوات سريعة وهي تكره البيت بسبب هالمدخل المشترك بينهم وبين جناح عمر عمر/أسألك ليش؟! رغد/الحين اقولك حاجزة لنا ليلة بفندق لوحدنا نسهر بدون اي ازعاج وتسألني ليش!! عمر/وش فيها اذا قعدنا بالبيت اذا معك فلوس زيادة هاتيها انا اصرفها بشي احسن رغد عضت شفتها وسط عيونها اللي غرقت دموع عمر تنهد وهو يناظر لمعة عيونها/عندي شغل بكرة رغد/بكرة اجازتك!! عمر/غيرت وقتها رغد تناظره بقهر/بكيفك/لفت عنه ومشت لجناحهم ووقفت وهي تناظرها واقفة على الدرج/ فتنة بيدها المكنسة الكهربائية وبربكة/أأنـ رغد طاحت دمعتها وهي تكره فتنة تشوفها بمثل هالوضع كملت طريقها بسرعة للجناح ودخلت وقفلت الباب بقوة عمر تنهد وهو يوقف عند الطاولة وياخذ من فوقها مفاتيحه واتجه للدرج وقف على مدخل الصالة وهو يناظرها قدامه ميل فمه بانزعاج كونها اكيد سمعت ومر من جنبها فتنة/عمر عمر التفت يناظرها بتقطيبة جبينه/خير!! فتنة/ترا بكرة تكملون سنة زواج عمر/ويعني؟!! فتنة/حرام عليك تكسر خاطرها!! عمر/فكيني واللي يعافيك واصلا مالك شغل لاتتدخلين!!/نزل عالدرج بخطواته السريعة/ فتنة تنهدت/الله يهديكم لبعض رغد ورا باب الجناح تضرب على صدرها بقوة وسط دموعها بحرقة قلب من بروده الفظيع ام عمر دخلت للمطبخ وفزت وهي تناظرها/اعوذ بالله من الشيطان الرجيم موج بابتسامة/بِسْم الله عليك ياعمة ام عمر/اي والله بِسْم الله علي منك موج ضحكت/ليش ياعمة ام عمر قطبت جبينها باستغراب من ضحكها موج/اهم شي اذكارك ياعمة لااوصيك ام عمر باستغراب/فيك شي انتي؟!! موج/لا الحمدلله الله يديم نعمته علي عمر من برا المطبخ/يمّه يايمّه عندك احد؟ ام عمر تناظرها باستغراب موج وقفت وهي تنزل نقابها على وجهها/عمر يناديك ياعمة قولي له يترك لي الطريق . ((بيت سراج)) ،،الحوش،، سحايب فارشة فرشتها على مدخل البيت وهي مثبتة ظهرها عالباب قافلته ماتبي تشوف سراج حولهم ابتسمت وهي تناظر رزان تجلس بجنبها باستها على خدها/ياروح خالتك ليش ماتلعبين مع عفاف وعزام حتى مجد موجود رزان هزت راسها بلا وهي تتكي بكوعها الصغير على حضن سحايب سحايب شالتها لحضنها وضمتها باستغراب وناظرت حازم وميلت فمها مستحيل ينطق حرف ناظرت فيصل/فيصل تعال ياعيني فيصل نزل من المرجيحة واتجه لها ووقف عندهم/ماما وين؟ فيصل/راحت سحايب باستغراب من عجايب اللي ماقالت لها شي على غير العادة/مع مين فيصل/مع بابا سحايب/وين؟ فيصل هز اكتافه بمعنى ماادري سحايب تنهدت/روح ياعيني العب روح/ثبتت عينها على حازم وهي مو مرتاحة للي يصير / علي بزاوية الحوش بألوانه وكراسته علا جالسة قريب منه بينهم كم خطوة بس على كتبها تحاول تخلص واجباتها اللي تراكمت ليومين سمو نزلت من مرجيحة الكراسي وشنطتها بظهرها واتجهت لعلي وجلست قدامه علي ضم كراسته لصدره بيمينه وهو يسحب الوانه بسرعة ويرميها بحضنه وضم اغراضه له وهو يصد بوجهه عنها علا قطبت جبينها وهي تناظرها سمو فتحت شنطتها وخرجت الوانها وكراستها وهي تتربع زين وفتحت كراستها وهي تمد جهة الرسم لعلي حتى يشوفها/علي شوف رسماتي علي التفتت بهدوء وسط تردد منه ورجع صد علا بابتسامة شهقت/ماشاء الله ماشاء الله وش هالرسم ياعيني عليك ياعيني علي التفت هالمرة وهو يناظر رسماتها بفضول سمو ناظرت علا/انتي دايم تقولين رسم علي حلو قولي له يخليني اشوف رسمه الله يخليك علا ابتسمت/قولي له يسمعك!! سمو ناظرت علي/والله والله مااسوي شي خليني اشوف علي سحب كراستها من يديها بقوة سمو تغير وجهها بفجعة منه علا/علي غلط تسحب كراستها منها بهالطريقة!!عورتها علي مقرب الكراسة من وجهه بتركيز وبصوت هادي/خطأ خطأ خطأ سمو ترمش وهي تناظره/وشو!! علي مد لها كراستها وهو يأشر على رسمتها البسيطة/السفينة خطأ شششراااعهها خطأ علا بتموت من الفرحة واخيرا بدا يختلط باحد حتى لو طفل سمو اخذت كراستها وهي تناظر رسمتها علي فتح كراسته وهو يمدها لها علا تناظر علي بصدمة من تجاوبه لسمو سمو اتسعت عيونها من اتقان رسمه وصفقت/ووواااههه علي حلو يجنن علي مد لها كراسته سمو مدت يديها بتردد وسط خوفها منه وهي تعرف مايحب احد يلمس اغراضه ومسكتها وسط ترقب من علا بانتظار انفجاره علي تركها تاخذها سمو قلبت بالكراسة بانبهار من الرسم اللي كانه حقيقة ولفت له الكراسة وهي تاشر على رسمة لامه وهي مبتسمة/صدقية علي مو صورة؟ علا انصدمت وهي تناظر الرسمة لاول مرة تشوفها وناظرته بضيقة علي ابتسم ببراءة وهو يسمع مدحها سمو مدت له كراسته/مرة حلو علي تعلمني؟ علي هز راسه بايه وهو يقلب بكراسته وقطع رسمة من الرسمات ومدها لها سمو بفرحة/لي؟ علي هز راسه بخجل بمعنى ايه سمو تناظر الرسمة وسط فرحة واضحة عليها وسام وقف عندهم وهو ينحني ويسحب الرسمة من يديها علي احتدت نظرته سمو وقفت وبعبرتها/اعطني الرسمة علا كشرت بوجهها/رجعها وسام احسن لك وسام يناظر الرسمة وبسخرية/اوه المجنون وراه فايدة!! حازم وقف جنبه وبتكشيرة/احترم نفسك وسام التفت له بسخرية/الله اكبر حتى البزر طلع له صوت!! علي وقف وسحب الرسمة من يدين وسام وسام سحبها/مابقى غيرك يمشي رأيه علي!! علي مسك الرسمة وسحبها وسام ماسكها ويسحبها سمو بكت وهي تناظرهم //انقطعت الرسمة بينهم// علي انخطف وجهه وهو يناظر رسمته المقطوعة وسام ابتسم ورماها عالارض وهو يدعس عليها بجزمته/الزبالة مصيره للزبالة سمو اعتلى صوت بكاها بقهر على رسمتها سحايب وقفت وهي تناظر الهوشة اللي تصير واتجهت لهم علي انحنى للارض ودف وسام بقوة وهو ياخذ قطعة رسمته وسام طاح عالارض وفز بقهر منه ودف علي وطيحه عالارض علي ماهمته الطيحة وعينه عالرسمة اللي انعدمت بكى بحرقة على رسمته وسام/هيه انت وش كبرك وتصيح صدق انك مجنون حازم ضرب وسام ودفه عالارض وسام طاح عالارض وانخدش وجهه فز وهو يهجم على حازم يضربه علي فز من مكانه وهو يسحب وسام من تيشيرته من ورا ويضربه بدون رحمة يزن جرى خارج من الحوش بعد ماشاف علي يهجم على وسام حازم يناظره بصدمة سحايب وقفت عندهم وهي تفك وسام بالقوة من يدين علي وسام بعد مافكته سحايب وجهه كله خدوش وشفايفه تنزف وبدموعه/والله لاتربيكم ماما والله سحايب وهي ماسكة علي بالقوة/خذ اخوانك وروح يالله وسام وهو يناظر سحايب/وانتي تسحبين بأسكت عنك والله لأقول لخالي وياخذ حقي من عيونك انتي وولدك المجنون علا اللي تناظر اللي يصير من البداية بهدوء وقفت عنده وضربته كف وسام مد يده بيضربها علا دفت يده وهي تمسك تيشيرته من على صدره وتزمه وتسحبه لها وضربته كف/هذا عشان الرسمة/كف ثاني/هذا عشان لسانك الوصخ اللي مايحترم الكبير/كف ثالث/هذا عشان امي/كف اقوى من اللي قبله كلهم/وهذا عشان امك اللي ماعرفت تربيك/دفته وطيحته وهي تشوته على بطنه/وهذا هدية لابوي نشوف وش بيسوي جوهرة دخلت للحوش بوجهها المخطوف وبصرخة هزت المكان كله/يممممهههه ذبحوا ولدي!! . نايف واقف بالسيارة على بعد كم متر عن البيت وهو بيموت من زود توتره وكل شوي يخرج جواله يتاكد اذا اتصل عليه او لا تكى بطرف دقنه عالدريكسون وهو مثبت عيونه عالباب ينتظر اي حركة راضي عقد حواجبه وهو يناظر السيارة جنبه ميل فمه بشك مر بسيارته من جنبه واتسعت عيونه وهو يشوفه اسرع بالسيارة وهو يخرج من الحي ويرجع طريقه وقف جنب سيارة نايف/ياحيّه!! نايف زفر بضيقة وهو يناظره ورفع يده بمعنى هلا راضي/وش فيك مادخلت!! نايف طنشه ولا رد راضي قطب جبينه من حركته تركه وحرك ووقف قبال بيت ابو فواز نايف نزل من سيارته ومشى له بخطوات سريعة راضي نزل من سيارته نايف مسكه من يده راضي التفت له/خير وش بغيت؟!! نايف زفر وهو يخرج جواله ويكتب به ولفه لراضي راضي اتسعت عيونه من اللي قرأه وناظره نايف أشر بمعنى روح لاتدخل لهم الليلة راضي ركب سيارته وحرك وسط هدوءه وفضوله من اللي بيصير . ((بيت ابو فواز)) ،،مجلس الشعر،، ثابت وقف قباله ومد له فنجال القهوة/سم سلطان اخذ الفنجال/سلمت ثابت/الله يسلمك يالله حيه حي الله الضيف سلطان/الله يبقيه ويسلمه/ناظره بهدوء وهالوجه غريب عليه/انت من عيال ابو سلطان؟ ثابت قطب جبينه باستغراب وهو مايذكر اخر مرة سمع فيها اسم اخوه الكبير اللي ممنوع ذكره بالبيت ابتسم بمجاملة/ايه ثابت اصغرهم سلطان سرت بجسمه قشعريرة وهو يثبت عيونه بدون لايرف له جفن على ثابت يااااطول السنين وشلون وشلون مرت بهالسرعة ثابت الصغير ثابت الضحوك اللعوب تركه صاحب سبع سنين صار رجال وخط شاربه وخطت عوارضه على وجهه بلع غصته وهو يتأمل اخوه الصغير يقارن بين ملامحه ذاك الوقت وهالوقت وشلون جرت الدنيا وكبر بسرعة وشلون ماتهنى بأي لحظة معه ثابت توتر من نظراته وتنحنح وهو يبلع ريقه سلطان نزل راسه وهو يخفي عبرته ورفع فنجاله يرتشف من قهوته علّها تمنع هالعبرة لاتطيح وتفضحه اكثر ثابت/عن اذنك انادي لك الوالد سلطان بوجهه اللي تغير للحظة تنحنح وهو يستعيد توازن مشاعره/لحظة لحظة لاهنت . {الصالة} ،،عالقهوة،، جواهر تهمس لذهب/اقولك بغيت اموت وهو يناظرني عيونه لسعتني بدون كلام ذهب ابتسمت/يعني وش متوقعة!! جواهر/توبة اخر مرة اسمع شي لجدتك عساني ماسميت قال ايش سلطان مو لازم اسميه يالله السلامة كل شي ولا عصبية فواز ذهب/صراحة ماتوقعتك تسوينها والله طلعتي شجاعة جواهر/اوص اوص مت وحييت بمكاني والسبب جدتك ذهب بضحكة/وانتي اي شي يقولونه لك تسوينه سلامات!! جواهر/ناظري ناظري كيف يخزني للحين احسه شايل علي ذهب/يعني ماتعرفين فواز ووضعه مع هالسالفة؟زين ماضربك قولي الحمدلله //ام فواز وابو فواز وفواز قبالهم يتقهوون// ام فواز باستغراب من همسهم/وش عندكم؟ جواهر/سلمك الله عمتي بس اسألها عن فستان شفته على وحدة ام فواز/اتركوا الكلام بالناس يكفي ذنوبنا يالله نشيلها مااحنا ناقصين ثابت من برا الصالة/يمّه يمّه تعالي ابيك ابو فواز/من اللي جا ياولد ثابت/ضيف يبه ضيف فواز وقف وهو يمشي له/وش فيك ماناديت علينا!! ثابت/الضيف يبي ابوي وامي //الكل استغرب هالطلب// فواز خرج له وبعصبية/وشو!!صاحي انت!! ثابت رفع اكتافه/اللي سمعته حتى انا انصدمت مثلك . ((بيت الجدة سدول)) الجدة سدول جالسة عالارض وهي تمشط شعرها/وش يبي منك هالثبتي سجايا جالسة قبالها وهي ساندك ظهرها عالجدار وعينها عالجوال/اخذ القهوة يقول ضيف الجدة سدول قطبت جبينها باستغراب من فترة طويلة ماجاهم احد/ضيف!!ماقال من هو؟ سجايا وعينها بالجوال/يقول مايعرفه الجدة سدول بنرفزة وهي تحذف المشط عليها سجايا فزت/بِسْم الله وش سويت الجدة سدول/الحين جاية تونسيني ولاجاية عشان جوالك هاه سجايا رمت الجوال وهي تقوم وتجلس جنبها تحتضن ذراعها/ياعين السجية ماحبيت اشغلك وشوشتك صعيبة الجدة سدول ضربتها على رجلها وهي تسحب يدها منها/اقطعي ماتستحين على وجهك!! سجايا غمزت لها/اعرفك تدعين عليها بينك وبين نفسك اكيد ياجدة الجدة سدول دفتها/قومي قومي جيبي لي البخور بس قومي سجايا/ماطفشتي ياجدة ترا بتموتين اختناق من كثر ماتتبخرين الجدة سدول/اقطعي لسانك عني ماتبين تسوين قولي ماابي ولاتفاولين علي سمعتي سجايا وهي تحاوط جدتها/بِسْم الله عليك يانظر عيني عساه بعدوينك الجدة سدول/امين امين وباللي يقوله سجايا تركتها وبزعل/جدة الجدة سدول/تزعل وماتناظر نفسها!!قومي بس جيبي البخور قومي سجايا وقفت ومشت وهي تتحلطم/يارب عسى المبخرة تنكسر الجدة سدول/عسى من قال سجايا عضت شفتها الجدة سدول/اصبري يابنت سجايا التفتت لها وبحدة/نعم الجدة سدول كتمت غيظها/اليوم كم التاريخ؟ سجايا/بدري عالضمان ياجدةة الجدة سدول/شايفتني مثلك ادور القروش يالوجه الفقر سجايا بلعت ريقها بقهر الجدة سدول/قولي التاريخ بس قولي . فواز يمشي متجهة لمجلس الشعر وجنبه ثابت وبهواش/وش له داعي تقول لامي عاجبك الحين هاذي هي بتلحقنا!! ثابت/هو اللي لزم علي وش تبيني اقول للرجال!! فواز/وش وش اللي تقوله!! ثابت زفر بضيق منه وهو يسرع بخطواته يبتعد عنه ودخل للمجلس سلطان رفع عينه وابتسم له ثابت بابتسامة/حياك الله ياحيّه سلطان/الله يسلمك فواز دخل وبابتسامة وصوته الجهوري/حي الله الضـ/وقف بمكانه من طاحت عينه على سلطان وسكت واختفت ابتسامته بصدمة من وجوده/ سلطان ثبتت عينه على فواز يتأمله صحيح تغيّر لكن مـاهـو بقدر ثابت اللي تغير جذريا فواز زاد عمره وواضح جدا زاد مع هالعمر الشدة اللي واضحة بتفاصيل وجهه وقف وهو يختنق بغصته وبصوت يرجف لعبارة سخرية معتادة بينهم قبل سنين/هلا بفواز ياهلا بيميني اللي ماتعميني فواز احتدت ملامحه ومن بين اسنانه/هاليمين هي اللي مابتكتفي بالعمى لحاله سلطان رغم انه مجهز نفسه لردة الفعل هاذي ومتوقعها لكن وقعها بنفسه قوي تغير وجهه للحظة ثم ابتسم/يميني ماتعميني لو يطول الزمن!! فواز بيتكلم ابو فواز دخل/السلام/سكت من طاحت عينه عليه بصدمة من وجوده ببيته/ ام فواز برا مجلس الشعر بكامل سترها تنتظر رد منهم سلطان يتأمل ابوه وشلون كبر كثيرر زادت تجاعيد وجهه اللي رسمها مرور العمر عليه لحيته غزاها الشيب اكثر من مايذكر وتلون اغلبها اذا مو كلها باللون الابيض زفر بهم وهو يشوف التغير الواضح له من كثر غيابه لو كان بينهم مالاحظ الفرق ابد/وعليكم السلام والرحمة ابو فواز بحدة/ولك وجه تجي عقب سواتك؟ سلطان/وش اللي سويته يابو سلطان؟ ابو فواز بحدة/اعقب سلطان مات انا ابو فواز فواز تسمع ابو فواز سلطان/سلطان مامات هذا هو قدامك حي وبعافيته مثل ماتشوف عيونك ثابت اتسعت عيونه بصدمة وخرج من المجلس ام فواز مسكته/وش فيهم؟ ثابت بصدمته/سلطان!! ام فواز تركت يده ودخلت للمجلس ماهي مصدقته تبي تتاكد ثابت مشى لبيتهم مو مركز وقف وهو يغير طريقه لبيت جدته يجري ابو فواز بحدة/ولك وجه ترادد بعد ام فواز دخلت بنبضات قلبها السريعة اللي تهيأ لها ان كل اللي حولها يسمعونه من سرعته وصوته العالي دخلت وهي تسمع صوته اللي ضرب بأعماق قلبها وأوجعها ثبتت عينها عليه سلطان/الصدق ماينزعل منه يبه ابو فواز صرخ/مااني ابوك لاتناديني سلطان نسى ابوه وصراخه وهو يناظر اللي واقفة ورا ابوه وقباله وكلها سواد بسواد ماعدا عيونها المثبتة عليه عيونها اللي تنطق بكلام وصل لقلبه حتى لو مانطقت حرف #سلطان_الهوى_يافتنة_الألفية 62 - ام فواز تأملته كبر سلطان ماعاد ذاك الشاب الصغير تغير عليها شكله نضج اكثر فز قلبها له ودها تضمه وتبكي عليه على سنين راحت وهي محرومة من اول فرحتها بهالدنيا شدت قبضتها اللي ترجف وسط محاجر فاضت بدموعها وهي تقاوم نفسها بكل قوة لاتجري له وتضمه قلبها ينادي سلطان يانورة سلطان الشوق رجع يانورة رجع وعقلها يرد الضيم والذل ذقناه من وراك ياسلطان انصكت الابواب بوجهك بسبايبه يانورة اول فرحتك بداية احزانك لفت بتمشي ووصلها صوت زلزلزلها داخليا وشل حركتها ماتقدمت ولارجعت خطوة سلطان بشوقه اللي فاض من كثره محاجر عيونه/يمّه ام فواز حطت يدها على صدرها وهي تهدي قلبها اللي بيخرج من مكانه ويرتمي بين يديه سلطان بدموعه/ياجنة سلطان لاتقولين ماقاله ابوي والله والله ان تذبحيني وانا حي طلبتك لاتقولينه ام فواز ماردت وهي تكبح شهقاتها تبيه تبي تسامحه لكن ماتقدر ماتقدر رغم شوقها له ولهفتها عليه لكن هو خيط خيط ملتف حول قلبها وعاقد عليه ورابطه يصدها عن سلطان عقدة صغيرة هي عقدة وش صغرها معقودة للحين توجعها سنين مرت وللحين للحين محد فتحها ولابيفتحها غير راعيها جرت خطواتها بتخرج فواز بحدة/اذلف برا وصلك الرد محدن يبيك تقلّع الله لايردك سلطان عينه على امه ينتظر ردها ولاااهتم لفواز اللي يصرخ عنده وبترجي/يمممه ابو فواز بحدة/قلتها لك من اول واقولها الحين اطلع برا اطلع بيتي يتعذرك برا ام فواز فلتت شهقاتها غصب عنها وهي تخرج مايهون عليها تسمع عليه كلمة سلطان ناظر ابوه وهو يسمع نحيب امه وبلمعة عيونه/اطردني راضي والله ماادخل بيتك راضي بس امي تكفى يبه امي لاتحرمني منها لاتوجعني بها ولاتوجعها بي تكفى يبه تكفى ابو فواز بصراخ/وقلعة مالك لاام ولا ابو ماتفهم انت!! ام فواز خرجت من المجلس واسندت نفسها عالجدار وهي مابها حيل تكمل طريقها من ثقل الشعور بهاللحظة سلطان احتدت نظرته بتحدي/طلعة ماني بطالع والبيت بأشري قباله بيت وكل مكان ترحون له بتشوفوني قدامكم وكل اللي حولكم بيعرفون اني ولدكم فواز/تعقب اذا ظليت حولنا دقيقة وحدة تعقب سلطان ميل فمه بابتسامة/الظاهر انك مادريت ان سلطان اليوم مـاهـو بسلطان امس باليمين ابو فواز كشر بوجهه وهو يسمعه فواز/اعقب ماني بيمين لاشكالك الله يعزني عنها الجدة سدول بأنفاسها السريعة بيدها عكازها رافعته من زود الاستعجال تبي تتاكد وقفت عند باب المجلس ومسكت ام فواز من يدها وسحبتها وراها وهي تدخل للمجلس/اعقب انت يافواز اعقب ولايعتلي صوتك اعقب!! فواز صرخ/جدة!! الجدة سدول تركت يد ام فواز بحدة/وجدجد(حشرة)يطير بك يافواز يملا راسك الاغبر اي والله اوص لايعلى صوتك علي يامال الذيابة اوص . ((بيت سراج)) {الحوش} جوهرة بوجهها المخطوف من كلام يزن وقفت على باب الحوش وبصراخ تردد صداه بالمكان/ييممممههه ذبحوووا ولدي!! سحايب اتسعت عيونها بصدمة من المشكلة اللي تكبر اكثر واكثر علا زفرت بضحكة خفيفة وهي تناظر عمتها تكتفت وهي ترسم على وجهها ابتسامة عريضة جوهرة جرت لوسام المرتمي عالارض وسام جلس وهو يسمع صوت امه وناظرها وهي متجهة له وصرخ بقهر وغيظ/ماما جوهرة انحنت له وهي تمسح على شعره وتتفقده برعب/حبيبي وسام فيك شي وسام بدموعه/المجنون واخته بيقتلوني علا بسخرية/الله!!