حبيتك وما دريت اني بحبي جريح / للكاتبة aum أو أنين الحب ، عمانية

[لامارا]

	، بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته ، نقدم لكم رواية حبيتك وما دريت اني بحبي جريح للكاتبة aum أو أنين الحب ، ، قراءة ممتعة لكم جميعاً....... ،

[لامارا]

هذي روايتي بقلمي انا مش منقولة من اي منتدى او من اي شخص انا كاتبتها ولا احلل حد ينسبها لنفسه او ينقلها لمكان اخر دون اعطائي حقي في كتابته!!! "انين الحب"

هذي مش اول مرة اكتب فيها رواية انا انسانة تهوى الكتابة وتععشقها بس اول مرة اشارك كتاباتي مع اشخاص غير عن صديقاتي فرفقا بي.. بنزل جزء اتمنى يعجبكم وان عجبكم بنزل الباقي منه واتمنى منكم التشجيع والنقد البناء واحب اقول في الاخير.. فلتقل خيرا او لتصمت..

الجزأ الاول من روايتي..اتحدث فيه عن الحب والعشق وما يجلبه من شقى وسعادة والم وفرح اتمنى ان ينال اعجباكم.,.

،

[لامارا]

البارت الأول

دشت الغرفة بشويش وشافته عند شنطتها وينبش فيها بربكة وخوف نادته بصوت خفيف مخلوط بدموع "ناصر شو تسوي؟"
لف عليها بعيون حمر وشفاه ترجف مسح شعره ووقف على حيله دس الفلوس بجيب دشادشته وطالعه بقوة
"شو تشوفيني اسوي؟"
دمعت عيونها هذيل اخر ريالات ونهاية الشهر باقي عليه لينزل راتبها "حرام عليك ناصر خلصوا الفلوس! شو بناكل!"
مشى لها بسرعة غمضت عينها بخوف خافت لا يسوي فيها نفس امس وتنام بدموع ذل والم وقف حذالها وطالعها "لا تنتظريني"
قالها وطلع من البيت انهارت على الارض حطت ايدها على بطنها وتنهدت بالم خلت الدموع تعبر عن اللي بقلبها من نكد وحزن حست بايد صغيره تشد على ثوبها فتحت عيونها وبسرعة امسحت الدمعه ضمت بنتها لصدرها "الله يساعدنا وينصرنا".


وفي مكان ثاني م بعيد...
"خذ هذيل و الباقي بعطيك اخر الشهر!!" برجفة و ترجي مد الفلوس
"انا مو قلت لك لا توريني ويهك!!"
"الله يخليك خذهم تكفى انا محتاج"!
ضحك باستهزاء" كلكم محتاجين يا سبحان الله!" طالع كفه اللي ماد له بيزات اخذهم ورمى على الارض كيس شفاف نزل بسرعة واخذه فرغ كمية بسيطة على ايده وحط خشمه عليه وخذ نفس عميق رجع راسه لورا وغمض عيونه باستمتاع وتنهد!!
"هاااا ارتتتحت!" ضحك ومشى عنه
راحت النشوة وفتح عيونه جلس على الأرض وهو كاره عمره.. وكاره الشخص اللي خلاه يصير كذا..هو ما كان كذا! هو كان انسان ناجح وحياته كانت ماشية لولا الانسان القذر اللي سمح له يدخل حياته وبيته ويدمر كل شي حلو كان فحياته!! رفع راسه فوق وتنهد
"يا الله ساعدني!"

وفي مكان ثاني بعيد عن الهموم والنكد..
اثنين يعيشوا احلا حياة حياة كلها حب واحترام متبادل حياة كلها تفاهم ومعزة و مودة..
قاطع افكارها لما رمى راسه بحضنها..فزت وهي تطالعه ثم ابتسمت بحب
قال وهو يتنهد من التعب "بشو الحلو سرحان"
فز قلبها من سمعته يتنهد "شو فيك بسم الله عليك"
قام وطالع عيونها اللي تدور بوجهه بقلق ابتسم بحنيه "تخافين علي؟"
نزلت راسها من الحيا "انا لو ما اخاف عليك اخاف على منو"
رد وانسدح ومسح على راسه وغمض عيونه "انا تعبان"
عدلت جلستها وطالعته "فيصل تراك تخوفني, ايش فيك"
فتح عينه و طالعها "فيصل؟" عقد حواجبه..
نزلت راسها وهمست "حبيبي"
ابتسم وغمض عينه "ايه كذا احسن"
تنرفزت "قووول لي ايش فيك؟"
وهو مغمض عينه قال" احاتي سارة"
انكسر قلبها على اخت زوجها المسكينة "ايش فيها سارة عسى ما شر؟"
فيصل" اخ لو اقدر اطلقها من ذاك الحيوان اللي م يتسمى كنت بقدر ارتاح شوي!"
سارة واللي جت فبالها فكرة" ليش م تجيبها هني تعيش معانا ليمن تولد وبعدين تطلقها منه؟"
فيصل قام وتعدل بجلسته و وجهه انور"صدق حنان؟؟"
ابتسمت بحنيه"ايه صدق ليه؟"
ضم وجهها بايديه"والله م تدرين شكثر ريحتي بالي"
عقدت حواجبها"ليه؟؟"
فيصل"انا كنت مفكر بهالشي وابي افاتحك فيه بس كان خوفي انك ترفضين هالشي خصوصا ان هي عندها بنت واحين حامل"
حنان قاطعته"فيصل عيب علي اني ارفض هذي اختك اولا وبنت خالتي ثانيا وتهمني مصلحتها وانا مستحيل ارفض مساعدتك لها انت تعرف شكثر احب سارة"
قرب منها وباس راسها "ما خاب من رباك يا بنت العمة.. و ما خاب من اختارك لي حليلة..بيضتي الوجه"!
ابتسمت بحب وحيا ونزلت راسها قام من الكرسي والفرحة مو سايعته الشي اللي كان حارمه النوم وخايف منه طلع سهل كذيه ركب الدرج بفرحة و وقف بنص الدرب طالعها وكان نسى شي..
حنان"شوو؟"
رد ينزل وراح لها مسك ايدها و باسها وهمس لها "احبك"
تحمرررن خدودها من الخجل وزادت نبضات قلبها نزلت راسها تحت و رفعه باصبعه "لا تحرميني من هالوجه الحلو" ابتسمت له بحب
راح للدرج ووقف للمرة الثانية "انتظريني احين جاي" راح فوق للغرفة وغير لبسه بسرعة ونزل واغراضه فايده طالعت باستغراب وقبل لا تسال قال لها "بروح لسارة اكلمها وبرد لك"
وقفت"بجي معاك"
طالعها بفرحة"اوك يلا بسرعة"
قامت من مكانها بسرعة و راحت تبدل نص ساعة و صاروا بالسيارة رايحين لبيت سارة..

وفي حي من الاحياء و فبيت محدد..\\\\
جالسة بالحديقة شعرها ملموم بفوضى والقلم يلعب بفمها والدفتر بحضنها جالسة تركز خلاص ما باقي شي على الفاينلز وتبدى اجازتها الصيفية. حست بحركة وراها بس ما رفعت راسها تمت مركزة..
"دخلي فالدفتر احسن لك"قال بمزح
تجمدت من اسمعت الصوت! حست ببرودة في اطرافها وكان قلبها وقف يدق..العالم حولها كله وقف ما عرفت ترفع راسها او لا ما عرفت ترد هي تفكير مو قادرة تفكر.. جلس على الكرسي المقابل لها..
"بل..كل هذا حقد..شسوينا؟"
رفعت راسها غصب وطالعته وخقت عليه.. لبسه ريحته شكله شعره..كل شي فيه تحبه!! تحب قسوته وحنيته اللي م كثير يشوفوها تحب صوته وضحكته تحب سوالفه باختصار هي تحبه وتموت عليه.. غصبت ابتسامه
"كيفك؟"
م تدري من وين جاتها الجراة عشان تكلمه
"انا بخير والله انت كيفك؟" عقد حاجب
ابتسمت وبقوة قالت " انا تمام التمام"
ما صدمه ردها هذا هو اسلوبها معاه من سنتين "دوم"
"ترا اذا جاي عشان محمد ترا هو مو هني طالع"
ابتسم وهي خقت"لا انا مو جاي عشان محمد.. انا جاي مخصوص عشان عمي"
ما استغربت انه جاي لابوها"ابوي داخل انزين مب هني"
"ادري انا شفتك هني قلت اسلم عليك قبل لا اروح له"
شافته لابس وكاشخ مش من عوايده ابتسمت باستهزاء "خير رايح تخطب"
ابتسم لها وقلبها اعتصر" ايه"
طالعته باستغراب وهو قام من الكرسي" ايه شو؟"
قرب منها بشويش "ايه جاي اخطب"
طالعته بقوة وقلبها ينزف مرة ثانية بتذبحني مرة ثانية!!! "بالبركة"
غصبت الكلمة تطلع منها ابستم بنصر لانه يعرف شو بقلبها "الله يبارك فيك"
مشى عنها وهي اول م راح نزلت دمعه تحرق خدها الوردي وقف وقال "ما سالتي بخطب من"
ما تدري من وين جتها القوة عشان ترد عليه "وحدة امها داعيه لها"
ضحك "ايه امها داعية لها"
دش البيت الكبير وراح لمكتب عمه..صار له سنتين وهو ينتظر هالفرصة و اخيرا جت له.. ما راح يخليها تفلت منه مرة ثانية ولا راح يسمح لحد او شي يوقف بطريقهم هما الاثنين مخلوقين لبعض بس الظروف او الناس الكبار اللي بعيلتهم دمروا احلامهم الورديه وخلوهم بهالحال.. بس هالمرة هو راح يتخذ موقف وحتى لو كان هالموقف يعني نهاية اشياء كثيرة.
دش المجلس وحب راس عمه وجلس وبدون مقدمات قال "عمي انا جيتك اليوم طالبك وما ابيك تردني"
عمه ابتسم"سم يالغالي ولد الغالي"
"سم الله عدوك..عمي انا جاي اطلب ايد هند لي"
عمه ما استغرب الطلب لان هالطلب صار له يتكرر من سنتين "يا ولدي.."
قاطعه"عمي مع كل احترامي..انتوا اخترتوا لنا اول مرة وشفتوا شو صار فينا..تدمرنا وانهرنا!! واللحين لا هي تبي تكمل حياتها ولا انا ابي اكمل حياتي..وان كان يرضيكم هالشي ف احنا بنتم كذيه طول عمرنا وانا حلفت يا عمي اني زواج مني بمتزوج ولو تبوني اتزوج ما باخذ غير هند"
عمه فاهم منبع كلامه و ما عاجبه حال بنته واكيد يبي لها الراحة "وعز الطلب يا تركي.. بس خلني اشور البنت وارد لك خبر"
تركي"عمي من بعد اذنك ابي انا اخذ منها الموافقة"
ابتسم عمه بحب "فالك الطيب"

طلع من المجلس وهو اليوم الفرحة غامرته اول مرة من سنتين يحس بهالفرح ما توقع ان عمه بيوافق بهالسهوله.. اللحين جى الدور على هند وباقي يقنعها.. ما يدري ان هند كانت موجودة واسمعت كل شي.. على الرغم من فرحتها الا انها ما تبيه لانه دمرها وكسرها!! وقفت بوجهه عند المدخل والدموع على خدها تمنت لو تصرخ له وتقول له اكرهك بس تعرف ان لسانها بيخونها وبيقول احبك..
هند بقوة" تحلم اني اوافق عليك"
طالعها وهو يبتسم رغم ان الكلام طعنه الا انه واثق من دموعها انها تموت عليه وما تشوف فهالدنيا غيره"اذن بحلم وبظل احلم"
مسحت دموعها بقسوه وكانها تمسح حبه من قلبها ومن حياتها "لو تموت ما بتاخذني"
قرب منها وصارت المسافة بينهم شبه معدومة " وانت لو ما قبلتي فيني ما بتاخذي غيري"
هند وانفاسها مقطوعه " وانت من تكون عشان تقرر مصيري.. انا راح اتزوج واتزوج واحد احسن منك ولا انت ولا غيرك بيمنعني وراح اعيش سعيدة"
تنرفز من كلامها فكرة انها تكون لغيره تذبحه "بذبحه قبل لا ياخذك وصدقيني اني ما بسمح لاي احد ياخذك مني.. يا انا يا ماكو زواج فاهمة"!!
رفعت راسها لفوق "شو تبي مني!!"
تركي"ابيك تصيري زوجتي"
هند بقوة"وانا ما ابيك.تفهم ما اببببيك!!"
ركضت للدرج وتركته وترككت حبه وقلبه ينزفوا حزن..بس هو عزم وقرر وما راح يتراجع وراح يسوي المستحيل عشان تصير له حتى ولو كان هالشي يعني انها تتزوجه بالغصب! طلع من بيت عمه وركب سيارته وطلع من البيت بسرعة كان يبي يطلع حس نفسه مخنوق يدور هوا يبي يتنفس ما لقى حاله الا عند البحر تنهد ونزل وخذ نفس عميق!!
............
نرجع لفيصل وحنان اللي اللحين صاروا جالسين بمجلس سارة!
دخلت سارة عليهم وهي شايلة صينيه فيها عصير وحلى حق اخوها و زوجته قامت حنان تشيل منها والكل جلس فكنبة, فيصل يلعب مع بنت سارة الريان اللي يموت عليها وحنان وسارة جاعدين بهدوء يطالعوه. الا ان انتبه لهم.. ترك الريان فحضنه وطالع اخته اللي الهم و الحزن اهلكها وافقدها طاقتها و حيويتها اللي كانت تملكها قبل الزواج وحتى بعد الزواج الا ان بدئت المشكلة مع زوجها اللي خسر كل شي قبل سنة.. طالع وجهها الذبلان وبطنها اللي شوي ويصير فيه انفجار سكاني. وتكلم
فيصل"سارة انا جاي اخذك تسكنين عندي"طالع حنان وابتسم
سارة نزلت راسها"كيف اروح معاك انت ناسي التهديد اللي هددني اياه ناصر!! اني لو تركت بيته بيحرمني من اولادي"
طالعها فيصل بصرامه"لا هو ولا عشرة من امثاله يقدرون يسوون هالشي دام راسي يشم الهوا"
سارة بحزن اكثر"خلني هنا يا اخوي عن المشاكل انا تعودت وخلاص..اصلا..اصلا ابوي اللي هو ابوي مو.."خنقتها العبرة وانزلت دموعها بحرارة قربت منها حنان ولمتها وانفجرت براكين كانت مكبوتة بصدر سارة تعلقت في حنان وبكت بكاء م بكته يوم فقدت امها.
فيصل"لا حولة ولا قوة الا بالله..انت م عليك من عمي انا اكلمه!! انت بس طيعيني وقومي معاي و انا احل كل شي".
تددخلت حنان وهي تمسح على شعرسارة" سارة حبيبتي لا تحاتي احنا كلنا حواليك..فيصل بيكلم عمي وبيتفاهم معاه..البيئة اللي انت فيه ما ملائم لك ولا للي فبطنك لازم تتغذي عدل و ترتاحي انت فاخر الشهور اللحين و فكري في الريان هي بعد تتضرر من كل اللي يصير.. يمكن لو رحتي و تركتيه بيصحى من اللي هو فيه"
سارة كانت تدري ان كلام حنان وفيصل سليم وهي لازم تحط مصلحة عيالها فوق كل شي حتى حبها لناصر! غمضت عيونها وقلبها يعتصر الم قبل سنة كانت اسعد انسانه على وجه الارض كان كل شي تبيه عندها بيت و زوج وبنت وحب كانت حياتها سعيدة الا ان تدهور كل شي بسبت انسان حاقد!
فتحت عيونها واول شي شافته بنتها اللي توها خمس سنين بنتها اللي البرائة يكتسيها هي شو ذمبها تعيش مع اب مدمن وام محطمة"خلاص خلني احط لي اغراض و ل الريان ونروح"
تهلل وجه حنان وفيصل..قامت وهي تسحب نفسها سحب عمرها ما توقعت انها بتكون في هالموقف ولكن انا اريد وانت تريد والله يفعل ما يريد..حطت الاغراض ومن ضمنها صورة لناصر القديمي ناصر اللي حبته و وقفت في وجهه ابوها عشان تاخذه وهذا هو ناصر خذلها وابوها خذلها.. يا الله كيف حياة الانسان تنقلب بلحظة. سكرت الشنطة وتجمدت اطرافها من سمعت صوته.
"على وين؟"
لفت عليه"ب..ب..بروح بيت فيصل"
قرب منها وغرز اصابعه فشعرها"ما قلت لك ما تطلعي من البيت؟"
صرخت بألم"أه ه ه..ناصر شعرري"
صرخ"انا ما قلت ما تطلعي من البيت؟؟"
فيصل و حنان فزوا من الصوت..قام فيصل من مكانه وبسرعة صار حاجز بينه وبين اخته وصرخ فيه"انت من عشان تمد ايدك على اختي"
قام ناصر من الارض بعد ما طاح بسبب دزة فيصل له"انا زووجهااا انت اللي مالك حق تدخل بيتي وتطلع زوجتي بدون اذني اطلع بررررررع"
مسكه فيصل من رقبته وثبته ع الجدرا"صوتك ما يعلى علي يا حثاله يا واطي..انا اللي اعتبرتك اخ لي طلعت منت بكفو..اسمع انا باخذ اختي والريان ويا ويلك ثم يا ويلك وهذاني حلفت يا ناصر لو تقرب عليهم لارميك فالسجن رمي الكلاب فاهم!!!"
دزه وخلاه يطيح ع الارض مثل الورقة لف على اخته وكلمها بحنيه"جاهزة؟"
هزت راسها بخوف و الدموع متجمعه فعيونها شل الشنط اللي جهزتهم وطلع من الغرفة مشت وراه ووقفت لما نااداها
"لو طلعتي من هالبيت لا ترجعي له مرة و ورقتك من تولدين توصلك فاهمة!"
جمعت بقايا القوى اللي تملكها "اصلا انت بطلت تصير زوجي اللي اعرفه من بديت تاخذ هالسم!"
طلعت وتركته..نادى و نادى الى ان تعب وتهادت قواه وغفى ع الارض! طلعت وتاركة وراها كل ذكرى حلوه عشاتها فهالبيت مع حب حياتها ضمت بنتها حيل وركبت السيارة وهي قبل الدمعه تنزف الم بقلبها غمضت عيونها لعل من تفتحها كل هالشي يطلع كابوس وتقوم تلقى حبيبها عدالها..بس هيهات يكون هذا حلم..غفت وهي تحلم بناصر اللي حبته. الا ان وعتها حنان فتحت عيونها وانزلت وهي تجر نفسها والذل اللي مكتسيها مسكت ايد بنتها ودشت البيت حست برعشة تعتلي جسمها كله وخرت ع الارض بدون شعور..
.............///////
جلست بغرفتها تبكي..م تدري ليش تبكي بس خاطرها كان تبكي ضمت ركبها لصدرها و دفنت وجهها وبكت بحرارة..تبطل الباب وحست بحد يتسحب بالغرفة..
"يوووووه.. شو هالظلمة اعوذ بالله..هند..وينك" شعلت النور ودورت بالغرفة الا ان لقتها جالسة بالزاوية ومتكورة على نفسها فز قلبها وركضت لها نزلت لمستواها ورفعت راسها
"هند ايش فيكي" هند وكانها تنتظر احد يسالها هالسؤال رمت نفسها فحضن بنت عمها وصديقتها روح بالروح
"يبي يذبحني..انا شو سويت له..انا احبه..احبه..ليش يعذبني كذيه..ليش م يحبني قولي لي..نورة انا تعبانة..تعبانة"
اسمعتها وامسحت على راسها وظهرها..هي كانت عارفه هند تتكلم عن من وقلبها عورها على بنت عمها واختها.
نورة"خلاص يا هند بس..امسحي دموعك وقومي خليني اشوفك ونسولف"
قامت هند وطالعت نورة وعيونها حمرة من البكى"
نورة"قوومي اغسلي وجهك وتعالي نتكلم"
قامت هند واسمعت كلام نورة راحت للحمام واغسلت وجهها ورفعت راسها تطالع فالمراية وتحمرن خدودها لما شافت لبسها وكيف انها طلعت بهالشكل قدام تركي كيف م اغراه شكلها..ابتسمت باستهزاء وليش اغريه انا م حلوة انا م...ودمعت عيونها مررة خذت نفس عميق و طالعت بالمراية مرة امسحت الدموع وطلعت من الحمام..شافت نورة جالسة ع الكنبة وماخذة راحتها راحت و وقفت عند البلوكنة ما هي مستعدة تواجه احد ولا تبي تسمع الحقيقة المرة اللي للاسف صارت ما تقدر تخفيها.

