آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-05-23, 11:41 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 9 وقف و نزل واتجهه له... فيصل : السلام عليكم ابو مشعل : هلا وعليكم السلام و صافحة .. فيصل : مبروك الله يتمم فرحتكم على خير ابو مشعل : يبارك بعمرك .. و بتساؤل : ذكرني فيك ياوليدي هو أنا شايفك من أول؟ فيصل بجدية : ما أتوقع و أتشرف أنا بشوفتك بس أعتقد لا ، أنا أخو صديقة بنتك سديم وصلتهم و طالع أبو مشعل بترحيب : ياهلا ياهلا كلن من طرف سديم عزيز وغالي فيصل : الله يسلمك ويطول بعمرك .. أبو مشعل : حياك تفضل فيصل : أعذرني يا عم عندي شغل بس وصلت أمي و أختي و .. قاطعه أبو مشعل : أفااا توصل بيتي وتطلع منه بدون حتى ضيافه ؟ فيصل : خيرك سابق أبو مشعل : الله يسلمك بس هالكلام ما يمشي علي انت ضيفي و ببيتي وقف سيارتك و أنتظرك بالمجلس فيصل : بس ... قاطعه أبو مشعل : لا بس ولا شيء حيّاك البيت بيتك ومكانك .. فيصل حس ب إحراج فضيع ، أبو مشعل حطه قدام الأمر الواقع .. وقف سيارته و أتجهه للمجلس .. دخل بخطوات واثقه جدًا وريحة عطره تسبق خطواته .. أخو أبو مشعل " أبو باسل " : من أخوان نسيبك تركي ؟ أبو مشعل : لا أخته صديقه سديم أبو باسل : أهاا ، حياه الله .. فيصل سلم على الموجودين .. لما وصل عند أخو عمر " ناصر " وقف بصدمة ناصر : انت شجايبك ! مشعل : جاي أشاركم الفرحة يا جيراني .. وشدد على الكلمة الأخيرة .. ناصر قرب منه وبغضب : أكسر الشر و أطلع عمر : ناصر ما هو وقت المشاكل ! ناصر : يطلع الآن أزين ما أطلعه بالقوة فيصل رجع شماغه و بسخرية : ورينا الي عجزت عنه من سنين بتقدر عليه هالحين ؟ ناصر مسك فيصل من عند صدر وبتهديد : أخر مره أقولك أذلفي برا بكرامتك ! أبو مشعل لاحظ وقفت فيصل شوي بدا يرتفع الصوت اتجهه لهم .. فيصل : الحشيمة لراعـي البيت ، ولا أنت ما انتب بكفو حشيمة الي ما يصون صديقه وجاره ما عليه شرهه .. أبو مشعل : شقاعد يصير ؟ شفيكم ناصر : لو سمحت أبو مشعل هذا و أشر على فيصل بـ أستحقار : يطلع الآن أبو مشعل نزل يد ناصر وبغضب : هذا ضيفي أنا و ببيتي .. و الي ما يحشم ضيفي و يحترمه يمسك الباب و أشر للباب .. فيصل : أنا أستاذن منك يا أبو مشعل .. أبو مشعل : والله أن ما تطلع لين تتقهوى !!! فيصل تنهد قرب منه وبهمس : ما ودنا بالمشاكل بليله فرحكم اوعدك مره ثانيه أجي .. أبو مشعل : فيصل أنت ضيفي ولا أرضى تطلع كذا ، حياك تفضل أجلس عندي و اللتفت لناصر : نتفاهم بعدين .. وكمل طريقه هو و فيصل وجلسو بصدر المجلس ابو مشعل : اعذرني يا وليدي ، وتنهد بقل حيلة : هذولا هم من سنين فيصل وهو يسترق النظرات لناصر : تعلمني فيهم عشرة عمر ابو مشعل : تعرفهم ؟ فيصل : جيراننا من سنين لكن .. أبو مشعل : والله يا وليدي لا غريب ولا قريب سلم منهم .. فيصل : الله يصلحهم بس .. و تقهوو وكان فيصل مشاركهم الحديث بالرغم من صغر عمره مقارنه بـ ابو مشعل و أبو باسل و الموجودين الكبار بالعمر .. لأن من كان صغير كان متعود يجلس بمجالس الرجال عنده أهتمام بأغلب المجالات و عنده أسلوب يواكب تفكير الأكبر سن منه .. قاطع حديثهم دخول تركي و أخوانه .. أبو مشعل : حي الله النسيب تركي : الله يحييك ياعم .. فيصل بنفسه النسيب يعني هذا زوج سديم ! سلم عليه وهو يحاول ينسى شكلها من باله مهما كان البنت على ذمته .. عند البنات .. أم مشعل بهمس : هذي سمر ؟ سديم : أيه يمه وبحماس : شرايك فيها أم مشعل : ماشاء الله عليها وجهه فيه قبلة وملح سديم : يوه يمه لو تجلسين معها بتحبينها أكثر أم سديم : ب أجلس معهم إن شاء الله بس أتاكد أن اختك خلصت إن شاء الله كل ضيوفي ب أجلس معهم و أقوم بواجبي .. سديم باست خدها : الله يعينك مامي و اتجهت لحمولتها و سلمت عليهم و جلست مع خالتها .. رهف من شافت رغد علطول جلست بجنبها .. رغد توترت عشان وجود سديم .. ! رهف : ماشاء الله يالجمال .. رغد بخجل : يوه يارهف ما أحد يحرجني كثرك رهف : ههههه تستاهلين الكلام الحلو ياحلو وجلسو يسولفون مع بعض .. رهف كان تفكر كيف تجمعهم ؟ هي وتركي بنفس المكان بس صعب مره صعب .. بس بنفس الوقت تركي لازم يشوفها !! عشان اقدر أمهد له الموضوع .. في مجلس الرجال .. كان فيه توتر ملحوظ بين فيصل و ناصر .. لكن الكل كان يحاول يضبط أعصابه أحترامًا لأهل البيت .. عمر بهمس : تكفى ناصر ترا أبوها على طريف والله لو صار شيء ليرفضني ! ناصر : ليش الدنيا على كيفه ؟ عمر : تكفى ناصر ! ناصر تنهد : عشانك بس .. تركي أضطر يجلس بجنب فيصل .. تركي ما يعرف مين هالشخص اصلاً لكن فيصل كان يحاول يكون طبيعـي معه ! تبادلو المواضيع العامة مع أبو مشعل بعد مرور دقايق وصل الشيخ .. ناصر بنفسه و إخيراً بـ أصير نسيب الـ ****** عند البنات .. سمر قدمت الهدية لشهد : أعذريني ولا هي من قدرك .. شهد بفرح : ياقلبي ليش الكلافه ؟ جيتك والله لحالها تكفيني سديم : ياعمري سمور ، والله جيتك انتي و أمك فرحتني جداً سمر : ياقلبي أتشرف والله و ب تردد : أنا استاذن عاد سديم بنمشي سديم : خير خير ؟ سمر : فيصل يقول بنمشي سديم : هو هنا ؟ ???? عند البنات .. سمر قدمت الهدية لشهد : أعذريني ولا هي من قدرك .. شهد بفرح : ياقلبي ليش الكلافه ؟ جيتك والله لحالها تكفيني سديم : ياعمري سمور ، والله جيتك انتي و أمك فرحتني جداً سمر : ياقلبي أتشرف والله و ب تردد : أنا استاذن عاد سديم بنمشي سديم : خير خير ؟ سمر : فيصل يقول بنمشي سديم : هو هنا ؟ سمر : عساس ينزلنا ويروح بس ما أدري شصار سديم : بلييييز سمور كلميه عالإقل نص ساعه زياده ما جلست معك سمر : الجايات أكثر ياقلبي و قربت منها لأنها تعرفها بتحن عليها : سديم عيال خالك هنا و فيصل و بـ أحراج : و قد قلت لك بينهم خلاف ف فيصل مره متوتره أعصابه ويبي نمشي قبل لا تصير مشاكل سديم بتفكير وهي تتذكر كلامها زمان .. و بخجل : خلاص ياعمري معذورة و ان شاء الله جمعاتنا الجايه اكثر سمر : ان شاء الله ياعمري سديم ودعت سمر و أم سمر بكل ذوق وحب .. و ما كانت منتبه لرهف ورغد والي يصير حولها .. في الداخل .. رهف بخبث ما أسمعك من الأزعاج خلينا نطلع برا .. رغد : أوكي بس ب أشوف سديم أول رهف : أوكي رغد أتجهت لسديم : ماشاء الله كالعاده ذوقك يبهرني بكل مره سديم : عيونك يابعد عيوني .. رغد : ماشاء الله ما توقعت الحضور سديم : أهلنا و أهل عمر وتركي و صديقاتنا رغد : الي لابسه أسود من خوات عمر ؟ سديم : اي أخته الوحيده الباقي كلهم عيال رغد : فستانها يجنن سديم : أي ذوقها فضيع ماشاء الله .. رغد : كأني شفت سمر ؟ سديم أبتسمت : أيييي هي و أمها رغد : ما أدري ليش هالبنت ما أتقبلها أحس وراها شيء سديم : لاه حرام عليك .. والله تجنن انتي بس لو تتعرفين عليها كويس رغد : لا فكينا بس و بضحكة : انتي تكفيني .. سديم : الله يخليك لي يارب .. في سيارة فيصل .. ام فيصل : انت نزلت ؟ فيصل : طلع لي أبوها وما قدرت أرده ام فيصل : الله يهنيهم يستاهلون كل خير أمها من كثر فرحتها ودها تشيلنا من الأرض فيصل : آمين سمر : يمه شفتي نجاح أخت عمر ؟ صدمة ام فيصل : يايمه سنين مرت والبنت كبرت وتغيرت فيصل : والله عمر متغير مره بس ناصر وبقهر : ما تغير نفس الاسلوب نفس الشخصية ام فيصل : عسى ما صار شيء بينكم فيصل : والله لو ما تدخل ابو مشعل يمكن صاير شيء سمر بتوتر : انا اسفه فيصل ما قلت لك من زمان بس توقعت موضوع قديم وراح فيصل : وهو فعلاً راح .. في الحديقه كان فيه طاولات وتجهيزات و فيه ضيوف برضو بس قليل .. رهف نزلت مع رغد وهم يسولفون ويضحكون .. رهف : تعالي تعالي هنا وراحو عند أخر طاولة رغد : والله الجو حلو توقعته حر رهف : اي حلو مره رغد وهي ترجع شعرها ورا .. رهف بتردد : رغد ب اسالك سؤال رغد بتوتر : هلا رهف : لو مثلًا حبك واحد متزوج عادي؟ رغد عقدت حواجبها : ما ادري بس رهف قاطعتها : لو هو ما يحب زوجته ولا شيء و مو مرتاح للوضع رغد : وحبني رغم كل هذا ؟ رهف : ايه رغد : اممم ما اعرف اتوقع اذا كنت انا حابته عادي ، يعني زوجته ما يبيها ولو جامل كم شهر الا ما ينفصل عنها فـ عادي يعني .. رهف : ايييي بس يعني عادي انتي فكرة المتزوج رغد : شوفي اذا كان يحب زوجته و تحبه مستحيل أخرب حياتهم ! لكن اذا اصلاً ما كان بينهم حياه و حبني أنا أكيد بـ أبادله الحب رهف : امممم لمتى رغد حست أنها تعرف وتبي تستجوبها : اذا يحبني يتزوجني طبعًا رهف : توافقين لو زوجة ثانيه ؟ رغد : اذا الاولى ما تعني له ، أيه ! رهف : حلو رغد : ليش كل هالأساله وبضحكة : أحد بحياتك رهف : هههه لا وين وفتحت جوالها .. وأرسلت لتركي " فيه ناس مشتاقه تشوفك تعال للحديقه من جهة الكراج " تركي أستغرب الرسالة ! والي صدمة أخته رهف !! توقع أنها تقصد سديم بس الغريب من متى سديم ورهف متفاهمات ! طلع وأتجهه وهو يعرف المكان كويس .. سمع أصوات بنات وضحك !! أرسل لرهف " تستهبلين فيه بنات " رهف : طيب وينك ؟ تركي : قريب ، وقولي لسديم ترد على جوالها وتترك حركات السخافات " رهف : مو سديم الي معاي ، قرب وبتعرف .. تركي أنصدم !! قرب شوي للحديقه وهو مستحي فيه ضيوف و وقفته خطأ ! بس كان يظن ان سديم الي معها عشان كذا مأخذ راحته ! قرب وشاف رهف و رغد جالسين وما كان أحد قريب منهم .. رهف لما شافته أنبسطت وبنفسها : هيّن يا سديم خليك نايمه بالعسل ! رغد ما كانت منتبه !! تركي أرسل لأخته ( تستهبلين !!! ) رهف : ( لا ما أستهبال و أعرف ) تركي توتر توقع أن رغد قالت لرهف عن الي صار ! شافها بكامل إناقتها كالعاده .. تضحك برقه ، تسولف بهدوء ما يدري كم مر من الوقت لكـن لما حس على نفسـه أتجهه لمجلس الرجال وهو ضايع ! ما يدري شيسوي الآن تأكد من مشاعره الصادقه لـ رغد ، وتأكد أنها تبادله المشاعر .. بس الظروف كثيره أرسل لرهف " ما ادري ايش الي تعرفينه لكن والله يا رهف أن الظروف كثار والتساهيل عيت " رهف " ما عليك أنا معك و ب أساعدك ، مستحيل أسمح تضيع عمرك مع وحده ما تحبك " و ابتسمت بخبث على جراءاتها وتخطيطها !! تركي حس بشعور غريب وأن الموضوع بدأ يأخذ جديه أكثر طرف ثالث يدري ، طرف بيني و بينها .. حس بتوتر ملحوظ و يدري تعدي الليله على خير ويطلع منه هنا .. تمت الملكة وسط فرح و تهاني و تباريك ???? شهد كانت مبسوطه و خجلانه ولا تعرف عن الحياه الي تنتظرها .. عمر كان يحبها من كانت صغيره وكان مصر يأخذها هي .. على أن أبوه كان يبي مصلحة من ورا هالزواج ! بس هو بكل الحالات كان يبي شهد .. أنتهت الليله على خير و الكل طلع متجهه لبيته و الكل لاهي بتفكير بشيء مشغله .. رغد طلعت وهي تفكر بتركي و حبها لتركي ووجود سديم بينهم ؟ صديقه عمري و أختي ، ولا الرجال الي حبيته رغم كل الظروف وقل اللقاء ؟ لكن بكل مره أشوفه أحس قلبي يذوب .. كل لحظة تمر علي أفكر فيه ؟ عجزت أطلعه من بالي عجزت .. صح ما أعرف عنه الكثير بس من مدح سديم و أخته حسيت نفسي أعرفه من شهور .. بسيارة تركي .. كان هدوء كلن يفكر بشيء .. سديم خلاص أنتهت ملكة شهد وأنتي لك كم يوم تتهربين من التفكير بالتجهيزات بس الآن رجعتي لحياتك؟ ناظرت له وشافته سرحان . . وبنفسها : آه ياتركي لو أعرف شفيك بس تركي كان يفكر بـ رهف وكلامها ( أساعدك ) قدمك يا تركي حلين يا تنسى رغد وتطلب من رهف تترك الموضوع يا تترك سديم و تشوف حياتك مع رغد ؟ لكن كيف ؟ حتى لو كذبت على نفسي وقلت ب أتجاهلها رغد مستحيل تطلع من حياتنا .. هل تقدر تتجاهل حتى طاريها ؟ وهي مستوطنه تفكيرك دايمًا ؟ حتى وانت بجنب سديم تفكر فيها ؟ في بيت فيصل .. انسدح وهو يفكر بتركي ، و أبو مشعل .. و الـي صار .. غمض عيونه " أنجنيت يا فيصل تفكر بوحده متزوجه " تنهد يا ليتني ما شفتها أو يا ليتني لما شفتها كنت أدري أنها متزوجة .. ولا فكرت بـ أحلام ورديه صعبه علي وعلى الواقع .. بس لاتكذب على نفسك يا فيصل ! شفت اليوم حالتهم الماديه وشفت من نسباهم ! واحد ولد الـ **** و الثاني ولد الـ ***** انت وين وهم وين .. تنهد وهو ينفض الأفكار من راسـه و قرر ينام ويتجاهل التفكير فيها .. عند مشعل وهديل .. بكوفي عام كانو جالسين .. هديل : والله خجلانه منك مره بس مشعل : شدعوا ياهديل ؟ و اخذ المذكرة : بس عطيني ثلاث دقايق أشوف الدرس هديل : خذ راحتك .. مشعل لبس نظاراته وجلس يقرأ بتركيز و يكتب ملاحظات هديل كانت مركزه فيه بدون شعور .. يتبع..... | ||||
|  |
|
10-05-23, 11:42 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 10 عند مشعل وهديل .. بكوفي عام كانو جالسين هديل : والله خجلانه منك مره بس مشعل : شدعوا ياهديل ؟ و اخذ المذكرة : بس عطيني ثلاث دقايق أشوف الدرس هديل : خذ راحتك .. مشعل لبس نظاراته وجلس يقرأ بتركيز و يكتب ملاحظات هديل كانت مركزه فيه بدون شعور .. أول مره بحياتي أشوف رجالّ عنده حميه كذا رغم أن وجودي كان مصيبه عليه لكن ما تركني ! خسر نص مليون ولا عمره جاب لي طاري .. فتح لي شقته أيام بدون ولا ريال والأن جالس يشرح لي بدون مقابل حتى !! هيه ياهديل أصحي على نفسك ولا تنسين انتي مين وهو مين مستحيل حتى يفكر فيك ! انتي اصلاً حتى اهلك ما يبونك قضيتي سنين هنا لحالك .. و بتكملين لحالك ! واحد مثل مشعل ولد عائله و شاطر وقريب يتخرج ما يشوفك شيء ! وكل الي يسوي شفقه مُش أكثر ! بعد مرور أيام .. في بيت أبو حامد كان الكل موجود العيال و زوجاتهم .. رهف كانت منشغله عن زوجات أخوانها بـ موضوع رغد وتركي .. ! لأن أول مره أحد يعاندها و يوقف بوجهها فـ كانت مشغوله شلون تخرب بيتها ويبرد قلبها .. ام حامد : شلون أمك بعد الملكة ؟ سديم : لا الحمدلله بخير .. علياء : الله يعطيها العافيه والله ما جلست دقيقه لمياء : بس ماشاء الله تجنن سديم : الله يسلمك ياعيني لطيفه : حددو الزواج ؟ سديم : أول ما يرجع مشعل إن شاء الله .. لمياء : الله يرجعه لكم بالسلامة و تفرحون فيه سديم : آمين يارب رهف قامت فجاءه من الجلسه .. واتجهت للحديقه ما أهتمو لها وكملو سوالفهم .. تركي كان واقف ينتظرها بتوتر .. رهف : هلا هلا بالعاشق تركي بتوتر : قصري صوتك ! رهف : ما عليك لاهيه تسولف داخل تركي : رهف !! رهف : المهم ش تبي ؟ تركي : شقالت لك رغد ؟ رهف : اممم ولا شيء تركي بجديه : رهف تكلمي رهف : ما قالت شيء حاولت بطريقتي أعرف البنت معجبه فيك بس عشان العله سديم خايفه ، انت بادر وتكلم تركي : شفيك نسيتي اني متزوج ؟ ولا الدنيا سهلات عندك رهف : انت وضح لها مشاعرك لا تطير منك ترا البنت جميله و بنت عايله وبملكة شهد يسالون عنها تركي : رهف صعبه والله صعبه !! رهف : ترا ما قلت لك رح طلق سديم وخذ رغد ! وضح مشاعرك لها حسسها انك فعلًا مهتم وصدقني أنها بتتفهم وضعك ! تركي : تتفهم وضعي ؟ ترا الموضوع مو تسليه رهف : مو تسليه ولا منطق بتتزوجها الآن تركي رجع شماغه : رهف تعرفين وضعي وتعرفين علاقتي بسديم و قاطعته : لو انك تحب سديم ما ناظرت لصديقتها !!! و بسخريه : صح ؟ تركي رجع شماغه : رهف تعرفين وضعي وتعرفين علاقتي بسديم و قاطعته : لو انك تحب سديم ما ناظرت لصديقتها !!! وبسخريه : صح !! تركي : مو حب مو حب بس هي زوجتي ! رهف : تخاف منها ولا شسالفتك انت؟ تركي قرب منها : مو عشانك تعرفين تاخذين راحتك بالكلام معاي وتذكري الي قدامك أخوك ! رهف : اف طيب المهم الأن شتبي تسوي؟ تركي ساكت ... كملت بخبث : أعطيك رقمها الأن وكلمها تركي : أكلمها ! رهف : أي تعرف عليها أكثر ، وهي تتعرف عليك أكثر ويمكن تحصلون حل ! تركي بتفكير : يمكن هي ما تبي الموضوع يستمر وكانت غلطة وخلاص؟ أنا ما عندي أستعداد أصرح بمشاعري واذا شافت سديم تكرهني ! رهف : لا ما عليك من هالناحية ! تركي تنهدت وهو يحس الي يصير خطأ بس يحب ! رهف : تركي شفيك جبان كذا ! مشاعرك حقيقه والبنت تبادلك ! تركي : رهف خطا خطأ الي يصير ! سديم عمرها ما زعلتني بشيء دايم كانت سند لي رهف : وتقضي كل عمرك معها و بالك مع غيرها ! ترا حتى هي ما ترضى وعندها كرامة لو درت تركت لك البيت الأن تركي سكت وهو يفكر ومحتارر .. عند رهف صعدت غرفتها وهي منهاره من الفرحة أرسلت لرغد .. في بيت رغد .. كان بالها مشغوله مرت أيام ولا تدري عنه لان سديم كانت مشغوله فما كلمتها ولا شيء .. اتصلت رهف فجاءه .. عدلت جلستها رغد بتوتر : اهلاً رهف : هلا بك شلونك رغد : بخير الله يسلمك رهف : ما اطول عليك ! ولا ازعجك اكثر هم كلمتين رغد بتوتر : رهف شفيك ؟ رهف : سألتك قبل كم يوم عن مدى جدية العلاقة بواحد متزوج قلتي اذا ما يحب زوجته عادي ! رغد بخوف : طيب رهف : ما ادري شلون أقولها لكن أخوي تركي يحبك رغد قد صدمتها فرحتت مره وسكتت .. رهف كملت : لاتقولين سديم ! ما عليك منها هذي حياتك وتركي ما تتخيلين شلون منهار عندك ! ولايشوف سديم شيء اصلاً ! عاد اليوم كلمني رغد : كلمك؟ رهف بكذب : ترا مو نيته لعب وتسليه ، ولا ما كان كلمني ودخلني بالموضوع هو صادق بس الظروف صعبه الأن رغد : يعني؟ رهف : يبي يكلمك ويتعرف عليك أكثر ! رغد : وسديم؟ رهف : ما عليك منها انتو تعرفو على بعض أكثر وبتحصلون حل رغد : رهف هو طلب منك ؟ رهف طبعًا ! اذا مو مصدقه أساليه هو جاني وقال ابي أكلمها لان مشاعري حقيقه وانا تعبت من سديم و وجود سديم و قريب ب أنفصل عنها رغد بصدمة : صدق ! رهف بكذب : أييييه ، عشان كذا نصيحة لا تضييع فرصة مثل كذا عشان سديم وبخبث : صدقيني لو هي بمكانك قدمت مصلحتها ! وبخبث : صدقيني لو هي بمكانك قدمت مصلحتها ! رغد : رهف بما انك قلتي ما اخبي عليك والله حبيته ، وحبيته بشكل غبي مره كل وقتي افكر فيه بس صعب صعب هو متزوج ولا مين سديم !؟؟ رهف : لا تفكرين بسديم ! ترا ما راح تموت ولا راح تنتهي الدنيا بتبكي كم يوم وخلاص رغد : صديقتي ! رهف : أقول نتكلم بشكل أوضح شوي ؟ لو هي صديقتك فعلًا ما ناظرتي زوجها ولا تصنعتي الصدف عشان تشوفينه ! لا تقولين هالكلام عشان ضميرك يرتاح ! ولا تفكرين فيه لان خلاص تركي يحبك وانتي تحبينه اذا تبين نصيحتي شوفي حياتك معاه وخلي عنك سديم ! رغد حست ان الموضوع خلاص جدي ! رهف حست لازم تقنعها أكثر : و يكفيك لو بيوم أخذتيه أهله كلهم يبونك ! أمي منهاره وبس تمدح فيك و أختي هيا وما عليك ما احد يوقف ضدك كلنا معك .. !! وجلست تقنع فيها أكثر من ساعه وتجيب المواضيع على وتر حساس ! و تكذب عليها بإشياء كثيره لين أقتنعت تمامًا رغد ! و وافقت تركي يكلمها .. في بيت أبو ياسمين .. فتحت الباب وهي خجلانه .. فيصل : السلام عليكم ياسمين : وعليكم السلام فيصل : عسى ما شر شفيه الوالد ؟ ياسمين : اسفه اني ازعجتك بس ابوي ما يسمع مني ومن في كل امس نقوله فيصل رجع خطوى ورا : شصار ؟ ياسمين : تعبان مره و ادري انه يقاوم التعب عشاننا بس حتى اكل ما اكل فيصل : رحتو للمستشفى؟ ياسمين : مو المشكلة أنه رافض تمامًا !! عشان كذا كلمتك ودي تقنعه فيصل تنهد : طيب طريق ياسمين دخلت بسرعه .. و دخل فيصل للمجلس .. عند البنات .. في : شافك؟ ياسمين : شفيك انتي والله ما رفع عيونه! حتى لما كلمته رجع ورا !! في : لا هذا أوفر ثقل ! ياسمين تنهدت : وهذا الي مذوب قلبي ، مو ثقل بس شلون أقولك رجالّ بالمعنى عينه ما يرفعها ما يأخذ ويعطي على اي شيء ودي أشوف حياته مع أهله كيف ؟ دايم رسمي كذا ولا حنون معهم ؟ في : اكيد غير ! ياسمين : ياحظهم بس .. بعد مرور أيام على الأحداث الأخيرة .. في بيت أبو مشعل .. نزلت وهي خجلانه مره .. عمر وقف لاشعوريًا من جمالها و أناقتها ام مشعل : عمر ! عمر وهو يناظر لها : لا تلوميني ياعمه شهد : السلام عليكم عمر : هلا. عليكم السلام وجلست بجنب أمها وهي مستحيه مره .. عمر : ترا أنا زوجك ام مشعل : عميّر ! تعوذ من أبليس وخلك رجال عمر : خلاص ياعمه صارت زوجتي !! مو يكفي لي سنين أنتظر هاللحظـة ؟ ام مشعل : اقول عنك الهرج الزايد و ليش ابوك ما جا ؟ عمر الي مركز بشهد : ما ادري ام مشعل بغضب حذفت عليه الخداده : اكيد ما تدري و عيونك وشوي وتطيح يمه شهد شهد ضحكت بخفه .. : هلا يمه ام مشعل : شوفي الغداء شهد ضحكت بخفه .. : هلا يمه ام مشعل : شوفي الغداء عمر وقف : عمه أنا أروح أشوف معها ام مشعل بغضب : اخر مره تشوفك عيني لين الزواج تجي وتاخذها عمر اتجهه لعمته : لاه لاه شفيك علي ؟ وضمها بخفه : انا ما اقدر عن فراقك انا من شفتك وعلومي ضايعه شهد ضحكت بخجل على حركاته .. ام مشعل ضربته على كتفه : الكلام هذا لي ولا عمر الي يناظر لشهد : طبعًا لك ما عندي اغلى منك بالدنيا ام مشعل : شهد ليش واقفه! شهد : يلاه يمه واتجهت للمطبخ وهي تدري ان أمها تبيها تروح واللتفت عليه : شفيك انت ؟ عمر : احبها ياعمه شسوي ؟ حرام عليكم ما يكفي السنين الي راحت ؟ الي كبري عندهم عيال وانا انتظر شهد تتخرج من الثانوي بعدين لا الجامعه بعدين لا لين يجي اخوها يوم صارت حلالي طلعتي لي ام مشعل : اقول اول واخر مره تشوفك عيني ! في شقه هديل .. تنهدت وهي تشوف رقم زوجة أبوها تتصل !! ردت : نعم ؟ الهنوف : زين رديتي هديل : الصبح عندي كلاسات وانتي تدرين الهنوف : المهم أخوك عزوز مزعجنا يبي يكلمك هديل : ياحبيبي الهنوف : ب أعطيك تكلمينه دقيقه وقولي له انك مشغوله هديل : طيب الهنوف : و صح قللي طلبات على ابوك ! هديل : طلبات ! حرام عليك شطلبت انا !!! الهنوف : لا تستغبين علي كل ريال يجيك انا ادري عنه هديل : والله أبوي الي يدفع الهنوف : والله أبوك عنده ٥ غيرك ، و عيالي لازم أمن مستقبلهم هديل : أذكرك انتي الي أصريتي أجي هنا الهنوف : ولللأن !! ما ابي أشوف وجهك ببيتي !! مو يكفي طيف أمك الي أبوك ما نساه بتجيني انتي بعد !! خليك بعيد عنا بس واذا بترجعين ارجعي مع زوجك انا وعيالي مستقرين بدون مشاكل و أبوك هدا من بعد ما انقلعتي عنا صار يشوف عياله و يحبهم ويجلس معهم فلاتفكرين ترجعين ياهديل انتي عقلك براسك وتفهمين والله ان رجعتي لا اعيشك ايام سوداء مثل الي تذكرينها وبسخرية : او يمكن نسيتيها هديل : لا ما عليك ما نسيتها ولا افكر أرجع اصلاً لذلك البيت أنتي تكرهيني من غيرتك من أمي و أبوي يكرهني لأن يحس اني انا الي تسببت بموت أمي و بسخرية : مو بيت حجيم مستحيل ارجع له الهنوف : ازين لك ولنا و دقيقه انادي عزوز .. هديل تنهدت وكلمت أخوها عزوز كان متعلق فيها مره قبل السفر .. قفلت منه وتنهدت بـ أنكسار .. أنا ما لي دخل بموت أمي أنا ولدت وهي ماتت .. هم أختاروني أنا و أبوي من يومها يكرهني تزوج و عنده عائله بس لسى يشوف أمي فيني لأن أشبهها مره ! و زوجة أبوي الي ربتني من أول يوم كانت شديده علي حاولت بكل الطرق توخرني من حياتها بزواج باي شيء بس للاسف كل شيء باء بالفشل ! لما كلمت ابوي وقلت له ب أدرس برا ! عارض أول شيء ، بس الهنوف ساعدتني مو حبًا فيني ... بس عشان ترتاح مني من جيت هنا عساس سنتين و أرجع معهد لغه مددو لي و أقنعوني أكمل ماستر ، وهالحين يبوني أكمل دكتوراه ! ما ادري ايش الخطا الي سويته بحياتي و لأن أدفع ثمنه ؟ أهلك أهلك ما يبونك ... ليش ! ليش على ان بعمري ما ضريت الهنوف و عيالها كنت اجي من المدرسة واقابلهم مع العاملة عمري ما رفعت صوتي عمري ما تذمرت ! حتى أبوي مره اجلس معه واحس بنظراته نار تحرق جوفي ومرات احس انه احن اب بالدنيا !! كرهت البيت والايام وكل شيء والأن شبه مستقره هنا لحالي .. بعد التخرج ب ادور لي وظيفه و اذا ربي ييسر لي ب اجلس هنا .. في بيت سديم .. كثرت زيارات رغد بشكل ملحوظ .. سديم كانت تظن أنها حاس فيها وتجي تواسيها ما تدري عن الواقع ! دخلت رغد وهي بكامل أناقتها .. كانت لابسه فستان قصير و شعرها الطويل ويفي .. سديم بضحكة : انتي ليش محلوه كذا ؟ لايكون تحبين رغد توترت : لااه شدعوا سديم : أضحك معك بس صدق ماشاء الله تحلوين كل يوم أكثر . . رغد : بعيونك قلبي .. امممم فيه احد هنا سديم : اي تركي فووق بس ما عليك منه .. رغد : لسى سافهته ( معنى الكلمة غير مُبالية له ) سديم : اييييي اصلاً هو ما درى عني وبقهر : تخيلي الجوال ما ينزل من يده و بس مبتسم ! ما ادري من يكلم .. رغد من داخلها انبسطت وتداركت الموقف : ما عليك منه بس .. وجلسو يسولفون كالعاده .. سديم بتذكر : ايييي صح العبايات الي طلبنهم وصلو رغد : صددق واخيراً سديم : طلعتهم من الغرفه عساس ب انزلهم معاي و نسيت وقامت رغد : وين سديم : ب اقوم اجيبهم رغد : لالاا خليك مرتاحة انا أروح قلبي سديم لان ما بالها شيء ب أبتسامة : ياقلبي رغد رغد : بس قولي لي وين سديم : بعد الدرج يمين تدرين اجلسي اقول للعاملة تجيبهم رغد بتسرع : لالا والله خلاص انا اروح شدعوا وراحت وهي مبسوطـه ???? سديم ما أهتمت عادي رغد دايم تقدم خدماتها بكل وقت ، و تركي نايم بالغرفه ! رغد اول ما ابعدت عن عيون سديم ارسلت له ب اشوفك ! تركي فتح الرساله وبستغراب : شفيك ! رغد : افتح الباب طيب تركي ناظر لباب غرفته وحس بتوتر ! معقوله ذي صادقه !! رغد : بسرعه اذا تبي تشوفني فرصتك .. تركي توتر مره وفتح الباب وتوقع الموضوع استهبال لين شافها واقفه قريب للدرج !! حس بضياع ما يدري ليش يحس حتى ضغطه ينخفض اذا شافها وقف يتأملها ثواني .. ولما حس على الوضع وبهمس : وين سديم ! قربت منه بدلع وغنج : تحت ما عليك تركي توتر : رغد لو تشوفنا رغد قربت اكثر : يوه خليها تشوف عاد ! انا مشتاقه اشوفك وقربت منه اكثر : وهي دايم مقابلتك وانا حتى نظرة محرومه منها تركي يحاول يضبط نفسه : رغد لا تنسين نفسك! هي الان زوجتي رغد قربت : وانا ب اكون قريب !! ولا ايش ؟ عبالك ب استمر معك بعلاقة كذا ؟ تركي : زواج ! رغد : ايه ورجعت شعرها ورا : طبعًا تبيني تتزوجني انا مو تسليه عنك ، غيرك يتمنى كلمة مني و انت ! تركي قرب منها و حط يده حول خصرها : كلمة جديده غيرك و شد عليها وقربها منه : لا اسمعها مره ثانيه منك ولما كلمتيني تدرين بوضعي ! رغد : ادري بس لمتى وبغنج : انا ابيك لي ! انا كل ما اتخيل انك معاه انقهر تركي : تدرين انها ولا شيء بحياتي ! رغد : والله الكلام يبقى كلام ورينا افعالك ! تركي : والله هذا كلام جديد ! رغد قربت منه جداً و انفاسها على وجهها : أحبك و أبيك ومن حقي تركي قرب منها وهو يتنفس بغضب وتوتر !! تدارك الموقف وبعد عنها وتنهدت بضياع رغد : شفييييك تركي !!! تركي غمض عيونه : ما ادري يارغد ما ادري رغد بزعل : اوكي لا تدري واتجهت للأكياس اخذتهم وتبي تنزل .. تركي مسك يدها : رغد رغد نفضت يدها : انا قلتها زمان واقولها الأن انت مو قد مشاعرك وقربت منه : ليش تعيشني باحلام انت ما تطولها تركي : صرت اعيشك احلام ؟ ولا انتي الي تفكرين بالاحلام ذي !! من اول يوم عرفتك وانتي تدرين بوضعي ! رغد : طيب لمتى ! بس قل لي لمتى بنستمر كذا ؟ انت ماخذني لعب وتسليه تركي بغضب : لا تستهبلين تدري اني احبك وابيك ! رغد : طيب ؟ ما اشوف اي فعل متزوج وعايش حياتك معها تركي : شتبيني اسوي ! اطلقها رغد : ايه تركي : مستحيييل رغد : مستحيل تطلقها تركي : حاليًا اقصد ! مستحيل اتخلق مشكلة غشان اطلقها ! بعدين حنا على وشك يخلص الكورس وهي منشغله ب دراستها و مشروعها أجي أنا و أشغلها أكثر رغد : ياي حتى بذي تراعيها ! تركي : رغد سديم عمرها ما قصرت معي بشيء رغد : انت تحبني ! تركي : ايييه يابنت الناس ايه رغد بتهور : .... يتبع.... | ||||
|
| |
|
10-05-23, 09:13 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 11 رغد : انت تحبني ! تركي : ايييه يابنت الناس ايه رغد بتهور : تزوجني الان تركي بصدمة : انا لي ساعه ايش اقول؟ رغد : عادي راضيه بالسر ! اهم شيء تصير حلالي .. تركي مصدوم من طلبها مصدوم جداً .. تنهدت و رجع لغرفته وهو يفكر ! عند رغد اخذت الاكياس ونزلت تحت .. سديم بضحكة : ضيعتي الطريق رغد : هههه لا كلمت ماما سديم : ياعمري خالتي رغد وهي تفتح الأكياس : يارب السايز مضبوط سديم وقفت : ان شاء الله يارب وجلسو يشوفون طلبهم وسط تعليقات وضحك سديم ما تدري عن الي يدور حولها .. رغد كانت داخليًا منهاره من سديم وتغار منها !! بعد مرور أياام .. عند مشعل كان واقف مع قروب و يسولفون عن الأختبار و الأساله .. شافها جالسه لحالها من بعيد .. مشعل : عن أذنكم شباب و أتجهه للكوفي الي عن يمين و أخذ كوبين قهوة و اتجهه لها .. مشعل : صباح الخير هديل رفعت راسها : صباح النور مشعل جلس بالكرسي الي قبالها و مد لها القهوة : عندك امتحان هديل : شكراً مره مشعل : ولو هديل : اي أختبار وتنهدت : صعب شوي مشعل بميانه رفع الكتاب من يدها وبضحكة : الـ ***** صعب ؟ هديل : وقت الكلاس كنت بالمستشفى و احس اني مو فاهمه كثير مشعل : طيب ليش ما قلتي لي؟ هديل بخجل : لا شدعوا مشعل اخذ الكتاب : هديل ليش تحبين تعاندين؟ سؤال ليش هديل : مشعل ترا انت مو ملزوم فيني لا تحس نفسك مسوؤل ! مشعل : ومن قال ؟ ورفع راسه : يعني عادي انا اشرح لكثير طالب هنا لا تشوفينه انه استثناء و انك مثقله علي ! هديل بداخلها هه قالها ياهديل مو استثناء مثلك مثل غيرك ما درى عنك ! مشعل رغم الكلام الا ان بداخله ما ينكر انه ينجذب لها او فعلاً يحس انه مسوؤل عنها .. !! بس ينكر هذا الشيء حتى قدام نفسه ويتظاهر بعدم اي مشاعر أتجاه !! في بيت تركي .. سديم كانت مشغوله تشيك على حسابات و أوراق مشروعها الخاص .. تركي كان جالس بتملل ويفكر .. شهد من ذاك اليوم ما ترد على أتصالاتي ! ولا رسالي وشكلها جاده مره بالزواج ! تنهد بحيره اكذب اذا قلت انساها هي كم يوم متجاهلتني واحس روحي ذايبه ! بس شسوي ! سديم : تركي فيك شيء ؟ تركي : هاه لالا ما فيني شيء ، الا انتي خلصتي؟ سديم : تقريبًا ب ارسل الأوراق لأبوي يشيك عليهم تركي وهو يوقف : انا متاكد ان دراستك صحيحة و اتجهه للدرج سديم ما اهتمت لانها تعودت على الوضع وعلى بروده و قل أهتمامه .. بغرفه تركي .. ارسل لها : طيب فكرت بكلامك وهو الحل المناسب لكن بشرط .. رغد الي كانت تنتظر الرساله من أيام !!!! فتحتها وردت : الي هو ؟ تركي : بالسر ، ما احد يدري ! رغد : امممم اهلك؟ تركي : ولا احد !!! حتى اختي رهف ! رغد : طيب وماما ؟ تركي : انا اجي اكلمها و اتفاهم معها رغد : واذا رفضت؟ تركي : تفاهمي معها انتي ! مستحيل ب اخذك وامك ما تدري ولا عندها الا انتي كلميها و انا اجي اكلمها رغد : لمتى ؟ تركي : عطيني وقت بس رغد : تركي كلامك صدق؟ بتتزوجني؟ تركي : أجل ؟ صح ان الي نسويه خطا بس انا ما اقدر اكمل بدونك ، ولا اقدر اكمل بعدك وانتي ما تحليّن لي ! رغد : طيب وقفلت الجوال وهو تحس ب أنتصار وفرح ! رغم ان أمها بترفض ! بس تركي طلع صدق يحبني و يبيني !!! نزلت تحت عن أمها .. ام رغد كانت جالسه بالصاله .. رغد : ماما ام رغد : هلا ياعيوني .. رغد : ماما ب اكلمك بموضوع ضروري ام رغد اللتفت لها : عسى خير .. رغد : لو خطبني واحد متزوج توافقين؟ ام رغدد: انتي الزوجة الثانيه ! رغد : ايه ام رغد : ليش يمه شقاصرك تاخذين واحد عنده زوجة وعيال و تقبلين بنص حياه؟ رغد قربت منها : يمه هو سالفه قاصرني شيء ، بس يمه هو بيطلق زوجته قريب ام رغد حست ان الموضوع جدي : اذا طلقها يجي يخطب ! رغد : يمه بصراحة عنده ظروف و انا اعرف ظروفه مستحيل يطلقها هالحين ام رغد تنهدت : طول عمرك ترفضين الدكتور وترفضين ولد التاجر هالحين جايتني تقولين لي متزوج ! رغد : يمه أحبه ، شسوي قلبي حبه ام رغد تنهدت : رغد يمه الزواج مو لعبه مو قص عليك بكم كلمه و اوهمك بحبه خلاص ؟ رغد : ماما انا مقتنعه فيه و ابيه وهو يبيني بس .. ام رغد : بس ايش؟ رغد : يبي زواجنا بالسر ام رغد بصدمة : اييشش !! رغد : مؤقت والله مؤقت بيجي هنا وتشوفينه وهو ولد عائله و ابوه معروف ام رغد قامت : ما بقى الا هي ! ازوج بنتي بالسر !! وبقهر : انا ما عندي الا انتي وطول عمري اتمنى افرح فيك جايتني هالحين بتاخذين واحد متزوج ! ولا بالسر !! لو هو زواج معلن كان قلت يمكن افكر لان الزواج مو عيب ولا حرام دام برضاه و زوجته عندها علم و اهله ما حنا جالسين نسوي خطا بس بالسر ! مستحيييل !! واتجهت للدرج وهي مقهوره من طلب رغد ! رغد جلست تبكي بقهر !!! شسوي هالحين تركي وافق بس امي رفضت !!! شلون اقنع امي شلون انا بس أخذه و يصير زوجي وقتها اعرف شلون اخليه يلعن زواجنا ب ارادته او بالقوه ما تفرق معاي ! بس هالحين ما اقدر اطلب منه يطلقها !! ادري موقفه صعب بس هين الأياام بيننا ياتركي .. مستحيل اخليها تتهنى فيك ???? بعدد مرور أيام على الأحداث الأخيرة .. في بيت أم رغد .. رغد كانت تمثل الزعل عشان تضغط على أمها توافق ! أم رغد كانت تخاف عليها وعلى صحتها عشان كذا تداري خاطرها بكل ما فيها بس شتسوي ! ما تبي بنتها و أغلى ما عندها ترضى بحياه كذا ! بس يوم عن يوم يزد خوفها على رغد لا تأكل ولا تشرب ولا تسولف !! عند رغد .. كانت تأكل بوقت غياب أمها وكانت تسولف مع صديقاتها لكن كان توضح لأمها أنها زعلانه عشان تضغط عليها لأن هذا الحل الوحيد ! في بيت تركي .. بدت سوء الأمور بينهم ، تركي ما يستحمل اي كلام من سديم ، ودايم يسولف بالجوال لساعات ! سديم طفشت من الوضع حرفيًا ، لكن ما تدري شتسوي !! في بيت فيصل .. كان جالس بالصالة تو راجع من الدوام وتعبان .. سمر : فيصل فيصل : هلا سمر : سديم بتجي ممكن تروح فوق فيصل عقد حواجبه : الأن؟ سمر : أيوه الصدق هي قالت لي تعالي لبيتي بس أمي ما أدري شفيها قالت لا فيصل : ما يفرق سمر وتنهد : ناقص شيء؟ سمر : لالا رحت مع أسوم و سواقها من بدري فيصل : زين صعد لغرفته و أخذ شور و لبس ثوب أبيض وشماغ و أختار عطر ثقيل وفخم .. ونزل بخطوات سريعه أم فيصل : فيصل يمه فيصل : هلاا أم فيصل : ما تتقهوى فيصل : لا يالغالية صديقي أبو آسيا ينتظرني على القهوة أم فيصل : زين سلم لي عليه و إن شاء الله هاليومين ب أعزم زوجته سمر : اي يمه تكفين من زمان عن آسيا فيصل بضحكة : هالحين ب أشوفها سمر : عادي عادي بتجينا إن شاء الله .. فيصل بضحكة : على خير يلاه سلاام و طلع من البيت .. بوقت نزلت سديم من سيارتها .. سديم أول مره تشوفه بالثوب و الشماغ والنظارات الشمسية لأن ما زال الوقت عصر .. وقفت ثواني لما حست على نفسها نزلت راسها .. فيصل : تفضلي حياك سمر و أمي بـ أنتظارك ومر من جنبها سديم حاولت تتجاهل حتى التفكير رغم أنه ما تنكر أنه لفت إنتباها .. وتذكر سوالف سمر عنه وكيف يخاف عليها و يداريها لكن عمرها ما فكرت بشيء ثاني ! أولاً أنها متزوجة مستحيل تخون زوجها حتى بالتفكير وثانيًا أن سمر فتحت لي قلبها و بيتها مستحيل أخونها أو أسوي شيء من كذا .. هي واثقه فيني ، مستحيل أهتم لأخوها .. وكانت هنا تمثل تربيتها و تفكيرها و رقيها مع نفسها قبل لا يكون أحد رقيب عليها .. أستقبلتها سمر بكل حب و جلست معهم أم فيصل كانو يسولفون وكأنهم يعرفون بعض من سنين ! رغم الفوارق بينهم .. لكن سديم كانت تحتاج تجلس مع أشخاص يحبونها عشانها سديم مو عشانها بنت فلان ! ولا عشان ذوقها بالتعامل يجاملونها .. وكانت تحس بالأرتياح معهم .. سمر كانت مبسوطة فيها ولا مره فكرة بمصلحة أو شيء من هذا الجانب .. أم فيصل كانت تفرح بجيتها لأن نفسها خفيفه وسوالفها ما تنمل .. في بيت أبو مشعل .. أم مشعل دخلت وهي مبتسمه : مشعل يسلم عليكم أبو مشعل : الله يسلم شهد : الله يسلمه و يرجعه بالسلامة .. ام مشعل : قريب إن شاء الله يقول أقل من شهرين وأنا عندكم باذن الله شهد : يارب عجل .. ام مشعل : آمين يارب ابو مشعل : عاد لازم تدورين له بنت الحلال نبي فرحتنا فرحتين ام مشعل : ان شاء الله شهد : لاه ماما خليه يمكن فيه احد بحياته ابو مشعل : قايل لك شيء ؟ شهد : لالاا والله ام مشعل جلست بجنبها : والصحيح ؟ شهد : والله ما قال ام مشعل : اجل انتي قولي شهد : اقول ايش؟ ام مشعل : ما ادري بس اساليه اذا بحياته احد او يحب احد انا لو ب اساله بيقول لا بس انتي اخته يقول لك شهد : طيب طيب ام مشعل : مو اذا قال لك لا تسكتين حاولي فيه ولدي واعرفه ما يتكلم بالساهل شهد بضحكة : طيب ماما في بيت فيصل .. رجع وما زالت سديم موجود .. كانو جالسين بالحديقه البسيطة والصغيرة .. قبل لا يطق الباب سمع بدون قصد .. سديم : وتركي ما يرد !! سمر : سديم نوصلك أنا وفيصل عادي سديم : لالاا اتصل على سواق أهلي الأن سمر : لا شفيك بيت أهلك بعيد أصلًا سديم : والله منحرجة منكم ام فيصل : شهالكلام يا بنيتي ! فيصل طق الباب : احمم احمم ام فيصل : جيت وجابك الله سديم : بليز خاله لا ام فيصل : يمه نبيك توصل سديم لبيتها فيصل : ابشري الأن؟ سمر : بس ب اللبس عباتي دقيقه .. سديم : بليز لا والله خلاص ارسلت لأمي فيصل : أنتظركم بالسيارة ام فيصل : زين سديم ردت على جوالها وبعد ثواني : خلاص يافيصل ، سواقي أتصل يقول أشتغلت السيارة و بيجي فيصل : ليش كانت عطلانه؟ سديم : أيه كان جاي وصار عطل بسيط و الأن بيكمل .. فيصل بشدة : لا سديم أنصدمت وناظرت ب أستغراب .. ! فيصل : تروحين لحالك معه هالوقت والسيارة هه لو صار عطل ثاني؟ سديم : ما صاير الا الخير ، وشكرا لك فيصل : انتظركم وطلع سديم : اسفه ياخاله بس خلاص السواق جاي ام فيصل : وفيصل صادق يا بنيتي الوقت متاخر لو قدر الله وصار شيء بالطريق؟ بيتك ما هو قريب سمر جت بعجله : هاه يلا نمشي ؟ سديم ب أحراج : خاله انا والله ما ودي أكلف عليكم ! في سيارة فيصل .. ابداً ما فكر بـ كونها سديم ! أي وحده بهالموقف بـ اوصلها عادي .. وبنفسه كان مقهور من تركي ! يعني ما تدري عن زوجتك ما تكلف على نفسك تتصل تتطمن ! داخل كانت رافضه بعد طلب ام فيصل وافقت وقالت لسواقها يرجع خلاص .. واتجهت لسيارته مع سمر وهي خجلانه منهم ومقهوره من تصرفه يعني أوكي هذي شخصيتك ! بس مع أهلك مو معاي أنا ما أحد رد الكلمة بوجهي !! شفيك سديم ، ترا ما درى عنك بس من خوفه و حميّته أنتي ضيفه ببيته ! ركبت وكان الوضع هدوء .. الطريق كان طويل .. سمر حاولت تكسر حاجز الصمت و جلست تسولف مع فيصل .. فيصل كان يرد عليها بـ اختصار .. سمر كملت سواليف لأن الهدوء يوتر جداً .. قالت شيء وضحك فيصل .. مع ضحكته سديم رفعت راسها وشافته بالمرايا وبقلبها سديم شفيك !! نفضت الأفكار من رأسها .. وبعد مرور عشرين دقيقه وصلت بيتها .. فيصل : هذا ؟ سديم : ايه ، الله يعطيك العافية فيصل : الله يعافيك يارب .. على نزلتها تركي كان راجع .. أستغرب سديم مع مين ؟ قرب منها وناظر لـسيارة فيصل وشاف سمر جالسه قدام .. تركي بنبرة غريبه : مين سديم : صديقتي و أخوها تركي : وليش السواق وين ؟ سديم : تعطلت سيارته ، بعدين انت وينك؟ موقفني تحقيق بالشارع و أتصلت مليون مره ولا رديت فيصل حس فيه إشكاليه نزل من سيارته .. سمر : فيصل شتسوي ! سديم أستغربت منه لما نزل .. فيصل : مسائك الله بالخير تركي : هلا مساء النور .. فيصل : عسى ما أزعجناك؟ تركي : لالا والله يعطيك العافية فيصل : الله يعافيك وما سوينا الا الواجب .. ورجع لسيارته .. سديم دخلت وهي مقهوره من تركي ! مسوي فيها !!! وهو اتصالاتي ما يرد عليها .. عند مشعل وهديل .. مشعل ما قد ينكر شعور أعجابه فيها يوم عن يوم .. صار يتمنى يشوفها كل يوم لو بالممر بالكلاس اي مكان .. مو قادر يسيطر على شعور ويدري أن هذا خطأ ! مشعل أنت ما تعرف مين هي أصلًا ! مو تشكيك فيها لا والله ! بس تبقى إنسانه غريبه .. تنهد وهو متجهه لكلاسـه و يحاول يتجاهل التفكير فيها .. في بيت فيصل .. رجع وهو يتجاهل التفكير فيها .. البنت على ذمة رجالّ ! في بيت تركي .. جلس بالحديقه و أتصل على رغد ! كالعاده و جلسو يسولفون لساعات ، و قال لها هاليومين بـ أجي أكلم أمك ! بس لا تدري أني زوج سديم ! رغد الي كانت تفكره مثله قالت له اصلًا مستحيل أقول لها .. ومن حسن حظها إن أمها ما حضرت زواج سديم لأنها كانت تعبانه ولا شافت تركي ابداً !! لأن لو عرفت أنه زوج سديم مستحيل توافق !! لازم أخبي هذا الشيء موقت عن أمي .. ???? يتبع..... | ||||
|
| |
|
12-05-23, 11:21 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 12 في بيت أبو حامد .. رهف قالت لها رغد أن علاقتها تطورت بـ تركي بس ما جابت طاري الزواج ! على إتفاقها وهي تركي .. لكن رهف رغم ذلك جداً مبسوطه .. لأن أخوها حب وتعلق برغد مع الايام بياخذها و يطلق سديم ووقتها بـ أشوف وجهها ! خيانه من زوجها وخيانه من صديقتها .. هه تستاهل ! بعد مرور أيام .. في بيت أم رغد طقت باب غرفه بنتها وهي متردده ولا مقتنعه بالي تسويه ! بس شتسوي بنتها عنيده ويمكن تضر نفسها !!! ام رغد : صاحيه يمه؟ رغد من سمعت صوت أمها فزت وعدلت جلستها وقفلت الخط من تركي : ادخلي ماما ام رغد دخلت وهي شايله هم الدنيا بنتها وحيدتها ما ودها تعيش حياه كذا ! بس شتسوي فيها !!! ام رغد : ما غيرتي رايك؟ ما فكرتي بنفسك ؟ رغد : بليز ماما اذا بنعيد الكلام خلينا نوقف ام رغد : يايمه تدرين ايش يعني بالسر ؟ وعشان مين عشان زوجته لا تدري انتي تهينين نفسك ولا هو ما ضره شيء الناس بيقولون متزوج وعنده بيت واخذ ذي نزوه ما هو لازم يقول ويخرب بيته ! رغد : يمه مو نزوه والله احبه ويحبني ام رغد : رغد يمه لو يحبك ما قال لك بالسر ! رغد : عشان زوجته هالفترة ام رغد : طيب خلاص أصبري لين يحل مشاكله مع زوجته ، صح ان الطلاق أبغض الحلال لكن شنسوي اذا هذي سوالفه يكلم من وراها و يبي يتزوج لو اعرفها ب اقول لها اخلعيه هذا ما يستاهلك ! رغد : ماما يمكن المشاكل منها !!! ام رغد : حتى لو منها ما في احد يستحق ينهان كذا اجل زوجي يتزوج علي بالسر ؟ رغد : مؤقت مؤقت !! ام رغد : يعني ما في أمل تغيرين كلامك؟ رغد : أحبه ماما ام رغد : خليه يجينا اليوم بعد صلاه المغرب ب اشوفه رغد بفرحة : صدق يمه !! ام رغد : ايه وترا يمكن ما اوافق بعدين !! ب اشوفه اذا جا و تكلم بالمنطق يمكن افهمه و أزوجك رغد بفرح ضمه امها : يس يس ام رغد من داخلها مو مقتنعه بس !!! في بيت تركي .. كانو يتغدون من وصله المسج فز من الغداء سديم ناظرت له وبنفسها : حمدلله والشكر ! تركي صعد وبتبرير : مكالمه من الشركة .. سديم : ايه ايه اهم شيء الشركة وبسخرية : نصدق يعني تنهدت ونزلت الملعقه : شسوي معه ؟ أطلب الطلاق؟ تنهدت وهي تتذكر الفتره ذي أنا لاهيه مع سمر بمشروع التخرج ومع أبوي بزنسي الخاص ، و أجهز مع أختي شهد لزواجها احس مثل هالموضوع يبي استعداد نفسي! وانا لسى احسني ما ادري ما احبه ، بس احترمه و استلطف وجوده بس هو !!! بعد مرور أيام .. عند مشعل كان يكلم مكالمة مهمة .. مكالمة تردد كثير فيها بس قرر يعرف هديل أكثر ! وليد صديقه : وأبوها حالته المادية ممتازة مشعل : طيب أمها من وين؟ وليد : من عايله الـ ***** بس ما شافتها يعني ولدت البنت وتوفت وهي بكرها ووحيدتها مشعل : الله يرحمها وليد : امين يارب مشعل : طيب طلب يا وليد ولا عليك امر وليد : انت تأمر مشعل : والله ما أدري شلون أقولها لك بس انت بطريقتك تعرف على أبوها أكثر وليد : أكثر من كذا ؟ مشعل : أيه أبيك تعرفه معرفه شخصيه وليد تنهد : أبشر بس ... مشعل : شف والله ما أخبي عنك ، بنته الكبيره تدرس معاي هنا ، و الصراحة البنت ماشاء الله فـ قلت ب أعرف عن أهلها أكثر أنا والله تهمني هي بس ، تعرف العادات أمي أول شيء بتقول من أهلها فـ ودي أعرف أهلها. كل شيء عنها عشان اذا كلمت أمي أكون واثق أن الأمور تمام وليد بضحكة : لا ابو محمد طايح على وجهه مشعل : هههههه تنهد : والله يا وليد ما توقعت سنيني راحت هنا عمري ما رفعت عيني ببنت أو أهتميت بس .. وليد : لا خلاص موضوعك عندي ب أتعرف على أبوها وان حصل لي عرفتهم على أبوك مشعل : لالالا تكفى لا بكرا لو خطبت ما تسوى علي هالصدفه بيطلعها ابوي من عيني هههههه وليد : ايه عاد عمي ماشاء الله ما يفوت عليه شيء مشعل : تعلمني فيه ! وليد: تمام خلينا على الأولى أجل وموضوعك عندي مشعل : الله لا يخليني منك بس وليد : حاضرين في الليل مر الوقت ثقيل على تركي .. اتجهه لبيت رغد وهو يتجاهل التردد الي داخله ! شتسوي ياتركي ! رايح بتخطب بدون علم اهلك ، عادي اهلي حتى لو زعلو اذا شافوني مرتاح وسعيد معها بيرضون وانا ب اخذها بالحلال ! وسديم؟ شفيها سديم معززه مكرمة لين تخلص أمورها و ب أكلمها بموضوع الأنفصال ولا أتوقع أنها بتعارض !! لأنها أكيد كاره الوضع من تقبل تعيش مع واحد ما يشوفها شيء؟ ولا يهتم لها ؟ كان يقنع نفسه بهالكلام .. لين وصل ونزل وطق الباب !!! عند بيت ام رغد .. فتحت له الشغاله وجلس بالصالة وهو جداً متوتر ! فوق عند رغد وأمها .. أم رغد : ترا ما وافقت لهالحين! رغد : متاكدة ماما اذا شفتيه بتوافقين ام رغد : نشوووف .. و لبست عباتها و تحجبت ونزلت له .. تركي لما شافها وقف .. ام رغد : السلام عليكم تركي : هلا والله وعليكم السلام ام رغد : حياك تفضل تركي : زاد فضلك .. وجلس وعم الصمت .. تركي تكلم بجدية : أكيد رغد قايله لك وضعي وانا جاي أكد لك الوضع أنا صح متزوج لكني مو مرتاح ابداً معها ، ولا بيننا تفاهم من أول شهر ام رغد : ليش ما تتطلقها ؟ تركي : اعتقد قالت رغد لك ، هالفتره ما اقدر ابداً ما اقدر انا مرتبط بعمل وهي بدراسة وعمل و الطلاق بيوتر الوضع ولا ادري ايش رده فعل اهلي و أهلها خصوصًا ان أبوها له شراكة مع أبوي ببعض الأعمال فـ الموضوع ما هو كلمة طالق و خلاص .. يمكن ب أجلس فترة طويله أرتب أموري وأنا ابي بهالفتره معاي رغد ، زوجتي الي اخترتها برضاي .. ام رغد : أهلك بيرضون ببنتي؟ تركي : طبًعا !!! ونتشرف بنسبكم وأنا متأكد امي بتفرح من فرحتي !! ام رغد : والله انا هالوضع ما هو عاجبني ازوج بنتي بالسر ! ومن واحد متزوج لكن بنتي ولا اقدر على زعلها .. لذلك انا موافقه بس بشرط ! تركي : الي هو ؟ ام رغد : يوم الملكة يجي احد من اهلك ! مو لازم ملكة كبيره باسويها خاصه خواتي و بناتهم و ابي احد من اهلك يكون موجود !! تركي فكر بخواته .. و كمل : تمام خواتي الاثنين بيكونون موجودات ام رغد : ماعليش ما هو تشكيك لكن ب اعرف حموله بنتي ! تركي : من حقكك ، وأخوي الكبير إن شاء الله بيجي .. ام رغد : حياكم الله .. تركي تنهد بـ ارتياح توقع ان الجلسة أصعب من كذا !!! تركي بـ تردد : بما انك وافقتي الأن .. ام رغد : ايه ؟ تركي : يصير أشوفها ام رغد بصدمة : نعم تركي : نظرة شرعية من حقي ولا ياخاله؟ ام رغد هزت راسها : خاله بعد تركي بضحكة : ش اناديك يا ام رغد ؟ ام رغد : الله يصلح حالكم بس و صعدت وقالت لرغد تتجهز عندها أمل يمكن تحس بالخطا ويمكن ترفض ! ما تدري انها سهلت لهم لقاء ينتظرونه من زمان ! في بيت سديم .. كانت تكلم سمر و أخذها الوقت .. لما انتبهت للساعه ٩ استاذنت منها لان طولتها وحست نفسها ثقيله ، بس شتسوي تحب وقتها مع سمر ، تحس نفسها مع شهد .. تتكلم بدون قيود ولا تفكير وتكلف .. قفلت من عندها واتجهت لسريرها قرت أذكارها وقررت تنام .. في بيت ام رغد .. نزلت وهي بتطير من الفرحة .. تركي لما شافها فز قلبه ، كل يوم تحلى أكثر ! رغد : هاااي تركي : هلا هلا شهالزين شهالجمال ؟ رغد جلست بدلع : أعرف تركي : أخ بس يا ليتني عرفتك بأول العمر بدري رغد ناظرت له وبحب : أهم شيء عرفتك .. تركي قام وجلس بجنبها .. رغد داخليًا توترت بس حاولت تتظاهر أنها تمام .. تركي : رغد انتي مستعده تعيشين معي رغم وجود سديم؟ رغد بغيره : مؤقت؟ تركي : طبعًا اصلا سديم لو تعرف هي بتطلب الطلاق لكن اقصد هذي الفتره لما تكونين على ذمتي ، وجود سديم بيضاقكك ! رغد بدلع : اكيد اصلاً انا ودي من الأن تجلس عندي ولا تروح لها بس ! الظروف تركي : اوعدك ب اجي عندك كل فرصه لكن اتمنى من الأن تتفهمين وضعي لو تأخرت لو مرت أيام انتي من الان على علم ؟ ما ابي مشاكل وغيره بعدين واصرار اعلن الزواج رغد : ما عليك ب اصبر عشانك بس تركي : لازم نكون على بينه انا اخذتك بالسر عشان اتفادى المشاكل فما ابي اطيح بمشاكل أكثر ! رغد : لالا ما عليك وعد ب اقدر ظروفك .. تركي : اجل ان شاء الله نهاية الاسبوع نملك واذا اعلنت الزواج اوعدك ب احلى حفله بالرياض رغد بدلع : ما تهمني ، اهم شيء انت معاي ! وانت حلالي هذا يكفيني .. ك رن جوالها .. رفعته وبتوتر : سديم ! تركي بتوتر : لا تردين رغد حطته صامت و بدلع : ما عليك منها بنعيش اللحظة انت مو كل يوم قدامي تركي بعد عنها : قريب ب أكون قدامك دايم تاخر الوقت استاذن .. رغد بزعل : عشانها دقت؟ تركي : لا ! ولاتنسين انك الأن مو على ذمتي و أمك قالت عشر دقايق .. الوقت قدامنا في بيت فيصل أنسدح وهو يفكر بكلام أبو ياسمين ! كان مصدوم كيف يأمن لي بيته و بنته و حلاله؟ شيعرف عني أصلاً ؟ كان رافض تمامًا فكرة الأمتنان كل الي سواه شغله وكان ينزعج من شكر أبو ياسمين الدائم له وصدمة مره لما طلب منه يتزوج بنته و يكتب له وكاله عامة ! نفسيًا انا بيالله أتحمل مسوؤليه أمي و أختي كيف ب أكون مسوؤل عن عائله ثانيه! شيء مستحيل كان يفكر كيف يرد عليه و يبلغه برفضه التام .. على ان ما بحياته أحد ! حتى سديم الي بلحظة حس لها مشاعر تلاشت لأن أنه عرف أنها مستحيله ! او فيصل بمنظورة المحدود كان يعتقد أنها مستحيله عليه سديم ! تنهد وهو يفكر كيف يرفض من غير ما يخسر أبو ياسمين أو يزعله .. جت سديم على باله وتجاهلها بكل ما فيه .. وتنهد يارب طول عمري أغض البصر و أشغل نفسي عن كل شيء ، ليش فجاءه قلبي طاح كذا ؟ ولا مع وحده مستحيل تكون لي غير أنها متزوجها أهلها أصلاً ما يعطوني ! أنا وين وهم وين ،خلك من أهلها يا فيصل هي بتقبل فيك اصلاً! ???? بعد مرور أيام .. في بيت أبو مشعل .. شهد : سديم ليش ساكته له سديم : شسوي شهد شسوي !! وجلست بجنبها : أدري أنك على وجهه زواج و متوتره وخايفه ولا قصدي من هالكلام أخوفك بالعكس .. عمر رغم فعايله هو وأخوانه لكن كلنا ندري أنه يحبك ويموت فيك و إن شاء الله حياتك بتكون أسعد معه شهد : لا شدعوا لا تبررين سديم والله أعرف و أصلاً بعمرك ما شكيتي منه عشان كذا أنا مستغربه سديم : شهد ما فيه شيء واضح عشان أقول ايه فعلًا تركي ما يستاهلك ! ما أدري تصرفات غريبه بس ما تستدعي اطلب الطلاق عمره ما صارخ ولا عمره ضايقني بالكلام .. و مهما اقوله يقول لي سمي و ابشري بس احس كل شيء بارد كل شيء ما احس انه يحبني او يهتم لي .. شهد : سديم كم لكم متزوجين؟ لو أول الشهور بـ أفهم بس لمتى يعني كم لكم وهو ما زال ما يشوفك شيء و تنهدت وبتردد : تتوقعين بحياته احد ؟ سديم سكتت بتوتر شهد بجديه : سديم سديم : ما أدري ما أدري شهد : ما تدري ولا ما تبين تدري؟ سديم : إيش يعني! شهد : يعني حاسه بس ما تبين تقولين هالشيء حتى لنفسك سديم وقفت وبتوتر : بصراحة أيه بس ما في دليل واضح ما فييه اشوفه يسرح ويفكر و يكلم دايم تحت بس ما ادري كم مره حاولت اسمع ، يكون يكلم واحد من اصدقاءه ولا اخوانه ! شهد : شوفي سديم لازم تتاكدين لان لو فيه احد بحياته صدقيني عمره ما بيشوفك شيء .. سديم بتوتر : اخاف شهد اخاف فكرة انه ممكن تكون بحياته وحده وهو عايش معاي تذوب قلبي شهد بجديه : انا اسفه بس ممكن تكون هذي حقيقه ! سديم سندت راسها وغمضت عيونها : والله شهد محتاره ، ما بين شك وما بين لا مستحيل تركي يسويها وما بين ما ابي اتاكد أنها شيء صحيح شهد بتردد : سديم قلبي لا تضيعين عمرك بهالتفكير .. أجزمي بصرفاتك اذا فعلاً يحب احد غيرك هذي مصيبه وعلاجها واحد سديم تنهدت : شهد احس حياتي مضغوطه و مو مرتبه ما ادري وعدلت جلستها وبجدية : بشفافيه أقولك؟ شهد : إيش ؟ سديم : أحس مو مستعده لفكرة الانفصال الأن ، أحس ودي أعطي العلاقة فرصة ثاني .. شهد : تحبينه ؟ سديم : اممم ما ادري .. شهد : تحبينه ؟ سديم : اممم ما ادري والله شهد ما اخبي عليك بس فعلاً ما ادري يعني انتي تعرفيني من قبل لا اتزوجه حياتي ما فيها احد ولا عمري فكرت باحد فجاءه تزوجت وصرت مسوؤله عن بيت وزوج يعني ما احس انه حب بس انه تعود ؟ شهد : التعود شيء مو واقعي ، لان حياتنا تتغير بإستمرار يعني عادي هيئي نفسك ان ممكن ترجعين لبيتنا بيوم وتعيشين حياتك مثلك مثل اي بنت .. الطلاق مو نهاية الحياه يمكن الله يعوضك بشخص أفضل يمكن الله كاتب لك حياه افضل بس تعرفين سديم الأنسان دايم نظرته سطحيه ومحدوده يفكر بالقريب و يخاف من التغيير على أن أمر المؤمن كله خير ، يعني ما اقولك لا تفكرين وخليها تجي مثل ما هي ! بالعكس فكري و شوفي وضعك ، بس لا تخافين من قرارتك و التغيرات .. هذي الحياه كذا .. ما يعني انك تزوجتي تركي خلاص هذا الي بتعيشين معه كل عمرك ! عطي نفسك وقت ووفكري ، والله يقسم الي فيه الخير لك يارب .. في بيت ام رغد .. رغد كانت تكلم رهف بعد ما بلغها تركي !! رهف بضحكة : طلعتي أشطر من توقعاتي رغد بضحكة : ما أنسى وقفتك معاي رهف : بس كانكم مستعجلين؟ رغد : ننتظر ايش؟ رهف : ما ادري يعني رغد : رهف انتي معارضه على زواجنا ؟ رهف بخبث : بالعكس ! انا تمنيت هالشيء انبسطت لما عرفت ولا صدقت تركي ! رغد بضحكة : ش على بالك ب أرضى بمكالمات ؟ رهف : كفو والله عليك رغد : رهف ب اسالك وجاوبيني بصراحة رهف : تمام رغد : امك لو درت بتعارض؟ رهف بكذب : طبعًا لاااااا !!! شفيك ترا كلنا ما نحبها ولا نبيها رغد بغيره : ما افهم تصرفاتكم تخافون منها رهف : لا مو خوف بس العلاقات اكبر من كذا رغد : قال لي تركي رهف : خلاص اجل ليش تسالين ثاني رغد : ابي اتطمن ! رهف : ما عليك يكفيك ان تركي معاك .. رغد تنهدت بحب : آه ياتركي بس .. ايش الي مخليني أرضى غيرك رهف : بتكونين انتي زوجته الوحيده قريبًا بس لا تعطينه مجال يفكر بسديم ويشيل همها ، اخوي و اعرفه مره يحس بالمسوؤليه والي مصبره على كذا ذا يداري خاطرها .. رغد بغيره : اشوف اشوف ما يرضى عليها بكلمة .. رغد بغيره : اشوف اشوف ما يرضى عليها بكلمة رهف : لا تغارين منها انتي ! تراها ولا شيء !!! رغد : احاول .. رهف بكرا بيكون حلالك .. و وقتها خليه يتعلق فيك ويكره سديم فعلًا !! رغد : اممم اختك بتجي رهف : اي رغد : حلو لان ماما مره مصره على حضوركم رهف : ما عليك بنجي بنجي اهم شيء يا عروس خليك بـ افضل أطلاله .. رغد بغرور : طبعًا و بحب : فستاني أختاره معاي تركي .. رهف : عاد أخوي ذوقه حلو .. رغد : وأكبر دليل أنه حبني ! رهف تنرفزت منها بس كملت معها مو حبًا فيها كل ذا عشان تنتقم من سديم و يبرد قلبها .. في بيت سديم .. رجع من الدوام وشافها تمشي بالحديقه تركي : مو حر ؟ سديم : لا عادي باقي لي عشر دقايق تركي : طيب سديم : تركي ماما بكرا عازمتنا على العشاء تركي بتوتر : بكرا ! لالا سديم : ليش شعندك؟ تركي : هاه ولا شيء سديم : أجل ليش؟ ترا ما في احد عمر زوج شهد و حنا تركي : لا اقصد ان عندي شغل سديم عقدت حواجبها : تو تقول ولا شيء ؟ تركي : تذكرت عندي شغل المغرب و بتردد : لو غداء عادي سديم : تمام وقت ثاني أجل .. تركي : ان شاء الله وكمل طريقه وهو متوتر ... تعزمني لبيت أهلها و أنا ب أملك بكرا على غيرها ! شتسوي تركي! شتسوي ، حس بنار بداخله بس شيسوي .. ما وده يجرحها بس والله مشاعري !! ما اقدر بدون رغد ، و ابيها بالحلال .. خلصو البنات يا تركي خلصو تحب صديقتها الي دخلتها بيتها ؟ حس بصراع بين قلبه وعقله و اخذ شور بارد وحاول ينفض الافكار من راسه خلاص ياتركي ملكتك بكرا !! عند مشعل في ولايه ******* .. عرف عنها كل شيء و تذكر كلمتها لما قالت أهلي هه .. يعني عشان كذا ما تبي ترجع؟ ولا فيه خلاف عائلي بينها وبين زوجة أبوها ؟ البنت وراها شيء بس ايش هو ! ما لي حق اسال ولا اتدخل ، بس والله يارب نيتي جاده أبيها على سنة الله ورسوله ، وأبي أساعدها بكل ما فيني بس هل بترضى فيك يامشعل؟ يمكن هي تفكر تستقر هنا ؟ يمكن تعودت على العيشه هنا ؟ يمكن فيه احد ينتظرها ؟ او هي تنتظر احد حس بدوامة أفكار وهو متجهه لشقته بعد يوم طويل جداً بالجامعة .. ???? يتبع..... | ||||
|
| |
|
12-05-23, 11:27 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 13 يوم جديد .. يوم فيه أهم حدث بحياه تركي و رغد .. من بدري صحى و طلع ما يبي يشوفها ما يبي يحس بالذنب ! أما عند سديم ما كانت تدري عن الي يدور حولها بعد الظهر .. أتصلت على صديقتها رغد ! ولا وصلها رد كتبت لها مسج " عسى ما شر شفيك لك كم يوم مختفيه ، طمنيني عنك " و أرسلت المسج و صعدت لغرفتها تتجهز بـتروح لبيت أهلها .. في بيت أم رغد .. ما كان فيه أحد غير أمها ورهف و هيا و خالتها " ام ماجد " فقط رغم كل هذا رغد كانت مبسوطه واخيراً تركي بيصير لي .. ! هيا بهمس : رهف والله لو درت أمي بتزعل ! رهف : والله أمي أهم شيء سعاده تركي وحنا جاين هنا بأمر تركي هيا : والله حرام رهف : وين الحرام ؟ بيتزوج على سنة الله ورسوله ! هيا : ياختي سديم تخيلي صديقتك الي دخلتيها بيتك و عرفتيها على اهلك و اهل زوجك تاخذ زوجك منك ! رهف : هه تستاهل ما احد قال لها تثق باي أحد ولا أحد قالها تفتح بيتها للي تنسمى صديقتها وبهمس : وحسافه عليها كلمة صديقه ترا الي تسوي كذا ما هي صديقه ! هيا : والي نسويه حنا ؟ رهف بخبث : ما نسوي شيء جايين مع أخونا هيا : رهف رهف : أوكي يعني بس بالنهاية ترا ما دخلنا تركي بعين رغد ! هي حاطه عينها عليه بس ساعدتها وتركي ما كان يحب سديم و انا وضحت له مشاعر رغد يعني فقط مساعده هيا : يمكن لو ما تدخلتي ما صار كل ذا رهف : هه كنت اقول مثلك بس ذي رغد طلعت اشطر و اخبث من توقعاتي ، ما صدقت على خبر علطول حطته قدام الامر الواقع وتزوجني ! هيا : والله ما ادري بس خايفه مره عند الرجال كان موجود خالها .. و تمت الملكة بكل هدوء .. حامد : ان شاء الله يا تركي ما تندم على هالقرار .. تركي : ما عليك حامد : تطلعني منها لو درى ابوي ترا ما لي شغل .. تركي : عندي الموضوع حامد : والله سديم ما تستاهل كل هذا تركي : حامد خلاص صارت زوجتي تبي تقول كلمة زينه قلها تبي ترددني لا لو سمحت خلاص حامد : اجل انا استاذن والله مو مقتنع بالي يصير بس جيت ولا ما جيت الملكة بتصير عالإقل قدام أهلها تركي : ما قصرت .. حامد طلع وهو مو راضي على الي يصير !! بس شيسوي اخوه ويعرفه قال كذا بيصير بيصير ؟ عالإقل اروح معاه و تتم الأمور بهدوء يمكن تنتهي بهدوء قبل لا يدرون اهلي و سديم ! يمكن يحس بخطاه ويعدله !! عند البنات .. رهف : مبروك يا ام رغد ام رغد بدون نفس : الله يبارك فيك و بداخلها مقهوره بنتي الوحيده ازوجها كذا !! لا حضور ولا شيء ! كأننا نسوي شيء خطأ وخايفين احد يدري !! رغد كانت مبسوطه مبسوطه تحس بـ أنتصار على الحياه .. تركي الـ ****** زوجي ! كانت تفكر ومبتسمه قاطعتها هيا : رغد رغد اللتفت : هلا هيا : تركي يبي يدخل رغد : أيه أيه حياه هيا : انا ورهف نستأذن عاد السواق عند الباب رغد : الله يحفظكم ومن هاللحظة هذا البيت بيتكم ، حياكم الله باي وقت .. وطلعو البنات .. و أمها كانت متنرفزه من الوضع وصعدت لغرفتها هي كانت تنتظر تركي بالصاله بفراغ صبر .. في بيت ابو مشعل .. سديم كانت جالسه مع شهد و بنات عمها ومنسجمين بالسواليف فجاءه أرسل لها تركي رساله .. " اهلاً سديم لا تنتظريني الليله بـ أنام بالمزرعة طالع مع وليد و فارس " سديم ما شكت لأن سبق له نام برا .. اللتفت على شهد : شهد كان تركي حس بكلامك شهد : اي كلام؟ سديم : على نومتي هنا ، تو أرسل لي يبي ينام برا ، ف خلاص مب رايحة لبيتي شهد بفرحة : يس .. ليلى : ب أرسل لماما بنسهر عندكم أجل سديم : اي تكفين الصبح يوصلكم السواق ليلى : أوكي شهد : والله اشتقت لجمعتنا زي زمان ليلى : ايه ايه ودعينا بكرا تتزوجين ونقولك نامي بتقولين " وهي تقلد صوت سديم " لااه عمر ينام لحاله سديم : هههههه ليلى ليلى : وانا صادقه كان تركي بزو ما ينام الا اذا كنتي عنده سديم : لا والله ما يقول شيء بس انا ما احب انام برا بيتي نوره : اي وبكرا شهد تقول مثلك ويلاه نجتمع مثل هالجمعة بعد سنة شهد : هههههههه لا ما عليك في بيت ام رغد .. دخل وهو يحس بشعور غريب مبسوط و مو مبسوط !! شافها جالسه قدامها بكامل اناقتها .. خلاص يا تركي رغد حلالك ، رغد زوجتك على سنة الله ورسوله .. حسّ بشعور غريب تقدم منها وباس جبينها : مبروك لنا رغد : يبارك بعمرك .. تركي تنهد : واخيراً صرتي حلالي رغد بغنج : ايه والله واخيراً .. تركي : وين امك؟ رغد وهي تقرب منه : فوق .. تركي لمس أطراف وجههّا ب أصابعه وجا بباله طيف سديم وضحكتها سحب يده وكان فيه شيء .. رغد عقدت حواجبها من تغير ملامحه فجاءه تركي بعد عنها واتجهه للباب !! رغد انصدمت من تصرفه !!!!!!! طلع وجلس بالحديقه نزل شماغه وهو يحس بصداع ما يدري الي يصير !! تنهد رفع راسه وصله مسج من سديم : " أوكي أنتبه لنفسك ❤️ " حذف الجوال بقهر انتبه لنفسك وانت جالس تخونها مع مين ! مع أعز صديقاتها ! مع الانسانه الي قالت لك رغد كأنها أختي !!! داخل البيت .. رغد صعدت غرفتها بقهر وبدلت ملابسها وهي مقهوره وتذكرت كلام رهف لما قالت لها تركي متردد ! اخذ شور بارد وهي تحاول تضبط أعصابها مستحيل أسمح لها تخرب علي فرحتي !! مستحيل اسمح لك ياسديم هالمره ب أتنازل ياتركي .. هالمره بس على ان حركته جرحتها مره ! بليله ملكتي يسوي فيني كذا يتجاهلني وانا بكامل اناقتي وفرحتي ! ادري ان طيف سديم شافه ادري بس ما عليه .. تنازلت هالمره و لبست فستان ناعم جداً و حطت ميكب خفيف تبرز جمالها الطبيعي .. في بيت ابو مشعل .. كانو جالسين بالحديقه و سواليف وضحك شهد وسديم و بنات عمهم .. سديم ما كانت تدري عن الي جالس يصير .. صديقتها الي دخلتها بيتها و اعتبرتها مثل اختها فتحت لها قلبها و قالت لها كل شيء ، حتى علاقتها وتوترها مع تركي كان تقول لها وتنتظر رغد تنصحها من قلب يحبها ! ما كانت تدري ان صديقتها كانت حاطه عينها على زوجها .. ما تدري انها لما كانت تقول لها تجاهليه ما عليك منه !! كانت نيتها ان سديم ما تحب تركي !!! ولا تتعلق فيه لانها واثقه ان تركي لها .. سديم ما كانت تدري أنها تجيها بكامل أناقتها عشان تحظى بنظرة من تركي .. ولا العتب و الشره على صديقتها ! حتى زوجها الي عمرها ما خانته حتى بالتفكير كانت تخاف ربها أولاً و تحترم ثقته فيها مهما كان أنا على ذمة رجال .. حتى لو ما يحبني ما اساء لي بيوم !! في بيت رغد نزلت له بالحديقه .. وهي من داخلها مقهوره بس ما تبي تزعله وياخذ موقف منها .. جلست بدلع بجنبه : الحلو يفكر فيني ؟ و بضحكة : خلاص الأن انا لك وانت لي .. تركي وهو مركز بالأرض وبقهر : سديم مرسله لي انتبه لنفسك و اللتفت لها : قلت لها ب انام بالمزرعه وتقول لي انتبه لنفسك و بسخرية وانا وين جالس ! ببيت صديقتها رغد بقهر : تركي لو سمحت لا تكلمني بهالاسلوب اول شيء انت ببيت زوجتك الأن ثانيًا لا تحسسني اني غصبتك فيني ! ترا برضاك جيت وخطبتني ولا انت ما تحبني ؟ و بزعل : لا قلها ما تحبني !!!! تركي تنهد : رغد لو ما احبك ما خاطرت هالمخاطره وتزوجتك بالسر ! بس ما ادري احس مليون فكرة ببالي .. رغد قربت منه وبدلع : ممكن تنسى المليون فكره الان ؟ وتفكر فيني بس؟ رغد قربت منه وبدلع : ممكن تنسى المليون فكره الان ؟ وتفكر فيني بس؟ تركي اللتفت لها وركز بعيونها .. رغد : بليز اذا على المشاكل انا مستعده اوقف معك بوجهه الكل المهم والاهم تبقى لي .. وقربت منه وباست خده بخفه .. تركي ما ينكر اعجابه وحبها لها !!! بس ما يدري ليش يتصرف كذا .. يحس أن سديم تشوفه .. يتخيل رده فعلها لو عرفت رغد بزعل : وبعدين يعني؟ اذا بتجلس تفكر كذا انا اقول تروح لها احسن لك ولي ! وقامت بزعل تركي تنهدت : لا يا رغد لا وشافها وهي تدخل وقف وهو محتار وبنفسه خلاص يا تركي .. خلاص انت ملكت وخلصت وسديم الا ما يجي يوم وتدري ! وبسخرية توك تفكر فيها .. تنهد و اتجهه للبيت وهو يحاول يضبط أعصابه .. في ابو ياسمين .. فيصل تنهد ما يدري شلون يبدا .. ابو ياسمين : فكرت بكلامي ياوليدي؟ فيصل : فكرت .. فكرت عند الباب في بفرح : تكفى قلها موافق ! ياسمين : اص بنسمع ... فيصل : والله ياعم انا ما ادري شلون اقولها لك لكن انتو والنعم فيكم والله ما سمعت ولا شفت فيكم قصور .. و البنت الله يستر عليها ما شفت منها الا كل خير لكن .. ابو ياسمين عدل جلسته : ايه فيصل : اتمنى تعذرني انا والله ما اقدر على هالمسوؤلية ! ابو ياسمين : الزواج ولا الحلال ؟ فيصل : سالفه الحلال مستحيل اقبل فيها وهذي خالصين منها !!!! الزواج ، انا والله يا عم توفى ابوي وانا صغير وكل عمري اشتغل و احاول أمن لأختي وأمي حياه كريمة ابو ياسمين : الحلال كله لك و لأهلك فيصل يحاول ما يعصب : يا ابو ياسمين اذا تعزني لاتقول هالكلمة لي ! مستحيل اخذ ريال واحد .. لكن انا كلامي على الزواج ... ما ابي أظلم بنتك معاي ، انا لا افكر بالزواج ولا شيء ابو ياسمين تنهد : الي يريحك فيصل : اتمنى ما تزعل مني يا عم !! والله نسبك ينشرى لكن انا وضعي حاليًا ما يسمح .. لذلك الله يوفقها و تستاهل الي احسن مني يكون زوج و سند لكم كلكم .. ابو ياسمين : والله يافيصل اني ارتحت لك و اغليك فيصل : والله اني حتى انا اغليك يا ابو ياسمين لكن اعذرني .. انا كل يوم اطلع من باب بيتي و اقول يارب احفظني و رجعني سالم أمي و أختي ما لهم غيري ما اقدر اكون مسوؤل عن بيت ثاني والله ما اقدر عند ياسمين نزلت دموعها لاشعوريًا كانت تتوقع أنه موافق ! من الغبي الي بيرفض فرصة مثل كذا ؟ غير زواجه ، و****ات و أستثمارات حتى خارج الرياض ! من دكتور بأحد المستشفات بيوم وليله ممكن تصير رجل أعمال ! في بقهر : غبي غبي ! لا تبكين هو الخسران والله هو ياسمين : قلت لك قلت لك في بقهر : والله خسررران الف واحد يتمنى مثل هالفرصه !! صباح جديد .. فتحت عيونها وشافته بجنبها أبتسمت بحب وهي مو مستوعبه .. وتخيلت أن سديم كل يوم تصحى وتشوفه كذا ! حست بغيره والله لا اخليك تطلقها يا تركي .. مستحيل اسمح لها تتهنى فيك هيه رغد شفيك !!! خليها تستاهل طول هالوقت قدامها ولا حبته ولا حبها هالحين لما تزوجني يبي يغلى عليها ؟ والله ما اخليها تتهنى فييه .. باست خده بخفه و اتجهت لدورات المياه ( اكرمكم الله ) و اخذت شور سريع وتجهزت قبل لا يصحى .. عند تركي الي كان صاحي أصلاً ما قدر ينام .. كان مليون شعور داخله ما بين فرح وندم .. ما يدري الي قاعد يصير صح ولا خطا .. في بيت سديم .. صحت من النوم و أفطرت مع أمها و أبوها .. ام مشعل : الا اقول سديم سديم : هلا ام مشعل : صديقتك الي جت بملكة شهد سديم ب إبتسامة : سمر ام مشعل : ايه سمر ، متزوجة ؟ سديم : لا ام مشعل : شرايك فيها ؟ سديم عقدت حواجبها : من اي ناحية ؟ ابو مشعل بضحكة : تدورين لمشعل ؟ سديم بفرحة : صدق ! ام مشعل : ايه سديم : ورغد قلبي وعمري شفيها ناقص ؟ ليش ما تساليني عنها ؟ ام مشعل : ما فيها قصور والله بس ما ادري ما احسها مناسبه لمشعل ابو مشعل : سمر هي الي اخوها فيصل الـ **** ؟ سديم : أيه ابو مشعل : والله ونعم بأخوها رجال على أني جلست مع ساعة بس واضح عليه معدنه طيّب و يوزن كلمته سديم : ايه والله ما عليهم حتى أمها تجنن كم مره رحت لبيتهم أدرس معها عائله محترمة ابو مشعل : فيصل هذا ايش وظيفته ؟ سديم : دكتور ابو مشعل : المهم يا ام مشعل لا تفتحين الموضوع مع احد لين تتأكدين من مشعل ام مشعل : ايه ايه ما عليك سديم من داخلها انبسطت وجلست تتخيل سمر زوجة أخوها ، اممم صح زعلت ان امي ما فكرت برغد ! بس عادي يعني حتى سمر حلوه و أخلاقها تجنن .. في بيت ام رغد .. لما تأكد أنها طلعت قام و اخذ شور و تذكر سديم كل صبح رغم ان فيه عاملات الا أنها ما تفضل أحد يجهز أغراضه غيرها كانت تجهز الروب والملابس كل صبح قبل لا تطلع للجامعة .. و بنفسه هيه شفيك من الأن بتبدأ مقارنات ؟ بتتعب ياتركي لأن واضح الفكر كبير بينهم !! عند رغد قالت للعاملة تجهز الفطور وراحت تجلس مع أمها شوي تطيب خاطرها لأنها تدري أنها زعلت أمس بالليل ! يتبع..... | ||||
|
| |
|
