12-10-23, 11:09 AM
| #1 | ||||
|  (حاربيني وصبري جيوش القِتال) الـكوداء بسم الله الرحمن الرحيم تم تنزيل الرواية : بالسابع والعشرين، من شهر ثلاثة، عام ألف وأربعمائة وخمسة وأربعون هجري موعدنا كل خميس ان شاءالله ** لا أجيد المقدمات احب دائما الخوض في جدية الموضوع كل مايحدث هنا خيالي بحت لايمت بصلة للاسماء او شخصيات او جهات لا احبذ الروايات الطويلة ولكن استغرقتُ كثيراً لكتابة هذا الرواية واستنزفتُ كثير من الوجع لا أنهي جزءً من روحي كونو لطفيين بها فقد كتبتها بدموعي وانا احارب صراعتي قد لاتكون روايتي طويله لاني لا اجيد الانتظار وانتظر بشغف ردودها انتقدوني بلطف وكونو قربين مني اترك بين يديكم وقلوبكم رواية ( حاربيني ودموعي جيوش القتالِ) البداية : ليش بُكاء القلب متعب؟ لدرجة اليأس،، من ثقل قلبه بكى كل جسده لكنه لازال صامداً متجلد بالصبر لم ينوح ويبكي فعيناه اشد عناد من قلبه هكذ وجعه حارب جسده نفسه وهذبه وكل انتصاراته بالحياة هي انهزاماته بحد ذاتها تُرك وحيداً في ساحة معارك روحه. هل يوجد صباح مشرق لهذا القلوب؟ أو ارواح تحتضن كل هذا الوجع وتسحقه ! -- الفصل الاول الرياض عائلة المرو ثلاث بيوت تحيط بعضها بين كل بيت سوار من زجاج وتجمع البيوت الثلاث حديقة متوسطة تتوسطها كراسي لجلساتهم العائلية كانت تلك البيوت بيوت اخوه اثنين والثالث بيت والدهم الكبير الذي يرى هذهِ البيوت يظن ان البيوت الثلاث كلها داخلها عائلات تسكنها لكن الحقيقة ان الاخوة الاثنين يعيشون داخل بيت الاب داخل بيت المـرو الابو الحنون الذي زوج ابنائه وهم ببداية عشريناتهم جالس بوسط الصالة وحوالينه ابنائه وزوجاتهم واحفاده وبناته وزوجته بجانبه ممسك بيدها بحنية: شوفي صار عندهم عيال وللحين مو راضين يسكنون بيوتهم متى برايك نكرشهم تعالت ضحكتها بحنو قربت له: حنا نلمهم بحنيتنا مانكرشهم ،وبنفس همسه، لو طلعو شقيت ثيابك من الحزن وانقهرت روحك هذا انت نقلتنا من البيت الصغير يوم ربي فتحها عليك وبنيت لنا هالبيت الكبير وحطيت لهم بيوت وعطيت لكل واحد مفتاحه و ب اول يوم المفروض ينامون ببيوتهم جونا بفرشهم شايلين عيالهم وحريمهم وراهم ماضنتي حنا نقدر على فراقهم او هم يقدرون على فراقنا هز راسه وابتسامته لازالت على ملامحه: الله يحفظهم ويمد بعمري واشوف عيال احفادي همست : اميين وقف وهو على بدلته العسكرية: انا عندي استلام راح ارجع متاخر قفلو الباب وحطو المفتاح عند الشباك نطقت هـله : طيب انتبه لنفسك هز راسه: ان شاءالله يلا فمان الله خرج وهو يدعي ربه يحفظ له عايلته الحنونه والحبيبة مازالو بصاله يتسامرون تاره يلعبون مع ابنائهم وتاره يتناوشون مع اخواتهم وقفت احدى اخواتهم: يلا اشوفكم بكره ولاتطولون بالسهر ترا وراكم دوامات وقف رئد وهو يحب راسها: مسرع ماجاء حمد روابي : ترا الساعة١١ زين منه مخليني لين هالوقت وراه دوام وانا بعد عندي جامعة روابي وهي تشوفه يمشي وراها: رائد تراني ادل الباب رائد : عادي انا احب اوصلك لين الباب لاحظت عليه طول ماكان يمشي معها يلعب با اصابعه كثير ويمسح شعره بضيق روابي بالممر القريب للباب الخارجي: رائد فيك شي رائد بهدوء غريب على شخصيته المرحه: لا بس كنت بشوفك لين تروحين روابي طالعته بضيق وحضنته وبهمس: النظره هذي تخوفني لاتطالعني كذا تحسسني انك تودعني صدق غمض عيونه وبهمس: روابي تكفين ياروابي لاتنسيني وادعي لي كثير كثيرر ابتعد عن حضنها مايدري سمعته ولا لا ، كانت غارقه بدموعها رجع للداخل بسرعه خشيت ان تلاحظ خوفه وتوتره طلعت وركبت السياره وسط هواش حمد: ساعة على ماتطلعين بعد مرور ربع ساعة وهم بالطريق روابي : حمد رجعني بيت اهلي بسرعه حمد بتوتر: يابنت الحلال كلمه وقلناها لاتكبرينها روابي بنبره باكية: تكفى ياحمد رجعني الحين البيت تكفى حمد: طيب طيب اهدي انتي رجع وهو يستغفر نزلت ونزل وراها يحاول يثني قرارها طلعت المفتاح ودخلت وهي تركض لكن وقفت وهي تشوف المنظر قدامها ارتعبت اقدامها وهي تجثي على ركبتها قدام رائد تطالع اخوها عبدالعزيز مغطي عيونه بشماغ ويبكي امها كانت تصيح تسمع صراخ خواتها وزواجات اخوانها واصوات وصول الشرطة وابوها لكن هي واقفه عند ملامحه تتلمسها برقه وتبكي ضمته لحضنه وسط دموعها الصامته وخرها ابوها بضيق : ياروابي خليني احضنه الشرطي خلفهم: سيدي وفاة ولدك تحولت لجريمة قتل من اطراف العصابة اللي يلاحقها زميلك عدنان غمض عيونه كانت الجمره اللي اشعلت نار جوفه وقف بعد ماودعه وهمس ب اذنه بكلمات يواسي فيها روحه بصوت متماسك وجوهري امر اهله جميعهم يدخلون علشان الفرق الجنائية والامنية ياخذون مساحتهم بالتحري مرت السنين والبيوت الثلاث هجرت وتركت بصمة تغير كبيرة بحياتهم _ الأردن بمزرعه جميلة تحطيهم اشجارها يتسامرون بهدوء بعد عصف تلك السنين ومرها ينظر الى احفاده الذين اصبحو كبار وابنه الذي بدا الشيب يغزي شعره وبناته وابنائهم حوالينه عبدالعزيز الابن الكبير له : يبه اختيارك مكان الشتوية هالسنه بطل سحب كرسيه وجلس بجانب جده : لاوالله لو مشتين بصحراء الرياض ولا الشمال ومخيمات وفله لكن انتم ماتحبون البر وطلعاته جده وهو يرفع ايده بهدوء ويحطها خلف راسه: كنا نحبها يابوك لكن الحين صرت احب المزارع اكثر جدته اللي كانت تسمع لهم وحوالينها حفيداتها على نفس الفرشة : قبل جدكم كان يعشق البر لدرجه تمر اسابيع ما اشوفه لازم ارسل عليه مرسال ويرجع واذا رجع بدت روحه تحن لحلاله ومخيمه ماهجده الا دوامه تعالت ضحكاتهم بصخب على جدهم اللي يحاول ينكر