آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-03-13, 12:08 AM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الجزء الثلآثون ايديها امتلت عرق واهي متشبثه بيدين شوق بخوف وتوتر انرسم على ملآمح وجهها بلعت ريقها واهي طالع بشوق : مآبي ادش ماله داعي انزف رصت شوق على يدها وبهمس: شدعوآ مآتنزآفين ناقصج رجل ولآ يد اقول بتدشين ورجلج فوق راسج وانخسي عيون عذآلج ابتسمت خلود وبهمس: هه الله يقطع عدوك الحين ابيك لي عون تصيرين لي فرعون وسعت ابتسامة شوق وبهمس: حصنتي نفسج هزت خلود راسها وبهمس: ابي ماي .. احس ريقي نشف من كثر ماانا خايفه سحبت شوق يدها المتشابكه بيد خلود وبهمس: صاروخ الحين اجيبلج ماي عدلت خلود فستانها برتباك واهي تسمع لدقات قلبها الي تنبض بسرعه رفعت راسها على صوت تحرير مبروـوك ياعروسه ابتسمت خلود واهي تمد يدها عشان تصافح تحرير: الله يبآرك فيك لحظات مرت وعيون تحرير معلقه على يد خلود الممدوده لها وترددت تسلم ولآلآه مدت يدها ببتسامه مصطنعه وبهمس: الله يوفقج ان شالله همست خلود بخجل: وياك يالغلآ وعقبال ماازفك قريب طالعت فيها وبحده: الظاهر اني جالسه على بلعومج تبين الفكه مني ابتسمت خلود بنيه: هههه لآوالله يالغآليه بس دعوه يحبوها كل البنآت ليه تزعلي لوت بوزها وبزفره: انا غير البنات يلآ ماعلينا انا جايه عشان اقولج ان مابقى الا دقيقه وتنزفين تجهزي اوك هزيت راسي لها وانا اشوف شوق الي عقدت حواجبها ومدت لي الماي وبهمس: شتبي ذي خذيت الماي منها وانا ارتشفه بسرعه بدون مآرد عليها خذيت لي نفس طويل ومديت لها الكاس وبهمس: بنزف بعد شوي ياشواقه والله خايفه لآ اطيح قدام العالم ويضحكون علي او خايفه يصير شي وافتشل منه طالعت فيني شوق واهي تبتسم: بلآ دلع عاد تدرين تمنيت اني مسويه عرس والله احس اني عروس موب كذا خبط لزق وسعت ابتسامة خلود وبزفره: ههه انتي غريبه والاغرب هيف مادري ليه رضى يتزوجك بهالطريقه طالعت شوق بخلود لحظات وعيونها مغموره بالحزن وبهمس: يلآ اهم شي الرآحه طالعت فيها خلود وبصوت راجف: وانتي مرتآحه هزت شوق راسها وبهمس: لمن تحبين شخص صدقيني مهما سوآ ومهما فعل مآرح يضيق خاطرج لآنج تغفرين وتنسين ويضل هالقلب ينبض بحبه مهما حصـل بللت خلود شفايفها واهي تتحرك وايدين شوق متشابكه بيدها وبهمس: لو تركي سوآ مثل ماسوآ فيك هيف صدقيني مآرح اسآمحه عقدت شوق حواجبها واهي تضغط على زر الاصنصير وبهمس: خبري فيج غير كذا وش الي غيرج ابتسمت خلود بدون ماتعلق على كلآم شوق .. :: :: :: كل شوي يطالع بالساعه واهو يحس برجفه تسري بجسمه كله حس بكوع هيف وهمسه الحاد : هيه انت الرجال يسلم عليك و انت بوادي ثاني رفعت راسي وشفت واحد ماعرفه صار يسلم علي ويمد لي ظرف توي بتكلم وقطع علي صوت هيف: لآترد احد ياالخبل لآ تفضحنا ابوك ماقال لك ان عطاك احد شي حطه بجيبك وابتسم طالعت بهيف وابتسمت واحس الارتباك نساني سلومنا والعانيه الي ماتنقطع ابد حتى لو كنت امير الناس راح تمد لك لأخر نفس بحياتك : ايه ياخي لآتلومني بعدين احس فشله الناس طالعني وانا احط الظرف بجيبي وياليته واحد الي يعطيني كل من سلم علي دخل بجيبي والله احس بجيبي بينشق همس هيف واهو يضحك: ههههه احفظ اشكال الي عطتك فلوس عشان ترد لهم بأفراحهم بققت عيوني وانا اعدل بشتي: يااخي وش احفظ وش مااحفظ الليله زواجي ومرتبك وبالي مو معاي وتبيني احفظ اشكال الناس عز لله ان طلعت من القصر مارح اعرف احد ابد حتى انت ابتعد هيف اول ماشاف فهد يجي صوبي وبهمس: يلآ بخليك الحين ابتسمت له وبهمس: لآتنسى التقحيص مو اركب السياره ومااشوفك قبالي وسعت ابتسامة هيف وبهمس: ماطلبت الا عزك عزالله راح افرحك قرب مني فهد واهو يجلس على يمناي ويمسك يدي ويجلسني يمه: وش عندك همس لي واهو يقولي: بعد شوي بيجي الوزير لآتاخذ منه قرش واحد واحلف عليه ماشي طالعت فيه وبزفره: ياخي لآتحرجني معاه خلك يمي وتكلم معاه انا افتشلت كل مارديت احد عطاني نظره تخوف ودخل بجيبي والله حاله ابتسم فهد وبهمس: طيب عطني الي بجيبك لآنك بتدش بعد نص ساعه سحبت الظروف الي بجيبي وعطيتها فهد وحسيت براحه كبير خصوصاً اني حسيت بجيبي شاد على جسمي من كثر مااهو ممتلي همس لي واهو يوقف: طيب ابتسم ولآ تجلس تناظر بالساعه قلت لك مابقالك شي فركت يدي بسرعه وانا اشوف الناس ترقص قبالي بسيوفهم ابتسمت على المنظر وجلست اطالع بسعد الي كان يجارييهم بالرقص ومااخبي ان سعد رقيص من الدرجه الاولى طبعاً مو غريب عليه لآنه مايخلي مكان آخر اليل فيه رقص وبنات وسكر وهيصه وليصه الا وسعد موجود انتبهت لسعود الي يراقصه وابتسسمت صدق من قال الطيور على اشكالها تقع طالعت بالساعه ولقيتها عشر واحس اني مو قاوي استحمل اكثر وابي اشوف خوختي .. :: :: :: نزلت من سيارتي وسحبت شنطتي السودء حبيت اهرب من افكآ{ي المتعلقه براشد رغم اني فتحت عيادتي صحيح ماكان عليها اقبال بس كل بدايه كذا اول ماوصلت عند الشاطئ نزلت بجسمي لكعبي وشلته بيدي وصرت امشي على رجولي العاريه على رمال الشاطئ الي كانت بآرده ماتوقعت ان اعصابي راح تهدء ماحسيت بنفسي الا اداعب البحر برجولي رميت شنطتي على الرمال الذهبيه وماحسيت ببنطلوني اليقنز يتلطخ بالماي رآشد الي كنت راح اقاتل عشانه واحارب اهلي عشانه بآعني وخذآ غيري طالعت بامواج البحر الي تلآطم سيقاني بكل قوه وساعات احس اني بفقد توازني واطيح بالماي طالعت باليل القاتم والسحب المخمليه باللون الكحلي تعتق السماء الصافيه طالعت بالقمر الي يلمع وسط السحب الي تحاول تخفيه والنجوم تحاصره من كل مكان ارضى بنصيبي مع فارس وشلون برضى وانا احس بنفسي ماابادله اي شعور وشلون رميت بثقلي على الرمال وانا امدد جسمي واطالع بالسماء وحسيت بشعور يخالجني شعور الحزن كسى صدري عيوني راح تتفجر بالدموع ودقات قلبي صارت سريعه سآ‘عآت لمن نفقد آشخآص غآلين على قلوبنا نحس بالدنيا تظلم بعيونا ابتسمت وسط دموعي وبهمس: يمكن يجي اليوم الي اشوف راشد رآجع لي غطيت يدي على وجهي وانا احس ان راشد راح يكون مع غيري تشاركه كل شي تشاركه اشيا تمنيت اشاركه فيها لكن الحظ مارضى يضمنا لبعض زادت شهقاتي مع كل ذكرى قررت تاخذني لآيامي مع راشد قطع علي حبل افكاري صوت جوالي مسحت دموعي بسرعه وسحبت الجوال من وسط شنطتي ارتجف قلبي ورديت بخوف: هلا : لآيكون ازعجتك ريوم بلعت ريقي وبهمس: لآ هيفا فيها شي : لآ مافيها الا العافيه والحين ابوها عندها.. شخبارك انتي ظليت صامته لحظآت مو عارفه شقول : ريوم وش فيك : ريم انتي معآي همست بصوت راجف: معك فيصل : فيك شي ريم بللت شفايفي وبصوت باكي: تعبانه فيصل ماابي اعيش والله احس اني كاره نفسي وكاره كل شي حولي كل شي ظليت ابكي وابكي وابكي وفيصل ظل صامت همس لي بصوت حنون: ريم مهما حصل مايستاهل انك تزعلين نفسك عشانه فكري زين وشوفي وين مصلحتك فيه حاولي تدافعين عن احلآمك ريم وماتهدمينها على حساب غيرك شهقت بصوت عالي وانا اسمع كلماته وشي واحد دار ببالي شلون يقول هالكلآم وكنه معاي ويعرف وش يدور حولي : ابي ارتاح فيصل ولآ حرام الراحه علي :ماخبرتك كذا ياريم ضعيفه وتستلمين بسرعه وش الي غيرك حل الصمت ثواني : ريم اسمعيني زين اذا تبين الراحه سوي الشي الي يرتاح له قلبك وحاولي تقنعين الي حولك وتكسيبينهم لصفك ماشي بللت شفايفي وببتسامه ذابله: اسفه فيصل ازعجتك بمشاكلي : لآازعاج ولآهم يحزنون انتي تدرين انك غاليه جلست احرك بأصبعي على الرمل بتوتر وبهمس: متى ترجعون للرياض : اممم تقريباً بعد يومين ُاو ُثلآثه بالكثير لان الاطباء يبون يتأكدون انه ماراح يكون فيه انتكاسات لحالتها انتبهت ليدي تخط قلب وسط الرمل وبهمس : الله يردكم سالمين ان شالله : طيب ريوم لآزم اسكر تامريني بشي همست ببتسامه: سلآمتك : الله يسلمك يالله مع السلآمه طالعت بالرسمه وبهمس: مع السلآمه ظليت اتأمل الرسمه واضحك طالعت بالبحر الي يقترب من خربشاتي على الرمل خفت لحظه انه يمحي الحلم الي حسيت اني بفقده طالعت بالقلب وحرفي بالانجليزي محفور بالنص ماكنت اقصد بهالحرف اسمي لكني كنت اقصد بهالحرف رآشد فجأه امواج البحر غطت رسمتي وخلتها سرآب يلوح لي رفعت راسي للسماء وانا احس بدمعه تنزف من وسط عيني وبهمس: يارب ساعدني على نسيانه وفرقآه حسيت بشعور راحه يستوطن قلبي ياترى البحر له دور ولآ فيصل يمكن جلستي عند البحر خلت كل تيارت جسمي الحزينه تنتقل لوسط البحر وتندفن بأعماقه سحبت شنطتي ونعلتي وابتعدت عن الشاطئ تاركه حزني قابع بداخله .. :: :: :: طالعت بأبوها الي كان متشبث بيدها بقوه وابتسامه عريضه مرسومه على وجهه همست بصوت خافت: بابا ابي اطلع والله احس بروحي بتموت وسط هالمكان الكئيب طالع فيها وبحنان: ابشري ياهيوف مارح طولين يمكن بكرا اول مايشوف حالتك الدكتور انها مستقره راح يوافق انا نطلع من المستشفى شديت على يده وبهمس: شخبار ماما ان شالله بخير هز راسه وبهمس: مشتاقه لك والله لو شفتيها واول ماسمعت انك وافقتي على العمليه صارت تبكي وتسجد على االارض شكر اصرت انها تجي بس انا رفضت مو حاب اشوفها تتعب اكثر من الي اهي فيه طالعت فيه وبحده: طيب ليه ماتترك شغلها هذا يتعبها بعد ابتسم بحنان واهو يقرب يده العريضه المجعده ويمسح فيها على راسي: امك ماترتاح الا واهي وسط الشغل وبعدين ماعلينا من امك انتي يالغاليه قووليلي محتاجه حاجه ناقصك شي هزيت راسي بالنفي وبهمس: مو ناقصه الا اشوفك انت وماما شد على يده وبهمس: لمن نرد للسعوديه راح اوريك المفاجأه الي شريتها لك هزيت راسي وانا ارخي بجسمي على السرير واحس بجسمي كله مايبي الا النوم وبس كل ذره بجسمي كانت خامله همس لي بحنان واهو يبوس جبيني : ارتاحي الحين وانا بنام على الكنب غمضت عيوني وفجأه سمعت صوت شمه عمي حابه اكلمك شوي : وش تبين شمه طالعت بهيفا النايمه وبهمس: لاه عمي خلني اكلمك برا احسن حسيت بخطوات ابوي تبتعد وحسيت بقلبي ينقبض بقوه وش عندها شمه ..؟؟ حاولت ابعد عني هالافكار وماحسيت بنفسي الا نايمه وتفكيري كله معلق بشمه :: :: :: صوت الموسيقى العاليه خلت كل ذره بجسمي تتراقص طالعت بشوق الي كانت تعدل ذيل فستاني من ورا وتهمس بصوت خافت: خليج ريلآكس خوخه خذيت لي نفس طويل وانا احاول اهدي من رفجة جسمي وايديني سمعت صوت الموسيقى ووقفت جامده اطالع بالباب الي قرب ينفتح بهدؤ وسمعت صوت كبس الكاميرا المتتالي وميض ابيض خلآني اغمض عيوني بقوه من قوة الوميض سمعت صوت الموسيقى الكلآسيكيه تعج بالمكان وحسيت بيد شوق وابتسامتها المرسومه واهي تحاول تحركني من مكاني مشيت وفجأه اندمج صوت محمد عبده واهو يغني يابنت النور ارتفع صدري واحس بعيون الناس تحرقني سمعت صوت المصوره تهمس لي : وقفي لآتتحركي وقفت وهمست لي : ابتسمي ماحسيت اني كنت مبوزه الا لمن بطلت فمي وحسيت بهوا البخار المتناثر حولي يدش بفمي كنت بختنق لكن عدت الامور على خير ضيقت عيوني بعد ماشفت الفلآش ينصب علي ظليت امشي وشوق منزله راسها وحاطه طرحه عليها عشان ماتخرب التصوير حسيت اني مقيده بهالفستان رغم انه ناعم الا اني حسيت اني امشي على بيض واحس بجسمي ثقيل علي وسمعت القصيد وانصدمت اول ماشفت البروجكتور معلق ويعرض صوري وفجأه انسمع صوت القصيد صلوا على محمد ريــــح العطــــر والعــــــــود من ليلة مايقدر يعيد الكـــون هدبــــــها هـــذه الليلـــــة انـــــــــور نورهـــــــــــــــــــا زود والسمـــاء نجومها اضوت في ذهبــها كيف ماتضوي والكل حــــاضر وموجــــــــود بشـــــوق المحبة نلتقي من سعــــــدها عروسنا العروسة ياكل الحسن فيها موجود يغـــــار منهــــا البدر من طلة هدبــــــها عروسنا خلود يابنت الاصل يابنت الجود فيــــك القصـــــــــايد ماتوفي سببـــــها تركي العريس ياكل الشهـــــامة بــــــلا زود ولد الرجــــــــــال والمكـــــــارم هو اهلها واللـــــه يجعـــل ايامكــــــم حـــــــب وورود وسعادة يحكي بها الكون ويعجب بها وماصدقت اوصل للمنصه واصعد الدرجات بكل ارتباك والمصوره ازعجتني من كثر ماتطلب مني اوقف والتفت وابتسم وحسيت اني بهجم عليها واكلها انا وين واهي وين ماصدقت اوصل للكوشه الي كانت مزينه بعباد الشمس والحراير المتناثره حول الكرسي الممدود بالطول وكيف اللون السكري والبيجي يغطي المكان حسيت براحه اول مارميت بجسمي على الكرسي وحسيت برجولي ترتاح شويه وقفت شوق يمي واهي تبتسم وتاخذ صور وياي فجأه جت عمتي واهي تسمي وتنفث علي : مشالله لآ اله الا الله الله يحفظج ويحرسج يابنتي ابتسمت لها وانا انزل بعيوني لتحت من السحى وانا اشوف الناس تقبل حولي همست الطقاقه واهي تغني بالمدح فيني وفي تركي وقامت ام تركي ترقص واهي ترمي الفلوس عليها فجأه نزلت شوق بثوبها اللحمي وشعرها الاسود الطويل واهي ترفع يدها بتشجيع وترقص بكل حماس أشرت للمصوره انها تصورهم بالكاميره بدال ماهي حاطتها على وجهي وابتدا الكل يتراقص وحسيت بقلبي يغوص لتحت من شدة الخوف والارتباك الي احسه حسيت بيد تلآمس كتوفي العاري والتفت واشوف امي قبالي ببتسامه عريضه وبهمس: مبروك يالغاليه وقفت قبل لآتنزل بجسمها علي وبستها بقوه وانا اهمس لها: طالعه قمر يايمه تف تف مشالله عليك شديت على يدها وانا اطلب منها تصور يمي لكنها كانت متعصبه ورافضه هالشي طالعت فيها وبدلع : بليز بس صوره اشرت للمصوره الي خذت صوره سريعه قبل لآ ترفض امي همست لها وانا اشوفها تبتعد عني: وين يمه وحسيت بالتعب يتلون بوجها مو متعوده على كذا وماتحب تطلع هزيت راسي لها ببتسامه عريضه يالله شقد تبعث هالانسانه راحه وسط صدري .. شفت شوق مقبله علي واهي تحاول تاخذ لها نفس وحسيت بلهثها وتعبها طالعت فيها وبهمس: الله يرجك انتبهي لنفسك لآتكونين حامل انتي ونقزك والله حسيت انك بطيرين فوق طالعت فيني شوق واهي تضحك: هههههه لو حامل مارقصت اصلآً قربت انوار واهي تسلم علي وتبارك وقربت مني هدى بكرشها الكبير واهي تصور وتضحك معاي فجأه نطت علينا تحرير واهي تزفر: ابعدو تركي بيدش طالعت فيها لحظات هذي وش قصتها ماده البوز وغريبه وكل شوي تطب علي وتوترني الله مسلطها علي هالليله ولآوش قصتها :: :: :: دخل تركي على اغنيه مداحيه بصوت الطقاقه ومعاه سعد وفهد وابوه وعمه وزوج خالته اما محمد مادش لآنه انسانه متدين ومايحب هالشغلات سعد صار يرقص وعيونه معلقه على البنات الي يضحكون ويصفقون بكل غنج ودلع اما فهد فصار يراقص امه وزوجته هدى الي تلوح بيدها له تركي وابوه وزوج خالته وصلوا عند خلود الي كانت مغطيه بالعبايه المغربيه جلس تركي يمها واهو يهمس لها ويدور على يدها عشان يمسكها مااباسها لآن خلود حذرته من هالشي دفن يده بيد خلود وصرت اطالع بتحرير الي كانت سفور وتراقص عيال خالتها بكل غنج ولدلع نزل ابوه صوب خلود يبوس راسها وحست خلود انها قربت تذوب من كثر مااهي مستحيه همس تركي بضحكه: ابوي عادي وانا لآه شدت على يده بقوه واهي تهمس له: لآتربكني بكلآمك طلعوا اهل تركي من القاعه ومابقى غير تركي ورحت بسرعه صوب خلود عشان اشيل عنها العبايه شلت عنها وشفت تركي بيكسر رقبته واهو يبي يطالعها واول مانزلت العبايه حسيت بعيون تركي راح تاكل خلود همست لهم المصوره : طالعوني ايوه كدا كدا اهـ حلوين مشالله وكبست على زر التصوير وظلت على هالحال لمن وقف تركي واهو يهمس لها: يلا خلي نمشي ولآ معجبتج الجلسه هني ابتسمت انا على كلآمه وحسيت بوجه خلود احمر عيون الحريم معلقه عليهم وكنهم يسألون وش قالها عشان تستحي ابتعدوا المعاريس وبجوفي ادعي لهم وودعتهم مع اغنية المهندس الف مبروك زفينا الجميله الليله الرح ليله من الف ليله القمر و يا الشمس جالس ربنا من الحسد حارس الله يتمم الكم فرحة الليله الحسن يا ناس ظل محتار بيها الجواهر و الذهب تتمنى ايديها حلو ثوب العرس لايق عليها القمر و يا الشمس جالس ربنا من الحسد حارس الله يتمم الكم فرحة الليله العروسه و العريس اثنين حلوين الحمدلله جمع هالزينه بالزين و منك مال و منها عيال طيبين القمر و يا الشمس جالس ربنا من الحسد حارس الله يتمم الكم فرحة الليله وحسيت بغصه تخنقني وانا اودع خلود واضمها لصدري بقوه وانا اهمس لها بكلمات خلت وجهها يشتعل وبحده : شووووق بس عاد وسعت ابتسامتي وهمست لها: بشوف هيف اذا بيزفكم عشان اركب وياه ونزفكم سوا ابتسمت وبهمس: ايه تكفين يكون احسن قطع علينا صوت تركي الحاد: يله سحب يد خلود وابتعدو وصعدوا سيارته الشبح سحبت جوالي عشان اتصل بهيف لكن هيف مارد علي دزيت له رساله عشان يمرني لآن الزواج انتهى بالنسبه لي بخروج اغلى صديقاتي منه .. :: :: :: ابتسم هيف واهو يطالع تركي وبهمس: الحين بفرحك يالمعرس ظل يقحص بالجيب قبال سيارة تركي الي كان يسوقها مع عروسه خلود وسعد ماقصر ظل يتراقص بسيارته مع هيف بكل تفنن واتقان نفس الحكايه مع سعود الي كان يضغط على الهرن بطريقه ممتعه مواكب من السيارات تتبع سيارة المعاريس وهرنات بدت تعج بالمكان وصوت التقحيص يصم الاذان :: :: :: شفت ابوي جالس لحاله عند الدكه مشيت وكان واوا يتبعني شفت ابوي ينزل فنجاله ويرفع ايديه لي وبهمس: تعالي ياحبيبة ابوج تعالي يالي زعلآنه علي وماتكلمني عقدت حواجبي وانا اارمي بثقلي على صدره وبهمس: لآيبه ازعل من الكل الا انت ابتسم واهو يبوس خدي: ادري يالغاليه بس قوليلي وش فيج متضايقه ترا فارس من ذاك اليوم وانا مااسلم عليه ولآاكلمه كله عشانج طالعت فيه وبهمس: مو مهم يبه انتوا ربطتوني فيه وانتو اتدرون اني مااابيه شد على يدي وبحنان : كنت اظن ياريوم انه يستاهلج لكن ماطلع يستاهلج بس خايف من كلآم الناس عنج نزلت عيوني وبصوت راجف: ماني اول وحده تطلق ولآاني اخر وحده يبه وبعدين انت تدري ان فارس ( كنت راح اقوله انه يحب ريف لكن خفت من الامور لآتتعقد اكثر ) : وش فيه فارس طالعت فيه وببتسامه: همجي وتكفى يبه خلصني منه تكفى كلم عمي خلوه يطلقني وارتاح طالع ابوها فيها بحنان وبهمس: لو سوينا هالشي راح يريحج ريوم هزيت راسي وانا اعرف بداخلي انه مارح يسعدني لكنه راح يألمني اكثر شد على يدي وبحنان : ابكلم فارس واشوف .. ارخيت براسي على صدره وبهمس: يبه مو بكرا يوم زواجك انت وماما هز راسه وببتسامه : بس كبرنا على هالسوالف وسعت ابتسامتي وبهمس: امي زعلآنه علي من بعد ماصارت المشكله بيني وبين فارس وحابه اسعدها : شلون طالعت فيه وبهمس: راح اضبط لك ولها احلى يوم يمر بحياتكم ههه ابتسم ابوي واهو يقرص لي خدي : والله منتي هينه ريماني :: :: :: كل الي بالعرس راح ومابقى الااهل تركي يالله شقد حسيت اني محمره من الخجل والفشله وين هيف طسله وتركني هني .. طالعت فيني جدة تركي وبهمس: وش فيج يابنتي لآيكون ماعندج احد يردج هزيت راسي بالنفي وببتسامه: الا ياخاله فيه بس مادري وش الي اخرهم حسيت بنظراتها لي انها ماهي مقتنعه بكلآمي ابتسمت لها وانا اطلع جوال نوف واتصل على شهد .. اف مابغت ترد هالبنت كني اشوفها الحين حابسه روحها بالغرفه وجالسه تستهبل على عيال خلق الله واحسها بيوم بطيح على واحد يعلمها كيف تلعب على عيال الناس :هاه تراج ازعجتيني كل شوي متصله فيني وش تبين زفرت بحده: شهيده يازفت اخوج تاركني بالعرس ولآجاني يعني اروح ويا من : مدري عنج دبري روحج اتوقع انه نساج حسيت بعبره تخنقني وبصراخ: اف ماتوقع ياختي لو نساني اكيد بيدق ويقول دبري عمرج مارح يتركني كذا شهد بحده: ياصبر ايوب هيه انتي تراي مو فاضيه لج قلت لج دبري عمرج يعني دامه ماياج خلاص اتصلي على تكسي وردي وياه واذن قم صل طوط طوط طاالعت بالجوال وانا احس بخار يطلع من راسي من القهر وش تقول ذي تتكلم من جدها ارجع اخر الليل مع تكسي والله لو اموت ماارجع مع تكسي : هاه يابنتي في احد بييج ولآ تردين ويانا طالعت بالجده ورصيت يدي بقوه وانا احس بتوتر يسري بعروق جسمي: اي ياخاله والله مادري شقولج بس الظاهر ان زوجي نساني ههه سحبت عباتي وتبعتها وانا احس بنار تحرق لي طوارفي من الفشله والخوف من هيـف لو درى اني رجعت مع غيره تراجعت على ورا وانا اشوف سعد قبالي اول ماطلعت من الفندق التفتت علي الجده وبحنيه: وش فيج يابنتي طالعت فيها وبرتباك: لآياخاله بنتظر زوجي اخاف يجي الحين طالعت فيني وببتسامه: الفندق بيسكر مستحيل اخليج بروحج ومابه احد عندج طالع فينا سعد وعيونه معلقه فيني : جدهـ يلآ وش فيج واقفه طالعت فيني الجده وبهمس: نمشي يابنتي هزيت راسي وانا اعدل بطرحتي على وجهي وادعي بسري ان الله يوصلني للبيت بخير .. بطلت الباب ودشيت لسياره التفت سعد على جدته الي تكلمت بصوت امر: ترا بنمر بيت شوق صديقة خلود ثمن نرجع للبيت التفت علي وببتسامه مايله:وانا احسبها انوار طلعت شوق يالله حياها والله ولو تبي المريخ نوديها مو اهي صديقة الغاليه التفت الجده وهمس برتباك: اقصد الغاليه من ناحيتج جده حسيت بشعور غريب يداعب صدري وشي واحد استوطن فيه اني ماارتحت لسعد واحس بقلبي ينقبض صوبه ونظراته الي حسيت انها اخترقت عباتي وابرزت مفاتني كلها قباله .. :: :: :: بمكان بعيد ماينسمع غير صوت الاسعآف وانفآس تلهث وتحاول تبقى على قيد الحيآه اصوآت كثيره يسمعها ومايذكر الا انعطافه عن الزفه واصتطامه بعامود الانآره وبعدها ماحس الا انه رآح بعالم ثاني يحآول يحرك رجوله او ايديه لكنه عجز يحرك اي جزء بجسمه انفآسه بدت تهدء وكل مالها تختفي مع الدخآن الي بدا يعم وسط سيارته صراخ واستنجاد وصوت الاسعاف وبعدها فقد الوعي كليآُ :: :: :: سكرت الكتاب الي بيدها وطالعت بشمه وبهمس: شموم روحي اطلعي برا شوفي اذا كايد برا ولآلآه رفعت راسها وطالعت فيني وببتسامه جانبيه: وش تبيني اقوله طالعت فيها وانا احط يدي على فمي : اممم مادري بس قوليله يجي من زمان عنه فجأه سمعت صوت ضحكتها الي هزت المكان كله: ههههههههههههاي ياحلوك يا هيوف اجل مشتاقه له بققت عيوني قبالها وانا ارص بيدي على الشرشف: شموم بلآ استهزء يلآ قومي قامت من الكرسي وجلست على طرف السرير وبهمس: كايد رجع لرياض طالعت فيها وبتكذيب: شمهـ عن المصاخه يلآ قومي طالعت فيني واهي تهمس من جديد وبصوت زافر: قلت لك رجع هالطفران اصلآً وش ترجين منه ياختي تبينه يبقى بهالمكان وماعنده ولآ قرش وفوق هذا مأأستأجر شقه من الطفره الي اهو فيها ولآ بعد ينام بالمستشفى استغفرالله والله مو حابه اقولك بس عجزت اخفي عليك الصدق بللت شفايفي وبحده:يعني سافر بدون مايقولي شدت على يدي وبهمس: هيفآ هالرجال مايصلح لك لآزم تنسينه واضح انه طمعان فيك وبفلوسك بآآس والظاهر انه فكر عدل وقال ماتجيب عيال ومريضه وهرب وخلآكـ امتلت عيوني دمع وبصوت حاد: كذآآآآبه انتي كذآآبه كايد مايفكر بهالطريقه ابد ابد مايفكر بكذا ضغطت على يدي بقوه وبصوت راجف: هذيلآ رياجيل وش ترجين منهم مامنهم امان اصلآً يعني ليه هرب ولا قالك اكيد مايبيك تتعلقين فيه وتطلبين انه يبقى خليك هيفا الي اعرفها وكبيه لاابوه لآبو الي جابوه واحمدي ربك ان الله نجاك منه حسيت بشمه طوقني بذراعها وخلتني ابكي على صدرها معقوله ياكايد تركتني معقوله مستحيل اصدق مستحيل لو ماتبيني كان ماجيت للبريطانيا عشاني لو ماتبيني كان ماوقفت وياي بس ليه ماخبرني عن سفره ليه ماقالي ابعدت شمه عني وبزفره: تدرين شمه اول ماارجع للرياض راح القاه عند بيتنا تدرين شمه راح اشوفه وقولي هيفا ماقالت مسحت على راسي وبحنيه: يمكن تلقينه ويمكن ماتلقينه قلت لك تخلى عنك وتراها ماهي اول مره يسويها فيك ابعدت يدها عني وبحده: اطلعي برا اطلعي برا شمه قامت شمه وبهدؤ: بطلع ياحياتي بطلع بس اهم شي راحتك لآتعكرين مزاجك على واحد مايسوى ابتعدت شمه وتركتني غارقه بحزني ابعدت الشرشف عني وصرت اسحب رجولي العاريه وانا اقرب صوب المرايا طالعت بنفسي دقايق اشوف الجمال الي يعتليني ومالقيت الا الحثال وين جمآلي راح له والله مااشوف الا هيكل العظمي قبالي ماهو انا تعسست وجهي الي غرق بدموعي وهمست بصوت راجف: وش يبي كايد فيني دام الجمال وراح والعيال وراحوا وش يبي مني معقوله شمه صادقه مايبي الا الفلوس شي بداخلي نطق بقى معك لآنه يحبكـ يحبكـ يحبكـ ياهيفا كايد مجنون فيك كلك على بعضكـ ارتجفت وانا اشوف ابوي يطل براسه وبحده: هيوف وش فيك تبكين من الي مزعلك ابتسمت وانا امسح دموعي بيدي بسرعه: مافيني شي يبه بس قاعده اشوف نفسي وتأثرت باللي شفته قرب مني ابوي واهو يضمني لصدره الحنون: ماعليه كلها كم شهر وينمو شعرك وكلها كم شهر وتشوفين اللحم يركب جسمك لآتخافين رفعت راسي وبهمس: يبه : عيونه شديت على جسمه بصوت باكي: تكفى يبه طلقني من فيصل وريحيني تكفى يبه ماابي اتزوج لآ فيصل ولاغيره ابي ابقى معك انت وامي وبس تكفى حسيت بيديه تشد علي وبصوت هامس: ان شالله مابيصير الا الي يرضيك يالغاليه :: :: :: مادري كم مر من الوقت وانا جالس اطالع فيها بالفستان العلسي مدموج بالسكري ماسك على جسمها كله قصة سمكه بطريقه فرنسيه بحت الشامه السودا تغري واهي وسط خدها مكياجها كان ناعم حيــل حسيت بأرتباكها همست لها وانا اداعب باصابعها: وش فيج خوخه يعني شايفه قبالج وحش تراي تركي تروكج ابتسمت برتباك واهي تحاول تبعد يدها من يده لكنها عجزت طالعت فيه وبهمس: امم ابي ادش للغرفه عشان ابدل وقفت وانا ماسك يدها وبستعباط: يلآ حتى بعد ابي ابدل سحبت يدها وحسيت بالدم يفور بوجهها :خلآص مابي انت روح ابتسمت وانا اقرب من وجهها اكثر : لآه ابيج ويآي نزلت عيونها وبحده: تركي والله ببكي الحين : هههههههههههههههههههههههاي خلاًص خلآًص لآتبكين بعدين منو بيسكتج طالعت فيني واهي تقوم : ايه خلك كذاآ ابتعدت وايدي بدت تحكني ابي اروح معآها ظليت جالس بالصاله انطرها .. :: :: دقات قلبي تتراقص وايدي ترجف من الارتباك نزلت الفستان عن جسمي بسرعه وانا اسحب روبي واهرب للحمام هذا الي احتاجه اني استرخي وابعد هالقناع عن وجهي دخلت للحمام وطالعت بالبانيو والصابون الي محطوط على حافته فتحت الصنبور وخليت البانيو يمتلي خذيت كل الشامبوهات والصبون والرغوه كتيتها كلها بوسط هالبانيو غطست جسمي كله ولمحت فخذي والحرق المطبوع فيه تذكرت ايام كندا تذكرت هيفا وريم دمعت عيني وصرت امسح بجسمي على الحرق وفجأه خوخه وش تسوين ابتسمت بداخلي وانا اعقد حواجبي بالحمام وش اسوي باللهي يالله وش هالذكاء عند زوجي هههههههههه طنشته عشان احرق اعصابه اكثر وعشان اهرب منه طق مره ثانيه وبصوت حاد خوخه ماخلصتي همست وانا اغطس بجسمي اكثر بالبانيو : لآ توي ماخلصت واذا خلصت اكيد بطلع مارح انام هينا مر الوقت وحسيت ان تركي نام سحبت الروب وطلعت من الحمام بعد ماحسيت براحه تسري بعروق جسمي رحت لغرفة النوم ومثل ماتوقعت لقيته نايم سحبت لي قميص نوم ونزلت عني الروب واول مانزلته سمعت صوت حاد ( واخيرأً طحت عليج ) التفت وانا احاول اغطي نفسي بالقميص وبحده: تركي يامجنون وش تسوي ابتسم ابتسامه خبيثه وبصوت حاد: مسويه بتنحاشين مني هاه كاني صدتج ههههه :: :: :: :: حسيت بنار بتاكلني رحت للغرفه بسرعه وانا ارمي بثقلي على السرير وينك هيف وينك من اول مانزلني سعد وبعد ماشكرتهم والخوف انتباني اول ماشفت سيارة هيف ماهي موجوده وينه اول مره يسويها يطلع ولا يقولي الخوف بدا ياكل صدري حتى لمن دشيت للحمام حسيت بالماي نار تاكل جسمي هيف هيف وينك ياهيف عيوني بدت تدمع بخوف لبست قميصي وطلعت اشوف شهد توي بفتح غرفتها وسمعت صوتها : ايه ايه : متى بشوفك : هههههه مادري اذا اقدر ولالآه : شنوـو لآه مافي شي ببلآش عندي بطلت الباب وانا احس بهالبنت عمرها ماتوب شهد التفت علي وحسيت بعيونها بتاكلني : طيب اكلمك بعدين سكرت الجوال وطالعتني بحده: وش تبين داشه بدون استأذان طالعت فيها وعيوني بدت تدمع: شهد اخوج مارد طالعت فيني وبرتباك: وش تقصدين هزيت كتوفي وانا اشاهق: مادري الفجر بيأذن واخوج مارد والله خايفه لايكون صاير به شي طالعت فيني واهي تعقد حواجبها: مااتوقع ان شالله ماصار به شي يمكن طالع ويا ربعه صدري بدا يعلى ويهبط وبصوت راجف: روحي خبري امج قوليلها هيف مارد : لآه من جدج اقومها من حلاة نومها عشان سالفه ماتسوى انتي مكبره الامور روحي نامي واذا مارد بكرا يحلها الف حلال طالعت فيها وببرود: يالله شقد انتي بارده اخوج ماندري عنه اذا حي ولآ ميت وانتي ولاهمج الظاهر اني اخرتج عن حبيب القلب طلعت من الغرفه بدون مااسمع ردها هربت لغرفتي وقلبي يقرصني على هيف ظليت ساهره على السرير لين داهمني النوم .. """" """ "" "" غمضت عيوني وانا احس بأشعة الشمس تداعب جفوني : يلآ قومي ياريوم وش هالنوم ماشبعتي من امس بطلت عيوني بهدؤ وانا اشوف ريف مبتسمه بووجهي عقدت حواجبي وانا اغطي نفسي بالبطانيه: شعندج على هالصبح هاه ابعدت البطانيه عن وجهي وبحماس: ماعندي شي انتي الي قومي واسمعي الاخبآر ماحسيت بروحي الا استقعد على السرير وبصوت حاد: وش صار اشرت لي بأصابعها واهي تلعب فيهم ببتسامه: فآآرس وعنود وامه وعمي جايينآ تحت وجايبين رضاوه لج طقم ذهب لو تشوفينه تدوخيــن و.. قطعت كلآمها وانا ارمي المخده على وجهها: الله ياخذج انتي واخبارج الماصخه ابتسمت واهي تبعد المخده وبهمس: خليني اكملج : تكفين ابي افطر اليوم لآ تسدين نفسي ابتسمت واهي تجلس على السرير وبهمس: وآمي تقول نآدي ريمآني وخليها تنزل تحت بققت عيوني وبهمس: من صجج هزت راسها وببتسامه: ايه وبعد تقول ريمآآني اذا رضت كان بها واذا مارضت الله يستر علينا وعليكم دمعت عيوني وبهمس: شلون يعني طالعت فيني ريف وبستغراب: وش فيج انتي صايره غبيه اليوم بللت شفايفي وانا اروح للحمام: قوليلهم دقايق وتكون عندهم وجهزي لي كابتشينوــــــوو ابعدت ريف نظارتها واهي تبتسم لأختها وهمست لنفسها: ونسيت اقولج بعد ان ابوي معصب عليج لمن عرف عن فيصل هذآآ :: :: :: قومي قامت عليج طوفه قومي ياعديمة الاحساس رفعت راسي وشفت عمتي عند راسي: خير عمه وش صاير حسيت بانفاسها تلهث وبحده: قولي وش ماصار ولدي بالمستشفى مرقد وانتي نايمه بدون احساس يالبارده فزيت بطولي وبخوف: شنـو وش صار في هيف صرخت علي واهي ترمي العبايه علي: امشي وبتعرفين والله لوصار لولدي شي والله لتندمين على اليوم الي ولدتي فيه ياشوق تبعت عمتي بدون ماارد عليها واحس بخمول تناسب على جسمي كله من الخوف وقلبي حسيته بيكسر ضلوعي صرت اتبع عمتي وشي واحد يدور ببالي هيف حي ولآميت :: :: :: وهـ ياخوي قسم بالله اني كرهت السفر على حسابك ياخي مانشوفك ابد مانملى عينا فيك شوفني قبالك مسكينه صايره ضعيفه وتعبانه من شدة شوقي لك شف شافي مسكين عنده ردة فعل عكسيه بدال مايضعف يمتن بس مع ذالك هذا من شدة شوقه لك ايضاَ وشوف صنهات هذا اشك انه ولد سيلآنيه اسود كحت متاكدين انه اخوي اقصد شوف من شدة شوقه لك شوف قلب لونه ابتسمت وبهمس: وانا بعد بس زي ماتعرفين اخوك بزنس مان ابتسمت نجود وبهمس: ياويل حالي طيب وش شريت لي لمن سافرت يابزنس مان صنهات بلقافه : شاريلك مشد عشان يعدل جسمك البايخ هههههههههههههههههههههه انفجر شافي ضحك: ههههههههههههههههههه وطالعت انجود بكايد وبحده: باللهي جسمي بايخ شوف الحين الموضه للأجساد العريضه انسى الموديل باللهي مو اهبل كايد ببتسامه: ماعليك منهم يبون يحطمونك خليك واثقه من نفسك وطنشيهم انجود براحه: ايه انا عارفه يلا ماعلينا انت مادريت : عن ايش انجود طالعت بشافي وشافي طالع بصنهات وحل الصمت ثواني وفجأه : شريفه حامل ارمشت ببلاهه وبهمس: ايـــش شافي واهو يرتشف الشاي: زي ماسمعت الزلمه حامل نجود ببرائه : انا اصلآً مو حابه اعترف بولدها او بنتها انا ماعندي الا ثلآُث اخوان وبس صنهات : وانا بعد ابتسمت وبفرح: ومن متى طالعوا فيني وبستغراب: من شهر همست بفرح: الحمدالله يارب والله مو مصدق اني راح اشوف لي طفل صغنون يملآ هالمكان بضحكه وبكائه طالعت نجود فيني وبزفره: هذا ولد شريفوه ليه مبسوط هالقد همس كايد وبهمس: منو ابوه مو ابونا ابوه يعني اخونا وانتوا تعرفون عدل مااحب انكم تتكلمون عن شريفه بهالطريقه اهي مااذتكم وماتقصر وياكم مادري ليه متحاملين عليها هالقد ان سمعت احد فيكم يتكلم هالحكي مره ثانيه راح اقص لسانه فاهمين زفرت نجود وبحده: ايه اصلآً انا من شفت الصوره الي حاطه تحت مخدتك وانا غاسله يدي منك والله شكيت انك هندي مع هالصوره الظاهر انها حقة الحبيبه واخر اليل تتحلم فيها رفعت نجود ثوبها وهربت اول ماشافت الشر يطلع من عيوني وبحده: قسم بالله ياانجيدان ان شفتك داشه لغرفتي قسم بالله لأمصع لك كشتك يالجبــوووووه شفت عيون صنهات وشافي تطالع فيني بستكشاف وبحده: وش طالعون انتو بعد مصدقين كلآم هالبزر ترا ماعندها سالفه : الا عندي سالفه منهي ذي هيفآآ الي متعلقه برقبتكـ هاه وقفت وانا احاول اصديها وبحده: الظاهر انك ماخليتي مكان بغرفتي مافتشتي فيه هاه لكن والله مااخليك يالجبوه هيـن سكرت انجود باب غرفتها وماانسمع منها غير صوت ضحكها ابتسمت وانا ابتعد عنها وانزل للصاله لجل اكمل فطوري.. :: :: :: ظل ثواني يطالع بوجهها الملآئكي ويحس انه بحلم ظل يداعب بشعرها البني وعيونه متعلقه بوجهها الي يعشقه يوم ورا يوم بطلت عيونها بهدؤ وبهمس :كم الساعه ابتسم ابتسامه جانبيه وبحنان: وحده الظهر بققت عيونها وبحده: ومن متى وانت تطالع فيني ابتسم ابتسامه جانبيه وبهمس: من ساعه تقريباً غطت وجهها بالبطانيه وبزفره: ليه ماقومتني للصلآه طيب ابتسم واهو يبعد البطانيه عن وجهها: قومتج بس انتي ماقمتي شسوي فيج صدت للجه الثانيه : طيب بقوم الحين سحبتها من خصرها وبحده: لآه انتي ماينوثق فيج ابد ابتسمت واهي تبعد ايديه عنها: طيب طيب كاني قمت عض على شفته وببتسامه: امووووت على الكويتيه انا ابتسمت واهي تدخل اصابعها بشعرها: اكيد مو اانا بعد سنه بصير كويتيه لآزم اتعلم من الحين لهجتكم ههههه قام من الفراش واهو يتصل على خدمة الغرف ويطلب غدا له ولعروسه :: :: :: نزلت من الدرج خطوه بخطوتين واهي رابطه شعرها كله على فوق طلت براسها وشافت فارس وعمها ومرته وعنود جالسين سلمت عليهم ماعدا فارس وراحت يم ابوها وباست راسه وطالعت بأمها وقربت منها واهي تبوسها جلست مابين امها وابوها وبدت اللحظه الي تنتظرها ريم بفارغ الصبر نطق عمها بهدؤ وثقه: اسمعي يابنتي ريم ترا مارضانا الي سواه فارس فيج لآانا ولآ عمتج وجينا اليوم وكلنا امل انا نرضييج قامت عنود وقربت مني طقم الذهب والي بداخله ظرف معقوله انظرب ويرضوني بفلوس وذهب والنفس الي انجرحت من داخل متوقعين ان هالشي يرضيها او يجبرها رفعت راسي لعمي وانا ابعد عني الذهب والظرف: جيتكم هاليوم على عيني وراسي ياعمي لكن الي سواه ولدك راح يتكرر والي يمد يده على مرته بدون تفاهم هذا عمره وحياته كلها راح يضربها كل الي ابيه انكم تجيبون ورقة طلآقي انا من الاصل ماني موافقه عن هالزواج والحين صار عندي عذر اني ارفضه وبشده تلآقت العيون بستفهام كبير وبهمس: لكن ياريم منا حابين انج تكونين مطلقه والسبه ولد عمج وش يقولون الناس طالعت بامي وابوي الي كانوا ساكتين وكنهم موجهيني ان هذي حياتي ولي حرية الاختيار همست بصوت حاد: خل يقولون الي يقولون لقمه ووفت وبعدين ماصار شي بيني وبين ولدك عشان اخاف على نفسي او افكر بكلآم الناس توه بيتكلم عمها لكن ريم قطعته بأمر: ابي ورقتي ياعم طالع بأخوه وبهمس: راضي بالي تقوله بنتك هز راسه وبهمس: ماني حاب اجبر بنتي اكثر من كذا ذي حياتها ولها حرية الاختيار وان كان تبي ورقتها عطوها ورقتها تكلم فارس بصوت حاد: ابشر ياعمي راح نعطيها ورقتها حسيت بشعور الراحه ينبض بقلبي رفعت راسي فوق فوق ايه حسيت ان وراي ظهر وحسيت ان احلآمي تحققت شفت عمي ومرته طلعوا تاركين عنود جالسه ابتعدت مع ريف وظليت انا وامي وابوي وسط الغرفه همست امي بحده: ليه يابو طلآل وش هالحكي الحين بتزعل اخوك طالع بأمي وبهمس: انا واخوي شالين يدنا من زمان ان اي شي يصير بين بنتي وولده مالنا دخل فيه وخلآص دام البنت ماتبيه خلآص شله نغصبها عليه طالعت فيني امي وبزفره: وانتي بعد راضيه باللي يصير والله ظنيت انج بترضين عقب الي سوواه طالعت بأمي وبهمس: يمه انا من الاول ماابيه يعني ريحي بالج وروقي ترا ماله داعي تعصبين وترفعين الضغط عشان فارس رصت على يدها بقوه وبحده: وفارس له سبب انه يضربج بعد صرخ ابوي بحده: نوــــــره اقصري الشر والي حصل حصل طالعت امي بأبوي وبعدها ابتعدت وابوي ابتعد بعد وظليت جامده مكاني وشي واحد يدور ببالي وش قالهم فآرس :: :: :: صرت اجري بالمستشفى والخوف يداعب عيوني وقلبي اول ماوصلنا لغرفة الملآحظه صرخت عمتي بوجه الدكتور: قولي ولدي بخــير قولي ولدي حي طالع فينا الدكتور وبهمس: الحمدالله بخير لكن يبيلنا نتأكد ان كل شي بخير رميت بجسمي على الكرسي وانا احس برجولي ماتشيلني من الخوف: عساه سليـم ومااصابه شي طالع فينا وبهمس: مادري شقولكم لكن السياره الي كان فيها كانت مهشمه واستغربنا انه بخير رغم ان الظربه جاته من جهة السايق عمتي بصوت حاد: يعني ولدي تكسر لآ حول ولآ قووة الا بالله همس الدكتور واهو يحاول يهدي عمتي: هدي ياخاله وكلها كم ساعه وتشوفينه صرخت عمتي بحده: ابي اشوفه الحين وش يصبرني كم ساعه حاول يمنعها الدكتور لكنه باخر لحظه سمح لها ولمن تكلمت رفض هالشي ظليت منزله راسي منهاره ابكي لآيكون صار به شي خطير يارب ارحم ضعفه يارب بعد دقايق طالعت فيني عمتي وبحده: كله بسببج كله بسببج الله يوريني فيج يوم واشوفج مكان ولدي الي مغطى بالشاش صرخت بصوت خافت: عمتي اهو بخير ولا صرخت عمتي بوجهي والدموع مغرقه برقعها: وين يشوف الخير و انتي مرته وين صرخت بحده: ردي البيت البنات بروحهم وانا ببقى مع ولدي همست برجى : لآعمه انتي ردي وارتاحي وخليني وياه صرخت بصوت حاد: قلت لج ارجعي وانا بجلس هني يلآ هزيت راسي لآن مالي خلق اتهاوش انا وياها بالمستشفى خصوصاً انها مالها خلق تطالع بوجهي وش الي خلآك بهالحاله ياهيف وش صار فيك .. :: :: :: وش فيج ماتاكلين طالعت فيه وببتسامه: كل هذا وتظن اني مااكليت همس لي بحنان : ماكليتي شي ابيج تخلصين صحنج كله يلآه طالعت فيه وبهمس: لآه مابي اغث نفسي يكفي كذا همس لي ببتسامه: عافيه على قلبج طالعت فيه وبخجل: الله يعافيك : خوخه ترا بعد نص ساعه بنروح للبيت جدتي طالبتج برسم الخدمه الظاهر انها ماتبيني انبسط وياج طالعت فيه وبهمس: القلوب عند بعضها وربي انها واحشتني اليوم كله احلم فيها ابتسم ابتسامه جانبيه وبخبث: والله الظاهر ولآ دريتي عنها الظاهر كل احلآمج عني هههه رفعت حاجبها وبتحدي: ياشين ثقتك دوم تخرب عليك داعب شاربه وبهمس: اي واضح ياليتني سامع كلآم هيف وحالق السكسوكه من زمان لو داري انج بتعجبين فيني بهالطريقه وسعت ابتسامتي وبهمس: بالعكس ماعجبني شكلك كذا يازينك بالسكسوكه : كلآمج امس يختلف عن اليوم هههههه صرخت وجها يغرق باللون احمر: ياسخفك عاد يلآ بقوم البس احسن من مقابل وجهك قام وارها وبهمس: لآه وش فيه وجهي ابتسمت واهي تبعد يديه عنها: كريه حيــل وسعت ابتسامته واهو يطوقها بيديه: يعني تبيني اخليج تغيرين رايج صرخت بحده واهي تحاول تهرب من يديه: لآه تركي ابي جدتــــي صرخ واهو يرفعها بيده وبهمس: بتشبعين منها بس الحين وقتي :: :: :: فرق بين ريم وبين حنان حنان شعرها ناعم وعيونها وساع مليانه شوي لكن مايحبط من جمالها حنطيه وريم بيضا عكس ريم بالضبط ياترى انا استعجلت ولآلآ اتوقع اني مااستعجلت لكن امي استعجلت بكل شي حتى بزواجي ليه رضيت اتزوجها ليه ماتراجعت ااخر لحظه ريوم بتسامحييني لوعرفتي ولآ بتكرهيني الي متأكد منه انج تحبيني وراح تسامحيني : وش فيك راشد سرحان رفع راسه وشاف هيا قباله: مافيني شي رفعت حاجبها وببتسامه: بالك مع العروسه كلها كمن اسبوع وتكون لك حلآل ملآل هز كتوفه ببرود وبهمس: مافكرت فيها بالاصل قام واهو يحاول يبعد ريم عن باله ويحس انه راح يجرحها جرح مارح تبرى منه ابد :: :: :: طالعت بنوف الي كانت تتغدا قبالي وبهمس: كلمتي امج طالعت فيني نوف واهي تهز كتوفها: ماترد على الجوال زفرت بحده وانا احس بعضلة قلبي مقبوضه : ياربي والله مو مرتاحه والمشكله مافي سياره همست شهد : الا فيه سيارتج الي حاطتها زينه بيت اهلج طالعت فيها وبتأكيد: ايه والله بروح اجيبها تجين وياي نوف همست شهد : انا بروح ونوف خليها مع خواتي طالعت بشهد وبحيره: انتي اكبر ويعني قطعت شهد كلامها: ماعليك نوف عن ستين رجال واتوقع انا مارح نطول هزيت راسي وانا اقوم من السفره : ماشي يلآ قومي البسي وانا بقوم اتصل على التكسي والبس ابتسمت شهد بفرح وفزت بطولها تجري لغرفتها صعدت غرفتي وانا اسحب رجولي حسيت بعبره تخنقني لو هالمكان يخلى من هيف يالله شلون ابعيش انا هينا ينام هيف وهينا هيف يضحك وهينا هيف معصب وهينا هيف يضربني ابتسمت ابتسامه جانبيه وانا ارفع يدي لجل تمسح الدموع الي غرقت بها وجهي سحبت مفتاح بيتنا وخذيت عباتي وطرحتي ونزلت عشان اتصل على التاكسي :: :: :: بطل عيونه بهدؤ واهو يحس بوميض ابيض يشع قباله ويصور له لحظه بلحظه كل شي حصله كان يقحص قبال الموكب وقبال سيارة المعاريس سعد احرف منه وفنان غار منه وحب يكون احسن منه انعطف بقوه لكنه نسى انه يسوق جيب وماهي كامري مثل سيارة سعد خذا لفه بعد ماحس انه راح يفقد السيطره على سيارته خصوصاً انه مو حاب يخرب فرحة خويه ابتعد عن موكب السيارة وظل اهو يحاول يتحكم بسيارته لكنها للاسف ظلت تمشي وفجأه حاول يلف السياره واول مالفها ظلت تدور حول نفسها بطريقه مريبه حس بدوخه وخوف اعمى له عيونه وظل جامد ينتظر اي ظربه تصيب السياره عشان توقف وهذا الي حصل ظرب ظربه قويه من صوبه خلت راسه يصدم بالدركسون بقوه ويده تلز من جهة الظربه وبعدها غاب عن الوعي .. همس بخوف واهو يطالع بأمه : انا بخير طالعت فيه امه واهي تسمي عليه: اسم الله عليك ايه بخير ولله الحمد صدره بدا يعلى ويهبط ويحس بألم صوب كتفه وراسه يضرب عليه بالخفيف : شوشو وينها رصت يدها ببعض وبحده: بالبيت يعني وينها همس بصوت راجف: اهي بخير طالعت فيه امه وبحده: ايه بخير وبعدين ماكانت وياك لمن جاك الحادث حس براحه كبيره وبهمس: اشوى والله لوصار فيها شي مارح اسامح نفسي طالعت فيه امه وبزفره: لآه صراحه غطيت على روميو طالع بأمه وببتسامه: ههه لآتوي ابتسمت امه وبهمس: بقوم انادي الدكتور الظاهر الحادث اثر بمخك ابتسم واهو يهز راسه: يمكـن :: :: :: تركي هد يدك والله ماادش لاهلك وانت ماسكني كذا طالع فيها تركي واهو يسحب يدها ويدفنها بيده: وش فيج انتي من اول مااعرسنا وانتي لآتسوي كذا ولآ تفعل كذا اقول اهجدي ولآقسم شلتج الحين ودخلتج على اهلي وسعت ابتسامة خلود وبهمس: طيب طيب لاتعصب بس يعني وش بيقلون لآ شافونا كذا بيروح تفكيرهم بعيد بعدين اخاف من امي تهاوشني التفت عليها تركي وصار قبال وجهها وجلس يعدل بطرحتها وبهمس: بالعكس الا بتفرح جدتي خليني الحين اسنعج ياحلى عروس وعدلي اللثمه ياحلوه ولا اقول اللثمه بطلعج حلوه حطي الطرحه على وجهج وسعت ابتسامتها واهي ترفع الطرحه وتغطي بهاوجهها: طيب قلبي اوامر ثانيه ابتسم واهو يسحب يدها: لآه بس خليج مؤدبه اوك زادت دقات قلبي بكل خطوه نخطيها سوا واول مادشينا للصاله الرئسيه حسيت بريبه تجتاح كل اطرافي ماكان احد موجود فيها التفت لتركي وبهمس: انت مكلم اهلك قبل لآتجي هز راسه وبستغراب: لآه بس متوقع انهم بالبيت بللت شفايفي بخوف وفجأه ضحك تركي واهو يطالع بوجهي: ههههههههه وش في ويهج انصفق طالعت فيه وبرتباك: على شنو تضحك صوت زغآآريط وتهاليل وتباريك حسيتها تعج بالمكان فجأه دشت امي وعمتي وام سعود وهدى وانوار وتحرير وفهد ومحمد وسعد وعمي يالله شقد حسيت بهالعايله اهي عايلتي انا ابتسامه عريضه كاسيه الكل عيونهم تحكي الفرح الكل بدا ياخذني بالاحضان وكني بنتهم وماني غريبه وسطهم يالله شقد حسيت بدمعه يتيمه توسطت عيني من الفرح الورد تناثر حولي والبخور غرقت بوسطه طالعت بأمي وابتسامه تزين وجهها الي واضح عليه التعب تحظنتها وانا اسمعها تهمس بأذني : ان شالله مرتاحه يالغاليه همست لها ببتسامه عريضه: بوجودكم انا دوم مرتاحه تحظنت بتركي وسمعتها تهمس له: الله الله على خلود تراي موصيه عليك امس واليوم بوصي عليك خلود حطها بعيونك وهالبيت دشته خلود لآتفكر ابد انها تطلع منه فاهم ابتسم تركي واهو يطالعني: والله اشك انها مسويتلج شي ههههه شدت على اذن تركي وبحده: وش قلت ابتسم واهو يشد ملآمح وجهه: اقولج ابشري خلود بحطها بعيوني :: :: : ابتعدت بخطى سريعه عنهم واهي ترفع التلفون وتهمس بحده: مانفع ياجمعه مانفع اشوفهم احسن من قبل بكثير : شلون يعني : مادري مااتوقع بتحصلي فرصه اخذ ملآبسهم او شي خاص فيهم : طيب بحاول بس هاه ابيه فعال ماابيه زي هذا مااثر ولآ سوا شي : يعني اصبر والله ياخوفي يروح الوقت ولآ اسوي شي : طيب طيب يلآ اكلمج بعدين سكرت السماعه وسمعت صوت غريب: من تكلمين التفتت وشافت سعد قبالها رفعت حاجبها وبزفره: مايخصك همس بصوت حاد: قلت لج من تكلمين طالعت فيه بحتقار وتوها بتدش للصاله حست بيد تسحبها لورا : انا قاعد اكلمج طالعت فيه وبحده: وش تبي انت هاه لآ انت اخوي وحدك ولد عمتي يعني ياجد ابوي حك ظهري وخر يدك وانتبه تكلمني بهالطريقه مره ثانيه اشر بأصبعه قبالها وبحده: قسم بالله لو ادري انج على علآقه ورب البيت ياتحرير راح ابلغ اخوج طالعت فيه واهي ترسم على شفايفها ابتسامة استهزاء: هههه لآه خوفتني صراحه اسمع زين اعلى مابخيلك اركبوه هههه ابتعدت وتركته جامد مكانه وخوف من نظراتها الي مارتاح لها عيون تبوح الحقد ومافي شي غير الحقدـ .. :: :: :: حسيت بشخص عريض وطويل عيونه حاده وفمه وسيع اسمر ولآبس بدله ارتجف قلبي والتفت لشهد وبحده: يالحقيره مواعده ابتسمت شهد وعيونها معلقه بعيون الاسمر الي واقف بعيد عنها بخطوات: اسكتي لآ تفضحينا وترا اسمي وعد وعد لآتنسين حسيت بالحراره تاكل لي جسمي وبحده: نزلي عيونج يازفته ورب البيت لاعلم اخوج عليج ابتعدت شهد بعد ماعدلت شكلها وراحت تمشي بنعومه واغراء له بأخر لحظه سحبت شوق يدها وبزفره: وين رايحه انتي التفت شهد وبحده: اتركي يدي باخذ الكيس الي بيده بآآس تشبثت فيها وانا اصرخ بوجهها: وش يضمني انه مو ساحبج صوب سيارته تحررت شهد من يدي وبحده: ابعدي عني مالج دخل فيني ابتعدت وراحت صوبه وظليت احس بنار تاكل جسمي وقلبي عليها هيف مارح يسامحني ابد وعمتي لو بقولها بتظن اني اشوه سمعة بناتها يارب وش راح اسوي يارب ساعدني على هالمصيبه شفت يد الرجال تطاول على يدها بلمسه خفيفه ابتعدت شهد وابتسامه عريضه مرسومه على شفايفها: شفتي قلت لج مارح يصير شي يلآ خلينا نصعد سيارتج صعدت السياره وانا احس بقلبي مقبوض :: : :: طليت براسي وببتسامه: ريف ماخلصتي طالعت فيني ريف واهي جالسه على الكمبيوتر ويمها عنود : من جدج انتي والله احسبج تضحكين تخصرت وبحده: يالله اخلصي علي بآآس طالعت فيني ثمن طالعت بعنود وسعت ابتسامتي وبخبث: اصلآً عنود بتروح ويانا انا بروح احتفل بمناسبة طلاقي وبسوي حفلة امي وابوي ابتسمت عنود وبهمس: اول مره اشوف وحده مطلقه مبسوطه بطلاقها وسعت ابتسامة ريم وبهمس: اي والله وليش ماانبسط مو اخيراً تحقق حلمي وبطلعة الروح بعد يلآ اخلصوا علي بآآس ترا طلآل ينطرنا تحت ارتجفت عنود بمكانها وفزت بطولها واهي تهمس : ريم لحظه بنزل تحت معاج طالعت فيها وببتسامه: طيب امشي نزلنا انا وياها وانا احس اني اسمع دقات قلبها تتراقص طلعنا للحديقه وشفنا طلآل جالس ويشرب قهوه سحبت لي كرسي وجلست يم طلآل وطالعت بعنود الي ابتسمة ابتسامه ناعمه زينت ملآمح وجهها : السلام عليكم همس طلآل واهو يطالع فيها: وعليكم السلآم جلست على الكرسي وحل الصمت ثواني وفجأه: شخبارج عنودهـ ملامح وجهها احمرت وبهمس: بخير وانت همس طلآل واهو يرتشف القهوه: بخير يسلم راسج التفت صوبي وببتسامه: هاه متى بنمشي همست وانا اطالع بريف الي اقبلت علينا: الحيــن بما ان البرنسيسه ريف وصلت حسيت بعيون معلقه بطلآل الي وقف بطوله الشامخ كانت هالعيون عيوون عنود حسيت بقلبي يرتجف لها مسكينه عنود متمسكه بأمل عمره مايتحقق ابد صعدنا لسيارة طلال البرادو واول ماصعدنا اختارت عنود تكون خلف طلآل حسيت بضحكه تخنقني ابي اضحك مادري ليه اجتاحني هالشعور يمكن لآني مريت بعلآقه فاشله اول يمكن لاني موب احسن من عنود نفسها الي صدمني وانا وسط السياره طلال اخوي الي طالع بعنود وبهمس: هالاغنيه اهدء للغوآلي شغل اغنية راشد الماجد حبنا يانور عيني وظليت اضحك انا على نفسي ياترى طلآل اخوي تغير او لاه :: :: :: اطالع بالغرفه البيضا الي حفظت كل جزء فيها ياربي متى ارجع للرياض متى اتنفس هواها متى احس براحه وسطها اشتقت لها مآآره واكثر من اشتقت له اهو كايد بنفسه احس بروحي بتطلع من شدة الشوق صوبه تبطل الباب وشفت بابا معاه اكياس كثيره وابتسامه عريضه مرتسمه على شفايفه صبآح الخير يااحلى دلوعة بابا بهالكون ابتسمت وانا اطالع فيه: هلآبك ياحلى اب بهالدنيا رمى الاكياس عليها وببتسامه: بطلي هدآياك وسعت ابتسامتي وبهمس: كثر الله خيرك اممم كلها منك ولآ ماما معاك رمى بثقله على الكرسي وبهمس: لاه مني انا بس امك لارجعتي لها تعطيك هداياكـ وسعت ابتسامتي وانا افتح الصناديق الي قبالي وانصدمت وانا اشوف شعر باللون الكستنائي مثل شعري بالضبط : باروكه وسعت ابتسامة ابوها : ايه جبت لك باروكه شعر طبيعي ميه بالميه يعني لو تلبسينها الحين مارح اشك لو عشره بالميه انها ماهي شعرك خذيتها بسرعه وانا البسها يالله شلون الشعر يعطي الانسان جمال حسيت لثانيه ان هذا شعري صدق طالعت فيه وببتسامه: شكراً بابا ورب البيت فرحة كثير شي واحد فرح ابوها انه شاف الفرحه ترتسم بعيونها حتى لو دقيقه بآس ظلت هيفا تبطل بالهدايا وابتسامه عريضه تزين وجهها البريئ همس لها بحنان : هيوف رفعت راسها واهي تبعد عنها الاكياس: عيونها همس ابوها بفرح: متى تحبين نرجع للرياض طالعت بأبوها بصدمه وبهمس: ايــش : قلت لك متى تحبين نرجع للرياض صرخت هيفا بفرح: اليوم بابا اليوم طالع فيها ابوها واهو يبتسم: من عيوني بس ادعي القى حجز ارخت بجسمها على السرير وبفرح : واخيراً بابا واخيراً بطلع من هالسجن الكئيب عيونه اشرقت بالفرح خلت ابوها للحظات يحس انه يملك جوهره مستحيل يفرط فيها .. :: :: :: :: بطلت الباب ويمها شهد الي مبسوطه بالهديه الي بيدها فكر شوق مربوط بهيف وفكر شهد مربوط بحاتم واول مافتحت باب الصاله انصدمت بام هيف قبالها وبحده: يعني لآ غاب القط العب يافار التفت شوق وشافت هيف منسدح على الكنب ويطالعها بنظرات غرييبه ابتسمت اول ماشافته وراحت صوبه وعيونه تغروقت بالدمع: الحمدالله على سلآمتك يالغالي بالحديد ولآ فيك صرخ هيف بوجهها: ماسمعتي امي وش قالت لج طالعت فيه شوق واهي تشوف يده الي تمنعها انها تقرب صوبه: رحت اجيب سيارتي بما ان سيارتك تهشمت صرخت ام هيف واهي طالع بشهد : وهذا الكيس الي بيدها من وين لها تلآقت نظرات شوق وشهد وتكلمت شهد بخوف: مرينا السوق وشرتلي شوق اشيا ناقصتني سكتت شوق واهي طالع بأم هيف تسحب الكيس وترمي الي بداخله وطاحت ساعه مرصعه الماس والكل ظل صامت واهو مصدوم صرخ هيف بحده: وليه شاريه لها ساعه الماس وش تخبين انتي واهي طالعت شوق بهيف وبهمس: من زمان واختك نفسها بهالساعه وعندي فلوس وماحبيت ابخل عليها شي واحد طرى ببال هيف ان شوق خانته بلحظه اهو ضعيف فيها ولقتها فرصه تقابل حبيب القلب دعيج وتسكت شهد بهالهديه : شهد تكلمي وش فيج ساكته