30-09-22, 02:01 AM
| #51 | |||||
 
|  اقتباس:
| |||||
|  |
|
30-09-22, 02:01 AM
| #52 | ||||
| 20 - . {جـنـاح الـعـروس} فتنة بفستانها الابيض اللي احتل اضعاف حجم خطواتها حولها من نفشته بقصة سبعه من عالصدر مرصع بالكريستال وباكمام شيفون طويله مزينه بكرستالات ملفوفه عاليد منتهيه بأسواره من الكرستال ماسك ع جسمها للخصر ومنفوش ويزين هالنفشة الكرستالات المنتثرة على قماشه تشابه لبتلات الورد المبعثرة بجمالها بشعرها الملتف ويفي لنص ظهرها بطرحتها المثبتة ومنسدلة عن يمين ويسار اكتافها وممتدة بامتداد فستانها بمكياج ناعم وحلق كرستالي طويل فقط واقفة باستقامة بين يديها مسكتها التوليب اللي باللون الابيض اخذت نفس تهدي نفسها المتوترة كل ماوصل لاذنها صوت مرور احد من قبال جناحها وسط التقاطات المصورة لصور ليلتها المميزة فزت بتوتر واضح وهي تلتفت للباب اللي انفتح ام عمر دخلت وهي تقفل الباب وراها بيمينها المبخرة ويسارها كسر العود فتنة زفرت براحة وهي تناظر المصورة بابتسامة مصطنعة/لحظة شوي/تحركت كم خطوة باتجاه امها/ ام عمر بابتسامة/خليك خليك فتنة وقفت وهي تناظرها رغم غيظها الكبير لامها الا انها تتصرف بتوتر واضح للكل ام عمر وقفت قبالها وعينها بالمبخرة حطت كسر العود بالمبخرة وحركت يدها فوق المبخرة تهف عالجمر وماهي الا ثواني وتصاعد الدخان ناظرتها وهي تتاملها لثواني سريعة شالت عيونها بخوف من سوال فتنة وتكدير خاطرها بهالليلة الحلوة رفعت طرف طرحتها وهي تبخرها وبدون لاتناظرها/عزيه واحشميه وقومي فيه باللي يرضي ربك فتنة ناظرتها بوسط حواجبها المرتفعة باستغراب يخالطه شي من السخرية/اجل ذي نصايح الام اللي اسمع فيها!!! ام عمر كملت وهي توقف وراها وترفع شعرها تبخره/لاصادفت عسير الايام اصبري كوني معه ونهاية المعروف بيثمر بينكم فتنة شدت على مسكتها بغيظ وهي تلتفت لامها بقوة ام عمر شهقت وهي تبعد المبخرة/بِسْم الله!! فتنة بغيظها/مايحتاج توصيني!!كل شي عرفته ولو طلع مثل اللي خبري خبرك والله والله ام عمر قاطعتها/فتنة!! فتنة بملامحها المحتدة/ليش تخافين احد يسمع ظلمكم لي!! ام عمر/الليلة ليلتك وش تبين باللي راح عيشي الليلة كلها وبعدها يصير خير فتنة عضت شفتها بقهر ام عمر مشت مبتعدة عنها كم خطوة للطاولة اللي بزاوية الجناح ونزلت المبخرة وهي تاخذ العطر وترجع لها مدت يدها حتى تعطرها فتنة سحبت العطر من يدها بغيظ وهي تصد ام عمر/اذا طلع مايبي البنات اتركيه فتنة قطبت جبينها باستغراب وهي تلتفت لها ام عمر/صحيح اللوم والندم ماينفعون الحين لكن مهما يكون انتي بنتي بنت عزة لو يصير مايصير انتي بنتي يـافـتـنـة فتنة ضحكت بقهر/الحين بنتك!! ام عمر قاطعت النقاش المحتد بينهم/اهل زوجك بيجون يسلمون عليك فتنة اللي نست توترها بهاللحظات اللي فاتت تغير وجهها ام عمر/واكيد زوجك بعد فتنة شدت على مسكتها وهي ماقابلت الا ام فواز والجدة سدول واليوم الوعد تقابل العايلة كاملة بلعت ريقها بتوتر/موج وينها؟ ام عمر/تقول جاية الحين على وصول خلاص فتنة التفت للباب من وصلها الصوت واخذت نفس وهي تردد بينها وبين نفسها(اللهم اني اسالك الثبات ولين القول والعمل..اللهم اني اسالك الثبات ولين القول والعمل) ام عمر التفتت لها ثم ضحكت بخفة وهي تمسح على ظهرها/اهلك الحين ماانتي بحرب فتنة التفتت لها بحدة/ماتبين تسمعين شي يضايق لاتقولين شي ماانتي باأهلٍ له!! ام عمر احتفظت بابتسامة رغم قسوة الكلام واتجهت للباب فتنة زفرت بصوت وهي تردد نفس الدعاء الجدة سدول ورا باب الجناح مدت يدها بتفتحه سجايا اللي وراها مسكت يدها بوسع عيونها/جدة!! الجدة سدول ناظرتها باستغراب/وش فيك!! سجايا/دقي الباب!! الجدة سحبت يدها منها وبتكشيرة/اذلفي عني بس بفلوس وليدي وعروسة وليدي ادق البيبان تالية عمري هذا اللي ناقص/مدت يدها ام فواز جنب الجدة سدول مدت يدها بسرعة ودقت الباب قبل تفتحه الجدة سحايب ضحكت سدول ابتسمت الجدة سدول التفتت لها بوسع عيونها من فعلها ذهب تحاول تضيع الموضوع/جدة دقي من جديد علا وهي تدخل بينهم وتحشر نفسها بين جداتها/والله ابي اشوف العروسة انتوا بكيفكم سحايب مسكتها من اذنها/ارجعي ياملقوفة علا فكت يد امها بتكشيرة سجايا عند اذن جدتها/جدة لاتفتحين هم يفتحون الجدة سدول التفتت لها/انقلعي عني ياسجية تعلميني بذا العمر ذهب باحراج/ياجدة بس الجدة سدول فتحت الباب بدون اهتمام للهواش والنقاش بالعيب وراها مع فتحة ام عمر اللي داخل الجناح ام عمر ابتسمت/ياهلا حياكم الله ياهلا ومرحبا ياهلا . {الـرجـال} نايف واقف قباله رافع يده اللي ماسك بها البشت لفوق بكل مافيه بابتسامة عريضة وهو يناظرها سلطان يعدل شماغه ويمرر يده يمسح على ثوبه يرتب نفسه بعد ماقفل كبكاته رفع عينه اللي التقت بعين نايف اللي عيونه تنطق بطيف توتر ابتسم/من العريس فينا الليلة؟ نايف مد له البشت بعرض ابتسامته/انت العريس وانا وحيد العريس سلطان ثنى البشت بيده وهو يضمه لصدره من جمال الشعور اللي امتلى به صدره وزفر نايف تركه بخوف عالبشت وهو ياخذه من يد سلطان يعدله له سلطان يناظره بابتسامة وهو ياخذه/زين زين ماعليك نايف هز راسه بلا/الليلة هي احلى الليالي ياسلطان سلطان لبس البشت وهو يضبطه/ها كيف نايف ابتسم/مية مية ثابت يجري لهم وبيده المبخرة سلطان اتسعت عيونه وهو يناظره/شوي شوي!! ثابت زلق من جريه وهو قريب منهم وتمايلت يده بالمبخرة مع زلقته سلطان اتسعت عيونه بفجعة/مد يدك لقدامك!! ثابت نفذ كلام سلطان وصل عندهم وهو يتوازن وتطايرت الجمر من المبخرة بدون ارادته واتسعت عيونه بصدمة وهو يناظر سلطان/ااببععدد!! سلطان قباله ماتحرك نايف وقف بينهم وهو يعطي وجهه لثابت وضرب الجمر المشتعل بصدره قطب جبينه من الحرارة اللي حس فيها وهو يمد يمينه للمبخرة ويساره يمسك فيها ثابت لايطيح سلطان سحب نايف وهو يلفه له يتفحصه بخوف/صابك شي؟احرقك شي؟! ثابت برعبه/اسف والله ماكان قصدي اسف نايف اللي وضحت اثار حرق الجمر على ثوبه ابتسم/مافيني شي سلطان يمسح ثوب نايف من على صدره وسط تقطيبة جبينه المنزعجة ثابت ناظر نايف بتانيب ضميره/نايف نايف هز راسه بابتسامة بمعنى لحظة ومسك يد سلطان سلطان ناظره بقلق/ماجاك شي صدق؟ نايف/رح عروستك تنتظرك سلطان بغيظ منه/مو وقته الحين!! نايف/الا وقته!!وبعدين مافيني شي ياابن الحلال سلطان يناظره بتكذيب وسط صوت رنين جواله نايف بابتسامة/رح وانا رايح البيت اجيب اهلي رح الله يتمم لك على خير سلطان تنهد نايف دفه/رح ياابن الحلال رح . {جـنـاح الـعـروس} //بعد السلام والتبريكات والتعريف ببعض// الجدة سدول جالسة قبالهم عالكنبة المفردة وهي متكية بيدها فوق عكازها وطرف فكها متكية به على نفس اليد تناظرهم يتصورون مع بعض فتنة بابتسامة وهي كلها احراج/عن اذنكم شوي/رفعت طرف فستانها وهي تتجه للجدة سدول/ الجدة سدول رفعت راسها بابتسامة وهي تناظرها/ياهلا بمضنون العين ياهلا فتنة ابتسمت/ياجدة تصوري معي الجدة سدول هزت راسها بنفي/لا هالبلاوي ماتصلح معي فتنة انحنت وهي تمد يمينها وهي تمسك يسار الجدة سدول/لازم ياجدة لازم الجدة سدول مدت يمينها وهي تفك يسارها من يد فتنة وظلت ماسكة يدها/اصبري اصبري فتنة قطبت جبينها الجدة سدول ثبتت عكازها على طرف الكنبة اللي جالسة عليها وهي تدخل يسارها بجيب ثوبها وخرجتها وهي تلف الاسورة الذهب اللي عبارة عن جنيهات قديمة مرتصة جنب بعض حول معصم فتنة فتنة تناظرها بحيرة الجدة سدول قفلت الاسورة وناظرتها بابتسامة/عساه مبروك يـافـتـنـة مبروك عليك ياعين مضنون عيني مبروك //البنات اعتلت زغاريطهم وهم يتجهون لهم// فتنة باست على راسها ثم ناظرت الاسورة الملتفة حول يدها بابتسامة/الله يبارك فيك ياجدة //البنات تجمعوا حولهم// عجايب بابتسامة/خلاص الحين رسميا صرتي حفيدة عجوزنا ام جابر فتنة قطبت جبينها باستغراب الجدة سدول مدت يدها وهي تقرصها من ساقها عجايب/ااااه سجايا تنهدت/معكم مافيها رسميات والله!! الجدة سدول بغيظ/عجوز تذبحك قطعه لهالسيقان عجايب/جدة حلو الجدة سدول/عسى مايحلى على هالسيقان شي قولي امين فتنة كتمت ضحكتها وهي تناظرهم سحايب ابتسمت/تعودي عليهم ترا الوضع عادي عجايب/اعوذ بالله منك عساها ماهي مقبولة علا بزعل/وانا ياجدة وانا!! الجدة سدول/لاتزوجتي ان شاء الله علا بغيظ/ذهب وسجايا ماتزوجوا واعطيتيهم/مدت يدها/وانا!! الجدة سدول ضربت بيدها يد علا/ذهب وسجايا افلحوا دخلوا الجامعة وانتي ماوراك شي وثم لاعطيتك تسوين مثل هالدايخة عجبة ماتلبسينها وثم ذي بواقي الغالي علا اتسعت عيونها/بواقي الغالي علي انا!! عجايب بغيظ/جدة وش فيك متسلطة علي/مدت يدها الملتفة حولها نفس الاسورة اللي بيد فتنة/هاه لبستها رضيتي الجدة سدول/ايه ثم لارحتي عن عيني فصختيها!! عجايب طارت عيونها/ياربي من هالعجوز تدور علي الزلة!! البنات مدوا يديهم وكلهم نفس الاسورة علا بقهر/ياجدة تكفين ابي حقتي الجدة سدول ناظرتهم بابتسامة وهي تطنش علا ثم ناظرت فتنة فتنة تناظرهم بصدمة وهم كلهم نفس الاسورة الجدة سدول مدت يدها لفتنة فتنة حطت يمنيها بيمين الجدة سدول الجدة سدول مدت يدها ليديهن/هاذي اختكم مثلها مثل مـاهـو سلطان اخوكن البنات ناظروها فتنة التفتت تناظر الجدة سدول وهي تكبح عبرتها الجدة سدول مررت نظرها عليهم/اللي يمسها يمسكم/ناظرت فتنة وهي تضغط على يدها/واللي يمسهن يمسك فتنة هزت راسها بايه بدون لاتنطق الجدة سدول ناظرت عجايب/لو اني ارمي سكاكين عجايب ضحكت بخفة الجدة سدول/لكن كلكن تسون عـيـونـي قطيعات من قليبي/ناظرت فتنة/وحياك الله ياقطعة من قليبي حياك الله فتنة بكت عجايب شهقت وهي تسحب طرف فستانها وتمسح دموع فتنة بخفة/لاتبكين لاتبكين مكياجك يووووه سحايب ضحكت/معي مكياجي باجيبه . {الـرجـال} نايف خارج من القاعة متجه لسيارته اتسعت عيونه وهو يناظرهم علي بثوبه واقف بالزواية لاصق بالجدار بوجهه المرعوب وهو يصد بوجهه عنه سراج واقف قباله مابينهم الا خطوة نايف جرى له وهو يدف سراج ويوقف بينهم وبعصبية/وش تبي فيه!! سراج قطب جبينه بعدم فهم له/وانت وش عليك!! نايف/مايبيك ماتشوف وتفهم!! سراج رفع الشماغ اللي بيده وبحدة/ولدي!!مابقي إلا هي مثلك وشرواك يتحكم على راسي!! نايف احتدت نظرته بصمته سراج وهو يدفه عن طريقه نايف ابتعد من دفه علي مسك يد نايف وهو يرجف برعب من سراج سراج بلع ريقه بصدمة من علي علي تحرك وهو يتخبى ورا نايف سراج همس/علي علي شد على يد نايف بخوف نايف ناظر سراج بشك لثواني ثم زفر وهو يلتفت لعلي يناظره سراج بهدوء/علي البسك شماغ بس ماني بمسوي لك شي نايف ناظر سراج وهو يميل فمه ثم اخذ الشماغ من يد سراج سراج اتسعت عيونه/هيه نايف يناظر علي ونزل الشماغ لنظر علي علي ناظر الشماغ بهدوء نايف رفع الشماغ اللي تلاحقه عيون علي باهتمام بهدوء ولبسه قدامه سراج يناظره مقطب جبينه علي ناظر نايف وهو يلبسه نايف ابتسم وهو يناظر علي ثم نزل الشماغ وهو يحط الشماغ على راس علي علي جفل للحظة لكن ترك نايف يكمل نايف مد يده لوراه وهو يمسك سراج من يده ويسحبه لعنده علي ناظر ابوه بخوف نايف ناظر سراج بمعنى كمّل شغلك سراج مد يديه للشماغ وهو يتجاهل خوف علي الواضح ويعدله شماغه نايف مشى وتركهم سراج ثبت العقال على راس علي بابتسامة/ماشاء الله ماشاء الله رجاااال ياعلي رجاااال علي يناظره بعدم راحة وهو يبلع ريقه سراج دخل يده بجيبه علي انرعب من حركته سراج خرج عودته وفتحها وحط منها ثم مد يده لعلي/طيب طيب احط لك منه؟ علي مارد سراج مد يده بهدوء لرقبة علي وهو يطيبه بخفة ابتسم وهو يقفلها/خلصنا علي مشى مبتعد عنه بخطوات سريعة اقرب للجري . ((بيت ابو عمر2)) ابو عمر يعدل نسفة شماغه قبال مراية المدخل وهو يناظر جواله اللي قباله عالمدخل بتقطيبة جبينه فتحه سبيكر وهو يقفل كبكات ثوبه/نعم ام عمر/وينك؟!! ابو عمر/خير وش فيه؟ ام عمر/العريس بيدخل وانت مو موجود عالاقل تدخل معه!! ابو عمر ببرود/اخوها اللي معتزية فيه موجود وش تبي مني!! ام عمر/اخوها لكن انت ابوها ياعبدالله!!وبعدين لازم تدخل معه تراها بنتك!! ابو عمر يلبس ساعته/بنتك انتي!!وثم هي ماحسبت حساب اخوها المريض زين اني بأحضر عرسها هاللي مايهمها احد ام عمر زفرت/استغفر الله العظيم!! ابو عمر/وش فيك زعلتي!!خلي عنادها ينفعها ام عمر/تدري عاد لاتجي احسن ام تركي وقفت عنده بالمبخرة ابتسمت وهي تسمعها ابو عمر احتدت نظرته/وشو!! ام عمر/اكيد بجيتك لها بترمي كلام يضيق صدرها لاتجي وتنكد فرحتها ابو عمر بحدة/عزة ام عمر قفلت الجوال بوجهه ابو عمر اتسعت عيونه وبعصبية/لاااا ذي زودتها بالحيل بالحيل ام تركي وهي تنزل المبخرة عالمدخل/دايم الصدق يزعل!!/مشت/ ابو عمر يناظرها بصدمة/مو صاحيات ذَا الحريم مو صاحيات!! . {الـقـاعـة} ام فواز اللي انفجر جوالها من كثر الاتصالات ردت بنرفزة منه/خير ثابت/بوجهك الخير ياكل خير ام فواز/تدري ان الليلة عرس مشغولين ماني بفاضية لسواليفك ثابت بزعل/افا الحين ماانتي بفاضية لي ايه من لقى احبابه نسى اصحابه!! ام فواز بنرفزة/ثابت!! ثابت/سلطان عند مدخل العروس له فترة يتصل على جدتي وماترد ام فواز اتجهت للباب/وليش مااتصل علي؟! ثابت/رقمك مو معه ام فواز خارجة من الصالة وانصدمت من الرد/طيب رايحة له سلام/قفلت/ البنات متجهين للصالة ام فواز اسرعت بخطواتها/شيكوا عالطاولات عجايب لفت ومشت جنب امها بابتسامة/وصل وصل؟ ام فواز/عجايب لاتقلقيني اكثر عجايب مدت علبة الموية اللي بيدها/هدوء هدوء انتي ام العريس التوتر للعرسان مو لك ام فواز هزت راسها يمين ويسار بياس من عجايب وهي توقف عند الباب وفتحته عجايب زغرطت بابتسامتها العريضة سلطان ورا الباب تنحنح/به احد ام فواز بابتسامة/حياك حياك سلطان بثوبه وشماغه الابيض وبشته الاسود وبساعته اللي باللون الاسود دخل وريحته اللي سبقته/السلام عليكم/سلم على راس امه/ عجايب بفرح/يمّه يمّه يالزين/زغرطت/ سلطان رفع يمينه لراسه يثبت شماغه وبيساره ماسك طرف بشته لايطيح وهو يدور حول نفسه وبابتسامة/وش رايك بس يحق لي اتزوج اربع على ذَا الزين عجايب/ابشر ولايهمك ام فواز وهي تقفل الباب بوسط اتساع عيونها/ولد انت وياها غرفة البنت قريبة!! سلطان ضحك بخفة عجايب قربت منه تسلم عليه/مبروك مبروك سلطان/يبارك فيك ربي عجايب مسكت يدها وهي تفتح ساعته ام فواز ضربتها ع كتفها/وش تسوين سلطان باستغراب/وش تبين فيها ابشري اجيب لك احسن منها ذي رجالية عجايب فتحت ساعته وهي ترفع شنطتها الصغيرة اللي بيدها وتفتحها دخلت ساعة سلطان وخرجت ساعة روليكس رجالية باللون الذهبي وفتحتها وهي تلبسها لسلطان سلطان ابتسم عجايب تركت يده بابتسامة/الحين كملت الكشخة سلطان يناظر ساعته بابتسامة ورغم ابتسامته الا انه ضايق خاطره من اللي صار بينه وبين فواز وبفعلها مسحت على قلبه بحبها له اخذ نفس وهو يزفره بصوت وناظرها/مشكورة ياعجايب عجايب/مبروك ياااخوي مبروك الله يتمم فرحتك لاخر العمر سلطان ضمها له/يبارك فيك ويخليك لي ام فواز تناظرهم بابتسامة/يالله تاخرنا/مشت/ سلطان ترك عجايب عجايب/خذ فرة بهديتي سلطان لف وهو يرفع يده لها عجايب/مطنوخ مطنوخ عز عز الله يعزني سلطان ضحك/بدينا تمنن!! عجايب ضحكت/بالعافية ام فواز وقفت والتفتت لهم/وبعدين!!