17-11-22, 04:45 PM
| #271 | ||||
 
|  اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر | ||||
|  |
|
19-11-22, 04:02 PM
| #272 | ||||
| 💕💕اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر 💕💕 | ||||
|
| |
|
22-11-22, 12:10 AM
| #278 | ||||
| بارت ١٩ تنفست براحه بعد هذي المهمة ...وضعت المقص على السرير ..حملت شنطتها وكتبها ...وطلعت من البيت بخطوات حذرة تخاف احد يشوفها ...رح ترجع للقرية ولو يذبحونها ما رجعت لهذا البيت !!! تصنمت لما شافت جدها دوبه داخل من البوابة الخارجيه ...ما يمداها تنزوي عن نظره بعد ما لمحها ...قلبها يرتجف خايفه يكتشفوها قبل ما تهرب ...اقترب منها ابو فيصل بابتسامة: صباح الخير ردت وهي تحاول تحافظ على هدوء ملامحها: صباح النور!! وقف وهو يناظرها حامله كتبها..بعدها ناظر ساعته: كأنك طالعه مبكر للجامعه؟! ردت وقلبها يدق طبول..وبصعوبه حتى حافظت على هدوئها: عندي امتحان هز رأسه بابتسامه: تعالي نجلس هناك وهاتي معك القهوة والتمر..باقي وقت طويل لوقت دوامك للجامعه..وما ظنيت تلقين مواصلات الحين!! زمت شفتها ما هو وقت جدها ...ناظرت للخلف بخوف وترقب ...تخاف بأي لحظه يكتشفونها ... اضطرت تهز رأسها بطاعه....وتوجهت للداخل بعد ما وضعت اغراضها على قريب من الباب ... الوقت يمر وهي على أعصابها ..كل شويx تلتفت من الرعب وهي تحس أبوها نزل لها ...لازم تطلع قبل ما يصحون ... اقترب موعد استيقاظهم!! جهزت كل شيء بسرعه وطلعت لمكان جدها اقتربت منه وكلما اقترب الوقت تزيد دقات قلبها .. جلست قريب منه على مضض ...وباقتراح نطقت: جدي وش رايك ننزل للقرية الحين. ابتسم بسخرية: الظاهر بعدك للحين نايمه او الامتحان أثر عليك !! أي قرية بهذا الوقت ...اقول صبي القهوة وتقهوي معي قطع كلامه وناظرها وهو يحسها ما هي على بعضها!! جالسه وتتسارق النظر كل شوي لباب البيت ...تحس طعم القهوة وكأنها تتجرع السم..ما لها نفس بشيء ...وضعت القهوة.. أكثر كذا من ما تتحمل الرعب لزوم تغادر... وبهدوء نطقت: للحين ما كملت دراسة على الامتحان رح اروح اكمل مذاكره بالجامعة اعذرني يا جدي!! مسك يدها ورجعها للجلوس: الوقت مبكر اقولك اي جامعه الحين!! هزت رأسها بالطاعة وقلبها يدق بقوة مع الوقت ..من وين طلع لها جدها الحين ....كتمت أنفاسها تحاول تسيطر على نفسها!! ناظرت جدها لما رن جواله ...عقد حواجبه باستغراب لما نطق اسم المتصل ...رد بهدوء: الو... وعليكم السلام..ربي يسلمك ....عسى ما شر ....لا حول ولا قوة الا بالله ...متى ....ربنا يرحمه ويتغمده برحمته ...إن شاء الله ...مع السلامة!! قفل الخط والتفت عليها لما سألته بخوف لما وصلها صوت جدها سلطان بس ما عرفت عن مين يتكلم: وش صاير؟! ابو فيصل بهدوء: هذا جدك سلطان يخبرني إنها ابو خالد توفى والحين هو هنا بالمستشفى سكتت للحظات ما تذكر عمرها التقت فيه...حمدت ربها إنها ما راحت للقرية كان توهقت جدها هنا ...لزوم تروح له الحين ..سألت بتوجس: اكيد رح تروح عنده الحين؟! عبس ملامحه ابو فيصل:وين اروح؟! من زين العلاقة بيننا وبين بيت ابو خالد ...بعد الدفن نعزيهم وانتهينا!! زمت شفتها بضيق .. وبتساؤل نطقت رح تروح لوحدها: أي مستشفى ؟! جاوبها وهو يحس عندها سالفه ..الارتباك واضح عليها ... بعدها وقفت : تأخرت يا جدي انا سكتت لما وصلها صوت وليد وهو ينادي عليها والشرار يطلع من عيونه!!! ** ** *** طلعت من غرفتها وهي تثاوب ...رح تجهز الفطور .. تحركت لغرفة البنات تصحي بيلسان حتى تساعدها كالعادة ...فتحت الباب بشويش ...عقدت حواجبها وهي تشوف سريرها فاضي توقعت إنها بالحمام ...قفلت الباب ورجعت للمطبخ تجهز الفطور ... بعد وقت عقدت حواجبها باستنكار لتأخر بيلسان ... متأكدة رجعت تنام ..توجهت للغرفة وهي ناويه عليها ...وش هالكسل الي فيها ..فتحت الباب وعيونها على سريرها فاضي ...مستحيل للحين بالحمام ...توجهت للحمام طرقت الباب وفتحته ...عقدت حواجبها وهي تشوف المكان فاضي!! وين راحت البنت؟! اقتربت من ليان تسألها : ليان ليان قطعت كلامهاوشهقت لما تحركت ليان انتبهت على شعرها المنثور على السرير!! ليان فتحت عيونها بانزعاج وهي تنهض: وش فيه؟! خزامى الصدمة اخرستها ..