شهد بخوف: مالي خص بشي يعني البنت اهدتني امنعها وبعدين ليه معصبين صرخت ام هيف واهي طالع بشوق: مرتك بتخرب بناتي وبتفسد اخلاقهم طالعه بالليل وش تسوي بالسوق ولآ استئذنت وقالت ياعمه بطلع انا وبنتج لكنها قليلة ادب حركات التختل مااحبها انا وانت ان ماادبت مرتك ولآ انا الي بأدبها بطريقتي ظل هيف جامد وعيونه متعلقه بشوق الي ظلت جامده و مصدومه من كل شي حولها وش تقول وش تسوي شهد صعدت لغرفتها وتركتها لوحدها طالعت بهيف وبهمس: محتاج شي طالع فيها بحتقار وبهمس: اهلج مارجعوآ من مكه همست بصوت راجف: الا بكره ان شالله بيرجعون الكل ابتعد وظلت شوق واقفه وطالع بهيف دموعها رفضت توقف ظلت تهطل على خدها الناعم وقلبها من داخل متحطم لحال حبيبها الشاش مغرق راسه وايده مجبوره ووجه منتفخ وعينه مطبوعه باللون البنسفجي للحظات بس تمنت انها تصحى من هالكابوس لكنه الواقع المر :: :: :: نثرت الورد بكل ارجاء الغرفه همست لريف ببتسامه: يلآ جيبي البخور دشت ريف وبيدها البخور وهمست لريم بستغراب: و ش تسوين عدلت ريم قميص النوم الاحمر وسط السرير: وش فيج اعدل قميص امي تلون وجه ريف وبسحى : مو كنه عاري الله يهداك مو مقدره عمر امي جايبه لها هالقميص ابتسمت ريم واهي تطالع بريف: هههه خلي بابا يتهنى شويه احس امي كتومه حيــل ابتسمت ريف واهي طالع بالورد الاحمر وريحته الي انتشرت بأرجاء الغرفه: مااتوقع راح تلبسه همست ريم واهي تداعب يدها بشعرها: بابا بيغصبها لو رفضت ههههه طالعت ريف بريم وبهمس: ناديها الحين ولآلآ طالعت فيها ريم وببتسامه خبيثه: خلصنا كل شي مو هزت ريف راسها : ايه ريم واهي تلعب بحواجبها: يلا جا دورها ناديها جرو ريم وريف خارج الغرفه وكل وحده تسبق الثانيه عشان تنادي امها صرخوا بصوت واحد: يمــــــــــــــــــــــه كانت ام طلآل جالسه بالصاله وتقرا مثل المعتاد : همست بخوف واهي تبعد الكتاب عنها: خيــر ان شالله لهثت ريم وريف وببتسامه صافيه: تعالي فوق شوفي وش بغرفتج انتي وابوي فزت ام طلآل بطولها وصارت تجري مع بناتها بخوف واول مادشت للغرفه جمدت للحظات طالعت بالورد وبالطاوله المزينه اكلآت ومتناثر حولها جوري احمر بأبيض العصير مزين بالكيسان وريحة البخور تعج بالغرفه سحبتها ريم لغرفة النوم وببتسامه: يلآ تزهبي لين يجيج ابوي سحبت يدها من بنتها وبسحى : وش له هالتكلفه ابتسمت ريف وببرائه: ريم مبسوطه بطلاقها وحبت انكم تحتفلون وياها ههه طالعت ام طلآل بريم وبحده: شنو انتي مبسوطه على الي حصل طالعت فيها ريم وبهمس: لآيمه ماعليج من ريفان ماتدري وش تقول انا مسويه هالشي بمناسبة يوم زواجج انتي وابوي يالغاليه طالعت بريم بشك وببتسامه جانبيه:شكرا على المفاجأه ممكن الحين تفضون الغرفه لي وسعت ابتسامة ريم وريف وبصوت واحد : اكيـد ابتعدت ريم وريف وابتسامه عريضه مغرقه بشفايفهم التفتت ريم وكنها تذكرت حاجه: ريفي طالعت فيها ريف وبهمس: هلآ ابتسمت ريم واهي تعقد حواجبها: وش صار على عريس الغفله طالعت فيها ريف وبهمس: اي عريس ياحظي الظاهر حظي وحظج واحد ياوخيتي رمت ريم بثقلها على الكنب وبستغراب: وش الي صار طالعت فيها ريف واهي تحك ذقنها: قلت لأمي اني موافقه فقالت لي انا رفضتهم لآنج توج صغيره (بللت شفايفها واهي طالع بريم ) امي حددت مصيري بدون ماتقولي ولو انها وافقت كان جبرتني على هالشي طالعت فيها ريم وبستغراب: هذي مشكلة امي تحدد بدون ماتاخذ راينا بس استغربت حاجه ليه ماقالت شي لمن طلبت الطلاق توقعت انها بتعارض لكنها سوت العكس همست ريف ببتسامه : تدرين ريمي وش اكثر شي حبيته عقدت ريم حواجبها وبهمس: بشنو بلعت ريقها واهي تلعب باصابعها برتباك: اممم يعني لو ماخذيتي فارس وماصار الي صار كان ماكنت انا وانتي قراب بهالشكل ابتسمت ريم واهي تحط راسها على صدر اختها: تدرين يمكن الي صار لي خيره ورتب لي اشيا كثيره ماكانت اتوقعها دخلت ريف اصابعها بشعر ريم وبهمس: تدرين بعد وش اكثر شي احبه فيج : شنـو همست ريف بفخر كبير: احب فيك التفاؤل الي يكسيج كل شي يصير لج تقولين انه خير وعمري ماشفتج حزينه حتى بطلآقج قلتي خيـره وابتسامه تفاؤل شعت بعيونج ياليتني ياريم زيج طالعت ريم بالفراغ واهي تهمس بداخلها لو تدرين ان بداخلي رماد وش تقولين عني لوتدرين اني يائسه من الدنيا من زمان وش تقولين عني لو تدرين اني عكس الي قلتي وش تقولين عني حل الصمت ثواني وانسمع صوت غليظ حسيت فيه ان جدران بيتنا راح يتصدى :ريــم فزيت من مكاني وانا اشوف ابوي يجي صوبي وعيونه تبوح الغضب صرخ بحده واهو قبال وجهي: منهو الي تحبينه يابنت... عقدت حواجبي وبصوت عالي: وش فيك يبه صرخ ابوها بحده واهو يرمي بوجهها فاتورة الجوال : قوليلي منذا رقمه قسم بالله لو يصير كلآم فارس صحيح قسم بالله مااطلقج منه ارتجفت كل خليه بجسمها واهي تشوف رقم فيصل وارد وصادر همست بصوت راجف: هذا رقم فيصل.. وتوها ماكملت كلآمها انطبع على خدها كف حار خلآها تطيح من طولها وبعد تقولين اسمه بوجهي يال... والله ثم والله مااطلقج على ولد عمج وفارس سوا الي تستاهلينه ومعاه حق لكن اسمعي زين اذا ظنيتي انج تخدعيني وتستغلين حبي لج فأنتي غلطانه لان من هاللحظه راح يكون لي معاج تفاهم ثاني صرخت ريم من وسط دموعها: اصبر يبه خلني اقولك منهو فيصل ذا صرخ ابوها بحده واهو يحاول يفتح ازارير غالوقته بتعب: ولآكلمه ماابي اسمع ولآكلمه فاهمه لسانج ماابيه يجي على لساني ابد فاهمه سكتت ريم بعد ماحست بخوف على ابوها ابتعد وتركها مرميه على الارض الي تعودت تحظنها كل ماحتاجت لها ريم تلآقت نظرات ريم بريف وبهمس: فيصل ولد خالة هيفا ابوي فاهم غلط والله مابيني وبينه شي والله ورب البيت همست ريف بحزن : ادري وانا اعرف منو الي قاله مافي غيره فارس الحيوان ورب البيت راح اخذ حقج منه ياريم ابتعدت ريف وصارت تجري واهي تصرخ باسم الانسان الي عشقته انسان ظنت بيوم انه راح يكون ملكها ومثل ماتوقعت طلع يجري لها وابتسامه عريضه ترتسم على محيا وجهه : هلآ ريف صرخت ريف بستهجان واهي تقبض على ايديها وتضرب صدر فارس بقوه: ليـــه سويت كذا ليــه يافارس فضحت اختي ليه حس بألم يتناهش صدره واهو يشوف دموعها تغطي وجهها الي عشقه ظل جامد مكانه واهو يخليها تضربه بكل قوتها بدون مايبعدها رغم انه يحس بألم من ضربها له لو ريم الي تضربه كان عرف يوقفها لكن الي قباله حبيبة روحه الي قباله ريــف ماهي ريـم صرخت بصوت عالي بعد ماحست انه مو يمها: جاوبني ياحقير ليه سويت كذا ليه انت ماتدري ان اختي ماهي راعية هالسوالف انت ماتدري ان اختي اشرف انسانه على وجه الارض انت ماتدري انك جرحت ريم اكثر من مره حرام عليك تعذبها حرام تعذبها على حسابي تفجر صمته واهو يمسك ايديها ويصرخ بحده: انتي تشوفين ريم غلط تراها ماتستاهل كل هذا انتي ماعرفتيها عدل انا كنت اظن مثلج لكنها طلعت عكس الصوره الي رسمتها ورسمناها كلها صرخت ريف واهي تحاول تبعد ايديه عن ايديها: ريـم طيبه وعلى نياتها وهذي مشكلتها لو ريم غير كذا كان قالت لأبوي انك تحبني وماتحبها لكن عشان ماتهدم حبنا هدمت حياتها وش تبي اكثر من كذا فارس وش يثبت لك هالشي رق قلبه للحظات وهمس بحده: مااصدق اكيد انها ساكته عشان شي ثاني عشان الي اسمه فيصل ذا عشان تسوي شي بالحرام من وراي ال.. صرخت ريف واهي تبعد ايديها من ايديه: الله ياخذك يافارس انت مو حطمت ريم انت حطمتني معها لآني صرت يوم ورا يوم احس بصورتك تصغر بعيوني يافارس تصغر انت ماتدري منهو فيصل عشان تقول هالحكي لو سألتني كان جاوبتك انت حرمتنا من إنا نكون ويا بعض وانهارت ريف تبكي بحراره واهي تلم ايديها صوب وجهها همس بصوت مليان قهر: وش تقصديـن تراجعت ريف بخطوات لورا واهي تحاول تهرب منه لكنه تشبث بيدها وبهمس: ريف جاوبيني رفعت راسها وطالعت بحنكه بس ولآ قدرت تطالع بعيونه وبهمس: يعني تزوج ريم وانسى ريـــــف ارتخت يد فارس من يد ريف الي ابتعدت وصوت شهقاتها تعلق بأذن فارس وقلب فارس وروح فارس :: :: :: طلت براسها واهي تدور على تركي وارتاحت لمن سمعت صوت التلفزيون وتاكدت انه موو بالغرفه دشت للغرفه واهي طالع بشعرها المبلل ابتسمت ابتسامه جانبيه واهي تحس براحه كبيره وسعاده واسعه بدت تتلذذ فيها جلست على الكرسي واهي تمدد ساقها وتسحب من التسريحه مرطب جسم جلست ترطب جسمها واهي تغرق روحها بأغلى واجمل الاطياب ابعدت الروب عن جسمها واهي تسحب قميص النوم وتلبسه كان لونه وردي وناعم حيـل مبرز انوثاتها الطاغيه خذت المشط وصارت تمشط شعرها المغرق بالماي احم احم رفعت راسها وشافت تركي واقف عند راسها طالعت فيه وبهمس: وش فيـك طالع فيها واهو يعقد حوجبه: وش هالريحه الزينه (خذاله نفس واهو يقرب صوب عنقها ) طالعت فيه واهي تنزل المشط عنه وباغراء: شرايك فيها طالع فيها وببتسامه جانبيه: مدري احس ريحتج مثل ريحة الزهيوي ابتسمت بسحى واهي تنزل راسها: تسلم هذا من ذوقك عض على شفته لجل ماينفجر ضحك عليها وعلى غبائها : اسمعيني زين ابيج دوم ريحتج وريحة الزهيوي واحد ماشي ارمشت ببلاهه وبدلع: من عيوني دامه اعجبك ابشر بالي تغرق راسها لي مطاها من ريحة الزهيوي والتفتت عليه ببراءه: بس قولي وش الزهيوي انفجر ضحك واهو يتكي بيده على التسريحه: ههههههههههههههههههههههههه ههههااي عقدت حواجبها وبحده: ماقلت شي يضحك انا طالع فيها واهو يمسك خصرها ويقومها لمن حس انهم صارو جسد واحد وبهمس: الزهيوي هذا ياطويلة العمر ( ضحك ضحكه مكبوته وبهمس) هذا ههه صرصور ياخوختي ههههههههههههههههههههههههه ههه طالعت فيه واهي تحاول تبعد يديه عن خصرها وبزعل: ههه وربي سخـيف ومالك داعي اجل ريحتي ريحة صرصور هاه عض على شفته واهو يحس بالدموع بدت ترسم على عيونه من كثر الضحك: لاه لاه انتي احلى منه بعد حطت يدها على يده واهي تمد بوزها: طيب شكراً جالس تتمصخر علي شد على خصرها اكثر واهو يقربها صوبه وبحب: امزوح خوخه وش فيج زعلتي طالعت فيه وببرائه: من جدك انت ريحتي ريحة صرصور هز راسه بالنفي وبحنان: لحظه خليني اشم قرب من عنقها وفجأه ابعدت راسها عنه وبهمس: خلآص خلآص ماله دااعي تقول شي وسعت ابتسامته واهو يسحبها: احلى من ريحة الورد انتي بعد قرب يدها من فمه وطبع فيها بوسه وببتسامه: تدرين خوخه وش نسيت طالعت فيه وبهمس: ايـش سحبها معاه للسرير واهو يجلسها على طرفه ويسحب الدرج الي عند راسها وببتسامه: نسيت اعطيج هدية صباحيتج يااعروس طالعت بالصندوق الاحمر الي بيد تركي وبهمس: وشهي ذي طالع فيها وببتسامه: كرة قدم وشهي يعني هديه يلآ افتحيها ابتسمت بسحى وبهمس: طيب انا اسأل وش فيها طالع فيها وبهمس: اي عن الترقيع يلآ بطليها ابعدت الشرايط الذهبيه عن الصندوق واهي تطالع بالصندوق الي تبطل بهدؤ ووسعت ابتسامتها اول ماشافت الهديه وبهمس: سويتج ابتسم لها وبهمس: ايـه ياخوخه شرايج فيها طالعت فيه وببتسامه: كلفت على عمرك حبيبي طالع فيها : كل شي يهون لعيونج يالغاليه وش رايج تنزلين وتجربينها طالعت فيه وبهمس: عاد شنهي السياره طالع فيها واهو يقرب من وجهها: هوندا 2009 اذا مااعجبتج نغيرها لج طالعت فيها واهي تطبع بوسه على خده بحراره وبهمس صوب اذنه: مشكور ودامه منك صدقني راح تعجبني اكيـد حست بنشوه وانها تعيش بحلم تركي محسسها انها كنز غالي بالنسبه له واهله طيبين معاها واهي تحس براحه كبيره وسط هالناس وفرح تدعي بسرها انه يدوم .. :: :: :: طالع فيها واهي تقرب البطانيه له وبهمس : شوشو رفعت راسها وببتسامه: لبيـه همس برتباك واهو يطالع بشعرها الي يكسي بجامتها وعيونها الي واضح عليهم الحزن: مو حاب انام وانا زعلآن عليج طالعت فيه واهي تحس بدقات قلبها راح تكسر ضلوعها : انا اسفه هيف وادري اني غلطانه بس والله مو قصدي شي واصلآً ماظنيت انك بتطلع اليوم طالع فيها وبزفره: يعني كنتي تتمنين اني اطول بالمستشفى عشان تهيتين كل ليله همست برتباك وبخوف: حشاك ياهيف لاوالله اني اتمنى الي فيك فيني لكن انا لو ادري انك بتجي ورب البيت كان ماطلعت لكني حبيت اجيب سيارتي لجل ازورك الصبح والله شاهد على نيتي رص على اسنانه بقوه وسؤال بداخله يسألها عن دعيج شفتيه قابلتيه الساعه الالماس منه شهد تدري عن علآقتكم وساكته اشيا كثيره تدور بباله همست بصوت راجف: حبيبي تبي اصلح لك شاي سحب يدها ودفنها بيده وتمنى تقدر يدها تطفي النار الي تاكله يوم ورا يوم حتى واهو بالمستشفى صورة شوق ودعيج مرسومه بعقله هي له وبس ومستحيل تكون لغيره : ابيك انتي حست بنار تصلى جسمها كله وعيونها بدت تبوح الشوق والحب الي راح يتفجر باي لحظه سحبها لمن خلا راسها على صدره ويده تحاوط كتفها همست بصوت راجف: تدري لمن دشيت لغرفتي ومالقيتك فيها هيف حسيت ان الحياه انتهت بالنسبه لي همس بصووت اجش: وش تقصدين شوشو همست واهي تشد على يده : هيف انت لي وانا لك تكفى هيف لآتعذبني اكثر من كذا لآتقسى علي ماادري اذا بستحمل قسوتك اولآه تمنى يقوله بهاللحظه هذا انا تحملت خيانتك ياشوق ورضيت اكون معاك وصرت كل يوم احترق بنار الشك والغيرهـ حل الصمت ثواني ماينسمع الا انفآسهم ودقآت قلوبهم .. :: :: :: حسيت بريحه حلوه تملى انفي الصغير طالعت بشمه وببتسامه : واخيراُ شموم طالعت فيني شمه بعيون غريبه وبهمس: احس الرياض اشتاقت لك همست لها بصوت راجف: مو الرياض الا كايد وانتي الصادقه ابتسمت ابتسامه جانبيه وبستهزء: مسكينه ياهيفا مدري متى تصحين من احلآمك طالعت فيها وانا احس بالهواء يداعب شعري وبهمس: صدقيني بلقاه واقف عند بيتنا طالعت فيني وبشك: مااتوقع وقصري صوتك يمكن يسمع عمي وفيصل كلآمك ويعصبون عليك ارخيت بجسمي على الكرسي وبهمس: خلي العالم كلها تدري صدقيني ماهمي احد ظليت اطالع بالسيارات الرايحه وابتسامه تملى ثغري فجأه انعطفنا وشفت بيتنا اشتقت له حيــل ومثل ماتوقعت هذا اهو كايد واقف وبيده ورده بزاوية بيتنا قلبي خفق وروحي لدقايق حسيتها بتطلع ضربة بكوعي على شمه وبهمس: شوفي شموم مو قلت لك مو قلت لك لحظات مرت وعيون كايد المصدومه تعلقت بعيون هيفا وقفت السياره تنطر الابواب تفتح قدامه وهيفا حست برقبتها بتنكسر واهي طالع بكايد شمه بداخلها ماتت وتمنت لو بيدها نار تحرقهم اثنينتهم الله يلعن الحب الي جمعهم مع بعض قريب بتفرح بدمارهم كلهم كلهم وعيونها بدت تنطق الحسـد ومافي شي غيـر الحسد الي يعمي الابصار ويموت القلوبـ .. انتهى البارتـ اتمنى انه ينال اعجابكم .. رايكم ونقدكم يهمني تحياتي لقطات من البارت الواحد والثلآثون .. متأكده ان هذا الي خطبج ,, ايه متأكده واذا مو مصدقه اسألي امي .. :: :: انتــي طآآلق .. :: شفت مو قلت لك اتركها هاه وش استفدنا وش حصلنا هذا احنا تدمرنا والسبه انتـ وينها تنفعك الحيـن.. :: ابعد عني ورب البيت لو تسوي هالحركه مره ثانيه ورب البيت لأعلم اخوك .. :: وش تسوين انتي ,, :مااسوي شي وابعدي عن طريقي لو سمحتي : وش هالكيس الي معكـ : تبين تفتشيني انتي ابعدي ترا مو رايقه لج .. :: كنتي صادقه اهو طمعآن فيني الحقيـر .. 8 8 8 يعني تشوق ^_^ انتهى البارت | ||||
|  |
|
11-03-13, 07:11 AM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الواحد والثلآثون .. مثل الزجاج في رقته احساسي قابل للكسر مير الزجاج لآنكسر حآذر تقربه يجرحك ..~ بطلت عيونها واهي تشوف ايديه محتظنتها ابتسمت واهي تحاول تبعد عنه بهدؤ عشان ماتصحيه واول ماسحبت نفسها من حظنه حست بيد تشد فوق كتفها بقوه رفعت راسها وشافته مضيق عيونه وبصوت غليض: على وين ان شالله بللت شفايفها واهي ترفع شعرها المتناثر حول وجهها: على وين باللهي الواحد مايقوم من نومه ابد ابتسم ابتسامه جانبيه واهو يبعد يده عنها : طيب شوي شوي علي كليتيني بلسانج والله اشك انج خوخه الي عرفتها بكندا من اول ماخذيتج وانتي صايره قويه وسعت ابتسامتها وبهمس: ماعاش الي يقوى عليك حبيبي بس انت اأسألتك مال اوم اوم اوم امها داعي هههه دخل اصابعه بشعره وبزفره: طيب اوامر ثانيه هزت راسها وتناثر شعرها حولها وبدلع: مايامر عليك عدوو ولو عندي امر ثاني راح اقوله لك همس لها بصوت حنوون: امم طيب نسيت اقولج جهزتي الشناط عشان السفر طالعت فيه وببلاهه : اي سفر رفع حاجبه وببتسامه: مسرع نسيتي عقدت حواجبها واهي تهز راسها : ايش خذاله نفس طويل واهو يطالع بعيونها البريئه وبهمس: مو انا امس قبل لآنام قايلج انا بنسافر طوكيو ضربت راسها بخفه وببتسامه: هههه ايوه صح توي اذكر طالع فيها وبهمس: الي ماخذ عقلج ابتسمت وبخجل: تدري تركي مو حابه اسافر حابه ابقى هينا سحب يدها ودفنها بيده وبهمس: ادري ان الجوء العائلي دايم يجذبج بس انا واعدج ولآزم انفذ وعدي انا حاب اسعدج خوختي بأي وسيله اقدر عليها قربت شفايفها من يده واهي تطبع بوسه خفيفه عليه وبهمس: عسى الله لآيحرمني منك قول امين ابتسم ابتسامه جانبيه وبحنان: ولآمنج خوخه تلآقت النظرات وانفجر تيار كبير من الحـب الي ماعرفته خلود الا بحظن تركي .. :: :: :: جالسه قبال تسريحتها وجاالسه توزع البودره حول وجهها بالقطنه طالعت بخدها وابتسمت ابتسامه حزينه يالله شقد هالخد انضرب لكن الوجع مابقى فيه وبقى بقلبي انجرحت من ابوي وانجرحت اكثر من اخوي فارس ماتوقعته يسوي فييني كذا ويرضى باللي يصير بي اكبر غلط واجهته اني رضيت بالزواج واكبر غلط سويته اني كتمت حبي لراشد ياترى وش حاله وش اخباره ياترى اهو مشتاق لي الحين ولآلآ ورب البيت والله يشهد علي ان قلبي عجز ينساه وان روحي دوم تطراه عيوني تدمع كل ليله تمر بدون مااشوفه ولآاسمع صوته الي يرد لي الروح شفايفي فاقده البسمه الي يرسمها راشد على شفاي تزوجت ولآ تركتها عشاني سمعت بالي حصل بي ولآلآ حسيت بعيوني تغورقت بالدمع وقلبي زاد الشوق فيه وانفتح جرح رافض انه يبرى ابد بللت شفايفي بعد ماحسيت ان كل ذره بجسمي تتغير من اجيب طاري راشد سحبت المنديل وصرت امسح دموعي الي رافضه توقف من الهطول كل يوم احكي لها ان راشد راح وماعاد يرجع والدموع ماعادت تنفع لكنها رافضه ومصره انها تذرف وماراح توقف لمن يرجع لها راشد تنهدت من القلب تنهيده كانت طويله سحبت شنطتي الورديه وعدلت حجابي الاسود طلعت من غرفتي وانا ادعي بسري اني مااشوف ابوي والحمدالله اول مادشيت المطبخ مالقيت الا كوماري : كم كم فديتج سويلي حليب نسكافيه وبيض بالفلفل حوبي هزت راسها وطلعت من المطبخ عشان اجلس بالصاله سحبت الجرايد الي على الطاوله وجلست اقرا : السلآم عليكم همست بدون مااطالع فيه : وعليكم السلام : ياحي هالصباح الي فيه ريوم ابتسمت ابتسامه جانبيه بدون مااطالع بأبوي همس بصوت حزين: ريوم للحين وانتي زعلانه مني بللت شفايفي وبهمس: لايبه ماني زعلانه ولآهم يحزنون بس مو حابه اتكلم وحابه انعزل.. فيها شي يعني هز راسه بالنفي وبحنان: اسف يابنتي الشيطان لعب بعقلي وهذا فارس حالف انه مايطب البيت الا لين ترضين عليه يالغاليه ابتسمت وطالعت فيه : يبه قلت لك ماعاد يهمني شي لآفارس ولآغيره عقد حواجبه وبهمس: ليه طالعت فيه وبزفره: فارس الي سواه شي طبيعي لكن الي سويته انت غير كذا مو انا دلوعتك وحبيبتك يبه مو انا الي تثق فيها ثقه عمياء طيب لمن سمعت الحكي ليه ماكلمتني ليه ماعطيتني فرصه اشرح لك ليه صرت مثل فآرس وغيره ليه يبه هجمت بدون ماتسأل همس بصوت حزين: اسف والله الشيطان لعب بعقلي والتفكير كله انشل وادري ان المفروض اكون واثق فيج يالغاليه لكن الشيطان اقوى مني ومنج سحبت شنطتي وابتعدت وبهمس: تكفى يبه لآتكلمني دام الثقه ماهي مزروعه بصدرك شفته ينزل راسه ويحط ايديه عليهم بحزن عورني قلبي وتمنيت اروح واحظنه لكن شي بداخلي منعني ابوي شك فيني ولآزم امحي الشك من صدره الله ياخذك يافارس ان كان ماجاني من وراك الا المصايب :: :: :: لبست دراعتي بعد ماقمت ولا لقيت هيف موجود طلعت من الغرفه بسرعه اول مانزلت للصاله لقيته جالس ولآحظت ان الجبيره الي كانت بيده ماهي عليه : السلآم عليكم هيف بهمس: وعليكم السلآم عقدت حواجبي وانا اجلس يمه وبهمس: متى شلتها طالع فيني واهويصب القهوه: من شوي توي راد من المستشفى وسعت ابتسامتي اكثر وحسيت براحه : وش قالك الدكتور قرب مني فنجال القهوه وببتسامه: مافيني الا العافيه وقال يمكن تحس بألم وهذا شي طبيعي لآنك توك فاك الجبيره ويبيلك وقت لمن ترتاح من الالم لآحظت بام هيف ماسكه سماعة الهاتف وتتكلم بصوت واطي ارتشفت القهوه وبهمس: توديني اليوم لآهلي بلل شفايفه وبزفره: على حسب مزاجي سكت بعد ماشفت ملآمح وجهه اعتفست وسمعت عمتي واهي تسكر التلفون وتصرخ بصوت عالي: مبروك ياهيف التفت عليها انا وهيف وحسيت بضلوعي بتتكسر من دقات قلبي القويه:على شنـو طالعت فيني وبصوت حاد: بتصيـــر خال حسيت بدقات قلبي تهدا وسمعت هيف يٍسأل بستفسار : منو من خواتي ابتسمت ابتسامه حاده وبصوت عالي: فوز وعقبال مااشوف فطوم حامل فديتها وان شالله افرح فيك لكن الظاهر اني بطول لين افرح فيك ابتسم هيف وبفرح : ياحليل فوزوه مابغت تحمل اختي واخيرً ظليت صامته وكلآم ام هيف يوجع قلبي همست بصوت عالي اكثر وبهمس: ايه الحمدالله وعقبال مااشوف عيالك الي تأخرو هيف ببتسامه بارده: لآ ان شالله بتفرحين فيهم بس اصبري عليهم جمدت مكاني وافكار كثيره بدت تدور ببالي اتكلم عليها ولآ اسكت لكني بالاخير فضلت اسكت لآنها بالاول ولااخير ام زوجي ومقامها ومقام امي واحد همست بضيقه: الى متى ياولدي ترا ان طولت بجيب الثانيـــه قمت بعد ماحسيت ان الكلآم يقتلني وهيف صامت ماينطق بحرف واحد ويحاول يلهي نفسه بالجوال لكن صوتها استوقفني : على ويـــن همست ببرود : تبين شي ياعمه : ايه تعالي اجلسي وين منحاشه ولآ كلآمي مااعجبج ابتسمت بصوت بارد : الا ياعمه معجبني كلآمج واولدج زوجيه الي تبين تراي ماني معترضه ابد طالع فيني هيف بنظرات للحظه وحده حسيت انها بدت تحرقني همست بصوت حاد: ايه هذا البلآ مشكلة ولدي متعلق فيج همس هيف بحده: منو قال اصلآً انا مفكر اني اتزوج بس خليني اتوظف وابشري بالثانيه يمـه ابتسمت وبهمس: وانا الي بختارها لك ابتعدت بسرعه وانا احس باطرافي حاره وصدري يشتعل بالنار يبي يتزوج علي والله ثم والله لو فكرت بكذا ياهيف اني مااجلس وياك دقيقه وحده :: :: :: وكأن ايام المراهقه ترجع بالنسبه لهم جالس على سريره والجوال بأذنه وماينسمع الاصوت ضحكه العالي يلعب بأصابع رجله ومايدري كم الساعه ومايدري اذا اهو قايم ولآ سهران همس لها بحب: طيب اذا بتطلعين مكان قوليلي ماشي همست بصوت كله دلع: لآه ياخي اخاف فيصل يشوفك زفر بحده: وش يبي فيصل يروح وياكم مو انتي بتروحين ويا السايق : ايه لآن اخته ويانا اهو مايخليها بروحها عقد حواجبه وبهمس: وليه ان شالله لآيكون مايثق فيها : لآوالله مو عن بس فيصل كذا من النوع الغيور جدً ابتسم لها وبهمس: ماعلينا من سيرة فيصل ماقلتيلي وش صار عليك اربك تاكلين زين وتفطرين زين ووزنك زاد تعسست جسمها وبهمس: لآوالله هذا انا مثل ماانا لآزدت ولآنقصت يمكن الكيماوي اثر علي حك دقنه وبستغراب: من اي ناحيه طالعت بنفسها بالمرايه وحست بعيونها تنطق الفرح والسعاده رغم ان جسمها هزيل الا انه فيه نور انرسم على وجهها ياترى اهو نور الحب ولآ نور الراحه : على الكترونات ونيترونات جسمي وسعت ابتسامته وبحده: هههه عن المصاخه عاد اقول هيوفتي الحلوه عندي طلب : ايش هوآ قام من سريره وبهمس: ابي اشوفك الحين ابي هالصبح يشرق بوجهي على حساب خشتك : هههههههههههههههاي لآه عاد بوافق على هالحكي وسعت ابتسامته وبحب: طيب حبيبتي ممكن اشوف وجهك المشرق عشان دوامي اليوم يكون خير وفرح وسعاده بللت شفايفها وبهمس: اممم طيب ماشي بس نظره خاطفه اوكي هز راسه وبفرح: اوكيه ياقلب كيود : طيب كيود وانت جاي جيب لي معاك صبه وبيبسي من البوفيه الي تحب تاكل منها وسعت ابتسامته وبهمس: من عيوني بجيبها لك بس شلون تاخذينها : تعرف الباب الوراني حق الحديقه تعال منه وحط عند الباب الصبه اوك همس لها بحنان: ماشي يلا الحين ابدل واجيك رمت الجوال من ايديها واهي تفز من سريرها وتلبس شحاطتها وتجري بسرعه لبرا الغرفه ارتجفت اول ماشافت شمه قبالها وبهمس: يمه خوفتيني طالعت فيها شمه بستغراب: وش فيك انتي ابتسمت هيفا بسحى وبصوت خافت: كـآيد بيجي بعد شويه زفرت شمه بحده: يالله عليك يعني متى بنتابع الفلم اذا باليل وانتي سهرانه معاه والصبح وانتي معاه متى اجل نسهر ونسولف زي اول طالعت فيها هيفا وبطيبه: ماشي ولآتزعلين بفضالك لآتاكليني بس زي منتي عارفه مشتاقين لبعض وتو ماالدنيا فضت لنا مكان عشان ننبسط فيه ولآزم نستغله تنهدت شمه بضيق: اوف منك انتي اصلآً مادري ليه معجبك هالملحط ابتسمت هيفا وبصوت حاد: شموم ترا ماارضى تتكلمين عنه بهالطريقه طالعت فيها شمه وبستهزا: عشتوا والله لآيكون موكلك محامي وانا مدري مسكة اذنها وبدلع: امم واللهي من غير لآيطلب انا اصير له (اشرت بيدها ) شوفي ان مااسكتي الحين واحترمتي نفسك ترا بوريك الويل شمه بحزن: والله وجا الوقت الي يفرقنا به رجال ياهيفا هيفا بستغراب: امزح معك انتي قلبتي حكي لجد هزت شمه راسها واهي تمد بوزها : ايه بجد انتي ماتشوفين نفسك وانتي تتكلمين واللهي لو ماتكلمتي الحين كان اخذ شدي وارجع لبيتنا وبلا سهره وبلآ نيله وسعت ابتسامة هيفا وبصوت حنون: اسفه شموم واللهي اضحك معك بس انتي صايره هالفتره حساسه بشكل لآينتصور شمه ببتسامه: ادري فيك عسل دوعن يالدوبا امشي نسهر وخلي زلمتك يولي طالعت فيها هيفا وبهمس: بس شوي شموم شمه ببتسامه خبيثه: بشرط هيفا بهمس: وشو شمه بخبث: اكون ويآك ابتسمت هيفا ببراءه وبهمس: ماشي بس هاه ماابي يحس فيك كايد اوك هزت شمه راسها وبهمس: طيب بروح للصاله واحط الفوشار والبيبسي واجيك ماشي هيفا: اوكيه تراي جالسه ورا ابتعدت شمه وابتسامه خبيثه زينة شفايفها :: :: ::كانت ريف جالسه بالحديقه وابتسامه مرسومه على شفايفها واهي تشوف واوا يداعب اخوانها الصغار ذبلت هالابتسامه بسرعه اول مالمحت زول فارس يقرب صوبها سحب الكرسي وبهمس: السلام عليكم ارتشفت الشاي بدون لاترد عليه واكتفت انها تشتت نظراتها لبعيد همس بصوت عالي: صباح الخيـر يالوجه السموح ارخت بجسمها على الكرسي واهي تكتف ايديها: وش تبــي اوف الواحد مايتهنى على هالصبح حط ايديه على الطاوله وقرب وجه منها وبهمس: ترا مايليق عليج الزعل ابد ريفاني زفرت وبصوت حاد: من شافك يقول ماسويت شي اسم الله عليك سحب كاس الشاهي حقها من يدها وقربه لشفايفه على طول واهو يرتشف منه همست بصوت حاد: قسم انك مليغ ابتسم ابتسامه جانبيه وبهمس: قسم انج عسـل فزت من طولها واهي تبي تبتعد لكن صوته شدها : ريف ابي اكلمج همست واهي واقفه: اتوقع الكلآم انتهى يافارس رفع عيونه صوبها وتركز على عيونها الناعسه: لآه ماانتهى لآتنسين انا نحب بعض ولآتنسين ان الي صار اصبح من الماضي حست باعاصير تجتاح مشاعرها وبصوت مكبوت: وش الي ترجيه مني يافارس همس بصوت مخنوق: انج تسامحيني ريوفتي حل الصمت ثواني والعيون اهي الي نطقت اهي مسامحته من زمان لكن مستحيل يكون فارس لها مستحيل يكون لها عقب الي حصل كله يااما ياخذ ريم يااما ينسى ريف هذا الحل بالنسبه لها وبالنسبه لأهلها بعد بللت شفايفها وبهمس: خلصت حكيك هز راسه واهو كله امل انها تنطق الكلمه الي مشتهي يسمعها من فمها المليان همست بصوت خافت: وانا قد قلت لك يافارس تزوج ريم وانسى ريف واقولها لك الحين حتى لو ماعدت تتزوج ريم انا مستحيل اكون لك ابتعدت وتركته مجروح من غير سبب اهو خسر ريم وريف وماخذا اي وحده من بنات عمه :: :: :: جلست تقلب بجوالها وهالرساله مدويه تتردد على مسامع اذونها ياترى وش يقصد مافهمت وش يقصد ولآفهمت الرساله اصلآً ماهي وقت رسالته ماصدقت افتك من هالسالفه تنفتح من جديد وش عنده ذا معقوله يحبني مسكينه ريم مالقيتي الا فيصل يحبك اصلآً وش يبي منك ابعدت جوالها عنهآ بعد ماسمعت صوت باب غرفتها يندق همست بصوت خافت : تفضل ابتسمت واهي تشوف البنت الصغيره ومعاها ابوها وبهمس: حياك وش المشكله همس ابو البنت : والله يادكتوره بنتي ضرسها يبي يطيح وكسرت نصه ونصه لاه ابتسمت واهي توقف: ماشي تعالي يالحلوه واجلسي على السرير واول ماجلستها على السرير انسمع صوت الجهاز الي يخلي كل ذره من جسمك تقشعر والخوف يدب من طبيب الاسنان غضمت البنت عيونها وصارت تبكي واهي تحط يدها على فمها ابتسمت ريم واهي تتذكر ايام اول اكره شي بالنسبه لها دكتور الاسنان والحين اهي دكتوره بالمكان الي تكرهه ردت الاله وبهمس: حبيبتي لآتخافين مارح استخدمها بس حبيت اجربها بشوية اغراء ودلع قدرة ريم تخلي نفس البنت تطمئن وتقشع لها سنها وبهالطريقه قدرت ريم تنسى فيصل ورسالته :: :: :: دشت للمطبخ والارتباك بدى يتلون بوجهها خذت كاس ماي بارد وسحبت ادول من الثلآجه بسرعه طلعت تجري لغرفة امها بطلت الباب ولقت تركي جالس يم جدته والحزن بدا يتلون على ملامحه انتفضت خلود بمكانها وبهمس: خذ شربها يمكن تنخفض الحراره طالع فيها بعيون يملآها الحزن وبصوت مكسور: جدتي ماتت ياخلود طاح الكاس من يدها وفمها تبطل وعيونها توسعت بالدمع صرخت بوجهه واهي تقرب من امها: لآه تركي امي ماتت امي حيه تكفى تركي خذها للمستشفى نزل تركي راسه واهو يحط ايديه على راسه من كبر الصدمه طاحت دموعه بدون ماتتوقف لحظه وحده صرخت خلود واهي تحاول تحرك بتركي : وش فيــك تبكي خلنا نوديها للمستشفى تركــي صرخ تركي بوجهها وبحده: خلود جدتي ماماتت تفهمين انتي ولا ماتفهمين حطي يدك على قلبها وشوفي اذا حيه ولا قام تركي وترك خلود مرميه بحظن الانسانه الي ماحسستها بيوم انها غريبه بالانسانه الي كانت احن عليها من امها من الانسانه الي قضت معها فتره قصيره وحسستها بهالفتره انها تعرفها من زمان صرخت خلود واهي طالع بوجه جدتها المبتسم والنور يملآه قربت وجهها من صدر امها ودفنته وصارت تشم ريحتها ودموعها بدت تغرق ثوب امها سمعت صوت خلفها كان اصوات بكى هدى وفهد وابو تركي والعايله كلها قرب تركي منها واهو يحاول يسحبها لكنها تعلقت بأمها الي كانت منسدحه على فراشها واندمج صراخها مع صوت بكى وصراخ اهل تركي وفجأه غطى الون الاسود المكان الي اهي فيه وحست بيديها ترتخي عن امها :: :: :: بمنع شعوري عن شعورك لين اخليك تقدم فؤادك بالهوى لي هدية وان قلتلك اني احبك لا اوصيك حط بالك تصد وتخليني بأذيه ترددت تبطل الباب وتشوف كايد ولالآ نزلت له بدون ماتلبس باروكتها كل هذا لآن كلام شمه اثر بنفسها تبيه يشوفها بكل حالتها الشينه والزينه سمعت صوته : يعني تبين تأخريني بطلي الباب ابتسمت بشقاوه واهي تمد يدها الي ترجف وتبطل الباب وبهمس: ياويلي على هالصباح الي تبي تصبح به على وجهي ابتسم ابتسامه عريضه اهو يشوفها قباله وببتسامتها وغميزاتها الي رغم التعب الا انها مازالت عذابه واكثر شي يحبه فيها همس بصوت خشن: وش مسويه ببريطانيا اشوفك محلوهـ وسعت ابتسامتها اكثر واهي طالع فيه بثوبه المنسكب على جسمه بكل دقه والغتره الي مزينته ومخليته رزه وبسحى: ايه قص علي الا انت الي محلو بلل شفايفه واهو يطالعها وبهمس:بما اني صبحت على وجهك متأكد ان الشغل راح يعجبني شبكت ايديها واهي تنزل راسها وبهمس: جبت لي الصبه مد لها الكيس وبهمس: ايه بس ماحسبت( ولمح شمه الي كانت وواقفه ورا هيفا وطاله براسها ) الا انتي وبس خذت منه الكيس وبهمس: وربي شبعانه بس بجبر نفسي اكل يكفي انك جايبه لي سحب يدها ورص عليها وبهمس: آحبـك هيوف تلون وجهها بالاحمر وبهمس: ماودك تروح للشغل ولآ من اول يوم تأخير ههه ابتسم ابتسامه جانبيه وبهمس: وعد مني اول مااستلم الراتب راح اعشيكـ يالدوبآ رفعت حاجبها وبخبث: والله لو يجي الراتب وتخلف وعدكـ تراي بدعي عليكـ ليل ونهار وسعت ابتسامته وبحنان: اهون عليك عآد هزت راسها بالنفي واهي تضحك: ههههههههههههاي همس بحب: يلآ هيوفتي مااطول عليك لآتحرميني من دعواتك يالغاليه همست له واهي تودعه : الله يحفظك ويوفقكـ كويد سكرت الباب واهي ترخي بجسمها عليه وبهمس: وهـ والله احس برجولي ماهي قاويه تشيلني وانا قدامه ابتسمت شمه واهي ترمي بثقلها على الثيل: ولآ انا طالعت فيها هيفا واهي تعقد حواجبها: معجبـك هزت شمه راسها واهي تبتسم : انتي شايفته ياخذ العقل باللهي ياشيخه من مايعجب فيه هذا هيفا بتوتر: يعني حبيتيه طالعت فيها شمه وبرتباك: ههه لاه وش احبه بعد انتي هذا لك انتي هالملحط بس شكله حلو ولآ جيبه خاوي زي حظه بالضبط اصلآً انتي شايفه سيارته الفورد المقربعه الحين الناس تهتم بالكاش مو البآش ابتسمت هيفا وبهمس: احسن انا ابي كايد عشان مايقدر يتزوج علي ثانيه شمه واهي تسحب الكيس من يدها: ايه انتي غنيه وتاخذين فقير باللهي بكرا من يصرف على من شي واحد ابيك تفهمينه كايد طمعآن ولا طالعت فيها هيفا وبستهجان: ولآ وش له يرضى بوحده زيي تراي ياشمه حفظت هالاسطوانه ممكن تسكرينها وماتبطلينها ابد شمه واهي تتلوى بذراع هيفا : طيب طيب اسفه ياحضرة المزموديل ممكن ندش ونتابع الموفي وننبسط شويه دام حضرة الطفران رايح لشغله وانتي راح تكونين فاضيه ابتسمت هيفا وبهمس: ممكن وليش لآ بس هاه ابي اتابع الفلم الهندي شمه واهي تجري: ابي امريكي بلآش حركات الهنود الي مالها سنع هيفا واهي تتخصر: اجل تابعي بروحك :: :: :: طلت شهد براسها وشافت شوق جالسه تقطع السلطه ابتسمت واهي تهمس بصوت خافت: هلواتوووو رفعت شوق راسها ورجعت تنزله واهي تقطع سحبت شهد الكرسي وجلست يمها: يابعد هالروح ياشوشو (خذت لها نفس ) وهـ وش هالريحه الزينه يالبى طباخج الي ياخذ العقل وهـ بس فديتج يااحلى مرت اخ بهالدنيا طالعت فيها شوق وبحده: وش تبــين همست شهد بخبث: اشـــــشــش لحد يسمعج خليج بالاول ريلآكس وهدي اعصآبج يالحلوهـ عشان اقولج شبي تنهدت شوق وبهمس: وش تبين ابتسمت شهد وبصوت مبحوح: ابيج توديني للسوق عقدت شوق حواجبهاوبهمس: تبين تروحين خلي اخوج يوديج طالعت فيها شهد وبرجى : بليز شوشو ابيج انتي ماابي اخوي ويعني لو ابيه كان رحت له وماجيتج شوق بزفره: انتي ماتوبين حتى بعد ماحطيتني بموقف شين وربي ياشهد ترا اقدر اعلم لكني حابه تتركين هالشغلآت من غير لأحد يجبرج ومو حابه اشوفج متأذيه طالعت فيها شهد وبزفره: يووووه جتنا مطوعة بريده هيه انتي بتوديني ولآ بتوديني غصبً عنج عقدت شوق حواجبها وبصوت حاد : يعني شلون غصب عني وش هالوقاحه الي فيج قامت شهد وبصوت حاد:تدرين الظاهر انتي مايمشي معج الا الشده ابتعدت شهد وتركت شوق مصدومه ياه وش هالوقاحه الي فيها اصلآً انا غلطانه اني سكت من البدايه على سوالفها :: يمـــه يمــه همست امها بحده: خير خير وش عندج جايه وتصارخين شهد بصوت باكي: يمه شوفي شوق تتمنن علي اقولها وديني للسوق ابي اشتري اغراض ناقصتني تقول روحي لهيف وهيف تعبان ويده مكسوره ومايقدر يسوق فيها وماله خلق يدور معاي ثُلآُث اربع ساعات واهو تعبان ضمت ايديها على وجها وانهارت تبكي همست امها بصوت حاد: طيـب يابنت جابر تبكين بناتي والله ماعاش الي يبكيهن طلعت من غرفتها والنار تشتعل بصدرها صرخت بصوت حاد: هيــف هــيف همس هيف بخوف: هلآ يمه طالعت فيه امه واهي تتخصر وبصوت حاد : شف بنت جابر تبكي بناتي اول طلب يطلبونه منها واشتغلت المنه عندها قسم بالله ان ماوقفتها عند حدها ولآ انا الي اوقفها طالع فيها هيف وبصوت خافت: يمه يالغاليه هدي بالج وبعدين اذا بينكم سوالف تفاهموا من غير لآتجييني ابتسمت ام هيف بداخلها وبصوت حاد : يكون احسن راحت للمطبخ ولقت شوق قبالها وصرخت بصوت عالي: شوفي يابنت جابر ماعاش من يبكي بناتي وانتي الظاهر داخله على هالبيت والشر داخل معج تروحين الحين وتعتذرين من شهد وتودينها للمكان الي اهي تبيه بللت شوق شفايفها وبصدمه: وش مسويه انا صرخت ام هيف بوجههآ: الله يلعن البراءه الي تعرفينها عن حركات النص كم وروحي لبنتي الحين وقفت شوق وبصوت حاد: ماسويت شي عشان اعتذر ومارح اروح لأي مكان سحبت ام هيف طرف دراعة شوق واهي تجرها وبحده: بتمشين وغصب عنج بعد صرخت شوق واهي تبعد يد ام هيف عنها: وخــري عني وماهو انتي الي تجبريني التفتت ام هيف وشافت ولدها قبالها وبصوت حاد: والله والمره ياولدي الي ترفع صوتها على امك وتنابح بوجيه خواتك وتبكيهم هذي الي فرشت لها الكنوز ولحفتها بالفلوس هذي اهي ظلت شوق جامده مكانها بدون ماتنطق بحرف واحد همس هيف بصوت حاد وبركان يثور بصدره: سوي الي تقوله امي لج بلعت شوق ريقها وبصوت راجف: مارح اتحرك من مكاني انا ماسويت شي غلط هيف بصوت حاد: شوق تحركي من قدامي ولآ تخليني اسوي شي لآيرضيج ولآ يرضيني همست شوق بصوت راجف: قلت لك مارح اتحرك من هالمكان ظلت ثواني وشوق تحس بغرابة تصرفها والعناد الي تمسكة فيه ونظرات هيف لها الي خلت كل ذره ترتجف بالخوف همست ام هيف بحده: قسم هالاشكال يبيلها قص ارقاب من شين الوجه وعاد الطبايع خايسه همس هيف بصوت عالي: شوق روحي شوق واهي تحس برعشه ترجف بجسمها: مارح اتحرك قرب منهآ هيف وشوق ظلت تطالع فيه همس للمره الاخيره: روحي شوق شوق بصوت حاد: قلت لك مارح اتحرك من مكاني تفهم هذا الي ناقص اعتذر لوراعيـن ومايمديها تكمل كلمتها الا بكف ينطبع بخدها تناثر شعرها حول وجهها وحست بحراره تاكل خدها الايمن حطت يدها على خدها واهي تطالع بهيف وحست باعيونها تتوسع بالدموع تحركت من مكانها وشي واحد ينسمع منها صوت شهقاتها الي نبعت من قلبها :: :: :: طالعت تحرير بالناس الي لبست ثياب الحداد وحست بمغص ببطنها وابتسامه جانبيه انرسمت بنفس الوقت جتها فرصه فرصه عمرها ماتكرر وبنفس الوقت حزينه وقلبها يعورها على جدتها الي ماتت صحيح جدتها ماكان يجي منها لآشر ولآ خير لكنها مع ذالك كانت راسمه بصمه سعاده بهالبيت بلعت ريقها واهي ترسم الحزن بوجهها وتدور بعيونها على خلود همست تحرير بصوت مكبوت : يمه وين خالتي ام سعود واهي تمسح دموعها : يمكن انها جالسه تبكي بغرفة العجوز راحت ام سعود وتركت تحرير واقفه مكانها حست بضيقه غريبه بدت تداعب صدرها من منظر البيت الموحش واصوت البكى الي انتشرت وسط البيت بلعت ريقها واهي تمشي لفوق وتدور بعيونها على غرفة تركي واول ماشافت الغرفه سمعت صوت من وراها : تحرير التفتت وشافت هدى تتعلق فيها وتبكي: شفتي الي صار بيوم وليله تختفي جدتي من الوجود (انهارت تبكي ) مسحت تحرير على ظهرها وبهمس: ارتاحي انتي حامل مايصير تنفعلين هدي هدى بحزن :تدرين انها ماتت بحظن خلود وتركي اهم اخر اثنين شافوها قبل لآتموت تدرين منقهره لآني ماشفتها ولآ قدرت اودعها والله منقهره نار اشتعلت بصدرها وبحده: وهذي خلود نلقاها بكل شي هدى بحزن: والله هالبنت اجوديه ورب البيت اني حبيتها وحسيتها مثلك ياتحرير طيبه حيل وعلى نياتها طالعت فيها تحرير وبهمس: طيب طيب انا بنزل تحت الحين لآزم اوقف مع خالتي الظاهر انها تعبانه هدى بهمس: مو بس اهي حتى خلود انهارت همست تحرير : طيب هدو روحي ارتاحي بغرفتج عشان البيبي ياقلبي انتي تدرين انج باخر شهرج ويبيلج راحه هزت هدى راسها وابتعدت وتركت تحرير تنزل تحت وتحاول ترتب للعزء والناس الي بتمطر عليهم بعد شوي :: :: :: بطلت عيونها بهدؤ واهي تشوف نفسها بغرفتها تنهدت بضيق وامتلت عيونها دموع وصورة امها تنرسم قدامها خلاص امها ماتت ومارح ترجع للحياه مره ثانيه ليه الناس الي تحبهم دوم تخسرهم ليه ليه كل ماحست انها بدت تسعد بحياتها يجي من ينغص عليها انفجرت عيونها بالدموع وحست حاجه بيدها طالعت باللزقه الي مزينه بيدها وحست بألم واهي تثني يدها حست بأحد يقرب صوبها رفعت راسها وطالعت بانوار تجي صوبها همست بصوت خافت واهي تجلس على طرف السرير وبصوت باكي: قولي ان لله وان اليه لآ راجعون وادعي عليها بالرحمه ياخلود الي تسوينه مايجوز همست بصوت متقطع: ان لله وان اليه لأراجعون اللهم اجرني في مصيبتي واخلفني خيرً منها حسيت بيد انوار على راسي وانا اسمعها تتلى ايات وصوت بكاي حسيته بدء يهدء غمضت عيوني ورجعت انام وانا احس بنفسي تهدء :: :: :: طالعت ريم بأمها المبسوطه وبهمس : وش فيج يمه همست بصوت خافت: ام احمد لبى روحها ولدها بيعرس سحبت جوالي وببرود : الله يوفقهم ابتعدت امي واهي تضغط بجوالها انتبهت لبطاقة زواج شعور بداخلي خلآني اسحب البطاقه تمنيت الارض تنشق وتبلعني ولآ اشوف الي اشوفه رآشد ...آل.. لا اكيد مو اهو لا مو راشد راشد يحبني ومارح ياخذ غيري ابد اكيد تشابه بالاسماء لكن راشد قالج انه خذا غيرج راشد باعج ( ياويل حالي مالت عليه مسرع اعرس يخطب منا ويعرس منا ) التفت وانا اشوف ريف الي جلست على طرف الكنب وطالع بالبطاقه الي بيدي وبستغراب:شنو ريف بصوت خافت : هذا راشد الي خطبني ياويلي اشوى اني ماوافقت كان عرسي بعد يومين التفتت عليها ريم وبصدمه: وش قاعده تخربطين انتي ريف ببتسامه: وش فيج انتي هذا الي خطبني ورفضته امي ريم واهي تحس بضلوعها راح تتكسر من لطمات قلبها القويه: متأكده ان هذا الي خطبج ريف بهمس: ايه متأكده واذا مو مصدقه اسألي امي ريم واهي تحس انها راح تنهار بأي لحظه وقفت بطولها واهي تحاول تهرب لغرفتها وملجأها همست ريف : على وين مابدكـ نطلع نتمشى طالعت فيها ريم واهي تتمنى لو تبكي او تنهار وبصوت راجف: مابي شي ابي ارتاح ابتعدت ريم بسرعه واهي ترمي نفسها بسريرها وتحس بالقهر يسري بعروقها معقوله ياراشد خطبت اختي ياويل حالي شلون لو اخذها وش راح يسوي فيني راح يذبحني وانا حيه ليه ياراشد كنت حاب تعذبني ليش انهارت تبكي واهي تحس بحرارة دموعها وصدمه كبيره اهدائها لها راشد وماتدري اذا راح تكون الاخيره ولآلآ حست بشهقاتها رااح تقتلع روحها من كثر مااهي قويه ابعدت الدب عن وجهها واهي منهاره وتمنت لو ترميه للأبد تمنت للحظه وحده انها تقدر تشلع حب راشد من وسط صدرها يالله شقد الحظ يلعب معاها ياليته يوم يصف يمها ويسعدها راشد صار لغيرها واهي صارت للسراب اهي مطلقه ومحد يبيها اهي صفر على الشمال اهي ولآ شي بس لآنها ريم همست بصوت خافت : يارب نسيني راشد ونسيني حبه ظلت تبكي وتبكي وتبكي وشي واحد قاهرهآ ليه راشد سوا معها كذا ليه ماحافظ على شعورها ليه مااهتم على قلبها لاينطعن ليه خلآها تبكي وماتدري متى تقدر توقف عن البكاء وتواجه الواقع :: :: :: طالعت فيها شهد وببتسامه: مدري ليه تحبين تحطين نفسج بمواقف بايخه شوق بصوت خافت: وين تبيني اوديج له شهد ببتسامه عريضه: ابي اروح لآفنيوز طالعت فيها شوق وبخبث: ماشي اوامر ثانيه هزت شهد راسها وبهمس: مابي غير سلآمتج ياحوبي تدرين شوشو ورب البيت عورني قلبي عليج لمن طقج اخوي طالعت فيها شوق وببرود : تعودت ماهو شي جديد شهد بستغراب: طيب ليه وديتني بعد ماسويتي هالهيصه والليصه شوق بحزن: اخوج مو راضي يسمع وانا ماعندي استعداد اشرح لأنسان مايسمع شهد برتباك: كنتي بتعلمين علي شوق واهي ترفع حاجبها: لا حياتي ولافكرت اعلم عليج لاني بالاصل مالي خص فيج وسوي الي يريحج انزلج بالسوق وانا راح اكون بالسياره ماشي ابتسمت شهد وبهمس: ماشي صدقيني مارح اطول :: :: :: ظل يطالع قبر جدته بعد ماانتهى من الصلآه عليها حس بصدمه سرت بأرجاء جسمه ظل جامد وعيونه تتفجر بالدموع ورافضه تهدء وتوقف اهو دلوعها وحبيبها وكل شي بحياتها يصبح على وجهها يغتمر بحظنها وريحتها الزينه يتنفس انفاسها ويسمع حكاويها يسمع لنصايحها وتوجيهاتها ينطق بعصاتها تعصب عليه وبلحظه تناديه وتبوس راسه وايديه تحبه وتخاف تنام وماتصحى واهي زعلآنه عليه كان كل ليله متعود يمر عليها يسمع كلماتها لكن كلماتها الاخيره كانت كلها توصيات حس بحاجه قالها تشوف الطبيب لكنها رافضه مشتاق لها ومو صدق انه راح يتركها مدفونه تحت الارض مو قاوي يبتعد عنها لآنه خايف يفقد ريحتها العطره وريحة العود الي متعلقه فيها صوت يناديه من وراه : تركي الى متى بتظل هنا التفت وشاف سعد الي لابس نظاره شمسيه ويخفي عيونه المتنفخه بالبكي وبصوت راجف: مو قاوي اتركها بروحها همس سعد بحزن: ادعي لها بالرحمه وامش مايصير تظل هينا مارح ترجعها للحياه بهالطريقه همس تركي واهو يحظن الارض: روح واتركني مع جدتي روحــــ تناهش الحزن صدر سعد ابتعد وترك اخوه يبكي بكل ألم وحسره .. :: :: :: طالعت فيهم واهم بالمطعم ترددت تصور ولالآ لكن شي بداخلها قرر انه يسوي حاجه خلتها تشغل الكاميرا وتصور لمسات بالايدين وابتسامه عريضه راسمتها شهد ماكانت خايفه ان احد يشوفها مع شخص غريب كان كل همها تحصل على الهديه الي مع حبيبها الاسمر حتوم وقفت التصوير بعد ماشفت شهد توقف واسرعت بالجري لبرآ ترددت اوري هيف او امحي التصوير .. لكن خبث تصاعد بأنحاء جسمي وقرر اني اوري هيف وابري ذمتي رميت بثقلي بالسياره وشفت انعكاس المرآيا شهد تجي صوبي .. :: :: :: آتنفسك مثل الهوء واحتاجك لقلبي دوء مادام انا وانتي سوء مابي انا من حياتي شي كانت تتمتم ريم بهالكلمات بصوت خافت ودموعها للحين ماجفت بطلت الصندوق ورمت فيه كل ذكرى حلوه وشينه قضتها مع راشد طالعت بالدب وشدت قبضتها عليه واهي تتمنى لو راشد الي قبالها كان عرفت شلون تقهره مثل ماقهرها دفنت كل شي يخصه ويخصه بهالصندوق واهي تتمنى لو تدفن قلبها لجل تمحي راشد منه طاح دفتر ذكريتها من يدها وطاح منه ورده مجففه تنهدت بضيق واهي تتذكر هالورده الي عطاها اياه راشد .. ردت الورده بكتاب الذكريات الي كتبت فيه لحظه بلحظه شعورها واحساسها كل ماشافت رآشد وكتبت فيه لحظات الضعف الي حصلت لها ومشاكلها مع هالحب ترددت تكتب الي حصل لكنها عجزت تكتب رمت الكتاب وباقي الاغراض وسكرت الصندوق وقفلته واهي كلها امل انها بيوم راح تبطله ياترى ياريم بيجي اليوم ولا مارح يجي .. تردد هالسؤال ببالها كثير وتعبت واهي تدور له جوآب .. اكتفت بالصمت .. يمر اسمك على أوراقي يفيض بقلبي اشواقي واشم عطرك على سطوري وهاله نور بأحبابي:: :: :: كانت تشوف هيفا واهي تلبس الفساتين الي من خالتها وتحس بقهر يداعب عروقها شلون راضي ييطالع بوجهها واهي بهالحاله شلون راضي يحب انسانه وراضي يتزوجها واهو متاكد انها ماتجيب عيال ماني مصدقه انه يحبها اكيد طمعان ولآ هيفا مافيها شي ينحب والله والله لو تلبس ولو تسوي الي تسويه البنت شينه وتخرع مادري ليه مستحملها لكن الي قهرني نظراته لها كانت نظرات غريبه اكيد ياشمه يحبها واكبر دليل انه ماقالها عن سوالفك معاه يقدر يخرب علآقتك ببنت خالتك لكنه ماخربها لآنه يعرف ان هيفا تحبني وماتنبسط الا وانا معها ومايبي يزعلها يخاف على مشاعرها وقفت بطولها قبال المرايا وبهمس: امانه ياهيفا قوليلي ماني حلوه طالعت فيها هيفا وببتسامه: الا قمر اسم الله عليك همست شمه بحزن : طيب وين الرياجيل عني ليه مايشوفوني ابتسمت هيفا وبستغراب:توك صغيره ليه مستعجله على هالسوالف طالعت فيها شمه وبصوت مكبوت: ابي اعيش الي تعيشينه الحين رمت هيفا بثقلها على السرير وبهمس: تبطين عظم والله تلقين زي كايد كايد مافي منه الا واحد واهو لي انا وبآآس طالعت فيها شمه وبقهر: وليه مو لي آآآنآآ انفجرت هيفا ضحك وبهمس: ههههههههههههاي تخيلي عاد انا وانتي ناخذ كايد قسم اشكالنا غلط شمه واهي تلعب بشعرها: بالعكس ليش غلط الا حلو انتي بنت خالتي وانا احبك مارح نتهاوش عليه وكل وحده لها ليلتها وش رايك هيفا بتفكير: لآه مقدر انا اموت لمن تكون عندي شريكه تبين انتي وخشتك تشاركيني بكيودي شمه بخبث: والله ماتدرين يمكن كايد يبيني هيفا بستخفاف: امحق طاح حظه قولي امين اذا فكر فيك قسم انه حقير لو يسويها شمه واهي تلفت عليها: ليه حقير يعني الرياجيل مايشبعون من الحريم والظاهر كايد من هالنوع هيفا بحده: انتي من اليوم تحورين وتدورين على كايد وش سالفتك شمه بهمس: يمه كليتني امزح معكــ قطع كلأمهم صوت جوال هيفا ابتسمت بفرح وردة بلهفه: ياهلآ والله بهالصوت وصاحب الصوت .. طلعت شمه وتركت الحبايب مع بعض .. :: :: :: مر اسبوع والحزن غيمه تمر على بيت آهل تركي طالعت خلود بوجه تركي الذآبل ومرسوم الحزن بتقاسيمه وبهمس: يلا بطل فمك واكل حبيبي تراك ماكليت شي طالع فيها واهو يبعد فمه من يدها المحشوه بالعيش : مابي خوخه مالي نفس بشي ردت العيش بالصحن واهي تقوم وبهمس: طيب اذا تبغى شي تراي موجوده طلعت من الصاله وتركته جالس لوحده بللت شفايفها واهي تبطل الماي وتغسل ايديها سمعت صوت تركي سكرت الماي بسرعه واهي تمسح ايديها بطرف بجامتها وتجري صوبه بسرعه اول ماشافته يبكي واهو حاط يده على وجهه حست بضلوعها راح تتكسر تراوغت عيونها بالدموع واهي تجلس يمه وتحظن راسه صوب صدرها وبصوت باكي: آدع لها بالرحمه وحست بأيديها تشد خصرها اكثر وبصوت مبحوح: كل يوم اصحى وانزل لغرفتها بدون لآاحس وانادي اسمها جدتي وش فيج متأخره على قومة الصبح واطالع والقى فراشها خآلي ماتدرين بآيش احس ياخوخه وانا اشوفها ماهي موجوده ريحتها تعج بالغرفه رغم انها ماهي موجوده وكل يوم وانا على هالحال انطق اسمها وانا اظن انها للحين عايشه معنآ ولآ تركتنا حطت خلود يدها على فمها واهي تمنع شهقاتها وتحس بدموع تركي الحاره تحرق لها صدرها ماتدري كم مر من الوقت واهم يبكون سوء واجسادهم متشابكه ببعض .. :: :: :: دخل بيته والنار تشتعل وسط عيونه صرخ بصوت عالي: كايــــــــــــــــــــــ ــــد فز كايد بطوله واهو يطلع من غرفته ويهمس بصوت عالي: هلآ يبه طالع ابوه بولده ورمى قباله اوراق وبصوت حاد: وش رايك بالي تشوفه عقد كايد حواجبه واهو يشوف صدر ابوه الي يعلى ويهبط وبصوت راجف: وش ذا صرخ ابوه وبحده: وش تشوف باللهي كايد بخوف: وش فيك يبه وش صاير لك صرخ ابوه : اقرا الاوراق وراح تعرف نزل كايد بجسمه واهو يسحب الاوراق وجلس يقلب فيها واهو مو فاهم شي رفع راسه وطالع بشافي وانجود وصنهات وشريفه واقفين ورا ابوه وبصوت راجف: مو فاهم شي مادري شله هالاوراق ابوه بحد واهو يرمي بثقله على الكنب: هذي يافالح طلب فصلي من الشغل عقد كايد حواجبه وبهمس: وش له تبي تفصل صرخ ابوه واهو يحس انه يختنق: ماهو انا الي طالب اني افصل ناس طالبه فصلي وللأسف تم فصلي وهذا انا صرت عاطل باطل حالي من حال اخوانك كايد واهو يحك ذقنه: وش هالكلآم منو الي طالب فصلك وش له دخل فيك صرخ ابو كايد واهو يرمي بثقله على الكنب ويحاول ياخذ له نفس: تعرف ابو الهانم هذي الي انت عاشقها ومادري وش قصتك معها بنت ... هذا اهو خلآني عاطل باطل بس لآنك ياولدي العزيز جالس تطارد بنت الناس من مكان لآمكان ارمش كايد ببلاهه واهو يحاول يستوعب وش الي يقوله ابوه همس بصوت خافت : متاكد انت ابو كايد واهو يرفع حاجبه: وش له اكذب اصلآً انا ماربيت رجال ربيت واحد مايخاف على عرضه ويجلس يطارد عرض غيره ويتحرش فيهم استح على وجهك ياخي رجال طول بعرض وهذي سوالفك صرخ كايد بحده: يبــه وش هالكلام الي تقوله ماسويت شي والي حصل اكيد غلط او تشابه اسماء مااتوقع انه راح يسوي هالشي وش له مصلحه انه يحرمك من الشغل اكيد انت غلطان وفي احد ثاني مسوي هالحركه فيك صرخ ابو كايد واهو يأشر بأصبعه :اسكت ولا كلمه انت ماكنت موجود لمن كلمني ابوها وجهاً لوجه واهو الي عطاني ملفي وقضبني الباب شفت مو قلت لك اتركها هاه وش استفدنا وش حصلنا هذا احنا تدمرنا والسبه انتـ وينها تنفعك الحيـن.. انا عندي عيال ومحتاجين اني اعينهم وبسبة تهورك وطيشك ضيعتنا كلنا ياكايد كلنا هذا وانت ماطلتها وصارت هالسوالف اجل لو طلتها وش راح يصير كايد للمره الاخيره اقولك اتركها وان ماتركتها فبيتي يعذرك شد كايد قبضة ايده بقوه واهو يحس بقهر وش يبي ابوها ليه يبي يحطمهم وش هالحقاره الي تسري بدمه وش عرفه اني اكلم بنته