آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-05-23, 03:52 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 19 بالصاله .. سمر : شوفي فيصل مره يمدحه مره يعرفه من ايام الكلية سديم : طيب حلو هذا سمر : بس سالفه الولد موترتني سديم : اممم ما اعرف ما اتدخل بس احس انه مو عائق يعني بالنهاية انتي بتحملين و بتجيبين ولد وبضحكة : محمد أختصر عليك الحمل و الولاده سمر : أخاف أحبه أكثر من أمه سديم : هه !! شهالسبب الغريب هذا ؟ سمر : هو يقول انه بيجلس عندنا ما اكذب عليك سديم اليوم اول مره اشوفه واحس قلبي حبه بس اخاف امه تجي تاخذه باي يوم ، اخاف انه يكبر شوي ويروح لأمه .. أو و سكتت بخوف سديم : أو ايش؟ سمر : أجيب عيال و أحبهم أكثر !!! ما ودي أظلمه ولا ودي أتركه ما ادري شسوي .. سديم عدلت جلستها وبجدية : اوكي معك القرار يبي له تفكر بس لا تضخمين الأفكار لهدرجة ! ومو دايم يقولون لنا الام الي تربي ؟ وانتي بتكونين امه ، واذا على الحمل بعدين عادي يعني احس كثير كثير عائلات زوجة الأب تربي فعادي أنتي أحسني نيتك و خافي الله فيه وما عليك ربي بيكتب لك أجر هالشيء قبل كل شيء .. خصوصًا الي فهمته من كلامك امه ما تبيه فـ فرصة و أجر والله يا سمر واذا أخوك مدحة وانتي شايفته ليش لا .. سمر أرتاحت لما حصلت احد فاهمه : يا ليتني مكلمتك من زمان سديم : دايم اقولك اي شيء كلميني حتى لو كنت مشغوله ب اسمع لك سمر : الله يخليك سديم : ما اتدخل بقرارك ولا اثر عليك بس فكري أكثر و بنظرة ثانيه .. بالعكس هو لما يشوفك تحسين لولده الي قطعه من قلبه بيحبك أكثر و يبي يقدرك ! واذا هو رجال مصليّ و خايف ربه ، ووظيفته زينه ومن عايله معروفه فكري .. سمر : والله فيصل مره يمدحه و يمدح اخلاقه ويقول لو راجع لي موافق عليه من الأن وهذا الي طمنيني فيصل ما يرتاح لاي أحد .. ومستحيل يوافق يزوجني رجالّ ما يعرفه كويس سديم : الله يخليه لك و يارب نفرح فيك قريب وكملو سواليفهم سديم : استاذن منك ياعيني الرقت تأخر سمر : ما شبعت منك ومن سواليفك سديم : وقت ثاني ياعيني عدلت حجابها : يلاه ياعيني تصبحين على خير سمر : وانتي من أهله .. طلعت سديم وهي مشغوله تطلع جوالها من شنطتها فتحت الباب .. فيصل كان شايل محمد بيد و يبي يدخل وكان فيه درجتين عند الباب فيصل رفع راسه وهو يشوفها قدامه وزلت رجله فجاءه و أختل توازنه .. سديم الي رفعت راسها من شافته جاي لما حست انه يبي يطيح المسافه بينهم اقل من مترين تقدمت بسرعه و مسكت محمد و صارت يدها فوق يد فيصل وبعجلة: أنتبه تقدمت بسرعه و مسكت محمد و صارت يدها فوق يد فيصل وبعجلة: أنتبه فيصل الي كان شايله بيد وحده و بتوتر حاول يوقف : ممكن تنزلينه محمد مو حاس بالي يصير سديم وهي تبع يدها عن فيصل : طيب و شالته و نزلته بالأرض .. فيصل وهو يشد على يده المكسوره : شكراً سديم : تألمك؟ فيصل بتوتر : لالا بس ما ادري شلون زلت رجلي الحمدلله انك طلعتي ولا صار بمحمد شيء سديم وهي تمسح على شعر محمد : ههههه ولا حس بالي صار فيصل حس قلبه تحرك مع ضحكتها .. سديم : سمر بالصاله جالسة اناديها ؟ فيصل : لالا ما قصرتي شكرا لك ومسك يد محمد : بندخل الأن سديم وهي متجهه لباب : انتبه مره ثانيه وكملت طريقها تاركة وراها فيصل الي حس قلبه ذاب .. فيصل الي الكل يعرفه بقوته و ثقله و يقال أنه عصبي ولا يستحمل .. الا أنه اذا شافها تختلف كل الموازين عنده ! رغم انها ما تشوفه شيء ! تعاملك مثلك مثل اي شخص قدامها .. لا بود ولا بحب ! بشوية أحترام .. مع ذلك قلبك يافيصل معها تذكر يدينها وقربها لما شدت على يده لما زلت رجله .. حس ضلوع صدره من التوتر تتداخل ببعض جلس على الدرج وهو يحاول يضبط نفسه قبل لا يدخل على سمر .. في شقه تركي .. كان منسدح ورغد منسدح على يده : لمتى وضعنا ؟ تركي : والله ما ادري يا رغد .. رغد : قل لسديم وخلاص ! تركي : الا كلمتيها ؟ رغد : ايه تركي : والله تفكر فيك رغد بغيره : قلت لها عند خوالي و جلست و مسكت يده : تركي بليز والله تعبت من هالوضع ! عالإقل يمكن لو أعلنا الزواج امي ترضى ! تركي : ترضى ؟ وبسخرية الا لما اعلنه الكل بيزعل منّا !!! رغد : ما علي من أحد أهم شيء انت معاي ! تركي بجدية : رغد صدق الوضع عادي؟ رغد : امممم شوف تركي هو شيء وصار ! يعني الأن علينا نتعايش بس تركي : الليل ما انامه من التفكير .. رغد : والله حتى أنا بس شنسوي خلاص ! تركي جلس : تأخر الوقت لازم أروح رغد بتأفف : طيب متى تجي ؟ تركي : بكرا ما أتوقع اجي رغد : ليش ؟ تركي : بنطلع انا وسديم رغد بغيره : ايش !!!!!! تركي وهو ياخذ اغراضه : الي سمعتيه رغد وقفت : تركي انا استحمل اي شيء بس ما تكون معها ... !!! تركي تنهد : هالموضوع بالذات ما اكلمك فيه اذكرك انك شفتيتي و عرفتيني بوجودها ف لا تجلسين بكل مره تغارين و انتي ببيتها عينك علي و اخذ اغراضه و طلع ! رغد انصدمت من كلامه !!!! هو صحيح بس خير يقول لي كذا !!!!! جلست وبكت بحرقة .. اما عند تركي ركب سيارته وهو حس ان كلامه المفروض ما ينقال بس يحس بتعب و أرهاق من التفكير من كم يوم .. ! يوم جديد .. سديم وتركي كانو طالعين لـ أرقى مطاعم الرياض سديم بداخلها كانت المحاوله الأخيرة و الأمل أن العلاقات تتحسن لو شوي .. تركي كان بداخله خجلان من نفسه جداً !!! و حاس انه كاره حتى نفسه ، هي شقاعد تسوي لك وانت و ضحك بسخرية .. بعد تفكير ثواني قرر يعيش اللحظة مع سديم و يداري خاطرها يمكن تكون الطلعة الأخيرة .. في نفس الوقت بشقة رغد .. أتصلت على رهف وهي منهاره من القهر ! لما شافت سناب سديم .. رهف : هلا هلا بزوجة أخوي رغد : هلا بك رهف : وين الغيبة ؟ ولا خلاص أخذتي تركي ؟ رغد بقهر : تكفين ما تدرين شصار بحياتي رهف : شصار ؟ رغد : امي عرفت ان تركي زوج سديم وطردتني من البيت ! رهف بجدية : صادقه ولا تستهبلين؟ رغد : وهذا شيء ينمزح فيه؟ جلسنا بفندق يومين والأن بشقه لين نشوف الوضع رهف : وكل ذا يصير ليش ما قلتي لي ؟ رغد : ما ادري ما ادري احس اني ضايعه رهف : تركي وينه رغد : تخيلي وينه ؟ رهف بضحكة : نايم ؟ رغد : لاااااا طالع مع سديم رهف بصدمة : مستحيل !؟ وانتو بكل هالمشاكل يطلع معها وبضحكة : صدق اخوي جريئ رغد : رهف انا مليت من الوضع !!! لازم سديم تدري والكل يدري رهف : امممم لو درت بتطلب الطلاق و تعيشين انتي ببيتها حلو حلو رغد : والاهم من كل ذا يمكن امي ترضى علي اذا الكل درى بالزواج ! رهف بخبث : ترا قلت لك زمان لا تعتمدين على تركي بالذات اذا الموضوع سديم قلبه حنون عليها ويخاف يجرح مشاعرها فعشان كذا انتي تصرفي رغد : شلون !!!! اخاف يعصب علي و يطلقني بعد رهف : امممم عادي انا اقول؟ رغد بجدية : صدق ؟ رهف الي بداخلها تنتظر هاللحظة : طبعًا !!! متى بس رغد : ما ادري بس عجلي تكفين قسم بالله مليت من الوضع رهف بخبث : خلاص الموضوع عندي والله لا اخليها تندم !! ولا تنساني طول عمرها رغد : والله كرهت حتى نفسي وامي ما ترد علي رهف : بتعدي بتعدي طولي بالك وبخبث : تدرين باي مطعم هم ؟ رغد : ايه رهف : تجهزي رغد بصدمة : شبتسوين ! رهف : تجهزي جايتك بس .. في بيت فيصل .. سمر بخجل بلغت أمها أنها موافقه ام فيصل علطول بلغت فيصل .. فيصل فرح جداً لأنه يعرف فارس حق المعرفة !! أتصل عليه فارس الي كان جالس ببيته : هلا هلا فيصل : هلا بك كيف حالك فارس : بخير ياجعلك بخير فيصل : ما تجيب لنا حمود اليوم فارس بضحكة : لالا ما قصرتو والله فيصل : والله غير لنا جو بالبيت تدري من زمان عن الصغار فارس : تزوج تعبت وانا اقول لك تزوج .. فيصل بجدية : أسمعني يا فارس أنت أخو عزيز وغالي فارس أستغرب من جديه فيصل فجاءه وعرف انه بيقول له راي سمر الأن : ايوه فيصل : و معرفتي بك من سنين طويله ومهما يصير ان شاء الله علاقتنا ما تتأثر فارس بتوتر : فيصل خلص علي ؟ لا تدري ان علاقتنا شيء و خطبتي شيء ثاني فيصل : انت ما عليك رجالّ والنعم فيك بس صراحة ولا تزعل مني فارس : اي ؟ فيصل : ما أشوفك زوج مناسب لأختي ! فارس بتوتر : أفااا فيصل : يعني أعذرني ولا تزعل مني فارس الي كان متوقع الموافقه بخيبه أمل : نصيب فيصل : بس للإسف أن أختي رغم رفضي لك أنها موافقه عليك فارس بتوتر : فيصل بتزوجني ؟ ترا لعبت بأعصابي فيصل ضحك بصوت عالي : وانت من يرفضك؟ فارس تنهد بـ أرتياح .. فيصل : مبروك مقدمًا ياعريس فارس : يبارك بعمرك .. فيصل : عاد من الأن أقولك ترا بتأخذ الأعز من روحي علي فارس بضحكة : ما يحتاج تقول أعرفك و أعرف غلاها وأعرف كل شيء و باذن ربي ب أحطها بعيوني فيصل : غصبًا عنك عاد فارس بضحكة : ب أصبر عليك لين تصير ببيتي ووقتها أعلمك الغصب شلون فيصل بضحكة : ههههههه وتقولها بعد فارس : شسوي فيك كملو مكالمتهم و أتفقو على مستشفى التحاليل و قال له فارس يبي الملكة قريب .. و الزواج عادي بعد التخرج ! في سيارة رهف .. رغد بتوتر : اخاف تركي يهاوش ! رهف : بالصدفه شفيك انا عازمتك وانا سديم ما لها تواصل معاي اصلاً !!! رغد تنهدت بخوف .. وما هي الا نص ساعة و نزلو للمطعم .. واختارو طاولة قريب من طاولة تركي و سديم .. ! رغد بغيره : لازم نجلس هنا ؟ رهف : اجل ؟ حنا نبيها تشوفنا مع بعض !! وجلسو قريب .. تركي كان يضحك هو وسديم .. صح الصوت قصير لكن واضح انهم يضحكون رغد بغيره : ويضحك معها بعد !!! انا ليش سمعت كلامك و جيت !!! رهف : طيب اكيد بيضحك معها يعني الأن هو عايش معها بنفس البيت وعادي؟ بس يضحك لا شفيك رغد !!! رغد بقهر اللتفت : رهف قولي لها هالحين رهف بخبث : طبعًا لا مو وقته بس أوعدك قريب جداً جداً جداً !!! رغد : طيب شوفيها تضحك ولا درت عنا !! رهف : روقي طيب بعد مرور نص ساعه .. قامت سديم لدورة المياه ( أكرمكم الله ) ومرت من طاوله رغد ورهف ! رهف بتصنع : سديم ! سديم أستوقفها الصوت : هلا و اللتفت و انصدمت من وجود رغد مع رهف ! رهف : شهالصدف الحلوه سديم : شلونكم رهف : بخير الا انتي جايه مع مين؟ سديم : تركي ! رهف : يوه حسافه ولا قلت لك تعالي معنا تدرين ما في غريب صديقتك و حماتك سديم : كيف حالك رغد؟ رغد بتوتر : تمام سديم : أتصل عليك ولا تردين خوفيني عليك رغد : ما فيني الا العافيه .. رهف : اممم ما نشغلك طولتي عن تركي سديم الي زعلانه من رغد صدق يعني انا اتصل و افكر فيها وهي ؟ طالعه مع اكثر انسانه كانت تضايقني و ب ابتسامة : تمام عن اذنكم و كملت طريقها وهي صدق أنزعجت من الوضع ! رغد : جايين عشان كذا ! رهف : يس عشان لما تعرف بزواجكم بتعرف ان كل شيء واضح قدامها بس هي غبيه وبسخرية : فوق الخيانة غباء و ضحكت رغد : ب أروح لتركي رهف : لا وين هالحين ترجع !!! رغد قامت وهي متجهه له متجاهله صوت رهف ! رغد : هاي تركي رفع راسه بصدمة : انتي شتسوين هنا ؟ واللتفت : صاحيه ؟ رغد : امممم جايه انا ورهف نتعشى ولا حلال لك وحرام علي؟ تركي وهو يكتم غضبه : الأن ارجعي لرهف وانا اتفاهم معكم بعدين رغد : عشتو خايف ان ست الحسن والدلال تشوفنا ؟ خليها تشوف ونخلص من حياه التخفي ذي تركي بعصبيه واضحه : رغد اخر مره اقولك ارجعي .. !!! قبل لا تجي سديم !!!!! رغد حطت يدها على يده : اوكي حبيبي لا تعصب بس و يخرب جوكم ! سحب تركي يده بغضب واضح و اتجهت لطاولتها .. عند سديم .. كان بترجع بس شافت رغد واقفه عند طاوله تركي !!! و أنصدمت لما شافتها حاطه يدها على يده !!! جن جنونها !!!! مستحيييل فيه شيء خطا !!!! عند سديم . كان بترجع بس شافت رغد واقفه عند طاوله تركي !!! بس لأنها معطيتها ظهرها ما شافتها لما حطت يدها .. أستغربت رغد ش تبي ؟ شافتني وانا رايحة ب أتجاه دورة المياه ؟ ليش راحت للطاوله وهي تدري بس تركي موجود ؟ زادت الحيره داخل رأسها و قررت تتجاهل الافكار حاليًا وترجع .. اتجهت وهي تشوف تعابير وجهه تركي الي كان معصب ! سديم : خمن من شفت هنا ؟ تركي بتوتر ملحوظ : مين سديم بنفسها انصدمت ليش يخبي علي !! لو جايه تسال عني بيقول لي رغد ؟ ليش أنكر ليش !!! سديم : رهف و رغد تركي بتمثيل : أختي رهف ! سديم : تخيل أنها مع صديقتي رغد تركي بتوتر : شهالصدفه سديم رفعت حواجبها : والله ما ادري اذا صدفه ولا تركي خاف أنها شافتهم وبنفسه لالا مستحيل ! لو شايفتها وهي تحط يدها مستحيل يسكت ! سديم جلست بس بالها أنشغل !!! ليش ينكر وجودها ؟ وانا شايفتها واقفه قدام عينه ! ليش ؟ شبينهم ؟ معقوله ؟ لالا شفيك سديم !!! أول كلمة تذكرت لما رهف قالت لها " خليك نايمه بالعسل ، والله بتبكين ندم " بدت تفكر بالموضوع بشكل أعمق !!!! و قلبها بدا يرجف بس من الفكره لالا مستحيل مستحيل رغد صاحبتي و أختي !!! تركي : سديم فيك شيء ؟ سديم : خلينا نمشي تركي تركي بتوتر : طيب الي تشوفينه و أخذت شنطتها و هي طالعه تشوف نظرتها رغد ما نزلت من تركي !!! جن جنونها والأفكار بدت تسود برأسها بس كان فيه صوت يسكت هالأفكار : لالا سديم شفيك عاد هذي رغد ! مستحيل يصير بينهم شيء مستحيييل .. كانت محتاجه ترجع للبيت وتهدأ أعصابها شوي ! وهذي أفكارها أن بينهم كلام أو شيء إبداً ولا واحد بالمية فكرت أن فيه زواج أو شيء من هالناحية !! كان تحط مبرر وكانت تحط أسباب بس ما تبي الافكار واقع ! في سياره تركي لاحظت عليه التوتر من ركبو .. سديم كانت تناظر لوجهه وهو عاقد حواجبه و واضح فيه شيء مزعجة ؟ شصار قبل لا تجي رغد كان يضحك ! كان مروق ؟ شصار ياسديم شصار و فوتيه !!! بطاوله رهف .. رغد : انا ب ارجع لشقتي رهف : خلينا مستمتعين والايام الجايه أحلى علينا رغد : انا مو فاهمه ليش تسوين كذا ما تكلمنا ولا شافتنا مع بعض ولا شيء رهف : ما عليك وقت ما تعرف ! ب اخليك انتي وتركي قدامها عشان تستوعب شكثر هي غبيه !!!! رغد : اه متى متى يارهف تعبت من هالوضع وتعبت من سديم وحنتها علي رهف : قريب بس طولي بالك !! والله بتندم ندم !! لأخليها تكره حتى نفسها رغد : عجلي بس رهف ضحكت بسخرية وكملت قهوتها وهي تخطط كيف تجمع الكل ببيتهم ، تبي تقهرها قدام الناس الي تركي ضربني بسببها قدامهم ، والله لتندم ! يتبع..... التعديل الأخير تم بواسطة لامارا ; 13-05-23 الساعة 07:44 PM | ||||
|  |
|
13-05-23, 03:55 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 20 بعد مرور يومين .. أتصلت رهف على سديم و أصرت على حضورها بكرا عندهم بالبيت .. سديم أول شيء أعتذرت لأن الأختبارات على وشك لكن أصرار رهف كان عجيب و وافقت .. في شقة تركي .. تركي وهو يلبس شماغه : أمك ما كلمتك؟ رغد بزعل : لا أنا ما أصدق امي الي ما تصبر عني يوم تقطع علاقتها فيني ايام ! تركي وهو يحط عطر : الي سويناه مو شوي الله يستر من أمي شبتسوي لو درت رغد : اممم احس عادي يعني ما سويت خطا تزوجت بالحلال و اكيد اهم شيء عندها انك تكون مبسوط ولا؟ تركي : ما تعرفين غلا سديم عند أمي رغد بتأفف : يهالسديم عاد تركي تنهد : المهم ترا اليومين ذي مب جاي اليوم عندي شغل وبكرا بنروح عند أهلي رغد : بتروحون؟ تركي : أنا وسديم رغد بقهر نزلت كوب القهوة على الطاولة ! : ايه انا جالسه هنا وهي تروح معك لأهلك تركي تجاهل كلامها وطلع لانه تعب من التوضيح في بيت فيصل .. حددو ملكة سمر الخميس بعد يومين .. ام فيصل : والله وكبرتي يا سمر فيصل : تشوفين يمه أمس أوديها للمدرسة واليوم ب أزوجها سمر نزلت راسها بخجل .. ام فيصل : لا تضغط بنيتي فيصل بضحكة : طيب ههههه الا يمه خالاتي بيجون؟ ام فيصل : ايه ان شاء الله بلغتهم و بلغت عمتك سمر : يلاه عن اذنكم جت أسماء ام فيصل : الله يحفظك ياعيني وطلعت مع صديقتها تكمل باقي التجهيزات .. و فيصل استاذن من أمه و طلع عنده شغل ! عند مشعل وهديل .. كانت تتجنبه بشكل ملحوظ ، حتى مكان جلسة ما صارت تقرب منه . . كانت طالعة من الكلاس وصادفت بطريقها " زميلها محمد " محمد : صباح الخير هديل : صباح النور محمد : كيف الاختبار هديل : حلو بس كان صعب شوي محمد : معك الاساله؟ هديل : اي و هي تطلعها محمد صار بجنبها بحسن نية يبي يشوف فقط .. هديل توترت بس بداخلها بيشوف بس ! بهالوقت مشعل كان نازل تو مخلص من كلاسه .. و شافه واقف قريب منها جداً اتجهه لها لاشعوريًا : ههدييل هديل رفعت راسها بصدمة : هلا مشعل يناظر لمحمد بنظرات غريبه : ممكن دقيقه محمد : عن اذنكم هديل : نعم مشعل وهو يتبع محمد بنظراته : شهالقرب الي ما له داعي هديل : عفواً ؟ مشعل بجدية : أقول ما له داعي وقفته بجنبك بهالقرب هديل بسخريه : نعم؟ بصفتك معين تتدخل لهدرجة؟ أوقف مع الي ابي ما لك علاقه مشعل وهو يحط لها مذكرته أيام ما درس الماده فيها توضيحات و أشياء مهمه : بصفتي زوجك المستقبلي .. و ذاكري كويس و كمل طريقه هديل انصدمت من جراءته !!!! كيف يكلمني كذا !! مشعل لاحظ رده فعلها المصدومة بس تجاهل وكمل وبداخله ضحك بخفه .. يوم جديد .. في بيت تركي ، لبست وتجهزت سديم من بدري .. أتصلت عليها أمها سديم : هلا هلا بالغاليه ام مشعل : هلابك شلونك سديم : بخير الحمدلله انتي شلونك طمنيني عنك؟ ام مشعل : بخير ياجعلك بخير وبتردد : ما تجينا اليوم؟ لأنها كانت ناويه حرفيًا تقول لها كل شيء تعبت وهي تخبي عليها سديم وهي تبخر شعرها : لا والله ماما ما اقدر اليوم ب اروح لحمولتي ام مشعل سكتت بتردد ودها تقول لا تعالي اليوم ضروري بس تنهدت : طيب يا يمه بكرا ان شاء الله تجين؟ سديم : باذن الله ام مشعل : ما اطول عليك اجل مع السلامة سديم : مع السلامة ياقلبي .. وقفلت من أمها وكملت تجهيز لأن متفقه مع تركي بعد ساعة بتكون جاهزة و تنزل .. في بيت ابو حامد .. ما حسو ان فيه شيء غريب لان دايمًا هم يجتمعون مع بعض رهف كانت تنتظر سديم بفراغ من الصبر .. هيا بهمس : تكفين رهف لاتقولين لها الأن والله حرام فوق صدمتها بتنحرج من زوجات العيال رهف : وهذا المطلوب هيا : يالله يارهف ليش قساوة القلب؟ ليش رهف : هذا الي يحط راسه براسي حلفت لا اخليها تندم !! هيا تنهدت بقلة حيلة .. ما تدري كيف توقف أختها هو صح انه شيء وصار بس ما ودها سديم تعرف بهالشكل قدام الكل .. فوق الخيانة ، أحراج ! بس ما تقدر على أختها ما تقدر .. !!! في شقه رغد .. كانت جالسه وهي تحس الغيره تحرق قلبها سديم الأن جالسه معه ومع أهله وأنا هنا !!!! فجاءه أتصل جوالها وكان المتصل رهف .. رغد أستغربت : الو هلا رهف : اهلين وينك؟ رغد : بشقتي رهف : تجهزي وتعالي بيتنا .. رغد بصدمة : ايش ! رهف : اذا تبين الكل يدري انك كنه الـ **** ( عائلة تركي ) تعالي بعد ساعة لبيتنا رغد بتوتر : سديم موجوده؟ رهف : الكل موجود .. ! رغد : رهف متاكدة ؟ رهف : اذا تبين تعالي ! بس اقولك هذي فرصتك يا رغد تجيني بعد كم يوم تبكين ومنهاره ليش تركي طالع مع سديم ما لي علاقه انا الان ب اوقف معك و اقول و اتكلم رغد بحيره : طيب طيب وقفلت منها وهي فعلاً محتاره صح تنتظر اللحظة من زمان ! بس فكرة المواجهه أرعبتها مره .. هل امه بتستقبلني ولا؟ سديم شبتقول لي؟ اهل سديم بيقطعون علاقاتهم فينا ؟ اساله كثييييييره .. في شقة رغد بعد تفكير مطول أن فعلاً هذي فرصتها .. قامت تتجهز ، و أختارت أفخم فستان و حطت ميكب .. و بداخلها كانت متوقعه قبول ! اذا مو عشانها عشان ولدهم تركي ! في بيت ابو حامد .. الكل كان موجود .. سديم كالعاده نمبر ون بالأناقة و الذوق .. أم حامد : ليش ياقلبي الكلافه؟ سديم : لا كلافه ولا شيء خالتي لطيفه : الله يعطيك العافية .. سديم : يعافيك .. وجلسو يتقهوون ويسولفون .. لمياء بهمس : هدوء رهف ما يطمن علياء : اسكتي تكفين يمكن انها عقلت خلاص لمياء بسخرية : اي هين سديم : شلونك هيا بشريني عنك عساك بخير؟ هيا بتوتر : بخير بخير الله يسلمك سديم : دوم يارب هيا : انتي شلونك وشلون دراستك سديم : الحمدلله و بـ ابتسامة : إن شاء الله اخر فاينل و أتخرج هيا : ماشاء الله ، الله يوفقك سديم : و إياك ياعيني وكملت سواليف مع البنات وما كانت تدري عن الي ينتظرها .. !! في بيت فيصل .. رن جوالها وكان المتصل رقم .. استغربت وردت وكان الصوت رجولي : الو مرحبًا سمر بتوتر : اهلاً فارس : معك فارس الـ **** اذا ممكن تقومين اذا عندك احد ب اكلمك بموضوع مهم سمر حست قلبها ينبض بسرعه من التوتر : ما عندي أحد .. تفضل فارس : أول شيء اعتذر على اتصالي ادري ما له سنع وادري لو درى فيصل ما بيعجبه بعدك ما صرتي زوجتي لكن انا ما جزمت وقررت اتكلم الا لما حددنا الملكة و تمت الموافقه سمر توترت جداً .. فارس كمل : انتي تدرين بوضعي منفصل وعندي ولد ، وانا والله ما اغلى من روحي الا روحه لذلك من الأن اذا ما اطلبك تحبينه ولا تعتبرينه ولدك هذي مشاعرك وانا ما لي علاقه لكن طلبي منك تعاملينه بحنان ولطف بوجودي و بغيابي .. سمر بتوتر : اكيد واعتقد هالكلام يعني قاطعها فارس : والله ادري فيك و بتربيتك و اخلاقك لكن أتمنى تفهميني انا لي سنتين متعذب معاه ما استقريت ولا ارتحت يوم كل يوم مشاكل مع أمه ف أنا متصل عليك شخصيًا أقولك الوضع انا ب أكون معاه و اوعدك ما أكلفك و أضغط عليك باي شيء يخصه بس طلبي وقت غيابي يكون تحت عينك بس سمر بتوتر : طيب و علفكرة أنا قبل لا اوافق ترا فكرت بالموضوع من كل النواحي ولا وافقت الا لما حسيت اني ان شاء الله ب اكون له ما بي اقول ام لان امه موجوده الله يخليها له ب اقول خالته ، و اوعدك فارس أني باذن الله ما اقصر معاه بشيء وانا اصلاً حبيته من زيارته الأخيره فارس تنهد : الله يرضى عليك وشكراً لتفهمك ما اطول عليك مع السلامة سمر قفلت وهي تحس بتوت فضيع .. فوق الجمال و الهيبه صوت وكلامه آاه ياسمر .. ياربي ياحبيبي توفق بيننا وتسخرنا لبعض .. ???? في بيت أبو حامد .. بعد العشاء أتجهو للصاله كلهم وسط ضحكات و سواليف .. بهالوقت رغد وصلت و أستقبلتها رهف وطلبت منها تجلس بالصاله الداخليه لين تناديها .. لمياء : سديم شفيك ؟ سديم بتوتر : ولا شيء علياء بضحكة : ثقلتي بالأكل ونعستي سديم بضحكة : يمكن لطيفه بهمس : صدق شفيها لمياء : ما أعرف لطيفه : لايكون حامل؟ لمياء : شالرابط العجيب ؟ لطيفه : ما ادري يمكن تتوحم لمياء : قبل العشاء تسولف وتضحك لطيفه : ما أدري والله بس احسها تعبت فجاءه حتى لون وجهها تغير .. سديم كانت تتظاهر أنها كويسه قدامهم الأن .. وجلسو يسولفون .. بعد مرور ربع سـاعة .. رهف دخلت والأبتسامة على وجهها : بما انكم كلكم مجتمعين ب أقول لكم عن خبر حصررري ما أحد يدري فيها الا أنا و ٣ أشخاص لمياء : ايش ؟ علياء : عسى خير ؟ رهف بضحكة : خير خير ، صار عندنا كنة خامسة و اللتفت لأمها : ولدك تزوج يا يمه .. ام حامد : شهالسوالف !!!! رهف : والله جد ! وجلست : هو صراحة متزوج من فتره .. بس بالسر والأن زوجته هنا و تبي تتعرف عليكم علياء بتوتر : رهف لا تلعبين ب أعصابنا !!! رهف بجدية : والله والله حقيقه .. لطيفه بتوتر : طيب مين !!!!!! لمياء : خاله ايش الي يصير !!!! رهف : بس الصدمة مو هناااااااا !! تخيلو العاروس أعز صديقاتها و ضحكت بسخرية : تخيلو بس صديقتي تأخذ زوجي علياء وقفت : رهف بتتكلمين !!!!! سديم وهي تنزل الكأسه و بتظاهر للبرود : أنا أقولكم .. كل الأنظار على سديم .. سديم وهي تعدل جلستها : تركي الكل أنفجع من برودها !! وكان الموضوع أستهبال !!! ام حامد : شهالكلام يا سديم !!! واللتفت لبنتها : انتي شتخربطين زواج وصديقه .. رهف مصدومة أنها تدري !!!!!!! سديم بصوت عالي : تعالي يا رغد تعالي لحمولتك خليهم يشوفونك وهنا كانت الصدمة لـ رهف و لرغد !!!! علياء : يمه الموضوع جد !! لطيفه بتوتر : رغد صديقتها !!! سديم : يعني على بالك اذا ناديتيها هنا و قلتي الخبر فيه إهانه لي؟ رغد تقدمت بخطوات وهي مصدومة ان سديم تدري !!!! دخلت وكل الانظار عليه وسط صدمة وذهول ! كلامهم جد يعني !!! سديم وهي تتظاهر بالقوه وقلبها ذايب ذايب من الصدمة و الحزن .. : ترا اذا فيه إهانه فـ لكم أنتو ، ولدكم متزوج بالسر ولدكم مو قد الثقه و اللتفت على ام حامد : ولا عليك امر اتصلي عليه خليه يجي الأن ! ام حامد بعدم استيعاب : فهموني وش الي قاعد يصير !!!! من ذييي ؟؟؟؟ و تركي شدخله فيها رهف : هذي صديقه سديم سابقًا وزوجة تركي حاليًا ام حامد بصدمة : يمه وليدي ما يسويها !!! يتزوج على سديم !!! لاااا لااا مستحيللل سديم بكى قلبها وذاب بس ما زالت تتظاهر بالقوة .. واللتفت لرهف : يعني هذا أنجاز ؟ لا صدق انتي ما تستحين على وجهك ؟ رهف : أحترمي نفسسسسك !!!! سديم : تعالي يا صديقتي تعالي يا خيبه رجاي تعالي خلي حمولتك تشوفك ام حامد : تخسي تصير كنتي ! بهالوقت دخل تركي الي بلغته هيا يجي.. تنحنح و لبسو حجابهم البنات .. وقف عند الباب وهو يحس ب أحراج وتوتر وخوف !!!!! درى ان رغد هنا و أن الأوضاع بدت توضح للكل ! سديم بسخرية : للاسف ياخاله أنها صارت و ولدك متزوجها من فترة تركي أنفجع بكلامها و برودها !!! كان متخيل تصرخ تنهار !! تبكيييي تخيلها وهو جاي من مجلس الرجال بكل وضعيات الأنهيار الا أنه يشوفها بكامل قوتها واقفه !!! سديم : حساااااافه دخلتك بيتي اعتبرتك اختي وثقت فيك !!! تسوي فيني كذا !!! تأخذين زوجي وانتي تناظرين لعيني ؟ و اللتفت على خالتها والبنات : بس حلو أنتو عرفتوها و عرفتو طينتها من بدري هالأشكال لا تثقون فيها لا تأمنونها على بيتكم و أسراركم !!! صديقتي من ٧ سنوات شوفو شسوت فيني .. تركي تقدك بخطوات : سديم سديم بصرخة صدمة الكل : أسمي لا تجيبه على لسانك !!! و قربت منه : لا تنطقه حتى .. ام حامد : صحيح ياتركي !!! صحيح متزوج ذي !!! سديم : ما عندك الجراءه ترد على أمك؟ و بسخرية : صح انت قبلها ما تجرأت تقول لنا وتزوجتها بالسر بس تصدق أشرت عليها ب أستحقار : انت وياها تنفعون لبعض كلكم نفس الطينة .. انت الي تمثل انك الزوج المثالي و الواقع عينك على صديقتي بوجودي و هي بـ إستحقار : دخلتها بيتي و ثقت فيها عرفتها على أهلي و أشياء كثيره ما أقولها عشان لا تقولين تمنّ علي ! بس تعرفين حق المعرفه حنا ميييين ! مع ذلك خنتيني مع زوجي و بكل بجاحة وقلة أدب تكلميني و تجيني للبيت رهف بسخرية : لأنك غبيه و واثقه بزيادة سديم : كنت واثقه بـ أودام بس الي جالسه أشوفه شياطين ما يسوونه .. تركي حس لسانه أنربط !! ولا كلمة ولا حرف ام حامد صرخت عليه ولا رد !!!! رغد ما تخيلت رده فعلت سديم بهالشكل ! رهف كان بصدمة بس مع ذلك حاولت تستفزها .. سديم أخذت شنطتها .. : طبعاً ما عندك ولا كلمة ش تبي تقول؟ وبسخرية : ولا عندك الجراءه اصلاً ام حامد : اجلسي يا بنيتي بنتفاهم .. سديم بصراخه لاشعوريًا : نتفاهم على ايش !!! على ايش بالضبط؟ على فعايلك ولدك ؟؟؟ ولا تخطيط بنتك ؟ الي يقالها عازمتني وجايه تبي تنتقم ؟ و بسخرية : بس تبين الصدق رهف ! لأول مره تسوين شيء صحيح طلعتي حقيقتها و خليتيني اشوف شكثر هي بجيحة و قليلة أدب ولا تستاهل وقتي وشكراً لأنك وضحتي لي شكثر أخوك وفيّ ومراعي .. رهف أنهارت منها مره !!!!!!!!! سديم : المهم الأن ما أطلع من هالبيت وانا على ذمتك .. تركي أنصدم على انه كان متوقع بس لما صار واقع كل شيء يوتر ! كل شيء .. ام حامد : استهدي بالله يا بنيتي .. سديم : طلقني ياتركي تركي ناظر رغد بنظرات غريبه .. رغد على ان سديم جالسه تطلب الطلاق بس ما فرحت !!! لان كلام سديم و أستحقارها بهالشكل قدام تركي و أهله جرحها جداً !!! رهف كانت مصدومة كانت تفكر أن سديم بتبكي ! بتنهار بتصارخ ! بس انها توقف و تستحقر الكل وتطلب الطلاق شيء ما تخيلته !!! ام حامد أتصلت على زوجها وطلبته يجي .. بمجلس الرجال بدا الوضع يتوتر .. الأول تركي والأن أبوي شصاير !! حامد بعد توقعات أخوانه نطق بقهر : ولا شيء ما احد متهاوش ولا شيء بس تركي متزوج بالسر حمد بصدمة : ايش !!!؟ نايف : تقولها صادق ؟ حامد : اييييه حمد : اخوك صاحي ولا انجن؟ شلون يتزوج الثانيه على بنت الـ ***** ولا بالسر بعد !!! نايف : ما صار له سنه متزوج شلون يتزوج !!! حامد وقف وبقلة حيلة : ما ادري ما ادري !! و طلع من المجلس ! نايف : مستحيل تركي يسويها حمد : الله يستر بس ! داخل البيت الكل متوتر وخايف .. سديم : خليّك رجال وقد قرارتك و طلقني تركي بغضب : رجال و غصبًا عليك سديم بسخرية : ايه واخيراً سمعت صوتك ابو حامد الي مو فاهم شسالفه !! : استهدو بالله شفيكم ياجماعة !! ام حامد : ولدك ولدك متزوج بالسر و اشرت على رغد ابو حامد الي انتبه لوجود شخص غريب وبصدمة : صحيح ياتركي ! تركي يخاف ويحترم ابوه جداً نزل راسه وبتردد : صح يا يبّه زوجتي على سنة الله ورسوله ابو حامد تقدم منه وبغضب : وتقولها بكل وساعه وجهه !!!! ما تستحي انت يتبع..... | ||||
|
| |
|
13-05-23, 07:46 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 21 تركي : تزوجتها بالحلال يا يبه ! ابو حامد : ليش ؟؟؟؟ شعذرك ؟؟؟ شعندك ما لي كم شهر مزوجك ازين و اجمل البنات !!! شلون تتجرأ تتزوج عليها وبالسر !!!! سديم بسخرية : الجزء المهم ياعمي ، الي متزوجها صديقتي واللتفت على تركي : معليش لازم يعرفون كنتهم وانها مو غريبه !! تركي : سدددييم خلاص سديم بجديه : انت الي خلص المهزله الي جالسه تصير و طلقني ابو حامد : لالا يابنيتي شهالكلام !!! كل شيء له حل اجلسو خلونا نفهم هالمصيبه سديم : الا الثقه اذا راحت ما لها حل !! لمياء و لطيفه و علياء اخذو عيالهم الصغار و راحو للصاله الداخليه حسو الاجواء بدت تتوتر بينهم جداً .. و بدا صوت ابو حامد يعلى !!! رغد كانت تبكي بـ انهيار !!! ما تخيلت امه و ابوه يستحقرونها كذا !!! تركي ما كان مستعد لهالموقف ولا مفكر كيف يبرر موقفه قدامهم كان الوضع بالنسبة له صدمة !!!! و حتى رهف كان تظن أنها بتكون هي المسيطرة بالمجلس و تستمتع بـ أهانه سديم بس جالس يصير العكس ! ابو حامد بصراخ : طلقها الأن تركي وهو يناظر لرغد : يبّه زوجتي !!! ابو حامد : زوجتك وحده وهي قدامك سديم وبس سديم : والله ثم والله ما أجلس على ذمته لو يطلقها ما يهمني ابو حامد : يابنيتي لا تخلين الشيطان يلعب براسك سديم : عمي انت بحسبة ابوي وكلامك على عيني و راسي لكن اذا تشوف فعايل ولدك عاديه فـ انا اشوفها مستحيله ! يعني يتزوج علي ! و بالسر ومن صديقتي !!! انا حتى وجهه ما أبي أشوفه !!!! تركي أنفجع بكلامها وحس انها كارهته بكل ما تحمله الكلمة من معنى !!!!! رهف : هيه انتي شفيك ما تحشمين احد !!!! سديم اللتفت عليها : من يعلمني ؟ من من الي راحت من ورا أهلها و زوجت أخوها ؟ جايه تحاسبني ابو حامد بصرخة هزت أركان البيت : انتي تدرين رهف بتوتر : يبّه انا ابو حامد بغضب : ليش ياتركي ليش !!! ليش تفشلني مع ابو مشعل والناس ش يبون يقولون ولده متزوج بالسر !!!!! سديم : وجهك أبيض يا عم ، وما عليك واحد عمره بالثلاثين هو مسوؤل عن تصرفاته و اذا فيه احد المفروض يتفشل فـ هم شخصين الي خان ثقه زوجته فيه و الي خانت ثقه صديقتها و اللتفت على رهف : طبعًا انتي ما عليك شره اصلاً حياتك ضيعتيها حسد وظلم و مكيده ياخي خافي ربك شلون لك قلب بالليل تنامين وانتي تسوي كل هذا !!!! عمومًا انا ما احسبك والحمدلله الأن ما تربطني فيك ولا علاقه وسوي الي تسوينه مصير الايام تدور و تدور و ترجع لصاحبها ام حامد : يمه سديم هالحيـ ... قاطعتها : اذا تحبوني و تحترموني قولو له يطلقني بـ إحسان ! أزين من أخلعه بالمحاكم !! تركي قرب منها : طلاق ما اطلق !!! تركي قرب منها : طلاق ما اطلق !!! رغد بصدمة : تركي !!! رهف : تركي طلقها ! ابو حامد : وقص يقص لسانك !!!! و سحب يد رغد و طلع بعجله !!! سديم أخذت شنطتها و طلعت وراه .. وهو متجهه لسيارته .. حمد ونايف و حامد واقفين برا ينتظرون اي احد يطلع يطمنهم لان صوت ابوهم عالي ! ابو حامد و ام حامد طلعو وراهم .. سديم بصراخ : خلّك رجال ياتركي وقد تصرفاتك و طلقني !!! تركي اللتفت عليها بغضب : سديم !!! سديم بصراخ : مو تحبها ؟؟؟؟ مو تزوجتها بدون علم اهلك ؟؟؟ مو هذي الي قلت ب اتحدى الدنيا عشانها ؟ ما عليك الدنيا ما هي واقفه عليكم ولا احد درى عنكم و بشفافية اكثر تلاقون لبعض كلكم قليلن ثقه كلكم تطعنون بالظهر وانتو تضحكون ما عليك امك و ابوك يومين و يرضون وتقدر تعيش معها قدام الكل .. تركي مصدوم !!! اللتفت شاف نظرات إخوانه !! حامد : تكفى يا ترركي اقصر الشر مو هذا الي تبيه ؟ مو تقول ب اطلقها ب اقرب فرصه ليش تعاند !!! سديم بسخرية : اوه ليش أجل كل هالأفلام؟ و ضحكت بسخرية بصوت عالي : ما أفهمك يا تركي .. حقيقي احس قدامي شخص ثاني بس للإسف انه شخص حقيقي ! كنت عايشه معك بتمثيل و وههم .. شكراً رغد طلعتيه على حقيقته تركي : أقصري الشر يا بنت الحلال !!! سديم : للمره الثالثه أقولك خلّك رجال مره وحده و بصراخ تبي تستفزه : مره وحده خليّك رجال و قد تصرفاتك تركي : رجال وغصبًا عنك و تنهد وهو يناظر لها : أنتي طـ ... أم حامد : تكفى يمه لاااااا ابو حامد : لا تطلقها يا تركي لا تطاوعون الشيطان كلكم معصبين سديم : عافتك النفس يا تركي .. تركي : انتي طـ ... ابو حامد : اذا طلقتها ما تشوفك عيني تذلف انت و الي معك وتعيشون بعيد عني تركي : يبه !!!! سديم بسخرية : لهدرجة ما تقدر تقرر شيء بحياتك؟ اهلك زوجوك الأولى و الثانيه خواتك والأن ابوك يقول لك لا تطلق وتسمع كلامه ليش انت ... " كانت تحاول تستفزه لان تعرف شخصيه تركي ما يحب احد يستصغره " قاطعها بغضب لانها جالسه تقلل من احترامه قدام اخوانه !! قاطعها بغضب لانها جالسه تقلل من احترامه قدام اخوانه و قدام الكل : انتي طالق سديم ابتسمت بنصر خارجيًا .. لكن داخليًا الله وحده يعلم شكثر كانت تحس بألم .. من كثر القهر تحس فيه جمره بنص صدرها كانت خايفه دمعتها تخونها وتطيح قدامهم بكل مره تحس انها ضعفت تصرخ وتتظاهر بالقوه .. هي مو قويه .. هي منهاره تمامًا داخليا لكن فكرة ان رهف جايبتها لبيتهم عشان تهينها و تتشمت فيها كانت داعم لها انها تتمسك.. وكلام هيا قبل العشاء الي بلغتها بكل شيء وعن تخطيط رهف و حماسها و أتصالها لرغد ليش تكابر نزلت دمعتها لاشعوريًا من الصدمة بس جلسه مع نفسها عشر دقايق و فكرت بعقلها قبل قلبها الي صار صار .. تركي تزوج .. و خسرت رغدد للإبد ! لكن موقفي ورده فعلي أنا المسوؤله عنها !! وفعلاً قدرت تتغلب على أنهيار بقوه مزيفه مهزوه لو تركي يحط عيونه بعيونها يمكن تبكي .. مو حبًا فيه بس الخيانه تكسر كيف اذا جت من زوج و صديقه ! ام حامد : ليش ياتركي ليش !!! ليش تسوي فينا كذااا !!! ابو حامد : سديم يا بنيتي انا والله مـ .. قاطعته : لا تبرر يا عمي فعايله ، قلت لك كلن مسوؤل عن تصرفاته.. ويشهد الله انا ما شفت من هالبيت الا كل خير وحب منك ومن خالتي و العيال و زوجاتهم لكن وتنهدت وحست بغصه بحلقها سكتت ما تبي تبكي قدامهم بعد كل هالقوه .. طلعت جوالها و اتصلت على سواقها حمد تقدم منها : لا والله انا و لمياء نوصلك ما تتصلين سديم : لا الله يعافيك حمد : تكفين يا بنت الـ **** ( عائلة سديم )ولدنا سودها بما فيه الكفايه خلينا نوصلك سديم الي ما فيها حيل تعارض هزت راسها ب ايجاب .. حمد اشر لها على سيارته و اتصل على زوجته تجي معهم .. ابو حامد : هذا انجن !!! ابو حامد : يمه وليدي شلون يسوي كذا شلون تركي عاد !!! نايف : المصيبه مو هنا !!! المصيبه اذا درى أبوهاااا ابو حامد : الناس تدور نسابهم دوره ناس علم و أخلاق و سمعة و ولدك !!!! ام حامد : حسبي الله عليها اكيد فرت راسه !! وبكل بجاحة جايه لبيتي ما هي الا ثلاث دقايق طلعت لمياء بعجله وركبت السيارة و كان الوضع هدوء .. لما وصل بيت ابو مشعل .. حمد : أستري على ما وجهتي منّا .. والله كان يرضيك الحلف اننّا ما ندري عنه ولو ندري ما نسكت حتى حنا عندنا خوات و بناتنا ولا بنرضى يصير فيهم كذا لكن تنهد بقلة حيله : شنسوي صار الي صار .. سديم بصوت فيه غصه : ما جاء منكم الا كل خير .. ونزلت بيت اهلها ومن اول ما دخلت البيت سمعت لدموعها تنزل .. بكت بحرقه بكت بـ انهيار !!! بعدم تصديق رغم كل الي شافته .. رغد !! الي دخلتها بيتي و وثقت فيها شلون تسوي فيني كذا شلون !!! بعد مرور وقت دخلت البيت .. وكانت امها وشهد بالصاله .. في سيارة تركي .. رغد كانت تبكي بصوت مسموع تركي الي كان معصب بصراخ : اسكتييييي اسكتي ما ابي اسمع صوتك رغد فوق صدمتها من رده فعل سديم و اهله ! انفجعت من صراخة !!! كان ودها تروح لبيت امها .. تبي تضمها تبي تبكي و تشكي لها بس !!!! ما في الا دقايق و وقف عند شقتهم و بصراخ : انزلي رغد بصوت متقطع من البكاء : وانت؟ تركي : ما لك شغل فيني انزلي !!! رغد نزلت وهي تبكي ... في بيت ابو مشعل .. ام مشعل : يمه بنيتي !!! سديم بصوت متقطع من البكاء : يمه تركي متزوج علي .. يمه و بصراخ : متزوج رغدددد شهد نزلت راسها بقلة حيلة !! ام مشعل أنصدمت لانها درت قبل لا تقول لها !! يمه بنيتي شلون درت من قال لها ؟؟؟ سديم ناظرت وجهه امها و وجهه شهد وما كان فيه اي علامة صدمة ! سديم بصراخ هز أركان البيت : كنتو تدرون !!!! ام مشعل بتوتر : والله كنت نـ سديم بصراخ : حتى انتي يمه !!!! حتى انتي و ببكا : حرام عليكم حرااااام شسويت لكم !!!!! ليش تعذبون قلبي كذا !!! ليش تستغفلوني !!! و بشهقات : يمه انا جيتك ابيك تواسيني يمه انا ادري ما احد يفهمني غيرك و بصراخ : طلعتي تدرين وساكته !!! و اللتفت لشهد: وانتي تدرين شهد : والله والله دريت اليوم سديم بصراخ : ليششش ما قلتي لي ليش و بصراخ . تدرون عازمتني عشان تستصغرني قدام الكل ؟ و بصراخ : تدرون انا ايش عشت اليوم !!! تدرون بصراخ أعلى .. في بيت ابو مشعل .. ابو مشعل نزل : بسم الله عليكم شفيكم تصارخون سديم ببكا : يمه اليوم كسرو بنتك يمه كسروني وانتي تدرين ولا قلتي لي ليش ليش !!!! ابو مشعل : شصاير ياجماعة !!! شهد : تركي طلع متزوج بالسر ابو مشعل بصدمة : شهالكلام !!!!!! سديم : الكلام أننّا تطلقنا قبل شوي ابو مشعل : لاحول ولا قوه الا بالله شصاير ليش يا يمه شصاير ؟ سديم : كلامك شهد صحيح تركي متزوج صديقتي رغد الـ ****** ابو مشعل بصدمة : رغد !!! سديم : ليش يمه ليششش ام مشعل ببكا : والله خفت عليك والله سديم وهي تمسح دموعها بعشوائيه : مو بس تركي و رغد كسروني اليوم حتى انتي يا يمه و صعدت الدرج وهي تبكي بصوت مسموع ابو مشعل بغضب : والله ليندم والله !!! أعطيته قلبي و روحي و يسوي فيها كذا ام مشعل جلست على الكنب وبكت بحرقه .. شهد : يمه تكفين سديم زعلانه لا تاخذين بكلامها ام مشعل : ماني زعلانه من كلامها انا زعلانه عليها شلون قالو لها شلون احرجوها شلون طلقها تركي شلون بنتي سديم تستحمل كل هذا ابو مشعل بغضب صعد فوق .. ام مشعل : يا ليتني قايله له يا ليتني شهد : يمه ما يفيد ليتني الأن .. انا ب اروح لها اشوفها وصعدت فوق و شافت ابوها جالس عند باب غرفه سديم .. شهد : قفلت الباب .. ابو مشعل : ما ادري شهد : ليش جالس هنا اجل ابو مشعل : ادخل ش اقول لها ؟ انا عجزت استوعب شلون تركي يسوي كذا و شلون رغد الي اعتبرتها بنتي و لا قصرت معها بشيء لا هي ولا امها تسوي كذا !! تنهد بقلة حيلة : انتي ادخلي شوفيها انا والله لو دخلت ما ادري شاقول لها واذا شافتني بتبكي زياده .. شهد جلست بجنبه ابوها : وانا اذا دخلت ش اقول لها ؟ زوجها خانها و صديقتها خانتها ، و أمي تدري ولا قالت لنا و غمضت عيونها : ادري ان امي خايفه عليها بس الي صار صار ... ابو مشعل : اشوفها لها كم يوم مو على بعضها شهد : تكفى يبه لا تكلمها الي فيها مكفيها .. هذاهي منهاره بالصاله وتلوم نفسها ام مشعل : لاحول ولا قوه الا بالله .. في غرفه سديم .. حست ان الدنيا الواسعه ضاقت فيها كانت جايه تبي حضن امها تبي تبكي تبي تطلع كل الي فيها بس كانت الصدمة ان امها تدري !!! طبعا هالوقت سديم ما تشوف اي مبرر يسمح ان امها تخبي عليها شيء مثل كذا !! بكت بـ أنهيار حست أنها أنخذلت من الكل .. الكل بدون أستثناء حس بشعور الخيانه يذوب قلبها في غرفه سديم .. حست ان الدنيا الواسعه ضاقت فيها كانت جايه تبي حضن امها تبي تبكي تبي تطلع كل الي فيها بس كانت الصدمة ان امها تدري !!! طبعا هالوقت سديم ما تشوف اي مبرر يسمح ان امها تخبي عليها شيء مثل كذا !! بكت بـ أنهيار حست أنها أنخذلت من الكل .. الكل بدون أستثناء حس بشعور الخيانه يذوب قلبها صح تركي ما تحبه بس مهما كان زوجها !! كانت على ذمته ! يسوي فيها كذا و رغد الي فتحت لها قلبها قبل بيتها وثقت فيها أمنتها على كل أسراري سوت فيني كذا !!! جلست بالارض وبكت بكل ألم و أنكسار .. حست من ثقل هالليله أنها ما بتخلص !! أبوها و شهد كانو عند الباب بس ما أحد يتجرأ سديم صح طيبه و هاديه بس إذا عصبت ما تحب احد يكون قدامها لانها تفقد أعصابها .. + ان المواساة ما تنفع ابداً .. ش ممكن يقولون لها ؟ ما في اي مجال للكلام !! الي صار ما يقبل المواساة ، خيانتها كانت قوية .. ومن اقرب الناس لحالها في سيارة تركي .. كان يمشي بدون وجهه يتذكر كلامها و أنفعالها حس نار بصدره .. صح طلقها بس مو مرتاح ! لو ما ضغطت عليه بالكلام قدام أخوانه ما طلقها !! ما يدري ليش ! هو الاكيد مو حب بس ما يدري ! وكل ما يتذكر كلامها عن رغد يحس نفسه تسرع بقرار زواجه منها .. فعلاً هي خانت صديقتها بوجودها !!! و تذكر لما شافته قبل الزواج وكانت سديم تحت !! و بدا يتذكر تصرفاتها حس بنفور منها !!! وجلس يفكر بكلام سديم !! بعيداً عن الأحداث و المشاكل .. أنسدح فيصل بتعب كان يوم مرهق وهو يجهز لـ ملكة سمر الي بعد ساعات بتكون .. و جلس يفكر بحياته وهذي سمر و تزوجت يا فيصل شتنتظر ؟ ليش معلق أمالك و انتي تدري انها مستحيله البنت متزوجة خلاص .. بس تحدد سمر زواجها لازم تدور لك زوجة .. بكرا البيت يبي يفضى عليكم و أمي ما تحب تجلس لحالها .. و صدق انا كبرت الي بعمري عندهم عيال و امي منى عينها تشيل حفيدها لازم أفكر بالموضوع كويس و أجزم ! وما كان عنده أدنى علم بالي يصير عند سديم !! أنتهت الليله وكانت ثقيله على الكل .. بداية من تركي و سديم و طلاقهم .. سديم ما فكرت بالطلاق ولا زعلت عشانه كثر زعلها على الخيانه .. لو كان طلاقي لـ اي مشكلة كان أهون .. أما تركي ما تقبل فكرة أنه فعلًا طلقها .. و ان الأن ما تربطه اي علاقه فيها و كان مذهول بشخصيتها اليوم ، أول مره يشوفها بهالعصبيه و القوة ! بالرغم أن زواجه من رغد أهله عرفو بس ما أنبسط بهالشيء وبالعكس حس ان كلام سديم صحاه ! في بيت ابو حامد أمه و أبوه جداً زعلانين عشان سديم و طلاقها بنت محترمة و جميلة وبنت ناس وحمولة شلون يسوي فيها كذا شلون رهف كانت تدور بغرفتها وهي منهاره ابوها رفع صوته عليها و أخوانها حمد و نايف هاوشوها !! و الأهم من كل ذا خطتها ما نجحت ما حست انها كسرت سديم ! ما حست انها أحرجتها أنقلب الوضع و سديم الي احرجتهم ! كانت معصبه ومتنرفزه جداً !! بشقه رغد .. كرهت نفسها مليون مره .. لما شافت نظرات الكل لها ، ما احد حتى كلمها ولا اهتم لها حتى ابوه قال له اذلف معها !! و كلها نظرات استحقار و أستنقاص ! ورهف الي كنت شاده فيها الظهر ! ما تجرأت تقول كلمة قدام سديم !!! بكت بحرقه و أنهيار .. و حست ان تركي ما يستاهل كل هذا !! وقفت بوجهه الكل عشانه وهو يصارخ علي ومن حزنه على سديم و طلاقها لسى ما رجع !! في بيت فيصل سمر تفكر بحياتها مع فارس و ولده ما كانت تدري عن سديم ! و كانت تظن انها بتجي بكرها على اتفاقهم أمس فيصل كان يفكر بموضوع الزواج بشكل جدي ! في بيت فارس . . صح انه تزوج قبل هالمره بس كان متوتر وما يدري زواجه من سمر صح او لا كيف بتعامل ولدي ؟ بتحبني ؟ ولا بتكون مثل سهام ! كانت اسأله كثيره بباله تنهد و وكله أمره لربه ودعاء من كل قلبه ونام .. صباح جديد .. في بيت ابو مشعل ام مشعل : يمه سديم سديم : ما احب اكلم احد ممكن ! ام مشعل وهي عند الباب : والله اني خايفه عليك والله اذا تذكرين امس قلت لك تعالي بكرا والله ناويه اقول لك سديم : يمه تكفين ما ابي لا اسمع ولا اتكلم ممكن ؟ ام مشعل تنهدت وهي قلبها محروق .. سديم قفلت باب غرفتها واخذت شور و جلست على الأرض وهي تفكر بالاحداث والي صار و تحس بصداع فضيع ما قدرت تنام من ثقل الي بقلبها اخذت غفوه و اول ما صحت تمنت ان الي صار خيال او حلم . . لما رفعت راسها وشافت غرفتها ببيت اهلها و شافت فستانها لسى عليها استوعبت انه واقع ! في سياره تركي .. صح وهو يحس ألم برقبته أخذ غفوه بدون ما يحس ! وبنفسه شتسوي ياتركي ! تنام بالسياره تنهد و اتجهه لبيته ما له خلق يشوف رغد يبي ياخذ شور يبي يرتب أفكاره ! ???? يتبع.... | ||||
|
| |
|
13-05-23, 07:52 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 22 في بيت فيصل من بدري كانت التجهيزات على قدمًا وساق .. ام فيصل كانت مبسوطه جداً لـ بنتها و كل حياتها سمر .. بعد العصر سمر كانت تنتظر سديم لان وعدتها تجي من بدري ! أستغربت مر الوقت باقي شوي ويأذن المغرب ! ولا جت ولا اتصلت ! ام فيصل : أسماء ياقلبي اذا فاضيه تعالي أسماء : زين خاله وقامت بسرعه وبضحكة : هيه شفيك سمر اكيد صار عندها ظرف او نامت او جاها احد سمر : طيب تقول عادي بس ما ادري اخاف فيها شيء اسماء : لالا ما فيها الا العافيه ان شاء الله لا تهوجسين سمر تنهدت : يارب .. بعد صلاه المغرب .. بمجلس الرجال كان الحضور قليل جداً فارس و أخوانه و فيصل و خاله و الشيخ .. تمت الملكة وبدت التباريك والتهاني لـ فارس فيصل وهو يسلم عليه : ما أوصيك فارس بهمس: خلاص يابن الحلال قسم بالله حفظت كلامك فيصل بضحكة : تحمل تحمل عند البنات .. الكل كان مبسوط بنات خالاتها و صديقاتها أثنين و خوات فارس و بناتهم .. كانت الترتيبات أنيقه جداً بذوق فيصل .. سمر كانت خجلانه و مبسوطه .. و أرتاحت مره لما شافت خواته مره ناس بسيطه و روحها خفيفه .. ام فيصل بهمس : سديم ما تجي؟ اسماء : ما ارسلت شيء ولا ترد على سمر ام فيصل : الله يستر اسماء : يمكن انشغلت ام فيصل : لها اسبوع تكلم و تجهز مع سمر و امس مكلمتني قالت ان شاء الله من العصر عندكم اسماء : اكيد حصل لها ظرف ام فيصل : عسى المانع خير بعد مرور نص ساعـة .. بلغها فيصل أن فارس يبي يلبسها الشبكة .. سمر توترت مره أسماء بضحكة : شفيك عادي أخت فارس منى : ترا أخوي والله ما يأكل سمر ابتسمت بخجل .. في بيت ابو مشعل .. ابو مشعل تنهد : يا بنيتي كل شيء قسم ونصيب سديم بصوت تعبان : يبه والله ما زعلت من الطلاق ، اصلا انا من اخذته وانا دايم احس فيه مسافات بيننا ابو مشعل : ليش سكتي سديم : كنت احس انه طبيعي بس يبه كل ما اتذكر انها صديقتي يذوب قلبي ابو مشعل : ما عليه يا بنيتي وخيره الله طلعها على حقيقتها سديم : عجزت استوعب شلون هان عليها شلون دخلتها بيتي وثقت فيها ابو مشعل : تدرين حتى امها ما تدري؟ الصبح قالت لي امك انها يوم الملكة ما تدري ان زوجك ومن درت طردتهم برا البنت و اتصلت على امك سديم ب انكسار : امي ليش ما قالت لي؟ سديم ب انكسار : امي ليش ما قالت لي؟ ابو مشعل : والله ما ادري حتى انا ما قالت لي لكن الي صار صار الأن .. و انتي بنتي القوية لا تخلينهم يكسرونك انتي على وجهه أختبارات سديم : يبه والله احس قلبي ذايب ابو مشعل مسك يدها : يابعد قلبي والله ليندم على الي سواه والله سديم : لا يبه تكفى خلاص يكفيني ورقتي تجيني ابو مشعل : عطيته أغلى بناتي و يسوي فيها كذا !! سديم ضمت ابوها وبكت بحرقه .. بعد مرور دقايق رفعت راسها ومسحت دموعها : الله لا يحرمني منك ابو مشعل : ولا منك يا بنيتي سديم : بلغ امي و شهد مشعل لا يدري بيجلس يفكر فيني وهو مشغول ابو مشعل : طيب الي تشوفينه بس انتي الان نامي ارتاحي سديم : طيب طلع من عندها ابوها متجهه لـ بيت اهل تركي وهي اخذت شور و تذكرت ان اليوم ملكة سمر ! اول ما طلعت فتحت جوالها وشافت الاتصالات و الرسايل !!! سديم يالله !!! ارسلت لها مسج اعتذرت منها و ان عندها ظرف ولا تقدر .. بيت فيصل .. كان جالس هو و فارس بالمجلس .. فارس : ما ودك تطلع فيصل : هه من الأن فارس : ساكت لي اسبوع و متحمل الأن هي زوجتي لو أخذها هالحين ما لك علاقه فيصل بضحكة : تو يطلع هالكلام ؟ فارس : بعد ما ضمنت الموافقه فيصل : واثق ان اختي بتجي معك فارس : ان شاء الله يعني دخلت سمر مع امها وهي جداً خجلانه .. فارس وقف لاشعوريًا وهو يشوفها ولاشعوريًا : ماشاء الله فيصل بضحكة : هيه خلك ثقيل لا تفشلني فارس بتوتر : طيب جلست بجنبه وهي تحس بيغما عليها من الخوف فارس : مبروك لنا و تعلقت عيونها بملامحها الخجلانه .. حس قلبه يبي يطلع من التوتر فيصل : أقول ترا تلبيسه شبكه هاه فارس حس على نفسه و اخذ الخاتم وهو منهار ما تخيلها بهالجمال ! بهالرقة .. لبسها الخاتم و وده يبوس يدها الي ترجف بس خاف من فيصل .. فيصل طلع خاتم فارس ومده لها لان حس انها منحرجة جداً سمر بصعوبه لبسته الخاتم .. فيصل : الأن ب اطلع بس معك ربع ساعة فقط فارس تنهد : طيب وطلع وهو يضحك .. فارس قرب منها وهو يحس بشعور غريب .. سمر حست قلبها بيطلع من كثر التوتر ! نزلت راسها فارس رفع راسها ب اطراف اصابعه : أرفعي راسك خليني اشوف وجهك سمر توردت خدودها فارس : ما تخيلتك بهالجمال والرقة .. سمر حست بيغمى عليها من التوتر ! فارس مسك يدها : أوعدك يا سمر ب اكون لك زوج و سند .. أوعدك أني ب أحافظ عليك مثل ما وعدت أخوك فيصل .. سمر رفعت راسها بخجل و بتردد : وانا اوعدك بشيء واحد وهو المهم عندك الأن ولدك محمد بعيوني .. فارس بزعل : افاا وأنا ؟ سمر بضحكة : محمد يكفييي وحاول يكسر الحاجز ويسولف معها شوي .. بالليل .... فيصل كان جالس مع أمه و خالاتها .. سمر كانت بغرفتها اتصلت على سديم و انفجعت من صوتها .. وبعد اصرار من سمر بلغتها انها انفصلت من تركي أمس .. حاولت تواسيه بالكلام .. سديم : اعذريني ياعيني والله ما قدرت اشاركك فرحتك سمر : لاه شدعوا انا والله بس خفت عليك سديم بتلطف الجو : كيف الملكة سمر : والله ناقص وجودك والله سديم : ان شاء الله ازفك بعرسك سمر : ان شاء الله يارب .. تحت بالصاله .. خالاته طلعو وباقي هو و أمه بس .. فيصل : شرايك بأهله يمه ؟ ام فيصل : والله ناس محترمين الله يسعدهم و يسخرهم لبعض فيصل : هو ما عليه بس ان شاء الله اهله كذلك سمر دخلت : يمه ام فيصل : هلا يمه سمر : كلمت سديم تو ام فيصل : ايييي زين ردت ، شفيها عسى المانع خير ليش ما جت !! سمر تنهدت و بتردد : امس طلقها زوجها و الاوضاع مو تمام عندها ام فيصل بجزع : يا كافي !!! صاحي هو يطلق وحده مثل سديم .. !! فيصل من الصدمة حس ان قلبه ذاب !! وده يسال يتاكد !!!! بس سكت يراقب الوضع وهو مصدوم !!!! سمر : والله مره زعلانه وصوتها تعبااان ام فيصل : الله يعوضها بالي احسن منه يارب سمر : اميييين ام فيصل : اهم شيء انها بخير والله اني خفت مو بالعاده ما ترد ولا ترسل سمر : الي صار اقوى تنهدت : يالله الله يعوضها انا نزلت اطمنك انها بخير ام فيصل : زين ياعمري فيصل طلع لغرفته ما قدر يخفي إبتسامته أكثر من كذا !!! صح ان الخبر ما يفرح ! لكن انه فرح فيصل يعني الأن مو على ذمته !! بنفس الوقت : بس لا تكذب على نفسك يا فيصل ما كان زواجها عذر قبل لا تعرف انت كنت تدري انها مو من مستواك ولا .. تنكد و انسدح على سريره وهو يفكر بحالها .. اكيد زعلانه .. اكيد تعبانه .. يالله فيصل شدخلك فيها !!! في بيت ابو حامد .. كانو جالسين بالمجلس الخارجي و اخوانه يتوسطون له عند ابوه تركي : يبّه تكفى ... قاطع حديثه دخول ابو مشعل .. رغم ان عمره مو صغير لكن له هيّبه : السلام عليكم ابو حامد : هلا وعليكم السلام حياك يا ابو مشعل تفضل ابو مشعل : انا ماني جاي أجلس انا اقول كلمتين واتجهه تركي : للي عديته رجال و زوجته بنتي تركي تنهد وهو يضبط أعصابه .. ابو حامد : استريح و نتفاهم ! ابو تركي : نتفهم على ايش؟ سواتك هذي ما يسويها رجال تركي : بحسبه عمي و احترمك لكن .. ابو مشعل بغضب خوف حتى اخوانه : لا صارخ علي بعد ؟؟؟؟ لو انت رجال كان تزوجت قدام الكل لا هو عيب ولا حرام و الشرع محلل لك ٤ ولا احد يقول شي بس تتزوج بالسر ؟؟؟ تتزوج عليها وتجلس معها ايام ولا كانك مسوي شيء ما تستحي ما تنتخي ؟ تركي نزل راسه ب احراج .. ابو مشعل : زوجتك اغلى بناتي ، عمرها ما جابت طاريك بالشين ولو انك ما انت بكفو ! ولا تستاهلها والحمدلله ان صارت هالسالفه وعرفت معدنك و عرفت من انت ابو حامد : استريح يا ابو مشعل استريح وتقهوى ابو مشعل : ماني بجالس و قهوتك مشروبة يا ابو حامد ابو حامد : ان شاء الله تتصلح الامور بينهم ابو مشعل : تتصلح؟ انا لو بنتي تقول ب ارجع انا اقول لها لا و قرب من ابو حامد : عرفنا معادن الرجال والي ما هو بكفو ثقه ما نزوجه ولا نعطيه خله يتزوج بالسر بناسن مثله عزيناهم و دخلناهم بيتنا عيدتها بنتي مثل سديم و شهد لكن قليل الثقه و الخاين ما يحشم ولا يقدر ابو حامد تفشل مره وجلس وهو خجلانه فعلاً .. ابو مشعل : والكلام لكم كلكم ، عديتكم أهل ومثل عيالي .. ما تخيلت ان بنتي تنهان ببيتكم ! حمد : والله ياعم ترا ما درينا الا امس .. ابو مشعل : هالحين لا تربطنا لا قرابه ولا نسب بس نصيحتي لكم الي براسه شيء يسويه قدام الكل و يصير رجالّ .. انا اعرف ان ابوكم ما قصر من خيرة الرجال الي عرفتهم لكن كلن مسوؤل عن تصرفاته .. الزواج الثاني ما هو حرام ولا هو عيب ولو جايني بنفسه وقايل لي ان بنتي مقصره بشيء ويبي يتزوج والله ثم والله زوجته ! بس هالسوالف و ناظر بتركي بنظرات حاره كرهته نفسه حتى .. سكتت : بـ أسكت أحترمًا لأبوك ولا أنت و بضحكة : ما تستاهله وطلع من المجلس .. ابو حامد بغضب : حسبي الله عليك من ولد فشلتني قدام الرجال حمد بهمس : والله يا هو معصب نايف : زين ما ضرب تركي حمد بضحكة : جايك مشعل بعد شهرين تعال وقتها فك بينهم نايف : الله يستر بس .. تركي طلع وهو يحس بغضب • و ندم • و حزن ! اتجهه لبيته ما يبي يشوف احد .. استشعر خطاه و حس انه فعلاً خسر سديم للأبد ! رغم ان الحياه الي اختارها متاحه له بس ما له نفس حتى يسمع صوتها و يحس انها هي السبب بكل الي جالس يصير له !! بعد مرور ثلاث أيام .. في بيت فيصل .. سمر : بليز يمه ام فيصل : احس ان ما له داعي يا يمه البنت مو فاضيه سمر : ما اطول بس ساعة بس اشوفها واتطمن عليها على دخول فيصل : تتطمنين على مين؟ سمر : سديم بليز اقنع امي ب اروح لها تقول لا فشله مو وقته فيصل الي بداخله وده يتطمن : لا عادي يمه ، صديقتها اذا ما وقفت و ساندتها بمثل هالمواقف متى بتوقف؟ سمر بتعزيز : ايوه يمه ام فيصل : طيب الي تشوفونه سمر بفرح : يس و صعدت فوق تركض بتتجهز فيصل : ما نطول ساعة كذا و نجي بس تشوفها ام فيصل : طيب يا وليدي تنهدت : الله يعوضها بس فيصل : آمييين في بيت ابو مشعل .. سديم ما نزلت ابداً بغرفتها من كم يوم ردت على امها بس من داخلها زعلانه من الكل ما ودها تتكلم ولا ودها تشوف احد .. ما تبي تشوف الأستعطاف بنظراتهم .. فتحت جوالها و كان كله اتصالات و رسايل من تركي ! أنغثت و حذفت المحادثه قبل لا تقرا اي شيء منه وبهالوقت اتصلت سمر سديم : هلا سمر : هلابك شلونك سديم : بخير الله يسلمك سمر : اممم فاضيه سديم عدلت جلستها : افضى عشانك سمر : يابعد قلبي ، ب اجيك بعد نص ساعه اذا ما سديم بفرح : حييييااااك ياقلبي بيتك ومكانك سمر : بليز لا تسوين اي شيء مب مطوله نص ساعه سديم : طيب طيب سمر : يلاه مع السلامة ب اللبس قبل لا يعصب فيصل و يهون سديم بضحكة : مب على كيفه يهون يلا حبي الله يحفظك وقفلت منها وتحس ان جية سمر بتنقذها من هالتفكير و الجو الي تعيشه نزلت تحت بعجله .. امها و ابوها انبسطو لما شافوها ابو مشعل : هلا هلا بنور البيت سديم : هلابك و باست راس ابوها و راس أمها : شلونكم ام مشعل : بشوفتك بخير ابو مشعل : الحمدلله . . سديم : يمه ولا عليك أمر تقولين للعامله تجهز القهوة والصالة الداخليه صديقتي سمر بتجي الأن ام مشعل : زين ياعيني وحياها الله ابو مشعل : هي الي اخوها فيصل؟ سديم : ايه وبليز يبه اذا فاضي اجلس معه لانها تقول ما بطول نص ساعه و ودي تجلس اكثر ابو مشعل بضحكة : شسالفته هالفيصل بس مستعجل عليهم ؟ يوم ملكة شهد بعد قال ساعه و ارجع لهم سديم : موضوعه عندك انا ب اروح اللبس ام مشعل : زين يا عيني بعد ماراحت .. ابو مشعل : شكلها تغليها حيل حتى ملامحها ضحكت ام مشعل : ايه مره ابو مشعل : ان شاء الله انها تكون خير صديقه ام مشعل : ان شاء الله ابو مشعل : اجل انا ب اطلع لمجلس الرجال و اشوف أخوها ابو مشعل : ايه الله يعافيك بعد مرور نص ساعه .. دخلت سيارة فيصل بيت ابو مشعل ونزلت سمر وكان يبي يمشي بس استوقفه صوت ابو مشعل : هلا هلا فيصل قدام و فتح الشباك : مسائك الله بالخير ابو مشعل : هلا مساء النور حياك تفضل فيصل بتعذر : كثر الله خيرك لكن انـ .. ابو مشعل : لا تعذر ما دامك دخلت بيتي بتتقهوى فيصل تنهد : واضح ان ما عندي خيار ثاني و بضحكة : بس اوقف السياره وجايك داخله بالصاله .. سديم رحبت فيها سمر ضمتها بكل حب و شوق .. سديم : وحشتييني ياعاروس سمر : اكثر اكثر ام مشعل : حي الله سمر نورتينا سمر سلمت عليها : نورك يا خاله شلونك ام مشعل : بخير الله يسلمك .. حياك تفضلي و دخلو الصاله وسديم وسمر يسولفون بشوق .. ام مشعل : وين شهد سديم : بتجي الأن و قامت قهوت سمر و امها .. سمر كانت خجلانه من ام سديم اول مره تشوفها كذاا بهالقرب ، سلمت عليها يوم ملكة شهد بس ما جلست معها سديم : ايه شلونك بعد شلون الملكة سمر : والله بس ناقص وجودك سديم : يلاه ما عليه ان شاء الله عرسك انا ازفك سمر بخجل : ان شاء الله يارب ام مشعل : مبروك يا بنيتي اعذرينا والله الي صار منعنا من الجيه سديم : ايييه حتى امي كانت بتجي بس يلاه ما عليه سمر : اهم شيء انك بخير شهد : السلام عليكم الكل ب اصوات متفرقه : وعليكم السلام سلمت على سمر وجلست .. شهد : واخيراً يا سمر شرفتينا ، دايم سديم تسولف لنا عنك سمر بخجل : الشرف لي والله بجلستكم و شوفتكم و كملو سواليف مع سمر الي كانت روحها خفيفه .. بمجلس الرجال .. ابو مشعل مره انسجم مع فيصل و اعجب بشخصيته أكثر و أكثر .. لباقته بالكلام و تفكيره و اسلوبه مر الوقت بينهم بدون ما يحسون فيصل ب أنتباه : اوه الساعه ٦ والله اخذتنا السواليف ما حسيت ابو مشعل : عشاك الليله عندنا فيصل : لا والله يابو مشعل اعذرني عندي شغل الساعه ٨ ضروري ابو مشعل : وانت كل ما اشوفك مستعجل فيصل بضحكة : وعد مره ثانيه وطلع جواله : بعد اذنك و طلع كلم سمر .. عند البنات .. سمر وهي تسولف جابت طاري رغد وكذا بس لاحظت ان سديم تجاهلت الطاري ! بعد دقايق سديم : بعد اذنكم جاها اتصال من ام حامد بهالوقت شهد بهمس : انتي تدرين من زوجة تركي؟ سمر بصدمة : تركي متزوج ! شهد : يوه عبالي قالت لك سديم والله سمر : ما سألت والله ولا احب اتدخل بخصوصيتها شهد : ياحلوك ياسمر المهم ب اقولك انا عشان طاري رغد سمر : رغد ؟ شهد : تركي طلع متزوج رغد بالسر وهذا الي خلا سديم تنهار علينا سمر بصدمة : رغد ما غيرها !!!! شهد : للإسف سمر : يالله !!! ما اصدق والله عبالي خلاف عادي يعني يالله الله يعوضها يارب شهد : آمين ، بلغتك عشان سديم لان لسى ما تجاوزت طاريها تدرين حنا اليوم جلسنا معها من يومها بغرفتها شكراً لانك جيتي سمر : ولو سديم اختي و صديقتي و بداخلها فعلاً تضايقت .. لما أتصل فيصل علطول طلعت لان الاتفاق ساعه و صار ساعتين وعليها .. يتبع.... | ||||
