الشاهد الأخير / للكاتبة ساندرا، رواية جديدة مكتملة

[لامارا]

البارت الســــادس عشــر



راغده تشهق: عشان .. عشان ... ذاك

طلال: مــــين ؟

راغده صارت تتمتم بكلمات مو مفهومة وصارت تبكي كل ألي فهمه كلمة أمي

طلال " أمي ! ليه أحس أن طرف الخيط هي أمها " ضمها بصدره وشد عليها وهو يمسح على شعرها العسلي بهدوء : طيب ايش رأيك نشرب سويت لنا هوت شوكلت ..

راغده بس هدت , أخذت الكوب منه وصارت تشرب بهدوء .. وبعد صمت دام دقيقة

طلال: بغيناها طرب وصارت نكد .. قلنا بننوم ونريح لكن شوفي ايش صار ..

راغده رجعت غرتها ورى اذنها: طلال ابتكلم معك ، بخصوص يوم الزواج .. ايش صار لك وانقلبت فجأة ..

طلال: كنت منتظر إنك تسأليني .. بس إيش رأيك نخليها بيوم ثاني الان خلينا مروقين ونشرب الهوت شوكلت بهدوء ..

راغده هزت راسها بقبول
وصاروا يشربون بهدوء ، أفكار متلخبطة لطلال وقيود راغده كان حديثهم الداخلي متزاحم فكرة تجيب فكرة واسأله مالها جواب ..
كل واحد راح غرفته لين موعدهم
بعد صلاة العشاء ركبت معه السيارة ..

راغده: لوين رايحين ؟

طلال: مفاجأة ..

نزل طلال لسوق الذهب وصعد السيارة وألتفت لها: على هالجو الحلو إيش رأيك نتعشى بالهواء الطلق ؟

راغده: حلو ..

طلال: ودك نشوي بالبيت ؟ ولا..

راغده قاطعته: نشوي بالبيت ..

طلال: ههههه تمام ألي تشوفينه طال عمرك .. اليوم بنسوي حفلة

راغده: آيش المناسبة ؟

طلال: بنزلك للبيت وتجهزي لحفلة بمناسبة ... اممم خليها مفاجأة برضو ..

راغده بابتسامة: بنسهر اليوم ؟

طلال: ودك ؟

راغده بحماس: أي ياليت ..

طلال أشر على خشمه

راغده ابتسمت بخجل

طلال: أنا بروح أجيب أغراض الشوي يكفيك ساعة ..

راغده: ساعة ونصف كافية ..

طلال: أوك تمام ..

نزلت من السيارة وصعدت فوق بحماس وبدأت تحضيراتها مع ماريان لحفلتهم سوا
وصل البيت .. وحط الأغراض بالحوش وطلب من ماريان تقطع البطاطس وتقليها ..

صعد فوق وأخذ دوش دافي لف المنشفة حول خصره وهو يدندن
يمشط شعره ولبس قميص كحلي بأكمام حاير وبنطلون أسود تعطر بعطره إلا بدقة الباب : تفضل ..

ماريان من عند الباب: بتيتو از فينش ..

طلال نزل تحت وتوجه للحديقة شاف شموع فوق الطاولة وعلى الجوانب
ألتفت للملاك ألي قباله كانت لابسة فستان لنصف الساق بيج بأكمام طويلة فتحة الصدر كانت بنصف القمر .. ماسك على جسمها يزين الفستان البيج رسومات ورود كبيرة باللون الأحمر واوراقها الخضراء ..
مكياج دافي برزت الاضاءة بنحرها وعظم وجنتها اعتمدت على لون البرونز لبشرتها ..
كعب متوسط الطول أحمر ..
وبابتسامة: حمام الهناء ..

طلال صار يناظرها من فوق لتحت وباعجاب: كل هالجمال لي ..؟

راغده نزلت راسها وبخجل: رتبت كل شيء بس باقي الطاهي ..

طلال اقترب منها ونزل لمستواها وباس خدها

راغده توترت وألتفتت سريع ألطم شعرها على وجهه

طلال ريحة شعرها وعطرها تغلغل برأسه غمض عينه ببطء

راغده جلست بالكرسي ..

طلال صار يشوي البرجر وحطهم بصحن وجنبه البطاطس المقلي والمخللات والسلطة ..

راغده بضحكة: حبيت جوك ..

طلال: نغير جوك بدل ما تتعشي ستيك لحم يصير برجر ..

راغده : ماكنت بقبل اكل نشويات بمثل هالساعة المتأخرة بس عشان أكسر أم الروتين ..

طلال بابتسامة عريضة: يسلم لي الحلو ..

راغده شغلت موسيقى هادية: كذا بيحلى الجو ..

دردشة وضحك كان مليان بطاولة عشاهم ..

توجهوا للجلسة وجلس ومد رجله وراغده قباله تسكب له الفوار ومدت كوبه وبابتسامة: بصحتك ..

طلال: بصحتك ..

راغده شربت شوي و غمضت عيونها : الجو جميل ..

طلال: بس لأنك معي .." مد يده" تعالي جنبي ليه بعيدة ..

راغده جلست جنبه بدون تردد

طلال فتح ذراعه لها وقربت منه اكثر ..
راغده شلحت كعبها ومدت رجلها ورجعت رأسها لورى: ليه ماعادت في نجوم زي اول ..

طلال: لو مافي أنوار حولك حاتشوفي النجوم ..

راغده: صدقت .. " رفعت يدها وسوته كأنها تشوف من المنظار " حاتشوف أقوى كذا .. جرب ..

طلال حط موسيقى من جواله وسو مثلها

راغده: أنا أشوف نجوم .. وانت؟

طلال بنبرة حب: اشوف القمر مكتمل اليوم ..

راغده نزلت يدها: سلامات التاريخ اليو...
انتبهت لنظراته ألي كانت حولها فهمت انه يقصدها احمرت خجلا ..

طلال بنظراته الحادة: خجلك يجنني " مسك يدها وهو يتمعنها حاطه مناكير احمر وخواتم بيدها باس يدها بعمق" كل شيء فيك أحبه ويعجبني كـ مظهر وشكل ..

راغده بنفس همسه: والداخل ؟
طلال : غامضة .. وصعب أحكم من الآن ..

راغده: تحبني طلال ؟

طلال: وش تشوفين ؟

راغده بحيرة : ما أدري احس انك أنت كذا طيب ما تعرف تقسي وممكن تلابست علي السالفة وظنيت انه حب ..

طلال: ليه قلتي كذا؟

راغده بتردد: بيوم زواجنا قول لي آيش صابك ؟

طلال خذت نفس عميق: لما خلصنا تصوير رحت عند الشباب واعطاني عصير شربته وتبهدلت .. وصار ألي تعرفينه ..

راغده: مافهمت ! قصدك حط شيء بالعصير ؟

طلال: اي طبعا .. حط حبة تخليني مهستر ..

راغده بلوم: وليه ماقلت لي ..! خليتني اتعب وابتعد عنك .. كنت مجنون ..

طلال " الكذب منجاة! هذا ألي جاء ببالي اسبوع كامل أفكر بعذر ": انا قلت لك اطلعي لكن انتي رفضتي ..

راغده: كان ودي تكون ليلة مميزة ..

طلال يلعب باطرف شعرها: اعتبريها اليوم هي ليلة زواجنا ..

راغده بابتسامة: يصير ؟

طلال بذوبان: كل شيء معك يصير ..

راغده باست غمازته: الله لا يحرمني منك ..

طلال: ولا منك حبيبي ..

راغده حطت راسها بصدره: تعودت على طبوعك لا تغيرها ..

طلال: لا تعصبيني اجل ..

راغده: وكيف اتجنب عصبيتك ؟

طلال رفع وجها له وبجدية: انا ممكن اتقبل منك اي تصرف اي كلام إلا أنك تقللين من رجولتي او حتى تخدشينها لاي سبب كان ..

راغده بستغراب: وأنا ما قللتها طلال ..

طلال : بلبسك هذا مثلا وتعريك كأنك تقولين لي ماتقدر ...

راغده حطت يدها على شفته: لا تكمل .. انا آسفة ماكنت اقصد طلال ..

طلال: خلينا صريحين شوي ، ليه بغيتي تتزوجين واحد معه ضعف ..

راغده: لأن .. ماعدت اتقبل أحد يقرب مني او يمسك يدي حتى ..

طلال: هو تحرش فيك وانتي كبيرة ممكن بتكون الصدمة عليك اقل من لما تكوني صغيرة يا راغده ، احيانا اشوف ردة فعلك احس .. احس انه ماكان تحرش وبس ..

راغده تغير معالم وجها: ايش قصدك ؟

طلال بعد صمت ٧ ثواني: كأنه اغتصاب ..

راغده انقبض قلبها ومعالم وجها كانت توحي بالخوف واللبكة:لـ...لا مـ..ستحيل .. انت بالغت بتفكيرك ..

طلال وهو يدرس معالم وجها: وليه ارتبكتي ..؟

راغده ألي تحس أن الدم جف من جسمها وأطرافها باردة وبابتسامة توتر: غصب ارتبك .. لان توقعاتك فاجأتني ..

طلال بشك: يعني صحيح ؟

راغده باندفاع: لا لا طبعا ..

طلال: اجل ليه خايفة اقرب منك ؟ خايفة تصير ذيك الليلة معي !

راغده تحاول تحافظ على هدوئها: قلت لك بسبب صدمتي بالتحرش ..

طلال بنفاذ صبر: راغده أنا النفس مالي مو طويل ..

راغده: وش تقصد ؟

طلال: بعدين بتعرفين القصد ..

راغده ابتعدت عنه شوي واخذت كوبها " ياربي احس اني في مأزق كبير مو عارفه ايش اسوي ولا ايش أقول ، هو بدأ يفكر ويحلل ويستنتج وأخاف يعرف صدق "

طلال صار يناظرها كان واضح أنها تفكر وخايفة " سرك ما بيطول يا راغده ، انا بعرف كيف اتصرف "

قام ودخل داخل .. راغده سحبت جوالها وراسلت رسالة لدكتورة وكانت تكتب بسرعة بـ اخطاء املائية : افف اسجل صوتي اسرع

وسجلت صوتها وارسلته لدكتورة ..الدكتورة ما تواجدت واضح انها نايمة إلا بدخلة طلال
راغده سكرت جوالها بسرعة انتبه لها بس مابين لها ..

طلال: يلا ننام ؟

راغده تحك رقبتها: اي طبعا يلا ..

لبست كعبها الأحمر وصعدت فوق وهي تمشي ببطء شاردة الذهن دخلت غرفتها وجلست بحافة السرير والحزن والقلق باين على وجها " ايش ذنب طلال بألي يصير لي ! كأني اعاقبه وماسكه إحساني له بوقت ضعفه مسكه وهو مستحي يردني ، ياربي ساعدني وخلني اتقبله كـ زوج " قاطع سلسلة افكارها المليئة بالندم دقة الباب : تفضل ..

طلال دخل .. أول ما شافته رجعت ظهرها للورئ

طلال مد لها كيس صغير فخم

راغده وقفت قباله وبان فارق الطول بينهم مسكت الكيس وعلامة تعجب واستفهام بوجها ..

طلال:هدية زواجنا .. مو قد المقام .. اتمنى تعجبك ، تصبحين على خير ..

قال كلامه ورى بعض ماترك لها مجال لرد فتحت العلبة كانت قلادة ذهب مكتوب عليها أسمه وجنبه كرت صغير فتحته " ماكان موجود أسمي فا طلبت منهم يسونه وتطلب أسبوع كان ودي قدمتها بوقت أبكر ، اتمنى تعجبك .. طلال "

ابتسمت بلا شعور وهي تشوف القلادة ، قربتها من شفتها وباست الأسم " غصب أحبه ! أي غصب كل شيء يسويه لي يخليني اعشقه فوق العشق عشقين "

لبست قميص النوم وقطت نفسها بالسرير وهي تشوف القلادة فوق الكمدينو ابتسمت بحب وغمضت عينها وهي تتخيل الي صار بينهم لين ما نامت بلا شعور ..
وعت على صوت المنبة الساعة ٦ ..
قامت لبست ملابسها الرياضية ونزلت تحت تجري وتهرول وتمشي ..

طلال قام الساعة 6:55
لبس ملابس الدوام العسكري
وسرح شعره وتعطر ونزل تحت للمطبخ أخذ قارورة ماي يشرب وهو يناظر بنافذة المطبخ شاف راغده اقترب ببطء وهو يمعن النظرة " ايش تسوي بهالصبح "

راغده أخذت قارورة الماي وصبتها على وجها ورقبتها وهزت راسها ويتطاير قطرات الماء مع على وجها المحمر وهو يشوفها تحرك فمها انتبه لسماعة البلوتوث بأذنها اليسار

طلال يعض على شفته " لو سوت هالشيء قبالي بقول أنها متعمدة تلفت انتباهي ، يالله ألهمني الصبر والصبر " لبس نظارته الشمسية وطلع بالحوش مقابل الحديقة : يالله صباح خير وش ألي مصحيك ..

راغده تتنفس بسرعة: كنت اتمرن كالعادة .. الجو اليوم حر مدري وش السالفة ..ماكنا بالشتاء ..

طلال: عشان كذا العرق يسبح بوجهك وجسمك كامل ..!

راغده باندفاع: لا صبيت ماي أريد ابرد ..
طلال يريد يغيضها وبنبرة عدم تصديق: اي ما يخالف ..

راغده وهي تشوفه يمشي تجاه سيارته وبصوت عالي: شكرا على الهدية .. اعجبتني

طلال دخل سيارته اكتفى انه يبتسم

بعد انتهاء جولة الرياضة والتمرين اخذت دوش لكامل جسمها واستعدت لروحتها لصالون ..
وقفت لها نهلة وصارت تمشي وراها
راغده شلحت لها عبايتها وجلست: أي مواعيد ؟

نهلة: لا مواعيد اليوم مهمة طال عمرك .. بس جهد اليوم لـ ٥ عرايس اليوم ..

راغده: تمام جهزوا نفسكم وفضوا حالكم لهم ..

نهلة: اي أوامر ثانية طال عمرك ؟

راغده: الفطور مع شاي منعنع يامنعنع ..

نهلة ألي كانت تلاحظ تغيرات كبيرة براغده ابتسمت وهي تشوف القلادة ألي بصدرها: ١٠ دقايق ويكون بمكتبك ..

راغده دخلت على البريد الالكتروني وصارت تكتب يومياتها ومشاعرها كاملة ثم ترجع ترسلها لنفسها ..

اندق الباب : تفضل
ام حسن وبيدها صحن الفطور مناقيش لبنة وزعتر وشاي نعناع وبابتسامة: احلى فطور لأحلى مديرة ..

راغده ردت لها الابتسامة: صباح النور ام حسن حياك .. تفضلي اجلسي ..

ام حسن جلست قبالها: فيه العافية ..

راغده: حياك افطري معي ..

ام حسن: توني افطرت مع البنات

صارت تأكل راغده وسوالف بحماس مع ام حسن ..
ام حسن: تقول لي جارتي أن بنتها ظلت بكر ٦ شهور من زواجها ..

راغده: ليه ؟

ام حسن: طلع مو قد الزواج ومع ذلك تزوج حسبي الله ونعم الوكيل ليه ماقال للببنت أنه مو كفو الزواج حرام شوفي حالها الآن راحت للمحكمة وطلقها زوجها .. لو تشوفين وضعها تحزن يا عوينتي تقول ما تحس أنها أنثى حطمها ..

راغده: وهالشيء سيء! اقصد مو ذنب الرجال هو كذا مرضه وش الحل والعلاج ..

ام حسن قاطعتها باندفاع: في شيء اسمه علاج يحاول لكن الرجال وصخين لو المرأة فيها بلاء قام يعاير ويتكلم وهي ما بقى علاج ماتاخذه وهو ما يريد يتعالج اسمع كثير ألي معهم ضعف او عجز او عقم مايتعالجون .. نفسهم كذا ردية ..

راغده مسحت فمها وباهتمام: وهي كيف عرفت أنه معه ضعف ؟ اقصد في دلالات وعلامات ؟ شيء ملموس شيء ما ألقاه بالبحث بقوقل او شيء عام ..

ام حسن بغرابة: وليه انتي باحثة بقوقل؟

راغده تورطت وباندفاع: لا بس صاحبتي معها نفس البلاء ..

ام حسن صفقت بيدها بغيض: شفتي ! هالاشكال كاثرة ..

راغده: واستحيت اسألها .. هل فيه علامات ؟

ام حسن وهي تفكر: أنا ما أدري شخصيا لكن استنادا على كلام بنت جارتي أنه ما يتاثر لو إيش ما تلبس وكان يتضايق اذا فكرت تشتري قميص نوم او شيء يخص اغراء وغيره لأن ماوده يثبت حتى لنفسه ولها أنه فعلا مو رجال ..

راغده اتسعت عدسة عينها " عشان كذا طلال زعل مني وتهجم علي وقال لا تسوين شيء يخدش رجولتي الآن اتضحت الصورة"

ام حسن : اي صح .. ولما تلبس اي شيء حلو يشوفها ولا شيء تقول اتزين واترتب وهو يشوفني كأني من الشباب وكل إلي سوته ما يبين .. حتى مايعطيها ريق حلو وينتقد كل شيء .. ولو تجلس معه او جنبه بغرض شيء يتضايق ..

راغده " هنا أنا احترت بس طلال مو كذا "

ام حسن تنهدت: الله يعين على شباب اليوم ، بس قولي لصاحبتك ذي عشان تقطع الشك باليقين تحاول تقرب منه وتلبس المشمر والمحمر وتشوف هل تحركت مشاعره او لا ..

راغده بشك: مو بيضايقه هالشيء ؟

ام حسن: اكيد بيتضايق لأنه ما يقدر يسوي شيء ، بيحس أنه مو رجال لكن فرصة تعرف من الآن صاحبتك عشان تنفصل عنه ولا تضيع عمرها عليه ..

راغده:.......

ام حسن اخذت صحن الفطور وقفت : يلا استأذنك طال عمرك تشوفين شغلك ..

راغده:الله يحفظك ..
خلصت شغلها وعلى العصرية توجهت للعيادة عند الدكتورة سلمى ..
بتوتر: دكتورة انا خايفة ..

د.سلمى: أنتي مش متعاونة معي راغده ، أنا علمتك ان لابد تتعودين عليه لكن بسرعة صار الزواج وأنتي غطيتي ماعاد جيتي وتجين الآن تقولين وضعي صار مكشوف .. راغده افهميني الرجل مهما وش كان نوعه لا يمكن يتقبل امرأة لمسها واحد ثاني حتى لو كان رغما عنها ..

راغده بحزن: ايش ذنبي .. وآيش ذنبه بألي يصير ذه كله ..

د.سلمى اخذت نفس عميق: راغده خلينا نشتغل على اليوم و أريدك توعديني أنك ماتقطعين وما تسوين اشياء عكس كلامي .. طلال مو غبي عشان ما يعرف او يشك بسبب تصرفاتك ..

راغده بربكة وخوف: يعني ايش اسوي ، دكتورة انا خايفة طلال يتركني ..

د.سلمى: مابيعرف طالمة أنتي توضحين له شكوكه ، وكأنك تقولين له طلال شوف وأعرف ..

راغده تنهدت بحزن: غصب عني كل شيء يا دكتورة انا خايفة إن كل يوم عن يوم طلال يعرف ووقتها ما يحتاج انا أعلمه لاني تأخرت ..

د.سلمى: انا ما اعرف طلال لكن اقدر ااكد لك أن الرجال والنساء الي يجون هنا يشتكون من شيء مؤكد ان الرجل لو انه لوح لا يمكن يقبل ان لزوجته تكون معها علاقة سابقة لو علاقة شريفة فما بالك لو كان إغتصاب .. هو صح لو صار شيء بينكم ما بيعرف ورغم حقارة خالك لكن زين وفكر أنك بكر ومايصير يخليك ثيب فـ قال يجيك ..

راغده قاطعتها بقرف وبين دموعها: خلاص دكتورة انا ماعاد اتكلم بهالشيء

حتى بيني وبين نفسي ، بيوم الزواج كأني شفت بدر بطلال غصب أني .." وهي تحاول تنطق الحروف " أخاف ، عقدني حسبي الله ونعم الوكيل .. أنا منيب عارفة لو عرف طلال آيش ممكن بيسوي ..

د.سلمى: مابيسوي شيء غير انه بيسلمك صك الطلاق ..

راغده تهز راسها بالنفي: لا لا طلال يحبني ما بيتركني ..

د.سلمى:وأمك ؟ مو تركتك! ليه أنتي كذا ! راغده عاونيني عشان اعاونك وتغلبي على خوفك ، زين أن بدر عرف حدوده ولا عاد سو لك مصيبة أو حاول فيك .. الحمدلله لا يتصل لا يزورك لا شيء يسوي ، طلال جاني قبل مثل الخبل وكان شكوكه في محله بس ما بينت له ونهيت عن أفكاره المجنونة بس ما أقدر أكذب لو جاني وسألني .. ارجوك راغده خذي الأمر بجدية وأنا بساعدك ..

راغده هزت رأسها بالايجاب وهي تمسح دموعها: طيب أنا اوعدك أني بحاول ..
.
.
.
رجعت البيت شافت طلال بالصالة وبابتسامة: مساء الخير ..

طلال: مساء النور ، تأخرتي مرة ..

راغده: اعتذر كان معي موعد وبس خلصت جيت بس ساعة ويستوي العشاء ..

شلحت عبايتها وتوجهت للمطبخ كانت ماريان معها ودخلت الدجاج بالفرن ونقعت الرز
صعدت فوق لبست قميص روز بلون الأزرق النيلي ورفعت شعرها ذيل حصان ومن قدام رخته وحلق ناعم واسوارة فضية ..
تعطرت بعطرها المفضل ..
ونزلت تحت سريع

وهي تعد الشوربة وبحيرة: كذا كافي ولا ازيد ماي احسها ثقيلة شوي ..

ماريان جات بتفتح فمها إلا بصوته: لا ممنوع المساعدات ..

طلال وهو يناظرها من فوق لتحت اخفى بسمته: هلا جدتي ..

راغده: جدتي!

طلال: على قميصك ..
راغده: ايوه هذا على طلب جدي ..

طلال: بس ماقلت لك ألبسي كذا ..

راغده" صدق متناقض وش ألبس له يعني ! هذا القمصان ألي كنت ألبسها لما كنت ببيت عمي عشان خالي بدر "

صار يحرك الطنجرة : انا بس أتبع التعليمات لو صح او خطاء ما بتكلم ..

راغده رفعت حاجبها: أصلا ما احتاج اشورك بشيء أنا أعرف وش بيكون الطعم ..

طلال وهو يمسك يدها: بهاليد ذي ..

راغده استغربت من صمته وطريقة نظراته ليدها " اكيد جذبته الاسوارة" عجبتك الأسوارة ؟

طلال " انعم يد امسكها بحياتي ": وش بيجي منها يدك ..

راغده بثقة: كل شيء زين ، وش وضعك هنا ؟ تنتقدني وبس روح ارتاح كل شيء بيجهز بعد ربع ساعة ..

طلال جلس بكرسي المطبخ: وهذا ذي قعدة ، أنا وش ألي يضمن لي أن ماتقوم بالطبخ ماريان ! مافي شيء يثبت انك طبختي لحالك إلا اذا كنت معك واشرف بنفسي ..

راغده بلا مبالاة: عادي انا واثقة من قدراتي على أي حال ..

صارت تروح وتجي وتضبط السلطة وعينه تقرابها بصمت وهو يشوفها محتاسه ولما طفت النار على الاكل قام: بنتظرك بغرفة الطعام ..

راغده تتحلطم وماريان شالت الصحون وراغده تنظم السفرة

طلال اول ما شاف الأكل ونظرات التعجب والاستغراب بوجهه لاحظت راغده هالشيء ...راغده جلست جنبه: الشكل مو دليل ..

طلال أخذ لقمة من الرز وأكل بصمت

راغده كانت تنتظر رايه وبحماس: هاه وش رايك ؟ والشوربة كيف والدجاج ..

طلال: الشوربة كثرتي الكركم فيها صار لونها اصفر بزيادة والطعم لابأس به والمعكرونة لسان العصفور ما أستوت باقي اعطي نسبة 4 من 10
والرز الأبيض كأني اكل رز من فيتنام معجون بالمرة سلقتي الرز بزيادة 2 من 10 ..
والدجاج .. " اخذ لقمة " محترق شوي ومالح وينقصه بهار اعطيه 5 من 10 ..

راغده غضت شفتها بقهر: أنا قلت مابطبخ لو ما أنت ألي لزمت علي ..

طلال: طبعا .. لازم تتعلمين ومثل ماقلتي لخالتي أن التواصل الاجتماعي ماخل لأحد عذر ..

راغده بنفس قهرها: ليتني ما نطقتها ..

واخذت تسكب بصحنها وتأكل ..

طلال كتم ضحكته: ليه ما تتقبلين النقد يا جدة ؟

راغده تجاهلته ..

طلال صار يأكل ويناظر فيها وحب يغيضها زود: الدنيا محتاسة ما أعرف هل بيجيني إعصار في المعدة ولا ..

راغده :............

طلال بعد صمت دام دقيقة: أخاف يجيني الضغط الله يستر ويحمينا يارب ..

راغده ضربت الملعقة بالصحن وبنفاذ صبر: الرسول الكريم ماعاب طعام قط ، لو ما عجبك الأكل لا تأكل ولو ماعجبك كوني مبتدئة وتو أطبخ لا تطلب مني اطبخ والخدامة موجودة قل لها وهي ما بتقصر تراها أحسن مني .. وأول طبخ لي وش تتوقعه يكون يا قوردن رمزي ..

وقامت من السفرة وهي تجر وراها الخيبة والانكسار ..

طلال " ول جمرة " قام وراها وجاء بيدخل إلا سكرت الغرفة بوجهه : افتحي الباب راغده ..

راغده بعصبية: لا وألف لا .. رح اطبخ لك ولا أطلب من المطعم انا طباخي سيء ..

طلال بضحكة: طب خليني اتفاهم معك ياجدتي ..

راغده شافت نفسها بالمرآية وشلحت ملابسها بعنف ولبست روب بيت قطني ماسك عليها بلون الأورنج بطباعة ورود صغيرة بلون السكري وبأكمام حاير ..
طلال من عند الباب: خلاص راغده افتحي الباب واتفاهم معي
وانا بنفسي بعلمك اخطائك عشان ماتكررينها بالطبخ من جديد ..

راغده بنفاذ صبر فتحت الباب: أنت ليه ماتسكت ؟ خلاص أنا فاشلة ليه تتعب نفسك وياي ..

طلال يشوفها لبسها ألي معطيها شكل اصغر بالسن

راغده كفتت يدها: خير وش عندك قول الي معك وانا قلت ألي معي , طبخ منيب طابخة
طلال ابتسم على شكلها وحب ينرفزها: كان شكل الجدة عليك ضابط ..

راغده فتحت عينها على الآخر واخذت وسادة من السرير وحذفتها وجات بوجهه : أنت زودتها ..

طلال مسك الوسادة ورجع حذفها ولا صادتها: ما تستحين ترمينها بوجه زوجك ..

راغده: واكسر رأسه بعد ..

طلال يتوجه لها: أنت بعلمك الأحترام ..

راغده ترجع على ورى: أنا ما غلطت أنت ألي بديت ..

طلال جاء بيمسكها إلا تبعد عنه وتطلع من الغرفة وهي تصارخ بحماس ونزلت من الدرج إلا تشوف أمها وريهام بوجها هدأت سرعتها
طلال شافهم من بعيد ونزل بخطوات ثابتة ..

ام عبدالعزيز تناظرها: خلي عنك اللعب في سالفة جيتك عشانها ..

راغده تناظر بطلال من بعيد والتفتت لامها ولاختها: حياكم بالمكتب ..

مشت ودخلو وراها
راغده جلست بمكتبها: خير يمه ..

ام عبدالعزيز: وين بيجي الخير من وراك ..

ريهام باندفاع: يمه ماجينا عشان هالشيء .. سمعي راغده من الآخر كذا مها عرفت أن حمود معه علاقة اكيده بوحدة

راغده: مو انتي قلتي لي أنها كانت تعرف وش ألي تغير الان ..

ريهام: ألي تغير أنها تأكدت وأمس جات تقول أنه بعلاقة حب ..

ام عبدالعزيز: وناوية على الطلاق ..

راغده وسعت عينها: مو هذا افضل لهم !

ام عبدالعزيز: لا اكيد انتي استخفيتي وش طلاقه بعد وبينهم بنت ..

راغده: يكون بينهم بنت ولا جيش عيال ، يمه لا تكذبين على نفسك حمود مو رايدها ..ولا ماكان حب غيرها ..

ام عبدالعزيز: إذا كان على الحب ما كان عاشت اغلب الحريم مع رجالهم كان اغلب الشعب مطلق ، ممكن تكون هفوة وطيش شباب ..

راغده تنهدت: وايش ألي بيدي أسويه وبسويه ..

ام عبدالعزيز انك تكلمينها .. وتقولين ايش هو شعور البنت من دون أب .. وتغير قرارها المجنون ذه ..
ريهام: جربي مو خسرانة شيء راغده ، طول عمرك مثلي الأعلى بالاقناع ..

راغده: خلاص تمام لا تشغلينها بكره أنا بطلع معها وبشوف وش عندها .. هي إذا شافتك مشغولة بشيء تشاركك فيه ..

ام عبدالعزيز بحنان: قلبها علي لبى روحها ..

راغده وقفت: لا تشيلون هم أنا بنفسي بتفاهم معها ومابيصير إلا كل خير ..

وطلعوا من البيت ..

جلست بمكتبها وهي تفكر بأشياء كثيرة .. ويرن جوالها استغربت من اتصاله وردت : اهلين ..

أبو عبدالعزيز: جاوبي بنعم أو لا .. أمك عندك ؟

راغده: لا ..

ابو عبدالعزيز: علمتيها عن زواج حمود

راغده: لا

ابو عبدالعزيز تنهد براحة: لا عاد تعلمينها بشيء ، امك بخور السوق واخاف تخورها مهما وش ماكان لا تثبتي أنه متزوج او على علاقة .. وأنا مثل ما سعيت إن الإجازة ماتتم بعد كم يوم راح اشوفها واسعى انه بتتم الموافقة عليها ..

راغده: ان كانك داق علي بهالوقت عشان خوفك فـ تطمن أنا منيب غبية .. وراح احرص أن الموضوع يكون بيني وبينك مهما وش ماكان ..

ابو عبدالعزيز: اتصلت بي عبير من شوي وقالت انك بتكلميها اقنعيها ترجع لبيت زوجها ..

راغده بسخرية : بيت ! اي بيت ألي تتكلم عنه ..

ابو عبدالعزيز قاطعها: أنتي تحبين مها ؟

راغده: أكيد احبها ..

ابو عبدالعزيز: وانا احبها اكثر منك ..
فـ أنتي اثري عليها بالكلام ..

راغده: بكرة بتجيك العلوم .. استأذنك ..
سكرت منه وفي بالها أكثر من حوار " اذا احتاجني و بغى مني شيء قام يتودد ويلين معي بالحوار وهو حية موسى "

غمضت عينها ببطء وتنهدت شافت طلال بوجها : .....
طلال جلس قبالها : صار شيء جديد ؟

راغده ألي كانت تناظر بطلال وببالها ان مهما كان الزوج مثالي وزين تظل مشاكل اهل الزوجة شيء خاص وكان لابد تختلق كذبة : امي اتصلت بي كذا مرة ما انتبهت جات عندي ظنت ان فيني شيء والسالفة هي ان اختي مها زعلانة مني بقوة لأني نسيت عيد ميلاد بنتها جوان .. والله يعيني بكره هدية مع اعتذار ..

طلال هز رأسه بعدم اقتناع

.
.
بالمطعم ..
راغده تشوف المنيو: وش ودك تتعشين ؟

مها: لو ما لزمتي علي ما كنت جيت يا راغده ، تعرفي ايش يعني زوجك يخونك ؟

راغده أشرت للجارسون وقالت طلبهم
مها تناظر فيها بقهر: ما ألومك على هالبرود ..

راغده: سألتك وما رديتي .. قلت اطلب عنك ..

مها: وش عندك مستعجلة .. الحبيب ينتظرك ؟

راغده: لا عند اهله من رجعت من الدوام ما شفته هو مشغول وأنا مشغولة .. خلك مني مو هذا موضوعنا .. ايش قصة خيانة زوجك ذي ألي طالعه فيها !

مها بحزن: تصوري يا راغده سمعت يتغزل بـ حبيبته وقريت محادثتهم مع بعض وكنت بقرأ أكثر لو ما هو طلع من الحمام .. ماتصورت بيوم أن حمود يعرف يقول هالكلام وأنا حتى كلمة حبيبتي ما يعرف يقولها لي .. واذا حاولت معه يقول أنا رجل عملي وما أحب هالسوالف ..

راغده تغير وجها لحزن: مها حبيبي مو ممكن سبب اتجاة زوجك لهالاتجاه بسبب بعدك عنه !؟

مها: أنتي عارفه أمي وأبوي

راغده قاطعتها: لا مها .. اتركيهم عنك هم لهم حياتهم ولك أنتي حياتك لا تخلين عمي فؤاد يتدخل بحياتك أو حتى يأثر عليك ولا حتى أمي ، مو لازم كل خميس تحضرين هالجمعية ..

مها: تظنين ودي أروح ! أنا بس اطير الزهق واتسلى وياهم لأن حمود ماخذه شغله بشكل كبير اقول له بترجع اليوم لدوام يقول لا معي مناوبة ومدري وش وانا ادري انه كذاب بس ليه يتصرف كذا معي وش جاه مني ! وليه يخون وهو بنفسه ألي باعدني عنه .. حتى عند أهله يقول لا تروحي الا بالمناسبات خصوصا لما صاروا يسألوني لسه ماحملتي بعد جوان وهو شافها عذر عشان ما أحضر ..

راغده: طيب أهله وش رأيهم بموضوعكم سوا ؟

مها: مافهمتك ..

راغده: أقصد مافكرتي بيوم تنفصلين عنه !

مها بسخرية: مو أنا الآن وياه نعتبر منفصلين من زمان بس طلاق مافكرت فيه الا الآن ..

راغده: وجوان ؟

مها تنهدت بحزن: مو هذا ألي كاسر ظهري غيرها ، هو صح حمود هاملني بس بنته يتصل بها يوميا يشوف وش ينقصها ووش محتاجة ..

جاء القارسون وحط طلبهم ..
وبعد صمت دام دقيقة
مها: طالمة ما يريدني ليه تزوجني ! ليه خلاني أجيبها طالمة معاملته باردة لي ..ليه ما يبان كل شيء قبل الزواج راغده ..

راغده: في بعض الأنفس ما تبان ولا تنعرف إلا لما تعاشرينها ببيت واحد ، في أنفس تظهر لك وجه جديد ومختلف وتمثل بـ أتقان أنها زينة ولما يتفرد بك يظهر وجهه القبيح ..

مها ألي حست ان كلام راغده ملموس لمعت عينها: يعني أنا وش اسوي الآن ..

راغده: أنا ما اعرف كيف كانت حياتكم قبل لكن ألي بسألك اياه .. متى حسيتي بالفرحة مع حمود ؟ او حسيتي بجد انه يحبك ..

مها: ولا يوم .. تصدقين راغده احيانا احس انه مجبر على الزواج مني ولما كلمته قال لي مجرد احاسيس كاذبة او اني اتوهم .. ما في موقف حسيت بحبه حتى لما ولدت بجوان هو كان بس يتطمن على جوان ماكان يجيني أنا ..

راغده " معقولة الأنسان اذا كان يحب انسان ثاني يوصل لهالمرحلة ! على كذا طلال بجد يحبني ! "

مها كملت: لا يغرك كلامه المعسول يا راغده الشدة تبين صدق الكلمات ألي كان يقولها .. طلال او حمود او اي رجل يقدر يخون لو تسنت له الفرصة انا صح ما اعرف حمود متى خانني مع البنت ألي يكلمها انما أنا واثقة انه انسان ثاني معها وهي تشكره على الهدية يعني في بينهم لقاء والله وحده يعلم وش صار بعد ..

راغده حست بتأنيب الضمير لأختها: ولو قدر الله وعرفتي بيوم أنه متزوج ايش ممكن تسوين ..؟

مها سرحت بوجهي وبشك: أنتي تعرفين شيء أنا ما أعرفه ؟

راغده باندفاع: لا لا بس اسأل عن شعورك وايش بيكون موقف ..

مها: وقتها أنا من طريق وهو من طريق .. وحان الوقت ألي اهتم واحب نفسي ..

راغده: ابدئي من الآن مها عشانك مو عشانه .. وخلي زيارتك لبيت أبوك بالوقت ألي ما يكون فيه برا .. ولو زودها كلا برا قولي انك بالبيت ولحالك مع جوان ..

مها: تعتقدي انه يفيد ؟

راغده: مو عشانه يا مها عشانك انتي وعشان بنتك .. لو بيوم بنتك سألت ايش سبب انفصالكم يكون انتي عداك العيب وتحط اللوم على ابوها مو عليك ..

مها هزت رأسها بالايجاب وبعد صمت دام دقيقة : اجل اخبارك مع طلال .. يعني صدق لما قالوا تزوجوا عن حب ولا مثل ما قالوا يصير طلاق وشك ..

راغده: الحمدلله أمورنا زينة ربي لك المنة والفضل ، ما تدرين قد ايش أنا مبسوطة ومرتاحة ..

مها بابتسامة: الحمدلله .. اجل وش صار بيوم زواجك ..

راغده تغير معالم وجها ..

مها بضحكة: وش فيه وجهك تغير هههههه لاتعلميني المستخبي لانه حرام اقصد علميني بموقف مضحك صار ..

راغده وهي تفتكر ألي صار وبابتسامة باهته: ما صار موقف ..

مها: ولا بـ أيامكم الي بعدها ! هالأيام ذي ما تتطوف يا راغده وتظلين تذكرينها حتى لو بعد عشر سنين ، وألبوم صوركم ماورتيني إياه " تنهدت " احس أن الصور وجدت عشان تذكرنا كيف كنا مبسوطين قبل ..

راغده ألتمست حزن بصوت أختها وحبت تغير الموضوع: إلا ماقلتي لي .. متى ودك تسيرين علي انتي وجوان وريهام ، اشتقت لأجواءنا قبل ما انتقل .. سهرة بنات للفجر ..

مها: ليه انتقلتي راغده ! كنتي انتقلتي لما تزوجتي مو من قبل ..

راغده تنهدت " ماكنت بنتقل ولا فكرت لو ما فعايل خالك النجس "

مها: شفت طبخك بالسناب يا راغده الصراحة شيء ..

راغده: تتريقين علي !

مها: هههههه لا أبد بس واضح متعوب عليه ..

راغده بابتسامة: بعزم صاحباتي على الأسبوع الجاي طالمة الاجواء حلوة نشوي ونفلها وحياك انتي وريهام ..

مها ردت لها الابتسامة: تمام .. بس مو عدله توك وتعزمين ..انتظري لما يخلص شهر عسلكم ..

راغده: اي شهر عسل انتي بعد ، البركة في أبوك ..

مها: ليه وش مسوي ؟

راغده: أبد ولا شيء بس تبدأ بإذن الله بروح ..

مها: حجزتي !

راغده: لسـى ..

مها: مو مشكلة قبل لا تبدأ إجازته احجزي ونظمي كل شيء .. لاندونيسيا ها ..

راغده: طبعا ..

مها: عسى ربي يهنيكم ويسعدكم ..

راغده: طالمة ان طلال عند أهله وعند عمانه إيش رأيك تجين انتي وريهام لعندي بجلس لحالي بالبيت ..

مها: تمام ماعندي مشكلة ..

راغده اتصلت بريهام ورحبت بالفكرة وقامت: انا بقوم اطلب لها أكلي انتي على بال ما ارجع ..

مها: طبعا خذي راحتك

على الساعة ٩ ..

تجمعوا الخوات ولبسوا بيجامات بألوان فرحة

راغده سماوي

ريهام وردي

مها أصفر
وتجمعوا بالمجلس وقفلوا الباب

ريهام بحماس: هذا الجمعه الصح مو جمعيات امك ..

مها: عيب ريهام ..

ريهام: وانا صادقة " التفتت لراغده " وين الخمر والميسر ..

راغده ومها: ههههههههههههههه ..

راغده قامت: قوموا نتساعد نسوي تغميسات لشيبس يام الخمر انتي ..

قاموا معها البنات وحضروا اغراض السهرة مع مشروب كوكتيل صنعوا بأنفسهم وداخله نعناع وشرايح رفيعة ليمون اصفر ..

ورجعوا لمقرهم ..
ريهام بحماس وش رأيكم نلعب لعبة .. بس مايصير فيها كذب .. موافقين
راغده ومها: موافقين ..
.
.
وصلو الفندق ..
وبالجناح حقهم كان مجهز للعرسان ..

جنان بفرحة: وآي سطام وأخيرا بنجلس لحالنا لا احد يدق الباب ولا شيء ..

سطام باس يدها: ولا ازعاج امك وابوك ..

جنان خذت جوالها وخلته صامت: وهذا سكرنا الجوال ..

سطام بحب: واخيرا صرتي لي احس كاني عريس بليلة الدخلة ..

جنان بدلع: اجل خلاص شد على حالك وخلص الشقة وبسرعة بنسوي زواجنا ..

سطام: لو الود ودي يا جنو خلصتها من الآن لكن حكم القوي على الضغيف " وبغمزة" ما ودك تصيرين مثل زوجة طلال متكفلة بكل شيء ..

جنان كشرت بوجها: هي ماشاء الله معها فلوس ولا تنسى هي كبيرة بالعمر ..

سطام: محظوظ طلال فيها والله مابيخسر شيء
..
جنان ضربته بخفة : يعني أنا ألي خسرتك ها ..

سطام بضحكة: امزح معك ..

جنان بدلع: لا لا زعلت ..

سطام بذوبان: ترى اتهور جنان ..

جنان باندفاع: لا لا ..

سطام: اي اعقلي ..

جنان شلحت عبايتها كانت لابسة فستان ناعم بأكمام طويلة بلون الموف .. فردت شعرها البني القصير

سطام ذاب بشكلها وصار يتفحصها بنظرة ، جنان نزلت راسها بخجل: وبعدين معك سطام ..

سطام اقترب منها وباس جبينها: اللهم الثبات ..

جنان بخجل تغير الموضوع: اجل متى بيجي العشاء ..

سطام بخبث: العشاء نصبر عليه شوي لاحقين ..

............^,*……………………………� �…………………. …………
..................................
.
.
.
ام فهد: اجل وش باقي على الشقة ؟

ميس: شكلهم مطولين ..

ام اسيل: اليوم راحت جنان مع سطام يأثثون ما باقي شيء ..

ام فهد: نفرح فيهم يارب ..

ميس ترفع يدها لفوق: ويارب تفرح اهلي فيني ..

الكل: ههههههههه

ام فهد : مدري وش في البنات مطيورات على الزواج ..

ام اسيل بضحكة: مو بس هي حتى العيال .. قبل كنا نستحي بس يجيبون سيرة الزواج " تنهدت" اييييي ايام ولت ..

ام فهد: الله يستر عليهم بس ..

ميس قامت: بروح اشوف طلول ..

ام اسيل بغرابة: هو هنا ! مع على اساس بيسافرون .. !

ام فهد: العالم الله ان مافي سفر شافوه الجماعة انه يداوم ..

ام اسيل: بسم الله ليكون صار شيء بينهم !

ام فهد: من ألي شفناه أن ما بينهم إلا كل خير والمستخبي حا يبان لاتستعجلين ، واضح ان في شيء بس مابعد تطلع ريحته ..

ام اسيل: الله يعين بس يا أم فهد ، ممكن مامعهم فلوس السفرة ..

ام فهد: ممكن هي ألي قالت له وفر فلوس السفرة .. التجار والي معهم فلوس معروفين بخلاء وتفكيرهم بالمادة قبل كل شيء ..

.
.
راغده فرطت ضحك: ههههههههه بس خلاص ..

ريهام بقهر: وانتي اسألتك كلا رياضيات ..

مها: مالك حق تعارضين جاوبي وبس ..

ريهام: غلطانين ندخلك باللعبة معنا ..

مها تريد تغيظها: اي ماتعرفين حتى بالضرب رغم انه سهل ..

ريهام تتجاهلها: راغده أساليني اسألتك احلى من استاذة مها ..

راغده تمسح دموعها: قسم دوختوني انتوا فلة صراحة ، يلا نرجع للعبة ..

إلا بـ إتصال ام عبدالعزيز

ريهام بخيبة: يا ربي تو تحلو الجلسة .
.
راغده قامت : يلا أجل لبسوا عبايتكم بوصلكم ..

الا بدقة باب المجلس فتحت الباب راغده وبوجها امها

مها بضحكة: ماحد يسبق امي باي شيء ..
ريهام مدت بوزها: يـــــا ربي ..

ام عبدالعزيز وهي تشوف المكان : مسويين حفلة اجل ..

راغده:.........

قامت ريهام ومها لبسوا عبايتهم وطلعوا من عندها ..

طلعت من المجلس شافت رسالة من ريهام " واضح أن أمي زعلت ممكن لأنك ماعلمتيها "
قرأت الرسالة بصمت وبملامح حزينة
سكبت لها كوب ماي كبير وشربته على دفعات ..

ما هي إلا لحظات حتى جاء طلال شافها سارحه لدرجة أنها ما انتبهت لدخوله وبصوت مسموع: احــمم ..

راغده أنتبهت له ألتفت وبوجها ابتسامة ود: نورت البيت

طلال رد لها الابتسامة وجلس جنبها : كيفه حبيبي اليوم ؟ وكيف كانت السهرة ..؟

راغده سندت راسها بكتفه العريض وضمت ذراعه المشدوده وبهمس مسموع: جدا يا طلال ..

طلال التفت لها: وليه سرحانة اجل ؟

راغده: في اشياء كثيرة ومهيب مهمة ، تعشيت ؟

طلال: أي الحمدلله ..

راغده: بنسافر طلال ..

طلال : عمك رضى علينا ؟

راغده: اي الحمدلله .. بتجيك الموافقة على الإجازة السنوية ..
.
.
.
جوا السيارة تناظر بيتهم ..

استغرب انها مانزلت: وش فيك حبيبي ؟

جنان بلوم: لو أنك صابر ماكان صار ألي صار سطام ..

سطام: حياتي انا زوجك بس كتب الكتاب ذه شكليات ولا انا اعتبر زوجك خلاص مافي إحراج أو حياء ..

جنان: اخاف اهلي يدرون

سطام: لا تخافي ولا شيء والزواج بيصير بالكثير شهر ..

جنان تنهدت : الله كريم

سطام لاحظت توترها وخوفها وبابتسامة: جنان تطمني ما أحد بيعرف طالمة ماتكلمنا وذه بيني وبينك صح حبيبي ..

جنان: صح .. يلا بنزل الان

سطام: الله يحفظك ..
نزلت وصارت تمشي بأطراف أصابع رجلها إلا بصوت يجمدها ..
ام اسيل بحده: عارفه كم الساعة الآن ؟

جنان ناظرت أمها وبلبكة: أدري بس سطام الله يصلحه قال لي بعد مانختار الأثاث نتمشى على البحر وبس شفت الساعة بتجي ١٢ على طول قلت له نرجع للبيت ..

ام اسيل: كلميه وقولي هذه اخر مرة اطلع معك لحالي لان امي تخاف وتدرين يا بنتي ممكن يصير شيء ولا شيء والشيطان شاطر ..

جنان: لو صار لا قدر الله هو زوجي ..

ام اسيل: أدري بس ولو ، مو من عاداتنا وتقاليدنا يريدك يجهز الشقة ولو باغي بعد بدون عرس عادي بس نشهر زواجكم بذبيحة غير ذلك ينسى ..

جنان: طيب انا بصعد فوق تامرين بشيء ..

ام اسيل: اي .. وريني الاثاث الي اخترتيه ..

جنان طلعت الجوال من شنطتها وورتها صور الاثاث وهي تحاول تخفي لبكتها ..

ام اسيل: اي اختاري الشيء الغالي ، ولا عليك منه ، ابوك الي ارخص فيك عشانه ولد عمك عشتوا .. اكسري ظهره بالاثاث ..

جنان: اي بالله اخترت غالي لنا ولزمن بعد ..

ام اسيل: كفو ..
.
.
.
التفتت لها: حرام عليك يا اسراء .. الرجال تزوج وش لك فيه بعد ؟

اسراء: احين أنا ألي صرت الشريرة بعينك ! مو هي ألي اخذته مني ..

اثير بسخرية: على اساس هو صبر عليك لما تخلصي دراستك بحايل وترجعين ، شوفي كتب كتابه وتزوج وانتي بعيدة وش معناها؟

اسراء: معناها ان السوسة هي ألي جرته لها وممكن مهددته وماسكه عليه ممسك .. وهي ولا همها ماقالت حرام افرق بين حبيبين ..

اثير: ههههههههه اي حلمي حلمي، اصلا امك ما بتوافق تتزوجين مطلق او ارمل يعني من كل الجهات انسيه ان عاشت او ماتت راغده ، امي ما بتوافق عليه ..

اسراء رفعت حاجبها وبثقة: تطمني يا روحي .. امي اذا شافت حالتي تعبانه واني ما بتزوج إلا طلال وقتها هي الي بتقول خلاص تزوجيه لو أنه وش كان ..

اثير بضحكة: اي اي الحلم ببلاش .. هههههههه ..

.
.
بتردد: طيب ياعمي طيب .. أنا متوجه للبيت الآن ..

سكر منه وناظر فيها : ام جوان رجعت البيت ..

بدريه بصدمة: آيش؟

حمود بحيرة: مدري وش براسها ..

بدرية بقهر: عمك الزفت هو السبب ألي محشي رأس بنته واكيد هو ألي اقنعها انها ترجع البيت ..

حمود حط يده بذقنه وبتفكير: مدري وش براسهم .. أنا بروح وأشوف وش عندها ..

بدريه بقلق: انا خايفة يا حمود أن بعد كل ذه أنت ..

حمود قاطعها: لا تكملين يا بدريه أنا لا يمكن اتركك وانتي عارفه هالشيء لكن الشك والغيرة بقلبك
حبك متملكني يا بدرية افهمي حتى اني رفضت اي ارتباط فيها اكثر من جوان .. حتى لما ولدت مافرحت قد مافرحت ان جاني ابن منك ..

بدرية بين دموعها: حسبي الله ونعم الوكيل في ألي كان السبب في تعاستي ..

حمود تنهد: يلا قومي البسي عباتك ما بتركم كذا ممكن يصير شيء بغيابي باخذك لبيت اهلك ومنيب مطول ..

.
.
.
فتح باب الثلاجة :وش ودك تشربي ؟

راغده: بطني مليان مالي نفس اشرب شيء ..

طلال ناظرها بلوم: افا .. وانا سهرتي تو تبدأ معك ..

راغده بخجل من ردها: طيب اريد بالخوخ ..

طلال اخذ كوبين وصب النصف لهم اثنينهم ..

وجلسوا بالمكتبة ..

طلال التفت لها: قلت أغير جو بدل الحديقة والصالة وغرفة النوم تصير بالمكتبة ..

راغده جلست قباله ..

طلال يناظر فيها وبفضول: المكان هنا مليء بالاسرار ماتشعري بنوع من الغموض !؟

راغده: ايوه بسبب الالوان والايحاء ..

طلال بدون مايناظرها: مثل صاحبة المكتب ..

راغده ناظرته : وش قصدك!؟

طلال رجع ظهره لورى: واضحة راغده ، انتي ما تستأمنيني على أسرارك ..

راغده: وايش تحب تعرف ؟

طلال: اقلها ما تكذبي علي لما اسالك عن شيء قولي ما اريد اقول لك وبس

راغده بلبكة: مامعي أسرار أبدا ، وأنت عارف بس لأن في أشياء مو مستاهله أصلا انها تنذكر ..

طلال اكتفى بالصمت مع بعض النظرات الشك ..
.
.
.
دخلت الشقة وهو يناظر ارجائها وعينه تدورها .. إلا بصوتها البارد: اهلين ..

ألتفت لها وبلبكة: عسى ما ابطيت ؟

مها: لا على موعدك ..

حمود: وين جوان ؟

مها: نامت من ربع ساعة ، أنتظرتك ولا جيت ونامت بلا شعور اخذتها لغرفتها ..

حمود: اها ..
مها: تعشيت ؟

حمود : اي في الدوام ..

مها: عطني جدولك لدوام عشان أعرف متى تكون هنا واتواجد .. ما احب اكون لحالي ..

حمود بلبكة: ومن متى تسألين عن دوامي !

مها: من اليوم ، اعتبر الـخمس سنوات قبل كنت في غفلة الآن من حقي اعرف ولا انت مو حاب ..

حمود باندفاع مع قلق: طبعا حاب يا مها افا عليك ..

مها: وبخصوص محادثتك وعلاقتك مع اي بنت الغيها من اليوم وأنا بعد اهمالي ما بيصير بتغير .. وانت تغير هم عشاني ..

حمود بشك: ليه صار شيء ؟ ردة فعلك قبل مختلفة عن الآن ..

مها تلعب بخاتم صبعها: لأني اخطأت بعد لو خنت ما تنلام .. وابوي واهلي موصيني عليك ..

حمود: يعني افهم من كلامك أنك حا تجلسي ببيتك ..؟

مها: طبعا المهم جدولك يكون معي عشان اكون متواجدة على تواجدك أو بسأل بنفسي واكون متواصلة مع مدير المشفى عن مواعيدك ..

حمود" اسلوبها يدل انها شاك فيني وكأنها تهدد فيني ": طيب لا تشيلي هم أنا بعطيك الجدول ..

مها هزت راسها بصمت ..
.
.
.
في حفلة الشواء

جاو خواتها وصاحباتها وعيالهم وأم عبدالعزيز ..

ريهام تلتقط كذا صورة ..

راغده بضحكة: خلاص جوالك صار مليان بيعلق من التصوير ..

ريهام: اصور اكثر من صورة واختار الزين منهم والباقي احذفه لا تشيلي هم
..
ام عبدالعزيز: الجلسة حلوة بس ينقصها صاحباتي ..

راغده: ماتكفي الطاولة لصاحباتك طاولتي لاعداد محدودة ..

ام عبدالعزيز صدت وجها على الجهة الثانية ..

مها توجهت عند أختها وبهمس: شكلها متضايقة ..

راغده: بتتصالح مع نفسي ، طمنيني انتي وش صار عليك ؟

مها: أبد بالبيت على مواعيده أكون بالبيت بس احسه مو مرتاح ومتضايق من التغيرات ألي صارت لي ، وكلا مشغول بجواله .. بالله هذا ما يخلي الواحد يشك به ؟

راغده: ممكن مشغول بالدوام ..

مها: ولو يا راغده المفروض يخصص لي وقت .. هو ان خصص وقت يكون لجوان يلاعبها ويطلعها عشان يشتري لها حلويات وبس .. اي تواصل بسني وبينه مقطوع لدرجة انه ينام قبلي يقول الدوام محتاجينه قبل موعده مستحيل وش هالتسيب يحسسني انه جراح الأخ ..

راغده تغيرت معالم وجها لحزن " معقولة الرجال لكان عاشق ومحب ما يقدر يخون ويخلص عشان حبيبه على قد ما يقدر ! " : طيب وعمي يدري؟

مها: ابوي يسألني عن علومه وهل هو زين وياي او لا .. اقول اي تمام اضطر اكذب عشان ما اشغل باله ، اعرفه يتضايق من ضيقتي قبل عاذر حمود الان لا ..

راغده:..........
مها: ما علينا .. صاحبتك فرح وش فيها كأنها مريضة ! تمشي بشويش وكلا جالسة ووجها اصفر وش سالفتها ؟

راغده: حتى أنا لاحظت ان فيها شيء خفت اسألها واجرحها مسكينة هلكتها المنشطات ..

مها: الله يرزقها ويعينها يارب ، اقول متى ودك تحملين ؟

راغده تغير معالم وجها: وش قصدك ؟

مها: لا تزعلي مني راغده بس تحملين بالثلاثين ولا بالأربعينيات وطلال اكيد يريد ولد او بنت ..

راغده: ماقد تكلمت بهالموضوع مع طلال ..

مها: لان توكم بس لما تعدي السنة تفكرون غصب يا راغده ، ذي غريزة بالإنسان وأنا أشوف ان الافضل ما تزودونها عن السنة " مسكت يدها " سامحيني لو تدخلت بس نفسي اشوف عيالك ولا ودي تقولين طافني القطار او شيء من هالقبيل ..

راغده سرحت بتفكيرها وهي تفكر بكلام مها ..

بعد ربع ساعة رجعت لاختها وبهمس: بشري وش صار على السفرة والاجازة ؟

راغده: هالاسبوع إن شاء الله تجي إجازته وعلى موعد الطيارة ..

مها بحماس: إلى جزيرة بالي يهـــووو ..

راغده: ههههههههه ..

مها: ولا تنسي الصور والله لازعل منك..

راغده: بصير مثل ريهام واصور كثير..

ريهام اقتربت منهم: كأني سمعت اسمي ..

راغده ومها بآن واحد: جبنا سيرة الأط آم ينط .. ههههههههههههههه ..

ريهام: بسم الله .. وش فيكم ..؟

مها فرطت ضحك: حلووة قلناها بآن واحد ..

راغده: هههههه صدفة حلوة ..

ريهام: اتركوا الهبل أمي مسكت صاحباتك واشتد الحوار بينهم اخاف تصير هوشة ..

راغده اشرت بيدها لماريان وتوجهت لعند طاولتهم وجلست: وش خاطركم اي نكهة من المشروبات؟
اختارو مشروباتهم

مريم ناظرت ام عبدالعزيز وبقهر: وش قصدك ؟

مروة: خلاص مريم ..

مريم: لا اريد توضيح ، وش القصد من كلمتها ؟ ايش ! ام رجل !!!

ام عبدالعزيز: جالسة تتكلمين عن الحرية وعن الطلاق وش حلوه وانتي تحت رجلك عيب تخببين وتخربين على صاحباتك .. الي ما يعرفك بيصدق كلامك ..

مريم بانفعال: ها .. ايش قلتي ؟

راغده: ارجوكم هدو هدو ، السالفة ما تستاهل مريم خلاص حبيبي ..

مريم فتحت عينها على الآخر : الان صرت أنا الغلطانة !