نورة"هند"
تنهدت هند ولفت عليها"نورة وفري كلامك اعرف شبتقولين ولا يا هند ما راح اوافق برفضه وبكسر قلبه مثل م كسر قلبي وزود"
نورة وقفت"هند اللي صار ترا كان غصبن عليه ابوي الله يهديه جبره وشفتي كيف كانت حياته جحيم تعذب مثل م تعذبتي وتعاقب و زود ياهند اخذ جزاه ولو انه م يحبك م انتظر سنتين عشان يخطي هالخطوة تركي تعرض للخيانة يا هند وهذا الشي يطعن فالرجل"
هند بقوة"وانا يا نورة انا تعرضت للخيانة منه وانا اللي انكسر قلبي وانا اللي مت فاليوم الف مرررة, كان مفروض انا اكون زوجته يا هند ما الحقيرررة اللي فضلها علي"
نورة"هند اوعي للي تقوليه..نسيتي الليالي اللي كان يجيني فيها ويكلمني ويبكي نسيتي..تركي انجبر يا هند ولا لو كان بايده م كان خذاها هو كان ضحية مثل م انت كنت ضحية..ليش م تطوي هذيك الصفحة وتعيشي حياتك"!!
هند"اطويها؟؟ كيف اطويها وانا عشت جحيم السنة اللي كان هو فيها يسرح ويمرح انا كنت اموووت يا نورة ولا احد يدري عني..يا نورة هو تخلى عني..باعني..ما حارب عشاني ولا عشان الحب اللي كان بينا!"
نورة قربت منها"واللحين هو يحارب..ما راح تحاربي معاه؟"
هند لفت عنها وبصوت يرجف قلبها يقول بحارب بس لسانها وعقلها يقولوا العكس"لا يا نورة تركي تاخر و تاخر وايد وانا راح ابدي حياة جديدة بعيد عنه"
نورة هزت راسها ومشت للباب"هند لا تخلي عنادك وكبريائك يخسرك كل شي..ترا تركي شاريك ويحبك وللعلم هالمرة طلع من شور ابوي عشانك"
وطلعت من الدار وتركت هند غارقة بافكارها هند اول م انسد الباب انهارت على اقرب كرسي تبكي فيه تذكرت اليوم اللي ماتت فيه اليوم اللي كل شي بنته انهدم كانت وايد مستانسنة كانت تحس نفسها طايرة فالسما..هاليوم كان الكل متجمع عندهم بالبيت وكانت هاليوم كاشخة ولابسة لان هاليوم بيكون هو اليوم اللي تجتمع فيه مع حبيب قلبها..اعمامها وابوها وكل من يعز على قلبها متجمعين..نزلت وهي فابهى حلتها بمكياجها الناعم وفستانها الرقيق وشعرها المسدول بطريقة غجرية جلست فالكرسي وهي تحس انها مالكة الكون كله لان تركي بيصير لها.. بس هيهات..ماتت لما اسمعت عمتها ام تركي تقول لهم انهم خطبوا لتركي وحدة من معارف ابوه..حست انها انصمت حست ان كل شي حولها انكسر وانهدم م صدقت الكلام..طالعت بوجه نورة عشان تدور الصدق وشافت الحزن بعيونها ليش يا نورة حتى انت خنتيني..قامت وهي تحس ان الدنيا ما شايلتها من الضيق بغت تطلع تشم هوا حست انها تختنق بتموت..لقت نفسها فالحديقة وقدام باب المجلس بالضبط ما تدري كيف وصلت لهنا بس قلبها قادها لهالمكان..قادها لتركي تبي تشوفه..يمكن ها مقلب يلعبونه عليها..بهاللحظة تركي حس انه يبي يشم هوا بعد وطلع من باب المجلس وشاف هالحورية واقفه بابهى حلة جميلة وجمالها فتان حس ان ضيقه زاد ضيق من شافها اليوم هم انحطوا فالأمر الواقع الحلم اللي كانوا يحلمون فيه من ثلاث سنين تهدم حبهم راح فلحظة و ثواني ولا حد اخذ رايهم بالموضوع قربت منه ودموعها كل مالها تزيد وسالته بصوت متردد فيه تكذيب.
هند"قول لي الموضوع كذب؟ انت تبى تمقلبني صح؟"
تركي نزل راسه فالارض م درى شو يقول او كيف يقول قربت اكثر وهزته "تكلممم قوووول لا تسككككت"
رفع راسه وشافت الدموع بعينه لحظتها عرفت ان الموضوع صدق ولا تركي م بيبكي بعدت عنه ولمت نفسها حست ببرودة جعدت تدور وتطالع يمين ويسار مثل الشخص اللي مضيع له شي "لا لا مزح الموضوع مو جد صح؟"
تركي رحمها وقرب منها بس مدت ايدها و تكلمت بهستيريا "لا لا لا تقرب مني انت..انت خاين..انت كذاااب..انت انت مو رجال!!"
طالعها هو مثلها تعبان ليش تتعبه اكثر"هند بس"
هند طالعته بغضب"هذا كل اللي تقدر عليه؟ وانا واللي بينا م عاد يهم؟ ولا هي تصلح لك اكثر مني؟؟ انا انا كنت مجرد لعبة..تسليه لك..صح؟؟"
طالعها بقوة عمره م اعتبرها لعبة ولا عمره اعتبر اي بنت لعبة هو حبها مثل ما حبته و زود "هند!"
طالعته"لا تقول اسمي..لا تنطقه مرررة ثانية اسمي ما يجي على لسانك يا تركي طول ما انا حية واعتبرني ميته بالنسبة لك..اللحين عرفت قدري عندك واوعدك يا تركي ما برتكب هالغلط مرة ثاني"
مشت عنه بدون ما تسمع منه بدون ما تسمح له يبرر حست ان روحها طلعت منها وهو اختنق مثلها وطلع من البيت بكبره.
........./////
فتحت عيونها بشويش لفت ع الغرفة شافت المكان غريب عليها فزت بقوة من السرير بس الم ببطنها منعها تتحرك ردت تنام وهي تمسح ع بطنها حاولت تتعرف ع المكان بس م قدرت حست ببرودة فشدت اللحاف عليها لفوق وتمت ساكته كانت تتخيل الاسوء الا ان سمعت صوت خفيف شافت ع المكان اللي جى منه الصوت وشافت حنان نايمة ع الكرسي تطمنت شوي حاولت انها تنام بس ما قدرت ما تدري ايش اللي صار و شو اللي وصلها هنا وهي وين اصلا.. كل اللي تذكره انها كانت واقفة قدام بيت اخوها فيصل وبعد كذا حست بدوار تأوهت واسمعتها حنان.
حنان"سارة"
طالعتها وابتسمت رغم الالم"انا وين حنان؟"
قربت منها ومسحت ع راسها"جبناك المستشفى"
خافت ولا اراديا حطت ايدها على بطنها"ليش شو صار"
حنان"لا لا تخافي البيبي م فيه شي..ما تتذكري شو صار؟"
ارتاحت من كلامها"لا..كل اللي اذكره اني واقفة برع ودخت"
حنان ابتسمت"هيه اغمى عليك وجبناك انا وفيصل هنا عشان نتطمن عليك وع البيبي والحمدلله م فيكم الا العافية انت بس مجهدة واللي صار كله عشانك هالمة نفسك"
ابتسمت غصب والالم يعصر قلبها عصر وشلون ما تبيني اهمل نفسي واتعب من اللي كنت فيه يا حنان نزلت دمعه حارة وحنان شافتها وغيرت الجو حتى لا تزيد عليها الحزن "الا سارة ما عرفتي ويش جنس البيي؟"
سارة ابتسمت غصب"ولد"
حنان"الله ونااااسة بيصر لك ولد وبنوته"
سارة"الحمدلله"وقفت شوي بعدها قالت"عقبالك حنان"
حنان انقلب وجهها الوان"وين تو الناس علي"
سارة ضحكت ع خجلها"هههههه الناس تقول ان شاء الله وامين..شدي حيلك وجيبي لاخوي ياهل صغنن يشبهك ترا فيصل يموت ع البنات"
حنان بحب"هيه ان شاء الله"
سارة"الا على طاري فيصل وينه؟ و الريان وين؟"
حنان"ههه هذي قصة بنتك دلوعه تر لازمت على فيصل يوديها تشتري لعب"
سارة اضحكت على بنتها الدلوعة واللي ما تشوف خالها تلزق فيه وابتسمت بحب لاخوها اللي ما يقصر معاها ولا مع بنتها واحزنت من تذكرت زوجها اللي كانت دوم تتناقر معاه ليش انه يدلع الريان وهاملها.
ناصر"ليييش الحلو مبووووز"
بدلع هي تميل عنه"ما ابى انت كله تدلع بنتك وانا مب كاني زوجتك"
ناصر قرب منها وقرص خدها"وانت بعد بنتي واميرتي"
طالعته ثم صدت عنه"ايه قص علي بكلمتين"
قرب اكثر وباس خدها"انت بنتي وامورتي ودلوعتي و زوجتي وكل شي بالدنيا"
ابتسمت بحيا ودزته"عيب لا تعلم بنتك هالحركات"
طالعها ثم طالع الريان "هههههههه عيل قومي نروح نجعد مكان بروحنا"
استحت واحمرن خدودها وخق عليها"يا ووووووووويل حالي اقول قومي بالطيب لا اخطفك الحين"
ضحكت برقة ودزته"عيب ناصررر"
ناصر بحب"يا عيوووون ناصر يا زين اسمي لا قلتيه"
قطع حبل افكارها دشت اخوها ياه شكثر تشتاق لهالحظات مع ناصر ابتسمت لبنتها اللي نطت على السرير وهي توري امها لعبتها الجديدة ما قدرت غير انها تفكر بناصر وحاله وشو يسوي ع الاقل لما كانت فالبيت تشوفه بس اللحين ما بتشوفه ولا بتسمع حسه
فيصل بحب"شلونك اللحين سارة؟"
ابتسمت غصب"الحمد و الشكر لله..متى نروح البيت؟"
فيصل"اللحين بس اكلم الدكتور واشوف شو يقول"
سارة"طيب"
قام ومسك ايد حنان واخذها برع"كيفها؟"
حنان"شو اقولك حالها ما يسر تحاول تخفي مشاعرها بس وجهها فاضحها"
فيصل يحك راسه"ما عليه كلها كم يوم وبتتحسن حالها"
حنان"انا خايفة عليها لو تمت كذيه راح تمرض والجنين بيصير فيه شي"
فيصل"كله خير انت جهزيها وانا بروح اشوف الطبيب"
حنان"الله يحفظك"
ابتسم لها بحب"ويحفظك"
دشت الغرفة تجهز اغراض سارة وهو راح يكلم الطبيب.
.........../////

[لامارا]

ــــــــــــ


بنزل بارت جديد واتمنى للي يتابعون ويقرأون الرواية تعجبهم واتمنى القى تفاعل اكبر في هالبارت وردود احلا!!!


نهاية الفصل الاول..يمكن تكونوا تعرفتوا على ابطال القصة وفي ابطال ادوارهم قادمة فالقصة..هالرواية من نسج الخيال ممكن الاحداث تكون مرتبطة بالواقع ويمكن في ناس بتحس ان هالاحداث تحكي حياتهم بس هي مجرد نسج خيال.. انا بس حبيت اعطي من كل شي فهالرواية حبيت اعطي من الالم والسعادة والحزن والفرح والرومنسية والكره حبيت اغطي المشاعر اللي يحس فيها الانسان بلحظات من عمره واللي يختبرها بصدق.. اتمنى اني بالفعل اوصلها.
بعرفكم بالابطال...

راح نبدأ بابو سارة و فيصل و هند..ابو سارة تزوج ام سارة بعد ما توفى ابو فيصل وهو كان يحبها بس ما صار نصيب وتزوجت ابو فيصل و جابت منه فيصل و بعدها توفى..بعدها بخمس سنوات تزوجت ابو سارة وجابت له بنتين سارة و هند وهي توفت بعدها ابو سارة ربى فيصل كان ولده وحبه حب شديد من حبه لزوجته هو يعتبر فيصل ولده اللي يامن فيه كل شي.. هو شديد بس قلبه يلين لعياله يحبهم بس م يعرف كيف يوصل المشاعر لهم.. سارة حاربت الكل من ضمنهم ابوها عشان تاخذ ناصر وتزوجوا وناصر بنحكي قصته بعدين..حاليا ابو سارة ما متزوج من بعد وفاة زوجته و يملك شركة تصدير مواد بناء سمعتها معروفة بالتعامل المهني البحت. وفيصل ماسك القسم المالي فالشركة.
فيصل عمره 27 سنة متزوج حنان بنت عمته (اخت ابوه المرحوم)..
سارة عمرها 24 سنة بنت نعومة وحلوة ما كملت دراستها لما تزوجت لانها بغت تصير ربة بيت تشوف عيالها ومطالب زوجها عندها بنت وحدة الريان عمرها 5 سنوات و وبيبي جاي بالطريق.
هند عمرها 22 سنة اخر سنه لها بالجامعه تدرس ادارة اعمال..تحب وتموت على ولد عمها تركي..

نروح للعم فهد اخو ابو سارة..
متزوج (مريم) وعنده منها خالد 30 سنة ارمل..
تركي 27 سنة كان متزوج و طلق..يحب هند..
ونورة 22 سنة صديقة هند روح بالروح..

ابو فهد انسان ما يسمع لحد بس لنفسه ويحب يتحكم فالكل خصوصا عياله..انسان قليل الكلام كثير الفعل.. كلمته تمشي ع الكل..

نيجي ل حنان..
حنان تكون بنت عمته فيصل.. ام حنان وايد تحب فيصل خصوصا انه الولد الوحيد والشي الوحيد اللي باقي من اخوها اللي وايد كانت تعزه وتحترمه ام حنان البنت الوحيدة بين 3 اولاد ام حنان متزوجة من ابو حنان (محمد) وعندهم:
عبدالعزيز 28 سنة يشتغل في شركة هندسة معروفة مش متزوج!
حنان عمرها 23 سنة متخرجة متزوجة (فيصل)
غالية عمرها 20 سنة تدرس محاسبة مش متزوجة!

نيجي لناصر...
ناصر جاي من بيت متواضع حالتهم المادية كانت متوسطة هم مش اغنياء ولا فقراء تعرف على زوجته (سارة) عن طريق اخته اللي تكون صديقة سارة من ايام الطفولة و الدراسة حبها من اول نظرة وبغاها تكون زوجته و سوا المستحيل الا ان صارت من نصيبه.. كون نفسه وفتح له شركة صغيرة كانت يوم عن يوم تكبر هذي الشركة كانت عبارة عن شركة تخليص معاملات لناقلات اللي يجووا في السفن.. تعرف ناصر على واحد اسمه منصور واوهمه انه غني ويبي يستثمر في شركة ناصر و ناصر فرح و وافق خصوصا انه شاف ان شركته راح تكبر مهنيا وماديا بس منصور طلع نصاب. دخل حياة ناصر وشوي شوي بدى يدمرها الا ان استولى هو على شركة ناصر بسبب المخدرات وخلى ناصر مدمن ودمر حياته وبيته!. ناصر عمره 28 و وايد كان قريب من فيصل اخو سارة الا ان دخل منصور فالصورة.
ناصر ابوه متوفي.. وامه حية عنده اخت وحدة اسمها عبير عمرها 24 سنة تشتغل ممرضة في عيادة خاصة.. وعنده اخ عمره 26 يشتغل في شركة اعلانات اسمه عبدالله..

هذول ابطال قصتنا وراح تتعرفوا عليهم وعلى ادوارهم في التاثير بالقصة...

نبدأ بالفصل الثاني..
بعد المواجهة اللي صارت بينها و بين تركي ونورة مشاعرها جدا تعبت قررت انها تروح وتكلم ابوها لعل انه يقدر يساعدها شوي و يفكر عنها..نزلت تحت بعد م مسحت اثار الدموع وعدلت شكله مشت لمكتبه و دقت الباب.. سمعت صوته وهو يقول له تدخل سمت بالله وافتحت الباب..المكتب كانت كلها ريحة بخور وعود ابوه يحب الروائح الطيبة دخلت وهي تفرض ابتسامه..
هند بدلع:مسساء الخير لأحلا واغلا مخلوق بهالدنيا..
ابوها رفع راسه وطالعها بابتسامة:مساء الانوار تو ما نور المكتب..
جلست مقابله بتملل وطالعته وهو يخط على الأوراق ابوها ما كان طبعه يجيب الشغل للبيت بس من توفت امها ووقته صار كله للشغل هي تعتبر هالشي طريقة ابوها في انه يعالج المه لفقدان امها وهم تقبلوا الوضع دام ان هو مرتاح..ابوها حس فيها انها قاعدة متمللة على الكرسي رفع راسه وطالعها..
ابوفيصل:هنودة خير يبه شفيك مب قادرة تطيقين بالكرسي
عدلت جلستها وابتسمت تخفي توترها:ها ولا شي يبه بس ملانة وقلت اجي اسولف معاك
ابوها شاف انه فرصة دام جت بروحها برجولها لعنده:يبه هند شرايك فتركي
هند ما انصدمت وكانت تتمنى لو ابوها يفتح الموضوع حتى ما تنحط فموقف محرج شبكت اصابعها بتوتر:من اي ناحية يبه؟
ابوها هد الورقة ونزل نظارته:من كل النواحي..انا اشوف تركي رجال محترم ومقتدر ويكفي انه ولد اخوي ومتربي احسن تربية وعن عشرة رجال
هند طالعت ابوها بنظرة حيرته:والنعم فيه يبه
ابوها بتوتر قددر يخفيه:هو تقدم لك
هند طالعت تحت حتى ما تفضحها نظراتها:وانت يبه موافق؟
ابوفيصل:انت شايفة فيه شي ينرد؟
طالعته بقوة ما تدري ليش كل شي فيها يصرخ وافقي وافقي بس جزء منها يقول لا يا هند خانك..باعك..فجاة لمعت عيونها بفكرة خلتها تبتسم وابوها فسر ابتسامتها خطأ
ابوفيصل:اجل على بركة الله دام ابتسمتي معناته مواقفة بكرة اكلم اخوك فيصل واكلم عمك عشان يجون يخطبون رسمي.
هند استوعبت اللي سوته وانحطت فموقف لا يحسد عليه شو تسوي تعترض مرت الفكرة على راسها بتكسر قلبه مثل ما كسر قلبها!! وقفت وقالت بحيا مصطنع: اللي تشوفه يبه
ابوها ابتسم بحنية ورفع نظارته على عيونه:الله يوفقك ويرضى عليك..
طلعت من مكتب ابوها وهي تحس انها ارتكبت اكبر غلط بس بنفس الوقت مرتاحة وهي تبي تنتقم منه نفس ما هو سووا فيها تبي تجرحه وتحسسه بالطعن و الغدر اللي حسته بذيك اللية اللي انذلت فيها..اللية اللي انذبح حلمها وهو توه فالمهد..
................. في مكان ثاني م بعيد كثير...

الكل كان يهنيه ويبارك له وهو باله بعيد ما توقع انها بتوافق خصوصا بعد الكلام اللي قالته له وهو يعرفها عدل ويعرف ان كرامتها فوق كل شي يعرف ان مستحيل تكسر كلمتها ولو كان عشانه هو.. دارت الأفكار في راسه شو تبين يا هند شو براسك!! ما انتبه الا واخته نورة تضمه وتبارك له بعدها شوي وسحبها من الحضور اللي كان مشغول بالسوالف.. راحوا لصالة قريبة من اللي كانوا قاعدين فيها وجلسها وجلس حذالها
نورة بخوف:خير تركي شفي
تركي يطالع يمين ويسار:ما تحسي ان مواقفة هند مريبة شوي؟
نورة ما فهمت:شلون يعني ما فهمت
تركي قرب منها:نورة انا اليوم كنت عندها وكلمت عمي وخطبتها منه ولما طلعت من المكتب صادفتها وكانت تبكي وقالت لي لو تموت ما تتزوجني وانت تعرفين هند وانا اعرفها عدل ايش اللي غير كلامها معقولة عمي غصبها؟
نورة بشك:شوف عمي ممكن يسويها بس هند دلوعته وما ممكن يغصبها على شي هي ما تريده وانا كنت عندها اليوم وسمعتها كم كلمة ف ممكن من الكلام اقتنعت وقررت انها تبدا صفحة جديدة!
تركي وهو شوي متطمن:عسى نورة انا صدق هالمرة ابيها وشاريها وبسوي المستحيل عشان اكسبها لو كان اني اعيش طول عمري احاول مستعد انا احبها يا نورة واكبر غلطة يوم اني سمحت لابوي يغصبني ويزوجني قليلة الخاتمة اللي م تتسمى!
نورة مسكت ايده:يا اخوي انا ادري بنواياك وانا اقولك هند ما نستك هند تحبك بس الجرح والالم اللي حسته فيه استحوذ عليها وعلى حبها لك انت حاول تنسيها هالشي!
تركي بابتسامة ساحرة:ان شاء الله!
قاموا اثنينهم وردوا للصالة اللي الكل كان متجمع فيها وردوا للسوالف والضحك وبال تركي مشغول بهند.

.........عند سارة...

كانت واقفة عند الشباك وشعرها تركته بحريته الغجرية كانت لافة ايديها على بطنها وبداخلها مشاعر متضاربة كثير..مشتاقة ناصر وايد..بس كل ما تتذكر الحال اللي هو فيه تتألم اكثر مش عليه على نفسها وحياتها اللي ضاعت بحب انسان ما فيه ايمان بربه..تدري انه مش غلطان وان الغلط من اللي وثق فيه وسمح له يلعب بعقله وحياته..بس لو كان يحبها كثر ما كان يقول كان بيقدر يمنع هالشي ويقاوم عشان ما يضرها ولا يأذيها..تذكرت اليوم اللي ابوها تبرا منها عشانه..
سارة:يبه يبه انا احبه ليش ما تفهم يبه اللحين ناص صار زوجي!!!
ابوها بعصبية:ما صار زوجك بيصير لا دخل عليك انتوا للان ملكتوا وبس وبتتطلقين منه ما يشرفنا اننا نناسب امثالهم!
سارة وهي شوي وتنهار:يبه حرام عليك والله ليش خليتيني اتزوجه واتعلق فيه واللحين بتمنعني عنه يبه لا تسوي فيني كذيه لا تذبحيني!!!
ابوها قرب منها ومسكها من زندها:ليش كل هالحب وانتوا مالكم الا شهر مالكين ليش متعلقه فيه هالكثر شو سوووا الكلب فيك!!!
سكووت ودموووع حارررة تنزل على خدودها طالع ابوها عيونها وفهم كل شي من نظرتها رماها على الارض وهو مشمئز منها!!!
وبكل صوت صرخ:دخل عليك يا كلبة!!!!! هذي اخر تربيتي انا تعبت وشقييت لين كبرتكم وربيتك واخرتها تنزلين ررراسي بالارض!!
سارة تصرخ بقهررر: ما سوييت شيي حرررام هذااا زوجي على سنة الله ورسوله ما غلطنا زووووجي يبه تفهم شنو يعني زوجي وانت زوجتني اياه!!!
ابوها جلس على الكرسي وفك ازارير ثوبه حس نفسه مخنوق دفن وجهه بايده ومسح ع راسه وهو يسمع دقات الباب تجاهل الكل وبكاء هند وصراخ فيصل برع وقفل الباب عليه هو وسارة طالعها وهي تقرب منه وتبوس رجله وايديه
سارة بيأس:يبه طلبتك لا تطلقني منه لو طلقتني منه يبه بنفضح بتفضحني يبه وبتفضح نفسك خلينا نكمل مثل ما بدينا ننهي الموضوع تكفى يبى واللي تبيه بسويه!!
ابوها بهمس:ما عاد ابي اشوف وجهك
حست بقلبها يتقطع قطع:لا يبه كل شي ولا ذا تكفى يبه!!
ابوها دفها عنه وطاحت بالارض قام وعطااها ظهرها وقال بقسوه: تتزوجين باقرب وقت وبعدها ما ابي اشوفك هني! لا انتي بنتي ولا انا....(غص)ابوك!!!
سارة بصراخ هز البيت:لاااااااااااااااااا� �ااااا
وانهارت ع الارض تبكي وابوها فتح الباب وتركها فيصل وهند واقفين عند الباب ومصدومين من منظر سارة المنهارة تبكي ما سمعوا كل الكلام اللي دار بس فيصل حس ان في شي كبير صار دخلوا الغرفة وهند لمت سارة تضمها وتهديها وسارة منهارة وتمتم كلام مش مفهوم فيصل حاول فيها يهديها ما قدر..طلع من الغرفة وراح لابوه عشان يكلمه بس ابوه طلع من البيت..حس فيصل بالدنيا تدور حوليه ايش اللي صار علينا يااااااه الله يرحمك يا يمه...صحت سارة من سرحانها بركلة خفيفة لبطنها ابتسمت رغم الالم والتعب اللي تحس فيه وحطت ايدها مكان البيبي شات وقالت بحب..
سارة:ما بقى لي فالدنيا غيركم..لا ام ولا ابو ولا...(غصت)زوج..بس انت واختك وان شاء الله تكونوا لي ذخر بهالدنيا وارفع راسي فيكم..
سمعت دق خفيف ع الباب وقالت وهي تلتفت:ادخلي حنان
دخلت حنان الغرفة وبايدها شوربة حطته على الطاولة اللي جمب الباب وقربت من سارة اللي حالتها شكليا بدى يتحسن بقت نفسيتها اللي مو راضية تتعدل..قالت بحنان العالم كله..
حنان:ترا الطبيب وصانا عليك وعلى اكلك عشان البيبي ف اذا ما تطيعين الكلام وما تاكلين باكلك انا بايديني
ابتسمت سارة بحب لزوجة اختها مشت سارة للطاولة وجلست على الكرسي بتعب وهي تبتسم لحنان:فديتك حنان مو مشتهية اكل
حنان جلست جمبها:اقولك شي سارة وما تزعلين مني.؟
طالعتها سارة بحب:اكو اخت تزعل من اختها؟
حنان بامتنان:عيل دامك معتبرتني اختك اشكيلي باللي بقلبك فضفضي..اعطيني حمل من اللي عندك خليني اشيل وياك ولا تتعبين كذيه..
دمعت سارة عيونها ومسحتها قبل لا تنزل:حنان انا تعبت احزن..طالعت بطنها..انتظر هاليهال بفارغ الصبر واتطلق ابي ابدا حياة جديدة ابي اكمل اللي تركته عشان.......ما ابي اقول اسمه ابي انسى واعيش حياتي يا حنان تعبت احزن واشفق على نفسي صحيح الذكريات تتعبني كثير غير مكالماته ومسجاته بس انا قررت يا حنان وابيك تساعديني انت وفيصل لين اوقف على ريولي واشيل نفسي
حنان مسكت ايدها:حشى والله احنا اهلك واحنا نشيلك حنا عزوتك وسندك يا اختي ولا نسيتي انك قلتي اننا خوات؟
سارة ضمت ايد حنان:ما نسيت يا احلا اخت بالدنيا..الا على طاري الخوات هند تدري اني هني؟
حنان ابتسمت:هيه قبل شوي كلمتها ومن درت على طول سكرت السماعة بدون لا تقول مع السلامة وشكلها جاية هنا.
ضحكت سارة ما تدري ليش بس حست انها تبي تضحك:هههههههههه يا حبي لها..
بهاللحظة انفتح باب الغرفة بقوة وكل من سارة وحنان نقزوا فمكانهم من الخوف
هند وهي تطلع مع الباب:هاااااااااااااااااا� �
حنان وهي حاطة ايدها ع قلبها:الله يقطع سوالفك خوفتينا
سارة قامت وضربتها ع كتفها:يا حمارة بغيت اولد
هند طالعت اختها اللي ابوها حرمهم منها من يوم تزوجت وضمتها بقوة وهي تبكي وسارة م تحملت وبكت معاها اللي م تعرفوه ان هند كانت صغيرة لما توفت امها وسارة ربتها صدق ما قدرت تعطيها حنان الأم بس عطتها حنان الاخت وعوضتها شوي عن النقصان وهند كثير متعلقة فسارة لهالسبب ضموا بعض فترة والدموع كانت تعبر عن احساس الحرمان والبعد اللي انجبروا عليه.. بعد ما هدوا كل وحدة امسحت دمعتها مسكت سارة ايد هند وجلستها جمبها على الصوفا.
سارة:تعالي بشريني عنك وعن احوالك وحشتيني
اضحت هند وهي تمسح دموعها:واانا اشتقت لك اكثر..كذا عاد يا سارة لا تسالين ولا تكلمين
سارة بحزن:شو اسوي يا هند الظروف كانت اقوى مني ومنك
هند ابتسمت تبعد الحزن عن اختها طبعا درت عن كل شي من حنان وفيصل لذا قررت انها تزور اختها وتوقف معاها حتى تسترجع حياتها القبلية:يا بعد كلي معذورة..سارررو شو هالحلا كله
سارة ابتسمت غصب وطالعت نفسها:اي حلا تقصين علي
هند وهي تطالع بطن اختها:لا وربي زايدة حلا الحمل كذيه يسوي فالوحدة
حنان:هههه ايه ولله يوم انا اقول انها زايدة حلى ما تصدقني ويوم هند تقول تصدق على طول
هند بغرور مصطنع:طبعا اانا هند مب اي حد
حنان:يالله عاد ماخذة بنفسك مقلب
سارة بضحكة:هههههه الله ييقطع سوالفكم بس عاد نجرة(لفت سارة على هند وابتسمت)الا هند على طاري الاخبار الحلوة مبروك
هند اختبص وجهها وانكتم نفسها وهالشي ما غاب عن سارة:الله يبارك فيك وفي حياتك.. قالت تغير الموضوع..الا وين بنتك؟ ما شفتها من جيت
حنان بضحكة:هذي من يوم ما خالها سوا لها ذيك الغرفة وهي مقاطعة الكل
سارة:هههه ايه والله فيصل بيخربها علي..
هند:قومي ابى اشوفها هالنتفة
قاموا الكل وطلعوا للغرفة اللي فيصل ربتها حق الريان بنت سارة..
..............في شركة ابوفيصل......
كان فيصل جالس متملل فالمكتب ويقلب بين الأوراق رفع راسه وانصدم صدمة عمره لما شافه واقف قدامه عقد حواجه وهو يشوفه مرتبك و واقف عند الباب ما يدري شو يسوي..دخل المكتب وهو يحس بتوتر وفشلة واذلال ما قد حس فيه دخل وسلم ورد فيصل السلام ثواني وتكلم..
فيصل:خير يا ناصر
ناصر بتوتر ولأول مرة بوعيه:انا جاي اطلب منك مساعدة
فيصل بسخرية:فلوس حق السم والحرام ما عندي فلا تحاول
ناصر نزل راسه بخجل للارض:م ابي منك فلوس
فيصل بحيرة:عيل شجاي تسوي هني
ناصر طالع فيصل:ابيك تساعدني اتخلص من هالشي وارد لحياتي ولزوجتي
فيصل بغضب:رد لحياتك بساعدك بس انك ترد اختي فانسى
ناصر بعتب:ليش يا فيصل هذي مرتي وانا احبها
فيصل باستهزاء:تحبها اللي يحب يدمر بيته ومرته وبنته والاهم الولد اللي فبطن مرته اي حب هذا
ناصر بألم:انا ادري يا فيصل اني غلطت وغلطة كبيرة و انا جاي اصلح غلطتي تكفى ساعدني انت كنت لي عون وسند و اخو
فيصل يالمه انه يرد ناصر بهالطريقة بس خلاص مب قادر يثق فيه:انت بنفسك قلت كنت واللحين انت انسان غريب عني ولو تبي مني مساعدة اقل شي اسويه لك اسفرك برع تتعالج من هالسم
طلع ورقة وخط عليها كم كلمة ومدها لناصر اللي صدق كان محتاج مساعدة وما كان بيتردد لحظة هو وعى من اللي كان فيه وبطريقة خلته يخاف ويهاب من الشي اللي سواه وينوي يتوب من ربه تذكر الصدمة اللي خلته يوعى من اللي فيه..
بعد ما طلعت سارة من البيت كان وايد معصب ومتضايق وطلع يدور على الشي الوحيد اللي بينسيه الشخص اللي كان دايم يتعامل معاه اختفى فجأة ودلوه بعض الأشخاص على واحد ممكن يساعده ويوفر له اللي يبيه بس اللي م كان يدريه ان هالشخص مراقب من قبل الشرطة والمباحث وانهم ينتظرون منه الزلة راح له ناصر لبيته ودق له الباب طبعا هو شخص صغير فمنتصف العرشينات وكان ضايع وعايش بالحاله فبيت مع شباب كلهم نفس الطينة قربه البيت وشاف حاله الناس اللي كانوا فيها..بنات واولاد كلهم فضياع حس باشمئزاز من المناظر اللي كان يشوفها اشخاص مب دارين باللي حولهم واللي غايب عن الوعي واللي كان سكران وحالتهم ومنظرهم كان جدا بشع مسك الولد وقال له بترجي
ناصر:عندك اللي ابيه عطني وخلني اروح
الولد وهو نصه مقفل:عندي وعندي اللي احسن من اللي تستخدمه تبي؟
ناصر وهو خايف:عطني وخلني اروح
مشى الولد لمجموعة ودز واحد واقف قدامه وصرخ على اللي كان نايم على الكنبة وفتح درج وطلع منه كيسين ومدهم لناصر اخذهم من غير تردد وفتح كيس وطلع كمية واستنشقها هناك غمض عيوووونه وهو يحس بالنشوة اللي كانت تسري بدمه وعقله فتح عينه وصار كل شي حوله يدور ومب واضح ما حس بشي غير انه يغيب عن الوعي وضحكة الولد وكلمة "ما قلت لك احسن من اللي تستخدمه" تتردد على مسامعه وعى اليوم الثاني على صوت الدكتور وهو يكلمه فتح عيونه بتعب وحس بصداع رهيب يحوشه مسك راسه وتأوه والطبيب نادى على الممرضة تعطيه مهدأ وتم على هالحال ثلاث ايام الا ان قدر يصحى ويفتح عيونه بدون لا يحس بتعب
الطبيب:الحمدلله على سلامتك اخ ناصر
ناصر بفزع:انا وين..من جابني هني
الدكتور يهديه:ناصر انت ما تتذكري شي حصل لك؟
ناصر جلس وفرك جبهته والعرق يتصبب منه:لا م اذكر شي ابدا اذكر بس اني كنت فبيت واحد وطحت
الدكتور:وشو سبب الطيحة ما تتذكر؟؟
ناصر حس بدقات قلبه تزيد حط ايده عليها وتنفسه صار ثقيل طالعه الدكتور وفهم ونادى الممرضة اللي حقنت ابرة في المغذي حقه وطالع الدكتور باستغراب
الدكتور:الدوا هذا بنفس جرعة المخدرات اللي كنت تاخذها ودقات قلبك والعرق والتنفس الصعب دلالة على ان المخدر ينسحب من جسمك ومن دمك عشان كذا هالاعراض تجيك خصوصا ان صار لك ثلاث ايام م خذيت شي..ناصر الشرطة برع تريد تتكلم معاك
خاف ناصر:ليش ما سويت شي
الدكتور:ناصر انت كنت فبيت واحد من اكبر تجار المخدرات بالمنطقة واشتريت منه مخدرات كانت ما نقية واثرت على النظام العصبي عندك علشان كذا اغمى عليك وبنفس الوقت الشرطة داهمت بيته والقت القبض عليه لقوا ثلاث ماخذين جرعات زايدة وللاسف توفوا وكل اللي فالبيت تم القبض عليهم بتهمة التوزيع والتعاطي وانت كنت معاهم.
ناصر حس ان اللي يعشيه كابوس دخل الضابط عنده وتم يتكلم معاه ويشرح له الوضع وكل شي صار بالتفصيل وشرح له ان كان في شرطي متخفي داخل البيت وشاف كل الاحداث اللي صارت وان هو كان خايف ويبى يطلع والشخص كذب عليه وعطاه شي اقوى من اللي كان ناصر يتعطاه ولذلك بيتغاضوا عنه وان هو اغمى عليه وتم نقله للمستشفى.. ناصر حس ان كل هذا اللي يصير له لان ربه يبيه يتوب ويرجع له ويترك هالسم ولما طلع من المستشفى حس ان حياته ابدت من جديد وقرر ان اول خطوة يخطيها هو انه يعالج نفسه من هالسم وحسب ما خبره الطبيب ان هو له سنة وشوي بس يتعاطى فعلاجه ما راح يطول عكس اللي لهم عمر وهم يتعاطون وقال له ان افضل شي يسويه يبتعد عن هالمكان وهالبيئة ويروح يتعالج برع حتى يستعيد نفسه.
صح من سرحانه بصوت فيصل وهو يناديه التفت له:قلت شي؟
فيصل يطالعه:اكلمك علامك سرحان شو اللي حصل لك وفجاة خلاك تقرر انك تبي تفتح صحفة جديدة؟
ناصر نزل راسه:خلينا نقول ان ربي هداني والحمدلله انه هداني فالوقت الصحيح اما كيف وليش فاحب احتفظ بهالشي لنفسي.
هز فيصل كتوفه بعدم مبالة:براحتك
قام ناصر وقال بالم:سلم على سارة وبوس لي الريان
فيصل:ناصر اتمنى انك تنساهم! ما اريد بنت اختي تكون قرب......
ناصر لعب باصابعه:فيصل انا فالنهاية ابوها وسارة زوجتي وانا اعرفها اكثر من اي شخص بهالدنيا واعرف انها تحبني ولو انها ما تحبني ما كنت بتستحملني سنة ونص بالضياع اللي عشته وانا ما راح اتخلا عنهم وراح ارجع ناصر القبلي واحسن منه بعد ولما هالشي يصير تاكد اني برد استرجع زوجتي وبنتي و ولدي!
فيصل ابتسم:توكل يا ناصر
طلع ناصر من المكتب وهو يحس بحزن الدنيا فقلبه صدق انه فرحان لانه بيبدا يتعالج واللحين اهم شي عنده انه يتنظف من هالسم وبعدها بيتسرجع كل شي ملك له ابتداءا من شركته وانتهائا بزوجته وعياله. طلع من المكتب وهو ما يدري شو القدر مخبي له بس عارف و واثق ان ربه معه.