|
| |
|
13-05-23, 08:03 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 23 اول ما ركبت السياره واضح انها زعلانه فيصل : كيف الزياره ؟ سمر بزعل : حلوه مره و الله و انبسطت بشوفتها هي و اهلها بس عرفت سبب الطلاق وضاق صدري مره ! فيصل كان وده يسأل ليش بس تدارك نفسه وسكتت .. بس سمر ما قدرت تسكت لانها مقهوره مره ! : تخيل طلع متزوج صديقتها بالسر ! فيصل اللتفت بصدمة : ايش !!! سمر : عجزت استوعب اقرب صديقاتها شلون شلون قدر يتزوجها فيصل تنزفز جداً !!! وبداخله صدق انه ما يقدر النعمة الي بين يدينه !! سمر : يالله الأن فهمت سبب سكوتها و صدمتها فيصل : لاتلومينها خيانه من زوجها ومن صديقتها الله يجبر قلبها و يعوضها و بداخله ضاق مره ! وده يشوفه وده يتطمن أكثر .. الأنسان الي ما عرفها الا بالقوه و الثقه و الابتسامة السباقه شلون يصير فيها كذا ما تخيل زعلها و انكسرهاا .. صح انبسط لما انفصلت بس ما تمنى لها كل ذا .. قلبها رقيق ما يستاهل كل ذا .. ! في بيت تركي .. دخلت رغد ومعها اغراضها تركي بصدمة : شتسوين ! رغد وهي تنزل طرحتها : اشوفك ما تجي قلت اجي خلاص اعيش هنا تركي بغضب : على كيفك تقررين ؟ رغد : اجل ؟؟؟ لمتى ب اجلس بالشقه لحالي ؟ خلاص سديم مستحيل ترجع لك مستحيل بطل تفكير فيها و قلها تجي تاخذ اغراضها تركي قام واتجهه لها : والله ان لمستي اغراضها ولا دخلتي غرفتها لتندمين !!! رغد سحبت يدها : اشوف كلام جديده ؟ صارت تهمك الأن تركي : اقصري الشر يا بنت الحلال لا يصير فيك مثل ما صار فيها رغد بصدمة : بتطلقني؟ و بصراخ : اعجبك الموضوع ؟؟؟ و بصراخ اعلى : انا مو سديم تلعب فيني على كيفك !!! اخذتني من بيت امي وانا معززه ومكرمة !! رضيت اسكن بالشقه عشان وضعك حتى بعد طلاقك قدرت وضعك و تركتك كم يوم بس الى الان وخلاص !! تقبل حياتنا ذي !! و فكر معاي كيف نصلح علاقاتنا مع اهلك و اهلي تركي بغضب : انا طالع و احذرك للمره الثانيه غرفه سديم لا تجينها !!! تسمعين وبصراخ اعلى : تسمعين !! رغد بخوف : طيب و طلع وتركها وراه مقهوره وقلبها ذايب من القهر !!! في بيت فيصل بالليل .. دخل فارس و ولده محمد فيصل : حي الله النسيب فارس : الله يحيك فيصل : كأن خفت رجلك على البيت؟ فارس بضحكة : والله حماتي عازمتني على العشاء فيصل : وانت ما صدقت فارس : من يتعذر عن الزين فيصل : اقووووول امسك لسانك بس فارس بضحكة : الا انت وين ؟ فيصل : عندي شغل ابو ساعه و راجع و باس محمد على خده : انتبه لأبوك هاه تراه ماهو مضبوط فارس بضحكة : ههههههه شدعوا يا فيصل فيصل بضحكة : استهبل معك مكانك و بيتك و اهلك بعد وطلع فيصل لسيارته .. و دخل فارس و محمد .. وطلع فيصل لسيارته .. و دخل فارس و محمد .. ام فيصل هي الي اتصلت عليه تبي تعرفه اكثر و تبي سمر تتعرف عليه بعد .. ومنها محمد يأخذ على الوضع و يعرفهم أكثر .. سمر من رجعت دخلت المطبخ و كانت امها مجهزه أغلب الأصناف بس كملت و جهزت القهوة و الشاي .. على ان موضوع سديم أشغل بالها الا أنها مبسوطه بجيه فارس و ولده عندهم على العشاء .. لأن صدق ما تعرف عن فارس و شخصيته ولا شيء .. في بيت ابو مشعل .. بعد ما راحو فيصل و سمر سديم : عن اذنكم ام مشعل : تنزلين تتعشين معنا ؟ سديم الي حست بنبره امها : إن شاء الله بس ب ابدل ملابسي و أنزل واول ما طلعت .. شهد : يا ليت سمر جايه من زمان ام مشعل : اي والله وضحك وجهه سديم الحمدلله .. شهد : صدق ياحلوها ام مشعل : الله يسخرها لها و لا تكون وتنهدت وسكتت شهد : لالا يمه مو الناس كذا ، ولا كل الصداقات كذا رغد ما تمثل الا نفسها و شخصيتها وتفكيرها المريض ، الصداقه أجمل شيء بالدنيا بس الواحد لازم يختار الصديق الصح ، الصديق الي يكون له سند و ضماد .. ام مشعل : اي والله انك صادقه بس ما ودي سديم تنجرح مره ثانيه من صديقه شهد : لا ما عليك يمه واضح انها بنت ناس ومحترمة حتى لما قلت لها سبب طلاق سديم ضاق خلقها وزعلت ام مشعل : ما كانت تدري ! شهد : تخيلي ! تقول ما ودي اتدخل بخصوصيتها ويكفيني انها بخير ام مشعل : الله يسعد قلبها بس .. في بيت فيصل .. بعد ما جهزت الأكل صعدت فوق اختارت فستان طويل و أنيق .. حطت ميكب خفيف و تبخرت و أختارت عطرها المفضل نزلت وهي خجلانه مره .. في سياره فيصل .. كان يفكر بسديم طول الوقت .. زوجها !! زوجها متزوج عليها صديقتها .. أكيد زعلانه و متضايقه .. حس أنه عاجز تمامًا ما يقدر يسوي شيء ، ولا حتى يفكر ! هل ممكن تكون بيوم من نصيبي ؟ هل أبوها يرضى يزوجها موظف حالته الماديه متوسطه؟ هل هي أصلاً توافق عليك؟ انت شفت الحياه الي عايشيتها لو تشتغل ٥٠ سنة ما وفرت لها براتبك و التزامتك و مسوؤلياتك هالحياه ! حتى حياتها مع زوجها كانت بمستوى حياتها مع أهلها بتجي أنت و بترضى فيك؟ ضحك بسخريه و هو يستشعر الفرق الشاسع بينهم .. حتى بالخيال مستحيل .. في بيت فيصل .. سمر : السلام عليكم فارس : هلا وعليكم السلام .. جلست جنب أمها بخجل : كيف حالك؟ فارس : بعد شوفتـ و تذكر وجود أمها و بتردد : بخير الله يسلمك ام فيصل : قهوي زوجك يمه سمر ب أحراج : يمه ! ام فيصل : هه شفيك يا بنيتي زوجك فارس ضحك بخفه على وجهها الخجلان .. سمر قامت وهي خجلانه مره و بتوتر مدت له الفنجال .. فارس مسك الفنجال و طرف يديها : يمال العافيه سمر : يعافيك وسحبت يدها و جلست بتوتر محمد كان يلعب عندهم ام فيصل : محمد عايش عندك الأن؟ فارس : حاليًا لا عند أمه لكن إن شاء الله من نزف بـ أجيبه عندي ام فيصل بتردد : أمه تدري بزواجك؟ فارس : ايه ام فيصل : و راضي لها ولدها يعيش عن سمر ؟ فارس تنهد : للآسف ام فيصل : لا تفهمني خطا يا وليدي ادري ان من خطبت و ان تقول محمد عندك لكن ودي اتاكد عشان بكرا امه ما تتمشكل مع سمر خلنا على بينه .. فارس : شدعوا يا خاله أدري والله ، و ان شاء الله ما في الا الخير و تكلمت معها و الي يصير بوجهي أنا وكملو سواليف بمواضيع عامة .. فارس كانت نظراته على سمر .. بعد دقايق استأذنت ام فيصل ب تقدم الأكل لأن فيصل قريب .. سمر : انا جايه معك يمه ام فيصل : لالا خليك مع زوجك سمر توترت جداً و جلست بمكانها ب احراج .. اول ما طلعت ام فيصل جا فارس وجلس بجنبها .. : واخيراً لحالنا سمر توترت مره .. فارس : شفيك سمر ؟ و رفع راسها ب اطراف يده : ثاني مره اقولك راسك لا تنزلينه تحت .. سمر رفعت عيونها ب احراج .. و تعلقت عيونهم ببعض ثواني .. فارس : دايم أسمع أن عوض ربي كريم .. و هالحين تأكدت فعلاً .. و قرب من خدها وبهالوقت محمد حذف لعبه على الطاوله فزت سمر بخوف فارس اللتفت له بسرعه يبي يشوف الصوت وين وانكسرت اللعبه بس بعيده عنه شوي .. سمر قامت و اتجهت له تشوف يده فيها شيء : بسم الله على قلبك و روحك محمد كان يسولف بطفوله وكانه زعلان على لعبته بس ما فهمت عليه سمر سمر بحنان : نجيب لك احلى منها بس لا تزعل أوكي؟ فارس يتأمهل بحب و أعجاب .. بهالوقت دخل فيصل : السلام عليكم فارس : وعليكم السلام وبضحكة : كان طولت شوي فيصل بضحكة : ههههههههه لا انت ما تبي الليله تنتهي على خير .. و بجديه : سمور عطيني محمد و أعطته محمد : عن اذنكم و طلعت تساعد أمها .. ومرت الليله بكل حب و خير بينهم .. هم شافو فارس وتعرفو عليه و هو أرتاح أكثر .. عائله رضيّه محترمة إن شاء الله ما يجي وراهم الا كل خير .. في بيت تركي .. صعد لغرفته الي فوق وبنص الدرج .. رغد : شلون يعني ما تبي تتعشى معاي ؟ تركي : لا رغد : بتنام فوق ؟ تركي : ايه اي استفسار ثاني؟ رغد ضربت رجلها بقهر بالأرض وبداخلها هيّن يا تركي كل ذا زعل عشان ست الحسن والدلال !!! في بيت ام رغد .. لما عرفت ان زواجها معلن والكل يدري الأن حست أنها مشتاقه جداً لبنتها .. رفعت الجوال وهي متردده لكن بعد محاولات أتصلت .. رغد لما شافت الاسم قلبها فز : الوووو ماما ام وغد : هلابك شلونك رغد ببكا : مشتاقه لك مشتااققه ام رغد تنهد : حتى انا رغد : تكفيين يمه سامحيني تكفييين والله ما بقى عندي الا انتي حتى تركي بعد طلاق سديم ما يناظر بوجهي .. ام رغد : عرفتي خطاك؟ عرفتي ليش انا طردتكم من البيت ؟ عرفتي شسويتي رغد ببكا : والله عرفت والله وندمت بس يمه خلاص الأن صار الي صار .. تركي طلق سديم و كلنا ندري حتى لو طلقني مستحيل مستحيل ترجع له سديم .. ام رغد تنهدت : يا ليتك ما سويتي كذا يا ليت ، ما لي وجهه اطلع ولا اشوف احد .. رغد : تكفين يمه والله انا يهمني الان راضك ما علي من الناس ولا كلامهم بس انتي ترضين علي لان احس اني ضايعه .. ما عندي احد اسولف عليه ، حتى صديقاتي بالجامعه من درو ما احد يبي يسولف معاي ام رغد كسرت خاطرها بنتها .. مهما سوت تبقى بنتها : تعالو عندي بكرا رغد ببكا : تخيلي حتى اهل تركي ما يبوني و خواته الي جو معه الأن ما يكلموني و بكت بحرقه : يمه والله اعترف بخطاي والله حسيت فيه هالحين بس تكفين سامحيني خليك معاي عشان اتجاوز كل هذا .. فوق بغرفه تركـي .. انسدح بتعب يحس الدنيا كلها فوق صدره ندم مره على زواجه وبداخله يا ليتني ما تزوجت يا ليت ما صار كل ذا .. سديم و خسرتها للإبد أهلي ما يبون يشوفون وجهي حتـى .. ابو مشعل قال بوجهي كلام ثقيل و أستاهله لو منفصل عنها بالعلن و خاطب ومتزوج زي الناس ما صار كل ذا !! و رغد الي كانت أحلى شيء بحياته ما له خلق يشوفها حتى .. و كلام سديم يتردد ب اذانه .. ! كيف أثق فيها وهي خيانة أقرب أصحابها حتى أنا شخص مو قدر الثقه يمكن كلام امي لما قالت تستاهلون بعض صحيح ؟ يعني انا بوجود زوجتي عيوني على صديقتها ، ما أحترمتها ولا قدرتها حتى حس بنار بصدره من القهر والندم حول يتجاهل الافكار و ينام ! مرهق له أيام و ليالي .. بغرفه سديم .. تغيرت نفسيتها شوي بعد شوفه سمر و أهلها و سواليفها معهم وقررت من بكرا تنسى الماضى و تبدأ حياه جديده و تركز على دراستها و أهلها فقط ما يصير يا سديم انتي تبكين هنا وهم عايشين حياتهم مع بعض ( تقصد تركي و رغد ) بعد مرور أيام على الأحداث الأخيرة .. في بيت ابو مشعل سديم تحسنت نفسيتها جداً وقررت تبدأ تذاكر للفاينلز وهي تتجاهل أنكسارها امها و ابوها مره يراعون نفسيتها و مقدرين شكثر كان الطلاق ثقيل عليها مشعل عرف بالطلاق و عصبّ مره من تركي ! شهد كانت تحاول تجلس معها أطول وقت ممكن وتغير جوها شوي .. في بيت فيصل .. رجع من دوامه وهو تعبااان سمر : أحط لك غداء ؟ فيصل : اييييه ولا عليك امر سمر : ابشر و اتجهت للمطبخ .. ام فيصل : شفيك يا وليدي؟ فيصل : اليوم كان عندنا ضغط ومن الصبح ما جلست ام فيصل : الله يعطيك العافية فيصل : الله يعافيك ب اخذ شور على ما تحط سمر الغداء ام فيصل : زين وصعد لغرفته وهو يعيش صراع بين قلبه وعقله من أيااااام !! في بيت ام حامد .. لمياء : الله يصبر قلبها علياء : انا الي قهرني !! صديقتها لطيفه : الله يكفينا شر هالصديقات الي كذا و يبعدهم عنّا لمياء : آمين يارب ام حامد : تكلمكم سديم ؟ لطيفه : ايه انا امس مكلمتها والحمدلله ما عليها ام حامد تنهد : والله صرت استحي ادق يعني الي هي فيه ولدي سببه ! علياء : خاله تصرفات تركي هو مسوؤل عنها وسديم فاهمه و عارفه و اكبر دليل انها ترد علينا و تسولف معنا تعرف الي صار ما احد له ذنب فيه .. رن الجرس .. العاملة تبي تفتح الباب وقفها صوت رهف : لحظه لحظه و نزلت من الدرج بخطوات واثقه و فتحت الباب لرغد .. رهف : حي الله بالغاليه حي الله بزوجة تركي و شددت على الكلمة الأخيره ! دخلت رغد وهي متوتره بس تتظاهر بالقوه ! لمتى ب اعيش مهمشه كذا ! لازم أصلح الأمور .. رغد : السلام عليكم الكل انصدم من جيتها بعد كل الي صار !! يتبع.... | ||||
|
| |
|
13-05-23, 08:05 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 24 رغد : السلام عليكم الكل انصدم من جيتها بعد كل الي صار !! رغد تقدمت تبي تبوس راس ام حامد بس بعدتها بيدها بقوه .. رغد انقهرت بس سكتت .. و جلست : كيف حالكم ؟ رهف : بشوفتك بخييير انتي شلونك وشلون تركي؟ رغد بكذب : الحمدلله عايشين ومبسوطين و ان شاء الله يا خاله تركي يبي يجيك بالليل ام حامد قامت من الجلسه : لا يجيني ولا تجيني انتي و صعدت فوق ! رهف بهمس : ما عليك اصبري بس .. رغد بقهر : ليش يطالعوني كذا ؟؟ رهف : ما عليكم منهم .. و بخبث : واخيراً سوها واحد من اخواني وتزوج الثانيه .. و بضحكة : تتوقعين احد بيسويها بعد تركي؟ حامد ولا نايف؟ لطيفه بقهر : لا الحمدلله ما عندنا صديقات يخوننا وهو يناظرون لنا علياء : اييييه بنات أصل و فصل و عوايل تعرف العيب .. رغد أنهاااارت !!!! جالسه تنهان !! رهف سكتت بصدمة .. لمياء : خلونا نجلس بنات بالحديقه .. المكان هنا يجيب القته رهف بسخريه : ايه روحو روحو لطيفه : ايه بنروح اجل بنجلس معكم؟ هه بس و اخذت جوالها و شنطتها و طلعو .. رغد ببكا : ليش جيت رهف بقهر : رغد اكيد متوقعه كذا يعني بيأخذونك بالأحضان؟ رغد اخذت شنطتها : انا ب ارجع لبيتي ازين لي رهف ببرود : كيفك عاد رغد منهاره تجاهل من تركي ، و تجاهل من اهله طلعت وهي تمسح دموعها .. بنفس البيت .. حامد : يا يبّه ما يصير كذا ابو حامد : سود وجهي قدام الرجالّ نايف : يبّه ترا تزوج على سنة الله ورسوله والي يقول حرف زياده انا اتفاهم معه حمد : الي صار صار ، والبنت ببيت أهلها وما تدري يبه يمكن خيره الي صار يمكن تركي ما يستاهلها ! وربي بيعوضها عنه . . ابو حامد بقهر : اي والله انه ما يستاهلها حمد : خلاص يبه سامحه تكفى والله حاله ما يسر لا عدو ولا صديق يعني حتى هو حس بالخطا ! و زعلان على طلاقه من سديم ما يصير نصير كلنا ضده ! حامد : كلام حمد صحيح ، الي صار صار لمتى بنقاطعه؟ تكفى طلبتك يبه لا تكبر المسافات و القطاعه بيننا .. نايف يبي يأثر على أبوه : الدنيا الله يكفينا شرها ما دامنا بخير و صحة خلينا نتسامح و نتراضى لا تختبرنا الدنيا ببعض و وقتها نعرف قيمه هالإيام حمد : أي والله صادق .. ابو حامد تضايق و تأثر من كلام عياله الي كل يوم يطلبونه ! هم يدرون ان تركي مخطي ! وهم زعلانين عليه بس بالرغم من ذلك ما هان عليهم اخوهم الصغير يصير فيه كذا .. له ايام ما دخل البيت وهم متعودين على الجمعات دايم ! في بيت تركي .. كان بغرفته فوق منسدح .. فجاءه فتحت رغد الباب و بصراخ : لمتى ؟؟؟ لمتى ب اصبر على هالوضع !! و ناظرت لصوره سديم الي على السرير و بصراخ : جالس بغرفتها و تشوف صورها وانا انهان من ببيت اهلك! تركي ببرود : ما احد قال لك تروحين ! رغد حذفت صورتها بالارض : تحبها !!!! تحبها ليش تزوجني !!!! تركي : لا تجيبين سيرتها على لسانك ! رغد بصراخ : ما ترضى عليها ؟؟؟ و اتجهت لغرفه ملابسها : ما اخذت اغراضها ؟؟ ماتبيك تنساه ؟؟ و طلعت الملابس بعشوائيه : ب احرقهم و احرق طاريها من هالبيت تركي بغضب : اتركي اغراضها رغد ما ردت عليه : طبًعا نص يومك مقابل أغراضها و صورها تركي اتجهه لها وبغضب مسك يدها : قلت لك اغراضها لا تلمسينها بيدك ! رغد سحبت يدها وبصراخ : ليش تسوي فيني كذا ليش !!!! و بيدها طيحت صينيه العطورات وبصراخ ليش ! تركي سحبها من يدها وصار وجهها بوجهه و ضربها كف بكل قوه و بغضب هز أراكان البيت : قلت لك لا تلمسين شيء !!! اطلعي بررررا اطللللعي رغد انفجعت !!! ضربها !! حطت يدها على خدها وهي مفجوعه !!! يضربني !!! تركي بتهديد : قسم بالله لو دخلتي هالغرفه مره ثانيه !!! قسم بالله يا رغد ما تجلسين على ذمتي ثانيه ! رغد بكت بصدمة و آلم و حرقه طلعت وهي منهاره !! يضربني عشان أغراضها ! يطلقني عشانها !!! جلست عند الباب وبكت ب آلم !!! في بيت ابو حامد .. قال لهم بكرا قولو له يجي .. انبسطو أخوانه لأن هالوضع وتر الكل ! ام حامد : ليش يا يمه تسوين كذا هيا بخوف : والله يمه ندمت !! ندمت مره بس والله ما لي دخل بشيء كلمني تركي و طلب مني و قال انا مسوؤل عن تصرفاتي .. ام حامد : و اختك؟ هيا بتوتر : ما لي علاقه فيها يمه .. ام حامد تنهدت : ادري كل الي صار من سوايها الله يصلح قلبها وحالها بس ! هيا : امين يارب والله تعبت وانا اتكلم و انصح ! بس .. في بيت سديم .. سديم بترحيب : هلا بقلبي سمر : هلابك سديم : ياقلبي ليش مكلفه على نفسك! سمر بضحكة : عاد هالمره فيصل أصر له كم يوم يمدح هالقهوة قلت يلاه بالمره نجربها أنا و سديم سديم : الله يعطيكم العافيه ، حياك .. ودخلت ومعها كتبها .. تبي تدرس هي وسديم مع بعض .. لان سديم بالعده فما تقدر تطلع ، فـ صارت سمر تجيها للبيت .. وهالشيء قربهم من بعض أكثر .. حتى ام مشعل زاد أعجبها بسمر و أهلها وقفت معها و تساعدها بالدراسة حتى ابو مشعل اذا صادف فيصل يعزمه على القهوة وكان معجب بشخصيته جداً .. في بيت تركي .. نزلت لغرفتها تحت وهي منهاره ! ما تدري شتسوي كيف اصلح العلاقه مع تركي ! خسرت الكل ما ابي اخسره ???? بعد مرور أسبوع .. عند مشعل وهديل .. لا جديد يذكر ، ما زال مشعل مصر أنها بتكون زوجته وهديل تشوفه شفقان عليها وكاسره خاطره ! في شقه هديل .. انهت المكالمه مع ابوها وهي معصبه من مشعل ! كيف يتجرأ يكلم ابوي كيف لبست حجابها و اخذت شنطتها واتجهت لمشعل حست ما ينفع تكلمه بالجوال ! كانت معصبه جداً كيف يتجرأ كييف !! ما هي الا دقايق ووصلت شقه مشعل .. رنت الجرس وهي مره معصبه ! عند مشعل كانت عنده محامية لأنه يبي يرجع بشكل نهائي للسعودية وعنده ****ات وشغل هنا .. مشعل فتح الباب و انصدم : هديل ! هديل بصراخ : انت كيف تتجرأ تكلم ابوي؟ وانا قلت لا ؟ عبالك بتضغط علي الأن؟ مشعل بصدمة : ممكن تقصرين صوتك شوي ؟ وتدخلين نتفاهم ؟ هديل بصراخ : ما في شيء نتفاهم عليه !! الي عندي قلته لك المحامية على صوت الصراخ اتجهت لهم و بتردد باللغة الأنجليزية ( فيه مشكلة ) مشعل اللتفت لها : لالا ما في مشكلة هديل بصدمة : مااااشااااء الله ومين هذي بعد ؟ مشعل اتجهه لها و مسكها مع يدها : ممكن تدخلين نتفاهم؟ هديل سحبت يدها : لا معليش ازعجتك وخربت عليك الجلسة ! مشعل وهو قريب منها : ما كنت ادري انك تغارين علي ! هديل : أغااااااار ؟؟؟؟؟ هه بس مصدومة تكلم ابوي من هنا و تجلس مع ذي من هنا و بسخرية : ما ادري ش كنت انتظر منك المحامية كانت لابسه قصير بس مشعل ما اهتم لها ابداً ، وجايه لشغل ! مشعل ضحك بخفه : انتي ليش ما تسمعين قبل لا تحكمين؟ هديل : ماتهمني ، ولو سمحت لا تكلم ابوي ثاني !!! سألتني و قلت لك ، أفهم الكلام ! مشعل : أوكي ب اعدي لك هالتصرف لأنك بتكونين زوجتي هديل عصبت منه مره !! و اتجهت للدرج وهي كاره مشعل !! ورده فعله .. مشعل اعتذر من المحامية وبلغها انها خطيبته والأمور اوكي .. ورجعو كملو شغلهم عن ان مشعل شتت انتباه هديل .. في بيت ابو مشعل .. ابو مشعل ب أعجاب : ماشاء الله كلامك كأنك ولد السوق فيصل : ما لي والله بالسوق و التجاره لكن تقدر تقول مطلع بشكل دائم .. ابو مشعل : ماشاء الله عليك ، كلامك مثل كلام المستشار بقسم المالية فيصل : اذا من اهل علم وخبره خذ بنصيحته ولا تغامر بمبلغ كبير ابو مشعل تنهد : هالحين أقتنعت بالسلبيات فيصل : الله يوفقك و يعوضك بمشروع أفضل منه .. ابو مشعل : آمين يارب فجاءه قاطع نقاشهم صوت تركي : السلام عليكم .. فيصل اللتفت و عرفه اصلاً من نبره صوته ! فجاءه قاطع نقاشهم صوت تركي : السلام عليكم .. فيصل اللتفت و عرفه اصلاً من نبره صوته ! ابو مشعل وقف بصدمة : انت ش جايبك لبيتي ! تركي تقدم : افا يا ابو مشعل ! ابو مشعل : اقصر الشر و اطلع من بيتي الأن ترا الاحترام والحشيمه لا ابوك و اخوانك ولا انت ! تركي : خلنا نتفاهم فيصل : عن اذنك يا ابو مشعل .. ابو مشعل : خلك بمكانك يا فيصل .. ما عندنا موضوع نتفاهم فيه ويبي يتوكل الأن من بيتي تركي : ادري اني غلطان بس تكفى خليني اكلمها لو دقيقه ! ابو مشعل : تخسي تكلمها ولا تسمع صوتها فيصل تنرفز و بداخله يبي يكلمها بعد كل الي سواه !! والله انه ما يستحي صدق !!! تركي تقدم منه : جايكم بالطيب و التفاهم ابو مشعل بغضب : انت صدق ما تستحي بعد كل الي سويته ،لك عين تجي ببيتي !!! وتبي تفاهم وطيب انت خليت فيها طيب ؟ تتزوج صديقتها ؟ خلصو بنات الرياض؟ ما تستحي تركي : تزوجتها على سنة الله ورسوله وانا غلطان ادري ! وانا جاي اتفاهم معكم ابو مشعل : اطلع برا بيتي و بغضب : اطلللع برررراااا تركي تقدم : بس ب اكلمها بس ابو مشعل جلس على الكنب وهو يفتح ازارير ثوبه : والله انك ما تشوفها اطلع برا فيصل اتجهه له وبغضب : ما تسمعه يقول لك اطلع برا ؟ تركي اللتفت له : وانت شعليك؟ فيصل الي يحاول يضبط اعصابه : من دخلت وهو يقول لك اقصر الشر واطلع برا تركي : هه وانت مين و ش دخلك ؟ فيصل تقدم منه و بغضب : اخر مره اقولها لك بالطيب اطلع !!!! ابو مشعل بدا النفس عنده يضيق وبصوت متقطع : اطلع .. تركي : زوجتي ب اخذها منك رضيت ولا لا وهالحين رايح اتفاهم معها فيصل عصب منه وبغضب هز اركان المجلس : تخسسسي توصل لها و سحبه مع يده ولف وجهه بجهته و ضربه لكمه بكل قوه تركي انصدم !!!! وردها له .. و تهاوشو فعليًا !!! فيصل : لو انت رجال و عندك كرامة ما جيت هالبيت بعد كل سوايك !!! وضربه بكل قوه !!! ابو مشعل وقف بصعوبة و صار بينهم وهو وجهه بدا يحمّر من ضيق التنفس .. تركي اخذ شماغه الي بالارض و بغضب : قسم بالله لا تندم فيصل وهو يمسح فمه من الدم : نشوووف نشوف يا تركي الـ ***** ( عائلته ) وطلع تركي وهو مقهور ومعصب من ذا عشان يمد يده علي؟ كيف يتجرأ اصلاً !!! كأن بدت ترجع له الذاكرة وتذكره لما وصل سديم للبيت !!! هذا اخو سمر !!! بالمجلس فيصل ساعد ابو مشعل على الجلسة و نزل شماغه و فتح ازاريره : نروح للمستشفى ؟ على دخلت سديم وهي مفجوعه : يبّه واتجهت له متجاهله فيصل و وجوده .. ابو مشعل : ما فيني شيء و بهمس : ليش جايه سديم ببكا : قال لي السواق وجيت علطول شفيكم شصاير وشافت شماغ فيصل بالارض و وجهه دم و ابوها وجهه احمر : تركي شسوى !!! ابو مشعل : ماصار شيء ويخسي يسوي شيء سديم ببكا : تكفى يبه خلنا نروح للمستشفى ابو مشعل : ما فيني شيء يا بنيتي والله بخير بس رفع ضغطي حسبي الله عليه .. فيصل اخذ شماغه وحس ان وجوده ما له داعي : عن اذنكم ابو مشعل : اعذرني ياوليدي ع الي صار فيصل : شدعوا يا ابو مشعل ابو مشعل : والله اني منحرج منك !!! لكن .. سديم اتجهت له و وقفت قدامه كانت لابسه حجابها : وشافت اثار دم على وجهه : لا تعاند انت الثاني و روح للمستشفى و اسفه مره كل الي صار بسببي لو نازله ومكلمته ما صار كل ذا فيصل بغضب : يخسي شسوى ؟ الحشيمة لأهل البيت ولا والله ما يطلع سالم من هنا ، مستقوي ومسوي فيها رجالّ سديم : اسفه مره فيصل ناظر لها بعمق وكمل طريقه وطلع .. سديم جلست : ليش ضربو بعض يبه !! ليش ابو مشعل : هالـ **** كان يبي يدخل غصب يبي يشوفك و ضربه فيصل و بفخر : انشهد انه رجالّ ولا قصر معاه سديم ببكا : انا السبب بكل هذا ابو مشعل : انا ما ادري كيف زوجتك تركي ما ادري كيف وثقت فيه وعديته رجال كفو سديم تنهدت : كلنا انخدعنا فيييه يبه بس الأن صار ماضي و ب انساه ولا ابي طاريه و وجوده يأثر علينا .. اذا جا مره ثانيه يبه لا ترد عليه حتى .. هو يأس اني ارد عليه يتصل و يرسل ولا رديت عشان كذا جا للبيت و بسخريه : واتوقع بعد الي صار اليوم مستحيل يجي ثاني .. في سياره فيصل .. ركب وهو يكتم غضبه على انه ما قصر فيه ضربه و برد قلبه ! بس تنرفز من جراءته بعد كل الي سواه جاي ! ولسى عنده امل ترجع له ! عدل المرايا و مسح الدم الي على وجهه .. وطلع حقيبه الاسعافات و عقم الجرح ومسح الدم وحط بلاستر لان يدري امه اذا شافته كذا بتسال ! ش يبي يقول ضربت طليق سديم !!! هه بس بغرفه سديم .. بعد ما تطمنت ان ضغط ابوها نزل و وضعه اوكي .. اتجهت لغرفتها وبكت بقهر .. بعد كل الي سواه جاي لبيتنا ، و عصب ب أبوي ! ومد يده على ضيف ابوي !! انقهرت منه مره و كرهته عشرين مره .. في بيت ام رغد .. رغد ببكا : مليت يمه مليت منه ومن تصرفاته .. ام رغد : قلت لك يا يمه اطلبي الطلاق وتعالي عيشي معاي .. رغد ب انكسار : بعد كل الي خسرته يمه اتطلق؟ و ببكا : بنات الجامعة كلهم يستحقروني و يناظروني لي بعد ما كنت ابهر الكل بجمالي و كشختي .. صديقاتي الي كانو قريبات مني كرهوني و قطعو علاقتهم فيني قولو اذا سديم سويتي فيها كذا حنا شبتسوين !! و ببكا اكثر : حتى اهل تركي ما يبوني يمه انا خسرت الكل يمه الكل ام رغد كسرت خاطرها بنتها لكن بالرغم من كل ذا ردت بقسوه : ارجع اقول كل ذا انتي سويتيه ب ارادتك الان يا تتأقلمين و تصلحين العلاقه معاه يا تتطلقين وترجعين تعيشين حياتك معاي .. رغد بكت ب انكسار .. تركي من طلق سديم تغير .. ! وكأنه شخص ثاني بس معصب و متنرفز ! ولا كانه الشخص الي قبل شهر يبي يطلقها و يبي يفارقها ليش صار يهتم لها ؟ ليش صار يبيها الأن ؟ معقوله يحبها ولا ما يبي يخسر شيء بحياته !! بيت تركي .. دخل الغرفه وهو معصب جددداً .. ابوها ما يبي يشوفني حتى !!! هي ولا ترد على اتصالاتي ولا تقرا رسايلي .. شفيك ياتركي شفيك ! تحبها ؟ طبعًا لا مستحيل اجل ش سبب هالتصرفات ؟ ليش تبي رجعها ؟ رغم انك انت كنت ناوي تطلقها ؟ هل فراقها صعب؟ او تو تحس بقيمتها ؟ صدع من كثر التفكير و اخذ شور و قرر ينام متجاهل رغد و غيابها !! حتى ما فكر يتصل يسال وينك ! يحس انها هي السبب بكل الي صار بحياته ! من رجل أعمال معروف و الكل يحترمة و مستقر بحياته فجاءه الى شخص الليل ما ينامه و ساحب على الدوام ، و علاقته مع اهله متوتره جداً .. و بعض الاصدقاء الي تربطهم علاقه فيه و بمشعل بدو يسطحون العلاقه .. لان يشوفون الي سواه مو بس زواج ! لا خيانه بالسر تتزوج عليها ومن مين ؟ صديقتها ???? يتبع..... | ||||
|
| |
|
13-05-23, 08:06 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 25 بعد مرور شهرين على الأحداث الأخيره .. في بيت ابو مشعل .. كأن يوم فرح يوم عيييد !! يوم رجعة ولدهم مشعل للرياض .. سديم تجاوزت تركي و تجاوزت الطلاق وكل شيء ركزت على دراستها و تخرجت بمعدل جداً ممتاز .. وما زالت في أيام العدة الأخيرة .. شهد كانت صاحيه من بدري و واقفه على التجهيزات و الضيافه .. وكان سبرايز لمشعل .. كان يظن أن بـ استقباله أهله فقط .. في بيت ابو حامد .. كانو مجتمعين كلهم كالعاده ، بـأخر الأيام رغد صارت تتردد عليهم مع تركي على أنهم ما يحبونها ولا متقبلينها بس جالسه تحاول تكسبهم .. دخلت العاملة ومعها بوكيه ورد كبير جداً .. ام حامد : خليه عندك هالحين يجي السواق يوديه .. ابو حامد : ما انتي رايحة ؟ ام حامد : لا ان شاء الله يوم ثاني .. تركي : وين شسالفه ؟ ام حامد : اليوم بيرجع مشعل اخو سديم ان شاء الله ومسوين له استقبال و عزمتني بس يوم ثاني ب اروح .. تركي بتردد : مشعل رجع خلاص؟ ام حامد : ايه الحمدلله .. تركي رجعت فيه الذاكرة لـ أيامه مع مشعل كان ونعم الأخ و النسيب و كانت سديم تحبه جداً ومتعلقه فيه وبنفسه اكيد انها مبسوطه الأن برجعته .. رغد حست انه من طاريها يفكر و بهمس : وين سرحت تركي : هاه ولا شيء ، يمه أوصل الورد ؟ ابو حامد بتسرع : لاااا تبي تسوي لنا مشكله مع مشعل !! ام حامد : لا السواق يوديه ب انتظر السويت يوصل و يوصلهم مع بعض .. رغد بقهر : مدلعتهم امك تركي : ام مشعل صديقتها قبل لا اتزوج سديم اكيد بتوجبهم بمناسبه مثل كذاا .. !!! في بيت فيصل .. تطورت و تحسنت العلاقة جداً مع فارس .. ومحمد تعلق بسمر و صار يفرح اذا شاف بيتهم .. بصاله . . فارس : طيب ليش ما تنهي هالحيره وتكلم ابوها فيصل : والله يا ابو محمد ما ادري احس ما اني مستعد فارس : يا ابن الحلال لا تروح البنت مره ثانيه انت توكل على الله و كلم ابوها و الامور بتتيسر باذن الله فارس : يا ابن الحلال لا تروح البنت مره ثانيه انت توكل على الله و كلم ابوها و الامور بتتيسر باذن الله فيصل : بس انا وين وهي وين و ناظر بتنهيده للصاله .. فارس : الماده ما هي كل شيء هذاهي أخذ ولد اكبر تجار الرياض وشف شسوى فيها اذا راسها بعقلها وتفهم مستحيل ترفضك فيصل تنهد : خايف يا اخوك .. اذا رفضتني شسوي ! فارس : من قال ؟ ترفض مره اخطبها عشر عادي اذا انت تبيها على سنة الله ورسوله كلم ابوها و انا احس بيوافق فيصل : واذا هي ؟ فارس : هي الخسرانه فيصل : ما ابي اخسرها طيب فارس : لا الولد عاشق والله فيصل تنهد : خلها ع الله يا ابو محمد .. فارس : اقول معك هاليومين ضبط وضعك وكلم ابوها اتوقع انها ع وشك تخلص العده فيصل : ايه باقي ١٨ يوم فارس بضحكة : حاسبها بعد فيصل : ههههههههه فارس : اذا ما كلمته انا رحت خطبتها لك فيصل بضحكة : دعواتك .. في سيارة عمر ( ولد خال مشعل ) اتجهه للمطار و أستقبله بشوق ! عمر : الحمدلله ع السلامة مشعل : الله يسلمك و يحفظك عمر : شف من الأخر هم قالو لا تقول له لكن ب اقولك مشعل توتر : شصاير ؟ عمر: أبوك عازم أهل الرياض كلهم و الكل ببيتكم مشعل بصدمة : لا تقولها ! عمر : لو شهد ما طلبتني ما قلت لك مشعل : ما تجهزت طيب عمر : مضبطينك انا وشهد جايب لك ملابس وعطر وكل شيء بس عطيني شنطتك اوصلها للسيارة و اجيب الثوب و الشماغ مشعل بتوتر : الله يهديك يا يبه ولا قال لي عمر : يبونها مفاجاة بس مشعل : زين انك قلت لي ولا داخل عليهم بالشورت و التيشرت الاصفر ابوي ينهار عمر بضحكة : يلاه يلاه بعد دقايق طلع من دورة المياه وهو لابس ثوب و شماغ و ريحة العطر تسبق خطواته مشعل : هاه كيف ؟ عمر بضحكة : ياويلك عمتي من تشوفك تبي تزوجك مشعل : هههههه هين الزواج بتقوله قبل الشهاده عمر : يلاه لا نتأخر على الناس مشعل : يلا و اتجهو لسيارة عمر .. مشعل كان متوتر .. في البيت .. كان الكل موجود قرايب و جيران الكل يبي يشارك أم مشعل فرحتها لأن من طبعها هي توجب الناس بكل المناسبات فـ الكل الي حضر أو أرسل ورد و كيكة .. سديم كانت مبسوطه برجعت أخوها و لابسه فستان بسيط ورافعه شعرها و ميكب خفيف .. لكن مع ذلك جمالها كان ملفت ببساطتها .. نزلت من الدرج ام فيصل : تبارك الرحمن سمر من شافتها ابتسمت لاشعوريًا سلمت على الموجودين و رحبت فيهم بكل حب و ذوق .. ام مشعل كانت مبسوطه جداً .. شهد ما زالت تشرف على العاملات و توجهم لان العدد كبير وما تبي اي خطأ و هي تمشي دخلو العاملات بوكية ورد كبير جداً لفت انتباها و اتجهت له وشافت الكرت و تنرفزت مره !!! " مبروك قرة عينك برجعة مشعل عقبال ما تقر عيوني برجعتك ، تركي " اخذت الكرت و قطعته وحذفته بالزباله" اكرمكم الله " و بنفسها يبي ينكد عليها هالليله بعد ! و كملت شغلها وحاولت ما توضح النرفزة لان سديم بتسالها علطول .. في مجلس الرجال .. وصل مشعل و التبارك والتهاني من الكل .. مشعل بهمس : اقول لايكون اليوم ملكتي وانا ما ادري ؟ عمر بضحكة : تسويها عمتي يمكن البنت تنتظرك داخل مشعل ضحك بخفه وهو مبسوط .. عيال عمه و خواله و جيرانه و اصدقاءه ايام الثانوي و الجامعة حرفيًا الكل موجود .. ابو مشعل كان مبسوط و فخور جداً بـ ولده .. مشعل كان يمشي ويسلم بعد ما خلص اتجهه لأبوه وكان عنده رجالّ .. مشعل : أعذرني والله ما ادري من سلمت عليه فيصل مد يده : معذور يا ابو محمد وسلم عليه : مبروك التخرج مشعل : يبارك بعمرك ابو مشعل : ولدي مشعل و فيصل الـ **** مشعل بـ ابتسامة : اهلاً يافيصل واخيراً شفناك والله الوالد بس يمدحك فيك فيصل : الله يسلمك و يسلمه اتشرف والله فيكم مشعل قرب من فيصل وبضحكة : يادكتور التوتر طبيعي بهالمواقف ؟ فيصل بضحكة : ايه ايه ما عليك مشعل وهو يتنهد : طول الرحلة متخيل اشوف امي و خواتي فجاءه .. فيصل بضحكة : والله من فرحته فيك و فخره يبي الكل يشاركه مشعل وهو يشوف ابوه يسلم و يستقبل : الله يطول بعمره فيصل : آمين يارب .. مشعل : عن اذنك الي دخلو قروب الجامعة فيصل ب ابتسامة : خذ راحتك اول ما راح جا فارس و بضحكة : ضبط العلاقات مع النسيب فيصل : ههههه ترا تعطيني أمل أنت فارس : ما عليك بيوافقون .. مر الوقت سريع .. و الناس كانت مبسوطه .. دخل تركي !!! مر الوقت سريع .. و الناس كانت مبسوطه .. دخل تركي !!! اول ما طاحت عينه بعين مشعل مشعل الي كان بعز فرحته تغير موده بسرعه و عصب واتجهه له .. ابو مشعل اللتفت لا ابو حامد : هذا ايش جابه !! ابو حامد حس بخجل و توتر !! على انه نبه عليه ما يجي !!! ما يبي مشاكل مع اهل مشعل !! مشعل اتجهه له وهو يكتم غضبه : شجايبك هنا تركي : جاي ابارك لك مشعل : وصل والأن تفضل برا ما ابي اشوفك قدامي تركي : افا يا مشعل وحط يده على كتفه مشعل دف يده بكل قوه : تركي اطلع بالطيب احسن لك .. وقرب منه بغضب : اطلع تركي بسخريه : وانتو ما عندكم غير الضرب؟ ما عندكم تفاهم مشعل : نتفاهم مع الرجالّ تركي بغضب : شقصدك !!!! مشعل : قصدي واضح وقرب منه و كلن منهم معصب و الشر يتطاير من عيونه !! مشعل حس بشخص مسك يده وصار قدامه فيصل بهمس : تكفى ما هو وقته ، الناس تناظر لكم لا تكسر فرحة ابوك عشان واحد مثله ما يستاهل مشعل اللتفت على ابوه الي كانت نظراته متوتره .. مشعل بعد عنه و بغضب : صدقني ب اتفاهم معك بس مو الأن و رجع دخل مشعل فيصل اللتفت له و ناظر له بعمق .. و كمل طريقه تركي انقهر من فيصل جداً !!! هذا شدخله ش يبي !!! طلع من البيت وهو معصب جداً و بنفسه خلاص ياتركي خلاص ! والله ما يعطونك سديم لو ايش !! عند البنات .. كان بالصاله الداخليه خالاته و عماته .. طلبت منه امه يجي يقطع الكيكة .. رفض وبعد اصرار امه دخل .. سلم على امه وباس راسها .. و بعدها سديم و شهد .. سمر و امها كانو موجودين مع اثنين من الجيران جالسين ب اخر المجلس .. مشعل بتوتر : تكفون اعفوني من هالسالفه شهد : تستهبل !! امي من المغرب تجهز لهاللحظة .. دخلو العاملات ومعهم الكيكة و كان المكان مجهزه من المغرب من الورد و بالونات .. و قطع الكيكة مع امه وسديم وهو خجلان من البنات و الناس الموجوده .. وكان فيه مصوره توثق هاللحظة كامله .. عمته وهي جالسه : عقبال بنت الحلال يا يمه مشعل وهو مبتسم : أدعي لي يا عمه أدعي توافق علي .. عمته ام بسام : هه ومن يرفضك انت ! مشعل : والله رفضتني يا عمه البنات ما بين ضحكة و صدمة .. ام مشعل اللتفت عليه : زين فكرت تقول لي مشعل بضحكة : نتفاهم يمه بعدين وباس راسها وطلع بعجله .. و كملو تعليقات و ضحك على مشعل ! و تساوؤل مين هي الي رفضته ؟ ومين هي الي يحبها و يبيها ؟ أنتهت الليله على خير ???? والكل مبسوط وفرحان .. في سيارة فيصل .. ام فيصل : الله يديم الافراح سمر : امين يارب انبسطت مره لما شفت سديم مبسوطه فيصل رفع عيونه للمرايا وناظر لسمر لما جا طاري سديم .. ام فيصل : الله يعوضها يارب سمر : آميين فيصل بدون مقدمات : يمه أبيها ام فيصل ما فهمت : تبي مين ! فيصل : ابي اخطب سديم على سنة الله ورسوله سمر بفرحة : تتكلم جددد فيصلل !!! ام فيصل بعدم تصديق : تقولها صادق؟ فيصل : شفيكم استهبل؟ ام فيصل بفرح : منى عيني تخطبها من انفصلت وانا ادعي ان الله يكتبها من نصيبك و بفرح واضح : الحمدلله يارب فيصل بقلبه اه يا يمه قبل لا تنفصل وانا أتمنى .. سمر تقدمت : فيصل ليش احس انك تستهبل ؟ فيصل : خلاص استهبل ام فيصل : لالالا خلاص صدقناك سمر : تدري امي ذاك اليوم تقول يا ليتها من نصيب فيصل فيصل تنهد : يا ليتها ما ادري توافق ولا ام فيصل : وليش ما توافق ؟ سمر : ما اتخيييل سديم زوجة اخوي وناااسه فيصل : زوجة اخوك ! انتظري يمكن ترفض اخوك ام فيصل : اكلم امها فيصل : انتظري لين تخلص العده ام فيصل : لالا يجوز اقول لأمها هالحين ومن هنا لين تطلع تفكر و تاخذ قرارها سمر : لا يمه انتظري تو منفصله مستحيل توافق !!! ام فيصل : لا ننتظر بعد ويجي احد ويخطبها انتي شفتي اليوم الناس شلون تطالع لها وبعدين واذا تو منفصله ؟ هذا زوجها متزوج وعايش حياتها فيصل : طليقها يمه ام فيصل : الي هو .. بتضيع حياتها وهي تفكر فيه يعني ؟ اذا عقلها براسها بتفكر بحياتها و بهالدكتور الحلو الي يبيها فيصل بضحكة : انا ما احد يعزز لي كثرك يمه في بيت ابو مشعل . . كانو جالسين كلهم سديم سانده راسها على كتف مشعل .. مشعل : يالله شكثر مشتاق لكم ام مشعل : اقول بس مين هي الي رفضتك ؟ منهي بنتن له ؟ مشعل بضحكة : ما نسيتي يمه ام مشعل : شلون انسى الي رفضت وليدي؟ مشعل : ان شاء الله بتروحين لأهلها قريب انتي و ابوي ابو مشعل : بنت مين ؟ وين شفتها شعرفك فيها مشعل : زميلتي بالجامعة ابوها عبدالله الـ ***** ابو مشعل : ما اعرف والله لكن دامك تبي البنت ما هو مهم ابوها مين اهم شيء انهم ناس محترمين و سمعتهم زينه مشعل : ايه لا ما عليك من هالناحيه .. ام مشعل : وترفضك بعد شهد بضحكة : يمه شفيك واذا رفضت ولدك ترا عادي سديم بضحكة رفعت راسها : امي مزعلها موضوع الرفض هذا ام مشعل : مره صراحة مشعل : بتوافق ان شاء الله وتصير زوجتي و ام احفادك ام مشعل : ومصر لهالحين تبيها مشعل : القلب يا يمه في بيت ابو حامد .. ابو حامد بصراخ : انت ما تستحي !! تركي : يبه رحت ابارك !! ابو حامد : لا تبارك لا تروح لا تكلمهم !! ما تستوعب رغد بغيره نزلت دموعها رغم كل شيء رايح لبيت اهلها !! ام حامد : خلاص يا ابو حامد خلاص صار الي صار وتركي الله يرضى عليك يكفي مشاكل اخوها رجع ما نبي كل يومين والثاني مشكلة انسى بنت الحلال و عيش حياتك مع زوجتك وهي الله يرزقها بالزوج الصالح الي يعرف قدرهااا !!! تركي جن جنونه بالزوج الصالح ! معقوله تتزوج غيري سديم جن جنونه من الفكرة و اللتفت لرغد : انتظرك بالسيارة .. وهي طالعه ابو حامد : ما عليه يا بنيتي تحملي انتي الي جبتي لنفسك كل هذا .. رغد هزت راسها ب ايجاب وكملت طريقها .. فوق بنفس البيت .. رهف تحس بألم من أياام بس تتجاهل .. انسدحت بتعب وبصوت مسموع : أوف يارب .. غمضت عيونها و حاولت تنام .. في سيارة تركي .. رغد كانت تناظر له تغير جذريًا حتى شكله واضح مهموم واضح انه مو مستقر بحياته .. ش اسوي فيك ياتركي ؟ ش اسوي عشان تحبني ؟ انا خسرت الكل عشانك .. الكل .. في بيت ابو مشعل .. بغرفه سديم اخذت شور وهي تجفف شعرها جتها رساله نزلت الفوطة و فتحت الرساله وكانت من سمر " صاحيه ؟ " ردت : ايوه اتصلت سديم على سمر مكالمة .. سمر : اهلاً سديم : هلابك .. سمر : اممم سديم شوفي المفروض ما اقول لك لان فيصل بيكلم ابوك او امي تكلم امك بس قلت اعطيك خبر سديم توترت : خبر ايش ؟ سمر بتردد : اخوي فيصل سديم : سمر لا توتريني سمر : فيصل يبي يخطبك من تخلص العده سديم انصدمت .. فيصل يخطبني ! سمر : اسمعي لا تفكرين ولا تقررين و لا شيء انا اصلاً قلت له لا تتأمل سديم ما توافق بس مع ذلك احس اني لازم اقول لك لانك صديقتي سديم بتوتر : والله ما ادري ش اقول سمر : افهمك والله وافهم شعورك تو منفصله وتجربتك بالزواج ما كانت زينه .. لكن تاكدي ايًا كان قرارك انا معك انتي قبل فيصل .. بس حبيت ابلغك عشان لو كلو اهلك عندك علم سديم : الله لا يخليني منك يا سمر وسولفو شوي عن احداث حفله مشعل وقفلت .. سديم اول ما قفلت نزلت دموعها ما تعرف ليش ! معقوله فيه احد يفكر فيني و يبيني؟ ومن فيصل ؟ تذكرت ملامحه و عصبيته في اول لقاء حست الافكار تزاحم راسها قرت أذكرها و حاولت تنام ???? يتبع.... | ||||
|
| |
|
13-05-23, 08:10 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 26 صباح جديد .. فتحت عيونها سديم و أول فكرة جت ببالها خطبة فيصل لها .. ! معقوله يبيني ؟ ليش ولا مره حسيت انه مهتم ؟ اكيد سديم كنتي على ذمة رجال ! اكيد ما بيناظر لك ! انتي مستوعبه سديم ما انتظر تطلعين من العده عشان يتقدم لك؟ ضحكت بسخريه على حياتها .. قبل شهرين زوجك متزوج أعز صحباتك .. كلام الناس و نظراتهم لك .. انزعجت من الأفكار و اخذ شور تبي تصحصح ! في مجلس الرجال .. قفل ابو مشعل والابتسامة على وجهه وهو ما هو مصدق !!! مشعل وهو داخل : صبحك الله بالخير ابو مشعل : انشهد ان جيتك جيه خير مشعل بضحكة : هه بشرني شصاير ؟ ابو مشعل : تو كلمني فيصل يبي يخطب مشعل عقد حواجبه : يخطب مين ! ابو مشعل : سديم مشعل جلس بصدمة : يبه سديم ابو مشعل : ايه يدري انها بالعده وكل شيء هو قال ب اكلمك انت واذا خلصت العده نجي نخطبها رسمي منك مشعل جلس : ما اتوقع سديم بتوافق عليه ابو مشعل : لالا ان شاء الله .. مشعل تنهد : يبه ادري انك معجب بفيصل و شخصيته لكن سديم مرت بتجربه صعبه جداً مستحيل توافق عليه .. لكن هالشي ما بيأثر على الود اذا هو رجالّ و فاهم ان الزواج قسمه و نصيب ! في بيت تركي .. نزل من الدرج بعجله .. رغد : الفطور تركي : ما ابي .. رغد : وبعديييين وبعدييين تركي اللتفت لها : نعم رغد اتجهت له : تركي انا مليت من هالحياه متى بترضى بالي صار ؟ ادري امس رايح لبيت اهلها ع امل انك تصلح الامور مع ابوها بس تكفى خلاااص تركي قرب منها : رغد اقصري الشر ولا تفتحين هالموضوع معاي ثاني ! رغد : عاجبك حالنا ؟؟؟ خلاص سديم طلعت من حياتك خلاص اللتفت لي شفني خلينا نعيش حياتنا .. تركي قرب منها : على ما كنت ملهوف لشوفتك وسديم بجنبي على ما كثر ما انا عايفها الان رغد انفجعت بكلامه !! جرحها بكلامه .. نزلت دموعها لاشعوريًا .. كمل طريقه وهو كارها جداً كل ما يشوف وجهها يحس انها السبب بكل الي صار .. كانت حياتي هاديه ، الأن ولا شيء مستقر ! ولا شيء .. اقرب الناس لي توترت علاقتي معهم .. نفسي حتى نفسي ما صرت أفهمها .. في بيت ابو مشعل .. على طاوله الطعام .. مشعل : والله اني مشتااق مشتاق لهالجلسة .. سديم : الحمدلله الي جمعنا من جديد .. سديم : الحمدلله الي جمعنا من جديد .. شهد : يبه عادي نأجل الزواج شهر ؟ اشتقت نطلع انا وسديم ومشعل ونتمشى ابو مشعل : لا الرجال مل من التأجيل لو اقوله بيقول خلاص خل بنتك عندك سديم ضحكت بخفه : حرام عليك سنين وهو ينتظر ، بعدين صار ينتظر مشعل مشعل : ينتظر ش وراه مزوجينه احلى و ارق بنت بالدنيا ابو مشعل : لا تعزز لها تكفى شهد : ههههه الله يخليك سديم : عادي بعد الزواج نطلع .. المهم ان مشعل رجع للرياض بالسلامة مشعل : اي والله.. ام مشعل : ومتى بتخطبها مشعل بضحكة : يمه تكفين ما نمتي امس تفكرين صح ؟ ام مشعل بتوتر : لاه عاد مو لهدرجة مشعل : والله اني داري يمه والله البنت ماشاء الله علم و ذوق و شهاده و بنت عايله محترمة ام مشعل : وليش ترفضك مشعل : يمكن ما اعجبتها سالفه اني اخطبها كذا ام مشعل بتفكير : صراحة معها حق تبيها كلم ابوها مشعل بقلبه انا مكلم ابوها بس هي .. و كمل : شفتي يمه ، عشان كذا لا تعصبين باذن الله اذا هي من نصيبي بتروحين تخطبينها لي ام مشعل : اذا لهدرجة تبيها ، الله يسخرها لك و توافق ياوليدي و افرح فيك .. في بيت فيصل .. ام فيصل مو سايعتها الارض من الفرحة وهي خطبه بس ! سديم ما وافقت اصلاً ولا درت لكن من اول يوم شافتها وهي مبهوره ذ بجمالها و ذوقها وكل شيء .. تمنت انها من نصيب فيصل رغم ان الفوارق بينهم كبيره بس الان تغير الوضع عرفناهم و عرفونا ، و فيصل قريب من ابوها و هي الأن منفصله .. ( ليس تقليلاً من المطلقات إبداً ، بالعكس الحياه تجارب ويمكن تجربتها كانت سيئه مع هالشخص وربي يبي يعوضها بأفضل منه ، لكن ما ننكر نظره بعض الأهالي الي ما تقبل تزوج ولدها وحده مطلقه أو منفصله بحجة أن غيرها أفضل ، وهذي شكليات لايؤخذ فيها ، مُش أنها عزباء خلاص بتصير كويسة ، التوافق و النصيب المهم بالزواجات ، و التجارب مو مقياس ، وكلن بيأخذ نصيبه بإذن الله ) في بيت ابو مشعل .. ام مشعل أنبسطت جداً لما قال لها زوجها كانت مقهوره من تركي و زواجه من رغد ودايم تتخيلهم سعيدين مع بعض ! وبنتي حزينه و مكسوره ! يمكن زواجها من فيصل بيحسن الوضع . . لكن بنفس الوقت تعرف بنتها وتعرف موافقتها الأن صعبه جداً . . بس قررت تقولها بعد العده على خير .. في بيت ابو حامد .. تركي : ب أطلقها خلاص ابو حامد بغضب : و انت على كيفك السالفه؟ بنات الناس لعبه عندك تتزوح وتطلق ؟ تركي : يبه النفس عافتها والله عافتها ابو حامد : ما تستحي انت ؟ ما تستحي ما لك سنة متزوج مرتين وبتطلقهم كلهم ؟ حمد : استخير يا تركي نايف : لو طلقتها صدقني ما احد بيزوجك بنته لو ايش ! تركي : ب ارجع سديم ابو حامد : تخسي توصل بيتها !! تركي انا سامحتك عشان اخوانك والله ان شكى لي ابو مشعل منك ما تدخل بيتي تركي : يبه ابيها !! ابو حامد : توك تبيها ؟ تو تحس ؟؟ تركي : يبه والله انا ندمان تكفى لا تزيدها علي ابو حامد : انسى سديم و عيش حياتك مع الي فضلتها عليها و اخذتها بالسر ! نايف : تركي انت تدري و كلنا ندري ان سديم مستحيل ترجع لك ! لا تخسر رغد وانت تحاول ترجع سديم ! حامد : كلام نايف صح ، وبنت الحلال الثانيه حرام تطلقها بعد كل الي صار تزوجتك بالسر و رضت فيك اخر شيء تطلقها ابو حامد وقف : ارضى بحياتك ياتركي ، كل الي صار بسبب فعايلك فلا تلوم بنت الناس ، ما ضربتك على يدك وقالت تعال تزوجني حتى انت كنت تبيها و تزوجتها وانت مع سديم في بيت فيصل .. عجز لاينام من التفكير .. توافق ؟ ولا ترفضني ابوها كان رده فعله تبشر بالخير بس الراي الأول والاخير لها هي ! اه يا سديم لو تدرين على الي بقلبي لك لو تدرين شكثر افكر فيك و ابيك و يهمني أمرك .. لو تدرين بس .. عند هديل .. شافت حساب مشعل الي كان بالتويتر بنفس الاسم والعائله .. شافت صورته مع أبوه و عيال عمه .. و تغريداتها عن فرحته برجعته للسعودية .. نزلت دموعها لاشعوريًا حتى هي أشتاقت جداً لأهلها .. لصديقاتها .. لكل الناس .. جلست تدور بحسابه . وكان فيه صور شخصيه كثيره له جلست تتأمله و تتذكر كلامه " زوجتي " تنرفرت لانه يقولها واثق ! بس ما تنكر أنه ملامحة حاده و جذابه .. و أغلب صوره لحاله و تغريداته عامة ، معقوله ما حب بحياته؟ ما كتب لأحد ؟ جلست وقت طويل بدون ما تحس بحسابه عرفت عنه كثير اشياء .. من كلامه .. في بيت ابو مشعل .. بغرفه سديم بعد العشاء صعدت غرفتها .. و اول ما جلستها لحالها تذكرت فيصل وسمر ! و نفسيًا كان المسيطر " مستحيل أتزوج " مريت ب اصعب تجربة زواج ما عندي إستعداد ما عندي حب ما عندي أهتمام ما عندي شغف احس فقدت كل شيء ولا افكر اتزوج عالإقل حاليًا !! بس ما تنكر أن فكرة أحد خطبها حسستها بشعور حلو . . تنهدت وهي تحس ب أنكسار داخليًا رغم أنها تتظاهر أنها تمام لكن .. ???? بعد مرور شهر على الأحداث الأخيره .. بالمستشفى رهف جلست بصدمة .. فشل كلوي ! نزلت دموعها لاشعوريًا بأنكسار و خوف و ندم .. حست ان الدنيا ضاقت فيها .. هيا ضمتها : لاحول ولا قوه الا بالله ، لن يصيبكم الا ما كتب الله لكم رهف : فشل كلوي! انا انا ونزلت دموعها هيا ضمتها على صدرها وبكت معها .. في بيت ام رغد .. لها يومين نايمه عند امها لان تهاوشت هي وتركي ! رن الجرس .. فتحت العامله الباب و كان ظرف ... وصلته لرغد .. ام رغد : اكيد من ابو مشعل رغد : ما ادري دقيقه اوله المحكمة يمه ام رغد اتجهت لها : افتحي افتحي رغد فتحته و انفجعت !!! ورقة طلاقها !!!! صرخت بعدم تصديق : طلقني يمه طلقنننننني ام رغد : الحمدلله انها جت منه الحمدلله ارتحتي منه رغد بصراخ : يمه تركي طلقني تخلى عني !!! ام رغد : تعبت وانا اتكلم تعبت وانا اقول لك رغد جلست بصدمة و ألم تحس قلبها أحترق .. كيف أرخص فيني كيف طلقني بهالسهوله؟ كيف هان عليه يرسل ورقتي كذا كيييف ... كيف وانا الي تحديت الكل عشانه كيف وانا خسرت صديقتي واختي عشانه كيف وانا تحملت كلام أهله عشانه كيف وانا جالسه اواجهه كلام الناس بكل مكان ! الي اخذت زوج صديقتها كيف هان عليه كيف بكت بصوت مسموع .. بـ إنكسار بـ ألم .. في بيت فيصل.. من بلغه أبو مشعل بالرفض وهو متضايق ! حس انها فرصه وراحت عليه تستاهل يا فيصل تستاهل كنت تدري انها مو لك ، ومستحيل تكون لك حس الرفض جرحه مره .. ام فيصل تضايقت شوي بس مقتنعه انه قسمه ونصيب .. سمر ما فكرت بالموضوع ابداً لان تفهم شعور سديم ما لها شهور منفصله وفجاءه .. ! اكيد بترفض ويبي لها شهور على ما تستجمع نفسها .. و اليوم ... ???? زواج سمر و فارس .. كان الزواج خاص نوعاً ما ، لكن فارس كان مشرف على كل شيء بنفسه صح أنا تزوجت والكل حضر عرسي الأول ! لكن سمر من حقها تفرح بزواجها .. في القاعة .. سديم كانت معها من بدري وكأنها تبي تعوض عن غيابها بالملكة .. سمر كانت مبسوطه لوجود سديم لان خافت سالفه الخطبة تأثر على علاقتهم لكن سديم كانت اكبر من كذا .. و وقفت معها بكل حب و ود .. عند سمر تحديداً .. كانو عندها سديم و أسماء .. يصورون معها و يضحكون و يحاولون يخففون التوتر الملحوظ .. ام فيصل ب احراج : يمه سديم و أسماء فيصل يبي يدخل اذا ممُ .. قاطعتها سديم : سمي خاله نروح فوق الأن كانت الغرفه دورين .. ام فيصل : الله يرضى عليك .. و حطت السماعه : دقايق و أدخل لين يروحون البنات فوق صعدو فوق وكان فيه جلسه .. اسماء : احس مو مصدقه سمر تزوجت سديم وهي تشوفها : الله يتمم فرحتها على خير يارب .. اسماء : امين يارب وجلست على جوالها وشوي سمعت صوت رجالّ .. و كان فيصل و فارس داخلين سديم و اسماء كانو يشوفونهم من فوق مو بشكل مباشر لكن الرؤية واضحة شوي .. فارس لاشعوريًا : ماشاء الله .. فيصل طقه بيده : ما قلت لك أثقل شوي؟ فارس مو مركز معاه .. ام فيصل : يمه فارس من بيدخل معك فارس بتوتر : اخواني ان شاء الله .. و بهمس : شرايك ندخل مع بعض؟ فيصل : أقول أختي أنا أزفها ما عندي غيرها ترا فارس : خلاص ياخي متى تفك عني شوي ب اعيش حياتي فيصل بضحكة : ههههه معك معك يالنسيب فوق .. اسماء تدري عن خطبة فيصل لسديم والرفض وكل شيء .. اسماء : ماشاء الله فيصل بيغطي على العريس حتى سديم : ههههه والعريس مملوح ماشاء الله اسماء : ايه بس مو مثل جمال فيصل .. سديم استغربت كيف تقول كذا .. عن اخو صديقتها قدامي ! اسماء : لا يروح بالك بعيد انا مخطوبة و فيصل صدق كانه اخوي احبه و اغليه مره .. سديم : لاه شدعوا .. اسماء : اه هني لها الي بتاخذك بس .. بالله شوفي هو جمال هو طول هو هيبه ماشاءالله بس .. سديم ركزت عليه .. : الله يتم له بنت الحلال الي تسعده .. اسماء : آمييين .. اقولك شيء بس بيننا هو يبي وحده و عساس يخطبها بس ما ادري شصار سديم توترت جداً .. اسماء : انا احس انها رفضت ؟ بس ليش ترفض سديم : ما تدرين عن الظروف اسماء : الظروف و الحياه ما تصفى لأحد والله ، لو يجيني واحد مثله كامل والكامل الله ما فكرت ثانيه ، لكن يلاه الله يعوضه شنقول بعد سديم بتوتر : امين و حست كلام اسماء موجهه لها بدون شكل مباشر ! فيصل ضحك وعدل شماغه ورفع راسه فوق رغم ان المكان ظلام شوي الا ان حس ان فيه احد وهو يدري انها موجوده هي و اسماء .. توتر ونزل راسه .. سديم حست قلبها ينبض بسرعه من النظرة و الضحكة .. اسماء كانت تراقب بصمت .. بعد دقايق .. طلع فارس و كان وقت زفه سمر .. نزلو مع الدرج الثاني بيبلغون اهل فارس ان وقت الزفه الأن .. ويجلسون على الطاوله المحجوزه لهم قدام .. ما هي الا عشر دقايق . . و بدت الموسيقى الهاديه جداً .. و افتح الباب و دخلت سمر مع أخوها فيصل و كان فارق الطول بينهم واضح جداً سمر رغم بساطه فستانها الا انه زادها جمال .. ام مشعل : ماشاء الله تبارك الرحمن .. فيصل كان يمشي معها و يعدل فستانها اكثر ورفع عينه قدام و طاحت عينه بعين سديم .. حس بتوتر فضيع عدل شماغه بيده و كمل لين وصل سمر الكوشه .. و صور معها .. كان وده يلتفت يشوفها بس ... سديم كانت مركزه عليه وعلى سمر مره .. و مبسوطه جداً شافته وهو طالع ومنزل راسه تحت .. له هيبه و كاريزما واضحة كان عاقد حواجبه وهو طالع وكانه منزعج من شيء او مستعجل على شيء .. سديم ما تنكر انها اول مره تركز فيه لهدرجة لانها مو على ذمة أحد ! ولأنه تقدم لها !! ام مشعل اول مره تشوفه بالطبيعه و كانت معجبه فيه و بثقله و رزانته ما رفع عينه .. وكانت ملاحظه نظرات بنتها و بداخلها يارب يا سديم من نصيبك .. و يعوضك عن كل الي صار بحياتك ... بعد دقايق .. كانت زفه فارس مع اخوانها وكان مبسوط جداً و بنفس الوقت كان خايف طليقته تجي ! بس للأن الاوضاع تمام شافها قدامه حس قلبه ذاب .. بعد ما جلس .. جابت له اخته ولده محمد فارس من الفرحة وقف مو مستوعب !! لانه كان عند امه ف انبسط مره لما شافه قدامه بالثوب الابيض جلس على رجله و باس راسه : والله تو ما اكتملت فرحتي !! وجلس مع سمر شوي .. بعدين طلعو مع بعض وسط دعوات .. ???? عند فيصل .. فكرة ان سديم قريبه منه .. و شافته توتره مره . . ابو مشعل : الله يتمم فرحتكم و العقبال لك فيصل : آمين اذا كان نصيبي عندك .. ابو مشعل تنهد : الله يرزقك بالي أحسن فيصل بقلة حيله : يا هي يا ما نبي هالزواج .. ابو مشعل : هه شهالكلام يافيصل ؟ فيصل رن جواله : مكالمة مهمه عن اذنك و رد وبعد شوي . . ابو مشعل بنفسه والله ودي يا فيصل ! بس سديم رافضه تمامًا ولا اقدر اضغط عليها مر الوقت والناس بدت تمشي .. فيصل كان متكي على سيارته ينتظر أمه .. و شافها طالعه .. ! سديم من شافته توترت جداً بس كانت مضطره تمر من قدامه ! لان سواقها وراه .. فيصل لو غير سديم بيركب سيارته ويبعد عن طريقها ، لكن هي لا .. يبي يشوفها عن قرب .. يبي يتطمن عليها سديم توترت تكمل ؟ ترجع شتسوي ! ش بيقول عني لو رجعت ؟ شفيك سديم ما بياكلك ترا ... كان فيه حيره فيصل كان يشوف ملامحها و توترها وقرر يبعد شوي عنها ???? عند القاعة .. رجع شوي فيصل بخطواته .. سديم شافته و قررت تكمل وبنفسها شفيك سديم حتى هو لاحظ ! كملت طريقها وهي متوتره جداً .. وفجاءه حست بخطواته توترت زياده .. فيصل : لهدرجة ما ودك تشوفيني حتى ؟ سديم اللتفت بتوتر وخجل ملحوظ .. وكانت تبي تكمل فيصل تقدم ومسك يدها : لحظة لحظة ب اقولك شيء و ترك يدها بسرعه لما حس بصدمتها .. فيصل تنهد : بس قولي لي رفضك عشاني إقل ماديه ومكانه اجتماعيه منكم؟ ولا انا ولد تجار ولا اهل ابوي تجار ؟ ولا عشان ما تبين تتزوجين حاليًا سديم بصدمة : طبعًا الثانيييه فيصل لما حست انه فكر كذا حست لازم توضح له و ناظرت له : فيصل انا ما فكرت بالماديات ولا اهتم لها ومستحيل تكون سبب رفضي اصلاً وانت ما عليك قصور رجالّ موظف و عندك بيت و الأهم من كل ذا الماديات مو شيء ضروري عندي.. فيصل قرب منها : طيب ليش الرفض ليش .. سديم توترت جداً : فيصل انا مريت باسواء تجربه زواج احس قلبي لسى مكسور جالسه اتظاهر للكل اني عديت بس ما اقدر اتزوج و اقنع زوجي بهالشيء .. وانا بكل مافيني مسكور فيصل قرب منها : والله أفهمك و أفهم شعورك ومستعد أوقف معاك و أحتويك .. بس تكفين وافقي سديم نزلت دموعها : فيصل انت رجالّ والنعم فيك و الف بنت تتمناك ، شف نصيبك وعيش حياتك فيصل : أبي حياتي معك انتي بالذات مستحيل اتزوج غيرك سديم بتوتر : بتتزوج و بتعيش حياتك ، انا لا لك ولا لغيرك مستحيل اتزوج واعيد التجربه فيصل : فكري مره ثانيه و ثالثه ورابعه سديم : فيصل الله يخليك لاتصر علي انت علاقتك بأبوي كويس و أبوي يحبك لاتخلي موضوع الرفض ياثر عليكم .. فيصل قرب منها جداً .. بينهم كم سم فقط .. ريحة عطره الرجالي أختلطه بريحة عطرها وبخورها فيصل من بين اسنانه : والله غيرك ما أتزوج طالت السنين ولا قصرت سديم توترت و رفعت عيونها و تعلقت عيونهم ببعض لحظات .. سديم رغم الخوف : لا تضيّع سنين عمرك فيصل : اذا لك فـ فدا والله جلس يتأملها جمالها جذاب ملامحها رغم الخجل و الدموع حلوه .. سديم كانت تشوف ملامحة الحاده و نظراته الحاره الي تحس أحرقت روحها فيصل حط يده ورها خصرها وقربها وبهمس حطي هالكلام ببالك أنا غيرك ما أتزوج ... و أنتي لغيري ما تكونين وبعد عنها وكمل طريقه .. سديم من التوتر نزلت دموعها و اتجهت لسيارتها وهي تبكي .. تحس بشعور غريب ، الأكيد أنه مو حب .. بس أصرار فيصل ! يتبع.... | ||||
