10-11-22, 10:37 PM
| #82 | |||||
 
|  اقتباس:
| |||||
|  |
|
10-11-22, 10:38 PM
| #83 | ||||
| 31 تفاعل لطفا❤❤ - ((شقة حاتم)) عجايب جالسة بصالة بيتها قبال التلفزيون اللي شغال عالاغاني وهي تشرب قهوتها وتحلي تحاول تروق بعد اللي صار حاتم دخل للبيت بخطوات سريعة وبعصبية تمثلت بصراخه/بنت ياعجايب وينك!!هييييه عجايب!! حازم انتفض قلبه من صراخ ابوه وهو ظل واقف على باب البيت وهو يراقب ابوه الثاير المبتعد بخطوات سريعة عنه ماتقدم ولا خطوة بخوف من اللي بيصير وبدون اي توقعات وهو مرتسم بباله مهما غلطت انه يظل ابوه الحليم اللي يعصب شوي ويهدا لكن هالمرة كل شي يأكد لهالقلب الصغير ان كل شي غير،غير عن كـل مرة ظل واقف ماتجرأ يخطي اي خطوة ابد عجايب فزت للحظة وهي متوقعة اللي بيصير اخذت نفس وهي تكمل قهوتها ببرود حاتم وقف عندها وهو يناظرها بحدة/ماشاء الله ماشاء الله وبعد سواد وجهك تتقهوين عجايب نزلت فنجالها وهي تلتفت له/قصر صوتك لو تكرمت عيالك نايمين ذا اولا/وقفت وهي تتكتف/وثانيا اسمعك وشو له الصراخ ناوي تلم العالم علينا وبعدين وش سواد الوجه ذا اللي تقول عنه انا ماسويت شي تتهمني باطل وش ذا الخرابيط!! حاتم ضحك بقهر/أجل اتهمك باطل هاه!!/وبنبرة عالية وهو يتجه لها/وقلة الحيا ولسانك الطويل ذا اللي ماحشمني قدام الرجال/وقف قدامها وبغيظ/سكت عنك بالمستشفى والتمست العذر قلت اختها واعذرها ولو انه احد غيري يعلم الله ماعذر ابد عجايب ميلت فمها وهي تسمعه حاتم بقهر/ووش النتيجة ياحاتم هاه؟!!تمااادت تمادت عجايب فكت يديها وهي تتنهد ناوية تعتذر له/حاتم انا حاتم قاطعها وهو يضرب بيده على صدره/مااحترمتي وجودي ولا حفظتي كرامتي إلا أهنتيني وليته قدامي من وراي من وراي ياعجايب!!وبالاخير كل همك لايسمعون هاوشتنا ذا اقصى همومك!! عجايب/ايه نتهاوش ماعندي مشكلة وذا الطبيعي الازواج يتهاوشون لكن نصير تلفزيون لغيرنا لا لا ياحاتم والف لا حاتم رص ع اسنانه بقهر وهو يصرخ بصرخة داخلية واضحة من بين اسنانه ورفع يمينه بوجه عجايب عجايب غمضت عيونها بفجعة وصدمة وسط انتظرها ليده تلامس وجهها حاتم عض شفته السفلية وهو يناظر خوفها منه صد عنها وهو ينزل يده وصرخ بصوت/ااااااه عجايب فتحت عيونها بشويش من وصل لها صوت صرخته وبرجفة صوتها/ترفع يدك علي ياحاتم!!علي أنا على عجايب!! حاتم التفت لها وسط دهشته تعاتبه تعاتبه وهي الغلطانة بنظره/انتي وش ياعجايب!!وشو تكفين قولي لي نوريني؟كيف للحين واقفة قدامي ومااستحيتي على وجهك كيف!! عجايب بمكابرة وهي فاهمة مقصدة/أنا ياحاتم أنا اللي مااستحي!! حاتم ضحك بفقد أمل منها/شوفي عاد انا ماتربيت اضرب أحد فما بالك بأهلي مستحيل اسويها ولو انك تستاهلينها الحين عجايب عضت شفتها بغيظ حاتم/لكن اللي مثلك الضرب ماينفع معه ابد لاااا يبي له تصرف يزلزل عالمه يضيع مايعرف ارضه من سماه عجايب رجف قلبها قبل صوتها وهي تتوقع قراره التمعت عيونها/تطلقني ياحاتم تطلقني؟!! حاتم ابتسم/أعلى طموحاتك الطلاق وتحلمين تنولينه عجايب قطبت جبينها باستغراب حاتم/ضفي اغراضك من غرفة النوم كلها ونامي مع عيالك/عطاها ظهره ومشى/ عجايب زفرت براحة وهي تشوف سحابة الشر اللي خيمت عليهم مرت على خير حاتم وقف على مدخل الصالة وبابتسامة/عجايب عجايب خافت من ابتسامته وظلت ساكتة وهي تناظره حاتم/تجهزي ابي استقبال ماصار مثله ابد بجماعتنا كلها/اتسعت ابتسامته/نويت أخذ الثانية ياعجايب نويتها أخيرًا عجايب شحب وجهها بعدم تصديق/ثانية!! حاتم/الثانية على سنة الله ورسوله وبوجودك ياعجايب بوجودك عجايب هوى قلبها لاسفل رجولها من صدمتها جلست بفجعة مو قادرة تستوعب كلامه للحين حاتم ابتسم وهو يناظر صدمتها وخرج تاركها وراه عجايب هلت دموعها بعدم تصديق/ثانية ثانية علي أنا ثانية!! . ((سيارة بجاد)) منايا التفتت لورا وهي تناظر سلطان النايم ثم التفتت لبجاد وبقلة صبر ماتحملت للبيت حتى يجاوبها على كل أسئلتها مثل ماوعدها /تكفى بجاد طمني طمن قلبي وش فيه ايش ماقلت وش فيه تكلم وش فيك ساكت؟ بجاد شد بيديه عالدريكسون وهو ياخذ نفس/منايا تدرين ان كل شي مقدر ومكتوب منايا بلعت ريقها بخوف وسط رجفة احتوتها وثقل معها انفاسها وهي تنتظره ينطق بجاد/وحنا واجب علينا نرضى بالمكتوب ونسعى وعسى ربي يقدمراللي فيه الخيرة منايا برجلة صوتها/بجاد تكلم لاتموتني من الخوف بجاد وقف على جنب الطريق وهو ناظر لورا يناظر سلطان بلع غصته ثم التفت لها رجف صوته وهو يبلع هالغصة/سلطان عنده ورم يامنايا منايا تحس بعالمها وقف من صدمتها اول ماسمعت كلمة ورم بجاد هلت دمعته غصب بعد ماحاول يتقوى قدامها كيف يتقوى وهو بحاجة لمين يواسيه مثله مثل منايا اول فرحتهم واول عيالهم مفجوعين فيه مسح دمعته بطرف اصبعه/ورم بالراس منايا انسكبت دموعها من مصيبتها/بجاد بجاد بثقة يهدي فيها نفسه ويهديها معه/منايا لازم نجهز امورنا بسرعة ونروح التخصصي بالرياض وهناك نعرف الوضع اكثر وان شاء الله مافيه الا الخير منايا بدموعها/بجاد خاف الله يابجاد خاف الله فيني لاتفجعني يابجاد بجاد مد يديه وهو يمسك يديها ويشد عليها/منايا الحمدلله على تدبيره ودام احنا اكتشفناه بدري ان شاء الله خير انا متفاءل خير منايا بكت بحرقة وهي تكتم شهقاتها بجاد انحنى هالمسافة البسيطة بينهم وهو يضمها له/الحمدلله يامنايا الحمدلله على كل حال الحمدلله . ((بيت نايف)) ماهر يسحب شناطها بوجهه المتجهم بيخرج من بيتها ياقوت وراه وعيالها يمشون جنبها بعبايتها وبوجهها الاحمر وهي تكبح دموعها لاتنزل يكفيها مانزل منها ماهر التفت لها وبقهر/ها عساك ارتحتي الحين؟! ياقوت برجفة صوتها ناظرته/مو بوقته ياماهر مو وقته والله ماهر/إلا وقته وقته ونص شوفي شوفي نهاية عنادك وين وصل ياياقوت تذكرين ولا اذكرك ياقوت بعصبية/خلاص عاد خلااااص!! ماهر بحدة/ماهو بكفيك تسمعيني للاخر ناظرني نهاية رايك اللي مشيتيه عالكل/مرر نظره على مجد وسمو/ناظري ناظري وش اخره ياقوت/وش تبيني اسوي يعني وش اسوي ياماهر وشو؟ارميهم يعني!! ماهر/مثل مادخلتي بيته لحالك ترجعين لاهلك لحالك سمو انخطف وجهها وهي تسمعه مجد يناظرهم متخبي ورا سمو بدموع ملت محاجر عيونه ياقوت تغير وجهها/بس هم صغار صغار ياماهر ماهر مد يده وهو يرمي شنطتها لداخل البيت بعدم اهتمام ومسك يدها ياقوت بربكة/لحظة لحظة ماهر ماهر مشى هالكم خطوة اللي تخرجه من البيت وهو يسحبها وراه/امشي ولا تاخذين من بيته ولاشي سمو مسكت يد مجد وسط شلالات دموعها/ماما ماما ياقوت تسحب نفسها وبدموعها/حرام عليك ياماهر صغار مايعرفون عيالي ياماهر حرام عليك/تضرب يده وتحاول تفك نفسها/ماهر تكفى ياماهر تكفى سمو تركت يد مجد وهي تتعلق برجل امها بكل قوتها مجد وقف مكانه وهو انفجر يبكي بصوت ماهر دف ياقوت لقدامه برا البيت وهو ينحني بذات الوقت ويمسك سمو ويسحبها بكل قوته سمو تركت امها مجبرة من القوة اللي انفرضت عليها فوق تحملها وسط بكاها العالي ياقوت مدت يديها بمحاولة منها تمسك سمو وسط دموعها/تكفى ماهر الله يخليـ ماهر طبع كف بكل قوته على خدها يقطع فيه ترجيها له ياقوت حست بدوخة لفت عالمها من قوة الكف وثبتت نفسها وهي تحاول تناظره وتناظر عيالها سمو وقفت بكاها بفجعة من اللي تشوفه وهي تطالع امها ماهر/مثل مامشيتي رايك غصب علينا كلنا يمشي راينا غصب عليك فهمتي ياقوت اخذت نفس توازن به نفسها اكثر/أبـ ماهر قاطعها من بين اسنانه/أبوي يدري يدري ياياقوت يدري/دف ذاك الجسد الصغير لداخل البيت بدون اهتمام لأثر فعلته/ سمو ارتمت عالارض بدون مقاومة وهي تناظره ماهر قفل الباب بكل قوته ومشى وهو يدف ياقوت قدامه/انقلعي قدامي انقلعي ياقوت مشت بخيبة تجر خطواتها وهي تسمع بكى مجد العالي . سراج جالس بسيارته بعد مانزلت سحايب ظل جالس لفترة وافكاره توديه وتجيبه ضـاقـت فيه دنياه وهو يفكر كل ماعدلها من جهة شانت معه من جهة ثانية حاول يتغير حاول من كل قلبه لكن الصد قوي بوجهه يقراه بعيونهم رغم صمت افواههم يذكرونه بكل حركة وبكل نفس يطلع منه قبل مايطلع منهم بسواياه وظلمه لهم،،ليش يصدونه وهو يبذل كل مافيه حتى يتلاحق يرمم حياتهم او بواقي هالحياة ضرب عالدريكسون مرة واثنين وثلاثة من غبنته صررررخخخخ بقلة حيلته/لييييييشششش طيب ليششششش!!!/ضرب عالبوري بازعاج لاهل الحارة/فرصة اعطوني فرصة ليه تبخلون علي ليهههه!!! . ((شقة سراج)) جوهرة قبالها جالسة ورجل فوق رجل وهي ترتشف قهوتها اللي سكبتها لنفسها بعدم ترحيب من اهل البيت ببرود وبابتسامة سحايب بنظرات حاقدة متسلطة عليها/جاية تكملين سواتك؟!! جوهرة نزلت فنجالها/أفا أفا يعني ذا العشم فيني الله يسامحك جاية اقوم بالواجب سحايب/الله لايشكر لك فضل ياشيخة ومانبي واجب من وراك جوهرة ابتسمت/عموما هالمرة صح عليك ياسحايب صح سحايب كشرت بوجهها/ايه وش ناوية عليه هالمرة جوهرة اعتدلت بجلستها وهي تنزل رجلها وبجدية/عمرك سألتي نفسك ليش حياتك كذا؟ سحايب عقدت حواجبها جوهرة/اقصد حياتك انتي وسراج سحايب/وبعدين؟ جوهرة ناظرتها وهي تميل فمها ثم تنهدت/خليني اكون واضحة اكثر ليش سراج عايفك؟ سحايب احتدت نظرتها وبعصبية/احترمي نفسك جوهرة تكلمت تقاطعها/يوووه طيب قلنا نوعيك نفتّح عيونك ليش الزعل!! سحايب بحدتها/وبعدين لو على قولك هايف وشو له هاللي داخل البيت!! جوهرة/ايه هالعيال اممم يمكن يثبت لنفسه انه قدر يتخطى السالفة او خليني اقول يتخطاها؟ سحايب ضحكت جوهرة تغير وجهها باستغراب سحايب/يعني الحين جاية تهددني بهالكلمتين!! جوهرة ابتسمت/ياعمري انتي والله سحايب وضح الانزعاج هالمرة بشدة جوهرة/مسكينة يستغفلونك وانتي بينهم ياعمري قطعتي قلبي بكل مرة والله سحايب اللي رجف قلبها من كلمة جوهرة(يستغفلونك)اخفت مشاعرها وبحدة/جوهرة شغل اللعب هذا اللي حبة حبة ترمين سُمّك علي مااحبه ارمي اللي عندك مرة وحدة تكفين انا وحدة تعبانة وابي انام جوهرة تنهدت وهي توقف/كيف يتخطى وهي كل لحظة قدام عينه!! سحايب شحب وجهها من وصلت لمغزى كلامها جوهرة ابتسمت برضا وهي تطالعها وصلت للي تبيه/اجر وعافية ياام علي ماتشوفين شر/خرجت/ . ((الـمـزرعـة)) مريم بعبايتها خارجة من بيت سلطان متجه لبيتها وقفت مجبرة من اليد اللي وقفتها وهي تلتفت لها بفزة قلبها ام عمر اللي اتنتظر فرصة تختلي فيها من شافتها ماسكتها من يدها/مريم انتي مريم صح مريم تناظرها وهي تهدا نبضات قلبها اللي تسارعت للحظات ام عمر/الا اذا انا فيني شي او انتي فيك شي مريم ضمتها لها وهي تهل دموعها ام عمر انصدمت من فعلها مريم اللي كانت تكافح مشاعرها اخيرا غربة الاهل انتفت اخيرا بعد عمر قاست فيه الهم لوحدها وصل الفرج وصل بعد طول انتظار وبطريقة عجيبة هلت دموعها وبرجفة صوتها/اااه ياعزة ااااه ام عمر اختفت ملامح الدهشة وارتسمت محلها ملامح كلها غيظ وهي تدفها/جعلك بالاه يامريم قولي آمين مريم برجفة صوتها/لا ياعزة لا كنتي الرجا لاتقطعينه طلبتك تكفين ام عمر/وأنا وش ذنبي يامريم؟واللي صار لي من وراك مريم قاطعتها وبرجا/انتي بس اسمعيني اسمعيني وبتعرفين ام عمر/وليش اسمع لك وانتي السبب بانقلاب حياتي ليش؟ مريم/ياعزة هي غلطة ام عمر قاطعتها/وانا دفعت ثمنها عمر يامريم والقهر مالي شغل فيها لو هو مثقال شعرة يامريم شعرة مريم مسكت كف ام عمر بين كفوفها برجا/تكفين ام عمر سحبت يدها/انتي اللي تكفين لاتغيبين عن عيني جابك الله بعد طول انتظار خليني ابرد قلبي بأخوك شوي مريم/لا ياعزة لا بغيتك عون لاتصيرين علي فرعون ام عمر/حصادك يديك مايحق لك الندم يامريم مايحق!! مريم بندم/يكفيني جور الزمن والندم كان صحيبه لاتظلميني معه ياعزة لاتظلميني ام عمر/الكلام معي مايقدم ولا يأخر مصير الحي بالحي يتلاقى ويتصافون مريم تنهدت بضيقتها ام عمر/وانا علي اقرب هالمصير يامريم/مشت/ مريم تناظرها وهي تبتعد بكل همومها اللي تناستها من فترة وهي تنشحن بصدرها من جديد . <<وسط المزرعة>> سعد يمشي وهو يشرح بذمة وضمير للاثنين اللي وراه بدر تنهد/طيب مايخرب بهالحر؟ سعد مارد على سؤاله وهو مكمل كلامه/العمال يساعدون لكن يبي له نوسع المكان يعني بالاصح نوسع المكان ونجيب اللوازم ثابت/طيب كيف التمر مايخرب بذا الحر؟! سعد طالع بدر ولدك وسط ابتسامته/شف شف السؤال بس فطين فطين بسم الله عليه بدر قطب جبينه بغيظ وهو نفس سؤاله سعد وهو يحاوط رقبة ثابت بيمينه ويحتضنه/العادة اشيله واتجه لاخر المزرعة واحطه بالثلاجات بدر/طيب ابني معمل صغير وخله قريب اريح لك بعد سعد بتطنيش لبدر/عاد هي شغلة بس الله يعين حكم الشايب علينا الله يطول بعمره لي ثابت/طيب اقنعه تبني معمل صغير اريح واوفر من ذا المشاوير سعد تركه وبابتسامة وهو يوقف ويناظره/والله انك تنطق درر درر ياولد بدر اتسعت عيونه وهو يوقف ثابت ابتسم عالمدح اللي مغمور فيه من مشى معه سعد/هو انا يفوتني هالشي انا علمت الشايب لكن حيل الله اقوى مالي عليه بدر وهو يكتم غيظه/بسيطة كلم احد يقنعه ثابت/اي والله كلم احد يقنعه وارتاح سعد ابتسم/عساك دايم مرتاح ياثابت ماتشوف العنا قل امين ابوي مايقواه غير سلطان و/سكت بابتسامة/والثاني بيني وبينه بدر هز راسه بيأس وهو يشوف تجاهل سعد الصريح له مشى بخطوات سريعة وهو يدخل يديه بجيوبه يتحلطم بينه وبين نفسه سعد ناظر بدر وهو يشهق/ولد يابدر على وين!! بدر رفع يده يأشر مع السلامة بدون لايلتفت وهو مكمل طريقه سعد ركض له وهو يمسك شماغه اللي على راسه لايطيح ثابت مشى وراهم بهدوء سعد نط وهو يحاوط رقبة بدر/افا والله ماتمشي الا وانت ذايق طلع نخلنا!! بدر بغيظ/ثابت مايقصر عني وعنه سعد غمز له وهمس له/اعذرني وانا اخوك اعذرني بدر قطب جبينه باستغراب منه فعله سعد تركه وهو يلتفت لثابت/اعجل ياولد ورانا طلع يحبه قلبك!! ثابت اسرع بخطواته لهم سعد عطاهم وجهه وهو يمشي لورا/صحيح ان المزرعة تعب وقرادة لكن لا جا الليل بدر بتنبيه وهو يناظر الغصن وراه/انتبه لاتطيح سعد نط لورا بدون لايلتفت يناظر طريقه ثابت انبهر منه/ماشاء الله!! سعد يمشي بهداوة اكثر/افا عليك حافظ هالمزرعة اكثر من اسمي ياكثر ماطردني الشايب بها بدر وثابت وقفوا سعد قطب جبينه للحظة ثم تنهد/هو وراي صح؟ بدر و ثابت محد تكلم سعد التفت بسرعة/يبه والله اني ماأخطـ/سكت وهو مايشوف ابوه وسط صوت ضحكهم ثم التفت لهم/ بدر/هذا جزاك ثابت رفع اكتافه/ماهي بزينة والله بحقه ياسعد سعد كشر بوجهه/لو ماانتم بضيوف كان سويت بكم شي الله يعلم فيه بدر/طاحت مرتبة الضيوف من ترد على ثابت وتاركني!! سعد تنهد/عاد معك حق السموحة ولو اني تعذرت قبلها لكن الظاهر قلبك مثل قفى ابريق أبوي العم يسر وقف قبالهم بمسافة بسيطة وهو يسمعه وبحدة/وعلامه ابريق ياسعيدان هاه!! سعد اتسعت عيونه وهو يلتفت/يبه أنا العم يسر قاطعه/والله ماكبّر هالمتون(اكتاف)غير حليب ابريقي يامال العافية سعد/يبه انا امدحه امدحه وش فيك علي!! العم يسر وهو يكبح نفسه/قدامي قدامي حلت لك الراحة قدامي عند العمال قدامي سعد تنهد وهو يجر خطواته له/ابشر يبه ابشر/التفت لهم وهو مستمر بطريقه/تبون تشوفون الطلع حياكم ثابت وهو متاكد ان هالشايب بيشغله/لا مشكور مشكور سعد تنهد بخيبة وهو يسمع رفض ثابت بدر اسرع بخطواته/انا ابي اشوفه سعد ابتسم/حياك حياك . ((الحجز)) سلطان بأحد زوايا غرفة الحجز الواسعة اللي تضم أشخاص من مختلف الالوان والاشكال معه ثاني ركبه لصدره ومنزل راسه لتحت وهو محاوط ركبه بيديه يخفي توتره عن اللي حوله وهالمرة مايقدر يلوم احد على وضعه لانه هو المتسبب لنفسه بهالوضع العسكري فتح بوابة الغرفة وهو يناظر نايف نايف واقف جنبه بملامح متجهمة العسكري/ياحول ذا وشلون تفهمه نايف دخل العسكري تنهد براحة وهو يقفل البوابة وراه نايف جلس بعيد عنه وهو يتحاشى يناظره >>بعد كم ساعة>> سلطان يتفزز مع كل فتح لهالبوابة وهو يشد بيديه على بعضها وهو يهدي نفسه لكن الموضوع فوق طاقته وهالشي غصب عنه نايف ماتحمل وهو يسرق له نظرات غصب بدون مايحس بنفسه تحرك من مكانه وهو يجلس جنبه سلطان رفع راسه يناظر اللي جلس عنده باستغراب اول ماحس فيه ميل فمه بشبه ابتسامة شاحبة استمرت لثواني واختفت نايف صد بوجهه عنه بزعل سلطان تنهد وهو يضربه على كتفه بخفة نايف التفت له سلطان/يشهد الله مابغيت اهدم سعادتك يانايف كيف اهدم اعز ماعلى قلبك؟كيف اتسبب بأعز ماعلى قلبي!! نايف اكتفى بالصمت وصد بوجهه وهو مايبي يناقشه بوضعه الحالي ، . >>قبل 27سنة>> ((مزرعة الجدة سدول)) صاحب الـ(12سنة)كعادته صاحي قبل صلاة الفجر بساعة بيده أغراضه يجر خطواته بهدوء وهو يخفي حماسه رغم التوبيخ والعقاب اللي يجيه بكل مرة لكن لازال مستمر بفعله هي اجازة الدراسة فقط يكونون متواجدين بالمزرعة اللي لو عليه عاش فيها وترك اجواء المدينة وقف قبال الماكينة باستغراب وهو يشوفها شغالة والعادة هو من يشغلها اتجه للبركة وهو يسمع صوت الماء القوي وقف على اطرافها وهو ينزل اغراضه اتسعت عيونه بتكذيب لنفسه رمى نفسه بالبركة وهو يسبح لذاك الجسد الصغير اللي يتوسطها طافي على سطح الماء سبح لطرف البركة وهو يرفع هالجسد اللي محاوطة بيده وبتكذيب لنفسه يطالعه ظل يناظره للحظات من الصدمة(كيف ووشلون واش جابه وحتى مين جابه)صحى من أسئلته وهو يستوعب اذا باقي حي او ميت رفعه لصدره وهو يجري بكل مافيه لبيت المزرعة الوحيد وهو يدخل الغرفة اللي متأكد ان صاحبتها بهالوقت صاحية وبفزع/جدة ياجدة الجدة سدول جالسة على سجادتها انتهت من صلاتها تسبح تنتظر صلاة الفجر افزعها بضربته الباب وقت دخوله/بسم الله الرحمن الرحيم سلطان جلس عندها وهو ينزله بين يديها الجدة سدول اتسعت عيونها وفزت بفجعة وهي تبعده عنها/وش ذا ياسلطان/ضربته على ظهره من خوفها وهي بنفس الوقت سحبت هالصغير تقلبه بين يديها ماتدري وش فيه/وش ذا ياولد الله لايوفق عدوك يالخايب!! سلطان برجفة واضحة من شدة الموقف بعينه وهو مايدري وشلون وصل لعندها/جدة شوفيه ياجدة لقيته بالبركة شوفيه الجدة سدول وهي تضرب هالصغير على ظهره بمحاولة منها ترجع نفسه/افزع لا ابوك افزع نروح به للمستشفى افزع ياولد سلطان جرى لغرفة امه وابوه الجدة سدول وهي تحاول معه وتسمي عليه/بسم الله عليك بسم الله يالله تجيرنا من ذا المصيبة يارب . >>بعد ثلاث أيام>> سحايب(7سنوات)جالسة جنب فواز وهي تناظر سلطان بمحاجر عيونها اللي تلتمع من فرط غيرتها فواز(11سنة)يناظر سلطان بغيظ/سلطان كل شي لذا الورع تراك ذبحتنا فيه سلطان وهو يضم ذاك الصغير صاحب السنة لحضنه بابتسامة/والله هو كيفه يسوي اللي يبيه وش عليك منه تراه ورع على قولتك ولا انت ورع بعد؟ فواز/تعقب سلطان ضحك/ايه رجال رجال وش اللي مزعلك أجل!! سحايب انفجرت تبكي فواز بزعل لاخته/هاه شفت وش يسكتها ذي والله ماتسكت اليوم سلطان نزل الصغير من حضنه وهو يسحب سحايب من يدها ويضمها له/يازين البنية يازين سحابتي الزعول يازينها عجايب(6سنوات)وقفت عند الصغير ودفته بزعل لاختها الصغير ارتمى عالارض وانفجر يبكي بصوت مزعج للي حوله سلطان ضمه لحضنه وبصراخ لعجايب/ليش تضربينه ليش!! عجايب بغيظ منه/ليش يصيّح سحايب انا مااحبه اصلا كلنا مانحبه محد يبيه الا انت ياسلطان سلطان بقهر وهو يناظر عيونهم/لاتبينه ياعجايب محد يبيك تبينه عجايب انقهرت منه وهي رفعت يدها بتضرب اللي يتوسط حضن سلطان سلطان رفع يده ودفها بخفة عجايب ارتمت عالارض وبكت بصوت ام فواز وقفت عندهم وبصراخ على سلطان وانفجرت من قهرها المكبوت بالايام اللي راحت/سلطاااان سلطان ناظر امه بهدوء ام فواز انحنت وهي تسحب الصغير من سلطان بكل قوتها الصغير تألم من سحبتها وازداد بكاه اللي هدا للحظات وهو بحضن سلطان سلطان فز واقف وهو يناظره/يمه تكفين تكفين اتركيه يمه ام فواز بحدة/هالولد نوديه للشرطة وهم يدبرونه سمعت سلطان اللي كان متوقع هالكلام من امه من افعالها الواضحة الايام اللي راحت ابو فواز داخل للبيت بهم من ذا السالفة اللي ارتمت بوجهه وقف وهو يناظر الحرب اللي قايمة/خير وش فيكم!! ام فواز التفت له وهي تدف الصغير لقدام لابو فواز بحدة/مايجلس ببيتي ياجابر مايجلس ابو فواز احتدت نظرته/اقصري الشر يانورة قلت لك هالولد مالي فيه مااعرفه الصغير يبكي بحرقة وهو مايدري وش اللي صاير من حوله سلطان انحنى وهو يسحبه من بينهم ويضمه لحضنه ام فواز ميلت فمها بابتسامة قهر/ياسبحان الله ابو فواز بغبنة/عساك ماصدقتي عجبك اللي اقوله خير على خير ماعجبك الجدة سدول وقفت وهي تقاطعه/جابر!! منايا(7سنوات)متخبية ورا جدتها وهي اول مرة تشوف عمها وعمتها يتهاوشون ابو فواز زفر/استغفر الله العظيم استغفره الجدة سدول التفتت لام فواز/عيب يانورة عيب استحي على وجهك!! ام فواز/ياعمة لاتوقفين معه عشانه ولدك الجدة سدول بحدة/تهبين يانورة انا اوقف مع الحق لو فيه موت ولدي!! ام فواز برجفة صوتها وهي تظهر ضعفها لاول مرة/ياعمة مااقدر نار شابّة بصدري مااقدر حلفيه ياعمة حلفيه طلبتك ابو فواز/عساها ماتطفي يانورة قولي امين!! الجدة سدول تنهدت بيأس وهي تناظرهم ابو فواز/من لعب براسك ابليس وانا احلف لك أيمان والله لو هو غيري طلق ماحسب حساب لمرة!! ام فواز/ايه هذا اللي تبيه انت قوله ياجابر قوله الجدة سدول بعصبية/بـس!! ابو فواز وام فواز سكتوا الجدة سدول/وش اللي يرضيك يانورة؟ ام فواز/يشيله عن وجهي سلطان شد عاللي بين يديه لحضنه وسط خوف عليه وهو ماله كلمة بعد اللي شافه وسمعه ام فواز/اذا هو صادق مو بولده لاتشوفه عيني ابو فواز بحدة/هذاني جاي اقولك جهزيه ناوي ارجعه المركز لكن الظاهر انتي اللي مستعجلة عالرجعة لاهلك!! الجدة سدول/خلصنا عاد ماهي بحالة بزارينكم يشوفون هوشاتكم عيب استحوا على وجيهكم عيب!!/مشت لخارج البيت تاركتهم/ سلطان مشى وراها وهو محتضنه للحين الجدة سدول جلست برا البيت بالجلسة المعتادة وسط المزرعة وهي تصب لها فنجال من دلتها المتواجدة قبلها بفترة بسيطة ناظرته عن طرف ثم التفتت له/خير ياسليطين وش وراك؟/ارتشفت من فنجالها/ سلطان برجى/تكفين ياجدة لاياخذه ابوي طالبك انا الجدة سدول تنهدت وهي تصد عنه/مالي كلمة بعد اللي سمعته ياسلطان انت كبير وتفهم اللي انقال انا مالي كلمة مااخرب بيت ولدي عشان خاطر ولده سلطان برجفة صوته تعلق قلبه بهالصغير بسرعة عجيبة/ياجدة الجدة سدول قاطعته/ثم ياسلطان ماهو بغايبن عنك ان الولد به شي ولا؟ سلطان سكت وهو لاحظ عليه غرابة تصرفاته الجدة سدول/وفوقها ياسلطان مايندرى وش جابه بهالبركة ووش وراه من علوم وحتى لو كبر عندنا وشلون ندبر امورنا وهو وسطنا!! سلطان/كلها علي ياجدة انتي بس اسمعي لي الجدة سدول قاطعته/انت خابرني ياسلطان ماوراك احد بالمعزة لكن هالمرة اعذرني وانا جدتك مالي حيلة اعذرني سلطان شد على الصغير بحضنه وهو يحس قلبه انكسر سرت قشعريرة بجسمه وهو يسمع صوت أبوه ابو فواز/هات الولد ياسلطان سلطان ناظر ابوه بعيون غرقت دمع وكأن هالصغير أحد أخوانه ماتحرك واكتفى يناظر ابوه ابو فواز قطب جبينه وهو يناظره للحظات ثم انحنى وهو يسحبه بخفة من حضن سلطان الصغير تعلق بحضن سلطان يشد على تيشيرته بيديه الصغيرة سلطان تفتت قلبه وهو يشوف مقاومته الصغيرة بهالعالم الكبير عليه مسك يد ابوه وانسابت دمعته وبرجى/يبه ابو فواز احتدت نظرته/سلطان استرجل عيب ياولد!!/سحبه بقوة/ الصغير اعتلى صوت بكاه المكان سلطان ماتحمل وهو يغطي اذانيه بيده وارتمى على رجول جدته يدفن وجهه بقلة حيلة الجدة سدول بفجعة عليه وهي تضمه وتمسح على راسه/بسم الله عليك بسم الله/وبمحاولة تهديه/ماتدري لو اهله بالقسم قبل ابوك ينتظرونه ماتدري ياسلطان ماتدري . >>بعد اسبوع>> سلطان متمدد على سرير جدته مقاطع امه وابوه ينام عند جدته وياكل اللي تطبخه جدته او يموت من الجوع ماعنده مانع بالاصح اضرب على طريقته هو منايا وقفت عنده وهي تمد له الاكل/والله مااقول لاحد اذا اكلت سلطان ابتسم وهو يناظرها/لا يامنايا لا ابوي يقول الرجال عند كلمته وانا رجال منايا ارتسم على ملامحها كسرة الخاطر سلطان تنهد ومد يديه وهو يقرص خدودها منايا اغتاظت وهي تكره هالحركة سلطان ضحك/يازينك يامنُية يازينك ام فواز دفت الباب بقوة سلطان ومنايا فزوا ام فواز بحدة/ونهاية عنادك ياسلطان ونهايته تبي تكسر كلامي وتمشي رايك علي سلطان سكت ام فواز/هالولد ماابيه ماارتاح اذا شفته وبكيفك عساك لاتاكل ولاتشرب بعد ماهي بعيشة ذي!! سلطان وقف بالقوة وهو يحس برجفة تحتويه/يمه تدرين اني ماعمري عصيت كلامك ام فواز/واجب عليك ياسلطان واجب سلطان/لكن يمه هالمرة غير ربي ارسلني له وارسله لي الله وحده يعلم ليش ام فواز انخرست تدري ان عقل سلطان اكبر من عمره فاهم وعاقل وعمره ماتافف منها او كسر كلمتها بشي لكن صدمها برده وبغبنة/وش فيك انت وش ذا التعلق اللي صابك والله لو انها سحايب!! سلطان/مدري يمه احسه واجب علي أحميه وأداريه عن كل العالم/مشى لها بخطواته البطيئة/يمه هالمرة طلبتك تكفيـ/هوى عالارض بفقدان وعي من سوء تغذيته/ . >>بعد يومين>> سلطان داخل وابتسامته شاقة وجهه وبين يديه هالصغير اللي فرحته ماتقل عن اللي محتضنه دخل للبيت وبابتسامته وصوت عالي/سلاااااااااموووون علييييكم ياعرب //تجمعوا اخوانه حوله ومنايا معهم// الجدة سدول وقفت على مسافة بعيدة عنه شوي وهو تناظره وبابتسامة/ماشاء الله ماشاء الله الضحكة شاقة الوجه عساها دايم سلطان تقدم بخطواته وسط أسئلة اخوانه ام فواز وقفت قباله وهي توقفه/اوقف عندك سلطان وقف بتوتر وهو يناظرها ام فواز بحدة/رايك ومشيته علينا جا دورك تسمع نتايج قرارك؟ سلطان بلع ريقه بتوتر/سمي يمه ام فواز/مااتدخل باموره لا اكل ولا شرب ولا تعب ومايلحقه سلطان بابتسامة/وهاذي معك حق انا المسؤول عنه ابو فواز دخل للبيت ووقف وهو يناظرهم باستغراب ام فواز بقهر من ابتسامته/مايدخل بيتي الا وقت النوم معك وان سمعته يصيح يطلع برا ابو فواز اتسعت عيونه/نورة!! سلطان تغير وجهه وهمس/ابشري الجدة سدول وهي تبتسم/لكن الحين هو في بيتي ومزرعتي تفداه هو وسليطين ام فواز كشرت وجهها بغيظ سلطان رجعت له ثقته بنفسه وابتسم الجدة سدول تقدمت لسلطان وهي توقف قباله وأشرت له/تعال ياوليد تعال سلطان مرر نظره عالمتواجدين/من اليوم محد يناديه ولد بزر وهيه وانت/ناظر جدته/وحتى وليد الجدة سدول ابتسمت وهي فهمته/وش نقول اجل؟ سلطان ابتسم وهو يضمه وده يدخله لداخل صدره/نايف نايف ولد سلطان الجدة سدول/عاد بذي كذبت ماهو بولدك اخذ اسمي ياسلطان اسمي انا سلطان بتجاهل لكلام جدته وعينه على اللي بين يديه/مايهم باسم مين ياجدة المهم انه ولدي ولدي أنا نايف ولد سلطان ، ، سلطان سحب شماغ نايف من على كتفه وهو يغطي وجهه وميل راسه على كتف نايف يسند نفسه غمض عيونه وهو يهمس بكلام مايسمعه نايف يعاتبه/أنت ولدي يانايف ولدي كيف ابو يهدم سعادة ولده كيف يانايف كيف!! . ((شقة ساجي)) سدول جالسة على مدخل البيت بعبايتها وهي تقلب بجوالها ردت على جوالها اللي اعتلت رنته وهو بين يديها بابتسامة/هلا حبيبي..انت تحت؟..تمام تمام/قفلت وهي تلف طرحتها بسرعة انحنت تشيل الحافظة اللي عند رجولها وهي تخرج بخطوات سريعة متجهة للدور اللي تحت وتحديدا بيت عمها دقت ع جرس الباب بوسط انفاسها السريعة وهي تتمنى مايوصل ساجي بهاللحظة زياد(ولد رحمة)فتح سدول/روح ناد عزيزة بسرعة زياد/طيب/مشى/ عزيزة اللي بعد لحظات وقفت عندها وهي تطالعها من فوق لتحت/خير/انتبهت للحافظة بين يدين سدول ابتسمت/ماله داعي تناديني اعطيه الصغار!! سدول/استغفر الله ياربي كيف ارسل الصغار والغدا مخصوص لك/فتحت الغطا وهي تكب الموية المنقع فيه البحريات من امس على وجهها/بالعافية عزيزة انصدمت للحظة من ضربت الموية بوجهها ثم صرخت بأعلى صوتها/سدووووول!! سدول تكتفت بابتسامة/عسى عجبك الطعم عزيزة بقهر وسط ريحة الزفر اللي انتشرت بالمكان/عجبني!!ايييهههه عجبني بالحيل الحين دوري اذوقك اللي يعجبك/مدت يديه بعنف لسدول/ سدول مسكت يديها عزيزة انصدمت سدول ابتسمت/وش فيك؟!! عزيزة حرمت يديها بقوة تبي تضربها وبقهر/هين الحين تشوفين سدول دفتها بقوة/ليش عسى تبين مثل كل مرة اسكت لك/مررت نظرها على اخواتها اللي تجمعوا وراها/هالمرة ماراح اسكت على شي عزيزة صرخت بقهر وهي تشد من شعرها ساجي اللي بينه وبينهم كم درجة وبيده صحن العشا صرخ/عزيزة سدول دفت يدها عنها بحدة عزيزة بصراخ من قهرها/شفها هي مو تصرخ علي!! سدول ضربتها كف بكل قوتها على خدها ساجي انصدم عزيزة حطت يدها على خدها وهي انتظرها بصدمة سدول بابتسامة/شوفي رضاوتك بيد اخوك ساجي يناظرها بصدمة من تصرفها سدول/وهذا قدرك/ناظرت اخواتها/وقدر من يغلط مثلك صحن بس صحن ماغيره وكثير عليه بعد/لفت عنهم ومشت راجعة بيتها/ عزيزة ناظرت ساجي بدموعها تنتظره يتكلم قبل تبتعد وبقهر منه/ايه حيلتك علي انا بس/مشت/ ساجي ناظرها وهي تبتعد ومرر نظره على نظرات اخواته الساخطة عليه وهم اللي مشوا وراها بغيظ منه . ((بيت العم يُسر)) مريم بالمطبخ تنظف وهي تطرد حزن قلبها اللي رغم كفكفت دموعها للحين واضح على وجهها سعد اللي رجع من الفطور بأسرع ماعنده ماهو قادر يصبر/ها مريومتي بـ/سكت وهو يتكي عالطاولة جنبها ويناظر ملامحها/ مريم ابتسمت وهي تلتفت له/شفتها ياسعد مو ذا اللي تبي تعرفه سعد اعتدل وبجدية/ايه ابي اعرفه لكن قبله وش فيك ياعمة؟ مريم وهي تمسح الصحون/مافيني شي مافيني ابد سعد مسك الصحن اللي بين يديها يوقفها/عمة مريم مريم ناظرته مجبرة وهي تبتسم/مافيني شي ياسعد انت اللي وش فيك!! سعد يناظرها بعدم اقتناع ساكت مريم تنهدت وهي تترك الصحن بين يديه/مرت بخاطري ذكريات اول ياسعد سعد قطب جبينه باستغراب مريم/حنيت لحياة مريم مع اهلها ياسعد سعد باستغراب وهي لاول مرة تتكلم عن اهلها/وحنّا؟ماحنّا بأهل مريم؟ ، ، <<قبل سبع سنوات>> ،،سوق التمور،، سعد ينزل الكراتين قبل حتى تتسابق اشعة الشمس لهالمكان وتنوره العم يسر جالس قباله وهو متكي على طرف عصاته وبهدوء وسط صوته الهامس/ولد ياسعد سعد التفت باستغراب وهو يناظر ابوه/سم يبه العم يسر/كم لنا وحنا بذا السوق؟ سعد قطب جبينه باستغراب من سوال ابوه/حول السنة وش الطاري يبه؟ العم يسر اشر بطرف دقنه بخفة لقدامه/هالمرة كم لها تبسط معنا سعد بدون لايناظرها وهي الانثى الوحيدة بهالمكان/من وصلنا لهالسوق وهي تبسط معنا يبه/ترك الكراتين واعتدل بوقفته وهو يثني يديه على وسطه/يبه اترك عنك هالعلوم!!عيب يبه!! العم يسر احتدت نظرته وهو يوقف بعصبية وبصوت عالي/اعقب ياسعد اعقب سعد ابتعد بخطوات/يبه انا صادق!! العم يسر رفع عصاته مابقى الا انت تعلمني السلوم واهلها!! سعد/يعني يبه حتى انت سؤالك ماله وجهة!! العم يسر وهو يسرع له بخطواته ناوي عليه/انت اقرب مني اقرب!! سعد وهو يجري مبتعد/والله اني مريض اذا طاوعتك!! العم يسر/واغبنتي غبنااااه من هالسعد لا والله ماانت بسعد الا نكد سعد جرى له وهو يوقف عنده ويعطيه ظهره/هاه يبه هاه سو ماتبي ولا يضيق صدرك هاه العم يسر تنهد وهو يناظره مسكه من أذنه سعد/ااااه يبه ااااه اذني اذني قلعتها يبه العم يسر وهو ماسكه/انا ايش مااعرف اكمل معك سالفة ليش دايم تعلّني ليش ياسعيدان ليش سعد/يبه انت اترك اذني وبعدها نتفاهم العم يسر دفه لقدام وهو يترك اذنه/قطع وين نتفاهم وانت هاذي علومك!! سعد/بالله يبه ماني بصادق سوالك ماله وجهة؟ العم يسر بغيظ اعتلى من جديد وتحرك له وهو يرفع عصاته بيضربه سعد جرى ابتعد/وش فيه؟!! العم يسر/ناظر ناظر بعده يسال وش فيه والله انت اللي مضيع الوجهة امحق ولد اي والله امحق ولد سعد/طيب علمني وش فيه وينها الوجهة طيب!! العم يسر تنهد وهو يرجع يجلس مكانه سعد مشى وراه وهو ينحني عند رجول ابوه وبنبرة هامسة/يبه وش تبي بهالمسيكينة هاذي رزقتها لاتصير مثل باقي البياعين عليها العم يسر رفع عصاته وهو يدف سعد من كتفه بها/اعقب لاعدت من ولد سعد جلس عالارض من دفته بغيظ/ياربي انا متى اشوف هالعصا ماتنرفع بوجهي وتجلدني متى!! العم يسر/لااعتدلت عوجة علومك ياسعد لا اعتدلت سعد وقف وهو ينفض ثوبه/طيب بأسكت خلاص بأسكت العم يسر/غصبا عنك تسكت غصب!! سعد يناظره بغيظ العم يسر رجع بصوت هادي/يالافدغ(غبي)ماهو امس عرفنا ان مالها احد سعد/طيب؟ العم يسر/بعد تروي نويتها عمةٍ لك ياسعد سعد قطب جبينه بعدم فهم للحظة ابتسم من فهم مغزاه/اييييهههه قول من الاول حاط عينك عليها وش هالتروي يبه اللي ماكمل اربع وعشرين ساعة!! العم يسر فز وهو يرفع عصاته ويطرده/والله والله ان تذوقها اليوم وانا ولد ابوي سعد ابتعد عنه وبضحكة/افا يبه افا ماهقيتك رهيّف قليب العم يسر حنق عليه/اعقب إتمسخر علي ياسعيدان اعقب/جرى وراه/ سعد وهو يضحك/تكفى تكفى ياابو حمد انا طالبك تكفى اعتقني تكفى مريم اللي تناظر هالمشاجرات اللطيفة البعيدة عنها بمسافة بسيطة وسط ابتسامة اعتلت محياها المستور بحجابها هالمشاجرات مصدر سعادتها الوحيد وسط حياتها الرتيبة الكئيبة بشدة ، ، مريم ضحكت بخفة/الا والله اهلها وكل حياتها وسعادتها ياسعد سعد مسك يديها برجا وسط خوف يخفيه لكن نطقت به عيونه/لاتتركينا يامريم لاتتركين يُسر ووليده يامريم نضيع بعدك يالُطف الحياة بنا انتي لُطفها وكل حنيتها علينا مريم شدت على يديه بتطمين لقلبه وهي تطرد افكاره الشينة وتقطع شكه باليقين وسط ابتسامة/سعد ياسعادة حياتي والله انكم سعادتها عقب كل حزن ملى قلب هالمريم اضويتوني رجعت الحياة لي عقب ماكنت جسد بلا روح ياسعد جسد بلا روح من كثر الخيبات سعد ابتسم براحة/عاد يرضيك تتركين سعد مع هالشايب وعصاته؟ مريم ضحكت/عزالله ان السعد راح بعدي اذا تركته راح سعد وهو يترك يديها/اجل وشلون ترضين نصفى انا والشايب لحالنا والنتيجة معروفة العم يسر بحدة على باب المطبخ/اقطع من ولد اقطع! سعد فز/بسم الله العم يسر/اللي يوحيك يقول من كثر ماادبغ بك ليل ونهار سعد تخبى ورا مريم/يبه اصبر اسمعني شوي مريم رفعت يديها/يسر سعد ابتسم العم يسر/لا يامريم لا ماترديني عنه لا مريم/يايسر ذا سعد ياايسر سعد يحرك حواجبه بوسط ابتسامة من ورا مريم العم يسر احتدت نظرته مريم مدت يدها وهي تمسك يده/يسر اتركه عنك ابيك بسالفة العم يسر ناظر سعد/اذلف يالله اذلف سعد مشى بحذر وهو يبتعد عن ابوه بمسافة العم يسر بنرفزة/امش!! سعد مر بسرعة وجرى مبتعد العم يسر رجع نظره لمريم بعد ماكان مثبتها على سعد وبابتسامة/سمي يامريم سمي وابشري به مريم/بغيت اسوي عشا لاهل زوجة سلطان اذا ماعليك امر العم يسر باستغراب من طلبها يخفيه/هذا أمرٍ خالصين منه مريم باصرار/لا يايسر انا ماقصدتهم جميع بغيت اهل المرة لحالهم العم يسر/يصير خير ان شاء الله يصير خير/مشى بيخرج ثم وقف/فيه شي غيره؟ مريم ابتسمت/لا سلامتك العم يسر/لكن أنا أبي مريم/امرني يايُسر العم يسر/بغيت ذيك الجلسة الزينة مريم/ابشر المغرب ان شاء الله وكل شي على ماتحب ابشر العم يسر/سلمتي سلمتي/كمل طريقه خارج/ . ((شقة حاتم)) ،،المطبخ،، عجايب تطبخ بهدوء غريب اجتاح داخلها واتضح على تصرفاتها لعيالها فيصل ورزان واقفين على باب المطبخ يناظرون امهم بعد ماعصب عليهم حازم والزمهم بالسكوت حازم وقف عندها وبخوف عليها ومنها/ماما اجيب لك موية؟ عجايب/لا حبيبي شكرا تسلم فيصل بزعل/ماما حازم قفل اليوتيوب وعصب علينا يقول اسكتوا عجايب ناظرته ثم ناظرت حازم لثواني ورجعت نظرها على شغلها/ليش حازم ليش!!اترك اخوانك يشوفون اللي يبون ويلعبون براحتهم حازم بضيقة واضحة/ماما ايش فيك من راح بابا وانتي كذا عجايب وقفت شغلها والتفت له ناظرته لثواني اتجهت له وهي تنحني له شبه جالسة واصبحت بمستواه وعيونه بعيونها ضمته لها تهدي قلبه الصغير المرعوب مسحت على ظهره بخفة/حازم ياحازم حازم بدموع ملت محاجر عيونه/ماما لاتزعلين من بابا انتي تدرين بابا يحبك عجايب ابتسمت من مواساته ضمته اكثر/ادري ياماما ويحبكم بعد يحبكم اكثر مني حازم فك نفسه منها/ياماما بابا زعلان الحين بس يرتاح اكيد بيرضى ويجي يضحك معاك ياماما والله ياماما والله لاتزعلين منه عجايب مسكت يديه/حازم انت لازم تعرف ان ماما تحبك وبابا يحبك مهما يصير يحبونك حازم بكى/بس ياماما عجايب قاطعته وهي تحط يدها على راسه/افا ولد الرجال يبكي!! حازم ناظرها بدموعه/ياماما عجايب نزلت يدها عن راسه ومسحت دموعه باطراف اصابعها/بنت ابوي انا يعقّب من يبكي ولدي يعقب!! حازم برجا/ماما عجايب بجدية/ماما وبابا يتفاهمون بين بعض وانت القوي بعيني خلك قوي ياماما مثل مااعرفك قوي دايم حازم يناظرها وبخاطره كلام يبي يقوله عجايب/والحين روح انت واخوانك واتركهم يلعبون وانت سو اللي تبيه فيصل ورزان جروا للصالة بفرح حازم جر خطواته بضيقة وتوتر من اللي صار اليوم عجايب رجعت لشغلها وبابتسامة وهي تهمس لنفسه/ووقع حلمك ياعجايب وقع!! . ((بيت ابو راضي)) ساجي جالس بهدوء ام راضي بعصبية/وجالس قدامي بعد!!بدال ماتقوم وتعلمها الادب اللي ماعلموها اهلها!! ساجي اخذ نفس/يمه لاتغلطين على اهلها ام راضي رمته بعلبة الموية اللي جنبها ساجي ضربت العلبة بركبته ام راضي بغبنة/وقطع وجه تدافع عن اهلها بعد!!