[لامارا]

وهذا البارت الثاني من الجزأ الثاني!!

اتمنى منكم تفاعل وردور ترا اتعب اكتب الرواية وتاخذ من وقتي وانا ابي اشوف منكم ردود حتى اتشجع اكثر!!

هالجزأ اقصر شوي كونه من الفصل الثاني وجزاته جزئين وهذا هو الثاني.!!






الجزأ الثاني بارت 2

اليوم ممكن يكون اسعد يوم بقلب البعض ويوم مشئوم وخوف من المصير المخبى للبعض الثاني..في مسجد الرجال كان قاعد مقابل المليك والكل حوله اهله ابوه عمانه خواله كل من يعز على قلبه حاضر يشهد هاليوم اللي بيجتمع فيه مع انسانة حبها من كل اعماق قلبه بس القدر وابوه ابعدهم عن بعض ومنعهم من ثلث سنين يكملوا الحلم بس اليوم حلمهم بيكتمل رفع راسه يطالع ابوه اللي كان فيوم سبب دمار حبه وحلمه وحياته كلها واليوم هو موجود ويضحك مع الموجودين في صالة المسجد لفت انتباهه نسايبه السابقيين وابتسم بسخرية رفع نظره للمليك اللي كان يقوله انهم راح يبداو بالملكة ويزوجه..
اما عند الانسانة اللي حست ان هاليوم راح تنعدم فيه اكثر من انها تنولد فيه كانت منهارة على الاخر الفكرة اللي كانت تبى تنفذها ما نفعت واللي زاد الطين بلة ان اختها سارة كشفتها وكانت جالسة على راسها حتى تتم الملكة..اللي ما تعرفوه ان هند كانت ناوية باليلة الملكة لما المليك يجي يسالها اذا هي موافقة او لا تقوله انها رافضة الزواج وانها مغصوبه وما تبيه حتى تدمر تركي قدام اللي يسوى واللي ما يسوى بس انصدمت لما درت ان ابوها واخوها فيصل ردوا على المليك ان هي موافقة وما يحتاج يسالونها وتحطمت من قلب لان خلاص م تقدر تسوي شي! تمت تبكي بغرفة العروس بالصالون وسارة وحنان ونورة حولها ويحاولون يهدونها بس ما في امل.
هند:ما ابيه فكوني من هالزواجة ما ابي
نورة:هند خلاص اللحين كلمني خالد ويقول ملكوا وتمت الملكة يعني اللحين انت صرتي زوجة تركي
طالعتهم بصدمة:لا الله يخليكم لا لو امي هني وعايشة ما كانت سمحت بهالشي يصير
وتمت تبكي قربت منها سارة وضمتها:هند ليش تقولين هالكلام انت اللحين لو ما تبينه ليش وافقتي عليه
صارت حالتها هستيرية:ابي اذله ابي اذبحه نفس م ذبحني سارة تكفين قولي له يطلقني
حنان:هند مو معقول هالكلام شو بتقول الناس عنك اذكري الله واهدي
هند:افهموووني ما ابيه ما ابيه!!!
ساارة ارتفع الضغط عندها:حنان نورة ممكن تخلونا بروحنا
حنان ونورة طالعوا بعض وطلعوا من الغرفة اول ما تسكر الباب مسكت سارة هند من كتوفها وهزتها:انت انجنيتي شو تحسبين الزواج لعبة متى ما بغيتي تتزوجي واذا م بغيتي قلتي ابى الطلاق يا هند بطلي عنك هالجنون واركدي قومي غسلي وجهك وخلي الكوافيرة تعدلك وتلبسي ولا ترا والله بدق على فيصل واقوله يكلم ابوي يشوف له صرفة مع جنونك تبين ابوي يجي ويشدك من شعرك له! احسن لك تقومين بكرامتك بدل لاتنهدر وانت تعرفين ابوي عدل!
هند وكان احد كب عليها ماي بارد سارة معاها حق اللعبة ما انتهت اللحين بس ابتدت وبزواجها من تركي تقدر تعذبه وتخليه يتمنى الموت وتنتقم منه مسحت دموعها بقوة وقامت دخلت الحمام الملحق بالغرفة غسلت وجهها بقوة وكانها تشجع نفسها بضربات الماي على وجهها طلعت من الحمام وقالت لسارة اللي واقفة تطالعها مستغربة من تصرفاتها:ناديها!
سارة محتارة صدق من اختها وتدري ان وراها شي:الله يستر من اللي فبالك يا هند
وطلعت تنادي الكوفيرة اللي جت وعدلت هند وفخلال ساعتين صارت هند جاهزة وفالسيارة مع البنات متوجهين لبيت ابوها عشان حفلة الملكة حمدت ربها ان الملكة عائلية وبس م فيها ناس وايد لانها ما فيها تجامل احد وصلوا البيت ونزلت ونزلوا البنات معاها توجهت على طول لغرفتها لحد م يوصلوا المعازيم وبعدين بتنزل لهم. والرجال كانوا موجودين بالمجلس الخارجي يسلمون على الضيوف ويسولوفون..سارة كانت حزينة لانها من تزوجت ناصر ما دخلت هالبيت رن تلفونها وطلعته من الشنطة وشافت مسج فتحت المسج ونزلت دموعها اربع اربع..شافتها حنان وراحت لها
حنان:سارة شو فيك ليش تبكين؟
ما قدرت سارة تتكلم مدت الجهاز لحنان اللي اخذته وقرات المسج وطالعتها بصدمة
حنان:مو معقول كيف!
سارة طالعتها وهي تبكي:ما اعرف يا حنان م اعرف
كان المسج من ناصر ومضمونه"في وداعت الله يالغالية انا رايح لأمريكا اتعالج وما ادري متى برد وما ادري اذا كنت برد طلبتك تسامحيني وتحليلني الواحد ما يعرف باي ارض يموت وطلبتك الولد تسميه على اسم الوالد نفس ما اتفقنا قبل..واحفظي الريان ونفسك..سامحيني"
جلست على اقرب كرسي وهي مو مصدقه اللي قرأته يودعها ويروح ويتركها كيف..ما يدري ان هو الهوى اللي تتنفسه الفراق اللي صار له شهور كانت متقبلته بس تعرف انه بنفس الديرة واخباره كانت تجيها من فيصل بس انه يروح لديرة بروحه بدونها ويتركها هنا هالشي يحطمها يدمرها دعت من قلب ان الله يحفظه ويهديه وان يرد لها سالم غانم جلست حنان جمبها تحاول تواسيها قدر المستطاع..
حنان:سارة تكفين اهدي لا تخلي هند تشوفك بهالحال هي بروحها بحال يعلم فيه الله!
سارة امسحت دموعها ووقفت وهي تبتسم رغم الالم اللي بقلبها:معك حق حنان انا عندي العمر كله احزن بس اليوم هو يوم هند..
مشت سارة للمراية وعدلت مكياجه وفستان الحمل اللي كانت لابسته واللي مرة كان جنان عليها وطالع كيوت فيه وطلعت هي وحنان للضيوف اللي بدوا يحضروا بعد الررقص والفرفشة والربشة انزفت هند على الحان رومنسية كانت رافضة بتاتا فكرة انها تنزف على اغنية وفيها كلمات حب وخرابيط هي وتركي ما بينهم حب مشت بكل ثقة بين اهلها وقليل من صديقاتها واهل تركي وكانت جميلة بمعنى الكلمة كانت لابسة فستان احمر بدم الغزال كانت تضحك على نفسها يوم اختارت هاللبس الناس بتحسبه شي وهي بالنسبة لها هالثوب هو ثوب جنازتها اللي تنزف له والاحمر دلالة على الدم اللي تلطخ فيها ايد تركي بقراره بالارتباط بها..مشت وجلست على الكوشة البسيطة اللي توصطت صالة بيتهم واللي تكفل بها سارة وحنان وبدا الحضور يسلمون عليها بعد السلام قاموا البنات يرقصون ويتصورون معاها وهي تغصب الابتسامة لجل ما يقولوا عنها مغصوبة وما تبيه..قربت منها نورة وسلمت عليها وباستها وضمتها وجلست تسولف معاها شوي وجاها مسج وقدرت هند تشوفه وكان المسج من خالد يقول لنورة ان تركي بيدخل يسلم عليها ويلبسها الطقم..بلغت نورة امها والبنات وكل وحدة تغطت وتعدلت..شوي واصوات الزغاريد شلت قلب هند اللي طالعت المدخل اللي واقف فيه تركي بكل ثقة وبعيونها كلام لو لغت العيون كانت تنفهم كان الكل درى عن نواياها..دخل تركي ونظارتها لها اقوى من نظراتها له خافت منها بس قوت قلبها لجل ما يحس بضعفها..
قرب منها انفاسها تعالت وقلبها انكتمت دقاته حست ان الكون وقف وان هي وتركي بس فيه يتحركون كانت تتمنى لو كان حالهم غير كانت هاللية بتكون من اسعد ليالي حياتها بس للاسف كل شي كان واضح ومؤلم كثير..حط ايده على راسه وسكوت بين الجموع نزلت راسها وقرا سلطان عليها الفاتحة وهي بداخلها تدعي ربها يقويها..باس الراس والزغاريد والتصفيق صحت هند من تفكيرها وهي تشوف سلطان يجلس جمبها كان منبهر بجمالها..قاموا البنات يرقصون ويباركون مرة ثانية لهم ويتصورون مع المعاريس.. شوي سلطان نادى نورة اللي قربت منه ومدت له علبة مستطيلة فتحها سلطان وطلع منها عقد الماس خفيف بس بنفس الوقت ملفت وعقد وخاتم واسوارة وقف و وقفت معاه هند وهي تقوي نفسها لازم تكمل التمثيلية معاه مد ايده يلبها العقد وميلت برقبتها شوي شم ريحة شعرها اللي خدرته وخلته ما عرف يسكر قفل العقد.. شوي جت نورة وهي تضحك عليه..
نورة بخبث:هههههههه لهدرجة البنت مخلتك مب قادر تركز ندري حلوة بس عاد مو كذي..وغمزت
هند طالعتها بقوة وتمنت لو تدفنها بمكانها تركي اللي لاحظ نظرة هند وحب يحرجها زيادة
تركي:هي مب بس حلوة جمالها يلحس المخ!
هند صدت له ورفعت حاجب ان خير شفيك تتغزل مصدق نفسك.. ابتسمت وقالت:ادري اني حلوة مب محتاجة حد يقول لي!
ضحكت نورة لان تركي تفشل وما حقق اللي بغاه ساعدته نورة يلبس هند الطقم وكان كل شوي متعمد يقط كلمة يحرجها ونورة تضحك وهند مولعه عليهم..قبل لا تنزل نورة من عندهم مسكها وقال له
تركي:نورة ممكن تفضين لنا الجو؟
نورة طالعت هند اللي كانت شوي وتنفجر من الغضي ما يكفي انها متحملة قربه عشان الناس والمظاهر اللحين يبي يجعد معااها بالحالهم طالعت نورة وكانها تترجاها ترفض او تتحجج بس نورة طنشت هند وسوت اللي بغاه تركي خذتهم سارة للمجلس الداخلي بعيد عن انظار الناس عشان يجعدون لحالهم شوي وطلعت وسط نظرات هند المترجية..بعد هدوء وصمت طال اكثر من اللازم تكلم تركي
تركي:مبروك..
هند طالعته بنظرة وصدت عنه قرب منها..
تركي:هند قلت مبروك ما سمعتيني
هند بعدم اهتمام:تبارك على شو؟
تركي:على زواجنا
هند بتحرق قلبه:اي زواج؟ اللي بينا هذا مجرد كلام على ورق
تركي ويطالعها بصدمة بدى يفهم نواياها:واذا كان هذا شعورك تجاهي ليش وافقتي ع الزواج
هند بقهر:انا ما وافقت!
تركي يتمصخر:عيل هند تنجبر؟
هند بعصبية:مب انا اللي انجبر على احد ومب انا اللي ينفرض عليها راي احد
تركي سند ظهره ع الكرسي ومد ايد وحدة فوق وقال بتمتع وهو يطالعها:عيل شو اللي خلاك تتزوجيني!
هند ضاعت الكلمات منها لانها ما تقدر تقوله على اللي كانت ناوية فيه ولا بيذبحها وقفت بتوتر وهي تفرك ايدها وقالت بقلة حيلة:تقدر تقول اني بغيتك تشوف وتملك شي وما تملكه بنفس الوقت!
وقف وقرب منها:شو قصدك؟
هند صارت قريبة منه وتشم ريحة العود والبخور عليه حست بتوتر:يعني انا صدق زوجتك بس ما راح تملكني!
تركي قرب اكثر وصارت ترد على ورا:انت زوجتي واللي ابيه منك حقي الشرعي!
هند بقوة:تحلم ما راح اسمح لك تقرب مني!
قرب منها تركي لين صارت هي ملاصقة للجدار:لا تتحديني يا هند! بغيتك وشفي صرتي ملكي اظن المفروض تصيرين عارفة انك مب قدي!
حاولت تبعد عنه بس كان حاط ايده ع الجدار وما تقدر تبعد من غير ما تلمسه وما كانت تبى هالشي انفتح الباب وحست هند ان اللي دخل انقذها بس افتشلت لما شافت ان اللي دخل اخوها فيصل وشافها بهالمنظر مع تركي شو بيقول.
فيصل ويسوي معصب:مالك الا كم ساعة مالك ودقايق بس خليناكم بالحالكم صرتوا روميو وجوليييت!
بعد تركي عن هند بس عيونه معلقه فيها وقال بوله:اصير روميو وعنتر وقيس واللي تباه دام هالملك لي!
هند تمنت انها تموت ولا اي شي يصير لها حمر وجهها وابتسم تركي بنصر مشت بسرعة بتطلع سمعته يناديها
تركي:هند لا تنامي اللية انتظري تلفوني
وطلعت من المجلس بسرعة وهي تسمع اخوها يضحك عليها ويتطنز وتركي معاه طلعت بسرعة للصالة وهي متوعدة نورة وسارة وركبت فوق لغرفتها كان الناس خلاص راحوا وما باقي غير حنان وسارة ونورة دخلت الغرفة ونورة شافت الشرر اللي بعيون هند وقامت تتخبى ورا سارة
نورة:سمااااااااح والله سماااااح
هند بعصبية:والله لاوريك يا مال اللي ماني بقايلة عيل انا استنجد فيك وانت تخونيني!!!
نوررة بضحكة:اسفة والله حكم القوي على الضعيف
هند:اشووووف فيك يوم يا نوررة!!
ضحكوا حنان وسارة على هبال نورة وهند قالت هند وهي تقرب من سارة:وانت والله لولا اللي فبطنك كنت توطيت عليه!! بس الوعد يوم تولدين!
سارة وهي تحط ايدها على بطنها وتضحك:هههههههه بشوف شو بتسوين يا حلوة!
هند طلعت معصبة:اوررريكم
وطلعت من الغرفة وتموا يضحكوا عليها ردت بعدها بشوي وقالت وهي تبطل الباب كله
هند:يا سلام غرفتي وانا اطلع منها طلعوا برع كلكم!!
البنات:ههههههههههههههه صدق ان تركي لحس مخك!
ولع وجهه هند وعصبت قامت بتمسكهم وتسحبهم برع الغرفة الا انهم سبقوها وانحاشوا سكرت الباب وراهم وسندت على الباب وهي تتذكر كلامه مستاسنة من الكلام بس ما تقدر تفرح..هي وين والفرح وين وتركي ذبح القلب ودفنه...

[لامارا]

ــــــــــــــ


وهذي تكملت الجزا الثاني..
في دولة من الدولة.....
كان جالس فغرفته يتامل المنظر اللي برع..صار له اسبوعين من بدأ يتعالج صدق يتعب فيه كثير بس يحس انه قرب كثير من هدفه وانه يشفى تماما.. ابتسم لما شاف الشيخ اسامه يدخل غرفته..
الشيخ اسامة:السلام عليكم اخي ناصر..
ناصر قام وسلم عليه:وعليكم السلام و الرحمة شيخ اسامة
ابتسم الشيخ:ناديني اسامة
ناصر ابتسم له لتواضعه:ان شاء الله تفضل استريح..
جلس الشيخ وطالع ناصر اللي التحسن فيه ملحوظ بس الحزن مسيطر عليه:كيف حالك اليوم؟
ناصر بطمأنينة:الحمدلله بخير وعافية
الشيخ ما قدر يتمالك نفسه:ايش فيك يا ناصر؟ انت من يوم جيت هنا وانا الاحظ ان عندك حزن وهم كبير يلاحقك..وانا بصراحة ما حبيت اضغط عليك بس انا احب اعرف قصتك ويمكن بقدر اساعدك..
ناصر بتعب..يبى يفضفض يبى احد يكلمه واللي هنا بس يجون له يعطونه العلاج ويطلعون لا يسالون عن احواله ولا عن نفسيته خذاها فرصة واسامة شيخ غير ان تقبله بعيوبه ومحاسنه وساعده كثير فالتأقلم هنا صد يطالع برع
وقال بنبرة كلها الم:اه انا شو اقولك يا اسامة..الحمدلله رب العالمين على كل شي..ادري ان كل اللي يصير للانسان مقدر ومكتوب وقضاء وقدر.بس انا اللي صار لي دمرني ودمر معاي ناس عزيزة علي
نزلت دموعه ومسحها وما غاب هالشي عن اسامه...قام وراح له وحط ايده على كتف ناصر اللي لف وطالعه بعيون تتفجر حزن وقال له بابتسامه ريحت قلب ناصر المهموم
اسامة:تعوذ من ابليس وقوم خلينا نطلع للحديقة
ناصر ابتسم وقام معاه صدق ان ممنوع يطلع من المصح خصوصا ان له بس اسبوعين وممكن حالته تنتكس فاي لحظة ويهرب من المصح ويرد لادمانه بس ناصر بارادته وايمانه بربه خلاه يتحسن بصورة حتى الاطباء منصدمين منها والفضل لرب العباد واسامه اللي من اول يوم معاه..طلعوا سوا للحديقة اللي فساحة المصح وجلسوا على كرسي يقابل الشارع المكتض بالناس..وطالع مكانه وحوله الناس المدمنة توقع ان حاله اسوء بس من جى هنا شاف ان هو احسن بالف مرة من غيره..وطالع الشارع والناس اللي رايحة وجاية وعايشة حياتها بسلام وهو يتمنى يكون من ضمنهم..بس القدر ما سمح له..حمد ربه على اللي هو وتذكر الأيه "ولا تقنطوا من رحمة ربكم ولا تيأسوا" صدق الله العظيم وهو الحمدلله يعرف ان مدام العبد ناوي انه يتوب فربه بيتقبل توبته دام انه حي.
..................
فتح عيونه وتلفت حوله لقاها نايمة بكل هدوء وسلام..سحب نفسه قريبها وابعد خصلات شعرها المتمردة شافها عقدت حواجبها بضيق عض على شفايفه بندم وتم يتامل ملامح وجهها وهو يبتسم..فتحت عيونها بعد ما حست بحركة جمبها وطالعته وهو يطالع فيها ويبتسم بحب..استحت من نظراته وسالته بحيا..
حنان:ليش صحيت الساعة كم؟
طالع الساعة ثم طالعها:تسع ونص
حنان:ليش صحيت كان كملت نوم
فيصل بحب:شبعت نوم وبعدين احد يحصل له فرصة يشوف القمر نايم وينام؟
حنان بحيا:فيصل خلص..قوم تغسل وانا بروح اجهز لك ريوق..
سحبها لحضنه:والله ما ابي ريوق انت ريوقي..
حنان حست انها خلاص بتنتهي من حركاته:فيصل خليني..
عقد حواجبه:شو خلايني هذي..شوفي انا اليوم جالس لك هني ما بروح مكان ومالي خاطر اقوم من السرير خاطري اتم هني وانت معاي فيها شي؟
حنان حست بحب وامتنان:لا م فيها..بس ما تبي ريوق؟
فيصل وهو يطالع وجهها:قلت لك انت ريووووقي...
حمرت حنان وابتسم فيصل:يا وووويلي منك..
ضممممها لصدرره حيييييل ما توقع انه بيحبها هالكثر..وكل يوم يحس بندم يوم انه تردد يخطبها بس اللحين يحمد ربه ليل نهار لانه ادخل حبها فقلبه وخلاها هي الوحيدة فيه..
بعد محاولات من حنان ان يفكها ويقوموا من النوم عشان سارة معاهم فالبيت قام فيصل وهو يتوعدها
فيصل:لا تحسبين كل مرة بخليك بس اليوم
حنان بمكر:حرام عليك اختك معانا فالبيت نجحدها
فيصل:انا جبتها عشان انا نجحد شكلي
حنان فتحت عيونها:فيصل شو هالكلام هذي اختك
فيصل:ادري ما قلت شي بس انت ما تخلي الواحد يجلس معاك
حنان بتانيب ضمير قربت منه وبدلع:حبيبي ما قصدي كذا بس انت تعرف حالتك اختك هالايام كيف..
فيصل وهو دايخ من حركتها:شوفي انا ما سمعت شي من بعد ما قلتي حبيبي وتعرفيني كيف اصير من تسوي لي هالحركات واللحين تحملي اللي يجيك..
حنان وهي تضحك وتحاول انها تهرب منه بس كان هو اسرع منها ومسكها......
...
..
..
.
.


