آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-10-13, 03:28 PM
| #21 | ||||||||
| مراقبة عامة ومشرفة منتدى الروايات المنقولة  
|  . , ×*×الجزء الثااني والعشرووون×*× [أحـــلامٌ تــحــتـــضــر] ,... مـــ الحــلـم ـــااات..., .....:أنتي وش قاعده تقولين يابنتي,انتي من صدقك.. الجوهره بعصبيه:أقول خــلع ابي خلع..إذا ماوده يطلق.. ابوسعد يبي يهديها:بس يابنتي الرجال شاريك الجوهره نزلت دموعها غصب:وأنا بايعته ماابيه..فكووني منه ريحوني يبه أنت تبيني أموت خلاص اغصبني أرجع لفراس.. ابوسعد:بسم الله عليك من الموت..خلاص مثل ماتبين.. الجوهره:طيب طلعوني من هنا..أبي الرياض ودوني الرياض..أنا انخنقت هنا.. ام سعد:بس يابنتي.. والله ذكرتيني بك وأنتي صغيره..عرفنا بنطلعك خلاص.. ابو سعد طلع وهو شايل هم على قلبه..من قرار بنته.. أم سعد وهي تخزها:يابنت أصدقيني الكلام أنتي كنتي تعرفين أنك حامل ومتعمده تسقطينه..صح؟ الجوهره وهي تعض بأظافرها بتوتر:إييه عرفت من يوم بس وكنت فرحانه...بس بعد ما..... ام سعد بإلحاح:بعد وشو..وش الشيء اللي يخلي وحده تسوي سواتك تسقط ولدها روحها.. بدم بارد كذا.. الجوهره زاد توترها وهي مقهوره من فراس: الخيانه يمه.. الخيانه ناار تحرق الأخضر واليابس...يمه فراس كان يخونني مع بنت جيرانهم وهالشيء ما أكتشفته إلا فالعرس يمه..أول مازف أخته طلع للصاله اللي مواعدته فيها و...و.. {بكت بحرقه} ام سعد ضمتها تهديها:بس يمه..بس..ولايهمك ولاتشغلين بالك.. الجوهره وهي بحضن أمها وتبكي وهي مغمضه عيونها:أحبه يمه أحبه..أحــبــه.. أم سعد بكت معها:طيب طيب والله أعرف..لاحول ولاقوه إلا بالله... , . , . [أحـــلامٌ تــحــتـــضــر] لبست فستانها حق الزفه..توها جايبته من المشغل..وقفت قدام المرايه الطويله فغرفتها وهي تبتسم:شرااايك ريمي..؟ ريم صفرت:روووعه تجننين الليله بتكسريــن الدنيااا رنيم ببتسامه حالمه:ياارب يعجب مسلط.. ريم:بروح أنادي امي و رامي يشوفونه ويقولون رايهم رنيم:أوكيه.. , . بالصاله تحت.. رامي دخل وخاطره ضايق.. أم راكان:رامي وين أبوك؟مادرى أن عرس بنته الليله؟وملكتها اللحينه؟!! رامي بضيقه:أي عرس يمه..وأي ملكه.. ام راكان:عرس اختك رنيم.شفيك انهبلت؟ رامي جلس على أقرب كرسي,وأخذ نفس:..مسلط توفى البارحه بحادث يمه.. أم راكان حطت يديها على راسها وهي تكتم صوتها:شلوووون؟!!! ريم بأعلى الدرج صرخت:لااااااااا مستحييييل.. , رنيم بعد ماسمعت الصراخ طلعت مسرعه وهي ترفع طرف فستانها علشان تعرف تمشي..وقفت عند ريم أللي جالسه على اعلى الدرج وتبكي,:جمااعه وش فيكم ليه تصرخون؟..أنطقووا ريم سكتت وظلت تبكي وهي صاده وجهها عنها... ام راكان سكتت وهي منزله راسها ماتبي تفجع بنتها... رنيم رفعت صوتها:هييي قولوا لي وش فيييكم؟ رامي نزلت دمعته وهو يشوفها لابسه الفستان:مسلط يارنيم..مسلط رنيم خافت:وش فيه مسلط تكلم.. رامي:مسلط ماات رنيم رنت هالكلمه براسها"مسلط مات".."مسلط ماات"..حاولت تستوعب وحاولت وفجأه أنفجرت ضحك وهي متكيه على الدرابزين بيدها علشان ماتطيح:هههههه هههه هههه..أنت غبي يارامي..مسلط مستحيل يموت..أنت ماتفهم..مسلط مامات..ههههه أم راكان بكت من ردت فعلها:وحدي الله يابنتي..أدعيله بالرحمه رنيم عيونها صارت حمراء وخشمها الطويل صار أحمر:هههه ههههه أنتوا أكييد تمزحوون..حبيبي مامات يمه صدقوني..هو مكلمني البارحه..يمه اليوم زواجنا حتى أخذ رايي في مكان شهر العسل وأتفقنا نسافر لأسبانيا,....أنتوا ليه واقفين هنا ليه ماتروحون القاعه ..العرس هناك يمه...هناك مسلط يمه...ماتصدقوني أسألوا ريم.. صح ياريم..مسلط كلمني البارحه صح؟... ريم وهي تبكي:خلاص يارنيم..كفااايه رنيم صرخت وهي تبكي:أنتوا اللي كفاايه كذب..لاتفاولون على حبيبي دخل راكان وهو متأثر..وعلباله مابعد دروا,وتفاجأ بشكل رنيم المزري.. رنيم شافته دخل وراحت له مسرعه وتمسكه بكتفه وتهزه وهي تبكي:راكان قولهم أن مسلط مامات..هذولا جالسين يتفاولون عليه..فهمهم انهم غلطانين راكان مسكها يهديها:رنيم قولي لا إله إلا الله..الموت حق علينا.. رنيم أبعدت عنه وهي تخزهم كلهم وهم يناظرونها متأثرين من صدمتها:لاتناظروني كذا..ما أحب هالنظرات..شفيكم مسلط حبيبي بيجي وبتشوفون..أنه ما مات ..مسلط مامات....... طاحت مغمى عليها..من الإنهيار العصبي..... راكان بكى غصبٍ عنه وهو يشوفها تذبل قدامه وشالها..... [أحـــــــــلامٌ تــحــتـــضــر] . , . , . [أحــــلامٌ تــحــتـــضـــر] ..جالسه بقميص نومها القصير بصالة الجناح اللي نازلين فيه..وتبكي من قلبها من شافها قال صايبتها مصيبه..وفاقده غالي...زاد بكاها كل شوي.. قام وهو يتحسس مكانها ماحصلها..عصب,وفز يدورها وقف يلبس روبه الطويل وسمع صوت بكاها..وطلع وقف عند الباب وهو يناظرها وهي تذرف دموع وتبكي,عقد حواجبه:خيررر..وش هالنكد على الصبح؟ سما تحاول تمسح دموعها وترفع راسها تناظره,قامت وراحت له مسرعه وضمته بحنان وكأنها ماشافته من سنيييين:.. نايف أستغرب هالحضن بعد اللي سواه فيها البارحه,ضخم صوته:بنت شفيك؟ سما سحبت يدينها وأبعدت وهي تمسك كفوفه:زوج رنيم اللي المفروض تتزوج اليوم توفى البارحه في حادث.. نايف أستغرب:وأنتي وش دخلك تبكين وكأنه أخوك.. سما غرقت عيونها دموع:تخيلت لو صار لك مثل ماصار له..وأنا أنتظرتك سنين وش راح يصير فيني... نايف أنهبل من تفكيرها شلون وداها:وش راح يصير فيك يعني سما بدون تردد زادت دموعها:أموت ياحبيبي..أمـووت نايف نزل حواجبه اللي كان عاقدهم وناظرها بحب وحنان:تحبيني يا"سما"؟ سما ناظرته ومدت يدها بأصبعها السبابه على وجهه حواجبه وخشمه وشفايفه وكأنها تحدد ملامحه:حبيبي أنت تدري وش مكانتك بقلبي..مايحتاج أقولها نايف بإلحاح:أناأدري بس أحب أسمعها من فمك..يله قوليها.. سما ببتسامه ساحره:أحــبــك نايف ضمها:ولف فيها ووقفها مكانها:وأنا بعد أحبك.. سما ببتسامه خجوله:ذكرتني بشيء....مشكور على اللي سويته البارحه.. نايف خجل وهو يتذكر الكفين:أنا أسف عالكفين سما هبلها بشكله وهو يتأسف:ههههههه لا مو الكفين نايف أستغرب:أجل على إيش سما بدون حيا:عاللي صار بعد الكفين....كنت روووعه حبيبي نايف أستحى وهو يحك راسه:بــنـــت سما سوت مثله وتقلد صوته:ولـــــد نايف:هههههههههههه سما:هههههههه هههههه . , . . . وتمضي الأيـــــااام....... [أحــــــــــلامٌ تــحــتـــضـــر] في بحر أحزانها جالسه بنص سريرها ومتكوره على نفسها وتهز نفسها بتوتر دموعها ماتجف....أي حزن تعيشه أي فقد تحسه..أي حلم حب ضااع فالهواا وماات.. صارت تتذكر أيامها معه..فالبر لمن ضاعت وأول مره طاحت عينها بعينه..نظراته همساته ضحكاته.. لهجته اللي كانت تستغربها وتعلق عليه فيها.. . ولحظة عطاها الشوزن وعلمها ترمي..علشان تحمي نفسها منه...ولمن علمها السواقه..وخلاها تفحط على كيفها...وليلة ما انجرحت يده..وضمدت له جرحه ..وآخر شيء لمن جاء بيرجعها لآهلها..وكان يوم الوداع..ضمته ضمه عمرها ماراح تنساها..بكت وهي تحس بالبرد يلفحها... أمها عندها وتبكي على حال بنتها:بس يمه قدامك عمر راح تعيشين أيام أحلا من هذي...خلاص رنيم تذكرت جملة مسلط لمن كانو عالكبوت يومها كانت تقوله:أنا حاسه هالأيام راح تكون أحلى أيام حياتي... مسلط:ههه لا إنشاء الله قدامك أيام راح تكون أحلى وراح تنسين هالأيام..... رنيم سااكته وعيونها وحمراء ودموعها تنزل بدون توقف.... ام راكان بقلة حيله:يعني شلوون رنيم ..بدون رد... ام راكان فقدت الأمل:طيب ماودك تنزلين تاكلين طالعي شكلك بالمرايه لين متى بتظلين عالسوائل... رنيم بدووون رد ... ام راكان قامت بعد ماتعبت وهي تتكلمك معها بدون فايده... .رنيم بكت ورفعت صوتها بأناهيد خفيفه..وحاولت تهدي نفسها..وناظرت بالدولاب ...قامت وطلعت كل شيء له علاقه بمسلط.. هداياه وجوالها اللي اهداها إياه.. وشماغه....وحطتهم على السرير وجلست تناظرهم ..فتحت جوالها على صورة مسلط وضمتها مع شماغه على صدرها وهي تتنهد.. يـــاولفي وينك..الله يالغاالي من عم يعينك؟؟,,, والبيني وبينك...فوق المحبه هالبيني وبينك... يارفيق سنيني...بعيني خبيتك وسكرت جفيني... مابدي عيني.. ساعة مابشوفك..مابدي عيني.. يانبض قليبي..يالهفة أمي..خذني بحضينك.. عشنا هوانا ..طفل ومع طفله تربى جوانا.. صوته نادانا ..وسمعنا صوته عايش وياانا... إيدك بإيدي..ضحكنا وفرحنا..عشنا ذكرانــا.. وحكاية عمري..بسمه على شفاتك..مع نظرت عينك.. يـــاولفي وينك..الله يالغاالي من عم يعينك؟؟,,, والبيني وبينك...فوق المحبه هالبيني وبينك... ونصير حكاية ..ليلى ومجنونها..رجعوا من ثااني.. لأتمنى الدنيا تنقص بعمري وتزيد سنييينك... دخلك يادنيا خدي من عمري تا تزيد سنييينه.... [أحـــلامٌ تــحــتــضر] . , . , . . , [أحــلامٌ تــحــتـــضــر] جــده../ أم طلال:أنت ماتقولي شصاير بينك وبين زوجتك؟ فراس بألم مخفي أخذ نفس وسكت..مولاقي رد عليها... أم طلال:طيب وش ناوي تسوي هاللحين..تبيني أروح أكلمها؟ فراس:لا يمه..خلاص..أنتهينا.. أم طلال ببتسامه:والله الحمدلله أنكم خزيتوا الشيطان..وتصالحتوا فراس بيأس:يمه حنا ماتصالحنا ولاشي.. أم طلال:وأنك تقول أنتهينا.. فراس بضيقه:يعني طلقتها..وورقة طلاقها وصلتها اليوم... أم طلال شهقت وسكتت مصدومه.... {صوت الباب ..} لمى نازله من فوق تركض:هذي نودي وسموو حبايبي وصولوا فتحت الباب... العنود:السلام علييكم لمى ضمتها:وعليييكم السلاااام هلا والله أشتقتلك العنود ناظرت بفراس وأمها:وأنا بعد.... السلام عليكم الكل:وعليكم السلام لمى:وين سموو؟ العنود:مدري عنها قبل شوي تقول بسبقكم لأهلي.. لمى: النصااابه ههههه فراس:يله ياجماعه عن أذنكم... العنود:فراس خذ أمي وروحوا لسعود بالمجلس فراس بضيقه:أنا بروح مشغول بسلم عليه وبمشي..يمه روحيله بلحالك.. أم طلال وهي تخزه:على وين ياحظي..من لك غيرنا اللحين فراس لم نفسه ومشي بسرعه وهو متضايق...... العنود:يمه شفيه فراس ام طلال:مافيه شيء..أنا رايحه لسعود ارسلوا القهوه علينا.. لمى:إن شاء الله يمه..تعلي نودي سولفيلي عن كـــل شيء العنود:هههههههه يمممه منك كل شيء لمى:ولو نقص شيء يااويلك هههههه ... , . , طلع من بيتهم وهو ماله هدف..ضاقت فيه الوسيعه...رفع ناظره لقدام شاف بيت غيداء تذكرها ليلة زواج خواته..كيف كانت متنازله عن نفسها له..تذكر حركاتها الجريئه ولبسها المغري..وكأنها مستقصده تصيده...طرت بباله فكره جنونيه.. رفع جواله وأتصل بمؤيد أخوها:سلام عليكم مؤيد مؤيد فالجوال ارتبك لأنه استغرب اتصاله:هلا وعليكم السلام اهلين فراس فراس:أهليين أهلين كيفك يارجال من زماان عنك... مؤيد:والله أنا تمام ولله الحمد بس حالياً فالمدينه المنوره مع الوالده فراس:ماشااء الله كلكم فالمدينه..! مؤيد:لا والله مو كلنا بس أنا والوالده..رايحين نزور خالي وكلها اسبوع وراجعين فراس:أنت والوااالده..زين زين ترجعون بالسلامه...مع السلامه.... فراس سكر الجوال وهو يبتسم بخبث:حــلـــووو مافالبيت غير غيداء واخوها النتفه عُمر..بس.. كذا الأموور تماام... . , . , . [أحـــلامٌ تــحــتـــضـــر] جالسه بغرفتها لحالها ومقفله على نفسها الغرفه..من وصلتها ورقة الطلاق..تبكي وتبكي من دون توقف مو مصدقه شلون هانت عليه وطلقها بهالسرعه...ألتفتت وهي تدور بعينها فالغرفه..كل شيء يذكرها فيه..صوره عطره ملابسه..حتى أشرطة الأغاني حقته وبعض الأشياء الشخصيه المتعلقه فيه...مدت يدها للكمدينه وطلعت بطاقة العايله..ناظرتها بألم وضمتها..تعبت من ذكراها وليلها طـال والنوم مجافيها.. راحت لسريرها اللي صارت تستوحش منه.. أستلقت عليه وعيونها تغرق بدموعها. وغصب عليها لازم تلتفت وتشوف مكانه جنبها مدت يدها وهي تتلمس المكان وأخذت مخدته وضمتها لصدرها بحنان..ونـامت.... غـيــاابـه "حــطّــم" أحـــلامـــي..,,, "..{وصرت عــايـشـه بأوهــام..... شـكـى قـلـبي من أحـزانـه...! واللـه عـزيـز القلب.. أقـول بـضـحـك عـلـشـانـه../ ودمـعـي يسـيـل مـني غـصـب.. ^ صحيـح هـالـزمن "قـاسـي"^ زمن يخونني فيه "أغلى نـاسـي"... . , . , . , . ناظر الساعه بيده 12 ونص..رن بجواله عليها وتأخرت ماردت:أووف.... أخيييراً كان مارديتي....أوكيه أوكيه أفتحي الباب بسررعه..يلللله... ناظرت نفسها بمراية الصاله وهي ماشيه وراحت تفتح له الباب بسرعه:أهليين فراس ناظرها بإحتقار من تحت لفوق,لابسه تنوره جينزلنص الفخذ وبلوزه زهريه ضيقه كت... غيداء ببتسامه ساحره:تفضل...راح تطول وإنتا واقف ؟ فراس دخل ونزل الكاب اللي على راسه ومسح بيده على شعره الكثيف على وراء.. غيداء بتمووت على شكله..ووسامته ونظراته المعقوده دايماً,دخلت تمشي معاه: تصدق أحس نفسي أحلم..أول ما أتصلت فيا ماصدقت..فرحت من جوات قلبي.. ولمن شفتك دحينه جاي هنا علشاني..تأكدت أني ما أحلم.. فراس سكت وجلس... غيداء شعورها ماينوصف وهو قدامها حتى لو ماتكلم ماعليه اهم شيء انه "موجود" راحت للعصير اللي مجهزته عالطاوله وصبت له كاس وراحت تمده له وهي قريبه منه:تفضل فراس جات عينه بعينها ذكرته بالجوهره لأنها تشبه لون عيونها الزرقا..أخذ الكاس منها وحطه عالطاوله اللي قدامه وسحب غيداء وجلسها جنبه,.... غيداء حست بمغص وهي قريبه منه,شعور لايوصف عندها:حبيبي أشرب العصير ترى أنا أللي عملته بإيدي.. فراس وهو يقربها اكثر منه:راح يكون حلو اكيد.. غيداء أستحت وراحت فيها... فراس شافها راحت ملح:أقول غيداء....مافيه مكان احلى من هالمكان نجلس فيه؟ غيداء:فين تبغى حبيبي؟ فراس:والله مدري بس..خلينا نتمشى بالبيت وندورلنا مكان مريح ونجلس فيه..شرايك غيداء ببتسامه:زي ماتبغى..قوم قاموا وأتفتلوا بالبيت صاله صاله ومكان مكان..وراحوا لفوق.. غيداء وهي متمسكه بيده:حبيبي هذي البلكونه مرره حلوه وتهويتها كويسه شرايك نقعد فيها.... فراس بنظرات خبث:كويسه بس بالأول أبي أشوف غرفتك إذا حلوه زي صاحبتها غيداء ماجاء ببالها أي شيء إلا أنها مبسووطه فيه:أوكيه تعاال أوريك وأنتا أحكم.. فالغرفه... فراس داارفيها ووقف عند الشباك وسكر الستاره... غيداء وقفت وراه وهي مميله وقفتها:هااه إييش رااايك؟ فراس قرب لها ومسكها من خصرها ولصقها فيه:حــلــــووه.. غيداء بلعة ريقها بعد حركته الجريئه ماقدرت تتكلم ولاتقول شيء... فراس عينه بعينها الزرقا وكأنه يشوف الجوهره بعيون اللي خربت بيته وخلته يطلقها..حس بقهر من غيداء ووده يدمرها مثل مادمرت قلب الجوهره.. . , . , . , [أحـــلامٌ تــحــتــضـــر] , . [أحــــلامٌ تــحــتـــضـــر] ريم جالسه تكلم بالتلفون..من شوي.. ريم والجوال بأذنها:عجزنا والله يانمر..تصدق أنها من يوم ماأغمي عليها وصارلها إنهيار عصبي..وهي ماتنطق بكلمه وحده.. ولا أكل ولا شيء من بعد ماطلعت من المستشفى صارلها فتره وعلى السوائل وبسس نمر بحزن:طيب والحل..وبعدين معها..أنتي فهميها أن هالشيء مايرضي مسلط لوكان حي ريم:آآه يانمر عجزنا..بس تبكي وياليت يطلع لها صوت..يمكن راح ترتاح..بس بكاها بصمت دموع وأناهيد تقطع القلب.. نمر:أوكي وديلها الجوال بكلمها بسرعه ريم:أوكيه بس يمكن ترفض نمر:لا ماراح ترفض انتي حاولي تحطين السماعه عند أذنها بس أنا بكلمها مايحتاج ترد... ريم:أوكيه بروح... عند غرفتها... ريم دخلت:غريبه باب غرفتها فاتح..وهي ماهي موجوده.. نمربالجوال:يمكن في دورة المياه ريم:ولافي دورة المياه..نمر مع السلامه بروح أدور أختي نمر:بس لاتنسين تطمنيني ريم:أوكيه... سكرت الجوال وأنتبهت لغرفة رنيم اللي مكركبه...بس أنتبهت أن هدايا مسلط مو موجوده..وبعد جوالها مو موجود...وشماغه مش فالدولاب..دخل الشك بقلبها... وطلعت تركض... , تحت../ راكان دخل ينادي:لاحوول ولاقوه إلا بالله وش هالعالم ام راكان:وش فيك يمه ملاك:راكان خير ان شاء الله وش صاير راكان بنرفزه:سيارتي مسروقه من قدام بيتي.. ام راكان:لاحووول ولاقوه إلا بالله ملاك:ليش ماقفلتها بعد ماوقفتها.. راكان:قفلتها وربي قفلتها بس..إيه المفتاح... وينه ريم وهي نازله سمعت بعض قصتهم وتبكي:مع رنيم...أكيييد مع رنيم راكان استغرب:وشوو؟!! ملاك:من صدقك ريم؟ ريم:إيه رنيم تعلمت السواقه فالبر مع مسلط..وأكيد هي ماخذه السياره ام راكان جلست ماعاد تتحمل.... راكان عصب:طيب وين بتروح ريم وهي تبكي:مااادري بس روحوا ألحقوا عليها..أنت نسيت أن الدكتور يقول اللي مثل حالتها عندهم ميول إنتحاريه..يمكن تنتحر ام راكان:تنتحررر...تكفى ياولدي ألحق على أختك... راكان أخذ جواله وأتصل :اللحين بكلم عمي ماجد..يسوي بلاغ ويدور عليها..هو فالشرطه وراح يعلمنا بكل شيء.. . , . , . طلع من غرفتها يركض وكأنه يهرب من شيء....أسرع وركب سيارته وجلس يلتقط أنفاسه شاف علبة مويه أخذها وكبها على راسه:أستغفر الله...يارب سامحني ياارب سامحني... شغل سيارته ومشى من قدام بيتهم مسرع... طلت من شباك غرفتها وشافته وهو ماشي بسرعه..ندبت حظها العاثر جلست بزاوية غرفتها وتكورت على نفسها وهي تلف شرشفها حولها وتبعد شعرها المتناثر وراء اذنها...وتبكي بحرقه:ليه يافرااس ليييه..حراام والله حراام.. صارت ترتجف وكأنها بفريزر..وتناظر حولها وتحس كأنها بصحراء...... [أحــــلامٌ تــحــتـــضــر] . , . يادمع عيني "خـف" - جرحت عيني- والعين تبكي.... خووف تفقد بصرها... كف يادمع ماودي أنك تجيني.... عسى نفسي تداري..حزنها.. ودي الصبر..والوقت يرحم أنيني.. والنفس من ذا الصبر تجني ثمرهـا... ياغير..صبري مـلّ..والله يعيني...! والـروح تبكي (ضايقه من صبرها).. هو صاحبي...[مـــاآت]... ودمــر سنيني... كـان الأمــل لحيـاتي... ~~ عـمــره ~~ كـان الـدفـا~...والشووق يمووت فيني.. هـو دنـيتي..