06-10-22, 11:12 PM
| #61 | ||||
 
|  23 سبحان الله وبحمده سبحان الله العظيم - {بجاد و منايا} بجاد دخل للبيت وبيده كيس وبوكيه ورد وكم وردة مفردة ابتسم وهو يناظر عهد اللي تنتظره عالمدخل انحنى شبه جالس ويفتح لها يديه/هلا هلا عهد ابتسمت وهي تجري له/بابا/ارتمت بحضنه/ بجاد براحة صدره/ياعيون بابا ياعيونه/باسها وهو يناظرها/كيف الحلو كيفه اليوم عهد بتكسير نطقها الطفولي/الحمدلله بجاد سحب وردة وهو يمدها لها/ياوردة عمري انتي عهد اتسعت عيونها بفرح وجرت للبيت وهي تصرخ/وووععععدددد بجاد ابتسم وهو يوقف دخل وتنهد وعيونه على سلطان اللي مشغول بلعب الاون لاين/وبعدين ياسلطان وبعدين ماتمل!! سلطان ترك البلايستيشن وهو يوقف ويسلم على راسه/نورت البيت يبه بجاد ميل فمه وهو فاهم تصريفته مد له وردة سلطان ناظرها/وش اسوي بها!! بجاد/داري انك ماانت براعي ورد خسارة فيك وين امك بس سلطان وهو يرجع البلايستيشن/امي داخل بجاد دخل واستقبلته وعد وسلمت عليه واعطاها وردة همس لها/وين امك؟ وعد وبيدها علاقات الملابس/امي بغرفتنا بجاد اخذها منها/انتظروني عند سلطان شوي وجايين وعد وعهد اتجهوا للصالة عند سلطان منايا نادت من غرفة البنات ووصل صوتها لعندهم/وعد وينك جيبيها بسرعة!! بجاد دخل لغرفة البنات منايا واقفة قبال دولابهم وهي ترتب من ملابسهم التفتت لورا وهي تناظر الباب/وش/سكتت وهي تصد عنه/ بجاد/السلام عليكم منايا ماردت بجاد/الرد واجب ياام سلطان منايا مكملة شغلها بدون لاتلتفت له زفرت/وعليكم السلام والرحمة بجاد نزل الكيس ع سرير عهد وبيساره الباقة ورا ظهره وهو يحاوطه بيمينه من خصرها منايا كشرت بوجهها بجاد/مالنا حق بالعذر؟ منايا كتمت غيظها وهي ماردت بجاد/مالنا حق بالعفو؟ منايا بلعت ريقها وهي تبلع كلام يلعب بقلبها بجاد مد يساره اللي فيها البوكيه لقدامها منايا احتدت نظرتها بجاد تنهد/ياام سلطان هانت العشرة عليك!! منايا دفت يده وهي تلتفت له بملامح محتدة/من اللي هانت العشرة عليه يابجاد من هو!!ياليت تصحح الامور يابجاد ياليت!! بجاد/وش قصدك يامنايا هاه!!وش قصدك!! منايا ناظرته بصمت بجاد اللي تاخذه وتجيبه افكاره/يعني مابترتاحين الى مارجعه لنفس مكانه!! منايا/الله لايشغلنا الا بطاعته/مشت/ بجاد مسكها من يدها وبصراخه/اوقفي وش قصدك انطقي!! منايا سحبت يدها منه بقوة/قصدي واضح بدل ماانت شاغل عمرك بسلطان اللي تزوج وانتهى موضوعه وللحين شاك بنفسك انتبه لبيتك وحاول ترمم اموره بجاد ضربها كف منايا ناظرته بصدمة بجاد شدها من شعرها/لاتغرك غلاتك كل شي اسمح لك فيه الا تهينيني ببيتي لاجل غريب عنك منايا ماسكة يديه وهي تتوجع بجاد دفها بقوة منايا طاحت وضرب راسها بطرف السرير وهي معطيته ظهرها بجاد/الظاهر الحب ماعاد ينفع معك وهاذي اخرته/خرج/ منايا مسكت راسها بيديها ثم ناظرت يديها اللي اعلنت عن نزفها بوضوح بكت وهي تلوم نفسها /هاذي حصيلة يديك يامنايا هاذي هي تستاهلينه تستاهلين!! وعد دخلت عند امها منايا مسحت دموعها بسرعة رغم ملامحها المفضوحة وعد اتسعت عيونها بصدمة من منظر امها عهد انرعبت وهي تناظر وجه امها وبهمس/ماما منايا ابتسمت وهي توقف وتحاول تحافظ على ملامحها الطبيعية/ياروح ماما مافيه شي عهد وقفت عند امها بوجهها المخطوف وهي تتفحصها منايا انحنت وشالتها عهد مدت يدها الصغيرة تلامس جبين امها النازف وبكت من حست الدم بلل يدها بكمية طبعت هاللون على يدها منايا ضمتها وهي تبوسها وتكبح عبرتها اللي اهتز صوتها بسببها/والله مافيني شي ياروح ماما مافيه شي وعد بدموع ملت محاجر عيونها/ابوي؟ منايا بصدمة من سوالها/وش هالكلام!!لا طبعا زلقت وصار اللي صار وعد تناظرها بتكذيب منايا عطتها ظهرها وهي بكت من بكا عهد وبتصريفة لوعد/روحي جهزي لك غيار انتي واخوانك بنبات الليلة عند جدتي روحي . ((المستشفى)) طلال واقف قبال انتظار النساء متكتف ينتظرها ام عمر خرجت من الانتظار طلال اعتدل بوقفته وهو يتجه لامه وقف قبالها/ها يمّه وش صار؟ ام عمر/وش صار يعني طردتني من داخل وهذا انا انتظرها تعطيني خبر وواضح ان الخبر مايسر طلال زفر/لاحول ولاقوة الا بالله طيب تبين تروحين البيت؟ ام عمر/لا بانتظر شوي وبعدها يصير خير ان شاء الله انت روح لاتنتظر طلال/باروح تاركين عمر لحاله لازم ارجع له ام عمر/الله يكتب اجرك طلال/واجرك ماسويت شي يمّه توصين على شي ام عمر تنهدت/سلامتك بس كلم اهلك طلال قطب جبينه باستغراب/خير يمّه وش فيه ام عمر/رجع اهلك ياطلال طلال/مو وقته ولا مكانه يمّه ام عمر/كلم موج وتعرف استودعتك الله/دخلت الانتظار/ طلال مشى وهو يفكر بكلام امه الغريب بنظره . ـــــــــــــــــــــــــ ـــــــــــــــــــــــــ ــــــــــــــــــــــــ الـلـيـل . {الـمـزرعـة} مريم فتحت باب غرفته وهي تفتح النور سعد نايم على فراشه مريم تنهدت/سعد سعد سعد صحى على صوتها بفجعة وفز/وش فيه؟ مريم/بِسْم الله عليك مافيه شي مافيه سعد وقف/ابوي وينه؟ مريم/ابوك راح يجيب خبز سعد اتسعت عيونه/ليش كم الساعة وش كثر نمت انا!!! مريم/نوم العافية ياسعد عساه نوم العافية مالك الا ساعتين وش فيك مفزوع!! سعد زفر وهو يفرك وجهه بيديه/استغفر الله العظيم مريم/اغسل وجهك وصل واطلع لنا برا الجو يرد الروح نسولف شوي على مايجي ابوك سعد تنهد وهو يحس بصداع فظيع من هالنومة الغلط اللي نامها بدون مايحس على نفسه/ان شاء الله مريم خرجت بالمزرعة وجلست بجلستهم المعتادة سعد اتجه لها بعد ماصلى وهو يجلس قبالها ويحرك النار اللي بينهم بقطعة من الحطب اللي مشتعل مريم ناظرته بتمعن/ولد ياسعد سعد وهو يرفع الدلة ويصب فنجاله/سمي ياعمة مريم/وشلونك الحين سعد ابتسم وهو يرفع فنجاله يتقهوى ونظره لها بنفس الوقت/الحمدلله بخير جعلك بخير مريم تنهدت/لايكون اللي صايبك الحين من سعد قاطعها/لا ياعمة واتركي هالهواجس عنك مريم ناظرته بتكذيب سعد ابتسم/ياعمة مقدر ومكتوب والحمدلله على كل حال لعلها خيرة!! مريم/امين يجعلها خيرة لكن ماودي أندم ياسعد سعد شهق/الله لايجيب الندم ولايعرف لنا دار!! مريم/سعد الـعـم يُسر دخل/السلام عليكم سعد وقف وهو يتجه لابوه وياخذ اللي بيديه/وعليكم السلام والرحمة الـعـم يُسر ناظره بتفحص/الحمدلله كأنك ازين؟ سعد/الحمدلله مافيني شي من الاول يبه بس انت اطرد الشك عنك الله لايخليني منك . ((المستشفى)) ام عمر جالسة عالكرسي وساندة راسها عالجدار وهي بغفوتها صحت من اهتزاز جوالها ردت بنوم وهي تلتفت لرغد تتفحصها/هلا رغد نايمة بدر/ياهلا بصاحبة الصوت ياهلا ام عمر ابتسمت وهي تهمس/هلا ببديري بدر كشر/يمّه طول بعرض وبديري!! ام عمر ضحكت بخفة/ايه تظل بدير بعيني بدر/وشو له اجل سميتيني بدر كان صغرتي اسمي وارتحنا كلنا ام عمر تنهدت/وشلون ريان كيف رجله؟ بدر/حصان مايرده شي حصان لااله الا الله ام عمر/بِسْم الله عليه اذكر ربك بدر/ماشاء الله ماشاء الله والله يمّه ذبحني بديت افلس من وراه ياكل عن عشر ام عمر/ااه منك اااه بدر/اي والله يمّه يكفي للحين ماردوا علي بعد المقابلة ام عمر/ماعليك تفرج وانا موجودة وش لك بالعمل بدر بحدة/شي منهم مانبي ام عمر/بدر!!قلت لك انا!! بدر/لا يمّه حتى انتي لا الحين دوري مب دورك ام عمر ابتسمت/بدير وتظل بدير اعطيك الى ماتشيب بدر/الله لايخليني منك يمّه ام عمر/وش رايك تروح لاخوك بدر قطب جبينه/اي اخو!! ام عمر/عمر بدر ميل فمه ام عمر/طلال بتخلص اجازته ولازم يداوم وعمر بيقعد لحاله بدر/ماعندي مشكلة يمّه لكن هو يرضى؟ عمر/يرضى غصب ليه وضعه تارك له مجال يقول لا!! بدر تنهد/على خير يمّه باروح واجيبه عندنا ام عمر/لا لاتحركه لنا 3اسابيع ماحركناه بتجي تنكبنا!! بدر/بيت ابوي ماأجلس فيه ام عمر/لاتجلس بس الليلة بعدها انا موجودة بدر زفر/يصير خير بس متى يروح دوامه هالطلال الصدق ماابي اقابله يمّه ام عمر بضيقة/بدر!! بدر/سامحيني يمّه بس لو تقابلنا تذابحنا شوفي لي متى يروح وردي لي وانتي بعد متى تخرجين وردي لي اجيك ام عمر/انا ماراح اجي البيت وزوجة اخوك بهالحالة يبي لي كم يوم معها بدر تنهد/على راحتك بس اشتقنا لك يمّه اشتقنا ام عمر/قريب ارجع قريب يمّه بدر/الله يعجل بهالقريب الله يعجل ام عمر/يالله سلام/قفلت ورن جوالها تنهدت وهي ترد/ طلال/ها يمه اجيكم؟ ام عمر همست/اكيد بكرة لكن للحين ماكتبوا لها خروج انت وشلون اخوك؟ طلال تنهد/الحمدلله وضعه كل شوي احسن ام عمر بغيظ/وش فيه مااتصل فيها!! طلال/مدري عنه اساليه!! ام عمر زفرت/استغفر الله العظيم وانا وش سويت؟ طلال باستغراب/بوشو!! ام عمر بوسع عيونها/طلاااال!! طلال تنهد/مثل ماطلعت ترجع الى متى وانا اراضي!!مايصير هالكلام!! ام عمر بحدة/هالمرة بتراضي ورجلك فوق رقبتك طلال/يمّه!! ام عمر/الا اذا تبي ولدكم رايح راجع بينكم طلال قطب جبينه/اي ولد؟!!/اتسعت عيونه وهو يفهم/موج ام عمر قاطعته/ايه تعوذ من الشيطان واعقل وحاول بزوجتك عسى تعقل هي بعد تبي شي؟ طلال بهدوء/اذا خرجتوا اتصلي بس ام عمر قفلت وهي تزفر وتدعي بينها وبين الله يصلح امور بيتها اللي محتاسة التفتت تناظر رغد النايمة وحزنت عليها وهي تدعي لها بالعوض . {باحد المنتزهات} نايف مع عياله اللي بالالعاب يلعبون يمازحهم مابين فترة وفترة ياقوت جالسة عالفرشة بملل وهي تناظر جوالها ودها تعرف وش صار نايف جلس جنبها بعد ماتعب ياقوت سحبت ترمس القهوة وهي تصب له القهوة/تفضل نايف بابتسامة وعينه على عياله/يزيد فضلك ياقوت/خلاص مشينا؟ نايف التفت لها باستغراب/ليش؟اهلك مع سراج يعني بيتاخرون هناك واكيد عشاهم ببيت عمي جابر ياقوت/طفشت نايف تنهد/زعلانة للحين لانك مارحتي؟ ياقوت سكتت نايف/مالك بهالامور ياياقوت اذا سراج ماطلب منك مالك بها ياقوت/نايف هذا اخوي بدون طلب اروح لاتصير مستبد عاد نايف ميل فمه وسكت وهو يصد بوجهه ياقوت/انت كله تزعل مني وماتبي تسمع اي كلمة طيب يانايف هالمرة معي حق نايف التفت لها/هو طلب من جوهرة ولا قال لك شي صح او لا؟ ياقوت/مايحتاج يطلب اخته!! نايف تنهد/جوهرة موجودة ومرت ابوك بعد وبعدين لو زلت اختك بالكلام اعرفك بتفزعين معها وبدل ماتساعدينه تهدمين كل شي ياقوت اتسعت عيونها/لهالدرجة تتوقع اننا نرضى الاذية لاخوي يانايف!! نايف/وانت ماقلت انتي!! ياقوت صدت/اصلا دايم بعينك انا راعية مشاكل ماعمره بانت بعينك الزينة ابدا نايف اخذ نفس وزفره وهو ينزل فنجاله ووقف واتجه لعياله . ((بيت ابو فواز)) ،،الـمـجـلـس،، ثابت يناظره بغيظ وهو يقهوي الموجودين فواز يتقهوى بهدوء وهو يسمع الكلام ابو فواز/والله ياابو ماهر انت تدري اللي صار مـاهـو بهين ابد ابو ماهر/وانا اليوم ماني باأبو لسراج بهالمجلس سراج ناظر ابوه ابو ماهر/سحايب بنيتي وانا ماارضى عليها واليوم انا جالس معكم حالي حالكم ابي اشوف وش وراه سراج اخذ نفس وهو يناظرهم فواز اعتدل بجلسته/اولها اختي ماترجع بدون مهر سراج ناظره ابو فواز التفت له باستغراب فواز/مهر جديد واثاث جديد ثابت ميل فمه بقهر من فواز وده ابوه يتكلم ابو فواز اخذ نفس وهو يشد على قبضة يديه سراج/تم ابو فواز/صاحبة الامر ماوافقت على الرجعة سراج/ابي اشوفها ياعم تكفى لو مرة خلها تقابلني ابو فواز/يصير خير يصير خير ان شاء الله/التفت لثابت/ ثابت فهم ابوه وقف وخرج من المجلس . ،،غرفة الضيوف،، جوهرة جالسة تتقهوى بروقان وسط النظرات الحادة المتسلطة عليها عليا وهي تاخذ قطعة حلا من ذهب اللي واقفة قبالها بالصينية عجايب تناظر عليا بكره وهي تهمس لسجايا/وش لها شغل حتى تجي!! سجايا/اكيد بتجي مع زوجها عجايب وهي تناظرها من فوق لتحت/تكفي الجنية ذي مايحتاج لجيتها الجدة سدول ضحكت/صدقتي ياعجايب/ناظرت جوهرة/الجنية ماتعدل ابد ام فواز التفتت عن يسارها للجدة سدول وبهمس/عمة!! جوهرة نزلت فنجالها وهي تناظر الجدة سدول/والحمدلله هالجنية ماينخاف عليها ولا ياام جابر؟ الجدة سدول بكره/اما عاد ماينخاف صدق ماينخاف لكن كل واحد عقله معه يحسب حساب لاخرته قبل دنياه جوهرة ابتسمت/وحنا جايين حتى نصلح هالدنيا وان شاء الله الاخرة زينة لاتشيلين همها الجدة سدول/استغفر الله يشهد الله ماازكي نفسي الله يرحمني برحمته و جوهرة قاطعتها وهي تناظر ام فواز بدون اهتمام للجدة /والله ياخالة واضح للكل ليش حاضرين وسراج ولدك مثله مثل ماسحايب بنتك الجدة سدول/تعقبين سراج الغضيب مايجي ظفر سحايب الرضية عجايب ضحكت سجايا كتمت ضحكتها ام فواز التفتت لهم وهي تناظرهم بحدة واشرت لهم يخرجون عجايب تغافلت نظرات امها وهي تصد عن امها بتجاهل تام لنظراتها سجايا وقفت وهي تمسك يد عجايب وقفتها معها غصب وخرجوا وتبعتهم ذهب جوهرة بغيظ/ليش الغلط ياام جابر!!بدل ماتكونين محضر خير تولعينها زيادة!! الجدة سدول/هذا الصدق مانطقت شي غلط ابد جوهرة/الحين تقولين الغضيب وكلهم شهود!! عليا وهي تقاطع هواش جوهرة/حنا جايين لسحايب ياام فواز ووالله ماجينا الا لخير ونبي كل خير جوهرة تكتفت بغيظ عليا/ياليت تنادينها نسلم عليها وناخذ اخبارها اشتقنا لها والله الجدة سدول همست/ايه الشوق معروف تاليته ام فواز تنهدت/ياعمة!! الجدة سدول دخلت يدها بجيبها وهي تسمع رنة جوالها ام فواز/اكيد تجي جوهرة بغيظها/اهم شي تتفاهم مع سراج اللي كل يوم ناقع عشانها قبال بيتكم ولا بين بعينها سحايب دخلت وبحدة/اقل حقوقي ولو انتي مابترضين بغير الطلاق ياجوهرة والدليل وضعك الحين!! جوهرة/ايه اذا ماتبين اطلبي الطلاق وريحيه مو تعطلين حياته عشان زعل سخيف!! ام فواز وسط ملامحها المحتدة/جوهرررة!! عليا ناظرتها بحدة جوهرة ناظرت خالتها/نعم ام فواز/انتي اللي خليك محضر خير لاتحسبين مادريت بسالفتك مع سحايب وعلا جوهرة/والله ياخالة اللي يصير لسراج لو يصير لواحد من عيالك ماترضينه ام فواز/الا ارضاه واوقف معها عليه بعد جوهرة احتدت نظرتها وهي تناظرها الجدة سدول دخلت جوالها بجيبها وهي تناظر ام فواز وتوقف/وتسكتيني عشان ام لسان ماحشمتك وانتي خالتها اخر ريحة من اميمتها جوهرة بحدة/مالك بيني وبين خالتي ياام جابر الجدة سدول زفرت وهي تناظرها/مااقول الا الله يعينك على نفسك ويستر عليك من فعايلك يابنت نوار ماخذتي من اميمتك شي/مشت/ سحايب/اسمعي عاد انتي بالذات مالك بيني وبين سراج لو نهايتها طلاقي مالك شغل سمعتي جوهرة وقفت وبقهر/والله الحق علي اللي جاية أصلح بينكم لكن معروف مايبين بعينك شي ابد ياسحايب سحايب/محد طلب منك تصلحين ابد وذا اسلوبك!! جوهرة/والله ماجيت الا عشانه ولا انتي طول عمرك ماتستاهلين شي وقليل ماجاك ام فواز وقفت وصرخت/جوهرة!! جوهرة ناظرتها/ايه ياخالة ماترضين على بناتك ابد لكن غيرهم بالطقاق لو هم اللي غلطانين والى هنا ستوب خط احمر انا اخذ حقي بنفسي ماانتظر احد ياخذه لي ومشكورة وصلت ضيافتك ومرة على قلبي لكن هالمرار ماراح انساه ابد/مشت/ عليا وقفت وهي تهديهم/اعذريها ياام فواز وسامحيها لكن اللي تمر الحين فيه مو سهل لاعرفتي وضعها بترحمينها ياام فواز اعذريها ام فواز تنهدت وهي تستغفر عليا ناظرت سحايب/حياك ياسحايب حياك و سحايب قاطعتها/لاتحاولين تتوسطين لجوهرة اعذرها ياعليا لانها من البداية وهي تعاملها معي بذا الاسلوب ومستحيل اعذرها مستحيل عليا بضيقة/على راحتك لكن اليوم انا موجودة عشانك انتي وسراج ياسحايب سحايب/قولي له سحايب ماتبيك هو يسمع لك كثير يمكن يسمعها هالمرة زين عليا/تكفين بس شوفيه واسمعيه وبعدها شوي اللي تبين تكفين اسمعيه ياسحايب . الجدة سدول واقفة عند باب بيت ابو فواز الرئيسي/رح لها ثابت/وضيوف ابوي ياجدة!! الجدة سدول/به الثور اخوك هو يسنع الامور رح بس ثابت بتكشيرة/وزوجها تعرفينه ياجدة مايرضى احد ياخذها اخاف يسوي مشكلة وبعدين يلوموني انا!! الجدة سدول ضربت عكازها بالارض/معصي من يلومك وانا معك ثابت/الثور اللي تقولينه يدور الزلة الجدة سدول/يعقب يقول لك كلمة رح بس وجيبها ثابت تنهد/ان شاء الله بس قولي للبنات يجهزون العشا الجدة سدول/رح وانا باقول لهم رح ثابت مشى . جوهرة خارجة من بيت ابو فواز بعد ماطلبت لها سيارة بتترك هالبيت اللي يجيب لها النكد وهي تتجه للحوش الخلفي تبي تشوف عيالها وتاخذهم قبل ابوها ياخذهم وقفت وهي تقطب جبينها تناظرها جواهر منحنية شبه جالسة على مدخل الحوش الخلفي بعبايتها المغبرة من الارض وهي تمسح دموع جوهرة اللي تبكي قبالها باطراف اصابع يديها/لا ياماما لا عساه بعدوك ياقلبي خلاص ياماما خلاص ياجوجو خلاص يمّه انا هالدموع/باستها على خدها وهي تضمها/ياروح جواهر ياجوهرتي انتي جوهرة قطبت جبينها بشك وكملت طريقها وبابتسامة/اهلين زوجة فواز؟ جواهر وقفت باببتسامة وهي تشيل جوهرة بحضنها/وصلتي حياك الله جوهرة مدت يدها وسلمت عليها/يالله من زمان زمان عنك كيفك اخبارك وكيف اولادك؟ جواهر/الحمدلله بخير جوهرة صح؟ جوهرة ابتسمت/ايه صحيح جوهرة بنت خالة فواز جواهر/تفضلي حياك عالقهوة جوهرة/لا شكرا مستعجلة والله خسارة ماشفتك داخل جواهر باحراج/موضوع خاص صعبة اكون موجودة جوهرة وهي تناظر جوهرة الصغيرة/ياعمري انتي/باستها/ايش اسمك ياحلوة جواهر/سميتك جوهرة/صدق!!/فتحت شنطتها وهي تخرج المبلغ الموجود كله/ياروحي السمية سامحينا ماجيناك وتعرفنا عليك من زمان جواهر وهي ترد يد جوهرة لاتحط المبلغ/لا والله جوهرة قاطعتها وبالقوة تحط المبلغ بلبس جوهرة/والله لولا البعد حقها اكثر من كذا هاذي السمية لكن اعذريني ياجواهر اعذريني جواهر قبلتها وسط احراج/يكثر خيرك ماتقصرين جوهرة وقفت وهي تنادي عيالها/وسام جيب اخوانك ويالله جواهر/اتعشي قبل تمشين جوهرة/لا والله مستعجلة يكثر خيرك جواهر مسكتها من يدها وباصرار/والله ماتمشين اقلها تقهوي معي جوهرة تورطت وهي تخاف ابوها ياخذ عيالها/تسلمين حبيبتي مشكورة لكن مضطرة امشي جواهر/بس قهوة لاترديني حياك جوهرة تنهدت بضيق وهي تكنسل طلبها/يكثر خيرك ياقلبي يكثر خيرك . {منايا و بجاد} منايا بعبايتها واقفة عند الباب ردت/ايه نازلة الحين دقايق بس/قفلت وهي تناظر سلطان/انزل انت وخواتك لثابت ينتظركم تحت سلطان بيده شنطة صغيرة/ان شاء الله يمّه/خرج ومعه اخواته/ بجاد وقف على مدخل الصالة وهو يناظر منايا/اعقلي يامرة واجلسي ببيتك منايا ماردت وهي تربط نقابها بجاد تنرفز منهت ومسكها من يدها/منايا منايا سحبت يدها منه/تبيني اجلس وانت مسوي فيني كذا!!لو جلست الليلة بالبيت بكرة نهايتي تذكر على كل لسان بجاد بحدة/وشو!! منايا/انا تعبت منك ومن شكوكك راجع نفسك بالايام اللي بعيدين عنك فيها يمكن يرجع بجاد اللي اعرفه يرجع لي بجاد زوجي حتى مع اللي سويته راجعة لك لكن ابي بجاد يرجع بالاول يرجع/مشت/ بجاد يناظرها بغيظ/هين نشوف وين بتروحين وانتي محد بيقبل بك غيري ان مارجعتي من نفسك مااكون بجاد هين/قفل الباب بكل قوته/ منايا بلعت غصتها وهي تسمع صدى صوته يتردد بالعمارة الكل عرف بهوشتهم . ((بيت فواز)) جوهرة واقفة عالباب وباستعجال واضح/يكثر خيرك يارب واسفة والله اسفة عالزيارة اللي بدون موعد احرجتك معي جواهر بابتسامة/وش اسفة مو اسفة الا شرفتيني والله وان شاء الله تعيدينها وتعوضين هالنص ساعة بسهرة معتبرة جوهرة/ان شاء الله حبيبتي ان شاء الله يالله عن اذنك اشوفك على خير/خرجت/ جواهر/فمان الله حبيبتي فمان الله جوهرة تنزل الدرج بخطوات سريعة وهي كل تفكيرها كيف تتهرب من ابوها شهقت وهي مابينه وبينها الا شعرة فواز صد عنها جوهرة بفجعة/يمّه قلبي/ناظرته بتقطيبة جبينها كيفك ياولد الخالة؟ فواز قطب جبينه وهو صاد للحين/الحمدلله بخير جوهرة/ماعرفتني يافواز!!ام وسام فواز/الله يستر عليك ياام وسام تيسري جوهرة كشرت بغبنة وهي تشد قبضتها لكن شكها يغلبها/تدري اني تطلقت فواز/معوضة خير الله يرزقك باللي احسن منه وتدرين اني متزوج يابنت الخالة واللي فات مات جوهرة/المهم عندي انك دريت اني تطلقت فمان الله ياابو جابر فمان الله/نزلت الدرج بابتسامة/ فواز قطب جبينه باستغراب من تصرفها وكمل طريقه لبيته جوهرة نزلت وهي تحس بسعادة نستها اللي صار ويصير معها فزت/بِسْم الله ابو فواز واقف عالدرج يناظرها بحدة وهو سمع اللي دار بينهم جوهرة بربكة/حياك خالي جابر وشلونك ابو فواز بغيظ/لوني اقشر عالردي يابنت احمد جوهرة بلعت ريقها/الله يسامحك ياعم وش هالكلام!! ابو فواز بحدة/كلمة وحطيها باذانك حلق يابنت الناس من باعنا مانشريه ولو هو بارخص الاثمان جوهرة احتدت نظرتها بقهر ابو فواز ترك لها طريق/وسمعتيه تيسري يابنت الناس تيسري جوهرة نزلت الدرج بخطوات سريعة كلها غيظ ابو فواز رجع طريقه وهو اللي نسى اللي كان جاي عشانه . ((بيت ابو فواز)) ،،المجلس،، سحايب جالسة قباله وهي صادة بوجهها عنه سراج/وشلونك ياسحايب؟ سحايب/الحمدلله سراج/والعيال كلهم بخير؟علا كيفها؟ سحايب/الحمدلله بخير دامهم معي بيكونون بخير سراج بابتسامة/اكيد اللي مع امه بخير سحايب ناظرته باستغراب من اسلوبه سراج/الحمدلله ناظرتيني اسمعي ياسحايب انا جيتك وكلي سحايب قاطعته/سراج امساك بمعروف او تسريح باحسان سراج/ابشري بالمـ سحايب قاطعته/معروفك كان صعب وبالحيل وعرفت الراحة وانا بعيدة عنك رجعت الحياة لروحي وزانت بعيني بعد ماكنت اتمنى الموت ياخذ واحد منا ياانا او انت وارتاح سراج تغير وجهه سحايب/المعروف معك مايناسبني ابد ياسراج طالبتك ياسراج طالبتك تسريح باحسان تكفى كان بقى بقلبك شي يجمل العشرة تكفى طلبتك تسريح باحسان سراج اخذ نفس وهو امتلى خيبة ورا خيبة رغم توقعه لطلبها وناظرها/مااقدر سحايب ابتسمت بحزن/ادري انك ماتسويها سراج/لكن المعروف ابشري به سحايب/مااارجع معك ياسراج سراج مد يده وهو يمسك يدها سحايب سحبت يدها سراج شد على يدها/سحايب سحايب ناظرته بتكشيرة سراج بوعد/يشهد الله ياسحايب هالمرة معروف معروف يشهد الله سحايب بدموع وهي وصلها صدق مشاعره/مابي قدرة للخيبة ياسراج يكفي ماحصل سراج/شاريك ياسحايب جيتك لعندك شاريك ولا لي نية ارخصك تكفين لاترديني سحايب تناظره بدموعها سراج/وكل ماتبين ويبون تم ومن عـيـونـي جيتك لعندك اعفي واعطي هالسراج فرصة لايترك عياله وزوجته وهم قلوبهم سودا عليه تكفين . ـــــــــــــــــــــــــ ـــــــــــــــــــــــــ ــــــــــــــــــــــــ يوم جديد . {الـفـنـدق} فتنة جالسة عالكرسي قبال مراية التسريحة تقلب الجوال بين يديها وهي تتفحصه بابتسامة رغم خوفها ورفضها من امتلاك اي جوال لكن فرحتها فيه طاغية على ملامح وجهها نزلته بسرعة اول ماسمعت فتحت باب الحمام وهي تقوم من عند التسريحة وتتجه للكنب سلطان خرج من الحمام ومنشفته على راسه ناظرها بنص عين فتنة جلست عالكنب وهي تنحني للريموت اللي عالطاولة قبالها وتفتح التلفزيون سلطان كمّل طريقه للتسريحة وقف عندها يناظر الجوال/والله انا احس بالذنب الصراحة فتنة التفتت له تناظره باستغراب سلطان رفع الجوال وعينه عليه/يعني غصبتك امس تختارينه وانت ماتبين جوال من الاساس فتنة تضايقت ووضح على وجهها للحظة ورجعت عينها عالتلفزيون/عادي مو مشكلة سلطان وهو يناظرها بالمراية بابتسامة/والله ذبحني الذنب ماقدرت انام البارح فتنة/صح وشخيرك واصل اخر الممر مانمت منه!! سلطان كتم ضحكته وهو يتجه لها وجلس جنبها فتنة ماناظرته سلطان نزل المنشفة على اكتافه/يعني اقول اقتراح مجرد اقتراح وش رايك نرجعه للمحل وفلوسه سوي فيها اللي تبين حلالك فتنة/خلاص شريناه وشو له نرجعه سلطان وهو يرميه عالطاولة فتنة اتسعت عيونها وهي تشوفه ينضرب بالطاولة بقوة سلطان/لا بس اشوفك ماتبينه ابد مالمستيه من اخذناه وماودي اضيق خاطرك كل ماناظرتيه اكتئبتي منه فتنة التفتت له بغيظ/السالفة استقعاد صح؟ سلطان شهق/استغفر الله!! فتنة/اي والله انها استقعاد سلطان بابتسامة/كيف عرفتي!! فتنة مدت يدها للجوال وهي تسحبه من عالطاولة وتتفحصه/دامك دفعت ليش ترميه كذا حرام عليك!! سلطان باستعباط عليها/على اساس ماتبينه!! فتنة رجعته عالطاولة وناظرت التلفزيون بغيظ/خلاص ماابيه سلطان اخذه وهو يحطه بيده ويقفل عليه/والله تاخذينه فتنة وهي تسحب يدها/ماابيه سلطان وهو يسحبها لحضنه بيساره ويقفل يمينه على يدها والجوال بيديهم/والله والله تاخذينه لك خلصنا فتنة جمدت بحضنه وتسارعت بانفاسها سلطان ميل راسه وهو يناظر وجهها بابتسامة/حلفت ترا فتنة همست وهي تحاول تهدي نفسها لاتفضحها انفاسها/طيب بس اتركني سلطان تركها وهو يناظر وجهها المتغير وناظر التلفزيون بتضييع لشكوكه/ترا حفظت رقم بدر هو اللي معي بس فتنة ابتعدت عنه شوي وجلست بطرف الكنبة سلطان التفت لها/وش رايك تتصلين به ترا مايعرف رقمك؟ فتنة ناظرته باستغراب سلطان/سوقيها عليه وشوفي فتنة ابتسمت وهي تفتح الجوال واتصلت سلطان قرب منها وبحماس/حطي سبيكر بدر بنوم/ها يمّه امركم؟ فتنة وهي تحاول تغير صوتها/عيون امك انت ايه تعال مرني سلطان متكي بطرف دقنه على يده يناظر حماسها بابتسامة بدر قطب جبينه باستغراب من الصوت وهو يصحصح وجلس/هلا حي ذَا الصوت فتنة اتسعت عيونها بصدمة منه بدر/يسعد اللي متصل علي بالغلط اموت انا اموت فتنة تسمعه مصدومة بدر/وش ذَا الصوت اللي يذوب من اول حرف تعبنا من الجفاف والله تعبنا اخيرا اخيرا فيه انثى تتصل علي راضي لو بالغلط امري وينك امرك ونشرب كوفي وكلي قلوب فتنة بعصبية/عسى القلوب ماتكتمل وجع سلطان ضحك وهو يناظرها بدر/افا افا وانا اللي اقول يازين الصدفة اللي جابتك لي متى نلتقي وينتهي الشوق فتنة/بدير مسرع حبيت!!وجع وش ذَا!!صدق ماتستحي!! بدر ضحك/افا افا على طول اتهمتيني فتنة مكشرة بوجهها/مااتهمتك انت اللي طيحت الميانة وبعدين وش يدريني عنك بدر/اذا بتلعبين اصملي قوي قلبك وش فيك ضيعتي فتنة بغيظ وهي تناظر سلطان/عطاك رقمي صح؟ سلطان هز راسه بنفي/استغفر الله لاتتهميني بدر/ايه بس لك الله يابدر!!ماتسمعين لي وهو اول ماقال اختاري اخترتي وانا ماترضين/تنهد/معوض خير يابدر معوض خير فتنة/اقول لاتصير شايب يتشكى كل شوي قلت لك بيتي مفتوح سلطان يناظرها بابتسامة فتنة/ترا بنمر نسلم عليكم بدر/وين تمرون!!بيت ابوي؟!! فتنة بابتسامة/طبعا يعني وين بدر/بس فتنة قاطعته/اشوفك هناك يالله سلام/قفلت/ سلطان/ها جاهزة؟ فتنة بتوتر تخفيه/انت تقول المغرب سلطان بابتسامة/والله اشتقت لجدتي . ((الـمـسـتـشـفـى)) رغد بعيونها المنفوخة من طول بكاها من عرفت بفقدها لطفلها ام عمر تساعد رغد بملابسها/كل شي خيرة مااخذ الا وله حكمة وانا عمتك رغد بكت ام عمر/ابكي محد له حق يلومك هذا قطعة منك اذا مابكيتيه من يبكيه لكن لاتعترضين على حكم ربك والله بيعوضك خير يابنتي رغد/عمة سامحيني ياعمة ام عمر قطبت جبينها رغد بدموعها/انا اللي اخذت عبايتك وعباية فتنة ام عمر انصدمت/ليش!! رغد/لان فتنة ضيقت صدر عمر قالت له مااستفدت منك وانت بصحتك وش ابي منك وانت مريض ام عمر فز قلبها بفجعة من قوة الكلام رغد/بالله ذا كلام اخت لاخوها ماتحملت واخذت العبايات ورميتها بدورة المياه وشكله ذنبك ياعمة سامحيني بس من القهر ماانتبهت للي سويته سامحيني ام عمر ضمتها/خلاص يابنتي خلاص لاتبكين حصل خير حصل خير . ((بيت اهل موج)) موج بوجهها الشاحب متكتفة وهي منزلة عيونها بالارض طلال/يرضيك اللي تسوينه يرضيك موج ناظرته بغيظ/ايه يرضيني ياطلال تمام الرضا!! طلال/يعني امور خاصة وادري بها من امي!!المفروض اعرفه منك!! موج ضحكت بسخرية/ليش هو كان فيه امور خاصة من قبل مو كل شي تعرفه عمتي جت شرهة علي الحين!! طلال/موووج!! موج/وخلينا صريحين مع بعض شوي ناوي تجي مثلا قبل ماتدري بهالخبر!! طلال سكت وهو يناظرها بغيظ موج/هاذي الحقيقة ياطلال طلال/انا مافيني حيل للتغلي تعبت وهاذي الصراحة عجبتك او لا موج زفرت بضحكة تخفيها طلال/هو سؤال واحد باقوله وامشي وانتي بيدك القرار وانا راضي موج ناظرته بتكشيرة طلال/هاللي بيجي باذن الله على خير ولد او بنت تبينه يعيش مابيننا اسبوع عندي واسبوع عندك موج احتدت نظرتها/وليش من قال بتاخذه اصلا!! طلال وقف/انا قلت اللي عندي وانتي بكيفك/خرج/ . ((بيت ابو فواز)) ،،المجلس،، فواز قبال ابوه/سم يبه ابو فواز/وش سويت بالمعرض فواز زفر بضيق/خير ان شاء الله يبه خير ابو فواز/ان شاء الله خير بس وش سويت فواز/اللي بعته عالتشليح واللي ركنته ماله فايدة والحمدلله ابو فواز/وش اللي سبب الحريق؟ فواز/كهربا ابو فواز قطب جبينه/بس الشركة اللي متعاملين معها زينة!! فواز بلع كلامه/الحمدلله على كل حال ابو فواز فتح محفظته وهو يخرج بطاقته ويمدها له/خذ فواز اتسعت عيونه وبرفض/لا يبه لا مااقدر انت بعد خسرت مثلي ابو فواز/بس انت شاطر بهالامور خذ والله بيفتحها علينا من جديد باذن الله فواز/لا يبه والفرع الثاني اللي ماصدقنا يوافقون يأجرونا موقعه ابو فواز/خيرة يومهم رفضوا وطولوا خيرة الحمدلله فواز/لا يبه المعرض يبي له ميزانية كبيرة وبعدين حرام يروح مطارد سنتين على ذَا الموقع حرام ابو فواز حطها بيده بالغصب/لاتنسى اني شريك فيه معك والفرع الثاني بيفتحها ربي ويساعدنا ان شاء الله فواز تنهد وهو يناظر البطاقة ابو فواز/وترا اللي بالبطاقة مـاهـو بذا الزود والمعرض يبي له ميزانية على قولتك لكن الجود من الموجود وانا ابوك فواز تنهد/والله يايبه ابو فواز/خذه وانت ساكت ودبر عمرك وانا ابوك . ((بيت الجدة سدول)) الجدة سدول تلعب عهد بحضنها/وعهيدة الدلعة يبي لها قرصة عهد شهقت وهي تلتفت لامها/ماما جدة بتقرصني!! الجدة سدول/هذا اللي ضربني وبكى سبقني وشكى!! منايا ابتسمت/جدة ياعهد ماتضربك ابدا تحبك هي تمزح معك بس الجدة سدول/اي والله مالي بالضرب الضرب معروفة وين دياره منايا/جدة!! الجدة سدول/وش فيك زعلتي مالك حق تزعلين ابد!! منايا كشرت بوجهها/انتي تبيني امشي ياجدة هذا اللي تبينه بكل مرة الجدة سدول بحدة/استغفري ربك واطلبي السماح على هالظليمة يابنت جبر!! منايا بعبرتها/ليش ياجدة ليش بكل مرة تتقصديني وتتعمدين تذكريني باللي سويته ليش!! الجدة سدول بحدة/بنت يامنايا اسمعي زين وافهمي اللي باقوله منايا تناظرها بدموعها الجدة سدول/محد يلومك بهالبيت والموضوع قفلناه وانتهينا انتي اللي بكل مرة تجين وتفتحينه وتلومين نفسك وتتهمينا بهاللوم!! منايا عضت شفتها بقهر وسط دموعها اللي غلبتها وانسابت على خدها الجدة سدول/وهذا يابنت جبر ان دل دل على الندم والحسرة اللي اكلت قلبك من فعلتك الشينة منايا بكت بحسرة عهد قامت من حضن الجدة سدول وهي تجري لامها وتحاوطها بيديها الصغيرة لحضنها وبدموعها/انا مااحبك ياجدة ياعجوزة ان شاء الله تبكين اكثر من ماما مااحبك الجدة سدول ابتسمت وهي تناظر عهد/الحمدلله اللي طلعتي من هالدنيا بشين زين يامنايا منايا تمسح دموعها وهي تبلع عبراتها الباقية عهد بغيظ وعينها على جدتها/جدة شريرة جدة عجوزة الجدة سدول/اي والله اني عجوز يالبزر ويبي لك تمصع اذاني ياام لسان طويل منايا ضمت عهد لها وهي تبكي عهد مدت لسانها لجدتها وهي تمسح على راس امها . ((بيت ابو فواز)) ،،غرفة الضيوف،، فواز وقف وهو يناظر امه اللي تمشي باتجاهه ام فواز داخله وبيدها كيس باللون الفضي فواز سلم على راس امه/وشلونك يمّه ام فواز بزعلها/الحين وشلونك!!لك ثلاث ايام مامريت ولا سألت يافواز!! فواز/العذر منك يمّه ام فواز/ماااقول الا الله يهديك يافواز الله يهديك فواز بنرفزة/يمّه اذا تبين تفتحين طاري يضيق الصدر تكفين لاتقولين شي وانا افهم وامشي تكفين ام فواز/شوي شوي لايطق بك عرق خايف اجيب طاري سلطان! فواز بوسع عيونه/يمّه!! ام فواز/لاترفع صوتك واجلس بس فواز واقف ماتحرك ام فواز مسكته من يده وهي تجلسه عالكنب بالغصب وجلست جنبه/هو صحيح تزعلني وتغيظني بكلامك على اخوك لكن عسى الله يصلح بينكم فواز وقف وبنرفزة/يمّه اذا عندك غير ذَا الكلام ابشري اما هالكلام ماخذ خيره وشره سلام ام فواز مسكته من يده وهي تجلسه وبعصبية/اجلس بس اجلس لاتشوف شي مايعجبك/مدت له الكيس اللي بيدها/خذ فواز قطب جبينه باستغراب وهو ياخذ الكيس منها/وشو يمّه؟/فتحه واتسعت عيونه ومده لها/لا يمّه لا!!وش ذَا الكلام انتي وابوي متفقين اليوم!! ام فواز ردت الكيس/هذا مني انا وخواتك هو مـاهـو بذلك الشي لكن عسى الله ينفع به فواز بغيظ/لا يمّه لا ماقبلته من جواهر حتى اقبله منكم لا ام فواز/ومين اللي قالك انه ببلاش فواز يناظرها بغيظه ام فواز/كل شي بحقه وانا امك لا ربي انعم عليك رجعهن فواز حطها عالكنبة ووقف/لا يمّه والله مااقدر يشهد الله مااقدر ام فواز وقفت وباصرار/يحرمن علي وعلى خواتك يافواز فواز بحدة/استغفر الله العظيم!! ام فواز/اذا ماخذيتهم يشهد الله رميتهم بالزبالة وورطتك مع خواتك يافواز فواز شهق/يمّه ام فواز اخذت الكيس ومدته له/خذ فواز يناظرها ام فواز/اذا ماساعدوك اهلك مين بيساعدك خذ بس فواز تنهد وهو يناظرها . {الـمـزرعــة} الـعـم يُسر جالس عند راسه وهو يكمد له مرتسم على وجهه الهم والضيق مريم دخلت وبيدها موية جديدة جلست جنب الـعـم يُسر/رح نام انا معه الـعـم يُسر ناظر سعد بضيقته سعد متمدد على فراشه وتحت بطانيته بوجهه الشاحب ينتفض من زود حرارته المرتفعة الـعـم يُسر/مااقدر مااقدر يامريم اروح عنه يعلم الله مااقدر مريم/لاتروح تمدد بزاوية الغرفة تريّح شوي وانا عنده يايسر تريّح الله يهديك الـعـم يُسر وهو يناظره بضيقة اخر عياله التسع هالسعد على كثر مايهاوشه الا انه يخاف عليه اكثر من روحه وبصوت اهتز/خليني عنك يابنت الحلال خليني عنك مريم تنهدت وهي تجلس جنبه/والله مااخليك يايسر سعد وليدي اللي ماانكتب لي يايسر/حطت يدها على كتفه/حرارة تمر ولاتضر ياابو حمد تمر ولاتضر بعونه . سراج يطلع الدرج ويده بيد جوهرة يسحبها بالقوة جوهرة وهي تسحب يدها منه بعناد سراج ترك يدها وهو يلتفت لها ومن بين اسنانه/وبعدين وبعدين مع راسك اليابس وبعدين!! جوهرة بغيظها/لاتصير علي معهم ياسراج لاتصير تكفى سراج/اسمعيني ياجوهرة اسمعي الحين ادخلي وراضي ابوي وبعدها سوي اللي تبينه ليش ماتفهميني ليش!! جوهرة/مااعرف الحيلة انا اعطي بالوجه سراج/اعطيني بالوجه لكن ابوي ماينفع معه اسمعيني وتشوفين اسمعي كلامي جوهرة ناظرته بغيظها سراج/اسبوعين وهو يطقطق على راسك ويغيظيك وبعدها محد حولك سوي اللي تبينه امشي جوهرة/واذا ماصار هالكلام سراج/لك علي اوقف بوجه الكل عشانك ياجوهرة بوجه الكل جوهرة ناظرته للحظات ثم اسرعت بخطاها عالدرج وهي ترن جرس بيت نايف سراج وقف جنبها وسام فتح الباب بدون لايسال جوهرة سلمت عليه وضمته لها/وين جدك؟ وسام/داخل يتقهوى جوهرة/العلة زوج خالتك موجود وسام هز راسه بلا/ماشفته اليوم جوهرة دخلت وهي تبكي/يبه اسفة يبه والله اسفة سراج ضحك بصدمة وهو يناظر بكاها . ((بيت الجدة سدول)) فتنة جالسة جنب الجدة سدول وطرحتها على اكتافها بمشاعر مختلطة مابين خجل من وجوده وكثر الحب اللي غامرها من الجدة سدول الجدة سدول محتضنة يد فتنة بين يديها/ياهلا بعيوني ياهلا تو مانور البيت توه سلطان قبالهم/منور براعيته منور بوجودها الله يبقيها ويسلمها/وقف/ الجدة سدول شهقت/وش فيك وقفت!! سلطان/والله ياجدة مشوار ضروري وراجع الجدة سدول/الله ومشواريك اللي ماتخلص ياسلطان!! سلطان بابتسامة/والله ياجدة ضروري ضروري لكن ابشري راجع وباجلس معك وبتطردني من كثر غثاي الجدة سدول زفرت وهي تناظره بشك سلطان وقف وهو يتجه لها/والله راجع ياجدة راجع وامي والبنات للحين ماشفتهم راجع ياجدة/انحنى وهو يسلم على راسها/راجع يامضنون عيني راجع/اعتدل بوقفته وعينه على فتنة/يالله الجدة سدول شدت على يدها/انت تيسر وش لك ببنيتي!! فتنة ابتسمت بحب بهالمشاعر الصادقة سلطان/اوصلها لاهلها ياجدة الجدة سدول/رح انت انا اوصلها عنك سلطان باحراج/صعبة ياام جابر تروح بدون زوجها صعبة لاتنسين توها عروس الجدة سدول تنهدت وهي مو عاجبها الوضع لكن كلامه اقنعها/هالمرة مسموح سلطان باس يدها بابتسامة/الله لايخليني منك الجدة سدول مسكت يده/ترا ماجلست معك زين سلطان ابتسم/ولا انا ماشبعت منك للحين يامضنون عين سلطان الجدة سدول/لاتبطي سلطان/ابشري ياام جابر ابشري الجدة سدول/الله ييسر لك ياعيني الله ييسر لك سلطان وقف وهو يناظر فتنة فتنة وقفت وهي تعدل عبايتها وتلبس طرحتها سلطان مشى للباب الجدة سدول/بيتي بيتك يـافـتـنـة لايردك عنه شي فتنة انحنت وهي تبوس راسها/الله يخليك لي ياجدة الجدة سدول بابتسامة/ويصلحكم لي ياعيوني ويصلحكم فتنة لبست نقابها وانحنت وهي ترفع شنطتها لكتفها ومشت وناظرته وهو ينتظرها عند الباب سلطان ابتسم اول ماطاحت عينه عليها ومد يده لها فتنة لبست بكعبها وبخجل وهي تناظر يده همست/واذا شافنا احد؟!! سلطان مد يده اكثر ليدها وهو يمسكها ويشد عليها/حلالي!! فتنة وهي تحس بوجهها انحرق من كثر احراجها همست/بشويش كل العالم سمعوك سلطان مشى وهو ماسك يدها/خليهم يسمعون انتي لي ماسويت شي حرام انتي حلالي وانا حلالك يـافـتـنـة سلطان فتنة شدت على يده وهي التزمت الصمت وعينها عالارض سلطان ابتسم من حس بشدة يدها على يده تنهد وهو يلتفت لها وهمس/وتلوميني!!صدق انك فتنة فتنة والله يـافـتـنـة فتنة شدت على يده بيديها الثنتين وبهمس وهي عرقت من كثر احراجها/خلاص والله خلاص الله يخليك!! سلطان ضحك/طيب طيب خلاص/وقف على باب بيت ابو عمر وناظرها/محتاجة شي؟ فتنة/سلامتك سلطان تنهد/انا رايح للمركز فتنة قطبت جبهتها/اي مركز؟!! سلطان/الشرطة اقصد فتنة انقلب وجهها تحت نقابها سلطان/لاتشيلين هم اكيد شوية فواتير فتنة تنهدت براحة سلطان/لولا هالمشوار الضروري ماكانت الزيارة بهالشكل يـافـتـنـة فتنة/عادي نأجلها بكرة سلطان/خذي راحتك معهم ماني مطول بالكثير ساعتين ان شاء الله وراجع فتنة/بحفظ الله سلطان/انتبهي على نفسك فتنة/وانت بعد سلطان دق الجرس واتجه لسيارته اللي واقفة عند باب بيت ابوه ركب السيارة وهو يأشر لها بيده بمعنى سلام فتنة رفعت يدها وهي تاشر له بنفس الشي غياث فتح الباب واتسعت ابتسامته/فتنة!!! فتنة ابتسمت وهي تنحني له وتضمه/ياعيون فتنة/سلمت عليه ودخلت وهو يقفل الباب وراها/ سلطان اخذ نفس وهو يكبح توتره وحرك سيارته لاكثر مكان مكروه لقلبه . ((بيت نايف)) ،،غرفة الضيوف،، ياقوت فتحت الباب وهي مقطبة جبينها تناظرها بشك دخلت وقفلت الباب وراها وهي تناظرها جوهرة تجمع اغراض عيالها وترتبها بالشنطة التفتت ناظرتها وابتسمت/هلا حياك ياقوت جلست على اقرب كنبة لها وهي تناظرها بهدوء جوهرة ناظرتها باستغراب/وش فيك؟!! ياقوت/جوهرة تمشي عالكل الا علي جوهرة ابتسمت وهي تكمل شغلها/وهذا العشم بأختي من يعرفني كثرها!! ياقوت/وش ناوية عليه؟! جوهرة/كل خير كل خير ياقوت/الله يستر من خيرك ياجوهرة جوهرة/خيري اوله باين عليك ياياقوت ياقوت قطبت جبينها جوهرة التفتت تناظرها/وش فيك تناظريني كذا!!هذا الصدق!!لولا اني غضيت النظر عن زوجك الله اعلم وش صار ببيتك ياقوت احتدت نظرتها جوهرة تنهدت وهي تقفل الشنطة/بس عشان تعرفين ان اختك ماترضى عليك شي ياقوت وقفت وهي تشد قبضتها/كثر خيرك ياجوهرة بس تراك في بيته حاسبي على الفاظك شوي/خرجت وهي تقفل الباب بقوة/ جوهرة/الله والبيت عاد!!كلها شقة اللي يسمعك يقول فلة/وقفت وهي تسحب شنطتها معها/ . {ساجي و سدول} ساجي ويساره بيد سدول ويمينه الكوفي يتمشى معها سدول ناظرته وهي تستجمع شجاعتها/ساجي ساجي التفت لها باستغراب منها من رجعت تناديه باسمه مو مثل قبل ابتسم وهو يطرد شكه/سمي ياعيون ساجي امري سدول/وش ناوي عليه؟ ساجي قطب جبينه باستغراب/في ايش؟!! سدول/بوضعنا ساجي يناظرها مو فاهم عليها سدول/اقصد البيت متى ناوي ننقل؟ ساجي تغير وجهه وهو يزفر سدول بتبرير/انت تدري الحمل ودرج صعب الوضع علي باطلع وانـ ساجي قاطعها/سدول هذا حقك لاتتعذرين سدول ناظرته بصمتها ساجي/ادري ان قلبك للحين ماصفى من ناحية امي وخواتي سدول تنهدت/ساجي سدول قاطعها وهو يشد على يدها/وانا ماالومك ابدا ومن طيب اصلك اللي صابرة عليهم لو هو غيرك مارضت ترجع اصلا سدول بلعت غصتها وهي تظن نست اللي صار لكن للحين باقي اثره بقلبها ساجي/وابشري بالنقل ابشري به لكن ودي تصبرين علي شوي الى ماتزين اموري تدرين الشغل وقرض البيت يبي لي شوية وقت بس سدول ناظرته بحيرة ساجي/واهلي ماانتي بلمزومة حتى السلام منهم الزم ماعليك راحتك انتي وولدي والباقي معذورة به وحقك ياسدول سدول/يعلم الله ياساجي انا ماابي لك هالحالة ولا ابي القطيعة لكن ساجي شد على يدها بيده وقاطعها/ادري ادري لكن الاحسن بهالوضع لازم تخففين من اهلي لو تقفلين باب البيت عليك سدول/اخفف!!تقصد مااقابلهم ابد خاصة بعد اللي صار ساجي تضايق من كلامها تنهد/لعل وعسى تزين الامور شوي سدول اخذت نفس/الله يكتب اللي فيه الخير ياساجي ساجي ابتسم/اتركي هالموضوع احنا طالعين نبي ننبسط اتركي الضيقة عنا ياسدول اتركيها . {الـمـركـز} سلطان جالس قبال الضابط يناظره بصدمته/وش هالكلام؟!! الضابط وهو يوجه له الدليل اللي يثبت وجوده بالمعرض بنفس يوم الحريق(باقي تسجيل كاميرا المعرض اللي لحقوه قبل الحريق)/هذا الدليل اللي على اساسه تقدم البلاغ وبيحال للمحكمة سلطان بغبنة وهو يناظر نفسه وراضي اللي قباله بالفيديو اشر بطرف اصبعه عالكمبيوتر/اللي مقدم البلاغ علي ذَا؟ الضابط/لا سلطان قطب جبينه باستغراب الضابط/صاحب المعرض سلطان انخطف وجهه الضابط/فواز جابر الـ قدم البلاغ بالاضافة لكونها مع سبق الاصرار والترصد سلطان اللي مااستوعب للحين نطق بلعثمة يتداركها من فرط صدمته/فواز فواز انت متأكد؟مو براضي؟فواز جابر الـ الضابط بجدية/الامور ماهي بلعبة لوصلت بهالمكان هذا بلاغ رسمي مع شهود ضدك وانت على ذمة التحقيق حاليًا سلطان ضحك بخفة من صدمته/مع سبق الاصرار والترصد!!ترا فواز اخوي اخوي!! الضابط بحدة/مـاهـو بشغلي انا علي باللي قدامي يافرد العسكري دخل وهو يستعد له/سم الضابط/عالحجز سلطان انخطف وجهه/وش حجزه!! الضابط/بعد اقوالك اللي أُخذت منك واطلاعك على مجريات البلاغ بحقك تحجز 24ساعة وثم تخرج بكفالة بما انه مافي وفيات او اصابات تفضل ماودنا نتعامل بقوة جبرية سلطان شحب وجهه وتعرق بغزارة وضحت على اطراف جبينه وبهدوء ظاهر عكس العواصف اللي تعصف داخله وهو يكبحها/طيب اكلم احد يكفلني؟ الضابط/حتى لو كلمت الاجراء 24 ساعة . بدر وقف بالسيارة عند بيت ابوه ومعه امه ورغد موصلهم من المستشفى للبيت قطب جبينه باستغراب وهو يناظر الرقم/هلا ياهلا حياك الله ياابو جابر ام عمر نزلت وهي تفتح الباب تشيل الاغراض ثابت بابتسامة/الله يحييك ويسلمك بدر/علومك وعلوم الاهل عساكم بخير؟ ثابت/ماعلينا الصراحة يابدر ماجا ببالي غيرك قلت اتصل بك بدر/امرني ثابت تنهد بضيقة/بغيتك تكفل سلطان بدر شهق/اكفل سلطان!! رغد قطبت جبينها وهي تسمع كلامه بدر/ليش عسى ماشر ثابت/السالفة فيها حريق والله يستر لايكون راحوا فيها بشر بدر بفجعة/وش حريقه!!ووش راحوا بشر!!ماتنفع معها كفالة ياولد!! ثابت زاد همه وهو اللي ماعرف يتصرف بهالموقف/والله مدري بس اذا انت فاضي الحقني لمركز***ومنها نشوف وش السالفة بدر/ابشر ابشر ولا يهمك جايك الحين جايك ام عمر اللي على كتفها الايسر شنطة وبيدها اليسرى اكياس فتحت الباب بيمينها وهي تمد يمنيها لرغد/يالله يابنتي يالله رغد حطت يدها بيد ام عمر وهي تستند عليها ونزلت بدر/يمّه انا رايح مشوار ضروري وراجع شوي ام عمر/الله معك بدر حرك بسرعة يسحب محفظته يتفقد اثباتاته باستغراب من الموضوع . ((بيت ابو فواز)) عجايب دخلت لغرفتهم وهي تقفل الباب وراها سحايب تكمل استشوار شعرها ناظرتها باستغراب/وصل سلطان وعروسته؟ عجايب/اتصل واعتذر سحايب تضايقت وهي تترك شعرها الطويل/ليش ماقال من بدري!! عجايب/اتركيك من سلطان سحايب ناظرتها باستغراب عجايب/اخيرا لقيت وقت محد فيه معنا سحايب زفرت وهي عارفة قصدها وكملت استشوار وعينها عالمراية اللي قبالها/ماصار شي عجايب كشرت بوجهها/قولي لي وش ناوية لايكون بعد كل اللي صار بترجعين له!! سحايب بضيقة/مدري مدري عجايب اتسعت عيونها وبعصبية/وش اللي ماتدرين!!سحايب لاتجننيني واللي يرحم والديك!! سحايب تنهدت وهي تقفل الاستشوار وتنزله وتناظرها/عجايب اللي قابلته امس مو بسراج عجايب قطبت جبينها باستغراب/كيف يعني؟!! سحايب/اللي امس غير غير عن سراج اللي عرفته وعشت معه عجايب بعصبيتها/ايه حبيبتي كسرتي خشمه قام يوعد والله لاسوي لك ولاأفعل لك اكيد قال كذا يبيك ترجعين وهالكلام حده اسبوعين بالكثير وبعدين رجعت حليمة لعادتها القديمة ياسحايب وعضي اصابعك ندم وقتها سحايب/عجايب لاتضحكين ولاتعصبين بعد اسمعي وبس عجايب تكتفت/نعم!! سحايب/كلامه مسكة يده نظرته وحتى مشاعره كلها كانت غير غير مرة شي جديد مااعرفه عجايب مسكت يد سحايب بين يديها سحايب رمشت باستغراب عجايب وعيونها بعيون سحايب/شاريك ياسحايب شاريك سحايب اتسعت عيونها بصدمة عجايب/كل ماتبين ويبون من عـيـونـي سحايب بصدمتها/كيف عرفتي!! عجايب دفت يدها بقوة وبعصبية/شف شف شف يعني كلامي صح!!والله هالسراج مو هين سحايب/عجايب عجايب/انتي اللي اسمعيني قلبي مو مرتاح لهالسراج سحايب/من زمان وانتي ماترتاحين له عجايب/لا هالمرة غير غير على قولتك سحايب ناظرتها بتوتر/بس ياعجايب هالمرة وعدني عمره ماوعدني بشي وهو اذا وعد سواها عجايب/الله يستر منه عاد انا قلت لك/مشت للباب وهي تفتحه/وانتي بكيفك سحايب ضاق خاطرها وزادت حيرتها اكثر بعد كلامها ذهب واقفة قبال عجايب وبتكشيرة/تخبيب تخبيب حرام عليك!! عجايب بحدة/ماتدخلت انا نصحت وهي معها عقل ذهب/مع امي ماادري وش قلتي لكن تتوقعين بعد كلامك لها وش بتسوي عجايب بنرفزة/فكيني من محاضراتك ذهب واللي يعافيك فكيني/مشت/ سحايب ناظرت ذهب/وش رايك؟ ذهب/انا اللي بأعيش حياتك!! سحايب ناظرتها بغيظ ذهب/هاذي حياتك لاتتركين احد يأثر عليك حتى سراج نفسه ياسحايب سمعتي حتى سراج سحايب سكتت ذهب/انزلي تقهوي معنا ساح الحلا واحنا ننتظر . ((بيت ابو عمر)) ،،المجلس الخارجي،، فتنة جالسة تناظرهم بابتسامة وهم يسولفون لها بحماس غياث واقف قبالها وهو يرقص/كذا كنت وش رايك بس بالله ماني برجال فتنة ضحكت/وسيد الرجال ياغياث اصيل/اوص اوص فضحتنا ماعرفت تسلم على ذاك الشايب راجح ضحك/اي والله صادق غياث كشر بوجهه اصيل وراجح فزوا واقفين بدون كلام ويعيدون الموقف لفتنة فتنة اتسعت عيونها وهي عرفت ان اصيل يقلد غياث وضحكت وهي تتخيل تردد غياث مع الشايب غياث بغيظ/حتى انتي تضحكين علي!! راجح جلس/شفت انك فضيحة فتنة بضحكتها وهي تناظره/اسفة والله غياث مو قصدي اصيل/اي والله ماتقصد الضحك ضحكنا غصب غياث فز واقف وهو يتعلق برقبة اصيل يتضارب معه وبغيظه/خلاص خلاص من امس تذلني دريت اني غلطان اصيل يدافع عن نفسه/يالنفسية وش فيك زعلت!! فتنة وقفت وهي تفكهم بابتسامة/خلاص وش ذَا بزارين مو برجال!! راجح وهو جالس من مكانه رفع صوته/تررررككككييييي اصيل وغياث تركوا بعض فتنة بوسع عيونها/يمّه منكم يمّه تعرفون لبعض!! غياث بتكشيرة/تركي غثيث مااحبه مثل طلال اصيل جلس/هالمرة صح وانا معك فتنة جلست/عيب عليكم اخوانكم وش هالكلام راجح بهدوء/يعني وجهة نظر مقبولة فتنة ناظرت راجح وبنرفزة/راجح لاتصير معهم بعد اصيل/وانتي بعد يـافـتـنـة ماتحبينهم لاتكذبين علينا وانتي كله تقولين الكذب حرام فتنة/حتى ولو انا مااحبهم مالكم حق تكرهونهم من كرهي!!وبعدين تركي غير عن طلال غير تركي توه يكبر وتتغير نفسيته شوي غياث/وطلال فتنة تغير وجهها غياث/طلال كبير خلاص ليش يسوي فيك كذا؟ فتنة تناظره ساكتة رغد وقفت على باب المجلس وبابتسامة شاحبة وسط ملامح وجهها اللي تنطق تعب/جاوبيه يـافـتـنـة؟ فتنة احتدت نظرتها وهي تلتفت لها رغد بابتسامتها/وش فيك تناظريني كذا لايكون انقص لسانك من حساسية السؤال!! غياث وقف ويناظرها بغيظ/ماابي اعرف شي رغد ارتفعت حواجبها وهي تناظره من فوق لتحت غياث/واصلا انتي يالملقوفة مالك شغل بيني وبين اخواني محد طلب رايك ولااحد يبي يسمعك لقافة لقافة الله يعنيك على نفسك رغد زفرت بضحكة سخرية/الله والبزران!!يعنني كبرنا!! غياث مشى وهو يمر من جنبها ووراه اصيل وراجح بملامح وجيههم اللي تنطق عدم راحة لها فتنة بابتسامة/الحمدلله حتى البزران على قولتك مشاعرهم صادقة مايكرهون بدون سبب وحتى لو كرهوا معناه اللي قدامهم مريض خلقة رغد ضحكت/والله قوت شوكتك من ليلة زواجك فتنة تنهدت/الحمدلله من فضل ربي وبتقوى الى ماتكسر عينك رغد بضحكة/صدق صدق الزواج يغير والدليل انتي!! فتنة وهي تنفث على نفسها/قل اعوذ برب الفلق!!مو حاصلة لك الراحة والسعادة اللي تتمنينها!! رغد احتدت نظرتها وهي تبلع غصتها فتنة/غصب ياعيني غصب ولا بتحصل لك من قلبك الاسود اللي لو تغسلينه بكلوركس مانظف رغد ابتسمت/مشكورة ياقلبي مشكورة مخليتها لك اذا السعادة والراحة مع اشكال زوجك اللي طايرة فيه مانبيها موفرينها لك مع كامل التنازلات فتنة بسخرية/ايه ياقلبي قانعة وخلاص ماتنلامين الله يعينك بس على باقي حياتك رغد ضحكت ضحكتها العالية فتنة توترت للحظة وهي تعرف ضحكتها لاصارت واثقة رغد/لاتلومين ياحلوة لان مافيه مجال لك اصلا تلوميني!!قولي لي الحين زوجك اللي ماخذ عقلك من يومين وينه الحين فتنة ابتسمت/المركز رغد انقلب وجهها بصدمة/تدرين!! فتنة ضحكت/وش فيك ماضبطت معك!!واضح واضح ماضبطت/ضحكت/ رغد بابتسامة/الله يرزقني برودك وطمأنينة قلبك ياشيخة!! فتنة قطبت جبينها رغد/ارهابي وانسجن والحين حرايق وراحـوا فيها عااااالم!! فتنة انخطف وجهها رغد/الله وقوة قلبك عالذنوب ودعوة المظلومين/ضحكت/اصلا عادي ظلمتيني قبل صدق وافق شنٌ طبقة!! فتنة بحدة/الكذب دربك ومنتهاك وكلك وتبيني انخدع بك!!عجيب امرك للحين عندك امل اصدقك!! رغد/وش مصلحتي اكذب!!اسالي اخوك وهو بياكد لك كلامي/خرجت جوالها من شنطتها بتتصل/ فتنة وهي تسحب شنطتها وتخرج جوالها واتصلت ببدر وهي تفتح سبيكر/والله انك اكبر كذابة ياام وجهين رغد بابتسامة ثقة/اتصلي اتصلي بدر/هلا فتنة فتنة/بدر وش سالفة سلطان والمركز بدر بصدمة منها/وش دراك؟!! فتنة/لاتكذب علي بدر وش صاير بدر تنهد/رايح اشوف وش السالفة فتنة بنبضات قلبها اللي تسارعت/اللي هي؟ بدر/اللي فهمته حريق فتنة رجف قلبها من الرعب وهي بدت تصدق كلام رغد/وش حريقه؟!! بدر/مدري مدري اشوف الموضوع وان شاء الله خير اكلمك بعدين اول مااعرف الموضوع/قفل/ فتنة وهي تحس ضاق نفسها من كثر صدمتها رغد بابتسامة فرح/ليه وش قايل لك!! فتنة تناظرها ساكتة رغد ضحكت/لايكون كاذب عليك ايقاف خدمات!!/ضحكت/ فتنة صرخت/قولي اللي عندك وخلصيني!! رغد/ياشاطرة ياللي طايرة بالفرح ومحد سمى عليك وفتح عيونك الارهابي اللي انتي على ذمته تسبب بحريق والواضح راحوا فيها عالم مالهم ذنب غير تفكير زوجك العقيم الله يعينك على ماابتلاك الله يعينك/ضحكت/ فتنة تناظرها بشحوب وجهها من صدمتها وهي تحس بكل فرحة استوطنت قلبها الصغير تبخرت وكأنه انصب عليها موية باردة غسلت وبددت مشاعرها الدافية اللي احتوتها وبدت تتامل فيها خير وترسم عليها ملامح حياة سعيدة ام عمر اللي تركت رغد على طلبها وطلعت الاغراض لفوق رجعت لها وهي نيتها تساعدها وقفت باستغراب وهي تناظرها تضحك والتفتت تناظر الموجودة وباستغراب من وجهها/فتنة!! رغد تنهدت وهي تلتفت لعمتها تناظرها وتعرج/ماعليه ياعمة/مدت يدها لها/تساعديني؟!! ام عمر ناظرت فتنة بقلق/وش فيك يمّه؟ فتنة ماردت وهي تشد على شنطتها وسط رجفة يديها مرعوبة رغد وقفت عند عمتها وهي تمد يدها/عمة؟ ام عمر تركتها وهي تتجه لفتنة رغد اتسعت عيونها بصدمة ام عمر جلست جنب فتنة ومسكت يدها/يمّه وش فيك؟ رغد عضت شفتها بقهر وهي تكمل طريقها بشويش لبرا المجلس فتنة بعيون غرقت دموع/يمّه وش اسوي وش اسوي الحين تكفين تكفين . {الـمـركـز} سلطان يجر خطواته بثقل وسط وجهه اللي اكتسى سواد وهو تعصف به ذكرياته لنفس الموقف مع اختلاف المكان رغم قصر المسافة الا انها اطول طريق بالعالم بعينه تسارعت انفاسه ودارت فيه الدنيا وهو ينعاد على مسامعه صوت فتح باب الزنزانة اختنق بانفاسه وهو يناظر صغرها ماتهنى للحين ماحس بطعم حريته كيف بلحظة وبغمضة عين رجع لنفس المكان وكأن العالم ينفيه ويرفضه من جديد يذكره بماضيه اللي ماله ذنب فيه كيف ينظلم من جديد وهو اللي اخذ عهد على نفسه مايرجع هالمكان ولايعرف له طريق العسكري اشر بيده للزنزانة سلطان انتفضت عظامه ونخرها رعبه نخر من خطى اول خطوة بداخلها وتجددت اول مشاعر رافقته برحلة ظلمه الطويلة العاتية اخذ نفس من حس بانفاسه تقل ويزيد صدره ضيقة التفت بفجعة وهو يمسك يد العسكري العسكري سحب الباب يقفله قطب جبينه وهو يناظره ودف يده بقوة/خير!!! سلطان تراجع لداخل الزنزانة بخطواته وبصوت واضح اهتزازه/تكفى يااخوك لاتقفل الباب تكفى العسكري/نعم!!صاحي انت!! سلطان بوجهه المخطوف/والله مااتحرك شبر لكن لاتقفله تكفى طلبتك العسكري قفل الباب بدون اي اهتمام لكلامه سلطان مسك البوابة وهو ينفضها بصراخه وقهره/قلت لك ماسويت شي ماسويت شي ليش محد يصدقني ليش!!ارجع ارجع اكلمك ماسويت شي ظلم ظلم ظلللم/جلس عالارض وبحسرة وهو منزل راسه/ليش الظليمة ليش!!ليش تظلموني وانا بري حسيبكم الله حسيبكم الله/وبدموع انهمرت من مرارة ظلمه/يااااارب حقي ياعادل ياحكم سألتك خذ بحقي منهم خذه يارب خذه بحيلك وقوتك يارب . ـــــــــــــــــــــــــ ـــــــــــــــــــــــــ ــــــــــــــــــــــــ يـوم جـديـد . {الـعـصـر} . ((بيت ابو فواز)) ،،الكل مجتمع بالحوش يتقهوون بسعة صدر ومشاعر عائلية تلف هالعايلة ماعدا منايا اللي داخل بيت الجدة سدول اعتذرت لوجود فواز وهي تتركهم براحتهم،، ثابت خرج من البيت بوجهه المتجهم بخطوات سريعة //الكل يناظره// عجايب/من البارح مو عاجبني هالثابت ابو فواز قطب جبينه وهو ينزل فنجاله ويناظره وهو يمر/ثابت ثابت وقف وهو يلتفت لابوه/سم يبه الجدة سدول بغيظ/اعقب يالثبتي وين السلام!! ثابت بنرفزة واضحة/السلام عليكم الجدة سدول/وعليكم السلام لكن السلام اللي بدون نفس مانبيه ابو فواز/على وين؟ ثابت/مشوار يبه مشوار فواز/وش مشواره!! ثابت بحدة/انت بالذات لاتتكلم معي فواز بحدة/نعم!! ابو فواز/ثابت!! ثابت ناظرهم وباشمئزاز وقهر/كيف كيف لكم نفس تقعدون مع واحد يضحك بوجيهكم ويطعن بظهركم كيف!! فواز وقف وبصراخ/احترم نفسك ثابت بابتسامة/ماشاء الله ماشاء الله حسيت على وجهك!!لاني والله مااظن الظاهر خوف لاتنكسر صورة الاخ اللي تلملها بعيونهم اكثر!! فواز مسكه من ياقته وضربه //اعتلى صراخ الموجودين اللي وقف البعض يمنعهم عن بعض لايتضاربون// ابو فواز بصراخ/اعقبوا كل واحد بطولي وتتهاوشون!!/ناظر ثابت/هذا اللي ربيتك عليه ماتحشم اللي اكبر منك ثابت ضحك/احشم من!! فواز صرخ/ثاااابت!! ثابت صرخ/لاتتكلم معي ماتسمع!! ام فواز/استح ياثابت عيب عليك!! ثابت بقهر وهو يناظرها/استحي من مين يمّه!!/ناظر ابوه/احشم مين يبه!! فواز/خير خير وش فيك علينا!!هذا احنا تاركينك على مزاجك لاحسيب ولا رقيب!! ثابت/مين اللي يحاسبني ويراقبني!!محد له سلطة علي غير ربي اللي خلقني ولا انت مالك حتى حرف علي!! ابو فواز ضربه ثابت ناظره/سلمت يمينك يبه سلمت!! ابو فواز/وتعيش سالمة ياثابت دام هاذي الفاظك مع اخوك الكبير ثابت ضحك بقهر/وهو يبه وهو فواز احتدت ملامحه ثابت/ليش ماتسلم يمينك على وجهه بعد!! ابو فواز بصراخ/الظاهر انك ناوي على غير الكف الليلة ثابت بصراخ/وهو ليش ماتعلمه يرحم الصغير والاهم يحشم اخوه الكبير ويحترمه فواز/قل وش وراك ياثابت قل واترك الالغاز ثابت مرر نظره عليهم وبغبنة/الحين يضحك معكم وبكرة خناجر تنغرز بظهوركم/ناظر فواز/ينتفض قلبي من الخوف ولايأمن لحظة معك ابد ولا لحظة ام فواز/ثابت وش فيك تكلم!! ثابت ناظر امه/سلطان يمّه سلطان ام فواز قطبت جبينها/وش فيه؟!! الجدة سدول وقفت وبحدة/انا قايلة هالوجه مايتضحك لله وش مسوي يالمخزي!!الله لايبارك بك من ولد قل امين!! فواز بصراخ/كله سلطان سلطان سلطان ذَا اللي مشغلكم بس وانا عساني بقلعة محد مهتم لي!! ثابت باشمئزاز يناظره/كم ضحك معك وكم لعب معك وكم انضربتوا مع بعض كم فزعتوا لبعض كيف كيف طاوعك قلبك ترده لنفس المكان كيف الجدة سدول تغير وجهها/وش مكانه ياثابت وش؟!! ثابت/وش يعني ياجدة وش السجن رجعه للسجن بوساعة وجهه/مشى بخطوات سريعة/ الجدة سدول شهقت/يمّه ياويل قلبي قلبه يارب لاتفجع قليبه لاتفجعه ام فواز ناظرت فواز بوسع عيونها وبدون لاتسأله عن شي وبقهرها/قل امين الجدة سدول بغيظ/بيستجيب ربك بدون قولته امين وانتي امه ام فواز برجفة صوتها/عساك تذوق ضيمه يافواز عساك تذوقه فواز/يمّه!!! ام فواز مشت للبيت البنات مشوا وراها وسط نظراتهم المعاتبة لفواز فواز قطب جبينه وهو يناظر البغض له بعيونهم الجدة سدول اتجهت لبيتها/حسبي الله ونعم الوكيل حسبي الله ونعم الوكيل فواز بصراخ/شفتوا كلكم كلكم ماتسمعون فيه رغم انه الغلطان طيب وانا اسمعوني اسمعوا ليش اقلها وتقولون اهلي!! ابو فواز/تركتك تهين وتسرح وتمرح على رايك لكن هالمواصيل يافواز!!حسافة ياحسافة يافواز اي والله حسافة/مشى/ فواز/حتى انت يبه حتى انت!!بالطقاق اللي يطقكم قلعتكم كلكم لاتسمعون لي!!/جلس عالفرشة وهو يتقهوى ويجلس وقلبه يشتعل نار منهم/ . . ، ، ام ياسر بحضنها عيالها صاحب السنة(سعد) وصاحب الثلاث سنوات(حمد)ناظرته وهو يتثاوب/يُسر اقف على جنب ريّح وثم نكمل الدرب مامن عجلة ابو ياسر(يُسر)يسوق وهو ميت من النوم/لا لا حتى ناصل بدري والراحة ملحوقة مامن تعب يابنت الحلال مامن تعب ياسر(22سنة)/يبه اسوق عنك وانت تريّح ميّسر(20سنة)وانا اناوب معه يبه تريّح ابو ياسر/هذا الناقص احط ارقابنا بيديكم!! ام ياسر/عيالك رجال اترك العناد عنك خل يسوقون وتريح واذا ماانت مستوثق بهم قل لحميد يسوق هماك تاثق به ابو ياسر بعصبية/انا اسوق وقضينا وش فيكم مستلميني اليوم!!