آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-07-16, 04:28 AM
| #1 | ||||||||||||||||||
| نجم روايتي ومشرفة سابقة وفراشة متالقة بعالم الازياء  
|  الا يا كاره افراحي خلاص لا تعذبني الكاتبه / miss disaster ، واقعيه ، مكتمله
التعديل الأخير تم بواسطة اسطورة ! ; 28-07-16 الساعة 01:29 PM | ||||||||||||||||||
|  |
|
28-07-16, 01:28 PM
| #2 | |||||||||
| نجم روايتي ومشرفة سابقة وفراشة متالقة بعالم الازياء
|  ~الا يا كاره افراحي خلاص لاتعذبني~ }واقعيه { مقدمه : 1القصه اللي راح اكتبها واقعيه صارت حق ناس اعرفهم واحداثها فيها شوي من الجرأه وراح تكون الاحداث باسلوبي 2-كل يوم راح يكون اكو بارت (باذن الله ) بس اذا المنتدى خرف ووهقني ارجو انكم تنطروني 3-وبليييز لما يكون اكو بارت لا تقولون قصير راح احاول اطول كثر ما اقدر والبارت يتكون من جزأيين 4- اتمنى اشوف ردودكم وترى اتقبل النقد بكل رحابة صدر 5- اي سؤال تبونه انا حاضره 6- ما احلل اي وحده تنقل القصه بدون ذكر اسمي miss disaster وبدون ما تذكر منتدى كويتيات (هذا تجنبا للي صار مع الكاتبات قبلي ) 7- القصه راح تكون اغلبها بلسان بطلتها ريان او مناير الحين راح انزل جزء من البارت الاول ....... | |||||||||
|
| |
|
28-07-16, 01:32 PM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| بسم الله الرحمن الرحيم بارت (1) يوم الجمعه بعد الصلاة ..... وقفت اطالع نفسي بالمنظره واقول (في نفسي): متى اضعف اف مليت من المتن الكل يقولي جميله ومع الضعف تصيرين اجمل هاذي انا بطلتكم ريان امي من الصاله : ريون ..ريون ريان :نعم يما امي : يلا ترى تأخرنا ريان : ان شاء الله يما كاني يايه نزلت بعد ما خلصت لبس و رحت سملت على امي وابوي ريان :يلا انا جاهزه نمشي عبدالوهاب :ما بغيتي ؟؟!!!زرعتينا ريان : لوووول ليش معصب كاني خلصت واحنا رايحين السياره ابوي قال :ما تبيين تسوقين سيارتج ؟؟ ريان :بس يبا انا امس مطلعه الليسن ما مداني اشتري سياره امي : بس انا وابوج شرينا لج السياره اللي تبينها ريان :صج !! مشكوريين (كنت وايد فرحانه )ورحت بستهم على روسهم طلعت وشفت السيارة وصج كانت رنج سبورت موديل السنه عبدالوهاب :يه يه من قدج بنت ابوج يلا الحين مالي شغل فيج لازم تقززيني ريان : ولو وهابي من عيوني ابوي :ها ما راح تودينا بيت يدج؟؟ ريان :امبلا اكييد يلا ركبوا ... وطلعنا من الضاحيه رايحين جنوب السره ....... خل اوصفلكم عايلة ريان : **ابو ريان :ريال بالاربعيين حبوب وغشمرجي وايد والكل يحبه لانه راعي نكته عنده شركات وبزنس ووايد يحب عياله ويخاف عليهم وله اسمه ووزنه بالسوق **ام ريان : مره حدها طيوبه والكل يحبها ويحترمها وعلى الرغم من انها سيدة مجتمع الا ان عيالها لهم الاولويه في حياتها و عمرها هم بالاربعيين بس اللي يشوفها يعطيها بالعشرين من كثر ما اهي ناعمه ما عندها غير ريان وعبدالوهاب **عبدالوهاب :طويل اسمراني شعره اشقر على امه وعيونه رماديه هم على امه اهو مثل الرسمه كل اللي يشوفه يطالعه قصبا عنه من جماله عمره 17 اصغر من ريان بسنه ____________ ** الحين ما راح اوصف ريان بخليها بعدين وصلنا بيت يدي ونزلنا وكان ولد عمي بره (هذا ابوي مربيه من وهو صغير من قبل حتى لا انولد ) اسمه حمود حمود : شلونك عمي ؟ شلونج خالتي ؟ امي وابوي : احنا تمام انت شلونك ؟ حمود :والله تمام عبدالوهاب شلونك ؟ عبدالوهاب :انا تمام عساك بخير ؟ حمود :الحمد الله .. والتفت وطالعني ريان شلونج ؟ ريان (بنفسيه ) :انا بخير وخليتهم ودخلت اكيد انتو مستغربين ليش انا اكلمه جذي ؟؟ حمود هذا يحبني وانا ادري وتقريبا الكل يدري ما احب اعطيه ويه عشان لا يفهم غلط !!! دشينا داخل وسلمت على الكل لحد ما وصلت عند مناير بنت عمي مناير :يه يه محلوه شعندج يلا اعترفي ؟؟ ريان :لووول الناس يسلمون اول !! مناير :الحمد الله على السلامه تو ما نورت الكويت وما قلتيلي شعندج محلوه ؟؟؟؟! ريان :لوول الله يسلمج ومنوره بوجودج بنفس هالوقت رن تلفون مناير وحطته صامت ريان : مو عادتج التلفون صامت مناير :ها لا بس هاذي وحده مليقه ما ابي ارد عليها ريان :خلاص عطيني ارد عليها اقولها مشغوله مناير :ها لا خلاص سكرته ريان : (بديت امثل العصبيه ):من متي تخشين على هااا ؟؟؟ ومن هني راح تبدي قصتنا تتوقعون منو اللي داق على مناير ؟ وليش ما قالت حق ريان ؟؟ ناطره ردودكم عشان اكمل ..... | |||||||||
|
| |
|
28-07-16, 01:33 PM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| تابع بارت (1) راح ابتدي بوصفي لريان ومناير **مناير : بيضا طولها زين عيونها بنيه وضعيفه و نعومه و شعرها بني قصير ومتحجبه عمرها 19 **ريان : طويله طول عارضات الازياء متينه بس متنها ضايع مع طولها عيونها وساع وناعسين لونهم بني فاتح ماخذه جمال امها من شفايف مرسومه الى العيون الناعسه وهم ماخذه من ابوها طوله ولونه البرونز (مو تان ) عمرها 18 _____________ مناير : ريون ما تعودت اخش عليج شي بس ادري راح تعصبين وتزفيين توعديني ما تعصبين ولا تزفيين ؟؟ ريان : ما اوعدج (كنت شاكه بموضوع ) بس اسمعج مناير انزين بقول بس مو هني ريان :اوكي ثواني .... رحت عند عمي صالح وقعدت يمه والتفت علي ريان : عمي ممكن طلب ؟ صالح : امري حبيبتي ريان : ممكن اخذ منور ونطلع ؟؟ صالح :وين ومنو بيوديكم ؟؟ ريان : وين ما ادري ؟بس منو بيودينا انا بسوق صالح : شلون تسوقين وانتي ما عندج سياره ..لا ماكو ماتروحون ريان :عمي تكفى..و من قال ما عندي سياره امس ابوي شرالي وحده صالح :اوكي خل تروح ترى بس لانها معاج ولا لو مع غيرج جان ما رضيت ريان مشكور وما تقصر (بسته على راسه ) خل اوصف شخصية عمي : امم شخص ملتزم الله ما رزقه صبيان بس عنده بنات كان وايد يخاف عليهم و ملبسهم عبي و مو كل وقت يطلعون وانا رايحه كان قاعد يتغشمر ويقول :ترى ناطر العزيمه هاا ريان :اوكي من عيوني استأذنت من امي وابوي ورحت حق منور ريان : منور قومي لبسي عباتج بسرعه خنروح قبل لا ابوج يهون مناير :وين بنروح ومنو بيودينا ؟؟ ريان : وليي انا اللي بوديج قومي بسرعه ولا تقولين حق احد وراحت لبست ويت وبعدها طلعنا بره وشافت السياره مناير : واي يا حظج السياره عجيبه مو سيارتي الكحيانه ريان : لوول قولي ما شاء الله وسيارتج ما فيها شي بعد شتبين اكثر من لكسزس موديل السنه اللي طافت هاا ؟؟؟!!! مناير :صح معاج لكسزس بس مو رنج سبورت وموديل السنه ريان :خلصينا ركبي رحنا عقبها لونتور البحر وقعدنا وطلبنا ريان : قلتيلي بالبيت ما اقدر اتكلم يلا الحين تقدرين تحجي مناير : هااا اوكي الحين اتحجى ريان :يلا اسمعج مناير :شفتي اللي مساع كانوا داقين وانا سويت لهم صامت ريان :اي (بديت اعصب ) مناير :بلييز ريون لا تقاطعيني ولا تعصبين ..