07-01-23, 11:36 AM
| #182 | |||||
| كاتبة في قسم وحي الاعضاء 
|  * " البارت الثامن عشر " * ضاري فتح الباب وتفاجأ كان معتقد انه ريميه .. وبارتباك : منذر !! هلاا حياك منذر دخل بهدوء .. وجلس وين مادخله ولااهتم انه يناظر المكان : اجلس ولاتسوي شي ادري انك عزابي انا بس جاي اتكلم معك واروح ضاري جلس : سم قل الي عندك منذر ناظره شوي بعدين : انت ليش ماتبيني استمر مع ريميه ضاري ارتبك : انا ماقلت ماابيك هي منذر يقاطعه : لانكذب ع بعض ضاري انا ادري انك انت الي تحرشها ضدي كانت في بيتي وراضيه بالحياه معي جيت واخذتها لييه ؟ ضاري حاول يكون واثق : هي كلمتني اجيها انا ماادري لييش كل شي تحطه فوق راسي بنت اخوي امااانتي لو تطلبني روحي عطيتهاقالت لي تعال خذني جيت اخذتها قالت ماابي منذر وانا معها بالي تبيه ليه ماتبي تفهم انت منذر ساكت يناظره والنار تغلي بصدره .. ضاري بهدوء يحاول يمتص الغضب الي يشوفه من عيونه : كمل جميلك وطلقها خلها تشوف حياتها وتعيش مثل ماتبي حرام صغيره ومريضهقلب ماشافت حلو الحياه منذر : قلها تجي وتطلبني الطلاق بنفسها وتبشر ضاري حس بتردد ، اخذ جواله من ع الطاوله واتصل ع ريميه : الوو ... ريميه تعالي شقتي ابيك ضروري .... لا الحمدلله طيب بس فيشي بكلمك فيه .... منذر يناظر للارض بصمت .. ولا رد على ضاري الي قاله انها جايه .. كان واثق ان ضاري الي مايبيه .. بس الحين بدا يشك .. حس انهاتقبلته ورضت فيه وش الي تغير !! * دخلت الشقه الي بابها مردود .. فكت عقدت نقابها واخذته بيدها وهي تلف مع السيب الي يودي للصاله : ضااري ووقفت لما شافت الي جالس قبال ضاري ويناظر للارض .. حطت يدها ع الجدار تحاول تثبت تحس الارض تدور فيها .. ماتدري عشانهاطلعت بسرعه لما اتصل عليها ضاري والدرج ولا شوفته بعد غياب شهرين !! تحس قلبها مو متحمل " شوفته بس !! كيف طيب اذا تكلم وناظرني اهدى ياقلبي اهدى ياربي ياربي احس مشتاقه لهالوجه والله هذا الياحسه وكأنه غاب عني سنين مو شهرين " ضاري يطبطب جنبه : تعالي اجلسي منذر يبي يكلمك ريميه مشت وهي تشد وتعصر نقابها الي بين يديها ندمت انها فكته .. جلست وهي تناظره للحين صاد بس رفع عيونه جهتهم ع طول نزلت عيونها بالارض " يارب ارحمني وش الي قاعده احسه خايفه من نظرته لي ومشتاقه لعيونه" منذر متجاهل وجود ضاري ويناظرها بجديه ونبرته رسميه : انا فكرت مايصير الموضوع معلق اخذت وقتي وطاح الشر الي براسي وانتِاخذتي وقتك والي تبينه انا بسويه ريميه ناظرت ضاري الي يناظرها بثقه .. وناظرت منذر نظراته لها بارده " ليه كذا ! هل فعلاً طابت نفسه مني بطل يحبني ! مااعاد فيه صبريتحمل ! مايفرق معه رحت او جلست .. لييش كذا تناظرني وكأني ولا شي !! " منذر بنفس الرسميه : قولي الي تبينه وابشري ريميه والعبره خانقتها يادوب طلع صوتها : مابي شي ضاري يمسح ع كتفها : هو قصده اذا تبين الطلاق منذر يناظره بااحتقار .. خلاص وضح له كل شي نظراتها المتردده لضاري والحين يأكد لها تطلب الطلاق ريميه فعلاً بدت تتقبله هو مايتوهم بس ضاري هو الي يضغط عليها .. ريميه تصد عن ضاري وتناظر الارض والدموع تحرق عيونها .. تحس نظراتهم عليها ميلت ع ضاري ويدها ع صدرها بدون ماتقول شي بس واضح انها يادوب تتنفس ضاري بخوف يوخر حجابها عن رقبتها : ريميه بسم الله عليك وش فييك خذي نفس بشويش منذر وقف قريب منهم يشوف يديها الي ترجف وجفونها الي شاده عليهم .. بسرعه تحرك ولف الحجاب عليها وشالها وطلع من الشقه .. ضاري بتوتر : وين مفتاح سيارتي اوووف "وراح للغرفه يجري وبصوت عالي" اجيييك الحيين منذر : بسررعه لاتتأخر وحط رجله جري مع الدرج وهو فاتح فمه بحمااس .. وراح لسيارته نزلها ورا : اكشفي وحاولي تاخذين نفس الحين اخذك للمستشفى ريميه تكورت ع نفسها وهي تشوفه يركب قدام ويحرك السياره بسرعه وتسمع صوت الكفر .. مسحت دموعها الي نزلت ع الصامت "تمام ريموو نجيتي من الموقف المحرج كيف كنت بقوله اني ابيه وقدام ضاري بعد ! الحمدللهنجيت الحين بالمستشفى نفس المعتاد وارجع للبيت والله يفرجها من عنده " منذر صمت جواله وهو يشوف اتصالات ضاري .. انا اوريك يالكلب .. وقف عند بيته ونزل وفتح بابها .. ريميه جلست بتعب والغطوه ع وجهها مو شايفه زين بالليل .. استغربت الهدوء بالعاده ازعاج عند المستشفى منذر مد يده لها عشان يساعدها تنزل : تقدرين تمشين ريميه حست انها لازم تبالغ وبصوت رايح : لا جيب لي كرسي منذر يحك شنبه : والله ماحولي كراسي بس ماعليه اصير لك كرسي ريميه شهقت لما سحبها وشالها والغطوه ع وجهها مو قادره تشوف وتهمس : نزلني لاتفشلني عند الناس تكفى منذر يمشي للبيت وهو ساكت والابتسامه شاقه وجهه لما تأكد خلاص انها بخير وكل الي صار تمثيل عشان ماتطلب الطلاق منه .. من قدهمبسوووط نزلها عند الباب وهو ماسك يدها ويطلع المفتاح من جيبته .. ريميه كشفت وجهها لما استوعبت المكان وتبي تتأكد .. ماامداها تقول شي الا يفتح الباب ويدفها تدخل منذر يقفل الباب وراه : ليه تكشفين لو اخوي طلع ريميه تحس انها صدق بتنكتم : ليه جبتني هناا !!!؟؟ منذر يتأمل وجهها كيف تحرمه منها .. اشتاق لها حيل ريميه بخوف من نظراته .. وين الي يناظرها ببرود وكأنها ماتسوى شي .. كنت ابي هالنظرات ليش خايفه منها الحين ! منذر يلم يدينه لصدره : ابدد شفتك طبتي خلاص ماتحتاجين المستشفى وبالنسبه للمهله انتهت قلت لك الي تبينه وخلصت المهله خلاصالحين الي ابيه انا بيصير ريميه جلست ع كنبه منفرده تحس رجولها مو شايلتها وبنفسها " الحمدلله ياربي ابي اضحك انا رجعت بيتي بدون ماابذل مجهود هو ع باله اني مجبوره وانا بموت من الفرحه الحمدلله " منذر طلع جواله واتصل ع ضاري .. وهو يناظرها ضاري بقلق : وينكم انا بالمستشفى ادور منذر قاطعه : رحنا للبيت ابشرك ريميه بخير وهذي هي جنبي والحمدلله تفاهمنا وقالت انها تبيني ريميه تناظره بتوتر .. منذر يضحك : تراها مستحيه منك تقول ولا الحمدلله ارتاحت معي ريميه وقفت وراحت الغرفه وقفلت الباب ماتبي تسمع اكثر .. وراحت للسرير دفنت راسها بالمخده وصارت تبكي بصوت عالي وتكتم صوتها بالمخده .. تبكي وتشهق تراكماات كاتمه ع صدرهاا مبسوطه وبنفس الوقت محتاجه تبكي وماتوقف * ردت ع الجرس .. مافي غيرها بالبيت العيال طلعو وريميه عند عمها مارجعت .. : مين ضاري وهو يدري ان ماغيرها بالبيت وباامكانه يكلم ام عايض بس لقى حجه وصل : انا ضاري قلت ابلغكم ريميه راحت مع زوجها اللهيوفقها اريج : متى ! واغراضها وجوالها هناا !!!؟ ضاري : ايه ترجع لهم بعدين اريج وحاسه ان صاير شي كيف تروح كذا بس ماحبت تاخذ وتعطي معه : طيب فارق ضاري : لحظه طلعي لي ساره بروح البقاله وباخذها معي اريج تناظر بنتها منسدحه قبال التلفزيون : نايمه شكراً ضاري كشر لما سمع صوت السماعه تقفل : العوبا ماتعتدل وجع ارتبك لما وقفت سياره ام عايض ونزلت وهي تناظره بنظرات ناقده .. : هلاا عمتي انا كنت ابلغكم ان ريميه راحت مع زوجها ام عايض تمسك برقعها من عند دقنها : وهو الشغله لعبه راميها شهرين وحرق اغراضها وكذا تخليها تروح معه ببساطه هذا قدر بنت اخوكعندك ضاري وهو من بعد ماطلق بنتها تغيرت معه وماتطيق منه كلمه : قدرها اني اسوي لها الي تبيه ويرضيها وهي تفاهمت معه ورضتالله يوفقهم ام عايض : يصير خير عن اذنك ودخلت البيت وقفلت الباب وراها وشالت برقعها .. اريج بحماس استقبلت امها ولااهتمت بحلطمتها من ريميه .. الاهم الخبر الي عندهاا ام عايض في غرفتها تعلق عبايتها ع الشماعه ولفت ع اريج وناظرتها بتفحص : وش فيك انتِ طلعي هالفوله الي بفمك اريج مبتسمه مسكت يد امها ومشتها معها لين جلستها ع كرسي التسريحه ووقفت وراها وتناظرها بالمرايه وتمسح ع شعرها : شايفهالجمال حتى الشعر الابيض ماطلع لك ام عايض : اييه طول عمري ع الحنا ماحطيت الصبغه بشعري انتِ بتشيبين قبلي اريج ضحكت : ههههه ماعليه شوفي حتى جسمك ماشاءالله رشيقه الي بعمرك سمينات ولهم كروش ام عايض : الزبدده وش عندك ؟ اريج تناظر عيون امها بالمرايه : معرس ام عايض لفت عليها وبااعتراض : نعععععم !!! اريج ترجع ع ورا : حبيبتي هنوفتي اسمعيني وفكري بالموضوع اعطي نفسك حقها ضاع عمرك مع ابوي الي ماقدرك ومن تطلقتي وانتِتشتغلين ولاارتحتي بيوم لمتى !! هذي فرصتك ترتاحين رجال شاريك وبيدلعك كل شي يجي لعندك وانتِ مرتاحه ام عايض تناظرها بطرف عين : اييه من الاخر المعرس سلوم الواجد من غيره محوم كبدي اريج : عطيه فرصه يمه من اول ماسكنا هنا وهو عينه عليك ومو مقصر معنا بشي ام عايض : انا ماتطلقت من ابوك يومه تزوج علي عشان اخرتها اخذ متزوج لا وبكون الثالثه بعدد اريج : ياشيخه ابوي مو بس تزوج عليك ابوي يخونك ويضربك الزواج كانت القشه الي قسمت ظهر البعير ام عايض تمسد راسها : زواج مانيب متزوجه اطلعي برا اريج : فكرري يمه تراه خطبك من عايض البزر هذا مقدر ولدك شفتي كيف ام عايض تدفها للباب : راسي مصدع ابي ارتاح عاجبك تزوجيه انتِ اريج بعد مادفتها امها ناظرت الباب الي تقفل !! : خييير قاعده ع قلوبهم كلهم يبون يزوجوني هه والله حاله * الساعه 3 الفجر .. طلعت من الغرفه بعد مانامت وفكرت كثير لما صحت .. شافت الصاله مظلمه ماينورها الا التلفزيون الي ع الاخبار وصامت ناظرته منسدح ع الكنبه ومتغطي ببطانيه خفيفه .. مو واضح لها اذا هو نايم او صاحي مرت من عنده رايحه للمطبخ .. تمشي بشويش عشان لو نايم مايحس فيهاا منذر الي كان مغفي وصحى ع صوت باب الغرفه .. يناظرها بعد مامرت من عنده .. ناظر ساعته وغمض عيونه وهو يسمع حركتها بالمطبخ.. رجع جلس وهو يحس ان النومه طارت وقف راح لها .. شافها معطيته ظهرها تخلط شي الي فهمه انها جوعانه وقاعده تسوي لها اكل ريميه لفت وشافته اخذت نفس وصدت عنه تكمل شغلها .. منذر راح للمغسله وغسل وجهه وسحب كرسي وجلس : وش تسوين ريميه بدون ماتناظره : جايبني في هالبيت وهو فاضي ع الاقل جيب اكل من برا اذا صحيت القاه منذر : حتى انا نمت بدون مااحس ع نفسي وبعدين انا ماحسبت حساب اني اجيبك معي ولا كان جهزت البيت ريميه ماردت عليه وقعدت تزيد المكونات عشان ياكل معها .. منذر يناظر شعرها صح مربوط بس فيه شي متغير .. وكأن وزنها زايد شوي ريميه تحط خليط المصابيب بالعلبه وتسخن الخبازه .. وبدت تسوي ميني مصابيب اكثر من وحده وبنفس الوقت تروح تسوي الحليب .. شافت منذر يروح عند الخبازه وياخذ الملعقه ويقلبهم ويطلع الي جهزو بالصحن الي مجهزته كملت شغل الحليب وهي ساكته وتاركته يكمل شغله منذر يشتغل وكل شوي يخطف نظرات لها وده انه مره يصدفها تناظره .. بس سافهته ولا كأنه موجود .. راح للثلاجه بيطلع العسل بنفس الوقت الي هي تتحرك وتعمد يجي بوجهها ريميه تلف يمين وهو يلف معها لفت يسار ولف يسار .. وقفت بمكانها ورفعت عيونها له تناظره وبعدين ..!! منذر يناظرها وهمس : ياحلو هالعيون ريميه نزلت نظرها بتوتر وعدت من يمينه وكملت شغلها .. جلسو قبال بعض .. ريميه تصب له حليب وتقرب الكوب له واخذت شوكتها وبدت تاكل .. منذر ياكل بهدوء ويناظرها بتأمل .. يحس براحه وسعاده فقدها من شهرين .. كل ماحاول يقسى عليها ويرد لها الصاع صاعين هي وعمها .. يرجع ينسحب مايقدر يأذيها هي وصلت لاعمق نقطه بقلبه مايدري شلون وليه هالحب الكبير لها .. ريميه بعد ماخلصت اكل بصعوبه من نظراته : منذر بقولك شي منذر : سمي ريميه تحس انها بعد مااكلت صحصحت صايره تجوع بشكل فضيع .. ناظرته بتردد : انا حامل منذر ساكت ويناظرها يستوعب الخبر .. ريميه تشبك اصابعها ببعض وتشد عليهم .. وبتوتر : اول ماكنت ادري انه حمل واليوم رحت لدكتوره وحللت وقالت حمل منذر ابتسم ووقف وابتسامته تتوسع اكثر .. لف لها وقومها من ع الكرسي واخذها بحضنه وتنهد براحه وسعاده : الحمممدلله ياربيالحمدلله ريميه والدموع تجمع بعيونها همست : ماانت متضايق ؟ منذر يوخرها شوي يقابل وجهها : اتضايق لييه ! والله اني من الفرحه احس ماني قادر اعبر قولي انتِ شسوي ريميه تمسح طرف عينها وتضحك وتهز كتفها : ماادري حتى انا احس مو مستوعبه منذر حط كفه ع بطنها وهو يضحك يحاول يستوعب ورجع حضنها بقوه .. ريميه بادلته الحضن ودمعه سريعه نزلت من عينها .. هنا حست الاستقرار والامان .. * في استراحه ابو نواف بالطايف .. يوم الجمعه اخر ساعه قبل الغروب .. كانت جالسه لحالها وقرأت اذكارها ودعت باللي تتمناه تحس قلبها مكسور .. بعد الغدا دخلت المجلس وكانت رحاب وفرح يتكلمون وسكتو لما دخلت وهي سمعت وفهمت عن وش يتكلمون " حمل ريميه " بيخبون عنها هههه مدري لمتى .. مااستغربت تفكيرهم التافهه .. قد ماانصدمت بريميه حتى هي ! ساكته ع حملها وخايفه من عينها وكأنها حست انها تفكر فيها .. شافتها جايه لها وبيدها كوبين البخار يطلع منهم .. الجوو بارد بس جميل ريميه حطت الاكواب بينهم وجلست وهي تعدل الشال الثقيل ع كتوفهاا : يجنن الجو اول مره اجي الطايف بحياتي شروق اخذت كوب القهوه وشربت : حتى انا ماعرفتها الا بعد ماتزوجت ريميه : ليه اخواتك هنا ويتكلمون عن ذكريات هالمكان كيف ! شروق بدون ماتناظرها : ايه هم يروحون مع ابوي بس انا اجلس بالبيت مااطلع ريميه ماحبت تتدخل اكثر : يله الاسبوع الجاي عندي اختبارات حلوو اخذ هنا نقاهه قبلها شروق : بالتوفيق ياارب ريميه توزع نظراتها ع المكان واصوات البزارين من بعيد يلعبون : وش فيك احسك مو طايقتني هههه شروق لفت عليها : تبين الصراحه اول شي مبرووك والله يقومك بالسلامه ويقر عينك بشوفه ضناك بااتم صحته بس حمواتنا الغبيات يقالهمبيخبون عني واني احسدك مو جديد طبعاً هالحركات بس ماتوقعتك مثلهم تخبين وكذا ريميه : انا ماقلت لاحد مو المقصد اخبي بس ماادري كيف استحي هو منذر قال لامه وامه علمتهم وكل وحده تبارك لي ارد عليها واللهمافكرت باانك تحسديني وذا التفاهه شروق تهز كتفها : ماادري بس احس اخذت بخاطري شوي ريميه وقفت ومسكت يدها : قوومي جعل الي ضايقوك للعما اطلبي الي تبينه وانا اسوي لك شروق ابتسمت وحضنت ريميه وبكت .. ريميه بعد فتره تركتها تبكي ع راحتها : عطيني اسماء بس وبتشوفين شسوي فيهم تحسبيني مسالمه ومالي بالمشاكل بس ترا تاريخي اناواريج مليان شروق توخر عنها ومبتسمه وتمسح دموعها : والله انا دايماً جنب الحيط وماسلمت من اذى الناس ريميه : شفتي في كل الحالات ماانتِ سالمه عشان كذا اخذي حقك وبردي قلبك شروق تنهدت : رحاب وفرح اكثر ثنتين واقفات بحلقي * بعد صلاه المغرب .. ريميه عبت سطل مويه بارده وحطت ثلج .. واخذته معها وراحت لجلستهم عند النار يشوون ذره ومسوين اجواء شتويه حلوة ابتسمت وهي تشوف رحاب وفرح جالسات جنب بعض .. سبحان الله الثنتين هذول كأنهم توم بالشكل والاخلاق شروق جالسه تتقهوى وناظرت ريميه تمشي بثقه وبيدها سطل متوسط .. وش بتسوي ! ريميه وقفت قدام رحاب وفرح .. وبحماس : بناااات وبس ناظروها كبت المويه بوجيههم وصرخت بحماس : الله اووف اخيراً ارتحت هذا الي يقولون عنه وحام ميييته ع اني اكب عليكم مويه باردهمعليييش فرح توخر لبسها المبلل عن صدرها وبردانه : مررريضه انتِ مويه بارده في هالبرد رحاب بنرفزه : هبلا قسم باالله وش وحام صاحيه انتِ ؟ ريميه تضحك بااستفزاز وكل الي بالجلسه يضحكون معها .. آمنه تضحك : ماعلييه فدا حفيدي اهم شي مايطلع فيه شي ريميه تروح تجلس جنب شروق الي ماضحكت .. متعجبه من ريميه كيف كذا عيني عينك تاخذ حقها .. همست لها وهي تشوفهم يروحونداخل : بيعلمون عليك منذر ريميه : وحام هذا تمشي عليه ماعليك * يوم السبت .. احمد واقف عند الشاحنه الي ينقل فيها اثاث شقته .. وهو يناظر بيت ام عايض بقهر خلت شقق العمارة كلها ومااختارت الا شقته سلوم اعطاه مهله ثلاث ايام يفضي الشقه .. كان صعب عليه وفاطمه عند اهلها نفاس شاف اريج تطلع من البيت ويدها بيد بنتها .. ولما عدت من عنده : يابنت الهنوف اريج لفت وناظرته مستغربه وش يبي ! : نعم !! احمد يناظر عيونها الي مافيها اي زينه ومع الشمس صارت اصفى من العسل : الله لايبيحك انتِ وامك اريج تشد ع يد بنتها وكلامه اوجع قلبها اول مره احد يدعي عليها بوجهها .. كملت مشيها ولا ردت عليه وصلت للبقاله .. ونفسها ضايقه كانت طالعه بتشتري لها مفرحات مع بنتها بس سد نفسها امها وافقت ع سلوم وشرطت يشتري بيتهم ويسجله بااسمها ويصير لهم وهي تسكن معه في العماره الي جنبهم عشان تكون قريبه .. وهياقنعت امها تختار شقه فاطمه عشان تشوف المطلقه طلعتها من بيتها حست بخوف لما شافته يدخل للبقاله شدت ع يد بنتها الي تختار شوكولاتات ولا منتبهه لامها الي تدور الامان عندهاا .. احمد وقف عند العامل : شوف كم حسابي بسدده انا ناقل خلاص ساره تسحب يد امها تبيها تاخذ لها من غزل البنات الي عند الباب : هاادا ماما هااادا اريج ماتدري وش الخوف الي نزل عليها هاللحظه ماتبي تقرب للباب وهو عنده .. احمد ينزل كيس غزل البنات : تعالي خذيه راحت له ساره بسرعه مبسوطه واخذته .. اريج تمنت تصفق يده الي تمسح ع شعر بنتها .. ضاري دخل وبس شاف ساره فتح لها يدينه وراحت له بسرعه شالهاا : هلاا بالزيين احمد اعتدل بوقفته ويناظر مع العامل بالدفتر .. اريج لاول مره تحس براحه لشوفه ضاري .. تحركت بسرعه وحطت اغراض ساره ع الطاوله وطلعت من البقاله هو يتفاهم مع بنته ويرجعهاللبيت انا ابي انحاش للبيت وانهي هالخوف الغبي الي احسه .. ماتنلام فاطمه يوم تقول له سمعاً وطاعه والله يخوف تحس انه شر وهو ماسواشي دخلت البيت وخلت الباب مردود عشان تدخل ساره .. جلست قبال امها الي حاطه قهوتها قدامها : زوج فاطمه خلاص فضى الشقه ام عايض : درب يسد مايرد للحين حارتني ال 50 الي اكلها اريج : اييه شفتي كيف الدنيا تدور المهم انا باخذ لي غفوه ولاتنسين العصر بنروح السوق نكمل جهازك ام عايض : الباقي كلام فاضي اهم شي الذهب وجبته اريج : لا ياعيوني والله لااجهزك جهاز لاصار ولااستوى "ومدت يدها تسكتها" لاتناقشيني خلاص اتفقنا انا المسؤوله عن هالبيت وكل سكانهيووه ام عايض تناظرها تروح لغرفتها .. كل مالها تقتنع بهالزواج اكثر .. اول شي وافقت من كثر حنه اريج بس شوي شوي حست انها فعلاًمحتاجه رجل وسند تعبت من الجري بهالحياه جا الوقت الي توقف .. وسلوم كل شي طلبته ابشري وتم وحاضر .. * الاغلب راحو عشان الدوامات بكره .. ريميه حطت شنطتها عند الباب وجلست بعبايتها تنتظر