اعوذ بالله منكم اعوذ به!! ،،بعد ساعة،، ابو ياسر صحى من غفوته بفجعة وسط السيارة اللي تلتف فيهم لف على جنب الطريق وسط صياح عياله وصراخ زوجته غمض عيونه من حس بجسمه يطير خارج السيارة وارتمى عالارض وهو يتدحرج وسط وجعه وقف بفجعته وهو يناظر السيارة اللي استقرت صرخ بفجعة وهو يجري للسيارة/ياويل ويلك يايسر ذبحت عيالك ذبحتهم/طلع فوق السيارة اللي على جنبها وفتح الباب وهو يحاول يخرج اللي موجود منهم وسط انهمار دموعه اللي اختلطت بدمه اللي ينزف من راسه وفجعته من الموقف الكبير عليه لحاله سحب سعد بدمه بدون صوت وحركة وسحب حمد الوحيد اللي بكاه مغطي السيارة نزله وهو يحط سعد بحضنه وسط رجفة يديه وصوته/امسك اخوك ياحمد امسكه/رجع للسيارة وانتبه للي ماانتبه له من شوي وهوى عالارض بفجعة وهو يناظر الباقين تحت السيارة صرخ بفجعة من مصيبته/سلمت ارقابهم للموت يايسر سلمتها سلمت حسيبك الله حسيييبك!! ، ، الـعـم يُسر فز من نومه بفجعة اللي غلبه من تعبه غصب وهو يناظر فراش سعد وقف وهو يحس برجفة تحتويه وهو يسرع بخطواته/يالله لاتفجعني به ياربي ياحبيبي/لف البيت وهو ماحصل احد منهم خرج للمزرعة وهو عيونه تدور بكل مكان بفجعة والف فكرة وفكرة تدور بباله وهو يستغفر ويطردها عنه وقف يلهث وهو يناظرهم/ مريم جالسة قباله بمكان جلستهم المعتادة تناظره بعدم ارتياح وهو يتقهوى بهدوء سعد بوجهه التعبان اللي للحين ماشفى تماما/تراني منتبه ياعمة مريم/كل شي بالاول ولا هالبلا اللي يحرق معدتك!!للحين ماطبت سعد/يطيب الجسم ياعمة يطيب لاتشيلين همه مريم زفرت بضيق/والقلب ياسعد القلب سعد بحزن/القلب له ربه وثم الوقت يداويه مريم/والله ان قلبي تقطع ياسعد يوم نطقت انها متزوجة سعد بلع عبرته وهو مايناظرها مريم/ويشهد الله مانويت اقولك العلم لكن مابغيتك ترسم احلام ويضيع عمرك ياسعد وانت تحتريها سعد دخل يده بجيبه وهو يمد لها الجوال مريم انصدمت وهي تناظر يده سعد/من اول ماشفتها وهي حلم اتنفسه وانام واصحى وانا عايش عليه لكن ياعمة دامها حليلة رجل مايحل لي هالنظر وبيحاسبني ربي عليه والله يعفو عن الذي كان مريم تنهدت وهي تمد يدها وتاخذ الجوال/لك علي ياسعد اخطب لك اللي تسوى اهل اهلها سعد ابتسم بحزن/بغيناها ياعمة مابغينا اهلها لكن قدر الله وماشاء فعل مريم/الله يجبر كسرك ياولدي ومعوض خير الـعـم يُسر بفجعته من مكانه/سعد!! سعد ابتسم وهو يناظر ابوه ويوقف/قليبي لهالشايب اللي للحين ينوح على اهله قليبي له عسى ربي يقدرني وابره/مشى له بخطوات سريعة/سم ياعيون سعد سم الـعـم يُسر وهو يتفحصه بنظره بخوفه/وشلونك الحين ياعيني وشلونك سعد سلم على راسه/على ماتحب يبه على ماتحب الـعـم يُسر ضمه لحضنه يهدي قلبه المفجوع/عساه بعداك ياعين ابوك عساه بعداك . ـــــــــــــــــــــــــ ـــــــــــــــــــــــــ ــــــــــــــــــــــــ {الـلـيــل} . ((سيارة بدر)) بدر يسوق بصمت وهو متجه لبيت ابو فواز فتنة بحالة توتر فضيعة من كمية الافكار وهي طول ليلها تقرا وتبحث عن الارهاب ولاغمضت عينها براحة كله كوابيس تتخلل غفواتها اللي تغلبها بين فترة وفترة وهي تتخيله بكل عملية قرأت عنها شدت على يديها وهي تحبس عبرتها/رضيت الظلم على نفسي لكن ظالم غيره!!كيف اعيش معه يارب رحمتك يارب ارحمني يارب . ((بيت ابو فواز)) ثابت دخل للبيت وهو يفتح الباب له/حياك حياك سلطان دخل بوجهه المتجهم المكتسي سواد وشماغه على كتفه الايمن وعقاله بيده وقف وهو يناظره بحدة فواز جالس على نفس الفرشة وهو ينتظره من فترة زفر وهو يصب له فنجال من هالقهوة اللي من عصريته يشرب منها سلطان وقف قباله وبحدة يناظره/ليش؟ فواز رفع له عينه/تكلمني سلطان رماه بالعقال وصرخ/ليش!! فواز وقف وبحدة صرخ/حقي!! سلطان بغبنته/وش هو حقك وش هو؟!! فواز/خذ فوقهن دبل المبلغ واكتب سعرك اللي تبيه وفارق سلطان قطب جبينه فواز/اجحد بعد اجحد انك ماقلته!! سلطان صرخ/هذا جزاي ابي لك المنفعة!! فواز/منفعة من وراك ماابيها وراضي يسواك ويسوى سنيني اللي عرفتك بها!! ابو فواز وام فواز خرجوا من البيت وسط تهديدهم للباقين محد يخرج ويناظرون اللي يصير من الصالة والبعض من ورا الباب الجدة سدول خرجت من بيتها وهي تستند على عكازها/وبحدة من سمعت كلام فواز/اعقب!!! سلطان رغم صدمته الا انه مااستنكرها ابد زفر بابتسامة/الظاهر اني كنت ازرع بوادي مابه حياة!! فواز بحدة/من الاول والمكان مـاهـو بلك ولااحدن راضي بك فيه ترمي نفسك بدون كرامة ليش احشم عمرك قلتها لك احشم عمرك لكن ماتسمع!! سلطان يناظره بابتسامة ابو فواز صرخ وهو يدفه من كتفه/فوااااز!! فواز بصراخ/حقي باخذه منه لو على قص رقبتي ومحد له كلمة علي اجل يتحدى بالمعرض قدام الكل وبنفس الليلة يصير الحريق وش رايكم هاه وش رايكم!! سلطان يناظره بابتسامته/وهاذي سواياي بعينك؟اسويها يافواز يسويها سلطان؟!! فواز/سويت اللي حرمه الله ورسوله ماانت بعاجز عن ذي ابد!! سلطان/ليش تنزل قدري وانا ارفعك ليش اقرب منك وانت تبعد يافواز ليش!! فواز/وش اللي تنتظره مني بعد سواياك وش!! سلطان/محد نطق حرف غيرك يافواز محد فواز/ماقالوها قدامك لانها سنين وهي ترن باذني واذن ابوي!! سلطان/هاذي نهايتنا ياليمين؟!! ام فواز ناظرته وسط عيونها اللي امتلت دموع/سلطان فواز/ماني بيمينك ماني بيمينك ماتفهم انت سلطان هز راسه/صدقت صدقت لان اليمين لاصارت مثلك حقها البتر فواز احتدت نظرته ابو فواز انقطع قلبه وهو يفهم كلامه/استهدي بالله ياسلطان سلطان ناظر ابوه/مهتدي به ومتوكل عليه لكن انت وينك عنه تركت هالسنين تلعب به!! فواز/هيييه ماعاد تحشم احد انت!! سلطان ناظره/اما انت لاشفتني يمين امسك يسار لاشفتني جالس لاتدخل المكان اللي انا به فواز بحدة/الله لايكتب لنا لقى!! ام فواز ذاب قلبها وانصهر وهي تناظر عيالها يتفرقون مسكته من يده وهي تسحبه معها/لا يافواز لا حب راس اخوك حبه وطيب خاطره فواز سحب يده وبحدته/ماعاد الا هي!! سلطان رفع يده بمعنى بس/لاتحب ولااحب بكرة يجور عليك الزمن وتلتفت حولك ولاتلقى احد فواز/تخسي!! سلطان/ويومك ماتلقى احد لاتفكر حتى تمشي بالطريق اللي نهايته بيتي فواز بمكابرة/الله لايقوله!! سلطان/لاشفتك غصب باحشمك مـاهـو بعشانك لا يشهد الله لشيابك اللي وراك وعهد ذَا البيت مااطبه وانت به عهد علي ام فواز بكت/وانا وخواتك ياسلطان وش ذنبنا وشو سلطان ناظر ابوه الصامت/الكلام عند راعي البيت ياام فواز ام فواز بدموعها/ام سلطان قبل فواز امه ام سلطان سلطان ابتسم بحسرة/راحت ياام سلطان راحت من اليوم صرتي ام فواز وانتي بحماه ام فواز ام فواز بكت بحسرة سلطان التفت لجدته وبرجفة صوته يناظرها/وعجيزي اه ياعجيزي الجدة سدول وهي تشد بيديها على عكازها تمنع عبرتها/ماوراك عجوز رح الله يسهل دربك عجوزك هي تجيك ياسلطان تجي لك يامضنون العين تجيك سلطان رفع صوته لخواته اللي منهارين ورا الباب/بوداعة الله ياقطعيات مني بوداعته/لف عنهم وهو يعلن قطيعته لهالبيت ولهالشخص اللي تجبر عليه ويفرض رايه عالكل ماله كلمة بهالمكان ماله كلمة نهائي وذاك متربع بالبيت يكسره بكل لحظة/ . مصيبة لا تردت قيمتك في عين من قيمت.. يشوفك بالسهل وانته تشوفه بالسما السامي.. مادام ان جانبي شام لجنابك وانت عني شمت.. كثر خيرك، وانا لانيب لا جايع ولا ضامي.. اشوف انه علي واجب، اليا مريتكم سلمت.. مرور كرام تربطها الكرامة عند الاكرامي.. على شان الخفوق اللي على عرشه قعدت وقمت.. وحجب عنك الدجا لين اشرقت لك بيض الأيامي.. مصير الوقت يشرح لك ظروفه لا غفلت ونمت.. يصحيك الزمان اللي يصحي كل من نامي.. وتعرفني لمنها ضاعت اوهامك بمن وهمت.. وعرفت الفرق في حب الخشوم وحب الأقدامي.. ختام السالفة يا طيب العشرة كرمت ودمت.. هذا حقك علي وحق شرهاتي على أوهامي.. (سعد بن جدلان) . بارت يستحق حقه من التفاعل🤍🤍 اعتذر عن بارتات الاسبوع الجاي موعدنا الاسبوع اللي بعده واحنا وانتم طيبين❤❤ . #سلطان_الهوى_يافتنة_الألفية | ||||
|  |
|
18-10-22, 04:19 PM
| #64 | ||||
| 24 لاحول ولاقوة إلا بالله العلي العظيم - ـــــــــــــــــــــــــ ـــــــــــــــــــــــــ ــــــــــــــــــــــــ بـعـد أسـبـوع . ((بيت ابو عمر1)) {عمر و رغد} عمر دخل للغرفة وهو مستند على المشاية اللي تساعده ناظرها/ها جهزتي اغراضك؟ رغد متمددة عالسرير ولاردت وهي تغمض عيونها تتصنع النوم عمر تنهد/ادري انك صاحية يالله مشينا رغد جلست وبغيظ/ليش نروح هذا بيتنا ليش نطلع!! عمر بحدة/رغد!! رغد/عمتي ورضت وسمحت لنا نجلس بجناحنا ليش نروح!! عمر/كيف لك خاطر تجلسين بمكان انطردتي منه!! رغد احتدت نظرتها عمر/قومي بيتك موجود رغد/بس انا للحين تعبانة عمر/مافيك الا العافية وانا وانتي نتساعد والتعبان صدق هو انا مو بانتي انتظرك تحت/رجع طريقه بيخرج وهو يتحرك بشويش/ رغد/بس انا ماابي ياعمر ماابي!! عمر وقف والتفت لها وبتهديد/ترا النفس للحين باقي بها يارغد رغد كشرت بوجهها عمر/لاتحسبين الوجه الضحوك الفترة اللي مرت نسى!!للحين مانسيت يارغد وتراه على طرف للحين امنعه رغد بغبنة/طلق وش تنتظر طيب!! عمر/ماني بقليل اصل اسويها بك وانتي للحين بهالوضع رغد ضحكت من القهر/وش بيفرق الحين او بعدين!!طلق وفكني من المذلة اذا بتكون عيشتي معك بهالشكل!! عمر/انزلي انزلي بس السالفة للحين براسي ماراحت انزلي/مشى وخرج/ . طلال يسوق بابتسامة عريضة بعد مارجعوا من موعد موج وسمع نبض الجنين لاول مرة واختلطت مشاعره مابين فرح وتوتر من المسؤولية اللي تنتظره مد يده بعد فترة تردد طويلة ليدها ومسكها موج سحبت يدها من يده وهي تتكتف طلال احتدت نظرته/موج وشو له تعكرين جو فرحتنا!! موج/اذا انت فرحت فأنا فرحتي ناقصة طلال قطب جبينه/نعم!!! موج/ايه كل ماروح لموعد اخاف اخاف بالحيل وش مصيره معك طلال بحدة/ولدي مثل مـاهـو ولدك!!وش اللي باسويه له ياموج وشو!!باذبحه يعني!!ابوه انا ابوه!! موج/مارحمت اختك كيف ترحمه طلال صرخ/مووووج!! موج فزت/بِسْم الله طلال/رجعتك لي بس عشان تسميني بالكلام!! موج هزت راسها بلا/رجعتي لك عشان افتح عينك على ذنبك لايلحقني ذنب من وراك طلال وقف عند باب البيت بقوة وبصراخ/وش ذنبه هاه وشو!! موج ناظرته بحدة وهي ساكتة طلال/مستقصدة ذَا الكلام لانك تدرين مااقدر اسوي لك شي!! موج/انت اللي طلبت رجعتي ولا نسيت تحمل مايجيك طلال بعصبيته/أسهل من ردتك لاهلك مافيه موج ضحكت/مابتقدر طلال قطب جبينه/وشو!! موج فتحت الباب/وانت تدري بعد بالاول والاخير الحضانة لي وانت تقعد بها شفت كيف قلة الحيلة توجع /نزلت وقفلت الباب/ طلال يناظرها بغبنة كيف موج الحبيبة صارت بهالاسلوب معه كيف صارت له جحيم وتتعمد تضايقه بكل لحظة وهو يدري بحركاتها تبي الطلاق يجي منه وبهالحالة اكيد الحضانة لها ناظرها وضرب عالدريكسون ورا بعض بقهر منها موج دخلت للبيت وهي ينعصر قلبها حزن من اللي قالته لطلال لكن للحين هالقلب على كثر مايحبه على كثر زعله بحالة طلال وتسرعه وقفت وهي تناظر رغد قبالها رغد خارجة من البيت احتدت نظرتها وهي تناظرها داخلة عضت شفتها موج ثنت يدها وهي تمسك ظهرها وتخطي خطواتها بشويش وتتافف رغد اسرعت بخطواتها وهي تمر من جنبها موج/رغد رغد وقفت وهي تلتفت لها/اوف خير وش تبين انتي بعد!! موج/بس حابة اسألك هو الى متى وجع الظهر بالحمل؟ رغد قطبت جبينها بقهر منها موج/يعني انتي جربتي كذا مرة حبيت اسالك يروح اذا عديتي الثالث تكفين ريحي قلبي رغد وهي فاهمة قصدها لكن غصب عنها انجرحت من كلامها/لا مايخف ابدا ارتحتي موج ابتسمت/الله يطمن قلبي بِسْم الله علي الحمدلله بيخف بعد الثالث دام قلتي لا رغد احتدت نظرتها/لاتفرحين اللي مثلك معروف وش نهايتهم موج تكتفت وبابتسامتها/طلاق صح؟ رغد كشرت بوجهها موج ضحكت/عادي حالنا واحد مو انتي نهايتك طلاق بعد!! رغد/باحلامك شايفتني غريبة عنهم مثلك!! موج/تاركتهم لك والله عالاقل بيت اهلي جنة وبانتظاري مفتوح لي ولعيالي بعد الكلام على القريب وش ينتظرهم الله يعينهم/ضحكت وهي تكمل طريقها للبيت/ رغد اسرعت بخطواتها رغم وجعها وهي تحبس دموعها اللي غلبتها ونزلت وهي تدري ان موج متعمدة تقول لها هالكلام لكن اللي تقوله صحيح وهذا اللي قطع قلبها . ((بيت ابو عمر2)) ام تركي متمددة عالكنبة وهي تناظر غياث واصيل اللي يسولفون عليها بابتسامة راجح جالس قبالهم وهو عالجوال/وربي انكم ازعاج ازعاااج ماتعرفون تسكتون!! ام تركي/اتركهم يسولفون معي وش فيك!! راجح تنهد/اقول جهزتوا اغراضكم؟ترا شوي وبدر جاي ام تركي/عاد لاتزعجونه خليكم عاقلين اصيل/يمّه ترا اخونا!! راجح/يعني عشانه اخوك ناوي تطفشه!! ام تركي/حتى لو انه حبيب لاتزعجونه وبعدين يحرم ياخذكم معه للنادي غياث هز كتفه بوناسة/اشترك لنا شهر فيه يعني مافيه فكة مااافيه ام تركي شهقت/نعم!!كان اسبوع كيف صار شهر!! اصيل/يمّه اخونا اخونا راجح/اوووص بس ذبحتنا محد عنده اخو غيرك اوص!! ام تركي وقفت وهي تتجه للمطبخ/خل أجهز القهوة واتشكره غياث مسك يدها/لا يمّه لا بنتاخر عالنادي اصيل/واصلا بدر مايدخل البيت يمّه ام تركي/راجح رح للمجلس ورتبه ثم انتظره عالباب وقلطه قوله امي تبيك غياث/يمممه!!! ام تركي/اوص مو بطاير النادي مو بطاير . ((بيت ابو فواز)) فواز دخل لبيت ابوه وهو يسمع اصوات ضحكهم وسوالفهم عاصم قباله يناظره لف بيمشي فواز بحدة/والله ان رحت لهم قصيت رجولك ياعاصم عاصم بلع ريقه وهو يلتفت له/سم ياخال فواز/انثبر مكانك/اسرع بخطواته للصالة وهو يوقف عندهم //الكل سكت وهو يناظره واستعدوا للوقفة بيخرجون من المكان ماعدا امه وابوه اللي يلتزمون الصمت بوجوده وهذا حالهم معه من اسبوع// فواز عطاهم ظهره وسحب الباب الفاصل وقفله والتفت لهم/محد يخرج الى ماتسمعون لي عجايب وقفت وبحدة/وش تبينا نسمع اخ فواز هاه؟ فواز بحدة/انتي بالذات تنطمين مااسمع لك صوت ام فواز احتدت نظرتها عجايب اتسعت عيونها/حلفت عليك!!!هاذي اللي ناقص تتحكم علي!!/وبتحدي/حبيبي انت مالك حق تسكتني ومثل مانسمعك تسمعنا بعد ابو فواز يتقهوى بهدوء وهو يسمعهم فواز/ايه تسكتين غصب عنك محد عبّا روسهم علي غيرك!! عجايب/وليش اعبي راس احد عليك هاه!!كل واحد معاه عقله يفكر فيه فواز/اوص اوص بس عجايب/ماني بساكتة ابد ولا ناوي بعد تشردني من بيت ابوي مثل ماسويت بسلطان يافواز هاه؟!! فواز رفع يده بيضربها ابو فواز صرخ بوسع عيونه وهو يوقف/فواااااز!!/وقف بينهم وهو يدف فواز لورا/تمد يدك عليها قدامي بدون لاحيا ولامستحى!! فواز بعصبية/ماتسمعها يبه!! ابو فواز/انت اللي ترفع صوتك عليهن تقل اصغر عيالك وعلى عيني انا وامك ماحشمت احد منا!! فواز/وانتم حشمتوني يبه!!نزلتوا قدري قدامهم وماعاد لي كلمة ابد ام فواز بحدة/تركناك وعذرناك يافواز ومافيك فايدة!!اخوك وطردته واخواتك وهذا انت جاي عليهن وتبينا نسكت!!وش تبي اكثر وش اللي تبي توصله هاه يافواز هاه؟ فواز/انا ماطردت هالاخو اللي ذبحتوني فيه وانا ماشفت خير من وراه ابد هو اللي زعل يوم طلبت حقي وذا مافيه لاعيب ولا حرام!! ام فواز بغبنة تخللت صراخها/وتشتكيه!!تشتكيه!!ترميه بالسجن يافواز!! فواز/اووووه تراه يوم ذبحتوني!!وبعدين مااشوفكم لمتوه هذا هو رفع اعتراض للمحكمة يعني حق بحق وبتشوفون اني الصادق بهالبيت لاطلعت الحقيقة اللي مسحتها عن عيونكم ضحكت هالادمي!! ابو فواز بغبنة من عناده/اي حقيقة يافواز هاه اي حقيقة تمشي على كلام موظف فواز/وراضي يبه راضي مـاهـو بموظف ولا!! ابو فواز بعصبية/مثل ماسمعت لراضي تسمع لسلطان وهذا الحق يافواز وشلون ترمي رميتك وانت ماتاكدت هاه وشلون!! فواز/كل شي واضح يبه وهو بنفسه ماانكر اقواله لراضي وانت بنفسك سمعته/مرر نظره عليهم/وبعدين بدال ماتلوموني المفروض تتشكروني اني تسببت بروحته عجايب/نعم!! فواز ناظر ابوه/كم سيارة لفت بيتنا وهو موجود يبه ابو فواز قطب جبينه بكره فواز/قولي؟ولا اقولك كم غريب صلى بالمسجد من رجع للبيت هاه يبه كم؟ سجايا بقهر منه/السيارات تمر والشارع مو بلنا!! عجايب/والمسجد بيت الله بعد ناوي تمنع الناس عنه!! فواز ضحك/جاوبهن يبه جاوبهن ابو فواز/صادقات خواتك فواز كشر بوجهه/ودليل صدقهن خرجتك كل ليلة قبل تنام تطلع الشارع تناظره به احد او لا!!هذا اللي يجينا من ورا دخلته للبيت يبه هذا هو!! ابو فواز بحدة/فوااااز فواز/كلكم تلوموني وبالاول والاخير اسوي كل شي عشانكم ولايملى عيونكم بالعكس انا الغلطان انا ذهب بغيظها/انت لحالك الصح واحنا كلنا الغلط يافواز صح!! فواز احتدت نظرته لها ذهب/بدل ماانت تصر وتكابر على كلامك ماتراجع نفسك بالاول!!مو معقول الكل غلطان وانت الوحيد الصح اكيد فيه شي غلط بحسبتك اكيد!! فواز بتكشيرة وجهه/صدق صدق انعمت عيونكم من لسانه صدق!! ام فواز بحدة/اي يافواز انعمت مثل ماانعميت من هالراضي اللي تمشي وراه!! فواز يناظرها بتكشيرة ام فواز/عاد اسمع زين يافواز اذا للحين تظن ان بنرجع نجلس معك ونسولف ونضحك بوجهك وبعد نسمع لك غلطان ويكون بعلمك بناتي واخوهن مالك كلمة عليهم وانا حية سمعت فواز احتدت نظرته/تقاطعيني يمّه!! ام فواز/هذا انت قطعت اخوك مني ولا قلت لك شي!! فواز عض شفته بقهر ثم ناظر ابوه/تسمعها يبه!! ابو فواز يناظره بغيظ ام فواز بحدة/ايه يسمعني ولا تبيه يضربني لعيونك!! فواز يناظرها بغبنته ام فواز/والوعد لا انتهت هالقضية فواز بقهر/ووقتها تتمنون نرجع مثل اول لكن هين!! ام فواز/هذا اذا طلع هالراضي اللي طايرن به صادق/مرت من جنبه بخطوات سريعة وخرجت/ //اخواته مروا من جنبه// عجايب وقفت قباله وهي تناظره من فوق لتحت/ياقو قلبك هذا اللي اقوله ياقوه!!/مشت وراهم/ فواز ناظر ابوه وبغيظه/وانت يبه معهم بعد؟!! ابو فواز ناظره/اسمع يافواز كلمة حق لازم تعرفها زين فواز قطب جبينه رغم الملامح الطاغي عليها الغيظ ابو فواز/مع ان اللي سويته لاخوك غلط واكبر غلط وسكت عنك ماقلت حرف لكن حط ببالك زين زين ان اخوك مظلوم فواز بحدة/كيف مظلوم وانا شايفه بالكاميرا كيف!! ابو فواز/قصدي مظلوم بسالفة سجنه يافواز فواز/يومه مظلوم وش استفيد انا!! ابو فواز اتسعت عيونه/فواااز!! فواز/ماشفت شي يثبت كلامك يبه وانا مستحيل اصدق هالكلام وانا ماشفت بعيني دليل ظلمه يبه ابو فواز بغبنة/خلك يافواز خلك على ماانت عليه راكب راسك ووالله ان يحصل لك مثل ماحصل له والدنيا دوارة يافواز سمعت!!/مشى وهو كله غيظ من هالفواز اللي قسى قلبه وعتى/ . بدر وقف بسيارته قبال بيت ابوه وهو يناظر امه/هاه يمّه اليوم اخر يوم بهالبيت؟ ام عمر زفرت بطفش من سواله بكل مرة يوقف عند البيت/ونهايتها يابدر؟ بدر/خلاص يمّه خلاص مو قلتي مابتدخلينه!! ام عمر/ايه لكن اخوك وزوجته تعبانين!!يخفون ونقطعه!!ولاتبي يجون عندنا؟!! بدر بقرف/عمر يمكن هه اتحمله لكن العلة اللي معه تخسي تدخل بيتي ام عمر بحدة/بدر!! بدر/لاتزعلين مني يمّه وبعدين حتى عمر بأطرده لاتحسبين راضي بدخلته!! ام عمر فتحت الباب وبعصبية/اذا بتغثني بكلامك اسكت يابدر/نزلت/ بدر فتح الباب ونزل/يمّه والله ماابي لك الغثا!! ام عمر ماردت وهي تنزل للبيت راجح واقف عالباب فتحه لها وهو يوقف ويسلم على راسها/حياك ياعمة ام عمر تنحنحت وهي تمر من جنبه ولاردت عليه بدر ابتسم/ها وين الشباب؟ راجح اتجه له/امي تبيك بدر قطب جبينه/عسى ماشر!! راجح/حياك حياك بدر تنهد وهو يناظره/بس انا راجح قاطعه/قلنا لها ماتدخل البيت بس عاد عمتك ماتسمع لاحد بدر تنهد وهو يقفل السيارة ودخل لبيت ابوه وهو مو مرتاح ام تركي استقبلته على باب مجلس الشعر بابتسامتها/حياك الله يابدر حياك بدر سلم على راسها/يسلمك ويبقيك ياعمة وشلونك ووشلون العيال ام تركي/بخير كلنا عساك بخير حياك ياولدي حياك بدر/والله العذر منك ياعمة لولا خاطرك مادخلت هالبيت العذر ام تركي/فنجال فنجال مـاهـو بضارك وانا عمتك بدر/اعذريني تكفين اعذريني ام تركي تنهدت/على راحتك على راحتك!!مشكور ياولدي مشكور عسى خيرك سابق دايم بدر باستغراب/ماسويت شي ياعمة راجح/امي تقصد النادي //غياث واصيل وقفوا عندهم// بدر/اااه وش هالكلام ياعمة اخواني ماله داعي هالكلام وبعدين انا ابي لي فريق وهم فريقي ويدرون غياث بحماس/مشينا مشينا بدر/السيارة مفتوحة روحوا العيال جروا ام تركي وهي تناظرهم/شوي شوي!!/هزت راسها وهي تزفر ثم ناظرت بدر/كلفت على نفسك وانت توك متوظف بدر بضحكة/ياعمة ماعليك اطلعها من عيونهم بالنادي ام تركي ضحكت بخفة/حلالك حلالك وانا عمتك بس لايجوني مثل ريان مافيني حيل بدر ضحك/عاد هالسالفة ماهي بيدي سامحيني غياث عالباب/يالله تاخرنا يالله ام تركي تنهدت/روح روح بيموت علينا هالغياث روح الله يسهل لكم بدر سلم على راسها وهو يهرول/فمان الله ام تركي/بحفظ الله/تنهدت وهي تدخل للمجلس وتناظر القهوة وتجهيزاتها قعدت وهي تدق مو جوالها على موج حتى تتقهوى معها واعطتها مشغول ميلت فمها بانزعاج/الله المستعان اتقهوى لحالي . ((شقة ساجي)) سدول اسرعت بخطواتها للباب بابتسامة وهي تنتظر ثابت يمرها فتحت الباب/غريبة مادقـ.ـيـت ام راضي واقفة عالباب بدون عبايتها وكل العمارة عيالها ومحارمها/مافيه لا سلام ولا حياك ولا تفضلي!!ولا نسيتي الاصول من القعدة ببيت اهلك!! سدول اخذت نفس وهي تبلع كلامها وفتحت الباب/حياك تفضلي ام راضي زفرت وهي تدخل وتتلفت بالبيت تتفحصه/ايه واضح صحتك زينة مااتعبك الحمل عكس بناتي وقلبي عليهم سدول/الله يتمم لي على خير ام راضي وقفت عند الصالة مكان جلستهم المعتادة بتدخلها سدول/لا استغفر الله انتي ضيفة ام راضي احتدت نظرتها سدول اسرعت بخطواتها لغرفة الضيوف اللي بنهاية الممر وفتحت الباب وهي تفتح النور/حياك تفضلي ام راضي مشت ودخلت لغرفة الضيوف وجلست سدول/عن اذنك شوي بس ام راضي/تعالي اجلسي بس مو تقولين اتعبتك سدول بابتسامة/حق الضيف واجب علينا مافيه اي تعب/مشت/ ام راضي احتدت نظرتها وهي تقرا صدها لها بوضوح سدول بعد وقت بسيط رجعت لها ومعها القهوة والشاهي/العذر منك بس الجود من الموجود ولا حقك نفرش لك السفرة/مدت لها الفنجال/ ام راضي اخذته منها/بيت ولدي مايحتاج تفرشين لي سدول بابتسامة/لانه بيت ولدك نفرش لك حتى الورد ام راضي زفرت بضيق/وينك ماجيتي تسلمين علي ولا ماتبين لي شوف!! سدول/والله الحمل اتعبني ذَا اول شي ام راضي ارتفعت حواجبها سدول/واللي اعرفه ووصلني انتي اللي ماتبيني ولاتبين لي شوف!! ام راضي/استغفر الله وش هالكلام!! سدول/والله عمي مر وتعشى معنا انتي اللي مارضيتي تجين ام راضي/ايه مسويته لعمك مو بلي!! سدول/ماسويت شي اللي سواه عمي لي ويقول مايبي شي يضيق الصدر معنا ام راضي احتدت نظرتها/وش تقصدين!!وجودي يضيق الصدر!! سدول/انا ماقلت شي الجواب عند عمي اسأليه!! ام راضي تناظرها بغيظ/انا جاية ابيك بموضوع سدول قطبت جبينها/خير ام راضي/كل خير ان شاء الله راضي ناوي يتزوج سدول/الله يوفقه بس انا اش دخلني فيه؟ ام راضي/العروس منكم وفيكم سدول بتكشيرة/خواتي مايبون الزواج من قريب ام راضي/ومين قال خواتك يكفينا ماذقنا سدول/صادقة صادقة والقلوب شواهد ام راضي احتدت نظرتها سدول/بس من جديد وش دخلني فيكم انا؟!! ام راضي/جوهرة سدول قطبت جبينها باستغراب/جوهرة!! ام راضي/ايه بغيتك تفاتحينها بالموضوع سدول/والله انا ماني بأختها ولا وحدة من صديقاتها الصدوقات ام راضي/بنت خالتك!! سدول/واختها واهلها موجودين كلميهم وعلاقتي مع جوهرة بالاساس رسمية مافيه اي احتكاك بيننا واولا واخيرا انا مالي شغل بالهالموضوع انتم اصحاب الشان وانا حي الله مرت ولدك ماني من اهله ولا اهلها!! ام راضي بحدة/هاذي فزعتك لنا!! سدول/هاذي الحقيقة حتى لو ماعجبتك والله يكتب لكم الخير باموركم هذا اللي بيدي!! ام راضي وقفت وبغبنة/مالت عليك دارية ان ماوراك خير ابد سدول/وراي خير وكثير لكن شفت وش نهاية الخير مع اللي مايستاهله ام راضي صرخت/وشووو!! سدول تناظرها/فيه شي ثاني ام راضي مشت وبصراخ/هين هين ان ماخليت ساجي يربيك هين تهينيني وتطرديني بعد هييين يابنت جابر هييين!!/خرجت/ سدول تمشي وراها وقفلت الباب بقوة جلست وهي ترجف وسط وجهها اللي انقلب بخوف ضمت يديها لصدرها وهي تسمي على نفسها وتطمنها/عادي ياسدول عادي ماقلتي الا الصدق عادي . ((بيت ابو عمر)) ،،المجلس،، تركي دخل وبيديه اغراض واتجه لبيتهم وقف وهو يناظر المجلس استغرب من وجود امه بالمجلس على غير العادة/السلام عليكم ام تركي ابتسمت/وعليكم السلام والرحمة روح يمّه دخلها داخل روح تركي/جايك يمّه بس انزلهم ام تركي/على راحتك لاتستعجل تركي كمّل طريقه ابو عمر قطب جبينه وهو يدخل للمجلس/السلام عليكم ام تركي/وعليكم السلام والرحمة ابو عمر دخل وهو يجلس جنبها ام تركي مدت له الفنجال ابو عمر اخذ الفنجال/غريب تتقهوين هينا ولحالك بعد!! ام تركي/عادي قلت اغير المكان دام مابه ضيوف اليوم ابو عمر/زين زين/ارتشف من فنجاله شوي ثم ناظرها/يامرة الحين باخر شهورك وللحين ماقالوا لك وش المولود؟ ام تركي/الا قالوا لي ابو عمر ابتسم/صدق!!يعني خالد خلاص؟ ام تركي/الله يجيبه ان شاء الله ابو عمر قطب جبينه وبتكذيب لشكه/وشلون يعني؟!! ام عمر ببرود وهي تتقهوى/ايه ياعبدالله بنت ابو عمر يناظرها بصدمة/هاه ام تركي نزلت فنجالها وهي تلتفت له كلها وترفع صوتها/بنت بنت ابو عمر ضاق نفسه وهو يفك ازاريره ام تركي مدت له الموية وهي تناظره بحواجبها المرتفعة/اشرب اشرب ابو عمر احتدت نظرته وهو يسحب العلبة ويرميها عالصينية وكسرت الكاسات وبصراخ/بنت!!!بنت يابثينة بنت!! ام تركي بحدة/ايه بنت ياعبدالله بنت وش بتسوي بتذبحني!! ام عمر بصراخ/وليش سكتي طول حمالك هاه ليش!! ام تركي/لاني مااستبعد تقول نزليها وانا ابي البنت ياعبدالله ابيها ابو عمر صرخ بجنون وهو يوقف ويسحبها من يدها/بثينةةة!! ام تركي وقفت معه من سحبته وسحبت يدها منه وبصوت عالي/اسمعك ياعبدالله اسمعك ابو عمر/شوفي لك بها حل تسمعين ام تركي بصراخ/وش حله!!صاحي انت!!بنتي ذي بنتي!! ابو عمر/ان جت لهالدنيا والله والله ام تركي قاطعته/ان احطها بعيوني ومااخليك تلمس ظفر منها مثل ماتسوي بفتنة انا ماني بعزة ياعبدالله سمعت!! ابو عمر بقهر/تتحديني يابثينة تتحديني!! ام تركي/بتطلقني؟طلقني!!بتتزوج؟تزوج !!لكن بنتي معي ولاتلمس شعرة من راسها سمعت ابو عمر سحبها من يدها بقوة وهو يهزها/الظاهر ان طيبتي معك نستك من هو عبدالله يابثينة!! ام عمر اللي دفته عن ام تركي بقوة وبصراخ/مجنون انت!!المرة حامل!! ابو عمر يناظرهم بغيظ/ايه ايه تعاونوا تعاونوا والله لاكسر روسكم يالثنتين!! ام تركي/بنتي شاريتها وادفع روحي عنها ولايصيبها شي وماتاخذها والله ماتاخذها على قص رقبتي ياعبدالله!! ابو عمر/تحلمين يابثينة تحلمين مـاهـو انا اللي اعيد الخطا مرتين جهزي عمرك بنتك بتنرمي بدار الرعاية وغصب عن الكل سمعتي غصب عن الكل وانا عبدالله ام تركي بدموعها/والله ماتاخذها بنتي ذي بنتي ام عمر عضت شفتها بقهر وهي تناظر الموقف ينعاد وبصراخ/ماتخاف ربك انت ماتخاف!!حسبي الله عليك حسبي الله مابقلبك رحمة!! ابو عمر مشى بخطوات سريعة ام تركي جلست عالارض وانهارت تبكي ام عمر تهديها/ماعليك منه مايقدر ياخذها مايقدر ام تركي بدموعها/يسويها عبدالله ياعزة يسويها وانت تدرين مايمنعه شي والله يسويها ولا عليه ام عمر ناظرتها بضيقة وقلة حيلة/حسبي الله ونعم الوكيل حسبي الله ونعم الوكيل . ((بيت الجدة سدول)) الجدة سدول بعبايتها ولثمتها وعكازها عالارض وساندة بداية العكاز على كتفها تناظره بحدة بجاد جالس قبالها وبهدوء/وينها منايا ياجدة؟ الجدة سدول/ماني بجدتك تعقب وثم انا ام جابر سمعت ام جاااابررر!! بجاد زفر وسط حدة ملامحه/استغفر الله العظيم ياام جابر انا جاي لزوجتي وشو له الغلط وشو له!! الجدة سدول/انت قل الحمدلله على زوجة مثل منايا لو غيرها كان فضحت بك وكسروا راسك على سواتك بجاد احتدت نظرته/انا ماسويت شي ياام جابر وبعدين خليك وجه خير انا جاي اصلح بيتي الجدة سدول/اعقب!!شايفني وجه شر يالشر كله بعينه وعلمه!!/رفعت عكازها وضربته/ بجاد مسكه قبل يضربه وبحدة/ام سلطان اختارتني عليكم والموضوع مهما يكون بيني وبينها مالكم كلمة علينا منايا وقفت عندهم وبوسع عيونها/بجاد!! بجاد ناظرها بحدته الجدة سدول بغبنة/ها شوفي هذا اللي اخترتيه هذا هو/وقفت/ماحشم جدتك اخر اهلك واللي باقية لك كيف بيحشمك ويعز قدرك وانتي ببيته!! بجاد/اتركينا ياام جابر لحالنا اتركينا منايا بحدة/هاذي جدتي يابجاد ويوم تتكلم اسمعها ومالك حق تقاطع جدتي وهي تكلمني سمعت!! بجاد احتدت نظرته/وشو!! الجدة سدول تناظرها/دامك تخيرتيه من اول مالي كلمة الحين الا بحالة وحدة لاتخيرتيها اخذت حقك من عيونه يامنايا/التفتت له/وانت اخر مرة تطب بيتي ياخاين العشرة سمعت بجاد عض شفته بقهر منها الجدة سدول مشت بجاد زفر وهو يوقف لها يبي يسلم منايا رفعت يدها بوجهه توقفه وبغيظها/تخطي بحقي واسكت لكن جدتي مالك حق بجاد تنهد/ماسمعتيها وشلون تتكلم معي!! منايا/لها حق الاحترام ولا حتى اهلي صار مالهم حق بعد!! بجاد بضيقة/منايا انـ منايا قاطعته/راجعة معك راجعة لاتقول شي بجاد تضايق اكثر منايا بعيون تنطق كره/لان هذا اختياري وواجب علي اتحمل مااخترت بجاد رمش وهو يناظر نظرتها الجديدة منايا مشت وتركته بجاد فتح ازارير ثوبه بقهر وهو كل مانوى يعدلها تخرب معه . {الـمـزرعـة} سعد دخل للبيت وهو يناظرها بابتسامة/ماشاء الله ماشاء الله وتبخير وشين لله امره!! مريم تبخر المكان وهي مبتسمة/عاد اترك عنك هالكلام سعد وهو يطفي الشموع/حتى شموع العيد طلعت مريم بغيظ/سعد ولعهن ليش اللقافة وثم ابوك مايرضى نولعهن غير بالعيد ماتعرفه سعد وهو يولع الشموع/ايه يامريم ايه من قدك الحين بتجيك جارة!!