هذا واحد تعرفت عليه وخاطبني من يدتي بس امي وابوي ما يدرون ريان (بعصبيه ) :نعم !!! وشلون عرفتيه ؟؟؟ مناير : تذكرين قبل لا تروحون سويسرا لما ييت الضاحيه وودعتج طلعت منكم على الحب واهو شافني ولحقني وما فج الا لما خذا رقمي خلونا نروح حق هذاك اليوم ...... بشارع الحب كان واقف بسيارته السوده معلى المسجل ويتحلطم الولد: افف هالبنات صايرين كلهم واحد وما في وحده عنهم غير ابي وحده خام للحين ما اتعرف شي والتفت يمين شاف بنات بس ما اعجبوه والفت يسار وشافها كانت تحوس بسي ديات السياره وتدور على سي دي اصاله الولد : اي هاذي شكلها غير وبسرعه ينقص عليها لازم اييبها يعني اييبها ولحقها لحد ما وقفها غصب اهي طبعا خافت وقفلت البيبان وخلت الدريشه شوي مفتوحه واهو حاول يبطل الباب ما قدر فضل يترجاها من الدريشه الولد :نزليها شوي بكلمج مناير :شتبي فيني (وفيها بجيه ) الولد : بصراحه عجبتيني وابي اتزوجج عطيني رقمج مناير : وانا ما ابي غصب ؟؟ ونزلت الجامه شوي لحد ما صارت نص وظلت تكلمه عشان يروح ويوخر بس اهو معند لحد ما انتبه على تلفونها وسحبه ودق على تلفونه الولد :الحين ما تقدرين تتهربين مني واسمي : حمد مناير :ما تكلمت بس يرت يلفونها وصكرت الدريشه نرجع للبنات في لونتور ريان (ضغطها واصل مليون ) : وبس قال ابي اتزوجج صدقتيه ؟؟؟ مناير : اهو كلم يدتي وقلها بس يخلص دورته بيتقدملي ريان : جم مره اقول اللي يسون جذي عطهم طاف ولا تردين عليهم وشكو نزلتي الدريشه هاا ؟؟؟ مناير :ريون لا تعصبين ريان : طالع تقولي لا تعصبين تدرين هذا غلط وانا ما احب الغلط ما تخافين ابوج يدري ولا امج شراح يسوون فيج هاا ؟؟؟ مناير : فهميني ريون انا مو لا قيه الحب في بيتنا احنا بيتنا مو مثلكم ..تدرين ابوي قاصبنا على العباة وما كو طلعه الا بالحسره واذا طلعنا لازم معاه ولا مع امي .. رفيجياتي ما اطلع معاهم ولا اسوي اي شي الا لازم يدري ريان : ولو هذا مو عذر ؟؟؟!!!! بهالوقت رن تلفوني وكانت امي امي :ريون ردي عشان بنروح بيت يدتج اليوم العزيمه نسيتي ريان :لا يما ما نسيت راح امر البيت ابدل وايي عشان نروح (كان معروف عن ريان انها كشيخه حتى واهي متينه ) امي : يلا وديري بالج بالطريج اوكي ريان : ان شاء الله مناير : امج فيها شي خير شبغت ؟ ريان : ما فيها شي بس تقول ردو وديت منور البيت ولحقت امي وابوي لما بيت يدتي نزلت من السياره وانصدمت باللي شفته ؟؟؟ تتوقعون ريان منو شافت وليش انصدمت ؟؟ وشنو نهاية مناير مع حمد؟؟ | |||||||||
|
| |
|
28-07-16, 01:34 PM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| بارت (2 ) شفته واقف معاها كنت اقول داخلي (معقوله سواها توزج من بره ولا يايبها معاه بعد ) كان شكلهم توهم رادين ...رادين من السفر طبعا بتعرفون منو هذول امم نبدي بعبدالعزيز : كان ولد خالة ريان و كانو من وهم صغار مخطوبين حق بعض وكان ما يرضى عليها وعقبها طلعت له بعثه وسافر بره يدرس وقبل فتره قالو حق ريان ان ما يبيها وان تزوج وحده كانت تدرس معاه بره واهي كانت تنطره وتجذبهم وتقول لا اهو قال لما يرجع راح نملج بس كان اللي يقولونه صج... راح اوصفه لكم كان طوييل وعريض واسمراني عيونه وساع بنيه وكانو رموشه كثيفين وايد كان جسمه متناسق عمره 21 امم مرته اسمها روان : كانت عاديه وايد ريان كانت اجمل منها بوايد وبشهادة الكل يمكن الميزه الوحيده فيها انها ضعيفه وريان متينه وكانت مو متحجبه بس ريان متحجبه نرجع حق ريان :كنت قارن نفسي فيها على شنو خلاني وراح لها بس صج مثل ما يقولون الحب اعمى ... عبدالعزيز : شلونج خالتي ؟. شلونك عمي ؟ امي وابوي :احنا بخير.. انت شلونك؟ ومبروك الزواج عبدالعزيز : والله تمام والله يبارك فيكم .. والفت علي وعيوني كانو بالارض عشان اخش دموعي وقال :ريان شلونج ؟ ريان (للحين اطلع الارض وعيوني مغورقه ):انا تمام ..يما انا بروح داخل الحر هيج الاكزيما عندي اوكي امي (كانت تشوفني بنظره شفقه ( :اوكي روحي دخلت الحوش وكنت ادور اقرب غرفه ابجي فيها وما تحملت وبجيت بالحوش ولما حسيت انهم بيدخلون مسحت دموعي ودشيت سلمت على الكل وصعدت غرفة امي القديمه بجييت لحد ما شبعت وعقبها اخذت اغراضي ونزلت حق امي ريان :يما انا بطلع حاسه اني مخنوقه امي : هاو والناس شبيقولون ؟؟ انتي بنتي واعرفج قويه ليش جذي صرتي ضعيفه مو قادره تتحكمين بنفسج ريان : راح اروح وارد ما راح اطول قمت وقلت : عن اذنكم يا جماعه انا رايحه مشوار صغير وراده ............. لحقني عبدالعزيز وقعد ينادي :ريان ريان : نعم .. بغيت شي عبدالعزيز : لازم نتكلم عن الي صار ريان : قصدك عن زواجك ما عندي شي اقوله غير مبروك وانا بمشي لفيت عليه وقلتله ممكن سؤال عبدالعزيز : تفضلي ريان : شنو اللي فيها مو فيني ؟ عبدالعزيز(بصدمه ): ليش يعني ؟شنو بتعرفين ؟ ريان : بس جذي ابي اعرف عبدالعزيز:اهي اكبر منج واذكى منج واضعف منج و ريان قاطعته :اذكى مني طلل وبس لانها اضعف مني كنت تقدر تقولها بصراحه بدون ما تلف وادور وخليته ومشيت ركبت السياره قلت راح اروح حق دكتور تغذيه واشترك بنادي و ابي لاتيه وبروح كاريبو المنطقه الحره وصلت وصفطت سيارتي وانا نازله وصلني مسج من ساره بنت خالي :"انتي وين ؟" كنت قاعده اكتب مسج و مو منتبهه ما حسيت الا وانا داعمه كبت رفعت راسي وشفت القهوه مكبوبه عليه وقلتله اسفه ما كنت منتبهه الولد : انا اللي اسف ما شفتج عسى ما تدمرتي؟ ريان : لا ما تدمرت بس انت غرقان قهوه الولد : عادي مو مشكله القميص بداله عشر دخلت داخل واهو راح سيارته شاف قميص لبسه ويه انا طلبت وقعدت الولد : ممكن اقعد معاج؟ ريان : اممم لا مو ممكن لاني ما اعرفك ولا تصيرلي و مو حلوه بحقي ولا بحقك احد يشوفنا قاعدين مع بعض او انك قاعد تكلمني الحين !!! الولد : انا اسف وحقج علي ريان :اعتذارك مقبول وقمت طلعت وانا مو منتبه انه وراي وصلت البيت وبدلت ملابسي واهو كان للحين واقف بره وانا طالعه من البيت شفت سياره غريبه واقفه تقريبا جبال بيتنا شكيت بالموضوع بس ما عطيته اي اهتمام مشت السياره وانا ركبت سيارتي ورحت بيت يدتي صفطت ونزلت ولا انصدم !!!!!! تتوقعون ليش انصدمت ؟؟؟؟ يلا ناطره ردودكم عشان اكمل | |||||||||
|
| |
|
