آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-10-16, 03:20 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ʚϊɞ ʚϊɞ •.¸(9)¸.• ʚϊɞ ʚϊɞ وقفنا الحلقة إللي فاتت عند أما رجعت هاله البيت وحاسه جسمها متكسر ، إتمددت ع السرير وفتحت موبايلها لقت رساله من أمها بتقول إنهم راجعيين بكره من السفر ! قامت هاله مفزوعه من السرير ومش عارفه هتقولهم إيه لما يرجعوا !! مؤكد لو قالت إنهم هيتطلقوا أهلها هيتدخلوا وهي مش عاوزه الموضوع يتأخر عاوزه تطلق من علي فـ أسرع وقت ممكن كمان هتقولهم حجة الطلاق إيه ؟! هي مش عاوزه حد من أهلها يعرف بموضوع داليا لذلك إما ما تقولهمش أو تدور علي أي سبب مقنع بس لو ما قالتش إنهم هيتطلقوا هيشكّوا فـ وجودها عندهم خصوصاً إن بعد ما يرجع علي من السفر مش هيكونلها حجه فـ وجودها فـ البيت وبالتالي لازم يعرفوا ! بدأت تدور علي أي حجه أو طريقه تقنعهم بيها بطلاقها ، مسكت دماغها وحستها خلاص هتنفجر من كتر التفكير !! ~ ~ ~ باقي ساعتين علي وصول أشرف الصايغ وعيلته ، دخل توفيق علي جاسر ولقاه بيتفرج علي فيلم توفيق : أظن مش ناسي ميعاد العشا جاسر بعد ما قفل الفيلم : طبعاً يا بابا توفيق : أنا مش عاوز الشراكه إللي هتتم بيني وبين أشرف الصايغ تضيع فاهمني يا جاسر !!! جاسر : حاضر ما تقلقش هشرفك إنهارده ! توفيق : أتمني! إنهارده لو كل حاجه عدت تمام وعد منّي هتستلم إدارة الشركه الجديده بكره والتليفزيون والجرايد مش هيكونلهم سيره غيرك جاسر : ما تقلقش توفيق : تمام أوي أما نشوف وقبل ما يخرج إلتفتله : صحيح إحلق دقنك وماتنساش تقلع السلاسل دي وإلبس بدله محترمه كده بلاش البناطيل الساقطه دي جاسر : حاضر ! خرج أبوه وسابه بيستعد للمقابله ~ ~ ~ ~ خالد راجع بيتهم ، لقي مريم مستنياه فـ الصاله ، جريت عليه بخوف : خالد ! إنت كويس يا حبيبي كنت فين ؟! خالد : بخير يا مريم بس مصدع شويه إيه يا بنتي القلق ده مريم : أنا قلقت عليك أوي ومانمتش من إمبارح خالد وهو ماسك راسه : وأنا أول مره أبات بره يعني يا مريم ، معلش الله يكرمك إعمليلي كوباية قهوه وتقلي البن أووي حاسس دماغي هتنفجر مريم : حاضر ، طيب بس أجهزلك حاجه تاكلها الأول خالد : لا لا كلت مع صحابي إنتي بس إعمليلي القهوه ماشي ؟ مريم : حاضر Smile) دخل خالد أوضته وإتسطح ع السرير ، ومريم عملتله كوباية القهوه ودخّلتها مريم : خالد إنت كويس ؟ خالد : أيوه يا مريم فيه إيه ؟!!!!!! مريم : مش عارفه شكلك مش طبيعي خالد : لأ كويس ما تقلقيش رن موبايل مريم ، ردت : ألو ، أيوه يا حبيبتي ، بجد والله العظيم ؟! تمام أووي ، اللهم لك الحمد ماتوقعتش صوتنا هيوصل بالسرعه دي الحمدلله ،،، أه هجهزهم حاضر طيب تمام تمام يلا مع السلامه ^^ خالد : إيه فيه إيه ؟ مريم : إتكلموا عن الحمله بتاعتنا فـ برنامج فـ التليفزيون ، وناس كتيير اوي بدأت تتفاعل معانا ع الفيس بوك خالد : حملة إيه دي ؟! مريم : لحقت تنسي !! حملة ضد التحرش والإغتصاب إتعصب خالد : أنا مش قولتلك ما تدخليش نفسك فـ زفت مشاكل مريم : أيوه يا حبيبي بس الموضوع ده مفهوش مشاكل خالص ده حتي كمان بعيد عن السياسه ! خالد : برده ما تكمليش فيه وانا نبهت عليكي يا مريم ويبقي ألاقيكي بتشاركي فيه تاني ولا بتعملي لوحات هنا مريم : خالد مش فاهمه إنت بتزعق ومتعصب أوي كده ليه !!! أنا مابعملش حاجه غلط ! خالد : إنتي بتعلي صوتك عليا يامريم !! مسكها من إيديها بعصبيه : الكلمه إللي أقولها تتسمع ومش هتشتركي فـ الزفت الحمله دي يعني مش هتشتركي فيها فاهمه لمعت الدموع فـ عنيها ، ساب إيديها ومشي وهو بيقول : وأهه سايبلك البيت وغاير فـ ستين داهيه عشان ترتاحي مسكت إيديها مكان الألم وبدأت تعيط وهي مش فاهمه ليه بقي عصبي أوي اليومين دول !! وهو نازل من ع السلم مسك موبايله وطلب رقم محمود محمود : ألو خالد : أيوه يا مصلحه محمود : عاوز إيه يابني مش لسه كنا مع بعض ! خالد : بقولك إيه من غير ما ترغي كتير شوفلي أي حاجه دماغي هتتفجر من الصداع مش قادر محمود : قال علي رأي المثل أطبخي يا جاريه كلّف يا سيدي ، لو مالي جيبك يبقي عندي الدوا ! خالد : أيوه هديك بس إخلص وجهز أي حاجه انا جايلك ~ ~ ~ وصلوا الضيوف وإستقبلوهم أحسن إستقبال وجاسر لسه بيتشيك فـ أوضته ، لبس بدله أنيقه ونزل سلّم علي أشرف الصايغ ومراته وجه الدور علي ناريمان ، وأول ما شافها زُهل من جمالها طويله ورشيقه عيونها رمادي وشعرها إسود وطويل ، لابسه فستان وردي وبتبتسم بخجل كل ده وأكتر جاسر لاحظه فـ دقيقه واحده ، الحاجه الوحيده إللي بيعرف يركز فيها فـ حياته هي الستات !! سلّم عليها وقبّل إيديها كأحد البروتوكولات المتعارف عليها فـ وسطهم ! إتكلموا فـ الشغل وفـ الحياه وهو ماشلش عينه من علي ناريمان وهي بتختلس النظرات ليه ~ ~ خالد رجع البيت وإتأسف لأخته عن عصبيته وقالها إنه إتعصب من خوفه عليها ~ ~ ~ عيلة الزغبي والصايغ إتعشوا وبعدين جاسر خد ناريمان يتمشوا شويه فـ الجنينه جاسر : صراحه مامي حكت كتير عن جمالك بس إكتشفت دلوقتي إن مامي مابتعرفش توصف خالص ! ناريمان : ليه طلعت أجمل من وصفها ! جاسر : الله أحب الثقه بالنفس أوي ! أيوه وصفت بس إللي قالته مايجيش حاجه فـ جمالك ناريمان :thanks it's kind of you جاسر : دي مش مجامله علي فكره ناريمان : ، إنت درست إيه ؟ جاسر : English commerce وإنتي كمان مش كده ؟! ناريمان : أيوه كملوا كلام عن إهتماماتهم وطبعاً الحوار كان معظمه غزل ، حقيقه هي دي المهنه الأساسيه لجاسر إنه يميّل قلب كل واحده من أمثال ناريمان ! مشي أشرف الصايغ ونتيجة إجتماع عقد الصفقه المتخفيه فـ صورة جواز دي كانت مبهره وده إللي خلّي توفيق الزغبي يقرر يوفي بوعده لجاسر ! وبالفعل تاني يوم تم إفتتاح الشركه وإللي مديرها جاسر الزغبي وزي ما أبوه وعده الإعلام مالهوش سيره غير جاسر وشركته الجديده ! ••••••••●••••••••● ••••••••••●••••••� ��••●••••••••●•• ••••• نِهال راحت لقريبها عشان تحكيله عن قضية داليا نِهال : إزيك يا طارق ؟ طارق : يا هلا يا هلا بخير الحمدلله يعني ينفع كده يا دكتور مانشفكيش غير ساعة القضايا ! نِهال : معلش بقي يا طارق إنت عارف مشاغل الدنيا طارق : فـ دي عندك حق الواحد ما بيلاقيش وقت حتي يكح وهم بيتكلموا لفت إنتباههم إللي بيتكلم فـ التليفزيون نِهال : مش ده توفيق الزغبي ! طارق : بالضبط كده نِهال : طاب وهو فيه إيه معلش عشان بقالي كتير منعزله عن التليفزيون ! طارق : إفتتح شركه جديده يا ستي وسلمها لإبنه نِهال : مش توفيق ده بتاع قضية الأغذيه الفاسده ؟! طارق : بس طلع منها زي الشعره من العجينه كعادته محدش بيعرف يمسك عليه حاجه ! نِهال : هي المشرحه ناقصه قتله ولا البلد ناقصه فساد رايحين يفتحوا شركه جديده !!!! طارق وهو ماسك الريموت وبيوطي التليفزيون : ياستي سيبك منهم يتحرق ده علي ده المهم ندخل فـ موضوع قضيتك إحكيلي بقي فيه إيه ؟! حكتله نِهال عن إللي تعرفه عن قضية داليا طارق : كويس جداً إنها هتقدر ترسم المغتصبين بالشكل ده هتسهل علينا القضيه وهنقدر بكل سهوله إن شاء الله نمشي فـ الإجراءات نِهال : تمام أوي هي خلاص قربت تخلّص رسم اللوحات أول ما تخلّصهم هجيبها عشان تقدم بلاغ رسمي بقي وتبدأ القضيه طارق : إن شاء الله نِهال : هستأذنك أنا بقي عشان عندي شغل طارق : طيب تمام الله يعينك نِهال : ويعينك أبقي سلملي علي خالتو طارق : يوصل إن شاء الله وإنتي كمان سلميلي علي كل إللي فـ البيت نِهال : أوك ،، مع السلامه ~ ~ ~ علياء أخدت بنتها هَنا لداليا عشان تشوفها ، أول ما شافتها إبتسمت وضمتها لحضنها فضلت تلاعب فيها وهَنا بتضحك من قلبها علياء : حماتي هتتجنن عليها ومش عوزانا نسافر تاني ، مش مدياني فرصه حتي أقعد مع بنتي شويه ليل نهار حطاها فـ حضنها داليا : هي أصلاً هنوش روح قلب خالتو تتحب أوي هنا : دولّي حبّك ضمتها داليا : يا روح قلب دولّي إنتي بمووووت فيكي :* ♥ ^_^ علياء : لسه جدتها مشغلالها الفيديو بتاع فرحي إمبارح تصوري البت مش عرفاني هههههههه عرفت أبوها والوحيده إللي عرفتها هي إنتي وعلـ . . ووقفت علياء عن الكلام لما لقت نفسها هتجيب سيرة علي ، رفعت داليا الحرج عنها وسألت : حماتك كويسه صحيح ؟ علياء : أه الحمد لله بخير كملت علياء كلامها وداليا فـ عالم تاني داليا سرحت فـ يوم فرح علياء كانت لابسه فستان بنفسجي أنيق أوي ، علي هو إللي إختاره بنفسه بعد ماكانت مختاره واحد وماعجبهوش وهو كان لابس كرفته بنفس لون فستانها ^_^ كانوا لسه ما لبسوش دبل بس علي معتبرها مراته وملزمه منه من وهم صغيرين !! مش ناسيه يوم الفرح بكل تفاصيله يومها علي إتحداها إنه يقدر يعمل أي حاجه مجنونه عشانها وهي قبلت التحدي وطلبت يغنيلها ورغم إن صوته مش حلو تماماً إلا إنه ما إتكسفش علي طول مسك المايك وغنّالها رغم إن إللي فـ الفرح إعتبروها فقرة كوميديه وفضلوا يضحكوا عليه بس داليا هي الوحيده إللي كانت بتسمعه مبتسمه وعيونها بتلمع زي ما قلبها كان بيرقص علي صوت غناه ^_^ ♥ ماكنتش سامعه صوت النشاز إللي كان بيغني بيه لإنها كانت سامعه صوت إحساسه وقلبه بيلحنله سيمفونيه مع كل دقه والتانيه ♥ :')) إفتكرت لما علياء رمت بوكيه الورد ولإن علي أطول منها هو إللي قدر يمسكه وعلى طول راح إداهولها ^_^ ~ ~ داليا لما إفتكرت ماقدرتش تمسك دموعها ،، علياء كانت بتتكلم وفجأه لقت داليا بتبكي :'( ضمتها من غير كلام وإنهارت داليا فـ حضنها :'( :'( ~ ••••••••●••••••••● ••••••••••●••••••� ��••●••••••••●•• ••••• هاله راحت تستقبل أهلها من المطار وحاطه إيديها علي قلبها ، وصلوا وسلّمت عليهم وكل مايسألوا عن علي تجاوب بإجابات مختصره ، رجعوا البيت ولما أمها سألتها عن السبب إللي مخليها قاعده عندهم إتحججت بسفر علي ! مروا يومين وأم هاله حاسه إن فيه حاجه مش طبيعيه بينها وبين علي وهاله مازالت بتنكر لحد ما تلاقي حجه تقولها ! ~ ~ داليا قربت تخلّص الرسومات وعلياء كل يوم بتروح تزورها وتقضي معاها اليوم ، طول النهار هَنا بتشغلها عن الألم لكن بالليل مابتعرفش تنام من الكوابيس إللي بتشوفها >Sad :'( ونِهال بتحاول علي أد ما تقدر تساعدها تتخطي المرحله دي ~ ~ ~ علي عايش فـ غربه فوق غربته ، أول مره يحس بمرارة سفره بالشكل ده ، حاسس إنه فقد طعم الحياه ، مش لاقي سبب يعيش عشانه أصله خلاص إتخلي عن إللي كانت بتديله أمل فـ الحياه :'( ~ ~ ~ هاله جهزت عشان تروح العياده ، إتناولت شنطتها وقبل ما تخرج من الأوضه ، دخلت مامتها # أنا بجد يا هاله مش مصدقه إنك لسه عروسه وتنزلي شغلك كده ! يا ماما إنتي لسه ماكملتيش شهر ! هاله : ماما أرجوكي مش هنرجع تاني للكلام ده الشغل علاقته ايه يعني!! إنتي عرفاني بحب شغلي جداً # بس عرفاكي برده بتحبي علي أكتر قلبها وجعها ، بقي مجرد سماع اسمه بيسببلها وجع وحسره > هاله : ماما لو سمحتي شغلي ملهوش علاقه بأي حاجه تانيه وبعدين من فضلك سيبيني أمشي عشان ما أتأخرش ، سلام :* هربت من أسئلة أمها وراحت ع العياده .....خلّصت شغلها وهي قايمه وقّعت كل حاجه من ع المكتب ، لمتهم من الأرض وفجأه لمحت حاجه صدمتها :O ! يتبع..... | ||||
|  |
|
03-10-16, 03:21 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ʚϊɞ ʚϊɞ •.¸(10)¸.• ʚϊɞ ʚϊɞ وقفنا الحلقة إللي فاتت عند أما هربت هاله من أسئلة أمها وراحت ع العياده .....خلّصت شغلها وهي قايمه وقّعت كل حاجه من ع المكتب زفرت بملل ونزلت تلمهم من ع الأرض حطت الدفاتر والأقلام ومسكت النتيجه لسه بتحطها وإتصدمت لما شافت التاريخ ! مسكت النتيجه ووقفت باصه فيها بصدمه ، حطت إيديها علي فمها وتمتمت : لأ مش ممكن يحصل ! إتناولت شنطتها بسرعه ونزلت عند دكتوره صحبتها عيادتها فـ الدور الأرضي والحمدلله لحقتها قبل ما تمشي ، سلّمت عليها الدكتوره : يا هلا يا هلا العروسه جتلي يبقي شكلها بشري خير هاله بتوتر : مش عارفه يا يسرا أنا حاسه بس جايه عندك أتأكد يسرا : طيب إهدي مال وشك أصفر كده ليه !! إن شاء الله خير يا حبيبتي ~ ~ ~ علي رجع من السفر قبل ميعاده بيومين ، راح ع البيت حط الشنط ورمي نفسه ع السرير راح فـ نوم عمييق بقاله فتره مابينامش لا ليل ولا نهار ! صحي علي صوت جرس الباب قام بكسل فتح الباب ولقاها قصاده علي : مش ممكن عليا !! علياء : كويس إنك لسه فاكرني ولا هتفتكرني ليه صح ما إنت بعت واحده كنت بتقول عليها هي نفسك وماكنلكش خير فيها يبقي هيكونلك خير فيا !!! بص فـ الأرض وكإنه كان ناقصه كلام علياء كمان فوق همومه ، سابها ع الباب ودخل قعد علي كرسي الأنتريه ، دخلت علياء وقفلت الباب وراها ، قعدت ع الكرسي إللي قصاده بصلها علي وسأل : داليا عامله إيه يا عليا ؟! علياء : ويهمك أوي تعرف ؟! علي : عليا لو سمحتي ماتقسيش عليا بالشكل ده إنتي عارفه انا بعشق داليا ازاي علياء : ما هي المصيبه إني عارفه كويس أوي يا علي وده السبب إللي مخليني هتجنن ومش قادره استوعب لحد دلوقتي ليه حالكم وصل لكده يا علي ليه إتخليت عنها ! علي : عليا كفايه أرجوكي أنا بموت فـ اليوم ألف مره فـ بعدها ما تزوديهاش عليا عليا : علي : أكيد شوفتيها مش كده ؟! هي كويسه ؟! عليا : يعني إلي حد ما الحمدلله بقت أحسن هَنا خرجتها شويه من حالتها خصوصاً إني باخدهالها من الصبح ونقضي معاها اليوم كله فـ المصحه علي : مصحه !!! مصحة إيه دي ؟! عليا : يـــاه كمان ما تعرفش دي !! داليا فـ المصحه بقالها فتره بعد ما حاولت تنتحر إنتفض علي من ع الكرسي : إنتي بتقولي إيه داليا حاولت تنتحر إمته وإزاي ؟! عليا : يوم فرحك تحديداً حاولت تقطع شرايين إيديها والحمدلله لحقوها علي آخر لحظه ومن يومها وهي موجوده فـ مصحه نفسيه علي : مش ممكن !!! لا حول ولا قوة إلا بالله العلي العظيم ليييه كل ده