اسندت راسها على كتف امها: يالله يا يمه ياحلو جدي وجدتي وبهمس حاني ابوي كان نفس رقتهم وروحهم الحلوه همست: ابوك كان من كثر ماهو حنون وده رجولك تلامس كفوفه مو الارض الله يرحمه همست: خالي يقول حدكم اسبوع وترجعون امها: ادري ارسلي زين سمح لنا نطلع معاهم ماردت وهي تتامل السماء المليانه نجوم ونسمات الهواء العليلة وصخب وضحكات عائلتهم بعد مروو سنتين على شتاء الاردن قرية نسل السيوف البعيده عن الرياض : بصحراء واسعه تعالت صراخاته بقوه حتى بات يسمع لها صدا كانت الامطار تهطل بغزاره ومخيمه يرتعش من الرياح وثوبه وفروته جميعها تتحرك مع الرياح ما عدا جسده الواقف سحبه من ثوبه عامل المخيم والاقرب الى ان يكون الشخص القريب من ذلك الرجل صادق وهو يدخله للخيمة الدافية : مجنون انت مطر وهواء ورياح قوية وعواصف وباقي برا لو ما انتبهت من صراخك ماكان دخلت لازال صامت مخفض راسه ينظر لكفوفه اللي احمرت من البرد صادق: بقرب لك دفاية الغاز مو حطب مو زينه لصدرك وقف متجاهل كلمات صادق سحب المنقل له واحتمى حوله يستنشق بهدوء رائحة المطر المختلطة بالحطب وقف صادق وطلع يجيب له ملابس ولحاف رجع بعد ثواني وحطهم عنده : بدل ملابسك وتدفى انا بسوي لك عشاء يدفيك دخل المطبخ الصغير وهو يفرك كفوفه بشده من البرد اخرج قدر الضغط بحيره يعلم ان ذلك الشخص يكره الاكلات الدسمه رجع القدر واخرج الطحين وبدا يصنع الخبزات الرقيقه بعد دقايق انتهى وحط الصينية وحط صحن صغير زعتر وخبز وشاهي شالها ومشى للخيمه نزلها قريب من عاصي وجلس جنبه والصمت ساد بينهم بعد نصف ساعه نطق صادق بعد ماشافه ما اكل : عاصي لايبرد الخبز سحبها بهدوء وبدا ياكل وهو هادي خلص وابعدها قام صادق واخذ الصينية يوديها للمطبخ مشى للخيمة الثانية بدل ملابسه ورجع للخيمة الاولى حقت صادق جلس قدام الحطب مد يديه وهو يتدفى وقف صادق واخذ اللحاف وغطاه : انا بروح انام بالخيمة الثانية لو بغيت شي ناداني عاصي وقف وطلع متجاهل نداء صادق له ينظر للسيارة بيأس : لمتى انت وعنادك التافه صادق ماكان عامل بس كان فعلاً رجال بمعنى الكلمة من مواليد الرياض تربى وعاش ودرس بين مدراسها واصبح مهندس اجنبي باحدى الشركات لكن تعب والده واضطر للسفر للهند معه وبعدها رجع على كفالة عاصي وعلم عاصي قصته كلها حن قلبه له وتكفل براتبه وعائلته وطلب منه ان يهتم بحلاله كان شخص يحمل بقلبه كل هذا الحنيه والرقة لكن من١٠سنوات رفض الكلام والنطق لايعلم هل يعاقبه او يعاقب نفسه لكن شي واحد يتمناه ،ان يرجع عاصي لعاصي فقط لتزهر حياته وتطمئن روحه - وصل مستشفى القرية استغرب وهو يشوف الحشد الكبير من الصحافة والمصورين نزل بكل ثقة تعداهم وهو يدخل توجهت الكاميرات له لكن لم يلقي لها اهمية ودخل الممر خلف الامن الذي بدا يحاول ينظمهم تكلم الاستشاري بعد رؤية عاصي : ارسلنا لك تجي من الباب الخلفي ليه جيت من الباب الاساسي عاصي : وليش اجي من الباب الخلفي وجوالي خرب من المطر وماعاد يشتغل الاستشاري خالد: تعال مكتب الاجتماعات عاصي وهو يدخل مكتبه : طيب بمكتب الاجتماعات: جالس بصمته المعتاد يسمع الاستشاري وبعض الدكاتره : سبب التجمع علشان حفيد المـرو مسوي حادث قرب القرية وهو موجود حالياً بقسم الافاقة عمليته كانت الحمدالله ناجحة قام فيها الدكتور عبدالله وفريقة الطبي اشر على عاصي: الجراح عاصي اليوم جايتك بعد كم حالة تحويل من مستشفيات الرياض عاصي بهدوء: عندي علم ورفضتها لأن جميع الحالات المحولة مو من اختصاصي والعمليات اللي تحت اشرافي حولتها على مستشفى بالدمام وبكره بطلع للدمام علشان الحالات وبتم شهر هناك ان شاءالله مدير المستشفى وهو يأشر للاستشاري يهدى: ممكن اعرف ليش تم التحويل وهينا عندك قسم كامل للعمليات تم بناءه فقط علشان شروطك عاصي: لاني قدمت طلب لزميلي الجراح جوني يشاركني العمليات وسياسية المستشفى بدمام تحتم علينا اي عملية جراحية يشارك فيها الجراح جوني لازم تكون متواجده بنفس المستشفى بالدمام مدير العام للمستشفى عبدالله: متى كنت ناوي تعلمني بعد ماتمشي تراني ماني ابوك انا، انا مديرك بالمستشفى اي خطوه اي اجراء بس تبي تنويه تعلمني فيه اوافق عليه او لا عاصي : اكيد اني لازم ارجع لك لكن لاتنسى الشروط اللي بينا والعقد اللي وقعت عليه ينص ان من حقوقي اختار المكان اللي اسوي فيه عملياتي وانا ماخترت مستشفى الدمام عبث الحالات اللي عندي نادره ومعقده محتاج فيها جراح خبير يشاركني ويوجهني بالعمليات الثلاث وقف بعدها ، دام خلص كلامكم انا طالع للطوارئ يطالعون بعض بقهر الاستشاري خالد: متى تحط له حد المدير عبدالله اسند ظهره : لكن هو حاط له حد وفعلاً من شروطه كان هالشرط وبالعكس تراه اكثر واحد فيكم ملتزم ومنضبط وشايل حتى اشغالكم وحالاتكم كم مره صحح لكم التشخصيات والتقارير ،، والحين كلكم على مكاتبكم وقفو بملل وكل واحد يهمس للثاني منهم معجب بشخصية هذا الجراح وبعضهم ينتقد عزلته ويبغض هدوئه اسند جسده على طاولة الاستقبال وهو يقرا اسماء الحالات نطقت الممرضة يُمنى : دكتور اليوم ماجتنا الا حالتين بس ومن ضمنها رائد عبدالعزيز الـمرو عاصي بهدوء رجع الملف: طيب بلغتو اهل رائد الممرضة: ايه كلهم متواجدين بغرفة الانتظار رجع مكتبه روتين هذا المستشفى من اربع سنوات الى الان يقتله ببطئ حالات قليلة استشارات تكاد تذكر دائماً الحالات تجيه محوله وجاهزة بتقاريرها من مستشفيات اخرى لان المستشفى صغير وبقرية ف دائماً الحالات تجي بسيطة وليست معقدة مثلما اعتاد اسند راسه على