ايه هم اللي جابوك ونسوك ولا هم اللي طاردوا فيك وتعبوا عليك!! ساجي كاتم غيظه/يمه انا ام راضي قاطعته/انا مدري وش مسوية فيك امنيتي اعرف وش مسوين فيكم بنات جابر انت واخوك ياساحرينكم ياانكم بلا عقل تمشون وراهن عسى الله يعوضني خير حيلتي ثلاث اثنين راحوا عسى العوض الزين من عنده قريب يالله قريب ساجي وقف وبنرفزة/يمه بدل ماانتي ليل نهار حاطة حيلك فيني امسكي بناتك وعقليهم وبالذات هالعلة عزيزة ام راضي احتدت نظرتها/ترفع صوتك علي وتهين خواتك بعد!! ساجي/انت امسكيهم وشوفي احد يلحقه شي من ورانا ولا لا وبعدها تعالي وعاتبي هي مرة بس مرة وحدة تعبي نفسك ونشوف وقتها ام راضي بغبنة/صدق ماعليك حسوفة دام هذا كلامك!! ساجي مشى وهو يغض شفته بغبنة ابو راضي داخل ساجي قابله عالباب وبزعل مرتسم على وجهه/هلا يبه حياك ابو راضي قطب جبينه/وش فيه ساجي/مافيه شي ابو راضي/ادخل بغيتك مع اهلك بسالفة ساجي/مرة ثانية يبه مرة ثانية/خرج/ ابو راضي تنهد وهو يدري اكيد زوجته وبناته السبب بوضع ساجي كمل طريقه لداخل البيت وهو يوقف عالصالة يناظرها/وينها بنتك؟ ام راضي/اي بنت؟اصلا كلهم داخل ابو راضي رفع صوته/بنت عزيزة ياعزيزة عزيزة بدموعها/نعم يبه ابو راضي ناظرها وهو تاكد توقعه/اقول عاد فكني من المشاكل عزيزة بدموع/بس يبه هالمرة ابو راضي قاطعها/اوص ولاكلمة ام راضي/وش فيك عليها اسمع منها عالاقل!! ابو راضي/وانتي قبلها اوص ياعائشة اوص ام راضي احتدت نظرتها ابو راضي/جيت ابلغك تحددت الملكة ام راضي وقفت وهي تزغرت بفرح/مبروك ياعزيزة مبروك عزيزة بصدمة/بدون شوفة ولا شي!! ام راضي بكل فرحتها/وش تبين بالشوفة والرجال ماينقصه شي ابو راضي/الرجال وده لو الملكة والزواج بيوم واحد عزيزة/نعم!! ام راضي بفرحة/خير البر عاجله عزيزة التفت لانها/يمه!! ام راضي/وش فيك الرجال جاي بخيره ويبي يريحك وانتي تبين العنا!! عزيزة/بس يمه ام راضي قاطعتها/لا بس ولا شي ابو راضي قاطعها بحدة/مالك شغل ياعايشة مااااك شغل ام راضي سكتت وهي تدري لو تكلمت اشتدت بينهم اكثر ابو راضي/اسمعي ياعزيزة من الاول قلتها لك انا مااجبرك على شي اللي تبينه سويه فكري ورد لي . ((بيت سلطان)) فتنة تمشي وراها بعبايتها بتوتر واستغراب من طلبها خرجوا من البيت وكملوا طريقهم لبرا ومشوا مسافة بعيدة شوي عن البيت اخذت نفس وهي توقف/اعتقد كذا يكفي ذهب وقفت وهي تلتفت لها فتنة/خير ياذهب عسى ماشر فيه شي صاير؟ ذهب/انا تعمدت نروح بعيد عشان محد يسمع اللي بأقوله فتنة باستعجال/طيب؟ ذهب بحدة/اسمعي يابنت الناس انا مستحيل أأذي أحد ومستحيل أظلم أحد لكن اللي سمعته شي كبير وكبير بالحيل فتنة قطبت جبينها/وش اللي سمعتيه ذهب/انتي تزوجتي سلطان وانتي عندك علم انه مسجون؟ فتنة انخطف وجهها وهي تاكدت انها سمعت كلامها مع امها/انا ذهب قاطعتها/وحتى لو مامعك علم ابوي بلغ ابوك بوضع سلطان فتنة تنهدت/ذهب انتي ذهب باندفاع/شوفي انتي للحين عالبر مادام اهلك غشوك وذا ابدا مو ذنب سلطان فتنة تكتفت وهي تناظرها مو معطيتها مجال ترد ابدا ذهب/صحيح انا ماعشت معه لكن هالمدة القصيرة علمتني زين من هو سلطان واذا ناوية تمشين وتكسرين اوقفي هينا نهاية حدودك اتركيه بحاله يعيش خذلان الانفصال ارحم من خذلان الشريك فتنة/خلصتي؟ ذهب قطبت جبينها بغيظ فتنة/ذهب انتي فهمتي غلط او بالاصح انتي فاهمة كل شي غلط ذهب ارتفع حاجبها/وتبريرك؟! فتنة/صحيح اني ماعرفت بموضوع سلطان الا بيوم الزواج لكن/ابتسمت/هالمدة القصيرة علمتني من هو سلطان ذهب اغتاظت اكثر وهي تسمع نفس جملتها فتنة تنهدت/ذهب يشهد الله ماحسبت للموضوع حساب انا كنت اتفاهم مع امي فقط لا غير ذهب باصرار/انا مالي علاقة باللي بينك وبين امك فتنة تنهدت وهي تناظرها ذهب/ووش يضمنك انه ماعاد ينفتح هالموضوع والادهى وش موقفك لو اللي سمع الكلام احد غيري مثلا سلطان!! فتنة انخطف وجهها بصدمة من كلامها ذهب/انتي عيّرتي امك انها ماقالت لك لكن هو اذا سمعك وش بيفهم؟ فتنة تناظرها ساكتة ذهب/اعتقد وضح اللي بأقوله فتنة/بس انا ابد ماقصدت اعاير سلطان ياذهب ماقصدته ابدا ذهب/ياليت تحاسبين على كلامك وانتبهي اكثر ياليت/مشت بدون لاتسمع ردها/ فتنة تنهدت وهي تناظرها تبتعد اخر شي توقعته تبدأ مشاكل مع اهله وهي اللي تمنتهم اهل لها بعد قشعر جسمها بعدم ارتياح وهي تلتفت ورا تتاكد اذا فيه احد حطت يدها على قلبها من تسارع نبضاتها واسرعت بخطواتها مبتعدة ومتناسية النخل اللي يلفهم بالمزرعة عواد اللي بأعلى النخلة وبدا ينزل منها وقف وهو يناظرهم ويسمع حوارهم حط يده على صدره من نبضاته السريعة وبفرحة وهو يناظرها تبتعد/حست فيك ياعواد حست فيك!! . ((بيت سلطان)) ام فواز قطبت جبينها وهي تناظر جوالها اللي عالارض واعتلى صوت رنينه المكان وهي ماحركته الجدة سدول ناظرتها/لايكون متهاوشة معه بعد ام فواز ناظرتها وهي ميلن فمها لثواني/ماني براعية مشاكل ياعمة الجدة سدول/بذي أشهد لكن الوقت تغير الحين والله العالم ام فواز تنهدت وهي ترفع جوالها اللي اعتلى باخر رنة وهي تفتح الخط بدون لاترد ام راضي بحدة/ربي عيالك يانورة ربيهم أحسن لك الجدة سدول ارتسمت الحدة على ملامحها وهي واصلها صوت ام راضي ام فواز/عيالي متربين من قبل اعرفك ويعرفونك معي!! ام راضي بقهر/ايه واضحة التربية يالله من فضلك ولا قليلة الادب تجي الى بيتي وتهين بنتي وهي ماسوت لها شي ذي تربيتك ام فواز زفرت/والله انا معلمة عيالي كلهم مو بس بنتي يربون اللي ماتربوا ام راضي/نعممم!!! ام فواز/وسدول عمرها ماقلت ادبها وغلطت لكن دام تقولين قلة ادب فهذا دليل ان بنتي عرفت تربيكم اخيرا ام راضي وقفت وهي تتجه لغرفة النوم/ايه ايه اطلعي على حقيقتك وخلي العالم يشوفونك/دخلت وهي افتح سبيكر حتى يسمع/ ام فواز/حقيقتي واضحة ماعليها غبار البلا عند المنافقين ام راضي اتسعت عيونها وهي تناظره وكانها تاكد كلامها عنهم وبغيظها/مين المنافق يانورة قولي قوليها صريح اذا فيك خير؟!! ام فواز/ أنتي ياعايشة سمعتيها ارتحتي الحين يالمنافقية ام راضي تناظره بقهر ام فواز/والحمدلله كلن يدري بنفسه/قفلت/ الجدة سدول بابتسامة رضا عن ام فواز وهي تمد لها كاسة الشاهي/سمي ياام سلطان سمي ام فواز تنهدت براحة من فعلها وهي تأخذ الكأسة منها . ((بيت ابو راضي)) ام راضي بغبنة/ها سمعت سمعت ولا اتصل عليها أسمعك زيادة؟ ابو راضي جالس عالسرير تنهد وهو يناظرها ام راضي/سمعت بأذنك اللي انقال ولا انا وبناتي اللي نخطي وبس!! ابو راضي/وبعدين؟ ام راضي بقهر منه/هذا اللي قدرت عليه!! ابو راضي/عساك تبيني اروح للحرمة واسحبها من شعرها!! ام راضي/ماقلت مد يدك عليها لكن ابو راضي تمدد عالسرير مقاطعها بذات الوقت/ماقالت هالكلام الا وانتي قايلة ابلى منه ياعايشة تعلميني فيك!! ام راضي اتسعت عيونها وبقهر منه/للحين يامحمد للحين تسمع لهم وتصدقهم للحين!! ابو راضي قام من السرير وهو يجلس وناظرها/قولي اللي عندك ياعايشة ام راضي سكتت ابو راضي/لاترمين الكلام وانتي مو بقدّه قولي اللي عندك وريحي عمرك وريحيني من الصداع اللي يجي من وراك ام راضي/الله اكبر عليك يامحمد الحين بعد ذا العمر كله صرت انا صداع!! ابو راضي تنهد وهو يرجع يتمدد/عندك كلمة زينة قوليها ماعندك اطلعي برا واتركيني ارتاح ام راضي ميلت فمها بسخط/مو هذا انت يامحمد هذا انت توقف معهم وتتركنا ماهو بجديد عليك ابو راضي بحدة/الزمي حدك ياعايشة الزميه!!انا اوقف مع الحق حتى لو انه على عيالي لاتقعدين تدقين كل مرة بهالسالفه وانتي تدرين براس البلا وين اساسه!! ام راضي بقهر/البلا ان بوقت حاجتنا لك تتخلى يامحمد تتخلى ابو راضي بحدة/تعقبين انا مااتخلى تعقبين ياعايشة/ميل فمه بسخرية/لاتعدلت الذيول العوج انا اوقف بوجه المدفع لعيونكم . ((سيارة ابو فواز)) ابو فواز يسوق السيارة وهو يسرق نظرات بالمراية للاثنين اللي جالسين وراه بعدم تصديق للحين مااستوعب الوضع كذب نفسه واللي سمعه من الشرطي وماصدق وقت شافهم ولا هو مصدق للحين اللي يصير سلطان جالس وراه ابوه وهو صاد بوجهه يناظر القزاز وعينه بالطريق بدون اي كلمة نايف جالس ورا مكان الراكب وهو صاد بوجهه عن سلطان يناظر القزاز عينه للطريق بدون اي صوت ولا حتى حركة أبو فواز تنهد وهو يصدق ان اخيرا هالموضوع صحيح هالاثنين متهاوشين وهوشتهم كبيرة حتى لو كل واحد منهم التزم الصمت دخل لاول محطة قابلته وهو يوقف عند مكاين البنزين والتفت لورا وهو يناظرهم/هيه سلطان سلطان عدل جلسته وهو يناظره تنحنح وهو يحس بحة بصوته من طول سكوته/سم يبه ابو فواز/خذ خويك وانزل سلطان اتسعت عيونه/هاه؟!! ابو فواز بتشديد على كلامه/خذ خويك وانزل!! سلطان التفت يناظر نايف للحظة ثم ناظر ابوه/بس يبه ابو فواز/لاتطولها ولاتكثر هروجك انزل انت وياه انزل سلطان يناظره وهو مو مستوعب كلامه/يعني بتتركنا بهالمقطعة!! ابو فواز نزل بعصبية وهو يترك بابه مفتوح واتجه لنايف نايف قطب جبينه وهو يناظر ملامحه المحتدة اعتدل بجلسته وعينه عليه ابو فواز فتح الباب بقوة تعبر عن غضبه وهو يمد يده ويسحب نايف بكل مافيه وهو يبعده سلطان فز بفجعة وهو يفتح الباب وينزل متجه لهم نايف نزل بسرعة من سحبة ابو فواز وهو غافل عن الحوار اللي دار بين سلطان وأبوه يناظر لابو فواز بعدم فهم لسبب تصرفاته ابو فواز نزل عقاله من على راسه/هاذي تواليها تتهاوشون!!/رفع يده ناوي يضرب/ سلطان وقف بين ابوه ونايف وهو يحتضن نايف وراه ووجهه لابوه/يبه انا الغلطان اترك نايف ماله ذنب بشي اتركه يبه نايف اللي قرأ شفايف ابو فواز وفهم زعله وغاب عنه كلام سلطان دف سلطان وهو يدري بطبع ابو فواز وبلغته/ياعم انا المخطي سلطان ماسوا شي ابو فواز تنهد وهو ينزل يده من الاساس ماكان غرضه الضرب مرر نظره عليهم بلوم/اسمع ياسلطان وانت يانايف انا مااحب الضرب ولا ادانيه لكن تعرفوني لاضربت مارحمت/ناظر سلطان بتاكيد/وهالطبع ماتغير للحين معكم يالاثنين نص ساعة ماغيرها أعبي السيارة وأحرك رجولي بعد سواتكم اللي نفضتني ثم بعدها والله وبالله وتالله لو انتم يالاثنين على وضعكم ذا ذبحتكم بهالمحطة ومشيت مابقى الا تاليتها تتهاوشون وانتم كل واحد أكبر من الجحش وباقي تتهاوشون/مشى عنهم وهو يكبح لسانه عن دعوات خوف تصيبهم/ سلطان تنهد وهو يناظر ابوه يبتعد ثم التفت لنايف نايف صد بوجهه عنه ثم مشى سلطان لمسه من كتفه يوقفه نايف التفت له وهو يناظره بغيظ سلطان تنهد وهو فضل هالمرة التواصل كامل بينهم بلغة الاشارة/معك حق تزعل يانايف ادري اني اخطيت والله ادري يانايف اني ادري نايف التفت له وبلغة الاشارة وبغيظه/تسمع لها!!تسمع لها؟!! سلطان تنهد/انا ماقصدت نايف قاطعه/ليش بس ابي اعرف ليش!! سلطان تنهد بصمته وهو ينتظره ينتهي من عتابه نايف/يعني انا ناقص دبرة حتى تسمع لغيري!! سلطان/استغفر الله العظيم!! نايف/كل ماسويت ينطق به!! سلطان انتبه للي حولهم كان نقاشهم حاد بطريقة واضحة رغم الصمت بهالنقاش والمنظر غريب بالنسبة لهم يجبرهم يناظرونهم باستغراب لفترة ثم يكملون طريقهم بهدوء اخذ نفس وناظر نايف/يانايف مارضيت اهدم لك شي تعبت وانت تبينه نايف/وليه يكون هالصرح مبني على ساس قوي؟ سلطان قطب جبينه باستغراب نايف/ليه مايكون هالصرح على طرف من انهياره سلطان/هذا اكبر سبب لايكون انا اخر سبب في انهياره يانايف نايف بقهر/ليش ماقلت لي كيف ترضى لي الاهانة؟ سلطان/تعوذ من ابليس هي كل مرادها تحافظ على بيتها نايف/تطرد كل ناسي بهالحياة!! سلطان سكت وهو يناظر غبنته تركه يفضفض له نايف/هي مرادها ماهو تحافظ على بيتها لا هي تبي تجردني من كل شي شغل اهل وحتى اصحاب عشان تكون هي المتحكم بالاول والاخير وانا والله تعبت جاملت وصبرت حتى على حساب نفسي كم استنقصت كم اهملت كم لامت وحتى عاتبت بغير حق ليه ليه اصبر ليه!! سلطان بضيق/والصغار يانايف الصغار نايف بحسرة/كسرة ظهري هم عيوني وروحي وكل ماطلعت به من هالدنيا وانا والله ماصبرت الا لعيونهم سلطان سكت يناظره وده يسأله وش بيسوي لكن فضل الصمت وهاذي خصوصياته نايف/أنا طلقت سلطان اتسعت عيونه ماتوقع طلاق على طول تكلم بعد وقت طويل من الاشارة/كيف طلاق!! نايف ابتسم بحزن وهو اللي تمنى حلمه البسيط بعايلة يستمر وبقلة حيلة/أمر الله سلطان بنرفزة/ماهو بتطلق على طول!!علمها فهمها اهجرها يانايف ماهو بطلاق على طول!! نايف اتسعت عيونه/هذا ظنك بي؟!! سلطان/مااقصد يانايف مااقصد لكن ماودي نايف قاطعه/مافيه احد وده يشتت اهله ياسلطان مافيه سلطان تنهد بتسليم لقراره/الله يكتب اللي فيه الخير عسى الله يكتبه نايف بحاجب ارتفع/عساك تظن اللي بيني وبينك انتهى!! سلطان اللي نسى للحظات الموضوع اللي اكبر بعينه من سالفتهم/هاه نايف مشى وتركه سلطان لحقه وهو يمسكه يوقفه/نايف نايف سحب يده سلطان/وش فيك صاير ماينقرب لك ابد نايف/لاااا انا ماازعل إلا للي يستاهل الزعل والظاهر اني اخطيت سلطان بزعل من كلامه/ياكبرها يانايف ياكبرها!! نايف/ليه ليه تحسب لخواطرهم حساب وانت تعرف الاهم ليه!! سلطان بلغة الاشارة/وش يرضيك ابشر به يانايف ابشر نايف/ذي بذيك ويمكن هه يمكن ماتوصلها بعد سلطان قطب جبينه للحظة يتذكر ثم اتسعت عيونه وهو مستمر بالاشارة/كيف تساوي ذي بذيك يانايف خاف ربك!! نايف/انت ماخفته فيني سلطان زلزلة الكلمة اعماق شعوره وبرجى/يانايف نايف بنظرات غيظ ملتزم الصمت سلطان تنهد/كثير يانايف كثير يكفيني ماراح يكفي تبي تعيد القطيعة وحنا نقدر عالوصل؟ ، ، >>قبل سبع سنوات>> سلطان(32سنة)جالس عالكنبة يهز رجله اليمين وهو بين كل لحظة ولحظة يمسح يديه اللي تعرقت بغزارة من شدة توتره لاول مرة من سنين يزوره احد بعد بجاد واخيرا قبل بزيارته بعد تردد وهو اسبوعيا من سنتين يرفع طلب زيارة له ويرفض يقابله اخذ نفس مع فتح الباب اللي قدامه معلن عن تواجده نايف(20سنة)دخل بملامح غلب عليها مظهر الزعل اكثر من مظهر الشوق اللي تبدد من الرفض الطويل جدا عليه وهو اللي متشفق يشوفه كم له ينتظر العمر المسموح له بالزيارة وهو مو من الاقارب من فتح الباب تبدد الزعل وهو يحس بقلبه يرفرف بيطير من كثر الشوق والحنين له دخل وتعلقت عيونه عاللي جالس قباله وتجمد مكانه انصدم بشكله تغير فعلا تغير عليه عجز يحدد موطن التغير هل هو فعل الزمن اللي زاد عمره وهو يذكره ببداية ريعان الشباب او المكان اللي يجيب الهم والضيق من تسمع عنه كيف وانت احد سكانه تأمل نحفه،الشيب اللي غزا شعره وحتى دقنه وهو لازال بهالعمر بدري وكثير عالشيب،الهالات اللي واضح انها كانت اكثر لكن تراجعت بعد رضاه،بشرته اللي ازدادت قتامة اكثر من مايذكر رجف قلبه وهو يتخيل وش اللي مر فيه سلطان اللي تغير وضعه وكثير بالسجن حاليا عن قبل بالعكس تحسنت صحته وحتى مدخوله وعلمه وقف بابتسامة/الناس تسلم يانايف نايف انهمرت دموعه ماتمالك نفسه بحسرة على سلطان وعلى نفسه قبل راحت اجمل ايام عمرهم مفترقين كيف مايبكي وهو بالنسبة له الام والاب والاخوان هو الملجأ له بعد الله من جور الدنيا حتى وهو مسجون مانساه ينزل مصروفه بحسابه شهريا ماترك لاحد فرصة يتمنن عليه حتى وهو بعيد عنه رفع يمنيه وهو يغطي عيونه وغطى معها نص وجهه وانفجر يشاهق سلطان تقدم له وهو يوقف عنده ويضمه بلع غصته وضحك بخفة/وتلومني لا رفضت اشوفك!! نايف دفه عنه وبلغة الاشارة وسط دموعه/ليش ليش ماتشوفني وأنا اللي اتقطع وانا انتظر شوفتك سلطان/هذا انت شفتني وأحزنتني رجعت وفتحت مواجع قبلت بها ورضيت يانايف/تنهد بحسرة اخفاها/رضيت الحمدلله نايف يناظره بوسط انهمار دموعه رفع يديه يمسحها بسرعة وهو يحاول يسيطر عليها سلطان وهو يناظره بابتسامة/ياماشاء الله ياماشاء الله ماعرفتك يانيفي ماعرفتك والله صرت بطولي ياولد كبرت كبرت والله نايف من الغيظ اللي يحس به/اجل ابقى صغير!! سلطان قطب جبينه وهو يجلس عالكنبة/للحين شايل علي؟ نايف تنهد وهو يطرد اللوم والعتب ناظره بصمت يبي يشبع من شوفته سلطان بقلق يخفيه/كيف الدنيا معك يانايف؟ نايف جلس قباله وبابتسامة/على ماتحب الحمدلله سلطان رجف قلبه بخوف وبسوداوية/عمر الدنيا ماجت على ماتحب يانايف كلها كبد في كبد نايف تغير وجهه وهو يشوف قتامة افكاره مايلومه وهذا حقه بعد اللي مر فيه/الواحد يسلم ويرضى مايجزع!! سلطان ابتسم من رده وتنهد/الحمدلله الله يجعلها يانايف على مانحب ويعوضنا خير نايف/امين امين //سادت لحظات من الصمت بينهم// نايف بتلميح/ماتبي تسألني عن أحد؟ سلطان/وليه اوجع قلبي يانايف وانا عارف الجواب نايف تنهد بضيق عليه/يمكن تخيب ظنونك سلطان ضحك بحسرة/وهو فيه احد يذكر سلطان بعد هالسنين؟ نايف خرج من جيبه تولة عودة وحطها عالطاولة قدامه سلطان قطب جبينه ناظر نايف لثواني ثم مد يده واخذها فتحها وصلت له الريحة قبل يقربها من انفه امتلى حزن ارتسم على ملامحه للحظات ثم اختفى وهو يقفلها بسرعة ويضمها بقلبه قبل يده بلع غصته وعينه بعين نايف وبالاشارة هالمرة/وشلونها يانايف نايف/ادري انها كانت ناوية تجي معي سلطان ناظره بابتسامة عكس داخله المكسور وهو يدخلها بجيبه تكلم عادي/مايحتاج تكمل اكيد ابوي منعها نايف هز راسه بلا سلطان قطب جبينه نايف/فواز سلطان رمش باستغراب ثم تنهد ووقف وهو يطالعه/نايف يانايف نايف قطب جبينه سلطان بلغة الاشارة/لاعاد رجلك تطب هالمكان يانايف نايف اتسعت عيونه سلطان/ماقبلت زيارتك الا عشان اقولك هالكلمة ، ، نايف ضحك بقهر/كنت اقدر عالوصل لكن بكل مرة تحسب لغيري حساب وتحط لهم قدر وش عليك منهم وانت ماحصلت غير الاذية احسب حساب المهم عندك المفروض انا اللي اهمك تعبت تعبت وانا انتظرك تفهم انتظرك تفهم نظرتي تعبت بالاول الناس وكلامهم وانت كل ناسي عقبك صرت وحيد والحين هي تنفيك عني وانت رضيت وقطعتني منك وانا مقبل عليك ابي اعوض كل مافات انت انت ماتغيرت ياسلطان ماتغيرت سلطان/لااااا غلطان يانايف غلطااان تغيرت وكثير نايف ضحك/ايه مرة سلطان/لكن حياة وحيدي مااقدر اضره مااقدر كيف اجني عليك وانا اشوف اخر خيوط السلام بحياتك نايف بقهر/للحين تشوف نفسك مااخطيت!! سلطان/مهما تقول وتعيد وتزيد انا احترمت رغبتها فانها تبي تستمر معك مادريت ان الوضع متأزم بينكم لهالدرجة ودام تصرفت معي كذا معناته هاذي اخر حلولها نايف/لاااا ماهي باخر حلولها ذا تجبر وتسلط علي منها بالاصح فرض رأي الا كسر قوامة بعد!! سلطان/اشوفها محاولة انقاذ منها لاخر نفس بينكم يانايف افهمني يانايف افهمني شوي نايف بنظرات حادة متسلطة عليها وهو يشوف اصراره سلطان/تعوذ من الشيطان واطرده وارجع معي محد بيصفى بهالدنيا لي غيرك ولا انت بيصفى لك بهالدنيا غيري نايف للحين مارضى ولااقتنع بكلامه دخل يده بجيبه مايبي يسمع منه شي زيادة وتكبر بينهم اكثر فتح جواله المقفول قطب جبينه وهو يشوف الرسايل اللي انهلت فتح الرسايل وقرأ الاولى من ماهر وهو متوقع منه كل شي شين والعلاقة بينهم ماكانت زينة كثر ماكانت مجاملة من جهته فقط(أختي مثل ماأخذتها من عندنا لحالها ترجع لبيت ابوها لحالها)اتسعت عيونه ورجف قلبه واتضحت رجفت يديه سلطان تقدم له وهو يحط يده على كتفه/وش فيك؟ نايف ماانتبه له وش قال فتح رسايلها بسرعة يطرد افكاره الشينة هوى قلبه بفجعة وهو يقرأ رجاها(نايف تكفى يانايف الصغار لحالهم مارضى اخذهم تكفى سمو ومجد لايصير اهم شي تكفى يانايف تكفى)جرى للسيارة وهو يركب مكان السواق سلطان جرى وراه وهو يركب جنبه وبفجعة من تصرفه/وش فيك وش صاير؟ نايف حرك بسرعة جنونية . اللهم صل وسلم على نبينا محمد #سلطان_الهوى_يافتنة_الألفية | ||||