يحصلنا يا رب لييه أنا بجد تعبت ، انا حاسس إني بضيع بل بالفعل انا ضعت خلاص بص لـ علياء : يلا بينا نروح عند داليا علياء : داليا مين لأ إستنه إنت ماينفعش تقربلها خالص ظهورك ممكن يخلي حالتها تنتكس بلاش يا علي عشان خاطري ،، إلا صحيح أنا مش شايفه مراتك هنا يعني هي فين ؟! بص علي فـ الأرض : هاله عرفت كل حاجه وهنتطلق بعد يومين إن شاء الله علياء : إيييييه مش ممكن ! ~ ~ ~ دكتوره يسرا عملت لهاله شوية إختبارات وبعد إنتظار ردت يسرا وهي فرحانه : مبروك يا ماما هاله إنتي حامل هاله : لأ لأ مش ممكن يحصل أرجوكي يا يسرا إتأكدي !! يسرا : والله متأكده إنتي حامل ، عارفه فرحة أول خبر بتبقي الأم مش مستوعبه هاله : لأ ده مش ممكن يحصل ، مستحييل ماينفعش أصلاً !! يسرا : هو إيه ده إللي ماينفعش !! أنا مش فاهمه حاجه يا هاله مالك !!! هاله : أنا أسفه يا يسرا بس لازم أمشي حالا متشكره جداً يسرا : هاله طاب إستني يا بنتي شكلك مش طبيعي إنتي كويسه ؟!! هاله هاله !!! مشيت هاله من غير ما ترد عليها ، ماقدرتش تسوق فنزلت من عربيتها وركبت تاكسي لبيتهم ، دخلت بسرعه وقفلت الباب علي نفسها ، بصت فـ المرايه وصوت يسرا بيتردد فـ ودنها : (( مبروك يا ماما هاله إنتي حامل ))(( إنتي حامل ، إنتي حامل )) حطت إيديها علي ودنها وصرخت : لأااااا ماينفعش ، رحماك يا رب . . أمها إستغربت إنها دخلت علي أوضتها وماردتش عليها ولا رضيت تفتح باب الأوضه ، لقت التليفون بيرن ردت وكانت يسرا بتطمن علي هاله لإنها لقت موبايلها مقفول وأمها عرفت من يسرا إنها حامل وفرحت جداً عشانها فضلت تخبط ع الباب وبعد إلحاح منها فتحت هاله وعيونها حمرا من كتر البكا _ هاله حبيبتي مالك يا روح قلبي ! إترمت فـ حضن أمها : أنا تعبانه اووي يا ماما إنتوا ليه جوزتوني ليييييه _ ليه كل ده يا روح قلبي فيه واحده لسه عارفه إنها حامل وتعمل كده !!!!!! هاله : الجنين ده مش لازم يعيش _ إيه إللي بتقوليه ده يا هاله إنتي إتجننتي إستغفري الله يا ماما هاله : إستغفر الله العظيم وأتوب إليه ، يـــــــــــــــا رب :'( _ ليه بتقولي الكلام ده يا حبيبتي !! هاله : :'( :'( :'( _ شكل شكّي فـ محله إنتي متخانقه مع علي ؟! سكتت هاله شويه وبعدين ردت : أنا وعلي هنتطلق بعد يومين :'( _ إييييييييه :O :O !! إنتي بتقولي إيه إنتي إتجننتي :O !! هاله : ماما لو سمحتي من غير أسئله كتير انا وعلي إكتشفنا إننا مش مناسبين لبعض وإتفقنا ع الطلاق بعد ما يرجع من السفر إن شاء الله :'( _ إنتوا إتهبلتوا هو لعب عيال >.< ده جواز >.< !!!!! هاله : ماما أرجووكي ما تزوديهاش عليا انا بموت فـ اليوم ألف مره ومحدش حاسس بيا :'( _ نزلت دموع أمها وهي بتضمها لحضنها : بس يا روح قلبي طيب إستهدي بالله وهنتكلم فـ الموضوع ده بعدين :'( ♥ إتسطحت هاله ع السرير وأمها بتمسح علي شعرها وتقرالها قرآن لحد ما نامت -_- بصتلها بألم لحالها وحيره ،،نفسها تعرف حصل إيه يوصلهم للطلاق ! هي عارفه كويس أوي إن بنتها بتحب علي من قبل ما تتجوزه وهاله بطبيعتها صبوره أكيد إللي يخليها توصل للحاله دي حاجه كبيره اوي ،، تمتمت وهي باصه لبنتها إللي نايمه ودموعها علي خدها : يا تري عملت إيه يا علي كسر بنتي بالشكل ده :'( ؟! ••••••••●••••••••● ••••••••••●••••••� ��••●••••••••●•• ••••• جاسر وناريمان إتقربوا من بعض جداً وكل ما تتقرب المسافات بينهم أبوه ينبسط منه أكتر وبالتالي يديله صلاحيات وأملاك فقرر إنه يقبل بقرارهم ويخطب ناريمان وتوقيع عقد الشراكه إللي بين الزغبي والصايغ هيكون يوم الخطوبه إحتفالاً بالشراكه والنسب مع بعض ~ ~ ~ ~ صحيت هاله ولقت أمها مجهزالها كوباية لمون شربتها وإبتسمت لأمها عشان تطمنها ، إتكلمت مامتها معاها شويه وحاولت تفهم سبب الخناقه إللي بينها وبين علي ! لكن هاله برده ما إتكلمتش فضلت تقول شوية أسباب مش مقنعه وأول ما أمها قالت إن أبوها عرف وناوي يكلم علي راحتله أوضته وطلبت منه وهو وأمها ما يتدخلوش فـ أي حاجه لإنها مصممه ع الطلاق بالإضافه لإنها طلبت محدش يقوله عن حملها علي الأقل فـ الوقت الحالي لحد ماهي إللي تقوله ~ ~ ~ ~ وأخيراً داليا خلّصت اللوحات وبعتت ممرضه لدكتوره نِهال تبلغها جت نِهال لأوضة داليا وهي متحمسه جداً ومبسوطه نِهال : وأخيراً يا داليا خلّصتي داليا : خلّصت وغيرت هدومي وجاهزه أروح معاكي دلوقتي حالاً القسم :')) هاله : تمام بس معلش هننتظر ساعه لحد ما طارق يكون موجود هناك ولحد ما نروح إيه رأيك ندردش شويه مع بعض وتفرجيني علي رسوماتك) ؟ مسكت داليا اللوحات وناولتهالها : شوفيهم إنتي انا مش عاوزه ابص فيهم تاني > قلّبت نِهال فـ اللوحات وبصت لداليا : هو المتهمين 4 ؟ داليا : لأ ، أول 3 دول إللي إرتكبوا الجريمه فعلياً والرابع ده البواب الشاهد الوحيد علي إللي حصل ويعتبر مشترك فـ الجريمه بصمته > نِهال : تمام طيب مش فاكره أي أسماء ؟؟!! داليا : فاكره إسم البواب كويس أوي إسمه عوض وتالت واحد كمان هو الوحيد إللي سمعت اسمه يومها نادوه بـ مصلحه ! نِهال : كويس جداً ، حقيقي بجد بهنيكي علي شجاعتك دي يا داليا داليا : ممكن أنزل عنبر 121 ؟ نِهال : ليه ؟! داليا : عاوزه أطمن ع البنات إللي فيه نِهال : طيب يلا بينا Smile) داليا : لأ عاوزه أروح لوحدي نِهال : خلاص زي ما تحبي روحي وانا هنتظرك تحت نزلت داليا للعنبر وبصت لساميه وإفتكرت قصتها شافتها وهي بتصرخ لحظة ألمها > ، وبسرعه حوّلت نظرها علي لبني تخيلت كل ليله وجوزها بيضربها ويغتصبها وهي مكسوره وضعيفه > ولاّ عبير إللي لسه بتتلفت حوليها بخوف ، تخيلت صدمتها لما فتحت عيونها ولقت كل شيئ إنتهي وأخيراً وقفت عند منار تأملتها وتخيلت الحادثه بكل تفاصيلها ، سمعت صرخات الطفله منار فـ ودنها إتمنت لو لحظتها كانت معاها تحميها وتطمنها :'( قربت منها بهدوء وضمتها لحضنها أووي ونزلت دموعها :'( رغم إنها متأكده إن منار مش هتفهمها بس فضلت تشكيلها وتقولها : أنا خلاص قررت أخدلك حقك إنتي وباقي البنات اللي هنا ، هاخدلك حقك من إللي إغتصبك وقتل طفولتك وأردلك إعتبارك وحياتك يا منار ما تخافيش أنا جنبك وحاسه بيكي أوي يا حبيبتي :'( ♥ وزي ما تكون منار فهمت بصتلها بكل براءه ونامت فـ حضنها ♥ فضلت داليا تربت علي كتفها لحد ما جت ممرضه وبلّغتها إن دكتوره نِهال فـ إنتظارها ، فودعت منار وباقي البنات وقبل ما تمشي بصّت علي السرير الفاضي وتمتمت : قريب أوي هتتشال من هنا ، قريب أوي العنبر ده هيفضي ،يــــا رب قوّيني :'( ♥ ~ ~ ~ أم هاله وابوها كلموا علي وطلبوا منه يجي البيت عشان يشوفوا حل لمشكلته هو وهاله ! راح علي ولما سألوه عن إللي حصل ماعرفش يقولهم إيه > أنقذته هاله من الموقف ده وطلبت منهم محدش يتدخل ده قرارهم النهائي ، أمها كانت علي وشك تقوله عن حملها لكن هاله وقفتها ، مشي علي بعد ما هاله أقنعتهم إنها خلاص مصممه علي قرار الطلاق أم هاله : طيب وإللي فـ بطنك يا هاله ثم إن علي من حقه يعرف ؟!! هاله : مفيش داعي يعرف يا ماما لإني هنزل الجنين أم هاله : يا نهارك مش فايت إنتي خلاص إتجنيتي :O إزاي تفكري فـ حاجه زي ده >.< هاله : ماما عشان خاطري سيبوني براحتي _ هو لبس هتشتريه ولا أكله دي حياتك يا ماما !!! هاله : وانا عرفت إن مفيش خطر علي حياتي حالياً الجنين لسه فـ بداية أيامه مش هيأثر عليا صحياً ، وكده كده أنا وأبوه هنتطلق خلاص وانا مش عاوزه أي حاجه تربطني بـ علي بعد الطلاق إن شاء الله هسافر بره وأرجع لحياتي الطبيعيه إللي كانت قبل الجواز _ يا حبيبتي بسـ قاطعتها : ماما أرجوكي أنا مش مستحمله اي كلمه أنا مستحيل هرجع عن القرارات إللي أخدتها دي وإنتي وبابا عودّتوني من صغري إنكم تحترموا قراراتي فأرجوكم تسيبوني علي راحتي أنا فاهمه انا بعمل إيه :'( ومعلش يا ماما من فضلك انا تعبانه وعاوزه انام شويه ممكن تسيبيني لوحدي :'( _ حاضر يا حبيبتي :'( خرجت وسابتها لوحدها ، بصت هاله للمرايه وهي حاطه إيديها علي بطنها ، إفتكرت إزاي حلمت باليوم ده ودلوقتي بعد ما جه اليوم إللي حلمت بيه هتدمر كل حاجه بإيديها لـ لحظه فكرت ترجع عن قرارها وتربي هي طفلها لكن إفتكرت إنها مش عاوزه حاجه تربطها بـ علي ، فضلت ماسكه بطنها وبتبكي :'( فتحت شنطتها وطلعت الموبايل أكدت ع الحجز بكره عشان تنزل الجنين > ~ ~ ~ ~ نِهال وداليا وصلوا القسم ، داليا أول مره تدخل قسم فأول ما دخلت من البوابه إرتبكت مسكت نِهال إيديها وضغطت عليها بلين وهي مبتسمه عشان تطمنها ) ، سمّت الله وكملت مشي ، وصلوا لـ مكتب طارق ، رحّب بيهم جداً وشكر داليا علي شجاعتها فـ إنها إتخذت قرار زي ده طلب من داليا تحكيله الحادثه بالتفصيل ، بدأت تحكي ومن العصبيه والألم لما إفتكرت الحادثه بقت بتضغط علي إيديها بأظافرها > نِهال لاحظت حركتها دي لما لقت إيديها مجروحه فسحبت إيد داليا وضمتها بينإيديها وهي بتحاول تهديها ، خلّصت داليا ودموعها نازله من غير صوت :'( وجه وقت الرسومات مسك طارق اللوحات ، نِهال شرحتله زي ما داليا قالتلها فـ المصحه بس أضافت : أول واحد ده يا طارق من وقت ما شفت اللوحه وانا حاسه إني شفته قبل كده بس مش قادره افتكر فين !! سكت طارق شويه وهو بيتأمل الصوره : أها شوفتيه لما كنتي عندي هنا يا نِهال نِهال : إزاي O.o ؟!!!!! طارق : ده جاسر الزغبي كنتي عندي هنا لما كان فـ لقاء فـ التليفزيون نِهال بتحاول تفتكر .. نِهال : أيوه أيوه صح إييييه مش ممكن :O ، معقوله يكون هو واحد من الـ .. أه يا حقير يا قذر >.< داليا مش فاهمه حاجه ، فتح طارق اللآب توب وشغّل النت كتب إسم البرنامج وتاريخ الحلقه ع اليوتيوب وجتله ، بص لداليا وقالها : داليا أنا دلوقتي هعرض عليكي فيديو وعاوزك تركزي كويس أوي وتشوفي الشخص إللي فيه واحد من إللي إعتدوا عليكي ولا لأ ماشي ؟ هزت راسها بالموافقه طارق : جاهزه ؟ إتنهدت داليا وردت : جاهزه شغّل الفيديو وحطه قصاد داليا .... وإنتهت حلقتنا هنا إنهارده يا تري داليا لما تشوف جاسر هتكون ردة فعلها إيه ؟! وعلي هيعرف إن هاله حامل منه ولا لأ ؟! يتبع..... | ||||
|
| |
|
03-10-16, 03:21 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ʚϊɞ ʚϊɞ •.¸(11)¸.• ʚϊɞ ʚϊɞ وقفنا الحلقة إللي فاتت عند أما فتح طارق اللآب توب وشغّل النت كتب إسم البرنامج وتاريخ الحلقه ع اليوتيوب وجتله ، بص لداليا وقالها : أنسه داليا أنا دلوقتي هعرض عليكي فيديو وعاوزك تركزي كويس أوي وتشوفي الشخص إللي فيه واحد من إللي إعتدوا عليكي ولا لأ ماشي ؟ هزت راسها بالموافقه طارق : جاهزه ؟ إتنهدت داليا وردت : جاهزه شغّل الفيديو وحطه قصاد داليا .... بصت بتوتر وأول ما لمحت جاسر جحظت عنيها ورجعت للحادثه بكل تفاصيلها سمعت فـ ودانها كل كلمه قالها وحست بكل لمسه حتي ريحة أنفاسه القذره شمّتها طارق : ها يا أنسه داليا ده واحد من إللي إعتدوا عليكي ؟؟!! بدأ جسمها يرتجف،،، الفيديو شغال بس هي ما بتتفرجش عليه عقلها دلوقتي رجع بيها لفيديو تاني خالص ، فيديو مصوّر فـ ذهنها بأدق تفاصيله ومش قادره تنساه طارق ونِهال بيبصوا لبعض ومنتظرين داليا ترد ، بدأت داليا تتنفس بصعوبه وتخرج منها صوت أنّات مكتومه زادت رجفتها ونِهال بتكلم فيها وهي ولا هي هنا ، رفعت إيديها للشاشه وحطتها علي وشه وبدأت تخربش الشاشه بأظافرها وهي بتجز علي سنانها رفع طارق اللآب توب بعد ما خلاص فهموا إن جاسر واحد منهم وداليا بدأت تتشنج ونِهال بتحاول تفوقها من الحاله دي ~ ~ ~ ~ علياء : علي أنا بجد مش مستوعبه الإستهتار إللي إنت فيه ده !!! هو حياة بنات الناس لعبه ! إزاي هتطلقها !! علي : هاله هي إللي مُصره ع الطلاق يا علياء علياء : طيب هي مُصره إنت عادي كده تنفذلها رغبتها !!! علي : وعوزاني أعمل إيه ؟!! علياء : يا جبروتك يا اخي انا مش مصدقه ان علي أخويا هو إللي واقف قصادي دلوقتي ده !! إنت مش مكفيك إللي عملته فيها ! أنا لو من هاله كنت قتلتك علي : علياء الله يكرمك ! إنتي جايه عشان تزودي همي علياء : كنت جايه اسلم على أخويا إللي بحسبه زي ما هو بس إتغير أووي أو يمكن انا اللي كنت فاهمه غلط من الأول يا علي علي : علياء عشان خاطري خليكي جنبي ، أنا عارف إني غلطت فـ حق داليا أووي علياء : مابقتش داليا لوحدها إنت غلطت كمان فـ حق هاله وإللي المفروض تعمله دلوقتي تصلح الغلط ده وتعتذر لمراتك وتراضيها بكل الطرق وتحاول ترجعها للبيت من تاني علي : مابقاش ينفع يا علياء أنا مش هقدر أعيش مع واحده غير داليا علياء : بس داليا خلاص بقت أبعد ما يكون ليك ، من عاشر المستحيلات إنك ترجعلها ومن عاشر المستحيلات إنها تسامحك علي كسرة قلبها صالح هاله بدل ماتخسر كل حاجه !!!! علي : أنا تعبت بجد وحاسس إن حياتي كلها إتدمرت علياء : إنت إللي دمرت حياتك بإيديك يا علي Sad( علي : بصت علياء فـ الساعه وقالت : عموماً أنا لازم أمشي دلوقتي زمان داليا رجعت المصحه ولازم أشوفها قبل ما الزياره تنتهي علي : هي داليا راحت فين ؟ علياء : راحت عشان تبـلّـ ........ مش شغلك يا علي ،المهم تفكر فـ إللي قولتلك عليه وتروح ترجع هاله حاول تاخد قرار واحد صح فـ حياتك ! مشيت علياء بعد ما رمقته بنظرة أسي قلبها واجعها علي أخوها ونفسها تضمه لحضنها أوي بس فـ نفس الوقت مقهوره من تصرفاته ، نزلت أخدت تاكسي وراحت ع المصحه ...... ~ ~ ~ هديت داليا من التشنجات ، خلّصوا كتابة المحضر ، نِهال ضامه إيد داليا وبتشربها كوباية اللمون إللي طارق طلبهالها نِهال : وبما إننا خلاص دلوقتي يا طارق أصبحنا متأكدين إن الحقير إبن توفيق الزغبي واحد من المتهمين وداليا قدمت البلاغ رسمي ياريت تقبض عليه وفـ أسرع وقت طارق : لا يا نِهال الامور ما تتاخدش بالشكل ده خالص وخصوصاً إن توفيق الزغبي مش شويه فـ البلد رفعت داليا راسها وبصت لطارق وعيونها حمرا من كتر البكا والقهره : وهو عشان أبوه مش شويه فـ البلد مش هقدر أخد حقي !!!!! طارق : لا خالص انا ماقولتش كده ، إللي أقصده إن الموضوع محتاج تخطيط لإن أى خطوه غلط فـ الموضوع ده هتتاخد ضدنا .... بص لـ نِهال وكمل : وأظن يا نِهال إنتي شوفتي إزاي قدر يطلع من قواضي الأغذيه الفاسده وغيرها رغم إننا بنمسكه متلبس بس برده بيطلع منها بكل سهوله تِعبان زي ده لازمله تفكير بطريقته هو ! نِهال : بس دي مش قضية عاديه يا طارق دي قضية إغتصاب المجني عليها جايه تقدم البلاغ ورسمت الصور بكل وضوح ؟! طارق : عارفه لو سمعت كلامك وروحت دلوقتي قبضت عليه فـ ظرف ساعه هيختفي البواب من الوجود بل وممكن الفيلا نفسها ، هينفي إنه يعرف الباقيين اصلاً ومش بعيد يلبس لداليا كام تهمه وكام قضيه و لحد ما تطلع منهم يكون إبنه فـ طيارته لبره مصر ! نِهال وداليا : !!!!! نِهال : طاب وناوي علي إيه يا طارق ؟!! طارق : مبدأياً كده إن شاء الله ناوي أراقبه هو وباقي المتهمين عشان نقدر نجيب معلومات كافيه عنهم المهم ما تقلقيش وباقي التفاصيل ده شغلي بقي يا دكتور ما تسألنيش عن حاجه تاني) نِهال : مش عارفه ليه بدأت أقلق .. فـ الأول فرحت وقلت الموضوع سهل بس كلامك خوفني طارق : كلامي مش عشان أخوفك عشان بس تبقي عارفه نوع الخصم إللي بتتعاملي معاه فـ القضيه وتبقي عارفه راسك من رجليكي مش معناه إننا مش هنقدر ناخد حق داليا لا بالعكس ما تقلقيش نِهال : ربنا يستر طارق : وبعدين إنتي مش واثقه فيا وفـ قدراتي ولا إيه يا بنت خالتي !! نِهال : ولو مش واثقه إنك هتقدر ماكنتش لجأتلك من الأول يا طارق طارق : نِهال : هنمشي إحنا بقي عشان تشوف شغلك ربنا يعينك طارق : تمام وماتقلقيش عاوزكم تطمنوا خالص المره دي أنا مش هسمح لتوفيق الزغبي يمارس سلطاته عشان يداري علي قذارة إبنه إبتسمت نِهال ومسكت داليا من إيديها ولسه هيمشوا نده طارق : أنسه داليا ! إلتفتتله داليا طارق : إنتي ماتعرفنيش عشان أطلب منك تثقي فيا بس رغم كده أنا بطلب تثقي فيا وتأكدي أنا هجيبلك حقك وإلا هبقي ما استحقش البدله إللي لابسها دي بل ومااستحقش كلمة راجل) ! هزت داليا راسها وظهر شبح إبتسامه علي شفايفها :')) فبادرها طارق بإبتسامه قبل ما تمشي هي ونِهال ...... بعد ما خرجوا بص طارق للرسومات وهو بيفكر فـ إللي ناوي يعمله ، مسك موبايله وطلب رقم : أيوه يا وحيد عاوزك فـ مكتبي دلوقتي ! طارق قرر مش هيضيع وقت وهيبدأ من اللحظه دي ~ ••••••••●••••••••● ••••••••••●••••••� ��••●••••••••●•• ••••• هاله من وقت ما صحيت وهي حاسه قلبها مقبوض أو مكسور مش عارفه حاسه بإيه بالضبط مشاعر كتير متلغبطه قفلت شنطتها بكسل وقبل ما تخرج من الأوضه بصت فـ المرايه ولقت واحده تانيه ، حطت إيديها علي بطنها فإرتعشت إيديها لما إفتكرت إنها رايحه دلوقتي عشان تتخلّص من حته من روحها إتكونت فـ أحشائها وعلي طول حضنت دموعها خدودها وكإن الدموع دي بتحاول تواسي قلبها ، كانت حاسه من يوم ما إرتبطت بـ علي إنها مش هتشوف الدموع فـ عنيها ولا هتشوف لحظة أسي أو ألم وكل إللي كانت فاكراه طلع سراب وأصبح علي هو أكبر ألم فـ حياتها خرجت من شرودها علي إيد أمها بتربت علي كتفها فرفعت إيديها ومسحت دموعها عشان ماتوجعش قلب أمها أكتر من كده :'( ♥ * عشان خاطري يا هاله فكري تاني والله لتندمي علي القرار ده لو نفذتيه مافيش أم بتفكر تعمل كده عشان خاطري ماتخليش الغضب يعمي عنيكي > هاله : ماما عشان خاطري ماتزوديش وجعي أنا ما صدقت أقنعت نفسي ومش مستعده أرجع عن قراري > بدأت أمها تبكي :'( فضمتها هاله لحضنها : أنا أسفه إني وجعتك وخليت دموعك تنزل ونكدت عليكي إنتي وبابا الفتره دي غصب عني والله يا ماما سامحوني ♥ :'( * يا حبيبة قلبي إحنا كل همنا راحتك ومصلحتك طيب علي الأقل قوليلنا حصل إيه بينكم وصّل الأمور لكده ؟!! هاله : ـــــــــــــــــــــــــ ــــــــــــــــــــــــ > * طيب بلاش أبوكي إحكيلي أنا ووعد والله ما هحكيله حاجه بس طمني قلبي بقي يا بنتي :'( هاله : ماتقلقيش عليا يا ماما ، صدقيني لو كان ينفع أقول أكيد كنت هقولك مش قصة إني بعتبركم غرب ولا عاوزه أقلقكم بس شايفه إن أنا وعلي خلاص هننفصل فملهوش داعي نتكلم عن الأسباب مادامت النتيجه واحده وقبل ما أمها تتكلم تاني بصت فـ الساعه : بعد إذنك يا ماما بقي عشان ما أتأخرش علي يسرا ، العمليه مش هتاخد وقت خالص ساعه بالكتير وهتلاقيني عندك يلا بقي عاوزه أشوف إبتسامتك :')) إبتسمت هاله غصب عنها فبادرتها أمها بشبح إبتسامه :')) ، إتنهدت هاله ومشيت ، شاورت لتاكسي وقالتله علي عنوان العياده .. وطول الطريق حاطه إيديها علي بطنها وبتسترجع كل إللي مر فـ حياتها مع علي > ، ونزلت دموعها لما إفتكرت اليوم إللي حست فيه بندمه علي جوازه منها وحكلها كل الحقيقه إللي كان مخبيها عنها وسايبها عايشه مخدوعه وعلى عماها معاه :'( ~ خرجت من شرودها علي صوت السوّاق : إتفضلي يا مدام العنوان أهه هاله : شكراً ! أول مره تدخل العماره إللي كل يوم بتدخلها لعيادتها وتحس الإحساس ده > ! لـ لحظه كانت هتتراجع عن قرارها وترجع مع نفس التاكسي لبيتهم بس كلام علي رن فـ ودنها فإستجمعت قواها ودخلت العماره وقفت على باب عيادة يسرا لـ لحظات بتتأمل العياده والموجودين فيها ، إستقبلتها الممرضه أحسن إستقبال وخلتها تقعد 10 دقايق لحد ما تبلغ دكتوره يسرا قعدت هاله وتأملت الحوامل إللي فـ العياده شايفه إللي قاعده هناك قصادها واضح إنها فـ شهرها الأخير بطنها كبيره أوي وجوزها قاعد جنبها ماسك إيديها وحاطط إيديه التانيه علي بطنها وبيكلمها وهو مبتسم وواضحه الفرحه فـ عيونها ) بصت لـ إللي هناك عند الباب بطنها يدوبك ظاهره ، قاعده جنب جوزها وسانده راسها علي كتفه قبّل راسها بحنان وهو ماسك إيديها ، منظرهم خلّي هاله غصب عنها تبتسم :')) إفتكرت أحلامها باليوم ده ، اليوم إللي تيجي فيه العياده وتسند راسها على كتف علي ♥ أهه دلوقتي قاعده فـ العياده بس فرق كبير أوي بين حلمها وبين الكابوس إللي عايشه فيه دلوقتي > خرجت من شرودها علي سؤال إللي جنبها : إنتي فـ الشهر الكام يا حبيبتي ^_^ ؟ إبتسمت هاله ونسيت هي جايه ليه : أنا لسه فـ أول شهر ^_^ _ ما شاء الله ، أنا فـ السابع بس خدي بالك هتتعبي فـ أول الشهور كده معلش هي الشهور الأولي والأخيره متعبه شويه ربنا يقومك بالسلامه هاله : اللهم آمين ^_^ _ الدكتوره شافت فـ السونار إن فـ بطني بنوته ^_^ إنتي نفسك ربنا يرزقك بولد ولا بنت ؟ هاله : أنا نفسـ ..... وكإن الذاكره رجعتلها وإفتكرت هي جايه هنا ليه فحست بوجع فـ قلبها > ولما الست إللي جنبها كررت السؤال ردت بلا مبالاه : كل إللي يجيبه ربنا خير وهنا جت الممرضه وبلّغت هاله إن الدكتوره فـ إنتظارها ، قامت معاها ، سلمت علي يسرا يسرا : هاله خلاص متأكده إن ده قرارك النهائي ؟ هاله : أه يا يسرا > يسرا : يعني مستعده ؟ هزت براسها بخوف > ، أخدتها الممرضه أوضة العمليات وبدأت تغيّر هدومها ، لبست وإتمددت ع السرير ، حطت إيديها علي بطنها وسرحت فـ السقف ، إفتكرت المشاهد إللي شافتها بره وكل أحلامها إللي إتدمرت > دخلت يسرا ومعاها دكتورة التخدير ، وبدأوا ، لحظات تأمل فـ السقف وسري المخدر فـ جسم هاله فراحت لدنيا تانيه -_- ~ ••••••••●••••••••● ••••••••••●••••••� ��••●••••••••●•• ••••• داليا بعد ما رجعت المصحه لقت علياء فـ إنتظارها حكتلها عن إللي حصل ومشيت علياء ، أما عن داليا فحاولت تنام بس ما قدرتش كل ما تغمض عنيها تشوف جاسر فـ الفيديو إللي شافته عند طارق ، تفتح عنيها تشوف الحادثه مش عارفه تهرب إزاي حتي النوم بقي مصدر وجع ليها مش عارفه تهرب من واقعها بيه > لبست حجابها وفضلت تتمشي فـ المصحه لحد ما وصلت عند العنبر 121 ، لقتهم نايمين ماعدا منار بل ومالقتهاش فـ سريرها ! قلقت داليا ولسه هتخرج تبلّغ أي حد لمحت منار قربت فسمعت صوت بكاها ، لقتها قاعده فـ ركن وبتبكي :'( سرت رعشه فـ جسم داليا أول ما شافتها وجريت عليها قعدت جنبها وضمتها لحضنها :'( ♥ فضلت تهديها ، قومتها لسريرها ونامت جنبها وهي ضامّاها فـ حضنها عشان تطمنها وتحسسها بالأمان :'( ♥ ~ ~ ~ هاله من وقت ما رجعت من عند يسرا وهي مابطلتش بكا ، نايمه فـ سريرها وبتبكي :'( دخلت أمها بالأكل وبتتحايل عليها تاكل _ يا هاله عشان خاطري كلي حاجه يا ماما وشك أصفر يا حبيبتي إنتي لسه عامله عمليه لازم تاكلي كويس هاله وهي بتبكي :'( : يا ماما عشان خاطري سيبيني بقي قولتلك مش جعانه انا كويسه بس عاوزه انام لو سمحتي سيبيني أنام شويه _ ما انا لو شيفاكي نايمه هسيبك انما من ساعة مارجعتي ما بطلتيش بكا مش قولتلك هتندمي علي القرار ده > هاله : مامااااااااا كفايه أرجوكي لو سمحتي سيبيني لوحدي شويه خرجت أمها وسابتها لسه بتبكي :'( قعدت مع زوجها بره وسمعت جرس الباب فتحت وكانوا أهل علي عرفوا إللي حصل بين علي وهاله وجم يفهموا منها السبب لإن علي مش راضي يتكلم ، أمها كانت داخله تبلغها وقفتها علا وطلبت منها تدخلها ، خبّطت ع الباب هاله : ماما قولتلك من فضلك سيبيني لوحدي شويه :'( علا : طيب ممكن أدخل أنا ولا هتطرديني بقي Sad مسحت هاله دموعها وحاولت تقوم ، قعدت ع السرير بوهن : إتفضلي يا علا سلمت علا عليها وقعدت علي حرف السرير علا : إيه إللي عرفته ده بقي إن شاء الله !! طلاق إيه إللي ناويين عليه ده يا هاله ؟! هاله : زي ما سمعتي كده يا علا أنا وعلي هنتطلق علا : والسبب ؟! هاله : عادي إكتشفنا إننا مش مناسبين لبعض :/ ! علا : وإنتي شايفه ان ده سبب مقنع يعني ! وبعدين أنا أول ما اتجوزت انا وجوزي كان بينا خناقات كتير ده غير الخناقات إللي بيني وبين أهله ودلوقتي عايشيين حياه سعيده الحمدلله ومافكرناش لحظه واحده فـ الطلاق ، أي إتنين فـ بداية حياتهم بتحصل خناقات عادي يا حبيبتي بس ماينفعش نوصل أي حاجه للطلاق كده ! هاله : ليه عملتي فيا كده يا علا > ! علا بتعجب : مش فاهمه عملت فيكي إيه ؟! هاله : أنا وإنتي كنا صحاب أوي ، أخوكي وخبّي عني الحقيقه ونقول عادي رجاله كتير بيخبّوا ماضيهم لكن إنتي إزاي قبلتي إني أتحط فـ الموفق ده وأخوكي يخليني أعيش معاه مخدوعه بالشكل ده ! حست علا بغصه فـ حلقها ، بلعت ريقها وردت : أفهم من كده إن السبب فـ قرار طلاقكم هو موضوع داليا ! هاله : بالضبط كده ، كان نفسي تكوني ليا صاحبه بجد وماتخبيش حقيقة أخوكي وتجمليه فـ عنيا أكتر وتداري عليه ! علا : علي ما عملش حاجه غلط يا هاله عشان أداري عليه هو بس كان محتاج شوية وقت ! هاله : طاب وانا ذنبي إيه ! علا : أنا عارفه انك بتحبيه عشان كده كنت متأكده إنك هتقدري تنسيه داليا والدنيا كلها ضحكت هاله بسخريه : هه تقصدي أكون أسبرين يسكن ألمه يعني ! سكتت علا وماعرفتش ترد ، إتنهدت هاله وكسرت الصمت اللي بينهم هاله : أتمني ماتجبيش سيرة الموضوع او سبب الطلاق يعني لحد من أهلي وخلاص الموضوع مش مستحق نتكلم فيه أكتر من كده علا : أيوه يا هاله بسـ قاطعتها : علا أنا تعبانه جداً من أول اليوم ونفسي أنام شويه ، ممكن من فضلك تسيبيني لوحدي ! قامت علا من غير ما تنطق ، حاولوا بره يفهموا منها اللي حصل بس قالت ان هاله مش راضيه تتكلم ~ وهاله بعد ما علا خرجت إتمددت ع السرير وحاولت تسترخي شويه يمكن النوم يزورها > ••••••••●••••••••● ••••••••••●••••••� ��••●••••••••●•• ••••• علي مش عارف ينام حاول لكن كالعاده النوم مجافيه > كان متعود دايماً لما يتوجع وتضيق بيه الدنيا داليا ببسمتها وكلامها بتقدر تنسيه أي وجع ، عنيها بتاخده لدنيا تانيه .. دلوقتي مش لاقي حد يسانده فـ لحظة ألمه لإن الوحيده اللي معاها مفتاح ضحكة قلبه هي #داليا ♥ قام من ع السرير ووقف فـ الشباك بص للسما وفضل يكلم النجوم ويبعت لـ داليا رساله مع القمر زي ما عودته دايماً > سكت فجأه وبدأت دموعه فـ النزول يمكن دموعه تخفف شويه من تقل الهموم إللي علي قلبه :'( ~ ~ ~ داليا نعست ومنار فـ حضنها ، قامت بهدوء وطلعت أوضتها وقفت فـ الشباك وبصت للسما ، فضلت تحكي للنجوم وتشكي للقمر ورجعت فلاش باك ليوم ما راحت مع خالتها المصيف فـ إسكندريه ، بتحب أوي تقعد ع البحر فـ الليل ، وقتها ماكنتش مخطوبه لـ علي بس كانت بتجمعهم قصة حب من صغرهم ، فـ اليوم ده كانت متخانقه معاه، خرجت من الشاليه بالليل وكلهم نايمين ، قعدت ع البحر ، سرحت فـ جمال النجوم والقمر وصورتهم المعكوسه ع المايّه ♥ وخرجها من شرودها صوت علي : ولما حد يخطفك بالليل كده يعني أنا أروح فيها ! فيه واحده عاقله تخرج من الشاليه فـ الوقت ده ! داليا : علي : هي القطه كلت لسانك ولا إيه ! سابته داليا ولسه هتمشي مسك إيديها داليا : سيب إيدي لو سمحت يا علي >.< علي : مش هسيبها غير لما تقفي وتكلميني زي ما بكلمك وقفت داليا وزفرت : نعم ؟! علي : إيه إللي مطلعك دلوقتي كده فيه إيه ؟! داليا : متضايقه شويه علي : من إيه ؟! داليا : والله ؟! طيب مفيش حاجه يا علي علي : طيب كنتي بتكلمي مين ؟! داليا : كنت بكلم أصحابي علي : أصحابك مين هنا :/ ! داليا : القمر والنجوم علي : هههههههههههههههه ناقصه جنان حضرتك ! داليا : مش مصدقني !! حتي كنت دلوقتي بشتكيلهم علي : أمممممم بتشتكيلهم من إيه ؟! داليا : منك Sad علي : والله ! داليا : أه والله وأصلاً دايماً لما تزعلني بشتكيلهم برده علي : طاب وقولتلهم ايه دلوقتي بقي ؟ داليا : قولتلهم إنك مزعلني وزعقتلي قصاد الناس إنهارده علي : كنتي عوزاني أعمل إيه يعني يا داليا والواد الفرفور ده بيتكلم معاكي كده عادي >.< داليا : يا علي وهو حصل حاجه !! بيدرس فـ نفس كليتي وسألني شوية أسئله عاديه وكنا كلنا قاعدين يعني ماروحتش أتكلم معاه لوحدنا ! علي : بس إنتي عارفه إني مابحبش تتكلمي مع أي راجل وبغير عليكي جداً إنتي ماتتخيليش بحبك أد إيه يا داليا ، وبعدين فيه حد يزعل من حبيبه كده بقي داليا : ما هي المشكله إني مابعرفش أزعل من حضرتك علي : ما أنا عارف لإن مفيش أطيب ولا أرق ولا احن من قلبك فـ الدنيا دي كلها داليا : ^_^ بس ما تاخدش علي كده هه حرك شفايفه وهمس : #بحبك . . باصه داليا للسما ولسه قصادها صورته وهو بيهمس بشفايفه بحبك ! ضحكت بسخريه : هه ماكنتش أعرف يا علي إنك أكبر كداب ! إزاي كنت مخدوعه كل ده فيك ! إزاي بغبائي صدقت إنك بتحبني بجد ! إزاي ما شفتش السكينه إللي حاطتها ورا ضهرك وأول ما وقعت و كل سكاكينهم إتمدت عشان تدبح قلبي سكينتك إنت أول سكينه تدبحه ، وأكبر جرح وجعني هو جرحك إنت يا علي :'( ده أنا بقيت بكره نفسي عشان بعد كل اللي عملته لسه مش قادره أكرهك > بدأت تبكي كالعاده :'( رفعت إيديها للسما ودعت بحرقه : يــــا رب إنزع من قلبي كل ذرة حب ليه :'( يا جابر المنكسرين إجبر كسر قلبي :'( قوّيني #يــــــارب ♥ :'( يتبع..... | ||||