منذر .. من تصافت معه تحس الحياه ابتسمت لهاا حبت الاجواء هنا بس فقدت منذر ماتشوفه الا لما يجي يبي شي ويكون عند الباب امنه تقفل المطبخ بعد ماتأكدت كل شي مقفل : رايحين خلاص ريميه : ايه منذر قالي دقيقه ويجي امنه : زين درب السلامه وين راحت شروق نواف قال ماهو مطول ريميه وقفت لما ارسل لها منذر تطلع : قالت بتروح قسم العيال دامه فاضي تلم اغراض نواف ودعت امنه وطلعت .. حاولت تبطء خطواتها وين راحت ريميه السلحفاه ليه خطواتي سريعه يادوب اتحكم فيها .. فتحت باب السياره وركبت : سلام منذر سلم ع يدها وشد عليها : وعليكم السلام ياهلاا كييف انبسطتي ريميه : مرره لو ماعندي دوام بكره قلت لك بجلس هنا بعد كم يوم منذر تحمس : ابشري كل ويكند اجيبك هناا ريميه : لا الويكند الجاي زواج خالتي منذر يضحك : ايييه ام عايض الله يوفقها * بغرفه نواف القديمه .. جالسه ع السرير وقبالها شنطه قديمه مفتوحه وفيها اوراق وبيدها ورقه تناظر للتاريخ والدموع تحجب نظرهاا قادها الفضول تفتحها .. مادرت ان جواها دمارها وكسر قلبها آمنه دخلت وقربت بخوف لما شافتها متصنمه وتناظر الورقه : بسم الله شفييك وسحبت الورقه منها .. كلام انقليزي وارقام مو فاهمه الا انه تحليل لنواف : وش هذي لييه تبكين علميني شروق ناظرتها وعيونها حمرا : اسألي ولدك امنه بخوف من هالتحليل .. وبنفس اللحظه سمعت صوته ينادي عليهم .. راحت للباب : نوواف تعاال هناا نواف جاهم وناظر الشنطه بعدم اهتمام .. بس الي استغربه : ليش تبكين شروق وش فيه يمه امنه عطته الورقه بتوتر : وش ذي فهمني هذي مو راضيه تقولي شي نواف ناظر الورقه ومثل الكف ع وجهه .. هو ماقطعهاا !! متى حطها بهالشنطه ولييش ؟ مايذكر .. ناظر شروق تناظره بخذلان ودموعها تنزل بصمت .. اكيد فهمت من التاريخ .. التحليل صار قبل زواجهم بسنه هو حلل معها ونفس النتيجه وسوى نفسه منصدم وحزين وولا كأنه ثاني مره يحلل .. كانت تواسيه وتحلف انها ماتعلم احد ان المشكله عنده وراضيه فيه وبتعيش معه العمر كله يذكر ذيك الليله زين نومته بحضنها وتقرأ عليه تحاول تخفف ضيقته الي بااعتقادها من خبر التحليل .. وبالحقيقه متضايق انه يكذب عليهاان كل الي خطط له قاعد يصير راضيه فيه ومحد يدري انه السبب .. * نهايه البارت الثامن عشر .. | |||||
|  |
|
10-01-23, 01:29 PM
| #183 | |||||
| كاتبة في قسم وحي الاعضاء
| * " البارت التاسع عشر " * في صالة الاستراحه : جالس وشابك اصابعه ببعض وملامحه جامده .. قدامه امه تبكي بصمت وعلى يمينها شروق وابوه .. وباختصار لسؤال ابوه : كانت عندي مشاكل صحيه وحللت ابو نواف : وليه ماقلت لنا ؟ نواف : وليه اقول هذا شي خاص فيني ابو نواف وقف معصب : تقوم تتزوج بنت عمك وتغش علينا كلنا تزوجها وانت عارف بلاك لييه ماقلت لها من حقها تعرف قبل تتزوجك شروق تناظر نواف بخذلان : اختارني من بين خواتي لان امي وجدتي ساحرات حبكتها صح يانواف شاطر في كل شي ماشاءالله نواف يشد ع اسنانه مو قادر يقول شي .. وش يقول اييه هذي كانت الخطه .. بس ماكان فيها قلبي الي تعلق فيك .. ماكان فيها هالشعور المر الي قاعد احسه .. وانا انتظر تكملين وتطلبين الفراق .. امنه تضغط بالمنديل ع خشمها وعيونها حمرا تناظر ولدها والحزن مالي قلبها .. ابو نواف : لاحول ولاقوة الا باالله "وشد ع يد شروق" الي تبينه بيصير ولااحد لايمك ع شي كثر الله خيرك صابره 8 سنين وانتِ تدرين ان العله منه وساكته ومتحمله اللوم امنه والعبره خانقتها : انتِ راضيه فيه لاتخلينه الحين نواف ماقصر معك شروق ضحكت بتبلد : ههه قبل فتره كنتي تبين تزوجينه حرام يضيع عمره معي بس لما صار العكس ارضي فيه نواف وقف وخلاص قدره التحمل عنده صفر .. كرامته ورجولته انهانت ولايسمح ينهان اكثر : لاترضين روحي انتِ طالق امنه شهقت وانفجرت تبكي وهي تشوفه يطلع تاركهم .. شروق تناظر مكانه الي كان جالس فيه والدموع متحجره بعيونهاا ابو نواف يمسح ع ظهرها : تبقين بنتي وخير ماسوى انتِ صغيره وبتلقين نصيبك وتشوفين ذريتك ان شاءالله * بالسياره .. جالسه ورا عمها وصوت القران يملا السياره .. مايقطع السكينه الا صوات شهقات امنه الباكيه سندت راسها ع القزاز .. ودموعها تنزل بصمت صدمتها بنواف كبيره .. مااستوعبت الصدمه عشان تستوعب الطلاق تتذكر اول مره شافته بمجلس بيتهم بعد كتب الكتاب كانت وحيده مالبست ولا تزينت زوجه ابوها قالت لها الحفله بعد اسبوع اليوم بس العقد .. بس ابوها طلبها تجي نواف بيسلم عليها متوتره وخايفه ماتعجبه ويهون عنها .. كان شعرها مرتب وبفستان بيتي ناعم تتمنى انها تملا عيونه من اول مره اول مادخل تعلقت عيونها فيه .. نواف ولد العم تسمع عنه بس ماقد شافته الي لو مرت من جنبه في مكان عام ماعرفته .. ابداً ماتوقعت ملامحه كذا وسامه رجوليه .. كانت متوقعته عادي او اقرب للقوه والقسوه من كثر ماتسمع الحش فيه من اخواته وبناتهم قوي ويتدخل بكل شي بس الي تشوفه غير نظراته فيها خوف وتوتر لاحظته من اول مره واستغربته .. هه توها تفهم .. هو الي خايف اني اهون عن الزواج مو انتِ ياغبيه .. نزلت دموعها بقوه ومنعت شهقاتها .. اخخ يانواف ليش دخلتني بحياتك .. ليش خليتني اعرفك واحبك وتخذلني بهالصوره .. * الساعه 2 مساءً : في مطعم جالسين قبال بعض .. يتغدو منذر يصمت جواله الي يتصل ويناظر ريميه : هذا نواف اكيد معصب ليش طلعت بدري من نفسي ريميه بشعور بالذنب : والله كان عادي ياخذني سواقكم من الجامعه مو كذا تتعب نفسك وتجيب لك المشاكل منذر : ماعليك انا احب المشاكل ريميه ابتسمت وتكمل اكل وابتسامتها ماتفارقها .. تحس انها رجعت مع منذر نفس قبل .. ماتنكر كان مدلعها اكثر من عمها ضاري منذر يتأمل ابتساماتها : وش فيك وش تفكرين ريميه : امم بس تذكرت قبل كيف كنت تعاملني انا وشاهر منذر : كنتي تقولين لي عمي هههه !! ريميه تشد ع المنديل بااحراج : ماقد حسيتك عمي حقيقي بس من باب الاحترام منذر يقدم بجلسته : وش معتبرتني كان ؟ ريميه تهز كتفها وتوزع نظراتها : ماادري صديق تقريباً "وناظرته باارتباك" وانت ؟ منذر : والله الصراحه اول كنت اعتبرك بزر لااخت ولاشي بس طفله وانا احب الاطفال بس لما طلعت من الشقه عرفت انك تعنين لي شي كبير ولااقدر اتقبل فكره بعدي عنك ريميه تحاول قد ماتقدر تبعد تفكيرها عن المنحنى الي بيوديها لذيك الليله .. : اول مره شفت البحر معك منذر حتى هو يحاول يهرب من الذكرى : خلصي غداك وبناخذ شاهي ونروح للبحر الجو رهيب * نزلت من السياره واخذت نفس عميق وشدت ع عباتها الي تتحرك مع الهوا .. شافت منذر يروح للسياج وراحت وراه .. وقفت جنبه وهي تناظر قدام منذر وبيده كوب الشاهي : خليتي كوبك ماكملتيه ريميه : مااحب اكثر ماني من حزب الشاهي منذر يلف للبحر وبثقه يهز راسه : بتحبينه معي ريميه ماردت عليه وهي تطلع جوالها من شنطتها وترد : هلاا عمي ضاري منذر جمدت ملامحه بدون مايلف عليهاا .. ريميه : والله الحمدلله بخير انت شلونك ........ "ترفع نظرها لمنذر" الحمدلله طيب ........ الله يسعدك عمي ماتقصر ....... تمام يوصل ...... فمان الله وقفلت ورجعت جوالها بالشنطه : عمي ضاري يسلم عليك منذر بهدوء : الله يسلمه ريميه تناظره : ممكن اعرف وش غيركم ع بعض منذر : عادي في صداقات تنتهي مع الوقت بدون اسباب ريميه : صحيح بس انتم في سبب انت صرت ماتطيقه ليش سوا لك شي ؟ ولا بس عشان موقفه معي منذر يناظر البحر ساكت .. ريميه تمسك ذراعه : انت سامحتني ليش ماتسامحه هو بالنهايه كل شي سواه عشاني حتى لو غلط خاطري اشوفكم مثل قبل منذر لف يناظرها ويحك طرف حاجبه : نمشي احس الجو بارد ريميه اخفت خيبتها : طيب * شاهر واقف فوق سطح البيت ويرمي سلك اللمبات .. وتحت بالحوش اريج تاخذ السلك وتوصله لعايض الي واقف ع جدار البيت يثبت السلك وياخذ من اريج سلك ثاني ساره تجري بحماس تنتظر يشغلون اللمبات وهي مبهوره بالشكل .. شاهر يمسد رقبته : هاه شغلي نشوف اريج راحت شغلتها ..وصفقت بحماس : الله ايييه كذا بيت العروس عايض يجلس ع الجدار ولف ورا يشوف البراحه المزينه عمود بالنص وتمتد منه اسلاك الانوار : الحاره كلها تزينت لامي اريج لما شافت امها وقفت عند الباب تناظر الانوار : عروستنا احلا من القمر بشويه عايض للحين فوق جدار الحوش : انا اششهد ام عايض تحرك يدها : اسكت وانزل لايسمعونك عايض لف ورا يشوف السياره الي وقفت وبحمااس : هييي هذي ريميه جت اريج : الخاينه ماعلمتني انها بتجي شاهر يطلع من البيت بعد مانزل من السطح ويروح للباب يفتحه ويطلع .. منذر نزل وبيده شنطه ريميه الصغيره .. تقدم لشاهر وسلم عليه بحب : هلااا شاهر علومك شاهر : بخيير ويين جايبها ذي ماشبعت من الجلسه عندنا ريميه ناظرته بعتب تمزح يقالها زعلت منه .. منذر : تقول الليله الي قبل العرس احسن من العرس نفسه خلها تستانس معكم عايض ينط ع من الجدار ع الارض وجا قدام ريميه : مرحباً الف في ذمتي ريميه ضحكت : هههه وخر بس منذر : تعال ياورع خذ الشنطه عايض راح له وسلم عليه : تجي لعرس امي بكره "واشر ع البراحه" هوون الدعوه عامه منذر يهز راسه : ان شاءالله بالعماره الي جنبهم .. واقف عند الشباك بحيث ان الي برا مايشوفه .. ويناظره يضحك مع عايض وشاهر لف بنظره لداخل الحوش توه ينتبه .. ريميه تحضن خالتها وتعلقت نظراته ع الي طلعت من البيت وبيدها السماعه .. تغيررت حيل .. هو الطلاق يحلي ! ولا ماحلت في عينه الا بعد ماطلقهاا ..!! يشوف عايض وشاهر يدخلون بعد ماراح منذر .. وكلهم يدورون ع ام عايض ويضحكون حتى ساره بنته سند راسه ع الشباك وابتسم بحسره .. فاقد هاللمه .. صح عايله صغيره وعلى قد حالهم .. بس كان مرتاح ام عايض كانت له مثل الام تهتم فيه اكثر من بنتها .. يصبح ويمسي ع بنته مو مثل الحين يشوفها فترات بسيطه .. سهراته مع ريميه فالحوش عند النخله تسولف عليه ومايمل ابداً .. وتجي اريج تنغص عليهم وتتهاوش مع ريميه كانت تغار ويدري .. بس ماقد احترم غيرتها وحاول يجبر خاطرها بشي .. دايما حاط بباله انها بارده ومافي شي يضايقها .. تحش فيها بوجهها ولاتقول لك شي ناظرها كيف ترقص وتلف بسعاده : هه ابصم ع العشره اذا فراقي حرك فيك ساكن وانا الغبي الي احن لك والله لو تدرين بالي احسه لاتاخذيني ضحك ومسخره * قفلت شنطه مكياجاتها بعد ماتأكدت كل شي كامل .. واخذت جوالها وارسلت ع عمتها امنه "انا جاهزه" ولبست عبايتها وجلست فالصاله تنتظر .. وتطق برجلها ع الارض بتوتر عمها لزم عليها تجلس في بيتها يقول شرعاً احق تقضي عدتها في بيتها .. ونواف في بيت اهله .. والكل عرف بقصتهم محد تجرأ يجيها ويكلمها فالموضوع الا عمها وعمتها .. وابوها ماكلف ع نفسه يكلمها ويقولها انه بيته مفتوح لها .. مبين انه كاره رجعتها له بعد ماتخلص منها وين تروح بعد العده !! اصلاً للحين مااستوعبت انها تطلقت سمعت صوت البوري .. وطلعت وراحت لسياره ولاء الي رح توصلهم لبيت ام عايض ركبت ورا : السلام عليكم تسمعهم يردون عليها وعمتها تسأل عنها ردت وعيونها تعلقت ع الي طلع من البيت " بنظاره سودا ومكشر " : الحمدلله بخير سلمان اعترض طريقه : نوافووه تكفى ودني العرس منذر راح وامي بعد نواف ناظر للسياره الطالعه وصد : مانيب فاضي سلمان يمسك يده يوقفه : اجل اعرس انت ياخي نبي عرس نبي نلعب ونستانس نواف يدفه عن طريقه : اعرس انت سلمان بعد ماراح عنه نواف لف يجري للبيت بيقول لابوه يزوجه لمتى مسحوب عليه .. نواف ركب سيارته وحرك طالع من البيت .. رايحه لعرس هه !! كذا ع طول بتكمل حياتها عادي ولما لمعت براسه فكره مايدري شلون توصل لها .. اسرع بالسواقه لين وصل لسياره ولاء عند الاشاره ماامداه ينزل لان شغلت الاشاره وحركت صار يمشي وراهم وهو يهز راسه بغضب : انا اوريك هاا تدورين معرس والله ع جثتي اتصل ع ولاء وهو يحاول يضبط اعصابه .. ولاء : هلا نواف نواف : وقفي ع جنب بسرعه انا وراكم ولاء تناظر المرايه : ليش وش فييه ؟ نواف بصرامه : وقفي قلت لك ولاء بعد ماقفل بوجهها .. وقفت ع جنب بخوف : نواف ورانا يقول وقفي امنه : علامه وش فيه شروق حضنت شنطتها بتوتر .. وغمضت ماتبي تشوفه عن قرب .. وش يبي !! شهقت بخوف لما انفتح بابها وهو عنده وبقوه : انزلي وروحي ع سيارتي امنه تلف عليهم : بسم الله وش فيك انت صاير شي نواف : روحه للعرس مافي انزلي ارجعك بيتك ولاء تشد ع اسنانها متنرفزه ولاتقدر تقول شي ويقلب عليها .. خيرر بيتحكم فيها حتى بعد ماطلقها ولااستحى من سواد وجهه .. صح ترحمه بس الي سواه بحق شروق مو سهل اخذ من عمرها 8 سنوات بالخداع شروق تصنمت بمكانهاا تحاول تسيطر ع خوفها وتدافع عن نفسها .. امنه : اقطع الشر ابوك داري وتروح وترجع معي انت مالك دخل فيها نواف والغضب يطلع من عيونه : اتدخل غصب عن خشمها اجل تبين تستعرضين بالزواج تدورين لك معرس لا ياعين امك طلعه من بيتي ماتطلعين فالعده ولاء : نواف حرام عليك تدخل بنيتها شروق بلعت عبرتها والدموع تجمعت بعيونها الي رفعتهم تناظره .. نواف يقابل نظراتها العاتبه المجروحه .. رجع خطوتين ورا وده انها تطول لسانها وترادده عشان يعرف يتفاهم معها بس دموعها ونظراتها .. توجع قلبه وتحرقه صفق الباب بقوه ورجع لسيارته وحرك بسرعه ويضرب الدركسون بقبضه يده : مصيرها بتتزوج ياحمار تركتك عشان تتزوج اصلاً تنهد وهو يحس بصدره حريقه مايقدر يطفيها همس بقهر : والله ع جثتي مااخليها ممتلكاتي ياتكون لي او تتلف من بعدي * منذر يطلع الدرج بتثاقل .. اتصل ع ريميه بما انه جاي بدري يبي يشوفها قالت له انها بشقه ضاري وتعال هناك دق الباب بشويش .. وانفتح ع طول ماتوقع ان دقته بتنسمع ريميه بعبايتها وطرحتها ع كتفها ومبتسمه : اهلييين منذر تنهد براحه لشوفتها وابتسامتها ترد روحه .. دخل وحضنها : ولهت عليك ريميه بااحراج تخاف ضاري يجي همست : وانا بعد منذر وخر عنها مبتسم وهو يشوفها تتقدمه لداخل الشقه .. مشى وراها وشاف ضاري يكوي شماغه يحس شوفته تجيب له الضيقه .. موقادر يسامحه ثقيل ع نفسه ضاري ترك الي بيده وسلم ع منذر : ماشاءالله الكل مبكر وانا ضاع وقتي بالنوم ريميه تاخذ المكوى : انا بكمل خليك ضاري اخذها منها : لا انتِ روحي اجهزي كثر الله خيرك جيتي صحيتيني ريميه : هااا اجل تراني بزوجك عشان ماتروح عليك نومه ضاري يعدل شماغه ويكوي : لا باالله فكيني ريميه تناظر منذر الي جلس ع الكنب صامت ولفت لضاري : لييه لا لمتى بتظل لحالك ضاري بضحكه : تراني عمك مو ولدك منذر استغل الفرصه وبمزح : ايه خلي عمك بحاله كلها كم شهر وتقر عينك بضناك وتطلعين امومتك عليه ضاري ناظرهم بااستغراب .. ولمح خجل ريميه الواضح منذر يناظره ويأكد بضحكه متشفيه : بتصير جد قريب هههه ضاري بهدوء : مبرووك الله يقومك بالسلامه ريميه بتوتر : الله يبارك فيك ويسلمك "وراحت لشنطتها" انا بروح اتجهز ضاري يكمل كوي .. والصمت بعد ماراحت ريميه ماينكر يحس براحه انها تكمل حياتها ومتجاوزه الي صار لها .. بعد الشهرين الي تركها منذر فيها .. ايقن ان ريميه مايكملها الا منذر .. كانت ضحكتها غايبه مبين فراقه هاد حيلها .. ومن رجعت له ردت روحها عرف ان قلبها العليل اخذه منذر .. وخلاص وش يبي اكثر من سعادتها .. ضاري بهدوء : اتوقع ان لازم تصفى النفوس وتسامح منذر ع نفس جلسته ومتعمد : سماح ..! ماظنتي بسامح بس تأكد اني بسكت طول عمري عشان ريميه ماابي تنصدم لما تدري ان الي صار لها بسبب عمها الغالي ضاري والندم حارق روحه : تدري بغلات ريميه لو كنت ادري انها الي بتتضرر مامشيت بذاك الطريق انا الندم ذبحني حاولت اعوضها ومااحرمها من شي حاولت ابعدك عنا ابي كل الماضي وانت فيه تبعدون كنت ابي لها حياه جديده بعيده بس الحين هي سعيده معك وانا وش ابي غير سعادتها منذر وقف وهو يشوف الدموع بعيون ضاري : انت اجهز وانا بنزل قبلك للرجال وطلع بسرعه وهو يتنهد بضيق .. شاف عايض بالبشت ومعه شاهر يتمشون ع الفرش الاحمر .. ناظر ساعته مابقى شي ع المغرب ويكثرون الناس .. * في بيت ام عايض .. العرس مختصر ع المعارف واهل الحاره .. شروق واقفه وتصفق تحاول تدخل بالجو وتنسى كلام نواف .. تتمنى انها قويه وسكتته وقفته عند حده .. ابتسمت وهي تشوف اريج وريميه يرقصون وكأنهم يحرون مجموعه حريم مبين ان بينهم عداوه مسكت يد ريميه لما قربت منها : يابنت اجلسي لاتنسين انك حامل ريميه بسعاده : ماعليك حركات خفيفه اريج ترقص وتسوي مالت ع صديقه فاطمه وكأنها حركات برقصها .. تدري انها الحين عباره عن جهاز تسجيل كل شي يصير تروح تنقله لفاطمه ريميه تقابل اريج وتسوي معها بيدها مالت لصديقه فاطمه وبوسط الحضور كانت جالسه .. عرفت ريميه بس للحين ماعرفت زوجة ضاري ..! اغلب الحريم هنا بعباياتهم عادي مااضطرت تنزل عباتها صح متحجبه بس محد ميز انها غريبه عن هالحاره .. صار لها كم يوم تلف فالحاره بس اليوم لما شافت ان عندهم عرس دخلت من الحضور .. والصدف العجيبه ان هذا بيت ضاري الي تدور عليه من ايام .. * نهايه البارت التاسع عشر .. | |||||
|
| |
|
13-01-23, 02:41 PM
| #187 | ||||||
| كاتبة في قسم وحي الاعضاء
| اقتباس:
اهلا قسيس يسعدني تواجدك ودعمك الدائم لي من البدايه ♥♥ | ||||||
|
| |
|
14-01-23, 06:58 PM
| #188 | |||||
| كاتبة في قسم وحي الاعضاء
| * " البارت العشرون " * اريج تلبس امها العبايه : لو بس غلط عليك بكلمه لاتسكتين له ادعسي عليه قبل يدعس عليك ام عايض تناظر بنتها بحب تحس مو قادره تبعد عنها حتى لما تزوجت سكنت عندها .. تسمع نصايحها التافهه ولو وقت ثاني تناقرت معها وانها اخر وحده تنصح .. ريميه تطرف شنطه خالتها : والله مو هين سلوم الواجد حاجز بفندق ال.. وبتسافرون اريج : ايييه من زمان اقولك يمه هذا الي بيدلعك روحي وانبسطي ولاتفكرين فينا سعادتك من سعادتنا شروق تشوف ام عايض كيف حابسه دموعها .. : خلاص بنات الحين خالتي تبكي وتخرب مكياجها ام عايض تمسح طرف عينها : والله مااخبر اني حساسه بس اليوم مدري وش فيني * ام عايض بعد ماحضنت البنات وودعتهم .. طلعت لشاهر وعايض الي بيزفونها لسلوم .. سلوم واقف عند السياره : يامرحبااا عايض يحس العبره خانقته : امي حطها بعيونك سلوم يمسح ع كتفه : لاتوصي حريص ام عايض باست راس عايض وركبت السياره .. شاهر يلف ذراعه ع كتف عايض : الله يسعدهم ضاري : تعالو نامو عندي بالشفه عرس الحريم مايخلص بسرعه عايض ع طول تحرك .. وضاري اشر لشاهر يلحقه .. وبنفس الوقت طلعت حرمه من البيت وريحه عطرها تسبقهاا .. ضاري تحرك بسرعه يبعد عن طريقها بس وقف بدون مايلف ورا لما سمع الصوت سماح : ضــاري !!! تجمد في مكانه وهو يسترجع نبره الصوت ..!! حقيقي ولايتوهم !!!؟ مرت ع باله الليالي الطويييله برفقه هالصوت .. ينام ويصحى على هالصوت ايام بعيييده .. كأنها حلم وفاق منه .. منذر الي توه وقف السياره قريب البيت نزل بسرعه لما شافها وعرفها .. هذي الي صورها كانت ماليه جوال ضاري .. لدرجه يحط صورتها خلفيه جواله اندفع بصوت عالي غاضب كاااره : انتِ وش تسوين هناا سماح لفت وناظرته ببرود واحتقار : هه منذر ال.. اهلاً ضاري لف يشوفهم ويده بدت ترجف .. منذر يرفع سبابته : الحين تذلفين وهالحاره ان شفتك طابتها بحش رجولك سماح ترفع حاجب : بتقتلني مثل ماقتلت اخوي منذر وصبره شوي وينفذ : اذلفي الله لايردك سماح ولانها الاقرب للباب شافت ريميه عنده .. : هذا وانا حبيبتك هههه منذر انصدم من وقاحتها مسك لسانه عن السبه وهو يشوفها تروح عنهم .. عدت من عند ضاري الجامد ناظرته بااحتقار : كنت بخرب زواجك بس عرفت انك مطلق وانتقل الدور لصاحبك ريميه لفت المنديل الكبير الي لابسته كانت بتودع اخر حرمه بس سبقتها وطلعت .. طلت من الباب والاستفهامات براسها اجبرتها تواجه .. : منذر !! منذر قرب للباب بسرعه وتوتر : ريميه من متى انتِ هنا ؟! ريميه وقلبها دقاته تزيد ويضغط عليها من الخوف الي بدا يلفها : مين هذي ؟ ضاري استند ع الجدار وهو يحس حيله مهدود .. ريميه سمعت خلاص الحين تدري وتنصدم منه .. ماله وجه يقابله يحس روحه تتقطع منذر : لاتهتمين انا جيت اشوفك اذا غيرتي رايك وبتروحين معي "وبيضيع السالفه" بنت خالتك مو صغيره تجلس لحالها عادي ريميه تركت باب الحوش ودخلت تمشي تايهه .. وافكارها تاخذها .. اخت ذاك .. منذر قتله .. حبيبة منذر .. من زمان والسؤال يتردد ببالها .. انا وش ذنبي ؟؟ صوت من بعيييد يتردد ببالها " لعب ع اختي واخذ شرفها والله لرد له الصاع صاعين .. صوتك لااسمعه ذنبك انك اخته .. والله لااشربه من نفس الكاس ...." كانت تفكر هي اخت مين !؟ شاهر ..!! الحين بدت الصوره توضح .. المقصد .. "اخت منذر .. اخت ذاك حبيبته .. منذر لعب عليها .. وهي دفعت الثمن بظن انها اخت منذر " جلست بوسط الحوش ع السجاد الاحمر .. والضغط ع صدرها يزيد .. مكتومه ونفسها يضيييق منذر عند الباب لما شافها جلست والحوش فاضي .. دخل بقلق ومااهتم اذا في حريم بااي جهه ثانيه .. المهم هي بيتطمن .. واضح انهاسمعت وقف عندها وحط يده ع راسها وبخوف : ريميه !! ريميه رفعت راسها وناظرته ودموعها ع خدودها بدون صوت .. ووجهها احمر مخنوقه همست بتعب : كان يحسبني اختك .. ذنبي اني اختك"وبدت تكح وتحاول تاخذ نفس" تزوجتني تكفر عن ذنبك منذر والصدمه علت وجهه .. كيف تحولت السالفه عليه ! .. جلس بسرعه قدامها وهو يشوفها يادوب تتنفس وبخوف : لاتفكرين بشي ريميه الحين لاتبكين ارفعي راسك وتنفسي زين ريميه تهز راسها بلا وتبكي .. اريج لما سمعت الاصوات كانت بتطلع بس شافت منذر عند ريميه رجعت لبست عبايتها بسرعه ولاردت ع شروق وامنه الي جالسين بالصاله يسألون وش فيه .. منذر يمسح ع خدها : والله تكذب والله مالي علاقه فيها اهدي حبيبتي وخذي نفس ريميه تحس بثقل ومافيها طاقه مالت عليه وهي تهمس بدون وعي : ذنبي اني اختك منذر شدها وحاول يصحيها .. اريج بخوف : شفيهاا وش صااير منذر شالها وهو يلف المنديل الكبير عليها والضيق والهم بوجهه وبحرقه قلب : الله لايوفقك ياضاري اريج طلعت وراه والدعوه الي من قلب خوفتها .. شافت ضاري جالس عند جدار البيت ويناظر الفراغ .. ولا حتى وقف يشوف ريميه وش فيها.. ليش طايحه بين يدين منذر !! راحت له : وش فييه ضارري علمني انتظرت يرد عليها ويأست من حاله وراحت تجري ركبت سيارة منذر قبل يحرك .. * في المستشفى .. جلست ع الكرسي وهي تناظر منذر يتحرك بالسيب يلف ويدور ماجلس .. ماتدري وش صار وش الي طيح ريميه كذا !! وحال ضاري مخوفها .. تحس في مصيبه جايه الله يستر ريميه صحت بس ماهي واعيه تهلوس .. ومانعينهم يدخلون يشوفونها وبعد شوي بينقلوها العنايه شافت منذر يتحرك بسرعه .. لفت وانتبهت لهم يطلعون ريميه بالسرير منذر يمسك السرير ويمشي معهم : ريميه تسمعيني والله انها تكذب ولا لي دخل بالسالفه ريميه بصوت رايح : قلبي يوجعني بموت روح الله لايسامحك اريج بخوف : بتقومين بالسلامه وتاخذين حقك بيدك ريووم تكفيين لاتيأسين من الحياه انتِ اقووى منذر وخر عن السرير ووقف وهو يتابعهم بعينه .. ولف يمشي بسرعه لسيارته وكل الشياطين براسه .. * في الفندق : مد لها فنجان القهوه وهو يتأملها .. كان متوقع انها جميله من عيونها بالبرقع بس ماتوقع تبهره هالكثر .. الي يشوفها مايقول ان عندها بنت وولد .. وصارت جده شعرها العنابي كثيف وطوييل .. جسمها الرشيق .. ام عايض تتقهوى وهي متضايقه من نظراته .. ماسولف معها بشي بس يناظر الي يشوفه يقول ماقد شاف مره .. مو هذا زواجه الثالث سلوم بهدوء : الهنوف ام عايض .. الي كانت تتضايق زمان لما يناديها الهنوف الكل يقولها ام عايض الا هو من عرفته .. يناديها بااسمها وكأنه يذكرها ان لها اسم : سم سلوم بصوته الراكز : لو نزفت الشعر في وصف الهنوف ما يمـل القـاف مـن تلحينهـا الغرير اللي لـه الخافـق يـروف اشهد انـي غـارق فـي عينهـا تجتمع في خلقته أبهى الوصـوف والقمر غاب وخجل مـن زينهـا * دخلت بيتها ويدها بيد ساره .. قفلت الباب وراهاا : وهذا بيتي وش رايك حلوو ساره تهز راسها : حلوو شروق فصخت عباتها وعلقتها وحطت الشنطه الي رتبت فيها ملابس لساره ع الطاوله اريج ارسلت عليها وقالت لهم عن تعب ريميه وانها بتجلس عندها وتاخذ ساره معها .. بعد ماروشت ساره وتجهزت للنوم هي وياها .. ساره تنط ع سريرها .. شروق تدخل بالفراش : لا لا كذا نصحصح يلا ننام واحكي لك قصه ساره انسدحت جنب شروق .. شروق تدخل ذراعها تحتها وتحضنها وتلعب بشعرها .. وبدت تحكي لها قصه الارنب والسلحفاه القصه الوحيده الي تعرفها