.................
صحت من النوم وهي تسمع صوت تلفونها يرن حست بازعاج قامت وشافت التلفون وابتسمت بسخرية..ذا ما يمل..من امس وهو يتصل وانا مسفهها فيه ويرد يتصل..تسكرت الشاشة فتحتها ولقت انه متصل 12 مرة غير عن المسجات اللي مطرشها..فتحت اول مسج..
"هند نايمة؟" شافت ثاني مسج"ادري فيك مب نايمة ردي علي"ابتسمت وهي تشوف ثالث مسج"هند ان ما دريتي على مكالماتي بجي" رمت راسها على الوسادة وهي تبتسم بنصر..اللحين الكورة فملعبي انا يا تركي بنشوف من بيربح انت رحبت الحرب بس م ربحت المعركة..قامت ودخلت الحمام وخذت شور وطلعت ولبست وسرحت شعرها وحطت عطرها المفضل وكحلت عيونها على الخفيف ونزلت تحت تتريق..شافت اخوها محمد صاعد الدرج وشكله تعبان..
هند:محمد
طالعها بتعب:لا الجني الازرق
هند:غليظ
محمد بطفش:شو تبي؟عندك شي ضروري ولا ممكن اروح انام
هند وهي تطالعه:لا بس كنت بسالك انت وين كنت امس؟
محمد وهو يركب الدرج:انا كنت مسافر توني بس راد هند بروح انام تعبان وتكفين ما ابي حد يحصيني تفهمين ابي اصحى من اشبع نوم
دخل غرفته ونزلت هند تحت دخلت المطبخ وخبرت الشغالة تحضر لها ريوق وكوفي بتطلع الحديقة تتريق.. طلعت للحديقة وجلست فمكانها المفضل من البيت دقايق و الريوق وصلها وجلست تتريق على رواق..ما حست الا بايد تسكر على عيونها حست بخوف من بيجي محمد دخل ينام ابوها م يسوي هالحركات وهذي مو ايد نورة..
نزل ايده بعد ما حسها تيبست من الخوف وطل بوجهه:صباح الخير
طالعته بقهر وهي ترجع شعرها على ورا:صباح النور
طالعها وابتسم:افا ليش الحلو مكشر من الصبح
ابتسمت بدوون نفس:كشرت من شفتك
تغيرت ملامحه وطالعها:ليش ما تردي علي؟
هند خذت كوب الكوفي ورشفت منه:مالي خلق
تركي قرب كرسيه وهي تطالعه ذا بخير ويش يحس فيه:خير؟
تركي وهو يطالعها:نسيتي انك زوجتي؟
هند:وانت ناسي انك بس مالك علي
تركي ابتسم وهو قريب منها قدرت تشم ريحته وتدقق فملامحه اللي تذبحها لا تكفى تركي طلبتك لا تقربي مني كذا ابد افقد قوتي وشجاعتي بقربك دخيلك خلك بعيد عشان اعرف اصدك
تركي:وين سرحتي؟
هند قامت بنرفزة:انت شو ما تحس؟ امس بس مالكين واليوم من صبح ربي مترزز عندي خلني فحالي فك عني شوي
قام وهو صاك على سنونه مسكها من زندها وقال:هند لا تشوفيني ساكت لك تتطاولين علي..م انا اللي ترفعين صوتك عليه فاهمة؟احترميني حتى احترمك ونعيش بسلام
سحبت ايدها بقوه منه تالمت بس كابرت:انت ابعد عني واحتفظ بمسافاتك لنفسك وانا اصير بخير وعلى قولك...قالتها بسخرية..محترمة يا سيد تركي
نزل النظارة على عيونه وهند قلبها يرقع وفداخلها تقول ليش ما شبعت من عيونك توي ليش تغطيهم عني.. ابتسم وهو يمر من جمبها وقف وقال..
تركي:ما عليه يا هند..بس تصيرين فبيتي اعرف شغلك عدل..
وراح قبل ما يعطيها فرصة ترد شافته وهو يطلع ويترك ريحته معلقه فكم ثوبها جلست على الكرسي وضمت نفسها..تحس بخوف من حياتها مع تركي..ما تدري ليش ما تقدر تنسى..الغيرة والحقد والكره عاميها..ما تقدر تنسى تحاول بس ما تقدر..تبى تهرب من تفكيرها خذت تلفونها ودقت على نورة اللي ردت من ثالث رنة
نورة بصوت كله نوم:هلا هنودة
هند:نايمة؟
نورة:هند بالله يعني برد عليك وصوتي كذا ويش بكون اسوي
هند:ما علينا تعالي عندي البيت
نورة وهي تتقلب:انت تعالي
هند بنرفزة:انت ناسية اني ما اقدر ادش بيتكم
نورة بطفش:اوووه..خلاص يا كثر ما تحنين جاية خليني اصحصح
هند بتهديد:نورة ان رديتي تنامي
نورة تقاطعها:وتهدد بعد اقول قلبي وجهك..وسكرت الخط
هند طالعت التلفون وقالت وهي تتوعد:هين يا حمارة انا تسكرين فوجهي.
..................................
صار لها ساعة وهي رايحة وجاية فالغرفة ما تدري ويش تسوي من يوم ما كلمت ابوها يوم الملكة وصدها ولا عبرها وهي حالتها ما تسر كانت تتمنى تصلح كل شي وترد الماضي لمكانه بس الماضي ابد ما ينعاد ولا ينرد..حاولت فابوها كثير بس رفض يكلمها حتى وكان بس يكلم فيصل ويقوله يوصل الكلام لها..حست بمغص فبطنها حطت ايدها علي وهي تتالم جلست على السرير وكل ماله الالم يزيد..تمت دقايق واختفى الالم قامت بتروح لحنان وحست فيه يزيد وكل ماله يصير اقوى..صرخت بقوة وطاحت على الارض وايدها فبطنها..مسكت التلفون واتصلت على حنان..
سارة بالم:حنان لحقي علي بطني مدري شفيه
ما سمعت رد حنان الا وشافتها تحوم فوقها هي وفيصل حنان نزلت لمستواها بخوف:سارة شفيك شو تحسي؟
سارة بالم:بطني..يالمني
حنان تحسست بطنها:يا ربي شكلها بتولد فيصل قوم نوديها المستشفى
سارة خافت:حنان انا توي فالسابع
حنان بخوف:ادري حبيبتي عيني من الله خير
ساعدتها حنان توقف ولبستها وفيصل رجع لهم بعد ما بدل لبسه وشل الريان معاه وراحوا كلهم للمستشفى
وعلى طول دخلوها لغرفة العمليات لما وصلوا وطبعا بما ان ممنوع اصطحاب الاطفال اضطر فيصل يودي الريان بيت ابوه بعد ما نزلهم ويرجع لهم ولقى هند ونورة هناك وخلا الريان معاهم..لما وصل المستشفى شاف حنان واقفة تحوم عند باب غرفة العمليات قرب منها
فيصل:كيف حنان حد طلع
حنان بخوف:لا فيصل خايفة يكون شي كبير
فيصل:لا تخافي كله خير..
فيصل من جد بدى يقلق عليها
بعد ساعتين مرت عليهم ثقال طلعت لهم الدكتورة واول ما شافوه فزوو وراحوا لها الدكتورة وهي تكلم فيصل
:انت زوجها
فيصل:لا انا اخوها وهذي زوجتي بشرينا عنها؟
الدكتورة:الحمدلله جابت ولد زي القمر..
فيصل وحنان حسوا براحة:الحمدلله وهي دكتورة؟
الدكتورة بجدية:واجهنا صعوبة فالولادة اولا لان ولدتها مبكرة والولد فالحضانة اللحين وثانيا لان هي الظاهر انه كانت تعاني من جهود وضغوطات وهالشي سبب ولادة مبكرة ونزفت كثير وقت الولادة..بس الحمدلله قدرنا نوقف النزيف لكن هي محتاجة دم وباسرع وقت
فيصل:اانا اخوها بتبرع لها
الدكتورة:طيب تروح معاي اوصلك لبنك الدم حتى يفحصوك ويسحبوا منك دم
هز راسه فيصل وقال قبل لا يمشوا:ممكن نشوفها؟
الدكتورة:هي اللحين في غرفة المراقبة ومخدرة ف ما راح تحس فيكم اما لو تبوا تشوفوا الولد فهو فالحضانة بس مش مسموح لكم تدخلون عنده
حنان:فيصل انت روح معاها وانا بتصل بمعي ابشره والبقية وكمان بروح اشوف البيبي
فيصل هز راسه وراح مع الدكتورة وحنان طلعت تلفونها ومشت للحضانة اتصلت بعمها اول اللي رفع السماعة على طول
حنان:السلام عليكم عمي
ابوفيصل:وعليكم السلام يمه كيفك
حنان:الحمدلله بخير وانت شخبارك بشرني عنك
ابوفيصل:الحمدرلله يمه
حنان ما تعرف كيف بيتقبل الخير:عمي..
ابوفيصل:امري يبه
حنان بتوتر ما غاب عنه:عمي سارة بالمستشفى اولدت وجابت ولد الحمدلله وهي تعبانة
ابو فيصل خلا كل شي قالته وركز على كلمة تعبانة وحس بقلبه يتقطع:تعبانة شو فيها؟
حنان:لا لا عمي هي تعبانة لانها ولدت فالسابع ونزفت كثير دم واللحين فيصل رايح يتبرع لها بدمه وهي فالملاحظة اللحين ومخدره..
ابوفيصل:انا جايكم باي مستشفى انتوا
عطته اسم المستشفى وعلى طول طلع من المكتب بعد ما بلغ اخوه..بعد ما سكرت حنان من عند عمها كلمت البنات وكلهم فرحوا اوستانسوا لان صار عنده ياهل جديد فالعيلة..وقرروا انهم بيطلعوا العصرية يرتبوا حق سارة غرفتها الخاصة..
.
.
نهاية الجزأ الثاني...................

[لامارا]

ــــــــــــــــ

بداية الجزأ الثالث,,

في بيت اهل ناصر... كانت العايلة كلها مجتمعة..كانت ام ناصر جالسة سرحانه وهذي حالها من يوم ما دروا بسالفة ناصر و ادمانه دخلت فدوامة كآبة وهي كله تفكيرها مع ولدها..عبير حست بسرحان امها وقامت وسط نظرات اخوها عبدالله وجلست جمبها وحطت ايدها على كتفها انتبهت لها ام ناصر وقالت والوقار مالي وجهها..
ام ناصر:هلا يمه كلمتيني؟
ابتسمت عبير ودرت ان امها كانت سرحانه:لا يمه ابد..بس شفتك سرحانه حبيت اعرف بشو تفكرين؟
ام ناصر والحزن واضح بعيونها:وانا لي شي بهالدنيا افكر فيه غيركم؟
عبدالله ابتسم:الله يخليك لنا يمه ولا يحرمنا منك بس حنا كبار يمه ما يحتاج تحاتينا هالكثر
طالعته بحب:يمه مهما كبرتوا انتوا بعيني بعدكم صغار
قام عبدالله وجلس بالارض مقابل امه وحط راسه بعفوية بحضنها:عيل دام اننا بعيونك صغار همزيني يمه لين انام
عبير بضحكة:هههههه عاد هي مب قصدها كذا
ام ناصر طالعتهم بحب ونزلت دمعتها غصب:ليت اخوكم معاكم
الكل بان عليه الضيق والحزن وعبدالله رفع راسه بقوة وطالعها:يمه احنا عيالك واحنا نكفيك انت بغنا عن ولد عاص
امه بضيق:هذا اخوك والام جدا صعب تتخلى عن ضناها مهما غلط لو انت مكانه كنت بسوي نفس الشي
عبدالله بنرفزة حاول يخفيها:يمه انا ما فمكانه ولا تقارنيني فيه..انا اخاف ربي عكسه هو وايماني بربي قوي
عبير بدافعية:عبدالله مهما كان هذا اخونا وبشر ما هو ملاك وكلن يغلط!! ما في احد كامل والكمال لله سبحانه اذا ربك يغفر ويسامح من نحن حتى ما نسامح
عبدالله قام بضيق:حبيت اجلس معاكم اتونس بس شكلي بقوم عنكم دام هذي وناستكم.
قام وطلع وامه بكت بصمت جلست عبير حولها تواسيها:بس يمه والله قطعتي قلبي من زود ما تبكين
ام ناصر:والله واحشني يا عبير محد فيكم حاس فيني والا حفيدتي اللي ما اشوفهم خير شر
عبير بحب:خلاص يمه اللحين ادق لك على سارة اخليها تجيب لك الريان وتشبعي منها
ام ناصر بفرحه:والله
عبير وهي تبتسم:افا يمه انا قد قلت لك كلمة وثنيتها؟
ام عبير وهي ترفع كفوفها للسما:الله يرزقك يا يمه الزوج الصالح وافرح فيك
عبير بزعل مصطنع:تبين الفكة مني
ام ناصر:ههههه لا والله ما ابي. بس ودي افرح فيكم قبل ما الله ياخذ امانته.
طالعته هالمرة بزعل:يمه لا تعيدين هالكلام مرة الله يطول لي بعمرك ويخليك لي
ام ناصر بجدية:محد يموت ناقص عمر يمه والموت قضاء وقدر..قومي دقي على سارة
عبير قامت وهي تضحك:ان شاء الله اللحين اقوم يالغالية..
قامت عبير وطلعت فوق بعد دقايق رجعت وهي متشققة من الفرحة وتمد ايدها لامها طالعتها امها وهي ما فاهمة.
عبير:البشارة يمممممه
ام ناصر:بشارة شو
عبير:بقولك بس شو تعطيني
ام ناصر:والله ما عندي غير اللي تعطوني انت واخوك
عبير جلست جمبها وبضحكة:يمه سارة اولدت وابشرك جابت ولد
ام ناصر وتهلل وجهها:صدددق
عبير:ايه صدق يمه اللحين اتصلت فيها وردت علي هند وقالت لي وهي بالمستشفى يالله قومي البسي واكشخي واوديك تشوفينها وتشوفين حفيدك الجديد
قامت ام ناصر و الفرحة مو سايعتها..بعدها بنص ساعة طلعوا من البيت..بعد ما بشروا عبدالله اللي بدوره استانس صدق زعلان من اخوه بس مهما كان عياله وسارة مالهم ذمب وهو يحب سارة ويحب عيال اخوه وفرحته زادت يوم عرف انه صار عم للمرة الثانية وبسرعة غير وجهته للمستشفى..
......................
في المستشفى كان الكل متجمع عند سارة بعد ما عرفوا انها ولدت والبنات ما قصروا راحوا السوق وما بقوا شي ما لموه للياهل ولسارة وراحوا غرفتها اللي حجزها لها فيصل عشان لما تطلع من الملاحظة تروح لغرفتها الخاصة و زينوها بالبالونات وانواع الضايفة والحركات.. وكان الكل مجتمع عندها وطبعا بما ان الياهل مولود فالسابع فلازم يتم فالحضانة لين يكتمل نموه وكانوا يروحون مجموعة عند سارة و مجموعة عند الياهل ويتناوبوا عليهم.. كانت سارة مستانسة بالناس اللي حولها واللي ونسها اكثر ان ابوها اجى ولزم ان هو اللي يتبرع لها بدمه..قطع عليهم فيصل لما سال سارة سوال خلا الكل يسكت..
فيصل:سارووونتي شو بتسمي الياهل؟
سارة والحزن والضيق بوجهها طالعته ثم طالعت ابوها وقالت:ابوه..(بلعت غصتها) كان وده نسميه على اسم المرحوم..(طالعت ابوها)شو رايك يبه؟
سكووووت حل بالمكان والكل يطالع ابو فيصل وينتظر منه الرد سارة نزلت راسها وحست بدموعها تتجمع لما سمعت ابوها يتكلم غمضت عيونها وهي تتوقع انه اللي بيقوله راح يخلي الامور ترجع لحالها..
ابوفيصل قام وقرب من بنته..يكفي الحزن اللي عاشته..يبى راحتها ورضاها..والله يهمه الان هو ان زواج بنته من ناصر انتهى بحسب كلام ولده فيصل ف ماله داعي بنته تعيش بعذابين وهي اكيد محتاجة له ومستحيل يتركها تعتمد على فيصل وهو للان حي..حط ايده على راسها ومسح عليه بحنيه وقال
ابوفيصل:سوي اللي يريحك يا بنتي وانا من شوري اشوف ان اسم سلطان من ازين الاسامي
رفعت راسها مو مصدقة كلام ابوها طالعته وهي ميته من الفرحة دفنت راسها بصدره وتمت تبكي فرحتها اليوم صارت فرحتين..فرحة بولادتها وفرحة برضى ابوها منها ضمها ابوها وهو يحس براحة من سنين ما حسها من يوم ما طرد سارة من البيت ومن حياته..
سارة وهي تبكي:يبه والله وحشتني
ابوفصيل بحب:وانت يبه وحشتيني حيل
فيصل:يالله خلاص عاد الفلم الهندي خلونا نفرح..خلاص سارة نسميه سلطان؟
سارة وهي تطالع ابوها بفرح:ايه سلطان
قام فيصل وطلع للسجلات عشان يسجل الولد وطبعا بما ان ابوه ما موجود عملوا ضجة بس قدر فيصل بمعرفته و واسطاته يسجل الولد باسم ابوه ورجع الغرفة ومعاه اوراق سلطان ومدها لسارة وقال
فيصل:مبرررروك يا ام سلطان وهذي شهادة ميلاد الياهل
خذتها سارة وهي تبتسم بحب لاخوها:شكرا فيصل على كل شي
قرب منها وضمها:ما بين الاخوان شكر..وبعدين لا تحسبي ببلاش
سارة وهي تضحك:يا ابو المصالح انت هههههههههههه
شوي واندق باب الغرفة ودشت ام ناصر وعبير و وراهم عبدالله.. وعلى طول البنات طلعوا من الغرفة وراحوا يجلسوا بالصالة التابعة للغرفة..
ام ناصر وهي تحضن سارة وتبكي:مبرررروك يا يمه ما جاك عساه يكون لك ذخر وبار بك و عساه يعوضك يا يمه..
بعدت عنها ومسحت دموعها تاثرت سارة من الموقف كثير من يوم ما بدى ناصر يتغير وهي بدت تبتعد عن اهله ما تدري ليش بس صارت العزلة انسب حل لها ونفس الشي ناصر كان يمنعها تطلع من البيت لان فترة كانت تهدد فيه انها بتتركه لو ما تغير وبتشيل بنتها وما عاد بيشوفهم وهنا بدى يصير عنيف معاها ويمد ايده عليها وتغيرت حياتهم كليا وفقدت سارة الأمل في انه يرجع ناصر الأولي..شافت عبير بعدها وضموا بعض وتموا يبكوا مع بعض صداقة الطفولة والاخوة اللي انفقدت بسبب ناصر..على كثر ما هو كان انسان مسالم تسبب بضرر اقرب واحب الناس له..بعدوا عن بعض
عبير وهي تضرب سارة ع الخفيف:كذا يا حمارة تغيبين؟
سارة وهي تسمح دموعها:سامحوني ما كان قصدي..نزلت راسها وكملت..غصب عني والله
ام ناصر بحنيه:معذورة يمه..وين حفيدي بشوفه؟
سارة بفرحه:موجود بالحضانة
عبير:ليش عسى ما شر؟
سارة:لا بس ولدته فالسابع ولازم يتم فالحضانة فترة وبعدين يطلعوه
عبدالله عند الباب:احم احم
عبير وهي تضحك:هههههه زين ما نسيناه الحبيب
تعدلت سارة بجلستها وتغطت عدل ودخل عبدالله:السلام عليكم
سارة:وعليكم السلام والرحمة
عبدالله:مبررروك ما جاك يا ام سلطان يتربى بعزك
ام ناصر بحزن وهي تطالع سارة:بعدك بتسميه سلطان؟
سارة ابتسمت بحب:يمه انا سميته سلطان ما كان فيوم بغير هالشي
ام ناصر كبرت بعيونها سارة وحبتها اكثر:توقعت بعد كل اللي صار راح تغيرين رايك
سارة بصبر:يمه انا سميته عشانك مو عشان احد ثاني
ام ناصر:الله يرضى عليك
عبير:يا نكديين زين قلبتو الفرحة نكد
ام ناصر:وي بسم الله اي نكد هذا
سارة بضحكة:هههه م عليك يمه
عبدالله:انا اطلع شكلي ماله داعي
سارة:هههه لا وين خليك رحتوا تشوفوا سلطان؟؟
عبدالله:لا والله احين بمر عليه وبروح عندي شغل
سارة:طيب شكرا على المرور
نادى عبدالله عبير وطلعوا برع للصالة اللي بالغرفة
عبدالله:عبير خذي هذا واعطيه لسارة
عبير وهي تطالع ايده:شو هذا عبدالله والله ما بتاخذه
عبدالله باصرار:عبير شفيك هدية يكفي جينا مطيورين ولا مرينا مكان ناخذ لها شي
عبير وهي مفتشلة:صدق والله..خلاص هاته وانا اتصرف بمعرفتي
عبدالله:يالله انا بمر اشوف الياهل وبروح اخلص شغلي متى ما خلصتوا اتصلوا فيني امركم انزين
عبير:ان شاء الله بحفظ الله
طلع عبدالله وراح صوب حضانة الاطفال عشان يشوف البيبي.. وعند حضانة الاطفال هند ونورة واقفين ويطالعون في سلطان وفي اليهال
نورة بحب:ياااااااه شوفيه كيف حلوووو يجنن ودي اعضه
هند:هههههه ابي سارة تسمعك عشان مرة وحدة تقطع لسانك
نورة:ليش..يا قللللبي شوفيه
هند:هههه ادري فيه حلو ويجنن وكل شي
نورة لفت على هند:انت ما فيك قلب
هند بطلت عيونها:بسم الله شفيك قلبتي اللحين ويش زينك
نورة تطالعها:هند شو بتسوين مع تركي؟
هند بنرفزة:لو كنت ادري انك بتفتحين هالموضوع م كنت جيت معك..يختي انا احاول انسى وانت على الطلعة والنزلة تذكريني فيه
نورة بحزن:هند ترا تركي اخوي مهما كنت انت حبيبتي وصديقتي وكل شي يظل هو اخوي وانا احبه حيل وما ابيه يتاذى..
هند طالعته وانكسر قلبها يعني تركي يهمها مشاعره وهي بالطقاق مشت عنها مسافة وردت لها وقالت:نورة اقسم بالله لو تعيدين تفتحين سيرة تركي قدامي انسي اني اكون لك شي فاهمة
ومشت عنها وتركت نورة بصدمتها ردت نورة تطالع ولد سارة والعيال الثانية وهي قلبها يتقطع على حال هند وحال تركي يعني ويش تسوي فيهم اكثر من اللي سوته يستطفلوا وانا مالي..وردت نورة لحالتها المرحة القبلية وتمت تطالع الياهل بحب وحتى ما حست باللي وقف جمبها..
عبدالله:لو سمحتي اي واحد فيهم سلطان ناصر؟
نورة طالعته:نعم خير
عبدالله طالعها ورافع حاجب كان شكله يضحك:انت ما تشتغلين هني؟
نورة تطالع نفسها وتطالعه:يعني تشوفني لابسة لبس المستشفى ولا لبس الممرضة عشان تسالني..ولا انا م اداوم هني..
وتركته ومشت عنه وشافته يمشي وراها خافت وقامت تمشي بسرعة وهو يمشي وراها يحاول يلحقها و وصلت غرفة سارة وبغت تفتح الباب سمعته يكلمها.
عبدالله:هيه يا خبلة انت
لفت عليه نورة وبعصبية قالت:انت ما تستحي على وجهك اول شي تكلمني هناك وتستهبل علي واللحين تلحقني وتعاكسني شوف لو ما تروح ترا ناادي لك عمي
طالعها عبدالله وفيه ضحكة وطالع الغرفة وربط كل شي وعرف ان ابو سارة يكون عمها عيل هي تكون بنت عم سارة يعني اخت تركي مد ايده وقال وهو يكتم ضحكته:صدق مخفة مصدقة روحك نسيتي شنطتك وجيت اعطيك اياه..
ايش اقولكم عن نورررررة...وجههههههااااا قلب مية لووون من الحيا والفشيلة ما عرفت شو تسوي لفت وفتحت الباب وسمعته ينادينها مرة
عبدالله:ااااايه شنطتك..
ردت نورة وشلت الشنطة منه ودخلت الغرفة و سكرت الباب وررراها وعبدالله ميت ضحك منها:الحمدلله والشكرر..عبالها اعاكسها.هههههههه
وراح عنها وتارك نورة فحال لا يعلم فيه غير الله..دخلت الغرفة وسندت على الباب وهي تتنفس بقوة ما تدري ممن شو فتحت عيونها لما سمعت هند تناديها
هند:عاجبك الباب؟
نورة قربت منه وضربتها بالشنطة:يا حمارة ليش تركتيني
هند وهي تمسك مكان الضربة:يا ربي دفشة شو اسوي فيك سوالفك مغثة!!
نورة جلست على الكنببة وفجاة تذكرت كل شي وبكت هند خافت وجلست جمبها وهي تسالها بخوف:شو فيك نورة بسم الله عليك
نورة وهي تبكي:هندد فشلة والله افتشللللت
هند ما فاهمة:اسكتي وخليني افهم شفيك شو فشلة
نورة غطت وجهها بايديها وبكت:هننننند
هند قامت معصبة:انت سخيفة ولما تريدي تتكلمي خبريني
طالعته نورة بسرعة وقالت:خلااااااص تعالي
وقفت هند عدالها وكتفت ايدها:تكلمي وبلا دموع واحساسي يقول لي سالفتك سخيفة ومالها داعي كل هالبكاء
نورة وهي تعدل نفسها:انت اسمعي اول
تكلمت نورة وحكت كل السالفة لهند:هههههههههههههههه صدق انك مخففففففففة
نورة معصبة:انا اللي ما عندي سالفة وكلمتك
قامت نورة ودخلت الغرفة معصبة ومحمرة ودخلت هند وراها سارة طالعت نورة ثم طالعت هند اللي ما وقفت ضحك عليها
سارة:خيررررشفيكم
نورة بعصبية:اختك ما تنعطى وجه
هند بضحكة:ههههههههههه بنت عمك تفشل الله يغربلها
نورة ضربتها ع الخفيف:والله لخليك تروحي مكسورة لتركي لو ما تسكتي
انقلب حال هند من ضحك لعصبية وطلعت برع الغرفة وهي تتوعد نورة
سارة:بسم الله عليكم
نورة جلست على الكرسي بطفش:اسكتي الله يخليك اللي جاني اليوم يكفيني لا تزيدي علي
جلست سارة ونورة ومعاها ام ناصر وعبير يسولفوا مع سارة الا ان جت الممرضة تنادي سارة حتى تروح ترضع ولدها وتشوفه شوي وترد ترتاح ام ناصر وعبير استاذنوا من سارة وقالوا انهم بيجوا يمروها فوقت ثاني واتصلوا على عبدالله يجي ياخذهم وطلعوا مع نورة وهند من المستشفى
عبير وهي تسولف مع البنات:يالله بنات اشوفكم ان شاء الله و ما تقاطعونا خلونا نشوفكم
هند وهي تسلم على عبير:ان شاء الله عبورة انت عاد لا تقاطعين
عبير تسلم على نورة:يالله نورة اشوفك
نورة سلمت عليها والتفتت تسلم على ام ناصر وبهاللحظة شافت عبدالله يوقف سيارته جمبهم وينزل يفتح الباب حق امه وانصدمت تمنت لو انها تمووووت او اي شي يصير لها ولا انها تشوفه مرررة مسكت فهند بقوة
هند وهي تفك نورة:وجع عورتيني
نورة سحبتها وسط استغراب عبير وام ناصر:امشي امشي بسررررعة
هند وقفتها:ايش فيك الله يفشلك فشلتينا
نورة وهي تحس قلبها بيوقف:هذذذذا هو هند
هند وهي مو فاهمة:هذا هو من
نورة وهي تطالع صوب عبير:هذا اللي حكيت لك عنه
هند طالعته وجاتها الضحكة مرررة:ههههههههههههه عبدالله هو اللي سبيتيه
نورة فكت عيونها:عبدالله؟
هند:ايوا هذا اخو عبير وناصر زوج سارة
نورة مسكتها ومشت معاها وكل شوي تلتفت ورا وتطالعه:اها قلتيلي اخو عبير
هند وهي تمشي:ايه اخوها هو اكبر من نورة واصغر من ناصر يعني هو ثاني عيال ام ناصر
نورة:اها قلتيلي
مشوا للسيارة اللي كانت تنتظرهم وركبوا وهند حلفت على نورة تنام عندها بالبيت حتى تساعدها بالزواج اللي كارهته من اساسه وما تبي تتكفل فيه تبي نورة تساعدها فيه..
.......................
طبعا عبدالله شاف نورة وشاف حركتها يوم سحبت هند وابتسم من داخله على حركاتها ركبوا السيارة وحرك عبدالله على البيت..
عبدالله:عبير
عبير وعيونها على الجوال:مممممم
عبدالله:انا اكلمك ركزي معاي شوي
ام ناصر:يمه خل عنك الكلام وركز بالشارع لاحق على السوالف
عبدالله يبتسم لها:تخافي يمه
ام ناصر:والله الخوف ما عيب
عبدالله:افا تخافي وانا معاك
ام ناصر:لا والله يمه بس الشوارع تخوف واالناس وسواقتهم تخوف الواحد
عبدالله:ما علينا..عبير
عبير رفعت راسها:من الصبح وعبير وعبير قول
عبدالله:مالت عليك بس من زينك..الا بسالك من البنات اللي كانن واقفات معك
عبير فتحت عيونها بقوة:وانت ليش تسال
ام ناصر:ولد وش هالحركات
عبدالله:لا حوووول على طول فهمتوني غلط..لا بس وحدة منهن كانت فالحضانة وماسكة سلطان(ام الكذب)بس بغيت اعرف هن يقربن لسارة او
عبير وهي ترجع عيونها للتلفون:ايه وحدة اختها والثانية بنت عمها
عبدالله اكتفى بهالرد ما يدري اي اللي خلاه يسال عنها اهم شي عرف انها تقرب لسارة وهند:اه اوك
ورد يركز فالسواقة...
.................
في بيت ابوخالد..