وتسحبين على سعد وايام سعد مريم بنص عين/مادريت انك تغار ياسعد!! سعد ضحك/مـاهـو بغيرة الا فرحان بتجلسين مع احد يسليك مريم/الله يجعلها جيرة مبروكة سعد/وتراهم ماهم بواصلين غير الصبح وش له تبخرين من الحين!! مريم/ازين ازين اجل لو قلطوا بيتهم وانا به ابخر يافضحي فضحاه سعد ضحك/والله ابوي لعب بك صرتي تسولفين مثله مريم بابتسامة/يسلمه ويسلم سوالفه ومنطوقه سعد/عيب عيب اتغزلين قدامي ماعاد به حيا!! مريم ضحكت/وليش الحيا وهو رجلي الـعـم يُسر دخل عندهم بابتسامة/ويازينها من فمك يازينها سعد/اجل استاذنكم انا الحين العلوم تصير علوم وانا مابي شدة الـعـم يُسر اتسعت عيونه/اعقب ماتستحي!! سعد وهو يسرع بخطواته بيخرج/تتغزلون وتهاوشوني ذَا العقوبة والله مريم ضحكت/اتركه اتركه يايسر وش رايك بالبخور زين الـعـم يُسر/كل شي منك ياعيني زين وازين من الزين سعد رفع صوته وهو يرفع ثوبه ويمسكه بيديه/لااله الا الله اصبروا الباب قدامي اصبروا مريم ضحكت العم يُسر هز راسه بياس/مايعقل مايعقل هالولد مايعقل!! سعد خرج وهو ترتسم على ملامحه الحزن/الله يهنيكم الله يهنيكم ويصبر قليبك ياسعد ويصبره . {سـلـطـان و فـتـنـة} //رغم هالاسبوع وجوه الايماني اللي يلفهم لكن كل واحد منهم مشغول بعالمه وافكاره سلطان وهمه وضيقته ودعاه بان ينربط على قلبه ويفتح بصيرته،،فتنة وفرحتها بمكة وجوها الا انها لارجعت للفندق معه ترجع لنفس افكارها ووساوسها رغم هدوئه وقلة كلامه معها اللي اقتصر على مشينا الحرم او وش تبين ناكل فقط وهذا اللي خوفها اكثر// سلطان ببنطلون رمادي وتيشيرت ابيض يسوق السيارة اللي غطاها صوت اذاعة القران بصمت صحيح للحين ضايق صدره من اللي صار لكن خفت عن البداية بكثير فتنة تقاوم النوم من هدوء الجو والملل والسهر لكونها استغلت كل لحظة تقدر عليها بالحرم حتى اخرها وبالنهاية غلبها النوم وغفت سلطان التفت يناظرها وهو يشوف راسها يميل يمين ويسار مد يده ورجعه بشويش لورا فتنة مستغرقة بالنوم ماحست فيه سلطان تنهد وهو يناظر قدامه يسوق فتنة فتحت عيونها بوسعها وهي تبلع ريقها اعتدلت بجلستها وهي تكذب نفسها للحظة غرقت عيونها دموع وصرخت بخوف سلطان من فجعته من صراخها لف على يمينه بقوة ومسك فرامل بكل قوته وبصراخ/وش فيه!!وش فيه!! فتنة نطت عالكرسي شبه جالسة وبدموعها وهي تسحب نقابها وطرحتها وترميها عليه/يمّه يمّه يمّه!!! . ((بيت ابو فواز)) {غرفة سجايا وذهب/ سحايب فتحت الباب بعبايتها وناظرت علا اللي جالسة عالسرير للحين مالبست عبايتها/يالله علا يالله علا تكتفت بتكشيرة/قلت لك يمّه ماابي نرجع لذاك البيت احنا هينا مبسوطين ومرتاحين بعد!! سحايب تنهدت/شوفي انا تبعت من كثر الكلام معك طول الاسبوع والحين انا باطلع اسلم على امي واخواتي التفت اشوفك وراي فاهمة/خرجت/ علا امتلت عيونها دموع ورفعت صوتها/غصب يعني غصب!! سحايب اسرعت بخطواتها ونزلت الدرج ثم سلمت على امها واخواتها زفرت وهي تناظر علا تمر من جنبهم بخطوات سريعة سجايا/هيه علا تعالي سلمي قبل تمشين تعالي!! علا بعبايتها/راجعة راجعة ماراح اطول بذلك البيت راجعة/خرجت/ ام فواز هزت راسها/الله يصلحك ياعلا الله يصلحك سحايب ابتسمت وهي تكبح دموعها/استودعكم الله انا ام فواز بابتسامة/انتبهي على نفسك وعيالك بحفظ الله يابنتي بحفظه سحايب خرجت قبل تهل دموعها وتردد اسرعت بخطواتها وهي تخرج ،،برا البيت،، //علي وعاصم وعفاف وعزام بالسيارة// ابو فواز واقف قباله يناظره/لااوصيك سراج ويده بيد ابو فواز وبابتسامته/بعيوني ياعم بعيوني هي غلطة وتبنا عفى الله عنا عفى الله ابو فواز/الله يصلح بينكم ويهديكم ياسراج الله يصلح بينكم ولكم سراج/امين امين/ابتسم وهو يترك يد ابو فواز/هلا ياهلا بعلا علا وقفت عند جدها وهي تسلم على راسه/مع السلامة جدي/اختفت مظاهر المزح من ابتسامة وفرفشة وحل محلها كل ملامح الحزن والانكسار/ ابو فواز ضمها بابتسامة/يسلم روح الجد ياجدها/تركها/ سراج ناظرها بابتسامة علا تركته وركبت السيارة سراج تمتد بضيق وهو يناظرها ابو فواز/الله يصلحها الله يصلحها سحايب وقفت عند ابوها وهي تبوس راسه ويده ابو فواز/فمان الله يابنتي فمان الله استودعتك ربي استودعتكم الله سراج يناظرها بابتسامة سحايب/اشوفك على خير يبه ابو فواز/بحفظ الله بحفظ ربي سراج سلم عليها بابتسامته/حي الله ام علي حيها سحايب همست باستغراب/الله يسلمك ويبقيك سراج فتح لها باب السيارة سحايب ركبت سراج قفل الباب ثم ناظر ابو فواز/عاد نستاذنكم ابو فواز فمان الله فمان الله سراج ركب سيارته بابتسامة وهو يحرك/نورت السيارة باهلها منورة علا كشرت بوجهها سحايب سكتت وهي تحس بغرابة من الوضع الجديد . {سـلـطـان و فـتـنـة} سلطان موقف بسيارته وهو فارش الفرشة فتنة جالسة قباله باثار خفيفة لدموع متبقية بعيونها سلطان جلس قبالها وبيده موية مدها لها فتنة اخذتها وهي تشرب منها سلطان/هاه لقيتي شي بعبايتك؟ فتنة هزت راسها بلا سلطان/وش اللي فجعك طيب وفجعتيني معك! فتنة باحراج/اقولك بس ماتضحك؟ سلطان قطب جبينه/قولي فتنة بتأكيد/ماتضحك؟ سلطان/مااضحك فتنة/طيب لاتناظرني سلطان/ياليل!! فتنة بزعل/خلاص مو لازم تعرف سلطان غير مكان جلسته وجلس عن يسارها وهو يلف وجهه للجهة الثانية/هاه قولي؟ فتنة/انا احسب حشرة بملابسي سلطان قطب جبينه/طيب؟ فتنة/والصدق نسيت اني قصيت شعري سلطان مافهم/يعني؟ فتنة باحراج/يعني الحشرة اللي حسيتها برقبتي هي اطراف شعري وفجعتني بس سلطان اخذ نفس خفي وهو يكتم ضحكته/يعني فجعتي نفسك بنفسك؟ فتنة تغير وجهها من احراجها وهي تنزل عيونها/انت قلت ماتضحك سلطان اخذ نفس وزفره بصوت وهو يطرد ضحكته/يالله لاتبلانا فتنة ناظرته بغيظ/خلاص عاد سلطان ناظرها بوسع عيونه/وش قلت!! فتنة بغيظها/ادري انك تبي تضحك سلطان/ودي اضحك والله بس تسمحين فتنة/تبيها من الله انت سلطان زفر بضيق وهو يناظر قدامه/اي والله ابي اضحك وكثير كثير لدرجة دموعي المختزنة تهل كلها دفعة وحدة فتنة قطبت جبينها وهي تناظره سلطان ناظرها/اسالي يـافـتـنـة اسالي فتنة انصدمت سلطان/السوال اللي بعيونك من اسبوع اساليه فتنة بتردد/يحق لي اسال؟ سلطان ابتسم/يحق لك لكن بتصدقيني؟ فتنة/اذا قلته انت اصدقك ماابي اسمع من غيرك ياسلطان سلطان بحزنه/الجواب كله ظلم وطعنات تصدقيني يـافـتـنـة؟ فتنة ناظرت عيونه الحزينة اللي تدور مرسى أمان بعد الغدر من اقرب قريب اختنقت بمشاعرها اللي مهما تناستها تتجدد وتجددت من سمعت(ظلم)تنهدت بعيون غرقت دموع مدت كفها وسحبت كفه وهي تحتضنه بين كفوفها/اصدق واصدق واصدق اصم اذاني واعمي عـيـونـي دام قلته انت يكفيني/نطقت الكلمة اللي تمنت احد ينطقها عنها/مظلوم سلطان مظلوم مظلوم مظلوم سلطان لمعت عيونه وبرجفة صوته/من كل قلبك يـافـتـنـة؟ فتنة ناظرت انكساره وانكسر قلبها وهي تشوف نفسها فيه جلست على ركبها وهي تترك يده وترفع صوتها/سلطان مظلوووووم تسمعوني مظلوووووووم يشهد ربي مظلوووووم سلطان ضحك بخفة وهو يناظرها فتنة التفتت له بابتسامة/ها رضيت عن فتنة الحين؟ سلطان/وكيف ماارضى وهي اغرقتني الحين رضا!! فتنة جلست وهي تناظره/لاشفت شكي جاوبني لاتترك الشكوك تلعب بي سلطان/وبتقولين اللي بخاطرك لاجاوبتك؟ فتنة/جاوب انت واطرد هالشكوك عني بس بعد الحين مابه شك سلطان تنهد وهو يمد يده ليدها ويضمها لصدره فتنة سحبت يدها وهي ماسكة يده وسحبته لها وضمته سلطان انصدم وبلع ريقه فتنة مسحت على ظهره تواسيه اتسعت عيونها اول ماحست باللي تسويه وتركته بسرعة وهي وجهها مقلوب من احراجها وعيونها بالارض سلطان ابتسم وهو يناظرها اخذ نفس وهو يفز واقف وينفض ملابسه وبفجعة/بِسْم الله بِسْم الله بِسْم الله!! فتنة فزت قباله بفجعة وهي تتلفت حولها/وش فيه وش فيه وش فيه سلطان وقف وهو يناظرها وباستعباطه عليها/يووووه نسيت اني قصيت شعري فتنة كشرت بوجهها من غيظها سلطان انفجر يضحك/والله مااقدر افوتها لازم اضحك عليها لازم فتنة انحنت وهي تاخذ علبة الموية ومشت له بغيظ/بتضحك انت بس اثبت مكانك سلطان يرجع بخطواته لورا مبتعد عنها بضحكة/وش فيك علي نسيت اني قصيت شعري طيب!! فتنة جرت له وهي تفتح العلبة/سلطااااان سلطان جرى وهو يضحك/خلاص خلاص اخر مرة خلااااص . #سلطان_الهوى_يافتنة_الألفية | ||||
|
| |
|
21-10-22, 12:19 AM
| #65 | ||||
| 25 سبحان الله و الحمدلله و لاإله إلا الله و الله أكبر و لاحول ولاقوة إلا بالله - . //آخر الليل وعلى مشارف اعلان الفجر لقدومه// سراج وقف بعد طريق سفرهم الطويل نسبيا سحايب قطبت جبينها باستغراب وعينها عالفندق ثم التفتت له تناظره سراج/نرتاح هينا مانبي نقابل احد ولا يزعجنا احد سحايب ماردت سراج نزل للفندق علا/يمّه سحايب التفتت لورا/صاحية!! علا/اكيد بأكون صاحية والوضع صار يخوف اكثر سحايب/علا تعوذي من ابليس ذَا ابوك!! علا/ايه صحيح يشبه ابوي لكن اللي يسويه مو ابوي!! سحايب بنرفزة/علا خلاص!! علا زفرت وهي تتكتف/ادري يمّه حتى انتي متوترة من اللي يصير معنا لكن نشوف وش اخرتها نشوف سحايب تقطع النقاش بحزم/اخرتها ابوك ياعلا ابوك . ـــــــــــــــــــــــــ ـــــــــــــــــــــــــ ــــــــــــــــــــــــ {{بـعـد أسبوع}} . {{يـوم جـديـد}} . ((شقة ياقوت و جوهرة)) جوهرة واقفة قبال دولابها تقلب بفساتينها بملل/متى جاية انا بموت طفشت خلاص وابوك ناشب لي حتى وانا اتعذر بعيالي ياقوت/ماراح اجي انتي اهم شي صوري لي كل شي اول بأول ماابي ولا لحظة تفوتني جوهرة بغيظ/وااااع من حلاياها وحلايا عيالها الحين!!كله من سراج اللي معطيها على جوها ياقوت/مايهم اهم شي وثقي ارضي خاطري جوهرة/اااه بس اااه وش فيه كذا قَلَبْ!!مو طبيعي احس وراه شي اخوك ذَا؟! ياقوت/يمكن صدق تغير وفقدها وبعدين وش عليك منه اتركيه يسوي اللي يبيه جوهرة/هين هين مصيره ينكشف المتخبي هين ياقوت/اخترتي فستانك بس جوهرة/وابوك بيتركني براحتي!!الله يعني عليه بس ياقوت/البسي جلابية وبدلي بالاستراحة جوهرة زفرت/اااه بس عذاب عذاب ياربي تعدي هالشهرين على خير بس ياقوت/ان شاء الله تعدي وبتسوين اللي تبين بس هدي شوي جوهرة بتافف وهي تسحب فستان وترميه عالسرير بدون اقتناع فيه/استغفر الله ياربي استغفر الله وش سويت انا وش سويت بس!! ياقوت/ماسويتي شي وانبسطي فترة وتعدي فترة بسيطة وتعدي المهم جهزتي كل شي يبيه سراج؟ جوهرة/ايه ايه حجزت الضيافة والبوفيه مااقول الا مالت علي وعليك وش فيها حظوظنا مالت اي والله مالت لو تشوفين وش جايب وقد ايش متكلف وهو بس احنا مافيه احد غريب وغير كذا البيت يمّه يالبيت كل شي شاله وغيّره عشان ترضى حضرتها وبالاخير متاكدة انها مادة البوز شبرين عليه ياقوت ضحكت/خليه ياكل على راسه مثل مااكلت منه جوهرة/الله يرزقني بواحد قلبه مثل قلوب اخواني شوفي بس وشلون الواحد منهم منوكل قلبه عليها ياقوت بضحكة/يمكن هم اللي ساحرينهم مو بقلوب اخوانك جوهرة/والله كل شي جايز مااستبعد/تنهدت وهي تسمع اتصال ثاني ناظرت جوالها وهي تشوف اسمه/هذا هو يتصل حضرته قفلي قفلي اكلمك بعدين ياقوت/انتظرك بالليل لاتنسين جوهرة/طيب طيب ماني بناسية يالله سلام/ردت/نعم سراج بابتسامة/الله ينعم بحالك جوهرة/امين وياك لاتسال كل شي جاهز سراج نزل من سيارته وهو يوقف عند حديقة كبيرة ضحك/ادري اتعبتك وازعجتك معي ياقلب اخوك جوهرة زفرت بابتسامة/لعيونك كل شي يهون ياسراج الله يخليك لي سراج بابتسامة وهو يوقف عند اكشاك صغيرة على طرف الحديقة/ويخليك لي محتاجة شي انتي وعيالك؟لاتستحين انا لك وانا اخوك؟ جوهرة ابتسمت/خيرك سابق ماتقصر ياسراج سراج يكلم صاحبة الكشك/شاهي حليب ياخالة لاهنتي/كلم جوهرة/امرك شوي؟ صاحبة الكشك تناظره بصدمة جوهرة/مايحتاج انت بس خلص امورك سراج يناظر صاحبة الكشك باستغراب/ان شاء الله ان شاء الله يالله اشوفك شوي جوهرة/الله يسعد قلبك ياسراج سراج تنهد بابتسامته/امين امين سلام/قفل/ جوهرة قفلت/الله يسعدك مع غير هالعلة اللي منكدة عليك وجع/ميلت فمها وهي تخرج من غرفتها وبحلطمة/الله يخليك لي بس مو مثل هالحاتم اخو بالاسم بس ماشفنا شي وقفت وهي تناظر الاغراض عند الباب باستغراب/وساااام وساااام وسام خرج من غرفتهم واتجه لها/نعم ماما جوهرة/ابوي جا؟ وسام/لا ماجا جوهرة/والاغراض؟ وسام/مثل دايم خالي حاتم جابها جوهرة ارتفعت حواجبها وسام بحماس/حتى جاب لنا اخر شريط نزل ماما جوهرة تنهدت/روح العب ماما روح وسام رجع للغرفة جري جوهرة انحنت تشيل الاكياس واتجهت للمطبخ وبغيظ/هذا اللي فالح فيه يجيب اغراض طيب اسال عني مابتموت ولا كله خوف على ست الحسن الثانية اللي عندك لاتزعل!! سراج رفع صوته وهو تنحنح بالاول/شاهي حليب ياخالة شاهي حليب صاحبة الكشك بيدين ترجف واخفت رجفتها وهي تجهز له طلبه/ان شاء الله ابشر سراج شال نظره عنها باستغراب وهو يناظر كشك الالعاب الصغير اللي جنب كشكها اتجه له ووقف عنده وهو يتفحص الالعاب صاحبة الكشك/سم ياولدي سراج رجع لها وهو ياخذه من عالطاولة وينزل المبلغ على نفس الطاولة/الله يرزقك ياخالة الله يرزقك صاحبة الكشك/اجمعين اجمعين سراج رجع لسيارته وهو يرد على جواله بابتسامة/هلا ياهلا صاحبة الكشك مسكت ولدها اللي جالس جنبها من يده وبهمس/قم الحقه لاترجع لي الا وانت داري وين بيته قم سراج/لا ياابن الحلال خلاص خلاص عزلنا وش تبي بهالامور الحين/ركب سيارته وهو يضحك بخفة/تبنا تبنا والله يعفو عنا..اقول انسى لاتحاول شف لك غيري..ايه اخر العلم اخره ولاتحاول ابد..سلام/ابتسم وهو يحرك سيارته ويرفع على صوت الراديو/ . ((بيت ابو ماهر)) ابو ماهر يتقهوى/كل شي جاهز لليلة؟ عليا بابتسامة قباله/ايه جاهز الله يصلحهم لبعض ابو ماهر/الله يستر من هالسراج عليا بتقطيبة جبينها/احمد الله يهديك!!بدل ماتدعي لهم يتمم على خير!! ابو ماهر/امين امين يسمع منك بس عليا قاطعته/احمد اترك سراج يدبر اموره دامه صحى وانتبه لعمره ابو ماهر تنهد/الله يصلح لهم ويصلح بينهم الله يصلح وجوهرة ذي ااااه ياجوهرة عليا/يهديها ربي اصبر عليها اصبر ابو ماهر/انحنى الظهر ياعليا وشاب الراس وهي للحين ماعقلت للحين عليا ابتسمت وهي تحتضن يده/الله يطول بعمرك على طاعته ويديمها عليك صحة وهي ربي يهديها بتصحى يوم وربي يهديها وبعدين حبيبي لاتشيل همهم خلاص كلهم كبروا الحين عيش عمرك واترك كل واحد يحل اموره بنفسه وكل واحد يتحمل نتايج افعاله خلاص اتركهم ابو ماهر/ماهي بسهلة كذا ياعليا ماهي بسهلة عيالي قلبي منشغل بهم عيالي وعيالهم لاربي كتب لك بتفهمين قصدي عليا تضايقت من كلامه وابتسمت مجبرة نفسها/الله يخليهم لك يشهد الله معزتهم وغلاتهم من معزتك وغلاتك يااحمد ابو ماهر/من طيب اصلك ياعليا من طيبه يوم السعد يوم ربي ساقك لي عليا ابتسمت/الله يديمها سعادة مثل ماتسعدني يااحمد الله يديمها علينا/وقفت بابتسامة/عاد استاذنك اتجهز لشوي ابو ماهر بابتسامة/الزين زين بليّا تجهز ياعليا عليا ضحكت بخفة/عيونك والله المزيونة يااحمد ابو ماهر بابتسامة//الله يستر عليك الله يستر عليك عليا مشت . ((شقة حاتم)) حاتم رجع من دوامه بيده اكياس الاغراض فتح باب المقلط المقفول باستغراب وناظر عياله الهادين على غير العادة/وش فيكم؟!! حازم/امي طردتنا حاتم باستغرابه/وش مسوين لها؟!! حازم/والله ماسوينا شي صحت من النوم وعصبت علينا وطردتنا حاتم تنهد/اكلتوا طيب حازم/ايه اعطتنا اكل حاتم/زين زين خليكم هينا لااحد يخرج/قفل الباب وهو يتجه للمطبخ ونزل الاغراض عالارض ثم خرج من المطبخ وهو يدور عليها/ عجايب بغرفة الغسيل تكوي ملابسهم للعشا بوجه متجهم وهي تكبح غيظها عن الكل حاتم وقف عالباب/السلام عليكم عجايب بدون لاتناظره/وعليكم السلام والرحمة حاتم بتقطيبة جبينه وهو يناظره/اعوذ بالله منك ياابليس!! عجايب وهي بنفس وضعها/ألف اعوذ به منه حاتم/وش فيك؟ عجايب/مافيني شي حاتم دخل وهو يوقف جنبها/وش فيها الاخلاق اسفل سافلين!! عجايب زفرت بصوت من نرفزتها/حاتم واللي يسلمني اتركني لحالي حاتم اتسعت عيونه/والله من قلتي واللي يسلمني معناته زعلانة مني وانا ماسويت شي ابد!! عجايب بنرفزة/استغفرك ربي واتوب اليك/تركت الكاوية/حاتم خلاص اخرج خلني اشوف شغلي حاتم/وش سويت لك انا!!عشان جيتي من اهلك؟!!قلت لك شهر وبعده تنزلين لهم عجايب انحنت لسلة الكوي وسحبت الثوب وهي تفرده على طاولة الكوي عند رجولها حتى تبدأ تكويه/مو عشان اروح لاهلي ياحاتم خلاص روح عني حاتم قطب جبينه/لايكون عشان اغراض جوهرة وعيالها اسمعي ياعجايب عجايب قاطعته بحدة/استغفر الله وش شايفني!!احط عيني على اختك!!حبيبي هذا واجب عليك وعمري ماتدخلت بينك وبينهم حتى لو شفت منهم الحريقة ماقلت لك حاتم/ايه تاخذينه بيدك مايحتاج عجايب اتسعت عيونها/مشكور مشكور ايه مو هذا انا بعينك!!همجية وبس!!/رجعت تكوي وهي ساكتة/ حاتم تنهد ويقرب منها اكثر ولامس كتفه كتفها عجايب ابتعدت عنه خطوة وهي مكشرة حاتم قرب منها ولامس كتفه كتفها من جديد عجايب ابتعدت عنه/استغفرك ياربي استغفر الله/ضربت الكاوية بثوبه بقوة/ حاتم باستعباط/شوي شوي اوجعتيني عجايب/احسن حاتم/هاذي والله اللي زعلانة صدق!!/فصل الكاوية من الكهربا/ عجايب اتسعت عيونها/حااااتممم!! حاتم بحدة/وش فيه انطقي هالاخلاق اللي بطرف خشمك واقعد انا وعيالي متأزمين منها ماابيها قولي وش فيك عجايب بنفس نبرته/مو عشان الاخلاق بطرف خشمي لشي سخيف ماابي اجيك ولا اجي عيالك اللي هم زوجي وعيالي!! حاتم بنفس حدته/هالشي السخيف لاعب فيك لعب!!قولي وشو وريحينا!! عجايب بحرقة قلبها/حلمت انك تتزوج علي حاتم انصدم من اللي قالته/كيف!! عجايب/اللي سمعته وتدري احلامي ماتخيب ابد حاتم/انتي صادقة؟!! عجايب/وهالامور بها مزح!! حاتم انفجر يضحك عجايب بزعل/حااااتم!!/انحنت لسلك الكاوية وهي تشبكها بالكهرباء/انا الغلطانة اللي اقولك اصلا!! حاتم مسك ضحكته وهو يناظرها بابتسامة/عساها مزيونة بس عجايب اتسعت عيونها والتفتت له/من هي ان شاء الله!! حاتم/اللي تزوجتها؟ عجايب بغبنة/حاااتم!! حاتم/عسى زينها يسوى زعلك ذَا عجايب بقهر/قلت لك ماابي اقول لاني اعرفك بتضحك علي ماتصدقني حاتم بضحكة/بالله من جدك تزعلين على حلم والله ماانتي بصاحية عجايب/ايه ازعل وليه لا مو انت زوجي وبعدين احلامي كلها صدق حاتم/طيب يمكن الحلم مو لي يمكن لغيري عجايب/لاوالله والضحكة اللي شاقة وجهك/اشرت على وجهها من يمينه ليساره/من ذَا لذا!! حاتم/طيب فرحان مو شرط اني العريس عجايب بقهر وهي تكوي بسرعة/اااه ياقلبي اااه بس حاتم/والله انا اللي غلطان اطيب خاطرك عشان حلم!! عجايب قفلت الكهربا وهي خلصت كوي والتفتت له وهي تتكتف/ليه مااستاهل يعني!! حاتم/تستاهلين تستاهلين ياربي هو انا قلت شي!! عجايب مشت ومرت من جنبه بخطوات سريعة حاتم مسكها من يدها عجايب التفتت له/كويت ثوبك فيه شي بعد؟!! حاتم/الحين تصدقين الحلم وتكذبيني ياعجايب!! عجايب سكتت للحظة وبتردد/مو انا قلت لك سخيف ليه تخليني اتهاوش معك عشان هالسخافة حاتم ترك يدها وبابتسامة/والله وطلعتي تغارين علي يابنت عجايب/ايه اغار عليك ولو اشم هه بس هه طاري السوالف ذي اكلتك قبل تسويها حاتم/اعوذ بالله منك وحش ماانتي بادمية!! عجايب/عشان بس تنتبه زين زين حاتم مشى ومر من جنبها/والله لانويت ماترديني خلي عنك بس عجايب اتسعت عيونها وهي تمشي وراه/وشو وشو وش تقول يعني ناااويها هاه اعترف اعترف!!/شهقت وهي توقف/ حاتم التفت لها فجأة عجايب/بِسْم الله حاتم/تعوذي من ابليس ياام حازم تعوذي عجايب تناظره بتكشيرة حاتم/هي وحدة بس وحدة دخلت القلب وتوسطت به نتحمل اللسان شوي لكن مانبي هاللسان يلعب بالمحبة وتضيع عجايب/طيب ادري انك ماتسويها لكن حلمي ذَا وش اسوي به حاتم مد يده/بيعيه علي عجايب بوسع عيونها/هذا اللي ناقص عشان تتزوج صدق لاوالله ماابيعه لا لك ولا لااحد من اهلك استريح بس/مشت بخطوات سريعة وهي تفتح باب المقلط بقوة/ عيالها فزوا عجايب/يالله يازوز تعالي استشور لك يالله . {عمر و رغد} رغد متمددة عالسرير بوجهها الشاحب غالبها النوم من تعبها وتتعرق بغزارة عمر دخل للبيت وهو مستند عالمشاية وباستغراب من البيت اللي مغطيه الظلام واتجه لغرفتها فتح الباب/رغد رغد ماردت عمر دخل وهو يفتح النور ثم ناظرها/رغد خلاص نوم قومي رغد بتعب/شوي بس ابي انام شوي عمر زفر بطفش/قومي بس خلينا نروح المستشفى وش هالتعب ذَا اللي ماخف رغد جلست بشحوب وجهها/شويات واخف عمر/لك ثلاث ايام وانتي تقولين بتخفين قومي لاتموتين علي قومي بس رغد/خلني اموت وش يهمك!! عمر بحدة/رغد!! رغد تمددت/ابي انام عمر ابي انام عمر بحدته/لا حبيبتي لا دام ذي سوالفك موتي عند اهلك مو تبلشيني بمصيبة مالي فيها!! رغد جلست وهي تناظره بقهر/خايف على نفسك بس هذا همك!! عمر/وانا اقولك امشي ماعجبك اوديك لاهلك يتصرفون معك ماعجبك وش تبين هاه وش تبين!! رغد قامت من السرير وهي تلم شعرها المبعثر وتوقف قبال التسريحة وتمسكه بربطة شعر وانحنت لعبايتها المرمية على كرسي تسريحتها ماتحركت من مكانها اسبوع ولبست العباية/يالله مشينا وروحة لغيرك مااروح قاعدة على قلبك ياعمر قاعدة/سحبت شنطتها وخرجت من الغرفة بخطوات سريعة/ عمر تنهد/يارب صبرني عليها يارب يارب . ((بيت ابو عمر)) ابو عمر دخل لبيته بهمه متجه لبيت ام عمر اللي مو موجودة صاحبته وقف على بابه وهو يسمع اصوات من بيته الثاني التفت وهو يناظره اخذ نفس وهو يتجه له ويدخل من باب المطبخ المفتوح بهدوء موج جالسة بالصالة قبال خالتها يتقهوون وبضحكة/ها وش ناوية تسمينها لاتقولين تركية تكفين ام تركي تناظرها بتكشيرة/ياشين سوالفك ياموج موج ضحكت/والله ياخالة مااستبعد عنك تطقمين اسمها مع واحد من العيال ام تركي/هو اللي سمى العيال ماشاورني ابدا موج/ودام مايبي البنات اكيد بتسمينها انتي صدق رب ضرة نافعة ام تركي الله ييسرها على خير تجي اول بالسلامة وبعدها يصير خير ان شاء الله موج بفرح/يوووه ياخالة فرحانة فرحانة ومتاكدة فتنة بتموت فرحة اذا درت ام تركي/الله يسعدها هالبنت الله يسعدها عاد تدرين قولي لها اختك مايسميها غيرك ابو عمر صرخ بحدة وعيونه بارزة من غيظه/تخسي موج فزت/بِسْم الله علينا بِسْم الله ابو عمر مكمل/الا هي!!محد يسمي عيالي غيري يابثينة ام تركي احتدت نظرتها/الحمدلله على سلامتك نورت بيتك ياعبدالله!! ابو عمر/اسمعي عاد البنت وانتهى موضوعها وابعد احلامك تعيش معك بهالبيت ام تركي بحدة/عساني ماعشت بهالبيت ياعبدالله ابو عمر وقف قبالها وهو يدف راسها بطرف اصبعه بخفة ومن بين اسنانه/بثينة يابثينة موج تناظره بحقد وهي ترص ع اسنانها ام تركي دفت يده عن راسها وهي تناظره بحدة/اسمعك ياعبدالله اسمعك!! ابو عمر يناظرها بوسع عيونه ام تركي/لك فم ولي اذن اسمع وش تبي تقول وافهمه زين مثل ماانت تفهم كلامي ابو عمر مسكها من يدها وهو يشد عليها بكل قوته ام تركي رغم وجعها الا انها تتحداه بنظراتها وواجب عليها هالفعل سحبت يدها/لسانك لسانك اسمعك الحمدلله ربي متمم نعمته علي!! ابو عمر صرخ وهو يدفها/بثينة موج اتسعت عيونها/عمي!! ابو عمر انصدم وهو يحس بيدين دفته نزل نظره وسرت بجسمه رجفه وهو يناظر الموقف يتكرر من جديد رغم اختلاف الزمن والاشخاص الا انه يتكرر وكأنه يأكد عليه هالتعامل مرفوض باي مكان وزمان احتدت نظرته وهو يناظرهم غياث اللي دف ابوه وواقف قبال امه وبينها وبين ابوه وهو يناظره بغيظ اصيل واقف جنبه بنفس النظرات اللي تشابه الرصاص بحدتها تركي واقف عن يمين امه وهو يناظره بغيظ راجح واقف عن يسار امه ام تركي امتلى قلبها رجفة من فرحتها وخوفها عليهم كيف هالاربع محتوينها مثل الدرع تعرف خوفهم من ابوهم وتدري وش كثره لكن عندها كل شي خط احمر بهالعيون الصغيرة ناظرته بحدة مثلها مثلهم راجح بحدة/يبه امي هاذي امي ابو عمر صرخ/اسكت لارميك انت وهي برا ام تركي/عاللي ينتظرك تطرده!!انا رايحة وتاركة هالبيت كله لك ياعبدالله/مشت/ العيال مشوا وراها ابو عمر بوسع عيونه صرخ/اوقفي اكلمك انا ماسمحت لك تمشين اوقفي موج تناظر خالتها المبتعدة برضا رغم قلته لكن راضية باللي صار ناظرت عمها/خيرك سابق ياعمي سابق ابو عمر ناظرها بغبنته/تدورين مشاكل انتي بعد!! موج مشت بدون لاترد عليه ابو عمر اسرع بخطواته خارج من البيت وهو يلف البيت يقفل الابواب ويترك بكل باب مفتاحه . ((بيت ابو راضي)) ام راضي جالسة قباله تتقهوى بوجه واضح عليه الزعل ساجي/وشلونك يمّه اليوم عساك بخير ام راضي/الله يرحم حالي اول كل صبح وانت تمر تطمن بنفسك والحين زين تذكر امك قبل لاتنام ساجي وقف وهو ينحني قبالها ويسلم على راسها ام راضي دفته بزعل/ابعد ابعد بس ساجي جلس جنبها وهو يبوس كتفها/يايمه يايمه خاطرك لايتكدر والله انك اغلى من روحي ام راضي/ايه بالحيل الله يخلف علي ساجي تنهد بضيقة وهو طفش من هالموضوع ام راضي/انت حتى خواتك اذا دروا انك فيه تبعثروا كانك شيطان داخل عليهم ساجي بنرفزة/ماطردت احد ولا اتكلم على احد وانتي تدرين بطبعي يمّه بناتك هم اللي يتحزبون ام راضي اتسعت عيونها/شف شف شف!!لا والله انت مو بساجي ابد ابد الله يردك بمرده لعقلك!! ساجي وقف/تبين شي يمّه؟ ام راضي/شرك سابق خيرك ياساجي ساجي زفر/استغفر الله العظيم ام راضي/مشكور مابي شي منك مشكور ساجي مشى بخطوات سريعة وهو على طرف وينفجر ابو راضي دخل للبيت ناظره بتقطيبة جبينه وهو يناظره متجه له/وش فيك ياولد؟ ساجي سلم على راسه ابو راضي/سلمت سلمت ساجي/مافيني شي يبه ابو راضي/امك اكيد ساجي ابتسم غصب/لاتظلمها يبه ابو راضي تنهد/لاتحاول معروف وش بلاك رح وانا ابوك رح الله يعينك ساجي خرج ابو راضي اتجه للصالة دخل وهو يناظرها بتكشيرة وجلس ام راضي تناظره باستغراب وهو ماسلم/السلام لله ابو راضي زفر/السلام عليكم ام راضي/بعد وشو!!بعد مابرد!! ابو راضي بنرفزة/انتي ماتتوبين!!ماتخافين من اخرتك يامرة!! ام راضي/بِسْم الله علي!!وش سويت لك داخل علي بشرك!! ابو راضي زفر بغيظ وسط ابتسامة/اللهم طولك ياروح الناس تكبر وتثقل وانتي تكبرين وتدبرين ام راضي بزعل/ليش الغلط يامحمد ليش!! ابو راضي/هذا اللي تشوفه عيني!!/صب له فنجال/ ام راضي وهي تكتم غيظها/راضي ناوي يتزوج ابو راضي التفت لها باستغراب/صدق!! ام راضي بابتسامة/اي والله ابو راضي بهدوء/وش الطاري بعد ذي السنين!! ام راضي/وشو وش الطاري!!يكمل نص دينه ابو راضي هز راسه/ايه ايه نص دينه ام راضي بغيظ/وش فيك!!بدل ماتبارك وتفرح له!! ابو راضي/الله يهنيه هو انا قلت شي!! ام راضي/البنت مابعد خلصت للحين بالعدة وقلت اقولك ابو راضي قطب جبينه/من هي بنته؟ ام راضي/جوهرة بنت احمد ابو راضي بحدة/لا هالبنت ماتصلح لنا شوفي له غيرها ام راضي/هو اللي يبيها وبعدين بنت خويك وشو اللي ماتصلح!! ابو راضي/هالبنت قشرا من يومها بزر ياعايشة قولي لولدك ام راضي/مافيها الا العافية ومابه احد يبقى على طبعه ابو راضي/ووشو له تشاوروني وانتم خالصين!! ام راضي/لانك ابوه لازم تدري مايبي لها سوال!! ابو راضي/هالبنت ماتصلح قولي له يشوف غيرها وخلصنا راضي دخل/السلام عليكم ابو راضي/وعليكم السلام والرحمة راضي يسلم على امه ابو راضي/اللي اخترتها ماتصلح لك شف غيرها ياراضي ام راضي/احمد!! راضي/ابيها هي ويحرم علي غيرها ابو راضي احتدت نظرته/وشو!! راضي/مابقى لي كثر ماراح ام راضي/بِسْم الله عليك توك شباب ياراضي ابو راضي بحدة/هذا انت ماتسمع لي!! ماسمعت لي وانت شباب بتسمع لي يوم غزا الشيب شعر راسك!! ام راضي/توه شباب يااحمد وش فيك عليه!! ابو راضي وقف وهو انسدت نفسه/كيفكم سووا اللي تبونه لكن بكرة لااشوف احد منكم يشتكي عندي سمعتوا/مشى وتركهم/ . {الـمـزرعـة} سلطان واقف على مدخل الـمـزرعـة قباله/ياعم الله يهديك انت بس اسمع الـعـم يُسر بعناد/ماني بسامعن شي يكفي نايف وسعد سلطان/نايف وسعد مايغطون كل الكراتين بنفس اليوم وحرام التمر يخرب ونبيعه كذا نصير غشاشين يرضيك!! الـعـم يُسر بعصبية/اعقب مانغش حنا ابد حد الله بيني وبين الحرام ياسلطان سلطان/والله اني داري مايرضيك هللة حرام تدخل هالجيب تدري بي من اصبح وانا ادور محل حتى نورد له ونايف وسعد طاحوا على وجيههم وش نشيل ووش نترك التمر واجد ياعم واجد يبي له سواقين زيادة!!ويبي له مسوقين بعد!! الـعـم يُسر صد بوجهه وهو ساكت سلطان/ياعم مابنجيب عمال ابد الـعـم يُسر التفت له/وشلون اجل!!