|
| |
|
11-11-22, 11:00 AM
| #84 | ||||
| بعذرها ام فواز تظن نايف لابو فواز فيه من التصرفات الي تشبه ابو فواز وسلطان هل ابو منايا هو ابو نايف هالبارت انقلب الدنيا عليالبنات المظلومة صارت ظالمة والظالمة صارة مظلومة سدول مش حامل وانا اقرا انها تنزل بسرعه ومعها الحافظه خفت انها تطيح ويصير لبيبي شي رغد تشابه جدا ام عزيزه وبناتها هل بينهم قرابه | ||||
|
| |
|
14-11-22, 11:27 PM
| #86 | |||||
| اقتباس:
وبالنسبة لرغد تصير بنت اخ ام عمر(عزة)فما بينهم علاقة هي وام راضي | |||||
|
| |
|
14-11-22, 11:29 PM
| #87 | ||||
| 32 سبحانك اللهم وبحمدك استغفرك واتوب اليك❤❤ - ((شقة ساجي)) ساجي دخل ووجهه مكتسي هم مايدري يلاقيها من اهله ولا من سدول اللي تغيرت عليه كليا وقف وهو يناظرها مستغرب/خير!! سدول بعبايتها وطرحتها على اكتافها جالسة فوق شنطتها الواقفة تنتظره/الخير بوجهك ساجي تنهد وهو يقفل الباب/خير ياسدول خير سدول وقفت/أبد يالحب ابي اروح عند اهلي ساجي وهو يدخل للبيت ويمر من جنبها تعب من هالسالفة وتعب من اهله ومناوشتهم معها وهي بعد تغيرت عليه ماعاد يعرفها نطق وهو يكتم غيظه/بكرة ان شاء الله سدول/اسفة بس بعد اللي صار من شوي خايفة على نقسي صراحة ساجي وقف مجبر وهو يلتف عليها يناظرها سدول/وش فيك انصدمت!!هاذي الحقيقة ومشكورين ماقتحموا البيت للحين وذبحوني كالعادة ساجي بحدة/خلاص ياسدول خلاص!! سدول ارتفع حاجبها بالنبرة الجديدة عليها/على وش خلاص بالضبط حدد لي لاني مافهمت الصراحة ساجي بانفجار/تعبت تعبت خلاص وانا اداري خاطر ذي وذيك الى متى الى متى يعني خلاص زهقت والله زهقت سدول بابتسامة/والله!!تعبت وانت لك كم يوم بس من بديت اخذ حقي واعاملهم بالمثل/احتدت نظرتها/كيف لو كنت اعاملهم بهالشكل من بداية زواجنا!!ياما اذوني يااااما على عينك ومن وراك وكلها تقول اصبري حبيبتي اصبري ساجي بحدة/سدول!! سدول/لا حبيبي لااا اصبر باقي لازم تسمعني للاخير مثل ماتسمعهم للاخير ودام بدينا نكشف خليني اكشف كل شي كل شي باستحي وبتسمعني بتسمع كل اللي اقوله ساجي/والله!!وطلع فيه خبايا بعد!! سدول/هي مو خبايا الا خيبات ياسامي خيبات ساجي ضربته هالكلمة باعماق شعوره توجع منها وهو يشوفها ماتراجعت عنها سدول/تراعي خواطرهم على حساب خاطري ومشاعري واقول ماعليه ياسدول اهله يحبك ساجي والله يحبك اصبري لاجل عين تكرم مدينة لكن اللي يحب مايرضى على حبيبه اللي يحب مايرتاح وهو يشوف لمعة الحزن بعيون حبيبه وعالمه لكن وش كان قولك اصبري ياسدول اصبري!! ساجي بقهر/يعني حبي كذبة بالنسبة لك!!!كذبة ياسدول؟ سدول/صحيح تحبني لكن حبي عندك ينهزم قدام كلام امك واخواتك انا مااقول لك تجبر وصير فرعون عليهم لخاطري حاشا لله مااقوله لكن انا صرت قطعة منك من دخلت لعالمك اللي ماترضاه لنفسك ماترضاه علي ووش اللي صار ياساجي وشو رغم حبك الظاهر لكن سكوتك عن هالافعال شي ورا شي لحد ماكبرت هالاشياء بصدري وصارت فوق طاقتي وصحتي صحيت على نفسي واستوعبت صحيت انا بأختار نفسي وراحة بالي حتى لو كانت سعادتي معك ياساجي حتى لو سعادتي معك ساجي احتدت نظرته/يعني هالمرة بدون رجعة؟ سدول/ارجع ارجع لكن ماهو لنفس المكان اللي يضمني معهم انا وهم اضداد مانتقابل ولانصلح مع بعض ولاتفكر ابدا ابدا اني بأنتظر لحظة بهالبيت بعد اللي صار/لفت طرحتها وتلبس نقابها/ ساجي اتسعت عيونه/بتطلعين بدون رضاي!! سدول ناظرته/لاصار عشان حياتي وحياة ولدي ايه اطلع بدون رضاك ياساجي/مسكت شنطتها وهي تسحبها/ ساجي/سدول اذا خطيتي خطوة انتي طـ سدول رغم توقعها لهالشي اللي كان يدور ببالها بعد تصرفها مع عزيزة/تطلق!! ساجي مسك لسانه عن هالكلمة سدول التفت له وهي تترك شنطتها ورفعت نقابها وعيونها بعيونه/طلق الحين ياساجي طلقني خليني اسمعها زين واشوفك وانت تقولها ساجي زفر وهو يتعوذ من الشيطان/سدول سدول قاطعته قبل يكمل كلامه بلعت غصتها وهي تتظاهر بالقوة/هانت عليك العشرة وعلى طول نويت الفراق!! ساجي تنهد/يابنت الحلال انا سدول قاطعته/هالمرة انا ابيها ياساجي طلق ساجي اتسعت عيونه بصدمة من طلبها سدول/طلقني ياساجي طلقني ساجي تقدم لها وهو ينحني ويشيل شنطتها ويصد بوجهه عنها متجاهل طلبها/امشي اوديك لاهلك ترتاحين امشي سدول مسكت يده اللي فيها الشنطة/ماراح ارجع لهالبيت ياساجي ساجي ناظرها وهو يتنهد سدول برجفة صوتها/لو تخيرني بين اقعد بهالبيت معهم ولا الطلاق اتطلق ياساجي والله أتطلق والله ساجي/امشي الحين امشي وبعدها يصير خير . {{المـزرعــة}} (بيت سلطان) ،،المجلس،، //جو صامت رغم توزيع النظرات والنفوس المشحونة من كل طرف لاخر// ام عمر مدت يدها لصينية الضيافة اللي تتوسطهم بعد مايأست من ان فتنة تضيف الموجودين اخذت فنجان وهي تصب القهوة ومدتها لابو عمر ابو عمر رفع يده برفض للقهوة وهو يناظرها بحدة/وليش ماتضيف هي ولا ماعلمتيها السنع؟!! فتنة/الحمدلله اسمع من السنع محد كان يقوم بضيوفك غيري!! طلال بحدة/هيه انتي!! فتنة/اقصر صوتك تراك ببيتي!! بدر ميل فمه بابتسامة طلال اتسعت عيونه/وشو!! فتنة/احترم عشان تحترم ابو عمر بابتسامة كلها غيظ/والله وطلع لك ريش يافتنة!! فتنة وهي ترجع شعرها لورا بتعالي/الحمدلله من يومي ريشي يزهى/احتدت نظرتها وهي تطالع ابوها/لكن العتب عاللي مايقدر النعمة ابو عمر ضحك/غرتك دنياك يابنية!! فتنة/لااا وانت الصادق ضحكت لي عقب العنا ابو عمر شد على قبضته بغيظ طلال وقف وبحدة وسط ارتفاع صوته/انهبلتي بدر وقف وهو يصرخ بصوت اعلى منه/هـااااااايييييي فتنة ميلت امها بابتسامة طلال تقدم ومسك بدر من يده وهو يرفعه ويرميه عالارض ابو عمر ميل فمه بابتسامة فتنة اتسعت عيونها بصدمة من فعلته طلال بقهر منه/تركتك تسرح وتمرح فوق راسي وانا ساكت لك ام عمر بحدة/انا اللي تركتك تسرح وتمرح فوق راسي وساكتة لك طلال التفت يناظر امه بحدة/وشو!! ام عمر بنظرات حادة/اضربني احسن اضربني!! طلال زفر وهو يصد عنها ام عمر/استحوا على وجيهكم الخلق كلهم دروا انكم متهاوشين!! ابو عمر ناظر فتنة بابتسامة سخرية/لايكون كبر راسك من تحت هالزوج!! بدر اعتدل وجلس وسط الم ظهره فتنة/وليه مايكبر وهو عوض الله بعد اللي شفته طلال شد على قبضته بقهر ابو عمر ضحك/ياااااووووكك فتنة احتدت نظرتها ابو عمر/يافتنة ياااااوككك مادريتي اني زوجتك اياه عشان لا درا يطلقك وترجعين لي طلال ابتسم وهو يجلس براحة وسط نظرته لوجيههم ام عمر اتسعت عيونها بصدمة من كلامها فتنة شحب وجهها من كلامه ثم ابتسمت/كيف راحت عن بالي ذي كيف!! ابو عمر يناظرها بابتسامة بدر/والله ماترجع لك وانا موجود اقصى احلامكم ذي اقصاها فتنة مدت يدها تمسك يده تطلبه يسكت ابو عمر ضحك/ماهو بكيفك انا ابوها واخوانك شهود وامك بعد/ناظر ام عمر/ماهي بزينة يطلعون عيالك شهادة زور وهم بهالاعمار ام عمر احتدت نظرتها له فتنة ضحكت ابو عمر قطب جبينه بغيظ فتنة بضحكتها/فعلا كلن يرى الناس بعين طبعه فعلا!! ابو عمر احتدت ملامحه فتنة/على طول حكمت ان نهايتي معه الانفصال!!من وين جاك هالشعور ومين قال لك؟او بالاصح من شكى لك من تردي الامور بيننا؟ بدر ابتسم طلال يناظرها بغيظ فتنة/هذا واحنا تونا اللي قلنا بسم الله على طول حكمت/هزت راسها يمين ويسار/التسرع عادة عادة الله يهديك بس ابو عمر ابتسم فتنة/صافية وبتدوم باذن الله صافية والعذال بيموتون من قوة الصفا طلال ابتسم/اللي ماخاف ربه بخلقه كيف بيخافه فيك؟ فتنة احتدت ملامحها ابو عمر/غرتك حلاوة الكم يوم كل البدايات يازينها العبرة بالنهاية يابنت عزة بالنهاية فتنة ميلت فمها بابتسامة تحتها كم كبير من القهر/اشوفك عاجبتك هالحلاوة وفعولها وسط مجلس الرجال!! ابو عمر احتدت نظرته فتنة/سمعت انك باركت لابوه وتمنيت مثله بعيالك!! طلال وقف وهو يسحب الفنجال وحذفها فيه بقهره منها فتنة غمضت عيونها وضرب الفنجال بوجهها وجرحها جرح خفيف تحت عينها اليمنى بدر هجم على طلال وهو يلكمه ام عمر وقفت وهي تحاول تفكهم من بعض وبعد وقت بسيط ماقدرت تقرب منهم حتى التفتت لابو عمر/تحرك بيذبحون بعضهم ببيت الرجال!! ابو عمر بحدة/طلال طلال جالس فوق بدر وهو خانقه بكل مافيه/يعقّب ورب البيت اتركه يعقب ابو عمر صرخ/اتركه فتنة وقفت بخوف عليه/بدر بدر دفه عنه بكل قوته طلال ارتمى عالارض من دفته وضربت جبهته من جهة اليمين بزاوية صينية الضيافة اللي تسببت بجرح غاير للداخل بدر وقف وهو يمسح أنفه اللي يصب دم ويناظره بحدة ام عمر ارتعبت وهي تناظر طلال ينزف اكثر من اخوه طلال انساب الدم من جرحه ونزل على عينه مسح عينه بكمه اول ماحس بشي عليها ناظر كمه للحظة ثم ابتسم فتنة احتدت ملامحها وهي تنتظر ابتسامته طلال طالعها/تدرين عاد حلال فيك اقوله عن سواياك كلها ابو عمر بحدة/طلاااال!!! فتنة ميلت فمها بابتسامة سخرية/روح و قول له طلال احتدت ملامحه ابو عمر قطب جبينه وسط افكاره فتنة/وليش تقول له انت أقول له بنفسي مااحتاجك!! طلال قبض كفيه وهو يشد عليها بغبنة فتنة بثقة/وتدري عاد اول مااقوله ماصار شي بيصدقني على طول/مررت نظراتها بين طلال وابوها/عكسكم ياللي المفترض انتوا السند من قبله وبعده بعد!! طلال ضحك/صدق ابوي طايرتن بالرجل!! ابو عمر ميل فمه بابتسامة فتنة/لاااا مااغتريت ابد تبي تعرف ليش كل هالثقة طلال اختفت ابتسامته وهو يناظرها كيف مستمرة تواجهه بقهر منها فتنة/لان قلبه ونيته اطهر من هالسواد اللي يحتويكم واصفى من الماء الزلال اللي لو تلمسه اطراف اصابعكم أزال منكم الدنس!! طلال تقدم لها الكم خطوة اللي بينهم وهو فاض كيله منها بعد اخر كلامها فتنة واقفة تناظره بتحدي طلال وقف للحظة وهو يشوف نظرة عيونها الجديدة عليه بدر رجع فتنة ورا ظهره فتنة ابعدت بدر عن وجهها وهي تناظره بحدة/يازين من زار وخفف طلال ابتسم من صدمته/تطرديني؟!! فتنة/اعرفك لمّاح لكن خيبت ظنوني ابو عمر زفر وهو يوقف/ماعليك ملامة رفعك فوق فوق بالحيل فتنة التفتت تناظره بتحدي ابو عمر/ادعي ليل ونهار يكون قدها يافتنة ادعي بدر كشر بوجهه ابو عمر/لان عواقب هالطيحة موجعة لك وبالحيل يافتنة بالحيل فتنة بابتسامة ثقة/تطمن اودعتني أمانة عند واحد بيخيب ظنونك ابو عمر هز راسه بسخرية من كلامها وسط ابتسامته ومشى طلال مشى وراه وهو يضرب كتفه بكتف بدر بكل قوة وناظر فتنة/بتندمين واذكرك بدر ضحك بخفة وكله سخرية وهو يشوف ان هذا اقصاه طلال مشى بخطوات سريعة ام عمر مشت وراهم بدر ناظر وجه فتنة وركز نظره على جرحها البسيط/عسى مايوجعك فتنة ابتسمت وهي ترفع يدها لوجهها تتحسسه/لاتكبرها عاد وش صغره سهالات ان شاء الله بدر بنرفزة/وش سهالاته!!بغى يشيل عينك عساه اللي مانيب بقايل فتنة تنهدت/يوووه يابدر يازين هالجرح جنب غيره يازينه/انحنت وهي تاخذ فناجيل بيدها وسط كلامها/تعال نتقهوى بدر اوجعه قلبه من كلامها وارتسم الحزن على وجهه وهو يحاول يتخيل وش اللي مرت فيه بغيابه ولايستوعبه عقله للحين رغم كلام ريان كله فتنة التفتت له وهي تناظر وجهه تنهدت/بدر وش فيك بدر ابتسم وهو يطرد هالضيقة عنه/مافيني شي مافيني/جلس جنبها/ فتنة مدت له الفنجال بابتسامة/سم ياعين فتنة سم بدر اخذ الفنجال وابتسم/سلمتي وسلمت هالعيون لي سلمتي ام عمر وراهم/طلال طلال وقف وهو يلتفت لامه بغيظه/يمه لاتقولين/تبدد الغيظ من صدمته/ ام عمر طبعت كف بكل قوتها على خده ابو عمر التفت وراه وانصدم من شافها ضربت طلال ام عمر بحدة/اذا ماوقفك ابوك عند حده انا اوقفك واوقفه معك بعد ابو عمر احتدت ملامحه وهو يشوف زوجاته يتجبرن بنظره اكثر واكثر بكل مرة ولاهو قادر يسيطر عليهم ام عمر/حياة اختك مالك شغل فيها وياويلك تقرب من فتنة وزوجها محد طلب منك اي خدمة او حتى مساعدة وخرابيط ابوك اتركها بعيد عنك واصحى على نفسك وعالج امور حياتك بالاول ياطلال سمعت ابو عمر/عجيب ياعزة عجيب الحين صرت انا خرابيط؟ ام عمر/والله قلته لبنتك مايقوله رجال عاقل ياعبدالله ابو عمر بحدة وسط تهديده/الظاهر ناوية على شتات عيالك ياعزة ام عمر/شتات وش الله يخلف بس!!هذا هم كل واحد بطولي وباقي تقول شتات!! ابو عمر/الظاهر انك انهبلتي مثل العلة بنتك عقب ماطلعتي من بيتي ام عمر ابتسمت/والله انت اللي بتنهبل لو تدري من شفت ياعبدالله ابو عمر قطب جبينه بشك وهو يناظرها ام عمر/لكن ماني بقايلة لك ابي اعرف نهاية افكارك وين توصل/لفت عنهم راجعة لبيت فتنة وتاركتهم/ ابو عمر بغيظ/وربي لاربيهم هين بس هين امش امش/اسرع مبتعد بخطواته/ طلال مشى ورا ابوه العم يسر اللي واقف عند المجلس الخارجي ينتظرهم ابتسم/هلا ياابو عمر ابو عمر ابتسم مجبر/هلا ومرحبا ياهلا العم يسر/حياك عالعشا الليلة ابو عمر/يكثر خيرك وجاد عليك الله لكن اعذرني مايمديها مستعجلين والله العم يسر/لا مايصير ذي فيها حقوق ياابو عمر مااقبلها ابد مااقبلها/انتبه لطلال/لاحول ولاقوة الا بالله عسى ماشر سلامات ياولدي سلامات طلال غطى جرحه بيده ابو عمر ابتسم/مامن شر بنروح للمستوصف وان شاء الله مافيه شي العم يسر صرخ/سعد ولد ياسعد سعد اللي بعيد عن ابوه بمسافة ماهي بذاك البعد/سم يبه العم يسر/افزع افزع للسيارة وجبها ابو عمر/يابن الحلال مايحتاج طلال/مافيني شي ياعم الحمدلله هذا انا رايح العم يسر/انت تيسر مع سعد وخلص امورك وانا وأبوك نتقهوى على ماتخلصون ابو عمر/يكثر خيرك وصل والله انه وصل العم يسر مسك يده باصرار وهو يشوف سعد متجه لهم بالسيارة/الحق وعييت عنه عاد القهوة والله ماتقول لا . سجايا دخلت عندهم بوسط انفاسها السريعة وهي تناظر هدوءهم باستغراب ام فواز متمددة وهي معطيتهم ظهرها ونايمة الجدة سدول متمددة على سريرها اللي بزاوية الغرفة ذهب تمسح جدتها سجايا ناظرت ذهب ذهب تنهدت وهي ناظرتها للحظة ثم كملت تمسح جدتها وبتهديد/مالك شغل ياسجايا مالك شغل سجايا تكتفت بغيظ الجدة سدول/كانك تدورين عجايب بيننا انسي ياسجايا سجايا زفرت وهي تحس بالظلم وهي ماتقدر تبرر لهم بسبب وضعها خرجت من عندهم بغيظها الجدة سدول/بنت ياذهب الحقي اختك الحقي المجنونة الحقيها سجايا واقفة وهي تناظر فتنة بالف فكرة وفكرة تدور ببالها ذهب/سجـ/سكتت للحظة وكملت/ـايا تعالي جدتي تبيك فتنة شايلة بيدها صينية الضيافة متجهة للمطبخ مرت بسرعة وهي انتبهت لنظراتهم سجايا التفتت لذهب بعيون كلها تنطق شرار ذهب همست من بين اسنانها/لو يولعون ببعض مالنا شغل فاهمة ام عمر وقفت عندهم ذهب ابتسمت ام عمر/وين فتنة؟ ذهب وهي توقف جنب سجايا وتمسكها من يدها سجايا تدف يدها بتكشيرة ذهب مسكتها وبابتسامة/بالمطبخ ياخالة ام عمر اتجهت لفتنة ذهب تسحبها/امشي امشي انتي محد يتركك اليوم محد سجايا وهي تدفها عنها وتمشي قدامها وبنفسها/هين هين ام عمر وقفت عند فتنة بالمطبخ فتنة واقفة على اطراف اصابعها عند الصيدلية المثبتة بالجدار وهي تخرج لها لصقة جروح ومسحة ام عمر تنهدت/الله يهديك كان انتظرتي عند بدر الى مااجيب لك انا فتنة ميلت فمها بابتسامة وهي تربعت عالارض قبال الفرن وناظرت انعكاسها تمسح الجرح/مشكورة عالاهتمام لكن اهتميت بنفسي بظروف أسوأ مابتفرق معي اهتمامك بمثل هالحالة!! ام عمر تنهدت فتنة قطبت جبينها وكانها تسترجع شي ثم التفتت تناظر امها/لايكون عشان الكل درا بالهوشة ام عمر بحدة/فتنة!! فتنة ضحكت/وربي للحين باقي خبلة/رجعت ناظرت الفرن وهي تلزق اللزقة عالجرح/على بالي اهتمام وانتي همك الظاهر!! ام عمر بقهر منها/الى متى يافتنة هاه الى متى فتنة التفتت لها انتظرها بجدية ثم وقفت/اللي عشته هالسنتين كان بطول اقسى دهر يمر على اعتى الاقوياء واللي شفته منك قبلها مايحتاج اقولك كيف عشتها معك كيف تبيني ارضى بكم موقف هالشي مستحيل مستحيل/مشت/ ام عمر تنهدت وبدعوة سرية/عسى الله يريح قلبك وقلبي يابنتي عسى الله يريحنا على خير وبخير . {السيارة} عمر اتسعت ابتسامته باعجاب وهو يشوف جدار المزرعة رغد اتسعت عيونها من صدمتها باللي تشوفه عمر بابتسامة/ماشاء الله تبارك الله ماشاء الله ماشاء الله الف من ذكره تبارك الله رغد التفتت له وسط رجفة يديها اللي ضمتهم ببعض حتى تخفيها/مو له هالمزرعة صح؟ عمر بابتسامة/قالوا لي ان عنده مزرعة بس ولا طرا ببالي مثل ذي تبارك الرحمن رغد تناظر هالجدار بصدمة اللي سرعان ماتحولت لخيبة كيف كيف كل توقعتها وامنياتها خابت هوى قلبه بفجعة ضاقت انفاسها وصارت بالقوة تسحبها وبصوتها المتقطع وهي رفعت نقابها تاخذ نفس/عـ.ــمــ.ــر عـ.ــمــ.ــر عمر شال عينه المعجبة عن المزرعة وهو يلتفت لها انفجع من وجهها الاسود وهو يوقف على جنب وبصوت ارتفع/بسم الله الرحمن الرحيم وش فيك!! رغد انهمرت شلالات دموعها بدون شعور منها وهي تحاول تجمع انفاسها وتهوي على نفسها بيديها/ماني قادرة اتنفس ياعمر ماني قادرة عمر مد لها علبة الموية اللي كانت بينهم بعد مافتحها/اشربي اشربي/حرك السيارة بعد مااخذت العلبة منه وهو يغير طريقه عن المزرعة وهو يبي مستشفى كل تفكيره ان اللي صار معها بسبب مرضها خرج جواله يبحث وسط ربكته/الحين وين ألقى مستشفى بهالمكان رغد مدت يدها الراجفة وهي تمسك يده توقفه وبوسط انفاسها/لا انتظر شوي شوي بس ياعمر عمر اختفت ربكته وهو يقطب جبينه يناظرها رغد استندت بظهرها عالكرسي وهي تغمض عيونها تحاول تلقط انفاسها وهي كلها حسرة على نفسها وقهر من فتنة وسط نظراته اللي تتجاهلها بكل مافيها . ((السيارة)) سلطان يسوق وهو كل شوي يسرق نظرات لورا بالمراية قدامه نايف جالس عالكرسي ورا ساند راسه عالقزاز ونايم وعلى كتفه راس سمو اللي محتضنها وضامها بيده ومجد على رجوله سمو اللي ماجف اثر دموعها للحين حافر خدها تتفزز بين لحظة ولحظة وهي انفجرت بالبكا اول ماشافت ابوها عكس مجد اللي تعب من البكى من لحظة مافارقتهم امهم ساكت ونايم عكس اخته بهدوء نايف يضمها له كل ماحس بفزتها وهو يصحى من نومته ويرجع ينام بدون مايحس من كثر تعبه سلطان تنهد بضيق وهو يناظره كل شوي وسط افكاره للحين يشوف نايف ذاك الصغير صحيح صار أب لكن بعينه هالاب يبي له أب يهتم فيه اخفى لومه لنفسه بعد كلام نايف صحيح فرط باللحظات اللي انتظروها سوا بسبب كلام ياقوت له لكن مهما لام نفسه يظل تصرفه صحيح بعينه زفر وهو يناظر هالعائلة الصغيرة وشلون بيتصرف معهم كيف يقدر يحمي نايف من احساس الذنب مستقبلا قبل يحمي هالصغار ضاقت عليه اكثر وهو يتعمق بتفكير المستقبل اكثر واكثر قطع افكاره رنة جواله اللي سحبه بسرعة يقفله لايصحي رنينه الصغار ابتسم من قرأ اسمها/هلا ياهلا هلا ومرحبا حي ذا الصوت وحي راعيته فتنة همست وهي تدخل غرفة نومها/هلا ياروحي/قفلت الباب/وينك؟ سلطان ابتسم من جمال الشعور اللي اجتاحه بعد هالندا الكبير بعينه تنهد/والله بعد اللي قلتيه ودي اقول انتي الروح وسط هالجسد فتنة خجلت للحظة وهي تستوعب ردها عليه سلطان/لكن الواقع يقول جاي بالطريق فتنة اخذت نفس وهي تتجرأ وتكسر حاجز بواقي الرسمية اللي تحسها بينهم/طريق حبنا؟ سلطان اتسعت عيونه للحظة من كلامها/أي حب؟!! فتنة انصدمت سلطان ابتسم/خابر الحب والغرام كله عند سلطان فتنة ميلت فمها بانزعاج بعد ماستوعبت حركته سلطان بجرأة/لكن اذا صغيّر السن ناويها تعليم ابشري انا جاي بطريق الحب والسرعة مليون فتنة قفلت الخط بوجهه سلطان قطب جبينه وهو مايسمع صوت قدم جواله لعيونه يناظره باستغراب ثم ضحك بخفة من حركتها ورجع اتصل عليها فتنة احمرت خجل بعد كلامه وهي تهف على وجهها بيديها رغم برودة الغرفة ثم رفعت طرف بلوزتها تهف على نفسها ناظرت جوالها اللي رن بيدها اخذت نفس وهي تفتح الخط سلطان بصوت رجف للحظة من كبح الضحكة/وين رحت ياصغيّر؟ فتنة انبح صوتها ببداية كلامها واعتدل صوتها/موجودة سلطان/الحمدلله خفت إنك رجعتي لجحرك اللي خابرته/ماقدر يمسك ضحكته وضحك/ فتنة بغيظ/والله هالجحر تتمنى تدخله سلطان قاطع كلامها/أنا اشهد اي والله فتنة اتسعت عيونها بصدمة من اللي قالته وهي فعلا ارتمت فوق سريرها بهاللحظة وتغطت بلحافها سلطان بحب/وسلطان وش هي حياته بدون فتنة كيف عاد لو ضمته لجحرها فتنة من خجلها ماقدرت الا تناديه/سلطاااان سلطان تنهد بحب/امري ياعيوني سمي يافتنة سلطان سمي فتنة بخجل/خلاص ماابي شي سلطان/والله ان تبشرين به بس اطلبيه ياعيني انتي فتنة/وينك فيه تاخرت؟ سلطان ابتسم وهي اول مرة تساله من تزوجوا/ابد مشكلة صغيرة وانحلت الحمدلله فتنة بقلق/اهم شي انت بخير؟ سلطان تنهد براحة وهو يحس بخوفها/إليا سمعت صوتك كل مافيني يطيب فتنة خافت هالمرة وهي ترمي اللحاف وبنفس الوقت تجلس/وش فيك سلطان أمانة معك فيك شي طمني تكفى لاتفجعني ياسلطان تكفى سلطان/والله والله يافتنة سليم متعافي الحمدلله كله بفضله نحمده فتنة تنهدت بصوت مسموع واضح/الحمدلله الحمدلله سلطان ابتسم/الحمدلله ألف لكن أنا مايكفيني الصوت بس فتنة ابتسمت وهي تمسح ع اللحاف بطرف يمينها من الخجل وبصوت واطي/إهم؟!! سلطان بابتسامة وهو يسمع صوتها البعيد وبهدوء/نبي يضمنا لحاف واحد وانتي على يميني تغفين/فز برعب من حس يد تمسك يمينه اللي يسوق بها وبنبرة عالية/بسم الله الرحمن الرحيم فتنة فزت من صوته/وش فيك؟ مجد وهو يفرك عيونه/عمو موية موية عتسان سلطان وهو يسوق وسط انفاس شبه سريعة/حسبي الـلـه على العدو نفضت قلبي فتنة جالسة عالسرير على ركبها/سلطان وش فيك رد علي وش فيه؟ سلطان/لحظة لحظة شوي حبيبتي/نزل الجوال على ثوبه وهو يلتفت لنايف للحظة ونايف نايم ماحس بمجد من نزل عنه تنهد وهو يناظر محد/ابشر ياعيني ابشر على هالخشم/مد له علبة الموية بعد مافتحها/اجلس واشرب/ناظره بالمراية وهو يجلس وراه ويشرب/حبيبي مجد لاعاد تقول عمو قل عمي عمي سمعت انت رجال يامجد سمعت مجد هز راسه وهو يشرب سلطان بابتسامة/بعدي والله ذيب ولدي ذيب/رفع السماعة لاذنه/هلا فتنتي ابطيت عليك؟ فتنة/مين هالصغير اللي معك؟ سلطان/ولدي فتنة انصدمت من رده سلطان/الوووو وينك فتنة ماردت وهي تحس بوجع بقلبها من الصدمة سلطان باستدراك للوضع وهو يحس جاب العيد/امزح امزح والله ماعندي لا ولد ولا بنت فتنة كشرت بوجهها/سلطان لاتمزح معي بذا الامور ترا اصدقك لا قلتها سلطان زفر بابتسامة/حقك علي اسف واخر مرة ماراح اعيدها اي طلب ياعين سلطان؟ فتنة تنهدت/ماقلت لي من هو هالصغير؟ سلطان/ولد نايف،نايف وعياله معي جايين عندنا فتنة سكتت وهي ماتبي تتدخل بشي تنهدت/ابسالك ماشفت عمي سلطان اتسعت عيونه وهو يمسك فرامل لاشعوريا/ابوي نسيته!! نايف النايم تقدم بجسمه بسرعة صحى بفجعة وهو يضم سمو لحضنه وضرب بالكرسي قدامه مجد الجالس جنب ابوه طاح من الكرسي وارتمى بين الكراسي عالارض واعتلى بكاه وهو يمسك راسه نايف مد يده وسحب مجد بسرعة وهو يوقفه سمو غرقت عيونها دموع وهي تناظر مجد ثم اعتلى صوتها مثله بالبكا نايف تفقد مجد بعيونه اسرع من يده الوحيدة اللي تتحسسه يتطمن بها اكثر عليه سلطان التفتت عليهم بصدمة من فعلته/أكلمك بعد شوي يالله سلام/قفل وهو يمد يديه ويسحب مجد من ورا لعنده وهو يمسح على راسه/بسم الله عليك بسم الله نايف بقهر من سلطان وبدون شعور رفع يده وهو يضرب سلطان بقفا راسه سلطان مسك راسه وهو يلتفت لنايف بوسع عيونه مو مصدق اللي صار له/ااااه نايف يناظره بحدة مجد انفجر يضحك سمو سكتت وهي تناظر مجد يضحك نايف قطب جبينه وهو يناظر عياله اللي هدو سلطان كشر بوجهه وهو يناظر مجد/عاجبك ابوك يمردغني!! مجد هز راسه/ايييهه سلطان مد يديه لمجد يدغدغه/انا اللي بمردغك الحين يامجيد أنا مجد اعتلت صوت ضحكاته السيارة وهو يتحرك بحضن سلطان يقاومه نايف انزاح شي من الضيقة عن صدره وابتسم وهو يناظرهم سلطان التفت لنايف وهو يضم مجد لحضنه وباسه على جبينه/استعد قلبي يقول ينتظرنا شي الله يستر علينا منه نايف قطب جبينه باستغراب سلطان/نسينا ابوي بالمحطة/اسرع بالسيارة متجه لابوه/ . ((بيت ابو ماهر)) ياقوت داخلة لبيت ابوها وهي تجر خطواتها بثقل ووجهها محفور بأثر دموعها وكلها حزن جوهرة واقفة على مدخل العمارة زغرطت اول ماطاحت عينها على اختها ياقوت وقفت ناظرتها جوهرة بوناسة/هلااااا ومرحباااا ياهلا بأختي ياهلا والله نورتي البيت كله ياهلا/جرت لها/ ماهر دخل وقفل الباب وراه وهو يدف ياقوت لقدامه بخفة وعيونه جحظت وهو يناظرها جوهرة وقفت ماهر/ووجع ياجوهرة وجع !! جوهرة هدت جريها وهي توقف عند ياقوت وتضمها/مبروك ياعين اختك مبروك ياقوت شدت على جوهرة وهي بحضنها وخانتها دموعها رغم مظهرها المفضوح ماهر ارتغعت حواجبه من اللي يسمعه/والله!! جوهرة نزلت ياقوت لحضنها تضمها وهي تناظر ماهر/خير ان شاء الله وش فيك معصب!! ماهر بابتسامة/مستانسة جوهرة؟ جوهرة كشرت بوجهها للحظة ثم ابتسمت/وليه مااستانس اخ ماهر ماهر بابتسامة/لااا استغفر الله يحق لك تستانسين صدق/احتدت ملامحه/استانسي ع الخيبة ياجوهرة خيبتك انتي واختك الخايبة كل وحدة مشت اللي براسها وهه هاذي النتيجة جوهرة/عادي اي قرار نتخذه غلط يعلمنا مو مشكلة ماهر كبح غيظه/انتي غاسل يدي منك من ايام روحتك لفواز ياقوت قطبت جبينها وهي تفك حضن جوهرة وتمرر نظرها بينهم جوهرة اتسعت عيونها/مين قالك؟ ماهر بحدة/الله والخيبة ذا اللي هامك محد قال سمعتك باذني والله لولا حلف فواز ودخلته عنك بوجهي ذاك اليوم كان الحين ذابحك وخالص منك ومرتاح جوهرة تكتفت بثقة/كل واحد يقرر حياته خلصنا عاد ماهر/ماني بشاره عليك ولا ابي عوض من وراك عسى الله يخلف عليك بس/ناظر ياقوت/لكن الشره عليك انتي يوم اخترتيه قلت تشوف شي مااشوفه لكن الله والخيبة ياياقوت طلعتي خايبة مثل اختك ماتدبرين عمرك ابد جوهرة/يوووه منك ياماهر يوووه تكفى فكنا مااحنا باول ولا اخر ناس يتطلقون نذبح انفسنا عشان ترتاح انت!! ماهر/لو ادري ان وحدة فيكم مظلومة والله مايردني شي لافزع لكم لكن خواتي واعرفكم تعلموني فيكم جوهرة بقهر/لااا واضح تعرفنا ماشاء الله واضح!!هذا انت هاجم علينا بدون سبب بدل ماتتوطاهم جيت تتوطانا ماهر وهو يمد يده يمسكها من شعرها جوهرة/ااااه ماهر/والله الحين اتوطاك واعلمك كيف تراددين يالـ*** سراج دخل اتسعت عيونه اسرع وهو يفكها من يده/مااااهر سلااامات!! ماهر تركها/ايه وصلت حياك حياك اكتملت الشلة اكتملت جوهرة تناظره بقهر وسط عيون تبللت بالدمع سراج وهو يرجع جوهرة ورا ظهره/خير وش فيك داخل علينا بشرك!! ماهر/ايه دافع عنهم مثل كل مرة لكن وين بتروحون من فعايلكم مصيركم بتلقون جزاكم بالنهاية/مرر نظراته على خواته/وهذا اولها هذا هو/خرج وقفل اللي وراه/ سراج ناظرهم/خير وش فيه ماهر؟وش صاير؟ جوهرة بقهر منه/كسر يد ان شاء الله سراج/جوهرة!!/ناظر ياقوت/وين عيالك انتي بعد؟ ياقوت تركتهم ودخلت للبيت وهي تكبح عبراتها ماهي ناقصة فضايح اكثر جوهرة ناظرت سراج/عيالها مع ابوهم واللي صاير طلقها الزفت شاف نفسه عليها يوم اخذته كبر راسه وصدق نفسه العايب/مشت وتركته/ سراج امتلى صدره ضيقة فوق ضيقته رجع طريقه وهو يحرك البيت وقرر يحتاي بنفسه الليلة . {{الـمـزرعـة}} العم يسر/هلا مرحبا ياهلا حياك الله ياهلا ومرحبا ابو عمر/الله يسلمك ويبقيك الله يسلم ياابو سعد العم يسر/سلمت سلمت ابو حمد ابو حمد ابو عمر/الله يحفظهم لك جميع العم يسر/امين امين الله يحفظ سعد ويرحم حمد ابو عمر تغير وجهه للحظة/الله يحفظ الحي ويرحم الميت واموات المسلمين جميع العم يسر/عاد فيه ناس يبون يسلمون عليك خص نص انت ابو عمر قطب جبينه باستغراب/الله يحييهم يابو حمد العمر يسر من مكانه/حياك حياك مريم دخلت بعبايتها وطرحتها اللي لافتها دون غطى ابو عمر صد بوجهه بحدة/وش هالكلام ياابو حمد!! مريم/السلام عليكم ابو عمر انصدم من سمع الصوت مريم تقدمت لعندهم وهي تنزل صينية الضيافة اللي بين يديها وتجلس/الله يحييك ياابو عمر حياك الله ياعبدالله ابو عمر التفت مجبر من نادته باسمه مكذب ظنونه ناظرها للحظة بعدم تصديق من وجودها ثم احتدت ملامحه بقهر/الله لايحيي ذا الوجه ولا يسلمه لا على وجه الارض ولا باطنها العم يسر/اعوذ بالله منك!! مريم ناظرته العم يسر فهمها وسكتت مريم تنهدت/كيف حالك ياعبدالله ابو عمر/حالي بخير قبل اشوف ذا الوجه/وقف وهو يناظرها بكل مافيه من قهر/ولك وجه تسألين بعد!! ثم غطي ذا الوجه الله لايسلمه نسيتي انك تحرمين علي!! مريم وقفت/استغفر ربك ياعبدالله ابو عمر بسخرية/ايه نسيت نسيت انك راعية دين تخافين الله ماشاء الله عليك مريم فاهمة قصده/مايحق لك تحرّم تحليله ياعبدالله ابو عمر صد عنها بوجهه معرض عنها/انا عفت وكرهت مابيني وبينك و والله والله بتبقين بنت عم ومالي بك لو هو شعرة مريم مدت يدها مسكت يده/اسمعني ياعبدالله ابو عمر ضربها كف على وجهها مريم تقبلت ضربته بكل هدوء ابو عمر تنهد بقهر وهو يناظرها/اااه العم يسر فز واقف وبصوت عالي وهو يرفع عكازه/ابو سعد اعقب!! مريم التفتت ليسر توقفه العم يسر كبح نفسه وهو وعدها مايتدخل باللي يصير مريم/برد قلبك ياعبدالله ابو عمر ميل فمه بسخرية/هه تساليني برد قلبك!!أنا لو علي أعيد السنين وأدعسك رايح جاي بذاك اليوم لكن مريم ماتت بذاك اليوم اللي تمنيت موتها فيه صدق مريم/انا مستعدة أجمعهم ياعبدالله وأ ابو عمر قاطعها/لااااا خلاص انا وانتي انتهينا يامريم انتهينا/مشى/ مريم/بأقعد وراك ياعبدالله وراك الى ماتسمعني ابو عمر خرج بدون مايرد عليها مريم جلست وانهارت تبكي/أنا اللي جبته لنفسي انا أستاهل العم يسر بكسر خاطر لوضعها جلس جنبها وهو يمسح على ظهرها/يامريم افزع لك بعيوني مريم هزت راسها بلا وهي تمسح دموعها/لا يايسر لااا لاتدخل نفسك وانت ماتعرف الموضوع العم يسر تنهد/ماودك تعلميني مريم ناظرته وسط انهمار دموعها وبنفسها/اخاف اخاف حتى انت تتركني ماشبعت منك ومن سعد يايسر للحين ماشبعت العم يسر مد يده ومسك يدها وهو يحتضنها بين كفوفه يطمنها وهو فهم نظراتها/يامريم مايهمني وش صار من سنين محد يبقى على حاله انا معك الحين لاني عرفت مريم اللي تزوجتها ماعلي من مريم اول علّي بمريم الحين مريم الصادقة الحنينة الطيبة الاجودية الزوجة الصالحة ماعلي من اول عليك بك الحين مريم بكت بحسرة العم يسر/تزين يامريم بتزين ان شاء الله بتزين . _______________________________ . ((الـلـيـل)) . ((السيارة)) //صمت طويل يسود المكان رغم تواجد اطفال// ابو فواز جالس بجسم مشدود من الغبنة يناظر لقدامه وهو يزفر بصوت مسموع وهو يكتم غيظه المفضوح عنهم وهو يحاول يخفيه نايف جالس بنفس مكانه ورا وهو محتضن سمو اللي ماتركت حضنه ابد مجد جالس جنب ابوه ملتزم الصمت على غير عادته سلطان يسوق متجه للمزرعة وبعد تردد كبير واخيرا استجمع شجاعته يبي يكسر الوضع اللي يخوف بعينه/يعني يبه ليه مااتصلت ابو فواز اللي ندم انه كفلهم الاثنين انحنى لقدام وهو يفتح درج السيارة ويسحب جواله ورمى سلطان فيه سلطان ضرب الجوال بطرف كتفه وطاح عند رجوله ووصله انه ابوه يكبح غيظه عنه سكت للحظة ثم تكلم/يعني معقولة يبه ماانت بحافظ رقم؟يعني ولا واحد ابد ولا واحد؟ ابو فواز التفت يناظر بحدة وهو يبلع الكلام اللي بيقوله سلطان/طيب كان ركبت مع اي واحد مايقصرون المسلمين ابو فواز انفجر وبصوت عالي كله عصبية/ليه مهبول انا سمو بكت وهي تشد على ابوها نايف اللي فهم من حركة سمو ان ابو فواز تكلم مجد لصق بابوه اكثر وواضح الخوف عليه نايف حاوط مجد بيده وهو يضمه لجنبه يحتويه ويهديه ابو فواز بعصبيته/ابتلي نفسي مع واحد مدري هو صاحي ولا مجنون وقف وقف اقولك وقف سلطان بخوف/يبه تعوذ من الشيطان ابو فواز مد يده وهو يمسك ثوب سلطان من عند صدره يزمه ومن بين اسنانه/انا اقولك اوقف ماتسمع انت/صرخ/اوقف!! سلطان وهو يحس بضيقة/ابشر ابشر/وقف/ ابو فواز تركه وهو يفتح الباب سلطان طفى السيارة ابو فواز قطب جبينه يناظره باستغراب سلطان فتح بابه بسرعة ونزل وتركه مفتوح وراه وركض له وهو يمسك الباب يقفله على ابوه يحبسه داخل السيارة ابو فواز اتسعت عيونه من فعلة سلطان/ولد!!! نايف اول ماشاف سلطان فهم فتح بابه ونزل وهو حاضن سمو وسحب مجد معه ونزله سلطان قفل باب نايف بيده الثانية وهو لازال ماسك الباب عند ابوه يناظره/يبه استهدي بالله معنا بزران لاتخوفهم ابو فواز بوسع عيونه/اعقب ياسلطان اعقب!! سلطان يناظره/يايبه اسمعني ابو فواز بحدة/فك لاأفك رقبتك من مكانها الليلة سلطان/والله يايبه ماقصدت اتركك وراي نسيت نسيت والله غصب عني نسيت لاعرفت السبب بتعذرني يبه بتعذر ابو فواز/ورب البيت ياسلطان مافكيت الباب اني لااطاردك بذا السيارة اخليك تعرف ان الله حق سلطان التفت لنايف يشاوره بنظراته ارتاح وهو يشوف نظرات نايف اللي تطمنه همس/وش بيسوي بنا بهالليل وبهالمكان صح؟/ترك الباب بعد تردد لحظات وهو يبتعد عنه خطوات بسيطة اتسعت عيونه وجرى له/ ابو فواز اللي ماانتظره يفتح نط مكان السواق وهو ناوي ينفذ وعده وشغل السيارة/هين وانا ولد ابوي هين نايف شايل بيمينه سمو رفع مجد بيساره بسرعة وهو يشيلهم الاثنين ويهرب مبتعد عنهم سلطان وقف عنده وهو يمسك الدريكسون بكل قوته/يبه هذا انا جيت تكفى يبه تكفى لاتروع ذا الصغار ابو فواز ناظره وبسخرية/بسم الله عليك راحم ذا الصغار وانت ناسي ابوك!! سلطان سكت ماعرف وش يرد ابو فواز مسكه من ياقة ثوبه وشده سلطان تغير وجهه وهو يتحرك لجهة ابوه من شدته ابو فواز بغبنته/جابك الله برجولك سلطان برجى وهو يناظره/يبه تكفى ابو فواز/والله ماني بصايمٍ كفارة لعينك/شد على ياقته اكثر وهو يدعس عالبنزين بكل قوته/ سلطان اللي تحرك كم خطوة بفجعة ونط على حافة السيارة وهو يمسك الدريكسون بيساره وبيمينه كرسي السيارة اللي جالس عليه ابوه وهو يثبت نفسه بكل قوته صرخ/يبه انا في وجه جدتي تكفى في وجه سدول يايبه ابو فواز عض على شفته بقهر وهو يوقف عند نايف اللي ابتعد عنهم مسافة ووصل لعنده ومسك فرامل سلطان ضرب بطرف الباب بكل جسمه وارتد من الضربة وطاح عالارض نايف رجع لورا بخطوات معدودة بقلق يخفيه وسط انفاسه السريعة سلطان مرتمي عالارض على ظهره يناظر السما وهو يتوجع وبعدم تصديق انه سلم من جنان ابوه بهاللحظة ابو فواز نزل وهو يخطي من فوق سلطان/الحقني سلطان فز جالس وضرب راسه بطرف الباب دارت فيه الدنيا من الضربة ابو فواز وهو يوقف قبال السيارة التفت لورا يناظره/وينك؟ سلطان وقف وهو يتوجع/سم وراك يبه وراك ابو فواز التفت للجهة الثانية وهو يناظر نايف اللي واضح عليه القلق ومرر نظره بين سمو ومجد/ادخل انت وعيالك مايصلح لهم الظلام ادخل نايف اتجه للسيارة بسرعة وفتح الباب بدون اي رد وهو يدخل مجد وسمو وركب سلطان مر من عند ابوه وهو متجه للسيارة بيركب عند نايف ابو فواز مشى وراه بهدوء سلطان وقف عند نايف مسك الباب بيفتحه وهو يتصدد عن نظرات ابوه ابو فواز وقف وراه ومسكه من كتفه/على وين يالطيب سلطان بلع ريقه ناظره/يبه انت واضح انك تبي تسوق وانا تعبان من الصبح ابي ارتاح شوي جنب نايف والصغار اوسع لي ابو فواز ابتسم/بترتاح انت بترتاح نايف قفل زر الباب عن سلطان سلطان اتسعت عيونه نايف صد بوجهه لايناظره ابو فواز مسكه من اذنه سلطان مال بجسمه لجهة ابوه/اااه يبه اااه ابو فواز سحبه من اذنه وهو يمشي ووقف قبال السيارة ودفه لقدام وتركه سلطان تقدم بخطواته لقدام وهو ماسك اذنه/يبه تبيني اصير اجرب(مقطوعة اذنه) ابو فواز/ايه صير اجرب لامن نشدوك وشو له تقول نسيت ابوي وراي اهب من ولد اهب سلطان/يبه ماهو انا اللي سقت بالاولة!! ابو فواز جرى له سلطان جرى مبتعد عنه ابو فواز وقف ياخذ نفس/تعال تعال سلطان وقف قباله على مسافة/يبه نايف اللي ساق ابو فواز ناظره/مريض انت يومه نايف وراك نسيتني سلطان/نايف طلق زوجته يبه ابو فواز انصدم/وشو!! سلطان تنهد وهو يتجه له/وهي تركت الصغار لحالهم بالبيت غصب ننساك يبه زين مادعسني بطريقه ابو فواز/لاحول ولاقوة الا بالله لاحول ولاقوة الا بالله سلطان وقف عنده/ها يبه عذرت الحين؟ ابو فواز مشى وهو يتجه لمكان السواق/عذرته اي والله عذرته سلطان مسكه من يده يوقفه/يبه انا باسوق انت ارتاح ابو فواز مسكه من اذنه ويشدها بقوة سلطان وهو يميل بجسمه ومغمض عيونه بالم من شدة ابوه/وش سويت الحين وش سويت؟ ابو فواز/عذرت نايف لكن انت لااا وش عذرك يومك تنسى ابوك هاه وش عذرك؟ سلطان/غلطان يبه غلطان السموحة السموحة مالي حق انسى مالي حق ابو فواز تركه/انقلع سق يالله انقلع/رجع طريقه لمكان الراكب/ سلطان حط يده على اذنه وهو يناظر ابوه ابتسم من سعادته بهاللحظة رجعت فيه ذاكرته لمراهقته وابوه اللي يعاقبه بدون ينتظر تبريره هالشي البسيط بينه وبين ابوه رجع له الامل بعلاقتهم من جديد ابو فواز وقف عند مكان الراكب وبحدة/وش بلاك تمشي بالهون؟ سلطان جرى بخطواته لمكان السواق/وصلت يبه وصلت نايف اللي ماغاب عن عينه اللي يصير ابتسم لابتسامة سلطان وهو فاهم له اكثر من اي احد فرح له من كل قلبه الممتلي هم بهاللحظة وكانت هالابتسامة كفيلة تكون مدخل الراحة لقلبه . ((بيت سلطان)) ام فواز قبال الجدة سدول يتقهوون ذهب متكية على ترمس القهوة بيسارها وفنجالها بيمينها قطبت جبينها من وصلها الصوت ميلت فمها بانزعاج وهي تكبح نفسها لاتقوم الجدة سدول وهي تشرب من فنجالها/اللهم اجعله خير //اعتلى الصوت اكثر// ذهب نزلت فنجالها وهي لامست الارض بيديها بتقوم الجدة سدول مدت عكازها وهي تحطها بحضن ذهب تمنعها تقوم/اجلسي ماصدقنا السجية انقلعت مع ثابت ولا كان صارت سالفة ذهب بنرفزة/جدة من الصباح والاصوات ام فواز قاطعتها/مالك شغل ياذهب الجدة سدول باستغرابها/الغريب والله إنا نردك ياذهب!! ذهب كشرت بوجهها مغتاظة الجدة سدول/وش بلاك يابنت لاتحسبين عيني غافلة عنك؟ ام فواز ميلت فمها باستغراب ذهب/بسم الله وش فيه ياجدة!! الجدة سدول/هذا انتي مااااش مانتي بذهب اللي اعرفها ذهب اعتدلت بجلستها/خير ياجدة انتي اللي ماش علي اليوم الجدة سدول التفتت لام فواز/ها يانورة؟ ام فواز/وش فيك يابنت والله عمتي صادقة ماانتي بذهب اللي نعرفها ذهب تنهدت/استغفر الله العظيم استغفر الله الجدة سدول/وش وراك يابنت؟ ذهب سكتت بدون رد الجدة سدول/هذا وانا موصيتكم اختكم السادسة ياذهب اختكم ذهب/جدة لاتظلميني الجدة سدول/خابرتك راعية حق ياذهب ذهب/ياجدة والله ماسويت شي الجدة سدول قاطعتها بعتاب/ماسويتي كباير لكن صغاير ياذهبة ذهب بوسع عيونها/استغفر الله!! الجدة سدول/النفس والنظرات اللوامة اللي اشوفها وش هي ياذهب ذهب سكتت الجدة سدول/قولي اللي عندك ماهي بزينة هالحركات ام فواز بحدة/ذهب ذهب/نعم يمه ام فواز/قلتها من اول واعيدها الحين مالك دخل بشي ياذهب مهما سمعتي وحتى لو شفتي مالك دخل دام محد طلب تدخلك ماتدخلت وأنا أمه خلي عنك اخته عاد ذهب سكتت ام فواز بوسع عيونها/وينك مارديتي!! الجدة سدول/اتركي فتنة ياذهب اتركيها تطلع اللي بقلبها اتركيها ياذهب ذهب قطبت جبينها باستغراب الجدة سدول/اللي شفته انا وهو/زمت اصابع يديها اليمين/هالكبيرات يوجع بالحيل وشلون اللي ماشفته اتركيها اتركيها تداوي روحها العليلة اتركيها لاتصيرين معهم عليها اتركيها ياذهب واعذريها وانا جدتك اعذريها ذهب تنهدت/ابشري ياجدة ابشري مايصير خاطرك الا طيب الجدة سدول/اقفلي الباب اقفليه . ((الجلسة خلف البيت)) بدر جالس بدون نفس وهو متكي عالمسند بينه وبين امه وصاد بوجهه ام عمر تتقهوى بابتسامة/نورت ياعمر نورت وانا امك يعلم الله مشتاقة لك بالحيل عمر وهو ينزل الفنجان بابتسامة/وانا اكثر يمه وانا اكثر يعلم الله بدر بحلطمة وهو لازال صاد/أمدى تشتاقين يمه وانا مفارقته مالك الا كم يوم!! ام عمر سحبت المسند من تحته بدر طاح وناظرها/يمه!! عمر ابتسم ام عمر/وش عليك مني!!اشتاق لولدي وش عليك انت!! عمر/اتركيه يمه على راحته بدر/الله من زمان ماسمعت منك شي صح عمر قطب جبينه بدر وقف/والله راحتي مااجلس معك ام عمر بحدة/بدر!! بدر/أمي غاصبتني عالجلسة معك وانا ماابيها عمر/حتى ولو جيت ارد الوصل؟ بدر/لاااا الوصل ماهو بمعقود عندي تعرف وين مكانه وانا ياعمر قلبي مشحون مشحون بالحيل لو علي حتى الوصل مارضيت به/مشى/ ام عمر تنهدت/اعذره وانا امك اعذره عمر ابتسم بمرارة/معذور يمه معذور لكن ام عمر قاطعته وهي تنهي الموضوع/وشلون خالك واهله ووشلون رغد ان شاء الله صارت احسن عمر قطب جبينه/رغد داخل يمه ماشفتيها!!بدر دلها وهي دخلت ام عمر/ماشفتها ابد!! عمر/يمكن دخلت مكان ماشفتيه ام عمر وقفت بعدم ارتياح/بروح اشوف وينها فيه . فتنة خرجت من دورة المياه الخاصة بغرفتها بروب الحمام وشعرها ينقط موية اسرعت بخطواتها وهي نست منشفة شعرها عالسرير وراها وقفت بصدمة وهي تناظرها رغد واقفة قبال تسريحتها بعبايتها والطرحة على اكتافها وهي تفتح ارواج فتنة روج روج لاخره وتدعكه بأي مكان تطيح عينها عليه فتنة ناظرت مرايتها اللي تلونت من الارواج احتدت ملامحها وهي تسرع بخطواتها لرغد رغد اللي ناظرتها بالمراية ابتسمت وهي تلتف لها/اهلـ فتنة مدت يدها لرغد مسكتها من شعرها وسحبتها رغد صرخت وهي تحاول تفك نفسها فتنة تركتها وهي تدفها بكل مافيها لبرا غرفتها رغد ناظرتها بقهر وبصراخ/خيرررر انتي فتنة اسرعت لها وهي تضربها كف على وجهها . اللهم صل وسلم على نبينا محمد . #سلطان_الهوى_يافتنة_الألفية | ||||
|
| |
|
15-11-22, 03:32 PM
| #89 | ||||
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي العظيم | ||||
|
| |
|
17-11-22, 11:49 PM
| #90 | ||||
| 33 سبحان الله وبحمده سبحان الله العظيم - . فتنة خرجت من دورة المياه الخاصة بغرفتها بروب الحمام وشعرها ينقط موية اسرعت بخطواتها وهي نست منشفة شعرها عالسرير وراها وقفت بصدمة وهي تناظرها رغد واقفة قبال تسريحتها بعبايتها والطرحة على اكتافها وهي تفتح ارواج فتنة روج روج لاخره وتدعكه بأي مكان تطيح عينها عليه فتنة ناظرت مرايتها اللي تلونت من الارواج احتدت ملامحها وهي تسرع بخطواتها لرغد رغد اللي ناظرتها بالمراية ابتسمت وهي تلتف لها/اهلـ فتنة مدت يدها لرغد مسكتها من شعرها وسحبتها رغد صرخت وهي تحاول تفك نفسها فتنة تركتها وهي تدفها بكل مافيها لبرا غرفتها رغد ناظرتها بقهر وبصراخ/خيرررر انتي فتنة اسرعت لها وهي تضربها كف على وجهها رغد رفعت يدها وحركتها تبي تضربها فتنة مسكت يد رغد وهي تدفها رغد تراجعت خطوة لورا وهي تحاول تتوازن فتنة ضربتها كف مرة ثانية قبل تتوازن رغد بوقفتها رغد صرخت وهي تهجم عليها فتنة ضربتها كف ثالث وهي تدفها رغد اللي تلونت خدودها بالاحمر وقفت وهي تحس وكأن اللي قدامها جدار جدار ماتقدر عليه فتنة بنظرات حادة وصوت ينطق غضب/كيف تتجرأين وتدخلين غرفتي انتي اصلا مين سمح لك تدخلين بيتي من الاساس مين؟!! رغد ابتسمت وهي قاصدة تغيظها/الحمدلله اللي اخوك يعرف يستقبل عالاقل احسن من وجهك اجل ذا استقبالك لضيوفك!! فتنة ميلت فمها بسخرية رغد/انتي حتى ضيافة ماتعرفين تضيفين الله المستعان فتنة بسخريتها/ان شاء الله عجبتك ضيافتي!! رغد ميلت فمها بابتسامة تخالطها ضحكة خفيفة وهي تسمعها فتنة/باقي لك وجه تتكلمين بعد اللي اخذتيه!!يالله ماعليه حبيبتي ذا بيتي انا اضيف اللي ابي واطرد اللي ابي وانتي الطردة قليلة بحقك رغد بابتسامة مع اتساع عيونها/وااااو صدق الزواج يغير!! فتنة بجدية/غلطانة ياحلوة غلطانة لاااا ابدا مو الزواج اللي يغير أبد لكن طفح الكيل والسبب/تطالعها من فوق لتحت/هالاشكال النجسة رغد/هالاشكال النجسة هي اللي عزتك عقب مقامك الخايب!! فتنة/تخسين مقامي عزيز وطول عمره عزيز حتى لو وطيت النجاسة!! رغد ضحكت/والله شوفة النفس ذي مالومك عليها هالمرة طحتي واقفة على قولتهم فتنة/الحمدلله فضل ربي احمده واشكره والخير انا فيه من قبل هالمرة على قولتك/بشماتة/طول عمري معززة مكرمة ماهو بأنا ارمي كرامتي على كل من كان يسوى ولا مايسوى لأجل يضفني رغد بلعت عبرتها وبابتسامة/ايه عالاقل صاينة نفسي مو بأنا اللي اتمعشق واضيع شرفي!! فتنة ضحكت بسخرية/تكذبين الكذبة وتصدقينها ضروري ضروري تتعالجين لان واضح لوين متجهة نهايتك رغد/مسكينة للحين عايشة بوهم انك بريئة!! فتنة/لا حبيبتي انا بريئة غصب عنك والظلم اللي ارتكبتيه والله والله من سابع سماه ماانتي محللة لادنيا ولا اخره رغد هزت راسها بايه/للحين تظنين نفسك مظلومة!! فتنة اتسعت عيونها رغد/مقيولة الظالم ينسى لكن المظلوم ماينسى فتنة احتدت ملامحها/صدق انك مريضة!!مستحيل تكونين بعقلك مستحيل!! ، ، <قبل ثلاث سنوات> ،،الـعـصـر،، {بيت جدة فتنة ورغد} فتنة(16سنة)بيدها ترامس قهوة وشاهي وعبايتها المفتوحة وطرحتها تتوسط منتصف شعرها ومنسدلة اطرافها على اكتافها تجري للباب رغد(18سنة)رافعة قميصها الروز لمنتصف ساقها وهي تغسل الحوش/هيه هيه بشويش فتنة بوناسة/أمي تبي ترامس القهوة والشاهي رغد ضحكت/الله اكبر عمتي تبيها!!كيف عرفتي؟ فتنة/يوووه رغيد منك يوووه/ابتسمت/محد يفهمني غيرك رغد بابتسامة وهي تسحب الموية لبرا البيت/لاتطولين ارجعي بسرعة عشان نتجهز فتنة وهي تنزل الترامس بالارض وتعدل طرحتها/مايحتاج جمالنا رباني رغد ضحكت/خلصي بس ياالجمال الرباني خلصي وارجعي فتنة رمت الطرحة على وجهها وهي تخرج/يالله سلامات راجعيات شويات رغد هزت راسها بابتسامة وهي تكمل سحب الموية وتهمهم فتنة متجهة لبيت ابو فلاح وقفت من سمعت صوته وراها توترت للحظة وشدت عالترامس تخفي توترها وكملت طريقها صلاح(25سنة)/ياكامل الزين عذب الاوصاف فتنة التفتت/عساك بعذاب ماينتهي ياقليل الحيا صلاح/خافي ربك يافتنة انا ابيك بالحلال فتنة/تحللت روحك ياقليل الحيا خايفة من ربي قبل اشوف هالوجه انت اللي خافه ولو انك صادق باللي تقوله تعرف طريق الباب وقبلها طلق رغد دام ماصار الزواج للحين صلاح/انا مااقدر اكسر لامي كلمة امي تحب رغد فتنة/ايه صدقت امك تحبها واااضح مررة صلاح/يافتنة أنا فتنة قاطعته/اسكت ولا كلمة انا ماعمري تجرأت وتكلمت مع احد غريب علي لكن لازم احط لك حد اسمع عاد لاتظن ساكتة عنك ماادري بنظراتك ولا راضية بافعالك يالمريض ساكتة عنك لخاطرها صلاح/انا ماابيها يافتنة ماابيها ابيك انتي ليش ماتفهمين ليش فتنة/عسى ربي وخلقه مايبونك ياابو عيون تلقط الرايحة والجاية عساها الفقع انا عارفة اشكالك يرمي نفسه على كل وحدة وكبر راسك لانهم ساكتين عنك محد وقفك وبعدين شفت نفسك طالعت عمرك وعمري مريض الله لايبتلينا صلاح/والله لو غيرك دفنته بمكانه لكن انتي حتى اغلاطك على قلبي مثل العسل يافتنة والله انها عسل فتنة بحدة/عسل اللي مايشفيك من مرض يصيبك يارب وارتاح منك اقول حطني في بالك وربي وربي تطلع بوجهي مرة ثانية وتعيد ذا الحركات ماتدري الا وانت مقابل منكر ونكير وجع/مشت/ صلاح/هب ياقوها اخت رجال اهب عليك مااحلاك ياقوة التربية لكن هين اجيب راسك وانا ولد ابوي هين . ،،الـعـشـا،، فتنة بقمة أناقتها وقفت قبال رغد بعد مادارت حول نفسها وهي تتخصر/ها وش رايك؟ رغد جالسة عالارض بيدها المراية الصغيرة تحط روجها النود رفعت راسها تناظرها بابتسامة/فعلا جمال رباني فتنة وهي ترجع شعرها اللي على كتفها الايمن بحركة سريعة بيدها/هو انا دارية انه جمالي رباني لكن/بدت تلفح بشعرها يمين ويسار/ رغد ضحكت فتنة وهي تلفح/ماهو بوقت ضحكتك قولي لي كيف رغد نزلت المراية وهي تفز واقفة وتزغرط ثم صفقت وهي تغني/وعمت عينك ياحسود/رقصت جنبها/عمت عينك ياحسود لااله الا الله لااله الله/زغرطت/ فتنة وقفت وهي تمسك رقبتها/اااه خلاص يكفي تحمية الوعد الميدان رغد ضحكت/اسبقيني وامسكي لنا مكان تعرفين بنات محيميد يعاندونا دايم عالمكان فتنة وهي تلبس عبايتها/لاتوصين ذي المرة ادخل بعيونهم وأنا اخت عمر رغد ضحكت/روحي روحي يااخت عمر ،،بعد نص ساعة،، رغد تتمشى بالحوش بملل اتسعت ابتسامتها من سمعت دقت الباب وهي تسرع بخطواتها له وقفت وراه وهي تعدل شعرها بعد جريتها همست/مين صلاح همس/افتحي بسرعة قبل يجي احد رغد فتحت الباب صلاح دخل وهو ينزل لثمته رغد قطبت جبينها باستغراب وهي ترد الباب/وش فيك متلثم؟! صلاح/اجل تبين الكل يدري/مشى باتجاه مجلس البيت/ رغد وراه/بس انت كذا تجيب لـ صلاح دخل للمجلس وجلس قبال قهوتها اللي جهزتها له وقاطعها/وش فيك الليلة كثرانة سوالفك!! رغد/طيب طيب لاتزعل صلاح ناظرها من فوق لتحت/زين اني جيت وشفت هالزين كله الحمدلله مافاتني رغد جلست قباله وهي تاخذ فنجال وبابتسامة خجل/تسلم صلوح قلبي صلاح بنرفزة/وبعدين مع هالكلام تعرفيني مااحبه مااحبه مرة رغد بزعل/صلاح وش فيك علي وش سويت انا عشان تحط حرتك فيني صلاح زفر وهو يمسك يدها/حبيبتي رغد سحبت يدها منه/لاتمسك يدي صلاح احتدت ملامحه رغد/انت قلت تبي تشوفني بس بلا هالحركات ياصلاح صلاح بغيظه/تراك زوجتي زوجتي خبلة انتي رغد تكتفت/صلاح اذا انقفل علينا باب صرت زوجتك مابعد سوينا العرس صلاح وقف/اجل لاتزعلين اذا وصلتك ورقة الطلاق بكرة/مشى/ رغد مشت وراه بسرعة وهي تمسك يده قبل يخرج من المجلس/حبيبي صلاح صلاح وقف وهو يسحب يده منها/الحين حبيبي وانتي حتى ابسط حقوقي مااشوفها رغد/صلاح وش هالكلام انا لمى اقولك كلمة على طول تزعل مني صاير هالايام تزعل بسرعة وكثير صلاح/مافكرتي ليش؟ماسألتي عمرك ليش؟ رغد قطبت جبينها بتفكير/اللي تقوله مايصير ياصلاح مايصير صلاح/وانا ماطلبت شي صعب اقصى طلب ضمة تروي حبي او حتى شي بسيط يمر على خدي اسامر مع ذكراه لياليّ الطويلة لحالي ماطلبت كثير يارغد رغد تغير وجهها ووقف شعر جسمها من كلامه صلاح ناظرها ميل فمه بغيظ وهو يشوف شحوب وجهها/واضح ان مابيني وبينك نصيب الله يستر عليك يارغد/لف/ رغد مسكت يده توقفه/صلاح انت تدري بحبي لك وش كبره وتدري اتمنى قربك اليوم قبل بكرة انت كل ماضيي وحاضري ومستقبلي ياصلاح صلاح/وانتي تدرين بحبي لك كيف ماتوثقين فيني كيف رغد تنهدت بحيرة مابين عقلها اللي يأكد تصرفها وقلبها اللي يجبرها تتراجع عن موقفها صلاح مسك يدها وهو يرفعها لصدره يثبتها عليه وهو يحتضن هاليد بكفوفه/انتي الاولة ولاقبلك ولا بعدك احد بهالقلب يارغد/سحبها له وهو يحتضنها ويدفن وجهه بشعرها/ رغد تجمدت بحضنه صلاح تنهد وهو تحتويه مشاعر الحب الفياضة وابتدأ بأول خطوات الوقوع بالمحظور رغد بلعت ريقها بخوف وتوتر وهي تنتظر تحريره لها من يديه بسرعة اكيد بيتركها اكيد هذا اقصاه مثل وعده صلاح مستمر بفعلته رفع يمينه وهو يسحب سحاب فستانها وهي بوسط حضنه رغد اتسعت عيونها وهي تحس باللي يسويه وبتكذيب/صلاح!! صلاح مارد عليها وهو مستمر بفعله وينزل الفستان من يمينها رغد صحت على نفسها تحركت بين يديه توقفه عن فعلته/صلاح وقف خلاص صلاح ترك فستانها وهو يرفع يمينه لراسها يمسح على شعرها بهدوء نطق وهو يدفن وجهه برقبتها/خلاص يافتنة خلاص رغد وقف الدم بعروقها من صدمتها بكلامها صلاح ضمها له وهو ينزل فستانها/انتي القلب كله انتي منى الخاطر وكل تفكيره!! رغد تجمعت دموعها وهلت بغزارة تحركت بكل مافيها من قوة وهي تنهره بشدة وبصراخ/اتركني وقف وقف اقولك اتركني صلاح همس وهو يثبتها بقوته/اوشششش انتي حلالي يافتنة حلالي رغد رفسته برجلها صلاح ابتعد من رفستها وهو يناظرها بغيظ رغد وهي تعدل فستانها تغطي نفسها وبدموع بللت خدها وبرجفة من الصدمة والقهر/رغد رغد صلاح قطب جبينه للحظة وهو يستوعب غلطه ثم احتدت نظرته لها رغد بقهر/وماني بحلالك سمعت صلاح بحدة/عاد انتي زودتيها بالحيل/اتجه لها وهو يمسكها بالقوة ويثبتها عالجدار/ رغد انصدمت وهلت دموعها/لاااا تكفى لاااا صلاح غطى فمها بيساره وهو مثبتها مستمر بفعلته رغد انهارت بوسط دموعها وهي مو قادرة عليه فتنة اللي راجعة للبيت نزلت عبايتها وطرحتها وهي ترميها عالارض بالحوش تبي تبدل فستانها بعد ماكب عليها الصغير عصير بالزواج اتجهت للمجلس باستغراب بعد ماسمعت اصوات فيه واللي زادها شك نوره المفتوح والعادة يكون مقفول بدون تواجد ضيوف انصدمت وهي تناظر اللي يصير لكن صدمتها ماستمرت كثير سحبت سكين الذبايح اللي على طرف احد رفوف المشب عـلـى يسارها وهي تتجه له وغرزتها بمنتصف كتفه وسط رجفة احتوت يديها ولا قدرت تغرزها اكثر وتركته وهي تحس بخوف يسري بجسمها صلاح معطيها ظهره ترك رغد بوجع من الشي اللي توسط كتفه التفت وراه واتسعت ابتسامته وهو يرجع يده من فوق كتفه ويسحبها بسهولة وسط غيظه من حركتها/وصلت كل المُنى وصلت!! رغد مسكته يده بمحاولة يائسة تكذب فيها اللي سمعته وسط دموعها صلاح دفها على يساره بكل قوته قاصد لضربتها بالجدار رغد ضربت مثل مايبي بالجدار وارتمت عالارض فتنة تراجعت بخطواتها لورا من شافت فعله لفت عنه وهي تجري للباب صلاح لحقها وهو يمسكها فتنة صرخت وهي تحس بنفسها تطير عن الارض صلاح حاوطها بيديه وهو يرميها عالارض بكل قوتها فتنة دارت فيها الدنيا من ارتطم راسها بالارض للحظات وهي تتردد مابين عالمها وفقد الوعي رغد وقفت وراه وهي ترفع نفسها ويدها لاعلى مستوى توصله وضربته بكل قوته بالدلة على راسه صلاح ارتمى بجسمه فوق فتنة فاقد لوعيه وسط نزف راسه فتنة دفته عنها بكل قوتها وسط صرختها وضمت نفسها بفزع وهي تبعد عنه التفتت تناظر رغد اتسعت عيونها وهي تشوف وجهها اللي تلون بالاحمر/رغد رغد تناظر صلاح بوسط شلالات دموعها تناظر احلامها سعادتها امانها اللي انهدم معه فتنة مسكتها وهي تمرر نظرها عليها تتطمن/انتي طيبة؟سوا لك شي؟رغد رغد رغد ضربتها كف على خدها بكل قهر فتنة انصدمت وظلت تناظرها بصمت رغد بدموعها/من متى؟ فتنة قطبت جبينها مابين صدمتها باللي صار من شوي وصدمتها الحين ماقدرت تجمع الكلام وترد عليها رغد صرخت وهي تدفها من اكتافها/ردي علي من متى يافتنة من متى؟!! فتنة اللي تراجعت لورا كم خطوة قطبت جبينها بصدمة وهي ماهدت رجفتها للحين وبصوت مهتز من قوة الموقف/انا تشكين فيني انا!!ومع من مع ذا!! رغد تناظر صلاح وسط شلال دموعها بصمت وصدمة اللي صار وخوف من شكها فيه بهاللحظة فتنة احتدت نظرتها وهي تسمع هالاتهام الباطل بحقها ضمت يديها تهدي نفسها/حقي باخذه والله لافضحه قدام الكل والله رغد اتسعت عيونها والتفتت لها وهي تمسك يدها تترجاها/تكفين فتنة سامحيه تكفين فتنة انصدمت وهي تناظرها رغد/تكفين لاتقولين شي الحين بيصحى ويستوعب اللي سواه صلاح مو كذا يافتنة مو كذا والله فتنة سحبت يدها بقوة وقهر منها/وش فيك رغد بعد كل اللي سواه فيك للحين تبينه!! رغد رجعت مسكت يدين فتنة وشدت عليها وبترجي/هو غلط والله ادري غلط لكن اوعدك ماتتكرر تدرين ابليس شاطر قدر عليه تكفين سامحيه يافتنة لاتهدمين مابنيته تكفين فتنة سحبت يدينها من رغد/هذا مايستاهل ظفرك حتى انا سترت عليه وعلى حركاته اللي بكل مرة يعترض لي واحبك وابيك وهالخرابيط اللي مالها نهاية عشان خاطرك انتي انتي وبس يارغد رغد تزلزل باقي شعورها وهي تسمع كلامها ناظرت صلاح تحاول تستوعب اللي قالته فتنة كيف يقول هالكلام اللي انخلق لها وبس على لسانه كيف معقولة يحب فتنة ويخدعها مستحيل مستحيل هالشي كل مافيه ينطق بحبه لها مثل ماتحبه واكثر لكن هالشعور الداخلي واللي صار من لحظات يدفها بكل قوة تصدق فتنة لكن قلبها رفض رفض التصديق مستحيل هالشي مستحيل هذا صلاح كل عالمها كل مشاعرها كل طموحها بهالدنيا وفتنة ولا شي جنبه ولاااشي شحب وجهها وهي تذكر كلامه(منى الخاطر) فتنة رغم قوتها الظاهرة الا ان رجفت اطرافها واضحة/امشي معي احسن لك ولا هو بيقلبها علينا باقرب فرصة هالخسيس ماله امان رغد برغم افكارها نطقت يأس وسط دموعها/انا بتفاهم معه وافهم ليش قال هالكلام وسوا كل ذا لكن تكفين يافتنة لا تكفين استري عليه تكفين فتنة بغبنة/اسمعي عاد اذا انتي عادي اللي صار معك انا ماارضى ولا اسمح له يارغد سمعتي/مشت/ رغد/انتظريني يافتنة فتنة وقفت رغد ظلت تناظره للحظات تودع فيها كل مشاعر حبها كل امنياتها كل لحظاتها الحلوة اللي رسمتها معه اقفت عنه وهي تعلن نهاية حياتها معه بهالطريقة المأساوية ، ، رغد/لااا مو انا المريضة حدك محد غيرك المريض بهالمكان/برجفة صوت من كبح عبرتها وسط التماع عيونها من دمعها/تدرين بدمار حياتي وعذابي مع ابوي واهله شفتي بعينك تفاصيل الشقى اللي تحتويني تدمرين اعز واغلى مااملك ليه؟