ام خالد وابو خالد جالسين بالصالة ويتقهووا..
ابوخالد:اقول مريم
مريم وهي تمد فنجان القهوة لزوجها:سم يا ابو تركي
ابو خالد وهو ياخذ الفنجان منها:سم الله عدوووك...مريم وينه ولدك خالد ما نشوفه
مريم (ام خالد) بحزن: والله ويش اقولك هالولد حاله ابد ما عاجبني..كله فالشغل بس ويرد تالي الليل وينام وهذي حياته من يوم....(غصت بكلامها)
ابوخالد:الله يرحمها و يتغمد بروحها الجنة..خلاص ولا يهمك ولا تزعلين انا اكلمه لك..الا وين عيالك؟
ام خالد:ان شاء الله..والله نورة من يوم درت ان سارة اولدت وهي عندها بالمستشفى وقبل شوي متصلة تقول بتنام عند هند حتى تساعدها تجهز حق العرس..وتركي نفس الشي مشغول يجهز بيته
ابوخالد:ولدك هذا عنيد..اقوله اسكن هنا وخل فلوسك لك ما يبى يقول ابي اخذ راحتي وابيها هي بعد تاخذ راحتها فبيتها
ام خالد:يا ابو خالد خليه براحته يكفي زواجته الاولى اللي تسد النفس خله
ابوخالد بعده لليوم يتاثر من السالفة:هيه والله ابوها ونعم الرجال بس للاسف ما عرف يربي بنته
ام خالد:الله يستر عليها ويهديها
ابوخالد نزل الفنجان وقام:يالله تامرين على شي؟ انا بروح المسجد
ام خالد:لا سلامتك بحفظ الله
ابوخالد وهو يمشي لللباب:الله يسلمك.
وطلع من البيت طلع جواله ودق على خالد اللي رد من ثالث نغمة
خالد:السلام عليكم يبه
ابوخالد:وعليكم السلام وينك؟
خالد:انا فالشركة يبه امرني
ابوخالد:خل كل اللي فايدك وتعال لي البيت انا رايح المسجد اللحين بصلي ومن اخلص صلاة اريد اشوفك فالبيت
وسكر بدون ما يسمع رد خالد..خالد فنفسه هه بدينا التحكم الله يستر من اللي فبالك يبه..حمل نفسه وشوية اوراق معاه وطلع من الشركة رايح البيت..ام ابو خالد فراح المسجد يصلي..
...............
تركي كان فبيته اللي كان ساكن فيه اول مع طليقته قرر يغير البيت كامل من فوق لتحت الديكور وكل شي يبي يمسح كل شي يذكره بطليقته من البيت حتى غير الجناح وحوله لمكتب..طلع تلفونه من جيبه لما سمعه يرن بصوت مسج جديد جايه فتح الشاشة واعتفس وجهه لما شاف الرقم..على طووول دق على الرقم
تركي بعصبية مكتومة:اقسم بالله ان اشوف رقممك مرة ثانية ما بيحصل لك خير فاهمة!!
الطرف الثاني:تركي تكفى افهمني ليش كذا معصب
تركي بسخرية:لا والله تبيني انكت واسولف معك..شوفي يا بنت الناس انت كنت غلطة فحياتي واللحين صححت الغلط..وصارت الانسانة الصح بحياتي اما انت نسيتك من يوم طلقتك وما في لك مكان فقلبي ولا فحياتي فاهمتني!!!
الطرف الثاني:بس ترررركي تكفى اسمعني شوي الله يخليك
تركي وهو صاك على سنونه:لا تجيبي اسمي على لسانك مرة يا وصخة!
وسكر السماعة فوجهها وطلع من البيت وقهر الدنيا كله فيه ما يدري ويش يسوي فيها من يوم ما درت انه خطب وامتلك وهي بس تتصل عليه وتطرش له مسجات تركي يعرف انها تحاول ترجع له بس هو ما يبيها ولا يواطنها ب عيشة الله..ركب سيارته وشغلها وحرك لبيت ابوه لما وصل له مسج جديد استغفر ربه وفتح الجوال ومن صدمته من المسج بغى يدعم وقف بريك قوي فوسط الشارع وهو يرجع يقرأ المسج اكثر من مرة يبي يعرف الكلام صحيح او كذب!! او خدعة!! حرك سيارته وغير وجهته وهو خلاص ما يشوف شي قدامه من الصدمة!!!
..................


ابي توقعااااتكم للبارت الجاي..

تركي يا تررررى شو كان محوى المسج اللي وصله من طليقته؟؟؟؟؟


اشوفكم على خيررر.

[لامارا]

ــــــــــــــ

هذا البارت الثاني من الجزأ الثالث..

اتمنى ينال اعجابكم..........


بعد اسبوع من كل هالاحداث اللي صارت سارة طلعت من المستشفى بس سلطان بعده فالحضانة وصارت كل يوم تروح له هي ونورة وهند عشان ترضعه وتجلس معاه..وابوها قال ان اول ما يطلع من المستشفى راح يسوي عزيمة كبيرة بمناسبة سلامته وخروجه من المستشفى..ما صار اي شي جديد فحياة الابطال سوا ان هند و نورة كل يوم ينزلوا السوق يخلصوا تجهيزات العرس اللي هند ابدا مالها خاطر فيه بس تسويه مجاملة وطبعا لان هند تحب الكشخة فمررررررة مسوية من كل شي اوفرررر حتى الي يشوفها يقول هي العروس السعيدة..وحنان وفيصل عايشين احلا عيشة ومتهنين فيها.. نورة الا تهوجس بعبدالله من يوم الموقف اللي فالمستشفى..وعبدالله نفس الشي كل يوم تمر على باله ويضحك على تصرفه ذاك اليوم ما نقدر نقول انه حبها او هي حبته بس ما نعرف شو الايام مخبية لهم..عبير ما في اي مستجدات في حياتها..غير انها رجعت مع سارة واحسن من قبل بعد..سارة صارت على تواصل دايم مع ام ناصر وعبير..ابو فيصل علاقته تحسنت مع سارة و اصر انها تروح البيت عنده عشان حنان تاخذ راحتها اكثر وسارة ما حبت تثقل عليهم اكثر..

اليوم حنان كانت في زيارة لاهلها طبعا فيصل من الصبح منزلها فبيت امها وكانت جالسة مع امها فالصالة ويسولوفون..
ام حنان:ما شاء الله سارة اولدت
حنان وهي تتذكر البيبي:ايه يمه ما شاء الله ولدها يجنن لو تشوفيه
امها بنظرة:الله يرزقك بالذرية الصالحة
حنان بحزن حاولت تخفيه:امين يمه
ام حنان بفضول ما مقصود:ما في شي فالطريق؟
حنان وهي تصتطنع ابتسامة:لا يمه
ام حنان:ان شاء الله خير..
دخلت غالية عليهم وحمدت حنان ربها انها دخلت حتى تفتك من تحقيقات امها اللي كل ما تيجي عندها البيت تسالها عن سبب تاخير الحمل عندها..هي بروحها خايفة من هالموضوع ابتسمت حنان وهي تسلم على غاليه
حنان:هلا والله
غالية رمت حالها على الكنب:يمممممه بموت من الحر
ام حنان:بسم الله عليك ويش هالكلام
غالية وهي تفصخ الشيلة والعباة وتروح تحت المكيف كانها هبلة:يممممه الدنيا حر بررررررررع حر
حنان:هههههه والله صدق يمه بنتك هبلة
غالية لفت عليها:امانة روحي برع واجلسي لو عشر دقايق وبعدها تعالي تكلمي
ام حنان:انزلي من هناك وتعالي خبريني شو سويتي فالجامعة
غالية بحماس:يممممه وناااااسة وايد حلوة تهبل عجبتني حيل كبيرة و واسعة والتخصصات احترت شو اختار
حنان ابتسمت:الله يوفقك يا رب وشدي حيلك عاد
غالية:ان شاء الله امييين والله يرزقني الزوج كملوا
ام حنان رمت عليها الوسادة:حمارة ما تستحي
حنان:هههههههههه والله هبلة..وكانها تذكرت شي..الا يمه على طاري الزواج هند عطتني بطايق حقكم عشان تحضرون عرسها
غالية بفرحة:واااااو وناسة صراحة زعلت ما عزمتنا الملكة بس ما عليه اهم شي تذكرتنا بالعرس
ام حنان:والله هالبنت ما ادري ليش كذا مطفوقة..مبارك لها يمه زواجة دنيا واخرة ان شاء الله هاتي البطايق وعطي اختك الخبلة ذي
حنان مدتهم لغالية اللي مررررة سحبتهم من ايد حنان وبوناسة قالت:وووووواو كشخة البطاااايق و يمممممه مكان العرس هذي من افخم القاعات!!
حنان:الناس تقول الله يتمم على خير..صدق يوم قالت امي خبلة
قامت غالية:انا بروح اخذ لي شورر ثلج عشان انعنش شوي
وراحت فوق لغرفتها وحنان جلست مع امها تكمل سوالف تنتظر ابوها واخوها عبدالعزيز يجوا من دواماتهم حتى يتغدوا..
..............