للاطفال .. تأملتها بحب لما نامت .. براءة تجنن ماشاءالله غصب اخذها تفكيرها هل بيجي يوم يكون عندها طفل .. تجرب الحمل والولاده .. مو قادره تتقبل هي خلاص اقلمت حياتها ان هالشي مستحيل .. كانت تفكر وتخطط كيف تقنع نواف يتبنون طفل .. الحين في مجال تتزوج وتنجب .. هي ماعندها اي مشكله تحس العبره خنقتها .. وقلبها يحن له "ونواف كيف اتركه وحيد انا مااقدر اكمل حياتي مع رجل غيره احبه هو مالي قلبي وعيوني بس قهرني باانانيته خذلني واوجع قلبي .. بس صعب اتجاوزه واكمل حياتي احس بكون انانيه تعودت اشاركه حزنه قبل فرحه .. والله مو هاين علي ولااقوى اتركه وحيد الكل يشفق عليه وبنفس الوقت مااقدر ارجع له جرحي كبييير وهو حتى اسف ماقالها " * وقف سيارته بسرعه وصوت الكفر ينسمع .. نزل وصفق الباب وراه .. ودخل العماره يجرري وصل لشقه ضاري وفتح الباب الي مو مقفل بالمفتاح .. ودخل : ضاااري ياكللب ويينكك ضاري الي جالس بالصاله مافكر حتى يقوم .. منذر بس شافه هجم عليه وشده من ياقه ثوبه يوقفه ويهز بقهر وكره عظييم : الله ياخذ اليوم الي عرفتك فييه ضاري ببرود ماعاد يهمه شي ولا دافع عن نفسه بحركه : بسافر بكره وماعاد تشوفوني منذر يشده ويضرب ظهره بالجدار : سود الله وجهك ريميه فهمت اني انا السبب مو انت ضاري والالم وضح بوجهه من الضربه : وشوو !!؟ منذر دفه ع الكنب وصار يدور بقهر ولف عليه وهو يضرب صدره : سمعت الوصخه هذيك لما قالت حبيبتك حسبي الله عليها تبلتني ولاجابت طاريك "وبصراخ" انقلبت الساالفه علي دايما كل شي يطيح فوق راااسي انسجنت وضاااع عمرري وانت ماجاك شي والحين ريميه كارهتني وانت ماجااااك شي ضاري يحس صدره انشرح .. ريميه ماعرفت عنه .. ماقدر يمسك ضحكته والفرحه بانت بوجهه منذر وقف يناظره يستوعب يضحكك ..!!؟ صحى شاهر ع صراخ منذر .. وطلع من الغرفه مفزوع .. شاف عمه جالس يضحك ومنذر يهجم عليه ويضربه بجنون وضاري يضحك ويتألم ولاهو قادر يدافع عن نفسه دخل بينهم بسرعه وحاول يبعد منذر عن عمه : تعوذ من ابليس منذر ضاري يمسح فمه الي بدا يطلع منه الدم شكل اسنانه تكسرت .. ويضحك ببرود ولا كأنه متألم منذر وشاهر شاد عليه يناظر ضاري يطيح ع الكنبه ورا ويضحك .. يكرهه ولو بيده اخذ روحه هاللحظه .. دف يدين شاهر وطلع ولارد ع احد شاهر يتفقد ضاري بخوف .. انضرب ضرب مجنون ويضحك بكل برود : بسم الله عليك وش صار عليكم ليش تضاربون ضاري يحرك ذراعه بوجع : ااخخ مرفوع عنه القلم لايهمك شدني خلني اغسل فمي اخخ شاهر شده وساعده بالمشي وهو يشوفه كيف متألم .. وفي باله يفكر وش سوي عمه الي خلا منذر يفقد اعصابه بهالشكل .. اول مره يشوف منذر معصب كذا * فتحت الباب وهي لابسه مريله المطبخ ووراها ساره .. ابتسمت : اهلين عمي حياك ابو نواف دخل ومسح ع شعر ساره بلطف .. ودخل الصاله وجلس وبسرعه لما شاف شروق تتجه للمطبخ : لاتسوين شي تعالي اقعدي بعطيك شي شروق : القهوه جاهزه بس اجيبها ابو نواف : متقهوي والله تعالي يمي شروق جت وجلست بتوتر .. ابو نواف طلع ورقه من جيبه ومدها لها : هذي ورقه ملكيه هالبيت بااسمك شروق تناظر الورقه بعدم تصديق : شلون !! ابو نواف : نواف كتب هالبيت بااسمك بتظلين فيه قريبه مني وتحت عيني شروق بخذلان : ابوي قالك شي ابو نواف : ماقال شي بس اخوي واعرفه الله يهديه وانا ماقلت لنواف شي هو بنفسه سلمني هالورقه اوصلها لك تقعدين ببيتك ولااحد يدوسلك طرف شروق اخذت الورقه تناظرها بصمت .. عاجزه تفهم شعورها ابو نواف وهو يأشر لليسار : واذا تبين افتح لك باب خارجي بهالجهه عشان تاخذين راحتك اكثر وماتقابلين احد بالطلعه والدخله شروق وعارفه مقصده من هالاحد .. : ماتقصر ياعمي ابو نواف : زين استاذن بس لي طلب منك شروق بحب لعمها : امر ياعمي ابو نواف بتردد : لو حصل وشفتي نصيبك لاتجيبينه فهالبيت وتقهرين ولدي شروق بسرعه : مستحييل وبنفسها تأكد .. مستحيل اتزوج غيره ابو نواف : الله يرضى عليك "وناظر ساره" كيف الشاطره مبسوطه عندنا ساره تهز راسها : ايووه ابو نواف وقف : يله انا بخلص شغلي واخذ ام نواف ونزور ريميه * شاهر مسح ع راسها وباس جبينها : هاا توصين شي ريميه : انتبه ع نفسك اريج : ارجع عندك بالليل اذا بغيتي شي من البيت ارسلي لي ريميه تناظر جوالها بيدها يتصل : هذا عمي شكله برا شاهر : يله مشينا اريج اريج وشاهر طلعو .. وكان ضاري عند الباب .. اريج وقفت وبااختصار تلقي امرها وهي تناظره بااحتقار : تجي المغرب تاخذ ساره تنام عندك ضاري ماامداه يرد الا وهي رايحه .. شاهر ناظره بااحراج ولحقتهاا .. اريج تمشي بالاسياب بسرعه وهي تفكر .. بعد الي قالته ريميه وشاهر الي قال لهم عن هوشه منذر وضاري .. مو قادره تفهم بس متأكده ان في شي مايعرفوه .. وضاري مو خلي من الذنب بس شلون تعرف .. !! قطعت تفكيرها وشهقت لما صقعت فااحد عند اللفه .. رجعت خطوه كبيره ورا .. تشوف دكتور اشقراني مدري وش يتحلطم بالانقليزي وقهوته الي بيده انكبت عليه شاهر من وراها : سووري دكتوور سوري الدكتور نقل نظراته بينهم وماامداه يقول شي شافها تسحب اخوها معها وسمعها "خله يستاهل يتمشى بالقهوه تراه مستشفى وناس مرضانه مو منتزه" شاهر يلف عليه وهو ماشي ويأشر عليها بااستعباط : ذس از كريزي واااجد الياس ضحك وراح لدوراة المياه يغسل .. اليوم اول دوام له وانكبت عليه قهوته .. الله يستر من الجاي من اول ماجا السعوديه فتنه النقاب .. بس هذي من اجمل العيون الي شافها خاليه من اي زينه اصفى من العسل .. ماظنته بينساهم .. وهو المهووس بالعيون التخصص الي كان حلمه و انجبر يختار غيره * نهايه البارت 20 ... | |||||
|
| |
|
14-01-23, 10:05 PM
| #190 | ||||
| الفصووول رائعه ومشوووقه اكثر واكثر . ضاري حقير النيه بيجي يوم وتعرف مريميه حقيقته واكيد بتفضحه اريج . وانتي يا اريج عرفنا من الكوبل تبعك الدكتور الياس😍 ريميه الله يقيمك بالسلامه وتعرفي الحقيقه ويسلم البيبي😢 منتظرينك بشووق يالغلا لاتتاخري علينا بلييييز💝 | ||||
|
| |
 |
| أدوات الموضوع | |
| انواع عرض الموضوع | |
|
|
1089Likes
العرض العادي