الكرسي لازال يسمع صوت المطر ابتسم بحنية اكثر شي يرق له قلبه هو صوت المطر ورائحة الحطب وساحات سويسرا الجميلة دخل الاستشاري خالد: دكتور عاصي ممكن تجي معي اهل المريض رائد جدهم يبغى استشارة منك وقف ومشى خلف الاستشاري الين وصل لغرفة الانتظار بهتت ملامحه عندما سقطت عيونه على الشايب الواقف ويسأل بكل ثقة الاستشاري خالد : يتكلم عربي ضحك الاستشاري خالد: ايه سعودي لايغرك شكله ماهو اجنبي عاصي رد بصوت متزن وثقيل : سم ياجد ب ابتسامة:والله يابوك عندي استشاره انا زوجتي سوت عملية قلب قبل كم سنة لكن هالفترة بدت تشكي من قلبها من جديد وسألت كذا دكتور بالرياض وذكرو اسمك اذا انت متفرغ بكره بنحجز موعد ونجيك عاصي: من بكره عندي مراجعات بالدمام تمتد لشهر حط اسمك ورقمك وان شاءالله خير رجع بيطلع بس وقفه يسأل : وش اسمك الكامل عاصي لف بهدوء: عاصي العمر الجد بترحيب: ونعم عاصي : ينعم عليك تقدمت خطواته للمكتب دخل دورة المياه الخاص فيه غسل وجهه كثيراً لما يتواجه مع ذاك الان لماذا حانت الصدف ان تجمعه بهذا الشكل معه غسل وجهه وهو يحس بكتمه تفترس صدره عشر سنوات يبحث عنه من مكان لمكان والان يخرج بكل هذا البساطة امامه كأنه لم يفعل شيء حرق ال٢٨سنة جميعها وخرج بكل عناد امامه يُريد ان ينقض عليه مشهد والده وهو يبكي لازال خالد بذكرياته تمنى انه لم يتخبى خلف الطاولة ليفاجئ والده وانتهت فرحته بوجع ازلي لايُبعد ولا يُزاح ليته يواجهه ويسحق روحه مثلما فعل لكن الايام بيننا مثلما انتظرت سنين لايستصعب على صبري انتظار بضعة شهور _ بالانتظار جلس على كرسيه اقبل ولده عبدالعزيز: يبه شرايك ترجع معي للفندق ونريح الجد المرو: تبي تبعدني عن رائد ١٠٠ كيلو لا والله ماني متحرك قربت منه بنته الكبيرة: يبه والله ماراح يرضى جدي عنيد وبيمشي كلمته حتى اولاد عمي رائد مايقدرون له عبدالعزيز: على طاريهم متى يرجعون للرياض هدب : على كلام هاجر بيرجعون بكره مع خالهم علشان الدوامات عبدالعزيز: وصي هاجر واخوانها من يجون الرياض يمرون على امي متشفقتهم حيل صار لها شهرين ماشافتهم وعماتهم بعد يبونهم هدب: اكيد من غير لاتوصي بيجون عبدالعزيز: اخوانك وين اختفو هدب وهي تأشر: هاه شرفوا عبدالعزيز بهمس: لاتنسين تراجعين القضية اللي على مكتبي وعطيني اقرب حل لها هدب وهي تطالع ابوها بضيق : يبه نرجع الرياض ويصير خير الحين خلنا برائد متى يصحى وبضيق : بروح اجيب لي قهوة تبي معي عبدالعزيز وهو يجلس: لايابوك انتبهي لنفسك هدب: لاتوصي حريص مشت بهدوء وهي تتأمل المستشفى الخالي من المراجعين عدا عدد قليل يستفسر ويخرج وصلت الاستقبال : فيه كوفي عندكم او محل قريب من هينا احدى الموظفات: كان فيه بس الان مغلق للصيانة ومحلات الكوفيهات والمطاعم تبعد ١٠٠كيلو عن القرية حتى الفنادق والشقق المفروشة للاسف ماتتواجد هينا لان مايكون فيه زوار دايم الزوار هم اقارب اهل القرية وضيوفهم، الا اذا ضيفكم احد لان دايم الدكتور عبدالله ساكن بالقرية يضيف عوائل المرضى اذا مدة علاج ولدهم تطول او عمليته لان بعض المرافقين كبار سن هدب بفضول: طيب الموظفين اللي بالمستشفى او الدكاتره مالهم سكن خاص فيهم الموظفة: الا عندنا سكن خلف المستشفى مافي الا دكتورين شرو بيوت هينا بالقرية ورفضو يسكنون بالسكن هدب: تمام يعطيك العافية صدت بتمشي بس شدها الدكتور واقف يتناقش مع عامل نظافة ويتكلم معه بنفس لكنته الهنديه طالعته بضيق ملامحه فيها شي غريب من بعيد شخص اجنبي لكن لو تمعنت قليلا فملامحه عربية شرقية اكثر صرفت نظرها وهي تهمس بداخلها: كل اللي شي بهذي القرية غريب تعدته وهي ترجع للانتظار مره ثانية - استئذن من المدير عبدالله : دكتور انا لازم اطلع الان طيارتي الساعة ٤ الفجر للدمام عبدالله: طيب ياعاصي من توصل ارسل لنا واي حالات جديدة راح نتواصل معك مد يده لعاصي يصافحه ناظر له وبضيق اردف : انت تدري اني ما احب اصافح ابتسم وهو يرجع ايده: ما انتهت عاداتك الدخيله عاصي ب ابتسامه هادية: ما اضنها بتنتهي يلا مع السلامه اي شي يصير سواء حالات تقارير استشارات حولوها علي للدمام اما اذا كانت حالات لكبار سن او مقعدين انا اجي بنفسي المدير: ان شاءالله حافظك الله طلع من مكتب وهو يمشي بخطوات متزنه تواجه مع ذلك الشايب مرتين رائ حفاوته مع ابنه واحفاده نظر لملامحه عن قرب بعد خبر افاقة حفيده المدلل كيف احتفى بفرحه عارمه وبعدها اجرى اتصالاته لنقل حفيده لاكبر مستشفيات الرياض مالت شفتيه بشمئزاز لازال ذلك الكلام يراوده لازالت تلك الذكرى امام عينيه ركب سيارته وذهب لبيته وصل لبيته اللي كان مكانه يطل على الجبال وتصميمه بذات طابع اجنبي سلم هذا المشروع لصادق ووصاه ان يبنيه بمقدار من الحداثة وغرابة كان اغلب البيت زجاج لاينسى كيف استنكر اهل القرية بيته وعابوه لكن التزم الصمت ف بيته ليس قريب جداً من بيوتهم بل في بقعة بعيده عنهم نزل لبيته وشاف صادق يخرج ومعه حقيبة : جهزت شنطتك وكل شي عاصي بجدية نطق : صادق رفعت اوراقك لشركة هندسة بالرياض وقريب راح يردون لي خبر بس الاكيد انك راح تنقبل قدمت لهم مخططاتك الهندسية وتصميم هذا المشروع وان شاءالله خير صادق طالعه بدون استيعاب: انت تكلمت معي اخيراً عاصي اخذ الشنطة : الله يرزقك سرعة فهم وعقل تعداه وركب السياره وحركها بقى صادق لازال ينظر لنفس المكان اللي كان واقف فيه عاصي عقله لايستوعب ان عاصي اخيراً تحدث معه الامر لايقتصر على الكلام ، استغنى عنه كرفيق لدربه واختار له مكان عمل بعيد عنه يعلم ان عاصي شخص لايمكن