|
| |
|
13-05-23, 08:12 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 27 في سياره ركب وهو متوتر ما يدري الي سواه صح ولا ؟ يمكن هالحين تكرهني زياده ! قطع حبل افكاره دخول أمه السياره .. و اتجهو لبيتهم لأول مره بدون سمر .. ام فيصل كانت فرحانه و حزينه على فراقها بس هذي سنة الحياه .. و ان شاء الله فيصل بيتزوج و بيسكن عندي و بيملى البيت حياه من جديد .. و بدت تمر الأيام على الكل بهدوء .. رهف بدت بالعلاج وكانت تعبانه نفسيًا من الي جالس يصير .. هيا أستقرت حياتها مع زوجها رغد تبدل حالها من حال إلى حال و جالسه بالبيت عشان العدة و كانت الدنيا الواسعه مو واسعتها من ضيقة الصدر .. تركي كدس وقته بين دوامه و بيته ما له خلق احد خصوصًا بعد ما هاوشه أبوه أنه طلق رغد ! سديم تحاول تنسى كلام فيصل و تركز على حياتها ولا يأثر على قرارها سمر و فارس بعد مرور اسبوع جا محمد و المساعده و عاشو عندهم بنفس البيت و فارس كان كل يوم يتاكد ان قرار زوجه بسمر أفضل قرار سواه بحياته .. مشعل كان على تواصل مع صديق له عشان يتطمن على هديل عن بعد لانها ما ترد على رسايله ابداً .. ابو هديل كلمها و بلغها ان مشعل يبي يتقدم لها رسمي هو و اهله ! و انه ولد عائله معروفه و محترمة و ما يصير ينرد ! هديل عصبت من مشعل جداً !!! رغم انها بلغته برفضها أكثر من مره لكن لسى مصر .. !! إلى هنا نتوقف مؤقت .. ???? ما كنت ناويه أنزل بارتات اليوم عشان " عرفة " لكن القفله كانت تحمس ولا ودي أترك حماسكم أكثر فـ كملت ???? وتكلمت عن الكل بشكل سريع وشامل و بإذن الله بعد العيد بتكون التكملة + و النهاية قريبة جداً .. وتقبل الله منّا ومنكم جمعيًا الطاعات .. أذكروني بـدعواتكم اليوم ❤️ ولا تضيعون الساعات القليلة على الجوال والأنشغال بأمور الحياه ، كل شيء ملحوق عليه إن شاء الله .. أستودعتكم الله الذي لا تضيع ودائعه .. الله يتقبل دعائكم ، و عيدكم مبارك ❤️ بعد مرور أيام .. في بيت ابو مشعل صحى من النوم على أتصال .. رد وصوته كله نوم مشعل : الو هديل بصراخ : انت تستهبل صح ؟ ليش تروح لبيت أهلي ليش مشعل : ما في صباح الخير لزوجك؟ هديل بصراخ : قلت لك ستين مره ب أحترام لا لا ما تفهم ؟ ما تستوعب ؟؟؟ ليش تحط ابوي بهالموقف !!! مشعل : لأني أبيك هديل : أنا ما أبييييك ما أبي اتزوج ما ابي ارجع الأن مشعل : والله انا من شفتك حسيتك نصيبي هديل : شف مشعل احترمك و اقدرك لانك وقفت معاي بس ما يعني هذا ابوي جالس يضغط علي عشان اوافق عليك مشعل : دامه جاب نتيجة يا ليتني مكلمه من زمان هديل بدا صوتها يهدا : مشعل اتكلم معك جد ، ابوي يضغط علي مشعل وده يقول له ازين خل يضغط عليك و توافقين علي و ترجعين تستقرين هنا بين اهلك و احبابك و الي يتعدى عليك بكلمة انا ب اكون ب وجهه وده يقول لمتى وانتي هناك ، لمتى سنين عمرك تمر ؟ وده بس يدري فيها بتاخذ كل شيء بعناد ! وببرود : كلمتك اول شيء وانتي الي رفضتي ، تحملي قرارك و واجهي ابوك هديل برجاء لأخر مره حست انه جالس يجرح كبريائها : مشعل .. مشعل بقلبه : عيونه و قلبه لكن خارجيًا : الي عندي قلته لأبوك و تفاهمت معه كل شيء بس ناقص تحجزين طياره وتجين هديل قفلت الخط بغضب !! ليش ليش يبه ليش ترخص فيني عشانه ولد الـ ***** بتزوجني فيه غصب !!! جلست وهي منهاره من التفكير كان مكالمة مشعل اخر حل ! ابوها جالس يضغط عليها بالمصروف و بمحبته وبتواصلها مع اخوانها مقابل هالزواج ! وكانت بين خيار أرفضه و أواجهه الحياه ولا أوافق عليه و أنكد عليه حياته؟ في بيت ابو مشعل .. سديم : ياربي ياحلو الصغير .. سمر : والله قلت ب أنزله عند أمي سديم : لا تكفين والله انا منهاره ابي اشوفه بس خفت فارس ما يحلى له سمر : لا شدعوا عادي ام مشعل : الله يجزاك خير يابنيتي و يرزقك بالذرية الصالحة سديم : سمر بالله جيبي لي بنيّه صغيره سمر بضحكة : انا لسى جديده على الأمومة خليني اتأقلم ام مشعل : الام الي تربي ياوليدي و هذا وليدك سديم تناظر لمحمد : مستغربه شلون تسوي بولدها كذا ؟ سمر : والله يا سديم حتى انا اسال نفس السوال ! شلون هان عليها ، بعد زواجنا بيومين اتصلت على فارس تقول ملكت ! سديم : ما افهم يعني كذا بتنتقم ولا ايش؟ سديم : ما افهم يعني كذا بتنتقم ولا ايش؟ الي اعرفه منفصلين عن تراضي سمر : ايه هي ما كانت تبي ترجع لفارس و دايم تنعانده بمحمد سديم : والله هي الي خسرت ولدها ولا فارس بيتعوض هذاهي تزوجت واحد ثاني بس الولد ! سمر : والله ما ادري ياسديم .. حتى لما كلمتني يقالها تحذرني من فارس و هالسوالف قلت لها ولدك طيب قالت لا خليه عندك وانتي ربيه و اهتمي فيه ام مشعل : يالله لا تقسي قلوبنا بس شلون تقول كذا عن وليدها سمر : والله خاله ما اعرف لكن الله يهديها و يحننّ قلبها ام مشعل : امين يارب .. الا شلون أخوك ؟ سديم اللتفت لامها بصدمة وبداخلها امي تسال عن فيصل؟ شصاير ؟ سمر : لا الحمدلله أفضل .. سديم بتردد : عسى ما شر ؟ سمر : تعب خفيف شكله من الجو بدا يبرد شوي ام مشعل : الله يحفظه ويقومة بالسلامه سمر : امين يارب ام مشعل : انا امس كلمت امك قلت لها سديم عازمة سمر تعالي خلينا نتقهوى و نتونس بس تقول فيصل تعبان ولا اقدر سمر بضحكه : ايه امي الله يطول بعمرها هذي هي اذا تعب فيصل جلست قباله ام مشعل : الله يخليه لها سمر : آمين ياخاله وكملو سواليف .. بعد مرور شهرين ! بالمطار .. نزلت هديل من الطياره وهي ما بين شوق للرياض ، و زعل من ابوها وكره لمشعل ! ابو طارق : الحمدلله ع السلامة هديل : الله يسلمك .. الهنوف " زوجة ابوها " : زين شرفتي هديل بصوت قصير : تكفين لا تبدين والله ١٤ ساعه وما لي خلق اسولف حتى .. واتجهو لبيتهم وهديل طول الطريق تفكر .. في بيت ابو مشعل .. مشعل : الخميس يبه ابو مشعل : البنت جت ؟ مشعل : ايه هنا بالرياض وخلاص يكفي تأجيل ! ام مشعل : اي والله خلاص نروح نخطب رسمي و نشوف البنت و نظرة شرعية ابو مشعل : ب اكلم ابوها مشعل : طيب سديم : ايه يبه كلم ابوها وحطه خبر من الان عشان تتجهز اذا فيه نظره شرعية ابو مشعل : طيب ان شاءالله .. في بيت ابو عبدالعزيز ( أب هديل ) .. هذيل انبسطت بشوفة اخوانها الي الدنيا فرقتهم رغم حبهم لبعض ! الهنوف : عزوز وقت نومك الأن يلاه ريم حبيبتي حطيت لك كوب الحليب اشربيه وعلى غرفتك هديل تنهدت تعرف انها ما تبي عيالها يجلسون معها .. تنهدت و باستهم و صعدت لغرفتها .. كانت منظفتها العاملة نزلت عباتها و انسدحت بتعب .. ليش شسويت لها ؟ ليش تعاملني بهالطريقة ؟ حس بنار بصدرها لان كل هالأساله ما لها اجابه ! بس عشان بنت جارتها ؟ حتى ما لحقت على امي بحياتها ولا كانت تعرفها تساوؤلات كثيره شوي طق الباب .. شوي طق الباب .. هديل توقعت العاملة : تفضل ابو عبدالعزيز : ما نمتي هديل : هلا يبه لا لسى ابو عبدالعزيز : تو كلمني ابو مشعل هديل : ايوه؟ ابو عبدالعزيز : الخميس بتجي امه و اخته و بخطبون رسمي هديل توترت : الخميس هذا ! قريب ابو عبدالعزيز : واذا قريب ؟ ما عليك الهنوف تجهز كل شيء انتي بس جهزي نفسك عشان النظرة اكيد الولد يبي يشوفك هديل انصدمت بس بتسليك : طيب يبه ومن طلع ابوها حطت يدها ع راسها و نزلته وهي تحس بقهر !! كل الي انا فيه الان سببه مشعل !! والله لا انكد عليه حياته و اخليه يكره اصراره على هالزواج ! في بيت فارس .. سمر كانت بالمطبخ .. فارس : سمر سمر : هنا هنا فارس اتجهه لها : شتسوين ! سمر : قلت بنسوي العشاء بدري اذا بنروح لأمي فارس قرب منها : لالا و اخذ صحن الخصار الي بيدها ونزلها ونزل القلفز : نسيت اقول لك حجزت لنا بمطعم ***** نتعشى و نطلع لبيت اهلك سمر بخجل : لاه فارس عادي فارس : ما اقبل اعتراض حتى حمود بيروح معنا سمر بفرح : صدق أوكي اذا كذا عادي فارس قرب منها وباس خدها : لا نتأخر سمر : سم و أبشر واول ما طلع تنهدت بـ ارتياح .. كان يعاملها بكل حب و إحساس .. صباح جديد .. في بيت ابو عبدالعزيز .. الهنوف : يكفي ولا أزيد ؟ ابو عبدالعزيز : يكفي يكفي بالملكة احجزي الي تبين بس هالحين امه و اخته الهنوف : حتى ولو حرم الـ ***** بتشرفني ببيتي و بتاسبني لازم اكون قد المقام ابو عبدالعزيز : والله كيفك الصرافة كلها تحت امرك وامر هديل اهم شيء تشاورينها بكل شيء الهنوف : عشتو وهذي شعرفها اصلاً ابو عبدالعزيز : الهنوف خلاص البنت تبي تتزوج و تستقر خلاص يكفي الهنوف بهمس : حن قلبك عليها هالحين و بصوت عالي : طيب تأمر في بيت ابو مشعل .. ام مشعل : وين سديم : ب اروح مع مشعل بنختار الخاتم و الشبكة ام مشعل : زين ياعمري سديم : تروحين معنا ؟ ام مشعل : لالا أختك و زوجها يبون يجون اليوم على العشاء سديم : صدق ! حيهم الله .. اجل بنحاول نلحق ع العشاء معكم ام مشعل : اهم شيء تكون الشبكة زينه ما عليك من اخوك و ذوقه انتي تعرفين الزين نبي شبكة تليق بمشعل و بهديل سديم : سمي و أمري يالغالية في الليل .. في بيت فيصل كان يلعب محمد و يضحك معه بصوت مسموع ام فيصل : شلونكم سمر : والله بخير الله يسلمك فارس : اقول خاله زوجيه بس ام فيصل : والله ودي يا وليدي بس سمر بهمس : لهالحين يبيها ام فيصل : تعرفين اخوك اذا قال شيء لي كم وانا اقنعه خلاص ما هي من نصيبك العمر يركض و السنين تمر ولا انت صغير بس فارس : انا باكلمه بعد العشاء ام فيصل : تكفى والله تسوي خير يمكن يسمع منك سمر : المشكلة سديم مو عشانه فيصل لا البنت خلاص كاره الزواج بكبره يعني اصراره ما له داعي ام فيصل : والله تكلمت لين مليت بس وليدي و اعرفه اذا ما اقتنع من باله والله ما يغير رايه فارس : بنحاول .. فيصل كان يلعب مع محمد ولا يدري عن كلامهم .. لكن كان داخليًا مو مقتنع بفكرة الزواج بعد رفض سديم ! مرت الأيام .. و جا يوم الخميس يوم الملكة هديل كان ما لها خلق لشيء !! و تحس بقهر من مشعل .. هو السبب هو ! وهي تتجهز اتصل مشعل ! تنرفزت منه وردت : نعم ؟ نعم ش باقي ما قلته ؟ مشعل : بسم الله شفيك هديل : انا شفيني؟ انا مشعل : نايمه زين ؟ هديل : شدخلك ؟ مشعل : لا واضح الاخلاق المهم كنت ب اقولك ترا امي و اختي بيجون هديل : طيب ادري؟ مشعل : يعني اذا ممكن ما توضحين لهم نفسيتك ذي؟ انا اتحملها والله انا بس بليز خليك قدامهم طبيعيه هديل : اممم يعني لو عرفو ما لي خاطر بالزواج وكل شي بالضغط بينقذوني منك؟ مشعل توتر داخليًا بس تظاهر : هههه لاه ما عرفتي أهلي قرار شخصي مستحيل يتدخلون + أنا ما تزوجتك بالغصب انتي وافقتي ! هديل بقهر : تدري ليش وافقت ! مشعل : والله مهما كثرت الاسباب ياهديل بالنهاية وافقتي! هديل : والله لتندم يامشعل ع هالزواج ! و قفلت منه وهي متنرفزه منه شوي دخلت الهنوف ومعها بخور : مبروك ياهديل مبروك هديل ببرود : لا ما اصدق الهنوف جايه لغرفتي! الهنوف : والله انتي تدرين انا ما شفت منك شيء ولا تعنين لي ولا ضرتيني لكن ابوك من يشوفك يشوف امك و انتي بتتزوجين وبتفهمين شعور وقتها لما تشوفين مشعل جسمه قدامك لكن عقله و تفكيره مع وحده ثانيه هديل تنهدت : الثانيه ميته ميته الله يرحمها ويغفرلها !!! الهنوف : والله قولي لأبوك مو لي ونزلت البخور : تبخري منه شريته قبل شهرين من دبي يجنن و جهزت المكان تحت لا تشيلين هم شيء ب اخلي امهم تنبسط انها ناسبتنا هديل تنهدت : شكراً لك وبداخلها : ما احد يسال عن شعورك ما احد يدري انتي تبينه ولا ؟ ما احد حاس فيك ياهديل .. في بيت فيصل .. ان فيصل : الله يتمم فرحتهم على خير سمر : آمين و العقبال عندنا يارب فيصل بضحكة : آمين للي بالي آمييين ام فيصل : ان شاء الله ، الله كريم تصير فرحتنا و فرحتهم وحده فيصل : ايه هذي الدعاوي الزينه امين سمر : ما ادري لوين بنوصل بعنادك وعنادها و تنهدت : ب اروح اشوف وليدي بس في بيت ابو عبدالعزيز .. ام مشعل انبسطت و اعجبت بشخصية الهنوف و ترحيبها و استقبالها لهم وكانت متحمسه جداً لشوفه هديل ! بعد مرور نص ساعه نزلت هديل وهي خجلانه جداً .. ام مشعل من شافتها : ماشاء الله تبارك الرحمن ياهلا ببنيتي ياهلا و سلمو عليها سديم بهمس : قال لي مشعل انك حلوه بس ما تخيلت لهدرجة ! هديل نزلت راسها بخجل .. ام مشعل : الله يحفظك يا بنيتي بعذره وليدي طاير عقله من جا سديم بضحكة : يمه ههههه ام مشعل : وما له سالفه الا اخطبوها الهنوف : ياقلبي ، نتشرف والله بكم ام مشعل وهي تتأمل هديل ملامحها هاديه و شعرها لحد كتفها وصابغته بني فاتح و هي بشرتها بيضا و فستانها سنبل يعكس ذوقها و شخصيتها تبادلو اطراف الحديث مع زوجة ابوها هديل كانت خجلانه مره .. بس مبدئيًا أرتاحت لأمه مره كلامها حنون و ذوق و فرحتها لاتوصف ! في مجلس الرجال .. تمت الخطبة رسميًا بحضور أهل مشعل و أبو عبدالعزيز و أخوانه وطلب منه ابو مشعل النظرة .. ابو عبدالعزيز : من حقه وعن اذنكم و داخل وبلغ زوجته تقول لهديل تجي بالمجلس الداخلي .. قالت لها قدام ام مشعل هديل انهارت كان ودها تعارض ! يستهبل هذا !!! شايفني ستين مره بس كذا يحب يعاند ! استاذنت وهي منهاره منه !! الهنوف : اذا بتشوفين شكلك ولا هديل : لا كذا اوكي الهنوف : ينتظرك ابوك و مشعل انا ب ارجع لضيوفي هديل : تمام اول ما راحت الهنوف اتجهت لدورة المياه وكانت حاطه روج خفيف مسحته و نزلت الحلق و الساعة و بنفسه هه عباله كاشخه له الأن ! بالمجلس .. دخلت بخطوات خجلانه عشان وجود ابوها .. و كانت طرحتها على شعرها بس طالع طوله ولونه .. هديل : السلام عليكم مشعل : وعليكم السلام .. ابو عبدالعزيز : اكيد انكم شايفين بعض قبل لكن الان يفرق الي قدامك بتكون زوجتك و ام عيالك و الي قدام يا بنيتي بيكون اب عيالك و زوجك عندك سؤال ولا انت ياوليدي ما دامنا على البّر تفاهمو مشعل : والله انا ما عندي لا شروط ولا متطلبات ولا اي شيء .. هديل : انا عندي ???? مشعل : والله انا ما عندي لا شروط ولا متطلبات ولا اي شيء .. هديل : انا عندي ابو عبدالعزيز : الي هو يا بنيتي؟ هديل : أرجع أكمل الدبلوم الي كنت ادرسه مشعل : ما عندي مشكلة ابو عبدالعزيز : اجل ما قلنا خلاص ياهديل؟ هديل : يبه باقي لي ست شهور و الدبلوم بتخصص جداً ممتاز عادي انا اروح لحالي مشعل بثقه : طبعًا لا نملك و نزف و نروح مع بعض هديل : بعد شهر ! مشعل : عادي نزوج بعد ٢٩ يوم هديل : مستحيييل ! مشعل : اجل نكنسل الدبلوم و حسافه السنين الي درستيها ابو عبدالعزيز : اذكرو الله ياعيال مشعل : الف من ذكره هديل : نملك و ارجع اكمل واذا خلص نتزوج مشعل : تروحين من هنا وانا معك ابو عبدالعزيز : لاحول ولا قوه الا بالله لا انت صغير ولا هي صغيره و كلكم تعرفون مصلحتكم ، ولا ابي اتدخل لكن يا بنيتي كلام مشعل صحيح روحو منها تدرسين ومنها تسافرون مشعل : معليش اذا صرتي ع ذمتي مستحيل اسمح ترجعين لحالك خصوصًا بعد ... هديل بتوتر : ما في الا الخير ابو عبدالعزيز : ليش شصاير ؟ هديل : ولا شيء ، خلاص ب افكر .. مشعب بنبرة غريبه : موافقه؟ هديل رفعت عيونها بقهر له : طيب ابو عبدالعزيز : اهم شيء انكم موافقين و متفقين و الله يوفقكم و ييسر لكم يارب .. بسيارة مشعل .. ام مشعل : والله حتى مدحك لها قليل ماشاء الله تبارك الرحمن سديم : الصدق كنت راسمه لها شكل ثاني بس صدمتني ماشاء الله حتى ذوقها و ذوق زوجة ابوها مشعل : هههه زين كنت انتظر تعليق امي و هواشها ام مشعل : لو ما هي زينه ما علي منك قلت لكن انها جميله و خجوله الله يحفظها .. و وصلو بيتهم و كان ب أنتظارهم سيارة تركي ! مشعل جن جنونه : هذا ايش جايبه هنا !!! و وقف السياره وراه ونزل وهو معصب سديم و امها نزلو بعد يدرون بمشعل ما يحب حتى طاريه ! نزلت رهف : انا جايه اكلم سديم تركي ما له دخل ... مشعل رجع خطوتين ورا :هلا حياك الله سديم : نعم ؟ شبغيتي؟ سديم : نعم ؟ شبغيتي؟ رهف : ممكن ندخل نتكلم؟ سديم : طبعًا لا وكملت طريقها سديم وهي متجاهلتها تمامًا رهف بصوت بكاي : تكفين سامحيني سديم وقفت بس ما اللتفت لها و ببرود : أسامحك؟ بعد كل الي سوتيه بحياتي جايه تقولين سامحيني ! رهف : والله ندمت باليوم اللوم نفسي مليون مره سديم : يفيد ؟ هذا انتي خربتي بيتي و حياتي و خسرت زوجي و اعز صديقاتي ما اقول هم ما لهم علاقه ! ادري ما اجبرتيهم لكن لو ما مهدتي الطريق ما صار الي صار فلا تستعطفيني و تبكين والله ما اسامحك يا رهف .. رهف ببكا : لي شهرين أغسل كلى وحالتي الصحيه سيئه مره و هي تمسح دموعها : قلت اقولك عشان تعرفين اني انا الان جالس اتعاقب ع الي سويته سديم كملت طريقها متجاهلتها .. ام مشعل : الله يشفيك و يعافيك رهف : تكفين كلميها تكفين والله فوق فوق الالم والمرض افكر فيها ليل ونهار فيها ام مشعل تنهدت : الله يسامحك يا بنيتي الي سويتيه ما هو شوي رهف ببكا : والله ادري و ندمااااانه والله ام مشعل تنهدت بقلة حيلة .. تركي كان فاتح شوي من الشباك و سمع صوتها و شافها وحس قلبه رد له !!! بس ما يقدر يتكلم لان مشعل موجود و الشر يتطاير من عيونه ! في بيت ام رغد وقفت بصدمة ما تدري تفرح ولا تحزن ! رغد بصراخ : يمه حاااامل حاااامل ام رغد : مبروك يا بنيتي مبروك رغد ب أنهيار : يمه ما أبيييييه ما أبيييه ام رغد : هه شهالكلام !!! افرحي يا بنيتي رغد بصراخ : افرح وانا حامل من واحد مطلقني؟ افرح وهو حتى وجهي ما يبي يشوفه ضمتها امها وهي بداخلها كانت فرحانه مره ! بس خلاص شيء وصار و بنتي الأن حامل و ب أشوف حفيد لي ! في بيت ابو حامد .. ام حامد : كلمتيها ؟ رهف : مثل ما قلتي يمه ام حامد : الله يعافيك يابنيتي و يحفظك الي صار ما هو هيّن رهف : تكفون يكفي وربي ما أنام الليل كله من التفكير وربي ادري بخطاي و ذنبي بس و خنقتها العبره و صعدت غرفتها ام حامد تنهدت بقلة حيله .. رهف بنتها وقطعه من قلبها وفوق تعب المرض ! تفكر بسديم و رغد كل يوم ! و تلوم نفسها انها خربت حياتهم تركي نزل شماغه وجلس : ما توقعت قلبها قاسي لهدرجة !!! تركي نزل شماغه وجلس : ما توقعت قلبها قاسي لهدرجة ام حامد : و سواياكم ؟ تبيها تمر مرور الكرام عليها ما في أحن من قلبها و أطيب منه انتو كسرتوه انتو الشيء الي مستحيل تتجاوزه بحياتها لكن يارب ياكريم عوضها بالرجالّ الصالح تركي رفع راسه : تبين تحرقين قلبي يمه؟ ام حامد : هالحين صارت احرق قلبك؟ والي سويته ببنات الناس؟ كلهم اذا الله اعطانا عمر ربي يبي يعوضهم برجال تركي تنرفز من فكرة ان سديم تكون لغيره! و طلع للحديقه لان كلام امه دايًما حقيقي ! و واقعي في بيت ابو عبدالعزيز .. الهنوف : ماااشاء الله كل ذا مهر ! ابو عبدالعزيز : والله رفضته و قلت له حنا شارين الرجال بس رفض يقول كنتي الوحيده الي انتظرها من سنين الهنوف : الله يزيدهم و تنهدت : ايه ياهديل ضحكة لك الدنيا والله اذا المهر كذا اجل العيشه شلون ؟ ابو عبدالعزيز : الله يزيدهم من خيره وفضله الهنوف : امين ابو عبدالعزيز : ادري انك لا تحبينها ولا تبينها لكن هالمره احسني لها و اوقفي معها ما عندها غيرك لا ام ولا خاله جهزيها من احسن ما يكون الهنوف : ان شاء الله ، لازم صراحة بكرا قدام قرايبهم خل يشوفون من عائله الـ ******* ابو عبدالعزيز تنهد و قام يعرف نظرة زوجته الماديه جداً .. ! في بيت ام رغد .. ام رغد : انتي انجنيتي !!! هذا روح روح حرام عليك رغد : يمه ما ابيييه ما ابي اي شيء يربطني بتركي ! ام رغد : ما هو على كيفك !!! الان تتصلين عليه و تقولين له ! رغد : مستحيييل بكرا ب اروح للمستشفى و اجهضه و ارتاح ام رغد مسكتها مع يدها : ماهو على كيفك !!! تركي لازم يدري بولده ! وثانيًا حملك اكثر من ثلاث شهور ما يجوز تنزلينه و اصلاً العيادات ما تستقبل !! رغد ببكا : مستحيييل اكلمه بعد كل الي سواه يمه تخلى عني ارسل ورقتي حتى ما قالها بوجهي تبيني اتصل عليه واقوله انا حامل ؟؟ ام رغد : ولا انا اقولها له ! رغد ببكا : يمه لاااا لااا تكفيييين لا خلاص خلي هالموضوع و هالزواج ينتهي ! ام رغد : ما قلت لك ارجعي له بس لازم يدري !!! لازم مثل ما انتي امه ترا حتى هو ابوه ! وله حق يعرف رغد : يعني اذا درو اهل تركي اني حامل ؟ بتركوني اجهض الجنين؟ ام رغد : انا ما اسمح لك مثل ما انا ابي حفيدي حتى هم يبون حفيدهم شفيك انتي كانك تسولفين عن قطعه ملابس؟ ترا روح روح مسكت يد رغد و حطتها ع بطنها : هنا في روح تفهمين ؟ رغد بكت بحرقه لان ضاق صدرها جداً لما عرفت بالحمل ! كانت تحس بتعب طول هالفتره لكن توقعته الي تمر فيها لا اكل ولا شيء ودايم تبكي بغرفتها اخر شيء توقعته انه حامل ! ???? بعد مرور يومين .. في بيت ابو حامد .. كان جالس مع أهله وجاه أتصال من أم رغد و ردت وهو مستغرب لأنها ما قد أتصلت عليه ! تركي : الو ياهلاا بخير الله يسلمك انتي كيف حالك؟ و الكل كان يناظر لتركي مستغرب مين الي يكلمها ؟ تركي بصدمة و صوت مسموع : حااامل !! بلحظها ما قدر يحدد شعوره هو صدمة هو فرح ! ابو حامد : من الحامل ! ام حامد : يارب سديم تركي : لالاه والله اني فرحان ومبسوط والحمدلله على خيره و فضله بس ما توقعت عشان كذا انصدمت و بجدية : قولي لها تتجهز اليوم بعد العصر نروح انا وياها للمستشفى لالا انا ب اروح .. طيب خير ان شاء الله مع السلامه .. و قفل وهو يشوف نظرات اهله كلها تساوؤلات ! تركي : رغد حااامل ام حامد بخيبه امل : الحمدلله ابو حامد : مبروك ياوليدي تركي : يبارك بعمرك حمد : عالبركة يا ابو حمد تركي بضحكة : يبارك بعمرك نايف : حمد ؟ تركي مين مسمّي ولده عليك؟ انا ولا حمد تركي بضحكة : هههههههه انت يا ابو تركي و اللتفت على حمد : ودنا يعني بس نايف : ابو نايف و انتهى النقاش ام حامد : هههههه استهدو بالله ما ندري هي بنت ولا ولد تركي : الي يجي من الله رزق و نعمة ابو حامد : الحمدلله ربي يعوضك ياوليدي تركي : ب أروح لبيتي انام لي ساعتين و اروح لهم بعد العصر ام حامد : زين ولأن الأخبار تنتشر بسرعة .. بالليل في بيت أبو مشعل .. كانو جالسين بالصاله .. شهد بتسرع : رغد حامل ! سديم رفعت عيونها بصدمة .. ام مشعل بتوتر : شعلينا منها ابو مشعل : ما هو طلقها تركي ؟ شهد : الا مطلقها من زمان بس اليوم قالت انها حامل تو كلمتني بنت خالتها آسيا سديم بهدوء كملت قهوتها وبداخلها أنهارت .. حامل !! مرت ذكريات حياتها قدامها .. و كلام اهله عن الحمل و الحفيد ووالخ .. تنهدت وبداخلها جاهم الحفيد رغم كل الي صار .. مشعل تنرفز لان لاحظ ان سديم تضايقت حتى لو ما تكلمت ! شهد ندمت انها تسرعت و تكلمت ! بس ما كان قصدها ابو مشعل غير الموضوع لـ تجهيزات زواج مشعل الي ما بقى له كثير ! في بيت فيصل .. كانت سمر بالمطبخ و جوالها بالصاله .. فيصل كان منسدح و أنزعج من الاتصال ! قام و رفع الجوال وكان المتصل " سديم " فيصل توتر جداً وده يسمع صوتها ما فكر كثير بالموضوع وفتح الخط .. سديم : اهلاً مساء الخير فيصل : مساء النور سديم انفجعت !!! للحظه توقعته زوجها .. بس حسّت النبره لا ! فيصل : أدري الي يصير خطأ .. بس شسوي فيك سديم توترت : فيصل أنـ ... قاطعها بتنهده : قلبه و عمره سديم توردت خدودها بصدمة !!! فيصل : متى قلبك يحنّ علي؟ سديم : ليش ما تفهم علي؟ والله ما عندي لا حب ولا اهتمام ولا شيء ش تبي بقلب الدنيا ضامته ؟ وانت الف بنت تتمناك؟ فيصل : ما ابي الالف ابيك انتي بس؟ لمتى سديم لمتى بتكدسين حياتك عشان ماضي ! سديم : ما ادري والله ما ادري فيصل : والله مستعد اخطبك مره ومرتين وعشر .. سديم : فيصل والله بهالفتره اخر شيء افكر فيه الزواج والله .. فيصل تنهد : ننتظر ليش ما ننتظر .. و نبره واضح متضايقه : اقول لسمر انك اتصلتي مع السلامة و قفل .. صح يحبها و يبيها بس كرامته أولى .. في بيت ام رغد .. تركي سحبها مع يدها بكل قوه : مو على كيفك رغد : بعد يدك عني و بصراخ : انا هالطفل ما ابيه اذا انت ابوه انا ما ابيه تركي : ولا انا ميت عليك و ابيك ! انا جاي عشان ولدي ! رغد : والله تبي ولد روح تزوج و بسخرية ما هو الزواج عندك ساهلات؟ انا مستحيل اولده وانت ابوه تركي قرب منها و الشر يتطاير من عينه : ما هو على كيفك !!! اذا الموضوع كان راجع لك وقتها قرري تبينه ولا لا ؟ واذا على ابوه ! عادي حتى انا ما اتمنى انك ام عيالي لكن قدر الله وصرتي ولا راح افرط بروحه عشانك ! ما تبينه عادي اولدي بالسلامة وانا اخذه و انتي عيشي حياتك و تزوجي كيفك رغد بكت من كلامه القاسي .. جلست : مستحيل تركي بصراخ هز اركان البيت : اتكلم للأن ب أحترام و مقدر وضعك .. بس جالس اقولك ولا انا ابيك بس خلاص و بسخرية : ربي كاتب لنا شنسوي هالجنين بينولد باذن الله وانا ب اشوفك افضل دكتوره بالرياض و تبدين مواعيدك معها وغير هالكلام ما عندي رغد بصراخ : هالحيييييين جايني وتقول كذا؟ و انت بطلاقي ما كلفت ع نفسك حتى تقولها تركي : لا تربطين الامور ببعض ! انا منفصل عنك بكامل أرادتي واتوقع حتى انتي مو عاجبتك العيشه معاي فذلك لا نفتح الباب الي تقفل .. انا لو تقبلين الأن ترجعين لي و تصيرين تحت عيني لكن افهم رفضك لذلك انا ب اكون معك دايمًا بالمواعيد بالمشي اذا احتجتي اي شيء اول شخص تتصلين فيه انا رغد نزلت راسها وبكت بقهر وحرقه منه ! ما زال يقلل من قيمتها ما زال يوضح لها انها ولا شيء بحياته .. ! يتبع... | ||||
|
| |
|
13-05-23, 08:13 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 28 مرت الأيام و الليالي .. بيت أبو مشعل مشغولين جداً بـ زواج مشعل الي ما بقى له الا أسبوع .. ! و بعد مراسلات مع الجامعة وأتفاق مع هديل قررو يأجلون السفر لبعد شهر زياده .. هديل طلبت يأجل الزواج لكن مشعل رفض ! في بيت ابو عبدالعزيز .. كانت الهنوف تروح معها دايمًا وتساعدها بالأختيار .. و كانت مبسوطه مو عشان هديل ! لكن عشان نسابو عائله الـ ***** الي الهنوف من أيام الخطبة تتفاشخ فيهم قدام الناس ! في بيت فيصل .. لا جديد من دوامه للبيت و احيانًا يطلع مع اصدقاءه سمر تجيهم بين فتره وفتره .. في بيت ابو ياسمين .. ما زال على تواصل مع فيصل و قبل أيام بلغه أن بنت ياسمين تزوجت ولد عمها .. و انبسط و بارك له .. في بيت ابو حامد .. رهف الي كان يحسب لها الف حساب ! صار الكل يشفق عليها و يرحمها و كانت بالاجتماعات تجلس بدون صوت .. فوق تعبها .. تأنيب الضمير أكل قلبها ! في بيت أخ فارس الكبير .. كانت ملكة أختهم الصغيره " هيفاء " نزلت سمر وهي بكامل أناقتها .. ومعها محمد الصغير .. دخلت الصاله و سلمت على الموجودين بكل حب و أحترام . وأغلب قرايب فارس أول مره يشوفونها .. و أنبهرو من جمالها و ذوقها ونعومتها .. و كيف ماسكه محمد معها من دخلت وكأنه فعلًا ولدها .. فجاءه قبل لا تجلس حست بيد تسحب يدها ! سمر اللتفت بصدمة .. سهام : والله عشتي الدور و صدقتي أنك أمه سمر بصدمة : ومن أنتي ؟ سهام بقهر : أنا أمه !!! و سحبته مع يده سمر : شوي شوي على الطفل ! شفيك تكلمي قولي أبيه خير تسحبينه كذا !! سهام كانت منفعله من التعليقات والمدح ع سمر والي معها ولدي أنا !! سهام : أخذتي فارس و بالعافيه عليك لكن ولدي لا ! سمر انحرجت لان الانظار عليهم لكن كملت بسخرية : هالحين دريتي عن ولدك ؟ هالحين لا وينك عنه له شهور ما رفعتي السماعه وقلتي محمد شلون ! صدق انتي غريبه محمد كان يبكي .. سمر جلست ع رجولها : بس ياماما لا تبكي و تخرب الكشخة باقي عمة هيفاء ما شافتك سهام شالته بقهر و اخذته من الصاله .. سمر تنهدت هي تضبط اعصابها .. اتجهت لدورات المياه و سندت جسمها وتنفست بعمق !! و طلعت جوالها اتصلت ع فارس .. فارس بضحكة : أمدى أشتقتي لي؟ سمر بجدية : ليش ما قلت لي انها هي؟ فارس : مين ؟ سمر : سهام ليش ما قلت لي ليش فارس : ليش شصاير ؟ قالت لك شيء ؟ سمر : انا دخلت وما توقعت انها هنا فارس خطيب هيفاء يكون ولد خالتها بس .. و بتفكير : ما توقعت تجي بيتنا ! قالت لك شيء ؟ سمر بتظاهر : لاللا ما قالت شيء و قفلت منه فارس ما أقتنع بكلامها و أتصل ع أخته يبي يسالها شصار ! ???? في بيت ( ابو خالد ) أخ فارس .. فارس قفل من أخته وهو متنرفز من تصرف سهام ! بس ما يبي يوتر الليله عشان أخته هيفاء .. داخل .. دخلت سمر وجلست بكل ثقه متجاهله نظرات سهام .. و كانت تسولف مع خوات فارس الكبار بكل أحترام .. وطول الجلسة محمد كان يلعب بالمجلس سمر تنرفزت ! وحست ان سهام متعمده تسوي ! مهما كان مجلس حريم والطفل المفروض مع المساعده ولا مع الأطفال حاولت تتجاهل و تكمل سوالفها شفيك سمر ؟ ولدها وكيفها !! في بيت ابو عبدالعزيز .. كانت طالع من البيت ومشغوله بشنطتها و استوقفها صوت : ليش ما تردين؟ هديل فزت بخوف وحطت يده ع قلبها مشعل خاف عليها و قرب : اسف ما توقعت اخوفك كذا هديل : نعم ؟ خير جاي هنا ؟ ترا حنا بالسعوديه والله لو ابوي يشوفك مشعل : والله لو تردين علي ما جيت هنا ! هديل : ما ابي ارد مشعل : لاتردين انا اجي ! هديل تنهدت : نعم نعم ؟ شتبي مشعل : ولاشيء .. مشتاق هديل بصدمة : جايني عشان تقول ولاشيء ؟ مشعل : ايوه هديل كملت طريقها لسيارتها : انت مو صاحي والله مشعل : من زمان ! ركبت السياره و انصدمت وهي تشوفه يفتح باب السياره ! هديل بصدمة : شتسوي ! أنجنيت مشعل : ايه هديل : مشعل لا تستفزني أكثر ! مشعل : لو رديتي كان تفاهمنا ع الجوال هديل تنهدت بقهر و نزلت من السياره و قفلت الباب بكل قوه .. و كانت متجهه للبيت مشعل نزل ومشى ورها بسرعه ومسك يدها : شفيك انتي! هديل : صارت انا ؟ مشعل تنهد وهو يضبط اعصابه : ترا بعد اسبوع بتكونين زوجتي هديل : وإذا ؟ انت تعرف اني ما ابيك ولا ابي هالزواج جالس تضغط علي بكل فرصة و تنتظر مني أحبك؟ و أهتم لك؟ انت ليش ما تشوف تصرفاتك ليش ؟؟ مشعل بين أسنانه : فكري بكلامك قبل لا تقولينه و اعجبك ولا ما اعجبك بتكونين زوجتي بعد اسبوع و وقتها خليني اشوف هالأسلوب بس ! في بيت ابو خالد .. سمر : مبروك ياقلبي هيفاء : يبارك بعمرك .. و اخذت الهدية وكان الكرت مكتوب "مبروك عمه هيفاء " هيفاء ب أبتسامه : ياعمري الي يهدون بس وه .. وينه بس وينه سمر : مع أمه على دخلت سهام : ايه مع امه ليش تتشكين علي ؟ سمر : اتشكى؟ و ليش اصلا اتشكى منك مين انتي اصلاً ؟ هيفاء بتهدي الوضع : شفيك سهام ؟ سالت عن محمد بس سهام : انا امه اساليني هي شدخلها ؟؟ سمر : امه ؟ و بسخريه : انتي تكفين شتعرفين عن ولدك؟ كانو موجودين البنات خوات فارس و بنات خواته .. و قربت منها وهي متنرفزه جداً : تدرين له أسبوع تعبان؟ و كل يومين انا وفارس طالعين الساعه ٢ بالليل عشان صدره ؟ وانتي نايمه بالعسل؟ سهام : ما هو انتي الي تحاسبيني !! سمر : ما احاسبك ولا دريت عنك اصلاً بس لما توقفين قدامي بهالجراءه الغريبه ! اذكرك بالواقع امه ايه ما احد ينكر .. بس امه الي ولدته و تركته ما درت عنه حرام عليك حرام شوفي يلعب ببراءه ما يدري عن الدنيا بس مصيره يكبر و بيسال اول شيء عنك انتي وين امي وينها عني ! سهام بصراخ : بسسس اسكتي ولا كلمة و قربت منها : هالموضوع يطولك و بصراخ : يطولك ما لك علاقه فيه سمر بسخريه : صارخي صارخي أكثر هذي الحقيقه رضيتي فيها ولا محمد مسك فستان سمر : ماما سهام انصقعت و سحبته مع يده بكل قوه سمر تنرفز ومسكتها مع يدها : يكفي الى هنا وبس ما اسمح لك تعاملينه كذا سهام دفعت سمر بكل قوه : انتي ما لك شغـ .. طاحت سمر وكان وراها طاوله ضرب راسها و طاحت بالارض وسط صراخ من الموجودين .. سهام انفجعت وهي تشوف الدم ... هيفاء جلست بالارض وهي تبكي : سسممر سممررر .. بمجلس الرجال .. دخل ولد أبو خالد الصغير ( بدر ٩ سنوات ) بدر : عمي عمي ودخل بعده عيال خواته وكلهم صغار .. بدر : سمر طاحت و ماتت صوت من ورا : طلع دمها فارس كان الفنجال بيده من الصدمة طاح الفنجال و الكل و قف بصدمة .. فارس اتجهه داخل وهو يركض متجاهل الضيوف والناس وكل شيء وكلام الاطفال بباله ( ماتت ) !!!! ما حس بنفس الا بنص الصاله ! البنات بعدو عنه .. و قرب لها وشافها بالارض و حولها خواته وقف ثواني بصدمة ما يبي يفقدها ... حط يده ع قلبها يبي يتاكد هي حيّه ؟ ولا .. !!!! رجع الدم بعروقه لما حس ان نبضها منتظم حاول يرفع راسها يشوف الاصابه .. و شالها بخفه و اتجهه للسياره وهو يركض .. وكان اخوه ( ناصر ) جايب سيارته عند الباب من طلع من المجلس علطول شغل السياره وحطها عند الباب ! فارس تنهد هو يشوف اخوه بالسياره .. فتحو له الباب وركب هو وسمر وراء و اتجهو للمستشفى .. فارس يحس الدقايق ثقيله جداً .. وبصوت خايف : سمر سمر .. ناصر : الاصابه خطيره؟ فارس : ما ادري ما ادري ... ناصر : المستشفى قريب فارس بقلبه : يارب طمني يارب ... كان شاد على يدها و ماسك راسها وقلبه ذايب من الخوف و التوتر ! وصلو المستشفى وكانت الساعه ١١ تقريبًا .. بهالوقت ! كان فيصل مستلم شفت مسائي من ٤ الى ١١ مساءًا .. دخل فارس و ثوبه أحمر من الدم و اتجهه للطوارى .. فيصل كان متجهه للعيادات الخارجية يبي ياخذ اوراق و يطلع .. كانه سمع صوت فارس !! اللتفت و شافه ومعه سمر !! عرفها شلون ما يعرفها كان بيده اوراق طاحت من يده و اتجهه لهم يركض .. و كانت الممرضه تقدم السرير المنتقل .. فيصل انفجع وهو يشوف أخته .. فارس اخر شخص يتمنى يشوفه فيصل !!!! هو يدري انه يشتغل هنا بس ما توقع انه شفت مسائي .. فيصل ولا كلمة كان مفجوع .. اخذها مع الممرض .. فارس : ما ادري ايش الي صار والله .. بس نزفت كثير ب اروح أشوف بنك الدم فيصل هز راسه ب إيجاب وقلبه ذايب من الخوف بنته و اخته و حبيبته بين يدينه وكل وجهها دم .. دخلو الطوارى .. الممرض الي معه : قرايب .. فيصل وهو سرحان بوجهها بين خوف و توتر : أختي الممرض : أنادي دكتور مستلم؟ فيصل بجدية : لالا و بنفسه فيصل شفيييك ..!!! بتضيعها من بين يدينك !! تجاهل كل الافكار و ركز بشغله .. ما هي الا دقايق .. فارس دخل بالقوه رغم انه مو لابس ولا متعقم : فيصل لازم عمليه ( وجلس يتكلم بمهنية معه ) و غرفه العمليات جاهزه الأن و بنك الدم بيدعمونا بالدم فيصل : زين وهو يثبت جاهز التنفس وبجدية : حالتها مستقره الأن بس لازم حالاً ندخل فارس مسكه مع يده : فيصل انا ادخل فيصل : مستحييييل فارس : فيصل لا تعاند ! فيصل : فارس اخر شيء ممكن تطلبنيه اترك اختي بهالحاله فارس : ما تثق فيني ! فيصل : فارس تكفى أطلع .. فارس يعرف عناد فيصل ! طلع و لبس وتجهز لانه يبي يدخل العمليات معه .. فيصل اخذها من الطوارى لغرفه العمليات وهو يحاول يسيطر على قلبه .. يحس انه ذاب من الخوف ! لو صار فيها شيء لو اخطيت بشيء ؟ لو ولو ودخلو غرفه العلميات .. الممرض " راكان " : فيصل تدري الي يصير خطا ؟ فيصل : راكان تكفى ما هو وقته .. فارس دخل وهو لابس ومستعد .. راكان : فارس ! فيصل : فارس انا اكفي فارس : مستحيل اخلي زوجتي و انتظر برا راكان تنهد : طيب ياجماعة البنت حالتها ما تسمح للنقاشات ذي ! فارس ركز بعيون فيصل بعمق .. و فيصل عطاه نظره ( الأيوه ) ما يبي جو متوتر و بدت العمليه الي قد سوواها لكثير مرضى لكن اليوم غير !' المريض غالي عليهم جداً ???? بالمستشفى .. بعد مرور ساعتين أنتهت العملية وكانت سمر بخير لان الاصابه ما كانت عميقه جداً .. فيصل كان اليوم ثقيل عليه مستلم من ٤ بالطوارئ .. جلس بتعب وسند راسه ع الجدار .. و غمض عيونه .. فارس طلع بعده و شافه بهالوضعيه اتجهه له و جلس بجنبه .. فيصل : شلون صار كل ذا فارس : والله ما ادري .. اذكر ان الشيخ بارك لنا بملكة أختي و مبسوطين وفرحانين الا يدخلون العيال يصارخون ويقولون ماتت احس قلبي وقف ما ابي اروح ما ابي افقدها مثل ما فقدت أمي .. فيصل تنهد : شلون اقول لأمي فارس : خلها بكرا انا اقولها و اجيبها تشوفها فيصل : بهالحاله؟ خايف ع امي انت ما تدري شلون تخاف ع سمر .. فارس : بس حالتها مستقره فيصل : انا وانت ندري انها مستقره .. و ندري جهاز التنفس مؤقت و ان شاء الله يومين نشيل الاجهزة بس امي ! فارس : انت هالحين لازم ترجع للبيت و تطمن امك هي دايم تكلم سمر ومحمد لو اتصلت وفقدتها بتسال ف نروح هالحين و نقول لها و سمر بخير باذن الله .. في بيت ابو خالد .. بعد ما كان البيت مليان فرح و ضحكات ! بلحظات الناس بدت تنسحب .. ام سهام كانت منهاره وتبكي ! خايفه يصير فيها شيء من بنتها سهام كانت بنفس المكان مصدومة .. ما كانت تبي يصير فيها كذا .. اثار الدم فجعتها هيفاء اخذت محمد الصغير و صعدت فوق وهي تبكي و خايفه ع سمر .. في بيت ام فيصل .. كانت بالصاله تفكر بفيصل .. ! تاخر الساعه ١ ولا جا يارب احفظه بحفظك .. ما هي الا دقايق وفتح الباب ام فيصل فزت : الحمدلله يارب فيصل : السلام عليكم ام فيصل : وعليكم السلام يمه تاخرت فيصل : جت حاله وانا طالع و دخلت العمليات معهم ام فيصل : ياقلبي عساه بخير فيصل توتر اه يا يمه لو تدري انها سمر ؟ و بتوتر : الحمدلله حالتها مستقره ام فيصل : احط لك اكل؟ فيصل : لالا ما لي نفس يمه ام فيصل : يمه فيصل فيك شيء ؟ فيصل تنهد : يمه والله ما كانت ناوي اقولك لكن ما اقدر اخبي عليك اكثر ام فصيل بتوتر : تكلم يمه شصاير ؟ فيصل : لا تخافين اول شيء تراها والله بخير ام فيصل : مين ؟ فيصل تكلم فيصل ... يتبع.... | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