مـلهم لعيوني نـظـرهـا.. هو غـايتي.. هو راحتي.. هو ضنيني... هو مهجتي.... بالحب..نفسي غمرها~ (..يـااحــيــف..) وقتٍ حــال بيـنه وبينـي... واتبدلت – الأحلام- لحظة وفاته.... واللي أنـكـتب.. وأنصار وسط الجـبيـني.. ,لابــد, هالأيــام تـكـشف خـطـرها.. يادمع عيني "خـف" - جرحت عيني- والعين تبكي.... - خووف تفقد بصرها... بين الشوارع..تسوق السياره ومتلثمه بشماغ مسلط..دموع ماتوقف..حزن جارف.. تلتفت وتشوف هداياهـ كانت تسرع سرعه جنونيه..كرهت كل هالسيارات لمجرد أن مسلط توفى من حادث سياره...في بالها مكان ماتقدر توصله تتمنى لو تطلع من الرياض لمكان خيمته..وعند أبله..هناك أحلى ذكرياتها معه...نست نفسها وهي تبتسم للذكريات الحلوه...وماسمعت أصوات سيارات الشرطه اللي تلاحقه ومو قادره تلحقها.... أبتسمت وهي تتكلم وواضح عليها فقدت السيطره على أعصابها:أنا جايتك يامسلط.. لاتبعد..أنا فالطريق حبيبي ..فتحت جوالها وأتصلت برقمه,أنتظرت أحد يرد بس ماافيه رد,"غصتها العبره":يالله أكيييد زعلان مني علشاني تأخرت عليه.. [أحـــــــــلامٌ تــحــتــــضـــر] , . , سائق الدوريه:ياعقيد ماجد..ماحنا بقادرين نلحقها..سرعتها جنونيه ماجد وعينه على سيارتها:أسكت وخلك وراها بس... خلني أرد على الجوال:هلا راكان...إيه لقيت سيارتك واللي فيها فعلاً أختك..شووف حنا اللحين وراها..وماندري متى توقف...بس لاتخاف هي تعرف تسوق..توكلوا على الله وادعوا لها.. راكان بقلق:بسس ياعمي..البنت عندها ميول تنتحر..الدكتور قال هالشيء ماجد:لاااتخاف..إن شااء الله يصير خير...يله مع السلامه.. سايق الدوريه:عقيد ماجد..السياره اتجهت لطريق ثاني..كله حفريات ماجد بخوف:وش تقووول؟؟..ألحقها وحاول تمنعها السايق:مستحيــل..الطريق مقفول.. وقفت الدوريه بأول الطريق ونزل ماجد معه العسكري ووراهم الدوريات.. ركض ماجد على رجليه لأن مستحيل السياره بتدخل..ناظر ماشاف سيارتها..تأكد له بأنها بأحد الحفر المحفوره بالطريق..بس مو واضحه لأنه ظلام,,وهم الساعه 9 الليل...وقف بكشافه بأول حفره وشاف السياره طافيه وطايحه على راسها ..أشر بيديه للعسكر يجيبون ونش..ورفع الجهاز اللي بيده:ندااء ياعمليات وقفوا عمليات البحث..لقينا السياره والبنت.. طفى جهازه ونادا بأعلى صوته:رنيييم..تسمعيييني...رني ييم...رنيييم ماافيه رد... , بعد شوي وصل راكان..جت الإسعافات وطلعوا السياره..وطلعوا رنيم... راكان بصياح: رنييييييييييم ماجد بألم:رنيم مـاتت..ياراكان..عظم الله أجرك راكان جلس على ركبتيه فالشارع..وبكى بشكل هستيري,عمره مابكى بهالشكل.. بس حس بأنه مذنب بحق اخته..وتركها تروح بسيارته وتنتحر وهي مريضه ماتدري باللي تسويه... <<<<<ومــــاتت رنـــيـم.... ومــاتت قصة حــبهــا معها..... [أحـــــــــلام تــحــتـــضـــر] . , . . , / . , الفصل الثــانــي../ مر كم شهر على وفاة رنيم...والأحوال بالبيت صارت أفضل مما كانت عليه... ملاك ببطنها الكبير جالسه وتلعب بلايستيشن مع أخوها مهند.. مهند:هههههه غلبتك بادوووبه ملاك ضربته خفيف:مهندوووه أنا دوبه..هذا البطن بس علشاني حامل وإلا نسيت شكلي قبل مهند:هههههههههههه ميس:ههههههه يالهبله تعالي اجلسي معي هنا خلنا نسولف مثل العالم.. ملاك قامت وجلست عند ميس:وهذي جلسه..نعم أنسه ميس.. ميس وطلال الصغير بحضنها صار عمره تسعه شهور:ههههه شوفي حتى طلال حبيبي يضحك عليك ملاك:أفااا صدق طلوول...آآآآي..{ضربت بطنها على جنب بقوه} ميس أرتاعت وهي تعبس وجهها:بنت ووجع ليش سويتي كذا ملاك:هالمخلوق اللي ببطني خنقني عورني بحركته الزايده..مو كفايه خلا جدتي تحلف علي ما أروح مع راكان للبعثه..أسكتي تراني حاقده عليه.. ميس عبست وجهها:صدق ماتصلحين أم الله يعينه إذا طلع.. ملاك:هههه تكفييين..أقول عطيني طلال بس خليني أقطعه بالبوس.. ميس ضمته:آآسفه..أخاف يرفسك في بطنك وتضربينه..هذا ولدك وضربتيه..مو بعيده تضربين طلال... ملاك:مدري ليه حاسه الولد هذا إذا بيكبر والله بيظن أنك أمه موب اخته وبيناديك ماما.. ميس:ههه وخليه يقول ماما..أحب ماعلى قلبي.. ملاك:إيه بس أخاف تهونين من العرس..وتقولين وش أبي عندي ولد بارد مبرد وترفضين الزواج علشانه.. ميس ببتسامه:وهو كذلك..أصلاً خلاص شطبنا على موضوع العرس..ماعااد فيه فيه شيء إسمه طلال ماجد الراكان دخل حياتي وعطاها طعم خااص..ماعاد أبي شيء أحلى من كذا ملاك:لاواللــه..وبسسس.. ميس:لا وشيء ثاني بعد..يارب أتعين في مدرسه قريبه من هنا..ياارب.. ملاك اخذت جوالها:أقوول خلني أروح أتصل برجلي وأسمعه صوتي..علشان مايفقدني..ويدور غيري..ترى أعرفه بركانووه ميس:هههههه مستحيييل تتغيرين أنتي وراكان.. ملاك:قصدك أنا وبركان هههههه ميس ببتسامه حالمه:تحبينه ياملاك؟ مـلاك كانت بتقوم وجلست على هالسؤال,وكأنهاتفاجأت فيه:... ميس:شفيك سكتي؟..لهالدرجه السؤال صعب! مـلاك ببتسامه خفيفه:موقصة صعب..بس..بس علاقتي براكان كانت من البدايه معقده..ما أدري من متى بالضبط بدينا نستلطف بعض.. ميس أندمجت:كيف كانت علاقتكم بأستراليا.. ملاك تذكرت وهي تبتسم عالذكريات:ههه تخيلي ياميس عشنا مع بعض هناك زي أخوان.ومتفاهمين و.. ميس قاطعتها:كيف هذي مافهمتها....شلون عشتوا هناك زي أخوان؟؟!! مـلاك:هههه مافهمتيها!!..أوكيه..أقولك يعني كـل وااحد بغرفه بلحاله..ولا يقرب ناحية الثاني.. ميس استغربت:طــووول مـاكنتوا هنــاك!!!! ملاك:هههه طــول ماكنا هناك..يعني سـنـه كــاامــله مـيس:وأمـوركم كانت ماشيه دون مشاكل؟ ملاك:والله يعني ما قولك..بس راكان كان يخفض ضغطي بأغلب الأحيان..ويحرني؟ ميس:شلون كان يحرك وأنتي أللي تحرين الناس؟؟ مــلاك دخلت جو:أنا بعد مارحنا هناك,ويمكن من تزوجنا وأنا شايفه راكان ثااني غير اللي كنت ماخذه عنه فكره..وما أنكر أني حـبيته..وتمنيت لوكان هو بعد يبادلني هالشعور..ولكن هو ماكان يعرف يعبر عن شعوره..اللي أقصده أنه بنفس الوقت كان يحبني وبمكن أكثر مني بس أسلوبه الغبي وغروره خلاني أفقد أعصابي وأقطع دراستي وأرجع للسعوديه..وبدون ما أقوله لين عرف بالصدفه وأنا أكلم جدتي... ميس بإهتمام:إيـوه..وبعدها.. مـلاك أخذت نفس:وبعدها ياحلوه جيت عالسعوديه..جلست كم يوم ما أحد يدري باللي صاير بيني وبينه..لين صارت الرحله وتفاجأت بأن راكان رجع للسعوديه ومنيومين وأنا ماني عارفه ولاعطاني خبر..هنا بغيت أنجن وأقول بخاطري له يومين بالسعوديه ولا كلم يطمني ولا يمر عليه؟!.. ميس:وبعدين وش صااار؟ ملاك:من أول ليله فالمخيم أنخفض ضغطي مثلك خابره وضقت من الدنيا..قلت لأبوي يرجعني وأصريت أني أرجع لحالي ورجعت كنت أبي أريح أعصابي بس فكري كله معه! أخذت شاور دافي وأنا أقول بخاطري "بنساه..وأتلا مابيني وبينه " ..وبنفس الليله هذي وأول ماطلعت من الحمام شفته بوجهي حسيت أني أحلم ماتوقعته بهالوقت وبهالمكان... ميس تحمست:إيووه وش قلتيله؟ ملاك أبتسمت بحالميه وهي تتذكر ذيك اللحظه:مـاقلت ولا شيء..أرتميت بأحضانه وكانت هذيك الليله أول ليله تجمعنا بغرفه وحده وبسرير واحد.. ميس دخلت جو:ربــي يهنيــك ياملاك تستاهلين ملاك:الله يسلمك..بس أنتي أشغلتيني عنه بروح اتصل لاتزوغ عينه في أوقات فراغه ترا الرجال مهما كان لاتضمنينهم ميس:هههههههههه . , . , . , . . , [أحــــلامٌ تـحــتـــضــر] ..يمشي بشوارع الرياض..توه واصل..مايدري ليه جاي وعلشان مين.. لاحظ عند الإشاره..الصديق القديم وصارلهم فتره طوييييله ماتقابلوا.. حاول يأشر له بس ما أنتبه له...قرر يلحقه لين يشوف وين رايح........ويعرف مكانه... شافه دخل بحي سكني..ووقف عند المسجد...ونزل.. فراس ناظر بالساعه:ياللــه اللحين صلاة العشاء..بس طارق يوقف للمسجد..غريييبه.. نزل ولحقه لداخل المسجد...بس ظل واحد برا واقف ويراقب بريبه..!! . , . , . , [أحلامٌ تــحــتـــضــر] .تمشي وتبخر البيت ..هي من تزوجت وأهتدت مع زوجها تعيش سعاده ماتوصف,بس هالليله غييير سعادتها ..(وتدعي يارب ترجعه بالسلامه...) هذي كادي... الشغاله:مداام مداام كادي ببتسامه:نعم ستي الشغاله:مكرونه خلص فرن كادي:خليها أنا جايه أضبطها... ,فالمطبخ// الشغاله ببتسامه:مداام..مكرونه حق أنتي كويييس كادي:أدري..بس عن البربره وزيني السفره ..طارق على وصول الشغاله:زين مدام.. . , . [أحـــلامٌ تــحــتـــضـــر] ..خلصت الصلاه وطلع فراس ينتظر طارق في ساحة المسجد..والرجل اللي يراقب واقف ومدخل يده بجيبه... لاحظ طارق طالع وحوله مجموعة رجال... طارق:يله ياجماعه مو تنسون عشاء الجمعه عندي هالأسبوع..لاتنسى يابوصالح بوصالح:ههه لاماني بناسي..يبو زياد..بس حنا قلنا.. طارق:والله أن ماجيت إن أزعل منك..وماعادني بجايك في محلك بوصالح:أبشر يبو زياد مانقدر على زعلك... بوسعيد:ههههه بكيفه يابوزياد إن ماجاء بيفوته أكل أم زياد.. طارق:هههههه بو صالح:هههههه عاد لاتقعد تفضحنا يبو سيعد الله يهداك الكل:ههههههههههه طارق:يله أجل أرخصولي أنا بمشي.لاتنسون تذكرون باقي الجماعه بوسعيد:لاماحنا بناسين.... , وصل عند باب المسجد طالع وفجأه لقى فراس واقف قدام وجهه,أبتسم علطول... فراس ماقدر إلا يبادله الإبتسامه ويمد يده يصافحه:السلام عليكم طارق صافحه:وعليكم السلام..هلا فرااس عاش من شافك.. فراس:عاشت أيامك....تغيرت ياطارق.. طارق ببتسامه:الحمدلله..الهدايه لها دور وأنا أخوك...وحنا ماقصرنا فالذنوب..عسى الله يعفي عنا بس ويقبل توبتنا..هاا بشر عنك يافراس..هاا عسى جالك عيال فراس صفت نفسه من ناحية طارق ونسى انه يبي ينتقم..وتذكر أنه ماقصر في الذنوب..وتذكر اللي سواه في بنات الناس: لا والله تو الناس طارق:لاتزعل وأنا أخوك قريب بيجونك البزران ويصجونك بس لاتنسى تسمي علي هههه فراس ببتسامه:ماشاء الله جالك ولد.. طارق:هههه علشان الجماعه ينادوني بوزياد..لا أنا للحين ماجالي شيء بس عندي أمل وما أخفيك أني مستعجل شوي.. فراس:ههههه طارق:شرايك تجي البيت تعشي معي... فراس لاحظ اللي رافع سلاحه من ورى طارق من بعيد صرخ وهو يدف طارق ويبعده عن المسدس الحرامي اللي كان متخبي نزل الشماغ ورفع صوته:إن ماذبكتك ياطويرق طارق عرفه من صوته:حموود حمود أطلق كم رصاصه بإتجاههم..... طارق أصابته رصاصه وسقط وراه من فوق عتبات المسجد العاليه على ظهره وراسه.. وفراس أصيب وطاح ينزف ....... تدخلوا شباب الحاره ومسكوا حمود قبل لايهرب... بو سعيد بصراخ:الإسعااف ياشباااب الإسعااف [أحـــلامٌ تــحــتـــضــر] . , . , . , . [أحـلامٌ تــحــتـــضـــر] ذبحها الإنتظـار على غير فايده:يااربي المسلمين صلوا العشاء من كم ساعه وين راح طارق..حتى تلفونه مايرد عليه....,, الشغاله:مدام انا فيه روح نوم تبين شيء كادي وهي قلقانه:إيه لمي السفره... قامت ووقفت عند الشباك تنتظره:ياارب ترده لي سالم.. . , . , . / . , . , [أحــــلامٌ تــحــتـــضـــر] الشرطه محاوطه المستشفى والكل ينتظر شصار على حالة المصابين... دخل المستشفى بهيبته كظابط فالشرطه والكل يدق له تحيه:ياعسكري وش صار عالمصابين... العسكري:واحد منهم حالته يقول الدكتور حرجه والثاني أقل خطوره.. ماجد:طيب ياعسكري ما أخذتوا أسمائهم أو تعرفتوا على هوياتهم... العسكري:إلا طال عمرك..واحد أسمه طارق صالح العبدالله..وواحد أسمه فراس وليد الراكان ماجد تغيرت نبرة صوته لمن عرف فراس:كييييف..هات الملف... . , . . / . , . ., . , . [أحــــلامٌ تــحــتـــضــر] الجده:ياسسعــد..قوم جيب الراديو من الغرفه سعد:يوووه ياجده..شلون بتسمعينه وحنا نطالع بالتلفزيون سلطان:سسعــد قوم وجيب الراديو بدون كلام سعد بتأفف:طيب الجده:ياااغرااام يااغرااام هااتي الشااهي راسي يعورني الجوهره:هههه شلون ياجده توك شاربته معنا قبل شوي نسيتي الجده:هههه يووه بابنيتي قمت أنسى الجوهره:هههه من زمان تنسين مو اللحين هههه {رن الجوال} سلطان:لحظه ياجماعه خلوني أرد...هلا ماجد.....صدق...بالله...بشر عسى فراس حـي....أكييد.....لا ماني قايل لأبوه ....لحظات وأنا عندك...مع السلامه.. الجوهره ماعاد قدرت تتحرك بس تناظر بعيون أبوها وتقرا شصاير لفراس... الجده:خير وأنا أمك شصاير ..أسمعك تقول فراس..وش صاير فيه سلطان بقلق:يقول أخوي ماجد..بأنه أصيب بطلقات ناريه هو وواحد من خوياه ..وحالته حرجه وينزف بالمستشفى الله يستر.....يله عن أذنكم أنا رايح... سعد:لحظه يبه بروح معك لفراس سلطان وهو طالع يله تعال بسرعه الجوهره مسكت سعد بيديه وهي تبكي بصمت:سعد حبيبي..إذا صار شيء وإلا شيء علمني..تكفى ياسعد طمني..وأنتبه لجوالك لأني بدق بأي لحظه طيب سعد جاء بباله سؤال بس مو وقته:طيب طيب يله بروح ألحق أبوي.... {طلع سعد} الجده:لاحووول ولا قوه إلا بالله.. غرام توها جايه من المطبخ:جوجو أنتي ليه تبكين وش صاير؟ الجوهره راحت تركض لغرفتها...وهي تبكي.. غرام بخوف:خاالتي وش صااير وين سلطان وسعد الجده وهي ضامه راسها بيديها من الخبر:هذا ماجد أتصل بسلطان وقاله أن فراس أصيب بطلق ناري..وهو بالمستشفى وتعبان وحالته حرجه الله يستر.... غرام:آآآهــاا علشااان كذا تضايقت الجوهره.. الجده:إيــه.. بنات آخر زمن..أنا بعرف يومنها تحبه ليه تطلب منه الطلاق.. غرام تجاري الجده:صاادقه ياخاله بنات أخر زمن... . , . , . , . بالمستشفى../ سلطان:يعني شلون يادكتور؟مافيه دم! الدكتور:والله لا ..ولازم نلحق عليه بدم وإلا راح لاسمح الله سلطان:طيب يادكتور أنا عرضت عليكم الدم ورفضتوا الدكتور:لأنك ماتناسب فصيلة دمه.. سعد رن جواله وراح بعيد شوي يرد:نعم جوجو الجوهره بقلق بالجوال:سعد..بشرر صحى فراس؟هو بخير؟ سعد بحزن واضح بصوته:لاوالله ياجوجو..هم طالبين دم..وفصيلة دم فراس نادره كل اللي يبون يتبرعوا طلعوا مش مطابقين له...وحاجه زي كذا هذا اللي فهمت الجوهره خافت :طيب وش راح يسوون سعد:ماادري بس سمعت الدكتور يقول إذا مالحقنا عليه بسرعه بيروح فيها ويمووت.. الجوهره بلعة العبره :سسعد أنتظرني عند باب المستشفى..راح أجي مع السايق بس لا تقول لأبوي ولا لأحد أوكيه حبيبي سعد:لييش وش تبين الجوهره:فصيلة دمي تصلح لفصيلة دم فراس..راح أتبرع له أنا يله بس لا يروح الوقت..باي سعد سكر الجوال وفي راسه أسئله...قام وراح عند باب المستشفى ينتظرها زي ما قالت... . , . , . نزلت تركض وبيدها عبايتها وتسطنع الإبتسامه :يله عن أذنكم.. غرام:وييين على الله هالوقت الجوهره وهي تعلك:وين بعد..رايحه أسهر عند أميره وأونس نفسي الجده وغرام ناظروا ببعض,البنت متشيكه وناويه على الطلعه وهم علبالهم متأثره من فراس..!! الجوهره وهي تطق علكه:شفييكم تناظروني كذاا!!...يله تشاااتو.... غرام بخاطرها(بنتي شصايرلها؟!!) . , . , . . . [أحـــلامٌ تــحــتـــضـــر] ,باب المستشفى سعد واقف وينتظر... وقفت سيارتها ونزلت مسرعه..شافت سعد :يله سعد وينهم فيه سعد:من هنااك.. تعالي... , . الدكتور وهو طالع من مكتبه ويكلم الدكتور اللي جنبه:تصور كسر في الظهر والذراع الدكتور2:كان الله في عونه... الدكتور1:الإصابه هذي راح تمنعه حتى من الإنجاب مستقبلاً.. الجوهره كانت واقفه عند باب المكتب وسمعت الكلام اللي دار بينهم غصب,كانت تبي تتكلم بس أنخنقت من اللي سمعته... الدكتور1 شافها :نعم يا أخت سعد:هذي بتتبرع لفراس يادكتور..فصيلة دمها هي نفس اللي تبون الدكتور:عظييم..طيب تعالي معنا.. سعد سحب أخته أللي أنصدمت صدمة عمرها بعد الكلام أللي سمعته من الدكاتره..أنبت نفسها كثييير .... [أحــــلامٌ تــحــتـــضــر] . , . , . الممرض:أبشركم يا أخ سلطان وعقيد ماجد..لقينا المتبرع..وراح نزود فراس بالدم اللحين سلطان بفرحه:زييين الحمدلله ..من هو المتبرع الممرض:رفض نقول عن أسمه.. فاعل خير وبس ماجد:طيب متى تتوقع يصحى الممرض:إذا صحى من البنج..لأنه حالياً يعاني من كسور..غير الرصاصه أللي كانت بكتفه وطلعناها.. ماجد:أجل الحمدلله مدامنا تطمنا عليه ..تعال ياسلطان..نشرب قهوه لين مايصحى ونتصل بأهله ونطمنهم بعدين سلطان:شوورك وهداية الله.... . , . , . سعد وهو ماسك أخته:جوجو شفيييك بتطيحين على وجهك اللحين الجوهره بخمول:داايخه ياسعد داايخه سعد:لحظه بجيبلك كرسي متحرك..وبوصلك السياره.. الجوهره:لا.. السياره لا سعد:لاوالله وين تبين تروحين؟ معي أنا وأبوي! الجوهره:لفراس ياسعد لفراااس سعد!!!! الجوهره:وش تنتظر ودني له بسررعه سعد:بسس أخاف عمي ماجد وأبوي عنده ويشوفونك الجوهره مشت:مااعلي من أحد..أنت بتجي معي وإلا أروح بلحالي سعد:لا بروح معك لا يغمى عليك بالطريق...طالعي لونك صرتي صفراء بثواني . , وقفت جنب طرف السرير وهي تبكي..كان ملفلف بالشاش وحالته حاله... سعد قرب عنده:شوفي هنا كانت الرصاصه الجوهره قربت عنده ومسحت عليها وطبعت بوسه مكان الجرح:ليتها كانت فيني ولافيك يالغالي... سعد:أحم أحم.. الجوهره:سعد أطلع سعد:بسسس الجوهره:سسسعد أطلع براا.. سعد:طيب بس بسرعه أطلعي عمي وأبوي بيجون.. {طلع سعد} الجوهره ضمت كف فراس وباستها:حبيبي سامحني والله مادعيت عليك من قلب.. كنت مقهووره منك بس..ماكنت أقصد أنك تتأذى بهالشكل,. {مسحت على جبينه وعلى شعره بنعومه ويد ترتجف} ..لوني داريه أنه راح ينكسر ظهرك وتنحرم من الأطفال طول عمرك مانزلت اللي كان ببطني....فراس سامحني الله يخليك....أنا تبرعت لك بدمي علشان..حق الحب اللي بقلبي لك..أنا ماراح أجازيك بأفعالك... الجوهره قامت وطبعت بوسه على راسه:يله تقوم بالسلامه حبيبي.. ماراح أقول الله يعينك بقول الله يعينني أنا ويصبرني... . , . , . , رجعت البيت وهي تتكي على كتف سعد... غرام اللي سهرانه تنتظرهم أستقبلتهم بعصبيه:مااشاء الله ساكنين بفندق حضراتكم ..وين كنتوا للحين؟ الجوهره بإرهاق واضح عليها:واللي يعافيك يمه ماني قادره أوقف على حيلي وديني غرفتي.. غرام خافت:الجوهره أنتي شفيك لونك صاير أصفر وأنتي رايحه بتستانسين وتوسعين الصدر وش صاير! سعد فك السبحه:يممه الجوهره جايه معي من المستشفى..لأن فراس كان محتاج دم وهي تبرعتله.. الجوهره من بين اسنانها:سعد أنا ماقلت لاتعلم سعد:بس هذي أمي ولازم تدري غرام شهقت:حسبي على بليسك تتبرعين بدمك وأنتي توك نازفه الجوهره:يوووه يمه مو وقتك بعدين قرب يمر شهر على النزيف غرام:طااالعي شكلك بالمرايه....تعالي معي لغرفتك شغلك بعدين... سعد:يله بروح لغرفتي يمه وأتصلي على أبوي وقوليله أني جيت مع السايق..أصلاً الرجال مافقدني غرام:زين زين. . , . ,. بغرفتها../ غرام:ماودك تكلمين... الجوهره وهي متغطيه بالبطانيه ساكته وضميرها يأنبها وتبكي بصمت... غرام:يعني شلووون؟؟ الجوهره....... غرام:إن ماتكلمتي وقلتي شعندك..بأقول لأبوك عن تبرعك لفراس بالدم من وراه وساعتها بكييفك.. الجوهره.... غرام قامت :بكييفك أنا قـ..... الجوهره بعبره مخنوقه:فراس أنكسر ظهره يمه..ويقول الدكتور مارح يخلف يعني ماراح يصيرله أطفال.. غرام تأثرت وقربت تصيح..لأنها عرفت شمبكيها... الجوهره بكت وقامت تتنهد وكملت:يمه أنا ماني قادره أسامح نفسي..ليتني ما سقطت الجنين يمه ليييتني ماسقطت ولد فراس.. غرام جلست جنبها تواسيها وهي زادت بكاها.... الجوهره وهي تضمها وتبكي:يمه أنا مجرمه يمه.. مجرمه غرام:خلاص يمه حبيبتي لاتأنبين نفسك اللي صار صار... / . , . بحيرتها جالسه تحاتيه بدأت تقلق وتبكي..هذا مو من عوايده هذا الصبح طلع وهو مابين...!! {رن تلفون الصاله} ركضت ورفعت السماعه:ألووه.....إيه بيته....لاااه....طيب هو بخير؟...خلاص أنا جايه حالاً... . , . , المستشفى../ بغرفته تبكي وهي تمسك بيديه: سلامتك حبيبي..أنا كنت حاااسه أن صاير معك شيء وهذولا ماراح يتركونك بحالك... طارق بقمة تأثره يبكي,وعلباله الكادي ماعرفت باللي صار له.. كادي بكت من بكاه:حبيبي أنت ليه تبكي؟..المفروض تحمد ربك أنك للحين عايش طارق صد بوجهه يبكي:..أنتي ماتدرين شصارلي ماتدرين كادي:علشان ظهرك أنكسر..عرفت..عاادي حبيبي راح تطيب وترجع تمشي بعد شهرين أو أقل إذا أنت عندك همه..أهم شيء أنت سلمتلي.. طارق تعب من كلامها المتفاءل اكثر:آآه..أنتي منتي حاسه فيني..أنا أنتهيت.تعرفين يعني إيش.. إنتهيت مالي أي اهميه.. كادي ببتسامه ساحره ومتفاءله لفت وجهه بيدها بإتجاهها:من يقول أنك مالك أهميه طيب وزياد اللي جاي بالطريق من له بعد الله غيرك.. طارق تحولت دموعه لإبتسامه:وشوو..أنتي تتكلمين جد ياكادي..قصدك أنك حامل كادي نزلت دمعتها وهي تشوف فرحته القويه بهالخبر:إيه حبيبي..مو أنا قلتلك من فتره خلني أروح طبيبه وأنت رفضت طارق حس أنه مو بالأرض طااير من الفرحه:إيوه كادي كملت:بسس أنا رحت وأنت ماتدري..قالت الدكتوره انه عندي مشكله بسييطه وكتبتلي منشط والحمدلله..حملت..{ابتسمت}بس سامحني لأني رحت من غير اذنك طارق ببتسامه مخضبه بالدموع:أحبك..بس سامحيني أنتي..لأني ماكان عندي سالفه يوم أرفض عالفاضي... كادي ببتسامه:هههه وش نسوي بالسلطه الذكوريه طارق بأسى وبدمعة ندم:يمكن اللي صار لي عقاب من الله في ذنوبي اللي سويتها بحياتي كادي تأثرت:أحمد ربك أن عقابك جاء بالدنيا مو بالآخره.. طارق مسح دمعته:الحمدلله كادي:يللله قووم بسرعه ..لأن زياد إذا جاء على الدنيا يبي واحد يلعبه ويسويله حصان ويشيله ويوديه الملاهي هههه طارق:ههههههههه ياحليله خليه يوصل بس ويبشر... كادي:ههههه ربي لايحرمني منك.. . , . , . , . , . [أحــلامٌ تــحــتـــضــر] .. بعد كم يوم .......... سعود ونايف ورامي ومحمد وسعد كلهم عند فراس...بالمستشفى يزورونه... نايف:ياولد وش رماك هالرميه..رصااص مرّه وحده..جاكي شاان؟ هههه سعود:ههههه لا الظاهر يبي يقلد جيمس بوند ومغامراته وماعرف فراس:سعوود.. ناايف اكلوا تبن أسكتوا وإلا ضفوا وجيهم ماني ناقص تريقه الكل:هههههههههههه رامي:على فكره يافراس راكان يسلم عليك ويقولك ماتشووف شر فراس:الله يسلمك وياه والشر مايجيه ولا يجيك..إلا شباب عسى بس ما قلتوا لطلال سعود:لا والله ماقلناله..مثل ماقال أبوك فراس:الحمدلله..أشوااا نايف:طيب وليه ماتبونه يدري فراس:خله ماله داعي يترك شغله عالفاضي...كلها حاجه بسيطه نايف ناظر بالساعه:أووكيه حنا نمشي اللحين ونرجعلك بكره.. فراس:حياكم الله سعود:باي بو الفرس محمد:يله ماتشوف شر بوالفرس فراس:ولا يجيكم بااي........ {ألتفت على جنبه }سعد منت رايح معهم سعد وكأن وده يقول شيء:لا..أصلاً أنا جاي بلحالي مع السايق.. فراس أبتسم وهو يشوف سعد يبي يقول شيء:شخبارك سعد؟ سعد:بخير.. فراس:وأخبار الأهل؟ سعد:بخير.. فراس ماصدقه حاس وراه شيء:سسعد كل شيء بخييير...ماعندك غير هالكلمه سعد رفع ناظره لفراس:إلا عندي فراس:هههه طيب قول وش عندك؟ سعد:الجوهره... {سكت} فراس أستقعد عدل وبإهتمام:وش فيها الجوهره؟..كمل سعد:هي اللي تبرعت لك بدمها فراس أبتسم:الجووهره!! سعد:إيه الجوهره بس لاتقول لأحد..ترى هي قالتلي لاتعلم أحد حتى فراس بسس مدري ليه اللحين أقولك؟ فراس..سكت وماعلق.. سعد:ماراح تقول لأحد يافراس..صح؟ فراس ببتسامه :لا ماراح أقول لاتخاف.. سعد:فراس الجوهره تحبك..تصدق من درت أنك أصبت عيونها ماجفت من الدموع وجوالي كل ما أزورك مايهدأ من إتصالاتها تطمن عليك فراس ابتسم وهو يسمع هالكلام,,وسكت ماعلق:.... سعد كمل وهو مقهور:بس..بس أنا بسأل أنت ليه زعلتها ليه قهرتها؟..ليه ماتراضيها؟! فراس سكت مالقى رد على أسئلة سعد الكبيره... سعد قام وناظر فراس بنظرات كلها إستفهام :عن أذنك أنا رايح مع السلامه {طلع سعد} فراس وكأن كلام سعد عن الجوهره حفزه بأنه يتصل فيها ماتردد أخذ جواله وأتصل.. الجوهره فتحت الخط وتسمع بدون رد:....... فراس شق الإبتسامه وقرر يبدأ لأنه متأكد أنها زعلانه:طول ما أنا نايم بالبنج كنت أحس أنك جنبي وحولي وكنت أحس أني أتنفس هواك...صوتك الحاني تردد في أذني كذا مره وأنتي تغنين أسمي على شفاتك.....وبعدها عرفت أن دمك أللي ضخ الحياه بعروق جسمي كان السبب وراء كل هذا...شكراً من كل قلبي..وأسمحيلي أحبك من كـل قلبي.. الجوهره غصتها العبره وهي تسمع هالكلمات الحلوه واللي كلها تفاؤل وحياه منه وكأنه ما يعاني من مصيبه,راح تعيش معه طول عمره:الحمدلله عالسلامه فراس فراس أخذ نفس طويل:ربي يسلمك..ومشكوره عالدم مرّه ثانيه الجوهره:قالك سعد..الله يصلحه فراس:سعد تربيتي.. الجوهره........ فراس:الجوهره الجوهره:نعم... فراس:أحبك الجوهره غصتها العبره:يله مع السلامه فراس:تكفين لاتسكرين الخط لحظه الجوهره:أنتهينا يافراس...أنا وأنت أنتهينا خلاص.... {سكرت الخط بوجهه} فراس جمع أصابعه بقبضة يده شوي ويقطعهم من الحره اللي فيه لمن سكرة الخط بوجهه... . , . غرام دخلت شاقه الإبتسامه وتدور على الجوهره:جوووجووو ياجوووجووو الجوهره صدت وهي تمسح دموعها بسرعه:هـ..هــلا يمه أنا هنا غرام جات وجلست:أبشششرررك الجوهره:بوشو يمه؟ غرام:مو طلع فراس سليم وما أنكسر بظهره..اللي انكسر خويه مو هو الجوهره سكتت ماتدري تفرح وإلا تحزن وإلا إيش بالضبط..نزلت دمعاتها... غرام:جووجوو شفييك أنا قلت هالخبر بيريح ضميرك الجوهره صدت بوجهها وعيونها حمراء ... غرام أحترمت رغبتها وقامت وطلعت من الغرفه... الجوهرهأستلقت على السرير مكانها وبدأت تبكي بأناهيد مسموعه..من الفراق اللي عذبها..رغم انها هي أللي أختارته... ***....في غيــابك....*** (ضــاااقــت) بــعــيــنــي الأمــاكـن...! كــل دنـيـااي (أنـطـفـت) من..نفح زفـره!! وأسـتــوى جــو الـمـدن (مـظـلـم) وســااكـن..! وأشـهـقـت وسـط ـالـعــيــوون ـــألـفــيـــن (عــبــره).... , . , [أحــلامٌ تــحــتـــضـــر] . وتمضي الأيـــام وتموووت الأحــلام بأخطاءنا وأحياناً بأخطـاء غــيرنـا ولكن بالنهايه هي "مااتت" سواءاً قتلناها نحن أم غيرنا من قتلها....وتحيا أحلام لم تكن لتصبح واقع..ولكنها الحياه بتقلباتها...! [أحــــــــلامٌ تــحــتـــضـــر] | ||||||||
|  |
|
06-10-13, 03:31 PM
| #22 | ||||||||
| مراقبة عامة ومشرفة منتدى الروايات المنقولة
| . *&*الجزء الثــالث والعـشروون*&* #** الأخيـــــــــر**# [أحــــــــلامٌ تــحــتـــضـــر].... , . وهاهي السنوات تمر كطيف على البعض وكالدهوور على الآخـر......, في بيتهم رغم كثرت مشاكلهم...إلا أنهم يحبون بعض...ومحد يقدر يستغني عن الثاني.... ..طلعت من غرفتها وهي رافعه صوتها وتهاوش وتلحق بنتها الصغيره اللي تركض قدامها عشان تهرب منها وتضحك ببراءه:رغــــد رغوووده وقفي... رغد أم الأربع سنوات نازله مع الدرج ووجها معفوس روج وكحل:بــاااابــــااااا راكان كان توه داخل فتح ذراعه لها بعد مارمى شماغه:عيوون باب تعالي هنا رغد رمت نفسها بحضنه وهي تتنفس بسرعه..... ملاك وصلت لآخر الدرج وهي تتنفس بسرعه زي بنتها:خلني أذبحها هالبنت خلني أقطعها.. راكان طبع بوسه على خد رغد:آفااا تقطعين هالأميره الحلوه هذي..؟؟ ملاك كأنها الأبريق اللي يغلي:نااظر وجهها وملابسها رفعت ضغطي لعبت بأغراضي هالبنت..يعني كل يوم بروح السوق أشتري أرواج وأغراض ماصارت بنت هذي آفه رغد شهقت:بـابا خذني معك لاتخليني عند ملاك بتضربني راكان نزلها عالأرض:لا حبيبتي لاتخافين ماراح تضربك.. مـلاك شهقت:أللــحيـــن صرت مــلاك..ماني ماما..وهالبركان تسمينه بابا!! من اللي حمل بك وتعب وسهر..أنا وإلا أبووك اللي كان مساافر!! رغد راحت وراء أبوها تتخبأ من أمها:بابا لاتسافر وتخليني معها راكان:هلااكووه لاتروعين البنت ماصارت أرواج خربتهم... ملاك:يـــاااليتهم عالأرواج كان ماعندي مشكله تعودت..لكن روح شوف هالمره شسوت غرفتنا صايره كأنها مرسم..شكلها يروووع راكان:ههههه أوو صدق رغوده رغد عضت على أصبعها ونزلت راسها.. راكان:طيب لاعاد تعيدينها طيب حبيبتي...روحي وبوسي ماما وقوليلها تسامحك يله ملاك تناظر راكان وودها ترفسه على دلعه للبنت... راكان:يــلــه رغووده سامحيها رغد راحت تمشي بشوييش وبعدين ركضت وتشبثت برجلين ملاك:مـامـا خلاث ثامحتك ملاك وراكان حبسوا ضحكتهم... ملاك صدت عنها وحقرتها ماكلمتها تبي تشوف وش راح تسوي.... رغد بكت وهي تضم رجلين ملاك:مـااامــاا ثاامحتك يامااماا ملاك نزلت وشالت بنتها وضمتها لصدرها بحراره وهي تضحك:ياااعمري عليييك ساامحتك يارووحي..لاتبكين وتقطعين قلبي... راكان:ههههههه أبداً مستحيل تتغيرين ياملاك ملاك عقدت حواجبها:رجااءاً لاتفسد لحظة الأمومه اللي جالسه أعيشها مع بنتي اللحين.. راكان:طيب يالحظة الأمومه أنا بروح أتروش وأنزل أبي ألقى الغداء جاهز..طيب ملاك:طيب طيب..روح بس رغد:ماما ملابسك توثخت من الروج ملاك:شسويبك وأنا أمك تعالي نروح نتروش كلنا ونغير ونضيق صدر أبوك شوي شراايك رغد ببتسامه:يلله.. ملاك:ههههه مشاغبه طاالعه لأمك ههههههههههه . , . , . وصلت طائرته إلـى أرض الـوطن بعد غـربه طالت به إلى سنييين.حن لأرضه وترابه ووأهله وناسه...نزل من الطـائره وأول شي سواه أستنشق عبير هواء بلاده أول هواء شمه من أول ما أنولد..أستغرب الأجواء حوله..المطار مزين بالألوان الخضراء والأعلام الوطنيه..وبالشعارات الوطنيه والإنتماء...أستغرب هالشيء وتذكر بعد شوي بأن من أيام قليله كان اليوم الوطني (داام عـزك يابـلادي) هذا اللي جاء بباله وهو يستحضر الذكرى العطره. ...أستقل تاكسي بس مايدري وين يوديه بالضبط..هو أصلاً متعود كل مايجي يروح لجده مباشره وأخر مرّه جاء عالسعوديه يوم زواج خواته من حوالي اربع سنوات لراح لجده مباشره..صحى على صوت السايق:يا أخ وين تبيني أوصلك؟ طلال أنتبه للسايق وللسؤال اللي جاء بمحله:لو سمحت حي الـ......شارع... السايق:أبشرر طال عمرك.. سكت طلال وترك عيونه تتفقد الأماكن بالرياض والتغيرات اللي حصلت بعده.. وقفت سيارة التاكسي...عند باب بيت عمه ماجد ونـزل ودخل شناطه فالحوش وحاسب التاكسي... دخل يتأمل المكان..كل شيء ماتغير والزرع نفس الزرع نفس الورود مكانها..اللهم كثرت شوي..نزل جاكيته وحطه عالشنط ورجع يتأمل الورد بقميصه الأبيض والمفتوح من اعلى الصدر..وبنطلونه الأسود...تذكر أيامه الحلوه بهالبيت وتذكر مهند الصغير..اللحين كبر اكيد..وبين هالذكريات سمع صوت طفل باين صغيير مرّه وقف وناظر من ورى الورد..ولد صغير يجنن..لأول مرّه يشوفه أبتسم على ضحكات الطفل ولعبه وهناك شغاله جالسه وتراقبه وهو يلعب (غريبه من ولده هذا؟)الشغاله قامت ودخلت داخل وتركت هالبزر والكوره معه... طلال لقاها فرصه وناداه بصوت منخفض:بسبس بسبس الصغير ألتفت للصوت وشاف طلال وأبتسم لإبتسامة طلال وجاه يركض:نعم وث تبي طلال ابتسم للولد وطار عقله فيه:أوول شيء عطني بوسه وسلم.. الصغير جاء وسلم.. طلال شاله ومسح على شعره:هههه يابطل..هه ماشاء الله أنت لحالك هنا؟ وين ماما وبابا الصغير:ماما فالمدرثه وبابا رااح طلال:وين راح؟ الصغير:ماادري وينه طلال أستغرب(من هذا أللي أمه بالمدرسه؟!) :طيب أمك..أقصد ماما مين أيش أسمها؟ الصغير شهق ببراءه:ماتعرف ماما مين؟!!! طلال اعجبته براءته:هههه لاوالله ما اعرف ماما مين الصغير:ماما أثمها ميث[ميس].. طلال تذكر أن ميس لمن مات زوجها كانت حامل..وأكيد هذا ولدها مدامه مايعرف وين ابوه..حاول يتماسك وماينهار..وبوسط هالذكريات سمع صوت يعرفه زييين ميس رجعت من المدرسه:طـــلاااال حبيــبي طــــــلااااال طلال بلع ريقه(معقووله درت أني موجود وتناديني بهالشكل..معقوله تقصدني!!) الصغير فرح:هذي هي ماما... ميس جات ووقفت عند ألعاب الصغيروالشيله على رقبتها وهي تنادي الشغاله ومعصبه:هيي أنتي وين طلال؟ الشغاله توها بتتكلم:.... الصغير:مــاامــااا أنـا هـنــا.. ميس ألتفتت على صوته اللي قريب منها,وشافت المفاجأه:طـــلال...!!! الصغير:نذلني خلني الووح لماما طلال نزله وعينه على ميس..مانزلها وهي بعد تناظره بنفس النظرات ماتغطت منه... الصغير راح يركض لحضن ميس... ميس ضمته بقوه وهي تبكي وعينها بعين طلال وتقصده بهالكلام:أشتقتلك ياحبيبي أشتقتلك..وين رحت وأختفيت عني..ليه تخوفني عليك... الصغير استغرب:مااما أنتي ليه تبكين؟ ميس نزلته ورفعت الشيله أخيراً على راسها وحطتها بينها وبين طلال والعبره خانقتها:الحمدلله عالسلامه ياطلال.. طلال أرتبك وبنفس الوقت مو معها..مخنوق وحاس بضيقه من هالولد اللي يحسبه ولدها:ا..الله يسلمك ميس وهي تحوس شعر أخوها تحاول ماتبكي:تفضل طلال ليش واقف.. طلال للحين ضايق:لا معليش بمشي لجده ميس بإلحاح غريب:لا تكفى ياطلال تغدا عندنا والله أبوي بيفرح لو شافك هنا طلال بعد هالكلمه قرر يقعد:طيب مثل ماتبين . ميس:يله حبيبي وصل عمو طلال للصاله وأنا بدخل :طييب حبيبي الصغير: طيب ماما طلال كل مايناديها هالطفل "ماما" يحس أنه يموت.... ميس حست بشعور طلال وبنظراته للولد كلها أسئله بس ماحبت تقول شيء تبيه يدري من غيرها مو منها هي.... [أحـــلامٌ تــحــتـــضـــر] . , . , أصوات ضحك ولعب أطفال في بيت طارق والكادي..وكأنها ساحة روضه مو بيت..لأن كادي بعد ماأخذت حبوب تنشيط....من حمله وحده جابت خمسة توائم...3 أولاد وبنتين... طارق وهو يراقب عياله:ههههه كادي شفتي الملقوف زياد شسوى بأخوه إياد أخذ لعبته وضربه فيها هههه كادي:ههههه شايف والله دايماً هالأثنين معذبيني والعسل كله هذا فراس من جد لايبكي ولا يأذي خواته... طارق ببتسامه باس ولده فراس:عـاد هذ سمي صديقي الغالي....إلا ماقلتي ديالا ودالي ناموا.. كادي:إيه..بسم الله عليهم نومتهم بغرفتهم وجيتك هنا طارق ببتسامه حالمه وهو يناظر بعياله نايمين قدامه:آآآه ياكــادي...صدق هذولا زينة الحياه كادي:عسالله يخليك لي ولهم ويخليهم لنا.. طارق:أمين...عاد ماودك نروح ننام والله راسي صدع كادي:إلا والله راسي يمكن مصدع أكثر منك وصلوا باب الغرفه طالعين ...وبكى واحد من الصغار... كادي وطارق سوى:لاااااااااااا . , . , . . [أحـــلامٌ تـــحــتــــضــر] .....:سـمـــاااا ياسمااااا سما جات تركض:خير حبيبي وش فيك نايف وهو رابط على راسه ربطه:تعااالي سكتي هالمكينه وإلا طلعيها عني برااااااا أبي أناام سما جات وأخذت البنت الصغيره تسكتها وعطتها رضعتها:لاحوول منت قادر تسكتها يعني وإلا ماتتحمل... شلوون لو هي بنتنا وش بتسوي..؟ نايف:سما قفلي على هالسيره..مالنا خلق بزران كفايه اختك راميه علينا هالبزر ورايحه مع زوجها تتمشى سما نومت البنت وراحت تكمل كلامها مع نايف:نعم نعم..لاتنسى أن زوجها أخووك..وبعدين وش فيها كلها يومين وبكره بيجون وبياخذونها...أنت ليش معصب نايف:كــذا مزاااج مااحب البزارين مااطيقهم... سما:طيب وإذا قلتلك إني بموت وأحمل ويرزقني الله بيبي حلو يقولي ماما ويقولك بابا.. وش بتقول نايف غطا وجهه مايبي يضعف قدام تلميحاتها:وخري عني خليني أنام بس سما قربت عنده ورفعت الغطاء عن وجهه وبنظرات ساحره ومسحت على خده بيدها بنعومتها:الله يخليك حبيبي.. بس وااحد..بس هالمره..أبي اذوق طعم الأمومه لاتحرمني منه حبيبي..بليييز نايف:حبيبتي الطفل بيزعجنا صدقيني ماراح ناخذ راحتنا مع بعض...تلقينه اربع وعشرين ساعه يبكي..لا ومايبي ينام إلا بحضنك بعد ..وطفش.. سما أبتسمت على جملته الأخيره:ياعييني قوول كذا من الأول... أنت خايف يجي أحد ينافسك على حضني, صح؟ نايف أبتسم وهو يلعب بخصل شعرها:حقي أخاف موهذا شيء يخوف.. سما انسحرت من كلامه:كل مرّه تسحرني وتنسيني بكلامك...آآه منك يانايف.. . , . , . , . [أحـــــلامٌ تــحــتـــضـــر] قامت من الصباح كعادتها.تروشت وبدلت ولبست وأخذت شنطتها وعبايتها ونزلت برشاقه تحس بنشاط وحيويه وهي رايحه للدوام..