اشرت على السرير باستنكار!! ليان مستغربه منها وش صاير ..ناظرت مكان ما اشرت ...وسرعان ما شهقت برعب: شعر مين!! تلمست شعرها بيد مرتجفه...وبدون وعي توجهت للمراية ...انصعقت وهي تشوف شعرها مقصوص بطريق عشوائية! التفتت على خزامى وباتهام نطقت: انت قصيتي شعري!! خزامى هزت رأسها بالنفي وفكها يرتجف حاسه بوجود كارثه : لا لقيتك كذا! تحركت للخارج وهي تنادي بصوت مرتفع ودموعها تنزل بقهر: بابا بابا خزامى طلعت خلفها مباشره ....وقفت لما طلع وليد على صوتها المرتفع ... وليد وهو يشوف شعرها مقصوص بطريق عشوائية..ناظر خزامى باتهام: انت وش عملت؟! خزامى تحس ريقها نشف ...نطقت بضعف: لقيتها كذا !! تحركت لغرفة لجين تدور على بيلسان لانها متاكدة انها هي الي عملت كذا ...دخلت الغرفة ما في غير لجين نايمه ..اقتربت منها انصدمت وهي تشوف شعر لجين!! هزتها بخفيف: لجين لجين نهضت لجين بعبوس...وخزامى تناظر شعر لجين على السرير ...التفتت على دخول وليد ...والنار تشتعل بداخلها من بيلسان!! وليد نطق بتساؤل عن الفاعل: بيلسان؟! خزامى بقهر نطقت: ما في غيرها ... ضحك ضحكه قهر وغبن ...سرعان ما نطق بغضب والنار تشتعل بعيونه : وينها؟؛ خزامى هزت كتوفها: ما ادري مب ملاقيها!! قطعت كلامها لما صرخ وهو ينادي : بيلسااااااان ما هي موجوده بكل البيت ...نزل مباشره والنيران مشتعله بداخله من تصرفاتها .... لمحها عند ابوه بالحديقه ...نطق بكل غضب: بيلسان!! رجعت خطوة للخلف ونطقت برعب: جدي أنا بوجهك او تمسك ابوي حتى اهرب ابو فيصل وقف باستغراب ما هو فاهم شيء..ناظر وليد الي تقدم منهم وكأنه اعصار .. وكلامها حتى تهرب...صاير شيء وهو ما يعرفه!! تحس رجولها تيبست ما قدرت تهرب ...صرخت لما مسك من كتفها وسحبها معه بقوة ..متجاهل نداء ابوه عليه!! أول ما دخل صالتهم ..دفها بقوة على الارض وبغضب نطق: ليه قصيتي شعر اخواتك؟! كتمت وجع رجلها لما سحبها مع الدرج...ناظرت ليان ولجين شعرهم حوسه ...ما قدرت تكتم ضحكتها على شكلهم ...وضعت كفها على فمها تخفي ضحكتها!! سرعان ما بلعت ضحكتها لما اقترب وليد منها وجن جنونه وهو يشوفها تضحك...زحفت للخلف برعب ومتأكده رح تطلع جنازه!! اقترب ابو فيصل وهو يلهث وبغضب نطق: انت انجنيت وش فيك على البنت!! وليد بغضب: قول وش عملت هالزفته ..ناظر شعر البنات قصتهم وهم نايمين ابو فيصل ناظر ليان وحس القهر تلبسه وهو يشوف شعرهاx مقصوص لحد اذنها بطريقه عشوائيه... نطق وهو يناظر بيلسان بقوة: انت الي قصيتي شعرهم؟! بيلسان تحولت ملامحها للضيق : ايه ابو فيصل بغضب: وش هالتصرفات الصبيانية ..مهما عملت فيك اختك ما توصل لذي الدرجة .. وليد بقهر ناظرها : انت انسانه مريضه ..ما عملت لها شيء ليان ..وش هالغيرة والحسد الي بقلبك لذي البنت قاطعته بقهر يغلي بداخلها منهم ما شافته عمل كذا لما قصت خزامى شعرها والحين قام الدنيا علشان ليان : من زينها حتى احسدها قاطعهاx والنيران تطلع من عيونه :انكتمي ...كم صار لي متحمل تصرفاتك من لما جيتي وأمسك نفسي واقول باكر تتسنع ....ودوم اقولك لا تجبريني أعاملك بطريقه ما أحب اتعامل فيها معك قاطعته بقهر من نظرتهم لها ...ما عملت لهم شيء ..ودوم يطلعها غلطانه:x ليه ما قلت شيء لما قصت امي قاطعها وهو يسحبها من كتفها ..وقفها قدامها وهو يهزها بقوة: انا لما اتكلم ما تقاطعيني ..تفهمين ابو فيصل أبعده عنها و بحده نطق: اتركها ...إياك تمد يدك عليها وربي إن لمستها ما يناطق لساني لسانك تراها بوجهي وليد بقهر نطق: شايف تصرفاتها بعينك ابو فيصل قاطعه : ادري بها غلطانه وما لها حق بهذا التصرف أبدا..تقدر تتفاهم معها بأسلوب ثاني تحسسها بغلطها ..عاقبها بأي شيء الا الضرب تفهم!! هز رأسه بهدوء خارجي ومن الداخل يغلي غليان: مثل ما تبغى يبه ..ارتاح قاطعه ابو فيصل: قطعتم علي شرب القهوة ..انا نازل الحين امك اكيد تحاتيني.. ومثل ما قلت لك لا تلمسها..وربي ما يعجبك تصرفي إذا لمستها!! هز رأسه بهدوء وهو يناظر ابوه طلع وهو يوصي فيه ويحذره يلمسها!! قفل الباب بعد خروج ابوه ...رجع وهو يناظر بيلسان واقفه بهدوء ..نطق وهو يقترب منها وبنبره تحذير : وربي إن تكرر هالتصرف ما تلومين الا نفسك ... تظنين نفسك بالشارع ؟!! هذا البيت له عاداته وتقاليده وقوانيه غصب عنك تحترمين كل شيء فيه ...