راغده اخذت يد مريم وسحبتها لجوا البيت ووقفوا بالصالة: خذي نفس عميق مريم

مريم بحده: ما سمعتي امك وش تقول ؟

راغده: ممكن كانت تعبانه او مش على بعضها احيانا تقط كلام علي يا مريم ..

مريم قاطعتها: انتي بنتها بتسكتي وتتحملين لكن انا مو بنتها عشان تجاوز وتقط علي هالكلام ..

راغده: اتوقع امي قالت هالكلام خايفة ان في كثير يتأثرون بكلامك ويصير مشاكل وطلاق ..

مريم: طيب هذا أنتي ما تأثرتي بكلامي وتزوجتي وعادي ، وهذا فرح سنين تسمع لي ماتطلقت من جواد وراحت حملت ..

راغده: ايش؟ فرح حامل ؟

مريم بلبكة: لااا اقصد راحت تعالج عشان تحمل ولا انتي ما لاحظتي تعبها وكسرة نفسها من هالمنشطات حتى لونها مخطوف ياقلبي راحت حللت من جديد وطلعت مو حامل وهكذا ..

راغده بحزن: انا زودت وجعها لما قلت اجبرتها تحلل ، استغفر الله ..

مريم غيرت الموضوع وتفاعلت معه" زين الأهم ما أجيب العيد " تنهدت: الله يرزقها ، لا تجيبين هالسيرة بوجها انتبهي تتأثر بسرعة رغم أنها تنكر ، مرة ثانية لا تعزمينها جات اليوم هي بس عشان ما تردك كل مرة .. اتركيها ترتاح كذا شهرين خبرك فرح حساسة ومرهفة المشاعر ..

راغده هزت رأسها بتأييد ..




آنتهـــــــى البـــــارت

[لامارا]

البارت السابع عشر





جهزت شناط سفرهم ملابس خفيفة صيفية وعنايتها الخاصة ..

ركبوا الطيارة لذهاب لاندونيسيا تحديدا بجزيرة بالي ..

كانت الأجواء دافية مناسبة لاكتساب بعض من السمرة ومرافقهم السياحي ألي اشادت به مها .. استقبلهم بالمطار واخذهم للفندق ..

راغده بحماس: يــاي طلال .. مدري كيف الجنة ..

طلال يناظر بإعجاب: سبحان الخالق ..

أول ما دخلوا الفندق أخذت راغده العديد من الصور ..

تمددت بالسرير المشوار كان طويل كسر ظهرها ..

طلال كان يناظر بالنافذة المطلة على الشاطئ اخذ نفس عميق " والآن أنا وياها والايام كفيلة اني اغيرها واخليها تحبني صدق ، هي لو تحبني ما كان للان حاطه حاجز بيننا "

اندق الباب دخلت موظفة الفندق تساعد في ترتيب حاجياتهم والمرشد كان معها يطلب لهم وجبة العشاء الفاخرة ..
أخذت دوش سريع لنصف جسمها
لبست فستان صيفي وسيع بأكمام طويلة بلون الأبيض وعليه زخرفة باللون الأسود
وحجاب بلون أسود ومكياج خفيف ..
بعد ربع ساعة اندق الباب من قبل المرشد نزلوا لعند الأكواخ وتحتها ماي ..
رفعت جزء من ملابسها ومع ذلك ابتل ملابسها .. غمرت رجلها الماء البارد
وقف المرشد يعلمهم بـ اسماء الاطباق كانت جدا صعبة ..
كان اغلب اطباقهم تحتوي على الأرز وتزين اكلاتهم بورق الموز واصياخ الدجاج واللحم ..

المرشد: وحرصت انها تكون مذبوحه بالحلال .. سكان بالي اغلبهم مو مسلمين , وبس عرفوا انكم مسلمين اشادوا بالذبح بالطريقة الاسلامية ..
استأذنكم .. وموعدنا بكره ان شاء الله الساعة ٧ .. أول ما تصحون وتكونون مستعدين اتصلوا بي ..

طلال أخذ لقمة ومد لها: بالعافية ..

راغده بخجل: تسلم ..

طلال بابتسامة عريضة: الجو رهيب ..

راغده: والصباح غير شكل متحمسه لتجربة البحر حقهم .. بعلمك كيف اني سباحة ماهرة ..

طلال رفع حاجبه: وش قصدك؟

راغده فهمت قصد طلال وباندفاع: لا لا ما بسبح عند الملأ في مسبح خاص وصتني عليه مها يجنن حرفيا .. شفت الصور ألي ارسلتها لي ..

طلال بخبث: معك لبسة خاصة لسباحة ..

راغده: طبعا .. " انتبهت لنظراته وبخجل " صدق انك منحرف ..

طلال فرطت من الضحك

راغده ضربت كفه بخفة وبحيا: ما تستحي أنت ..

طلال: مرتي وحلالي ولا معك مانع ؟

راغده " حبيت كلمة مرتي على لسانه " اكتفت بالابتسامة

طلال مسك يدها وبحب: راغده ..

راغده حست بدفئ يده وناظرت فيه ..

طلال بتردد: ممكن نفتح الحواجز اكثر بيننا وتكون بداية سفرتنا .. بداية لحياتنا الزوجية ..

راغده تغير معالم وجها كان واضح هالشيء لطلال سحبت يدها من يده وصارت تغمس صيخ الدجاج بالصوص وبدون ماتناظره: طلال أنت عارف سبب زواجنا وعارف ... " خذت نفس عميق وناظرته " أنا كنت رايده اتزوج واحد مريض وتمنيت يكون معه عجز مرة وحدة عشان مايكون بيننا اي تواصل .. اكثر من انه تواصل فكري ..

طلال بقهر: بس أنتي ما قلتي لي أن ودك برجال زي كذا كنتي سألتي ابو حسن وهو يوصلها لي وأنا بنفسي اقرر نعم أو لا ..

راغده: طلال ارجوك .. هالشيء مفيد لنا اثنينا احنا اصلا مناسبين لبعض لان أنت مريض وأنا .. وأنا ما أحب هالامور ومتعقدة منها .. وارجوك لاعاد تفتح سيرة هالموضوع خلاص ..

طلال بنظرات عجزت تفهمها مسح فمه بالمحرمة وقام: انهيت وجبتي بالعافية ..

راغده وهي تشوفه يبتعد بعينها: وش قصته ذه..؟

بعد ربع ساعة توجهت للفندق
دخلت الروم ورمت شنطتها بالجلسة وبعصبية: وش قصتك أنت! تشوفها عدله تتركني وتمشي ..

طلال كان واقف عند النافذة وبدون ما يلتفت: وبالأخير وصلتي .. ما تهتي ..

راغده: ايش هالبرود هذا .. طلال وش قصتك مو المفروض تكون أجمل أيامنا بشهر العسل .. بتقلبها كدر ؟!

طلال:.....

راغده: انا مو فاهمتك نهائي يا طلال ما كان المفروض تفتح هالسيرة لأنها تجرحك ومع ذلك عادي تسولف فيها .. افعالك تخليني أشك أنك ..

طلال قاطعها: ذي كذبة .. أنا مامعي ضعف ولا شيء ..

راغده بصدمة وبعدم تصديق: مو وقت مزحك كلش يا طلال ..

طلال ألتفت لها ببطء: الدكتورة سلمى لما شافت انك تزوجتي خلاص كان لابد أنها تكذب عليك وتشركني وياها بالكذبة ..

راغده بفك يرجف: كذب .. ايش مصلحتها !

طلال: عشان تعالجك يا راغده ، صح كذبت لكن قدرتي تتخطين الظلمة وقدرتي تنعجبين برجل وتقبلين أنه يبوسك..

راغده غمضت عينها بقوة وبشراسة: بس .. بسس اسكت لا تتكلم ..

طلال ببرود: ماعاد يهمني مشاعرك يا راغده قد ماتهمني مشاعري وأحاسيسي عشانك تقبلت انك تنظرين لي نظرة العجز لكن الآن لا .. وعشان اريح بالك منيب مقترب منك ..

راغده بين دموعها واقفة مصدومة وبتردد: طلال قول ان كلامك ذه مزح !

طلال : الفترة الأخيرة ألي دارت بيننا كنت اتعمد الكذب اني مشغول بس عشان لاتجيني حالة واندم عليها بعدين لكن الحمدلله وصنت العهد والان أنا ماعاد عندي القدرة اسمحيني صبري قليل ..لو معك اي سؤال اجليه لبكره أنا تعبان مرة .. تصبحين على خير ..

راغده ماقدرت تصلب طولها وصارت تبكي بصمت .. لما هدت وهي تفكر بكلامه " أنا فعلا تشافيت بفضل الله ثم بفضله ومساعدة دكتورة سلمى ، بس .. مدري ليه احس بالغدر و الاستغفال .. مو ممكن طلال يكذب خاف على مشاعره ! وحب يثبت لي أنه قادر وهو مو قادر .. صحيح هذا ألي شفته ولا لو كان قادر ليه ماجاني من قبل بالقوة مثله مثل اي رجل .. لابد اسوي اختيار "
راحت غسلت وجها وشافته مكفت يده ونايم على حافة السرير ..
لبست قميص نومها وتسطحت بالسرير بشويش ..
.
.
.
اسراء بقهر: وي جعلها ما تتهنى وياه ..

جنان: أنا تو وصلني العلم قلت اجي واخبرك بنفسي ..

إسراء بنفس قهرها: خطافة الرجاجيل .. يارب يارب ماتتهنى ..

جنان: يارب ..

اسراء: كيف شكلها بالي ذي بعد ..

جنان بحالمية: اووف اسكتي يا اسراء ، يسمونها الجنة المجهولة ، رحت اليوم الصبح دخلت بالانستا وقريت معلومات عنها كثيرة كلمة تجنن شوي عليها ..

اسراء بعصبية: خلاص انتي بعد لا تزودينها علي ..

جنان بضحكة: روقي يا اسراء ترى مو شرط انها حلوة يعني انهم بينبسطون ..

اسراء بغيرة: ولو يا جنان ترضين سطام يكون عند وحدة غيرك !

جنان: اكيد لا .. بس وش معنى الان ماهو هم ببيت لحالهم جات على هالسفرة يعني ..

اثير بدخولها: الغباء وما يفعل ، والغيرة ألي مالها داعي ..
ولا الرجال لو انه يريدها ما تزوج غيرها يا حظي ..

اسراء: ياكثر ألي تطلقوا بعد شهر العسل ممكن هذا ألي يصير بينهم ..

اثير كشرت بوجها: استغفر الله العلي العظيم بس ..

.
.
فتحت عينها على ضوء الشمس تمغطت وتلفتت يمين يسار ما شافته
أخذت الديشمبر فوطة الاستحمام وتوجهت للحمام غسلت وجها وفرشت اسنانها .. رفعت شعرها
إلا شافته طالع من الحمام ولاف الفوطة على خصره ..

غمضت عينها بسرعة وصدت: وش ذه ..؟
طلال بدون اهتمام توجه عند مراية المغسلة وهو يصفر

راغده بنفس وضعها: في شيء اسمه احترام طالع كذا ليه مفكر انك بسكن لحالك ؟ .

طلال يناظرها بالمراية: مو هالشيء طبيعي ؟ احنا زوجين يا زوجتي " وشد على الكلمة الأخيرة"

راغده: كلام امس ما اريده ينعاد اليوم ..

طلال مسك زندها بحده ولفها له بقوة .. شهقت راغده من الخوف وبرود: ليه ! مو انا معي كرت العايلة وتزوجنا زواج علني وفي شهود و.." عض شفته" مالي نصيب بالحلو ..

راغده وهي ترمش بسرعة وبخوف: أنت وش قاعد تسوي .. اترك يدي ..

طلال رفع حاجبه: ليه مستقرفة مني؟

راغده بتمتمه:ا... " وتركت يده بقوة" بيننا اتفاق يا أستاذ ولا ناسي ..

طلال: متى! ما اذكر انك اتفقتي بالعكس انتي الي خططتي وقررتي على كيفك وانا كنت مثل الأطرش بالزفة ..

راغده: اقلها لما تجملت وياك تكون فاكر بهالشيء ..

طلال: بسيطة انا برد لك جمايلك كلها شهر بشهره وايش بعد ؟

راغده بقهر: مهما وش رديت لي يكفي اني وقفت في ازمتك ذي كيف تردها لي هــا ..

طلال: وأنتي كيف تردين جمايل صبري عليك ! شهر كامل من تزوجنا وانا صامل واحسبيها مع الملكة كم تطلع هـا ..

راغده ابتعدت عنه: الملكة ! قلتها وقت ملكة يعني تعارف مو يصير شيء ثاني ..

طلال: وأنا مو صامل أكثر وحقي باخذه منك ..

راغده ابتعدت اكثر: حامض على بوزك ..

طلال بعصبية اقترب منها وسحبها من زندها بــ قوته لعندها: أيــــش قلتـــــــي ؟

راغده بألم: نزل يدك وكسر ..

طلال: أنــا ألـي بكسـر يــــدك ورقبتك

راغده بعدت عنه بشراسة: ان فكرت تلمس شعره من رأسي بذبحك بيدي الثنتين ..

طلال وهو يرجف: يمه خفت انتفضت يا ربي ..

راغده بتمتمه: ر..روح احسن لك قبل لا افقد اعصابي .. واصنك بكف على وجهك ..

طلال كفت يده: يلا وريني " وقرب وجهه " يلا ..

راغده بلعت ريقها: ابعد عني احسن .. ترى ضربي حار وما بتنساه طوال حياتك ..

طلال نزل لمستواها اكثر : وأنا أنتظر .. وريني قوتك لشوف ..

راغده جمعت قوتها وأعطته كف على وجهه ..

طلال ما وعى إلا وهي طايره للحمام وبصدمة من سواتها حط يده على خده: اوك يــا راغده ..

تدوشت لنصف جسمها وبتردد فتحت الباب وهي تتلفت يمين يسار ..
المكان كان هادي ..
شوي تسمع صوته عند برا باب الفندق يتكلم مع المرشد ..
أخذت ملابسها ورجعت للحمام ..
لبست لينغيز اسود مع بدي أبيض ..
لما شافته داخل بينت له انها مو مهتمة وكأن شيء ما صار

طلال انصدم من برودها " طيب يا راغده نشوف قوتك لوين بتوصل " : يفضل المرشد الاستراخاء بالمسبح يكون بوقت الغروب أما الان تمشيه وافطار ..

راغده سحبت عبايتها وتحجت وطلعت معه بصمت
وكانت طوال الوقت ساكته ..
وتلتقط صور ..
وبوقت الإفطار ..
طلال جلس قبالها: غيري وجه الكلب ألي على وجهك ذه ..

راغده بدون ما تناظره: أنا حرة بتعابير وجهي ..

طلال: لا منتي بحرة لو كان تصرفاتك كذا ماكان عزمتي على السفرة .. وجهي بوجهك مجبرة أنك تنبسطين عشان انا ما اتكدر ..

راغده: يعني غصب السالفة !

طلال: طبعا غصب ، ما بيعجبك عصبيتي يا راغـــده .. " وشد على اسمها بحده "

راغده ارتعبت من نبرة صوته وهي تحاول تبرر موقفها: أنت عارف أني ما كنت كذا لو ما كلامك وخداعك لي طوال هالفترة ذي ..

طلال: اقلها كوني ذوق وقولي شكرا يا طلال ..

راغده: شكرا ! اشكرك على ايش ؟ على استغفالك لي وكذبك علي بـ آشياء كثيرة .. من يدري ممكن مكذب بشغلات ثانية ، قول ألي عندك كله ..

طلال: حلو .. طالمة تبغين الصراحة تقبليها لكن مو وقته مو حلوة ينظر لنا الناس هالنظرة خليها أحسن بمكان مو مكشوف ..

راغده: تمام .. وأنا موافقة ..

طلال: وش بتطلبين ؟

.
.
.
كانت تناظر فيه بطرف عينها وهي تحس أن وده يطلع من البيت بس ما معه عذر
مها: أقول حمود ..

حمود ناظرها
مها كملت: مالك نية نسافر ! عاد نفسي أسافر مثل بداية زواجنا لاندونيسيا ..

حمود: أنتي عارفه اني ..

مها قاطعته: ادري انك ماقدمت إجازة لهالسنة وما اظن ان المدير بيرفض اجازتك .. حابب ابوي يتدخل ..

حمود " تهددني بـ أبوها ! " : انا رجال البيت مها وش دخل ابوك ..

مها صغرت عينها: تظن أني مو ملاحظة سرحانك وطول وقتك على الجوال ..

حمود بحده: ما أظن أني مو مقصر ببنتك او بلوازم البيت ..

مها: بنتي ! ليه انا جبتها لحالي .. ما يخالف بعدي هالكلمة ، أنت بالله مو مقصر مع جوان نهائي لكن أنا ! وش وضعي ؟ مو معترف بي نهائي .. ماكني موجودة ..

حمود: .........

مها: يعني وش فيها لما أطلب إجازة اسبوع أو ١٠ أيام .. كثيرة علي ؟ لكن لو أنت شايل هم المصاريف أبوي متكفل فيها وقال لي لو حمود ما اعطوه دوامه إجازة هو بنفسه الي بيتصرف .. لا تشيل هم ..

حمود شد من قبضة يده: طيب يا مها طيب ..

مها شافته يقوم: السفرة مرتبة يا حمود من فترة حاجز ابوي لنا كل شيء على هالاسبوع بنروح ..
ابتسمت بخبث " طيب يا حمود والله لطلع عينك وأعرفك من هي مها ، الشغلة يبا لها وقت بس "
.
.
.
دخل عليهم وشافها ويدها على خدها: السلام عليكم ..

ميس ونوال وام فهد : وعليكم السلام ..

فهد: علامكم كذا ..؟

ميس بملل: اشتقت لطلول محد مونسنا إلا هو ..

ام فهد: اي خبرك يا فهد هو المهرج حقهم ..

نوال: والله له فقده هذا بس يوميــن كيف اجل لو طول اكثر ..

ميس: يارب يردون بالسلامة ..

نوال بحماس: شوفي إيش راسل بالقروب .. قروب السناب ..

ميس طارت لسناب: ياربي يجننون ، عقبالي يارب اروحها ..
ام فهد مالت راسها عليهم: اشوف المسعد والمسعده .. ويــــه عشتـــوا ..

نوال: واضح ان راغده تعبانه من المشوار ولا وش .. شوفي هنا بهالصورة ..

ميس: اي والله .. ممكن قامت وهي متكسرة خبرك الطيارة وكثرة الجلسة تتعبك ..

ام فهد: اي الخبر اليوم بفلوس بكره ببلاش ..
.
.
.
توجهت للمسبح ونثرت فوقه ورد البنفسج ألي جابوه الفندق هدية لمناسبة زواجهم ..

لبست لبس البحر بلون الأبيض ومكياج ناعم للبحر اعتمدت على الاضاءة وتصورت صور كثيرة وصوره لنصف وجها وهي مبينه كتفها والاضاءة عليه وارسلته لصاحباتها
جات المضيفة لها صحن فيه شراب وعنب وفراولة وفواكهة استوائية ..
ودفعت الصحن لها يطفو فوق الماي ..

وصارت تغرس بالعود على الفواكهة المقطعة وبابتسامة " رفاهية تامة ودلال وكل شيء مثالي ماينقصني شيء "

لبس ملابس البحر وتوجه للمسبح اول ماشافها ابتسمت ابتسامة عريضة ألي كان واضح كتفها وظهرها العاري , صار يناضرها باعجاب : عايشة بـ أوروبا ..

راغده نقزت من صوته نزلت نظارتها الشمسية: وش جابك انت لهنا .. انا منبهه عليهم لا أحد يجي ..

طلال: هم شايفيني اني مو اي احد انا زوجك يا ست " ونزل للمسبح بهدوء "

راغده" هذا الي كان ناقصني انا " باندفاع: لاتقرب خل بيننا مسافة ..

طلال بكذبة: ترى الوقت محسوب علينا في غيرنا يريد المسبح بعد خلينا ننبسط بلا ازعاجك ..

قرب الصحن منه وصار يأكل من الفواكة بتلذذ ..

راغده ناظرته: قول وش ألي مخبيه علي يا طلال ولا تخلي شيء ..

طلال وهو يناظر لـ الأعشاي والزينة: راغده ايش مفهومك لزواج ؟

راغده: .........

طلال: كنت متوقع صمتك هذا ، أنا رجل مثل كل الرجال ألي معهم علاقات ومراسيل قبل الزواج ومن سنة قطعتها ولما تزوجت قلت يا طلال خلاص خلك سيدا وانسى الي صار وابدا صفحة جديدة .. اتفاجئ اني متزوج ... امرأة على هيئة رجل ..

راغده انصعقت من راية فيها

طلال كمل: ومو اي رجل لا .. مديري بالشغل ، بسبب اوضاعك وحياتك نسيتي كيف تكونين أنثى ، وما تبغين رجال لا انتي تبغين ثور تعيشين معه وتمشينه على كيفك ولا يكون به لا رأي ولا كلام ..
انا ما ادري انتي متزوجة ليه اصلا ! تقولين انك تحبيني انا ماشفت هالحب نهائي وحاطه حواجز بيني وبينك ألــــف ليه ؟ ماتبغين اكذب عليك لكن انتي تكذبين علي ..وين عايشه فيه انتي !

راغده:....

طلال: انتي لو طلبتي مني ثور ولوح وسبيكة كنت بنفسي جبته لك مو تخدعيني بهالشكل وتستغلين جمايلك لي بهالوطاوة .. انا بيض الله وجهي ماقصرت وساعدتك وتشافيتي من عقدك وقيودك لكن تجازيني بهالطريقة ..! هــا يا راغده!!

راغده تجمعت الكلام بحلقها ماقدرت ترد او تنطق صارت تناظر فيه بحزن عميق من تحت نظارتها السوداء ..

طلال: أنا زي ماقلت لك .. كنت مفكر أنك تحبيني وتماديت في أحلامي اعترف ولكني اخطئت .. انا بإختصار ما اعتقد أني بستمر معك ..

راغده انفجعت من كلامه: ايش قصدك؟

طلال: يعني أول ما ننزل السعودية ورقتك بتوصلك .. انا آسف لكني ما صرت ألي تطمحين له ولا أنتي صرتي ألي اطمح لها .. انا بسبح بمكان عام ممكن احصل الي ابغاه .. خبرك اني مزيون الشباب .. باي باي طال عمرك ..

راغده نزلت دمعتها وبفك يرجف: طـــلال .. طــلال

طلال اشر لها بيده بمعنـى " باي باي " بدون ما يلتفت وطلع من المسبح ..

راغده صارت تبكي زود وهي تشوف غروب الشمس

" اقول لطلال الحقيقة ! أقول ؟ وإذا ما صدقني ! ممكن ما يتقبلني أساسا .. يارب ساعدني " طلعت من المسبح ولبست ملابسها وعبايتها
توجهت لجناحها لبست فستان بأكمام طويلة فضفاض بلون السماوي وصندل باحجار الفضي والسماوي وحجاب سكري ..

ونزلت لمسبح الفندق الكبير ألي يضم نساء حسناوات ورجال وأطفال ..

صارت تدور بعينها عليه شافته جالس بالكرسي الخشبي وماد رجله والموظفة تمد له كوب عصير
وهو لابس لبس السباحة وجسمه المشدود بعضلاته المفتونة وكانت جنبه بنت سمراء البشرة بشعرها الأحمر ..
وضحك بينهم ..
راغده توجهت له بعصبية: ايش تسوي يا استاذ!

طلال نزل نظارته ورجعها على عينه وبلا مبالاة: هذا انتي ! خير وش تبغين ؟

راغده بقهر من بروده: طلال وش هالتصرفات ذي ، أنت شخص مسؤول وواعي كيف تسمع لنفسك تسوي ..

طلال قاطعها: ايش سويت ! بس جلست وهي جات جنبي حسستيني انها بحضني شايفه بعينك المكان زحمة شوي .. وبعدين وش دخلك وليه جايه هنا روحي لمسبحك الخاص ..

راغده عضت شفتها بقهر وهي تشوفه يكلمها قدامه وهو يبتسم وكأنها مش موجودة: طيب يا طلال ..

وطلعت لجناحها بكل حقد وغضب ..

رمت شنطتها بعصبية وفجأة صارت تبكي بلا شعور .. لمست خدها " تبكين عشانه يا راغده ! لهدرجة هو يهمك ؟ بس ذي مسألة مبدأ واحترام عيب عليه يسوي كذا وانا موجودة ، ليه يقلل من شاني وما يحترم وجودي ، مامعي أحد اشكي له ويقدر يساعدني "
انتبهت لرسالة طلال لها " برجع متأخر الليلة .. نامي قبلي تصبحين على خير "

راغده بصدمة وهي تقرأ وزادت بكاء : ليـــه يا طلال ليه !

بعد مرور وقت ..
جاها إتصال من مها ببرنامج ردت عليها بصوت ثقيل: اوه اسفة ازعجتك من نومتك ..

راغده وعينها مقفلة " ليه كم الساعة الان" انفجعت لما شافت الساعة ٧ الصباح ..

مها: ألو راغده معي ؟
راغده وهي تناظر بالمكان قامت من السرير: معك مها معك ..

مها بابتسامة: تصوري من الي بيقضي ١٠ ايام معكم!

راغده بستغراب: مين!

مها بصراخ وحماس: أنا وحمود ههههههه وش رايك ؟

راغده بفرحة: حاتسعدينا والله ..

مها: ولا تشيلي هم دربنا غير عن دربكم عشان ما نزعجكم يا عرسان ..

راغده تنهدت بصمت: ان شاء الله ومتى بتجون اي يوم ..

طلال فتح الباب وشافها قباله وهي تتصدد عنه وراحت للتواليت ..

سكرت من مها وفرشت سنونها وطلعت بعد ١٠ دقايق

انتبهت للبسه " معقولة دخل لما كنت نايمة وغير ملابسه ! يتجهز الحقير عشان سهرته " اقتربت منه وكفتت يده: سهران الحبيب زين وجيت هنا

طلال يتمغط: لا أبد توي صاحي من احلى نومة ..

راغده بغيرة واضحة: احلى نومة ! جعلها تحترق انت وياها ان شاء الله ..

طلال يتكلم لبناني: بعيد الشر عن ألبنا ..

راغده: اوه طلعت لبنانية ..

طلال بابتسامة: تصوري لبنانية الأب والأم كندية شفتي كيف يجي الإنتاج رهيب .. بنت زي القمر ..

راغده اعطته كف على وجهه وبكره: صدق أنك ما تستحي على وجهك ، تسوي هالاشياء ذي وتقول هالكلام قدامي ! وين الاحـــترام ..

طلال مسك زندها بقبضته القوية ونزلها لمستواه وهو يصر على اسنانه: والله وبديتي تستحلي الشغلة قلتي بضربه مرة وشفتيني ساكت قلتي خلاص بكررها ، والله لو تكررينها ان تنرد لك اضعافها والثمن غالي ..

راغده بخوف وهي تناظر عينه

طلال كمل: وايش سويت واذنبت انا ! تظنين ان الشيء الهين أني اصمل لهالوقت ؟ شايفتني لوح قدامك .. اذا انتي مانعتني من حقوقي وين اروح ! والذنب هو ذنبك انتي لانك وصلتيني لهنا ..

راغده بين دموعها وبفك يرجف: أنا مالي ذنب ..

طلال رفع حاجبه وببرود: يا سلام ! اجل ذنب من يا صاحبة الخطط والتنفيذ " وبصراخ" تكلمــــــي ..

راغده بخوف وألم صارت تبكي زود : ا..انت توجعني

طلال حس بنفسه ورخى من قبضته وهو يشوف حزنها وخوفها وألمها كمل عدوانية وغضب : الكلام معك لا يودي ولا يجيب راغده ..

قام وصد عنها وهي تناظر بظهره وتتحسس زندها الي انطبعت خطوط يده فيها: والنهاية يا طلال ؟

طلال: النهاية انتي تقررينها يا صاحبة التخطيط والتنفيذ ..

راغده تبعد شعرها العسلي مو وجها وبصوت باكي: أوك الليلة بيجيك الرد ..

طلال راح يأخذ دوش

راغده لبست ملابسها وحجابها ونزلت تحت تمشي على الرمل شلحت جزمتها الرياضية وتركت اصابع رجلها تلامس الرمال الدافية لينعم جسدها بالدفئ .. هب نسيم بارد عليها
وهي تحمل إبتسامة صفاء

" كان هالشيء متوقع ، لكم بيصبر لكم ! القرار لابد اتخذه قبل وصول مها وحمود "

سرحت بخيالها وبتفكيرها لبعيد ارتسم بوجها ملامح الحزن وهي تفتكر سعادتها قبل مع طلال كيف تلاشت وتغيرت للأسوأ ..

ظلت تحارب دموعها " ابكي يا راغده وارتاحي اقلها محد يعرفك هنا ، حتى دموعك ألي كانت تصعب على طلال صارت ماعاد تهمه أو تأثر عليه "

قضت وقتها بأكتشاف الأماكن والمناطق بهالجنة ..
وهي تصفي ذهنها وبالها
عند الغروب صعدت لجناحها ..
أخذت دوش بارد لكامل جسمها
استشورت شعرها ولبست قميص نوم طويل برونزي وكارديغن دانتيل ..
دهنت جسمها باللوشن وتعطرت ورسمت حاجبها وغلوس
وهي تشوف الساعة

انفتح الباب بهواها البارد وريحة عطرها منتشرة بالجناح شافها ع التسريحة تمشط شعرها ناظرته بالمرآية ووقفت ولفت قباله: أنا طلبت العشاء يكون بجناحنا مالي مزاج أنزل ..

طلال اقترب منها وهو يشم عطرها الي تغلغل برأسه ، ارتسمت ملامحة الجادة: طيب و ردك ؟

راغده مشت قباله ولفحت بشعرها الطويل ولامس وجهه ، طلال غمض عينه بشويش وريحتها خدرته

راغده بدون ماتلتفت: اندق الباب خلهم يدخلون الأكل .. " ماسمعت منه كلام ألتفتت " طلال انت معي ؟

طلال فتح عينه بخدران : هه وش قلتي ؟

راغده تأشر على الباب

طلال طلع من غرفة النوم وتوجه للمعيشة ودخلت عربة الطعام ..

لما سمعت أن مافي صوت دخلت للمعيشة ابتسمت ابتسامة جذابة وهي تشوف الأكل: تزعلني الناس ويراضيني الأكل ..

طلال وهو يناظرها: من ألي مزعلك ..

راغده تجاهلت سؤاله ورتبت الطاولة للأكل : أجل كل شيء لما نخلص الأكل ..

طلال جلس ، راغده شغلت موسيقى جاز .. طلال رفع حاجبه: اوه باغيتها سهرة ..

راغده: عندك مانع ..؟

طلال: لا بس عندك مانع اقوم اتدوش وارجع سريع سريع ..

راغده عند القنينة المليانة بالثلوج: طيب بس لا تتأخر عشان لا يبرد الأكل ..

فتحت القنينة وسكبت لها بنصف الكوب وشربت ورفعت حاجبها " شراب غريب بس حلو " وصارت تشرب لكوبين ..

طلال طلع من التواليت وهو يسمع راغده تضحك وتضحك كثير بعد ..

توجه للمعيشة وقف مصنبر

راغده ناظرته وبفرحة: طلول أنت هنا .. الحمدلله توقعت أنك برا عند الحقيرة اللبنانية ..

طلال استغرب من وقفتها المهزوزة وبيدها كوب فاخر فاضي مسك القنينة فتح عينه على الآخر : نبيذ ! راغده انتي شربتي منها؟

راغده ببرائة راحت عنده وسكبت له: ذوق تجنن تحس بشيء .. حلو ..

طلال ضرب جبينه واتصل بالمرشد : كيف تقول لهم يجيبون خمر واحنا مسلمين مانشرب ..

المرشد بخوف: انا منبه عليهم بنفسي بس ممكن غلطوا بالأرقام السموحة ..

طلال بعصبية وهو يشوف راغده: بعد إيش ! خلاص ..

ألتفت لراغده وشافها تشرب الكوب الثاني بصراخ: لاا خلاص وقفي ..

راغده بزعل: ليه ! ليه أنت ماتحبني ، مستبخل علي بكوب بس ..

طلال: راغده اصحي هذا خمر مو نفس ألي أنتي مفكرته ..

راغده بكلام ركيك: مالي شغل عطني اشرب حلو ..
طلال رفع يده الي بيها القنينة لفوق: قلت لا يعني لا ..

راغده جات بتسحب المنشفة ألي على خصره نزل يده بسرعة واخذت القنينة وصارت تركض فيها بخطوات غير موزونة فتحتها وصارت تشرب

طلال شد على المنشفة وسحب القنينة منها كانت واصلة للمنتصف راح فتحها وصبها بالمغسلة وسط زعل وصراخ راغده ..

طلال يتجاهلها راح يغير ملابسه لبس بجامة سوداء وراح لها لقاها تغني وترقص بـ رقص مايل .. كان أول مرة يشوفها كذا ابتسم بلا شعور وسط عصبيته , وأستلم للأمر الواقع
صار يصفق لها وهي تضحك وترقص كتم ضحكته وأخذ جواله يسجلها فيديو وصور وسيلفي ..
راغده قطت نفسها بالكنب وصارت تأكل كم لقمة ..

طلال ابتسم بلا شعور: لما تصحصحين وتشوفين حالتك ما أدري وش بتسوين .. " يقولون السكران يقول كل ألي بقلبه وذي فرصتي "

اقترب منها وبحنان زايد: اقول حبيبتي ..

راغده بصراخ: لا تقول حبيبتي ..لو تحبني مـ..ما كنت رحت عند الواطية اللبنانية .. ايش اسمها ؟

طلال: صوفي ..

راغده بضحكة: حتى أسمها خايس مثلها .. " وضربت صدره " وأنت ليه تروح وياها وتتركني ..

طلال: ماسويت شيء بس سهرت وطلعت ..

راغده: لا تكذب أنا شفتك كيف تناظر لها يا غدار .. انت تحب السمر ! أنا بعد بصير سمراء " ونزلت الكارديغن من كتفها" شوف هنا وهنا انا مو بيضاء .. " وبحزن " عشان كذا أمي ماتحبني ، أمي دايم تدعي علي بالموت وألي يضحك أنها تقول لي أنا أحبك .. كيف تجي ذي ها ..

طلال صار سناظر بمفاتنها وأنتبه لنبرتها الحزينة: صحيح .

راغده بنفس حزنها: انا محد حبني حب لذاتي .. حب غير مشروط .. بس تدري ، ذه أفضل .. خيره ان محد يحبني .." وهي تأشر بيتها بتراوح "

طلال تغيرت معالم وجه وبهمس دافي: وأنتي تحبيني ؟
راغده وهي تمعن النظر به بعيون طافية: لا ..

طلال بصدمة: لا !

راغده: طبعا " واقتربت منه أكثر واخذت يده لعند صدرها الأيمن " أنت هنا .. أحبك أكثر مما تتخيل .. " ورفعت غرتها ورى اذنها وبهمس" بس لا أحد يدري ..

طلال وهو يناظر عيونها ووجها وبخدران : ليه ؟

راغده وهي تتلفت وهمست بأذنه: عشان أخوها بيخرب كل شيء ..

طلال: مين ؟

راغده: الحـــقير ، رئيس الشياطين ان عرف اي شيء عني بيهجم علي و... " ارتسمت شفاتها علامة الحزن " بـ..بيطفي النور و.... و.

رفعت يدها لعند رقبته وضمته بقوة ، تشبثت فيه كأنه طوق نجاة ..

طلال توتر من قربها رفع يده ببطء لخصرها وشدها له وبهمس: أنا دايم معك راغده ..

راغده تركت قبله على خده ..

جاته قشعريرة وبعدها عنه: راغده خلاص ..

راغده اقتربت منه: لاتبعدني عنك طلال .. ولا تبي اللبنانية وش اسمها ؟

طلال صار يناظر فيها ماقدر يمنع نفسه ومشاعره انه مايقترب منها ........................
.............. واخلف الوفاق .............
^،* .................................................. ....

.
.
جنان تشرب قهوتها: شوفي محد بيجيب العلم الأكيد غير خواته ، أكيد ارسلوا صور رحلتهم ..

اسراء باندفاع: صدقتي ما جات على بالي والله ..

جنان بابتسامة: شفتي كيف افكر واتكتك لك يابنت العم ..

اسراء: لا خلا ولا عدم .. بس اعرف منتي بخالية ماجيتي إلا وعشان الحبيب ..

جنان بخجل: والله أمي بالموت رضت ، من بعد روحتي معه للأثاث وهي موسوسة ..

اسراء: وي عادي .. غريبة أمك تفكر كذا الآن في تفتح ..

جنان: امي تخاف من انه يصير شيء لا سمح الله ..

اسراء: وش دعوة ليه ماعندكم عقل تفكرون .. الله لا يقوله ..

جنان اخفت عنها السالفة وحاولت تغير الموضوع لين ماجات اثير : أبو الشباب يسأل عنك ويقول خلها ما شبعتي سوالف وياها ..

اسراء: وجع شفتي كيف يا جنان ! صدق جليل الحياء ..

جنان ضربتها بخفة : ما ارضى عليه

اسراء: عشتوا شوفي وش تسوي ههههههههههه جايه عشانه ها ..

جنان: ان جاء عندنا امي ماتخلينا نسولف على راحتنا ...

اسراء قامت: طيب طيب ..

.
.
.
بطلت عينها بثقل وهي تشعر بصداع وغثاء قامت بسرعة للتواليت تستفرغ واسهال اعزكم الله
راغده بوجه مكشر: وش صار امس ياربي ! اععع

طلال وعى على صوتها تمغط وبابتسامة وهي يتذكر ألي صار أمس اخذ منشفة صغيرة بكتفه وشافها بالمغسلة: سلامات ..

راغده تمسح فمها: وش ألي صار أمس احس بوجع وألم .. وبطني كأنه يطبخ ممكن اكلهم فاسد !

طلال بغرابة: يعني صدق مو فاكرة شيء ؟

راغده تناظر بوجها بالمراية وهي تحاول تفتكر .. طلال دخل الحمام يتدوش

راغده رجعت شعرها لورى ومشت للمعيشة وهي تشوف الأكل نفسه ما انمكل شيء غير شوي بس " وش الي صار امس ! ليه مو فاكرة شيء ! لحظة لحظة المشروب " وصارت تجري لسلة وشافت القنينة فاضية صارت تقرأ المكتوب انفجعت لما عرفت انه نبيذ وبصدمة: ياربي خمر ! استغفر الله .. ليه ماخذت بالي ..

جمدت على صوته ورى: هذا وأنتي متعلمة ودارسة اجل ألي ما درسوا إيش يسوون ..

راغده : عاد كلش مو وقت كلامك ، انا في حالة يرثى لها" ألتفتت له ونزلت عينه لما شافته عاري الصدر " كم مرة قلت " وبصدمة رفعت وجها وهي تشوف العلامات ألي برقبته وصدره وبعصبية " صدق أنك ماتستحي على وجهك ، أقلها إحترمني .. وإذا انا شربت خمر بدون ما أدري فأنت تعتبر زاني وأنت تدري ..

طلال بابتسامة مكر: ومن قال لك أن ذي سوايا صوفي ..

راغده: اسمها صوفي بعد .. وعندك غيرها بعد ..

طلال نزل وجهه لمستواها: ذي سواياك يا حبي ..

راغده باندفاع: كذاب ..

طلال وهو يتصفحها بنظره

راغده ادركت انها بدون الكارديغن وغطت نحرها وكتفها

طلال فرطت ضحك: هههههههههههههههههههههه

راغده: ليه تضحك !!!!!!

طلال: روحي تدوشي بعدين اعلمك ليه ضحكت ..

راغده بقلق: لا علمني من الآن ..

طلال: نو نو ، تدوشي أول ثم اتفاهم معك ..

راغده زاد قلقها: طلال تكلم وش صار أمس
..
طلال عند المراية: لك ١٠ دقايق لو ماخلصتي بهالوقت كيف بقول لك يلا بدأ العد .. خلصتي ١٠ ثواني يلا ..

راغده سحبت المنشفة وطارت للحمام

طلال لبس بنطلونه الأسود وقميصه الأزرق النيلي بأكمام حاير ،وسنيكرز أسود
سمع دقات الباب فتحه كان مدير العملاء يعتذر عن الخطاء وقدم له مشروب e: بعد شربه ستشعر بالتحسن تماما ، أعتذر سيدتي عن الخطاء الفادح ..

طلال اخذ الكوب وهز برأسه e : اتمنى أن لا يتكرر الخطاء ، قد ازعجني حقا ما حدث بالأمس

مدير العملاء انحنى e : اعتذر لك نيابة عن الموظف ، قد أخذ عقابه و أعدك أن لا يحصل هذا مجددا سيدي ..

طلال e : لن يتم إدراج المشروب من ثم الفاتورة لن أدفع ثمن الحرام ..

مدير العملاء: عشاء الأمس سيكون مجانا ، أرجوا أن تشرفونا بحضوركم الليلة بمناسبة إفتتاح الفندق ، قد صادف اليوم يوم تأسيسه " مد له الدعوتين " وكـ عربون اعتذار من مدير الفندق هذه الدعوة فقط خصيصا لـvip ..

طلال وهو يشوف الدعوة ..

مدير العملاء انحنى من جديد: سيسعدنا قبولكم .. بالأذن سيدي ..

طلال دخل للجناح وحط البطاقتين فوق الطاولة الا بدخولها السريع وهي تجفف شعرها وباندفاع: بطيت ؟

طلال مد لها الكوب: اشربيه يقول مدير العملاء انه زين ويلطف معدتك
..
راغده أخذته بتردد وشمته ..

طلال: لا تخافين بنفسه جاي يعتذر كان خايف ان احنا نشتكي للمدير ويتم عقابه وعزمنا حفلة لتأسيس الفندق ..

راغده شربته وهي تكشر بوجها من سوء طعمه : هذا وخلصته قول لي وش ألي صار أمس ..

طلال " والله للعب بأعصابك"
تنهد بـ أساء: راغده .. " وسكت ٧ ثواني " كل ألي صار أنا مسامحك عليه ..

راغده بنفاذ صبر وبخوف: طلال تكلم كلش مو وقت درامتك ..

طلال بملامح جادة وبحده: درامتي ! حقي أنا ألي أزعل واتضايق بعد سواتك امس ، قلت لك راغده أنا كذبت عليك أنا فيني ضعف لزمتي علي " وضرب بيده الطاولة " وش قصدك راغده ؟ أني مو رجال !!

راغده تجمع الدم بوجها: وش قصدك طلال! قصدك !

طلال بصوت عالي: اي صار صار ارتحتي ! ما ترتاحين إلا وتنقصين مني أنا وش سويت لك ، حتى وأنتي سكرانة كنتي تسيئين لي ، ليه ؟

راغده وجها انقلب كذا لون والدموع تجمعت بعينها ما قدرت تقول أي شيء ..

طلال خذت نفس عميق: أنا ألي كنت اردعك وانتي ولا همك ، وأنا سبق وقلت لك ممكن اسامح على كل شيء إلا أنك تخدشين رجولتي .. لكن بالأخير اثبت لك اني رجال ..

راغده غمضت عينها بقوة وبتمتمه: طلال " وببحه " أنا مو ذاكره إيش سويت أو إيش قلت نهائي .. حاولت افتكر شيء عجزت ، بس مهما إيش سويت ما كنت بوعيي ..

طلال بعصبية: ما كنتي بوعيك ! راغده لا عاد تفتحين لي هالسيرة أنتي تظنين اني نمت امس زين! من الهبال ألي سويته وما وقفتي كلام .. آآخ بس .. فعلا لقالو لا تعطي سرك لمرأة .. وثقت فيك وفي دكتورتك وكل شوي لو أنت رجال وريني .. وتسوين حركات اقسم لو اني مو عارف وواثق أنك مو بوعيك كان ماتصحين إلا وأنتي بالمشفى مكسرة من الضرب ..

راغده بشهقة: طلال .. اهئ .. اهئ .. والله .. مانيب عارفه ..

طلال كسرت خاطره وهو يشوفها بهالحال وحس انه زودها دراما وكذب وتأليف عليها وهد شوي: عموما أنا مسامحك راغده اوعديني أن هالشيء ما يتكرر ..

راغده: اهئ اهئ ..
طلال اقترب منها وضمها بصدره وبهمس دافي: خلاص راغده .. خلينا ننسى هالفصل التعيس ولا عاد يتكرر لا كلام ولا فعل ..

راغده دفنت رأسها بصدره العريض وهزت رأسها بالايجاب وهي في حالة تحزن ..

طلال " لايمكن أنسى لأنه أجمل شيء صار بيني وبينك يا راغده ، كنتي إنسانة ثانية تقول كلام بلا تفكير وبلا تحفضات " اخفى ابتسامته : يلا ألبسي شيء خفيف أنا بكون تحت قريب عند المسبح أنتظرك ..

راغده هزت رأسها بالايجاب وسط دموعها وحزنها .. ردة فعلها ما كانت قوية وهالشيء أستغربت منه ممكن لأنها ما تدري !

.
.
باست رأس أبوها وجلست قباله

ابو عبدالعزيز بترحيب: هلا هلا ببنتي تو ما نور البيت ، ماعدت أشوفك هالفترة كثير .. اجل تحسنت اوضاعك مع حمود ..؟

مها ما حبت تقلقه وبكذبة: الحمدلله اشياء كثيرة تغيرت للافضل ..

ابو عبدالعزيز ابتسم براحة: يارب لك الحمد والبنت مالها الا بيت زوجها وعيالها يا مها مهما وش كان البنت الاجودية تصبر على زوجها وهو بنفسه شاف هالبنت ذي مجرد نزوه وبالأخير ماله إلا زوجته وبنته .. خلي خدامتك وبنتك عندنا وقضوها إجازة سعيدة أنتي وياه ..

مها هزت راسها بالإيجاب: بصعد فوق عند ريهام استأذنك ..

وبدخلة ام عبدالعزيز وبنظرات استغراب: اي إجازة ؟ وش السالفة ..

ابو عبدالعزيز: بيروحون لجزيرة بالي ..

ام عبدالعزيز: اي ألي لعند راغده ! ماتدري ان اسبوعين بيقضونه هناك !

ابو عبدالعزيز: وخير يا طير على أساس أن بالي ضيقة ، حجزت لها بأوتيل غير عن اوتيلهم تطمني ..

ام عبدالعزيز " لازم تعكنن جوهم اعرفك يا فؤاد " ألتزمت الصمت

.
.
أم علي: تلقينها محتره ومتضايقة من حفل كتب كتاب أبنك عشان كذا ما جات اكتفت ببوكية ورد راسلته عن طريق سكرتيرتها ..

ام شهد: سمعت أنها بشهر العسل عشان كذا ما حضرت ..

أم علي : لا لا توها رايحة ولا قبل كانت بالخبر هي مالها نية تحضر على أي حال ..

ام شاكر: الغايب حجته معه ، بس ترجع من السفر بتنظم لها أمها امسية خاصة بيوم الخميس بيوم الجمعية ..

ام علي تناظر ام صهيب: واي عشتوا ..

ام صهيب : وأنا بكون أول الحاضرين إن شاء الله .. ما بتسابقني بالطيب أبدا وكل شيء مردود لها ..

ام علي: وش لك فيها و اي هدايا ..

ام صهيب: مو كافي أنها رشحت نرجس لصهيب ! فعلا بنت ألي أطمح لها لصهيب ..
.
.
.
انهت آخر لمسة لها ..
بمكياج خفيف وناعم ميك نو ميك اب يبرز لون عدساتها الزرقاء ورموشها الكثيفة السوداء وروج بينك مات .. حجاب بلون باهت خفيف وفستان عنابي بأكمام طويلة واسع شوي ، كعب بلون حجابها الباهت
كلاتش ذهبي وخاتم بأصبعها السبابة كبير وفخم باللون الذهبي ..
مناكير فرنش ..
كان خدمة الغرف تنظف المكان وناظرت راغده وبابتسامة e : انتي بغاية الجمال سيدتي ..

راغده ابتسمت لها بلطف e: أشكرك أنتي لطيفة جدا ..

أخذت نفس عميق وتوجهت لغرفة المعيشة على اساس تطلع من الفندق إلا بوجها طلال ..

تلاقت عينهم وعم الصمت لثواني وكأن الزمن وقف ..

طلال " انسى زعلي واغازلها ! ولا اثقل وكأن شيء طبيعي ، بنت اللذينا تعرف كيف تخليني احاكيها واكلمها كأن شيء ما صار وانسى الخطة ألي بنيتها .. انسى ؟!! "

راغده اقتربت منه وصارت تتفحصه بنظرها ألي مليانة بالاعجاب ببدلته الرسمية الكحلية وربطة العنق الطويلة الدقيقة وهالشيء كان واضح لطلال ألي بادرها ببرود مد يده لها ، بتردد حطت يدها بكوعه وطلعوا من الجناح متوجهين للحفلة ألي سووها ..

فرقة موسيقية ، طاولات سكرية يعلوها الورد الأزرق النيلي والسجادة الحمراء بالمنتصف ومنصة لكلمة المؤسس ..
رئيس العملاء انحنى وأخذهم لعند الطاولة المميزة لشخصيات المهمة ..

راغده طاحت عينها على صوفي الي كانت تناظر بطلال ورفعت نخب من بعيد وهو رفع كاسه لها وبغيرة: أنا أقول متشيك ولابس بدلة رسمية كحلية عشان حضرتها ..

طلال ناظرها: مين ؟

راغده تحاول تخفي غيرتها وغيضها: من غيرها بعد .. " ورفعت حاجبها ونزلتهم كـ نوع من التأشير وبنظرة لطاولة صوفي "
طلال هز رأسه مع رفعة حاجبه ببراءة: اعطتني نخب ..

راغده رفعت حاجبها: بالله ؟

قاطعها دخلة مدير العملاء وهو يسكب لهم المشروب e: انه عبارة عن مزيج من عدة مشروبات طبيعية وفواره حرصت على تقديمه بنفسي لتفادي أي خطاء ، اتمنى أن يحوز على إعجابكم ..

طلال اكتفى بابتسامة لطيفة ..

واذ بدخول المؤسس والتصفيق الحار من الحضور والموظفين وألقى كلماته المؤثرة : وددت حقا أن يكون المؤسس الحقيقي والدي على قيد الحياة .. أنه بقلبي واستشعر بوجوده حولي دائما ، يصادف اليوم ذكرى وفاة والدي وتأسيس فندق #### ، " مسح دموعه " ارجوكم استمتعوا " ورفع كوبه " لنرفع اكوابنا جميعا .
نخب التقدم والازدهار لفندقنا ، أنا سعيد بوجودكم وتشريفنا بهذا اليوم .. أشكر كل من تعنى لحضور الحفل .. استمتعوا ..
ونزل من المنصة والتصفيق الحار يزداد وسط بكاء الابناء والمساهمين للفندق ..
لامست كلماته قلب راغده ، لمعت عينها عندما تذكرت والدها الذي لم يتسنى لها رؤيته او تحمل ذكرى عنه ..
مسحت بطرف المنديل دموعها وقامت

طلال: لوين ؟

راغده: على التواليت ..

اول ماخرجت راغده جات صوفي بابتسامة: هلــو طلال .. اشتأتلك شبك ماعم تحكي معي .. ظليت ناطرتك مبارح ما أجيت لالي ..

طلال: انشغلت وما قدرت اطلع برا الجناح .. صارت ظروف ..
صوفي تناظر راغده من بعيد: شو المدام منعتك ..

طلال " واحلى مسكة " : مو الي ببالك بس انشغلت باشياء مهمة ..

وبدأت الموسيقى الجاز صوفي بحماس: مش معئول شو بحب هـالغنية ، بنرقص سوا ..؟

طلال بلبكة: ودي بس ..

صوفي بترجي: مابتخجلني بليز بيبي .. " ومسكت يده "

وبوسط القاعة رفعت يدها وحوطته من رقبته وسط رقصة رومانسية ..

لحظات ورجعت راغده جلست بكرسيها وهي تدور طلال بعينها انصدمت لما شافتهم وسط ساحة الرقص برقصة رومانسية حالمية بحته وهي حاطه رأسها صدره بسبب طول طلال ماقدرت تحطها بكتفه .. وهو محوطها من خصرها ، حست بغصة وبخنقة ، لمعت عينها بحزن " مداك بدلتني فيها يا طلال ! ولا تريد تنتقم مني لما اهنتك وأنا ماكنت بوعيي ! طيب يا طلال أنا بعلمك كيف تكون الا مبالاة " قامت وتوجهت لعند الرئاسة .. زوجة المدير التنفيذي ..

انتهت الموسيقى ..
طلال ابتعد منها: استمتعت بالرقص معك ..
صوفي وهي تشوف عينه كأنه يدور احد: متعزب حالك .. هي مش عبالأ مابيفرق معا مشغولة ببعض الصحاب .. هونيك تؤبرني ..
طلال ألتفت وشاف راغده تسولف وبالابتسامة والضحكة لا تفارقها ..

عند راغده
راغده بابتسامة ساحرة e : لا يسعني القول إلا أن كلمات زوجك قد اثرت بي ، كلماته دخلت قلبي بالصميم ..

زوجة المدير e : حبيبتي .. كم اتمنى أنك استمتعتي بالخدمة هنا .. " تأشر للقارسون "

راغده e: كانت ستكتمل فرحتي برؤية والد المدير التنفيذي ، يعجبني الحديث من بدأو مراحل ثروتهم فأنا تاجرة صغيرة وأرغب بالإفادة ..

تقدم القارسون وسكب لها مشروبها الممزوج ألي تم إعداده للمسلمين بالحفلة ..

زوجة المدير اقتربت من زوجها وهمست له واقتربوا منها ..

مد يده ليصافحها

راغده باحراج: اعتذر منك ..

المدير التنفيذي نزل يده e: اوبس ، اعتذر فقد نسيت تماما ..زوجتي اخبرتني أنك ترغبين بمعرفة بداية والدي ..

راغده بحماس e: يشرفني .. ان لم يكن هناك مانع سيدي ..

وقف المدير مشدود الكتف ويده خلف ظهره وهو يسولف لها عن بداية تجارة والده وأعماله وهي تستمع باهتمام شديد وتسأل أسالتها الدقيقة ..
اقترب منهم طلال حوطها من خصرها وتقدم بخطوة عنها وكأنه يبرز نفسه والغيرة بملامح وجهه e : اعتذر ان قاطعت حديثكم الشيق ..

المدير التنفيذي يصافحه وبانبهار e: كم أنت محظوظ بزوجتك لديها عقل تجاري ، هلكتنـي بأسألتها الدقيقة ..

راغده ابتسمت بخجل e: المعذرة ..
المدير بابتسامة e: لا استطيع إخفاء فرحتي باسألتها واهتمامها عن حياة والدي وأعماله الكادحة ، أنا ممتن لكي سيدتي ..

طلال يناظر براغده ألي ملامحها تغيرت وابتسامته بخجل وحيا شد على قبضة يده الي ماسكها بخصرها وبرسمية وحده e: سرتني دعوتك الكريمة والشخصية لنا سيدي المدير ، اعتذر على تطفلات زوجتي

وسحبها من يدها وتوجهوا لعند طاولتهم ، من قبضة يده لها عرفت أنه معصب

راغده: أنا ما تطفلت ، بالعكس كان هدفي واضح ..

طلال جلس بالكرسي بدون اكتراث لكلامها ..

راغده كملت بغيض: لكن الكلام عليك أنت ، ايش ألي خلاك ترقص معها يا استاذ ..

طلال يدعي البراءة: طلبت مني الرقص ورقصت ..

راغده بذهول: ماشاء الله .. طبعا ماتقدر تقول لها لا معي زوجة احترم غيابها قبل وجودها ..

طلال ناظرها: وضعي غير عن وضعك ..

راغده صغرت عينها وصارت تناظره بنظرات عجز يفهمها

طلال: وش فيك تناظريني كذا ؟

راغده بخيبة: للأسف الشديد بان عندي صغر عقلك فعلا اخر شيء توقعته ردك ذه ، تحسسني أني مسوية مصيبة وبلوة وأنا لما كنت اتكلم مع المدير كانت زوجته برفقتنا طوال الوقت لكن أنت .. " خذت نفس عميق " أقول لك شيء .. سو ألي يريحك أنت رجال ومايعيبك إلا جيبك ..

طلال عقد حاجبه: وش قصدك ؟

راغده تناظر صوفي من بعيد وعينها ما نزلت من طلال .. ابتسمت بسخرية: صدق أنها وقحة تحسسني أني أنا العشيقة وهي الزوجة ..

طلال اخفى ابتسامته: يزعجك نظراتها يعني ؟

راغده بعفوية: طبعا ..

طلال بخبث: ليه ؟

راغده تحارب دموعها: أنا أدري انت تسوي كذا ليه ، تريد تنتقم مني عن ألي قلته لك وأنا في حالة سكر إنما " وقفت " خذ راحتك معها أنا ما عادت تفرق وياي ، بالأذن ..

طلال:...................

راغده: نسيت ماقلت لك ، عمي فؤاد حجز بنفس المنتجع لمها ولحمود وبيجون بعد بكره ، ألي اطلبه منك لا تبين كذبي عن حبك لي واحفظ ماء وجهي وبلغها أن مو وقته لحركاتك وقلة ادبك ..

طلال رجع ظهره لورى: حسافة يعني بقضي الأمسية كلها لحالي وياها ..

راغده جاتها غصة: وليه استعجل بنتظر شوي ثم بصعد لجناحي ..

طلال اخفى ابتسامته وقام سكر ازرار بدلته ومد يده لها : ممكن ..

راغده وهي تشوف صوفي ابتسمت بكيد: طبعا ..

توجهوا لساحة الرقص وسط موسيقى الجاز ..

برقصهم الرومانسي طلال حب يغيضها: تدرين ليه طلبت منك الرقص بهالوقت ؟

راغده بفضول: ليه؟

طلال ياشر بحاجبه لصحافيين ألي عند مدخل القاعة: ما حبيت يصورون جزء منك لأنك لي انا وبس ..




آنتهــــــى البـــــارت

[لامارا]

البارت الثـــامن عشــر




طلال حب يغيضها: تدرين ليه طلبت منك الرقص بهالوقت ؟

راغده بفضول: ليه؟

طلال ياشر بحاجبه لصحافيين ألي عند مدخل القاعة: ما حبيت يصورون جزء منك لأنك لي انا وبس ..

