آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-12-22, 10:12 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 29 بسيارة ذياب * تنهدت بحزن على حاله وهي تدعي بداخلها وصل لفندق ونزل وهو يحجز لهم ورجع وهو يناظرها : بنستاجر الحين لحتى ينزل الراتب وبشتري بيت امجاد : مو مهم اهمشي ترتاح ابتسم بوسط تعبه وهو يناظرها : ننزل ؟ هزت راسها ونزلت معه ودخلوا ونزلت عبايتها وهي تناظره من رمى شماغه على السرير وتقدم وهو ينسدح بكل تعب وصلتها تنهيداته المتواصله وناظرته بصمت ذياب : انا بنام معندي دوام بكره صحيني للصلاة هزت راسها بالايجاب وقعدت على الكنب وهي تفكر كيف تفك السِحر قامت وهي تطلب ذياب جواله ذياب بهمس : اعطيني افتحه لك اعطته وفتحه لها واخذته وهي تدور ارقام شيوخ لفك السحر حصلت شيخ وتواصلت معه وحمدت ربها بعد ما رد وقالها تجي تاخذ مويه مقري عليها شكرته وهي تناظر ذياب وقامت وهي تنام بكل تعب وتنتظر الصباح على احر من جمر من اجل الرقية الشرعية بالصباح * صحت وهي تصحي ذياب وانتبهت على جواله الي يدق وكانت ام سهام سحبته وهي ترد : هلا؟ ام سهام : الحمدلله انك رديتي ابيك موضوع ولازم اقابلك امجاد وهي تناظر ذياب : وش الموضوع ام سهام : احتاج اكلمك وجها لوجه وبدون ذياب ضروري امجاد : وانا احتاج مين ياخذني للشيخ جيتي بوقتك ام سهام : ارسلي موقعكم وبجي اخذك قفلت امجاد وهي تتقدم لعند ذياب وتفتح جواله ببصمته وارسلت لها موقعهم ورقم الشيخ ولبست عبايتها وهي تنتظرها ودخلت الملاحظات وهي تكتب لذياب : انا طالعة لمشوار صغير لا تخاف دقايق وراجعه وانتبهت على اشعار ام سهام وحطت الجوال عند ذياب وطلعت بالكوفي * كانوا وراء رفيف ولفوا على الي يكسر الاكواب ويناظر رفيف وانصدموا انه زناد ولفوا على رفيف الي قالت : مريض ؟ زناد ببرود : ايه رفيف : واضح من قبل ما تقول وناظرت عبايتها الي تغرقت بالقهوة : امسحها زناد سحب المناديل وهو يرميها لها:امسحيها بنفسك ناظرته بقهر وانتبهت على البنات الي بجنبه ونطقت وحده منهم : امسحيها ما يبغى لها ترا قهوة ناظرتهم وهي تحس انها بتبكي من رمى عليها المناديل ومن كلام البنات الي بجنبه ومشت وهي تسحب القهوة من البنت وكبتها على ثوب زناد وسحبت المناديل وهي ترميها فوق ثوبه وبصوت باكي وهي تناظره بقهر : امسحها بنفسك رفع نظره لها وهو متجاهل نظرات الكل لهم ومن شهقات البنات من حركتها وقام وهو يوقف قدامها وعينه بعينها وسحب جوالها الي بيدها وفتح وهو يدخل الملاحظاتً وكتب : اطلعي من هنا مابي اتهاوش معك زيادة وانا قايل لك كثري من اغلاطك مافيه مين يحاسبك لف الجوال لها وهو يناظرها من قرات كلامه وخزته وهي تسحب الجوال منه وكتبت : بطلع ولا تحسب عشانك قلت لي ولا تنسى تشتري للي وراك قهوة ومعها مناديل ورفعت جوالها له وقرا كلامه وناظر عيونها والدموع المتحجرة فيها وتنهد من مشت وهي تطلع من الكوفي وطلعوا وراها البنات احلام بفضول : بالله وش كتبتم لبعض ؟ وقرصتها سمر : شدخلك ؟ احلام : يخي ابي اعرف رفيف : خنرجع البيت تعبت سمر : بدق على امي صبر وبعد دقايق رجعوا للبيت وطلعت رفيف لغرفتهم وهي تفتح الباب وتقفله بقوة ورمت شنطتها ونزلت عبايتها وهي تتنفس بقوة تنهدت وهي تجلس على السرير : الحين تفكرين فيه ؟تراه قاتل ابوك لا تنسين عند امجاد * ركبت مع ام سهام وهي تقولها تطلب الشيخ يرسل موقعه توجهوا للشيخ ونزلت امجاد واخذت منه الموية والزيت وطلعت وهي تركب بجنب ام سهام : وش موضوعك؟ ام سهام ناظرت السايق وقالت له يوقف ووقف ونزل لفت على امجاد وهي تتنهد : الحقيقة معرف شلون اقولك ولا شلون ابدا بموضوعي بس الي ابي اوصله ندمي وحزني وكل اسفي على غلطي الي سويته بلحظة حسد وما كنت متوقعة ان الامور بتوصل لذي الحالة بس والله لو تعرفين الي مريت فيه انتي وذياب بتعذروني عقدت حواجبها من المقدمه وهي تنتظر صلب الموضوع كملت ام سهام بكل ندم : ام ذياب كانت جارتي وتزوجت ابو ذياب الي كل الحارة كانوا حاسدينها عليه وانا كنت اتمنى يكون نصيبي مثلها ولا صاب النصيب و وسوس لي الشيطان وسحرتها هي وذياب لجل يتزوجني ابو ذياب ويكون نصيبي مثلها والله اني للحين ندمانه على الي سويته واعتبرت ذياب ولدي من بعد امه ولا قصرت عليه بشي ولا فرقت بينه وبين اخوانه بشي ادري انه مو شي سهل ولا كلام ممكن يغفر لي عن الي سويته وجيت اطلبك تعتذرين لي من ذياب وتخلينه يسامحني على الي سويته ومن امه "وبكت "وهي تناظر امجاد المصدومه من كلامها وحسدها وفعلتها ونطقت : انتي تدرين ان حتى ربك حرم الي سويتيه وتطلبين يسامحك انسان وانتي ما طلبتي الي خلقك ؟ وبكت وهي تناظرها : حرام عليك كلذا حسد عشان نصيبها !! المسكينه ضاع منها ولدها ولا توفقت مع زوجها بسببك !! ومات زوجها ولا فكرتي حتى تفكين عنهم السحر وتجمعين شملهم ولا مرة ؟ ام سهام بندم : انا فكيتي السحر امس صرخت امجاد : بعد وشش ؟؟ بعد ما مات ابوه ؟بعد ما تعبت امه ؟ بعد ما فرقتيهم ؟ قاطعها اتصال ذياب على ام سهام وردت ووصلها صوته : امجاد معك ؟ سمع بكاءها وشهقاتها وفز : عطيني امجاد " استغفر لربما يزال حزنك " بجناح زناد * قامت للسرير وهي تنام وتفكيرها بزناد وسحبت جوالها وهي تفتح الملاحظات وتقرا كلامه مره ومرتين وثلاثه وقفلته وهي ترميه بجنبها وسحبت اللحاف لفت على الي دخلوا بقهوتهم وحلاهم احلام: قومي ساعدينا يمال العافية رفيف بضحكة :شسالفه خلصت الاماكن؟ سمر: قررنا السهرة عندك اليوم احلام : وجناحكم احلى شي ممكن نصور فيه حطوا الطاولات وجهزوا القهوة والاكل وبدأوا احلام وسمر يصورون رفيف : بنادي ريمان وقامت وهي تطلع لريمان ودقت عليها الباب ولا ردت فتحت الباب وشافتها نايمه قفلت الباب ورجعت للبنات احلام : نايمه ؟ رفيف :ايه قعدوا وهم يسولفون ويشربون قهوة احلام : يخي ورينا وش كتب لك زناد سحبت رفيف جوالها وهي توريهم سمر : كفو خلي البنات ينفعونه احلام وهي تدافع عن اخوها : ترا زناد مو كذا وانا اعرفه صدقوني مو حق بنات سمر : كلنا ندري انه مو حق بنات بس حتى لو ما يصادق ناس بس يمشون ويرقمون احلام : اخوياه شدخله فيهم المهم عشان كذا غايب عن البيت ؟ رفيف : ايه احلام : دقي عليه خليه يجي يصوم معنا رفيف وهي تشرب قهوتها : رقمه عندك مراح اكلمه انا سحبت احلام جوال رفيف وهي تكتب رقم زناد بوسط صراخ رفيف وعصبيتها : مابي رقمه بجوالي يحيوانه احلام وهي تحط الجوال باذنها : سهله احذفيه وحطت مكبر الصوت من رد زناد : مين معي؟ احلام : اختك ولا نسيتها زناد بضحكة: برقم مين ؟ ناظرت رفيف الي تأشر لها ب "لا تقوليين له" بسيارة ام سهام * اعطتها الجوال وهي ترد على ذياب وتحاول ما تبكي :هلا ذياب : كنتي تبكين ؟ امجاد وهي تفك النقاب وتمسح دموعها : لا ذياب : وينك فيه ؟ امجاد : ما يحتاج تجي انا راجعه ذياب : خليك بمكانك والله ما تتحركين وذا صوتك امجاد وهي تغير صوتها ونبرتها الباكية : ذياب صدقني ما فيني شي راجعه للفندق الحين ذياب : قلت خليك بمكانك وارسلي لي موقعك تنهدت وهي تقفل منه وترسل موقعهم ورجعت راسها لوراء ام سهام : انا ما اقدر اواجه ذياب بعد الي سويته بس طلبتك تعتذرين لي منه وتفهمينه اسبابي لفت عليها : سويتي سحر ما تقدرين تعتذرين ؟ بلعت ريقها ام سهام وهي تناظرها : لا تعاتبيني وكانك تعرفين ذياب من سنين امجاد : اعرفه من شهور بس ما فكرت اسوي فيه الي سويتيه انتي ومن ناحية طلبك لو تموتين ما اعتذرت لك منه ونخلي ذياب يتصرف اذا عرف انك السبب ام سهام بترجي : طلبتك ولا ترديني انا ربيت ذياب واعرف عصبيته اكثر من اي احد ثاني ولو عرف اني السبب بيقتلني وبيقتل عيالي وراي امجاد : الحين تخافين على عيالك ؟ اعطيني رقم ام ذياب طلعت ام سهام جوالها وهي تطلع رقم ام ذياب سحبت الجوال منها وهي ترسل الرقم لذياب ورجعته لام سهام وتلف على الشباك وتفكيرها بذياب وامه والي صار فيهم بسبب ام سهام وحسدها فزت من شافت سيارته ونزلت بسرعه من شافته نزل نزل نظارته وشافها قرب لعندها وهو يناظرها ذياب بخوف : امجاد شفيك؟ ناظرته وبكت وهي تحضنه وشدت على ثوبه انصدم من حركتها وهو يعقد حواجبه وحط ايدينه على ظهرها وهو يشد عليها وكانه محتاج لحضنها وبهمس : مين سبب دموعك ؟ بجناح زناد * احلام : برقم رفيف زناد : مبروك الرقم تتهنى فيه سكتت رفيف وهي تسمع كلامه احلام : اسمع ما ودك ترجع ؟ زناد : اشتقتي لي؟ احلام : ايه تعال تسحر معنا مو حلوة تتسحر برا البيت من اول يوم زناد بضحكة: والله ما اردك وانا عارف ان غيرك ما يبيني احلام وهي تناظر رفيف : كلنا نبيك ومشتاقين لك سمع صوتها من قالت رفيف : الا انا زناد : وانتي السبب بغيبتي رفيف : الله يطول بغيبتك زناد بضحكة :تسمحين لي اتسحر معكم ؟ رفيف : لا احلام : اقول انت وياها حلو مشاكلكم لحالكم مالنا دخل تحرمونا منكم شذا التغلي زناد : جاي احسبي لي على السحور احلام بابتسامه : ابشر وقفل منها وتنهد وهو يستأذن من اخوياه وحرك للبيت احلام وهي تناظر رفيف : مو حلوة تبدون اول رمضان لكم بزعل تصالحوا وتراكم حلوين وانتم مع بعض رفيف : قومي سوي السحور وبس احلام بضحكة: ابشري ونزلوا ثلاثتهم وهم يدخلون المطبخ ويجهزون السحور رفيف وهي تسوي عصير برتقال وبصراخ من صوت الخلاط : زيدي بهارات احلام : يكفي لفوا على الي دخل وقال : لا زيدي احلام: بسم الله منوين طلعت انت زناد : اسرع من الضوء جيتك احلام وهي تغمز له :عشاني ولا عشان غيري ؟ تقدم وهو يسحب برتقال وياكل : عشانك غيرك ما عبرنا ولف على الي تقدمت وهي تسحب البرتقال : لا اشوفك ماكل " استغفر لربما يزال حزنك " عند امجاد وذياب ^ بعدت عن صدره وهي تناظره : خلينا نرجع للفندق ذياب وهو يناظر ام سهام : قالت لك شي ؟ امجاد :لا بس فيه شي ابي اقوله لك ناظرها بصمت ونزل نظاراته ومسك ايدها وركبوا سيارته ذياب : ممكن افهم ليه جايه هنا ؟ امجاد : تواصلت مع شيخ عشانك واخذت منه مويه مقري عليها وزيت ذياب : كان قلتي لي انا اوديك امجاد : اتصلت علي وقالت تبيني بموضوع واخذتني معها ذياب : خفت من سمعت صوتك ابتسمت وهي تناظره : ما ودك تعرف موضوعها؟ ذياب : اذا ما قلتي انتي ما يحتاج اسالك امجاد : طيب عطيني جوالك عقد حواجبه ووقف عند الاشارة : ليه لفت عليه :في شي ابي اقوله لك ولامك وسحبت جواله بعد ما فتحه لها واتصلت على امه وهي تنتظر ردها وتناظر ذياب الي مو فاهم شي وصلهم صوتها: الو ؟ امجاد : السلام عليكم ام ذياب : وعليكم السلام مين معي؟ ناظرت ذياب :خاله ممكن ترسلين لنا بيتك بجيك انا وذياب ام ذياب بفرحة : ذياب ولدي؟ امجاد : ايه ام ذياب :اعز من يجيني ابشري الحين ارسل لك ابتسمت امجاد وهي تقفل منها وحطت الجوال بحضن ذياب ذياب :عارفه بيننا سحر ليه تجمعينا؟ امجاد : وصلك الموقع خلينا نروح ذياب :بتعب برجع لنفس حالتي لا قاطعتها امجاد :اذا وصلنا بينتهي كلشي عند زناد ورفيف* زناد : جيعان هاتي باكل رفيف : قلت لا تاكل ناظرها بهدوء وفتح الثلاجة واخذ له عصير وطلع احلام : شفيك ترا برتقال ؟ رفيف : شايفني قاعده اسوي عصير ياخذ ليه سكتت احلام ورجعت تسوي شغلها خلصوا وحطت رفيف الاكواب واخذوا العصير معهم وطلعوا للصاله بدات توزع عليهم وناظرت زناد ومدت له اخذ بدون ما يناظر فيها وهو يكلم امه تجاهلت حركته وجلست وهي تشرب بهدوء ام زناد : يالله الاذان ما بقى عليه شي احلام : بسم الله الساعة اثنين ام سمر : يأذن بدري واتصلوا على راكان واعمامكم يجون للسحور زناد : معزومين بعد دقايق قاموا البنات وهم يحطون السحور وجلسوا وهم يتسحرون وخلصوا وطلعت رفيف تتروش طلعت وهي تجفف شعرها وشافته جالس على جواله تنهدت وهي تسأله :اذن ولا اشرب مويه ؟ زناد :جوالك مو معك ؟ رفيف :جوالي تحت بسرعه ابي اشرب زناد بكذب :اذن تنهدت :يليل كنت عطشانه وسحبت الكريم وهي تحطه على جسمها وانتبهت على الي طلع من المطبخ وهو يشرب مويه :يحيوانن تكذبب زناد :من متى تصدقيني ؟ ركضت وهي تسحب منه الكوب وتشرب زناد وهو يناظرها:اذنن وقفييي سحب منها الكوب :تستعبطين اذن رفيف وهي تمسح المويه عن شفايفها :شربت قبل يأذن ناظر ملامحها بشوق ونزل نظراته لشفايفها وحط ايده وراء خصرها وهو يشدها له وناظر عيونها الخايفه وبهمس :انتي ارتويتي بس انا ما ارتويت وطبع قبلاته على شفايفها بوسط صدمة رفيف منه ضربت ظهره وهي تحط ايدينها على كتفه بمحاولة ابعاده عنها بعد عنها وبابتسامة :رمضان مبارك عليك عند امجاد وذياب * توجهوا لبيت ام ذياب ومسكت ايده وهي حاسه بتوتره ناظرها بهدوء ومشوا وهم يدقون الباب وينتظرون تفتحه امجاد :حاس بتعب؟ ذياب :لا ولفوا على الي فتحت الباب وناظرتهم ناظرت ولدها وهي تحاول تصدق الي تشوفه ذياب وبدون حواجز وبدون سحر يتعبني ويتعبه ! دمعت عيونها وسرعان ما بكت وهي تسحب ذياب لصدرها بكل شوق بعد فراقه من عمر ست سنين - كان منصدم ويحس قلبه بيطلع من مكانه بسبب نبضه المتسارع ما كان يعرف الي يحس فيه الحين ولا هو قادر يستوعب انه بحضن امه الي ما ذاق حنانها ولا جرب حضنها ولا سمع صوتها الي غاب عنه وهو صغير حضنها وهو وده يدخلها بين ضلوعه ونزلت دموعه لدموعها - ناظرتهم وهي تبكي وبداخلها تدعي على ام سهام وكل من كان سبب لفراقهم وزادت شهقاتها من نزل ذياب وهو يبوس ايدين امه ورجلينها ورجع لحضنها وهو يبكي - ام ذياب :الله لا يسامح من كان السبب وانا امك،، ابعدوك عني جعل ربي يبعدهم عن جنته ومسحت على وجه ذياب وهي تبوس ملامحه بكل حنان مسح دموع امه وسحب شماغه وهو يسمح وجهه ولف على امجاد الي تقدمت لهم وهي تمسح دموعها : الحمدلله على سلامتكم من السحر والله يديم فرحتكم ناظرها وعيونه غرقانه بدموعه ما كان يقدر ينطق بسبب ثقل الحروف على لسانه وسحبها وهو يحضنها لصدره شدت على حضنه وهي تمسح على ظهره : انتهى كل البُعد وكل تعب امسح دموعك وجمّل نظراتك بشوفة امك وبعدته عنه وهي تمسح دموعه بطرف شماغه " استغفر لربما يزال حزنك " بجناح زناد ^ بعدت عنه وهي تناظره بصمت ضحك لصدمتها وسحب جواله ونزل يصلي مع اعمامه اما رفيف رجعت لدورات المياة وهي تتوضى وتحاول تستوعب الي سواه وطلعت وهي تصلي بوسط صلاتها دخل وارتفعت نبضات قلبها وصارت تطول بركعاتها وسجودها خلصت وهي تقعد على السجادة لفت على الباب الي انفتح ودخلت احلام : تشحنين بشاحنك؟ رفيف : جوالي يشحن شوفي اذا خلص خذيه تقدمت احلام وهي تاخذ الشاحن وقامت رفيف وهي تمشط شعرها ومتوتره لاول مره من وجود زناد معها خلصت وهي تقوم للسرير وقعدت بجنبه زناد : ما ودك تسمعين سالفة قتل ابوك وتريحيني ؟ لفت عليه وهي تناظره : اسمعك زناد : تسمعيني وتصدقيني ولا بس بتسمعين ؟ رفيف : بصدقك ابتسم زناد وتقدم وهو يسحب وسادته ويحطها بحضن رفيف وانسدح بحضنها وهو عارف وحاس برجفتها وتوترها من قُربه ونطق :حمد كان اخوي واعز اخوياي من الابتدائي وهو معي "وسحب جواله وهو يوريها صورهم مع بعض" كنت اعرف انه يحبك واعرف الرسايل الورقية الي كنتم تتبادلونها "وقام وهو يلف عليها وبمقابل وجهها :انا الي كنت اكتب لك رسايله وهو الي كان يعطيك اياها ورجع وهو ينسدح بحضنها : بس ابوك كان بينه وبين ابوي عداوه وطلب من حمد يقتل ابوي عشان يتزوجك كان ذا مهرك "وبضحكه:موت ابوي! مستوعبه؟! كان يخطط على موت ابوي عشان حمد يتزوجك ،، وانتي عارفه حب حمد لك فكر فيك بس ما فكر ب خويه وصاحبه وقتل ابوي وقدام ابوك وقرر ابوك يدبس التهمه على حمد وبسبب خوف حمد قتل ابوك وراء ابوي واتصل علي عشانه اساعده وجيته وانا غافل عن موت ابوي بس شفت ابوك الي ذبحه بس النجس دبس التهمه فيني وهرب وعشانه محامي مسك قضية ابوك عشان يبعد الشكوك عنه نتوقف هنا | ||||
|  |
|