ان يتخلى عن حد فكيف يتخلى عني دخل وسكر الباب من خلفه وجلس على اول كرسي بالحديقة ممسك راسه بيأس فيه مخطط معقد بذلك العاصي مهما عاشره وعاش معه لايبوح له بشيء ولا يعلمه عن خطواته وقرارته بالمطار فتح جواله الجديد ادخل شريحته وبعدها مدد ظهره قليلاً على كرسي الانتظار سمع النداء وقف لحظات بتفكير - شهر هادئ اخر مر على عائلة المرو وخروج حفيدهم بالسلامة الرياض اقام الجد المرو عزومة عشاء كبيرة عزم كل اقاربه واحبابه بمناسبة خروج حفيده بالسلامة خرجت من جناحها وقد تزينت قليلاً رأت والدتها تخرج ايضاً من غرفتها: اتوقع بتنخطبين على هالكشخة افنان : اسكتي لايسمعك ابوك يعلقك هينا اشرت على الثريا وهي تبتسم وبتسأول ، هدب خلصت ليان مالت شفتيها بقهر : اصلاً ماجت للحين من المكتب افنان : تستهبلين صح ليان: لاوالله ما استهبل من اليوم اتصل عليها تعطيني مشغول افنان: ماترتاح لين تاكل تهزيئه من ابوك سما وهي تمسك ذراع امها وتنزل معها من الدرج : يمه اذا احد سألك قولي عندها قضية مهمة وبتتأخر على ماتجي افنان : هذا اللي بيصيو ولاتبينهم ياكلوني بالكلام وصلو الصالة الكبيرة وهم يرون التجهيزات على اتم وجهه والضيافة من احلى مايكون تفاجأت وهي ترى ابنتها متواجده بوسط الصالة وتضحك مع عمتها روابي تقدمت لها هي وسما ضربت كتفها على خفيف : انتي موجوده هينا وانا واختك حرقنا جوالك مانردين عبالنا للان بالمكتب روابي ب ابتسامة: تلقينها حاطته صامت كعادتها طلعت جوالها وهي تطالع لعدد المكالمات: معليش يا ماما والله مانتبهت جيت على طول ولبست من عند هاجر وتمكيجت عندها وبعدها تعاجزت اصعد لكم افنان وهي تجلس بجنب روابي: اذا بعديها لك بعديها علشان خاطر روابي بس ولا انتي شغلك عندي لاصعدنا روابي وهي تلعب بحواجبها: حيلك فيها رن جوالها برقم غريب وقفت بعيد عنهم : من معي رد بصوت ثقيل: يامحامية ماعطيتني رد على القضية اللي سلمتها لك قبل شهر هدب : لو سمحت اخوي انا ما اعطي ردود خاوج المكتب راجعنا بكره الصبح اردف : راح تمثلين الموكل عـاصي الـعمـر او لا هدب بنبرة هادئه: راجعنا الصباح بنفس نبرتها: انا بالمطار الان مابين اني ارجع لحياتي او انتظر المحامية الملتزمة بوقتها ترد علي،، شهر كامل جالس انتظر الرد من مكتبكم وبنبرة ضائقة: ردك الان ممكن يثني قرار سفري ويغير حياتي تنازلي هالمره وعطيني رد خارج المكتب هدب من غير لاتتطلع على القضية: راح امثله بـ اذن الله راجعنا بكره نبدأ الاجراءات وتوقيع العقد . . انتهى الفصل | ||||
|  |
|
14-10-23, 11:34 PM
| #2 | ||||||||
| مراقبة عامة ومشرفة منتدى الروايات المنقولة  
| السلام عليكم ورحمة الله وبركاته اهلا الكودا ء منوره روايتي بدايه مشوقه رغم مافيها من الغموض للآن لأننا في البدايه عاصي ماالذي بينه وبين الجد هل له يد حتى لو بطريق غير مباشر في الحادثه التي يتذكرها عاصي وأعتقد هي سبب ماهو فيه من عزله أتوقع القضيه اللي تخص عاصي وهدب وافقت على قبولها لها علاقه بالجد أو أحد أفراد عائلتها رغم توقعي ببراءتهم وعاصي ربما فهم الأمور بشكل خطأ أو ظلل توقع آخر ممكن تكون القضيه مالها علاقه بأهل هدب لكن أراد عاصي من خلالها الوصول لعائلتها لتحقيق أهداف له موفقه الكوداء منتظرين باقي الأحداث | ||||||||
|
| |
|
19-10-23, 06:27 PM
| #4 | ||||
| بسم الله الرحمن الرحيم اولاً - لاتنسون الدعاء لأهل فلسطين ، كل مايحدث يؤلم قلوبنا : يا رب ارحم شهداء غزة وأجعلهم من أهل الفردوس الأعلى يارب ارحم ضعفهم واشف جريحهم اللهم اجبرهم جبراً انت وليه - معليش حدث خطأ في بعض الجزئيات البسيطة الرواية اسمها (حاربيني وصبري جيوش القِتال) وليس دموعي النسخة قبل التنزيل عدلت عليها لكن اخذت النسخة الغير معدلة ونشرتها طبعاً سقطت سهواً لم انتبه الا بعد النشر تنبيه ،، اخت هدب ليان وليست سما - الفصل الثاني - والغالـي اللي ذاخره درع وحزام حول على عوج الضلوع وطعنها - - شرارة جمرة - اغلقت هاتفها بصمت وذهبت لهم لتكمل العزيمة المقامة لسلامة اخيها تنظر لها والدتها بتمعن دنت اليها وبهمس خافت : ملامحك بهتت من كلمتي هدب وعينيها على الحضور : موكله اتصلت تستفسر عن المواعيد مسحت على رقبتها لتخفف من توترها نظرت اليها والدتها بعدم تصديق: هدب بعد العزيمة تجيني فوق على طول ماتتأخرين ثانية وحده هدب نظرت لها : طيب ابتدت حفلتهم بسلام وسؤال عن الحال قسم الرجال مكتظ بشخصيات لها مقاماً ووزناً يقفون ابناء عبدالعزيز سلطان ومروان وابناء رائد عزيز وريان وبجانبهم يقف ابن عمتهم روابي حمود، جميعهم يستقبلون الرجال مع جدهم الـمرو احدى الضباط المتقاعدين ضرب كتف سلطان بترحيب شديد : ياهلا بخليفة جده عقلية المرو الحمدالله مافقدناها المرو ب ابتسامة واسعة: ماعليك زود يابو خلف سلطان بـ ابتسامة خفيفة : نجي من بعدك يابو خلف ريان ينظر لهم التف على مروان: اخوك هذا من قوا ما يخوف حتى ابتسامته تحسها كمين مروان وهو يأشر له: اسكت لا يجلدك التفت وين اختفى عزيز ريان : راح يجيب امي عند خالي مروان : قله يرجع بسرعه قبل لاينتبهون عليه قرب منهم سلطان بغفله منهم همس بتهديد: اتركو حركات الورعان هذي وشدو ظهوركم وبتسأؤل: عزيز وينه همس مروان : راح يجيب امه قرصه ريان بخفه: اسمها خالتي نظر لهم بنظرات تهديد لأخر مره وذهب عنهم ليقف مع صف والده وجده تنفس مروان بصعوبة: الجني الازرق تمر عليه بس ماتمر عند سليطين ريان وهو ينظر له : الحمدالله اننا ساكنين عند خالي ولا صارت علوم صمت مروان وهو ينظر