راغده ناظرت بعينه: أنا لك صح لكن أنت مو لي .. كانت اجمل ايامي وياك بالملكة فجأة صرت انسان ثاني ليه طلال ايش ألي صار ؟

طلال بنظراته الحادة: بعدك مفتكرة طلال القديم ؟

راغده: هو حي جواتي دائما ، كل مانظرت لك كلما زاد اشتياقي له ، ما أعرف اسباب وصولنا لهنا قبل مايصير ألي صار بالأمس كان معي كلام لك طويل وقرار مهم اقلها بالنسبة لي ..

طلال شد عليها من خصرها لما خفتت الاضواء عليهم وقربها اكثر وحط رأسها وسط صدره العريض وبهمس: راغده ، بكون معك صريح وصادق بشرط تكونين صادقة معي ..

راغده وهي تسمع لدقات قلبه ونبرته الواطية غمضت عينها بشويش ..

تمنيت الوقت ينتهي أنا وياه كذا ، استشعر بحب ودفئ طلال بشخصيته الغريبة المتناقضة
اندمجوا بالعزف والرقص الرومانسي .. انتهت الموسيقى والي بالساحة الرقص صفقوا لأنفسهم
وعت وابتعدت عنه وصارت تصفق معهم ..

وحان وقت العشاء مدير العملاء أشاد بـ أنواع معينة لنا ورجعنا لطاولة وانضمت لنا صوفي
راغده " قوية عين " بنظرات حادة: جريئة ..

صوفي بابتسامة: هيدا ألي حبوا فيا .. " وبمياعه" ما هيك حبيبي ..

طلال ناظر راغده: هــــيك ..

صوفي ابتسمت بانتصار: ما بدك ترتاحي لفوق , الوئت كتير تأخر وازا ما بتمانعي فيني اخذو نكفي السهرة بالاوتيل ..

راغده ناظرت طلال بغضب وكأنها تنتظر رد طلال ولكن للأسف طلال ما رد بكلمه كأنه موافق ..

صوفي مسكت يده : حياتي ما بدك نفل من هلاء
..

راغده ضربت الملعقة بالصحن وقامت من الطاولة ..

طلال مسح فمه: بالاذن صوفي ..

صوفي تشوفه يمشي وراها وبصوت مسموع: بنطـرك هــون ..


طلال: وقفي راغده ..

راغده وكأنه ماتسمعه كملت مشيتها السريعة وبعد ٣٠ ثانية مسك زندها بقوة ولفها لعنده وصارت قباله
راغده ابتعدت عنه بغضب : ما سمعت الهانم وش تقول ! تنتظرك ياحياتي روح لها ..

طلال بحده: ليه مشيتي كذا ؟ كنتي انتظرتي ، ظليت ألحق فيك والناس تناظر ، وش هالحركات ألي معك ..

راغده بسخرية: اقلها اهون من حركاتك الفاصخة عن الحياء ، نخب ومسكة يد ورقص رومانتك وتريدني امشي بشويش .. يا سلام !؟
أنا وش سويت لك عشان تسوي بي كذا ..

طلال صغر عينه: أريد الشيء ألي ماعطيتيني اياه ، الثقة والصدق يا راغده ..

راغده عقدت حاجبينها: اي ثقة واي صدق .. من متى كذبت عليك ؟ وانا لو ما اثق فيك ما كنت تشافيت بنسبة كبيرة ..

طلال ابتسم باستخفاف: تسمين هذا ثقة أنك مابغيتي تنامي وياي لما عرفتي أن مامعي اي ضعف نمتي بالحافة ومابين صاحية ونايمة كنت اشوفك واحس في حركاتك منيب عمي راغده ، وسهرتي مع صوفي ما صار من ألي ببالك نهائي كل الي شفتيه اليوم ماتعدا ابدا حدوده
..
راغده: ليه ما تسهر وياي طيب ! ليه هي ؟ وش فيني ناقص عنها ..

طلال بعد صمت دام ٨ ثواني : راغده ! تسأليني لألي ! أسالي نفسك وتعرفين الإجابة روحي اسألي المستشارة حقتك ممكن تدور لك على حل ..

جاء بيروح الا بيد راغده تمنعه: لا طلال تعبت من تأجيل حوارنا أريد اعرف كل شيء من الآن ، ليه تتصرف معي على هذا النحو طلال علاقتنا كلش زينة ليه مصر تفسدها بهالسخافات ..

طلال بصدمة: سخـــافات ؟؟؟!!! تسمين الثقة والصدق سخافات !

راغده بإصرار: اي نعم سخافات ، طالمة ظهرت لك جانب واحد واساسي لا تسعى وتبحث عن اشياء ما ظهرت لك في شيء اسمه خصوصية وأنا ما أحب اقول خصوصياتي حتى لأقرب الناس لي ، ذه مبدأ طلال مو مسألة ثقة .. لا تفهمها بشكل شخصي أرجوك .. أنا ما طالبتك تعلمني باسرارك وخصوصياتك لأني أشوف أن هالشيء خاص فيك مالي حق ألزمك انك تعلمني عنه ..

طلال بنفاذ صبر مسك زندها وابتعدوا عن المكان اكثر ولفها قباله وبحده وخشونة: أنا كنت عايش معك احاول افهمك وافهم طباعك ، وتصرفاتك هي ألي لمحت لي أنك ... أنك " وبصعوبة نطق " أنك لعبتي بذيلك قبل ولا ليه تتفادي أي قرب مني ، حاولت احسن الظن والتصرف قلت أنها كارهتني قلت أنها متعقدة بس ما توصل لهنا راغده !

راغده كأن كوب ماي بارد انصب على وجها تجمع الدموع بعينها وهي تسمعه وبفك يرجف : وعساك تأكدت أني بكر !

طلال عض شفته بندم : بغتيها صراحة هذا هي جاتك ، الحب هي الترتيب الأخير بس الاحترام والمودة مالنا نصيب فيها .. تخطينا كل شيء ووصلنا للحب وجلسنا ..

راغده هزت راسها وبعين ترمش: أنا الغلطانة الآن طلال .. اوك تمام تمام " ومسحت دموعها " بقبل ان كل شيء هو ذنبي أنا لحالي ، طالمة منت بقد الحب ليه تخليني أحبك وأتعلق فيك " وبنوحه " ليه طلال أنا كنت مرتاحة ومبسوطة من قبل لا تجي

خذيتني منطفية وانرت عتمتي من بعد ما كنت أظن أنها بتنير لي وتضحك لي الدنيا اخيرا .. ليه طلال ليه وش اذنبت فيه وياك علمني !؟ منت بقد ألي سويته وياي ومافي مشاعر تجاهك لي ذه من الله ما احاسبك كنت تحبني أو لا ، لكن احاسبك على تصرفاتك ودك وادعائك بالحب لي وحنانك والذكريات ألي بيننا " ودمعت عينها وبصوت يرجف " مـ..ما كان لابد أنها تتم وتصير أنا بمحي كل ذكرى صارت وياك ..

طلال بتحدي وبغضب: تمام .. نرجع أغراب أفضل راغده .. مشكلتك ما بتعرفي اغلاطك والعيش معك متعب نفسيــا ، لزوم أعمل حساب لكل شيء عشان حضرتك ما تنهارين ، علاقة الحب ألي تتكلمين لي عنها هي نــاقصة .. تاخذين بس ما تعطين ..

راغده هزت براسها وهي تعض على شفتها اعطته ظهرها وتوجهت للمنتجع , أنسحبت من حوارها معه ما حبت تزود من جروحها وطعونها منه وقـتها صعب انها تنمحـي , ما ظنت انه مفكر عنها كل هذا ..

دخلت جناحها شلحت حجابها وخاتمها وكعبها وجلست ودموعها تنزل وتتكلم بصوت مسموع : حسبي الله ونعم الوكيل فيك يا بــدر، ربي ينتقم منك .. حسبي الله ونعم الوكيل ..

كانت كلمات طلال اثرها عظيم عليها ضمت نفسها بالسرير وصارت تبكي لحد ما نامت بلا شعور ..

------
وعت على الظهر أخذت دوش بارد لنصف جسمها ..
لبست الديشمبر وجلست بالكرسي وهي تشوف المكان مثل ما تركته آخر مرة " قضاها سهرة صباحي عندها ! وكل هالوقت ما سوو شيء ! بقتنع يعني ؟ "
هزت رأسها بالنفي " انسيه راغده خلاص "

لبست سروال طويل عالي الخصـر فضفاض خفيف بني محروق وبلوزة اورنج بأكمام طويلة وسنيكرز والحجاب باللون الترابي .. مكياج خفيف اعتمدت على البلاشر الاورنج والإضاءة ..
نزلت تحت تتغدا بالأكواخ شافت طلال مع صوفي ..
لبست نظارتها الشمسية بتدرجات البني ومن تحت العدسة يفتح لونها كانت تناظرهم
راغده " النظارة مابتبان نظراتي لوين ، وين يجيب ملابسه ذه ! معقولة يدخل عندي بدون ما أحس "

المرشد السياحي عند طلال: الوجهة اليوم ..

طلال قاطعه: أنا وصوفي بنروح لأكثر الأماكن بهرجة وانبساط ..

المرشد السياحي ناظر راغده من بعيد ثم ناظره: بـ...بس

طلال: وبعدين وينك به أمس مختفي ..
المرشد: بالطبع هذا ألي جايك عشانه ، أخت المدام وصلت امس واستقبلتهم ..

طلال بصدمة: وهـم هنا ؟

المرشد: ا..اي وصلو الفجر يعني ..

يلتفتون لصراخ

مها بحماس: غــــدو ..

راغده انخطف لونها لما شافت اختها: مهــــا !

مها احتضنت راغده بحماس: بتتغدين بدوني ها ؟

راغده بلبكة: لا أبد تو ما طلبت حياك .. اجل وين حمود ؟

مها: رايحه ونفسيته بخشمه ما وده يجي قايل لي لا تصحيني بنوم لين ما أشبع وأنتي قضيها سياحة وتمشيه مع أختك .. شفتي وقاحته!

راغده: اي هم كذا يا مها لا تفكرين كثير ، مبسوطة أني شفتك ..

مها تناظر وجه أختها: راغده ! وش بك ؟

راغده بلبكة: وش فيني ؟

مها: ابد مو وجه معاريس بشهر العسل ، كنتي شكل والآن شكل ثاني ..

راغده نزلت عينها على المنيو: وش بتطلبين ؟

طلال قام مع صوفي والمرشد لوجهتهم ..


مها: ووين العاشق عنك؟

راغده تتجنب النظر لمها: عجبني الطبق هذا أكثر ..

مها استغربت من تصرفات راغده وبشك: وش فيك راغده من اجيب سيرته تغيرين الموضوع ، طلال وينه؟

راغده شافت ان مافي مفر: معه صحبة ..

مها بعدم استيعاب: كيف شاف واحد من اصحابه هنا يعني؟

راغده: صديقة !

مها بصدمة: آيـــش؟ وحضرتك ساكتة ؟

راغده: بس لين لما ننزل السعودية ..

مها: وش بتسوين يعني ؟

راغده تنهدت: بعد الزواج تغير كثير طلال يا مها وحسيت اني استعجلت بفكرة الزواج من أصل ..

مها: يعني قصدك .. بتطلقون !

راغده: لا بس بننفصل مها ، بيكون زواج بالأسم فقط يا مها ما افكر طلاق طلاق ..

مها مسكت يدها: غدو توكم متزوجين يا راغده طالمة في حلول لا تفكرين تنفصلين طلال يحبك بس ممكن انحرف شيء وأنتي لا تسكتين له رجعيه لك بكيدك وسحرك ..
راغده بحزن دفين: يا مها السالفة محتومة خلاص ، لابد أن تكلمنا بشيء ينتهي بخناق ومشكلة وأنا ماعاد أحب اتكلم معه خلاص بس ابغى ارتاح ..

مها بحنان: عشان ترتاحين لازم تنسين .. تقدرين تنسين ؟

راغده تحارب دموعها: مها أنا مو فاهمة سبب مشاكلنا ضعت معه كل فترة له كلام وله رأي .. يبغاني كتاب مفتوح واعلمه بكل أسراري ومشاكلي واتفه شيء ..

مها بستغراب: غريب هالطلال .. إصراره اكيد شاك بشيء او سامع شيء هو عارفه وسالك عنه وتوقع انك بتصدقين وانتي خبيتي عليه والاحتمال الثالث يكون خسيس وهذا ما اتوقعه ..

راغده: يعني وش ؟

مها: يعني يحب يدري عن كل شيء فيك وعن اهلك عشان مع مرور السنين والوقت يعايرك في اهلك .. وانا ما اتوقع انه من هالنوع لكن الحذر واجب ..

راغده " الموضوع اعمق مما تتصورينه يا مها لكن ما اقدر اقول شيء لا له ولا لك "
: خليك مني وقولي علومك مع حمود ، ايش صار مع الي يكلمها ..

مها: يكلمها من وراي وانا اسوي نفسي كأني مو عارفه ..
يوهمني أن علاقته معها انتهت وأنا أشوفه كلا على الواتس ويحب يجلس مع نفسه كثير يريد وقت عشان يتصل فيها يا راغده ..

راغده باهتمام وهي تشوف ملامح اختها: ايش تسوين مها !؟

مها: ولا شيء .. طالمة هي بالخفاء تظل بالخفاء باعتبره أنه رايح للحمام وجاي ، حتى لو تزوج يا راغده ما بفكر بالطلاق ..

راغده بتردد: يعني عادي لو عرفتي أنه تزوج عليك !؟

مها: ما في شيء إسمه عادي راغده ، في اني انهرت وبكيت وتألم وصمت ثم تقبلت طالمة هو يسعى انه يخبيها يخبيها وانا بالعلن ..

راغده تغير معالم وجها: طيب ممكن هي بالعلن لكن معك أنتي سر ..

مها: بيجوز بس ألي اقصده أنه قدامي يسعى أني ما أدري كافي انه يخبي ومتعب نفسه " وبابتسامة سخرية " الرجال يا راغده كذا ، لا تسمحين لأي ماكان حتى لطلال أنه يحس أنك كل شيء بحياتك بعد بيوجعك ما بيرحمك .. راغده الرجل بس يضمن المرأة يسيء لها ..مثلا شوفي طلال قبل وطلال الآن .. بس اتركي لي الموضوع وأنا بعرف وش وضعه

راغده " هو وجعنـي فعلا " كملت فطورها

انتبهت لرسالة بجوالها من طلال " استمتعي مع أختك أنا بقضيها مع صوفي حياتي أخذت ملابسي ، ببات برا لا تنتظريني "
مها لاحظت تغير مزاج ووجه راغده وسحبت جوالها وقفلته: راغده ..

راغده تجمعت الدموع بعينها ..

مها باندفاع: ابلعي الدمعة لا تسمحين أنها تنزل ابلعيها غدو .. ويلا قومي لا تملين بطنك خلينا نتمشى ونتسوق وبغير استايلك ذه الله العالم وش تلبسين عنده ..
قمنا وطلبنا تاكسي من الأوتيل ..
دخلنا أسواق كثيرة ..
مها: اختاري من اللون واحد ..

راغده اختارت الأسود
مها رجعته: لا اختاري الأبيض ، مو قلتي أنه يحب الأبيض .. رجعيه لك لا تسمحين لها تاخذه ..

راغده ناظرت مها بجدية: هل من الطبيعي أنه يقضي الوقت معها ألي من المفروض تكون معي أنا وين عايشين فيه احنا !

مها ولا كأنها تسمعها: هو مضاف معك بالسناب ؟

راغده: اي معي ..

مها: صوري عام واكتبي وش اختار اي لون وانتظري الردود وبالاخير اختاري الأبيض قولي أن هم الي اختاروا لك والبسيه ..

راغده: حتى لو ما بيكون معي بوقت النوم ..؟

مها بعدم استيعاب: مهما ان طول بيرجع ..

راغده: مها .. طلال خذ ملابسه وقال بيبات برا ..

مها فتحت عينها على الآخر: حلوة ذي ، ووين بيبات ..؟

راغده: اكيد مع صوفي ..

مها: وريني الرسالة بعلمك شغلة ..

راغده فتحت جوالها و ورتها الرسالة ..

مها بضحكة: صدق انه خبيث .. متقصد أنه يخليك تغارين واضحة يا راغده .. انا بضبطك لا تشيلي هم ..

كل ما اشترت اي شيء صورته ونزلته بالسناب والمثلجات وكانت تصور نفسها سيلفي ..

مها: انتي جاهلة بالرجال يا راغده لكن الحمدلله وربي رزقك بـ اخت مثلي ..كوني ممتنة ..

راغده: هههههههههه يا بنت الحلال ..

مها رفعت يدها السبابة: وانكري بعد انكــري ..

راغده رفعت يدها : ابد ابد حاشاك ..

مها تناظرها بنص عين: على بالي بعد ..

راغده " مو خسرانة شيء طالمة علاقتي بتنتهي مع طلال "

مها: ذي المرحلة تسمى الانتقام رقم واحد كل واحد منكم بيظهر انه سعيد بدون الثاني .. شوفي ممكن هو منزل أشياء بس عشان يرفع ضغطك ادخلي لشوف ..

راغده دخلت وفعلا شافت منزل بقصته صورة كاتب فيها مع الحب واكلاتهم ..

مها باندفاع: ما قلت لك! المهم أنا حجزت لنا
بالمنتجع خاص لأكتساب السمرة والدلع كله .. محتاجة كذا يكسرون عظم عظم جسمي تعبان ..

راغده ابتسمت لمها ..

~ ~~~

وهو يشوف حالتها وصورت نفسها وارسلته بقصتها الخاصة وهو كان من ضمنهم ..
طلال " مبسوطة الأخت والله ، بس أعرفك حا ترجعين يا راغده وبتعرفين غلطك وبتعتذرين .. بتعتذر ؟ "

صوفي: أنتا ما بتمل من الموبايل ؟

طلال نزل الجوال

صوفي: لحدت هلأ مدأيئ منا ! لهالأد بتحبا طلال ؟

طلال باندفاع: حب ! لا لا كان اعجاب وراح ..

صوفي: انا ماعم حـس انو راح بالعكس في حرب بيناتكن وعم تشوفوا حالات بعض وتردوا بالحالات ، ليه هيك عم تعمل ؟

طلال : اعمل وش ؟

صوفي: راح خبرك السدء , بس ماتزعل مني ..

طلال: طيب ..

صوفي: راغده بنت بتعئد غامضة وجزابة وألف من بيتمناها .. انا بنت وانجزبت لألها ، فيا كمية غموض وسيطرة كبيرة على مشاعرها وأحاسيسا .. بعتقد مشان هيك أنتا بتحبا ومفيك تنكر أنا بعرف وبفهم بالحب ..

طلال بابتسامة طافية: شو اخت صوفي خبيرة بالحب ..

صوفي: هيك شي ، لو شو معملت معا راغده مبتبان مشاعرا دغري بيحاجة منك كمان صبر وليونة معا شوي طلال ..

طلال عقد حاحبه: ليونة ! مافي ألين مني صوفي انتي ماتعرفين شيء .. ماتعرفي شو عملت لألها ..

صوفي: حبيبي متعصب أنا بحكي لصالحك ، الشغلة واضحة أنا عرفتك بس من كم يوم ، متستهين فيي أنا درست علم النفس ..

طلال بأهتمام: صوفي بسألك عن شغلة مهمة كثير وحابب أعرفها ..

صوفي بابتسامة: احكي لشوف ..

.
.
.

بغيض: شفتي وش سوت ! رايحه جزيرة بالي حتى ما كلفت على حالها تروح حفلتي وانا حضرت حفلتها ..

ام نرجس: مايخالف يا نرجس بس ترجع اعزميها لعندك .. خلينا منها أخباره صهيب كلمك ؟

نرجس بخيبة: ولا شيء تقول أمه أنه ولدها متحفظ بهالجانب يفضل المعرفة وكل شيء بيوم الزواج .. حتى ما كلف يلبسني الشبكة او حتى ينظرني قال ايش قال اثق في ذوق أمي ..

ام نرجس: والله يا بنتي ان ابوك ماشافني ولا درا عني الا بيوم الزواج ممكن هو تفكير ان كذا أفضل صدقيني ..

نرجس بزعل: ولو يا يمه ذه زمنكم غير عن زمنا ، لا إتصال ولا شيء أقلها يطيب خاطري .. " وبتناقض " وزين ان راغده ما جات ولا كان ضحكت علي .. كل شيء مرتب إلا هالصهيب مدري وش ناوي عليه ..

ام نرجس تنهدت: يابنتي توك ماكملتي شهر وأنتي محتره ! انتظري لا تستعجلين وخلي الأمور تمشي مثل ما ربي كتبها لك ..
.
.
.
مها : لا لا مو كذا ، افردي لبس الأستجمام هنا عشان يعرف وش بتلبسين ..

كان عبارة عن شورت جنز ازرق
وبدي صغير أبيض وصندل فضي بكريستال وفصوص .. وبدون مكياج وفارده شعرها صورت بالستور خاص التاتو ألي برقبتها و التاتو ألي بيدها ..
مع مناكير أحمر صريح ..
ومها لبست فستان صيفي قصير لتحت الركبة تـوب بلون الأبيض ..
وحطت التاتو بساقها وكتفها وبحماس: يلا نصور سيلفي ونرسله لأمي ولريهام ..

اقتربوا من بعض وصورو كذا صورة وفي صور فردية اكثر من وحده
راغده: ما ودك تسوي تان ؟

مها بتردد: مدري راغده أخاف أمي تعصب خبرك تحب البياض ..

راغده: وحمود ؟

مها: ما أدري عنه بشيء هو مايعلق باي شيء علي راغده .. ما يقول لا زين ولا شين ..

راغده وهي تفتكر زوجته بدرية وبحماس: جربي لا تصيرين محروقة بس شيء بسيط ..

مها دهنت وجها ورقبتها بتردد وجلسوا بالكراسي مع عصير طازج بطبقات متعددة ..
راغده بضحكة: واخيرا شربت الكوب ألي فيه مظلة ..

مها: هههههه اي والله ..

بعد صمت دام ٢٠ ثانية

راغده: أول مرة نسولف زي كذا ونكون قراب ..

مها: امي كانت حاطه حاجز بيننا ممكن عشان ..

راغده قاطعتها: لا عمي فؤاد هو السبب ، امي بس تنشحن منه وتنفذ ..

مها ناظرتها: تكرهين ابوي ؟

راغده: كره ! لا ذي كلمة كبيرة بس تقدرين تقولين مافي استلطاف ولا محبة ..

مها: قوليها عادي منيب زعلانة ..

راغده " ماعمري حبيته " : لا بجد مها .. احتكاكي فيه بالاوان الاخيرة معدومة ممكن كذا افضل لنا الاثنين ..

مها: وامي؟ ايش شعورك ناحيتها
..
راغده ناظرت مها بنظرات عجزت مها تفهمها ، قامت وشلحت صندلها وبحماس: ألي يوصل آخر واحد هو الخسران " وصارت تركض "

مها قامت بسرعة وصارت تركض: يالنصــــابة .. مشيتي قبلي ..

راغده فتحت التوكة ونزل شعرها العسلي بانسياب لآخر خصرها والهواء يداعب شعرها وهي تحس بالبراد وصارت تجري كأنها تهرب من شيء او من سؤال ما لقت له ايجابه بداخلها ..
صفرت والتفتت العاملة بالمنتجع بصوت مسموع: تيكت يور فون اند تيك بيكجر أوف مي ..

وحذفت جوالها عليها ومسكته بسرعة وبصراخ نزلت للحوض الماء ورفعت شعرها من وجها

مها نزلت معها وهي تتنفس بسرعة: قسم مو طبيعية وش هالسرعة عندك ؟ ما شاء الله تقولين كأنه بالاولومبيات ..

راغده تبلل وجها: ثمرة رياضة سنين ..

مها تتنفس بسرعة: أي حقك .. عازبة وماعندك التزامات او احد يكدر عليك ..

راغده بضحكة: احسديني بعد..

مها رشت عليها المويا: بهدلتيني معك نزلت بفستاني ..

راغده: أنا بتبلبط وأنتي غيري لبسك لو ودك تتسبحي ..

مها بحماس: وأنا اقدر افوت هالشيء ..

جات العاملة ومدت لها الجوال راغده طلبت منها تسوي لها جلسة تصوير .. العاملة كونها شاطرة ومرت عليها مثل هالطلبات صارت تصور راغده بأكثر من صورة ومن مواقع مختلفة ومدت لها جوز الهند وفي داخله فواكهة ..

وبعد جلسة التصوير ذي صارت تسبح بـ أريحية
---------

صارت تنتظر منه رد بس ماعلق بشيء: شو بيك سكتت !

طلال بذهول:مدري وش أقول لك صوفي ، بس استنتاجك مو صحيح لأن راغده عذراء فعلا ..

صوفي: حياتي طلال أنتا مفكر الاغتصاب جايه بالطريقة السليمة لأه حبيبي في طرق كتيره متل معنكن بتسموا طرق غير شرعية كيف بشرحا لألك يعني ... احم ..

طلال عقد حاجبه وصار يفكر براغده وردات فعلها لما شك بنفس بهالطريقة صارت الاغتصاب

صوفي تدرس ملامحه: أنتا فكرت بهيدا الشيء من أبل بس ستبعدوا ليه ! هيداء الشيء واضح ومنو بحاجة دراسة .. هي بتحبك بس ما بتقدر تديك لأنو معا قيود وعقد صارت مع الشخص غلط ومن انسان غلط ..

طلال ضم وجهه بيده وكأنه مو مصدق: معقول ! لا !

صوفي: يا طلال انا صاحبتي بتحب ابن جيرانن خايف تفقد عزيتا بيجو بالزات الطريقة بس مع راغده اغتصاب مبدا تفكير اكتر طلال .. شو صعبت علي كتير هالراغده ..

طلال بصدمة: طب ليه ما قالت لي ! طوال هالوقت كنت اقول لها كانت ترفض استنتاجي ..

صوفي بابتسامة ساخرة: شو بدك تألك مثلا يا طلال بدياك تعزرني , شيء حدا اغتصبني ! حنا مسيحيين وما بنرضى منحكي بهيك شغلات الغيرة بتعمي ألبنا ، حنا بعالم شرئي والزلمة ما بيرضاها ، طلال راغده ما بتستاهل منك هالأشي .. أنا عكل حال مسافرة لكندا عبكرا اتركا تشرح ألك كل شيء وهيا ما خبرتك لحدت هلأ مشان ماتتركا .. بتستاهل منك تتركا !!

طلال بندم: بس يا صوفي ..

صوفي: انا بعرف ممكن ماعم تئدر تتئبلا عجديد , حئك ، بس هيي ضحية فكر بهي الطريئة ومتخسر إنسانة متلا ..
------
بوسط المنتجع ..

ريهام: قسم انكم خونه ، ليه ماخذتوني معكم ..

مها تأشر بيدها: حـــرة حرة ، موتي ..

راغده تمسك الجوال وتوجه الكاميرا عليها: ماعليك منها ، أنا أوعدك بس تخلصين المتوسط بنفسي باخذك نسافر للإمارات ..

ريهام: لا .. بالي وبس ..

راغده: ابشري ..

مها: خلاص لا تبكين ..

راغده: مافي اخبار عن يوسف .. طول بالكويت ..

ريهام تتلفت وبهمس: سمعت امي وابوي يتكلمون انه راح لأمريكا ..

راغده ومها ناظروا ببعض بغرابة: ليه؟

ريهام : ما أدري غدو بس سمعتهم وطالمة ما قالو لنا يعني السالفة سر ..

مها: ليكون متزوج هناك وحدة واحنا ماندري!

راغده باستبعاد: ما أعتقد .. بس أكيد في شيء ..

مها بتفكير: اممم .. انا مع امي طول الوقت ما قالت لي ..

ريهام: انا سمعت انه مسافر له يومين ، اعتقد عشان البعثة ..

راغده: لو عشان البعثة كان تكلمت امي اعرفها تحب البهرجة والتفيخر ليه خبت ..

ريهام: اعتقد بتعملها مفاجأة لنا ..

مها بتاييد: فعلا انا اذكر انها قالت لي ان في مفاجأة بتعلنها بس نوصل من بالي ..

راغده بابتسامة: الله يوفقه يارب .. "قامت" يلا نريح فيني كمية نوم مو طبيعية ..

مها تتثائب: وأنا بعد ..

لبسوا ملابسهم وحجابهم وطلعوا متوجهين لجناحهم ..

دخلت مها جناحها شافت حمود حاط جواله قبالة كأنه يكلم فيديو شافته توتر ومرتبك
مها بدون اهتمام: كمل كمل ، ما معي طاقة لنقاش ..

شلحت عبايتها وحجابها ولبست بجامة النوم ودهنت يدها باللوشن وتسطحت بالسرير ..

حمود كان يناظرها بغرابة وكأن فيها شيء متغير : وش مسوية بعمرك ؟

مها وهي مغمضة عيونها: وش ..

حمود يتأمل ملامحها ولونها الجديد: مدري !

مها ضمت نفسها: لو مازلت بتكلم رح للغرفة الثانية او تمشى لاتحبس نفسك هنا .. تصبح على خير ..

حمود قام بشويش وطلع من الجناح نزل تحت عند البحر واتصل فيها من البرنامج: سامحيني دخلت على طول ..

بدرية: وش تريد؟

حمود: تنام وانا طلعت عشان اكلمك واخذ راحتي معك ..

بدرية بغيرة: ليتني معك كنا قضينا اجمل ايامنا هنا ..

حمود: والله بس تولدين وترتاحين باخذك لهنا ..

بدرية بحب: الله لا يحرمني منك ..

دخلت جناحها شلحت حجابها واختارت قميص النوم ألي اختارته مها لها ..

كان بلون السكري طويل بأكمام حاير وفيونكة سوداء عن مقدمة الصدر ونهاية الأكمام فردت شعرها المموج واخذت سيلفي من عند المراية وصورت وكتبت تصبحون على خير ..
فتحت باب الغرفة انصدمت لما شافته متسطح بالسرير ..

طلال ببرود: واخيرا شرفتي ..

راغده ابعدت نظرها عنه

طلال يتفحصها بنظره: فالتها اليوم اجل .. وين قضيتوا يومكم كله ..

راغده " على اساس ماشاف السناب وش منزلة طيلة اليوم!" عند التسريحة تتعطر: ما وصلنا لمرحلة هالاسألة استاذ طلال ..

طلال: اوه صار بيننا رسمية أجل ..

راغده تجاهلته وهي تدهن يدها باللوشن ..

طلال: اريد أتكلم بموضوع مهم ..

راغده جلست بطرف السرير بجدية: أعرف وش الي بتسولف لي عنه ، خلني افكر وارد لك خبر ..

طلال: عن وش ؟

راغده: انك بتطلقني ..

طلال: ووش رأيك بالموضوع ؟

راغده نزلت عينها وبعد صمت دام ٨ ثواني رفعت نظرها له: أنا أشوف ان جلستنا هنا مالها داعي ما ودك نرجع خلاص لسعودية ؟

طلال: مو على اساس انك مبسوطة مع اختك ..

راغده: أختي معها زوجها مو جايه تتسيح عشاني ومو حلوة بحقي أنها تعرف قد ايش فيه كمية فجوة بيننا .. مشاكلنا تكون لنا أفضل ..

طلال باعجاب: كلامك جميل استاذة راغده " وشد على كلمة استاذة " بس تحملي بعد وقت احنا حجزنا خلاص لـ 10 ايام ماباقي إلا القليل .. ولا لهدرجة ماعدتي تطيقيني ؟

راغده: المسألة ماعادت شخصية ، لو شافتك اختي ونسيبي مع الهانم صوفي وش بيقولون !

طلال بتعابير حزينة: صوفي بتروح خلاص ومضطر أني أجلس معك ..

راغده بابتسامة ساخرة: بتعاني مرة الله يعينك لكن مثل ما قلت اعتبرني رجال وكأنك مسافر مع خويك ممكن كذا بتخفف عليك الحمل ..

طلال حس بندم على كلمته لها السابقة وبتردد : راغده .. بخصوص كلامي ألي قلته لك قبل .. تقدرين تمحينه ..

راغده باستخفاف: اي فصل واي جزء امحي ! انك تاركني لحالي وانت معها ، ولا كلامك ألي محسسني اني ثقيلة عليك مايخالف استاذ طلال أنا موافقة نرجع اغراب .. بس موضوع الطلاق خلني افكر فيه بدراسة ..

طلال قام ظهره من السرير وعدل جلسته: انا ما بطلق راغده ، صدقيني ماكان ودي ننجرف لهنا بس ألي صار غصبن عني ..

راغده تحارب دموعها: انا مو مستعدة للكلام .. ممكن انام بدون نقاش وعوار رأس .. وللحديث بقية ..

طلال اكتفى انه يناظر فيها

تسطحت وطفت نور ابجورتها وضمت نفسها تبكي بصمت ..وهو يناظر فيها بحزن وألم من فكرة أن فعلا هي ضحية خالها بدر ..



آنتهــــــــى البــــــارت

[لامارا]

البارت التـــاســــع عشــر




وعت الساعة ٦ صباحا
أخذت ملابسها بشنطة صغيرة
ولبست عبايتها وحجابها ونزلت للمنتجع ..
توجهت للمنتجع الشخصي صادفت بوجها صوفي ..
جات بتروح باندفاع: راغده بليز دئية من وئتك ..

راغده وقفت بدون ما تلتفت وبحده: وش بيني وبينك من سوالف !؟

صوفي: شو رأيك منروح بالمنتجع سوا بنحكي ..

دخلت راغده معها بالمنتجع الشخصي شلحت عبايتها وفردت شعرها العسلي ولبست لبسة البحر بلون الأصفر متصل بقطعة وحدة ووشاح من عند الخصر ..
رفعت شعرها بطريقة مبهدلة ..

انتبهت لنظرات صوفي لها: مضيعة شيء بوجهي ؟

صوفي بانبهار: تفاجئت عهيك جمال .. نيالو طلال فيكي ..

راغده بدون اهتمام لمديحها: وعشان كذا يقضي الوقت معك ..

صوفي: مش لهالئد راغده .. بتعرفي اسمك كتير حلو بيلابئ لألك عفكرة ، متـل اسم مسلسل ساره اللبناني في شخصية اسمها راغده ..

راغده: هذا ألي كان ودك تسولفين لي عنه ؟

صوفي: امبين أنو أنتي كتير مستعجلة ..

راغده: وكيف بدك اتكلم مع حضرة جنابك بعد ما اخذتي زوجي مني ..

صوفي: اف .. كلمة ئوية هاي شو اخدت ما اخدت طلال هو ألي أجاء لعندي عم يتشكى منك ماعملت شيء غير انو بسمع لالوه ..

راغده بابتسامة سخرية: يشتكي! وعسى لقـى الحل عندك يا دكتورة صوفي ..

صوفي اقتربت منها: راغده بدي احكي معك من ست لست الموضوع مهم كتير بالنسبة لالي ..

راغده كفتت يدها: أسمعك ..

صوفي نزلت بالمسبح وفرقعت صبعها عشان يحضرون الفطار لهم ..
نزلت معها راغده ..

صوفي: بتعرفي انك كتير بتهمي طلال وأنتي غالـية وبيحبك وعم يحكي عنك كـل الوئت ..

راغده:........
صوفي: عنجد بحكي جد راغده ، جوزك امسك فيكي رغم كل يألي عملتيه لالو ..

راغده عقدت حاجبها: افندم !

صوفي: اي متستغربي ومتطلعي فيي هيك .. شب حليوا متل طلال وحارمتي يا حرام من هالجمال ..

راغده احمر وجها وبحده: قال لك بعد عن هالأمور !!!!

صوفي: متعصبي راغده أنا درست علم النفس وبفهم حالتك كتير بس أتركيني ساعدك ..
" وبكذب" بعرف انك مخوفه كتير من هالأشيء بلكـي معك عئدة ما بعرف بس مع الوقت حا تروح بس ساعدي حالك شوي ، الوئت بينسي وحياة الله بينسي بس متكبريها معك وتئبلي ألي يصير لأنو طلال مابيصبر عليك هالئد .. بسألك انتي بتحبي لطلال ؟

راغده:......

صوفي ابتسمت: اي بتحبيه واضح بس حبيت اتأكد .. وأنا رح ساعدك تتغلبي على عئدتك ..

راغده : ووش مصلحتك ؟

صوفي: لاني رفيئتو لطلال وبيجوز اكون صاحبتك كمان ..

راغده بحزن: صوفي الكلام ألي قاله لي طلال جرحة عميق وغائر اظن انك تأخرتي ..

صوفي سندت كوعها ببلاط المسبح وهي تناظرها: واضح انو أنتي جديدة عالحب والعلائات راغده .. بتصير اسوأ من هيك راغده انا مع حبيبي مارك يييــــي ماتحكي عن مشاكلنا ومصايبنا ونبعد جمعة جمعتين ومنرجع لبعضنا لأنو في شيء أسمو حب بنتناسى .. وست متل جمالك يأصف الله عمرك وما بتسحبـي طلال لعندك انتي بجيبي سيد سيدو بس ما تزديها كبرياء وتحفظ .. " ومسكت كتف راغده " ظلك انثى بعيناتو تغنجي عليه .. كوني ضعيفة وانتي معو الزملة بيحب ميكون بيشـوف حالو أئوى من الست .. ظلك بحاجه ألو راغده ولو مابتعرفي هالشغلات ..

راغده تفكر بكلام طلال وكأنها ربطت الأحداث " طلعت السالفة كذا "

صوفي تكمل: بيجوز هو عم بيزيدا بحكياتو معك وجرحك بس الدني مبتمشي هيك .. تنازلي هالمرة بس ومتشوفي كيف بيرجع لألك طلال أحسن من أبل .. التفاهم كتير حلو حياتي ..

راغده: ......

صوفي فتحت كريم التسمير: بحطلك معي ؟ بيحب السمار طلال بدك؟

راغده: اكثر من كذا؟

صوفي: انتي حنطية بيضاء يعني ما بشوفك سمراء ..

راغده بغرابة: صدق ! نفس كلام طلال لي قبل بس امي تقول اني مو بيضاء ..

صوفي: أمك متحب الأبيض المولعه ,بس أنا مبئول عنك سمراء .. في ألوان متسمرك متل الأبيض و

راغده باندفاع قاطعتها: عشان كذا يحبني ألبس ابيض !

صوفي: بالزبط ميحب لون اللاتيني شيء على قولدن , مابيضـر تشميس عخفيف شو رأيك

راغده ابتسمت بـ أمل ووثقت بكلام صوفي بسبب صراحتها وصدقها معها ..

بعد ساعة انضمت مها تفاجأت من وجود امراة وبهمس: تعرفينها ؟

راغده غمزت لصوفي: اي تعرفت عليها بالمنتجع وقضيناها سوالف

صوفي مدت يدها وصافحت مها: تشرفت فيكي ..

مها: اهلين .. كأني قاطعت حواركم ؟

راغده: جيتي بوقتك كانت تكلمني عن الرجال .. والزواج وامور كثيرة ..

مها: خلاص سدو سيرتهم الي عندي مكفيني ..

صوفي بابتسامة:هيدي دحية رئم تناين ..
راغده: مها قولي مشكلتك هاي استشارية وبتساعدك ..

صوفي: وببلاش شو بديك كمان ..

مها: مغسي صوفي بس مشكلتي مثل مشكلات اغلب النسوان ..

صوفي باهتمام: احكي منشوف .
.
.
بصوت نايم: صباح الخيرات لحبيبة بابا .. كيف حالك جواني؟

جوان: بخير ..

ام عبدالعزيز: اجل وينها مها؟

حمود: طلعت من الصبح مع راغده طبعا ..

ام عبدالعزيز: السفرة لكم حمود ، تمشى معها وطلعها وراغده بشهر العسل ما عليكم منها ..

جوان: بابا جيب معي لك هدية ..

حمود: عيوني لك ..

ام عبدالعزيز: المسافة بعيدة بين فندقكم وفندق راغده ..

حمود: لا أنا بنفس المنتجع ..

ام عبدالعزيز " وتكذب علي بعد يا فؤاد " : طيب طيب ..

وسكر الخط قام أخذ له دوش سريع
ولبس شورت أزرق مع تي شيرت أبيض
نزلت تحت المنتجع شاف طلال يتشمس والسماعة بأذنه اقترب منه: السلام عليكم ..

طلال: يلا اكلمكم بعدين " عدل جلسته" وعليكم السلام هلا بالعديل واخيرا تشاوفنا ..

حمود جلس جنبه بالكرسي الخشبي لتشميس وبابتسامة: حسيت انك في هاواي ..

طلال كان لابس شورت ابيض مع سترة مرسوم ورود كبيرة أزرق نيلي وأوراق خضراء وكاشف ازرارة العلوية ولابس نظارة شمسية ..

رد له الابتسامة وطلبوا فاكهة الاناناس محفورة وداخلها فواكهة مشكلة ..
وسالفة تجر سالفة ..
طلال: جمعة خوات ..

حمود تنهد: صحيح ممكن ذه كان في صالحي لكن وش ذنبك أنت ..خربنا عليكم شهر العسل ..

طلال: ابد الحال من بعضه ..

حمود: وش قصدك؟

طلال انتبه لنفسه: أقصد صرنا منسيين بس من تجمعوا .. " صار يقرأ ملامح وجهه " كأنك مغصوب تجي هنا .. انبسط واستمتع الواحد مايدري متى تحصل له مثل هالسفريات ..

حمود: تكلم عن نفسك .. اما عن نفسي تحصل ..

طلال: صدق انك وقح ..

حمود بضحكة: مو قدك ..

طلال وحمود: هههههههههههههههههههههه ..

طلال: ابد ماهقيتك فكاهي ..

حمود: ما شفت شيء ..

طلال: وينك فيه طوال الأيام ذي شكلك معتكف ما تطلع ..

حمود: مو مرة .. إلا أنت متأخر بالسفرة فكرتك حلوة .. تتعودون على بعض و..

طلال قاطعه: كنا مخططين نسافر دايركت مير فؤاد حط يده بالسالفة وتأجلت ..

حمود بلا شعور وبحقد: وهالانسان ذه فاضي لهدرجة ! احس ربي خلقه كذا بس عشان يعكنن على الي حوله ..

طلال ناظره ..

حمود انتبه لنظرات طلال وباندفاع: اقصد .. يعني أنت عارف شخصيته يحب التحكم ..
طلال: انت من العم انا من العمة ..

حمود تنفس براحة لما شاف أن طلال نفس معاناته: عجيبين هالعايلة ..

طلال باهتمام: أنت عايش معهم سنين وانا تو .. انما لاحظت ان جو العايلة متوتر وعندهم كمية تدخلات..

حمود: وتهديد انتبه لنفسك يا طلال ..

طلال: حسستني انهم مافيا ..

حمود بهمس: ممكن أشد ..

طلال ماسمعه: تخاويني ؟

حمود: وين..؟
.
.
.
مها بمعارضة: لا طبعا ..

راغده: لا تنفعلين مها .. هو مجرد تحليل ..

صوفي: صفة مشتركة .. بتحبوا السيطرة مبعرف طريئة التربية بس انتو كتيـر شرسيـن مع الجنس الآخر ..
مبعرف كيف عم يصبروا ..

مها فتحت عينها على الآخر: والله يا راغده لو ماتسكتين الشعلة > تقصد لون شعرها

راغده وقفت بينهم: خلاص أنتي وياها ..

صوفي بدلع: يالله شو هيدا ، انتي زلمة ؟

مها مدت يدها من بين راغده ومسكت يد صوفي بتضربها الا باندفاع جسد راغده لها: اتركيني اطلع الرجال الي فيني ..

راغده باندفاع: خلاص صوفي روحي لا يصير شيء ..

صوفي طلعت من المسبح وبمياعة: راح روح شوف طلال ..

مها عقدت حاجبها: كأنها قالت طلال ! " التفتت لراغده وبصدمة" لا تقولين أنها الي مخاوية زوجك ! لهدرجة راغده عادي عندك .. ومجلستها هنا معك ليه ؟

راغده: ومن قال أنه عادي !

مها بعصبية: وتقولين انها زميلة انا والله من شفت شعرها وتصرفاتها وانا قلت ما وراها الا البلاوي .. انتبهي تسمعين لها وتصدقين كلامها ..

راغده : تجربتي بالتجارة خلتني اتعلم واستفيد من خصومي يا مها ، حتى لو كلامها ما عجبنا بس لابد في من الصدق ولا ليه تتعنى لهنا عشان تنصحني وتنصحك ..

مها كشرت بوجها: عاد هذا ألي ناقص بعد ، ذي اخصائية نفسية ابو ريال ..

راغده بضحكة: اجل ماشفتي دكتورة سلمى وش تقولين ..

مها: من سلمى ؟

راغده بكذبة: هه ابد ذي بالانستغرام ..

مها: اقول قومي لحقي على ألي عندك لا يروح فيها ..

راغده: ووش وضع حمود ؟

مها: أنا يا راغده عمري ماكسبته عشان اخسره لكن انتي ! علاقة حب لاتروح كذا ..

راغده " كذبة دفعتني ثمن الكثير " وطلعت من المسبح جففت جسمها ووجها وهي سرحانة بالتفكير
مسكت جوالها ودخلت السناب شافت طلال وحمود بالقارب يتجولون ..
تنهدت بضيق مو عارفه كيف وآيش بتتصرف مع طلال هل تبدأ معه من جديد أم تبدأ تكتفي بـ آخر هوشه معه وتأخذها بعين الاعتبار ..
ناظرت بصوفي من بعيد وهي تأشر لها " فكري منيح "
قامت بثقل ولبست ملابسها وحجابها واجتمعنا بوجبة عشاء
مها تناظرها بغيض

صوفي تتجاهل مها: هالطبق بيعئد .. مش معئول شو طيب .. مجربه أدوئي الكبة نية ؟

راغده بملامح مستقرفة: ولا أفكر ..

مها: هه .. الاهم انتي تاكليه خلاص ..

صوفي: طلال ئال ميجربها كرمالي ..
دخيلو أنا

مها قاطعتها: ماتستحين على وجهك أنتي ؟ وش هالكلام ذه ..

صوفي تناظر براغده بنظراتها الباردة ألي ما تدل ولا تدلي باي تعبير وحبت تغيضها اكثر: في حفلة تأسيس المنتجع أرئصنا رئص رومانتك بياخود العئـل.. حسيت حالي أميرة هنيك يــاي كتيـر حبيت بتمنى تنعاد مو راغده ؟ انبسطنا ما ..

مها وسعت عينها ومسكت يد صوفي: اي رقص ذه يالي ماتستحين على وجهك ..

راغده حست بعدم مرور اللقمة بحلقها واخذت منديل ورمت ألي بفمها وبدون ماتناظرهم: بالأذن بروح التواليت ..

مها ضربت صوفي بكتفها: خرابة بيوت أنتي ؟ ما تستحين على وجهك ..

صوفي ابعدت يدها عنها: شو خصك أنتي .. أنا عم حاول أدروس تعابير وشا ..

مها رفعت حاجبها: وما حلت وقت دراستك إلا فيها وفي هالطلال ياخي روحي لرجال ثاني ..طلال حافي منتف وش لك فيه ..

صوفي بابتسامة: دخلك دكتور حمود مناسبني اكتر منو !

مها قامت من الكوخ: لا واضح ان ماينفع معك إلا افرك قمتك بالقاع وامحي ملامحك وانتف شعرك الشعلة ..

قامت صوفي بسرعة وهي تحتمي بالقارسون تحاول تتفادئ ضرباتها ..


طلال: بروح التواليت .. ثواني وانا جاي ..

حمود: اوك

اختار كوخ وجلس بالطاولة وهو يشوف ويسمع صراخ حرمتين انفجع لما شاف مها قام بسرعة وباندفاع: وش فيك ؟

مها وهي تتصيد صوفي: وش دخلك أنت ..

حمود مسك زندها وسحبها لعند بحده: بس خلاص الناس صارت فرجه وتناظر ..

مها انصدمت لما شافته: انت !

صوفي باندفاع: هيا عم تتهجم عليي .. خايفة اسرئو جوزا ..

مها تمنت الارض تنشق وتبلعها من الفشلة وباحراج: لا لا مو كذا ..

صوفي: شو مالك .. متحكي لألو ليه هجمتي عليا متـل الوحـش ..

حمود: معليش زوجتي ما تقصد اكيد سوء تفاهم ..

صوفي بصدمة وبابتسامة: أيــي.. اي ولا يهمك ..

حمود يصر على اسنانه: لحقيني

ابتعدوا عن الاكواخ والتفت لها: وش قاعدة تسوين ! ماتدرين ان الان اي شيء يصير صوروة ! عادي لو انتشرت صوركم بهالطريقة ..

مها عينها تحت وبندم: ألي بدأ هي .. ظلت تنرفز راغده بشكل كبير ..

حمود بحده: ولو كنتي انتبهتي ، في شيء اسمه تفاهم مو بحاجة للعنف .. فشلتينا .. دايم اسلوبك استفزازي ..

مها كفتت يدها وكأن الوضع مو عاجبها: حمود ! ردة فعلك ابد مبالغ فيها ألي يسمعك يقول اني اقتلعت عينها مير هي الي تصارخ وانا غير يدها ماتعديت ..

حمود بشراسة: أنا اعرفك مها مو من اليوم ان الغلط منك مو منها ولا الهوشة ذي ماكان لها لزمة من أساس .. اسلوبك تهديد ومنرفز .. لذلك هي صارخت وابتعدت عنك الله يعلم وش قايلة لها ..

مها انصدمت : احين هذا رأيك فيني ؟ و هذا استنتاجك ! " وبابتسامة سخرية" الحمدلله منت بقاضي ..

حمود بكره: لو اني قاضي كان زجيتك بالسجن واهلك مؤبد ..

مها من هول الصدمة عجزت انها ترد ..

حمود رجع للاكواخ وتركها بتفكيرها " ليه قلت هالكلام .. استغفر الله الان وش بتقول ووش تفكر فيه ! الله يسامحك يا بدرية كل ذه بسببك رافضة تردين علي وحطيت الحرة فيها "

مسحت دموعها وغسلت وجها وحطت لوشن ومكياج خفيف طلعت من التواليت شافت طلال بوجهها عاملته مثل الغريب وصدت عنه ..

رجعت بسرعة للكوخ جات بتسأل عن صوفي الا تشوف دموع مها جلست جنبها بقلق: وش فيك مها صار شيء؟ وش فيك تكلمي ..

مها بصعوبة كلام: و..لا ..شيء ..

راغده بخوف: ليه تبكين هالقد .. تكلمي ..

---------
قامت بعصبية وهي تدور بعيونها على حمود توجهت له وبحده: انت وش قايل لمها ؟

حمود ناظرها ووقف: طلعت مني الكلمات بدون ما أحس ..

راغده: كنت مسكت لسانك مو كافي انها للان ماتدري راعي مشاعرها لو شوي يا حمود ولو .. ولا هي مو مقام بدرية ..

حمود بندم: مو القصد كذا ..

راغده قاطعته بشراسة: ولا انتوا كذا يالرجال .. السالفة اذا فيها حرمة تتغيرون وتسيئون للي عندكم عشان خاطرها ، والله أن مها ماتستاهل إلا كل خير بس ما عطيتها فرصة ..
الواحد ما يدري لمتى بيعيش وانتوا ..
طيب اذا مو عشانها عشان جوان بس اختي بعدها صغيرة ما تدري ايش يعني فقدان الأب .. يا حمود ثق تماما ان وقت البعد والطلاق لاقدر الله انت ماتكون انت وهي ماتكون هي .. الاغلب يصير معه انتقام بالاطفال " خذت نفس عميق وبعد صمت دام ٦ ثواني " اسفة أني تكلمت معك بهالطريقة بس شوفة مها بهالطريقة خوفتني وخلتني افكر لو درت ايش ممكن يصير ..

حمود " مسكينة انتي يا راغده ما تدرين عن مها بشيء " نزل عينه لتحت: ما بيصير الا كل خير .. مها عمرها مافكرت بي انا مجرد اسم يعني هي متزوجة دكتور وخلاص ، نظرتك لمها كونها اختك لكن انا لاني زوجها تعاملني معاملة ... " سكت لما شاف طلال "

راغده ألتفتت وشافت طلال نزلت عينها: بالأذن ..
-------
رجعت للكوخ وبروح مرحة: ما تدرين وش قال لي حمود .. انه ندمان ومتحسف على ألي قاله وهو ماقصد بس اليوم زاد شوقه لجوان ووده بشوفتها ..

مها تمسح دموعها: اي قالت لي أمي أنه كلم جوان اليوم وطــول معها ..

راغده تنفست براحة أن كلامها الكذب صار صدق انتبهت لضوء جوالها رسالة من طلال " الساعة ٨ تعالي انا بانتظارك بجناحنا "

راغده " ياربي وش باقي بعد .. يارب سترك " شربت عصيرها ..

مها: امي تسولف لي ان نرجس ماخذه بخاطرها عليك ..

راغده: ليه ؟

مها: تدرين انتي قد ايش مهمة عندها وزعلت انو ليه ماحضرتي ، تصوري هالصهيب ذه ما رضى يشوفها او يجلس وياها يقول انه يحترم هالتقليد ..

راغده تحرك بكوبها المليان ثلج: ما وده بالتزامات وش له بعوار الرأس امه اختارت نرجس بالضبط عشان تصبر على ولدها وتسكت عليه على زلاته وهفواته نرجس بتموت وتتزوج لو تتزوج من خرجه ..

مها: هههههههه على رأيك ..

راغده: زين وسمعت ضحكتك يلا بقوم مها

مها: لوين؟

راغده: بروح اريح خلاص .. اليوم كان حافل من الصبح واحنا برى .. وروحي لجناحك اكيد يريدك حمود بسالفة تفاهمي معه وخلك لينه تمام؟

مها: على رأيك ..

وقامت مع أختها لكل واحد بجناحه ..

دخلت بخطوات ثقيلة شافته شبه متسطح على السرير ماد رجله

راغده بصعوبة كلام : ان شاء الله ما توخرت

طلال بنفس وضعه: أبدا " وهو يشوف الساعة بمعصمة " جيتي قبل الموعد بدقايق واضح انك متحمسة ..

راغده: وش تتوقع من امرأة اعمال !

طلال نزل عينه ورفعها تجاهها: وش تشربين ؟

راغده بنفس نظراتها الجادة ونبرة صوتها الحادة: تقدر تبتدي .. انا شربت كثير بالعشاء ..

طلال عدل جلسته: وش ألي بينك وبين حمود ؟

راغده " لا ابد كلش مو ناقصة ظنونك وشكك " : وش ظنك ؟

طلال: ما سألتك عشان تعيدين السؤال لي ..

راغده:..........

طلال: اخر مرة أعيد .. وش ألي بينك وبين حمود .. زوج أختك ..

راغده " الصبر يا ربي " : مثل ما قلت زوج أختي حبيت احط له النقاط على الحروف .. وبس

طلال اقترب منها وبان فرق الطول بينهم ومسك ذقنها ورفعه لمستواه وبنظرات ثاقبة: لآخر لحظة أحاول امسك اعصابي تجاهك يا راغده بيجي يوم وافقد صبري وتشوفين شيء ما شفتيه .. اوك يا ... " وبسخرية" طويلة العمر ..

راغده بلعت ريقها بخوف: أوامرك ؟

طلال نزل يده من ذقنها وحطه بجيب بنطلونه: يعني ما تدرين وش أريد راغده !؟ ووش ألي يزعجني ووش ألي ما يزعجني !؟

راغده " نبرة صوته تدل أن في مشكلة كبيرة راح تصير " ابعدت عينها عنه : كنت اظن ان هذا طلبك .. نكون أغراب وش الي مو راضي عنه الان ؟

طلال بحده: حتى اللوح بينزعج لما يشوف زوجته تكلم واحد غريب عليها ولا لهدرجة مو شايفتني رجال !

راغده حست بخوف من نبرته وباندفاع: ما عمري تكلمت مع حمود بشكل شخصي الا هالمرة اقصد ذي المرة الثانية ولو ما شفت ان الموضوع فعلا محتاج لتدخلي ما كنت تكلمت معه ..

طلال بنظرات مصحوبة بالشك : ذي اخر مرة انتبهي تكررينها .. طالمة النفس عليك راضية تجنبي عصبيتي ..

راغده بغرابة: أنا مو فاهمتك أبد ليه تتكلم معي بهالطريقة وش جاك مني ! ليه هالتغيير الفضيع والكبير ..

طلال نزل لمستواها وباستفزاز: تعبت من التمثيل .. فكرة اني ادعي الرومانسية والحب اهلكتني بشكل كبير ..

راغده وكأن انكب مويا بوجها وهي تصارع صدمتها ودموعها: اف ! لهدرجة ؟ هههههههه ماتدري قد ايش اتعبني التمثيل وأنا اقنع نفسي بالتسليك لتصرفاتك لكن كويس واستسلمت بسرعة " تنهدت براحة " اشعر وكأن هم وانزاح ..

طلال بقهر : شعور متبادل ..

راغده ببرائة: ما كان لابد تدخل بالتمثيلية كنت ما مثلت لان تمثيلك فاشل كان كل شيء واضح بس ما كان علي إلا اني اجاريك وبالاخير " شكلت دائرة بصبعها السبابة والابهام " تمثيلك صفــــــر ..

طلال يحاول يمسك اعصابه: راغـــــده ..

راغده قاطعته بوقاحة: مو كــــافي مرضك ومتحملتك ..

طلال والشرار طالع من عينه ومسك زندها وبقوة وهو يصر على اسنانه: وش قلتي " وبصراخ " تكلـــــمي ..

راغده تحاول تبين أنها قوية وبألـم: ألي سمعته ..

طلال ماقدر يمسك نفسه وبكف على وجها من قوته دارت على نفسها سحبها من ذراعها وبعصبية: يومك أسود زي وجهك يا راغده ..

راغده بيدها الثانية تتحسس مكان الكف وبين دموعها: مو نفس سواد معرفتي فيك .. كان من الأفضل لي عدم شوفتك المقيتة وتعبي بالتمثيل وياك ..

طلال يشد على ذراعها وبنظرات مليانة قرف وكره: انسانة مثلك مريضة حرام فيها المساعدة والزواج ، فوق ما أنتي وقحة وتافهه مغرورة على قلة سنع ، وحدة مثلك رضت بالتحرش لين ما وصلت للاغتصاب وبالطريقة غير شرعية ..

راغده بفجعة واصفرار لون بشرتها من الخوف: أيــش !

طلال بعصبية: لكن أنا بعلمك المريض إيش ممكن يسوي ..

راغده تبعده عنه بشراسة : وخر عني يا مقرف ..