امشوا عجايب حاوطت يده وهي تمشي معه/ارفق عالبنت سلطان ابتسم بخباثة/كيف يعني؟ عجايب ناظرته بتكشيرة/علينا ياولد جابر سلطان ضحك/اموت عليك ياعجبتي محد فاهمني كثرك عجايب/شوي شوي عالبنت لاتفجعها بحركاتك بعد شوي هي مرعوبة مننا يوم دخلنا سلطان/اذا دخلين ببزارنكم ماتنلام والله جيش ماشاء الله عجايب تركت يده وضربته/والله هالجيش كلهم عزوة لك بكرة لاصرت شايب سلطان بابتسامة/وين جدتي عجايب/عالباب سلطان ضحك/وش تسوي عند الباب عجايب/طردتنا طرد تقول اتركوا بنيتي ترتاح والله هالفتنة شكلها اكلت الجو علينا من اولها سلطان/يفداها الجو كله يفداها عجايب ناظرته بتكشيرة/اثقل اثقل هذا وانت ماشفتها للحين مسرع قلبت روميو!! سلطان غمز لها/مثلك قلبتي اللي برا روميو لك عجايب/مالت علي روميو بغى يذبحني عشان فستان خلني ساكتة بس ام فواز واقفة عالباب متخصرة/خلصتوا سوالف ولا باقي سلطان التفت لعجايب وهو يبلل شفايفه بطرف لسانه ويعدل بشته/هاه عجايب بابتسامة وهي تمسح على اكتافه/الزين كله ياسلطان كله ام فواز دخلت وهي تمسك الباب/حياك حياك الجدة سدول جالسة عالكنبة وقفت وهي تزغرط بفرح فتنة جالسة عالكنبة الطويلة شدت على مسكتها وهي تنزل عينها عالارض وسط نبضات قلبها اللي اعلى من اصوات الزغاريط والتبريكات حولها بلعت ريقها وهي تحس برجولها تنتفض ام عمر جنب فتنة تناظر جوالها بضيق وهي للحين عندها امل بوصول ابو عمر رمت الجوال عالكنبة بياس منه وهي ترسم ابتسامة على وجهها/ياهلا حياك الله حياك سلطان دخل وبصوت جهوري/السلام عليكم ام فواز قفلت الباب وهي تتناقر مع عجايب اللي اصرت تدخل ودخلت الجدة سدول بابتسامة عريضة/وعليكم السلام والرحمة ياهلا ياهلا/فتحت يديها/ سلطان اسرع بخطواته لجدته وهو يحتضنها ويسلم عليها الجدة سدول/مبروك مبروك ياسلطان ياعساه مبروك يامضنون عيني سلطان باس كفها/يبارك بعمرك ويخليك لي ياجدة الجدة سدول احتضنت كفه بكف يمينها وهي تلتفت لام عمر اللي جنبها/وهاذي عمتك ام فتنة سلطان بلع ريقه يحاول يبلل فمه الناشف من هالحرمة الغريبة عنه وبربكة سلم على راسها/وشلونك ياعمة فتنة انتفضت وهي تسمع صوته القريب منها ام عمر بابتسامة/بخير الله يسلمك انت وشلونك ياولدي سلطان بابتسامة/بخير عساك بخير ياعمة ام عمر وهي تمد يدها لفتنة حتى توقف فتنة تحس بثقل برجولها مو قادرة توقف ومنزله عيونها بالارض حطت يدها بيد امها سلطان يحاول يقاوم فضوله من لحظة مادخل للجناح من صاحبة الفستان الابيض اللي لمح منها مجرد لمحات واغلبها الفستان اكثر من صاحبته ام عمر بابتسامة وهي تساعد فتنة بالوقوف وعيونها مع سلطان/مبروك ياسلطان مبروك الله يتمم لكم على خير فتنة وقفت وهي تحس بحرارة احتوتها كلها ولا رفعت نظرها له ام عمر التفتت لفتنة/سلمي على زوجك يـافـتـنـة فتنة قشعر جسمها من كلام امها سلطان وقف قبالها قبال الفستان الابيض اللي مسبب حاجز كبير بينه وبينها من نفشته واخيرا ناظرها بعد مقاومة طويلة وهو يتأمل الصغيرة اللي غرقانة بفستان اكبر منها بكثير تنهد بابتسامة وهو يتمنى يناظر ذيك العيون اللي شافها يبي يتطمن على صاحبتها كيف صارت بعد ذاك اليوم ام فواز وقفت جنبه وهي تحط يدها على ظهره تنبهه وبابتسامتها/سلم على عروستك وبارك لها سلطان مد يده وهو يتاملها يناظرها وهو يناظر حياته الجديدة اللي ترتسم فيها ،هالانسانة رمز وعلامة فارقة بحياته أثبتت ان الحياة انفتحت له من جديد كل شي بالماضي انتهى انتهى رسميا اليوم من دخولها لحياته هي ماضيه وحاضره ومستقبله وبابتسامة/مبروك يـافـتـنـة فتنة رفعت عيونها له من سمعت اسمها والتقت هالعيون ببعضها سلطان ابتسم وهو تحققت امنيته العيون اللي قدامه بها طيف شي يشابه لطيوف مرت به ظن انه تجاوزها وانتهى لكن من شاف عيونها استرجع ذاك الوجع اللي تناساه رغم حضوره بكل وجه يقابله بابتسامة/تعبت!! فتنة انحرجت وهي تنزل عيونها وتصافح يده سلطان ابتسم من لامس كفها كفه وحس بحرارة هالكف اللي انتفض للحظة بكفه فتنة بهمس/الله يبارك فيك سلطان هالمصافحة ماكانت مباركة والسلام هالمصافحة بالنسبة له بداية حياة جديدة له وقعتها فتنة ووافقت عليها من حطت يدها بيده رفع كفها الصغير بالنسبة لكفه وهو يبوسه فتنة اتسعت عيونها بصدمة وهي تسحب يدها سلطان احتفظ بكفها ام فواز تغير وجهها باحراج عجايب تنحنحت/هيه هيه ترا فيه خلق سلطان فتح بشته وهو يضمها لصدره ويحاوطها بيديه اللي ماسك فيها اطراف بشته وهو يقفل عليها فتنة بلعت غصتها من كثر احراجها باللي يصير على عيون امها وامه وجدته واخته دفنت وجهها بصدره سلطان ابتسم وهو ينزل راسه يناظرها فتنة استوعبت اللي سوته وابعدت عنه لكن ثبتها اكثر عجايب/لحظة لحظة خل نخرج فتنة بكت بحضنه من فرط احراجها سلطان يناظر عجايب بابتسامة/المفروض فهمتيها من اليوم الجدة سدول/وين تفهم ذي بها عقل عجايب اتسعت عيونها/جدة!! الجدة سدول لفت وهي بتخرج وتدفها بعكازها قدامها/امشي بس امشي ام فواز مشت خارجة بخطوات سريعة وهي تتحاشى تناظره عجايب بتكشيرة/طيب طيب الجدة سدول وقفت عند باب الجناح والتفتت تناظره بابتسامة/مبروك يامضنون عيني مبروك عجايب قدام جدتها والتفتت له/وش قلت لك قبل ندخل شوي شوي ارفق بالبنت فتنة تجمدت من سمعت كلامها سلطان ضحك بخفة الجدة سدول ضربتها وهي تدفها/الله لايفضح مسلم امشي وجع فضحتينا ياقليلة الحيا امشي عجايب وهي تمشي خارجة/مشيت مشيت!! الجدة سدول خرجت وصوت هواشها غطى الممر كله ام عمر واقفة بحيرة ماتدري تخرج او تبقى واخيرا اتخذت قرارها وتحركت/مبروك الله يتمم لكم على خير اترككم براحتكم مع المصورة فتنة اتسعت عيونها وهي تدفه عنها وتناظر حبل نجاتها الوحيد بعد اللي سمعته/وين رايحة!! ام عمر ناظرتها/خذوا راحتكم/مشت/ فتنة بخوف/يمّه لحظة ام عمر فز قلبها من سمعت يمّه بعد فترة طويلة منها والتفتت سلطان مسك فتنة من يدها وهو يناظر ام عمر بابتسامة وهو يقطع اي مجال لوجودها اكثر/لاتوصين ياعمة فتنة بعيوني فتنة بلعت ريقها وهي ماناظرته للحين وعينها بامها وهي تنطق لاتروحين ام عمر خجلت وهالكلام تصريفة واضحة وجدا لها خرجت وقفلت الباب وراها سلطان سحبها من يدها فتنة شهقت برعب سلطان سحبها لحضنه/تعالي تعالي فتنة انرعبت وهي تستقر بحضنه ورجعت ذكريات عواد لها بردت اطرافها سلطان محاوطها بيديه قطب جبينه وهو يحس بشي غريب فكها شي وهي للحين بحضنه يناظرها باستغرابه فتنة تحس المكان من حولها يهدا بسرعة سلطان فكها من حضنه بفجعة وهو يناظر ملامحها وحتى جسمها اللي ارتخى وبوسع عيونه/فتنة!!/مسكها من اكتافها وهو يحس انها بتطيح عليه بأي لحظة وهو يجلسها عالكنبة اللي وراها/ المصورة جرت للطاولة اللي بزاوية الغرفة وهي تجيب العطر سلطان جلس جنبها بصدمته وهو يناظرها مو عارف يتصرف كل اللي يردده/بِسْم الله عليك بِسْم الله بِسْم الله . {على باب القاعة} علا بعبايتها واقفة تناظره بتقطيبة جبينها وهي متكتفة سحايب وقفت عندهم بعبايتها ولثمتها وهي تناظرهم بخوف/وش فيه علي وش صاير!! علا التفتت لامها اللي وراها/مافيه شي يمّه مافيه شي!! سحايب وقفت وهي تناظره/فيك شي يمّه علي بابتسامة وهو يناظرها سحايب قطبت جبينها وهي تناظر شماغه/ماشاء الله شماغ!!وش هالزين ياعلي علي ضحك بخفة وهو خجلان ثم اشر على رقبته بطرف اصبعه سحايب تقدمت له وهي تنحني له شي بسيط وقفت وهي وصلتها ريحة العود وباستغراب وهي التفتت لعلا/مين عطاه الشماغ؟انتي؟ علا هزت راسها بلا سحايب ناظرت علي وهي ماتبي تكسر فرحته/يازينك ياعلي تهبل تهبل ماشاء الله على ولدي رجال ماشاء الله علي وهو يدها يديه بجيوبه ومشى للرجال بثقة وهو رافع راسه على غير عادته سحايب ناظرت علا/اتصلي بثابت ينتبه له لايكون احد يلعب عليه واحنا ماندري!! علا زفرت بضيق وهي بلغها علي من يكون/يمّه محد لعب عليه سحايب/علا اتصلي بثابت وبس/مشت/ علا/ابوي سحايب التفتت لها باستغراب/وش اللي ابوك!! علا بكره للي تقوله/ابوي اللي لبسه الشماغ وطيبه سحايب ضحكت/بلا استعباط علا علا/ومن متى استعبط بسالفة فيها ابوي يمّه!! . {منايا وبجاد} بجاد كاشخ ناوي يحضر الزواج وهو من الاساس ماجاته عزيمة لكن فضوله بيقتله لو ماحضر جالس بالصالة وهو ينتظرها تجهز وحوله عياله منايا وقفت عنده وهي لابسة عبايتها ولافة طرحتها وعلى كتفها حبل شنطة السهرة الخفيف اللي بنهايته الشنطة وبيدها كيس متوسط حجمه/يالله الصغار وقفوا بجاد/لحظة/سحب مفتاحه من الطاولة قدامه وهو يمده لسلطان/شغل السيارة وحط اختك بكرسيها الحين جاي منايا قطبت جبينها سلطان/ابشر يبه/اخذ المفتاح وهو يخرج مع خواته/ بجاد/افتحي عباتك اشوف منايا اتسعت عيونها/نعم!! بجاد بنظراته المحتدة لها/اللي سمعتيه!! منايا تافف وهي تفتح عبايتها بجاد تاملها بفستانها الابيض المخصر ع جسمها طويل وباكمامه الطويلة يغطيها ذهبها الثقيل 12بنجرة بيمينها وعقد ثقيل وطويل لتحت صدرها وحزام الذهب يلف خصرها وبكعب ذهبي وبقهرها/ارتحت!! بجاد تنهد وهو يوقف/كل شي عليك حلو منايا ابتسمت بغيظ واضح/مشكور/قفلت عبايتها/ بجاد قطب جبينه باستغراب وهو يناظر الكيس اللي معها/وليش هالكيس!! منايا وهي تلف طرحتها/غيارات لبناتك تعرف الصغار كيف بجاد بشك/جيبي اشوف منايا اتسعت عيونها للحظة وبغيظ/افتحي عبايتك ومشيتها بعد حتى الكيس مكذبني فيه!! بجاد بحدة/جيبيه!! منايا رمت الكيس عالارض/خذ!! بجاد احتدت نظرته منايا/لاتتعب نفسك فوق غيارات بناتك فستاني اللي بابدله هناك بعد بجاد اتسعت عيونه/وشو!!/انحنى بسرعة وهو يكب الكيس كله قطب جبينه وهو يشوف غيارات بناته فقط ناظرها باستغرابه/ منايا زفرت بضيقة/واضح ثقتك فيني كيف!!مشكور يابجاد مشكور/مشت بخطوات سريعة وهي تخرج/ بجاد زفر بهم وهو ظلمها هالمرة . ((السيارة)) سعد يسوق بالونيت وسط الصوت الشيلات اللي يغطي السيارة الـعـم يُسر بمكان الراكب مريم بينهم الـعـم يُسر قفل الصوت بانزعاج/صدعت بنا عسى عدوك للصداع سعد اتسعت عيونه/يبه انت تقول الليلة عيد واعمل ماتبي!! الـعـم يُسر/هونّت بنلقى ازود عندهم مريم ابتسمت سعد كشر بوجهه/ماعاد اخذ منك كلمة كل شوي براي لاصارت السالفة لي الـعـم يُسر اتسعت عيونه والتفت له وهو يمد يده من ورا مريم يوصل لسعد/اعقب ياسعيدان اعقب سعد يلصق نفسه بالباب مبتعد عن يد ابوه/يبه اسوق اسوق والله تذنب فينا تذنب ذنب كبير الـعـم يُسر وهو يسحب عكازه ويرجعه من ورا مريم ويدق سعد براسه سعد/اه اه اه الـعـم يُسر بغيظه/انت الذنب اي والله انت مريم رجعت ظهرها ورا وهي تثبت عكازه والتفتت الـعـم يُسر/يُسر!!خلاص عاد كل شي الا سعيدان الـعـم يُسر/ماتسمعينه يامريم!! مريم/وهو صادق تضربه وهو يسوق الذنب ذنبك لو نصدم سعد ابتسم برضا الـعـم يُسر تنحنح/هو مايعرف يسكت يرادد ابو لسان مريم تنهدت بزعل وهي تناظر لقدام سعد بيموت من الفرح وهو يعرف ابوه مايتحمل زعلها/اقول يبه مسموح اطيب خاطر مريومتك مريم ميلت فمها بابتسامة تحت نقابها الـعـم يُسر اللي زفر مجبور لعيونها/طيب خاطرها طيبه ياسعد سعد أخذ نفس بحب وهو يغني/أسـري عـلـى ديـرتـش.. والـلـيـل يـسـري بـي.. وأخـايـل وجـودش فـعـرض السـمـا قـمـرا.. يـابـاشـة الـغيـد جـيـتـش شـوق روفـي بـي.. وش حـيـلـتـي والـمـحـبـة فـالـحـشـا جـمـرة.. مـن قـبـل عـامـيـن وأنـا أشـوفـش بـغـيـبـ الـعـم يُسر قاطعه/اوص بس اوص مريم التفتت له/وش سوا الحين!! سعد تنهد/يبه وش مزعلك!! الـعـم يُسر/ماصخة مابها طعمن ابد سعد قطب جبينه/وش تبي اجل؟ الـعـم يُسر غنى/يـاسـعـد لـو تـشـوف الـشـيـب مـانـي بـشـايـب.. مريم ضحكت بخجل وهي تهمس له/يُسر!! الـعـم يُسر ابتسم من وصل له صوت ضحكتها/لابـسـات البـراقـع يـاسـعـد شـيـبـنـي.. سعد بغيظه/لا يبه هالكلام مااقوله ذَا اكبر مني قوله لحالكم مو قدامي مريم تغير وجهها باحراج الـعـم يُسر اتسعت عيونه/استح ياولد!! سعد/استحوا انتم يبه راعوا العزابي المجروح هينا!! مريم التفتت له/سعد!! سعد زاد سرعته/يارب نوصل بسرعة وش جابني معكم انا!! الـعـم يُسر/اعقب تبريت منا ياسعيدان!! سعد/السموحة يبه بس والله اني بديت اعرق مريم ضمت كفوفها وهي تحس باحراج فظيع الـعـم يُسر/اوقف اوقف والله ان تنزل وتكملها طرقي(على رجوله) سعد بوسع عيونه/ترميني يبه!! الـعـم يُسر/الحين البراقع استحيت منها وجيتش شوق ماحركت بك ذرة!!اعقب ياسعيدان اعقب!! . ((شقة نايف)) نايف دخل لغرفة النوم وهو يتجه لدولابه ياقوت بفستان باللون الاصفر مخصر ع جسمها لتحت الركبة باكمام شيفون طويلة رافعة شعرها ذيل حصان ولاكسسوارات باللون الفضي ويخالطه كرستالات اللون الفيروزي تطق برجلها عالارض بكعبها الفضي وهي تنتظره بالصالة بعبايتها المفتوحة وطرحتها على اكتافها وعيالها جالسين جنبها جاهزين قطبت جبينها وهي تناظره يمر بخطوات سريعة بدون اي كلام وقفت وهي تلحقه بنفس سرعته ودخلت وراه وباستغراب/وش فيك!!/اتسعت عيونها وهي تشوف ثوبه/وش صاير لك!! نايف نزل ثوبه وبتكشيرة على وجهه/جيبي لي كريم الحروق والصغار لايجون ياقوت خرجت بخطوات سريعة نايف دخل لدورة المياه ووقف قبال المغسلة وهو يشطف حروقه بخفة خرج من دورة المياه وهو يمد يده لها ياقوت وقفت عنده وبيديها قطن وكريمات حطت القطن بيده نايف نشف مكان الحروق بخفة ياقوت مسكته من يده وسحبته معها وهي تجلسه عالكرسي قبال التسريحة ووقفت ونزلت الكريمات عالتسريحة جنبها وتفتح الكريمات وتحط بطرف اصابعها وتمسح على صدره وبتكشيرة/وش اللي صار؟ نايف/شي بسيط ياقوت ناظرته بشك وهي تحط من الكريم ثاني نايف/بسيط يابنت الحلال ياقوت زفرت/هذا اول الليلة انحرقت الله يستر شوي وش بيصير نايف مسك يدها ورفعها/ياقوت!! ياقوت ناظرته/اااه وش فيك نايف/الا مصرة تنكدين فرحتي!! ياقوت/وهذا الصدق رحت لهم ساعتين رجعت لي محروق الله يستر من باقي الليلة!! نايف ناظرها بحدة وسحب الكريم من يدها ثم ناظر مراية التسريحة يحط لنفسه/خذي المفتاح وانزلوا الحين أنا وراكم ياقوت تناظره بزعل نايف ناظرها/وش فيك واقفة!!انزلوا ياقوت خرجت وهي تقفل الباب وراها بكل قوتها . ((السيارة)) سعد وقف عند مدخل الرجال الـعـم يُسر فتح الباب وهو يناظره/انا بأنتظرك حتى ندخل سوا لاتبطي علي سعد هز راسه/ابشر يبه ابشر الـعـم يُسر نزل وهو يقفل الباب وراه سعد خرج بالسيارة وهو يلف القاعة ويوقف عند مدخل النساء مريم/ها ماانت ناوي اشوف لك مزيونة؟ سعد تنهد/عزالله اني قتيل والهوى خنجرٍ متربع بوسط قلبي مريم/العشق ذبحك ياولد الله يستر عليك من نهايته الله يستر سعد/لا مـاهـو بذابحني الموت لامرت من عندي وعرفتها يامريومتي هذا الموت والله مريم تنهدت/الله يصلحك ياسعد الله يصلحك متى تتوب سعد/وين اتوب وانا بكل لحظة طيفها ملازمني عز الله اني قتيل والهوى سيافي مريم هزت راسها بياس منه وفتحت الباب وهي تنزل/فمان الله/قفلت الباب وهي تطلع درج مدخل القاعة/ سعد واقف وهو ينتظرها تدخل مريم تطلع الدرج التفتت لسعد تتاكد من وجوده ابتسمت وهي تناظره موجود كعادته مايحرك الى مايتاكد انها دخلت اشرت له بيدها بمعنى روح انخطف وجهها واختفت ابتسامتها بردت عظامها وارتجفت برعب وهي تناظر المجموعة اللي داخل السيارة اللي مرت من قبالها جلست وهي تحس بثقل رجولها وانفاسها ضاقت سعد قطب جبينه باستغراب وهو يناظرها تجلس فتح باب السيارة وهو ينزل ومن مكانه/عمة؟ مريم شدت على عبايتها برعبها وهي تدعي ماينطق اسمها بهاللحظة سعد شك بوضعها وهو يتجه له بخطوات سريعة وبتوتر وهو يجلس عندها/عمة وش فيك؟عسى ماشر مريم مسكته من يده بيدها اللي ترجف بوضوح سعد اتسعت عيونه بصدمة مريم ضغطت على يده وبرجفة صوتها/سعد تكفى ياسعد خذني من هينا تكفى!! . ((السيارة)) نايف ركب السيارة وهو يسمي بينه وبين نفسه ابتسم وهو يناظر عياله بالمراية جالسين ورا قطب جبينه وهو يشوف عيال جوهرة زفر وهو يشغل السيارة ياقوت/لحظة نايف ناظرها باستغراب جوهرة فتحت الباب وركبت نايف اتسعت عيونه وهو يناظر ياقوت جوهرة تكتفت وهي تحط رجل على رجل ياقوت وهي تناظره/مشينا نايف قطب جبينه/اختك وين رايحة؟ ياقوت/وين يعني العرس نايف/وشو!! جوهرة زفرت/وش فيه زوجك بعد؟!! نايف بملامحه المحتدة/هي بالعدة للحين ياقوت/واذا؟!! نايف بصدمة/وش اللي واذا؟!!قولي لها تنزل!! ياقوت اتسعت عيونها/تطرد اختي؟!! جوهرة اللي سمعت كلام ياقوت اتسعت عيونها/مين اللي يطردني ان شاء الله!! نايف بحدة/واطردك معها بعد ياقوت بصدمة/نايف!! نايف/ماعندي استعداد اتحمل ذنب واضح وصريح حكمه!!وفوقها روحتها ذي بتجر لي مشاكل انا بغنى عنها!! ياقوت/وانت اش عليك منها امش!!/صدت بوجهها عنه/ نايف التفت لها وبلغة الاشارة/انزلي لا أنزلك انا سمو ومجد التفتوا لجوهرة يناظرونها جوهرة قطبت جبينها مو فاهمته سمو/بابا يقول انزلي خالة او ينزلك هو ياقوت التفتت وبصراخ/ناااايف!! نايف ناظر ياقوت بعيونه الجاحظة من غيظه/وانتي انزلي معها مافي زواج مو هم غاثينك ليش تحضرين!! ياقوت عضت شفتها بقهر منه جوهرة/وع مالت عليك اي والله من زين سيارتك عاد نايف اللي ناظر سمو اللي تعلمه وش قالت جوهرة التفت لها بوسع عيونه من وقاحتها نزل بعصبيته وهو يفتح الباب وسحبها من يدها خرجها من سيارته بالقوة ياقوت شهقت وهي تنزل من السيارة عيال جوهرة نزلوا نايف لف عنها بيمشي جوهرة بصراخ/هيه انت خف علينا فوق شينك قواة عينك!!شايف نفسك علينا ليش!!! نايف التفت لها ثم ناظر ياقوت بتهديد/والله لولا الخوف من الله دفنتها ودفنتك معها ياقوت بلعت ريقها برعب وهي لاول مرة يتصرف بهالطريقة نايف/علمي اختك الدين اذا ماتعرف وانثبروا بالبيت اعرف اللي ينغث من ناس مايقرب حتى ديارهم وانتم اول الحاضرين!!وش هالخلق/مشى/ جوهرة انحنت وهي تاخذ من التراب وضربته بظهره نايف وقف وهو يشد ع قبضته بغبنة جوهرة/على ايش شايف نفسك انت يارولز رويس ترا كلها خردة هاللي معك ومن خير اختي مـاهـو من خيرك ياقوت مسكتها من يدها/جوهرة!! نايف اخذ نفس وهو يكبح نفسه لايضربها جوهرة سحبت يدها وهي تناظرها/ابعدي عني بس محد معطيه على جوه كثرك شوفي وش نهاية الخير بالناس الغلط نايف كمّل طريقه بخطوات سريعة وهو يركب سيارته ويحرك بسرعة جنونية تاركهم ياقوت بعصبية/خلاص جوهرة خلاص!! جوهرة وهي تفتح جوالها/اقرب سيارة بدون حاجة له الله لايشكر له فضل وع ياقوت/امشي البيت مابنحضر جوهرة ناظرتها/نعم!!!ماالت عليك يمشي كلامه عليك اجلسي انتي في بيتك انا حاضرة حاضرة . {الـقـاعـة} {جـنـاح الـعـروس} فتنة صحصحت شوي جالسة منزلة عينها بالارض ماتناظره بخجل واحراج بنفس الوقت من اللي صار سلطان رامي بشته على طرف الكنبة وهو جالس جنبها حاط الاكل اللي جابته عجايب عالطاولة قبالهم عجايب واقفة قبالها انحنت وهي تقرب الطاولة لفتنة اكثر/اكيد نزل الضغط معك كلي حبيبتي اهم شي صحتك سلطان تنهد وهو يناظرها مااكلت شي ثم ناظر عجايب/عجايب نادي عمتي فتنة اتسعت عيونها ورفعت راسها له/لا //ناظروها باستغراب// فتنة توترت من نظراتهم ونزلت عيونها بسرعة عجايب قامت وهي تجلس جنب فتنة وهمست باذنها/لايغرك عرض اكتافه ترا قلبه رهيّف بغى يموت علي قبل شوي انهبل يدور بمكانه مايدري وش يسوي بالله عليك ذَا العريض يعطي انه يخاف!! فتنة كتمت ضحكتها وهي تمرر نظرها على سلطان سلطان قطب جبينه وهو يمد قبضة يمينه المفرودة سبابتها لعجايب المقابلة له وهو يدفها من جبهتها/هيه انتي لاتخربينها علي امسكي لسانك عجايب شهقت/انا خراب!!مو بعيد عنك هالكلام ياولد سدول ايه العجوز لاعبة براسك ولا انا ضعيفة ومسكينة الله يحفظني لكم يالمتسلطين الظالمين!! سلطان كشر/مين المسكينة انتي!!والله ماالوم جدتي ياطول لساااانك طولاه فتنة ضحكت بخفة سلطان تنهد براحة/ضحك القمر فتنة احتقن وجهها باللون الاحمر وهي تنزل راسها عجايب وقفت/عاد اتركم على راحتكم كملوا تصوير وش ذَا ماصارت صور!!/ناظرت سلطان/تعال سلطان وقف وهو يمشي وراها عجايب وقفت عالباب وبهمس/هيه انت وش فيك مشفوح شوي شوي روعت البنت!! سلطان اتسعت عيونه/والله ماسويت شي!! عجايب تقلده/ضحك القمر!! سلطان كشر وهو يناظرها بغيظه عجايب/اصبر اصبر شوي الى ماتاخذ عليك وانت داخل حامي سلطان خجل من كلامها/والله انك ماتستحين صدق ماالوم جدتي فيك عجايب بحدة من بين اسنانها/تقول حضنتها بس وشف وش صار لها!!الزم حدودك لايضرب الضغط معها وتجيبها جلطة عاد وش يفكك من اهلها سلطان وهو يدفها من كتفها بخفة/اقول امشي امشي ماتعرفين تسكتين انتي امشي بس امشي عجايب اتسعت عيونها/تطردني سلطان وهو بحرك الباب بيقفله/توكلي ارقصي توكلي لاتصيحين علي بكرة تقولين اشغلتك ماخليتك ترقصين/قفل الباب بوجهها/ فتنة تناظرهم بابتسامة سلطان زفر بصوت/لااله الا الله/التقت عينه بعينها وابتسم/ فتنة شالت عيونها بسرعة عنه سلطان اتجه لها وجلس جنبها فتنة نزلت عيونها وهي ماتدري وشلون تتصرف سلطان مد يده للاكل ويقطع من المعجنات قطعة وهو يمده لوجهها وضربت اللقمة بطرف انفها كشرت بوجهها وهي ماناظرته سلطان/اوه اسف فتنة ناظرت يده ومدت يدها واخذت اللقمة سلطان تنهد براحة وهو يناظر مبادرتها مد يده لكاسة العصير وهو يمدها لها ويضربها بطرف انفها من جديد فتنة ناظرته هالمرة وبانزعاج سلطان ابتسم/الحمدلله مابغيتي تناظريني!! فتنة رمشت سلطان/عاد مـاهـو بذنبي اذا السيف المسلول يعترض طريق يدي!! فتنة بلعت ريقها وهي تنزل عيونها سلطان نزل العصير وهو يمد يده لاسفل فكها ويرفع راسها له فتنة ناظرته بتوتر سلطان/ناظريني زين مو بكرة تقولين ماابيه فتنة رمشت بسرعة سلطان قرب وجهه منها فتنة رجعت لورا سلطان/شوفي عـيـونـي خشمي تفاصيلي كلها حتى مشيتي امشي قدامك الحين اذا فيه اعتراض الحين قوليه فتنة ماردت سلطان بثقة/ولو اني داري كامل والكامل الله فتنة اتسعت عيونها من ثقته سلطان اتسعت عيونه وهو يناظره/كانك معترضة!! فتنة بهمس/لا مو قصدي والله بس سلطان ضحك فتنة ناظرته بتكشيرة سلطان تنهد وهو يضم كفها بين كفوفه وبابتسامة/من الليلة انتي فتنة سلطان ابشري بحقك اصونك والروح قبل العين تفداك،تحت جناحي معززة مكرمة ماتكسر لك كلمة ولاتنهان لك كرامة فتنة امتلت عيونها دموع وهي تسمع كلامه سلطان زفر بابتسامة/والله يقدرني واكون سلطان لفتنة مثل ماصرتي من هالليلة فتنة لسلطان فتنة اللي وصلت لها مشاعره الدافية الصادقة كم كلمة كانت بحاجتها انسابت بسلاسة من فمه وتغلغت لاعماق قلبها المجروح طاحت دموعها غصب سلطان مسك طرف شماغه وهو يمسح دموعها بخفة/عسى هالدموع مااشوفها الا باقصى افراحك يافتنتي//ضمها بحب وحنان لصدره/ فتنة ماقاومته ابد من غرقانها بفيض مشاعره اللطيفة سلطان مسح على ظهرها بخفة/الله يديمك لي يالعمر الجديد عمر فتنةرفعت يدها بتردد المصورة فتحت الباب ودخلت/كيفك ياعروسة الحين فتنة نزلت يدها بسرعة سلطان بهمس وصل لفتنة وكله حلطمة/الله يسلط عليك متسلطين علينا الليلة!! فتنة ضحكت بخفة وهي بحضنه . اللهم صل وسلم على نبينا محمد . #سلطان_الهوى_يافتنة_الألفية | ||||
|
| |
|
30-09-22, 10:05 PM
| #53 | ||||
| بارت مهم مريم هل تقرب لابو قتنة وهربت او تزوجت غصب عن اخوها هل تكون مريم هي ام نايف مو متاكده من اسمه المجهول النسب اتوقع تكون متملكة وجابت ولد واخوها قطه او هي قطته اخفته عن اخوها علشان مايقتله مع اني اشوف مريم صغيرة بالعمر ليش في الموقف شافه الي واكبين السياوة الي مرت وليس رات وجه تعرفه في السيارة الي مرت | ||||
|
| |
|
03-10-22, 11:18 PM
| #54 | ||||
| 21 سبحان الله وبحمده سبحان الله العظيم - . ((السيارة)) سعد يسوق بسرعة باتجاه اقرب مستشفى وهو مايدّل المنطقة زين مريم هدت بعد اللي صار من شوي همست/سعد سعد بخوفه وهو يلتفت لها لحظة ويرجع عيونه عالطريق لحظة/عمة وشلونك الحين!! مريم/ارجع بي للقاعة سعد اتسعت عيونه/لا والله مشينا نشوف وش اللي صابك مريم زفرت/رجعني مابي حيل اجادلك سعد/بس مريم قاطعته/الضغط نزل معي شوي سعد قطب جبينه بعدم اقتناعه/نتطمن اول وبعده يصير خير مريم مسكت يده/رجعنا لاتخرب فرحة ابوك ياسعد سعد/والله لو يدري ابوي مريم قاطعته/مابيدري سعد بنرفزة/بس ياعمة مريم قاطعته/لاتبسبس لي قلت لك ضغط سعد/والله ابوي غيّرك بالحيل بالحيل ياعمة مريم/يومك تدري رجعني سعد/ابشري لكن بأعلمه مريم اتسعت عيونها/سعد!! سعد/ياأعلمه يانروح نشوف الضغط بالاول . {الـقـاعـة} ام فواز زفرت بضيق وهو حرقة الجوال ولا رد ارسلت رسالة دقايق واتصل فواز/سمي ام فواز بحدة/يعني ماترد الا اذا هددتك فواز زفر بضحكة خفيفة/وش تبين فيني والكل عندك!! ام فواز/متى ناوي تعقل!!اخوك الحين بحاجتك فواز قطب جبينه/اي اخو!! ام فواز بحدة/فواااز فواز/هالاخو اللي تقصدينه تو مهديني كف والله مايمر له مرور الكرام ياام سلطان ام فواز زفرت بضيق على وضعهم/فواز ماودي اعاتب واتكلم اكثر فواز قاطعها/ماني بحاضر يمّه ماني بحاضر ام فواز/فواز هذا وقت وقفتك معه وماهي باي وقفة الليلة اجمل الوقفات واحبّها فواز بغبنة/احضر له وهو ماحشمني ام فواز/تبي تسمع ردي يافواز عاللي تقوله!! فواز سكت بقهر ام فواز/ماابي اسمع انك ماانت بموجود بهالليلة سمعت/قفلت بوجهه ابتسمت وهي تحيي بضيوفها/ . {جـنـاح الـعـروس} سلطان ينفذ حركات المصورة وهو عاجبه الطلب لكن مستثقل وجودها اللي يرتسم على هيئة انزعاج ويوضح عليه ببعض اللحظات فتنة الخجولة تتسع عيونها بتهديد المصورة كل ماطلبت منهم طلب بدون اي اهتمام منها وهي مستمرة بالتصوير ام عمر دقت الباب ثم فتحته بابتسامة/حياك الله حياك فتنة التفتت تناظر امها بتقطيبة جبينها ام عمر/تفضل يابو عمر حياك فتنة ارتفعت حواجبها باستغراب من دخلته عندها سلطان ابتسم وهو يسرع بخطواته للباب/حياك ياعم حياك/سلم عليه/ ابو عمر دخل/السلام عليكم/كمّل طريقه وهو يوقف قبالها وناظرها بفستانها الابيض للحظات/ فتنة قطبت جبينها باستغراب من نظرته ام عمر بربكة/كبرت الله يحفظها خلاص كبرت وطلعت من جناحك ياعبدالله خلاص فتنة كتمت ضحكتها بسخرية ابو عمر مد يده لها سلطان استغرب للحظة لكن عذرهم بعدم الميانة مثله فتنة ناظرت يده ثم ناظرته ام عمر وقفت جنب فتنة/سلمي على ابوك فتنة التفتت لامها وعيونها تنطق بالرفض ام عمر ضحكت وهي تدف فتنة بخفة/سلمي على ابوك فتنة مدت يدها تصافحه غصب ابو عمر نزل راسه لها فتنة احتدت نظرتها سلطان قطب جبينه انتبه لنظراتها فتنة انتبهت لسلطان وابتسمت تحاول تخفي مشاعرها وباست راسه ابو عمر/مبروك/التفت لسلطان/مبروك عليك مبروك سلطان/الله يبارك فيك ياعم ابو عمر زفر/عاد استاذنكم سلطان/وين ياعم تصور معنا بالاول!! ابو عمر/لا مااحب الصور والتصوير فتنة كشرت بوجهها بقهر من كلامه اللي يدل مايبي يتصور معها حتى بهاليوم ياكد لها كرهه سلطان باصرار/مايصير ياعم لازم تتصور فتنة/اتركه على راحته ابو عمر احتدت نظرته سلطان انصدم منها وناظرها ابو عمر/عن اذنكم/خرج/ ام عمر باحراج/كلنا نعرف ان ابو عمر مايحب التصوير فلا تاخذ بخاطرك ياسلطان سلطان/حصل خير ياعمة حصل خير ام عمر مشت وخرجت فتنة ناظرت المصورة بملامحها المغتاظة/كملي تصوير بسرعة سلطان اخذ بشته/يالله فمان الله فتنة ماردت ولاناظرته وهي تغلي من داخلها سلطان تنهد وهو تاكد من شكه بوجود شي بينهم وخرج . الـعـم يُسر واقف عند مدخل القاعة ينتظره زفر بضيق والتفت يدخل للقاعة وبنفسه وهو يرسم ابتسامة بالقوة على وجهه يخفي تعصيبته/هين ياسعيدان هين وين تروح عني/احتدت نظرته وهو يشد على عكازه بكل قوته يكبح غيظه وعينه عاللي واقف قباله تجاوزه متجاهل اليد اللي امتدت بنية المصافحة وهو يرسم ابتسامة عريض وعينه على ابو فواز وبصوته الجهوري/مبروك ياعساه مبروك يااول الافراح اقبلي بالخير الوفير اللي ماوراه جدب ابو فواز ابتسامته/الله يبارك فيك ياحيك يابو حمد الله يحييك الـعـم يُسر بعد السلام وهو عيونه تدور بين الحضور/وينه العريس؟ ابو فواز/عند اهله شوي ويجي ان شاء الله الـعـم يُسر بابتسامة/الله يهنيه الله يهنيه . {الحريم} منايا واقفة قبالها وهي تمد لها الكيس اللي نزلت فيه ذهبها ولبست بداله اكسسوار باللون الفضي البق لها من الذهب اللي رفع ضغطها بجاد فيه الجدة سدول جالسة عالكرسي بمدخل القاعة تستقبل الضيوف وبوسع عيونها/وين اوديه!!ذا واجد ان صابه شي بكرة العلة يشتكيني وش يفكني منه!! منايا بغيظ/مايسويها بجاد وانتي تدرين ياجدة!! الجدة سدول/ايه تقولينه وهو منايا قاطعته/جدة!! الجدة سدول احتدت نظرتها/مايزعل الصدق وثم لاترفعين صوتك علي!! منايا زفرت وهي تصد/استغفر الله العظيم الجدة سدول مدت يدها/جيبيه لكن ان ضاع مااسمع لك صوت ها سمعتي منايا حطت الكيس بيد جدتها/مابقول شي تطمني!! عجايب وقفت عندهم بابتسامة/هلا منايا حياك منايا التفتت بابتسامة وهي تسلم عليها/الله يحييك يالقاطعة عجايب همست باذنها/ام زوجك عيونها علينا انتبهي منايا ناظرتها وضحكت/ويعني!! عجايب ابتسمت/الحمدلله ان فيه ذيبة منّا!! الجدة سدول/عجايب اسكتي عجايب ناظرت جدتها/بالله ياجدة ناظري وساعة الوجه جايين من بدري مدري وش وراهم!! الجدة سدول بحدة/الله يحييهم وثم مـاهـو بدري اصبحنا!! عجايب بعباطة/اجيب لك الفراش منايا ضحكت بصوت عالي الجدة سدول رفعت عكازها عجايب جرت لداخل القاعة الجدة سدول ضربت منايا/عاجبك هاللي تقوله ماشاء الله عليك!! منايا زفرت/خليني اضحك ياجدة من زمان ماضحكت الجدة سدول قطبت جبينها/وش وراك يالمُنية؟ منايا ناظرت بناتها اللي يرقصون قبالها بالمساحة الخالية وابتسمت/وراي هم عن اذنك ياجدة/مشت/ الجدة سدول زفرت بضيق وهي تناظرها ثم ابتسمت وهي توقف وترحب الضيوف الداخلين عجايب وقفت قبال العاملة وهي تاخذ من يدها ترامس القهوة والشاهي ومشت وهي رافعة طرف انفها باتجاه معين ذهب اتسعت عيونها وهي تناظرها شدت سجايا/روحي جيبي امك بسرعة سجايا ابتسمت/روحي انتي/وجرت قبلها متجهة لعجايب/ ذهب انتفض قلبها واسرعت بخطواتها الاقرب للجري ولولا حياها كان صرخت بكل مافيها تناديها وبخوفها/يمّه يمّه الله يستر الله يستر!! ام راضي احتدت نظرتها وهي تناظرها عجايب وقفت عند طاولتهم وهي تنزل الترامس وبابتسامة/ياأهلاً وسهلا حياكم الله نوروتونا عزيزة تناظرها بنظرات محتدة عجايب بابتسامة بدون سلام ومصافحة/الحمدلله عالسلامة خالة عايشة اجر ان شاء الله وتكفير عن ذنوبك الله يغفر لنا ويغفر لك يارب عزيزة بحدة/هيه انتي وش تبين!!ميتة غيرة وحقد محروقة منا مو قادرة ترتاحين جاية الى حدنا تدورين مشاكل!! عجايب بضحكة/نعم!!/ضحكت بصوت عالي/مين الغيران والحاقد!! سجايا وقفت جنبها بحماس عجايب التفتت لسجايا بضحكة/انا غيرانة وحاقدة تصدقين!! سجايا رجعت يدها من ورا عجايب وتضمها لحضنها وهم جنب بعض وتمرر نظرها على ام راضي وعزيزة/ياعمري عليك يااختي دايم مظلومة الله عالظالم الله فوق عزيزة وقفت وبعصبية/وش قصدك!!بوش ظلمناك!! سجايا فزت/يمّه بِسْم الله عجايب وهي تحاوط يد سجايا وبسخرية/يمّه بِسْم الله عليك/ناظرت عزيزة/والله انا بس جيت اتحمد بالسلامة وارحب بكم يعلم الله عزيزة/الله لايحييك عجايب/افا افا ليش الغلط بس افا!!يالله ماعليه بعد الاكلة من يديني ماتنلامين بالزعل والله ام راضي وقفت وبحدة/هاذي نهاية تربية ام سلطان!! عجايب شهقت/استغفر الله العظيم توني اقول الحمدلله على سلامتك والله يحييك ياخالة عيب والله عيب هالكلام يعني الغلط مايعرف لكم طريق بِسْم الله عليكم!! سجايا ضحكت ام راضي رجعت كرسيها وهي تدفه لورا بتمشي سدول وقفت عند ام راضي بابتسامة وهي تمسكها من يدها/حياك الله ياعمة/سلمت عليها وناظرت عجايب وسجايا بحدة/امي تبيكم ضروري سجايا/والف الصلاة والسلام عليك ياحبيب الله محمد //زغرطوا مع بعض ومشوا// عجايب رفعت صوتها/وعين الحسود فيها مية عود سجايا زغرطت عجايب/ومنقوع بملح بعد سجايا/اااامممميييييننن ام راضي دفت سدول ومشت بخطواتها السريعة عزيزة مشت وراها سدول اسرعت بخطواتها ورا عمتها/ياعمة لحظة ياعمة ام راضي مرت من قبال الجدة سدول الجدة سدول ولا بذلت اي مجهود بتوقيفها والترحيب فيها وبصوت مسموع للي حولها وهي تناظرها تبتعد/درب يسد مايرد ام راضي وقفت قبال عاملة وهي تمد الكرت واخذت عبايتها سدول/استهدي بالله ياعمة مايصير اللي تسوينه ام راضي التفتت وهي تناظرها بحدة/لولا عمك ماحضرت ابد ومن زود ماانتوا طايرين بالفرحة السقيمة ذي نسيتوا الناس ومقاماتهم سدول احتدت نظرتها ام راضي زفرت بغيظها/هه فوق اهانات امك يستقبلوني خواتك بعد!!وش قلة الحيا ذي!! سدول/خواتي متربيات احسن تربية ياعمة ام راضي اتسعت عيونها سدول/وامي ابد مااهانتك لو بكلمة واي ام بالدنيا ماترضى على عيالها مثلك ياعمة ام راضيبعصبية/وبعد تغلطين علي!! سدول/وفرحتنا تسوى افراحكم مية مرة مابه سقم ولا حزن بعد اليوم!!وكلن يذوق من نفس الكاس والدنيا دوارة ياعمة دوارة وياشينها لادارت عليك ام راضي بحدة/ايه ايه طلع ريشك وكبر راسك لكن بكرة مابينفعك احد كلهم بيتركونك وتقعدين انتي وبزرك بكبودهم وكلن يرميك عالثاني سدول/حتى لو طحت بكبودهم اهلي والبزر بيطيح بكبدك انتي وولدك!! ام راضي/نعم!! سدول ناظرتها بحدة/هذا الصدق!! ام راضي/لايكون حاطة براسك انه بهالحركات بيموت من دونك!!لاحبيبتي شوفيه هذا هو مستانس ولا هزيتي منه شعرة!! سدول ضحكت بسخرية ام راضي كشرت بغيظ سدول/الله يزيده وناسة وفرح عاد الخاطر اليوم من الفرحة بسلطان يقول وين اوزع الفرح ونويت ازيد وناسة ساجي وارجع له ام راضي انصدمت عزيزة بوسع عيونها وبصوت عالي/نعم!!! سدول/الله يقدرني وافرحكم اكثر يارب سحايب اللي بالجهة المقابلة رفعت صوتها/سدول سدول التفتت/عن اذنكم/مشت وتركتهم/ عزيزة بغبنة وهي تقفل عباية امها/وجع ينهشها وماتحصل له علاج يارب شوفي يمّه شوفي وشلون سفهتنا ومشت!!قوت قوت وهي عند اهلها لكن هين ترجع وتشوف والله لااطفشها وانا بنت ابوي والله!!مصيبة مصيبة تصيبهم كلهم وجع!! سدول وقفت قبال سحايب بابتسامة شاحبة ومسكت يدها سحايب قطبت جبينها وهي تحس برجفتها/وش فيك؟!! سدول مشت وهي تلف عن مجال نظرهم وجلست عالارض من رجفتها سحايب بفجعة/بِسْم الله وش فيك؟فيك شي يوجعك شي؟ سدول هزت راسها بلا/شوي صبر شوي سحايب/اهدي باجيب لك موية مو زين تتوترين بوضعك ذَا مو زين الله يهديك/مش بخطوات سريعة/ سدول جلست بهدوء وهي تلقط انفاسها تهدي هالخوف اللي احتواها . {عند فـتـنـة} موج فتحت الباب بالمفتاح اللي اخذته من ام عمر وميلت راسها من ورا الباب بهدوء وبابتسامة/السلام عليكم فتنة جالسة عالكنبة وبالغرفة لوحدها وبدا يتسلل الملل لقلبها شوي ابتسمت من شافتها ووقفت وهي ترفع فستانها وتجري لها/موووج موج دخلت بضحكة من ردة فعلها فتنة وقفت قبالها تناظرها بغيظ/متاخرة وتضحكين!! موج/اضحك من الزين اللي قدامي فتنة ضربتها على كتفها/جاية جاية وانتي تكذبين علي!! موج بتكشيرة/وش اسوي طيب ابوي وقف لي وش بينك وبين زوجك ماشفته للحين!! فتنة ناظرتها بتقطيبة جبينها/وكيف تركك تحضرين موج غمزت لها/ابوي دمعتين تجيب قلبه فتنة زفرت بابتسامة/هنيا لك ياموج الله يخليه لك انا مارضى حتى يتصور معي موج تناظرها باستغراب/ليش!! فتنة ضحكت/مايحب التصوير!! موج تنهدت ماعرفت ترد فتنة ضمتها المهم جيتي اخيرا جيتي مابغيتي يابنت مابغيتي . {الـرجـال} سلطان داخل للقاعة وهو يوقف جنب ابوه ابو فواز غير مكانه لمدخل القاعة بعد ماكان متوسطها اول ماتوافد المعازيم بعكس توقعه(مستحيل احد يحضر له) سلطان بابتسامة/يازين الصف وازينه اوله الـعـم يُسر وقف واتجه له بابتسامة/ياحيه ياحي سلطان هلا بالعريس ياهلا سلطان بابتسامة/الله يحييك ياعم ياهلا هلا بك حياك الله الـعـم يُسر سلم عليه بحرارة وهو يبارك سعد دخل بوسط انفاسه السريعة وخطواته الاسرع وقف وهو يناظر ابوه وسلطان اللي عن يمينه الـعـم يُسر احتدت نظرته لسعد سعد يتحاشى نظرات ابوه وهو يسلم على سلطان/هلا ياهلا مرحبا مبروك مبروك الف الف مبروك منك المال ومنها العيال ياسلطان الله يتمم لك على خير الله يتمم لك على خير/انتبه لثوب سلطان من عند صدره/ سلطان بيبعد عنه سعد ظل ماسكه وهو يهمس باذنه/ياولد فضحت عمرك بعمرك سلطان قطب جبينه/وش فيه!! سعد التفتت وانجلط من شماغه المبقع بمكياج/مابك صبر !! سلطان ضحك من فهم عليه وباستعباط/عن ويش اصبر!! سعد تركه بوسع عيونه وسط وجهه اللي تغير من احراجه ومن بين اسنانه/والله انها فضيحةٍ لك وسط الرجال سلطان بابتسامة وهو يناظر احراجه/حلالي!! سعد يناظره باحراجه ماعرف يرد سحب شماغ سلطان وهو ينزل شماغه/خذ بس خذ سلطان ضحك/حليت ذي والثوب طيب؟ سعد/اروح اشري لك ثوب الحين الـعـم يُسر مسكه من يده/انت ماشي ماشي هاه!!والله ماتروح يالدجة!! سعد/ماني برايح غير ضرورة ماني برايح سلطان بابتسامة/يكثر خيرك ويزيد فضلك ماعليك مسنع اموري لاتشيل هم سعد/اجل امش وبدله وش ذَا كلن شافك سلطان/محد غيرك شاف وتكلم سعد كشر بغيظ/وش تقصد؟ الـعـم يُسر/يقصد اترك عنك اللقافة/مسكه من اذنه وسحبه وهو يمشي معه/ سلطان ابتسم وهو يناظر حلطمت سعد وابوه زفر وهو يلتفت لابوه/يبه بابدل وراجع ابو فواز/على راحتك سلطان تنهد وهو يخرج من القاعة ويتجه لسيارة ثابت سعد بحلطمة وهو يفك يد ابوه ويحاوطها بيده بقوة الـعـم يُسر بوسع عيونه/ابو حمد ياسعيدان!! سعد بزعل/يبه عاد مردغني واجلد بي جلد الويل لكن مو بين الرجال الـعـم يُسر زفر وهو يناظره وسكت سعد/عاد انت ماتسويها بين الرجال ابد وش فيك الليلة؟/اتسعت عيونه وبخوف/لايكون ضغطك منخفض بعد!! الـعـم يُسر ناظره بِشك/من اللي ضغطه منخفض ياسعد؟ سعد بربكة/محد الـعـم يُسر جلس عالكنبة وهو يلتفت له وبحدة/سعد؟ سعد/انا انا يبه ماتشوفني ابطيت عنك الـعـم يُسر بخوف وهو يوقف ويمسكه من يديه/ولد بك شي يوجعك شي سعد ابتسم وهو يسلم على يدين ابوه/أمزح يبه مابي الا العافية الـعـم يُسر كشر بوجهه وهو يسحب يديه من سعد وبغيظ/لاتروعني ياسعيدان سعد سلم على راس ابوه/السموحة يبه السموحة الـعـم يُسر جلس وهو مايناظره سعد جلس جنب ابوه/ياابو حمد لاتزعل علينا والله مانقوى زعلك الـعـم يُسر التفت له وبجدية/ولد ياسعد سعد/ابشر يابعد راس سعد الـعـم يُسر/للحين تسوي سواياك اللي انا خابر سعد قطب جبينه/وشو يبه؟ الـعـم يُسر/السيارات سعد/بعد جلدك مالمست سيارة!! الـعـم يُسر/الليلة مسموح سعد اتسعت عيونه/هاه!! الـعـم يُسر وهو يناظر الواقف/ابيه يتنقع هو واهله الليلةً سعد ابتسمت بشوق لطيشه القديم/ابشر ياابو حمد علمني من هو وعلي الطلاق ان اخليه يوسوس الليلة الـعـم يُسر بغيظ/تزوج بالاول ثم لاعاد تنطق هالكلمة سمعت . {مواقف القاعة الخلفية} سلطان وقف وسط نظرته اللي احتدت وهو يناظره فواز يمشي وهو يلعب بسبحته بين يديه وبابتسامة/لاتحسب اني جيت لخاطرك!! سلطان ميل فمه بسخرية فواز/امي حلفت علي سلطان مشى/ماسالتك ولا ابي اعرف فواز/عشان بس لاتغتر ولا يطيح براسك شي غلط سلطان/ماعاد يهمني ياولد جابر فواز وقف وسط تكشيرة ارتسمت على وجهه/نعم!! سلطان مر من جنبه والتفت له وبسخرية/الحشيمة لغير اهلها مذلة/كمّل طريقه/ فواز اسرع بخطواته وهو يتجه للقاعة ويصبر نفسه/لولا امي ماجيت لولا امي ماجيت . دخلت للقاعة وهي تحس برجفة بيديها اتجهت لدورة المياه بعد السؤال عنها ودخلت لاحدها وهي تاخذ انفاسها نزلت عبايتها وطرحتها بفستان باللون الرمادي ساتر يزيد جمالها الهادي وقار فتحت شعرها اللي لامته كعكة وهي تلبس البرقع وترفع الطرحة من فوقها اللي انسدلت اطرافها عن يمين ويسار اكتافها خرجت وهي توقف قبال المرايات العريضة تناظر شكلها وترتبه بعد اللي سوته خرجت من دورة المياه اتجهت للعاملة المسؤولة عن العبايات وهي تعطيها عبايتها التفتت للصالة وهي تناظر مدخلها اللي يبعد عنها امتار معدودة اخذت نفس وهي تتجه للصالة مشت ورا البنت اللي قدامها بمحاولة منها تخفف الانظار عنها رغد اللي قبالها دخلت للصالة بفستانها اللحمي المنتصف فخذها بنهايته طبقة وحيدة من التل المكشكش،بقصة سبعة من عالصدر ،باكمامه الطويلة الشفافة ونهاية الاكمام مطابقة لنهاية الفستان من اسفل مكشكشة بطبقة صغيرة من التل،ماسك لحد الصدر ومنسدل باقيه اللي واضح معه بروز حملها البسيط وكاشف عن ظهرها باكمله ،بخيوط طولية على كامل الفستان باللمعة الفضية بكعبها البيج العالي وشعرها المرفوع ذيل حصان وبف بسيط من مقدمة شعرها بمكياج ثقيل يعاكس نعومة فستانها ابتسمت وهي تتجه لام عمر الجدة سدول اللي قبالهم بمسافة بسيطة تناظرها من فوق لتحت بعدم رضا عالمنظر مريم وقفت قبالها بابتسامة من تحت برقعها/ام سلطان؟ الجدة سدول وقفت/لا بالله جدته ياحيها مريم سلمت عليها بحرارة وسط تبريكاتها الصادقة/الف الف مبروك الله يتمم له على خير معك ام سعد الجدة سدول قطبت جبينها باستذكار وام سعد اللي تعرفهم كلهم مايشبهونها مريم بابتسامة/الـعـم يُسر الجدة سدول تهلل وجهها وهي وصاية سلطان لها باستقبالها وبحرارة زغرطت/ياحياك الله يامرحبا تو مانور المكان استهلت بك ياام سعد استهلت مريم/الله يسلمك ويبقيك ياخالة/بابتسامة/وينها ام العريس؟ الجدة سدول ضحكت وهي تاشر على ام فواز اللي مشغولة ترقص مع عجايب وسحايب بضحكة/ماهي بفاضية تجي لاعندك يالضيفة تجيك ماتجين الله يحييك/مسكتها من يدها وهي تمشي فيها لاحد الطاولات/ مريم بخجل/والله ترتاحين ياخالة الجدة سدول وهي تسحب لها الكرسي/من يكرم عزيزنا حقه علينا المعزة قبل الكرم ياحياك الله ياام سعد ياحيا الله اهل الطيب والكرم ياحيهم/سحبت الترمس وهي تصب لها قهوة/ مريم اخذت الفنجال بعد مامدته لها/والله ان تجلسين ياخالة الجدة سدول/الخاطر وده ويتمنى لكن الضيوف لابد من يحيي بهم يابنتي مريم ابتسمت/ماتقصرين ياخالة الله يزيدكم فرح وكرم الجدة سدول استئذنتها ومشت مريم تتلفت بالمكان حولها وثبتت نظرها على ذيك اللي حال الزمن بينهم بالقطيعة قد ايش مر الزمان كبروا ومرت السنين ومحد يدري عن الدنيا وش سوت فيهم الاثنين زفرت بضيق وهي تناظرها تخرج من الصالة اختلطت مشاعرها مابين حنين وشوق لذيك الايام السعيدة غرقت عيونها دموع بلعت غصتها وهي تقنع نفسها بالفرح الليلة كم من سنين ماحضرت فيها افراح ابدا من وحدتها اللي حكمتها غصب رفعت فنجالها تتقهوى وهي تطرد هالعبرة اللي مرت بها وشرقت كحت وهي تناظرها بصدمة من وجودها بنفس المكان سحبت منديل من عالطاولة وهي تمسح دموعها المتجمعة بعيونها حتى تتاكد من اللي شافته وقفت وهي تسرع بخطواتها وراها تبي تتاكد مسكتها من يدها بقوة التفتت لها بفجعة من مسكتها وهي تناظرها مريم تناظرها بوسع عيونها ثم ابتسمت/انتي انتي!!يابنت من بنته انتي انا طالبتك؟ . ((بيت ابو عمر1)) {غرفة ريان وبدر} طلال دخل للغرفة وبيده صينية اكل وبابتسامة/كبسة ياكبسة من احلى يدين عمر متمدد بشك/الله يستر علي من كبستك طلال كشر/هاذي جزاتي اتفنن من اليوم وتذم طبخي!! عمر/الله يديمها نعمة ماذميت ياابن الحلال وش فيك شبيت!! طلال وهو يرفع له لقمة بالملعقة/سم سم والله ان تخلص الصحن عمر/بِسْم الله/اكل اللقمة/ طلال يناظره ينتظر رايه عمر/ماشاء الله ولا احسن مطعم وصلوا مواصيلك طلال ابتسم وتنحنح/داري انا داري بس انت مدري وش فيك علي/مد اللقمة لعمر/ عمر تنهد وهو ياشر بيده بمعنى وقف طلال قطب جبينه باستغراب/وش فيك؟ عمر/وش مجلسك للحين!! طلال/وش ذَا السوال!! عمر/رح ياطلال رح طلال احتدت نظرته/معها اخوانها عمر/مايصير لايمين ولا يسار طلال اتسعت عيونه/عمر!!للحين للحين حتى بعد اللي شفته!! عمر بضيقة/والله ياطلال يوم اشوف حالتي وحالتك اقول ذنبنا فيها طلال بعصبية/وشو الذنب اللي مسوينه!!