وراجع لها وكيف عرف اني كنت ببريطانيا رفع راسه صوب ابوه وبهمس: ابشر يبه مارح يصير الي يرضيك ولا تضيق خاطرك الشغل بداله شغل والاهم اهي صحتك يبه ولآ تنسى انا موظف ونقدر ندبر امورنا لين اردك لشغلك طلع كايد بسرعه ونار بدت تشب وسط صدره همست شريفه واهي تقرب الماي وعلاج ابو كايد صوبه: هد نفسك ماله داعي تتعب عمرك وتزعل ولدك وشكله ماله ذنب بالي صار طالع فيها وبحده: ابعدي عني ولآتفتحين فمك بكلمه ولدي يبيله تربيه من جديد .. :: :: :: حطت يدها تحت راسها واهي طالع بالفرآغ ماتدري شعور غريب اجتاحها متندمه انها مامحت التصوير الي بجوال هيف والي قهرها اكثر ان هيف للحين مابدر منه اي ردة فعل ارتجفت اول ماحست بخطوات تقرب صوبها رفعت راسها وشافت هيف واقف قبالها وظل يطالع فيها ابعدت نظراتها عنه واهي تقوم من السرير لكنها حست بيد تلامس يدها حست بدقات قلبها تنبض من جديد نزلت راسها وبهمس: وش تبي مني بعد لآمس خدها بنعومه وبهمس: مايستاهل هالخد انه ينضرب شوشو لكن مشكلتج انج عنيده وماتسمعين للحكي رفعت نظراتها صوبه وبهمس: مثل الحمار تضربه يتحرك انا ابتسم ابتسامه جانبيه وبهمس: حشآك شوشو وبعدين يخسى الحمار يكون زيج تنهدت بضيق وبهمس: ممكن امشي الحين ضيق عيونه وبهمس: للحين ماخلصت كلامي رفعت راسها وبزفره: ياكثر ماتتكلم لكن مشكلتك عمرك ماتسمع اذا جاي تعتذر فصدقني مارح يغير اعتذارك جرحك لي لآني مليت ياهيف تضرب وتعتذر الى متى باللهي انت مبسوط بهالعيشه الي عايشينها ازواج احنا وبالنفس الوقت مو ازواج احنا مجرد لوحه فنيه مرسومه لكن بدون اي ابداع او فن لوحه مجرده من الاحاسيس هيف ضغط على يدها واهو يقربها صوبه وبهمس: مشكلتج مارح تفهميني شوشو امتلت عيونها دموع وبصوت باكي: كيف تبيني افهمك وانت مو فاهم نفسكـ صارحني قولي هيف وش فيك كذا وش الي صار بك ورب البيت عجزت افهمك عجزت هيف اتركني لو سمحت ومثل ماكنت ماتكلمني طول هالاسبوع ياليت تكمل هالمعروف ولآ تكلمني الا لمن ترجع لي هيف الي اعرفه زيـن ابتعدت وتركته واقف ثواني يستنشق بقايا عطرها الي تناثر بالهوء ياترى اهي صادقه انا متغير واهي طيب وش اقول عنها مو اهي الي جارحتني واهي الي تمثل دور المجروح مو اهي الي خانتني وطعنة حبها وسط قلبي بيديها انا مجرد انسان ينتقم لكرامته الي داستها شوق برجولها :: :: :: حكت راسها وحست بشعرات بسيطه تداعب اصابعها ابتسمت بفرح وبهمس: شموم مو تحسين اليوم غريب طالعت شمه فيها وبستغراب: وش فيه عدلت بجلستها واهي تطالع بشمه الي جالسه تمنكر اصابعها: مدري كايد مااتصل وماارسل ولمن دزيت له رساله اني تطلقت ماقال شي رفعت شمه راسها واهي تبتسم بداخلها: آآيش انتي صادقه هزت هيفا راسها بخوف: اي والله شمه بخبث: وربي توقعت انه بيفرح ويطير لمن يعرف انك تطلقتي تدرين عاد قايله لك من االاول شكل نيته نية لعب وطمع اما الي براسك مااتوقع انه براس كايد فركت هيفا يدها ببعض واهي تحس بعبره بدت تخنقها وبهمس: تكفين شمه تراي مو ناقصتك يمكن ماعنده شحن شمه بستهبال: ارسلي له بطاقة شحن وشوفي اذا بيرد ولالآ بطلت هيفا درجها وطلعت منه بطاقة الشحن واهي ترسل له رقم البطاقه وبهمس: واذا مارد يمكن صار به شي شمه واهي تحط المناكير على الطاوله: هذا قطو ابو سبع ارواح يااختي تلقينه لقى صيده ثمينه غيركـ داعب الشك صدر هيفا وثواني مرت واهي تطالع بجوالها وتنطر انه يشع بأسمه بأي لحظه :: :: ::مايدري كم مر من الوقت واهو يفتر بشوارع الريآض والشوارع حفظته من كثر مايدور فيها وقف سيارته عند مجمع قريب وظل جامد مكانه مسك جواله وعقد حواجبه واهو يشوف بطاقة الشحن حذف المسج وظل يطالع بالفراغ شي واحد عجز انه يسويه انه يقطع علآقته بهيفا تنهد بضيق واهو يحس بحلقه مفقوده كيف راح يعرف ابوها اني قطعت العلآقه فيها واذا عرف اكيد راح يرد ابوي لشغله وبكذآ ابوي مارح تتعب نفسيته وصحته لكن هيفآ اهي الي بتتعب وتتألم يارب تسامحيني ياهيفا وربي غصب عني ولآ هو برضاي الي بسويه فيكـ كتب مسج ومحاه لازم تسمع صوته ولآزم تسمع الكلآم الي راح ينطقه لها لآزم يحطم حبه لحساب غيرهـ لآزم يتركها واهو متاكده انه مستحيل يتركها ياكيف ابصبر على فرقاها وياكيف ابصبر على العيش من دونها ادري اني بقتل روحي هاليوم لكن ساعات القدر يحتم علينا نسوي اشياء نكره انا نسويها ضغط على شفايفه واهو يحط السامعه صوب اذنه ومايمديه يرن الا واهو يسمع صوتها يغرد بأذنه ودقات قلبه تشتعل وسط ضلوعه همس بصوت خافت: لآيكون صحيتك من النوم : لا ياقلبي عجزت انام و انا ماسمعتك تقولي تصبحين على خير ضغط على شفايفه بقوه اكثر وبهمس: شخباركـ ان شالله بخير : الحمدالله تمام وانت شعلومك بلع ريقه وبصوت خافت: على حطت يدك : قولي كيف الشغل معآك ان شالله مرتاح تنهد بضيق وبهمس: الحمدالله كل شي زين حل الصمت ثواني وحست هيفا ان في حاجه غريبه وبصوت خافت: كايد فيك شي زم شفايفه واهو يحس بضلوعه راح تتحطم وعيونه بدت تلمع بالحزن وانفاسه اعلنت الاضطراب : كايد معآي انت طالع باليل الدامس وبصوت مكبوت: ايه هيفا حاب اكلمك بموضووع انقبض قلبها وبخوف: ايش هوآ رص على اسنانه واهو يحس بصعوبة نطقه للحروف: ابي اقطع علآقتي معكـ ابتسمت ابتسامه جانبيه وبهمس: ياكرهي لك ولسوالفك الماصخه ههههههه همس بصوت حاد: ماامزح معك اتكلم جد انا : كويد وربي مالي خلق لسوالفك عن المزح الثقيل همس بصوت بارد : هيفا تسمعيني زين اقولك ماامزح معك انا ماابيك تفهمين انتي ماابيك وان بقيت معك ترا رحمتً بك مو حبًُ فيك لآتتصلين علي ولا ترسلين لي شي وانسي كل شي فات وكل واحد منا يروح بطريق ارتجفت شفايفها وتقوست بحزن وعيون انفجرت بالدموع وبحده: آآآيش هذا اخرةً حبي لك هذا اخر ثقتي فيك تتركني كذا وبدون سبب قولي وش الي حصل وش الي خلآك تقول هالحكي قولي سبب واحد يخليني احس اني مااستاهلك قولي كايد قولي ولآ تسكت همس كايد واهو يحس بانهار تجري على خدهـ وحرآره بدت تصدر من وسط صدره وبصوت مكبوت : انتهينا هيفآ والسبب انتي عارفته مااتوقع اي انسان يقبل بوحده مثلك سكر الجوآل واهو يحس بخناجر تقتل له قلبه ليه جرحها ليه قسى عليها ليه خلآها تتوجع كل هذا يهون ولآ انه يشوف دمعه تذرف من عيونها اهو عارف هيفآ زين قويه وراح تظل قويه ومارح تهتز لآي رجل كان حتى لو كان كايد انهار يبكي وكانت دموعه حارقه واهو عارف انه بهاللحظه فقد هيفا للأبد اهو خسرها والسبب يعلم به الله السبب غصبً عنه والله حسيب على الي كان السبب الله حسيبه وينتقم منه كلمات رددها كايد بصوت عالي واهو يدعي على الي فرق بينه وبين هيفآ .. :: :: :: انصدمت شمه باللي تشوفه واهي تشوف هيفا تكسر جوالها وتصرخ بصوت عالي الله يلعنهم الله يلعن الي يسلم قلبه لهم كلهم حقآرى كلهم واحد هذيلآ الشباب مامنهم امان ابد الله ينتقم منك ياكايد ويوريك باختك نجود الله ياخذ بحقي منك اقتربت منها شمه وبصوت خافت: هدي بالك مايستاهل انك تبكين عليه رفعت راسها واهي تشوف شمه وبصوت باكي: كنتي صادقه اهو طمعآن فيني الحقيـر .. ماكان يحبني الا عشان الفلوس ولمن حس انه صعب يوصلي تركني والله كايد طاح من عيني وربي ماتوقعته كذا توقعته غير شمه وانهارت تبكي واهي بأحضان شمه المصدومه ماتوقعت ان كل شي جاها بهالسرعه ابتسمت ابتسامه خبيثه وبصوت مكبوت: هدي بالك وخليه يولي والي خلقه ياهيفا خلق غيره لاتكدرين خاطرك وكبيه ابتعدت عنها هيفا واهي تطالع فيها وبهمس: اتركيني بروحي شمه واهي تحس بقلبها يعورها: مقدر اخليك بهالحاله هيفا ارتجفت شفايفها وبصوت باكي: تكفين شمه خليني بروحي تكفين شمه بهمس: طيب بتركك بس لمن تهدين مو هالحين هيفا وهي تضرب نفسها وبصوت باكي: ليتني مت ولا شفت هاليوم ياليتني مابعت رحمي عشان كايد ياليتنـ . ( وتوها بتكلم لكن شمه حطت يدها على فم هيفا وبصوت باكي) تكفين لآ تكملين كلامك تلوت هيفا بشمه وبصوت مقهور: حرآآم عليه الي سواه فيني والله حرآآم :: :: :: :: نزلت الدرج وانا اسمع صوت عنود واهلي طليت براسي وشفت ابوي متوسط الصاله ويمه امي وعمي على شماله ومرت عمي وعنود واختهم جوهره ابتسمت ابتسامه عريضه وبهمس: ياهلآ والله سلمت عليهم وقربت من ابوي وانا اشوف بعيونه الحب قربت شفايفي صوب راسه وطبعت بوسه طويله سحبت يده وقربتها لفمي وبستها شد ابوي على يدي وبهمس: تعالي يمي ريماني ابتعدت امي وجلست يم ابوي وبهمس : وش عندكم مجتمعين اليوم سبت ماهو خميس ابتسم عمي واهو يطالع بالعنود وبهمس: بلآج ماتدرين وش سبب جمعتنا عقدت حواجبي وانا اطالع بامي: وش الي صاير ابتسمت امي وبصوت يملآه الفرح: اخوج خطب عنوده رفعت عيوني وشفت عنود الي اشتعل وجهها احمر واحس بعلآمة استفاهم كبيره بدت تنرسم فوق راسي لاه مايصير هالشي حرام نظلم العنود مع اخوي حرام ندمر مستقبلها حرام نخليها تعيش الهم واهي صغيره مستحيل يصير هالشي مستحيل حست امي بنظراتي الي ماهي مصدقه وبصوت خافت: اسكتي ولا تفضحينا بعدين اقولج بللت شفايفي وانا اطلع من المجلس بعد ماحسيت بالضيقه تتناهش صدري شلون عمي يرضى بهالزواج لبنته ولآ عشان المصلحه كل شي يهون حسيت بيدين تحاوط خصري وصوت قريب لأذني : يعني مافي مبروكـ ابتسمت وانا اطالع بحديقتنا: على شنو على الغم والهم ياعنود ارخت يديها من خصري واهي تلف جسمي صوبها: وش فيج انتي ليه صايره كئيبه انتي مو ريم الي اعرفها انتي متغيره عقدت حواجبي وببرود: يمكن تغيرت ويمكن نظرتي للحياه تغيرت عنود لكن الي اشوفه انج تذبحين نفسج وانتي ماتدرين طالعت فيها وبصوت حاد: انتي موافقه على الي يصير سحبت يدي واهي تلامس اصابعي وبهمس: اسمعيني زين ياريم صدقيني فكرت بطلآل كثير واستخرت الله كثير وماحسيت غير بالراحه وشي واحد دار ببالي اذا اخوج طلآل صار ضحيه حرام احنا نكون الجلآديين عشان قلبي الي حبه وعشاني اعرف اخوج زين انا راضيه اعيش وياه لو بالجحيم صدقيني راضيه انتي ماتدرين يمكن اخوج تغير يمكن وعى على الي يسويه خلي أملج بالله كبير تراه قادر على كل شي .. طالعت فيهآ وانا احس بكلآمها اكبر منها بكثير ابتسمت ابتسامه جانبيه وبصوت محبوس بالعبره: الف مبروك وعقبال ماازفج لأخوي ابتسمت وبهمس: نفسي اطلع ريماني تكفين وديني اي حته ابي انبسط بهالخبر طالعت فيها وبهمس: من عيوني انتي اطلبي المكان الي تبينه وانا حاضره (انتو هينا وانا لي ساعه ادوركم ) التفتنا على صوت ريف الي واضح عليه انه مكبوت بالقهر طالعت فيني عنود وبهمس: باللهي مانبي ناخذها ويانا وسعت ابتسامتي وبخبث: تعالي ريف شوفي عنود ماتبيج تروحين تتمشين ويآآنا حطت عنود يدها لفمي وبخوف: تكذب عليج تبي تحرش اصلآً انا قايله مااروح الا ومعاي ريفآآن صرخت ريف واهي تتخصر: عن المصاخه انتي وياها وبروح وياكم لو للمريخ مالي خص رجلي برجلكم :: :: : نزلت وانا لآبسه تيور اسود وبدي اسود وفوقي جلآل مدموج باللون الابيض مع الاسود دشيت للمطبخ بسرعه وانا ابطل الفرن بسرعه ياخوفي لاتحترق صينيه الخضار ارتحت اول ماشفت ان الصينيه للحين تتقمر خذيت البيز وسحبت الصينيه حطيتها على رف المطبخ ورشيت عليها جبنه فرنسيه التفت على الخدامه وبهمس: وين مدام انوار وهدى طالعت فيني واهي تغسل وبصوت هامس: ماما انوار روح بيت ماال اهي وماما هدى روح صبح ومافي يجي للهين زميت شفايفي وانا احس برتباك يسري بعروقي طلعت للصاله عشان اشوف منو حاب يتعشى معآي ولقيت سعد جالس تراجعت خطوات لورا لكن صوته استوقفني : خلود تقدمت وبصوت خافت: هلآ سعد : وش تبين حسيت بعيونه بدت تحرقني بلعت ريقي وبهمس: مابي شي توي ببتعد لكن حسيت بخطوته تقرب مني همس بصوت خافت: اذا الاهل ترا مابه احد بالبيت ارمشت وبهمس: وين راحوا طالع فيني وبهمس:الظاهر انج ماتدرين تراجعت لورا وبخوف: وش الي صاير همس بتوتر: لآتخافين ماصار الا الخير انتي ماتدرين ان هدى ولدت اليوم وجابت ولد يشبهلي قمر فديت عمره تنهدت براحه وبهمس: عساها بخير هز راسه واهو يمر يمي وبصوت غليض: ايه وسمته على آبوي ناصر الحين صار بالبيت اثنين ناصر واحد كبير واحد صغير هههههه ابتسمت وانا اسحب جوالي واضغط على رقم هدى لجل ابارك لها طرى ببالي شي الله خذا روح جدتي وقدم لنا روح جديده ياعساها خير وسعادهـ علينا وياعسى الله يرحم آمي ويسكنها فسيح جناتها حطيت السماعه باذني وانا اصعد لغرفتي .. :: :: :: رحت للكوفي وانا احس برجولي ماعادت تشيلني من كثر ماافترينا بالسوق طلبت كابتشينو وسبينون وجلست انطر الطلب كنت صاده ومايبرز مني الا لمحه بسيطه سمعت صوت يمي خلى جسمي يرجف وقلبي ينبض بسرعه غمضت عيوني وانا اقول لنفسي وهم وهم وهم ( لو سمحت عطني قهوه سآده ) صدري بدى يعلى ويهبط والصوت بدى يرن بأذني (وش تبين حبيبتي ) بللت شفايفها وعيونها بدت تلمع بالحزن يارب حلم يارب حلم (تفضلي طلبك اختي) التفت وتلآقت عيوني بعيون رآشد ارتعش قلبي وصدري حسيت به يعلى لفوق فوق من كثر ماانفاسي مضطربه سحبت الطلب وصوت خلآني للحظه وحده اتمنى لو افجر فيهم اثنينتهم ( حبيبي آبي سيبنون مع تشيلك ملك ) ( اوكي حيآتي شي ثاني ) ( لآه) رفعت عيوني صوبه وانا اشوفها متعلقه بذراعه شفايفي حسيتها بدت تتقوس وعيوني امتلت دموع وقلبي مات وسط صدري والنبض مافرح برعشته شديت على قبضتي بكيس الطلب وعيوني للحين بعيونه شي وسط عيونه لمحته ابعد عيونه واهو يطالع بالي معلقه بذراعه ابتعدت بخطى سريعه وانا مو عارفه وين اروح ولا اشوف احد قبالي ابد ماحسيت بنفسي الا بصادمه بشي قوي طاح الكيس الي بيدي وتناثر الكابتشينو عدلت حجابي وبصوت حاد: الله يلعنك ماتشوف نزلت بجسمي وانا اجمع السبنون والكابتشينو واول مارفعت راسي سمعت صوته : ريوم طالعت فيه وانا احس بالعبره تخنقني : فيـــصـــل ابتسم ابتسامه جانبيه وبهمس: وش هالصدفه الحلوه ابتعدت عنه وانا ارمي الكيس الي بيدي وبصوت مخنوق: وش جابك قطر بلل شفايفه وبهمس: مافي الحمدالله على السلآمه ولا كيفك رفعت راسي له وبصوت هآمس:آسفه للحين مو مصدقه الي اشوفه همس بصوت خافت وعيونه معلقه عليها :فيك شي ضغطت على شفتها بقوه واهي تطالع فيه وببتسامه: ولاشي ماجاوبتني جاي زيآره ولآ شنو ابتسم ابتسامه واسعه ابرزت شفايفه المايله وبصوت مليان حب: للحين مو عارف لأيش طالعت ريم بريف وعنود يقبلون عليها من ورا فيصل همست ليفصل بصوت واطي:لازم اروح الحين عشان مااحد يشك فيني نورت قطر بحضورك مستربوصماخ ابتعدت واهي تبتسم من عنده و حزنها على راشد تلآشى :: :: :: ياليتني قلت هيفا قبل لااجي وش فيني استعجلت توها مطلقه مو معقوله راح تاخذني على طول وبعدين ماعلقت على المسج الي ارسلته لها ولآ قالت شي يعني اهي مو عارفه او مستحيه تقولي طالع بالمجمع وبصوت مبحوح: الظاهر انها مو لك فيصل :: :: :: حست بخطواته تقرب صوبها رفعت راسها وشافت هيف يجلس يمها طالعت بالتلفزيون واهي صامته لكن انفاسها كانت تلهث همس بصوت خافت واهو يحط يده فوق يدها: يعني مارح تنامين وياي آسبوع مخليها تنام على الغنفه وش يبي منها اليوم بعد رديت بصوت بارد : لآه اصلآً نومتي يمك مالها داعي شد على يدي وببتسامه : الا لها داعي انا تعودت اشوفج يمي وتعودت اطالع بوجهج كل صبح غزى الدم وجهها وبصوت هامس: آنت للحين تحبني هيف عقد حواجبه من سؤالهآ وبصوت غليض: لو مااحبج ماجيت اطلبج تنامين معي ارتجف قلبها وافكراها راحت لبعيد وبصوت راجف: مافهمت قرب منها وانفاسه الحاره تحرقها وبهمس: تعالي وافهمك سحب يدها وقومها معاه واهي كانت تتبعه بدون ماتحس زعلها عليها تناثر بالهوء اول ماحست انه قريب منها حست بخده يلآصق خدها ويهمس بأذنها بكلآم كانت محتاجه له من زمآن تلآقت النظرات وابتسامه بسيطه تلونت بوجه شوق وبصوت خافت: آحبـك وبعدها حست بيدين هيف تطوقها وانفاسه تضطرب اكثر واكثر ليله رآح تذكرها شوق طول عمرها هاليله .. :: :: :: نزلت والخوف بدا يتلون بوجهها وين راح له تركي من اول ماماتت جدتها واهو حالته حاله متعلق فيها حيل وصدمه واجهته ياعساه بخير حسيت بالخوف بد ياكلني اكل عليه سحبت جلآلي ونزلت لتحت اتصلت عليه ولقيت جهازه مغلق ارتجف قلبي والخوف اعماني طلعت لبرا اشوف سيارته وزي ماتوقعت مالقيت سيارته يعني تركي طلع والى الان مارجع ظليت واقفه وانا احس بالخوف يجفى النوم عن عيوني مكاني غلط المفروض ادش لكن عجزت رجولي انها تتحرك ثانيه وحده فجأه حسيت بيدين تحاوطني من ورآ وهمس صوب اذني خلآني للحظه وحده اتمنى لو اني اصحى من هالكابوس ( والله اني عجزت امنع الرغبه الي تاكل صدري كل ماشفتج لآزم تطلقين عن اخوي وتجين معآي صدقيني بعيشج احسن عيشه بس انتي وافقي انا مو حاب الطخ عرض اخوي من وراه ) حست بنار تاكل اذنها من كلامه ودقات قلبها اسرعت صرخت بحده واهي تبعد ايديه عنها : ابعد عني ورب البيت لو تسوي هالحركه مره ثانيه ورب البيت لأعلم اخوك .. طالعت فيه واهي تحس بالقرف منه وتوها بتبتعد حست بيده تشدها لور: صدقيني غصبً عني ياحلوه الي اسويه وادري فيج مارح تعلمين اخوي بأي شي صح حست بريحته مقرفه وعيونه ماهي طبيعيه سحبت يدها من يده وابتعدت تجري لداخل ماهي مرتاحه له وعمرها ماارتاحت له والحين عرفت سعد من يشبه يشبه جاسر لكن الاختلآف بالادوار يارب تسترني وتحفظني منه سكرت باب غرفتها واهي تسند ظهرها عليه وتحاول تهدي دقات قلبها السريعه : وين كنتي فيه انرسم التوتر بوجها واهي تشوف تركي وبصوت راجف: انت الي وينك طالع فيها وبهمس: عند جدتي خليتها لمن نامت وارتاحت وبعدها قالت لي روح لبيتك توسعت عيونها بالدمع وبصوت هامس: اها قربت منه واهي تحظنه وتحس بوجع بصدرها تركي ماهو طبيعي وياخوفي ان يكون صار به شي من الصدمه حست بيدينه تشد على جسمها وبصوت هامس: آشتقت لج خوخه ابتسمت ابتسامه بارده وبهمس: وانا بعد ومره ثانيه لآتتركني اقلق عليك همس بصوت خافت واهو يداعب وجهها بيديه: ماشي واسف حبيبتي ان سفرتنا تأجلت رفعت عيونها واهي تحس بصدرها يكبر بحب هالانسان وبهمس: عادي حبيبي صدقني اكثر شي يرحييني اني اكون قريبه منك :: :: :: عيونها توسعت بالدمع واهي تشوفه يبتعد من السرير وعيونه تنطق بالشر شدت على الشرشف وبصوت هامس: والله ياهيف اني.. قطع كلآمها وبصوت حاد: ولآ كلمه ماابي اسمع منج شي فاهمه صدرها بدى يعلى ويهبط وشعرها تناثر حولها وبصوت باكي:اكيد انت فاهم غلط اكيد صرخ بوجهها وبحده: الا الحين بس تأكدت انج واطيه وخاينه دوري على الي لعب فيج خليه ياخذج شوق طالعت فيه واهي تحط يدها على فمها وبصوت مكبوت: وش تقصد لبس ثوبه واهو يطالع فيها وبحده: اقصد دعيج ياحلوه مسويه نفسج تقصين علي وتخونيني من وراي تراي عارف كل شي سويتيه وعارف انج خاينه لكن الي عجزت اعرفه شلون قدرتي انج تخليني انام معج صرخت بوجهه واهي تحس بالصدمه وعيونها تتوسع بالدموع : وش تقول انت وش دخل دعيج انت موب صاحي قلت لك اانت فاهم غلط طالع فيها واهو يتمنى لو يقتلها بيده بس مو حاب ايديه تتنجس بدمها همس بصوت خافت: شوق انتي طآآآآآآآآآآلق ابتعد وتركها ميته بفراشها قتيله ومو فاهمه شي واحد صرخت بحده ودموعها تغطيها : ليه ماصارحتني ليه رضيت تعذبني ليه قتلتني هيف ليه خليتني لعبه بيدك ليه استغليت حبي لك ليه طلقتني بعد مآ حسيت اني مو قاويه اعيش بدونك حطت يدها على وجهها وانهارت تبكي بقهر ياترى معقوله دعيج سوى معاها شي معقوله وثقت فيه واهو مو قد الثقه صور كثيره بدت تمر عليها وكل الي حسته ان قلبها مات .. :: :: :: حل الصبآح واشرقت شمس من جديد وغطت الاحزآن و اصبحت من مطويات الماضي السمآء صافيه والهوء عليل مشحون بتيارت الحب والحسد والحقد والكره رفع راسه واهو يطالع بالشركه شلون طاوعه قلبه يتركها ابوه ورد ضابط من جديد مثل ماتوقع في احد له يد بالموضوع ياترى اهي شمه رفع راسه واهو يشوف معاذ يبتسم له: وش فيك سرحآن ابتسم ابتسامه جانبيه وبهمس: تعرف توي ماخذ علآوه لآزم اسررح هههه ومااكتملت ابتسامته واهو يتذكر وعده لهيفا مافرح باول معآش يستلمه ولآ بالعلآوه الي حصلها لآن هيفا ماهي يمه :: :: :: ومتى سافر النذل شمه بضيقه: يمكن له يومين الدوب والله تمنيت اروح وياه هيفا بقهر: لآه وربي لو داريه رحت معاه هناك ريموهـ جد اخوك هذا نذل مايحب الا نفسه شمه بخبث: ايه ادري طالع عليك هههههههه هيفا ببتسامه: شب زين ماعلينآ انا ماقلت لك ان امي قالت لي في خطيب جايني شمه واهي تبقق عيونها: آآيش منهو هيفا بحزن : واحد يشتغل عند ابوي بس تدرين حسيت ابوي الي مناديه عشان يخطبني او جابره مادري ليش شمه بضيقه: مااتوقع عمي بيسويها وش له مصلحه بعدين انتي مافيك الا العافيه ليه هالتشاؤم هيفا بزفره: قلت لأمي لآتفتحين الموضوع ماابي اتزوج وحطي تحت ماابي خط عريـــض بالون الاحمر شمه واهي ترتشف العصيبر وبهمس: يعني حتى لو كايد جاك راح ترفضينه تنهدت بضيق وبصوت مكبوت: كرهت الرياجيل كلهم على حساب كايد ابتسمت شمه بداخلها واخيراً فرقتهم واخيراً صار الي براسها بس الحين شلون تكسب كايد صوبها وتخليه يحبهآ ويموت فيهآ آفكآرها رآحت لبعيـد وماتدري يمكن هااالافكآر راح تعذبها يومً مآ :: :: :: وسعت ابتسامتها الخبيثه الحين لها فرصه تدش للغرفه وتاخذ الي تبيه طلت براسها وشافت خلود وتركي وخالتها بالصاله سحبت رجولها لفوق واهي تجري راحت لغرفة اختها وسحبت الكيس الي فيه ملآبسها طلعت من غرفة اختها وراحت لغرفة خلود ودقات قلبها ترجف بقوه واول ماطاحت عينها عليه شافت قميص تركي الي كان لآبسه امس اكيد فيه عرقه وفيه الي ابيه سحبته بسرعه ودورت على ثوب لخلود لكن حست بصوت برا بسرعه طلعت واهي تدفن قميص تركي بكيسها وتوها تطلع من الغرفه الا وتشوف خلود قبالها وش تسوين انتي ,, حست بالتوتر يلآمس وجها وبحده :مااسوي شي وابعدي عن طريقي لو سمحتي عقدت خلود حواجبها وبستغراب : وش هالكيس الي معكـ صرخت تحرير واهي تبعدها : تبين تفتشيني انتي ابعدي ترا مو رايقه لج .. تراجعت خلود بخطواتها لورا وبصوت هامس: ماله داعي ترفعين صوتك انا سألتك سؤال وانتي جاوبيني طالعت فيها وبزفره: اجيب ملآبس اختي ولآ حرام بعد تنهدت خلود واهي تحس بضيقه ترسى وسط قلبها: طيب من الاول كان تكلمتي وبلآش الصراخ والازعاج ابتعدت تحرير بخطوات سريعه بدون ماترد عليها اما خلود ظلت جامده ثواني وقلبها مقبوض عليها :: :: :: حطت شناطها كلها بسيارتها طالعت بالبيت ثواني وسمعت صوت وراها: شوشو على وين طالعت شوق بشهد ونوف وبهمس: مبروكـ اخوكم طلقني حسيت بالصدمه تنرسم بوجيهم وبصوت واحد : وش الي حصل هزيت كتوفي وانا اطلع من البيت وبهمس: لقمه ووفت.. انتبهو لأنفسكم حبايبي واول ماصعدت شوق سيارتها انهارت تبكي النوم جافاها والقهر بدى ياكل قلبها حركت سيارتها واهي تسوق بجنون وتتمنى لو تموت وترتاح من الخوف الي صابها ان هيف يعلم اهلها بالي حصل وبكذا راح تطيح من عيون الكل .. وقفت قبال بيتهم ثواني واهي ماتدري وش تقول لأهلها نزلت من سيارتها ومثل ماتوقعت اول مابطلت باب بيتهم لقت ابوها وامها جالسين بالحوش ابتسمت لهم واهي تغطي عيونها بنظاره شمسيه وبهمس: السلآم عليكم همست ابوها بحنان : تجينا مره وحده وبعدها تقطعين عنآ ولآ انتي من تزوجتي نسيتي اهلج ابتسمت لها وانا اجلس يمها وبهمس: مآعاش الي ينسيني اياكم مدت ام شوق كاس وبهمس: اشربي الماي وش في ويهج اصفر طالعت بأمي وبهمس: ماي زمزم ذا هزت امها راسها سحبت شوق الماي وشربته واهي تحس بالماي يطفي لهيب الخوف والقهر بوسط صدرها ابعدت النظاره عن وجها وبصوت باكي: هيـف طلقـــنـــــي تلاقت نظرات امها وابوها وعيونهم تبوح الصدمه وماينسمع الا بكى بنتهم الي واضح عليها القهر .. :: :: :: فيني العواطف صبرها خلص وتبغيك وخايف ابوح ابيوم سر العاطفية ودي اقول اشعار بعيونك واغنيك بس مابي تدري عن غرامك اللي في قرت رسالة فيصل مره ثانيه وثالثه والخوف بدى يتسلل صدرها وش جابه قطر ياريم مو انتي قلتي له كل شي صار لك مو اهو وقف يمك وش تظنين سوء كل هذا عشان الصداقه الي بينكم ولا عشان شي ثاني رفعت راسي فوق وانا اشوف سقف غرفتي واسمع لدقات قلبي انا للحين افكر براشد وعجز قلبي ينساه مستحيل اأذي فيصل معاي خايفه اخسره مثل ماخسرت راشد منو قال انه حبج انتي الظاهر كليتي المقلب رساله راحت ولآ جت مجرد رساله لآ يروح تفكيرج لبعيد عضت على شفتها وبهمس: يكون احسن انها رساله واتمنى انه مايحمل لي مشاعر :: :: :: آآوف بروح للشغل وانت تبي تحبسيني بالبيت طالع فيها وبهمس: وش فيج حنان تونا معاريس على شنو مستعجله تردين للشغل طالعت فيه وبدلع: اوف قلت لك ياخي اذا مارح نسافر ولآ اقطع اجازتي وارد لشغلي عقد حواجبه وبهمس: يعني ماتبين تجلسين معاي وتبين الفكه مني ابتسمت ابتسامه جانبيه واهي تطالع باصابع يدها: امم مو عن كذا لكن بينقص معاشي لو طولت ومو حابه يقصون من معاشي شي طالع فيها واهو يهمس لنفسه لاياربي لآطيحني ببخيله همس بصوت راجف: طيب امشي نزلي تحت امي جالسه بروحها طالعت فيه من فوق لتحت وبصوت كله غنج: عيال اختك يناقزون بالبيت ماهي بروحها تبي تروح انت روح طالع فيها واهو يحس بغلطته يارب صبرك وش خلآني اتزوج دامني مو قد الزواج ولآ عواره ابتعد وتركها بالغرفه تسرح وتمرح فيها :: :: :: طالعت بجوالها واهي متردده تتصل ولآ ماتتصل لكن اهي تبي تعرف اتصلت عليه واول ماسمعت صوته حست برجفه بأرجاء جسمها : الو همست بصوت مبحوح: شخبارك دعيج : ياحي من سمع هالصوت وينج ياقلبي وين الغيبه ارتجفت شفايفها وبهمس: موجودين بهالدنيآ : وش فيه صوتج طالعت بغرفتها وبهمس: هيف طلقني انتظرت تسمع رده لكنها ماسمعت الا صوت انفاسه انهارت تبكي وسكرت الجوال ورمته لبعيد :: :: :: طاوعك قلبك وتخليني وتروح ... وانا احسب آني غلاك ودنيتك كنت احسب اني بداويلك جروح ... ما دريت اقسى طعوني طعنتك جيت انا عندك وانا كلي طموح ... رجعت اعاني من عذابي وغلطتك شفني من همي ومن جرحي انوح ... وانته ناسي والليالي غرتك من عليه اشكي بعد هجرك وابوح ... آه يا مقسى حبيبي غيبتك بس انا لي قلب يالغالي سموح ... لو جرحته ما تذكر زلتك .. !! :: :: ... انتهى البارت لآتحرموني من رايكم ونقدكم اعذروني على القصور .. تحياتي | ||||
|
| |
|
11-03-13, 07:57 AM
| #33 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني والثلآثون .. ڪــنت افتـڪـرفرحي على ڪـف واحيان اعيش العمر منك قريبه..} لــكن..!! فرقنا القدر يوم لقيآك الله واكبر يالظروف " العجيبه" كل يوم يمر زي اي يوم لكن بالفتره الاخيره حسيت بشعور غريب عجزت اعرف شنهو انغمرت وسط الشغل ونسيت كل الي حولي واول شخص نسيته اهو اول شخص حبيته دخلت للعياده وحسيت انها بدت تزدهر يوم ورا يوم ابتسمت ودشيت لغرفتي لبست البالطوآ وجلست ابطل اول ملف رفعت راسي بعد ماسمعت صوت الباب يتبطل وبصوت هامس: صباح الخير يااحلى دكتوره ابتسمت وبصوت هامس: صباح النور جلس بالكرسي وبصوت خافت: ريم قولي انك تتغلين علي اشوفك من اول ماجيت وانتي انواع التصريفات لي شدعواآآ يبه ارمشت وانا احط يدي تحت حنكي وبهمس: اول شي انا اسفه وادري يافيصل اني مقصره وياك بالمره لكن ضروفي ماتسمح اني اكون المضيفه بتاعك واوريك قطر بزينها وشينها اعذرني والله لو جيت بوقت ثاني كان يمكن اعطيك وجه اما بهالفتره فزي منت عارف الاوضاع متكهربه بالمره ابتسم ابتسامه جانبيه وبصوت خلى كل ذره بجسمي ترتجف: بالمره الجايه وان شالله لانها ماهي اخر زياره لي بقطر ولآ تبين الفكه مني انتي ههههه ابتسمت وبصوت امتلى بالخجل: من عيوني بس اهم شي رضاك علينا رفع راسه وطالع بالغرفه وبهمس: ماودك توريني عيادتك ولا تبيني اقضب الباب اعتلى وجهي اللون الاحمر وبصوت راجف: شدعوآآ ابشر بالي توريك بس انت كليتني بلسانك من اول مادشيت للعياده فزيت بطولي وفز بطوله لثانيه بس حسيت بشعور غريب وذبذبات تسري بجسدي طلعت من غرفتي وانا احس بخطواته تتبعني صرت اشرح له كل ركن بالعياده وكل شي كنت حابه وجوده وفجأه حسيت بيده تخطف يدي ويركع برجوله قبالي وببتسامه: تتزوجيني ريــم للحظه بس حسيت بضلوعي بتتكسر من الذبذبات القويه والرجفه الي بدت تسري بجسمي من قبضة يده ومادري وش اقول او وش اعبر معقوله يحبني ويبي يتزوجني قطع علي حبل افكاري صوته الغليظ : بما انك مطنوخه صرتي محط الطمع تتزوجيني ولآ ادور غيرك وسعت ابتسامتي وحسيت بالاكسجين يتشعب برئتي وانفجرت بضحك هستيري انا ويآآه ونسيت مرضآآي هههههههههههههههههههههههها اي يعني عشآن هالعياده طمعت بي .. ماني موافقه لو قلت عشآن خشتي كان رضييت حسيت بيده ترخى من يدي وبهمس: الف من يتمنآك ويتمنى رضآآك ريمآن طالعت فيه وانا اضيق عيوني وبهمس: هذا من ذوقك همس بصوت خافت: تدرين ليش جاي هزيت كتوفي وبهمس: ليش طالع فيني وبهمس: ابيك تحشين سني اذا ماعليك كلافه وسعت ابتسامتي وبهمس: ابشر بس هاه كل شي بحسابه ضيق عيونه وبحده: واحد قال شي بنعطيك حقك بس لآتاكلينآ همست ببتسامه واسعه: ايه الحق حق لو بمشي على المجآملآت كان طاحت العياده بكبدي : ايه بس اقل شي عشان اخر يوم اقضيه ويآك جاملي جلست على الكرسي وبهمس: اقول تبي تتعالج ولآ دور غيري جلس على طرف السرير وحسيت بقربه صوبي وبهمس: الا نبي نتعالج على ايدينك ويارب نطيـب كلآمه كان مبهم واحسه يتكلم بالالغآز لبست القنآع وشفته ينسدح على السرير ضغطت الزر وارتفع صوبي شويه همست بصوت خافت : بطل فمك وش فيك مسكره ابتسم وبطل فمه حطيت يدي على حكنه وانا الف راسه صوبي واطالع باسنانه حسيت بعيونه طالع فيني ولثانيه حسيت بتفكيري يتشوش حاولت اركز على شغلي لكن الرجفه الي بدت تسري بجسمي وتضخ الدم بقوه صوب وجهي خلتني جامده واطالع بفمه وبصعوبه رفعت عيوني عن فمه وطالعت بعيونه وبصوت هآآمس: مافيك سن يستاهل اني احشيه : الا بس انتي ركزي شوي وتعرفين اي سن راح تحشينه ضروري تحشينه ولا بتوجع طول عمري ارتجف قلبي وبهمس: فيصل اقولك مافيك شي اي سن تبيني احشيه لك مستحيل العب بأسنانك صاحي انت مادري ليش ثرت بوجهه بس يمكن لآني ذكرت وانا اطالع بعيونه بعيوني لمن كنت اطالع براشد حسيت بشعور غريب وغضب جامح ارخيت بجسمي على الكرسي وسمعت صوته : ريمآن تدرين طيارتي بعد ساعه رفعت عيوني وبستغرآب:باللهي والعشآ الي عزمتك عليه همس بصوت خافت: خليه بعدين فز بطوله واهو يدخل اصابعه بشعره وبهمس: ايه على فكره ترى هيفا تسلم عليك وتقول انها زعلآنه عقدت حواجبي وبهمٍس : مني هز راسه واهو يطالع فيني: ايه اجل مني همست بصوت خافت: بكلمها بعد المفروض ماتزعل مني واهي تدري بضروفي بطل الباب واهو ملقيني بقفاه: يلآ مع السلآمه ريوم همست بصوت خافت: الله يحفظك ولآتنسى تطمنى عنك فيصل التفت صوبي وببتسامته الجانبيه همس بصوت خافت: الله يخليك ولاتنسين تهتمين بصحتك تراك شآينه وسعت ابتسامتي وبهمس: من عيوني سكر الباب وللحظه وحده حسيت بالذبذبآت تهدآ وتبتعد اول ماابتعد فيصل حسيت اني الهث وحسيت بشعور غريب حسيت اني مقصره بحق فيصل وبحق نفسي وبحق الكل ليه ياريم تحزنين على شخص عاش حياته وانتهى امره ليش تقتلين روحك ليش ماتنسينه وتخلينه من الماضي غمضت عيوني لثانيه وسمعت صوت السكرتيره : المريضه هند خليفه بتدش بعد شويه هزيت راسي لها وانغمست بعالمي الخاص ومشاغلي شي واحد عرفته ان الانسان لمن يشغل نفسه تفكيره ينشغل ويرتاح من التفكير الي على باطل :: :: :: بطلت عيوني بهدؤ وطالعت بالسرير خالي وين راح له ذآ ماخبري انه يقوم بدون مايقومني حكيت بشعري بكسل وانا احس بخمول يسري بجسمي خمول غريب اول مره احس فيه سحبت نفسي من السرير بصعوبه واول ما رفعت راسي شفت تركي ببتسامته الي ترد الروح لقلبي : صباح الخير ياخوختي الغاليه همست بصوت يملآه النعاس: صباح السكر ياتروكـي سحب يدي وبهمس: لآتقولين مو شبعانه نوم تراج من الساعه عشر خامده والحين الساعه عشر يعني يوم كامل وسعت ابتسامتي وبهمس: عوذه قل مشالله شفيك انت قرب وجهه من وجهي وبخبث: تف تف مشالله لآ اله الا اللله عجزت اعصب وسعت ابتسامتي وانا ابعده عني: وخر زيـن ترا مالي خلقك حط يده على خصري ولثانيه حسيت بوجع غريب همس بصوت خافت: وش فيه ويهج طالعت فيه وانا مو عارفه وش فيني ابعدت يده عني بقوه وخليته جامد بمكانه :: :: :: رغم جفآه الا اني عجزت اكرهه مآدري ليش بس كايد مايستاهل اني اكرهه صرت امشي بوسط حديقتنا وانا حافيه واحس بنسمات تداعب وجهي لمن تركني بكيت ايه بكيت بس بكيت يوم واحد وبعدها كتمت الحزن بوسط صدري اذا انا احب كايد لآزم اني احب له السعاده وعرفت ان سعادة كايد ماهي معاي مع غيري بظل مؤمنه بقدري ومؤمنه بالي يصير ويآي مااخبي ان كايد جرحني واستنزفني كثير رميت بثقلي على الارجوحه وشفت شمه قبآلي جلست يمي وبصوت بارد: وش فيك همست ببتسامه جانبيه وبهمس: آفكر بكايد ضغطت على اسنانها بقوه وبحده: على ايش ياحسره تفكرين فيه على شهامته ولا نبالته ولآ ايش بالضبط شبكت اصابعي ببعض وبهمس: لآه مو عن كذا فكرة لو قلت لكايد الحقيقه اتوقع انه ماكان راح يتركني صح التفتت صوبي وبستغراب: عن ايش تتكلمين انتي طالعت فيها وببتسامه: ولآ شي ضيقت عيونها وبستكشاف: في شي مااعرفه انا هزيت راسي بالنفي وبهمس: قلت لك ولآ شي سكري الموضوع بليز شمه بهمس: طيب يابنت خالتي العزيزه ممكن طلب طالعت فيها وبهمس: امري وتدللي يالغالييه : يعني اذا ماتبين قولي لآ ترا عادي عقدت حواجبها وبهمس: ومن متى وانا اقولك لآ همست شمه بتردد: يعني مدري وش اقولك صرااحه مستحيه منك هيفا واهي تقطع كلآمها: اوف شمه اخلصي علي ترا ماني رايقه لك ..قولي وش تبين طالعت فيها شمه وبهمس: تذكرين سلسال جدتي هزت هيفا راسها: ايوه وش فيه همست شمه واهي طالع بالارض: من اول ماشفت امك تعطيك اياه بعد مارديتي من السفر ونفسي تعلقت فيه هيفا واهي ترخي جسمها: كم مره قلت لك شمه اي شي لي اعتبريه لك ودامه معجبك كان خذيتيه بدون لآ تقولين لي باالاول ولااخير احنا خوات احنآ خوآت ترددت هالكلمه على مسامع شمه وكأنها مصدومه وكأنها ملسوعه دام هالانسانه كريمه معها بكل شي ليش سوت كذا ليش حطمت سعادتها ليش كل هذا عشان ايش عشان الحسد او الغيره او عشآن انها سعيده واهي لآ او عشان هيفا عطتها كل شي خلآها تحس انها ناقصه .. وهيفا احسن منها بكثير حست بتأنيب بسيط يداعب صدرها التفتت على هيفا وشافت الحزن يكسي عيونها همست بصوت خافت اسفه هيفآ ياليتك تسامحيني لو بقولك ياترى بتسامحيني ولآ بتكرهيني :: :: :: قمت وصرت ادور على صوت هيف بكل مكان ضحكته همسه صراخه كل شي بهيف كنت ادور عليه تمنيت اني ماانتقمت ولآ فكرت بهالشي هيف كان يدري عن دعيج وكان طول هالفتره ساكت تمنيت لو صارحني كان قدرت افسر له كل شي جرحته مره واهو جرحني مرات سامحته كثير واهو رافض انه يسامحني دعيج كان هامش وكان ملآك حارس بالنسبه لي ابتسمت وتمنيت ماقلت له على الي حصلي ماتوقعت انه مجنون لكنه مجنون بس مع ذالك انبسطت كثير على الي سوآآه اقل شي برد حرتي الي تحرق لي جوفي احبه ايه احبه وبظل احبه للأبد .. تبطل الباب وشفت امي ببتسامتهآ المشرقه مرسومه على وجهها : شوق ماودج تجلسين ويانا ولآ جلست الدار معجبتج ابتسمت وانا افز : اصلي واجيكم دقايق بس سكرت الباب امي ونظراتها كانت غريبه دشيت للحمام وافكاري كلها متعلقه بطيف هيف :: :: :: طالعت بفطوري لكني عجزت اكل واحس بكبدي تلوع علي همست عمتي بصوت خافت: وش فيج ماتاكلين طالعت فيها ببتسامه باهته: شبعانه ياعمه عقد تركي حواجبه وطالعني بنظرات غريبه: انتي كليتي عشان تشبعين همست بصووت خافت: مالي نفس تركي توي بقوم حسيت بيده تشدني وتجلسني شفته يغمس الخبزه بالجبن وبهمس: بأكلج بيدي بللت شفايفي وانا اطالع بعمتي وانوار وعمي وحسيت باللون الاحمر ينرسم بملآمح وجهي وبهمس: لا شكرا همس بصوت خافت واهو يقرب اللقمه صوب فمي: يلآ بطلي فمج بطلت فمي وانا اكل وفجأه حسيت بلوعه وحسيت اني بستفرغ قدامهم رصيت على اسناني وضغطت على شفايفي لجل امنع نفسي قمت بدون مااعطي تركي فرصه ورحت للحمام ورجعت اللقمه الي كليتها وكل مابكبدي وش فيني على هالصبح وش الي حصلي ... مسحت فمي وطلعت واول ماطلعت لمحت سعد بسرعه حطيت الجلال على وجهي وحسيت برجفه تسري بجسمي رجعت مكاني على الطاوله وسمعت صوت عمتي : وش فيج خلود لآيكون تعبانه طالعت فيها وبهمس: لا بس الظاهر داخلني برد همست بصوت حاد : اشربيلج ليمون ولا روحي للمستشفى همس تركي واهو يشد على يدي: امشي اوديج للمستشفى ابتسمت وبهمس: ماله داعي اخذ بندول وان شالله بتحسن رفعت عيوني وشفت سعد يفطر بصمت ولآول مره اشوفه مايطالع فيني قمت مع تركي وانا احس بنظرات غريبه على الطاوله عجزت افهمها همس تركي واهو يضحك: ههههه وش فيهم اهلي اليوم هزيت كتوفي وبهمس: علمي علمك التفت صوبه وببتسامه: اسمعني تركي تراي حابه اروح لشوشو العصر عقد حواجبه وبستغراب: وش عندها عشان تروحين لها رفعت حاجبي وبهمس: ماقالك هيف : عن شنو همست بصوت راجف: هيف طلق شوق حسيت بعيونه تتوسع بالصدمه وبهمس: من جدج انتي هزيت راسي وبهمس: مادري وش فيه كلمه ياتركي شوف وش الي خلاه يطلقها ويستعجل حاول انك ترده لشوق والله انها ماتستاهل الي يصير وياها همس بصوت خافت وغريب: بشوف اذا فضيت : يعني بتوديني لها اليوم ولآلآ همس بصوت خافت: ان شالله كم خوخه عندي حطيت اصبعي قبال عيونه وببتسامه : وحدهـ ولآ انت تشوف غيرها وسعت ابتسامته وحسيت بقلبي يضرب وسط صدري قبض يدي وبهمس: ومكانها بقلبي مـو :: :: :: كل يوم اداوم فيه احس بتقدم بشغلي صرت كبير المحاسبين بالشركه صرت مهم وكل اوراق الشركه تمر لي حققت نجاح ماتوقعت اني احققه بفتره قصيره الشركه ازدهرت اكثر من اول ماتوظفت فيها كل هذا بفضل ربي وبدعوآت ابوي ودعوآت الغاليه والغاليه راحت وخلتني مااحس بطعم الفرح من اول مارحلت اكذب لو اقول مااشتقت لها حسيت بفراغ كبير بحياتي الفلوس صارت موجوده وماينقصني الا العروس لكن العروس الي ابيها ماهي موجوده مادري الى متى بصبر على هالحال راح احس بالموت لو هيفا تاخذ غيري لمن نحب نعجز عن التفكير وهذا الي حصلي حسيت بشوق لها يوم ورا يوم كبر هالشوق بصدري ابي اشوفها ابي اسمع صوتها ابيها والله ابيها ركبت سيارتي الفورد 2008 الي شريتها مع ثاني معاش يجيني رحت بسرعه وكل افكاري متعلقه بهالانسانه قبل ماانام افكر فيها ولمن اكل افكر فيها ولمن اكون بوسط شغلي افكر فيها صآرت هاجس بالنسبه لي . وقفت السيآره قبآل دريشتها وطلعت من السيآره وانا اكتف ايدي واتكي بجسمي على طرفها بثوبي الي لابسه وغترتي رفعت راسي فوق انطر زولها يطل علي :: :: ::رحت للغرفه وانا ادور بالادراج على السلسال والحمدالله لقيته رفعت شعري ولبسته وصرت اطالع في الياقوته المعلقه برقبتي وحسيت انه ماهو حلو علي كثر ماهو حلو بعنق هيفآ حسيت بضيقه ورحت صوب الدريشه لجل اشم هوء وابعد افكار هيفا عن راسي مقدر اترك كايد والله مقدر واول مارفعت عيوني شفته قبالي لثانيه بس حسيت اني بحلم حسيت بنظراته تاكلني ابتسمت ابتسامه عريضه بدون مااحس بنفسي رفعت يدي واشرت له ومادري كم مر من الوقت وانا جامده بمكآني سمعت صوت هيفآ ورآي : وش تسوين انتي انتفض جسمي كله التفت صوبها وبصوت راجف: ولاشي بس اشم هوء شفتها تقرب صوبي وحسيت بغيره تاكلني سكرت الدريشه بسرعه وبهمس:يوه الشمس حاره اهي دوم تخرب الجو متى يتعدل الجو ونشوفه جو بريطاني ابتسمت هيفا واهي تقرب يمي: وخري زين عن التصريــف شديت بيدي على الدريشه وبهمس: وش تبين تشوفين هيفا واهي تضيق عيونها : والله ان وراك شي وخري خليني اشوف ارتجف قلبي وبتوتر: وش وراي ياحسره ماوراي الا الحظ الردي ابعدتني عنها وبهمس: وخري ابي اشوف ماخبري احد يوقف عند الدريشه الا طالعت فيها وببتسامه: مو كل الناس كايد وهيفا بطلت الدريشه صوبها وارتحت اول ماشفت كايد ماهو موجود: هاه شوفي واملي عيــنـك شفتها ترجع لورا وتجلس على طرف سريرها وحسيت بوجها قلب اصفر من كلمتي ذكرتها بايمها ذكرتها بكايد همست بصوت حزين: اسفه بس والله زلة لسان رفعت راسها واهي تبلع ريقها وعيونها توسعت بالدمع وبهمس: عآدي لكني ذكرت لمن اوقف هنا واسمع صوت كايد واهو يقولي الشعر او يشغل اغنيه ويرقص قبالي او يطالع فيني ويقولي تمسي على خير وعيني بعينه بس هالايام كلها ولت .. والمفروض احرق هالذكريات الي بدت تكويني يوم ورا يوم تنهدت تنهيده حسيتها انها طالعه من وسط حطام قلبها وارخت بجسمها على السرير واهي تغمض عيونها وتتذكر لحظاتها مع كايد وجعني قلبي عليها وحسيت بالم وسط قلبي كايد مايشوف غيرها ومايحب الا اهي حتى لمن شافني ماحسيت انه اهتز او تحرك او اشي حسيت ان نظراته صوبي كلها احتقار طالعت بالفراغ وانا اهمس لصوبي ياترى بيحبني ولآ لآ :: :: :: دخل للحجره واهو يحس بضيقه بدت تجتاح مشاعره اشتاق لها يكذب لو مااشتاق لها كرها يكذب لو ماكرها يحبها يكذب لو مايحبها متناقض مليون بالميه متناقض راح صوب السرير واهو يرمي بثقله وقلبه المتوجع يفضل يخليها معلقه لجل ماياخذها احد وتكون ملك له اهو وبس تنهد واهو يمسح بيده على مكانها ويتخيل وجها الطفولي النايم يمه همس بصوت خافت : ياليتني اقدر اكرهج واشلع حبج من وسط ظلوعي ياليتني اقدر بدل ملابسه ونزل لتحت وملآمح الضيقه انرسمت على وجهه جلس يم امه وبهمس: صبيلي قهوه رفعت راسها وبهمس: وش فيه ويهك بلل شفايفه وبهمس: ولآ شي همست امه واهي تمد له الفنجال: الا قولي عطيت بنت جابر ورقتها هز راسه بالنفي وبهمس: توي يمه رفعت حاجبها وبحده: والله الظاهر انك بتخليها كذا لآ انت الي بطلقها ولآ انت الي مخليها عندك طلقها وفكنا منها ولآ الظاهر انك ناوي ترجعها ارتشف القهوه وببرود : وليه تبيني اطلقها اصلآً لو ابيها كان مارديتها لبيت اهلها يمه همست امه واهي تفحم : ايه اقص ايدي اذا بنت جابر ماسوت لك سحر اعرفها طالعه لآمها اصلآً انا غاسله يدي منك من اول ماعطيتها الاكو والماكو زفر بحده واهو يبقق عيونه: يــــــــــــــــمه وبعدين معاج البنت راحت واحنا ماشفنا منها الا كل خير وماعمرنا شفنا شرها ولو مسويه شي لي كان ماطلقتها بققت عيونها وبهمس: يعني طلقتها رمى الفنجال واهو يقوم : ايه يمه استانسي الحين صرخت بصوت عالي: وليه طلقتها بعد ماخليتها تاكل كل شي كان رجعت حلآلنا وطلقتها صفق الباب بقوه واهو يحرك سيارته وحزن العالم كله سكن بوجهه التفتت شهد لآمها وبهمس: ليش يمه سويتي كذا ليه ضيقتي خاطر هيف زفرت امها بحده: ولـدي متغير علي اكيد كوكته بنت جابر جعلني اشوف فيها يوم ان شالله واشمت العذال عليها جعل ربي يبلاها بنفسها همست شهد : يمه تكفين لآ تدعين عليها والله شوشو ماتستاهل الي جرالها التفتت عليها امها وبهمس: ياويل حالي وش مسويه فيكم بنت جابر وش هالحب الي خلاكم تدافعون عنها همست شهد واهي تقوم: يمه البنت طيبه وماهي زي ماكنا متصورين حتى الفلوس ماعمرها طرتها وجلست تتفشخر قدامنا ابد وربي اني خايفه لآ اتزوج واعيش الحياه الي عاشتها شوق اصلآً مادري شلون استحملتنا طول هالفتره :: :: :: طلعت من داري ولقيت ورده حمرآ مفروشه عند عتبت بابي نزلت بجسمي وسحبتها تأملت فيها وشميت ريحتها كانت مغرقه بعطر فارس وسعت ابتسامتي كثير دشيت للغرفه وحطيتها يم مجموعة الورود الي حاطتها على تسريحتي كل يوم يمر بدون ماارضى عليه يحط ورده وكم ورده ياترى جتني 30 ورده اقول شويه لآن بعضها ذبل ويبس ومآت يعني هذا اهو حاله كل يوم يمر بدون ماارضى عليه قلبي يخفق بحبه وصدري يتوسع كل مالمحت زوله نزلت لتحت بخطى سريعه وانا حابه اشوف ريمآن من بعد السوق واهي صايره نفسيه نزلت وشفتها محتظنه طلال عقدت حواجبي وبهمس: وش عندهم الاحبآء اليوم همس طلال بخبث: مادري اسألي ريوم من اول ماجت واهي متعلقه بيدي مدري وش قصتها تخصرت وانا اطالع فيها وبهمس: اعترفي يلآ وش ورا طلال عشان تتمصلحين معاه همست ريم واهي طالع بطلآل : هههههه امحق مصلحه ورا اخوج هذآ انتي ماتدرين ان ماعنده ماعند جدتي وسعت ابتسامتي وانا اضيق عيوني: مايندرى يمكن اخوي صار بليونير واحنا ماندري كل شي جايز طلآل واهو يرفع يده فوق: الله يسمع منج من بؤج لباب السماء همست ريم واهي طالع فيني: اجلسي واقولج ياوخيتي جلست على طرف الكنب وبهمس: هاه وش عندكم همست ريم واهي طالع فيني : اخوج ياطويلة العمر مايبي يعرس الا لمن اتزوج انا بعدين اهو يعرس كان اقوله انت اعرس دام عنوده جاهزه وميته على العرس ولآ اخرتهآ يمكن تنصاب بجلطه ههههههههههههه طلآل بخوف: فالله ولآ فالج اعوذبالله من الحين غيرة الحموات اشتغلت طالعت فيه وببتسامه: ومن الحين اشتغل الدفاع هههههههههههههههه ريم ببتسامه: ماعلينا كان اقوله ياخوك بتعنس اقصد بتعزب اذا نطرتني والبنت مسكينه تبي تتزوج باسرع وقت لكنه مصر ومعند حتى انتي يقول مابه عرس الا من بعدي احم احم شفتي شلون لي قيمه ودور فعال ويذ ماي فاملي هههههههههههههههه التفت على امي وابوي الي كانوا جالسين وشاقين الحلق وبحده: خيـــــــــــر ان شالله لآ يكون راضين على كلام بنتكم مالي خص اي عريس يطق الباب انا موافقه هذا الي ناقص تقطعون رزقي على حساب ريم همس ابوي ببتسامه واسعه: الحين اخوج الي ملك وخلص وماينقصه الا العرس رافض يعرس واخته مااعرست تجين انتي تبطلين فمج اصلآً انا مانع فكرة زواجج قبل ريم ماادري ليه حسيت بغيره كبيره تتناهش وسط جوفي وبحده: وليه ان شالله وش فيها لو اعرست قبلها ولا فيها اثم ذا همست ريم واهي تعقد حواجبها: والله انا قلت لهم ياناس ياعالم ترا الوضع عندي عادي ماعندي مشكله تعرس اختي الصغيره قبلي لكنهم رافضين الظاهر بيزخوني على اول خطيب عشان ينفتح المجال للباقي همست ام طلال واهي تشد على شفتها : انتي تدرين ان ابوج معطيج وجه ولا الخطيب ابو عبد الله لمن خطبج لولده مادري ليه رفضه ابوج بدون مايرد لج خبر همست ريم واهي طالع بأمي: لآنه عارف شنهو جوابي قلت لكم ماابي اعرس يعني ماابي تبون تعرفون السبب لآن للحين ماشفت انسان يشبه ابوي بكل شي بصفاته بنبالته بكل شي لو ابي اتزوج ابي شخص مثل ابوي واذا لقيتوه ذيك الساعه تأكدو اني موافقه حسيت بكهربه مابين امي وريم همست امي بحده: اًصلآً ابوج معطيج وجه ولآ كاهو فارس نسخت ابوج ليه ماخذيتيه مادري ليه حسيت بقلبي ينقبض وحسيت بنظرات ريم تتشتت همس ابوي واهو يطالع بريم : اقول ماودج تلبسين عشان نتعشى همست وانا اطالع بريم الي تقوم : وين بتروحون من وراي ريم واهي ترفع حاجبها: اب وعازم بنته انتي شلج خص تنطين وياهم تخصرت وبحده: وانا يبه مارح تاخذني تنهد واهو يلبس شماغه: روحي البسي لآ تبكين علينا واهم شي لآ يشوفونج ريان وريانه عشان ماينطون بوجيهنا فزيت بطولي اجري بسرعه لجل اروح وياهم .. :: :: :: طالعت فيها وانا احس بمغص بطني وبهمس : خلاص شوشو بسج دموع تراج مو اول ولآ اخر وحده تطلق رفعت راسها صوبي واهي تهمس بنبره حزينه: بس على باطل اطلق على باطل على شك واوهام من راسه الي قهرني انه رافض يسمعني رافض يعرف الحقيقه همست وانا احط يدي على ركبتها : انتي غلطانه شوق ليه ماصرحتيه من البدايه ليه ماقلتيله منهو دعيج وشنهو بحياتج سمعت صوت بكائها يعلى وبصوت حاد: لو ادري انه كان يدري صدقيني كان قلت له بس اهو لعب بمشاعري واستهان فيني وجرحني وفوق هذا طلقني توسعت عيني بالدمع على حالها وبهمس: طيب ممكن افهم ليه دعيج اتصل على هيف وش دخله بالموضوع ابتسمت وسط دموعها ورجعت تبكي مره ثانيه وبصوت متقطع: والله ماكنت عارفه انه راح يتصل على هيف ويزفه عشاني ولو ادري كان مااتصلت عليه كنت بفهم شغله وحده والحمدالله فهمتها وقدرت ابرر موقفي عند امي وابوي همست لها وانا اعقد حواجبي: وليه فهم هيف هالطريقه بشغله ثانيه هزت كتوفها واهي تمسح دموعها: مادري ياخلود مادري يمكن لآنه الظن والشك جلس بجوفه وصار يتخيل كل شي على حسب الشي الي يبيه مسحت يدي على كتفها وبهمس: شوق الى متى بتظلين تبكين الى متى خلاص انسي الي صار لك وانسي هيف بكبره وربي مايستاهل دموعك عقب الي سواه فيك وللحين تحبينه هزت راسها واهي وسط دموعها: مو قادره اكرهه بالعكس كل مالي اتعلق فيه اكثر واكثر ضغطت على سنوني بقوه وبهمس: من جدك انتي على ايش تحبينه على وجه الي يفتح النفس ولا على اخلاقه الي تشرح الصدر ولا على ايش من اول ماتزوجتيه ماشفتي شي حلو قلتي له حلو همست واهي طالع فيني : يكفي قربه صوبي يكفي الحنان الي اسمعه بنبرته يكفي اني اشوف بعيونه حبي يكفيني هالشي خلود حسيت بنرفزه تسري بجسمي وبحده: ماشفتك تقولين هالكلآم لمن حبيتي تنتقمين منه كان الشر ينطق بعيونك وكان كل همك تقهرينه وبالاخير من الي ربح مو هيف وانتي وش ربحتي انتي الي خسرتي وانجرحتي وانهنتي وايش بعد عقب الي صار المفروض تنسين شخص اسمه هيف انتي حلوه ومايعيبك شي اما هو يعيبه اشيا كثير واولها ان الرجوله ماهي عنده ولا راح تكون عنده ابد كففي دموعك وارجعي شوق القويه والي نعرفها انسيه وانسي جروحه وابتسمي ليوم جديد شوق ماابيك يائسه وماابيك تاخذين الطلاق انه نهاية البدايه بالنسبه لك لآ ابيك تبدين من جديد وتقولين يمكن في الطلاق خيره لي شوفي نفسك وشوفي كيف تغيرتي من اول ماتزوجتي صدقيني حياتك عزبآء احسن بكثير من حياتك وانتي متزوجه اقل شي تنامين بدون هم ولآ غم ولآ دموع تملى مخدتك صح ولا انا غلطانه ظليت اطالع فيها واهي منهاره وتبكي طلعت من الغرفه ورحت اجلس مع امها احسن بكثير مع جلست شوق من حقها تزعل ومن حقها تضيق لكن كل شي بحدود :: :: :: ظل جامد مكانه لثواني واهو يطالع بالفيديو الي بجواله طالع بالمشهد اكثر من مره ومازال مصدوم وش الي صار ومعقوله ذي شهد اختي لآ اكيد يتهايلي والي مصورها من ورجعت به الذاكره لورا (عطني جوالك هيف ) رفع راسه واهو يعقد حواجبه ( ليه اعطيج اياه وش لج حاجه فيه ) ( يعني اختك بتروح تتقضى واخاف تخت مني ومناك الا ومعي جوال عشان اتصل فيها ) سحب جواله وهو يمده لها ( مااتوقع اختي تسويها يمكن انتي صح هههههه) ( بتشوف بعيونك ولا تنسى اني رافضه اوديها وانت الي جبرتني ) ابتعدت وتركته يطالعها بعيون كلها استفاهم .. الحين عرف ليش كانت رافضه تودي اخته للسوق كانت عارفه بعلآقة اخته وساكته ليه ماقالت له ليه ماصارحته ليه دوم يعرف بطريقه مفاجئه وبدون ماتخبره او تعطيه خبر وحس بصوت ينطق من بين ضلوعه لآتنسى انها دوم تبي تشرحلك وانت ماتعطيها فرصه انت تقفل كل البيبان بوجها انت خليتها تسكت وتسكت حتى لو الخطى ماهو عليها خليتها تسكت ان كانت مخطيه او لا حس بنار تشتعل وسط جوفه وقهر من استغفال اخته له نزل من غرفته والنار يطلق شرر من عيونه : شهـــــــــــــــــــــد شهـــــــــــــــــــــــ ـــــــــد صوته كان يرج البيت بكبره طلعت امه من الغرفه واهي ترجف: وش فيك تصارخ وش الي حاصل لآ اله الا الله صرخ وعيونه معلقه بأمه: وينها بنتج وينها الي نقول عنها عاقله وينها همست ام هيف بخوف: وش فيك هيف تعوذ من ابليس صرخ بحده واهو يلتفت يمين ويسار وجهه مشتعل بالدم : شهدــــــــــــ يازفــــــــــــــــــت تعالي تعـــــــــــــالي :: كانت ترجف وسط غرفتها رمت الجوال ومحت كل شي فيه واهي عارفه من نبرت صوته انه عرف فركت يدها ببعض واهي تجري صوب الباب وتقفله اسندت جسمها على الباب وفجأه حست برجفه على الباب خلتها ترجف : بطــــــــــــــــــــلي البـــــآآآب ياشهــــــــد همست بصوت راجف: وشـ ــ ـ فيــ ـ ـك صرخ بحده