23-12-22, 05:57 AM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 30 والأخير ببيت ام ذياب * دخلوا لبيتها وقامت امجاد وهي تساعدها بالقهوة وجلسوا وهم يتقهون وياخذون علوم واخبار بعض بكل شوق ذياب : باخذك معي يمه ام ذياب : تعال عيش معي ذياب : بيتك ايجار يمه وانا من اليوم مسؤول عنك وعن امجاد وواجبي اصرف عليك واسعى لراحتك من اليوم يمه بتوقفين شغل وبتجين معي انا الي بشتغل وانا الي بتعب على شانك ابتسمت ام ذياب وهي تمسح على شعره : يا جعل عيونك ما تشوف الا التوفيق وانا امك ابتسم ذياب لدعوتها وهو يبوس ايدها وبعد دقايق قامت امجاد وهي ترتب اغراض ام ذياب وتساعدها وبعد ساعة خلصوا واخذت ام ذياب كلشي تحتاجه من البيت وطلعوا من البيت وبدا ذياب يدور بيت لهم امجاد بتعب : ذا رابع بيت الثاني حلو خلاص ذياب : مافيه حوش ما اعجبني تنهدت وهي تجلس بالسيارة ونزل ذياب وهو يشوف البيت وابتسم وهو يرجع لهم :انزلوا تشوفونه نزلوا وهم يشوفونه واقتنع الكل فيه وخلص ذياب اجراءات ورجع لهم : بنبدا بالتاثيث وان شاء الله نخلصه ام ذياب : لا تتعب نفسك يولدي ذياب : تعبك راحه وتقدم لامجاد وهو يناظرها :فصخت خطبتي من بيان ما ودك تفرحيني وتفرحين الوالدة؟ ناطرته بصدمه وهي تحاول ترمش ذياب بضحكه : صدمتك ؟ مابي اشتري اثاث بيتي الا مع زوجتي وام عيالي مستقبلا ،، ما ودك تكونين حُرمي ؟ امجاد بلعت ريقها وهي تحاول تدور مجرى الحروف وناظرت ام ذياب الي ابتسمت بوجهها ولفت على ذياب بابتسامة: ودي قرب منها وهو يبوسها بجبينها : ابي زواجنا اليوم قبل بكره امجاد بسرعه : لا لا ذياب مابي زواج وتكاليف ذياب : تكونين زوجة ذياب بن سعود ولا يصير لك زواج ؟ امجاد وهي تناظره : ما ودي اتزوج وامي ما مر على موتها شهور ناظر عيونها وشاف دموعها ؛ الي تبينه بيصير بجناح زناد * كانت تسمع كل كلمة وكل حرف ودموعها ما وقفت وتحاول تكتم شهقاتها وتخليه يكمل زناد : مو بس ابوك الي مات وابوي مات بعد بنفس اليوم ونفس القاتل وكل مره تتهميني فيها بقتله تفتحين جروح وتحمليني ثقل ما يتحمله بني ادم وتحسسيني قتلت ابوي وراء ابوك صبرت ثلاث سنين بذنب مو ذنبي وصبرت على اتهامك وانا داخلي يحترق القاها منك ولا من اعز اخوياي ولا ابوي الي مات على يد خويي فتحت ذا الموضوع معك لان معاد لي ولا فيني حيل اتحمل ثقل زيادة باتهامك الباطل ارحميني وسكتت وهو يتنهد وكانه هّم وانزاح عن صدره غمض عيونه من سمع شهقاتها وقام عن حضنها وهو يناظرها من سحبت الوسادة وهي تصيح بوسطها قرب منها وهو يمسك ايدينها وسحبها لصدره :اش خلاص لا تبكين رفيف وهي تشد على تيشيرته : ظلمتك وتحملت شي فوق طاقتك وابعدت عن صدره وهي تناظره وتشهق :مراح اسامح نفسي ناظر عيونها ومسك وجهها بايدينه وباس عيونها : مسامحك يا روح زناد رفيف : ليه ليه ما قلت لي من اول ما شفتني ليه الحين تقول لي زناد : كنت قاتل ابوك وقتها بس الحين زوجك واذا ممكن اصير حبيبك ؟ شهقت وتبكي زيادة وتناظره سحبها لصدره وهو يضحك :خلاص قلت لك عشان تعرفين مو عشان تبكين رفيف :اقدر اصير حبيبتك ؟ ابتسم لسؤالها وكانه عرف اجابتها على سؤاله وكان بيرد وقطع عليهم دخول احلام وهي مصدومه :اووه معليش بالغلط " استغفر لربما يزال حزنك " عند ذياب وامجاد * سلمت على ام ذياب والفرحة تنوصف بعيونها ابتسم لفرحتها وأستأذن وهو يطلع للعيال بالاستراحة * زياد بفرحة : مبرووكك يالعريف ذياب بابتسامه : يبارك فيك وعقبالك زياد : برجع للعسكرية يمكن تطلع لي وحده ضحكوا وهم يقعدون مع ذياب هيثم : اجل زواجي مع زواجك ذياب : تقول ما تبي زواج بسبب وفاة امها ترحموا عليها كلهم زياد : معها حق ذياب : اجل انا استاذنكم حبيت اخبركم بزواجنا وترا كل واحد فيكم معزوم لكتب الكتاب بدر : قم اذلف يعزمنا بعد ضحك ذياب وطلع وركب سيارته وهو يتوجه للبيت واخذ امه وامجاد وتوجهوا لمحلات الاثاث وهم يختارون اثاثهم امجاد : هاذي تناسب غرفتك يا خالتي ذياب :ما تحب الابيض باخذ لها بني واختاروا الاثاث وطلعوا بالسيارة * ذياب وهو يناظر امجاد من المراية : انا