|
| |
|
03-10-16, 03:22 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ʚϊɞ ʚϊɞ •.¸(12)¸.• ʚϊɞ ʚϊɞ إنهارده ميعاد طلاق هاله وعلي إللي تفقوا عليه بعد تأجيلات كتيره بسبب أهلهم هاله كانت بتلبس حجابها لما باباها خبّط ع الباب ودخل ، حاولت تبتسمله بس ما قدرتش ، قرب وطبع قبله علي جبينها أبوها وهو بيقعد ع السرير : أقدر أتكلم مع بنوتّي شويه ؟ هاله : بابا عشان خاطري خلاص فات أوان إننا نتكلم فـ الموضوع ده أو نأجله تاني أنا خلاص بلبس حجابي ومش هتأخر علي حضرتك عشان نمشي أبوها : طيب ومين قال إني جاي أقولك إرجعي فـ قرارك ؟! طاب ده حتي أخوكي لما عرف كان عاوز يتكلم معاكي وأنا منعته هاله : كويس أووي يا بابا لإني فعلاً خلاص مش مستحمله أي كلام تاني فـ الموضوع _ فاكره وإنتي صغيره ! لما تقعي فـ مشكله كنتي تيجي جري وتحكيلي ونحلها سوا فاكره ؟ إبتسمت هاله وعيونها بتلمع : فاكره طبعاً :')) _ ومهما كبرتي هتفضلي بنتي الصغيره برده يا هاله ولاّ كبرتي عليا ! هاله : إيه إللي حضرتك بتقوله ده يا بابا !! لأ طبعاً _ طيب جربي تشاركيني همّك زي زمان يمكن نلاقي حل للمشكله دي ! هاله : بس المشكله دي خلاص ملهاش حل غير الطلاق _ طاب ممكن أعرف إللي حصل ؟! زفرت بنفاد صبر ، قربت من أبوها وقعدت جنبه هاله : بص يا بابا بإختصار علي فـ حياته واحده تانيه ومش بنتك هي إللي تكون مجرد إستبن ولا إسبرين ينسيه قصة حب دمرها بإيديه وأرجوك بعيداً عن أي تفاصيل دي كل الحكايه وبالتالي ماينفعش أعيش معاه تاني ، ماينفعش أغصبه يعيش معايا وهو 24 ساعه بيفكر فيها وكل مايبتسم فـ وشي ولا يقول كلمه حلوه بيبقي شايفها هي مش أنا مش هقدر أستحمل كده انا بجد تعبت وشوفت أيام صعبه اووي يا بابا أنـ ماقدرتش تكمل فضمها أبوها لحضنه وهو بيربت علي كتفها ويهديها : طيب خلاص يا حبيبتي عشان خاطري كفايه عياط ويلا قومي خلاص انا آسف ومحدش هيتكلم معاكي تاني فـ الموضوع ده وهعمل اللي إنتي عوزاه وإللي يريحك بس ما تعمليش فـ نفسك كده يا حبيبتي قامت من حضنه وهي بتمسح دموعها : بابا عشان خاطري ما تتكلمش مع علي فـ أي حاجه خلاص مابقاش له لازمه الكلام زفر أبوها : حاضر إللي تشوفيه ! إتناولت شنطتها ونزلت وهي حاضنه دراع أبوها :')) ~ ~ ~ مازالت علا بتتحايل على (علي) وتقنعه يكلم هاله تاني وبلاش موضوع الطلاق وهو بيرد هي إللي مصره ع الطلاق ! ، هرب من إلحاحها ركب عربيته وراح ع المأذون مكان ما إتفقوا يتقابلوا ••••••••●••••••••● ••••••••••●••••••� ��••●••••••••●•• ••••• نِهال قدرت تخلّي داليا تثق فيها وبالتالي بدأت الجلسات وداليا فـ كل جلسه بتحكيلها عن حياتها من وقت ما كانت طفله ، كانت فـ جلسه مع داليا لما دخلت الممرضه _ دكتوره نِهال فيه تليفون عشان حضرتك نِهال : مين ؟ _ طارق بيه إبن خالة حضرتك إنتفضت نِهال من مكانها وهي بتقول لداليا : أكيد طارق عنده أخبار جديده فإبتسمت داليا وسابتها نِهال وراحت للتليفون نِهال : ألو أيوه يا طارق طارق : أيوه يا نِهال أخبارك ؟ نِهال : تمام الحمدلله ماكلمتنيش ع الموبايل ليه ؟! طارق : أنا بقالي ساعه برن ومابترديش حضرتك خبطت نِهال علي راسها : آآآآه صح أنا عملاه صامت وسيباه فـ المكتب عشان كنت فـ جلسه مع داليا طارق : هي داليا كويسه دلوقتي ؟ نِهال : أه أحسن الحمدلله المهم طمني عندك أخبار جديده ؟ طارق : الحمدلله جمعت كل كبيره وصغيره عن المتهمين نِهال : الله أكبر أخيييراً يا طارق طارق : معلش بقي طولنا شويه عشان كنت عاوز اعرف كل ثغره فـ حياتهم نِهال : طيب تمام أووي نقدر نجيلك إمته ؟ طارق : دلوقتي ياريت نِهال : تمام أووي هجيب داليا ونيجي إن شاء الله طارق : طيب بقولك هو مش هيكون خطر علي حالة داليا يعني إنها تسمع كلام فيه سيرتهم تاني يعني يمكن تتشنج وتحصلها الحاله إللي حصلت أول مره جيتوا هنا !! نِهال : لأ ما تقلقش بل بالعكس أنا عوزاها تعرف إنك ماشي فـ القضيه تمام عشان تحس من جواها بالطمئنينه وإنها هتاخد حقها ) طارق : طيب تمام فـ إنتظاركم نِهال : مع السلامه طارق : مع السلامه قفلت نِهال مع طارق وجريت علي داليا : قومي غيري هدومك حالاً داليا : خير فيه إيه ؟ نِهال : طارق قدر يجمع المعلومات عن المتهمين وعاوزنا عنده دلوقتي عشان نشوف آخر التطورات فـ القضيه إبتسمت داليا بقليل من الأرتياح وقامت تغير هدومها .... ••••••••●••••••••● ••••••••••●••••••� ��••●••••••••●•• ••••• ••••••••●••••••••● ••••••••••●••••••� ��••●••••••••●•• ••••• ليله من أحلى الليالي .... القمرفيها يرسل السلام والنجوم حولها تنسق الكلام ...عن قلبين محبين جمعهما الهيام سيتم خطوبة ابننا جاسر توفيق الزغبي على الآنسة ناريمان كريمة أشرف منير الصايغ وذلك في يوم_____وفي قاعة____ نتمني حضوركم حتي تكتمل فرحتنا ..... ••••••••●••••••••● ••••••••••●••••••� ��••●••••••••●•• ••••• مريم كانت ماسكه الكارت ده وبتقراه ، لقته علي مكتب خالد وهي بتنضف أوضته ، قرأت الكارت : ده الليله !!! ضحكت بسخرية : هه هو إللي زي الأشكال دي بتاع جواز !!!!! الله يسامحك يا خالد معرفش ليه متصاحب علي ناس بالشكل ده !! دخل خالد : إيه يا مريوم خلّصتي ؟ مريم : أه يا حبيبي خلّصت أهه خالد : طاب الله يكرمك إكويلي القميص والبنطلون بتوع البدله مريم : حاضر خالد : ماسألتيش يعني كعادتك الفضوليه ( وهو بيقلد صوتها ) إنت رايح علي فين ؟! ضحكت مريم : هههههههه الله يسامحك أنا بتكلم كده ماشي ماشي ، عموماً ما سألتش يا سيدي لإني لسه قاريه الكارت حالاً مبروك خالد : الله يبارك فيكي مريم : عقبالك يا حبيبي قرب وحوطها بدراعه : لا لا لا عقبالي دي بعد ما أجوز حبيبة قلبي الباشمهندسه مريوم طبعت قبله علي خده : ربنا ما يحرمني منك أبداً يا روح قلبي قبّل خالد جبينها : ولا يحرمني منك أبداً يا أحن أخت وأم وبنت فـ الدنيا إبتسمت مريم وميّلت راسها لـ حضنه ..... ~ ~ ~ شرب آخر نفس فـ السيجاره ، رماها تحت رجله وداس عليها _ خلاص يا مصلحه البدله السنيييييه جاهزه بس بالسعر إللي قولتلك عليه معلش بقي يا مصلحه مش هعرف أنزل أكتر من كده ثم إن أنا نفسي إشترتها ولسه ما لبستهاش ، المفروض أول لبسه بتمنها محمود : إنت هتصيع عليا ده أنا مصلحه يالا قاريك وحافظك البدله دي منظر والبدل القديمه إللي عندي أحسن منها مليون مره بس أنا حبيت أغير لإن إنهارده عزومه فـ مكان محترم فبلاش ترغي كتير هي الـ 60 جنيه ولو نطقت كلمه زياده هنزلهم لـ 50 وإنت عارفني صاحب البدله بنفاد صبر : طيب هات الـ 60 جنيه حط إيديه فـ جيبه وطلّع 50 جنيه _ لا لا لا قولنا 60 يا مصلحه محمود : أصبر يا إبن الـ (......) هطلع العشره من الجيب التاني طلّع 10 جنيه من الجيب التاني وإدهاله بضيق ، خد البدله ومشي ع البيت وهو بيصفّر ..... ~ ~ ~ جاسر نايم وأمه مانعه أي حد يصحيه عوزاه يسترخي وينام براحته عشان يكون فايق فـ خطوبته الليله ، وبتباشر التجهيزات بعصبيه ونرفزه ع الخدم : أنا مش عاوزه أي غلطه إنهارده بالذات ، الصحافه والإعلام والعائلات المحترمه العيون كلها هتكون علينا وإللي هيغلط غلطه مهما كانت صغيره مش هغفرهاله وهيتطرد علي طول إتفضلوا علي شغكلم مايا : مامي مامي بليييز بقي تعالي علشان أوريكي الفستان أمها : مش ممكن مايا إنتي لسه جايه تجهزي الفستان إنهارده مايا : لا يا مامي بس أصل صراحه محتاره فـ الكولكشن إللي جالي من باغي وعوزاكي تيجي تختاري معايا فستان ! أمها : أوك روحي وهحصلك مايا : بس مام بلييز ما تتأخريش عاوزه ألحق أكمل تجهيزات ردت أمها وهي بتطلب رقم ع الموبايل : أوك أوك ! ••••••••●••••••••● ••••••••••●••••••� ��••●••••••••●•• ••••• وصل علي للمأذون ولقي الكل فـ إنتظاره ، ألقي التحيه وبص نظره عامه ع الموجودين وإستقرت عنيه علي هاله إللي قاعده جنب أبوها باصه فـ الأرض والتوتر باين على ملامحها قعد وبدأ المأذون يكلمهم عن الطلاق وكونه أبغض الحلال عند الله وإقترح إنهم يقعدوا شويه مع بعض يمكن يتوصلوا لأي حل لكن قاطعته هاله وردت بـ حده : إحنا قعدنا كتير ولقينا أنسب حل هو الطلاق فياريت نبدأ فـ الإجراءات لذلك بدأ المأذون الإجراءات ، هاله سرحت فـ يوم كتب كتابها كان نفس المأذون إفتكرت فرحتها فـ اليوم ده وأحلامها والوعود إللي وعدتها لعلي بينها وبين نفسها إنها تسعده لآخر يوم فـ عمرها ، سمعت فـ ودنها (( بارك الله لكما وبارك عليكما وجمع بينكما في خير )) وفاقت منها علي صوت المأذون بيطلب توقّع علي الأوراق ، مسكت القلم بإيدين مرتعشه ووقعت إسمها وهي بتفتكر توقيعها علي قسيمة الجواز حست بغليان وخلاص دموعها هتنزل ، وقّعت بسرعه ، سحبت شنطتها وسبقت أبوها علي بره ، ركبت العربيه وإتفتحت فـ العياط :'( خرج أبوها وهو بيبص لـ علي بغضب >.< ، حاسس إنه عاوز يخنقه ويحسسه بكل لحظة ألم بنته حست بيها معاه لكن تراجع حتي إنه يرد على ( علي ) لم ندهله إحتراماً لرغبة بنته فـ إنه ما يتكلمش مع علي فـ الموضوع ساب علي وراح لبنته وهو سامع صوت شهقاتها ، بصلها بأسي ومانطقش مشي بالعربيه علي مكان هادي وأول حاجه عملها ضمّها لحضنه ♥ فضل يربت علي كتفها لحد ما هديت ، نزلوا بعد إلحاحه عليها طلبلها لمون وقعدوا يتكلموا شويه وتعمد ما يجيبش سيرة الموضوع ويحكيلها عن مغامرات شبابه وهو فرحان أوي لإبتسامتها وضحكتها علي المواقف إللي بيحكيها ، نقطة ضعف الأب ولاده وخاصه لو أب بيحب بنته بالشكل إللي أبو هاله بيحبها بيه ♥ ، قرر يعمل المستحيل عشان يرجعلها ضحكتها من تاني :'(( ..... ••••••••●••••••••● ••••••••••●••••••� ��••●••••••••●•• ••••• وصلوا نِهال وداليا لمكتب طارق رحب بيهم كالعاده وبعد صمت ساد لدقايق سألت نِهال : ها يا طارق طلبت نيجي دلوقتي عشان تبلغنا بتطورات القضيه يلاا بقي ريحنا إبتسم طارق وإتناول ظرف أصفر من درج المكتب حطه قصاده وفتحه فيه 4 ملفات ، فتح أول ملف صوره وتحتها معلومات ، ،،أول صوره لـ (جاسر توفيق محمد أحمد ممدوح الزغبي ) الشهير بـ ( جاسر الزغبي ) داليا لما سمعت إسمه حست بقشعريره فـ جسمها >، كمّل طارق : توفيق الزغبي طبعاً غني عن التعريف عنده جاسر وبنت تانيه إسمها مايا مايا أصغر من جاسر وبتدرس فـ أولي كلية إعلام ،،،،،،، جاسر إتخرج من كلية التجاره شعبة اللغه الإنجليزيه من صغره وطلباته من قبل ما يطلبها مجابه ، توفيق الزغبي كان نفسه بعد ما إتحرم سنين من الخلفه وجاله إبن يحمل إسمه إنه يكون إبنه ده سند ليه لكن خذله جاسر وكان عكس توقعاته عدي من الكليه بالعافيه ومابيروحش شغله إللي أبوه سلمهوله قبل حتي ما يتخرج حياته كلها سكر وسهر وكل يوم مع واحده ! . . داليا بتسمع وهي بتعتصر هدومها بإيديها من شدة الغضب > >.< . . ولإن صنف توفيق الزغبي طماع رغم كل إللي عنده من أملاك قرر يعمل صفقه وشراكه بينه وبين رجل الأعمال المعروف أشرف الصايغ وكان كالآتي إن جاسر يتجوز ناريمان بنت الصايغ وطبعاً الموضوع تم بسرعه و .... (إتردد طارق قبل ما يقول ) والليله خطوبة جاسر الزغبي وناريمان الصايغ إنتفضت داليا من مكانها بعصبيه : نعمممممممممممممممممم >.< بأي حق وفـ شرع مين يعيش حياته ويخطب ويتجوز وأنا بعاني وحياتي كلها إتدمرت بأي حق >.< قامت نِهال وربتت علي كتفها : إهدي يا داليا الله يخليكي ماتقلقيش يا حبيبتي طارق وعدنا هيجيبلك حقك أرجوكي إهدي رد طارق وعلي وشه علامات الأسف : بالضبط كده أرجوكي يا أنسه داليا تهدي أنا بس مجرد بقولك تفاصيل عنهم عشان تتعرفي علي خصمك ومش معني إنه هيخطب إنهارده يبقي هيعيش فـ هنا ما تقلقيش (قال بنبرة ثقه) : إللي مستنيه هيخليه مايشوفش لحظة سعاده فـ حياته أرجوكي إهدي بدأت ثورة داليا تخمد وقعدت من تاني عشان تسمع باقي الكلام بص طارق فـ الورق الخاص بـ جاسر وعدي باقي المعلومات عنه وفتح الملف الخاص بتاني متهم (خالد منصور الضبع ) متخرج من كلية التجاره شعبة اللغه الإنجليزيه برده عنده أخت واحده مريم فـ آخر سنه فـ كلية الهندسه ، أبوه وأمه عملوا حادثه وماتوا وسابوا خالد وهو فـ الإعدادي وأخته مريم صغيره كانوا عايشين فـ إسكندريه وبعد الحادثه إتنقلوا القاهره وعاشوا مع جدتهم مرت الأيام وسلوك خالد سوي لحد ما وصل للكليه ماتت جدته وأصبح هو و مريم لوحدهم فضل جنبها وبيصرف عليها من الميراث وأصبح أبوها وأمها وكل أهلها وبيخاف عليها جداً لحد ما إتعرف فـ الكليه علي جاسر و المتهم التالت وبدأت حياته تتغير للأسوأ وإختفت آخر صفاته المحترمه مع أول كاس وسيجارة حشيش يشربها مع الإتنين التانيين ولما لاحظ ملامح داليا فضل إنه مايكملش ويكتفي بشوية معلومات بسيطه عن كل متهم وبالتالي إنتقل لـ الملف التالت ( محمود رمضان الدهشوري ) والشهير بـ مصلحه . . إرتجفت داليا أول ما سمعت الإسم ، بصت بطرف عنيها ع الصوره المحطوطه وإفتكرت لحظة ما حط المطوه علي رقبتها وسحبها من شعرها ، سمعت فحيح صوته وألفاظه القذره فـ ودانها وبدأت دموعها تنساب :'( :'( لاحظ طارق دموعها فـ سكت ، إتناول منديل وإدهولها : أنا آسف > مسكت داليا المنديل منه وقالت بصوت متهدج : أنـ أنا إللي إللي أسفه بس حقيقي غصب عني إللي شفته مش شويه :'( طارق : طيب تحبي نكمل وقت تاني ؟؟ داليا وهي بتمسح دموعها : لأ لأ إتفضل أنا كويسه :'(( بدأ طارق يكمل : محمود درس شهر فـ تجاره إنجليزي مع جاسر وخالد بعدين حول لـ تجاره عربي معندوش إخوات غير بنت وولد من أمه ،، أبوه وأمه متطلقين من وهو عنده 9 سنين عاش مع أمه لكن بعد ما إتجوزت جوزها ماكنش مرحب بوجوده فـ البيت وبالتالي أمه إتخلت عنه وبعتته لأبوه لكن كان أبوه هو كمان إتجوز ، وبعدها قرر يسافر السعوديه و مراته وافقت ابنه يعيش معاها لحد ما أبوه يرجع ، فضلت معيشاه معاها زي الخدام فـ البيت و خلته يسرح بمناديل فـ الإشارات عشان يصرف علي نفسه وخدت هي المصاريف إللي كان بيبعتهاله أبوه ، مروا سنتين ورجع أبوه وطبعاً كانت ممثله بارعه فـ إظهار حبها لمحمود وحسن تربيتها ليه وهو ماقدرش ينطق ، إستقر أبوه فـ مصر ومحمود بقي عايش مشتت بين أبوه وأمه ومراة أبوه إللي معذباه فـ حياته لحد ما كبر محمود وإشتكت لجوزها إنها مش عارفه تاخد راحتها فـ بيتها فساب محمود عند جده إللي قرر يحتويه بدل الجفاء إللي عايش بيه بين أمه وأبوه وبالفعل رباه جده وبدأ يصلح إللي إتشوه فـ نفسيته وبدأ محمود إلي حد ما يبقي إنسان سوي ، كمل دراسته لحد ما وصل لتجاره انجليزي جده دفع مصاريف أول سنه وقبل ما تبدأ الدراسه كان جده ميت ، بدأ الدراسه ولقاها كلها كورسات ومصاريف وأبوه من زمان قاطع عنه أي فلوس وبالتالي قرر يحول لتجاره عربي لإنه مش هيقدر يكمل للآخر وقبل ما يحول كان إتعرف علي جاسر وخالد إللي علاقتهم ببعض فضلت مستمره حتي بعد ما حول شاركوا بعض حياة السكر والعربده ومابقاش يهمهم أي حد فـ الدنيا ، معاهم جاسر البنك المتحرك ومصلحه هو إللي بيجيبلهم أنواع المخدرات ودي أصبحت شغلته إللي بيصرف بيها علي نفسه عشان كده بقي مشهور بمصلحه زفر طارق ، بص لداليا ولقاها متحمسه تسمع أكتر ، ساب ملف محمود ومسك الأخير : ده بقي البواب ( عوض إسماعيل الهلالي ) عنده 50 سنه راجل صعيدي جه القاهره يشتغل بواب ومعاه مراته وبنته الوحيده هنادي عندها 17 سنه إشتغل بواب لعمارات كتيره قبل مايشتغل بواب لفيلا من فيلل توفيق الزغبي وهي الفيلا إلليـ وسكت طارق لما شاف عيون داليا إللي بقي لونها أحمر من شدة الغضب . . داليا أول ماسمعت إسم عوض علي طول رن فـ ودنها صوت جاسر : إقفل البوابه بسرعه يا عم عوض ! سمعت صوت صراخاتها وتوسولاتها وهي بتترجاه ينجدها وتقوله إعتبرني بنتك لكن هو إغتصبها زيهم بصمته > بدأ صوت شهقات داليا يعلى لما إفتكرت إحساسها وهي بتتسحل فـ أرضية الفيلا بصت ع الملفات ولمحت صوره فيها التلاته بيضحكوا سوا إفتكرت الرعب إللي شافته ليلتها وكل لحظة ألم حستها وبدأت تتشنج ، قربت نِهال لكن داليا صرخت فـ وشها وفضلت تدفع نِهال وكإنها بتدافع عن نفسها منها ، وقف طارق وهو مرتبك مش عارف يعمل إيه ، هو ده إللي كان خايف منه وخرّجه من حالة الإرتباك نِهال وهي بتطلب منه يمسك داليا عشان تعرف تديلها الحقنه وأول ماقرب طارق منها إتشنجت أكتر وصرخت : إبعد عنييييي كلكم كلاااااب إبعد عنيييي لأااااااااااااااااااااااا اااااااااا قرب طارق من ورا ضهرها ومسكها من كتفها بحركه خلتها تثبت مكانها إدتلها نِهال الحقنه بسرعه دقايق وهديت داليا وبدأت تترنح وقبل ما تفقد الوعي سندها طارق علي الكنبه إللي فـ مكتبه وقفت نِهال وهي بتاخد نفسها بعد إللي حصل وطارق بعد ما سند داليا وقف وبصلها بعصبيه : قولتلك يا نِهال بلاش تجيبيها معاكي كنت متوقع هيحصلها كده نِهال : ماتقلقش يا طارق دي حالة طبيعيه وكنت متوقعاها شويه وهتفوق وترجع لطبيعتها إن شاء الله ، إتناول الجاكيت بتاعهه ، حطه علي داليا ورجع قعد علي مكتبه كمل كلام لـ نِهال عن المتهمين والإجراءات إللي هيبدأها وبعد ساعه فاقت داليا من غير كلام قربت منها نِهال بصت داليا حوليها بتحاول تفتكر ، وأول ما إفتكرت إللي حصل إعتصرت دماغها بإيديها وهي مش قادره تقاوم الصداع بصت لـ نِهال بوهن : ممكن نمشي ! نِهال : حاضر يلا بينا طارق : لحظه وهاجي أوصلكم نِهال : لا لا يا طارق خليك فـ شغلك إنت وماتقلقش أنا معايا عربيتي مشيت داليا نِهال سانداها لحد ما ركبوا العربيه ورجعوا ع المصحه وداليا طول الطريق ساكته ، طلعت أوضتها وإترمت ع السرير بصت للسقف شويه ، إفتكرت كلام طارق عن المتهمين ، كورت نفسها وبدأت نوبة البكا اليوميه :'( ............. ••••••••●••••••••● ••••••••••●••••••� ��••●••••••••●•• ••••• علي من وقت ما طلق هاله وهو حاسس بالذنب أووي وبدأ حنينه لداليا يعذبه إتجمعت عليه كل أحزانه وفضل يفتكر فـ داليا وحياته معاها وحاله دلوقتي ودموعه نازله صفعات علي خده :'( ~ ~ ~ هاله منتظره شهور العده عشان تسافر ، جهزت كل الإجراءات وأبوها موافق علي كل حاجه تعملها المهم تكون سعيده ، جهزت كل حاجه وقررت ترجع تاني تستقر بره زي ما كانت قبل جوازها ~ ~ ~ ~ داليا هديت بعد ما راحت فـ نوع عميق وصحيت منه علي صوت هنا بنت علياء ،،،علياء راحت لداليا المصحه ومعاها هديه إتناولتها داليا وهي مبتسمه وأول ما شالت الغلاف وشافتها إيديها إرتعشت فوقعت الهديه من إيديها وبصت لـ علياء رجعت بصت للهديه والذكريات بتدور فـ دماغها ماقدرتش تقف قعدت ع السرير ، مسكت الهديه بإيدين مرتعشه ونزلت دموعها وهي بتتأملها مش عارفه تبتسم ولا تبكي من الحسره والقهره :')) . . . وإنتهت حلقتنا هنا إنهارده .. يا تري إيه الهديه إللي جابتها علياء لداليا خلت حالتها كده ؟! وإيه إللي هيحصل فـ قضية داليا ؟ طارق هيقدر يوفي بوعده ليها ولا لأ ؟ ويا تري فيه مفاجآت تانيه فـ حياة علي وهاله ؟؟؟ يتبع..... | ||||
|
| |
|
03-10-16, 03:22 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ʚϊɞ ʚϊɞ •.¸(13)¸.• ʚϊɞ ʚϊɞ وقفنا الحلقة إللي فاتت عند أما داليا هديت بعد ما راحت فـ نوع عميق وصحيت منه علي صوت هنا بنت علياء ،،،علياء راحت لداليا المصحه ومعاها هديه إتناولتها داليا وهي مبتسمه : يا سلام يا سلام بقالي كتير أوووي محدش فاجئني بهدايا :')) ! تفحصتها وهي بتقول : أممممم أخمن قبل ما أفتح ؟ علياء : خمني بس أنا واثقه إنها هتعجبك إن شاء الله داليا : هي أياً كانت هتعجبني لإن أبسط حاجه منك بتفرح قلبي وتخميني بيقول إنه كتاب أو يمكن بتمني كده أصل مدمنة قرايه زيي بقالها كتيير أوي ما قريتش بتتمني يقع فـ إيديها دلوقتي أي كتاب علياء : طاب إفتحي الغلاف يا دودة الكتب داليا : دوده برده ماشي ماشي أنا بس عامله إحترام لهنوش لولاها كان هيبقي ليا تصرف تاني معاكي يا بت إنتي بدأت تشيل الغلاف وأول ما شالته لقت كتاب إبتسمت بفرحه لكن إختفت الإبتسامه دي فجأه و إيديها إرتعشت فوقع الكتاب وبصت لـ علياء رجعت بصتله والذكريات بتدور فـ دماغها ماقدرتش تقف قعدت ع السرير ، مسكت الكتاب بإيدين مرتعشه ونزلت دمعه حيرانه وهي بتتأمله مش عارفه تبتسم ولا تبكي من الحسره والقهره :')) علياء : داليا إنتي كويسه ؟؟؟ هزت داليا راسها بأيوه من غير ما تبصلها ،، بصت ع الغلاف (( Don't give up .... لا تستسلم )) للكاتب #ريّان_المصري علياء : أنا عارفه إنتي أد إيه بتحبي كتابات ريّان المصري وعرفت إنه منزل كتاب جديد قلت أجيبهولك أكيد مشتاقه للقراءه بصتلها داليا وهي بتبتسم بإمتنان :')) ، تأملت الكتاب ، لمست حروف الإسم بإيديها وكإن اللمسه دي رجعتها للذكريات...... ~ ~ لأيام ماكانت طالبه فـ الجامعه ، قاعده فـ الكافتريا منتظره علي وبتتسلي فـ روايه لنفس الكاتب ، وأخيراً ظهر (علي) من باب الكافتريا دخل وقعد وداليا مندمجه فـ القرايه ومش حاسه بيه ، نتش الكتاب من إيديها فـ إلتفتت داليا : إخص عليك يا علي جاي تنتشه فـ حته مهمه زي دي علي : أه أقوم أمشي يعني وجودي ملهوش لازمه داليا : لأ طبعاً إيه إللي بتقوله ده !!! ثم أنا مستنيه حضرتك بقالي ساعتين هه وتقولي أقل من ساعه وهكون عندك صح !!! علي وهو بيقفل الكتاب ويحطه قصادها : معلش يا حبيبتي الدكتور رخّم علينا وطوّل شويه غصب عني والله إبتسمت داليا : خلاص ولا يهمك مش زعلانه الأهم عندي مصلحتك إبتسم علي : هو أنا مش بقول أحن قلب فـ الدنيا يا ناس تشربي إيه ؟ داليا : مـ إللي إنت هتختاره ^^ إبتسم علي بخبث : طاب أنا هشرب بيريل تشربي معايا ؟! داليا : يعععععععععععععععععععععععع ع علي وهو بيضحك : ليه ده حتي طعمه لذيذ مسكت الكتاب وهتضربه بيه ،، علي : ههههههههه خلاص خلاص ده طعمه إستغفر الله العظيم انا عارف الناس دي بتشربه إزاي أنا بقول نخليها كوكتيل داليا : إذا كان كده ماشي جاب العصير ورجع لقاها بتقرا فـ الروايه علي :يا ربّي مش عارف إيه حكاية الكتب دي ،، الراجل ده بيستفزني داليا : ليه بس هو عملك إيه وبعدين إنت قريتله إمته يا بكاش عشان يستفزك !! علي : قريتله نص الكتاب إللي حضرتك جبتهولي هديه الشهر إللي فات بصراحه ومعرفش السبب ايه اتقفلت من القرايه ليه وماكملتش الكتاب وبعدين إنتي ليه بتقري كل كتبه بشكل مستفز كده داليا : مستفز ! كاتب وبحبه وـ قاطعها علي : نعم نعم قولي تاني كده كاتب وإيه ؟؟؟!!!!!!!! داليا : إحم كاتب وبحب أقرا الكتب بتاعته أسلوبه ساحر بالفعل بحسه كده بيتكلم عني وسبحان الله لما أقع فـ مشكله ألاقي كتاب جديد نازل ليه وكإنه رساله ليا بتوجهني للصواب وتديني دفعة أمل معرفش إزاي بس بجد بلاقي نفسي بين سطور رواياته وكتبه العاديه كمان علي : أممممممم يمكن بس أنا سمعت إنهم ملقبينه بالكاتب الغامض ! داليا : أها ، لقبوه بالكاتب الغامض لإن محدش يعرف شكله ولا أي معلومات عنه غير إسمه حتي دور النشر مابيتعاملش معاهم بشكل مباشر وصرّح قبل كده فـ كتاب من بتوعه إنه حابب الأسلوب ده,,,, إنه مايعلنش عن نفسه و يكفي إسمه ،،بيحب الغموض وشخصيته بطبيعتها غامضه فحابب حياته لجمهوره والناس اللي بتقراله يعني تكون غامضه كمان ) علي : أممممم ما شاء الله ما شاء الله إلا قوليلي بقي هو بيحب ياكل إيه وإيه لونه المفضل ؟ داليا : إيه السؤال الغريب ده بقولك محدش يعرف غير اسمه تقولي معرفش لون وأكل ! علي : لأ أصل شايفك بتتكلمي عنه بحماسه زايده يعني ! داليا : عادي يعني وإيه المشكله !!!! علي : أممممم إيه المشكله دي بالنسبه ليكي لكن بالنسبه ليا تختلف !! داليا : مش فاهمه ؟! علي : طيب يا داليا أبسطهالك أنا مابحبكيش تتكلمي عن أي راجل تاني فـ وجودي ولا غير وجودي خلاص !!! ضحكت داليا : هههههههههههههههههههههه علي إنت مجنون ؟؟!! غيران من إيه !!!! من واحد مانعرفش حاجه عنه غير كلماته إللي بنقراها وبعـ قاطعها : داليا خلص الكلام لو سمحتي ويلا بقي حطي الزفت الكتاب ده فـ الشنطه وماتقفلنيش أكتر من الراجل ده حطت داليا الكتاب فـ الشنطه وهي بتضحك وتقوله : يا مجنووووون ! . . علياء : ها يا داليا إيه رأيك فـ الموضوع ده ؟ إلتفتت داليا : هه رأيي فـ موضوع إيه ؟!! علياء : لا ده إنتي ماكنتيش معايا خالص ! داليا : معلش يا عليا مش مركزه عشان حاسه بصداع شويه قربت علياء منها : سلامتك يا روح قلبي طيب خلاص إرتاحي وإحنا هنجيلك وقت تاني ) داليا : لأ ما تمشيش أرجوكي خليكي جنبي :'(( مش عاوزه أقعد لوحدي ما تقلقيش أنا كويسه علياء : طيب يا حبيبتي أنا هفضل جنبك بس مددي ع السرير عشان ما تتعبيش إبتسمت داليا : بجد مش عارفه أشكرك ع الهديه دي إزاي ربنا ما يحرمني منك أبداً علياء : ولا يحرمني منك يا دوّلي يا قلبي إنتي حطت الكتاب تحت المخده وبدأت تطرد كل الأفكار من دماغها ، مددت ع السرير جنب هنا إللي راحت فـ سابع نومه وعلياء قعدت جنب داليا بتمسح على شعرها ويحكوا سوا ) ~ ••••••••●••••••••● ••••••••••●••••••� ��••●••••••••●•• ••••• بدأت حفلة الخطوبه..... هناك فـ ركن فـ القاعه خالد واقف وجنبه محمود إللي ماسك كاس وبيتفرج علي بنات الطبقه الأرستقراطيه ! محمود : أووووف يالا يا خالد شايف إللي أنا شايفه ! إيه الصوارخ دي يا جدع يخربيت كده ! خالد : يا شيخ إتلهي كل دول قشره يعني منظر من بره لكن هتلاقيهم فارغين من جواهم وأصلاً إللي عاملينه فـ نفسهم ده عمليات تجميل بلا نيله محمود : إحياة أبوك ما تعملّي فيها فيلسوف دلوقتي مش وقتك خليني أملّي عيني من المزز دي آآآآآخ يا بختك يا جاسر يا ابن المحظوظه ،، وبعدين انا واقف جنبك ليه جتك القرف أنا أروح أتفرج براحتي بعيد عنك خالد : مصلحه أوعي تنسي نفسك وتعمل حاجه كده ولا كده تطينها وماتنساش أم جاسر عنيها علينا ومش مرحبه بوجودنا هنا خالص طنشه محمود ومشي ووقف خالد يتفرج علي صاحبه وهو شارد، خرّجه من شروده صوت موبايله ولقاها مريم بتطمن عليه ، قفل معاها والإبتسامه علي وشه ، بيتمني حاجه واحده بس ، بيتمني يجي اليوم إللي يشوفها فيه عروسه ويسلّمها بإيديه لعريسها Smile) ~ ~ ~ ~ جاسر قاعد جنب عروسته والإبتسامه مش مفرقاه ...ماسك إيديها وبيبصلها وكإن جمعتهم قصة حب من سنين !!!!!! وهي بتبصله بفرحه وهو بيقبّل إيديها ، ولحظة ما لبّسها الخاتم حست إنها أسعد واحده فـ الكون وفلاش الكاميرات حوليهم ماوقفش لحظه واحده من أول ما بدأت الخطوبه ...... . . وهناك فـ جو هادي من الحفله توفيق الزغبي وأشرف الصايغ رافعين كاساتهم إحتفالاً بالشراكه إللي بدأت ولسه موقعين ورقها من دقايق .....