وشو!! عمر/اسمعني ياطلال طلال/ماابي اسمع شي ماابي!! عمر/بتسمع بتسمع مني وغصب طلال/ماسويت شي غلط الغلط اني مامنعته من البداية وكان الحين حالنا غير غير ياعمر عمر/يكفي ماجاها منا الحين راحت خلاص الله يستر عليها طلال سكت عمر/رح اوقف مع ابوي طلال/بدر وريان هناك عمر/اخوانها الكبار محد موجود وش بيلحقها ويلحقنا طلال/هي جنت على نفسها يوم ماأجلت زوجها عمر/ولاني بلايمها ياطلال طلال كشر بوجهه عمر/والله ماألومها ياطلال لو هي ذرة طلال/الظاهر المسكنات لعبت بعقلك لعب عمر/طلال ودي لو مرة هي مرة تجلس وتراجع نفسك طلال/اذا رحت تقطع هالموضوع من جذوره عني؟ عمر زفر وهو يناظره طلال/وش قلت عمر/قلت الله يهديك الله يهديك . {الـقـاعـة} ام عمر تمشي قدامها ووقفت عند الجناح والتفتت لها وبتاكيد عليها/باركي واطلعي رغد بيدها الكيس تنهدت/ياعمة وش فيك علي!!والله لو عدوة!! ام عمر تنهدت/لاتطولين عندها يمكن يرجع زوجها باي لحظة رغد هزت راسها بابتسامة/ابشري ياعمة من عـيـونـي ام عمر زفرت/والكعب نزليه او اجلسي بمكان ولاتتحركين توك ماقلتي بِسْم الله بحملك رغد/ابشري وخلاص ثبت ياعمة لاتشيلين هم ام عمر/انتبهي لنفسك بس رغد/ان شاء الله ام عمر دقت الباب موج وقفت واتجهت للباب وفتحته ابتسمت للحظة وهي تناظر ام عمر ثم اختفت ابتسامتها وهي تناظر رغد/حياك ياعمة رغد برفعة حاجبها/مافيه حياك الله لي بعد!! فتنة جالسة عالكنبة كشرت بوجهها من وصلها الصوت موج ماردت وطنشتها ام عمر بنبرة عالية/رغد!! رغد/بِسْم الله وش فيه الحين ياعمة!! ام عمر ناظرتها/انا مضطرة اروح للضيوف مابي مشاكل رغد بتكشيرة/الله يسامحك بس ام عمر ناظرتها بحدة رغد/ابشري ياعمة ابشري ام عمر مشت رغد دخلت وهي تتجه لفتنة وقفت قبالها وتتفحصها بناظرها/والله وطلعتي ذويقة يابنت!! فتنة ضحكت بسخرية وهي تحط رجل على رجل/مين علمك غيري!! رغد كشرت بوجهها موج تنهدت براحة من سمعت رد فتنة/بروح شويات وراجعة/خرجت/ رغد وهي تناظر موج اللي خرجت/وجع نشبة مابغت!! فتنة/نشبة عن نشبة تفرق!! رغد تضايقت لثواني لكن ماهتمت وهي تناظر المكان حولها/ايه فعلا تفرق وكثير فتنة/وش تبين ولاتقولين ابارك لان هالكذب ماعاد يمشي علي رغد/الحمدلله انا فاهمين على بعض ومال المجاملات اي داعي بيننا فتنة/اخلصي وش تبين رغد حطت الكيس عالطاولة/هاذي هدية من اخوك فتنة قطبت جبينها باستغراب/ماابي منه شي رغد/ادري والله وقلت له بعد قلت مااجلت زواجها عشانك تهديها ليش!! فتنة ضحكت بسخرية/وحرق قلبك اشتريتي هدية غصب رغد زفرت وهي تكبح غيظها/بالعكس لاني ادري بتعلمينه درس وقت ماارميها بوجهه فتنة/مشكورة مشكورة والله تكفين اضربيه بنص جبهته عسى يصحى ويشوف الوحش اللي قدامه رغد احتدت نظرتها/ماتفتحينها اول فتنة/ماابي شي منكم ولا يهمني اصلا!! رغد تنهدت وهي تفتح جوالها/قولي له بنفسك مو تتهموني بشي مالي فيه بعد فتنة/لا حاشا لله بريئة بريئة مثل سوابقها بريئة رغد عضت ع شفتها وهي تمد جوالها/قولي له فتنة/ماابي اكلمه واطلعي برا رغد حطت سبيكر/سمعت اختك ماتبي تكلمك اصلا فكيف هديتك؟ عمر/افتحي سبيكر رغد/فاتحة من اول عمر/مبروك يـافـتـنـة مبروك فتنة شدت على كفوفها بغبنة/مبروك لك انت وابوك واخوك رغد ناظرتها باستغراب عمر قطب جبينه فتنة/هم وانزاح عن قلوبكم وارتحتوا عمر تنهد بضيق/لولا الوضع زفيتك يـافـتـنـة رغد اتسعت عيونها بصدمة فتنة انفجرت تضحك/نعم!!!تزفني!! عمر/ايه ازفك!! فتنة بضحكة/قل تدفني(يدفها)او تدفني ممكن اصدقك عمر سكت مارد رغد بحدة/هيه انتي وش صاير لك!! فتنة ناظرتها بحدة رغد كشرت بوجهها فتنة/اعرفي مكانك واسكتي اكرم لك رغد/هيه انتي والله عمر قاطعها بحدة/رغد!!/عض شفته وتالم من صرخته/ رغد بقهر تناظرها/وش توقعت بتسمع منها!! فتنة ارتفعت حواجبها وهي تسمعها رغد/ماراعت مرضك ولا رحمتك قلب حجر مايعرف الرحمة فتنة بحدة/اخر من يتكلم عن الرحمة انتي!! رغد سلطت نظراتها المحتدة على فتنة فتنة بدون اي اهتمام لها/واذا على مرضه وش علي منه!! رغد اتسعت عيونه عمر حز بخاطره هالكلام فتنة/ماشفت منه العافية يوم هو متعافي!!هذا اول الغيث ياعمر . قالوا مريض وقلت وش حاجتي فيه.. ماسرني يوم المريض متعافي.. ان مات يبكونه ولانيب باكيه.. يبكيه من قدم له الكيل وافي.. الصاحب اللي ما تطولك حسانيه.. ويرقع صوابك بـالسنين العجافي.. خلــه يولـيّ وش تبي منــه ترجيه.. تلقى بدالـه في الجزيـرة سنافي.. (خلف بن هذال) . عمر ارتجف قلبه للحظة وعصفت به ذكرياتهم اللطيفة ضاق خاطره وهو يحس بالوقت مااسعفه يعيش معها واخر سنينهم زاد بالكيل عليها والمصيبة ان كانت مظلومة واكبر من هالمصيبة ان كان هو فعلا ظالم وماسمع لها رغم محاولاتها الكثيرة تنهد برجفة صوته وبصادق مشاعره/مبروك يـافـتـنـة مبروك مبروك يااختي عسى الله يهنيك ويجعل حياتك سعادة بسعادة فتنة رفعت راسها وهي تاخذ نفس بهدوء وتكبح اهتزاز اي مشاعر باقية له بقلبها عمر/استودعتك ربي بحفظ الله يـافـتـنـة اودعتك بحفظه/قفل الجوال/ فتنة زفرت بابتسامة كلها سخرية وهي تقارن نقائض تصرفاته السابقة وكلامه الليلة رغد بغبنة/بدل ماتراعين اخوك ونفسيته بهالوضع تزيدينه!!اخت انتي اخت هاه!! فتنة/خفي علي يامراعية النفسيات محد لعب به وضيق عليه لحد الموت غيرك رغد بغبنة وهي ترمي الجوال عند رجولها بصراخ/فتنة!! فتنة/لو عندك كرامة ماقعدتي على ذمته ثانية رغد عضت شفتها بقهر فتنة ابتسمت بشماتة/لكن اللي يهين ويرخص نفسه مرة مو غريب عليه يهينها ويرخصها الف مرة رغد غرقت عيونها دموع وهي تذلها بماضيها ابتسمت/لايكون فرحانة وميتة عاللي اخذك فتنة ابتسمت/الله يزيدني من فضله وكرمه رغد ضحكت/امين دام هاللي اخذتيه اقصى طموحاتك فتنة قطبت جبينها رغد اتسعت عيونها وبسخرية/لا لاتقولينه تكفين فتنة ناظرتها بكره من زود شماتتها فيها رغد ضحكت/اكيد مابيقولون لك بالنهاية الرخيص يرخصونه!!/ضحكت/ فتنة بحدة/احترمي نفسك وانقلعي برا رغد/يعني ابوك وتعرفينه وشلون يزوجك واحد مقامه عالي وهو عارف وضعك المخيس يامخيسة!! فتنة انحنت للمسكة اللي عالكنبة جنبها وهي ترمي رغد فيها وبصراخ/برا برا رغد اللي ضربتها المسكة بوجهها ولا اهتمت وبابتسامة سخرية/ياحلوة ياعزيزة انتي ياصاحبة الطموح العالي المحروس اللي مغترة فيه ارهابي اذا ماتدرين فتنة انخطف وجهها بصدمة من اللي سمعته وهي تحس بنفسها انخسفت من اعالي قمة فرحتها لقاع الظلام بلحظة رغد/15سنة سجن والتهمة ارهاب فتنة ناظرتها بصدمتها رغد بشماتة/وش سوا عاد الله اعلم شوفي وش مسوي/ضحكت/والحمدلله الله يجازي الظالم على ظلمه شفتي كيف/ضحكت بصوت عالي/ فتنة بعيونها اللي التمعت بطيف دموعها وهي تناظرها رغد زفرت/حياة سعيدة اممم والله ماظنتي من الوسوسة اللي بتعيشين فيها معه/لفت بتخرج وبسخرية/الله يزيدك من فضله بس/ضحكت/ فتنة شدت على فستانها بيديها اللي ترجف برعب من الصدمة وهي مابين تصديق وتكذيب وبدموعها/كذابة تكذب تكذب يـافـتـنـة تكذب . {الـرجـال} بجاد جالس ونظراته تحرق سلطان راضي بنظراته الهادية اللي تحتها غيظ وهو يناظر توافد المعازيم عكس المتوقع سلطان بابتسامته الواسعة يستقبل الضيوف ويرحب راضي التفت لبجاد/وش فيك!! بجاد بغيظ/مافيني شي راضي تنهد/الكل ملاحظ يابجاد مايصير توضحه اكثر!! بجاد التفت له/تشوف تشوف وش كثرهم راضي/وش تبيني اسوي!! بجاد بنرفزة/وين كلامهم وين اللي نطرده من القبيلة!!وش صار راح الكلام كله!! راضي/اصبر اصبر وهد كل شي بوقته وانا اخوك بجاد/وش اللي بوقته وش هه ناظر ناظر وش اللي باقي ماحصل راضي/جو يشوفون بس ماوراهم خير لاطاح تخلوا اصبر بجاد ضحك بقهر/ايه تخلوا ماتشوف مابقى احد ببيته!! راضي/من حرّ مايحسون به ذبحتهم اللقافة واذكرك بجاد/وعساني بانتظر كذا!!اناظره وينحرق دمي!! راضي ناظره/اصبر قلت لك اصبر ماتعرف اخوك وكلامه!! بجاد صد وهو يغلي من غبنته فواز اللي وقف عندهم بعد ماسلم على اغلب المتواجدين وبابتسامته/حي ذَا الوجيه راضي ابتسم وهو يوقف ويسلم عليه/الله يحييه ويبقيه ياهلا بجاد وقف ومشى بخطوات سريعة فواز قطب جبينه باستغراب من تصرفه راضي باحراج/المعذرة وانا اخوك بس بجاد شوي ضايقتن به اعذر اعذر وانا اخوك فواز تنهد/حصل خير حصل خير /جلس وهو يسولف مع راضي/ . {جناح اهل العريس} سدول واقفة قبالها بتوتر/وش فيك يمّه ماقلتي شي؟ ام فواز بعصبية/وش تبيني اقول وانتي عطيتي الناس كلمة وش تبيني اقول!! سدول/هاوشي اي شي لاتجلسين ساكتة كذا ام فواز/صاحية انتي ترجعين له بعد اللي صار بدون رضاوة ولا حتى تنبيه بسيط من ابوك!! سدول/يمّه اكيد ساجي عرف غلطته ام فواز بعصبيتها/وش علي من ساجي انا!!امه وخواته لازم يعرفون حدهم!! سدول/يمّه انا ام فواز قاطعتهم/خلاص انتي عطيتيهم الكلمة ارجعي سدول زفرت بضيق وهي تناظر زعل امها ام فواز/لكن دامك رجعتي بهالطريقة ياويلك تجين تشكينهم بكرة حقك خذيه بنفسك ياسدول سدول بضيقتها/يمّه!! ام فواز/لاجيتي المرة الجاية وبراسك هوشة جيبي ورقتك معك مرة وحدة سدول اتسعت عيونها ام فواز بحدة/لانك كسرتي كلامي مرة ماعاد اسمح لك تكسرينه مرة ثانية سمعتي!!والله يستر عليك/مشت بخطوات سريعة خارجة/ سدول مشت وراها وقفلت الباب اسرعت بخطواتها/يمّه يمّه!! الجدة سدول قطبت جبينها وهي تناظرهم وهم يمرون من عندها زفرت وهي تناظر اللي داخلين القاعة باستغراب ياقوت تمشي متجهة للصالة جوهرة جنبها بفستان اسود توب وقصة سبعة من عالصدر مخصر ع جسمها وبفتحة لنص ساقها اليمين بفرو باللون الابيض يغطي اكتافها وكفوف من الدانتيل الاسود تزين يديها رافعة شعرها كعكة وهي تتبختر بمشيتها بمكياج سموكي زاد طلتها اناقة الجدة سدول احتدت نظراتها ومدت عكازها بطريقهم جوهرة احتدت نظرتها ياقوت/مبروك عليك ياام جابر الجدة سدول/الله يبارك فيك وحياك لكن اختك توقف جوهرة بغبنة/وش فيه بعد لايكون بتطرديني مو حرام ولا هو عيب!! الجدة سدول/استغفر الله ماقلت حرام حقك تروحين وتجين محد يمنعك!! جوهرة قطبت جبينها باستغراب الجدة سدول/لكن شرع الله واضح يابنت احمد الطلعة على ماشرع!!/نزلت عكازها/وحياك العين اوسع من الحجاب جوهرة عضت شفتها بقهر وهي ترجع طريقها ذهب اتسعت عيونها وهي تمشي ورا جوهرة بخطوات سريعة ياقوت تنهدت/مشكور على حسن الضيافة ياام جابر مشكورة!!/مشت ورا اختها بخطوات سريعة/ ذهب/جوهرة لحظة لحظة شوي جوهرة وهي تاخذ عبايتها وبصوت عالي/خير جاية تكملين الناقص!! ذهب/جدتي ماتقصد ابدا حياك الله ضيفة عزيزة جوهرة/هالكلام ماوراه شي بعد اللي صار روحي روحي الله يستر عليك بس روحي/مشت/ ياقوت/انتظريني رايحة معك ذهب/ياقوت ياقوت/معليش ذهب هالمرة غير/مشت ورا جوهرة وهي تلف طرحتها اي كلام انتبهت لسمو ومجد/سمو مجد سمو ومجد جروا لامهم بابتسامة/ماما!! ياقوت/يالله مشينا/خرجت/ جوهرة واقفة عند بوابة القاعة تنتظر السيارة/روحي بسيارة ثانية ياقوت ياقوت اتسعت عيونها/ليش!! جوهرة/انا رايحة الشرطة!! ياقوت اتسعت عيونها/نعم!!! جوهرة/مااكون جوهرة اذا مااخذت حقي!! ياقوت وهي تخرج جوالها/لا والله ماانتي بصاحية!! جوهرة مسكت يدها وبتهديد/لاتخليني اشتكيك بعد . موج واقفة قبالها تناظرها بحدة رغد زفرت وهي متكتفة/خير وش تبين؟ موج/وش قلتي لفتنة؟ رغد/وانتي وش عليك!! موج/رغد تعرفيني مااحب المشاكل لاتخليني احطك براسي رغد بسخرية/يمّه خفت مرة موج/اللي قلتيه لفتنة وقلب حالها تاكدي والله لادفعك ثمن اللي سويتيه يارغد والله رغد/ماقلت الا الصدق تزوجت ارهابي موج انخطف وجهها/كذابة!! رغد تنهدت/وش مصلحتي اكذب يعني!! موج تناظرها بحدة/ابسطها تخربين فرحتها وهذا انتي سويتيه رغد/اشين فرحة والله!!ليته على شي يسوى كله ارهابي موج تقدمت لها ودفتها رغد رجعت لورا باتساع عيونها/بِسْم الله/اتزنت بخطواتها بوسط فجعتها/ موج ضربتها كف بكل قوتها رغد مدت يدها بتضربها وسط نظراتها الحادة موج مسكت يدها وهي تلويها وبغبنة/غلطتي تركتك معها ياابليس رغد صرخت/الحقوني الحقوني موج دفتها وهي تتركها وضربتها كف من جديد/صبرك ذَا اول الغيث رغد مشت لها وهي بتضربها موج/حدك لو لمستيني دفنتك لاتحسبين سالفة الدرج انتهت باقي حقي معك رغد مسكت بطنها وهي ناوية تسوي مصيبة موج ابتسمت/لايكون تحسبين انك الوحيدة اللي شايلة الحفيد وكلمتها مسموعة!! رغد انصدمت موج بابتسامة/استعدي جا دوري/مشت لها بخطوات سريعة/ رغد جفلت للحظة موج ابتسمت وهي توقف قدامها/ايه خليك كذا واحسبي حساب كل كلمة وحركة تسوينها ياشاطرة فهمتي/لفت عنها ومشت/ رغد احتدت نظرتها ومشت وراها وهي تغلي وتتوعد/والله ماتتهنى هالفتنة الليلة هين هين . فتنة بضياع وسط افكارها كلام رغد وتصرفات سلطان وتصرفات اهله اللي عكس كلامها تماما اخذت نفس وهي تغلب عليها الشكوك ورغد معها حق مليون بالمية وشلون ابوها يزوجها واحد صفاته كاملة صحت من افكارها اللي تروح وتجي وهي ترفع عينها عالباب ام عمر فتحت باب الجناح وبابتسامة وهي تناظرها/جاهزة؟ فتنة وقفت وهي تطرد افكارها وبتشجيع لنفسها/الليلة ليلتك وهالرغد ماتحب لك الفرح غيرة غيرة/جرت خطواتها وهي ترسم ابتسامة على وجهها ورفعت طرف فستانها وخرجت من الجناح وهي تتجه للصالة ورا امها اللي ماسكة مسكتها استعدادا لزفتها وقفت بنص الطريق وهي ماعاد تتحمل اكثر/يمّه ام عمر التفتت لها بابتسامة/هلا يمّه فتنة اختفت ابتسامتها/هو صدق ارهابي؟ ام عمر اختفت ابتسامتها وهي تناظر فتنة اللي عيونها تنطق خوف وتتمنى هالكلام كذب فتنة انصدمت وهي ماتسمع رد/يعني صدق؟ ام عمر مدت يدها لفتنة وهي تناظر الدرجات اللي على مدخل الزفة/هاتي يدك لاتزلقين عالدرجتين ذي مع هالفستان فتنة رفعت صوتها/يمّه!! ام عمر ناظرتها فتنة بصوت اهتز/تكفين قولي شي لو مرة اعتبريني بنتك ام عمر اخذت نفس وهي تنزل يدها/ايه يـافـتـنـة ايه فتنة ارتجف قلبها/يعني ماكذبت صدق!! ام عمر/لكن الرجال يـافـتـنـة فتنة رفعت يدها لامها بمعنى تسكت بابتسامة وسط عيونها اللي امتلت دموع بخيبة/هم وانزاح مثل ماتمنيتوا اهم شي تزيحونه باي طريقة مبروك مبروك عليكم ام عمر تنهدت/فتنة موج وقفت عندهم وهي تقاطعهم/ها جاهزة فتنة ناظرت موج بابتسامة/جاهزة/مدت يدها لموج/ موج مدت يدها ومسكت فتنة/بِسْم الله/واخذت المسكة من ام عمر وعطتها فتنة/يالله/مشت معها وهي ترتب فستانها/ ام عمر ناظرت قفاها بعيون امتلت دموع واسرعت بخطواتها/فتنة لازم تسمعيني فتنة ماناظرتها/ماابي اسمع شي ام عمر/صحيح ارهابي لكنه فتنة التفتت له بنظرات محتدة/ماابي اسمع شي!! ام عمر شدت على يديها وهي تكتم غيظها فتنة ناظرت عيونها بسخرية/وفري هالدموع لو به ذرة محبة ماارخصتيني ام عمر انصدمت/فتنة!! //ابتدت الزفة// فتنة ناظرت لقدامها/ياليت تبعدين شوي هالليلة ليلتي لو هو اكبر راس مطلوب بالارهاب . {مدخل القاعة} ابو ماهر وقف بسيارته وهو ينزل وكله غيظ/اطلعوا ياقوت اسرعت بخطواتها وهي تدخل هي وعيالها جوهرة واقفة ومتكتفة بدون اهتمام ابو ماهر اتجه لها ومسكها من يدها وبحدة/ادخلي جوهرة ناظرت ابوها بتحدي/يبه ابعد يدك عني!! ابو ماهر/وشو!! جوهرة/تكلم معي مو كل شوي تمد يدك!! ابو ماهر من بين اسنانه/تبين الفضيحة انتي!! جوهرة/اصلا كذا او كذا مشتكية ابو ماهر اتسعت عيونه/وشو!! جوهرة/هاللي تسويه فيني مايجوز وحقي باخذه!! ابو ماهر بغيظه /اطلعي السيارة ونتفاهم جعل حقوقك للضياع جوهرة/ليش خبلة انا!! ابو ماهر/جوهرة!! جوهرة زفرت وهي بردت قلبها شوي واتجهت للسيارة/نتفاهم بالبيت يبه نتفاهم . {دورات المياه} رغد خرجت من دورات المياه براحة وسعة صدر بعد اللي سوته وقفت عند المغاسل وهي تغسل يديها والتفتت للي جنبها وهي متاكدة انها من اهل العريس/مبروك عليكم سجايا تغسل يدين عفاف ابتسمت/الله يبارك فيك رغد وهي تغسل يديها/بس يعني كيف طحتوا عليها مالقيتوا من العايلة الا هالعروسة!! سجايا ارتفعت حواجبها وماردت رغد/الله يهديكم كان سألتوا مالقيتوا الا ذي/تنهدت/الله يعنيكم على بلاويها سجايا انحنت وهي تمسح وجه عفاف بالمنديل وثم بدت تمسح يديها بعد ماانتهت من عفاف رغد/فيه غيرها ذهب بالعايلة ذهب وش طيحكم بالنحاس وليته يسوى مصدي بعد!! سجايا ناظرتها بابتسامة/صايغ الاخت!! رغد انصدمت/نعم!! سجايا/اشوفك تتكلمين بالذهب والنحاس قلت اكيد تشتغلين بالمعدن وخبرة رغد احتدت نظرتها/عادي اسولف معك وش ذَا الحساسية!! سجايا/وبعدين لو هي اردى انواع النحاس المصدي راضين فيها وش عليك!! رغد بحدة/كذا تستقبلون ضيوفكم!! سجايا/وش دخل الاستقبال لايكون زعلتي بس!!/ابتسمت/عادي اسولف معك وش ذَا الحساسية!! رغد عضت شفتها بقهر سجايا/حياك الله حبيتي حياااك تسمعين الزفة بسرعة بسرعة عشان تكحلين عينك بالنحاس المصدي/مشت وتركتها وبنفسها/وجع قطع وجه!! رغد رمت شنطتها بالجدار اللي قبالها بقهر/وجع وجع وجع/اعتلى صوت جوالها اللي بداخل شنطتها المرتمية عالارض مشت بخطوات سريعة وزلقت وطاحت عالارض واعتلت صرخة الم منها غطت عليها صوت زفة فتنة/ . {مواقف القاعة} سراج واقف عند سيارته ماسك راسه بصداع من الكفرات اللي ملعوب فيها التفت يمين ويسار ماحوله احد ركب وهو يستغفر ويشغلها لكن للاسف خانته خرج وهو يقفل الباب بقوة/ووجع ووجع ذَا وقتك تخربين علي!! . {مدخل العروس} فتنة واقفة عند المدخل بين يديها مسكتها تنتظر موج تجيب لها عبايتها وهي تدعي ماتحصلها متوترة ومرعوبة من فكرة روحتها معه سلطان دق الباب فتنة فزت وهي تلتفت للباب سلطان/عمة؟افتحي فتنة بلعت ريقها وهي تشد بيديها هالمسكة ورجعت خطوتين لورا مبتعدة عن الباب موج وقفت عندها وسط انفاسها السريعة وهي تهمس/ماحصلت حتى عبايتي!!كل العبايات اللي بالغرفة اختفت سلطان دق الباب فتنة ناظرت الباب برجفة موج/فتنة فتنة ناظرتها موج/وش فيك!! فتنة ناظرتها بعيون التمعت وببحة صوتها/موج موج قاطعتها وهي تناظرها بحدة/وش عليك بالكلام!!عرفتيه؟عاشرتيه؟وش يدريك باطباعه!! فتنة/بس موج قاطعتها/خليك واثقة من اختيارك وش عليك من الكلام!!الكلام ببلاش!!وبعدين مالقيتي تصدقين الا رغد!!وخير ياطير واذا ارهابي!! فتنة اتسعت عيونها/تدرين!! موج هزت راسها بلا/توها هالسوسة قالت لي فتنة بدموعها/مووووج موج قاطعتها/فتنة فتنة/نعم موج/مافكرتي ممكن يكون مثلك!! فتنة قطبت جبينها موج/وحتى لو صدق يمكن يكون تايب يعني ماله حق يعيش بهالحياة!! فتنة سكتت موج/توكلي على ربك واطردي هالافكار عنك لاتتركين لرغد مجال تتدخل بحياتك من جديد!! فتنة احتدت نظرتها/تحلم موج تكتفت وبسخرية/ووضعك الحين وشو!! فتنة كشرت موج ضحكت بخفة/انا باشوف حل لمشكلتنا الحين/مدت يدها للباب وهي تفتحه/ فتنة اتسعت عيونها وهي تمسك يد موج وتهز راسها بلا موج دفت يدها وهي تفتح الباب/وانتي شوفي زوجك وش يبي/جرت لداخل القاعة/ سلطان من ورا الباب/ياولد فتنة اخذت نفس وهي تهدي نبضات قلبها/تفضل سلطان دخل قطب جبينه وهو يناظر دموعها مسك طرف شماغه وهو يمده لها فتنة رجعت لورا بسرعة سلطان ناظرها باستغراب فتنة نزلت عيونها سلطان بابتسامة/جاهزة؟مشينا؟ فتنة قشعر جسمها وهي ترفع عيونها له /وين نمشي؟ سلطان ابتسم/وين تبين وابشري بس يعني للعلم حاجز لنا غرفة وكذا بفندق اذا ماتبين غيرته فتنة باحراج/لا مو قصدي سلطان كتم ضحكته/طيب مشينا؟ فتنة/شوي بس لان عبايتي ضايعة سلطان/ابشري بالعوض يـافـتـنـة سلطان ابشري فتنة ناظرته وهي تحاول تستوعب ان هالشخص ارهابي سلطان شك بنفسه وهو يناظر ثوبه ويلمس وجهه/فيه شي؟ فتنة شالت عيونها بسرعة/لا مافيه سلطان نزل بشته عن اكتافه وهو يرجعه من وراها فتنة نزلت بجسمها بفجعة من حركته سلطان ظل رافع يديه فوقها من حس بخوفها والبشت منسدل لتحت يلامس اطرافه فتنة/بس باحط البشت عليك فتنة رفعت نظرها له بهدوء وهي تعتدل بوقفتها سلطان نزل بشته على اكتافها وهو ماسكه للحين/دخلي يديك وعلى هونك فتنة/الحين زوجة اخوي بتجيب لي عباية سلطان بتاكيد/دخلي يديك فتنة دخلت يديها وسط هالبشت الواسع عليها لكن قل وسعه مع فستانها سلطان رفع عقاله وهو يسحب شماغه ثم نزل عقاله على طاقيته وهو يحط شماغه على راسها وبابتسامة وهو يحاول يلف الشماغ على وجهها/بشتي وشماغي وكلي سترك وغطاك ياعين سلطان فتنة تناظره بهدوء مسكت يده وهي ملاحظه ورطته بلف الشماغ سلطان ناظرها باستغراب فتنة مدت مسكتها له/امسكها شوي ممكن؟ سلطان اخذ مسكتها/ممكن وبس الا ممكنين يابعد كل التماكين انتي فتنة كتمت ضحكتها وهي تتلثم بشماغه/وحدة تكفي سلطان/ايه هي مسموحة ممكن وحدة بعدها تامرين امر بدون ممكن فتنة ناظرته ومدت يدها له سلطان ناظر عيونها وتنهد فتنة قطبت جبينها سلطان حط يده بيدها وضمها لصدره فتنة تغير وجهها وباحراج/اقصد المسكة سلطان انتبه وهو يترك يدها ويعطيها المسكة خرج وهو يلتفت لها ويمد يده فتنة ناظرته بتردد وهي بين لحظة ولحظة يداهمها كلام رغد اخذت نفس وحطت يدها بيده بموافقة وتاكيد لنفسها باختياره سلطان ابتسم/زهى بك عمر سلطان يـافـتـنـة يشهد الله زهى . اللهم صل وسلم عليك يارسول الله . #سلطان_الهوى_يافتنة_الألفي� � | ||||
|
| |
|
05-10-22, 11:35 PM
| #55 | ||||
| 22 لااله الا الله وحده لاشريك له - . ((بيت نايف)) ابو ماهر وقف عند العمارة ياقوت مررت نظرها بين ابوها وجوهرة وكلها توتر من اللي بيصير جوهرة متكتفة ابو ماهر التفت ورا يناظرهم وبغيظ يكتمه/انزلوا!! جوهرة التفتت تناظر البيت ثم ناظرته/اسفة بس ذَا مو مركز الشرطة!! ابو ماهر اتسعت عيونه وبانفجار/جوهرررة!!! عليا جالسة قدام اتسعت عيونها بصدمة وهي ماكان عندها علم باللي يصير جوهرة/اسفة يبه بس انا لازم اخذ حقي بأي حق يمد يده علي!! ياقوت قطبت جبينها بشك ابو ماهر قطب جبينه/يمد يده!!من ذَا!! جوهرة/نايف ياقوت اتسعت عيونها/جوهرة!! سمو ومجد تغيرت وجيههم بملامح خوف وهم يفهمون اللي انقال وسام همس بابتسامة لسمو/ابوك بيدخل السجن سمو امتلت عيونها دموع جوهرة بعدم اهتمام لياقوت/وانت بعد يبه!! ابو ماهر يناظرها بحدة جوهرة/باي حق تمنعوني عن روتيني اليومي والشرع محلله!! ابو ماهر بتهديد وهو يعني كل كلمة يقولها/انزلي انزلي لاحلل عظامك بنص هالشارع واخلي اللي يسوى ومايسوى يهرج فيك جوهرة/ليه يبه ليه تغيرت علي!!لذي الدرجة طلاقي يمس كرامتك!! ابو ماهر فتح الباب عليا مسكت يده بفجعة وهي تناظره/قل لااله الا الله يااحمد تعوذ من الشيطان تعوذ ياقوت شهقت بخوف من ابوها ابو ماهر نزل من السيارة ياقوت قفلت الباب بالزر ابو ماهر اتجه للباب اللي ورا عليا وهو يفتحه ولا انفتح صرخ وعينه بعين ياقوت وهو يضرب عالباب/افتحي ياقوت تناظره برعب وهي شادة عالباب من خوفها رغم انه مقفول/جوهرة اعتذري بسرعة ابوي ناويها تكفين اعتذري عليا التفتت لورا/اقصري الشر ياجوهرة طلبتك اقصريه جوهرة مدت يدها وهي تبعد يد ياقوت وتفتح الزر ياقوت ااتسعت عيونها بفجعة ابو ماهر فتح الباب بنفس اللحظة اللي جوهرة فتحت فيها الزر مسك ياقوت من يدها وسحبها ياقوت صرخت/يبه ابو ماهر دفها بعيد عنه وهو يمسك يد جوهرة بيمينه ويسحبها ونزلها من السيارة وينزل عقاله من على راسه بيساره جوهرة نزلت من سحبته القوية بعدم اتزان وطاحت عالارض عند السيارة ابو ماهر بدا يضربها بعقاله وسط صراخها عليا نزلت وهي تمسكه/احمد اترك البنت ذبحتها اتركها!! ياقوت ماسكه ابوها مع عليا بدون اي فايدة ابو ماهر بقهره/والله لاربيك من جديد والله . {الـقـاعـة} ام عمر واقفة بمدخل القاعة بورطة ماحصلت عبايتها رغد جالسة قريب منها عالكنبة بعبايتها وطرحتها على اكتافها بوجهها المتغير وسط هدوءها الغريب ام عمر قبالها بمسافة بسيطة ناظرتها بشك/وش فيك؟ رغد/شوي تعب بس ياعمة ام عمر تنهدت/وش قلت لك انا ماقلت اتركي الرقص ونزلي الكعب وخليك بمكانك رغد زفرت بضيق من النصايح/ان شاء الله ياعمة ماعاد اكررها ان شاء الله موج وقفت عندهم وهي مطنشة رغد/ها بشري ياعمة لقيتيها؟ ام عمر تنهدت/حتى العاملات ماحصلوها موج باستغراب/بِسْم الله وين اختفت!! ام عمر/الظاهر عبايتي انا وفتنة تسلط عليها احد الليلة حسبي الله عليه الله لايبحيه نكد علينا رغد صدت بوجهها بضيق وهي تسمع كلام عمتها موج نزلت عبايتها/تفضلي ياعمة ام عمر اتسعت عيونها/لا لا وش ذَا روحي بس لاهلك العيال يدبرونها لي موج وهي تحط العباية بيد عمتها/والله ياعمة ان تاخذينها قلتيها مع اهلي اصرف عمري مع اخواتي ام عمر تنهد موج ضغطت على يد عمتها/ماترديني ياعمة حلفت خلاص ام عمر تنهدت/يكثر خيرك ياموج يكثر خيرك موج بابتسامة/اقول ياعمة السنة ذي فال خير علينا ام عمر وهي تلبس عباية موج/عسى كل السنين خير ياموج وعساها تكتمل موج زفرت وهي فاهمة عمتها/الاول زواج فتنة وحفيدين ياعمة رغد عضت شفتها بقهر وهي تكتم عبرتها ام عمر قطبت جبينها وهي تناظر لموج بعد انشغالها مع العباية للحظات ثم ابتسمت وهي تناظرها موج بابتسامة هزت راسها بايه/ولد طلال طلال ام عمر زغرطت والكل التفت يناظرها موج ابتسمت وهي تقارن بينها وبين نفسها عمتها قبل كم اسبوع وعمتها اليوم فرق فرق شاسع وجدا بالتعامل ام عمر بفرح صادق/مبروك ياموج مبروك عساه خير عليكم عساه خير وبخير رغد وقفت وعطتهم ظهرها وهي تلف طرحتها/انا برا ياعمة ام عمر/اصبري مابعد اتصل ريان رغد/عادي بانتظر برا طفشت من الجلسة هينا موج بابتسامة/مافيه مبروك يارغد؟!! رغد بعد مالبست نقابها التفتت لها/وش يفيديك مبروك لاطاح!! ام عمر اتسعت عيونها/رغددد!!! رغد خرجت وهي ماردت على ام عمر . ساجي اللي رجع للقاعة بعد ماكان متجه لبيته بقمة كآبته وانقلبت نفسيته من اعماق الكابة والضيق لقمة الفرح والسعادة المختلطة بتوتر واضح يتخلل هالشعور من قرأ رسالتها بعد انتظارها لفترة طويلة وصعبة عليه رغم قصرها الزمني الحقيقي واقف بسيارته قبال مدخل الحريم وهو ينظف داخلها بسرعة ثم رش من عطره داخلها خرج منها وهو يوقف جنبها ويعدل لبسه وشماغه وتعطر وقف وعينه على باب القاعة زفر بصوت من نبضاته السريعة دخل يديه بجيوبه واتسعت ابتسامته وهو يشد على يديه من شاف الباب انفتح كشر بوجهه بخيبة وهو يصد اللي خرجت ماهي بسدول تنهد وهو يصبر نفسه(دقايق وجاية اكيد)التفت للصوت اللي وراه ثابت نزل شنطة سدول الصغيرة اللي فيها اغراضها وبملامح محتدة/هاذي شنطتها/نزلها ولف عنه وهو يكتم غيظه من عناد سدول/ ساجي/ثابت ثابت التفت له وبغيظ/لاتظن ان احد راضي باللي يصير واتوقع انت بكبرك ماانت براضي ساجي/مارح يتكرر اللي صار مرة ثانية ان شاء الله ثابت/اكيد ماراح يصير لان لو صار مابتبقى على ذمتك لو هي دقيقة وحدة ساجي/بعيوني هي ياثابت بعيوني ثابت/عيونك ارخصتها ياساجي ماعاد اسمع لك كلمة ساجي تنهد بضيق ثابت/عندك الف طريقة تخفف فيها وضعك وتحبه لكن انت راضي باللي يصير من حولك وساكت ساجي/ثابت انا ثابت قاطعه/هي مشت رايها علينا هالمرة تاكد المرة الجاية راينا اللي بيمشي ووقتها تحلم تشوف ظفر منها/لف ومشى/ ساجي/ثابت ثابت اسرع بخطواته دليل مايبي ياخذ ويعطي معه ساجي تنهد بضيق والتفت على صوتها الهادي وهو ترتسم ابتسامته من جديد رغم الضيقة اللي زرعها ثابت سدول/ساجي ساجي/حياالله روح ساجي/مشى لها وضمها/ سدول انحرجت وهي تدفه/بالشارع ترا!! ساجي شد عليها وهو يتنهد/والله لو بوسط مهرجان اتركيني روحي رجعت ياسدول روحي رجعت لي اخيرا سدول اخذت نفس وهي تهدي نفسها رغد احتدت نظرتها وهي تناظرهم بحسرة وبنفسها/مالت عليك وعلى حظك يارغد مالت . ثابت يشيل من الاغراض اللي على باب القاعة ورغم مساعدة علي وحازم وعاصم واخواته الا انه ميت تعب ام فواز خرجت من القاعة وقطبت جبينها وهي تناظر سيارة ابو فواز/وينه ابوك ثابت/ابوي اخذ سيارتي وراح البيت الجدة سدول خرجت وهي تناظر ثابت/وين سيارتك ياولد؟ علي جرى الجدة سدول وهو يمد يده لها بقصد يساعدها الجدة سدول ابتسمت وهي تمسك وجهه بيديها وتبوس خده/ياعساني ماابكيك ياعلي ياعين عيني علي دف يديها بانزعاج وهو يحتضن يدها ويمشي بها للسيارة ويفتح لها الباب قدام جنب الراكب الجدة سدول ركبت وناظرت ثابت/ادخل واسحب هالعجبة من شوشتها والله ماتطلع اليوم الا بعد ماتفطر ادخل عليها ثابت/والله تجلدني ياجدة مااقدر عليها الجدة سدول/اااه منها ام لسان ماتركت احد ادري بها هالجنية عجايب خرجت وبيدها اغراض/خير خير كل شي عجايب ماني مسامحتكم اغتبتوني ماني مسامحة الجدة سدول/لاتسامحين ياكثر ديونك عندنا ماانقصتي شي تريحي عجايب/استغفر الله العظيم بس استغفر الله تدورين مشاكل حتى بهاليوم الزين!! سجايا وهي تحط بالسيارة من الاغراض/روحي روحي شيلي بس لاتطقين حنك والشغل علينا عجايب تخصرت بعد مانزلت الاغراض بالسيارة/لايكون بنرجع كلنا بنفس السيارة!!والله ان تلصق بالاسفلت ماتتحرك شعرة الجدة سدول/اعوذ بالله منك بِسْم الله علي وعلى ذريتي ننزلك اهبي الله اكبر عليك ثابت/حاتم راح البيت ينزل الاغراض اللي بسيارته وراجع ام فواز اللي جلست ورا وبحضنها عزام النايم ميلت فمها بضيق الجدة سدول/واخوك وينه؟ ثابت/تعشى ومسك الباب الجدة سدول/الله اكبر عليه هاللي مايستحي عساه ما ام فواز قاطعتها/الله يهديه لاتدعين عليه ياعمة الجدة سدول/يالله يارب تطرد ابليسه عنه عسى يرجع عقله هالولد بيذبحني والله بيذبحني حاتم وقف بسيارته ورا سيارة ابو فواز الجدة سدول فتحت الباب ثابت/وين ياجدة؟ الجدة سدول نزلت/انزلي يانورة مشينا مع حاتم والله يالبنات براسهن هروج ان يصدعن بك انزلي انزلي/اتجهت لسيارة حاتم وهي تنادي علي والصغار/ ام فواز نزلت ثابت اتسعت عيونه/يمّه!! ام فواز/والله مصدعة ياثابت وتعرف خواتك وفوقها مافيني حيل اسكتهم وانت تعرفهم بعد الزواج/مشت/ حاتم مشى وكل الصغار معه والجدة سدول وام فواز //خرجوا البنات// سحايب/وين العيال؟!!! ثابت/راحوا البيت اطلعوا بس اطلعوا علا جرت للسيارة/انا قدام عجايب جرت وراها ومسكتها/انتي ورا انتي اصغر القوم ورا اخر شي علا/عجاااايب عجايب/خالة خالة عسى الجن مايعجبونك سحايب وهي تفتح الباب وتركب قدام/اعوذ بالله منك عجايب اتسعت عيونها/انا قدام دوري هالمرة علا ابتسمت/دام امي فداك يالجنة/مشت وجلست ورا وسط صراخ سجايا وخصامها/ ثابت/اخلصوا علينا عجايب دخلت للسيارة جنب ذهب وسط اصوات التافف من الزحمة وكركبة الاغراض ثابت حرك بالسيارة ومشى سجايا/شفتوا شفتوا ذيك ام فهد عجايب شهقت/شفتيها بعد!! علا بفضول/ايش ايش وش فيه وش صار؟ ذهب/استغفر الله العظيم استغفر الله!! سحايب اتسعت عيونها وهي تناظره ثابت اسرع/ماالوم جدتي يوم تهرب عنكم ماالومها سراج واقف عند سيارته ينتظر سايق كريم بملل جالس على مقدمتها رن جواله وقطب جبينه وهو يناظر رقمها/هلا جوهرة ببكى/الحق علي يااخوي الحق تكفى سراج بفجعة/وش فيك؟!! جوهرة/تكفى ياسراج انا بوجهك طالبتك طالبتك يااخوي مالي غيرك تكفى . {مواقف الفندق} بدر فاتح باب السيارة الخلفي للاخير ومتكي بظهره عليه من داخل ووجهه على فتنة/كل شي معك؟ فتنة جالسة بالسيارة هزت راسها بايه/ان شاء الله بدر/وعبايتك كيف؟ فتنة تنهدت/مدري بدر/بكرة انا باحط لك عباية بالربيسبشن واتصل عليك /تنهد وهو يذكر مامعها جوال/باتصل على زوجك ياخذها فتنة/تمام على راحتك سلطان اللي رجع لهم بعد ماتاكد من ترتيبات الغرفة اللي طلبها وقف عندهم بابتسامة وهو يناظرهم/يالله/مد يده لفتنة/ بدر مد يده لفتنة سلطان ناظره باستغراب وهو ينزل يده فتنة حطت يدها بيد بدر بدر مد يدها وهو ماسكها لسلطان سلطان مد يده له بهدوء بدر حط يد فتنة الي ماسكها بيده بيد سلطان وبجدية/سلطان سلطان/سم بدر/فتنة ياسلطان فتنة بلعت غصتها وهي تناظر بدر سلطان/عزيزة كريمة محشومة راعية القلب قبل البيت بدر بتاكيد/فتنة ياسلطان سلطان/مااخذت عيونكم حتى اوجعها اخذتها وحطيتها بعيوني يابدر ابشر ابشر لاتوصي وانا اخوك لاتوصي بدر تنهد وهو يناظرها وبابتسامة/مبروك يـافـتـنـة مبروك ياعين اخوك مبروك . ((بيت نايف)) نايف وقف بسيارته عند العمارة ونزل وهو يقطب جبينه من اللي واقفة عند باب العمارة زفر وهو يناظرها تنهد وخرج جواله واتصل بياقوت وهو يصد عنها جوهرة ناظرته بقهر/خير وش تبي واقف تناظرني ليش!! نايف اتسعت عيونه وهو يلف عنها عض شفته وهو يطلع لبيته/قلعتك عساك بهالحالة واردى ياقوت بالبيت بغرفة الضيوف بهم وهي تنتظر عيال اختها اللي منهارين بكى اتجهت للمجلس وهي تدق الباب عليا/حياك ابو ماهر متمدد بزاوية المجلس ومتلثم بشماغه ومعطيهم ظهره ياقوت تنهدت/مايصير تقعد برا!! عليا التفتت لابو ماهر/احمد ابو ماهر شد على قبضته وهو ساكت ياقوت/يبه حرام عليك شف عيالها والله يقطعون القلب حرام يبه حرام ابو ماهر فز جالس وبعصبية/حرمت عيشتك عليك ولالقيتي لها طعم اتركيها عنك خليها تذوق اللي تسويه فيني خلي عنادها ينفعها ياقوت/بس يبه جلستها بالشارع ماهي بزينة لابحقك ولا حقها ابو ماهر/اجل الزين تشتكيني وتشتكي رجلك هاللي ماتستحي ماحشمتني ولا حشمت الشيب اللي براسي خسارة ياخسارة التعب فيها ياخسارة ياقوت/كل شي ينحل يبه ابو ماهر بصراخ/اسكتي!! عليا/من اصبح افلح يااحمد وشلون تترك البنت بالشارع كيف يطاوعك قلبك عليها؟!! ابو ماهر/نافخة راسها علي خليه يدبرها هالراس جعله مايفلح ياقوت تنهدت/يبه تكفى ابو ماهر/ان نطقتي كلمة والله رجلي ماتطب بيتك ابد ياياقوت عليا/استغفر الله العظيم!! ابو ماهر/روحي نامي خليها تقعد بالشارع للصبح وتعرف وشلون العناد يصرفها . ((بيت الجدة سدول)) الجدة سدول جالسة عالسرير تستغفر بعد ماصلت الوتر وهي ناوية تاخذ غفوة بهالنص ساعة الباقية عن صلاة الفجر عجايب دخلت ببجامتها وهي ماغسلت وجهها ولا شعرها بيدها صينية القهوة وهي تغني/هلا باللي لفاني ياهلا به الجدة سدول/يالله صباح خير سجايا بنفس وضع عجايب بجامة وماغسلت شعرها ولا وجهها ووراها بصينية الحلا تغني وهي تطق رقبة/عدد دقات قلبي في غيابه عجايب زغرطت/عاااشوااا الجدة سدول مسكت راسها/عساكم بالصداع صدعتوا بي زيادة علا وراهم/هلا باللي بعد والشوق جابه ثابت/عليم الله قلبي ماصخى به/ارتمى عالسرير جنب جدته وهو يحط راسه بحضنه ويغني/هلا باللي لفاني ياهلا به.. عجايب وسجايا وهم ينزلون اللي بيديهم ويرقصون علا تصفر/ايوه ايوه يعيشون ثابت/عدد دقات قلبي في غيابه..هلا باللي الجدة سدول شدته من اذنه بقوة وهي تناظره بغيظ ثابت مد الكلمة وهو يفز/بـاااااعاااااد اااه ياجدة وش فيك الجدة سدول بعصبية/برا برا عني ماكفاكم الرقص جايين عندي برا لااشوف منكم نفر برا ثابت/انا جيت عشان الحلا والقهوة الجدة سدول/ماعليك شرهة بطيني يعرفن لك خواتك علا ضحكت الجدة سدول/ماشاء الله بقرة الجبنة زايد ضحكها ثابت ضحك علا كشرت/جدة!! الجدة سدول/برا ماابي صداع برا ثابت انحنى وهو ياخذ من الحلا كمية وخرج علا تناظرها الجدة سدول/خير تناظريني برا يالله برا علا بتوعد/بكرة تقولين تعالي حنيني والله مااحنيك هين الجدة سدول/من زين حناك اطلعي برا بس اطلعي علا خرجت بزعل سجايا/جدة الحين جايين نوسع صدرك تطردينا!! الجدة سدول/الحقيهم بس يالله يالله عجايب تناظرها بغيظ/ماانتي بنايمة الحين مابقي شي عالصلاة الجدة سدول/اجل تصدعون براسي يومي ماني بنايمة!! عجايب/جدة نوسع صدرك ونسولف معك ماني بطالبتك قروش حتى تزعلين هالكثر!! الجدة سدول/اعطيك قروش وتذلفين عني؟ سجايا شهقت وهي تجلس عندها تمسح اكتافها/جدة يوجعك شي؟!! الجدة سدول دفتها/راسي يوجعني من الاوله اقوله!! عجايب/مانبي قروشك يالعجوز اعرفك ماندري غير ابوي يصحينا بنعاله يالحراميات وين قروش عجوزي الجدة سدول/احد ياخذ قروشي ويتهنى والله مااتهنن فيها ابد عجايب جلست جنبها وهي تضمها/ايه ياجدة حتى عاذرتك الليلة لو تجلديني الجدة سدول قطبت جبينها وهي تناظرها عن طرف/بِسْم الله وش فيك يابنت؟ عجايب/فاقده مضنون عينك هاه فاقدته الجدة سدول قرصتها بفخذها بقوة عجايب فزت واقفة وهي تصرخ/اااه الجدة سدول بحدة/الله اكبر عليك جعلك ماتفقدين غالي اهبي تفاولين على وليدي اهبي عجايب وهي تمسح فخذها/اهبي يالقرصة وش ذَا!!كل ذَا عشان سليطينك الجدة سدول/تسلطوا عليك جنون الانس عجايب/وانتي معي الجدة سدول بغبنة/اهب واللسان جاهز يرادد جاهز مايرده شي عجايب/عليك/اشرت على عروق رقبتها/عرقك وراثته منك الجدة سدول بقهر/اااه اااه/التفتت لسجايا/بنت ياسجايا سجايا جالسة جنبها/نعم ياجدة الجدة سدول/اذا مسكتيها لي ابرد قليبي ابشري بالف ريال ريال فوق ريال سجايا/الف وخمس مية عجايب اتسعت عيونها وهي تشهق/يالخاينة!!! سجايا/الفين الفين واضح الموضوع صعب ياجدة عجايب/والله ياجدة انا اعطيك الالفين بس تجلدينها لي الجدة سدول/تم امسكيها سجايا بوسع عيونها/جدة!!! . {الـفنـدق} فتنة متمددة عالسرير بقميص النوم الابيض بشعرها المسدول وهي متغطية كلها ماعدا وجهها اللي باين معطية ظهرها لدورة المياه الوحيدة بالغرفة وهي ماقدرت تتامل تجهيزات الغرفة من كثر توترها من وجودها معه لوحدها رغم انه حلالها وهي حلاله لكن هالشعور فطرة بشرية بكل انثى غمضت عيونها بكل مافيها وهي تسمع صوت باب دورة المياه ينفتح سلطان اللي بعد ماصلى وقرأ ذكره لبداية حياتهم وتعشى معها بدل ثوبه ودخل يتحمم خرج ببجامته باللون الكحلي ومنشفته الصغيرة على اكتافه رفع طرفها وهو ينشف شعره ناظر شعرها المسدول عالمخدة تنهد وهو يتجه للانوار ويقفلها اظلمت الغرفة ولا بقى الا انوار الابجورات من يمين ويسار السرير رفع الحاف وسمى وهو يتمدد عالسرير على ظهره يناظر السقف ارتسمت تكشيرة خفيفة كره للسقف وطردها بسرعة وهو يغطي وجهه بالمنشفة الصغيرة اللي معه تنهد/اذا مانمتي لاتنامين شوي وياذن الفجر فتنة اخذت نفس بهدوء وهي ترجف تحت اللحاف سلطان تمدد على جنبه اليسار وهو يسحب المنشفة عن وجهه ويرميها بعيد بلامبالاة وين بتستقر ووجهه قبال وجهها يناظرها مد يده وهو يحطها على خدها فتنة ارتعبت من حست بكفه عضت على شفتها السفلية بوضوح لسلطان وانسابت دمعتها سلطان بهدوء/فتنة فتنة غمضت عيونها اكثر سلطان رفع يده عن خدها وهو يمسح دمعتها بطرف اصبعه/وش اتفقنا بخصوص الدموع؟ فتنة فتحت عيونها بشويش وهي تناظره سلطان ابتسم/وش مضيق خاطرك؟ فتنة وهي تسحب هوا بانفها توقف رشحه وببحة صوتها/ماني ضايقة سلطان/ليش تبكين؟ فتنة سكتت سلطان سحب اللحاف من يديها فتنة شدت بقوة عليه سلطان بتهديد/تتركينه ولا؟ فتنة انخطف وجهها سلطان ضحك بخفة/وش فيك!! فتنة تركت اللحاف بسرعة سلطان/يازين الشاطرين اللي يسمعون الكلام فتنة قطبت جبينها بانزعاج من كلامه سلطان مد يمينه ومسك يمينها حس بانتفاضتها وكمل وهو يسحبها لتحت خده واحتضنها مابين خده ويساره/ارتاحي مابيصير شي بدون رضاك فتنة تغير وجهها من احراجها سلطان ضحك وهو يناظرها/مو هذا اللي تبين تسمعينه!! فتنة سحبت اللحاف وهي تتغطى كلها عنه سلطان وهو يحرك اللحاف فوقها بخفة/نسيتي يدك عندي؟ فتنة سحبت يدها بسرعة من تحت خده وهي تتكور تحت اللحاف سلطان/ابسالك عن شي ممكن تطلعين من جحرك دقيقة؟ فتنة فتحت اللحاف بشويش ومو باين الا جبينها وعيونها اتسعت عيونها بصدمة سلطان اول مالمحها ترفع اللحاف قرب منها وطبع بوسة على جبينها فتنة رمشت وهي تستوعب سلطان رجع تمدد على ظهره وهو يناظرها/يوووه ياكثر الافكار اللي يبي لها تنظيف بهالمخ فتنة فتنة اللي تسللت الراحة لقلبها شوي كشرت وبغيظ همست/مدري من اللي يبي له تنظيف سلطان اتسعت عيونه/ياحركات تعرفين تردين!! فتنة نزلت اللحاف شوي وبغيظها/ايه ولساني طويل بعد سلطان/يمّه خوفتيني يامتوحشة انتي فتنة رمشت وهي تحس يطقطق عليها سلطان ضحك وبابتسامة/طيب يامتوحشة سولفي لي عنك خليني اعرف الوجه الاخر فتنة ميلت فمها وهي وهي بدت تاخذ راحتها اكثر/وش يامتوحشة ذي!! سلطان حط يديه تحت خده وهو يناظرها/وش تبين اناديك؟ فتنة سكتت سلطان/فتنتي؟فتنة قلبي؟فتنة سلطان فتنة اللي مع كل ندا تحس بخجل اكبر من اللي قبله وهي تغوص بلحافها بدون احساس من خجلها سلطان مسكها قبل تتغطى كلها/بديتي ترجعين للجحر على كذا باناديك فارتي فتنة بانزعاج/سلطان!! سلطان رجف قلبه وهو يسحب مخدته ويضمها لحضنه/ياطول ليل سلطان يوم تنادينه ارفقي بسلطان تراه رهيّف يضيع وينتهي ارفقي عليه شوي يـافـتـنـة ارفقي . ـــــــــــــــــــــــــ ـــــــــــــــــــــــــ ــــــــــــــــــــــــ يــوم جـديـد . {شقة سراج المستاجرة} جوهرة نايمة عالسرير الفردي وجنبها سرير ثاني سراج دخل للغرفة/جوهرة جوهرة جوهرة تاففت وبنوم/نعم سراج/قومي تقهوي معي جوهرة/ماابي سراج/قومي يكفيك نوم ابيك بسالفة وبعدها نامي جوهرة جلست/نعم سراج/تعالي عند الكنب نتقهوى وبعدها قولي وش ساالفتك/خرج/ جوهرة وقفت وهي تافف غسلت وجهها وتوضت وصلت واتجهت له سراج يتقهوى بهدوء وهو يقلب بجواله جوهرة جلست عنده سراج ابتسم وهو يمد لها الفنجال/حياك جوهرة اخذت الفنجال/الله يسلمك /ناظرته وتنهدت/وش سالفتك سراج/قبل شوي جاي من عند ابوي جوهرة احتدت نظرتها/وش بعد وصاك تضربني!! سراج بحدة/جوهرة!! جوهرة/انت شفت كيف حالتي امس ولارحمني ياسراج مارحمني ابدا وهو ابوي!!وش ترك لباقي الخلق سراج/لاتطلعين قدامي مظلومة وانا عارف امورك ياجوهرة جوهرة اتسعت عيونها/حتى انت بعد!! سراج تنهد/استغفر الله العظيم جوهرة اسمعيني للاخير وبعده قولي اللي تبين جوهرة/مو من حقهم يحبسوني على اساس اني مطلقة!!لايكون بعد بتفصلوني من وظيفتي ياسراج!! سراج/اذا طولتي بهالحركات والله يسويها ابوي وبالقوة يفصلك بدون رضاك جوهرة بقهر/سراااج!! سراج/ابوي يقول اذا ظلت بهالعناد وطوالة اللسان بيسلم عيالك لابوهم وبيشهد معه عليك جوهرة اتسعت عيونها/نعم!!! سراج/وتعرفين ابوي مايمزح ولايعرف للمزوح طريق جوهرة/خله يعطيهم لابوهم والله حتى انا لارفع دعوى عليهم!! سراج بحدة/جوهرررة!! جوهرة بقهر/تبيني اسكت!! سراج/ماتعرفين تحلين امورك بركادة!! جوهرة/لايكون تبيني اذل نفسي مثلك عشان يرضون علي!! سراج يناظرها بنظراته المحتدة جوهرة وهي انتبهت لكلماتها صدت بوجهها مكابرة وهي تتكتف سراج/كلمتك مردود عليها ذي وبعدين اللي بتسوينه مااسمه مذلة اسمه تنازل جوهرة التفتت تناظره بتكشيرة وجهها سراج/يعني ابوي يبي له شوي مسايرة ماهي بذابحتك اذا سايرتيه بتاخذين اللي تبين بالراحة جوهرة/اسايره يحبسني!! سراج/ومين قايل انه بيحبسك جوهرة/ماشفت وش قال ووش سوا فيني عشان قلت الحقيقة!!وفوقها زوج اختك هالابكم تسلط علي ورماني بالشارع بعد وتبيني اسايره!! سراج/يعني تبين عيالك يروحون منك!! جوهرة بعناد/انت معي بتاخذهم لي سراج/جوهرة!!! جوهرة سكتت بعناد على رايها سراج/وبعدين مستقبلا وين بتروحين انتي وعيالك جوهرة وهي صادة/ارض الله واسعة سراج/وشلون بتصرفين على عيالك وانتي بالعدة؟ جوهرة/الخير واجد سراج تنهد/هذا اخر كلامك؟ جوهرة ناظرته/ايه ابوي اذا بيحبسني وبيمنعني ماعندي استعداد ارجع لبيته ابد وعيالي معي ماله حق ياخذهم مني من الاساس وزوج اختك ذَا والله والله لاخذ حقي منه فوق الكامل اضعاف بعد سراج زفر/الله يقويك جوهرة قطبت جبينها/مابتوقف معي!! سراج/ممكن يعني شوي ممكن اوقف معك بسالفة نايف وسالفة العيال لكن ابوي انسي جوهرة/سراج!! سراج/والله لو غيري ياجوهرة وسمع اللي قلتيه ذبحك مـاهـو بيسمع لك مثلي!! جوهرة/وهذا ابسط حقوقي اختك انا!! سراج/استهدي بالله هاليومين وبعدها مشينا لابوي نراضيه يكون هو بعد هدا واكلمه لك وينقلب هالموضوع جوهرة/ونايف؟!! سراج/اتركيه بحاله وش تبين بالرجال!! جوهرة بصراخ/وهو وش يبي فيني!! سراج صدع راسه/اقولك تقهوي وامشي معي ابي شوية اغراض الليلة رايح بيت عمي لسحايب؟ جوهرة اتسعت عيونها/بعد فوق عطل اشغالك رايح لها!! سراج/الاشغال تتعوض ان شاء الله وانا ابيك محضر خير معي جوهرة/واروح لها معك بعد!! سراج/جوهرة!! جوهرة تنهدت/الله يستر بس لاترفع خشمها علينا سراج/وبعدين ياجوهرة وبعدين اذا بتكونين كذا لاوالله فكيني من روحتك معي جوهرة زفرت/مع انها ماتستاهل لكن لعينك بروح معك يااخوي واحلّي لساني لعيونك سراج بتاكيد/ماابي اي كلمة منا او منا جوهرة/خلاص ابشر اللي تبيه بيصير . {ساجي وسدول} سدول نايمة عالسرير قطبت جبينها وهي تسمع منبه جوالها اللي هي ضابطته عالصلاة فتحت عيونها انصدمت وهي تناظره ساجي متمدد جنبها ووجهه بوجهها يناظرها بهدوء سدول وهي اللي تعودت تصحى قبله لو تنفجر الجوالات ماصحى فيها وباستغراب/من متى صاحي؟!! ساجي/من الظهر سدول اتسعت عيونها/ليش؟حنا متى؟ ساجي/تو خلصوا صلاة العصر سدول فزت جالسة وبنرفزة/ساجي ماتبطل هالعادة!!