لسلطان ونظراته لاتبشر بخير دخل عزيز ووقف بجانب عمه وبهمس يكاد يصل الى مسامع عمه: خالي طالبك بعد العزيمة عبدالعزيز : على خير ان شاءالله صمت وهو ينظرلمروان يقترب من والده عبدالعزيز وبجانبهم الاخر يقف سلطان اخذ عمه يعدل شماغ مروان ، صد بنظراته وزفربهدوء لازالت عيناه تتجنب اي موقف بين عمه وابنائه لقد كبر والكل يهتم له ويهتم لامره هو وريان وهاجر لكن لازال في القلب فراغ صعب يكتمل بالمنزل المقابل لهم ينظر من الزجاج رمى قطعة السيجارة داسها برجله : قلل الله أفراحك نطقها بشيء من الغل بقلبه هو يعلم حقيقة انه لامفر من مواجهة الحقيقة يوماً ما سيصلها لكن لايريدها تعب من أجلها نعم خُذل انكسر عاش وحيداً وخاض مراحل عدة من الالم لوحده عزل نفسه عن الجميع وغرق بوسط كتبه توالت عليه حقائق عدة لكن امرها التي يعيشها الان اجل لقائه كثيراً حتى بات ينساها حتى صادق ابتعد عنه ،بشكل مؤلم لم يتجاهله يوماً ولكن حرم نفسه من صداقته وصمت ، مسح على وجهه، لايعلم كم مره قتل ذلك العجوز بافكاره وجرد نفسه من انسانيته وقف وهو يتجه لخارج المنزل ركب سيارته محاولاً الابتعاد عن افكاره السيئة ،، من يضع خطواته على هذا الحي تتوالى عليه الافكار الغريبة ويفقد صوابه ، اتجهه للمستشفى المنتدب اليه دخل وهو ينظر لأسم صادق على هاتفه اغلق الهاتف بضيق ليس على استعداد ان يسمع لصادق الأن فعقله مكتظ بـ اموراً كثيره منها لقاء غدا .. سلطان بعد الانتهاء من العزيمة توجه لمكتب جده دخله وهو غاضب ضرب الطاولة بكفه : لا هاجر ولا غيرها تقدر تفرضها علي انا ماني عبدالعزيز ولدك اللي يقول سم وابشر ولاني عزيز اللي مايرفض لك طلب انا سلطان اموري الشخصية ماحد يتدخل فيها لاجد ولا اب ولا غيره وانت تعرفني زين موتي احد يتدخل فيني بأمكاني الحين اتصل على خالها وارفضها المرو وهو جالس على كرسيه: انت نسيت نفسك مانت عارف تتكلم مع منو سلطان بسخرية: عارف اتكلم مع جدي اللي مدخل نفسه بحياتي اكثر مني ويتدخل حتى بشغلي ويصغرني قدام الضباط وبتحذير: تدخل واحد بس بشغلي ولا بـ اموري اقسم بالله لاينهار كل شي وقتها خسارتك اكثر من ربحك المرو بسخرية: هذا جزاتي اني ابي راحتك، انا الى الان ماتدخلت فيك اشتغل من بعيد لكن اقسم بالله ياسلطان لاطال لسانك مرة ثانية وشانت افعالك، ولاكسرت كلمتي عند خال هاجر لاعلمك شغلك صح وانت تعرفني زين فعلي يسبق كلامي سلطان وهو يبسط كفوفه على المكتب: وانت تعرفني زين تدخل واحد بس والله لا قلب عاليها سافلها موعليك بس لا على كل من ساعدك وتدخل خرج وهو يضرب الباب بقوة خلت كل اللي بالصالة يلتفت له صعد لشقة والده فوق دخل غرفته وهو يشتم ويسب اخرج شنطته ووضع بعض ملابسه ثم خرج بخفية من الخلف يعلم ان الجميع مجتمع تحت صبراً ليس وقت المناوشات الأن يريد ان يرمي جسده على سرير فقط وينام بهدوء ركب سيارته وذهب لأقرب فندق استأجر له غرفة ودخلها بسرعة بعد التحقق من هويته ،، رمى جسده على السرير وهو يتنهد بقوة تدخل جده المستمر بنقله من عمله نرفزه ولعب بكل حساباته غمض عيناه واستسلم سريعاً لنوم فجسده منهك من كثر السهر على القضايا .. بغرفة والدتها بعد ما اسندت ظهرها على الكنبة تنظر لوالدتها التي تأتي جلست أمامها ونطقت بضيق : ابوك يقول سلطان تهاوش مع جدك هدب بردة فعل عادية : سلطان نار وجدي يحاول يستفزه علشان يترك الشغل ويشتغل معاهم بالتجارة كلنا عارفين بهالشي وبهدوء: مو اول مره يتهاوشون انتي لاتضايقين نفسك امور الرجال يحلونها الرجال نظرت لها بسخرية: بارك الله بسلطان طلع شخصيتك الحكيمة دام كل هالعقل والرزانة فيك ليه وجهك بدا يعطي الوان وشحب بعد المكالمة اعتدلت بجلستها ونظرت لها بضيق : يمه وش تقصدين بكلامك انتي ماترمينه كذا عبث وقفت بغضب وهي تنظر لبنتها : وجالسه تناقشيني بعد انا ما قصدت شي لكن انتي قصدتي شي وجهك رجفة جسمك وثقتك الحين قدامي وانتي من داخل ترجفين هدب بنفس جلستها وهي تأشرلوالدتها التي فجاء ثارت : اجلسي واهدي وش بيصير قلت لك موكله اتصلت تستفسر عن المواعيد وشحب لوني لأن قضيتها مرعبة وعطيتها موعد بعد اسبوع بستشير فريقي القانوني وبعدها نقرر نستلمها او لا افنان بعدم اطمئنان: انتبهي ياهدب تسوين شي من وراي أي خطوة تخطينها احسبي حسابها انتي بنت لك سمعتك واسمك وصيتك وناس كثير يتصيدون لابوك وجدك بعثرت شعرها بملل: يمه كل يوم نفس الاسطوانة ونفس التحقيق ،، ليش كل هالخوف بعرف يعني مجال شغلي يحتم علي اواجه اشخاص من المجتمع كثير مدري متى بتتركين خوفك، وانا عارفه وش جالسه اشتغل واسوي مو محتاجة احد كل يوم يعقد معي جلسة يحقق فيها عني ابي احد بس يثق فيني ويقول بنتي قدها وكفو مو مثل خوفك وتوترك كل ليلة وقفت بضيق وخرجت وهي تغلق الباب بقوة نظرت لخروجها تنهدت بعدم راحة منذُ دخول هدب للمحاماة وفتح مكتب خاص فيها وهي كل ليلة تدعي لها يبعد عن طريقها الاشخاص السيئة ، شخصية ابنتها العنيدة والباردة تجعلها محط غضب للكثيرين - دخلت غرفتها بضيق اجتاحها تعبت من اربع سنوات ووالدتها كل ليلة تحقق معها شعرت نفسها بتلك اللحظة انها صغيرة جداً لو تعلم والدتها المعارك التي خاضتها بالقضايا كان تركت خوفها عليها فهي تناحرت مع كل من كان ضدها وفتحت مكتبها الخاص والكل ينتظر منها زلة لتغلقه لكن هيهات فهي لم تتعب طوال السنوات حتى تغُلق مكتبها مسحت على كفها التي ترتجف ما ان عاد صوت ذلك الموكل نوت ان تتخذ خطوة ربما ستفتح عليها باب للمعارك من جديد - الصباح بمجلس الرجال - جالس يفطر