صارت اللحين"موظفة فالبنك" ... سعد:ماشاء الله عليك جوجو شهالنشاط الجوهره:هههههه يله صير مثلي يابليد سعد:هههههه مقبوله منك أختي الكبيره الجوهره:ههههه أصلاً ماعندك غيري هههه سعد:هههه طيب.. اليوم مو كأنك بدري بتروحين الجوهره:إيه بدري بس بمر على رفيقتي خوله وأخذها سعد:لييش سواقهم وينه الجوهره:أصلاً ماعندهم سايق..هذا اخوها مسافر قلت ولايهمك بمر عليك وأخذك معايه...يله انت بتروح معنا نوصلك وإلا لا سعد:إلا يله غرام جايه من المطبخ:تعالي يابنت افطري الجوهره:بفطرفالشغل لاتخافين يمه غرام: طيب فكرتي بالموضوع اللي قالك خالك؟.. الجوهره تضايقت بس مابينت:بعدين أقولك.. مع السلامه يمه غرام:مع السلامه..الله يصلحك وأنا أمك مدري متى بتعقلين؟ . , . , . , جات بتطلع من الباب رايحه لمدرستها اللي تشتغل فيها معلمه وتذكرت شيء وراحت للمطبخ:يا بااتي الشغاله:نعم مدام ميس:صلحي فطور وقهوه ووديها لمستر طلال فالملحق أوكيه الشغاله:أوكيه مدام طلال الصغير كعادته متشبث بعبايتها:مااماا بروح معك برووح ميس وهي طالعه:حبيبي ادخل..مو كل يوم على هالمنوال.. طلال الصغير قرب يصيح:طيب من راح يقعد معايه..بث بلحالي كل يووم ميس بتأفف:حبيييبي تأخرت.يالله وين محمد؟ طلال طلع من الملحق على صوتهم وشاف الصغير يترجاها ومتشبث بعبايتها صحيح مقهور من هالولد بس علشان خاطر "ميس" بيتودد له:حبيبي أنا بقعد معك اليوم..تـعـاال. ميس رفعت نواظرها له ناظرته بشوق وهي معجبتها كل تصرفاته... طلال الصغير استانس:طيب نركب الثيااره طلال الكبير:إيه نركب الثيااره ونروح البقاله ونشتري كــل شيء بعد وش تبي طلال الصغير راح يركض له وضمه بقووه: طلال الكبير ماتوقع هالضمه منه ,صحيح مايهضمه لأنه ولد ميس من زوجها المتوفي وهذا الشيء يقهره بس هالولد من جد ينحب.. ميس سكتت وهي تراقبهم... محمد طلع ومعه مهند بيروح المدرسه:ميس وين طلال؟....هي أنتي وش تطالعين....{ألتفت وشاف اخوه}.ماشااء الله طــلاااال طلال الكبير رفع ناظره لمحمد أستغرب نبرة محمد لأنه مايعرف انه الصغير أسمه "طلال":وش فيك يامحمد رافع صوتك محمد:هههههه ما أقصدك أنت..أقصد هالصغير اللي أذاك طلال شاله:أفاا أسمك طلال ولا قلتلي طلال الصغير سوا نفسه يتخبى من أحد:الله يخليك ياطلال خلني عندك مابي محمد محمد:ههههه ياطلال..اترك طلال الصغير عنك ترااه نشبه..أعرفه أخوووي وأعرفه... طلال تفاجأ وبان على وجهه:أخوووك!!!! محمد:لاولد اختي هههههههههه شفيك..بالله ماتدري إن هالنتفه يصير اخوي هههه طافك نص عمرك هههه طلال أنفرد وجهه ببتسامه ورجع يناظر بميس:لا..بس كنت احسبه مو اخوك.. ميس صدت بعيونها عنه أرتاحت لمن درى طلال أن هالولد اخوها مو ولدها:يله يامحمد مشينا تأخرت عالدوام... محمد:يله..باي طلال وأنتبه من هالصغير ههههه طلال بفرحه غامره:هههه باااي طلال الصغير:يله نروح الثياره... طلال شاله ودار فيه بالهواء:ههههه أبشرر نروح كــل مكان يا اخو الغاليه... . , . , . , . [احـــــــلامٌ تــحــتـــضــر] حزة العصر...طلعت من المطبخ بعد ماسوت لها كافي على مزاجها...وجلست بالصاله وأخذت الريموت وتكت عالكنبه قدامه وبدأت تفر بالمحطات ..وأستقرت عالأم بي سي.. هذا حالها من أربع سنين..تحاول ماتفكر بالماضي وتتذكر طعونها ... أنفتح باب الفيلا ودخل سعد شاق الإبتسامه ويصفر:هاااي أختي الحبيبه الجوهره بنفس الإبتسامه:هاااي اخي الحبيب..شعندك راجع بدري من الملعب ومبسوط..مسرع خلصت المباره أكييد خسرتوا ! سعد جاء وجلس:ههههه نااظري بشكلي..ماتغبرت ولا أعتفست..أصلاً أنا مالعبت مامداني وصلت الملعب إلا وجاني محمد وقالي عندنا عشاء الليله قلت مالها بد بروح ارتااح لأن ورانا سهره ووناسه ومثلك خابره... الجوهره:عندهم عشاء..!! لمين سعد:أفاا مادريتي إن طلال رجع السعوديه البارحه..وبيجون اهله الليله كلهم..وناسه بشوف فراس من زمان عنه..{تذكر}أووف سووري عن اذنك بروح اترووش {طلع الدرج لغرفته يركض} الجوهره أعتفست وتلون وجهها 160 لون من طاري فراس وحست الفنجان يرتجف مع رجفت يدينها(شفيك يالجوهره لك اللحين أربع سنين من طلاقك..منتي قادره تتأقلمين على وضعك وتنسينه! خلااص انتهينا) بعد انفتح الباب ودخل ببتسامته المعهوده وأول ماطل من وراء الباب بانت عيونه الزرقاء الغامقه "تشبه عيون الجوهره":مساااء الخيــررر الجوهره ارتبكت أول ماشافته:هـلا خـالي عزوزمسااءك ورد عبدالعزيز:هههههه مدام مسايه ورد..أجل موضوعي منتهي هههه الجوهره:ههههه تفضل ليش واقف....يازهرا...جيبي قهوه عبدالعزيز:ههه لا موقهوه يازهرا..جيبي شرباات الجوهره:هههههه شعنده أبو شربااات هههه عبدالعزيز:أوول شيء قولي فكرتي بسامي ولد خالتك وإلا لسى الجوهره:........... عبدالعزيز:أفـااا لاتقولين لي مافكرتي الجوهره بعد تردد:..إلا فكرت عبدالعزيز:هااا يعني توصلتي لقرار الجوهره:إيه عبدالعزيز بترقب:هااا إيش قرارك ترى الولد مستني على ناار الجوهره تغيرت نبرة صوتها وبلعة ريقها:موافقه ياخالي عبدالعزيز:من جد الجوهره هزت راسها بالإيجاب وهي ساكته... عبدالعزيز:لحظه أتصل فيه اللحين وأبشره الجوهره:لاخالي مو هنا..بعدين قوله.. مو قدامي عبدالعزيز:ههههه مو مشكله اللحين خلينا نشرب الشربات هههههههه الجوهره ماقدرت حتى تبتسم سكتت وهي تتهرب... [أحـــلامٌ تــحــتـــضــر] . , . , . , . , . المســاء والــكــل مجتمع ببيت مــاجـــد..والمناسبه "طــلال".... بغرفة الضيوف اللي بعيده عن مجلس الحريم....... العنود:أخــيراً طلووول أخوي شفتك ماابغيت ياولد نشووفك!! طلال:هههه حسستيني اصغر عيالك يابنت مو اخوك ههه العنود:ههههه فديييتك والله..أشتقتلك طلال:ياقلبي والله أنا أشتقتلكم كلكم بس وين سما؟ العنود:بالطريق هي ونايف جايين عالرياض طلال:أهااا.. العنود سكتت شوي وهي تتأمله وتذكرت:يعني بيتها أول بيت تجيه ياطلال طلال ببتسامه حالمه:ومن حظي وجهها أول وجه أشوف العنود بنفس إبتسامته:مــجــنــووون طلال:هههههه بس تصدقين تفاجأت بالولد الصغير طلال..لأنكم قلتوا لي أن أم محمد ماتت..والله علبالي ولد ميس العنود:إيه مادريت ياطلال أم محمد ماتت بعد ماولدته بيومين..وخالي ماجد قال لـ ميس تسمي الولد بنفسها..وماترددت علطول سمته طلال.. طلال تفاجأ:هي اللي مسميته! العنود: وعلشانك بعد..وأللي أكدلي هالشيء..أنها قالت يارب يطلع لك... طلال أبتسم وهو ساكت.. العنود ببتسامه وبنص عين:إلا طلال شرايك فيها؟ طلال بنبره جاده:أنسي..مستحيييل يالعنود.. العنود:ولييش مستحيل طلال:ما أتزوج وحده كانت تحب غيري..حتى لو أني ميت أحبها!! العنود:بكييفك..بس اللي قد خذته ماات طلال بعصبيه:وكانت حامل منه. العنود:بس سقطت ماتهنت به طلال قام متنرفز:العنووود أنسي موضوع زواجي من ميس.. العنود:ههههه خلاص ننساها بس لاتعصب. طلال:يله بروح للرجال .. العنود استغربت ردت فعله(أي حب هاللي بقلبك ياطلال..من أي نوع؟). . , . , . , . . [أحـــلامٌ تــحــتـــضــر] ....شهقت:قــووولي والله الجوهره ارتاعت من ردت فعلها:شفيييك..والله ملاك:هههه ليالخطيييره أنخطبتي ولا ندري الجوهره:هههه حيلك حيلك..السالفه "نيو" يعني جديده.. ملاك:ألــف مبرووك حبيبتي لمى بلقافه:وش السالفه وشوله هالتباريك علموني العنود جت وجلست:أي تباريك ميس جابت القهوه والحلا وجلست تصب لهم وتسمع سوالفهم... ملاك وهي تناظر بالجوهره:الجوهره أنخطبت يابنااات..وتوها تقول لنا الخاينه ميس تأسفت بداخلها وماقدرت تبارك لأنها تعرف شكثر كانوا يحبون بعض فراس والجوهره..... لمى سكتت وهي تخز الجوهره ..... العنود شقت الإبتساامه رغم أنها مقهوره على أخوها:صــدق..ألــف مـــبرووك جوجو..بس عاد ماقلتي من سعيد الحظ الجوهره ما ارتاحت لأسلوب العنود بس حاولت ماتبين,وتبين أنها مبسوطه:اللــه يباارك فيـــك.,سعيد الحظ تعرفونه.."ساامي" ولد خالتي أميره..عقبال لأخوانك . العنود بتغيضها:لاا قولي عقبال لأخوي طلال بس..لأن فراس خلاص خطب وقريب بيتزوج أن شاااء الله.. الجوهره ولعت غيره,أسنانها تحك ببعض من الحرّه:والله عالبركه..فرحتله من قلبي لمى ألتفتت على العنود بسرعه مستنكره هالخبر....!! ميس لاحظت الجوهره مو على بعضها:أوكيه بنات تقهووا بروح لجدتي تناديني ملاك بخاطرها(يااليتني ماقلت للعنود هالخبر) الجوهره قامت بتوتر:ملاك ممكن تجين معي شوي لبرا ابيك بموضوع ملاك استغربت:أوكيه لحظه اشوف وين بنتي بالأول..رغووده تعالي ماما ميس:خليها تلعب مع خالها طلال ملاك:طيب تكفين لاتبعد وتطلع بالشارع ميس:أوكيه ماعليك.... , لمى بهمس ألتفتت على العنود:نوودي ليش تكذبين وتقولين فراس خاطب العنود:حرتني..فرحانه الأخت وهي قاهره أخوي لمى عصبت:والله أسلوبك يرفع الضغط..هي ماقالت شيء يسيء لفراس بس أنتي كبرتي الموضوع.. العنود:لأني عــارفه بأن أخوي يتعذب علشانها وهي ولاهمها لمى بعصبيه:أنتي أصلاً منتي فاهمه شيء..فراس مايستاهل الجوهره ولا حتى ظفر منها العنود:هييي ترى فراس اخوك لمى:وأخوك هذا كرهني بالرجال من أساسهم..أنتي لوتدرين فراس اللي تقولين مقطع نفسه يحب الجوهره وهي ماتبيه وقاهرته..تدرين أنه من أربع سنين بزواجك أنتي وسما وش سوى العنود بإهتمام:وش سوى؟! لمى:هاتي أذنك..................... العنود شهقت بعد اللي سمعته:كل هذا صار قدام الجوهره! لمى بقهر:إيــه قدامها...بس المهم مش هذا المهم أنها ماقالت لأحد..طلبت الطلاق وبسكات. العنود وبحيره:ياقلبي علييك يالجوهره صدق صدمه....طيب شلون عرفتي أنتي؟ لمى:هه صديقة عمري اللي خانتني..واللي خان فراس زوجته معها.. العنود:أووف لاتقولي غيداء بنت جيراننا لمى:هي الوقحه أعترفت لي وبواقاحه..ومن بعدها قطعت علاقتي بها.. العنود حزنت:وربي كنت ظالمه الجوهره..والله لوني مكانها وسعود سوى كذا لأقطعه مو أطلب منه الطلاق بسس.. لمى:أسكتي ميس جات علينا.. . , . ,. . , . [أحــــلامٌ تــحــتــضــر] بعد سكوت لربع ساعه....فالحوش على رصيف الزرع... ملاك:وبعدين يا جوجو..لمتى هالسكوت الجوهره نزلت دمعتها غصب:ملاك أنا أفترقت أنا وأخوها من سنين وبهدوء وبتراضي..هي ليش حاطه دوبها من دوبي؟ ملاك تأثرت منها:قصدك العنود الجوهره:إيه العنود..ماشفتي أسلوبها شلون كان جاف معي! ملاك:مااعليه ياجوجو..تظل أخته وهي اكيد ماتقصد..هي بس مقهوره على اخوها الجوهره بقهر وعصبيه:مو أكثر مني ملاك استغربت:كيييف؟! الجوهره قامت ومسحت دموعها:أنسي الموضوع من اساسه خلينا ندخل بس ملاك استغربت تصرفاتها الغريبه:مثل ماتبين.. . , . , . , . فآخر الليــل..في بيت بو راكان...جلست أم طلال ولمى.. ام راكان:ياحصه إذا بغيتي تنامين تعالي فوق بغرفة ريم ام طلال:خذيني من اللحين بنام أنا دايخه {طلعوا كلهم فوق ماعدا لمى جالسه بالصاله لحالها} لمى تناظر حولها :إيييه ياحليلك ياريم فقدنااك.....الله يرحمك يارنيم......خلني اتصل بفراس يدخل وأسولف معه مدامني ماني نايمه اللحين:ألوه فروسي...بالله ادخل تعالني بالصاله....لا مافيه احد..نسيت ان ريم تزوجت من سنين ادخل بس.. , شوي ودخل فراس:السلام لمى:ههه وعليك السلام..شفيك تلفت ياحظي أقولك مافيه احد تعاال بس جلس فراس وأخذ الريموت ويقلب بالمحطات:أقول لمو روحي سويلي فيمتو لمى وهي تناظر فيه بتأمل,وبدون مقدمات:الجوهره بتتزوج فراس نزل الريموت وألتفت يتأكد من اللي سمعه:شتقولين؟ لمى:قلتلك الجوهره بتتزوج..والليله وحنا بالعزيمه اعلنت خطوبتها من ولد خالتها سامي. فراس سكت ونزل راسه بخيبة أمل.... لمى:شوف أنا قلتلك هالكلام موعلشانك..لا.. لأنك ماتستاهل وأنت تعرف ليه؟...أنا قلتلك هالخبر علشان تنقذ الجوهره من نفسها... فراس استغرب أسلوبها:وش قصدك..؟!! لمى بحرقه:أنت ماشفتها لمن قالت الخبر..وأختك العنود ماشاء الله ماقصرت قالتلها انك خاطب وبتتزوج قريب... فراس عصب:شلووون؟..وهذي وش دخلها تكلم عني لمى:كان قصدها تحر الجوهره وبالفعل قدرت...الجوهره حسيتها وهي تسمع هالخبر بتمووت غيره أنا أعرفها.. الجوهره غيرتها مو طبيعيه.. فراس حس بتفكيره ينشل,:والعمل اللحين؟ لمى:أي عمل؟...أنت بالأول لازم توضح مشاعرك تجاها..لازم تخليها ترجع تثق فيك من أول وجديد..لاتنسى أنت خنتها..والخيانه أشد أعداء الحب فراس كل مايتذكر هذاك الموقف ينقهر:وأنا ياناس محد فاهمني...أنا أحبها وربي ماكذبت بيوم في مشاعري تجاها.. يعني شلون أوصف لها هي أصلاً تعرف بأني أحبها...بس هذيك المره,,,ماكنت بوعيي غصبن عني وكلن له نزواته..أي واحد لو كان بمكاني لحظتها وش كان بيده غير اللي سويته..أنا ما انكر أني أخطيت بس.. لمى:بس إيش؟..بس إيش....حط نفسك بمكانها وشفت حبيبتك تخونك مع واحد ثاني..لحظتها وش راح تسوي فراس سكت وقام وطلع بسرعه متضايق.......... لمى بنظره تشأؤميه:كذا ...كــلــكم كــذا..... [أحــــــــلامٌ تــحــتـــضـــر] . , . , . , وتمر الأيــام ...... ... نمر يركض فالحوش وكأنه يلحق أحد:هههههه مــسسلـــط..ووقف ريم حامل وجالسه عالبساط وتناظر فيهم:ههههههههه هههه تعاال هنا مسلط حبيبي هنا.. مسلط الصغير راح وأرتمى بحضن أمه وهو يضحك:هههههه نمر جلس وهو يتنفس بسرعه:آآه ولدك هذا ياريم مستحيييل ماقدرت أمسكه ريم:هههههه حبيب أمه أكيد هذا ولد الريم......أجلس هنا مسلط حبيبي عورت اختك رنيم في بطني... نمر تذكرهم: الله يرحمهم ريم:أميين يارب.. نمر:شرايك نزور اهلك الليله ريم:والله يانمر ودي بس ماعاد فيني..شايف هالبطن نمر:هههههه من مسافة كيلوين أشوفه ههههااي ريم غاضها بضحكته:ههه تضحك هااهـ..مبسوط حضرتك..يعني مسلط توه متعلم يمشي وأنا اللحين حامل..! هذي حااله.. نمر أنبسط وهو يشوفها تحلطم:هههه قلتلك من البدايه..أبي مسلط ورنيم وبعدها..خذي راااحتك إشاره خضرااء..تتصرفين على كيفك ريم:طيب طيب قوم ساعدني علشان أقوم خلني أروح أغسل مسلط ونغير ملابسنا علشان نروح لأهلي نمر:على هالخشم هههه . , . , . , . , [أحــلامٌ تــحــتـــضـــر] الجوهره وهي تكلم بالجوال:بكيفه خالي يجي وقت مايجي.....بكره!...أوكيه أستناه بس بشرط....تكون أنت معاه أوكيه......يله باي... سعد كان مار من عندها:عريس الغفله الجوهره:سسسعد لاتقول هالكلام قدامه زيين سعد بتهكم:هههه توقعت بعد كل هالسنوات تتزوجين واحد أحسن من فراس..بس طلع فراس أحسن مليون مرّه من هذا "ساامي"..<< قال أسمه بقرف الجوهره بعصبيه:سسسعد سعد:خلاااص خلاااص سكتنا..أنا طالع ألعب كوره الجوهره:يكون أحسن [أحـــلامٌ تــحــتـــضـــر] . , . , . , . , . بوسط أوراقها القديمه تدور على شيء ,وماهي لاقيته... ..... أستلقت على سريرها تفكر بحل لمشكلتها...لأن ظهور طلال بحياتها مرّه ثانيه حرك شيء بداخلها ,خلاها تفكر بأشياء مستحيل وحده تسويها لو إيش..بس هي عارفه إن طلال رَجُل شرقي وله كرامه مستحيــل يقبل يرجع يخطبها مرّه ثانيه بعد مارفضته بالأوليه..... دخل طلال الصغير عليها يركض ونط عالسرير:ماما ماما ماما ميس أستقعدت له:روح ماما أنت وش وراك طلال الصغير رفع حواجبه وهو يبتسم....وساكت ميس:ههههه مدام حواجبك أرتفعت كذا..معناته فيه شيء وش عندك حبيبي؟ طلال الصغير ببتسامه طفوليه:ثميي تحت جانا...ويقول يبي يقهوه ميس شهقت:طلال موجود تحت..افف لامحمد ولا بابا موجودين وش نسوي طلال طلال الصغير بتعجب:وأنا يا ماما !! ميس:هههه يعني أنت أللي بتودي القهوه طلال:إيه أنا وبثوبها له ميس:هههههه طيب تعال بس لحظه تعال حبيبي طلعت كتاب من الدرج وعطته لطلال الصغير...:شووف حبيب ماما أنزل وسلمه بيد طلال طييب طلال ببيراءه:طيييب.. ميس:يله خلنا ننزل أنتا ود الكتاب له وأنا بجهز القهوه... طلال الصغير:يلله . , دخل وهو يشيل هالكتاب بيده وكأنه يشيل قدر ثقيل..ووقف قدام طلال طلال:حبيبي وش هذا..؟!! ط الصغير:هـذا من ماما..لك طلال أستغرب:لي أنا..! ط الصغير:إيه..لك يله خوذه ثقيييل مرره طلال أخذ الكتاب منه:ههههه ثقييل!..الله يصلحك... ط الصغير:يله أنا بروح اجيب القهوه.. طلال:ههههه طيب لاتتأخر مابي اقعد لحالي.. الصغير:طيب طيب.. طلال ألقى نظره عالكتاب, تذكره هذا ديوان نزار قباني أللي أهداها إياه..فتح الكتاب وطاحت بحضنه ورقه بيضاء مسكره..! أخذها..وفتحها بإهتمام واضح... [...!...مـا أدري كيف أبدأ وبأي لقب أناديك بس ...أقرب لقب لنفسي هو اللي راح أبدأ فيه وأسمحلي لو ناديتك فيه..وإن كان ماعجبك!... حــبيـــبي../ المفروض أنـي أشكرك على هالديوان الرائع من كم سنه من عمرنا راحوا..بس.. وأبيك تصدقني قبل لا أكمل.."تكفى صدقني"...لأني ماعرفت بأنك أنت اللي أرسلته..جاء علبالي واحد مابي أذكر أسمه بهالورقه...وبعد سنه وأكثر ..فتحت هالديوان..وقلبت صفحاته وتأكدلي بعد "قصيدة التحديات"..بأنه أنت اللي أرسلته وفرحت لحظتها.... بس ما أرتحت!..تدري ليه؟...لأني تعذبت زياده....لأني ماعرفت إلا بعد فوات الآوان.. حــبيـــبي../ أدري بتسأل نفسك ليه أنا كتبت هالرساله..ووش الهدف منها ويمكن ماهمك الكلام اللي قلته كله بس...بس أنا راح أقولك وأريحك..... حـبيــبي لي عندك طــلـــب ..ويــاااليـــت ماتردني خايبه.... ممــكن تـشـرفـني بأن تقبلني زوجه لك على سنة الله ورسوله..؟ حبيبي لاتظن بأني مرخصه نفسي...بالعــكــس...بس لأنــك غـير..ولأن حبك غير وأنا غير وحبي غير..تكفى لاترد هالطلب ... بس حتى إن رفضت وأنا عاذرتك ..تأكد بأن هذا مايزحزح من غلاتك بقلبي شيء..وتأكد راح تكون بقلبي محفوظ وإن أخترت غيري راح أدعيلك ربي يوفقك...... أحــبــك... مــيــــس] طــلال وقف مكانه متفاجأ ومعصب بعد ماقرأ المكتوب.... دخل الصغير ومعه الشغاله بالقهوه: طلال اقعد جبنا القهوه طلال:بس ياطلال أنا ماشي بجيكم بعدين سلم على بابا الصغير:طيب دخل يركض:ماما ماما ماما ميس بترقب:خير حبيبي الصغير: طلال راااح ميس عورها قلبها:يووه لايكوون اللي سويته خطأ وإلا ماعجبه كلامي الصغير:ماما..