بنقتلك مرة وحدة!!مدري من المجنون فينا والله!! جوهرة وقفت وضربت علا كف على وجهها بكل قوتها علا ناظرتها بشر وحقد جوهرة اتسعت عيونها وهي ترفع يدها بتضربها من جديد/وبعد تناظريني ياقليلة الحيا!! سحايب تركت علي ووقفت بينهم وهي تمسك يد جوهرة ودفتها علي غطا اذانيه بفجعة من اللي يصير وهو يغمض عيونه عفاف حاوطت رقبته بيديها الصغيرة وهي تحبس دموعها بخوف مثله عاصم يناظر جوهرة بحقد جوهرة المصدومة بوسع عيونها وبصوت عالي/كملت!! سحايب بحدة وهي تسحب علا وراها/تركتها لك لانك عمتها المرة الجاية ماتنمد يدك على عيالي فهمتي جوهرة مدت يدها تحاول تمسك علا بتحدي/بأذبحها يابنت جابر واشوف وش تسوين!! سحايب مدت يديها وهي تمسك يدين جوهرة/تاج راسك بنت جابر ياجوهرة جوهرة صرخت بقهر وهي تحاول تضرب سحايب سحايب اللي مثبتة نفسها صادة جوهرة بكل قوتها عن بنتها ياقوت دخلت ببرود/بس!!وش هالبزرنة اللي صايرة!! سحايب دفت جوهرة جوهرة بصراخ وهي تناظر/ايه مو واحد من عيالك ولا مااشوفك بهالبرود سمو بدموعها وهي تجري لامها/ماما وسام قطع الرسمة جوهرة صرخت/اسكتي وبطلي كذب!! سمو تخبت ورا امها بخوف ياقوت بحدة/جوهرة سمو ماتكذب ولاتصرخين عليها!! حازم/عمة جوهرة وسام هو اللي غلط وقال اشياء ماتنقال وهو اكبر مني عيب عليه المفروض تربينه جوهرة بقهر مشت له سحايب اسرعت لحازم وهي توقف بطريق جوهرة وبحدة/ربي ولدك مستحيل كلنا نكذب عليه!! علا بسخرية/من متى تعرف تربي وهي ماتدري عنهم راميتهم علينا!! جوهرة بحرقة قلب وبصراخ/والله والله ان تندمين يابنت سراج انتي وامك سراج وقف على باب الحوش وبتكشيرة وهو يلعب بمفتاح بيته بيده/لاحول وش ذَا الازعاج محد يروق بهالبيت وش هالأوادم!! سحايب قشعر جسمها وسرت به رجفة احتوتها وهي مثبتة عيونها عليه علا احتدت نظرتها جوهرة بغبنة وهي تناظره/تعال ياسراج تعال شوف زوجتك وبنتك يدعسون علينا ويبونا نسكت وين صارت ذي هاه وين ومتى!! وسام وقف وبرجفة صوته/خال سراج علي ضربني وعلا معه بعد سراج وهو يرفع المفتاح لاذنه ويحكها فيه/تستاهل //الكل يناظره بصدمة// جوهرة صرخت/سررررااااج!! سراج بحدة/وعمى!!لاترفعين صوتك اسمعك!! جوهرة بغبنة/يعميك اجل تشوف الظلم وتسكت!! سراج/انا من سمعت الصوت دريت انك جيتي وبعدين من تكلمت هالورعة/اشر على سمو بطرف اصبعه/والكل شهد انتهت السالفة ضفي بزارينك واطلعي الشقة ولايكثر دامني مروق جوهرة/ايه ايه!!وانت وش عليك اللي بيموت مو واحد من عيالك ياقوت زفرت وهي تهز راسها بياس منها/مجد تعال ياماما/مشت/ سمو وقفت بمكانها تنتظر مجد مجد جرى لسمو سمو مسكت يده وجروا ورا امهم سراج زفر/استغفر الله العظيم جوهرة التفتت تناظر سحايب وبقهرها/عساني اشوفك ياسحايب تبكين عيالك دم ولاتقدرين تسوين شي يارب سحايب/اعوذ بالله منك جوهرة ناظرت عيالها وبحدة/امشو وراي/وقفت قبال سراج/وانت عساني اشوفك تدور حول سعادتك وبحسرتك ماتقدر تطولها سراج كشر بوجهه/توكلي لاأهفك قدام عيالك توكلي جوهرة ابتسمت/الوعد بكرة عند ابوي ولا احسن اروح الشرطة مثل ماسويت بحاتم!! سراج بصراخ/ورب البيت ماذلفتي من وجهي لاتروحين الشرطة على كرسي وانا ولد ابوي اذلفي جوهرة مرت من جنبه وعيالها وراها سراج التفت يناظر سحايب وعياله بحدة سحايب فزت من نظرته وهي تلتفت تتاكد من اماكن عيالها وخاصةً علي سراج بحدة/ادخلوا داخل ان رجعت ولقيت احد برا حشيت رجولكم جميع فهمتوا/مشى وخرج/ سحايب تناظره بصدمة من هدوءه ماتوقعت ردة هالفعل ابد علا بوناسة وهي تناظر امها/وااااو يمّه قدرتي على جوهرة!! سحايب نزلت نظرها ليديها اللي ترجف باستغراب من نفسها/يمكن هوشات ابوك لها دور!! علا زفرت براحة وهي تنحني وتجمع اغراض علي/مايهم اهم شي وقفتيها عند حدها يمّه سحايب اخذت نفس وهي تشد قبضتها/يالله داخل حازم ادخل ودخلهم معك على مانجمع الاغراض انا وعلا يالله حازم/ابشري ياخالة سحايب انحنت وهي تجمع اغراض سمو اللي تركتها وراه وبنفسها/الله يستر من بكرة الله يستر . ((بيت ابو عمر1)) فتنة نازلة الدرج وبيدها المكنسة وعينها عاللي قدامها بتردد ام عمر نازلة الدرج قدامها نزلت الدور الارضي واتجهت لمكان جلستهم المعتاد(الصالة) فتنة بسرعة وهي تطرد ترددها/يمه ام عمر التفتت باستغراب لها/خير!! فتنة/ابي اقولك شي . ، ، سلطان جالس عالارض فاتح شنطته الصغيرة وهو يجمع اوراق خاصة لدوامه باستعجال ام سلطان واقفة قباله وبينهم الشنطة/وشو له تروح الحين؟!!ماتقول خلصت امور دوامك وأعطوك اسبوع وشو له تروح ليش؟ سلطان ابتسم وهو يرتب اوراقه/يمّه لو يعطوني شهر لاتنسين اني المدير مسؤول عن الفرع كله يعني مايمشي شي بدوني ام سلطان بانزعاج/يعني مافيه غيرك!!مارحموك وانت بكرة كتابك!! سلطان وقف وهو يبوس راسها ومسك كفوفها بين كفوفه وهو يطبع قبلات هادية بحب ناظرها بابتسامته/ياجنة سلطان ماحطوني بهالمكان الا وهم عارفيني وعارفين اني قد هالمسؤولية ام سلطان/بس متى يـ سلطان قاطعها وهو يشد على يديها/ياام سلطان يانورة فرحتك مابتتكدر ارفعي راسك فوق ياام المدير لايهمك احد ام سلطان بابتسامة وكلها ثقةوغرور /عارفة وليدي ومامن خوف والراس مايقصه السيف وانا ام سلطان سلطان تنحنح بشوفة نفس واضحة/اجل؟ ام سلطان بقلق/خوفي عليك بتمسك خط رايح جاي سلطان/الله ياجنة سلطان من عمر وانا اسويها وين المشكلة!! ام سلطان هزت راسها بلا/هالمرة غير قليبي ياسليطين مـاهـو مرتاح سلطان باس جبينها لمدة امتدت ثواني يطمنها/يااجنة سلطان واخوانه شبي البخور وغطي به البيت وشغلي الاستريو(السماعات)وارقصي ولايتكدر لك خاطر بكرة ليلة سلطان على عروسه ليلة انتظرتيها من سنين وكلن بيتكلم بها سنين مثل ماانتظرتيها ام سلطان اتسعت ابتسامتها سلطان ترك يديها وصرخ/ويل قلبي ويلااااه ام سلطان فزت/بِسْم الله/ضربته بخفة على كتفه/ماتعقل والله لو معك اربع سلطان غمز لها وهمس/الاولى اختارتها جدتي والثلاث عليك الله يقويك تراني مستعد ام سلطان اتسعت عيونها/لا والله تعقب ماارضى على بنيتي!! سلطان شهق وسط وسع عيونه/جنة سلطان اخسى اعصي لك كلمة/حرك حواجبه فوق وتحت/والله ان افكارك ازين من الزين اعجلي بالثلاث لاتطولين علي عجايب اقتحمت الغرفة وبصوتها العالي وبيدها الطشت/الف الصلاة والسلام عليك ياحبيب الله محمد //سحايب وعجايب وسدول وذهب وسجايا وثابت وراها اعتلت زغاريطهم// سحايب دقت عالطشت وسط تصفير سحايب الحامل وتصفيق الباقين بحماس وهم يدخلون/عريسنا يابدر بادي دامت لياليك السرور ام سلطان بخوف على سحايب وهي تخاصم/يابنت اللي بطنك اهجدي سلطان جرى لاخواته ويرقص/بالله بالله دويرة دويرة خلوني احس باحساس العرسان //اخواته تحلقوا حوله وهو يستعبط بينهم برقصه// الجدة سدول دخلت وهي تزغرط سلطان جرى لها وباس راسها بابتسامة الجدة سدول غنت/وأخذتها وانت الموفق حورية من بلاد النور سلطان/روحي ناديها ياجدة ترقص معنا الجدة سدول اتسعت عيونها وهي تضربه بنفس المكان اللي ضربته امه/استح على وجهك مابك حيا!! سلطان مسح على مكان الضربة وهو يضحك/خلاص حلالي ياجدة الجدة سدول/مابعد صارت مابعد سدول صرخت/ولا لا ياام العريس الله يتمم هناكِ سلطان اتجه لامه وهو يمسكها من يدها ويتجه فيها لجدته ويرقص معهم ام سلطان تركت يده وهي ترقص سلطان صفر بحماس وسط صراخ اخواته/عاشت ام سلطان عاشت ابو سلطان وفواز دخلوا/ماشاء الله ماشاء الله حنّا نكرف وانت اترقص وسط البنات سلطان/عريس يبه عريس!! ابو سلطان زفر بابتسامة وهو مابيقول شي وسط هالمكان المليان فرح وسرور ، ، بمكان ثاني البيت ملاصق لجدار البيت فوق الجيرة صداقة ومودة ومحبة وانتقلت من الاباء للابناء خرج من البيت على عكس الجميع اللي ممتلين فرح وسعادة وسرور كان صدره ضايق وممتلي كآبة وضاقت عليه الارض رغم وسعها فيه خرج وبيده شنطة صغيرة ناوي الهجران لاجل غير مسمى يسرع بخطواته وسط نور بيت عمه قبل يكون مجرد جار هالبيت المكتسي بعقود الانارة دلالة على وجود الفرح ونّور حوش بيتهم المكتفي بنور سعادة جيرانهم وكل خطوة يمشيها بهالنور تكوي قلبه كوي وبداية فرحتهم نهاية حبه وقتل لقلبه العاشق اللي اخفى هالحب لعيون صديقه وقف يكبح عبرته وهو يحس بيد توقفه لايكمل طريقه/اتركني لو جلست دقيقة بهالمكان والله يصبح الصبح وانا ميت بينكم وينقلب الفرح لعزا اتركني ***/وعدتك والله ماياخذها غيرك وراسي يشم الهوا والله ارجع لفراشك وبكرة الوعد ، ، ، #سلطان_الهوى_يافتنة_الألفية إنتهى موعدنا الاسبوع القادم باذن الله | ||||
|
| |
|
02-08-22, 10:37 PM
| #13 | ||||
| شكل الجدة تحسب وقتخروج سلطان من المولم ان الاخ مايعرف اخاه غالبا الناس يتبادلون الصور بس صدق صديق كتم حبه ليتزوج صديقه من قريبته هل قبل ان يضيع صديقة بتهمة ارهابية ام ان البنت تزوجت احد اخر لذالك لا فائدة لخروج سلطان تتوقعون تكون زوجة ابو سراج هي الي خطبها سلطان وكان ناوي يتدوجها التعديل الأخير تم بواسطة ebti ; 15-08-22 الساعة 10:52 PM | ||||
|
| |
|
06-08-22, 05:36 PM
| #14 | ||||
| 6 استغفر الله العلي العظيم واتوب إليه - ((بيت ابو فواز)) {مجلس الشعر} الجدة سدول بأنفاسها السريعة بطرحتها الملتفة على راسها ومتلثمة بيدها عكازها رافعته ماهي مستندة عليه من زود الاستعجال تبي تتاكد وقفت عند باب المجلس ومسكت ام فواز من يدها وسحبتها وراها وهي تدخل للمجلس/اعقب انت يافواز اعقب ولايعتلي صوتك اعقب!! فواز صرخ/جدة!! الجدة سدول تركت يد ام فواز بحدة/وجدجد(حشرة)يطير بك يافواز يملا راسك الاغبر اي والله اوص لايعلى صوتك علي يامال الذيابة اوص فواز بصراخ/ماني بساكت هالمرة ماني بساكت عن شي وكل شي لي فيه راي سلطان احتدت نظرته لفواز وهو يسمع صوته العالي اللي فوق صوت جدته وبدون اهتمام وحتى احترام لوجود امه وابوه الجدة سدول ناظرت ابو فواز بابتسامة/عشت ياجابر عشت!!اجل هاذي تربيتك!!عيالك يرفعون صوتهم على امك قدامك والله ماناقص الا يمدون يديهم!! ابو فواز التفت لفواز وبحدة/اسكت يافواز اسكت فواز/يبه ابو فواز رفع صوته/قلت اسكت الجدة سدول بحدة/والله والله يافواز ان رفعت صوتك علي/رفعت عكازها وهي تأشر به عليه/ان هالعصا حرام نصين على ظهرك وانا بنت ابوي سمعت!! سلطان رغم صراخ جدته وعصبيتها ارتسمت ابتسامة على وجهه للحين وجدته نفس ماهي ماتغيرت اطباعها صحيح كبرت اكثر لكن الطبع ماتغير ناظرها بارتياح وهو اخيرا يشوف احد ماتغير للحين باقي على مايعرفه الجدة سدول التفتت لسلطان تناظره وهي تنزل عكازها وتستند عليه بيسارها واردفت يمينها فوق يسارها وبنظرات حادة/ولد ياسلطان اصدقني القول؟ سلطان ناظر جدته وبهدوء/سمي ياجدة الجدة سدول/المصيبة اللي نزلت بهالبيت من15سنة وقلبته فوق تحت وش علمها الصدق ابي اسمعه ولاابي زيادة حرف فوقه؟ فواز ضحك بغبنة/وبعد بتسمعين له وتصدقينه!! سلطان ناظرها وهو يزفر بصوت مسموع للكل ابو فواز ميل فمه بوسط تكشيرته اللي مااختفت ام فواز علقت عينها عليه بضيقة فواز عض لسانه وهو بالقوة يكتم غيظه الجدة سدول/ها ياسلطان وش العلم سلطان ابتسم وسط وجهه المحتقن بلونه الاحمر واخيرا احد من اهله سأل15سنة ينتظر احد منهم يسأله وش اللي صار لكن كل اللي استقبله منهم الهجوم عليه بدون ذنب والدليل هذا هو واقف قبالهم اليوم بدون اي تهمة ثابتة عليه وبرجفة صوته/الصدق مظلوم ياجدة ظلم فواز صرخ/وش ظلمه وانت موزع تصاريح الدخول لهم هاه!! ، ، {شقة سالم وسلطان} سلطان داخل لشقتهم راجع من السفر وبيده كيس فيه كتب من صديق دراسته وعمره خالد وقف على غرفة سالم وهو يفتح الباب حق غرفته/سويلم/قطب جبينه باستغراب وهو مو موجود همس لنفسه/غريبة العادة نايم!!/قفل الباب ولف بيتجه لغرفته وانصدم وهو يناظر سالم يخرج منها/سالم!! سالم بابتسامة/جيت!! سلطان/ايه خلصت شغلة بالدوام وجيت سالم رفع يده وبها القلم/كنت محتاج قلم ضروري سلطان/فداك/مد الكيس له/خذ خالد يقول لك ترا المرة الجاية بأفتحه واشوف وش كتبه ذي سالم اسرع بخطواته وسط ملامحه اللي احتدت وهو يسحب الكيس من يده بقوة سلطان انصدم من ردة فعله سالم بانفعاله/وش بتكون يعني!!كتب تساعدني بتحضير المحاضرات لطلابي!! سلطان باستغراب منه/طيب طيب ترا امزح معك!!وش فيك!! سالم/مافيني شي بس مااحب احد يشوف اغراضي!! سلطان اتسعت عيونه/تفتح اغراضي على كيفك ولا قلت شي!! سالم/لاتطول السالفة بس/مر من جنبه ودخل لغرفته وهو يقفل الباب بوجه سلطان بقوة/ ، ، سلطان بحدة/استغفلوني استغفلوا اخوك الغبي اللي على نياته يافواز فواز ضحك/ايه واضح!!والدليل الكتب والمخططات وش سالفتها سلطان زفر بضيقة/غلطة الشاطر بألف يافواز الكتب كنت اوصلها لسالم لانه معيد شريعة رغم اني فتحتها مرة لكن كانت كتب عادية والمخططات تذكر اني كنت اجيب منها معي باجازاتي وهاذي غلطتي ومعترف بها!! فواز التفت لابوه وبغيظه اللي انعكس بابتسامة على وجهه يكبح بها انفجاره/هاه يبه لايكون عاجبك اللي تسمعه وراضي به!! ابو فواز سكت وهو يفكر بكلام امه المرة اللي فاتت فواز اتسعت عيونه/والله اللي مصدقه!!/التفت بتكشيرة وصل أثرها لسلطان اللي بعيد عنه بمسافة/هاه وليش ظليت بالحبس اجل لو انك مظلوم طلعت وش كذبتك هالمرة هاه؟!! سلطان بنظراته المحتدة لفواز/مـاهـو بكذب ابد سالم ومات بالتفجير وخالد انتحر اول ماحاصروا بيته وانت تدري والمصيبة طاحت براسي مامعي اثبات/ناظر ابوه وبلوم/قلت لك يبه مظلوم مظلوم لكن ماسمعت لي ولاوقف معي احد ابد فواز صفق/ماشاء الله ماشاء الله عليك الحين انت ترقيت من تهمة ارهاب لمؤلف سيناريو ممتاااز والله ممتاااااز الجدة سدول وعينها على فواز وبحدة/برد قلبك هالحين ولا باقي يافواز؟ فواز/ولا هو ببارد واحنا تمرغت روسنا بالارض بعده الجدة سدول بحدتها/دامك طلعت اللي بقلبك هيا انكتم لااسمع صوتك/التفتت لسلطان/ها ياسلطان؟ سلطان/اللي سمعتيه ياجدة الجدة سدول رفعت قبضتها اليمين وهي تأشر بسبابتها للسماء/تشهده على ماتقول؟ سلطان/والله على مااقول شهيد ام فواز انتفض قلبها وهي تسمع من أشهد معه ناظرته بلوم لنفسها لكن مهما يكون اللي عاشوه ماينسي بين ليلة وضحاها ماينسي بمجرد كم كلمة منه صعب صعب عليهم بعد حياتهم اللي انقلبت فوق تحت منه ظلت تناظره بحيرة وتردد قلبها ينتزع بينه وبين زعلها منه الجدة سدول ابتسمت وهي تكتفي بهالقول ورفعت يدها لفوق شفتها العلوية واعتلى صوت زغروطتها/كلللللووووووشششش فواز اتسعت عيونه بصدمة الجدة سدول بصوتها العالي وسط ابتسامتها/ارحب تراحيب المطر حي ذَا الشوف ارحب يامضنون عيني ارحب ياعين سدول ارحب/فتحت يديها له/ سلطان يكبح عبرته وهو يسمع ترحيب جدته تهلل وجهه رغم العبرة المكبوتة وابتسم وهو يسرع بخطواته وارتمى ارتمى بحضنها بعد غياب سنين قتله الشوق لهم ولااحد وازاه بالشوق له منهم غيرها ارتمى وهو يضمها له بكل مافيه من قوة يبي يدخل بصدرها ويتخبى مثل ماكان بصغره لعبت به الدنيا لعبوا به عيال الحرام وورطوه وهو ماله ذنب ذنبه كان عدم حرص وثقة بالناس الغلط اللي روعوا الامنين بديارهم ارتمى يبيها ترد روحه بعد الظلم اللي عاشه يكفي عذاب15سنة يكفي ماعنده اي استعداد يضيع لحظة وحدة بالحزن اخذ عهد على نفسه الفرح الفرح وبس من بيلون حياته حتى لو تكدروا اهله نهايتهم بيرضون الجدة سدول بفرحة وهي تحس بضمته/بنت ياسجيّة سجايا برا بيت الشعر واقفة تراقب اللي يصير الجدة سدول/جيبي الطبل الليلة ليلة فرح رجع العريس بعد15 سنة رجع سجايا ظلت واقفة بمكانه بحيرة تنفذ الطلب او لا الجدة سدول زغرطت بفرح وسط عيون تلتمع من دموعها وهو بحضنها/حياك ياعين سدول واهلها حياك ياقطعة سدول الغايبة حياك يابعدهم كلهم ابو فواز مشى باتجاههم سلطان ناظره وفز قلبه وهو يناظره متجه لهم ابو فواز مر من جنب امه اللي محتضنه سلطان وهو يمد يده لام فواز يمسك يدها وسحبها معه وهو يخرج من بيت الشعر متجهة لبيته بغيظ من امه اللي يعرفها بتكسر كلمته قدام عياله ام فواز مشت معه باستسلام فواز مشى ورا ابوه وهو يغلي من غيظه وخرج من بيت الشعر والتفت يناظر سجايا وثابت اللي يناظرون بصمت وبحدة/قدااامي للبيت!! سجايا وثابت مشوا بخطوات سريعة قدامه للبيت فواز مشى وراهم وهو يتحلف بينه وبين نفسه مايمر الموضوع الليلة على خير . ((الفندق)) رغد قبال التسريحة ترش عطرها بفستانها المخمل اللحمي القصير لفوق ركبتها بقصة سبعة من عند صدرها بشعر ستريت يغطي ظهرها مكياج ثقيل احتفال بهالمناسبة وكعب كريستالي باللون الفضي بابتسامة شاقة وجهها بعد ماكان رافض تماما وتوقعت فشل مناسبة الليلة المهمة بالنسبة لها بسبب عناده والاهم مزاجه المتقلب اخذت نفس واتجهت له عمر جالس عالكنبة وعينه عالمباراة المسجلة المعاد عرضها يتابعها من كثر الملل اللي يحس به رغد جلست جنبه وبين يديها بوكس صغير باللون الابيض مدتها/تفضل عمر مرر نظره عليها لثواني وهو يناظر اناقتها زفر وهو يعتدل بجلسته وياخذ الهدية منها/مشكورة ماله داعي الكلافة رغد بابتسامة/اهديك عمري لو تبي مايغلى عليك عمر فتح البوكس ميل فمه وهو يناظر الدبلة اللي بوسطه رغد/ها حبيبي عجبتك عمر/حلوة تسلمين بس دبلتي جديدة رغد كشرت/بس انا مو عاجبتني عمر وهو يمرر عينه بين هديتها ودبلته/عشان فتنة اللي اختارتها؟