خالد كان جالس في مكتبه له اللحين اسبوع من يوم ما تكلم مع ابوه وهو يتجنب يرد البيت وسط مكالمات امه اليومية اللي تقطع القلب بس ما يقدر يرد البيت هو كبير ما هو بياهل عمره 30 ومستحيل يخلي ابوه يتحكم فيه اكثر..كان متزوج انسانة حبها من الطفولة بنت خالته ولما تزوووجها حبها اكثررر بعد والسنتين اللي عشاهم معاها من احلا السنين اللي فحياته وكانوا يحاولوا كثيرررر انهم يجيبوا يهال بس الله ما كتب لهم وكتب انهم فوسط الفحوصات اللي يسووها عشان يشوفوا سبب التاخير اكتشفوا الدكاترة ان فيها سرطان في الرحم وكان منتشر فما كان له فايدة انهم يستأصلوا الرحم وحاولوا علاج بالكيماوي بس للاسف ما فاد بعدها طلبت منه يردها حتى لو جى اجلها تكون وسط اهلها وناسها ما تكون بين الغرب وفسرير المستشفى ومن ردوا حاول انه ما يترررركها دقيقة وحتى انه طلب من ابوه اجازة يتم معاها لاخر لحظة وابوه تفهم هالشي وسمح له وكان معاها فكل دقيقة وعاش معاها ثلث شهوررررر كانت فيها كل يوم تتعب وتضعف اكثر الا ان خذا رب العباد امانته..انهار من بعدها خالد ويالله لين قدررر يرجع لنفسه..صدق انه حزين لليوم ولليوم يحبها وكل يوم يذكرها ولا تفارقه دقيقة كيف ينساها وهي كانت احلا شي بحياته بالمختصر هي كانت كل حياته..رجع راسه لورا وهو يذكر كلامه مع ابوه.
ابوخالد:شوف يا خالد لا انا ولا امك عاجبنا حالك وانت كبير اللحين منت بياهل عمرك 30 والوقت يمشي وانا وامك مب دايمين لك..مها الله يرحمها ويتغمد بروحها الجنة كلنا حبيناها مب بس انت وكلنا نشتاق لها والموت قضاء وقدر وحق ما معناته انك تفقد الامل بالحياة انت لازم تكمل حياتك واظن لو مها حية ما كان بيعجبها حالك واللي تسويه بنفسك..شوف انا بخطب لك اختها توها متخرجة من الثانوية وبتكمل جامعتها وبنت اخلاق نفس اختها وانا ما اقدر انتظر اكثر من كذا ابي اشوف اولادك..
خالد بصدمة:يبه شو تخطب لي اختها..مها ما بعدها احد محد يدش حياتي ولا قلبي بعد مها
ابوخالد:خالد لا تجادلني بالكلام
وقف خالد:مع كل احترامي لك يبه انا مو تركي تتحكم فيه وتمشي كلامك عليه انت قلتها انا كبير وانا ادري بمصلحتي وما ابي اتزوج عقب مها
ابوخالد بعصبية:ايش قصدك يا خالد اللحين لاني ابي مصلحتكم واريد اشوف احفادي قبل لا اموت تسميه تحكم..شوف يا خالد وانت تعرفني عدل وتعررررفني لما اقول كلمة ما تتثنى بدل ما تقول لي مشكور يبه كثر الله خيرك الله يخليك لنا ذخر لاني ابي اسوي فيك معروف تقوم تقول لي هالكلام؟؟! هالكلام ما يقوله الا جاحد.
خالد:يبه انا ماني جاحد وشكرا لانك تهتم بمصلحتي بس افهمني زوجتي ما صار لها سنة من توفت وانت تبي تزوجني..لا و تزوجني من اختها!!! يبه وين حنا فيه
ابوخالد:انت قالتها زوجتك تووووفت يعني ما عادت حية يعني ما تفرق واختها ايش فيها احسن من الغريبة
خالد بحزن:يبه ليش تقولها كذا ليش تتكلم كذا عن مها اللي من تزوجتها ما شفتوا منها الا كل خير..خدمتك وشالتك فوق راسها وامي بعد وهذي جزاتها يبه
ابوخالد:انا ما انكرت فضلها بس قلت لك الحياة تستمر حتى مع وفاة اغلا الناس..وانا قلت كلمتي يا خالد
خالد وهو يجلس:وان قلت لا
ابوخالد:لا تفكر ترفضني لانك تعرف شو بسوي!
قام خالد وهو يهز راسه يبى يطلع مخنوق بيموت وصل للباب وحط ايده على المقبض وسمع ابوه يقوله
ابوخالد:انتظر ردك ويستحسن يكون الرد موافقة
طلع خالد من المكتب وهو ما يشوف قدامه من الضيق ركب سيارته وطلع من البيت ما يدري وين يروح ولا يفكر وين يروح وكان قلبه يقوده وقف وهو يشوف المقبرة قدامه سكر السيارة و نزل منها ودخل وهو يحس ان روحه بتطلع يحس نفسه بيموت..وصل مقبرتها اللي حفظه من يوم ما اندفنت فيه نزل عليه وهو يمسك ترابه ويحس بعجز دموعه انزلت تعبر عن اللي فقلبه من الم وقهرررر.
خالد بحزن:مها ليش تركتيني..ليش ما خذيتي روحي معك..ليش..شوفيهم شو بيسوو فيني..يكتبون موتي..يبون يزوجوني غيرك..يبوني اعيش مع غيرك ومن اختك يا مها..ما غيرها..وينك..اشتقت لك..خالد ضايع بدونك..تكفين ردي علي..كلميني..ريحي قلبي يا مها..ودي اسمع صوتك ولو مررررة..انا تعبان..وايد تعبان ما يحسووووا فيني..
قام بعجز وهو يزين التراب حول قبرها استغر ربه وقرأ الفاتحة على روحها وقام نفض التراب منه وطلع من المقبرة وقلبه ينزززززف من الالم..ركب سيارته وضرب الدريكسون اكثر من مرة بقبضته وحرك السيارة..
صحى من سرحانه لما دخل عليه احد موظفينه يطلب منه يوقع على اوراق مهمة وقعها وقام اخذ اغراضه وطلع من المكتب يحاول يطلع قبل ما ابوه يطلع ويدخل بعد ما يدخل ابوه لان يدري ان ابوه دخل قبله فيكون في اجتماعات ما تخلص وبيلتهي فيها وبينساه..طلع وكلم السكرتير
خالد:لو احد سال عني انا طلعت فاهم
السكرتير:ماشي استاذ
طلع خالد وركب سيارته ما يدري وين يروح...
.....................
عبير كانت في غرفتها وتتكلم على التلفون..
عبير بحزن:والله امي كل يوم حالتها تسوء..تحاتيك
ناصر:عبير تفكين انا بروحي تبعان هني بحالي
عبير حبت تغير موده:انزين كيف امريكا حلوة؟
ناصر بضحكة:ههه انا طلعت فيها عشان اعرف انها حلوة انا من المطار للمركز ما رحت مكان
عبير:ناصررر ممممم كلمت سارة قريب؟
ناصر:اااه يا عبير ما كلمتها ودي اسمع اصوتها كيف وكيف الريان وكيف الحمل؟
عبير:الحمدلله هي بخير..ناصررر انت اخوي مهما غلطت وانا احبك وما ابي اخبي عليك..
ناصر خاف:عبير شو في سارة صار لها شي الريان فيها شي؟
عبير:لا لا هم بخير..انا بس بغيت اقولك ان سارة اولدت
ناصر بصدمة:اولدت..ااااه يالقهر حتى ولادت ولدي ما كنت موجود
عبير:ناصر ترا سمته سلطان
ناصر بحب:ادري فيها ما كانت بتغير شي..انا وايد غلطت بحقها..اخاف انها ما تسامحني
عبير:لا يا ناصر انت لازم تحارب عشانها انا اعرفها سارة هي تحبك ومستحيل تنساك
ناصر بحزن:عبير انا لازم اسكر اللحين خلص وقتي اكلمك وقت ثاني
عبير:طيب فامان الله..ديربالك
ناصر:ان شاء الله وانت خلي بالك على امي
عبير:من عيوني لا توصي
سكرت من عنده وهي تحس بحزن وبراحة بنفس الوقت محد فالبيت يدري انها تتواصل مع ناصر او تكلمه ودها تقول لامها حتى تفرحها شوي بس ناصر حذرها ما تقول لاحد لانه يبي يستسمح منها وجه لوجه..طلعت من الغرفة ونزلت تحت تجلس مع امها..دخل عبدالله البيت وكان شكله تعبان جى وجلس على الكرسي بعد ما سلم على امه وعبير
عبير:عبدالله شفيك
عبدالله بتعب:سلامتك بس تعبان شوي
ام عبدالله:قوم يمه ارتاح بدارك
عبدالله:لا يمه بس بغمض عيوني هني شوي وبريح
ام عبدالله:طيب براحتك
...............
تركي كان بسيارته رايح لبيت طليقته صار له اسبوع وهو يروح ويجي عندهم..تذكر هذا اليوم لما طرشت له المسج وصدمته بالخبر "تركي لما طلقتني انا كنت حامل وما دريت الا بعد شهرين اني حامل وطلبت من اهلي ان محد يقول لك لاني ادري اذيتك كثير وحبيت اطلع من حياتك..بس احنا بينا بنت اسمها لمار عمرها سنة وايد تشبهك..ما ادري ليش اخترت اللحين عشان اقولك..انا ما ابي اخرب حياتك الجديدة بس حبيتك تعرف" حس بقهررر الدنيا فيه لما عرف هالخبر واحتقرها اكثر يذكر لما راح لهم البيت وطلع له اخوها الصغير وطلب منه يدخله وينادي ابوها عشان يتكلم معاه حس بقهر وهو يسمعه يتكلم..
ابومازن:والله يا تركي كلنا من درينا الخبر كنا ناويين نقولك حتى ترجعها لذمتك بس هي عيت ورفضت وسوت لنا مناحة وقالت والله لتنزل اللي فبطنها لو قلنا لك وقررنا انه ما نقول لين اهي بنفسها تطلب منا.
تركي بقهر:ما همني كل ذا اللي يهمني هالشي صدق او كذب
ابومازن:افا يا تركي ليش بنكذب عليك
تركي باستهزاء:والله ماضي بنتك ما يشهد لصالحها فانا حاب اتاكد هالياهل لي ولا..
ابومازن بعصبية:تركي احترم نفسك انت فبيتي وتهين بنتي قدامي! والله لولا غلاة ابوك كنت تصرفت معك تصرف ثاني
تركي ببرود:ما يهمني مثل ما قلت ابى اتاكد
ابومازن:شو تبي اثبات عندنا لا تفتكرنا نبي منك شي الحمدلله احنا بخير ونعمة
تركي بسخرية:اجل بنتك ليش قررت اللحين بعد سنة تخبرني هالشي! والله يا ابو مازن لو هالخبر صدق ما يحصل خير وحساب بنتك معاي عسير!
ابومازن:تركي احترم نفسك وانت تكلمني
تركي:انا محترم نفسي قبل لا اعرفكم واتزوج بنتك..انا طالع اللحين وبكرة الصبح بجي اشل البنت والزفت بنتك وبروح فيهم المستشفى وبسوي الفحوصات والتحاليل اللازمة وبعرف الحقيقة والله ما يحصل خير
ابومازن:ما تاخذهم مكان ويالله فارق
تركي بعصبية ما قدر يكتمها:من انت حتى تمنعني!! ما في قوة تمنعني من اني اسوي هالشي ولا تخليني افضحكم بين الناس واجرركم بين المحاكم والمراكز ترا والله اسويها وانت ما تعرف تركي عدل!!
طلع من عنده وما عطاه فرصة يتكلم ركب سيارته وطلع من بيتهم وراح لبيت ابوه بس من وين يجيه النووووووم وهو تفكيره فكلام طليقته مسك تلفونه واتصل فيها
تركي بجفاف:اسمعي بكرة تتجهزي انت والياهل بنروح المستشفى
مروج:ليش؟
تركي:يعني ليش بالله ابى اتاكد لو هي بنتي مثل ما تقولين او لا
مروج بصدمة:ليش تظن فيني كذا انا من بعدك..
قاطعها:ما يهمني شو سويتي من بعدي وشوفي ترا مالي مزاج لك ولحركاتك فاهمة وانا فاهمك عدل وعارف ان هذي حركة منك عشان تخليني ارجعك والله لو بكرة اكتشفت ان هالبنت مش بنتي لا تشوفين شو اسوي لك..ولو طلعت صدق بنتي بتندمي يا مروج انك خبيتي عني
وسكر الخط فوجهها وحاول انه ينام ويالله لين نام وجى الصبح على طول صحى وتغسل ولبس وطلع حتى م افطر مر عليها وطبعا ابوها ما خلاها تروح بروحها مع تركي فراح معاها اخوه ووصلوا المستشفى وطلب تركي تحاليل ودفع زيادة عشان يطلعوا اليوم وباسرع وقت لان يبي ينتهي من هالمسألة وباسرع وقت وبعدها بثلاث ساعات طلعوا التحاليل وتااكد منها تركي ان البنت صدق بنته انصدم..حس ان كل ما وده يبدا حياة جديدة الدنيا تصدمه بواقع مرير..طالع الياهل اللي بحضن طليقته ما يقدر يكرهها مالها ذمب وما يبيها بنفس الوقت وقف بعصبية ومشى يبطلع من المستشفى وطلعت وراه مروج واخوها والياهل ركب السيارة وساق بكل هدوء لبيتهم..وصلهم البيت وقبل ما ينزلوا قال..
تركي:لعذبك يا مروج مثل ما عذبتيني وهالبنت باخذها وبحرق قلبك زي ما حرقتي قلبي..مسوية فيها انك تحبيني وتبين مصلحتي بنتي من صلبي ولا حتى كلفتي نفسك تخبريني!! انت ما تستاهلي تكوني ام..
شافها تبي تنزل وكمل فيها تجريح..انت تفتكري بحركتك هذي راح تمنعيني اتزوج هند انت كذا تخليني اتعلق فيها اكثر وراح اتزوجها عشان هي تكون ام لبنتي وتربيها احسن منك..ولا تفتكري اني فيوم راح افكر اردك لذمتي..انت بكذا اي شي كان قلبي يكنه لك فيوم يموت..
ضمتها لصدرها بقوة وهي تبكي وتترجى فتركي ما ياخذها تمت تحلف له انها تغيرت وانها غير من يوم ما درت انها حامل واولدت بس تركي رفض يسمعها نهائيا..نزلت من السيارة باستسلام ودخلت البيت وراح تركي لمحامي عائلتهم وكلهم وطبعا طلب منه يتكتم على الموضوع الا ان يفتحه هو واول شي سواه نقل البنت باسمه وبعدها طلب منه يرفع دعوة حضانه على طلقيته..وطلع من عنده..فتحت الشغالة باب السيارة وانتبه تركي لها..نزل عشان يحط بنته فالكار سيت اللي اشتراه وبس يركبه من يجي ياخذها رفض انه يجي يشوفها فبيت طليقته فكل يوم يمر عليه ويطلع معاها لمكان..ركبها السيارة وتاكد ان الحزام مسكر عدل وباسها بخفة على خدها وركب سيارته وحرك..
.........
سارة كانت فالمستشفى اليوم..اول ما دخلت من البوابة على طول راحت لحضانة الاطفال والفرحة مو سايعتها ولدها كل يوم والثاني يتحسن ويصير اقوى..والاطباء يمدحون فيه..وصلت للحضانة وشافت الممرضة تحمل وبايدها رضاعة..دخلت سارة على طول الحضانة..
سارة وهي تكلمها:ليه ما انتئظرتيني اجي؟
الممرضة وهي تعطيها سلطان:شفته كان كثير متضايق ويبكي
سارة حملته وطبعت بوسة خفيفة على خده وقالت بحب:يا روح امك جوعان
ومدت له الرضاعة ورضع منها وبعدها غفى جلست على الكرسي وحطته بحضنها وهي تتامله وهو نايم..ياه شكثر يشبه ابوه..ماخذ كل ملامح ابوك ما عدا عيونك طالعه لي..نزلت دمعة على خدها وحست بحزن على كثر ما هي مستانسة بولدها حزينة لان ابوه ما موجود يشاركهم اللحظة..رن تلفونها بنغمة مسج جديد رفعته من شنطته وشافت المسج..مسحت عيونها بقوة وهي تحس بغضب منه..ما من حقه انه يسوي فيها كذا او يلعب بمشاعرها بهالطريقة..حست بولدها يتحرك فحضنها..قامت وحطته فسريره مسحت دموعها وعدلت نفسها وطلعت تشوف الدكتور عشان يقول لها متى بيطلع ولدها..
وصلت غرفة الدكتورة ودقت الباب ودشت..:السلام عليكم
الدكتورة وهي تبتسم:اهلين وعليكم السلام تفضلي
ابتسمت لها سارة ودخلت:دكتورة جيت اسالك متى بتكتبين لسلطان خروج؟
الدتكورة وهي تشوف اوراقه وابتسمت لسارة:والله ما شاء الله عليه ولدك قوي وبطل..اعضائه الحيوية صارت قوية ومؤشراته نفس الشي والحمدلله صار ياكل عدل و وزنه كمان زاد واصبح فالوزن المطلوب..حتى تاخذينه بكرة لو تحبين
ابتسمت سارة بفرحة:صدق
الدكتورة ترد لها الابتسامة:ايه صدق
قامت سارة واشكرتها وطلعت من عندها وهي تحس بسعادة..سمعت رنه المسج مرة ثانية و كشرت طلعت جوالها واقرت المسج و طلعت من المستشفى بكبره ركبت السيارة اللي كانت تنتظرها برع..فالطريق كانت كل شوي تقرأ المسجين..وهي بالها مو معاها ابد..ردت تقرأ اول مسج "سارة..مبروك علينا ما جانا..الله يجعله من الذرية الصالحة..وان شاء الله يكون لك ذخر يا بعد هالناس..بس انا زعلان منك...لأنك ما بشرتيني بنفسك..نسيتي شكثر كنا نتمناه وننتظره؟"..حست بدمعتها تحرقها..حست بالم وذل وكره..ليش يا دموعي تخونيني..وانت يا قلبي ليه تزيد علي المواجع..بعد ما قررت انساه واعيش حياتي يرجع بتصرفاته يفرض وجوده فيها..تذكرت المسج الثاني "سارة اعرف اني بقلبك..واعرف شقد قلبك وكلك يحبني..لا تخلي الزمن يفرق بيننا..فكري فعيالنا"..انا فكرت فيها يا ناصر..انت اللي ما فكرت فيهم ولا قدرتهم ولا قدرتني للاسف..انا صدق حبيتك ولا زلت احبك..بس اللي فقلبي غير عن اللي فعقلي..
...............
فيصل..
طلع من الشركة وركب سيارته شغلها وحركها رايح لبيت اهل زوجته..فالطريق رفع جواله ودق على حنان اللي ردت عليه على طول..
فيصل بضحكة:ههههه لهدرجة واحشك انا
حنان بحيا:فيصل لا تبدا حركاتك..وينك في؟
فيصل:اخخخ ما اعرف متى بعض الناس بتحس فيني شوي..انا جاي لك يا قلبي ادري فيك مشتاقة لي بس ما تبين تقولين..ما عليه كلامك واحاسيسك يوصلون لي وانا برد عليك وبقولك ولهاااااااااااااااااااااا ااااااااان عليك
حنان انفاسها زادت وقلبها يرقص من الحيا:فيصل مو وقتك ابد..خلاص اقول حق امي نتغدا هنا او؟
فيصل تغير موده:لا حبيبي مو اليوم..بنروح نتغدا فبيت ابوي وتركي متصل فيني قبل شوي وقال لي انه بيجي بيت ابوي ويبينا بكلمة
حنان:خلاص حبيبي..انا اللحين اقوم اتجهز وانتظرك,,
فيصل بحب:يا ززززين هالكلمة منك..خلاص عيوني انا مسافة الدرب واكون عندك
حنان بحب:يحفظك ربي يالغالي
فيصل:في وداعته..
سكر من عندها وهو باله وتفكيره فمكالمة تركي الغريبة..تذكرها وبدت الشكوك تساوره..
تركي:فيصل انت وين فالشركة ولا فالبيت؟
فيصل:لا انا فالشركة شوي وبروح البيت ليش؟
تركي:طيب انا بمر بيت عمي ابيك لا هنت تلاقيني هناك ابيك فكلمة انت وعمي
فيصل بخوف:خير تركي صاير شي
تركي وهو يطمنه:الخير بوجهك ما صاير شي..بس ابيك بكلمة انت وعمي ومن نتجمع بتعرف كل شي
فيصل:خلاص اجل نتلاقى.
تركي:يالله مع السلامة
وسكر منه..وصل فيصل لبيت اهل حنان ودق عليها يقول لها تطلع..
حنان وهي تودع امها:ياالله يمه انا بروح تامرين بشي
ام حنان:سلامتك يمه بس لو نزل زوجك
حنان:ما عليه يمه مرة ثانية انت تدرين اللحين بيت عمي كيف حالهم
ام حنان:الله يكون فعونكم يمه يالله سلمي عليه
حنان وهي تطلع:ان شاء الله يمه وانت سلمي عليهم كلهم
ام حنان:واصل يمه..
طلعت حنان وركبت السيارة وراحوا هي وفيصل لبيت ابوه..
..............
في بيت ابو خالد.
ام خالد وهي تبكي:حرام عليك تسوي فالولد كذا..انا قلت لك حاله مب معجبني ما قلت لك زوجه
ابو خالد وهو طفش من هالموضوع:خلاص يا مريم انا تكلمت وانت تعرفيني ما ارد عن كلمتي وبشوف يا انا ولا هو
نورة دخلت الصالة وهي ضايقة صار لهم اسبوع وهم على هالحال:يبه خالد برع فالمجلس
ابوخالد وهو يطالعها:وليه ما دخل
نورة تهز كتوفها:ما ادري يبه قال لي اناديك
قامت ام خالد وطالعها زوجها:بروح اشوف ولدي ولا بعد بتحرمني من شوفته
ومشت وهي متضايقة ومتكدرة من تصرفات زوجها تدخل فحياة تركي وشوف شو صار له واللحين هم بيتدخل فحياة خالد وبيدمرها هي تعرف ان خالد يحب مها وعمره ما حب غيرها واللحين يبى يذبحه ويزوجه اختها..دخلت المجلس بكل وقار وخالد اول ما شافها قام وحب راسها
امه وهي تبكي:كذا تسوي فيني يا خالد وتحرق قلبي عليك
خالد وهو يبوس ايد امه:يمه سامحيني غصب عني والله انت عاجبك اللي يسويه ابوي فيني
دخل ابوه:وليه ما يعجبها..شفيه اللي ابي اسويه..ابذبحك انا ولا ازوجك
قام خالد يبى يسلم على ابوه بس صد عنه وقال:لا رديت لي خبر ذيك الساعة سلم علي
حس خالد بقهر قال يحاول محاولة اخيرة:يبه افهمني..انا ما معترض على الزواج انا معترض على الطريقة وعلى الشخص انت بدل ما تنسيني تزيد تذكرني
ابوخالد طالعه بقوة:ومن تبى نزوجك ان شاء الله..اختها اخلاق ودين ونسخة من مها ما ناقصها شي
خالد بقهر:وهذا اللي ذااااابحني انك مصر تزوجني نسخة من مها انا بظلم البنت بهالطريقة يبه اترجاك افهمني
ابوخالد رفع ايده وباعتراض:خالد كلمتي وحدة ما اثنيها..عندك لاخر الاسبوع ولا لا تتعب نفسك ترجع البيت والشركة ما اشوفك فيها
ام خالد وهي شبه منهارة:لا يا فهد لا..كلها ولا هذي..بتذبحني يا فهد بتذبحني
قام خالد ونادى نورة اللي جت تركض من سمعت صوت امها ومسكتها:يمممه حبيبتي ايش فيك
خالد: خذيها وديها داخل لا تتعب اكثر
خذت نورة امها و ودخلتها داخل البيت وامها منهارة من البكى قام خالد وبيطلع وسمع صوت ابوه
ابوخالد:كلامي ما تغير يا خالد انتظر ردك
حس خالد بالقهر تمنى لو يموت ولا يعيش بهالموقف ولو زاد يعاند راح يتعب امه اكثر اللي مالها ذمب طلع من البيت وهو يحس بقهر..
ام خالد شافته وهو يطلع من البيت تمسكت فنورة:نورررة وين يروح اخوك
نورة وهي تشوف ظل خالد يختفي:يمه بيرد خليه يهدأ شوي لا تحاتي انت تعالي معاي داخل البيت اقيس لك الضغط
ام خالد:اما ابى شي ما ابى..خلوني فحالي جيبوا لي خالد وانا ارتاح
نورة حست بالم وبحزن..قبل كم اسبوع كنا مرتاحين وما في مثلنا واللحين المصايب تنحذف علينا من كل صوب ساعدت امها تدخل غرفتها و طلبت من الخدامة تجيب لها الدوا والماي عشان تعطيها..
...............
ابوفيصل و فيصل و تركي كانوا بالمجلس جالسين..دخل محمد عليهم بالقهوة وجلس يقهويهم..
ابوفيصل وهو يطالع تركي:ايوا يا ولدي شو في
تركي وهو يطالع عمه:خير يا عمي
فيصل:تركي تراك حيرتنا شو السالفة
تركي طالعهم وقال فقلبه قولها وفك نفسك:عمي مثل ما انت تعرف اني تزوجت وحدة من بنات معارف ابوي..وعشت معاها قرابة السنة..الا ان صارت مشكلة بينا وما عرفنا نحلها وقررنا ننفصل..
ابوفيصل طالع اولاده وطالع تركي:ايه يبه كلنا نعرف هالشي..ايش ورا هالكلام يا تركي
تركي وهو يكمل:يا عم اللي بقوله لك اللحين ممكن بيسبب لكم صدمة..وصدقوني انا انصدمت حالي حالكم بس اللي ابيكم تتاكدوا منه اني شاري هند وابيها وان اللي حصل ما راح يغير اي شي بيني وبينها.
فيصل:تركي تراك اقلقتنا!
تركي وهو يفرك جبهته بتوتر:بعد ما طلقت انقطعت علاقتي فيها وفي اهلها ولا عدت عرفت عنها شي..وهي قبل اسبوع اتصلت فيني وكانت تحاول تتكلم معي بس انا صديتها..وقف وطالع وجوههم وتعابيرها وكمل..فيصل انت تعرف اخلاقي عدل..هي كانت تحاول معاي وانا كنت اصدها ظنا ان حركاتها هذي عشان اردها بس انا رافض نهائيا هالشي..وارسلت لي مسج بعد ما شافت مني صدود..
طلع جواله وفتح المسج ومد الجوال لعمه اللي قرأ وتحولت ملامح وجهه لصدمة ورفع وجهه يطالع تركي
فيصل:يبه شفيه
ابوفيصل مد الجوال لفيصل اللي بالتالي قرأ ونفس التعابير وبعدها محمد ونفس الحالة المجلس كان في حالة صدمة وذهول ولا حد فيهم تكلم
تركي وهو يقطع الصمت:عمي صدقني انا ما كنت ادري وكنت بعماي وغافل عن اللي يدور حولي..انا طبعا ذيك الليلة رحت بشري لعندهم وقاببلت ابوها واكد لي صحة الكلام..بس انا رفضت اصدق قلت يفتروا علي..اخرتها عشان اقطع الشك باليقين قلت لها اني باخذها والياهل المستشفى واعمل فحص ابوه..والله يا عم انهم كانوا اطول ثلاث ساعات فحياتي..وانا اتوقع الأسوء..بس طلعوا النتايج وتأكدت بالفعل انها من صلبي..بعدها رديتها البيت واكدت لها ان بنتي باخذها واربيها انا وهند..عمي انا هند شاريها ولو ما شاريها ما جيتك لهنا واحكي لك هالشي..هالموضوع حتى ابوي ما فاتحته فيه..قلت ابلغكم انتوا اول..وهند انا اريد ابلغها من بعد اذنكم طبعا..والقرار فالنهاية يرجع لها..هي اللحين زوجتي..وانا حاضر للي تامر فيه هي..
ابو تركي يقاطعه:تركي يا ابوك مهما كان هذيك بنتك وبنتنا وحنا ما ننكر اصلنا ودمنا..وهند انا متأكد انها م راح تعترض ممكن يحز فخاطرها اول بس فالنهاية انت كنت متزوج وهي وافقة عليك ودارية بهالشي..الله يقدم اللي فيه الخير..واسمحلي ترا من صدمتي سكت وما عرفت شاقول
فيصل:وانا مع ابوي..فالكلام اللي قاله..
تركي وهو يحس براحة ما توقعها..توقع الاسوء من عمه بس الحمدلله طلع متفهم وابتسم بسخرية لان لو ابوه ما كان تصرف كذا..قام وحب راس عمه وتشكره..وجلس شوي مع فيصل و محمد وبعدها طلع و راح لبيتهم وهو ما يدري ويش اللي ينتظره هناك..
..................


في انتظار ردودكم و توقعاتكم......

[لامارا]

مرحبا حبيباتي...

اعتذر لاني طولت عليكم بس هذا هو الجزا الرابع وان شاء الله يعجبكم!!!



بــــداية الجـــزأ الـــــرابع..