أنتي وش تقولين ميس ضمته وهي خليفه من ردت فعل طلال:ولا شيء قلبي ولا شيء . , . , . وقف سيارته على طرف الطريق..وحاول يستوعب اللي بالورقه وهو يقراها كذا مرّه.. هذي من عقلها تطلب منه هالطلب...ماتخاف يفشلها..!! رن جواله ناظر بالشاشه ورد:هلا فراس فراس بالجوال:هلا اخوي وينك؟ طلال:قريب بغيت شيء فراس:إيه بغيتك تعالني بسرعه ببيت خالي راشد طلال:لا مو بيت خالي راشد..أبي أشوفك بأي مكان وإلا أقولك بكافي فراس:خلاص روح لكافي الـ.....فالتحليه أنا جايك.. طلال:أوكيـه انتظرك... . , . , . [أحــــلامٌ تــحــتـــضــر] بالكوفي شوب.../ طلال:خير فراس شفيك منت على بعضك..ومتصل فيني وحالتك حاله وعندك موضوع... فراس بقلة حيله:الجوهره تبي تتزوج ياطلال طلال:هههه بسس وإذا صار..مو أنت مطلقها...خلاص الله يوفقها مع غيرك فراس بعصبيه:لا مافيه غيري..ياطلال الجوهره مستحيل تتزوج غيري تفهم. طلال استغرب ردة فعله:فراس هدي أعصابك,وشو اللي مستحيل فراس:أي هدي أعصابك...الله يخليك دبرني..هالبنت أبيها..قلي شلون أرجعها طلال:طيب ليه تطلقها فراس بإنفعال:هددتني إن ماطلقتها بترفع علي قضية خُلع..بعد موقف زعلت مني بعده. طلال أخيراً فهم عليه وأبتسم:تحبها يافراس؟! فراس سكت وهو يحاول يهدي نفسه.. طلال ببتسامه:طيب شوف أنا بقولك شيء..أنت مستحيل أحد يساعدك غير نفسك.. فراس:طيب كيف؟ طلال:كيف هذي,راجعه لك.فكر بطريقه ترضيها فيها تكون هي رايقه ومتقبله. فراس سكت وهدأ شوي:إلا طلال ماقلتلي وين كنت فيه.؟ طلال تذكر الرساله:كنت وين ماكنت.. فراس:أفاا تخبي علي طلال طرت عليه فكره:لا.. بس صديقي كلمني وعرض علي مشكلته وبصراحه ماقدرت أعطيه حل..أو عالأقل رد فراس بإهتمام:ووشهي مشكلته؟ طلال:هو كان يحب بنت خاله وصار بينهم موقف بايخ وزعلت منه..وعشان يراضيها قرر يخطبها بس بالأول قال لأخته تفاتحها بالموضوع...بس هي رفضت فراس عقد حواجبه:أفااا طلال:مو هذي المشكله..المشكله أنها تزوجت غيره والظااهر ماتوفقت بزواجها ومدري شصار على زوجها مات أو صارله شيء..وتركته وبعد كم سنه طلبت هي منه الزواج...هاا أنت شرايك..هو محتار يوافق وإلا يحقرها.. فراس جلس يفكر بالقصه ويقلبها براسه:تصدق..القصه مشوقه فعلاً.. والله محتار,بس أنا لو مكانه بتزوجها.. تدري ليه؟ طلال بحماس:ليه؟ فراس عقد حواجبه:بذلها مثل ماذلتني طلال فتح عيونه من هالجمله:أقولك يحبها فراس:طيب هي تدري أنه يحبها ليه تذله وترفض طلال سكت وهو يفكر بكلام فراس, فراس:طلال وين رحت؟ طلال:معك بس راح أقول لصاحبنا على فكرتك فراس:اوكيه شرايك نروح لراكان اللحين.. طلال:لا أنا بمر على العنود..قايلها أني بمرك.. . , . , . العنود نزلت الفنجال متفاجأه:وش تقوووول؟!!! طـلال:الـظـااهر سمعتي العنود:ههههههههه طلال:شفيييك!! العنود:ههه ومستحييل أخطبها وأنسيها وقفلي عالموضوع ومدري إييش وفالنهايه تروح وتقول بخطبها بهالسرعه!! طلال بهدوءه:تبين الصراحه العنود بإهتمام:خير أكيد أبي الصراحه طلال:ميس هي اللي عرضت علي الزواج العنود بتعجب:مـــيـــسس!!! طـلال:إيه ميس العنود سكتت متفاجأه...وتناظر بطلال..كأنها تدور عن شيء.. طلال:شفيك سكتي ليه ماتردين؟!! العنود ببتسامه:اللحيــن عـرفت طلال:وش عرفتي؟ العنود:ميس تمووت فيك طلال:لا والله العنود:ياولد البنت سمت أخوها على أسمك..وتحججت فيه علشان تمنع الخطاب اللي كانوا مثل النمل على بابهم..وكل ماحاولت فيها جدتي وإلا أمي قالت أنا مابي الزواج نهائياً وحياتي كلها لأخواني....والحيييين تطلبه منك أنت!!! طلال سكت ببتسامه.. العنود فرحت من قلبها:ألــف مبرووك ياخوي..والله تستاهل ميس وهي تستاهلك ..تراها تحبك ياطلال..واللحين بس عرفت تفسير كل تصرفاتها... أنفتح الباب ودخل سعود ببتسامته:السلام عليييكم... الكل:وعليكم السلام. سعود شاق الأبتسامه:هـــلاااا بالنسييب طلال ببتسامه:هــلاابك ياسعود العنود:تتقهوى ياسعود سعود:إيي والله تكفيين العنود مدت الفنجان:سم سعود سعود:سم الله عدوك...هاا طلال بشر علومك طلال:تمام الحمدلله.. . , . , . [أحــــلامٌ تــحــتـــضـــر] واقفه قبالت التسريحه وتركب عدساتها السوداء..وتضبط شكلها لابسه بلوزه صفراء جوبنيز وبنطلون أبيض وفاكه شعرها.. اخذت عطر وتعطرت..اليوم بيجي سامي وبتقابله..حاسه على ظهرها جبل من هاللقاء الثقيل على قلبها...ناظرت بالساعه :غريبه للحين ماوصلوا..!! طلعت من غرفتها ونزلت تحت:مــااامــااا غرام طالعه من المطبخ:شفييك تنادين الجوهره:وين جدتي؟ غرام:جدتك فالحوش..أخذها سعد وطلعها معه الجوهره:حلوو بروح لهم غرام:بكييفك أنا بروح اكمل شغلي الجوهره طرت ببالها فكره:هههه لااازم أرووع جدتي..ههه شكلها يضحك مهي مرتاعه هههه طلعت ...ناويه تروح عالملحق كانت تظن بأنهم هناك....... , . على طاوله بطرف الحوش اللي كله ثيل .... الجده:هههههه الله يقطع سوالفك ياسعد... سعد:والله أسألي فراس حتى كان معنا.. فراس لمح اللي لابسه الأصفر وطالعه وتبي تروح للملحق ولا شافتهم,نسى العالم وهو يقزها بتمعن وبشووق... سعد ألتفت للي يناظر فيه فراس وتضايق بس سكت ماتكلم...سوى نفسه ماشاف شيء... , الجوهره دخلت الملحق ومالقت أحد:بسم الله وين راحوا؟ طلعت من الملحق راجعه للبيت وعند الباب سمعت صوت جدتها.. , الجده:فراااس وين سرحت؟ الجوهره ألتفتت على الإسم وطاحت عيونها بعيونه وناظرته بنظرات ناريه.. فراس ببتسامه غمزلها من بعيد وأرسل لها بوسه بالهوى:... الجوهره حطت يدها على خصرها بحركة تحدي وناظرته بنص عين,ودخلت كان ودها لو ضربته على حركته.... فراس ضحك مايدري ليه وألتفت وشاف سعد يخزّه..وسكت علطول.. سعد ببتسامه بارده:فراس ترى هذي أختي فراس أختفت إبتسامته:أسف ياسعد..معك حق.. سعد زعل وأختفت ابتسامته وسكت... الجده:شفيييكم سكتتوا سولفوا زي قبل شوي ...,أنفتح الباب,... سعد نسى الزعل وألتفت على فراس بسرعه:فرااس ترى اللي جاي خالي عبدالعزيز ومعه سامي اللي بيتزوج أختي..جاي يبي يشوفها.. فراس عصب:بذمتك سعد بحماس:والله.. بالله خلنا نطفشه.. فراس غلي دمه وهو يشوف سامي,وتذكر كلام أخته لمى""أنقذ الجوهره من نفسها"" سعد:لحظه بناديهم هنا.....خاااالي عزووز /////الجوهره كانت تطل من شباك غرفتها وتراقب الوضع///// عبدالعزيز جاء ووراه سامي:هلا سعد..من هذولا؟ فراس:أفااا ياعبدالعزيز مااعرفتني عبدالعزيز بنص عين:هلا هلا فراس فراس ببتسامه ماكره:أهلييين..إلا من هذا اللي تجره وراك سامي أرتفع ضغطه ورفع صوته:أحترم نفسك فراس بنفس الإبتسامه الماكره:لاحووول..سعد أنا غلطت عليه؟ سعد ببتسامه ماكره:لااا حاشاك ياولد عمتي.. سامي:بسررعه ياخالي خلنا نشوف العروسه بسرعه..هذا ينرفز وأنا ماني فاضي فراس قاطعه:أخـسس يابيل غيتس منت فااضي!!..أقوول أسكت والله ماوراك إلا الدجه.. عبدالعزيز:فراااس ألزم حدودك سامي صار أبريق يغلي:فكني عليه ياخالي عبدالعزيز ناظره بنص عين:وأنت شفتني ماسكك اللحين! سامي تفشل...وسكت سعد يتريق:كوكوكووكو هههههه فراس بنظرة تهزء لسامي:أعقب يالرخمه تعال ورني مراجلك إن كان فيك خير سعد:ههههه لاتحرجه يافراس..هههههه //الجوهره فرحت من قلبها على تصرفات فراس عجبها بردوده(طوول عمرك رجال وقد كلمتك)...// عبدالعزيز:أقوول بس وين اختك روح قلها ترى سامي وصل سعد:للأسف ياخالي..أختي قبل شوي توها طالعه للسوق... عبدالعزيز استغرب:رااحت للسووق!! فراس:والله أستحت تقولك أنها رافضه هالعريس اللي نشبتها فيه..قررت تهرب منه وتروح للسوق وش نسويلها؟ نمنعها وإلا غصب يعني تتزوج /الجوهره ضحكت على شكل سامي المتفشل// سامي عصصصب:خاالي أنا طالع.. عبدالعزيز لحقه:لحظه ياساامي {طلعوا} سعد ألتفت على فراس:كفك ههههههههه فراس مد كفه:هههههههههه هههه سعد:والله رحمته يافراس شكله احترق ههههه فراس :ههههه خله ثاني مرّه يتعدى على محارم الرجال{طالع فوق بنص عين} ///الجوهره جات عينها بعينه وأبعدت علطول,صحيح رضى غرورها بس ولو...للحين بقلبها شيء وماصفت من ناحيته.../// سعد:هههههه فراس شوف جده نايمه فاتها المشهد ههههه فراس:هههههههههه , . , . , . , . , طلال بوسط حيرته:هاا شرايك يمه؟ ام طلال بتردد:والله وأنا أمك..ميس بنت أخوي ومافيها عيب بس أرمله..وأنت مابعد تزوجت..ليش تاخذ وحده قد تزوجت طلال تقهره هالكلمه:حتى لونها قد تزوجت..مو أنتي تقولين مافيها عيب؟.. ام طلال بتردد:بس.. طلال بحماس قاطعها:بدون بس يمه واافقي..ريحيني لمى جلست:وشو اللي توافق عليه أم طلال:اخووك يبي يتزوج ميس لمى بحماس:واللــه عالبركه تستااهل ياخوي ميس أكثر بنت تستاهلك بالعالم.. طلال ابتسم:مشكووره يا اختي ام طلال:والله يعني اتفقتوا لمى ببتسامتها:وليش لا.. تذكرت على فكره قومي يمه لك تلفون أم طلال:وجالسه تهذرين وتاركه المره عالخط.!! {قامت وطلعت تكلم} طلال:لموو وأنتي وش خلاك تقولين أن ميس اكثر وحده تستاهلني بالعالم.؟ لمى:تبي الصراحه..أنت شاب محترم وحساس وراقي بتعاملك..وميس قمة في كل شيء أخلاق وأدب وإنسانه حساسه ومحبوبه من الكل.. طلال أبتسم منحرج وهو يسمع كلام لمى... لمى:بس أنا خايفه من شيء طلال :وشوو؟ لمى:هي تقول بطلت قصة الزواج هذي من راسها..وأنها كرهت الزواج وسنينه وراح تقضي عمرها كله لأخوانها مهند وطلال وبسس..أخاف ترفضك طلال أبتسم بثقه:هههه لا من هالناحيه حطي يدك في مويه بارده..راح توافق علي لمى:هههه أبو الثقه ياشيييخ طلال:ههههه أنا المهندس طــلال..ماتثقين في أخوك؟ لمى:هههه فديت أخوي أنا ههههه بس ماقلتلي متى بتخطبها طلال:قومي اللحييين بودي أمي لأني فاتحت أبوي بالموضوع ووافق..وكلام الرجال والإتفاق كله الليله.. لمى:ههه يااولد حاامي انت طلال:هههه أجل وشو؟هههه يله بس قومي ألبسي الليله حفلة الخطوبه ويمكن الملكه.. لمى:لااا الموضوع شكله جد وأنا لاازم أقوم ألبس وأتكشخ بعد طلال:هههه لاتنسين الكشخه الله الله فيها . , . , . , . , [أحـــلامٌ تــحــتـــضــر] ميس صبت الفنجان ومدته:سم يبه ماجد:سم الله عدوك يابنتي...شلون طلال؟..ماشوفه ميس ببتسامه:تعب من كثراللعب ونام... ماجد:لاتخلينه ينام العصر ميس:شسوي تعب ماجد نزل فنجانه:بسس ميس:تقهوا يبه ماجد:بس وأنا أبوك....أنا وأنا أبوك أبي أكلمك بموضوع ميس بترقب:سم يبه ماجد:وأنا أبوك أنا ماعرف اتفلسف بدخل بالموضوع مباشره..طلال يبيك زوجه على سنة الله ورسوله..شقلتي؟ ميس أبتسمت,ماقدرت تخفي سعادتها بهالطلب..ماتوقعت أن رسالتها لها المفعول القوي..وبهالسرعه تقدم لخطبتها...!! ماجد:ميس وش رايك ميس:الشور شورك يبه ماجد:هههه الشور شوري..يعني موافقه ميس هزت راسها بالإيجاب... ماجد:مدام كذا..ترى ابو طلال قال إذا موافقه ..الليله راح تكون الملكه عائليه وعالضيق..علشان الزواج راح يكون بعد شهر.. ميس تشققت من الوناسه:أللي تشوفه يبه... . , . , . , [أحـــلامٌ تـــحــتــــضــــر] في حاره من حواري جده المزدحمه..في شقه صغيره ×غرفه صغيره ومطبخ صغير بينهم صاله صغيره عالقد..متواضعه جداً وبسيطه. حالتها مزريه..وأثاثها جداً قديييم وبالي.. رنت الساعه3العصر موعد شغلها كل يوم..وفزت من مكانها ألتفتت على يمينها ومالقت بنتها جنبها ..أمتلت رعب.. ونادتها:غاااده غااده....ياقلبي وين راحت؟! نزلت من السرير مسرعه وطلعت تدورها لفت الشقه بسرعه ومالقتها وغصتها العبره وحمرت عيونها وبدت تبكي..رجعت لغرفتها وهي تحس الدنيا تدور فيها..وراحت للشماعه بتاخذ عباتها وبتطلع تدورها فالعماره... .... قامت من صوت بكاء أمها وهي تحك عيونها:مــااامــاااه غيداء ألتفتت عليها ورمت العبايه وراحت لها مسرعه وراء السرير عالأرض وضمتها من قلبها وهي تبكي,هذي وحيدتها بهالحياه..بنت حبيبها وأللي تركت العز واهلها كلهم علشانها..حاربت هالدنيا كلها علشانها,.... غاده عمرها 3سنوات ونص:مـاامـاااه أنتي ليه كل يوم تبكين؟ غيداء مسحت دموعها وأبتسمت:ماعليك من هالكلام اللحين تعالي ناكل شيء علشان نروح الشغل..وإلا ماتبغي تروحي معايه اليوم.. غاده مدت بوزها ببراءه:أووف كل يوم شغل كل يوووم غيداء ابتسمت على دلع بنتها:أوكيه مو لازم تروحين أجلسي فالبيت لحااالك غاده شهقت:لا يمااماا أخاااف غيداء:ههههه أوووكيه تعاالي قبل لا تأخريني.. حست بألام كبيره ببطنها مغص فضيع جلست عالأرض وهي ترص بطنها بقوه وتحاول تتماسك علشان بنتها... غاده خافت ماتدري وش في أمها:مااماااه أنتي تعباانه.. غيداء عضت على شفاتها:لا قلبي مافيني شيء تعالي بس خلينا نخلص بسرعه.. , . , فالمشغل ...... غاده محبوبه من الكل..هي الطفل الوحيد اللي له الحق يتمشي فالمشغل بدون محد يمنعه...مدلله من الكل... غيداء:غاااده تعالي اجلسي هنا عاقله.. غاده :ماااماااه حليمه مديرة المشغل:ههههههه خليها براحتها ياغيداء تلعب.. غيداء وهي تحس الألام ترجعلها سكتت, تكابر.. حليمه لاحظتها متغيره:غيداء..أنتي للحين تشكين من المغص؟ غيداء بألم:ويزيد مع الأيام ياحليمه ويصير وجعه أشد.. حليمه:طيب ليه ماتروحين طبيب..أنتي لك سنه على هالحال..ريحي نفسك من هالعذاب..وريحي بنتك معك.. غيداء سكتت وهي تناظر ببنتها تلعب قدامها والموظفات يلعبونها وهي تضحكلهم ببراءه ماتدري بالدنيا..,أغلب ملامحها تشبه ملامح حبيبها نفس رسمة الحواجب والأنف ونفس الشفايف والشعر الأسود الناعم بعكس شعرها البني..ماتختلف عن حبيبها إلا فالعدسات الزرقاء رغم أن رسمت العيون تشبهله كثييير... حليمه:هيييي غيداااء غيداء أخيراً أنتبهت:نعم حليمه:نعم الله عليك بس كنت أقولك لازم تشوفين دكتوور غيداء وهي تفكر:بشووف [أحــــلامٌ تــحــتــــضـــر] . , لمه وهيصه,العايله صار فيها إزعااج من هالبزران... العنود:رجاااءاً ملاك أمسكي بنتك تراها أذت عيالي ملاك:ههههه رغووده..ياحراام عليك يالعنود هذي أنعم بنوته فالعالم..بس عيالك بكايين. الجوهره:ههههه واااضح سما:صدقتي ياجوجو ام راكان:ههههه أمها ملاك وأبوها راكان أقشر بزارين العايله ملاك:هههههه خاالتي رجااءاً لاحد يسب بركاني حبيبي الكل:هههههههههههه ريم جات وجلست تتنفس بصعوبه:آآه ياربي تعبت سما:الله يعينك ياريم على هالبطن ريم:حظظظك ياسما زوجك مايحب البزران سما:ريمي أسكتي لاتغيضيني..ترى ليلياً نتهاوش أنا وياه عند هالسالفه الجوهره:أووف ليلياً!!هههه سما ببتسامه:إيه بس هالشهر مافتحت معه الموضوع الجوهره بنص عين:ههه وش معنى؟ سما:هااتي أذنك...هالشهربطلت حبوب من دون علمه الجوهره قصرت صوتها زيها:أخس يالقويه سما:والله قهرني من كثر مايأجل..لي اربع سنين وداخله عالخامسه كل اللي تزوجوا بعدي صار عندهم بزران إلا حنا..! الجوهره تذكرت فراس بهاللحظات,ماتدري ليه تذكرته وجاء علبالها, سما:اللــه ياجوجو شوفي العروسه... جوا البنات من وراها يزغردون ويصفرون... الجده:تعالي أجلسي عندي ميس جات وجلست جنبها..... ام طلال:ألـــف مبروك ياميس... ملاك جابت الكتاب الكبير:وخرو يابنات..خلوا العروسه توقع... حطت كتاب الملكه قدامها وعطتها القلم:يلله أرسمي قصدي وقعي ههههه الكل:هههههههههههههههههههه� � ميس أخذت القلم وهي تبتسم ووقعت تحت أسمها بفرحه ومشاعرماتنوصف.... وأرتفعت أصوات الزغاريد مع توقيعها... الجده:الله يصجكم يابنات الكل:هههههههههههههه كملوا سهر ووناسه...وميس تنتظر أحد يطلبها وإلا شيء بس ماافيه(غريبه ليش ماطلب يشوفني!!).... طلال الصغير جاء وجلس بحضنها:اللــه ماما بتتزوجييين ميس ببتسامه:إيوه حبيبي ام طلال:عااد باركلها ياطلال طلال الصغير باسها وضمها:مبرووك يا ماما ام راكان:ياقلب أمه مايناديها إلا ماما ميس بكت وهي تضم أخوها الصغير وتسمع كلمات أنه"مسكين" و"يتيم"و"ومايدري عن شيء"...ماتحب هالكلمات...هي ماحسست أخوها بالنقص من أول أنولد ..حاوطته ورعته أكثر من أم...وماراح تتركه لو حتى تزوجت..! .... . , عند الرجال// فراس ينغز طلال:يااخي أطلبهااا وش هالثقل طلال:مو اللحين..مو اللحين فراس:يااا شيين الثقل شينااه في بعض الأحيان طلال:فرااس قصصر حسك... ابوراكان:هـاا ياطلال سمعت أنك خلاص نقلت شغلك كله فالرياض طلال:إي والله ياخالي..خبرك تغربت كثيير وصار لازم أستقر بوسعود:ماشاء الله عليك ياطلال نجحت وحققت مكاسب لك ولوطنك..شرفتنا ياطلال بوراكان:وطلعوه بالتلفزيون بعد وكان بكل مرّه ينسب كل نجاحاته للسعوديه طلال:أقل وااجب نقدمه للوطن ياعم أننا نشرف أسمه ونرفعه بكل مكان فراس:هههه والله شكلي بحسدك... راكان:مو بس انت يافراس حتى أنا سعود قام:يله عن اذنكم..تمسوا على خير الكل:وانت من هله... . , ’’’’’’’’’’ [أحـــــــــلامٌ تـــحـــتـــضـــر] بنفس الحارات الضيقه القديمه...ولنفس الشقه المتهالكه القديمه.. نومت بنتها جنبها وسرحت بكلام الدكتور لمن زارته قبل فتره قالها كلام ماطمنها والفحوصات راح تطلع بكره وبتشوف النتايج...حست بألامها أللي ماعاد توقف مدت يدها لحبوبها المسكنه وأخذتها وشربة مويه وأرتاحت شوي.. لفت تناظر بنتها وتتمقلها ملامحها زي كل ليله..وتمسح على شعرها وتتذكر الحبيب:ليته يشوفك أللحين....ياترى إيش قاعد يسوي دحين..كم عنده أطفال غيرك..مبسوط وإلا لا.. غاده تحركت وفتحت عيونها لقت أمها تبكي وبيدها صوره مبروزه وعرفت هذي حالتها ليلياً:ماامااه غيداء أنتبهت لها ورجعت الصوره عالكمدينه:نعم ياحبيبت ماامااه غاده :عطيني الثوره غيداءأرتبكت:نامي بس ياغاده وخلي الصوره مكانها غاده قامت وزحفت وأخذت الصوره ورجعت تستلقي مكانها وتناظر فيها بتمعين وتقلد أمها... غيداء تناظر فيها وهي تبسم على حركاتها الطفوليه:يللله شوفتيها خلاص..