آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-05-23, 08:14 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 29 ام فيصل : مين ؟ فيصل تكلم فيصل : سمر طاحت و ام فيصل بخوف : يمه بنيتي !!!!! شفيها فيصل تكلم فيصل : يمه والله ما عليها دخلت العمليه بنفسي انا وفارس وحالتها مستقره و بخير طاحت على طاوله و ضربت براسها بس والله مو عميقه ام فيصل ببكا : يمه بنيتي !!! وانا اتصل عليها ما ترد تكفى حلفتك بالله هي بخير فيصل : والله بخير و بكرا تروحين لها تشوفينها ام فيصل جلست : ياربي ياحبيبي لا توريني فيها مكروه .. وبعد ما هدت انه بعشر دقايق صعد لغرفته وهو تعبااان .. اتصل جواله رقم .. شافه بس ما اهتم لانه فعلاً تعبان اخذ شور و هو طالع شاف رساله " فيصل انا سديم " فيصل نزل الفوطه من شعره و اتصل عليها وهو مستغرب! فيصل : هلا سديم : اسفه اتصل هالوقت بس اتصلت ع جوال سمر وردت العامله بس ما فهمت شتقول كلامها عربي مكسر ولا تفهم انجليزي .. سمر فيها شيء ؟ فيصل تنهد : هي الأن بخير بالمستشفى سديم بخوف : عسى ما شر ؟ فيصل وهو يجلس : ب اقولك الي صاير تهاوشت مع طليقه فارس وما ادري شلون ودفتها ع الطاوله والحمدلله فارس موجود جابها للمستشفى علطول . . سديم : امانه كيف وضعها امانه فيصل فيصل وهو تعبان : والله بخير والله و بكرا لو بتجين ب ادخلك انتي وامي خمس دقايق سديم ببكا : لان حالتها خطيره ؟ تكفى قول الصدق تكفى لا تخوفني فيصل : يابنت الحلال والله ما عليها بس لان سوينا عمليه بسيطه بالراس لازم تكون تحت المراقبه ٢٤ ساعه بعدين تطلع للجناح و الحمدلله وضعها و مؤشراتها طبيعيه جداً سديم ببكا : فيصل أثق فيك فيصل حس قلبه ذاب : والله انا داخل العمليه بنفسي والله .. سديم : بكرا متى اشوفها فيصل : اي وقت يناسبك بس كلميني انا بكرا شفتي مسائي من ٤ يبدأ سديم : تمام العصر ب اجي فيصل : تراها بخير لو تـ قاطعته : ابي اشوفها و اتطمن ممكن؟ فيصل : ممكن سديم : شكرا لك فيصل : العفو و قفلت .. بعدها بدقيقتين " انا اسفه ادري انك تعبان وتفكر فيها .. لكن باذن الله سمر قوية ، الله يطمن قلوبنا عليها " فيصل كان كلامها مثل البلسم على قلبه ابتسم و قرا أذكاره و نام رغم تفكيره بـ أخته .. في بيت ام سهام .. ام سهام : زين ياربي لك الحمد الله يقومها بالسلامه .. زين مع السلامه و قفلت من اخت فارس .. سهام : تكفين يمه شلونها ام سهام بغضب : ولا كلمة ولا كلمة سكت عنك بما فيه الكفايه !!! وصلت فيك تسوين ببنت الناس كذا ! خلاص تزوجتي شتبين فيها و بفارس !! سهام بكت بقهر لان ما كانت نيتها كذا .. يوم جديد .. بالمستشفى فيصل بدا شفته وهو باله عند اخته على مر وشافها بس لسى ما تعتبر تجاوزت الخطر ! الساعه ٥ تقريبًا جاه اتصال من سديم .. فيصل : الو ياهلا سديم : اهلا وينك؟ انا وصلت فيصل : تعالي عند الاستقبال الرئيسي سديم : اوكي وقفل منها و اللتفت على راكان : اي حاله جديده اتصل على جوالي حالاً راكان : تمام و اتجهه لها وشافها واقفه قريب من الاستقبال .. اتجهه لها .. سديم شافته بالسكراب و اللابكوت و الشوز الرياضي .. ما تنكر أنه جميل و ملفت ! فيصل : معليش تاخرت بس كنت بالقسم الثاني سديم : لاه عادي فيصل : تعالي معاي و اتجهه لقسم العمليات فيصل تكلم مع الممرضه و طلب منها تدخل مع سديم .. فيصل : انا لازم ارجع للطوارئ .. معك خمس دقايق .. سديم ناظرت له بعمق وواضح وجهه تعبان ! و حتى كلامه و هي مقدره هالشيء اخته تعبانه ! و كان يبي يمشي مسكت يده سديم : فيصل فيصل اللتفت ولاشعوريًا : عيونه سديم توترت : لاتزعل باذن الله بتكون بخير .. فيصل شد على يدها : ان شاء الله .. و بعد ثواني تذكرها وكمل طريقه .. الممرضه : كلكم خواته؟ سديم: خوات مين؟ الممرضه : سمر وانتي سديم : اها لا ياعيني مو اختي سمر الممرضه مدت لها القلفز : ان شاء الله بتتحسن حالتها ١٢ ساعه ومستقره جداً .. في سياره تركي .. كان هدوء تركي : اذا سمعتك تقولين ب انزله مره ثانيه والله تندمين رغد ببكا : انت ليش ما تحس ما ابيه ولاابيك تركي وقف السياره و بصراخ : والله ان سمعتك تقولين ما ابيه مره ثانيه والله تندمين ستين مره تكلمنا و قلنا ما تبينه اولديه و انا اربيه ما لك شغل فيه ولا احرمك من حقك تبينه يكون عندك ما تبينه انا ابيه سالفه كل موعد دموع و بكا والله لتندمين يارغد !!! في المستشفى .. سديم بكت لما شافت سمر بين الاجهزة قلبها ذاب من الخوف .. صديقتي و أختي بهالحاله .. دعت من كل قلبها ان الله يحفظها و يخليها ولا يوريها اي مكروه .. في سياره فارس .. ام فيصل : ومحمد وينه ؟ فارس : عند عماته .. ام فيصل : ليش ما تجيبه عندي اليوم نص اغراضه و ملابسه عندي فارس بتوتر : لالا ما خاله انا بعد الزياره ب اخذ اغراضه لبيت اختي ام فيصل : يمه فارس شفيك ؟ ترا الي صار ندري انه بدون قصد وانت ما لك دخل لا تعامل نفسك وكانك مسوؤل فارس : ما ادري يا خاله كلمتني قبل لا تصير السالفه يا ليتني قايل لها خلينا نمشي ام فيصل : بدون يا ليت والي صار صار و باذن الله ربي حبيبي بيحفظ لي بنيتي .. فارس : يارب بالمستشفى .. سديم وهي طالعه طلبت قهوة و طلبت منه يوصله لدكتور فيصل .. ???? بعد مرور أربع أيام .. بالمستشفى .. سمر كان بحضنها محمد من صحت وهي تسال عنه .. فارس كان جالس ع جواله .. طق الباب .. فارس رفع راسه : تنتظرين احد ؟ سمر : لا حتى امي قالت ب اجي المغرب انفتح الباب و كانت سهام .. سمر ناظرت لفارس بعدين رجعت ناظرت لها بكره ! فارس بصراخ : انتي ش جايبك هنا !!! سهام : جايه اشوف سمر و اعتذر منها والله ما كااان قصدي و ببكا : والله ليلتها ما نمت من الخوف عليك واتجهت لها : تكفين سامحيني والله بلحظة غيره انا ادري انك تحبين محمد و تخافين علي وببكا : و محسسته بشعور الامومه الي ما قدرت اعطيها .. سمر رجعت ببالها اللحظة : فارس ممكن تطلع؟ ما تبي تبكي و تصارخ و محمد بحضنها فارس قرب من سهام : مو وقته الان هي تعبانه .. سهام اتجهت للباب : والله ادري ما ودك تشوفين حتى وجهي لكن اذا لمحمد خاطر عندك سامحيني و اوعدك اني لا ازعجك ولا اكلمك فارس : لو سمحتي .. و طلعت سهام و هي تبكي .. فكرت مليون مره بالي صار و عرفت ان تصرفها خطا ! سهام انتي تركتي فارس ب ارادتك حتى ولدك ما دريتي عنه وهي قبلت بفارس و معه محمد ولا قالت شيء و من كلام خواته انه دايم معها حتى اذا راحت بيت اهلها يعني وحده مثل كذا تغارين و تحقدين عليها ليش !! في بيت ابو عبدالعزيز .. راحت الهنوف مع العاملات عشان يوصلون تجهيز هديل .. هديل كانت متوتره لان خلاص العرس بكرا ! تحاول تضبط اعصابها بس كل ما تتذكر مشعل تنهار ! في بيت مشعل .. طلب من العامله تجهز القهوة و الضيافه لخالته أم عبدالعزيز .. و طلع من البيت عشان ياخذون راحتهم .. و بنفسه هيّن يا هديل الأيام بيننا .. في بيت ابو مشعل .. ام مشعل : والله تمنيتها تحضر سديم : ما عليه اهم شيء هي بخير تو كلمتها ام مشعل : الله يحفظها و يقومها بالسلامة و يبعد عنها هالسهام سديم : آميين .. رن الجرس .. وشوي دخلت شهد .. شهد : السلام عليكم ام مشعل: هلا وعليكم السلام .. سديم : ياهلاً ما توقعتك تجين شهد و هي خجلانه : رحت للمستشفى اليوم و سديم نطت بفرح : ايييييه !! شهد : حااامل ام مشعل كانت حاسه من تعبها وكل يوم تقولها روحي حللي .. شهد ضمت اختها و امها بفرح .. سديم : مبروك ياقلبي و روحي .. شهد : يبارك بعمرك ام مشعل : الحمدلله يارب .. بالمستشفى .. سمر : تكفين يمه لازم تروحين ام فيصل : وانتي بهالحاله سمر : يمه انا بخير و المفروض طالعه بس فارس اصر اجلس يومين زياده روحي انتي عشان خاطر سديم و اللتفت على فيصل : تكلم قل شيء .. فيصل : والله انا رايح رايح ، اذا تبي تروح معاي كيفها سمر : الله يخليك يمه ؟ ام فيصل تنهدت : والله ما ادري سمر : عشان خاطري طيب؟ ام فيصل بضحكة : تم اذا كذا ما اقدر اقول فيصل : لهم حق والله يمه .. يوم جديد .. في بيت ابو حامد رهف كانت تو راجعه من المستشفى : السلام عليكم ردو ب اصوات متفرقه عليها رهف : شلونكم عساكم بخير علياء : بخير الله يسلمك لطيفه : انتي طمنينا عنك رهف تنهدت : ادعو لي بس .. ام حامد : الله يحفظك و يقومك بالسلامة يا يمه هيا قامت وبطنها بدت تكبر : دقيقه رهف لا تصعدين ب احط لك الاكل ما فيني اصعد فوق رهف : لا ما لي نفس هيا : طبخ علياء ما يتفوت بس شوي عشان الادوية ام حامد : ايه يا يمه رهف تنهدت : طيب ب انزل عباتي و انزل هيا : طيب يوم العرس .. كان الحضور كثير .. على انه مشعل يبيه خاص! بس رفض ابو مشعل بحجة انه ولده الوحيييد ! و يبي يفرح فيه ابو مشعل كان مبسوط جداً و الكل كان حاضر و يبارك له .. مشعل كان وده يقدم الوقت و يشوفها قدامه ! دخل فيصل متاخر .. و كانت خطواته واثقه جداً .. و ريحة العطر و البخور تسبقه .. فيصل : مبروك ياعريس مشعل : يبارك بعمرك و العقبال لك فيصل : آمين ابو مشعل : حي الله فيصل فيصل : الله يحييّك .. و سلم عليه وكمل سلامه ع الموجودين الي يعرفهم وقد صادفهم عند ابو مشعل .. ابو مشعل بهمس : لو توافق اختك بس مشعل : كلن بياخذ نصيبه يبه .. بعد مرور أربع ساعات .. بعد ما صارت هديل رسميًا زوجة لـ مشعل الـ ****** .. رفضت الزفه هديل ما ودها تشوف أحد .. و أم مشعل فهمتها انها مستحيه ف قدرت طلبها بغرفه العاروس .. دخل مشعل لابس البشت و الابتسامة على وجهه ام مشعل : مبروك ياوليدي و سلم ع امه و باس راسها .. بعدين اتجهه لهديل .. و باس جبينها : مبروك .. هديل توترت جداً .. و بهمس : بعد عني مشعل قرب أكثر : ما أسمع ؟ هديل : بعد عني مشعل ضحك بخفه : الأن أنتي زوجتي شهد بصوت عالي : أحرجت البنت سديم بضحكة : المصوره تنتظركم .. مشعل بهمس : تقبلي الوضع و بعد عنها : يلاه .. و صورو مع بعض .. هديل كانت متوتره جداً و داخليًا خايفه ! مشعل كان مبسوط لاول مره يشوفها كذا عالصامت و متوتره ! بالمستشفى .. سمر : ممكن تروح تنام بالبيت؟ فارس وهو يسند ظهره : انا مرتاح كذا .. سمر : مره بس لا تعادني فارس بضحكة : ما اقدر سمر تنهدت ولفت راسها يمين .. من دخلت المستشفى ما تركها ولا لحظة .. كان معها علطول بوقت البريك كان يجيها و احيانًا ينام بالليل عندها ومن ثاني يوم يبدل و يبدا دوامه .. كان يحس بالذنب وان الي صار بسببه !! في بيت مشعل .. دخلت وهي متوتره ! طول هالوقت خواته و امه حولنها .. الأن بس أنا وياه .. مشعل قرب منها : و أخيراً لحالنا هديل تتظاهر بالقوه مشعل حط اطراف اصابعه على وجهها : شفيك الان سكتي؟ هديل بعدت يده : لان ما لي خلق لشوفتك و كلامك وكملت طريقها مشعل مسكها مع يدها : اقول عاروس ما ازعلها بس لا تحديني هديل ضحكت بسخريه و صعدت فوق متجاهله وجود مشعل ! وصلت الدور الثاني و ما تعرف غرفتهم اي وحده ؟ فتحت اول غرفه وكانت ظلام فتحت اللمبات وما كانت هي! اتجهت للثانيه و فتحتها وريحة البخور استقبلتها دخلت و قفلت الباب و تركت المفتاح و بنفسها هين يامشعل ! بعد مرور ربع ساعه صعد مشعل وهو يقنع نفسه يطول باله عليها ! فتح الباب و كان مقفل !! طق الباب : هديل؟ بدون رد .. مشعل تنهد و يحاول يتمالك اعصابه : هدددديل هديل بصوت من بعيد : شف فيه غرفه يمين نام فيها مشعل رفع عيونه بصدمة !!! و قهر هيّن ترك يده الباب و هو معصب جداً !! راح وهو يكتم غضبه .. هديل كانت خايفه منها بس متعمده تبي تقهره ! في القاعه .. ابو مشعل : بييض الله وجهك فيصل : ووجهك أبيض ابو مشعل : انشهد ما قصرت عقبال ما اوقف بعرسك فيصل ب ابتسامة : و انت عمي يارب ابو مشعل لو من غير فيصل بيعصب بس لانها منه ابتسم : الله كريم .. فيصل : استاذن منك الأن ابو مشعل : بحفظ الله و رعايته ياوليدي .. بنفس المكان .. ناصر بهمس : هذا شجايبه؟ عمر زوج شهد : هه تدري أنه يمكن يصير عديلي ! ناصر : بياخذ سديم ! عمر : خطبها بس رفضت ناصر : اشوا عبالي بعد ما بقى الا هذا يصير عديلك! ( العديل زوج أخت الزوجة ) عمر تنهد : ما تدري عن الأيام .. في بيت ام رغد .. تركي بقهر : ما هو على كيفها تبي تموته بتصرفاتها ام رغد : والله شسوي فيها !!! يتبع.... | ||||
|  |
|
13-05-23, 08:15 PM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 30 والأخير في بيت ام رغد .. تركي بقهر : ما هو على كيفها تبي تموته بتصرفاتها ام رغد : والله شسوي فيها !!! اودي الاكل لغرفتها بس ما تبي تركي تنهد : شالحل؟ ام رغد : الحل ما يعجبك تركي : صدقيني عشان ولدي ب اصبر ! ام رغد : بس حنّ عليها شوي و دلعها مو كل شيء بالقوه والله بنتي واعرفها لهالحين تحبك بس مكسوره منك ! تركي : انا ما بقلبي مشاعر لها ! ام رغد : والله مثل ما كنت معيش سديم شهور وانت ما تحبها ! اصبر على ذي كم شهر لين تولد اذا تبي ولدك بصحة كويسه تعرفها وتعرف طبعها و تعرف عنادها وانا تعبت منها تركي تنهدت : طيب ب احاول ! ام رغد : ما قلت لك عيشها بحب و ود عالأقل لا تصارخ عليها و حسسها انك مهتم لصحتها قبل صحة البيبي تركي : طيب طيب .. في بيت ابو مشعل .. انسدحت بتعب بعد اليوم الطويل .. و كانت تشوف صور الزواج .. و ابتسمت وهي تشوف صوره فيصل مع مشعل .. كان متقارب منه بالطول .. وشكله بالشماغ هيبّه و رزه مره ... ! و ابتسمت وهي تشوف صوره ابوها يسولف معه و واضح منسجم ! و لأول مره تشوف ابوها متعلق بأحد هالكثر ! دايم يمدحه و يثني عليه بكل ما فيه .. قرت أذكارها و حاولت تنااام .. صباح جديد .. مشعل صحى و كان يبي ياخذ شور وملابسه عندها ! اتجهه وهو يضبط اعصابه .. فتح الباب و انفتح ! دخل بخطوات هاديه .. وشاف روبها على السرير و ريحة البخور بكل المكان اخذ ملابسه و دخل ياخذ شور .. هديل رجعت و شافت باب الغرفه مفتوح ! دخلت و تسمع صوت المويا عرفت انه هنا .. توترت بس حاولت تتظاهر بالقوة .. لبست فستان ناعم جداً و زينت شعرها و بخرته و هي تنتظره يطلع ! مشعل طلع وهو يلف الروب و شعره كله مويا و بسخريه : صباح الخير هديل : صباح النور مشعل قرب منها و صار ورا ظهرها : و رجع شعرها بيده : شهالحركة يازوجتي العزيزه؟ هديل : ما كنت منتظر مني اخذك بالأحضان مشعل قرب منها و صار راسه عند اذنها وبهمس : انا اخذك هديل وقفت و بعدت عنه : لو سمحت بعد عني .. مشعل وهو يجفف شعره : اللبسي بنروح بيت اهلي هديل بصدمة : متى !!! مشعل : الان هديل : لاه مستحيل !! مشعل رفع حاجبه : ليش مستحيل ! هديل : مو مستعده خير مشعل : معك نص ساعه الغداء عند ابوي هديل ضربت رجولها : ما ابي اروح مشعل قرب منها و سحبها مع يدها وقربها منها : الى الان مطول بالي عليك لا تختبرين صبري و تجهزي ولا قسم بالله تندمين ! هديل علطول دمعت عيونها وهي ساكته ولا كلمة مشعل لف عنها ما يبي يشوف دموعها و يضعف قدامها !!!! واتجهه لغرفه الملابس