/رفع عينه يناظر ردة فعلها/ رغد تضايقت واحتفظت بابتسامتها/لا يتهيأ لك بس انا احب تلبس على ذوقي عمر قفل البوكس وهو يتركه مثل مـاهـو/يكثر خيرك بس ماله داعي تكلفين على عمرك ولولا فتنة وامي ماكان الحين احنا هينا رغد تناظره بصدمة ماتوقعت لو واحد بالمية ان ماله نية التواجد بهالمكان واحتفاله بذكرى ليلتهم المميزة توقعت انه رغم مزاجه وعناده لكن يبادلها نفس الشعور ومحتفظ بجمال ذكريات هالليلة انقلب وجهها وتلون بالاحمر وسط دموع طاحت غصب عنها وقفت واتجهت للدولاب اللي على يمين الكنبة اللي جالسين عليها عمر قطب جبينه وهو يناظرها/وش فيك!! رغد فتحت الدولاب ولبست عبايتها والتفتت له وهي تقفل ازارير العباية/رجعنا البيت عمر اتسعت عيونه/نعم!! رغد وهي تلف طرحتها/دام هالليلة مالها اي معنى بالنسبة لك وشو له نحتفل فيها!!رجعنا البيت يالله/موت من قدامه وهي تتجه للتسريحة وتاخذ شنطتها/ عمر مشى وراها ووقف عندها/استهدي بالله حرام تخرب الليلة!! رغد التفتت له وهي مقهورة/ليه!!هو بقى فيها شي حتى تخرب انت خربتها وانتهينا رجعنا البيت/مرت من جنبه/ عمر مسك يدها يوقفها وهو يزفر/رغد رغد سحبت يدها بقوة وباصرار/رجعنا البيت عمر عمر بحدة/لاتخربين كل شي بعنادك!! رغد/انت اللي تخرب كل شي بلامبالاتك!! عمر رفع صوته/رغد!! رغد ابتسمت/اااه صح فعلا!!وليش اخسر شي دفعته اهم شي انبسط/نزلت عبايتها ورمتها عالارض/تفضل برا عمر اتسعت عيونه/نعم!! رغد/الليلة ليلتي والذكريات الحلوة كانت من نصيبي لحالي تفضل اطلع برا يحق لي استمتع بليلتي المميزة لحالي عمر بحدة/ماتستحين على وجهك تطرديني!! رغد/كل شي من فلوسي تفضل برا عمر/هين والله ان تعصين اصابعك ندم على هالحركة يارغد رغد تكتفت وهي تتظاهر بالبرود عكس البراكين اللي بداخلها/كلم الريسبشن بطريقك يجيبون العشا لاهنت عمر مر من جنبها وهو يرتمي عالسرير وراها وبتحدي/نشوف من اللي بيطلع الليلة . ((بيت ابو فواز)) {غرفة ذهب وسجايا} سجايا وثابت دخلوا للغرفة بهجوم ذهب اللي جالسة عالسجادة خلصت الصلاة وتقرأ ذكرها فزت من دخلتهم وبفجعتها/بِسْم الله امي فيها شي!!ابوي طيب؟! سجايا جرت وهي تجلس جنبها وبحماس/فاتك فاتك فاتك/مسكت يد ذهب وهي تضغط عليها من شدة الحماس/يمّه بموت بموت ذهب بقلق/وش فيه؟!! ثابت وقف قبالها وبحماس مثلها وبابتسامة عريضة/تخيلي من جا اتحداك ذهب مررت نظرها بينهم وهي تناظر حماسهم باستغراب ابتسمت/ااه اكيد اكيد طلبتوا من مطعم ووصل //اختفى الحماس وهم يناظرونها// ثابت/ذَا اكثر شي وصلتي له!! ذهب/مو حماسكم ذَا مايجي الا على اكل غيره مافيه الا اذا مصيبة سجايا بوناسة/سلطان ذهب قطبت جبينها باستغراب/من سلطان؟!! ثابت/والله انك تعبانة صدق ذهب بنرفزة/والله من جد اتكلم من ذَا السـ/سكتت وهي تستوعب وبفزة قلبها اللي سبقت فزتها وهي توقف/امانتكم جا ثابت وهو يرفع وينزل حواجبه بوناسة/وتخيلي من بغى يموت يوم كسرت خشمه جدتي/ضحك/ سجايا وهي تضم يديها وبفرحة/انتهى عصر الظلم واخيرا فيه اكبر منه يدعس خشمه ذهب ارتسم القلق على وجهها/الا ابشروا بحرب وبظلم اكبر منه الله يستر بس الله يستر ثابت رن جواله وحركه لجهة ذهب وبهم/والحين وش اسوي ذهب ابتسمت/الله يعينك طحت بين نارين هذا هو اللي تتمنونه . ((بيت الجدة سدول)) الجدة سدول جالسة بالصالة وجنبها سلطان سلطان محتضن يدها وكل شوي يتنهد وهو يناظرها مو مصدق انه قبالها الجدة سدول ناظرت جوالها اللي يرن وهو عالسبيكر/ووجعوه يالثبتي ماترد علي هذا اولها تمشي ورا هالاغبر هين هين/سحبت يدها وهي تعتدل بجلستها ناوية توقف/ سلطان مسك يدها وبخوف انها تغير رايها/وين ياعين سلطان؟ الجدة سدول جلست وهي تناظره/بأرسل ثابت يجيب لنا عشا سلطان ضغط على يدها/ماابي شي خليك بس عندي الجدة سدول/والله والله لو علي الليلة ان ازين البيت بالعقود واسوي العشا لك اللي يتكلمون به الجماعة كلهم لكن الليلة تاخر الوقت ابشر بحق ياعين سدول ابشر سلطان باس راسها/ماابي شي والله ياجدة ماابي بس ابي شوفتك خليك معي والعشا يجيبه نايف الجدة سدول ابتسمت بحب/وهو للحين وراك ماتغير؟ سلطان ابتسم/تربية سلطان وش يغيره علي ياجدة . ((بيت ابو فواز)) {الصالة} ابو فواز جالس وهو ثاني يمينه ومتكي بكوعه على ركبته وساند راسه على يده غارق بتفكير بكلام سلطان وبنفس الوقت يفكر كيف يمنع امه عنه خصوصا بعد السر اللي يعرفونه اثنينهم ام فواز جالسة جنبه وبينهم مسافة صغيرة بذهن شارد وشلون تتعامل معه ووشلون تتفادى المشاكل اللي بتجي من رجعته ووشلون ووشلون هموم كثيرة اجتمعت اهونها مرّ فواز بغبنته وهو يناظرهم ويناظر سكوتهم وهالجو الكئيب الحاير/يبه يمّه لايكون بتتركون جدتي تضفه عندها!! ابو فواز تنهد وهو يرفع عينه له فواز بنبرة عالية/وش فيك تناظرني ساكت يبه ابو فواز بحدة/ووش تبيني اسوي هاه!!اطرده واطرد امي معه!! فواز بعصبيته/امنعه وتمنع جدتي تشوفه ابو فواز/يعني ماتعرف جدتك انت!!تبيني اعقّ امي على اخر عمري وعمرها!! فواز بصراخ من قهره/والحل!!وش السواة هاه وش نسوي؟!! ابو فواز/من اصبح افلح اترك جدتك معه الليلة وبكرة اتفاهم معها لاذلف فواز وقف وبقهر/ايه والله العالم عاد بكرة وين بنوصل مع عناد جدتي اللي كلنا نعرفه دامك تراخيت لها/مشى/ ابو فواز احتدت نظرته وهو يناظره فواز وقف وهو يناظر ثابت وبصراخ/وش تبي انت بعد؟!! ثابت/جدتي متصلة بأروح اشوف وش تبي؟ فواز مسكه من ياقة ثوبه وشده له/والله والله ان شفتك رايح لها دفنتك بالطريق اللي بين البيتين سمعت؟ ثابت يناظره ساكت وهو يبلع كلامه فواز دفه وهو يتركه ويخرج من البيت متجه لبيته ام فواز زفرت وهي توقف/انا رايحة انام تبون شي؟ ثابت/سلامتك يمّه ام فواز مشت تاركتهم ثابت ناظر ابوه بتساؤل/يبه؟ ابو فواز وهو يدخل يده بجيبه يخرج جواله/رح لغرفتك مو ناقص مشاكل مع اخوك رح . ((السيارة)) //صوت اغاني منبعث من الراديو غطى على جو السيارة الهادية من المتواجدين اللي يمتازون بهدوئهم وعيالهم مثلهم// منايا صادة بوجهها تناظر الطريق زفرت وهي تلتفت له تناظره بجاد ابتسم/سمي وابشري وكل ماتبين حاضر له ياعيني منايا/كل شي؟ بجاد/مااقصر اذا قدرت عليه منايا أخذت نفس/ابي اروح لجدتي اشتقت لها بجاد اخفى ضيقته بابتسامته اللي لازال محتفظ فيها/ابشري لكن بكرة دام اخر يوم دوام بنطلع لاهلي من زمان مازرناهم وبعدها ابشري منايا ميلت فمها مو عاجبها الكلام/انت تقول ابشري وحاضر ليش تتعذر!! بجاد/وللحين ابشري وحاضر من عـيـونـي ياعيوني لكن هالمرة اهلي لي فوق الشهر ماشفت امي ومنها تدورين عمتي(امها)ولا ماتبين منايا كشرت بوجهها وهي ماتحب تزور امها اللي ماتعرفها كثير/خير مثل ماتبي بجاد مد يمينه ومسك يسارها وهو يرفعها له ويبوس كفها منايا سحبت يدها منه بسرعة بجاد تنهد براحة وسط ابتسامته/الله لايحرمني منك ياعيني قولي امين . ((بيت الجدة سدول)) {ع العشا} نايف جالس بعدم راحة وهو يناظر الجدة سدول اللي جالسة قبالهم وهم يتعشون ولاتتعشى الجدة سدول/عساه بالعافية ياعيالي ياعساني مااعدم هالوجيه سلطان يقطع من اللحم ويحط لنايف وهو يأشر له بعيونه يتعشى الجدة سدول/ولد يانايف نايف رفع عينه لها الجدة سدول/غريبة القشرا ماارسلت بك من لفيت نايف تغير وجهه سلطان عقد حواجبه باستغراب وهو يناظره/وش فيك نايف بالاشارة وسط ابتسامته وبربكة/عند اهلها سلطان التفت لجدته/وش فيك عليه ياجدة اتركيه يتعشى وبعدين الله يهنيهم ببعض ويسخرهم لبعض الجدة سدول تنهدت/ايه بلاك ماتدري من ماخذ هالزين كله مالت عليها اي والله نايف زفر وهو يسمعها ومثبت عينه عالاكل سلطان تضايق من جدته/جدة!! الجدة سدول ناظرته/ياقوت ياسلطان ياقوت نايف رفع عينه لسلطان ينتظر ردة فعله سلطان اتسعت عيونه والتفت لنايف بصدمة وبربكة/ماشاء الله ماشاء الله الجدة سدول/على وش!!لو انه سمع كلامي واخطب له بس العناد عناد نايف زفر ورفع عينه لها وبالاشارة بسرعة/مين بيقبل بي ياجدة وانتي عارفة وضعي الجدة سدول/تاج راسهم يتمنون ماطاك بس انت استعجلت واخذت هالعجوز سلطان/جدددةةة!!! نايف تنهد ووقف/كثر خيركم دايمة سلطان/تعشى!نايف/الحمدلله الجدة سدول/بات عندي الليلة نايف/لا بيتي موجود/اتجه لدورة المياه/ سلطان وقف/عساها دايمة ياجدة بيت عامر/لحق نايف وعند دورة المياه همس/بكرة الصبح وانت عندي نايف حط اصبعه على خشمه بمعنى ابشر سلطان/تبشر بالجنة تبشر بالجنة . {عجايب وحاتم} حاتم وقف بالسيارة قبال باب بيت ابو فواز بالضبط والساعة تجاوزت منتصف هالليلة عجايب تناظر الباب بتردد وجوالها طافي شحن ودها تتصل بأخواتها يفتحون لها ولا تفجع امها وابوها بنص هالليل وهي اللي نست مفتاحها وهاذي مشكلة ثانية تنهدت بضيق وعينها للحين عالباب حاتم بنرفزة/خلصيني!! عجايب فتحت الباب وهي تحط شنطتها على كتفها وانحنت وهي تاخذ شنطة ملابسها الصغيرة اللي عند رجولها وبعصبية/نازلة انبسط هم وانزاح عن قلبك/نزلت وقفلت الباب بقوة وراها/ حاتم بقهر منها/وكسر يد!!/حرك وعينه عليها بالمراية/ عجايب دقت الباب بطرف جوالها من عصبيتها وهي ناسية اللي كانت تفكر فيه عضت شفتها السفلية وقت تذكرت وشالت الجوال عن الباب وهي تسب نفسها حاتم اللي يمشي بالسيارة بشويش رغم زعله منها لكن مابيرتاح اذا راح وتركها بوسط الشارع //ثواني وانفتح الباب// عجايب اتسعت عيونها بصدمة من الغريب اللي فتح لها ورجعت خطوة لورا حاتم قطب جبينه وهو يناظرها وقف بالسيارة وفتح الباب شوي يستعد ينزل باي لحظة سلطان بنوم فتح الباب وطار نومه وهو يناظر السواد اللي قدامه/اعوذ بالله منك ياابليس عجايب تاكدت اللي قدامه حقيقة مو خيال رفعت شنطة كتفها وهي تضربه على وجهه فيها وبصرخة هزت الحي/يممممههههه حررررراممممييي!! حاتم نزل من سيارته وجرى متجه لها عجايب مستمرة تضرب سلطان بالشنطة ورا بعض وهي مغمضة عيونها وبصراخها/حااااتم حرااااممميييي فواااااز ييبببه سلطان اللي كان يصد الشنطة عن وجهه بيديه اللي قبال وجهه اتسعت عيونه وهو يسمعها تنادي حرك يديه ومسك يديها وسحبها لداخل البيت عجايب فتحت عيونها على اقصى اتساعها وانخرست من حست به يمسك يديها وسحبها لداخل سلطان سكر الباب وبحدة وسط صوته العالي/حرامي بيفتح لك الباب!! عجايب قطبت جبينها وسط انفاسها المتسارعة وهي تدقق النظر فيه حاتم يضرب عالباب بهيجان/عجاااايييببب والله ماتخليك ياولد الـ## عجايب ضمت شنطتها لصدرها وهي تحتضنها ومثبتة عينها عليه بصدمة من تفكيرها وتكذيب بنفس الوقت سلطان التفت للباب وهو يسمع الضرب والكلام اللي مو هين واستغفر بصوت عالي حاتم تعلق بالباب وبدا يتسلقه/والله لأعلمك ان الله حق ياابن ال## سلطان فتح الباب قطب جبينه وهو يناظر حاتم المتعلق بالباب اللي فتحه حاتم التفت يناظره باستغراب من جرأة هالحرامي وهو متعلق ابو فواز وفواز خرجوا من داخل البيت بوجيههم المخطوفة ووقفوا يناظرون اللي يصير بعدم فهم الجدة سدول واقفة على باب بيتها وهي مستندة على عكازها/حسيبك الله ياعجبة انتي ورجلك كان فضحتونا بهالليل وسط الخلق اي والله سلطان التفت يناظر عجايب الملتفة بالسواد وسط نبضات قلبه اللي تسارعت اول وحدة من اخواته بيشوفها بعد سنين حاتم نط للارض وهو يترك الباب ووقف وهو ينفض يديه بضربها ببعض باحراج وربكة وهو بدا يفهم الموضوع ثابت وقف ورا ابوه وفواز وهو يتثاوب وكله نوم وش صاير؟ فواز التفت لابوه/ها يبه للحين عندك امل جدتي تغير رايها ابو فواز زفر/رح لبيتك يافواز رح فواز ميل فمه بابتسامة/من اصبح افلح ها يبه من اصبح افلح/رجع طريقه متجه لبيته/ عجايب باحراج/وش يدريني ياجدة ان سلطان رجع للبيت!! الجدة سدول ناظرت حاتم وبعصبية/وانت واقف مكانك وشو له تبي الحارة تدري ان به شي هاه؟ حاتم دخل سلطان قفل الباب الجدة سدول/سلطان ذَا حاتم رجل عجايب حاتم مد يده لسلطان وبابتسامة كلها احراج/ياهلا ومرحبا بك سلطان صافحه بعد تردد للحظة وسط ابتسامته حاتم مااكتفى بالمصافحة وبادره بالسلام/العذر وانا اخوك تعرف عجايب وعجلتها!! سلطان فز قلبه وهو يسمع(وانا اخوك)منه ابتسم بلطف من جمال شعور هالكلمة البسيطة اللي تعمقت لوسط قلبه/محشوم محشوم حصل خير الجدة سدول/دامك تعرف ان عجايب مطيورة تركض وراها!!الله يخلف عليكم يالاثنين عجايب وهي تترك شنطة كتفها من حضنها وبمناقر لجدتها/خلاص جدة حقك علي مادريت كم مرة اقولك!! الجدة سدول/اعوذ بالله منك ليتك عقلك مثل لسانك سلطان يناظرها وهي تناقر جدتها بابتسامة هي نفسها مثل ماتركها ماتعرف تسكت ترمي الكلام لكن قلبها طيب حاتم تنحنح/عجايب سلمي على اخوك عجايب ناظرته بتوتر رفعت نقابها لفوق واتجهت له سلطان وهو يناظرها تقرب منه تأمل ملامحها رغم انها لازالت ملتفة بالسواد كبرت ايه كبرت ماعاد احد منهم مثل يذكره كلهم تغيروا واكيد هو تغير عليهم بعد زفر بابتسامة وهو يناظر كفها الممتدة له عجايب مدت يدها له/نورت بيتك ياسلطان نورته يااخوي سلطان خنقته العبرة وهو يسمع ترحيبها اللي يسوى الدنيا بعيونه فتح يديه لها وهو يضمها له عجايب انكمشت على نفسها بخجل واضح وهي بين يديه سلطان باس راسها من الجانب الايمن وهو ضامها له/ياعجايب كبرتي والله علي كبرتي يابنت عجايب ضمته وهي تكبح عبرتها/اخر الاحزان يااخوي اخرها ابو فواز واقف على باب بيت الشعر اللي فتح نوره ثابت وبحدته/عجايب سلطان تركها من يديه وهو يسمع نبرة ابوه ابو فواز ناظر حاتم من مكانه/حياك ياحاتم حياك انت واهلك الجدة سدول زفرت وهي تناظر ابو فواز وحركته ثم ناظرت عجايب/يالله اذلفي ارقدي انتي ورجلك مغير طيرتوا عنا النوم وصدعتوا بروسنا/لفت وهي تتحلطم راجعة للبيت/ سلطان ابتسم/اعجلوا لابوي لاينتظر اكثر حاتم حط يده على كتف سلطان بابتسامة/لازم ناخذ علومك ونعطيك علومنا لازم سلطان بابتسامته/تطمن ماني برايح بنتواجه الى منك تطردني من غثاي حاتم ضحك بخفة/يازينه من غثى استاذنك انا سلطان هز راسه/على راحتك حاتم مشى ووقف عجايب وهو يحط يدها بيده ويمشي وهي معه سلطان ابتسم ولف باتجاه بيت جدته ولفت نظره الشباك الي بالدور الثاني من بيت اهله اللي واضح وجدا فيه احد يراقب اللي يصير من ورا ستارة هالشباك اللي يتخلله طيف اضاءة خافت رفع يده وهو يأشر بمعنى سلام ويرسل قلوب باستعباط وسط ابتسامته تحركت الستارة وانقفلت هالاصابة الخافتة زفر بضحكة خفيفة/مين اللي يناظرك ياسلطان امك؟ولا اخواتك؟/اسرع لبيت جدته بحماس وفرح بعد ردة فعل عجايب الحلوة معه اللي زرعت الامل بنفسه/ . ـــــــــــــــــــــــــ ـــــــــــــــــــــــــ ــــــــــــــــــــــــ ((يوم جديد)) . ((بيت الجدة سدول)) سلطان صحى من نومه اللي كم ساعة فقط بعد اكشن عجايب جلس على فراشه وهو يسمع صوت الاذان اللي وصل له وقف وهو يسحب جواله اللي جنبه عالارض ورفع اضاءته الخافتة شوي وهو يلتفت لجدته اللي عالسرير عن يمينه يناظرها وهي نايمة مشى باتجاه الباب وخرج وهو يذكر الله بينه وبين نفسه وقف بنص الطريق لدورة المياه وهو يرسل لنايف رسالة قفل الجوال وابتسم وهو يمر بباله منظر حاتم المتعلق بالباب زم شفتيه وهو يكتم ضحكته لايوصل صوته لجدته وانفجر يضحك غصب وهو يغطي فمه بيده لايعتلي صوتها اكثر واسرع بخطواته لدورة المياه حتى يطرد هالضحكة ويتوضا . ((شقة ساجي)) سدول ببجامة باللون الابيض خارجة من غرفة الضيوف اللي مكان مصلاها المعتاد بعد ماانتهت متجهة لغرفة النوم وهي تهمس بينها وبين نفسها بأذكار الصباح كعادتها وقفت قبال غرفة النوم وهي تفتح الباب بهدوء ثم فتحت النور ساجي نايم عالسرير تأفف بانزعاج من النور وهو يسحب المخدة ويغطي بها راسه ويكمل نومه سدول تنهدت وهي تناظره وتدخل/حبيبي الصلاة الصلاة قوم يالله/جلست عالسرير وهي تتربع جنبه وسحبت المخدة بشويش من فوق راسه وهي تحطها جنبها/حبيبي الصلاة تبي التوفيق والصلاة تفوتك مايصير!!