بعد مرور شهر من الأحداث اللي صارت..بين عناد خالد و ابوه..لقاء نورة وعبدالله..حزن وفرح سارة لوليدها سلطان وبعد حبيبها ناصر..بين غضب وحقد هند وتركي..بين مواجهة تركي لعمه وفيصل ومحمد..وبين حقيقة طال انتظارها بين تركي وطليقته..
اليوم..ما ادري شو اكتب لكم عن هاليوم..عند كل بنت هاليوم هو من احلا ليالي العمررر..ليلة ما تتكرر الا مررررة لبعض ومرررات كثيرة للبعض الثاني..بس لهند هاليوم يعني لها يوم وفاة..كانت جاهزة وما بخلت على نفسها بشي فيومها المميز رغم الحقد اللي تحمله فقبلها لتركي بس تغاضت وقررت انها بتطلع بالطلة اللي تمنتها طووول عمرررها..كانت جالسة فغرفة العرووس..بكل هدووء وثقة وحولها البنات اللي تبخرها واللي ترش عليها العود واللي تقرا عليها واللي تسولف فوق راسها..بس هي بالها بعيد..بالها في كيف تقتل هالليلة..ابتسمت رغما عنها حتى ما يشكون فيها..قررت في نفسها انها بتمثل وبتكمل الدور على انها العروس السعيدة..كانت جميلة تسحر العين..بفستانها الابيض الناعم فستانها اللي صممته بنفسها..كان ماسك على جسمها الرشيق..م كانت متينة ولا ضعيفة هي مليانة بطبيعتها وبانوثتها..ثووبها كان فكتوري الطبع ما كان له علاقات او اكمام قصته قلب..وماسك من خصررها لتحت وشووي يتوسع وكله كرستالات..كانت رفاعة شعرها على خصل متناثرة بشكل مرتب والطرحة حاطينها على تحت ومكياجها كان مكياج ملكي رسمة العين جدا دقيقة وسموكي اللي تحبه هي بالضبط ما كبرها ولا صغرها عطاها عمرها بالضبط وهي عيونها وساع وكبيرة ورموشها طوال خلقة من الله وخشمممها سيف مسلول..وشفايفها حبة التوت..رفضت تلبس اي اكسسوار وفضلت تلبس هديته اللي اهداها بيوم الملكة..العقد الالماسي الخفيف على رقبتها ودبلتها واسوارة خفيفة بايدها..كانت جدا جميلة وبريئة..جلست جمبها نورة منبهرة بجمالها..
نورة:بسم الله ما شاء الله..طالعة قمررر..اشك ترركي بيفك منك اليوم
طالعتها هند بقوة وتصنعت ابتسامة:سخيفة تدرين
قربت نورة منها وسوت نفسها تحضنها:ادري فيك ما تبينه وادري ودك الفكة وانا اعرفك اكثر وحدة واعر ان كل هذا بس عشان محد يشك فيك وانا ادري ايش يدور فراسك بس صدقيني يا هند تركي يحبك ويحبك وايد ويموت فيك..وانا اخته اعرفه مثل م اعرفك ترفقي به
بعدت عنها هند وكانها ملدوغة لمعت عيونها وكانت بتبكي انتبهت لها سارة وعلى طول جت حولها:نورررة شو قلتي لها لازم تبكينها اللحين يخرب مكياجها
نورة تتصنع ضحكة:هههههه بشتاق لها
سارة:شو بشتاق لها هذي احين بترتاحين بتشوفينها 24 ساعة
هند راحت فعالم بعيد عنهم تفكر فكلام نورة..ليش الكل ضدي ومحد يحس فيني..وانا مشاعري مالها قيمة؟اللي سواه تركي فيني مو شوي..انا اللي بكيت واحترقت ..انا اللي تلومت وتندمت..انا اللي استرخصت نفسي عشانه وفالنهاية باعني وكاني سلعة رخيصة ما قدر العشرة ولا حبنا..هذا لو حبني فيوم..بس نورة تقول انه يحبني..اصحي ما حبك ولا بيحبك فيوم..شافك تسلية..وانت ارخصتي بنفسك له.
ضممتها حنان وارتجفت بحضنها:بسم الله عليك هند شو فيك
هند وهي ترتجف وبضحكة:ههههه ولا شي توتر العروس
بعدت عنها شوي وقالت بحب:مبروك حبيبتي تجنني الله يحرسك
هند بحيا:تسلمي حبيبتي كلك ذوق وانت تهبلي
الكل سلم على هند وطلعوا للقاعة عشان الضيوف اللي بدت توصل حتى يستقبلوهم..نزلوا تحت وكانت ام خالد عند الباب تسلم على المعازيم..سلموا عليها البنات ودخلوا داخل للقاعة وعيون الناس تراقب كل وحدة فيهم وتحركاتهم..
حنان...كانت لابسة فستان احمررر حرير ماسك على جسمها..حنان ضعيفة و حنطية..واللون محليها ومطلها شي..شعرها كان مفلول ومسويته كله رول شكلها كان غجري ومكياجها كان جدا هادي مركزة على العين ومكحلتها خصوصا ان عيونها شوي صغار فالكحلة كبرت عيونها..وحاطة روج احمرر صاررخ كانت ملفتة للنظر..
سارة كانت لابسة فستان كتورر سكررري باكمام دانتيل ورافعة شعرها وشوي منه نازل..سارة بياضها الكل يمدحها عليه..عيونها عسلية وكبار نفس هند..كانت حاطة مكياج ترابي وروح ترابي..كانت جدا فضيعه..ومن بعد الولادة جسمها صار جنان..
نيجي لنورة..كانت لابسة فستان تركوازي..مفتوح من الظهررر..ومن قدام كان بسيط ما عليه شي الشغل كله كان على الظهر قصته كانت نازلة بس مو وايد بس كان حلو وملفت.. ما لبست اكسسوار سوى حلق لولو ورافعة شعرها كله لفوق بشكل فوضوي لايق على لبسها..ومكياجها كان سموكي وطالعة جنان..
غالية كانت لابسة فستان بيبي بينك قصير وحاطة مكياج خفيف وايد..وراسمة عيونها والروج ترابي..غالية جميلة واللي يميزها طول شعرها الاسود الفحمي كانت فاتحته ومسوية كيلز من تحت بس...شكلها كان مرة بيبي..
عبير..كانت لابسة فستان اسووود وهي بيضا فكانت مرررة ملفتة..الفستان كان ترتر وفالة شعرررها وبس مسوية فير من قدام..وراسمة عيووونها وحاطة روج احمرر صارخ..كانت تتحدى هي وحنان هههههه
البنات كانوا جالسين على طاولة قدام عشان هند اول ما تدخل تشوفهم..وكانوا فالينها بالررقص و التصوير والاستهبال..نوررة لما لمحت بنت فالحضور على طول شدت سارة
نورة وهي تاشر ع البنت:شفتي هذيك
سارة:اي وحدة؟
نورة تسحبها:شووفي الطاولة الثالثة البنت اللي جالسة على داخل
سارة:اوووه يا نورة شو لابسة تراي ما اشوف عدل وما شاء الله ذيك الطاولة متروسة بنات
نورة:يا ربي العمى..شوفيها لابسة فستان ازرق وفاتحة شعرها
سارة وشافتها:ايه شفتها شفيها؟؟
نورة وهي مشكرة:هذي اخت مها الله يرحمها
سارة طالعته وردت تطالع نورة وشهقت:لااااا مرررة صغيرة حرررام
نورة كتفت ايديها:ايه كان ابوي بيسمع ولا بيغير رايه ياخي ساعات ما ادري ابائنا بشو يحسوا لما يسووا هالحركات احس احيانا ان جدتي طيحتهم يوم كانوا يهال
طقتها سارة ع الخفيف:يا حمارة..اولا هذا ابوك لا تقولي عنه كذيه..ثانيا..البنت صدق صغيرة بس حليوة وتشبه مها وايد
نورة وهي بتموت:انا شو اسوي فيك..خالد رافضها ما يبيها بيمووت لو اخذها..تشبه مها هو القصد بيموت اخوووي هو ناقص..يكفي ما نسى مها نقوم نزوجها اختها لا واللي نسخة منها والله لا يروح فيها
سارة حطت ايدها على قلبها:صدقتي ما فكرت فيها من هالناحية..الله يعينه
سحبتها نورة:قومي نرد للبنات بدل النكد
رجعوا للبنات وكملوا سهررر ورقص..الا ان جى الوقت وتدخل فيه هند..
الاضوء انطفت..
وما في غير ضوء واحد والضوء مسلط على المدخل وين هند واقفة..
كانت واقفة بثقة وهي تمسك باقة الورد بايد وايدها الثانية بحركة ناعمة ماسكة فيها ثوبها..
كانت واقفة تسمع ابيات الشعر اللي البنات اختاروها وتوصف جمالها بهالللية..
وبعد هالابيات..اشتغلت اغنية الزفة..وانزفت هند عليها بكل ثقة وررقة نفس ما وصوها سارة وحنان وصلت الكوشة وما صدقت خبرر..جلست بمساعدة سارة وحنان وعدلوا لها ثوبها..
واشتغلت الانوارر..والكل كان منبهرررر بجمالها..قربوا الناس منها يباركوا لها ويتصوروا معاها صور تذكارية..وقاموا على العشى..و بعد العشى رقصوا البنات وارتبشوا وربشوا هند معاهم..وبعدها اعلنوا ان تركي بيدخل واللي تبي تتغطى تتغطى..
كانت هند منزلة راسها وتلعب ببقاتها..لما جت جمبها سارة وقالت لها بهمس:ارفعي راسك تركي واقف
طالعتها ثم طالعت الباب وشافته واقف..بشموخه..وكبريائه..ورجو لته..ووسامته..وابتسامت ه اللي تذبحها وتاسر قلبها..كان واقف وعيونه عليها هي وبس..ما كان يشوف احد غيرها..وكان ما في احد بهالقاعة غيرهم اهم الاثنين وعيونهم مرتبطة ببعض..عيووونها كانت توصف سعادته وعيونها كانت توصف حززنها..عيووونها كانت تعبرر عن حبه..وعيونها تعبر عن المها..ما حست بالوقت ولا حست باحد غغير لما شافته واقف قدامها وقفت بمساعدة سارة وسلم عليه تركي..ومسك ايدها..طالعت ايده ورقص قلبها من الخوف طالعته وهي تحس بشعور غريب..طالعه وابتسم لها بحب..وجلسوا بعد ما سلموا عليهم امه ونورة وسارة..
بعدها دخل ابوها وفيصل ومحمد اخوها وعمها ابوخالد عشان يسلموا عليها ويتصوروا معاها..وخلص العرس وصار الوقت اللحين انهم يروحوا لمصيرهم المجهول..
..................................
نوررة كانت طالعة من القاعة تكلم خالد..اللي اتصل عليها وقالها ان هو بيرجعهم البيت هي وامها..وما كانت منتبه للشخص اللي كان واقف..
نورة:طيب خالد اللحين اخبر امي ونجي
سكرت من عنده والتفت وانصدمت لما شافته واقف ويطالعها..كانت لابسة عباتها وبس عاقة الشيلة على كتوفها..كانت جميلة وانبهررر بجمالها..حس قلبه يدق بقووووة..ما يدري من شو..اول مررة يحس بالاحساس..لدرجة انه ما قدر يتحرك من مكانه..الشي الوحيد اللي قدر يسويه هو انه يغض بصره عنها..اما هي فحست ان الدنيا ما تشيلها من الفشيلة والصدمة اللي مرت فيها..كرهت عمرها لانها طلعت كذا بدون ما تنتبه..ما توقعت ان بيكون في احد هني..دخلت القاعة على طول وراحت لامها..
نورة وهي شوي وتبكي:يممممه خلا خالد برع
ام خالد:علامك نورة
نورة:ما في شي يمه يالله خالد تعبان ينتظر
ومشت عنها بدون لا تودع احد قامت ام خالد ولحقتها ولقوا خالد عند البوابة حمدت ربها نورة انه راح عبالها بيسنتر برع ينتظرها تطلع مرة ركبوا مع خالد و راحوا البيت..
بعدها طلعوا الكل من القاعة وراحوا لبيوتهم..بس في شخص عيا النوم يجيه..يا ترى شو السبب..
................
اليوم الثاني..صحت سارة بفرحة..قامت وتجهزت على عجل ونزلت من الدرج بسرعة وهي تبي تلحق تجيب ولدها بس انصدمت لما نزلت وشافته فالصالة وابوها جالس معاه وحامله ركضت له وعيونها تدمع..
سارة وهي تاخذ ولدها:يبه من جابه وكيف
ابوفيصل وهو يبتسم لها:انا قررت اسويلك مفاجاة
سارة وهي تطالع ابوها مو مصدقة:يااااه محلاها من مفاجاة تسللللم يبه ما تقصرررر
ضمته وحبته على راسه وجلست مع ابوها وهي متشققة من الفرحة..الحمدلله امورها مع ابوها في تحسن وابوها صار ما يستغنى عن الريان ولا عن سلطان..
قام ابوها وقال:عن اذنك يبه..انا بروح اليوم بنروح انا وعمك نخطب لخالد
طالعته سارة:يبه انا امس شفتها فعرس هند
ابوها باستغراب:شفتي من
سارة:شفت اخت مها
ابوفيصل ابتسم:ايه وشرايك فيها
سارة نزلت راسها بحزن:يبه البنت وايد صغيرة..وتشبه مها
ابوفيصل بفرحة:صغيرة زين مب غلط بتجيب له عيال.
سارة:يبه انتوا بكذا ممكن تدمرون خالد والبنت
ابوفيصل عقد حواجها:شقصدك
سارة خافت من نظرة ابوها وقالت:ولا شي يبه انتوا ادرى بمصلحتنا
ابوفصيل:ايه قلتيها..يالله انا عن اذنك
سارة بهمس:اذنك معك..طالعت ابوها وهو يختفي عن نظرها وردت تنشغل بولدها..
...............
اما فبيت ابوخالد فكان الوضع غيرررر..
دخل عليهم ابو خالد وهو مربوش وشاف حالهم:خير من مات عليكم
ام خالد بحزن:فال الله ولا فالك
جلس جمبها:عيل شفيكم كل واحد ماد البوز شبرين بدل ما تفرحين لولدك وانت تفرحين لاخوك
نورة:بفرح لو كان الوضع غير..بس انك تزوج اخوي اخت ارملته شي ما يفرح
طالعها ابوها وبصرخة:نورررة اقسم بالله ان سمعت هالسيرة مرة ما يحصل لك خير فاهمة
خافت نورة من صرخت ابوها قامت وراحت فوق على طول
ام خالد طالعته:ليش تصرخ على البنت ما قالت شي غلط
ابوخالد:انتوا بتذبحوني بتجننوني..يكفي ولدك هذا اللي ما ادري وينه اتصل عليه من الصبح ولا يرد علي تقول بذبحه انا ما بزوجه
ام خالد بهمس:تراك ذابحه ذابحه
ابوخالد:شوو قلتي
ام خالد وهي شوي وتبكي:حرام عليك اللي تسويه ارحم الولد
ابوخالد:لا حولة ولا قوة الا بالله..انت بدل ما تفرحين تقلبينها مناحة..شوفي انا ما بعيد كلامي مرتين..لا تجلسي تعيدي وتزيدي فالموضوع ذا..لانه منتهي فاهمة؟
قامت ام خالد من عنده وتحس الدنيا صاكة عليها من الحزن..صدق مفروض تفرح لان البنت تكون بنت اختها بس ما تبي الزواج يصير بهالطريقة وهي عرفت من اختها ان البنت ما تبيه بعد وان ابوها غاصبها حزنت على حال ولدها وبنت اخوها..
.............
طبعا خالد كان فالمزرعة..ومعلن حالة استنفار..والكل كان يدورر عليه..اتصل عليه فيصل مليون مرة ولا رد..وارسل له مسجات ولا يرد بعد..اتصل عليه فيصل للمرة الاخيرة ورد..
فيصل:الحمدلله يا شيخ ما بغيت ترد
خالد:شو في خالد
فصيل:ابد والله مشتاق لك..هذا سؤال تسالني تستهبل علي انت..ابوك معلن حالة حرب وانت ما نعرف وينك
خالد بتعب:فيصل انا تعبان لي ايام ما نمت الله يخليك فكني من هالسيرة..
فيصل بحزن:خالد انت وين؟
خالد:انا فالمزرعة دخليك لو بتجي لا تقول لابوي ولا تجيب لي حد معاك م فيني
فيصل:طيب انا جايك وترا عبدالزيز معاي
خالد:حياكم انتظركم
بعد نص ساعة صار فيصل موجود عند خالد فالمزرعة...بعد ما سلموا على بعض وجلسوا
فيصل:خالد ترا عمي مرسلني ادور عليك ومنبه علي ان لقيتك ما ارد الا وانت معاي
خالد:تعبت حالك لاني مو رايح مكان
فيصل:عيل ليش قلت له انك موافق
خالد بسخرية:كان فيني امل انها ترفضني لو وافقت
فيصل نزل راسه واخذ نفس:شو يا خالد..انا ما اقدر اقولك اني حاس فيك..بس انت لازم تقوي نفسك وتصير رجال..يرضيك عمي يروح لهناك بروحه ويخطب لك وانت ما موجود؟
خالد:حط نفسك فمكاني..وجاك عمي وقالك بزوجك اخت زوجتك شو بتسوي
فيصل طالعه ثم طالع عبدالعزيز اللي من وصلوا وهو ساكت:مثل ما قلت ما اقدر اقولك اني حاس فيك واكيد اني بتصرف نفس تصرفك..بس فكر يا خالد انت منت بخسران شي..جرب حاول تعيش وتكمل حياتك وتنسى ادري انك ما بتقدر تنسى بس جرب يا خالد..العمر يمضي وما بقى كثر اللي راح..جرب وان شفت نفسك ما تقدر محد بيقدر يوقف بوجهك ساعتها..
قام خالد:انا مها ما اقدر انساها ولا اقدر احط احد مكانها افهموني..بتذبحوني تدخلون اختها فحياتي على اساس انها تنسيني ما تدروا انها تزيد جروحي..كل ما اشوفها بتذكر مها..من وين بنسى يا فيصل قول لي فهمني
قام فيصل يهديه لا يجن عليهم:اهدا يا خالد..صدق ان ربي يخلق من الشبه 40 بس انت ما تدري يمكن البنت ما تطلع نفس مها..خالد عشان خاطري لو لي خاطر عندك لو مالي خاطر عشان خاطر امك تكفى لا تتعبها زيادة وتخلي قلبها يحترق عليك عشانها يا خالد.
جلس خالد وهو يحس بالياس..خلاص..محصور..ما يقدر يتصرف..جبروووت ابوه كاسررره ووده لو يشرد لدووولة ثانية وينسى حياته هنا..بس كاسره حبه وخوفه على امه المسكينة اللي مالها ذنب..هو فرحتها الاولى وفخررها..وما راح فيوم يرضى انه يصير سبب فحزنها او انه يشوفها كسيرة قدام الناس..مسح وجهه اكثر من مرة واستغفر ربه..طالع فيصل اللي يترقب منه جواب..
خالد قام:قوم يا فيصل سوق..انا حيلي مهدود ما اظن بوصل مكان
فيصل حس براحة وحزن بنفس الوقت..قام وطلعوا كلهم مع بعض وركبوا السيارة وخالد اول ما تحركت السيارة نام..
..................
كان جالس وسرحان..من امس والنوم جافاه..ما مصدق اللي شافته عيونه..انس ولا جان ولا حورية ولا شو بالضبط هي..شافته وهو مو على بعضه واستغلت الوضع..فسخت الشبشب وانتوا بكراهم ومشت على اطراف اصابعها..وبصوت ارررعبه وخلته يفز من مكانه صررخت
:بوووووووووووووووووو
عصب ومسكها من شعرها:يا حماررة يا بنت اللذين بغيتي تموتتيني
مسكت ايده:ااااااي..اسسسفة شفت سرررحان واستغليت الفرصة وانا ملانة..وبعدين تعال من امس وانا اشوفك سرحان شفيك(لعبت بحواجبها)
تركها وهو يضحك عليها:انت ليش كذا غير عن اختك خليك رقيقة بنوته ناعمة
طالعت نفسها وطالعته:وليش هالصفات ما تنطبق علي؟
هز راسه:للاسف انت عكس هالصفات
جلست على الكرسي وحطت ايدها تحت خدها:شوف انا لان مزاجي رايق بطنش كلامك
طالعها :ولو مو رايق شو بتسوين
ابتسمت بهبل:ولا شي..المهم علمني فسرحان فشووو..ولا مننوووو(غمزت)
تنهد وطالع يمين ويسار لازم يتكلم بينكتم اقل شي يعرف من هني ومحد بيقوله غير هالخبلة:غلاووووي انت تدرين اني احبك موووت صح
بطلت عيونها من الصدمة:يا رباه بتجيني سكته..عبدالعزيز بشحمه ولحممممه يقول لي انا هالكلامممممم..انت مسخن.؟انادي امي
قامت بتنادي امها مسكها وجلسها:اجلللسي الله يررررجك..قلت ادلعك مالت عليك صدق ما تستاهلين احد يعطيك وجه..بسالك شي
غالية مدت ايدها طالعها وقالت:تبى تسال لازم تعطيني شي
عبدالعزيز:ايش تبي فلوس؟
غالية هزت راسها:لا ما ابي فلوس ابيك توديني السوووووق
عبدالعزيز:نووو تعرفيني شغل الاسواق
غالية قامت:عيل سوري ما اقدر اجاوبك
عبدالعزيز ناداها:لا حول خلاص تعالي بوديك
غالية ردت وهي متشققة:يالله حتى لو تسال عشرررطعش سؤال
ضحك عليها:ههههه الله يهديك بس..بسالك عن وحدة شفتها امس..
بطلعت عيونها وبسرعة قال:شفتها بالصدفة فالقاعة انا كنت انتظركم عند البوابة وهي طلعت ما انتهبت لي
غاليه بخبث:وانت مررررة قززت فيها
عبدالعزيز ضربها ع جبتها:يا حمارة ويش هالكلام..نظرة سريعة بس
غالية بتملل:اخلص ويش تبي تعرف
طالعها:اما انك..بس انا اوريك هين..ابى اعرف من بنته..ما شفت لبسها عدللل بس علييييها عيوووون يا هي تذبح ولابسة حلق لولو وشعرها اسووود ومرفوع كله لفوق ايييه وسمعته تكلم ع التلفون وقالت خالد
غالية وهي تفكررر فجاة قالت بصرخة:عررررفتها
فز عبدالعزيز وضربها:هبلة انت شفيك شوي شوي
غالية وهي تحك مكان الضربة:ايييييي..(بهمس)عرفته� �
ضحك:هههه طيب من
غالية بحماس:هذي نورة اخت المعرس
عبدالعزيز دق قلبه:الله اسمها نورة..اخت تركي يعني..طيب اممم متزوجة؟
غالية:لا ما متزوجة وهي البنت الوحيدة
عبدالعزيز براحة ما يعرف سببها:اههه اوككك..
قام عنها ومشى غالية وهي تناديه:اايييه والسوق
عبدالعزيز:مو اليوم
غالية:لا حبيبي ما حزرت بدي روح اليوم
طالعها وتافف ما بتفك منه لين يوديها:اوك بروح اصلي تجهزززززي
غالية بفرحة:ياااااااااااي يا سلاااااااااااام
طلع عنها وهو يحمد ربه ع نعمة العقل..وراح يصلي....
..........
راح نرجع الوقت وررررا شوي لبعد العرس...
السيارة كانت هادية بشكل مخيف طول الدرب لا هي تتكلم ولا هو..وصلوا الفندق و وقف وساعدها تنزل وصلوا للجناح فتح الباب وبعد عنه شوي..دخلت وهي تحس بخوف ما قد حست فيه..حست ان اطرافها كلها انشلت..
تركي وهو عاطيها ظهره:الغرفه هناك لو تبي تبدلين
سمعت صوته وحست برعشة برودة دخلت الغرفة وشافت شنطتها اللي من الصبح موجودة بفضل نورة وسارة وشافت كيف الغرفة مرتبة والجو رومنسي لعنتهم من داخلها وضحكت على الحركات اللي مسوينها..راحت لشنطتها وفكتها ولقت ورقة شالته وقرت الورقة..حست انها بتنفجر من زود ما هي معصبه حاست بالشنطة فوق تحت وهي تدور الاغراض اللي حطتهم ما لقت شي..جلست على السرير باستسلام وهي ترد تقرأ الورقة "حبيبتي هند..ادري انك راح تعصبي..بس هذي ليلتك..وهذي حياة جديدة..اطوي الصفحات القديمة..وابدي وحدة جديدة ونظيفة وانسي اللي راح..مبروك عروستنا"عفست الورقة ورمتها على الارض بقهر..سمعت حسه برع وهو يحوس خافت يدخل ويشوفها كذا..قامت ودورت فالشنطة استر لبس موجود..مشت للباب وسكرته بالقفل..وفكت ثوبها بسهولة وفكت التسريحة اللي فشعرها ومسحت المكياج ودخلت الحمام اخذت شور سريع وطلعت وهي لابسة قميص نوم ابيض من الحرير شوي عريان من فوق وطوله لفوق الركب بشوي..حست انها بتموت من الحيا لو شافها كذا..راحت فتحت الدولاب اللي بالغرفة وشافت روب ابيض..ابتسمت وشالته ولبسته على طول سمعته يدق الباب..
تركي:هند افتحي ابي اغير..
حست بتوتر..راحت وفتحت الباب وبعدت عنه بشويش..طالعها وهي لابسة الروب ولافته باحكام عليها ولا شي فيها يبان عقد حواجبه وابتسم
تركي:العشى برع لو تبين انا بدخل اخذ شور.
هزت راسها وطلعت للصالة بدون كلمة جلست على الكنب وهي تطالع الاكل جوعانة بس ما تبي تاكل وما تنتظره ويرد يقول مفجوعة شافت زيتونه خذتها وجلست تاكلها وتسلي نفسها فيها لين يجي هو..بعد نص ساعة شافته طالع من الغرفة والفوطة بايده ويمسح فيها شعره وكان لابس بنطلون بجامة من غير قميص..حست بحيا..كيف يطلع كذيه قدامها من اول ليلة..انتبه انها جالسة تطالعه نزل الفوطة وطالع نفسه وطالعها..حست انه شافها على طول صرفت نفسها بالي قدامها شالت الريموت وفتحت التلفزيون وقعدت تقلب فيه..جى جلس جمبها
تركي:ما تبين عشى؟
هي ميتههه جوع بس ما تبي تكلمه:لا شبعانة
تركي قرب منها شوي:ليش انت اكلتي؟
تجنبت تطالعه:قلت لك شبعانة ما ابي اكل ليش تسالني
قامت ورمت الريموت على الكنب ومشت عنه مسكها من ايدها وقفت وطالعته
هند:خير شفيك ماسك ايدي
تركي وهو يحاول يمسك نفسه:هند..انا ان سكت عليك قبل ما معناته اني ضعيف شخصية وتجلسين تعاندين..حكمي عقلك زين..تبين تعيشين معاي بسلام احترميني وكلميني بادب ولما اسالك سؤال تجاوبيني باحترام وبدون استهزاء ونظرات الاستحقار اللي مالها داعي..
هند وهي تسحب ايدها منه بقوة:وانت تبي تعيش معي بخير..لا تحتك فيني ولا تكلمني وقد قلت لك مالك شي عندي انا زوجتك بالورق وبس..
مشت للغرفة وقام وراها ما لحقت تسكر الباب فوجهه
تركي:صوتك يا حلوة لا يعلى علي..وانت زوجتي ولو ابي منك شي باخذه غصب طيب فهمتي؟
هند بعصبية:ليش خير وين عايشين نحن تجبرني على شي ما ابيه قول لي..ياخي انا ما ابيك ما احبك ما اواطنك بعيشة الله
تركي بابتسامة:طيب ليه وافقتي علي لو هذا شعورك
هند:مزاج شفت نفسي ملانة قلت اتسلى
قرب منها ومسكها من زندها:والله يا هند انا اللي ابي اكسر هالخشم اللي رافعته و وقتها بتعرفني كيف تكلميني بهالطريقة وتعامليني بهالاسلوب
نفضت ايدها منه وقالت وهي شبه هستيرية:والله يا تررركي ان تررد وتمسكني بهالطريقة الهمجية هذي بوريك من هند تكووون..واللحين يالله انقلللع برع وخليني انام
طالعها تركي بابتسامة خبث:وليش؟؟ انا حاجز الجناح هذا عشان انام بالصالة؟
طالعته وتغير لووون وجهها من الحيا ابتسم زوود وهو يمشي لجهة السرير ومعطيها ظهره:لو تبي تنام..السرير هنا..ولو ما حبيتي نامي انت فالصالة..بس انا راح انام فهالسرير الحلو والمررريح
قالها وهو يسحب الغطا على جسمه ويحط ايده فوق راااسه..طالعته وهي متنرفزة منه وطلعت برع الغرفة حست بقهررر..جلست على الكرسي..بعدها بنص ساعة قررت انها بتدخل الغرفة وبتنام معاه فالسرير عشان ما تبين له ان هالشي يهمها ولا ياثر فيها وما راح تخليه يستانس انه انتصر عليها بحركته الغبية ذي..دخلت الغرفة بشويش وشافته نايم على بطنه حست بتوتر وبعدها قوت نفسها ومشت بخطوات صغيرة للسرير وصلت عند السرير وعضت على شفاتها وهي تفكر شقد فكرتها غبية بس مستحيل تتراجع دخلت تحت الغطا وهي تحاول قد ما تقدر انها ما تقرب صوبه وغمضت عيونها على امل انها تنام..

بانتظار ردوركم الحلوةة!!!

[لامارا]

وهذا الجزأ الخامس من الررررواية تمنى انها تنال اعجااابكم






الجــــزأ الخامــــــــــس...