و لبس ثوب و شماغ و طلع كيس من مجوهرات ( ****** ) و نزله على السرير : اللبسي هذا العقد لان امي بتسال عنه و انا قايل لها معطيك من ايام الملكة .. و اخذ جواله و مفاتيحه : نص ساعه و تنزلين و كمل طريقه .. هديل انقهرت من اسلوبه !!! و بنفس الوقت فكرت بشكل عقلاني اكثر اهله ينتظروني ! حاولت تاجل كل شيء .. امه الذوق حرام اكسر فيها عشانه ! لبست بسرعه و حطت ميكب مسكت كيس المجوهرات وحذفته بالارض و اخذت عباتها و نزلت بعد مرور ٤٥ دقيقه كانت مخلصه لان ما حطت ميكب اوفر ! شيء بسيط يناسب الوقت و المناسبه .. مشعل من شافها تنزل من الدرج .. اتجهه لباب .. و بنفسه ما عليه الايام بيننا .. في بيت ابو مشعل .. استقبلوهم بكل حب و ذوق .. سديم رغم التعب بس صحت وتجهزت عشان خاطر هديل و مشعل .. مشعل بهمس : وجهك الحزين هذا ما ابي اشوفه انتي عاروس .. هديل : عاروس حزينه ما يصير ؟ مشعل : ناجل النقاش بالبيت سديم : هلا هلا باحلى عاروس و زوجة اخو بالدنيا هديل : هلابك ياقلبي مشعل : افا و انا ؟ سديم : الساحة الان لهديل لو سمحت لا تحتك شهد بضحكة : ابوي يقول هديل ما جت ! حتى انت بكبرك سحب عليك مشعل سحب هديل لحضنه : يلاه انا وهديل و احد هديل توردت خدودها . . سديم : مشعل لا تحرجها كذا .. هديل سحبت نفسها وبهمس : بعد عني ابو مشعل نزل : ياهلا ببنيتي ياهلا بالي نورت بيتي مشعل بغيره : حتى انت يبه ! انا ما لي الا امي وينها دخلت ام مشعل و وراها العامله معها القهوه : لا والله امك تبي كنتها اليوم ياحي الله هديل شرفينا و نورتينا هديل : نورك ياخاله مشعل : لا انا رسمي انسحب علي ؟ شهد بضحكة : هههههه احسن ابو مشعل : شلونك يا بنيتي هديل : بخير الله يسلمك و يرضى عليك انت شلونك من التعب ابو مشعل : انا بشوفتكم بخير هديل : عسى دوم يارب .. و جلسو يسولفون معهم .. هديل ارتاحت نفسيًا كلامهم و ترحيبهم وجو العائله الي ما عاشته ببيت ابوها جالسه تشوفه .. مشعل وهو يضحك مع خواته و ابوه لما يعصب عليه و امه لما تدافع عنه .. كانت مبتسمه طول الوقت .. مشعل بهمس : تفكرين فيني؟ الابتسامة لاخر اذنك هديل : هه الحمدلله انك مو انت الي افكر فيه ولا ما كانت رده فعلي كذا .. مشعل : نمشي ؟ هديل : ايه كيفك مشعل : طيب انا ب اروح لأبوي و انتي اللبسي عباتك هديل : طيب .. في بيت فارس .. فارس : هلا هلا نورتي بيتك سمر بخجل : نورك .. محمد استقبلها بضحكة سمر ضمته : هلا أمي هلا حياتب .. فارس : الترحيب لمحمد و فارس المسكين ؟ سمر رفعت راسها وضحكت بخفه .. بعد مرور ست شهور على الأحداث الأخيره ! في بيت تركي .. بعد أصرار و محاولات من تركي وافقت ترجع له .. كان يعامله ب احترام عشان البيبي و لانفسيًا كان عايفها ولا وده فيها ! بس الي صار فوق طاقته .. و صحه ولده أهم من كل شيء عنده الأن .. نزلت رغد و بطنها قدامها و بتعب : تركي تركي رفع راسه : هلا رغد : اليوم امي بتروح معاي للموعد تركي : يعني ما يحتاج اروح؟ رغد : لاه مو عندك اجتماع؟ تركي : الا والله بس رغد : خلاص امي معاي تركي : زين و نزل راسه يكمل شغله رغد اتجهت للمطبخ و هي تحس بثقل . . كانت مشاعره اتجاه تركي ما زالت حب بس تصرفات تركي ما تعطيها مجال يتعامل برسميه و قررت تترك كل شيء للأيام يا يحبني يا انا يبرد قلبي و خاطري منه ! و تهتم لصحتها و صحة البيبي الي بدت تتعلق فيه ! الي ما بقى الا ايام على ولادته .. في بيت مشعل .. هديل : يلااه بيوصلون البنات ! مشعل اللتفت عليها : بتطلعين كذا ؟ هديل لفت بخفه : حلو ؟ مشعل قرب منها و بغيره : اقول غيريه هالملابس ما تلبسينها عند غيري هديل : هيه خير؟ فستان قصير شفيها مشعل : فيها اني ما ابي احد يشوف هالجمال غيري و قرب منها : اذا ممكن تبدلينه ؟ هديل ضربت رجولها بالارض بقهر ! مشعل : يلاه امي كلمتني على وشك هديل رجعت لغرفتها وهي متنرفزه منه .. ما حبته بس تغيرت معاملتها له .. اول ايام الزواج كانت تعانده ! الان عقلت شوي و صارت تحاول تتفاهم معه لان عرفت شخصيته و شكثر هو عصبي بس يعدي عشانه يحبني ! في بيت ام فيصل .. سمر كانت حامل بشهرها الثالث . . و وحمها كان متعبها مره و جالسه عند أمها لان اغلب الوقت نفسيتها تعبانه ولا لها خلق تشوف فارس .. فارس تفهم الوضع بعد ما قالو له خواته عادي طبيعي تصير .. على انه مشتاق لها و خايف عليها بس مقدر أنه وضع مؤقت .. في بيت ابو حامد .. لا جديد يذكر الا ان هيا ولدت و جابت بنت و سمتها " كيان " العيال و زواجاتهم مستقرين و مبسوطين .. رهف تغيرت جذريًا وتحولت من شخصيه لشخصيه اخرى مختلفه تمامًا ! في بيت ابو مشعل .. سديم تحسنت نفسيتها جداً .. و تجاوزت الماضي بكل ما فيه .. و صارت تشتغل مع ابوها اغلب الوقت و ما زالت ما تبي فكرة الزواج .. ! على ان تقدمو لها أثنين غير فيصل بس رفضت بعد .. شهد ايضاً بشهرها السابع ..و تنتظر مولودها بكل حب و شوق .. في بيت مشعل .. هديل : ياهلا نورتوني سديم : نورك ياقلبي شهد : شلونك هديل : بخير الله يسلمك تفضلو حياكم .. و كانت مجهزه لهم الضيافه من ارقى من يكون .. مره تعلقت فيهم و حبتهم وهم ايضاً حبوها و كانهم يعرفونها من سنين طويله ! و هذا الي خلا هديل تتأقلم بسرعه معهم .. مشعل كان ملاحظ تأثير أهله عليها و فرحتها و فاهم شعورها لانها ما عشت بين أسره وحب .. ف كان يحاول يعوضها .. بعد العشاء .. رن الجرس .. مشعل : تنتظرين احد ؟ هديل : لا خليني انا اشوف يمكن خالتي الهنوف و فتحت الباب ... و كان ابو مشعل ! هديل : هلا هلا وضمته بشوووق ابو مشعل : من خلصت شغلي جيتكم علطول هديل : حياك تفضل ابو مشعل : يحيك و يكثر خيرك يا بنيتي و دخل وهو حاط يده ورا ظهر هديل و يسولف معها : شلون مشعل معك؟ يزعلك ؟ هديل بضحكة : لاه الله يطول بعمره .. مشعل : هلا هلا تو ما زانت الجلسه ابو مشعل : بوجودكم سديم : ايه والله كويس خلصت بدري ابو مشعل : ايه الحمدلله .. وعندي خبر حلو كلهم بفرح : ايش ؟ ابو مشعل : يخص سديم اللتفتو عليها كلهم مشعل : خطبة ؟ ابو مشعل ضحك شهد : فيصل فيصل صح ابو مشعل زادت ابتسامته .. سديم انحرجت مره ! مشعل : صحيح ؟ ابو مشعل : ايه كان عندي بالمكتب و كلمني للمره الثالثه ! الرجال شاريّك يا بنيتي سديم استحت مره اول مره ابوها يكلمها كذا و قدام الكل ! ام مشعل : الله يكتبه من نصيبك يا بنيتي شهد : سديم تكفين يلاه .. ترا خلاص ذي الاخيره الرجال بيمل و يروح يتزوج غيرك هديل بضحكة : هههه لاه والله واضح ما يشوف غيرها .. و الصدق بعذره هالجمال و الاخلاق من يفوتها مشعل : انا اقول فكري هالمره يا سديم سديم توردت خدودها و قامت من الجلسه ! و ارسلت له " ليش ما قلت لي " ! فيصل الي كان ينتظر منها التعليق " تعبت وانا انتظر ردك قلت اكلم ابوك يمكن تحسين فيني " سديم ضحكت بخجل وقفلت جوالها .. ما كانت على تواصل دائم معه ! ع ان رقمها معه ! لكن كان مقتنع يا تكون زوجته حلاله يا لا .. سديم ما تنكر انها بدت تعجب فيه .. قد شافته اكثر من مره وهي جايه لسمر .. كان ملفت و اثق و مملوح ! غمضت عيونها و تنهدت قاطع عليها صوت هديل : تحبينه؟ سديم اللتفت : هاه لا وين هديل : هههههه تكفين انا سولف لي مشعل عنكم و خطبك من طلعتي من العده و خطبك مره ثانيه و الأن الثالثه الرجالّ شاريك و يبيك و على كلام عمي و مشعل انه كويس مره .. ليش سديم عايشه بالماضي؟ عشان واحد ما يستاهلك شوفيه عايش معها و ينتظرون مولودهم الاول ؟ كلام هديل : ما تحسين انك جالسه تحرمين نفسك من ابسط حقوقها وهي السعاده ! اطلعي من وهم الماضي الحياه قدامك .. مع فيصل او غيره انا ما ادري ش مشاعرك له لكن حقيقي لا تضيعين الفرص .. تنهدت سديم لان ما تنكر انها حبته ! " احبك رغم تجاريح الليالي لقلبي المقهور اشوف الجرح يكبر وانت تكبر وسط تفكيري " وهذا كان لسان الحال عن مشاعرها اتجاه فيصل .. رغم خيانه زوجها و صديقتها رغم الانكسار الي عاشته الا انها ما تنكر انها حبته ! بعد مرور ثلاث أيام ! فيبيت فيصل كان راجع من الدوام و اتصل ابو مشعل فز من مكانه و عدل جلسته و بقلبه يارب ! رد : الو ياهلا ابو مشعل و الفرحة بصوته : هلا بك ياوليدي مشعل : بشرني؟ ابو مشعل : مبروك يا وليدي .. فيصل تنهد ب أرتياح واضح : الحمدلله يارب يبارك بعمرك ابو مشعل : تقدر تجي انت و اهلك باي وقت .. فيصل : لو تبي الليله ابو مشعل : هههه الركاده زينه وانا ابوك فيصل : اه ياعمي كم راح وانا انتظر هاللحظة ابو مشعل : ماحدن ماخذ الا نصيبه .. وقفل منه وهو طاير من الفرحه .. بشر اخته و امه وهو يحسه خيال مو واقع .. واخيراً سديم بتصير زوجتي ! مرت الأيام .. و تمت الخطبه عائليه .. و بيوم الملكة الي كانت خاصه نوعاً ماً .. بمجلس الرجال .. ناصر بقهر : ما بقى الا ذا يصير عديلك! عمر : تكفى ما نبي مشاكل مع ابو مشعل كيفهم بنتهم و زوجوها خلاص .. ناصر : اه من نسب تركي الـ ****** لـ نسب ذا !! صوت مشعل من وراه : هذا يسوى تركي و أهل تركي .. ومن هاللحظة الي يقول كلمه بوجهه ولا بظهره انا ب اكون قدامه .. نسيبي ولا ارضى عليه ، والي مو عاجبه الباب قدامه .. و كمل طريقه .. ناصر بقهر : شفيهم طايرين فيه !!! عمر : الاحترام انت ما تشوفه شلون يتعامل مع الناس .. الصدق انا كنت مثلك من ذيك السنه كرهته بس مع الوقت عرفت الخطا منّا .. فيصل ما اخطى .. ناصر تنرفز و طلع من المجلس .. تمت الملكة بوسط فرحه .. و الكل يبارك و يهني فيصل و مبسوط له .. بعد مرور ساعه .. دخل وهو متحمس و متوتر جداً .. شافها قدامه بكامل اناقتها و خدودها متورده من الخجل .. مسك يدها و تنهد : واخيراً صرتي حلالي و باس خدها بكل جراءه .. سديم نزلت راسها بخجل من وجود سمر و امه و امها .. فيصل : لا تنزلين راسك .. و رفعه و بشوق : لا تحرميني من هالجمال .. سديم بهمس : فيصل فيصل قرب منها و بهمس : قلبه وعمره سمر بضحكة : ما ودك تلبسها الشبكة عشان نطلع و تاخذون راحتكم ؟ فيصل بضحكة : تمام و لبسها الشبكة و هو منهار من جمالها وريحة عطرها و بخورها .. سديم كانت متوتره جداً و كانت تحاول تلبسه الخاتم بس تحس يدها ترجف .. فيصل حط يده فوق يدها : لاه انتي كذا ما تبينهم يطلعون عنّا و لبس الخاتم سديم ضحكت بخفه .. بعد ما طلعو مسك يدها : احس انه حلم سديم بخجل : هههه واقع والله واقع فيصل : والله انك اجمل واقع حصل لي ! في نفس المكان .. كان بسيارته مقهور و قلبه ذايب ! بس ما يقدر يسوي شيء لو دخل ب يتهاوش مع مشعل او فيصل و يطلع! يدري سديم مستحيل ترجع له ! بالذات مع حامل رغد الفكرة صارت مستحيله بس رغم ذلك كانت فكرة انها صارت حلال لغيره مزعجته جداً جداً بس ! بعد مرور ثلاث سنوات ..... ! في بيت تركي و رغد . . و لدت و جابت ولده و سماه " نايف " لكن الحياه مع تركي لا تطاق ف أنفصلت عنه بعد ست شهور من الولاده .. تركي خطبت له أمه وحده من قرايبهم كانت أرمله وعندها بنت ايضاً رضى فيها لان هو مطلق مرتين وعنده ولد ما كان يحبها ولا تعني له شيء بس كان متفق معها تحسن لولده مثل ما هو يحسن و يعامل بنتها بلطف و كانت الحياه ماشيه .. رغد بعد سنة تزوجت