طلال والشرار يطلع من عيونه: مقرف ! طيب

صراخها ومقاومتها له لم تكن كافية وقضت الليلة كما راد ..........
.............................
.......................................

.
.
دقت باب مكتبة : ادخل

ابو عبدالعزيز رفع وجهه لها شاف بيدها كوب شاي وبابتسامة: حياك .. جاء بوقته

ام عبدالعزيز ردت له الابتسامة مجاملة
شرب من كوبه وانتبه لوضعية عبير ألي واضح أنها تريد تقول شيء
ابو عبدالعزيز: معك شيء منتي بخالية ..

ام عبدالعزيز باندفاع: اي معي ..

ابو عبدالعزيز: تفضلي وش عندك ..

ام عبدالعزيز: وش له تودي مها وحمود بنفس منتجع راغده.. ممكن هالتصرف يزعج زوج راغده .. ويحس ان احنا مستقصدينه ..

ابو عبدالعزيز: ذي اختها مو على كلامها لي انها تحب مها خلاص يتسلون مع بعض .. بالعكس منها يعيشون جو عائلي وينبسطون ..

ام عبدالعزيز: الهدف كان عشان تعكنن جوهم فؤاد أنا أعرفك ، عشانهم يحبون بعض .. مستخسر السعادة فيها !

ابو عبدالعزيز: لو انتي حاطه ببالك ان بنتك صادقة فأنتي حرة انما انا مو مصدق ان بنتك مامعها علاقة بحمود ..

ام عبدالعزيز بصدمة: انت سامعه بـ اذنك ان حمود قال ان راغده مالها دخل وان البنت الي يكلمها نزوة وعدت ..

ابو عبدالعزيز: وهنا السؤال .. بنتك قالت ان ما معها اي تواصل بحمود .. كيف سولت لنفس حمود يتهم راغده بهالتهمة ! فكري فيها شوي وحركي عقلك المجيم ، بنتك خلاص انتهت وأنا ما اقدر اشوف بيت بنتي ينهدم وأنا جالس .. بنتك راغده هي الي بتخرب بيت مها بالتدريج وحا تشوفين انتظري بس كم يوم وحا تشوفين ..

ام عبدالعزيز: يا فؤاد راغده خلاص طلعت من عندك ولما طلعت هي ما طلعت مع مها لحالهم او صار بينهم لقاء إلا على طلبنا عشان ترجع مها لبيت زوجها بس ، وطالمة هي طلعت من حياتها ليه ترجع العلاقة بينهم؟ ليه ترسل بنتك لنفس الدولة ولنفس المنتجع الي فيها راغده .. مو كذا انت تقربهم من بعض يعني خوفك المفروض يزيد ..

ابو عبدالعزيز: صعب تفهمين .. انتظري وحاتشوفين

.
.
ضمت اللحاف الأبيض وهي تستر جسمها العاري ..

وبنوحه: لــــيه ليـــــه ..

طلال يلبس قميصه وبدون ما يناظرها: بتحمم قبلك ..

دخل الحمام بعد ما سحب الفوطة

فتح الصنبور ونزل الماء البارد على وجهه ليخفي معالم وجهه الحزين " ليه يا راغده توصلين لهالمستوى من العناد وجرح لمشاعري ليه تريدين اقسي عليك كل شيء ولا أستنقاصـك لرجولتـي .."
ضرب بيده بالجدار وهو يحمل معالم الندم ..
سكر الصنبور وهو يسمع بكائها وصياحها

لف الفوطة بخصره ودخل عليها تبدلت ملامحه لقسوة وشده:
ما خلصتي دراما !؟
راغده بين دموعها ونوحها: ليــه طلال ليه ؟ ايش سويت لك ليه ..اهئ اهئ " بلعت ريقها بسبب جفاف حلقها من الصياح " ليه وش جاك مني عشان تسدد ضربتك علي بهالطريقة..

طلال عند التسريحة: كوني ممتنة أني كنت حنون معك طوال الفترة ذي وصبــــور , انا تعريف بالصبر المفروض يسون لي تمثال ويكتبون تحت اعمالي وبطولاتي ..

راغده تحاول تسند طولها وتمسح دموعها بيد ترجف وكأن طاقتها انهدرت بالمقاومة والصراخ حست بضباب اسود وكأن الدنيا عتمت عليها حطت يدها على جانب رأسها كأن الدنيا تلف وتدور

طلال انتبه لها وركض لها طاحت بين ذرعانه القوية

طلال بخوف: راغده راغده " هز كتفها" راغـــــده ..
.
.
.
دخلت جناحها شافته على جواله يكلم جوان فيديو
حمود يناظرها: بنتك تسأل عنك ..

مها اقتربت منه وخذت الجوال وبابتسامة: اهلين حبيبي طمنيني عنك ؟

قام حمود للتواليت بعد دقيقتين دخل للغرفة شافها تسكر ازرار بجامتها: انبسطتي بالسفرة

مها: راغده ماقصرت وياي اقلها ابسطتني وغيرت جوي ..

حمود جلس بطرف السرير : مها .. معك علم أن مالي رغبة بهالسفرة بس رحت مرغم ..

مها ناظرته بالمراية واخذت العطر تعطر ملابسها : معك علم أن احنا ما سافرنا من ٤ سنوات ! بس شهر العسل وبس ..

حمود: في ناس ماطلعت من المملكة أصلا ماجات بس على السفر ..

مها: طالمة أن في امكانية وين المشكلة وانت رايح الان محمول مكفول ..

حمود تنهد: مها ..

مها قاطعته: قولها عادي يا حمود ..

حمود: طالمة أنتي عارفه ليه تجبريني ؟

مها: عشان جوان بس ، ولا تظن أن أبوي بيرضى أني اتطلق

حمود: كل شيء تسويه لازم تشاورين ابوك وامك ! ليه سمحتي لهم انهم يقررون حتى بزواجك ..
شوفي أختك تقرر ولا تهتم لكلام أحد
اخذت ألي يحبها وغصب عن الكل ..

مها التفتت له: فرق كبير بيني وبين راغده .. راغده تزوجت كبيرة انا تزوجتك عمري ٢٠ مثلي مثل اي بنت مالي اي متطلبات وساكته واسمع كلامهم لأن مهما وش كان هم يحبون الخير لي شافك ابوي زوج زين لي وزوجك لي وأنا لو ادري أن الزواج كذا كنت جلست ببيت ابوي ابرك واستر لي .. ولا تفكر انك تقارني في راغده نهائي بنت العشرين غير عن بنت الــ٣٣ سنة ..

حمود بابتسامة باردة: صدقتي سن الثلاثين يغنيك عن كوكب من المراهقات الثلاثين هو النضوج والحكمة والدهاء والجاذبية والإثارة ..

مها ناظرته بشك: وش تهدف له حمود!؟ عاجبتك لهالقد راغده !
كنت تزوجتها مو تتزوجني أنا ..

حمود: صدق ان عقلك صغير من الي يفكر بهالطريقة ؟ غيرك أنتي وأهلك ، هي مذمومة لو ايش سوت لكم ولأني كنت جربوع وغبي قبل استهلكت اسمها ..

مها بعدم استيعاب: انت وش قاعد تقول وايش استهلاك ! صار شيء انا ما ادري عنه ؟

حمود بابتسامة قرف: خلك خلك كذا بعالمك الخاص انتي وأمك ..

مها بفضول: حمود تكلم وش صاير ؟

حمود : انا اشوف ان من بكره نشتري هدايا ونضبط اوضاعنا الإجازة بتخلص
..
مها بإصرار: حمود تكلم وش مخبي علي ؟
وسط إصرار مها ، حمود همشها وكأنه مايسمع تسطح بالسرير واطفئ النور امامه: تصبحين على خير ..
.
.
.
بالفندق ..
جنان تلبس ملابسها: يلا حبيبي تأخرنا ، امي صدق ما بتصدق أني طوال هالوقت كنت عند صاحبتي وممكن تكلمها ..

سطام: ليه ما علمتي صاحبتك ؟

جنان: إلا قلت لها أني بطلع معك بس الحذر واجب وأنا تأخرت على اي حال ..

سطام بحب: اعذريني جنان .. بس اهالينا مشددين ومالي الا الطريقة ذي ..
جنان بخوف: ما اقدر اكررها خلاص سطام اعذرني ، انا خايفة امي وابوي يعرفون ايش بيسون فيني ..

سطام: ما باقي شيء وبنسوي زواج كبير ..

جنان: إن شاء الله ..
.
.
.
بعد ما فحصها الدكتور طلع من جناحهم ..
اكد اغمائها بسبب نزول الضغط
طلال جلس بالكرسي قبالها وهو يناظر فيها بعيون ندم وحسرة " لو تبطلين تحدي وعناد .. لو ... استغفر الله ، يارب سامحني وتجاوز عني " مسح على شعرها العسلي وهو يمرر اطراف اصابعه عليه ويتأمل ملامحها تنهد ورجع ظهره لورئ " جميلة حتى وهي نايمة " ضم يدها بيده الاثنين
الساعة ٩:٥٥
فتحت عينها بثقل والنور نور المكان ..
قامت بثقل وهي ناسيه ايش صار أمس بالضبط ..
انتبهت لمقبض الباب وهو يتحرك بشويش لما شافته رجعت لها الذكرى وشدت من اعصابها
طلال : صحيتي ! توقعت أن بعدك نايمة " وبغمزه " نومة حلوة بعد ليلة أمس ..

راغده استرجعت الأحداث الي دارت بينها وبينه نزلت رأسها ..

طلال انتبه لخوفها وشدة قبضة يدها لمفرش السرير وبنظرات باردة: بدل جلستك ذي قومي تدوشي الفطور شوي وبيوصل ..

راغده انتبهت لملابسها وبتردد: من ألي لبسني ؟

طلال جلس بالكرسي بينهم مسافة طويلة وببرائة: أنا ! واضح ان ماعندك فكرة ايش صار أمس .. اغماء عليك وضغطك نازل وجاء الطبيب صعب اخليك بس بغطاء السرير ..

راغده باحراج وحيا: وقح ولا معك ذرة حيا ..

طلال: وليه ! زوجتي وحلالي انتي ستري وانا سترك .. ها بتقومي الآن ولا انا اتكفل بكل شيء ؟

راغده بنفس حياها قامت بثقل واخذت الديشمبر ..

فتح الصنبور ونزل الماء البارد تريد تطفي اوجاعها وحزنها وصدمتها من طلال .. طلال ألي استعانت به عشان يحميها من بدر وعشان تفك الناس حولها بخصوص سبب عزفها لزواج .. اختلطت دموعها بالمويا تجر وراها الخيبة والحزن والحسرة
اسوأ شيء في الدنيا انك تدفع ثمن اختيارك وانت مش عارف تنطق بشيء لأن محد ضربك على يدك أو جبرك عليه ..
كان اصعب شيء تفكر به هو كيف تواجه اهلها والعالم عن خيبتها بزواجها من طلال بعد ما تحدت أمها وألي حولها . الكل يقول لا وهي تقول نعم وانا واثقة .. بنت ثقتها فيه من موقف قديم صار من أيام مدرسة ريهام ..
ظلت تضرب يدها بالجدار لعلها تطفي قهرها ووجعها الداخلي ..
طلعت من الحمام بعد صعوبة تطلب منها شجاعة لمواجهة مغتصبها أو هذا ما اسمته على زوجها ..

جففت وجها وشعرها توجهت عند المراية وهي تتحاشى النظر له او الاحساس بوجوده بنفس المكان ، كان كل تفكيرها الآن بهاللحظة ايش تسوي وايش بيكون الموقف التالي معه ..
مشطت شعرها وجففته ..

سمعت صوت الباب عرفت أنه طلع ..

طلعت من الدولاب فستان طويل خفيف لون كحلي بـ أكمام طويلة بقصة مميزة من الصدر ..
تركت وجها مثل ماهو عليه .. انقبض صدرها لما سمعت صوت فتحة الباب والعامل يجر عربية الإفطار ..
بالغرفة الثانية شوي تسمع صوته الخشن يناديها ..
ضربت المشط بطاولة التسريحة

لما حست بخطواته مسكت العطر واشغلت نفسها بالعطر عشان لا يسألها السؤال الي سألها
طلال: ماتسمعين انادي عليك ..

راغده حطت العطر بالطاولة ومشت ببطء لعنده

اول ما شافها اقتربت ابتعد عن الباب وتوجه لطاولة الطعام ..

وصار يرتب وبدون ما يناظرها: اكلي زين لأن واضح أنك مريضة .. وتحتاجي تتقوي ..

راغده جلست بشويش على الكرسي وهي تحس بألم ..

طلال انتبه لملامحها: الألم بيزول ان شاء الله ..

راغده فهمت قصده " وش هالاحراج صدق انه ما يستحي على وجهه " :........

جلس قبالها وصار يأكل ثم مد لها قطعة ..

راغده ناظرته بغرابة: معي يد بأكل لحالي ..

طلال بحده: افتحي فمك وانتي ساكتة ..

راغده مدت يدها عشان تأخذ اللقمة ابعد يده وباصرار: كلي من يدي ..

راغده نزل يدها:.........

طلال بنفس حدته: ولا يعجبك العنف انتي ! ماتجين باللين !؟

راغده فتحت فمها بفك يرجف واكلته اللقمة ..

طلال: من الجوع كل شيء فيك يرجف .. خذي كوب الحليب اشربيه يعطيك طاقة

راغده أخذت منه الحليب ولامس يدها أطراف اصابعه حست بصعقة كهربائية وبرجفة وسحبت منه الكأس بسرعة

طلال رفع حاجبه: مو مشكلة بتقبل تصرفاتك ذي .. لكن مو لوقت طويل خبرك انا قليل صبر , وتصرفاتك ذي ووجهه الكلب الي لابسته على الصبح ما اريد اشوفه ..

راغده كانت تحارب دموعها وهي تشرب الكوب لآخر قطرة على فترات وكان يمد لها اللقمة وتفتح فمها بدون اي ردة فعل او تعليق منها ..

طلال كان يسترق النظر : لونك الآن جميل .. برونز لكن خفيف مو مرة اوفر اهنيك عرفتي كيف تسمرين نفسك صحيح .. " وبهمس دافي " نفس لون اللاتينيات وأمثال ايرينا شايك ..

راغده سمعت صوته رجعت لها الذكرى ونزلت دمعة مسحتها بسرعة وهي تفتكر طلال قبل .. قامت وباندفاع: سفرة دايمة ..

مرت جنبه مسك معصمها وهي جمدت مكانها وبحده: بأمر من تقومين وتنهين اكلك !

راغده وهي تحس بيده الدافية على يدها الباردة وبخوف: شـ..شبعت ..

طلال سحبها وجلسها بشويش جنبه : عشان ما تتوجعين خلي حركتك الجلوس والقومة تكون بطيئة ..

راغده وجها قلب أحمر نزلت وجها لتحت ونزل شعرها ليغطي وجها ..

طلال: كيف بتاكلين كذا .. " مرر يده الدافية على شعرها ورجعه لورى اذنها لكن غرتها ترجع لوجها .. رفع ذقنها بيده وصار قبال وجهه نظراتهم تلاقت بينهم وهو يشوف عيونها الدامعة دام صمت بينهم ٩ ثواني رجع مرر غرتها ورى اذنها وطلعت من جديد " واضح أنها مو راضية تدخل اقلها تقدرين تاكلين احسن من مساع

راغده توترت من نظراته ومدى قربة وهي تشوف ردة فعلها ماعادت مثل قبل هالسنوات من دخل طلال بحياتها كان له فضل بتغيرها بشكل كبير وملحوظ على نفسها

صار يأكل فيها ويسولف عن وجهتهم اليوم وصمت راغده يقطعه من جوا ..

ارسلت رسالة لـ مها تعتذر لانشغالها اليوم وما بتشوفها .. مها ما ردت عليها
نزلوا لسوق ..

طلال: هذا الفستان بيصير نار وشرار عليك ..

راغده ناظرت الفستان كان جدا ناعم وبسيط ماعرفت ليه عجبه ..

طلال: لبسيه لي قبل لا ننزل السعودية ..

راغده : طيب ..

طلال " اكيد في رأسها شيء ، هدوئها ابد مو داخل مزاجي "

عند المحاسبة شافت اختها مع حمود ابتسمت بخفه ..

طلال اخذ الكيس وناظرها: وراك تضحكين ؟

راغده: شفت اختي وزوجها يتسوقون واضح ان علاقتهم تحسنت ..

طلال: عقبالك ..

راغده بغصة: ان شاء الله

طلال: غيري وجه الكلب لا يشكون بأنك متغصبة علي ..

راغده ابتسمت مجاملة وصارت تمشي معه ..

وقفوا عند كشك ولبسها اسوارة فضية ناعمة : توقعت ان يدك بتحلي السوار ..

سحب يدها وباسها ..
راغده طيرت عيونها لفوق ونزلتهم كـ نوع من الملل: وقت تمثيلك الان ؟ طالمة ما في احد خلاص لاتمثل ..

طلال " ابد ما مثلت ": ليه يزعجك ولا للان ما اتقنت؟

راغده: يكفيك شرف المحاولة ..

طلال بابتسامة وهو يشوف حمود من بعيد: على الأقل في أحد مصدق ان احنا عشاق ..
مسك يدها وشبكها بيده
راغده كشرت بوجها: اوفـــر ..
.
.
قدمت لهم صحن الحلا

وجلست: حي الله من جانا ..

مريم: الله يحييك عيني ..

فرح: كلفتي على نفسك مروة

مروة: ولو مافي كلافة نورتوني ، نغير جو وننبسط ..

مريم عدلت جلستها: شفتو ايش راسله راغده !

مروة: والله انصدمت ، صدق اشياء تغيرت وش جرى لها !

مريم: تأخذ سمرة الان ست الحسن والجمال شوفو منزلة بالسناب الآن ..

فرح: وامس متسوقة يا قلبي قلبها مانستنا كاتبة هدايا لصديقات ..

مريم: كل ذه فشخرة ..

مروة بتفكير: تتوقعون عشان تحر الي اسمها جنان ..

مريم: صدقتي ممكن ضايفتها .. لان تصويرها كاثر مو بالعادة

فرح: وش دعوة بنات .. طبيعي لانها مسافرة وين المشكلة بالموضوع ..

مروة: مصورة يومياتها وايش ألبس واي لون اشتري وتصور كذا رأي ، وش السالفة ..

مريم: زي ماقلتي عشان تحر جنان مافيها كلام ذي ..

فرح بحزن: اشعر بالذنب والله اريد اخبرها بحملي ..

مريم: قولي لها بعد اربع شهور ومو كل مرة نعيد لك بالسالفة يا فرح خلاص عاد .. اذا ثبت الجنين تمام ..

فرح: بس راغده كلش زينه وياي ..
اخاف لو عرفت تنقطع العلاقة ..

مروة: طالع هاذي .." وبسخرية " ليه بتقطع عنك المصروف ! يا بنت الحلال راغده بتعرف عذرك وبتعذرك ..
.
.
لبست ملابس السباحة بقطعة وحدة وردي وكارديغن أبيض خفيف وهي تناظر فيه من بعيد جالس بكرسي التشميس لابس سروال السباحة الكحلي ونظارته الشمسية بالمنتجع الشخصي ..
رفعت شعرها لفوق بطريقة مبهدلة وجميلة ..

دخلت وهي ضامه الكارديغن عليها
تبسم اول ماشافها: على أساس أول مرة أشوفك ..

راغده بحيا: وذيك المرة دخلت علي وانا ما سمحت لك بالمسبح زين وفهمتها وطلعت ..

طلال مسك عصاء السيلفي : تعالي

راغده: ليه ؟

طلال رفع وجهه وبحده: تعـــالي

راغده مشت بتوتر وصارت قبالة وبينهم مسافة : نعـم ..

طلال مسك يدها وسحبها لعنده وشد من قبضة يده: ما تمشين إلا بالعنف! قلت لك تعالي يعني تعالي بدون ما تسألين ..

راغده بألم من قبضة يده: نعم وش تريد ..

طلال: نعامة ترفسك .. خلك رومانسية وقولي تدلل امر سم حبيبي كلي لك ..

راغده وهي تحاول تفك يده من يدها: تراك توجعني ..

طلال قربها منه وصور كذا صورة وبنفس حدته: ابتسمي ولا بتشوفي شيء ما شفتيه مني ..

راغده: وش باقي ماشفت ..

طلال بنفاذ صبر: ابتسمي ..

راغده ابتسمت مجاملة ..

طلال نزل يده منها وسحب الكارديغن منها وبخبث: كذا افضل ..

راغده حطت يدها على فخذها وبحيا: طلال هات الكارديغن ..

طلال حذف الكادريغن بكرسية : على اساس ما شفت جسمك من قبل ..
سحب نظارتها الشمسية ونظارته ودفعها للمسبح

راغده بصراخ: ااه .. أنت مجنــــون ..

طلال يمسح وجهه من المويا: انتعشي وعيشي جوك وعمرك ليه كل هالتحفظ ..

راغده:.......
طلال: تلبسين الأسود والألوان الأساسية غالبة دولابك ، مع الكل اوبن مايد معي أنا لا .. ليه ؟ احنا بنعيشها مرة فليها ..

راغده وقفت عند زاوية المسبح وهي تفكر بكلامه اخذت من كلامه موقف جدي وتبدلت ملامحها لبرهه ..

طلال: راغده حتى لو أحنا ما نحب بعض وكل واحد يمثل على الثاني يكون بيننا شيء اسمه صداقة واحترام مو لابد استخدم معك العنف والغصب بكل شيء ، شيء مرة اطلب منك شيء سويه بدون ما تسألي ليه او وش الهدف منه .. مدري كيف كنتي تمشين عمرك قبل ..

جات العاملة ودفعت لهم الصحن بوسط البحر كان فيه عنقود عنب ومشروب ..

طلال: اقربي هنا ليه على الزاوية كأنك بتطلعين من المسبح ..

راغده أخذت نفس عميق ونزلت رأسها لما وصلت عنده طلعت بسرعة من المويا كأن نفسها قل ..

طلال ارتبك من قربها وهو يشوف قطرات المويا على كتفها ورقبتها وشعرها مبعثر على وجها .. صد عنها

راغده رفعت شعرها لفوق وأخذت كوب زجاجي ومدت له كوب وبجدية: طول فترة العشرينات كانت عبارة عن تكوين نفسي وأني ابعد من بيت عمي فؤاد بعد ألي جرى لي من بدر " وبتردد " أنت أمس قلت لي كلام مو مفهوم ..

طلال بدون ما يناظرها اخذ الكوب منها: عرفت من صوفي ، تقول ان معها خبرة ومعرفة من كثر ما تقرأ بهالقصص وتسمعها من صاحباتها أن في يجرى لهم الاغتصاب بهالطريقة ..

راغده بحزن داخلي: كنت أحرص أني ما أخبرك بهالشيء خوف من فقدانك .. لكن الآن بعد كل ألي صار ماعاد في شيء يحرز أو شيء اخاف منه " ابتسمت بصعوبة ورفعت كأسها له " نخب الإدراك ..

طلال: إدراك ايش؟

راغده بغصة: إدراك ان ما كان لم يكن يحب كان مجرد تمثيل مدروس مني ومنك انت مثلت وانا جاريتك فيه فقط .. " وضربت كأسه وشربت رشفة لما حست أن دموعها بتنزل نزلت رأسها عشان تبلل وجها ولا يبان حزنها ..

طلال اخفى حزنه وتغيرات ملامح وجهه " راغده كل المشاعر ألي ظهرتها كانت حقيقة ما كنت أمثل "

بعد صمت دام ٥ دقايق
طلعت راغده من المسبح وجففت جسمها وفردت الكارديغن الأبيض عند خصرها وغطت فخذها ودهنت واقي الشمس على وجها وكتفها وذرعانها ونزلت النظارة وسط نظرات طلال لها .. طلع من المسبح وجلس جنبها وبيده عنقود العنب وبنبرة أمر: افتحي فمك ..

راغده شافت عنقود العنب يتدلى قرب شفتها فتحت فمها وأكلت حبة عنب ..

طلال بصدق: ما أحب اتعامل معك بالعنف والاجبار راغده ، لذلك طوال الفترة الي احنا مع بعض فيها كوني مرنة واسمعي كلامي ..

راغده بألم داخلـي وببرود: شكرا على العنب ..

طلال: كلمت أبو ظافر معه شقة قريبة من بيت أهلي ، اما بالنسبة لبيتك خليه لك أو اجريه لو حابه لكن طالمة أنتي على ذمتي تسكنين بالشقة ألي انا اختارها ..

راغده: الموضوع تكلمنا فيه من قبل صح !

طلال: وغيرت رأيي وبنرجع لشقة طالمة الحظ حليفنا ماحد أجرها ..

راغده: ايش الي يخليني اسكن بشقة وأنا معي بيت ملك ! وش الهدف من ذه كله !

طلال: لأن هذا الصواب ليه اسكن ببيتك طالمة انا معي فلوس ..

راغده: وفرهم لك اجل ..

طلال: ايش قلت انا من شوي ! لا تخليني أستخدم معك أسلوب العنف .. طالمة النفس عليك راضية ..

راغده بتأفف: اف بس ..

طلال: انفخي كأنك ضب ..

راغده " صارت أغلب جلساتنا عن خناقات ومشاكل وتحدي لإثبات من ألي كلمته تمشي وأنا ماعاد عندي اي قوة للخوض بمعركة نهايتها معروفة اترك الأمور مثل ماهي جايه لما هو بنفسه راح يشوف ان مصاريفه كثرت وبنفسه راح يطلب ان احنا نرجع لبيتي ، طالمة الصبر هو افضل خصالي بسلك له ونشوف لوين بيوصل "
.
.
.
بالجوال ..

مها: ما أدري يا يمه ودي تنتهي هالأجازة وأرجع الخبر ..

ام عبدالعزيز: ليه يابنتي وش صار؟

مها: تعبت من الجلسة مع حمود رجل ممل كلا بس جالس بالفندق أو ينزل تحت يكلم بالبحر ويأكل لحاله ..

ام عبدالعزيز: وراغده وينها عنك ؟

مها: لها ٣ أيام ما تنشاف كلا طالعه مع طلال ..

ام عبدالعزيز أرتاحت نسبيا: خلاص قولي لحمود ياليتنا مثلهم ممكن يحس ويتحرك شوي ..

مها بحزن: ما أدري يا يمه بديت أشك بشيء ما ودي اشك فيه .. بس دايم اطلع بهالنتيجة ..

ام عبدالعزيز: وش ؟

مها بتردد: أن ..حـ ..مود معجب براغده ..

ام عبدالعزيز بصدمة: لا مستحيل يا مها .. راغده مش من هالنوع ..

مها: يمه انا مو قصدي ان راغده شينه لا بس حمود هو ألي معجب فيها أغلب سوالفه عنها ويضرب مثال للفضائل فيها ويقارني فيها بكل شيء حتى بلون البشرة يمه والله ..

ام عبدالعزيز: مش لهدرجة مها .. وراغده عارفه او علمتيها ؟

مها باندفاع: لا طبعا يمه .. ما قدرت وش اقول لها يعني .. ان حمود معجب فيك ويتمنى يشوفك ولا يشوفني ..

ام عبدالعزيز: استغفر الله .. انتبهي تقولين هالكلام لأحد حتى لابوك ، ابوك خلقه ما يحب راغده لو شم شيء عنها والله لاينهيني وياها .. حمود جنبك ولا ..

مها: لا توه طالع تحت ..

ام عبدالعزيز تنهدت براحة: اي يا بنتي انتبهي الرجال ما ينقال لهم شيء اتركي الموضوع علي وأنا ألي بتصرف ..

مها: طيب والحل قسم اختنقت ..

ام عبدالعزيز: بتنتهي إجازتكم يا بنتي بعد بكره .. حاولي تتواصلي مع راغده وش تسوين بعد لين ما ترجعين هنا ..

مها: طيب بشوفها الآن .. الله معك ..

لبست حجابها وعبايتها ونزلت تحت حاولت تتصل براغده بطريق البرنامج كان مشغول ..


راغده عند البحر والسماعة باذنها: والله اشتقت كثير لشغل يا نهلة
..
نهلة: طال عمرك معك شغل يكفيك تكوني خارج تغطية العالم ..

راغده بحماس: ياليت أقلها انسى همومي ..

نهلة:.......

راغده غيرت الموضوع: اي واخبار الطاقم ؟ في أي شكوى أو ...

إلا تسمع صوت مألوف : والله البعد عنك جمرة يا بدرية .. اشتقت لك ولعزيز وللي ببطنك .. ههههه طالمة منك اكيد بحبه .. هانت باقي بس شوي ونروح .. " ألتفت وتغيرت ملامحه من شافها " يلا اكلمك بعدين ..

راغده صغرت عينها وكأنها تريد تتأكد كانه حمود او لا ..

حمود بلبكة: راغده ما اعرف وش اقول لك ..

راغده: ذي حياتك وأنت تديرها أنا مالي شغل فيها .. بس وعدك لي ما كان في مكانه ..

حمود: صعب اختار بينهم وقلبي مع الثانية مو مع أختك ..

راغده: أصعب شيء هو الاستغفال يا حمود .. علمها وهي حرة باي قرار تتخذه ..

حمود بابتسامة سخرية: طالمة ورانا ابوها ماهقيت ..

مها جمدت مكانها لما شافتهم

راغده: أنت لابد تعلم مها بكل شيء لين متى ساكت ..

مها بصدمة: يعلمني بوش يا اختي الحبيبة ..





آنتهــــــى البـــــارت

[لامارا]

البـــارت العشـــــرون


راغده جمدت مكانها حست ان قلبها نزل على بطنها التفتت بسرعة ..

حمود فتح عينه بصدمة: مهــا !

مها بفك يرجف: هذا آخر شيء كنت اتصوره منك .. تخونيني يا راغده ومع من مع زوجي !

راغده حست كأن ريقها جف وبصعوبة نطق: لا مها .. لا تفهمين غلط ..

مها بحزن وخيبة: آخر شيء كنت اتوقعه أنك تسوين كذا ظنون امي وابوي فيك صحيحة المفروض اصدق هالشيء من يوم حفلتي كنتي تصارخين الهدف منها مو خوف من الظلمة لا .. الهدف تخربين زواجي وحفلتي وبكائك عشان أنك تبغين حمود لك وبس ..

راغده اقتربت منها ومسكت يدها: مها ارجوك اعطيني فرصة اعلمك كل شيء ..

مها بعدت يدها بشراسة: قولي لمتى كنتي تخونيني معه يا ####

حمود بعصبية: مهــا عيـــب ، ممكن انتي فعلا شفتي لكن نصف الحقيقة .. انا ما بيني وبين اختك اي شيء ما تتكلمين يا راغده ..

راغده بفك يرجف: أي والله .. ولقاي له هنا كان صدفة حتى شوفي جوالي كنت أكلم نهـ...

ما وعت إلا كف على وجها

مها بين دموعها وبنوحه: أنا ممكن أصدق اي شيء عن هالنذل لان مابيني وبينه اي دم ، لكن انتي يا اختي الحبيبة الانطوائية ألي تكره تشوف ظل رجل ، ألي كرهت حتى اخوانها وخالها بس من مبدأ أنا ما أحب الرجال ومتعقدة منهم هذا آخرتها يالوقحة ، وأنا ألي من شوي كنت أقول لأمي أن راغده مالها ذنب وان الردئ من هالحقير .. طلعتي أنتي وياه ولا ايش يطلعكم سوا بنفس التوقيت وبنفس المكان وبالليل .. انطقي " وصارت تضرب راغده بوجها وكتفها " باللـــيل يالحقـــــيرة ..

حمود مسك يدينها ويمنعها تضرب راغده وبانفعال: خـــــلاص خلاص يا مجنـــونة ..
اختك ذي ما جات عشان زي ماحضرتك مفكرة ..

مها اعطت كف حمود: تفـــــــوو عليك وعليها .. انت وصخ وحقير و ...

حمود اعطاها كف قوي من قوته طاحت من طولها

راغده شهقت: مهـا ..

ونزلت تحت لعند أختها

مها ويدها على خدها: أنت تعطيني كف !

حمود بعصبية: وألعن جدفك بعد ، لاعت كبدي من تصرفاتك وجنونك وغبائك .. اختك ذي هي سمعتني أكلم حبيبتي وما رضت عليك واجبرتني اني اعلمك بكل شيء .. ما بغت تكونين مستغفلة طوال المدة ذي وظلت تقول لي اني اعلمك ..

مها ابعدت راغده عنها وقامت بثقل وبصدمة: ولك عين يالحقير تقولها ! حبيبتك ! ياجعلها ماتتهنى وين ما كنت وياها ، صدق ان ذيل الكلب طول عمره عوج ..

وطلعت ولحقتها راغده للفندق جات بتدخل إلا بيد مها تمنعها: خلك بعيدة احسن مشاكلي احلها بنفسي ..

راغده بين دموعها: مها انا أختك خليني اساعدك ..

مها بضحكة سخرية: هههههههههههههههه اختي ! هههههههههه أختي ألي عرفت بخيانته زوجي لي وسكتت أختي ألي كانت تدري وسكتت يا بختي بهالاخت ونعم الأخت والله ..
انفتح الاصانصير وشاف ببداية الممر راغده مها ..

مها كملت: لو انك اختي صدق من اول ماعرفتي علمتيني مو تتسترين عليه ، وانا مو مش مطلوب مني اسمع لوحده مثلك مدعية وتتوهم ومريضة نفسيا وجسديا ، مستحيل أحد يتحملك حتى طلال هذا بيجي يوم ويتركك ..

راغده بشهقه: والله يا مها ماعمري تمسكت بـ أحد كان طول عمري عارفه ..

مها بصراخ: لا تقولين اسمي على لسانك ، من عمري كنت اشوف نظرات الكره بعيونك تتمنين تكونين بمكاني عندي ام واب يحبوني وجميلة بما يكفي ومعي بنت وتزوجت قبلك كل ذه كان سبب كبير لكرهك لي .. بس وش ذنبي أنا ! انا ما حسدتك ابدا ولا فكرت اسيء لك بأي شكل من الأشكال بس أنك تهدمين بيتي بهالشكل ابدا ما ارضاه ..
حمود كان دايم يقارني فيك وبشخصيتك وبلونك وكل شيء .. رغم اني اجمل منك لكن بعيون حمود لا.. لكن عيشي حياتك والله ما راح تتهنين .. والله لا يوفقك ..

وسكرت الباب بقوة في وجه راغده ..

راغده غمضت عينها بقوة ونزلت دموعها بغزارة وبنوحه: مها والله ما فكرت ااذيك ولا حسدتك بيوم اهئ .. مها افتحي الباب خليني اتفاهم معك ..

على كلام راغده الكثير مها ما ردت عليها ولا سمعت منها اي كلمة ..
جرت رجلها بثقل وهي تبكي

دخلت جناحها وشلحت حجابها وجلست بالأرض جنب السرير وصارت تبكي بنوحه وهي تفتكر كلام مها : والله يا مها .. ما سويت فيك شيء مير المقادير والحظ ألي خلاك تشكين بي .. اهئ اهئ ياربي وش أسوي .. من باقي بعد ما خسرته .. حبي وراح واهلي راحوا ماعاد صفاء لي أحد .. اهئ ..

وقفت من سمعت صوت الباب بس الشهقة ما وقفت نزلت رأسها أكثر عشان ما يلمحها ..
طلال كان حاسس أنها موجودة يسمع صوت انفاسها أخذ ملابسه وتوجه للتواليت ..

راغده طارت عند المراية وراحت تمسح وجها بالمنديل " كويس اني ماحطيت مكياج ولا كان كل شيء ساح " مشت بخطوات طويلة بطيئة وقفت عند المغسلة وغسلت وجها اكثر من مرة وجففته ورسمت حاجبها وحطت بلاشر بخشمها وخدها وسوت كبس رموش وكريم مرطب كيوفي على وجها وغلوس بنكهة الكوكيز ودهنت البودرة والعود عند اماكن النبض ولبست بجامتها المفضلة السوداء ..
وفردت شعرها العسلي ..

انفتح الباب التواليت وطلع من دورة المياة شافها عند المراية تمشط شعرها وهي تدندن وكأن شيء ماصار انذهل من قدرتها على اخفاء مشاعرها وتمثيلها " لو اني ما سمعت الي صار كان صدقت ان مافيها شيء تمثيلها عالي ، يعني صدق كلامها لي ان كل شيء اظهرته تجاهي كان ناجم عن مجاراتي ! " : تعشيتي ؟

راغده : اطلب على ذوقك نفسي اكل هنا ما اريد انزل تحت .. الحجاب كاتمني ..

طلال يتفحصها من فوق لتحت : وهالبجامة ذي ما معك غيرها ؟

راغده: مريحة وعملية ..

طلال: ألبسي الفستان ألي اشتريته خاطري اشوفه عليك ..

راغده تناظره بالمراية: الآن ؟

طلال: عندك مانع ..؟

راغده: بس هو تقريبا لسهرة ..

طلال: اعتبريني أنا سهرتك وروحي ألبسي لي بروح اكلمهم يجيبون العشاء ..

راغده ألي ما كان لها نفس للجدال معه ونفسيتها مقفولة ما حبت تبين له , هزت راسها بالإيجاب لما شافته نزل ارتسمت شفتها الحزن والاسى تلقائيا وظلت تحارب دموعها
لبست الفستان بلون الأورنج ماسك على جسمها لفوق الركبة وفتحة من عند الفخذ الأيسر .. الصدر مغلق والظهـر مفتوح لآخر الخصر .. عاري الأكمام
أخذت طباعات الوشم ولصقتها بساقها الأيمن وعند معصمها وعند ظهرها ولبست حلق طويل ذهبي وكعب لونه ذهبي ..
صارت تشوف الوشم الي بمعصمها لمعت عينها لمعة حزن وهي تتذكر مها " اه يا مها .. بس ترتاح وتهدأ أعصابها هي وقتها بتفهمني وبتعذرني "


رفعت شعرها لفوق ورخت من قدام ونزلت خصل عشوائية على وجها ونزلت غرتها ..
مسكت زجاجة العطر وصارت تعطر ملابسها انتبهت لدخوله وناظرته من المراية كان يناظرها بنظرات مليانة إعجاب ..

نزلت رأسها بخجل
طلال ماحس بنفسه إلا برجله تقوده لها

مسك كتفها بعفوية ولفها له بان فارق الطول بينهم
مسك ذقنها بيده ورفعها قباله تقابلت نظراتهم الي كانت ممزوجة بحب .. خوف .. ارتباك .. رغبة ..
لحظة صمت دار بنظراتهم ما وعوا الا بدقة الباب نزلت عينها دايركت وحطت يدها خلف رأسها بخجل

طلال ابتعد عنها ودخلو عربية الطعام وفتح الغرفة لها : كل شيء جاهز ..

راغده مشت للغرفة وجلست وهي تشوف طلال يناظر بالعصير بتمتن ويقرأ : شاكك فيه ؟

طلال جلس قبالها وهو يسكب لها العصير: من بعد ذاك اليوم من حقي أفكر أكثر من مرة ، هببتي بأشياء كثيرة ..

راغده: صدق وش سويت ؟

طلال بخبث: ممكن مايعجبك ..

راغده: قول ..
طلال" الآن بيتضح لي كل شيء " : خبصتي بكلام غير مفهوم وقلتي كلام كثير عن أهلك وعن امك خاصة ..

راغده بلعت ريقها بخوف: هه ، اي ممكن حكي سكرانين ..

طلال بنظرات ثاقبة: وليه تغير وجهك وخفتي ..

راغده " يا ربي وش السواة " تحاول ما تبين لكنه واضح قلقها وخوفها: عـ..عشان .. اقصد اي كلام قلته اكيد كذب زي ماقلت حكي سكرانين ..

طلال غرس اللحم بالشوكة ومده لها وبنبرة اربكتها اكثر: وما أحد قال لك ان كلام السكران هو صدق وحقيقة .. وألي قلتيه ما كان شيء بسيط بالعكس لدرجة انك بكيتي وانتي تسولفين لي عن اهلك ..

راغده قضمت اللقمة اكثر من مرة وكأنها تتهرب من السؤال القادم ..

طلال: وش المشكلة ألي بينكم ..

راغده " لا .. هذا الي توقعته وش اقول الآن .. اخدعه بكلام افضل " : بديهي .. ممكن هرمونات وصرت حساسة بزيادة ..

طلال قام وصار وراها ونزل لمستواها وبهمس مسموع: ولأني عارف أنك حا تلفين وتدورين وجايز ما تصدقيني تكلمتي عن أمك ونظرتها لك وعن لونك الحنطي وقلتيها بنبرة حزينة وبكيتي ثم انتقلتي لشيطان أنه بيجي ..

راغده جمع الدمـ بوجها " ياربي وش هببت به أنا " :ا ..

طلال قاطعها بنبرة واثقة حس أنها انتفضت منها: مهما وش ألي بيصير او صار أنا مالي دعوة فيه بس .. هو فضــول ..

ورجع لكرسيه وهو يشوف لونها المخطوف

راغده بلعت ألي بفمها بصعوبة بالغة: كل بيت وله مشاكله عادي يعني .. مافي شيء يستدعي فضولك .. وبعدين أنت ليه تريد تعرف الي بيني وبين اهلي !

طلال اخذ رشفة من كوبه: ممكن بيدي شيء ، اقدر اساعدك فيه ..

راغده: الحمدلله مافي أي مشكلة ..

وصاروا يأكلون وكل شوي طلال يسترق النظر لها ..

راغده حست انه يناظر فيها رفعت عينها وشافته يناظر بساقها وفخذها الأيسر ارتبكت وحطت يدها عليه

طلال: اعجبني التاتو بشكل كبير ..

راغده بحيا: اي مها ا... " وسكتت شوي " اعطتني كم حبة و..

طلال قاطعها: لا تكثري أكل .. اكلي لاكل يكفيك ولا يغثك .. بنرقص .

راغده:!!!!

طلال: مو قلت لك إنها سهرة!؟

وبعد ٤ دقايق قام وشغل موسيقى الجاز ومد يده لها
قامت بشويش ومسكت يده الدافية .. اقتربت منه مرر يده الدافية على ظهرها العاري البارد ليترك قشعرية بجسدها
ركز عينه بعينها .. رفعت يدها على كتفه العريض
حوطها من خصرها وقربها منه بالحيل وهو يشوف التاتو برقبتها وبهمس ذوب قلبها: حبيت التاتو عليك ، مدري وش كان هدفك لما صورتيه لي ذاك اليوم ..

راغده بلبكة من قربه وانفاسه الحارة على رقبتها : أنت ليه منزل نفسك لي مرة ..

طلال بابتسامة جانبية: لانك قزمة خفت تتعب يدك وانتي رافعتها لفوق ..


راغده: بالنسبة لك أنا قزمة ولغيرك أنا عملاقة ..

طلال بضحكة: أي بالنسبة لخواتك ولخواتي لكن انتي تعتبرين قزمة لما أكون قبالك .." وناظر بشفتها " صحيح ؟

راغده توترت من نظراته وابعدت نفسها شوي ..

طلال لاحظ توترها ورفع نظرة لعيونها : بتتكلمين ولا اعاقبك ..

راغده عقدت حاجبها: تعاقبني !

طلال: طبعا .. لأنك تعصين كلامي دايم وتتمردين علي فأنا " ومرر اصابعه بخفه على ظهرها العاري " اقص لك جناحك ..

راغده حست بنفضه بجسمها ونزلت يدها من كتفها وابتعدت عنه واعطته ظهرها وبنفس توترها: أنا أتفقت مع نفسي أني ما اجادلك بشيء كذا اريح لي من عوار الرأس والمشاكل ..

انصدمت لما حست بقبلة دافية على كتفها العاري , حوطها من خصرها بشكل سريع ولفها قباله وقربها منه: لوين بتروحين مني ؟ مو من صالحك أصلا تعصين كلامي او تسوين عكسه ..

راغده زادت دقات قلبها : طـ....لال

طلال بذوبان: ياروحه وياقلبه ويا أنفاسه ..

راغده بفك يرجف: ليه تستمر بالتمثيل وكل شيء مكشوف ..

طلال بعيون ناعسة: سوي مثل ما كنتي تسوين قبل .. جاريني بالتمثيل ..
………………………………………….. ^,* .............................
.......................................
...............................
.
.
.
أول ما شافته يدخل وبعيون دامعة: ولك عين تدخل ..

حمود ببرود: اجل وين انام يا صاحبة الجلالة .. وفري كلامك كله لما نرجع لـ السعودية ..

مها بعصبية من برودة: وش هالبرود ذه عندك! لهدرجة عندك الخيانة والاستغفال شيء سهل وبسيط !

حمود: كلن يتحمل عواقب اختياره يا مها .. مثل ما ابوك اجبرني عليك تحملي النتايج ..

مها صغرت عينها : ابوي لو ما شاف انك زين لي ولا ماكان زوجني لك .. لكن طلعت منت بكفو ..

حمود صفق بيده: برافو وتو الناس تحسين أني مو كفو لعايلتك الواطية !
تحكم بكل شيء وتدخل بأتفه الأمور ..

مها : انا وش قصرت فيه معك!

حمود فتح عينه على الآخر .. وفرط من الضحك : ههههههههههههههههه ايش قصرتي ! قصدك وش ألي ماقصرتي فيه يا صاحبة السمو ، من اول يوم زواجنا للان ماعمرك حطيتني رقم واحد لحياتك دايم كنت آخر القائمة بالنسبة لك ..

مها بانفعال: ليه اتقرب من رجال رافضني ..

حمود بحده: الرجال يا مها ينسى مرآة بمراة اسالي نفسك هل حاولت اكسب حمود او لا ! حتى لو كان انا رافضك امكانيتك ضعيفة وحاطه كل شيء كرامة وكرامة وتفكيرك دايم سلبي وان قدمت لك شيء شفتي الشيء الي ما سويته وانتقدتي فيه .. وضعك حرج وتجلسين تتكلمين وكأنك ضحية !
لا تاخذين دور مو دورك ..

مها بصدمة من كلامه: الآن انا صرت الشينة .. ناسي نفسك وش سويت .. مهما وش قصرت فيه مالك حق تخون وتكلم بنات وبكل وقاحة تقول قدام راغده انك تكلم حبيبتك ! ليه ؟

حمود : وهذا ألي هامك أن ليه راغده عرفت .. انتي ماهمك كاني خنت أو لا كل همك ان راغده ما تدري ..

مها بشراسة: لا تفسر الكلام على هواك ، انا لو ما ابغى راغده تدري ماكنت علمتها بسوادة وجهك ..

حمود: اجل ليه رجعتي بيتك بعد ماعرفتي ان معي علاقة بغيرك !

مها: لان راغده قالت لي وجود الاب للعيال مهم وكان كل تفكيري هو بجوان بس ..

حمود: ههههههههه اصدق يعني ! اجل ليه ردة فعلك ذي القوية وتهجمك ؟! طالمة راغده تدري

مها بحزن وألم: لأن ماتوقعت ان راغده توصل لهالمستوى تخوني معك

حمود بعصبية زايدة: شفتـــي شلون انك ما تسمعين من اذنك ! ما بيني وبين راغده شيء افهمي ..

مها بنوحه: وليه هي تدري عن غلطاتك وما علمتني ..

حمود أخذ بجامته وعند التواليت: لأن مهما وش تكلمت معك بتظلين تشوفينها بنظرة العدوة زي ما صار تحت ..

تركها مصدومة ومنهارة من كلامه
.
.
.
ايقضها ريحة النسكافية وابتسمت بلا شعور فتحت عينها بشويش شافته قبالها خافت وباندفاع: بسم الله ..

طلال ابتسم على شكلها: صباح الخير معشوقتي .. جهزت لك حمام دافي عشان تتنشطين ورانا جولة صباحية حلوة ..

راغده عدلت جلستها وشربت رشفة من النسكافية وبهمس: شكرا ..

طلال بنفس همسها: عفوا .. وصباحية حلوة لعروسة راضية ..

راغده قلب وجها إشارة مرور وهي تحاول تغطي وجها بشعرها ..

طلال: ههههههه " اقترب وباس جبينها" لك نصف ساعة أنا بنزل تحت شوي وراجع لك ..

صارت تناظر فيه بعيونها وابتسمت على خفيف وصارت تشرب لما خلص كوبها ودخلت التواليت ..
وكالعادة يبدأ حوارها وسط التدويشه " وش جرى لك راغده ! معقولة خلاص تشافيتي ؟ كل شيء راح بفضل الله ثم بفضل طلال .. ماعدت أخاف او ابكي البداية كانت مشاعري مختلطة وتعبانة بس فرق كبير بينه وبين بدر .. ممكن الدكتورة سلمى بتفيدني "

نزل تحت شاف حمود
جلسوا بالجلسة ألي جنب الرسبشن
حمود بتردد: ما اعرف وش قالت لك زوجتك أمس لكن ..

طلال: أنا ما سمعت من زوجتي سمعت من زوجتك ..

حمود بصدمة واضحة بوجهه: كيــف !

طلال: بالمصادفة .. كان حوار ساخن بينها وبين زوجتي ، ما علمتني زوجتي باي شيء ..

حمود : اي كان ما سمعت من زوجتي فهي تدعي وتألف ، راغده ما بيني وبينها شيء ..

طلال: ممكن اعرف وش الي بينكم من حوار سوا المرة الاولى او الثانية وليه يظنون اهلها ان في علاقة بينكم ؟

حمود اضطر انه يخفي بعض الاحداث وصدق في اشياء: سمعتني اتكلم مع زوجتي الثانية وماحد معه علم غير راغده وقالت لي انو ضروري اخبر مها وامس صادفت راغده بالبحر وكانت تسمعني اكلم زوجتي فـ اساءت التصرف ان بيننا علاقة ..

طلال بذهول: مبروك .. زواج بالسر ؟

حمود: بس عن مها واهلها .. وراغده ما تستاهل الا كل خير ولا تدخلت باي قراراتي ولا حاولت تعلم مها بأي شيء انسانة تحترم الخصوصيات ..

طلال بغيرة واضحة: لا عاد يكون بينكم اي حوارات ولا شيء .. لأني لو لمحتك وياها صدفة ما بيحصل طيب ..

حمود بابتسامة: يحق لك ..

طلال كأن الدم تجمع بوجهه: نعــــم !
حمود انتبه لنفسه: انا تزوجت الثانية عن حب فلا تسمح لشيطان يعمي بصيرتك ويلا " قام " استأذنك ..

طلال " مايستحي على وجهه شوي ويتغزل فيها ! "

جاء بيقوم إلا يشوف مها بوجهه

مها كانت النظارة السوداء تغطي انتفاخ عينها وباندفاع: دقيقة من وقتك بس ..

طلال يدور بعيونه حمود: تفضلي ..

مها ظلت واقفة ومسافة بينهم: تطمن ماجيت وكلمتك إلا وأنا شايفة حمود طالع منك .. كل الكلام ألي قاله كذب انا ما افتري ولا ادعي ولا اريد أخرب بيت اختي لكن انتبه منها لو مو هدفها حمود في اهداف كثيرة ، هي قبل كانت تحب واحد أسمه إبراهيم وكانت تدلعه هيما .. معي المراسيل ألي بينهم لو باغي تتأكد ، كان بينهم ماسنجر وبقية التعارف معي مدري اي وقت يناسبك لو كنت مستعجل خله يكون اليوم لان بكره برجع للسعـودية ..

طلال والشرار يطلع من عينه: وش تقولين انتي ؟

مها: ماعندي وقت أكثر .. استأذنك ..

طلال صعد فوق وفتح الباب وشافها وكأنه يشوف الشيطان ..

راغده التفتت له وباندفاع: أنا جهزت ..

" استغربت من نظراته وبتردد" صار شيء ؟

طلال غمض عينه بقوة : يلا ..

نزلوا تحت اركبوا سيارة الأجرة
كان يتفادئ ينظر لها على قد ما يقدر
ولما قربت الدنيا تظلم رجعوا لجناحهم ..

راغده حست ان طلال فيه شيء " وش صار بعد ! احسه مو طبيعي الصبح كان بوجه وبعد ما جاني بوجه ثاني " وبتردد: طلال ..

طلال قاطعها: بنزل تحت منيب مطول ..

راغده: طيب ..

لما طلع بشوي خذت شنطتها وتوجهت لجناح اختها شوي إلا تسمعت صوت طلال ! انفجعت لما شافت مها وياه
مها بابتسامة خبث: اوك اسبقني لعند البحر .. منيب مطولة ..

راغده اخفت نفسها عند التمثال الموجود بالممرات وشافت طلال ينزل وشوي لحقته مها ومشت وراها ..
حاولت ماتبين نفسها كان الصوت مو واضح لحد ما جلست جنب وحدة عجوز واستأذنت منها لبس القبعة الصيفية

مها وقفت بعيد عن طلال : زين ولحقت علي قبل لا أروح الطيارة بالفجر ..
طلال: اخلصي وش عندك ..

مها: راغده عمرها ٢٠ سنة كانت متعرفة على واحد زمن الشات وصارت بينهم صحبة وهالابراهيم ذه طلب مقابلتها والتعرف عليها وانا كنت صغيرة وقلت لها لو سويتي كذا بعلم بابا وفعلا عرف أبوي ومن بعدها راغده ماتحب ابوي وما تبغى تجلس معنا قررت تبني لها بيت عشان تاخذ راحتها ..

طلال بحده وكره: وجع يوجعك ..

مها بنظرات كلها خبث : انا صادقة لو ما أنت مصدق أسال خالي بدر الي كشفها تكلمه بالسر بالجوال وقالت بتستمر تكلم هيما لو ايش ما كانت الممنوعات .. ابوي ما رضى على الغلط ولا عاد تقبلها بيننا خاف نتأثر انا وريهام بسلوكياتها ..

راغده تحاول تسمع بس ماقدرت بس قدرت تفهم من ردود افعالهم ان في مشكلة عويصة وعصبية بينهم

مها: وانا اذا وصلت الخبر برسل لك بجوالي القديم الصور كافة .. ومو بس هيما العشقان حتى ألي معي " حمود " قال لي ودي راغده تكون لي مو أنتي هو اصلا مولع ببشرتها وبجمالها وانا خايفة أن يصير بينهم مقابل ، يلا باي باي ..
ومشت
راغده رجعت القبعة وصعدت فوق لجناحها ونزلت حجابها والتفكير لاعب فيها : ياربي وش قالت له وليه طلال معصب كذا ! يارب لطفك يارب لطفك

دخول طلال اسكتها وحبست انفاسها من خوفها وعلامة الغضب بوجهه ..
جات بتتكلم إلا بدخوله للتواليت وبيده البيجامة .. قدرت تتنفس
أخذت جوالها واتصلت بـ مها ومها ما ترد عليها ورجعت من جديد : يا ربي وش صار .. استغفر الله الخوف بيقتلني ..
صوت الباب يقطع حوارها الداخلـي وطارت لعند التسريحة تسوي نفسها مشغولة بنفسها ..
طلال أخذ نفس عميق: بتصل في الأهل وصادف أن جوالي بيطفي ممكن جوالك ؟

راغده اخذت جوالها من شنطتها ومدت له الجوال بحيرة ..

طلال: عن إذنك بكلمهم بالممر عشان اخذ راحتي ..

راغده بستغراب: طبعا !

طلع طلال وفتح جوال راغده ودخل على الواتس إلا يشوف رسالة من مها وجاري الكتابة

مها: اعتبريها ضربة جزاء لأني ما توقعت بيوم تنزلين لهالمستوى والحقير , حمود ذه اشبعي فيه أول ما أنزل السعودية بعرف كيف أتصرف معه ..

طلال جارها بالحديث: بس ألي قلتيه لطلال غلط ..

مها: انا مستعدة أألف بس عشان اذوقك المر ..

طلال تنفس براحة وحذف المحادثة وراح عمل اتصال لميس وقفل بسرعة ودخل عليها شافها لابسة قميص نوم ساتان لؤلؤي ابتسم بلا شعور اقترب منها وضمها وسط صدره العريض
..
راغده استغربت من تصرفاته : في شيء ؟

طلال بكلام مافهمته: كنت بغلط اليوم واظلمك .. ايش رأيك نفلها الأيام ما باقي شيء ونودع بالي ..

راغده هزت رأسها بغرابة" وش سالفته ذه ! ليكون مريض وانا ما أدري ! "


وانتهت رحلة شهر العسل ورجعت راغده لبيتها وقطت نفسها فوق سريرها براحة : ااه .. يارب لك الحمد ..

ماريان جات ترحب فيها وترتب اغراضها وسألتها راغده عن المشغل وعن أوضاعه وحكت لها الموجز
دخل طلال الغرفة وطلعت ماريان: متى ودك نشوف الشقة ؟ اي ساعة ..

راغده " يعني مصمم اسكن شقة .. استغفر الله يارب احافظ على هدوء اعصابي " : بعد صلاة العشاء ومرة وحدة يكون شفت اشغالي المتراكمة ..

طلال استغرب من ردة فعلها الراضية: تمام ..


صباح يوم جديد تأنقت راغده بتنورة ميدي منفوشة بلون البينك وبلوزة خفيفة بأكمام طويلة بلون السكري
وحطت مكياج خفيف آي لاينر وبلاشر بينك وكثفت الماسكارا وغلوس وشعرها العسلي مفتوح ورفعت جزء منه بشريط ساتان بينك وعملت فيونكة وفيرت أطراف شعرها وصندل عالي سكري واساور فضية
دخلت بخطوات مليانة ثقة اجبرت الكل يلتفت لها

وقفت نهلة وبقية الطاقم في ترحيبها وريحة عطرها انتشر بالدور الارضي وصعدت فوق لمكتبها مع نهلة ..
راغده بابتسامة عريضة: هاتي ما عندك نهلة .. اي شغل بالعالم انا مستعدة له ..


الساعة ٧ انهت دوامها وطلعت مع طلال تشوف الشقة
كان يناظر فيها ينتظر ردة فعلها

راغده بابتسامة : الحلو أن لون الجدران موحدة خلاص تمام معك متر الغرف ..

طلال: بنأثث الصالة وغرفة النوم والمطبخ كا بداية ..

راغده هزت راسها بالإيجاب
وراحوا يأثثون الشقة

أخذها لمطعمها المفضل ناظرته والبسمة على شفتها

طلال : اكيد مشتاقة له ..

راغده: جدا .. شكرا ماقصرت ..

وبعد ماطلبو طلبهم
راغده تناظر فيه بتردد: طلال ..

طلال والجوال بيده وبدون مايناظرها: همـمــم ..

راغده تلعب بالخاتم الي بيدها: بخصوص جزيرة بالي .. أنا شفتك تكلم مها ..