~ ••••••••●••••••••● ••••••••••●••••••� ��••●••••••••●•• ••••• صحيت داليا فـ نص الليل حاسه بعطش ، إتناولت ميّه من جنب السرير وحطت راسها تاني ع المخده فجأه إفتكرت الكتاب إللي جابته علياء ، طلّعته وفضلت تتأمله تاني ، إبتسمت وفتحته ، بدأت تقرا وهي حاسه بإنتعاش و مانامتش غير لما خلّصته بالكامل وكعادة أي كتاب بتقراه لريّان المصري حسته بيكلمها ويشجعها أكتر ، حست إن كلماته ملت قلبها قوه وأمل ، وقررت بالفعل مهما حصل مش هتستسلم ) ! إفتكرت علي لما كان بيتخانق معاها بسبب الكاتب ده وإزاي إنقطعت فتره كبيره عن قراية أي كتاب ليه لمجرد إن علي ما بيحبهوش من كتر حبها ليه كانت بتلغي شخصيتها وتتخلي عن أي حاجه مهما كانت بتحبها عشان بس ترضيه ، حست بوجع فـ قلبها وقبل ما الحزن يسيطر عليها قامت بسرعه إتوضت وبدأت تطرد الحزن والهم بصلاة الفجر ♥ .... ~ ~ ~ ~ ~ ~ علي صحي الصبح وراح ع الجامعه بكسل -_- كان عنده محاضره بدأ يشرح وفجأه لمح حاجه وقفته عن الكلام لمح كتاب طالبه حطاه قصادها ، قرب ومسك الكتاب (( Don't give up .... لا تستسلم )) للكاتب #ريّان_المصري أول ما لمح إسم الكاتب حس بقشعريره >Sad ، إفتكر داليا وإزاي كانت بتحب تقرا للكاتب ده ، حط الكتاب قصاد الطالبه وبدأ يكمل شرح أول ما خلّص المحاضره ، ركب عربيته وهو بيفكّر فـ داليا ،، رجع بذكرياته ليوم ما جابتله هديه وكانت كتاب علي وهو ماسك الكتاب : يووووه مالقتيش غير الراجل ده يا داليا :/ ! داليا : ما أنا شايفه إن كتبه قيمه جداً عشان كده جبتهولك علي : ماشي يا ستي أي هديه منك أصلاً عندي بالدنيا ^_^ فاكر إبتسامتها الخجوله يومها ،، إفتكر إزاي كان بيغير من الكاتب لمجرد كلام داليا عنه !!!!! ولقي نفسه رايح علي أقرب مكتبه وطلب كتب ريّان المصري _ حضرتك عاوز الروايات ولا كتب علم النفس ولا الـ علي : كله كله عاوز أي كتاب لريان المصري إشترا كل كتبه ورجع ع البيت بفرحه، أصله إفتكر داليا لما كانت بتقوله (( بلاقي نفسي بين سطور الكتب دي )) من كتر إشتياقه ليها قرر يدور عليها بين سطور الكتب إللي بتحبها :'(( ♥ .....~ ••••••••●••••••••● ••••••••••●••••••� ��••●••••••••●•• ••••• داليا قضت يومها ما بين جلسه مع نِهال ، قعاد مع منار وقرايه لكتاب لا تستسلم للمره التانيه ) . . . علياء راحت لعلي تطمن عليه ، رنت الجرس كتير ومحدش بيرد ، لسه هتنزل من ع السلم ولقته فتح الباب وواضح إنه كان نايم -_- علياء : أنا أسفه ما عرفش إنك نايم علي : محصلش حاجه كويس إنك صحتيني ، تعالي إدخلي دخلت علياء وهو شال منها هنا وبيلاعبها ، لقت كركبة كتب فـ الصاله بدأت تلمهم من الأرض وإستغربت ! علياء : غريبه ! من إمته يعني بتقرا لـ ريّان ! علي : عادي يعني كنت غلطان فـ الحكم عليه بس لقيت كتبه تستحق Smile) علياء وهو بتلم الكتب : أمممم طيب كويس ،، أخبار هاله إيه ؟ علي : وبتسأليني ليه خلاص إتطلقنا هعرف منين يعني أحوالها !! علياء : إنت للدرجه دي ماكنتش طايقها :/ !! علي : أنا كنت بحترم هاله جداً يا علياء ومازلت بس إني أحبها كزوجه وشريكه ليا فـ حياتي حاولت وماقدرتش ! علياء :ده بابا علي آخره منك ، روحتلهم من يومين وكان متضايق ومكسوف من إللي عملته مع بنت صاحبه بس قدر الله وما شاء فعل خلاص مابقاش له لازمه الكلام فـ الموضوع ده سكتوا لدقايق وعلياء ملاحظه علي عاوز يقول حاجه بس مش متردد علياء : عاوز تقول حاجه يا علي ؟! علي : علياء بصي أنا أنا عاوز أتجوز داليا سابت الكتب من إيديها ووقفت بدهشه : نعممممممممممممممممم !!! إحنا هنهزر يا علي !!! علي : والله ما بهزر بتكلم جد خدي رأيها وأقسملك بالله أنا ندمان ومستعد أعوضها عن كل لحظة ألم شافتها فـ حياتها أنا فعلاً حاسس قلبي مش مخلوق لبنت غير داليا علياء : بس فـ حالة داليا ندمك مش هيفيد ولا هيرجعلها إللي إتكسر جواها يا علي وسبق وقولتلك إصرف نظر عن الموضوع ده علي : أرجوكي يا عليا أقفي جنبي إتكلمي معاها واقنعيها علياء : أنا !!! مستحيييل الله يكرمك ماتدخلنيش فـ مواويلك الفاضيه دي ! علي : مواويل فاضيه !!! علياء : أيوه مواويل فاضيه ! بسهوله تكسر قلبها وتبيعها وعاوزها ترجعلك بسهوله برده !!! ثم إنت لسه واجع قلب واحده تانيه يا اخي ومدمره حياتها ده انا قلت نفسيتك هتتعب عشان خاطرها بس ما شاء الله جيت ولقيتك بتفكر تتجوز تاني اهه بس قبل ما تتعمق فـ ففكرتك دي أحب أقولك شيلها من دماغك ، داليا عمرها ما هترجعلك وياريت تسيبها فـ إللي هي فيه بقي علي : بس يا عليا أنا مـ قاطعته : كويس إني إتطمنت عليك ، مع السلامه رمقته بنظرة غضب ، خدت هنا ومشيت ..... ~ ~ ~ ~ طارق كان بيتناقش مع مجموعه من أصحابه إللي وافقوا يساعدوه فـ قضية داليا ، خلّص شغل معاهم ورجع البيت لقي أمه مجهزاله الغدا ،إتغدي معاها وقعد يشرب الشاي وهو بيقرا الجرايد ، وأول ما شاف صور خطوبة جاسر إفتكر داليا وحالتها وكل إللي حصلها ، إتعصب ولقي نفسه بيقطع الصفحات إللي فيها الصور بغل >.< أمه : إنت كويس يا طارق ؟ إلتفت لأمه وإبتسم : كويس الحمدلله يا ست الكل Smile _ طيب خد ......... إتناول منها الصور وهو بيسأل : إيه دول ؟؟ أمه : طنط مني عدت عليا إمبارح وجابتلي الصور دي تشوفها يمكن تلاقي واحده تعجبك فيهم إتعصب طارق وحط الصور ع التربيزه : تاني يا أمي !!! مش كفايه بقي أنا بجد زهقت وقلت مليون مره مش هتجوز بالطريقه دي >.< بدأت أمه تبكي : ما أنا نفسي أفرح بيك وأشوف ولادك قبل ما أموت :'( لانت ملامح طارق وقرب منها ، قبّل جبينها ومسح دموعها : بعد الشر عنك يا أمي ،خلاص يا حبيبتي أنا أسف أمه : ريحني الله يريح قلبك يا حبيبي ده أنا حتي بجيبلك صور أجمل البنات ومن عائلات محترمه كمان ، طيب بلاش دول قولي لو فيه واحده فـ بالك وأنا أخطبهالك :'( طارق : يا روح قلبي وعمري كله مفيش واحده فـ بالي ومفيش واحده من إللي فـ الصور هفكر حتي بس مجرد إني أبصلها لإني مش هتجوز بالطريقه دي إنتي إللي مربياني يا أمي المفروض تفهمي طريقة تفكيري أنا مش عاوز شكل ولا منظر ولا واحده مجرد أنتيكه أتفرج عليها ، أنا عاوز جمال روح وكيان، عاوز واحده تخليني أحبها وتخطف قلبي وتجبرني أعشق تفاصيل ملامحها مهما كانت درجة جمالها ، عاوز واحده تشاركني همومي وتحس بيا وتقدّر ، وبعدين أنا عاوز واحده شبهك فـ كل حاجه مع إني مش هلاقي فـ الكون زيك يا جميل :* أمه وهي بتمسح دموعها وتضحك : أيوه يا ولا كل بعقلي حلاوه ماشي ماشي كان مالها بس نِهال بنت خالتك أدب وذوق وعلم وجمال طارق : نِهال متربيه معايا وزي أختي وبس يا أمي ثم إن حضرتك عارفه إن نِهال ودكتور أحمد زميلها هيتخطبوا قريب إن شاء الله أول مايرجع من السفر ، عشان خاطري بقي ماتخديش الموضوع ده بعصبيه كده وإن شاء الله أول ما ألاقي إللي تخطف قلبي يا ست الكل هبلغك علي طول Very Happy أمه : ماشي أما نشوف مع إني أشك فـ كده إنت عاوزلك واحده تفصيل :/ ، أما أقوم أحسن مرارتي مابقتش مستحمله >.< مشيت وسابته بيضحك Very Happy ....بيحب أمه أووي ♥ أبوه إتوفي وهو لسه صغيره وأمه رغم إنها كانت صغيره رفضت تتجوز تاني وقررت تتفرغ لتربية إبنها وبس ، ربته وكبرته وبقت بتتمني اليوم إللي تشوفه فيه عريس وتشيل ولاده ، بتدورله علي عروسه وهو كل ما تجيبله واحده يرفض يتجوز بالشكل ده وفيه كام مره سمع كلامها عشان يرضيها ويريحها وراح معاها وقعد مع بعض من البنات دول ومارتحش هو مش بيدور علي جمال هو بيدور علي واحده أد المسئولية واحده يحس معاها بمعني الحب بجد ويحبها من غير سبب مش عشان شكل !!! ولحد دلوقتي مش قادر يلاقي إللي تخطف قلبه وتخليه يوافق أخيراً إنه يتجوز !!! ••••••••●••••••••● ••••••••••●••••••� ��••●••••••••●•• ••••• هاله من يوم ما إتطلّقت وهي حابسه نفسها فـ أوضتها أبوها وأمها حاولوا كتير أوي يخرجوها من حالة الإكتئاب دي لكن هي مازالت علي حالتها أمها كانت فـ المطبخ لما رن الجرس ، فتحت الباب ولقت تقارير وورق مبعوتين لهاله ، إستلمتهم وقبل ما الأكل يتحرق رمت الملف علي كنبة الأنتريه وجريت طفت ع الأكل خرجت فـ الصاله وأول ما عنيها وقعت ع الورق إتصدمت :O ! مسكته وبدأت تقلب فيه وتقرا التقارير وبسرعه جريت علي أوضة هاله ولقتها لسه صاحيه ، وقفت أمها بعصبيه وهي ماسكه الورق وقالت : أقدر أفهم إيه ده >.< ؟؟؟!!! مسكت هاله الورق من أمها وماردتش !! أمها : أممممم مابترديش ! طيب يا هاله يا تري إللي فهمته من الورق ده صحيح ؟؟؟!!! ردت من غير ما تبص لأمها : أيوه يا ماما مانزلتش الجنين ... أنا لسه حامل !! يتبع..... | ||||
|
| |
|
03-10-16, 03:31 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ʚϊɞ ʚϊɞ •.¸(14)¸.• ʚϊɞ ʚϊɞ وقفنا الحلقه إللي فاتت عند أما كانت أم هاله فـ المطبخ، رن الجرس ، فتحت الباب ولقت تقارير وورق مبعوتين لهاله ، إستلمتهم وقبل ما الأكل يتحرق رمت الملف علي كنبة الأنتريه وجريت طفت ع الأكل خرجت فـ الصاله وأول ما عنيها وقعت ع الورق لمحت صوره من سونار فإتصدمت ! مسكت الورق وبدأت تقلب فيه وتقرا التقارير وبسرعه جريت علي أوضة هاله ولقتها لسه صاحيه ، وقفت أمها بعصبيه وهي ماسكه الورق وقالت : أقدر أفهم إيه ده ؟؟؟!!! مسكت هاله الورق من أمها وماردتش !! أمها بتردد : أممممم مابترديش ! طيب يا هاله يا تري إللي فهمته من الورق ده صحيح ؟؟؟!!! ردت من غير ما تبص لأمها : أيوه يا ماما مانزلتش الجنين ... أنا لسه حامل !! أمها مندهشه : هاله إنتي إنتي بتتكلمي بجد ؟! هاله : أيوه يا ماما أمها : طاب إزاي ده إنتي كنتي راجعه والبنج لسه أثره عليكي ووشك أصفر أنا أنا مش فاهمه حاجه !!!!!! هاله : أقعدي يا ماما وأنا هفهم حضرتك كل حاجه قعدت أمها علي حرف السرير بتسمعها ، وهاله بدأت تحكي رجعت فلاش باك ليوم العمليه>>>>>...... فاقت من البنج ولقت نفسها فـ عيادة يسرا ولما إفتكرت إنها نزّلت الجنين إنهارت ، دخلت يسرا وحاولت تهديها لكن هاله مازالت بتبكي بحرقه لحد ما سمعت يسرا بتقول : الحمدلله إني إتخذت القرار السليم ومانزلتش الجنين لإني كنت واثقه إنك هتندمي ) وقفت هاله عن البكا وبصتلها بدهشه ومش فاهمه أي حاجه !!!!! إبتسمت يسرا وقربت منها : أنا أفهمك يا ستي ، بعد ما إدنالك جرعة المخدر لقيتك بدأتي تبكي وتهلوسي وقولتي تحديداً (خلاص أنا عاوزه إبني مش هنزله ، إبنييييي ) وبعدها غيبتي عن الوعي وإنتي بترددي إبني إبني وبالتالي قررت مش هعملك العمليه وجبناكي فـ الأوضه هنا عشان تفوقي من البنج يا ماما هاله هاله مصدومه : يعني أنا أنا لسه فيه بيبي فـ بطني يعني وهبقي أم ؟ يسرا : أيووووووه الحمدلله إنتي والجنين بخير وهنبدأ أول متابعه من الأسبوع الجاي إن شاء الله هاله : إن شاء الله :')) ، بجد مش عارفه أشكرك إزاي يا يسرا :'(( يسرا : ماتشكرنيش يا حبيبتي لإني ماعملتش غير الصح وإللي كان المفروض يحصل ولو سمحتي تاني مره قبل ما تاخدي أي قرار تفكري كويس وبلاش تسرع يا مدام خلاص حضرتك هتبقي أم وماينفعش الكلام ده إبتسمت هاله : حاضر :')) كلمة هتبقي #أم فرحت قلبها أوووي وخلتها تبتسم رغم الهموم ، حطت إيديها علي بطنها وكلمت الجنين : أنا أسفه يا روح قلب ماما ، أوعدك إللي عملته ده مش هيتكرر تاني وهاخد بالي منك ومن نفسي عشان خاطرك بعد كده إن شاء الله :')) وفجأه إفتكرت علي ، إفتكرت كل حاجه وإختفت البسمه إللي علي وشها ، حاسه إن علي أهان كرامتها أووووي ، فكرت فـ كل إللي حصل وكان نفسها يطلب منها مايتطلقوش أو تحسه متمسك بيها ولو للحظه لكن لقته كل إللي هامه إنها تكون مسامحاه قبل ما يطلقها وبس فعرفت إنها مش فارقه معاه هيطلقها ويرجع لبنت خالته وهي قررت مش هتقوله عن حملها ، تطلق منه وتربي هي طفلها ، حاسه إنه الحاجه الوحيده إللي ممكن تنسيها الوجع إللي سببه علي لقلبها مسحت دموعها ، قامت غيرت هدومها وهي لسه دايخه من أثر البنج ، إتناولت شنطتها ورجعت ع البيت كانت هتقول لأمها لكن خافت أمها تقول لعلي وتوقف موضوع الطلاق فقررت مش هتقول لأي حد لغاية ما تطلق ، وبالفعل فضلت مخبيه موضوع الحمل عشان محدش يقول لعلي ، وراحت أول متابعه ، كانت حاسه بإحساس جميل أووي قعدت فـ العياده وكالعاده تأملت الموجودين ، كانت بتتمني أول متابعه يكون علي فرحان معاها وقاعد جنبها متشوق زيها يشوف أول سونار للجنين :')) ، مسحت دموعها وحطت إيديها علي بطنها وهمست : إنت عندي بالدنيا كلها دخلت فـ دورها ونزلت منها دموع الفرحه وهي شايفه البذره إللي قاعده فـ سكينه فـ رحمها :')) رجعت البيت وفضلت حاضنه صورة السونار إللي إنتشلتها من الغم إللي عايشه فيه :')) لحد ما جه ميعاد الطلاق ، أول ما شافت علي عند المأذوون مش عارفه ليه حست بحنين ليه حست إنها عاوزه تصرخ فـ وشه وتعاتبه وبعدها تترمي فـ حضنه وتبكي بحرقه :'(( فاقت علي صوت المأذون بيطلب منهم يقعدوا مع بعض لآخر مره يمكن يوصلوا لحل ،،، فـ اللحظه دي إتشجعت إنها تقوله عن حملها لكن لاحظت فـ ملامحه اللآمبالاه وإنه عاوز يخلّص الإجراءات دي بسرعه فردت بكبرياء : إحنا قعدنا كتير ولقينا إن الطلاق هو أنسب حل فياريت نبدأ فـ الإجراءات أول ما رمي عليها يمين الطلاق إرتجفت وحست كإنه صوب سكينه لقلبها ، مسكت نفسها بالعافيه لحد ما تخلص الإجراءات وجريت علي عربية أبوها إتفتحت فـ العياط :'(( راحت من قريب متابعه تانيه عند يسرا برده من غير ما تقول لحد ولما تتعب من الحمل بتبرر لأمها إن معدتها تعباها ~ ~ ~ ~ هاله : ده كل إللي حصل يا ماما والورق ده بتاع آخر متابعه وأنا كنت مستعجله وما أخدتش التقارير من العياده فيسرا بعتتهالي هنا ، كنت هقول لحضرتك بس حضرتك سبقتيني وشوفتي الورق أمها : ياااه كل ده حصل يا هاله وأنا نايمه علي وداني :'(( ، إخص عليكي ماقولتليش لييييه هاله : كنت خايفه تقولي لعلي يا ماما :'(( أمها : ومش حرام عليكي تحرمي طفلك اللي جاي ده من أبوه وتحرميه حقه فإنه يعيش حياه مستقره مع