قومي رجعيها ونامي غاده:مـاامــاااه..هذا الرجال مين؟ غيداء بلعت ريقها من هالسؤال إللي كانت متوقعته بأي لحظه بس مو اللحين.. غاده :ماامااه مين هذا؟ غيداءأبتسمت بألم مخفي,وقررت تصارحها:هـذا بابا.. غاده سكتت وهي مستغربه وتتمقل الصوره,بعدين عقدت حواجبها:ماماه وين بابا غيداء نزلت دمعتها وسكتت ماتقدر ترد.. غاده زادت بالأسئله:ماماه..بابا ليه مايجينا.. غيداء عورها راسها من هالأسئله وسحبت الصوره من بنتها ورجعتها مكانها:غاده يلله بدون صوت ونامي غاده سكتت شوي وهي تناظر بعيون أمها..ونطقت:بااباا ماات غيداء أنقبض قلبها من هالكلمه وضمتها بقوه:لا ياقلبي بسم الله عليه لاتتفاولي عليه ...بابا مسافر وبعدين بيرجع غاده:متى؟؟ غيداء وهي تبلع العبره:بعدين ياماما بعدين.. [أحـــــــلامٌ تــحــتــــضـــر] . , , . , . , , مشوا كلهم ومابقى أحد .... جلست ملاك على طرف السرير وبنتها في حضنها ونايمه:والله غريــبه ليه ما طلبك طلال؟!! ميس ساكته ومتكيه وأخوها نايم جنبها,عصبت:ليش غريبه مافيها شيء. ملاك:مافيها شيء بس هو ولد عمتك عاادي لوطلبك...يعني ميس بعصبيه:مـــلاك..عندك كلمه فهالموضوع رجاءاً وفريها..وسكري عالموضوع ملاك أستغربت ردة فعلها:بكييفك..خلاص لاتعصبيين.. مـيس بعد ماهدت شوي:مــلاك ملاك بزعل:خيرر ميس:تروحين معي بكره للسوق؟ ملاك أبتسمت:لااا ميس تطلب السووق!!!.. وش الطاااري؟! ميس حمرت خدودها:هههه لعيـون طلال ملاك بنص عين:ليالـ...من اللحين ميس:ههههه لا والله من سـنــيــيــن.<<<< قالتها من قلب ملاك:ههههههههههه رااحت فيها البنت هههه . , . , . رن جوالها... الجوهره على مكتبها فالبنك ردت بسرعه من دون ماتشوف الرقم:هــلا فراس بالجوال:هـلا والله بصوتك أنتي هـلا الجوهره عصبت:يالله صبااح خيرر فراس بنبرة تهديد:شوفي لاتسكرين الخط ياويلك الجوهره:لاوالله..ومن حضرتك عشان تهددني..وش بتسويلي يعني.؟ فراس برواقه:أحوس البنك عليك حووسه وأجيب عاليها واطيها الجوهره معصبه:مريييض فراس:ومجنون بعد وأسويها.. الجوهره تبي تغيضه:ترى بقول لسامي يشوفلك صرفه فراس:ههههه ضحكتيني من هذا سامي؟لا يكون السكيورتي حق الأمن عندكم بالبنك؟ الجوهره ولعت منه:لاااه تتريق حضرتك...سامي هذا خطيبي..والله لو يدري بأنك تكلمني ذبحك فراس بهدوء يخبي توتره:إيييه ذكرته..هذااك الخكري اللي شفته في بيتكم هذااك اليووم...لاتقولين بأن هذاك الدب الغبي خطيبيك؟! الجوهره عصبت منه ونرفزتها كلمة"دب وغبي":فراااس فراس:أششش لاترفعين صوتك ناظري اللي حولك كلهم سمعوك الجوهره ألتفتت ولقت الموظفات فعلاً يناظرون فيها وسكرت الخط بوجهه......... الجوهره جلست تتذكر شكل سامي.."دب".."ثقيل طينه".."غبي والدليل تهزيئ فراس وسعد له هذاك اليوم...ملامحه مو حلوه بالمره أبيض وعيونه مدوره وعوارضه خليجيه مو حلوه..:كل هالشين فيه؟يععع تذكرت فراس"جسم رياضي" طوول برشاقه وبشرته بيضاء مايله للسمره وعيونه حاده ورجاال بمعنى الكلمه سكسوكته خفيييفه وحلوه عليه"خفيف دم"وسيم وشخصيته تعجبها:آآه..وش جااب لجــااب.. [أحـــــــلامٌ تــحــتـــضــر] . , , خلصت دوامها العصروطلعت ومعها صديقتها خوله يتكلمون مع بعض ويضحكون.. خوله:هذيك سيارة اخوي..بسرعه لايعصب علينا الجوهره:نعم نعم..كان قلتيلي أنه كذا..ماكان منعت سايقي لايجي خوله:مو أتفقنا مره انتي توصليني ومره أنا؟ الجوهره:والله ياخوله قلتلك أوصلك كل يوم مع سايقي مو مشكله خوله:بس أخوي علله..أسكتي لا يسمعنا الجوهره بإستعلاء:يخسى ماعلي منه خوله فتحت الباب:السلام عليكم عامر عامر بعصبيه رافع صوته :ورا مانمتي أزين..لاطعتني بالشمس ساعتين وين حنا فيه.. الجوهره وقفت وهي فاتحه الباب ماقدرت تركب من شافت أسلوبه.. خوله ركبت.. عامر ناظر في الجوهره وأول مالمح عيونها وتلقائياً:يااالبيييه خوله وهي تنغزه بكتفه:عـااامر! ووجع عامر ما رد على أخته نزل للجوهره وهو فاتح فمه:هـلا واللله بالزييين هلااا الجوهره عطته نظره ناريه:أجل هذا أخوووك ياخوله!!..أستغفر الله عامر قرب لها وحط يده عالباب:ورا ماتركبين ياحلووه الجوهره أبعدت لمن قرب منها :أبعد عني.. عامر ونظراته ماتوحي بخير:يااابنت الحلال أركبي ....... أقبل بخطوات واثقه وبصوت عالي وواثق:قالتلك أبـــعـــد عــنــهــاااا.. عامر ألتفت وشاف الشاب واقف ,راح لباب سيارته معصب رافع عن كمومه ورابط الشماغ على راسه وأخذ العجراء:خييرر بوالشباب..وش عنده؟ الجوهره تفاجأت بفراس ماتوقعته...وخافت عليه من العصاء اللي وش كبرها.. فراس راح ومسك يد الجوهره:تعالي وش حادك على ذا الشبهه تركبين معه؟ الجوهره ماقدرت تسحب يدها من يد فراس قدام الناس:فراس أقصر الشر شوف وش معه. فراس كان لابس كاجوال:هههههااي علشان هالعصا الغبيه تبيني أخاف منه.. عامر قرب له وهو رافع العصا بيضربه:أنا أوريك شلون تغازل عيني عينك.. فراس فاجأه بكف وبشطاره أبعد عنه وألتف عليه وضربه ضربتين بوجهه ولوى ذراعه:اقووول براسك حب..رووح وأطحنه..زييين..وأللي يغازل ويتلصق أنت وأشكالك. عامر اللي شوي وتنكسر يده:زييين زييين فراس رحمه وفكه ودفه على وراء:هههه يلله يا البزر ثاني مرّه لاتتكلم وأنت منت قد كلامك... الجوهره كبر بعينها بعد هالحركات وأعجبها أبتسمت بنصر وبفخر , فراس راح ومسكها بيديها:يلله مشــينا ياابنت الجوهره مالقت بد من أنها تركب معه... فالسياره../ فراس كان معصب شوي وكان عاقد حواجبه,كان ساكت وماتكلم.. الجوهره قطعت سلك شنطتها وهي تلويه,أختلطت احاسيسها بهاللحظه بين الشوق والحب والعتاب والزعل.. "سنواات عنه"..ودها تضمه من كثر شوقها بس كرامتها ماتسمح,قررت تكسر حاجز الصمت:شكراً لك على تدخلك.. فراس فك عقدت حواجبه:ولوو العفو هذا واجبنا الجوهره بلعة ريقها وهالسؤال جاء ببالها:كنت تراقبني فراس؟ فراس ألتفت عليها ببتسامه ساحره:فيه واحد بالدنيا عنده وحده مثلك وما يراقبها الجوهره أرتبكت,من نبرة الحب اللي بصوته:فرااس غير أسلوبك معي.. نسيت أن حنا متطلقين وأنا اللحين مخطوبه,وش راح يكون موقفي من سامي لو شافني معك؟ فراس تنرفز ورجع يعقد حواجبه وضرب بيده عالدريكسيون بعصبيه:لاتجيـبيــن طــاري أسم رجاال غيييري..مفهوووم؟ الجوهره خافت منه شكله جد معصب,بس ردت عليه بنفس مستوى صوته:فراااس لاترفع صـوتـك عـلـيه. فراس رفع يده لراسه ومرر أصابعه بشعره بتوتر وسكت... الجوهره حمرت عيونها بس منعت نفسها تبكي:ودني بسرعه عالبيت رجاءاً.. فراس مارد عليها....سكت وهو يمشي بطريقه... الجوهره سكتت مع أنها شافته غير الوجهه.. فراس بهدوء وبنبره جاده:شووفي يابنت الناس..إذا تبيني أرتكب جريمه..قولي مرّه ثانيه هذا مدري وش أسمه خطيبي...وشوفي وقتها وش راح أسوي.. الجوهره ألتفتت عليه وشافت الجديه بعيونه مثل مافي صوته..سكتت .. فراس ألتفت عليها وجات عينها بعينه وأبتسم:فدييت الأزرق أنا الجوهره أبتسمت وهي تشوف حبيب قلبها وروحها جنبها وتشوف إبتسامته إللي تنسى نفسها إذا شافتها.. فراس بصوته الهادي:عندي مشوار..أخلصه معك وبعدها أوصلك بيت أهلك,أوكيه قلبي. الجوهره سكتت وكأنها راضيه تروح معه وين مايبي... . [أحــــــلامٌ تــحـتـضــر] , . , بالمستشفى وبصدمة جالسه وتكلم الدكتور وهي تبكي:دكتور أنت إيش بتقول؟ الدكتور:للأسف يا أخت غيداء..أنتي لو جيتي في فتره مبكره كان قدرنا نعمل شيء بس حالياً خلاص مافيه أمل إلا بالله..حالتك متأخره والسرطان قضى على البنكرياس..راح أكتبلك مسكنات تساعدك..في تخفيف الألم.. غيداء وكأنها أصيبت بصمم بأذانها أخذت الروشيته وقامت وطلعت..ماتدري وين تروح..وبنفس الوقت تفكر في بنتها لمين بتخليها...وهي مالها أحد بالدنيا غير ربها..كل ماتتذكر ضحكات بنتها وبرائتها تلعن نفسها مليون مرّه على أللي سوته.. أي خطيئه أرتكبت..وسببتلها هالمرض..أي معصيه كبيره في حق دينها ونفسها.. وفالنهايه بنت من علاقه غير شرعيه في لحظة ضعف وحده..مالـهـا أي ذنب سوى أنها نتيجة لذة ساعه بس..وعذاب باقي ساعات العمر...! بعد مشي وتعب بين التكاسي لقت نفسها قدام بيته..وتناظر في هالحي الراقي أللي كانت تسكنه وكان أخر علمها فيه من أربعة سنوات لمن طلعت منه هربانه وحامل...نزلت دمعتها وهي تناظر بالمكان..وشافت السايق واقف عند سيارتهم ويمسحها....:يارفيق السايق:يس مدام..إيس مسكله وس تبين غيداء ترددت وقررت تسأله:في أحد موجود بالبيت السايق:لا مافي نفر هازا بيت كولو سافر رياض غيداء جاها إحباط:طيب سير فراس سافر الرياض بعد السايق:أيوه كوله وس تبين غيداء بإحباط:كمان فراس مسافر السايق هز راسه غيداء :طيب رفيق أنا في أكتب ورقه وإنتا أول ماتشوف فراس تعطيها له أوكيه السايق:أوكيه مدام.. غيداء كتبت الورقه ويدينها ترجف وعطتها السايق...ومشيت.. [أحـــلامٌ تـحــتـــضــر] . نايف بعد ماخلص العشاء:الحمدلله.. سما:بالعافيه حبيبي..أجيبلك الشاهي نايف:لا بشوف النشره الرياضيه وبنام..لا تتأخرين علي سما:أشيل السفره وجايتك خلصت سما شيل السفره,وجات جلست جنبه:هاا وش الأخبار نايف:مافيه شيء جديد..قومي ننام بس سما:أوكيه.. , بالغرفه../ نايف توه بيتغطى بالبطانيه تذكر حاجه:سموو لاتنسين الحبوب ياقلبي.. سما جنبه ببتسامه مرتبكه:لا حبيبي ماراح أنساها مدت يدها عالدرج اللي فيه الحبوب وطلعتها كالعاده..طلعت حبه قدام عينه لين صد عنها ورمتها فالزباله وشربة مويه توهمه بأنها أكلتها.. نايف:أوكيه خلصتي طفي الأبجوره اللي عندك سما وهي خايفه من اللي تسويه:من عيوني.. [أحــــلامٌ تــحــتـــضــــر] . , / . , . , دخلت البيت مستعجله وهي تتلفت..وراحت مسرعه للدرج.. غرام طلعت من غرفة الجده وشافتها مرتبكه:الجووهــرره الجوهره بلعت ريقها من الربكه وما ألتفتت:نعم يمه غرام:طالعيني أنتي ليشم تأخره لهالوقت..كل هذا دواام! الجوهره ألتفتت بنص الدرج:لا كنت عند صديقتي خوله وخذانا الوقت مع الضحك والوناسه غرام بنص عين:بس خووله اتصلت عالبيت تدوورك بعد ما شافتك ماتردين عليها الجوهره:إيييه نسيت أنا قلت خوله..لا مو خوله..كان قصدي أميره غرام:أمييييره..طيب طيب الجوهره وهي مستعجله:أوكيه تبين شيء يمه أنا بروح لغرفتي غرام:لا بس لا عاد تعيدينها مره ثانيه شغلتيني عليك الجوهره:طيب يمه يله أنا طالعه لغرفتي.. {راحت مسرعه ودخلتها وقفلت الباب عليها... , . , . فمؤسسة أخوه داخل وحاط رجل على رجل ومبسوووط عالآخـر..وهو يراقب أخوه يمشي شغله... طلال شافه مبسوط وشاق الإبتسامه:مــااشاء الله يافراس أشوفك لك أياام وأنت متشقق وناسه فراس:ههه طبعاً فرحان..أخو مسوي مؤسسه ههههه طلال بنص عين:هههه بسس أكييد هذا اللي مونسك فراس أبتسم :ههه والله ياخوي كشخه الواحد يشتغل حر..مو ملزوم بدواام وقرف طلال:هههه اللي يسمعك يقول موظف حكومي..تراك موظف في شركة أبوك فراس:هههه وأبوي أكثر وااحد منضبط في شغله..عنده الشغل شغل ..ومافيه لعب وتسيب. طلول شرايك توظفني عندك هههههه طلال:هههه أنا ما أوظف ناس متسيبه ههههههه فراس:هههه أفاااا ههههههههه طلال:على طاري أبوي متى بترجع لجده؟ فراس:الليله إن شاء الله... . , . , . , . بالبنك...جالسه على مكتبها وشايفه شغلها كالعاده... خوله تناظرها من بعيد مستغربه تصرفاتها..وتقول بخاطرها (وش فيها متغيره) الجوهره رفعت التلفون بتتصل ولاحظت خوله تطالعها:هيييي خووله شفيك تناظريني كذا.. خوله انتبهت لها:لا و لا شيء بس أحسك متغيره الجوهره طلعت مرايه من الدرج وناظرت نفسها بالمرايه:وشو اللي متغير فيني؟ خوفتيني خوله:مو بشكلك..أنتي صايره ثقيله ماتنكتين ولاتضحكين.. ولا تسوين مقالب بالزميلات..لك كم يوم على هالحاله الجوهره أبتسمت:هههه أشتقتي لمقالبي ههه موب أحسن لك خوله:ههههه لا عاااد مو فيني ههههههه الجوهره حست بغثيان وراحت تركض لدورة المياه..................... خوله!!:شفيهاا؟!! الجوهره رجعت وجلست على مكتبها عاادي ولا كأنه صار شيء: خوله:جوجو أنتي تعبانه؟! الجوهره:هههه لا من يقول؟ خوله :بس أنتي تستفرغين.. الجوهره:ههههه لاتحطيين باال..كملي شغلك بس خوله راحت تكمل شغلها ....... الجوهره أسترخت على كرسيها تفكر باللي يصير لها..وتفكر بفراس..(أنا لاازم أشوفه...لا لا..مو لازم.....خليه هو أللي يجي يدورني بنفسه...آآه منك يافراس).. , . | ||||||||
|
| |
|
06-10-13, 03:34 PM
| #23 | ||||||||
| مراقبة عامة ومشرفة منتدى الروايات المنقولة
| , . بالبيت.../ عالعشاء... الجوهره قامت:الحمدلله سلطان:تووك وأنا أبوك ما أكلتي شيء الجوهره:لا يبه الحمدلله شبعت...عن اذنكم {طلعت لغرفتها} غرام مو مرتاحه من هالبنت قامت :عن اذنكم سلطان:وين ياغرام غرام:شبعت الحمدلله.. سعد:كلكم شبعتوا مابقى غيرنا انا وأبوي.. غرام:سعد حبيبي إذا خلصتوا ناد الشغاله تلم السفره.. سعد:طيب سلطان حس بأن غرام وراها سالفه بس سكت وسوى نفسه مايدري.... ... , . , وصلت فراشها وكأنها كانت تركض..وتبي تستريح..جلست وتمددت على السرير وحاولت تغمض.. غرام فتحت الباب فجأه دخلت وسكرت الباب وراها... الجوهره فتحت عيونها وأستقعدت وألتفتت:بسم الله ..يمممه وش هالدخلات الغريبه هذي..! غرام مشت وجلست على طرف السرير بهدوء:الجوهره... الجوهره:سمي يمه وش عندك؟ غرام:أنتي وش فيك بالضبط الجوهره أرتبكت:وش فيني..مافيني إلا العافيه.. غرام خزتها بعيونها:متأكده مافيك شيء الجوهره أبتسمت تخفي خوفها:إييه متأكده شفيك يمه؟!! غرام وكأنها أرتاحت:أشوى..ريحتيني.. الجوهره حست روحها بتطلع وبغثيان مو وقته بالمره..حاولت تضغط على نفسها لين تطلع أمها... غرام قامت تبي تطلع وصلت للباب فتحته وطلعت... الجوهره ماصدقت خبر راحت تركض لدورة المياه.. غرام وكأنها تذكرت شيء رجعت وشافت الجوهره وهي تركض لدورة المياه..وخافت.... الجوهره خلصت وطلعت وهي تمسح بالفوطه الصغيره وتفاجأت بأمها قدامها سوت نفسها ولا كأنها مسويه شيء:يمه أنتي للحين هنا!! غرام ناظرتها بنص عين وبنظرات كلها شك:أنتي تشكين من شيء يالجوهره؟ الجوهره خافت من هالنظرات:يمممه وشفيييك؟..كل القصه أني مرهقه أبي أناام.. غرام:تستفرغين!..من الإرهاااق!!!! الجوهره مشت رايحه لسريرها وجلست:من يقول أني أستفرغت اللحين..يمه الله يخليك قفلي هالتحقيق واتركيني أناام غرام بنظرات الشك:أصدقيني القول يالجوهره..أنتي تقابلين فراس الجوهره بلعة ريقها من طاريه وسكتت...... غرام قفلت باب الغرفه وراحت لها ومصعت أذنها:سكووتك هذا معنااه شيء وااحد بسس.. الجوهره :آآي يممه عورتيييني غرام وهي مقهوره منها: عورتك. هاا...أنطقي كم مره تقابلتوا؟ الجوهره:آآي ماادري يمه ماادري ماعديتهم غرام احترت منها وبعدت يدها من أذن الجوهره وحطتها على راسها :ياامصيبتي مصيبتااه....وش هالفضيحه الجوهره:أي فضيحه يمه أنا مافضحتك..اللي يسمعك يقول أني اللحين حامل! غرام:أششش ولا كلمه..لايسمعك أبوك اللحين ذبحك الجوهره سكتت من الخوف... غرام:قووليلي متى تصالحتوا؟ ومتى صار كل هذا؟ الجوهره بحزن مدت بوزها وهي تحاول تبعد عن أمها:بالصراااحه يمه..ماتصالحنا غرام عورها راسها بزياده:شلوون شلووووون!!! الجوهره:مــاتــصــالــحــ� �ـــااا.. غرام بتموت قهر:وتطلعين معه؟!!!!!! الجوهره نزلت راسها مستحيه وحاسه بخطاها:سلطان الهوى يمه..ماقدرت أمنعه ولا أمنع نفسي يمه.. غرام كفكفت بيديها:والله سلطان أبووك هو اللي بيشوف شغله معك.. الجوهره حبت يدين أمها وهي تبكي:لا يمه لاتوصلين السالفه لأبوي..تكفيين يمه...شوفي أوعدك بكره كل شيء يكون تمام راح أتفق مع فراس نرجع لبعض بأسرع وقت ممكن بس لاتقولين لأبوي اللحين تكفيين يمه. غرام كعادتها رق قلبها لبنتها:خلاص الله عطاك لين بكره ووريني وش بتسوين؟ الجوهره أبتسمت بين دموعها وضمت أمها:مشكوره يا اطيب قلب لي بهالدنيا غرام قامت:طيب طيب.. الجوهره بعد ما أرتاحت:أن شاء الله يمه... طلعت غرام وسكرت باب الغرفه..... الجوهره قامت علطول لجوالها واخذته وهي تدق رقم فراس بسرعه..أنتظرته يرد ورن ومحد رد عليها...أنقهرت(رد علي يا فراااس..)محد يرد..(رد الله يخليك..) ومحد رد عليها..... رمت الجوال عالسرير من العصبيه:حقيييييييييييير [أحـــلامٌ تــحــتـــضـــر] . , . [أحــــــلام تــحــتـــضـــر] في جده...وبعد ماوصل... نزل من سيارته وقفلها وراح يدخل البيت,وأول ماقرب يفتح الباب.سمع صوت يناديه.... السايق:سير فرااس سير فراااس فراس ألتفت عليه:خيير خلدون وش عندك على هالصياح؟ السايق وقف ومد الورقه له:هازا سير امس في يجي واحد مدام بعدين يعطي هازا ورقه قول عطي سير فراس لازم لازم فراس:مدااام!!..من هذي؟ السايق:ماافيه معلوم سير.. فراس فتح الورقه وقراها وضحك بسخريه:ههههه وش تبي ذي.؟هذي للحين عايشه؟! رمى الورقه فالهوا ودخل:ههههه تحلمييين تحلميييين.. دخل غرفته وأخذ دش بارد بعد هالحر ودخل غرفته وأسترخى يبي ينام..مرتاح باله ولا حد فالدنيا هامه..علاقته بالجوهره قامت تتحسن وهالشيء مبسطه... حاول يغمض عينه وصارت تتخيله أشياء تخوف..أشباح دمااء..أصوات مرعبه,,وبين كل هالتخيلات لمح صورة غيداء وهي تتألم وتناظره بنظرات إستعطاف..فز من مكانه وراح يغسل وجهه وهو يتنفس بسرعه وهو يسمي: وش فيها هذي بعد طالعتلي فالمنام..!! تذكر الورقه والكلام أللي مكتوب فيها نزل يركض وراح يدور الورقه وبعد دواره عند الباب لقاها مكانها وفتحها بسرعه وبدأ يقرأها...[فراس أنا في حاجه ماسه بأني أشوفك..بلييز أتصل على هالرقم أول ماتشوف هالرساله...###055587,,أنا ماكنت أبي أدخل بحياتك مرّه ثانيه بس هالمرّه أنا مضطره لك ..مافيه أحد راح يساعدني غيرك]... فراس مسح على وجهه بتوتر وأحتار وش تبي فيه بعد كل هالسنوات..