الشغلة يبي لها مطارد!! سلطان/نحط عيال البلد اللي يبي الرزق حياه الله وبعدين انت توقف عليهم ويفهمونك هبة ريح الـعـم يُسر ميل فمه بتفكير سلطان تنهد/هاه ياعم وش قلت؟ الـعـم يُسر/وش باقول سواة الله خير سلطان بابتسامة/يعني خلاص موافق؟ الـعـم يُسر/هماك مبلشني لك اسبوع شف وضعك وثم رد لي واذا اعجبني تم سلطان سلم على راسه/الله يطول بعمر هاللحية الـعـم يُسر دفه عنه/رح رح بس تريّح سلطان/خلاص على وصول الشباب الـعـم يُسر/رح لبيتك بس رح انا انتظرهم سلطان/والله مااتحرك من مكاني وانت وراي!! الـعـم يُسر زفر/عناد عناد ياكافي سلطان/اسمعوا من يتكلم الـعـم يُسر بحدة وهو يرفع عكازه/الظاهر تبي العصا يسلم عليك الليلة!! سلطان ضحك/افدا هالعصا وراعيها انا افداه الـعـم يُسر تنحنح وهو يناظر سعد ونايف سعد دخل بسيارته وبوسط صوت الراديو اللي غطى السيارة صرخ/السلااااام عليكم الـعـم يُسر وعينه على سعد/ناظر ناظر وش مسوي هالسعيدان ناظر!! سلطان وهو يرد السلام بحركة يده/اررررححححببب الـعـم يُسر التفت لسلطان وبحدة/لاتكبر راسه وهو كبران خلقة!! سلطان ضحك/حرام عليك ياعم والله انه ضعيف الـعـم يُسر/ضعفت شوكة العدو هذا اللي اقوله ضعفت شوكته/مشى ورا السيارة وبحدة وهو يصرخ/سعد سعد ووجع سعد وقف بالسيارة/سم يبه الـعـم يُسر فتح الباب وركب معه وهو يهاوشه سعد حرك السيارة نايف دخل بالسيارة ووقف وبابتسامة وهو ينزل القزاز جهة الراكب سلطان بابتسامة/يالله ان تحييه عساك عالقوة نايف بابتسامته/الله يقويك سلطان/عسى ماتعبت نايف هز راسه بلا/بسيطة سلطان فتح الباب وهو يركب/امش امش ورانا هوشة يحبها قلبك من هالشايب نايف ابتسم/وهي جديدة عليه مايصير يُسر اذا ماهاوشنا سلطان/اجل تدري نزلني عند بيتي نايف اتسعت عيونه وهو يلتفت له يناظره سلطان/خلاص عاد كل شوي انا أحمل معك انت وسعد اليوم صيروا رجال!! نايف هز راسه/ايه ايه يالخواف!! سلطان/تبيني انفخ صدري يعني واثبت رجولتي بعد كلامك!!ايه خواف نايف انصدم من رده وهو يناظره سلطان/من خاف سلم . {عند فـتـنـة} //ورا بيت سلطان بركة صغيرة الحجم والعمق يلفها الزرع الصغير ويتوسطها من الجهتين من اليمين شجرة لوز كبيرة ومن اليسار شجرة ليمون كبيرة غطت اظلال اغصان هالشجرتين البركة// فتنة ببنطلون زيتي وتيشيرت ابيض سادلة شعرها على ظهرها منزلة فلاتها على جنب واقفة حفيانة عند البركة وهي مادة رجلها للبركة تلامس سطح الموية اللي بداخلها ابتسمت وهي تحس ببرودته سلطان وقف وتكتف وهو يناظرها/ياسبحان الله فتنة شالت رجلها بسرعة وهي تلتفت له تناظره سلطان بابتسامة/فديت زرعتي الحلوة وسط هالزرع فتنة كشرت بوجهها للحظة ثم تنهدت وهي تعودت عليه شوي وبدت تلبس فلاتها سلطان تقدم لها وانحنى شبه جالس عند رجولها فتنة اتسعت عيونها ورجعت خطوة لورا سلطان مسك رجلها وهو يضغط عليها ورفع راسه يناظرها/ماراح اكلك اربط الحبل بس فتنة انحنت قباله شبه جالسة وهي تربط حبل الفلات/مشكور سلطان تنهد وضم رجوله لصدره بيديه وهو يتكي بطرف دقنه على يديه يناظرها فتنة تربط حبالها بربكة وسط انفاسها السريعة من توترها وهي حاسة بنظراته اللي اخترقتها كلها سلطان بابتسامة/كيف الجو عندك؟ فتنة رفعت عيونها وهي تناظره وببحة ببداية كلامها ثم اتزن صوتها/مثل عندك!! سلطان جلس وهو يتربع بابتسامة اتسعت على وجهه/متاكدة!!! فتنة قطبت جبينها بتوتر وبهدوء/ايه سلطان ضحك/وش فيك خايفة!! فتنة ارتفعت حواجبها/مين قال!! سلطان سحب نفسه عالارض وهو متربع وقرب منها شوي وبابتسامة/للحين ماانتي خايفة؟ فتنة اللي شبه جالسة للحين رجعت لورا خطوة/ايه!! سلطان مد قبضة يمينه وهو فارد سبابته فتنة غمضت عيونها وهي تنزل راسها شوي سلطان لامس جبهتها بطرف اصبعه وهو يناظرها بابتسامة وهمس/فتنة فتنة فتحت عيونه بشويش تناظره سلطان اشر بيساره بمعنى سلام ودفها بيمينه فتنة شهقت بفجعة وهي تميل لورا وطاحت بالبركة وراها سلطان انفجر يضحك فتنة وقفت بهالبركة اللي واصلة مويتها لمنتصف جسمها وهي مفجوعة وكلها غرقانة ناظرته بغيظ فايض وهي تشوف ضحكته سلطان بضحكة وهو يمد يده لها/تعالي تعالي فتنة حطت يديها عالارض تسند نفسها وطلعت من البركة سلطان اختفت ضحكته من حس بزعلها فتنة اعتدلت بوقفتها سلطان وقف بوجهها/فتنة فتنة ناظرته بغيظ وهي تلف عنه ليمينها وتصد بوجهها ولاتناظره سلطان تحرك بنفس جهتها وهو يوقف بوجهها فتنة زفرت بنرفزة وهي تبعد للجهة اليسار سلطان تحرك معها/اسف فتنة هزت راسها بهدوء/طيب ممكن تبعد؟ سلطان/هاه؟!! فتنة/ابعد لو سمحت سلطان ابتعد عن طريقها/طيب فتنة اتجهت للبيت وهي تسرع بخطواتها وهي ترجف سلطان تنهد بضيق وهو يناظرها يلوم نفسه عاللي سواه والتوقع اللي انعكس معه . ((السيارة)) عمر يلتفت لها بين فترة وفترة باستغراب من هدوءها رغم الخبر الصادم لهم اثنينهم رغد صادة بوجهها عنه بهدوءها وهي مو مصدقة الخير اللي سمعته زفرت وبهدوء/عمر عمر بدون لايناظرها/نعم رغد وهي صادة/ابي اروح لاهلي عمر اتسعت عيونه/صاحية انتي!!واللي سمعتيه قبل شوي رغد/لاحقين عمر/وش لاحقينه!!خلصي مع هالدكتورة ونشوف وش نهاية ادويتها وبعدها يصير خير رغد ضحكت بخفة والتفتت له وبسخرية/خايف علي؟!!/قاطعته قبل تسمع جوابه/ولا خايف من كلام الناس مثل ابوك؟!! عمر احتدت نظرته/الحيوانات وهي بهايم بدون عقول ترحم بعضها كيف الادمي!!وبعدين ابوي وامي خط احمر ولا نسيتي رغد هزت راسها بايه وهي تصد عنه/اذا على كلام الناس ارتاح محد بيدري رايحة لاهلي ياعمر رايحة عمر باصرار/مافيه روحة الى مانشوف وضعك يارغد وانتهى . ((بيت ابو عمر)) {طلال و موج} طلال راجع من دوامه دخل لجناحهم تافف وهو يناظرها موج نايمة طلال وقف جنب السرير وانحنى وبهمس/موج موج موج تاففت وهي تصد للجهة الثانية طلال/تغديتي؟ موج ماردت وهي تتغطى كلها طلال/قومي خل نتغدا مع بعض موج جلست وهي تقفل انفها/اففف وش هالخياس طلال طلال اتسعت عيونه/نعم!! موج سحبت البطانية وهي تغطي نص وجهها من انفها وتحت/تكفى طلال افتح الشباك بموت من الريحة طلال بتقطيبة جبينه/وش هالكلام!! موج بلمعة عيونها اللي تجمع فيها الدمع/طلال بسرعة تكفى طلال اتجه بخطوات سريعة وهو يفتح الشباك وسحب المخدة وهو يهف المكان/ها باقي للحين؟ موج/للحين اطلع اطلع بسرعة طلال/تستهبلين انتي موج صرخت وسط دموعها/طلااااال اطلع طلال ناظرها لثواني وهو يناظر دموعها وبشك/صادقة انتي؟ موج تمددت عالسرير وهي تتغطى كلها/اوف اوف طلال خرج من الغرفة وهو يقفل الباب وراه بكل قوته موج رمت البطانية وهي تاخذ نفس وتخف على نفسها بيديها/يمّه انكتمت وش ذَا مابغى يروح!!/ابتسمت وهي تسحب جوالها وتراسل/ طلال ينزل الدرج بخطوات سريعة وهو مغتاظ يجزم انها متعمدة لكن الحمل معه اعراض تبرر تصرفها معه خرج من البيت وهو مابدل لبسه متجه لسيارته يبي يخرج لاي مكان لانه فاض كيله بهالنعمة اللي يحسها نقمة عليه وقف وهو يناظر ابوه اللي داخل للبيت من الباب الرئيسي ابو عمر قفل الباب وراه ناظره باستغراب/خرجت الحين؟ طلال وقف قباله ويسلم عليه/ايه يبه ابو عمر تنهد وهو يناظر ملامح وجهه/الظاهر ماني بلاحق خير من الحريم وانت مثلي لكن الحقني للمجلس نتقهوى طلال/نطلع يبه نكشت بالبر ابو عمر تنهد/ازين ماقلت وقته ويبي لها كشتة لكن خلها بكرة نجهز امورنا ونطلع من الفجر/مشى باتجاه المجلس/ طلال مشى وراه/ابشر يبه على امرك //اعتلى صوت جرس البيت// ابو عمر وقف وهو يلتفت للباب طلال كمّل طريقه للباب/طيب طيب/فتح الباب/ ابو شاكر عالباب/السلام عليكم ياولدي ابو عمر قطب جبينه وهو مو واضح له الشخص اتجه بخطواته للباب بشك من الصوت اللي يسمعه طلال/يامرحبا حياك ابو شاكر/بغيت اسالك هذا بيت عبدالله الـ** ابو عمر وقف جنب طلال واتسعت عيونه بصدمة وهو يناظره طلال/وصلت حياك حياك ابو عمر بغيظ وصل اقصاه/الله لايحييك ولايسلم بك شعرة اذلف اذلف . {الـمـزرعـة} ((بيت الـعـم يُسر)) سعد دخل للمطبخ وهو ياخذ نفس بصوت صرخ/الله مريم اللي منهمكة بالطبخ ولا حست فيه فزت من صرخته/بِسْم الله!! سعد/الله الله بس مريم التفتت له/سعد وبعدين معك روعتني سعد/الله يكثر الجيران اللي يلفي معهم هالسنع مريم كشرت/وش قصدك هاه!!رفلة انا!! سعد/لا لا محشومة السنع يقووطر ياعمة لكن الله رزقنا بهم عقب مااحرمتنا ضروس ابوي مريم ضحكت بخفة/لايسمعك بس سعد/وذا الصدق مريم/ضروسه احرمتنا احرمتنا صدق لكن هو بعد يبي لي الراحة مايصير نظلمه سعد/ايه ياعمة ايه بس الظاهر جيرانك اكلوا عقلك كله خابر حق الضيافة ثلاث ايام كم لك وانتي تطبخين وتنفخين الـعـم يُسر دخل للمطبخ وبحدة/مـاهـو من خيرك ياسعد سعد بابتسامة/عساك عالقوة ياابو حمد الـعـم يُسر تنحنح/وش فيك ناشب لعمتك اتركها عنك سعد/ايه ياابو حمد جت اللي اخذتها منك جت مريم وسعت عيونها/سعد!! الـعـم يُسر قطب جبينه بغيظ سعد/الحين بتفرش فرشتك جنب فراشي عند البركة وتسامرني ايه وحداني وحداني مثلي!! الـعـم يُسر/تعقب سمرات الليول لك انا فراشي مليان!! سعد/جب جب فراشك الليلة ترا فراشي يالله يقواني الـعـم يُسر اتسعت عيونه وهو يرفع عصاه/اعقب سعد جرى وهو يتخبى ورا مريم/ازعلك الصدق!! الـعـم يُسر بعصبية/محد زعلان غيرك بيننا!!ياولد اعقل اعقل تغار من مرة!!عيب عليك عيب!! مريم دفت سعد عنها/اجلده يايسر هالمرة اجلده سعد اتسعت عيونه/مريووووم!! مريم/مابه مريوم خل لسانك اللي ابلشني ينفعك الحين سعد/يبه اسمعني بالاول الـعـم يُسر وهو يضربه بعكازه بشويش/اللسان ذَا ليه مايحط حيله بالحراج ولا حيله ماغير يصدع براسي هاه سعد مسك عكاز ابوه/يبه عمتي فرحانة انها تطبخ تقول ضروسك مبلشتها مريم اتسعت عيونها بصدمة منه/سعيدااان!! الـعـم يُسر التفت لها بصدمة/مريوم!! سعد يحرك حواجبه لها بابتسامة مريم بربكة/الله يخلي لي ضروسك سعد/هاه يبه شفت شفت مريم/وراعيهن يايسر الـعـم يُسر التفت لسعد/اذلف برا لااجلدك اذلف سعد مشى بخطوات سريعة وخرج وهو مبسوط انه فلت من العقاب مريم تناظره بهدوء الـعـم يُسر مشى وهو ماكلمها مريم مشت وراه وهي تمسك يده/يُسر الـعـم يُسر وقف والتفت لها مريم/تدري بقلب مريم يايسر الـعـم يُسر/هي تدري بقليبي لكن انا مرات ومرات مريم/افا يايسر افا هذا العشم بمريم يايسر؟!! الـعـم يُسر/مريم عزيزة وغالية ومحشومة ماشفنا منها الا كل خير بالاولة والتالية مريم/اجل سعيدان يرمي الكورة وانت تزعل الـعـم يُسر/اليوم ضقتي من ضروسي والله يستر من بكرة يامريم مريم انخطف وجهها/لا لا يايسر خاف الله فيني مـاهـو بانا جاحدة المعروف والجمايل حتى لو انك ماانت برجلي تعرف جمايلك عليك ياابو حمد تعرف وش كبره!! الـعـم يُسر/يعلم الله ماقصدت منة ابد مريم/يعلم الله اني دارية بك وبقليبك يايسر ويعلم الله قليبي يساوي قليبك بالغلا الـعـم يُسر ابتسم/خابر خابر لكني بغيت اسمعها مريم رمشت الـعـم يُسر ضحك بخفة/الواحد مثل مايمتع عويناته يحق له يطرب اذانه يامريم مريم تناظره بصدمة الـعـم يُسر ضحك/اجل تظنين هالسعدي طالع لمن!!اكيد لابوه/مشى وهو يضحك برضا عن اللي سمعه/ مريم هزت راسها يمين ويسار بصدمة وهي تستوعب استغلال الفرصة اللي صار بدون انتباهها والتفتت لقدرها اللي عالنار/لااله الا الله الولد وابوه رهيفين!!الولد وابوه!! . {سلطان و فتنة} سلطان متمدد عالسرير ينتظرها فتنة خرجت من الحمام وهي لافة الروب السكري الميدي عليها ورابطة ربطته حول خصرها مرت وهي تناظره سلطان فز جالس عالسرير وهو يناظرها فتنة فزت للحظة من حركته وتنهدت وهي تفتح دولابه وخرجت له شورت رياضي اسود وتيشيرت ابيض وهي تتجه له/تفضل سلطان اخذه منها/يزيد فضلك فتنة اتجهت للتسريحة وهي تجلس عالكرسي وبللت يديها بشوي سيروم وهي توزعه ع شعرها وسحبت المشط وهي بتمشط شعرها سلطان مثبت نظراته عليها قام من السرير وهو يتجه لها وقف وراها وهو يسحب المشط من يدها فتنة التفتت له تناظره باستغراب سلطان لف وجهها بطرف اصابع يده اليمين لمراية التسريحة فتنة ناظرته بالمراية باستغراب سلطان مسك اطراف شعرها وعيونه عليه وهو يمشطه بشويش/زعلتي قبل شوي؟ فتنة ابتسمت/شوي بس سلطان شد عقدة بشعرها الملتفة حول بقايا اعشاب من البركة بالمشط بكل قوته فتنة اتسعت عيونها وبلعت ريقها بوجع تكتمه سلطان وهو مشغول بشعرها/صدق؟ فتنة/ايه سلطان شد شعرها من جديد/وللحين باقي بخاطرك؟ فتنة لفت له وهي تتوجع من تقطيعه بشعرها ومسكت يده وتناظره/لا مابقي سلطان لف وجهها من جديد للتسريحة وهو مركز بشعرها فتنة لفت للمراية وتغير وجهها وهي تناظره بخوف سلطان مشط عقدة شعرها وهو يتنهد/اذا زعلتي لاتروحين وتتركيني اصرخي بوجهي ونحل الموضوع بصراخ عادي فتنة عضت شفتها السفلية وهي تكتم ألمها من تقطيع شعرها لفت عليه وهي توقف وتمسك يديه توقفه سلطان ناظرها وانتبه لوجهها المتغير فتنة/اول شي رضيت من لحظة اعتذارك وطيب طيب باصرخ عليك وتصرخ علي لكن الحين اعتق شعري قطعته حرام عليك والله حرام سلطان ترك شعرها بسرعة/اسف بس تحمست شوي فتنة وهي ترفع يديها تمسك فروة راسها تمسجها/افتريت فيني حرام عليك!! سلطان ابتسم وضمها فتنة اتسعت عيونها سلطان همس لها وهو يضمها اكثر/وانتي مو حرام عليك تفترين فيني بكل لحظة!! . {ساجي و سدول} سدول فتحت باب غرفة النوم وناظرته باستغراب دخلت وهي تجلس على طرف السرير جنبه/حبيبي ساجي مغمض عيونه ومغطيها بيده/هممم سدول/قوم نطلع نغير جو ساجي/تعبان اليوم حبيبتي خليها شوي سدول تنهدت/وش يوجعك؟ ساجي/راسي يوجعني سدول/باجيب لك بندول/رفعت نفسها بتوقف/ ساجي حاوط خصرها بيديه وهو يرفع نفسها لحضنه/ماابي شي خليك كذا شوي وبارتاح سدول تنهدت بضيق وهي عارفة سبب ضيقته مسحت على راسه بيمينها ساجي مسك يمينها وهو يطبع عليها بوسة ويحتضنها لصدره سدول زادت ضيقتها وهي تفكر بحل لوضعهم اللي مو مرتاحين فيه . ((بيت ابو عمر)) //عالباب// طلال يناظر ابوه بصدمة من كلامه وهو اللي معروف عنه ترحيبه واكرامه لضيوفه ابو عمر بغيظه/اذلف الله لايحييك اذلف ابو شاكر/ياعبدالله تعوذ من الشيطان ابو عمر سحب الباب من يد طلال وهو يقفله/اذلف الله لايحييك يالخسيس اذلف ابو شاكر مسك الباب/اسمعني يارجال انا جايك وجايب حلالكم كله ماابيه اعتقوني اعتقوني من ذنبكم تكفون ابو عمر/الله لايبيحك ولايغفر لك مانبي من وراك شي اذلف اذلف/قفل الباب بوجهه/ ابو شاكر يدق الباب بترجي/تكفى تكفى ياعبدالله ارحمني اعتقني تكفى عبدالله عبدالله ابو عمر من ورا الباب بصراخ/ان ماذلفت والله اهون ماعندي اجرك بالشرطة اذلف ابو شاكر يدق الباب باصرار/جيت ببابكم يااهل الوجيه النقية التقية اصفحوا وسامحوا تكفون تكفون ابو عمر ناظر طلال وبصراخ/ان ماذلف اتصل بالشرطة سمعت/مشى للبيت بخطوات سريعة وكله غيظ/ . ـــــــــــــــــــــــــ ـــــــــــــــــــــــــ ــــــــــــــــــــــــ {{الـلـيـل}} . ((شقة نايف)) نايف دخل للبيت مرتسم عليه التعب دخل للمطبخ وفتح الثلاجة ياخذ له موية ياقوت اللي تسخن اكل لها بعد ماجاعت كثير وطول عليها وهي تنتظره التفتت تناظره/ياأهلاً ياأهلاً نايف شرب موية وقفل العلبة وهو يتجه لها بيضمها ياقوت رجعت خطوة لورا/لاتلمسني وانت كذا!! نايف وقف وتنهد وهو يناظرها ياقوت بنرفزة/الى متى يانايف هالحالة الى متى!!ترا حتى عيالك اشتاقوا لك وش ذَا العمل اللي ياخذ كل يومك مايصير مانشوفك الا وقت النوم هذا اذا ماناموا عيالك وهم ماشافوك!! نايف/ترا كلها اسبوع!!وبيتعدل الوضع لقدام ان شاء الله!!وبعدين ذَا رزقي!! ياقوت/ورزقك اللي قبل وش فيه يانايف!!مرتاح بدوامك ونشوفك طبعا نايف/كلها فترة بسيطة الى ماتتعدل امور الـمـزرعـة ياياقوت ياقوت/هالشغلة مو مرتاحة لها اتركها يانايف تكفى اتركها نايف/لا هالشغلة مناسبتني كثير صحيح هالفترة ضغط شوي لكن تتعدل الامور لقدام باذن الله ودخلها زين وزين كثير ياقوت/نااايف!! نايف/لاتفرضين رايك علي مثل ماانا ماافرض رايي عليك ياياقوت ياقوت ارتفعت حواجبها وهي تتكتف/نعم!! نايف/احترمي رغباتي مثل مااحترم رغباتك انتهى الموضوع ياقوت/هاذي حياتنا يانايف!! نايف/هذا شغلي ياياقوت وترا تعبت طول الاسبوع وانتي مناشبتني!!جهزي عمرك باقي اسابيع الى ماتتعدل امور شغلي ماابي ازعاج يكفي صداع الشغل/قفل الثلاجة بقوة وهو يخرج من المطبخ/ ياقوت رفعت صوتها وهي مقهورة/تعشى طيب ايه صحيح نسيت انك ماتسمع عساك لاتعشيت نايف مشى وهو ماانتبه لها وش تقول . ((بيت ابو فواز)) //الحوش// الجدة سدول عن يمينها ذهب ويسارها سجايا مضيقة عيونها وهي تناظر الشاشة ذهب ماسكة الجوال لجدتها وهي فاتحة سناب تكلمه سلطان وهو فاتح كراسته لكاميرة جواله/ها ياجدة وش رايك برسمتي؟ الجدة سدول/والله يامضنون عيني مااشوف الدنيا حولك ظلمي(ظلام) سجايا قطبت جبينها وهي تناظر رسمته ذهب تناظر الرسمة باستغراب سجايا صفقت/الله الله سلطان تشقق وجهه من ابتسامته/عرفتي وشو!! سجايا هزت راسها بايه/اكيد راسم حديقة سلطان كشر بوجهه/وش حديقته ذَا بحر ذهب ضيقت عيونها تحاول تشوف وين البحر اللي يقوله سلطان/ماالومك ماتشوفين زين ظلام وراسم بقلم الرصاص غصب ماتشوفين سجايا/اقولك متاكد انك كنت مهندس بعرق جبينك الجدة سدول ضربتها على رجلها/بنت!! سجايا/اااه الجدة سدول/الاول على مدرسته الاول على 150طالب وتسالينه هالسوال!!تعلمي منه يالكسلانة سلطان/كلية كلية ياجدة سجايا/يمكن اخذها واسطة وش دراك انتي؟ الجدة سدول قرصتها سجايا قامت من مكانها وهي تتوجع من قلبها/اااااح جدة!! سلطان/خليها ياجدة خليها ماعليك منها هاه ياذهب وش رايك ذهب/والله سجايا لها وجهة نظر يعني ولاتزعل مني سلطان ناظر رسمته بشك وهو مقطب جبينه الجدة سدول سحبت الجوال/اقطعن من بنات اي والله اقطعن!!/ناظرت سلطان/ماعليك منهم ياعيني ماازين من رسمك الا انت سجايا ضحكت سلطان ميل فمه وهو يحسها سبّة الجدة سدول/وين بنيتي؟وينها فتنة؟ سلطان/تجهز القهوة وتجي الجدة سدول/ايه الله يهنيكم الله يهنيكم/رن الجوال بيدها وباستغراب/وش فيه ذَا وين راح اخوكن؟ سجايا سحبت جوالها من يد جدتها/العشا العشا وصل ذهب اتسعت عيونها/الحين!! سجايا ردت/ايه..طيب ثواني وطالعة لك/قفلت وهي توقف وبيدها عبايتها اللي معها من الاساس/ ذهب/الحين على وصوله كنسلي الطلب سجايا/وش عليك منه خليه يروح ياشيخة امي هددته ماله شغل/لبست عبايتها وهي تخرج/ الجدة سدول/اتصلي على سلطان ياذهب ذهب اتصلت سلطان رد/وش فيكم؟!! الجدة سدول/اختك جايبين لها بلعة وطلعت تاخذها سلطان ابتسم/بالعافية بالعافية الجدة سدول/يعافي قلبك ياعيني يعافيك سجايا رجعت وهي مستلمة الطلب بوجهها المخطوف وتجري الجدة سدول وهي تقطب جبينها/سلم على فتنة وانتبه على نفسك وعليها يامضنون عيني سلطان/ابشري ابشري ياجدة الجدة سدول/استودعك الله ياعيني استودعك الله/أعطت الجوال لذهب/ ذهب قفلته سجايا جلست جنب جدتها وهي تنزل طرحتها/شافني شافني ياجدة ذهب بتوتر/الله لايوفق عدوك وش قلت لك انا خليه اذا رجع بيته ونام الله لايوفق عدوك ياسجايا قولي امين الجدة سدول/خليك عندي واسكتي فواز داخل بخطوات سريعة وهو كله غيظ بعيونه البارزة/سجاااايااااا سجايا لاصقة بجدتها بلعت ريقها وهي تتصنع القوة/نعم فواز/ونعامة ترفسك تكسر رجولك ياقليلة الحيا الجدة سدول وقفت/اقصر صوتك خير وش تبي!! فواز/مالي كلام معك ياجدة كلامي مع هاللي ماتستحي طالعة للرجال بالليل ماوراها احد الجدة سدول بحدة/احشم عمرك واستح على وجهك اختك ذي ياقليل الحيا انت مـاهـو بهي!! فواز/اتركيني اتفاهم مع اختي مالك بيننا ياجدة الجدة سدول/اعقب انت اللي مالك فيها ولا نسيت كلام امك!!وبعدين انا ابي هالعشا وماعندي احد يجيبه وش عليك مني هاه وش عليك!! فواز بغبنة وهو يدري انها تكذب عشان سجايا وعينه بعينها/قولي لي وانا اجيبه لك عساك بحريمته(تعافه،تكرهه) الجدة سدول اتسعت عيونها/تحرم عيشتك ياقليل الادب اي والله قل امين وعشايات من وراك تحرم علي ماابيها الله لايكثر خيرك اذلف اذلف عن وجهي اذلف فواز شد على قبضته وهو يناظر سجايا بحقد الجدة سدول/خير وش تبي؟ماانت بذايق لو انها لقمة معنا اذلف اذلف فواز مشى وهو يتوعدها بنفسه سجايا زفرت/يمّه يمّه ذهب ضربتها على كتفها/ووجع ووجع قلت لك خليه اذا رجع نطلب لكن عناد عناد سجايا/ميتة جووووع طيب الجدة سدول جلست/تعشوا تعشوا وانا جدتك اهب ياوجهه قاعد حتى عالعيشة اهب . ((شقة سراج)) //بعد العشا// سراج فتح باب بيته بابتسامة/حياكم نورتوا البيت عاصم ماسك علي بيده دخل وهو يسحبه معه علا واقفة تناظره بغيظ واضح له وهي ورا امها وعفاف وعزام ماسكينها كل واحد من جهة ماتحركوا سراج/حياك ياعلا حياك يابنتي ادخلي سحايب التفتت لورا/ادخلي يابنتي الحين جاية ابدل لاخوانك ادخلي علا انحنت وهي تمسك يديهم ودخلت وهي تاخذ نفس تكبح شكوكها سراج ناظر سحايب بابتسامته/نورتي بيتك ياام علي سحايب رمشت وهي تناظره بصدمة العادة يناديها ام عاصم سراج/ابشري بالعوض مثل ماوعدتك ياام علي ابشري به حياك حياك سحايب همست/الله يسلمك ويبقيك/دخلت وهي تناظر البيت اللي تغير180درجة حتى صاحبه/ سراج/نورتي بيتك ياسحايب نورتي . {الـمـزرعـة} سلطان يناظر رسمته للبحر بتمعن/كيف مايشوفونه بحر!! فتنة نزلت صينية القهوة وهي تجلس/وش فيه؟ سلطان مد لها رسمته اللي بعيدة كل البعد عن البحر/وش تشوفين؟ فتنة قطبت جبينها وهي تناظر الرسمة وتصب قهوة/ممكن جبال؟ سلطان بصدمة/حتى انتي!! فتنة مدت له فنجال القهوة/ليش وشي الرسمة؟ سلطان/بحر بحر كيف ماتشوفونه بحر!! فتنة اخذت الكراسة وهي تدقق بالرسم قلبتها/والله ماهي ببحر ولا حوله!!/ناظرته/كيف ماتعرف ترسم بحر!!ابسط شي البحر والسما!! سلطان كشر/تتمسخرين علي!! فتنة مدت يدها له وهي تناظره وتفتح صفحة جديدة/اعطيني المرسام سلطان حطه بيدها/اشوف ابداعك يالله فتنة وهي تناظره/الحين اعلمك كـ/سكتت اول ماطاحت عينها هالصفحة وهي تناظرها بصدمة/ سلطان ابتسم/هاه بحر ولا سما ولا جبال؟ فتنة تناظر رسمته كيف راسمها بدقة بكل تفاصيلها عيونها ابتسامتها وحتى خصلات شعرها الصغيرة المتمردة على باقي الشعر راسمها كيف لاحظ ابسط تفاصيلها كيف لمح وعرف كل شي فيها وهي للحين ماتمعنت فيه كثر ماتمعن هو فيها خجلت ووضح على وجهها سلطان/ها ماقلتي لي اعرف ارسم او لا؟ فتنة قلبت الصفحة بخجل وهي ماناظرته ولا ردت عليه سلطان قطب جبينه وهو يناظرها فتنة عطته ظهرها سلطان تحرك وهو ييي يشوف فتنة ضمت الكراسة لصدرها وهي تلمحه عن طرف/لاتشوف شي انتظر لحظة سلطان بابتسامة/طيب فتنة وهي منحنية عالكراسة ترسم سلطان وهو يكبح حماسه فتنة نزلت وجه الكراسة اللي عليه الرسمة لتحت ومدتها له سلطان مسك الكراسة بحماس وسحبها فتنة ماسكة الكراسة ماتركتها سلطان ناظرها باستغراب فتنة/لحظة/وقفت/لاتشوف الا اذا رحت سلطان رمش/وين تروحين!!تو الليل ببدايته!! فتنة وقفت/لاتشوف الا اذا رحت/تركت الكراسة وهي تسرع بخطواتها مبتعدة عنه/ سلطان قلب الرسمة بحماس وانصدم فتنة راسمة دائرة كبيرة وداخلها دائرتين اللي هي عيون وفم عبارة عن خط وملونة اطراف الدائرة على اساس دقنه وراسمة اعلى هالدائرة ثلاث شعرات بس وأنفه اكبر شي بالرسمة وراسمته صح واسفل الرسمة كاتبة له(خشمك كل مرة يكبر عن قبل بكل مرة تقرب فيها مني) سلطان مسك انفه لااراديا ثم انتبه ونزل يده رفع صوته/والشعرات طيب لايكون اصلع بعد/وقف وهو يلحقها/فتنة وش وضع قرون الاستشعار اللي راسمتهم تعالي فتنة فتنتي . ـــــــــــــــــــــــــ ـــــــــــــــــــــــــ ــــــــــــــــــــــــ {{يـوم جـديـد}} . ((بيت ابو فواز)) سجايا نازلة عالدرج وهي تقلب بجوالها شهقت بفجعة وهي تناظر هاليد اللي طلعت قدامها فجأة فواز سحب الجوال بيد ومسكها بيده الثانية وسحبها معه سجايا مشت معه وسحبت يدها منه بقوة/خير!! فواز يقلب بجوالها/الخير وين وانتي وين!! سجايا سحبت جوالها من يده فواز اللي ماسكه سحبه منها وهو يحذف اللي فيه سجايا بصراخ وهي تمد يدها تحاول تاخذ جوالها منه/لااااا قروبات الجامعة لاتحذف وقف وقف فواز يدفها بيده وبيده الثانية جوالها يحذف سجايا بقهر/حرام عليك يروح كل شي علي حرام فواز دفها ورمى جوالها بكل قوته عالجدار سجايا شهقت وهي تجري له اخذته من الارض وهو تفكك لاجزاء وامتلت عيونها دموع من قهرها فواز/خلي جدتي الحين تنفعك وترجع قروبات جامعتك لك/مشى/ سجايا بكت/حسبي الله عليك عساك تروح ولاترجع يامتخلف حسبي الله عليك الله لايسامحك الله لايسامحك . ((شقة سراج)) عجايب تتفحص بالشقة ورا سحايب سحايب تفرجها عالشقة وتغييرها بابتسامة عجايب تنهدت/عالبركة ياعين اختك عالبركة يالله عسى مثل ماغيرها تغير هو صدق بس سحايب وقفت والتفتت لها وهي تناظرها بزعل عجايب/اسفة اسفة خلاص امسحيها هالمرة سحايب/عجايب لي الظاهر والظاهر انه تغير وهو يحاول يثبت هالشي عجايب كشرت/قلت لك اسفة سحايب خلاص ماعاد بيطلع مني شي خلاص سحايب/تكفين عجايب احتفظي باللي تبين تقولينه لنفسك تكفين عجايب بزعل/قلت لك خلاص وانا اذا قلت الشي نفذته!! سحايب بضيق/علا مشككة بكل شي وبكل تصرف من ابوها وبكل لحظة تمر تكفين لاترمين كلام وهي موجودة ماصدقت تهدا شوي عنه عجايب بنفسها/الله يلوم اللي يلومها/تنهدت/ابشري قلت لك مابيطلع مني حرف تطمني ياسحايب تطمني سحايب اخذت نفس/الله يريح بالك ويطمنك قولي امين عجايب/امين ويحقق مرادي ومرادك يارب سحايب لفت باتجاه الحوش/امشي نتقهوى اكيد علا مضبطة الجلسة ياانها فرحت يوم شافتها بس ماقالت شي تكابر هالنتفة/خرجت للحوش وابتسمت وهي تناظرها/ عجايب واقفة وراها ناظرت الحوش اللي كله متغير من الالعاب وحتى الفرش والزرع والديكورات وكل شي/ماشاء الله ماشاء الله ذَا المسكين اللي مامعه!!تتهنين ياسحابة والله والله فرحت لك من كل قلبي يعلم الله علا مجهزة القهوة والحلا ع جلسة الكنب اللي باللونين البني والابيض بزواية الحوش وهي تلقط لها صور بجوالها وترسل لخالاتها سحايب التفتت لعجايب بابتسامة/امين امين/اشرت بنظراتها لعلا/تشوفين؟!! عجايب ابتسمت وهي تناظرها وجرت لعلا وهي تمر من سحايب/لحظة لحظة لحظة القطي صورة لي معك/وقفت جنب علا وهي تقرب وجهها من علا وبدلع/طلعيني زغيرة علا بعباطتها/لايصلح الجوال ماافسده الدهر عجايب ضربتها على كتفها/ووجعوه علا وجعوه ماتستحين!! علا مسحت كتفها/اااه وش فيك صايرة جدتي الثانية عجايب/امسكي لسانك ذَا الطويل سحايب انحنت للقهوة وهي تضحك بخفة/الله لو تسمعك جدتي تموت من كلامك وانتي ناسية نفسك عجايب/إسحيب شوفي بنتك لاامردغها الحين علا/يمّه شوفي اختك تمد يدها علي سحايب ناظرت عجايب/حلالك وانا اختك حلالك مردغي محد له كلمة عليك عجايب ارتسمت ابتسامتها بغرور علا بغيظ/يمه!! سحايب/حبي حبي راس خالتك حبيه عجايب نزلت راسها لعلا/يالله يالله يانتفة يالله علا باست راسها بسرعة وهي تبعد عجايب/ايه ايه اعرفي كيف تكلمين خالتك مرة ثانية //دق الباب// علا وقفت بغيظها/انا بافتح عجايب/شطورة شطورة يااصغر القوم شطورة علا اسرعت بخطواتها للباب بغيظ سحايب بزعل/عجايب وبعدين!! عجايب/احب ازعلها يااختي احب والله علا من ورا الباب/نعم ***/هذا بيت ابو علي سراج؟ علا باستغراب/ايه بس هو مو موجود الحين ***/زين زين الوالدة معي تبي تسلم عليكم علا التفتت لامها/يمّه سحايب قطبت جبينها وهي توقف واتجهت لها علا بتردد وهي تسمع صوت حرمة كبيرة من ورا الباب/افتحي يابنتي انا ام فيصل عمة سراج افتحي علا استغربت من وجودها فتحت الباب شوي وصرخت من حست بيد تمسك يدها وتسحبها/يمممممههههه سحايب اللي قريبة منها جرت بفجعة لها وهي تناظرها ماسكة بالباب بكل قوتها عجايب فزت وجرت لهم بكل مافيها/يمّه بِسْم الله علينا علا ماسكة بالباب وجزء منها خارج البيت وهي ترفس برجولها اللي تسحبها وبصراخ/اتركيني اتركيني سحايب مسكت علا من وسطها تسحبها لكن بدون اي فايدة وهي تحس يسحبهم الثنتين لبرا علا بدموعها مرعوبة/يمّه لاتتركيني تكفين يممممهههه سحايب اللي تنتفض رعب اكثر من بنتها انحنت وهي تغرز اسنانها بكل مافيها بداخل هاليد اللي ماسكة يد علا ***تركت يد علا من العضة اللي نزفت منها عجايب سحبت علا ورمتها لداخل البيت وراها ***مسكت سحايب وسحبتها سحايب سحبت نفسها بقوة لداخل وتجمدت مكانها وهي تناظر هالغريبة عليها عجايب سحبت سحايب بقوة لداخل ودفت الباب بكل مافيها وقفلته اخيرا التفتت لعلا علا منهارة تبكي وهي ترجف عجايب وهي تخفي رعبها من اللي صار وبصراخ/فيك شي سووا لك شي تعورتي؟ علا هزت راسها بلا وهي تشاهق انخطف وجهها واتسعت عيونها بصدمة/يمّه!! عجايب التفتت لسحايب وانتفضت برعب وهي تناظر اختها وبصوت اختنق من صدمتها/سحايب!! سحايب اللي مغروزة بوسط معدتها سكينة بوجه شاحب تحاول تلتقط انفاسها بقوة همست وهي تجلس بشويش/مافيني شي لاتخافون مافيني شي علا صرخ وهي تفز تجري لها خطوة وتطيح خطوة/يمممهههه //اعتلى المكان بكى الصغار اللي بالالعاب وصار هالمنظر قبالهم// عجايب انهارت بدموعها وهي تحاول تتصرف لكن انشلت من حجم الكارثة المرعبة . {الـمـزرعـة} فتنة بفستان ميدي باللون البنك الهادي وفلات باللون البني المحروق سادلة شعرها اللي يلعب به الهوا وهي تبعده عن وجهها بانزعاج بين فترة وفترة وطرحتها على اكتافها احتياط رغم انه مافيه احد بالمزرعة مثل ماقال لها سلطان تمشي وراه وهي تتفحص الـمـزرعـة بعيونها بوناسة من وصلوا لها وهي كلها عمال مااخذت راحتها اخيرا حل يوم اجازة العمال وتقدر تشوفها زين واليوم خالية لهم الاثنين تشوفها وتتفحصها مثل ماتبي حتى ابو حمد ترك الـمـزرعـة لهم بحجة زيارة اهلهم وقفت وهي ترفع راسها للنخل/الله بلح احمر من زمان عنه سلطان التفت لها بابتسامة/تبين؟ فتنة تبتسم لابتسامته/لا مايحتاج سلطان/مافيه شي ببلاش!! فتنة قطبت جبينها/كيف يعني سلطان/بطلع النخل كل اجابة صح رميت لك حبة وكل اجابة خطأ اكلتها عنك فتنة بتكشيرة/وش ذَا!!جيب لنا كلنا وناكل مع بعض!! سلطان وهو يلف الحبل حول نفسه ويربطه بالنخل/هاه وش قلتي بس؟/حط يمينه وهو يبدأ يتسلق النخلة/بسم الله فتنة تنهدت/يعني ماعندك نية ناكل مع بعض؟ سلطان وهو ينزل خطوة/ماتبين؟! فتنة/خلاص خلاص خلاص موافقة سلطان طلع لاعلى النخلة وهو يقطف بلح رفع صوته/وش كبر خشمي يوم اقرب منك؟ فتنة كشرت وهي ترفع صوتها/سلطاااان!! سلطان ابتسم/اول اجابة غلط/اكل البلح وهو يحذفها بالنوى وضربها براسها/ فتنة/اااه!! سلطان زفر بضحكة خفيفة وهو يقطف بلح ثاني/الله ياطعمه حالي حالي يكيف الراس مع قهوة فتنة بغيظ تحت/السوال اللي بعده؟ سلطان/وش طول حاجبي بالسنتي متر؟ فتنة بغيظ/وش ذَا الاسئلة قول ماابي اعطيك!! سلطان/استغفر الله وش ذَا الكلام!!لاتحطين بذمتك!! فتنة/اربع سانتي سلطان/حواجب ارنب ذي!! فتنة بغيظ/ادري عن أسئلتك!! سلطان/غلط/اكل البلح/ فتنة بزعلها/تراني زعلت سلطان ضحك/توفرين!! فتنة عضت شفتها السفلية وهي رافعة راسها تناظره سلطان رمى النوى بعيد عنها بابتسامة فتنة ميلت فمها وهي تتكتف وعينها للحين عليه سلطان وهو يقطف حبة بلح/ها ذي لك امسكيها/رماها/ فتنة ابتسمت وهي تمد يدها ومسكتها كشرت بوجهها وهي تطالع النوى بيدها ثم طالعته بزعل سلطان حرك حواجبه لها باستعباط وهو يضحك بخفة/ها كم تعطيني واعطيك من هاللذيذ اللي عندي؟ فتنة تناظره بغيظ/خلاص ماابي ماابي بالعافية عليك/لفت ومشت/ سلطان وهو يقطف من النخل بسرعة ويحط بجيوبه/لحظة لحظة اصبري والله امزح معك اصبري/نزل من عالنخلة بسرعة/ فتنة مشت بخطوات سريعة بغيظ وهي تتحلطم/بخيل بس ياكل هو لحاله كثير قدامه وبخيل علي سلطان يناظرها/فتنتي والله جايب لك معي لاتروحين لاتروحين اصبري فتنة اختفى زعلها وتبدل بابتسامة على وجهها وهي تسمع صوته يراضيها واستمرت تتصنع الزعل/ماابي شكرا مااااا أبي سلطان زلقت رجله وهو ينزل بسرعة بدون انتباه وين يحطها واتسع الحبل اللي لف نفسه فيه بعلامة لانفلاته من يديه وارتمى من اعلى النخلة وضرب الارض بثواني معدودة بقلة حيلة ينقذ نفسه فتنة وقفت وقشعر جسمها من وصل لاذنها صوت ارتطام قوي بالارض ضمت يديها برعب وهي تلتفت بشويش تناظره وهمست/سـ.ـلـ.ـطـ.ـان؟/اتسعت عيونها برعب وهي تناظره/ سلطان مرتمي عالارض بدون اي حركة وهو معطيها ظهره فتنة جرت له وهي تحس بهالخطوات ثقيلة والاثقل منها انفاسها اللي تدخل وتخرج لصدرها جرت عنده بدموعها واتسعت عيونها وهي تلمح الدم تحت راسه جلست عنده وهي تناظره بربكة ولاتدري كيف تتصرف معه بكت بقلة حيلة/سلطااااان!!! . اللهم صل وسلم على نبينا محمد #سلطان_الهوى_يافتنة_الألفية | ||||