وعروق رقبته بدت تبرز: اقولج بطلي البـــــــ’آآب عيونها توسعت بالدمع وقلبها رجف اكثر وين حاتم يساعدها الحين وين سعد يفزع لها الحين وين جاسم يضمها الحين وين وين وين آلخ ارتجفت عروة الباب بقوه وزادت دقات قلبها بقوه بسرعه ارتمت بزاوية غرفتها وهي تحتظن نفسها وبخوف: انت مجنون راح تذبحني : والله لآ كسر الباب فوق راسج يابنت ... والله لآ علمج منهو هيف وفجأه تبطل الباب بقوه واندفع هيف مثل المجنون وامه تصارخ عليه واهي تحاول تبعده عن شهد لكنه كان اقوى من امه وابعدها وراح صوب شهد يجرها من شعرها ويصرخ بوجها: وش استفدتي الحين وش كنتي ناويه عليه انج تلطخين سمعتنا عشان لعبج وخرابيطج وش كان ينقصج عشان تدورين عند غيرنا هاه صار يلعب فيها وعيونها بدت تذرف بحراره وبصوت باكي: والله اخر مره والله مااعودها ياهيف والله مااعودها بس كذا اقضي فراغي كلمتها خلت جوفه تشتعل نار وبصوت حاد : تقضينه بهالشغلآت وتطلعين من ورانا وتغازلين وتبوسين فلآن وعلآن عشان كم قرش يالوصخه هاه تبيعين شرفج عشان كم دينار سحب عقاله وصار يضرب فيها بدون رحمه نوف وامه وريتاج وجوري كانو يبكون وامه تحاول تبعده لكنها عجزت مايدرون كم مر من الوقت وصراخهم عالي وصوت بكاهم اخترق الجدران وهز اركانه طلع من البيت تارك شهد مغرقه بدمها يحمد ربه بسره انها ماوصلت لحد انه يقتلها وكانت مجرد تسليه وهالتسليه خلتها صريعه مابين حيا وموت ونار بجوف اخوها اشتعلت اهو الي رباهم واهو الي كان يشتغل ليل ونهار عشانهم وبالاخير هذي المكافأه يقدمونها له هذا جزه وش ينقصهم عشان يسون فيه كذا ليه ياشهد ليه تقهريني ليه تخليني اموت كل ماشفت صورتج مع رجال مايصير لج تخليني احترق ليش مو انت طعنت شرف شوق قدام اهلها هذا انت انطعن شرفك قدامك وقدام عيونك مو انت كنت تشوفها هالنظره واهي بريئه ونسيت ان اي شي تسويه يفعل بك وهذا حصاد لسانك لوين وداك مافي شي على الله كايد ياهيف انهار يبكي قهر وخوف ومشاعر متضاربه اجتاحت صدره ممكن انه انقهر على شوق ويمكن انقهر اكثر على اخته كان يضربها ويحس بقلبه يوجعه .. مو اهو جبر شوق تودي اخته عشان تقابل مو اهو الي يأمر وعليها تنفذ لآيحط شي عليها اهي مالها ذنب بكل الي صار وكل الي حصل لهيف بسببه اهو بنفسه .. :: :: :: ام شوق ببتسامه: ياحلو الجلسه معج والله انها ماتنمل ابتسمت خلود وبهمس: ولآ انتي ياخالتي قسم لو كنت داريه انج بتوسعين الصدر كان مارحت عند شوق الي تضيق الخاطر مدري ليش مكبره المسأله همست ام شوق بحزن : والله اني كنت حاسه انه يبي يكسر قلبها لكن ابوها على نيته يحسب كل من ضحك له اهو رفيقه بس وش نقول غير الله يعوضها بالي احسن منه ابتسمت لها وبهمس: امين ياخاله ولآ تضيقين خاطرك قسم انه اهو الي بيتحسف ماهو انتوآ سحبت ام شوق يدها وحظنتها وبهمس: الله لآ يحرمنا منج يابنتي ياليتج طلعينها من الي اهي فيه والله قلبي يعورني كل ماشفتها بهالحاله وكل ماشفت وزنها يخف حاولي معها عشاني ابتسمت لها وبهمس: من عيوني انتي تامريني امر وفجأه انفتح الباب وشفت شوآقه بوجها الاحمر ومنفخ من كثر البكي وبهمس: احسبج رحتي زين انج هينا ابتسمت لها وبهمس: ايه قولي تبين الفكه مني لكن بجلس فوق راسك وبتعشى عندكم بعد وسعت ابتسامة شوق وبهمس: جعله دوم والله خوخه البيت منور بحضورج فيه ياعساني مااخلى منه ابد طالعت فيها واهي تجلس يمي وبهمس: ولآ منك بعد ايه كذا ابيك قويه ومايهزك ريح ابتسمت ابتسامه مستنزفه من كثر الجروح وبهمس: الايام راح تعودنا ياخلود :: :: :: مديت بوزي وبحده: وكيفها ريمآن عساها مبسوطه طالع فيني بعيون غريبه وبهمس: مادري شقولك بس الي اشوفه انها حزينه هذا اذا ماكانت متغيره وصايره غريبه بققت عيوني وبستغراب: اخر مره كلمتها كانت اوضاع بيتهم اوكيه وش الجديد بعد هز كتوفه وبهمس: علمي علمك والله بس تدرين وش حسيت فيه ياهيفا حطيت يدي على حكني وبلهفه: وشو همس بصوت راجف: كلمتك صادقه لو انساها يكون احسن ريم ماتفكر باحد وبالها مو مع احد ابد وعمرها مافكرت فيني حتى لو بالغلط هيفا بستغراب: مدري ليه مستعجل البنت توها مطلقه وحالتها زيرو وبيتهم به مشاكل ماتخلص وانت رآفع ثوبك وتجري صوبها خلك ثقيـــل ياراقل وهد بالك ترا ريم انا اعرفها عدل ماهي عجوله ولمن تطلقت انطرها بعد سنه عشان تتزوج همس وعيونه متعلقه باليل الحالك: ومستعد انطرها العمر كله ماعندي مشكله هالكلمه لها وقع خاص على قلب هيفا هالكلمه دوم يقولها كايد لها ودوم هالكلمه تخلي قلبها يرف يوم ورا يوم همست بصوت راجف: كلآم بكرا اشوفك تاخذ غير ريم عقد حواجبه وبستغراب: ليش همست ببتسامه بارده: لآ نكم يارياجيل واحد وكلكم باردين وماعندكم غير لسان معسول وبآآٍس ابتسم فيصل وبهمس: يالله لك الحمد شكل الكيماوي لعب بمخك انتي وسعت ابتسامتي وبهمس: الا وانت صادق زاد من حدة ذكائي وتنبأئتي هههه :: :: :: رفعت ريف عيونها وشافت فآرس قبالها عقدت حواجبها واهي تهمس: وش تبي بعد انت سحب الكرسي وجلس قبالها: ابد اشتقت لج وقلت اشوفج همست واهي منزله عيونها : تكفى فآرس مالي خلقك ابي اختلي بروحي مد بوزه وبهمس: يعني تصرفيني ارتاحي قومه ماني قايم وبجلس لو على كبدج عادي عندي بللت شفايفها وبهمس: اشوفك تتملص عن ريم وش عندك هاه همس بصوت غريب: والله مستحي منها ابي اعتذر ولآني عارف كيف اعتذر ارخت ريف بجسمها على الكنب وبهمس: وليه مفتشل مو انت مسوي غلط ولآزم تعتذر اقل شي تداري مشاعرها المسكينه خلل اصابعه بشعره وبهمس: انا وريم نسطفل انتي شخصج لآيكون تغارين وانا مدري وسعت ابتسامتها وبهمس: ايه اغار لآيكون تعترض هز راسه ببتسامه جذابه: لآه تكفين ارحميني تراي مااقوى تأففت وبحده: جد لك خلق على هالليل تغازل ترا بجد انت واختك تطفوشون الواحد انفجر ضحك وبحده: هههههههههههههههاي ياحياتي ياوخيتي لزقتوها بأخوكم واشتغلتوا حش فيها المسكينه تخصرت وبحده: ايه عندك مانع اصلآً انا كارهه عائلتكم بكبرها همس بصوت غريب: حتى انا وياهم هزيت راسي وانا ابتعد: انت اولهم : كــــــــــــذآبه رف قلبي وانا التفت صوبه: وليش ان شالله رفع حاجبه وبكل ثقه: عيونج ريفاني واضحه انتي تحبيني .. شدت قبضة يدها بقوه وبحده: صج انك سخيـف وماعندك دم زاد ضحكه اكثر وزادت اهي بخطواتها لمن رمت نفسها على سريرها واهي تسمع دقات قلبها الي كانت تتراقص على صوت ضحكه تحبه اهي وحبه واضح بعيونها المشكله عارفها والي قاهرها اكثر انها خايفه تخسره مره ثانيه خايفه من ردة اهلها لو خطبها فارس بيقبلون ولا بيرفضون مستحيل تعيش نفسها بوسط حلم احتمال كبير انه مايتحقق ابد .. :: :: :: طالعت بشوق وبحده: اوف يقول انه يبي يدز السايق شوق واهي تتعشى : ياربي عليج خلآص ارجعي مع السايق فيها شي ذي خلود بزفره: ايه فيها واهو ليش مايجيني هزت كتوفها وببرود: يمكنه مشغول وبعدين اهو جابج خلآص شله تكبرين الموضوع خلود بهمس: انتي ماتدرين انه كل ليل يطلع ومايرجع الا على حدود الفجر شوق واهي تعقد حواجبها: وش فيه تركي هزت كتوفها وبخوف: والله ماادري والله مرات زين ومرات لآه شوق بخوف: من اي ناحيه شين خلود برتباك: يعني ساعات لمن اضمه يبعدني عنه وساعات لآه اهو يضمني عادي طالعت فيها شوق وبهمس: اهو يدري عن اخوه خلود بضيقه: مادري بس انا خايفه اقوله شوق بنظرات استكشاف: نصيحه لآتقولين شي مو اشوفج تحطين مشاكل على شي مايستاهل بققت خلود عيونها وبزفره: مشاكل وش تقولين انتي واخوه وسواته في احد يسويها شوق واهي تهز راسها: مشكلتج غبيــه اخوه ماكان بوعيه ياالغبيه يعني سكران يعني االاخ ماينتواخذ لو بعقله انا متاكده انه مارح يسوي الي سواه خلود واهي تشبك اصابعها: اصلآً انا قررت انسى الموضوع بس والله ياشوق لو يسويها صدقيني راح اقول لتركي والي فيها فيها شوق واهي ترتشف الماي وبنظرات حاده: ابتعدي عن طريقه وفكي عمرج وبلآش فضايح لج تراج موب ناقصه رن جوال خلود وطالعت بشوق واهي تبقق عيونها: ياليتنا طرينا مليون شوق ببتسامه: هههههه لآتقولين اهو همست واهي طالع بجوالها : ا رد ولآلآ شوق ببتسامه: ردي شوفي شيبي ضغطت على الزر وبحده: نعـــــــم : ايش : اسفه مارح اروح الا مع تركي :قلت لك مارح اروح شب زين طالعت فيها شوق واهي تشوفها تسكر الجوال وبهمس: وش فيج خلود بزفره: اهون علي اركب مع السايق ولآاركب معه وسعت ابتسامة شوق وبهمس: طيبـ هدي وش فيه ويهج قلب خلاص انا بوديج همست خلود بزفره: لآ حياتي ماابي اتعبج وبعدين مايصير تطلعين انا بتصل على تركي واخليه يجيني رن جوالها وابتسمت خلود وبهمس: كاهو تركي ردت وانسمع صوت صراخ عالي خلى خلود ترجف وتتلعثم بالكلآم: ابشـ ـر ان شـ ـالله لآ بس ماسمعته طيـ ـب سكرت الجوال بقوه وبحده: والله مااخليها مكوك تركي علي وسعت ابتسامة شوق وبهمس: ياربي عليج انتي الرجال يدق هرن وانتي ساحبه عليه خلآص اقصري الشر وطلعي سحبت حجابها وغطت وجها وقربت من شوق وبهمس: انتبهي لعمرك قلبي باستها شوق وبهمس: حتى انتي ولآ تنسين تطمنيني عنج ابتعدت خلود واهي تتعثر بخطاها من شدة العصبيه واول ماطلعت لقته سافط قبالها وعيونه تعلقت بعيونها خذت لها نفس عميق واهي تمشي صوبه وتبطل الباب الخلفي وبحده: ياكرهي للوراعين سكرت الباب بقوه وسمعت صوته الغليظ: هيه انتي شوي شوي على باب سيارتي زفرت بحده: كيـفي وبلآ كثرة هرج ووصلني للبيت هز راسه وبخبث: ماشي ماما اي شي تاني عفست ملآمحها واهي تحس بقهر : قسم انك بغيض سكت وحل الصمت وماينسمع غير صوت انفاسها المضطربه همس بصوت خافت ونبره اول مره تسمعها بصوته: آسف خلود .. ارمشت ببلآهه واهي تحس بشي غريب يحاوطها كانت تطالع بالشارع عشان تشوف اذا بيغير الطريق اولآ لآ لكن كلمته خلتها تحس بشعور غريب شعور عجزت تفسره رفعت عيونها صوبه ولقته يطالعها بانعكاس المرايا بلل شفايفه وبهمس: واخر مره صدقيني راح اسويها .. ارتجف قلبها ومغص ببطنها زاد انتبهت ان الطريق تغير والمكان وكل شي همست بصوت راجف: وين بتوديني همس : لآتستعجلين بعد شوي بتشوفين حست بعيونه غريبه وخوف امتلى وسط صدرها وبحده: وقــــــــف السياره ولا بنزل منها الحين همس بحده واهي تسمعه يقفل السياره: قلت لج كل شي بوقته حلو زادت رجفتها وبحده: سعد وش تبي فيني حرام عليك وش تبي تسوي طالع فيها بنظرات غريبه وبحده: جعلي الموت لو اسوي فيج شي بس انتي لآزم تشوفين هالشي عجزت اسكت ياخلود عجزت انخض قلبها وحست ببرود ينتشر بطوارفها وبصوت راجف: وش قاعد تخربط انت وش الي حاصل تركي فيه شي هز راسه وبهمس: ماابيج تخافين هدي بالج الاكسجين حسته بدى يقل عليها صارت تحاول تبطل الباب واهي ترجف وعيونها امتلت بالدمع : تكفى سعد هدني هدني انت تكذب علي اكيد تبي مني شي اكيد وقف السياره واهو يبطل الباب وبهمس: انزلي وشوفي بعينج طالعت فيه بعيون توسعت بالدمع بطلت الباب وطالعت بالشارع الخالي قريب من مقبره ولمحت تركي يمشي واهو شبه عاري ويدور حول قبر وينطق بكلمات غريبه توسعت عيونها بالدمع والتفت على سعد الي كان يمها وبهمس: وش صار به تركي وش الي حصله همس سعد بحزن : اسف خلود كلنا خدعناج وعطيناج مريض نفسي مريض نفسي مريض نفسي شهقت واهي تحس بالم وسط صدرها والتفت على سعد وبحده: انت كذآآآآآآآآآآآآآآآآب كذآآآآآآآآآب وللحظه حست بتعب يهلكها ترنحت وماحست الا بالظلآم يغطيها قدر يمسكها بأخر لحظه وحس بدقات قلبه تضرب بقوه سحبها للسياره وطالع بأخوه بنظرات كلها اسف وبهمس: ااسف بس عجزت اكذب عليها مثلك :: :: :: قامت على صوت العصافير الي تغرد صوب دريشتها تمططت بسريرها لثواني وارخت بجسمها على السرير وعيونها متعلقه بأشعة الشمس الي اشرقت والسحب الي بدت تملع وسط السماء الزرقا والصافيه قامت وبطلت الدريشه تقدمت بخطوات واهي تحس بالهوء العليل يداعبها عضت على شفتها بقوه واهي تشوف اختها مع فارس ويفطرون سوا شي بداخلها خلآ قلبها يحترق غيره اشتعلت وقهر بدى ينتشر وسط جوفها حست بلحظات ضعف تجتاحها وألم يقتلها ابتسمت رغم الوجع الي حست فيه بصدرها لآزم تفرح لفرح اختها ومهما صار لآزم تنسى الماضي سؤال يدور براسها ليه اذا حبت لآزم تخسر ليه اذا حبت لآزم تتوجع ليه راشد نساها بسرعه واهي عجزت تنساه وطيفه يمرها كل ليله اكيد مبسوط بحياته الجديده اكيد نسى ريم بسرعه اكيد انه رماني ورا ظهره شديت على قبضة يدي وانا احس بنار تحرق لي قلبي لآزم انسآه وانسى جروحه لي لآزم ياريم تفتحين صفحه جديده تراجعت بخطوات لورا واناا ابعد نظراتي عن اختي وفارس والحب المرسوم على وجيهم :: :: :: بطلت عيوني وشفت تركي نايم على طرف السرير ومعطيني ظهره توسعت عيوني بالدمع ورحت صوبه وانا احاوطه بذراعي من وراه والله ياتركي مارح اتخلى عنك لو شيصير راح اظل حبك حتى لو كنت مجنون اذا الله ابتلاك فأنا رح ارضى اني اصبر على الي حصلك راح تعلق بأخر امل يربطني معاك راح احبك حتى لو كان بحبي لك ألم ووجع همس بصوت حاد واهو يبعد ذراعها عنه : وخرــي عني ترا مو رايق لج على هالصبح همست بصوت خافت: اسفه الظاهر اني ازعجتك بس ظنيت انك نايم طالع فيها بنظرات غريبه وبصوت حاد: ايه كنت نايم وازعجتيني ظلت جامده واهي طالعه يبتعد عنها تنهدت واهي تحط يدها على بطنها وتهمس بصوت باكي: وربي ودي اقولك عن ثمرة حبنا الي تنزرع وسط احشائي ودي اشوف الفرحه بعيونك بس مقدر ياتركي والله مقدر غمضت عيونها واهي تحس بدقات قلب وسط احشائها ترف يارب تفرحني وتفرح تركي بهالولد وترده لصوابه قريب شدت على بطنها وهي تسرح بأحلآمها لبعيد لبيت وعيال وام واب وعائله سعيده ياترى بشوف هاليوم ولا بنحرم منه :: :: :: وٍدًيَ آعًـــرٍف وٍشًِ آلليَ خٌِ ـــلآنيَ آحٍّــبٌكَ ♥ ؟ وٍدًٍيَ آفـهٍمً ليَــشًِ عًٍ ـــقٌٍليَ مًنشًِــغًل فيَكَـ رٌٍغًــمً بٌعً ـــدًٍكَ ؟ ليَهٍَ آحٍّــلآمًيَ تذٍَكَــرٍنيَ بٌقٌربٌــكَ ؟ ليَهٍَ كَل مًآآمًشًيَ دًرٍوٍبٌ تِّرجًعًنيَ لدًرٌٍبٌكَ ؟ ف*يَ آلنهٍآيَهٍ وٍآلآخٌِــيَرٌٍ ... لآزٍُمً تِّــعٍرٍف آنيَ آنآ مًـِّـوت ♥ آحٍّبٌكَ ...! نفسيتها تعبت وكل يوم يكبر الحزن وسط صدرها اشتاقت لكايد وماتبي الا كايد تبي تروح وتعتذر له تبيه يرجع لها تبي ترجاه تبيه وبس تعبت من الجفا تعبت من الزعل تعبت من البعد تبيه قريب منها تبي تحس بأنفاسه تبي تحس بلمساته وهمساته تبي كايد بشحمه ولحمه ابعدت الكتاب عنها واهي تقرب كاس الحليب صوب شفايفها وتطالع بالفراغ فيصل من رد واهو ماخذ شمه ومانعها من انها تبات مع هيفا ماتدري ليه فيصل ساعات تجيه طعات مالها داعي بللت شفايفها وسمعت نغمة جوالها ارتجف قلبها وعيونها بدت تتوسع بالصدمه سحبت الجوال وطالعت بأسم كايد الي يشع فيه ضخ الدم بقوه وسط صدرها وحست بجسمها يرجف وبروده بدت تسري بأطرافها بدون شعور ضغطت زر الانسر وظلت صامته تنطر تسمع صوته هيفآآ صوته خلى كل ذره بجسمها تختض عليها اما قلبها غرق مع نغمة صوته الي كان ملهوف على سماعه دق قلبها وحست بحراره تجتاح اذنها من صوته ظلت جامده طالع بالخدامه الي كانت تشيل اكلها من الطاوله واهي خاضت بعالم بعيد ونست انها زعلآنه منه اصلآً اهي ماهي زعلآنه بالاصل اهي تبيه وباس وماتدري اذا مشاعرها جذبته صوبها ولآلآ ماينسمع منها الاصوت انفاسها المضطربه اما اهو فهمس بعد ماطال الصمت آشتقت لكـ كلمه بسيطه لكن معناها كبير بالنسبه لهيفا معناها يخليهآ تحس انها غارقه بكرسيها تحس برجولها عاجزه تشيلها وايديها جامده وقلبها يرجف بقوه ولثانيه بس حست ان ضلوعها رح تتحطم بسبة قلبها المصدوم همس بصوت ذوبهآ اكثر وحست لدقايق ان كايد قبالها : آحبكـ وانا متأكد انك تعرفين هالشي لكن حاب انك تعذريني وتسامحيني والله عجزت فراقك ياهيفا عجزت وتعبت آبيك لي وبنفس الوقت خايف مدري شقولك بس لآزم تنتهبين من الناس الي حولك مقدر اطول لآني خايف اضايقك بس مقدر اقولك ارجعيلي كل الي اقدر اقوله انك تنتبهين لصحتك وعشاني بس ماابيك تزعلين وابيك ترسمين البسمه على شفاهك عشاني بس همست واهي تدري فيه مارح يسكر الا لمن يسمع صوتها حست بعيونها متوسعه بالدمع والشوق خلآها ترجف وكنها محتاجه انه يحاوطها بذراعه الكبيره وتكون طفلته وبآس : وش تقصد تنهد تنهيده طويله وبهمس: آحبـك هيوفتي ومااوصيك على بالك والي اقصده انتي راح تعرفينه قريب ماانسمع الا صوت انقطاع الخط طوط طوط طوط وحست ان اوتار قلبها خلت قلبها يوقف عن النبض لثواني خذلت لها نفس طويل واهي ترخي بجسمها على الكرسي وتحس بنظرات حولها رفعت راسها وشافت الخدامه طالع فيها عرفت ان وجها اكتسى باللون الاحمر وفار الدم بجسمها كله سحبت نفسها واهي تسرع بخطواتها وتهرب صوب الحديقه يمكن هواء الحديقه يخفف من الحراره الي انتشرت بجسمها وتخفف من صوت كايد الي انتشر حول اذنها وخلآها تسمع همسه دامه يحبني ليش تركني ووش يقصد بكلآمه وليه اتصل علي بعد ماانقطع فتره طويله عني يبي يعذبني بآس ولا يبي يلعب بأعصابي ويخليني احترق بأشواقي حطت يدها على خدها وحست بنار خدها تلسع لها يدها وسعت ابتسامتها لآشعورياً وشعور غريب يدغدغها شلون يقدر انه يخليني افرح بثواني بلعت ريقها واهي ترفع راسها لسماء اذا كان قدري اني اتعذب معاه فأنا راضيه يكفي الشعور الي احس فيه ويخليني انبسط يخفف عني .آلم الفراق انتفضت اول ماسمعت صوت امها وراها : يعني من اول يوم غيآآب التفتت واهي تضرب يدها على راسها وبهمس: يوووه نســيت ههههههه وسعت ابتسامة امها وبهمس: يمديك تروحين الحين ويحسبونه عليك تأخير اقتربت صوب امها وبهمس: ياللله راحت علي خليها بكرا اروح وبعدين انتو مو متحمسين الظاهر ماتبوني اشتغل طالعت فيها امها وبهمس: اذا تبين الصدق احس ماله داعي تشتغلين طالعت فيها هيفا وبهمس : اقل شي احلل التعب الي تعبته برا واحس اني سويت شي للمجتمع : اها يعني بتقولين لي انك انسانه مجاهده محبه للعمل وسعت ابتسامتها واهي تهز كتوفها: نقدر نقول كّذآآ :: :: :: طلت براسها وشافت اهلها مجتمعين حول هدى وفهد وولدهم ناصر شعور غريب داعب صدرها رفعت راسها وشافت سعد حست بخوف انه يبوح لهم عن الي بداخلها لآنها تبيه سر بينها وبينه حتى تركي ماتبيه يعرف لآشعورياً حطت يدها على بطنها واهي تمشي صوبهم وكنها خايفه على ولدها من اهله همست بصوت خافت: واخيراُ ياهدى مابغيتي تجين للبيت وتورينا نصور طالعت فيها هدى وبهمس:للحين ماطلعت من النفاس بس بعض الناس اصر اني ارجع للبيت طالعت بفهد الي كان محتظن يدها وبهمس: والله يعجبني لو داريه كان قلت له انه يجبك ابكر بعد التفتت عليها ام فهد وبهمس: ماتبين تشوفين ناصر حست بقلبي يرتعش وبهمس: الا ياعمه ياليت قربت مني ناصر واهو مغرق بمهده حطته بين يدي الي فرشتها قبال عمتي وجلست اطالع بوجهه الملآئكي وفمه الي بدى يتوسع ببتسامه غريبه لآشعورياً ابتسمت وحسيت بشعور غريب ياترى اهو احساس الامومه ولالا طالعت بعيون الطفل الي بدت تفتح بهدؤ وتمنيت لو الي بين ايدي اهو ولدي شعور غريب يضخ على قلبي ولذه غريبه حسيتها وبين ايدي هالطفل قربت شفايفي صوب خده الناعم وطبعت فيه بوسه وحسيت بأنزعاجه حسيت بوجهي كبير لوجه الصغيره حطيت خشمي على خشمه الدئري والصغير وصرت افرك فيه وشفت ملامح وجهه تنعفس وسعت ابتسامتي اكثر وحسيت بشعور حلو يارب متى الي بطني يطلع لهالحياه واشوفه بين ايدي دشت تحرير واهي ترسم ابتسامه غريبه اول ماشفت الكل سلمت واهي تجلس قريب من سعد خلود كانت بعالم ثاني عالم طفلها وعالم الامومه وماحست بوجود تحرير طالعت تحرير بسعد الي كان يطالع بخلود بنظرات كلها حزن وغرآبه حست بكهربه انتشرت بالجو وطالعت بخلود المحتظنه ناصر بذراعها وتغاغي له والله ثم والله لآحرمج من العيال واحرمج من تركي بكبره وهانت مابقى شي واشوف نفسي بغرفتج وعلى سريرج التفتت وشافت سعد يطالعها وحست بخوف يسري بعروقها همس بصوت غريب: وش عندج جايتنا طالعت فيه وبخبث: اشتقت لكم من زمان ماشفتكم فز بطوله وبهمس: وهذا الي يخليينني استغرب تختفين اسبوع وتطلعين بعده هزت كتوفها ببرود واهي تمد شفايفها المكتنزه باللون الوردي وبهمس: خاله ابي قهوه الله لايهينج واول ماطلع سعد دخل تركي الي كان التعب مرسوم على عيونه رفعت خلود راسها وطالعت بحبيبها وببتسامه:حياكـ طالع فيها بدون لآيرد وابتعد عن المكان الي اشرت له وجلس صوب اخوه فهد .. وسعت ابتسامة تحرير بأنتصار وطالعت بعيون خلود الي توسعت بالحزن .. :: :: :: عدلت بحجابي وانا احس اني اعيش اول يوم من ايام الدراسه ومو كاني دكتوره بأول يوم لها بالشغل شعور الرهبه خلا اطرافي ترجف ووجهي يصير باهت والخوف ارتسم بعيوني عدلت البالطو وانا ابتسم ابتسامه بارده لجل تضيف لمسة جمال لوجهي تبطل الباب وسمعت صوت خلآني اعقد حواجبي صبآح الخير دكتوره شوق طالعت فيه بحواجب معقوده وعيون تبوح الصدمه وبهمس: دعيــــج وسعت ابتسامته وبصوت يحرك اي انسانه : ياعيونـه بللت شفايفها وبهمس: لاتقولي جاي تتعالج وسعت ابتسامته واهو يجلس: افآآ وهالبالطو ماهو مالي عينج وسعت عيونها بستغراب وبهمس: انت تشتغل اهني هز راسه ببتسامه جذابه وبهمس : وازيدج من الشعر بيت غرفتي مقابل غرفتج واول ماشفتج تدشين الغرفه وانا مومصدق عيوني وش هالقدر الي جابج لعندي ارمشت ببلاهه وبهمس: انت تقدر تفتح لك مستشفى خاص ليه تشتغل هني ولآ بعد بمستشفى حكومي خلل اصابعه بشعره واهو يطالعها بكل حب : كله عشانج قلت يارب متى القدر يجمعني بها وكاهو جمعني معاج طالعت بعيونه الدعج ورموشه الكثيفه وببتسامه : مايليق عليك الكذب قولي دعيج وش مسوي بروحك احسك متغير حيـل حك حكنه وبهمس: يعني شاين اذا شاين فهذا من شدة شوقي لج واذا العكس فمادري والله وسعت ابتسامتها وبزفره: سخــيف الا زآآآين وماتن ولو عيونك ولا ماعرفتك يادوب حط يده يم يدها وبهمس: ايه عشان ماانسى ترا فطورج علي عندي سوالف كثيره ابي اقولها لج وادري ان انتي بعد عندج كثير لي مو هزت راسها واهي ترخي بجسمها على الكرسي: حيــل وفيه توبيخ بعد ههههههههههه وقف بحيله وبهمس: خلي التوبيخ بعدين لآحقين عليه التفت عليها واهو يبطل الباب: يلآ ماعطلج على شغلج .. وسعت ابتسامتها وبهمس: ايه حيل مزحومه ههههههه ابتسم وابتعد وتركها تطالع بسرابه هذا ملآك ولآ ايش وش هالانسان ليه يعاملني كذا ليه يحسسني اني مهمه ليه يفرحني وجوده .. السلآم عليكم رفعت بصرها وشافت البنت الي لآبسه جنز وبدي وخدها مورم همست بصوت خافت: هلآ وعليكم السلآم طلعت بملفها وبهمس: يلآ رآح نخلع سن العقل دامه يعورك حطت يدها على خدها بخوف: لآ بس ابيج تصرفين لي علاج يخفف وباس وسعت ابتسامتي وبهمس: صدقيني مارح تحسين بشي وبعدين معجبج شكلج وخدج مورم هزت راسها وبهمس: لكن زواج اختي بعد يومين وخايفه ان شكلي يخرب واتعب بعرسها همست لها: يومين اجل يمديج باذن المولى انج تتعافين يلآ خلينا نشلعه لج قبل مايزيد ورم خدج ويخرب شكلج :: :: :: توي بنزل من عيادتي ولمحت راشد ارتجفت مكاني وحسيت بخوف يحاوطني لايكون عرف عيادتي تراجعت بخطوات لورا وصرت اسرع خطواتي واختبي بغرفتي سمعت صوته الي خلآني ارتجف مكاني همست له السكرتيره ان ماكو احد لكنه اصر ينطر وش يبي طالعت بساعتي وشفتها 12 يارب هذا مايبيني ارد للبيت ولا وش قصته قررت اطلع واوجهآ بمااني متأكده ان قلبي راح ينزف اكثر من ماهو نازف تعبت من الجروح وابي ارتاح ياترى وش تبي مني راشد بطلت الباب وسويت روحي اني مااشوفه لكن صوته استوقفني ريـــمي رفعت بصري وشفت السكرتيره طالع فينا خفت لآتقول لآبوي وتصير ليي مشكله فهم راشد نظراتي وسكت طلعت وحسيت بخطواته تتبعني ودقات قلبي حل فيها اعصار رافض انه يوقف همس بصوت غريب: ابي اكلمج همست وانا التفت صوبه:وانا ماابي اكلمك طالعني بنظرات اعشقها وبهمس: تكفين ريمي بس شوي حسيت بصدري يعلى ويهبط ومشاعر الماضي بدت تتجدد وبهمس: ربع ساعه وبعدها امشي هز راسه وبهمس: اوك خلينا نروح للمطعم رحت صوب سيارتي وحركتها وصرت اتبعه لوين مادري شي واحد عجزت افهمه شلون اقدر ارفضه وقلبي يتراقص فرح نزلت من السياره وانا اتبعه وكنه ماسوى لي شي ولآ جرحني ولا قتلني كنت اشوفه صفحه بيضا بحياتي عمرها ماتلطخت بالدم لكن حقيقة الامر ان الصفحه تمزقت وانا رافضه اعرف هالحقيقه ابد طالعت فيه وانا واهو بنفس الطاوله وعيونا متعلقه ببعض ستاره تفصلنا عن العالم وحسيت لثانيه اني اعيش وسط احلامي همس ببتسامه غريبه: وش تبين تشربين ابعدت عيوني عنه وبزفره غريبه: خلنا ندش بالموضوع همس واهو يعقد حواجبه: طيب بس خلينا نطلب شي لجل ماتجف حلوقنا من كثر الحكي تنهدت بضيقه وشفته يفز ويطلع وتركني لثواني مادري وش الشعور الغريب الي اجتاحني احس بنفسي غريبه وانا معاه واحس بشعور متناقض عجزت اعرف معناه همس بصوت خافت: وش فيج شردتي رفعت عيوني وشفته قبالي وبهمس: اخلص علي راشد تراي مو رايقه لك قرب العصير مني وبهمس: طيب شربي وخليج ريلآكس زفرت بحده وعيوني بدت تبوح الضعف: اخلص علي وربي لآاقوم وواخليك تنهد وتنهديته حسيتها كسرت لي ضلوعي وبصوت غريب: اشتقت لج ريمي ظليت جامده واسمع بوحه لي واحس بشعور غريب يجتاح مشاعري قرب يده صوب يدي لكني سحبت يدي وسمعت همسه : والله ياريم ماتشبهلج حبيت اهرب منج ومن حبج لكني عجزت حتى واهي معاي بنفس السرير كنت اتخيلها انتي كنت خايف لآازل بيوم وانطق اسمج احبج ريم تكفين خلينا نرد مثل اول تكفين ريم عقدت حواجبي وبهمس: وش تقصد بلل شفايفه وبصوت غريب: ابيج تكونين حبيبه لي ابيج معاي كل ليله ابيج تخففين علي الالم من حياتي الكئيبه ابيج ريمي ارمشت اكثر من مره وانا احاول ابرمج كلآمه وكل الي فهمته انه يبيني تسليه بالنسبه له كنت اتمنى لو اسمعه يقولي احبج واشتقت لج وابيج تتزوجيني لكنه مانطق الا بكمله زادتني وجع وألم وسعت ابتسامتي وبهمس: وانا من يخفف علي الالم والوجع اذا ابتعدت عني بدون سبب اذا تركتني بعد مااغرق بحبك من بيساعدني انت مبسوط كل ماشفت ريم تتألم وتتوجع قولي انت مبسوط بحياتي كذا انت مبسوط اني اتالم كل يوم بسببك همس واهو يحاول يقرب صوبي ويمنعني اني اتركه : لآ ريمي انتي فاهمتني غلط انا ابيج لاني احبج ابيج بس خليني اوضح لها الامر صدقيني راح اطلقها عشانج بس صرخت وانا احس بدموعي تخوني: كذآآآآآآآآب مو عشاني الا عشان نفسك ابعد عني راشد همس بصوت حاد :لحظه ريمي لحظه خليني افهمج صرخت وانا ابعد ايديه عني: اتركني راشد اتركني انت بعت ريم وجا الوقت الي ابيعك فيه اتركني حسيته يشدني بقوه ويصدم بجسمي على الجدار وبصوت هامس: انتي الي تركتيني ماهو انا والحين انا جاي اعتذر وارجعج وانتي ماتبين فسريلي نظراتج لي ذاك اليوم وش كنتي تقصدين فيها مو كنتي تبيني مو ياريم غمضت عيوني وانا احاول ابعد وجهي عن وجهه وبصوت هامس: اتــــــــركني رآآشد قرب وجه صوب خدها وبصوت هامس : قوليلي احبك واتركج قوليلي ياريم تراي اشتقت اسمعها منج زادت دموعها وحست بأنفاسها تضيق عليها حاولت تبعد ايديه عنها لكنها عجزت قربت شفايفها صوب اذنه وبصوت مبحوح: اكـــرهــك راشد انت انسان حقــير ودوم تحب تستغل مشاعري لجل مصالحك الدنيئه هدني ولا لميت عليك العالم ارخى يده من عليها وبصوت هامس: آٍسف لكن حاب انج تفكرين بكلآمي ريمي واي وقت شفتي نفسج فيه مشتاقه لي اتصلي وصدقيني راح انطرج على نار طلع وتركها تطيح على الكرسي واهي تحس برجولها ترجف وقلبها دقاته تعلى ليه ياراشد تبيني تسليه ليه ياراشد تستغلني ليه تعرف اني احبك وتبي تحطمني حطت يدها على وجها واهي تبكي على حظها الي دوم يرميها للمجهول تًُـدَرٍيًـ يًـآخٍُـٍليًـ وٍكُـٍلــيًـ كُـيًـَفٍـ آيًـآمٌٍَـيًـ جُـًرٍحٌُـِتًُـنٍـيًـ ضٍُِـآًقٌٍـ هُذَآ آٍلكُـوٍنٍـ َفٍـيًـنٍـيًـ وٍآٍلسٌٍُـعُــآهُـ َفٍـآرًٍقٌٍـتًُـنٍــيًـ :: :: ::مابقى غيري وغيره على طاولة الطعام همست بصوت خافت : سعد لآتنسى وعدك لي هز راسه واهو ياكل وبهمس: الاهم من هذا مو طولين بللت شفايفها وبهمس: قولي مانقدر نعالجه هز كتوفه وبهمس: انا خبري بحالته لمن كان عمره 15 كان ماينام الليل ثمن امي ودته للطبيب وعطاه حبوب يمكن الحبوب اثرت فيه لكن هم قدرت تسيطر على حالته وبعدها حبينا نبعده عن اي صدمه لانها تزيد من حالته ويمكن موت جدتي اثر عليه ويمكن شي ثاني اثر عليه احنا ماندري شنهو بللت شفايفها وبهمس: عمري ماشفته يشكي من شي وعمري مالآحظت عليه شي رفع راسه وطالع فيها وبهمس: قلت لج حالته قديمه حتى اهلي حسوها عاديه وعمرنا ماخلينآها شي عظيم او حسسناه انه مجنون عقدت حواجبها وبحده : حسن ملآفظك سعد وش شايفه انت اكيد ازمه وتعدي وان شالله مابيطول واهو على هالحال : وش راح تسوين فزيت بطولي وبهمس: مارح افقد الامل برب العالمين ياسعد ابتعدت وتركت سعد يطالعها بنظرات كلها اعجاب وبنفس الوقت حزن صعدت لغرفتها وشافت تركي بالصاله همس بصوت غليض: مابغيتي تخلصين من هالغداء وسعت ابتسامتها وبهمس: وش اسوي بالحيل جوعآآنه قربت صوبه لكن ايديه منعتها: مابيج تجلسين يمي عقدت حواجبها وبهمس: ليش تركي طالع فيها وبستهجان: قلت لج لآ تجلسين يمي ومن اليوم ماابيج تنامين يمي بعد هزت راسها بأنصياع وبدون ماتنطق بحرف واحد .. ابتعدت عنه وبهمس: تبيني اسويلك شاي زفر بحده: لآ بنزل تحت عند امي يكون احسـن : :: :: :: ارتشفت الكولآ واهي تبتسم : وليه اتصلت عليه طالع فيها واهو يقرب البيتز صوب فمه: مايستاهلج والله وبعدين اهو يستاهل الي يصير به انتي ماشفتيه لمن كلمته تحسبينه نطق بحرف واحد والله احسه نقد على نفسه حطت يدها على حنكها وبهمس: ومع ذالك طلقني يادعيج لانه ظن اني رجعت لك طالع فيها وبهمس: اسمحيلي بس اهو ثور اجل في احد صاحي يفكر زي تفكيره اذا ببالي شي بقوله لمرتي وبصارحها ليش اللف والدوران خليه اهو الخسران ماهو انتي شبكت اصابعها وبهمس: بس مع ذالك ماحبيت ردة فعلك انت شنهو بحياتي انت مجرد صديق وهالصديق زاد الطين بله بحياتي الخاصه تمنيت مااتصلت عليك مسح فمه بالمنديل وبحده: حتى لو ماقلتي كنت راح اعرف من غيرك وكنت راح اتصل عليه واسفل فيه لين اشبع قلت لج اهو مايستاهلج لآنه ماعرف الالماسه الي بيده ابتسمت وبهمس: الماسه ولا قرطاسه اهم شي هذي حياتي واحنا بمجتمع مايسمح لك تتصل على زوجي وتجلس تزفه يعني باللهي وش راح يقول راح اطيح من عينه اكثر من ماانا طايحه طالع فيها واهو يضيق عيونه وبهمس: الظاهر انج طايحه من ايام كندا من عينه مو ارتجف قلبها وبهمس: ماعلينا قولي منهي المره الي كانت وياك بالسوق طالع فيها وببتسامه: اموت على الي يصرفون ضيقت عيونها وبستكشاف: انا ولآ انت كل ماسالتك غيرت الموضوع بطريقتك يلآ قولي هز كتوفه وبخبث: مارح اقولج شي فزت بطولها وبهمس: اجل مع السلآمه وسعت ابتسامته اكثر وبهمس: خلي كل شي بوقته شوق طالعت فيه وبهمس : مثل ماتحب بس صدقني مصيري اعرف :: :: :: جالسه تطالع بنفسها وتحس بألم وسط صدرها شي بداخلها يغلي شلون عرف اخوها تحس بأذلآل كل ماشافته ماتقدر تحط عينها بعينه منقهره من نفسها ومن المستوى الي وصلها ان اخوها يهينها ويشتمها بكلام خلآها تحس بدنئتها شافت وجها والي فيه اثر الضرب وحست بوجع يقتلها رفعت بصرها بعد ماسمعت صوت فوز : اسمعيني من اليوم اول ماتشوفين هيف تروحين تبوسين راسه وتعتذرين انتي ماشفتي نفسيته شلون صايره زفت الله يكون بعونه يلقاها منين ولا منين ياويل حالي عليه يارب تسهل اموره والله ياشهد ماتوقعتج كذا توقعتج كبيره وعاقله لكن للأسف طلعت نوف الي اصغر منج احسن منج بكثير وعقلها كبير همست بصوت بارد: انتو مكبرين الموضوع ترا ماسويت شي يخليكم تعصبون مني حتى امي ماتكلمني والله ماصار شي كلها مكالمات تلفون وباس وانتو حاطين سالفه من لآشي فوز بضيقه : ايه ان شي يسحب شي وماندري لو ماطاح عليج هيف كان طحتي بالحرام واحنا ياغافلين لكم الله وش استفدتي بعد ماحرمج اخوج من الكليه وش راح تسوين هزت كتوفها ببرود وبهمس: مو اكبر همي الكليه اذا انتو ماتخافون على مصلحتي شله اخاف انا عليها وانتو ناس معقدين همست فوز واهي تاخذ لها نفس: اوف ياربي هذي موب صاحيه هيه انتي اسكتي لآ يسمعج اخوج ويكمل عليج تراه للحين منقهر منج ومابرد حرته وببرودج هذا راح تقتلينه بللت شفايفها وبهمس: خلآص انتي بعد تراج ازعجتيني اطلعي من الغرفه وخليني بروحي قامت فوز واهي تسند ايديها على الكرسي عشان تقدر توقف خصوصاً بعد ماصار لها كرشه زينتها حيل : ماشي بقوم عوذه هالبيت الي فيه صايرين نفسيه طلعت فوز وتركت شهد تبكي بقهر ماتدري وش هالشعور ولآ تدري ليه تبكي يمكن لآنها طاحت من عيون الناس الي تغليهم وتحبهم او لآن نظرتهم صوبها تغيرت 180 درجه :: :: :: يطالع بأمواج البحر ويحس بجمره تجلس وسط قلبه غمض عيونه وارخى بجسمه على الرمل واهو يرسم ملآمحها خسرتها ياهيف خسرتها وانت الي تحبها وتحب الارض الي تاطها خسرتها راحت ورضت بحياتها وانا جالس على اطلال طيفها ياترى ياشوق بتسامحيني وبتردين لي ولالآ عجزت انام وانا مااشوفج يمي استعجلت بطلاقج واستعجلت بالحكم عليج اليوم احسه دهر كل مامر علي بدون مااشوفج سحب جواله واهو يطالع باسمها تردد يتصل ولآلآ لكن قرر انه يتركها وينساها لان حياته مع شوشو راح تكون صعبه واصعب من اول بكثير انتهت حياته مع الانسانه الي يعشق وجودها يمه طول العمر توسعت عيونه دموع وجلس طول اليل يم البحر يشكي همه ونوحه له .. :: :: :: معها صحن شيبس وكولآ وجالسه تتعسس وسط الظلآم وبهمس: شمه بطلي الليت تراي مااشوف شي همست شمه واهي مبطله فمها على الفلم: تعالي بلآ دلع تسحبت بخطى بطيئه لمن وصلت على الغنفه وجلست يم شمه وبهمس: اف ليه شغليته قبل لآاجيك والله انك نذله طالعت فيها شمه واهي تاخذ الكولآ من يد هيفا: توي مشغلته ماطافك شي بطلت الكولآ وارتشفت منها هيفا واهي طالع بالفلم كلام كايد داعب عقلها وعجزت تنتبه مع الفلم همست لها شمه واهي تسكر الشاشه: عندي خبر لك التفت عليها هيفا وبهمس: ايش هوآ همست لها واهي تاكل من الشيبس : اممم مادري شقولك بس اني انخطبتـ طالعت فيها هيفا وبهمس: منهو شمه واهي ترفع حاجبها: صديق فيصل دخلت اصابعي بشعري وانا ارخي بجسمي على الكنب: وش رايك شمه بتردد: ماابي اوافق مو مناسب لي عقدت هيفا حاجبها وبستغراب: شمه اشوف كل مااحد جاك ترفضينه وش قصتك انتي لا يكون هزت راسها واهي تقطع كلامها: لآه لآيروح بالك بعيد بس ماني مستعجله على الززوج ولو بتزوج لآزم اتزوج شخص اكون عارفه انه يستاهلني ومعجبني طالعت فيها هيفا واهي تحس بشعور غريب: طيب الرجال فيه عيب عشان ترديه مافيه عيب ولو فيه عيب مااتوقع فيصل راح يوافق عليه استخيري ربك وشوفي وين نصيبك فيه هزت راسها بستهجان: انا اعرف وين نصيبي ولو باخذ شخص باخذ شخص احبه هيفا بشك: كيف يعني ببالك احد طالعت فيها شمه وبتوتر: قلت لك لآه وش فيك انتي قامت شمه بعد ماحست ان نظرات هيفا ضايقتها وبهمس: بقوم اروح للمطبخ احس اني جوعانه وابي اكل ظلت هيفا جامده لثواني وكلام كايد يدور حولها لايكون يقصد شمه وش مسويه شمه وبدى الشك يغزي قلبها علقها .. انتبهي من الناس الي حولكـ .. وش مسويه ياشمه ...؟ :: :: :: يلآ حنان اشتري وخلصينا طالعت فيه وبحده: ياخي خلني اكاسره مايصير نعطيه الفلوس بدون مكاسر زفر بحده وبهمس: يااختي هالهندي اعند منج ورافض يكاسر زفرت واهي تمسك الجزمه: يالله رفيق قولي اخر شي بكم : خسمين ريال مدام طلع راشد بوكه واهو يسحب خمسين ريال صرخت حنان بحده: هيه انت لآ والله ماتدفع غير عشرين خير ان شالله خمسين جالسين على بنك واحنا ماندري ابعد يدها وبحده: وش لج خص منو بيدفع انا ولا انتي خلينا نشتريها ونفتك مسكت الخمسين وخذتها منه وبهمس: خلاص مانبي الجزمه اوف التسوق معك يجيب المرض حس بوجهه يشتعل باللون الاحمر وبهمس: مره ثانيه روحي مع وحده من خواتج وفكيني من التسوق وياج هزت راسها وبهمس: اكيد عقدت حواجبها اول ماشافته يروح صوب محل الالعاب راحت صوبه وبهمس: وش تسوي انت همس لها واهو يسحب عروسه ويطالع فيها: بنات هيا عندنا خليني اشتري لهم شي من زمان ماشريت بققت عيونها وبزفره: بناتها شكثر من بتعطي ومن بتخلي اقول لآتبطل على عمرك باب خلهم يولون عندهم ابوهم زفر بعصبيه: قسم بالله تفتحين فمج بكلمه وحده قسم بالله لآ امد يدي عليج قدام الكل ابتعدت بخطوات لورا وبصوت هامس يعتليه الخوف: طيب طيب اعوذ بالله من غضب الله هد ياخي تراها كلمه وكاهي بنردها بلسانا صد عنها وكلم راعي المحل انه ياخذ له ست عرايس وسياره :: :: :: نامت بالصاله بعيده عنه حطت يدها على بطنها وابتسامه عريضه مرسومه على شفايفها هذا الشي اهو الي مخفف عليها تغير تركي صوبها غمضت عيونها واهي تدور على النوم وتحس بتعب يسري بأجزء جسمها سمعت صوته قريب من اذنها: خوخه بطلت عيونها وشافته قريب منها همست بصوت خافت: هلآ تركي وش فيك ابتسم واهو يسحب يدها : وش فيج نايمه بروحج امشي معاي بققت عيونها وبستغراب: انت طالب مني انام هينا عقد حواجبه وبهمس: وانا اقدر اخليج بروحج امشي حياتي والله مشتاق لج حست بيده تطوقها وبصوت هامس: وش فيج تطالعيني كذا تعلقت يدها الصغيره برقبته وبهمس: ههههه مادري بس يمكن لآني مبسوطه همس بصوت خافت صوب اذنها : احبج رفعها بذراعه واهو يحس بشي غريب همس لها واهو يرفع حاجبه: مو كنج ماتنه ابتسمت ابتسامه عريضه وترددت تصارحه وتقوله ليه اهي متينه همست بصوت خافت: ههههههههه يتهايلك اكيد ماتدري وش هالشعور الي يجتاحها كل ماكانت بقمة السعاده مع تركي ارخت بجمسها على السرير واهي طالع بعيونه لثواني غمضت عيونها وحست بيدين تركي تحاوط رقبتها حست بضغط غريب انفاسها اضطربت وحست بثقل تركي فوقها يشتد بطلت عيونها وشافت تركي يشد بيديه على رقبتها صرخت وصرخت وصرخت وحست لثواني انها راح تموت منور راح يسمعها واهي تحس بصوتها مبحوح ومكبوت عيونها فارت بالدم من شدت ضغطه عليها وبصوت متقطع : وش تسوي يـ ـ ـ ـآ تـ ـ ـ ركـ ـ ـ ي همس بصوت حاد واهو يطالع بعيونها : والله لأذبحج والله لأذبحج وافتك منج تخونيني مع اخوي هاه والله لآ قتلج قبل لآ يعرفون بفضيحتج السودء حاولت تبعد يده عنها لكنها عجزت فضلت تستلم وايديها تحاوط خصرها وماتدري اهي تدافع عن نفسها ولآ عن الروح الي تنزرع باحشائها :: :: :: جلست تنطر اخوها غمزت لها فوز وفزت اول ماشافت باب الصاله يتبطل راحت صوب اخوها بعيون مغورقه بالدمع وبصووت باكي واهي تسحب يده: تكفى سامحني هيفـ والله مااعودها والله انها اول مره واخر مره عيونه ممتليه حزن وبصوت هامس: مسامحج شهد تعلقت بخصر اخوها واهي تبكي اما هو ظل يمسح على راسها وكنه متندم على ظربه القاسي لها همست بصوت متقطع : عسى الله لآ يحرمنا منك يالغالي ويخليك وسعت ابتسامته براحه حس بيديها ترتخي وبصوت باكي: وش رايك اصلح شاهي وشوية اكل بما ان فوز عندنا رفع راسه وشاف فوز بكرشها جالسه بالصاله وبهمس: وانا احس بيتنا منور اثريها عندنا لآ تقول ان زوجها سافر وسعت ابتسامتها وبهمس: شفت شلون سافر وجيتكم باس جبينها وبهمس: ادري فيج مانشوفج الا لاغاب قمرج ضحكت وبهمس: ههههه وقمرك اشوفه غايب رمى بثقله على الكنب وبهمس: والظاهر انه بيطول لين يكتمل همست بصوت خافت: مو كنك استعجلت والله شوشو ماتستاهل همس بصوت بارد: النصيب وهذا نصيبنا :: :: آٍلبٌٍـآرٍحٌُـِهُ مٌٍَـآنٍـآمٌٍَـتًُـ آٍلعُـيًـنٍـ سٌٍُـهُرٍآآآآآآآنٍـ آجُـًآذَبٌٍـ آٍلوٍنٍـآتًُـ وٍكُـٍلنٍـ َفٍـطٌٍُـنٍـ ٍلـــــيًـ ٍ ليًـآآغٌَـضٍُِـيًـتًُـ بٌٍـعُـيًـوٍنٍـيًـ يًـًقٌٍـوٍٍلوٍنٍـ وٍسٌٍُـنٍـآنٍـ مٌٍَـآ هُوٍ وٍسٌٍُــــــنٍـ آٍلنٍـوٍمٌٍَـ وٍآٍلٍلهُ مٌٍَـوٍٍلـــيًـ سٌٍُـكُـرٍآنٍـ ٍلآ بٌٍـآ الله مٌٍَـآنٍـيًـ بٌٍـسٌٍُـكُـرٍآآآآآآآآآآن ٍـ غٌَـنٍـيًـتًُـ طٌٍُـآٍل آٍلٍليًـٍل يًـآ شٌٍُـمٌٍَـسٌٍُـ طٌٍُـٍليًـ َفٍـيًـ خٍُـآَفٍـًقٌٍـيًـ ٍلوٍعُـهُ وٍبٌٍـآٍلًقٌٍـٍلبٌٍـ آشٌٍُـجُـًـــــــآنٍـ وٍآنٍـآ آنٍـتًُـظٌٍُـرٍ عُـصٌٍٍُـرٍ آٍلصٌٍٍُـَفٍـآ وٍآٍلتًُـجُـًٍليًـ يًـآمٌٍَـآ آنٍـتًُـظٌٍُـرٍتًُـ آٍلصٌٍٍُـبٌٍـحٌُـِ آبٌٍـطٌٍُـىٍ وٍمٌٍَـآ بٌٍـآنٍـ يًـآ صٌٍٍُـبٌٍـحٌُـِ وٍيًـنٍـكُـ يًـآ بٌٍـعُـدَ كُـٍل كُـٍلــــيًـ مٌٍَـنٍـ حٌُـِظٌٍُـيًـ آٍلعُـآثًٌٍـرٍ آنٍـآ حٌُـِيًــــــٍل آنٍـ يًـآٍلحٌُـِظٌٍُـ وٍيًـنٍـكُـ مٌٍَـآ كُـَفٍـآكُـ آٍلتًُـغٌَـٍليًـ يًـآ حٌُـِظٌٍُـ وٍشٌٍُـ بٌٍـكُـ مٌٍَـنٍـ زٍمٌٍَـنٍـ نٍـوٍحٌُـِ نٍـعُـسٌٍُـآنٍـ ٍليًـآ ًقٌٍـمٌٍَـتًُـ سٌٍُـآعُـَفٍـنٍـيًـ عُـٍلىٍ شٌٍُـوٍَفٍـ خٍُـٍليًـ :: :: :: انتهى البارت لآتحرموني من رايكم ونقدكم تحياتي لكم وابتدى العد العكسي للنهاية القصه ..(: | ||||
|
| |
|
11-03-13, 08:04 AM
| #34 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثالث والثلآثون ~ بطلت عيوني وانا اسمع صوت المذن حي على الصلآه حي على الفلآح حي على الفلآح الصلآة خير من النوم الصلآة خير من النوم الله اكبر الله اكبر لآ اله الا الله ..ْ توضيت ولبست جلآلي وكبرت ودخلت بعالم الراحه عالم مايشعر به الا الي يذوقه سفطت جلآلي مع سجادتي وحطيتهم على الطاوله لفت انتباهي اني مانمت ولا غفيت وكل تفكيري كان معلق مع تركي تعسست بطني الي قرب ينتفخ وحسيت بعيوني تتغورق بالدموع وبدت تناسب علي ذكرى اليوم الي تفرقت فيه عن تركي عيوني احمرت وانا اطالع بعيون تركي كان بعيونه شي عجزت افهمه وحسيت بالاكسجين قرب انه ينقطع عن انفاسي صراخاتي حسيت انها راحت مع الرياح لآني ماشفت احد يبعد تركي عني حاولت ابعده لكنه كان ثقيل حيل حميت بذرة حبنا واانا اطوق بطني بيدي وسمعت صوت سعد يصرخ ويبعد عني تركي لثانيه وحده حسيت بيدين سعد طوقني حاولت ابعد لكنه كان متعلق فيني كنت مثل السمكه لمن تطلع لليابس وتتقلب واهي تدور على الاكسجين كنت مثلها بالضبط وكني رجعت للماي واحس بالحياه ترجع لي صرت الهث واخذ شهيق وزفير بصوت عالي وايدين سعد طوقني واسمع صوته يصرخ على تركي : تبي تذبحها يامجنون والله مااخليها تبقى معك ثانيه وحده همست بأذن سعد : ودني المستشفى بسرعهـ سحبني معاه لبرى ولبست عباتي وطلعت مع سعد اما تركي فمانطق بحرف واحد طلعت من الغرفه وانا اشوفه مرمي على الارض ارتحت اول ماعرفت ان الطفل بخير اصر علي سعد اني ابات بغرفه بعيده عن غرفة تركي همست له: ماابي احد يعرف ولو اسوي كذا الكل راح يعرف همس بصوت حاد: الاهم انتي ولآ الناس زفر ت بحده: الاهم الي بطني همس بحده: خلآًص سوي الي اقولج عليه فاهمه هزيت راسي له وانا احس بقلبي يمنعني اني ابتعد عن تركي لثانيه وحده مر ثلآُث شهور على الحادثه واهل تركي ظنوا اني انا وياه متهاوشين عشان كذا اخترت اني ابات بغرفة امي رحمة الله عليها شي واحد دار ببالي ليش تركي سوى معاي كذا هل هو بالفعل مجنون او فيه شي ثاني انا مو عارفته او يمكن شاف سعد او سعد قاله شي افكار كثيره بدت تاخذني لبعيد وحسيت ببطني يصرخ علي من شدة الجوع سحبت جلآلي ورحت للمطبخ ماادري ليه لمن اتضايق احب اكل شعور غريب بدى يجتاحني اول مااكتشفت اني حامل صرت احب اكل كثير ومااشبع ابد خفت على وزني انه يزيد لكني حسيت بأن الحياه فانيه ليه نحرم انفسنا من اللذه فيها ولذتي كانت بالاكل دشيت للمطبخ الي صرت اعرف فيه كل شبر وكل سانتي خذيت عصير برتقال بالحليب مع قطعة ساندويتش بالجبن جلست على الطاوله اكل بكل هدؤ وحسيت بخطوات تقترب من المطبخ حطيت الجلال على وجهي وسمعت صوت خلا قلبي يفز من محله : خوخه شلت الجلآل عني وبصوت مليان بالشوق: عيونها ابتسم وانا احس بوجهه متغير كثير ماهو تركي الي اعرفه هذا شخص ثاني قرب مني واهو يسحب له كرسي ويطالع بعيوني: اشتقت لج ليه كذا تبتعدين عني ياخوخه ليش تبين تحرقين قلبي تراج احرقتيه من زمان كلآمه خلآني اعتصر بالوجع رفعت عيوني لعيونه الي تحددت باللون الاسود : اسفه تركي بس رفع راسه وبهمس: بس شنو ماادري اقوله او مااقوله لكن بطني كل ماله يظهر والناس بدت تشك ولآزم اعترف اني حامل زفرت وانا اطالع فيه: ااآآآآ اممم انا حامل كان جامد وملآمح وجهه احتدت همس بصوت غليض: من متى بللت شفايفي وانا انزل عيوني: من ثلآث اشهر او اربع مااذكر بالضبط متى حك ذقنه الي امتلى الشعر وبهمس : وليه ماقلتي لي ليه خبييتي علي هاه لآيكون هالولد ماهو مني رفعت عيوني الي انرسم بها الصدمه وبصوت مكبوت: وش تقول انت وش قاعد تهذري به منك واهو في احد غيرك رفع كتوفه وبحده: محد يدري انتي من مجتمع زباله ومافيها شي لو ترجعين لأصلج ارمشت ببلآهه وانا احس الكلآمات تجرح بصميم قلبي هذا مو تركي هذا شبح تركي زفر بحده واهو يسحب الكرسي: على العموم انا راح اطلقج وراح ارتاح من بلآويج لآني غلطت من البدايه لمن تزوجتج رفعت عيوني لعيونه ابي اشوف عيونه اهي نفس العيون الي عشقتها اهي عيون تركي لكن ماشفت من عيونه الا الالم والحزن وتأكدت انها ماهي عيون تركي همس بصوت هادي واهو يبتعد: انتي طالق خوخه ظليت اطالع بزوله الي يتلآشى من قبالي وحسيت بجسمي تعبان بالحيل نزلت راسي على طاولة الطاعم وانا احس بالانهزام وين بروح وين ياتركي مو انت وعدتني ماتتخلى عني لو شمايصير ليه الحين تتخلى عني وانت تعرف ان ماعندي احد بهالدنيا غيرك مابكيت على رحيل تركي لآن دموعي بالشهور الي طافت جفت وخلصت قررت اطلع من هالبيت بكرامتي قبل لآ تتنجس اكثر من ماهي متنجسه توي بطلع من المطبخ الا واحس بخطوات تبتعد اسرعت بخطاي وماشفت احد موجود رحت للغرفه وانا ارمي بثقلي على السرير وارجع لعالم احزاني يارب افرج لي كربتي ياارحم الراحمين لِيْهْ نِفْتِرِقْ .. [ صَعِبْ السُؤآل ..] ..! و وِيْنْ [ نِلتِقِيْ ] .. صَعِبْ السؤَآلْ ..!؟ .. :: :: :: رحت للدوام وانا احس بدوخه غريبه توي بدش لغرفتي الا واشوف طفله صغيره كانت تلعب بالممر كانت جميله بدرجه مااقدر اوصفها شعرها الاحمر وعيونها المدعجه وفمها الواسع واسنانها الصغار لونها الابيض يلفت الانتباه رحت صوبها وشعور غريب يجذبني لها مسكتها وشفت عيونها الخايفه تطالع فيني: وش اسمج عضت على شفتها بدون ماتنطق بحرف ابتسمت عشان اريحها وخللت اصابع يدي بشعرها الخمري : ماتبين تقولين لي وش اسمك ابتسمت وبسحى اختلط بصوتها المبحوح: شوق اسمي شوق عقدت حواجبي وحسيت ببتسامه ترتسم على شفاتي: الله اسمك زي اسمي وش هالصدفه الحلوه طالعت فيني واهي تحط يدها بمفها: اسمك شوق هزيت راسي لها وبهمس: ايه مع منو جايه للمستشفى همست بصوت خافت: مع بابا عمر البنت مايتجاوز ثلاث سنوات مسحت على يدها وانا اطبع بوسه خفيفه على خدها لحظات مرت وانا اسولف معها سمعت صوت من خلفي يهمس بغلآضه: بحطها بالتاريخ شوق جايه بدري التفت وشفت البنت تجري صوبه وتمسك طرف بنطلوانه: قمت بدري قلت اجي للمستشفى دام البيت فاضي وماعندي شي حسيت بالتوتر ينرسم بوجه لمن همست البنت: بابا متى نروح ماادري ليه حسيت بقلبي ينقبض ابتسم دعيج وبهمس: هه اكيد شفتي بنت اختي رفعت حاجبي وبهمس: اها وليش جايبها للمستشفى همس بصوت غريب: جاي اخذ اجازه واهي مانامت خذيتها وياي سكت بعد ماحسيت بتلبكه وتوتره الواضح همست بصوت خافت: وليه مسمينها شوق وسعت ابتسامته واهو يشيلها : اهـ انا الي مسميها هالاسم غمز لي بعينه المدعجه وحسيت بتشابه شوق بدعيج لو ماقال انها بنت اخته كان اقول انها بنته همس بصوت خافت: يلآ اخليج الحين بما اني اعرف انج راح تشتاقين لي مو بللت شفايفي وبهمس: اكيد بشتاق لك وذي فيها شك بعد هههه ابتعد وجلست اطالع بالبنت الي صارت تودعني واهي على كتف دعيج رفعت يدي وودعتها وعيوني متعلقه بهم دشيت لمكتبي وانا احس بشعور غريب الدوره ماجتني لها شهرين ياترى معقوله اكون لاه مو معقوله حسيت بالشك يستوطن صدري ارخيت راسي على الكرسي وانا احس بدوخه غريبه .. :: :: :: ماحبيت اداوم وحبيت اظل نايمه على السرير شعور غريب قرب يتولد لكني مو حابه اصرح به الحب حاجه عمرنا مارح نفهمهآ نحب اشخاص نعرف انهم ماهم الي نظن انا نحبهم ونكره اشخاص نظن انهم ماهم الي نكرهم بواقع الامر طالعت بسقف الحجره وانا ابتسم فيصل وش يقصد لمن حط بشنطتي دفتر مليان بااشعار وغزل لفتاه اتوقع انه يحبها ليه عطاني اياهم وش يقصد بهالحركه سحبت الدفتر من الطاوله وبطلته وقريت الكلآم المخطوط بيده هَدّ بالِكـَ .. هَدّ بالِكـَ لآتّضآيَقْ ،، دآمَ بسْمآتِكـَ مآهيّ مٌلْكِك لـ حآلكـَ ياكِثْرَ مِنْ يّسْعِدونْ ليآ لـقَوآ طلـةَ قبآلِكـَ ..! لآ أبْتِسَمتْ اللي يَشُوفِكـَ تَنْطويْ صَفْحةٌ هَمومِهَ أبْتِسًمْ .. كَأنِكْـ تَبْيْ يَكْمِلَ جَمآلِكـْ ~ وسعت ابتسامتي وانا اقرا سطوره سكرت لآني عاجزه اكمل الباقي خلاًص ياريم يكفيك ماجاك من الحب الي من طرف واحد اكتفي واقفلي قلبك عليك لآتتعلقين على اوهام الصدفه اجبرته يعطيني هالدفتر رجعت الدفتر بوسط الدرج وانا احس بذبذبات غريبه قربت تجتاح مشاعري لو بتم منسدحه بهالسرير راح اجيب العيد فزيت من نومي وطلعت برا الغرفه شفت ريف تجري ومعها كتبها همست لها : شوي شوي لحد يتكسر علينا ابتسمت واهي تبتعد: تاخرت على الجامعه ياخوفي انكرش من المحاظره خذيت لي نفس وانا اطلع للحديقه وااجلس بالكرسي واطالع بالفرآغ وكلآم راشد يهمس بأذني كل ماضقتي اعرفي اني انتظرج اتصلي وراح تلقيني شديت على قبضة يدي بقوه وانا احس بشعور القهر يسرري بعروقي الله يوريك ياراشد بنفسك ويقهرك مثل ماقهرتني الله حسيبكـ .. كلماتها نبعت من وسط قلبها المجروح .. وعيونها تلونت باياامها الكئيبه .. :: :: ::خللت اصابعي بشعري البوي وجلست احط كحله على عيوني طالعت بنفسي وحسيت باللحم يكسيني الحمدالله ياربي على العافيه جد محد يعرف قيمتها الا الي خسرها حسيت ان جمالي قرب ينرسم مثل اول واحسن بكثير شعري البوي زادني جمال ماكنت اتصوره ابد رسمت القلوز على شفايفي وسحبت شنطتي وطرحتي وطلعت من الغرفه : صباح الخير التفت وشفت امي مبتسمه لي وورها الخدامه وبيدها عباتها وشنطتها همست لها وانا احب راسها: صباح النور ياوجه النور همست واهي تعقد حواجبها: وبعد هالشهر بتروحين يعني ماودك ترتاحين يمه زفرت وانا ارفع حاجبي: من اول مااشتغلت وانا مرتاحه شوفي (دارت حول نفسها ) كاني متنت وكاهي صحتي رجعت احسن من اول لآني ماعدت اشوف نفسي ابتسمت وبهمس: الله يديمها عليك يابنتي لآتنسين ترا ابوك يبيك قبل لآتروحين للشغل هزيت راسي وانا انزل الدرج بسرعه لفيت طرحتي وتلثمت وطلعت لمكتب ابوي لقيته مطرف بطلته وبهمس: صباحو رفع راسه واهو يرتشف القهوه: يااحلى صباح والله قربت منه وانا الثم يده بمفي وابوس له راسه وبهمس: وش بغيت مني يبه ظل يتعسس وجهي ويشيل اللثمه عني وبهمس: ابيك تفكرين زين بالموضوع الي قلته لك يابنتي زفرت بحده وانا اقوم : يبه قلت لك انا مرتاحه كذا تكفى يبه لآتبطل هالموضوع ابد الزواج قلت لك مارح اتزوج لو شمايصير طلعت تاركته يطالعني بنظرات كلها حزن يعني لهالدرجه انا عاهه عليهم ويبون الفكه مني ليه اتزوج وانا مقدر انجب ليش افكر اني اتألم من جديد يكفي مره وحده ماابي اتألم ويكفي اني متعلقه بحب شخص وللحين وجع هالشخص محفور بعروق قلبي :: :: :: مدري وش اقول لأهل تركي وحسيت اني عاجزه انطق بحرف واحد وش المشكله الي خلت تركي يطلقني انه يظن اني اخونه او ايش بالضبط انرسمت ملآمح الضيقه بوجهي وانا اسحب رجولي والخدامه تتبعني ومعها الشناط همست بصوت خافت وانا منزله عيوني: السلآم عليكم : وعليكم السلآم همست عمتي : على وين خلود بللت شفايفي وبهمس: تركي طلقني وانا رايحه لبيت صديقتي حسيت بهمهاتهم المصدومه وعيونهم المتفاجأه همس سعد بصوت حاد: ارجعي لغرفتج ومابه طلعه من هالبيت ابد همست بصوت حاد: مالي قعده بهالبيت ابد لييه اقعد عقب ماطلقني اخوك مالي جلسه هينا ابد همست عمتي : اهي صادقه شله تجلس فز سعد بطوله وصوت يملآه التحدي: مو عشانها عشان الي بطنها حطيت يدي على بطني وحسيت بالخوف يتنهاش صدري وبحده: مايخصك انت وولدهم طلقني واهو مايبي ولده همست عمتي بصوت مليان فجأه وفرح ومشاعر كثيره اختلطت عليها: انتي حامل وليه مابشرتينا ليه ماقلتي لنا رفعت عيوني بحزن وبصوت مليان قهر: وش له اقولكم وابوه مافرح فيه همست انوار بفرح: مبروك يالغاليه وبالعكس احنا بنفرح فيه يكفي انه ولدك وولده وتركي اكيد ماكان بوعيه او معصب وبعدين على شنو يطلقج هالسؤال كنت خايفه منه تكلم سعد بحده: اخوي اصلآً من زمان يبي يطلقها والظاهر انه ماخذها تسليه ظليت صامته وانا احس بوجع ينهش قلبي همست ام فهد: خلآًص ياخلود حصل خير وان شالله بنكلم تركي يردج اما الطلعه من البيت وانتي حامل احنا اسفين ماراح نسمح لك وراح تبقين بالبيت وراح نعطيك الملحق اذا بغيتيه طالعت فيها وبهمس: قبل لاتهتمون بالي بطني اهتمو فيني وبنفسيتي ولا انا ماعدت اهم مشيت تاركتهم يطالعوني بنظرات تحمل الاستغراب وقف بوجهي سعد وبصوت حاد: مافي احد بهالدنيا يعصي كلام امي فاهمه يلآ ارجعي ظليت اطالع فيه وانا احس بصدري يكبر بكره هالعايله واحد واحد صوت من وراي خلآني ارجف بداخلي واحس بعيوني ببتغورق بالدمع بلعت ريقي وانا احاول اكتم حزني وعبراتي وسط صدري (انا طلقتها وش تبون تخلونها بالبيت ) الكل طالع بتركي وانا ظليت معطيته ظهري مقدر اشوفه مقدر انقتل من عيونه مقدر : مرتك حامل مايصير نخليها تطلع وولدنا وش يصير به والناس وش تقول عنا لو تدري لآ تفضحنا وخلها تنستر بيتنا واذا ولدت يحلها الف حلال ( ماابيها تفهمون ابيها تطلع من البيت ماابي اشوفها وانتي لآيكون مبسوطه انج بتجلسين اطلعي برا اطلعي برا) انكمشت على نفسي وحسيت اني صغيره واصغر من حبة العيش : وليه طلقتها بيوم وليله وش الي شايفه عليها حسيت برعشه تسري بجسمي وصدري بدى يدق بسرعه ( شي بيني وبينها ) حسيت بماي بارد ينكت على صدري طلعت بسرعه من البيت وانا اجري واحس بروحي تبي تطير وابي اروح بعيد عن هالعالم بطلت سيارتي ورميت بثقلي عليها مقدر ازعل عليك ومااقول غير الله يسامحك ياتركي اول ماشغلت السياره حسيت بالباب الامامي يتبطل التفت وشفت سعد يهمس لي: مو قلت لج مجنون لآتواخذينه وارجعي ياخلود ترا الطلقه الي عطاج اياها تعتبر باطله ارجعي خلود هذا مجنون طالعت فيه وبهمس: والمجنون يقدر يتعالج مو سعد عقد حواجبه وبهمس: اذا مو مفكره تردين البيت تأكدي ان شقتي راح تكون مفتوحه لج ابتسمت ابتسامه جانبيه وبهمس: شكرا سعد صراحه ماقصرت فيك الخير والله : مااقصد شي قصدي ان الشقه راح تكون لج لآيروح بالج بعيد قلت لج اموت ولآ اسوي فيج شي انتي غير خلود غير همست بصوت خافت: وش قلت انا ماقلت الا شكراً سكر الباب وحركة بسيارتي لبيت شوق وكل ذره بجسمي تنطق بآآآهـ :: :: :: :: طالعت بالعلبه الي قدامها واهي مصدومه اللون كل ماله يغمق ويغمق ويغمق حسيت بخوف يسري بعروقها خذت العلبه وصارت تقرا المكتوب فيه اذا كان موجب فأنتي حامل شافت الاختبار ولقته موجب ماتدري وش الشعور الي تحس فيه بهاللحظه يمكن تسرعت او يمكن غلط بالتحليل لآتفرحين شوق لآتفرحين لكن عجزت اخفي الفرحه وانا وسط الحمام واختبار الحمل بيدي حسيت بشعور غريب شعور مو قارده اقول شنهو كلام خلود لمن حملت وعرفت بهالخبر كان صحيح والله اني احس بشعورها الي وصفته لي وبكل حذافييره لكن شعور الخوف خلآني مااكمل فرحتي لو يدري هيف راح يرجع عشان الي بطني ولا بيقول هاللولد ماهو مني اكيد بيقولها مافي شي يخفى عن هيف حسيت بأبتسامتي تذبل ودقات قلبي تسرع خذيت بندوال وقررت ارجع للبيت واصارح اهلي بالموضوع :: :: :: هيف ترا شكلك هالايام ماهو عاجبني اذا مشتهي على بنت جابر فلآتنسى انها مارح ترضى ترجع لك ابد خلني ازوجك الي احسن منها والله ماتوصل عندها شوق ضفرها حتى ارتشف من القهوه واهو حيل تعبان توه راد من الشغل ويبي يرتاح وامه من اول ماطلق مرته واهي تقوله هالموال على كل صغيره وكبيره همست بحده: اانا قاعده اكلمك انت معاي ولا سارحن بها طالع بأمه واهو يقوم: يمه فديتج كم مره قلت لج سكري هالموضوع ابد .. همست امه بحده : ايه اقص ايدي اذا عاملت لك عمل هالاشكال ماتظمن ابد طلع وضيقه تناهش صدره يوم ورى يوم اشتقت لها ياهيف للأمانه اشتاق حتى لملآمح وجهها ويحس بالشهور الي مرت كأنها سنين مو قادر يعيش بدونها يبيها ويبي كل جزء منهآ .. :: :: :: رفعت راسها فوق واهي طالع للسيارات الرايحه والجايه همست بصووت خافت: ريم قررت تدربني على السواقه عقد حواجبه وبهمس: قوليلها شكراً ماله داعي تدربين طالعت فيه وبهمس: الا ابي اتدرب طالع فيها وبهمس: انا قلت لج لاه يعني لآه زفرت وبحده: يعني انت مبسوط تقوم كل يوم وتجلس توديني وساعات تتاخر على شغلك لآه احتمال بكرى اهلي يمنعون روحتي معك وجيتي همس بصوت حاد: ريف ماعليج اذا شكيت لج ذيك الساعه تدربي همست بصوت خافت واهي تضغط على سنونها: خلني اتدرب بس والسواقه مارح اسوق بس يكون عندي خلفيه عن السواقه طالع فيها واهو يعقد حواجبه: اسمعيني اذا تدربتي مارح يخلوني اوديج تفهمين انتي ولا ماتفهمين مدت شفايفها وبحده: احسن التفت لها : وش قلتي عضت على شفتها وفضلت تسكت همس بصوت حاد: وش قلتي همست له واهي تطالع فيه: ولآ شي اوف الواحد مايتكلم الا وماسكين عليه ابتسم وبهمس: طيب شويه شويه على نفسج لا يطق بج عرق :: :: :: طالع بنجود وبهمس: هاه شقلتي نجود بتفكير: مدري وش اقول بس يعني اهي تستاهل عشان تسوي كذا وسعت ابتسامته واهو يتغدى : اكيد ولآ ماطلبت منك انك تشوفينها نجود واهي تشرب اللبن وتبعد الكاس عن فمها: اخاف تكرشني من بيتهم ثمن اتفشل ابتسم ابتسامه جانبيه وبهمس: ماتسويها صدقيني انا خابزها لك عضت على شفتها وبهمس: طيب كم تدفع بقق عيونه وبحده: ادفع لك كف شرايك ابتسمت بخبث: ماشي اجل دور غيري تدزه لها حك راسه وبهمس: هاه .. عن المنه جودي وسعت ابتسامتها واهي تنفض يدها من العيش: مامنيت بس انت مو راضي تكون كريم على اختك الي بتبيع روحها في سبيل حب اخوها هههههه ابتسم وبهمس: ماشي ماشي الي تبينه بس اهم شي تقولين لها كل كلمه اقولها لك هزت راسها وبهمس: ماشي بس عطني مقدم بالاول زفر وبحده: ياربي انا وين وانتي وين خلاص قلت بعطيك لآتجلسين تذليني ابتسمت واهي تقوم : احلى شي لمن تذل شخص مدري احس بشعور حلو يجتاح مشاعري ابتسم عليها وظل يطالع بالعيش ياترى استعجل لمن صراح اخته ولآ لآ والي بيسويه بيرضي هيفا ولالآ :: :: :: اول مادشت للصاله انصدمت بالي شافته وبهمس: خلود رفعت خلود راسها وببتسامه: بشحمها ولحمها شوق بخوف: شعندج عندنا شلي صاير همست ام شوق ببتسامه: شوي شوي على البنت دشي وسلمي بالاول ثمن روحي غرفتج وشوفي وش فيها شوق بصدمه: ولله متفاجأه اعذروني ببدل ملآبسي واجيكم واول مادشت لغرفتها شافت ملآبس خلود متناثره فيها طالعت وشافت شنط تراجعت خطواتها لورا واهي تحس بخوف: وش الي صاير وليش خلود شناطها عندنا بللت خلود شفايفها وبهمس: لحقتني حوبتك ياشوق وتطلقت مثلك جلست جامده وعيونها متعلقه بخلود الي قربت تدمع وتحس انها بحلم وماهو صدق الي يحصل :وش فيج يعني ماهي اول ولا اخر وحده تطلق ليش شكلج جذي همست خلود بصوت مخنوق: اي والله صادقه خالتي امشي اجلسي وريحي عمرك حست بدوخه وماتدري اذا الضغط انخفض عندها او لآ جلست على الكرسي وبصوت هامس: يارب تفرج لنا كربتنا همست امها وخلود: امين التفت عليهم وبصوت متثاقل: انا حامل خلود ظلت جامده وماهي مصدقه اما ام هيف انهارت تبكي وتضم بنتها بكل قوتها : مبـــروك والله فرحت لج يالغاليه ورب البيت تستاهلين كل خير رفعت شوق راسها بحزن: يمه مابي هيف يدري همست خلود ببتسامه: مبروك شواقه وبعدين ليش مايعرف خليه يعرف ترا هذا ولده ومن حقه يعرف رفعت راسها وبصوت باكي: والله مو فرحانه خبر حملي حوبه عليك لمن اكتشفته انتي تطلقتي ليه كذا حظوظنا ليه ياخلود ليه مو من حقنا نعيش حياه طبيعيه بكت ام شوق على حزن بنتها اما خلود فكانت قد ماتقدر تتماسك سحبت يد شوق واحظنتها وبهمس: خيـره ياشوق خيره ولآتعترضين على قضاء ربك وخليك مؤمنه زاد بكى شوق واهي مابين حضن امها وخلود وماتدري شلون بتقدر تحمل مسؤلية طفل بحياتها وراح تكون وحيده في اعانته :: :: :: ريم التفت وشفت امي قبالي همست بصوت خافت: هلآ يمه همست ببتسامه : اليوم عندنا طلعه عقدت حواجبي وبستغراب: وين بنطلع له بعد همست امي واهي تشبك اصابعها: بنروح للأسطبل ابتسمت بفرح :من جدج يمه بتوديني هزت راسها وبهمس: مو انتي تبين تروحين خلآص كلمت ابوج ووافق بللت شفايفي وبهمس: طيب لمن قلت لج رفضتي ليه ماقليتي اوك وبعدها كلمتي ابوي عطتني خزه قويه وبحده: بتحققين معاي انتي خلاص قلت لج بنروح بنروح لأتجلسين تفتحين الماضي اوف منج ياكثر ماتهذرين زفرت وانا اشوفها توقف: طيب بنت تكلم امها اكيد لآزم تكون فيه هذره انتي شتبيني اتكلم فيه بالهي ابتعدت بدون ماترد علي طالعت بالفراغ واحس بشعور غريب ماادري اروح ولآ اجلس احسن لي طيب لو ماراح اروح ميه بالميه امي بتعصب استغفرالله بس خلني اروح وبلآش مشاكل وياها :: :: :: ملل حتى شغلي بالمستشفى احسه ملل كل ماابي اتعرف او اتكلم مع اي وحده شفتها تطالعني بنص عين اوف مادري وش قصتهم اكره اني اكون وسط حريم بالشغل افضل الرجال لآنهم اقل شي احسن من المره والغيره عندهم ماهي حاره زي المره زفرت بحده وانا ارمي بثقلي على الكنب تبطل الباب وهمست لي الخدامه: ميس يور ماما وانت يو اند يور داد تو زفرت وبهمس :طيب ام كامينق سكرت الباب وحسيت برجفه وسط خافقي ياربي وش فيني اليوم ارتسمت ملآمح كايد قدامي وحسيت بقلبي بيطيح من محله وش هالحب ياهيفا له خلآص انتي لآزم تنسينه هذا مايستاهلك انزل تحت لآمي يكون احسن :: :: :: سحبت شنطتي الكاجول وطالعت بالاسكيني الجنز والبدي الترابي الماسك على جسمي ويوصل لفخوذي رفعت شعري المجعد فوق وحسيت انه زادني طول سحبت لفتي وطلعت واول ماطلعت شفت ريف تطلع من غرفتها ابتسمت وحسيت باشراق ينرسم بعيونها همست لي بصوت مكبوت: حركتات وش هالزين ياستي خفي علينا رفعت عيوني وانا اطالع فيها وبالتيور الي لابسته كان باللون الابيض مع بدي نيلي زادها جمال وشعرها كانت مخليته متناثر حول كتوفها همست بصوت خافت: شعندج لآبسه تيور ترانا رايحين اسطبل همست ببتسامه: ههههه هذا الخبل فارس مانعني بققت عيوني وبحده: وانتي تسمعين كلآمه هزت راسها واهي تنزل الدرج همست بصوت خافت: للحين ماصار شي عشان تصيرين دجاجه بيده عارضي امنعي ترا الرياجيل يحبون الي كذا طالعت فيني وبهمس: اوف ريم بليز لآتخربيني ترا لو يدري فارس عن هذرتج لي تراه بيقص لسانج زفرت بحده: يالله لك الحمد ياربي تخلي ريانه مثلي قويه ماهي رقله زي هالخبل وسعت ابتسامتها وبهمس: امين اقل شي اكون كاسبه حبي ماهو خاسرته حسيت بشعور غريب مادري شلي حسيته لكنه مر لثانيه حسيت ريقي مر معقوله قلبي ذرف ونزف ابتسمت وانا اهمس: ماعلينا بكرا بتجييني وتقولين ياريم علميني صعدت السياره ولا حظت ان الكل راح امي ابوي فارس وعنود وعمي ومرته وطلال وش السالفه تذكرت واوا ونزلت من السياره يالله وش فيه واوا كذا وش الي صاير به شكله كان يخوف الظاهر انه مريض سحبته معاي وانا احسه بيدي خفيف ماكان واوا كذا ابد ياخوفي اخسرك انت بعد ياواوا صعدت السياره وسمعت زف من امي لكني كنت مطنشه ظليت امسح على ظهر وااوا واحس بروحي تحاكيني بطلي مذكرة فيصل اقريها كلها شوفي شلي فيها واذا لآه خبريه ليش عطاج اياها شعور حلو خلآني ارسم ابتسامه عريضه بدون مااحس همست ريف واهي تضربني بكوعها: وش الي مضحكج هاه يلآ اعترفي ترانا خوات عادي قولي التفت صوبها وانا ارفع حاجبي: شي خاص قربنا من الاسطبل وحسيت بقلبي ينقبض لآحظت سيارات عند الاسطبل همست لأمي: في احد بالاسطبل تكلم ابوي: ايه كل جماعتنا مجتمعين فيه اليوم عضيت على شفتي بقوه اكيد وراج شي يمه ولا ماخليتيني اجي الا وفيه شي لاياربي مالي خلق زواج وملكه ماني قادره اعيش هالقصه ابد :: :: :: صرخ ابوها بوجها بحده: هيف لآزم يعرف واليوم راح اخبره همست بصوت باكي: تكفى يبه لآ تقوله انت عارف اهو شقايل عني وش مسوي ليه تروح تقوله خايفه يقهرك بكلمه من كلامه الي يسم البدن زفر بحده و اهو يجلس على الكنب: هيف ماكان يقصد واهو اعتذر على الكلام الي قاله عنك واعترف انه غلطان واثول شله الحين نمنعه انا مانقوله ان مرته حامل مسحت وجها وبصوت باكي: مو مرته انا طليقته يبه ولا ناسي انت بعد تنهد بضيق: المهم بقوله واحتمال كبير يرجعج زفرت واهي ترمي بثقلها على الكنب : وانا ماابيه يرجعليي ماابيه تفهم يبه ماابيه خلاًص يكفي الي صار لي قبل تبون تعذبوني قام ابوها من الكنب وبحده : انتي مريضه والكلآم معاج ضايع صرخت واهي تشوف ابوها يبتعد: تكفى يبه لاتقوله لآلآلآلآلآلآلآ خلني اقهره مثل ماقهرني لآتقوله غطت يدها بوجها وانهارت تبكي طلعت خلود وعليها جلآلها وظمت شوق وبصوت هامس: شوق تكفين بسج بكي والله ماهو زين لج وللجنين خلآص خليه يعرف وش بيسوي يعني زفرت واهي مابين دموعها: انتي مو عارفه انا حابه اقهره حابه انه يعرف بعدين بس ماهو الحين مسحت على راسها وبهمس: خليج اطيب منه ولا تجازينه مثل ماجازاك رفعت راسها وبهمس : ادري خلود من جيتي وانتي تشوفيني ابكي والمفروض اني اواسيج مو انتي الي تواسيني ابتسمت وبهمس: يمكن لآني مو مصدقه حقيقة اني تطلقت من تركي همست بصوت مكبوت: صدقيني مايستاهلج مو اهو طالع على رفيقه مالت عليه وعلى رفيقه ابتسمت خلود وبهمس: ياي لهالدرجه كاره هيف وقبل ايام تقولين انك تحبينه شهالتناقض الي فيك شوق مسحت دموعها وبهمس: مدري بس خايفه يرجع عشان ولده ماهو عشاني وانا ابيه لو يرجع يرجع عشان شوق شوق وبس تفهميني هزت راسها واهي تحس بعيونها احتظنت الارض وقلبها طار مع تركي شخباره مبسوط ولا كم ساعه مرت احسها سنه يارب صبرني على فرقاه :: :: :: شوفي هيفا اذا رفضتي هالرجال صدقيني انا راح ازوجك غصب عنك رفعت بصرها لآبوها الي جالس بنص المجلس وبحده: ايشــ وش فيك يبه وش الي قلبك علي همست امها بتعب: اسمعينا ياهيفا احنا مو قالبين او متغيرين احنا نبي سعادتك يابنتي زفرت واهي تحتظن نفسها: قلت لكم سعادتي معاكم وانتم تبون تجبروني على الزواج اصلآً مارح تلقون انسان يتقدم لي ولو راح يخطبني راح يخطبني عشان الفلوس وانا مابي هالشي يبه تفهم ماابي اتزوج واحس زوجي يحبني عشان فلوسي زفر ابوها واهو يطالع فيها بحده: اسمعيني زين انا الي مختار لك الرجال والرجال ماعليه كلآم وبعدين اهو شبعان فلوس وش يبي بفلوسنا هاه وثاني شي لو تشوفينه تخقين عنده وجايب لك انسان ماتحلمين فيه ابد حست بعيونها تتغورق بالعبره وبحده: انا ابيه جاي لي مو انت جايبه لي تفهم يبه وش الفرق تفهم ولآلآ همس ابوها واهو يأشر بأصبعه: شوفي ان رفضتيه صدقيني المره الثانيه راح اجبرك وانتي عارفتني زين ياهيفا صرخت واهي تقوم من الكرسي: خلاًص بس يبه انت تبي تقهرني انا مااجيب عيال ليش اتزوج ليش قولي وش ابي من الزواج همس بحده: لآترفعين صوتك الظاهر اني دلعتك زياده عن اللزوم كلمه مالها ثاني ان رفضتي المره الجايه بغصبك فاهمه زفرت بحده واهي تبتعد: الموت اهون لي ستين مره ولا انك تجبرني على شي انا مابيه تفهم غمض عيونه بتعب واهو يشوف مرته بحزن: الى متى الى متى راح نرضى انها تجلس كذا والله خايف انها تطيح بالكائبه وبعدين منو راح يساعدها همست ام هيفا بحزن: الله يهديها مافي الا انك تجبرها همس بصوت مكبوت: اهي صادقه بكلآمها تبي الي يجيها لكن احنا ماشفنا احد يجيها طالعت بزوجها وبهمس: بنتك ماختلطت بالناس لو تختلط كان شفت الناس حولها نمل ارخى بجسمه على الكنب وبهمس: وهذا الي خايف منه عدم اختلآطها والله وانا حلفت بالله ان جبت لها رجل ورفضته بجبرها عليه همست ام هيفا بتعب: ياليت لو تخليها براحتها يكفيها الي عاشته ليه احنا بعد نقسى عليها والله قلبي يعورني عليها طالع بالفراغ واصرار كبير قرب يرتسم بعيونه :: :: :: قربت من اسطبل الخيول وحسيت برتباك يالله كم لي سنه ماجيت هالمكان رحت صوب حصان خبري فيه كان صغير ولمن جيت لقيته كبير كبير حيل لونه اسود وعليه طبعه بيضا حول رقبته حسيت بجماله |آخآذ قرب مني بسرعه ومديت يدي صوب وجهه وصرت امسح معقوله عرفني ابتسمت له وحسيت اني بحلم وش سميتيه ياريم اممم طرواده ولآ الشقحه ولآ ولآ شنو بالضبط بلآك ايه بلاك شفت السايس يقرب صوبي همست له بصوت خافت: ابي اركبه همس لي برتباك: لآه مدام المعلم فارس رافض انه احد يركبه زفرت بغيض: وش له دخل هذي من حلآل ابوي اقول طلعه ولا يكثر طلعه وحط الجام عليه واول ماطلعه شفت ريف تجري صوبي : ريم يالخبله وش تسوين همست لها ببتسامه: بركبه يعني وش اسوي فيه زفرت برتباك: صاحيه انتي والناس الي بالمزرعه وش يقولون عنج عقدت حواجبي وبهمس: خل يقولون شعلي فيهم انا ابي انبسط همست لي واهي تقرب صوب اذني: الله يخلف على اهلج ذيلآ جايين يخطبونج ويبون يشوفونج شهقت وحسيت بعيوني بتطلع من مكانها: شنو وليه ماقلتي لي والله كان مااجي هزت راسها وبهمس: ادري عشان كذا امي حذرتني مااقولج ضغطت على شفتها بقوه وبهمس: طيب طيب ومنهو عريس الغلفه انفجرت ريف تضحك وحسيت بالعصبيه تسري بعروقي ههههههههههههههههههههههههه ههههه زفرت بحده: ريف شله تضحكين ماقلت شي يضحك حاولت تضغط على شفتها وبهمس واهي تأشر لي: شوفيه ذاك الي راز عمره من اول ماجينا ههههههههههههههههههههههههه ه رفعت راسي للمكان الي اشرت لي عليه ريف وشفت واحد طويل ولابس نظرات فمه متقدم شويه وعيونه غريبه التفت عليها وبحده: متأكده انه هذا هزت راسها واهي تمسك بطنها وتنفجر تضحك: ههههههههههههههههههههههههه ههههههههههههههههه يارب سامحني التفت عليها وانا احس بنار تشوي لي وجهي وبحده : الحين هذا الي خاطبني هاه هزت راسها واهي تكتم ضحكتها : ايه صح حلو وتراه مهندس مشالله عليه ههههههههه نار بدت تشتعل بجوفي وبحده: باللهي انا استاهل هالانسان شوفي وجه واغلسي يدج منه والله مااخذه لو شمايصير انفجرت ريف تضحك وصرخت بوجها: انتي سخيفه تعرفين هين والله لخلي فارس يزفج اليوم هين رجول ريف ماقوت تحملها من كثر الضحك على ريم وجها الي انصفق اول ماعرفت شكل الي خاطبها طاحت على الارض من طولها وصارت تضحك اما ريم فراحت صوب خطيبها عشان تدقق بملآمح وجهه واول مالمحها عدل بنظراته وابتسم وياليته ماابتسم لآن اسنانه المتراكبه برزت اكثر ولثانيه حسته مصاص الدماء همس بصوت مكبوت : هلآ والله ضغطت ريم على يدها وبهمس: هلا بك كتف يده وحست ريم برتباكه: ليه واقف اهني ليه ماتدش بالمجلس وتخلي البنات يروحون ويجون على راحتهم وبدون ماتخزهم تلون وجه وبرتباك: لآه بس كنت اشم هو وماكنت اقصد شي اسـ ـف لو ازعجت ـ ـج طالعت بعيونه وحست بقشعريره تسري بعروقها كل عين رايحه بصووب ثاني وبهمس: تبي الصراحه ماخليتني اخذ راحتي ابتسم واهو يبعد : اسف واوعدج مااضايقج دش واول مادش حسيت بشعور غريب يمكن يكون هذا نصيبج ياريم ويمكن تكون اطباعه احسن من غيره ظليت جامده مكاني واحس بشعور غريب يدغدغني يمكن وكل شي جايز .. :: :: :: وقفت عند باب القصر واهي تحس بأنفاسها تضطرب هذا بيتهم ولا قصرهم عدلت عباتها الي على الراس وغطوتها وبهمس: وين اروح منا ولآ منا ظلت جامده عند باب القصر الداخلي طلع فيصل وشافها قباله ارتبك وظن انها شحاذه اما هي فحست بروحها ترجف وماتدري ليه همس بصوت رجولي غليض: تبين شي اختي ارتجفت اول ماشافت فيصل والحروف حستها ماتطلع من فمها قالها كايد مارح تلقى شباب والحين شافت شباب وشباب زي الملاك بدت تخبص بالحكي واهي تتعلثم: اآآه اممم انا هو اآآه مممم همست ببتسامه جانبيه: وش فيك طالعت بعيونه وحست برجولها تخونها بلعت ريقها وبرتباك: آآه انا انا اـــنـ ـ ـ آ مم طلع بوكه وبهمس: اوكيه عرفت اختي تفضلي خذي فركت يدها ببعض وبهمس: لآه ان ـ ـآ ابـ ـ ي هيـ فـ آ ايوهـ ابي هيفا حس بالنار تغزي ملآمح وجهه وبهمس: اوكيه اسف اختي واعذريني دقيقه انادي لك الخدامه واهي بتدلك على هيفا ابتسمت نجود على اسلوبه الي كان قمه بالذوق وبهمس: ماشي ابتعد تاركها جامده مكانها وتسب وتسخط باخوها الي حطها بهالموقف لهالدرجه شكلي شكل شحاذه مالت عليك يانجود انتي وشكلك يعني رايحه لحبيبة اخوك ليه ماتتكشخين تتسلفين عبايه من حمسه بنت جيرانك ليه تقابلين هالزين بهالخشه الي تسد النفس ياويل حالي ياليته يرجع ابي اشوفه يالبيه ولد عز يفتح النفس ابيهـ ابيه ابيه : كم هير مس وعت من احلامها على صوت ناعم طالعت بالي قدامهآ واهي مصدومه: هذي خدامه ولآ معزبت البيت ظلت جامده والخدامه تكلمها بالانجليزي واهي مو فاهمه ولا حرف همست الخدامه بعربيه مكسره: تآآلي مس معآآي تبعتها نجود وراسها كان يلتفت يمين ويسار ويطالع بالقصر وبالديكور الي يحليه لثانيه حست انها بحلم وانها ما تعيش بحقيقه شلون ياكايد طحت على هالمطنوخه ياويل حالي منك اثاريك منت هين دخلت لغرفه كانت عباره عن قعده عربيه وشكلها شكل تراثي بحت جلست بعباتها وبهمس: ايه اكيد حاطيني بهالغرفه يقولون يليق بقامها ومايمديها تكمل كلمتها الا وتحس بخطوات تقترب صوبها رفعت بصرها وشافت ملآك نازل لها ببنطلون ابيض وبدي تراكواز ماسك على جسمها النحيل شعرها مجعدته ومبرز جمال عيونها بللت شفايفها وبهمس: اهلين اختي بغيتيني همست برتباك: اه اه امم انتي هيفا هزت راسها وحست بعيون نجود تاكلها اكل وبهمس: ايوه شالت انجود طرحتها ونزلت عباتها وحست بعيون هيفا ترسم الاستغراب همست نجود واهي تداعب شعرها : عرفتيني ضيقت هيفا عيونها وحست بقلبها يدق كايد قبالها يمه لآتكون نجود لآه اكيد غلطانه همست بصوت خافت: لآه من انتي بلعت ريقها وبصوت مكبوت: انا نجود اخت كايد ان كانك مانسيتيه لثانيه حست بالاكسجين يفضى من وسط الغرفه جلست قبال نجود وبصوت هامس: وش تبين جايه ابتسمت نجود وبهمس: يعني مابتضيفيني ولا ماتعترفين بهاللسلوم ابتسمت هيفا وبرتباك: افا عليك الحين بضيفك بس تفاجات ابتعدت هيفا بسرعه ورجعت ووراها الخدامه بصينيه مليانه بالحلى والقهوه والشاي وكل شي جلست هيفا واهي تطالع بنجود وفضلت تتأملها واهي تحس انها بحلم ومو مصدق الي تشوفه همست انجود واهي ترتشف القهوه: مدري شقولك صراحه بس انا جايه من طرف اخوي لآنه مايقدر يقرب صوبك هيفا بصدمه: ايش كيف يعني حكت نجود لهيفا القصه كامله لكن ماقالت شي عن شمه لآن كايد بالاصل ماقالها عن شمه همست هيفا بضيقه: وليش ماقالي من الاول ليش سوى معاي كذا همست نجود : مادري صراحه بس اذا تبين الصدق يمكن في احد يقول لأبوك عن كل صغيره وكبيره فحب كايد يسوي هالشي حست بالاكسجين يتشعب رئتها وبراحه فضيعه استوطنت صدرها وبهمس: وكيف الشغل معاه همست نجود: الحمدالله زين همست هيفا ببتسامه: تصدقين شكلك اكبر من عمرك وتدخلين القلب مثل اخوك بالضبط ابتسمت نجود وبهمس: وانتي بعد يعني بالفعل كلآم كايد عنك كان بمحله تدرين لمن دشيت بيتكم اقصد قصركم حسيت انك بتكونين مثله متكبره شامخه لكنك عكسه بالضبط ابتسمت هيفا بسحى وبهمس: الله يخليك هذا من ذوقك وانتي بعد يشهد علي ربي اني ارتحت لك ابتسمت نجود واهي تسحب الكيس وبهمس: هذي من كايد لك لآتفتحيها الا لمن تحسين انك تبين تفتحينها وسعت ابتسامة هيفا وبهمس: سلميلي عليه هزت نجود راسها واهي تلبس عباتها : من عيوني وعقبال مااشوفك مرت اخوي والله لآرقص بعرسكم لين اطيح مغشي علي ضحكة هيفا ضحكه مكبووته وبهمس: وبعرسك ان شالله قربت نجود من هيفا واهي تمد ذراعها وتحتظنها وبهمس: يلآ بستأذن الحين عاد تدرين ذاله اخوي على هالجيه توقعت انها بتكون ثقيله ماتوقعتها انها عكس ماتوقعت هه شدت هيفا على خصرها بقوه وبهمس :ياحبيلك والله همست نجود : كملي طيب وقولي ياحبي لأخوك انفجرت تضحك هيفا وتحس باللون الاحمر يغطيها وبهمس: ههههههه اشوف لسانك قرب يتطاول نجود ببتسامه :وتوك ماشفتي شي وقفت هيفا عند باب القصر تودع نجود وتحس براحه يستوطن بداخلها فجأه شافت شمه تجي صوبها وحست بخوف لآيكون لمحت كايد الي ينطر اخته برا واهي شافت اخته يعني بتسألني من هذي ومثل ماتوقعت نزعت شمه لثمتها وبهمس: من ذي همست هيفا واهي تبتعد: هذي شحاذه شمه بعدم اقتناع : اها وش هالكيس الي بيدك لآيكون الشحاذه معطيتك اياه التفت عليها هيفا وبحده: اوف ياكثر اسألتك الحمدالله والشكر شله شحاذه تعطيني كيس انتي فيك شي زفرت شمه بحده : ايه فيني واحد عنده اخو مثل فيصل ويرتاح عقدت هيفا حواجبها وبحده: وش مسوي بعد شمه بحزن: يبي يجبرني على الزواج هيفا واهي تمسك ذراعها: ياشمه تراك مو صغيره يااختي اعرسي وارتاحي ليه ماتبين تعرسين وش الي يمنعك التفت على هيفا وبحده: مو مستعده تفهمين انتي مو مستعده :: :: :: لـيتك تدري غيابكـ وش سوابي ستين طاري يهز الجوف بيدينه !! قام من وسط سريره يدور عليها بطل الدرج ولا لقى ملابسها يعني خلاص طلقها ليه طلقها اهو يحبها والله يحبها نزل للمطبخ يمكن يلقاها ولآ لقاها طلع للحديقه يدور واهو يحس بالدموع تملى عينه يحبها والله يحبها بس لمن يشوفها مايدري وش يصير به يبيها لكن شي يمنعه انه يقرب صوبها وكل ماشافها يحب يقهرها ومايدري ليش ظل يمشي بالحديقه ويدور واهو رايح جاي شاف سعد وراح يجري صوبه : سعد سعد التفت سعد واهو يعقد حواجبه: تركي وش فيك همس تركي بصوت لآهث:وين خلود انت شفتها زفر بحده واهو يبتعد: مسرع نسيت توك اليوم كارشها من البيت ضغط على اسنانه بقوه وبهمس: ابيها سعد ابي خلود التفت سعد وطالعه بنظرات غريبه وبهمس: ان شالله بس انت قول ياليل مطولك صرخ تركي بحده: سعد ابيها ابيــــــــــها ابي خوخه ماسمع الا صدى صوته يردد حوله دامك تبيها ليش طلقتها :: :: :: الف الف مبروك والله فرحت لج عن جد تستاهلين كل خير الله يخليج والله اشتقنالج لحظه فووز ابيها شوي ماخلصت سحبت فوز الجوال وبهمس: الف الف مبروك يالغاليه ورب البيت تستاهلين كل خير شوشو انا عند اهلي بطول عندهم ماودج تجيني هاه ههههههههههه ياحبيلج والله ودي اجيكم بس مفتشله من عمي وعمتي عقب الي صار عادي يعني ماشي من بكرا انا والبنات جاينج الله يخليج لآاوصيج انتبهي على حموني هههههههه ايه من الحين وش على بالج اجل يلآ مع السلامه حوبي اوك وانتي بعد انتبهي على نفسج باي دخل للبيت واهو يسمع صراخ خواته وصوت التباريك يضج بالمكان انقبض قلبه والتفت على طول شاف امه جالسه وواضح انها تبكي همس بصوت خافت: وش فيج يمه رفعت راسها ثم وطته وارجعت تبكي من جديد ارتجف وتوه بيهمس الا بصوت فوز يقاطعه : الف مبروك ياهيف التفت صوبها واهو يحس بقلبه مقبوض وبصوت هامس: وش صار وعلى شنو تبادلوا البسمات نوف وشهد وطالعوا باخوهم همست فوز بفرح: شوشو حامل شهد بفرح: واخيراً بصير عمه وهـ بس مابغينا نوف: اول اسم راح اخليه ينطقه اهو اسمي نونو فوز واهي تطالع بأخوهآ الي مانطق بحرف واحد وظل جامد مثل اي حاجه جامده وماتتحرك حس وكأن احد ضربه ضربه قويه على وجهه خلته جامد دقات قلبه اسرعت والدم فار بجسمه ابتسم ابتسامه عريضه وبهمس: متأكدين انتو ولآلآ همست فوز واهي ترمي بثقلها على الكنب: اي والله حتى عمي بنفسه جاينا ومخبرنا وامي انهارت تبكي من الفرح التفت على امه وضمها بقوه وبهمس: مبروك يمه مبروك مسحت دموعها بطرف طرحتها وبصوت هامس: الله يبارك فيك ياولدي والله يتمم هالفرحه على خير يارب همست فوز واهي تضحك: لآتنسى تعطييني البشاره ولا ماهي حلوه البشاره ههههههه رفع راسه واهو يسحب من جيبه البوك ويرميه بحضنها وبهمس: كل الي بالبوك خذيه ومايغلى عليج صرخت نوف وشهد:غشـــــــــــــــــت� �آآ فوز النحيسه قالت اسكتوا وماكنا ندري انها تبي تقولك عشان البشاره لآه حتى احنا نبي طالع فيهم واهو يبتسم : من سبق لبق مشكلتكم اذا انتو اغبياء فز بطوله واهو يحس بالفرح يكسيه شعور حلو دغدغ له مشاعره سحب جواله وابتعد عنهم ارسل لها مبروكـ يالغاليه ويتربى بعزنآآ :: :: :: همست خلود واهي تطالع بشوق المبتسمه: لو ادري كان اانا بنفسي خبررت اهل ريلج عشان تفرحين كل هالفرح رفعت بصرها وبهمس: والله اشتقت لهم اشتقت لهم كلهم همست خلود واهي تفرك يدها: يعني حتى لعمتج اشتقتي لها واهي ماسلمت ولآ باركت همست شوق بصوت مليان فرحه: عمتي فديتها تبكي من الفرح وعجزت تنطق بحرف واحد والله قلبها ابيض بس مشكلتها تكابر ابتسمت خلود واهي تمسح على فخذ شوق: على العموم اهل ريلج عسل دوعن وان شالله تنحل كل امورج وترجعين لهيف ابتسمت وبهمس: نجوم االسما اقرب له ياخلود قطع عليهم صوت الجوال رفعت حاجبها واهي تحس بشعور غريب همست خلود بخوف: وش فيك ظلت شوق جامده وتطالع بالجوال سحبت خلود الجوال وقرت الرساله وصاحبها حبيبي ههههههههههههههههههههاي مو قلت لج كل شي بيرجع مثل ماكان التفت على خلود وبهمس: يعني مو شاك انه ولده يعني انا مو فاهمته ياخلود والله مو فاهمته عقدت خلود حواجبها وبهمس: يامجنونه انتي مجنونه قلت لج يمكن غلط وحس بغلطته وعرف مقدراج طول الفتره الي راحت اهو عارف شوشو شنهي ومنهي وخابزها خباز لكن الوسواس والشك شين يمكن الحين قلبه صافي ومابه نقطة شك رمت بثقلها على السرير وبهمس: بحرقه مثل مااحرقني همست خلود بحده: خلاًص يكفيك ماجاك من الانتقام وش تبين الحين انسي كل شي وبطلي صفحه جديده تفهمين ياشوشو صفحه بيضاء مابها نقطة سواد :: :: :: طالعت بشمه والشك حاير وداير حولها يعني معقوله شمه اهي الي تقول لبابا لآه اكيد في غلط او شي طيب منهي صندوق اسرارك اهي يعني اكيد اهي الي قالت بس وش المصلحه من انها تقول معقوله ياشمه انتي انسانه مو وفيه معقوله بتخونين فيني رفعت بصرها لشمه الي كانت منسدحه على الكنب وتطالع بالفلم وبهمس: شمه انتي ببالك احد او معجبك شمه واهي تاكل الفشار وتمد لسانها: اهـــ هو به احد عشان احبه وبعدين لو به كان اول من راح اقوله اهو انتي ضيقت عيونها وبهمس: ولا حتى من بعيد يعني نفسسك بشخص بس مو محصلته رفعت شمه راسها وبهمس: الله يسمع منك والقى هالفارس ابتسمت هيفا براحه وبهمس: امين الله يرزقك بس خبري بالي خاطبك حلو واموره الماديه زينه واهله عسل والكل يمدح بهم ضغطت على شفتها وبهمس: تكفين هيوف انا جايه هنا عشان اوسع صدري وتعرفين اني منحاشه من عند اهلي عشان هالسالفه فأرجوك سكري الموضوع همست هيفا براحه: اوك ياعمري ارتاحي عندنا بس انتبهي على وزنك لآ يزود لآني اشوفك ماخليتي شي ماكليته مشالله عليك نفضت كيس الفشار الي بيدها وبهمس: خلآص يابنت خالتي من الحين الجعاصه تمشي بدمك خلآص مانبي نعلف ارتاحي الحين وسعت ابتسامة هيفا وبهمس: حلفت عليج لاتاكلين عن الدلع عاد ابتسمت شمه واهي طالع فيها وبهمس: من غير ماتقولين هههههههههه وسعت ابتسامة هيفا براحه ايه شمه مالها خص بالموضوع يعني معقوله فيصل بس فيصل لو بيعلم كان علم على الموضوع الي بيني وبينه لآه والله مو عارفه منهو هالشخص ياكايد تذكرت الكيس لكن شمه موجوده مقدر اثق باحد الحين وماني مستعده ابطل الكيس .. :: :: :: مرت ايام البعض ظن انها كئيبه والبعض االاخر ظن انها سعيده شمس جديده تشرق وكل مااشرقت كل مااغلقت صفحة الماضي من الامس بحياتنا ويشرق يوم جديد من الحاضر من حياتنا صوت العصافير واهي تغرد له وقع ولحن خاص على قلوب البعض فيه من يحبه وفيه من يكره هالصوت نغمآت تمتزج كل صبح وعلى حدود الفجريه تهب لفحات بارده نظن للحظه انا بالشتا مو بالصيف من برودة هاللفحات ياترى هي لفحات حياتنا البارده او لفحات المصايب القادمه ارمشت زي كل ليله واهي تطالع بدريشتها وبالاشعه الي تحاول تخترق الستاره شدت على البطانيه وكلآم امها ينصاغ قدامها من جديد يابنتي ياريم مايهم الجمال كثر مايهم الجمال الداخلي والرجال حلف انه مايبي غيرج وبس فكري زين ولآ تستعجلين وبعدين ماودك ان ابوك يفرح بك قوليلي ودك و لآ ماودك زفرت بنبره حزينه: ودي يمه ودي بس ماارتحت للرجال واذا انتي مايهمك الشكل انا يهمني مسحت على راس بنتها وبهمس: الى متى ياريم كل من تقدم لج رفضتيه بكرى يمشي العمر وماتلقين من يتقدم لج وراح تتمنين انج وافقتي على اي شخص تقدم لج بدون ماترفضينه وتتدلعين زي الحين رفعت ريم راسها وبحزن: يمــــه انا صغيره ماني كبيره وبعدين محد يدري وين نصيبه وانا قلت لكم ماني مستعجله على العرس شدت على يد بنتها وبحنان: مافي بنت ماتفكر انها تتزوج وتستقر ياريم فكري عدل قبل لآتندمين .. عقدت حواجبها ورفعت بصرها: اندم على شنو يمه طالعت فيها امها وبهمس: على ان الي حولج كلهم مبسوطين الا انتي ياريم وهالشي انا اشوفه بعيونج قبل لآتقولينه تغورقت عيونها بالدموع واول ماطلعت امها انهارت ريم تبكي امها حاسه فيها وحاسه انها متضايقه وحزينه يعني امي تبي تساعدني تقوم تزوجني هالشي يايمه بالقلب والضيقه لمن تكون بالقلب محد يداويها الا الي مضيقها .. فركت عيونها واهي تمسح بقايا الدموع التفت وشافت مذكرة فيصل سحبتها وقرت واهي تحس بتردد يستوطن قلبها _( ساعات كثيره نحب اشخاص اظن انهم يبادلوني هالشعور لكن بعد مده اكتشف اني ماكنت احبهم ولآ كنت افكر فيهم والمشاعر الي بجوفي كانت تخص انسانه ثانيه انسانه طاهره تلآقت عيوني بعيونها على اعتاب الجامعه احبها والله الشاهد وكل ليله افز من نومي وانا ادور عليها ياترى اهي بعد تحبني اولآه اعجز اكتب اكثر من كذا تكفيها هالكلمات وياعساها تحس فيها ياطفلتـي قولـي وش الـلـي تـودّيـن ؟!! فـداك قلـبٍ ماسكـن شخـص حـولـه !! ابعد المذكره عني وانا احسها تزيديني ضيق واختناق فيصل ارحمني والله مو ناقصه ادور اجابه على اسئلتك خلآًص ارميها وافتك من السؤال الي يحور ويدور حولي وش معناته كل هذا وش معناته ..!؟ رميتها بعيد عني وقمت وانا اتمنى اقوم من احلآمي وهواجيسي الي بدت تتلون علي من جديد .. :: :: ::بطلت عيوني وشفت شوق يمي ابتسمت وانا احس بالسرير يقول ارحموني رغم الضيق الا اني احس بفرح غير طبيعي ياترى وشله كل هالفرح الي بخفوقي يرف التفت وشفت شوق نايمه بسابع نومه حطيت اصبعي على وجها وصرت امسح فيه بطريقه مزعجه اعتفست ملآمحها وارتسم الضيق وسعت ابتسامتي اكثر لمن شفتها تبطل عيونها وبضيق: خلوووووود ابي انام فزيت من السرير وبهمس: قومي خلينا نفطر مع امك وابوك قومي يلآ ابتسمت واهي تصد للجه الثانيه: اقول لحد يحط عينه على ابوي لآ افجر فيه الحين وسعت ابتسامتي وبهمس: ههههههاي شدعوه بيعطيني وجه معلق قلبه بأمك ارتاحي مقدر استغله ابد ابتسمت وبهمس: والله ياخوخه يعز علي اني اتركج ترجعين لتركي الايام الي طافت قضيتها وياج احسها من اجمل الايام الي مرت بحياتي ابتعدت خلود وبهمس: ارتاحي ببات اليوم بعد بما ان تركي ماطرى شي ولا قال ابيها همست شوق واهي تبعد البطانيه عنها: بس اخوه سعد ماقصر بالرسايل مـو طالعت وجها بالمرايه واهي تشغل الحنفيه وبصوت بارد : قلتي اخوه يعني ماهو حسيب علي خله يرسل لين يشبع مارح ارد على حساب رغبته اهو ابي على حساب رغبة تركي تفهمين حكت راسها وبهمس: اهم شي ان في احد يبيج ترجعين للبيت غسلت وجها بالماي البارد وبهمس: وياليته لو كان تركي .. :: :: :: همس عبد الله : كايد المدير يبغاك رفعت راسي عن الاوراق المحاوطه مكتبي وبهمس: اول مره يطلبني عساه خير ابتسم عبدالله وبهمس: خير ان شالله بس يبغاك ضروري بعد ابعد الاوراق عنه وحس بدقات قلبه تزيد : خير ان شالله لآيكون يبي يفصلني وسعت ابتسامة فواز وبهمس: انت وجه خير عليه معقوله بيتركك كذا ابتسم ابتسامه جانبيه وفز بطوله واهو يطلع من مكتبه حس بأن الموضفين يطالعون فيه وحس بدقات قلبه تزيد فز السكرتير وبهمس:: تفضل من هينا .. تبطل الباب وطالع بالمكتب الي يعتبر بيت لحاله الزجاج يحاصره من كل مكان والمباني مرسومه من وراه الرياض وراه عباره عن لوحه منظر طبيعي خلآب زادت دقات قلبه واهو يشوف المكتب الرخامي والكرسي الاسود وكان فيه شخص لكن معطيه ظهره اشر له يجلس على الكنبات البيجيه وراح كايد صوبها وجلس وايديه متشابكه ببعض زاد الارتباك اكثر واول ماسمع الصوت رفع راسه وتلآقت عيونه بيعون الشخص الكبير بالسن .. رف قلبه وحس بالعرق يتسرب من جبينه همس بصوت غليض: وش تبي انت بعد طالع فيه كايد وبستغراب: انت المدير عقد حواجبه وبهمس: لآتكون انت المحاسب هز راسه والاستغراب بدى يتلون بعيونه فز كايد بطوله وبهمس: اعتبرني مفصول من اليوم وانا ماكنت ادري ان هالشركه اهي شركتك وصدقني لو ادري كان ماقدمت طلب عليها ظل يطالع فيه وبهمس: لآتحاول تسوي نفسك مو عارف انت اكيد تدري وجالس تشتغل عشان تكسب شي من وراي انت تحلم انك توصله همس كايد واهو يضغط يده بقوه: صدقني لو ادري كان مارضيت اشتغل هينا دقيقه وحده واعتبر الراتب الي بينصرف لي حلال عليك ماابي شي منك طلع من المكتب تارك عيون تطالعه بكل استغراب واعجاب ياترى اهو صادق او يمثل .. :: :: :: قربت التفاحه من فمها واهي تاخذ لها قضمه وبهمس: يعني انتي مصدقه ان تركي مريض نفسي هزت خلود كتوفها واهي تطالع بشوق: مدري بس تصرافته تدل على كذا همست شوق واهي ترفع حاجبها: يمكن عين صايبتكم او شي من كذا عقدت حواجبها وبهمس: انتي تؤمنين بهالشغلآت هزت راسها وبهمس: كل شي جايز يعني وش الي يخليج تثقين بسعد عقب الحكي الي قاله هاه..؟؟ وانتي تعرفين شنهو معدن سعد بلعت ريقها وبهمس: مدري شوق مدري والله تفكيري مشوش ومو عارفه شي ابد قربت شوق التفاحه من شفايفها وعيونها بخلود الي واضح عليها انها سرحت بعالم ثاني .. :: :: :: حايشو اكتئاب شهقت وحطت يدها على صدرها: اسم الله عليه ومن ويش طالع فيها الدكتور وبهمس: لآزم تزوجيه ابتسمت ابتسامه جانبيه وبهمس: اشوى على بالي بعد وبعدين احنا لقينا لنا زوج عشان نزوجه جلس الدكتور وبهمس: لآه دآ الحيوانات عندها عمر معين تحتاج فيه للتزواج غير عن البشر تماماً مسحت على راس واوا وبهمس: طيب انا ابي من فصيلته وفصليته نادره عدل نظراته وبهمس: دا كلب زوجيه اي كلبه وخلصيه من اكتئابه تخصرت وبحده: حتى لو كلب ماله رب ذا بعدين واوا مايبي يتزوج اي وحده يبي يتزوج كلبه لها اصل وفصل ونوعها نادر بعد وسعت ابتسامة الدكتور وبرزت تجاعيده وبهمس: آومآل ياستي شدي حيلك ودوريلوه ولآتنسي راح تدفعي فلوس كتيره عشان كلبه اصيله احتظنت واوا وبهمس: يستاهل وااوا الكلبه الاصيله ولو ادفع دم عمري اهم شي تكون عائلته اصيله همس الدكتور لها: تصدقي ياستي انا مشفتش انسانه بتحب كلبها خليجيه متلك بالزبط : من جدك تحكي انت يعني هذا اطراء ولا شنو بالضبط وسعت ابتسامة الدكتور وبهمس: لآه دآ اطراآ اومال ايه يعني هالكلب بيعنلك كتير هزت ريم راسها وبهمس: هذا كل حياتي يكفي انه يرسم البسمه بشفاهي ابتعدت ريم واهي تاركه الدكتور مبتسم عليها ياترى في ناس كذا الحيوانات اغلى ماعندهم اولآه :: :: :: اهي بحلم اكيد بحلم اهي مو على نفس السرير الي فيه تركي وسعت ابتسامتها اكثر واحلامها انرسمت قدامها يابعد عمري ياجمعه عزالله انج ماقصرتي ابد ظلت تتأمل ملآمح وجهه بطل عيونه وطالع فيها بستغراب: وش تبين انتي هنا رفعت حاجبها وبهمس: مسرع نسيت انت فز من السرير واهو يهمس لها: مجنونه انتي نايمه معاي بللت شفايفها وبهمس: انت الي مجنون والله ولا نسيت الايام الي طافت وانت تصارخ بأسمي وماتبي الا انا ولمن زوجناك زوجناك سكيتي وعائلي بعد ضيق عيونه وبهمس: خلود انا ابي خلود مو انتي رصت على اسنانها وبهمس: خبري فيك تبكي عند امك اخر اليالي تنادي بأسمي مو بأسمها فرك عيونه وبحده: قومـي قومي انا ماابيك مااابيك صرخت بحده: قص لسانك ان شالله اسكت ولآ تجلس تفضحنا خلك تركي الي نعرفك مو انسان بهيئة تركي طالع فيها بنظرات غريبه وبهمس: وش فيها حياتي كذا ليه احس بوجع يناهش قلبي ابعدت البطانيه عنها بزفره حاده خلته يطالعها بكل استهجان واستغراب ابتعدت عنه واهي تسب وتسخط بداخلها :: :: :: شافها منسدحه على السرير همس لها واهو يبدل ملآبسه : قبل لآانسى ترا اليوم عندي عشا وابيج تطبخينه صدت للجه الثانيه وبملل: اوف مالي خلق راده من الشغل وتعبانه ابي ارتاح التفت صوبها وبهمس: حنان مافي احد بالبيت غير امي تبيني اطلب منها تطبخ وانتي شنو شغلتج زفرت بحده: الناس تطورو ودها للطباخ وريحنا ياخي رفع حاجبه وبحده: وانا ابي اذوق طباخج فيها شي ذي غمضت عيونها بتعب وبهمس: وانا مااعرف اطبخ ذبايح حدي حدي بيض بصل طالع فيها ثواني وحس بشعور داخلي يحاوطه معقوله على كل سواياها الشينه له الا انه يحبها مايقدر يجبرها على شي طلع من الغرفه تاركها تنام وترتاح :: :: :: همست شوق بملل: تكفين ردي عليه شوفي شيبي زفرت خلود : مارح ارد لو ايش شوق بحده: يمكن يبيج بشي مهم خلود بتردد: طيب طيب والله اذا ماعنده سالفه بسد بوجهه رفعت الجوال واهي تطالع بشوق المنسدحه على السرير وبهمس: نعــم شتبي : بخير الحمدالله لو منا عايشين ماردين عليك مو : ايــش : سعد تكفى لآتكذب علي وربي مو ناقصه وجع : متى صار هالشي : بهالسرعه واهي وافقت : ايش بغرفتي بعد : حسبي الله ونعم الوكيل طاح الجوال من يدها وعيونها انفجرت بالدموع فزت شوق من السرير وبهمس: تركي فيه شي التفت خلود صوبها وبصوت باكي: تركي تزوج ياشوق تعلقت بخلود واهي تمسح على ظهرها وعيونها تبوح الصدمه: متى صار هالحكي رفعت خلود راسها وطالعت بشوق وبصوت باكي: تخيلي تزوج تحرير وزواجهم كان عائلي دامه يبيها ليه خذاني من الاصل ليه ياشوق ليه يتزوج واهو يدري اني حامل ويدري ان ماعندي احد بهالدنيا سواه طاحت على السرير واهي تحتظن نفسها وتبكي بنهيار تام ادمعت عيون شوق وظمتها من الخلف واهي تبكي على خلود وعلى ماصار بها من ابتلآء عجزت الحروف تنطق بحرف واحد وعجزت تفهم شي واحد ليه تركي يسوي كذا رفعت راسها للسقف واهي تطالع فيه لو هيف تزوج بغيري وش راح يصير فيني كانت شهقات خلود تعج بالغرفه وشوق تبكي معاها بأنهيار وكأنهآ تخاف من ان هيف يسوي بها مثل ماسوى تركي بخلود هالطفل الي بأحشائي شلون بيعيش معقوله بقدر اتحمل مسؤليته لوحدي بكرى بيكبر وبيسأل عن ابوه وان راح لأبوه راح يلقاه محتظن اخوانه وتاركه يطالع من بعيد شعور الخوف اجتاح قلب شوق والخوف على خلود والطفل الي قرب يكبر باحشائها ومحد مهتم فيه ياترى بيصير مثل امه ماله حظ ووحيد يتيم رغم ان اهله موجودين ياترى بتنعاد قصتج ياخلود من جديد .. :: :: :: رفع راسه للسماء الزرقا ويطالع بخيوط الشمس الي قربت تغيب همس بصوت مخنوق: وش الي اسويه انا لهالدرجه هانت علي اني اسمع بكائها ماتستاهل احد هي ملآك مجبوره تعيش وسط ووحوش واول وحش اهو الي حبته واخر وحش اهو الي حبها وش ذنبها اذا احنا عاجزين نقدرها ونحفظها شذنبنا غمض عيونه ودقات قلبه ترف همس سعود : وش فيك سعد شلي مغيرك ابتسم سعد واهو يطالع بسعود : من زمان عنك انت شلي قاطعك عنا سحب له كرسي وجلس يم سعد وبهمس: انت تعرفها الي قلت بجيب راسها والظاهر انها جابت راسي عقد حواجبه وبستغراب: شلون يعني بلل ريقه وبهمس: مدري بس مليت من حياتنا الطايشه وحاب استقر بس قبل لآ استقر ابي اروح مكه طالع فيه سعد وبهمس: يالرخمه جرتك مع خشمك هاه هذا وانت الي تسحب الحريم على وجيهم وتاخذ منهم الي تبي توقف على وحده ماتقدر عليها همس بصوت خافت: هذي غير ياسعد غير عن كل الي عرفتهم كلامها حلو كله عن الدين لمن ابي اقولها شي احسب له الف حساب نبيهآو فطينه كل الصفات الحلوه تعتليها سنه وشوي وانا احاول فيها عمرهآ ماتنازلت خلتني اتعلق فيها غصب ضيق عيونه واهو يمد يده: عطني رقمها وانا اسحبها على وجها ارخى بجسمه على الكرسي وبهمس: اسف انا اغار عليها من النسمه الطايره تبيني افكر اعطيك رقمها للحين مابعد انهبلت رص على اسنانه وبهمس: يعني بتقول انك اعتزلت حفلآتنا وسهراتنا عشان مره هز راسه واهو يهمس لسعد: ايه وان شالله ربي يثبتني على هدايته حك ذقنه وبعدم اقتناع: ادري فيك شهر شهرين ثم ترجع لسوالفك وسعت ابتسامة سعود وبهمس: ماشفت الدقن ههههه والله محليني مو وبعدين انا احبها وبسوي اي شي عشان اقدر اكسبها طالع بسعود وبهمس: بروحك بتعتمر هز راسه وبهمس: وامي بعد تبي تروح وياي يعني انت تعرف انها مبسوطه على زواج تحرير رغم اني رافض فكرة هالزواج بالاصل : ليش سعود بضيقه: يعني اختي وش ينقصها عشان تاخذ واحد مطلق هاه وبعدين مرته حامل حرام الولد يضيع بينهم همس بصوت مكبوت: اختك تبي هالشي من زمان وانت عارف هالشي هز راسه بضيق: مشكلتي مخليها على راحتها لو اني مانعها كان احسن سعد بهمس: يمكن هذا نصيبها ماعلينا لاتنسى تدعيلي معاك بالهدايه همس سعود بحب: والله امنيتي تروح معاي سعد بتردد: متى بتروح انت : يومين ان شالله ونمشي هاه تخاويني سعد بتفكير: خلني افكر وارد لك خبر :: :: :: طالعت بالكيس وقررت تبطله رغم ان مابه احد بالبيت سواها طالعت بالكيس وقربته صوبها بطلت ولمحت البوم صغير بطلته وابتسمت ابتسامه عريضه هذآ لمن كانوآ عند البحيره .. وهينا لمن راحوا يتزلجون .. وهينا صورة مع كايد عند المكان الي اعشقو فيه وهينا لمن راحت تراجع بالمستشفى ومعاها كايد مجنون كل لحظه بحياتها شينه او حلوه صورها كايد معاها حركت باصابعها على وجه كايد وتغورقت عيونها بالدمع: يالله كم تمنيت انك توريني هالالبوم اول ليله من زواجنا لكن الظروف كانت اقوى مني ومنك ياكايد ياترى بنحرم منك للأبد .. انتبهت بأخر الالبوم فيه كلام بقلم حبر باللون الازرق هيوفه تمر الثواني واظنها سنين كل ثانيه كانت اثقل من الثانيه الي بعدها كل ثانيه انحرم فيها من صوتك من ضحكتك تحرقني يوم ورا يوم سويت نسخه من هالالبوم لي ولك حابه تحتفظين فيه لأبعد مدى تقدرين وان كانك ماتبين تحفظينه فأحرقيه لعله يحرق الذكريات اللي اختزنت بعقولنا انسانه وحده قدرت تقتحم قلبي بدون استأذان كبر حبها بجوفي يوم ورا يوم والغريب اني حبيتها من نظره ماكانت اأؤمن بالحب لكني آمنت فيه لمن عرفتك لمن حبيت نسيت اني قريت كتاب حذرني من الحب وقالي لمن تحب تأكد ان الحب قرر يرتبط بالألم يعني ان حبيت اعرف انك راح تتألم ماصدقت هالشي لآني لمن حبيتك ماحسيت بالألم ابد خبر مرضك خلآني انهد وخلآني اتمنى الموت قبلك لكني رافض اعيش بدنيا مابها هيفا صدقيني كل ليله كنت اموت فيها وكنت احس بعذابك مع هالمرض رغم إني بعيد عنك الا ان مشاعري صوبك عمرها ماكانت بعيده .. لكن املك بالله كان كبير وكنت قوي من قوتك وايمانك بالله عدينا هالمرحله بنجاح وحسيت بالروح ترجع لي لمن شفتك طالعه من غرفة العمليات وابتسامه عريضه مرسومه بمحياك عرفت انك شجاعه من ذيك اللحظه ورسمت شعار لك انسانه قويه ماتعرف الخضوع ابد .. كبرتي بعيني يوم ورا يوم ولمن حل الفراق علينا من جديد قررت اني اتركك لكن مشاعري صوبك عجزت تتركك ثانيه وحده وهذا انا اعطيك اخر هديه قررنا فيهآ انا وانتي انا مانشوفها الا لمن نتزوج وتكون اول ليله من زواجنا حبيبتي الغاليه ان جاك نصيبك لآتردينه عشاني ابي اشوفك مبسوطه ومستانسه ابيك تطلعين من الحياه الحزينه وتغوصين وسط الفرح انتي ملآك يستاهل انه يبستم مو يبكي ابد شي واحد حاب افهمك اياه اني راح احبك مهما حصل لنا راح تمر السنين وراح اظل عايش على ذكراك رافض اني اتزوج لأني واثق ان اليوم الي راح يجمعنا قريب لكن انتي ابيك تتزوجين ابيك تعيشين حياتك ماابيك تنتظريني اذا الله كتب لنا عمر وصرنا شياب صدقيني راح اتقدم لك من جديد وراضي اني اعيش باقي عمري معك وجنبك احبك ياهيفا وحبي لك بركان رافض انه يتفجر الا لمن تكونين قريبه منه .. خليك مبسوطه متفائله سعيده خليك قويه عشاني عشان كايد وبس .. حست بقطرات تبلل خط كايد حطت يدها على خدها ومسحت دموعها خذت لها نفس عميق وبهمس: وانا احبك ياكايد .. ومستحيل اخذ غيرك ياترى هذي نهاية قصة حبهم تحت وقف التنفيذ ..~ :: :: :: همس لأمه : يمه ابي خوخه وش فيج تطالعيني كذا ابتسمت امه وبهمس: وهذا احنا زوجناك اياها وش تبي بعد اكثر من كذا رغم اني زعلآنه عليك الحين ياولدي لمن قلت لك خذ تحرير كنت رافض ولمن خذيت هالاجنبيه وحملت منك طلقتها ورجعت لبنت خالتك كان من الاول سويت هالشي وماطولت الطريق واهو قصير وترى خالتك زعلآنه ان شالله لمن ترد من العمره راح نسوي عشا كبير وراح نحتفل لبنتها زفر بحده واهو يبعد الفنجال عنه وش فيهم ذيلآ يقولهم يبي خلود مو تحرير بلع ريقه وبهمس: مابي عشا ومابي اسوي اي شي تفهمون انتوا عقدت حواجبها وبهمس: انت فيك شي تركي احسك مو على بعضك دخلت تحرير بدراعتها الحمرا وريح العطور تعج منها قربت من خالتها وباست راسها وبهمس: شخبارج ياخاله ابتسمت خالتها وبهمس: بخير يالغاليه وش هالزين يابنتي ترا ولدي مايتحمل هالشي ابد طالعت بتركي لكن تركي ماكان يطالع فيها وبهمس: الله يخليج هذا من ذوقج خاله الا وين انوار وهدو : انوار رايحه لآهلها وهدى صعدت غرفتها قبل لآتجين فز تركي بطوله واهو يحس انه مختنق ايه مختنق ومايبي شي مايبي الا الراحه ومايدري اذا بيلقاها او لآه :: :: :: هاه ياريم عطينآ رايج موافقه ولآلآ رفعت راسها وطالعت بأمها وابوها الي محاوطينها دقات قلبها زادت والخوف يعم قبالها همست بصوت خافت: عطوني وقت خلوني استخير فيه همست امها :يابنتي لنا اسبوع واحنا ماعطيناهم خبر ياايه يالآه سمعت صوت ضحكه مكبوته رفعت راسها وشافت ريف تعض على شفتها ابتسمت واهي تتذكر شكله يالله ياريم هذا نصيبك رفعت راسها لأهلها وبهمس: موافقه والله يقدم الي فيه الخير لولشت امها بفرح وابوها ماهو مقتنع اما ريف طلعت وصوت ضحكتها رن باذن ريم ياترى استعجلت هالمره او لآه ..~ :: :: :: توه بيدش الا ويسمع صوتها : هاه شقال : يعني شلون يااختي جنني يبيله اقوى يمكن : لأه للحين : طيب طيب ابيه ينساها تفهمين وابيه لي انا وبس خاتم باصبعي : الحين ماشي حاله يعني نقدر نعبر فيه ههههههههه : فديتج والله وابشري بالخير الي بيهطل عليج وعليه : اوك يلآ مقدر اكلمج الحين اخاف احد يسمعني ماشي يلا باي تراجع بخطوات لورا يعني الي كان شاك فيه تأكد منه الحين وش يسوي وش الحل الحين يترك الامور ولآ يحلها معه ورقه رابحه بأي لحظه يمكن يخسرها حس بشمئزز واهو يشوفها تطلع من المطبخ ياترى في ناس كذا يبعون اخرآتهم عشان دنيتهم ياترى هالدنيا تستاهل انا نبيع كل شي لجلها الى متى وانفوسنا راح تكون رديه الى متى |لآتنسى انك مثلها بالضبط لآتنسى انها واضحه اما انت غامض ..~ :: :: :: سحبت الصينيه من المطبخ ورحت لغرفتي وانا احس بعيوني منتفخه من كثر البكي اول مادشيت للغرفه مالقيت خلود ع السرير توي بهمس بأسمها وشفتها جالسه بأخر الغرفه وتلم اغراضها : وش تسوين زفرت بصوت باكي: برجع لبـ ـي ـ تـ ـي حطيت الاكل على الطاوله وبحده: صاحيه انتي وش تبين تروحين لتركي خلآص الرجال اعرس مالك مكان هناك حظنت ثوبها وبصوت باكي: مستحيل اتخلى عنه بظل متعلقه فيه لآخر نفس مستحيل اخليهم ينبسطون ابي اشوفهم بعيوني ابي اشوف تركي شلون يتعامل معاها ابي اعرف اذا يحبها او لآه سحبت الشنطه من يدها وبحده: وانا مستحيل اتركك ترجعين له وانتي بهالحاله طالعت فيني بعيون محمره من كثر البكي وبنغمه حزينه: لآزم اروح ياشوق لآزم اروح وصدقيني مارح اكون ضعيفه لآني بفرغ كل حزني من هاليوم وقدامه بكون قويه قويه ظليت اطالع فيها وبعيونه الي رافضه توقف ذرف الدموع فمها الي يرجف وقلبها الي حسيت بدقاته السريعه حولي همست بصوت خافت: طيب تعالي اكلي وبكرا يحلها الف حلال همست بصوت راجف: مالي نفس زفرت بحده: مو عشانك عشان الروح الي بجوفك يلا قومي خلود :: :: :: لا تزيد المواجع خلني » قد نسيت « لا تقلب بقلبي صفحة » الذڪريات « انتهى الحب .. وانته من حياتي انتهيت ..! ڪل منا تخير له .............................طريق الحياة ما أريد أتذڪر/ماضي به شقيت منيتي بس .. أنسى ما تعدى وفات لاذڪرتڪ ح بيبي من فؤادي بڪيت وامطرالدمع الاحمر وجنتي والشفاة ليتني ماعرفتڪ ليتني ما هويت لارسمتڪ في عيني أجمل الامنيات ولاجعلت القصيده تبڪي بڪل بيت ولاڪتبت المشاعر من فؤاد وذات اعتبرني محب في غرامڪ وفيت أبعدته الليالي عن عيونڪ ومات أو مجردخيال غاب عنڪ وسليت مر بالنوم واصبح في نهارڪ شتات بعد ما انته بغيري / يا حبيبي رضيت ابتعد عن حياتي ما تفيد العزاة أطلب الله بقربه يسعدڪ ما حييت واطلب الله لقلبي عنڪ صبر وسلاة :: :: :: انتهى البارت لآتحرموني من رايكم ونقدكم حبايبي .. انتظرو البارت ماقبل الاخير ..~ تحياتي حلوي | ||||