أخذ الجوال ودق عالرقم أللي حاطته بسرعه وأنتظر الرد وهو خايف... بعد كم رنه رد:ألووه فراس أستغرب الصوت مو صوت غيداء:ألوه لو سمحتي أختي هذا مو رقم غيداء .....:أيوه هذا رقم غيداء...أنتا أكيد فراس..صح؟ فراس:إيوه..بس عفواً ممكن أكلم غيداء. .....:أنا حليمه صاحبتها..بصراحه دحين ماتقدر تكلمك لأنها تعبانه بالمره يا أخ فراس ..وهي عندي مافيها تكلمك.. فراس:وش فيها..يعني شلون عندك وماتقدر تكلمني هذي فزوره يعني...أنتوا وين بالضبط؟ حليمه:شوف شقتها في حي... حاره رقم..., . ,بعد ربع ساعه..كان فراس في الحاره وكله علامات إستفهام..معقوله غيدااء المدللـه الناعمه تعيش هنا!!...وقف سيارته ونزل وهو رافع طرف ثوبه عن الأرض المتسخه بالمياه الراكده..ودخل هالعماره ومشى عالدرج لين وصل للشقه المقصوده.. قوى نفسه وضرب عالجرس كذا مرّه ووقف ينتظر أحد يفتح وبعد ثواني أنفتح الباب... غاده فتحت الباب ووقفت تناظر فيه مشبهته على صاحب الصوره وقالت بعفويه:باابااه فراس شاف هالبنت وبحلاتها وعيونها الزرقا أبتسم ونزل لمستواها:هذا من بيته غاده وهي تتمقله وتتأكد:أنتـا بااباا أكييد إنتا بابا فراس أبتلش فيها:لاحووول والله البلشه يابنت قولي عندكم وحده أسمها غيداء طلعت حليمه بهالوقت:غااده من اللي عند الباب؟ فراس:هذا أنا فراس حليمه فرحت:أيوه الحمدلله أنك جيت..خلاص أنا ماشيه لأن ورايه عيلتي بينتظروني..مع السلامه فراس شافها ماعبرته:تعالي من بالبيت فهميني وش القصه بالأول حليمه بأسى:يا أخ فراس غيداء مريضه ..وتعبانه للآخر بس هذا اللي أقدر أقوله والباقي أسمعه منها..يلله فمان الله.. {مشت وتركته} غاده دخلت تركض:مااامـااااه بابا رجع بابا رجع بابا رجع فراس دخل وراها..وهو متعجب من تصرفات هالبنيه... الظاهر أي رجال عندها أسمه بابا... وقف شوي بالصاله خايف لا يدخل.... طلعت غاده له وسحبته من طرف ثوبه:باابااه أدخل.. فراس أستجاب لها ودخل وأنصدم باللي شاف وتغيرت نبرة صوته:السلام عليكم غيداء كانت متمدده عالسرير وتحت عيونها أحمر غامق..وهزيييله ولونها صاير شدييد البياض وشفاتها بيضاء من المرض.أبتسمت وهي بشدت تعبها:وعليكم السلام.. فراس قرب لها وهي كاسره خاطره:سلمات ياغيداء ماتشوفين شر غيداء أبتسمت :لا يافراس شفته.. فراس:لاتتفاولين غيداء نست الألم وهي تشوفه قدامها وظلت تناظر فيه وتبكي بصمت ماهي قادره تعبر عن مشاعرها... فراس رحمها وهي بهالحاله... غاده جاءت وقربت لأمها ومسحت دموعها:ماامااه لا تبكين خلاص فراس يناظر بالبنت "تجنن" وهو يبتسم على حركاتها:ماشاء الله هذي بنتك؟ غيداء أبتسمت:إيوه.. فراس سكت وهو يناظرها... غيداء ناظرت بفراس:تشبهني فراس ويتمقل ملامحها وملامح بنتها حب يخفف عنها:لا أنتي أحلى طبعاًههه غيداء ضحكت بعدين رجعت تدمع.... فراس وهو يكلم غاده:تعالي ياحلوه بحضني عطيني بوسه.. غاده أستحت وجلست جنب أمها غيداء نغزتها:روحي ياغاده..لاتخافين هذا بابا فراس رفع حواجبه مستنكر عالكلمه من غيداء وظل ساكت..علباله بس علشان تجرأ بنتها وتجيه.. غاده وعينها على فراس:أنتا بابااه؟؟ فراس يجاريها:إيووه أنا بابا..تعالي وبوسيني بسرعه وإلا ترى أزعل.. غاده تشجعت وراحت مسرعه وضمته بقوه:أحبك يابابا فراس أستغرب هالحضن القوي,وكلمة أحبك يابابا هزته شوي:وأنا بعد أحبك يله اللحين علميني إيش أسمك أنتي "غيداء"؟ صح؟ غاده:لاااا أنا مو غيداااء فراس يجاريها:أجل مين سااره؟ غيداء ابتسمت على كلام بنتها وسط دموعها... غاده:لااا أنا غااده فراس وهو يمط خدودها:طيب غاده مين؟ غاده ناظرت بأمها وكأنها تسألها وتاخذ الأذن: غيداء:أيوه قولي أسمك الكامل ياغاده غاده:أنا غااده فراااس ولييد..مم.. الرااكاان فراس فتح فمه وهو يناظر بغيداء:أنتي أنهبلتي أنتي غاده خافت لمن عصب وسكتت. غيداء تكابر على ألمها:فراس..أنا ماكان ودي أنك تدري أن لك بنت مني..بس الحاجه..وظروف مرضي..أنا كنت عايشه معها لحالنا بسلام..بس الظاهر بنتي مكتوب عليها الشقى مثل أمها... فراس نزل غاده وهو يرفع صوته على غيداء:هيييي مو تسوين سواياك وتلصقينها فيني ..أصحي مو فراس أللي ينضحك عليه.. غيداء حست بألام قويه:أنا أسوي سوايا!!!..طيب بالله عليك تنكر أنه كانت بيننا علاقه قبل ثلاث سنوات ونص بالضبط.. فراس سكت وهو صاد عنها.... غيداء كملت وهي تبكي:ولمعلوميتك يومها أنا كنت عارفه بأنك جاي تنتقم مني علشان أللي سببته بينك وبين زوجتك بس سويت نفسي ماني عارفه..تدري ليه يافراس؟..لأني أمووت عليك..أحب الأرض أللي تمشي عليها كنت أتمناك لي بالحلال..وإنقهرت لمن تزوجت غيري.. كنت أحسد الجوهره فيك..وبعد ماتيقنت بأنك ماراح تكون لي زوج..دخلت عليك بالطريق الثاني بس ماتوقعت إنتقامك هالشكل..ولكن أصدقك القول كنت بقمة رضاي..وكانت أسعد ليله بحياتي كلها.. فراس:يعني هاللحين تبين تقنعيني بأن هالبنت لي أنا غيداء:شوف يافراس هالبنت لك..ويكفي بأني أعرف هالشيء هذا..أنا ما أطلب منك أنك تعترف فيها لأنك مستحيل تعترف فيها..أنا بس يافراس أبي منك شيء واحد..أنا تعبانه وبموت وأبي أموت وأنا مطمنه على بنتي والوحيد اللي أرتاح له بهالعالم هو أنت..تدري ليه..؟ فراس بنص عين:لييه؟!! غيداء:لأن دمك يجري بعروقها..وماراح أحد يضايقها طول منت عايش فراس أخذ كاس المويه ورماه عالأرض بعصبيه وصرخ:بسسسس غاده بكت وهي تبعد عن فراس وراحت لأمها:ماامااه..مااماااه فراس طلع معصب.... غاده شافت أمها ساكته وماتتحرك صرخت:ماااامــااااااه فراس عوره قلبه كونها لحالها والبنت الصغيره تعذبه بصوت بكاها..ورجع يركض وراح لها ورفع راسها وحطه بحضنه وهو يصفقها:غيداء قومي غيداااء..أنا فراس رجعتلك غيداء وهي تتنفس بصعوبه مدت يدها لكف فراس:فراس جيب المصحف فراس:وش تبين فيه اللحين غيداء بإلحاح:جيب المصحف الله يخليك فراس مد يده وأخذه..وعطاها إياه..:هذا هو غيداء حطت يدها عليه وهي تبكي:ورب المصحف الشريف ورب الكعبه المشرفه أن بحياتي محد لمسني غيرك لا قبلك ولابعدك...وأقسم بأن غاده بنتي منك..يعني بنتك. فراس أعتفس وجهه سكت وهو يصد بوجهه.. غيداء تكرر وهي تتألم:أقسم باللي خلقني وخلقك أنها بنتك... فراس شاف ألمها يزيد وأنينها يزيد:أوديك للمستشفى ياغيداء غيداء ببتسامه:لا مايحتاج أنتهى وقتي..أنا حالتي ميؤس منها يافراس..السرطان منتشر فيني من أكثر من سنه ولسى أكتشفته..أنا خلاص مالي أمل فالحياه بس أللي بوصيك فيه..بنتنا يافراس أنا مالي أحد..هربت من أهلي أول ماعرفت بأني حامل وعرفوا بالقصه وكانوا بيقتلوني بس هربت ببنتك لهنا وعشت 3 سنوات غربه فبلدي!!..بس كانت بنتي ماليه علي الدنيا..أشوفك فيها دايماً وأرتاح.. فراس حس أن الله جالس يعاقبه بعد كل أللي سواه:بس ياغيداء لاتتكلمي راح تتعبين أكثر أنا مصدقك.. غيداء: طيب فراس ممكن أطلب أخر طلب فراس وعيونه حمراء:أطلبي تامرين غيداء وهي تبلع ريقها بصعوبه:ضمني لصدرك يافراس..لاتحرمني وأنا أموت هالطلب بسيط فراس علطول نفذ كلامها وضمها من قلب.. غاده قربت منهم وحطت يد على غيداء ويد على فراس:ماما بابا أنا أحبكم ناظروها بنظرات دافيه كلها حب وضموها.... [أحـــــــــلامٌ تــحــتـــضـــر] , . . .. اليووم زواج طلال وميس.... الكل مجتمع فالقاعه...وآآخر وناسه ويدعون للعروسين بالتوفيق... في غرفة العروس / ميس جالسه بفستانها وكشختها..فاكه الشعر على غير العاده..بدون أي تسريحه ورافعه شوي من شعرها بشكل عشان يتثبت التاج والطرحه بطريقه حلوه..وحاطه نقش حنا على طول يدينها ورجلينها وسيقانهاللركبه..طالعه روووعه...بماكياجها النااعم اللي يعكس هدوء شخصيتها... العنود أنبهرت:واااو..من جد كشخه ياميس..يابخت طلال الليله..وحاطه حنا بعد! ميس على أعصابها مرتبكه:شرايك بالنقش حلو؟ العنود:قولي يجنن..تحسفت أني ماتنقشت بزواجي دخلت أم طلال:لا إلــه إلا الله..قريتي على نفسك المعوذات ميس:ههه متعوده يومياً أقول أذكاري ياعمه أم طلال بنظرات إعجاب:مبروك يابنتي ميس:الله يبارك فيك أم طلال:تعالي ياالعنود اللحين بيزفون أخوك..خلي ميس بتجيها ملاك.. ملاك دخلت وراحت العنود وأمها.. ميس:ملاك ألحقيني بموت من الخوف ملاك:ههههه يعنني..تراك قد تزوجتي وعارفه كل حاجه ميس:لا ماقد تزوجت ولا أعرف حاجه..أحس بتجمد ملاك تفاجأت من كلام ميس وسكتت... سما دخلت:ميس قومي راح تدخلين أنتي وطلال مع بعض ميس:شلون سما :قووومي معي بتبدأ الزفه... فالقاعه... بدأت موسيقى التايتانك مع صوت أمواج المحيط..نفس طلب ميس..والهدوء عم القاعه يترقب وش راح يصير بعد هالموسيقى والجو الحلو... وبين الأبخره البيضاء طلع من اليمين طلال ومن جهة اليسار ميس..كل منهم ينزل بهدووء وعينه بعين الثاني.. طلال مو مصدق نفسه حلم عمره بيتزوجها الليله.. خلاص ميس صارت حلاله.. ميس بهدوء وبخطوات نزلت هالسلم الملتف لين وصلت . طلال وصل معها ووقف مد كفه لكفها علشان ينزلون مع بعض.. ميس مامدت يدها ظلت عيونها تغزو عيونه..وقربت منه لين أختلطت أنفاسهم, همست وعينه بعينه: أحـبك طلال.... وضمته بكل ماعندها من قوه لين طاح عقاله,وهي تهمس بأذنه:أحـبــك واللي خلق الكون أحبك... طلال بهاللحظه المفاجأه بالنسبه له وللحضور اللي سكتوا بلحظة صمت,فك يدينها ونزلها بهدوء ونزل أخذ عقاله ولبسه ورجع يناظر بعيونها وهو يقرأ الصدق فيها قبلها على جبينها..وضم كفها بكفه ونزلوا مع بعض.للكوشه.. , الجوهره كان ودها تكون مكان ميس وفراس مكان طلال.....بكت من تأثرها بهاللحظه وصفقت لهم بتصفيره...وصفقوا البقيه معها.... العنود بعد ماضمت ميس طلال هالشكل وبهالوقت عرفت بأن ميس فعلاً تحبه وإلا ماأنتظرت هاللحظه وقدام كل هالناس علشان ترد لطلال إعتباره..وتضمه بهالشكل. وتعلن حبه قدام الملأ... سما حست بدوار وغثيان وكأنها فقدت التوازن:.. ملاك:سمو وش فيك أجلسي شكلك تعبانه؟ سما غمضت عينها وفتحتها على طول ببتسامه:إي والله من صبح ما أرتحت ملاك:أجل أجلسي سما جلست وهي بقمة سعادتها(ياربي لك الحمد والشكر,يارب تثبته) ملاك:شفيييك سرحتي فجأه سما ببتسامه:لا معااكم بس أشوف ميس ناظري ماشاء الله لايقه على اخوي طلال ملاك:عسى الله يسعدهم ياارب سما:اميين يارب . , طلال طول ماهو قاعد جنبها يبي يفرح بقلبها اللي يحبه بس ماهو قادر..خصوصاً بعد ماضمته حس بدمه يغلي"حسره".. ينقهر كل ماتذكر بأن رجال ثاني ذاق هالحضن قبله..ضاق صدره وضاقت به الوسيعه..وصوت الأغاني زادت ضيقته ألتفت عليها جنبه شافها تبتسم له بخجل وتنزل راسها وينتثر شعرها الكثيف ويزيد من جمالها ورقتها..وزاد قهره.. يــارفيف الـمـاء وفجر العيد..وأحزان المواني,, يا أكثر أهل الأرض طيبة قلب وأسرارٍ دفينه.... المكان اللي هنا مليان ضحكات وأغاني,,, والكلام اللي بغيت اقول يحتاج لسكينه... شوفي الركن البعيد هناك..كنه صدر حاني,, هذا هو اللي يليق بشاعر وبنتٍ حزينه..... أنسي الشاعر وعتمات الزوايا..والمباني,, هاتي يدينك نلف الغيم ونشكل مدينه.... عندي الليله كلام وصمت..وأخاف الثواني,, تظلمه أوتظلم اللي فيه كم ضاعت سنينه... بس لازم تسمعين اللي أبي,, وإلا تراني,, لوبعيده لك نسيت ورحت أقول اللي تبينه... شيء واحد قبل ماأبدأ..ماأبي أي شي ثاني,, يخطر في بالك وأنااكشفلك شعور كنتي تجهلينه إن أنا وبكل ماتحمله أحبك من معاني,,, كنت وراح أبقى أحبك..لين.. مدري وشو لينه.. بس والله ماقدرت أنسى ولاهمي نساني,, لاذكرت إنسان فيه أسرار مابينك وبينه.... كل ماتطري علي فكرة هواك الأولاني,, أشعر أني أنطعن مليون مره من يدينه.... أشعر أن عيونك الله ماخلقها إلا عشاني,,, كيف كانت تبتسمله قولي إنك تخدعينه.... صورة أنه كان يمسك دمعك تزلزل كياني,,, وكيف كان يلم شعرك ويتبعثر في يمينه.. حتى أسمك..يوم رحت أدلـله حظي رماني,, نفس الأسم اللي كان يقول بذمتك ماهي غبينه.... وكني اللي كل ما أناديك بالأسم الفلاني,, أطلب النسيان يترك منه شيء تذكرينه...! لاتظني أني أناني.. لا أنا ماني بأناني,,, لوسلمت من الغرق..بموت في ظهر السفينه.... يني ما أكمل وأعاني..أو أكمل ثم أعاني,, كل ما أسمع طاري أسمه أو تجي عيني بعينه.. أينا كان الضحيه وأينا كان جـاني,,, مدري ولكن قراري..لازم تسمعينه... مثل ما أكره فكرة أنه واحد ياخذ مكاني,,, مقدر أجلس في مكان إنسان كنت تعشقينه..... , ميس لاحظت طلال مو معها..وشكله يفكر بشيء مشغله...أبتسمت ماطرى ببالها شيء.. صارت الزفه والدخله في فيلا طلال اللي مستأجرها لين يخلص بيته أللي مصممه بنفسه.....,,, طلال بعد مانزل البشت والغتره والعقال فك أزرار ثوبه وطلع برا الغرفه وكأنه مخنوق.. ميس لاحظته مو على بعضه,توكلت على ربها وراحت تبدل ملابسها,خلصت وجلست تنتظره وساكته,على أعصابها خايفه من سكوته الطويل.. دخل طلال أخذ بيجامة نومه ودخل الحمام وبدل ملابسه وطلع..راح للسرير وجلس من دون مايلتفت عليها ولا حتى يحاول يلمحها...أنسدح على جنبه معطيها قفاه وهو على طرف السرير بعييد عنها.. ميس أستغربت حركاته..بس فهمت عليه,جربت تسوي حركه تخليه يناظر فيها, ألتفتت عليه وقربت شيء بسيط,وبصوت نااعم:طـلال طلال بلع ريقه بدون مايلتفت:نعم ميس:حبيبي الله يخليك شعري علق في حلق أذني ممكن تساعدني وتطلعه.. طلال يحاول يبعد عيونه من عيونها, ألتفت عليها وقرب:أي وحده ميس قربت لعنده ولصقت:هذي.. شوف..بس بالراحه حبيبي طلال داخ من ريحة عطرها وهو يضغط على أعصابه مد يده اللي ترجف وسحب شعرها من الحلقه بسرعه وأبعد يده بسرعه ميس سوت نفسهاماتدري وطاحت على صدره:..سوري طلال بلع ريقه بعد ماطاحت عيونها بعيونه وحس أنها تستدرجه وتغريه..أبعدها عنه بهدوء وزحف ونزل من السريربسرعه,وراح لأخر الغرفه وفتح الشباك وطلع للبلكونه يتنفس, ميس أنقهرت من ردت فعله"تقربله وهو يصدها ويبعد"..عرفت قصده هي أحسن واحد يحس بمشاعر اللي يتعامل معه..عرفت وشو اللي مضيق صدر طلال,نزلت من السرير ولحقته... وقفت عند باب الشباك شافته واقف ويناظر بالكون ورافع حاجب ومنزل الثاني... طلال حس بوجودها بس ما ألتفت... ميس قربت منه ووقفت جنبه تناظر بنفس الشيء اللي يناظر فيه:ليش تتهرب مني؟ طلال سكت ... ميس بدت تتكلم بأسلوب مشوق:..فيه شيء ماحد يدري به فالعالم هذا كله غيري.. طلال ألتفت عليها بنص عين ورجع يصد عنها... ميس كملت:كــل الـناس علبالها أني كنت حامل من زوجي الأولاني طلال ما ألتفت هالمره "هالسيره تنرفزه"..سكت... ميس:بس أنـا بعمري ماحملت..ولاسقطت ولا شيء طلال بنرفزه:وش المهم بالموضوع كله..وش تقصدين؟ ميس:إللي أقصده..محد راح يعرفه غيرك..لأنه سر وبما أنك اللحين صرت زوجي فما راح أخبي عليك.. طلال عنده فضول بس مايبين حط عينه بعينها:سـرّ!..وشهو هالسـرّ؟ ميس بهدوءها وعينها بعينه:الـسـرّ..هو أني عمري ما تـزوجت ولا قد وطاني رجال للـحــين. طـلال أخفى فرحته وهو ساكت يبي يستوعب... ميس:أوكيه جايتك..راح أفسرلك..اللي تزوجته كان عاجز..وهالشيء مو مهم بالنسبه لي لو أنه كان محترم ورجل بأخلاقه وتعامله.....لــكن للأسف مع هذا كله هو أنه كان غبي وسافل ومنحط...وفوق هذا ماعنده غيره ولارجوله..وأنت تعرفه زين. طـلال أعتفس وألتفت عليها:لا أنا ما أعرف هالأشكال... ميس ببتسامه :لحظه ياطلال.. دخلت وفتحت شنطتها وطلعت جوالها حق رقمها الأول وفتحته وعلى رسايل طلال لها..وعيونها حمراء وتدمع:شووف الدليل طلال شاف الرسايل وصار يتذكر:لحظه..أنتي منين جبتي هالجوال..أنتي تعرفين صاحبته؟وين هي فيه؟ ميس حاولت تتماسك:إذا تذكر وحده أنقذتها أنت من واحد أسمه متعب أرسل عليها واحد أسمه مشاري يعتدي عليها في دبي من كم سنه راحوا... طلال بإهتمام وهو يتذكر:إيوه ميس بألم:هذي الوحده ياطلال كانت أنا..ومتعب هذا يقال أنه زوجي..وحتى بنفس اليوم صدمت فيني عند المصعد لو تذكر.. طـلال بقمة غيضه حمر وجهه وضرب بيده على جدار البلكونه:الـســااافل..الـ.. ميس قاطعته:بس الله مايطق بعصا ياطلال بعدها رجعت للسعوديه فوراً زي مانصحتني رفيقتي مريم اللي كنت اكلمك بأسمها.. طلال:إيه هذي اللي خليتيها تتتكلم بدالك عند الخور؟ ميس:بالضبط..وسويت خطه وقلت لأهله بأني حامل..ومن بعدها انكشفت اسرار متعب لأهله وبعدها دارت الأحداث وأنكشف بنفسه قدام أهله بدوون ما أقول شيء وبعدها مات بحادث سياره وخويه مشاري أنسجن بقضايا منها الإختلاس وغسيل الأموال ورشاوا ومدري إيش... طلال سكت بذهوول وهو يفكر بهاللي حصل لها..وش كل هالبهذله والمشاكل! ميس ضمت كفه بكفها وهي تبكي:وقبل كل هذا وبعد كــل اللي حصلي عرفت وتيقنت بأني كنت مخلوقه علشانك ومو لغيرك... طلال سكت وعينه بعينها بنظرات ماتتفسر ...... ميس ماتحملت نظرات طلال القاسيه:طـلال وربي ورب المصحف ورب الكون..مالمسني أحد..لامتعب ولاطوايفه لمسوا شعره مني أناحافظت على نفسي رغم معاناتي ورغم تحرشات مشاري صديق متعب.. طـلال ببتسامه ساحره:تدرين بأنك ريحتيني من هم كان جاثم على صدري ميس نزلت دموعها ببتسامه:سلامة روحك من الهموم طلال مد يده لشعرها وغلغل أصابعه وسحبها لين أخر الشعر,وهو ساكت ويناظرها بنظرات تأمل فملامحها وجسمها...أرتاح بعد ماعرف أنها بكر وعذراء للحين..وإن هالجمال محد قد لمسه قبله... ميس بترجي ونظرات ساحره:حبيبي أنا صرحت بأني أحبك أبي اللحين أسمعها منك قول أحبك طلال أبتسم بخبث وناظرها فوق تحت وطول بعرض وأشر بيده أصبعه السبابه بالرفض:لااا ميس أحترت وانقهرت من حركته وكلمة "لا" بوجهها"قويه".. حطت يديها على خصرها وصارت تطق رجلها اليمنى بالأرض بتوتر... طلال مشى بعد ماخزها بنظرات ناريه وتركها ودخل الغرفه.... ميس حمرت عيونها وهي تمنع نفسها من البكاء ولاقدرت ,شغلتها دموع وبكاء صامت تحول لصوت مسموع... طلال ماتحمل صوت أناهيدها قرر ينهي هالمقلب رجع وضمها من وراء بقوه ورفع صوته:أحـــبـــك..