12-05-23, 11:27 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 14 عند تركي لبس ثوبه و شماغه وقرر يرجع لبيته .. وهو نازل شافها بالصاله .. رغد فزت و اتجهت له .. تركي : صباح الخير رغد : صباح النور ام رغد : اهلا صباح النور رغد : على وين ؟ تركي : لبيتي ! رغد بصدمة : تستهبل صح ؟ تركي : شفيك ! نسيتي اني متزوج ولا شسالفه رغد : لا ما نسيت بس افطر معاي عالإقل تركي : أفطري مع أمك ، مره ثانيه أنا يلاه مع السلامة رغد ضربت رجولها بقهر بالأرض !!! ام رغد بقهر : توك ما شفتي شيء بتنقهرين واجد يا رغد ، هذا الي يقبل بنص حياه زوجته بتشاركك بكل شيء .. شوفيه من صحى فز لها .. هذا هو ما يحبها رغد بقهر : يمه لا تزيدينها علي وصعدت فوق بقهر انسدحت على السرير وبكت بقهر .. ما توقعته يروح ويخليها شمت ريحته بسريرها و زاد بكاها .. سديم بتشاركك فيه يارغد !! من صحى علطول راح لها ... اه بس في بيت ابو مشعل .. تجهزت و أتجهت لبيتها لأن أرسل لها تركي ب أتغدى بالبيت .. ما شكت بشيء بس صوته كان كأنه متضايق على أنه لما يطلع مع اصدقاءه دايم يرجع مبسوط .. ! بس ما فكرت كثير و ركبت السيارة .. في بيت ابو ياسمين .. في : ترا هو الخسران ياسمين : انا والله كنت حاسه انه بيرفض بس انتي مره أملتيني !! توقعته بيوافق في : والله ما توقعته غبي لدرجة يرفض فرصه مثل كذا .. ياسمين تنهد : مو غبي ، لا والله رجالّ طلب أبوي جرح رجولته ، ازوجك بنتي و أعطيك حلالي .. !! غمضت عيونه وتذكرت شكله بالثوب والشماغ كان جماله فريد ، فيه ملح وجاذبيه عيونه وساع مره ولونها بني ، حواجبه كثيفه ونظراته حاده .. طويل مره وهذا الشيء يميزه مره .. ما أكذب تحلمت بأشياء كثيره و أنه زوجي و أن بنكمل حياتنا مع بعض على أنه ولا مره حسسني انه مهتم لأمري ! كان يعاملني بـ أحترام .. بس أنا كبرت الفكرة ببالي و أختي ما قصرت كانت تقول اكيد يبي يوافق ! بس زاد إعجابي فيه الأن أكثر .. ما فكر بـ أستغلال ولا مصلحة ! كان واضح وصريح مع أبوي .. في بيت فيصل .. حس ان هم أنزاح من صدره بعد ما كلم أبو ياسمين !! هو ما يبي يظلمها معاه لانه حرفيًا ما يفكر بالزواج الأن .. وبشفافية أكثر ما حب صورته قدام الناس وكأنه فعلاً مستغل وضع أبوها .. و يبي الحلال ! على أنه مستحيل يقبل ياخذ ريال واحد !! في بيت تركي .. على طاوله الغداء سديم : كيف الطلعة ؟ تركي : حلوه سديم : شفيك تركي متضايق؟ تركي بتوتر : لاه سديم : مو عادتك ، انت ما تكون بأفضل مزاج الا اذا رجعت من عند اصدقائك و أخوانك تركي : ما نمت زين سديم حطت يدها على يده : الأن خذ لك غفوه و العصر أصحيك .. سديم حطت يدها على يده : الأن خذ لك غفوه و العصر أصحيك تركي حس كله أطراف ترتعش من مسكتها وبتوتر : اوكي و وقف بسرعه .. سديم : نوم العوافي تركي : يعافيك وصعد وهو متوتر مررره .. قبل ساعات انت مع صديقتها والأن .. حس أنه مقهور من نفسه .. في بيت أبو حامد .. صحت وهي تحس بسعاده مو طبيعيه وهي تتخيل رده فعل سديم ارسلت لرغد تبي تشوف الأوضاع : " يسعد صباحك ياعروس " وكانت تنتظر رد رغد بفارغ من الصبر ! تبي تقول لها انها مبسوطه وانها مع تركي .. في بيت ام رغد .. قرت المسج وحذفته على السرير بقهر ! اي صباح وأخوك من فتح عيونه راح لها .. بس هيّن والله ما أخليه لك ياسديم .. بعد مرور أيام .. تركي كان يتجاهل رغد !! و يتجاهل سديم بعد ، يحس بضياع ولا يدري وين الصح ! أرسلت له رغد : " تجي تتعشى معنا " تركي : " لا يوم ثاني " رغد : " اذا ما تجيني انا اجيك " وأرسلت مسج لسديم و قفلت جوالها وصعدت لغرفتها تبدل ملابسها وهي تحس نار الغيره تحرق قلبها من الزواج ما اتصل ولا جا !! و يتجاهلني !!! و نايم بالعسل هناك ، وانا هنا محترقه من القهر والغيره .. !!! والله ما أخليه يتهنى .. في بيت تركي .. سديم بـ أبتسامة : خمن من يبي يجي تركي بتوتر : شهد ؟ سديم : لااه رغوده قلبي تركي حس قلبه ينبض بسرعه .. سديم : تصدق لها أيام فيها شيء .. احس عندها مشكلة بس مو راضيه تقول لي .. تركي : والله ما ادري عن سوالفكم لكن انا ب اطلع سديم : اوكي تركي صعد لغرفته وهو متوتر .. لمتى بتهرب منها ياتركي؟ خلاص هي زوجتك الأن ليش تتجاهلها .. ما أدري ما أدري .. في سيارة رغد .. أرسلت له " أدري أنك بتطلع وتترك المكان لي لكن بليز بـ أشوفك " قرأ المسج وهو على الدرج و تردد يطلع ؟ ولا ينتظر ؟ ينتظر بوجود سديم !!! لو شافتكم !! حس بضياع لكن بعد تفكير قرر يشوفها عند الباب و يطلع .. بعد دقايق .. شاف سيارتها وقفت ، اتجهه لها وركب ورا بجنبها تركي : تبين سديم تشوفنا ؟ رغد : اذا خايف على مشاعرها ، تعال عندي للبيت .. تركي : ما اقدر رغد : اكذب عليها قلها ب اسافر وتعال عندي ما بتشك لان اذكر على سوالفها سفراتك كثيره تركي : طيب بس مو الأن رغد : الا أبيك وقربت منه : تركي ليش ما تحس فيني؟ تركي : رغد ما تعرفين عن الفوضى الي داخلي رغد : اسمح لي ارتبها لك وقربت منه و لمست وجهه ب اطراف اصابها : خليني قريبه منك انا رضيت اتزوجك بالسر ! متخيل التنازل الي سويته ؟ بس عشان احظى بوقت معك ، وانت بكل سهوله تتجاهلني .. ???? تركي تنهد بعمق ونزل من السيارة وهو يحس بندم ! مو ندم على زواجه من رغد بالعكس هو فعلاً يحبها لكن ندم على قرار الزواج بالسر ! ندم أن قراره ظلم سديم فيه ، و ظلم نفسه ورغد ! ليش ما طلقتها وتزوجت قدام الكل ؟ ليش خايف من قرارك !! تحبها ولا لا ؟ عند رغد .. تنرفزت منه جداً جايه عشانه ويتجاهلني بكل برود ! هين ياتركي .. نزلت وهي مقهوره لكن تحاول تضبط أعصابها استقبلتها سديم بكل حب .. رغد : كيفك ؟ سديم : بشوفتك بخير حياك تفضلي رغد : اممم زوجك هنا سديم : لا طلع الأن رغد : اي كويس .. سديم بضحكة : تشيلين همه مره ما عليك حتى لو موجود يجلس بقسم الرجال رغد : لاه يعني فشله كل شوي جايتك بس شسوي فيك ما تجيني سديم : لالا عادي وجلسو يسولفون .. سديم كانت تسولف بمواضيع عامه ورغد دايم تحاول تجيب طاري تركي ! سديم لاحظت بس بينها وبين نفسها يتهيأ لك سديم .. يمكن لانك زعلانه من تركي ما ودك بطاريه .. سديم : تخيلي رهف مرسله لي حياك بالويكيند رغد فرحت من داخلها يمكن رهف تقدر تقول الي اخوها ما قدر يقوله : غريبه سديم : تكفين مصدومة أول مره تكلمني من ذيك الهوشة رغد : يمكن تحسفت على الي سوته سديم : والله انا ما أبي منها شيء بس تفكني من شرها .. مو ناقصه مشاكل مع تركي رغد بتمثيل للحزن : ليش شصاير بعد سديم تنهد : شاقولك يارغد ، احس بضياع رغد قربت منها : شفيك تكلمي ؟ قايل لك شيء سديم : لا بس هاليومين ابداً مو على بعضه فيه شيء ، بس معصب و يفكر رغد : من العمل أكيد سديم : طول عمره يشتغل وعادي بالعكس كان دايم يقول لي مشاكل الدوام و الجامعة نفصلها عن البيت رغد : ما قال لك شيء ؟ سديم : ما سألته رغد : ليش !! سديم : رغد والله مليت من تجاهله مليت يعني ما سويت خطا ليش يعاملني كذا ! رغد : ياقلبي انتي سديم : تدرين بديت اصدق ان فيه احد بحياته رغد بتوتر : ايش سديم : والله رغد ما لقيت تفسير منطقي لكل الي يصير ! اعامله بكل حب و احترام ، لو يبي قلبي عطيته ليش يسوي فيني كذا ؟ وين الخطا الي سويته ؟ تدرين سألت خالتي ! رغد : عن ؟ سديم : أنه اذا قبل لا يخطبني كان يبي أحد او يفكر باحد رغد : شقالت لك ؟ سديم : تقول لا و ابداً ما عمره قال شيء وانه يمدحني عندها دايم بس كلام والله كلام .. ما احد يشوف شخصية تركي الا أنا ! رغد بتوتر : لو بحياته أحد شبتسوين؟ رغد بتوتر : لو بحياته أحد شبتسوين؟ سديم تنهدت بعمق : ما أدري بس الأكيد أني ما أجبره فيني .. ننفصل و كلن يشوف حياته رغد : بهالسهوله ؟ سديم : شسوي ؟ أقوله لا حبني غصب ! كيفه المهم أنه يواجهني يصارحني ما يخليني كذا .. رغد : ما ادري بس .. سديم : تقولينه ما جربتي يارغد ، الله يرزقك بولد الحلال الي يسعدك ويعرف قيمتك رغد توترت مره وحست ضميرها للحظة يأنبها لكن نفضت الأفكار من بالها وكملت بخبث : ما جربت بس لو شكيت مجرد شك أنه يفكر بغيري ! ما جلست عنده دقيقه وحده !! سديم تنهدت : والله هالموضوع كسرني بس ما أدري .. في سياره تركي .. كان يمشي بدون وجهه كان يحس بتأنيب ضمير و لا هو قادر يسيطر على الوضع .. اخذته الأفكار وما حس بالوقت .. في بيت فيصل .. دخلت أسماء وبضحكة : أخوك ما يتعب وهو جميل ؟ سمر بضحكة : أسوم !! أسماء : صدق ماشاء الله كل مره يحلى ! سمر : وأنا كل مره أقول خن أخطبك له أسماء : ههههههه تخيلي عاد شكلًا حلو ، لكن بالله شسوي بشخصيته المعقده ؟ بس معصب ويصارخ سمر : حرام عليك والله فيصل حنون أسماء : ايه الله يرزقه ببنت الحلال الحنونه أنا أبعديني عنه .. سمر : أيه أنتي بالك مع حبيب القلب عثمان أسماء بتوتر : اص قصري صوتك سمر : أمي مو هنا أسماء : آه ياعثمان ما أدري متى يرجع .. سمر : اوله اوله شعندها أسماء تنهدت : لو أقولك شعوري ما تفهمينه عثمان غير ، حتى حبه غير سمر : الله يرجعه بالسلامة و يخطبك ونخلص من فقره الانهيار ذي أسماء : كلم أبوي قبل كم يوم ، يقول أنه بيرجع قريب سمر : زين الحمدلله .. أسماء : تتوقعين لسى يحبني؟ سمر : تستهبلين ! أكييد أسماء : أخاف والله سمر ، سنين مرت بدون تواصل حتى ، أخاف ان مشاعره تغيرت علي سمر : لالا لاتفكرين كذا .. أسماء تنهدت : أخاف والله سمر أن كل شيء تغير سمر : أقول لا تفكرين كذا !!! تخيلي أول ما يرجع يكلم أبوك وقتها ما تسوى عليك هالأفكار أسماء : يارب سمر : والأن قومي قدامي للمطبخ بتساعديني على العشاء أسماء : نعم ؟ أنا ضيفه سمر : أقول والله أنك صاحبة مكان ، خلاص صديقتي و بنت جيرانا من ٧ سنوات المفروض تدخلين قبلي بعد أسماء : يارب يجي عثمان و يأخذني من هنا سمر بضحكة : آمين في بيت أبو حامد .. كانو كلهم مجتمعين زوجات العيال و هيا و رهف .. سديم كانت هاديه كالعاده .. رهف تحاول تحتك وتسولف بس سديم مره مو مهتمه لها .. رهف : تشوفينها شلون تتجاهلني! هيا : خلاص رهف بيتها خرب و انتي لهالحين رهف : توها ما شافت شيء والله لا اخلي الكل يتشمت فيها هيا : رهف تكفين خلاص يكفي رهف : لو علي تكلمت الأن بس ب أنتظر شوي ب أصدم عيشتها بالخبر بالوقت المناسب ! هيا تنهدت : والله انا تعبت منك وقامت عنها لان بدت تحس بتأنيب ضمير ! لأنها متزوجة وزوجها يتجاهلها فكرت لو طلع متزوج علي ؟ شبسوي ؟ تخيلت شعور سديم ومن يومها تحس بتأنيب ضمير ! على أنها ما تدخلت بالموضوع ابداً تخطيط تركي ورهف !!! حتى بالملكة رفضت أروح بس رهف أصرت علي ورحت .. بالمجلس .. رهف كانت تفكر كيف تستفز سديم .. سديم كانت ساكته تسمع سواليف البنات .. رهف بينها وبين نفسها تدور موضوع يضغط سديم ولا يطلعها غلطانه قدام الناس و بخبث: الا أقول سديم سديم : هلا رهف : ما في شيء بالطريق سديم عقدت حواجبها : لا رهف : ليش ما تروحين للمستشفى سديم عدلت جلستها : ليش أروح ؟ رهف : كم لك متزوجة ولا حملتي يمكن فيك شيء سديم تحاول تضبط اعصابها : ما فيني الا العافيه موضوع الحمل مأجلته لبعد التخرج وترا مو أول مره تفتحين هالموضوع معاي ! ولا أول مره بتسمعين نفس الرد ! رهف : لا بس تعرفين افكر باخوي حبيبي ، تدرين ما هو صغير قلت اذا فيك شيء ولا ما تحملين نشوف حل سديم : انا أقول بدلك ما تفكرين بأخوك لأنه صغير توه ومتزوج وإن شاء الله بيجيه عيال فكري بنفسك رهف أنصدمت من ردها !!!!! وبصراخ : شقصدك تتشمتين فيني !!! سديم : لا أتشمت ولا شيء أقول الحقيقه الي المفروض تشغلي بالك رهف بصراخ : انتي وحده قليله أدب سديم : أوجعتك الكلمة؟ أنا أسفه بس هذي الحقيقه مشغلتنا بكل جلسة بالحمل و تتخلقين مشاكل مع زوجات أخوانك نصيحتك قبل و أنصحك هالحين ، فكري بنفسك وحياتك أزين لك قربت منها وبغضب : والله بتندمين ياسديم والله بتبكين قهر وندم سديم بسخرية : تهددين ليش؟ قلت الحقيقه فقط ؟ و اللتفت للبنات : شوفيهم كلهم مشغولين بحياتهم الكل لاهي بنفسه والي حوله الا أنتي من عرفتك منشغله بالناس !! عيشي لنفسك ، حبي نفسك رهف بصراخ : انتي تعلميني شسوي؟ انتي انتبهي لحياتك سديم : شفيها حياتي؟ رهف : خليك نايمه بالعسل ، والله بتبكين ندم يا سديم والله سديم ما إهتمت لها ضحكت بسخرية وقامت وهي تضبط أعصابها .. رهف بقهر : اذا فيك بلا ترا عادي نزوج تركي غيرك تجيب لنا الحفيد سديم أنصدمت من الكلمة !! سديم التفت بصدمة : إيش ! رهف بسخرية : الي سمعتيه قلبي ترا نقدر نزوج تركي غيرك ولا درينا عنك ولا هو درى عنك ام حامد بصراخ : رهفف أسكتي أحسن لك ! سديم تحس بقهر بس تمالكت أعصابها : إذا بتزوجينه وهو راضي كيفكم بس أذكرك أنها حياه تركي مو حياتك .. أنشغلي بنفسك شوفي وضعك !! قربت منها : راضيه ؟ شوفينا كلنا كيف عايشين ، واذا عبالك سالفه زواج تركي بتخليني أسكت خوفًا منك لا ياقلبي .. رهف بصراخ : تشوفييين ياسديم كلكم تذكرون كلامها هذا سديم : ما يحتاج أحد يذكرني أنا أذكره كويس .. وطلعت من الصاله وهي تحاول تضبط أعصابها .. أرسلت لتركي : " انا مستحيل أجلس بمكان أختك فيه ، ترجعني ولا أتصل على السواق" تركي توترت لما قرا الرساله : رهف؟ سديم : ومن غيرها تركي : شفيكم سديم : تركي انت تشكي لهم تبي عيال؟ تركي : لا والله سديم : طيب ب أرجع للبيت الأن تركي : أنتظرك وبقلبه يارب ما قالت لها شيء ! أختي ولسانها أعرفها !! رهف بقهر : والله لتندم الـ ***** هيا : خلاص تكفين يكفي مشاكل يكفي رهف : والله لتندم و قامت اتصلت على رغدد في بيت رغد كانت جالسه بالصاله مع أمها رغد عقدت حواجبها : عن اذنك ماما و ردت عليها رغد : هلا رهف بقهر : أهلين رغد : شفيك رهف : رغد اتصلي على تركي الان و اطلبي منه يجيك رغد : تستهبلين ! اخوك عساه يرد علي رهف : خليه يرد و اكذبي عليه باي شيء المهم يترك سديم اليوم و يجيك رغد : ليش شصاير ؟ رهف : رغد انتي سوي الي اقولك وعد قريب انا ب اقول الحقيقه للكل و اوقف معك رغد : صدق؟ رهف : رغد اتوقع عرفتيني كويس هالفترة .. رغد ابتسمت لان تدري لو الموضوع راجع لتركي بتجلس شهور : طيب بس عالإقل قولي لي ليش شصار فجاءه ؟ مو اليوم الزواره ببيتكم ؟ رهف : الا المهم اتصلي الأن وبعدين أقولك رغد : طيب وقفلت منها وهي تحس بقهر من سديم ! اما عند رغد فـ انبسطت مو حبًا لرهف بالعكس أكثر وحده تخاف منها لان جالسه تساعدني بس عشان تكسر سديم ! ما أهتمت للي يصير بعدين المهم سديم الي قهرتها ترد لها الموقف !!! عشان كذا تسايرها رغد لان تخاف تصير ضدها بيوم !!! ???? يتبع..... | ||||
|
| |
|
12-05-23, 11:35 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 15 في سيارة تركي .. كانت تحاول تكتم غضبها قد ما تقدر ما تبي تقول له طاري الزواج ! تركي : سديم ما عليك من كلامها سديم : تركي سؤال واحد تركي بتوتر : الي هو ؟ سديم : تشكي لأهلك ؟ مو عاجبتك حياتنا ؟ تبي أطفال الأن ؟ تركي : لالاا شهالسؤال ! سديم بقهر : عجزت القى مفسر لتصرفاتها ليش تبي تضغطني ليش ! تركي : مو بس عليك ، كلهم سديم : هم يعدون لها كيفهم ، أنا مستحيل تركي كان خايف تكبر المشاكل بينهم ورهف تقول له بهدف الأنتقام ! دق جواله و توتر لما شاف الأسم وقفل !! أرسلت له : احس بتعب فضيع اذا فاضي ممكن تجي ؟ قرا الرساله وتوتر أكثر !!! : سديم انا ب انزلك و ارجع سديم ببرود : طيب وبينها وبين نفسها بيهتم لك؟ ولا لزعلك هه بس ! في بيت ام رغد .. أرسلت له و صعدت لغرفتها تتجهز اختارت فستان قصير باللون الأسود وحطت ميكب خفيف يبرز ملامحها الجذابة .. وبداخلها ما تنكر انها خايفه من رده فعله لو عرف انها مو تعبانه ولا شيء .. بعد دقايق رن الجرس .. وفتحت الباب العاملة : وين رغد ؟ العاملة : فوق تركي اتجهه بخطوات مستعجله لان طول الطريق شفيها !! فتح باب الغرفه وشافها واقفه بكامل اناقتها تركي رفع حواجبه بصدمة : !!! رغد اتجهت له : انا اسفه لو ما قلت لك كذا ما جيتني تركي : تستهبلين؟ تدرين كم كنت امشي؟ تدرين كم فكرة سوداء جت ببالي؟ رغد بدلع : والله انت ما تدري شكثر انا مشتاقه وشكثر افكر فيك تركي بقهر : حركة سخيفه مثل كذا لا تسوينها مره ثانيه عشان ما نزعل رغد بغنج : طيب حبيبي آسفه و نزلت الشماغ : هالحين ممكن تهدي اعصابك وتروق ؟ تركي : ب أرجع لـ .. رغد بقهر : لااااا لا ما أسمح لك !! وقربت منه : انت ليش ما تحس فيني ؟ ليش ؟ تزوجتني عشان تكرهني فيك تركي : اكرهك ! رغد بزعل : والله تركي احيانًا احس اني ولاشيء بحياتك ، احس انك مستغني بكل ما فيك تحبني ؟ تبيني ؟ تحس اني شيء ثقيل بحياتك ؟ تركي قرب منها : والله احبك والله هالقلب ما فز الا لك ، والله حتى وانا مع سديم انتي ببالي بس ما ادري ، ما ادري احس بضياع رغد استغلت إندفاعه بالمشاعر ومسكت يده وبهدوء : تركي انا خسرت سديم عشانك ، انا وقفت ضد امي عشانك اعتقد اني استاهل لو شوية اهتمام منك تركي شد عليها : اوعدك بـ اكون قريب منك اوعدك ان هالوضع ما بيطول .. ضحكت بخفه وحطت راسها على صدره وهي مبسوطه جداً .. تركي حط يده ورا ظهرها وشد عليها وريحه عطرها تخللت خلايا مخه من رقتها وعذوبتها .. بعد مرور أيام .. مشعل تغيب عن الجامعة لظرف صحي .. توقع ان ما أحد بيفقده ! و أنصدم لما وصله بوكية ورد بكرت من هديل ! مشعل رغم التعب ضحك ، ما يدري أنبسط انها تهتم له؟ او ان غيابه ملحوظ عندها حس بمشاعر غريبه جداً .. عند هديل نزلت البوكية ورجعت لشقتها القريبه جداً ، كان متعوده تشوفه دائمًا مر كم يوم ولا شافته و أستغربت سألت عنه القروب الي يجلس معهم دايمًا وبلغوها أنه تعبان .. رجعت لشقتها وهي تفكر هل الورد يكفي؟ أو أسوي له عشاء ؟ لان هو عايش لحاله فـ اذا تعبان ما بيقدر يسوي اي شيء و أكيد أكله من المطاعم وبعد تردد كبير أقتنعت أن بتسوي له شفيك هديل الي سوها لك مشعل ما احد يسويه وقف معك و ساعدك و دفع مبلغ وقدره! من الذوق انك توقفين معه هالفتره .. في بيت تركي .. كان جالس ومتحمس بجوال وضحك بصوت مسموع .. سديم رفعت راسها كانت تذاكر وبنفسها : يكلم مين !!! من هالشخص الي له ساعه يضحك معه ! اخذت كتابها وقامت وهي مقهوره منه .. في بيت رغد .. تحسنت العلاقه بينهم و صار يكلمها مثل زمان و أكثر .. رغد : تركي ب اطلبك طلب .. تركي : انتي تامرين ما تطلبين ! رغد : امممم ممكن بكرا توصلني للجامعة تركي : انا ! رغد : ايه بلييز تركي : رغد تستهبلين وسديم ! رغد : بليز الله يخليك بناخذ قهوة و نتمشى شوي بكرا كلاسي يبدا ٩ ونص تركي بتوتر : وسديم معك؟ رغد : لا بكرا هي عندها من ٨ .. تركي بتفكير : طيب ، غالي والطلب رخيص رغد بضحكة : يخليلي وكملو سواليف و ضحك .. عند سديم حست بقهر أتصلت على رغد ما ترد ! أتصلت على سمر و جلست تسولف معها و طلبت منها تجي تتقهوى معها هي و أمها سديم اول شيء رفضت بعد اصرار سمر وافقت تروح .. ارسلت لتركي مسج قراه ورد : تمام سديم بقهر : يعني شمنتظره يقولك؟ اجلسي ب اتقهوى معك ! ما درى عنك اصلاً لبست و نزلت تحت وشافته على نفس الجلسة سديم : قلت للعاملة تجهز العشاء بدري تركي : طيب سديم تنهدت : مع السلامة تركي : الله يحفظك .. و أرسل لـ رغد أن سديم طلعت بتجيك ولا بتروح لصديقتها سمر .. رغد : اتصلت بس ما رديت ! أكيد راحت لسمر تركي : ما اعرف ما سالت قالت ب اروح لصديقتي قالت لها اوكي .. رغد : يعني انت لحالك؟ تركي : ايوه رغد تعرف انها لو قالت له تعال مستحيل يجي ! فـ فكرت بخبث و جراءه وقررت هي تروح له ! كملت مع السواليف بعدين استاذنت بحجة امها تبيها .. صعدت غرفتها ولبست بسرعة و تجهزت ونزلت .. ام رغد : على وين ؟ رغد : لسديم ماما ام رغد : ياحليلها هالسديم سلمي لي عليها رغد : يبلغ و اتجهت لسيارتها وهي مبسوطه مره .. ! في بيت فيصل .. سمر صعدت بدلت ملابسها لان القهوة جاهزة فيصل وهو ينزل فنجاله : يلاه انا استاذن قبل لا تنزل بنتك وتطردني ام فيصل : ههههههههه فيصل : تامرين على شيء ؟ ام فيصل : سلامتك ياوليدي .. اخذ جواله ومفاتيح سيارته و طلع .. في بيت تركي .. صعد لغرفته ياخذ شور و كان مفكر يطلع .. لبس الروب وكان بيطلع .. و سمع صوت أستغرب مين ! العاملات مستحيل يدخلون وسديم طلعت ! معقوله نست شيء ورجعت .. طلع وهو يعدل شعره بيده : سديم رغد دخلت وبدلع : هاي تركي وقف بمكانه من الصدمة !!!!!! وبعصبيه : رغد ! رغد قربت منه : يس رغد شفيك ما فرحت بجيتي ! تركي بعد يدينها : انتي مجنونه !!!! شلون تجين شلون رغد بدلع : مو قلت هي طلعت قلت فرصه اشوفك تركي بغضب : أرجعي للبيت الان !!! لو رجعت سديم؟ لو قالو لها العاملات ؟ انتي ما تفكرين !!!!! رغد : مره وحده بس افرح بشوفتي !!!! تركي : فرحان والله فرحان بس مو ببيتي ! مو بغرفتي !!!! تنهدت رغد وهي تناظر الغرفه : قريب تصير لي .. مثل ما انت صرت لي .. تركي تنهد : طيب انزلي تحت ب اللبس واجيك رغد بدلع باست خده : اوكي واتجهت للباب وهي تمشي بغنج و ريحة عطرها بالمكان كله .. تركي لبس بسرعه وهو بنفسه متوتر جداً !!! رغد مجنونه ولا تفكر الا بالي ببالها ! ما تهتم لاحد نزل لها وشافها جالسه .. تركي : زعلتي! رغد : اممم نو بس ما توقعت تعصب كذا تركي : افهميني تكفين ! لو رجعت الأن ! رغد : تو كلمتها تصور لي انها عند سمر تتقهوى بعدين ووقفت واتجهت له : جايه عند زوجي شفيها تركي تنهدت : اللبسي عباتك نطلع برا مستحيل نجلس دقيقه زياده هنا .. رغد : اوكي وبنبره جديه : قريب بنجلس كل العمر هنا .. تركي : ان شاء الله .. ولبست عباتها و طلعت لسياره تركي .. وطلع وراها وهو يناظر للشارع لا أحد يشوفه !! في بيت سمر .. ام فيصل : عاد المره الجايه انتو الي بتزوروني انا مستحيل اجي خلاص سمر : سديم والله انتي اخف منّا سديم : تكفين الي يسمعك يقول انتو عشره ترا انتي وخالتي ، ثانيًا انا أبيكم تجون ببيتي ام فيصل بضحكة : ان شاء الله عشان خاطرك سمر بغيره : عشان خاطرها ! ترا دايم لما تقولين لي و اعتذر امي تقول لاه خليها تجي سديم بضحكة : وه ياحظي أجل ، حياكم الله باي وقت .. والله حتى أمي ودها تعرفكم أكثر ام فيصل : والله نتشرف بمعرفتك وبمعرفة أمك فجاءه رن جوال ام فيصل .. سديم بضحكة : وه ياحظي أجل ، حياكم الله باي وقت .. والله حتى أمي ودها تعرفكم أكثر ام فيصل : والله نتشرف بمعرفتك وبمعرفة أمك فجاءه رن جوال ام فيصل .. ردت : الو أي نعم أنا أمه ، بصراخ : يمه وليدي سمر وقفت بخوف واتجهت لامها : يمه ام فيصل ودموعها نزلت تلقائيًا وبكت بصوت مسموع سديم اتجهت لهم : خاله ام فيصل تبكي بحرقه والجوال بيدها سمر جلست بالارض : يمه شفيه فيصل يمه سديم اخذت الجوال : الو الطرف الثاني : حالته مستقره بس نبلغكم و .... قاطعته سديم : اي مستشفى الموظف : مستشفى ****** سديم : يعطيك العافية وقفلت سمر ببكااا : يمه تكفين شقالو لك فيصل شفيه ام فيصل ببكا : ما ادري يقول حادث وبالمستشفى وببكا اكثر : اتصلي علي خالك سديم : سواقي موجود اللبسو عبايتكم و اتصلت على سواقها وقالت له يشغل السيارة و بقلبها : يارب استر على ان ما تربطها اي علاقه فيه ، بس خوف امه و أخته عليه و توتر الموقف حست بتوتر لاشعوريًا ما هي الا ثلاث دقايق واتجهو لسياره سديم .. ام فيصل : يارب تحفظه لي يارب لا توريني مكروه سمر ببكا : سديم شقال لك حالته خطيره ؟ سديم وهي تضمها : لالا والله قال حالته مستقره بس هم لازم يبلغون أهل اي مريض .. ان شاء الله ما فيه الا الخير ان شاء الله ام فيصل طول الطريق تدعي وتبكي .. :يارب لا تفجع قلبي يارب ما عندي غيره يارب .. سمر كانت تبكـي بحرقه .. سديم : سمر قلبي وعمري والله يقول حالته مستقره سمر ببكا : فقدت ابوي ما ابي افقد اخوي سديم بفزع : بعد عمر طويل يارب شهالكلام .. عند مشعل . . كان منسدح و يحس بتعب شديد بس جالس يقاوم و يقنع نفسه بيكون أفضل بدون مستشفى .. رن الجرس .. مشعل قام بصعوبه وهو يحس بدوخة و تمنى انه واحد من العيال بيطلبه يروح للمستشفى .. فتح الباب و انصدم لما شافها .. هديل : مساء الخير مشعل وهو يحاول يضبط نفسه : مساء النور هديل : كيف حالك؟ مشعل : الحمدلله اليوم أفضل .. هديل : الحمدلله وبخجل : سويت لك عشاء خفيف مشعل : ما قصرتي الله يعطيك العافية وحس بدوخة وغمض عيونه فجاءه .. مشعل : ما قصرتي الله يعطيك العافية وحس بدوخة وغمض عيونه فجاءه .. هديل : مشعل مشعل وهو يرجع ورا وجلس على اقرب كرسي هديل قربت بخوف ونزلت الاغراض الي معها .. هديل : نروح للمستشفى ؟ مشعل : لالا هديل قربت منه و بتردد حطت يدها على جبينه وكان حار جداً .. هديل : مشعل حرارتك مرتفه جداً !!!! لازم مستشفى مشعل : لالاه و ضغط يدينه على راسه .. هديل ما تدري شتسوي !!! نزلت شنطتها و اتجهت للمطبخ .. فتحت الفريزر و اخذت ثلج وفتحت الدروج تدور فوطه و بنفسها لازم اتصل على المستشفى لازم سوت له كمادات بارده و اتجهت له وشافته منسدح على الكنب .. نزلت الكمادات على الطاوله وراحت لغرفته و اخذت مخده وحطتها تحت راسه .. وحطت الكمادات و بداخلها مره خايفه عليه !! فتحت التكيف لان المكان حار مره .. مشعل : برد اتجهت لغرفته واخذت ( كمبل / بطانيه ) و غطته وهي ما تدري الي يصير صح ولا خطا ! مشعل ما يقرب لها !!! ولا تربطهم اي علاقه وهي عنده بشقته شفيك هديل !!!!! انتي جايه بتوصلين العشاء وساءات الأمور عادي !! كل شوي تغير الكمادات و بدت تنزل حرارته .. قاستها وبدت ترجع طبيعيها تنهدت بـارتياح ... هديل : مشعل لازم تروح للمستشفى .. مشعل وهو دايخ حرفيًا : لالا هديل : ما يصير حرارتك قبل شوي جداً عاليه وانت تعرف مو زين ابداً ترتفع الحراره مشعل : الان أفضل هديل : لو أرتفعت مشعل : ما عليك ، ما قصرتي تقدرين تروحين لبيتك الأن هديل تنهدت ما ودها تخليه ولا تقدر تجلس عنده ! هديل : طيب ممكن تقوم تاخذ شور ؟ بس اتطمن ان فعلاً الحراره نزلت و ب انزل للصيدلية مشعل قام بصعوبه : لالا ما يحتاج الادوية هنا امس كنت بالمستشفى وحس اختل توازنه فجاءه .. بس يدين هديل كانت أقرب له مشعل سند كتفه عليها وتنهد بتعب .. هديل : قلت لك لازم مستشفى .. مشعل وهو يبعد عنها لان يحس انها بتطيح من ثقله : لالا واتجهه لدورة المياه ( اكرمكم الله ) هديل خافت يطيح ولا يصير فيه شيء ! بس شتسوي ! جلست بالصاله تنتظره و دعي ان الله يحفظه ولا يصير فيه شيء ! في المستشفى .. اتجهو لغرفته وهم خايفين .. سديم كانت واقفه عند الاستقبال .. سديم : كيف حالته ؟ الموظفه : الأن أفضل سوينا له أشعه عشان نتطمن ، لكن مبدئيًا ان شاء الله بخير جروح بسيطه و اشتباه بكسر باليد .. بس فعلاً الحادث كان شنيع سديم : الي صدمهم كيف وضعهم ؟ الموظفه : اكثر من سيارتين كلهم حالاتهم جداً خطيره ، فيصل نجى بـاعجوبه على انه طاح من السياره سديم تنهدت : الله يلطف بالجميع يارب فيه وفيات؟ الموظفه : للإسف فيه .. سديم : يالله .. الموظفه : الطوارى أنشغلو مره جونا اصابات ٦ أشخاص و ٢ وفيات سديم : لا حول ولا قوه الا بالله .. الموظفه : الله يرحم من توفى و يشفي من أصاب وما هي الا دقايق و جو أهل المصابين و كان فيه ناس تبكي وناس منهاره .. سديم جلست بالأنتظار وهي تدعي ان الله يلطف بالجميع .. بغرفه فيصل .. ام فيصل : الحمدلله على سلامتك يا يمه الحمدلله .. سمر : خوفتنا عليك فيصل : الله يسلمكم الحمدلله ما فيني الا العافية وتكرر مشهد الحادث بذاكرته .. و غمض عيونه ام فيصل بخوف : يمه فيصل تحس بألم !! فيصل : لالا يمه سمر : فيصل تألمك يدك ؟ فيصل حاول يرفعها بس حس بألم و نزلها بسرعه .. ام فيصل : بسم الله على قلبك و روحك .. سمر باست يده : ما تشوف يابعد قلبي وكلي ام فيصل : يمه سمر قولي لسديم تروح ما قصرت خالك جاي بالطريق فيصل رغم التعب : سديم هنا ؟ ام فيصل : ايه هي الي وصلتنا سمر : طيب يمه وراحت دورتها وشافتها جالسه بالانتظار .. سديم : بشريني ؟ سمر : الحمدلله بخير شكراً سديم ما قصرتي الله لا يوريك مكروه بغالي سديم : شدعوا .. سمر مسكت يدها : والله انك اخت وصديقه وكل شيء سديم ضمتها : ياقلبي انتي .. سمر : تأخرتي على بيتك اسفين اشغلناك سديم : لالا عادي ب ارجع للبيت و باقول للسواق يرجع لكم ينتظركم سمر : لا ياعيني وقلبي خالي جاي بالطريق سديم : صدق ؟ سمر : والله ياعيني شكراً مره سديم ب اتحمد لفيصل بالسلامة واشوف خالتي سمر : ايه ايه تفضلي حياك يتبع.... | ||||
|
| |
|
12-05-23, 11:40 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 16 واتجهو لغرفته .. سديم طقت الباب .. : السلام عليكم ام فيصل : هلا هلا فيصل بهمس : وعليكم السلام .. انصدم ما توقع تجي !!! سديم : الحمدلله على السلامة فيصل فيصل بصوت تعبان : الله يسلمك سديم قربت من ام فيصل : هديتي ياخاله ام فيصل : والله بعد ما شفته قدامي بخير سديم : الحمدلله ، والله ما هان علي اطلع قبل لا اشوفك و اتطمن انك صرتي افضل ام فيصل : ياعمري الله لا يوريك مكروه بغالي و يحفظك يارب العالمين سديم : اجمعين يارب ، وامانه خاله اذا احتجتو اي شيء كلموني .. ام فيصل : خيرك سابقك ولا قصرتي يا بنيتي سديم : استاذنكم مع السلامة .. وطلعت واخر نظرة رفعت راسها وشافت فيصل كان وجهه كدمات و جروح .. بس ان حالته مستقره ولا فيه شيء خطير .. حست قلبها أنقبض ونفضت الأفكار من رأسها و رجعت لبيتها .. ومشهد صراخ وخوف أم فيصل ، و أهالي المصابين بالمستشفى ما طلع من بالها . في سياره تركي .. بعد ما تعشو كملو تمشي بشوارع الرياض .. رغد كانت جداً مبسوطه .. تحس انها تعيش حلم .. تركي : الوقت تأخر ، لازم الطالبه تنام عشان بكرا من ٧ تكون جاهزه .. رغد بفرح لانه ما نسى وعده : أوكي حبيبي تركي : او ٧:٣٠ كيفك رغد : لالا ٧ عشان أصبح بوجهك كويس تركي ضحك بخفه رغد مسكت يده : انا اكثر وحده محظوظه بالدنيا كلها .. تركي اللتفت لها : والله انا المحظوظ .. وصلها لبيتها واتجهه لبيته وهو يحس انه مبسوط جداً .. في بيت تركي .. اخذت شور و انسدحت بتعب وهي تتذكر احداث اليوم اتصلت على رغد ودها تتكلم .. بس للإسف رغد مو فاضيه لها ! رغد مع زوجها .. قفلت جوالها و حاولت تنام لان بكرا عندها دوام بدري .. بشقه مشعل .. حطت له العشاء بالصاله + الأدوية وكوب مويا و حطت خداديات على الكنب وعدلت له الجلسه و كتبت له ( اتمنى تروح للمستشفى ) واتجهت لشقتها كان ودها تجلس تتطمن ! بس بصفتها إيش ! مهما كان رجال غريب عليها ... مشعل طلع بعد شور بارد صحصح فيه توقع يحصلها موجوده لما شاف الورقه بينه وبين نفسه ( اكيد بتروح الوقت تأخر وباي صفة اصلاً تجلس تنتظرك ) وهالشيء زاد أعجابه فيها ، وزاد إصراره أنها بتكون زوجته وحلاله ! في بيت تركي .. دخل الغرفه بهدوء و شافها نايمه بدل ملابسه و نزل تحت لان عنده شغل ولا فيه نوم .. هي حست فيه من دخل بس ما لها خلق تتكلم معه .. فـ لما طلع تنهدت لو علاقتي كويسه معه تكلمت معه فضفضت له بس .. بالمستشفى .. بعد رفض فيصل ان أحد يرافق معاه .. طلعو أهله وكان باله مشغول مشهد الحادث يتكرر و الصراخ و الناس ، لان كان بوعييه وقت الحادث ???? صحت سديم ولا حصلت تركي أستغربت مو بالعادة يصحى بدري ! ما فكرت كثير لأن الوقت متأخر أخذت شور و لبست بسرعة و أخذت شنطتها ونزلت بعجله .. في نفس الوقت .. ! كانت رغد طالعه من بيتها ومتجهه لسيارة تركي و هي مبسوطة .. رغد : صباح الخير تركي : صباح النور اهلاً رغد تنهدت بضحكة ملحوظة .. تركي كان مبسوط .. في المستشفى .. ام فيصل : متى يطلع ؟ د.فارس : والله ياخاله ودنا نتطمن أكثر ام فيصل : ولدي واعرفه ما يرتاح بجلسة المستشفى د.فارس : إن شاء الله بس يجي دكتوره المسوؤل و أتطمن على الوضع و أبلغك ام فيصل : ما قصرت ياوليدي د.فارس : ولو فيصل أخ وعزيز وغالي سمر فتحت الباب وبعجلة : يمه شفتي ... و سكتت بصدمة لما شافت الدكتور لأن الوقت بدري مره فما توقعت فيه أحد غير أمها و بخجل : عذراً و طلعت وهي مستحيه وقفت تنتظره عند الباب د.فارس ب احراج : عن اذنك ياخاله واتجهه للباب لما فتحه شافها واقفه قريب ومعها جوالها كمل طريقه للعيادات الخارجية سمر الي شافته من طلع اتجهت لغرفة فيصل ودخلت : ما كنت احسب فيه احد ام فيصل : لا عادي يا بنيتي ما قلتي شيء بس لو تتركين العجله امورك بخير سمر بضحكة : كنت ب اقولك ان خالي جاي ام فيصل : زين في سيارة تركي .. بعد ما أخذ لها قهوة وتمشو بشوارع الرياض اتجهه للكلية .. تركي : الطريق صح؟ رغد بغيره : يعني ما قد جيتها تركي : لا رغد : والصدق؟ تركي : هههههه شفيك اكذب عليك يعني؟ سديم يا تجي مع السواق يا هي تسوق ولا مره جيتها رغد : ياحظي أجل تركي تنهد وهو يفكر بجدية بالأمر بينه وبين نفسه يعني لمتى ؟ كيف تصرح هالأمر لسديم و لأهلك؟ المشكلة الأولى أنها صديقتها .. صديقتها ياتركي سديم ما تستاهل كل هذا رغد حست انه يفكر بندم لأن حتى ملامح ضحكته أختفت حطت يدها على يده : كل شيء بيكون تمام .. تركي : ان شاء الله .. في الجامعة .. سديم خلصت الكلاس الأولى والي كان ساعة فـ قررت تطلع لأن عندها بريك ساعتين لبست نظاراتها وطلعت بخطوات واثقه .. بنفس المكان على بعد أمتار كانت سيارة تركي موجوده ورغد تو تنزل منها .. رغد كانت مبسوطه جداً وتحس برضا لأن تركي بدأ يهتم لها .. وهي بتدخل شافت سديم .. رغد بصدمة وتوتر : سديم سديم اللتفت : اهلاااااً و سلمت عليها : شخبارك؟ رغد بتوتر تناظر ورا بتتأكد أن تركي مشى : تمام الحمدلله .. سديم : وينك عسى ما شر مختفيه رغد بتوتر : ما شر بس مشغوله شوي مع امي سديم : ياعمري خالتي رغد : انتي شلونك ؟ سديم : الحمدلله ، عندي بريك ساعتين بـ أروح أفطر و أرجع تجين معاي؟ رغد : لا والله ياعيني كلاسي بيبدأ الأن سديم : أوكي بالتوفيق أشوفك وقت ثاني رغد : ان شاء الله قلبي بعد مرور أسبوع على الأحداث الأخيره .. في بيت فيصل .. سمر : شلونك اليوم فيصل رفع يده وبقلة حيلة : الحمدلله جالسين سمر : ان شاء الله فتره وبتتحسن وبترجع لشغلك و حياتك فيصل : ان شاء الله .. ام فيصل : يمه فيصل تنتظر أحد ؟ فيصل : لا ام فيصل : الجرس يرن سمر : خليك أنا أشوف مين فيصل : لالا أنا أروح أكيد أحد من العيال و اتجهه للباب وفتحه و كان فعلاً صديقه د.فارس : السلام عليكم فيصل : هلا والله وعليكم السلام وسلم عليه فارس: الحمدلله على السلامة فيصل : الله يسلمك فارس : شلونك الأن فيصل : الحمدلله بخير حياك تفضل فيصل بصوت عالي : طرريق حياك حياك والله شرفتني فارس : الله يبقيك و دخلو المجلس .. فارس: كنت ناوي اجيك بس لما سالت قالو طلع من ثاني يوم فيصل بضحكة : ايييي طلعت على مسوؤليتي وتنهد : تعرفني والله ما استحمل جلسة المستشفى ولحالي .. عالإقل هنا أمي و أختي عندي أحد يسولف علي فارس: اي والله ، الله يخليهم لك يارب فيصل : آمين الله يجزاك خير .. انت شلونك طمني عنك؟ من نقلت من قسمنا ما عد نسمع أخبارك فارس : والله على خبرك ما في شيء جديد فيصل : محمد عندك ؟ فارس تنهد : لا ، أنا وديته لها فيصل : والله انا قلت لك الولد بهالعمر زين انه عند امه فارس تنهد : خلها على الله وانا اخوك .. أمه ما تبيه فيصل : لاحول ولا قوه الا بالله فارس : والله لو ظروفي تسمح ما وديته عندها دقيقه وحده بس شوفت عينك من وفاة أمي ما عندي أحد خواتي كلن لاهيه مع عيالها و لا ودي أثقل عليهم فيصل : الله يرحمها ويغفرلها ويصلح الحال فارس : والله ودي أنه عندي بس الظروف كثار .. فيصل : لالا اصابع يدك مو سوى هذا اول شيء ، ثانيًا ترا انت موجود و تجيب لها مربيه تساعدها هي بس تنتبه له وما تدري عن الايام يمكن تحبه وتغليه كانها أمه فارس : والله انت مثل أخوي ولا أخبي عنك ما ودي أظلم بنت الناس معاي انا نص يومي يروح بالشغل فيصل : لالالا ما هو عذر يافارس ! شلون بتقضي عمرك كذا ؟ الشغل ما هو عائق الكل يشتغل وعنده بيت وعيال فارس بضحكة : وين خالتي تسمع كلامك ؟ فيصل : أنا وضعي غيري ! فارس : لا ياشيخ فيصل : أنا والله عشان أختي .. فارس بتهور بلحظة ما حسب حسابه : تزوجني يافيصل ؟ فيصل عدل جلسته بجدية : والله والنعم فيك .. فارس : مو تقول لي تزوج ؟ أنا أطلب أختك على سنة الله ورسوله .. فيصل توتر مره ولا توقع : فارس ترا مثل هالأمور ما تجي بعجلة وترا ما هو قصدي أن أختي مثقله لا والله فارس : ولا أنا قاصد أن أختك كذا .. أدري ان ما قصدك كذا ، لكن مو تقول لي تزوج ؟ انا الأن أقول تزوجني أختك .. فيصل : والله لو الراي لي ، زوجتك ولا ترددت لكن لازم أشاورها فارس : حقها ، ومهما كان ردها ف انت أخ وعزيز وغالي .. و اذا الله كتب نصيب فما زاد الا الغلاا .. فيصل بتوتر : الله يقدم الي فيه الخير فارس : امين يارب وبداخله مصدوم ! كيف تجراء يخطبها بهالشكل؟ وهو اصلاً ما فكر بهالشيء الا من دقايق معدودة ! ولا يعرف البنت ولا شي ! بس ما يعرف قرار اللحظة وقاله .. عند فيصل كمل جلسته بنفس خفيفه و حلوه .. وهو يعرف فارس من ايام الكلية .. تزوج و أنفصل بعد شهرين وكان شاهد على صبره وحالته النفسيه .. حتى ولده الصغير الي متعلق فيه .. بعد ولاده ولده بسنة توفت أمه والولد كان عنده .. فتغيرت احواله .. ويشهد له بالطيب والكرم .. بس ما له نصيب بالزواج ! في جامعة مشعل .. شافها جالسه لحالها و جاها ولد وواضح عليه سعودي أو خليجي .. سولف معها شوي بعدين جلس .. مشعل حس بغيره على انهم جالسين بنص الجامعة وبعيد عنها لكن كان يسولف معها بحماس ملحوظ وهديل مركزه ! مشعل بداخله : اروح ولا ؟ تروح بصفتك ميييين !! تنهد وهو يحاول يضبط أعصابه .. انا لازم أكلمها لازم أخذ رايها عايش بوهم بيني وبين نفسي .. يمكن أطلع ولاشيء بحياتها !! بالكليه .. رغد أرسلت لتركي أنها شافت سديم عند الباب ! تركي توتر جداً .. رغد : لمتى بنعيش متخبين عن الناس ! تركي : أنتي أخذتيني وانتي عارفه ! لو شايفتنا سديم اليوم عند الكليه ! شبتسوي رغد : ترا جايه مع زوجي ! تركي : الي هو زوجها !!! رغد : يا ليت تشوف حل لأن الوضع بدأ يمللني أبي الكل يعرف أنك زوجي وحبيبي تركي : رغد مو وقته الأن ! ???? في الليل .. في بيت فيصل .. ام فيصل مصدومة : شقلت له ؟ فيصل : قلت الراي الأول والأخير لسمر ام فيصل تنهدت : والله ما أدري ياوليدي ! فيصل : يمه والله من خيّر الرجال الي عرفتهم بالدنيا ام فيصل : بس مطلق وعنده ولد ! فيصل : طيب يمه يعني الولد عائق؟ ام فيصل : لا والله ياوليدي لو راجع الموضوع لي بالعكس ما دامه رجال والنعم فيه عادي بالعكس تكسب فيه اجر هالصغير الي أمه ما تبيه .. فيصل : الموضوع عندك انتي كلمي سمر أنا اخاف أكلمها و تتوتر ام فيصل : زين ياوليدي بس بيتها لحالها ؟ وما عنده مشكلة لو تخرجت وتوظفت مو يقول بعدين ولدي؟ فيصل : انا اكفل لك فارس بهالموضوع وبيتها لحالها ويدري انها تدرس .. ام فيصل : خلاص ب اكلمها بكرا ان شاء الله .. رن تيلفون البيت .. ام فيصل : شوف مين يمه انا ب اروح اشوف طبختي لا تحترق فيصل : طيب اتجهه ورفع السماعة وبصوته الجهوري : أهلاً سديم : أهلين فيصل ما عرف مين : تفضلي سديم عرفته اصلاً ما في غيره بالبيت : زاد فضلك ، والحمدلله على سلامتك هنا عرفها كويس و بتوتر : الله يسلمك سديم : ان شاء الله انك صرت افضل؟ فيصل : ايه الحمدلله سديم : ممكن سمر اتصلت على جوالها ولا ردت فيصل : سمر بغرفتها لكن الأن أقولها تتصل عليك سديم : ايه الله يعافيك فيصل بعفوية : تأمرين سديم بخجل : ما يأمر عليك عدو مع السلامة وقفلت .. سديم اول المكالمة كانت طبيعية .. لأن هذا أسلوبها ما تشخص الموضيع لكن لما قال تأمرين توترت ما تنكر لكن بسرعه أنقطع حبل أفكرها وهي تشوف سمر تتصل .. في بيت ام رغد .. قفلت من أختها وهي مصدومة مو مستوعبة اتجهت لغرفه رغد وهي معصبه جداً !! فتحت باب الغرفه من غير ما تطقه ام رغد : رغد صحيح الكلام الي سمعته رغد خافت من شكل امها : اي كلام يمه ! في بيت ام رغد .. قفلت من أختها وهي مصدومة مو مستوعبة اتجهت لغرفه رغد وهي معصبه جداً !! فتحت باب الغرفه من غير ما تطقه ام رغد : رغد صحيح الكلام الي سمعته رغد خافت من شكل امها : اي كلام يمه ! ام رغد : زوجة تركي الأولى ميييين !!!! وقربت منها : لا تكذبين وقولي الصدق رغد بتوتر : يمه مين ما كانت تكون ام رغد بصراخ هز اركان البيت : حتى لو صديقتك يارغد !!!! حتى لو هي سديم !!!! رغد نزلت راسها بخوف من صراخ امها .. ام رغد دفتها بكل قوه : اكلمك ردي علي !!! انتي مستحيل تكونين بنتي الي ربيتها احسن تربيه !!!! كذا تسوين بصديقتك !!! بسديم الي وقفت معك وقفات حتى بنات خالاتك ما وقفو معاك !!! انتي ما تستحين ؟؟؟ ما خفتي من ربك وانتي تسوين كذااا !!!! رغد بقهر : يمه كنتي موافقه ما سويت شيء من وراك !!! ام رغد بصراخ : تخسيييين !!!!! انا والله لو ادري انها سديم !!! والله ما وافقت والله ما سمحت لك جيتيني مألفه قصه وانه ما يحب زوجته وانه وانه و هو جايني بكل وساعه وجهه يشكي منها بس تصدقين انتي و بصراخ : انتي و شخصيتك ذي ما يستاهلك الا واحد خيان مثلك رغد ببكاا : يمه حرام عليك ام رغد : انا مو مصدقه مو مصدقه سديم يارغد ! الي دخلتك بيتها وعرفتك على اهلها !! الي وقفت معك !!! الي كانت لك سند و ظهر تسوين فيها كذا !! قلبك شلون هان عليه !!! و بصراخ : ومع كل ذا تروحين لبيتها بكل وقاحة !!!! انا مو مصدقه انك بنتي مو مصدقه ان ذي حقيقتك وانا المخدوعه فيك رغد ببكا : يمه تكفين يكفي يكفي ام رغد : الان تتصلين على زوجك يجي ياخدك رغد بصدمة : وين ياخذني !!! ام رغد : لاي مكاااااان ما تجلسين عندي دقيقه وحده بالبيت رغد : يمه شتقولين؟ ام رغد : مو ذا الي خنتي صديقتك واختك عشانه ؟ يلا انا اقول لك اذلفي معاه لاي مكان رغد : يمه ام رغد : ولا كلمة !!!! الأن أتصلي عليييه الأن رغد : يمه تكفين خلينا نجلس نتفاهم !!! ام رغد بصراخ : بتدقين ولا ادق !!! رغد : يمه حرام عليك ام رغد : معك ربع ساعة يا يجي يأخذك من هنا يا يجيب ورقه طلاقك سالفه تبقين على ذمته وجارتك سديم وتجلسين ببيتي مستحيل !!! رغد : طلاقي !!!! يمه تبيني اتطلق ام رغد : والله طلاقك اهون علي من انك سارقه زوج صديقتك رغد : ما سرقته ما سرقته ام رغد بصراخ : اتصلي !!! يتبع... | ||||
|
| |
|
12-05-23, 11:48 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 17 في بيت تركي .. كان يبي ينام و اتصلت عليه رغد .. ناظر للباب مفتوح بس هدوء اكيد سديم تحت .. رد و انصدم من صوت بكاها .. تركي : شفيك؟ رغد : تعال لبيتنا تركي : رغد فيك شيء ؟ رغد : تعال وبتعرف وقفلت الخط وهي منهاره بكي من كلام أمها .. ام رغد قالت للعاملات يجهزون شناط ملابسها رغد وهي تشوفهم يفتحون الشنط بصراخ : اتركو اغراضي على دخله ام رغد : ليش مو واثقه فيه؟ تخافين انه يطلقك؟ لا ما عليك الي خلاه يتزوج صديقه زوجته بيخليه ياخذك واذا تبيني اطلبي الطلاق واجلسي معززه مكرمة ببيت ابوك .. رغد : يمه شتسوين فيني يمه ام رغد : كلامي واضح و قالت للعاملات يكملون شغلهم .. ما هي الا عشر دقايق ووصل تركي البيت .. رن الجرس وفتحت له العامله وبلغته ينتظرونه فوق هنا بدا يتسلسل الخوف لقلبه !! صعد فوق وسمع صراخ رغد و أمها .. تركي : شصاير ياجماعة اصواتكم بالشارع ام رغد : هلا واخيراً شرف النسيب الغالي تركي : اهلين رغد : يمه تكفين فكري مره ثانيه تركي وهو يشوف الشنط والعاملات تجهز .. ام رغد : يوم جيتني وجلست قدامي وشكيت لي من زوجتك ليش ما قلت لي انها سديم؟ تركي توتر مره .. ام رغد بصراخ : لانك تدري ان الي يصير خطا خلصو البنات تاخذ صديقه زوجتك ؟ ما تستحون انتو ؟ تخونونها وانتو تناظرون لعينها !!! انا لو ما اعرف سديم قلت مطلعه عينه و مكرهته عيشته !!!!! انت الأن خسرت أفضل زوجة وانت مو حاسه رغد بصراخ : يكفي يمه يكفي ام رغد : انتي ولا كلمة !!! ام رغد : الان تاخذها وتذلفون من بيتي .. انا الي تخون وتسوي بصديقتها كذا مو بنتي ، مو بنتي الي ربيتها وتعبت عليها و انت وقربت منه : الرجال الي ما يقدر يواجهه حتى زوجته ويخونها مع صديقتها ما اتشرف فيه ولا بنسبه تركي مصدوم جداً .. ام رغد : قدامكم نص ساعة يا تطلقها الأن يا تأخذها من بيتي ولا تشوفكم عيني !! تركي : استهدي بالله ياخاله ، رغد بنتك !!! ام رغد : لا مو بنتي ، الي تخون اختها في بيتها مع زوجها مو بنتي .. و بصراخ : شقصرت فيه معك ؟ الف واحد يتمناك !! عمري ما غصبتك على شيء كل طلباتك أوامر ليش تفشليني كذا ؟ ليش تقصين وجهي قدام الـ ***** ( عائلة سديم ) الناس الي أكلنا من خيرهم ودخلونا بيتهم و من توفى أبوك ، أبو مشعل ما قصر معنا بشيء وقف لنا وقفه عمامك ما وقفوها معنا !!! عمره ما اخذ ريال واحد مني ودايم يقول حلالكم حلالي !!! دخلنا السوق من أوسع أبوابه بدون منه انتي ليش ما تستحين ! ليش ما تفكرين بس وبسخرية : انا ربيتك كذا ، انا دلعتك و دللتك لدرجة اي شيء تبينه يصير .. بدون سؤال بدون أعتراض ???? بسخرية : انا ربيتك كذا ، انا دلعتك ودللتك لدرجه اي شيء تبينه يصير بدون سؤال ، بدون أعتراض !!! تسوين الشيء ولا تحسبين حسابه !! ما تفكرين الا الي بالك يصير العواقب ايش ! ما تهمك وبصراخ : قلتي ابي اتزوج هذا خلاص الا يصير !! ما فكرتي فيني ولا بصديقتك ولا باهلها ولا باحد ! فكرتي بأنانيه !! فكرتي بسعادتك وبس رغد : تكفين يمه خلاص !!! ام رغد : شلون شلون اواجهه سديم شلون!! شلون ابرر موقفي وانا الي زوجتك برضاي!!! تركي : يكفي يا ام رغد ، قرارنا حنا نتحمل عواقبه ام رغد : انت خذها الأن و أذلفو عن بيتي ! وطلعت برا .. تركي جلس على طرف السرير ونزل راسه .. رغد اتجهت له : بتتخلى عني !!!! تركي بجدية : لا يابنت الحلال بس ما ادري ما ادري رغد ضمته وبكت بحرقه و أنكسار كلام امها جرحها مره .. تركي سحب نفسه : امك واضح انها جاده مره ف اللبسي عباتك نشوف لنا حل بهالليل رغد مسحت دموعها بعشوائيه وهي منهاره تمامًا ..!!! تركي جلس يفكر شيسوي؟ وين ياخذها الوقت متأخر قرر يأخذ لها جناح بفندق هالليله وبكرا يرتب الأوضاع .. في بيت فيصل .. كانت بغرفه تفكر وهي خجلانه مره .. بعد ما كلمتها أمها عن الموضوع حست بصدمة ومو مستعده إبداً ، أنا أتزوج ومن مين ! من شخص ما أعرف عنه أي شيء ! ولا عنده ولد بعد ، حس أنها مره ضايعة ودها لو كان عندها أخت تسولف معها تفضفض لها .. تنهدت وهي تحاول تتجاهل الموضوع حاليًا .. في بيت فارس .. أنسدح يبي ينام بعد اليوم المرهق جداً .. اتصل جواله .. ما له خلق يرد فيه نوم .. تكرر الأتصال و سحب الجوال وشاف رقم أم طليقته .. فارس : الوو أم صالح : اهلين يا ابو محمد فارس : هلابك، عسى ما فيكم خلاف؟ أم صالح بتوتر : لا تخاف محمد بخير بس طاح وهو يلعب وحنا بالمستشفى .. فارس فز بخوف : اي مستشفى ؟ و شقالو لكم؟ ام صالح : بمستشفى ***** و ما فيه شيء ترا الحمدلله بس قلت أبلغك ما هو لازم تجي فارس : انا جاي مع السلامة وقفل وبدل ملابسه بسرعه واتجهه لسيارته وهو خايف على ولده .. بسيارة تركي .. كانت تبكي بصوت مسموع تركي تنهد : خلاص يارغد خلاص رغد زاد بكاها .. تركي : لاحول ولا قوه الا بالله .. رن جواله .. وكان المتصل سديم !!! حطه سايلنت وبنفسه يفكر هذا وسديم و أهلي ما عرفو ! شبيصير علينا .. وصلو فندق ********* تركي : ب أروح أشوف الوضع اذا اتصلت عليك انزلي رغد هزت راسها بموافقه وهي تبكي .. في بيت ام رغد .. جلست بغرفتها وهي مقهوره على بنتها و خايفه عليها تنهدت شفيك مع زوجها ما راح يأذيها وتنهدت بمراره : ليش يمه ليش تسوين كذا ! رفضتي الي ازين منه !!! ليش هو بالذات ليش !!! وزوج مين ! سديم سديم يارغد الي كانت لك اخت آاه لو عرفت سديم و أهلها شسوي؟ وين أودي وجهي !!! أنا لازم أقول لهم ! لازم أقول ان هالشيء ما يرضني ولازم يتعدل !! الناس الي فتحو بيتهم لنا ولا قصرو معنا بشي كانو أهل وجيران وكل شيء .. تنهدت وهي تناظر لصورة رغد : ليش يمه ليش وبكت بحرقه .. رغد بنتها و قطعه من قلبها بس لازم تقسى عليها لان ما وصل رغد لهالمرحلة الا دلالي الزايد ! عند تركي .. حجز جناح و اتجهه للسيارة وفتح الباب : يلاه رغد نزلت هي منهاره تمامًا من البكاء .. اتجهو لغرفتهم تركي : خلاص يارغد كل شيء بيتعدل رغد بشهقات : امي تطردني امي تركي : حنا اخطينا لما خبينا عليها وتنهد : اليوم وصل عند امك بكرا سديم و شد علي يدها : مو كنتي تقولين لي ب اوقف معاك؟ أستجمعي نفسك حنا باول المشوار تونا ، سديم ، أهلها ، أهلي و بسخرية : حتى صديقاتك الي يعرفون سديم بيعارضون رغد بكت بحرقه وكانها بدت تصحى للواقع ! ليش عبالك الحياه ورديه لكم؟ كنتي تعرفين بيجي هاليوم ؟ بكت بحرقة بكت بـ أنكسار وكلام أمها يتردد ب أذنها .. في المستشفى .. شافهم بالأنتظار فارس : وينه ؟ طليقته " سهام " ببرود : داخل فارس : شصاير هالمره؟ سهام : كان يلعب عندي و طاح كوب القهوة على رجله فارس قرب منها وبغضب : وانتي وينك عنه؟ سهام : ترا طفل عادي يعني يطيح ويكسر فارس بقهر : اكيد عادي دام انتي امه سهام : ما اسمح لك !!! انا قايمه بواجبي كـ ام و مقابلته انتي الي ما دريت عنه فارس : انتي !!! وبسخرية : الحمدلله اعرفك ولا صدقت اخر همك بالدنيا محمد ، محمد سهام : لا تبدا ب نصايح الارشاد ووفرها لنفسك فارس : قريب قريب ب احل كل ذا سهام رجعت جلست وهي تتجاهله .. فارس كلم الممرض و اتجهه معه لقسم الطوارى فارس شافه يبكي ومعه جدته .. فارس : خلاص يابابا خلاص وباس يده و تنهد : وينك ياخاله ام صالح : كنت بغرفتي وهو عندها فارس : كم مره اقول لا تخلينه عندها تكفين لا تخلينه ام صالح : والله ما ادري من وين لها قساوه هالقلب .. فارس : تكره لانها بتقهرني .. عبالها كذا انا مقهور ما تدري انها جالسه تضيع ولدها ام صالح : والله تكلمت بس فارس : اعرفها يا خاله اعرفها وجلس على رجوله ومسك يد ولده والممرضه تعقم الجرح و تحط المرهم عليه .. وسهام كانت جالسه وهي مقهوره منه .. اوكي فارس كان كويس معها بس كانت تغار عليه ، واحياناً تغار منه لما حملت بمحمد زادت الخلافات و الهواش بينهم ! فارس ما قدر يتحملها أكثر وهي بدت تكره أكثر ! بعد الولاده ولما حست أنها مسوؤله عن طفل طلبت الطلاق !!! حست انها كرهت فارس بكل ما فيها على أن كان يداري خاطرها من اول يوم اخذها فيه .. وصابر على دلعها و طلباتها وكل شيء ! على امل اذا صارت أم يمكن تتعدل ! لكن للإسف !! ساءات الأوضاع أكثر و الخلافات شبه يومه و تتعمد تتجاهل محمد بوجود فارس عشان تقهره ! لان عرفت نقطه ضعفه ولده !!! على أن الي صار لمحمد كان حادث ابداً مو شيء مقصود .. لكن من عدم مبالاتها تركت القهوة على الطاولة و محمد كان عندها بالغرفه المفروض تكون أكثر أنتباه له لكن هي فعلاً ما تهتم وتخاف عليه إحيانًا تحس بمسوؤلية أتجاه وإحيانًا تحس بنفور منه اذا تذكرت فارس ! في غرفه تركي .. طلع برا و اتصل على سديم .. سديم بصوت نعسان : هلا تركي تركي : اهلين تنهد : سديم أنا ب أنام برا سديم عقدت حواجبها : عسى ما شر ؟ تركي : لاه ما شر بس فيه عمال بالمزرعة و الوقت تأخر والصبح لازم أرجع فقلت أنام هنا سديم : زين أنتبه لنفسك ونوم العوافي .. تركي كره نفسه : يعافيك وقفل .. آاه يا سديم آه لو تعرفييين .. في المستشفى .. فارس : مع مين ؟ ام صالح : السواق فارس : ب اخذ محمد معاي الليله وبكرا ارجعه ام صالح : دوامك ؟ فارس : ب استاذن منهم بكرا سهام : ولدي أبيه معاي فارس : ولدك لو منتبه له ما صار كل ذا سهام قربت من امها واخذت محمد : مستحيل اخلي ولدي معه لحاله هذا ينام و ينساه .. فارس تنهد : أقصري الشر يابنت الحلال ! سهام اتجهت برا وهي تتجاهل صوت فارس .. فارس تقدم بخطوات غاضبه مسكته ام صالح : هالمره ياوليدي عشاني خلها فارس : تعاندني ادري انه بينام عند الشغاله ! ام صالح : باخذه عندي وعد فارس تنهد وهو يكتم غضبه .. في غرفه تركي .. نامت بعد ما بكت بحرقه .. غطاها تركي و غمض عيونه وهو يحاول ينام وراه يوم ثقيل جداً ما يدري ام رغد بتسكت ؟ بتتكلم ؟ ما يدري .. ببيت سديم .. غمضت عيونها بس الهواجيس ببالها تركي يتهرب مني؟ لالا شدعوا !! اجل شتفسير تصرفاته ذي؟ يطلع بالساعات ، احيانًا ينام برا .. !! يوه سديم خليك من هالأفكار ونامي .. ???? يوم جديد .. صحت رغد وهي تحس بصداع تذكرت الأحداث و نزلت دموعها تنهدت وهي تمسح وجهها بعشوائيه .. و اتجهت لشنطتها و أخذ ملابس بتأخذ شور يمكن تصحصح شوي ! أما تركي كان متعمق بالنوم لأنه ما نام الا متأخر جداً .. في بيت ام صالح .. امها بصراخ : يعني بس تعاندين الرجال ! سهام : يمه تدرين انه يدوام شلون أمن ولدي عنده؟ ام صالح : تدرين شالمشكلة ؟ انك بنتي واعرفك زين بس خلاص عاد اكبري عاد ! قرار أنفصالكم بـ إرادتكم وعندكم ولد عشانه خلو الأمور والتفاهم بينكم تعدي ! سهام قامت لغرفتها وبقلبها بـ إراداتنا ! هه الا هو ما يبيني ولا صدق خبر قلت طلقني علطول طلاق !! و هالشيء الي زاد من توتر سهام طول السنين تفكر أنه كان متعلق فيها رغم كل تصرفاتها لكن وضح لها أنها ولا شيء ! وهذا الي ما قدرت تتجاوزه .. عند مشعل .. هديل بتوتر : مشعل صاير شيء ؟ مشعل : لالا اذا وصلنا بتعرفين المكان قريب من هنا و كملو مشي للكوفي القريب وجلسو . . هديل تنهدت : مشعل احد جاء منهم لك؟ مشعل عقد حواجبه بعدين تذكر السالفه : لالا إبداً الموضوع شيء ثاني .. هديل : أسمعك .. مشعل رجع الكرسي شوي ورا وعدل جلسته : أسمع يابنت الحلال بدون لف ودوارن أنا لا اللعب معك ولا أتسلى فيك أنا فعلاً أبيك على سنة الله ورسوله .. هديل أنصدمت صدمة عمرها .. !! مشعل : سألت عن أهلك و عرفت أبوك ووين عايشين وكل شيء بس قلت لنفسي شيء واحد خلاني أفاتحك بهالموضوع الأن ! يمكن البنت ما تبي تتزوج ، او بحياتها أحد ف قررت أفاتحك انتي بالموضوع أول واشوف الوضع وباذن الله أول ما أرجع للرياض ب أكلم أبوك و أخطبك على سنة الله ورسوله هديل توترت جداً .. ما عندها ولا كلمة ! أنصدمت أنه فعلاً يفكر فيها و سأل عنها ! و أنصدمت من جراءته بالكلام .. مشعل : يمكن الي أسويه خطا ، كلنا عيال ناس وعوايل ونعرف العادات و المفروض أخطبك من أبوك لكن تعرفين وضعنا انا لي زمان ما رحت للسعودية ورجعتي بتكون الأخيره بعد التخرج .. هديل ساكته ومصدومة .. مشعل قرب من الطاوله وقرب جسمه : ما انتظر منك رد الأن لكن تكفين فكري بالموضوع واذا على دراستك عادي أرجع أكمل معك لين تخلصين وتتخرجين هديل بعد صمت : سألت عني؟ هديل بعد صمت : سألت عني؟ مشعل بجدية : أي هديل : شفقت علي؟ مشعل الي عرف وضعها من ناس قريبه منها بس ما حب يوضح لها انه يدري : اشفق عليك ليش؟ هديل ببكا : أجل ؟؟؟؟؟ شتفسر تصرفاتك ذي مشعل بجدية : خطبتي صارت تصرفات؟ هديل : لا تقول حبيتني بعد المشاكل الي سببتها لك مشعل : شفيك يابنت الناس ! هديل : كسرت خاطرك؟ قلت حرام لحالها من سنين اثبت بطولاتي وانا ولد الـ ***** و اتزوجها مشعل : من قال؟ وليش تكسرين خاطري !!! ليش! بنت عائله محترمة و عندك أبوك و أخوانك الـ خمسة و أبوك رجال اعمال حرهّ معروف ليش تفسيرين الي يصير بهالطريقة ؟ انا ما افهم وين الشفقه بالموضوع!!!! هل الي يتقدم لوحده اعجب فيها وبشخصيتها واخلاقها صارت شفقه؟ هديل بصراخ : لانك اكيد عرفت علاقتي بأهلي !!! عرفت ان زوجة أبوي ما تبيني ولا تنكر لان لو سألت واحد يمشي بالشارع قال لك !!! لان خلافاتنا كانت مستمره ولا منتيهه !!! والكل يعرف بهالشيء ف اذا كسرت خاطرك و حسيت نفسك مسوؤل انا اقول لاتفكر مره ثانيه وركز على دراستك وتخرج و أرجع لأهلك !! انا عايشه ومرتاحة هنا ومتأقلمة مع الوضع .. ولا أفكر أتزوج اصلاً مشعل ركز على كلمتها الأخيره " لا افكر اتزوج " يعني أن ما بحياتها أحد ! مشعل وقف : ليش الكذب توقعت اي رده فعل منك الا هالشيء ! لان حقيقي الموضوع لا شفقه ولا كسره خاطر ولا اي شيء من الي قلتيه بس ما عليه الايام بيننا .. و طلع من المكان هديل تنهدت بندم ! ما تدري كلامها له داعي ولا لا ؟ هل فعلاً مشعل ما يدري عن شيء وانا الي قلت له الأن ؟ غمضت عيونها والافكار تتزاحم براسها اخذت شنطتها وطلعت وهي ما تعرف الي صار صح ولا خطا .. ! في بيت ابو مشعل .. أنفجعت بالكلام الي تسمعه !!!! أم مشعل : ما اصدق تركي يسوي كذا !!! ام رغد بخجل : والله يا خيتي والله حلفت لك واحلف للكل اني ما ادري انه زوج سديم والله دريت أمس و اتصلت عليه يجي ياخذهاا !!! ما تجلس عندي وهذي سوايها ام مشعل بقهر : ياويل قلبي عليك يا بنيتي !!! ام رغد : والله انك مثل اختي واكثر و سديم اغليها قلت اتصل بنفسي واقول لها و اعلمها بالي صار يتبع..... | ||||
|
| |
|
12-05-23, 11:49 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 18 ام رغد : والله انك مثل اختي واكثر و سديم اغليها قلت اتصل بنفسي واقول لها و اعلمها بالي صار ام مشعل : والله انك عزيزه وغاليه بس الي صار .. ام رغد قاطعتها : والله ان ما كان ودي بزواج مثل كذا !!! عندت رغد و زعلت علي ايام لا تاكل ولا تشرب وانتي ام يا ام مشعل وعندك بنات وتفهميني يوم شفتها كذا والدنيا مقفله بوجهي سايرتها ويا ليتني ما سايرتها يا ليتني رفضت الزواج بس والله ما ادري والله .. ام مشعل : عاد رغد وتنهدت بعمق : رغد !!! الي سديم تعتبرها مثل شهد و أكثر ام رغد : لا تحرقين قلبي أكثر والله ما نمت الليل كله افكر بهالمصيبه ! انتو اهلي و جيراني وسديم بنتي الثانيه ام مشعل : والله يا ام رغد ما ادري شاقول لك انا افكر ببنتي ولا افكر بزوجها الي ما يستاهل هالغلا والمحبة ولا بأم حامد كيف وافقت !!! ام رغد : ام حامد امه ؟ ام مشعل بقهر : ايه امه وانتي تزوجين بنتك ولا تدرين ام رغد : والله ما ادري جو خواته اثنين وقال ان امه ما تدري ام مشعل بصدمة : بعددد !!! هذا ما يستحي !!! ام رغد : والله اني افكر انا شلون رضيت شلون انخدعت و سايرتهم ام مشعل : شلون اقول لسديم شلون ام رغد : والله انا اتصلت عليك و قلت لك السالفه كلها و التصرف عنك انا والله ما لي وجهه اكلمها ولا اشوفها ام مشعل : سديم والله ما تجلس دقيقه على ذمته ام رغد : واحد سوالفه كذا ازين لها تتطلق منه هذا ما يستاهلها حتى ام مشعل : شاقول بس صديقتك الي مثل اختك واكثر تزوجت زوجك ؟ شاقول بس ام رغد بصوت تعبان : والله ما ادري والله .. لا تكسرني أكثر يا ام مشعل والله ان ودي الارض تنشق فيني ولا اطلع بهالشكل قدامكم وثقتو فينا و عديتونا أهل و اخر شيء رغد تسوي كذا .. بس وبقلة حيلة : هذا الي صار ولا ادري انا قلت له يا تطلقها يا تاخذها لاني ما ادري شسوي خفت أخيرها و تختاره و ببكا : والله خفت تختاره ام مشعل رغم انها زعلانه من الي صار ! و متضايقه على سديم بس بنفس الوقت تعاطفت مع ام رغد ! يعني تحلف انها ما تدري ومن درت طردت بنتها و اتصلت قالت لي بشفافية ! و الأن هي مكسوره من بنتها الي ندري كلنا انها روحها وأكثر ما عندها الا هالبنت .. و مدلعتها ومدللتها في جناح تركي .. تركي : كولي لو شوي رغد : ما لي نفس تركي جلس بجنبها : عشان خاطري؟ رغد رفعت عيونها و ابتسمت بحب لان استشعرت حب تركي لها من امس .. و خوفه و تفكيره فيها : عشانك بس .. تركي : ايوه كذا حلوين في بيت سديم .. رجعت من الكلية و هي مستغربه اليوم الخميس رغد عنها بريك الاولى ودايم تجي تجلس معاي! اليوم ما جت وأتصل ولا ترد شسالفه .. ! بدلت ملابسها و أنسدحت بتأخذ غفوة بس لسى تفكر برغد ! قررت تتصل على أم رغد وتتطمن ! اتصلت .. ام رغد لما شافت اسمها توترت جداً !! شترد شتقول ! نزلت الجوال وهي خجلانه من نفسها ومن سديم ومن الكل !!! سديم أرسلت مسج " خاله طمنوني عليكم أتصل على رغد ولا ترد ، عسى ما فيكم خلاف" و قفلت جوالها ونامت .. في سيارة فيصل .. راجعين من الدوام وسمر طول الكلاسات بالها مشغول تفكر بموضوع الزواج ! فكرت من كل النواحي .. الكليه مو عذر باقي شهر ونص واتخرج ! و الرجال فيصل يمدحه مره .. بس فكرة أنك بتصير مسوؤله عن ولد .. توترت من هالفكرة .. فيصل كان ينتظرها تتكلم مثل العاده و يزل لسانها بطاري سديم .. من طلع من المستشفى ما جتهم ولا سمع أهله يسولفون عنها .. و بنفس الوقت فيصل شالي تسويه ! تنتظر اي شيء بس عشان تتطمن ضحك بسخرية وركز بطريقة .. البنت بعيده عليك .. بعيده يافيصل ! أنسى التفكير فيها .. و شف حياتك أختك إذا ربي يسر بتتزوج ، وقتها شعذرك عن الزواج ؟ في بيت ام مشعل بعد مكالمة ساعة أو أكثر مع أم رغد .. قفلت وهي تحس الكون ضايق فيها !! شلون تقول لبنتها شلون !!! شلون وهي تعرف سديم ، صح هي طيبه وخاطرها واسع بس اذا زعلت !! ما أحد يقدر حتى يكلمها ! فـكيف موضوع مثل كذا ! غير ان زوجها متزوج عليها المأساة الحقيقة أن زوجته صديقتها !! هالشيء بيكسر سديم و يهز ثقتها بنفسها و ثقتها بكل الناس حولها خيانه من اقرب شخصين شيء يوجع ! يعني لو تركي متزوج غير رغد كان الموضوع أهون !!! بس الصدمة صدمتين .. جلست تفكر كيف تقول لها !! كيف بتفتح هالموضوع معها !!! في الليل .. تركي : إن شاء الله بكرا بنطلع لشقة أوسع من كذا رغد : اتصلت على امي ما ترد ! تركي : ولا راح ترد هالفترة ، امك زعلانه ومعها حق بكرا ان شاء الله بنطلع من هنا و نستقر مؤقت لين نشوف حل .. رغد بتوتر : حل ؟ تركي وهو ياخذ جواله و مفاتيح سيارته : اكيد ان امك مب ساكته عن الموضوع ف أستعدي الايام الجايه ثقيله علينا .. رغد : وين تركي : يعني وين ؟ لبيتي رغد وقفت : لازم تروح؟ تركي : أكيد ! انا قلت لها العثر ب ارجع والان الساعه ٩ بالليل ، تأخرت مره رغد بزعل : طيب تركي : رغد قدري الوضع ! رغد جلست بزعل : اوكي خلاص روح لها تركي : لاتشخصين الموضوع ! الى الان هي على ذمتي وزوجتي ! ???? بعد مرور يومين على الأحداث الأخيره في بيت أم مشعل طول الوقت كانت تفكر كيف تقول لسديم ! و توترت جداً لما قالت لها شهد سديم بتجي الليله .. وبداخلها لازم أقول لها الليله لازم ! ولا يستغفلها تركي بهالشكل في بيت سديم .. جلست بجنبه : تركي فيك شيء؟ تركي بتوتر : لا سديم : والصدق ؟ ومسكت يده وبكل حنيه : تركي تعرف اني ب اسمع لك و اساندك بكل شيء ؟ تركي تنهد بتوتر ملحوظ .. سديم : اعرف ان فيه شيء صاير بس عجزت اعرف ايش ! فكرت فكرت ما تعطيني اي مجال اعرفك اكثر ترا انا زوجتك يعني عادي تقول لي تفضفض لي مو ملزوم تتحمل كل شيء لحالك ؟ تركي شد على يدها : الله لا يخليني منك يارب حطت رأسها على كتفه : ولا منك .. تركي من التوتر حس قلبه يبي يوقف .. وبهاللحظة كره نفسه وكره تصرفاته انت جالس تخونها مع اعز صديقاتها .. في بيت فيصل .. فيصل كان يكلم فارس : لالا والله عادي فارس ب أحراج : انت تعرف الشغل شلون صاير ، مكلمهم من الصبح وقالو لي طيب إجازة من رصيد إجازاتك والأن أتصلو فيصل : عادي يا ابو محمد ، وبالمره نشوف ولدنا فارس بضحكة : ولدنا ؟ يعني ذي موافقه ولا ايش؟ فيصل : اقول جب محمد ولا تكثر أساله لا يجيك الرفض الأن فارس ضحك : جاي جاي ، اربع ساعات بالكثير و راجع فيصل : لو اليوم كله عادي فارس : الله لا يخليني بس منك .. بعد ما أنهى المكالمة .. فيصل : يمه ... يمه ان فيصل : هلا أمي فيصل : فارس يبي يجيب ولده شوي ام فيصل بفرح : ايه حياه الله فيصل : صار عنده شغل ولا يبي يرجعه لامه لان بتسوي سالفه ام فيصل : عادي ياوليدي عادي فيصل وهو يوقف بصعوبه لان يده لسى عليها الجبس .. : ب أروح ابدل ملابسي وقولي لسمر تجهز المجلس ام فيصل : طيب شهد وهي تجلس : طبعًا أمك وأبوك من الأن يدورون له عاروس سديم بعجله : لالا ام مشعل عدلت جلستها : هه ليش ! سديم حست انها جابت العيد وبتوتر : انتو لا تدورن وبس! شهد قامت جلست بجنبها : على كيفك وبس؟ قايل لك شيء سديم : لا شهد : والصدق سددديم !! سديم بضحكة : ياربي ما اقدر اخبي عليكم ؟ ايه قايل لي ام مشعل : ومين هي الي قايل لك عنها ؟ سديم : اممم ما اعرفها بس سال عن أختها معاي بالجامعة ام مشعل : بعد !!! ليش هووين يعرفها سديم : هي مبتعثه مثله شهد : وانا اساله يقول لي لا سديم : ههههههههه من الكبيره انا ولا انتي؟ ام مشعل : طيب يوم سألتي شقالو لك؟ سديم : والله يمه يمدحونها مره شكلاً واخلاقًا بس اختها ذي من ابوها الصدق نفسيتها يعني ولا تشوف احد بعينها ام مشعل : لايكون اختها مثلها بعد ترا وليدي واعرفه ما يعرف زين سديم : ما ادري والله بس على حسب ما سمعت لا ، ما تشبههم ابداً ويمدحونها مره بالجمال ام مشعل : اهم شيء اخلاقها ش ابي بجمالها سديم : ما ادري والله ما احد قال شيء بس لها ٦ سنين برا ام مشعل : !!!!!!!!! شهد : ماشاء الله يعني واصله بالدراسة سديم : اي حتى مشغل يقوله شاطره ماشاء الله .. ام مشعل : واخوك مصر مره ؟ سديم : والله لاول مره اشوف مشعل كذا ام مشعل تنهدت : عساه تطلع زينه شهد: يمه مشعل ما سالت عنها الا انها عاجبته ام مشعل : ويمكن اخوك أنغر بالجمال الخارجي يا يمه البنات كلهم حلوات و كلهم ماشاء الله علم و ثقافه بس فيه منهم ما تنعاشر انا ش ابي بوجهها الحلو اذا أخلاقها ماش؟ و تنكد عيشة وليدي ؟ سديم : صادقه أمي والله الجمال ما هو معيار ولا مهم .. بالذات بالزواج لو أنه يملك جمال ما مثله اذا شخصيته مو زينه مستحيل تتأقلمين معه وبداخلها تذكرت تركي .. ما تنكر أنه جميل جداً وملامحها جذابه بس شخصيتي بارده جداً و احيانًا يتنرفز بسرعة .. ولها متزوجته كم شهر وللأن ما قدرت تحبه ! ام مشعل حست بكلامها .. أكيد تقصده ! أكييد مرت الوقت بين السواليف و تعشو مع بعض .. وام مشعل مقرره بعد العشاء تقول لها !! بالحديقة .. سديم : اكرمكم الله ام مشعل : هني وعافيه ياقلبي .. شهد : يا ليت تركي جاي سديم : قلت له وقال ب اروح لأمي ام مشعل : كلن يبي أهله سديم بضحكة : شنسوي .. شهد : الا شلونكم سديم توترت من السؤال قدام أمها !! لان دايم توضح لها انها مبسوطه مع تركي شهد ما انتبهت ان امها ما تدري وانها المفروض ما تسال سديم كذا !! بالحديقة .. سديم : اكرمكم الله ام مشعل : هني وعافيه ياقلبي .. شهد : يا ليت تركي جاي سديم : قلت له وقال ب اروح لأمي ام مشعل : كلن يبي أهله سديم بضحكة : شنسوي .. شهد : الا شلونكم سديم توترت من السؤال قدام أمها !! لان دايم توضح لها انها مبسوطه مع تركي شهد ما انتبهت ان امها ما تدري وانها المفروض ما تسال سديم كذا !! سديم : لاه ابشرك الحمدلله كلش تمام و مره تحسنت العلاقه ام مشعل : ليش شصاير ؟ سديم بتوتر : ولا شيء يمه خلاف بسيط بس الأن كل شيء تمام ، و بكرا ان شاء الله بنطلع نتعشى برا نغير جو شهد : كويس ، والله تركي ما عليه بس مشكلتكم التفاهم سديم : هههههه ايييه الله يخليه يارب ام مشعل بجدية : تحبينه سديم أنصعقت من السؤال ! ومن مين من أمها !! وبتوتر : أيييه يعني يمه زوجي ام مشعل : انا والله ما احب اتدخل بخصوصيتك لكن قولي الصدق يا ميتي علاقتكم زينه وتحبينه سديم بتوتر ملحوظ : ايه يمه الحمدلله ويعني اكيد ب احبه هو زوجي ولا مره زعلني ولا رفع صوته ولا استفزني بالعكس دايم يداري خاطري ويحاول يسعدني .. في بيت فيصل .. فارس نزل محمد و أتجهه للمستشفى وهو يفكر بمحمد ! لو رجعه لسهام بتسوي سالفه وهو ما يبي يعطيها مجال .. وخواته مجتمعين ببيت أختهم الكبيره .. وما يبي يزعجهم وبالمره فكر أن سمر تشوف محمد وتفكر كويس بالحياه الجديده .. في الصاله .. ام فيصل : هلا هلا ماشاء الله على قلبه وعلى روحه فيصل وهو يلعبه : أقول سمر وافقي بس وافقي نبي ولد صغير ام فيصل ما تفوت ولا لحظة : تزوج انت و جب لنا الولد فيصل بضحكة : نمزح نمزح سمر ضحكت بخجل .. فيصل نزله بحضن أمه : أنا ب اروح للنادي ساعة و أرجع أتفاهم معه وباس خده : ب أكلك ام فيصل وهي تبعد راس فيصل : بعد عنه عورته فيصل : ما شاف شيء لسى وطلع لغرفته وبدل ملابسه .. في بيت ام مشعل .. ترددت جداً تقول لها وهي تشوفها تسولف عن تخطيط بكرا مع أختها شهد شتقول لها ؟ زوجك متزوج رغد ؟ يمكن قلبها يوقف تنهدت وهي تحس ثقل الدنيا كلها على قلبها ما تدري شتسوي ! ما تدري لمين تقول !!! ابو مشعل لو درى مستحيل يعدي هالشيء لتركي ! سديم أغلى من روحه ولا يرضى عليها بكلمة كيف احد يسوي فيها كذا ؟ لو متزوج بالعلن والكل يدري عادي شرع الله ! لكن بهالطريقة .. سديم وقفت: استاذن أنا منكم الأن و .. قاطعتها شهد : تو الوقت سديم : معي مذاكرات سمر أخذتهم خططت منهم و ب ارجعهم لها وبيتها مشوار من هنا شهد : يوه يهالسمر الي ودي بس بجلستها سديم : ان شاء الله قريب ام مشعل : الله يحفظك يا بنيتي ???? في بيت ام مشعل .. بعد ما طلعت سديم ، ندمت أنها ما قالت ! وبداخلها : يارب ساعدني يارب ما أتجرأ اقول لها والله خايفه عليها ولا معجبني شكلها وهم مستغفلينها !!! بس شسوي ! شهد صعدت لغرفتها لأن خطيبها عمر يتصل .. في بيت فيصل .. رجع من الجيم و جالس بالحديقة مع محمد الصغير كان يلعبه وصوت ضحكاتهم ماليه المكان .. سمر كان عندها خبر سديم بتجي فمن رسلت لها نزلت بسرعة .. سديم تقدمت لما فتحت الباب وسلمت عليها سديم : وحشتييني سمر : أكثر أكثر حياك ودخلو شوي عند الباب سديم كانت تشوف فيصل على ان فيه شجرة بينهم بس لو تقدمت خطوة شافته بوضوح أكثر ! سديم : سمي ياعيني وهذي المذاكرات سمر : سم الله عدوك زادت صوت الضحكات والصراخ .. سديم عقد حواجبها .. سمر بضحكة : فيصل ومحمد الصغير سديم لفيت يمين وشافته جالس بالارض يلعب معه و يده لسى فيها جبس سديم بضحكة : غبت أسبوع عنكم صارت عنكم ولد ؟ سمر : هههههههه اه ياسديم فيه موضوع ضروري أكلمك فيه بس ما اعرف متى سديم عقد حواجبها : عسى ما شر ؟ سمر : لالا ما شر وبخجل : شيء كويس سديم بحماس : تكفين قولي الأن احتاج أسمع خبر حلو سمر : امممم ب أتزوج سديم بفرح : احللللفييييي سمر : ان شاء الله يعني لسى ما رديت سديم ضمتها : وخ ياحلو المستحين ياناس سمر بضحكة : وصدق محمد ولدي سديم : اي محمد ؟ سمر سحبت سديم يمين : هذاااا سديم الي كانت مركزه على فيصل منسدح ومحمد جالس على صدره و يضحك سمر : أمه منفصله من زمان سديم ب تركيز : يعني الأن هو يخطبك و محمد عنده ؟ سمر : ايه سديم : ياملح محمد ماشاء الله سمر : بس ما ادري خايفه سديم ! سديم : لا هذا الوضع ما يبي عند الباب سمر : تكفيين أدخلي سديم : للأن عند كلمتي بالجوال الوقت متأخر بس ب اسمعك أول سمر ضمتها بحب : والله أحبك سديم ودخلو مع بعض بجهة الباب .. فيصل الي كان منسجم مع محمد حس بصوت الباب وهو يتقفل رفع راسه وشافهم متجهين داخل .. طبعًا عرف سديم من بعيد قبل لا يشوفها وجهها .. تنهد وهو يحاول يمسك محمد بيد وحده وبصوت مسموع : ليش يامحمد ما قلت لي انها جت؟ يرضيك شافتني منسدح كذا محمد كان يضحك ولا هو فاهم على فيصل اصلاً .. يتبع..... | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