|
| |
|
24-10-22, 11:27 PM
| #67 | ||||
| 26 لااله الا الله . تفاعل لطفا❤ - ((بيت ابو فواز)) سجايا دخلت غرفة نوم امها وابوها وهي تتجه لامها اللي بزاوية الغرفة وبدموعها/يمّه ام فواز جالسة عالسجادة التفتت لها بفجعة/وش فيك؟!! سجايا بقهرها/يمّه انتي وابوي شوفوا لكم حل بولدكم المتخلف ذَا ولا والله والله لاترك البيت ذَا وتعرفيني اسويها يمّه ام فواز/بِسْم الله فززتي قلبي قلت فيك شي!! سجايا/ايه يمّه ومو شي اشيااااااء ولدك ذَا زودها يمّه زودها كثير الى متى الى متى بتشوفين له حل انتي وابوي ولا انا اتصرف بطريقتي ام فواز بعصبية/وش تتصرفين بطريقتك تدرين وش معنى اللي تقولينه!! سجايا مدت جوالها لامها/شوفي يمّه شوفي وش سوا ولدك!!والظاهر المرة الجاية انا اللي مكان هالجوال يمّه انا!! ام فواز وقفت وهي مانزلت شرف الصلاة وسحبت الجوال من يدها وهي تخرج من الغرفة سجايا مشت ورا امها ام فواز التفتت لها/خليك هينا لاتلحقيني/كملت طريقها/ . سراج جالس بمكتب xxxxه بملل وهو يقلب جواله ابتسم من وصله اتصالها/هلا بحبيبة اخوها هلا جوهرة بفجعة/سراج تعال بيتك الحين سراج اعتدل بجلسته باستغراب من صوتها/وش فيه؟!! جوهرة/مدري وش صاير بس اللي فهمته من العيال علا فيها شي وسحايب وعجايب قفلوا الباب والدنيا قايمة تحت ماخلوني اشوف شي انت تعال بسرعة تعال بس سراج قفل وهو يجري ويترك المكتب مفتوح واتجه لسيارته وهو يمر المكتب اللي جنبه ورمى المفتاح عند بابه وبصوت عالي/اقفل مكتبي لاهنت اقفله/ركب سيارته وحرك بسرعة جنونية/ . ثابت بسيارته عند بيت ابو راضي ينتظر سدول راضي خارج من بيت اهله ابتسم وهو يناظر ثابت ورفع يده بالسلام ثابت نزل راسه بسرعة عالدريكسون اول مالمحه يخرج من بيتهم راضي اتجه له وهو يدق ع قزاز السيارة ثابت اخذ نفس وهو يكبح مشاعره لاتوضح على وجهه والتفتت له يناظره بابتسامة مجاملة راضي/يامرحبا بثابت وياهلا والله حياك الله ثابت نزل من السيارة وسلم عليه/الله يسلمك ويبقيك راضي/وينك ماعاد نشوفك!! ثابت بابتسامة/اكيد مابتشوفني وحنا مابيننا ذيك العلاقة!! راضي بزعل/افا افا ثابت ارتفعت حواجبه وهو يناظره باستغراب راضي/وش هالكلام وحنا اهل!! ثابت ابتسم بسخرية/ايه اهلي صادق يمكن!! راضي/لاتقول هالكلام ياثابت انت اخوي الصغير ثابت هز راسه بتصريفة له/ايه صحيح صحيح راضي كتم غيظه وبابتسامة/اشوفك وحداني ماعمري شفت اخوياك معك!! ثابت قطب جبينه راضي/تعال عندنا وتونّس ومنها اتعرف على ناس تستفيد منهم بكرة لااحتجت شي ثابت/الله لايجيب الحاجة لمخلوق راضي كشر بوجهه ثابت/ومين قالك ماعندي اخويا!!وعن نفسي مكتفي بعلاقتي الحالية وش لي بزيادة العدد راضي احتدت نظرته سدول خرجت من البيت واتجهت لسيارة ثابت وركبت ثابت/عن اذنك/مشى/ راضي يناظره بقهر واتجه لسيارته ثابت ركب السيارة وحرك وبعصبية/ليش تاخرتي سدول انفجعت/وش فيك!! ثابت/تاركتني مع اكره مخلوق لقلبي على وجه الارض وتقولين وش فيك!! سدول/طنشه وخلصنا!! ثابت/نشبة هو نشبة متهاوش معه قبل ويدري مااطيقه لكن ذابح عمره مسوي يمون سدول زفرت/خلصنا ثابت طنشه وانتهينا ثابت بقهره/كله من هالفواز معطيه فوق حجمه لكن يجي يوم وان ماطلع هالراضي وراه بلا مااكون ثابت سدول اتسعت عيونها وبتطير من كلامه/استغفر الله لاتحط بذمتك!!استغفر!! ثابت سكت ولارد سدول بنرفزة/ثابت!! ثابت بنرفزة/استغفر الله من ذنبه ارتحتي!! . ((السوبر ماركت)) ابو فواز باحد ممرات السوبر ماركت يشيك بشكل عشوائي ع تواريخ البضاعة التفتت للموظف الموظف مد له ظرف/أستاذ جابر وصل هالظرف الصباح يخصك ابو فواز قطب جبينه باستغراب وهو ياخذه/من مين؟!! الموظف/ماادري رجال عادي وقت افتح السوبر ماركت وقف واعطاني ومشى ابو فواز باستغرابه/زين زين الموظف/اي خدمة استاذ؟ ابو فواز وعينه عالظرف يفتحه/مشكور الموظف مشى ابو فواز اتسعت عيونه وهو يشوف اللي داخله التفت للظرف وبوجهه المخطوف/اصبر اصبر الموظف التفت له/تفضل استاذ ابو جابر اسرع بخطواته للموظف/الكاميرات شغالة كالعادة صح تكفى قول شغالة الموظف باستغراب/طبعا استاذ!! ابو جابر اسرع بخطواته لغرفة المراقبة الصغيرة . سراج داخل للحارة بسيارته اللي يتاجج وراها غبارها من سرعته من وصله اتصال جوهرة انه علا فيها شي مر من جنبه الاسعاف وغض البصر عنه وهو ياخذ نفس يهدي نفسه وقف عند بيته وهو يناظر سيارتين الشرطة وتجمع بعض الجيران اللي قاتلهم الفضول نزل من السيارة يجري وهو يتركها وراه شغالة دخل لحوش بيته اللي متروك مفتوح لعيون الناظرين اللي برا البيت دخل للبيت وقف للحظة وقشعر جسمه وهو يناظر العلامة اللي عالارض باللون الاحمر مشى وهو يتجاهل للمرة الثانية وعيونه تدور حول الالعاب بالحوش ولا فيه احد من عياله دخل للبيت وهو يناظر وجه ابوه الاسود اللي جالس بصالة بيته ومع العسكري وهالمكان خاص لاهل بيته ابو ماهر رفع عينه وطاحت على سراج واحتدت نظرته/جيت؟ سراج/وينها علا؟ ابو ماهر بحدة/ام عيالك الله يستر عليها سراج صرخ/وينها علا!! ابو ماهر وقف وبنفس نبرته/اقولك ام عيالك وتسال عن علا!! العسكري/هدوا ياجماعة الخير هدو سراج استوعب كلام ابوه/وش فيها سحايب؟ ابو ماهر/وش فيها!!تسأل بعد!! العسكري/ياعم اصبر شوي سراج بغبنة من ابوه/يبه وش صاير وش فيهم عيالي!! العسكري/بنتك تعرضت لمحاولة اختطاف سراج شحب وجهه وبصدمة/هاه!! العسكري/زوجتك كانت ضحية سراج قطب جبينه/كيف ضحية/احتدت ملامحه وبصراخ/واصلا من ذَا اللي يتجرأ ويسوي بعيالي انا كذا!! ابو ماهر بتكشيرة/اكيد من صنايع يديك ياسراج اكيد!! سراج بصراخ/يبه مو وقت لومك لي على كل شي يصير بالدنيا مو وقته ابد وينها الحين؟وين؟ ابو ماهر/ذابحك الخوف ياسراج بالحيل ذابحك معها عجايب واكيد حاتم لاحقهم وشوي وطالع لهم ومليون بالمية اهلها بيجون جهز نفسك جهزها زين سراج بقهر/وش اجهز له يبه!!وش مسوي انا حتى تتهمني وبعدين ماهي بحالة ذي لاشفت علا ولا شفت سحايب ولاحتى باقي العيال مايصير ارحمني ارحمني من لسانك مـاهـو بوقته يبه ابد مـاهـو بوقته العسكري بعصبية/استهدوا بالله ماصارت!!/مشى وسط نظراتهم المحتدة لبعض ومشوا وراه بدون لاينطق كلمة لهم خرج من البيت وهو يوقف عند الباب وتحديدا عند اثار دم سحايب اللي توها بدت تجف ناظر الاثر شوي ثم التفت وناظرهم/بسبب ان البيت بدون كاميرات ووقت اللي صار مافيه اي شهود فواضح مبدئيا ان الحادث بيتسجل ضد مجهول ابو ماهر بحدة/عاللي بيتركه والله لاانفض الحارة نفض اكيد احد شاف شي!! العسكري/عموما بقية مجريات الحادث بالقسم وبعد اقوال الضحية وخطاكم السو مأجورين/خرج/ ابو ماهر بشكه وحدة ملامحه/وش وراك ياسراج؟ سراج بياس منه/قول اللي تبي يبه قوله انا ماني بفاضي لك الحين ابد/مشى/ ابو ماهر بعصبيته/سراج سراج!! سراج مشى وهو يفتح غرفة علا والصغار ابو ماهر بحدة/محد هينا وشلون بيجلسون والمصيبة صارت بهالمكان!! سراج وقف/وينهم يبه وينهم؟ . بدر بوجهه المخطوف من صوت بكاها وهو ينزل درج العمارة جري وبخوفه/فيك شي انتي؟ فتنة جالسة قباله وهي تناظر راسه المستند عالحجر تحته وماكان هالاستناد بشوره لكن طيحته اجبرته يستقر عليها بكت وهي تناظر الدم ينساب من راسه وبكل ربكتها وفجعتها وقلة حيلتها بهالموقف همست وجوالها على اذنها بوسط غزارة دموعها/مايتحرك يابدر مايتحرك!! بدر ركب سيارته بوسط ربكته/ردي علي الحين انتي فيك شي؟ فتنة ببحة صوتها من البكى/مافيني شي لكن هو مايتحرك من طاح ماتحرك يابدر بدر/لايكون حركتيه!! فتنة/كيف كيف احركه يابدر مااقدر مااقدر والله بدر/انا بعيد باتصل عالاسعاف لاتحركينه ابد سمعتي/قفل وهو ماانتظر ردها/ فتنة ناظرته واختنق صوتها من غصتها وبهمس/سلطاااان!! سلطان اللي غاب وعيه عن كونه لدقايق معدودة كانت مثل الدهر على فتنة بطولها قطب جبينه من وصله صوتها فتح عيونه بالاجبار وهو للحين ماهدت عواصف مشاعره من الطيحة اللي ماحسب لها حساب رمش وهو يناظر ملامحها المضببة بعيونه غمض عيونه وفتحها بمحاولة منه يطرد هالضباب عن عيونه وانجلى هالضباب اللحظي اخيرا ناظر وجهها وجلس بسرعة اول مالمح خوفها المتمثل بغزارة دموعها بشكله المغبر وبوجهه الشاحب وراسه النازف من جهة يمينه/مافيني شي/رفع يمينه اللي واضحة رجفتها غصب عنه وهو يمسح مكان جرحه/لايغرك شوية جروح/نزل يده وانصدم من كمية دمه ماتوقعه وحاول يكون طبيعي رغم ان الواضح العكس/لاتخافين مافيني شي فتنة بدموعها تناظره ساكتة سلطان مد يمينه يمسح دموعها وباستعباط وهو يرسم ابتسامة رغم وجع راسه/طلبتي بلح وجاك قاطف البلح بكبره فتنة ضربت يده تبعدها وبصراخ بوجهه/كيف مااخاف كيف!!/مسكت يمينه وهي تمدها بوجهه وقبال عيونه بالضبط/ سلطان رجع راسه شوي لورا وحس بدوخة اخفاها وهو ياخذ نفس فتنة بدموعها وعصبيتها/شف شف وش كثر دمك شف!!/وقفت وهي ماسكة يده تقومه/ سلطان وقف معها غصب وهو يناظر عصبيتها فتنة لفت بتمشي سلطان شد على يدها يوقفها وتنهد وهو يناظرها/كلها جرح بسيط بيوقف الدم وخلصنا فتنة تناظره بعصبية/سلطااان!! سلطان اخذ نفس بصوت/امري فتنة/مشينا مشينا الحين للمستشفى الحين وبدون نقاش فهمت . ((بيت فواز)) جواهر فتحت الباب وبابتسامة/حياك ياعمة حياك ام فواز بتكشيرة/مالي كلام معك ياجواهر خذي عيالك وادخلي داخل ونادي زوجك ابيه نورة ارتمت عند رجولها وحضنتها ورفعت راسها لها بابتسامة/جدة ام فواز ماتحركت لها مثل عادتها جواهر رمشت وهي تناظر برود عمتها مع عيالها على غير العادة جابر وقف بابتسامة جنبها/جدة جوهرة تتخطى وطاحت عند رجول جدتها وبكت ام فواز مااهتزت شعرة منها وبحدة/ياام جابر نادي ابو جابر لاهنتي جواهر باستغراب من عمتها وهي تنحني وتشيل جوهرة/عسى ماشر ياعمة لايكون ضايقناك بشي ام فواز/رايتك بيضا ياام جابر جواهر قاطعتها/حياك ياعمة اجل تفضلي ام فواز/يزيد فضلك واسمعي لي يابنتي خذي عيالك داخل ونادي زوجك خليك بعيدة ياجواهر خليك بعيدة جواهر تناظرها باستغراب فواز كاشخ بيخرج وقف ورا جواهر بابتسامة/حياك يمّه ياهلا ام فواز احتدت ملامحها جواهر ناظرت جابر/جيب اختك بسرعة والحقني/وابتعدت بسرعة لداخل البيت من لاحظت وجه عمتها تغير بتوتر واستغراب من اللي يصير/ جابر اخذ اخته ومشى ورا امه فواز/حياك يمّه حياك ام فواز ضربته كف على خده بكل قوتها فواز اتسعت عيونه بصدمة سجايا شهقت بصدمة وكتمت هالشهقة وهي واقفة بطرف الدرج تناظرهم بدون لاينتبهون لها ام فواز بحدة/على الله هالكف يصحيك ياولد جابر فواز يناظرها بصدمته ام فواز بحدة/عيالي مالك فيهم يافواز لو الواحد يطب بالخطا والكل يقول ناظروه مخطي مالك فيه ماااالك فيه يافواز سمعت؟ فواز احتدت نظرته ام فواز/هاذي اخر مرة احذرك ووصلك العلم يافواز/مشت/ ام فواز نزلت الدرج بخطوات سريعة وقفت وهي تناظر سجايا اللي بزاوية الدرج مصدومة قبالها ناظرتها بحدة وهي تسرع بخطواتها لها ومسكتها من يدها بقوة وهي تضغطها ومن بين اسنانها/انا ماقلت لك لاتلحقيني!! سجايا بهمس/يمّه انا ام فواز دفتها/امشي قدامي للبيت امشي . ((بيت ابو ماهر)) علا بوجهها اللي واضح عليه اثار بكاها وبصدمتها جالسة عالكنب بهدوء وعينها على يديها رغم انها غسلت وعقمت لكن للحين عالقة بمشاعرها بنفس الموقف رغم صمتها عليا جالسة جنبها وهي تمد لها الموية/علا حبيبتي امك مافيها الا العافية وبتقوم بالسلامة خذي اشربي شوي جوهرة جالسة قبالها ورجل على رجل متكتفة وبحدة/مين اللي مسكك يابنت؟رجال او حرمة؟ووش يبي منك؟هاه!! علا شحب وجهها وارتجفت عليا ناظرت جوهرة وبحدة/جوهرة!! جوهرة قاطعتها/لو سمحتي عليا لاتتدخلين بنت اخوي اطلعي منها عليا تناظرها بصدمة جوهرة/قولي وش مسوية حتى وصلوا هالمجانين للبيت ولمى ماقدروا عليك ذبحوا امك عليا بحدة/انتي اللي لو سمحتي اطلعي برا بيتي اذا ناوية تستمرين بهالمهزلة ياجوهرة!! جوهرة اتسعت عيونها/تطرديني!! عليا/ابوك طردك المفروض ماتدخلين جوهرة وقفت وبصرخة/عليا!!! سراج دخل وهو يلهث واتجه لها وانحنى شبه جالس عند رجول علا بفجعته/علا؟ علا ماردت جوهرة بحدة/جابك الله تعال شف وش اللي ورا بنتك وش اللي وصل هالمجانين للبيت وهم ناوينها قتل الله يستر وش بيصير لنا بكرة سراج التفت لها بحدة جوهرة قشعر جسمها من نظرته سراج بتهديد/احشمي عمرك مـاهـو بوقتك ياجوهرة جوهرة بلعت ريقها سراج مد يده ومسك يدها علا اتسعت عيونها بصدمة وفزت واقفة وهي تصرخ بكل مافيها بهستيريا جوهرة تناظرها مصدومة عليا وقفت وهي تمسكها/علا علا هذا ابوك علا علا دفت عليا وهي تصرخ/يمّه يمّه سراج وقف وهو يضمها لصدره/علا ابوك هذا انا ابوك علا تقاوم بين يديه وهي تصرخ علي دخل بفجعة واتسعت عيونه وهو يناظر علا جرى وهو يدف ابوه عن علا بكل قوته سراج رجع بخطواته لورا وهو يترك علا جوهرة تناظر اللي يصير بعدم تصديق/انجنت البنت انجنت!! علي وقف بين ابوه وعلا وهو يضمها لظهره ووجهه لابوه وبصراخ وهو يرجف/علا لا علا لا لا لا!! . ((شقة بجاد)) منايا جلست على طرف سريره وهي تمسكه من يده تجلسه/قوم يالله سلطان بتعب وهو متمدد/مااقدر ماما تعبان منايا جلسته غصب/حرام عليك ياسلطان لاتتعبني معك تراك كبير خلاص!!قوم سلطان جلس بتعب منايا حطت بيده الدوا وهي تمد له علبة الموية/خذ سلطان بتكشيرة/مااحبه ماما منايا بنرفزة/ومن متى احد يحب الدوا!!سم بالله وخذه ان شاء الله تخف ونرتاح كلنا . ((شقة عمر)) عمر دخل للشقة وهو يستند على ماشيته رغد دخلت وراه وهي تجر خطواتها بهموم ثقيلة بثقل الجبال على قلبها عمر وقف بدون لايقفل الباب/انا رايح اجيب اكل ارتاحي انتي رغد بهدوء/عمر عمر/نعم رغد/احسن لي ولك بهالوضع الطلاق عمر بصدمة/هاه!! رغد/هذا اللي كنت تتمناه وهذا هو بيصير عمر بنرفزة/رغد وش فيك!!قالت لك ورم بسيط ويتعالج فكينا من هالخرابيط!! رغد/وبتقعد بدون عيال عشان خاطري!!انت اللي اترك عنك هالخرابيط وخلص امورك معي عمر بحدة/رغد انا ماني بقليل اصل ارميك على اول عثرة!!مثل ماقلت لك لاخلصتي من علاجك يصير خير وقتها!! رغد/بالحالتين معروف وضعنا ياعمر عمر بنبرة عالية/رغد!! رغد ناظرته بتكشيرة عمر/شيلي كل هالافكار من راسك وتفاءلي محد بيموت ناقص عمر!!انا طالع احتجتي شي ارسلي لي/خرج/ رغد جلست عالارض بمكانها وهي تسترجع كلام الدكتورة(خلف المبيض ورم ليفي ممكن مايتم اي حمل اذا صار وممكن يتم الحمل بالحالتين لازم نعمل تحاليل حتى نعرف الوضع المناسب)انسابت دموعها بغزارة بحسرة على نفسها/ليش يارب ليش!!كل فرحة لي تنقلب لمصيبة ليش/كملت انهيارها وحيدة بهالشقة/ . ـــــــــــــــــــــــــ ـــــــــــــــــــــــــ ــــــــــــــــــــــــ {{الـمـغـرب}} . {ساجي و سدول} ساجي واقف قبال التسريحة يتمم اخر مراحل كشخته ويقفل الساعة سدول دخلت وبيدها المبخرة اللي يتصاعد منها البخور باستغراب من طلبه منها يجهز لها البخور بهالوقت ساجي ابتسم وهو يلتفت لها سدول تبخره/ماشاء الله ماشاء الله عيني عليك باردة وش هالزين كله ساجي بابتسامة/والله انتي الزين كله سدول ابتسمت ساجي اخذ المبخرة من يدها يتبخر ومكمل كلامه/ماكمل زيني الا بوجودك يازين ساجي سدول ابتسمت وهي تتكتف/وزين سدول عسى مو ناوي يتزوج عليها؟ ساجي عينه عالمبخرة رفعها لها بسرعة بابتسامة/تغارين ولا تخافين اسويها؟ سدول/لا يشهد الله لاذي ولا ذيك ساجي رفع حواجبه ونزلها بحركة سريعة/اجل؟ سدول/بنات الحرام مايخافون الله اخاف يتبلونك ساجي ارتفعت حواجبه من وسّع عيونه/ليش مااعرف ارد واخذ حقي!! سدول/مو عن/تلعثمت للحظة/خلاص انسى الموضوع انساه ساجي ضحك بخفة وهو ينزل المبخرة عالتسريحة ويسحبها لحضنه وضمها/احلى من يغار واحلى من يخاف سدول بابتسامة/كل هالكشخة ماهي بالعادة معزوم لمكان؟ ساجي تركها وهو ياخذ كيس الهدية اللي عالتسريحة/لا بس بأمر لي ناس سدول/بتتاخر؟ ساجي/على حسب اهم شي دعواتك سدول/الله يكتب اللي فيه الخير الله يكتبه ساجي/امين امين يالله فمان الله . {الديرة} ابو فهد(اخ يُسر) بابتسامة/حي الله يُسر ياحيّه ابو حمد/الله يحييك ويسلمك لكن يااخوك كم لنا وانت للحين تحيي!!حنا اهل بيت!! ابو فهد/من لومي!!اجل اخوي مااشوفه شهور وش هالمقطعة!!لابارك الله بهالدنيا اللي ابعدتنا ابو حمد/خيرة خيرة عسى الله يكتبها بكل وقت قل امين ابو فهد التفتت لسعد/علومك ياولد؟ سعد بابتسامة/على ماتحب ياعم على ماتحب ابو فهد/هاه عاد خليناك تضحك وتسولف على راحتك والحين جت الجدية سعد قطب جبينه باستغراب/سم ياعم؟ ابو فهد/متى جاي تاخذ اهلك تراك ابطيت سعد قطب جبينه بتكذيب للي بباله/اي اهل!! ابو فهد شهق والتفت لابو حمد/ولد يايُسر وش هالكلام!! ابو حمد تنهد وهو فهمه سعد وهو يبي يكذب كل اللي يسمعه/اي اهل ياعم انا نشدتك؟ ابو حمد بحدة/سعد!! ابو فهد/البنت مالها الا ولد عمها وهذا حنا نحتريك من مدة!! سعد انصدم والتفت لابوه ابو حمد/ياميسر انا قلت لك لاجا نصيب البنية لاتردها!! ابو فهد/وسعد اولى بها من الغريب سعد ناظر عمه/ياعم انا خاطب من مبطي واحتري عروسي تخلص دراستها!! ابو حمد التفت له بصدمة ابو فهد بحدة/وشو!!/التفت ليُسر/وش هالكلام يايسر!! سعد/ابوي مايدري ياعم انا خاطب بيني وبين اخوانها وكلمة عهد مااقدر اخلفها ابو فهد بحدة/وبنت عمك ياسعد هاه!!ماهي بعهد!! سعد فز واقف وهو يوقف عند عمه ويسلم على راسه ابو فهد دفه بغيظ سعد/الحشيمة لك ولها وقدركم على راسي من فوق ياعم يشهد الله ابو فهد/وتترك بنت عمك للغرب!!وينها هالحشيمة هاه وينها/التفت لابو حمد/قول شي علامك تبلعمت(سكت) سعد مسك يد عمه وهو يضغط عليها/ياعم لاتحمل ابوي ذنبي ابوي مايدري عن شي ياعم لاتلومه تكفى ابو فهد سحب يده وبحدة/وتالية هالعلم ياسعد وتاليته؟ سعد/الله يرزقها وبيرزقها باللي احسن من سعد الف مرة ابو فهد/من هم اهلها هاه مالك عذر ابد عندي مالك عذر الى مااشوف زواجك بعيني سعد/ابشر يجيك العلم قريب ابشر وباقلطك على صحن حاشي لحالك ليلتها ياعم سعد وتاج راسه ابو فهد بقهر/واحسرة ميسر اذا سعد راح واحسرته سعد/الله لايذوقه الحسرة سعد لميسر مثل مـاهـو ليسر ابشر بعزك عصاك اللي ماتعصاك ياعم ابشر ابو فهد زفر وهو يهدي نفسه/والله والله لولا غلاك كان به علومن ثانية سعد ابتسم/والله والله من غلاك وغلاها لاشيل عرسها شيل حتى اخوانها مايشيلونه ابو فهد/ماابيك تشيله ابد خلك من الضيوف سمعت سعد سلم على راسه ويده/يخسي سعد عرس بنت عمه وشلون مايشيله يخسي ابو فهد التفت لابو حمد/علامك ساكت وانت تسمعه هاه ابو حمد/ولدك بكيفك دبره بتدبيرك ابو فهد/تدري لو انه غيرك وش سويت به سعد ابتسم/ياابو فهد انا سعد سعد ابو فهد بقهر/وذا الغبنة انك سعد مااقدر اسوي لك شي ياسعد مااقدر سعد سلم على راسه/يابعد عين سعد يابعد عينه . ((بيت ابو راضي)) ام راضي تناظر طقم الذهب بفرحة واضحة مرتسمة على وجهها/عساك عالقوة ياعيني معوض خير معوض خير ساجي/فداك وفدا عينك وضحكتك يالغالية ام راضي وهي تنزل علبة الطقم جنبها وهي مفتوحة وتناظره/ماشاء الله وش هالزين كله وانا امك كاشخ وهدية الليلة كانها زينة بزيادة/ابحماس/نويتها اجل؟ ساجي ابتسم/ادعي لي يمّه ادعي لي ام راضي/روح الله يفتحها بوجهك ويجعلها سمحة من وين رحت ساجي تنهد براحة/امين امين اجل الحين يمّه اقدر اقولك وادري بك مابترديني ام راضي بحماس للموضوع وهي تتمنى اللي يكون ببالها/قول وانا امك قول لايردك شي قول وابشر ساجي/انا طالع من هالبيت يمّه ام راضي انقلب وجهها واختفت ابتسامتها/هاه!! ساجي/طالع يمّه طالع خلاص . {سـلـطـان و فـتـنـة} فتنة متربعة مكان الراكب وهي لافة بجسمها كله عليه ومثبتة نظرها تراقبه سلطان يسوق السيارة ومن فترة وهو يحس بضباب بعيونه ومايشوف طريقه زين وماحاول ابد يظهر اي حركة لها توضح تعبه وهي مسلطة نظرها عليه ابتسم/فتنة فتنة بخوف واضح/فيك شي تحس بشي سلطان/الصراحة لي فترة اسوق على باب الله فتنة اتسعت عيونها سلطان/شعرة يـافـتـنـة شعرة واطيح بين يديك فتنة التفتت وهي تناظر الطريق وبرجفة صوتها من كبح عبرتها/سلطان خلاص وصلنا شوي ونوصل خلاص مابقي شي سلطان وهو يناظر الظلام قدامه رغم انارة الطريق/سامحي سلطان يافتنته سامحيه استقوى على تعبه وتعبه قوى عليه ليتك ماانتي بمعي ليت/مسك فرامل يوقف السيارة وتمتم بهمس وهو يعلن لها فقدان وعيه/سامحيني يـافـتـنـة سامحيني فتنة شحب وجهها وهي تناظره والف فكرة وفكرة بهاللحظة تمر ببالها/سلطان سلطان سلطان مال بجسمه عالدريكسون قدامه بهدوء وسكون فتنة مدت يديها الراجفة بتحركه ووقفت وهي تذكر كلام بدر(لاتحركينه ابد)التفتت لقدام بدموعها اللي غرقت عيونها مسحت دموعها وهي تدقق النظر وناظرت بوابة المستشفى على بعد مسافة منهم فتحت الباب ونزلت وجرت باتجاه المستشفى وهي تسمع بواري السيارات وراها وصوت احتكاك الكفر بالاسفلت ياكد لها خطورة اللي تسويه الا انها مستمرة تجري وعينها عالبوابة بس رغم رعبها بهاللحظة وقفت قبال البوابة وهي تدخل غرفة حراس الامن وبدموعها/تكفون الحقوه!!تكفون ياوجيه الخير الحقوا سلطان تكفون . {الـمـسـتـشـفـى} عجايب جالسة على كراسي الانتظار وهي تحس برجفة تعصف بها للحين ماهدت تنتظر خبر عن اختها اللي اخذوها ولا احد خرج لها وطمنها من وقتها وقفت وهي تتجه للاستقبال وبنرفزة وهي تناظر الموظف ورا القزاز/انت قولي وش صار لسحايب؟ الموظف ناظرها/ارتاحي اختي بيعطونك خبر عجايب انفجرت/وش خبره هاه!!وش اذا ماتت يعني الموظف وقف بحدة/ارتاحي لو سمحتي بيجيك الخبر عجايب بصراخ/على كيفك هو اجلس!!ايه اللي داخل مـاهـو من اهلك ولا مااشوفك تقول هالكلام!!مالي كلام معك جيب لي واحد فاهم ويعرف يتصرف الموظف خرج من الاستقبال وهو يوقف قبالها وبصراخ/ندري بالوضع وقلنا انتظري اكيد ماوصل لنا خبر عجايب/ايه مابيوصلك لان هالمستشفى كله منك الى اكبر واحد فيكم ضايع!! الموظف تحرك لها وهو ناوي عليها الامن وقف بينهم/ارتاحي والحين بيجونك مايصير هالكلام الله يهديك عجايب/وش اللي يصير اجل!!لكم ساعات من اخذتوها ماشفت احد للحين!!قلت ناد لي اللي اخذها او ودني لها غيره مالي كلمة معكم ماتفهمون انتم الموظف دف الامن من قدامه وبحدة/هاذي زودتها وبالحيل!!/مسكها من يدها وسحبها له وهو بيضربها/ حاتم اللي وصل لعندهم جرى وهو يدفه عن عجايب وقامت بينهم مضاربة غطت مدخل المستشفى كله . ((بيت ابو عمر)) ،،المجلس،، طلال نزل الدلة وهو يجلس قبال ابوه ابو عمر ناظره بحدة/وينها زوجتك ماتجهز الدلة عنك؟!! طلال ابتسم وهو يصب له من الدلة/يبه انت اعرف بتعب الحريم مع الحمل/مد له الفنجال/سم ابو عمر اخذ الفنجال/هاذي امك وعمتك الوحدة تجهز من الى وهي بطنها متر قدام مااشتكوا!! طلال وهو ينزل الدلة/هذاك جيل والحين جيل غير ابو عمر زفر وهو يكتم غيظه وسكت طلال/يبه ابو عمر ناظره وبتحذير/لاتسأل عن شي مالك فيه ياطلال طلال ناظر ابوه بفضول ابو عمر/اللي جا اليوم لاشفته مرة ثانية اتصل بالشرطة ولسانك لايلامس لسانه(لايكلمه) طلال تنهد وهو ياكله فضوله/ابشر يبه ابشر/وقف وهو يسمع دق الباب الخارجي خرج من المجلس واتجه له وفتح اللي ابتسم/حياك الله ياعم هادي حياك ابو سالم(اخ بثينة)بملامح مرتسم عليها الغضب دخل وهو يمشي بخطواته السريعة وبحدة/وين ابوك ياطلال؟ طلال مشى وراه باستغراب/عسى ماشر ياعم ابو سالم دخل للمجلس وهو يناظره ابو عمر وقف بابتسامة/حياك الله يـ ابو سالم قاطعه/لاتحيي لاتحيي مااخذنا خير من ورا هالتحيي ياعبدالله لاتحيي ابو عمر زفر/تعوذ من ابليس واجلس ياهادي ابو سالم/وش هالسوايا باختي ياعبدالله هاه!!هاذي تالية النسب والاخوة!! طلال يسمع بهدوء مو فاهم وش اللي يصير ابو عمر/استهدي بالله واجلس ومايصير الا كل خير ابو سالم/وين الخير وكلامك لها يشيب الراس!!ماني مصدق والله ماني مصدق ياعبدالله!!تهون سواياك فيها تهون لكن اللي يقول هالكلام انت انت!!ياوجه الله اذا اللي قالته صدق يارب سترك!! ابو عمر احتدت نظرته/اختك مصيونة وبالعين ياهادي لكن عيالي هم عيالي اسوي فيهم مابغيت!! ابو سالم بحدة/مـاهـو بعلى كيفك ياعبدالله مـاهـو بعلى كيفك ابد!!اذا انت رميت وعفت عطايا ربك لك حنا شاكرين حامدين وراضين الف نشيلها بعيوننا لو الارض ماشالتها!! طلال ناظر ابوه بتقطيبة جبينه بشك اذا اللي فهمه صح او لا ابو عمر/معصي والله ماتاخذها!! ابو سالم اتسعت عيونه/معصي اجل!!/احتدت نظرته/بيننا وبينك المحكمة ياعبدالله واختي الحين معي ابو عمر بصراخ/ماتطلع من بيتي ماتطلع والله ان طلعت ان يميني تحل عليها ابو سالم/يمينك ويسارك ماهمتيني وهاذي علومك ياحسوفة العشرة معك ياحسوفتها!!