طلال ناظرها ..
راغده كملت: عند البحر .. ماكنت اراقبك بس كان هدفي اروح أكملها إلا شفتكم تطلعون للبحر ..

طلال: وسمعتي وش كنا نقول ؟

راغده: لا ما قدرت ..

طلال: ........

راغده بقلق: وكنت بشخصيتين ما قدرت أفهم وش الي صار ..

طلال نزل جواله وثبت نظرة عليها: قالت لي ان معك علاقة بواحد أسمه ابراهيم واخذت جوالك أكملها كأني أنتي وقالت انها مستعدة تألف قصص بس عشان تنتقم .. وانا ما صدقتها لان الدليل مش موجود ..

راغده وهي تحاول تفتكر " ابراهيم ! من ذه "

طلال يخفي غيضة: وكنتي تدلعيه هيما .. لو ماهي اختك كان زمانها بالعناية ..

راغده تغير معالم وجها " هيما !! وش فكرها فيه ! وش هالمصايب ذي " حاولت تضبط اعصابها وهزت راسها بتردد ..

بعد صمت دام دقيقة
راغده بتردد: طـ..ـلال بسألك ..

طلال: هلا ..

راغده حست أن فيه شيء لما قال هلا حاف بالعادة يقول غزل.. بلعت ريقها : ايش كان ردة فعلك وقتها لما عرفت عن ألي صار لي مع بدر .. ما تضايقك أو ... " سكتت شوي " قول لي شعورك ..

طلال كان فاهم ألي يدور برأسها مسك يدها الي كانت فوق الطاولة وبهمس: راغده .. اريدك تفهمين شيء واحد أنا لا يمكن احاسبك على شيء كان لا حول ولا قوة الا بالله منك ، هو إنسان مريض معقول تتوقعين مني هالشيء " شاف نظراتها توحي بالصدمة والاستغراب " ذي بلوة يا راغده وربي بلاك .. غصب عنك صار كل ذه .. صح احيانا اشعر بغصة وأنا ما ودي لك او لغيرك هالشيء لكن .. " تنهد " الحمدلله على كل حال والحمدلله جات على كذا ما تمادئ ..

راغده نزلت رأسها بحزن: آسفة لاني ما علمتك من بدري ..لكن

طلال: لكن وش ؟

راغده " كنت خايفة أني اخسرك من بعد ما لقيتك أخيرا يا طلال .. انت بالنسبة لي حلم وردي" : لكن كويس أنك درست وردة فعلك جات كذا ..
كان كل همي وخوفي انا والدكتورة ان تكون ردة فعلك عاطلة وتحملني ذنب مو ذنبي ..

طلال صغر عينه: فترة تعارفنا كانت مو كافية لك ! أنك تدرين أني مو واطي لهدرجة .. " شبك اصابعه بأصابعها " لا يمكن اتركك لسبب ما بيدك فيه .. ومن حقي امنعك تتواجدين بمكان فيه بدر يا راغده ..

راغده: لايمكن هالشيء حتى بدون ما تقول هالشيء ، كل ما اشوفه أفتكر الوجع والألم ..

طلال بابتسامة: ما عليك من هالسيرة وخلينا نسولف بأي شيء ثاني ..

راغده: وليه يا طلال ما صدقت كلام مها عني ؟

طلال " لأني سمعت حواركم وواضح انها حاقدة عليك وتريد تنتقم لو بالكذب " : مثل ما قلت لك كلمتها واتس من جوالك تظن انك راغده وقالت انها تألف ..

راغده: اها ..

طلال : وبعدين مو قلت نغير هالسيرة ولا بعاقبك ..

راغده بلا شعور: يا زين عقابك .. " انتبهت لنظرات طلال وجها قلب اشارة مرور وبحيا " لا مو قصدي ..

طلال : ههههههههههههههههه عادي عادي انا زوجك ..

راغده نزلت راسها بحيا ورفعته وهي تشوف ابتسامته وضحكته " كيف ممكن لضحكة وابتسامة تكون جبر خاطر ! " ابتسمت بحب وخجل ..


.
.
استغرب من تصرفاتها: مو على اساس انك بتطلعين وزي ماقلتي بتتصرفين مع هالحقير ..
مها حطت رجل على رجل "وفعلا انت حقير " : زي ما قلت لك كل ذه عشان جوان ما اريد اصدمها بهالقرار لزوم ندرس نفسيتها وكل شيء ..

حمود: غريبة يصدر هالتصرف الحكيم منك ، اكيد ذه مو كلامك ..

مها: وش قصدك ؟ قصدك ان ذه كلام راغده ..

حمود صفق بيده مرة: لا حول ولا قوة إلا بالله .. رجعنا يا طير ألي ..

مها بشراسة: لا تنكر انك معجب فيها ..

حمود: انتي اولى انك تنعجبين فيها اكثر مني .. مثال للحكمة بإدارة مالها صبرت وصبرت لما نالت كوني مثلها ماغير تفسفسين هالفلوس ومعتمدة على فلوس ابوك وزوجك ..

مها رفعت حاجبها: وش ألي يحدني على الشقاء الله لا يحرمني من ابوي " وشدت على الكلمة الاخيرة" ألي مو مخلي علي قاصر ..

حمود: صدق ناكرات للعشير ..

مها رفعت حاجبها: شرواك ..

قامت من غرفة النوم لغرفة نوم بنتها جوان تنام فيها ..
.
.
.
لبست بجامتها المفضلة ونزلت تحت تقلب القنوات بشروذ ذهن " معقولة يجي منك كل ذه يا مها ! ليه وش سويت لك .. ما يصير أبلغك عن شيء يخص حياتكم عيب اني اتدخل ولو تدخلت ممكن يصير طلاق وأنا بكون الضحية بين معركة امي وزوجها "

جلس جنبها ما وعت إلا بصوته : ماتسمعين ؟

راغده بفهاوة: هه وش قلت ؟

طلال بنبرة أمر: قومي غيري بجامتك وألبسي لي قميص نوم حلو .. ولونه أبيض ..

راغده: بجامتي مريحتني ..

طلال: لو اعيد كلامي مو من صالحك ..

راغده قامت بثقل ودخلت غرفة ملابسها واختارت قميص نوم أبيض حرير علاق طويل ومن الصدر قصة حلوة وناعمة وكارديغن دانتيل أبيض بأكمام طويلة مغربية وكعب عالي ذهبي وقلادة مكتوب عليها اسمه
" ممكن بهالطريقة اعبر له عن امتناني أنه ماتسرع وطين عيشتي بسبب مها " تعطرت بعطر خفيف ونزلت تحت ألتفت لصوت كعبها بالدرج انبهر بشكلها وابتسم بلا شعور لما شاف القلادة ألي اهداها إياها وصل ريحة عطرها من قبل لا يشمها من سحرها وجمالها ..

اقتربت منه وانحرجت من نظراته لها وبلبكة: أنا بـ...روح أجيب فواكهة نتسلى عليها ..

طارت للمطبخ وهي مرتبكة واخذت صحن حطت به موز وعنب ورمان
وتوجهت لصالة كانت تشوف عينه تتفحص جسمها ..

راغده جلست بعيد عنه وبحيا: بنظراتك عملت لي أشعة ..

طلال فرطت ضحك: هههههههههههه من حقي ولا ؟ وبعدين مو كل مرة تحصل لي شوفتك زي كذا .. وبجامتك السوداء ذيك لو تلبسيها من جديد بقصها لك ..

راغده: البجامة ذي غالية علي لا تفكر تسوي شيء فيها ..

طلال اقترب منها وحط رأسه على فخذها وهو يناظرها: ما في أغلى مني .. حطيها قاعدة ولا والله احرقها قدامك ..

راغده لمست الغيرة بكلامه اخفت سعادتها: وليه أنت غيران !؟

طلال فتح عينه وبنكران: لايمكن أغار ..

راغده رفعت حاجبها: وليه لا يمكن !

طلال باندفاع: اغار وما بيننا اي حب .. سلامات ، لا أنتي ولا أنا أحبك لاتخلطين بين شهامتي واحساني لك ..

راغده فتحت عينها على الاخر: إحسان لي ! ليه إن شاء الله منتشلني من كرتون ؟ ولا من حاوية ..

طلال قام من حضنها واخذ منها صحن الفواكهة: هاتي بس قال غيرة قال .. من ابسط حقوقي اصلا اشوفك بكامل أناقتك
ولا لدوامك تروحين لهم ياربي وعندي أنا جعفــر . .
راغده بصدمة: انا كأني جعفــر ! ناسي نفسك برا البيت رشدي اباظة بزمانه وعندي هالسروال والفنيلة ..

طلال بصدمة من كلامها: متى لبست عندك سروال وفنيلة ..؟

راغده غطت خشمها: ولا الريحة واصلة للفرع ما تدوش بس إلا لدوامك ولا لطلعت عشان تتصيد البنات والمغازلة ألي ماتخلص ..

طلال حوطها من خصرها وسحبها لعنده بسرعة وشد على خصرها لما جات تقاومه وبنظرات حادة: أنا وصخ يعني !؟

راغده تحاول تقاومه ماقدرت نبرة صوته اربكتها .. شهقت لما قرب وجهه منها وبهمس ذوب قلبها: اتشيك لك دايم .. قد مرة جيتك مبهدل .. تكلمي .. ولا مهمل نفسي ..

راغده تناظر بعيونه الحادة ألي كانت موجهه لشفتها بلعت ريقها مرتين وبصعوبة نطق: لـ...ا

طلال اقترب منها اكثر ولامس خشمه خشمها وبنفس همسه : أجل ليه الكذب ..؟

راغده غمضت عينها بلا شعور .. تخدرت من ريحة عطرة الرجولي

طلال ابتعد عنها بشويش لما شافها مغمضة عيونها , ورجع ظهره لورى وفتح الموز وصار يأكل وهو يخفي ابتسامة: وش تسوين مغمضة عينك ؟ تتمنين امنية !

راغده فتحت عينها وبأحراج وهي تشوفه يناظرها بسخرية شدت على الكارديغن حقها: اي كنت أتمنى أنك تبعد وجهك الكرية عني ..

طلال: هـا .. الا ميته على قربي ووجهي الكرية ذه شوفي كم بنت تجري وراي بسبب جاذبيتي وملامحي الحادة ..

راغده " اي والله أنك صادق بس انا اعرف كيف اردها لك " لفحت شعرها العسلي بدلع وفتحت الكادريغن ونزلته وبآن رسمة القميص وكشف عن ذرعانها وكتفها وشدت اكتافها على ورئ وبدلع: ايش اقول انا عن حسني وجمالي وانوثتي الطاغية .. " ومررت اطراف صبعها على نحرها رقبتها بإغراء وبمياعه" اه كم أنا جميلة وفاتنة .. " وسبلت عينها عليه " ولا وش رأيك ..؟

طلال " بنت اللذينا تردها لي .. لا تضعف يا طلال وتأكل الطعم انتبه " بلع ريقه مرتين ..

راغده اقترب منه بشويش وعينها بعينه وبهمس جننه : ما قلت لي عن رأيك .. ولا مثل ما يقولون الصمت علامة الرضا ..

مررت اصابع يدها على ذقنه ولحيته المرسومة وبنظراته خلته يستخف ويبلع الطعم وتركت بوسه بخده ..

طلال غمض عينه وداخ بريحتها العطره ..

راغده بابتسامة نصر ابتعدت عنه وأخذت الصحن وصارت تاكل بعنقود العنب وبنظرات سخرية: وش هي أمنيتك ؟

طلال فتح عينه وبعدم تصديق " عن ابـــوو سحرها وش صار وكيف !؟ " عدل جلسته: احم .. غيري القناة " وسحب الريموت من الطاولة " حاطه عالم الحيوان تشوف قرايبها ونسلها ..

راغده بغيض: يقربون لي من طرف زوجي ..

طلال التفت لها بسرعة وقام: أيــش
؟
راغده قامت بسرعة وبابتسامة نصر: بوووم وين جبهتك وين راحت ..؟

لما حست انه بيتهجم عليها طارت لورى الكنب : أنت ألي بديت مو أنا
..
طلال يعض شفته بقهر: ما تستحين على وجهك ..

راغده: شرواك ..

طلال يجيها من الجهة الثانية وانفاسه مقطوعة: سريعة عن أبوك .. بس مقيولة .. هذا هم السنافر ..

راغده مدت لسانها له: والله وصرت شايب وانت توك بالعشرينيات .. تؤتؤتؤ ..

طلال بحده: تعالي هنا ..

راغده تحاول ماتبين خوفها : منيب جايه واعلى مافي خيلك اركبه ..

طلال ركض على الجهة الثانية وسط صراخ راغده بحماسها ومسك يدها وسحبها لعنده ألتطم وجها بصدره وهي تسمع دقات قلبه السريعة وشاد عليها بيدينه: من ألي بيفكك مني الان ..

الا بفتحة الباب


آنتهـــــــى البـــــــارت

[لامارا]

البـــارت الواحــــد والعشـــرون


راغده " أول مرة افرح بجية أمي المفأجاة " وبحماس" : امـــي الحبيبــة ..
وراحت عندها وبابتسامة تعلو شفتها: نورتــي ..

ام عبدالعزيز تتفحص راغده من فوق لتحت: بنورك ..

طلال سحب راغده لحضنه .. دفن وجها بصدره وباندفاع: حبيبي غيري لبسك ..

راغده بحيا من تصرفاته وباندفاع: ايي شوي وارجع ..

طارت لفوق ولبست بجامتها السوداء المفضلة ونزلت تحت بنظرات تحدي لطلال وهي تخفي الضحكة بداخلها ..

طلال يناظرها بقهر وبهمس لها: انا اوريك ..

ام عبدالعزيز: اعذروني جيت بلا موعد واحرجتكم معي ..

طلال" وش السالفة ؟ اكيد فيه شيء على هالذرابة " : حصل خير عمه .. اخبارك ؟

ام عبدالعزيز: الحمدلله .. اكثر من مرة اتصلت براغده وفيك ماتردون ، جيت معاتبه لأنكم ماجيتو عندي بعد اجازتكم ..

راغده حست بغرابة بأمها: يمه في شيء ؟

ام عبدالعزيز: غريب اني اتطمن على بنتي !

راغده : لا ابد بس مو على العادة .. وش تشربين يمه ؟

ام عبدالعزيز: ما جيت عشان اشرب انا كنت عند ام شاكر وقلت بالمرة أمر عليكم واتطمن عليكم .. واتحمد لكم بالسلامة .. واعزكم بكره على الغداء لو في مجال ..

طلال: ا......

راغده باندفاع: أنا مامعي شيء .. إن شاء الله نكون الساعة ١ عندك على الغداء ..

ام عبدالعزيز: تمام .. انا بانتظاركم ..

وقفت مع طلال عند الباب الرئيسي يودعون عبير ..
اول ماطلعت
راغده ركضت لداخل وطلال وراها: هالبجامة ذي لابد امزقها شقف شقف ..

راغده ركضت بالدرج وصعدت غرفتها وجات بتسكر الغرفة الا بيده تمنعها ..

راغده ضمت نفسها: والله ماتشقها ..

طلال يتنفس بسرعة: مو على كيفك ..

صعدت فوق السرير واخذت اللحاف لفته عليها لف: والله مافي ..

طول طلال ماكان يستدعي صعوده لسرير وصار يحاول ينتزع اللحاف منها وهو يعض شفته : ول متيبه اللحاف عليك ..

راغده تشد زود وبعناد: لا يعني لا ..

طلال: ما ودي اوجعك لكن انتي ألي بغيتي

وجمع قوته وسحب جزء من اللحاف وفقدت راغده توازنها وكانت بتطيح , طلال بسرعة احتضنها وألطم ظهره بالجدار وسط نظراتهم العميقة

طلال " سبحان من صورها " صار يتأمل ملامحها كل شيء كان يدل له ان عمرها ٢٠ سنة تصرفاتها طبوعها حتى بشدتها ..

راغده حست أن قلبها بيطلع من صدرها وحبت تجارية وتبتعد عن هالجو ألي اربكها وبهمس وسط نظراتها الحالمة: ما قدرت تقاوم سحري ..

طلال بنظرات حادة: ماقدرت اتحمل ثقلك .. يدي بتنشل من زود ما أنتي ثقيلة ..

راغده بغيض رفعت نفسها منه وشدت من اللحاف عليها " وجع هذا انا بس ملت نفسي له ما هبدت فيه اخ بس "

طلال: لك ٥ د قايق تغيرين فيه لبسك أرجعي ألبسي قميصك الأبيض .. انا بكون بالتواليت
اول ما شافته دخل الحمام بسرعة بدلت بجامتها بقميصها الأبيض

طلع طلال وبكتفه منشفة يمسح على وجهه المويا طاحت عينه على البجامة السوداء ألي بالأرض بسرعة نزل اخذها: ذي بتكون عندي لأجل غير مسمى ..

راغده بقهر من تصرفه رفعت يدها عشان تسحبه منه لكن طوله ورفعة يده لفوق من سابع المستحيلات توصل عليها وبسخرية: بصبع مني اهــفك لاخر الغرفة ..

راغده تقفز اكثر بس ما وصلت للبجامة وقفت لما حست أن مايجدي قفزاتها منفعة وبترجي: طلال هاتها ماعاد بلبسها بوجودك خلاص ..

طلال: نــــوو .. خليها عندي اجل طالمة مابتلبسيها بوجودي وبحطها بمكان آمن ..

راغده عبست بوجها
طلال طلع من غرفتها ورجع بعد دقيقتين شافها والسماعة بأذنها

راغده: طيب ريهام لا تشيلي هم حبيبي ما بنساه .. تمام فمان الله ..

طلال وهو يناظرها بذهول: من دقيقتين بس كأنك شوي وبتبكين والآن عادي .. اهنيك على قدرة تمثيلك العالية ..

راغده ناظرته بقهر: بجامتي وبلاقيها لو يصير لها شيء ابد مو بصالحك ..

طلال: اوه نبرة تهديد والله وتعلمنا ..

راغده: بالضبط ..

طلال يحرك يده ويرفعهم لفوق: من ثقلك الألم للآن يدي توجعني .. حسيت انها نملت وجيمت اعوذ بالله ..

راغده رفعت حاجبها ومالت بخصرها ويدها على خصرها وبدلع ضيعه: كل هالرشاقة وصغر خصري وتقول ماتقدر علي .. قصدك عظامك هشه ..

طلال بلع ريقة مرتين وبهمس مسموع: اي والله خصرك مجاعه ..

راغده اخفت ابتسامتها: اجل علم نفسك .. " وتسطحت بالسرير "

طلال: وين وين ان شاء الله ..

راغده بنفس دلعها: وراي قومة صبح بدري دوام وللعزيمة ..

طلال سحب اللحاف من جسمها: لا مافي نومة لما أنا اقرر .. ومن قال لك تقررين عني بهالعزيمة مو أنا قلت لك مكان فيه هالحقير ممنوع تروحيه حتى لو انا معك ..

راغده: ...........

طلال بغيرة وكره: لو شفته قدامي والله ما ادري وش بيصير له ممكن للقبر او للمشفى ..

راغده عدلت جلستها: ما كنت بروح إلا لما عرفت أنك معي ..

طلال بأنفعال: هالحقير ممكن ينتهز الفرصة ويسوي اي شيء غلط في لحظة انشغال الكل ..

راغده وقفت وصارت قباله ضمت وجهه بيدها ونزلته لمستواها وبهمس: لا يمكن يصير لي شيء وأنت معي طلال .. ولا يمكن بدر يتجرأ او حتى يفكر بحضورك ..

طلال اعجبه كلامها وقربها منه نزل يدها واحتضنها بصدره بقوة ..
" ما اتحمل يلمس شعره من رأسك يا راغده انتي لي أنا وبس "

راغده داخت بريحة عطره الرجولي وقوة يده لضمه لها شعرت بالأمان والاحتواء وكأنها قرأت افكاره فكت نفسها منه ورفعت نفسها شوي وبيدها نزلت رأسه وباست جبينه وبهمس وتره : أن ما كنت لك ما بكون لغيرك .. صح ؟

طلال شد على خصرها واسند رأسه على شعرها العسلي وهو يستنشق عبق ريحتها ألي ذوبته وبهمس: راغده ..

راغده رفعت وجها له وبنظرات حالمة: ياروحها

طلال بعيون ناعسة: واضح انك ما بتعدين الليلة على خير ..

راغده بجراءة ممزوجة بحيا : وأنت تقدر ؟

طلال بخبث: أبدا ..
^.* ......


بعد صلاة الظهر ..
لبست فستان لحمي بأكمام حاير مكشوف من عند الكتف ويزين الفستان بقصات من تحت الخصر قصات غجرية ورسومات على شكل ورد بلون الأصفر والأخضر من تحت الفستان ومنفوش ..
حطت إضاءة من عند عظم الترقوة وكتفها ووجنتيها وميك اب غجري بكحل الاسود الخالص وروج لحمي مات وشامه بالخد ، وشعرها العسلي مموج اطرافه ورافعه جزء منه بيفونكة لحمي ولبست جوكـر أسود وكعب متوسط الطول أسود
وحزام من عند الخصر عريض لون اسود كورسية بأربطته الي اوضح رشاقتها وصغر خصرها ..
لبست عبايتها ونظاراتها الشمسية وصعدت سيارتها إلا بدخول سيارة طلال بالكراج ابتسمت ونزلت المراية: تأخرت توقعت أنك ما بتحضر ..

طلال: تو فكوني والله روحي للبيت على اقل من مهلك أنا بتدوش سريع وبجيك تمام ؟ ولا تدخلين البيت إلا وعمتي وريهام عند الباب

راغده بابتسامة: اوك ..



وطلعت من الكراج ومشت على مهلها ولما وصلت البيت تنهدت بعمق ونزلت بكامل ثقتها وفتحت باب الرئيسي شافت بوجها ريهام ألي رحبت فيها بحفاوة واخذت عبايتها وحجابها عنها
راغده تعطرت ورتبت نفسها
كانت نظرات ريهام صدمة: راغده ! وش مسوية بروحك ؟

راغده: قلت اغير ستايلي شوي ..

ريهام تدور على راغده وباعجاب: لا لا متغيرة بقوة بقوة حتى لونك صار برونز بس خفيف مدري كيف أشرح لك يعني جذابة من الآخر ..

جات بترد إلا صوتها الحاد يمنعها: طبعا .. لزوم الزبرقة ذي كلها مو عشان حمود بيجي .. لكن أحلامك تبخرت هو اعتذر عن الجية ..

راغده ناظرت ريهام: ريهام هاتي كوب ماي بارد ..

ريهام: طيب ..

مها كفتت يدها وباستفزاز: لزوم ماي بارد عشان تطفين النار جواتك ..

راغده: مها عيب عليك هالكلام ، ألي يسمعك يقول صدق أني افكر في زوجك .. انا متزوجة مايصير تقولين هالكلام ..

مها: ههههههههه متزوجة ! زوجك اصلا مو مكفيك لدرجة أنك فكرتي بزوج اختك ألي ماضرتك وكانت معك وسلتك بسفرتك كذا تكافئيني !

راغده عقدت حاجبها: بلا صغر عقل يا مها لو اريد حمود ما كنت تزوجت غيره ووين انا زمان عنكم ! ما تنطقين ؟ ليه ماخربت علاقتكم ليه الان ! انطقي لشوف ..

مها أنربط لسانها :......

راغده اقتربت منها: لا تفكرين بتفكير يبين مدى غبائك وكرهك لي ، ايش الي صار لك مها ! الغيرة الي بك اعمتك عن الحقيقة .. اصحي يا مها أنا لا يمكن افكر ااذيك او ااذي جوان وسبق وقلت لك شعور الابنة بدون أب .. كيف سولت لك نفسك بأتهامي بهالبشاعة ..
" وبخيبة " انبسطت أن سفرة قربتنا لكن خابت ظنوني لما عرفت نصفك الخفي ..

الا بدخول ام عبدالعزيز وبترحيب لبنتها راغده : وين طلال ؟

راغده ناظرت مها تارة بـ أمها: مسافة الطريق بس ..

وبدخول بدر وهو ينظر لها بنظرات اعجاب شديد: ماهقيت أن جزيرة بالي تحلي كذا .. الحمدلله على سلامتك ..

راغده صدت عنه وتوجهت للمجلس ..

ام عبدالعزيز تسمع الجرس بابتسامة: وصل طلال ..

راغده لاحظت تغير امها المفاجئ " معقولة البعد خلتها ودودة معي ! "

بدر دخل بعد طلوع اخته وبنظرات خبث: وش هالزين والحلاه يا راغده ..

راغده توترت من كلامه وتمتم بكلمات مو مسموعه له : اعملي حالك كأنك ماتشوفينه ..

بدر جلس قريب منها شوي بكنبه فردية : ليه هالتجاهل ؟

دخل المجلس طلال والدم تجمع بوجهه وهو يشوف راغده وبدر

راغده قامت اول ما شافت طلال وبابتسامة: حياك حياتي ..

طلال صار يتفحص راغده من فوق لتحت وناظر ببدر .. راغده خافت من شافت نظرات طلال ..
ام عبدالعزيز جات ورى طلال وبابتسامة عريضة: تو ما نور المجلس ياهلا حياك ..

طلال دخل بنظرات حادة لـ راغده وجلس جنبها: بنورك يا عمه ..

ام عبدالعزيز جلست قبالهم وصبت قهوة له: كيف حالك وحال اهلك عساهم طيبين ؟

طلال التفت لها: الحمدلله بخير .. عساني ما ابطيت ؟

ام عبدالعزيز: لا بوقتك بالضبط .. بشوف الغداء واجيكم .. خذ راحتك ..

طلال صار يناظر بدر بحده ..

بدر رجع ظهره لورئ: ما توقعت جيتك بعد ألي صار ..

طلال بحده اربك بدر: وما توقعت جلستك هنا بعد ألي صار لك ولا نسيت ؟

بدر حب يغيضه وناظر براغده : آيش ما سويت راغده ما بتقصر ..

طلال: وش قصدك ؟

بدر ببراءة: يعني .. بتزورني بالمشفى مثل المرة الماضي وتقوم بالواجب ..

طلال ناظر راغده بنظرات ارعبتها ..

راغده بخوف ممزوج بتوتر: احم .. قهوة ولا شاي طلال ..

طلال رجع ظهره لورئ وهو يناظر بدر: كل من يدك حلو يا روح طلال ..

راغده أرتبكت لما حط يده ورى ظهرها ..

بدر نزل راسه وابتسم وحب يزود غيضه: اقول راغده .. محلوه بزيادة على غير عادة ..

راغده بلبكة: ا...مـ..ع " وسكتت "

بدر وبنبرة صوت اغصبت طلال: ولونك..اخ لونك نفس اللاتينيات ..

طلال قام ومسك كم بدر بشراسة: كلمة ثانية والله ما بيودونك الا بالقبر .. ووقتها راغده بتودعك مو بس زيارة بالنجــــس ..

راغده قامت وبخوف:طلال اتركه .. كافي فضايح ..

بدر : وأنا ما بسكت .. مثل قبل لازمك سجن وجلد أنت ..

طلال والشرار يطلع من عينه: لو أشوفك بمكان فيه راغده والله ما بيحصل لك طيب ..

بدر بوقاحة: العفو منك .. راغده ألي جات لعندي مو أنا ..

طلال أعطى لكمه على وجهه .. بدخول عبير وبصراخ: ياربي وش يصير هنا ..

راغده شهقت من قوة الصوت وباندفاع: يمـه ..

عبير وقفت بينهم : وش قصتكم انتوا ؟ كل ماشفتوا بعض لازم يكون فيه أضرار ..

طلال بعصبية: والله أن ما تثمن كلامك ما بيحصل لك شيء طيب ..

عبير ألتفتت لاخوها: وش قايل له ..

بدر وهو يمسح من طرف شفته الدم وبلبكة: ولا شيء .. بس هو يهدد في ويقول فاكر المشفى بكررها لك وبلعن خيرك ..

عبير ناظرت بطلال بصدمة: صحيح!

راغده باندفاع: كذب يا يمه كذب ..

جلست عبير وخذت نفس عميق: أنا بتقاضى عن ألي صار كله وكأني ما شفت شيء بس عشان المناسبة ذي .. ارجو تكونون مراعيين واتمنى ابو عبدالعزيز لا يدري مالي خلق للمشاكل وعوار الرأس ..

بدر رمق نظرة لطلال وقام: بس يجهز الغداء يا عبير نادوني ..

وطلع من المجلس ..

عبير ناظرت طلال وبترجي: طلال ارجوك كافي مصايب لو عرف الي صار فؤاد ممكن يحلف ان ماعاد اشوف راغده هنا ..

طلال طلعت من قلبه: ياليـــــــت ..

عبير: كيف ؟

راغده: طلال قصده ياليت ما يوصل لعمي ..

عبير: اييي .. لو معكم اي هوشة او كلام خلوها برا البيت .. الله يرضى عليك يا طلال عشاني ..

طلال يحاول يضبط اعصابه: ان شاء الله يا عمه ..

راغده: وش هي المناسبة يا يمه ؟

عبير رجعت خذت نفس عميق: الأولى أن ذي آخر سنة لي إدارة ثم بتقاعد .. والثانية يوسف بيبتعث امريكا .. و ....

الا بدخوله: السلام عليكم ..

راغده بفرحة كبيرة: يـــــــــــوسف


قامت من مكانها وضمت يده وبابتسامة عريضة: متى جيت وليه ما علمتني ..

يوسف بفرحة: مبسوط أني شفتك وألف مبروك الزواج والحمدلله على سلامتك ..

راغده لمعت عينها بفرحة : اخبارك وعلومك يالمبتعث ..

يوسف: هههههههههه " والتفت لهم وبذهول" ماشاء الله من هالعملاق الوسيم ..ماشاء الله ..

طلال وقف وصافحه: هلابك و الحمدلله على سلامتك نورت السعودية ..

يوسف جلس قباله: بنورك يالحبيب " ناظر براغده وبغمزه " هذا ألي غير رأيك بالزواج .. بس كفو يا طلال جبت راسها ..

راغده بحيا نزلت راسها ..

ام عبدالعزيز قامت تشوف الغداء

يوسف ألتفت لراغده: محلوه كله لذيب ها " وبغمزه "

راغده بحيا غطت وجها بيدينها ..

يوسف: وصرنا نستحي بعد .. ياخي مو راغده ألي اعرفها .. انسانة ثانية

راغده جلست جنبه: صدق؟

يوسف: اسمع يالنسيب راغده خبري فيها قبل لا تنقل بيتهـا ممكن بشهر صارمة وحادة وما تاخذ منها ريق حلو ولا تبتسم الا غصب .. الان اشوف جمال وابتسامة والسعادة بوجهك ..

طلال إلي كان يناظر فيهم " جاء ذه الثاني كمل الناقص " حس بغيرة من قربهم قام وجلس وسطهم ومد يده ورى كنب راغده وكأنه بيحتضنها وألتفت ليوسف: اي واخبارك ..؟

راغده اخفت ابتسامتها ألي كان واضح غيرته ..

بعد ٥ دقايق توجهوا لغرفة الطعام

يوسف وبدر وعبدالعزيز وعبير وطلال وراغده بالسفرة

عبد العزيز: اجل متى يوصل ابوي ؟

عبير: اعتذر شغله ما خلص بيجي العصرية ان شاء الله

يوسف قطع اللحم وحطه قبال راغده

طلال شال اللحم ورجعه له: مو زين نشر للوباء ..

يوسف: وه وه يالغيرة ..

راغده " يا لبى .. يغار علي! " اخفت ابتسامتها ..

طلال يناظر بدر بنص عين: مو زوجتي !

يوسف: حلالك بلالك افا عليك يالنسيب ..

بدر: أقول راغده وين الوعد .. ما تتكلمين يا عبير ..

عبير: اي صح راغده متى يناسبك تشوفين ألي خطبتها لخالك بدر ..

راغده: اخطيبها وأنا أيش دخلني !

بدر بخبث ومكر: مو أنا قايل أني ما بتزوج إلا على ذوقك وتكون حلوة شبهك
..
يوسف بابتسامة: اوه من قدك يا غدو مو بس بعيون طلال حلوة حتى بعيون خالي وعيونا بعد ..

طلال شد على قبضة يده وقام: اكرمكم الله ..

راغده " الله يستر من هاليوم " قامت: الحمدلله ماقصرتي يمه على الكبسة الطيبة ..

ام عبدالعزيز: فيه العافية ..

قامت ورى طلال وراحت للمجلس شافته يجفف يده بالمنديل بعد ما غسلهم: طلال ..

طلال بدون نفس: وش هالتجمع السخيف ذه .. انا والله ماكنت راضي بروحتنا ببيت عمك طالمة النجس هنا وجاء يوسف وكمل الناقص مو كافي حاطه صورته بطاولة مكتبك ..

راغده:.........

طلال كمل بحده: مسوي فيها رجال .. واضح انه حقير قال ايش قال اريدها حلوة زيك .. وانتي وش هاللبس ذه !

راغده خافت من عصبيته: وش ! لبسي ساتر ..

طلال: يا سلام ! اي شيء يبرز مفاتنك لا تلبسيه لو انه خيشة .. ما بحرمك من اهلك لكن خلك تحت اشرافي مو تطلعين قبلي واجي هنا اشوف بلاوي .. " مسك ذقنها بطرف صبعة" وداقه الكحل العربي ما تستحين انتي!

راغده بابتسامة داخلية: تغار !

طلال باندفاع: لا طبعا .. بس انتي عارفه الحقير وش نظرته لك ..

راغده رمقته بنظرة ونزلت رأسها بابتسامة عريضة ..

طلال رفع حاجبه: مبسوطة حضرتك ؟ المفروض تزعلين وتخافين على نفسك .. خلك معي طلعه لمكان بدوني لا ، حتى الحمام استأذني مني ..

راغده اقتربت منه بسرعة : لأنك غيران عشان كذا انا مبسوطة ..

طلال توتر من قربها وبعد عينه عنها جاء بيرد إلا بجيتهم وبهمس: اجلسي جنبي ..

جلس طلال وراغده جلست جنبه ..

وكل سالفة والثانية طلال يناظر فيها اما يبعد غرتها عن عينها او يهمس لها ويطلب انها تبتسم بدون سبب ..

ويمد لها القهوة ناظر بأظافرها حاطه مناكير بلون اللحمي المطفي وخواتم تزين أصابعها كان معجب بيدها وبغيض : لا تلوحين بيدك وانتي تسولفين ..

راغده : ليه ؟

طلال: بس كذا ..

راغده تناظر بيدها: مو حلوين يعني ؟

طلال" تجنن " : اكيد حتى لون المناكير مضروب كلش ماعجبني ..

راغده مالت بشفتها وصارت تناظر بيدها ..

يوسف انتبه لها : يدك بها شيء غدو ؟

راغده ناظرت فيه وبابتسامة: لا .. سولف لي عن سفرتك لكويت ..

طلال " هالجمعه ذي القصد منها يرفعون ضغطي ويظهرون غيرتي براغده .. امحق مفاجأة عز الله أنها نكدت علي وهالبدر الوصخ ونظراته كل شوي لراغده ما تبشر بالخير ويوسف مدري وش وضعه رايح كويت عشان يأخذ شهادة انجليزي على اساس مافي تعليم وشهادات بالسعودية العايلة ذي هياط على قلة سنع "
قطع سلسة افكاره صوتها الناعم: طلال استأذنك بروح التواليت ..

طلال: تمام خذي معك الجوال لو صار ما صار كلميني ..

راغده حبت اهتمامه وخوفه عليها هزت راسها بالإيجاب وقامت ..

بعد دقيقة قام بدر ..

طلال قام: يلا استأذنك ياعمة بنروح .. نادي راغده لو ما عليك أمر ما أريد اتوخر على خالتي ..

عبير قامت وطلال يتصل براغده وما ردت اعصابه مشدودة والتوتر كان واضح عليه " علامهم بطو " وباندفاع: يوسف لو ما عليك أمر شوف راغده وين راحت ..

يوسف قام: طيب ابشر ..


راغده طلعت من التواليت جات بوجها مها ..

راغده تنهدت: وش في مها ؟

مها: أريد اتكلم معك بكلمتين ..

صعدت فوق معها يوسف ناظرهم من بعيد: لا تطولين راغده .. طلال يقول بس تخلصي تعالي عشان تروحين ..
مها سحبت راغده من يدها ودخلتها غرفة ريهام وصارت قبالها: بسألك سؤال ولا تكذبين علي فيه ..

راغده: .......

مها بنظرات حادة: حمود ما قال لك من ألي يكلمها وهل هي علاقة عابرة ولا حب ؟

راغده: وليه يعلمني بمثل هالسوالف ! انا مين اصلا ..


مها قاطعتها بشراسة: لا تكذبين انا سمعتك تقولين ببالي لازم تعلم مها بكل شيء وش الي تعرفينه انتي ؟

راغده تحاول ماتبين ارتباكها: انا سمعته يكلم وحده وقلت له لاتستغفل مها وعلمها ..

مها: تظنين اني غبية ! لو انه يكلم وحده بالخش والدس وخبرك طيش الشباب ايش الي يخليه يخبرني بسوادة الوجه حقته , وليه تقولين له أنه يخبرني ولازم بعد !!!! " وبنبرة تهديد " مو من صالحك تخبين علي وانتي جربتي كيف الواحد يستغفلني أو يكذب علي بشيء انهيه من الوجود ..
ومثل ما قلت لطلال عن ابراهيم بعلمه بأشياء قديمة لك ..

راغده عقدت حاجبها وبصدمة من كلام اختها: انتي مو طبيعية ابد الي يسمعك ان معي ملف اجرام ولا قلة أدب كل ألي تقوليه تلفيق وطلال مستحيل يصدق اكاذيبك علي ..

مها كفتت يدها وبثقة: بس بيصدق لو في فعلا دليل .. ترى صمتي هالمدة ما كان إلا انتظار اعترافك .. وبسأل للمرة الأخيرة وش نوع علاقة حمود بهالمراة ألي يكلمها وهل هي وحدة ولا مغازل من اي بنت؟

راغده انفجعت من كلام اختها وبنفس صدمتها: مستحيل تكونين من البشر أنتي شيطان .. وش جرى لك ..

مها: كلامي ما بكرره ..

راغده بلعت ريقها مرتين وبصعوبة نطق : ا...سالي حمود .. انا ما اعرف شيء ..

مها نزلت عينها لتحت ثم رفعتهم لها: والله وبالله لو أعرف انك تدرين ومخبية علي ما بيحصل لك طيب .. وتأكدي اني اعطيتك فرص وانتي ألي تجاهلتيها فـ تحملي ألي يجيك لو كنتي فعلا تدرين ..

راغده تحاول تبين ثقتها بكلامها وبوقفتها المتزنة: سوي ألي تحبين ماعادت تفرق معي ولو كان هدفك هو طلال فـ طلال مابيصدق ادعائك مثل ما سويتي قبل ولا صدق وهم الان ما بيصدق ..

مها: شنو ! ههههههههههههههههه " وبنبرة اربكت راغده " بنشوف لبعدين وطلال سهل جدا اني اشككه فيك يا حبيبتي .. مثل ما جبتيه لعندنا وقلتي انه يحبك وادري السالفة كلها تلفيق لكن انا مبسوطة بزواجك قلت ممكن تحلين عن حمود .. عشان اصدق معك اكثر انا أشك فيك أنتي يا اختي مع حمود زوجي ..

راغده فتحت عينها على الآخر وبقرف:
ايش هالقرف ألي تقولينه يا مها أنا لا يمكن أصدق ألي تقولينه .. أنتي يا مها !! ليه ؟ صدمتي فيك قوية ..

مها رفعت حاجبها وبسخرية: كل شيء كان واضح حتى ريهام والكل شاك فيك ..

راغده ضاقت الدنيا فيها وهي تفتكر كلام ريهام قبل ولما شكت فيها بسهولة ..

مها كملت بحزن : أنا ألي المفروض أزعل واتضايق مو أنتي ، اتعستيني الله يتعسك " وبنوحه " الله يتعسك ..

راغده نزلت دمعتها واقتربت من مها وجات بتمسك يدها وابعدتها بشراسة

مها بكره : الله يحطك بمكاني بيوم وتعرفي شعور الخيانة من أقرب الناس لك ..

راغده بين دموعها وبصوت يعور القلب: وإذا عرفتي انه خاينك ايش ممكن تسوين يا مها ! تكلمي !

مها بصراخ: اقلها أعرف ولا أنه يتم استغفالي ..

راغده: ماهي واضحة انه خاينك وقايل لك انه يكلم حبيبته يعني ما بترتاحي الا لما ... تعرفي وتتأكدي انه خانك مع اختك .." وبصوت مبحوح " مع اختـــــك يا مها !!! الله اكبر ..

حطت يدها بفمها وطلعت من غرفة ريهام وهي تبكي ودخلت بالمخزن كان بأنوار خافته صارت تبكي وتشهق وهي تضغط على فمها عشان صوتها ما يطلع وتبكي وبهمس: مو كلامك يا مها مو كلامك اهئ اهئ ..

نار ضوء الجوال الي بيدها وانتبهت لنور كان صامت وشافت ٧ اتصالات من طلال وخذت نفس عميق وردت عليه: الآن بطلع طلال ..

طلال يحاول يخفي عصبيته: وينك فيه ؟

راغده تخفي حزنها وصوتها المبحوح: بلبس عباتي يلا ..

ناظرت وجها بالمراية وهي تشوف الكحل حايس مسحت قد ما تقدر وغسلت وجها ورجعت مسحت وجها ولبست عبايتها وحجابها ونظارتها الشمسية ودخلت المجلس كان فيه يوسف وطلال ألي وجهه صار احمر وعقدة حاجبه ماكانت ملامحه تبشر بالخير ..

طلال اقترب منها وهو يصر على اسنانه: وينك فيه؟ تكلمي ..

راغده : كنت بالحمام طولت شوي ..

طلال: لا تكذبين يوسف قال لي انك مع مها صعدتي فوق ..

راغده ماحبت اخوها يحس بشيء وناظرته: يلا يوسف احنا بنروح مو ماتسير علينا !

يوسف قام وبابتسامة: ابشري .. بيننا تواصل ..

راغده: ان شاء الله نخلص تأثيث وابشر ..

يوسف: تم ..

وطلعت مع طلال لما قربوا من سيارتهم

لبس نظارته وبحده: الوعد بالبيت ..

راغده ركبت سيارتها بدون اي كلام ومشت وهو وراها وجددت دموعها : راغده خلاص وقفي بكاء الموضوع انتهى وبينحل الخلاف وتتضح المسائل إن شاء الله ..

لسبب حساس تبكي وهي تعرف من ألي يسعى ورى هالتفرقة كلها .. كلمة توديها وكلمة تجيبها ..
بالاخير قررت تتصل بمها ولا ردت عليها ودخلت واتس ارسلت فوبس : مها أنا فكرت بكلامك بكره نتقابل بصالوني .. على الساعة ١٠ ..

وطلعت من الواتس وصارت تمسح دموعها بطرف المنديل وصلت البيت ودخلت سيارتها بالكراج وجات بتفتح السيارة الا بيد طلال ومسكها من يدها وطلعها من السيارة وبحده: ايش هالاسلوب ألي معك !؟

راغده بألم: اترك يدي طلال خلنا نتكلم بحضارة ..

طلال بعصبية: مو وقت فلسفتك ابد ..

راغده تحس بزود قبضته على زندها وكشرت: ااه توجعني ..

طلال بنفاذ صبر سحبها لداخل البيت ودفعها بعنف لبعيد : يلا تكلمي قبل لا ينفذ صبري ..

راغده وازنت نفسها وبلعت ريقها: انا كنت بالحمام .. وجات بوجهي مها تريد تسولف معي وجات تعتذر بشكل شخصي عن ألي قالته لك و...

طلال يقاطعها بحده: في شيء اسمه جوال شوفي كم مكالمة لم يتم الرد عليها ماقدرتي تقولين ببلغ الحمار ألي خايف عليك والشياطين تلعب برأسي لعب ..

راغده فتحت حجابها ونزلت النظارة وعينها تحت وبتأنيب ضمير: ماقدرت ارد عليك ..

طلال بصراخ: ليـــــــــه ؟ يدك ملفوفة ؟ مجبسه ؟

راغده بخوف من صراخه: كــ..ـان بوضعية الصامت بسبب الأذان في خاصية بوقت الأذان والصلاة يصير صامت ويعدها يفتح ..

طلال: يا سلام ! ويوسف لما علمك وانتي تصعدين معها لفوق ما افتكرتي وقلتي أشوف ألي مو معتبرته اهمية موصي علي ! لهدرجة صار عندك اللامبالة وبرود ماعدتي تخافي صح !

راغده بلعت ريقها مرتين: هو .. عشان البيت .. فـ..يه ناس وما يقدر يسوي شيء .. وبدر ماعاد كررها هي بس مرة وتحت دراسة منه وتخطيط ..

طلال فتح عينه على الآخر مسك زندها بقوة وسحبها لعنده والشرار يطلع من عيونه: ايش قلتي !!!!

راغده انتبهت للي قالته وبرجفة: ا...قصد ..

طلال أعطاها كف على وجها ورجع مسكها من جديد ويهز فيها: ايش قلتي يا واطية ..

راغده بين دموعها وبصوت مبحوح: طلال مو قصدي والله افهمني ..

طلال بعدها عنه بقوة وهي تشوف الشر بعينه: طيب يا راغده طيب .. شغلك عندي ..
وطلع برا البيت

راغده جلست بالكنب وهي تبكي بصوت خفيف وتتحسس زندها ألي ترك علامة اصابعه ودفئ خدها الناعم بسبب الضربة ..

طلال ما لاحظ بكاء راغده المسبق بسبب عصبيته ..

قامت بثقل وتوجهت لغرفتها وجلست بالكرسي عند المرآية وهي تشوف خدها المحمر ودموعها الي سيحت الباقي من كحلها مدت شفتها لقدام لتطلق بكاء مرير وسط فكها ألي يرجف ..

طلع من البيت بعصبية وفتح الكراج وطلع من بيتها حس أن الدنيا ضاقت معه وان الدنيا من كبرها ضاقت وضيقت له النفس فتح ازرار ثوبة وفتح نافذة سيارته وضرب الديركسون " كذا يا راغده ! كذا !!! خايف عليك وتتجاهليني ، هذا جزاتي ؟ وبكل بساطة تفكرني في لمس بدر لها كيف تجرأت شايفتني لوح ولا منيب بشر ما احس ! حتى لو قسيت عليها هي محتاجة لدرس تتربى ولا تقط اي كلام بدون ما تدرسه ، فيني غصة كيف اقول لها اني كنت شاكك بنسبة كبيرة عن الي سواه النجس لها وكنت اصارع هالشيء وتجي بكل بساطة تقولها كذا " رجع ضرب الديركسون ويعض شفته بقهر: ما اتحمل فكرة ان في احد قرب عليك افهمــــي يا تبن .. افهمي ..

غيرت لبسها ولبست شيء خفيف ومسحت مكياجها
لبست نظارتها الشمسية وتوجهت لعيادة الدكتورة سلمى عبدالله
اول مادخلت ابتسمت لها الدكتورة واستقبلتها بحفاوة: الحمدلله على سلامتك .. نورتي الشرقية كلها ..

راغده نزلت النظارة ورمقت الدكتورة بنظرات حادة وببرود بالتعبير اقتربت من مكتبها وبهدوء: ممكن أعرف على أي أساس أنتي كذبتي علي !



د.سلمى توترت من نبرة صوتها وهدوئها الي قبل العاصفة : في شنو ؟

راغده ابتسمت بسخرية: في شنو ! ليه في كذبة ثانية سوتيها وما بعد اكتشفها ؟

د.سلمى مدت يدها: اجلسي راغده وقولي لي وأنا ما بلف وأدور عليك ..

راغده تحاول تحافظ على هدوء اعصابها: ممكن اعرف ليه كذبتي علي بخصوص وجود ضعف لطلال !

د.سلمى:...........

راغده كملت بنفس هدوئها: طلال ! لما سافرنا دخل علي بالاجبار والكره وعن كمية التعب النفسي ألي واجهتها ..

د.سلمى والصدمة بملامحها كانت واضحة لراغده : طلال جاك بالغصب ؟ كيف وشلون ..راغده انتي بخير ؟ احكي لي كل شيء ..

راغده فردت ذراعها: ابدا كــــاني شوفي ..

د.سلمى بعدم استيعاب: يعني تقبلتي خلاص راغده .. " وبابتسامة عريضة " ألف ألف مبروك ياعروسة .. ماتوقعت أنك ..

راغده قاطعتها وعن كمية الألم الموجود بصوتها: لحد ما أنا تقبلت واتفقنا على هدنا .. وعرف من وحدة من السياح بجزيزة بالي أني تعرضت للاغتصاب لذلك أنا رافضته .. وراح جاني زي المجنون وسو سواته معي ..

د.سلمى فتحت عينها على الآخر: ايش تقولين يا راغده ؟ كان نفيتي كل ألي براسه ليه اكدتي عليه ؟ راغده ليـــه اكدتي عليه كان بينتي له ان توقعات البنت وشكوكه مو بمكانها ..

راغده تحارب دموعها: ليه يا دكتورة سلمى ؟ ليه مو المفروض أنه يدري !

د.سلمى بانفعال: راغده حتى لو تقبل طلال واعتبرك ضحية ومالك ذنب المشاكل بتجي من بعد هالسالفة ..

راغده بنظرات كلها برود: مثل ؟

د.سلمى: مثل شكه فيك لو تروحين لبيت اهلك بيخاف وبينظر لهم نظرة مزدرئة وفكرة تأخذه وفكرة تجيبه ، وهذا اذا مامنعك انك تروحين لهم و...

راغده نزلت دمعه وسط ملامحها الباردة: كل شيء قلتيه حصل .. البداية كنت مستمتعة بأهتمامه وحرصه هذا تو اول يوم ما بعد تمشي الأيام واشعر بخنقة وضيقة .. احس حاجة ماسكتني من رقبتي ..

د.سلمى قامت من مكتبها وجلست بالكرسي قبالها وبأهتمام: راغده حبه حبه واحكي لي بالتفصيل لا تخليني شيء ..

.
.
.
ببيت مريم ..

مريم: المسعدة رجعت الخبر وش رأيكم نروح لها ..

مروة بتأييد: ومنها نشوف الهدايا ألي جابتهم لنا ..

مريم بحماس: نسيت عنهم تصدقين !

فرح: ليه لا .. أنا باخذ منها موعد على هالأسبوع ..

مريم: وهالله هالله بالزين بنات ..

مروة: افا عليك بس ..

.
.
.
عقدت حاجبها:احكي لي وش ألي بينك وبينها ..

مها بنكران: ولا شيء !

ام عبدالعزيز بانفعال: لا تكذبي علي سمعت صراخكم واصل لتحت وكل وحدة منكم تبكي ..

مها بنفس نكرانها: مافي شيء من ألي ببالك يمه ، تأثرت بقربنا
لبعض والصراخ ابدا ما صار ..

ام عبدالعزيز: اعرف منك يا مها أحسن .. ليكون تكلمني معها عن شكك في ميول حمود لها !؟

مها: ليه أنتي مو مقتنعة انه ميول من الطرفين !

ام عبدالعزيز: مو انا قلت لك كله اوهــــام ليه تعقدين المسائل يا مها وش جرالك ؟!! من ألي لاعب بمخك؟

مها بحزن: مشاكلي مع حمود زايده على غير عادة وصار يقولها بالوجه اكلم حبيبتي ! قبل خش ودس الان لا .. ولا اقدر أكلم ابوي بشيء .. استحي وش اقول له لو يعرف ان معه علاقة بتصير مشاكل ..

ام عبدالعزيز " هو عارف ابوك من زمان بس مخبي عليك " عدلت جلستها: أنا بتكلم مع حمود اتركي هالشيء علي .. ولا عاد تدخلين اي احد بسالفتك ..

.
.
.
د.سلمى نزلت نظارتها وبأسى: كل ذه بـ مها ؟

راغده تمسح دموعها: جات الحزينة لتفرح مالقيت لها مطرح ، عن فرحتي بعلاقتنا وتقاربنا هذا النهاية شفتي شلون كيف نظرة اهلي لي ؟
د.سلمى: خلينا من أختك الان طلال موقفة يدل على أنه واعي أو أنه عارف اهلك ..

راغده: علاقتي بطلال كلما تتعقد نتصالح يوم ونتخاصم ٥ ايام وهذا جدولي وياه ، بديت اشك أن أحنا بنستمر .. ما أعرف وش نهاية علاقتنا

د.سلمى: لاتفكرين بسلبية .. خليني معك خطوة خطوة تصرفك مع مها صح اوعك تدخلين بحياتها نهائي لو صار ما صار بيكون كل شيء براسك ، لو صار بينكم اي حوار وحديث تجنبي التهديد لان مابيدها الا انها تتكلم فقط بدون تنفيذ .. تجنبي روحتك لأهلك هالفترة لحد ماهو يهدأ لو أمك بغت اي شيء تجي هي لبيتك او لمقر عملك غير كذا ارفضي اي روحة لبيت عمك .. وبخصوص ألي صار وياك بطلال ببالي انا مبهورة جدا من النتائج .. قلت لك كل شيء كان نفسي والعلاج يبدأ منك قبل كل شيء ، عقدتك وتلاشت وسبب رفضك يا راغده قبل بسبب صدمتك لاقرب شخص على قلبك واغتصابه لك بهالوحشية لكن مع طلال تقبلتي حتى لو قاومتي لكن ما كان بشكل مبالغ لأنك عارفه انه حلال ومن شخص صح .. احنا على الفطرة راغده ، استمري بسورة البقرة وابعدي كل شيء يجيب لك حزن وتفكير ..

راغده اخفت عن الدكتورة موضوع ضرب طلال لها بسبب كلمتها لانها تعرف انها على خطاء تنهدت
وهي تسمع لارشادات الدكتورة للاحداث الي بتصير بعدين بشكل توقعي ..
توجهت لبيتها وجلست بالصالة تقرأ قران .. وبـ إتصال من ميس ردت بستغراب: هلوو

ميس باندفاع ونبرة صوتها متوترة: اهلين راغده .. طلال وينه ؟

راغده بخوف: صار شيء ميس؟

ميس: ولد عمي سطام سو حادث وحالته حرجه تو وصل لنا الخبر اتصلت بطلال ما يرد ..

راغده ويدها على قلبها: بسم الله .. وسطام كيفه ؟

ميس: للان ما رد علي فهد .. ابوي وعبدالرحمن وفهد بالمشفى مع عمامي وما وصل لنا علم بأي شيء ..

راغده: يارب لطفك .. بتصل بطلال لاتشيلي هم ..

وسكرت منها وصارت تتصل بطلال اكثر من مرة ما يرد ..

--------

مدت له القهوة: ليتك جبتها معك يا طلال ..
طلال بنبرة حزن خفية: مشغولة بس تفضى لابد لها زيارة لك ابشري ..

شريفة: وش بك يا روح خالتك حالك مو عاجبني صار شيء ؟

طلال تنهد: اشياء كثيرة ..

شريفة وهي تشوف ضوء شاشة جواله: رد يا طلال ممكن السالفة مهمة ..

طلال ناظر لجواله استغرب الاتصال من عبدالرحمن وبقلق: وش السالفة العالم متصلة علي ..

شريفة بخوف: يا رب لطفـك ..

طلال رد ..عبدالرحمن باندفاع : وينك فيه ليه ما ترد ..

طلال بقلق: وش صار؟

عبدالرحمن: سطام مسوي حادث وهو الان بالمشفى ..

طلال بفجعة: أيــــــــــش ..

عبدالرحمن:انا وعمامي وفهد وابوي بمستشفى ######

طلال قام: مسافة الطريق بس ..

شريفة بخوف: وش صار يا طلال تكلم ..

طلال: سطام مسوي حادث وهو الان بالمشفـى

شريفة: لا إله إلا الله ..

طلال: استأذنك يا خاله ..

شريفة عند الباب: وطمني عنه يا طلال ..

طلال: ابشري ..

صعد لسيارته وتوجه للمشفى وهو يشوف عمامه وعيالهم متجمعين بالمستشفى ..
اول ما شافه عبدالرحمن جاء عنده

طلال باندفاع: وش صار وكيف صار له الحادث ..

فهد اقترب منهم: كان برجعته من الرياض مسرع ٢٠٠ وعليها عكست شاحنة المسار وانعدمت سيارته ..

عبدالرحمن بخوف: لو تشوف السيارة كيف انعجنت يا طلال تقول ذه كيف ربي انجاه ..

طلال اقتشعر بدنه: لا اله الا الله ووضع سطام شلون ..

فهد: كل شيء بيد الله ..

طلع الدكتور وعلامة الحزن بوجهه: البقاء لله ..

ابو سطام بصراخ: شلـــــــون وش تقول أنت ..
تجمعوا اخوانه وعيال اخوانه عليه يهدونه وسط بكاء ونحيب على ولده ..

اليوم التالي ، بعد الدفن
راحت راغده مع حماواتها للعزاء ببيت ابو سطام .. ثم ببيت ابو أسيل

شكل جنان كان يحزن ويقطع القلب جلست جنبها وهي تهديها .. كان شكل جنان مثل جسد بلا روح بس تبكي بصمت ..

اسراء جلست جنب جنان الثاني : مو محتاجين لدعمك ..

راغده ماعرفت اسراء الا من صوتها ، صدق لقالوا تعال بالعزاء وشف الوجوه الحقيقية بدون اي كلام قامت راغده وجلست بعيد عنهم بصمت ..

ميس جلست جنب راغده وبهمس: ما يخالف راغده .. اسراء عمرها كذا تهاجم ، لا تشرهين عليها الاخ غالي اخذي وخلي ..

راغده اكتفت تهز رأسها ..

بعد انتهاء أول ثلاث أيام العزاء ..

صارت تشوف طلال بالبيت ..
من بعد ما كان يجي البيت ينام ويصحى على بيت عمه ..

شافته سرحان جلست بعيد عنه وبهمس: طلال .. طلال

طلال انتبه لها: هه ..

راغده: لا تسوي بنفسك كذا يا طلال عليك انك تترحم عليه وتدعي له .. وكلنا ماشيين بهالدرب ..

طلال بحزن: هو اقرب واحد لي من عيال عمي ، ونفس الوقت افتكرت نوال ألي ماندري متى اخر يوم لها بهالدنيا .. نحفت زيادة وبان التعب عليها اكثر ..