/قامت من السرير/ ساجي قام وسبقها لدورة المياه وهو يوقف بطريقها سدول ناظرته بتكشيرة/ساجي ابعد ساجي ضمها وهو يتنهد سدول زفرت ساجي/والله للحين ماني مصدق انك قدامي سدول سكتت ساجي وهو يضمها بكل مافيه/هالمرة اللي تبينه سويه ماعليك من احد ابد ياسدول ماعليك من احد . فواز خارج من المركز مقطب جبينه بوسط افكاره اللي تروح وتجي وتخللها شكوك كثيرة مالها حصر راضي وقف قبال المركز بالسيارة فواز ركب السيارة راضي حرك/ها بشر عسى عرفوه؟ فواز بتفكيره ماناظره/يقولون من الكهرب وانا مشيك عليه بنفسي قبل يومين راضي باستغراب/وانا بعدك شيكت كيف كذا؟!! فواز التفت له وبشك/راضي فيه شي تبي تقوله؟ راضي باستغراب/شي مثل وشو؟ فواز/مثل سلطان اللي جاك بنفس اليوم راضي انصدم/كيف عرفت!! ، ، ،،يوم الحريق،، سلطان دخل للمعرض وهو يتلفت/ماشاء الله ماشاء الله الله يبارك الله يبارك موظف المعرض/تفضل اي خدمة سوال عن اي موتر؟ سلطان/لا ابي فواز هو اللي يبيعني وينه؟ الموظف/الاستاذ فواز خرج وبيرجع بس ماعليه امرني تفضل سلطان ميل فمه وعطاه ظهره من شافه ورا الموظف راضي وقف ورا الموظف/روح لذاك الزبون وشف شغلك الموظف مشى راضي/تفضل اي خدمة سلطان التفت له وهو رافع حاجبه/مافيه يامرحبا حياك الله وين تعاملك الرحب مع زباينك راضي ابتسم/ماني بمحتاج تعليم منك وش جايبك اكيد ماوراك خير سلطان زفر بضحكة/الحمدلله الله لايسوق خير لك من وراي راضي احتدت نظرته/نبيعه خيرك ولانناظره لو هو ببلاش سلطان هز راسه بايه وهو يناظر السيارة اللي قدامه/وينه فواز؟ راضي/ياغريب امرك!!تدري مايبي لك شوف وشو له مناشبه وغاثّه!! سلطان وهو يفتح باب السيارة يتفحصها من داخلها/اخوي واغثّه مثل ماابي وش عليك منه!!/ناظره/لايكون ولي امره!! راضي ضحك/اخوك!!عاش معي اكثر منك سلطان احتدت نظرته راضي/وبعدين خله يعترف بهالاخوة اللي ذابح نفسك بها سلطان/الحمدلله اذبح نفسي لعيونه فداه بالنهاية نفس الدم مو دخيل علينا!! راضي احتدت نظرته/الدخيل اخو اكثر منك سلطان هز راسه بايه وهو يسلك له/بكم هالموتر؟ راضي بغيظه/بايعينه سلطان/بازيدك دبل سعره راضي ضحك/الله اكبر يالمليونير!! سلطان ابتسم/خير من الله الله يزيديني ويبارك راضي كشر بوجهه سلطان بابتسامة/ها كم تبيعه؟ راضي/مالك بيع عندنا تيسر سلطان/فيه احد يرد رزقه!! راضي/رزق من وراك ماابيه سلطان/مـاهـو بلك ابي المنفعة لاخوي ولاعرف انه الدبل بيبيع/ابتسم/وانت ماانت بشريك معه معقب وراه ولا؟!! راضي احتدت نظرته بغبنة سلطان/وش فيك!! راضي/العلم وسمعته مانبيع لاشكالك تيسر سلطان ابتسم/اجل باشتكيك لصاحب المعرض ترد رزقه ونشوف وقتها وش بيصير/مشى ورفع صوته/ايه يااخوي المال السايب يعلم السرقة ايه عليك ايه ، ، راضي تنهد بضيقة/والله انا مابغيتك تعرف عن جيته شي حتى مااتورط بينكم واصير انا اللي فرقت بين الاخوان؟ فواز قطب جبينه/وش يبي منك؟ راضي/بس يسأل عن السيارات فواز بنرفزته/راااضي!! راضي تنهد/بس فواز بعصبية/وقف وقف دام الكذب اولها ينعاف تاليها وقف وقف ونزلني/صرخ/وقف راضي رفع صوته/يقول كم مبلغ تعقيبك مع فواز وكم شراكتك معه وخذ فوقهن دبل المبلغ واكتب سعرك اللي تبيه وفارق ويوم رديته تحلف وتوعد وخرج وعاد صار اللي صار فواز يناظره بصدمة ثم احتدت ملامحه/ارجع ارجع للمركز الحين ارجع راضي التفت يناظره وبنفس الوقت يرجع يناظر الطريق/شفت شفت ليش مابغيت اقولك وبعدين بتجر اخوك للسجن وهو توه عريس!! فواز بغبنة/الله لايهنيه ذَا عدو مو باخو ارجع ارجع للمركز الحين ارجع راضي/استهدي بالله ياولد وش هالكلام فواز مد يده ومسك الدريكسون ولفه راضي انصدم وسط اصوات بواري السيارات من يمينه ويساره صرخ وهو يوازن السيارة/صاحي انت صاحي بتذبحنا!! فواز بعصبيته/ارجع للمركز او نزلني راضي رجع طريقه وبنفس نبرته/راجع راجع!! . {الـمـزرعـة} سعد بوجهه الشاحب واقف متكي بظهره على احد اعمدة المظلات لاف شماغه على راسه ورابطه وهو متكتف يشرف عالعمال وهو يتشتت تفكيره بين فترة وفترة الـعـم يُسر وقف يناظره بتقطيبة جبينه مريم وقفت على مسافة بحجابها الكامل وبيدها سلة صغيرة/ابو حمد الـعـم يُسر التفتت لها واتجه لها/هلا ياهلا بمريم مريم همست/ترا القهوة جاهزة الـعـم يُسر/ماتقصرين ياعسى هاليدين للجنة مريم مدت له السلة/هذا غدا لسعد الـعـم يُسر تنهد/ماظنتي بياكل/ناظرها/هو وش فيه؟وش صابه؟اصبحنا مابه شي ومن الظهر انقلب حاله مريم بربكة/مافيه شي يمكن ضايق خاطره شوي بس الـعـم يُسر باستغراب/وش اللي مضيقه؟!! مريم/الله اعلم يايسر بس انت حاول معه ياكل/رفعتها من جديد له/ الـعـم يُسر تنهد وهو ياخذها/تقهوي وحنا نتقهوى المغرب لاتغدا مريم/باحتريكم بالقهوة فمان الله/مشت/ الـعـم يُسر من مكانه/ولد ياسعد سعد ماانتبه لابوه غرقان بوسط افكاره الـعـم يُسر رفع صوته/سعد ياسعد سعد التفت لابوه/سم يبه/اتجه له/ الـعـم يُسر مد السلة/تعال خذ سعد وقف عنده وهو ياخذها/سم يبه وين اروح بها الـعـم يُسر وهو يلتفت لشجرة اللوز الكبيرة وراه اللي تحتها جلسة بسيطة اشر بعكازه عالجلسة/رح هناك وتغدا وتريح سعد/والله يابيي مالي نفس الحين خله شوي الـعـم يُسر ناظره بتكشيرة/الحقني بس/مشى/ سعد يمشي وراه/والله يبه مالي فيه الحين والله الـعـم يُسر جلس عالجلسة/مـاهـو بكيفك وثم انا ابيك بشغلة سعد جلس قباله/امر يبه الـعـم يُسر وهو يحرك طرف دقنه ياشر للسلة/طلع الغدا اول سعد تنهد وهو يخرجه ويرتبه الـعـم يُسر/بغيتك تشري جوال سعد وقف اللي بيده ورفع عيونه لابوه يناظره بهدوء الـعـم يُسر/علامك كمّل كمّل سعد تربع وهو يناظر ابوه بِشك/وشو له الجوال يبه؟!! الـعـم يُسر مد يده للاكل/بِسْم الله سعد/مـاهـو بأنت حالف علي!! الـعـم يُسر ياكل وهو مايرد عليه ثم ناظره/كل بالاول واعلمك سعد اكل لقمة ورغم انه مااستساغها ابد بلعها بالقوة/ها اكلت ليش تبيني اشريه يبه وش تبي به؟ الـعـم يسر/شرٍ لابد منه سعد قطب جبينه وهو يناظره الـعـم يُسر/وثم لامرضت عشانه نشريه سعد اتسعت عيونه بصدمة وبابتسامة/بتشريه عشاني!! الـعـم يُسر بحدة/اخاف امرضك من كثر ماتبيه عساه للقلعة سعد ضحك/والله يايبه لو ادري انك بتشريه لامرضت مرضت من زمان الـعـم يُسر/اعقب فالك ماقبلته!! سعد زفر وهو يناظره لثواني ومد يده وهو يغضب نفسه عالاكل/يشهد الله يبه مو عشان الجوال/بضيقة/ليته الجوال يايبه ياليت الـعـم يُسر/اجل علامك؟اقول تريح من الشغل تقول مـاهـو منه مابي الا العافية!!كم لي انشدك ولاتعلمني!!علمني وابشر وانا ابوك ابشر سعد ناظر ابوه بهدوء وضاق صدره اكثر وهو يلوم نفسه كيف استسهل يخوف ابوه وهو يعرفه وقف وهو ينحني جنبه يسلم على راسه ويده/سامحني يابيي اقلقتك سامحني عساه بي ولا بك الـعـم يُسر تنهد/سعد لاتفزعني مثل حمد سعد/افا وانا ولد يُسر افا/ابتسم/والله يايبه مافيني الا العافية بس ضايقن صدري شوي الـعـم يُسر/رح يم البركة تنفه(غيّر جو)وشف بلواك اللي انت داسه عني سعد ضحك/الله يديم الرضا منك يبه على كذا كل يوم ابمرض!! الـعـم يُسر ضربه بخفة/لاتفاول على عمرك ياسعيدان وثم مااردك عن شي الا عشانك سعد سلم على راسه ووقف وهو يتجه للعمال الـعـم يُسر/ياولد!! سعد/رح لعمتي تحتريك بالقهوة وانا ماوراي شي يبه الـعـم يُسر وقف/رح تقهوى معها ياولد رح سعد اشر بيده بمعنى لا وهو يسرع بخطواته اكثر/مشكور مالي بها ياابو حمد مالي بها الـعـم يُسر تنهد بضيق وهو يناظره . ساجي نازل الدرج وهو ماسك يد سدول بيده وهو سابقها بدرجة وحدة وعينه عليها بابتسامة سدول بعبايتها وشنطتها على كتفها وباحراج/ساجي خلاص لاتناظرني كذا!! ساجي/خليني اشبع للحين ماني نصدق والله سدول/طيب انزل شوي شوي لاتسرع ساجي اتسعت عيونه/نسيت!! سدول ناظرته بغيظ/وشلون تنسى!! ساجي ضحك بخفة/هو مانسيت لكن نسيت وانت معي سدول/يعني تبيني اسامحك الحين؟ ساجي بابتسامته/ليه مااستاهل تسامحيني سدول تنهدت/اسامحك هو انا اطول الزعل اصلا!! ساجي/اي والله ظلمتيني طولتي علي سدول سكتت وهي بقلبها كلام كثير ساجي وقف عند اخر درج العمارة تحت/لكن رجعتك لي تسوى الدنيا عندي ومافيها عزيزة بيدها كوب القهوة تتمشى بالحوش زفرت بضحكة خفيفة رحمة بابتسامة/ماشاء الله ماشاء الله سدول كشرت بوجهها عزيزة ارتفعت حواجبها وهي تشوف يدها بيده للحين ماتركته كعادتها رحمة/الله يهنيكم ويعوض امي خير ساجي بحدة/رحمة!! رحمة/شوي شوي لايطق عرقك ماكلمناكم نسولف عن جارتنا قل بعد حرام!! سدول/انتظرك برا/مشت/ ساجي مسكها وهو يحط المفتاح بيدها عزيزة احتدت نظرتها سدول كملت طريقها ساجي ناظر رحمة/بتسوين هالحركات اذلفي بيتك رحمة اتسعت عيونها/بيت ابوي تطردني منه بعد!! ساجي/ليه يعني تحسبين بأسكت ولااوصل سوالفكم لابوي!!لا هالمرة مافيه رحمة احتدت نظرتها ساجي/هالمرة ابوي بيطردك مو انا رحمة/وبعدين ليش ماطلعت سلمت على امي وطيبت خاطرها عزيزة/خلي سلامها لها مانبيه!! ساجي/اذا بتسلم تسلم على امي انتم مالكم كلمة عليها وبعدين من حقها ترتاح ولا نسيتوا انها حامل عزيزة ضحكت وهي تطلع الدرج وتهز راسها يمين ويسار رحمة/ترتاح وانتم طالعين!! ساجي/مثل ماطلعتي انتي ورجلك يوم امه مرضت رحمة كشرت ساجي/اشوفك ماحسبتي حسابها!! رحمة/مالك شغل فيني انا وزوجي ساجي ابتسم/حلوووو هذا اللي ابيه قولي اللي قلتيه لي لنفسك رحمة احتدت نظرتها ساجي/وصل تمام؟اكيد وصل وبالحيل/مشى/ . ((بيت ابو عمر1)) {جناح عمر و رغد} رغد بوجهها الشاحب متكورة على نفسها تحت بطانيتها عالكنبة عمر من عالسرير تنهد وهو مو مرتاح من شكلها من وصلت من الزواج/تعالي تمددي هينا انا مااقدر اتحرك اصلا وبترتاحين هينا رغد/عمر اتركني مااابي اسمع شي عمر زفر وهو يبلع الكلام اللي وده يقوله رغد اتسعت عيونها بفجعة وهي تحس بغرق تحتها فزت جالسة بفزع وهي ترفع اللحاف بكت عمر صرخ/وش فيك رغد بدموع وحرقة قلبها/بيروح مني ياعمر بيروح!! عمر جلس وهو يتالم اتسعت عيونه وهو يناظرها ام عمر فتحت الباب وبيدها صينية فيها كاسات وترمس حليب وباستغراب/وش فيكم اصواتكـ/سكتت وهي تناظر الدم/ ام عمر صرخت وبفجعةوهي ترمي اللي بيدها وجرت لها وهي ترفعها/قومي نروح المستشفى قومي بسرعة رغد سحبت يدها وهي منهارة وتهز راسها بلا/ماابي اروح بياخذونه مني ماابي اروح ام عمر شدتها من يدها بالقوة/تموتين نفسك اجل!!/وبصراخ/طلاااااال قرب السيارة ياطلال . {الـفـنـدق} سلطان جالس عالكنبة جواله باذنه وهو يضحك/ليش تطرديني طيب!! الجدة سدول بتهديد/لاتشوفك عيني اليوم وبس سمعت سلطان يحاول يحنن قلبها/والله يامضنون عيني قلبي تمزع لازم اشوفك الجدة سدول/عندك اللي تطببه لك اما انا لاتجي سلطان/ياجدة الجدة سدول قاطعته/والله والله ان شفتك اني سلطان قاطعها/لاتحلفين لاتحلفين استغفري ربك بس الجدة سدول مدت جوالها لام فواز/خذي عقليه بيفضحنا مع البنية ام فواز اخذته/هلا يمّه هلا سلطان سلطان اخذ نفس بتوتر اول مرة يكلمها بالجوال/وشلونك يمّه ام فواز/الحمدلله بخير عساك بخير وشلونك انت ووشلون فتنة؟ سلطان/بخير عساك بخير وشلون البنات وثابت ام فواز/كل من تسال عنهم طيبين الحمدلله لكن يمّه الليلة لاتجي مثل ماقالت جدتك سلطان/بس يمّه ام فواز/يايمه هذاك اول اللي يجون من بدري الحين لاتجي سلطان/وانا وش علي من الخلق!! عجايب قبال امها مدت يدها/اعطيني يمّه انا اتفاهم معه ام فواز ضربت يدها وهي تكلم سلطان/ادري يمّه لكن الليلة انت وعروستك اجلسوا مع بعض زين سلطان تعلقت عيونه على ذيك اللي قباله فتنة بفستانها الابيض الميدي بازارير كبيرة الحجم نوعا ما على طول الفستان باللون البني المحروق من وسطه بشعرها المسدول على ظهرها وغرتها الواضحة اللي غطت جبينها عكس الصباح ماكانت واضحة وهي رافعتها بساعة باللون الذهبي بيسارها واسوار ذهبية ناعمة بيمنيها بمكياج ناعم جدا خرجت من دورة المياه وهي تقفل حلقها وقفلت الباب وراها بدون اي انتباه لذيك العيون اللي تطاردها سلطان/يارب ثبّت يااارب فتنة قطبت جبينها وهي تسمعه ام فواز باستغراب/سلطان؟ سلطان/هلا يمّه هلا/وقف وهو يعدل جلسته ويعطي فتنة ظهره/ فتنة انصدمت منه سلطان/سمي يمّه سمي ام فواز/سمعت وش قلت لك؟ عجايب/وين يسمع يمّه الجدة سدول ضربتها/اسكتي انتي اسكتي سلطان ابتسم وهو يسمع صوت جدته ولاسمع عجايب عجايب/اااه قصدي اللي براسه يسويه وش فيك علي!! الجدة سدول/ايه ايه اعرفك انا يالكذوب اعرفك/مدت يدها لام فواز/ ام فواز بسرعة/مع السلامة من عندي/حطته بيد الجدة سدول/ الجدة سدول/اسمع عاد ان جيت محد بيفتح لك وان فتحوا لك جلدتك قدامها سلطان شهق/افا ياجدة افا!! الجدة سدول/عاد وصلك العلم سمعت/قفلت بوجهه/ سلطان كشر بوجهه وهو يقفل جواله ثم التفت لها فتنة منحنية شبه جالسة عالارض وهي فاتحة شنطتها قبال الدولاب توقف وتنحني ترتب ملابسها بداخله سلطان اللي وقف عندها قفل الدولاب فتنة رفعت راسها تناظره وهي تخفي انزعاجها سلطان انحنى وهو يمسكها من يدها يوقفها فتنة وقفت وهي تناظره بتوتر سلطان ماسك يدها بين يديه/ودي اشاورك بشي فتنة/تفضل سلطان/وش رايك نروح لمكة؟ فتنة اتسعت عيونها سلطان اخذ نفس بهدوء وهو يناظر صدمتها باللي قاله/يعني قلت ناجل سفرتنا شوي ونروح لمكة بس اذا ماتبين الحين مو مشكلة نأجلها لـ فتنة قاطعته بابتسامتها وهي تشد على يده بين يديها وبحماس/ايه ايه نروح مو لازم سفر اصلا نروح مكة ولانسافر عادي والله ترا تبي نروح الحين اجهز اغراضنا يعني هاه؟هاه؟تبي نروح؟ سلطان يناظرها بصدمة من حماسها فتنة اختفت ابتسامتها وهي تستوعب تركت يده باحراج سلطان شد على يديها ماتركها/ابشري من عـيـونـي نروح لمكة ابشري يافتنة سلطان ابشري فتنة شتت نظرها بالمكان تتحاشى نظرته سلطان/بس بالاول لازم نزور اهالينا واهم شي اخوك فتنة كشرت بوجهها/اي اخو؟!! سلطان/عمر مو مريض يكفي العرس صار بدونه فتنة سحبت يدها من يده وهي تلف عنه وتنحني لاغراضها وترتب بالدولاب وهي معطيته ظهرها/عادي مو كل شي يصير مثل مانبي سلطان انتبه لضيقتها وحاوطها بيديه من وراها فتنة تصنمت وهي تحس بيديه حولها وبدت تعرق من حضنه سلطان/ابشري ابشري بالعوض والله لاسوي عشا وتكحلين عيونك بفرحتهم جميع معك فتنة مسكت الدولاب وهي تبلع ريقها وسط دموع ملت عيونها سلطان تركها وهو يتجه لدورة المياه/ترا العباية وصلت وصلوها الريسبشن من بدر قبل شوي تجهزي حتى نخرج/دخل لدورة المياه وهو يقفل الباب/ فتنة جلست عالارض وهلت دموعها وهي تلقط انفاسها وبنفسها/يارب الطف بي وبه يارب الطف وهونها علي هونها يارب . لاحول ولاقوة الا بالله #سلطان_الهوى_يافتنة_الألفية | ||||
|
| |
 |
| أدوات الموضوع | |
| انواع عرض الموضوع | |
|
|
162Likes
العرض العادي