28-07-16, 01:36 PM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| تابع بارت (2) ريان : انت لاحقني ؟؟؟؟؟؟؟؟!!!!!!!!!!! الولد : لا بس انتي شتسوين هني ؟؟؟ رريان :هذا بيت يدتي ولا بطلعت عبدالوهاب اخوي عبدالوهاب :ريون انتي وين رحتي الكل يقول طولت (ولا ينتبه على الولد )اوو هلا سعود شلونك ؟ سعود :انا تمام ؟انت شلونك ؟ عبدالوهاب :بخير الله يسلمك حياك داخل وريون يلا دشي داخل مو حلوه وقفتج بالسكه ريان :اوك دخلت وسلمت على الي ما سلمت عليهم قبل وانا صاعده حق البنات ولا روان تقول : وانتي ما كو شغل كل ساعه بدله (روان كانت تغار من ريان لان عزيز دايما يقول ما في وحده تصك على ريون باللبس واهي تدري عن سالفتهم مع بعض) الكل كان يطالع ريان ناطر جوابها ريان : هههه مو انا بنت ال....... مو بنت ابوي يحقلي كل ساعه بدله بس ادري مو منج من الواهي اللي فيج لاني احلا منج و لان ما عندج ذوق باللبس ولفيت وصعدت بهالوقت خالتي كانت مييته من الضحك لانها ما توقعت اني ارد صعدت والبنات سمعوني واللي تصفرلي واللي تصفقلي بعدها سلمت على البنات وقعدت شوي ولا ايي عبدالعزيز معصب وبعيونه الشرار عبدالعزيز :ريان ممكن اكلمج؟؟ (بعصبيه ) ريان :تقدر تتكلم جدام الكل ما كو شي اخشه على البنات عبدالعزيز : شكو قايله حق روان هيلقيه وما تعرفيين تلبسين و جيكره وكامه عليها ريان @@ :انا عبدالعزيز :اي انتي .. شوفي يا ريون اذا ما احترمتي روان لأعلمج شغل الله عدل سامعه (بصراخ ) وقفت ورحتله : لا مو سامعه خل تحترمني اهي اول وبعدين احترمها وبعدين اهي مجذبه عليك لاني ما قلت اي شي من اللي قايلته لك والكل يشهد فجاه ياني طراق عمري ما انساه ريان (ودموعي محبوسه بعيوني ) : والله لاخليك تندم ما انخلق اللي يمد ايده علي وانا بنت ابوي اخذت اغراضي ونزلت تحت ابجي ورحت صوب يدتي يدتي : هاو يما اشفيج ؟؟ ريان : يدتي انا عمرها ما انمدت ايد علي انا يايه اهني عشانج بس ما ارضى ان احد يمد ايده علي انا امي وابوي ما يمدون ايدهم علي هالمره هذا (اشرت على عبدالعزيز ) انتي يدتي على عيني وراسي لكن بيتج هذا انا ما ادشه الا لما ايي يعتذرلي عن اللي سواه وخليتهم وطلعت يدتي : انت شلون تمد ايدك عليها .. هااا صج فوق شينك قوات عينك عبدالعزيز : تستاهل عشان تعرف شلون تحترم روان خالتي فاطمه : واهي شنو سوت حق روان؟؟ ما قربت صوبها عبدالعزيز: شي ما تدرون عنه لو سمحتوا لا تتدخلون (وصوته عالي ) خالتي فاطمه عطته كف وقالت :تعلي صوتك على يا جليل الحيا احنا كلنا كنا موجودين وروان اللي اغلطت مو ريان لكن ما الومك اذا امك طولت صوتك عليها عشان هاذي ما اقول الا يا حسافة تربيتي لك وخلته ومشت بعد يومين مناير اتصلت علي :ريون وينج مختفيه ؟؟ ريان : ماكو كاني انتي اللي نسيتيني مناير : انتي بالبيت ولا ابيت بدتج ؟ ريان : لا انا بالبيت بغيتي شي ؟ مناير :بستأذن من ابوي وبييج ريان :اوك ناطرتج بعد شوي وصلت مناير وكانت يايبه معاها حلو وبرد وجنطه ملابس مناير :ترى قلت حق ابوي بنام عند كم انزين؟ ريان: حياج الله العين اوسعلج من المكان ولا بدشت امي وابوي وعبدالوهاب كان قاعد يستأذن يبي ينام بشاليه عند ربعه ابوي :قلت لك نومه ماكو بتروح تروح وترجع عبدالوهاب(بعد ما يأس) : ان شاء الله يبا وراحت مناير سلمت على امي وابوي وقلت لهم انها بتنام عندي رحنا غرفتي وقعدت تسولف عن حمد (رغم اني اكرهه هالسالفه بس كنت ابي اعرف عشان لما يصير شي اكون بصوره واساعدها لانها كانت تسميني حلالة مشاكلها) مناير : الاسبوع الي طاف رحنا المخيم انا واهو وحصون ونورو ورفيجه عمار ريان@@ : نعم !! وشتسووون رايحين ها ؟؟؟ مناير : ما كو نغير جو ؟ ريان : وبنات خالتج شلون راحو معاكم ؟؟ شنو قالو حق امهم مناير : اهدي.. قلنالها بنروح الكليه ونرجع ريان : واشصار مناك سوالج شي ؟؟ مناير : لا بس ... ب باسني وشاف شعري ريان @@: شنو وانتي شلون سمحتيله هاااا (بعصبيه ) مناير :انا ما كنت ادري باسني وير ملفعي !!!!! وقال حق حصون ابي بوسه عشان يرفع ضغطي ريان : وباسته ؟؟؟ مناير : اي وطقيتها و بط جبدي لما خذا رقمها ريان (تدرون شنو كنت احس واهي تسولف كنت تكرمون ابي ارجع بحظنها سكت وبعدها قلت : خلاص صكي هالموضوع وضلينا نسولف لما الصبح ومرت اربع شهور وانا للحين ما زرت يدتي (كنت ساعات اضعف وابي اروح بس اتمسك برايي و اذكر اللي صار ) بيوم كنت قاعدة و انطق باب غرفتي وكان عبدالوهاب عبدالوهاب : شقاعده تسويين ؟؟؟ ريان : ريان مو قاعده اسوي شي !! بس اقرى كتابي المفضل عبدالوهاب : عيل ابوي يقول لبسي ملفعج ونزلي اوكي ريان : اوكي بس ليش ؟؟؟ عبدالوهاب: قالي لا تقولها شي .. يلا عن اللغوه ونزلي لبست عباة وملفع و نزلت وشفته وكنت ابي اصعد بس ابوي صادني قبل لا اصعد منو شافت ؟؟ وشنو راح يسوي حمد بمناير بتعرفون بالبارت الياي الحين ابي توقعاتكم حبايبي | |||||||||
|
| |
|
28-07-16, 01:37 PM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| بارت (3) ابوي: ريان وين رايحه ؟؟ ريان : ها لا بس نسيت موبايلي وبروح ايبه اخاف يرن وما اسمعه ابوي: تعالي قعدي ريان :ان شاء الله رحت سلمت على خالتي فاطمه ويدتي و ابوي اشرلي اقعد يمه (طبعا ابوي وعبدالوهاب ما كانو يدرون لان لو درو بيقلبون الدنيا ) الصمت كان سيد الموقف بس امي اكسرت الصمت وقالت حق ابوي ابيك بموضوع وما بقى غيري انا وخالتي ويدتي وعبدالعزيز عبدالعزيز :ريونه انا اسف ما كان قصدي امد ايدي عليج ريان :لو سمحت اسمي ريان .. ولا زين استوعبت انك سويت شي غلط (باستهزاء) عموما مسامحتك عشان يدتي وخالتي فطومه عبدالعزيز :اوك عيل انا بمشي ريان : عزيز .. بلييز مره ثانيه قبل لا تنفعل تأكد من الموضوع ملييون مره بعدين تصرف عبدالعزيز :من عيوني وطلع عبدالعزيز وظلو الحريم يسولفون نروح الحين حق عبدالعزيز عبدالعزيز (بينه وبين نفسه ): ريون وايد محلوه وضعفانه وايد اول مره احس انها احلى من روان مو بس باللبس بكل شي ..وبعدين انا شفيني افكر بالبنت جذي اصحى عزيز انت متزوج !!!! نروح الحين حق مناير وحمد حمد :منورتي باجر بشوفج مناير : لا حمد ما اقدر باجر بروح حق ريون حمد : من كثر سوالفج عنها ودي اشوفها مناير :اي مو تبيها تذبحني صح حمد: يلا عاد ... خلاص لا تقوليلها اني بيي مناير :اممممم .... اوك ونروح حق ريان اللي كانت سرحانه رن التلفون و فزت من مكانها ريان :هلا بالقاطعه !!! مناير :هلا فيج ... ريون شرايج باجر نطلع ؟ ريان :شلون بتطلعيين وعندج كليه وامج ما راح تخليج تطلعيين ؟ مناير :مالج شغل في امي .. انا اضبطها ريان :اوك ..اقول حق امي اول وبعدين اردلج خبر مناير :قوليلها انج بتيين الكليه ريان :لا حبيبتي انا ما تعودت اجذب عليها بقولها الصج وما راح تقول لا مناير :كيفج مريت صوب جناح امي وابوي وسمعتها تقول حق ابوي هالحجي امي: والله الولد ما يتطوف بس تهقى بنتك ام راس يابس بتوافق؟ ابوي : ما ادري بس خليها تصلي صلاة استخاره ونشوف امي :شلون افاتحها ؟ اخاف تعصب وتنتكس حالتها (ريان اول لما مات يدها }ابو امها { يتلها حاله نفسيه وكانت ما تتكلم لما شوي شوي تعدلت حالتها وبدت تتكلم مره ثانيه ) ابوي :والله ما ادري خليها على الله يصير خير لي ذاك الوقت كنت متشوقه ابي اعرف منو هالولد وخصوصا ابوي رافض فكرة زواجي عشان لا أروح وأخليه بس طقيت الباب امي : منو ؟ ريان :انا ريون امي تساسر ابوي : ليكون اسمعتنا ؟ ابوي بصوت واطي :لا لا ما اعتقد بس لما اتدش راح انعرف من ويهها امي: دشي يما ريان :السلام عليكم (كنت شاطره بأني اكبت مشاعري وتعابيري ) امي وابو ما حسوا بشي حسبالهم ما سمعت ابوي :امري يبا شبغيتي ريان : يما .. يبا .. ممكن باجر انا ومنور نروح نتريق بره ؟ امي :اهي قايله حق اهلها ؟ ريان : بس اتقول لما تقولون اي تقولهم امي : خلاص روحي بس لا تتأخرين .. باجر يدتج تبينا على الغدا ريان :ان شاء الله ومشكورين وممكن السايق يوديني لاني بروح بسيارتها ابوي :اوك الصبح اقوله جم الساعه بتروحيين ؟ ريان : ما ادري 7.30 او 8 جذي يعني ابوي :على خير ريان : يلا تصبحون على خير امي وابوي :وانتي من اهله رحت كلمت منور مناير :ريان بقولج شي ؟ ريان :شنو بتقولين ؟ مناير : حمد يبي يشوفج ؟ من كثر ما اسولف له عنج ريان :نعم !!! اذا بيروح انا ما راح اروح اوك ! مناير :خلاص مو الا..... بس لازم تيين ريان: اوك يلا بنام عشان اقعد الصبح مناير :اوك تصبحين على خير ريان : وانتي من اهله دقت مناير على حمد واتفقت معاه على المكان والساعه صار الصبح ريان البست بنطرون اسود مع قميص طويل فوشي ومع ملفع اسود مشير بفوشي وبهالوقت دقت مناير مناير : صباح الخير ريان :صباح النور مناير : ها شنو راح تلبسين ؟ وكلمت مناير لحد ما طلعت من البيت ووصلتلها وركبت معاها مناير: ها وين نروح ؟ وقبل لا انسى ذكرني 9 ادق اقول حق امي وصلت الكليه ريان@@ : وليش ؟انتي مو قايلتلها ان بنطلع مناير :لا طبعا مينونه انتي؟ ريان :منور بليز رديني البيت مناير : لا ماكو وانا قلت بتيني عاى 11 وبطلع معاج ما قلتلها من الصبح ريان ما تكلمت ولا كلمه مناير : شرايج نروح الابراج ريان :لا ما ابي نباعد عن الكليه ..خنروح ماك السره مناير : اوك .. وبدون لا تحس ريان دزت مسج حق حمد انهم بيروحون ماك السره ... وصلنا وطلبنا صعدنا فوق ماكو احد فقعدنا بمكان صاد عشان ناخذ راحتنا ولا ايي حمد انا شفته انصدمت وطالعت مناير ولا يسحب الكرسي اللي يم مناير ويقعد ويدني الكرسي لحد ما لزق فيها وانا بس مبطله عيوني وبدون اي تعبير على ويهي حتي اكلي ما اكلته وما فصخت نظارتي الشمسيه ولا اتأشرلي مناير فصخيها وسولفي وانا لا حياة لمن تنادي بعد ما استوعبت قمت من الطاوله لا شعوريا وطلعت مناير واهي لاحقتني :ريوون ..ريوون ريان :نعم .. (وانا معصبه ) مناير :وين رايحه ؟ تعالي قعدي عشاني ريان :شنوو واذا احد شافنا شتسوى علينا مناير : ما كو احد بلييز لا تخليني بروحي ريان بعد ما فكرت فيها وشفت وجودي احسن عشان لا ياخذ راحته وايد قلتلها :اوك بس كرسيج يصير يمي واول ما ياكل ويخلص يذلف وبدون اي كلمه مناير : اوك بس تعالي انتي.. قعدنا ولا يساسرها حمد :منورتي انا محتاج فلوس ابي ادفع تأميين السياره ومعاشي خالص ممكن تعطيني واردهم بعدين ؟ مناير : من عيوني ..جم تبي ؟ حمد : انتي واللي تعطيني اياه مناير : الحين عندي بس 50 بالبوك تكفيك ولا لأ حمد :اي حبيبتي تكفي وتوفي بعد وانا كنت بس اخزهم عشان يحسون ريان: اقول منور انا بمشي مو عاجبني المكان بغيره مناير :ها واهي تطالع حمد :اوك يلا هاج المفتاح انا بروح الحمام وايي اوك ريان :اوك بس تطوليين لاني شفت ولد خالج ياي صوب المطعم من بره مناير ؛(بارتباك ) :اوك يلا شوي وايي بعد ما راحت ريان عطت مناير حمد الفلوس وراحت لها مناير : ليش ما كليتي ؟ ريان : ويع شفتيه شلون ياكل .؟؟ لاعت جبدي ويلا بما انج مواعدته وما قلتيلي بتوديني البدع الحين (ريان كانت تدري ان حمد ما يرضى مناير تروح البحر عشان لا تشوف مصايبه ) مناير :خلاص قولي حق حمد وانروح؟ ريان :امم اوك يلا دقي عليه بس ان طول لسانه ولا ما عجبني اسلوبه بسكره بويهه مناير واهي تتصل :اوك ..هلا حبيبي حمد :هلا حياتي مناير :لحظه ريون تبيك حمد:اوك ريان :الو حمد :هلا والله ريان : بما انكم ما خليتوني اتريق الحين بخليها توديني البدع وسكرت التلفون بويهه رد دق على منور حمد :ما تروحيين البدع يعني ما تروحيين سامعه مناير :اي حبيبي حمد:الا ريان يمج ؟ مناير :اي كاهي ..ريون حمد يبي يكلمج ريان :ويعه اعرفه يعرفني ؟؟؟ليش يبي يكلمني مناير :يقول يبي منج شي ريان :يبي خلصينا .. نعم (واهي تكلمه بنفسيه) حمد : اقول ريان ممكن طلب ريان :خلص مالي خلق اشكالك حمد:ابي بوسه ..يلا بوسيني ريان :نعم !! صج انك قليل ادب وهيلقي ومو متربي لكن الشره مو عليك الشره على اللي رضت تكلم اشكالك .. وحذفت التلفون على مناير مناير:انت شقلتلها ؟ حمد :ولا شي بس قلت ابي بوسه ..بشوفها مالت هالسوالف ولا لا لانها وايد تلوق حق عمور واهو الحين ما عنده حبيبه وقاعد يدور له وحده مناير : خلاص بعدين اكلمك ريان :رديني بيتنا الحيين !! مناير :ليش ؟ ريان :من غير ليش ..رديني وبس مناير :اوك نروح الحين حق حمد اللي قاعد يسولف عن ريان حق عمار حمد: عمور اقولك جميله أي جميله الا ملاك وعليها جسم اخ بس لو مو هالعله جان ضبطتها بس فيها عيب واحد عمار: انت شكو فيها .؟ وشنو هالعيب؟ حمد:مغروره وايد ونفسيه عمار : من كلامك مبين انها محترمه عشان جذي خلها وما لك شغل فيها وبعدين قلتلي انها بنت ال..... وهذول ناس انت مو قدهم حمد:روح زين .. بس خذت قلبي الحيو... عمار :فكنا زين ... وشوف هذول شرايك وراهم ؟ حمد: يلا فوقه دشيت البيت وانا معصبه وقاعده اتحلطم ولا امي بويهي امي :ها راده مبجر ما مداكم تاكلون شي ريان :لا اكلنا بس مو وايد لان ما لي خلق اكل شي امي:ليش فيج شي . مريضه تبين اوديج الطبيب ريان :لا يما بس امس سولفنا وايد وما نمنا الا متأخر فعشان جذي دايخين امي :روحي ارتاحي وبعدين لا تنسين بيت يدتج اوك ريان :اوك وانا رايحه ولا امي تقول :اقول ريون ريان :نعم يما امي:تعالي بكلمج بموضوع ريان :خير ؟صاير شي ؟ امي :لا لا كل خير بس تعالي قعدي يمي بعد ما قعدت يمها كملت :انتي تدرين انج كبرتي وصرتي مره والناس يشوفونج وطبيعي ان كل بنت تنخطب ريان :انزين والمطلوب امي: تذكرين سعود ولد منى صديقتي ريان :ايي اذكره امي :اهم خاطبينج من ابوج وناطرين ردج ومستعدين يلبوون كل اللي تبينه ريان: امم .. خليني اصلي صلاة استخاره ويصير خير لي ذاك الوقت تتوقعون ريان بتوافق ؟ و على شنو ناوي حمد ؟ توقعاتكم حبايبي | |||||||||