ما رح أضربك لكن رح تتعاقبين حتى تحسبين حساب لأي تصرف غبي تعملينه... من الحين ما ابغى اشوفك بالمكان الي اجلس فيه ..وممنوع تجتمعين معنا على وجبة أكل..وممنوع اي واحد من الموجودين هنا لسانه يناطق لسانك ...وزع نظره على عياله وهو ينطق بنبره اعلى: وربي اذا سمعت او شفت واحد فيكم يكلمها ما يلوم الا نفسه ...رح يستمر هالوضع لوقت اشوفك تعلمت وش يعني الاخوة وش يعني عائلة. ....واذا سمعت حرف واحد طلع من هنا لسلطان او خالتي حتى أبوي وأمي ما تلومين الا نفسك... وإن فكرت مجرد تفكير تهربين للقرية ..صدقيني رح تندمين على اليوم الي فكرت تستغفليني انت وسلطان !! تفهمين؟! والحين انقلعي للجامعة .... نطق بقوة وهو يناظرها واقفه مثل الجماد تناظره: تحركي زمت شفتها بضيق وتحركت للخارج وهي تحس نفسها رح تموت اذا ظلت ساكته ...لمتى الكلام الي بقلبها يبقى حبيس بصدرها !! وكأنها ميته حتى تكلمهم ...اهم شيء قهرتهم مثل ما قهروها ...تنهدت بضعف وهي تحس بصوت ضعيف بداخلها ينهرها ..ذول امك و ابوك حتى لو كانوا غلطانين لزوم تصاحبيهم بالحسنى ...ما تدري ليه يصعبون الاهل على عيالهم.x ..وش يخسروا لو رفقوا بعيالهم وساعدوهم حتى يكونون بارين ويأخذون الأجر العظيم ...ليه يضغطونهم فوق طاقتهم ويطلعونهم من طورهم حتى يقعون بالإثم!! تابعت طريقها وهي تهمس بالاستغفار ودموعها أخذت مجراها ...تشكي بصمت حالها!!..بغت تقهرهم بس زاد القهر الي بداخلها وهي تشوف فرق المعاملة...وقفت تنتظر الباص وبداخلها صوت ضعيف يردد " ايام وتزول..القادم أجمل" ** ** ** وليد زفر بضيقx وهو جالس مع اهله: يعني تشوف تصرفها صحيح؟! ابو فيصل بانتقاد:بس خزامى ما لها حق تقص شعرها ..اكيد من قهرها عملت كذا ام فيصل ما عجبها تصرف بيلسان:يعني أمها قصت شعرها تقوم تقص شعر اخواتها بذي الطريقه!!! طول عمرها الام تقص شعر ابنتها على كيفها ..يا جيل اليوم ما ادري كيف يفكرون!!! ما ادري احس هالبنت غلط بتربيتها سلطان !! وليد هز رأسه برضا لكلامها : الحمد لله لقيت احد يؤيدني ... ابو فيصل خزه: انت من كرهك لسلطان انتقل تلقائيا لبيلسان! كل حقدك وسخطك لأنه سلطان رباها !! ترى الرجال ما قصر ورباها احسن تربيه ..ما اشوف هالأغلاط الي تشوفونها. ... وليدبانفعال: يعني تشوف عنادها شيء عادي؟! ما تعمل إلا الي برأسها !! وربي تحتاج تكسير رأس!!! ابو فيصل خزه بشك: متأكد ما ضربتها؟! مط شفته بسخرية: ومين قال من الاصل كنت ابغى اضربها ..... أنا أكره ما علي ضرب البنات بس ذي البنت تستفزني!! أبو فيصل بسخريه: لو تقول لك مرحبا تحسها تستفزك لأنها كانت العقبة بحياتك وجودها خرب كل مخططاتك علشان كذا تستفزك..!! يمداك تروح تودع ابو خالد قبل الدفن !! وليد زم شفته بعدم رضا عن كلامه..والسخريه واضحه بكلامه: وش هالكلام يبه؟!...كم مرة قلت لك وربي إني نسيت منار وطوايفها ..الحياة تستمر بكلا الحالتين .. وبعدين هي متزوجه وكل واحد له حياته الخاصه ...والحمد لله راضي بحياتي وعيالي!! ابو فيصل مط شفته بسخرية: احاول أصدق!! وليد ضحك بضيق: بكيفك تصدق او لا ... ام فيصل: غريب ما قلت لخزامى عن موت ابو خالد وليد بلامبالاة: لو عرفت ليان اكيد رح تطلب تروح للعزاء وما رح تقبل تروح للصالون وجدها ميت...خليها تروح تعدل شعرها لو شفتي كيف حاست شعرها حوس بيلسان...كلما اتذكر يضيق صدري ...وأتمنى تكون قدامي بيلسان واصفقها تصفيق ....يعني ليان شعرها كان يجنن وما عملت لها شيء حتى تتصرف معها بذي الطريقه!! ام فيصل زمت شفتها: الله يهديها هالبنت !! راحت للجامعة؟! وليد بقرف: انقلعت !! أحيانا ما اصدق تخلص دراسه واقلعها لاول واحد يخطبها ام فيصل خزته بقوة: وش هالكلام ...هذا مسعود يبحث عن عروس عيال عمها أولى فيها قاطعها وليد : تبغين توهقي فيها مسعود تراها قويه ومسعود إنسان طيب ... هذي يبغالها واحد صارم يمشيها مثل الألف ...ويادوب تمشي معه! ام فيصل ضحكت بخفه: مو لذي الدرجة تراك تبالغ ...صحيح فيها طبع العناد بس حبوبه وهاديه وما احد يشكي منها الا انت وخزامى!! وليد ابتسم : يمه دوبك معي وش الي قلبك علي!! ابو فيصل بملل: يا رجل تراك مب عارف تتعامل مع البنت لا انت ولا حضرة الدكتورة ...