/مدت يدها وهي تلامس يمينه الاقرب لها وحركته/يالله حبيبي قوم الصلاة الصلااااة ساجي وهو مغمض عيونه وبنومه/حبيبتي ثواني بس سدول حاوطت يمينه بيديها وهي تسحبه وتوجعت من سحبته وكتمت هالوجع/خلصت الثواني يالله قوم يالله ساجي رفع نفسه مع سحبتها وهو يحط راسه على رجولها وبنوم/صباح الخير ياحبي سدول ابتسمت/صباح النور/رفعت راسه عن رجولها/يالله الصلاة وبعدها طيران تخلص امور مشروعك يالله وراك رزق تطارده يالله ياحبي ساجي جلس وركبته تلامس ركبتيها وهو للحين مغمض عيونه مافتحتها وفتح يديها لها/ضمة عشان يبدأ صباحي واصحصح سدول تنهدت وهي تعرفه مستحيل يغير رايه فكت تربيتك رجولها وهي توقف على ركبها وفتحت يديها وضمته ساجي ضمها له بقوة وهو يميل فيهم سدول بسرعة/ساجي امانة لا لا ساجي ارتمى عالمخدة فيهم وهو ضامها همس/شويات ياحبي شويات بس سدول تنهدت/وبعدين ساجي دفن وجهه بحضنها سدول ميلت فمها بعدم رضا عاللي سواه ومدت يدها وهي تقرصه من جنبه الايسر ساجي تركها/ااه سدول بتهديد/بتقوم ولا؟ ساجي وهو يناظرها بتكشيرة/شوي بس قبل لايطير النوم سدول مدت يدها وفرصته من جديد ساجي فز من السرير ونزل وهو واقف قبالها/خلاص صحيت خلاص سدول ابتسمت وهي تجلس/ياروحي انت درب السلامة بعد ماتصلي ساجي/تطرديني!! سدول غمزت له/لاني احبك وابي مصلحتك ساجي تنهد/ايه ترا امس شفتك تعبانة ونمتي وماقلت لك سدول/خير يارب؟ ساجي/جارات امي بيفطرون عندها اليوم والبنات راحوا بيوتهم البارح سدول زفرت بضيق وهي توقف/انت الحين روح لاني بالليل رايحة لاهلي ان شاء الله/مشت/ ساجي/وين رايحة خذي لك غفوة الفطور شوي سدول/رايحة اجهز الفطور حبيبي/عطته ظهرها وهي تسرع بخطواتها بدون ماتعطيه مجال يناقشها وبنفسها/يعني على اساس اعزميني لله مثلا!! . ((بيت ابو ماهر)) عليا نزلت صينية الدلة عالطاولة قبالها وهي تخفي استغرابها من وجودها على هالصباح على غير العادة جوهرة جالسة قبالها مانامت من قهرها البارح بنرفزة وشياطين تتطاير من عيونها ورجلها اللي تطق بطرفها عالارض وهي تنتظر ابوها وسام بوجهه اللي كله كدمات متمدد عالكنبة وراسه على رجول امه نايم عليا ناظرت وسام وشالت عيونها عنه بسرعة ماتبي مشاكل معها ورفعت الفنجال والدلة وهي تصب القهوة/حياك الله ياجوهرة نورتينا يامرحبا جوهرة بدون نفس وهي تاخذ الفنجال من عليا/الله يحييك وينه ابوي؟ عليا/يخلص اللي بيده ويجي/دق الباب/عن اذنك شوي وخذي راحتك/مشت/ ابو ماهر دخل/السلام عليكم جوهرة وقفت وسلمت على راسه وباست كفه وظلت ماسكتها ابو ماهر عقد حواجبه جوهرة رفعت عيونها له وهي تحبس دموعها وبرجفة صوتها/يبه يرضيك يعني يرضيك!! ابو ماهر/خير وش صاير؟!! . ((شقة ياقوت وجوهرة)) ياقوت جالسة على سريرها مانامت من كثر قلقها ناظر جوالها وهي لاول مرة يتمرد عليها نايف ولايعبرها ابدا رفعت جوالها وهي تاخذ نفس وترسل له رسالة بتردد(صباح الخير حبيبي)ناظرتها وهو يستلمها وفتحها ولارد عليها رمت جوالها ومسكت راسها بندم وهي تعض شفتها السفلية وبنفسها/غبية غبية كرامتك انهانت عالفاضي/رمت نفسها عالسرير وهي تدفن وجهها بمخدتها من كثر الغبنة اللي تحس فيها/ . ((بيت أبو عمر1)) فتنة بمريولها الكحلي رافعة شعرها ذيل حصان وتاركته مثناثر على طوله وحلق لولو ناعم بأذنها بعبايتها الكتف اللي تاركة ازاريها مفتوحة وطرحتها على اكتافها وبشراب باللون الابيض برجولها وبشنطتها الرمادية على ظهرها وبيدها محفظة باللون البني المحروق تجري عالدرج وهي تصرخ وسط ضحكة تتخلل هالصرخة/يمممممههههههه طلال يجري وراها ببنطلونه الاسود الرياضي وتيشيرته الابيض لاحد الاندية الاجنبية/جيبيها والله تندمين جيبيها فتنة بضحكتها وهي تجري /أمانة طلال امانة عمر خارج من المطبخ بملابس الثوب الداخلية وبيده صحن سندويشات جبن جاهزة وقف بنهاية الدرج وهو يناظرهم/شوي شوي لاتنكسرون ونبتلش فيكم/مشى/ فتنة نطت اخر درجتين وتكعبلت لكن كملت طريقها لعمر وهي تتخبى وراه/بوجه عمر بوجه عمر عمر نزل الصحن بسرعة عالارض واعتدل بوقفته وهو يناظر طلال طلال وقف قباله وهو يحاول يمسك فتنة/جيبي محفظتي جيبيها بسرعة فتنة متعلقة بظهر عمر/بوجهك عمر بوجهك عمر رفع يديه وهو يدف يدين طلال/خلاص بوجهي اتركها //بدر وريان نازلين من الدرج// بدر/صباح صباح ياقوم فتنة وهي تميل راسها من ورا عمر وتمد لسانها لطلال بسخرية طلال بنرفزة/هيا شفت!!والله ماتاخذين ريال فتنة بتهديد من ورا عمر/انت تقول انك كريم لاتخليني اتصل بموج الحين طلال/اتصلي بأقولها مطفر ماعلي منك عمر ضحك/طيب هد وش فيك بتفضح نفسك قدام زوجتك المستقبلية طلال زفر وهو يثني يديه على وسطه برجى/فتنة عاد جيبيها تأخرت على ابوي والله يجلدني الحين فتنة بلعانة/مين عمتك؟ طلال/بثينة(زوجة ابوه) فتنة باستقعاد/اللي قبلها؟ عمر التفت يناظرها عن طرف عينه/لاتخليني اغدر فيك تراك زودتيها فتنة ضحكت وهي تمدها له من ورا عمر/مطفر وبخيل مدري وشلون قبلت بك موج طلال سحبها من يدها/يالله بس يالله/مشى خارج من البيت متجه لبيت ابوه/ عمر تنهد بابتسامة وانحنى للصحون عالارض واعتدل بوقفته وهو يرفعه معه رمش وهو يناظرها مادة يدها/اخي الكريم اللطيف بدر وقف جنبها ومد يده/الشهم الشجاع عمر التفت لريان/وانت مابتصف معهم؟ ريان متكي على طرف الدرابزين بكوعه وبشوفك نفس/كرامتي ماتسمح عمر/خل كرامتك تنفعك الحين/ناظر فتنة/روحي المحفظة وخذي اللي تبين بدر جرى قبلها فتنة جرت وراه وهي تشده من لبسه لورا وبصراخ/قال فتنة مو بدر فتنننننةةة ريان جرى يلحقهم ومر من جنب عمر عمر مسكه/ولا ريال الكرامة ماتسمح!! فتنة فتحت عيونها وهي متمددة على فراشها بابتسامة ضمت لحافها لحضنها بقوة وهي تغمض عيونها اقوى وبغصة/ارجعي ارجعي نامي باقي الذكريات الحلوة كثير كثير يـافـتـنـة . #سلطان_الهوى_يافتنة_الألفية . ارائكم تهمني🤍 | ||||
|
| |
|
11-08-22, 08:54 PM
| #17 | ||||
| 7 استغفر الله العظيم واتوب إليه - رغد فتحت الباب بقوة وهي وبعبايتها راجعة من الفندق فتنة فتحت عيونها اللي تلتمع من الدمع المجتمع فيها وناظرتها بهدوء رغد تكتفت وهي تناظرها وبتنفيستها/مرة ثانية اذا بغيتي تسوين خير ياليت يكون بسكات/بتاكيد/بسكات عالاقل تكسبين اجره فتنة جلست/يالله صباح خير وش تبين مني الحين؟ رغد/المشكلة اللي سببتيها انزلي حليها ولا والله والله لاتندمين عاللي سويتيه وانتي بكيفك بلغتك أنا/مشت وتركت الباب مفتوح/ فتنة وقفت/لااله الا الله صدق ماتستاهل حسنة {غرفة ام عمر} ام عمر جالسة عالسرير مميلة فمها وهي تناظره عمر متكتف قبالها بنرفزة/يمّه!! ام عمر/من عقلك تقول هالكلام!! عمر/اي والله!!انا خلاص عايف النفس عايفةةة مااااأبيها تبشر بحقها كامل مكمل لاخلصت من دراستها اتوكل لابوها ام عمر بغيظها/والبزر هاه؟!! عمر/حقه يوصله بعد ام عمر اتسعت عيونها/انهبلت انت!! عمر/لا والله هي المهبولة اجل وحدة تطرد رجلها!!زين ماذبحتها البارح!! ام عمر اخذت نفس/المفروض تراعيها وانت عارف وضعها حامل وصغيرة غصب تطلع هالحركات زين ماكسرت راسك وانا اعرف لسانك الاعوج عمر/يمّه!!من المهم عندك انا ولا بنت اخوك!! ام عمر/لا انت ولا هي المسكين اللي بيبلش بينكم عمر احتدت نظرته/انا جيت اقولك اني بأصبر عليها لمى تخلص هالسنة وبعدها تتوكل لابوها من غير شر ام عمر/والجامعة!!لايكون بترسلها لحالك وانت تعرف طبعه!! عمر ضحك/وش جامعة!!الله يالدنيا ليتها تفلح بس وتخلص من هالسنة على خير وهذا ابوها بكيفهم ماني ملزوم اتحمل غثا على حساب صحتي ام عمر/قبل يجي المولود بالسلامة وتعيشون معه سنة كاملة انسى لو تموت ماتطلقها ياعمر عمر/مااقدر يمّه مااقدر!! ام عمر/بكيفك هذا اللي عندي ولا وجهك لاعاد اشوفه والحين اطلع برا عمر بتهديد/والله لاخليها هي اللي تترجاك تتطلق ولا اطلق هين/مشى بخطوات سريعة بيخرج فتح الباب/ فتنة بوجهه تناظره بصدمة من اللي سمعته وبلعثمة/صباح الخير عمر بنرفزته/اي خير يجي من ورا الحريم صادق ابوي صادق/مشى/ ام عمر بحدة/وانتي وش تبين بعد؟ فتنة/رغد تقول تبيني يمّه؟امري ام عمر/ماابي شي اذلفي عن وجهي ماني ناقصة صداع منك بعد/تمددت عالسرير/اقفلي النور والباب معك ماابي اشوف احد اليوم فتنة تنهدت وهي تقفل الباب معها . ((بيت ابو ماهر)) عليا تناظرهم بعدم راحة وهي تشوف الشرار يتطاير من هالنظرات المتبادلة بينهم ابو ماهر/سراج سراج جالس قبال جوهرة/سم يبه ابو ماهر/وش فيك مزعل جوهرة؟ جوهرة اتسعت عيونها/يبه!! ابو ماهر رفع يده لها بمعنى اسكتي جوهرة عضت شفتها السفلية بقهر سراج/افا!!انا مزعل جوهرة!!/وقف واتجه لها وهو يوقف عندها جوهرة صدت بوجهها عنه وهي تتكتف سراج انحنى وهو يبوس راسها عليا اتسعت عيونها بصدمة منه جوهرة كشرت بوجهها سراج وهو يعتدل بوقفته/وهاذي رضاوتها جوهرة بحدة وهي تتكتف/لا ماتمشي علي هاللعبة سراج بعتاب/الحين حبة راسك مني لعبة!!افا ياجوهرتي افا!! جوهرة وهي تناظر ابوها/يبه انا مايرضيني الا حقي ابو ماهر/وهذا هو سراج تعذر منك جوهرة/ايه اعتذر عن نفسه لكن حقي وحق ولدي من سحايب وعيالها ماوصلني للحين!! ابو ماهر خرج محفظته من جيبه وفتحها وخرج كامل المبلغ الموجود فيها وهو يحطه قباله عالطاولة/ذَا حقك انتي ولدك ومعها حبة راس من سراج تكفيك سراج ميل فمه بابتسامة جانبية وهو يناظرها جوهرة بعصبية ارتفع معها صوتها وجحظت عيونها/يبه!! ابو ماهر بحدة/نقصي صوتك!! جوهرة بزعلها/انا مااابي فلوس ومو بقاصرني شي ابد انا ابي حقي العين بالعين والسن بالسن ابو ماهر/وهذا هو حقك دية وجه ولدك اللي ابلشك وابلشنا معه جوهرة/ولدي مايأذي احد وحسبي الله عليها هي وعيالها الجن ابو ماهر/عاد حدك ياجوهرة سحايب وعيالها احسن منك واحسن من هالدلخ اللي قاعد جنبي سراج/ليش الغلط يبه!! جوهرة/ايه وانا وعيالي ننذبح بالطقاق ابو ماهر/لو قلتي يزن أو أديب باقول يمكن هوشة بزارين لكن وسام ماينكذب علي ياجوهرة جوهرة وقفت وبقهر/ايه من سنين وانت مع عيال خالتي نورة ولو عليك ماكنا عيالك!! ابو ماهر بحدة/جوهرة!! جوهرة وقفت وبانفعال/طول عمرك يبه تعزهم فوق عيالك وتمشيهم على روسنا غصب وكأنهم ملوك وحنا عبيدهم/اشرت بيدها على سراج بدون لاتناظره وعينها بابوها/هذا هرب سراج كشر بوجهه جوهرة/وجبته وزوجّته غصب وحاتم سكت مايبي يكسر كلمة لكم ورضى وياقوت ضاع عمرها وانت ترميها عليهم الى مارمت نفسها على هالابكم اللي ماله احد ولايندرى عن اصله وانا/ضحكت/انا احسنهم وغصب عنك وعن الكل سويت اللي ابيه حتى لو ماكان بالمستوى المطلوب!! ابو ماهر وقف وضربها كف على وجهها/اعقبي مابك حشيمة!! عليا اتسعت عيونها بصدمة سراج احتدت نظرته وشد على قبضته بغبنة وهو يناظر ابوه جوهرة ميلت فمها وزفرت وسط ابتسامة جانبية وناظرته/حتى بعد ماتساوت كرامتهم بالارض وماعاد لهم وجه للحين باقي تغليهم!! ابو ماهر بحدة/هاللي تتكلمين عنهم اهلك وعزوتك لاضاقت بك الدنيا من وش قلبك مخلوق ياجوهرة هاه!!! جوهرة/لاعادت من عزوة ماابيها الله يغنيني عنهم ابو ماهر بحدة/اذلفي عن وجهي اذلفي قبل اذبحك بمكانك اذلفي جوهرة ميلت فمها بابتسامة تخفي تحتها كمية قهر/كل ذَا الزعل عشانهم!!مااشوفك زعلت علينا يبه!! ابو ماهر صرخ بكل مافيه من غيظ/وربي وربي ماذلفتي عن وجهي ان تحرم علي شوفتك ياجوهرة سمعتي عليا وقفت وبخوف/جوهرة روحي الحين تكفين جوهرة تناظره بحقد ومشت وهي تسحب ولدها وراها سراج وقف وناظر ابوه وبغيظ/جوهرة ماغلطت بشي قالت الصدق يبه/مشى/ ابو ماهر بغبنة/حسبي عليكم من عيال محد منهم صاحي حسبي الله عليكم سراج وقف وهو يسمعه والتفت له/وبعدين اللي فضح اهله وجماعته مافيه خير لاهو ولا أهله ماوراهم منفعة ابد/مشى خارج بخطوات سريعة/ ابو ماهر/اعوذ بالله منكم بتجيبون يومي حسبي الله مافيكم صلاح حسبي الله عليكم جوهرة تطلع الدرج بخطواتها السريعة وهي ماقدرت تكبح دموعها اكثر وانسابت من عيونها غصب عنها وسام بضيقة على امه/ماما جوهرة وقفت وبصراخ عليه/اطلع فوق بسرعة ماابي اشوفك وسام جرى عالدرج بسرعة وهو يتفادى يناظرها بهالحالة جوهرة جلست عالدرج/حسبي الله عليكم كلكم لامن اهل ولا عيال ولازوج عسى ربي يشغله بعمره عني سراج تنهد وهو يناظرها بضيقة وجلس عندها وهو يبوس راسها بحنية/ماعاش من يبكي جوهرة جوهرة صدت وهي تمسح دموعها/هذا انت بكيتني وعايش!! سراج ابتسم جوهرة/اخر احد توقعت يغدر فيني انت ياسراج انت/التفتت له/كيف ترضاها لي كيف سراج مسك يدها/وعد وعد حقك بتاخذينه بس هالدموع لاتهل وانا اخوك لاتهل اكثر جوهرة مسحت دموعها من جديد وهي تسحب يدها من بين يديه ووقفت/لا هالمرة انا انا اللي باخذ حقي واعرف وشلون اخذه/طلعت الدرج بخطوات سريعة تاركته وراها/ . ((بيت الجدة سدول)) سلطان واقف عالباب بثوب وشماغ ناوي يخرج الجدة سدول/وين ياعيني انتظر ذهب تجي تجهز الفطور ونفطر سلطان باس راسها/بأرجع وافطر بس عندي شغلة بسيطة مع نايف اخلصها وارجع الجدة سدول/متى لاغابت الشمس!! سلطان ضحك بخفة/ياعين سلطان بأفطر معك اليوم وكل يوم بس وراي اشغال وهوينه اخلصها وارجع الجدة سدول تنهدت/على راحتك بس انتبه لنفسك وتحرص لنايف سلطان/ابشري ياعيني ابشري/باس راسها وخرج/ . ((بيت ابو فواز)) فواز دخل للصالة بوجهه المتجهم/السلام عليكم //ام فواز وابو فواز وثابت المتواجدين ردوا السلام// فواز انحنى يسلم على روسهم كعادته وجلس جنبهم سجايا دخلت وبيدها بعض اغراض الفطور اللي ساعدتها فيه ذهب ذهب وقفت وراها بعبايتها وظلت بمكانها على مدخل الصالة وبيدها جوالها وهي تناظر ثابت/قوم جيب معها من الاغراض ثابت وقف واتجه للمطبخ وسجايا وراه ذهب ناظرت ابوها/يبه انا رايحة لجدتي تبي شي؟ فواز احتدت نظرته/على وين؟!! ذهب/لجدتي!! ابو فواز/الله يستر عليك فواز التفت لابوه/يبه!! ذهب لفت بتمشي فواز صرخ/اوقفي ذهب انفجعت من صرخته والتفتت باستغراب/وش فيه؟!! فواز/انت تروح يبه وتتفاهم مع جدتي ابو فواز بحدة/فواز مالك شغل بذهب فواز بغبنة/والله ماتروح والله ذهب بقهر منه/جدتي وكل صباح وانا عندها ثابت وقف وهو يناظر اللي يصير سجايا وقفت جنبه ذهب/مستحيل اغير عادتي عشان مشكلة مالي شغل فيها وبعدين ابوي راضي مالك شغل انت!! فواز اتسعت عيونه/وشو!! ذهب مشت وهي تلف طرحتها وترميها على وجهها مقهورة من لسانه الطويل اللي ماحشم فيه احد لا ابوه ولا وجود امه فواز لحقها وهو واصل اقصى لحظات غضبه/وانا ولد ابوي ترفعين صوتك علي!! ثابت حط الصحون اللي بيده فوق الاغراض اللي بيد سجايا ولحقهم بسرعة ذهب خرجت من البيت متجهة لبيت جدتها فواز خرج وراها وجرى وبينهم كم خطوة ولحقها وسحبها من يدها بقوة ذهب شهقت بفجعة ماتوقعت يلحقها فواز بصراخه/قلت ماتروحين ياذهب يعني ماتروحين!! ذهب بعناد سحبت يدها وبصراخ/مو بكيفك مو بكيفك!! فواز دفها للبيت ذهب تراجعت بخطواتها ووقفت بمساعدة من ثابت اللي مسكها فواز/يالله داخل اشوف يالله!! ذهب/لو تموت مادخلت/دفت يدين ثابت عنها ومشت/ فواز مسكها من يدها وضربها كف بكل قوته/دااااخلللل لاادفنك الحين ذهب بكت من الم الكف ومن ضعفها قدام قوته وهي تسحب يدها منه ماتقدر عليه لكن ماتبي رايه يمشي عليها بنفس الوقت ماحست الا بيد تسحبها من يد فواز بقوة وتبعده عنها التفتت تناظره سلطان مسك يد فواز وفكها عن ذهب وسحب يدها ورجعها وراه وهو ضاغط على يد فواز بكل قوته فواز التفتت اول ماحس بشي غريب يفك يدها منه واحتدت ملامحه سلطان سحبه من يده لجهته ثم لوى يد فواز ورا ظهره وهو يهمس من بين اسنانه بحدة/هاذي مرجلتك!!تمد يدك على اختك!! فواز وهو يحرك نفسه/فكني مالك شغل تسمع ماااالك شغل سلطان دفه بقوة وباشمئزاز وهو يناظره وبعصبية/تف عليك وعلى مرجلتك دام هاذي تاليتها يافواز تف!! أبو فواز واقف عالباب وبحدة/سلطاااان!! سلطان حرك نظره من فواز وثبته على ابوه يناظره وهو يلقط انفاسه يهدي هالشر اللي براسه وهو مايرضى لخواته قبل كيف الحين والمصيبة من اخوه/سم يبه ابو فواز بحدته/لاتظن اني راضي بوقوفك قدامي ترا كلها حشيمة لامي كم يوم وبعدها اتفاهم معها وانت من الحين بديت تفرد عضلاتك وانت توك اللي جيت سلطان/محشوم يبه محشوم وايه افرد عضلاتي اذا اللي قدامي يمد يده على اختي بغير سنع!! فواز بصراخ/وش دخلك انت بسنع وبدونه وش عليك!!