كانوا الرجال متجمعين في المجلس والجو كان وناسة للبعض وشخص واحد كان مخنوووووق
دقه ع الخفيف وهمس له:ابتسم شوي شوف كيف ابوها يطالعك
نفذ اللي طلب منه بكل هدوء وهو يحس بكتمة بخنقة ما قد حسها يا سبحان الله..لما جى يخطب مها كان وضعه غير وحالته غير واللحين يحس انه ينساق لموته غصب عنه..تنفس ونزل راسه
ابوخالد:ياابو مصعب..
هجد المجلس وعم الهدوء والتفت ابو مصعب لابو خالد اللي كان جالس جمبه وابتسم له
ابومصعب:سم يا ابو خالد
ابوخالد ابتسم:سم الله عدوك..انا بختصر الكلام واحنا ما بينا رسميات..حنا جايين طامعين بقربك للمرة الثانية
ابومصعب ابتسم وهو يطالع خالد:وانا اقول البنت بنتكم والشور شوركم لو تبونها اليوم خذوها..
ابوخالد ابتسم وطالع خالد:والله هذا العشم فيك يا ابو مصعب وعلى قولتك البنت بنتنا وانا اقول خير البر عاجله..دامك موافق والبنت موافقة نملك اليوم
الصدمة كل حد يطالع الثاني وخالد بالذات حس انه مخنوق خلاص شد على اصابعه بقوة لدرجة انه حس لو شده زيادة ممكن ينفجر شريان فيصل انتبه له وحط ايده على ايد خالد المشدودة
فيصل:خالد اقبل الواقع هالشي كان بيصير يا اليوم يا بكرة
تنفس خالد وهو يغمض عيونه..وقف الملليك وراح يتوسط ابو خالد وابو مصعب ونادى خالد..ابتسم خالد بسخرية ما شاء الله ابوه مرتب وكل شي..وقف وهو يحس ثقل الدنيا بقلبه..اللي بيصير فينا يبه على رقبتك ومشى لمصيره..
.............//////////////

في دولة من الدوووول شخصين عايشين في صراع ازلي..
كان جالس في صالة الجناح اللي استاجراها في فندق شارتون لشهر العسل..من يوم ما وصلوا لندن وصار لهم يومين فيها ما قد طلع معاها وتمشوا مش كانهم في شهر عسل..كان يا يطلع هو بروحه وهي تم هني او تطلع هي وهو يرسل احد وراها عشان يحرسها لا تضيع او يصير لها شي..قرر انه اليوم بيكسر الصمت اللي بينهم ويغير جوهم شوي قام وعدل شعره وتي شرته الاسود وتوجه للغرفة اللي حاجزة نفسها فيه..دخل ولفحه ريحة عطرها دور عليها ولقااها على البلكونة واقفة وشعرها يطيره الهوا كانت لابسة بنطلون اسود وجاكيت كشميري بني تحته تي شرت اوف وايت وشعرها كان مفتوح وحاطة مكياج ناعم وخفيف ولابسة صندل يكرمكم الله لونه بني..مشى لباب البلكونة وبحركة لا اراديه سحبها بخفة لداخل الغرفة فزت هند لانها كانت سرحانه وسحب نفسها منه وهي تطالعه مصدومة من حركته..
طالعها وهو فاهم نظراتها:ترا انا زوجك وجدا عادي المسك
هند وهي تكتف ايدها وتصد عنه:لا تسلمني مرة ثانية رجاء
قرب منها وهو كاره اسلوبها:هند لاخر مرة لا تكلميني بهالطريقة ولما اتكلم معك تطالعيني
طالعته بقوة:لو سمحت لا تلمسني مرة ثانية
قالتها وهي تنطق كلمة كلمة بحذر حتى يفهم مشى لباب البلكونة وسكرها وقال وهو يسحب الستاير
تركي:جايين نستانس مب عشان حضرتك تمرضين علينا
هند:مالك شغل فيني
تركي ابتسم:وبس لاني فمزاج حلو راح اطنش كلامك الساخر..البسي خلينا نطلع
هند:ما ابي اطلع معاك مكان
تركي قرب منها:اوك انا عندي اقتراح اذا ما تبين نطلع نسوي شي ثاني
طالع السرير وعلى طول طالعت جهته خافت من كلامه وعلى طول مشت وطلعت لها شيلة والبستها وتعطرت..وخذت شنطة صغيرة حطت فيها اشياء بسيطة كل هذا وتركي يطالعها وهو فيه الضحكة عليها الصبر له حدود يا هند..
تركي بابتسامة نصر:مشينا؟
هند هزت راسها وهي فيها قهر الدنيا كلها زوجها وما تقدر تقوله لا لو قرب منها ويكفي منه انه صابر عليها من يوم تزوجوا لليوم..طلعوا من الفندق ومشوا فالشوارع بما ان فندقهم بالمدينة فكل شي قريب وما حب تركي يخرب التجربة بالتكاسي..ودام انه درس فلندن فهو حافظها عدل..
............


نروح لشخص صار لنا فترة ما تكلمنا عنه...

دش الغرفة وشافه جالس على السجادة وبايده مصحف وبكل خشوع يتلوا ايات الرحمن وصوته يصدح في ارجاء الغرفة والممر..واللي يسمع صوته وخشوعه في التلاوة يدري ان هالانسان لقى ملاذه في هذا الكتاب خلص قراية الجزء المخصص وسكر على المصحف رفع كفوفه لفوق وبكل صدق وامانة دعى من قلب خلص يدعي والتفت..
اسامة:تقبل الله
ناصر وهو مفجوع:متى جيت
اسامة بضحكة:هههه ما الومك يا اخوي واللي يكون مع الرحمن يحس باللي حوله؟
ناصر وهو يطوي السجادة:ايه والله وانت الصادق احس بارتياح وبامان ما قد حسيت فيه فحياتي
اسامة قام وحط ايده على كتف ناصر:خلا معاي المعالج يريد يقابلك
ناصر باستغراب:ليه وانا الصبح كنت عنده عسى خير
اسامه وهو يعرف الخبر بس حب انه يسمع من المعالج بنفسه:ايه مدري ليه طالبك خلا نروح له بنعرف
طلعوا من الغرفة ومشوا في ممر لين وصلوا لنهايته وكان مكتب المعالج هناك دقوا الباب وسمعوا صوته الهادي يدعوهم للدخول..دخلوا وبعد ما رحب فيهم جلسوا على الكرسي
المعالج(اجنبي طبعا فبترجم الكلام): ناصر انا شديد السعادة بالتحسن الذي قمت به وحقيقة انت اول مريض يدخل هذا المركز ويتعافى في سرعة قياسية ويتخلص كليا من ادمانه..حقا انا و زملائي مندهشون من التقدم الذي قمت به..انت هنا منذ 6 شهور وفي هذه الفترة تعلمت التغلب على ادمانك وعلى مشاكلك ايضا..ونحن بالعادة لا نسمح لمرضانا بالمغادرة الا بعد ان يتموا سنه في المركز ونتاكد كليا من انهم شفوا تماما من ادمانهم ولكن مثلما قلت انت حالتك استثنائية لا اعلم حقا ما الذي فعلته حتى تتشافى كليا..اود ان اقول ان الفضل يعود لنا ولكن احساسي يقول ان هناك دافع اخر..بعد ان قابلتك اليوم قررت ان اتحدث مع زملائي الاخرين وقررنا اننا سوف نسرحك من البرنامج وبامكانك العودة الان الى بلدك والى حياتك الجديدة.
كل هذا ونصر في دهشة من الكلام اللي سمعه توقع انه بيكون هنا لمدة سنة او زيادة طالع اسامه وهو مندهش ومنصدم وكل المشاعر مختلطة فيه وقال بفرحة مختلطة بدموع:اسامة انا فحلم ولا علم
ابتسم اسامة:لا مش فحلم..انا كنت اعرف بس حبيت المعالج يقول لك بنفسه
ناصر طالع المعالج وبكل امتنان قال:انا لا اعرف حقا ماذا اقول انا جدا مصدوم انا فرح للغاية وسعادتي لا توصف لم اتوقع انني ساخرج في هذه الفترة البسيطة
المعالج:ولا انا حقيقة ولكن مثل ما قلت انت شفيت تماما
ناصر قام ومن فررررحته بالكلام سجد لله شكرررر لانه كان السبب الاساسي في شفائه وتخلصه من السم اللي كان يتعاطى قام وطالع اسامه وعيونه مليانة دموع
اسامة:"ان الله غفور رحيم"صدق الله العظيم
ناصر:والنعم بالله والفضل لله ثم لك بشفائي والله لساني ملجوم لو اشكرك من اليوم لاخر يوم فحياتي ما بوفيك ربع اللي سويته لي
اسامة:انا ما سويت غير الواجب وانت احتجت اخ وصديق فغربتك
ناصر ضمه:ونعم الصدييق والاخ
المعالج:ههههه حسنا استطيع ان ارى بانك جدا سعيد لمغادرتنا..هل لك ان توقع على اوراق الخروج؟
ناصر وهو يمسك القلم وبايد ترجف وقع
المعالج:انت الان حر سيد ناصر
ناصر وهو يبتسم له:انا منذ زمن و انا احس انني حر
مشى للباب واسامة وراه واستوقفه صوت المعالج:اخبرني يا سيد ناصر ما السر الذي جعلك تتشافى بهذه السرعة علنا نعلم المرضى هنا
ناصر وهو عند الباب وقال بايمان باين:عندما يكون لك رب مثل ربي يسامح وكريم تستطيع ان تفعل المستحيل
ابتسم له المعالج وقال:شكرا للرب اذن
ناصر بمحاولة اخيرة:الا تود ان تصبح مسلما حتى تصبح حرا مثلي
المعالج:انتم تقولون ان ربكم يهدي من يشاء صحيح
ناصر:اجل
المعالج:اذن عندما يريد ربك سيهديني
ناصر بخيبة امل بس بايمان:والنعم بالله وعسى ان يهديك ربي
طلع من عند المعالج وهو فرحته مو سايعته اخيرا بيرد لبلده ولاهله ولاحبابه ولحبيبته اه حبيبته اللي من يوم ولدت ورسل لها المسج ما ردت عليه..حبيبته اللي تجافيه ياه شكثر مشتاق لها ولحسها..لازم يردها له لو ايش يصير لازم ترجع له سارة ولحياته وراح يعوضها عن كل اللاذى اللي سببه لها
.............


كانت جالسة في غرفة الطبيبة وهي تسمع الكلام اللي تقوله وهي تحس انها بحلم..حست ان هالموقف اللي تعيشه الللحين كابوس..نزلت دمعة ومسحتها بسرعة..
الطبيبة:ليش بتبكي هذا الشي مفروض يقويك
حنان بسخرية:ايه مرة مفروض يقوينا
الطبيبة وهي حاسة فيها:انا حاسة فيك وباللي تمرين فيه
قالت حنان بضعف وهي تطالع البرواز اللي على مكتب الطبيبة وعليه صور عيالها:مستحيل تحسين باللي احس فيه الا لو مريتي باللي امر فيه
الطبيبة تابعت نظرها وحست انها ضربت وتر حساس ابتسمت:اسمعي يا حنان..انت مؤمنة بقضاء الله وقدره قد سمعتي عن قصة المرأة العقيم اللي كانت تروح للنبي موسى وتقوله اطلب من الله يرزقني بطفل؟
حنان هزت راسها:سمعت فيها
الطبيبة قامت وجلست مقابلها وبحنيه قالت:اجل خلي ايمانك بالله قوي واعرفي انه اختبار لك من رب العالمين ان الله اذا احب عبد ابتلاه مو كذا؟
حنان:والنعم بالله..ما في علاج ابدا لي؟
الطبيبه تطمنها:لا تخافي الطب والعلم اللحين كثير تطوررر وكل شي ممكن انت اللحين روحي البيت وارتاحي وكلمي زوجك وبعدها اتصلي فيني نحدد موعد حتى نتكلم فالخطوة الثانية راح نبدا علاج وباذن الله راح تطيبي
حنان قامت والحزن كاسرها حيل..تقول لفيصل..شو تقوله..انا عقيم؟؟انا ما اقدر اجيب لك الضنا اللي يحمل اسمك..انا ناقصة يا فيصل..حست بكتمة وانهها تختنق وبدون شعور لقت نفسها تدق على سارة..
سارة بفرحة:هلا والله باللي نسونا ما صدقتي نطلع من بيتك شكلك مررة كنت تنتظرينا نطلع
حنان بصيق:هلا سارة كيفك
سارة بخوف:حنان ايش فيك..بلاه صوتك
حنان وهي تحس انها بتنفجررر خلاص:اجيك سارة ونتكلم
سارة بخوف:ايه تعالي حياك
حنان وهي تسكر:مع السلامة
سكرت حنان وطلعت وركبت السيارة وقالت حق السايق يوديها لبيت عمها...
..............
في بيت ابو خالد...
طبعا لما صارت الملكة ما قال ابو خالد لزوجته ولا حاجة بعد الملكة دخلوا البيت وطبعا الحريم ما يقصرن اختها اتصلت عليها وخبرتها باللي صار
ام خالد اول ما دخل زوجها قامت له:ما تخاف الله فولدك حرام عليك اللي تسويه
ابوخالد طنشها وراح يجلس فالكرسي راحت له ووقفت قدامه:تكلم قول شي هدد هذا اللي تفلح فيه
ابوخالد طالعها بنظرة اول مرة تشوفها منه:اكسري الشر يا حرمة واتركيني فحالي وبعدين تقولين لي انا ما اخاف الله فولدك وانت اللي كله منكدة وزعلانه بدل ما تفرحين لولدك تقومين تسوين هالحركات ليش انا ذبحته ولا زوجته..
كل هذا ونورة تطالع من الدرج والخوف ياكلها اكل ركبت غرفتها بسرعة وما عرفت شو تسوي خافت من ابوها وامها واشكالهم كيف معصبة ما حست الا وهي تدق على خالد وتخبره باللي يصير خالد من سمع باللي صاير حرك سييارته لبيت ابوه..
ام خالد وهي تجلس وتبكي:حسبي الله ونعم الوكيل هذي سواة تسويها ما توقعتك كذيه تطلع حجر اول تركي وضيعته مني وما بغيت افرح بردته وزواجه من اللي يباها الا وتصدمني بولدي وبكري
دخل خالد على كلام امه وعلى طول راح لها وباس راسها وامه ضمته وتبكي بحره قال وهو يكذب وهي تدري انه يكذب بس يبى رضاها:يمه انا طلبت منهم يمكلون مو ابوي يمه انا راضي اتزوجها موافق بس كنت تعبان لاني كنت احسب نفسي ما نسيت م...نسيتها يمه بس خلاص اللحين انا مستعد وابي اتزوج
ام خالد وهي تدفه:تكذب علي يا خالد وانا امك هذي اخر تربيتي لك..انت اسمها مو قادر تنطقه تبي تقنعني انك نسيتها اكذب على اي حد ثاني الا انا امك
ابوخالد قام:انت وولدك لمن تخلصون الفلم الهندي حقكم خبروني..وانت حدد موعد العرس وفكني من الصدعة
قام ومشى عنهم لغرفته لف خالد لامه وابتسم غصب عنه رغم الالم اللي فيه واللي يحسه ابتسم لها:يمه حبيبتي جنتي...انت لو تطلبين مني امشي للنار مشيت بدون ما اتردد لحظة..صدقيني يا امي انا مقتنع بهالزواج وعسى الله يقدم اللي فيه الخير لي يمه.
امه ضمت وجهه بكفوفها وقالت:ادري فيك من يوم يومك وتدور رضى الغير ومحد يبي رضاك..الله يرضى عليك يا يمه ويجبر بقلبك المكسور والله يعين ميرا ويعينك يا يمه
رفع خالد راسه وقال:اسمها ميرا يمه؟
امه بضحكة:انت حتى اسمها ما تعرفه وتقول لي مقتنع بالزواج
خالد وهو يحك راسه:والله يمه م فضيت اسال
امه وهي تطالع وجهه الشاحب:انت لك كم يوم ما ماكل صح؟
خالد:تبين الصدق ايه
ام خالد:اقوم اسوي لك اكل
خالد وهو يجلسها:اجلسي يمه ما تقومين خلي نورة تسوي لي
ام خالد:لا انا بقوم اختك اكيد نايمة اللحين خليني اسوي لك الاكل اللي تحبه
خالد ابتسم:طيب الغالية اللي يريحك
قامت ام خالد تسوي الاكل لخالد وجلس هو فالصالة..نزلت نورة وهي حزينة والحزن باين في وجهها وراحت تجلس ع الكنب اللي مقابل خالد طالعها خالد هذي مو من عوايدها
خالد باستغراب:نورة
نورة وهي تطالعه:ها
خالد قام وتقرب منها:شفيك مو من عوايدك تشوفيني وما تسلمين علي ولا تجنيني
نورة نزلت راسها:مالي خلق خالد
خالد قرب منها:ليش شو فيك؟
رفعت راسها وعوره قلبه ع الدموع اللي كانت تلمع فعيونها:انا زعلانة عليك خالد وايد
خالد ابتسم لها وضمها بقوة وانفجرت نورة فحضنه:انت معترضة ع الزواج ولا على البنت؟
نورة:انا ما معترضة ع اي شي سوا طريقة ابوي..اخاف يا خالد يسوي فيني نفس السواة
خالد بعدها:لا ما راح يسوي فيك كذا..
نورة:ايه مرة والدليل اللي سواه فتركي وفيك..هذا وانتوا رجال ما قدرتوا له انا بنت بقدر له
خالد بصرامه:دامي حي محد يقدر يجبرك ع شي ما تبيه
نورة بحزن:بس هذا ابوي وما اقدر اعصيه
خالد مسك وجهها:ما قلت لك تعصيه بس ما يقدر يغصبك وانت البنت الوحيدة ودلوعته
شافوا امهم تدخل الصالة والخدامة وراها وشايلة صينية اكل..
خالد:نكمل بعدين قومي ناكل
جلسوا كلهم على الطاولة والخدامة حطت السفرة
خالد:يمه كل هذا حق منو
ام خالد وهي تجلس:حقك يمه
خالد وهو يطالع نورة:عز الله بسمن مثلك يالبقرة
نورة شهقت وطالعت نفسها:انا بقرة والله ما البقر الا انت
ام خالد وهي تضحك وبداخلها تحمد ربها ان ولدها رد لطبيعته الاولية:هههههه خلاص انتوا الاثنين ابقار كلوووا
خالد ونورة:هههههههههه قوية الوالدة
..................
عبير كانت رايحة تزوررر سارة فبيت ابوها وبنفس الوقت اللي وصلت فيه وصلت غالية وام حنان وعبدالعزيز اللي كان موصلهم
غاليه وهي تنزل من السيارة بسرعة:عبيرررررررررر لحظة
عبير فزت لما سمعت الصوت ووقفت عند الباب تشوف من هذي الدفشة اللي تناديها باسمها فالشارع ولما شافتها تاشر لاخوها يروح مسكت قلبها يا فضيحتك يا عبير
جت غالية وسلمت على عبير:كيفك عبور
عبير وهي شوي وتخنقها:انا كيفي انت كيفك يا هبلة زين ما فضحتيني قدام الناس والعالم الا اقول شرايك اجيب لك مكرفون عشان تعرفني تناديني عدل
غالية بطنازة:والله زين اشك انك صمخة صار لي سنة انادي فيك وما تردين
عبير فتحت عيونها بقوة:وبعد تناديني اكثر من مرة..دشي داخل وانا اوريك شغلك
دخلوا داخل هما الثنتين ونسوا ام عبدالعزيز برع...دخلت وراهم بعد ما قالت لولدها يجي ياخذهم على الساعة 9 وما يتاخر عليهم
سارة كانت جالسة فالصالة وبنتها الريان تشوف تلفزيون وكانت حاطة ولدها سلطان فحضنها وتلعب معاها..سمعت حشرة عند الباب واستغربت وشوي تشوف عبير داخله ووراها غالية ميت ضحك
سارة:خير شفيكم
جلست عبير على الكنب:والله هذي المخلوقة ما اعرف كيف تقرب لحنان اشك صراحة
دخلت وراهم ام حنان وقالت:وانا بعد معك ساعات اشك انهم مبدلينها فالمستشفى لما ولدتها
غالية تسوي مصدومة:انا دوم مظلومة ومحد يحبني
ام حنان:استريحي بس
قامت سارة تسلم على ام حنان وعبير وغالية وضيفتهم فالمجلس عشان ياخذوا راحتهم اكثر لا يدخل عليهم اخوهم محمد..
ام حنان وهي تشل سلطان:بسم الله ما شاء الله شببببهك بالضبط
سارة :تسلمي خالة
غالية وهي تشوفه:لا وين ما يشبهها ابد يشبه ابوه
فز قلب سارة ابوه..اههه يا غالية ليش طريتيه وانا احاول انساه..حست عبير بسارة ودقت غالية اللي صرخت بصوت عالي..
غالية:وجعععع شفيك
عبير اشرت لها على سارة ودرت غالية انها ضربت على الوتر الحساس..قالت تصرف نفسها
غالية:الا سارة وين المطبخ ابى ماي عطشت
سارة ابتسمت لها وقالت لها وين المطبخ طلعت غالية وهي تعدل فستانها القصير..وشعرها خافت لا يكون في حد بس سارة قالت اخوها طالع وما بيرد الا باللي متاخر..عدلت فتسانها ومشت لوين سارة وصفت لها وصلت المطبخ ودخلت شافت الخدامة فيها وسالتها..
غالية:ابى ماي؟
طالعتها الخدامة مفهية وصرخت سارة فيها صرخة فرعتها:ووووين الماي يا وجه الفقر
قامت الشغالة تجيب الماي وغالية تتحلطم عليه تنكت عليها مرة يا ابو عيون ناعسة ومرة تقول لها حطي كحل بتكبر عيونك شوي والخدامة تبتسم مو فاهمة
غالية:ويع لا تضحكين عيونك تختفي اما
سمعت صوت احد يضحك وخافت حطت الجلاص من ايدها ومشت بخوف لين وصلت المجلس وجلست جمب عبير ولصقت فيها وقالت بخوف
غالية:سارة انت متاكدة ان محد فالبيت؟
سارة:ايه ليه؟
غالية هزت راسها وسكتت والكل مستغرب منها وطنشوها شوي وردت حليمة لعادتها القديمة
اول م لمحها وه داخله المطبخ انببهرررر من جمالها لدرجة انه تجمد مكانه ما قد شاف بنت كذا فحياته..جمييييلة وشعرررها يجنن تمنى لو قدرر يحط ايده فشعرررها ويمرره عليه..تم فمكانه واقف وهو يطالع هالانسانة اللي طلعت له من العدم وضحك لما سمع سوالفها مع الخدامة وكيف تتطنز عليها لدرجة انه ما قدر يمسك ضحكته وضحك..لما شاف كيف وجهها تغير وطلعت من المطبخ ما قدررر يمسك نفسه اكثررر طلع من المخزن اللي كان داخله يدور على حاجة ياكلها وجلس على الطاولة يضحك
الخدامة بلقافة:بابا محمد ليش في يزحك
طالعها محمد بقرف وقال:وانت شو دخلك انا ليش اضحك؟؟ روحي اطبخي لي شي اكله جوعان
هزت راسها بخوف ومنه ومشت وهي تنفذ اوامره..وقف وطلع من المطبخ مررر صوب المجلس وسمع صوتها وهي تضحك وتسولف وقال بدون شعور
محمد:يا حبي لهالحس...
....................
حنان وصلت عند سارة ودخلت داخل على طول شافت محمد جالس فالصالة راحت تسلم عليه
حنان:حمود انت شو تسوي هني
محمد وهو يسلم عليها:والله جالس وانت
حنان:ها ها ها ثقيل دم قصدي مو من عوايدك بالعادة برع ولا مسافرر ولا غيره
محمد:لا خلاص مليت وبعدين ببدا دوام قريب ف احسن اكون هني
حنان:ما شاء الله بالبركة..الا وين اختك؟
محمد:داخل بالمجلس معها ضيوف
حنان:ضيوف..من ضيوفه
محمد هز كتوفه:والله ما ادري م شفت من روحي انت وبعدين علميني
حنان طالعته وقامت عنه وراحت المجلس دخلت وشافت امها واختها وعبير جالسين عند سارة وسلطان كان بحضن غالية يصيح والريان تحوم حولللها ومرررة تبوس فيه ومرة تعضض فيه
حنان بصرررخة:يااا مجررررمة
وركضت لغالية اللي خافت وشالت سلطان منها وهو يصيح
سارة:بسم الله شو في حنان
حنان التفت لها:يا الام السنعة انت جالسة تسولفي ولاهية عن ولدك وبنتك مب مقصرة فيه ما تسمعيه يصيح
سارة:توه صاح من دشيتي انت
غالية:يالكافرة داشة ع قوم قريش انت سلمي اول وبعدين استلمي نزاع اوف الله يعين طلابك عليك صراح
حنان وهي تحاول تسكت سلطان الفتت لامها:اسفة يمه السلام عليكم كيف حالكم..
ام حنان وهي تبتسم:احنا بخير الحمدلله يمه وانت
حنان بحزن شوي حاولت تخفيه:انا بنعمة والحمدلله..
مشت وعطت سارة ولدها الي اول ما شم ريحة امه هدا وغفى بحضنها
عبير وهي تطالعه:يا قلبي انا الله يحرسه ويحفظه امي تسلم عليك وايد وتقولك سامحيها ما قدرت تيجي تشوفك
سارة:م عليه مسموحة
عبير شالت شنطتها وقامت:يالله انا استاذنكم بروح البيت
غالية:وين تو النااااس
ام حنان:وجع ان شاء الله اسكتي تقول البيت بيتك تضيفي الناس بكيفك..يمه ليش مستعجلة
غالية بضحكة:هههههههه يمه توك تنازعيني وانت تعيدي الحركة
حنان رمت عليها كرتون الكلينكس:وجع اسكتي
غالية حطت ايدها ع فمها بحركة اوك بسكت وسكتت عنهم
عبير:ما عليه خالة انا لازم اروح اللحين امي بروحها بالبيت واخاف يرد اخوي ويهاوشني لو شافها بروحها
ام حنان:اجل معذورة لو كذي السالفة بحفظ الله يمه
عبير:تسلمي خالة..مع السلامة
الكل:مع السلامة
طلعت وبعدها بشوي التفتت سارة لحنان السرحانة
سارة:حنان شفيك
حنان طالعتها وطالعت امها واختها:ما ينفع اقولك اللحين بعدين
غالية بلقافة:عن شو تتكلمون ارفعوا صوتكم
ام حنان ضربتها بما انها اقرب لها ع راسها:انت كم مرة اقولك لسانك هذا قصييييه
غاليه وهي تحك راسها:ييييمه باالله كيف اقققصه بعدين كيف اتكلم
ام حنان:جعلك ما تكلمتي
غالية بحزن:يمه تدعين علي
ام حنان:لانك مخفة مدري عقلك وين
غالية بغباء:هني ..وهي تاشر ع راسها
هزت ام حنان راسها وعبير وحنان يضحكوا علي مناقرتهم..بعدها الكل راح لبيته وحتى حنان كانت بتروح لان فيصل اتصل يسالها وين ويبيها ترد البيت..
سارة عند الباب:حنان انا ما نسيت سالفتك ولو اني اعرف فيصل بيحشر تلفونك مسجات ومكالمات ما كنت بخليك تطلعين من هنا الا وانت معلمتني شفيك
حنان نزلت راسها وقالت:بعدين سارة اجلي الموضوع لبعدين وانا اقولك كل شي
سارة:خلاص يصير خير روحي الله يحفظك
حنان:ويحفظك مع السلامة سلمي على عمي
سارة:واصل
راحت حنان لبيته وسارة دخلت داخل مع عيالها..
.........

نهاية الجزا الخامس


في انتظاررر ردودكم وتوقعاتكم....