|
| |
|
11-03-13, 08:10 AM
| #35 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الرابع والثلآثون ~ عهد على ذكرى الألم والمهانه لآخذ بثار دموعنا ياخفوقي ~ْ جرح بجرح وكل خيانه بخيانهْ حقي وجرحي له من ابسط حقوقي ~{} رفعت شعري ثمن ارخيت اصابعي وشفته يتناثر مابين اصابعي لمن وصل لكتوفي طالعت بملآمح وجهي الي قربت تمتلي وتتغير كثير ياترى كم صار وزني الحين ..؟ ابتسمت ونزلت بجسمي لتحت عشان اخذ شباصتي والم شعري من جديد هذا كل الي اسويه من يوم ماعشت بهالملحق .. هاربه من اني اشوف تركي مع ..\ يعجز لساني ينطق اسمها بللت شفايفي وانا احط يدي على بطني الي انتفخ ومع ذالك محد سأل بأي شهر ياخلود سحبت جلآلي من على السرير وطلعت برا الملحق منها اشم هوا واكل شي مشيت وحسيت بلفحات بارده تغطي المكان رفعت راسي للسماء وبصوت هامس : يارب فرج لي كربتي وسهل لي اموري دشيت للمطبخ وشفت تحرير قبالي جالسه ع طاولة الطعام وعلى الكرسي الي احب اجلس عليه دايم ترددت اتحرك خطوه او اتراجع خطوات لكن شي بداخلي جبرني ادخل دشيت للمطبخ وبصوت هامس: السلآم عليكم رفعت راسها من على صحنها وطالعتني بحتقار :اف ياصبر االارض رصيت على اسناني بقوه وبطلت الثلاجه توي باخذ علبة الحليب الا واسمع صوتها : احنا ماقلنا لج لآتجين اهني لاتنسين انج مطلقه ومحد من هالبيت محرم لج .. استحي على ويهج وقليلي جياتج عندنا .. ترانا حاطين لج مطبخ ولآ مو مالي عينج يابنت الفقر شديت على قبضة يدي والتفت صوبها وبصوت هامس: عمتي وعمي ماقالوا شي انتي شدخلج .. ابتسمت ابتسامه خبيثه وبصوت حاد: آنآ زوجة تركي .. يعني البيت بيتي دامني زوجته ولانسيتي .. كل ذره بجسمي صارت ترجف يالله كم اكره اسم تركي على فمها كل مانطقت فيه ودي لو اخذ حروف اسم تركي وامنعها من نطقها.. صديت عنها بدون ماارد لكن الشر عمره مايقصر .. : اسمعي يابنت الفقر ان كان يخطر ببالج انج تاخذين تركي مني مره ثانيه والله ثم والله لآمسح فيج الارض حسافه انج تحملين بولده حسافه والله حسافه ياليت هالبطن الي منتفخ فيج اهو فيني ياليت انا الي حامل ماهو انتي انتي خلآًص ماضي من تركي مستحيل يتجدد .. تفهمين ولاماتفهمين يالله ايش هذا الحسد وش فيها هذي ماصارت تشبع من الي عندها اذا انا حامل من تركي فهي عندها تركي بكبره وتقدر تجيب منه عشر لو تبغى حبكت الا الي ببطني .. ناس غريبه صراحه خذيت العلبه ومع ذالك طنشتها لكن صوتها الحاد خلآني اطالع فيها بستنكار .. : انتي وش تبين قربت مني واهي تمسك طرف بيجامتي وبصوت حاد: انتي الي وش تبين صدقيني تراي اقدر امنعج من انج تعيشين اهني ثانيه وحده فاهمه ولآ موفاهمه زفرت وانا انفض يدها من ثوبي وبحده: الله يحرق قلبك ياتحرير مثل مااحرقتي قلبي على تركي وزواجك منه وفوق هذا تبين تحرمين ولده منه وش هالقلب الي فيك وش فيك تحرير تكفين انا جايه عشان الي بطني تفهمين مابي مشاكل وياك وانتي وتركي الله يوفقكم تفهمين ولآلآه طالعتني من فوق وتحت وطلعت تاركتني غارقه بحزن يكسى صدري همس بصوت خافت: خلود حطيت الجلآل على راسي ورحت ارتمي على اقرب كرسي وبصوت بارد: ايش تبي انت بعد بلل شفايفه واهو يطالع فيها وبهمس: مدري حاب اقولج حاجه وبنفس الوقت متردد رفعت راسها صوبه وبهمس: سعد تكفى مو رايقه لك خلني بروحي همس بصوت خافت: لكن قطعت كلامه بصوت حاد: قلت لك خلني بروحي : ان شالله .. ابتعد تاركها تغوص بحزنها وبأيامها وبطفل قرب يكبر بجوفها .. :: :: :: لآتستعجل مابيدك شي تسويه خلآص خلها تعيش حياتها حتى لو كانت مؤلمه بالنسبه لها انت بالاخير راح تكسبها لكن وقف معها وقفه تشهد لك لها وتوافق انها تتزوجك اهي لك وانت راح تسعدها .. انت راح تربي ولد اخوك .. انت وبآس .. :: :: :: طلعت من غرفتي بعد ماحسيت انها بدت تضيقني كل يوم ابكي تعبت من كثر البكي استعجلت اعترف اني استعجلت زفرت بحده واهي تبطل الباب نزلت الدرج بسرعه وافكار كثيره تدور براسها دشت للمطبخ واهي تحس بالهدؤ يعم بالمكان فورت الماي وسحبت لها كاس من الدرج سحبت النسكافيه وكتته بالكاس مع شوية حليب واول مافار الماي سكبته فوق الكاس سحبته وتوها بتطلع للحديقه الا وتسمع صوت مشت بخطوات هاديه وحست بأحد على الدكه سمعت صوت : ههههههههههههاي موصاحي والله مو صاحي : هاه كاهي ريم قربت تتملج شرايج اخطبج ومره وحده حفلتج وحفلتها مره وحده تراجعت بخطوات على ورا اول ماشافت ريف ويا فارس شافت ابتسامه عريضه ترتسم بمحيا وجيهم ظلت وافقه ترتشف القهوه واذنها تسمع لحكيهم : لآفارس قلت لك الحين ماافكر بالزواج زفر بحده: طيب انا ابي اتزوج فيج او بغيرج بققت عيونها وبحده: طيب منو ماسكك روح وقف بطوله وبحده: ادري من ورا قلبج هالحكي زمت شفايفها وبزفره: الا من وسطه بعد طالع فيها وببتسامه: طيب انتي الخسرانه وخلي دراستج تنفعج ابتعد لكن صوتهآ خلآه يلتفت : فارس : نعم ابتسمت وبهمس: وين رايح رفع حاجبه وبخبث: بروح انام وراي دوام ولاتظنين ان عندي اوف زيج وسعت ابتسامتها وبدلع: طيب الشغل اهم مني تراجع بخطواته وبهمس: هاه كاني جيـت وسعت ابتسامتها وبدلع: عادي اذا عندك شغل روح خلآص ماله داعي تجلس طالع فيها واهو يرمي بثقله على الكنب: عقب شنو عقب ماطيرتي النوم ارخت بجسمها وبهمس: طيب وش رايك نتعشى والله جوعانه طالع بالساعه الي بيده وبهمس: من جدج انتي ذا سحور ماهو عشى زمت شفايفها وبهمس:يعني قول انك بخيل وماتبي تشتريلي عشى وقف واهو يحط يده بجيبه: طيب وش تبين تتعشين ابتسمت وبهمس: اي شي ابتعد واهي ظلت تطالع بزوله وسحابة حب تذرف امطارها عليهم.~ تراجعت بسرعه بعد ماحست ان الدموع بدت تغزي عيونها طاح الكاس من يدها واهي تحس انها ترجف من كثر ماقلبها يرجف آبي راشد رجعولي راشد ليه ياريم تركتيه اهو جاج ليه تركتيه ليه تخليتي عن حبه مسحت دموعها بسرعه واهي ترتمي وسط سريرها وتحس بوجع ينهاش قلبها الى متى بتظل تحسد اختها الى متى بتظل تنتطر باب الحب يفتح لها .. ليه ياريم استعجلتي صوت قرب يفجر مخها من كثر مايتردد على اذونها ,,, :: :: :: صحت بسرعه واهي تطفي المنبه الي له ساعه يرن عند راسها واهي مو حاسه فيه فركت عيونها واهي تدش للحمام وتحس بالنوم مغرق جفونها غسلت وجها وتوظت وطالعت بالساعه ياربي تأخرت على الدوام سحبت الجلال وصلت واهي تحس انها صايره خامله ومغير تحب النوم بدلت ملابسها وسحبت حجابها وطلعت بسرعه ابتسمت براحه واهي تشوف امها يتقهوى ويقرا الجرايد همست بصوت خافت: صباح الورد نزل نظاراته وببتسامه: ياصباح الخير والله حياج تعالي يمي جلست يم ابوها واهي تصب لها قهوه وبهمس: وين امي ابتسم ابتسامه جانبيه وبهمس: راحت تصلح لي فطوري وقفت بطولها واهي تاخذ تمره وبهمس: يلآ اجل اخليك لآزم اروح لدوام لآني متآخره همس ابوها بصوت غريب: مافكرتي بالي قلته لج مشت بخطى سريعه وبصوت عالي: مع السلآمه يبه واهي تحاول بهالطريقه انها تتجنب سؤال ابوها افكر بشنو يايبه بهيف مره ثانيه وبالعذاب مره ثانيه منو المجنون الي بيرضى للنفسه انه تنذل مرتين منو يايبه منو ..؟؟ : :: :: : طلعت بسرعه تاركه امي تنادي بأسمي لكني مو حابه ارد عليها ايه مو حابه خليها تنادي بأسمي لمن تشبع اهي تعرف شنو رايي ليش تسألني عنه اخذ منو ولآ مااخذ الى متى واهم يتدخلون بحياتي زفرت بحده وانا ارمي بثقلي على الكرسي واهمس للسايق يوديني للدوام يالله مادري ليش اروح للدوام يمكن عشان امي وابوي يحسون اني عايشه ومبسوطه او عشان األهي نفسي بنفسي من تفكيري المستمر بكايد كايد الي تبخر مثل مايتبخر الملح وسط الماي مدري وين راح ولآ ادري عنه شي يارب لايكون صاير به شي او نسآني لآه هيفا انتي نسيتي وش قالك مستحيل يفكر بغيرك قطع تفكيري صوت السايق يخبرني اني وصلت للشغل لكني مو حابه اداوم مو حابه ولآ لي خلق همس بصوت خافت: ودني للفيصليه او الرياض غلري او الحياه مول او اي سوق تلآقيه مبطل الحين :: :: :: تعبت ارج الموج والبحر المجنون وعجزت اطفي النار والجمر غابه رجيت بعض الصبر والعزم مدفون بأرض المصير اللي لحفته ترابه لو في يديني شي ماعشت من دون شخصً عزيزً وغصب عني غيآبه ~ْ> بطل غرفة اخته بهدؤ وجلس يتأملها واهي نايمه بيفقدها وبيشتاق لها كثير .. قرب منها بخطوات هادئه ونزل بجسمه وطبع بوسه ناعمه على خدها انزعجت منه وصدت بوجها للجهه الثانيه همس بصوت خافت: اتمنى تسامحيني ادري اني مقصر معك كثير تركت وانتي صغيره والحين بتركك وانتي كبيره طلع من غرفتها ودش غرفة اخوانه لقاهم نايمين باس كل واحد منهم وعيونه تلمع بالحزن قرب من غرفة ابوه واهو يحاول يدق الغرفه لكنه عجز خاف ان ابوه يمنعه من انه يسافر ويغترب من جديد تنهد بضيق واهو ياخذ له نفس طويل تأمل البيت مكان مكان وعيونه تتفجر بالدموع بشتاق لك وبشتاق اني ارجع لك كثير لكن وش لي بديره الفرحه فيها ماتتم ابد سحب شنطته وطلع من البيت واهو يرفع راسه للسحب البيضا الي تلونت بخيوط الشمس وغيوم متروسه رماد خذآله نفس وبصوت مبحوح : بشتاق لك هيوف بشتاق لك يابيتنا بشتاق لكم يآ أهلي بشتاق لك يالريآض بس مقدر اعيش فيك عقب ماخسرت الوظيفه والحبيبه ضربتين بالراس توجع وياكثر ماانضربت ديره غيرك فاتحه ذراعهآ مستعده تحظني بروح لها رغم ان قلبي عندك بشتاق لك ياهيفا بشتاق لصوتك ولهمسك لبسمتك ولحزنك لزعلك ولدعلك بشتاق لك كلك على بعضك طالبك انك تسامحيني والله يوفقك بالي احسن مني .. انفطر قلبه واهو يركب التكسي وقلبه يعتصر مثل الاسنفجه لمن تكون محصوره بيد تعصرها بكل قوتها مايبي يوصل لهالشي لكن كل البيبان تسكرت بوجهه.. ومابقى له الامل حتى.. ياترى هذي نهاية ياكايد هروب من واقعك او بصمه على جبين هيفا بالخذلآن من الشخص الي عشقته ياترى هالعشق سم والحب بلآ .. الظاهر انه كذا ...!؟ ::: ::: :: ومثل اي يوم اداوم فيه لازم اشوف دعيج قبالي ببتسامه عريضه تزين محيا وجهه وعيونه تبوح الحب الي دوم اجتنب اني اطالع فيهم دشيت لمكتبي واهو خلفي وبيده الفطور نزل الفطور على مكتبي وبهمس: وش فيج ماده البوز من صبح خلق الله اذا مو عاجبج الفطور مستعد اشتريلج غيره ابتسمت وانا انزل نظارتي وبهمس: لآه بس مو مشتهيه عقد حواجبه واهو يطالع فيها: فيج شي تشكين من شي هزت راسها بالنفي وبهمس : لآه بس بفطر متاخر مو الحين بلل شفايفه واهو يرتشف القهوه وبهمس: شوق بقولج شي بس مدري اذا الوقت مناسب او لاه ارخت بجسمها على الكرسي وبهمس: قول .. خذاله نفس طويل واهو يحك ذقنه وبصوت خافت: آبيج لي ياشوق.. ارمشت ببلآهه واهي تحاول تستوعب شفايف دعيج واهي تنطق هالكلمه همس واهو يوقف: ادري اني جاي بوقت غلط بس مو حاب اخسرج مره ثانيه شوق انا ماصدقت ان القدر يجمعني وياج مره ثانيه مارح اكتف ايدي واطالع فيج وانتي مع غيري مره ثانيه انا ابيج ياشوق على سنة الله ورسوله بللت شفايفي وعيوني تشتت بالمكان وحروف العالم ضاعت وسط لساني همس واهو يبطل الباب: لآتستعجلين خذي راحتج بس ابي موافقه مبدئيه عشان اضمن انج لي ومستحيل تكونين غير لي سكر الباب وظليت اسمع صدى تسكيرة الباب وسط مكتبي وفمي مفتوح لآخر حد عقب كل هذا دعيج للحين يحبني ومانساني وانا الي ظنيت انه طواني ارتجف قلبي وسط صدري وشعور غريب بدا يجتاحني :: :: :: فزيت من نومي وانا خايفه صوت دق الباب كان قوي ارتجف قلبي سحبت جلآلي ورحت ابطل بدون ماسال منو عند الباب وكني نسيت اني مطلقه او على وشك اني اكون كذا خوخه صوت حرك بركان ثاير بقلبي الا بجسمي كله حراره بدت تغزي جسمي واطرافي بدت ترجف عيوني فرحت بشوفه فرحت بشكل ماكنت بيوم اتصوره اما قلبي فضل يتراقص بأنغآم ذبذبات خلت جسمي يلسع من الشحنه الحارقه الي كانت بيني وبين تركي بلعت ريقي وبصوت راجف: عمتي فيها شي احد فيه شي همس بصوت تعبان: كلهم بخير الا انآ يالله شقد حسيت بعوار بقلبي ووجع مدري اذا بيطيب او لآه زفرت بصطناع:تركي وش تقول انت همس بصوت راجف: خلود مشتاق لج ابيج خلود تعالي معاي ماابيها ابيج تسمعيني تكفين ارجعيلي انا ابيج والله ابيك رصيت على اسناني وكلآمته حركت براكين ثايره وامواج عاتيه تتلآطم بعضها البعض رفعت عيوني الي بدت تدمع وبصوت محبوس: انت متأكد انك تبيني وسعت ابتسامته واهو يهز راسه: اي والله ابيج ياخوخه ابي اقوم والآقي ويهج قبالي ابي اشوفج قدامي واشوف البسمه بعيونج ابيج انتي مو اهي انتي الي هينا ومستحيل اهي تكون هينا ابد تعالي طالعت بذراعه الممدوده وحست بحنين انها ترتمي وسطها وتدفى فيها مشتاقه حيل تكون وسط هالصدر وتضمه بكل حراره ضغطت على عروة الباب وبصوت هامس: تركي روح انت اكيد تبي تحر تحرير على حسابي روح مارح اجي معك توي بسكر الباب الا ويده تمنعني من اني اسكره شرر يتطاير بعيونه وخوف خلآني احس بالخمول يسري بعروقي تراجعت بخطوات على ورى لمن حسيت اني لصقت بالجدار قرب مني واهو يمسك كتوفي وبصوت حاد : تـــبيـــــــــنه قولي انج تحبينه ليش تخفين عني هالحقيقه خليني اكرهج خليني اكرهج قوليلي انج تحبينه قوليلي بققت عيوني وانا احس بأنفاسه تحرق وجهي وبحده: ابعد عني وش قاعد تقول انت مسك الجلال المحاوط وجهي وشده بقوه وبصوت هامس: اموت قبل لااشوفج معه تفهمين اموت ولآ اشوفج معه انسيه انتي لي ياخوخه انتي لي وبس امتلت عيوني والانفاس عندي صارت سريعه همست بصوت خافت: انا مااحب غيرك تفهم ياتركي مااحب الا انت وانت طلقتني حاولت ابعده عني لكني حسيت بيده ترخى من جلالي وبصوت هامس واهو يحط راسه على كتفي : تكفين ساعديني ماادري كم مر من الوقت وتركي ساند راسه على كتفي انفاسي هدت صرت اقرا القران بصوت خافت وقلبي قرب يكسر ضلوعي حسيت بيده تلآمس بطني المنتفخ وحسيت بخوف يسري بجسمي اول ماحط يده رفع راسه وطالعني وبصوت هامس لوبنت بسميها على جدتي ولو ولد بسميه على آبوي ابتسامه غريبه انرسمت بملآمح وجهه خلت عيووني تذرف انهار حارقه همست بصوت خافت: ان شالله .. ابتعد واول ماابتعد حسيت برجولي تخوني طحت على الارض وانا ادور على قلبي الي مات وسط انفاسه وسط همسه وسط عيونه اذا يبييني ليش طلقني من الاسآس.. غطيت وجهي بيدي وصرت ابكي بحراره ياليتك تعرف ياتركي شقد احترق يوم ورا يوم على فرقاك تكفى انا ورده بدون ساقيهآ اموت تكفى ارجع لي .. ولآ يطول غيآبك :: :: ::رجعت للبيت وعرفت ان السايق قال لآمي اني ماداومت مدري وش اسوي فيه الظاهر يبيني اقتله حاولت اجتنب صوتها لكنها صعدت وراي للغرفه رميت بثقلي على السرير وشفتها تبطل الباب همست بصوت حاد: ويين كنتي رايحه رفعت راسي وبهمس: مالي خلق للدوام وحبيت اغير جو رمت بثقلها على الكرسي وبحده: طيب دام مالك خلق ليش تداومين مو الزواج احسن لك زفرت وطالعت فيها وبحده: يمه تكفين لآ تبطلين هالموضوع معاي مره ثانيه خلآص مابي همست بصوت خافت: بس ابوك جاب لك واحد عمرك ماتحصلين زيه عقدت حواجبي وبستهجان: ابوي ليش مايلهى بشغله وينسى سالفتي ليش يتعب عمره ويجلس يدور زوج لي ..؟ رفعت كتوفها وبهمس: يبي يطمن عليك يبي يشوف الفرحه تنرسم بعيونك ولا حرام عليه يفرح زادت الضيقه على وجهي وبصوت مكبوت: ماما وبعدين تكفون انتو ماتدرون ان كلآمكم هذا يعذبني مابي اااالا اني اكون وياكم وبآس.. ابتسمت امها واهي تقرب منها وبصوت هامس: اذا عشان العيال صار لمرضك علآج عقدت حواجبي وبهمس: شلون ابتسمت وبهمس: تقدرين تاخذين بويضة وتزرعينها (اسكتت او بالاحرى بلعت الجمله ) رفعت راسي لها وعيوني تلمع فيهم وبهمس: نسيتي ان الرحم بكبره مشلوع يمه فزت بطولها واهي تهرب مني ومن نظراتي الي كلها حزن خذيت نفس طويل وسحبت جوالي واول ماقريت المسج حسيت بعيوني تنفجر بالدموع تكفى كايد لآتزيدني هم فوق همي تكفى كايد لآتتخلى عني .. كآآيد واخيراً تفجرت دموعها وبكت .. :: :: :: :: ياخذك يادمعه طاحت على الخد المواجه ماعرفتي تصبرين الين ماعينه تروح والله اني ماقصدت بدمعتي جااجه بس فاجأني بغلآه وصممت عيني تبوح~}ْ كانت لآهيه بالاوراق تبطل الباب ورفعت راسها وبهمس: اهلين اخت حنان ومايمديها تكمل جملتها الا وتشوف الي خلفها بالضبط وقف قلبها عن النبض لحظات عيونها توسعت واهي تطالع فيه يالله وش الي جابه لآه معقوله الله جابه لي معقوله لكن من هذي بللت شفايفها واهي تشوفهم يجلسون على الكراسي الي قبالها وبهمس : آآمم شلي فيك بعد ياحنآن ابتسمت واهي تطالع في ريم : صراحه يادكتوره سني موجعني له اسبوع لآهو الي مخليني اكل براحه ولا انام براحه حتى المهدئات معادت تنفع فيه خذيت لي نفس طويل وانا التفت صوب راشد : وانت فييك شي ظل يطالع فيها لثواني وبصوت جاف: لآه مارح تفحصينها ورانا مشوار لحظه اهو قال ورانا لاتكون حنان زوجته.. وش اهي بضنك ياريم وقفت بطولي وانا احاول اداري رجفتي وارتباكي الواضح ودمعه بعيني وضحت ..~} رفعت راسي وبهمس: ممكن اخوي تنطر برآ .. طالعني بنظرات حاده وبهمس: لآه افضل اني ابقى هنا حنان الي تمددت على السرير التفتت صوبه وبهمس: اطلع برا خل الدكتوره تاخذ راحتها طالع فيها ثم طالع فيني وكنه خايف لآ اكون وياها بمكان واحد بتظن اني بقول شي ياراشد بقول بقصة حبنا المزيفه بقول شنو ياراشد انا ريم ولا نسيت منهي ريمي ابتعد وحسيت بنار تشتعل بجوفي خايف مني خايف مني ياراشد طالعت بحنان ونار تغزي قلبي همست ببتسامه: والله زوجي يقولي خليني اوديج لمستشفى حكومي قلت له لآعيوني ماني مستعده يلعبون بأسناني ودني لدكتورتي والي كل اهلي عندها شغلها زين واسعارها حلوه وبالويل رضى يجيبني عندج غمزت لي وبهمس: بس اعجبج سحبته من راسه وخليته يوديني بالغصب ابتسمت ابتسامه ذابله وبهمس: الله يخليج هذا من ذوقج ياعمري وبالعكس لي الفخر انج عميله عندي \ شي اشتعل براسي وانا اشتغل بسن حنان طيب ياراشد بلعم بسنون مرتك واخليها ماتنام اليل من الوجع هين ياراشد :: :: :: اول ماسفطت السياره وشفت سيارة هيف حسيت برجفه تسري بجسمي كله بسرعه نزلت وبطلت الباب ومثل ماتصورت جالسين بالحوش ابتسامه طفيفه تلونت بوجهه عيوني تعلقت بعيونه وشحنه خلتني احس لثانيه ان ودي اقتله همس ابوي واهو يأشر بيده: حي الله بنتي تعالي ارتاحي يمي وحسيت بخوف يسري بعروقي همست بصوت خافت: لآيبه بروح ارتاح : شخبارج شوق ..؟ وتسال عن اخباري وش اقول وش اخلي اقولك اني تعبانه مشتاقه ولهانه كل يوم ابكي وافكر فيك وبولدك اني تعبت من نار الفرقى اني اتحلم بقربك كل يوم تكفى وش تبيني اقول مشيت لكن صوت ابوي قطع علي كل تفكيري: ماتبين تسلمين على ريلج حسيت بلسعه من كلمة ابوي زفرت بحده وانا اسرع بخطوتي: قصدك طليـــــــــــــــــــقي يبه التفت على عمه وبصوت خافت : ماعليه عمي اكيد انها للحين زعلآنه وانا مراعيها : متى مابغيتها خذها لو اجبرها ماعندي مشكله همس بصوت خافت: لآياعمي ماابيك تجبرها خلها تفكر براحتها وقدامنا وقت طويل .. على ما تولد .. :: :: :: لفحات بارده قربت تغطينا معقوله الشتآ بيدخل علينا وش هالايام الي تمشي بسرعه جلست وسط الحديقه وانا احاول اهدي قلبي ودقاته السريعه حسيت بخطوات تقترب صوبي ولمحت انوار وابتسامتها العريضه وبحظنها ولدها نصور .. همست بصوت راجف: اهلين نوار تتغلين علينا .. سحبت لها كرسي وجلست فيه واهي تنزل ناصر على الثيل: هههه ايه شفتي شلون ابي اشوفج بتشتاقين لي ولآ لآه قربت خدي صوب خدها وبهمس: يابعد حيي تدرين اني مشتاقه لك ولولدك البطه ارخت بجسمها على الكرسي وبهمس: يالله ياخلود شوفي وش صار والله للحين مو متصوره ان .. بلعت ريقها واهي متردده قطعت سكونها وبهمس: كملي وخذي راحتك تراي اعتبرك اختي حسيت بالراحه تتلون بوجها وبهمس: يعني مو متصوره ان تركي يكون لغيرج .. للحين مو مستوعبه فكرة ان تحرير زوجته صدقيني لو كان يبيها صدق كان خذاها من زمان مادري كيف كان الزواج بهالسرعه ومادري كيف صارت الامور في حلقه مفقوده عجزت استوعبها انتي مو ملآحظه ان تركي متغير .. هزيت كتوفي وانا خذ لي نفس طويل: مآآدري ..\ وياليتنا طرينا مليون ولآ طريناهم .. شفت تحرير متعلقه بذراع تركي وابتسامه عريضه ترسم بمحيا وجيهم .. لثانيه تمنيت الارض تنشق وتبلعهم قربوا منا وكنهم يبون يستفزوني انفاسي اضطربت والغيره اشتعلت تركي لي انا مو لها .. كانت لآبسه تيور قصير يوصل فوق ركبتها بالضبط لونه ابيض وبدي نيلي مبرز بياضها الناصع شعرها البني متناثر حول كتوفها والمكياج مغطي وجها همست بصوت كله غنج ودلع: هآآي صديت للجهه الثانيه وانا اتحاشاها قد مااقدر : هايات حياكم تفضلوا ابتسمت واهي تقرب وجها من تركي: والله انا وتركي بنطلع نتمشى الحين خلوها مره ثانيه رصيت على اسناني اكثر وانا اشوف تركي يحاوطها بذراعه وبهمس: نمشي حبيبتي .. همست بصوت خلآ كل ذره ترجف بصدري ..: اوكي حبيبي بس لحظه اسألهم تبون شي معآنآ : مانبي الا سلآمتكم : وانتي خلود سحبت الكرسي وقمت وبحده: مابي شي .. ماسمعت الا صوت ضحكتها يرن بأذني وكل شي يهون الا تركي مو قبل شوي جاي تبيني ليه احس بنظرات صوبي كلها كره وحقد ليه ياتركي قولي وش انا مسويه عشان احصل على هالعقاب منك .. :: :: :: ماادري كم مر من الوقت لكن صوت شمه هز كياني : هيوف الى متى بتظلين كذا يلآ قومي ووسعي صدرك زفرت بحده: شمه مالي خلقك اصلآً انتي من عزمك وسعت ابتسامتها وبهمس: امك ولو ماهي امك ماجيت يلآ قومي بلآش كذب احمدي ربك ان ابوك يحبك ويدور مصلحتك بس انتي غبيه جالسه على اثر هالغبي الملحط والله لو منك لأعرس واسحب عليه زفرت وانا ارفع راسي من مخدتي: ياربي عليك طيب انتي ليه ماتعرسين وتخلينا نفتك منك ولآ بس كلآم حسيت بوجها انصفق من الصدمه او من شي ثاني انا مو عارفته همست بصوت خافت: اسفه الظاهر اني زعلتك بس جيت عشان اوسع صدرك همست بصوت مكبوت: تعالي تعالي ياكرهي لك لآعرفتي نقطة ضعفي وسعت ابتسامتها وبهمس: هههههههههههههاي وياحبي لك تعالي خليني اقولك وش صار على فيصل عقدت حواجبي وبهمس: وش صار عليه وسعت ابتسامتها وبهمس: يقول لأمي سافري معاي قطر عشان تخطبين لي البنت الي ابيها .. زفرت هيفا وبهمس: مجنون اخوك وش له يعني نفسه لقطر وبنات السعوديه قد شعر راسه هزت كتوفها وببتسامه: العشق ياوخيتي ومايسوي هههههههههههه ابتسمت وانا احس بستعجال فيصل ريم ماتحبه وتحب راشد ماابيه يتحطم يكفي ماجانا من هالحب .. :: :: :: متمدده على الارض ورجولها تلعب بالهوء وافكارها طارت لمكان بعيد للقصر والشاب اقصد للملآك الي شافته عيني هيناك دقات قلبها رقصت بذاك المكان ومن ذاك اليوم واهي متغيره في كل شي لكن سؤال يدور ببالها اهو يفكر فيني مثل ماانا افكر فيه بعدين يانجود ليش تحبين غني وانتي فقيره مايصير هالشي ابد يعني اغسلي يدج بماي حار مو بارد ولا دافي آآآآآآآآآآآآآآآه يارب ترزقني به والله كل شي جايز بهالدنيا ياويل حالي على عيونه ورزته وكله على بعضه يعني نجود مو تحسين شكلك غلط وانتي تحبين ايه اصلآً الحب ماهو عيب ولا هو محدد لكبير او صغير فقير او غني : نجود تعالي شيلي اخوك زنقني كتير التفت وشفت شريفه وياها اخوي فواز وبحده: ياربي هذا الي ناقص ابزي عيال الزلامات ولي زين زفرت بحده: احترمي نفسك ولا بعلم ابوك تناثر شعرها المجعد على وجها واهي تعدل بجلستها وتطالع بشريفه وبحده: قسم ان فتحتي فمك لآابوي والله ياشريفوه لآاطق ولدك ابتسمت شريفه وبخبث: يمآآي خوفتيني اصلآ هذا اخوك قبل لآ يكون ولدي زفرت بحده وانا اقوم بطولي: ياربي شريفه تركيني بحالي لآتغثيني خليني احلم واعشق براحه يارب بيت مايلآقي الراحه رفعت حاجبها وبستهزء : والله واجاء اليوم الي تحبين فيه يانجود ومنهو هذا تعيس الحظ تخصرت نجود وبدلع: الا قولي سعيد الحظ لبى زوله وعيونه وخشمه وطوله وكله على بعضه ياجعل ربي يرزقني به ويرزقه بي شريفه بخبث واهي تشوف شافي ورا نجود: اها والله وكبرتي يانجود وصرتي تعرفي للحب وسوالفه ابتسمت نجود واهي تلعب بشعرها: اه بس وش اقولك ياشريفه والله ان شفتيه انك تخقين وتنسين ابوي حست بيد تشد شعرها وابتسامه عريضه تنرسم بوجه شريفه : نجيدآآآآآآآن تحبين انتي وجهك يالجبوه الحين بكسر عظامك عشان اعرفك قدر كلامك شريفه بخبث: بخق على الي بتحبيه وبترك ابوك ياستي ابوك مافي مثله عشره ولي زين نجود بصراخ: فكني والله شريفه الكلبه تقص عليك تبيك تطقني يالغبي تطق اختك اتركني تراي ابي ارفع ضغطها هدني رفسها من ورا واهي رفعت ثوبها وانحاشت وبصوت عالي: هين شرفوآآآه والله ماااخليها لك :: :: صرخ بصوت حاد سمعيني زين ياشوق مصيرج بترجعين له اليوم ولا بكرى ولآ تظنين اني بسكت على انج تجلسين عندي وزوجك يبيج رفعت راسها وشافت ابوها واهو يأشر لها بكل تهديد زفرت بحده: وانا ماابيه يبه تفهم ماابيه واذا عشان الولد انا اقدر اتحمل مسؤاليته بدون ابوه رفع حاجبه واهو يرفع صوته اكثر: الظاهر انج ماتسمعين وش اقول لي ساعه هيف يبيج وله اكثر من مره يتردد واهو يطلب انج ترجعين له وحتى راضي بأي شرط تبينه انتي تجمعت الدموع بعيني وبحده: متى مابغاني قال جيبوها ومتى مابغاني رماني عندكم مستحيل يبه ارجع له تفهم الموضوع واضح من عنوانه ومستحيل ارجع لهيف عقب سوالفه الماصخه فز بطوله واهو يبتعد وبصوت حاد: انا مااخذ رايج انا أأمرج ياشوق لآ تنسين صرخت بحده: يكفي انك رميتني له بدون مهر ولآ عرس وحرمتني من الفرحه حتى والحين تبي تقتلني اقتلني اذا هالشي بيريحك التفت امها وبحده: بنت عيب عليج هالحكي تراج تكلمين ابوج صرخت بحده وانا احط يدي على وجهي: اي ابو هذا واهو مو مهتم بمشاعري ضمت يدها ببعض وبهمس: صدقيني ابوج يعرف مصلحتج اكثر منج ياشوق اسمعي كلام ابوج واقصري الشر فزيت بطولي وبصوت باكي: حتى انتي وياه حتى انتي يمه تبين ترجعيني لهيف الي لطخ عرضي قدامكم ابتعدت وتركت امها تطالعها بكل حزن :: :: :: رجعت البيت وانا احس بنشوه غريبه تجتاح مشاعري جلست على طاولة الطعام انطر العشى وانا احس بفرح يدغدغ مشاعري والله لأقهرك ياراشد يازفت حسيت بنظرات تحرقني التفت وشفت ريف تضيق عيونها وبهمس: وش قاعده تفكرين فيه لآيكون وانفجرت تضحك ههههههههههههههههههههههههه ههههههههه زفرت وانا اطالع فيها: ريفوه قسم مو رايقه لك ولو سمحتي الي تضحكين عليه هذا بيصير زوجي فعشان كذا ابيج تحترمينه لو عشاني اقل شي وسعت ابتسامتها وبهمس: مدري ياريم تصومين تصومين واخر شي تفطرين على بصله ههههههههههههههههههههههههه ههه واي بصله ياحظي بصله خايسه وتلوع الجبد شديت قبضتي وبحده: ريف بسج ضحك ولآ تخليني اتنرفز اكثر من ماا انا متنرفزه ابتسمت ريف واهي ترفع حاجبها: اسفه ريم بس مدري ابيج تعيدين التفكير متأكده انج تبينه ترا كل شي قرب ارخيت بجسمي على الكرسي وانا اشوف كماري تحط العشى على الطاوله وبصوت بارد خالي من المشاعر : مدري لآ تسأليني شي ريف بهمس: متندمه على موافقتج ..؟؟ همست بصوت مكبوت: مدري ياريف مدري حظنت يدي وبهمس: يمكن خيره صح .. هزيت راسي وحزن يستوطن ظلوعي: ايه يمكن .. ريف بهمس: متضايقه ريم.. طالعت فيها وبنبره حزينه: كثير ياريف والمشكله مدري متى برتاح شدت على يدي وبهمس: استخيري وشوفي وش الي يناسبج .. سحبت يدي وقمت من الطاوله بعد ماحسيت ان شهيتي تلآشت ظلت تطالع بزول ريم واهي تحس بالندم بس والله كل ماذكرت وجه خطيبها تضحك مو مصدقه انه بيصير زوج ريم مو مصدقه ان هذا مصيرها انسان قبيح وكلمة قبيح قليله بحقه لآه ياريم فكري عدل .. :: :: :: ضربته على صدره بقوه : راشد قوم اهـــ راشد قوم صد للجهه الثانيه وبتعب: شتبين مو رايق لج خليها بعدين هزت كتوفها واهي تقرب وجها صوبه: رآآآآآآآآآشد قوم ترا مو رايقه لك يلآ قوم غطى وجه ووطنشها واهو حيل منهد صرخت بصوت عالي واهي تحط يدها على خدها الي تورم اكثر: آآآآآآآآآآآآآآآآه راشد .. قوم ’ انهارت تبكي بصوت عالي فز راشد بخوف واهو يمسكها وبهمس:شفيج حنون فيج شي حنان بصوت باكي: سني ياراشد يعورني حيل والله يعورني زفر بحده : والدكتوره الي رحنا لها وش سوت لج .. مو عالجته : مدري لكنه حيل يعورني .. همس بصوت حنون: طيب طيب بقوم اغسل وجهي وانتي البسي عباتج ماشي هزت راسها بتعب ويدها على خدها والدموع مغرقه وجها من شدة الالم ابتعد واهو يتحلف بصدره على ريم اكيد مسويه شي والله مااخليها لج ..~} :: :: :: ماينسمع شي الا صوت ****ب الساعه الي يرن وسط الغرفه منسدحه على سريرها وعيونها معلقه بالسقف لو يدري دعيج اني حامل بيرضى فينيي بس اهو ولد وانا مطلقه مايصير هالشي واذا يصير اهله ماراح يرضون وراح يجرحوني هالقصه ماابيها تنعاد يكفي ماصار لي مع هيف ومصير الرجال ويا اهله طال الزمن او قصر تخللت اصابعها وسط شعرها وصورة هيف معلقه بعيونها مدري وش شفت بعيونه لكن شي عجزت افسره.. لكن فكرة اني ارجعله مستحيل .. اما دعيج فبكرى بخبره برايي .. صدت للجهه الثانيه وكنها تذكرت اليوم شفت مكالمه لخلود سحبت الجوال واتصلت عليها بسرعه .. :: :: :: جالسه بالمحلق وتنظف فيه مو عشان شي لكن عشان تلهي نفسها وتبعد افكارها عن تركي سمعت صوت جوالها واسرعت صوبه ردت بصوت ملهوف: ياهلآ بالقاطعه : هلآفيج قلبي .. شخبارج همست بصوت تعبان: بخير وانتي : تمام وش فيج تلهثين جلست على الكرسي وبهمس: لآه بس كنت انظف الملحق ولمن دقيتي جيتك اركض : اها طيب ليش داقه علي اليوم بللت شفايفها وبهمس:ايه كنت متضايقه وحبيت اتكلم معك : فيك شي .. تركي آذاك بشي زفرت وبضيق: تعبت من كثر مااشوفهم ويا بعض : مو قلت لج تعالي عندي بس انتي عنيده وماتبين غير انج تكونين يمه .. همست بحزن: في شي لآحظته : شنهو ضغطت على شفتها وبهمس: استغربت انه ماخلآها تتغطى تلبس حجاب وعباه وتركها مثل ماهي لمن كان متزوجني منعني من اني اتلثم حتى وفرض علي اني اتغطى.؟ ليه اهي لآه :هههههههههههههههههههههههه� �ي لآه صراحه شي خطير الي اكتشفتيه ببتسامه امل: يمكن انه يغار علي اما هي مايغار عليها هههه : والله ياكبر املج يااختي اهي قويه وانتي ضعيفه اهي ابرزت شخصيتها وانتي لآه يعني اسمحيلي بس هذا الي اشوفه انا.. وسعت ابتسامتها وبحزن: كل شي جايز ماعلينا انا مو حابه اكون عندهم اكثر من كذا لان الضيقه بدت تتوسع اكثر كل ماشفت تركي مو قادره اكثر من كذا : وانا اقولج حياج عندنا بأي وقت يالغاليه ولآ تنسين ان البيت اهو بيتج ابتسمت وبحزن: شكراً شوق ماادري لو ماعرفتك شلون بتكون حياتي.. : لآتقولين هالحكي ولاتنسين أحنا خوات اندق الباب وبستغراب: شوق اكلمك بعدين : ماشي حياتي ,, سكرت الجوال وراحت صوب الباب همست بصوت خافت: من.. : خلود اطلعي بكلمج ارتجفت واهي تبقق عيونها: شتبي .. مارح اطلع ضرب الباب بقوه وبحده: اقولج اطلعــــي .. ولآ اكسر هالباب على راسج زفرت بحده واهي تنسد جسمها على الباب : اكسره ان كان فيك حيل مارح اكلمك.. واذلف لمرتكـ .. رجف الباب بقوه وبصوت حاد: استقويتي يابنت.. بطلي الباب .. ماتدري كم مر من الوقت واهو يرجف الباب عليها واهي مغمضه عيونها وتسمع لأنواع الشتم والسب الي يجي من اغلى انسان تملك قلبها قبل لآيتملك روحها .. :: :: :: يوم جديد يشرق علينا وافراح تتلآشى واحزان تعم وساعات قليله يصير العكس طالعت بشكلي وابتسامه خبيثه تلونت بوجهي اكيد حرقت قلبك ياراشد مادري ليه كل ماطريته يتلون وجهي رفعت حاجبي وانا اخط الكحله بعيوني وارسم بالقلوز على شفايفي سحبت شنطتي وطلعت وكلي نشآط :: :: :: نزلت ببجامتها لتحت واهي تحس بضيقه تتوسع بصدرها همست للخدامه : جيبي اكل هزت راسها وابتعدت واهي كملت طريقها للصاله وتمنت لو ترجع لخطوات لورا لكن صوت ابوها خلآها تكمل طريقها : تعالي حكت شعرها القصير وبصوت هامس: الٍٍسلآم عليكم .. ابعد الجريده عنه وبصوت حاد: وعليكم السلآم بللت ريقها واهي تجلس وتسحب ريموت التلفزيون : لآتشغلينه التفت على ابوها وبهمس: بغيت شي .. طالع فيها وبصوت هامس: ايه بس مارح اقولك الحين بعد ماتفطرين ابعدت نظراتها عنه ودقات قلبها رجفت بقوه .. الله يستر .. :: :: :: آه امم آه آمم آمممممم تلوت على سريرها واهي تحس بوجع اسفل بطنها فزت من سريرها بخوف وااهي تطالع بشي يغرق ملآبسها ارتجف صدرها وحست بالخوف ماهو وقت الولآده ايش هذا حاولت تقوم لكن الخوف شل طوارفها كلها.. لو اتحرك ممكن يطيح الجنين يارب عفوك يارب مابي اخسره حطت يدها على اسفل بطنها واهي تحاول تقوم من السرير عفست ملآمح وجها بقوه من شدة الالم عضت على شفتها بقوه واهي تقوم: آآآآآآآآه تسحبت بخطوات ضعيفه بطلت الباب واهي تمشي بهدؤ واول ماوصلت المطبخ ارخت جسمها وبهدؤ لمن استقرت على الارض رفعت راسها للخدامه وبصوت ضعيف:نآآدي مآمآ بسرعه ابتعدت الخدامه واهي تجري والخوف ارتسم بمحيا وجها اما خلود دموعها انسكبت على وجها بحراره وخوف الخساره مره ثانيه اوجع لها قلبها .. :: :: :: تطالع ببخار قهوتهآ واهي شابكه يدها ببعض ومتوتره تبطل الباب وشافت دعيج ببتسامته العذبه : صباح الخير .. همست بصوت خجول: صباح الورد جلس على الكرسي وبهمس: شعندج طالبتني .. بللت شفايفها واهي تبعد عيونها عن عيونه: مدري شقول بس ابي اكلمك بالموضوع الي أمم آه فهم تلعثمها وببتسامه: وشنهو ردج؟؟ نزلت عيونها للأرض واهي تحس بحراره تشتعل بجسمها : مـ ـ ـ ـو مـوآفقـ ـ هـ حس بحاجه تلطم له وجه لدرجه خلت عيونه تببقق على وسعهم وبهمس: انا مو مستعجل اسمع ردج الحين فكري زين ياشوق فكري زين وصدقيني كني ماسمعت هالرد .. رفعت راسها له وبشده واهي تشد على اصابع يدها الي تلآحمت ببعض: وانا قلت لك رايي انا مو موافقه .. ولو ارد عليك بعد مية سنه هذا اهو جوابي ومستحيل يتغير زفر بحده وعيونه اشتعلت بنار غريبه وبصوت حاد: وشنهو السبب وشلي يمنعج .. فيني شي ياشوق يمنعج .. هزت راسها بالنفي واهي تنزل عيونها همس بصوت حاد: طيب ليش ترفضييني وانا راضي فيج .. رصت على اسنانها وبصوت مكبوت: لآني مطلقه .. ومو حابه اخذك عشان هالسبب ضرب على مكتبها بيده وبحده: بس هذا اهو هزت راسها وبهمس: ايه صرخ بصوت عالي: وانا راضي فيج .. لو كنتي ارمله بعد .. انا راضي فيج رفعت راسها واهي طالع بعيونه ونار تقدح شرر فيهم : افهمني دعيج اهلك بيزعلون عليك وبتصير مشاكل عشان هالشي عشاني مطلقه وانت توك تقتدر تاخذ بنت بدال ماتاخذني بلع ريقه وطالع فيها ثمن شتت نظره بالغرفه وبصوت حاد: وانا بعد مطلق وعندي بنت طالع فيها وبهمس: واهي نفس البنت الي شفتيهآ واذا هالسبب اهو رفضك فما اتوقع انج راح ترفضيني الحين ظلت تطالع بصدمه وعيون تلونت بالدهشه يعني ذيك بنته كم عمرها .. ثلآث سنين او اقل يعني دعيج خدعني همست بحده: خدعتني دعيج .. ولو تظن اني بوافق عشان كذا فمستحيل اوافق هزت راسها واهي تطالعه بعتب واضح قرب صوبها وبهمس: آفهميني شوق آنآ آحبج واذا خدعتج فهالشي كان غصب عني مو برضاي زفرت بحده وعيونها تمتلي بالحزن: اطلع برا دعيج اطلع برا وماابي اشوفك بعد هاليوم ابد رفع حاجبه وبهمس: ليش شوق .. وش مسوي انا عشان تزعلين وقفت بطولها واهي تأشر بأصبعها قباله وبحده :عقب كل هذا وتقول وش مسوي انت نسيت انك اوهمتني بالحب نسيت انك قصيت علي طول ايام كندا وفوق هذا متزوج طول ذيك الفتره يعني كنت العشيقه السريه لك واللحين بس عرفت منهي الي وياك بالسوق مرتك صح هز راسه وبهمس: ولآتنسين انج انتي بعد اوهمتيني بهالشي وكلنا متساوين لكن صدقيني ياشوق اني حبيتج .. وماكذبت عليج همست بحده : اذا مارح تطلع انا الي بطلع قرب منها وبهمس: تكفين فهميني ليش كل هالزعل هالحين عشان ايش او ايش صرخت بوجه واهي تتراجع لورا: ابعد عني كلكم واحد كلكم واحد ابتعد عنها واهو يشوفها تلم وجها بيديها وتبكي همس بصوت خافت: لكني احبج ياشوق ولو مااحبج كان اخفيت عنج بسري وعمرج مارح تعرفين اني متزوج ابد .. زاد بكائها اكثر وماتدري اذا تبكي على دعيج او على هيف او على نفسها .. :: :: :: تبطل الباب بقوه ورفعت راسها بسرعه واول ماشافته حست بشعور غريب يجتاحها نظرات لها كلها شر صرخ بحده واهو يأشر بيده : انتي وش تبين مني هاه ماتبيني ارتاح بحياتي تبين تعكرين صفوها وش تبين قوليلي .. بلعت ريقها وبحده: وش تقول انت.. رفع حاجبه وبحده: وش ابي قولي وش ماابي شوفي ياريم اذا بتنتقمين انتقمي مني انا مو من زوجتي المسكينه تفهمين زفزت بحده واهي تحس بقلبها بيطيح بين رجولها من الخوف : اطلع برا انت انسان وقح لكن هالكلمه استفزته اكثر قرب منها واهو يجرها صوبه ويمسك كتوفها ويصرخ بوجها بحده :تبيني احبج مستحيل احبج تفهمين مستحيل احبج لو سويتي ماسويتي ولو صار ماصار عمري ماارجع لج واخذج انتي مو لي ياريم مو لي الانسانه الي حبيتها بصدق وخطفت قلبي اهي مرتي حنان وبس وامس لمن شفتها تبكي من الوجع تمنيت انج قبالي عشان اقتلج (كان شاد على كتوفها بقوه ووجه ملآصق لوجها ) عيونها احتبست بالحزن وبحده: هدني واذلف لها اصلآً انا ماابيك ولو ابيك كان وافقت على عرضك التافه صرخ بحده : اتركيني بحالي تفهمين اتركيني وخليني اعيش انا اكرهج ياريم اكرهج ماتفهمين انفجرت دموعها وبحده: ومنو طلب منك انك تحبني بالاصل زفر بحده: انتي انتي الي تطلعين لي بكل مكان انتي الي تتبليني بنفسي انتي ذبلت واهي وسط ايديه وبحده: اتركني راشد اتركني .. تراك عورتني همس بصوت حاد: لو فكرتي تأذين مرتي مره ثانيه اقسم بالله ياريم لآ اقتلج اذا تبين تجرحين احد فأجرحيني انا مو اهي .. فاهمه ابعدها عنه وخلآها تطيح من طولها واهي تحس بحراره تنساب بجسمها كله طلع راشد من العياده وبركان ثاير بصدره للحين ماانطفى عيونها فمها وكل شي يذكره بالماضي يبي ينساه ولآ قادر وكل الي سواه انه جرح هالماضي من جديد وفتح صفحة األم مايندرى متى بتطوى .. :: :: :: اليوم ملكتك فاهمه طالعت بأبوها وبحده: اي ملكه واي خرابيط انت عارف رايي يبه صرخ بحده واهو يرمي الجريده بعيد: ولآتنسين اني قلت لك ان رفضتي راح اجبرك وجا الوقت الي اجبرك على الزواج لآنك ماتعرفين مصلحة نفسك رف قلبها بخوف وبحده: يبه تكفى لآ تجبرني على شي ماابيه همس بحده: وانا راح اجبرك الرجال زين وفيه الخير وفوق هذا عمرك ماتحصلين احد زيه زفرت بحده : وش تقول انت يبه انا ماابي اتزوج تفهم ماابي لآ تجبرني تكفى لآ تجبرني ترا بنحاش بقتل نفسي طالع فيها وبستهزء: ماعندي مشكله اسلمك له وانتي بكفنك صدقيني زواج راح تتزوجي .. ابتعد واهي صرخت بحده: يبه تكفى يبه انا وحيدتك يبه لآ تغصبني لآلآلآه :: ::: :: شفتها مرميه بالمطبخ وحسيت بقلبي يغوص وسط جوفي شفت امي تجري صوبها وتصرخ لكنها ماكانت ترد عليهم حسيت بوجع يناهش قلبي صرخت امي بوجهي واهي تطالع فيني: خلنا نوديها المستشفى قوم شيلها وياليتني ماشلتها لثانيه حسيت بقلبي بيغوص بأعماقي يارب تكفى لآ تعلق قلبي بقلبها اهي تحب اخوي مو انا شلتها وشفت وجها يغوص وسط صدري ماادري وش حسيت بذيك اللحظه لكني تمنيت الوقت يوفق وكل شي يوقف واضل حاظنها لصدري للأبد خذيناها للمستشفى والحمدالله ماصار لها شي خطير مجرد تعب بسبة االبرد .. وشوية مويات زايده.. طول الطريق وانا اشوفها من انعكاس المرايا كان التعب مرسوم بوجها تلهث واهي بالسياره لآ مشت ولآ شي همست وقطعت لي افكاري: سعد ودني لبيت شوق التفت امي وبحده: وين يابنتي تبين تضيقين على العرب وبيتنا مفتوح اجلسي عندنا وش فيج همست بوهن: لآياعمه برتاح عندها واهي اختي ومابينا تثاقل همست امي : براحتج .. حسيت بقهر يسري بعروقي وبهمس: ماله داعي .. تعالي للبيت وارجعي لغرفة جدتي وخلي الملحق .. همست بتعب: قلت لك ودني لشوق .. والملحق مارح اطلع منه ابد .. زفرت وانا اطالع فيها واشوف بعيونها حزن كبير .. ماقدرت ارفض لآني بالاصل لو برفض مارح استفيد حاجه وراح تعارضني اصلآً انا منو عشان تسمع كلامي الا الا انت لك الحق انك تأمرها همست بصوت حاد: خليج عندنا لين نطمن عليج ثمن انا بنفسي مستعد اوديج لها توها بتتكلم لكن امي قطعت كلآمها : تكفين يابنتي خليج .. طالعت فيني بنظرات حاده .. وحسيتها بثاني تتمنى لو تقتلني بيدها .. :: :: :: طالع فيها وبقميص النوم الي يفضح اكثر من انه يستر كل يوم يزيد الشوق بقلبه لخوخه وللأسف دوم مايشوفها ولآ يلقاها ابعد البطانيه عنه وبحده: ماودج تقومين تحرير وبدلع: الا بقوم بس خلني شوي اتسطح زفر بحده واهو يروح للحمام اما هي فأبتسمت بخبث يتلون بوجها يوم ورا يوم حطت يدها على بطنها واهي تتمنى انها تحمل منه باسرع وقت لكن شي بداخلها ماهو مبسوط رغم كل شي جاها الاانها ماهي سعيده مو فرحانه وماتحس ان الي حولها فرحانين تحس بشعور غريب ماتدري شنهو.. انعفست ملآمح وجها وصحت على صوته واهو يطالع فيها وبهمس: ماتصلين انتي قومي ترا اكثر من صلآه طايفتج وانتي مغير مشتغله مشاخر ابتسمت وبهمس: ههه احترم نفسك بعدين انا مااشاخر الا اذا نمت وانا تعبانه طالع فيها بدون اي تعليق وثانيه وحده تمنت هاللحظه توقف يالله شقد تحبه والله تحبه .. ابتسمت له لكنه كشر بوجها صد عنها واهو يفرش سجادته اما هي فضلت جامده وتحس بضيقه تاكلها ياليتك ياتركي جيتني بطيب خاطر مو. خذت لها نفس عميق واهي تقوم من السرير .. :: :: رمى الاكياس على السرير طلع الملآبس من وسط الاكياس وظل يتأملها واهي مفروشه على سريره ملآبس اطفال بالون الازرق والوردي والاصفر والابيض متناثره بسريره هينا حاط شرابت مقاس واحد وهينا حاط مهاد وهينا رضاعه وهنا مصاصه لهالدرجه متلهف ياليته يشوفها .. ياليتها ترضى بسرعه وتكون وياه هالحين... معترف انه مخطي ومعترف انه خايف يخسرها مايدري كم مر من الوقت واهو واقف ويطالع بالملآبس ويروح بخياله لبعيد قطع عليه صوت صراخ ياربي تستر طلع من غرفته واهو يجري والخوف يعتلي كل جسمه ..~ْ :: :: :: الدموع ماجفت من عيونها وشكل راشد واهو يكلمها ينرسم قدام عيونها ليش القسوه ياراشد ليش تحب تنذلني تجرحني تهيني تقتلني ليش ياراشد نزلت من سيارتي اجري وانا احاول اكتم دموعي وغصاتي وسط صدري (ريم ترا اليوم ملكتج ) هالكلمه خلتني التفت صوب امي والصدمه ترتسم بعيوني : شنــــ ـ ـ ـو : هو انتي نسيتي ..!؟ ان ملكتج بعد يومين ..!؟ شفيج .. ظليت جامده مكاني وعيوني تطالع بأمي الجالسه على الكنب وتطالع بالتلفزيون حسيت بتعب يتملكني وحراره تلسع لي جسمي : اكيد تمزحين يمه .. صح . التفتت صوبي واهي ترفع حاجبها: تجهزي بس وعن المصاخه .. الزايده .. وتراني مسويه حفله لج لآصارت ولآ استوت.. واالعصر عندج الكوفير’آ بلعت ريقي وانا احس بجفاف بدى يتسرب فيه.. ابتعدت ودموعي راافضه تجف.. استعجلتي ياريم انتي مو قد الزواج وعوار الراس .. :: :: :: هـــتســو عطست واهي تحس بخشمها احمر وعيونها متنفخه عليها طالعت بشكلها وبزفره: ياربي الظاهر اني انزكمت .. سحبت جلآلها وطلعت واهي تحس براسها يدور فيها بطلت الثلآجه وماكانت منتبه بالشخص الي جالس على الطاوله .. سحبت لها عصير ليمون وبندول.. سكبت العصير بالكاس وتوها بتجلس وطاحت عيونها بعيون تركي ماتدري شهالحراره الي زادت بجسمها وتسربت بعروقها وحسستها برجفه غريبه من صوب قلبها ترددت تجلس او تقوم لكن الشوق كل يوم يزيد بوسط هالقلب اضناه الشوق بالحيل واتعبه وشلون بتقدر تبتعد بسهوله مستحيل .. جلست بالكرسي الي قباله بالضبط والعيون اهي الي حكت قبل لاتنطق الالسنه.. :: :: حسيت انه طول خفت لآيكون راح لها زي كل ليله وتوي بدش المطبخ الا واشوفهم قبال بعض ماادري وش افسر نظراتهم اهي حب اهي عتاب اهي شوق اهي شنو بالضبط مو عارفه تراجعت لورا ثواني وظليت اشوفهم شعور غريب يداعب مشاعري عجزت افسره لكن اتوقع انه الغيره اشتعلت بجوفي وخلتني اصرخ بصوت عالي لدرجه اني شفتها تفز من كرسيهآ : وش تســـــــــــــوين هينآآآآ نزلت راسها ورفعت راسي لتركي بحده: وانت اطلع برا ولآاشوفك بمكان اهي فيه تفهم فز بطوله وطلع بدون ماينطق بحرف واحد طالعت فيها ولقيتها منزله راسها قربت صوبها لمن وصلت عند اذونها وبصوت هامس: احلمي يرجع لج .. اقتله قبل لآيقرب صوبج فاهمه.. رفعت راسها وكان وجها كله احمر وحراره شديده تنبع منه .. نغزني قلبي اول ماسمعتها تنطق : الله ياخذ حقي منك ويبلآك في نفسك ويحسر فيك مثل ماحسرتي فيني حسبي الله ونعم الوكيل وكفى .. طلعت وبيدها العصير وخوف بقلبي بدا يتسلل .. :: :: :: طالعت بجوالي ولقيت اكثر من مسج تاركه دعيج ليي سويت دليت لها كلها لآني ماابي منه اي تفسير خلآص انا عرفته وكشفته وبان على حقيقته.. لكني ماانجرحت من دعيج لآني بالاصل ماحبيته ابد .. سحبت الجوال واغلقته لآني بالاصل مو حابه افكر بأحد .. مااابي افكر الا بنفسي وبآس :: :: :: اسرعت بجري وانا احس اني اعيش بحلم واخيراً هيفا بتتزوج ومن اي شخص غير كايد كايد صار حر صار لي وبس حاولت اخفي الابتسامه المرسومه بشفايفي ورحت لغرفة هيفا وانا ارسم الاسئ بملآمح وجهي بطلت الباب ولقيتها متقوسه على سريرها خذيت لي نفس عميق وبهمس: هيفآ التفتت صوبي وماشفت منها غير الحزن همست بصوت خافت: اليوم ملكتك ومايصير الرجال يشوف عروسه بهالوجه زفرت واهي تعفس ملآمح وجها: تكفين يالعروس المبسوطه بالعرس اصلآً ماادري شلون ابوي يفكر ولآ امي كيف يغصبوني على شي ماابيه خصوصاً الزواج هذي مسؤليه مو اي شي .. همست لها وانا اطالع فيها : خالتي قالت لي ان الكوفيرا تحت والفستان جاهز وكل شي بيرقى لك بعد شوي تجهزي.. رفعت راسها بيأس بملآمح تطلب المساعده تطلب ان احد ينقذها ابتعدت وتركتها تجمع شتات نفسها .. :: :: :: لبست الفستان التوتي الي زادني جمال لدرجه حسيت بخدودي حمرآ من انعكاس لون الفستان طالعت بشعري المتناثر حول كتوفي .. طالعت بالضل الاسود مدثث على عيوني مدموج بالون التوتي كان اوفير حيل طلبت منها تكثف المكياج قد ماتقدر عشان اطلع قبيحه لأبعد الحدود جسمي تنتشر فيه الحراره بصوره غير طبيعيه .. بللت شفايفي وحسيت بالباب يتبطل طلت ريف براسه وبهمس: ماودج تنزلين يااحلى عروس ..؟ همست بصوت مكبوت: الا شوي وبنزل وراج رفعت حاجبها وبهمس: يعني تصرفيني ههه طيب لآطولين لان الملآج يبي يمشي وانتي معطلته .. ابتسمت ببرود واول ماشفت الباب يتسكر سحبت مذكرة فيصل ومابقالي غير اخر صفحه من دفتره بطلت الصفحه وقريت .. _(كنت قريب منها شفتها وجيتها لكني جيت بوقت ماهو مناسب تراجعت بخطواتي لورآ واحس بشعور كبير اني راح اخسرها عندي فرصه لكني ماقدرت انتهزها خليتها تنفلت من يدي بدون مااوجها واعترف اني احبها مدري ليه عطيتك المذكره ياريم ومدري ليش لكن شي واحد حاب اقوله لك ان الانسانه الي حبيتها بكندا اهي انتي انتي ياريم من اول يوم عرفتني هيفا عليك وانا واقع بحبك من اول سنه عتبتي فيها كندا وانا عاشقك مده طويله خبيت فيها حبي وحاولت اتهرب من هالحب لكني عجزت اسف ريم فهمت متأخر اني عاشق بهواك وماابي غيرك ريم .. انتي حبيبتي ومن ملكة مفتاح قلبي..~}} حست برجفه بجسمها ووجع يقتل قلبها رمت المذكره بعيد وذكرياتها مع فيصل تنسرد قبالها شلون ماعرفت شلون ماحست معقوله ياريم ماعرفتي انه يحبك صدرها بدى يعلى ويهبط حست بعيونها تتغورق بالدمع والحراره تزيد بجسمها رفعت راسها للسماء وبصوت مخنوق: رضيت اني اخسر ناس انا احبهم لكني مقدر اتحمل فكرة اني اخسر ناس حبوني معقوله ياحب انت مغلق بابك صوبي معقوله مو راضي تبطله بوجهي لو ثانيه مو من حقي احب او انحب حتى .. فزت بطولها بعد ماحست بتعب يقتلها طلعت من الغرفه واهي ماتدري وش مخبي لها هالطريق اهي سعاده او حزن اهي هم او فرح ماتدري ولآتبي تدري وماحست بروحها الاقبال الملآج وتقوله بصوت غريب: موافقه :: حست بيد تحاوطها رفعت راسها وشافت امها تهمس لها : مبروك يالغاليه والله تستاهلين كل خير يعني انا وافقت وخلصت ارتبط اسمي مع شخص للحين مو عارفه شسمه دفتني ريف ببتسامه: يلآ تعيس الحظ ينطرج مسكين اهو ماصدق توافقين تبينه ينطرج ساعه ثانيه بعد خفي علي المسكين جسمي حسيته يخدر علي تبطل الباب وشفت العريس الي مو عارفه اسمه وطلآل وابوي وابتسامه عريضه مرسومه بوجيهم ثلآُثتهم مشيت وانا احس بدوخه وحراره كل مالها تزيد دقات قلبي سريعه وانفاسي حاره وماادري ليه احس بجسمي يعرق علي مشيت الخطوه الثانيه والثالثه ولمن صرت قريب حسيت برجولي تخوني واطيح على وجهي قبال عريس الغفله.. ماحسيت الابيدين تحاوطني وريحة عطر رجاليه قويه وصدر دافئ خلاني اغمض عيوني واتمنى اني ماافتح ابد.. :: :: :: همست امي ببتسامه: مبروك يالغاليه التفت على ابوي وبهمس: انبسطت الحين همس لي واهو يحط يده على كتفي وبهمس:المعرس يبي يشوفك .. انتفضت وحسيت بيد ابوي لسعتني همست بصوت خافت : ماابي اشوفه رفع حاجبه وبهمس: والفستان الي لآبسته والمكياج الي حاطته لمنو باللهي عقدت حواجبي وبخوف: قلت لك يبه ماله داعي بتغصبني بعد سحب يدي بدون ماينطق بحرف واحد وهمست له برجى : تكفى يبه ماابي ماابي بطل باب المجلس وحسيت بسكاكين تناهش صدري طالعت بالرجال العجوز الي جالس بالمجلس وحسيت بخذلآن ينرسم بصدري حسيت بأنفاسي متسارعه طالعت بأبوي وعيوني تبوح الصدمه اخرتي اتزوج شايـب كبر ابوي ليه يبه ليه :: :: ::: ظلام دامس وثعابين تحاوطها من كل مكان تحاول تهرب لكن الثعابين تطلع لها من كل مكان لدرجه انها صارت تمشي بجسمها حاولت تبعدهم لكنها عجزت صرخت وصرخت لكنها ماسمعت غير صوت ينادي حلي العقد حلي العقد حلي العقد :آآآآآآآآآه صدرها يعلى ويهبط وجها يملآه حبات العرق شعرها تناثر على كتوفها التفت صوبها وبخوف: فيك شي همست بصوت باكي: وش احل وش احل .. قرب صوبها تركي واهو يحاوطها بذراعه: سمي بالرحمن تحرير وتعوذي من ابليس اكيد كابوس مزعج شدت على بلوزته بقوه وبصوت باكي: كل يوم احلم نفس الحلم كل يوم ياتركي .. حس بدموعها تبلل بلوزته وحراره تنبعث صوب صدره همس بصوت خافت: اقري المعوذات ومايصير فيج الا كل خير رفعت راسها وبصوت باكي: امي سعود ابيهم ظل تركي جامد واهو مو عارف شيقول ابعدته واهي تاخذ تلفونها وتتصل بأبوها وفجأه صرخت بصوت باكي: لآلآلآلآلآلآلآلآلآلآلآلآل آلآلآلآلآلآلآلآلآلآلآلآلآ لآلآلآلآلآلآلاه :: :: :: جالسه على سجادتها اخر الليل وتصلي وتدعي من القلب ان ربي يفرج لها كربتها خشوع ودموع تندمج اخر الليل وياها حست بطرق خفيف صوب بابها فزت من على طولها واهي تروح صوب الباب همست بصوت خافت: منو : سعد بطلي الباب حست بالخوف يسري بعروقها بطلت الباب وبخوف: شلي صاير همس واهو يطالع فيها: ولآ شي بـ ـس بقولج شي عشان ابري ذمتي حست بقلبها يعتصر وعيونها بتطلع من مكانها وبخوف: سعد لآتخوفني شلي صاير همس واهو يبعد نظراته عنها: تـ ـ ـ صرخت واهي تقطع كلآمه: تركي فيه شي بلع ريقه واهو يهز راسه: لآه امم آآه ايه حست برجولها تخونها شلي حاصل.. سؤال دار ببالها قطع تفكيرها بكلآمه الي حسته خناجر صوب صدرها : تركي مسحور مو مجنون تركي محطوط له سحر يفرقج عنه .. ابتعد سعد بسرعه واهو مايدري شلون نطق بهالكلآم وشلون قاله اما خلود فطاحت من طولها من هول ماسمعت .. :: :: :: طلعت من غرفتي وشفت ابوي يكلم : مبروك ياولدي تستاهل كل خير : اهي عندك عطني اياها : مبروك يالغاليه وتستاهلين كل خير : يتربى بعزج يارب .. : ان شالله بخبرها .. ابد مانبي الا سلآمتج .. قربت من ابوها بعد ماشافته يسكر وبصوت راجف: من قاعد تكلم يبه ابتسم بوجها وبهمس: فوز ولدت وجابت ولد يشبه لخاله وسعت ابتسامتي وبفرح: الف الحمدالله يارب ياحبيلها فوز والله تستاهل كل خير همس ابوي واهو يطالع فيني: الفال لج ان شالله ابتسمت بسحى وبهمس: ان شالله اشر بيده اني اجلس يمه رحت صوبه وجلست همس بصوت خافت: ترا بكرا بترجعين لبيت ريلج التفت صوبه بعيون تبوح الصدمه همس بصوت راجي: عطيت الرجال وعد مايصير اخلف به بلعت ريقي وانا احس بطوارفي تذبل من شدة الصدمه شد على يدي وبهمس: صدقيني هالشي فيه مصلحتج همست بصوت خافت: ليش يبه ليش تتكلم قبل لآ تستشيرني.. ليش التفت صوبي ونطق بكلآم تمنيت انه ماينطقه ابد .. ظليت جامده واحس بنفسي بحلم مو بحقيقه :: :: :: بطلت عيوني بتعب شديد وطالعت بالغرفه وحسيتها غريبه حسيت بيد تشد علي يدي التفت وشفت شخص غريب ماسكني بققت عيوني وبستغراب: انا وين وانت مين همس بحنان: الحمدالله على سلآمتج .. سحبت يدي بسرعه وكني ملسوعه ابتسم بهدؤ وحسيت بالباب يتبطل التفت وشفت امي تهمس بفرح: واخيراً قمتي ريوم بللت شفايفي وبهمس: وش صار همست امي واهي تطالع بالشخص الغريب : والله حمد رجال فيه الخير رفض انه يتركج ثانيه وحده لين يطمن عليج هاه يآحمد تطمنت ان مافيها الاالعافيه ومجرد تعب بسيط صوت رجولي غليض: ايه الحين بس ارتحت (التفت صوبي وبهمس) تامريني بشي .. المعلومه توها توصل حمد اهو زوجي.. نزلت عيوني من على وجهه وبهمس: لاه ابتسم مره ثانيه وطالع فيني بنظرات غريبه ثم طلع من الغرفه همست امي واهي تقرب صوبي: هاه عساج احسن الحين هزيت راسي وبهمس: يمه كم ساعه واهو يمي همست امها ببتسامه: اهو الي شالج واهو الي وداج للمستشفى واهو الي رافقج وتوه يطلع الحين حسيت برجفه بقلبي تعتصر معقوله في انسانه بيوم ملكتها تتعب وتخلي خطيبها يسهر معها بالمستشفى اي حظ هذا ياريم الي تملكينه :: :: :: طلقني طالع فيها بستغراب واهو يرفع حاجبه: شنو همست بصوت حاد: قلت لك طلقني طالع فيها بكل رجى وبهمس: انتي من جدج هزت راسها واهي تحط رجل على رجل: ايه مو مستعده اجلس مع واحد مثلك دقيقه وحده انا انسانه ابي اجيب عيال ماابي انحرم منهم ابي اعيش حياه طبيعيه زي الكل ولآ مايحق لي اعيش طلقني ياراشد بالطيب ولا خليتك تطلقني بالغصب كلمات كانت تقتل صدره واهو يسمعها من انسانه حبها همس بصوت مخنوق: انتي وش تقولين مصدقه كلام الاطباء مافيني شي زفرت بحده واهي تسحب شنطتها: كم لنا متزوجين بنصك السنه وانا للحين ماحملت وانت ماتنفع لآ لي ولآ لغيري طلقني طلقني تسمع طلقني انا ماابيك تفهم ماببيك ظل جامد يطالع فيها ويحس بخناجر قويه تناهش قلبه اطلقها وليش اطلقها عشاني مقدر اجيب عيال هذا سبب عشان تتركني ماتبينا نتعالج ماتبي توقف معاي بالموقف الصعب والوحيد الي احتجتها فيه زفرت بحده واهي ترمي اغراضها بالشنطه : الظاهر المحاكم اهي الي بتحل بينا وتخليك تطلقني ورجلك فوق راسك صرخ بحده: احترمي نفسج ياحنان دامنا خذينا بعض بالطيب خلينا نترك بعض بالطيب رفعت راسها وطالعت فيه بحتقار وبصوت ينرفز: طلقني يا ... ولآول مره يرفع يده عليها ويضربها داست على قلبه ومشاعره وماقدرته ولآ احترمته قهر يسري بعروقه وندم نشف له دموعه .. :: :: رح الله يسامحـــــك مابي... عذر منك ولاتبرير أنا بنساك من قلبي... وأبيك اليوم تنســـــاني تراه أحســـــــــن لنا نذكر بعضنا... دايم بالخير أبلقى من يقــــدرني... وتلقى واحــــــد ثاني أبد ماكان في بالي تـــــــــرى ماصار يوم يصير ولاظنيتك إتكون الطريق لهمــــــــــي وأحزاني حسبتك غير لكني... ندمت إني حسبتك غير رسمتك صورة حلوة ...بكل إحســـاس وجداني قسيت وكانت القسوة تــفوق الوصف والتصوير أعانــي منك وأعاني... وأعــــاني منك وأعاني مصيرك يوم تتندم... علــى الاخلاص والتقدير وتذكــــــــرني بعد مدة ...تعيش بدور حرماني وأنا عايش بلا دمعـــــة... بلا لوعة... بلا تأثير ولايطري لي إعتابك... ولاتطري على لساني رح الله يسامحـــك ...ماعاد باقي وقت للتفكير يجي لك يوم... تعرف فيه من يندم على الثاني :: :: انتهى البارت.. اتمنى انه يعجبكم .. | ||||