راغده بحزن على وضع طلال حطت يدها على يده وشدت عليها: حبيبي ربي رحمتك كبيرة ماتدري ايش الخيرة فيه بكل ألي صار ..

اقتربت منه وضمته وسط صدرها وهو شد عليها كأنه ينتظر هالشيء من زمان ..
راغده " انا ما اعرف اواسي زين لكن هذا الشيء ألي قدرت اقدمه لطلال "

بجمعة البنات في بيت راغده ..
صاروا يناظرون البيت بصدمة كبيرة بعد ماعرفوا أنه بيتها والخدامة ترحب فيهم ..
نزلت راغده بالدرج وصوت الكعب عالي اجبرهم يلتفتون وبأنبهار بشكلها
كانت لابسة جمبسوت طويل بني ترابي بأكمام طويلة وفتحة الصدر كبيرة ووسيعة لين نهاية البطن لبست قطعة جواته بلون البرتقالي المنعش ومكياج يعتمد على تكبير العيون وروج اورنج مات خفيف ..

شعرها العسلي سيحته وفردته على اخر خصرها ..
وكعب أورنج
وبابتسامة عريضة: تو ما نور البيت ..

فرح: بنورك يا منعش ..

راغده: ههههههه ما تعرفوا قد ايش اسعدني جيتكم غيرتوا جوي من أسبوعين والأجواء مرة متعبة وطلال كلا سرحان ومقضيها عند بيت اهله ..

فرح بحزن: اي اخته معها سرطان صعب فقدان الاحباب ..

مريم تغير جوهم: ما دريت انه بيتك توقعت بزواجك انه بيت عمك الثاني ..

مروة بفضول: من وين لك البيت وكيف جبتي الفلوس ..

راغده: تقدرين تقولين نصه ورث ونصه من شغلي ..

مريم باهتمام: شغل !

راغده: اي انا معي صالون ..

الكل يناظر بعض بصدمة

راغده بإحراج: ماصارت مناسبة اقل لكم عن كل ذه
..
مروة بذهول: ماشاء الله .. ولا تعلمين ولا تقولين شيء رغم ان في فرص كبيرة تتكلمي ..

مريم بتلميح وبنصف عين: ولا خايفة نحسدك ..

راغده: لا أبد مريم مو قصدي كذا

مريم رفعت حاجبها: اجل وش يسمى سواتك ذي .. ولا وش رايكم يا بنات ..

مروة بتأييد: من جد يا راغده مالك صلاح يا راغده .. احنا من العدويين ولا من العدويين ..

فرح : وبعدين معكم يا بنات على اساس احنا مامعنا اسرار مخبينها على بعض ماعليك منهم يا راغده واحكي لي من متى معك الصالون وايش أسمه ..

راغده: بيرفكت توج ..

البنات بصدمة: امـــــا

مريم بعدم تصديق: أنتي صاحبته ؟

مروة: مستحيل ..


فرح بابتسامة: تستاهلين كل خير غدو ، ايش رأيكم نروح لها بكره وتدلعنا ولا ما نستاهل ؟

راغده: المحل محلكم افا عليك ..

مروة تناظر بشعر راغده: عشان كذا اللون بشعرك كذا لون من تدريجات العسلي والثلجي .. اهنيك انا اعجبني يسون لي زيك؟

مريم: بس مو حلو عليك .. راغده حلو عليها لأنها حنطية وملامحها لايقة عليها .. رغم الآن اشوفك غيرتي لونك بسبب الشمس ..

فرح: يقولون مو زين راغده له أضرار خلك على لونك ..

راغده: طلال يحب يكون لوني برونزي .. وأنا سمرت شوي والباقي ذه كله مكياج ولا لوني افتح .. استخدم درجة اغمق من بشرتي عشانه ..

مريم: عشتوا .. ما عليك منه يريد الضرر لك .. هم كذا انانيين ..

مروة: اطلبي شيء منهم وشوفي ايش بيسوي .. بيحط فيك عيوب الدنيا انا قلت لزوجي كأنك سمنت يقول لي انا كذا بغيتي ولا الله يحفظك .. شفتي كيف انانيتهم وأنا بس ازيد كيلو اسمعي الكلام ..

مريم: انتبهي تسمعين كلامه خلك بجبروتك وقوتك ..

راغده " نفس كلام مها وبس عرفت ان معه علاقة بوحدة انهارت "

مروة: وانتبهي تستأمنينه على سر من اسرار اهلك شوفي أنا اخوي دخل السجن عشان ديونه ورغم انه طلع وسدد دينه الحمدلله بس مع ذلك يا بنات يعايرني بـ أخوي ويقول لو انه كفو ما تدين وهو مامعه مسؤلية و و لما راسي ورم من كلامه وعيارته بـ اهلي ..

راغده " معقولة الرجال كذا انذال ؟ كلهم يتوطون على المرأة الضعيفة حتى لو أنها أم عياله ! معقولة طلال يكون من هالصنف الحقير ! " وباهتمام: طيب واذا هو عرف اشياء انا ما ودي انه يعرفها كيف ممكن يكون تصرفي ؟

مروة: بسيطة انكري ولو سمع اي كلام قولي ما اعرف ما أدري واذا حسيتي انه هــا بدأ يتجاوز حدوده اوقفيه عند حده لأن هو مايرضى تغلطين على اهله كان يدفنك ..

مريم بتأييد: اي بالله مرة بس تكلمت عن اخته يوه يا بنات ايش سو بي لورى ذراعي عسى يده الكسر ..

فرح: مهما وش كان زوجك حلو يا راغده لا تستأمنينه على سر من اسرار اهلك .. الدنيا ذي ما تستأمن ممكن يجي يوم يطلقك او يتزوج عليك لا سمح الله بيشوف ان ما وراك رجال بيدوسك اعملي لاخوانك هيبة حتى لو اخوانك رخــــوم ..

راغده " نفس كلام الدكتورة ، ممكن لرجال جانب خفي مثل مها ! أو ممكن مرض تعدد الشخصيات .." هزت رأسها بالنفي وسط تفكيرها المعوج فكرة تجي وفكرة تروح

لما انتهت الزيارة دخلت مكتبها وعلى اللابتوب الشخصي ودخلت الرقم السري وصارت تبحث عن قصص مشابهه وكأنها تريد تتأكد هل فعلا لو المرأة وثقت بالرجل يعايرها .. وجدت أكثر من موضوع والردود نفس ردود صاحباتها تنهدت براحة انها ما قالت له عن أمها وعن مها ..
وهي ما تدري أن طلال عارف بكل شيء بس ما قال لها ..

كملت شغلها على اللابتوب

لما سمعت صوت الباب الرئيسي يتسكر بقوة وهي تنادي: راغده راغـــده ..

راغده طلعت من اللابتوب وقامت شافت أمها وبستغراب: يمه ! عسى خير ان شاء الله

ام عبدالعزيز: طلال هنا ؟

راغده: ما يرجع الان ..

ام عبدالعزيز: حلو .. بسألك وجاوبي بصدق " طلعت القران من شنطتها "

راغده استغربت من وجود القران بيد امها : ليه القران؟

ام عبدالعزيز: عشان تحلفين عليه ..

راغده بتوتر: صار شيء ..

مدت لها القرآن: احلفي ان مامعك علاقة بحمود ..

راغده اخذت القران من امها وحلفت عليه: والله مامعي علاقة بحمود زوج اختي مها ..

ام عبدالعزيز وهي تناظر راغده براحة: وش السالفة ألي بينك وبينها ..؟

راغده: مش مقتنعة ان مافي علاقة بيننا بس هي مصرة وصارت تهددني بعلاقة قديمة ..

ام عبدالعزيز : علاقة وش ؟

راغده جلست : السالفة القديمة عن ابراهيم ..

ام عبدالعزيز عقدت حاجبها: وش فكرها فيه ؟

راغده: تهددني انها بتكلم طلال ..

ام عبدالعزيز بخوف: وكلمته ..؟

راغده: اي بس ما صدقها لخلو الأدلة ..

ام عبدالعزيز بقلق: انتبهي تفتحين هالسيرة حتى بينك وبين نفسك ، يقولون الجدران لها أذان ..

راغده بقلق: بس مها حلفت انها بتعلم طلال ..

ام عبدالعزيز : ليه في شيء شاكه فيه غير هالسيرة ؟

راغده: تقول اني اعرف نوعية العلاقة الي بين حمود والبنت الي يكلمها ..

ام عبدالعزيز بشك: وليه تأكدت .. راغده احكي الصدق بالتفصيل

الا بدخول طلال وهو يشوف التوتر الي بينهم وراغده بيدها القران
طلال: السلام عليكم
عبير وراغده: وعليكم السلام

عبير أخذت القران من يد بنتها: كنت أدور عنه ما تدرين انه من غالي علي كان اخذتي قران ثاني الله يصلحك ..

راغده انتبهت لترقيع امها: ايي اعجبني وريهام الله يصلحها قالت عادي اختاري اي قران وأعجبني ..

عبير بعتب: استأذني مرة ثانية .. يلا اسلم عليكم ..

طلال بغرابة: ربي يحفظك " ناظر براغده " وراه جايه عمتي بهالوقت مو بكره معها دوام
..
راغده تحاول تضبط توترها: عشان القرآن الي اخذته ..

طلال: الله اكبر جايه كل هالمسافة عشان تاخذ منك القران ! على اساس مافي قرآن ثاني تقرأ فيه على بال ماترجعين قرانها

راغده " اجل ذه سبب يا يمه , اف ياربي وش اقول له الان " غيرت الموضوع: كيف حال نوال ؟

طلال بحزن: صحتها في تراجع .. لكن الحمدلله على كل حال ..

راغده: الله يشفيها ..

طلال: الاثاث بيوصل بكره بس ينحط انسي المبيت هنا تمام؟

راغده " استغفر الله وش ألي يحدني اسكن بمستوى اقل وانا امكانياتي تسمح ومعي بيت ملك " بتسليك: طيب

طلال يتفحصها بنظره ألي تو ينتبه لها وبنظرات مليانة إعجاب
وراغده ألي كانت سرحانة وتفكر بالسكن لشقة وسط اوضاعها هذه ..

طلال جلس جنبها: لوين وصلتي .. ؟

راغده رجعت ظهرها لورى : ولا لاي مكان .. رجعت بدري اليوم ..

طلال: اعذريني راغده انشغلت بالعزاء وبتعب نوال ..

راغده كانت متحفظة جدا خصوصا بعد ألي صار لهم اخر موقف ضمت رجلها على بعض وبدون ما تناظره: ولا يهمك هم في حاجتك اكثر مني ..

طلال انتبه لتغير تصرفاتها وطبوعها مسك يدها وبهمس: ادري بعد الي صار بيننا ماعاد تحاورنا والكل لهى بمشاكله ..

راغده " محد التهى غيرك اما انا للان احمل وجع الي صار بيننا " وقفت وصارت قباله و تقاطعه: أنا تعبانه ومعي اشغال بكره ضرورية وفيني النوم ..

طلال ماعجبه كلامها: ومن الأهم زوجك ولا وظيفتك ؟

راغده" لا لا كلش مو وقته " رمقته بنظرة وبعد صمت دام ٩ ثواني: كل واحد وله اهميته تقدر تأجل حوارك لبكره ؟

طلال بعناد: اجلسي
..
راغده بلا حراك ..

طلال بحده: بتجلسين ولا اتصرف تصرف ثاني ..

راغده بخوف من نبرة صوته جلست على طرف الكنب وبعيد عنه

طلال اقترب منها وعند اذنها: سمعتي بقصة
ترويض النمرة لشكسبير ولا ماقريتيها ؟

راغده بخوف وهي تحس بنبرة صوته كأنه تهديد: اوامرك ؟

طلال صار يناظر فيها بصمت .. طال الصمت التفتت له وألتقت نظراتها الخايفة بنظراته الحادة الممزوجة بالكبرياء .. سرحت بعيونه السودة وبدقة ملامحة .. لما شافت رفعة حاجبه المرسومة نزلت عينها بسرعة ...
طلال: مضيعة شيء بوجهي لا سمح الله !؟ ولا معجبة فيني

راغده بأحراج: لا تسيء فهمي .. كنت انتظر ردك فقط ..

طلال: يعجبك اتمرد عليك ؟ وألعن جدفك ولا يعجبك اعاملك كـ سيدة وانا الخادم ؟

راغده بعدم استيعاب: ايش؟

طلال يحافظ على هدوء اعصابه: شخصية مثلك تجيد التمثيل المتقن والكذب والادعاء ماتعرف تمثل احتضان زوجها !؟ جيتك بلين و بيسر تردين علي بردود كأنك تقولين لي تكفى طلال عنفني وربني على يدك ..

راغده: أنا ألي يحق لي أني اتكلم مو أنت يا سيدي الفاضل .. ردي عليك اني بنام افهم اني مالي خلق اتكلم معك اليوم وافتعل مشاكل مو كافي المشاكل السابقة ألي تاركينها بالأرشيف ! وتجي تجدد كلام ومواضيع ايش مشكلتك معي اليوم ها !؟

طلال فتح عينه : انا ألي افتعل المشاكل !؟ مو حضرتك الي متكبرة ولا عارفه الأصول كلا ملتهية بشغلك صديقاتك ماقلتي بشوف جنان واتطمن عنها بعد ألي صار لها .. ولا نوال الي تسأل عنك كل يوم واقول مشغولة بس لين متى !؟

راغده حطت يدها على نحرها وبشهقه: أيـش ! نعم ايش قلت ؟ وش الي بيني وبين جنان اصلا !؟ لا هي الي تحبني ولا انا واذا رحت اواسيها ترد عليها حب طفولتك الاخت اسراء وتجعمني هم رافضيني اروح لها ليه من أصل .. ونوال , لا تتكلم وانت مو عارف شيء انا بين فترة وفترة اكلمها واراسلها ..

طلال بعصبية: يجعمونك ! من غرورك وتكبرك وكبريائك المريض .. صلبة وجامدة كأنك جدار .. حشى مو مرآة تقول رجال ..

راغده انجرحت من كلامه وذي مو أول مرة ألي يكرر فيها كلمة رجال ويكسر انوثتها حاولت تمسك دموعها وسط صراخه وشتمه لها ..

طلال بنفس عصبيته: توقعت بكون مرتاح مع وحدة كبيرة وواعية بس طلع عقلك صغير ونظريتك محدودة جدا ما تهتمين للي حولك وتشوفينهم حشرات بعينك ..

راغده غمصت عينها ونزلت دمعة حزن ومسحتها بسرعة قبل لاينتبه: وش تريد توصله ؟

طلال: نعم؟ ذي والله مصيبة لو بعد كل كلامي مو عارفه وش اعنيه بالضبط ..

راغده قاطعته : أنا من عمري كذا ما تغيرت لكن أنت وش ألي غيرك وابش تهدف له من تجريحي قول نيتك وهدفك طالمة ما في شيء يربطنا .. عصبي وتصارخ على شيء تافه لما شفتني غير قابله لنقاش ليه تفتعل لمشكلة ؟

طلال " وهي صادقة .. وش فيني عليها ليه بس أريد اجرحها واطعنها بالكلام واكسرها .. ليه تسوي كذا يا طلال ؟ " :........

راغده بحزن خفي: أوك أنا مغرورة وشايفه نفسي وخشنة كأني رجال هات الكلمة ألي بداخلك والي ماقدرت تقولها كاش قولها ؟ قول أن التواصل بيننا صار معدودم وبطلقك يا راغده ..

طلال انصدم من كلمتها لأن ماكان يقصدها ولا جات بباله ..

راغده بحرقة قلب كملت: لكن لا تشيل هم أنا متنازلة عن المؤخر ألي حطه عمي فؤاد ..

صعدت الدرج وهي تجر ورائها الخيبة والحزن والقهر والألم دخلت غرفتها وقفلت الباب وصارت تبكي بصوت مسموع

طلال تنهد " كنت بس محتاج حنانك واحتواءك صدق أني ما أعرف أعبر ، بدل ما اقولها بشكل سلس عقدتها وزدت الطينة بله "
دخل غرفته وغير ملابسه لبس بجامته وقط نفسه بالسرير وهو يفكر بالكلام ألي قاله لها عقد حاجبه وغطاء وجهه بالمخدة وبقهر: غبي غبي غبي ..
تقلب بالسرير ما جاه النوم , فتح غرفة الملابس حقه وطلع بجامتها السودة الي أخذها منها وضمها وبعد تفكيـر طويل نام بصعوبة ..


صباح اليوم التالي صحت وهي تحس أن جسمها متكسر قامت بثقل وتوجهت للتواليت سوت عنايتها اليومية .. جففت وجها ورطبته وحطت مكياج صباحي ناعم عند عظمة العين لون الترابي والجفن المتحرك بيج وكثفت الماسكارا السوداء وغلوس بينك
دخلت غرفة الملابس وطلعت لها لبسة الي جات بوجها ومر عليها محادثتها مع طلال وبقهر: أنا اوريك من الرجال يا طلال طيب ..


آنتهـــــــى البـــــارت

[لامارا]

البارت الثـاني والعشـــرون


22



دخلت غرفة الملابس وطلعت لها لبسة الي جات بوجها ومر عليها محادثتها مع طلال وبقهر: أنا اوريك من الرجال يا طلال طيب ..

رجعت اللبسة واختارت لبسة اكثر فتنة
فستان زيتي قصير لتحت الركبة بأكمام حاير مغطى من الصدر فتحته لفوق عند النحر .. فردت شعرها العسلي وسيحته لينزل اخر خصرها ولبست سنيكرز باللون البيج بدون جراب ..
وساعة جلد بيج تزين معصمها تسبحت بالعطر ..
وهي تشوف نفسها بالمراية الطويلة بإعجاب: اختيار موفق راغده حركة الفستان من فوق تبرز حجم الصدر وتظهر رشاقتي " شدت اكتافها لورى وبغمزة" وريه من يكون الرجال

مسكت عبايتها بيدها تعمدت ما لبستها عشان يشوف اناقتها وحلاتها ..
نزلت من الدرج وعينها تدوره توجهت للمطبخ : بنجور ماريان ..

ماريان انصدمت من شافت راغده: بنجور سنيوريتا ..

راغده ابتسمت بخبث" هذا والخدامة معجبة بطلتي نشوف الأخ وش بيقول " : سنيور طلال هنا ولا طلع ؟

جاء الصوت من وراها : وش تريدين مني ؟

راغده جمدت مكانها " لا تبيني توترك اخـــذي نفـس عمـــــيق ثم ردي عليه " أخذت نفس عميق وألتفتت ببطء بـ أكتاف مشدودة وبنظرات باردة: صباح الخير سنيور ..

طلال انذهل من شكلها وصار يتفحصها من فوق لتحت وطلعت منه بلا شعور: ما شاء الله تبارك الله ..

راغده اخفت ابتسامة النصر ومرت قدامه وهي تلفح بشعرها: كنت اسأل عشان أعرف تحسبك على إفطاري أو لا .. ماريان البريكفس بليز ..

وطلعت من المطبخ والسماعة السوداء بأذنها : صباحو حبيبي " وشدت على الكلمة الأخيرة لما عرفت ان طلال يراقبها بعينه " اختار الوقت المناسب ايش ودك غداء ولا عشاء .. لا ما يصير أنت ألي تقرر مو أنا " تشوف ساعتها وبدلع قهر طلال " تمام حبيبي والمطعم على ذوقي .. باي باي ..

طلال وبيده كوب النسكافية: من تكلمين ؟

راغده جلست بالكرسي وماريان تحط فطورها بالطاولة عبارة عن بيض مسلوق وخيار وشريحة بريد بالحبوب وجبن سلايس مع كوب عصير برتقال: مغسي ماريان ..

طلال بيجن من تطنيشها جلس قبالها: ماتسمعين ؟

راغده بفهاوة: عفوا! ايش كنت تقول ؟

طلال بقهر من تصرفها: من كنتي تكلمين ؟

راغده: يوسف ..

طلال بغيرة: واخوك تقولين له حبيبي ! ومتصلة فيه من صباح الله خير ..

راغده فتحت جوالها دايركت ودخلت على الاتصال وحطته جنب كوبه : تفضل ..

طلال يناظر بالجوال ألي مكتوب اسم يوسف ورقمه تحت ووقت وتاريخ الاتصال وناظرها: مو شاك فيك بس استغربت .. " ويتفحصها من فوق لتحت " بهالشياكة لوين بتروحين .. اثار فضولي فقط ..

راغده بدون ما تناظره: راسلني امس قال اشتقت لك وودي بشوفتك اعتذرت عن روحتي لبيت عمي فؤاد على طلبك .. فـ مالي إلا المطعم ..

طلال: والبيت ؟ وش فيها ؟

راغده ناظرته : وليه البيت ؟

طلال ياكل الزيتونة ويرمي نواها براحة يده : وليه مو البيت ؟ أنا بعد حابب اتعرف لهاليوسف ولا مو من حقي ؟

فتح جواله وسيف رقم يوسف واتصل فيه وسط نظرات راغده المغتاضة منه: السلام عليكم هلا يوسف كيف حالك ؟ معك طلال .. الله يسعدك تو عرفت من غدو أنكم بتتقابلون على الغداء بالمطعم مايصير لابد تشرفنا بالبيت ومنها تشوف بيت أختك .. اي الي تشوفه خلاص على الوعد بحفظ الله " وسكر منه وناظرها بتحدي" وهذا تم تحديد الموعد وبغاها عشاء في احلى من كذا ..؟

راغده عضت شفتها اللامعة بقهر ..

طلال حب يغيضها أكثر: ودك تبوسيني ؟

راغده كشرت : أيــش!

طلال قام وصار وراها بالكرسي ونزل لمستواها وبهمس لاذنها: مقطعة شفتـك بالعض قلت ممكن تلمح لشيء " وقالها بطريقة اصابت قشعريرة بساير جسمها "

راغده وجها قلب أحمر والتفتت بسرعة له : أنت ما تستحي على ....

طبع قبلة سريعة وهي وسط ذهولها وصدمتها

طلال رجع ظهره لورى وعند الباب: يلا انتظرك بسيارتي اذا خلصتي فطور ولا تبطين ..

راغده ماوعت الا بصوت سكرة الباب وبغيض: وقــــح كيف يتجرأ يبوسني بعد ألي قاله امس هالوضيع ..

لبست عبايتها وعند المراية وهي تمسح شفتها تذكرت قبلته .. ابتسمت على خفيف ورفعت نظرها للمراية " وش تبتسمين عليه ؟ اصحي اخذي منه موقف .. اااه احلى صباح .. استغفر الله وش تقولين انتي! هو يشوفك رجال اثبتي له العكس "
حطت غلوس بشفتها وتوجهت لسيارته بعد ما لبست نظارتها الشمسية أشر لها تصعد بالسيارة .. صعدت بعد زفرة طويلة ..

طلال بدون ما يناظرها: صايره ضب .. على هالزفرة ..

راغده " ضب في عينك " : وش مناسبة توصيلك لي ؟



طلال" عشان اضمن أنك ما بتروحين من وراي مع يوسف ": تغير جو وروتين ، لا تنسي اني من اسبوعين على روتين واحد وتعبت ..

راغده بدون نفس: محد ضربك على يدك ..

طلال زاد من السرعة

راغده بشهقه حطت يدها على يده: هيه أنت ، احنا مو بخط سفر .. لا تسبب حوادث ..

طلال بابتسامة " فقدت لمستي لها " : شيلي يدك الثلج من يدي الدافية ..

راغده انتبهت ونزلت يدها : عاد من زينك وزين يدك ..

طلال بابتسامة عريضة بانت غمازته: شفتي غمازتي ذي لو بس ابتسم لبنت وتشوفها راحت غيبوبة ..

راغده: خف علينا يالمخدر ..

طلال بمكر: تحبين تشوفين ؟

راغده: اشوف وش ؟

طلال لبق السيارة واقترب منها: تشوفين مدى جاذبيتي ..؟

راغده توترت من قربه: ترى احنا بمكان عام وفي الصبح يعني كل شيء بيبان ..

طلال بخبث: يعني تشورين علي اجرب معك التخدير بالبيت ؟

راغده فهمت قصده " في احلامك ": ليه تجرب على رجال ؟ وفر على نفسك العناء ..

طلال حس أن كلمته اثرت فيها ابتعد عنها وحرك السيارة وبعد صمت دام ١٠ ثواني : راغده أنا ماكنت اقصد الكلمة ألي قلتها .. بس بغيت احتواءك وحنانك علي بمثل هالمواقف ..
"استغرب صمتها التفت لها وشافها مرجعه رأسها لورى وتمتم بكلمات غير مسموعة مد يده على كتفها " راغـده ؟

راغده طفت الموسيقى من جوالها: نعم ؟

طلال بقهر: كنتي تسمعين موسيقى وانا اتكلم ..!!

راغده ببراءة: ماكنت ادري انك بتسولف

طلال " ما بتخلي لي عقل هالبنت "

وصلها لمشغلها وقبل لا تنزل: جهزي نفسك الساعة ٥ ..

راغده: مو كنا بدري ؟

طلال: لأنك ست بيت فاضلة تعرفي أن المطبخ ناقص ولا وش ياهانم ..

راغده تو تنتبه لهالشيء وباحراج: وبلغني عشان أجهز ..

ونزلت وسكرت الباب ودخلت صالونها كل الطاقم أتصف لتحيتها .. وبخطوات غاضبة: غبي ومغفل مسوي فيها الرجل الكامل والصح ..

نهلة وراها وتحاول تسرع خطواتها مثلها ..

فتحت لها باب مكتبها وفتحت عبايتها بقهر وسط ذهول نهلة

راغده التفتت لنهلة وانتبهت لنظراتها : ممكن ملف الشهر ألي طاف .. مع دفتر المواعيد لليوم ..

نهلة: ابشري طال عمرك


صلت الظهر وتوجهت لصالون أختها ..
دخلتها نهلة ودخلت بكل قوتها وجبروتها
قابلتها بعيون راغده المتوترة واشرت لها عشان تجلس: ايش اطلب لك ؟

مها: منيب مطولة بس بسمع وش بتقولين ..

راغده قامت وجلست قبالها بالطاولة البعيدة عن مكتبها ونظرات مها تتفحصها من فوق لتحت ..
مها: وش عندك على هاللبس ؟

راغده " لهدرجة شكلي غلط " خذت نفس عميق: مها أنا أحبك والله .. لا يمكن اخرب حياتك او حياة اخواني انتوا اهلي ، تتوقعي انزل لهالمستوى ؟

مها بابتسامة سخرية: ويوم حفلتي ليه صارختي ؟ مو عشان غيرة اني بتزوج قبلك ؟

راغده: انتي عارفه انك قبل لا تتزوجين صار في تلميح خطبة وانا كنت ارفض بشدة لكرهي لهم ..

مها حطت رجل على رجل: احييـك على هالتناقض العظيم .. كرهك لرجال وانتي تزوجتي منهم ولا اخذتي ثور على هيئة بشري رجل؟

راغده " كيف اقنعها ": مها قبل كانت معي حالة غريبة ..

مها قاطعتها: اي ودخلي الآن بالغموض والاكشن وقولي أنك منومة مغناطيسيا وانك مهددة من قبل الفضائيين ..

راغده بغرابة: وش قصتك مها ؟ من اقول لك شيء رديتي علي بعشر ! ووش هالخرابيط ذي ؟

مها بانفعال: انتي ألي تكذبين وتألفين قولي الصدق ورى اخفائك لحقيقة حمود وحقيقة البنت الي يكلمها ! حطي نفسك مكاني وشوفي هل الي تسويه منطقي يا راغده ..

راغده بحده: المنطقي يا اختي اني ما ادخل بحياتك ولا بحياته ، انتي من ألي يحرضك ضدي ؟ اريد افهم وش هالقلبه ذي ..

مها وقفت: انا تعبت من كثر ما اسمع خرابيطك وكذبك ياما و ياما اسكت عليك واعديها بس لين متى ؟ كوني صادقة لو مرة بحياتك وجاوبي على كل اسألتي الآن ..

راغده اخذت نفس عميق: لو هالشيء يريحك ابشري ..

مها التفتت لها: هاتي ألي عندك لشوف ..

راغده: انا صح عرفت ببالي أن حمود يكلم حرمة وانتي سمعتي الجزء الأخير من السالفة .. كنت اقول له لو معك اي علاقة ببنت بلغ مها لا تستغفلها قول لها كل شيء هو اعترف لي بكل ببساطة أنه معه بنت ويحبها ..

مها تستمع باهتمام: طيب ..

راغده: وتوقفت معلوماتي لهنا .. كلميه بود واعرفي وش يخبي ..

مها: يعني ما عرفتي وش صلته بالبنت ..

راغده ببراءة: مثل ماقال حبيبتي .. ما اعرف من تكون بالضبط .. بس ممكن نزوة وممكن لا ..

مها شدت قبضة يدها: على كل ألي سويته .. و يخون !

راغده كملت: لا تخلين الشيطان يخرب عليك .. انا لو اريد حمود ما كنت قلت لك ارجعي لبيتك ولو احب حمود ماكنت تزوجت غيره صح ؟

مها ناظرتها بمغت شديد: مو شرط يكون هدفك الزواج .. ممكن تلعبين بس ..

راغده بعصبية : مهـــــا ..

مها وقفت قبالها: ازعجتك الحقيقة ؟ حتى خالي بدر ما سلم منك مجننته ما تستحين على وجهك وتشوفين سواياك تأثر على من حولك لدرجة انه يريد حرمة تشبهك .. ما تعرفي هذا ايش يسمونه .. ؟

راغده ناظرتها بتوتر: ايش ؟

مها تغيضها: انتي ادرا وش يسمونه انا من الاخر شاكه بـ أخلاقك خصوصا بعد ما تأكدت وشفت وسمعت من ابوي عنك ..

راغده باندفاع: ايوا هذا ألي كنت حابه اسمعه .. ان ابوك ساس هالمصايب ذي كلها ، وش يبغى مني بعد ! ايش سويت له انا ..

مها تتفحصها من فوق لتحت: الله أعلم وش سبب كره ابوي لك ..

راغده يألي فهمت قصد مها ما حست بنفسها الا بكف تعطيه لأختها وبحده: ألزمي حدودك معي يا مها لآخر نفس كنت متحملتك لانك صغيرة وما تفهمي بس الا هنا .. هنــا وبـس ..

مها ويدها على خدها ناظرتها بصدمة: انتي تمدين يدك علي ؟ هين ان ما دفعتك الثمن غالي يا بنت ناصر هين ..

وطلعت من المكتب
راغده تتنفس بسرعة " لوين وصلت يا فؤاد بتحريضك ووش قايل لمها عني وليه هي كذا .."
.
.
جلست بطرف سريرها:ما فهمت وش قصدك يا بنتي ؟

جنان ألي كان جالسة بسريرها وذقنها على ركبتها: قصدي واضح يمه ..زواج غير سطام ما بتزوج ..

ام اسيل: يا بنتي هالكلام الآن ما يجوز بعد عدتك ان شاء الله ..

جنان: ولانه مايجوز الان .. لاعاد تقتحونه حتى لو انه يجوز خلاص يمه ..

ام اسيل: ابوك حزين على وضـع اخوه وحزيـن عليك شوفي وجهك كيف صاير ..

جنان بنوحه: تدرين شنو يعني سطام مات يعني انا مت معه ..

ام اسيل بحزن على وضع بنتها ضمتها بصدرها: لاتقولين هالكلام يابنتي ..

جنان: اهئ اهئ سطـــام مات يا يمه مـــات اهئ ..

ام اسيل بكت على وضع بنتها بصمت ..

.
.
.
جلس جنبها باهتمام: ما قالت لك شيء ثاني ؟

مها بين دموعها: ابدا يا يبه انا واثقة انها تكذب ..

ابو عبدالعزيز: لاتقولين لأمك شيء أنا بنفسي بعرف كيف أتصرف معها ولا تبكين نفسك ..

مها باست راس ابوها: الله لا يحرمني منك يبه ..

ابو عبدالعزيز" وصلت المواصيل انك تضربين بنتي يا بنت ناصر ! أنا أعرف كيف اتصرف معك "
.
.
.
صعدت بسيارته وراحو لهايبر اشتروا الأغراض بشكل كبير ورجعوا للبيت

طلال: تمام بنجهز لشوي ..

راغده: بعد عمري يوسف يحب الشوي ..

طلال بغيرة : وش بعد عمرك انتي بعد .. خلك رسمية معه ..

راغده تطلع من الكيس بحماس: يحب بلونه تفاح وخذيت له ..

طلال عض شفته بقهر ..

على قريب المغرب صعدت فوق اخذت دوش لنصف جسمها
ودهنت مسك الطهارة من ذي بيوتي سيكرت على أماكن النبض وعطرت شعرها العسلي ..
لبست بلوزة شتوي فضفاضة وكاشفة الكتف بجهة وحدة لبست بدي أبيض داخله
وبنطلون جينز فضفاض شوي ..
مع جزمة رياضية بيضاء ..

لبست حلق ناعم وصغير فضي وساعة جلد ابيض بزيج ذهبي وحطت مناكير فرنش وخواتم فضية
رفعت شعرها لفوق بطريقة مبهدلة ونزلت كذا خصلة ..

مكياج برونزي معتمد على الاضاءة بالنحر وعظم الترقوة والوجنتين ..

مشطت حاجبها لفوق واي لاينر خفيف بني عند منبت الرموش وكثفت الماسكارا وروج دمج بينك ولحمي مات ..
خلصت زينتها على صلاة العشاء

سمعت صوت الترحيب من تحت بالحوش .. بسبب عدم تشغيل المكيفات فـ صار الصوت واضح رغم هالمسافة
نزلت تحت للحوش ودخلت بمرح وبابتسامة لطيفه: هلووو ..

يوسف: هلووو ماي بيب ..

طلال ألي كان مشغول بالنار انتبه لكلمة يوسف ألتفت وشاف راغده انبهر بشكلها الناعم الي مظهر جمالها .. انقهر لما شاف يوسف يصافح راغده ويبوسها بالخدين

يوسف: ما يصير ابوس رأسك زي قبل الان انتي ام ١٩ سنة على هالاستايل..

راغده تناظر طلال وبدلع اغاضه: تسلم بعد قلبي ما انحرم منك ..

مسك يدها وجلسها وصار قبالها

يوسف: بالي محليتك .. الشمس غيرت لونك ..

راغده: عسى مناسب ؟

يوسف نزل راسه واشر لها عشان تقرب رأسها منه وبهمس: احسن من لون مها بألف مرة .. كان خلتيها تكسب سمرة لو شوي ..

راغده بنفس همسه: حطت مرة وسمرت شوي وبعدها ماعادت حطت ..

يوسف: لونها قديم .. ابيض مرة ..

راغده: ههههههههههههه ليه في لون على الموضة ؟

يوسف بضحكة: اي زي لونك ..

طلال ألي كان عينه عليهم ولما سمعت يوسف اقترب منهم وجلس جنبها: اشوف السالفة انقلبت اسرار ..

راغده: كنا نتكلم عن لون هالسنة ..

يوسف: بالله مو لون راغده البرونزي احلى ..

طلال رجع ظهره لورئ ومد يده لورى كرسي راغده ومسك يدها وباس أطراف صبعها: كل شيء على حبيبي حلو ..

راغده احمر وجها .. يوسف يصفق: اووه .. الرجال متخرفن عليك ..

راغده صارت تناظر فيه كان بـ ستايله الجذاب المعتاد كنزة بلون البني الترابي ورافع اكمامه الطويلة وسروال أسود رياضي وسنيكرز أبيـض وشعره على قصة الموضـة من قدام اطول من ورئ .. وريحة عطره الرجولي غمرتها

طلال ناظرها بابتسامة: صح حبيبي ؟

راغده " على وش صح ! استغفر الله سرحت فيه .. انا ألي تخرفنت مو هو يا يوسف " وبخجل متعمد وبصوت واطي: اي صح ..

يوسف رجع يصفق وبحماس: اخ على الرومانسية اضيع انا ..

راغده " وش السالفة ! كلا منه "

طلال: احكي له حبيبي وش صار ..

راغده باحراج مي عارفة وش تقول ما كانت معهم من أصل: لا أنت قول له ..


طلال بابتسامة اخذت عقلها: بيوم النظرة كنت متوتر وخايف ودخلت علي وشفت حسنها وجمالها .. وهي عشقتني من ذاك اليوم ..

يوسف بحماس: الله يرزقنا ..

طلال بتريقه على صغر سن يوسف: انت خلصت تطعيماتك ..؟

يوسف بضحكة: مقبولة منك يالنسيب ..

طلال انتبه لنظرات راغده له وبهمس: ماقدرتي تقاومي جاذبيتي .. ؟

راغده بفهاوة: هه .. لا لا

طلال بنفس همسه وبثقة: الا ميته علي ..

راغده بعدت نظرها عنه: ذابحك الغرور ..

يوسف قام عند الشواية: الريحة طيبة ..

طلال قام معه ..

راغده قامت تصب العصاير بالأكواب وناظرت بطلال " يعني بدل ما اخرفنه انا ألي اتخرفن .. وش جاني اليوم وين عزيمتك واصرارك لا تنسي كلمته انتي رجال اثبتي له العكس وغيضيه " وعت على سرحانها من غمزة طلال لها ..

احمر وجها واعطته ظهرها " اللهم الثبات لذي الحسن والجمال "
سكبت على اخر عصير والتفتت الا تلتطم بصدره العريض مسكها من خصرها: توجعتي حياتي .. ؟

راغده " كلامه المعسول يخليني أتراجع عن تلقينه درس لكن لاا " : لا تبالغ بتمثيلك .. ما بيصدق يوسف الي يصير بيننا .. لان كل شيء واضح ..

طلال يناظر بشفتها: الصبح كان بنكهة النعناع الان وش .. ؟

راغده: كرز " انتبهت لنظراته ولمقصده وبابتسامة خجل" ووجع ما تستحي أنت ..

طلال بذوبان: اعشق الكرز وأموت فيه ..

راغده " لاحظت أن هالسوالف تغيره وتخليه بعالم ثاني .. نجرب شيء ثاني " وبدلع : طلال .. وبعدين معك ..

طلال بفهاوة: هه ..

راغده مدت له الكوب الفخم وسط نظراتها الثاقبة له الي يوتره: توقعتك تحب الخوخ مثلي
..
طلال بلع ريقه مرتين : في الواقع .. احم .. أحب كل شيء منك وفيك ..

راغده تناظر شفته وهي تدلع بكلامها: انا جعت متى بيستوي الدجاج طلول ..

طلال كلمة طلول انهته وغمض عينه الناعسة وكأنه يريد يفك الخدران منه: ا..اسمعي ..

راغده بنفس دلعها: وش فيك حياتي انت بخير .. ؟

طلال " ذي ناويه على نية ما بترتاح لين ما تخلص عليك "

يوسف اقترب من الطاولة وجلس بالكرسي: وقلبنا الدجاج يا شيف طلال ..

طلال ابتعد عنها وكأنه يريد يتنفس شوي ويستجمع قوته .. جلس قباله: سويتها بتتبيلة فضيعة حـ تعجبك اكيد ..

راغده مدت الكوب ليوسف ومدت الكوب لطلال وجلست: بالعافية ..

يوسف: وانتي ما بتشربي ..؟

راغده: انتظر احد يكرمني ..

طلال مد الكوب ألي قباله ، راغده حرصت انها تمسك يده بنعومة وبشكل عفوي وبدلع: مغسي حبيبي ..

طلال حس برعشة من نعومة يدها ولمساتها الدافية صد عنها ..

وبعد الأكل الطيب بساعة طلع يوسف ..

راغده صعدت فوق وهي تختار بجامة لها وارتسمت شفتها إبتسامة النصر " ونقطة ضعفك يا طلال ووضحت عندي لزوم اطبقها واستخدمها سلاح لك "

اختارت بجامة شورت أزرق نيلي .. وبدي ماسك عليها أبيض وشبشب وبيدها زيت .. وتوجهت لغرفته فتحت الباب بسرعة شافته لاف الفوطة على خصره حاولت ماتصد وهي تشوف عضلاته …

طلال بفوطة الصغيرة ألي على كتفه يجفف شعره بالمرآية : على هالاقتحام اكيد في شيء ..

راغده جلست بطرف السرير ومددت رجلها : فعلا ..

طلال يناظرها بالمرآية بتفصح وبمكابرة: وش قصدك من هاللبس ؟

راغده ببراءة: ولا شيء بس من الشواء حسيت بحرارة ..

طلال: كان تدوشتي ..

راغده تلفح بشعرها: رغم كل ذه يتمتع ريحة جسمي برائحة عطرية خلابة حتى شم ..

طلال " فاهم خطتك زين لكن لا .." التفت لها واقترب منها .. نزل مستواه لمستواها وبنظرات حادة: الريحة موت ..

راغده وهي تحس بحرارة جسده المنبعثة منه وريحة عطره الرجولية تغلغت فيها ..

طلال رفع نفسه منها بشويش وعند المراية: انا فاهم خطتك زين لكن لا يا راغده .. قصدك واضح وانتي تلعبين مع واحد فاهمك وعاجنك زين ..

راغده " صدق ! وش السواة اجل " بلعثمة: ا...ي خـ..ـطة ؟ انا مامعي خطط ..

طلال دخل للتواليت ولبس بجامة فضفاضة بان فيها صدره المعضل وجلس جنبها: امري وش بغيتي بـ أنصاف الليول ..

راغده بلعت ريقها بقلق" فكري بطريقة تخرجين نفسك من هالبلوة وانا الي توقعت انه بيضعف وارد له الصاع صاعين " مدت الزيت: بما ان احنا اصدقاء مزيفين .. ايش رايك تدلك رجلي .. اشعر بتعب فجأة ..

طلال: ما قلتي لماريان ؟

راغده: نايمة بهالوقت ..

طلال " على مين تلعبها ": اها طيب ..

اخذ الزيت منها وصار يمسج رجلها وساقها
راغده حست بتوتر وكأن الطاولة بتقلب عليها وسط نظرات طلال لها صملت ٥ دقايق وباندفاع: خلاص خلاص اعصابي المشدودة ارتخت ..

طلال يكمل مساج: لا تظنين انك بتغريني كذا .. ظنك اني بستجن واقول لك اريد حقوقي لا لا ..

راغده " كيف عرف ؟ "

طلال: انا اقول لك كيف عرفت حتى من دون ما تسأليني

راغده بصدمة " بسم الله يقرأ أفكاري ذه ولا وش وضعه "

طلال كمل : بعدين بترفضين وتدلعين وحركاتك الماصخة ذي ألي ما تأثر فيني ، حتى دور الأنوثة صعب عليك ؟

راغده تغير معالم وجها " يعني كل ألي شفته بالشواء كان تمثيل !!!! معقولة ؟"

طلال قام من عند السرير : تؤتؤتؤ خاب ظنك .. بعدك ماحزرتي من طلال يا راغده .. مو أنا ألي انصاد بسرعة .. انا ......

انفجع من الكف ألي جاه منها وسط انهمار دموعها وبصعوبة نطق: لا تتجاوز حدودك معي يا طلال .. مثل ما تحب أحد يخدش رجولتك أنا بعد ما اسمح لك تخدش انوثتي بهالطريقة الوضيعة ..

مشت من عنده بخطوات سريعة مليانة حزن وغضب وكأنه كسر كل ذرة حب له ..
دخلت غرفتها وبقفلتها ودخل بنوبة بكاء " ياحسافة يا طلال على كل المشاعر الصادقة والحلوة الي كنيتها لك .. صدق أنك ما تستحقها " توجهت عند المراية وهي تشوف نفسها " معقولة انا بالنسبة له رجال ؟ على كل ألي سويته ينظر لي هالنظرة ! "

انتبهت لنغمة جوالها وشافت رسالة منه تقول " بذوقك مرارة هالكف يا راغده .. أنا أوعدك بهالشيء "

راغده بصدمة : بدل ما يعتذر يهددني !؟ صدق أنه وقح ..

قضيت هالأسبوع وياه ما بيننا أي لقاء او كلام .. صرت اتهرب من البيت وهو يقضي وقته عند اهله وما يرجع بس لنوم ..
لحين ما راسلها واتس يقول فيها: جهزي اغراضك .. الاثاث جاء ..

كتبت له : اغراضي جاهزة انا بنفسي بروح لشقة ..

وفعلا جهزت اغراضها جزء منهم الاساسي لأسبوعين ..

واخذت ماريان وياها ونظفت الشقة
وهي تشوف ركن ركن بيها كان الاثاث جميل وبسيط

صالة ومجلس وحمامين وغرفتين ومطبخ ..
راغده: الغرفة ذي بتكون لماريان ..

طلال: انا وانتي بننام بغرفة وحدة زي منتي شايفة مافي غرف اكثر ..

راغده بدون اهتمام دخلت غرفة النوم ووراها ماريان ترتب ملابسها داخل الدولاب بعناية ..

جلست بطرف السرير وهي تشلح حجابها وتفرد شعرها العسلي .. دخلت بموجة حزن واكتئاب على وضعها تنهدت بقلة حيلة " هي فترة بس .. فتـرة يا راغده وبترجعين لبيتك الوسيع "

كان في حمام داخل الغرفة اخذت معداتها وادواتها للعناية وحطتهم بسلة صغيرة عند رف الحمام ..
توجهت للمطبخ وصارت تحط الاغراض فيه
طلال : وش تسوين؟

راغده تكمل ترتيب: اوزع الاغراض بالرفوف ..

طلال بسخرية: على اساس انك الي بتطبخين ؟ اتركيها للي بيكرف ويستهلك بالطبخ اكثر من ستيك باللحم ..

راغده " هذا مهين كيف يتجرأ " ببرود ظاهري: وانت الصادق

وتركت ألي بيدها

طلال بصوت مسموع: غيري ملابسك ولي تفاهم معك ..

راغده مشت بدون كلام ورد له توجهت لغرفتها فتحت الدولاب " ايش ألبس ؟! اي ما لبست أنا رجال وماعندي أنوثة ، هل اقدر اغير نظرته فيني ! بس انا مو رجال ليه يقول لي كذا وليه مايعتذر ويقول انا ماكنت اقصد .. ليه هالجفاء ؟ واضح شخصيته حقيرة وماتمشي معه الخداع والتمثيل .. يتقن الدور باحتراف لدرجة شكيت انه يهواني .. كل هالكلام ماله فايدة الي علي امشي واسايره لقدام ممكن اتوصل لحل يرضي الطرفين " اختارت قميص بيت مريح بلون العنابي بنصف كم فضفاض كاشف لصدر
من الصدر ماسك شوي ومن تحت يوسع لآخر .. حلق ناعم وصغير
وشبشب بيت بيج
وفردت شعرها وصارت تعطر بشعرها ببخاخ خاص فيه ..

دخل الغرفة وصار يناظر فيها من فوق لتحت بنظرات كلها إعجاب على قد ما حاول يخفي كان واضح عليه

راغده عند المراية ترتب حاجبها وانتبهت لدخوله : بس انهي اخر لمسة واجيك عشان تتفاهم معي ..

طلال جلس بطرف السرير: ماريان ماله داعي لوجودها هنا ما اعرف اخذ راحتي بوجودها لو انتي بحاجتها خليها تجي مرة او مرتين بالاسبوع بس مو تنام .. صالونك بحاجة لها أكثر ..

راغده " يحاول ينقص علي ويضيق علي عشان اتكلم وتطيح الكلافة وبالاخير اتقبل لخدش انوثتي ؟ كثير علي والله " حطت الغلوس: وفي حالة لو احتجتها اكثر أو بمناسبة معينة اتمنى ما يكون في خلاف ..

طلال: اوك تمام .. كوني زوجة جيدة واهتمي ببيتك وبزوجك ولبي له رغباته ..

راغده " وش قصده برغباته ؟ " : وضح لي أكثر ..

طلال يناظرها بنظرات حادة: كزوجين .. بغرفة النوم مافي شيء اسمه زعل .. وتسوين كل شيء برضاك .. وحقوقي اخذها كاملة ..

راغده قامت من الكرسي والتفتت له ببطء: افندم! قصدك .... اييي بس كيف تنام مع رجال ! ماتحسها صعوبة شوي ؟

طلال حب يغيضها: نتحمل استرجالك مالنا الا الصبر ..

راغده نزلت رأسها بابتسامة استخفاف ورفعت نظرها له: كلمتك ذي من كثر ما تتكرر علي ماعادت مثل اول ما سمعتها ، والله يعينك مالك الا الصبر .. بس انتظر كمان اسبوع ..

طلال ناظرها بتحدي: مو على كيفك ..

راغده بنظرات باردة تخفي مشاعرها فيها: ماعادت تفرق معي لو بغيت تاخذ بالاجبار خذه بس معي عذر شرعي ..

طلال بعدم استيعاب وبتريقة: ووش هو عذرك ياصاحبة الجلاله ..

راغده:.........

طلال قام ومسك يدها وسحبها لعنده وبهمس وترها: ولا ماعاد يأثر فيك قربي مثل ايام زمان .. كنتي ترتعشين بين ذرعاني ..

راغده بتوتر: طبعا .. بسبب البرد ..

طلال بنفس همسه: وللان فيك البرد ! احس برجفتك .. ولا خايفة تضعفين ؟

راغده " في احلامك " بقوة وتحدي: صدقت .. فعلا ماعادت تأثر فيني اي شيء انت تسويه بديت اشمئز حتى من قربك .. وان شفت رجفة قهو قرف ..

طلال انصدم من كلامها والشرار يطلع من عينه مسك فكها بقوة : بعدي الوقاحة ذي لاني لسى ما خلصت كلامي ..

راغده بألم وخوف: نزل يدك ..

طلال بنظرات مليانة كره : ما اثرتي بي لو ايش ما تسوين بس مالي الا أني اصبر وشيء احسن من لا شيء .. العوض ولا القطيعة وانا بعد مستقرف منك ومن شكلك ..

راغده تحارب دموعها وسط ألمها : وش ألي خلاك تقرب مني اجل ها ..

طلال بابتسامة : عشان احب استمتع بقرفك تجاهي .. انا اتلذذ وانا اشوفك تعانين ..

راغده انصدمت من كلامه الي حست انه مريض فعلا : ما تقدر تسوي شيء الان لان معي الدورة ..

طلال: هه يا قدمك .. ماسمعتي بشيء اسمه حنان ودلع بهالوقت ؟

راغده: للاسف مامعي خبرة زيك ..

طلال حب يقهرها زود: اي من زود علاقاتي الخبرة موجودة ..

راغده وهي تحس بألم ووجع بقلبها وبعصبية: وريني لشوف .

طلال نزل يده من فكها صار يناظرها من فوق لتحت وبإحتقار: مالي نفس .. بالأحرى مافيك شيء يجذبني ..

راغده بوجع وكبرياء: الشعور متبادل يا طلال .. بالأذن ..

توجهت لسرير وطفت نور الاباجورة الي قدامها ودفنت وجها وهي تبكي بحرقة وبألم من قبضة يده لفكها صارت تبكي لما نامت بلا شعور

طلال كان جنبها وشاف انتظام انفاسها يدل أنها نامت اقترب منها بشويش وحوط يده على خصرها ودفن وجهه بشعرها الانسيابي " ليه تخليني انجرف معك لهالمستوى يا راغده كان نفسي ما انام الا على حضنك واستمتع بدلعك وحنانك .. راغده أنا فقدتك حيــــــل والله " غمض عينه لما نام ..

صحت على الساعة ٧ وهي تحس بألم بجسمها بسبب تغير السرير عليها او ممكن نامت غلط شافت طلال قريب منها قامت بشويش ودخلت الحمام وبعد عنايتها لبست الديشمبر وراحت لغرفة ماريان: ويك اب ماريان عشان في روح صالون ..

ماريان بعين مليانة نوم: اوكي سنيورة ..

راغده رجعت للغرفة واختارت لبستها .. اختارت بشكل عشوائي وهي تشعر بضيقة امس الحوار الي بينها وبين طلال ماكان مريح وكل فترة جروحهم بين بعض تزداد شيء فــ شيء ، اخذت ورقة وكتبت بباب الحمام ورقة ودخلت التواليت لبست ملابسها وطلعت واخذت عبايتها وشنطتها صعدت بالسيارة مع ماريان
توجهت لصالونها من بدري وكأنها ماتريد اي حوار أو مقابلة بينها وبينه
اتصلت بنهلة تجيب فطور لها و لماريان ..
دخلت الصالون والطاقم اسطف لتحيتها ونهلة وراها ..

راغده شلحت عبايتها وجلست بمكتبها : الإفطار قبل كل شيء نهلة ثم الجدول .. ولا تنسي ماريان ..

نهلة: ابشري طال عمرك ..


الساعة ١٠ وعى وصار يتلفت ماشافها قام للحمام شاف ورقة ملصقة مكتوب " معي شغل اليوم ما اعتقد اني بجي بدري اليوم "
تنهد بقلة حيلة اخذ دوش ولبس ثم راح لبيت ابوه ..
وتغدا معهم ..
ميس بحماس: مثل أيام زمان .. فقدتها ..

عبدالرحمن: اي بالله لا عاد تقطع ..

طلال بنبرة حزن خفية: ايام راح ترجع بمشيئة الله ..

عم الصمت المكان
ميس : وش قصدك طلال ؟

طلال يحاول يرقعها: شفتي نوال كيف صحتها ، لابد لها اهتمام ..

ميس تنهدت: اوه يا طلال تعبت مرة ..

طلال : عسى ربي يشافيها ويعافيها ..

----------
بفرحة: ما اعرف كيف اشكرك يا استاذة بشاير ..
بشاير بابتسامة: عسانا نرد لو جزء من جمايلك علينا طال عمرك ..

راغده: هذا احلى خبر سمعته باليوم كامل ..

بشاير تناظر بلبس راغده الي كان كله أسود: رجعتي للاسود ؟

راغده مرت عليه شريط كلام طلال لها وبحزن واضح: الألوان يا بشاير مو لي .. الاسود اجمل ..

بشاير: اكيد الحزن سببها رجل .. طال عمرك اسمحي لي بكلام واعتبريها نصيحة .. مهما كانت حياتك سلبية ولا عاجبتك حاولي تفتكري أن عمر الـ 33 لا يمكن يعود عيشي شبابك حبي نفسك حتى لو انك تصحين وتنامي بعلقه ..

راغده اعجبت بنصيحة بشاير واكتفت انها تهز رأسها بالايجاب ..

بشاير وقفت: وباذن الله البناء حول ٣ شهور بعد ونخلص ..

راغده وقفت معها: ان شاء الله ..

بشاير: استأذنك ..

راغده: لو جدولك يسمح ينفع اشوف البناء بنفسي ..

بشاير: طبعا طال عمرك كم الساعة يناسبك ؟

راغده: ٥ العصر زين ؟

بشاير: تمام طال عمرك ..

وصلتها لباب مكتبها ورجعت لمكتبها فتحت اللابتوب وكتبت بالبريد كل ألي صار وألي حست به وارسلته لايميلها واحتفظت بالرسالة ..
.
.
مدت لها القهوة وبابتسامة: حي الله من جانا .. اسفرت وانورت ..

ام شاكر: بنورك حبيبة قلبي .. اخبارك واخبار البنات ؟

ام عبدالعزيز: الحمدلله ..

ام شاكر: عساها مرتاحة راغده مع زوجها ؟

ام عبدالعزيز: اي الحمدلله ..

ام شاكر: مافي شيء بالطريق ؟

ام عبدالعزيز: توهم خليهم يتدلعون وينبسطون شوي .

ام شاكر نزلت فنجانها: بس بنتك عمرها كبير لابد تحمل من بدري لاتتهاونين .

ام عبدالعزيز بتفكير: ما قد سولفت لها بهالشيء جايز هي مع طلال متفقين سنة دلع ثم تحمل .. لا تنسين ان ذي موضة بنات هالوقت ..

ام شاكر: وييــه يا عبير .. بنتك مو ام عشرين لابد تفكر شوفي ام نرجس ماحملت الا متوخر وماجابت الا نرجس لو انها عالجت من بدري كان حملت لكن الحمدلله ..

ام عبدالعزيز: الا على طاريهم .. اخبار نرجس مـع صهيب ..

ام شاكر: ام نرجس وبنتها زعلانات من ام صهيب وصهيب .. واضح ان ام صهيب قوية متحكمة بكل شيء وقالت شقة مستقلة لا .. بالأخير رضو على انها تسكن مع اهله ..

ام عبدالعزيز: اف ! الحمد لله ان راغده ماتزوجته .. يألي امه تمشيه الشغلة واضحة اجل ..

ام شاكر: اي بالله انك صادقة ..

ام عبدالعزيز: وعلى كذا متى زواجهم ؟

ام شاكر: قالت بتذيعه بيوم الخميس ببيت أم علي وبنشوف متى هالزواج ..

ام عبدالعزيز تنهدت: الله يكتب لهم الصلاح بس

.
.
كانت تستمع لها بأهتمام كبير : وصلت العلاقة بينكم كذا ! للاسف ردة فعل طلال متوقعة ، كيف تريدين يثق بأهلك خصوصا الرجال بعد الي سواه خالك فيك ؟ طبيعي بيشوف الكل مثله ..

راغده: وبخصوص كلامه لي .. تشوفيني رجال صدق يا دكتورة ؟

د.سلمى: ممكن هو ماقصد الرجولة بالشكل يا راغده ، الرجولة تجي بعد بالتصرفات او بموقف معين ومسكها عليك او ممكن انتقام على ألي قلتيه له قبل وشككتيه برجولته ..

راغده: طب انا ماعدت اتكلم واقول شيء دكتورة .

د.سلمى: اذكر انك قلتي انك تتزيني وتترتبي بس ما يصير شيء بينكم الا الهوشة والنجرة .. هذا بسبب نظرة للي ادعيناه عليه يا راغده فا جات بهالنتيجة ..

راغده: وكيف اغير هالنظرة ؟

د.سلمى: كل شيء بالتدريج يا راغده واضح من ردودة وكلامه في شيء مو طبيعي تحسيه كأنه في صراع وفجأة يقلب .. لزوم تعرفي هالسبب راغده ..

راغده بحيرة: وكيف اعرف دكتورة ؟

د.سلمى: اريدك تفهمين شيء واحد يا راغده ، طلال ابدا مو سيء افتكري دايم شخصيتة الجميلة وياك وكيف كان فعلا صديق مثالي واحترم مرضك وابتعد عنك لحين قدرتي تتقبلي لو بشكل نسبي .. هو طيب وفيه الخير بس محتاجة وقت يا راغده .. لا تبعدين عنه ودايم اطلبي الصلح وخلك لينة ويسيرة واعرفي كل شيء من خلال تصرفات .. لا تتعاملين معه بالتحدي ..