|
| |
|
28-07-16, 01:45 PM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| بارت (4) صعدت غرفتي وانا افكر معقوله سعود !!!!؟ امي كانت تحسبني نايمه بس انا ما نمت من التفكير بعدها لبست عشان نروح بيت يدتي ونزلت حق امي ريان: يما انا خلصت امي :اوك يلا نمشي ريان: ابوي ووهوب ما راح ايون ؟ امي : لا يدتج بس تبي الحريم والرياييل كلهم متيمعين بالشاليه ريان: اها.. رحنا بيت يدتي وتغدينا وسولفنا بعدها قالتلنا يدتي ان ام روان بتيي تبي تكلمنا كلنا لما وصلت ام روان سلمت على الكل وقعدت ام روان: انا يايه ابي اقولكم ان انا خاطري اسوي عرس حق بنيتي وابي ارائكم بكل شي قاطعتها خالتي منيه: يعني شنو بكل شي ؟ ام روان : يعني من وين اجهزها ومن وين نفنوف العرس لان مثل ما تعرفون اهي يتيمه وانا ما عندي خوات فقلت مالي احد غيركم روان : ريان ريان :نعم ام روان: روان مو وقته روان : لا وقته شوفي ريان انا امس كنت اكلم اخوي واهو وايد معجب فيج ويبي يتزوجج(اهو ما يبيها ولا شايفها بس روان تبي تفتك منها ) ريان(قاطعتها): بس انا ما ابي اتزوج روان: اي بس فكري ريان :كلامي واضح كملوا يسلفون عن العرس ومن بيشترون بدلهم وانا بالي مع سعود كنت اتخيل شكلنا مع بعض ما حسيت بنفسي وانا ابتسم لا شعوري جان تكفخني سارو سارة: منو اللي ماخذ بالج ؟ ريان :ويعه شهالحجي ساره:الابتسامه شاقه الويه وتقولين شهالحجي ؟؟ خل اوصف لكم ساره : طولها زين وضعيفه لونها برونز (تان) شعرها اسود قصير مو متحجبه وستايل باللبس والاناقه ريان:تذكرت شي وقاعده اضحك فيها شي ؟ ساره:لا كلش وكملنا سوالف ولا تسأل روان روان : ريان من وين بتاخذين بدلتج ؟ ريان بصوت واطي محد يسمعه غير ساره :وليين ماراح انخلص اليوم روان :ها شقلتي ما سمعت ريان :والله ما ادري للحين ما قررت روان :ايي اوك عيل مرو جم يوم وانا للحين افكر بس مو بموضوع سعود لا كنت افكر بمناير و بالي معاها خصوصا انها ما دقت من ذاك اليوم ليما انا دقيت عليها ريان : ما جنه عندج بنت عم تسئليين عنها هاا مناير :لا والله توج فبالي بدق عليج ريان :اي صدقت ..المهم اليوم شنو عندج؟ مناير :ما عندي شي ليش تبين شي؟ ريان :امم لا بس ضيقة خلق بيي بنام عندكم مناير :حياج .. بس ترى بنروح بيت يدتي اول اوك ريان :خلاص روحوا وانا اييكم بعد ما تردون مناير :اوك راحت مناير بييت يدتها ولا يتصل حمد عليها حمد :حبيبتي طلعي بره بشوفج مناير: امبييه انت مينون ..روح قبل لا احد يشوفك حمد:ابي اذوق طباخج طبعا مناير كانت طابخه العشا وقالت له مناير: اوك الحين اطرشلك صينيه بره حمد : اقول حبيبتي عمور قاعد يدق اكلمج بعدين حمد : هلا حياتي .. هلا عمري شلونج ؟ البنت: كنت تكلم منو ؟ حمد: كنت اكلم عمور رفيجي البنت :اي حبيبي شرايك اشوفك؟ حمد : لا مو اليوم انا الحين بروح الدوانيه حق الربع البنت :اففف من زمان ما شفتك حمد: خلاص باجر اشوفج وبييبلج هديه بعد البنت :صج يلا حبيبي ناطرتك ..مع السلامه حمد :مع السلامه .. و يكم على التلفون ويقول مالت عليكم ويت الخدامه مع الصينيه طفح حمد لما قال بس حمد اتصل على مناير ومدحها ومدح طباخها بعدها مناير اتصلت على ريان وقالتلها تتيهم البيت ريان مرت الجمعيه قبل ما تروح لبيت عمها ووصلها مسج من مناير تسألها انتي وين وشنو الاغراض اللي محتاجينها ولا تدعم بسعووود سعود: سوري ما شفتج ريان (منحرجه):انا اللي سوري هاذي ثاني مره اسويها :$ سعود: لا عادي ... يلا ديري بالج على نفسج ريان: اوك .. باي تدروون انا مستغربه من بين كل الناس ما القى احد ادعمه الا سعود بس الحمد الله هالمره ما بيده قهوه..لووووول وصلت بيت عمي و دشيت سلمت و قعدت مع بنات عمي ميريام : ريووون اليوم نامي عندي بشرى : لا نامي عندي مناير :لا عندج ولا عندها عندي انا ريان :لووووول وناسه تخانقوا عشاني .. والله اول مره ادري اني vip ميريام : من زمان بس انتي الله يهداج ما تيينا وايد ريان :لووول منو الاكبر هاا انا ولا انتو؟؟؟ ميريام :انتي بس ابوي اكبر من ابوج الا شخبار عمي ريان : والله في اختراع اسمه تلفون دقي عليه منه ميريام : تدرين احنا لازم تتخرجين من الثانويه وتدشين كليه ياله يفكرون يعطونج تلفون ريان :عندكم تلفون البيت.. المهم شنو الفيلم اللي بنشوفه البنات :على ذوقج ريان :خلاص انا احب 27 dresses مناير :يعيني على الرومانسيه ريان :لووول طول عمري مرهفة احساس (بغرور على غشمره) وتمو البنات سوالف وضحك لما الفير بعد ما صلو الفير يو ينامون ولا ينطق الباب عمي صالح :يا بنات نمتوا ولا للحين كلنا :لا للحين عمي صالح بدلو ملابسكم ونزلوا عمكم بوعبدالوهاب مع مرته وولده هني ريان@@ :خير شيايبهم الحين؟؟؟؟ ونزلنا ولقيناهم يسولفون ويضحكون وكانوا مبدليين جنهم بيطلعون ابو ريان : يلا بنات انتو للحين ما لبستو الحين الكل سبقنا ريان :هاو يبا وين يسبقونا ابو ريان :بنروح الشاليه ريان@@ :بس انا ما يبتلي هدوم ام ريان : انا يبتلج معاي وباجر العصر نزلي مع اي احد ويبيلج غيرهم التفت على البنات :لبسو عبيكم الحيين عشان نحجز الغرفه لا الصبيان يروحون وياخذونها وننام بالغرفه الحاره وركضنا نلبس وبسرعه البرق خلصنا ونزلنا ولا عبدالوهاب توه قاعد من الغفوه عبدالوهاب :اووو ريون خالصه مبجر .. لازم نسجل هاللحظه بالتاريخ ريان : يبا شوفه ابوي : بس يلا عاد لا تتحرش ف ريونتي وتزعلها عبدالوهاب :اي لاني ولد القطوه مو ولدكم ابوي :يلا عن اللغوه خلصنا شيل الاغراض عبدالوهاب :حاضر واهو مبوز :عطوني يلا وصلنا ولا اشوه الغرفه اللي نبيها محد ماخذها لان للحين محد وصل سنعت فراشي وطلعت اغرضي من الكبت ميريام : يلا مو شاليهكم روحي سويلنا ريوق ريان :حاضر عمتي ..مو انا اشتغل عندج انتي وخواتج مناير :لووول لا محشومه ولا يدشون ساره و وسن و شدن وشادن و اريج بنات خوالي مع سميه بنت خالتي افنان ومعاهم الطاف بنت عمتي و روان مرت عزيز وعقبهم بشوي يت بنت عمي افراح مع اختها انوار وطلعنا نسلم على عمامي وردينا الغرفه ولا روان حاطه اغراضها مكاني ريان : روان بلييز شيلي اغراضج هذا مكاني روان :ليش مسجل باسمج ريان : ادورين ربع .؟... يعني شايفه كفري ومخدتي ولا تبين نظاره عشان تفتحين عيونج ؟ روان واهي معصبه :انزين لا تموتين كله مكان حقرتها ورحت اكلم البنات :ها تبون ريوق ولا بعد ما نقعد فجأه انصفق الباب ولا روان اطلعت شدن : والله ان سوت نفس ذاك اليوم راح ادوس بكرشها وسن : افا عليج وانا معاج ونسوي ويهها خريطه ريان :هي انتو مصبنه وين قاعدين وسن +شدن : لوووول نتغشمر هذا يزانتنا بندافع عنج ويا ويهج ريان :لووول يلا وخروا ابي انام البنات : كلنا خلننام بعد ما قعدونا حق الغدا طلعنا بره نمشي على البحر ونسولف لمحت سعود بس قلت يتهألي وكملت سوالف ولعب لحد ما صار المغرب .. دخلنا الشاليه ولا امي تنادينا كلنا امي :يا بنات تعالوا اخذوا هالصحون بره حق الشوي احنا :اوك اخذناهم بره ولا يقولون شرايكم نلعب لعبة الصراحه وقعدنا دائره كبييره ولا ايي دور حمود عشان يسألي حمود : truth or dair ريان : truth حمود : في حب بحياتج ؟ ريان : امم اهو كان في بس اكتشفت ان هالشخص ما يتساهل لانه وايد سطحي بس الحين ما اعتقد ... ولا اشهق هييييييييييييييي الكل : شفيج ريان : وين امي نسيت اقولها رحت دورتها لحد ما لقيتها ريان :يما ممكن اكلمج ؟ تتوقعون ريان شتبي بأمها ؟ | |||||||||