|
| |
|
11-03-13, 09:05 AM
| #36 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| // The End آلفصل الأول .gif) :: ناشدتني .. ليه عمري ليل وأيامي حزينة وأسألتني لي متى الغربه تسافر بالسفينه لي متى وأقول ما ادري ... وتشهق الآهات بصدري بالحزن ترحل قوافل كل يوم لي عايش ماغير أجامل والألم ظلي آه يالفرحة السجينة حلمي اللي ضاع وينه .؟ وآه يانار المحبه وقدي والمحب الله يعينه وش بظنك يانجومي الغارقه بالنور وش ترين بحالة اللي للشقا ماسور لاصباح يبتسم .. والقاه .. وارحل في طريقه كل ماحولي وهم ... ويلاه ... ياظلم الحقيقه في مواويل التمني كل ماعانيت اغني ... والوله في داخلي بالحزن ترحل قوافل كل يوم لي عايش ماغير أجامل والألم ظلي آه يالفرحه السجينه حلمي اللي ضاع وينه ؟ وآه يانار المحبه وقدي والمحب الله يعينه ياقصيدي وش عليك ان كثرت الأحزان الحبر مثل القلم مثل الهوى حرمان الحبيب الى نبي ... مشغول عنا في هوانا وكلمتي لمعذبي ... اقول ليته لو نسانا منه ذقت الضيم واجد لايصد ولايواعد ... ولايخليني خلي بالحزن ترحل قوافل كل يوم لي عايش ماغير أجامل والألم ظللي آه يالفرحه السجينة حلمي اللي ضاع وينه .؟ وآه يانار المحبة وقدي والمحب الله يعينه // صرآخ ودموع هذا الي كنت اشوفه بيت عمآني صدمه كبيره نخسر ناس راحو منا على امل انهم يرجعون لكن الموت خذاهم ورفض يرجعهم كنت احاول اوقف مجرى الدموع الي انسابت على خدي وانا اطالع بتحرير تضرب بنفسها وتخبط بروحها بالارض وكأنها فقدت عقلها لكن هالشي الي تسويه يحق لها مو اهي تعودت على امها بجنبها يوم بيوم مو اهي تعودت ان امها تنفذ كل شي تطلبه مو اهي تعودت على ناس تحبها وتربت على ظهرها بحنان وتشجيع وهالحين ماراح يكون عندها احد سوى اختها وابوها اوجعني قلبي على ام سعود وسعود والحادث المأساوي الي صار لهم السياره اصبحت هشيم اصبحت مثل ورقه مجعده نرميها بالقمامه الحديد التحم والارواح الي بداخه اصبحت فتات قربت الممرضه من تحرير وعطتها ابره مهدئه بعد ماانوار وام فهد مسكوها بعدها عطوا هدى الي صارت طايحه مابين حيآ وموت ماتدرون شقد كرهت اني ابقى بهالمكان الكيئب الي ماينسمع منه الا ونات وعبرات مخنوقه تنسمع مع لفحات الهواء البارده : خلود خـ ـلـ ـود صوت قطع علي تفكيري التفت وشفت تحرير تطالع فيني واهي منسدحه على الارض همست بصوت راجف وانا اقرب منها: آمري وش تبين حسيت بيدها تحظن يدي وبصوت هامس: سـ ـ ـآمــ ـ ـحـ ـيني ارمشت وانا اطالع فيها وبستغراب: على ايش اسامحك غمضت عيونها وبحزن وصوت يحاول يطلع من بين شهقاتها : عـ ـ ـلى كـ ـل شـ ـ ـي ضغطت على يدها وانا امسح على راسها: مسامحتك يياتحرير والله الشاهد على مافي قلبي ارتاحي الحين وان شالله ربي يفك لك كربتك .. ارتاحي هالحين.. دموع انسابت على خد تحرير ووصلت للقاع وظليت جامده واحس بحزن يناهش قلبي عليها .. ماتستاهل كل هذا .. :: :: :: حطيت رجل على رجل وانا اطالع بأبوي اذا تبيني اردله قوله هذي طلباتها بينفذها ولآبكيفه ظل يطالعني من فوق لتحت وبهمس: متأكده ان هذا اخر كلآمج هزيت راسي وانا اهمس له: ومافي اي شكـ ابتعد ابوي وراح صوب الدوانيه الي يجلس فيها هيف وقف بطوله وبصوت هامس: بشر ياعم بترجع ابتسم وبصوت غليض واهو يأشر له يجلٍس: وافقت لكن شد قبضة يده بتوتر وبصوت راجي: لكن شنو رفع راسه وبهمس: تبيلها شقه اوسع من شقتها وتبيلها مهر وتبيلها طقم ذهب وتبيلها حفله لآصارت ولآ استوت تبي تطلع من هالبيت عروس .. من جديد :: مستعد والله مستعد اخليها احلى عروس بعد ماي بارد انكت على لهيب صدري الحارق هذي شروطها بتظن انها تعجيزيه لآوالله ياشوشو لآهي تعجيزيه ولآشي لج عيوني لو بغيتيها لج قلبي ياشوشو لج كلي ياعين هيف انتي همست بسرعه وانا احس بعمي يظن اني متثاقل على هالشرط : في شي غيره هز راسه بالنفي وبهمس: لآه وسعت ابتسامتي وانا افز بطولي: تبشر ياعم شوق تستاهل كل خير ولها الي تبي كل الي ابيه منها انها تسامحني وبآس .. همس عمه واهو يرخي بظهره على الكرسي: والله ياهيف عمرها ماتحصل شخص مثلك .. مااقول غير الله يوفقكم طلع هيف وصدره منفوخ من شدة الفرح والسعاده شوشو بترجع له .. يالله شقد حس بالايام سنين والشهور قرون تعب من فرقآهآ واشتآق لها كثر ماتشتاق لأرض للماي وكثر مايشتاق البحر للسمكـ وكثر مايشتاق القلب لدقآته,,} :: :: :: ارمشت واهي تطالع بآلسمآء الصافيه.. وآبتسآمه عريضه ترتسم بمحيآ وجهآ .. وقلب عآش مع قلب يحبه ويصونه },} ـ لمن سحبني ابوي معاه للغرفه الي فيها بقابل زوجي حسيت بجسمي كله ينام علي ودقات قلبي زادت عيوني توسعت بالدمع خصوصاً اول ماشفت الشخص الكبير بالسن الي يتوسط المجلس ليه يبه تزوجني ليه ليه تعطيني انسان كبرك لثانيه وحده حسيت اني بحلم وياليت لو اصحى منه صوت ابوي قطع حبل آفكاري ووعيت على صوته : سلمي على عمك.. التفت على ابوي وحسيت بعيوني بتاكله من كثر ماتوسعت صوبه ابتسم لي وبصوت هامس: تحركي شفيك التفت ورجعت اطالع بالرجال الي أشر لي عليه يالله شلون ماانتبهت شلون مالاحظت هذا ابو كآيد بس كيف مبروك ياعروسه صوت اعرفه زين من اول مايبلع ريقه ومن اول مااحس بلسانه يتحرك وانفاسه تخرج منه لمن تنطبق كل شفه فوق شفه .. ريحة عطره عمري ماانساها صوته خلآ كل ذره بجسمي تهتز وقلبي طاح بوسط القاع وماادري اذا بحصله او لآه ظليت جامده ورجولي خانتني ولآقدرت احركها لآخطوه قدام ولآخطوه ورا وقف ابو كايد واهو يقرب مني ويطبع بوسه على راسي وانا ظليت جامده واحس برعشه تسري بجسمي انا وين سؤال دار ببالي معقوله انا بحلم من احلآمي او ايش بالضبط وعيت على صكة الباب وبسرعه التفت لآيكون ابوي تركني بروحي وبالفعل اول ماالتفت مالقيت بالمكان الا كايد معقوله أنآآ آتزوج كآآيد ماحسيت بنفسي الا وانا طايحه على الارض بطولي وعيوني تفجرت بالدموع حسيت بكايد يحاوطني بيده ويحظني صوب صدره وبهمس: اسم الله عليك هيوف وش صار بك ارتجفت وانا بحظنه وحسيت بأصابعي بتمزق ثوبه الابيض من كثر ماانا شاده عليه كنت ابكي وشهقاتي تعلى وللحين احس اني بحلم همست بصوت راجف وعيوني متعلقه بصدر كايد: قــولي قـ ـ ـولـ ــي اـ ـ نـ ـي بـ حـلـ ــم قــــولي شد علي اكثر واهو يهمس صوب اذني: الا بحقيقه .. بلعت ريقها واهي تبقق عيونها وتطالع فيه بصدمه حظن وجها بيديه واهو يمسح دموعها وبصوت هامس: شفتي شلون القدر لعب فينا ياهيوف شفتي شلون لمن زرع فيني يأس اني مارح اخذك رجع يزرعه من جديد شفتي شلون الله جابني لك وجابك لي.. ماتتصورين شقد انا فرحان انك معاي وانك صرتي زوجتي يالله شحلآة هالكلمه لمن انطقها ولمن انطقها لك انتي ياهيفا انتي وسعت ابتسامتها وزادت دموعها كل الحروف تبخرت بمفها وضاعت معانيها وكل الي قدرت عليه تتعلق برقبته وتبكي من القلب تبكي دموع الفرح الي مابغت تطلع ابد معاها لثانيه حست انها اخنقته وبصوت باكي واهي تهمس له صوب اذنه: احبك كلمه رنت بأذن كايد ولثانيه حس انها احلى كلمه سمعها بحياته شد عليها اكثر وظلوا متعانقين .. ومايدرون كم من الوقت الي مر واهم على هالحال .. بشنو تفكرين التفت على كايد الي جالس يمها وبصوت هامس: فيك شد على يدها وبهمس: تجهزي ترا مابقى شي على العرس.. حست بكهرباء تصعقها من لمسته وقلبها انتفض بمحله ابتسمت بخجل واهي تحس بحمره تغزي وجها .. :: :: :: ظليت اتاملها واهي جالسه بالحديقه يالله شحلآتها ,, احبها اذا ابتسمت لكن مشكلتها ماتبتسم معاي كثير رحت يمها وانا امشي بخطئ هاديه عشان ماازعجها سحبت الكرسي وجلست وشفتها واهي ترفع راسها بخوف همست بصوت خافت : صباح الحب الي يجمعنا بللت شفايفها واهي تمسك بكاسها بقوه: صباح الخير جلست على الكرسي وبهمس: شخبارج ريم رفعت راسها وببتسامه بارده: بخير وانت ظليت اطالع فيها لثواني وببتسامه: اصير بخير لآشفتج ارتشفت الحليب وبهمس:عن اذنك رفعت راسي وبستغراب: على وين زفرت وبهمس: وراي دوام قمت بطولي وبهمس: خلآص اوصلج بطريقي طالعت فيني وكانت بتعارض فجأه نزلت راسها وابتعدت احس بشي لكني مو عارف.. خذيت لي نفس عميق وشفت كاسها سحبته وجلست اشرب منه .. "" "" "" انا مو رايقه له مالي خلق اشوفه لمن اشوفه احس اني برجع يارب صبرك تستاهلين ياريموه تستاهلين انتي حطيتي نفسج بهالموقف شحدج توافقين عليه شحدج زفرت بحده واهي تسحب شنطتها وتطلع برا شفته وحسيت بتوتر يسري بجسمي نظراته غريبه بلل شفايفه واهو يلبس نظراته ويشد على جيكاته وبهمس: خلينا نمشي البرد ذبحني وانا انطرج ههه ابتسمت وراه وبهمس: اسفه ,, التفت صوبي واهو يبتسم: امزح معج لآتعتذرين .. هزيت راسي وانا ابطل السياره لكن صوته خلآ كل جسمي يهتز : ريم رفعت راسي وبهمس: هلآ ابعد النظاره عن عيونه وببتسامه: ليه تركبين ورا .. تعالي قدام البرد نفضني وحسيت برجولي ترجف بس ماهو من البرد من كلمته شلون اجلس يمه مقدر ماادري كم مر من الوقت لكني كنت وافقه وماسكه الباب الوراني واهو واقف فجأه تحرك وبطل الباب الامامي وببتسامه: لآتستحين تراي زوجج قشعريره حسيتها تسري بجسمي رميت بجسمي على الكرسي بسرعه وانا احاول ادفن نفسي فيه عشان مايشوف اللون الاحمر الي غطى وجهي ركب للسياره يمي وحركها السياره تعج بأغنية محمد عبده آحبكـ الاغنيه كانت قديمه وكلماتها اكثر من جنان ظليت اطالع بالسيارات الرايحه والجايه واحس بنظراته تطالع فيني بين كل ثانيه وثانيه فجأه حسيت بيد تدفن يدي التفت وشفت ابتسامه عريضه مرسومه على شفايف حمد تنطق بهمس: احبك ظليت اطالع فيه وعيوني مصدومه ودقات قلبي انفجرت بمكانها وجهي احمر نزلت عيوني صوب حظني وظليت اطالع رجولي طول الطريق وكل شي يدور براسي يخليني اخاف .. احبكـ ولآظني ظلوعي تحمل .. احبك عسى ربي يقوي ظلوعي .. :: :: :: هدؤ تام وماينسمع الاصوت الرياح البارده تلفحه بين كل حين وحين يطالع بالقبر واسم سعود محفور بوسطه واهو مو مصدق الي يشوفه للحين مو مستوعب ان سعود تركه سعود مات بهالبساطه وهالسهوله اهو قال بيرجع .. لكنه رجع بس بدون روح جسد بليا روح سعود تركه ماعاد به سعود ابد لاه مو مصدق بس انت جالس هالحين وسعود ماقام صرخ بصوت عالي وايديه تقبض التراب بقوه : سعوـــــــــــود قـوم رمى التراب على عمره واهو يبكي بكى يقطع القلب عيونه توسعت بالدموع وانفاسه صارت سريعه التراب غطاه يبي يدفن روحه مع روحه صرخ بصوت باكي: سعود قوم قوم والله بلتزم معك والله اني نويت لمن تركتني وكنت بلحق وراك والله ياسعود خلآص مافي سهر مافي سكر مافي ضياع خلآص برجع اتوظف يلآ قوم خلنا نتوظف سوا مو احنا اتفقنا على الخراب سوا يلآ قوم ساعدني على الصلآح قوم خلنا نتعاون مثل ماكنا نتعاون على الفسق والخراب قوم ترا موبس انا الي ابيك حتى نوره تبيك اتصلت على تبكي تقول سعود مات لكني قلت لها سعود حي.. ويبي يخطبج لآتخافين سعود ماحب انسانه مثلج ابد لكن نوره سدت الجوال بوجهي واهي منهاره قوم عشانها لومو عشاني قوم يلآ تكفى لآتتركني تكفى سعود خلني اخبرك من حبيت خلني اقولك منهي حبيبتي قوم وخلني اقولك عشان تضحك علي خلني ياسعود اقولك اني مجنون والي حبيتها راح اخذ طراقات عشانها تدري منهي خلود طليقة تركي صحيح اهي للحين ماصارت بس مابقى شي وتصير وراح اخطبها بس ابيك يمي وانا اخطبها سعود اصحى بسك نوم اصحى وانا بساعدك زاد بكائه بأنهيار تام وظل يحاول يطلع سعود من قبره ويبعد التراب عنه لكن سعود مات ومستحيل يرجع للحياه.. ابد.. حس بقطرات على جسمه رفع راسه للسماء وشاف السحب تبكي مطر صار ينهال عليه واهو مازال بمكانه ويحاول يصحي سعود من الي اهو فيه مايدري كم مر من الوقت واهو تحت المطر والدموع تتفجر من عيونه.. حقيقه مره عجز يفهمها سعد .. ويمكن مارح يفهمها مثل ماكان تركي عآجز انه يفهمها موقف واحد يجمعه مع اخوه نفس المكان جلسوا فيه ونفس المكان انهاروا فيه وتركوا اغلى ناس على قلوبهم..~ْ عسى الله يصبر قلبك ياسعد .. :: :: :: تبعته للغرفه واهي مومصدقه وش يقول زفرت بحده: وش تبي تردها احنا نبي الفكه منها ومن اذاها طالع بمه وببتسامه: بس اهي حامل يمه ومستحيل اعيش بدون ولدي صرخت بوجهه وبحده: غيرك ملآيين عاشوا بدون عيالهم الله واكبر اقول اذا تبي تعرس انا مستعده اخطبلك لكن ارجع لك شوق اسفه وابيك تغسل يدك مستحيل اسمح لك انك تردها خذاله نفس عميق واهو يلتفت لأمه: يمه افهميني ذي زوجتي واحبها والله اني بغيت انجن بدونها تبيني اتركها لمن رضت ترجع لآه والف لآه يمه ماابي الا شوق طالعته من فوق لتحت وبحده: دامها تبيك ليش تتشرط مع وجها ليش ماترجع لك واهي تبوس الارض لكنها تبي تاخذ كل شي عندك ماشبعت من الي عندها بنت جابر زفر واهو يهمس لها: يمه تكفين عشاني خلي الامور تتسهل وابيج تساعديني طالعت فيه واهي تصد عنه وتمشي: اتركها وانا ازوجك بغيرها .. غير كذا لآتحاول طالع امه بيأس وعيون راجيه لكن اهو يعرف امه لمن تقول كلمه مستحيل تتراجع عنها نزل راسه ودش لشقته وحزن بدا يتلون بملآمحه :: :: :: كلآم سعد عمره ماانمحى من بالي معقوله اصدق سعد اهو كذاب خدعني بقوله ان تركي مجنون وهالحين يقول مسحور كذاب سعد مستحيل اصدقه هذا انسان حقير ويدور شي من وراي لآمست بطنها المنتفخ واهي تتمنى ان احد يوقف يمها يوم الولآده اياً كان خذت لها نفس واهي تجلس على الكرسي وطالع الخدم واهم يشتغلون حفظت ملآمح وجيهم وحفظت وش يسوون كل يوم من كثر ماتجلس على هالكرسي وطالع فيهم وتسولف معهم فتور بدى يسري بعروقها وقنط بدى يستسلم بقلبها انتهينا ياتركي بعد مااولد اوعدك لآترك المكان ومارح ارجع له ابد :: :: :: خنقه خنقه ايدين تخنقها وصوت ينادي بصوت عالي حلي العقد حلي العقد عيونها تتفجر تبي الاكسجين وفمها كل ماله يميل للون الابيض حاولت تبعد الايدين كلنها قويه مثبته بحلقها صوت يصرخ بصوت عالي بناخذك مثل ماخذيناهم.. بناخذك مثل ماخذيناهم.. :: صرخت بصوت عالي واهي تحس بالعرق متناثر على وجها ومغرق شعرها صارت تاخذ لها نفس طويل وتلهث من الخوف دقات قلبها سريعه وعيونها توسعت بالدمع لآلآلآلآلآلآلآلآلآلآلآه تعبت ابي ارتاح والله مالقيت الراحه وابي ارتاح وضمت ايديها على وجها وصارت تبكي من كل قلبها طالع فيها بصمت حط يده على كتفها وبهمس: تعوذي من ابليس هذي كوابيس تعوذي من ابليس ابعدت ايديها عن وجها وطالعت بوجهه الي كان مستاء همست بصوت باكي: اعـ ـوذ بـ ـالله مـ ـن الشيـ ـطآن الـ ـريجـ ـيم همس ببتسامه واهو يحظنها: وهالحين خلينا ننام حبيبتي طالعت بالفراغ ودقات قلبها سريعه رفعت راسها صوب وجها الي تعشقه وتعشق كل ذره فيه وبصوت هامس: احبك تركي.. شد عليها لكن بدون ماينطق بحرف واحد غمضت عيونها واهي تتمنى تسمعه يهمس لها: وانا احبك يالغاليه لكن ماهمس لها وتركها تبكي اكثر واهي تحس ان حياتها مع تركي مجرد عذاب بالنسبه لها .. :: :: :: نزلت متأخر من العياده واهي تحس انها تحبس روحها يووم ورايوم بهالعياده هروباً من حمد لكنها الحين لآزم تعيش واقعها وتؤمن به.. اول مانزلت شافته جالس بالسياره وينطرها بلعت ريقها واهي تحس انها ماتستاهله ماتبيه اهي ماتبيه واهو يستاهل انسانه تبيه وتحبه ظلت جامده مكانها وعيونها متعلقه بعيون حمد الي وسعت ابتسامته نزل من السياره وبهمس : يعني تبيني اشيلج ولاكيف كلمته خلت كل خليه بجسمها تهتز وعيونها تحاول تتشتت بالمكان ماتدري ليه ماتقدر تطالع بعيونه بللت شفايفها وببتسامه: لآه اقدر امشي سحب يدها وياه وبطل لها الباب وبهمس: تفضلي عمري ركبت بصمت واهي ماتدري شهالشعور الي يجتاحها وتحس بالخوف يسري بعروقها همس لها واهو يحرك السياره: تراي عازمج على العشى ,, بللت شفايفها واهي تبي تعارض: ابوي مارح يرضى وسعت ابتسامته واهو يرفع حاجبه: لآتخافين ماخذ الاذن منه هالحين نبي نستانس ونفرح ريم.. صدت للجه الثانيه وعيوونها تطالع الفراغ وتبحث عن الحب ريم احبج .. لكن هالشي خلآها تحس انها تبي ترجع كل شي اكلته ولآانها تسمعه يقولها مره ثانيه تبي تكتفي من هالحب الي مايجي منه الالم.. كان يسوالف وياها ويضحك وريم مثل المرايه اذا ضحك ضحك واذا سكت سكتت مانطقت بحرف واحد وهالشي ازعج حمد الي رجعها للبيت بعد العشى على طول .. واهو الي كان يبي ياخذها للشاطئ ويمشيها لكنه حس انها متضايقه فتركها على راحتها.. :: :: :: صبآح مخلل بذرآت المطر الجميله ونسمات الرياح البارده تداعب اجسادنا وتخليها ترتعش السماء مغيمه والمطر يتناثر بهدؤ جو اكثر من خيالي .. بطلت دريشتها واهي مستمتعه بهالاجوء شدت الجاكيت عليها واهي تسحب جوالها كتبت رساله ودزتها لشهد .. وتوها بتطلع من غرفتها الا بصوت الرساله قرت الرساله واهي تحس بتردد من الي بتسويه لكن لآزم تسويه .. طلعت واهي ناويه تمر بيت هيف ثمن تروح للدوام :: :: :: حست بأنفاسها تتخبط والخوف يسري بعروقها اليوم زواجها من كايد.. يالله اهي تحس انها بحلم ايه بحلم فزت من سريرها والخوف يسري بعروقها شلون صار كل هذا شلون كنا وشلون وصلنا اخذ كايد وانا مقدر اجيب عيال ثمن اجلس وياه كم سنه وبعدين يطلقني او يتزوج غيري لاني عقيـم يالله ليه احس بحرقه بصدري وحزن بقلبي ليه مقدر اتقبل الوضع الي كنت اتمناه بس كنت اتمناه وانا انسابت الدموع على وجها واهي تحس بنفسها مو عارفه شتسوي تبطل الباب وطالعت بشمه تلآقت النظرات بصمت فجأه : شفيك هيوف شلي مضيق خلقك ارتمت هيفا بحظن شمه وبصوت باكي: مقدر اتزوجه ياشمه مقدر والله مو قاويه احرمه والله مو قاويه ابعد السعاده عن طريقه تكفين قوليلي شسوي صدر شمه بدى يعلى ويهبط واهي تحس بشي تعجز توصفه ابعدت هيفا عنهآ وهمست وعيونها بعيون هيفا :بقولك على شغله مضيقتني ياهيفا يمكن راح تزعلين مني بس صدقني غصب عني بققت هيفا عيونها وبخوف :شفيك شمه جلست شمه على الكرسي واهي تنزل راسها وبصوت هامس: هيفا انا اممممم انا انا احسدك على كايد وكم تمنيت لوكايد يكون لي هيفا انا احب كايد .. اسفه بس غصب عني هيفا والله غصب عني صدقيني من لمن شفته وانا مدري وش صارلي عجزت ابعده عن بالي يمكن كلآمك عنه كان له دور وخلاني اعيش وياه باحلامي ويمكن لآني كنت احب اي شي يخصك وانتي عودتيني ان اي شي لك اهو لي فعشان كذا ظنيت انه لي هيفا تمنيت انك تموتين عشان اخذ كايد طلبت من كايد ياخذني بدال ماياخذك لكنه يحبك انتي ومايبي الا انتي رفضه لي خلآني اكرهكم واتمنى احطمكم الحسد اعماني ياهيفا ولآخلآني اشوف طيبتك وحبك لي ومااشوف الا انك احسن مني وتمنيت لو يوم اكون احسن منك لكني للأسف دايم اكون بالقاع ودايم بضل بالقاع ابيك تسامحيني( انهارت تبكي واهي تنتظر نهاية صداقتها بينها وبين هيفا) بلعت ريقها وظلت تطالع بالفراغ ياترى معقوله هذي شمه الي كنت انا وياهآ تؤم روح ياترى اهي نفسها او انسانه غيرها شلون تحب كايد واهي تعرف اني احبه شلون كانت تشوفني وانا اتعذب بسببها شلون رضت على نفسها انها تعض اليد الي كانت تمسح على راسها بكل حنان عيونها توسعت بصدمه كبيره اهي مو ناقصتها ابد همست بصوت خافت: للحين تحبينه رفعت راسها واهي بوسط دموعها وبحزن: لآه لآني شفته يحبك انتي وعمره ماالتفت صوبي قلت لك حبي له كان عباره عن شي تعودت اخذه منك انتي عودتيني اي شي لك اهو لي وظنيت ان كايد من هالاشياء لكن طلع العكس همست بصوت خافتـ: مسامحتك شمه رفعت شمه راسها ودموعها زادت وشفايفها توسعت بتفاجأ وبصوت هامس: تكفين هيفا سوي اي شي اضربيني اصرخي بوجهي لآتسوين كذا تكفين طالعت فيها هيفا بعيون تتسع بالدمع وبهمس: انتي بنت خالتي وتؤم روحي قبل كذا والي سويتيه شي طبيعي وغريسه فيك مسامحتك شمه ومن قلبي يكفي انك اعترفتي لي وخليتيني استوعب ان كايد غير هالناس .. فزت شمه بطولها واهي تضم هيفا وبصوت باكي: الله يوفقك الله يوفقك والله من قلبي اقول هالحكي انتي وكايد تستاهلون بعض .. عسى الله يفرحكم بالخير ياهيفا.. همست هيفا بوسط دموعها: اهم شي تبقين يمي هالليله .. مهما صار ومهما حصل يبقى الدم واحد وعمر الضفر مايطع من اللحم.. حتى لو كان الضفر خايس يبقى مغروس وسط اللحم وكل الي علينا نتحمله..ْ~ طلعت من الصاله واهي تشوف ام فهد تصرخ بوجه سعد بحده : هذ الي ناقص اقول سكر على هالموضوع ولآ تفتحه انت موب صاحي اكيد انك شارب شي سعد واهو يطالع بأمه: لآه ماني شارب شي وارجع اقولج ابي خلود رضيتوا ولآ مارضيتوا راح اخذها زفرت ام فهد واهي تجلس على الكرسي وبحده: احنا وين وانت وين ياولدي هالحين تراب عمتك للحين ماجف وانت جاي تقول لنا ابيها ياخي استح على وجهك ذي مرت اخوك تفهم مرت اخوك زفر واهو يوقف بطوله: كانت مرت اخوي وكم يوم وتصير طليقته انا اعطيكم خبر عشان ماتنصدمون بخبر زواجنا صرخت امه بعصبيه: هذي خلود مسويه سحر لك ولأخوك ماصدقنا اخوك يرجع لعقله تجي انت تبي تاخذها بنت اللذين ماتجلس بيتي دقيقه وحده هذا جزانا مخلينها عندنا لكنها جالسه وعينها على اخو رجلها اصلآً شلون تراضها على نفسك انت طالع بأمه واهو يقفي: ابيها ومارح اخذ االا هي وبس.. صفق الباب بقوه تارك امه تسب وتسخط بخلود للحين مصدومه ومو مصدقه الي سمعته .. خذت لها نفس عميق لكن كلآم ام فهد جرحها عمرها ماسمعت كلمه شينه من ام فهد وهالحين عرفت ان ام فهد كانت تكتم بصدرها عشان ولدها هالحين عرفت ان كل الي بهالبيت ماحبوها ويكبتون بصدورهم اصلآً المفروض تعرف هالشي من لمن تطلقت ومحد منهم رضى يكلم تركي ويرجعها له لآعمها ولآعمتها حست بالدموع تتجمع والم بأسفل ظهرها زآد وجعه حست بشي ينساب من بين فخوذها صرخت واهي تغمض عيونها من شدة الالم : آآآآآآآآآآآآآآآآآآآآآآآآآ آآآآآآآآآآآآآآآآآه وياترى كم اهـ نطقتيها ياخلود وياعساها اخر اه تنطقينها .. :: :: :: وقفت قبال بيت عمي وحسيت بالشوق والحنين يتسلل لعروق قلبي خذيت لي نفس وانا ادخل للبيت مدري وش احس فيه لكني احس بشعور السعاده يستوطن كياني مشتاقه حيل واحس بالحياه تسري بعروق قلبي وانا وسط هالبيت الي عشت فيه كم شهر كانت يائسه وبائسه لكن بما اني قرب هيف خلآني انبسط واحس اني سعيده يالله ياهيف شقد مشتاقه لك رغم قسوتك الا اني عجزت اكرهك ياليت قلبي كرهك ياليته كرهك وقدرت اوافق على دعيج الي يبوس الارض الي امشي عليها ويتمنى اوافق عليه بس عجزت اوافق لآني احبك قطع حبل افكارها صوت ام هيف : هيف مسرع جيت بلعت ريقي وانا اشوفها تبطل الباب الداخلي وتطالعني بستغراب همست بصوت راجف: شخبارج عمتي؟ توسعت عيونها بصدمه وبصوت حاد: لج عين تجين اهني مره ثانيه للحين ماردج عشان تجين للبيت صج انج قليلة ادب ظلت جامده وتطالع بعمتها وبصوت هامس: اسفه اني جيت بدون مااعطيج خبر بس انا جايه عشان تخصرت وبحده: مابينا كلآم نتكلم فيه قربت صوبها وبهمس: اسمعيني تكفين انا جايه عشان شي واحد ابي قلبك يصفى علي ابيك تسامحيني لو غلطت عليك عمه لآتنسين ان اللي بطني ولدكم يحتاج جدته ويحتاج انه يعيش وياها وعمره مايلقى هالحاجه اذا بيني وبينك هفوه كبيره عرفت ليش انتي زعلآنه مني مدت ملف احمر لعمتها وصرخت بستغراب: وش ذا همست ببتسامه: خذيه هذا الفلوس الي عطاني اياها هيف من ورث عمي بققت عيونها وبحده: وليه تعطيني اياها هالحين خذت لها نفس عميق وبهمس: اسمعيني ياعمه انا ماكنت اعرف بقصة الفلوس هذي ابد وماكنت ادري ان هيف عطاني فلوس ابوه لانه كان يظن انها من حقي لآن ابوي اهو الي اسس الشركه ولآن عماني خذو هالشي من ابوي بالغصب حب هيف انه يأمن علي لآني كنت ادرس برا واحتاج هالفلوس ابوي ماخذا فلس واحد من هالفلوس ولآ جاب لي طاري عنها لانها كانت برصيد بأسمي احلف لج بالله ياعمه اني ماكنت اعرف عن هالقصه الا من اسبوع اسفه صدقيني لو ادري عنها لمن خذيت هيف كان عطيتج اياها الي ابيه منج ان قلبج يصفى علي ماابي الا ان الصلح يحل بينا اذا زعلكم مني عشان الفلوس الي عطاني اياها هيف فهذي هي خذيها والبطاقه وياج واسحبي كل الي بالرصيد ماابي شي غير رضاج طالعت بشوق بصدمه وبصوت حاد: مستحيل اصدق هالتمثليه مستحيل انتي بنت جابر اكيد تبين تقصين علي بهالكلآم واذا انتي صادقه انج معطيتين الفلوس فراح اخذها كلها همست شوق واهي تبتعد: عمه ترا الفلوس وصخ دنيا مستعده ابيعها لجل اكسب قلبج صدقيني عمر الفلوس ماتفيد احد خصوصاً اذا ماكانت تجلب الا التعاسه عن جد عمه جلبت لي التعاسه ولو ادري ان هيف بيسوي هالشي عشاني كان رفضت من الاساس لآني ماابي شي يخليج تحقدين علي وتشيلين بصدرج الفلوس من حقكم والغلط يركب ابوي الي ماكان مستند لآ على اوراق تثبت ان هالحلآل حلاله وطيبة قلبه ودته لقاع البحر.. ماعلينا من كل هذا والمهم اشوفج بحفلتنآ .. ابتعدت شوق وعيون تطالعها بكل صدمه ودهشه شلون هالناس ضعيفه شلون هالناس ماتعرف للناس وشلون عقولنا صغيره يالله ياشوق شقد انتي حكيمه .. :: :: :: قررت اروح لريوم واتزوجها لكن الظروف صارت عكس ماابي عمي زوج كايد لهيفا مستغرب من شغله وحده عمي كان معارض هالزواج وهالحين وافق عليه شلي غير رايه معقوله حالة بنته او ايش بالضبط هالشي عطل روحتي لقطر يالله شقد انا محترق من الداخل واتمنى الوقت يسري بسرعه عشان اروح لريم اكيد عرفت بحبي لها اكيد هالحين راح تعرف اني احبها واني ماابي غيرها ودي الايام تمشي بسرعه لجل اوصل لريوم بسرعه خذيت لي نفس عميق وانا اشوف شمه تبطل باب السياره : طولنا عليك ابتسمت وانا التفت صوبها: هالمره سماح لآن هيفا عروس لكن المره الثانيه مابه سماح وراح امشي واخليكم وسعت ابتسامة هيفا وبهمس: هههه ياشينك ياشيخ اصلآً انت صابر على هالشي لآني بروح وياك قطر واخطب لك ريوم مو عشان سواد عيوني هههههه حس بقلبه يرف وبهمس: اه بس اقول اسكتي تراي مجنون اسحب على عرسك واروح لها هههه سكرت الباب واهي تهمس له: انت مجنون من اول ماحبيتها قلت لك البنت ماتناسبك لكنك ماتسمع الحكي عقد حواجبه وبهمس: هيفا قفلي الموضوع لآنا خالصين منه زفرت واهي ترخي بجسمها وبهمس: طيب طيب فك النونه وخلنا ننبسط ترا اليوم عرسي ماابي نكد ابي الكل مبسوط حرك السياره وكلام هيفا يرن بأذنه.. :: :: :: نزلت الدرج بسرعه واهي ترفع ثوبها النيلي وحاطه يدها فوق راسها لجل ماتخرب تسريحتها طالعت بشريفه الي تدور بالدخون وبصوت عالي: شرفووووه شريفه واهي تلتفت صوبها: نعم شتبغي نجود ببتسامه مصطنعه : حبيبتي شرفوه ابيك تساعديني على تثبيت التسريحه طالعتها من فوق لتحت وبزفره: مالي خلق بروح الحين البس اخوكي وببدل ملآبسي ومافي وقت نجود واهي تكتم غضبها: شرفوه حياتي بس شويه والله لو ماالكوفيره راحت ولآ وماجيت اطر منك يلآ عاد شريفه بنذاله: اسفه ابتعدت وبيدها المدخن حست انجود بحراره تسري بوجها من كثر مااهي منقهره زفرت بحده: الله ياخذك ويفنكا منك يالزلمه الماصخه لبستي ولامالبستي انتي فضيحه لو تجلسين يكون احسن اوووف : هيه هيه وش هالزعاج والصراخ خير ان شالله انجود واهي تلتفت صوب صنهات والدموع تلمع بعيونها: شوف شرفوه اقولها عدلي شعري وراحت وخلتني هينا اعرف حركاتها تبي تخربني بالعرس عشان تطلع اهي احلى مني لكن حامض على بوزها الطويل ابتسم صنهات وببهمس: طيب طيب لآتبكين ويخرب قناعك اقصد مكياجك وتعالي اصلحلك زفرت نجود واهي تطالع فيه: بس انت وش يعرفك طالع فيها وبحده: تبين ولآ روحي بتسريحه مايله ههههههههه عضت شفتها وبخوف: طيب لو خربتني توديني للكوافيرا زفر واهو يطالع فيها: اقول ترانا متأخرين واحنا اهل المعرس تعالي اعدلك ولآ روحي انتي وبرج ايفل الي براسك ابتسمت انجود وبهمس:طيب طيب بجي الله مير يصبرني عليكم يااخوني ويارب انشالله وحده تشوفني وتخطبني لولدها وافتك منكم يارب جلست على الكرسي واهي تحس بصنهات متوهق واهو يلعب بشعرها همس بصوت راجف: نجود وشرايك نفكها وتروحين للعرس بشعر كيرلي انقبض قلبي وحسيت بالعبره تخنقني: صنهات وش مسوي اوف الله ياخذك ان شالله طالع فيني وبحده: اكلي تبن الشرهه علي الي فازعلك لكنك ماتستاهلين انقلعي عن وجهي يلآ ركضت بسرعه صوب المريا وشفت شعري منكوش زياده والفيونكه مدفونه وسط شعري وكن قطو لآعب فيه حسيت بوجهي ينتفخ وعيوني متوسعه بالدموع يالله ليه كل مايجي عرس لآزم يخرب شكلي حسيت بشفتي بتنط من كثر مااهي نازله خذيت لي نفس وفكيت شعري بللت يدي بالماي ونفشت فيها شعري خذيت شباصه ورفعت شعري ببساطه وشبكته نزلت باقي شعري على كتوفي وحسيت برضى يملى قلبي مدري ليه متحمسه لعرس كايد يمكن عشان الولد الي شفته او ايش بالضبط من غير شعور حسيت ببتسامه تستوطن شفاتي ودقات قلبي رفت .. لاـتعلقين قلبك على وهم يانجود .. :: :: :: ظليت جامده وانا على سريري واطالع بالصندوق الي يحتوي على اسراري وقصة حبي مع راشد وقصة حب فيصل لي ولحظات عشتها مدفونه بوسطه كل لحظه بسمه بسمه وهمسه بهمسه وعبره بعبره ضمه بضمه ونظره بنظره ابتسامه ببتسامه وشوق بشوق حب بحب وكل شي كان بوسط هالصندوق نزلت تحت ونادت الخدامه ثمن رجعت لغرفتها طالعت بالصندوق لحظات واهي متردده من الي بتسويه بس خلآص القلب اصبح فاضي .. ومايميل لآ لراشد ولآ لفيصل همست بصوت خافت : خيره الي يصير وياج ياريم وماتدرين وش القدر مخبيلج : شنو مدام ريم التفت على الخدامه واشرت لها واهي تاخذ شنطتها: شيلي هذا وحطيه بسيارتي .. نزلت الدرج بسرعه وانتبهت لريف تعاكسها وبهمس: على وين همست لها بدون ماتناظرها: مشوار صغنن وراجعه ابتسمت ريف وبهمس: ايوه لآ طولين ترا هذا حمد بيجي بعد شويه من قالت اسمه وانا احس بشحنات غريبه تخض لي جسمي همست برتباك: طيب طيب مارح اتأخر .. ركبت السياره والتفت صوب الصندوق ولآول مره مااحس بحاجه حركت السياره وانا مو عارفه لوين اروح يمكن حابه اهرب من كل شي كل شي ومادري لوين بستقر احس اني ولآول مره مااعرف شبي وشلي ابغاه او ايش اتمناه وماحسيت بروحي الا واقفه قبال البحر ثواني مرت وانا اطالع بأمواج البحر واحس بامواج ثايره بوسط صدري مشاعر غريبه عجزت افسرها ودقات ترجف مو عارفه شأساسها مديت يدي لصندوق وسحبته معاي بطلته وانا جالسه على الشاطئ ومزقت صوري وكل شي بيني وبين راشد ومادري اذا مشاعري تمزقت او لآه سكرت الصندوق من جديد وقفلته وهالمره اتمنى انه ماينفتح ابد ابد ابد مثل ماقلبي تقفل خذيته وصعدت لفوق صوب الجسر الممتد فوق البحر وظليت جامده لثواني وقلبي يرجف ارميه او لآه ومن دون مقدمات حسيت بيدي تتحرك وترمي الصندوق لبعيد خذيت لي نفس عميق وانا اطالع بالصندوق يحاول يصآرع الامواج لكنه بالاخير استسلم وغرق .. غمضت عيوني ثواني اهدي البركان الي تفجر والدموع الي انسكبت على خدي يالله ياريم عشتي ايام تمنيتي لو انها تظل وايام تمنيتي لو تمحى من حياتج للأبد حبج براشد كان حب فاشل .. وحب من طرف واحد راشد شخص اناني شخص ماعرف يقدر حبج لعب فيج وبمشاعرج جرحج اكثر من مره لكنج ماتعلمتي ابد وظنيتي ان في امل ان راشد يحبج وهالامل انمحى لمن همس بأذنج انه ماحبج ولآ عمره راح يحبج.. اما فيصل فكان شخص طيب رائع وقبال عيونج لكنج ماشفتيه واهو مااستعد انه يقدم نفسه لج تأخر فيصل كثير ولو جا بدري كانت امور كثيره راح تتغير بس مالله كتب .. مدت يدها لوجها ومسحت اخر دموع راح تبكيها لحساب راشد وغيره .. :: :: :: الزواج كان بفندق والفندق تكلف فيه ابو هيفا لآتسألوني شنهو شعوري لأني عاجز عن وصفه لكم شعور غريب لأول مره احسه حلو فرح وارتباك وخوف واشيا مو قادر استوضحها واقف بالصاله وعلى يميني عمي وعلى شمالي ابوي فيصل ماقصر صراحه كان مثل الفراشه يدور منا ومناك يجي يمي ويقولي من ذا وهذا وعن جد حسيته حبوب هالولد خذيت لي نفس عميق وانا اطالع بأصدقا ابوي الضباط يجوني ويسلمون علي ابوي كان مبسوط اكثر مني صراحه ولآول مره اشوف ابوي يبتسم ابتسامه احسها نابعه من قلبه ليش ماادري بس يمكن لآني خذيت بنت ... ويمكن هذا له دور ان اخوياه يحترمونه اكثر من اول وان اسمه يكون نظيف وبعيد عن كل شبهه.. طالعت بأخواني شافي وصنهات الي كانوا جالسين ويضحكون وكأن هالعرس ماهو عرس اخوهم يالله وش اسوي اقوم اخذ العقال على ظهورهم ولآكيف حسيت بيد على كتفي التفت وشفت عمي يهمس لي: اقول مو كنك طولت على المره ههه ابتسمت بسحى وبهمس: والله ودي ادخل بس ابيهم لين يتعشون وبعدها ادخل .. رفع ر اسه وطالع بالناس وبصوت حاد: حياكم على العشى .. دقات قلبي زادت وانا اشوف الناس تمر صوبي وتروح للعشى.. الناس بدت تخف ومابقى الا انا وفيصل وعمي وابوي بالصاله همس عمي: يلآ هالحين ماعندك عذر هزيت راسي ورا عمي ودقات قلبي راح تكسر ضلوعي :: :: :: ظليت اتأمل بمرة اخوي هيفا بالفستان الابيض الناعم الي كان من حرير وماسك على جسمها مافيه اي شي وعادي جدً مجرد الماس يشرق ويبرق بحلقها شعرها كانت رافعته بوصله طبعاً ومنزلته على كتوفها الروج الاحمر مبرز شفايفها الوساع وعيونها مدثثته بالكحل العربي شكلها ناعم وحلو رحت صوب المطربه وانا اطلب منها تغني ويلآه ورحت صوب مرة اخوي وبصوت هامس: يلآ برقص هالحين مو انا وعدتك ارقص لين يغشى علي عاد لآ اغشى علي جيبيلي ذاك السايق حقكم عشان يشيليني وسعت ابتسامة هيفا واهي تعقد حواجبها: افا عليك مارح اخلي السايق الا ولد خالتي الي بناديه ههههههههههه ابتعدت انجود عنهم وصارت ترقص فجأه توقفت المطربه عن الغناء وبهمس: تغطوا ياحريم المعرس بيدخل الله ياخذها تقطع الاغنيه عشان كذا يعني ماتشوفني جالسه ارقص الله يفضحها ان شالله الحقيره جرت نجود بسرعه واهي تحس بفشله تسري بعروقها وتوها بتروح لدورة المياه الا وتلمح فيصل حست بدقات قلبها ترف ووجها اشتعل بالون الاحمر حست بعيونها بتاكله من كثر مااهي مبسوطه انها شافته ماتدري ليه ظلت جامده مكانها ولآ تحركت واهي تشوفه يكلم اخوها بهمس ويبتسم ابتسامته الجانبيه : نجيدان ذلفي وراك وعت على صوت ابوها وعيونه الي تنطق بالشررهمست برتباك: طيب طيب بس دلعني الله يهداك ابتعدت وقلبها تعلق بفيصل واهي تحس انها مو قادره تنساه ابد .. :: :: :: ظليت جالسه مع واوا العب انا وياه فجأه جتني ريانه تجري ومعها شي : ريم ريم شوفي وش معي نزلت بجسمي صوبها وانا اعقد حواجبي وبهمس: وش ذا ابتسمت وبخبث: هذا لقيته مع فارس حطه بدوانيتهم وراح للحمام وسرقته وجيت ابتسمت بخبث وانا اسحب منها الصندوق بطلته ولقيت فيه سلسال فيه حرف ريف اليوم عيد ميلآدها ويبي يهديه اياه طيب يافارس اما خربته عليك مااكون ريم ضحكت بخبث وفجأه شفت ريانه تصرخ رفعت راسي وشفت فارس ماسكها ويكلمها فجأه طالعني فارس وجا يجري حسيت بخوف يسري بجسمي بسرعه جريت واوا يجري معاي : ريم عن الملآلآلآلآلآلآلآلآلآلآلا لاغه وهاتيه وسعت ابتسامتي بخبث وانا التفت صوبه: مارح اعطيك اياه كيفي اسرعت بجريي وانا احس بفارس كل ماله ويقرب صوبي صرخت بصوت عالي: ماعندنــــا هالسوالف فارس عيـــــــب ههههههههههههههههه : ريـــــــــم والله مو رايق لج هاتيه ماادري بس احس بلذه موب طبيعيه وانا اشوف فارس معصب صرت اضحك وانا اجري واحس برجولي تعورني من كثر مااجري وقبل ماالتفت صوبه شفت فارس يمسك رجلي وصرخت بخوف: لآلآلآلآلآلآلالاه هههههههههههههه سحبني وبحده: هاتيه حطيت يدي بجيبي وانا اطالع بعيونه الي تشتعل بالنار: مارح اعطيك اياه عيب هالسوالف يافارس وين حنا فيه حط يده فوق يدي واهو يحاول يبعدها عن جيبي وبزفره: كيفي مايخصج انتي بعدين ماهو من حقج تفتشين اغراض غيرج هذا الي عيب وسعت ابتسامتي وانا اشوفه يحاول يبعد ايدي عن الصندوق وبهمس: طيب بعطيك اياه خلاص وخر عني قام بطوله بعد ماخذا الصندوق وبحده: امنتج ريم لآتجيبين طاري لها تكفين ماابي المفاجأه تخرب ابتسمت وانا منسدحه على الثيل: امم بس بشرط رفع حاجبه وبهمس: شنهو همست بدلع: ابيك تطلب لي عشا خلل اصابعه بشعره وبهمس: من غير لآتقولين اصلآ ناوي اعشيكم برا ظربت يدي بالثيل وبزفره: حسافه راحت علي ظنيت انه تعجيزي ابتسم وابتعد :: :: :: ظليت جامد ثواني اطالع فيها وبولد عمها حسيت بنار تشتعل بجوفي وغيره ولعت وسط قلبي شفتها تضحك وياه وشفته يمسكها شفته فوقها واهي مبسوطه شفتها تضحك من قلب وهالشي قهرني لأني نادراً مااشوفها تضحك معي مثل ماتضحك مع ولد عمها زفرت بحده وانا اشوفها منسدحه على الثيل وابتسامه عريضه تتلون بوجها:ريــــم التفتت صوبي وبرتباك: متى جيت فركت يدي ببعض وبحده: قومي ابيج بكلآم قامت واهي تنفض نفسها من الوصخ وبهمس: مافي سلآم ولآكيف الحال طالعت فيها وبزفره: امشي معاي عقدت حواجبها وبهمس: وش فيك حمد التفت صوبها وانا اقرب منها: وعقب الي سويتيه تقولين وش فيني لج عين بعد خذت لها نفس وبحده: فارس اخوي تفهم انت ولآ ماتفهم طالع فيها من فوق لتحت وببتسامه جانبيه: واخوج هذا كنتي راح تتزوجينه فسريلي شلون اخوج حسيت برتباك وتوتر يرتسم بوجها وبصوت بارد: حمد فارس اخوي رضيت رضيت مارضيت بالطقاق قرب منها واهو يمسك يدها ويقرب وجها لوجهه وبصوت غليض:لآتكلميني بهالطريقه فاهمه تراي مو اصغر عيال ابوج انا زوجج تلون وجها وعيونها توسعت بصدمه ارتجف قلبها وبهمس : وش تبي الحين شد على يدها اكثر وبصوت هامس: مااشوفج معاه ابد فاهمه لآتقولين اخوج ماعرف غير ريان وطلال ذيلآ اخوانج غير كذا لآتقولين فاهمه سكتت وظلت تطالع بعيونه بصمت بقق عيونه وبحده: فاهمه ولآ افهمج بللت شفايفها وبهمس: فاهمه بس وخر يدك تراك عورتني نفض يده منها وبهمس: امشي معاي دقات قلبها زادت وبخوف: وين التفت صوبها وبهمس: وين يعني امشي معاي يعني امشي لآول مره تتبعه بدون ماتنطق بحرف واحد ماتدري ليش ماتكلمت وماتدري شهالشعور الي قرب يسيطر عليها :: :: :: جالس على طرف السرير ويطالع فيها واهي على التسريحه وتحاول تفك تسريحتها طالعت فيه بأنعكاس المرايا وبهمس: ماودك تطلع وتخليني اشتغل براحه ابتسم واهو يطالع فيها وبحب: معجبني وضعي كذا وانا قاعد اشوفك ابتسمت واهي تهز راسها : يالله عليك ترفع الضغط وقف بحيله واهو يقرب صوبها وبهمس: تبين مساعده رفعت عيونها صوبه وببتسامه: لآشكراً ابتسم بخبث واهو يخلل اصابعه بشعرها وبهمس: هيوف شعرك يطيح زفرت واهي تلتفت صوبه: كايد عن الملآغه واتركني بروحي وسعت ابتسامته واهو يقرب وجه صوب وجها: لآه صراحه ابوك غاشني معطيني وحده اضافرها تركيب ورموشها تركيب وشعرها تركيب وش بقى بعد ماركبتيه خذت لها نفس واهي تضغط على الشعر المستعار الي بيدها وبحده : طيب ماتبيني ردني لابوي دام كل شي تركيب بتركيب وسعت ابتسامته واهو يبعد خصلآت شعرها عن وجها وبهمس: ياشينك لآعصبتي اقول افرديها ولآ فردتها لك بطريقتي سحبت يدها منه وبزفره: بفردها اذا تركتني بروحي سحب يدها وحظنها من جديد واهو يشد عليها وبحده: اقولك افرديها هالحين وقبالي بعد ماتدري وش تحس اهو فرح او حزن او ايش بالضبط طالعت بعيونه للحظات واهي تبتسم ابتسامه غريبه وفجأه حست بشلآل من الدموع ينهار على وجها رف قلب كايد وبخوف: اسف هيفا والله امزح معك لآيكون زعلتي صارت تبكي بصمت وعيونها تطالع بعيونه بدون ماتنطق بحرف واحد همس كايد واهو يحضنها: خلآص خلاص هالحين بطلع ولا تزعلين يالغاليه .. بس لآاشوفك تبكين توه بيقوم حس بيدين تطوق خصره وبصوت باكي: خلك خلك ياكايد انا ابكي لآني مو مصدقه اني معك بغرفه وحده وسعت ابتسامته ودقات قلبه رفت بقوه حظنها لصدره بقوه وبهمس: اثاريك مبسوطه اجل ابشري بالي مايطلع من الغرفه ويتركك ثانيه وحده ابتسمت وسط دموعها واخيراً الحب الي تحت قيد التنفيذ تحرك.. وماعاد تحت التنفيذ وصار حر .. :: :: :: مبروك بنت زي القمر رفع راسه والتفت على امه الي ابتسمت بفرح وبهمس: الحمدالله يارب الحمدالله فز بطوله واهو يروح صوب الدكتوره: وخلود عساها بخير هزت راسها وبهمس: بخير ولله الحمد .. همس بصوت مرتبك: ليش طولتوا ليش ماولدت على طول طالعت فيه الدكتوره واهي ترفع حاجبها: انت زوجها بلع ريقه وتوه بيتكلم والا وامه تقطعه: اهم شي مانقدر نشوفها هزت راسها وبهمس: الا عادي .. بس اهم شي ماتعبونها.. التفت صوب امه واهي تطالعه بحده وبهمس: لآيكون بتدش ويانا بعد شد على قبضة يده وبهمس: طمنيني عنها بس :: :: :: رفعت راسها واهي جالسه بنص السرير .. وبهمس: طيب قولي وشلون وافق ابوي ..انت وعدتني تخبرني بهالليله رفع راسه وظل يطالع فيها للحظات بالقميص السكري وشعرها القصير وعيونها الوساع ابتسمت واهي تطالعه وزادت ابتسامته وبهمس: يمكن تزعلين مني لو اقولك بس بقوله بما انك صرتي وياي ويمي عقدت حواجبها واهي تطالعه وتحس بدقات قلبها ترجف اكثر بلل شفايفه وبهمس: كنت بترك الرياض واتركك معها لمن انفصلت عن وظيفتي حسيت ان ماعندي شي بالرياض اجلس عشانه لآتقولين انتي انتي صرتي مو لي .. فقدت الامل من كثر مااطرق بابه ولآ عمره رد علي ماقلت لك ان الي اشتغل عنده اهو ابوك شفتي شلون الصدفه خلتني اشتغل عنده وانا مادري لأبوك اكثر من شركه وانتي عمرك ماتكلمتي عنها صوبي كنت اشتغل وانا مدري وش اسم مديري لمن عرفني ابوك وعرفته قررت اترك الشغل بعزتي قبل لآيذلني طلعت من الشغل ومن كل شي ياهيفا وشفت الدنيا سودا بعيوني قررت اسافر لاي بلد خليجي متاكد انه راح يحضني ويوظفني بس لمن وقفت بالمطار واطالع بالناس الرايحه والراده سحبت جوالي واتصلت بأبوك وخطبتك منه لآخر مره على امل انه يرفض ويكون لهروبي سبب.. ماظنيت اني بسمعه يقول : حياك .. رميت شنطتي بارض المطار وانا احس اني بحلم والله بحلم ياهيفا شلون وافق لآتساليني شلون راضى عقب هالرفض لآتسأليني حسيت بالامل يتبطل من جديد وقلبي رف عقب ماظنيت انه وقف عن الترفيف للأبد سحب يدها وحظنها بيده لثانيه حست بكهربا تخلل لها عظامها وقلبها يخفق بقوه طالعت فيه وبهمس: خايفه نفترق كايد حط يده على فمها يمنعها من انها تكمل وبهمس: تكفين لآتكملين يكفي انا مع بعض وهذا المهم وسعت ابتسامتها واهي تقرب صوبه وبهمس: ماودك نشوف الالبوم ابتسم وسحب الالبوم وبطله وتبطلت ذكريات وقصص ظلوا يسردوها طول الليل ماغفت عيون هيفا ثانيه وحده وكنها خايفه تنام وتصحى ولآ تلقى كايد يمها ظلت تتأمل ملآمح وجهه بكل مافيها .. اسندت راسها على صدره وتشبثت فيه واهي خايفه تفقده تعبت من كثر الفراق وتبي ترتاح تبي تكون يمه ومتعلقه فيه تحبه وتعترف بهالشي ان حبه اضعفها .. :: :: :: :: عـرقٍ بـ قلبيْ ، لآ ذڪرتڪَ . . تحرّڪ ! يآ اقوّتڪَ ! . . حتى آ بـ ’ عْروقيْ / تحَڪّمتَ ~ ظلت تتأمل السلسال المعلق برقبتها وتتعسسه بيدها واهي قبال المرايا ابتسمت بسحى وكسى وجها اللون الاحمر يالله شقد اهي تحبه وتموت فيه غمضت عيونها واهي قابضه على السلسال / نزلت لتحت بعد ماشافت اتصال فارس خافت لايكون في شي راحت للدكه وشافت صندوق وكرت احمر مع ورده بيضاء سحبت الكارد وقرت حروفه آميرتي ريفآن ... كل عآم وانتي بخير وكل عآم وانتي حبيبتي ْ~ وسعت ابتسامتها اكثر وسحبت الصندوق وجلست تتعسسه بهدؤ بطلته وطالعت بحرفها الي يشرق ويبرق ..بالآلمآس.. رفعت بصرها وشافته يقبل صوبها وبيده كيكه بالشكولآه يمه ريم واخوانها امها وابوها طلعوا على صراخها اهي وريم لمن طفوا الشمعه .. سمعت صوته يهمس لها : وش تمنيتي طالعت فيه واهي تصد لريم وتحس بأذنها مقطوطه صوبهم همست بصوت خافت: لو اقولك مارح تتحقق الامنيه هههههه همست ريم بلقافه: يعني وش تمنت اكيد انها تكون وياك بلآ ذكاء فارس رفعت بصرها لريم واهي تبقق عيونها: ريموه سكتي تكفين .. امي وابوي جايين صوبنا سحبت الصندوق وحطته بجيبها مع الكارد .. وراحت تسلم على امها وابوها.. عمرها صار عشرين سنه .. وسعت ابتسامتها واهي تاكل الكيكه الي مدها لها ابوها .. والكل كان يهمس لها انها صارت عروس.. حست بنظرات فارس غريبه وكنه خايف يفقدها.. او يخسرها بس اهي مارح ترضى انها تخسره مره ثانيه وعت على فتحت الباب بقوه وطالعت بريان الي يلهث: ريفي تعالي شوفي وش جاب حمد لريم ارمشت ببلآهه وبهمس: وشو الساعه كم .. سكر الباب وتركها رفعت راسها للجدار واهي تطالع بالساعه المعلقه به وانصدمت او ماشفتها الساعه 12 ظهر يالله معقوله ظليت اسرح بخيالي ومانمت ولآ ثانيه ولا حسيت بالتعب دقيقه وحده فزت بطولها واهي تطلع برا وتشوف وش حمد جايب لريم آلفصل الثآني .. طالعت ببنتي وابتسمت وتمنيت لو تركي يكون يمي بهاللحظه تذكرت لمن ولدتها يالله شقد حسيت بألم مو طبيعي رجولي حسيتها منفرجه لآخر حد وحسيت انها راح تتكسر وجع اسفل ظهري يظرب علي مابين حين وحين العرق يتصبب مني وايديني متشبثه بطرف السرير واسناني راصتهم ببعض بكل قوه صرخه تتلوا صرخه وانا احاول اخرجها من احشائي وجع يتلوا وجع وانا احسها بتقطع كل جزء من جسمي واهي بتطلع جسمي كله حسيته متفكك وانا امر بالولآده كل هذا يتلآشى اول ماسمعت صوتها يضج بالمكان صوت بكائها الي خلآني ابلع صراخي واعض على شفتي واحس بشعري مليان بالعرق ووجهي غارق بالحراره واحس بالوجع يتلآشى وانا اشوفها منسدحه على صدري واهي مغطيه بالدم لثانيه احس اني ماولدت ولا حسيت بلآ وجع يالله شلون انخلق شعور بالغرفه وانا اشوفها تنحط على صدري واحس بشعور عمري ماجربته عيوني تطالع بالنطفه الي انخلقت بأحشائي تسع شهور والي حسيتها ملت صدري بشعور الامومه والحب بآن واحدً ضميتها لصدري وانا استنشق ريحتها واحس انها احلى ريحه شميتها واحلى شي يقدم لي بهالحياه طفلتي.. مااجمل هالكلمه .. شي واحد تمنيته بغرفة الولآده ان تركي يكون قابض على يدي وشاد عليها ويبتسم واهو يشوف بنته على صدري تبكي بصوت مزعج جدً ويقرب شفايفه صوب راسي ويطبع فيها بوسه حاره تريحني وتمحي التعب الي عشته بذيك الغرفه لكني وعيت على صوت بنتي وانا وبآس وين انت ؟ يلي كل ماغبت عني واقف على باب الامل .. واتحراك ليتك تعرف تخون .. واقول .خني على الاقل القى سبب .. واتنساك وليت الزمن في جيتك .. ماخذلني وليت الهجر من طيب خاطرك .. ورضاك لو ان قربك والوصل ..بالتمني ماغبت عن عيني كثر ماتمناك خايف يطول البعد ..وتسج عني وياخذ مكانك شخص .. ماهوب بيسواك حبيبي وشعاد اسوي يومك اقفيت عني ؟