وبجانبه جميع احفاده ماعدا ذلك العنيد نطق بعد مارائ عزيز منزعج: فيك شي يابوك عزيز وهو يمضغ اكله ببطئ وبدون نفس نطق : لا التفت لريان ووجه هو الاخر نفس عزيز : مافي احد غريب انطقو وش صاير لكم عزيز وهو ينظر لريان : ولا شي بس ريان سيارته خربت وعنده دوام بالجامعة مروان وهو ينظر لريان بهمس : وش ذا العذر اللي مايفوتكم من عند الباب ريان بهمس: انا قايل من زمان اخوي هذا عقله مايشتغل الجد هز راسه بعدم اقتناع: مامشى علي عذرك بس بمشيها لك وبتساؤل: حمود وينه ماجاء مروان وهو يقف: راح يوصل عمتي روابي لشغلها وبعدها بيطلع لابوه عند عمامهم عزيمة غداء الجد وهو يقف ويجلس على كرسية : والله من البخل بهالعايلة ماحد اتصل وعزمنا على غداهم مير من طلقو بنتنا انقطعو عنا ريان ينظر بصمت لنظرات عزيز وقف بعده وخرج سحبه بهدوء من ذراعه: اسمع زلة لسان وحده عند مروان والله ياريان مايصير لك طيب ريان وهو يبعد ذراع عزيز: ماني ورع اروح واعلمه بعدين انت شفيك من دريت انهبلت عزيز بضيق: لاني متأكد وابصم بالعشرة ان سلطان مايبي هاجر ريان بنبره هادية: انت اهدى مافي شي بيصير بالغصب وانت وليها وقبل كل شي رايها اهم من نظرتنا لسلطان كان يبيها ولا لا عزيز زفر بضيق : بطلع للدوام عندي اربع رحلات اليوم ممكن ما ارجع الا بعد يومين انتبه لامي وهاجر وحاول قد ماتقدر ماينفرد فيها خالي او جدي انا بلغتتهم انهم مايكلمونها لين مايتم الموضوع رسمي ويجي بنفسه سلطان ويخطبها مني ريان وهو يربت على كتفه: ابشر هز راسه بضيق وودعه وهو يركب سيارته متجه للمطار وقف ريان قليلاً ثم رجع مرة اخرى لمجلس الرجال داخل بيت الجد مجتمعات بالمجلس عند الجده هله تناظر حفيداتها ريم وديما وسحاب بنات روابي نطقت بهدوء: هاجر ماجت للحين هاجر وهي داخله على كلمتها ومعها الفطور: جبت لكم فطور علشان ماتقولون عني بخيله الجده بحب: من قالها لك بس علميني وانا ادبها هاجر وهي تضحك: هاه اعلم عليكم نطقت بنت عمتها ريم : هاجر ماحد له خلق لسماجتك حطي الاكل خلينا نفطر لا تصير علوم فزت ديما تساعد هاجر وتحط الصحون معها : اقول يا اختي الحلوه قومي غسلي وجهك وصحصحي ريم : غسلته قبل لاشوفك سحاب اسندت راسها على كتف ريم: الحين لو مداومه مو احسن مدري ليش طعتكم وغبت ريم دفتها بخفة وبهمس يصل لمسامع هاجر لانها قريبه منها: انا يالله متحمله نفسي وهالسخيفة اللي قدامي هاجر بسخرية وهي تطنش كلام ريم : حبيبتي وراك ثانوي بيجلدك بالدوام خوذي راحتك الحين وغيبي قد ماتقدرين خالتهم ريما دخلت وهي شايله بنتها ملك اشرت على سحاب: لاتسمعين كلامهم وخلك مجتهده ذولي بالجامعة اختارو تخصصاتهم وخلصو لكن انتي قدامك الطريق اصعب واحلى ومجاله واسع ابديه بحماس وشغف لاتتأثرين فيهم ديما : مع كلام خالتي ريما اسحبي على على هالثنتين ماوراهم سنع هاجر طالعتها بنص عين: انتي عدي التحصيلي بعدين تعالي انصحينا ريم بغضب : وانتي شدخلك فيها قاطعت كلامهم جدتهم هله: خلاص اهدو اللي نفسها بخشمها تطلع ولا تعكر مزاجنا وقفت ريم بقهر: قولي ريم وخلصنا انا اصلا طالعة لابوي طلعت وهي ماتشوف طريقها من الغضب دخلت غرفتها وجلست على السرير تناظر شنطتها اللي جهزتها من بليل بالمجلس ريما وهي تهديهم: خلاص ماحصل الا الخير يمه اهدي وانتي ياهاجر عدلي كلامك مرة ثانية هاجر عدلت شعرها واحمر وجهها بضيق: ماقلت شي حنا تربينا مع بعض وانا اعرف ريم وطبعها لفت لديما: معليش ديما اذا ضايقتك كلمتي ف انا اسفة ديما بهدوء وهي تشرب الشاهي: ماحصل شي ومازعلت ريم متوترة شوي من الجامعة والاختبارات لاتشلين هم لارجعت من عند ابوي بتكون نفسيتها زينة الجده هله من غير نفس: من زين الابو عاد ديما ناظرت سحاب بتحذير ريما وهي تلتفت لامها بتنبيه: كل البنات يعشقون ابائهم الجده هله : الله يحفظه لهم بس نطقت ريما : خلاص يمه الله يسخره لبناته ويجبربخاطرهم دامه مو مقصر عليهم فما يعيبه شي هاجر بهمس لديما: ماعليك من كلام جده ديما ب ابتسامة هادية: ادري من ورا قلبها - بشقة عبدالعزيز تجلس افنان على طرف سرير رائد افنان: رائد ياعيوني بس هالقمة رائد بتعب: يمه والله شبعت خلاص بعدين مافيني شي افنان: عظامك للحين ماقوى وعندك موعد بالعلاج الطبيعي رائد رجع راسه للخلف: تكفين لاتذكريني شايل هم الروحه والرده افنان بضيق: انت مدري كيف تفكر السايق يوديك ويجيبك ،، صحصح لمتى هالكسل اللي فيك رائد : يمه ماهو كسل اسمه شخصيتي طبعي اي شي بس مو كسل انا احب البيت ومابي اطلع منه كلمي جدي او ابوي يجيبون لي الممرض لين هينا افنان بسخرية: ثراء جدك معمي عيونك ، اترك هالفكرعنك وقوم تزحزح وصحصح وامش بالحديقة من امس ماحد شافك صد بوجهه بضيق من غير لايرد وقفت : الله يهديك ويصلحك بس رجعت لغرفتها دخلت وهي تتنهد بتعب سهرانة معه من الفجر لكن طول الوقت وهو ساكت ويتأمل السقف ملت وهي تحاول تخليه يغير جو بس رافض يطلع من غرفته انسدحت على السرير ثواني ماحست بنفسها الا نايمة _ بمكتبها تنظر للساعة التي تشير للتاسعة والنصف بنبرة حاولت ان تخرجها متزنة : مروى دخلت مروى: هلا هدب بهدوء: تقدرين تبلغين الموظفات وحراس الامن انهم يطلعون للبيت انتهى الدوام ، بس قبل لاتطلعين عطيني الملف رقم١٠٢ مروى ب استغراب : ابشري ،بس غريبة ليش نطلع هالوقت هدب نظرت لها : تفضلي ، و بلا اسئلة زيادة خرجت ب استنكار لاسلوب المحامية اخذت الملف وحطته على الطاولة وخرجت بعدها لتبلغ جميع الموظفات والأمن فتحت ملف القضية لكن توقفت بعد ان رن هاتفها بأسم خالها طلال