أبوه وأمه هاله : مستقره !!!! علي فرحان ومرتاح جداً بموضوع الطلاق يا ماما وطفلي إللي بتقولي عليه هحرمه من ابوه ده ابوه مش فارق معاه أصلاً ومش بعيد علي لو عرف إني حامل يتضايق ويحس إن لسه فيه حاجه هتربطه بيا ، أرجوكي يا ماما ماتقوليلهوش أي حاجه وأنا خلاص هسافر بعد 3 شهور إن شاء الله وهربي طفلي بعيد عن أي ضغوط وبعيد عن علي أمها : ولحد إمته هتخبي ثم إن حرام كده جوزك من حقه يعرف حتي لو كان مطلقك بس ده حقه لازم يعرف إنك حامل يا هاله هاله : مسيره هيعرف يا ماما إن شاء الله أمها : لو ماقولتيش إنتي أنا هقوله هاله : شفتي بقي !! عرفتي ليه ماكنتش عاوزه أقولك قبل الطلاق عشان كنت واثقه هتروحي تقوليله ، ماما عشان خاطري بلاش دلوقتي و أوعدك إني هقوله إن شاء الله فـ أقرب وقت أمها : إنتي حره يا هاله بس بلاش تفكري بأنانيه وتقولي كرامتي وكبريائي لما تولدي إن شاء الله وتكتمل الأمومه عندك هتعرفي إن الأم مستعده تضحي وتدوس علي كرامتها بل وتذل نفسها عشان بس راحة ولادها ، فكري كويس يا قلب أمك وبلاش العناد هاله : حاضر يا ماما ، ممكن بقي تسيبي أي حاجه علي جنب وتيجي جنبي هنا محتاجه أنام فـ حضنك أووووووي :'(( قربت إمها والدموع بتلمع فـ عنيها مش عارفه تفرح إن بنتها مانزلتش الجنين ولا تزعل علي حالها بعد ما بقت دلوقتي مُطلقه وحامل :'(( ضمت بنتها لحضنها وفضلت تمسح علي شعرها وتربت علي كتفها وهاله حاسه براحه وأحزانها بتدوب فـ دفا أحن حضن :')) ~ ••••••••●••••••••● ••••••••••●••••••� ��••●••••••••●•• ••••• خديجه : أحمد هيطلع من الدرس ويعدي علي داليا يا حاج ، داليا كل ما أروحلها تسأل عنك يا عمران كنت الأول بتحجج إنك بتروحلها وهي نايمه دلوقتي الحمدلله بقت أحسن وفين وفين لما تاخد مهدئات ولا الدوا إللي بينيم ده مابقتش بلاقي حجه البت نفسها تشوفك أوي زفر عمران : وأنا يعني إللي مليش نفس أشوفها !!! ده أنا نفسي أشوفها وأضمها فـ حضني أوووووي :'(( بس مش عارف مكسوف منها ليه يمكن عشان ماجبتلهاش حقها يا خديجه ؟! هو أنا ليه بنتي هي إللي يجرالها كده ! قربت خديجه وهي بتربت علي كتفه : إستهدي بالله كده يا اخويا والله يخليك روحلها وطمنها هي دلوقتي محتاجه حضنك اوي محتاجه تحس كلنا جنبها وبـ وقبل ما تكمل رن جرس الباب خديجه : هروح أشوف الباب واجي رن جرس الباب تاني خديجه وهي رايحه ناحية الباب : أيوه أيوه متسربع كده ليه يا إللي ع الباب جايه أهه يوه فتحت الباب وإتسمرت فـ مكانها .... ~ ~ ~ داليا بتلعب فـ المصحه مع هنا وعلياء بتتأملها وهي مبتسمه وإختفت إبتسامتها لما إفتكرت علي وحاله وكلامه ! هي من جواها نفسها أووووي علي وداليا يرجعوا لبعض بس هي عارفه داليا كويس ومتأكده إن إللي حصل كسر جواها حاجات كتيير أوووي تمنعها إنها ترجعله وفـ نفس الوقت بتفكر فـ هاله إللي ملهاش أي ذنب فـ أي حاجه وقلبها إتكسر ! خرجها من شرودها داليا : مالك ؟ علياء : هه إنتي كنتي بتقولي حاجه ؟ داليا : لأ بس شيفاكي سرحانه يعني وملامحك بتقول إنك متضايقه من حاجه مالك يا حبيبتي ؟ علياء : ولا حاجه طمنيني صحيح أخبار القضيه إيه فيه جديد ؟ إتنهدت داليا : لأ لسه ماقبضش عليهم علياء : يا سلام لحد دلوقتي ولسه ما إتحركش !!!! داليا : هو بيقول إنه بيدرس القضيه و مش عاوز أي غلطه يعني هو فاهم شغله كويس وأكيد منتظر الوقت المناسب إن شاء الله خير ) علياء : يا رب ، صحيح خالو ناصر بيسلم عليكي داليا : الله يسلمه واحشني أووووي علياء : هو نازل مصر عشانك أصلاً بس بيخلص شوية شغل كده ومشاكله مع كارولين عشان يعرف يقعد براحته هنا داليا : ربنا ييسرله ويوصل بالسلامه إن شاء الله ) علياء : يا رب) داليا : ناوليني الموبايل ده أما أصور هنوشتي كام صوره ^^ إتناولت الموبايل وقامت تصور هنا .... رن موبايل علياء وظهر قصادها الإسم ع الشاشه #علي إرتبكت ، حست بزغلله فـ عنيها فناولت الموبايل لعلياء من غير كلام وعلياء أول ما شافت المتصل هي كمان إرتبكت فكنسلت ، عملت الموبايل صامت وشالته فـ الشنطه ، فكرت تقول لداليا دلوقتي إن علي وهاله إتطلقوا عشان تشوف ردة فعلها علياء : صحيح علي طلّق مراته داليا عملت نفسها ما سمعتش : بقولك صحيح إنتي مسافره إمته ؟! علياء : لسه شويه إن شاء الله ، على فكره علي طلق مراته زفرت داليا وردت بعصبيه : علي فكره سمعتك يا عليا وأنا من عادتي مابحبش أتكلم فـ أي حاجه متخصنيش وأخوكي وأحواله مايخصونيش وبالتالي ما سألتكيش ولا عاوزه أعرف خلاص ؟! علياء بندم : أ أنا أسفه يا حبيبتي إهدي طيب أنا ما أقصدش ! همست داليا(( إستغفر الله العظيم وأتوب إليه )) بصت لعليا : أنا إللي أسفه يا عليا عشان اتعصبت بدون أي داعي عليا : ولايهمك يا حبيبتي ) أنا همشي بقي عشان لسه عاوزه أعدي علي ماما قبل ما أروح داليا : هي خالتي كويسه ؟ علياء : أه الحمدلله داليا : الحمدلله ) علياء وهي شايله هنا وبتسلم علي داليا : هجيلك بكره إن شاء الله فـ ميعاد كل يوم بقي داليا : إن شاء الله يا حبيبتي . . . مشيت علياء من عند داليا وعلي طول بصت فـ الموبايل لقت علي متصل بيها 6 مرات إستغربت وإتصلت عليه علياء : ألو أيوه يا علي خير فيه حاجه ؟ علي وهو بيبكي : أنا محتاجلك أوي يا عليا :'( علياء بخوف : علي فيه إيه ؟؟ طمني عليك يا حبيبي؟؟ علي : ممكن تيجيلي البيت دلوقتي :'( ؟ علياء : حاضر مسافة السكه وهكون عندك . . . داليا بعد ما علياء مشيت حست بصداع بدأ فـ راسها من أول ما لمحت إسم #علي >إفتكرت عليا وهي بتقولها إنه طلق مراته ! (( معقوله علي لسه بيحبني وما قدرش يعيش معاها ؟! معقوله لسه بيفكر فيا زي ما أنا متعذبه ومش ببطل تفكير فيه بالشكل ده !! لأ لأ داليا علي إنسان أناني كسرك إزاي لسه بتحبيه !! ثم إنتي مش أنانيه زيه عشان ماتفكريش فـ مراته إللي ملهاش ذنب فـ أي حاجه وتلاقيها دلوقتي قلبها مكسور منه ! يــــــــــــــــــــــــ ــــــــا الله أنا #تعبت :'( ! )) (داليا لنفسها ) ••••••••●••••••••● ••••••••••●••••••� ��••●••••••••●•• ••••• خديجه لما راحت تفتح الباب لقت علي واقف قصادها وإتسمرت مكانها :O مش عارفه تعمل إيه ؟! دقايق من الصمت وهي بصاله وهو باصللها ومش لاقي كلام يقوله كسرت الصمت وسألت بحِده : عاوز إيه ؟ علي : ممكن أدخل يا خالتي ؟ خديجه : هو أنا مش قولتلك ماتعتبش البيت ده تاني ؟!!!! علي : خالتي أنـ خديجه : بلا خالتك بلا خالة الجيران إمشـ وقبل ما تكمل جه من وراها صوت زوجها بهدوء : سيبيه يدخل يا خديجه ! بعدت عن الباب وهي بتبصله بقرف >.< ! دخل علي وهو باصص فـ الأرض ، قعد وهو بيتأمل البيت ، لمح طيف داليا عند الستاره واقفه وخدودها لون الورد :')) ، لما إفتكر لقي نفسه غصب عنه بيبتسم :')) عمران : خير ؟ فاق علي من شروده ، بلع ريقه وهو بيدور علي كلام يقوله ... دقايق صمت مسح العرق من علي جبينه وأخيراً إستجمع قواه ونطق : عـ عم عمران أنا أنا كنت عاوز يعني كنت عاوز أتجوز داليا >Sad خديجه بصاله مزهوله :O وخايفه زوجها يفقد أعصابه لكن إستغربت لما لقت زوجها بيضحك :/ !!!! عمران : ههههههههههههههههه إلحقي يا خديجه هههههههههههه مش قادر أمسك نفسي من الضحك ، سمعتي بيقول إيه !!!!!!!!!! وقف عمران ضحك وبص لـ علي إللي قاعد بيبصله بخوف وترقب >Sad عمران : يسعدني ويشرفني أستأمنك علي بنتي يا ابني هو أنا هلاقي أحسن منك لبنتي فين !!!! إبتسم علي بخوف وتعجب ومشاعر مختلطه مش فاهمها !!!!!!!!!!! خديجه مزهوله : عمران إنت بتـ قاطعها : قوليلي بقي إنتي يا خديجه انا قلت الجمله دي امته قبل كده وفين ؟؟؟!! عمران : فين فين أيوه أيوه صح هنا فـ نفس المكان ده وإمته !!!! أمممممم أه إفتكرت قام وقعد جنب علي : أنا جيت أقعد جنبك عشان نعيد تمثيل المسرحيه بالضبط كنت قاعد جنبك كده من سنين وإنت كنت حتة عيل لا مؤاخذه يعني فـ دي الكلمه جيت عاملي فيها راجل واتقدمت لبنتي وقولتلك الجمله دي وقلت استنوا لما تكبروا ،، كبرتوا وجيت برده فـ نفس المكان وقولتلك نفس الجمله وفرحنا وعملنا هيصه وزيطه و زمبليطه وقال إيه فرحت إني إستأمنت راجل علي بنتي وهوبا عند أول حفره تقع فيها باعها وفلسع حتي إتكسف يجي ياخد شبكته وحاجاته بنفسه فبعت أبوه إلا صحيح يا حبيبي إنت قلت لبابا وماما قبل ما تيجي هنا ولا جاي من وراهم !!! علي مش لاقي كلام يقوله وخديجه واقفه خايفه من زوجها > علي : عمـي أنـ صرخ عمران فـ وشه : عم الدبب إن شا الله ، قوم فز >.< قام علي وهو مصدوم :O عمران : المره إللي فاتت طبطبت عليك المره دي أقل حاجه ممكن أقدمهالك هو ده وبدون مقدمات رفع عمران إيديه وضرب علي بالألم ، وماادلهوش فرصه يستوعب المفاجأه شده من دراعه ، فتح باب الشقه وطرده وهو بيقول : الألم ده كان نفسي أديه لأبوك عشان كل كلمه قالها النجس أبوك فـ عرض بنتي وشرفها ، الكلام إللي راح يزيعه ويقوله وإللي لو يهودي كان عاشرنا ماكنش هيفكر يقول كده >.< ، الألم ده عشان بنتي إللي كانت هتروح مني ليلة دخلتك ، الألم ده أقل حاجه عندي ولو شوفتك مهوب ناحية بنتي تاني مش هيكفيني فيك قتلك لإن بنتي أشرف من إنها تتجوز عيل زيك >.< قال كلامه وقفل باب الشقه بعنف فـ وش علي وخديجه واقفه حاطه إيديها علي فمها ودموعها نازله من غير صوت :'( ، أول ما قربت من زوجها صرخ فـ وشها : إوعي ، جتكوا القرف إنتي وقرايبك >.< دخل على أوضة داليا زي ما كان قاعد ورزع الباب وراه ، وخديجه ما قدرتش تقف قعدت ع الكرسي وإتفتحت فـ العياط :'( :'( .... ~ ~ ~ علي وقف لدقايق قدام بيت داليا بيحاول يستوعب إللي حصل دلوقتي :O !!! قعد ع السلم ولسه طيف داليا فـ المكان ، حاسس إن الهموم دي كلها فوق طاقته ، إتحسس وشه مكان الصفعه ونزل ، ساق عربيته ووصل للشقه بالعافيه > قعد على أول كرسي قابله وهو حاسس بلا شيئ ، إتناول الموبايل وإتصل بعلياء كنسلت وبعدها ماردتش عليه ! فضل يقلّب فـ صور داليا إللي علي موبايله وكل صوره بتحكي عن نفسها وعن اليوم إللي إتصوروها فيه ، إتفرج علي كل صوره وهو شايف المواقف بتمر قصاده وسامع كلامهم وضحكهم خلاص مابقاش له طاقه علي التحمل > حط الموبايل وفضل يبكي بحرقه :'( لحد ما لقي إتصال من علياء وطلب منها تجيله البيت :'( ~ ~ ~ علياء من بعد ما سمعت صوت علي وهو بيبكي قلقت أووي :'( وبسرعه ركبت تاكسي وراحت علي شقته ، رنت الجرس وفتحلها بعد تالت رنه ، فتح الباب ودخل ، دخلت وراه وقفلت الباب ، نزّلت هنا تلعب فـ الأرض وقربت من علي : مالك يا حبيبي :'( ؟! من غير كلام إترمي فـ حضنها : أنا تعبان أوي يا عليا ، محتاج داليا أووي :'( أنا ندمت ليه محدش عاوز يغفرلي غلطي ، أرجوووكي عاوز أقابل داليا أنا عارف إنها الوحيده إللي ممكن تسامحني وتنتشلني من البؤس إللي عايش فيه ده :'( علياء وهي بتربت علي كتفه : بس يا حبيبي كفايه ما تعملش فـ نفسك كده :'( فوق يا علي بقي داليا مش هترجعلك تاني أبداً ، أرجوك فوق مـ إللي إنت فيه وكفايه عذاب لنفسك بقي :'( علي : وأنا مش هخلص من لعنة العذاب دي طول ما داليا بعيده عني أنا كنت واثق إني بحبها بس ماكنتش أعرف إني بحبها بالشكل ده ماكنتش أعرف إنها ساكنه وريدي بالشكل ده أنا حاسس حبها إدمان مش قادر أبطل تفكير فيها لا ليل ولا نهار تعبت يـــــــــا رب :'( علياء : أيوه يا حبيبي قول يا رب ، ربك أعلم بحالك وحالها :'( . . . حكالها ع إللي حصل فـ بيت خالته ، فضلت تهدّي فيه وهي مش عارفه تقوله ولا تعمله إيه !!!!!! ~ ~ ~ خديجه هديت شويه من البكا بصت فـ الساعه ولقته ميعاد دوا زوجها ، أخدت الدوا وقامت تشوفه ، فتحت باب الأوضه وإتصدمت :O ، وقعت من إيديها كوباية المايه وصرخت : عمراااااااااااااااااااااا ااان........ يتبع....... | ||||
|
| |
|