لايكون مصدق انك للحين لك كلمة بهالبيت!! سلطان بنرفزة/مالي كلمة لكن انا ماني بساكت اذا انمدت لك يد على البنات عندك مشكلة معي حلها مو تحط جنونك فيهم!! فواز التفت لابوه/ها يبه ها استلم هذا اولها وبكرة مسوي له حزب ديني بالبيت وانت مابيدك شي سلطان بغبنته/ايه بأتحزب على راسك الى ماتموت يافواز بس ارضى بسرعة لاتموت من الغبنة قبل يكتمل هالحزب!! ابو فواز صرخ/سلطاااان!! سلطان ناظر ابوه وهو ساكت ابو فواز/وانت ببيتي تحشم عمرك وانت عارف مصيرك!! سلطان ميل فمه بابتسامة جانبية وزفر بسخرية/بس انا ماني ببيتك!! ابو فواز اتسعت عيونه/وشو!! فواز قطب جبينه بكره سلطان مد يده يأشر على بيت ابوه وباستعباط/هذااااك هو بيتك/رفع يده لفوق/وانا معاذ الله ماجيته ولا قربته حتى!! ثابت بابتسامة وسط حماسه/واااااوو ذهب بلعت ريقها وهي تناظر ابوها بخوف عليه ابو فواز ضرب ضغطه من سلطان فواز عض شفته السفلية وهو وصل اقصى مراحل الغضب وبحقد/اذلف برا محد طايق يناظر وجهك ماتحس ماعندك كرامة انت!! سلطان بابتسامة بغيظه اكثر/ليش انا ببيتك وانا مدري!! فواز جرى له بيضربه ذهب صرخت بخوف عليه/فوااااز لاااا تكفى فواز مسك سلطان اللي يناظره بابتسامة من ياقته وهو يشده منها ورافع قبضته باستعداد يلكمه ماحس الا بضربه على راسه اجبرته يترك سلطان غصب ويلتفت للي ضربه بنظرات حارقة الجدة سدول واقفة جنب سلطان وضربت فواز بعكازها/ووجع يافواز ووجع ماتوب انت ماتووب/احتدت نظراتها وهي تناظر نظراته مدت يمينها وهي تبرز اصبعين السبابة والوسطى بوجهه/قطع لعدوينك يافواز والله لافقعهن ياقليل الحيا وثم هو صادق مـاهـو ببيتكم ببيتي كف شرك يافواز كفه!! سلطان سلم على راس جدته وهو يزفر ومشى عجايب خرجت من مجلس الشعر وكلها نوم صحت من كثر الاصوات معتلية وجهها ملامح الانزعاج/وش فيه؟ سلطان مر من جنبها ووقف يناظرها ورفع صوته/هوشة حبايب ثابت كتم ضحكته عجايب/الله يهدي النفوس سلطان حط يده على كتف عجايب وضمها له وهو ينحني ويهمس بأذنها فواز اتسعت عيونه ثم التفت لابوه وبابتسامة من قهره/ها يبه تفضل سم هذا اللي انت ماتبيه يصير وتوه ماكمل يوم وصار!!/مشى بخطوات سريعة خارج/ عجايب ناظرته بابتسامة/ابشر ماطلبت شي فواز مر من جنبهم بنظرات حادة تسلطت على عجايب عجايب قشعر جسمها من نظراته سلطان ابتسم وهو يتركها/تبشرين بالجنة سلام/مشى خارج/ الجدة سدول ناظرت ابو فواز بجدة/جابر ابو فواز بغيظه/لازم تسمعيني يمّه لااازم نايف واقف برا البيت قبال الباب متكي بظهره على سيارته وهو ينتظر فواز خرج من البيت نايف اعتدل بوقفته وابتسم وهو يرفع يده بمعنى سلام فواز ناظره بحدة واسرع بخطواته وهو يكمل طريقه ولايرد عليه نايف رمش باستغراب منه وهو للحين رافع يده سلطان خرج من البيت وابتسم وجرى الكم خطوة بينهم وهو يضرب يد نايف بقوة/ياهلااااا والله نايف قفل يده من الضربة وهو ينفضها وحرك راسه لفوق بتساؤل وعينه لسلطان سلطان حط يده من ورا رقبته وهو يضمه/ابد فواز يبي له شوية كنترول نايف ميل فمه بعدم رضا سلطان ابتسم/لاتخاف علي سلطان ماينلعب معه هالمرة لاتخاف المهم جبت اللي قلت لك نايف فك يد سلطان عنه وهو يفتح شنطة سيارته سلطان ابتسم وهو يناظر كراتين التمر المصفوفة انحنى واخذ كرتون/شيل كم كرتون والحقني/مشى لباب البيت بالجهة المقابلة ورن جرس البيت/ نايف وقف وراه وهو شايل كم كرتون بين يديه سلطان/نزلهم ورح جيب غيرهم نايف نزل الكراتين ورجع للسيارة ريان فتح الباب وهو يناظره باستغراب/هلا اخوي؟!! سلطان ابتسم/السلام عليكم ابو عمر من وراه وهو يتجه له/من ياولد؟ سلطان رفع صوته/صبحت بالخير ياعم ريان ابتعد عن الباب شوي تارك مجال لابوه حتى يوقف جنبه ابو عمر وقف عند الباب وباستغراب/صباح النور سلطان/انا سلطان ولد جارك/التفت يأشر على بيت ابوه/ولد جابر جاركم اللي قبالكم/مد يده/ ابو عمر ابتسم وصافحه/هلا ياهلا حياك الله تفضل سلطان بابتسامة/لا ياعم مشغولين بس ابوي يقول تفضل هالتمر وحياك الليلة عالعشا . ((شقة سراج)) سحايب واقفة قبال المراية بعد مااستحمت بقميصها الروز الاسود الطويل وكمه القصير اللي نفخت الورود الملونة من اطرافه السفلية الروح فيه كاسرة هاللون الكئيب تمشط شعرها الطويل اللي باللون الاسود ينافس بسواده قميصها اللي بذات اللون والاكثر انه ينافس سواد الليل اللي تكرهه كثير وقفت تمشيط وهي تناظره بكره رغم انه كثيف وطويل وزادها جمال الا انه تكرهه وتكرهه وتكرهه وتكره سراج اكثر منه اللي كرها بكل شي حلو فيها سراج فتح الباب بقوة وهو واقف على الباب متنرفز منها قطب جبينه وهو يناظر ملامحها المنزعجة/وش فيك على ذَا الصباح!! سحايب بدون ماتناظره/اي صبح الطيور طارت بأرزاقها!! سراج احتدت نظرته/وش قصدك!! سحايب بتافف وهي تمشطه/ماقصدت شي!! سراج تحرك لها وشدها من شعرها ومن بين اسنانه/الا تقصدين!!قولي اسمعك سحايب ماسكة شعرها وهي تتألم/وش تبيني اقول!! سراج من بين اسنانه وهو يحركها من شعرها/اعمال حرة حررررة عساك بحرارة ماتفك منك وش اللي ماتفهمينه من هالكلمة هاه!!وشو!! سحايب برجفة صوتها/وش قلت انا!! سراج دفها وتركها/انتي تحبين يدك وجه وقفا راضي بك للحين واصرف عليك وعالخمة اللي معك!! سحايب تناظره بحقد سراج/وحق جوهرة بأطلعه من عيونك لاتحسبين اني وقفت معك راضي سحايب/طلعه سراج انصدم منها سحايب بدموعها/طلعه الحين العيال بالمدرسة وانا ماارضى لعيالي خذ حق اختك الحين خذه لكن لو ترجع تمد يدها على عيالي اقطعها بيديني واقطعك معها سراج وهو يرفع اكمام ثوبه/عز الطلب!!والله ان تشوفين سراج الحقيقي الحين ياسحايب والله!! . ((بيت ابو عمر1)) {غرفة فتنة} موج متجهة لغرفة فتنة وهي تغني/يافتنتي اللطيفة ياااافتنتي يااافتنتي/وقفت عالباب وفتحته/ رغد بذات الوقت فتحته معها بملامح توتر واضحة موج قطبت جبينها باستغراب من وجودها/رغد!! رغد اخذت نفس وهي تسترجع طبيعتها/خير/مرت من جنبها وهي تدفها عن طريقها/ابعدي عني بس ماني برايقة لك موج تناظرها باستغراب وهي تبتعد لحقتها ومسكت كتفها/لحظة لحظة لحظة!! رغد التفت وهي تدف يد موج عنها وناظرتها/خير!! موج/وش يسوي صندوق فتنة معك!! رغد ضمت صندوق فتنة الذهبي الصغير لحضنها وبحدة/هي تبيه وقالت لي اجيبه اي اعتراض؟!! موج تناظرها بتكذيب/فتنة قالت لك تجيبينه!! رغد/ايه وبعدين وش دخلك انتي اصلا!!انشغلي بنفسك/لفت بتمشي/ موج مسكت يدها/معليش بس فتنة مستحيل تقول لك انتي بالذات تجيبين شي لها رغد سحبت يدها بقوة وبصوتها العالي/يعني اكذب وش مصلحتي من الكذب هاه وشي!! فتنة وقفت عندهم وهي تناظرهم باستغراب/وش فيه؟ رغد قشعر جسمها وهي تسمع صوت فتنة والتفتت تناظرها وهي تحس برجفة تخفيها سحبت يدها من موج واتجهت لفتنة ووقفت قبالها وهي تضربها بالصندوق على بطنها/خذي صرت أتكذب والسبة انتي/مشت/ فتنة تناظرها باستغراب مو فاهمة موج/انتي قلتي لها تجيب لك صندوقك؟ فتنة ناظرت موج بتقطيبة جبينها/لا!!/تغير وجهها وفتحت صندوقها بسرعة اتسعت عيونها/رغد اوقفي رغد بلعت ريقها وكملت طريقها بسرعة موج جرت وراها/انا عارفة ان ماوراك خير/مسكتها من يدها على بداية الدرج/ رغد سحبت يدها من موج بقوة وبصراخ/وبعدين معك انتي وبعدين مابترتاحين لحد وحدة منا ماتتطلق!!/نزلت اول درجة ورجعت بخطواتها لورا وهي تنشد من شعرها ووقفت على بداية الدرج وهي تصرخ/اااااهه شششعععرررييي!! فتنة مسكت رغد من شعرها وشدتها لها وهي ترجعها طريقها موج تناظر فتنة بصدمة رغد دفت يد فتنة عن شعرها بوسط صراخها/تبين تموتين انتي!!! فتنة بنبرة حادة لاول مرة يسمعونها منها/جيبي الفلوس يارغد احسن لك!! رغد/وش فلوسه!!شايفتني مثلك مااحشم اهلي!! فتنة ضربتها كف وبصراخ/حاشمة اهلي غصبن عليك وعن اللي خلفوك يارغد والحين جيبيها ولايكثر احسن لك رغد احتدت نظرتها ومدت يديها تتعارك مع فتنة اللي تدافع عن نفسها وسط صراخ الثنتين موج تفكهم من بعض/خلااااص حلوها بالكلام عيب عليكم عيب!!/دفتهم بكل قوة عن بعض/ رغد طاحت الفلوس عالارض من جيب عبايتها الداخلي قدامهم اتسعت عيونها بصدمة وهي تناظرها فتنة عضت شفتها بقهر ومدت يدها وهي تشد شعرها/وتستشرفين على راسي ياانجس من خلق ربي!! موج اللي متوقعة هالشي من البداية مسكت يد فتنة تفكها عن رغد/خلاص فتنة خلاص فلوسك ولقيتيها خلاص!! رغد دفتهم الثنتين بقوة/شريفة غصب عنك ياللي شرفك ضايع موج اللي على حافة الدرج اختل توازنها من دفة رغد ومالت جسمها لورا بدون اي اتزان منها رغد انخطف وجهها وهي تنتظر موج فتنة تركت رغد بوجهها اللي انخطف وهي تمد يدها تحاول تمسكها باخر لحظة موج كانت طيحتها اسرع من ان فتنة تلحقها وطاحت بجسمها كله لورا واستمرت تتقلب عالدرج بدون اي تحكم منها فتنة لحقتها بدموع هلت غصب وهي تصرخ/مووووج!! موج تمددت بمنتصف الدرج بدون اي حركة منها فتنة جلست جنبها برعب ومدت يدها اللي ترجف وهي تناظر موج اللي معطيتها ظهرها وتجمدت برعب وهي تسمع صراخها رغد بصرااااخ/الــ.ــحقــوووووننننييييي� � فتنة قتلتها فتنة قتلت موووووج!! . ((بيت ابو راضي)) سدول حصلت الباب مفتوح دخلت وهي ترفع نقابها وتنزله ورمته بشنطتها المفتوحة وتنزل طرحتها بعد مانزلت معها حافظات الفطور وقفت ورا باب غرفة الضيوف وهي تسمع كلام عمتها ام راضي بضيقة/والله ياام اسماعيل تعبت وانا المح وهي ماتفهم تقطع قلبي على وليدي الضعيف مربوط فيها واللي بعمره عيالهم طوله ام سعد/طيب وساجي وش قوله؟ عزيزة/يوووه ياخالة يعني ماتعرفين اخواني الواحد دجاجة ورا زوجته ام راضي/تعبت معه يقول راضي بحكم ربي راسه يابس مايسمع لي كلمة مدري وش مسوية له عزيزة/ايه آكلة عقله يمّه وش بتسوين يعني!! ام راضي بغبنة/12سنة 12وهي قاعدة على قلبي لاولد ولاتلد!!علة بقلبي ماتحس ابد اعوذ بالله منها ام فيصل/والله انها بنت حلال قايمة معك ولاتأذي احد لاتظلمينها ياام راضي ام سعد/تكفين اسكتي يانادية لو هو ولدك ماسمعت هالكلام ام فيصل ميلت فمها بعدم رضا وسكتت وهي ماتبي مشاكل معهم ام اسماعيل/انا اقول اعرضوا له ويعني بالغلط سدول ماتحملت اكثر ودخلت وبابتسامة/السلام عليكم //الموجودين تغيرت وجيههم للحظة// ام اسماعيل بابتسامة وقفت/هلااا وعليكم السلام والرحمة هلا بسدول ياهلا سدول سلمت عليها وسلمت على عمتها اللي سلمت بدون نفس عزيزة وقفت وخرجت قبل تسلم على سدول وهي مبادرة منها بعدم السلام على سدول سدول جلست ابتسمت ام راضي بغيظ منها/قومي قهوي عمتك وش تنتظرين!! سدول بابتسامة/ام اسماعيل راعية بيت والثلاجة عندها تخدم نفسها ام اسماعيل بربكة وشك من كونها سمعت/مايحتاج صادقة سدول ياام راضي ام راضي بنرفزة/قومي صبي لي سدول بابتسامة/الحين تجي عزيزة وتقهويكم يالثنتين مو تقولين دايم اني ضيفة ياعمة!! ام راضي/استحي على وجهك ماتحشمين احد سدول طنشتها وناظرت ام اسماعيل/ألا قولي لي ياخالة لايكون عرضتي سلوى(بنتها)بالغلط لفهد يوم اخذها الثانية؟!! ام اسماعيل بحدة/وشووو؟!! ام راضي بصوت عالي وحدة/سدول؟!! سدول بدون لاتناظر عمتها وعينها لام سماعيل/والله ياخالة اللي ماترضينه لنفسك لاترضينه لبنات الناس اذا محد قالك انا اقولها لك!! ام اسماعيل وقفت وبنرفزة/هاذي تاليتها ياعايشة انهان وانتي ساكتة/وبصراخ/عزيزة عزيزة جيبي عبايتي عزيزة ام راضي وقفت وهي تمسكها من يدها ترجعها تجلس/استهدي بالله ياام اسماعيل وش هالكلام ام سعد/ياام اسماعيل ماعليك من صغار العقول ووش ذنبها ام راضي!! سدول زفرت بضحكة سخرية وهي تسمعها ام اسماعيل دفت يد ام راضي عنها/لو مـاهـو ببيتك وحاشمتك كان لي علوم ثانية!! سدول/والله الحشيمة لاهلها مـاهـو للي مايثمنها!! ام اسماعيل ناظرت ام راضي/يحرم علي بيتك ياام راضي ليوم الدين اذا ماجبتيها لي ذليلة!! عزيزة وقفت وبيدها عباية ام اسماعيل ام اسماعيل سحبت العباية وهي تلبسها اي كلام وخرجت عزيزة تناظر الوضع مو فاهمة ام راضي بصراخ/ماتستحين على وجهك صدق ماعرف لك ساجي ماوطى عليك وعلمك وشلون تتكلمين معي!! سدول ناظرت لعمتها/وانتي ياعمة اشوفك شاغلة نفسك بساجي وناسية راضي!! ام راضي اتسعت عيونها بصدمة من وقاحتها عزيزة بحقد وسط وسع عيونها/نعممم!!! سدول وقفت وهي تلف طرحتها وتلبس نقابها/يعني هو أولى بانشغالك ذَا بس والله ماينلام مايجيك وهو بنفس المنطقة معك!! عزيزة صرخت/احترمي نفسك لاتشوفين شي مايسرك سدول ناظرت عزيزة وببرود/ومرة وحدة اسمعي كلام ام اسماعيل واعرضي عزيزة على قولتها!! عزيزة جرت لها وهي تشدها من طرحتها بهجوم فظيع ام راضي مشت لها وهي تتحلف/والله ماني بعايشة اذا مارجعتك لاهلك وانا ام راضي!! . {السيارة} نايف واقف بالسيارة وهو داخلها ويناظر المحل باستغراب سلطان جالس جنبه وفتح الباب/وش تنتظر نزلنا!!/نزل/ نايف نزل بشك يخالطه لكن طنشه سلطان وهو مايناظر المحل يناظر الجهة المقابلة من هالشارع الصغير اللي تقطعه بكم خطوة بين الجهتين بابتسامة/تتوقع وش اللي يمشي سوقه بهالمكان يانايف؟/التفت يناظره/ نايف بلغة الاشارة/كماليات مخبز سلطان ابتسم/وش رايك بورد؟ نايف رمش مو مصدقه سلطان ضحك/لا لا لايروح بالك بعيد ناظر حولك سوبر ماركت كماليات مكتبة ومخبز على قولتك والاهم/اشر بعيونه/محل دروع وطباعة يعني كل شي موجود ناقصهم الهدايا والورد تمام؟ نايف تكتف وهو يناظره بتكذيب سلطان ضحك/هالمرة اللي ببالك صح/التفت وهو يثبت عينه على سوبر ماركت ابوه بابتسامة وحماس/بيصبح ويمسي بوجهي!! . {المعرض} فواز ماترك عامل مانفّس عليه بعد اللي صار معه بالبيت جالس ورا مكتبه وهو ينتظر الزلة على أي أحد راضي يناظره بشك/فواز فواز بحدة/خيررر!! راضي تأكد شكه/لا والله مامن خير!! فواز بنرفزة/ماني برايق ياراضي رح وشف لنا شريطيين خل نخلص راضي/وش صاير؟ فواز/مو صاير الا كل غم وهم راضي تنهد/سلطان؟ فواز انصدم انه يدري راضي/من مااتصلت بي البارح عرفت ان صاير شي فواز بقهر/جدتي جدتي قبلت به عقب كل اللي صار معنا قبلت به والمصيبة ابوي ساكت وكملت اليوم بدا يتدخل بشي مايخصه راضي/اخوك يافواز اخوك فواز بحدة/راضي لاتجنني انت بعد!! راضي تنهد/اصبر يمكن تغير صدق عقب اللي صار ومحد يظل مثل مـاهـو يافواز فواز وقف/اذا هذا قولك اروح اشوف شريطيين انا احسن/مشى بخطوات سريعة كلها غضب/ راضي تنهد/لاحول ولاقوة الا بالله الله يهدي سرك يافواز الله يهديه . ((بيت ابو عمر1)) فتنة بتموت من كثر الخوف على موج تدور بالبيت مو قادرة تجلس ولاعندها اي وسيلة اتصال حتى تعرف عنها شي مشت بخطوات سريعة متجهة لمكان واحد اكيد بيريحها شوي من التوتر اللي تعيشه لو وصلها خبر وقفت قبال باب جناح عمر ورغد ودقت الباب رغد داخل الجناح جالسة على سريرها وهي تعيش اقصى مراحل الخوف مثلها مثل فتنة واكثر وصلت لمرحلة الرعب وهي تذكر الموقف ، ، رغد بصرااااخ/الــ.ــحقــوووووننننييييي� � فتنة قتلتها فتنة قتلت موووووج!! فتنة اللي شبه جالسة عند موج التفتت لرغد تناظرها بنظرات صدمة وكأنها ماتعودت على اسلوب رغد اللي مو جديد عليها لكن ماتوقعت توصل لهالمرحلة التفتت لموج من جديد وسط يدين اتمدت وزادت رجفتها وهي يتردد بمسامعها كلمة رغد(قتلتها)لامست يديها موج الهادية بدون اي حركة وحركّتها لجهتها واتسعت عيونها وهي تشوف الدم المنساب على جبين موج وجلست من قوة صدمتها ماشالتها رجولها اكثر من الافكار اللي تدور براسها بهاللحظة بلعت ريقها بقلة حيلة وتصرف بنفس الوقت ماسمعت الصراخ اللي حولها من كثر صدمتها بموج وشكلها لكن هالصراخ ماغاب عن بال شخص ثاني طلال اللي كان جالس بالصالة وارتعب من سمع صرخة فتنة باسم موج وفز من مكانه باتجاههم جلس جنب موج وهو يناظرها برعب وهو يناظر جبينها الغرقان رفعها لحضنه بقلبه اللي يرجف اكثر من يديه اللي امتدت لحبيبته رفعها لحضنه وهو يمسح عليها بصدمته وبهمس/موج حبيبتي موج ام عمر وقفت عنده وبفجعة وهي تناظرها بين يدين طلال وبصراخ/وش تنتظر وشووو!!شيل البنت قبل لايصير لها شي يالله ام عمر ضربته على كتفه/طلال طلال التفت لامه وكأنه مغيب ماسمعها قبل شوي ورفع راسه لها ام عمر/قم ودها للمستشفى بسرعة طلال ناظر بفتنة بحدة ورفع عينه لرغد بدون اي خجل وبجنونه وبصراخ/ورب العزة بتشوفون شي ماشفتوه بحياتكم وربي!!/فز واقف وهو ضامها لحضنه وشالها وجرى/ رغد انتفضت بمكانها برعب وهي تدري يسويها طلال ولايهمه احد ، ، رغد التايهة بأفكارها ضمت اللحاف لصدرها برجفة وهي تفكر اذا صحت وانكشفت بيذبحها عمر فزت وهي تسمع دقة الباب ماتت خوف وزادت رجفتها فتنة/رغد رغد افتحي تكفين افتحي رغد ارتخى جسمها براحة وهي تسمعها ومن ورا الباب بحدة/وش تبين؟ فتنة/تكفين رغد اتصلي لامي شوفي وش صار بموج تكفين رغد/محد فاضي يرد عليك الحين اتركيهم فتنة/والله والله مابأقول اللي صار تكفين اتصلي تكفين رغد فتحت الباب وبحدة/وش سويت!!لايكون بترمين مصايبك علي لا حبيبتي لاااا حدك عاد!!