أحـــــــ� �ــــــــك ميس مو مصدقه ضحكت وسط بكاها من فرحتها.... هو يضحك شالها وخطفها ودخل بها الغرفه وسكر الشباك.# #...#........... . , . , . , . [أحــلامٌ تــحــتــضـــر] فالمستشفى ...الوضع مو مطمن...وفراس جالس بالأنتظار ومعه غاده.. غاده جالسه عالكرسي وتلعب برجليها فالهوى ولاتدري باللي حاصل لأمها.. فراس واقف ويناظرهايالله معقوله لي بنت طول هالسنوات ولاني داري.. معقوله فيه وحده تسوي سوات غيداء..وتروح ضحية حب من طرف واحد وهي تدري أنها خسرانه.. غاده:بابااه فراس أنتبه لها:ياعيوون بابا أنتي نعم حبيبتي وش تبين؟ غاده عضت على شفاتها بدلع:أبغى مويه.. فراس شالها:اللحين مو بس نشتري مويه إلا نروح ونتعشى بعد شرايك غاده ضمته وطبعت بوسه على خده وهي بقمة سعادتها:أنا أحبك يابابا.. فراس هبلته بحركاتها وطريقة كلامها:ههههه وأنا بعد يلله مشينا . , . رجعوا من مشوارهم وهم مبسوطين ويتكلمون مع بعض .. فراس شاف المنظفين يغيرون السرير والأغطيه خاف:هيي نيرس وين مدام غيداء الممرضه هزت كتوفها ومشت.. الدكتور توه طالع من عيادته:نعم يا أستاذ فراس فراس وهو خايف:وين غيداء يادكتور وينها الدكتور هز راسه:عظم الله أجرك..غيداء كانت فالمراحل الأخيره من المرض وحالتها جداً صعبه..وتوفت... فراس عوره راسه من هالخبر وألتفت عاللي جنبه تاكل شوكلاته ولاتدري بشيء نزل وضمها بقوه وهو يبكي زي الأطفال حاس بالذنب وهي بكت معه ماتدري وش السالفه..., غاده:بابااه أنتا ليه تبكي زي ماماه..خلينا نروح لها يله فراس شالها معه ومشى بحزن مايعلمه إلا الله.. [أحــــلامٌ تــحــتـــضــــر] , , . [أحـــلامٌ تــحـتـــضـــر] دخل سعد وهو يغني ويصفر.... الجوهره متكيه فالصاله وحاطه رجل على رجل وتحركهم بتوتر من لها كم يوم تدق على فراس ومايرد عليها... سعد:هيييي بنت وينك مسررحه الجوهره:سعودي حبيبي شفت فراس سعد أستغرب:لاوالله ماشفته ...وحتى زواج أخوه ماحضره الجوهره خافت:ولييش وش صاير فيه؟!! سعد:أبد والله..أتصل في طلال وقاله واحد من أعز أصدقاءه مات هو وعايلته وحزن عليه وماقدر يجي لأنه ملزوم بأنه يساعد اهل الميت ... الجوهره:الحمدلله يعني هو مافيه شيء سعد:لا مافيه شيء..بعدين شفيك قمتي تسألين عنه مالك شغل فيه قوومي لسامي ترى طالبك شوفيه بالملحق الجوهره:آآآسفه سعد:نعم نعم الجوهره:ماااني رايحه..هذا ليش جاي بدون موعد مع وجهه واجد واثق بنفسه.. سعد استانس:يعني شلون منتي بطالعه؟ الجوهره:لاا ماني طالعه وقوله بالمره أختي رجعت لزوجها الأولاني خلاص الموضوع بححح سعد أستغرب وطلع يوصل كلامها لسامي.. الجوهره لوت بوزها:يعععع مابقى إلا هالسامي يقارن نفسه بفراااس..هههه صدق خلق وفرق.. , . , . [أحـــــلامٌ تــحــتـــضــر] صراخه واصل لآخر البيت ومعصب:نــعــم نــعـــم..عيدي أللي قلتي ياحلووه سما بهدوء:أنا حاامل نايف بإنفلات أعصاب:نعم وتعيدينها يعني ماسمعتك فالأولانيه..أحنا إيش إتفقنا عليه ياعمري مو قلنا من البدايه مافيه أولاد... سما بكت:أتفقنا بس أنت طولت بالأتفاق..صاروا سنوااات مو سنتين نايف:لاترفعين ضغطي يا... سما وهي تبكي:يا إيش كمل.. نايف فقد اعصابه:أنتي طــا... سما غمضت عيونها وسدت أذانيها.. نايف ماكمل كلمته عزت عليه سما.. سما زعلت من قلبها عليه:كذا أهون عليك كنت ناوي تطلقني!!..يله أنا طالعه من هالبيت وتاركته لك ودور غيري... نايف طلع يلحقها:وين يابنت..لحظه سما اخذت عبايتها من الشماعه اللي جنب الباب وفتحته وطلعت مسرعه ومعصبه ومو مركزه بخطواتها... نايف كان وراها وراها.. سما أشرت:تااكسي تااكسي... وقف التاكسي: وراحت تركب نايف فقد الأمل وقرر بعدين بيروح وبيراضيها,وقف يناظرها لين تمشي.. سما بخاطرها يعني مانزل يمنعها بيخلي التاكسي يوديها"عصبت"..مدت يدها تبي تفتح باب السياره وفجأه وقفت سياره سوداء خطفتها بسرعه وبخفه وسكروا الباب ومشت مسرعه.......... نايف أنهبل وراح يلحقهم على رجليه :وقف ياكــــــلــــب وقـــف السياره اختفت عن انظاره...وطاح بنص الأزفلت مقهور ويائس..مو مصدق أن زوجته تنخطف قدام عينه وكأنها مستقصده.... , . . [أحــــلامٌ تــحــتـــضـــر] نزل ونزلها معه..ومسكها بيدها الصغيره.. غاده تعبت وهي ماده يدها له وهذا فراس طويل:بابااه تعبت فراس شالها:ياكسووله..يله اللحينه بنشوف ماما..حلووه وطيييبه غاده فرحت:ماماه هنا يابابا فراس:إيووه هنا..لحظه خليني أدق الجرس.. فتحت الشغاله الباب:نعم سير فراس فراس:وين مدام الجوهره ومدام غرام سلطان:أقلط يافراس ياولدي.. فراس دخل ومعه البنوته..:السلام عليكم سلطان يناظر فالبنت ويناظر فيه:مااشااء الله على هالصغيره فراس شاق الإبتسامه:غاده بوسي جدي بوسيه غاده حبته وهي مستحيه ورجعت لحضن فراس بسرعه.. سلطان:يله أنا بطلع وبخليك تاخذ راحتك فراس:مشكور عمي على كل اللي سويته لي سلطان:هههه لاتشكرني ليين تضبط أمورك مع الجوهره فراس:ههه بتضبط أن شااء الله أنا متفاءل سلطان:ههه أوكيه يلله سلام.. {طلع سلطان } نزلت علطوول الجوهره وبنص الدرج تفاجأت بالبنت بحضن فراس وكأنه أبوها.. توترت وهي نازله:مساء الخييرر فراس قام وأستقبلها وحبها على جبينها:هلاا والله مساء النووور حبيبتي كيفك الجوهره وعينها عالبنت:أنا تمام بس أنتا كيفك..سمعت بأن صديقك المقرب مات..صحيح؟ فراس تأثر:إيه صحيح وهالموضوع بالذات جاي أكلمك بخصوصه الجوهره:وأنا وش دخلني؟؟ فراس:لا أنتي الساااس ولازم يكون لك دخل الجوهره:شلوون؟ فراس راح لبنته وشالها وووداها للجوهره:أول شيء أعرفكم على بعض:الجوهره حبيبتي هذي غاده الحلوه..غاده ياقلبي هذي ماما الجديده تحبك زي ماماه الجوهره رفعت حاجب ونزلت الثاني:نعم نعم فراس غمزلها ومدها لها:يله ياغاده بوسي ماما.. الجوهره أخذت غاده وشالتها كانت خفيفه,حست بشعور حلوو ناظرت بوجهها البرئ وباستها:ياحلو هالبنت .. غاده:ماماه الجوهره أثرت فيها هالكلمه الصغيره وضمت غاده من كل قلبها:فدييت هالكلمه من فمك الحلو.. فراس تذكر غيداء بهاللحظه وترحم عليها... فراس:خلاص انزلي ياغاده خليني أكلم ماما.. الجوهره:لا تكفى خلها بحضني تجنن يافراس.أنت قول موضوعك وهي بحضني مو مشكله فراس :شوفي يا الجوهره..صديقي ألله يرحمه وأموات المسلمين مات ماعنده أحد غير هالبنت وبسس ..ماله من أقرابه إلا مرت أبو ظالمه ولو تدري بأن له بنت بتذبحها طمع فالفلوس وبس..علشان كذا وصاني وطلبني أخذ بنته وأربيها وأتبناها بأسمي علشان سلامتها..وأنا وافقت علشان خاطره وهو يموت..شرايك اللحين تقبلين فالبنت وإلا أرجعها لمرت أبو أبوها علشان تعذبها... الجوهره بكت من تأثرها:لا ياقسي قلبك تبي تاخذ رايي فمسأله أنسانيه...{ناظرت بغاده بحب ورحمه}هالوجه الحلو هذا مو حق عذاب..لا يافراس راح نربيها حنا فراس:مدام كذا خذي أوراقها الرسميه مع شهادة الميلاد أللي سجلتها وأحتفضي فيها مع بقية أوراقنا.. الجوهره أخذت الأوراق وطالعت فيها..نزلت دمعتها عند أسم الأم لأن فراس كاتب الأم الجوهره سلطان الراكان:ياابعد قلبي يافراس فراس ببتسامه:كنت عارف إن قلبك أبيض.. الجوهره أبتسمت برضا:عااد تدري وش الحلو بالموضوع فراس:وشو؟؟ الجوهره قربت غاده لوجهها وهي تبسم:لون عدساتي أنا وبنتي نفس الشيء فراس:هههههه صادقه أحلى شيء..(ونفس أمها الله يرحمها) الجوهره سكتت شوي وهي تلعب غاده جنبها.... فراس:هاا بشري الجوهره:بوشو فراس:جهزتي نفسك لزواجك الجوهره عصبت:أي زواج فراس:أمدااك نسيتي..زواجي أنا وياك بعد من...ترى خلاص بنحدده قريب خلصي ورانا حجوزات فندق وقاعه ومطربه وشغلات وشهر عسل.. الجوهره كانت تتمنى كل هذا بس اللحين معها غاده:طيب وغاده ؟ فراس:نخليها مع جدتها الجوهره:آسفه ماراح نخليها فراس:نعم نعم الجوهره بدلع شالت غاده ومشت فيها :والله إذا تبيني خذ بنتي معي فراس أخفى رضاه وهو مبسوط:أمري لله شنسوي. لجل عين تكرم مدينه. رن جواله... فراس:هلا نايف......كييف لاااه أخو سما أنا جايك اللحين الجوهره: وش فيك فراس:أبد مشكله بسيطه أنا رايح..باي غاده حبيبتي.. غاده:باي باباه {طلع وسكر الباب} . , ,[أحــلامٌ تــحــتـــضـــر] بوسط سكراب مهجور للسيارات القديمه مربوطه ومكتفه وحالتها حاله..وهي ماتدري وينها فيه:فكوووني ياحراميه ياخطافيييين .....قرب لين جلس عندها ومسح بيده على شعرها:أفاا الله يساامحك حنا حراميه سما هزت راسها تبعد يده عنها:الله لا يسامحك أبعد عني لاتلمسني ياحثاااله. .....:معقوله ماعرفتيني؟!!..مع أني عرفتك أول ماشفت وجهك..ماكنت متوقع أبداً أنك نفسك زوجة نايف علبالي كنتوا صداقه مثل باقي الصداقات..هههههههه صدفه طلعتوا تحبون بعض من جد ههههههه سما سكتت وهي تحاول تتذكر الصوت بس ماهي متأكده وهي تحس ماقد سمعته... ......:أفااا نسيتي منيييف..؟ سما شهقت وهي تتذكر:حقيييييييييير منيف فك رباط عيونها وعطاها كف:ماحقير غييرك..أكلي تبن وأنثبري سما ماهزها بكفه:مااعليك شرهه..ساافل منيف عطاها كف ثاني وضربها:اللحين بتعرفين شلون الذل..والله لأخلي نايف يركع لي هنا .. سما:ههه لا ياواطي نايف مايركع إلا للي خلقه.. منيف قام ورفسها رفسه قويه على جنبها بدون اهتمام ..... طاحت على جنبها تكتم ألامها :الله لايعطيك عافيه منيف أخذ جوالها وأتصل على نايف:اللحين بتشوفين شلون أجيب نايف لين عندك هنا وأقتله قدامك بهالخرابه واموتك قهر.. سما:هههه نجوم السما اقربلك من نايف..منت كفوه.. منيف عصصب وضربها:أششش خلني أكلم.... سما حست بطنها بيتقطع من الألم بس تتصبر وتدعي(يارب تثبته) نايف عالخط:ألووه سما حبيبتي وينك...سماا ردي سما تسمع لأن منيف حاطه عالسبيكر وتبكي بصمت... منيف:هلا ناآايف نايف عصب لمن سمع صوت الرجال بجوال مرته:أنت من ؟ منيف:أنا منيف يا نــاآيف نايف ولع:وشو؟ يالخسيييس... إيااني وإيااك تلمسها منيف:هههه ما أضمنلك بصراحه..زوجتك فتنه..مافي احد يشوف جمالها ويتمالك نفسه.. نايف:ياحقيييير وينك موديها أنت شتبي بالضبط...؟ منيف قرب السماعه لها:قوليله يجي.. سما بصوت عالي:ناايف لا تجي ياناايف لاتجي تراه يبي يذبحك منيف ضربها كف وسمعه نايف بالجوال وبغى يموت قهر وغيره.. نايف:ياحقييير وينك فيه خلني اجيك كان فيك خير واجهني رجال لرجال موتاخذ الحريم رهاين ياكــلـــب منيف:عالعموم تعرف سكراب....... القديم هذا أنا هناك يلله تشااو عندي شغل مع سما. طوط. طوط. طوط. طوط نايف صرخ بأعلى ماعنده,ولع غيره وقهر:حيوااااااااان سااافل فراس:ياولد هدي اعصابك شبلاك نايف شوي ويقطع عمره:أي هدي اعصابك..هذي حبيبتي قبل ما تكون مرتي واللحين حامل..والله إن صار لها شيء أنا المسؤل ..كله علشاني هاوشتها علشان الحمل وقلت مانبي بزران.. صار أللي صار... فراس مافهم عليه:طيب اجلس نفكر في حل.. نايف:أنا رايح ماني فاضي أفكر ماعندي وقت...وعرضي بين يدين هالسافل منيف فراس:طيب تعرف مكانه نايف وهو ماشي مستعجل:السكراب القديم في...... {راح نايف مستعجل..} فراس فكر شلون يحل هالمصيبه..... . , . , ., . غرام:يااحليلها هالبنيه عسل.... الجوهره تناظر غاده وهي نايمه بحضنها:تجنن يمه تجنن..شرايك فيها بالله غرام تناظرها بتمعن:تشبه فراس وتشبهك كأنها فعلاً بنتكم الجوهره:لا تقولين هالكلام عند احد يمه..هي فعلاً بنتنا..موكأنها بنتنا..مابي بنتي إذا كبرت تعقدت.. غرام:ههههه ياحلوها هالبنت جالها بنت.. الجوهره:هههههه وبيجيلها أخو بعد أن شااء الله غرام:وش قال أبوها الجوهره قامت:بروح أوديها للغرفه وأجيك بعدها أعلمك وش قال أبوها . , . , . , [أحـــلامٌ تــحــتـــضـــر] دخل من مكان فاضي وماحوله أحد وهو يتنقل من حديده للثانيه بخفه..المكان مظلم ومافيه احد وموحش...سمع صوت سما تصرخ وتستغيث..وأنجن...بس تمالك اعصابه وهدأ لأنه عارف منيف ماهدد إلا وهو ضامن نفسه عدل ولأنه أضعف من أنه يواجه نايف رجل لرجل... قرب لإتجاه الصوت... , سما بصياح:أبـعـــد ياســاافــل.. منيف:ههههه رووقي ياحلوه..ماني قايله إني لمستك بس عطيني فرصه لاتصيرين شرسه... سما تحاول جاهده أنها تحافظ على نفسها.. منيف قرب لها وقاصد يبوسها... سما تفت بوجهه من قلبها وقالت من بين أسنانها::تخسى يالواطي منيف ضربها بكف وقام يمسح وجهه...:راح أكسرك خلي نايف يوصل بس ..........:وش عندك يا باشة زمانك..؟ سما فرحت وخافت بنفس الوقت:ناايف اهرب هذا ناوي يذلك ويقتلك منيف ألتفت بخوف وغمز عينه.. طبو ثنين من ورا نايف ومسكوه.. وربطوه بسرعه.. نايف:أبعدوا عني الله ياخذكم..واجهني لحالك زي ماجيتلك لحالي يارخمه منيف :ههه خليت المرجله لك.. منيف قرب لنايف وهو يخفي خوفه منه:اللحين بنعرف مين باشة زمانه. نايف مد رجله برفسه لمنيف وتألم منيف.. منيف:أمسكووه زيين نايف:هههههه رخمه منيف فقد اعصابه وهو بالأساس يغار من نايف من زمااان وحاس بأنه جاء الوقت اللي يهينه فيه...مثل ماكان يتمسخر عليه عند الشباب.. نايف:يله بس قم فكنا وخل عنك افلام العصابات والخطف ترانا فالسعوديه منيف راح لسما وشدها من شعرها بيدها ورفع وجهها للسماء:إذا تهمك هذي..قل تكفى يامنيف خلها وأخليها نايف سكت وهو خايف على سما وشكلها مضروبه ومبهذله.. سما تخفي ألمها:لاتترجاه يانايف علشاني لاتنوله اللي يبي منيف سد فمها:بسسس ولا كلمممه نايف غلي دمه:بعععد عن مرتي ياثوووور ماتفهم يامنيف أقوولك وخر يعني وخر منيف جاته حالته بعد ماسمع نبرة نايف الآمره.. شد سما من شعرها ورماها بقوه عالأرض ورفسها بجزمته وألتفت على نايف أخذ السلاح من مخباه ورفعه بوجهه: ترجاني يانايف وإلا قتلتك قدام زوجتك نايف ساكت...ومغمض...يمووت ولا يترجى ويذل نفسه.. سما هاللحظات عندها وصلت فيها للتوب وماعاد تقدر تتحمل..كم لها ساعه على هالحال..لا اكل ولا شرب وضرب اربعه وعشرين ساعه..وناس ماترحم.. حست روحها بتطلع من كثر ماجاها..صارت تفتح عيونها بشويش وتسكرها وماهي قادره تشوف قدامها ولا تركز... {صوت إطلاق نار} سما شافت الرمي والقتل وأغمي عليها بعدهــااا... , . اليوم الثاني.../ الكل كان بالمستشفى يطمئن على سما بعد أللي صار.. طلال وميس والعنود وسعود وملاك وراكان والجوهره وفراس ورنا وخالد زوجها...ولينا وزوجها والبقيه.... بغرفة التنويم الخاصه.../ الجوهره:احمدي ربك ياسما مافقدتي البيبي سما بعيون ذبلانه ابتسمت:الحمدلله.. الجوهره ببتسامه:بركات فراس حبيبي أللي جاب الشرطه وإلا زوجك مسوي فيها سلمان خان بزمانه ههههه الكل:هههههههههه العنود:هههه وأنتي صادقه يا الجوهره سما ببتسامه كسوله:طيب وين نايف؟ لينا ببتسامه:أخوي نايف واقف مع الرجال برا ميس وهي تكلم البنات ببتسامه وتغمز:بنات شرايكم نطلع مو وقتنا بالمره ههههه الكل:هههههه رنا:أوكيه يابنات اطلعوا ترى نايف بيدخل... طلع الكل ودخل نايف وظل واقف بنص الغرفه وكأنه طالب ماحل واجبه وخايف من المدرس, سما أبتسمت له ورفعت يدينها وكأنها تقول خذها.. نايف ماصدق خبر راح ومسك كفيها وضمهم بكفينه وباسهم:سامحيني يالغلا.. سما ببتسامه ساحره:إن كانه عليه فأنا مسامحتك علطول بس أنا ما أضمن إن البيبي إذا يسامحك وإلا لا نايف أبتسم ومد يده يمسح على بطنها بنعومه مابعد بان:حبيبي سامحني..أنا فعلاً كنت أناني زي ماقالت ماما.. سما حطت يدها على يد نايف اللي على بطنها وهي بقمة سعادتها:ربي لا يحرمني منك نايف:أمييين يله نطلع قلبي من هنا سما:ياااليت يكون أحسن زهقت نايف:يخسى الزعل هههههه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,, طلال وميس... راكان وملاك... نايف وسما... 3فراس والجوهره... طارق وكادي... ريم ونمر ×والجرح الدامي× مـسـلـط ورنـيــم ×غـيـداء× .................................................. .................النهايه....... وبالنهايه...تموت بعض الأحـــلام التي كانت تحتضر...وتظل بعضها تـحـتــضـر ...والباقي والقليل مـن هذه الأحــلام تـكتـب لـهـا الـحـيـاه لـتتـمثل حقيقه ملموسه عـلـى أرض الـواقــع .. ولـكـن بــعــد مـعـانـاه طـويــله قــد تــسـتــمــر لـسـنـوات طــوال..ومع الـقـلـيـل من الـصـبـر..تــتــحــقـق الأحـــلام... أُقِـرّ بأنـنـي كـنت رومـانسـيه فـي طـرحي..وهذا يعكس توجهاتي وتخصصي هو (الرومــانـســيــه) ..وجـريـئه في الوصف أحـيانا وربما أسهبت في ذلك الـشـيء ولـكـن..لامـانع مـن إضـفـاء لـمـسـات غـير تـقـليـديـه.. وربـمـا هـذا أسـلـوبـي الـذي لا أسـتـطــيع تــغــييره..ولـكن لامـانع من الـتـطـويــر والـتـعـلم من الأخـطـاء....فالقادم سـوف يـكـون هـنـاك الأفـضــل والأميـز بإذن الله.. مــلاحــظــه../ هــذه الـروايــه مـبـنيــه مـن وحـي خـيـال الـكــاتــبـه ولـيـس لـهـا صــله بـالـواقـع وإذا كـان هـنـاك تـشـابه في أسمـاء الـشـخـصـيات لأناس حـقـيـقيـن يـعـيشون مـعـنا فـهـو مـن قـبيـل الـصـدفـه لاغــيـــر.... | ||||||||
|
| |
|
08-10-13, 07:24 AM
| #24 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|
| |||||||||||||
|
| |
|
12-04-18, 11:47 AM
| #25 | ||||
 
| السلام عليكم ورحمة الله وبركاته رووووووووووووعة والله كثير نقرأ روايات لكن الرواية اللي تأثر بنفسنا وتترك أثر بقلوبنا قليلة ومن وجهة نظري روايتك وحده من هذي القليلات شـكــ وبارك الله فيك ـــرا لك ... لك مني أجمل تحية . | ||||
|
| |
|
| الكلمات الدلالية (Tags) |
| للكاتبه, أحلام, الحنين88, تحتضر, بوووح, روية |
| أدوات الموضوع | |
| انواع عرض الموضوع | |
|
|
.png)
العرض العادي