استعجلت وطلبت الشيخ بكره وبيكون كتب كتاب ناظرته وهي مستحيه ام ذياب : الله يوفقكم يولدي واعز من اخترت ذياب بمزح: اذا ما عجبتك امجاد بغيرها لا تستحين يالغالية اشري بس امجاد : ترا بكنسل اعتلت ضحكاته وهو يناظرها : وانا اقدر اتزوج غيرك وانا مختارك امجاد : مدري تسويها ام ذياب : اذا فكر يسويها بقص رقبته معك يمه ضحكت امجاد : الله يخليك لنا وتوجه ذياب للمول ونزلوا وهم يختارون فستان لامجاد لفت عليه : لا تدخل مابيك تشوف الفستان ذياب بعناد : انا بختاره لك بجناح زناد ^ بعدت عن زناد من دخلت احلام وهي تمسح دموعها زناد : مره ثانيه قفلي الباب رفيف : شدعوه ترا احلام زناد : وعشانها احلام بقفل الباب ضحكت رفيف وابتسم لضحكتها سحبت وسادته وهي تحطها مكانه زناد : يعني طرده ؟ رفيف : نام بمكانك زناد : مقبوله منك ضحكت وهي تنام بجنبه رفيف : تدري للحين محتفظه برسايلك الورقية زناد بضحكة : تدرين حمد ما كان يقراها حتى ؟ لفت وهي تناظره : يعني كنت انت الي تقرا رسايلي وترد علي ؟ زناد : ايه لف على جواله وهو يرد على محاميه : هلا المحامي : صباح الخير قدرت اتوصل لاكثر من دليل وان شاء الله كسبانين القضية زناد بابتسامه :الله يبشرك بالخير المحامي :موعد الجلسة بعد يومين ومن عندي اضمن حكم السجن المؤبد زناد :ما وكلتك عبث وانا عارف مهارتك قفل المحامي بعد ما شكره زناد ولف على رفيف : رفعت قضية على حمد وجلستنا بعد يومين رفيف :بروح معك زناد :بتروحين غصب اعطته ظهرها وهي تسحب اللحاف :بقوم مع البنات عشان اساعدهم بدون ازعاج ابي انام زناد وهو يلف على جواله : لا تسحبين اللحاف سحبت اللحاف : احد يدخل بثوث بالفجر زناد بضحكه :بث خويي تعالي شوفي لفت وهي تقعد بجنبه رفيف :وع عاجبك انه يدخل بنات قست؟ بالمول * دخل ذياب معها وهو يدور لها فستان ومتجاهل نظرات البنات له ذياب :ذا بيطلع عليك حلو امجاد :ما اعجبني ذياب :يمه شرايك ؟ ام ذياب : زين ما عليه ذياب : عشان امي باخذه لك امجاد :خير ما اعجبني ؟ ذياب :اختاري واحد على ذوقك واحد على ذوقي بدات تختار وهو واقف عند الكاشير ويناظرها سحبت واحد وهي تتقدم لام ذياب :خاله شرايك ؟ ام ذياب :ذوقك احلى من ولدي ضحكت امجاد وهي تناظر ذياب وتقدمت له :باخذ ذا ذياب :شقالت امي؟ امجاد : ولاشي ناظرها بشك ولف وهو يحاسب واخذ الاكياس وطلعوا امجاد :باقي خالتي نشتري لها ام ذياب: عندي املا الارض امجاد:لازم واحد جديد واشتروا لام ذياب وتوجهوا للبيت بعد ما اخذوا عشاء امجاد بصدمه :متى جابوا الاثاث؟ ذياب : خليت بدر يشرف على العمال وخلصوا قبل نجي ابتسمت وهي فرحانه من شكل البيت بالاثاث دخل الصاله وهو يرمي شماغه وجلس على الكنب وهو يتنهد :اهخخ يازين البيت وبعد دقايق حطت امجاد العشاء وهم يتعشون وراح الكل ينام دخل عليها الغرفة : تستهبلين ليه تنامين هنا؟ امجاد :ترا لسى ما تزوجنا ذياب : ما بقى شي وتصيرين زوجتي تتغلين من الحين ؟ امجاد :وانت ما يمديك تصبر ؟ ذياب بكل صراحه :لا امجاد : اطلع بنام ذياب : والله اطلع وتقدم للسرير وهو ينام :طفي النور " استغفر لربما يزال حزنك " بالظهر* بجناح زناد صحت على اتصال احلام ردت عليها بنوم : هلا ؟ احلام : قومي الساعه ثلاثه ما يمدي نسوي شي رفيف : طيب نازله وقامت وهي تلف على زناد وتصحيه يصلي الظهر صلت وهي تنزل للبنات وبدات تساعدهم احلام : ما لقيتوا تحضنون بعض الا بعد الفجر ؟ رفيف بضحكة : نسينا نسالك سمر : خربتي عليهم احلام : عاد منزين الحضن رفيف وهي تغمز لها : تبين تجربين ؟ احلام : لفي السمبوسة وانتي ساكته ضحكوا وكل وحده انشغلت بشغلتها دخل عليهم : احسبوا لاعمامي والعيال بيفطرون عندنا احلام : لا عاد تستهبل توك تقول زناد : تو عزمتهم احلام : تعال اطبخ زناد : يمديك لو تسكتين وتقدم لرفيف وهو يسحب الرقاق : بس انتي اقدر اطبخ معك انصدمت من كلامه وناظرت احلام الي تخز اخوها احلام : اذلف برا والله ما اكل من الي بتلفه زناد وهو يحاول يلف : على اساس مسويها لك رفيف : لا تخافين انا بسويلك ولفت على زناد : مو كذا يلفونها وتقدم وهي تصير قدامه وتعلمه كيف يلفها زناد بهمس : جاي المطبخ عشانك مو عشان السمبوسة رفيف بابتسامة : ممكن تطلع برا ؟