الله العالم وش كنتي ناوية عليه بهالفلوس!! فتنة احتدت ملامحها/كل مرة اعذرك واكذب نفسي بنفسي واقول هاذي رغد يـافـتـنـة رغد لكن رغد ماعادت رغد بعد ذيك الليلة روحي جعلك تلقينها قدامك ياشيخة/مشت/ رغد/قبلي ياشيخة عساك قبلي واردى/قفلت الباب بقوة وتردد صداه/واللي سويتيه فيني مو قليل يـافـتـنـة مو قليل فتنة جرت وهي متجهة لبيت ابوها خرجت من بيتهم ودخلت لبيت ابوها وهي تناظر غياث واصيل/وين عمتي؟ غياث/امي بغرفتها فتنة مشت داخلة اصيل/لاتروحين يـافـتـنـة الحين لاتروحين فتنة طنشته وهي تكمل طريقها ووقفت قبال غرفة ابوها وهي تدري بتنقتل من ابوها دقت الباب ام تركي فتحت الباب بوجهها اللي واضح عليه اثار الدموع وبعصبيتها/انا ماقلت ما/سكتت/خير وش فيه جايين بشركم لعندي!! فتنة/تكفين ياعمة طمنيني موج كيفها الحين وش قالوا؟ ام تركي بعصبيتها/هو احد يرد علي كلهم يقفلون بوجهي فتنة شحب وجهها من كثر خوفها وهي تأكدت ان صار شي كبير لموج ام تركي بحدة/اخر شي توقعته يـافـتـنـة تأذين موج فتنة انصدمت ووضح على وجهها/انا!! ام تركي/هاذي وهي عادّتك اخت!!اجل لو معاديتك مثل رغد وش سويتي فيها!!لكن معروف الضعيف ينغدر فيه حسيبك الله يـافـتـنـة هو حسيبك فتنة برجفة صوتها وهي ماترد عليها لان ام تركي تعاملها دايم بطيب/الله يسامحك ياعمة الله يسامحك/مشت وهي مصدومة كيف حكموا عليها قبل لايسمعون منها خرجت من البيت متجهة لبيتهم وقفت وهي تناظر عمر اللي يمشي بخطوات سريعة وكله شر وسط عيونه اللي مثبتها لقدامه ودخل وهو يقفل الباب وراه/ فتنة استبشرت خير وانفك من على وجهها شوي من قلقها وهي تجري لامها اللي رجعت مع عمر وقفت عندها/يمّه تكفين طمنيني وش صار ام عمر بحدة/هي صحت لكن كأنها ماصحت وان شاء الله انها عدت على خير يخلصون اشعتها ونتطمن اكثر فتنة تنهدت/الحمدلله ام عمر مسكتها من يدها وسحبتها لها وبحدة وسط تهديدها/لاتفرحين وترتاحين يـافـتـنـة لااا بدري عليك والله والله ياويلك وياسواد ليلك ان طلع لك علاقة باللي صار سمعتي؟ فتنة/طيب يمّه وانا مايصير تسمعين لي؟ ام عمر قطبت جبينها فتنة بدموع تحبسها/اذا قلت لك والله مالي شغل باللي صار يصير تسمعين وتصدقيني لو مرة وحدة يصير ام عمر دفتها/حتى لو سمعت لك فكي نفسك من طلال اذا جا انا رحمة قدام هالمجنون لا رجع ريان راجع من برا وقف وهو يناظرهم واقفين بالحوش باستغراب/عسى ماشر!! ام عمر/الحقني الحين سمعت/مشت/ فتنة تنهدت بضيق وهي تتوقع وش ممكن بيسوي طلال اكثر من انه يضربها كالعادة . ((بيت ابو فواز)) {غرفة ذهب وسجايا} ذهب متمددة على سريرها متغطية وهي تكبح عبرتها بكره لنفسها وهي تكره تكون السبب بأي خلاف بين اهلها ولهالسبب بالذات تنازلت عن دراستها حتى ماتحصل مشكلة بين ابوها وفواز فكيف اليوم وهي تشوف هوشة بسببها هي ولااحد غيرها قطبت جبينها باستغراب وهي تسمع صوت الطيران جلست والتفتت للباب بوجهها المتلون بالاحمر من كثر ماكبحت هالعبرة سجايا فتحت الباب كله للاخير وهي تزغرط وبيدها صينية الحلا ثابت دق الطار مرة وهو رافعه وسط صوته اللي اختلط بزعاريط سجايا اللي تتمايل بالصينية وهي تتجه لذهب/قم قهوني لاهنت /غمز لها/من حالي الريق.. ذهب ابتسمت وهي تناظرهم ثابت هز كتفه باستعباط وهو يضرب هالطاري مع هزاته/سق لي فناجيل الغلا من غلاتك.. ذهب ضحكت/وربي مجنون!! ثابت بدا يدق صح وهو يعني بسرعة/قم قهوني لاهنت من حالي الريق..سق لي فناجيل الغلا من غلاتك..مادمت حلم وصار للحلم تحقيق..والحب يربط بين ذاتي وذاتك.. سجايا تتمايل وتهز رقبتها وسط صوت طبل ثابت اللي غطى المكان عجايب دخلت وراه وهي تفرط بصوت غطى البيت وهي معروفة بصوت زغاريطها وبين يديها القهوة وهي تتمايل وترقص ذهب فزت وهي تجري لثابت تاخذ منه الطبل وسط ضحكتها الهادية/خلاص خلاص فضحتونا بهالصباح ماانتم بصاحين وربي!! ثابت اللي اطول منها يرفع الطبل لفوق وهو مستمر يغني وسط عجايب وسجايا اللي سحبوها وهم يرقصون ويرقصونها معهم ام فواز دخلت/خير خير!!عرس عرس!!صيروا طقاقات احسن!! ثابت وهو يرمي الطبل على سرير سجايا ويحاول امه/والله انها فكرتن منتازة يااميمتي احسن من الشقا اربع سنين بدون تالية ام فواز بنص عين وهي تقرصه من جنبه ثابت نط وهو يتركها/اميمتي!! ام فواز/الوظيفة ازين لك عجايب وهي تحاوط امها بعد مانزلت الصينية/والله يايمه صادق هالثبتي ام فواز/انتي اوص لااسمع صوتك جتك النعمة الى عندك ورفستيها(تقصد الوظيفة) عجايب باستها على خدها وبابتسامة/للحين بقلبك ياعين العجايب ام فواز فكت يد عجايب عنها/خلي عنك لسانك ذَا وقولي لي وينه رجلك؟! عجايب/صلى وقال عنده مشوار يخلصه ويجي ام فواز بشك وهي تناظرها/مدري عنك والله!! عجايب وهي ترجع تحط يدها على امها/الا اقول يمّه دام هالثبتي بيصير طقاقة ام فواز هزت راسها بمسايرة لها/ايه ثابت اللي جالس يتقهوى هو وذهب وسجايا/هيه لاتغلطين!! عجايب طنشته/وش رايك نصير حنا طباخات معه ام فواز/ماتتوبين من هالسوالف انتي!! عجايب/اقوله صدق/اشرت عالجالسين بطرف اصبعها/هذول الفرقة وحنا فوق البيعة طباخات وش رايك؟ ام فواز دفتها/اقول ليت رجلك خلاك بالبيت وجا عجايب/يمّه!! سجايا وقفت قبالها وبابتسامة وهي تمد الفنجال/سمي ياام فواز سمي اقلطي حياك الله عالشحم واللحم ام فواز اخذت الفنجال/وينه شحمكم ولحمكم؟!! ثابت رفع الصينية على راسه وهو جالس/حياك ام فواز ناظرت صينية الحلا اللي داخلها جالكسيات منوعة/الله يخلف عليكم ويرزقكم بسناعة اذا هذا حلاكم!! //سجايا وعجايب كل وحدة حاوطته من جهة يتحضنونها// ذهب وثابت ابتسموا سجايا/ابشري العصر بالسناعة اللي تسر عينك بس اجلسي معنا الحين عجايب/يمّه مشتاقة لجريشك بموت تكفين سوي لي سجايا/وش نفسك فيه قولي لي تبين حلا السنيكرس؟ عجايب ردت عليها/ذبحتينا فيه عاد مدحناك مو تصدقين نفسك وتبلشينا!! ام فواز مسكت راسها من الازعاج سجايا/قولي الحمدلله حاصلك احد يدلعك انتي!! عجايب/اوص احترمي الكبيرة/ناظرت امها/الا يمّه والله ميتة على جريشك تكفين سجايا/يمّه لاتسوين ماتشوفينه ماتحمل ربها عالنعمة قليلة الادب ذي عجايب/اوص بس اوص يمّه لاتسمعين لها امانة يمّه طاقّة كبدي عليه ابيه سجايا/محد قالك تتزوجين وتسكنين بعيد ام فواز دفتهم الثنتين عنها/اعوذ بالله صدعت صدعت راسي اوجعني منكم ماتسكتون انتم اعوذ بالله!! سجايا بتكشيرة/يمّه ترا عيالك تحسدينا الحين!! ام فواز/صدعت وانا ماجلست وتبوني اجلس معكم وشلون لو اجلس هاه وشلون!! ذهب/تعالي جنبي يمّه والله مااخليهم يزعجونك ام فواز/ليتهم مثلك وانا امك لكن الحياة ابتلاءات عجايب شهقت/يمّه!!هذا وانتي امنا وش خليتي للباقين!! ام فواز/كلهم مبتلين اللي عندهم مثلي مو بس انا عجايب ميلت فمها وبزعل/طيب والجريش وش صار عليه؟ ثابت ضحك عجايب/اسكت ام فواز/بأسويه لك عجايب/ماابيه بقدر الضغط ابيه بقدر العزيمة ام فواز اتسعت عيونها/صاحية انتي!!مين بياكله!! عجايب/فيه ناس يمّه بحي مساكين اعرفهم باحط لي شوي والباقي لهم بدل الآجر اجرين يمّه ام فواز/خليها بكرة الليلة مااظن يمدي ماجهزت عجايب/لا يمّه لا ابيها الليلة/وبترجي وهي تمسك يدها/الله يخليك يمّه تكفين تكفين //الكل يناظرها باستغراب// سجايا وهي تتجه للقهوة وتجلس جنب ذهب/شكلها تتوحم يمّه انا بأساعدك واجهزه معك عجايب كشرت/وجعوه سجية وش لك بهالسوالف اصلا!! ام فواز/خلاص باسويه لكن لاتزعجوني ابي انام حتى الصغار فوق ماسووا مثلكم عجايب باست راسها/ابشري يمّه ابشري ام فواز خرجت وقفلت الباب وراها عجايب اللي عينها على امها لحد ماخرجت التفتت لاخوانها بابتسامة واختفت ابتسامتها وهي تشوف النظرات عليها/وش فيكم؟ سجايا بشك/وش سالفة الجريش فجأة!! عجايب وهي تجلس/ولا شي!! ثابت/علينا!!قولي بس عجايب/سلطان مسوي عشا الليلة ويبي جريش امي معه ذهب تغير وجهها بتوتر سجايا/نعم!! ثابت بحماس/والله هالسلطان من اليوم اقولكم قدوتي قدوتي احبه والله خلاص صرت احبه عجايب/ايه لاأحد يدري تراه سر ذهب/قولي امين ياعجايب عجايب رفعت عينها لذهب بعد ماكانت تناظر قهوتها ذهب/الله لايجعل سر لي عندك ياشيخة!! سجايا بصوت عالي/امين وانا معك يارب عجايب كشرت بوجهها/لو هو غيركم ماقلته لكن اعرفكم يالمبزرة ثابت وهو يدخل يده بجيبه يخرج جواله اللي اعتلى صوت رنينه/تراك تغلطين وااااجد وساكتين!! عجايب/ماقلت الا الصدق!! ثابت رد باستغراب/هلا سدول/تغير وجهه/وش فيك..هدي هدي خليني افهم../فز واقف/طيب طيب جاي الحين جاي //الكل يناظره باهتمام// عجايب/وش فيه!! ثابت/تبكي وتقول تعال خذني الحين هذا اللي فهمته الباقي ماادري عجايب وقفت/صبر جاية معك ثابت/لا خليك عجايب/اقول جاية معك جاية خل عنك بس . ((بيت الجدة سدول)) الجدة سدول بحدة/وبعدين ياجابر وبعدين!!اربيك على كبر!!ولا اربي عيالك اللي مايحشمون احد ابو فواز/يمّه فواز محد له كلمة عليه وانتي عارفة وش شاف وسمع بعد اللي صار محد يلومه الجدة سدول/محد يلومه لو انه ماسمع لسفيهين العقول اجل يرخي اذنه لكل من رمى قولن عليه ياجابر!! ابو فواز/يمّه فواز يبي له وقت اصبري عليه الجدة سدول ابتسمت/فواز هين مقدرون عليه اكسر راسه لكن انت رضيت ابو فواز سكت الجدة سدول ابتهجت وتهللت/ايه هذا جابر هذا ولدي مايرضى الا بالحق الله ينصرك ويعزك ياجابر قل امين ابو فواز/امين لكن للحين يمّه خاطري مابرد يتحمل مايجيه الجدة سدول كشرت/اعوذ بالله ياوجهك اخذت الدعوة الزينة ونفضت سواد قلبك علي!!وش سوا بك المسكين هاه وش سوا ابو فواز/يصبر الى مايطيب الخاطر اذا وده بالرضى يمّه يصبر وتراه بيشوف كثيييير وكثيييير يمّه وأولها ابيه يطلع مايدخل لهالبيت الى مااسمح له غيره لاتشوفه عيني الجدة سدول/ياعسى دعوتي ماتصيب الله اكبر عليك ياجابر وش ورا مانت راضي عليه هاه وش وراها!! ابو فواز/فواز ماتنكسر له كلمة يمّه وبأوقف معه ماني بساكت سكت البارح واليوم ويكفيكم سكوت الجدة سدول بعصبية/وليش جاي لي!!تغثني رح ماابي اسمع منك شي انت اوقف مع ولدك وانا بأكسر راسه اذا ماجازت لي فعوله وفوقه راسك ياجابر سمعت!! ابو فواز وقف الجدة سدول/هالجماعة اللي معتزي فيهم تركوك وتخلوا!!وش ترتجي منهم الحين هاه!!محد بينفعك غير عيالك لمهم وجمعهم واترك عنك زمان ولى وراح ياجابر سمعت ابو فواز/القلب صويب يمّه صويب للحين ينزف طببته وحسبته طاب لكن تجدد الجرح من شفته الجدة سدول/هذا والله البلا كله!!هذا وانت تدري انه مظلوم!! ، ، <قبل خمس سنين> الجدة سدول تناظر منايا اللي بارزة بطنها باخر شهور حملها/انتي يابنت وش بينك وبين رجلك منايا بابتسامة وهي تفرش عالارض فرش لاولادها النايمين/كل خير ياجدة كل خير!! الجدة سدول ميلت فمها/وهالخير له فوق الشهرين جالس عندنا عساه مـاهـو مطول؟ منايا/لايكون ماتبيني ياجدة!! الجدة سدول/وش هالكلام!! منايا/اذا مضايقينك عادي ياجدة بروح لامي الجدة سدول زفرت/مهو بالمقصد البيت وثم لازانت النية يشيل مية منايا/ووشو مقصدك ياجدة؟ الجدة سدول/انا لو تبين احطك بعيوني انتي بنيتي وخلف جبر اللي ماله غيره لكن الناس تقطع فيك وانتي ماقلتي شي وزوجك يجي ويروح وهو زعلان واللي يجيك شاريك يامنايا قولي لي نوريني وش السالفة منايا ابتسمت/لايضيق خاطرك ياجدة هي سالفة صغيرة بيني وبينه وهو يدور حلها للحين الجدة سدول زفرت/الله يستر منك انتي وسواليفك ابو فواز تنحنح وهو برا الباب/يااهل البيت الجدة سدول/حياك حياك ابو فواز/ياام سلطان منايا ناظرته/سم ياعمر ابو فواز/ابو سلطان ينتظرك بالمجلس منايا كشرت بوجهها الجدة سدول/هالحين!! منايا وقفت وهي تاخذ عبايتها اللي جنبها على شنطتها ولبستها الجدة سدول باستغراب/وش فيك تلفحتي(لبست عبايتها) منايا مشت بدون لاترد الجدة سدول بتقوم/والله لاأعلمهم الدلع هالاثنين سنين وهم هذا زينهم وبشهر انقلبت احوالهم ابو فواز اشر بيده لامه بمعنى اجلسي/اتركيهم يمّه يحلونها بينهم اتركيهم الجدة سدول تنهدت وهي توقف/انا رايحة اشيل الصغار عنها هي يالله تشيل عمرها ابو فواز/انا تشيلهم يمّه ارتاحي انتي ارتاحي منايا متجهة للمجلس وهي ناوية هالمرة تقفل الوضوع نهائي بالطلاق وهو رافض لطلبها ودخلت وهي بكامل حجابها/السلام عليكم بجاد وقف بابتسامة رغم انه تضايق وحس بالنهاية من لبسها العباية وباستلطاف لها ناداها باسم احب عيالها/وعليكم السلام والرحمة ياام سلطان منايا بطرف المجلس/امر ياابو سلطان عسى ماشر بجاد/ماودك تجلسين تسولفين معي شوي منايا/هذا انت لك شهرين والكلام هو نفسه ماتغير ولاصار شي!! بجاد/خلي المستور مستور والامور قضت وانتهت وش تبين باللي راح منايا بغبنة/لا يابجاد لاتظن اني بأعيش بسعادة بعد اللي عرفته بجاد/لاتخليني اندم فوق الندم اني صارحتك!! منايا/وتظن حبك لي بيغفر خطيتك غلطان يابجاد غلطان!!ماهو بأنا اللي اعيش على حساب ظلم غيري!! بجاد بحدة/الموضوع فيه رقاب!! منايا ارتفع صوتها/عساها مليون!!الحق ينقال يابجاد ينقال بجاد/مرت المسجون عيال المسجون منايا/دام تاب يازينها من كلمة بجاد وقف وبغيظ/وش اللي يرضيك يامنايا وشو!! منايا/تقول لعمي وهو اللي يحكم وش السواة ابو فواز عالباب ورا امه/وش اللي يقوله الجدة سدول بحدة/وش السالفة يابجاد؟ بجاد انصدم من وجوده والتفت لمنايا/هذا اللي تبينه؟متأكدة؟ منايا ماردت عليه بجاد بجدية وسط قلبه اللي ينتفض عكس ظاهرة الثابت من خطورة اللي بيقوله بعينه/ياعم سلطان مظلوم والشاهد الله على مااقول!! ابو فواز قطب جبينه/وش قصدك يابجاد!! بجاد/سلطان كل تهمته ظلم خالد وسالم يعرفون رقم خزنته وناسخين كل شي كل شي وهو ياغافل لك الله مايدري بشي منايا تنهدت براحة وخرجت من مجلس الشعر تاركتهم مع بعض وقفت وهي تناظر عيالها على باب بيت جدتها سلطان ماسك يد وعد اللي تفرك عيونها بعد نوبة بكا/يمّه وعد تبكي تبي ابوي منايا انحنت وهي تمسح وجه وعد وبحنيتها/ليه ياماما ليه البكا وانا معك وعد/ماما رجعنا البيت عند بابا ياماما الله يخليك ماما الله يخليك منايا/ياماما انا اكفي انا ماما وبابا سلطان تغير وجهه/ليش تقولين كذا يمّه!!ابوي فيه شي منايا ناظرته وتردد ببالها بهاللحظة وعينها بعين سلطان وشلون بيتحمل نظرات الناس وكلامهم له بيقدر يعيش هاذي نظرة خوف وهو يفكر صار فيه شي وشلون او انسجن وش بيصير لعيالها ابو فواز بصدمة/وش هالكلام يابجاد وش اللي تقوله؟!! بجاد/اللي سمعته ياعم اللي سمعته ابو فواز صرخ/بعد هالسنين ذي كلها الحين تتكلم الحين!! بجاد سكت ابو فواز بحرقة قلبه/ويومه يترجى يابجاد قدامك ماتحرك فيك شي هاه!!وش من قلب انت يابجاد وش!! بجاد/وش تبيني اقول ياعم وش اقول؟!! ابو فواز بحدة ملامحه وهو يشد على قبضته/وانت وش دراك؟!!دام مو انت اللي مسويه وواصل لك العلم ذَا كله من هو اللي مسوي هالسالفة عليه؟من اللي قايله لك وانت ماهي بذي علومك؟! بجاد صد بوجهه/ماادري عن شي مدري ابو فواز اسرع بخطواته باتجاهه وهو يمسكه من ياقته ويشده وبحدة/من وين لك هالكلام يابجاد من وين؟ بجاد سكت مارد ابو فواز مشى وهو يسحبه/امش والله ان تطلع علومك بالقسم امش بجاد دف يده/اعرف امشي واعرف طريقي ابو فواز دفه من كتفه لقدام وبصوته العالي/امش قدامي امش!! منايا التفتت وهي تسمع صوت عمها والتقت عينها بعين بجاد بجاد ابتسم وهو يناظرها ابتسامة مودع مايدري اذا بيرجع لسعادته الصغيرة بهالدنيا او لا منايا توترت وخافت وشلون بتقدر عليهم وفوقها اللي جاي بالطريق وش بتسوي لوحدها من دونه مليون فكرة وفكرة ترددت ببالها ندمت وندمت مليون مرة وشلون تسرعت ليتها كتمت هالسر وجلس بقلبها ليوم الدين ولاااحد يدري به وعد جرت لابوها بفرح وتمسكت برجوله/بابا!! بجاد شالها لحضنه وضمها سلطان ابتسم وهو يهرول بخطواته لابوه ابو فواز اخذ وعد من يديه ونزلها/قدامي يابجاد قدامي وعد بكت بصوت بجاد ناظره بحقد ابو فواز صرخ/ايه هذا هو هذا اللي بقلبي لك الحين واضعاف اضعافه يابجاد امش قدامي امش!! منايا مسكت يده/لا ياعم لا تكفى ابو فواز اتسعت عيونه وبحدة/منايا!! منايا برجفة صوت وترجي/لا ياعم انت ذقت اللي للحين ماذقناه وش بيصير لنا ياعم مالنا احد غيره ياعم تكفى ابو فواز سحب يده وبقهر/وسلطان يامنايا وسلطااان!!قدامي والله مايردني عنك شي منايا تعلقت برجوله وصرخت/عيال المسجووووون!!! ابو فواز وقف ناظرها منايا بدموعها/ذقت الضيم وهو بهالعمر وشلون عيالي الصغار تكفى ياعم تكفى الا عيالي عشان ابوي وغلاته لاتردني تكفى وش بنسوي ياعم وش بنسوي الجدة سدول بحدة وعينها ببجاد/بيت عمك اولى من الغريب الجاحد يضمك ويضم عيالك بعد ويكرمكم فوقها رح ياجابر رح وجيب سلطان معك خل الحق يظهر ياجابر رح منايا صرخت/حتى لو رحت مافيه شي يدل عالكلام مااافيه كله كلام كلام وبس محد بياخذه بيسجنون بجاد جنب سلطان وبس بس!! ابو فواز بقبضته اللي تهتز بقلة حيلة وسط غبنته/خذ مرتك واذلف من وجهي الجدة سدول بوسع عيونها من كلامه/جابر!! ابو فواز/عيني لاتشوفك ولاتلمح زولك ولّا علي الحرام تليتك من رقبتك وفصلتها عن جسمك سلطان تخبى ورا ابوه برعب من الجملة اللي سمعها منه بجاد قطب جبينه بحدة الجدة سدول بقهر/وسلطان ياجابر وسلطان!! منايا تقدمت لعمها بتبوس راسه ابو فواز دفها عنه بمنع وبحدة/وانتي يحرم عليك تدخلين بيتي وتشوفين اهله وانا حي سمعتي!! ، ، الجدة سدول/وش تركت لباقي الخلق اللي مايدرون!!