تظن البنت وحده من الطالبات تفرض سيطرتها عليها ..تراها انسانه لها حرية اتخاذ القرار الي يخصها وليدهز رأسه بعدم اقتناع: الاب يعرف مصلحة عياله اكثر وتدخلي دوم بمكانه!! ** ** ** تحس نفسها طول اليوم شارده وهي تفكر بخطوتها القادمة ...سلطان موجود هنا ...ما تدري تتواصل معه وترجع معه ...او تبلع المر وتسكت؟! تخاف اذا وصل الموضوع لسلطان تكون العواقب وخيمة! كتمت ضيقها مب قادرة تتخذ قرار صحيح!! معقول كان تصرفها غلط ...صحيح ما لها ليان ولجين ذنب بس كان بداخلها شيء يحثها تنتقم عن طريقهم...وقفت بحيره وش تعمل ؟! تحركت بروح خاويه وهي تستخير ربها ..يهديها تعمل الشيء الصح!! بعد وقت كانت عند البوابه الخارجية..مطت شفتها بضيق من تواجدها هنا ...تحس بدأت تكره هذا المكان وكل الي فيه ... دخلت والعبوس مرسوم على ملامحها خاصه بعد ما شافت مسعود وجسار واقفين ما تدري مين ينتظرون!! تابعت خطواتها ولا كأنها مرت من جنبهم.x ...وهي تتمنى سالفة الخطوبة ما هي صحيحه ...وصل مسامعها صوت مسعود وهو ينطق بانتقاد: السلام لله!! تابعت خطواتها بتجاهل وكأنه ينقصها حضرته ...دخلت وتنفست براحه ما في احد بالصالة ... وبسرعه توجهت للأعلىx ...فتحت الباب وتنفست براحه ...البيت واضح ما في أحد !! توجهت لغرفتها ...حركت مقبض الباب ..عقدت حواجبها باستنكار الباب مقفل ..طرقت بخفه:, ليان ليان واضح ما في احد بالداخل ...ليه الباب مغلق!! ناظرت رعد الي طلع من غرفته .. نطقت بتساؤل: ليه الباب مغلق؟! هز رأسه بقلة حيله ما يقدر يكلمها..اكتفى وهو يؤشر لها على غرفه ثانيه بدون ما يتكلم.. استغربت ليه اشر على ذي الغرفة دوم كانت مغلقه ولا عمرها دخلتها حسب معلوماتها إنها فارغه...توجهت لها وفتحت الباب بحواجب معقوده...سريرها واغراضها هنا .....يعني فصلها عن غرفة ليان ...يمكن خايف عليها منها ...دخلت وبدون شعور ابتسمت بسعادة من قلبها ..واخيرا غرفة منفصله لها ..تنام لوحدها ..لو تدري من زمان قصت شعرهم حتى تأخذ راحتها بغرفة لوحدها.... قفلت الباب بالمفتاح واخذت نفس عميق ...وضعت اغراضها على السرير ..توسعت ابتسامتها وهي تشوف باب يفتح على شرفة صغيره ....تحركت بفرح فتحت الباب ووقفت على الشرفه وهي تناظر من حولها باندهاش ...مكان جميل ما توقعت تحصل عليه!! رجعت للداخل ...رمت نفسها على السرير وهي تضحك مو مصدقه تحس نفسها بحلم ورح تصحى منه بأي لحظة!! ** ** ** ام فيصل بهدوء نطقت: اشوف شعركم كيف صار ليان والضيق واضح بملامحها للحين مقهورة على شعرها ..نزلت الشيلة والدموع تتراقص بعيونها! ام فيصل شهقت باستنكار: ليه قاصيته كذا؟! خزامى زمت شفتها بضيق: هذا الي زبط معهم لأنها ام فيصل انتفخت من الغبن: وانت اشوف شعرك!! لجين كشفت شعرها.. ام فيصل بقهر: وربي ابغى اقول يكسر يدينها على هالتصرف !!! ما أدري كيف عقلها يفكر ... صدق العقل زينة!! وبتساؤل نطقت: متى رايحه للعزاء!! خزامى عدلت جلستها بضجر: ما لي خلق أقابل أحد ...شوي وييجي وليد يأخذ ليان للعزاء!! اطلعي يا ليان جهزي نفسك!! هزت رأسها وطلعت وخلفها لجين الي تتكلم على بيلسان وما تركت شتيمه الا قالتها!! ام فيصل بعتب: لو ما قصيتي شعر بيلسان كان ما صار الي صار ...ليه تقصين شعرها والله حلو كان قاطعتها خزامى بتبرير: ذبحتني بذي الجدوله دوم رابطه شعرها فيها ...فشلتني ام فيصل قاطعتها بانتقاد :شعرها وهي حره فيه تربط مثل ما تبغى ..وش تبغين فيها .... اكيد من حرة قلبها وقهرها على شعرها الي قصتيه قامت وقصت شعر أخواتها حتى تقهركم! يعني انت السبب ... اتمنى تحاسبي على تصرفاتك لأنه جيل اليوم ما هو مثل قبل ما تضمنين تصرفاتهم!! خزامى ما هي رايقه لمحاضراتها: ان شاء الله خالتي!! رح تروحين للعزاء !! ام فيصل مطت شفتها لسخافة سؤالها: من متى بيننا علاقات وكأنك ناسيه الماضي!! وانت مب ناويه تروحين؟! خزامى بسخرية: هذي انت قلتيها من زين العلاقة بيننا !! سنوات ما شفتهم ولا زرتهمx تبغين احضر العزاء!! ** ** ** ** فتحت عيونها بعبوس وهي تشوف كل شيء حولها ظلام ...تحس عقلها مقلوب وين هي؟! نهضت نفسها وبدأ عقلها يسترجع الاحداث ...