وصلت للفصل 14 و انتى عاوزة رأيى بصراحة و انا حأقولك بصراحة انتى مشروع كاتبة روائية موهوبة و القصص عن التار فى الصعيد مؤلمة و ملهمة و فصة عبد الرحمن و هو مستخبى و شاف قتل ابوه و امه منتهى البشاعة و كويس انه جاله الربو بس ، موقف ادم من امه محزن جداً حياة ضحت علشانهم بس سؤال حياة جابت من موسى ادم و ادهم طيب جمال موسى جمال صقر يبقى مين فيهم و لا ده اتولد قبلهم و مات صغير ، الحقيقة قصة حياة و موسى مؤلمة جداً بس سراج ايه اللى خلاه يحط المخدارت لموسى و يخطف حياة و حياة اختفت فين ،اسئلة كتيرة قوى فى موضوع حياة و موسى و اكيد الفصول اللى جاية حتوضح كتير
ادم يائس بشكل كبير قوى و موت رؤى و امه لما سابته و هو صغير أكيد أثر فيه و بشكل كبير و بعدين قصته مع رؤى مش واضحة لغاية دلوقت و حرام عليه اللى بيعمله فى أروى البنت محترمة قوى و يمكن وجودها معاه يغير من طريقته شويه ,
الثنائى المجنون المرح غرام و ادهم الحقيقة قصة ادهم مع مايا مؤرفة شويه و هو فعلا مزودها معاها التعليم ده مهم جداً افتكر انه بينقم منها علشان استغفلته و بعدين هو بيجرحها اكتر من مرة بأسلوبه معاها دايماً مخليها تحس انها أقل منه ، جاهلة غبية و مش مكسوف يحكى عن البنات صديقاته معاها و قدمها بصراحة بجح قوى و فى الاخر يقول لها مش عاوز منك أولاد ، الاول قلت انها مزودها بس بصراحة هو اللى غبى و حلال اللى بتعمله فيه .
قمر و ماهر ضحكت منهم و اللى بتعمله قمر فى ماهر و واضح قوى خفة دمك و انتى بتكتبى عنهم .
اريج مع نزار افتكر انه وصل لبداية الخيط لما عرف منها قصة السواق عبد الحميد و افتكر ان نزار فعلا بدأ يكن مشاعر لاريج لانها بالبراءة اللى هى فيها مختلفة عن جو التار و الانتقام اللى عايش فيه .
حياتى ممكن تزودى الرومانسية شوية فى روايتك مشاهد القتل والتار مؤلمة و الحقيقة انتى دمك خفيف جداً و ده واضح فى تعليقاتك مع الابطال بس التنوع فى الرواية من جو الانتقام و الاكشن لجو الكوميديا لغاية الجو الرومانسى افتكر بيكون مطلوب انا مجرد قارئة و بحب جداً الروايات و اكيد انتى تعرفى أحسن منى بس ده رأيى و اتمنى ما كونش ضايقتك
روايتك جميلة حياتى و انا من المتابعين ليكى و على فكرة قصيدة هشام الجخ موفقة جداً لموضوع روايتك
تحياتى و بالتوفيق دايماً يا رب |