ردت هدب بترحيب: ياهلا باللي نسمع صوته ومانشوفه طلال بمحبة: هلابك ياهدب ، الشكوى لله ماقدر حتى ارفع ايدي من كثر الاعمال اللي عندي هدب: خلص استلامك طلال: حاليا اخذت اجازة لمدة اسبوع بس بعدها ممكن ينقلوني لسفارة ثانية ببلد ثاني هدب بتفكير : خالي انت برياض ولا الدمام الحين طلال: بالدمام ،رجعت علشان ارتب موري وبعد ما اخلص بمركم وبعد اسبوع بشوف وين المكان الجديد هدب صمتت قليلاً طلال بتحذير: انتي ماتقولين خالي الا وراك شي هدب بتردد: لا ماعندي شي بس حاول تلقى لك وقت وتمرنا ترانا مشتاقين لك طلال مالت شفتيه ب ابتسامة: اكيد من غير لاتوصين ،، يلا فمان الله نزلت هاتفها ورجعت ظهرها على الكرسي عقلها تلخبط قيلاً لاتعلم كيف ستواجه موكلها الاول من الرجال تنهدت بضيق تعلم ان تصرفها خاطئ والادهى تفضيتها المكان لانها تعلم ان اغلب موظفاتها يدلون بتقارير يومية لجدها ووالدتها ولقد لاحظت ذلك منذُ فتحها للمكتب ارسلت لشخص عزيز جدا على قلبها فتحت ملف القضية واخذت تقرا لم يجذبها شي ف القضية كغيرها من القضايا حصر املاك و****ات اخذت هاتفها وارسلت للموكل"يُرجى الحضور الساعة ١٠ ونصف" ارسلت موقع المكتب ورجعت للملف تقراه بعناية الساعة العاشرة والنصف اوقف سيارته قدام المكتب ينظر للوحة المعلقة اعلى المبنى "المحامية هدب عبدالعزيز المرو" فتح باب الاستقبال ودخل عقد حواجبه استغراب لايجد احد ب استقباله لا أمن ولا موظفين التفت بعد مادخلت ونطقت بهدوء: اعذرني اخ عاصي العمر اليوم الامن والموظفات ب اجازة تراجعت خطواته بحذر: كان بلغتيني يامحامية قبلها علشان ما أجي نظرت بهدوء لتراجع خطواته : القرار راجع لك ي انك توقع العقد ونراجع القضية او انك تتراجع وتتفضل عاصي بغضب من استهتارها : اكيد بتراجع ما انجمع مع محامية لحالها نطقت بغضب: انا مأجله كل المواعيد وخاطرت بمهنتي علشان قاطعها بسخرية: خاطرتي، ماحد جبرك تقبليني موكل عندك طارت عيونها بقهر: يعني انت عارف ان المكتب نسائي قاطعها: ايه عارف واستغربت انك قبلتي قضيتي لكن انا ماقلت لك خاطري بمهنتك ردت وهي تحاول تضبط نفسها : على فكرة انا ما اقبل اني اقابلك لحالي اخوي جاي بالطريق استريح هينا لين يجي لكن حدث اخر شي تتوقعه شهقت بفزع وهي تناظر الكاميرات : ابوي وجدي عند الباب عاصي بثبات وهو يهز راسه ويطالعها تأشر على دورة المياة : مستحيل لايطري على بالك اني بتخبى وان قاطعهم صوت الجد وهو ينادي على بغضب: هـدب فيك خير اطلعي بالفندق سلطان وهو مروق على الاخر ومتجهز : اخيييييراً من زمان مانمت هالنومه الحلوه نزل وركب سيار وقف سيارته عن مكتب هدب استغرب من وجود سيارة جده نزل نظارته ودخل لكن ثارت اعصابه وهو يرى هدب غاضبة نظر لجده والده وشخص ثالث امامهم من غير تفكيرهجم على الشخص الغريب بينهم حاول يسحبه عبدالعزيز لكن بسب بنيته الجسدية الثقيلة لم يستطيع سحبه صراخات هدب علت المكان وهي ترى الدماء تسيل من الشخص الذي سقط ارضاً : ذبحته ياسلطان ذبحته - - انتهي الفصل دعواتكم لأهل فلسطين | ||||
|
| |
|
21-10-23, 11:02 PM
| #6 | ||||
| يا مرحبا مليووون يالكوداء ????بداااية جميله جداً وموفقه حبيت الشخصيات والمقتطفات الزمنيه السريعه من فقره لفقره ثانيه ،لكن بتتوضح مع الفصول الجايه اكييد ان شاءالله???? منتظرين الخميس تطلين علينا ان شاءالله ،وياريت اذا في هدية صغيرونه فصل هنا ولا هنا ترانا متشووقين ???? | ||||
|
| |
|
26-10-23, 05:59 PM
| #7 | ||||
| الفصل الثالث " كلنا داخلنا ليل مخفي " بالمستشفى ينظر للسرير الذي امامه نطق بتعب: ارتحت الحين سلطان وهو يعتدل: لا مارتحت وصدقني لو لمحتك مرة ثانية بتكون نهايتك على يدي وانت مجربني قبل عاصي بشبه ابتسامة: وانت جربتني وهذا انت متكسر قدامي لاتختبر قوتك علي لانك مانت ند لي فاهم ولا تبين اخلي السفارة تشوف شغلها سلطان وهو يخزه بغضب : نتشافى ياعاصي وقتها تغيب مني لاني بذبحك رتب شعره ب ابتسامة : انتظرك قطع كلامهم دخول المرو وعبدالعزيز : انت منو وش عرفك بسلطان عاصي وهو يعتدل : اسألو ولدكم ، هو يغلط وانتم تجون تسألوني سلطان مالت على وجهه ابتسامة: صديقي الاشقر من ايام الابتعاث اعتلت الابتسامة على وجه عبدالعزيز سلم عليه بترحيب حار: دايم يسولف عنك اخيراً شفناك عاصي سيطر على نفسه بملامح هادية وهو يلتفت على سلطان وبهمس: وحاط لي لقب مثل وجهك شعري بني فوق مانت همجي عندك عمى الوان المرو وهو لازال غاضب: انت الجراح اللي بالقرية صح عاصي : ايه سلطان : انت كنت هناك شلون ماشفتك عاصي خزه بطرف عين : تهربت منك لاني عارف تصرفاتك المجنونة طالع للجد بهدوء: كنت بتاخذ موعد عندي لكن للاسف غيرت رقمي تقدر تحجز موعد من الانتظار وان شاءالله بطلع على صحة الخالة المرو بضيق: ماعاد نبي موعد بس لاعاد توريني وجهك وان قربت لمكتب بنتنا بنرفع عليك قضية ولاتقول ماحذرناك لف على عبدالعزيز: اقعد عند ولدك لا يسوي شي بالاشقر ، وهدب انا اتفاهم معها عبدالعزيز بهمس: لاتوجعها بالكلام المرو وهو يستند على عصاته: يصير خير سحب كرسيه وجلس بالمساحة الفاضية بين السريرين صدو بنظراتهم عن بعض قرص ايديه بقهر اول مره يحس انه مقيد مايقدر يتنفس براحة هدب دخلت غرفتها وهي تمسح دموعها مشهد عاصي وهو ينزف مو قادر يروح من راسها اقتنعت بفكرة وحده اكيد انه مات دقت على ابوها ثواني وجاها صوته: مات يبه صح ابتسم عبدالعزيز: غبية انتي الرجال حي يرزق وقام وسطر اخوك ويالله فكينهم والحين بالمستشفى اهدي ما صار الا كل