راغده: ليه ؟

د.سلمى: المرأة لو تحدت الرجل وعاندت هي الخسرانة ، حتى وانتي بقمة غضبك حاولي انك تكسبينه بأنوثتك واجبرية هو ألي يعتذر منك وحسسيه انك في حاجته .. هو شافك رجل ممكن لانك ما تقدري تعتمدي عليه بشيء وحس ان في خلل فيك وفيه لذلك دايم يشعر بعدم رجولته معك لذلك يقسي عليك .. هذا مجرد فرضيات أما الوقائع يا راغده بتعرفيها من لسانه هو أو من تلميحاته المتكررة ..

راغده تنهدت: الرجال يا دكتورة متعبين وصعبين ..

د.سلمى بابتسامة: جملة مو اول مرة اسمعها ، الرجل الي مثل طلال سهل جدا انك تكسبيه ماله متطلبات يا راغده ، في مراجعات عندي يقولون ان بعد زواجهم اختلفت الامور عليهم كليا طبخ ونفخ وتنظيف وعيال و و و لكن مع طلال شوفي ايش قال لك .. هو متقبل وجود خادمتك من اول ومقدر اوضاعك واجتهادك لكن لأن شقته صغيرة خصص اوقات لوجودها في رجال ما يرضون لو انها ببلاش رغبة فقط بالتحكم ..

راغده:.........

د.سلمى: اصلحي من الفراغ الي بينكم راغده قبل لاتكبر ويصير فيه فجوات ويكون عرضة للهواء والتلف ..

راغده: ان شاء الله دكتورة ..

د.سلمى: انا برسل لك مقال بالبريد من كتاباتي اتمنى تقريه وتفهميه ..

راغده وقفت: وانا اتطلع لقراءته ..

صافحت الدكتورة وصعدت سيارتها

توجهت للبناء مع الاستاذة بشاير وابو حسن ألي يشرف على العمال كانت تناظر بفخر وفرحة للي كانت تسويه دخلت بالمبنى ..
راغده بحماس: ماتعرفي قد ايش متحمسة لعمارتي ..

بشاير: دايما للأعلى طال عمرك ..

راغده وعينها ممتلئة بالفرحة وهي تشوف جهدها ما ضاع سدى

صعدت سيارتها واتصلت بميس وبعد السلام والترحيب: معكم شيء بعد العشاء ؟
ميس بحماس: حا تجين ؟

راغده: لو منتوا بمشغولات ..

ميس: فديتك حياك .. بس لا تقولين لطلال خليها مفاجأة له ..

راغده " هو للان عندهم " : تمام مو مشكلة ..

ميس: اقول راغده وش رأيك نخليها سهرة بعد ؟

راغده: شبيه بالمبيت الليلي ؟

ميس: بالضبط ولا تنسي البيجامة ..

راغده: تمام حبيبي ..

توجهت لبيت الكيك واختارت كيكة العسل المحببة لها وصعدت السيارة وتوجهت لشقة والكيك حطته بالبراد ..

اخذت دوش منعش لكامل جسمها استشورت شعرها العسلي وسيحته ..

لبست بلوزة بأكمام طويلة بلون الأبيض مكشوف من الصدر شوي وتنورة ميدي فضفاضة بيبي بينك مع كعب أبيض ، عقد من اللولو بيبي بينك وحلق واسوارة يزينها ..
وهي تشوف نفسها بالمراية كان شكلها من التسعينيات ..

مكياجها آي لاينر وكثفت الماسكارا وروج وردي خفيف مات واضاءة براقة بالنحر والخدين ..
جهزت أغراضها وصعدت السيارة
وسرعان ما وصلت لبيت اهله بسبب قرب الشقة لهم ..
وبآخر لمسة لها تعطرت بعطر ورد ومسك ونزلت من السيارة استقبلتها ميس بترحيب وحماس ...
راغده بابتسامة: واضح أن اليوم فلة .. وش سالفة السهرة ؟

ميس: اولا عشان نغير الروتين لنوال وهالسهرة منظمها طلال والحدث الأكثر اهتمام ان لا امي ولا ابوي بالبيت ودحوم مع ربعه يعني فضاوة في فضاوة .. وحاترتاحين .. ليه واقفة برا ادخلي ..

راغده دخلت وهي تحس بقليل من التوتر ممكن بسبب أوضاعها المتردية مـع طلال ..
توجهت للمجلس وشلحت عبايتها وتعطرت من جديد وشيكت على شكلها ..
نوال جات لها بخطوات بطيئة: اهلين راغده ..

راغده ناظرتها وهي تشوف ملامحها وان التعب باين عليها ماتدري لكم بتصمد نوال ، حاولت ماتبدئ اي تعبير حزين واستقبلتها بحفاوة : وحشتيني نوال ..

نوال: وانا اكثر ماتدرين قد ايش انبسطت لما جيتي بدون ما نلزم عليك .. طلال دايم يقول انك مشغولة ..

راغده الي حست ان طلال مفهمهم انها مشغولة وسلكت على هالكلام: أنا أول ما فضيت دايركت راسلت ميس ..

نوال: تشرفينا طوال الوقت يا غدو .. انتي مرحب فيك بيننا دايم ..

كلام نوال الدافي اشعرها بالسعادة والدفئ بصدرها اقتربت منها واحتضنتها .. وسط تعبير نوال الي واضح انها متفاجأة من تصرف راغده
بدخول طلال وصدمته بوجود راغده تحتضن نوال .. مما أثار غضبه تجاه نظرة حزن بعيون نوال ..

طلال بحده: راغـــــده ..

راغده ابتعدت عن نوال ..مسك يدها بقوة : معي كلمة لراغده .. عن اذنك حبيبي نوال

وسحبها بقوته لفوق بغرفته المشتركة مع دحوم سابقا وفك يده من يدها وبعصبية: وش تسوين هنا ؟

راغده تتحسس معصم يدها ألي اوجعها من شدة قبضته : ليه في مانع ؟

طلال : من ألي وجه لك الدعوة ؟

راغده باحراج: ما أحد .. ليه في مانع لو ...

طلال قاطعها بشراسة: اكيد في مانع ، انتي مو هامك إلا نفسك ومشاغلك يألي كأنه محد مشغول حولك انا مفهمهم انك مشغولة طال عمرك ..

راغده بذهول: انا مستغربة من ردة فعلك وش ألي معصبك من جيتي لو مو عاجبك وجودي بطلع ..

طلال: اي مو عاجبني .. تطلعين ! بعد ايش ؟ بعد ما سببتي الحزن لنوال ..

راغده بحزن على كلامه وبعدم استيعاب: بس انا ماقلت لها شيء ..

طلال غط وجهه بيده وبنفاذ صبر: انتي مو معقولة .. احتضانك لها حسسها وكأنك تودعينها وكأنها بتموت بكره ..

راغده ألي ماخذت الموضوع على هذا النحو وبتأنيب ضمير: معليش انا اسفـ...

طلال قاطعها: نقعيها واشربي مايتها وش فايدة اعتذارك .. معك علم ان احنا طوال وفاة سطام نجاهد مانحسسها أن ممكن بيوم بتغيب عنا وحضرتك بحركة بسيطة .. وبغلطة تذكرينها لهالشيء ..

راغده صارت تناظر فيه بألم ووجع لنظرته لها وكأنها ماتحس ولا تشعر وكأنها متقصده بهالشيء لنوال ماكانت متوقعة نظرته لها ..
قاطع صمتها الرهيب دقة الباب ودخول ميس بابتسامة : اووه مختفي فيها وساحبها لفوق ليه ! ماكفاك .. تعالي غدو ساعديني بالسوفلية ..

راغده ألي كانت بعالم ثاني وهي تحاول تحارب الحزن على وجها ..

ميس تناظر فيهم: وش فيكم ؟ صاير شيء ؟

طلال: راغده تقول أن معها شغل ماتقدر تطول ..

راغده ناظرت طلال بصدمة ألي اخر شيء تتوقعه انه يطردها ..

ميس مسكت يد راغده وبترجي: لا راغده تكفين ما تدرين قد آيش انبسطت بجيتك ..

راغده بصعوبة نطق : ودي بس طرأ علي شغل ..

ميس: والله ما تروحين لين مانأخذ نصف السهرة عشاني وعشان نوال ..

راغده ألي حست ان دموعها بتنزل بأي وقت هزت رأسها بالايجاب وركضت للحمام تطلق دموعها ..

ميس ناظرت طلال : مدري ليه احس ان بينكم شيء ..

طلال: لا مافي شيء ميس ..

ميس بشك: طلال ! حدة وجهك واضحة ان بينك وبين راغده شيء ..

طلال " قصدك اشياء " وبنفي: كنت احاول انها تجلس بس رفضت قالت بتسلم وتطلع ..

ميس: يمه منك .. الآن البنت متكشخة وعشرة على عشرة بس تسلم وتطلع ..؟

طلال ألي مالاحظ زينة راغده بسبب غضبه: بحاول فيها انها تجلس انزلي تحت وانا بنتظرها تطلع من الحمام

ميس: اعتمد عليك ها .. يلا انتظرك بالمطبخ ..

بعد ٣ دقايق طلعت راغده وشافت طلال بوجها .. كان واضح انها باكية وهالشيء شافه طلال ألي تأثر ووجعه قلبه بسبب تصرفاته وحدته : ميس مصره على جلوسك ..

راغده بدون ما تناظر فيه: ابو ساعة بالكثير وبطلع لا تشيل هم .. بس عشان حلفانها

جاء بيرد إلا هي صدت عنه نزلت تحت
ما تركت له اي مجال لمحاورته
أستطاعت الابتسامة بوجه ميس ونوال الي كانوا بالمطبخ ..
ميس بحماس: حاتذوقين ألذ سوفلية .." مدت لها بادية السوفلية البيضاء " ذوقي حلاتها حارة ..

راغده أكلت لقمة وبابتسامة: لذيذ جدا من لذته حسيت اني ببكي ..

ميس: اقــــوى دعم والله واقوى تحفيز .. سامع يالشيف قوردن رمزي ..

طلال بضحكة: وش يبي لها .. ترى كلها بالخلاط ..

ميس: تعلم كيف تحفز وتدعم شوف راغده بكلمة وحدة حسيت اني مسوية مفطح ..

طلال: الله اكبر .. هههههههه لهدرجة ..

راغده " يقدر يضحك بسهولة وكأن شيء ما صار قدرته بالتمثيل فضيعة ، ليتني مثلك يا طلال "

ميس: اكيد طبخك حلو مثلك راغده .. وش تميلين له أكثر شيء بطبخك حلويات ولا صواني ولا ....

طلال قاطعها بسخرية: راغده تعرف تاكل بس ..

ميس: حرام عليك طلال .. وين تأكل شوف خصرها يتشبر من صغره .. قصدك انت ألي تبلع ..

راغده انجرحت وانحرجت من رد طلال بس ما ادلت أي رد وأي تعبير ..

طلال يرفع قميصة الأسود: شوفي قوة ذرعاني وبطني سكس باك ..

ميس: خف علينا يا جوني ديب .. اقول راغده كيف يأكل هالدب عندك .. ما يترك لك مجال صح ..

طلال: انا معدتي كأنها طير ..

راغده وهي تستمع لحوارهم تذكرت علاقتها بطلال كانت من قبل عميقة وحلوة .. شعور صعب أنك تقاوم حزنك وتدعي بالسعادة وانت من جواتك حزن وصرخة تفجر كل شيء كان الصمت انسب لها .. وهي تشيح بنظرها عن طلال وتتجنب أي نظرة له ..
هالشيء كان واضح ولا خفى عن ميس
وطلال ألي يحاول جاهد كأن مابينهم شيء ..

راغده: بالأذن

تركتهم وسط حديثهم ..
ميس تناظر راغده لما اختفت من نظرها: علامها راغده! احسها مو طبيعية ..

طلال: ممكن تفكر بشغلها..

ميس: لا من جات ماكانت كذا , ليكون مكدر عليها طلول ..

طلال ببراءة: تتوقعينها مني يا ميس ! افا بس ..

ميس: انت كل شيء اتصوره منك .. ماعلينا .. يلا جهز لسهرة ..

--------
راغده توجهت للمجلس شافت نوال جالسة وبتردد: نوال سامحيني ..

نوال فهمت قصد راغده وبابتسامة: لاتشيلي هم راغده ، على كثر ما طلال يحاول انو مايشعرني بشيء بس اشوف نفسي بالمراية اتذكر فلا تشيلي هم ..

راغده جلست جنبها واكتفت انها تبتسم ..

نوال تناظر بيد راغده: تعرفي ان ظافرك حلوة وطويلة ليه مافكرتي تحطين مناكير ؟

راغده: ماكان معي وقت ..

نوال قامت: مع ميس واجد مناكير وألوانهم حلوة ومن ضمنهم مناكير بنفس لون تنورتك تعالي اوريك ..
صعدت معها لغرفتهم

نوال: شوفي هناك جنب الكرتون الأسود اعذريني بروح لنداء الطبيعة ..

راغده بابتسامة: خذي راحتك ..

اقتربت من الرفوف وبحيرة لانها شافت ٢ كرتون أسود اختارت الثاني وشافت مليان اوراق وصور لفت انتباها لصورة طلال مع نوال .. كانت جميلة نوال كيف السرطان اخفى كل جمالها واضح ان نوال بعمر الـ٢٠ ..

وفتحت كذا ورقة كان من ضمنهم وصفات او للمدرسة وورقة تميز الكل بلون الوردي مع زخرفة فتحتها وانقبض قلبها وهي تشوف المرسل من اسراء لطلال
كات مكتوب فيها
" انا بعد احبك طلال مثل ما أنت تحبني الله يجمعنا ببيت واحد بالحلال ، مصير عمي بيقبل زواجنا وجنان لسطام بينهم حب .. وانا وانت بيننا حب .. "
وبوسط المحادثة شعر وقلب جواته سهم الحب واحبك يا طلال ..

راغده " واضح انها من سنة جدي .. رسايل ايام الثانوية ، مالت على حبهم " وبغيرة واضحة وهي تقرأ رسالة ثانية لهم بس كانت بورقة عادية مكتوب " أنا بجي ببيتكم ياليت لو نتقابل طلال "
راغده" نفس الخط ! واضح انه كان صايع وقليل الأدب .. صدق لما قال ان معه علاقات وخبرة .. بينهم لقاءات بعد "
عفست الأوراق ورجعتهم بالبوكس

وبصوته خلاها تجمد: وش تسوين !؟

راغده بنفس وضعيتها: ولا شيء ..

طلال اقترب منها وشاف البوكس قبالها وشاف ورقتين معفوسة فتحهم وبابتسامة: الله على الايام الجميلة كنت ما اشيل هم مثل اليوم ..
وليه عفستي اجمل ذكرياتي ..

راغده بغيض: اجمل ذكرياتك !

طلال: طبعا .. هو في اجمل من أيام الحب ؟

راغده حبت تغيضه: صدقت .. انا عاجل ام اجل راح اعيشها ان شاء الله مع شخص يحبني ..

طلال ماعجبه كلامها وبحده: وش قصدك ..؟

راغده ببراءة: كل خير .. وش بقصد بعد ! لكن ذي دنيا ماتقدر تضمن أحد فيها وماندري ايش ممكن يصير بكره ..

طلال بابتسامة جانبية: ان كان قصدك طلاق ..! منيب مطلق حامض على بوزك ..

راغده بدون اهتمام: وأنت ايش جيبك هنا ..

طلال: نوال .. ولا تغيرين الموضوع .. وذي ممتلكاتي لا تفكري تتعدينها ..

راغده بسخرية: ممتلكاتك ! هههههه كلام مراهقة واشعار من قوقل واشياء كذا غبـــار وقرف ..

طلال حب يغيضها وبهمس اربكها: هالغبار ذه كان أجمل شيء صار لي ليومك .. اقلها كنت استشعر بأنوثتها وحبها وغيرتها لي من البنات الثانيات ..

راغده وهي تحس كل نبض فيها بينفجر من الغيرة: وليه ما تزوجتها يا روميو .. لا تقول اني أجبرتك بالزواج مني بعد .. لو تحبها ما تركتها يافارس زمانك ..

طلال وهو يتفحصها بنظرة: اممم قلت أجرب الناضجة يقولون الثلاثينية كوكب من المراهقات و الجمال ..

راغده:......

طلال يألي اعجبه ستايل راغده اقترب منها اكثر وعطرها تغلغل برأسها وهو يقاوم سحرها بعيونه الي واضح انها تخدرت: وقلت نشوف ونحكم هل صدق الي قالوه عن الثلاثينية أو لا ..

راغده: ياحسرتي عليك .. ما شفت إلا ... رجل بجسد أمرآة ..

طلال يبحر بعينها " كل شيء فيك يربكني ويضيعني ااخ بس ليت مابيننا اي خلاف كان زمانك بحضني "

راغده ابتعدت عنه: عموما أنا ما جيت افتش او اعبث بس كنت ابحث عن المناكير ..

رفعت يدها واخذت البوكس الثاني وهي تدور المناكير ..

طلال مد لها اللون: هذا حلو عليك ..

راغده وهي تشوف المناكير: بس انت قلت ان مو حلو لما كنا ببيت عمي فؤاد ..

طلال " الغيرة ذبحتني وانتي متشيكة والحقير بدر يناظر في كل شيء فيك " بنكران: ما أذكر ممكن فيه اختلاف ..

راغده بعدم اقتناع: طيب .. ماكنت بحط اختيارك لو ما هو الوحيد من بين المناكير المناسب للبسي ..

دخلت نوال وميس : ها تصالحتوا .. ؟

طلال يمسح بشعر راغده : ما بيننا خلاف عشان نتصالح صح حبيبي ..

راغده:.....

طلال شد شعرها على خفيف وبحده: صح ..

راغده بألم: صح ..

ميس تصفق: والآن تبدأ سهرتنا ؟

راغده تخلص آخر ظفر لها: يلا أنا خلصت ..

بالمجلس رتبوا طاولة كبيرة فيها أكل ومعدات السهرة ..

وقربوا الكنب لقدام شوي قبال التلفزيون ودخلوا نتفليكس ..

جلس طلال وميس مسكت راغده: اجلسي جنبه ولا وش رأيك نوال ؟

نوال: صــح .. العشاق سوا واحنا جنب راغده بجهتها الثانية وطلال على بداية الكنب ..

ميس بحماس: علم ..

وسحبت راغده لحضن طلال ..

طلال مسكها بوسط نظراتهم الضايعة لبعض .. ابحر بعينها ألي تمنى ان هاللحظة تظل ويوقف الزمن على وضعهم كذا ..

راغده باحراج قامت من حضنه وجلست جنبه ..

نوال: هههههه ميس شريرة والله شوفي كيف صار لونها ..

ميس: ههههههه هي خفيفة ابد مو بقصدي سحبتها على اساس تجلس جنبه فجأة صارت بحضنه ..

نوال: قصدك متعمدة ..؟

راغده بحيا وهي تهز بيدها: لا لا والله مو بالقصد ..

نوال وميس فرطوا ضحك على حياها واخذها للموضوع بجدية ..

ميس: روقي يا غدو نمزح معك .. نريد نغيضك بس ..

نوال جلست جنب ميس بعد ما طفت الأنور ..

الكل مركز بالفيلم عدا طلال ألي ذاب من قربها وعبق ريحتها العطرة ..
راغده حست انه يناظر فيها التفتت له: تريد شيء ؟

طلال رمش بسرعة: اخيرا فهمتي التلميح هاتي الشيبس ..

راغده: كان تكلمت ..

طلال: كان حسيتي وانا منحشر بالزاوية ..

راغده ألي ألتفتت عند الباب وشافت في وسع للكنبه : زيحوا شوي ..

ميس: اووص نريد نركز ..

نوال: مافي مكان خلكم كذا .." وغمزو لميس" صحيح ميس ..؟

ميس كبرت جلستها: اي اي .. تحملوا كلها ساعة ..

راغده مدت يدها على الشيبس: تفضل ..

طلال فتح فمه: اكليني ..

راغده رفعت حاجبها: وش حضرتك؟

طلال : ما اريد اوسخ يدي ..

راغده: بسم عليك ..

طلال نزل يده على خصرها: بتأكليني ولا اقرصك ..

راغده فتحت الشيبس واعطته ٣ حبات بفمه ..

طلال: وجع .. حبة بس .. ترى فمي صغير ..

راغده اخفت ابتسامتها وبتريقة: اي واضـــح ..

طلال: مو شفايفك الكبيرة ..

راغده بغرور: هذا انت قلتها شفاتي .. يعني فمي صغير بس الشفة مليــانة .. حاصلة لك بس ..

طلال " وهذا بلاء ابوك ياعقاب " : اي لا يكثر واكليني ..

ميس تناظر فيهم وبهمس: شوفي يا ست نوال .. كازانوفا يتدلع عليها ..

نوال : يلوق عليه طلول .. الله يسخرهم لبعض .. وخلي عينك على الفيلم ..

ميس: شفته مرتين بس حطيته عشانكم ..

نوال: شكرا يا مضحية ..

ميس تنهدت: وعساه يبين في عينكم ..

نوال: ههههههه طيب طيب ..


راغده وهي تحرك بكوبها الفاخر شعرت برغبة بالنوم نزلت كوبها وسط الهدوء ..

ميس تمد لها صحن البقلاوة: تفضلي ..

راغده بعيون ناعسة: تسلمين مالي نفس فيه ..

ميس: مسوية رجيم ..

راغده: ابد والله بس دورة عن دورة تختلف دورة اشتهي حلا ودورة اكرها ..

ميس: من جد .. شكلك تعبانة ؟

راغده تقاوم النوم: لا أبد ..

كانت تنتظر ينتهي الفيلم وقامت: يلا انا استأذن ..

ميس: يوه لا وين الي بيسهر ونلبس بجايم ..

راغده: معليش ميس عشان حلفانك والله جلست لهالوقت .. انا برجع للبيت ..

نوال: خلاص خليها براحتها يا ميس شوفي واضح انها بتنوم باي وقت ..
رحمتها

راغده تتثأب: اي والله ..

طلال يشوف الساعة: مو بالعادة تنامي بهالوقت ..

راغده: معليش هرمونات رجولية ..

ميس ونوال ضحكوا بس طلال ألي فهمها

طلال " حازه في خاطرها هالكلمة كثير "

راغده توجهت للحمام وغسلت وجها وزالت المكياج وحطت كريم مرطب ومرطب شفاة ..
ولبست عبايتها وحجابها
طلال بأهتمام: واضح أنك تعبانة ..

راغده: لا مجرد ارهاق و٥ كيلو نوم ..

طلال: اعطيني سويج السيارة ..

راغده: ليه ؟

طلال: اوصلك ..

راغده: لا لا ما يحتاج اصلا المكان قريب بوصل في دقايق ..

طلال بأصرار: راغـده اعطيني ..

راغده أعطته وهي مالها نفس للجدال معه ..

صعدوا السيارة

طلال: اخذت سيارتك مو سيارتي عشان وراك بكره دوام .. انا برجع مشي عادي ..
وفي نفسه " استغل الفرصة يا طلال طالمة أنها ساكته " : احم .. راغده بخصوص ألي صار ببيت اهلي ، اسف لاني قسيت عليك أعرف أنك ما تقصدي عشان نوال بس ما بغيت اشوف الحزن بوجها .. وانتي مش رجال بنظري بالعكس .. انتي تقطرين انوثـ... " يسمع صوت شخيرها التفت لها سريع وبخيبة" نايمة الاخت وانا اسولف واعتذر

لبق السيارة ونزل وجاء بجهتها وبقهر: قومي راغده وصلنا .. قومي يا سبب شقاي ..
راغده عقدت حاجبها: اوك بقوم وخر كافي شاقيتك ..

طلال بنفس قهره: ذي سمعتيها والي قبل لا .. صدق المقرود مقرود ..

راغده ألي مو فاهمه وش يقول نزلت ودخلو الشقة ..
توجهت لغرفة النوم وشلحت عبايتها وحجابها ورمت نفسها بالسرير ..
طلال دخل بالغرفة وشافها بهالوضعية اقترب منها وشلح الكعب ولحفها
راغده وهي مغمضة عيونها وبهمس: شكرا ..

طلال طف نور اباجورتها واخذ بجامته ولبسها وتسطح جنبها هو يناظر فيها ويسمع صوت شخير ناعم كتم ضحكته " شكلها انهلكت اليوم كثير " اقترب منها ورفع يده لورى رأسه وهو يتأملها وبيده الثانية يبعد خصلات شعرها من وجها اقترب اكثر وطبع قبلو بجبينها

لف بجسمه قبالها وصار يتأمل ملامحها وبهمس: كيف اشرح لك عن إعجابي فيك .. معك كاريزما عالية ممكن اقسو عليك ...
" لكن أريدك في حاجة لي دايمة " مسك يدها وغمض عينه لما نام بلا شعور ..

بيوم الخميس ..
تمت دعوة راغده للجمعية ببيت أم علي ..
كانت تشيك على نفسها بالمرآية وجلست بكرسي التسريحة تحاول تسكر قلادتها إلا بيد دافية تطوقها وبهمس: قلادة طلال اجمل على لبسك .. " فتح العلبة الي قدام التسريحة ولبسها العقد الي أهداها اياه " كذا أجمل ..

راغده تجنبت النظر له ونزلت تلبس كعبها المتوسط الاسود المخمل ..

قامت وهي تختار شنطة لها ..
طلال وعينه مانزلت عليها ..

راغده انتبهت لنظراته وشعرت بتوتر: اذا معك ملاحظة قول ، ولا انك تناظرني كذا تخليني اتوتر ..

طلال نظراته ألي كانت مليانة إعجاب وبغيرة: لوين ان شاء الله ؟

راغده: علمتك أن يوم الخميس بروح لعند بيت ام علي .. الجمعة عليها ..

طلال: وخبري أنك تكرهين هالتجمعات وماكنتي تحضرينها ..

راغده " فعلا كنت ألوم مها واقول كيف تروح لمثل هالجمعات ألي مالها هدف غير تضيعة الوقت .. إنما الآن صرت ما ألومها اسميه هروب من الواقع واحاول قد ما اقدر ما احتك فيه واعتبر البيت فقط لنوم ما ابغى اي مشاكل معه " : الأنسان يتغير .. ومنها اتسلى واغير جو ..

طلال: طيب غيري لبسك ..

راغده التفتت له ببطء: ليه وش في لبسي ؟

طلال: كل شيء من جسمك واضح .. غطيه ممكن احد من العيال يشوفونك ..

راغده: واذا شافوني ! مو أنا من ضمن الشباب !

واخذت سويج السيارة ولبست عبايتها لما جات بتطلع مسك يدها: خليني اوصلك طيب ..

راغده: ماله داعي ..

طلال بإصرار: اركبي سيارتي ..

راغده تنهدت وماكان لها مود تتجادل معه يألي هي فضلت الصمت وتجنب الحوارات معه ..

صعدت بصمت محكم وباللوكيشن وصلوا لبيت أم علي ..

راغده لمحت مازن من بعيد " كلش مو وقته " حاولت تفتح سالفة : اجل أنت بتوصلني ولا اخلي امي ؟

طلال: لا اتصلي بي وأنا بمرك ..

راغده: على كم الساعة ..

طلال بغرابة: فيك شيء ؟ مو بالعادة تشاوريني ..

راغده " لزوم يروح مازن اول ما يندرا هل بيتصرف مثل قبل ولا وعى ! " : لأنك أنت ألي بتوصلني ..

طلال أعجبه تغيرها الظاهري: الساعة ١٠ ..

راغده تشوف الساعة: اوك تمام ..

ونزلت من السيارة وهي منزلة رأسها لتحت وألي اسعفها ظلام الليل لذلك ما لمحها ..

دخلت ببيت ام علي وسط نظرات اعضاء الجمعية لفته لكل شخص يدخل ويقومون بتحيته ..
ام علي ونرجس ومها نظرات الكره باينه على وجهم ..

شلحت عبايتها
كانت لابسة كنزة صوفية أخضر عشبي ماسكة عليها شوي وبأكمام طويل وقصة الصدر بحرف الـ v وبنطلون بلـون الـكاكي .. ومكياج بعدسات خضراء وتكبير العيون

ام علي تقدمت لها: اخيرا شرفتينا بعد
قطيعة ٥ سنوات ..

راغده: عارفه سبب عدم جيتي ..

ام علي: ذاك أول الان مافرقت وهو يحب زوجته ويعزها ..

راغده: اي الله يوفقهم ..

ام علي مدت لها كوب العصير: ومافي شيء بالطريق ؟

ام عبدالعزيز الي سمعتهم وجات: بدري تو الناس هم الآن معاريس ..

ام علي: صح بدري .. لكن لسن بنتك ابدا مو بدري ..

ام عبدالعزيز: تو ما كملت حتى ٦ شهور ..

ام صهيب اخذت كوب من صحن المقدمات واقتربت منهم كـ فرصة للكلام والتهجم: مالك حس يا راغده .. نرجس تعاتبك على غيابك ..
راغده: اهلين ام صهيب مبروك لكتب كتاب أبنك ماصار فرصة لمقابلتك ..
ام صهيب: الله يبارك فيك وعقبال الأخبار الحلوة ..
راغده " وش عندهم مستعجلين على حملي ! " : عن إذنكم ..

وراحت لعند أختها مها : كيف حالك ؟

مها ناظرتها بغرور وردت بدون نفس: الحمدلله .. وش عندك جايه هنا مو على أساس أنك ماتحبي هالجمعات ..

راغده :... ممكن دقيقة من وقتك ..

مها: ولا دقيقة ..

راغده مسكت يدها وطلعوا وابعدت يدها بشراسة: وش مشكلتك انتي !

راغده: مها أنا ...

مها قاطعتها: مازهقتي من هالسيرة ؟

راغده باندفاع: ما اريد اخسرك مها .. غصب اني ابرر اكثر من مرة ..

مها: وينك فيه من قبل ! تو يصحى ضميرك ؟

راغده بنفاذ صبر: استغفر الله .. وبعدين معك مها ؟ يعني عشان ظن مش اكيد تعامليني بهالتصرف ؟

مها باستحقار: ماعندك مخ الا لتجارة بس ! ماتفكري أني اصلا انتظر الفرصة المناسبة عشان علاقاتنا تنقطع ! مافكرتي ليه كل ما عزمتيني قبل أرفض واتحجج بـ امي او ابوي!

راغده بصدمة وعدم تصديق: لا مها .. انا اعرف انك مجروحة الان بسبب ظنك بي ..

مها قاطعتها: صدق غبية ..


راغده تبدلت ملامحها لحزن ودخلت داخل وسط الاجواء الي كانت تكرها وتنتقدها سابقا الظروف اجبرتها أنها تجلس معهم .. صدق لقالو لاتعيب على شيء يجيك او انك تصير مثله بدون ماتحس ، فتحت جوالها ودخلت على البريد
وشافت رسالة من الدكتورة سلمى ألي تو تتذكر أنها تدخل وتقرأ مقالاتها ..

اقلقت جوالها بعد ما سمعت صوت الحاقدة: اهلين راغده .. جالسة لحالك ..

راغده ناظرتها وهي تتفحصها من فوق لتحت: ماشاء الله تغيرتي ..

نرجس " واخيرا لاحظت وعلقت " بغرور: عشان يشوفني صهيب بهالجمال ..

نرجس صبغت شعرها أحمر داكن كان حلو على بياضها وقصتها للكتف

راغده: الله يوفقك ..

نرجس: بتحضرين زواجي صح ؟

راغده بتفكير: اممم.. متى زواجك؟

نرجس: بتذيعه عمتي .. على فكرة ليه ادق بابك ماتدرين ؟ عسى خير ..

راغده: انتقلت لشقة ..

نرجس بستغراب: مافهمت ؟

راغده: زوجي أصر نسكن بشقة ..

نرجس بابتسامة غيض لها: اييي .. ممكن ماعجبه يكون محمول ومكفول قال بكذا اثبت نفسي .. بس تصرفه صحيح سلامات يسكن ببيت زوجته ! لزوم تكون له كلمة ..

راغده باهتمام: تكون له كلمة ؟

نرجس حطت رجل على رجل: طبعا حبيبتي ، احنا بمجتمع شرقي وحياتك للاسف ما عادت ملك لك فجاءة تلاقي الكل يتدخل فيها ..

راغده " علمي نفسك "
نرجس كملت: وبديهي ان الناس تتكلم ان راغده تصرف عليك وكأنك مو رجال واكيد تأثر بكلامهم وقال انتقل ولا نظرة الناس لي ..

راغده صغرت عينها وباهتمام شديد: بس في ناس كثير مثلي ، وش معنى جات علي انا ..لا انا اول ولا اخر امرأة تسوي كذا ..

نرجس: صدقتي ، بس ناسية امك تكون مين ؟ عمك يكون مين ؟ لو كنتي من الناس ألي ماحد درا عنهم ماحد بيتكلم .. والناس على اي حال ماتخلي احد في حاله ..

راغده صارت تفكر بكلام نرجس ألي اول مرة تسمعه " عشان كذا كان مصر على سالفة الشقة ! طلعت السالفة شخصية بالنسبة له "

نرجس مسكت جوالها وبحماس: شوفي شوفي هذا الفستان لصباحيتي ..

راغده بذهول: الصباحية للان موجودة ؟

نرجس بستغراب: ليه انتي ما سويتي ! ياربي مش معقولة انتي راغده ذي اساسيات وام صهيب وصهيب حيل يهتمون للعادات والتقاليد .. تصوري للان ما كلمني ولا شافني ..

راغده: وليه ؟

نرجس: يقول مو من عوايدهم "وبدلع" وحبيبي صهيب متمسك في مبادئه ..

راغده: ماكلمتيه ولا عرفتيه وتقولين حبيبي ! سرعة التنقل عندكم مو طبيعية ..

نرجس : هاو ! زوجي بعد !

راغده بصدمة: حتى ولو ، ما عرفتيه تو الناس .. انتظري ممكن بدل مايكون حبيبي يكون الكريه والمقيت ..

نرجس بقهر: وش قصدك ..؟

راغده ببراءة: حاشا لله ما اقصد شيء .. بس مستغربة .. برأيي كلمة حبيبي تنطق للحبيب والصديق لصديق كل شخص هو يحدد مقامه ..

نرجس ألي حست نبرة راغده تغيرت لكلام ملموس: وطلال ؟ تشمله قاعدتك .. يعني حتى لو كان قاسي معك بتقولين له حبيبي ؟ ولا انتي مو بياعه كلام ؟ وهل انتي تحبيه ؟

راغده " حب من طرف واحد " : خبرك فيني أنا ما اعرف اجامل وكلامي قليل ..

نرجس جازت لها السوالف والجلسة وصارت تنصح براغده: يالخبلة .. الرجال لو انك ماتطقينه لاتقولين ما اطيقك واكرهك بعضهم من النوع الحقود ألي ما ينسى .. لو صعب عليك تكذبين لا تقولين له أحبك بس اسكتي ، في شخصيات انتقامية انتبهي .. والرجل يعشق المدح والثناء لو أنه رخمه ..

راغده" الكل يعرف عن الجنس الآخر انا لا ! كأني اسمع لدكتورة سلمى .. انا ويني عايشة ؟ طالمة نرجس خانو تعرف هالكلام "

نرجس: يعني وش يمعنى انك ما تقولين له حبيبي ! ترى كلها كلمة زي مايكذبون علينا يالحريم المدامغة نكذب عليهم ..

راغده باندفاع: نرجس معك شيء يوم الاثنين ؟

نرجس مستغربة: لا ! ليه ؟

راغده: حياك عندي بشقتي ..

نرجس بصدمة من كلامها : مو ممكن تنشغلين أو ما بتشوفين اعمالك ؟

راغده: في حالة الموعد اتلغا ببلغك قبلها بيوم ..

نرجس مستغربة من تغير راغده الكبير حتى كلامها ماكان نفس قبل .. راغده فهمت نظراتها بس ماعلقت ..


ام علي وقفت والكل وقف معها والخادمة بالصحن تمر عليهم ، للكوب المشروب الممزوج بقطع الليمون والنعناع ومزيج من عدة انواع عصائر ومشروبات ..
وبابتسامة وهي تنظر لام صهيب: يسعدني ويشرفني أني اخبركم بيوم زواج صهيب ونرجس .. شرف كبير أن صديقة عمري اعطتني هالشرف .. شرف اعلامكم .. بيكون بيوم الخميس من بداية الشهر الجاي .. " رفعت كوبها " بصحتكم جميع ..

الكل رفع كوبه معها وشربوا نخبهم ..

راغده ناظرت بنرجس ألي كانت مبسوطة جدا وبابتسامة: الله يوفقكم ويسعدكم ..

نرجس ردت لها الابتسامة: تسلمين ..

والخادمة تمر بالصحن المعجنات والحلى لضيوف ..

وبأتصال من طلال ردت: اهلين ..

طلال: اجيك ؟

راغده: أي ..

طلال: مسافة الطريق ..

راغده: تمام ..

وسكرت الخط واقتربت منهم تبارك وتسلم عليهم ..

ام عبدالعزيز وقفت معها برا بالحوش ومدت لها بخفية: خذي ..

راغده شافت الكرتون بـ أستغراب: حمض الفوليك!

ام عبدالعزيز بصوت واطي: أي .. هذا زين لك ماتدرين متى تحملين وربي يكتب لك .. كنت بقول لك من قبل لكن نسيت وتو أفتكر لما فتحوا سيرة العيال ..

راغده: بس انا معي الدورة ..

ام عبدالعزيز: اكليه وبس وبعدين هذا مو بس للحمل حتى لك لشعرك فيتامين يعني ولو ايش ماصار لاتاكلين اي حبوب احتياطا .. فاهمة ؟

راغده دخلت الكرتون بالشنطة: بس انا معي فيتامينات اكلها يوميا ..

ام عبدالعزيز: اقطعيهم وخلك على هذا تمام؟ وعلى الشهر الجاي بإذن الله بوديك عند دكتورة ممتازة لهالسوالف وبتعرف سبب تأخرك للحمل ..

راغده: يمه انا ماخذت فترة من تزوجت ..

ام عبدالعزيز: سنك مايسمح يا بنتي ، انك تحملين بالثلاثينات افضل من الأربعينات ولو في أي مشكلة نحلها من بدري أفضل ..

اتصل طلال واعطته مشغول وصعدت سيارته ..

طلال بابتسامة: انبسطتي ؟

راغده: الحمدلله ..

طلال: تعشيتي ؟

راغده: مالي نفس .. شربت عصير كافي ..

طلال: أحسك مختلفة .. صاير شيء ؟

راغده والأفكار متزاحمة عليها كلام أمها وكلام نرجس ومها أحداث كثيرة محتاجة لجلسة تفكير : عزمت نرجس عندي يوم الاثنين لو مافي خلاف ..

طلال بتفكير: أنا بكون مرابط ومابجيك إلا الثلاثاء .. فا خذي راحتك
..
راغده: تمام ..

وصلنا للبيت ..

شلحت الكعب وجلست بالصالة على الزاوية ودخلت في البريد
وقريت مقال لدكتور سلمى
ألي كان يتكلم عن ايجابيات كثيرة لزواج وعن الزوجة النكدية والزوجة الأكثر طلاقا هي المرأة العنيدة
انغمست بالقراءة لأجد نفسي بين هالسطور ..
وسرحت بتفكيرها " معقولة انا مغرورة ومعي كبريائي ! الي كنت اظن اني انا الي متحملة طلال .. طلع صدق هو ألي متحملني ماكنت انتبه لانتقاداته لي وصبره علي ، لما اتكلم معه اشعر احيانا بتعالي عليه واعامله كأنه موظف عندي ممكن هالشيء بسبب طبيعة شغلي اثرت علي ، هو طلب صداقتي وأنا ألي كنت اماشيه بس بطريقتي أنا .. استغفر الله "

رجع لها عقلها ورجعت تقرأ وتقرأ وهي تشعر بندم " فاتني الطريق ؟ لا لا ما أعتقد لسى بدري .. حتى لو فاتني اقلها احاول واجرب " سكرت اللابتوب حقها ودخلت غرفة النوم سمعته يتكلم بالجوال مع اخوه فهد ..

طلال: خلاص تمام فهد .. على خير .. فمان الله .." ناظرها " بكره بنروح عند اهلي على الغداء .. اتصل بي وهو يسولف لي عن وضع نوال وقال احتمال ناخذها للمشفى صحتها في النازل .." قالها بحزن "

راغده اقتربت منه واحتضنته في تردد لكن اعتبرته كا بداية جديدة لها

طلال في ذهول واستغراب من تصرفها لكنه كان فعلا محتاج لعناق وشد عليها أكثر وهو يستنشق عبق ريحتها العطرة ألي داخ عليها ..

راغده مسحت على شعره وبهمس: الله يشافيها ويهون عليها وعليكم ..

طلال ما كان وده يفارق حضنها .. بس هي ابتعدت ومسك يدها وجلسها قباله: فيك شيء راغده ؟

راغده بنفي: لا ..

طلال : صايرة حنونة شوي .. مو من عوايدك ..

راغده ضربت كتفه بخفة: ليه أنا شريرة قبل ..

طلال بابتسامة: لا قصدك شيطان ..

راغده بصدمة: أيـش !!
طلال بضحكة: ههههههههه ترى أخاف لا تبلقين عينك كذا مو كافي انها صايرة كبيرة زيادة ..

راغده كانت معتمدة على مكياج تكبير العيون: أنا بمسح مكياجي وابدل ملابسي وأرجع لك ..
أخذت بجامتها ودخلت التواليت ومسحت مكياجها وبعد عنايتها الليلية توجهت لتسريحة تعطرت بعطر خفيف وتسطت بالسرير

طلال ناظرها وكان الجوال بيده: بس اخلص من صاحبي ونسولف ..

راغده مسكت جوالها: طيب

وراسلت نهلة لتكتب موعد ليوم الاثنين مع نرجس ..
وطلعت من الواتس ..

بعد ٧ دقايق ألتفت لها جاء بيتكلم لكن شافها غطت بالنوم ابتسم وقربها من حضنه " ما اعرف وش صابك اليوم لكن فجاءة حسيت بحنانك ، خلك دوم كذا معي راغده "

وعت على إتصال وردت بدون ما تشوف الأسم وبصوت ثقيل: هممم..

نهلة: نايمة ! اسفة طال عمرك توقعتك صاحية من وين ..

راغده وعينها مغمضة: في شيء ؟

نهلة: يتصل فيك ابو حسن بخصوص العمال والبناء ..

راغده: طيب بشوفه بس اقوم من النوم ..

نهلة: طال عمرك الساعة الان ١١ ..

راغده فتحت عينها على الآخر: أيــش !

قامت من السرير ما شافت طلال أخذت دوش تنعش جسمها فيه ، ودهنت جسمها بلوشن ودهنت المسك الأبيض بـ أمكان النبض ..
اختارت جلابية اخضر جذاب إماراتية بحرينية بدقة وزخرفة وفصوص من الصدر ونهاية الأكمام باللون الذهبي
سيحت شعرها العسلي ولبست الذهب المرتعشة برقبتها والحلق والخاتم ..

حطت مناكير احمر جذاب وبصبع واحد مناكير غلاتر ذهبي ..

لبست كعب مرتفع شوي لون ذهبي

المكياج كان ناعم جدا بلون خفيف اخضر تحت العين وبعظمة العين بني ورسمة الاي لاينر تجمل عينها وكثفت الماسكارا السوداء وروج احمر صريح مات ..

وحطت شامة بخدها وهي تنظر لنفسها بإعجاب " ايش هالزين ذه كله يا غدو .. ابد كانك وضحى بنت الشيخ جزاع ههههههه " تعطرت بعطرها المميز وسمعت صوت الباب الرئيسي ..
دخل لغرفة النوم عشان يصيحها .. تنح من شكلها كان أول مرة يشوفها كذا .. راغده انتبهت له وابتسمت بخجل بسبب نظراته

طلال اقترب منها وباس جبينها ببطء وريحتها العطرة تخلخلت برأسه .. حس بتوترها بين يده وبهمس: وش هالزين ذه كله ..

راغده: كل ماتزينت قلت هالكلام ..

طلال بضحكة دوختها: ما لاحظت .. ههههههههه من زينك وحلاك وش اسوي فيك ..

راغده تغير الموضوع بسبب ربكتها: وليه ماصحيتني من النوم ؟

طلال يحوطها من خصرها وبهمس قابل انه ينسمع: صحيتك مير نومك كان ثقيل وتركتك .. بس زين وقمتي فهد ماترك جوالي يهجد من كثر الاتصالات ..

راغده ابتعدت عنه : اجل يلا لا نتأخر طبع ما احبه التأخير , الشخص يكون قد كلمته وعلى دقة مواعيده ا....

ماحست بنفسها إلا وهي بحضنه وانفاسه الحارة تلفح رقبتها: لو مامعك عذر كان ...." وبتنهيدة قوية" اااخ بس ، ريحتك جننتني ..

راغده كلامه اعجبني حسيت اني فعلا أنثى ..

طلال مسك ذقنها بطرف صبعه وهو يناظر بعينها ألي آسرته: بس ليه ماخليتي حالك برونز مثل قبل .. تدرين اني اعشق السمار والبرونز عليك ..

راغده بحيا من نظراته: بس هذا هو لوني .. حنطية ..

طلال: ادري لونك عاجبني بس احب البرونز يذكرني بارينا شايك ..

راغده الي دخلت معه جو بس جاب اسمها بعدت عنه وبغيرة : هذا ألي ناقص بعد اتشبه بألي ما تتسمى انا عاجبني لوني كذا وما بغمقة انا مقتنعة ..

طلال اخفى ابتسامته لاحساسه أنها تغار عليه " وذه تمثيل بعد ..؟"

راغده صدت عنه واخذت عبايتها وبقهر: هذا الي ناقص .. يريدني اشبه الروسيات لا بارك الله فيهم ..

طلال اخفى ابتسامته: اصعدي السيارة بغير ثوبي وارجع .. توسخ ..

راغده جات بتروح الا بصوته: لحظة انتي طلعي ثوبي وجهزي اغراضي ..

راغده " وقح بعد ألي قاله ويبغاني أجهز أغراضه "
طلال جلس بطرف السرير وحط رجل على رجل بنبرة امر: والساعة والخاتم لا تنسينهم .. جهزي كل شيء ..

راغده فتحت الدولاب بقهر وطلعت ثوبة الأسود والغترة البيضاء الي زيجها من تحت زخرفة سوداء
والساعة السوداء والخاتم وبنفس قهرها: واجهز العطر بعد ..

طلال قام وشلح ثوبه ولبس ثوبة الأسود ولبس الغترة اقترب منها : مو بحاجة تجهزيه أنتي ألي بتعطريني ..

راغده ألي كانت مشغولة وهي تحط اغراضها بالشنطة فتحت عينها على الآخر: وايش بعد يا استاذ طلال .. طلباتك ..

طلال اقترب منها ومد يده: يلا لبسيني الكبك ..

راغده التفتت له انبهرت بشكله والثوب الأسود ألي معطيه هيبة تلعثمت ماعرفت ايش تقول ولبسته الكبك بفص فضي ..

لبس خاتمه وساعته بجلد الأسود والزيج الفضي بجوانب الساعة
طلال تعطر وجلس بطرف السرير : يلا لبسيني حذياني اكرمك الله ..

راغده رفعت حاجبها وتخصرت: افندم ! وش قلت يا عيوني ؟ ماسمعت ..

طلال : هذا أنا لبست ساعتي وخاتمي لحالي عشان ما اتعبك ، يلا اخدمي زوجك ..

راغده: منت بمعوق .. تقدر تسوي كل شيء لحالك ..

طلال بزمرة: اخلصـــي ..

راغده بخوف اقتربت منه وجابت حذيانه السود وجات بتنزل ظهرها
إلا بمسكة يده وسحبها بحضنه .. شهقت من سرعته وخوفها: ايش تسوي أنت ..

طلال شد على خصرها يمنعها من الحركة: كل ما قاومتي وجعتك وتأخرنا على الموعد

راغده الي تغير لونها لاحمر من الحيا: طلال اتركني ..

طلال دفن وجهه بشعرها وغمض عينه: كأنك برفان عطر يتمشى .. مدري هو ريحتك كذا من الله ولا العطر هو انخلق لك .. " مسك يدها وباس اطراف صبعها وهو يشوف المناكير وجماله على يدها وبحالمية" تدرين أن يدك فتنة .. هذا من غير حسنك ..

راغده زادت نبضات قلبها من كلامه وهمساته وسرحت بعيونه الداكنة وبعطره الرجولي ..

طلال حبيت رجفتها وهي بحضني وتوترها وهذا الي زودني رغبة لها وبنفس همسه: يعني حلاوتك ذي ماتجي إلا بوقت وأنتي خط أحمر .. متى تطهرين ؟

راغده ألي حست أن حرارتها زادت من الحيا حررت نفسها منه وباندفاع: يلا انا بنزل تأخرنا مرة ..

طلال قام بعد تنهيدة طويلة: اللهم صـــــبرك ..

توجه عند التسريحة : اقول راغده أعطيني عود حلو ..

راغده تلبس عبايتها : موجود قدامك ..

طلال: وين ؟ ما شفته ..

راغده تتحلطم: على كبر هالعين مايشوف" ومدت له " تفضل ..

طلال نزل وجهه لمستواها: دهني لي العود ..

راغده حطت بيدها: مدري وش قصتك أنت اليوم .. " ودهنت به تحت اذنه وحطت بيده "

طلال مسك يدها الإثنين وحطها بذقنة ولحيته يدهن العود فيها وشد على قبضة يده ليدينها وبهمس: كذا من يدك بيزين العود اكثر ..

راغده ألي شافت نظراته وكلامه بنفس وضع يوم زواجهم ألي ممكن شوي ويتحول لذيب ويفترسها حاولت تفلت يدها منه ما قدرت وبنفاذ صبر تخفي توترها وخجلها به: طلال تأخرنا مرة ..

طلال بذوبان: اجبريني أشوف !

راغده رفعت نفسها لطوله وبجراءة باست خده ..

طلال يرد الضربة لاخوه .. فهد ماقدر على اخوه بسبب طول طلال وقوته الجسدية

ابو فهد: انو وش تسوي واقف .. افصل بينهم

قام ابو فهد يفصل بينهم وعبدالرحمن قام يضرب فهد من حرته وكرهه لاخوه فهد ..

جات أم فهد تركض وتصارخ وتحاول تضرب طلال: بعد عنه جعل يدك الكسر ..

طلال لما شاف ابوه ومرت ابوه بالوسط ابتعد خوف من انه يأذي ابوه

فهد الي استند على امه وبعصبية: لا بارك الله فيك ..

ام فهد بعصبية: انت يالحوت تضرب ولدي هاجم واحد من مستواك ..

طلال اعتبر هالشي مدح له: مو ذنبي انه معصقل بكل مكان ومكرش من قدام ..

فهد ألي كان متعافي شوي بس طلال جاء يستفزه وبعد امه وتهجم على طلال : أقلها ما اروح لنوادي عشان اتميلح عند البنات ..

طلال يردعه وهو يعض شفته : ما يحتاج اتميلح مزيون من يومي ..

ام فهد تحاول ترفع يدها عشان توصل لطلال وتضربه بس بسبب قصرها ماقدرت : مالت عليك وعلى وجهك ابتعد عن ولدي ..

عبدالرحمن مسك يد فهد وعضه ..

فهد بصراخ: اااه ..

ام فهد ضربت راس عبدالرحمن: وجع وجع عض طلول مو فهد ..

ابو فهد حط يده على قلبه: قلبي .. قلبــــــي ..

طلال بعد فهد عنه ..

ام فهد جات عند ابو فهد وبخوف: بسم الله عليك وش فيك ..؟

طلال أخذ غترته وعقاله وطلع من المجلس دق الباب وجات ميس بخوف ألي كانت تستمع لصراخهم الواصل لمجلس النساء: هـ...ـلا امر ياخوي ..

طلال بحده وهو يتنفس سريع: سوي لي درب بدخل لنوال ..

ميس: ثواني ..

----
ام فهد ضربت ولدها وبعصبية: يعني بدل ما تدافع عن اخوك تصير ضده..

عبدالرحمن يتحسس رأسه من ضرب امه: وطلال بعد أخوي ..

ام فهد: جب جب ولا كلمة ..انا مدري وين الاقيها ، بدل ما افكر بنوال افكر فيكم .. انا ناقصة ..

عبدالرحمن يناظر ابوه: يبه خلاص .. تفاككو ..

ابو فهد نزل يده من صدره وعدل جلسته: انتوا ما تعقلون ؟

فهد خذ شماغة وطلع لشقته ..

ام فهد: وانت هذا وقت تمثيلك يا بو فهد ..

عبدالرحمن: ابوي متأثر بالمسلسلات الكويتية ..

ابو فهد كان كل ماصارت هوشة بين عياله يلتجئ لمثل هالحل ان جاه القلب او ضيق تنفس ..


دخل عند غرفة أخته بعد ما ضبط نفسه شافها شبه نايمة : السلام عليكم ..

نوال تعدل جلستها: وعليكم السلام

طلال اقترب منها ومنعها من الحركة: خلك ارتاحي ياعين أخوك .. اخبارك ؟

نوال والتعب باين عليها: الحمدلله ..

طلال يتأمل ملامحها ما عرف وش يقول لين ما لمح دموع اخته

نوال خنقتها العبرة: تعبت يا طلال .. نفسي اموت وارتاح .. والله كل شيء يعور ..

طلال دمعت عينه على وضع اخته واقترب منها بهدوء وضمها ..

طلال" يارب ان كان ما اصاب اختي نوال هو بسبب ظلم مرت ابوي لي فـ أنا عفوت عنها .. يارب ريح اختي الحبيبة "



آنتهـــــــى البــــارت

[لامارا]

البــارت الثــالث والعشــرون




نوال خنقتها العبرة: تعبت يا طلال .. نفسي اموت وارتاح .. والله كل شيء يعور ..

طلال دمعت عينه على وضع اخته واقترب منها بهدوء وضمها ..

طلال" يارب ان كان ما اصاب اختي نوال هو بسبب ظلم مرت ابوي لي فأنا عفوت عنها .. يارب ريح اختي الحبيبة "

صارت تبكي نوال زود ..
طلال مسح دموعه بطرف غترته: اوديك للمشفى نوال .. يلا قومي ..

قام بشويش وراح جاب عباية أخته ..

صعدت مع اخوها السيارة ومع راغده ..
نوال ألي كانت طول الطريق تدعي أنها تمــوت .. رحمة ربها كانت أعظم ..


راحوا لمستشفى الملك فهد ..
نزل طلال وفتح الباب عن اخته وراح للمشفى جاب كرسي لاخته مع النيرس ..

راغده نزلت وتوجهت لعند نوال ألي كانت ولا حركة ولا كلمة وبخوف: نوال .. نوال ! نــوال " تهز كتفها وبفك يرجف" نوال نوال تسمعيني ..
نوال ولا حركة ولا كلمة ..

طلال مع النيرس والكرسي اقتربوا من السيارة وهو يشوف راغده تصارخ بـ أسم نوال .. شحب لونه وهو يشوف اخته عيونها مفتـوحة وابتسامة بوجها
راغده بفك يرجف: ط...ـلال نوال ..

طلال نزل مستواه لنوال الي بجوا السيارة وغمض عينها نزلت دمعته : يارب أنها ضيفتك ..

راغده صارت تبكي والنيرس راحت تفحص نبض نوال المتوقف
وجاء الدكتور والممرضات ..
***

اول ثلاث أيام عزاء كانت صعبة جدا لطلال .. ما شفت دموع رجل مثل ما شفت دموع طلال لفراق أخته نوال ..
حزن قلبي عليه ما كان بيدي إلا أني اتوقف عن الشغل طوال فترة العمل عشان اوقف جنبه وادعمه لو بالشيء البسيط ..


كانت تتفحص الشقة بعينها وناظرت ببنتها: و اخباره الآن عساه طيب ؟

راغده تنهدت: مثل ماشفتيه آخر مرة
..
ام عبدالعزيز : الله لا يفجعنا بغالي .. وانتي كيفك معه ؟

راغده: الحمدلله ..

ام عبدالعزيز: تأكلين الحبوب ؟

راغده: اي ما افوت ولا يوم لا تشيلي هم .. إلا اخبار مها ؟ اتصل فيها ما ترد ..

ام عبدالعزيز سكتت شوي : راغده أريد اقول لك شيء بخصوص اختك .. " وبتردد" عمك فؤاد شاف أن علاقتكم مو مستاهله تتواصل .. اختك للان في حالة يرثى لها .. ما اكذب عليك هي كانت متحمسة لـ زواجك من طلال لان في بالها شك مستمر انه يخونها وصارت تشك في الي حولها قريب ..

راغده: والان جزمت اني انا الي اخونها ؟

ام عبدالعزيز: يا بنتي هي نفسية وحدة تو تدرك خيانة زوجها لها يبا لها وقت ..

راغده: وايش ذنبي انا ! ايش سويت لها أنا ؟

ام عبدالعزيز: بيني وبينك يا راغده انا احس ان عمك مخبي علي شيء بخصوص مها وحمود احسه يدري على شيء بس مو راضي يقول لي ..

راغده الي كانت تدري بس خبت وسكتت لان مالها علاقة انها تدخل
و بينها وبين عمها كلمة , انها ما بتتكلم بأي شيء ..

---------
ام فهد بين دموعها: عين ما صلت على النبي يا ام سطام .. مدري وش هالبلاوي ألي تلاحقنا ..

ام سطام تذكر ولدها وصارت تبكي مع أم فهد ..

ام أسيل تنهدت: لاحول ولا قوة الا بالله .. لو تشوفون حال بنتي .. انسانة ثانية من مات زوجها الله يغفر له ويعفو عنه ..

ام سطام: يارب يارب ..

اسيل جابت القهوة والشاي وصارت تقهويهم ..

وسالفة تجر سالفة ..
دخلت غرفتها ..

شافتها جالسة فوق السرير اقتربت منها وبهمس: جنان .. جنان..

جنان ناظرتها ومسحت دموعها: اهلين اسراء ..حياك ..

اسراء جلست طرف السرير جنبها: علامك بهالحال يا جنان ادري هو حب حياتك بس بعدك صغيرة وبيجي ألي يستاهلك ..

جنان ومصيبتها براسها صارت تبكي اكثر .. اسراء خافت وضمتها: علامك جنان ؟

جنان بنوحه: خايفة يا اسراء خايفة ..

اسراء: من ايش , تكلمي ؟

جنان تحس بجفاف بريقها اخذت كوب الماي الي بالكوميدينا وبصعوبة نطق: سـ...طام .. قبل لا يموت ..