/صرخ وهو يخرج من المجلس متجه لبيت اخته/بثينة بثينة ابو عمر خرج ومشى وراه طلال خرج ورا ابوه ابو عمر مسك ابو سالم من يده وبصراخه/ماتاخذها ماتاخذها!! ابو سالم اللي واقف عند باب البيت ويفتحه بالمفتاح اللي بالباب من حطه ابو عمر سحب يده بقوة من ابو عمر وهو يدفه عنه/اختي اخذها غصب عنك ابو عمر بصراخ/وعيالي مايطلعون من بيتي مايطلعون ابو سالم/خلهم لك هالعيال اللي شاد صدرك بهم علي باختي وعيالك عقب سواتك مردهم لامهم واذكرك/فتح الباب/ ام تركي بعبايتها وشنطتها تنتظر اخوها ابو عمر انصدم وهو يناظرها جاهزة ابو سالم/امشي وانا اخوك البيت اللي طلعتي منه بعز يتكوفنك بعز امشي ام تركي خرجت من بيتها/تسلم ياابو سالم تسلم ابو عمر بحدة/بثينة!! ام تركي مشت ولاردت ابو سالم اخذ شنطتها وهو يمسك يدها ومشى ام تركي مشت معه ابو عمر/والله ان طلعتي مع هالباب فانك طالق يابثينة ام تركي وقفت والتفتت له/قلت لك مايمنعني حتى الطلاق بنتي بحضني بحضني الى مااموت ياعبدالله سمعت/مشت/ ابو عمر صرخ بقهر/بثينننننةةةة طلال يناظر جنون ابوه اللي ماله تفسير نفس ردة الفعل للمرة الثانية كيف يكره البنات وليش يكرههم لهالدرجة ناظر ابوه اللي يلهث بصوت مسموع من القهر وقشعر كل جسمه وهو يستوعب انه صار نسخة ثانية من ابوه مرت بعينه كل افعاله بفتنة ودموعها وترجيها له وتكذيبه لها بدون حتى مايفكر زفر وهو يطرد هالفكرة العابرة ويحمّل اللوم لفتنة الخاينة الفاجرة بعينه ونفض عن نفسه ثوب التأنيب واللوم ابو عمر انحنى شبه راكع وهو يحس بوجع احتوى صدره من القهر بصدمة من ام تركي ماتوقع تسوي هالحركة فيه عكس ام عمر تماما ناظر عياله اللي واقفين بمكان امهم يناظرونه اعتدل بوقفته وصرخ/انقلعوا عن عيني انقلعوا!! العيال جروا من قدامه لغرفهم طلال بهدوء وعينه على ابوه/يبه تعوذ من الشيطان وكل شي وله حل ان شاء الله تعوذ ابو عمر بغبنته/اللي تكسر كلامي مالها عندي خاطر وبدل الحرمة الف حرمة والله تعض اصابعها ندم عاللي سوته هين ان لمحت طرف ظفر من عيالها هين/دخل للبيت وهو يسرع بخطواته/ طلال تنهد بضيق وهو يناظره يبتعد . ((بيت ابو راضي)) بجاد جالس قبالها بالضبط/يمّه امشي معي نتمشى ونتونس تغيرين جو شوي ام راضي بوجهها اللي واضح عليه اثار بكاها والزعل/ماابي اروح لمكان رح لبيتك الله يستر عليك راضي جالس جنبها مسك يدها وهو يبوسها وبابتسامة/امشي معي يمّه انا ماوراي لا بيت ولا شي امشي وابشري باللي يسرك ام راضي/وين اتمشى واتهنى وانتم كل واحد منكم يبي فرقاي!!حتى انت هذا انت مفارقني لاتزوجت مااشوفك مرة وحدة كاني علة على قلوبكم وتبون فرقاي!! بجاد/استغفر الله العظيم راضي/وش هالكلام يمّه!!انت على روسنا من فوق الله يخليك لنا!! ام راضي/كله كلام كله كلام الله يستر من الجاي والله يخلي لي بنياتي بس هذا اللي اقوله بجاد/يمّه والله العين ماتهنى لها راحة بدون شوفتك ام راضي سكتت راضي/يااميمتي عاد فكي هالكشرة عنك والله صدورنا ضايقة من ضيقتك بجاد/وبعدين يمّه تراها بالخاطر يعني مالك قدر عندنا بس عند البنات!! ام راضي/ياربي لك الحمد اللي اعطاني بنيات ولاحرمني ولا الولد الحين عرفت ياخيبتي بفرحته يوم جبته نهايتها يسكتني بطقم ذهب هاذي اقصى قيمتي عنده هذا اقصاي بعيونكم بجاد اخذ نفس وهو يزفره راضي/لاعاد يمّه مالك حق مالك حق ابد!!يعني عايفتنا خلاص ماتبينا!! ام راضي/لو علي حطيتكم بعيوني وقفلتها لكن الشكوى لله العين بصيرة واليد قصيرة بجاد رفع نفسه وهو يسلم على راسها/ابشري يمّه باللي يسرك وش تبين ابشري به اسحبه من اذنه واطى على راسه عند رجليك واخليه يتعذر منك ابشري ام راضي/لا استغفر الله لا خله خله بكرة يشوف تالية سوايا عياله فيه ويعرف خطاه ووقتها ماينفعه شي خله راضي تنهد/يوم ماتبينا نجيبه عندك وشو له تزعلين احقريه يمّه احقريه ام راضي بدموع/قطعة مني وشلون احقره قلبي انحرق وهو عيونه معمية حسيبها الله اللي ماتخاف حسيبها بجاد/ابشري يمّه هو يطلع من هينا وانا أجي من هينا ابشري ام راضي انصدمت منه وهو اللي رافض يسكن معهم من تزوج/من جدك انت!! راضي/لا ياشيخ روح انا بأسكن مكانه اثثيه لي يمّه على ذوقك ام راضي تناظرهم بصدمة بجاد/لاياشيخ انا معي عيال انت خلك بالملحق على قدكم وبعدين الشقة الخلفية مابقى شي ويطلع المستاجر وانتهينا ام راضي وهي فرحت لكن تخبي هالفرحة وتحافظ على ملامح زعلها/لا لا ماابي مشاكل مع حريمكم بكرة يتبلوني مـاهـو هم كلهم نفس العرق ماابيكم الله يستر علي وعليكم ابو راضي دخل وناظرهم زفر وهو يدري ان فيه مصيبة/خافي ربك خافيه كل حق وله حقه بالدنيا قبل الاخرة ياعايشة/كمّل طريقة لغرفة النوم/ راضي احتدت نظرته بجاد تغير وجهه بزعل لامه ام راضي بكت/هه شوفوا حتى هو قدرت عليه وشلون ألوم ساجي الحبيّب وشلون!! بجاد مسكها من يدها/والله والله غير نطلع انا وانتي الليلة نتمشى لاتحاولين تقولين لا مالك عذر معي مالك عذر ابد . ((بيت ابو فواز)) ابو فواز دخل للبيت وهو ضايقة دنياه فيه وش هالمصيبة اللي وصلت له هذا تهديد واضح وصريح وللاسف ماوضح معه شي ابد وقف وهو يناظر فواز فواز بوجهه المتجهم وقف وسلم على راس ابوه بسرعة بدون لاتلتقي نظراتهم وكمل طريقه ابو فواز باستغراب منه/وين رايح؟ فواز بدون لايناظره وهو مكمل طريقه/اشغالي ابو فواز/خلها الصبح من اصبح افلح فواز وقف والتفت له/ضروري يبه تبي شي؟ ابو فواز تنهد/سلامتك وتحرص على نفسك فواز استغرب/لاتوصي/لف بيخرج/ ابو فواز/شفت ثابت؟ فواز احتدت نظرته بدون لايلتفت له/مالي شغل فيه ولا لي شغل باحد ابد/خرج وقفل الباب وراه بكل قوته/ ابو فواز تنهد وهو يتجه لبيت امه/الله يستر عليهم الله يستر . {المـسـتـشـفـى} حاتم جالس عالكراسي بثوبه وملابسه الداخلية المقطوعة من على صدره ووجهه الممتلي كدمات وجروح وبيده كيس ثلج يمرره على وجهه بصمت وهدوء عجايب جالسة جنبه برعب مانطقت حرف للحين فوق خوفها على سحايب خوفها من حاتم الحين يغلبها وبيدها علبة موية ماقدرت تمدها له من كثر خوفها هدوءه مايطمن ابد سراج وقف عندهم وهو يمد لحاتم علبة الموية/خذ عجايب ناظرته بكره كالعادة حاتم اخذ الموية منه وهو يشرب سراج/طلعت من العمليات الحمدلله عدت على خير عجايب تنهدت براحة/الحمدلله يارب الحمدلله سراج حاتم رفع عينه له/الحمدلله على سلامة ام علي ياسراج سراج/الله يسلمك الله يسلمك عجايب/كيفها الحين وش قالوا؟ سراج/ماعليها بالملاحظة الحين الحمدلله سلمت السكين ماتعدت للاعضاء الداخلية الضرر لنهاية الانسجة ومافيه نزيف داخلي الحمدلله عجايب/اللهم لك الحمد اللهم لك الحمد سراج ناظر حاتم/خذ اهلك وتيسر عجايب/نعم!! حاتم التفت لها بحدة عجايب طنشته/انا معها وانا اعرف بهالامور!! سراج/روحي ياعجايب للصغار محتاجين لك انتي تعرفين لهم اكثر مني عجايب رمشت باستغراب منه سراج/وعلا حالتها ماتطمن روحي لهم عجايب/وسحايب؟ سراج/انا معها باجلس معها الى مايفرجها الله وتقوم بالسلامة حاتم وقف/الله يقويك ويقومها لكم بالسلامة/مشى وبدون لايناظرها/مشينا عجايب واقفة وهي شاكة بسراج للحين حاتم وقف والتفت لها/عجايب!! عجايب/طيب اشوفها اول؟ حاتم مشى وتركها عجايب وقفت بحيرة وهي تناظره يبعد ثم مشت وراه بخطوات سريعة وهي تتافف . ((شقة ساجي)) سدول رافعة شعرها ولامته وبقميص بينك ميد فضفاض تغطي فيه بروز بطنها بالمطبخ تجهز العشا بعد مااتصل عليها ساجي وبلغها ان العزيمة تنكسلت قطبت جبينها وهي تسمع صوت الجرس وباستغراب بنفسها/غريبة مامعه مفتاح!!/تركت اللي بيدها وهي تتجه للباب وفتحته بدون لاتسأل من وراه كشرت لوجهها بثواني ثم حافظت على هدوء ملامحها/اهلا حياك عزيزة بغيظ مرتسم على وجهها/لااهلا ولاسهلا ولا ابي منك تحيين بي ببيتك سدول هزت راسها/براحتك/حركت الباب بتقفله/ عزيزة اتسعت عيونها وهي تمسك الباب وتدفه للداخل حتى يظل مفتوح سدول ضرب الباب ببطنها وتوجعت وناظرت عزيزة بحدة عزيزة بغيظها/انتي متى تفكينا منك ومن القلق اللي يجي من وراك هاه!! سدول ارتفع حاجبها/نعم؟!! عزيزة/انتي ماترتاحين الا اذا جبتي اخرة امي صح؟ سدول/بدون تشفير لو سمحتي بدون عزيزة تكتفت/هيه انتي يعني بهالحركة مسوية تكسرين شوكتنا عشان محد اعتذر لك وراضاك!! سدول قطبت جبينها مو فاهمة قصدها عزيزة/على كثر اللي تسوينه محد بيعطيك وجه فاهمة!!ولاتظنين انك بحملك ذَا اللي فرحانة فيه بتكسرين خشومنا تسمعين!! سدول تنهدت بطفش/والمطلوب؟ عزيزة/هالفكرة شيليها من راسك كل يوم بتصبحين وتمسين بوجيهنا بنغثك الى ماياخذك الموت سدول اللي فهمت قصدها اخيرا/للي يكرهوني يارب/تنهدت وبكذب/واذا قصدك على خرجة البيت فهذا راي اخوك مالي اي يد به تفاهمي معه وافردي عضلاتك عليه يالقوية ولا صوتك ذَا بس عندي!! عزيزة قربت منها وهي تمد يدها وتدف سدول من كتفها سدول ضربت يد عزيزة وهي تدفها عنها وسط نظراتها المحتدة عزيزة زفرت بابتسامة جانبية كلها سخرية/الله وصرنا قويين بعد!! سدول بحدة/واكسر خشوم اذا مادريتي تبين تجربين؟! عزيزة ضحكت/هالامور مافيها سوال ياحلوة اعلمك اذا تبين تتعلمين سدول كشرت بوجهها عزيزة تنهدت بصوت/لولا خاطر ساجي قصيت لسانك وخليتك تشوفين عضلاتي اللي تسالين عنها سدول ابتسمت/جهزي نفسك ياحلوة وجهزي كراتين مناديل لامك واخواتك خرجة باخرج وغصبا عن الكل دام هذا كلامك عزيزة احتدت نظرتها/نعم!! سدول تغيظها بتاكيد للموضوع/بالاول اخوك هو اللي يبي الحين بتشوفين وشلون نطلع برمشة عين بدون ماتحسون حتى ووقتها اتصلي علي حتى اطلب لك طلبية خاصة مناديل تمتص اكبر كمية من الدموع وعلى حسابي حلفت عليك ولا ريال تدفعينه/قفلت الباب بوجهها بقوة/ عزيزة تضرب عالباب بقهر/افتحي افتحي وعيديها اذا فيك خير افتحي سدول من ورا الباب بقهر/روحي لامك بس روحي لاتموتين علينا معها روحي/مشت للمطبخ بخطوات سريعة وهي تغلي/ . ((السيارة)) عجايب التفتت له بعد جو الهدوء اللي مخيم عليهم/حاتم حاتم بحدة بدون لايناظرها/اوص ولا كلمة عجايب قشعر جسمها/طيب اسمعني بالاول حاتم بحدته/اخر مرة اقولك اوص عجايب بعنادها/كيف تبيني اسكت وانا اشوفك بهالحالة حاتم صرخ/عجايب!! عجايب سكتت بتكشيرة على وجهها وهي تتكتف وتناظر قدامها . {الـمـسـتـشـفـى} فتنة جالسة على كراسي الانتظار خارج غرفة الاشعة وهي مثبتة عينها اللي غرقانة بدموعها من كثر البكا عالباب بقلبها اللي مو راضي يهدا للحين من سرعة نبضاته وهي تدعي وتكرر(ياربي سلّم ياربي سلّم بحولك وقوتك سلّم) بدر اللي اتجه للمزرعة ورجع طريقه من الـمـزرعـة متجه للمستشفى بعد مابلغته بالمستشفى وقف عندها وهو مخطوف وجهه/فتنة؟ فتنة التفتت يمينها تناظره فزت واقفة وهي فاضت الدموع بغزارة وبرجفة صوتها/بدر بدر مد يديه ومسكها من كتوفها/فيك شي؟ فتنة ببكا هزت راسها بلا وبصوت اختنق/سلطان سلطان بدر صرخ بقهر منها/ليش ماانتظرتي الاسعاف وانا قايل لك لايتحرك ليش؟وش ذَا الغبى اللي فيك هاه!! فتنة انتفضت من صرخته وصرخت وسط دموعها/وقف مافيه شي سولف معي مافيه شي بس جرح/وبشهقات قطعت صراخها/والله ظنيته جرح عادي يابدر والله بدر زفر وهو يكشر بوجهها وتفحص فتنة بنظره فتنة بعبايتها مفتوحة ازاريرها من منتصفها بعثرة طرحتها واللثمة اللي مو مرتبة ونقابها المربوط فوق كم عبايتها بيدها بدر تنهد بندم على صراخه عليها وهو يناظر دموعها انحنى وهو يقفل ازارير عبايتها وبهدوء/وكيفه الحين وش قالوا؟ فتنة نزلت راسها تناظره/خيطوا جرحه واخذوه للاشعة/زادت دموعها بخوف/وكل ذَا يابدر وهو ماصحى بدر اعتدل بوقفته يناظرها فتنة بدموعها/ماصحى ماصحى فيهم يابدر ماصحى بدر تنهد وهو يضمها بحضنه/لاتخافين مافيه الا العافية لاتخافين فتنة/طولوا بالاشعة يابدر طولوا بدر باس راسها وهو يمسح على ظهرها/اقولها لك طيب طيب انتي بس اهدي وادعي له مافيه شي ان شاء الله مافيه فتنة بكت وهي تلوم نفسها عاللي صار/كله مني يابدر كله مني بدر تركها ويديه على اكتافها/خلاص عاد لو يسمعك هو بيزعل عليك ترا والله لاقوله قلت لك فتنة تناظره ببكاها بدر ابتسم/اقولك مافيه شي ارتاحي مافيه شي . ((شقة نايف)) ،،غرفة النوم،، ياقوت جالسة على كرسي تسريحتها بقميص نومها الاسود الحرير اللي كاشف عن اغلب جسمها تاخذ بيدها من علبة المرطب اللي قبالها وهي تمسحه على جسمها نايف متمدد عالسرير بشورت ابيض وتيشيرت اسود بيده جواله يضبط منبهه يستعد للنوم قطب جبينه من وصلته رسالة فتحها واتسعت عيونها بصدمة فز من سدحته واقف جنب السرير ياقوت تناظره بالمراية انفجعت/بِسْم الله!! نايف رمى جواله عالسرير وهو يفتح الدولاب يسحب له بنطلون بسرعة ومشى وهو ينزله ويلبس بنطلونه ياقوت تناظره بفجعة/وش فيك وش صاير؟ نايف تعثر من لبسه للبنطلون وبالقوة حافظ على توازنه واعتدل وبالاشارة/سلطان سلطان بالمستشفى/خرج من غرفة النوم يجري/ ياقوت تجري وراه/مافيه شي اكيد بشويش بشويش على نفسك لايصير لك شي!! نايف بالصالة انحنى للطاولة اللي قباله وهو ياخذ محفظته ومفتاحه وبربكة وهو يتلفت حوله/وين جوالي وينه؟ ياقوت/بالغرفة نايف رجع طريقه للغرفة جري واخذه واتجه للباب بيخرج جري ومر من عند ياقوت/انتبهي على نفسك والعيال ياقوت جرت وراه ومسكت يده حتى يناظرها وبالاشارة/انتبه لنفسك انتبه لاتنسانا وراك مالنا غيرك نايف باسها على جبينها وخرج ياقوت قفلت الباب بابتسامة/اللهم لك الحمد عساها اخره ونرتاح يارب . ((بيت الجدة سدول)) ،،المطبخ،، ذهب تقطع السلطة/وانتي يالملقوفة ليش رحتي هاه ليش؟ سجايا تغسل الصحون/يعني ماتعرفين اخوك وطوالة لسانه!! ذهب/فواز مايقل ادبه على امي سجايا التفتت بتقطيبة وجهها/لااااا ياشيخة قولي والله!!هو مايحشم ابوي كيف امي!! ذهب/وامي ماهي بحاجة فزعتك وبعدين ماتقدرين تسكتين وتقفلين الموضوع الدنيا قايمة بدونك!! سجايا بقهر وهي تحضر العشا بالصحون بعد مامسحتها/لاحبيبتي مو على كيفه يمد يده على اغراضي سكت بما فيه الكفاية الحين اغراضي المرة الجاية يمدها علي ذهب/تراك حتى انتي غلطانة يعني اقولك اصبري وماتصبرين والنهاية مع عنادك ذَا اوزني الامور شوي سجايا/ماله دخل ياذهب ماله دخل ولا تبيني اسكت له مثلك الى ماضاع حلمي وضاع معه عمري وانا انتظره يرضى مع نفسه الله لايجعل له وليّه علي وابوي حي!! ذهب تغير وجهها من سمعت كلامها وسحبت الزبادي الصغيرة وهي توزع السلطة سجايا التفتت لها وهي ماتسمع ردها وانصدمت من ملامحها/ذهب انا ذهب قاطعتها/انتي صادقة ومعك حق بكل شي قلتيه ويحق لك تدافعين عن اللي تبينه لكن انا عكسك ياسجايا مااقدر اكسر خاطر اهلي احسب حساب لكل واحد فيهم سجايا/اسمح لي ياذهب بس اللي مثلك مايعيش شوفي نفسك قبل اللي حصل لك وش استفدتي من انتظار رايه ضاع مستقبلك عالفاضي وبالاصل ماله كلمة ابوك اللي له كل الكلام ذهب/ابوي لو موافق من كل قلبه كان وقف بوجهه ابو فواز اللي واقف على باب المطبخ بيسلم عليهم انصدم من سمع كلام ذهب ووقف يسمعهم ذهب/لكن ذاك اليوم ابوي سكت وهذا كان اكبر دليل على عدم رضاه ومن الاول غلطت يوم تصرفت من راسي بدون لااعطيهم وارد لهم خبر ابو فواز رجع طريقه لامه سجايا/امي تكفي وامي معها الخبر وش عليك منه اااه يالقهر اااه ذهب ابتسمت/اشوفك ماسمعتي لها وهي طلبتك لاتلحقينها!! سجايا كشرت/انا خفت على امي بس وضعي غير عن وضعك/بتحدي/وبعدين لو يفكر يتدخل ماراح اسمح له مع نفسه والله لاوصلها للشرطة وعاد رعبه هالفواز كلام الناس خل نشوف من يمشي كلامه انا ولا هو ذهب اخذت السفرة وشالت من زبادي السلطة وهي تمشي/اقول اخلصي بس الحين جدتي بتذبحنا على هالتاخير سجايا مشت وراها وهي تشيل الصحون همست/يمّه عاد ياجدتك ذي ماترحم ذهب انحنت شبه جالسة وهي تنزل السفرة والسلطة ابتسمت وهي تناظر ابوها بابتسامة/يبه متى جيت ابو فواز ابتسم/توه ياابوك توه الجدة سدول قبالها وباستغراب/ماشفتهن!! ابو فواز/لا يمّه رحت الحمام تكرمين الجدة سدول بغيظ وهي تناظر سجايا/بدري وش ذَا العشا اللي لو هي ذبيحة اخلصت!! سجايا شهقت/ماتاخرنا لاتزودينها ياجدة الجدة سدول وهي تناظرها/الا والله ذبيحة!!اسمعي الراديو قضى برنامج الاذاعة وجا بعده برنامج وقضى والحين مع القران والله لو ذبيحة استوت سجايا/هاه شوفيه قدامك خلصنا الجدة سدول/من قل السنع والله كلها مكرونة بالفرن وشريبة(تصغير شوربة)!! سجايا/بالعافية ياجدة بالعافية الجدة سدول/ايه سكتيني سكتيني سجايا تنهدت/لاحول الله ياجدة متى قلته!! ابو فواز/روحي ياسجايا جيبي لي موية روحي سجايا/طيب يبه ام فواز دخلت/السلام عليكم الجدة سدول/وعليكم السلام حياك يابنت حياك ام فواز سلمت على راسها وجلست جنبها ابو فواز باستغراب/وين النوريات(بنات فواز)ماجوا معك؟ ام فواز/امهم تقول ناموا الجدة سدول/كله من هالمقرود فواز اكيد رادهم عني ابو فواز/لاتظلمينه يمّه لاتظلمينه الجدة سدول/عسى الله يرد بعياله ولا هو الله يستر عليه بس ابو فواز تنهد وهو يخرج جواله رد بابتسامة/ياهلا ياهلا وعليكم السلام والرحمة..انت وشلونك عساك بخير ياابو ماهر../انقلب وجهه وسط نظراتهم عليه بلع ريقه وهو يحاول يكون الوضع طبيعي/ايه ايه..عساها سلمت..الحمدلله قدامها العافية قدامها العافية..جايين ان شاء الله جايين/قفل ومد يده لسجايا/ سجايا مدت له علبة الموية الجدة سدول اللي باحت بفضول الكل/وش فيه ياولد عسى ماشر؟ ابو فواز بعد ماشرب/تعشينا تعشينا مافيه شي الجدة سدول باصرار/الا والله فيه ياجابر وجهك مـاهـو بطيب ابو فواز/موضوع رجال يمّه موضوع رجال ام فواز بتوتر/وش يبي ابو ماهر ماهي عوايده يتصل هالوقت لو هي لرجال وش السالفة ياجابر لاتخوفني!! ابو فواز تنهد/بالاول سحايب وعجايب وعيالهم طيبين ماعليهم خلاف الجدة سدول/الحمدلله ام فواز تناظره بقلق ابو فواز/سحايب سوت عملية اليوم وطلعت بالسلامة ام فواز تغير وجهها سجايا بصدمة/بِسْم الله وش عمليته!! ذهب تناظر ابوها بخوف وشك من اللي يخفيه ابو فواز/طاحت وتعورت البنت الجدة سدول تنهدت براحة/دام الوضع كذا زين الحمدلله زين سلمت ام فواز تناظره بشك/سالتك بالله ياجابر هي بخير ابو فواز/بخير وعيالها بخير بس علا مفجوعة شوي سجايا تناظر ابوها بشك الجدة سدول/دام علا مفجوعة والله السالفة اكبر من طيحة ياجابر!! ابو فواز/لااله الا الله وش هالكلام يمّه!!البنت شافت امها طايحة قدامها وانفجعت هاذي السالفة كلها/ناظر ام فواز/جهزي شنطتك نتعشى ونسري ام فواز وقفت/ماابي عشا تعشى وانا اجهز شنطتي الجدة سدول مسكتها من يدها تجلسها/تعشي البنت طيبة الحمدلله تعشي الطريق بالليل يخوف تعشي يابنت الحلال ام فواز/ياعمة مااقدر والله مااقدر ابو فواز/اجلسي يانورة وتعيش سحايب طيبة اجلسي الجدة سدول جلستها غصب/تعشي بكرة يبلشون بك معهم تعشي بس ام فواز جلست وهي عايفة الاكل الجدة سدول تقرب منها الاكل/قولي بِسْم الله وتعيش وانا عمتك تعشي ثابت دخل لهم مفجوع بوسط انفاسه السريعة/يبه //الكل ناظره// ابو فواز ناظره بوسع عيونه/على هونك!!وش صايبك!! ثابت بوجهه المخطوف/يبه بغيتك برا بسالفة الجدة سدول بغيظها/درينا بعلم سحايب الله يشفيها لاتروعنا زيادة ثابت بفجعة/سحايب بعد!! ابو فواز وهو يتلاحق الموقف وقف/امش الجدة سدول بحدة/اوقف ياجابر قل وش عندك ياثابت ثابت ناظر ابوه للحظة ثم ناظر جدته وبضحكة/لا بس ابي اغير كفرات سيارتي سجايا تنهدت براحة وبعصبية/الله لايوفق عدوك فجعتنا بس!! الجدة سدول مكذبته/ارجع ياجابر ارجع تعشى وراك خط وانت تعال تعشى اجلس ثابت ناظر ابوه وهو مو قادر يهدا/يبه ابي فلوس ضروري ضروري ابو فواز/مشينا اعطيك الجدة سدول وقفتهم بشكها/تعال ياثابت اترك ابوك يتعشى كم تبي وانا اعطيك ثابت ماتحمل/يبه سلطان بالمستشفى ام فواز شهقت وهي عيونها تغرق دموع/يمّه ياعيالي!! الجدة سدول احتوتها رجفة بكل جسمها وهي تناظر ثابت بصدمة ابو فواز ناظره بحدة وهو يسكته/ثابت!! الجدة سدول بحدة/اترك الكذب عنك ياثابت ثابت/يبه بدر اتصل ويقول جته ضربة براسه ابو فواز شحب وجهه الجدة سدول برجفة جسمها وحتى صوتها/يمّه الليلة يايمه ذهب بنت ياذهب ذهب فزت لجدتها وجلست جنبها/سمي ياجدة الجدة سدول مدت يدها لها وبدموع غلبتها/قوميني يابنت قوميني حيلي انهد والصويبة عينه ياويح قلبي على مضنون العين ياويحه . ((شقة جوهرة)) جوهرة رفعت جوالها بابتسامة/جابك الله ياقوت بابتسامة حماس/اسكتي مو لحالك اللي عنده اخبار جوهرة/يااختي متاكدة مو قدي قولي يالله ياقوت/ياالله بامشيها لك هالمرة/بابتسامة/توقعي توقعي من اللي تعبان؟ جوهرة قطبت جبينها باستغراب/مين؟ ياقوت بابتسامة/سلطان جوهرة انصدمت ياقوت/الحمدلله ربي فكني منه اخيرا اخيرا بارتاح وترجع اموري تمام اخيرا جوهرة بهدوء/ياقوت ياقوت باستغراب من هدوءها/نعم جوهرة/سحايب انطعنت اليوم وعلا كانت بتنخطف ياقوت انقلب وجهها/كيف!! جوهرة بشك/تتوقعين صدفة؟ ياقوت/اكيد صدفة وبعدين هالسلطان مايصيبه شي وتشوفين جوهرة ميلت فمها بشك/والله مدري جعلها تضرب بينهم لاقصاها اهم شي يبعدون عنا . ساجي داخل للبيت وهو يهمهم وبيده باقة ورد صغيرة راضي نازل من الدرج احتدت نظرته وهو يشوفه قباله ساجي ابتسم/هلاااا هلاااا براضي راضي بحدة/ومبسوط!! ساجي قطب جبينه/وش فيك؟!! راضي بابتسامة كلها قهر/اي والله مبسوط ومستانس وجايب لها ورد بعد!!وتف عليك وخيبة صدق وخيبة فرحتها فيك ياساجي!! ساجي شهق وبنرفزة/وش فيك!!ليش تكلمني كذا!! راضي/كاسر امك وعايش جوك ولا عليك!! ساجي احتدت نظرته/ليش وش سويت!!لا حرام ولا عيب!! راضي صرخ/حرمت وعابت عيشتك قل امين!! ساجي وهو يكبح نفسه/خل المشاكل والغل يخف راضي/الغل معروف من مين!! ساجي بحدة/راضي ترا ذي زوجتي وذي امي احشم عمرك واموري مالك فيها راضي/حلو حلو حتى اخوك قمت تجادله!! ساجي/مثل ماانت ماترضى احد يدخل بامورك شيل يدك من اموري مالك بيني وبين اهلي انا ادرى باموري معهم راضي بسخرية/وهالكلام محفظته لك ماما سدول!! ساجي صرخ بحدة/رااااضي!! راضي/شوي شوي صوتك هذا طلعه على حرمتك اذا فيك خير ساجي بغيظه/فيني خير لو مافيني خير كان الحين مكانك تحت رجولي بعد اللي سمعته راضي انصدم من رده/وشو!! ساجي بحدته/وبعدين انت اللي لو فيك الخير اسكن مكاني وهي لها سنين تترجاك وتطلبك تسكن معها وانا وسدول وامي خل خشمك بعيد عنها انا ادرى/مشى من جنبه بخطوات سريعة/ راضي ضحك بقهر/والله وطلع لك صوت ياساجي!!طلع!! . {الـمـسـتـشـفـى} سحايب بملامح هادية وكانها نايمة مايدل على تعبها غير وجود اسلاك الاجهزة عليها سراج واقف جنب السرير يناظرها بحزن على حالتها تنهد بضيقة عليها لاول مرة/يابنت الخالة وش اللي وصلنا لهالحالة؟/زفر بصوت وهو يناظر هدوءها/هو سراج بلاك وانتي دواه ولا نهاية الدوا على يدين البلا ياسحايب؟/لمعت عيونه بطيف دموع/دامك رضيتي بسراج ورجعتي له تحملي ياسحايب تحملي هذا سراج وهاذي حياته . {الـمـسـتـشـفـى} سلطان متمدد عالسرير الابيض بغرفة طوارئ المستشفى الصغيرة اللي عرضها وطولها ثلاث متر بثلاث متر وجنب السرير درج صغير جدا اخذ طول الجدار مع السرير بالكامل بلفة الشاش اللي ملتفة حول راسه بهدوء ونوم عميق بدون اي شعور للي حوله فتنة جالسة عالارض ثانية رجولها لصدرها ومحاوطتهم بيديها ورافعة راسها تناظره وهي متكية به عالجدار تناظره باستغراب من هدوءه ولاتحب هالهدوء ابدا اللي ماتعودت عليه منه بدر وقف على مدخل الغرفة اللي بابها عبارة عن ستارة سحبها وتنهد وهو يناظرها مد الكرسي اللي بيمينه لها/فتنة فتنة التفتت بفجعة له وهي توقف/وش فيه؟فيه شي؟ بدر/مافيه شي استهدي بالله مافيه شي بس الكرسي خذيه عن جلسة الارض فتنة ناظرته/مابيدخل خلاص ماله داعي بدر نزل الاغراض اللي معه عالارض دخل ومسكها من يدها وسحبها يخرجها برا الغرفة فتنة وهي تسحب يدها منه وبرجفة صوتها/وش فيك بدر ماني رايحة لمكان وهو كذا ماني رايحة!! بدر ناظرها وهم خارج الغرفة/ماقلت باخذك لمكان!!اصبري شوي!!/اخذ الكرسي ودخله ووازنه بهالمكان الضيق وانحشر بين الكرسي والدرج الصغير نط من فوق الكرسي حتى يخرج وناظرها انحنى وهو ياخذ كيس الاغراض اللي عالارض ويحط بيدها/هاه يالله اجلسي الحين فتنة ناظرت اللي بيدها وبدموعها/مشكور يابدر الله يكثر خيرك ماتقصر بدر حضنها وتنهد/وش هالكلام ياعين بدر اللي يمسك يمسني الله يقومه لك بالسلامة انتي لاتشيلين فوق قدرتك وانا اخوك وكلي امرك لله وكليه فتنة بكت/ونعم بالله ونعم بالله بدر تركها من حضنه وهو يمسك يدها/ليش كل هالخوف ليش!!ان شاء الله بسيطة يصحى شوي وبالكثير بكرة ونتطمن اكثر فتنة/ان شاء الله ان شاء الله بدر ترك يدها/عاد انا بالانتظار ان احتجتي شي فتنة/لا روح بيتي بتلاقي الحارس وبيدخلك بدر/واتركك!!لا والله فتنة/لاتحلف بس روح بيتي وارتاح وخذ راحتك بدر ابتسم/الله يـافـتـنـة كبرنا وصار بيتي فتنة ضحكت بخفة غصب/روح ولا بارجع لك كل اللي اعطيتني بدر تنهد/ان شاء الله ان شاء الله/باس راسها/تبين شي؟توصين على شي؟ فتنة هزت راسها بلا/سلامتك يااخوي سلامتك بدر مشى/فمان الله فتنة ناظرته الى ماابتعد ورجعت لداخل الغرفة وهي تسحب الستارة وجلست عالكرسي وهي تفتح رميتها ومعطية ظهرها للستارة تنهدت بضيق وهي تناظره تاملت تفاصيله عيونه انفه وحتى ملامحه تمعنتها هالمرة براحة وهي لاول مرة من تزوجته تتامله بهالطريقة تنهدت وهي تكره هالشعور تكره تشوفه بهالهدوء تكت بطرف كوعها عالسرير وهي تميل راسها على يدها تسنده ناظرته باستغراب من نفسها من فيض مشاعر الخوف عليه وهي حتى ماكملت شهر معه من عرفته كيف استوطنها واحتواها بلطفه مجرد كلام ومزحات ونظرات وابتسامات رماها عليها هينا وهناك حركت فيها هالمشاعر ناظرته وتنهدت بضيق ليش تكره هدوءه لهالدرجة ليش سحبت كفه وهي تحضنها مابين خدها وكفها وبرجفة صوتها/وشلون صرت لفتنة سلطانها وشلون؟!! . اللهم صل وسلم على نبينا محمد #سلطان_الهوى_يافتنة_الألفية | ||||
|
| |
|
27-10-22, 11:18 PM
| #68 | ||||