خير طلع صديق سلطان وبينهم مشكله قديمة تنهدت براحة: الحمدالله توقعته مات ، طيب جدي عندك ولا رجع عبد العزيز: رجع وبيناقشك، بموضوع سعد وموضوع انك قبلتي قضية رجال هدب: دامك انت بظهري ماني خايفه وجدي انا اعرف كيف اجيه عبدالعزيز وهو يناظر سلطان يحذف على عاصي مناديل: اسمعي اكلمك بعد شوي هدب : يبه امي لاتدري بشي عبدالعزيز: طيب طيب اتجه لسلطان: اترك الولد لاتحارشه سلطان: مليت ابي اطلع مو متحمل انه قدامي عاصي وهو صاد عنه: صدقني شعور متبادل تنهد عبدالعزيز وهو ينادي الممرضة لف عليه عاصي بعد ماطلع ابوه : صدقني من اليوم ورايح حتى ب احلامك بتلقاني صمت بعد ماشاف الممرضة جاية ومعها عبدالعزيز عند سلطان : سجلي له خروج ولا ترا بيحوسكم الممرضة: دامه على مسؤوليته ماقدر ارفض فكت المغذي : من اليوم كل صباح تجي علشان نغير الشاش ووصفة الادوية عند الاستقبال عاصي حط ذراعه على عيونه متجاهل سلطان وقف سلطان واخذ جواله وهو يهمس لابوه: ودني البيت عبدالعزيز: اهدا اول بعدين اوديك هز راسه بضيق: طيب يايبه طيب _ المغرب بمكتب جدها كانت ساكته وهو يهاوش وبجنبها سلطان ماسك يديها المرو بغضب: كلما احط لك خط احمر انتي واللي بجنبك القاكم تتعدونه هدب : ماسويت شي خطا قضية الخلع كان فيها خيانة وسعد جاسوسك هذا شيشك علشان اسم عايلة المتهم بطقاق اسمهم اهم ماعلي موكلتي اما المتهم ماعلي من عايلته والقضية الثانية اللي حفيدك ماقصر فيه ترا كان عنده خبر وماني مقابلته لحالي شاورت سلطان ووافق وقالي تم وابشري وهو اللي شجعني لكن تاخر كم دقيقة وانتم ماقصرتو وهو فوقكم ضرب الرجال ضرب همجي وجاين الحين تعطوني درس بالاخلاق والخطوط الحمراء حطوها لنفسكم اول وقفت بغضب: ترا تعبت من التحكم الزايد بتقفل المكتب قفله وفكني كل قضية لازم ارجع لك فيها لازم اشوف العايله والمتهم اكثر من اني اشوف الموكلة وقضيتها وألمها ومكتببي نسسسائي لكن الموكل هذا كان يبي راي وحكم بالقضية قبل لايقدمها سلطان بهدوء: اهدي خلاص ، عاصي صديقي بكلمه يسحب قضيته من عندك ولف لجده: وانت ياجدي حكم امورك وخلها تشتغل من غير حدود هدب وهي تخزه بضيق: لاصار موضوعك ترعد وتبرق لكن موضوع غيرك تقابله بكل برود ، انت السبب بكل اللي صار اليوم لو ماتأخرت المرو وهو يجلس بتعب: انتم الاثنين ترا ماعاد فيني طاقة اقابل اخطائكم واصححها هالمرة بقفلها لخاطر ولدي لكن قاطعه سلطان وهو يوقف: خلاص لاتكمل ملينا من التهديد سحب هدب من يدها وطلع برا المكتب: انسي اللي صار لحظة غضب ماتوقعت اني بشوفه بعد اللي صار هدب بعدت يده : سلطان والله مو طايقة حتى نفسي ، بروح للبنات مجتمعين عند جدتي بقسم روابي جالسة على السرير بضيق قدامها حمود: يمه خلاص لاتبكين روابي: انا بفهم كيف تتركني كذا وتروح من غير ماتكلف نفسها تعطيني خبر حمود: يمه ريم نفسيتها صفر خليها تغير جو عند ابوي فترة وبترجع روابي مسحت دموعها: بس حركتها ياحمود تعور بغيت انجن يوم ماحصلتها حمود: جدتي ضغطت عليها بالكلام اليوم وزين انها راحت عند ابوي ولا انفجرت بوجهه احد روابي بضيق: قالو لي البنات شصار اليوم ، بعطيها كم يوم وبعدها لي تفاهم معها وقف حمود: امشي نطلع نتعشا برا ونغير جو روابي وهي تنسدح: لا يايمه اطلع انت انا مافيني حيل احس رجولي للحين مو شايلتني حمود باس راسها : انتبهي لنفسك - بقسم الجدة مجتمعين كلهم يلعبون لعبة بجوالاتهم جلست جنب ريما: غريبة الوضع هادي ريما بهمس: وين هادي من الصبح مشاكل وروابي انهارت علينا وريم راحت لابوها اول مره تاخذ شنطتها وتمشي هدب بهمس مماثل: اليوم هوشات من كل مكان افنان وهي تقهوي هدب: زين شفناك من جيتي مندسة بغرفتك هدب تنهدت بضيق: يمه كنت تعبانة وبتضيع للموضوع: رائد شلونه افنان: بخير قبل شوي جاء من موعد العلاج الطبيعي ريما : الله يتمم شفائه على خير اشتقنا لوجوده هدب وهي توقف: اجل بمر عليه قبل لانام الجده هله: شعندكم اليوم كلكم بتنامون من مغربكم ليان: ايه والله جده صادقة كلكم فيكم خمول مو طبيعي تثاوبت سما: ليتك ساكته ديما ب ابتسامه : شكلهم مكثرين بالغدا هدب بسخرية : خصوصاً انا تغديت غداء عجيب _ صعدت لفوق طالعت غرفة رائد تراجعت خطواتها لغرفتها ماتبي تقابل رائد وملامحها فاضحة عصبيتها وقهرها - مروان وهو يلعب بالجوال : ريان ، وينك مغيب اليوم ريان وهو يلعب فورتنايت: وديت اهلي من الظهر وبعدها جلست العب انت وش صاير معك فزت ولا خسرت مروان: للحين راحت عيوني وانا احاول افوز بس مو قادر احل اللغز ريان وهو يلعب: بشغل المايك لايطلع صوتك مروان وقف وهو يتمدد: اكره لعبه عندي اصلا بطلع من المجلس بروح انسدح احس جتني طاقة سلبية من كثر ما اشوفك ريان بضحكة: لاصحيت تذكر كلمتك هذي بندمك عليها مروان وهو طالع: خييير ان شاءالله _ بالمستشفى يطالع الوقت اللي يمشي بطيئ عنده الساعة١١ بليل رجع راسه بشويش : اهخ ياسلطان مالقيت الا راسي ابتسم بهدوء: جاني قبل ما اجيه حلو كل شي يمشي عكس غمض عيونه بألم بعد ماعوره راسه لكن اتسعت عيونه وهو يشوف سلطان سلطان ب ابتسامة : طالت الغيبة ياعاصي عاصي : سلطان ترا الجرح بدا يصدع فيني ابعد عن طريقي سلطان بسخرية: طريقنا واحد ياولد عمي انتهى الفصل. اعذروني الفصل ادري قصير لكن العوض الخميس الجاي???? | ||||
|
| |
|
26-10-23, 06:02 PM
| #9 | |||||
| اقتباس:
ابشري ان شاءالله بالاسابيع الجاية لك مني مقتطفات ومفأجات | |||||
|
| |
 |
| أدوات الموضوع | |
| انواع عرض الموضوع | |
|
|
23Likes
.png)
العرض العادي