ليه؟كيف قولي لي كيف هان عليك تكسرين فرحتي تكسرين اغلى ماملكت بحياتي وانتي عارفة وش كثر يعني لي انا كل فرحة بحياتي صارت ناقصة كل شي ماله طعم كيف هنت عليك يافتنة كيف فتنة تناظرها بوسع عيونها مصدومة كيف للحين تفكر بذاك الموقف توقعت انها تعايشت مع الخيبة وانتهت منها كيف للحين مازالت عايشة بذاك الموقف وذيك الصدمة رغد/وانا اللي اعتبرتك اكثر من أخت عطيتك سري وشاركتك افراحي ورسمت معك احلامي ونهايتها غدرتي فيني فتنة ماعذرتها ابدا نطقت بحدة/انتي صاحية فيك شي!! رغد صرخت بقهر/اجل وشلون وشلون ارتسمتي بباله وشلون كيف رسم تفاصيلك هالغريب وصرتي مناه وهو حتى مايعرفك مايعرفك ابد فتنة/لا وربي صدق انك مريضة!!/صرخت/اعتدى!!!/رصت على اسنانها بقهر/ذا اعتدى عليك وناويها علي بنفس المكان لولا لطف ربك مدري وش صار فينا يالثنتين رغد/كله منك انتي منك اكيد خططتي من وراي وحفرتي كثير هو طول عمره ماعرف طريق لاحد غيري لكن انتي فتنة قاطعتها بضحكة عالية/مايعرف غيرك!! رغد صرخت/انتي حتى مافكرتي تتراجعين ترجيتك وطحت عند رجولك تسترين عليه اقصى امنياتي اعيش معه ببيت يلمنا ويسترنا راضية بقلة الحال معه راضية فتنة ناظرتها بحدة/هيه انتي هيه اصحي اصحي لاترمين غيرك باغلاطك لان اللي عطيتيه ثقتك مو قدها اصحي على نفسك اصحي من هالظنون والاوهام يالمريضة رغد ميلت فمها بابتسامة/هذا انتي يافتنة هذا انتي ماتتغيرين ابد فتنة قطبت جبينها رغد/للحين تشوفين نفسك متربعة على عرش عاجي محد يقدر عليه فتنة ابتسمت/موتي بغيظك سحبتي عرش وحل مكانه عرش اقوى منه بمية مرة ومبني بالحلال يالمريضة رغد نزلت دمعتها وهي تعض شقتها بقهر زفرت/ايه كل العالم غلط وانتي الوحيدة اللي كلامك صح بالملي فتنة هزت راسها بيأس منها/صدق انك عديمة كرامة ورخيصة تحبين المذلة!! رغد/خليني عديمة كرامة ولا حية تمشي وتهدم حياة غيرها فتنة ضحكت/هذا انتي حرفيا!! رغد بقهر منها/كل اللي انتي فيه ماتستاهلينه بعد سواياك يحرم عليك حتى طيف السعادة تلمحينه فتنة/الحمدلله الارزاق مو بين يديك ذا اولا وثانيا انتي حرام فيك عواد ماينفع لك الا صلاح الخاين هو قدرك وخلي عنك عمر المسكين اللي يسواك كلك ولاتستاهلينه اعتقيه واتركيه لحاله فكيه من عقوبة اثامك ام عمر وقفت ورا رغد وبحدة وهي تناظرها/فتنة!! رغد ابتسمت وهي ماالتفتت لورا فتنة ناظرتها بحدة ثم ناظرت امها ام عمر وقفت قبالها وصارت بينها وبين رغد وبحدة/لاتخببين بين اخوك وزوجته يافتنة فتنة اتسعت عيونها للحظة ثم أردفت وهي تتكتف/ليه هي محتاجة تخبيب بينهم!! رغد احتدت ملامحها بقهر ام عمر/وش صاير لك انتي يابنت!! تزوجتي وانهبلتي!! فتنة/توني ماقلت بسم الله عشان تبدون تتحسسون!! ام عمر/عيب عليك عيب!!ترمين الكلام بدون حساب!! فتنة/انتوا ماحسبتوا لي قيمة بينكم ليه احسب حساب لكم/ابتسمت/ااااه لهالدرجة الحقيقة توجع!! ام عمر ضربتها كف اتسعت عيونها للحظة وهي تستوعب ماسوت شد على يدها. هي تخفي احساس الذنب ماتبي الامور بينهم تتعقد اكثر رغد ابتسمت بانتصار وهي تتكتف ام عمر/تماديتي يافتنة تماديتي الا خراب البيوت الا ذي يافتنة فهمتي فتنة ابتسمت/انا تجاوزت الشك من زمااان لكن الحين أيقنت ان رغد هي بنتك وانا مجرد مولود انجبتيه وابتليتي به ام عمر اتسعت عيونها بصدمة فتنة/يكون بعلمك خراب البيوت ماهو بمني من اللي وراك وكم لي وانا اصرخ واطلبك تشوفين اللي اشوفه لكن منعمية عيونك عن رداها ولاعب بك سوء ظنك فيني ام عمر بعصبية/ماله داعي هالكلام يافتنة ماله داعي فتنة/لاصارت الاتهامات موجهة لي مالي حق ادافع عن نفسي ابدا لانه انتوا اصحاب الحق وانا الغلطانة وهي البريئة الملاك الطاهر المنزل!! ام عمر اخذت نفس/فتنة يابنتي فتنة قاطعتها بغبنة/من البداية مالها اي مكانة فتنة عندك كنتي بس تجمعين شتات شعورك بالذنب وتعالجينه حتى ترتاحين بنتك الفعلية رغد ام عمر/كلكم بناتي يافتنة كلكم فتنة ضحكت/كل مااذكر ذاك الشعور اللي مر وحسيت فيه اني هه غلطت بحقك احمد ربي انه لحظة ومر كيف لو استمر كان الحين انا منهارة نفسيا من الصدمة لكن فعلا فعلا انا تجاوزتك يمه تجاوزت كل امل انتظره من وراك شوفيني الحين ماهزيتي فيني شعرة!! ام عمر/انا الغلطانة اللي انتظر من وراك رجا وين بتلقين التوفيق وهذا كلامك لامك فعلا مادريت انك تشربتي الجفا وارتسم بفعولك عقوق بهالوضوح فتنة عصرت قلبها وهي تلفظ هالكلام/لاترتجين الاحسان عقب ماصاوبتيني بسهام العقوق!! ام عمر اتسعت عيونها/تدرين عاد عسى الله يرد فيك بعد هاللي قلتيه يافتنة خليك قد كلامك وتحملي نتايجه/لفت على رغد/امشي يارغد امشي يابنتي/مشت/ رغد ابتسمت وهي تناظرها تغيظها/ابشري يمه ابشري/مشت وراها/ فتنة جرت خطواتها بخيبة لغرفتها قفلت الباب انحنت شبه جالسة عالارض وهي تسند ظهرها للباب غطت وجهها بكفوفها انفجرت بكى وهي تذرف دموع تنساب معها مشاعر الفقد لامها هي ماحست بالحنان منها او حست بطيف اهتمام ليش هالشعور يوجع ليش تعيش الفقد وهي ماارتوت حب وحنان منها انهمرت هالدموع بغزارة تودع هالام الشحيحة معلنة القطيعة بثبات هالمرة . طلال وقف بالسيارة قبال باب البيت/الحمدلله عالسلامة ياابو عمر الحمدلله عالسلامة ابو عمر اللي طول الطريق باله مشغول التفت للبيت وضاق خلقه وهو يذكر البيت فاضي/الظاهر ياابوك صفينا لحالنا طلال/ماعليه يبه مرد الندم يحتويهم ويعرفون انه ماينفع لافات ويجونك الى تحت رجلينك وقتها افعل على ماتحب ابو عمر زفر بابتسامة فخر/لو جيتني قبل سنتين وقلت لي انا عضيدك يبه انا اللي بأشد عليك وتحتويك ماصدقت ابد طلال وهو يطفي السيارة/محد دايم غير وجهه يبه ابو عمر نزل/عسى الله يديمها نعمة او ماصفيت الا بك راضي وانا ابوك راضي طلال فتح باب البيت ابو عمر دخل/بسم الله طلال وهو يدخل بيت الشعر يفتح نوره ومكيفه/يبه ماحبيت اضيق عليك لكن ذاك الرجل لمحت سيارته مرت من جنبنا ببداية الحارة ابو عمر تجدد الغل بصدره وقف على باب بيت الشعر/خله خله انا بس اشوفه المرة الجاية اعرف له طلال/يبه اذا مرة ماتبيه بكرة وانا رافع البلاغ ابو عمر دخل للبيت وجلس/لاااا اتركه محد يعرف له غيري اتركه طلال تنهد بحيرة وهو مايعرف وضع هالرجال مع ابوه/على ماتحب على ماتحب ابو عمر/انام معي وش لك بداخل طلال/ابشر يبه بس اني اجيب لنا بطانيات وراجع/خرج وهو يتصل عليها واستقبلته كالعادة بعدم الرد قفل وهو يتوعدها بينه وبين نفسه/هين هين الوعد لا ولدتي ان ماخليتك تجيني زحف مااكون طلال هين . {بيت العم يسر} ((المجلس)) العم يسر/الله ان يحييكم الف ياهلا ومرحبا سلطان/الله يسلمك لكن حنا اهل بيت مايحتاج ياعم العم يسر رفع عكازه وهو يدف سلطان من ركبته/ماهو بلك انت اقطع وأخس سعد كتم ضحكته خوف يجيه شي سلطان/أفا ياعم ماعاد لي قيمة العم يسر/اترك التغلي عنك بس/ناظر نايف وعياله/هلا ومرحبا والله البيت بيتك العين اوسع لكم من المكان نايف بابتسامة وهو يتكلم بالاشارة يشكره العم يسر/ولو اني ماافهم عليك بالحيل بس ماعليه هالمرة عرفت وش تقول وانا ابوك فهمت سمو بهمس وهي بحضن ابوها/بابا يقول الله يسلمك من طيب اصلك ياعم سلطان باستعباط وهو يميل نفسه لها/ها ماسمعت وش تقولين تبين عصير سمو بغيظ وهي صرخت باذنه/الله يسلمك مجد ضحك سلطان فز مسك اذنه/ااااح اذني اذني نايف ابتسم وهو تلامس يده اعلى راسها تنهد بارتياح بعد ماكان شايل همها من كثر بكاها وتعلقها بحضنه سعد/والله انا جازت لي هالصغيرة يابنت وش رايك تصيرين صديقتي؟ سمو ناظرته بطرف عينها بعدم اقتناع سعد برجى وهو يضم يديه/تكفين انا مامعي صديق طول عمري لحالي مااعرف احد سلطان اتسعت عيونه/وانا ويني؟!! سعد ناظره عن جنب/انت اوص/ناظر سمو/ها تكفين تصيرين صديقة سعد الضعيف/مد يده لها/ سمو رفعت راسها لفوق تناظر ابوها نايف ناظرها بابتسامة وهو يهز راسه بايه سعد وهو ماد يده للحين/اعلمك مخابي سرية محد يعرفها غيري بالمزرعة ها تصيرين صديقتي مجد وقف وبحماس/انا انا سمو مدت يدها قبل مجد وهي تصافحه/خلاص سعد صديقي سعد ضحك سلطان/وانا؟ سمو ناظرته بغيظ/انت لاااا انا مااحبك سلطان تغير وجهه للحظة ثم مد لسانه لها/احسن حتى انا مااحبك بس تراني احب ابوك اكثر منك سمو وقفت وبعصبية/لاااا سلطان حرك حواجبه فوق تحت بعناد/إلااا عرفته قبلك وحبيته قبلك يعني انا احبه اكثر منك سمو جرت له وهي مادة يديها بتضربه بقهر منه وسط صراخها سلطان فز واقف وهو يجري لبرا مبتعد عنها/يمممههه سمو لحقته نايف سحب مجد لحضنه وهو يجلسه العم يسر يناظر سلطان وحركاته باستذكار لوضعه اول ماقابله ابتسم براحة وهو يهمس/من فضل ربي يالله لك الحمد يالله لك الحمد/وقف/عاد اترخصكم ومابغيتوا ابشروا به سعد/انا موجود يبه ارتاح العم يسر مشى نايف بالاشارة/كثر الله خيرك وجمل الله حالكم . (سيارة عمر) ام عمر جالسة قدام بزعل واضح رغد جالسة ورا بصمت وهي بتطير من الوناسة رغم ان اللي صار مو بالشي الكبير لكن كفيل بأنه يزعزع سعادة فتنة شوي عمر جالس بمكانه/يايمه ياحبيبتي وش فيك زعلانة توك توك رايحة من عندي يازينك بدر واقف جنبها منحني وهو متكي بيديه على الباب/يمه انزلي لاتتركيني يمه ام عمر صدت عنه/ماانت بميت بعدي هذا طولك ولاتتركيني بدر سحب كفها وهو يطبع بوسة عليها/الوالدة مسوية تحديد الكل ام عمر سحبت يدها/كلكم مافيكم خير كلكم بدر/لااا عاد ذي فيها حق/فتح الباب وهو يمسكها من يدها يبيها تنزل/ ام عمر سحبت يدها منه باصرار تظل مع عمر عمر تنهد/يمه وش مزعلك وابشري برضاك ام عمر/ماتبي شي ودوني بيتي واتركوني بدر مسكها من يدها نزلها غصب وهو يبوس راسها/ياام بدر ياعيون بدر ياكل بدر انتي رغد اتسعت عيونها واعتدلت بجلستها بترقب عمر لاحظها وقطب جبينه ونظراته مابينها وبين امه بدر احتضنها/لك ماتبين امري ياام بدر امري ام عمر/مااجلس بهالمكان دقيقة بدر/تم ابشري على هالخشم عمر نزل ووقف عندها/يالله يمه معي بس اسلـ بدر قاطعه/لاااا امي حبيبتي معي ابشري ماتقعدين دقيقة/خرج مفتاحه من جيبه وحطه بيدها/بس اجيب اغراضي وجاي/مشى/ عمر/يمه ام عمر/خلاص ياعمر خلاص/مشت باتجاه سيارة بدر/ رغد زفرت براحة وهي تفتح باب السيارة وتنزل عمر اتجه لها وهو يمسكها من يدها ويلفها عليه بقوة وبعصبية يكبحها/وش مسوية ياراس الحية؟ رغد اتسعت عيونها من كلمته/وليه كل شي يصير انا السبب!! عمر/حتى وانتي تعبانة فيك حيل ماتخافين انت!!خافي ربك يامسلمة وشلون تبين العافية وانتي مستمرة بالاذية رغد سحبت يدها منه بقوة/انت طول عمرك تشوفني هالطريقة ماعمرك غيرت طريقة تفكيرك فيني طبعا كيف اهمك وانت مغصوب علي عمر من بين اسنانه وهو يشوف السيارة اللي تمر من قدامهم/انثبري بالسيارة اخلص اللي جاي عشانه ونمشي رغد دخلت السيارة وهي تقفل الباب بكل قوتها عمر مشى تاركها وراه . ((مجلس بيت سلطان)) بدر متربع قبال شنطته يرتب اغراضه ثابت دخل وبيده اغراض وقف على باب المجلس باستغراب وهو يناظره سجايا اللي راجعة معه مرت بسرعة وثابت مغطي عليها متجهة لداخل البيت ثابت باستغرابه/عسى ماشر بدر وهو يرتب/والله ابد الوالدة ضاق صدرها على ريان وراجعين ثابت/من اصبح افلح ياولد بدر/المعذرة كل شي الا خاطر الوالدة ثابت/الله ييسر دربك تدري عاد اصبر اجيب لك من الاغراض اللي جبت بدر/خل عنك الطريق قدامي يكثر خيرك ثابت/ياابن الحلال اللي يسمعك يقول باحط معك ذبيحة كلها اغراض بسيطة انتظرني شويات بس/وقف عالباب الفاصل بين المجلس وداخل البيت دق الباب/ياولد سجايا وقفت عنده ومن بين اسنانها بشويش نطقت/خــ.ــي.ر ثابت اتسعت عيونه/يمه تكلمت!! سجايا كشرت بوجهها وهي ودها تهاوش لكن ماتقدر بسبب جرحها/وش/اخذت نفس تهدي ألمها/تـ.بـي؟ ثابت مد لها الكيس/خذي سجايا اخذته وناظرته ثابت/وجيبي لي كم علية موية وكم خبز وحركات يعني في كيس سجايا/لـ.يـ.ش ثابت همس/اهل زوجة سلطان بيمشون سجايا ابتسمت وهي تسرع بخطواتها للمطبخ خرجت علب الموية وهي تفتحها وتكب منها واتجهت للثلاجة ذهب وقفت عند ثابت/هلا حبيبي وش بغيت ثابت ابتسم/زين ذهبة زيناه يااختي والله إنك اختي ذهب ضحكت بخفة/ليه اخوك يعني اكيد اختك!!قل بس وش تبي وانت واقف هينا كأن البيت لك ثابت قطب جبينه معاتب لكلامها لكن فضل يحتفظ فيه لنفسه/الخبلة داخل قلت لها تجهز اغراض لاهل فتنة ساعديها اسرعوا الناس بيسرون ذهب ابتسمت/ابشر على امرك/مشت اتجهت دخلت للمطبخ قطبت جبينها وهي تناظر سجايا/ سجايا واقفة عند الطاولة وابتسمت بوسط انفاسها السريعة وهي تقفل اخر علبة موية اشرت عالكيس اللي عالطاولة/حطي الموية ذهب انحنت اخذت علبة من الكرتون اللي عالارض وفتحت الكيس وهي ناوية تحطها سجايا صرخت متناسية جرحها/لاااا/لامست فكها بالم وهي تحبس دموعها/ ذهب/بسم الله طيب طيب/نزلت العلبة وهي تجمع العلب اللي عالطاولة بالكيس سجايا وقفت عندها وهي تحط خفايف بالكيس مع ذهب لفت تفتح الثلاجة تاخذ عصاير وحطتها ذهب/كذا خلاص؟/ناظرت القهوة/مطولة انتي؟ سجايا هزت راسها/شووي ذهب/بودي الكيس وراجعة لك سجايا ناظرتها الى ماخرجت وقفلت الباب وفتحت ترمس القهوة وهي تكمل شغلها مثل علب الموية ذهب فتحت الباب باستغراب وهي تطالعها سجايا قفلت الترمس بعد ماصبت القهوة داخلة بابتسامة ذهب تناظرها بشك سجايا اخذت الترمس وهي تسحب موية من عالطاولة ذهب ناظرت دوا جدتها عالطاولة/مُلين جدتي مين خرجه؟!! سجايا فتحت الموية وهي تشرب بوناسة متجهة لثابت تعطيه الترمس وبنفسها/اسفة خالة عزة اي حرب لها اضرار جانبية ثابت سحب الترمس من يدها بقوة/ووجعوه سجية سجايا بنفسها وهي تناظره/هواشك مثل العسل هالمرة ثابت/تبلعين بالما وانا مأخر الرجال سجايا قبضت اصابع يديها وهي تبوسها وترمي هالبوسة عليه ثابت نظرها للحظة مصدوم من تصرفاتها هز راسه وهو يلف عنها ويمشي سجايا لفت عنه متجهة لجدتها وهي تتبختر بمشيتها تهمهم بوناسة . ((شقة سراج)) سحايب تجر خطواتها بثقل خارجة من الحمام متجهة لسريرها علا واقفة تناظرها بقلق/ماما اكلم عجايب تقول لعمي يوديك المستشفى؟ سحايب هزت راسها بلا وهي وصلت لسريرها اخيرا علا بنرفزة/ماما انتي من العصر مرتفعة حرارتك للحين ماخفت اخاف التعب الجرح سحايب همست/علا انتي ابعدي عني بدل الوقفة على راسي وان شاء الله اخف علا/لكن ماما انـ سحايب قاطعتها/انتي عليك تهتمين باخوانك وتتركيني انام تكفين ابي انام عشان ارتاح علا ناظرتها للحظات بصمت تنهدت وهي تخرج سحايب/اقفلي النور معك علا قفلت النور وهي تخرج وتقفل الباب وراها سحايب رفعت يدها تلمس قلبها تبي تهديه تحس بيخرج من مكانه من قوة القهر من استغفالها انفجرت تبكي بحرقة على نفسها ارخصت نفسها له كثير عسى يتعدل بيوم لكن هالشي اقوى من اي طعنة سابقة منه هالشي كسرها اكثر من رخصها بعينه/تستاهلين ياسحايب تستاهلينه . ((بيت العم يسر)) سلطان متمدد على ظهره فوق فراشه رافع جواله لفوق وجهه يراسل بوسط ابتسامة واسعة قرب الجوال من فمه استوعب وش بيسوي ورماه بسرعة لفوق عند راسه وهو ينقد على نفسه بينه وبين نفسه اخذ نفس بوسط ابتسامة اللي تبددت من رجعت عقدة السقف لذهنه لف على جنبه بسرعة واستقبل ضربة بوجهه سمو متمددة بالعرض بين سلطان ونايف تمنع سلطان يقترب من ابوها نايمة حركت رجلها اللي استقرت بوجه سلطان سلطان غطى وجهه بكفوفه وهو يتوجع من ضربتها نايف اللي على يمينه مجد النايم ويساره سمو ضحك وهو يناظرهم سلطان مسك رجلها وهو يفتح فمه بيعضها وطاحت عينه بعين نايف نايف يناظره بحدة سلطان باسها بخفة وهو يناظره ونزلها عالارض وبلغة الاشارة/ها اطفي النور؟ نايف/بكيفك سلطان/محتاج حضن يضمك الليلة؟ نايف ناظره بنظرة اشمئزاز سلطان/وش فيك فهمت غلط!!اخو يواسي اخوه!! نايف بحدة/بتكمل كذا قم قفل النور فكنا من رفعة الضغط سلطان/الله اكبر انت الصغير!! نايف/انا ابو ورعان!! سلطان ضحك من صدمة الكلمة نايف ناظره بمعنى وش تنتظر قم سلطان/تعقب والله تقوم انت/فز بفجعة/بسم الله!! سمو تناظره بحدة وبلغة الاشارة وهي فيها نوم تهدده/أعضك والله سلطان تكلم/قوليها تقدرين تتكلمين!! سمو قامت وهي تنسدح فوق ابوها وتناظر سلطان بشر نايف اللي متمدد على ظهره ضمها لحضنه بابتسامة سلطان ابتسم وبالاشارة/الله يبارك لك بهالحيلة الزينة يانايف الله يبارك نايف ابتسم وهو يضمها له اكثر سمو تكلمت/ااااه بابا سلطان تكلم يغيظها/احسن تستاهلين احسن سمو صدت بوجهها عنه للجهة الثانية سلطان تنهد وهو يوقف تكلم/اخر زمن يرسلون الشايب يخدم الورعان/قفل النور وهو يرجع مكانه تمدد على فراش سمو بقصد يقترب من نايف/ نايف قطب جبينه من قربه سلطان رفع قبضة يمينه المفرود اصبع سبابته وهو يلامس باصبعه عضد نايف نايف قطب جبينه باستغراب من حركته سلطان كتب على عضد نايف(انا لك مثل هالعضد لاتنسى يانايف لاتنسى) نايف اجتمعت عبرته وتوسطت حلقه تخنقه كان ولازال سلطان الاهل والملجأ الوحيد له سلطان تدحرج وهو يتجاوز فرشة سمو ويستقر بفرشته ابتسم وهو يغطي عيونه/تصبحون على خير يالورعان وابوهم/همس/تصبحون على خير . ((مجلس سلطان)) فتنة بوجهها اللي واضح عليه اثار البكى وقفت قباله بمسافة وهي تتكتف/نعم خير عمر اللي كان واقف ولا جلس بسبب وضعه ناظر وجهها الباكي هالمرة ايقن ان زعل امه متعلق بفتنة تنعد/ماودك تسلمين ترا السلام لله فتنة من مكانها بغيظ واضح/خذ الاجر انت دامه لله عمر/اخاف اسلم وانتي ماتبين قلت اتركك انتي تبادرين فتنة ابتسمت/حلو والله اخيرا احد منكم حاسب لي حساب/قطبت جبينها واختفت ابتسامتها/لكن متاكدة مو لله وش وراك ياعمر وش تبي عمر ناظرها بتردد للحظة اخذ نفس وباهتمام/وش صار بذيك الليلة يافتنة؟ فتنة ضحكت وهي تصفق/اخيرا!!واخيرا يافتنة واخيرا!! عمر قطب جبينه من ردة فعلها فتنة تنهدت بابتسامة/يعني لو جيتني قبل كم شهر وسألت هالسوال كان لقيتني الحين مرتمية عند رجولك اشكي وابكي واخمخمك من زود الوناسة اخيرا احد فكر يسمع فتنة ويصدقها عمر احتدت نظرته وهو يحاول يسيطر على ملامحه بتوقع للي بتقوله فتنة/عيونك للحين ياعمر تنطق بشكك انت مو جاي تسمع وش صار على فتنة بذاك اليوم لااا انت جاي تطرد شعور الذنب اللي احتواك له فترة عمر/انا سالت وابي الجواب يافتنة ابي اسمعه منك فتنة/وش تبي تسمع وانت ترخي اذنك للي عندك وتصدق اللي هي تبيك تسمعه وتشوفه عمر زفر/وبعدين يافتنة ابي الجواب جاوبيني تكفين جاوبي فتنة/كل شي تعرفه وسمعته لكن انت صدقت اللي تبي تسمعه وتعرفه وليش اتعب نفسي واعيد وازيد بشي انتهى من عندي وباقي للحين تخوضون فيه انت واهلك ماتخطيتوه للحين!! عمر ارتفعت حواجبه بصدمة من كلامها فتنة/صدق اللي تبيه بكيفك انا ماعاد يعني لي وش تصدقون وتكذبون لو هو شعرة غسلت قلبي وخاطري منكم ماعاد ارتجي من وراكم شي عمر/هذا اخر كلامك فتنة/مااعتقد بتجلس بمكان اهله مايرحبون بك فيه عمر احتدت نظرته/كثر خيرك يافتنة يكثر خيرك فتنة لفت عنه تاركته ماانتظرته يخرج حتى عمر مشى متجه الباب خارج فتنة بوجه احتقن باللون الاحمر هالليلة ليلة وداع رسمية يحق لها تسمح لنفسها بالانهيار اعمدة مهمة بحياتها غادرتها كانت هاالاعمدة اخف من لامها وبالمقابل هي اول من تهجمت عليهم مابين لومها لتصرفها ولومها لهم انسابت دموعها وهي تقاوم هالمشاعر تبي بس توصل غرفتها وتنفجر مثل ماتحب وعلى ماتبي اسرعت بخطواتها متجهة لغرفتها ماتبي تقابل احد بهاللحظة سجايا وقفت وهي تناظرها قطبت جبينها باستغراب فتنة مرت من جنبها بدون كلمة سجايا احتدت نظرتها وهي تطالعها وبنفسها/فيه غيره متسلط بعد!!