وقفت بشويش حتى تنير المكان ...تنهدت براحه وهي تشوف المكان حقيقه ما هو خيال .... اقتربت من الباب وضعت إذنها لعلها تسمع أي شيء ...هدوء البيت وما في أي صوت ..قررت تعمل لها كوب قهوة وتجلس على الشرفه رح تكون الجلسه خيال!! طلعت من الغرفه...ناظرت الساعه الي بالصالة ١٢ ...نامت كل هالوقت ...دخلت المطبخ جهزت القهوة وطلعت من المطبخ وهي تشعر براحه ما في شغل ولا احد ينتقدها ..تنام مثل ما تبغى ما في دراسة لرعد ولا شيء ...يا جمال هالحياة !! رجعت للغرفه قفلت الباب ....انارت الغرفة اناره خفيفه ..توجهت للشرفه وجلست وبداخلها مشاعر جميله تدغدغها!! استنشقت القهوة بروقان...ضحكت بخفه وهي تتذكر شكل اخواتها !! يا قو قلبها ما تدري كيف طاوعت قلبها وعملت كذا ...ما تنكر إنها ندمت على هالتصرف ...بس مو مشكله كان خير لها حصلت على الاستقلال !! اقتربت من حافة سور الشرفه ....وهي تناظر مدخل البيت مكشوف هنا ..تقدر تشوف الي طالع والنازل ..رفعت حاجب لماشافت سيارة دخلت ...عقدت حواجبها لما شافت كنان نزل من السيارة وبعدها نزلت ليان ... راجعه مع كنان بهذا الوقت المتأخر ...مطت شفتها بانتكاسه الظاهر انها خطبتهم تمت بس للحين ما اعلنوا عنها!! زفرت بضيق وهي تشوفه واقف معها يكلمها ...تمنت لو يصلها الصوت وتعرف وش قال لها ....يمكن يقول لها لما تتخرجي ما رح انتظر دقيقه ورح اعلن للكل زواجنا!! كشت عليه بقهر ...وهي حاقده على بنات القرية هم السبب ...اوجعوا لها قلبها وهي الي طلعت خسرانه... نقزت لما وصلها صوت الهرن ... واضح إنه معهم احدبالسيارة ... نهرت نفسها وش تبغين فيهم ..كذا ما احد يتضايق غيرها. ..تنسى موضوعه وتعود نفسها بأي لحظة يعلنوا خطوبته من ليان حتى يكون الوضع عندها عادي وما تنتكس من جديد!! اعتدلت بجلستها لما دخلت ليان ...وهي تصبر نفسهاx خذ الشخص الي يحبك مو الي تحبه ... ** ** ** صحيت على ألم بطنها بسبب الجوع ..البارحه ما اكلت شيء ...بس قهوه...اليوم ما عندها دوام ...غريبه ما احد صحاها تجهز الفطور....طلعت من الغرفه بتوجس ...الهدوء يخيم على المكان ....ناظرت الساعة كانت ١.٣٠ فتحت عيونها بفجعه نامت طول هالوقت ...قررت تأكل شيء يسندها....توجهت للمطبخ ابتسمت وهي تشوف كل شيء نظيف ومرتب ..تنهدت براحه هذا اهم شيء ارتاحت من شغل البيت ...عقدت حواجبها باستغراب بالعادة امها تجهز الاكل قبل ما تطلع لدوامها ...ما في شيء موجود...أكيد رح يطلبون بالمطعم!! رح تمشي أمورها بأي شيء لوقت الغداء ...حاولت تفتح الثلاجة بس مقفله ؟! عقدت حواجبها تستوعب هالحركة...وش تقصد بذي الحركة؟! ضاق خلقها لتصرف أمها ...حتى زوجة الاب ما تعمل كذا...كتمت ضيقها وتوجهت لغرفتها تلبس وتنزل لبيت جدها اكيد وقت غداء عندهم!! نزلت ما في احد بالصالة وهو المطلوب ..توجهت مباشره للمطبخ يمكن تلقى شيء تأكله ...عبست ملامحها اول ما شافت ام خليل ..سرعان ما ابتسمت لما ناظرتها ام خليل: كيفك خالتي!! ام خليل هزت رأسها لها : هلا ..ورجعت تكمل شغلها اقتربت بيلسان وهي تشوف على الطاوله اصناف الحلا تذوب النفس ... مدت يدها تأخذشيءx تسد جوعها ..سرعان ما عبست لما ابعدت يدها ام خليل وهي تنطق بحزم: لا تلمسين شيء!! عقدت حواجبها بعبوس : ليه؟! ام خليل بجديه: اليوم في ضيوف لا تخربين شيء نطقت بنبره تلين فيها رأسها: لو اخذت قطعه وش ينقص ام خليل بحزم: ينقص كثير..اترك كل شيء على حاله.. بيلسان مطت شفتها : الحق علي ابغى اذوقه لذيذ او لا؟! ام خليل خزتها: واثقه من شغلي وما احتاج احد يذوقه!! تنهدت بيلسان وسحبت كرسي وجلست وهي تنطق بملل: يعني لما ييجي الضيوف رح تقسمينه وترتبينه وما رح يبقى على حاله زفرت بضجر ام خليل وهي تنطق: لا حول ولا قوه الا بالله!! ابتسمت بيلسان بحزن: انت الخسرانه!! ما ردت عليها وهي تكمل شغلها ...دفنت راسها بالطاوله للحظات ومعدتها تقرصها قرص من الجوع...رفعت رأسها بتساؤل نطقت؛ عندك بنات بعمرنا؟! ام خليل هزت رأسها بالرفض: ما عندي بنات!! بيلسان : تخيلي اني ابنتك وطلبت منك الحلا معقول ما تطعميني!؛ ام خليل ابتسمت: انا طبعي كذا ما احب احد يقترب من شغلي حتى لو كان خليل بذاته ما رح اخليه يقترب من الحلا!! ابتسمت بيلسان لها: خليل كم عمره؟! ام خليل ابتسمت بمحبه لولدها : ١٩ يدرس بالجامعة رياضيات رفعت حاجب بيلسان باهتمام: مثلي ...