اسراء باهتمام: اي ؟

جنان : د...خل علي ..

اسراء بصدمة: أيــش! مافهمت وش قصدك بدخل عليك ؟ " انتظرتها تتكلم ولا تكلمت لطمت خدها " ليــــه جنان ليـه ؟

جنان بين دموعها وبخوف: الشيطان شاطر ..

اسراء: انا أدري انك زوجته بس عاداتنا وتقاليدنا ..

جنان: قصري صوتك يا اسراء لا يسمعك أحد ..

اسراء ووجها صار اصفر: يا ربي وش السواة الآن .. منتي بحامل ؟

جنان باندفاع: لا لا ..

اسراء تنهدت براحة معضم الشيء: احد يدري؟

جنان: لا.. أنا مرعوبة وخايفة مدري , أخاف لو يدري أبوي وامي ..

اسراء: لا تسكتين جنان انتظري لما تعدي صدمة الكل بوفاة سطام اخوي ونوال .. لاتجيبين آخرتهم ..

جنان بحزن: اه يا اسراء .. مدري وش السواة ..

اسراء بتفكير: ممكن ابوك يتقبل

جنان: مستحيل انا اعــــرفه متعصب , اخاف يذبحني اسراء ..

اسراء تفرقع اصابعها بقلق: خليني افكر يا جنان وأنا يمكن ألاقي لك دبرة .. بس بالنهاية لابد يدرون أهلك ..

جنان بصدمة: ليه! ما بقول لهم .

اسراء: ضروري يالخبلة لان لو تقدم لك احد , المليك بيكتب بالعقد انك بكر او ثيب وهذه المسائل مهمة ..

جنان تضرب خدها: يا حسرتي ..يا حسرتي ..

اسراء: ادعي أن ربي يكون ردة فعل ابوك وامك سهلة ويسيرة .. لا تستعجلين .. " وتنهدت بحزن " ما ندري وين نحصلها احنا ..

.
.
.
بعصبية: اسيل .. اســـيل ويهد ..

اسيل صعدت فوق بعد ما قرأت رسالته وجات لعنده بخوف: وش صاير فهد ؟

فهد بعصبية: أنتي قايلة شيء عن حافزك ألي اخذته ؟

اسيل تتذكر الحوار الي دار بينه وبين طلال قبل وفاة نوال: السالفة ذي قديمة يا فهد ..

فهد بحده: اجل ليه هو تذكرها رجعتي تشتكين يا مرآة؟

اسيل: لا والله..بس ممكن هو ذكرها لأن السالفة هي ألي انتشرت بيننا بسبب العمام تدخلوا والسالفة أنت فاكرها " وهي تشوف وجهه " الحمدلله جروحك خفت ..

فهد بعصبية: انا خلقة ناسي تذكريني ليش ؟ فشلني بالعزاء كل من شافني قال من الي لاعب بوجهك كذا ..

اسيل: احمد ربك ما كسر لك عظمك على الكلام ألي قلته له..اجل ذه كلام ينقال ؟

فهد: تشوفينه غلط ؟ فكري فيها من وين له لسفرة جزيرة بالي والأثاث ألي بشقته ولا لبسه ثوبه وغترته وشماغه ماكان كذا نهائي .. اخوي واعرفه ان زواجه من راغده عزة .. , ورفعه

اسيل: هو من عمره ما يبذر كثير ممكن محوش له كم ألف .. وهي كملت الناقص " وبتريقة" ولا نسيت كلامك لي ان المرأة السنعة تعين زوجها ..

فهد: اوه منك انا وين وانتــــي وين ..

اسيل: انا كل همي أنه ماضيق علينا الشقة وانت تروح تتكلم بالعاطل عنه .. الله يستر بس لا يحطها بباله ويضيق وأنا مو ناقصة المساحة كذا عاجبتني ..

فهد: ألي قاهرني أن ذه .. يأخذ وحدة من هالعايلة .. حتى الكلب عندهم له وظيفة مشغلين عمرهم ..

أسيل تخصرت: وليه ما رحت لمثل هالعوايل ذي من قبل طالمة انت متشفق حاسد طلال عليهم ..

فهد يعض شفته بقهر: السؤال هنا كيف قبلو فيه يألي انا مرتبتي أعلى منه ولا بيقبلون وهو ! اااخ يالحظ ألي معه ..

اسيل: أذكر الله يا رجال .. صحيح مابيني وبينه شيء بس ان جيت لصدق هو كافي خيره وشره عنا .. ماقط تدخل ..

فهد: وهذا هو تدخل وحسس أن أبوي ظالمة ..

جات بترد إلا بدقة الباب

فتحت الباب شافت بوجها ميس الي باين عليها الإحراج : ازعجتكم ؟

اسيل: لا أبدا .. امري ميس ..

ميس: طفشانة لحالي ..لو مامعك شيء انزلي تحت نتسلى ..

اسيل: طيب ابشري ..

وسكرت الباب
فهد: وش تبغى؟

اسيل بحزن: ياعوينتي من ماتت نوال وهي مامعها ونيس .. الله يرحمك يا نوال ..

فهد تنهد: ربي يرحمها ويغفر لها ..

---
شافته نايم قامت بشويش ..
سوت الفطور البسيط ألي تقدر عليه عبارة عن نواشف .. وسوت دلة صغيرة شاي ..

حطت الكارديقان الاسود عليها وجلست بطرف السرير وبهمس: طلال .. طلال ..

طلال:همم

راغده بهمس: قوم بسم الله عليك الفطور جاهز ..

طلال بصوت ثقيل: كم الساعة الآن ؟

راغده: ٦ ..

طلال قام من السرير وتوجه للحمام أخذ دوش ولبس ملابس الدوام وتوجه لصالة
فطر بهدوء

راغده تناظر فيه: طلال ايش رأيك اليوم ....

طلال قاطعها: مالي نفس اروح لمكان راغده اعذريني ..

راغده: يا طلال من ماتت نوال شهر .. وأنت للان .. كلنا على هالدرب ..لو نوال عايشه ما بترضى تشوفك كذا

طلال تنهد: اتذكر كلماتها الاخيرة .. دمعتها وشكواها ان الالم يوجعها وماعادت تتحمل .. اه يا راغده لو تعرفي ايش احس فيه ..

راغده قامت وحطت راسه بوسط صدرها وهي تمسح على شعره المبلل بحنان: طلال .. هي تريد تموت عشان ترتاح صدقني .. ربك رحمته اكثر واكبر وطالمة أنك ماقصرت سويت لها براد ماي ليه تلوم وتعاتب نفسك ..

طلال أرتاح بحضنها وبحزن: ماتت ولا أدري وش خاطرها فيه .. الله يعوضها بدار خير من دارها ..

قام بثقل بعد ما خلص أكله وراح لدوامه ..

.
.
.
كانت عند الباب وسمعت صوته يضحك بالمجلس وهو يتكلم بهمس: وأنا بعد اشتقت لك بدورتي .. أنا نفسي أشوفك وأشوف عزيز وللي ببطنك ..

مها انفجعت من ألي تسمعه فتحت الباب بقوة وصارت تناظره بقهر وكره وصدمة
حمود ارتبك من دخولها المفاجئ وبهمس: اكلمك بعدين حبيبتي ..

مها فتحت عينها على الآخر: من ذي يالوقــح ! وصلت فيك المواصيل تكلمها ببيتي .. على علاقة بمتزوجة!! معقولة !؟

حمود ألي عرف ان لا مفر لنكران او التأخير :.......

مها: حسبي الله ونعم الوكيل فيك وفيها .. يارب تحصلونها ..

حمود قاطعها بشراسة: لاتدعين علينا .. انا ما اكلم بنت حرام أنا اكلم زوجتي ..

مها بعدم استيعاب: ايش ؟ مافهمت

حمود: ألي تظنين أنها علاقة وأنتهت ذي تكون زوجتي ام عزيز ..

مها الي وقع عليها الخبر كالصعقة الكهربائية: ايش تقول انت .. وش قاعد تخربط .. اي زوجة واي ام عزيز ! انت .... " وبألم " متزوج علي ؟ متزوج علي أنا ! "وبصراخ" يالنـــذل ..

حمود بنفس مستوى صوتها: وقص يقص لسانك ، اي زوجتي وحبيبتي أنا ألي كنت اتمناها مو انتي ، هي ألي تمنيتها وبغيتها لكن ابوك جاء بالمجلس وسط مجمع رجال عرضني عليك تحاورت مع أبوي .. خاف أن العلاقة تنقطع ..

مها بين دموعها: وليه الآن ! ليه الآن تكلمت ليه مو من أول ..

حمود: بعد ما مات ابوي فك الحاجز وماعاد يهمني احد قد ما يهمني سعادتي ..

مها تحس بألم بصدرها: ليه يا حمود ؟ انا وش قصرت فيه وياك وش ذنبي ..

حمود كمل بكل قرف: ذنبك ان فؤاد أبوك وذنبك أنك عشتي معي كأني سبير ماعمري حسيت اني متزوجك ..كنت ألوم نفسي قبل اكثر من مرة اقول وش ذنبها بس لما عاشرتك وشفتك أيقنت أن ألي صار لك مو حرام ..

مها بنوحة: ايا الخسيس .. كيف تسوي بي كذا .. كنت علمتني كنت قلت لي ولا تخليني كذا ..

حمود: هذا انتي دريتي وش بتسوين؟

مها بحسرة: كنت ما جبت جوان ، كان من الأول قلت لي عن علاقتك فيها ممكن ابوي ما بيتفهم لكن أنا بتفهم ..

حمود: أنا أعرفك يا مها منيب غشيم ، صح معي قليلة كلام لكن سافرت معك مرتين ورحت وجيت معك عارفك وحافظك ، أنا لآخر لحظة كنت اخبي عليك موضوع زواجي من ام عزيز لأنك بتستعينين بـ أبوك لكن الان استعيني فيه الي كنت خايف عليه مات .. وماعادت تفرق معي ..

مها تلطم وجها بحسرة وهي تبكي بحرقة وبألم: حسبي الله ونعم الوكيل فيك كانك ظالمني وظالم بنتك .. حسبي الله ونعم الوكيل ..

حمود ألي طلع برا البيت مو مكترث لها

مشت بصعوبة بالغة وهي تحس أن الدنيا اسودت مسكت جوالها وصارت تدق بـ أمها و ريهام ماترد ..
بالأخير اتصلت بـ راغده وبصوت مخنوق: تعالي عندي .. انا ببيتي .. بسرعة لا تتأخرين ..

وسرعان ما وصلت راغده لعندها شافت أختها بوضعية لا تحسد عليها تركت جوان مع الخدامة وراحت مع أختها للمستشفى ..

راغده جلست برا وبخوف كبير بس شافت الدكتور قامت: طمني يا دكتور..

الدكتور: عندها انهيار عصبي ..

راغده حطت يدها بفمها وبخوف: يعني اختي بخير ولا ؟

الدكتور: الحمدلله محتاجة راحة .. تقدرين تدخلين عليها ..

راغده دخلت لعند اختها وهي تشوف بشرتها البيضاء وصفاء بشرتها على شعرها الأشقر المنثور بالمخدة البيضاء اقتربت منها بهدوء وهي تشوف جفاف شفايفها
جلست تتأملها وهي نايمة والحزن بوجها " ايش صابك يا اختي ووش جرى لك .. ! "


رجعت ذاكرتها لما كان عمر مها ١٣ سنة ..
ام عبدالعزيز تلبس مها فستان احمر وباعجاب: كل الألوان تناسبك يا مها ..

مها بغرور: أي يسألوني بالمدرسة كنت مصرية ولا .. اقول لهم انا سعودية .. يستغربون اذا قلت لهم ان راغده أختي .. انتي صح مو شينه راغده بس انا عشاني بيضاء احلى ..

ام عبدالعزيز: كل شيء يلبق عليك يا روح امك .. شوفي جربي هذا بيطلع احلى من راغده ..

يوسف يركض بحضن راغده: لا راغده احلى ..

ام عبدالعزيز: وش عرفك بالجمال أنت ..

مها بغرور وهي تشوف نفسها بالمراية: لاتزعلين راغده بس ذي الحقيقة ..

راغده بألم: لا عادي .. اصلا أنا ما عجبني ألون اخذيه انتي الفستان ..

وهي تشوف نظرات الأعجاب والحب بس تكنه لمها ولريهام بلعت دموعها ..

دخل عليهم بدر وباعجاب: الله الله وش هالزين ..

مها بغرور تدور : ايش رايك خالو مو احلى من على راغده ؟

بدر: لا عــــاد حدك لهنا ، راغده جمالها غير ايش ما تلبس يطلع يجنن عليها لو تلبس خيشة " أخذ لبسة من الي فوق الكنب" روحي ألبسيها راغده انتظرك ..

راغده تبلع الغصة: لا خالي مــ ...

بدر باصرار: يلا انتظرك ..

نزلت يوسف من حضنها وقامت بثقل للحمام صارت تبكي وتبكي لما هدأت غسلت وجها ، ولبست جلابية الفراشة على وقتها كانت موضة دارجه
تايقر ومن الصدر كريستال بلون التركواز ..

حاولت ترتسم على وجها البسمة الي جات منطفية ..

دخل عليهم ويوسف وبدر يصفقون

بدر يصفر: وش هالجمال ووش هالزين ..

ام عبدالعزيز تناظر بإعجاب على جسم راغده: تصدقين ! حلو عليك ماتوقعت ..

مها بغيرة: بس هي مو بيضاء .. ما بيصير اي شيء حلو عليها ..

ام عبدالعزيز تداري مها: لا انتي ست الكل والجمال مهاوي ..

راغده ألي كان عينها على امها بحزن رغم ثناء ومدح اخوها وخالها لها ..


رجعت لواقعها بصوت مها القريب للهمس: عطشانة .. اريد ماي ..

راغده فزت بسرعة من مكانها واعطتها قارورة ماي كانت موجودة بشنطتها ..

شربت على ٣ دفعات ..
راغده باهتمام: كيفك الان؟

مها بحزن: الحمدلله ..

راغده وهي تشوف بعينها لمعة حزن وكأنها بتبكي ماحبت تسألها طالمة هي ماتكلمت لها ..

مها: لو اكتشفتي بيوم أن زوجك متزوج من وحدة يحبها من زمان وما قال لك انه يحبها ، ايش بيكون موقفك ؟
راغده" شكلها عرفت عن زواج حمود" كان السؤال صعب وهي تتخيل لو فعلا طلال تزوج عليها ايش بيكون موقفها بلا تفكير : ما أدري مها .. سؤالك صعب " سكتت شوي " الله يعلم وش ممكن اسوي لكن ... لو معي عيال منه اعتقد اني بصبر ، الوحدة منا لازم تصبر كثير اسمع ألي عددو وتزوجو يا مها فـ ردة فعلي اعتقد أني بقبل بنهاية الأمر..

مها بحزن: اليوم ... سمعته يتكلم مع وحدة ولما سألته قال انها زوجته " خنقتها العبرة" يقول يحبها من زمان وكان بيتزوج بس ابوي اجبره علي .. شفتي شلون ! أنا ألف من يتمناني يجي هذا يتزوج علي ليه !! يعني هذا كان ثمن التضحية والعيشة معه الزفتة ..

راغده: انتي تحبينه مها ؟

مها ألي ما عرفت وش تقول: ما ادري راغده ، ما اعرف كنت احبه أو لا ، بس ... انه يتزوج علي ! انا ٢٥ سنة يتزوج علي ليه ؟ اقصد منيب عجوز ولا فيني علة كاملة والكمال وجهه ..

راغده " كيف اقدر أقول لك يا اختي انك مغترة بنفسك كيف اقدر أقول لك ان الجمال هو اخر شيء ممكن احد يفكر فيه بعد سنوات من العشرة .. ايش فايدة الجمال والاسلوب منحط وقاسي .. ممكن الان بس أدركت كلمة طلال لما نعتني بالرجولة لأني كنت قاسية جدا معه وبحياتي ما احتجت لرجل غير خالي بدر ألي كسر بعيني كل الرجال وصرت اكره أني احتاج لهم " صرت اناظر فيها وهي تتكلم عن زوجها حمود أنها ضحت واعطت حسيت ان هذا الحوار والسيناريو متكرر من الزبونات الي كانوا يجوني وكنت اشرف على شغل العاملات كنت أستمع لتضحياتهم وشكاويهم كنت كل فترة اكره الرجال ..
لحد ما شفت المأساة بـ أختي مها ألي لمست كمية هايلة من الغرور والكبرياء والازدراء ألي حسيت انها مجبورة على حمود وانها تزوجته برغبة عمي فؤاد .. لحد ما قطعت سلسة حوارها الدرامي

راغده: من ألي بيعيش مع حمود انتي ولا ابوك ؟ ليه كل شيء ابوي وابوي وابوي ليه ما يكون انا اريد ! ليه يا مها سمحتي لنفسك توصلين لهنا ! ذه زواج مو لعبة ..

مها رمقتني بنظرة حزينة: انا مو مثلك راغده.. صلبة وقوية مثل الفولاذ أنا هشة وضعيفة ما أقدر أقول لا , بوجه أبوي ولا بوجه أمي تعرفين شعور ..

راغده قاطعتها: شعور انهم يشوفونك بمثالية ورغبتك بعدم كسر هالمثالية .. خلتك تدفعين الثمن .. " بابتسامة طافية " بجزيرة بالي لما قلت لك خذي سمرة حسيتك رافضة وقلتي أمي ماقلتي انا ما احب اصير سمراء او حنطية .. ليه مها كذا ؟

مها صارت تبكي بصمت

راغده ما حبيت ازود عليها بالكلام اقتربت منها وضميتها لما بدأت تهدأ : وش ناوية عليه الآن ؟

مها تمسح دموعها: ما ادري ..

راغده: لابد تدرين لابد يا مها ، اكسبيه عشان جوان ..

مها ابتسمت بسخرية : ما كسبت من 5 سنوات , اكسبه الان !

راغده: القطار ما طاف بس أعرفي هدفك .. حمود مو شين احسن من غيره وش لك بواحد يتحكم فيك وينقص من عيشتك ..لا تعيشين كـ ضحية بل كـ ناجية .. مها أنتي تقدرين بس قرري من نفسك ..

حالتها ماكانت خطيرة الحمدلله وطلعت من المستشفى وصلتها لبيتها حسيت انها مترددة ترجع فيه ..
طفيت السيارة لاني حسيت السالفة بتطول والتفت لها: مها وقفي بكاء خلاص .. أنتي قدها وتعرفين كيف تكسبين حمود الشغلة مو صعبة .. انا بكون معك حبة حبة ..

مها نزلت من السيارة بغير قناعة ودخلت بيتها توجهت لغرفتها فتحت الدولاب اختارت بجامة شتوية
لبستها وجلست فوق السرير وركبتها عند ذقنها تفكر ودموعها ماجفت بعد ربع ساعة دخل حمود اول ما شافته مسحت دموعها وصدت عنه .. هالشيء كان واضح لحمود بس ما اهتم لتصرفها نهائي ..

لبس بجامته : طالمة انك دريتي بزواجي من بكره يبدأ الحصص الزوجية اليوم لك وبكره لها ..

مها وهي تعتصر الألم " حتى ايامي متنازلة انا عنها بس انقلع عن وجهي "

حمود ماسمع رد منها تسطح بالسرير وحس كأنها انفرت منه وبعدت لآخر طرف بالسرير .. بدون اي اهتمام طف نور الاباجورة وغمض عينه ..

بينما مها صارت تبكي وتشهق بصمت مخدتها تبللت بدموعها حسرة على شبابها الي بيضيع وضاع بسبب رجل عدد وهي بسن صغيرة ولأسباب مجهولة من نظرها ..

-----
وهي تشوفه ياكل رزها المعجون بصمت وبتردد: ط...ـلال انا بروح مع أمي ..

طلال: عشان ؟

راغده: نخطب لخالي بدر ..

طلال من سمع اسمه تكدر ورمى الملعقة بالطاولة: عمتي مابتقصر ومها و ريهام وش وضعهم ؟

راغده: أنت عارف .. هو ملزم علي أنا ..

طلال كشر بوجهه: اظن في شيء اسمه نظرة شرعية .. يشوفها وخلاص ولا لابد حضورك لتأكيد والختم؟ " قالها بسخرية "

راغده اكتفت أنها تناظر فيه: طيب ..

طلال قام من الطاولة: انسدت نفسي ..

راغده وهي تشوف صحنه الي ماكل منه الا ملعقة " قصدك الاكل ماعجبك " شعرت بحزن ماحست بنفسها إلا وهي تبكي صارت تمسح دموعها .. قامت لمت الصحون وحطتهم بالمجلى توجهت للغرفة شافته على الجوال ..

فتحت الدولاب وصارت تدور لها لبسة : طيب أنا بطلع للمطعم بالليل بتعشى مع نرجس ..

طلال ناظرها: كلا مطعم انتي ؟ مو كأن وزنك زايد ؟ شوفي كيف استوت لك نفخة ببطنك.. واغلب وقتك كلا نوم ..

راغده تحسست من كلامه: مافي مكان اسوي رياضتي بسلام .. كل شيء هنا ضيق ..

طلال: مهما وش كان انتبهي لاكلك كلا مطاعم ومقاهي وجمعيات كل خميس ..

راغده سكرت باب الدولاب بقوة وبعصبية: ذه جسمي ومالك شغل فيه ..خلك بعالمك بس ..

دخلت الحمام وتدوشت وهي تبكي وصارت تشوف بطنها ألي صار فيه بروز ..

طلعت من التواليت شافته قبالها ..

طلال: نعيما ..

راغده بدون ما تناظره: ينعم عليك ..

طلال بتردد: بخصوص الي قلته ..

راغده قاطعته: لا تسد نفسي طلال أريد أروح وانا مبسوطة ..

طلال: افا احين كلامي صار يسد النفس ..

راغده بفك يرجف: مو ذنبي اني كلا اجوع وانوم كثير انا من جيت لهالشقة ووزني زايد بسببها واكل اكل صحي زي منت شايف بس سمنت ..

طلال اقترب منها وحضنها : انا آسف ، خلاص هدي .. انتي تعجبيني بكل حالاتك ..

راغده ولا كأنها تسمع له: طيب طيب

همشته ولبست لبسة خفيفة ووسيعة بحكم زيادة حجم بطني بسبب اكلي ونومي ..
حطيت مكياج خفيف وناعم وبعد صلاة العشاء توجهت لبيت ام نرجس وأخذت نرجس للمطعم ..
على اختيارها .. جلسنا بالكرسي ..

راغده: أعذريني على التأخير كل هالمدة بس تعرفين الاجواء كيف كانت بعد وفاة حماتي نوال ..

نرجس: ولا يهمك أعرف وش يكون اجواء العزاء ومقدرة وضعك .. بس الأهم عوضتيني ..

راغده: مو قد المقام .. أعتذر منك من جديد لأني خالفت الموعد ..

نرجس: عادي والله ..

راغده بابتسامة: وش بتطلبين ؟

بعد الطلب ، لاحظت أن نرجس بوجها حزن او لأني أنا حزينة صرت أشوف الكل حزين ..
نرجس تحتسي عصيرها
راغده طلعت علبة صغيرة ومررتها لجهتها عن طريق السحب : اتمنى تحوز على إعجابك ..

نرجس نزلت الكوب من يدها وفتحت العلبة ألي كانت خاتم ذهب وواضح ثقله ووزنه وبفرحة: شكرا راغده ما قصرتي ..

راغده انبسطت انه اعجبها: اسفة لاني ما حضرت زواجك .. كنت متحمسة له لكن قدر الله وما شاء فعل ..

نرجس حطت الخاتم بيدها ورجعته للعلبة بوجه حزين: ممكن تحليلك لصهيب في مكانه راغده ..

راغده ناظرتها بصمت

نرجس نزلت دمعتها لتسقط على علبة الخاتم: صهيب .. " اخذت نفس عميق لما تغيرت نبرة صوتها " ما أعرف من وين ابتدي ..

راغده مسكت يدها: ألي تحبي يا نرجس ..


رجعت ذاكرتها ليوم زواجها ..
عند بداية الشهر ..
ركبت معه السيارة وانا مبسوطة والفرحة مش سايعتني وصلنا للفندق
كانت نظراته لي ماتعبر عن اي شيء برود مو طبيعي كلمة حلوة ما قالها لي توقعت بيوم الزواج الزوج يقول كلام حلو لعروسته ومثل ما يقولون الليلة ما تنسي ..

عدت الليلة على خير بس مو مثل ماتوقعت وعلى الظهرية رجعنا لبيت اهله .. ألي سكنت معهم فوق بجناح كبير وفخم
لبست فستان بيبي بينك شتوي لنصف الساق وكعب ذهبي وكنت بآبها حلة هو بس اكتفى يناظر فيني وماعلق بأي كلمة ..
نزلت تحت على العصرية تجمعوا خالاته وقرايبهم وخواته ..

ألي حسسوني أني قليلة جدا عليهم هات غرور وجلسة تقرف حسيت أني ما اناسبهم بسبب طبقتهم المخملية شوي شوي يسألوني عن تعليمي وتخصصي وهل اني موظفة او لا ..
الا برد عمتي
ام صهيب: صهيب ولدي يريد وحدة تهتم به ما يريدها موظفة .. عشان تنشغل عنه ..زوجه تهتم فيه وتنجب له عيال ..

ناظرتني نرجس بقهر: انتي متصورة كيف قالتها يا راغده! اقسم لك حسيت اني بس آلة للإنجاب وانه ماله خلق يتزوج إلا عشان انه يجيب عيال وبس ، علاقاتنا رسمية بحته وهو قليل كلام " خنقتها العبرة " توقعت منه افضل من كذا .. على كمية البرود ألي معه ترفع الضغط وتشيب الرأس وكلا مشغول .. انتي متصورة ! حتى أسبوعين الاولى لزواجنا هو كان مشغول فيها بالعزايم والخربطة حسيت حالي مخنوقة .. مدري وش بيكون شعوري إذا سافرت معه ! شيء يغبن يا راغده ..

راغده صارت تناظر نرجس الان وبين اخر حوار معها الي كان ببيت ام علي انسانة ثانية كانت مشعة للامل وتتكلم من خبرة وكـ مستشارة أسرية ..

نرجس بين دموعها ألي كأنها قرأت افكاري: فعلا الكلام غير عن الفعل وغير عن لما تعيشين كل شيء بيومه .. " مسحت دموعها بطرف المنديل" معليش خربت هالجمعه بهالسيرة .. بس انجرفت وقلت ألي معي ..

راغده الي تو تنتبه نظرات العمال الفلبيينين لهم وفهمت نظرتهم: نرجس .. نرجس ..

نرجس ناظرتها بفهاوة: ها ..

راغده باحراج: دخلي العلبة بشنطتك الفلبين الي هنا يعتقدون بيننا شيء ثاني ..

نرجس بعدم استيعاب: مافهمت ؟

راغده : خبرك هم عادي عندهم بين الولد والولد والبنت مع البنت هم شايفين اني اخطبك ..

نرجس بعد صمت ٥ ثواني وضحكوا سوا : ههههههههههههههههههههههههه هههههههههههههههه ..

نرجس بضحكة: من جد .. جـــــد ضحكت من قلب ..

راغده: هههههههه تدرين تفكيرهم كيف يجي وانتي وسط دموعك هيئت لهم جو شاعري .. وانا مسكت يدك ظنوا انك متأثرة بالخطبة ..

نرجس: هههههههه من جد صدقتي الوضع كذا باين ..

أخذت العلبة ودخلتها بشنطتها ..
نرجس بمزح: تتوقعين مناسبين لبعض ؟

راغده: ههههههههههه استغفر الله ..

نرجس من شدة ضحكها نزلت دموعها وصارت تقلدني: ممكن اسالك سؤال ..لا انتظري بشوف جدول اعمالي هههههههههههههههه

راغده: هههههههههههههههه ..

وبعد هستيريا ضحك
نرجس: سعيدة مع طلال ؟
راغده ابتسمت لما انذكر اسمه

نرجس: مايحتاج ردك ههههه البسمة واضحة ..

راغده بنفس ابتسامتها: رجل بسيط ما معه تعقيدات .. انا سعيدة معه ..

نرجس بابتسامة: عشان كذا أنتي سمنانة من الوناسة والراحة ..

راغده باستغراب: رغم أن أكلي ما تغير يا نرجس حتى لو جعت أكل سلطات ..

نرجس بغرابة: اجل كيف .. ليكون حامل يا بنت ؟

راغده باندفاع: لا مستحيل تجيني الدورة ..

نرجس: طيب أمي كانت حامل فيني وتنزل معها الدورة لين ما وصلت الرابع مانزلت دورتها وانفجعت لما قالو انها حامل ..

راغده باستنكار: بس بطنها ما برز مثل بطني يا نرجس ..

نرجس بتفكير: ما ادري بس كل شيء وارد .. يسمونه حمل الغزال ، لا تتأخرين وفرحي طلالك ..

راغده ضحكت باستنكار واصرت علي نقوم للمشفى ..

دخلت معها لعند الدكتورة طلبنا تصوير رحمي ..

الدكتورة: تسطحي ..

غطتني بلحاف من تحت وكشفت عن بطني وحطت مادة لزجة ومررت لأسفل بطني ..

نرجس بحماس: بشري دكتورة ..

دكتورة تشوف عبر الشاشة : ايوه حامل ..

راغده بصدمة: أيـــــش

نرجس بفرحة كبيرة: قلت لك .. مبـــروك راغده ..

الدكتورة تمعن النظر: ولد وبنت ..

راغده بصدمة أكبر: والله !

نرجس تصفق: وااااي راغده الف الف مبروك ..

راغده بنفس صدمتها الممزوجة بالفرح والخوف والتوتر: ليه أنا بأي شهر دكتورة ؟ وكيف وأنا تنزل معي الدورة ..

الدكتورة صارت تصور كذا صورة للجنين وطلبت من النيرس تساعدني وجلست بكرسيها ..
نزلت ملابسي وقمت على حيلي ونرجس ساعدتني

جلست بشويش على غير عادتي

الدكتورة صارت تسألني عن اخر دورة

نرجس بحماس: باي شهر دكتورة ؟

الدكتورة: بالاسبوع ادق لك .. ١٦ أسبوع ويومين ..

عموما الدورة بتنقطع عندك هي بس بالشهور الأولى تنزل لا تخافين يسمونه حمل الغزالي ..
نرجس تناظرني كانها تقول شفتـــــي

راغده: بس دكتورة أنا ما حسيت لا بلوعة ولا بشيء اللهم اجوع كثير واريد انوم ..

الدكتورة: الحمدلله لاتقولين لأحد لا يحسدونك ههههه .. انا بوصف لك علاج ومثبتات والان خذي الورقة وحللي عن السكر ضروري اشوف مخزون السكر عندك ..
وبالنسبة لتوائم تطمني كل شيء سليم

طلعت من عند الدكتورة ونرجس سادنتني ورحنا للمختبر بنفس المشفى وبعد نصف ساعة طلعت النتيجة والحمدلله ماكان فيني سكر .. الدكتورة وصت بالمثبتات اعتقد بسبب عمري

نرجس نزلت حذياني : كعب من اليوم ما في ..

راغده: طيب خليني لما أوصل السيارة ..

نرجس: لا يعني لا
راغده: يعني ماطحت من قبل بطيح الآن .

نرجس: اي ليه لا ماتدرين لان عقلك الباطني تاكد انك حامل ممكن تبدأ معك الأعراض بعد ..

راغده: معقول ؟ سبحان الله ..
ركبت بالسيارة ..

نرجس جلست بحماس: اعتقد سبب بروز بطنك الان لانهم توائم .. بس لانك نحيفة ترى سهل انك تخفينه ..

راغده: واخفيه ليه ؟

نرجس: خلك رومانسية وسوي حفلة مثل بنات اليوم .. خليني أفكر اسمعي في حركة كنت أفكر اسويها إذا حملت قبل لما كنت بـ أحلام وردية تقدرين تسوينها طالمة بينكم حب بيكون الموقف وااااااي فضيــــــع ..

راغده كنت استمع لنرجس وشفت حماسها وفرحتها ألي ما اعتقد ان امي وخواتي يفرحون زيها .. نرجس كانت انسانة ثانية واجهل سبب تغير نظرتي لها عن قبل والآن سألتها بدون تردد وقاطعت أفكارها: ليه نرجس .. فرحتك وحماسك ! مدري كيف اوصلها لك .. لك كأني اشوف نرجس ثانية ..

نرجس سكتت شوي وارتسمت بوجها الجدية ونبرتها الهادية : تعجبني شخصيتك وكاريزمتك وثقتك بنفسك كان ودي أني اتعرف عليك واصادقك من اول ما شفتك لكن أنتي كنتي وقحة معي ونظرتك لجمعيات امك ان نسوانها كلهم مو من مستوى تفكيرك .. كنت أحرص كثير على وجودي اثناء وجودك بالجمعيات والحفلات وبيوم زواجك حرصت مافوته ولما فوتي كتب كتابي وزواجي انقهرت كثير ..
ممكن سبب حقدي لك اني تمنيت اكون مثلك وزيك بيوم من الأيام ..

راغده استغربت من صراحة نرجس وماتوقعت ابدا سبب اهتمامها فيني كان بسبب إعجابها الشديد بي ..

نرجس: عاد بعد ما قلت لك لا تغترين ..

راغده بنفس صدمتها: مذهولة ومصدومة ..

نرجس بابتسامة عريضة: أنا ألي كنت متوقعة انك عارفة وشايفة نفسك علي ..

راغده بصدق: ابدا والله .. انا كنت اشوف تدخلاتك .. كنت افسرها تدخلات وفضول عن حياتي ولا اخفيك كنت اكره هالتصرف وابعدك لاني ما اعرف خفاياك ..

نرجس وكأنها تفكر: صعب تميزين بين المحب والحاقد تحسين انهم وجهين بعملة واحدة .. فعلا كنت اكره تصرفاتك بسبب رغبتي اني اكون بيوم بمكانك ونفسك ..

راغده " صدق الناس مالهم الا الظاهر بلاك ماتدرين عن حياتي .. ألي بيني وبين طلال كان زواج مخطط من طرفي وكل الي كان يظهره لي كان تمثيل ومن العيار الثقيل لدرجة اني صدقت أنه يحبني .. اااااه دنيا محدن مرتاح فيها ، ولا خالي وعايلتي ألي انحطت مع هالزمن .. لكن الحمدلله "

نرجس كملت: لكن صدقيني الآن .. ما بقلبي إلا الحب تجاهك حب صديقة لصديقتها .. انبسطت بقوة لما عزمتيني على شقتك حسيت ان الحاجز ألي بيننا بدأ يتلاشى ..
لا تقولين لاحد عن حملك لين ما يدري طلال بهالشيء حاينبسط ويصير موقف رومانسي بينكم ..
راغده صرت اتخيل ردة فعل طلال من معرفتي فيه ممكن يبكي سرحت بفكر وصرت اتخيل اشياء درامية ضحكت على أفكاري الي جايبتها من الأفلام .. وصلت نرجس لبيت زوجها وأنا رحت لبيتي ..

دخلت علاجاتي بالشنطة ولبست كعبي ومشيت بشويش وحذر لما دخلت الشقة لقيته بوجهي وهو عاقد حاجبة وكأن في مشكلة وهوشة بالطريق ..

راغده: السلام عليكم ..

طلال بحده: وين كنتي ؟

راغده نزلت شنطتي بالكنبة: في شيء طلال ؟

طلال بنفس حدته: لما اسألك جاوبي ..

راغده خافت من حدته: كنت مع نرجس بالمطعم و... ليه تسأل ؟

طلال وهو يحاول يتمالك اعصابه: ما كنتي مع حمود ؟

راغده بصدمة : لا طبعا وليه أكون عنده ؟

طلال بصراخ: لا تكذبين .. تنكرين أنك رحتي للمستشفى ألي يشتغل هو فيه ؟

راغده بلعت ريقها مرتين وبخوف من صراخه: ... أنا كنت ... بالمستشفى عشان ..

طلال أقترب منها وشدها من حجابها وهو يصر على اسنانه: وليه كنتي هناك ؟ تكلمي " يصارخ "

راغده بلبكة وخوف انه يضربني: عشان أعمل فحوصات ..كـ...كنت ابغى اعرف هل زيادة وزني سببها شيء يختص بالدورة أو لا ..

طلال بعصبية: تكذبين بعــــد ..

راغده فلتت يده من حجابها وبعدت عنه : قول لي وش صار طلال ..ليه تصارخ ..

طلال مسك جواله وسمعها التسجيل ألي بينها وبين حمود .. انفجعت من التسجيل ألي كان فعلا صوتي بس الكلام ما كان كلامي ..

طلال وكل عرق فيه ينبض من العصبية وسمعها تسجيل ثاني لصوتها وهي تقول هيما ..

راغده ألي تغير لونها للاصفرار والخوف بوجها وبفك يرجف: طلال اقسم لــ....

ما وعت إلا وهي مايل على الكنب من قوة الكف ورجع شد شعرها وعطاها كف من جديد وهي تصارخ: طـــــلال اسمعني ..

طلال وهو يصر على اسنانه والدم متجمع بوجهه: اعطيتك الحرية ولا حاسبت دخلاتك وخرجاتك كنت متفتح معك لآخر مرحلة وهذا نهاية الثقة ألي اعطيتك إياها ! لكن صدق حريم ما تنعطون وجه .. لما أعطيك حدود لا تتعدينها واعرفي حدودك زين
..
راغده بين دموعها وهي كل تفكيرها بألي ببطنها وتدعي انه يحفظ لها توائمها ..
صارت تبكي بصوت مسموع : اتركني وألي يرحم والديك ..
طلال شد شعرها على ورى ودفع رأسها لقدام ألي ما كان متوقع ان يكون ردها كذا توقع انها بتدافع عن نفسها او تبرر ابتعد عنها : حرام فيك الحب والمشاعر حتى التمثيل ما كنتي تستحقينه كان من أول لما عرفت من أختك أنك على علاقة وللان بهالرجال كان مفروض اصدقها .. لكن وش يفيد الكلام مع وحده مثلك .. ؟ يا####

راغده بنوحه ..

طلال والعرق ينبض بجبينه : والآن ماعاد لك دخله هنا .. لك ١٠ دقايق تلمين أغراضك وتنقلعين برا .. " وبصراخ " يــــلا
راغده قامت بخوف شديد وراحت لغرفة النوم فتحت شنطة السفر وهي تشهق وتبكي وصارت تلم أغراضها الاساسية ماقدرت تلم إلا الي قدرت عليه ..

لبست صندل وخذت شنطتها الي فيه علاجها وشنطتها الكبيرة وعند الباب وقفت وهي تشوفه صاد ..

راغده وبفك يرجف: اين كان من ارسل لك هالمقاطع .. وانت صدقته بكل سهولة ..اتمنى ماتندم على ظلمك لي ..

طلال بشراسة: أندم !! في أدلة وصوتك ذه وش ردك عليه ؟

راغده ألي ماقدرت ترد عليه لأن فعلا كلامه في دليل وهو مقطع صوتها نزلت دمعتها وسحبت شنطتها ..

طلال بحده: وقفي ..

راغده وقفت بدون ما تلتفت له .. ألي حست أن ممكن يستجوبها ولا يصدق فيها ..

طلال مد يده: اعطيني مفتاح الشقة ..

راغده فتحت شنطتها وحطت المفتاح فوق الكنب وبدون ما تناظره نزلت تحت ورفعت الشنطة الخفيفة وحطتها ورى وركبت بسيارتها وهي تبكي ..
لين ما وصلت لبيتها ..
نزلت شنطتها ودخلت بيتها وهي تبكي وتنوح جلست بكنب الصالة وكلام طلال يرن بأذنها
وبيد ترجف اتصلت بمها مرة مرتين لما ردت : مها مها .. بسالك ا.....

مها ردت بكل برود وهي تسمع صوت راغده الحزين: اي أنا ..

راغده بصدمة وبفك يرجف:لـ...يه ليه مها ا....انا وش سويت ؟ ليه تتبلين علي وأنتي عارفه ان الي بالتسجيل أنا ما قلته ..

مها " ممكن يكون زوجها جنبها تظن أني غبية ": ليه تستمرين بالكذب انا كنت شاهدة على خيانتك وحمود بنفسه اعترف بعلاقتك وياه وقال بس تطلقين بيطلقني وياخذك
..
راغده تمسح خشمها وهي تشهق: ليه ليـــــه ..

مها بحقاره: اسمحي لي الآن أنا بنام والصباح ربــــاح ..

راغده باندفاع: مها .. مهـ.." وسكرت الخط " لا تسكرين اهئ اهئ ..

صارت تبكي وتبكي لما نامت بلا شعور ..
وعت على صوت ماريان وهي خايفة ان صار بي شيء لان مو من عادتي انام بالصالة ..
قمت بكسل : كم الساعة ؟

ماريان: سفن سنيورة ..

راغده بعدت شعرها عن وجها وهي تشوف العباية عليها قامت بكسل وثقل وصعدت فوق أخذت دوش تنعش جسمها فيه وهي تفتكر ألي صار أمس تغيرت ملامحها ألي كانت في لحظة ناسية وش صار ..

طلعت وهي لابسة الديشمبر مسحت المنشفة من وجها لبست ملابسها المعتاد لدوامها عبارة عن جاكيت أسود وبنطلون وسيع أسود مرفوع لعند الخصر ..
وقميص رسمي بأكمام حاير ابيض
لبست الساعة الذهبية والحلق ..
مكياج فرنسي ونزلت تحت وعلى الفطور
راغده: ماريان .. غرفة نومي بتكون تحت بالوقت الراهن في غرفة الضيوف الاحتياطية .. نزلي اغراضي الاساسية فيها ..

ماريان: اوك سنيورة ..

اكلت فطورها واخذت علاجها وصعدت السيارة بوجه جدي كان من طبعها ما تحب تسوي أي شيء إلا بعد تفكير ودراسة متقنة

توجهت لصالونها بترحيب الطاقم لها ..
توجهت لمكتبها ..
نهلة وراها: صباح الخير طال عمرك ..

راغده شلحت عبايتها وجلست بمكتبها: مكتبي نهلة بيكون بالدور الأرضي لمدة مؤقتة ابتداء من بكره ..

نهلة: ابشري طال عمرك ..

راغده: وبخصوص الترتيبات والتنظيم مش مهم بس الأهم المكتب والملفات تنزل تحت .. الاستاذة شيماء جات ؟

نهلة: اي نعم طال عمرك

راغده: ممتاز اطلبيها عشان اتناقش معها مدخول الشهر
..
نهلة نزلت راسها: ابشري طال عمرك ..

اول ماطلعت نهلة , راغده مسكت جوالها اتصلت بـ أمها: يمه متى ترجعين من المدرسة بالضبط ؟

ام عبدالعزيز: كالعادة بعد الظهرية في شيء ؟

راغده: اتمنى تحرصين وجود مها وعمي هناك ..

ام عبدالعزيز بقلق: في شيء راغده ؟

راغده: تصفيه .. الان استأذنك معي شغل ..

وسكرت من أمها وهي تسمع دقات الباب : تفضل ..
.
.
.
مريم بحماس: خلاص بشقتها ..

مروة: واخيرا ...ياني متحمسة للحفلة ومعرفة جنس الجنين لفــروح ..

مريم: وأنا بعد .. جهزت لبستي وكل شيء وبنصور ونرسله لـ لبزنسس راغده ..

مروة: اي نبط كبدها ..

مريم: واذا سألت وش نقول لها ؟

مروة: اممم قولي زيارة عادية وما اعتقد انها تعاتب .. هي من النوع ألي يشوف وهو ساكت .

مريم: اااي من الغل والقهر تأكل بعمرها ..

مروة: هههههههه متحمسة أشوف ملامح وجها ..

مريم: اسمعي أنا بكوي ملابسي وملابس عيالي عشان الحفلة ..
وبس اخلص براسلك ..

مروة: اوك وارسلي صورة فستانك ..

مريم: اوك باي ..


الفرحة ما كانت سايعتها
فرح جهزت كل شيء بشقتها حفلة معرفة جنس المولود ..
المخطط لها بعد صلاة العشاء ..
.
.
.
فتحت بالمفتاح ودخلت بيت عمها ..
شافت بالصالة عمها ومها جالسين وجوان ألي تلعب معها الخدامة .. انصدموا من تواجدها بهالوقت ..
راغده الي تشوف ملامح مها كيف تغيرت من شافتها وعمها ألي كان بنظراته الباردة : السلام عليكم ..

الكل:........

راغده ناظرت مها وتارة عمها: السلام لله يا عالم ، ولا ... " ناظرت مها من فوق لتحت " مش داريين ..
ووين بتدرون وانتوا مركزين ومسلطين حياتكم عشان بس .. تخربون بيتي .. وتخربون بيت كل واحد تحقدون عليه بدون ذمة ولا ضمير ..

مها ناظرت بـ ابوها وكأنها تطلب منه المحاماة عنها ..

ابو عبدالعزيز بنبرة مداراة وود: وش فيك يا بنتي ..

راغده كشرت بقرف: اخر كلمة كنت اريد اسمعها منك يا عمي .. بنتي!! هههههه مو لابق عليك ابدا .. جيت بهالوقت بس عشان اضمن عدم وجود امي وريهام .. مو حلو يعرفون لوين وصلتوا بالانحطاط ..

ابو عبدالعزيز بحده: راغـــــده انتبهي لالفاظك .. وليه جايه الآن ووش عندك ؟ وايش اذنب فيه معك .. عديتك مثل مها وريهام ..

راغده بسخرية: عديتني شنو ! ههههههههههههه ! تعرف وش ألي يضحك ياعمي انك طواال هالسنوات تكذب علي وتمثل أني وحدة من بناتك لكن انا مو غبية وادري عن كل شيء أنت منــى عينك تشوفني طايحه واخسر كل شيء لكن ما بيدك الا انك تحرض امي علي و" ناظرت مها" واختي الحبيبة ..

مها بنرفزة: تراك غثتينا بهالمحاضرة وش عندك وليه جايه ..

راغده: سؤال وجيه ليه جايه .. العذر والسموحة انا من اليوم ورايح ما بجي هنا لأن مالي علاقة بهالبيت من اليوم ورايح " وشالت مفتاح البيت من سلسة المفاتيح وحطته فوق الطاولة "

بدر نزل من الدرج وبابتسامة خبث: هلا هلا حبيبة خالها ..

راغده رفعت نظرها له وبقرف ..

بدر بنفس ابتسامته: عسى عجب التسجيل طلالك !

راغده ماكان هالشيء صدمة عليها لانها تعرف وطاوته: أنت معهم مشترك ! توقعتك بعد ألي شفته من صدود مني أنك بتبتعد خلاص .. لكن للأسف ..

بدر: وليه ابتعد .. !

راغده بقهر وبعصبية: انت تظن اني ما بقول لهم عن سواياك والله لعلمهم بكل شيء وما بتستر عليك ..

بدر: ههههههههههههه .. ومن قال لك ان عمك فؤاد ما يدري ! هذا هو قدامك واساليه ويلا افضحيني قدامه ..

راغده بصدمة ناظرت عمها وبعدم تصديق : كـ...كنت تدري بسواياه ..

بدر: ما تقول يا فؤاد .. ما تتكلم وتقول لها الحقيقة ..ماتنطقين يا مها ..

راغده وكأن كوب ماي انكب بوجهي وبفك يرجف والدموع جات بعيني: مـ...ـها .. مها ..معقولة ! كنتي تدرين ان خالك النذل استفرد بي و.... بالبر و ...

مها قاطعتها: ايي أيـي ادري عن كل شيء وكل شيء كان مخطط له وداريين ..

راغده خافت تطيح وجلست بالكرسي وهي تحس ان جسمها ينتفض وبين دموعها وعدم تصديق: تدرين أن خالك .. " وبصعوبة نطق" اغتصبنـــــــي !

مها بكل قوة وجبروت: اي نعم ادري .. لما شفتك بذيك الحالة قبل ١١ سنة بالشتاء لما رجعتي من البر

كيف كنتي ترتجفين وتبكين وحالتك النفسية كيف نزلت وصارت تشوفك أمي انك نفسية خلاص .. ما كنت أعرف أنه سو سواياه إلا لما كبرت واشوفك قدام عيني كيف الكل يشهد على جنونك وهبلك .. كنت ادري أن ودك بحمود زوج لك وصرتي تخططين وتفكرين كيف تخربين بيتي وأنا مو مستبعده انك أنتي ألي اقنعتيه انه يتزوج علي .. لانك منقهرة مني ومن حب أمي لي ..

راغده جف ريقي وبديت أرجف ماكنت مستوعبة الي تقوله مها . بهاللحظة بس كنت أشوف قدامي انجس خلق الله قدامي

ابو عبدالعزيز: ألي صار لك يا راغده كله بتخطيط مني .. بس عشان اكسر بنت ناصر انا عمري ماحبيتك ولا حا حبك ، كنت أبين لـ امك ولك اني اب لك والتحرش والاغتصاب كان هو الحل الوحيد لي اني اجننك واكسرك واثبت للكل انك فعلا مريضة كان الهدف انك تدخلين المصحة ولا عاد تطلعين منها .. لكن أنتي كنتي قوية وكملتي تعليمك وبنيتي لك بيت .. كل همي أنك تطلعين من البيت وبس ..

راغده بنوحه: ليه كل ذه ليـــه تسوون فيني كذا ؟ حرام عليكم والله حرام ..

ابو عبدالعزيز بكبر وغطرسة: انا ماخسرت شيء .. كنت بس احمي بيتي من وحدة مثلك من بنت ناصر .. ناصر ال....... ألي كان دايم متفوق علي بكل شيء ألي اخذ مني عبير .. عبير حب حياتي وانا قلت له اني احبها لكن ابوك كان حقيــــر .. كنت بالحد الجنوبي وهو راح خطب عبير وما رجعت إلا وهو متزوجها لكن العدالة اخذت مجراها ومات وللاسف مات شهيد .. أبوك ما كان يستحق كلمة صديق .. " وبصـراخ " وما تهنيت لما جيتي ما كان ودي انك انخلقتي من اصل كل ما شفتك شفت وجه خاين العشرة ابوك ..

راغده بعدم تصديق وبصوت فيه بحه من البكاء: انت مريـــض .. انتوا كلكم مرضى .. تنتقمون مني عشان شيء أنا مالي علاقة فيه!!!!

ابو عبدالعزيز بعصبية: كنت طيب معك لآخر مرحلة لو واحد غيري كان خليت خالك يغتصبك بالطريقة الصحيحة " اقترب منها وحس بخوفها منه نزل لمستواها ومسكها من ذقنها وشد عليها وكأنه بيكسر فكها " حرام أنك تعيشين ..

راغده وهي تحس بألم فضيع بفكها تحاول تفك يده بس ماقدرت وبين دموعها: اااه نزل يدك حرام عليك ..

ابو عبدالعزيز وعيونه حمر : حــرم الله عيشتك يا قليلة الأصل ..

شد على ذقنها بيده ورجعها للكنب وابعد يده منها: خليتك تتزوجين من طلال وشفتك انبسطتي وفرحتي حان الوقت اني اسدد الضربة القاضية وارسل صوتك مشفر .. البركة ببدر ألي أرسل لي صوتك المسجل بحوار معه لما كان بالمشفى .. واستخدمته ضدك يابنت الكلب ..

راغده صارت تبكي بصوت مسموع من الألم الي بفكها ومن ألمها الداخلي ..

مها بنظرات مليانة برود: اعطيتك فرص كثيرة انك تقولين لي ان حمود تزوج علي .. سبق وقلت لك موتي ولا احد يستغفلني .. لما اخذتيني للمشفى توقعت أنك بتطلبين السماح وتقولين يا مها سامحيني لأني كنت ادري قبل الكل ولا علمتك .. سامحيني يا مها لأني كنت منحطة وواطية معك ..

راغده زادت بكاء وبكاء وهي تستمع لكلامهم الي ذبحها وانهاها .. كان آخر شيء تتوقعه منهم .. من اقرب ناس لها .. صارت تشهق بشكل يقطع القلب وهي تفتكر كل ألي صار لها بالبر مع بدر وبمواقفها مع مها .. اختها الي كانت تظن انها ملاك طلعت شيطان ..

بدر لما شافها بهالحال أشفق عليها لكن ماقدر يقول كلمة وحدة او يسوي شيء بعد ألي سواه لها ..

ابو عبدالعزيز : طالمة النفس عليك راضية اطلعي من بيتي ولا عاد تفكرين تدخلينه وانسي بيوم ان عندك ام وخوات وخال .. واحنا بنعتبرك من الأموات ..

راغده ألي تحس أن رجلها ماعادت تشيلها وهي تنوح وتبكي وتمسح دموعها وتجدد دموعها من جديد
الا بدخله أمها وريهام ..

ريهام رمت شنطتها على الكنب: جوعـــانة حدي " شافت أشكالهم وباستغراب" علامكم كذا " انتبهت لراغده الي منزلة راسها لتحت وجسمها يهز مع كل شهقة وبخوف" راغده وش فيك..
ام عبدالعزيز تناظر راغده بخوف وقلق: راغده " ومسك وجها وشافت دموعها بكل وجها وعيونها حمر زاد خوفها وبصوت عالي" راغـــده وش فيك تكلمي ؟ صابك شيء ؟ تحسين بشيء ؟

راغده ناظرت بعمها فؤاد ألي كانت مليانة غضب وكأنه يهددها أنها ما تتكلم وبصوت يرجف: أنا .. جيت هنا على امل اشوف يوسف حبيت اودعه قبل لا يروح بس مادريت انه راح له أسبوع ..

ام عبدالعزيز وبعدم تصديق: راغده لا تكذبين علي دموعك ذي مستحيل تكون عشان هالشيء " وبخوف اكبر" ليكون صار شيء ليوسف تكلمــــي ..

راغده مسكت شنطتها بصعوبة وطلعت من البيت ..

ام عبدالعزيز الي نزلت دمعتها بمجرد التفكير ان ولدها صابه شيء واقتربت من فؤاد: والي يخليك تكلم وش صاب ولدي ..

ابو عبدالعزيز تغيرت نظراته لهدوء وود وهي يحاول يخفي كل غضبه وحقده وكرهه: بنتك راغده جات تصرخ وتضرب المها بنتي والحمدلله الي لحقنا عليها انا واخوك بدر ولا كان مها بنتي راحت بخرايطها .. لا تزعلين مني يا عبير بس راغده ماعاد لها جيه هنا اخاف تذبح مها واحنا ماندري عنها ..

مها الي تصنعت البكاء: اهئ اهئ يمه ..

اقتربت من أمها وصارت تضمها وهي تشهق بكذب وادعاء

ريهام بخوف: بسم الله .. ليه سوت كذا ؟

ام عبدالعزيز ضمت بنتها ..


ركبت سيارتها وصارت تبكي منهارة للي صار لها جوا ..
ناظرت للبيت من برا ماحبت تجلس دقيقة في البيت ألي تدمرت منه ..
كان ودها تتكلم تفضفص كان ودها حضن ودها احد يخفف عنها صدمتها وأوجاعها ..

مسكت جوالها كانت بتتصل بطلال ماقدرت اتصلت بمريم ما ردت
توجهت لبيتها ..

ومسحت دموعها فتحت لها الباب بنت بعقدها الثاني كانت حماه مريم .. مريم ساكنة فوق عند اهل زوجها

راغده: مريم موجودة ؟

البنت: لا ! هي طالعه لبيت فرح ..

راغده بابتسامة طافية: تسلمين ..

ركبت السيارة وسرعان ما وصلت لبيت فرح ..

دقت الجرس طلعت لها الخدامة

دخلت داخل قابلتها امرأة عجوز تكون هي عمة فرح .. بابتسامة طافية: هلافيك ياخالة اعذريني جيت بدون موعد ..

ام جواد بفرحة لما شافت راغده: تو ما نور البيت خفت انك ماتجين للحفلة ..

راغده بعدم استيعاب: حفلة ! حفلة ايش يا خاله ..

ام جواد: مو انتي جايه عشان حفل معرفة جنس المولود لفرح ؟

راغده انصدمت وبنفس الوقت فرحت: ماشاء الله مبروك تو دريت انها حامل ..

ام جواد بغرابة: راغده علامك ؟ مو انتي بنفسك ألي اخذتيها للمشفى تحلل .. اسمحي لي ما شكرتك على مساعدتك افرحتيني ربي يفرحك .. مالك بالطويلة يا بنتي اصعدي لها قبل لا تنتهي الحفلة ابشرك طلع ولد .. انا شوي وبصعد لكم ..

راغده تغير معالم وجها " معقولة !؟ كانت مخبية عني ؟ ذاك اليوم تقول ان النتيجة سلبية ! " صعدت الدرج ورجلها صارت ثقيلة تحس أن الطريق طـــويل .. دموعها يالي ماجفت وقفت من هول الصدمة وهي تسمع حوار تمنت انها ماتسمعه ..

مريم: الف الف مبروك فرح ..

مروة: ما بغينا نعرف الجنس اخيرا ..

فرح بابتسامة: المفروض عرفت من قبل بس مستشفى الحكومة مابينوا لي ولما صار في إمكانية لجواد رحت كشفت .. ماتدرون جواد فرحان قد ايش ..

مريم : الله يهنيكم .. هاتي الكيكة مروة ..

مروة: لحظة بصورها وادزها للقروب عشان تشوفه راغده ونقهرها
..
فرح: اخاف تزعل ..

مروة: وتزعل وش بيصير ..

مريم: لاترسلين اي شيء غير الكيكة اخاف تجيب البلاء لفرح خبرك عينها حارة وحسودة .. الواحد ما يستأمن احد هاليومين ذول ..

مروة بتأيد: طيب اجل الصور الثانية بحتفظ فيها لذكرى اما الكيكة بطلعها عادي ..

فرح بقلق: بس بنات خلاص حملي صار واضح ومصير راغده بتدري اني حامل ابلغها بنفسي أفضل .. اخاف تسمع من الغريب وتاخذ بخاطرها مني .. مو حلوة بحقها ..

مروة: كلش مو وقت حساسيتك يا فرح مو بنفسه جواد محذرك أن ماتدري راغده ..

فرح: لا هو محذر اني ما اعلم اي وحدة منكم بس انا علمتكم وما ..

دخلت بصدمة وهي تسمع كلامهم و .....



آنتهـــــــــــــى البـــارت

[خبــايا}•]

روايه حلوه تسلم الايادي لي خطت ونقلت
وين التكمله ????

[سيفداا]

ناطرييين التكملة ????????????????