وتخليني أسوي السمبوسة ضحك وطلع احلام : ويع من متى ذا صاير رومنسي ؟ ببيت ذياب* بدات تتجهز وتضبط شكلها لفت على الي فتحت الباب ودخلت : سلام عليكم امجاد وهي تناظرها بصدمه : وعليكم السلام سهام : مبروك زواجكم ما حبينا اخونا يتزوج واحنا مو موجودين امجاد : يبارك فيك سهام : بخصوص كلامي الي قلته لك لو تذكرين انا اعتذر عن كل كلمة وحبيت نفتح صفحة جديدة امجاد بابتسامه : كنت زعلانه منك بس راح الزعل من اعتذرتي وحضرتي زواجنا ابتسمت سهام وقربت وهي تحضنها وتساعدها بالمساء* بمجلس الرجال كان يدق على العيال وانصدم بحمدان يدق طلع بسرعه وهو يشوفهم عند الباب بسيارات الشرطة حمدان :عجل عندنا امر بمهمة ما قدر يتحرك او يرجع او يقولهم زواجي وتقدم لسيارته وهو ياخذ مسدسه وركب معهم وتفكيره بامجاد فتح جواله وهو يرسل لها : طلع عندي مهمة على الحدود انتظريني ❤️ بالبيت * نزلت وهي تسلم على الحريم وام سهام وعماته وبناته وانتبهت على وجود بيان وسلمت عليها وباركوا لها سحبت جوالها وهي تقرا رسالته وردت : قلبي مو متطمن لا تروح ذياب : لا تخافين انا راجع لك وبكتب كتابي عليك يا اجمل اقداري امجاد بابتسامه عكس الي داخلها : انتبه لنفسك بنتظرك بعد ساعات * توترت وهي تنتظره واتصلت عليه ما يرد انتبه الكل لخوفها وتوترها وقربت ام ذياب منها : يمه امجاد شفيك ؟ امجاد : ذياب ما يرد قالي عنده مهمة على الحدود ام ذياب بخوف : هاتي جوالي اتصلت على ذياب ورفعت راسها على الي دخل وهو يناظرهم ببيت زناد * جو اعمامه واهلهم وبداوا يساعدون البنات في المطبخ وصرخت احلام : الاذان باقي عليه عشر دقايق رفيف :الله يخرشك خرشتيني ولفت على الي نادها وطلعت له زناد : وين ريمان ؟ رفيف : مدري من جينا من مكة وهي بغرفتها وتراك زودتها معها زناد :تهقين ؟ رفيف :اكيد روح كلمها وخلها تنزل تفطر معنا ناظرها لغرفة ريمان دق الباب وهو ينتظرها تفتح تأفف وهو يفتح الباب دورها بنظراته وطاحت عينه على الورقة الي على السرير وتقدم وهو يسحبها وقرا المكتوب :مبارك عليكم الشهر بما انكم ما سألتوا عني ولا اهتميتوا فيني حيه او ميته خلوني اروح مع زوجي وزناد اذا بتقرا كلامي اتمنى ياخوي تلفت لحياتك وتترك حياتي وتخليني اعيش مع زوجي بكل راحة وبدون مشاكل واحبكم بنتكم ريمان .. ضغط على الورقة الي بايده وهو يسحب جواله ويدق عليها وصله صوتها : هلا زناد : رحتي وسويتها من وراي ؟ ريمان : توقعت بتبارك لي بالشهر زناد :مدام ذا اختيارك وانا الي جاي اعتذر لك انسي ان عندك اهلك وخالقك لو اشوف ظلك حولنا لا امحيك خلي الي شديتي فيه ظهرك وتركتي اهلك عشانه يبارك لك بالشهر وقفل وهو مغبون ومقهور من اخته ونزل وهو يحاول ما يوضح شي كانت طالعه من المطبخ وانتبهت على الي نزل وانتبهت على ملامحه المتغيرة وعقدت حواجبها رفيف : شفيك ؟ وقف وهو يناظرها : الي تقولين عنها زودتها معها تركت اهلها وطلعت مع زوجها ناظرته بصدمه وسكتت زناد :هاتي الفطور الاذان ما بقى عليه شي رفيف :جهزنا الفطور بالمجلس ببيت ذياب * دخل عليهم وهو يناظرهم وحده وحده ام سهام : عمر يمه شفيه وجهك ؟ عمر وهو يناظر ام ذياب : شهيد ان شاء الله عقدت حواجبها وهي تحاول تستوعب الي قاله : ايش؟ عمر وهو يبلع ريقه وسحب شماغه: ذياب سوا حادث وهو بطريقه للحدود واعطاكم عمره هو واخوياه وسعت عيونها بصدمه وقربوا منها وهم يمسكونها بسرعه ووقفت بصدمه وهي تناظر عمر بدون ما ترمش وسرعان ما اطلقت صرخاتها بانحاء البيت باكمله وبدات تبكي وتصيح باسمه :كذابب ما ماات قاالي انتظريني ذياب قالي انتظريني قربوا منها وهم يحضنونها ويمسكونها وكل مالها تبعدهم عنها وتصارخ بصدمه : مستحييل ما يسويها ما يتركنييي ورمت جوالها الي بايدها وهي تمسك شعرها وتصيح وتشاهق بصدمه قربوا من ام ذياب الي انصدمت من الخبر وبكت على ولدها الي ما شبعت منه ولا عاشت معه تغيرت الاحوال من فرح لحزن وانتشر الخبر بوفاة ذياب وتركتهم وهي تطلع لغرفته وفتحت دولابه وهي تسحب ثوبه وتبكي :قلت لي بترجع ذياب انت مستحيل تكذب اكيد بترجع ذيابب لسى ما تزوجنا حرام عليكك وصارت تصارخ وهي تشد على ثوبه وبدات ترمي كل شي بالغرفة دخلت عليها سهام وهي تحضنها :اهدي وان شاء الله شهيد وكلشي مكتوب ومقدر راح الي اغلى منه تكفين ارحمي نفسك شدت على حضنها امجاد وهي تبكي : كنا بنتزوج سهام ما شبع من امه حرموه منها ولما صار زواجه مات وتركتني ليهه ما خذاني معه ومتنا سواا مين بقى لي غيره راحوا وتركوني كلهم وبكت وهي تشهق وحست بثقلها سهام وشهقت من شافتها مغمى عليها سدحتها على السرير وهي تمسح على شعرها وتبكي عندها وتترحم على ذياب :وش اقول انا تركني وهو زعلان مني تركني وانا ما باركت له وهو اخوي راح وهو زعلان منا كلنا لحفتها وهي تمسح دموعها وطفت النور وطلعت .. بعد اسبوع* كانت ما تاكل ولا تشرب وقاعده بغرفتها وتسوي اكل لام ذياب وترجع لغرفتها وهذا حالها من بعد وفاته وهدمت احلامها واختفت ملامحها وحالفه ما تطلع ولا تقابل احد ربطت احلامها بوجوده وراح وراحت احلامها .. ببيت اهل زناد * تسريع احداث ^ قرب شهر رمضان على الانتهاء وبداوا يشترون اغراض العيد والكل متحمس بالسوق * زناد : خلصتي ؟ رفيف : باقي اكسسوارات زناد : تعالي معي نختار ثوب للعيد رفيف :مراح تفصل ؟ زناد : فصلت وبشتري جاهز مشوا وهم يدخلون محل ثياب وبدا زناد وهو ياخذ رايها بالثياب ومتجاهل نظرات الرجال لهم رفيف : الكبك حلو عليك زناد :مع اني ما احبه بس عشانك بلبسه ابتسمت له واشتروا ثوب وطلعوا واشتروا اكسسوارات لرفيف ورجعوا للبيت يوم العيد * تجمع الكل ببيتهم وبدات اصوات الاطفال والرجال تنتنشر بالبيت بجناح زناد :وين عطري الصلاة بدات رفيف وهي تحط مناكير :دوره عندك سحب العطر وهو يتعطر وناظر احلام الي دخلت احلام :عندك حلق لون ذهبي؟ رفيف : ايه شوفي مع اكسسواراتي طلع زناد وهو يسلم على اعمامه وتوجهوا لصلاة العيد احلام :يالله خلصي لازم نخلص قبل يجون رفيف :مخلصه انا بس انتظر المناكير تجف والبس فستاني بعد دقايق خلصت وهي تتعطر وانتبهت على الي دخل وهو يناظرها ارتسمت الابتسامه على محياه من شكلها وقرب منها : نكنسل عيدهم ونجيب لهم حفيد ؟ انحرجت وهي تناظره ،،ضحك من حمر وجهها وباس جبينها :كل عام وانتي بخير رفيف : وانت بخير وطلعت جوالها :استنى بصور معك قرب منها وبدات تصور ولفت من عطاها كيس :وتحسبيني نسيت عيدتك ؟ ضحكت :حتى عيدتك جاهزه بس مراح اعطيك اياها الحين سحبها من خصرها وهو يقبل شفايفها :كل عام وانتي عيدي رفيف باحراج : وانت عيدي . وتُجمع الحروف لكتابة نهاية قصتنا ،، انتهت وانتهى مشواري الثالث بحمدالله توقفت الاحداث ولن تتوقف مشاعري عن كل حرف كتبته بهاذي الرواية كُتبت بحُب . سعيدة بكل حدث وكل موقف وكل حوار بين كل الشخصيات وشكرا لكل من دعمني بهاذي الرواية سوا بفولو او لايك او كومنت وشكرا لتعليقاتكم الحلوة والي احب اقراها بعد كل ثلاث بارتات سعيدة جدا بوجودكم معي من بداية الرواية لنهايتها .. واتمنى انكم حبيتم كل حدث وكل شخصية .. وانتهت قصة ابطالي "ذياب ، امجاد " وانتهت قصة ابطالي "زناد ، رفيف " النهاية __ __ الحمدلله اولا واخرا لتكتبوا ارائكم بهذا البوست ستُقرا بكل حُب ❤️ . بعد 30 بارت من الحب احببتك بلا تررد بلا خوف بكل مشاعر الحب انتهت :11/8/1443 الحمدلله حتى الرضا 🤍 | ||||
|
| |
|
02-06-23, 06:23 PM
| #34 | ||||
 
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي العظيم | ||||
|
| |
|
| أدوات الموضوع | |
| انواع عرض الموضوع | |
|
|
4Likes
العرض العادي