/عضت شفتها وهي تحس بوجع خفيف واتجهت للحمام بسرعة/ . العم يسر خرج من بيته يتخطى على عصاه بهدوء يدور عليه وبعد دقايق وقف قبال البركة احتدت ملامحه سعد واقف على حدود البركة اللي تمتلي بالموية بهاللحظة المنتصفة لليل وهو يمشي على هالحدود وسط تمايل جسمه وهمهمته العم يسر بحدة/الله لايربحك من ولد مهبول اي والله مهبول ماانت بصاحي اهب ياسعيدان اهب سعد التفت بوسط ابتسامة وهو يسمع ابوه/هلا ياهلا باهلي وكل ناسي ياهلا العم يسر ميل فمه بشك لثواني وهو يناظره ثم تكلم بحدته/مريض انت مريض وشو له معبي البركة هالوقت سرف هو سرف!! سعد بابتسامة فرح لو يوزع عالكون كفاه/يبه يايبه العم يسر ماقدر الا انه يبتسم لابتسامته/خير ياسعيدان وش وراك سعد بابتسامة/اللي كل ليلة اجرّ لها الهوجاس لقيتها يابيي لقيتها العم يسر اختفت ابتسامته وبغيظ/اعقب ياسعيدان هاذي تاليتها سكت عنك وغمضت عويناتي قلت طيش ماهقيت هالطواري ياسعيدان ماهقيتها اعقب من ولد اعقب سعد فهم افكار ابوه/استغفر الله يبه استغفر الله لا لا ماهو بهالشكل لاااا العم يسر/اجل؟ سعد/وانا وين اروح بلا مريم العم يسر قطب جبينه ثم ناظره بتكذيب/الله اكبر ياسعيدان الله اكبر سعد التفت ناظر بيت سلطان تنهد بحب/يامااقربها وياماابعدها يبه العم يسر التفت لبيت سلطان بتفكير للحظة ثم ناظره/والله ياعليك علوم ياسعد انطق قل العلم وفكني من الظنون سعد رفع يمينه وبذات الوقت رجع يساره ورا ظهره وهو يرقص على حدود البركة وغنى/اسري على ديرتش والليل يسري بي العم يسر فز قلبه بخوف/سعد يامهبول لاتطيح سعد/واخايل وجوده بعرض السما قمرا العم يسر/اهب من ولد روعتني انزل ولك اللي تبي ابشر به سعد وقف/يبه العم يسر زفر براحة/وش بغيت سعد بوناسة/يابيي بكرة تخطبها لي العم يسر/نعرف اهلها اول سعد/اقولك قريّبة يايبه لكن عن عيني بعيدة بالحيل الله يلم شملي بها العم يسر/طيب طيب لكن انزل سعد/مااقدر يبه مااقدر العم يسر قطب جبينه سعد/قلبي بيطلع من مكانه يبه من زود الفرح مااقدر لازم ابرده يبه لازم العم يسر رفع عكازه وبتهديد/علي الحرام مانزلت ابرده انا بهالعصا سعد فرد يديه وهو يرتمي بنفسه لورا ورمى نفسه بالبركة وسط ضحكته اللي اعتلت بدون اي سبب غير فرط الفرح اللي مو قادر بسيط عليه . _____________________________ يوم جديد . ((بيت سلطان)) ام فواز شبه جالسة عند راسها وهي تناظرها/قومي نوديك المستشفى قومي سجايا متمددة على الارض بزاوية الغرفة وهو مكان نومها بوجه شاحب وجبين بطيف التمتع من العرق الخفيف هزت راسها بلا الجدة سدول بحدة/باقي تشاورينها يانورة!!نادي ثابت ولا سلطان يجي يجرها غصب يوديها المستشفى ماقرت طول ليلتها سجايا همست بصوت متقطع من جرح فكها/مافيني شي يمه شوي واخف الجدة سدول/اكيد بالعة شي به بلا يوم رحتي مع ثابت وهاذي فعايله ام فواز/اتركي العناد ومشينا عالاقل مايصيبك جفاف وانتي طول ليلك بالحمام سجايا اجبرت نفسها توقف حتى تنهي هالنقاش/الحمدلله انا احسن الحين/مشت/ الجدة سدول/الله اكبر من العناد صدق مدري على مين طالعة تعالي يانورة بس تقهوي معي تعالي ام فواز تنهدت وهي تتجه لعند الجدة سدول وتجلس الجدة سدول/متى ناوين الروحة؟ ام فواز/كانك ماتبيننا ياعمة الجدة سدول/الحمدلله والشكر اللي يسمعك يقول اني راعية المكان!! ام فواز ارتفعت حواجبها/يعني ودك ياعمة!! الجدة سدول رفعت الفنجال وهي ترتشف قهوتها بدون اي رد عليها ام فواز تقهوت بهدوء وهي متعودة على عمتها سجايا خرجت من الحمام وقفت وهي تناظرها ذهب واقفة قبالها متكتفة/اللي افكر فيه صح؟ سجايا ماردت وهي تمشي متجهة للمطبخ ذهب ميلت فمها بابتسامة سخرية/طحتي بشر اعمالك تستاهلين سجايا بنرفزة وتعب/مافيني عالمناقر والله ذهب وهي تفتح جوالها وترفعه عليها ولقطت لها صورة سجايا جرت لها ذهب تجري وهي تكتب عالصورة وضغطت زر الارسال وقفت سجايا سحبت الجوال منال وهي تطالعه بوسع عيونها وبنفسها/الله لايوفقك ابليسك يال**/انهالت رسايل الشماتة من المتواجدين بالقروب وسط وجهها اللي تلون بالاحمر ناظرت ذهب/ ذهب/مو طبعي لكن هالمرة تستاهلين لاني متاكدة ضريتي غيرك ولازم اوقفك واعلمك سجايا/والله لاقول لامي انك صورتيني ذهب بابتسامة/وانا باقول لها ليش سجايا ضربت رجلها بالارض من قهرها ولفت عنها متجهة لامها اسرعت بخطواتها وهي تسمع ضرباته ع الباب ثابت بوناسة يدق/سجية سجسج توأمي وينك صدق اللي شفته؟/انفجر يضحك/سجاااايااااا سجايا جرت ثابت/تعالي اشوفك املى عيني فيك/ضحك/تعالي سجايا دخلت الغرفة وارتمت على فراشها وتغطت كلها باحراج ام فواز تناظرها باستغراب الجدة سدول/بسم الله علينا خير وش فيك يابنت سجايا رفست تحت لحافها من احراجها وهي تتخيل شماتة اخواتها اللي تنتظرها الجدة سدول بحدة/اهبي من بنت عني انك طيبة مافيك شي . ((بيت العم يسر)) سعد وقف على باب المطبخ وهو يناظر قفاها تسلل بهدوء وهو يوقف وراها مريم بملامح عابسة من ضيقها وهمها تفكر باللي صار امس ووشلون تحل هالموضوع رفعت عينها وانتبهت لانعكاسه قبالها بقزاز الفرن تجهز القهوة ميلت فمها بابتسامة وهي تطرد هالهم عالاقل بهالايام لخاطره/شفتك ياسعد سعد كشر بوجهه للحظة ثم ابتسم وهو يوقف بجنبها ويناظرها/ياسعِد هالسعد والله يوم انك بحياته مريم ابتسمت/زين هاللسان تبارك الله الله يديمه هالترويق سعد/افا عمري ماروقت انا!!اروق لعيونك جعلها للعافية ياعيون سعد مريم وهي تحرك السكر بالملعقة التفتت له وبجدية/اسمع ياسعد سعد/سمي ياعيونه مريم اخذت نفس وهي مجبورة تصارحه/الصراحة ماني بمرتاحة للبنت سعد انخطف وجهه مريم/لاتفهمني غلط البنت مافيه مثلها تبارك الله زين واخلاق ووجهٍ سمح سعد بتوتر/اجل؟ مريم/اقصد البنت مالها نية بالزواج وواضحة بالحيل كل شي فيها يقول لا سعد ارتحت ملامحه براحة/بـــس!! مريم قطبت جبينها سعد/انا سعد ياعمة ماهو باي احد مريم/وهي وش يدريها عن سعد سعد غمز لها/عندي الواسطة ياعمة ماني باي احد انا سعد مريم ناظرته بعدم ارتياح وهي تشوف استسخافه بموضوع الرفض/الله يكتب لك اللي فيه الخير ياسعد سعد/اقول ياعيون سعد مريم بابتسامة وهي تصب القهوة بالترمس/امر ياسعد سعد باحراج/والله اني مستحي ياعيون سعد مريم تركت اللي بيدها وهي تناظره وبعتاب/ياكبرها ياسعد تستحي مني!! سعد/انا لو اقول لابوي بيذبحني لكن ودي تطلبين اني اشوفها مريم ضيقت عيونها وهي تناظره سعد ارتبك للحظة من نظراتها/يعني شوفة شرعية مريم ضحكت غصب عنها سعد كشر بوجهه للحظة مريم/هي باقي فيها شوفة ياسعد!! سعد/لازم يامريم لازم مريم/الله اكبر انت شفتها ياسعد وعارف قصدي سعد/يمكن قلبي خدع عيني مريم قطبت جبينها/وشو؟!! سعد/انا للحين ماني مصدق انها حقيقة حلمي صار حقيقة هي موجودة ماهي بخيال ياعمة ماهي بخيال مريم/بسم الله عليك وانا عمتك بسم الله الا حقيقة وش فيك انت!! سعد/ابي اشوفها اتاكد بنفسي العم يسر دخل وبحدة/وشو ياسعيدان!! سعد فز وهو يسحب مريم بينه وبين ابوه/يبه اسمعني طيب العم يسر/وش اسمع ها وش دام ذي اولها ياسعد سعد/طيب اتكلم انا ثم هاوشني اصبر علي ماهو بتجلدني وانت ماسمعتني مريم/اسمع له يايسر ماهو بضارك تسمع له العم يسر كبح غيظه ومن بين اسنانه/قول ياسعد هذاني اسمعك سعد واقف جنب مريم واشر بطرف دقنه على عكاز ابوه/الامان؟ مريم كتمت ضحكتها/عطه يايسر امانه عطه العم يسر تنهد وهو يستغفر ورجع يديه ورا ظهره ومعه عكازه/جاك ياسعد جاك قل وش وراك سعد ابتعد عن مريم براحة وهو اخذ الامان تنهد بصوت مسموع وارتسم اثر الحب اللي نبع من قلبه لعيونه وملامحه بوضوح العم يسر تغير وجهه هو يدري انه سهرات لياليه وراها حب لكن ماتوقع توصل لهالدرجة وهو مايحب هالشي ولا يبيه/خير خير الله يستر من تاليتك ياسعد الله يستر سعد/تاليتها كل خير يابيي ماوراها الا الخير ابي اشوفها ارتوي نظر قبل تلمنا احضان الليالي!!/اتسعت عيونه من استوعب ماباح به على الملأ/ العم يسر بعصبية/انا قايله ماوراك الا ذا العلوم يامال الخيبة سعد وهو يرجع لورا مبتعد عن ابوه/عطيتني الامان يبه لاتنسى هاه لاتنسى العم يسر/اعقب كان كبيتك بعد ذا العلم وشوفة مابه يامال الكسر سعد جرى العم يسر لحقه/هين هين والله لاربيك ياسويد الوجه هين سعد وهو يجري/يبه بالحلال بالحلاااااال وش فيك علي حلالي مريم انفجرت تضحك/يايسر ماصار شي للحين يايسر/اختفت ضحكتها من استذكرت همها/ . بدر وقف بسيارته قبال شقته بوجه شاحب وجبين واضح عليه اثر العرق والطريق اللي المفترض يكون كم ساعة معدودة امتد ساعات طويلة لكثرة توقيفاته ووضعه المريب ام عمر/كمل طريقك للمستشفى اترك عنادك يابدر بدر بهدوء/لا يمه شي بسيط ويمر ان شاء الله ام عمر تعاتبه/يعني ماانت بسامع لي يابدر بدر يخفي ملامح مغصه اللي يقاومه بكل مافيه/والله يمه انا عارف نفسي مايحتاج الحمدلله خفيفة لو حسيت بشي رحت ام عمر/وانت تنتظر يصير شي!! بدر فتح الباب ونزل وهو ينهي هالنقاش/الحمدلله عالسلامة يمه الحمدلله عالسلامة/فتح شنطة السيارة وهو ياخذ الشنط متجه للعمارة تغير وجهه وهو ماعاد يتحمل اكثر جرى وهو يرمي الشنط على طريقه/ ام عمر هزت راسها بيأس/الله يهديك بس بدر جرى عالدرج وهو متجه لشقته/توبة ياربي توبة اروح لذا المزرعة المنحوسة توبة . فتنة فزت من نومها بخوف وهي اخر شي تذكره بكاها عالسرير تلفتت حولها ماله اثر قطبت جبينها باستغراب سحبت جوالها تشوف كم الساعة فتحت رسالته الواضحة على الشاشة باسمه زفرت براحة وهي تشوف اعتذاره مايقدر يجي الليلة ماودها يشوف انهيارها يكفي انهياراتها اللي فاتت بين يديه ماسألها قبل وتخاف دموعها هالمرة تحرضه يسأل وللحين ماحان الوقت المناسب بعينها حتى تصارحه بكل شي وقفت من السرير وهي تمدد جسمها اللي يألمها من نومتها الغلط اتجهت لدورة المياه لعل وعسى تصحصح وتبدا يومها بتجاهل لكل شي صار بالامس . ((بيت العم يسر)) ،،المجلس،، نايف فز من نومته جالس بفجعة تلفت حوله وانخطف وجهه وهو مايشوف عياله فز واقف واسرع بخطواته خارج من البيت يهدي نفسه/مع سلطان اكيد معه/وبوسط هالفجعة اللي تحتويه وقف وسط طمأنينة اجتاحته وهو يناظرهم زفر براحة فز بفجعة من حس بضربة توسطت ظهره والتفت يناظره/ العم يسر رفع يده وهو يضربه بمنتصف ظهره/عيب عليك عيب تخاف عليهم وحنا فيه نايف رغم وجعه ابتسم واكتفى يناظرهم براحة سلطان بمنتصف البركة وعلى اكتافه مجد يسبح وهو معه وسط ضحكات مجد اللي مستانس ومشاغباته لسمو سمو جالسة على حدود البركة متكتفة تناظره بغيظ سلطان/تعالي اسبحي معنا ياحبة السمسم سمو بغيظها/انا اسمي سمو مو سمسم سلطان بابتسامة/طيب طيب ياسمسمة سمو بزعل/انا هينا عشان مجد سلطان/يمه منك يعني باكله انا!! سمو/ايه انت مو زين سلطان هز راسه بياس منها وتطنيش لكلامها/احسن لاتسبحين اصلا البنات خوافات دايم سمو كشرت بوجهها وهي تمسح على فستانها/ماني خوافة بس فستاني حلو سلطان ضحك/ايه مرررة ماشاء الله نايف التفت من حس بشي مر من جنبه بسرعة سعد جاي من بعيد يجري بكل مافيه ونط/سلااااااام/وتطاير الماء حول المكان كله/ سمو صرخت من وصلها الموية سلطان ضحك/ها بشري عسى الفستان باقي مرتب مجد يسبح بوناسة بين يدين سلطان وناظر سمو/فثتانك حلب ثمثم(فستانك خرب سمسم) سلطان ضحك سمو بغيظ/مجد اسمي سمو سمو سعد وقف عندها وبابتسامة/ياسمو الحياة وكل شي حلو ياصديقتي الحلوة/مد يده لها/تسبحين معنا؟ سمو ابتسمت له وهزت راسها بايه بخجل نايف ضحك وهو يطالعهم سلطان اتسعت عيونه/ابو نايف انا!!! سمو نزلت رجولها بالموية ونزلت سعد مسكها وهو يسبح معها/يااحلى صديقة اي والله صديقتي الحلوة سمو بابتسامة/وانت احلى صديق سلطان ناظرها/وانت طيب سمو بتكشيرة/انت يع كبر السما/مدت لسانها له/ سلطان/هين وانا ولد ابوي هين/سبح لها بسرعة/ سمو صرخت وهي تتعلق بسعد سعد سبح مبتعد عن سلطان وسط اجواء كلها وناسة العم يسر/هيه يالله الفطور اعجلوا علينا لاتبطون سمعتوا مجد التفت وشاف ابوه وبفرحة وهو يترك سلطان/بااااابااااا سلطان مسكه بالقوة وهو يتفلت من يده يبي ابوه/اصبر اصبر اوديك لاتجيب لنا مصيبة . سراج البايت بشقة مستاجرة لوحده صحى من نومته بعد نومة طويلة حس فيها براحة غير مسبوقة ابتسم وهو يجلس ويمدد جسمه عالسرير سحب جواله قطب جبينه وهو يشوف عدد مكالماتها المهول زفر بضيق/استغفر الله العظيم وش فيه بعد؟/رمى الجوال وهو يقوم من السرير ويتجهز/ . ((بيت سلطان)) فتنة مسرعة بخطواتها وقفت عند باب الغرفة اللي متواجدين فيها ناظرتها/ذهب ولا عليك امر تشوفين ثابت وينه ابي اطلع ذهب وقفت/طيب/مشت/ الجدة سدول ناظرتها/وش فيك يابنت؟ فتنة/مافيني شي بس سلطان جاي من السباحة واخاف يمرض ام فواز ابتسمت وهي تتجنب تناظرها الجدة سدول/خليه يمرض هذا انتي وجهك مصوفر ولا سال عنك سجايا المتغطية رفعت اللحاف عنها وجلست وهي تناظر جدتها بابتسامة الجدة سدول تنحنحت وهي تناظرها/الله يكفيني شر هالضحكة فتنة/والله ياجدة انه مسكين يحبك وانتي تهاوشينه ليه كذا الجدة سدول/بنت يافتنة فتنة/سمي ياجدة الجدة سدول/من عرفتي اول انا و لا هو؟ سجايا انفجرت تضحك ومسكت فمها وهي تتوجع نست نفسها الجدة سدول بغيظ/احسن ذنوبك تكفرينها ام فواز زعلت لسجايا/يحق لها تضحك ياعمة ذا الصدق اجل تغارين!! سجايا صفقت بموافقة لامها فتنة قطبت جبينها ثم ابتسمت وهي تتجه الجدة سدول تضمها/افا ياجدة افا والله مااطلع عن جزاك انتي السلام بحياتي من اول والحين بعد الجدة سدول ابتسمت وهي تضمها/يشهد الله اني ازعل عليك لانك قطعة مني مثلك مثله يابنتي/مسحت على راسها/عساك هنية متهنية طول عمرك يافتنة اللهم امين امين فتنة بعفوية/لاتخافين علي ياجدة لاتخافين الحين انا مثلك واكثر بعد ام فواز ضحكت بخفة الجدة سدول وقفت بتفكير هل تفرح او تزعل من كلامها سجايا تنفض مكانها من الضحك وهي ماسكة فكها تكبح الضحكة لاتوجعها ذهب وقفت عندهم قطبت جبينها وهي تناظرها/مو موجود كلمته يقول مع ابوي فتنة فزت واقفة/مشكورة/اتجهت له وهي تسرع بخطواتها ومن ورا الباب عندك احد/ سلطان ضام نفسه بيديه وهو يتحرك بمكانه ينقط موية/لا لا بسرعة بسرعة تجمدت فتنة خرجت وهي فاردة المنشفة/قرب شوي سلطان ابتسم وهو يقرب لها وينحني فتنة منتبهة له وتتظاهر بالعكس لفت المنشفة من وراه سلطان ناظرها بابتسامته وهو منحني للحين/ماذكرتي شي؟ فتنة وهي ماتركت المنشفة/اممم/سحبته لها بالمنشفة/ سلطان تحرك معها منصدم وهو يعتدل بوقفته فتنة بابتسامة/ليلة اللقى؟ سلطان ابتسم وهو يضيق عيونه/بنت يافتنة لاتتركيني اروح بعيد فتنة رفعت نفسها له وانفها يلامس انفه/وين بتوصل يعني؟ سلطان ضمها لحضنه وهو يرفعها له ومعتدل بوقفته ولف المنشفة حولهم/احمدي ربك لا المكان ولا الوقت يسمح فتنة ضحكت وهي تلعب على هالوتر بثقة سلطان/ايه اضحكي اضحكي ياعسى ماتفارقك هالضحكة ياعيني/دار فيها/ فتنة تعلقت فيه/لاااااا سلطان تكفى لااااا سلطان/وين الضحكة الحلوة خليني اسمعها؟ فتنة/اسفة اسفة خلاص والله خلاص مجد وقف عندهم/وث تثووون سلطان فز/بسم الله فتنة نزلت نظرها تناظره مجد بنص عين ناقد/عمو ثلطان عيب والله اقول لبابا سلطان اتسعت عيونه/ولد اعطيك حلاوة زين؟ مجد اللي بعينه هالشي كبير وجدا جرى وهو يصرخ/باااااابااااا سلطان نزل فتنة وهو يجري وراه/هييييه مجيد ولد تكفى ولد فتنة انفجرت تضحك وهي تناظرهم متجاهلة ذيك النظرات الحاقدة اللي تطفلت على خصوصيتهم بدون اي حق مشروع . ((بيت ابو ماهر)) ،،مجلس الضيوف،، ابو ماهر يناظرها بصمت ياقوت هدت بعد ليلة طويلة من البكى رغم اثار الحزن اللي معتلية هيئتها وبرجفة صوت وهي تنزل نظرها لفنجالها/نعم يبه وش تبي ابو ماهر ميل فمه بابتسامة/وش أبي!! ياقوت ناظرته ابو ماهر/ابد ماابي شي ابي اسمع وش تبين انتي؟ ياقوت/هو طلق يبه خلاص طلق وانتهى ابو ماهر/عجيب!!وعيالك نسيتيهم!! ياقوت غرقت دموع وهي تذكر كلام جوهرة وانعصر قلبها من اللي تقوله/خله يتعلم غلطته ويدبر عمره ابو ماهر/ابد يشهد الله ماعليه ملامة هالنايف ياقوت احتدت نظرتها وسط انهار دموعها وبقهر/مين اللي اهلك يبه انا ولا هو؟ ابو ماهر/ماعمري شفت منه الا كل خير لكن الواحد مايعرف قيمة الشي الا اذا فقده ياياقوت ياقوت/تكفى يبه لاتزيدني ضيق اتركني على راحتي ابو ماهر/طيب وعيالك يابنت لاتهبلين بي ياقوت سكتت بمكابرة ابو ماهر وقف بياس منها/بكرة لاحنيتي لاتجيني تبكين هذا انتي الحين رضيتي تعيشين بلاهم/ناظرها ينتظر اي رد منها/ ياقوت تحس بضياع وسط افكارها مابين فكرة تبي عيالها وفكرة تبي ترجع لبيتها وزوجها وصدمتها كل شي راح منها ومابين كلام جوهرة لها تأدب هالنايف تعيش هالتشتت الرهيب واقوى الحلول بعينها كلام اختها الصحيح خرج متجه للصالة وقف وهو يناظرها بغيظ/خير وش بغيتي؟ عليا متكتفة وتناظرها بعدم راحة جوهرة بابتسامة بشعور راحة وطمأنينة ملى قلبها بعد كلامها مع سحايب امس/جيت اسلم عليك يبه ابو ماهر جلس/الله يسلمك لكن وش وراك؟ جوهرة/ماوراي الا سلامتك اشتقت لك يبه جيت اسلم عليك ابو ماهر يناظرها بشك حاتم دخل/السلام عليكم/دخل يسلم على ابوه/ عليا/وعليكم السلام والرحمة حاتم جلس قبال ابوه وبينه وبين جوهرة مسافة/يبه انا جيت ابيك بعلم ابو ماهر قطب جبينه/خير اللهم اجعله خير وش عندك انت بعد؟ ياقوت دخلت عندهم وجلست جنب جوهرة بعد مالمت شتات نفسها حاتم/يبه انا نويت اتزوج جوهرة اتسعت عيونها وهي تلتفت له مو مصدقة ياقوت ميلت نفسها حتى تناظره زين وجوهرة تتوسطهم عليا قطبت جبينها بتكذيب للي تسمعه ابو ماهر/متزوج انت ماانت بصاحي!! حاتم/نويت الثانية يبه جوهرة اتسعت ابتسامتها وامتلت مشاعرها فرح وزغرطت باعلى صوتها . اللهم صل وسلم على نبينا محمد . #سلطان_الهوى_يافتنة_الألفية | ||||
|
| |
 |
| أدوات الموضوع | |
| انواع عرض الموضوع | |
|
|
162Likes
العرض العادي