شفت بيني وبين ابنك نقاط تشابه ...صحيح اني اكبر منه بس مو مشكله نتجاوز هالسنه الي بيننا ...خالتي وش رأيك تخطبيني لولدك ...يقولون مرة استاذ رياضيات تزوج معلمة رياضيات خلفوا علبة هندسه ... ناظرتها ام خليل بجمود وما علقت!! بيلسان بابتسامه:.وش رأيك بهذي المناسبة تذوقيني هالحلا؟! ابتسمت ام خليل لها: ولا بأحلامك عبست بيلسان ملامحها: خالتي أنا خطيبة ولدك المفروض تهتمين فيني .. ام خليل برفض: لا تضيعين وقتك ما رح اعطيك شيء !! بيلسان حطت يدها تحت خدها: بما إنه ما في حلا خلينا نكسب العريس .. متى تيجين مع ولدك وتخطبيني؟! ام خليل بنصيحه: لا يسمعك احد وتصير علوم ..ذي السوالف ما ينمزح فيها!! بيلسان قرفانه الحياة وما هي فارقه معها: ومين قال إني أمزح!! خلص انا الموضوع اقتنعت فيه وموافقه عليه أنا اتخرج قبله وأجمع فلوس لوقت تخرجه ونستقر بالقرية ضحكت ام خليل على كلامها: والله رايقه!! وعادي عندك تاخذين واحد أصغر منك؟! بيلسان ابتسمت:عادي العمر ما هو مقياس ...اهم شيء يكون ناضج وعاقل ويتحمل المسؤوليه والشكل مو فارقه معي...ما قلت لي كيف شكله ولدك؟! اذا يشبهك ما شاء الله قاطعتها ام خليل : اقول اترك عنك هذا الهبل ..روحي اشتغلي بشيء يفيدك قاطعتها بيلسان بدلع: جوعااااانه وربي معدتي تقرصني قرص ...تدرين هذا اليوم الثاني بدون أكل!! ناظري وجهي كيف شاحب ..يرضيك زوجة ولدك تكون كذا!! ام خليل خزتها: ما عندك يدين تطبخين؟! بيلسان هزت رأسها: ما اعرف اطبخ .. ام خليل: اطلعي فوق وتعلمي طبخه تطبخينها تراك مو صغيره بيلسان رجعت ارخت رأسها على الطاوله: تخيلي مقفلين الثلاجه وللحين ما احد رجع ...ما ادري وين طسوا...ذبحني الجوع!! خزتها ام خليل وتقدمت وحطت قدامها من الحلا: قولي بسم الله!! بيلسان رفعت رأسها لها ...ناظرت صحن الحلا...ما تدري ليه حست نفسها متسوله ...وليه تكلمت كذا معها .. وكأنها ميته على حلاها....وكأنها كانت فاصله تتكلم بدون وعي ....ابعدت الصحن عنها بضيق: الله لا يحوج عباده للبشر...فيكم قسوة ما تنطاق!! وقفت حتى تطلع...وقفتها ام خليل: الحق علي الي اعطيتك بعد ما خرب شكل الحلا ... بيلسان ما ردت وقررت تطلع للحديقه من باب المطبخ .. بس وقفتها ام خليل وهي تنطق بإصرار: وربي ما تطلعين حتى تأكلينها!! يلا ارجعي حلفت يمين!! مطت شفتها بيلسان ومعدتها تقرصها قرص : بهذا الزمن لزوم نحط الكرامه على جنب ... رجعت جلست وبدأت تأكل بهدوء!! نطقت بتساؤل: كيف خليل مع الرياضيات ؟! ام خليل بهم: والله مو كثير يشكي من صعوبة المواد ..الفصل الماضي حمل مادة وهذا الفصل رجع نزلها مره ثانيه بس وضعه ما هو مطمئن!! بيلسان باهتمام بدأت تسالها عن المواد الي نزلهم ختمت كلامها: دقيقه يا خالة الحين اعطيك اوراق وابحاث المادة واسئلة الامتحانات وحتى المادة شرحتها بالعربي على الكتاب نفسه ...الحين اعطيه كتابي.. تحركت لغرفتها وجمعت كل شيء يخص مواد خليل ... رجعت وهي تلهث .. ابتسمت وهي تحط الاغراض على الطاوله : رح يستفيد منهم كثير ..بس اهم شيء نهاية الفصل يرجع لي كل شيء!! ام خليل بامتنان: مشكورة ربي يسعدك!! اقتربت اخذت الاغراض ووضعتهم عند اغراضها!! قاطعهم دخول عائشه وهي تعلك بروقان...وقفت وفتحت عيونها بانبهار: واووووو حلا ...انفي لا يخطىء...كنت حاسه في شيء لذيذ هنا من خلفنا ..اقتربت تتذوقه..ابعدتها ام خليل بحزم: اقول اطلعي برا ..باحلامك تلمسين شيء!! عائشه بقهر: انت ليه دوم كذا لئيمه معنا ..نفسي مرة ما تطرديني من المطبخ!! ام خليل بإصرار: برا عائشه باعتراض: ليه بيسو حطيتي لها؟! بيلسان ابتسمت: وربي نشفت ريقي حتى حصلت على هالقطعه عائشه جلست جنب بيلسان وسحبت منها الصحن وبدات تأكل باعتراض: يا اختي دوم هالحرمه متضدده لنا...من لما كنا صغار دوم تطردنا ...بس ليان الي تعطيها الي تبغاه!! ام خليل ابتسمت: والله ذيك واسطتها قوية!! عبست عائشة ملامحها:: ايه ذيك عمي وليد مقوي عينها كل شيء تبغاه تأخذه... كان دلعها ماصخ ...