ولد عمها الي كانت عينه على حلالها و فلوسها وهي تدري ! بس ملت من كلام الناس و وافقت عليه هو ما كان يكرها هو فعلاً معجب بشكلها بس الدافع الاول للزواج منها ان الحلال ما يروح لواحد ثاني ! كان كل همه الفلوس والشغل .. كانت هي اخر شيء تعني له .. ندمت انها تركت ولدها يا ليتني صابره على برود تركي بس كانت شوفه نايف تحصل لي ! ولا هالعيشه مع " منصور " !! في بيت فارس .. نزل من الدرج وهو مستعجل ... سمر : عندك دوام اليوم ! فارس : راحت علي نومه سمر : توقعت اجازه عشان كذا ما صحيتك فارس : يلاه ما عليه و ين محمد و سديم ؟ سمر : نايمين فارس : لا تنسين تجهزو اليوم بنروح لبيت اختي سمر : ان شاءالله فارس : مع السلامه سمر : الله يحفظك .. و بكذا كانت حياتهم ، مليانه حب و حنان و وجود محمد و سديم زادها جمال .. في بيت هديل .. كانت تمشي شوي شوي .. مشعل شالها : تكفين بنوصل بكرا على مشيك هذا هديل انفجعت بعدين ضحكت : حرام عليك مو مني من ولدك الي مو راضي يطلع مشعل : امي تقول عادي اذا تعديتي التاسع بكم يوم هديل : بس والله تعبت .. مشعل ب ابتسامه : هانت .. هانت و بكذا كانت حياه هديل و مشعل .. مع الوقت حبته و تعلقت فيه جداً و عوضها عن كل نقص بحياتها والأن ينتظرون مولودهم الاول بكل حماس وحب .. شهد و عمر .. كانت حياتهم كويسه و ماشيه و عندهم بنت " نوره " سميته جدتها ام عمر ... بيت ابو حامد لا جديد .. الاحفاد كثرو فقط .. هيا سعيده مع زوجها رهف كانت كل وقتها بغرفتها ولا تخالط أحد ولا تطلع .. ودايم تحس بالذنب من الي كانت تسويه زمان زواجات العيال دايم يجتمعون عند عمتهم ام حامد .. في بيت فيصل .. وهو نازل ولابس السكراب .. مر وسمع صوت بكاها قرب منها و شالها : الحلوه زعلانه ليش ؟ سديم جت : امسكها دقايق بليز فيصل بضحكة : العامله وين ؟ سديم : أجازه اليوم و متوهقه فيصل بضحكة : خلاص موضوعها عندي اصلاً هي من تسمع صوتي تسكت سديم : ههه حيل ماشاء الله عليها فيصل وهو يحركها بخفه : يلاه لاتفشلينا قدام ماما .. وفعلاً سكتت فيصل ضحك بصوت مسموع و كان فعلاً مبسوط .. كيف هالكائن الصغير قادر يمتلك كل ما فيه ؟ و بحب : شوي شوي على قلبي مو يكفي أمك قبلك .. سديم ضحكت بخفه : ب اغار منك صراحة ليش ما تسكت معاي كذا فيصل : هههههههه تحبني شسوي .. سديم وهي تحرك فمها الصغير بيدها : ليش ياماما ما تحبيني؟ فيصل رفع عيونه و ناظر بعيونها : وانتي مين ما يحبك؟ سديم توردت خدودها على ان لها ٣ سنوات متزوجة منه بس ما زالت تستحي منه .. و ما زالت تعيش شعور الحب معه وكأنهم أول شهر زواج .. كانت حياتهم حب و أحترام و تقدير .. و حملت سديم بعد الزواج سنتين و جابت " لمى " الي ما زادتهم الا تعلق ببعض .. فيصل كان يساندها بكل شيء و يدعمها و يتفهمها و هالشعور ما عشته سديم الا معه و كانت سعيدة جداً النهايـة .. ???? والحمدلله ???? خلصنا رواياتنا الي كانت 30 بارت ????.. أنا سعيده و مبسوطه بتفاعلكم ومتابعتكم طول الوقت ???? أتمنى أن الرواية تنال على أعجابكم جمعيًا .. حاولت أتكلم بالنهايات بشكل سريع وشامل ???? و دايمًا و إبداً الحب ينتصر ????.. و الظالم يحصل جزاته ، و الخاين لا يؤتمن و الصديق الصح سند ، و الأخت حياه .. و عوض ربي دائمًا كريم .. الحياه بتعدي و الأيام تنسي لكن الله يبعد عنّا و إياكم الأشخاص الخطأ .. و يرزقنا جمعيًا الحب الصادق سواءًا زوج ، أخت ، صديقه أيًا كان .. الحب الطيب رزق ❤️ و الحياه تجارب و الناس تختلف و الفرص كثيره .. الله يوفقكم جمعيًا و يسعدكم ???? و كالعاده أنتظر أرائكم تحت البوست ???????? ! | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