وش تبيه يسوي اكثر من عمره اللي راح هاه وش تبي!! ابو فواز/يكفينا شره الجدة سدول/عمره ماكان شر ارضى عيالك لك ولامه وحتى اخوانه وش تبيه يسوي ياجابر وشو!! ابو فواز/جانا شره وهو مسجون والله يستر من شره وهو بيننا الحين تكفين يمّه تكفين خليه يمشي مانبي مصايب يمّه مرت كم سنة براحة مانبي نفقدها الجدة سدول/والله الشر من وراك ياجابر انت واللي مثلك وشرواك ابو فواز احتدت نظرته الجدة سدول/حسوفتي عالمسكين اللي يدور رضاكم وهو مااخطا بشي!! ابو فواز/يكفيك يمّه سمعتنا ناظري ناظري وش حصل بنا من وراه ناظري!! الجدة سدول زفرت/انا تعبت منك وانا اعلمك ياجابر وش عليك منهم عليك بعيالك لم عيالك جمع القلوب اللي تشتت ولاعليك من احد وش صاير لك للحين ماتعرف البشر حتى بعد اللي صار!!للحين تشوف يستاهلون منك طيبة!! ابو فواز/حتى لو اللي قاله بجاد صدق يمّه وين الدليل وينه؟!حتى لو انهم فكوه ألسنة الناس وش يردها عنه وهو مابه شي يقول شوفوا صادق شوفوا ماله ذنب باللي صار!! الجدة سدول/عساهم لاصدقوا ياجابر ألزم ماعليك عيالك!!وش تبي بالناس مابيلحقك من وراهم غير الوجع!! ابو فواز/شوفي فواز وشلون صار يمّه!!شوفي البنات واوضاعهم وتعرفين ان كلام الناس مايترك احد براحته الجدة سدول بعصبية/وانا وش اقول ياجابر اجمع القلوب اجمعها ماتسمعني!!اعوذ بالله منك ماتسمع ابو فواز زفر/يمّه رجعت سلطان بتفتح العيون علينا من جديد بعد ماهدت عنا واتركتنا تكفين يمّه تكفين قولي له يكف شره عنا تكفين الجدة سدول/دام هاذي علومك اجل اسمعني انت ياجابر والله والله محد غيري بيجمع قلوبكم وقبلها روسكم اذا ماسمعتوا لي كلمة وهاه علمتك وانا مايردني شي وانت تعرفني!! ابو فواز/وانا يمّه مايرتدي شي وتعرفيني!!/خرج/ الجدة سدول ارتفع صوتها/معصي ياجابر معصي اردك وانا بنت ابوي والله لاربيك من اول وجديد هين هين سلطان راجع من برا وهو يهمهم بابتسامة ويلعب بالمفتاح بيده ابو فواز قطب جبينه وهو يناظره باستغراب وشلون دخل وفهم الموضوع وهو يشوف ميدالية امه بطرف المفتاح تنهد وهو يلف راجع لبيته سلطان/يبه ابو فواز وقف سلطان/وش رايك تتقهوى معي انا ونايف وجدتي وتطيب خاطرها شوي تراها ترضى عليك على طول ياابو سلطان ابو فواز التفتت له وبحدته/ابو فواز ابو فواز سمعت/عطاه ظهره/سلطان مات من15سنة مات/مشى/ سلطان تغير وجهه بضيقة وابتسم رغم اللي سمعه/زين مات قبل15سنة والحين انولد سلطان جديد يعرف كيف يجيبكم كلكم!! . ((بيت ابو عمر1)) ريان وقف على بداية الممر اللي بنهايته غرفة فتنة وهو يناظرها فتنة منحنية شبه جالسة معطيته ظهرها وهي تجمع الفلوس بندم هاليوم اللي وافقت فيه تقبل هالامانة ريان/فتنة فتنة التفتت وهي تناظره باستغراب/نعم؟ ريان/قومي البسي عبايتك فتنة وقفت وباستغراب/ليش؟!! ريان/قومي نتمشى شوي وراجعين فتنة كشرت بوجهها/ريان انا ماسويت شي ريان/ادري والله ادري بس امشي نطلع شوي ونرجع بالليل اذا هدت الامور شوي فتنة/لاااا ماني بمتحركة وانا ماسويت شي وموج بتقول الحقيقة بتقوله طلال دخل للبيت وبصوت هزه/فتتتنننةةةة فتتتننننةةةة!!!وينك ام عمر اللي بغرفتها فزت بخوف/رجع يمّه رجع هالمجنون/خرجت من غرفتها بسرعة/ ريان مسكها من يدها وبرعب/امشي والله مايمنعه عنك شي امشي معي فتنة سحبت يدها منه وبصراخ/ماني بمتحركة وانا ماسويت شي ماتفهم!! طلال/والله موتك على يديني ياقليلة الخاتمة والله!!/طلع الدرج يجري مثل المجنون بخطواته السريعة/ففتتتنننةةة!! . #سلطان_الهوى_يافتنة_الألفية | ||||
|
| |
|
15-08-22, 07:52 PM
| #18 | ||||
| 8 لاحول ولاقوة الا بالله العلي العظيم - {جناح رغد وعمر} عمر فتح الباب بوسط غلاينه من الافكار اللي تدور بباله قطب جبينه وهو يشوفه مايفتح خرج مفتاحه وهو يدخله ومافتح للمرة الثانية دق الباب وبهدوء وهو يكتم غيظه حتى تفتح/رغد افتحي رغد اللي داخل مترددة تفتح له او لا وهي تناظر الساعة وتفكر وش جابه بهالوقت وهو يتهرب من البيت عمر دق الباب من جديد وارتفع هالمرة صوته/رغد!! رغد وقفت ورا الباب بدون لاتفتح/خير عمر بحدة/افتحي لااأكسره وان كسرته مايجيك خير رغد فتحت الباب عمر دف الباب عليها رغد ضربها الباب بجبهتها وانفها ورجعت بخطواتها لورا عمر قفل الباب وراه والتفت يناظرها/وش سويتي بموج هاه؟!!ناوية تذبحين احد بهالبيت؟!! رغد اتسعت عيونها وهي تخفي رعبها/احترم نفسك وش شايفني انت!! عمر مسكها من يدها بقوة وهو يضغط عليها بين يديه رغد تألمت/اتركني وش فيك ماتفهم وش فيك/صرخت/اااااههههه ياعمة شوفي ولدك بيذبحني الحقني ياعمة عمر سحبها له وهو يكبح نفسه لايذبحها/انطقي وانتي ماوراك غير المصايب من دخلتي البيت وانتي كل شر نعرفه ومانعرفه دخل معك رغد دفته عنه وهي تفتح الباب وتخرج وبصراخ/ياعمممةةة الحقي علي عمةةة عمر ضربها كف/وعمى!!/سحبها من يدها له من جديد وهالمرة هزها/انطقي وش سويتي بموج رغد بصراخ وهي تسحب يدها/وش شايفني اقتل الناس وانام مرتاح بالي مثل اختك!! عمر ضربها دفها بقوة رغد رجعت لورا وضربت ظهرها بطاولة الصغيرة اللي جنب الباب وطاحت عالارض وهي تتوجع عمر/حتى المعروف حرام بأمثالك!!/التفتت للدرج وهو يسمع صراخ طلال اللي دخل/ رغد وهي تكتم وجعها بصوت عالي اقرب للصراخ/روح اسأل اختك اللي بتذبحني عشانها ليش كل هالفلوس معها وش ناوية عليه اكيد تبي تقابل حبيب القلب على راحتها بعد هذيك المرة طلال اللي يطلع الدرج متجهة لفتنة بخطوات سريعة ووصل مسامعه الكلام جرى بخطواته عمر انحنى وهو يشدها من شعرها رغد صرخت/اااه عمر من بين اسنانه وهو يكبح نفسه عنها/اللي متأكد منه اختي اشرف منك ياعديمة الاخلاق احمدي ربك ان معك ادمي ولا تصرفت معك زين/دفها/وهو يجري لفوق تحديدا لغرفة فتنة/ رغد وقفت وهي تضغط على نفسها من الالم اللي تحسه ووقفت عالدرج وهي ترفع راسها لفوق وبصراخ وسط دموعها/طلااااال ترا فتنة هي السبب هي السبب بكل شي بكل شي ام عمر وقفت وراها بوجهها المحتقن بدمها وصاير احمر من غيظها ومسكتها من كتفها ولفتها لها وضربتها كف بكل قوة رغد انصدمت وهي تناظر عمتها ام عمر وبحدة بتخرج معها عيونها من مكانها/انقلعي لغرفتك يارغد انقلعي . طلال بصراخ وهو يجري عالدرج/فتنةةةة ريان ناظرها وهي تعانده وتوتر وهو يسمع صوت طلال اللي يقترب ومختلط بتهديده وصوت خطواته انحنى وهو يشيلها من وسطها غصب عنها وجرى فيها فتنة صرخت من صدمتها بحركته/رياااان!!/رفعت راسها والتقت عينها بعين طلال اللي ببداية الدرج وقشعر جسمها من سواد وجهه اللي مايدل الا على جنونه بهاللحظة/ طلال صرخ/رياااان ريان دخل لغرفتها وقفل الباب بقوة وراه وهو يرميها عنه بوسط انفاسه السريعة وهو يثبت نفسه عالباب طلال يضرب الباب ويدفه بكل قوته وبتهديد وسط صراخه/رياااان موتك معها اذا مافتحت تسمع!!تسمــع!! عمر وقف وبحدة/طلال!! طلال التفت على يمينه لبداية الدرج وهو يناظر عمر بحدته اللي ماهدت من زود الغيظ اللي يحسه عمر/صاحي انت صاحي!! طلال التفت بجسمه كله يناظره/وين الصحويان عني هاه وينه!!وهي بغت تذبح موج!! عمر اللي قلبه للحين رافض يصدق عن اخته شي رغم يده اللي تمتد غصب عنه/من جدك تقوله!! طلال بصراخ/ايييهههه من جدي الف لو هي زوجتك مااشوف ذَا وضعك ياعمر!! عمر/اترك رغد وكلامها برا الموضوع ياطلال طلال صرخ/زوجتك بنفسها تقوله وش تبي اكثر هاه وش تبي؟!! عمر/وش عليك من رغد وكلامها وانت زوجتك للحين مانطقت حرف!! طلال/نطقت نطقت وهي تهلوس باسمها تهلوس فتنة وفلوس وسط وجعها /صرخ/فتنة فتنة فتنة وزاد فوقها ماقالت رغد!! فتنة دفت ريان اللي ارخى نفسه عن الباب بكل قوتها وفتحت الباب وبقهرها/ليش ليش تسمع لرغد وانا لو اقول كلمة ماتسمع لي ليش!! طلال مسكها من شعرها وشدها له فتنة مسكت يده وهي تتالم عمر تقدم بخطواته طلال بحقده هدد/خطوة زيادة وانهيها وانهي نفسي وراها عمر وقف وهو يرص على اسنانه بغيظ طلال وهو يحركها/ليش سويتي بموج كذا هاه!!ليش فتنة/مو أنا مو أنا طلال ضربها كف بيده بيساره وهو شاد للحين على شعرها بيمينه وبغيظه/ليش بتذبحينها وش سوت لك يالجاحدة وهي بكل لحظة تلومني عشانك عشان هالوجه الودر ليش هااااه ليششش!! فتنة/والله والله ماسويت شي هي طاحت هي ياطلال طلال/ايييه هي!!ورغد فتنة صرخت من كل قلبها وهي تقاطعه وتحاول تفك يده/كذابة كذابة كذابة رغد كذااابةةة ليش ماتسمع لي ليش ليش!! طلال/والفلوس هاه والفلوس عشان حبيب القلب صح عشااانه!! ام عمر وقفت ورا عمر/طلااال طلال ناظر امه وابتسم/ايه يمّه حياك تعالي شوفي اللي اوصي عليها وتتركينها تسرح وتمرح على كيفها!!/شدها من شعرها ودفها عالارض بقوة/ فتنة طاحت عالارض من دفته طلال/ماكفاك اللي صار تبين ضربة ثانية فوق روسنا ورا هالاهمال من جديد عمر صرخ/طلال!! طلال/اسكت انت أنا ماينلعب علي مرتين انا ياعمر اوووص عمر اتجه له وهو ناوي يأدبه ام عمر/اوقف ياعمر عمر وقف وهو يغلي وعينه على طلال ام عمر ناظرت طلال وبحدة/حدك عاد ياطلال مااسمح لك!!الفلوس امانة عندها من جارتنا العجوز فتنة ناظرت امها اللي تدافع عنها لاول مرة بصدمة واضحة عليها طلال ضحك/ايه وموج؟بعد طيحتها امانة عمر مشى له بغيظ/طلال والله لاأعلـ/وقف وهو ينزل عينه لها/ فتنة مسكت رجل عمر توقفهم عن بعض ثم وقفت وهي تناظر طلال/وش اللي يرضيك وشو تبي تسمع من هالعجوز؟تبي تشوف الايصالات بنفسك عندها وتتاكد؟وش اللي يرضيك؟ طلال/البسي عباتك فتنة تكسرت اخر امالها وهي ماقالت هالشي الا تبي تشوف بقايا الثقة لها عنده ناظرته وهي مي مصدقة كلامه ام عمر بوسع عيونها/بتفضحنا انت!! طلال دخل للغرفة ودف ريان عن طريقه وانحنى وهو ياخذ الفلوس ويحطها بجيبه ويفتش بأغراضها وبصراخه/وين عباتك وين؟/ناظر العباية جهة سجادتها وشرشف صلاتها اخذها ورماها بوجهها وبصراخه/البسي يالله البسي!! . ((بيت الجدة سدول)) سلطان متمدد على رجول جدته رافع عيونه لها يناظرها الجدة سدول واضح على ملامحها الضيق رغم انها مبتسمة من تحت لثمتها الشفافة وهي تمسح راسه سلطان فز وجلس وهو يناظرها الجدة سدول/وش فيك ياولد!! سلطان/يامضنونة عيني ماودك بشاهي؟ الجدة سدول/شفه بالمطبخ جاهز ياعسى قالها الخير هالذهب والله انها ذهب سلطان اتجه للمطبخ ودخل وهو يجهز الصينية حط كاستين بالصينية وترمس الشاهي حاس المطبخ وهو يدور شي مع الشاهي وللحين مايعرف مكان الاغراض هون عن فكرته شال الصينية واتجه راجع لجدته الجدة سدول اللي بين يديها الراديو تقلب فيه تبي تطرد ضيقتها من هالجابر اللي ذبحها بشرهات الرجال رفعت عينها عليه وناظرته سلطان ابتسم وهو يدخل ويتمايل بالصينية وغنى/الله أكبر ياعيونٍ ناظرني..فاتناتٍ ناعساتٍ ساحراتِ الجدة سدول ضحكت وهي تنزل الراديو رفعت يديها المتلونة بلون الحنا الاحمر وخواتمه العريضة اللي بكل يد خاتمين وغنت/في هواهن ياسعد سلطان غنى معها/كيف اطرحني!! الجدة سدول رفعت شيلتها تتمايل بخفة سلطان نزل الكاسات ورفع الصينية يطق فيها/راح عمري من مودتهن فواتِ الجدة سدول تضحك وهي تترك طرحتها سلطان/ياعساني فدا لهالضحكة ياعساها دايمة يامضنونة سلطان الجدة سدول بابتسامتها/الله يقطع ابليسك ياسليطين للحين على خبري!!ماتغيرت سلطان ضحك/تغيرت تغيرت لكن هالغزالة مااتغير عليها/غمز لها/للحين انتظر ذاك البرقع ياجدة الجدة سدول ضحك وهي فاهمة قصده/ماعاد به احد يلبس براقع!!راحن ياسلطان بس قل امين سلطان وهو يصب الشاهي/امين الجدة سدول/ياعساني اغنيها لك بليلة عرسك سلطان وهو يحط كاستها جنبها/امين وانتي لابسة البرقع الجدة سدول ضحكت/وانا لابسة البرقع سلطان/بس بدري الحين بدري علي الجدة سدول تنهدت/على راحتك يامضنون عين جدتك على راحتك سلطان وهو يرفع كاسته له/الا ياجدة وشلون البنات؟ الجدة سدول/من بناته؟ سلطان ضيق عينه وهو يعرف حركاتها الجدة سدول ضحكت/ايه ياولدي سحايب الله يعنيها على مصيبتها هي ماتكلم وانا خابرته اقشر الله لايربحه هالمبلوس ماتجي الا بالسنة حسنة سلطان ميل فمه ماعجبه اللي يسمعه الجدة سدول/وسدول واشيب عيني زوجها حليل بس الله يكفيها شر الحريم وسجايا وذهب هذا هن بالبيت بتشوفهم كثير سلطان/وعجايب؟ الجدة سدول/شوفة عينك هو الصاحي منهم الله يسخرها له ويسخره لها والله ان ربي يسوق له الرزق سوق بسبة صبره على هالجنية سلطان ابتسم وبمناقر/لا ياجدة لا عجايب مثلك وان غلطتي عليها غلطتي على عمرك الجدة سدول رفعت عصاها عليه بغسظ سلطان سحب نفسه لورا وهو يضحك/وش زعلك!! الجدة سدول/الظاهر نسيت ان هالعصا تنرفع عليك مثلك مثل فواز سلطان وهو يقرب لها كتفه/يفداك مكان العصا هاتيها اضربي جعل محد يضرب السلطان غيرك الجدة سدول نزلت عصاها/اهب يالسانك تردني عن اللي ناويته طالع لابوك ياسليطين طالع له سلطان ضحك/وابوي طالع عليك وعجايب مثلنا بعد الجدة سدول وهي تسمع صوت الباب/قم قم افتح بس لااضربك صدق قم سلطان وقف وهو يضحك/ياجعلني لك ذابحك الحيا يازينك ياام جابر يازينك الجدة سدول تهز راسها من كلامه وهي تشرب شاهيها سلطان خرج من البيت/طيب طيب جاي جايك الحين //الباب ينضرب بشكل متواصل// سلطان اسرع بخطواته/لااله الا الله ياابن الحلال جاي والله جاي/فتح الباب وباستغراب من هالغريب اللي قدامه/خير يالاخو؟!! طلال ضاغط على يد فتنة بكل قوته وهو مخبي جسمها الصغير ورا جسمه العريض وبحدة/عجوزكم وينها فيه ابيها بسالفة سلطان ارتفعت حواجبه باستغراب من طريقة كلامه/نعم!! طلال/ناد لي عجوزك ولايكثر سلطان/ماانت بصاحي!!/قفل الباب بوجهه/ طلال حط رجله على طرف الباب يمنع تقفيلته سلطان ارتسمت تكشيرة على وجهه بعد هدوءه اللي محتفظ فيه طلال بحدة/اقول ناد لي عجوزك لاوربي اجمع الخلق كلهم عليك سلطان بابتسامة وبتحدي/ابركها ساعة!!معتدي ويهدد اجمعهم تكفى طالبك!! فتنة مسكت يد طلال اللي ضاغطة على يدها تهديه وبرجفة صوتها/لاتفضح عمرك تكفى ياطلال لاتفضحنا سلطان قطب جبينه من الصوت الهادي اللي وصل له وانتبه لطرف سواد وراه طلال من بين اسنانه وبحدة وهو يناظرها عن طرف/لايطلع صوتك اوووص!! فتنة بعناد له رفعت صوتها/الخالة سدول طلال هالمرة التفت وعيونه بتخرج من مكانها سلطان قاطعهم وهو يفتح الباب لهم/حياكم للمجلس اروح اناديها الحين/اتجه لبيت جدته/ طلال بحدة وهو للحين يناظرها/هين حسابك اذا رجعنا على ذَا العناد/دخل بخطواته السريعة وهو يجرها وراه جـرّ/ سلطان شاد على قبضته وهو ياكل بنفسه لولا وجود هالانثى معه كان علمه وشلون يحترم اللي قدامه . ((بالسيارة)) سراج وسماعة الجوال باذنه/ايه ايه بالدرجة الاولى/سكت شوي/بس هاه المبلغ استلمه كاش بالليل/سكت وهو يسمع المتصل/قبل العملية اكيد!!خمسين الف اللي اوله شرط اخره نور...ايه ايه وانا عند كلمتي..ابشر ابشر../ابتسم/لاتوصي حريص كل شي باذن الله بيكون تمام/ضحك/الله يستر عليكم..ايه ايه موعدنا الاسبوع الجاي مثل مااتفقنا..فمان الله فمان الله/قفل الجوال وهو يهمهم بوناسة ورضا/ . ((عمارة ابو راضي)) بجاد وقف بسيارتهما عمارة ابوه ونزلوا عياله منها جري ابتسم وهو يناظرهم منايا بخوف عليهم/شوي شوي!! بجاد بابتسامته وهو يشوفهم يدخلون/اتركيهم على راحتهم منايا نزلت بدون لاترد عليه بجاد تنهد وهو يناظرها ونزل بعد ماقفل سيارته دخل من الباب الكبير ورجعه لورا بيقفله قطب جبينه وهو يناظر اليد اللي منعته لايقفل الباب عجايب دفت الباب بقوة وهي تدخل بجاد صد بوجهه عنها مايدري مين هاللي داخلة بهالاسلوب اللي بعينه قلة حيا عجايب دخلت وهي تسرع بخطواتها منايا التفت وهي تسمع صوت الخطوات اللي متاكدة ماهي بخطوات بجاد وباستغراب/عجايب!! عجايب ماردت عليها وكملت طريقها تمر من حوش العمارة متجهة لللبيت اللي يتوسطه ثابت دخل وانصدم بوجود بجاد/السلام عليكم ياابو سلطان عجايب بدون لاتلتفت وراها/ثاااابت!! ثابت مشى بخطوات سريعة وراها بدون اي كلمة وهو ينزل عينه عن منايا لايناظرها وتعداها ودخل للبيت ورا عجايب منايا التفتت لبجاد/صاير شي؟ بجاد اسرع بخطواته/شكله عجايب تجري عالدرج متجهة لشقة سدول اللي بالدور الثاني انصدمت وهي تناظر باب الشقة مفتوح لاخره وزاد صدمتها الاصوات اللي داخل دخلت جري سدول جالسة ورا باب غرفة النوم قافلة على نفسها وهي منهارة بكا ورا الباب وهي تسمع انواع التهديد والوعيد عزيزة واقفة قبال غرفة الباب وبيدها المفك وهي تحاول تفتح الباب المقفول على سدول بصراخ/والله مايفكك مني شي والله!! ام راضي تضرب الباب بملعقة الخشب اللي بيدها وبصراخ/هين ماربوك اهلك انا اربيك ياقليلة الخاتمة هين!! عجايب دخلت واتسعت عيونها وهي تناظر هالمنظر الفظيع قدامها ام راضي ماحست الا بيد تسحبها من ياقة جلابيتها من ورا بقوة وتبعدها وبنفس الوقت لمحت يد تسحب الملعقة من يدها ولاقدرت تنطق حرف من صدمتها ونفسها اللي ضاق من سحبة ياقة الجلابية بنفس الوقت عجايب سحبت ام راضي ودفتها لورا وهي تمسك الملعقة بيمينها وتضرب عزيزة على راسها بكل قوتها بالملعقة عزيزة تركت الباب وهي تلتفت للي ضربها بفجعة عجايب مسكتها من شعرها المرفوع على شكل ذيل الحصان وهي تحركها بغبنة وبصراخ/بنت ابوي اناااا!!! ام راضي مسكتها من كتفها بتفككها عن عزيزة ماحست بنفسها الا راجعة لورا من دفة عجايب وطاحت عالارض عجايب بصراخ وهي مثبتة عزيزة اللي تصرخ بين يديها من شعرها وتضربها بالملعقة /تحسبون مابه احد يطأ روسكم!! منايا واقفة على بداية الصالة اللي تنتهي بغرفة النوم تناظرهم بوسع عيونها مصدومة ام راضي فزت على حيلها واقفة وقلبها انحرق على عزيزة اللي تنتفض بألم بين يدين عجايب مسكت يد عجايب بكل قوتها وهي تبعد الملعقة عن بنتها عجايب التفتت لها بحدة ودفتها ورفستها بنفس الوقت ام راضي طاحت وهي تصرخ من ألم رفسة عجايب عجايب دارت بعزيزة حولها ودفتها على امها عزيزة طاحت على امها ام راضي صرخت من الالم اللي تضاعف عجايب وقفت قدامهم ورفعت الملعقة اللي بيدها لفوق بتضربهم ام راضي ضمت بنتها وهي تغمض عيونها عجايب عضت على شفتها السفلية بغبنة وهي تناظرهم وبكل غبنتها/والله والله ام راضي فتحت عيونها بتردد وهي تناظر عجايب عجايب نزلت الملعقة وهي تحركها بوجيههم/لولا خاطر امي وابوي توطيت فيكم ولا انتم ماتسوون شعرة بعيني ياقليلن الخاتمة بجاد من ورا باب المقلط وهو يسمع الصراخ وبحدة/منايا وش صاير بنت يامنايا ام راضي صرخت/بجااااد ألحق علي يابجاد بتموتني هالمجنونة يابجاد عجايب زفرت بضحكة منايا اتسعت عيونها وهي تناظر عمتها بجاد دخل واتسعت عيونه وهو يناظر امه واخته وصرخ وهو يمشي لعجايب/هييييههههه انتتتيييي!! عجايب احتدت نظرتها من تحت نقابها وقربت بجرأة وهي تمد راسها له/اضرب طالبتك اضرب!! بجاد وقف عند امه وهو يناظرها بصدمة منها عجايب بصراخ/اضربني وكملوها يااهل محمد اضرب!! ام راضي بقهر من قلة حيلتها ماقدرت عليها/اضربها اضربها تمد يدها على امك وتسكت!!/بصراخ/اضربهااااا سدول فتحت الباب وجرت خطواتها الثقيلة وهي تخرج قدام بجاد بدون طرحتها وعبايتها المفتوحة وفستانها المقطع من ضربهم لها من اعلاه كاشف عن اجزاء مايفترض لغير ساجي يشوفها بوجه مغطيته اثار البكا وفوقها الخدوش والكدمات وبشفتها المجروحة وسط يمينها اللي تنتفض بوضوح وبرجفة صوتها/عجايب عجايب التفتت لها تناظرها وانتفض قلبها لحال توأمتها المسكينة اللي ماتأذي أحد عكسها خنقتها العبرة من حالتها/سدول!! بجاد اتسعت عيونه من شكلها والتفت يناظر امه واخته بنظرات لو تحرق احرقتهم سدول بصوت ينخفض اكثر واكثر وهي تتجه لها/عجايب تكلمي ترا مااشوفك امشي على صوتك!! عجايب قشعر جسمها من كثر فجعتها من اللي قالته وصرخت برعب وهي تجري لها وتناظرها تهوي بجسمها عالارض بدون تحكم منها/سدووووول!! سدول ارتمت عالارض بدون اي حركة منها عجايب رفعتها لها وضمتها وبصراخ/ثااااابت الحق علي ياثابت الحقني!! . ((بالسيارة)) نايف يوصل الطلبيات اللي معه ناظر جواله اللي قباله مثبت بالحامل وهو يناظر الرسايل اللي انهلت ورا بعضها تنهد وهو عارف مصدرها وقف قبال البيت اللي تخصه احد الطلبيات اللي معه وهو ينتظر صاحبها يخرج فتح جواله وهو يقرأ رسايلها ابتسم وهو يفتح فويسات باصوات عياله وتغير وجهه وهو يسمع صوتها ياقوت/انا شريتك يوم الكل ارخصك وللحين شاريتك نايف بكره لهالجملة اللي تنعاد بكل لحظة زعل بينهم وكأنها تتمنن عليه اخذ نفس وهو يهدي نفسه لخاطر عياله ياقوت/واحبك واغليك وتسوى الدنيا بعيوني اذا انت زعلان للحين مني عشان سالفة سلطان اسفة ماراح اتدخل بينكم وعد لكن لاتتاخر علي وحشتني نايف والله واحشني وواجبنا كلنا والعيال اشتاقوا لك وانا اكثر منهم مايصير تزعل وتتركنا من لنا غيرك يانايف مين؟ نايف تنهد وهي كالعادة تستعطفه بعياله قبل لاتستعطفه بحبهم الظاهر فتح الباب ونزل وهو يشوف صاحب الطلبية خرج من بيته . ((بيت ابو عمر1)) ام عمر تروح وتجي بالصالة مو قادرة تجلس قبال عمر وريان الجالسين يناظرونها وبنفاذ صبرها/انا بروح لهم عمر/يمّه وش تروحين ناقصين احنا خليه يسمع بنفسه بدون اي تدخل منه ويرتاح اللي براسه ام عمر بقهر من طلال/الحين زوجته تهلوس يروح يسحب اختك ليش ها!!ليش عمر ناظرها وابتسم وهو يناظر خوفها الواضح على فتنة لثاني مرة بحياته كلها وهي القاسية معها ام عمر/يسمع الكل الكل ماعنده عقل!!مايعرف يفكر اااه منه اااه ريان بتوتر/يمّه خليك من طلال مقدور عليه المصيبة الاكبر ماجت للحين!! ام عمر ارتجف قلبها وهي تذكرت اللي ناسيته/عمر اول مايرجعون خذ اختك واطلع لاتجي الليلة للبيت سمعت . ، ، عمر و طلال(20و19سنة)واقفين قباله وهم ملتزمين الصمت ابو عمر بحدة وبيده خيزرانته وبحدة/انتم ماتنتخون!!ماتستحون!!قطع من لحى للحين مااستوت زين وقطع!! طلال بغيظ/يبه وش الشي اللي ازعلك!! عمر اتسعت عيونه وهو يلتفت لطلال برجى عسى يفهمه ويسكت ابو عمر بصرخة/وشو!!! طلال/عشان طلعنا بس!! ابو عمر بعصبية/قلعتك عساك تطلع ولاترجع ان شاء الله اطلع مارديتك انت رجل وتعرف لعمرك تاخذون معكم البلا ليش ليش!! طلال عض شفته بغبنة وقهر بيتكلم عمر ماتحمل وسبق طلال/وشو البلا يبه!!وينه بالضبط؟ طلال التفت لعمر ابو عمر اتسعت عيونه/وانت بعد!! عمر/اذا هي بلا ياحلوه من بلا!! طلال برد قلبه من رد عمر وناظر ابوه/وراضين بهالبلا يبه ابو عمر يناظرهم وهو يحس بالارض ماتشيله من كلامهم عمر/الى متى يبه الى متى؟!!تراها وحدة بس وحدة المفروض عالمك يتزلزل من دونها!! ابو عمر بغضبه المفرط/يازين حظك ياعبدالله يازينه بغيت وراك رجال لقيت وراك اخوان حرررمةةة!!! طلال صرخ/من دون الحريم حنا ولا شي يبه ولا شي ابو عمر/ابشروا ابشروا ياخوان الحريم جاكم اللي يزلزلكم الليلة جا!! <<بالسطح>> عمر متمدد على بطنه وهو يتوجع من جسمه من كثر ضرب ابوه/اااه طلال متمدد جنبه بنفس وضعه وبينهم مسافة بسيطة التفت يناظره بابتسامة/ياحلوه من بلا!! عمر وهو يرفع رجله اليمين يدف رجل طلال القريبة من وهو يكتم ضحكه/اوص لاتضحكني للحين مابردت عظامي فتنة(10سنين)نزلت صينية الشاهي وهي تناظرهم وسط عيونها اللي تلمع من دموعها المتجمعة جلست وهي تصب الشاهي وهاذي مواساتها الوحيدة اللي تقدر عليها طلال فز جلس بابتسامة/هلاااا بفتنة حياتي ياهلاااا عمر جلس بابتسامة/اي والله فتنتنا كلنا مزيونتنا فتنة وهي تنزل عينها عالارض بكسرة قلب عليهم/خلاص ماعاد ابي اغراض للمدرسة مو بلازم طلال شهق وفز واقف وهو يجلس عن يسارها ويميل راسه لتحت يناظرها/وش هالكلام؟!! عمر قام وجلس عن يمينها/وش فيك وش اللي زعلك؟ فتنة بكت وهي تناظر عمر/ابوي كل يوم يضربكم عشاني خلاص ماابي شي ولا ابيه يضربكم مو بلازم حتى المدرسة عمر/من اللي قال ان ضربه يوجع!! فتنة بدموعها/انت ماتنام من الوجع توديني المدرسة وانت ماتقدر تجلس عالمقعدة زين!! طلال ضحك عمر كشر وهو يرجع يده من ورا فتنة ويضرب طلال على قفى راسه تنهد/فتنة فتنة ناظرته عمر/امسحي دموعك طلال انحنى وهو مد يديه لوجهها الصغير وهو يحتضنه بينهم ويمسح دموعها/تخسي ياعمر تنزل دموع حبيبة قلبي تخسي عمر ضربه على قفاه اقوى بغيظه طلال رفع صدره وبتضخيم لصوته/اخت الرجال يعقب من يبكيها وانا حي!! فتنة/ابوي يبكيني عمر ابتسم على لطافة اختهم الوحيدة اللي اخذت قلوبهم طلال تورط ماعرف يرد عليها وظل يناظرها عمر/فتنة فتنة التفتت تناظره طلال رجع يمينه ورا رقبتها عمر/ابوي زعل منّا انتي مالك شغل يـافـتـنـة اصلا من يقدر على فتنة وحلاها!! طلال ضمها له وهو يأشر بطرف دقنه على عمر/دام هو يمينك وانا يسارك سوي اللي تبين لايهمك احد اخوانك معك محد يقدر يلمسك بدر دخل وهو يلهث وبيديه شيبسات وبحماس/تمت المهمة فتنة دخلت يسارها بيمين طلال تحاوطها ويمينها بيسار عمر وسط ابتسامتها العريضة وهي تناظر بدر وريان ريان وراه يرجف برعب/الموت جاي ابوي شافنا وحنا نسرق طلال ناظرهم/الرخوم رخوم مـاهـو بلاحقكم عشان بطاطس(شيبس)بس اقعد انت وياه يالله ، ، - ((بيت ابو فواز)) {مجلس الشعر} فتنة جالسة ومنزلة عينها بالارض مشبكة يديها ببعض وهي تحس باحراج فظيع ماحسته بحياتها واختلط عليها هالشعور مابين احراج واهانة الجدة سدول جالسة بوقار الجدات وحشمتهم طرحة طويلة تغطي ثوبها كله وبرقع ينتهي حده بعد اسفل فمها بكم سانتي ومعتلي راسها عباية الراس المفتوحة اللي متدلية يمين ويسار وعلى يمينها عصاتها اللي ممتدة عالارض عيونها معلقة على ذيك اللطيفة وجه الخير بعينها وبصوت واضح فيه كمية الترحيب لفتنة/حياكم الله ياحياك حيا من لفى ومسهلا مرحبا الف طلال اللي جالس قبالها على بعد مسافة منها وعن يمينه فتنة وبحدة/ماجينا نبي ترحيب ولاجينا ندور ضيافة الجدة سدول احتدت نظرتها بعد ماشالت نظرها عن فتنة وثبتتها عليه وبحدة/وانا مارحبت بك ابد من اللي قال اني مرحبتين فيك الحين يالغريب!! طلال كشر بوجهه بغيظ من لسانها اللي ماحشمه فتنة رفعت عيونها اللي التمعت من دموعها من كسر خاطرها وهي تناظرها الجدة سدول بابتسامة تحت برقعها وهي تحط عينها على فتنة/هالتهلي والترحيب بالحبيّبة اللي طبت داري وانا اتشره عليها دايم تجيني ولا جت!!ياحي فتنة ياهلا ومسهلا طلال دخل يده بجيبه وهو يخرج هالفلوس ويرميها بينهم وتبعثرت عالارض الجدة سدول قطبت جبينها بغيظ من هاللي قدامها طلال/هالفلوس لك؟ الجدة سدول/وكانهم ماهم بلي؟!! طلال التفت لفتنة وهو يشدها من يدها بقوة وبحدة/ياقليلة الخاتمة!!/حط يده على راسه بعد ماحس بضربة صابته والتفت يطالع الجدة سدول بغيظ/ الجدة سدول اللي اخذت فنجال من الصينية قبالها وحذفت طلال فيه وبغبنة/ياللي ماتستحي مابك مروة ولاحشيمة!!تمد يدك على اختك وتهينهم ليته ببيتك الا ببيت ناس غرب عنك ياقليل الحيا طلال وقف وبصراخ/مالك شغل انشغلي بعمرك يالعجوز فتنة وقفت وبترجي/طلال خلاص!! الجدة سدول وقفت وبغبنتها وهي تحرك العصا بوجهه/اعقب ياقليل الحيا لاامردغك بهالعصاة وانا بنت ابوي وبعدين هالفلوس لي حطيتهن امانة عند اختك اختك خوت عليك اباليس ماتفكك يالملقوف وش مسلطك عليها تسلطت عليك سبع جنون!! طلال/اذا انك صادقة وين الايصالات خليني اشوف ان هالفلوس لك الجدة سدول اتسعت عيونها/اعقب تكذبني يالبزر!! طلال/رجال غصبن عليك وايه اكذبك ماورا الحريم غير المصايب!! الجدة سدول بعناد/تبطي تشوف شي مني والفلوس لي وغصبن عنك وكلامك ذَا تاليته عند ابوك والحق اخذته منك هالعجوز طرقن عن خشمك يالاجرب!! طلال دفها قدامه بقوة فتنة تعثرت وطاحت الجدة سدول بعصبية/الله اكبر عليك وش انت من اخو مابك رحمة!! طلال انحنى وهو يمسكها من يدها وشدها فتنة صرخت من ألم يدها اللي تحس فيها انخلعت من مكانها طلال بحدة/قومي!! فتنة وقفت معه غصب عنها بدون ارادة منها طلال جرها وهو يخرج الجدة سدول خرجت وراه/حسيبك الله وين بتروح يالظالم الله اكبر عليك!! سلطان متكي بظهره على جدار بيت جدته وهو اللي وصته مايدخل وش مايصير اعتدل بوقفته وهو يناظر هالمجنون باشمئزاز منه ومن تصرفاته وكيف يسحب هالمسكينة وراه والتقت عينه بعينها للحظة اوجعه قلبه من هالنظرة فعلا اوجعه من وصل له هالشعور يعرفه يعرفه اكثر من اي احد ثاني شعور كئيب مظلم يتغلغل لاقصى اعماقه عاشه ولمح طيفه بعيونها زفر بوجعه وكانها ذكرته بشي يتناساه غصب/اويل قلبي من جرح هالعيون!! فتنة صدت بوجهها وهي هلت دموعها غصب عنها فوق الاهانة قدام الصديقة الوحيدة لها(الجدة سدول)انهانت قدام هالغريب بعد الجدة سدول ارتفع ضغطها وجلست بمكانها من القهر سلطان جرى لها الجدة سدول بغبنتها/الله اكبر عليه ماوراه احد يربيه اعوذ بالله وش هالاوادم لاجابر ولاعياله ولاهالجني وابوه اعوذ بالله سلطان بقلق جرى لها وهو يناظرها جلس جنبها وحط يمينه على ظهرها يمسح بها يهديها/ياجدة استهدي بالله ياجدة استهدي!!/وقف ودخل لبيت الشعر يجيب لها موية وهو يحس يديه تنتفض من الوجع اللي انعاد بقلبه بهاللحظة/ . ((بيت ابو عمر)) طلال دخل وهو يدفها لقدامه بصراخ/امشي!! عمر خرج من البيت ووقف يناظرهم وهو يتنهد براحة وهو يشوفها سليمة ام عمر حطت يدها على قلبها وهي تحمد ربها ان هالمجنون مافضحهم فتنة تقدمت بخطواتها من دفته ووقفت وهي تحطمت كل امالها الباقية كل الذكريات اللي كانت عايشة عليها وبانتظار رجعتهم لها بانتظار ذيك الضحكات وذيك الايام السعيدة ذاك الخوف لبعض وذاك الحب صحت على نفسها بعد هالصدمة العاتية كل شي كان بحدود جدران هالبيت تقبلت الاهانات تقبلت الجروح وكانت متأكدة انها فترة وتطيب الجروح فترة وترجع المياه لمجاريها فترة وكل شي يرجع لوضعه بس عليها تتحمل تتحمل وبس لكن هالصدمة اليوم فتحت عيونها عالحقيقة المرة اللي كان قلبها وعقلها يرفض يصدقها كره اخوانها نظرات اخوانها يدينهم اللي تنمد عليها بسبب وبدونه صحت صحت من عمق الماضي السعيد لحاضرها الموجع اللي اتعبها وهي تنكر هالتعب وتضغط على نفسها تنتظرهم رفعت عيونها اللي تنهمر بشلالات دموعها ناظرت عمر وامها المتخبية وراه وريان اللي وجهه مخطوف عليها رغم قلة حيلته بينهم ابتسمت والتفتت وراها تناظر طلال وانفجرت تضحك طلال كشر بوجهه وهو يناظرها/هيييهههه انتي للحين ماخلصنا فتنة وقفت ضحك وبابتسامة/وش اللي تبي تسمعه!! طلال قطب جبينه بانزعاج من ردها فتنة بابتسامتها/الفلوس ورجعت لصاحبتها وش تبي اكثر اااه كلام رغد قلت تكذب لكن مثل دايم لو احلف مليون يمين هي اللي بتصدقونها وانا الكذابة اللي خانتكم على غفلة صح ياليسار!! طلال انتفض قلبه من هالندا اللي كان بيوم احب من اسمه لقلبه فتنة بدموعها/اخت الرجال يعقب من يبكيها وانا حي/صرخت وهي تتقدم له/طلاااااال طلال شد على قبضته وهو يناظرها/ارجع ياطلال وشف طلال الكبير وش سوا بكاني وذبحني ياطلااااال ارجع لفتنة حياتك ارجع وشف وش صار لها ارجع!! فتنة التفتت لعمر/ها ياليمين مامنعت اليسار عني عقب الضيم منه الا عاونته علي!! عمر بلع ريقه بوجه انخطف من كمية الظلم اللي يسترجعها فتنة/اليمين عاونت اليسار وذبحوني ياليمين انتظرتهم يرجعون لي ومارجعوا ياليمين اذبحتني اليسار وسكاتك زادني ذبح/صرخت/عمررررر تعال شف عمر وطلال وش سووا فيني ياعمر ارجع ورجّع معك طلال ياعمر ضيم ابوي صار ارحم منهم ياعمر ارحم منك انت وطلال/مررت نظرها بينهم بدموع تفيض بقهر منهم/يساري ويميني هي اللي ذبحتني مو ابوي/ضحكت/ايه يـافـتـنـة وعد البزران كذب/اختفت ملامح الضحكة من على وجهها وبقهر/يكبر وينسى وانتي كبرتي ولانسيتي الوعد وهم الكبار هم اللي نسوه هم/مشت لبيت ابوها تاركة بيتهم وتاركتهم وراها راضية بابوها وعقابه راضية فيه عالاقل ماتغير عليها مثلهم هذا هو من البداية وراضية فيه راضية/ . كل حزن بهالمكان وله مواري.. كل جرح بهالخفوق وله قضية.. بيني وبين القليل من انتظاري.. احتجاجات وحروب طائفية.. وانكساري بعض الاحيان انكساري.. لي عليه ملاحظات وله عليه.. ينهزع ليل ويجي الفين طاري.. تنولد فكرة وتتغلف هدية.. اتخذت من اطرف الفكرة قراري.. وانحسرت انسان قلب وطيب نيه.. ف الحدود الممكنة كان انتشاري.. في مداد النور كنت انبل ضحية.. في بقايا الامس كان اخر وقاري.. وكانت اخر خطوتين المقدرية.. غرفتي قبري بعض حظي مزاري.. حيز يعكس دنا الدنيا الدنية.. غرفتي صوتي البعيد من اندثاري.. وانبعاثي من جديد بلا هوية.. في عيون اللاوجود من احتكاري.. تذبل اسئلتي الكثير المنطقية.. يا يساري يا يميني يا يساري.. يا خطايا الطيف يا طيف الخطية.. . اللهم صل وسام على نبينا محمد . #سلطان_الهوى_يافتنة_الألفية . انتهى موعدنا باذن الله الاسبوع القادم . | ||||
|
| |
|
19-08-22, 05:14 PM
| #20 | ||||
| مع الاسف جرائة رغد وقوتها شككتهم باختهم الحقيقية هم يحسون اختهم ضعيفه وعاطفية والا ماصدقو والاب كلامه من زمان وهو كانها مرتكبه اثم هذا اعراض اخوان البنت الحلوه الرقيقية ابدعتي بوصف مشاعر الغضبالمختلفه والضرب ابدعتي فيه شكرا علي البارت | ||||
|
| |
 |
| أدوات الموضوع | |
| انواع عرض الموضوع | |
|
|
162Likes
العرض العادي