دوم حاملها ويلف فيها من مكان لمكان حتى تسكت ليانوووو!! ما هو مثلنا يا حسرتي ما اذكر بعمري حملني بابا او دلع واحد فينا !!! تدرين بابا اذا واحد بكى فينا وش يعمل؟! ابتسمت بيلسان وهي تناظرها باندماج: وش يعمل عائشه مطت شفتها بسخرية: يمسك النعال بتهديد وهو يصرخ بصوت عالي:" تسكت والا كيف ؟! تابعت كلامها بضحكه : طبعا نبلع العافية ونسكت ... لأنه اذا بكينا ما تدري من وين النعال يتساقط ... المهم صحيح كان بابا قاسي بس طلع بنتيجه شوفينا كلنا نرفع الرأس بالدراسة!! بابا للحين حازم معنا والدراسة خط احمر يعني لو تكون تنازع لازم تكمل واجبك وبعدها بستين داهيه! بيلسان ابتسمت: واضح إنه عمي عبدالله شخصيه حازمه وصارمه!! عائشه هزت رأسها بابتسامة:وش نعمل تعودنا عليه ...لانه بالاول وبالاخير يبغى مصلحتنا!! مدت الصحن لام خليل بعد ما كملته ..وبنبره لطيفه : الله لا يهينك حطي قطعه صغيره ام خليل بصرامه قاطعتها: بأحلامك عائشه خزتها: يا شريره وبتذكر ناظرت بيلسان: انت يا شريره وش عامله بليان ولجين!! حركت يدها بيلسان بلامبالاة..نطقت عائشة بابتسامة وهي تهز رأسها: اما جدتي متحلفه فيك تلقي وعدك!! بيلسان ابتسمت: ما هي فارقه عائشه خزتها: مو فارقه ...وبتحقيق : بالله عليك كم طراق حصلت من وليدوووو...تراك لمست المحظور ..تعرفين وش يعني ليان..خط احمر!! يلا قولي وش عمل لك؟! بيلسان ابتسمت: وربي ما حصلت أي شيء قاطعتها بتكذيب: تبغين تقنعيني عمي وليد ما عمل لك شيء؟! تراه نسخه من بابا لما يعصب يتحول لوحش كاسر!! ضحكت بيلسان من قلبها على التشبيه ..ام خليل بنهر: وطي صوت ضحكتك ترى جدك بصالة السفرة يتغدون!! بلعت ضحكتها ونطقت بورطه وهي تناظر الباب الفاصل بين المطبخ وسفرة الاكل: هنا عائشه ضحكت بخفه: عادي جدي ما يقول شيء عن ضحكنا!! دوم يقول اضحكوا مثل ما تبغون ام خليل بانتقاد نطقت بصوت منخفض: بس كنان هنا عائشه وقفت بابتسامة: وليه ما قلت من الاول .. زمان ما شفته ..اروح اسلم عليه!! تركتهم وتوجهت لصالة السفرة!! الصدمة ألجمتها ما توقعت وجود أحد هنا ..رفعت نظرها لام خليل لما وضعت قدامها صحن حلا: ادري بها الدبه اكلته من قدامك..صحتين وعافيه!! ابتسمت لها بيلسان بمجامله وعقلها وتفكيرها بالاشخاص الي بصالة السفرة!! *** ** اصر عليه ابو فيصل يتغدى معهم ..دوبه يأكل لما وصله صوتها وهي بالمطبخ تحاول تحصل على قطعه من الحلا! ام فيصل مطت شفتها: هذي عادة الحفيدات يبغون كل شيء جاهز ..بس ام خليل واقفه لهم بالمرصاد !! ابو فيصل ابتسم: خليهم يأكلون اذا ما اكلوا من بيت جدهم من وين يأكلوا!! ام فيصل هزت رأسها: تراهم ما ينعطون وجه!! زمت شفتها بضيق ام فيصل لما بدأت تتكلم بيلسان عن خليل ..ناظرت زوجها بعدم رضا عن كلامها..ابو فيصل بترقيع: يا حليلها مطيحه معها الميانه. تظنها رح تلين وتعطيها حلا!! زم شفته كنان بعدم رضا وهي تتكلم بذي الطريقه عن خليل..يا كثر ما يتمنى تكون على ذمته ... ام فيصل نطقت بانحراج وهي تسمع سوالف بيلسان الماصخة عن اهلها وانهم مقفلين الثلاجه حست بالاحراج قدام كنان ..وبترقيع نطقت:يا حليلها تحاول تخليها تعطف عليها هالكذوب!! نطق بعدم رضا وهو يسمعها رجعت تتكلم عن خليل : ترى كلامها ما هو منطقي أبدا..وعلى أي أساس تعطيه اغراضها الجامعيه ابو فيصل بترقيع:ما فيها شيء ..تراه اصغر منها نطق بقهر: اصغر منها والاخت عارضه نفسها عليهم!! تابع كلامه بسخريه لما وصله صوت عائشة: كملت بوجود عائشة!! ابو فيصل بهدوء: الي يسمعك يقول طلعت تقابله ..ترى اعطت أمه وكل سوالفها مزح ام فيصل نطقت بجديه: يا ولدي لا تتعلق بسراب ...وليد ما رح يوافق على زواجك منها ...وبعدين العلاقه بين العائلتين ما هي تمام ... كيف يصير بينهم زواج ...وفوق هذا البنت عقلها وتفكيرها يختلف عنكم .... كنان زم شفته بضيق: انسي علاقة العائلة ...ابغى سبب واحد يخليه يرفض زواجي... يقول مخطوبه وينه خطيبها؟! صرنا قريب السنتين وينه هالعريس السري؟! ابو فيصل زم شفته بضيق: صدقني لمصلحة الطرفين كنان بإصرار: أنا للحين انتظرها لآخر لحظة قاطعته ام فيصل بتعجب: غريب ليه بيلسان بين كل هالبنات؟! بنات عمها واختها أحلى قاطعها : القلب وما يهوى... رح أرجع أتقدم لها قريب أبو فيصل بنصيحه: صدقني ما رح يقبل..