:: :: :: اول ماعرفت ان خلود ولدت حست بفرح يستوطن قلبها واخيراً ياخلود .. طلعت بسرعه من البيت واهي تروح للمستشفى لفت انتباهها وجود سعد جالس برا غرفة خلود حست بشي يقرص قلبها بطلت الباب بدون ماتفتح بمفها بكلمه وحده له .. رغم الاسئله المستوطنه بداخلها.. رفعت راسها وشافت خلود محتظنه بنتها اول ماشافت شوق همست بصوت متروس بالتعب: شوق.. اسرعت بخطواتها صوب خلود واهي تحضنها وتبوس راسها وبهمس:الف مبروك يالغاليه وتتربى بعزك وعز ابوها رفعت راسها بعيون تتوسع بالدموع: الله يبارك فيك وابوها ماشافها من اول ماطلعت على هالدنيا جلست على طرف السرير وانا اشد على يدها: اعذريه ماتدرين وش الي شاغله ابتسمت ابتسامه طفيفه وبهمس: هذا اخوه جالس عندي ماشغله شي ليه مو تركي مكانه ليه اهو هزت كتوفها وبهمس: مدري قوليلي ناقصك شي محتاجه شي هزت راسها وبهمس: مابي الا تركي تقدرين تجيبنه لي طالعت فيها وبحزن: بس تركي ماعاد يحل لج انذرفت دموعها على خدها واهي تقرب بنتها لصدرها وبصوت باكي: يعني بنتي بتكون مثلي يتيمه رغم ان اهلها موجودين مالها حق تعيش بوسط اهلها وبين حظن ابوها ليه ياشوق يصير وياي كذا ليش وش سويت انا بدنيتي عشان اخذ هالعقاب لمن بنيت اسره انحرم منها ليش ياشوق بكرا بتكبر وبتحملني الذنب.. قربت شوق يدها لخد خلود واهي تمسح دموعها وبصوت راجف: استغفري ربج هذا بلآء وكل الي عليج انج تصبرين ماتدرين وش الله كاتب لج وان شالله ربي بيعوضج بالخير من صبر نال ياخلود تكفين عشان خاطري لاتقولين هالحكي مره ثانيه صدقيني انا وامي وابوي اهلج ولمن تطلعين من المستشفى بسلآمه راح تدشين لبيتنا على طول وماابي اسمع اعتراض منج خذت لها نفس واهي تشهق وبصوت مليان حزن: شكراً ياشوق قسم بالله مادري وش يصير وياي انا وبنتي لو ماانتي معاي ابتسمت شوق وبهمس: بس عمها موجود .. طالعت بشوق وبهمس: والقلب مايبي الا تركي ياشوق سكتت شوق لآنها تعرف زين مشاعر خلود مو اهي رفضت دعيج لآنها تحب هيف رغم قسوته وجفاه الا انها تحبه وخلود مثلها بالضبط .. شلون انت ياحب معقد وغريب نحب اشخاص قسو علينا وجرحوا قلوبنا مرات ومرات .. :: :: :: اليوم بترجع شوشو لي .. واخيراً مابغت شوشو تحن علي وترحمني.. يالله احس لو بشوفها اليوم بتعلق فيها ولا راح اتركها ثانيه وحده كلنا غلطنا انا واهي وكلنا خذينا جزانا غبائي وشكي وداني لبعيد وحسسني وبوجع يناهش صدري لمن خبرني اني فهمت شوق غلط حسيت بكف يطبع على خدي تمنيت لو كنت صريح معاها تمنيت لو قلت لها اني كل مااشوفها احس اني اشوف دعيج يمها تمنيت لو مامديت يدي عليها ثانيه وحده رغم اني تعديت حدودي وياها الا انها عمرها ماشكت وكانت ترضى بسرعه شي واحد عرفته وعرفته متأخر ان شوق تحبني مثل مااهي عرفت اني احبها دقات قلبي احسها بتكسر لي ضلوعي من كثر ماانا فرحان طالعت بالشقه الي جددتها لعيون شوشو كانت كامله وماينقصها الا وجود شوشو يمي وسط السرير رفعت راسي من السرير وقمت عشان اشوف وش تبي مني امي يارب تسامحني على اني برجع شوق واهي ماتبي .. لكني تعبت بما فيه الكفايه وابي ارتاح .. :: :: :: شفت اتصال حمد وحسيت بخوف يحرك وجداني شعنده جاي هالحزه نزلت بسرعه لبرا وانصدمت لمن شفت حمد بيده كلب رفع راسه واهو يطالعني ببتسامه جذابه قرب مني واهو يهمس: تعالي شفيج خايفه قربت صوبه وانا ناسيه اني ببجامتي وشعري منكوش حبتين زياده :وشذا ابتسم واهو يقرب الكلب الي من فصيلة شي واوا وبهمس: هديتي لج طالعت فيه ثمن مديت يدي للكلب الي محتظنه وبهمس: عشان شنو رفع راسه وبهمس: لآني امس زعلتج وعصبت عليج ظلت يدي جامده فوق الكلب بدون ماتتلمسه او شي ودقات قلبي ترف رفعت راسي وببتسامه: انا الي اسفه حمد نسيت اني متزوجه وان لي زوج يسوى الدنيا ومافيها ماادري وش شفت بعيونه فرح او ايش بالضبط حسيت عيونه بتاكلني وبهمس: ابتسمي ريم ابتسمت وطالعت فيه وحسيت ان عيونا بذاك المكان خلقت حاجه بصدري ماعرفتها الا متأخر قطع علينا صوت ريان: ريوم بيعطينا حمد هذا (واهو يأشر على الكلب( طالعت بحمد وبهمس: عن جد نثيه ولا ذكر وسعت ابتسامته واهو يقرب مني: نثيه .. سمعت انج تبين تتزوجين انتي وكلبج سوا فجبته عشان نبكر بالعرس هههههههههههههههه حسيت بحراره تسري من اسفل وتصعد لراسي ودقات قلبي رجفت وبهمس: شنو ومنو قالك نزل الكلبه وبهمس: ماعلينا من الي قالنا وش بتسمينها طالعت فيه وبهمس: انت الي جايبه وانت الي سمها سحب يدها واهو يطالع فيه: بسميها على اسمج هههههههههه ابتسمت واهي ترفع حاجبها: لآلآه مايليق كلبه واسمها ريم بعدين ذي اهانه لي طالع فيها وبهمس: لاه مو اسمج قصدي رورو على وزن واوا ريم واهي تسحب يدها من يده وتنزل بجسمها للكلبه: حلو رورو رفعت راسها وبهمس: شكراً حمد .. همس واهو يرمي بثقله يمها: لآتكونين رسميه معاي ريم.. سكتت وظلت تطالع بالفراغ وماتدري وش القدر مخبي لها مع حمد .. ناظرت عينڪ ، لحظتـين وسڪرتڪ ؛ وعلى [ رموشڪ ] يالغضي ماشڪيتڪ ~ .. فڪرت في حُبڪ ڪثيـرَ ، وسهرتـڪ . . ........ وسڪَنت قلبيّ " غصب والبيت بيتڪ " !! أمَرت قلبي . . بالوفا ماأمرتڪ ، رميتنـي بالحب . . انا مارميتڪ ! :: :: :: صحيت من النوم وعلى طول التفت على يميني ولا لقيت كايد يالله معقوله احلم التفت يمين ويسار ولقيت الغرفه خاليه من وجوده حسيت بقلبي ينقبض علي اكيد احلم انا طلعت من الغرفه وسمعت صوت التي في طليت براسي وشفت كايد جالس يتصفح الجريده ظليت جامده ثواني وانا حاطه يدي على قلبي اهدي من الخوف الي تملكني ظليت اتأمل فيه وابتسمت بدون شعور وتوي بنسحب بخطواتي لورا الا وعيوني تطيح وسط عيونه همس ببتسامه عذبه: صباح الخير ياوجه الخير فركت عيوني وبهمس: صباح الورد همس واهو ينزل الجريده : وش فيك واقفه حياك هزيت راسي وبهمس: بقوم اصلي واجيك طالع فيها ثمن سحب الريموت واهو يطفي التلفزيون وبهمس: طيب على ماتخلصين انا بنزل تحت اطلب فطور رفعت راسي وبهمس: اتصل عليهم ليه تبي تنزل ضيق عيونه وبهمس : يعني شلون بتحبسيني عندك هزيت راسي وانا ابتعد: خلآص براحتك ماسمعت الا صوت ضحكه يضج بالغرفه ابتسمت وانا اسمع صوته وبصوت هامس:عساها دوم البسمه بشفاتك :: :: :: ماقدرت اظل واقف كذا ابي اسمع صوتها تقول بخير طقيت الباب وسمعت صوت شوق : منو تنح نحت وبهمس: انا سعد همست واهي تبطل الباب: وش تبي طالعت فيها ثمن نزلت عيوني وبهمس: بسلم عليها بلعت ريقها وبهمس: دقيقه بس مرت اكثر من دقيقه ثمن تبطل الباب : تفضل دشيت وانا احس بغرابة نفسي رفعت راسي وشفتها منسدحه على السرير ومغطيه وجها حسيت بدقات قلبي تتراقص وانا اشوفها قبالي همست بصوت خافت: شخبارج خلود همست بتعب: بخير ولله الحمد : مبروك ماجاج ببرود: الله يبارك فيك همست وانا اقرب صوبها: تبين شي خلود ناقصج حاجه زفرت بحده: لآه مابي شي وكل الي ابيه انك ماتجلس بالمستشفى ضيق عيونه وبهمس: ليش ازعجتج بحاجه وانا مدري خذت لها نفس وبحده: سعد اتركني لحالي صدقني مارح اخذك .. مستحيل اخذك ولآ تظن بمحاولتك هذي اني بوافق خذاله نفس وبهمس: اذا مو عشاني عشان بنتج ياخلود مقدر اشوف بنت اخوي تتربى بعيد عنا واحنا اهلها وماابي اهلي ياخذونهآ منج بالغصب واشوفج تموتين بحسرتج صدقيني ماسويت هالشي الا عشانج .. بس هالموضوع مارح ينفتح هالحين بعدين.. سمعت صوت بكائها وهمست بحزن: قلت لك مارح اوافق لآ الحين ولآ بعد الف سنه هذا رايي وعمري مااغيره ياسعد حتى لو عشان بنتي مستعده اعطيكم اياها واتحسر ولا اني اطعن قلب اخوك بيدي كلمات هزته من الداخل وهزت قلبه الي مافرح بالحب الي انولد بصدره همس واهو يقفي: الله يوفقك بالي يفرحج خلود.. طلع سعد من المكان واهو يحس بخلود تكبر بعيونه يوم ورا يوم :: :: :: سألها ابوها شلي صار وليش خلعت عمرها من تركي وش الي حصل وش الي صار وكلام كثير انسرد عليها رفعت راسها واهي تحس بالتعب الي خذا منها ماخذا وبصوت هامس: مالله كتب لي معاه نصيب زفر بحده واهو يرجف بالباب بقوه: ياربي هالمصايب تتحذف على من كل صوب همست بصوت خافت: تكفى يبه لآتضيق خلقك الي صار صار ومالنا الا الصبر طلع من البيت والحزن يرسم غيومه فوق راسه حست بوجع يناهش قلبها ماتدري شلون سوت هالشي رغم انه اوجعها لكنها ماتبي الا ان ربي يسامحها من بعد مافكت سحر تركي ومن بعد ماتطلقت منه ومايدري بهالشي الا اهلها الي انصدموا بستعجالها وكيف قررت ونفذت بدون ماتخبر احد وتفاجأو بخبر طلاقها اما تركي من اول ماطلعت من البيت واهي ماتدري عنه ابد .. ومن عقب كل هذا ماجائها كابوس ينغص عليها نومها لكنها تحس بوجع يقتلها بوسط قلبها وماتقدر تنام الا لمن تاكل حبوب منومه ليش لآنها تعبانه من فراق امها واخوها وزوجها لآجات المصايب تجي مره وحده دعت بسرها ان ربي يفرج لها كربتها ويوسع لها طريق الخير.. :: :: :: توها بتدش للصاله الا وتسمع صوت امها : لاه متى صار هالحكي : الله يعوضه باللي احسن منها : ايه والله حريم هاليوم قويات وجيه : ماعليه ولدج وش زينه وبيلقى الي احسن منه : خليه هالحين يرتاح ثمن فكري تدورين له ثانيه : طيب طيب وانا بعد ماطول عليج : سلام عقدت حواجبها واهي تقرب من امها وبهمس: من تكلمين يمه رفعت راسها وبهمس: ام احمد .. حسيت بقلبي ينقبض علي وبهمس: وش تبي طالعت بالتلفزيون وبهمس: تخيلي ولدها راشد طلق مرته واهم توهم على بر حسيت بالارض تدور فيني وشعور غريب ينزف من قلبي وبهمس: ليش وش الي صاير بينهم هزت امها كتوفها وبهمس: يقولون مرته لسانها طويل وانها تطاولت عليه وظربها وناس تقول انه مايجيب عيال .. ماقدرت تتحمل اكثر من كذا رمت بثقلها على الكنب وبهمس: معقوله .. التفت امها وبستغراب: وش الي معقوله هزت راسها واهي تحاول تقوم وبهمس: لآه يمه ولا شي .. ماتدري تتشمت او تزعل او وش تسوي بالضبط حست انها مو مصدقه شي مو اهو يحبها ويموت فيها شلون طلقها بهالسهوله وعشان ايش معقوله راشد مايجيب عيال يالله ياراشد لآيكون قلبك احترق مثل ماقلبي احترق على فراقك ارمشت واهي تحاول تنفض هالافكار من راسها .. :: :: :: كانت لآبسه بدي ابيض وشورت احمر تذكرت جوالها الي له فتره مابطلته فتحته واول مابطلته حست بالراسايل تهل عليها من كل صوب خللت اصابعها بشعرها واهي تقرا مسج من ريم ارمشت ببلآهه وحست بقلبها بينفجر : باركيلي تملكت على واحد من جماعتنا وزواجنا بعد شهرين حست بمفها بيطيح من مكانه واهي تطالع بالمسج ماتدري شلون مر عليها فيصل وخافت لآيروح قطر وينصدم لمن يعرف ان ريم خذت غيره بسرعه اتصلت على رقمه واهي تهز رجولها بتوتر : ياهلآ ومرحبا بالعروس بللت شفايفها وبهمس: هلابك : لآتقولين مزعلك كايد وجايه تشتكين ترا مالي خلق ابتسمت وبهمس: لآه جايه ابي اقولك سالفه : وشهي .. حطت يدها على فمها وبهمس: ريم تزوجت ماانسمع الا صوت انقطاع الخط طوط طوط طوط طالعت بالجوال ثواني واهي تغمض عيونها الله يصبر قلبك يافيصل .. وعت على صوت كايد : وش فيك متضايقه بطلت عيونها واهي تشوفه واقف قبالها: ابيك توديني لآهلي طالع فيها لثواني واهو يركع قبالها: بلآ اهلي بلآ نيله خلينا ننبسط ثمن اوديك لأهلك بس ماهو الحين بعد اسبوع بالكثير عقدت حواجبها وبهمس: مايصير لازم اشوفهم واسلم عليهم ابتسم وبهمس: لآحقه عليهم زفرت واهي تسحب يدها من يده وبحده: ايه انت مخليني كذا زينه بالغرفه مغير تطلع ومادري وين تروح له اذا فيني شي مو عاجبك قوله ضحك بصوت عالي ولثانيه حست ان ضحكته هزتها عضت على شفتها لجل ماتبتسم وبزفره: على ايش تضحك وقبل لآيتكلم رفعها بيده بسرعه واهو يوقف وبهمس: ماتبين صباحيتك ولآ كيف رفعت حاجبها وبهمس: ايش وش جاب الصباحيه هالحين ابتسم واهو يقرب من وجها: مو الرجال اذا اعجبته المره يجيب لها صباحيه واذا مااعجبته مايجيب لها شي هههههههههههههههههه ضربته على صدره وبحده: ياسخفك بس نزلني .. شد عليها وبهمس: ماني منزلك الا فوق السرير خليني اعبر عن حبي لك حست باللون الاحمر يغزيها وبحده: كايد ودني لآهلي ضحك واهو يشوفها مثل طفله محتظنهآ بين ايديه ووجها اصبح طماطه من السحى يالله شقد يحبها ويشوفها طفلته المدلله وبآس :: :: :: ظل جامد ثواني واهو مو مصدق الي يسمعه ريم تزوجت يعني حبه تحطم شلون وكيف واسأله كثيره دارت بباله حس بخنجر يمزق له قلبه وصوت يصرخ بصوت عالي ليه تأخرت طول هالمده ليه .. رفع راسه للسماء وعيونه بتتفجر من الدموع الله يوفقك ياريوم استاهل مايصير بي ويمكن اني مو الانسان الي يستاهلك يشهد علي ربي اني فرحان لفرحك سحب جواله ودز لها مسج ياترى لسكوته سبب انه يخسر حبه لتردده سبب .. اذا كان يبيها ليه ماقلها من اول مارف قلبه بحبها ليه خلى السنين تمر بدون مايصارحها معقوله توه يتأكد بمشاعره صوبها او ايش بالضبط .. :: :: :: استأذنت من خلود عشان تروح تجهز نفسها وتمنت لو خلود معاها لكنها لآزم تبقى بالمستشفى ليومين زياده.. ماتدري وش تحس به لكنها تحس برتباك مو طبيعي وكنها لآول مره بتاخذ هيف رجعت للبيت ولقت امها مع الكوفيرا راحت تتسبح بسرعه .. وطرى ببالها دعيج واهي تحت الماي الدافئ لآزم تقوله الصراحه لآزم تخبره .. اهي ماتبي تخسره وقف معاها وقفات كثيره وعمره ماقصر وياها سحبت الروب وطلعت بسرعه واهي تجلس على طرف السرير وتطلع جوالها من شنطتها غمضت عيونها واهي تسمع صوته الي واضح عليه اللهفه " ياهلآ ومرحبا بشواقتي : اهلين فيك مشغول دعيج : لآه ولو مشغول افضي عمري عشانج خذت لها نفس وبهمٍس: شخبارك ..؟ : مو شي من دونج .. حست بتوتر ورجفه وبصوت هامس : دعيج قطع كلامها: اسف لو زعلتج شواقي بس ماابيج تهدين المستشفى على حسابي تكفين ردي ومستعد اترك المستشفى عشانج بس المهم انج ترجعين للمكان الي مرتاحه به بللت شفايفها وبهمس :ماتركت الشغل بس خذيت فترة نقاهه وراحه : فيج شي تعبانه يالغاليه ابتسمت وبهمس: مافيني شي بس : بس شنو بلعت ريقها وبهمس: انا حامل ماينسمع الا صوت نفسه الي واضح عليه انه معصب همست بصوت خافت: ماقدرت اعلمك الا هالحين اسفه دعيج : مبروك ابتسمت واهي تحس بدمعه بطرف رمشها: بهالبرود :انتي جايه تخبريني اني انساج وش تبيني اقول ماصدقت اشوفج ترجعين لي وهالحين اخسرج بهالسرعه شوق انا حبيتج وابيج ومستعد اربي ولدج على انه ولدي تكفين لآتقطعين اخر حبال وصلنا ارمشت وبهمس: دعيج الكلام سهل مقدر احطم عائلتين عائلتي وعائلتك والسبب شنو تهور او شنو بالضبط دعيج صدقني كلن منا اختار طريقه .. لآتحرم بنتك من امها ولآ تجبرني احرم هيف من ولده : يعني شلي افهمه من كلآمج .. حست بأنهار تجري على خدها وبصوت هامس: ماابي اخسرك دعيج : وانا مقدر اني اخسرج بعد ..لكن الله كتبني لج ملاك صدقيني شوق لو هيف يجرحج مره ثانيه ويطلقج او شي صدقيني لآحرمج منه للأبد وياليتني اقدر انساج بسرعه وانسى حبج الي تعلق بعروق قلبي شوق احبج ولو هالكلمه زعلتج بقولها لج لأخر نفس بلعت ريقها وبهمس : الله يرزقك بالي تقدر حبك دعيج .. : انتبهي لنفسج ولا تقطعيني .. ابتسمت وسط دموعها : بهذي مقدر لآني ا عرفك مارح تتركني ابد ..وبتظل يمي على طول سكر الخط بدون مايودعها تعرف زين انه يكره الوداع يالله وش تحس فيه .. ماتدري تمنت لو قدرت تاخذه ولآ انها تكسر بقلبه الي عمره ماآذها ولآ جرحها فضل ان يكون ملآك وحارس من آخر ..~ْ اجبره الحب على ذالك {~ْ هل ينتظر ان تعود له ..؟! تدريْ ؟ لَو " قلبيّ " ، أمرنيْ بـ : ............................... نسسيآنڪَ أسسقيْ ، عُروقَه [ سمّ ] ! و اَتبرى آ منّه . . عشآنڪْ ! :: :: مر شهر .~ْ خلود ظلت مثل ماتركها تركي.. وشوق رجعت لآحظان هيف .. ريم وحمد قرب موعد زواجهم .. كايد وهيفا ايام حلوه ولحظات ماتنسى قضوها بفترة شهر العسل .. :: :: :: همس ببتسامه واهو يطالع فيها واهي جالسه على طرف السرير: محد قالج انج حلوه وانتي حامل ابتسمت وبهمس: لآه والله هذي جديده قرب منها واهو يتعسس بطنها المنفوخ وبهمس: خليني اسمع صوته ابتسمت واهي تحط يدها على بطنها: صوته مره وحده قل دقات قلبه قرب اذنه من بطنها وبهمس: اششش اسكتي .. ابتسمت واهي تطالع فيه وبهمس: هاه وش قال رفع راسه واهو يطالعها وببتسامه: يقول بابا حب ماما انفجرت تضحك وماحست الا بوجه هيف قبالها: خليني احبج حاولت تبعده عنها لكنه كان اقوى منها طالعت فيه وبهمس: وش انا بحياتك هيف ارمش واهو يطالع بعيونها الي يعشقها يوم ورا يوم : انتي انا ياشوشو عقدت حواجبها وببتسامه: جواب غريب طيب وش مشاعرك صوبي وسعت ابتسامته واهو يداعب شعرها الطويل: انتي عيوني الي اشوف فيها وانتي خشمي الي اشم فيه وانتي اذني الي اسمع بها وانتي فمي الي اكل منه انفجرت تضحك واهي تضربه على صدره وبحده: ياسخفك قول ماعندك حكي وعن الملاغه ههههههههههههههههه ابتسم واهو يشوفها تضحك قباله بكل برائه وبهمس: لآ تبين الصراحه هزت راسها واهي تنطر تسمع جواب يفجر براكين حبها له: احبج واحب انج تكونين يمي يوم ورا يوم شهر الي طاف حسيته من اجمل الشهور الي قضيتها وياج سحب يدها واهو يطبع بوسه خفيفه وبهمس: عساني ماافقد هالاحساس ابد انتي ماتدرين شلون انا عشت بدونج الفتره الي طافت كنت عايش ولا اني عايش مابين حيا وموت قلب ينبض وعيون تطالع بالسراب وايدي تطوق الفراغ وهالحين انتي معاي وايديني تطوقج وعيوني بعيونج وقلبي قريب من قلبج ابتسمت واهي تهمس: وانا احبك انرسم على جبينهم الحب ..~ْ واصبحوا جسدين بروح وحده اعلنوا حبهم وعاشوا مع ايامه الي كانت سعيده وتعيسه لأيام كثيره ..~ْ صُوتڪ اَسرنيْ ، وصصرتَ بجدّ . . أحتآجه ! فيّ ڪلَ لحظهِ . . أحسسّه مآيفآرقنيْ / فيَ سڪّة الحُب ، لَه " دربَه . . ، ومنهَا آجه " .. صِرتْ أعشقه ، ڪثرْ مَا آڪان . .[ عآشقني ] أمو و و تْ فيّ " جرأته " ، و أموتْ بـ " إحرآجه " . . لڪ صوتْ واللهّ ماغيره يروقني . . . ! :: :: تعترف انها مبسوطه لآنها يمه لكن احساس غريب يداعب قلبها ماتقدر تحرمه من الاطفال يالله لمن راحت معاه للأمارت وشافت الاطفال الي يلعبون ومن دون شعور سحبت يدها من يده وراحت صوبهم وعيونها تتوسع بالدموع واهي تبوسهم وتعانقهم بكل حراره حست بنظرات غريبه واهو يطالع فيها ماتقدر والله ماتقدر حست بحبات من الدموع تتعلق بجفونها مسحتها بسرعه واهي تسمع خطواته تقرب صوبها : مرتاحه بيتنا ولآ متضايقه لآنه يختلف عن بيتك كثير رفعت راسها وببتسامه: لآه والله مو عن ضيق عيونه وبهمس: اجل ليش اشوفج متضايقه خذت لها نفس واهي ترفع راسها صوبه وبصوت حزين:مدري كايد شقولك نزل بجسمه صوبها وبهمس: وش فيك بلعت ريقها وبصوت باكي: احس بشعور يقتلني يوم ورا يوم ياكايد مقدر اتحمل اكثر من كذا مقدر احرمك معاي من العيال تكفى كايد عشاني تزوج .. ظل جامد واهو يطالع بالدموع الي تجري على وجها حظن وجها بيده واهو يمسح بأبهامه دموعها وبصوت مليان حنان: ماتملين وانتي تفتحين هالموضوع كل شوي حبيبتي هيفا انا ماابي عيال الا منك واذا ماكتب انك تجيبين عيال انا راضي بنصيبي وقدري معاك انا احبك وماابي الا انتي بحياتي صدقيني سعادتي اهي وجودك انتي معاي رفعت راسها واهي تحس بشهقات تطلع من قلبها: بس بس بس بكرا اخوانك بيتزوجون وبيجيبون عيال وبيحن قلبك ابيك تتزوج من الحين قبل لآاشوف الحسره بعيونك ابتسم ابتسامه غريبه وقرب شفايفه من خدها واهو يطبع بوسه وبهمس:يالله عليك انتي تبين تجنيني اقول مابي الا انتي تقول تزوج يابنت الحلآل مابي الا انتي ومابي عيال الامنك غير كذا مابي تفهمين ولاماتفهمين همست بصوت باكي: بس انا ماعندي رحم زفر واهو يبعد عنها: اذا تحبيني هيفا لآتبطلين هالموضوع ابد فاهمه غطت وجها بيدها وانهارت تبكي .. شعور قرر يلازمها وينغص عليها فرحتها~ ياترى متى بينقطع هالشعور .. تتضيـعَ آلنآسسْ . . بـ الدنيآ اّ ~ .... وشَخصصڪ [ دآخليْ ] ، مَا آضاعّ ! " أعزّڪ " . . منْ صميمَ القلّب : وَ تششهْد / كلّ نبضآتهّ . . :: :: :: مر شهر وانا جالسه بيت شوق صراحه مفتشله من هالناس الي عمرهم مابطلوا فهمهم بكلمه وحده والى هينا وبس هالحين انا مسؤلة نفسي وراح استاجر لي شقه واعيش فيها انا وبنتي بدون مانكون عاله على احد سعد من بعد ذاك اليوم وانا ماشفته و مادري وش صار فيه تركي ماعتب علي وهالشي خلاني ابكي ليل ونهار شفت بنتي تبكي بصوت خفيف سحبتها وانا اقربها لصدري لجل ارضعها تبطل الباب وشفت ام شوق تجي يمي ومعاها صينيه :يلآ حياتي خلي بنتج وتغدي هزيت راسي وبهمس: مالي نفس ياخاله عقدت حواجبها وبحده: وش مالج نفس لج فتره ماتاكلين زي العالم والناس اكلي يابنتي مو عشاني عشان بنتج الي ترضع من صدرج ومحتاجه غذا نزلت راسي وطالعت ببنتي الي متلعقه يدها بصدري وعيونها تطالع فيني يالله شقد اهي تشبه تركي ماخذت مني الا العيون الشعل وباس اما الباقي فعلى ابوها : ياجعل هالبسمه دوم رفعت راسي وشفت ام شوق حسيت بوجهي يتلون وبهمس: عمتي دقت علي تقول بتجي اليوم همست ام شوق واهي تنزل الصينيه: حياها الله بس اهم شي لآتفتح موضوع انج تسكنين عندهم ابعدت بنتي عني وانا امدها لخالتي الي احتظنتها بفرح: مدري والله بس اخر مره جتني خبرتني ان تركي طلق تحرير والله مادري وش صار به كنت بسألها عن السبب بس افتشلت رفعت حاجبها وبهمس: ماجابت لج سيره مني مناك هزيت راسي وبهمس: لآه في شي ابتعدت ام شوق وبيدها بنتي وبهمس: لآلآ مافي شي مادري ليه حسيت بقلبي يقرصني بقوه :: :: :: تبطل الباب بقوه ورفعت راسي بسرعه فجأه حسيت بالاكسجين ينقطع من الغرفه وانا اطالع براشد الي واقف قبالي قلبي كان جامد اما عيوني فتعلقت بعيونه الي واضح عليها الهم والتعب مادري ليه خانتني رجولي ورفضت توقف شفته يقرب واهو يسكر الباب وراه وبصوت هامس: شخبارج ريمي ظليت جامده واحس بالحروف تتبخر من فمي طالع فيني وببتسامه: اشتقت لج صدري بدى يعلى ويهبط وعيوني تطالعه بكل صدمه جلس بالكرسي الي قبالي وبصوت هامس:ريمي ارجعيلي بس هالمره مو لعب او استهتار بمشاعرج هالمره حقيقه ريمي انا احبج والله احبج وهذا الشي خلآني اكره اني اشوفج قبالي واعترف لج بحبي بتقولين جيت متأخر بقول اعرف عقب ماجرحتج واحرقت مشاعرج بس صدقيني محد سكن قلبي غيرج حتى حنان ماحبيتها كثر ماحبيتج انتي غير ريمي غير الناس كلهم والله ماعرفت قدرج الا لمن عرفت حنان انتي وياها شتان وكل ماحاولت ابعد صورتج عني اشوفها تنرسم من جديد ريمي تكفين تكفين تكفين سامحيني ارجعيلي ريم والله الشوق اضناني والله اني ماعدت قادر على فراقج اكثر من كذا انتي لي ريمي انتي لي وبآس احبج ريم كل شي ضاع مني حاولت اجمع كلمه عشان اقولها ماقدرت ظليت فاتحه فمي وعيوني تبوح الصدمه طالعت فيه للحظات وانا احاول اجمع الحروف بللت شفايفي وبهمس:بس عمرك ماحبيتني راشد توك تصحى هالحين وتكتشف انك تحبني متأكد من الي تقوله انت هز راسه واهو يهمس بصوت غريب: ايه متأكد انااحبج والله احبج وكل الكلام الي قلته لج لجل ابعد حبج عن طريقي لكني عجزت ابعد صورتج ريم تكفين سامحيني والله مو قادر فراقج اكثر من كذا خذت لها نفس واهي ترخي بجسمها على الكرسي وبصوت حاد : اكتشفت هالشي متأخر راشد اكتشفته متاخر كثير عقب ماقتلت قلبي وحبي لك الي حطيته بين ايديك جرحتني كثير راشد وصبرت على امل انك راح تحبني لكني ماشفت منك الا القسوه والوجع حبك الي بقلبي انت قتلته بنفسك ماعادت احبك مثل اول صدقني هذا انا اشوفك واحس قلبي جامد ولآ يتحرك صوبك بشي جاي تقول ارجعيلي وسامحيني كم مره قلت احبك ياراشد وعمرك ماكلفت نفسك انك تقول وانا احبك بعد دست علي وعلى قلبي مرات ومرات لين ماقلبي خلآ من حبك وعقلي صحى من غفلة جروحك طالع فيها واهو يفز بطوله ويقرب صوبها رفعها من كتوفها واهو يطالع بوجها وبصوت حاد :كذابه كـــذابه انتي تحبيني ومستحيل تكرهيني انتي كنتي تتمنين اني احبج وهذا انا قدامج اقولج اني احبج تفهمين احبج ياريم احبج كان يهزها مثل الدميه اما هي فضلت جامده واهي ترسم ابتسامه غريبه اهي شماته او ايش بالضبط همست بصوت خافت: لآتجيسني واطلع برا اطلع برا طالع فيها وعيونه تبوح الصدمه و بصوت خافت صوب اذنها: انتي مو ريم الي اعرفها ابتسمت واهي تبعد عنه وبصوت حاد: صادق لآن ريم الي تعرفها انت دمرتها وهالحين انا مع شخص غيرك يستاهلني ويقدرني شخص عرف منهي ريم بحياته مو مثلك ماعرفها الا متأخر وعقب ماخسر كل شي بحياته ذكرها ؟؟ انااعرف انك تبي ترجعني عشان ترضي غرورك وكبريائك من الداخل وانك موب ناقص لكنك اكبر ناقص واكبر مريض عرفته بحياتي ياحسافه حبي لك ياراشد ياليتني انعميت ولا شفتك ولآ خليت قلبي يحبك لآنك انسان ماتستاهل اني احبك توسعت عيونه بالدموع واهو يسمع كلآم جارح من ريم ولآول مره تجرحه ريم .. طلع من المكان واهو يتمنى لو يقدر يخرجها من قلبه اهو خسر جوهره ماعرف قدرها الا لمن رماها بالقاع ..~ْ يا رقيق المشاعر .. وين ذاك الحنان ..؟! ليه ما شلت قلب .. طاح قدام عينك ..؟! الزمن هو زمانك و المكان .. المكان .. وآخر الشعر كلمة .. تسألك عنك وينك ..؟! من تقهويت صوتك سولف الزعفران .. عاد وشلون فنجان لي تمده بيدينك .. تذكر شلون كنا ..؟! والزمن كيف كان ..؟! يوم لا غبت عنك ما أسمع إلا ونينك .. أشعر بخوف مدري كنت أحس بأمان .. يكفي إن جيت يمك طار فيني حنينك .. شكثر كنت وافي وأقرب الناس خان .. بس تكفيك حتى لو عيوني تدينك .. كان عمري بقربك تالي الوقت زان .. حتى جرد القصايد ربعت في يدينك .. طول عمري وأنا له ويذرى عالهوان .. شفت يومك بعيني منهو يقدر يهينك .. أذكر أني نسيتك وأذكرك من زمان .. وأذكر أني ضحية بين قلبي وبينك .. تدري وش جابني لك ..؟! لا تقول الحنان .. جيت بأشيل قلب .. طاح قدام عينك .. :: :: :: يحس بنفسه تعبان حيل وروحه منهده مشتاق لها كثر البحر وكثر ماعلى الارض حبة رمال مايدري شلون تزوج تحرير ومايدري شي وكنه كان نايم وتوه يصحى من الي اهو فيه يعترف ان في اشيا كان مجبور يسويها رغم ان بداخله رافض هالشي بعد علاج عند طبيب نفسي حس بتحسن كبير لآنه انصدم لمن عرف انه طلق خلود .. يعترف انه بوعيه ولا هو بوعيه شي صعب تفسيره وصعب توضيحه مايعرف هالشي الا من يجربه وبآس نزل تحت وقرر يغير غرفته وياخذ غرفة جدته راح لآمه الي كانت جالسه بالصاله همس لها واهو يرمي بثقله على الكنب: كلمتيها يمه هزت راسها وبهمس: لاه اليوم بكلمها طالع بأمه وبهمس: تكفين يمه حاولي معاها صدقيني مستعد اسوي اي شي بس ترجعلي همست امه واهي ترشف القهوه: وبنت خالتك اليتيمه ماودك ترجعها بعد مايدري ليه انقبض قلبه وحواجبه انعقدت وبحده: لاه يمه ماابي الا خلود تفهمين ولوسمحتي لآتجيبين طاري تحرير قبالي ابد توسعت عيون امه بالدمع وبصوت هامس: اهي يتيمه مثل ماخلود يتيمه لها حق عليك ياولدي عشان خاطري اذا تبيهم ردهم ثنتينهم زفر بحده واهو يوقف: يمه شفيج قلت لج ماابي الا خلود تحرير ماتناسب لي ماتناسب لي اصلآً مدري شلون خذيتها غلطه اتحمل مسؤليتها .. ابتعد وترك امه تمسح دموعها بطرف جلالها :: :: :: ياهوه ياهوه شوشو احسج زاينه ابتسمت واهي تشوف شهد ونوف وفوز الي غروقها بالمدح طالعت فيهم واهي ترتشف القهوه وبهمس: اصلآ من يوم ربي خلقني وانا مزيونه فوز ببتسامه: ياهوه ياواثق وبعد زادت ثقتج بنفسج لاه شكل مفعول اخوي بهالرجعه قوي قوي جدً جدً جدً حسيت بشرقه : كح كح وجع انشالله ترا في عازبات شهد ونوف واهم يطالعون بعض: قصدج عانسات فوز واهي تطالع بخواتها وبهمس: اسم الله عليكم وبعدين الظاهر ان به خطيب ابتسمت شوق وبهمس: ايه واحدً يقولون راعي بران يعني الله يكون بعونج كل شوي تروحين انتي وياه تسرحون الابل والغنم ههههههههههههههههههه شهد واهي تبتسم: اهم شي انه رجال وهذا هو المطلوب بققت فوز عيونها وبحده: وجع ان شالله والله بنات هالايام مايستحون تراج توج صغيره لو مزوجينج وعمرج 30 وش بيصير فيج نوف ببتسامه: بتشق هدومها من الفرح ههههههههههههههه ابتسمت شوق وبهمس: ماعلينا وين عمتي فوز واهي تطالع فيها : لحظه انتي وش مسويه بأمي لآجا الغدا تصارخ نادو شوق ولآ جات القهوه : نادو شوق تعالي شوق خذي شوق وش هالحب الي نزل فجأه وسعت ابتسامة شوق وبهمس: عسى الله يطهر القلوب ويصفيها تف تف اعوذبالله منج انتي من جيتي وانتي تتحسدين وين مطوع بريده يقرا عليج شويه عشان نفتك من عيونج الحاره فوز واهي تبتسم: مشالله لآ اله الا الله هوآ الواحد مايقول كلمه الا وانتوا ماكلينه واعتبري ولدي مكنسل عروسته الي بطنج ابتسمت شوق وبهمس: منو قال انها عروسه .. نوف واهي تضحك: يالله واخيراً بيجينا فحل يملآ البيت والله ملينا من البنات ضج المكان بضحكاتهم وعين كانت تراقبها من بعيد كل ماضحكت ضحك وكل مابلعت ريقها بلع ريقه مايدري وش هالشعور الي انولد بداخله .. :: :: :: همست شمه واهي تشوف هيفا تبكي: انتي مريضه انتي انسانه مريضه قسم ماتستاهلينه الرجال يقول احبك وانتي تقولين له تزوج هيه ترا كثر الدق يفك الحام وبكرا بتشوفينه يتزوج صدق رفعت راسها وبحزن: خله يتزوج انا ابيه يتزوج لآني قلت له يتزوج مو بكرا اشوفه يتزوج من وراي ويكسر لي قلبي زفرت شمه واهي تشد على قبضة يدها: هيفا كلم العاقل بما يعقل هالحين كايد يقول ابيك وانتي تقولين انت تبي العيال يااختي لو يبي العيال كان ماخذاك من الاساس فاهمه انتي ولآ مو فاهمه طالعت بشمه وبزفره: بس بكرا بيقول ابي عيال شمه بصراخ : يالله ذي بتجنني انتي مجنونه والله مجنونه عيشي يومك ولآ تفكرين ببكرا انبسطي ياهيفا ولآتكدرين نفسك بسوالف بايخه ومالها طعم تبطل الباب وطلت نجود براسها وبهمس: لآيكون ازعجتكم بآس هيفا واهي تمسح دموعها: لاحياك نجود ببتسامه: شموم حياتي ليه حابسه روحك مع هالخبله وتعالي تحت تقهوي معاي ومع شرفوه وخلي هذي تبكي وتسخط براحتها لين يجي اخوي ويسنعها هيفا واهي تبقق عيونها: نجيدان ترا مو رايقه لك شمه واهي تقوم : اي والله انها صادقه انا جايه اتونس واخبرها بسوالف ملكتي واهي جالسه تتشكى لي نجود واهي تتعلق بذراع شمه: تعالي عندي وسوالفي فديت عمرك والله اربه مزيون مثل اخوك شمه ببتسامه: ايه مثله بالضبط يكفي انهم ارفقاء نجود واهي تسكر الباب على هيفا: وه وه ياسعدك والله ظلت هيفا جامده مكانها وكلام نجود وشمه يدور براسها ليه ماتفرح دام الفرح اصبح بجالها ليه تنكد كايد وتنكد نفسها بأفكار سخيفه يكفي انه يحبها ويبيها بسرعه راحت تلحق ورا البنات لجل تبعد وساويس الشيطان عن بالها والافكار السواد الي تنرسم بعيونها :: :: :: شدت انوار على يدي وبهمس: هاه وش قلتي تراه مكلمني ومكلم محمد ومكلم فهد ومكلم عمي وعمتي يلآ ياخلود ردي له .. لاه اكيد انها تحلم همست بصوت متقطع ودقات قلبها بتكسر ضلوعها من الفرح: يعني اهو جاي بنفسه بدون محد يجبره بققت عيونها وبهمس: رجال طول بعرض تبين احد يغصبه صاحيه انتي ولا مو صاحيه استخيري وشوفي الي يريحج طالعت باانور ثمن نزلت عيوني وبصوت هامس: انتي تدرين ان سعد يبيني وانا رفضته رفعت راسها وبهمس: ايه ندري وسعد سوا هالشي عشان بنتج تكون بأحظانآ وكلنا ندري بهالشي وانتي ماتدرين ان سعد مشالله عليه ملتزم وهالحين عمتي تدور له على مره يلآ خلينا نفرح فيج وفيه.. بللت ريقي وانا احس براحه تسري بعروقي يعني سعد مايحبني اشوى.. مآآدري وش الي صار وخلآني اهمس للملآج : موافقه وانا ااحس برتباك يسري بعروقي وكني عروس من جديد دخل تركي وانا جالسه وبالصاله واحس بالخوف يسري بعروقي همس بصوت مليان حب صوت اشتقت اني اسمعه صوب اذني: مبروك خوخه يالله شقد حسيت بالحياه ترد بروحي وشلون حسيت بقلبي بيكسر لي ضلوعي رفعت رسي وانا اشوف ملآمح وجه ترسم التعب وبصوت هامس: الله يخليك لي ولبنتك ماحسيت الا بيديه تحظني بقوه ولثانيه حسيت بضلوعي راح تدخل بضلوعه من كثر ماهو شاد علي صرت اشم ريحة عطره بكل قوتي وانا اسمعه يهمس صوب اذني: اشتقت لج ضميته اكثر وانا اهمس له: احبك تركي وحسيت بدموع تجري على خدي .. نويت أسلــم لك عيونــي قبل لا امشــي ما ودي اشــوف غيرك لا ارتفــع رمشــي ياللي عيونك تلوح بالفرح كوني قلبي اعرفه بدونك يشعل جنوووني :: :: :: تبطل الباب وشفت امي تطالعني بنظرات غريبه رفعت راسي وانا اهمس لها : ماابي ابكي ماما ابتسمت واهي تقرب صوبي وتحظني لصدرها همست بصوت خافت: بشتاق لج ياريم بشتاق لغيرتي منج لمن اشوفج مع ابوج بشتاق لمشاكلنا سوا وكنا جارات بشتاق لصوت ضحكتج بأرجا البيت والله مو مصدقه انج راح تتزوجين ابتسمت وانا اسمع اعترافات امي همست بصوت خافت: وانا بعد بشتاق لهالحظات باستها امها بقوه واهي تطالع ببنتها لأخر لحظه .. التفت وشافت ابوها يحاوطها بذراعه غمضت عيونها واهي تحاول تكتم دموعها لكنها عجزت همس لها بصوت خافت: بشتاق لحبيبة ابوها لكنج راح تضلين حبيبة ابوج حتى لو عندج عشر عيال ابتسمت وسط دموعها وبهمس: عسى الله لآيحرمني منك : مبروك يالغاليه.. رفعت راسها من حظن ابوها واهي تشوفه يمسح دموعها وبهمس: هالحين حمد بيعصب ههههههههه خربنا مكياجج ابتسمت واهي تحس بعيون ابوها تلمع بحزن لآنه بيفقدها : بابا تراي بقطر ماني رايحه المانيا عشان تزعل انت وماما كذا ابتسم ابتسامة اب بيفقد بنته وبيخلي رجال غيره يحمل الامانه الي سلمها له ربي .. طلت ريف براسها واهي تهرب من نظرات ريم وبصوت هامس: عن الافلام واخلصي ياعروس خلينا نزفج .. ابتسمت ريم واهي تباعد مابين ايديها ظلت ريف جامده ثواني واهي تحس بحزن يعم بعيونها جرت بسرعه وبغت تتعثر بثوبها واهي تضم ريم بقوه ماكان في كلام بينهم لكن عيونهم اكتفت انها تحكي كثير همست واهي تطالع بريف: يلآ خلي طلال يتجهزعشان انزل معاه اهو وابوي تمنت بهالحظه ان البنات كانوا يمها يشهدون لزواجها ويشوفون ريم من خذت :: :: :: ماتدري ليه تحس بتعب واهي تصعد للدرج ماصدقت توصل للغرفه وترمي بثقلها على الكنب طالعت بالفراغ واهي تحس براحه وشوق غريب مشتاقه تسمع وش صار لريم وش اخبار هيفا مشتاقه انهم يجتمعون من جديد وماتدري اذا هالشي بيصير او لآه حست بخطوات تقرب صوبها رفعت راسها وشافت هيف واهو يرمي بثقله يمها داعب شعرها وبهمس: بمنو تفكرين بللت شفايفها وبهمس: بالبنات التفت صوبها واهو يبتسم: ياحليلهم البنات انتي ماتدرين ان كايد خذا هيفا وريم تزوجت بواحد غير راشد بققت عيونها وبصدمه: شنو ومن خبرك ابتسم واهو يقربها لصدره: كايد .. كلمته قبل اسبوعين واهو الي مخبرني .. همست بصوت خافت واهي تحط يدها على صدره: ياحليلهم والله غريبه هالدنيا باس راسها واهو يشدها اكثر صوب صدره وبهمس: عساهم مبسوطين مثل محنا مبسوطين ابتسمت واهي تغمض عيونها على صدره وتتمنى ان الله يتمم فرحها مع هيف للأبد ..~ْ :: :: :: لآبسه قميص نوم لونه خربزي وفاله شعرها الي يوصل لتحت كتوفها حطت الروج الاحمر ومطت عيونها بالكحله قربت قزازة العطر ورشت على نفسها منه وابتسمت برضى واهي تشوف نفسها حست بخطوات تقرب صوبها جلست على طرف السرير واهي تسوي نفسها تقرا المجله بطل الباب وطالع فيها بدون ماينطق بحرف واحد رفعت راسها وببتسامه: اهلين حبيبي طالع فيها واهو يصد ويبدل ملابسه عضت على شفتها واهي تقرب يمه وتحتظنه من ورا وبصوت هامس: اسفه كايد صدقني مارح افتح هالموضوع ابد لكني مابي اكون انانيه وياك غمض عيونه واهو يستنشق عطرها وبهمس: قلت لك ياهيفا انا سعادتي ماتكون الامعاك وانتي تبين تحرميني من هالسعاده شدت عليه بقوه وبصوت هامس: احبك كايد وخايفه اخسرك عشان هالسبب سحبها لمن خلآها قباله واهو يبتسم وبهمس: وش هالكشخه ناويه تقتليني انتي وسعت ابتسامتها واهي تحاوط ايديها برقبته وبهمس: اليوم باكلك هههههههههه ابتسم واهو يطالعها وبهمس:من اول ماشفت هالروج وانا قايل انها ماكله احد ههههههههه شدها صوبه واهو يحس بضلوعها تتحطم من كثر ماهو راص عليها مو اهو ملك شركات ابو هيفا كله الله عطاه الحب والمال اما العيال فنحرم منهم.. ورضى بهالشي ناس كثيره ماتدري ان الحب تعمي العشاق عن اشيا كثيره يفضلون بعضها على بعضها ..~ْ وكايد رضى يعيش مع هيفا محروم مثلها يالله شهالحب الي خلآه يضحي حب قوي جمعهم رغم صعوبة القدر~ْ اهو يعرف لو هيفا ماشالت رحمها ولا صار بها الي صار كان مستحيل ياخذها وعارف زين ان الله كتب هالشي عشانه لجل كذا مايبي يخسرها واهي جايته على طبق من فضه ..~ :: :: :: ظليت اطالع فيها والفستان الابيض الي شاد على جسمها شعرها المرفوع فوق ونازل على كتوفها جمالها الطفولي وابتسامتها الحلوه الي زينتها حسيت اني بحلم وانا اشوفها قبالي همست وانا اسحب يدها بيدي : مو مصدق انج معاي ريم ابتسمت واهي تطالع بعيونه وبصوت متوتر: لآه يعني بتقول اني شبح ابتسم وبهمس: احلى شبح شفته بحياتي بققت عيونها واهي تبتسم: طيب خلني اقوم امسح هالمكياج الي مخليني شبح بعيونك جرها صوبه واهو يبتسم: تدرين اني احبج حست بدقات قلبها تتراقص على نغمة صوته نزلت عيونها للأرض بسحى حست بيده على دقنها واهو يرفع وجها صوب وجهه: من اول ماشفتك بالمزرعه وانا عاشقج اعجبتني شخصيتج القويه حلوه عليج حيل قويه وبنفس الوقت شفافه ريم طالعت بعيونه وشافت الحب الي ماشافته الا بعيون حمد بللت شفايفها وبصوت هامس: لآتذكرني تكفى تراي مفتشله من حركتي ومنافختي عليك انفجر يضحك واهي ابتسمت لبتسامته يالله رغم انه ماهو جميل الا انه يملك شي ماعرفه احس اني اشوفه جميل يمكن لآن في شي انا مو عارفه شنهو حلاه بعيني حسيت بيده تلآمس وجهي وبهمس: احبج قلبي غاص باعماقي وحسيت احلى كلمه اسمعها ابتسمت وتعلقت برقبته وانا اهمس صوب اذنه: وانا احبك حمد الناس كلها بتحسدني عليك ابتسم واهو يضمها صوبه وبهمس: ريشي فيني ياريم ابتسمت واهي بحضنه وبهمس: صدقني الناس بتحسدني عليك او بحسد نفسي لآني بين ايديك يالله شقد ريم تضحكه من تقول كلمه ينفجر يضحك مايدري اهو شعور الفرح الي يخليه يضحك على اي شي تقوله تلآقت اجسادهم ونطقت عيونهم بالي قلوبهم عاجزه تنطقه ريم واخيراً باب الحب تبطل صوبج .. يمكن مو هذا الشخص الي توقعتي تاخذينه لكن ربي كتب لج وياه حياه سعيده.. حمد رغم قبحه الا ان ربي رزقه بمرأه جميله مثل ريم .. طيبه وحبوبه كتب لهم الله صفحه حلوه بحياه جديده مليانه حب وانطوت صفحة راشد من حياة ريم للأبد .. :: :: :: ومرت سنين واحبائي يصارعون مع احبابهم~ْ :: :: :: شوشو تعالي سكتي هالعله ولا قمت عليه وسنعته مسحت ايديها المغرقه بالماي بثوبها وبزفره: يالله من شافك يقول الولد ماهو ولدك قوم انت انا قاعده اغسل الملآبس فرك عيونه واهو يطالع بولده الي يبكي وكأن عمره مو اربع سنين صرخ بحده: عبيد بتسكت ولا قمت وفجرت راسك هالحين حطت يدها على صدرها وبحده:اسم الله عليه وبعدين ولدك يبكي لآن ماعنده الوان متى تقوم حضرتك وتشتريله ابتسم واهو يطالع فيها وبهمس: طيب انتي هالحين ليش ماترتاحين تراج حامل وخلي الخدامه تشتغل طالعت فيه وبهمس: ماعندي شي خلني اتحرك بيتي وبعدين الخدامه جالسه تنظف الحوش حرام نزاحم الشغل عليها اشر لها واهو يطالع فيها: تعالي وجيبي هالعله معاج ابتسمت وشالت ولدها وبهمس: هلا قرب ولده وحظنه وبهمس: والله مااحبه الا لانه يشبهلج كثير ابتسمت واهي تطالع بولدها وبهمس: الله يهداه خذى ضعف ابوه قرص خدها وبهمس: يعني مو عاجبج جسمي ابتسمت واهي تطالع فيه: عاجبني عاجبني اصلآ كل شي فيك عاجبني تلآقت عيونهم وانطلقت شراراة حب متوالده رافضه انها تنطفي ابدً :: :: :: احتاج لك لا ضيق الوقت صدرى ابيك تمسح عن عيونى شقاهـا واحتاج لك اذا الفرح ضم فجرى عن ضحكة ايامى وضحكة عناها احتاج لك فى كل لحضه بعمرى لاصرت روحى كيف احيا بلاهـــا طالعت فيه واهو يلآعب عيال اخوه حست بحرقه تكوي لها صدرها ابتسامته الي تتوسع لآ شاف عيال اخوه ومعاملته معاهم وكأنهم عياله تنهدت بحزن وبهمس: تبي مثلهم كايد التفت صوبها واهو يعقد حواجبه: اذا منك ايه ابتسمت ابتسامه جانبيه ولمعة حزن ترتسم بعيونها: احس حياتنا بارده زفر وابعد ولد اخوه عنه وقام بطوله بدون مايرد عليها تبعته واهي تحس بالندم وعدته ماتفتح المووضوع بس شلون تقدر تمنع السعاده من صوبه همست واهي تسكر الباب: كايد ليش تزعل من الحق طالع فيها بدون مايرد همست واهي تركع قباله: تكفى كايد (وحست بصعوبة الكلمه ) حط يده على فمها وبهمس: قلت لك نتبنى بس انتي رفضتي شسوي فيك الا تزوجيني بالغصب طالعت فيه واهي تحس بالدموع تتجمع بعيونها وبهمس: ليه كايد ليه تحب تقهرني ابيك مبسوط طالع فيها وبهمس: احبك تفهمين وسعادتي معاك قسم بالله ياهيفا حفظت هالاسطوانه من كثر ماارددها صوبك يعني هذي مشكلتي لآني حبيتك لآزم انتي تعذبيني بكلامك تزوج تزوج قلت لك ماابي عيال اذا ماكانوا منك وانتي امهم قربك مني اهي سعادتي افهميني ياهيفا طلبتك افهميني حطت راسها على ركبه وبكت بفرح مو مصدقه ان في شخص مثله .. باع لذة العيال عشانها .. يبي يذوق الي تذوقه حتى لو كان مر ~ْ تضحيه تتسطر وتتلون بقاموس الحب ~ْ{ :: :: :: عانت مع تركي كثير حتى لمن رجعت معاه كانت تشوفه يفز من نومه والتعب هالكه ساعات يبتعد عنها فجأه كان غريب الاطوار واهي فضلت توقف معاه الى يومنا هذا ماعرفت خلود وش صار بتركي وش الي غيره لكن كل من يصبر لزوم يضفر رفعت راسها من الكتاب واهي تحس بحاجه فوق راسها ابتسمت واهي تشوف بنتها تطل عليها ابعدت الكتاب وحظنت بنتها واهي تبوس فيها نسخه من تركي .. : ياحبي لك وياحبي لأبوك همست بنتها واهي بحظنها: انا ولا بابا تحبينه اكثر ابتسمت وبهمس: شوفي نوره ان بغيتي الصدق فأبوك اكثر منك هههههههههههههه : لآه ياقلبي ترا متحمل رفعت راسها ابتسامه عريضه مرسومه بوجها اهي وبنتها وبهمس: اسم الله على قلبك طالع فيها وبهمس: نوره أسأليني من تحب طالعت فيه بنته واهي تنزل من حظن امها وتروح صوب ابوها وبهمس: من تحب انا ولا ماما ابتسم ونزل بجسمه صوبها وبهمس: احب امج اكثر نوره واهي تبكي: يعني انا مو حلوه عشان كذا ماتحبوني انا ماني بنتكم ابتسم ابوها واهو يحظنها وبهمس: ياقلبي على الي يبكون بس انا مااشوف دموع بوجهج ابتسمت وبهمس: طالعه لآبوها دموعها دموع تماسيح طالع ببنته وبهمس: نواري يلآ عن الدلع واضحكي نوره بدلع: قول احبج اكثر من امج ابتسم واهو يجلس يم خلود وبهمس:احبج انتي وامج لكن امج اكثر منج ههههههههههه حطت خلود دقنها على كتف تركي واهي تطلع لسانها لبنتها: حره موتي .. همس تركي : يالله لك الحمد الظاهر انهبلتي انتي عشان تحاردين لبنتج هههههههههههه ابتسمت واهي تشوف انعكاس ابتسامته ترتسم بوجه بنتهم الي كانت تضحك على ضحكهم ~ْ واخيراً بنت خلود عائله ظنت انها راح تفقدها لكن بصبرها وعزيمته قدرت تسترجعهم من جديد ~ْ يوم شافوني انا بقربك... ابعدوني عنك يا الغالي.. مادروبي كم أنا حبــــــــــك.. يا سعادة عمري وفالـــي... من غلاك اخترت انا دربــــك.. دون لا فكر ولا بالــــــــــي... صرت احبك صرت مغرم بـك... صرت عمري أول والتالــي... مهجتي وعيوني اتحبــــــك.. وانتشي لي شفتك اقبالي... وانسى من حولي وافكربك... وكني في كوني لحالـــي... دامني عايش وسط قلبـــك... وانته في قلبي وفي بالي .. ما يفرقنا سوى ربـــــــــــك... الكريم الواحد العالـــــــــي.. :: :: :: تعالي تعالي عن حركات الوراعين وتعالي كانت متوزيه ورا الكنبه وبهمس: لآتضربني بس من حقي اصكها طراق ابتسم واهو يعض على شفته لجل يمنع نفسه من انه يضحك: اطلعي ريم رفعت راسها صوبها وبهمس: وش بتسوي بتضربني يعني هز راسه وبهمس: هالحين من شافج قال ماكأنها ام طلعي وخلينا نتفاهم شوفيها تبكي المسكينه طلعت واهي تسحب رجولها بخوف وبهمس:هاه سحب يدها واهو يجرها معاه وبهمس: روحي اعتذري لها ذي بنتج ومايصير تعاملينها بهالطريقه سحبت يدها وبحده: خير ان شالله هذا احنا يوم كنا كبرها جاتنا كفوف لين قلنا بس يعني حبكت عليها ماتنلفع الا بلفعها لين تعرف تحكي امها عدل خذاله نفس وببتسامه: اهي وش سوت عشانها طقت كلبج العجوز تقومين تضربينها تخصرت وبحده: احترم نفسك ترا ماارضى عليه اصلآً المفروض تحترمه مثل ماتحترمك لكنها تحب تغيضني فيه دايم ابتسم وبهمس: ياريم كلبج بيموت وانتي للحين تعاملينه وكنه طفل لو مات وش تسوين تعبرت وحست بالدموع تتجمع بعيونها وبهمس: تكفى حمد لآتجيب طاري الموت قدامي حظنها وبهمس: والله الظاهر ان هالكلب اغلى مني عندج ابتسمت وبهمس: لآه والله بس له عمر واوا واحسه ولدي .. رفع راسه وبهمس: يارب تصبرني على ماابتلآني صوت طفله صغيره صرخت بلكاعه: اميــــــــن يابابا ابتسمت على بنتها الي لسانها طويل مثل امها بالضبط .. وشعرها المنكوش وللحين مو مصدقه انها تأسس عائله .. :: :: :: لآتحاولين زفرت واهي تطالع فيه: مالي خص بتوظف انت تبي تحبسني عندك طالع فيها وبحده: ياربي انا ماصدقت انج تخلصين من الجامعه تجيبين سالفة الوظيفه لآه انا ابيج ربة منزل لآ اكثر ولآ اقل تخصرت وبحده: قول خدامه مره وحده فارس بتخليني اروح لوظيفتي ولآ اطمح عند اهلي جلس قبالها وبهمس: ريف بلآ دلع ومو عشاني احبج تجلسين تذليني على كل صغيره وكبيره بروح لآهلي وبجي لآهلي قلت لج لآه يعني لآه ولآ تحاولين تبطلين هالموضوع مره ثانيه طالعت فيه واهي تصد وجها عنه وبهمس: طيب شي ثاني هز راسه وبهمس: ادري فيج مارح تسمعين كلامي ابتسمت واهي تطالع فيه وبهمس: ادري فيك بتوافق على الي براسي رفع راسه للسقف وبهمس: يالله صبرك ابتسمت وبهمس: يعني موافق طالع فيها واهو يقرب منها وبهمس: وانا اقدر امنعج عن شي انتي تبينه قربت شفايفها لخده واهي تطبع بوسه وبهمس: وه بس يلوموني لآ حبيتك ههههههه ابتسم واهو يحس بحبها يشل تفكيره يوم ورا يوم .. :: :: :: مايدري وش الذنب الي ارتكبه عشان يخسر كل شي الحب وخسره وكل شي سنين مرت واهو يحاول يهرب من قطر واهلها يهرب من ماضيه وكل شي كان فيه رجع لكندا وقرر يستقر فيها يمكن حياة كندا احسن من حياته بقطر كثير امه زعلت عليه بسبب قراره لكنه فضل الهروب من ريم وحبها ومن مشكلته الي دمرته كثير وعورت قلبه كثير شاف الكوفي الي كان يجيه اهو وريم وحس انه فتح جروحه لمن قرر يعيش بكندا .. كل يوم يمر لآزم يروح للكوفي ويتشريليه كابتشينو على قولة ريم حليب نسكافيه.. كل شي بكندا يذكره فيها وبدال ماينساها يتعلق فيها اكثر يالله وش صار عليك ياريم عساك مبسوطه .. امنيه وحده اتمناها اني ارجع لورا واسمعك تقولين انج تحبيني وانطق لج اني احبج اكثر .. لكنه بقى جالس بروحه ومامعاه احد ويطالع بالبخار الي يطلع من كاس الكابتشينو ومايدري ليه كل ماذكرها ابتسم .. انتهت قصته ومايدري اذا احاوله بتستقر او لآه واذا هروبه بيحل مشاكله او لاه ظل يتوجع سنين ومايدري متى يرتاح .~ْ من يوم فرقانا إلى يومنا اليوم... ما فات يوم إلا وهي مشغلتني... إليا غفيت أشوفها بحلامي اليوم... وإليا صحيت بكل الأفكار جتني عشقتها من قلب ميس ومحروم... وتركتها يوم إنها عاندتني.. نار تشب بداخل القلب بسموم... حاولت أطفى ضوها وأحرقتني... دنيا ثقيلة كلها هموم بهموم... كني حملت جبالها فوق متني... { :: :: :: :: :: البنات افترقوآ وكلآ منهم عاشت حياتها مايدرون اذا بيلتقون عقب هالسنين او لآه لكن كل وحده منهم تحب الثانيه اكثر من نفسها عندهم احساس انهم راح يلتقون ولو شاب العمر فيهم تحرير وسعد ونجود فيصل لكم حرية الاختيار بحياتهم اطلقوا العنان لخيالكم لبعيد واسرحوآ معاه لأفق المستحيل :: :: :: كما هي النهايه صعبًُ كتابتها كما هو مرُ تجرع الألم .. كما آلطفل يصرخ بجوع كما نحن لآنستطيع التركيز في الضوضآء كما نحن لآنعرف كيف نكتب كما نحن ساعات كثيره لآنعرف كيف ننطق كما هي الحياه صعبه ورغم ذالك نتجاوزها كما نحن نأسف على انفسنا وعلى لحظات مرت بنآ كما الانسان ضعيف كما نحن اقوياْْْْء نخرج من ارض صلبه فنكون بالواقع لينين لآنعرف ماذا نفعل ولآنعلم كيف سنواجه تلك الحياه التي رميت امامنا وجب علينا عيشها مهما كانت مرهُ ام حلوهً فكل ماعلينا ان نكون طوعها قليل منا يفكر عكس ذالك فيرفض العيش هكذا فحينما تكون حياته بأئسه يسعى كثيراً كي يحقق السعاده فيها فكم منا فعل ذالك ..؟ الأستسلآم خلق بفطرتنا فأصبحنا نستسلم دون قتال نرفض المواجه والقتال لنيل مانريد مهما كان من حقنا ام لآيكن فالمهم ان نكون اقوياْء نبحث عن الحب فحينما نجده نراه ينساب بين ايدينا فكلما حاولنا ان نلتقطه انساب عندها فقط نستسلم ونتركه ينساب فلآ نفكر كيف نحصره بيدنا ونمنعه من الانسياب ابدً وقليلآ منآ من يفكر هكذا ..؟! هل علينا القتال في الحب .. وهل علينا بالمجازفه ونعيش بعالم الحب .. لما لآه أليس من حقنا ان نعيشه ونذوقه مهما كان اليس من حقنا معرفته وكيف علينا التعامل معه قد يكون هناك مجازفه كبيره وقد لايكون قد نخطئ بالاشخاص الذين نحبهم وقد لآنخطى فنادرً مانجد من يستحق قلبنآ فلآ يفطره لنا ابداً ولآيمزقه ولآيسعى لجرحه ابدً وان فعل فعليه ان يبكي قبل فعل ذالك فما اجمل ان املك شخصً يسعى لكسب رضاي وحظني بين كل حين وفنيه ومحاولة ان يكسب قلبي .. فلآ يعلم انه منذ ان رمقني بعيناه وانا صريعة بحبه وقلبي يخفق بشده كلما رآه وانني اتصبب عرقاً كلما احسست بقربه مني وحينما يغيب عني فجأه اشعر بدوار براسي من كثرة ماافكر به واشعر بقلبي يتمزق خوفاً عليه وكل ذالك يتلآشى حينما اآراه امامي مهما كان ومهما فعل فسيظل ذاك الشخص الذي وقعت في غرآمه وحينما نحب ايضاً علينا ان لآننسى ان الفرآق لوحه آبت الا انت تكون مختلطه مع الحب فأصبح الحب والفرآق مجسمً واحداً ان حصلت على احداهما فالثاني سيظل ملآزم معه حتى يأتي دوره رضينآ بالحب فعلينا واجبارً ان نرضى بالفرآق فالفراق بالنسبة لي هو مثل شعرة تخرج من قلبي اشعر بها تفتت كل شعرة دمويه تحيط قلبي وكل نبضه تحاصره وكل وريد تداعبه فحينما تخرج تلك الشعره حينها اشعر بوخز ابره يناهش قلبي فهذا هو الفراق يلآزمني ألم خروج الشعره من قلبي ايام وشهور وسنون فأنتظر متى تعود تلك الشعره كي تستقر بين اضلآع قلبي وتطمئنه عيناي تبكي ولآتعرف معنى للجفاف ابدً يداي ترتجف كل ليل وهي تمسح دموعي من على وجهي فكم اكره الفراق وكم اكره العيش فيه نفقد كثيراً من شهيتنا نفقد انفسنا واحياناً كثيره ننسى من يحبونا ونحب ان نعتزل عن العالم وحينما نيأس من ان تلك الشعره تعود لترسى وسط قلبي فأشعر بقلبي يضمد نفسه بنفسه ,, هو ألم يجب علينا ان نعيشه ونذوقه ونشعر به هو ألم نكره ان نسميه ألم فتلك الكلمه بسيط ولكن معناه اكثر من ان يكون بسيط كما هي المرأء ورده كما هو الرجل المآء الذي يسعى لآن يجعلها تنمو وتصبح جميله فأن انقطع الماء ماتت الورده وان لم يجد الماء مايسقيه يفقد وجوده فكلنا يعلم ان الماء هو سر الحياه وان كان عكس ذالك فلن نهتم به او نكترث له واحياناً كثيره قد لآنشربه ابدً لو كان غيره من يجعلنا نعيش هذه هي الحياه فيزياء اختلطت مع الكيماء مع قطرات من علوم الدين فأًصحبت لنا رياضيات علينا حل مساألها بأنفسنا فهل نستطيع ذالك قد نكون بأرض الواقع لآنستطيع حل مسألة رياضية او معاده فيزيائيه ولآنعرف كيف نربط ذرة هيدروجين مع اكسجين ولكن مع الحب قد نستطيع حتى لو كان من المستحيل فلآ اعلم كيف لعقولنا ان تعمل لحل مسأل لم تطرح ابدً حينها فقد اعلم ان الحب أعجوبه لها سحرها الخاص وواقعها المُر .ْ؟}~ :: :: تم بحمد الله 9/4 /2009 تحياتي .. احلى بدويه | ||||
|
| |
|
01-06-13, 08:38 AM
| #37 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|
| |||||||||||||
|
| |
|
| الكلمات الدلالية (Tags) |
| الموت |
| أدوات الموضوع | |
| انواع عرض الموضوع | |
|
|
العرض العادي