|
| |
|
28-07-16, 01:47 PM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| بارت (5) نروح الحين حق سعود سعود بينه وبين نفسه :معقوله للحين ما ردت ؟ اخاف رافضتني وامي مو راضيه تقول ... خل اروح اسألها بنزلته على الدري سمع سمع يباب من الصاله ام سعود :كللللللووووش الف مبروك ريان وافقت سعود: صج @@ بس يما اهي كانت رافضتني وبعدين رضت؟ ام سعود: لا يما ... بس الام لهت مع تجهيزات عرس ولد اختها ونست تقولي سعود:اها ومتى تروحين تودين الدزه ؟ ومتى نملج ؟ ومتى العرس وووو سعود بهاليوم كان وايد فرحان وكان يقول صج انها متينه بس جميله ومحترمه وما عليها اي كلام ( ما كان يدري انها ضعفت ) بهالوقت بالشاليه مناير :خلاص حمد لا تحن بحاول بس ترى مو اكيد وسكرت التلفون ريان:اشفيج ؟ليش مبوزه مناير : ابو حمد طرد حمد من البيت !!! ريان :هاو ليش .؟ اكو احد يطرد ولده؟ مناير:يقول لانه تهاوش مع مرت ابوه ريان :اي خير الا مسوي شي يسود الويه مناير: خلاص ريون لاتقولين جذي ريان :زين بسكت ...الا ما تبين تروحين تييبين لج هدوم من البيت ؟ مناير :امبلا بس يمكن ابوي ما يرضى ريان : شوفيه وقوليلي عشان اقول حق ابوي راحت مناير وقالت حق عمي ورضى بس قالها حدكم ساعتين تروحون وتردون وانا استأذنت من امي وابوي ورضو ورحنا كانت روان بهالوقت قاعده تكلم امها روان : يما اقولج يقول اسمها واهو نايم ولا بعد يغلط باسمي ويناديني باسمها ام روان : اي ميخالف يما حاولي تخلينه ينساها ..هذا ولد فلوس وما يتطوف لو يخونج لازم تتحملينه عشان فلوسه روان :اف يما ما قادره اتحمل احس من اشوفها ..الشياطين اتطامر جدامي ولا الحين صارت ضعيفه يعني بكل شي احسن مني ام روان :ما عليج منها راح ازوجها اخوج ... ولا اهي اللي بتقول ابيه شرايج بعد؟ روان : صج شلون ؟ ام روان :خلج الحين بعرسج ومالج شغل بعد العرس افضالها روان : اوك .. تدرين ابي اشوف بدلتها واخربها ام روان :لووووول ميخالف لا تحتريين بدلتج ذوقهم اكييد واو روان :يا رب ويارب ما تيي وتتكرفس واطيح وتنكسر وما تنجبر يا رب ام روان :بسج دعاوي مو زين عبدالعزيز كان قاعد بره ويفكر بزواجه من روان : هل اللي سويته صح ولا لا يمكن زواجي من روان غلط اوووو ما ادري التفكير بيذبحني ساره يت من وراه بتخرعه ساره :بوو عبدالعزيز :لووووووووول مشروع تخرعيني بس فشل ؟ ساره :ايي شسوي ما اعرف ؟ عبدالعزيز :يحليلج صج ياهل ..الا للحين ما تخرجتي ؟ ساره :لا انا اصغر من ريون بسنه عبدالعزيز :ايي ساره ممكن اسألج سؤال وتجاوبيني بصراحه ؟ ساره :اي شووور عبدالعزيز :ريون في قلبها احد ؟ ساره :لا ريون مو مالت هالسوالف بس ليش تسأل ؟ عبدالعزيز :هاا لا بس يعني وايد تغيرت ضعفت و احلوت ومو وايد تبجي او تزعل بسرعه فبعرف شنو سبب هالتغيير؟ ساره :لا تغيير ولا شي الا قول انك متحسف ضيعتها من ايديك واخذت هال ولا اقول ماني قايله عبدالعزيز :لا متحسف ولا شي والله يرزقها باللي احسن مني ساره :اميييين (من قلب ) وترى ريون من زمان طيبه و مو زعوليه بس انت اللي ما تدري وتقدر تسأل اي احد ويقولك عبدالعزيز :انزين ليش الاميين طلعت من قلب ؟ ساره :لووووووووووول لاني احب كل الخير حق ريون ونروح حق جاسم .. طبعا بتعرفون منو جاسم جاسم هذا ولد عمنا وكان يحب منور وايد ... واهي كانت تحبه بس الاهل ما رضوا يزوجونهم حق بعض بسبة المشاكل بين امهاتهم جاسم : متى تحسيين يا منور تعبت والله تعبت مستعد اسوي اي شي عشان انساج ولا اكون معاج كل يوم اتعذب والسبه انتي وادري ما كو احساس ما تحسيين !!!! وادق عليج ما ترديين ليش ؟؟ خل اوصف جاسم : قصير ابيضاني يلبس نظاره طبيه كان وايد ميتن ضعف عشان مناير تلاحظه ودرس عشان يدخل كليه زينه ويتقدم لها بس ما صار نصييب ونروح حق البنات نزلت منور وريان سفطت السياره ونزلت توها بدش ولا اطيح على شي خلا عيونها جذي@@ ما ادري شلون طليت بالسياره اللي ابيت يرانهم وشفت رسمه @@ هذا منو اللي راسمني ولا وانا متينه مو ضعيفه يعني هالشخص يعرفني من زمان منو ياترى؟؟ امم ماكو الا اسال منور .. و دشيت داخل ريان :منور اللي يمكم بييت منو ؟ مناير : تعرفيين منى رفيجة امج هذا بييت امها بس ليش تسألين ؟ ريان :لا ماكو ..والسياره الحمره مالت منو مالتها ؟ مناير :لا مالت سعود وليش تسأليين ؟ ريان :لا بس ولا مره سمعتج تتكلميين عنهم فقلت يمكن ما كو احد بالبيت مناير :لووول شلون بله البيت حق منو ؟؟ حق الينانوه ؟؟ ريان :لووول يلا خلصينا بسرعه لا ابوج يدق ياله يمديني اروح البيت اييب لي هدوم اممم اكييد تبون تعرفون شنو شعوري لما قالت سعود .. استانست وايد لاني عرفت انه كان يبيني حتي لما الكل كان يعيب علي وقلت يارب اذا بكون سعيده ومرتاحه معاه تيسر لي هالزواجه يا رب ورحنا بيتنا واخذنا هدوم لنا وردينا الشاليه وبدخلتي ولا عبدالعزيز طالع مع جاسم ولد عمي عبدالعزيز :اقول ريون عادي تيين معانا الجمعيه تييبين الاغراض اللي يبونها ريان :جم مره اقول اسمي ريان مو ريون و جاسم اذا افراح تروح اروح معاك عبدالعزيز :الحين انا اقول وتحاجين جاسم ؟ ما رديت عليه وقالي جاسم :افراح الحين بتيي ريان :اوك بس اقول حق امي وايي كان بهالوقت عبدالعزيز يقول بنفسه :شلي غيرها وخلاها قاسيه وجافه معاي ..لوووول عزيز شفيك غقب كل اللي سويته وتقول ليش ؟ والله انك خبل وقاطعه جاسم :اقول نحن هنا ..هنا الكويت .... عبدالعزيز :اسمعك اف حنه وايد ؟ شبغيت جاسم :ايي شغل السياره متنا حر :@ امي :ليش بتروحين ومع منو ؟ ريان :انا بروح مع افراح وجاسم و سكت شوي وكملت عبدالعزيز عشان بشتري الاغراض اللي يبونها البنات امي :اوكي بس قولي حق ابوج واكييد افراح بتروح ؟؟ ريان :ايي اكييد انا ما جذبت عليج وما راح اجذب الحين ورحت وقلت حق ابوي وقال اوكي طلعت ولا افراح توها تركب وركبت معاهم و رحنا بالسياره عبدالعزيز كان منزل المنظره وقاعد يطالعني وانا كنت منتبهه بس ما بينت هذا الشي ولا تساسرني افراح افراح :ان شاء الله ما يخز جذي ؟ شيبي قطيعه مو خذا سحيله خلاص عوع عافه الخاطر ريان :لوووووووووووول شتبين فيه خليه يولي زيين افراح :من قلبج؟ ريان :اف من امه ... ولا اغني خلاص الماضي ودعته محيت ذكراك من قلبي انا من باعني بعته ولا دربة يجيي دربي بعاند كل احاسيسي وببدا خطوة النسيان متى ما زارني طيفك بقوله روح يا خوان صبرت اكثر من الازم صبرت وما بقى بي حيل وعمري صار باسبابك بقايا للسهر والليل ولا يطالعوني كلهم ... كانت اول مره يسمعوني اغني افراح :واو صوتج ما شاء الله عجيب ريان :مشكوره هذا من ذوقج جاسم يساسر عبدالعزيز :ها مارح ترد عليها عبدالعزيز: افا عليك الحين ولا يغني فقدتك يا اعز الناس فقدت الحب والطيبه وانا من لي ف هالدنيا سواك ان طالت الغيبه رحلت ومن بقى وياي يحس بضحكتي وبكاي وحتى الجرح في بعدك يغزيني واهلي به انا من لي بهل الدنيا سواك ان طالت الغيبه .................................................. ........... تصدق قد ماحنيت اشوفك في زوايا البيت واسولف معك عن حزني واحس ان انت تدري به انا من لي في هالدنيا سواك ان طالت الغيبه ............ شسوي بالالم والاه لكن البقاء لله يصبرني على بعادك واذا حظي وراضي به انا من لي في ه الدنيا سواك ان طالت الغيبه ولا ارد عليه عفناك ياللي بعت نفسك رخيصة عفناك يوم أنك تسالمت للبيع بحرك قريب القاع كل يغيصه ومانشرب الأقداح من عقب تكريع روحي على حبك كانت حريصة ومتربع حبك على العرش تربيع عز الله حبي لك أكبر نقيصة جرح كبير ما نفع فيه ترقيع أول شقيق القلب وأنت خليصه واليوم غدرك لوع القلب تلويع أنسى زمان الحب وأنسى قصيصه وأبعد بعيد هناك من غير توديع ولا يرد طمني عليك إذا حسيت بـ اي اذى بتلقاني مع قلبك اذا بكى ,,,,, منو يحس فيني انا اذا ذقت العنا منو يداري قلبي في يوم اذا شكى ,,,,, يعني ما بشوفك بعد ولا اسمع صوتك ابد و اذا ضاقت علي دنياي مالي غيرك اي احد ,,,,, و اذا نويت تعشق تحب ثاني امانة لا تنساني ولا ارد عليه جاني يبي حبي جاني يبي قلبي جاني يبي قربي ماارد مهما كان يحسبني ماقدر في ابعاده مااصبر مارجع له و يتعذر لوطال ازمان خلاص ارجوك انا بنساك ابيك ترحل الله معاك غيرك في مليون في الدنيا وفي هالكون امثالك مايسون اعطي قلبي لهم كل مره تتائسف واقول شكله تحسف انا اسامح وانتا تعرف مايجيني غير الهم خلاص اليوم انابنساك ابي ترحل الله معاك خلاص ارجوك ابي انساك ابي ترحل الله معاك بااحلامك انا ارجع او اني لك اسمع خلاص قلبي تشجع وعنك يبي يروح عشقتك ماانكر وفيت لي مااذكر موقادر انا اصبر وبهديك الجروح خلاص ارجوك انا بنساك ابيك ترحل الله معاك وظلينا جذي لحد ما وصلنا الشاليه (بعد الجمعيه) ولا بدخلتنا روان شافتني نازله واهو كان موجود ولا تنقهر ودشت داخل تمثل البجي الكل :شفيج روان :انا من زمان ساكته بس ما اقدر استحمل اكثر لهالدرجه اوصلت فيها الحقاره طالعه معاه بروحهم واهو متزوج خالتي فاطمه :منو هاذي ؟ روان :ريان قليلة الادب ولا اييها طراق قوي طيحها على الارض امي :بنتي متربيه احسن منج يا جليلة الحيا و لا تجذبيين افراح وجاسم كانوا معاهم واهم كانوا بالجمعيه مو رايحين يتمشون انا دشيت بنص الهوشه وويهي لا تعليق وعزيز واقف عند الباب واهو مصدوم اول مره بشوف امي اتطق احد لان امي ما تشجع اسلوب الطق ابد ريان :يما شصاير ؟ امي (بصراخ ) مو صاير شي وخري عن ويهي احسن لج انا كنت مصدومه امي اول مره تصرخ علي ولا تهددني بعد سعود(بعصبيه ): ريان تعالي شوي ابي اكلمج وسحبني معاه بره ريان واهي تبجي : انا شنو سويت ليش تصرخ علي ؟؟ سعود : بس لا تبجيين والله ما اقدر اشوفج تبجيين(قلها بكل حب ) ... خلاص اهدي وانا بقولج بس تجاوبيني بصراحه ريان بعد ما هدت شوي : اوك .. بس ممكن نقوم نمشي لان مالي خلق اقعد هنيه سعود :اوك يلا بعدها سألني : انتي طالعه مع عزيز بروحكم؟ ريان :لا سعود والله جاسم وافراح معانا وبس رحنا مركز سلطان عشان فروح تبي اغراض وردينا بس انت ليش تسأل؟ سعود(بعصبيه) : روان تقول ان شافتكم نازليين من السياره مع بعض وان انتي من زمان تتقربين منه عشان يرجعلج ريان :انا @@ عصبت ورحت ركض الشاليه وفتحت الباب بقوه وسعود كان يبي يوقفني بس ما قدر تتوقعون ريان شبتسوي ؟بتظل ساكته ولا بتدافع عن نفسها وشنو نهايتها مع سعود؟ ومناير مع حمد شنو نهايتهم ؟ | |||||||||
|
| |
|
28-07-16, 01:49 PM
| #10 | |||||||||
| نجم روايتي ومشرفة سابقة وفراشة متالقة بعالم الازياء
| بارت (6) دخلت وانا خلاص شوي واذبحها بس لو ما العقل ولا جان علوووم رحت صوب روان وعطيتها كف من كثر ما اهو قوي علم على ويهها روان :يت بترد الكف بس مسكت ايدها وقلت :تخسيين انتي واشكالج تمدون ايدكم علي وانا ما اسوي اللي قلتيه تدرين ليش ؟لاني متربيه مو مثلج اقط روحي على الصبيان .....ولفيت على امي ريان :حسافه كنت اتوقع انتي اخر وحده تصدقين هالشي ..هذا وانا تربيتج صدقتي عيل الناس شلون ؟وخليت الكل وطلعت بره وانا عيوني مغورقه ولا اينادوني رحت و دخلت بكل برود قلت :نعم !!! خير بغيتو شي ولا في شي نسيتوا تقولونه لي ابوي (واهو قايم وياي لي ): انا اللي ابيج مو احد ثاني وخذاني وطلع ركبت السياره معاه وظل يتكلم ويبرر موقف امي صج اني شايله بخاطري بس ما حبيت اكسر فيه ابوي : يبا ترى سعود كلمني ومستعيل يبي يملج بسرعه ..متى تبين الملجه ريان (من كثر ما انا مقهوره منهم ): يبا الحين يمدي اتدق على الملاج ..قول حق سعود الحين .. ابوي استغرب بس ما حب يناقشني وايد فدق على سعود وهم كان مستغرب بس وايد مستانس اليوم راح اصير مرته ومحد بيكلمه لو كلمني او حتى طالعني نروح حق مناير اللي كانت مع رفيجاتها مناير : وااي بشور حمد زوغه بس ريون ما تحبه ما ادري ليش؟ بشرى: اقول متى بترديين ابوج الحين يدق وانتي قلتي بس نتيجه مو ساعه مناير : لووووووووووول قلتله بمر بشور البيت وايد تعبانه وبزورها بشرى : ايي ومناير كانت دايسه ولا تدعم رنج الولد: الله يسامحج ما تشوفيين؟ مناير : سوري كنت اسولف وما شفتك الولد : شكلج تربيه اساسيه صح ؟ مناير : لا .. امم شلون على التصليح؟ الولد : عطيني رقمج وعقب ما اصلح ادز مسج واقولج جم ابي منج؟ مناير : اوك وعطته وبعدها ردت بشرى البيت ويت الشاليه وحزتها ابوي كان يكلم عمامي عن سعود عمي صالح :والله خوش ولد والكل يمدح فيه وماعليه قاصر عمي حسين :ايي وحتى عندي بالكليه الكل يقول خوش واحد والبنات ميتين عشان يكلمهم بس اهو معطي سكب ابوي :يعني نتوكل على الله يلا نروح البيت لان الملاج بيي اهناك مو هني وريون بالبيت مو هني بس خل اقول حق ام عبدالوهاب تبلغ الحريم ان ريان بتملج وقالتلهم امي رحت البيت افكر انا ليش استعيلت مو جنه مبجر وايد لا لا ريون احسن على الاقل سعود الوحيد اللي ما حكم عليج ويا سألج وبعدها قعدت افكر شلبس ؟ ملجنا وامي كانت متضايقه لاني حتى ما كلمتها وقلتلها بس كانت تقول لنفسها استاهل محد قالي اصدق هالهيلقيه نرجع للبيت كنت بالغرفه وطق ابوي الباب ريان :تفضل ابوي :دام فضلج .. يبه سعود ناطرج تحت عشان تطلعون وبعديين اتيون الشاليه ريان :اوك يبه قوله البس وانزل ولبست ونزلت كنت اول مره اشوفه بقتره وعقال كان زوغه والله ما اجذب زووغه وكنت بس متنحه فيه وانا عمري ما تنحت باي واحد بس هذا غير عن الكل الحيين انا مرته :$ (الحين بوصف شعور سعود و كلامه) كنت وايد مستانس ان اليوم اهي بتكون لي بس كنت خايف انها تندم او تخليني اول ما انزلت شفت ملاك نازل على الارض مثل ما يقولون (an angel left the hivan to be with me( كنت جني اول مره اشوفها ..رحت لها و مسكت ايدها وقلتها :يلا نمشي اول ما ركبت معاها السياره وشغلت الراديو و لا حاطيين اغنية انتي حلوه قلتلها يت بوقتها اهداء مني لج واهي استحت وايد كانت فوق ما اهي جميله حياويه كنت اقول يا رب تكتبلنا كل خير هاذي الاغنيه: انتي حلوة انتي حلوة.. و انتي احلى منها بكلمة انتي في عيني بصراحة.. والله آية في الجمال انتي في عيني جميلة.. و انتي في قلبي اصيلة و انتي قصة الف ليلة.. من حكايات الخيال والله آية في الجمال.. انتي حلوة انتي حلوة.. و انتي احلى منها بكلمة انتي في عيني بصراحة.. والله آية في الجمال يا بعد عيني و روحي.. يا معاناتي و جروحي اتبعك لو قلت روحي.. و اشتري بعمري وصال والله آية في الجمال.. انتي حلوة انتي حلوة.. و انتي احلى منها بكلمة انتي في عيني بصراحة.. والله آية في الجمال (الحين نرجع حق ريان) وصلنا المطعم وقعدنا كنا بفندق النخيل اول ما قعدت ولا صبي قاعد يتحرش فيني ..قام سعود وراحله سعود : انت مو صاحي شايفنا مع بعض ولا حيا ولا مستحى ؟ الولد :اي عادي لما تشبع منها قولي عشان اضبطها سعود ماتحمل وعطاه بوكس ورا بوكس ويا الطاوله وقالي واهو معصب وشوي ويذبحني :يلا قومي جدامي بسرعه امبيه كنت مخترعه وايد يخرع واهو معصب قمت بدون لا اتكلم ومشيت جدامه ركبنا السياره هدا شوي وبعدين قلتله :سعود انا ما لي ذنب بلييز لا تصارخ على ترى ما احب اسلوب الصراخ كلش سعود :انا اسف بس الحيو.. خلاني اعصب ..اسف مره ثانيه حبيبتي ريان :لا عادي حياتي سعود :ها شقلتي ؟ ريان (باستعباط ) :قلت لا عادي سعود :قصدي عقبها ريان :ما قلت شي (للحين تستعبط ) سعود :لا قلتي حياتي قوليها مره ثانيه بلييز ريان :حياتي .. وعمري وروحي وكل دنيتي سعود : وين امي بموت واااي (قعد يصارخ )احبهااا يا ناس احبهااا ريان :لوووووول فضحتنا بس خلاص فهمنا سعود :كيفي مرتي ومحد له عندي شي ريان :انزين اسفيين حقك علينا سعود :ولو تمونيين على هالخشم نروح الحين الشاليه عزيز من اول ما سمع واهو قاعد عند الباب مو مصدق ويقول بقلبه اكييد مقلب ومو صج روان بتموت لان عزيز مبين عليه انه متضايق وايد و مو معطيها اي اهتمام البنات قاعدين يعلقون عليهم مع بعض جان تقول شادن :يلا خلونا نروح الصاله المسكره ونسوي حفله بينا ليش قاعدين جذي جنه عزى مو ملجه ؟ امي :لا انا راح اسويلها حفله بس خل يخلص عرس عزيز و بعديين يصيير خير شادن :اي ما عليه نسوي حفلتيين خل اوصف شادن :قصيره وبيضا وتختوخه وايد وعيونها رماديه ومثل عيون القطاوه ووايد تحب الاعراس والطرب اللي بالاعراس (لوووووووول ) شدن :اوك يلا بسرعه خل اييب الاب توب مع السماعات .. منور تعالي ساعديني بلييز مناير :اي اكييد يلا وراحو البنات الصاله المسكره وبدو حفلتهم وكانوا كلهم مستانسين الا عزيز عزيز بينه وبين نفسه :لا انا لازم اقولها اني اببيها واكييد لما اتعرف بتخليه وبتييلي انا اعرفها للحين تحبني ايي راح انطرها واقول للكل اني ابيها نرجع حق المعاريس (لووول تو الناس على هالكلمه ) سعود :شوفي ريون من الحين اقول ما احب اللي تقول لي ما احب جذي وابي جذي واتدلع وايد ريان :لووووووووول يحقلي اتدلع مو حرم سعود ال..... اكيد بتدلع و اتأمر سعود :اي يبا اذا ما دلعج ادلع منو ؟؟ مرتي الثانيه ريان@@:نعم !!! اي مره هاه تبيني اذبحك معاها صح ؟ منو هاذي ؟ سعود:لووول وانا اقدر اخلي هالقمر و اروح حق غيره ريان:$ سعود :فديت اللي يستحون ريان :سعود شرايك بما ان احنا ما تعشينا خنروح البيت اييبلي هدوم حق الشاليه ومنها اتذوق طباخي ترى انا خوش طباخه سعود :اوك بس مو تسويين بيض وتقوليين طباخه ريان :لوووول شبيضه اقولك طباخ تقولي بيض ؟؟!! سعود :اي انتو بنات هالايام ما تعرفون شي زيين تسوون جاي اصلا ريان :لووول لا انا خوش طباخه لا تخاف ماراح تيوع لما تاخذني سعود :اي اشوه ورحنا البيت وطبخت وتعشينا بعدها غسلنا الماعيين ونشفناهم ورديناهم وطلعنا بنروح الشاليه وصلنا ولا يقول سعود :خل نمشي على البحر شوي بعدين انروح ريان :اوك مو مشكله سعود :يلا قدعنا نسولف وسألني جم سؤال سعود :تتوقعيين بتحبيني بعدين ؟ ريان :ومنو قال اني ما احبك الحين ... تدري سعود اكتشفت اني كنت متعوده على عزيز و ما احبه .. وانك انت اول حب بحياتي ... الحين دوري اسأل :توعدني ما تخليني لو شنو يصير سعود :وعد حبيبتي .. ابي ابقى معاج طول عمري بس ابتسمت لاني حسيت بالامان معاه سكتنا حبيت اقطع الصمت ريان:ابي اغني سعود :اخاف صوتج مو حلو وانصمخ خليني انا اغني ريان :اوك سعود: انت غير الناس عندي انت عندي شي كبير كيف بصبر وانا شايف ناس من حولك كثير وانا احبك واقولها لك كلمة خليها في بالك انا ماني أي عاشق انا لما اعشق اغير من عيون الناس والله اغار يا عمري عليك ما اتطمن وانسى خوفي الا وايديني في ايديك بس تحمل كل جنوني لانك اغلى من عيوني لو تدور ماتلاقي منهو غيري يموت فيك قلبي في ايدينك يا غالي بس خل بالك عليه يا حبيبي هذا قلبي وانت ادرى الناس فيه لو اعيش العمر كله ما انسى حبك او امله ما ابي شي بحياتي انت بس الي ابيه دخلنا الشاليه وعزيز وقف وقال :ريون انا احبج وابي ارجعلج تطلقي من سعود وانا اخذج على طول ها تتوقعون ريان ترجعله ولا تبقى مع سعود ؟؟؟ | |||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