| 27 لااله الا الله وحده لاشريك له له الملك وله الحمد وهو كل شي قدير - ((شقة بدر)) ام عمر نزلت القهوة عالطاولة قباله وهي تجلس جنبه بابتسامة/ياحي الله عمر ياحيّه عمر بابتسامة/الله يسلمك ياعين عمر/اعتدل وهو يصب لها فنجال القهوة/ ام عمر ابتسمت/اخبارك واخبار زوجتك؟ عمر/الحمدلله بخير ماعلينا ام عمر/عساه دايم يارب عساه دايم عمر وهو يتلفت/وين الشباب؟ ام عمر/ريان راح يجيب اغراض عمر/وراعي البيت لايكون درا اني جيت وطلع هو بعد ام عمر/لا وش هالكلام!! عمر زفر بابتسامة/يمّه ذَا بدر ماتمشي علي ام عمر ضاق صدرها على وضع عيالها/بدر اتصل به خويه بالمستشفى ومن العصر وهو معه الله يشفيه ويعافيه عمر/الله يكتب اجره هذا العشم فيه الله لايغيره ام عمر نزلت فنجالها/قول ياعمر وش وراك قول؟ عمر بابتسامة/وش اقول؟!! ام عمر سكتت وهي تناظره عمر تنهد/يمّه رغد تبيني اطلقها ام عمر قطبت جبينها باستغراب منه/مو هذا اللي تتمناه!! عمر ناظرها/ماانتي بزعلانة!! ام عمر/اموركم حلوها بينكم انا مالي شغل عمر باستغراب من امها/يمّه رغد تبي الطلاق!! ام عمر/ووش اللي رادك هالمرة عمر تنهد/يمّه رغد معها ورم ام عمر انصدمت/لااله الا الله!! عمر/ماودي اطلقها وهي بهالحالة الى مانعرف وضعها ام عمر ناظرته/لاحول ولا قوة الا بالله عمر/وش رايك يمّه ام عمر/وذي يبي لها راي!!لاتطلقها ماعليك منها اصبر الى ماتعرف امورها لاتصير قليل اصل وانا امك حتى لو ماتبيها اصبر وربي بيكتب اجرك اصبر . ((شقة حاتم)) عجايب دخلت لغرفة النوم وهي تسرق نظرات له اخر كلامها معه بالسيارة حاتم متمدد عالسرير على جنبه الايمن واول مادخلت التف لجهته اليسرى عجايب واقفة قبال التسريحة وهي تتعطر وتناظره بالمراية تنهدت/حاتم حاتم غطى عيونه بيده/نامي مع علا الليلة واضح البنت ماهي بعلى بعضها للحين مفجوعة عجايب التفت له وبقهر/وبعدين حاتم وبعدين خلاص ادري غلطت يوم تهاوشت مع الرجال لكن الله يلوم اللي يلومني وقلبي محروق على اختي/ارتجف صوتها/مايحتاج تزيدني قلق بزعلك انت بعد!! حاتم جلس وهو يناظرها بحدة/وعشان ماابي ألومك ولا ابي اسوي مشكلة بيني وبينك لااشوفك اقلها الليلة ياعجايب الليلة!! عجايب وقفت/تدري عاد مو بس الليلة اسبوع قدام ارتاح واقعد لحالك خلاص ارتحت/خرجت بخطوات سريعة وهي تقفل الباب وراها بقوة/ حاتم رمى نفسه عالسرير بقوة وبقهر/ماتفهم ماتفهم ذي الادمية ماتفهم!! . ثابت وقف بالسيارة بمواقف المستشفى الجدة سدول جالسة قدام فتحت باب السيارة بتنزل ثابت مسكها من يدها الجدة سدول ناظرته بحدة ثابت/اصبري ياجدة يمكن يرجعونك خليني انزل واشوف انا الجدة سدول دفت يده/ولد ابوه اللي يردني عن سلطان امش عني بس!!/نزلت وهي تستند على عكازها/ ذهب جالسة وراها نزلت وهي تقفل الباب وتمسكها/ياجدة والله يطردونك ولا عليهم اصبري خليه يشوف وش وضعه ووضعهم بعد الجدة سدول سحبت يدها/وش فيك حتى انتي معه علي الليلة!!اقولك محد يردني عنه تسمعين!! سجايا اللي نزلت معهم مسكتها من يدها/اتركوا جدتي بكيفها محد له دخل فيها الجدة سدول وهي تسرع بخطواتها قد ماتقدر/امشي ياسجايا امشي معي سجايا مشت معها/ابشري ياجدة ابشري وسلطان ماعليه طيب ان شاء الله ماعليه . ـــــــــــــــــــــــــ ـــــــــــــــــــــــــ ــــــــــــــــــــــــ {{يـوم جـديـد}} . //على اشراقة شمس الصباح// . ((السيارة)) ابو فواز وقف عند المستشفى والتفت لها/الله يهديك لو سمعتي لي ورحنا للعيال بالاول؟ ام فواز تنهدت بضيق/العيال ماعليهم بنيتي واحسرتي عليها وش بيصير بها لراحت لبيتها لحالها ابو فواز طفى السيارة والتفت لها/نورة ام فواز ناظرته باستغراب ابو فواز تنهد/سحايب ماطاحت ابد ام فواز ارتجف قلبها بخوف/وش صاير فيها ياجابر لاتفجعني قول ابو فواز/فيه شلة ماتخاف الله هجمت على بيت سراج وبغوا ياخذون علا ام فواز شحب وجهها/وش يبون بعلا!! ابو فواز/ويوم البنات دافعوا عنها انطعنت سحايب ام فواز شهقت برعب زلزلها وارتجف يديها بوضوح/يمّه ياقلبي!!/هلت دموعها/بنتي راحت يمّه ابو فواز مسك يدها يهديها/تعوذي من ابليس سحايب سلمت وعلا سلمت الله ستر عليهم يانورة ربي سلمهم منها ام فواز سحبت يدها منه وبدموعها/لا مااصدقك ابد وانت كاذب علي من البارح مااصدقك مااصدق الا عـيـونـي ياجابر عـيـونـي وبس . {المـسـتـشـفـى} ثابت بانتظار طوارئ الرجال متكتف وساند راسه على كتف نايف اللي جنبه نايف جالس جنبه متكتف وهو ماغفت عينه من البارح للحين ماغاب عن عينه شكله وهو متمدد عالسرير بهدوء وبدون اي حركة وينتظر وصول الخبر ينتظر لحظة الفرج على احر من الجمر يتمنى يشوفه صاحي ويضحك ويسولف كعادته غير ذاك الشكل اللي شافه ويكرهه وكثير الجدة سدول جالسة على كراسي انتظار الطرارئ الخاصة بالنساء متكية بطرف فكها على عكازها وعينها على مدخل الانتظار سجايا جالسة جنبها وهي متكية براسها عالجدار ونايمة ذهب وقفت عند جدتها وهي تمد لها الموية وبيدها كيس/سمي ياجدة الجدة سدول رفعت يدها/مالي نفس ياذهب ذهب تنهدت وهي تجلس جنب جدتها وتخرج من الكيس تصبيرة وعصير وهي تمدها لجدتها/ياجدة مايصير حرام عليك وراك ادويتك الجدة سدول تنهدت/ذهب شيلي النعمة عن عيني الله يديمها علينا شيليها بس ذهب بنرفزة/جدة شفتيه امس نايم واشعته الحمدلله سليمة وش بيفيدك السهر والجوع والله ان انتي تجلسين مكانه سجايا صحت باصواتهم/وش فيه؟ الجدة سدول تسكتها/خلاص ياذهب شوي شوي ذهب/لا الحين انتي يالله يالله مع السكر والضغط واكيد ضرب معك مع سالفة سلطان!! سجايا وقفت وهي تسحب التصبيرة من يد ذهب وانحنت شبه جالسة قبال جدتها بالضبط ورفعت راسها لجدتها وتقطع لقمة ومدتها/سمي ياام جابر الجدة سدول تنهدت/والله والله مالي به نفسي عايفته سجايا اكلت اللقمة ذهب اتسعت عيونها/سجايا!! سجايا وهي تمضغ/سامحناك بالاولى/قطعت اللقمة الثانية ومدتها لجدتها/سمي ياام جابر الجدة سدول مسكت يد سجايا وهي تمدها لفم سجايا/بالعافية سجايا وهي تاكلها/سامحناك بالثانية الجدة سدول سحبت باقي التصبيرة كلها من يد سجايا سجايا احتضنت يد جدتها بين يديها قبل تمدها لها وهي تدفها لفم جدتها/هالمرة مانسامح ياام جابر لنفسك عليك حق لخاطر مضنون العين ماترديني ياجدة الجدة سدول تنهدت ذهب مدت العصير لجدتها/سمي ياجدة سمي . {الـمـزرعــة} سعد دخل للمزرعة بالسيارة مريم كسرت الصمت اللي غالب الجو من مسكوا الخط محد نطق بحرف منهم للثاني بابتسامة/الحمدلله على السلامة يارجال بيتي نورتوا البيت سعد وقف بالسيارة/الله يسلمك/نزل/ الـعـم يُسر فتح باب السيارة/الله يسلمك/نزل/ سعد شال شنطة ابوه وعمته المشتركة ناظر ابوه اللي يمشي قباله متجه للبيت تنهد وهو ينزل الشنطة ويجري له سلم على راسه/ياابو حمد الـعـم يُسر دفه عنه/امش عني سعد/يبه!! الـعـم يُسر مارد عليه وهو يمشي سعد سلم على راسه من جديد وهو يمسك يده ويسلم عليها مريم نزلت من السيارة وقفلت الباب وراها وتناظرهم باستغراب ماتدري وش فيهم الـعـم يُسر سحب يده وبحدة/امش عني ياسعد سعد/كل ذَا زعل عشان رديت عمي!! الـعـم يُسر/لا بالله مازعلت!! سعد/اجل!! الـعـم يُسر بعصبية/تخطط من راسك وتخطب ولاتعلمني الا بعد ماتزوج ولدك ياسعد سعد سلم على راسه/يعقب سعيدان يسويها ياابو حمد يعقب الـعـم يُسر دفه/هذا انت سويتها وخلصت!! سعد تنهد/يبه يشهد الله ماخطبت ولا شي الـعـم يُسر اتسعت عيونه وبنبرة عالية/وتكذب!! سعد/اجل ارد عمي بدون كذبة ماتعرفه!! الـعـم يُسر ضربه بعكازه بحدة/فوق شينك قواة عينك!!اعقب ياسعيدان اعقب!! سعد وهو يمسح على يده/يبه ماابي بنت عمي ماابيها والله الـعـم يُسر يناظره بحدة سعد/فاطمة مثل اختي وشلون اعرس عليها وشلون!! الـعـم يُسر/كلنا اعرسنا على بنات عمّانا محد قال مثلك سعد/انا ماني بمثلكم الـعـم يُسر اتسعت عيونه وهو يرفع عكازه ويجري له وبصرخة/اعقب!!! سعد جرى وهو يتجه لمريم/يبه اصبر اسمعني اصبر/وقف ورا مريم/ الـعـم يُسر وقف قبال مريم/ابعدي عني يامريم والله لااكسر هالعصا على راسه سعد من ورا مريم/يبه ماقلت شي الله يعز بنات الـعـم ويكرمهن لكن انا مـاهـو بدربي بنت عم ابد الـعـم يُسر/انت اطلع بوجهي وقلها وانت اتدسس ورا عمتك اطلع وخلك رجال!! سعد/عشان تكسرني لا والله مااطلع وبعدين انت تقول مازعلت يوم رديت عمي ليش زعلت الحين!! الـعـم يُسر بغبنة/وينشد بعد!! مريم مسكت يد الـعـم يُسر/يُسر الـعـم يُسر ناظرها/لاتوسطين له كاسره كاسره مريم تنهدت وهي تلف لسعد سعد بترجي/ياعمة تكفين ياعمة انا بوجهك مريم مسكته من اذنه وشدتها سعد/اااه ياعمة الـعـم يُسر يناظره بحدة مريم/اخطيت على بنات عم ابوك قبل عمانك وانت تدري بحميّة ابوك!! سعد ويده على يد مريم اللي شادة اذنه للحين وعينه على ابوه/السموحة يبه السموحة الـعـم يُسر زفر وهو للحين مغتاظ مريم دفت سعد وهي تسحبه من اذنه لابوه/سلم على راسه سلم سعد سلم بسرعة ورجع تخبى ورا مريم الـعـم يُسر تنهد وهو يناظره/والدبرة بكذبتك الحين والله ان تاخذها طرق دام هاذي علومك سعد بترجي/يبه تكفى!! مريم/سعد انا بأزوجه يايسر اتركه عنك وكلام اخوانك وحريمهم خله بوجهي انا سعد بلع ريقه وهمس/عمة الـعـم يُسر/من وين وحنا مانعرف احد!! مريم/انت ماتبي تزوجه وتحفظ ما وجهك عند اخوانك ماعليك اتركها علي الـعـم يُسر/لا يامريم لا!!الزواج مـاهـو بلعب مريم/يعني انا مرخصه ولدي يايسر!! الـعـم يُسر/محشومة محشومة يامريم محشومة لكن مريم قاطعته/انت اتركها علي والله ييسرها ان شاء الله سعد شحب وجهه وعض شفته وهو يحس بحرارة احتوت جسمه ووجع بصدره بكره للي يسمعه الـعـم يُسر تنهد/خير خير/ناظره/احمد ربك انت عمتك فزعت لك يالمطيور(مستعجل)/مشى/ سعد همس/مريم يامريم مريم همست وعينها على الـعـم يُسر/اسكت ماني بخاطبة لك وانا ادري بعلومك ارتاح سعد تهلل وجهه/صدق مريم/رح لابوك بس رح سعد جرى لابوه وهو يسلم على راسه/ياجعلني فداك ياابو حمد مريم مشت وراهم بابتسامة الـعـم يُسر دفه عنه/الله من الاكذاب بس!! سعد حط يده على كتف ابوه/افا افا ياابو حمد افا والله خاطرك بالدنيا عندي الـعـم يُسر/ايه بالحيل بس اسكت لاتخسف بنا من اكذابك سعد بزعل/يبه ماني بكذوب!! الـعـم يُسر/وسيع وجه وكذوب بعد بس تريّح //الكل التفت باستغراب على صوت السيارة اللي تمر// الـعـم يُسر باستغراب وهو يناظر اللي داخل السيارة/الوجه مـاهـو بغريب علي!! سعد/هذا نسيب سلطان يبه . الـعـم يُسر/افزع رحب افزع سعد رفع طرف ثوبه وهو يحاول يلحق السيارة وصفر/ياولد ياولد . {سـلـطـان و فـتـنـة} فتنة مميلة راسها ومستندة على يديها اللي على طرف سريره ووجهها عند منتصف يده اليمين سلطان متمدد على ظهره عالسرير فتح عيونه بشويش وعينه عالسقف فوقه كشر بوجهه بانزعاج كم يكره يشوف سقف بهاللون الرمادي ضاقت انفاسه واختنق وهو يتذكر ذاك السقف اللي صاحبه15سنة اخذ نفس عميق حتى يهدا زفره بهدوء وهو يحاول يتذكر اللي صار معه داهمه صداع قوي اجبره يغمض عيونه وهو يرص على اسنانه من الم الصداع رفع يمينه ومسك راسه بها وسط اخذه العميق لنفس يملي به صدره عسى هالصداع يخف التفت بتقطيبة جبينه من لمح بطرف عينه السواد اللي جنبه غير وضعية تمدده من على ظهره لجنبه الايمن بكل هدوء فتنة نايمة بهدوء سلطان رفع راسه بشويش شوي وسنده تحت يمينه وثنى نفسه ووجهه مقابل لوجهها بينهم مسافة بسيطة تنهد وهو يناظر وجهها الذابل بعيونه اللي تنطق ذبول مثل وجهها من تعبه تاملها بهدوء(كيف تصرفت وقت تركها لحالها واجبرها تتحمل مسوؤليته..كم بكت عليه وعلى نفسها بهالموقف..كيف مر عليها الوقت وهي تعيش الخوف لحالها..كيف رجفة قلبها وقت استقبلته ونادته وهو ماحس فيها..)غمض عيونه من صداعه اللي هدا للحظة ورجع اقوى من قبل تنهد بصوت عالي غصب فتنة فتحت عيونها من سمعت الصوت القريب منها سلطان ابتسم بهدوء وهو يناظرها فتنة غمضت عيونها وفتحتها مرة واثنين تتاكد من اللي تشوفه غرقت عيونها دموع وانسابت دمعة وهي تهمس/اسفة سلطان سحب يمينه من تحت راسه وهو يمدها لوجهها ومسح دمعتها وبصوته المبحوح/على وشو؟ فتنة زادت دموعها غصب من سؤاله سلطان حط كفه على خدها وهو يناظر وجهها الباكي وبضيقة/لاعاد تبكين يـافـتـنـة لاعاد تبكين فتنة احتضنت كفه بين خدها وكفها وبهمسها/وسلطان فتنة مايكفيه بحور الدموع كيف لاصارت المتسببة فيه فتنته!! سلطان ابتسم بحب/سلطان قالها من اول كلي لها والحين اقول حتى لو الكل نهايته حفرة فتنة برجفة صوتها الهامس/الله لايجيب طواري هالايام سلطان ابتسم/لو دريت ان فتنة سلطان تجر عذب الكلام كان قمنا بالواجب من زمان فتنة وهي تشد على كفه فوق خدها بكفها الصغيرة بالنسبة لكفه وبتقطيبة وجهها/ماعاد نبي لابلح ولارطب ولاحتى تمر سلطان ضحك بخفة وتوجع من ألم راسه غمض عيونه وهو ينكمش على نفسه اكثر/اااااه فتنة جلست بخوف وهي ماسكة كفه/وش فيك؟ سلطان بهمس/صداع صداع لاتخافين فتنة وقفت وهي تترك يده والتفتت له سلطان مسك يدها بسرعة بخوف تبتعد عنه وبابتسامة/ترا دوا سلطان فتنته/رفع لحافه لها/ فتنة ناظرته بتردد للحظة اخذت نفس وهي تتمدد جنبه سلطان ابتسم وهو يغطيها بلحافه ويحاوطها بين يديه تنهد من كل صدره وهو يغمض عيونه وابتسم بحب وهو يسمعها فتنة دفنت نفسها بحضنه/الحمدلله على سلامتك ياسلطان فتنة الحمدلله . {الـمـسـتـشـفـى} ابو فواز برا الغرفة يناظره بهدوء سراج/الحمدلله مرت على خير ووضعها تمام اللهم لك الحمد دامها صحت وامورها تمام ماراح تطول بالمستشفى وبترجع بيتها ان شاء الله ياعم انت بس تطمن ابو فواز تنهد/والحل الحين؟ سراج ناظره مارد ابو فواز/وش هالمصيبة اللي طاحت عليكم وانتوا تو ماقلتوا بِسْم الله!! سراج/والله ياعم للحين ماندري ابو فواز/سويت شي لاحد غلطت على احد؟احد قاصدك بشر؟ سراج ابتسم/استغفر الله ياعم تدري مالي احد لاصاحب ولا حبيب ابو فواز/وهذا البلا!! سراج تغير وجهه ابو فواز/يمكن انك رامي كلمة واخذها بشر عليك سراج بابتسامة شاحبة/لا ياعم لا اعوذ بالله ابو فواز/اجل وش قولك للي جا لبيتك وناويها شر هاه؟ سراج تنهد/والله مدري ياعم مدري ابو فواز/السالفة مافيها ماادري شف العلم وشو وافهمه كله ياسراج سمعت سراج/المشكلة ياعم مافيه كاميرات لاعندنا ولاعند الجيران وذي مشكلة ابو فواز/مايهم الحين اللي يهم تعرف من ذَا ووش يبي سمعت؟ سراج/ابشر ياعم ابشر ابو فواز/هالمرة سلموا المرة الجاية سراج قاطعه/مافيه مرة جاية الله لايقوله ابو فواز/الله يستر ياسراج الله يستر سراج/ياعم انا ابي اروح لشغلة ضروري ابو فواز هز راسه/رح رح وانا عمك انا وعمتك عندها رح سراج سلم على راسه/مشكور ياعم مشكور ماني متأخر ابد ماني متأخر/مشى/ . ،،داخل الغرفة،، ام فواز جالسة جنبها بدموعها تناظرها سحايب بوجهها الشاحب وصوتها المبحوح/يمّه خلاص والله طيبة خلاص ام فواز بضيقتها/عساك من خير بخير ياروح امك سحايب بتعبها همست/يايمه خلاص بنتك طولك وعيالها اطول منك كفي دموعك عساها ماتنزل الا بفرح ام فواز هلت دموعها من جديد/والله والله لو تعمرين بهالدنيا دهر تظلين سحابة امها الصغيرة اللي تخبى بحضني لاياخذون حلاوتها منها سحايب هلت دموعها/يمّه ام فواز مدت يديها وهي تمسح دموع سحايب/ياعين امك سحايب/شفت الموت يمّه ام فواز تمسح دموع سحايب وناسية فيضان دموعها وبرجفة صوتها/عساه بمصايب مالها اول من اخر هاللي مايخاف ربه ياسحايب سحايب بكلمات مقطعة وسط شهقاتها/بياخذون بنتي يمّه بياخذونها مني بالقوة وين اخبيها ووين اتخبى يمّه وين؟ ام فواز انحنت وهي تبوس على جبينها وتمسح دموعها/اخبيك بحضني واشيل عيالك بعيوني واقفل عليكم عنهم ياعين امك ياسحايب سحايب بكت ام فواز تمسح دموع سحايب بقلة حيلتها وهي ماتقدر تضمها بخوف عليها من جرحها ابو فواز دخل وتنهد وهو يناظرهم ابتسم وهو يطرد الكابة عن وجهه/الحمدلله على سلامة سحايب ياام فواز الحمدلله . {سـلـطـان و فـتـنـة} فتنة متجمدة بدون اي حركة وهي متوسطة حضنه تحس بنص جسمها تخدر من كثر ثباتها بنفس الوضع يتهيأ لها مر دهر عليها وهي كلها دقايق معدودة حتى انفاسها تاخذها بهدوء وبعدم راحة سلطان مغمض عيونه ثاني نفسه وهو ملاصق جسمه لظهرها ودافن انفه بطرحتها المبعثرة من شعرها اللي تبعثر تحتها يستنشق ريحتها بهدوء وهو لاول مرة يكون بهالقرب منها كل هالفترة همس لها/خذي نفسك وريحي يـافـتـنـة حتى يرتاح سلطان معك فتنة همست/سلطان سلطان بنفس وضعه همس/ياعين سلطان فتنة/مضنون عينك برا سلطان فتح عيونه بصدمة/هاه!!/فز جالس وحس بوجع براسه وهو يرفع يده يمسكه ومغمض عيونه/متى؟وليش درت!! فتنة جلست وهي تلتفت له تناظره/اسفة والله مو بيدي بدر اللي بلغهم واصر بعد سلطان ناظرها بوسع عيونه/اهلك بعد دروا!! فتنة توترت من نظرته وهي تقوم من السرير/بدر بس سلطان اخذ نفس وزفره بصوت وهو يقوم من السرير/الله يستر عليها الله يستر/وقف وحس الدنيا دارت فيه مد يده بسرعة وهو يحاوط يده على رقبة فتنة يسند نفسه بوجه تغير من هالدوخة اللي داهمته/ فتنة تغير وجهها بخجل وهي ترفع نظرها له سلطان ابتسم بتعب وهو يناظرها/سلطان فتنة الظاهر بيتعبك هالمرة يافتنته . ((شقة فواز)) ،،الصالة،، جواهر متمددة عالكنبة وعيالها قبالها عالارض يلعبون جابر تغير وجهه من سمع صوت الباب وهو يجمع الاغراض بسرعة مع مساعدة خواته الصغار وجرى لداخل البيت جواهر جلست بثقل من حملها وتنهدت/ياماما تعال وش فيك!! نورة مشت وراها بخطواتها السريعة مبتعدة عن الصالة تلحق جابر وجوهرة تلحق اخوانها بضحكة لطيفة وهي تحاول تسرع بخطواتها الصغيرة وراهم فواز دخل وهو ينزل شماغه ويرميه جنب جواهر عالكنبة/السلام عليكم/ جواهر وعليكم السلام والرحمة فواز جلس عالارض وتكى بظهره عالكنبة وهو يسحب الريموت من عالطاولة ويقلب بالتلفزيون جواهر وقفت فواز بدون لايناظرها/ارتاحي لاتسوين شي جواهر تنهدت وجلست/فواز فواز/خير جواهر/انت شايف كيف صار وضع العيال معك؟ فواز التفت لها بتقطيبة جبينه باستغراب/خير وش فيهم بعد؟!! جواهر ناظرته ساكتة فواز/وش فيك؟ جواهر تنهدت وهي توقف فواز مسك يدها/لاتكلميني بالالغاز ماني بناقصك بعد!! جواهر كشرت بوجهها من كلامه فواز/يكفي راسي مليااااان مايحتاج تزيدينه جواهر/اذا مالاحظت يافواز فهاذي مصيبة!!/مشت/ فواز طنشها وهو يوقف ويرتمي عالكنبة مكانها ويرفع صوت التلفزيون جواهر وقفت قبل تخرج من الصالة والتفتت له/فواز فواز بغيظ/جواهر وش فيك اليوم هاه وش فيك علي!! جواهر/تبي الصراحة؟ فواز/قولي قولي مو انتي اليوم ماانتي بناوية علينا بخير جواهر ناظرته بصمت فواز بحدة/وش فيك اليوم عيونك شغّالة انطقي!! جواهر هونت عن اللي ودها تقوله/المهم تحمد لعمتي وعمي لاخوانك اذا ماتدري للحين؟ فواز قطب جبينه/ليش وش صاير بعد؟ جواهر/سحايب وسلطان بالمستشفى فواز/سلطان ونقول جزاه بالدنيا لكن سحايب!! جواهر احتدت نظرتها بقهر منه/قل امين يافواز فواز كشر بوجهه جواهر بقهر/الله يكفي عيالي شر افعالك يافواز ربي يكفيهم/مشت/ فواز حذف خدادية الكنب بغبنة وطاحت عالارض خرج جواله وهو كل تفكيره بسحايب وش صاير لها . ريان وقف بالسيارة عند بيت ابوه نزل منها وهو مستند على عكازه رن الجرس غياث فتح الباب بعد دقايق من رنة ريان للجرس ابتسم وهو يعدل شنطته اللي على ظهره/يالله ريان بابتسامة/وين الشباب؟ غياث/جايين وراي طلال وقف عندهم من داخل البيت وعينه بريان/ماشاء الله ماشاء الله لاسلام ولاسؤال!! غياث كشر بوجهه بانزعاج ريان/وليه السلام والسؤال مايجي من المخطي وذا الحق والواجب كله!! طلال كشر بوجهه/وطول لسانك بعد!! ريان بحدة/اللي شفته مو شوي!! طلال بحدة/عشان تعرف وين الصح وتستوعبه زين ريان مارد عليه وهو يكتم غيظه واللي وده يقوله وناظر غياث/رح ناد اخوانك بسرعة يالله غياث لف بيمشي لداخل البيت طلال مسكه من شنطته يوقفه/لحظة لحظة لحظة!!على وين!!الدنيا لعب وبكيفكم!! ريان احتدت نظرته غياث يناظره بغيظ اصيل وقف عندهم/اخوي مارحنا مع غريب!! طلال التفت يناظر اصيل وراجح اللي وقف عنده/ماشاء الله ماشاء الله حتى لو اخوك ابوي يدري؟سمح لكم؟ غياث سحب شنطته من يد طلال وهو يوقف جنب اخوانه تركي وراهم/ابوي مايمنعنا عن شي طلال/يعني ماقلتوا له ياالله انت واياه انقلعوا داخل يالله تركي مارد عليه ومشى بيخرج طلال مسك تركي من يده/هيه انت ريان رفع عكازه وهو واقف مكانه وفك يد طلال عن تركي طلال التفت له بحدة ريان/بهدوء تكلم وتفاهم مو تمشي رايك غصب!!وبعدين يعني بأجي اخذهم وابوي مامعه خبر!! طلال ناظر تركي بحدة وهو اللي لف الموضوع راجح مر من جنبه ووراه اخوانه/ابوي يدري تركي ابتسم وخرج ريان مشى لسيارته راجح خرج وخرجوا اخوانه طلال فاض قلبه من كثر الغيظ اللي يحس به ورجع بخطوات سريعة لداخل البيت . {الـمـسـتـشـفـى} سلطان يخطي خطواته بهدوء وهو مستند على فتنة فتنة تدف المغذي بيمينها وهي محاوطته من وسطه بيسارها ساندته ورافعة راسها له تناظره بقلق/سلطان سلطان نزل نظره لها بابتسامة/ياعين سلطان فتنة/عادي كرسي سلطان قاطعها/لا يـافـتـنـة لا تموت جدتي من الخوف فتنة سكتت بضيق سلطان وقف وقباله الطوارئ اخذ نفس نزل يده وهو يترك فتنة ويسند طوله فتنة ناظرته/مابعد وصلنا سلطان اخذ المغذي منها وهو يدفه ويمشي/يالله فتنة اسرعت الخطوتين اللي سبقها فيها وهي توقف جنبه وتمشي معه سلطان وقف على مدخل طؤارى الرجال واتسعت عيونه من الموجودين فتنة اسرعت بخطواتها لطواري النساء سلطان مرر نظره عليهم وباستغراب ماتوقع وجودهم ابتسم برضا رغم شحوب هالابتسامة من تعبه/يامرحبا!! الـعـم يُسر وسعد وبدر وقفوا نايف فز من مكانه يجري وهو يرتمي بحضنه يضمه سلطان تراجع خطوة لورا بضحكة/شوي شوي نايف تعالت اصوات غير مفهومة للمتواجدين عكس سلطان وثابت اللي فهموها وكلها خوف اختلط بعتاب ولوم لاهماله لنفسه سلطان ضمه وهو يمسح على ظهره بحب وحنان وكانت هاللمسات اللطيفة كافية لتهدية نايف اللي اجتاحته مشاعر رعب عاشها بهدوء طول ليلة انتظاره نايف تركه وهو يناظره بغيظ بوجهه المكتنز باللون الاحمر سلطان حاوط رقبته وهو يخفي دوخته وبضحكة خفيفة/خلاص عاد والله لو اني اصغر عيالك!!شفني حصان قدامك حصان مافيني الا العافية الـعـم يُسر بغيظ/الله يلوم من لامه!!ويومك حصان ترخص روحك!!/رفع عكازه بتهديد/واحلالاه من يعلمك يالحصان بعد العصا وشلون تغدي سلطان ضحك/ياعم مين ولدك انا ولا هو؟ الـعـم يُسر/وانا جده مـاهـو انت ابوه!! سلطان بابتسامة/صدقت صدقت!!/ناظر نايف وهو يتركه ويدفه بخفة لقدام/رح ياولد سلم على راس جدك رح الـعـم يُسر بغيظ/سلطان!! سلطان تنهد وهو يتقدم للعم يُسر ويسلم على راسه الـعـم يُسر سلم عليه بحرارة/الحمدلله على سلامتك ياولدي الحمدلله سلطان بابتسامة/الله يسلمك ياعم الله يسلمك سعد سلم عليه/اجر وعافية ياسلطان ماتشوف شر اجر وعافية سلطان بابتسامة/مايجيك ياسعد مايجيك ثابت سلم عليه وهو يتحمد له بالسلامة سلطان بابتسامة/الله يسلمك ياثابت الله يسلمك بدر سلم عليه/خطاك السو يالنسيب خطاك سلطان بابتسامة/الله يسلمك وانا اخوك الله يسلمك/مرر نظره عليهم وبابتسامة/العذر منكم ام جابر تنتظرني الـعـم يُسر/الله معك الله معك سلطان التفت بيخرج وقف وهو يناظرها الجدة سدول واقفة قباله وبدموعها/الف الحمدلله على سلامتك يامضنون عيني الف الحمدلله سلطان اسرع بخطواته لها وهو يرتمي بحضنها يضمها الجدة سدول/ياعسى عيني ماتبكيك ياعين سدول ياعساها ياسلطان سلطان ضمها اكثر وبرجفة صوته/ولاتبكيك ياعين سلطان ماتبكيك الجدة سدول تركته من حضنها وهي ماسكة يده وزغرطت سلطان ابتسم الجدة سدول/والله والله لاذبح لاجل عينك وانا سدول والله سلطان غمز لها/خليها للثانية ياسدول حجة بحاجة الجدة سدول ناظرته بنص عين/لا الحمدلله طيب يومك تمزح هالمزوح طيب ماعليك/ضمته لها وهي ماهي مصدقة وقوفه قبالها/الحمدلله على سلامتك الحمدلله سلطان تنهد براحة/الله يسلمك ياجدة سلطان الله يسلمك . ((بيت ابو عمر2)) ابو عمر مميل جسمه ومتكي بظهره عالمسند اللي ورا ظهره وعينه عالتلفزيون اللي يتردد صدى صوت المذيعة باخر الاخبار بالصالة طلال جالس جنب ابوه وهو طفش من هالجو/يبه ابو عمر بدون لايناظره/خير طلال/يبه ليش تترك العيال يروحون مثل مايبون ابو عمر التفت له شوي وهو يناظره عن طرف طلال/انت تدري بيروحون مع ريان وبدر والله يستر وش بيقولون لهم ابو عمر احتدت نظرته وهو يعتدل بجلسته/وش بيقولون؟ طلال/الله اعلم يبه الله اعلم!! ابو عمر بحدة/طلال اخوانك اخوانك!! طلال/مو عشانهم اخواني جمعهم يبه هينا كلهم على عينك ولا نسيت بدر وكلامه!! ابو عمر بحدة/وش ماكان يكون ياطلال لكن اخوانك خط احمر حتى لو يغلطون يظلون اخوانك وتحشمهم تسمع!! طلال/يايبه يايبه انت فهمتني غلط!!انا ما أتهمهم بشي ابد كل اللي ابيه انك تعقل هالكبار حتى ماتقوى شوكة الصغار بس!! ابو عمر سكت طلال/وبعدين يبه تركت بدر يتطاول على راحته هاذي هي فتنة راحت وهو ماحسب لك حساب للحين!!المفروض يجي من نفسه يراضيك ابو عمر/عقله براسه ويعرف وش نهاية عناده طلال/وواجب عليك يبه توعيه قبل نهايته!! ابو عمر تنهد/اخر الكلام ياطلال؟ طلال/تربيه يبه تربيه من اول وجديد حتى اللي بعده يتعظون منه . سراج واقف على باب بيته وهو يناظر العامل/كويس يامحمد كويس ركبها العامل طالع عالسلم وهو يركب الكاميرا على باب البيت ابو ماهر وقف بسيارته وهو مقطب جبينه يناظره نزل من السيارة ووقف قباله/ماشاء الله ماشاء الله عقب اللي سويته تغسل يديك؟!! سراج تنهد ومارد ابو ماهر/من هو ياسراج انطق من هو؟ سراج التفت له/وان حلفت لك يبه مالي شغل بالسالفة!!اصلا يبه كيف اضر اهل بيتي كيف!! ابو ماهر يناظره بتكذيب/سراج كل شي يتغير بهالدنيا الا انت ماتتغير سراج/والله يبه انا تعبت تعبت وبالحيل ابو ماهر/ماهو بكثري ياسراج مـاهـو بكثري ياخوفي ماصار اللي صار الا من رداة فعولك سراج بغبنة وصوت عالي/تركتها يبه تركت هالشغلة من سنين سنين يبه ليش للحين تذكرني بها ليش ابو ماهر يناظره بتكشيرة سراج/والله يبه ان رجعت لهالامور فهو منك ابو ماهر احتدت نظرته/وشو!! سراج/صحيح يبه سترت علي لكن عيونك تلومني وتستنقصني وتتهمني بكل خطوة تبت يبه وتركت وعفت ليش ليش تطاردني بهالذنب ليش!! ابو ماهر/هو ذنب!!ذنوووب ياسراج ذنوووب سراج/كملها يبه كملها عسى الله يتوب علي يوم تركتها عساه يتوب وتنسى انت وتتركني يبه ارحمني تكفى ارحمني خلااااص!! ابو ماهر ناظره بغيظ وتركه وهو يدخل لداخل البيت بخطوات سريعة بدون لايرد عليه . ـــــــــــــــــــــــــ ـــــــــــــــــــــــــ ــــــــــــــــــــــــ {{يـوم جـديـد}} . {الـمـزرعــة} ((بيت سلطان)) ،،غرفة نوم خاصة بالضيوف،، الجدة سدول متمددة على فراشها ونايمة سجايا خرجت من الغرفة بشويش وهي تتجه لدورات مياه الضيوف اللي تبعد عنها كم خطوة وقفت وهي تناظر ذهب ذهب تتوضأ ناظرتها/بدري سجايا بنوم/من عمرك الحين باصلي ذهب/الحين ضحى ضحى ياعيوني سجايا اتسعت عيونها/نعم!!مالت علي وليش ماصحيتيني!! ذهب/وش اسوي فيك جثة ماتتحركين بس ازعجتينا بمنبه جوالك عالفاضي!! سجايا تنهدت بضيق/وانا اللي مخططة لشروق الشمس في المزارع الخضراء/كشت بيدها على وجهها/مالت عليك ياسجايا مالت ذهب/الحقي صلي الفجر بس ولاتصحين جدتي الى مايجهز الفطور وبعدها يصير خير سجايا وهي تتجه لدورة المياه اللي قبالها/طيب طيب ان شاء الله بس الحق اشوف من الـمـزرعـة شي ذهب ابتسمت/بسرعة طيب عشان نطلع نفطر برا بسرعة . ((بيت الـعـم يُسر)) مريم مدت لها الكيس/خلي سعد يمشي معك يابنتي فتنة باحراج/لا ياخالة مشكورين ماتقصرون مريم تنهدت/الحين بيقابلونك العمال بطريقك اليوم به عمال يصلحون البركة فتنة/لا وين ياخالة بدري وبعدين طريق البيت غير عن الـمـزرعـة مريم مسكت يدها وباصرار/اسمعيني خلي سعد يناظر طريقك بس مـاهـو بماشي معك فتنة تنهدت/ياخالة لاتحرجيني مع ولدك تكفين وبعدين تاخرت اتركيني اروح قبل يصحون ضيوفي والفطور ماجهز للحين مريم/قلت لك خليه علي اجهزه اسرع منك فتنة/ياخالة اهلي واول مرة يدخلون بيتي ابشري المرة الجاية انا ضيفة معهم بعد مريم/ياعسى الضيوف كلهم مثلك وشرواك يـافـتـنـة فتنة وهي تمشي بابتسامة/يالله ياخالة سلام اشوفك شوي مريم بابتسامة/ان شاء الله ان شاء الله/ظلت واقفة مكانها تناظرها الى مااختفت عن عينها/ فتنة تسرع بخطواتها لبيتها وهي مشغول فكرها(هل صحى سلطان..وكيفه وضعه اليوم..الجدة سدول والبنات صحوا او للحين..ارتاحوا بنومتهم مع المكان الغريب عليهم او لا..الفطور ووش تجهز لهم..)وبوسط عالم افكارها البسيطة ماانتبهت للي يتابع خطواتها بصدمة من تواجدها بنفس مكان تواجده والصدفة الغريبة التفت من سمع اسمه وهو يسرع بخطواته يلحقهم . {عجايب و حاتم} عجايب دخلت وبيدها المبخرة وقفت جنبه وهي تمد له المبخرة/تفضل حاتم واقف قبال التسريحة وهو يتعطر دف يدها بخفة رافض/مشكورة تعطرت عجايب باصرار وهي تمدها/الله تراه بخور مابيضر!!الا يزيد الطيب طيب!! حاتم بنرفزة/اوووف خلاص عجايب خلاص عجايب ناظرته وبغيظ/انت ماتبي البخور ولا ماتبيني خلك واضح!! حاتم/لااله الا الله!! عجايب/ايه تكلم خلك صريح وش ذَا الزعل اللي ماطاح من البارح حاتم بنرفزته/وزعلك اللي مايطيح الا بعد سنة ياعجايب هاه وزعلك!! عجايب رمشت/نعم!! حاتم/قلت لك ماابي بخور تعطرت وين الزعل بالموضوع وينه!! عجايب/ايه مو انت زعلان وكل شي اسويه ترده ماتبي مني شي ماعرفت لك وش تبيني اسوي يعني وشو!! حاتم/والله عاد فهمتي سالفة البخور زعل او لا بكيفك انا رايح دوامي ماني بفاضي لك/مشى بخطوات سريعة وهو يتركها/ عجايب تناظره بصدمة من تصرفه . ((بيت سلطان)) ،،المطبخ،، فتنة دخلت للمطبخ وهي تنزل عبايتها من جهة وتحط الكيس عالطاولة الصغيرة اللي تتوسط المطبخ وكملت تنزيل عبايتها وهي تفتح الكيس وتخرج المعلبات والدقيق ذهب دخلت بابتسامة/صباح الخير فتنة ابتسمت/ياأهلاً ياصباح النور ذهب وهي توقف جنبها/وش عندك فتنة/روحي ارتاحي نص ساعة ان شاء الله والفطور جاهز ذهب/وش هالكلام!!يدي على يدك مع بعض ونخلص سجايا دخلت بابتسامة/صبااااحووو فتنة ابتسمت/ياصباح الخير/ناظرت ذهب/وش تحبون عالفطور عادةً؟ سجايا وهي تسحب الكرسي قبالهم وتجلس/ناكل كل شي واي شي عادي مانتشرط ذهب/كله نعمة محد يقول شي يـافـتـنـة فتنة هزت راسها/تمام بس رايحة شوي وراجعة سجايا غمزت وبابتسامة/روحي روحي الله معاك ذهب ناظرتها بحدة فتنة تغير وجهها باحراج/عن اذنكم وراجعة سجايا/على راحتك على راحتك يـافـتـنـة فتنة خرجت من المطبخ بخطوات سريعة وهي تتفادى نظراتهم ذهب حذفتها بعلبة الزبادي سجايا مسكتها وبوسع عيونها/نعمة نعمة وش فيك!! ذهب بحدة ومن بين اسنانها/عيب عليك البنت ماتعرفك وانتي داخلة بكل بجاحة!! سجايا/مو عشان كذا ابي ادخل معها بسرعة!! ذهب/اتركي اسلوب عجايب عنك وانتي بنفسك معترفة بثقل دمها سجايا تناظرها بتكشيرة/والله لااقول لعجايب اصبري بس ذهب/روحي لثابت بس وقولي له يجيب خبز روحي سجايا وقفت وهي تنزل الزبادي عالطاولة وبحلطمة ومشت/وش سويت عشان تزعلين علي يمّه منك يمّه!!اتجهت للمجلس وفتحت الباب وكشرت بوجهها وهي تطالع الدنيا ظلام تنهدت وهي تفتح النور/ثبتي ** نايم بزاوية المجلس قبالها معطيها قفاه ومتغطي كله سجايا تنهدت وهي تدخل/هيه ثابت ولد/وقفت جنبه/ثابت هيه ثابت/انحنت وهي تسحب البطانية قطبت جبينها وهي تشوفه ماسكها/وبعدين معك يالله قوم ماصار كل ذَا نوم!! *** مارد وهو يبلع ريقه بحيرة وشلون يتصرف سجايا ابتسمت بخبث ورفعت رجلها وهي تشوته بكل قوتها وبصراخ/ثاااابت ***تكور على نفسه تحت البطانية وهو يهتز بألم بدون لايلف عليها سجايا ضحكت بوناسة/يمّه منك وش هالادب اللي طاح عليك مرة وحدة!!/رجعت ورا بخوف منه/لايكون بتجلدني بعد الشوتة والله لاقول لجدتي انك انت اللي بديت ثابت وقف على باب المجلس بصدمة وهو يناظرها ورص على اسنانه وبوسع عيونه وهو يقصر صوته/سجايا!!! سجايا التفت له بصدمة وهي تناظره وتناظر اللي متغطي شهقت وهي تجري له/يممممهههه!! . اللهم صل وسلم على نبينا محمد . #سلطان_الهوى_يافتنة_الألفية | ||||
|
| |
 |
| أدوات الموضوع | |
| انواع عرض الموضوع | |
|
|
162Likes
العرض العادي