وبعدين البنت أكيد لها رأي ويمكن ما تبغاك!! زم شفته بضيق ما يبغى يكون أناني ..هي حرة باختيار حياتها ....نطق برجاء: لو اطلب منك خدمه وحدهx يا جدي ابو فيصل هز رأسه: الي اقدر عليه وما رح أقصر .. كنان بهدوء: بس أبغاك تسألها عن رأيها فيني ..ابغى اعرف اذا موافقه علي او لا ...حتى اعرف كيف اتصرف سكت لما وصله صوت ضحكاتها !! ابو فيصل تنهد وبعدها نطق: اسمعني يا كنان ...أنا ما عمري تدخلت بزواج احفادي بالعكس اعطيهم الحرية بهذا الشيء ...أنا رح أشوفها واذا كانت سكت لما دخلت عائشه بابتسامة عريضة:سلام للجميع!! عبس ملامحه وكأنه ينقصه عائشة ما هو وقتها ...يبغى يوصل لرأيها الخاص بدون ضغط او اجبار تبغاه أو لا!! ابو فيصل بصوت مرتفع نادى بعد ما اشر لعائشه تجلس : بيلسان بيلسان بعدلحظات دخلت بيلسان بانحراج وبهدوء نطقت بعد ما ردت السلام: نعم جدي!! ابو فيصل نطق بترحيب متجاهل هذرتها مع ام خليل بعد ما وصلهم حديثهم: هلا هلا حماتك تحبك تعالي تغدي معنا!! زمت شفتها بضيق ما تدري كيف جدها يفكر يعرف انها ما تحب تختلط بأحد ومع ذلك يحطها بمواقف غريبه ..وبهدوء نطقت وهي تفهم نظرته المتوعده بس قدام كنان يظهر العكس: تسلم يا جدي بس شبعانه..انتظركم بالصالة وهمت ترجع بسرعه ...ابو فيصل بإصرار وقفها: وربي الا تجلسين وتأكلين!! كنان وقف وللحين منزعج من كلامها مع ام خليل : خليها تأخذ راحتها ام فيصل ناظرته:xx اقول اجلس بلا هذرة زائدة..وانت تعالي اجلسي ما رح يأكلك!! ما عجبها نبرة جدتها واضح تم شحنها بنجاح عليها..تقدمت لما نطق ابو فيصل بحزم: اقول تعالي!! جلست جنب عائشة ...تحس نفسها صدت عن الاكل ... أبو فيصل باستغراب سألها: غريب ليه رفضت تروحين معهم للمطعم؟! عقدت حواجبها باستنكار ما عندها علمx اي مطعم ؟!..كتمت ضيقها من تصرفاتهم ...تاركينها بدون اكل وطالعين للمطعم....وبهدوء نطقت عكس خيبتها : ما احب الاماكن العامة ابو فيصل هز رأسه بتأكيد: صادقه وش اجمل من طبخ البيت!! هزت راسها بتسليك ونزلت نظرها لصحنها تأكل بشويش وعقلها يفكر بحركة أمها ...لذي الدرجة كاره وجودها ....ما يحق لها تقفل الثلاجه ..طالعين للمطعم طيب هي ؟!؛ وش وضعها ؟! ما فكروا فيها ولا كأنها موجوده!! اخذت نفس لما خنقتها العبرة!! عائشه بروقان: ما في اخبار سعيده يا كنان ؟! متى تتزوج؟! كتم ضيقه من هالموضوع ...وبهدوء نطق: قريب إن شاء الله عائشه بحماس: بالله اعطيني التفاصيل ...مين وكيف ومتى!؛ نطق بهدوء: للحين ننتظر الرد من العروس عائشه بابتسامة:من وين ؟! تشتغل معك يعني؟! والا من اهل ابوك؟! حست بيلسان ملامحها بهتت ...وبداخلها خنجر انغرس بقلبها ...هذا هو فارس الاحلام بدأ يرحل...معقول خطب ليان رسمي وينتظرون الجواب!! ابو فيصل بهدوء يقفل الموضوع:كل شيء قسمه ونصيب!!! انت لا تتدخلين خليك بحالك!! عائشه حاست بوزها : صحيح لمين الحلا الي تجهزه ام خليل؟!! ام فيصل بهدوء: اصدقاء جدك عائشه خزته بابتسامة: حركات والله وصار عندك اصدقاء!! ابو فيصل مط شفته: يا كثر هذرتك!! عائشه نفخت نفسها بثقه: اصلا كل الناس تحب تجلس معي حتى اكلمهم .. قطعت كلامها لما رن جوالها ...ابتسمت ابتسامه عريضه وهي تنطق: الحب يتصل!! فتحت عيونها بيلسان باستنكار من وقاحتها ... ابو فيصل نهرها : يا قليلة الحياء..حسابك بعدين توجهت للحديقه وما ردت على جدها!! تنهد ابو فيصل وبعدها وقف : يلا يا ام فيصل!! وقفت بيلسان بسرعه ...عقدت حواجبها باستنكار لما نطق جدها: انت كملي صحنك !! وناظر كنان : كمل اكلك وخذ راحتك حنا بالصالة ننتظرك؟!! كنان هز رأسه براحه واخيرا انفتح له المجال يكلمها بنفسه ..عبس ملامحه وهو يناظرها تكلم جدها ومصره على المغادره ...سرعان ما جلست لما عصب ابو فيصل وهو ينطق: قلت لك اجلسي... انتهى البارت...دمتم بخير 🌹 | ||||
|
| |
|
22-11-22, 12:48 AM
| #279 | ||||
| مشكله الرجل اغلبهم مايدققون بتصرفات النساء التفاصيل مثل ماتسوي خزامه لبيلسان مشكله بيلسان قصه الشعر جات علي وفاة جدها الغريب ان ليان واختها ماعملو لبيلسان شي خصوصا الصغيرة وصدق ليش كنان يوصل ليان لبيتها | ||||
|
| |
 |
| أدوات الموضوع | |
| انواع عرض الموضوع | |
|
|
2373Likes
العرض العادي