03-10-16, 03:31 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ʚϊɞ ʚϊɞ •.¸(15)¸.• ʚϊɞ ʚϊɞ وقفنا الحلقه إللي فاتت عند أما هديت خديجه شويه من البكا بصت فـ الساعه ولقته ميعاد دوا زوجها ، أخدت الدوا وقامت تشوفه ، فتحت باب الأوضه وإتصدمت ، لقت عمران واقع ع الأرض ، وقعت من إيديها كوباية المايه وصرخت : عمراااااااااااااااااااااا ااان جريت عليه و فضلت تهز فيه وهو ما بينطقش ،مسكت التليفون مش عارفه رقم الإسعاف ولا عارفه تكلم مين يلحقها !!! سابت التليفون وجريت علي بيت جارهم ندهتله و ما إستناش الإسعاف بسرعه هو وإتنين تانيين شالوا عمران حطوه فـ عربية واحد منهم وراحوا بيه ع المستشفي ...~ ~ ~ ~ أحمد خلص درسه وراح لداليا ، كانت بتقرا فـ المصحف وقت ما جه أول ما شافته إبتسمت حطت المصحف ووقفت فقرب منها وإدالها ورده حمرا داليا : الله الله وكمان ورده حمرا أحمد : بس الورده دي ولا حاجه قصاد جمال دولّي أجمل ورده فـ الدنيا دي كلها داليا : يا روح قلبي إنت واحشني كلامك الحلو ده هات حضن بقي يا ولا ضمته لحضنها : ربنا ما يحرمني منك أبداً يا روحي وهم بيقعدوا ،، داليا : ها إيه أخبار المذاكره يا دكتور ؟ أحمد : الحمدلله ماشيه ! داليا : أممممم كلمة ماشيه دي مش مطمناني ! إنت نسيت وعدك ليا يا حمود ولا إيه (( ؟! أحمد : إزاي بس طاب ده أنا كل ما أكسل عن المذاكره أفتكر وعدي ليكي وآكل الكتب أكل داليا : حبيب قلبي إنت عشان خاطري يا أحمد سيبك من كل المشاكل وملكش دعوه بكل إللي بيحصل ما تحملش همي أنا هبقي كويسه طول ما انا شيفاك كويس وواخد بالك من نفسك ومستقبلك ماشي يا قلبي ؟ أحمد : حاضر يا دولّي) داليا : صحيح قولي يا أحمد هو بابا كويس ؟ أحمد : الحمدلله كويس ) داليا : طيب ليه ما بيجيش يزورني هو زعلان مني فـ حاجه يا أحمد ؟ أحمد : لا خالص يا حبيبتي وبعدين هو هو يعني كان بيجيلك وإنتي نايمه داليا : أممممم الكلام ده ماما تضحك عليا بيه وأنا أعمل نفسي مصدقه عشان زعلي مايضايقهاش ولا أضغط عليها لكن عشان تيجي إنت كمان تقوله رغم إنك عارف إني بعرف أقرا الكلام من عنيك كويس أوي فيبقي إحنا كده بنضحك علي بعض وبنضيع وقتنا ، فيه إيه يا أحمد بابا ما بيجيش ليه ؟! أحمد : مش عارف يا داليا والله هو بابا مش طبيعي وبعدين مـ وقبل ما يكمل رن موبايله بص فيه وإستغرب !!! داليا : إيه مين بيتصل ؟ أحمد : غريبه عم سالم جارنا عمره ما عملها يعني هيكون عاوز إيه ! داليا : طيب رد وإنت هتعرف ! رد ع الموبايل : سلام عليكم ، أيوه،، الله يحفظك،،،، اه يا عم سالم ،،،، إييييه مستشفي إيه ؟؟!!! طيب طيب انا جاي داليا بخوف : فيه إيه يا أحمد مين فـ المستشفي ؟! أحمد : أصل أصل يعني داليا : إنطق يا أحمد فيه إيه أحمد : بابا جتله أزمة القلب تاني داليا : إييييييه يا حبيب قلبي أحمد : معلش يا داليا هروح المستشفي دلوقتي وأبقي أطمنك إن شاء الله داليا : تبقي تطمني إيه إستنى أنا جايه معاك غيرت داليا هدومها وراحت مع أخوها ع المستشفي ....~ ••••••••●••••••••● ••••••••••●••••••� ��••●••••••••●•• ••••• عوض : بت يا هنيه إنتي يا بت ! هنيه جايه بسرعه من المطبخ : إنت جيت يا سي عوض عوض : فين هنادي هنيه : جاعده فـ أوضتها ده حتي ما راحتش المِدرسه إنهارده كمان عوض : أحسن يعني عتعمل إيه بالعلام أخرتها لبيت جوزها ، دلّوك بس تروحي تجوليلها تجهز عشان عتاجي معاي هنيه : فيه حاجه يا سي عوض ، عتروح معاك فين ؟! عوض : الست هانم الكبيره أختها راجعه مصر السبوع الجاي وعاوزه واحده تنضف الفيلا بتاعة أختها هنيه : بس هنادي ملهاش صالح بشغل البيوت ، أروح أني مكانها ! عوض : وتسيبي شغلك عند الست هانم كيه يا مخبله إنتي هنيه : خلاص يا سي عوض شفلها واحده تشتِغل الشغلانه دي بس بلاش هنادي الله يخليك عوض : جبر يلمك والـ 800 إجنيه إللي عتاخدهم أي واحده مش بتك أولي بيهم هنيه : أـ عوض : ماعاوزش كلام كتير روحي نادمي علي هنادي وماتوجعيش راسي هنيه : بس البت لساتها تعبانه ومابتجومش من السرير يا سي عوض ! عوض : جوليلي صوح لما كشفتي عليها طلع عندها إيه ! هنيه : مارضيتش تروح معاي وجالت ماعوزاش أكشف أنا زينه وبجالها كتير مابتروحش المِدرسه وتجول تعبانه ماجدراش أمشي عوض : بلا دلع بنات ماسخ ، خليها تفز وتاجي هنيه بدل ما أجوم أطين عيشتها ~ ~ ~ جاسر : ألو أيوه يا روح قلبي ها جهزتي ؟ ناريمان : جهزت خلاص يا روحي جاسر : دقيقتين وهكون عندك . . وصل وواقف بعربيته قدام الباب ، رن موبايله جاسر : مصلحه ، تصدق واحشني يلا مصلحه : تصدق إنك رمه ، عشان خطبت تبيعنا كده ! جاسر : والله أبويا طاحني فـ الشغل يا مصلحه وإنت عارف مقدرش أقوله لأ مصلحه : طاب بقولك ايه ما تسيبك من الشغل وتيجي الليله تقضيها معانا ! جاسر : مش هينفع أنا دلوقتي عند بيت ناريمان عاوزه تخرج شويه مصلحه : مش بقولك خطبت وبقيت عيل ندل جاسر : يا عمنا مضطر أعمل إيه يعني ، بص هحاول أقلب منها وآجيلكم،، الواد خالد جاي؟ مصلحه : أه أهه جمبي ده هو إللي متصل بيا أظبط الليله جاسر : تمام أهه ناريمان جايه هقفل دلوقتي وإستني مني تليفون ، سلام مصلحه : سلام قفل مع محمود ونزل من العربيه وهو مبتسم ، قبل إيديها وفتحلها باب العربيه ركبت ومشيوا لمكان هادي هي إختارته .... ~ ~ ~ محمود : مالك يلا يا خالد فيه إيه ؟! سحب خالد نفس من الشيشه وطير همه مع الدخان إللي خارج ، ناولها لمصلحه ، وحك أنفه : مش عارف يا مصلحه ، سادس عريس يجي لمريم وهي منشفه دماغها ومش راضيه سحب محمود نفس من الشيشه كتم نفسه دقايق وخرّج الدخان وهو بيكح ، بص لخالد قبل ما يسحب نفس تاني : ماتسيبها يا عم يعني إللي إتجوزوا خدوا إيه بلا نيله هتتجوز وتجيب حتة عيل تطلق وتروح تتجوز واحد تاني وجوزها يتجوز واحده تانيه ويرموا عيلهم فـ الزباله هههههههههههههههههههه خالد : ههههههههههههه جري إيه يابا إنت فاكر كل الحريم زي أمك ، بس أنا بجد نفسي أطمن عليها أوي محمود : أيوه بقي الحوار الفاكس ده و شغل الأفلام الهندي وآآآه نفسي أطمن عليها وأسترها قبل ما أموت ههههههههههههههه خالد : هههههههههههههه تصدق أنا عيل إبن ( ......) عشان إتكلمت مع واحد زيك فـ الموضوع ده ! يلا بقي يا ابن الـ ( ..........) إطلع بالكوك إللي معاك محمود : مش هنستني الواد جاسر ؟ خالد : يا عم كعادة كل ليله هيقلبنا ويقضي معاها السهره محمود : صراحه ليه حق يا جدع آآآآآآخ أنا لو عندي صاروخ زي خطبته دي مش هسيبها ، هحطها قصادي وأفضل باصصلها ليل نهار وصراحه هبيعكم زي ما هو بايعنا كده وأبيع أبوكم كمان خالد : هههههههههههههههههههه طاب بطل رغي و إخلص يا خفيف لحسن دماغي بدأت تاكلني .. ~ ~ ~ مريم : مالك يا عمرو مكشر كده ليه ؟! وبعدين كنت بتشرحلنا ومش مركز فيه حاجه ؟ عمرو : يعني إنتي مش عارفه فيه إيه يا مريم ؟! أنا بجد نفسي أفهم مش عاوزه تخليني أقابل أخوكي ليه ! مريم : أنا ماقولتش مش عاوزه يا عمرو ، بس مستنيه أستحقك ووقتها بس هقولك تعالي إتقدم عمرو : تستحقيني !!! مش فاهم يعني ، كل مره تقولي إنت معيد وخلاص هتبقي دكتور وأنا لسه مجرد طالبه والكلام الفاضي ده !! طاب ما إنتي الأولي دايماً وهتتعيني معيده لما تخلصي إن شاء الله ثم سواء إتعينتي أو لأ أنا عاوزك لشخصك يا مريم أنا بحبك من غير أي سبب وعاوز أكمل عمري معاكي ده مش سبب كافي يعني ! إبتسمت مريم بخجل : أنا فاهمه والله يا عمرو بس يا تري ده رأي أهلك كمان ؟! عمرو : يادي أهلي ، تاني هتقولي أهلي !!!! أنا إللي هتجوزك مش أهلي ثم إن أهم حاجه عندهم يشوفوني مبسوط وأنا مش هكون مبسوط غير معاكي ها ريحيني وقولي موافقه بقي ضحكت مريم وقالت بهمس : موافقه عمرو : مش ساااااامع مريم : الله بقي بقولك موافقه عمرو : أخيييراً يا جدعااااااااااان مريم : بس إستني تمر فترة الإمتحانات دي وبعدين ربنا ييسر بقي هفاتح خالد فـ الموضوع وأحددلك معاه ميعاد عمرو : إتفقنا يا مريوم ••••••••●••••••••● ••••••••••●••••••� ��••●••••••••●•• ••••• أحمد وداليا وصلوا ع المستشفي ولقوا أمهم واقفه بتبكي عند العناية المركزه جريت داليا علي أمها وضمتها أمها : آآآآآه يا داليا أبوكي هيروح منيييي داليا : إهدي يا ماما عشان خاطري ماتقوليش كده بابا إن شاء الله هيبقي كويس خرج الدكتور من عنده فجريوا عليه داليا : خير يا دكتور طمنا أرجوك ؟ الدكتور : يا جماعه أنا نبهت قبل كده بلاش تعرضوه لأي ضغط نفسي صحته مش مستحمله ، الحمدلله المره دي ربنا سترها والله أعلم المره الجايه هتيجي سليمه ولا لأ لو سمحتم خدوا بالكم بقي وحاولوا ما يتعرضش لأي صدمات أو أي ضغط نهائياً . . وقفت داليا عند الأوضه وبصت لأبوها ودموعها نازله علي خدها : أنا أسفه أنا إللي عملت فيك كل ده سامحني . . . نِهال دخلت أوضة داليا ومالقتهاش فقالتلها الممرضه إن أخوها جه خدها وزعقت للمرضات عشان سمحوا إنها تخرج من غير إذنها وعلي طول كلمت أحمد أحمد : سلام عليكم نِهال : وعليكم السلام ورحمة الله وبركاته ، أحمد داليا معاك مش كده ؟ أحمد : أيوه يا دكتور إحنا فـ المستشفي والدي تعبان شويه نِهال : ألف سلامه عليه ماله ! حكالها أحمد عن حالة أبوه نِهال : لا حول ولا قوة إلا بالله العلي العظيم ،، ألف سلامه ربنا يشفيه أحمد : اللهم آمين نِهال : طيب وداليا كويسه دلوقتي ؟! أحمد : مش عارف والله يا دكتور هي واقفه عند الأوضه بقالها كتير وبتعيط نِهال : طيب أحمد لو سمحت خد بالك منها ماتسيبهاش وعينك عليها كويس أوي ، ولو سمحت تجيبها المصحه بنفسك أحمد: حاضر يا دكتور ما تقلقيش نِهال : ألف سلامه علي بابا مره تانيه ،، مع السلامه أحمد : الله يسلم حضرتك قفل مع نِهال وقرب من داليا وحاول يهديها ، طلبوا حد ينزل يجيب أدويه ومستلزمات لباباه بعد ما وصي أمه تاخد بالها من داليا نزل وساب داليا لسه بتتأمل أبوها وتبكي وهي حاسه إنها السبب فـ كل ده مسحت دموعها وسابت المستشفي ومشيت حتي ما إنتبهتش لأمها وهي بتندهلها ..... ••••••••●••••••••● ••••••••••●••••••� ��••●••••••••●•• ••••• هاله قاعده فـ أوضتها كالعاده باصه للسقف وسرحانه فلا شيئ ! إتناولت اللآب توب فتحته بعدين فتحت الفيس بوك وفضلت تقلب فيه بلا هدف ولقت نفسها بتفتح بروفايل علي هاله لنفسها ( كفايه غباء بقي يا هاله ملهوش لازمه إللي بتعمليه مبقاش فيه حاجه تربطك بالإنسان ده :"( ) سكتت شويه ، حطت إيديها علي بطنها وهمست بحسره ( إزاي بس وحته منه بتكبر جوايا :'( ) خبط باباها ودخل فمسحت دموعها وإبتسمت : إتفضل يا حبيبي :')) _ عامله يا روح قلبي ؟ هاله : كويسه الحمدلله :')) قعد جنبها : صحيح فين المصحف إللي حطاه علي طول فـ شنطتك ؟ هاله مستغربه من السؤال : موجود فـ الشنطه _ طيب طلعيه طلعت المصحف ومازالت مستغربه _ إفتحيه علي صفحة 36 وإقري الآيه دي شاورلها علي آيه فقريتها وبصتله ورجعت بصت فـ الأرض >Sad _ إقريها بصوت عالي لو سمحتي عاوز أسمعها منك هاله : Sad((((( _ يلا يا هاله إقري بلعت ريقها وبدأت تقرا والدموع بتلمع فـ عنيها : ((وَالْمُطَلَّقَاتُ يَتَرَبَّصْنَ بِأَنْفُسِهِنَّ ثَلَاثَةَ قُرُوءٍ ۚ وَلَا يَحِلُّ لَهُنَّ أَنْ يَكْتُمْنَ مَا خَلَقَ اللَّهُ فِي أَرْحَامِهِنَّ إِنْ كُنَّ يُؤْمِنَّ بِاللَّهِ وَالْيَوْمِ الْآخِرِ ۚ وَبُعُولَتُهُنَّ أَحَقُّ بِرَدِّهِنَّ فِي ذَٰلِكَ إِنْ أَرَادُوا إِصْلَاحًا ۚ وَلَهُنَّ مِثْلُ الَّذِي عَلَيْهِنَّ بِالْمَعْرُوفِ ۚ وَلِلرِّجَالِ عَلَيْهِنَّ دَرَجَةٌ ۗ وَاللَّهُ عَزِيزٌ حَكِيمٌ )) _ (( وَلَا يَحِلُّ لَهُنَّ أَنْ يَكْتُمْنَ مَا خَلَقَ اللَّهُ فِي أَرْحَامِهِنَّ إِنْ كُنَّ يُؤْمِنَّ بِاللَّهِ وَالْيَوْمِ الْآخِرِ)) أهه لا كلامي ولا كلام أمك ده كلام ربنا ، ملهاش لازمه بقي تمشي بالمصحف فـ شنطتك ولا تقري فيه وإنتي ما بتعمليش بإللي فيه !!! هاله : يعني عاوزني أعمل إيه يا بابا أروح أبوس إيد علي عشان يتقبلني :"( !!!!!! _ أنا ماقولتش كده يا حبيبتي ولا بقول إن حد هيجبرك ترجعيله تماماً أنا بتكلم فـ الصح إنه لازم يعرف بحملك حتي لو مطلقك وحتي لو مش ناويه ترجعيله بس لازم يعرف يا بابا هاله وهي بتبكي بحرقه :'(: أنا من يوم ما إتجوزت الجوازه دي وأنا كرامتي متهانه حتي فـ يوم فرحي ، معنديش إستعداد أستحمل إهانة تانيه :'( _ طاب وعندك إستعداد تستحملي غضب ربنا ؟؟ هاله : استغفر الله العظيم والله تعبت يا بابا تعبت بجد أعمل إيييييييييه :'( :'( :'( ضمها أبوها لحضنه أوي : بس خلاص يا قلبي بطلي بقي والله أنا خايف عليكي يا عمري وطول ما انا عايش مش هسمح لأي حاجه تهينك او تضرك وأنا أسف إني وافقت من الأول تتجوزي الإنسان ده والله ماكنت أعرف إنه بالشكل ده هاله : ما تتأسفش يا بابا حضرتك ما غصبتنيش علي حاجه للأسف أنا إللي وافقت وكنت مبسوطه وأهه دلوقتي بدفع تمن موافقتي :'( _ قدر الله وما شاء فعل يا حبيبتي ♥ إهدي بقي يا روح قلب بابا هاله : حاضر يا بابا وأنا أسفه ما تزعلش مني وحاضر هقول لعلي بس أرجوك مش دلوقتي :'( فضل يربت علي كتفها ويهديها وهو حاسس بحسره علي حالها :'( ••••••••●••••••••● ••••••••••●••••••� ��••●••••••••●•• ••••• طارق : وبكده راجعنا الخطه كلها يا وحيد شوفلي بقي آخر التطورات عند رجالتك . . طلب وحيد رقم وجاله الرد : أيوه تمام تمام وهم لسه جوه؟ .. عظيم زي ما إنتوا وأي جديد تبلغوني طارق : ها إيه الأخبار ؟ وحيد : ساب خطيبته وراحلهم ، لسه واصل حالاً ها أبدأ التنفيذ ؟ سكت طارق شويه بعدين رد : علي بركة الله إبدأوا Smile) قام وحيد بعد ما طارق أكد عليه مايقعوش فـ أي غلطه خرج وحيد وطارق رن الجرس ، دخل العسكري : مش عاوز أي إزعاج ولا أي حد يدخلي ! خرج العسكري وبدأ طارق يكمل شغله ...... وفجأه إندفع باب المكتب بعنف ~ ~ ~ ~ ~ علي قاعد فـ الشقه كالعاده ونيسه الحزن والحسره ، مابقاش بيروح الجامعه ولا بيطلع من البيت ، طول اليوم بيكلم داليا كإنها موجوده معاه ولو أي حد شافه هيقول عليه إتجنن !!! فتح التليفزيون وفضل يقلب بلا هدف لحد ما لقي فيلم كارتون داليا كانت بتحبه أووي فإبتسم وبصلها : شفتي سبحان الله أهه لسه بيبدأ تعالي بقي فـ حضني عشان نسمعه سوا ^_^ وفجأه رن جرس الباب : هروح أفتح وآجي يا روحي فتح الباب وإتسمر مكانه :O ....... وإنتهت حلقتنا هنا إنهارده يا تري داليا سابت المستشفي وراحت فين ؟! مين إللي دخل علي طارق بعنف ؟! وعلي شاف مين خلاه يتسمر مكانه ؟! يتبع....... | ||||
|
| |
|
03-10-16, 03:32 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ʚϊɞ ʚϊɞ •.¸(16)¸.• ʚϊɞ ʚϊɞ وقفنا الحلقه إللي فاتت عند علي لما كان قاعد فـ الشقه كالعاده ونيسه الحزن والحسره ، مابقاش بيروح الجامعه ولا بيطلع من البيت ، طول اليوم بيكلم داليا كإنها موجوده معاه ولو أي حد شافه هيقول عليه إتجنن !!! دخل عمل كوبايتين نسكافيه واحده ليه وواحده لداليا فتح التليفزيون وفضل يقلب بلا هدف لحد ما لقي فيلم كارتون داليا كانت بتحبه أووي فإبتسم وبصلها : شفتي سبحان الله أهه لسه بيبدأ تعالي بقي فـ حضني عشان نسمعه سوا وأول ما سمع ((شاور لقلبك... إوعدني )) رجع فلاش باك لداليا لما كانوا فـ المصيف ، نزلوا يشتروا شوية حاجات وهي عجبتها ميداليه علي شكل برج إيفيل علي : عجباكـِ~ ؟ داليا : جداً علي : فـ يوم من الأيام إن شاء الله هتشوفي البرج الحقيقي بنفسك وأنا وإنتي هناك سوا داليا : يا سلام علي : طاب والله ما بهزر نروح شهر العسل هناك ^__* داليا : أممممممم شاور لقلبك علي : إيه شاور لقلبك دي !!! داليا : شاور لقلبك وأوعدني علي : أيوه أعمل يعني داليا : شاور لقلبك كده وأوعدني علي : إيه الحركه الجديده دي ! داليا : شفتها فـ فيلم UP علي : إيه الفيلم ده ؟ داليا : فيلم كارتون بحبه أوووي إيه رأيك نسمعه إنهارده ؟ علي : لا لا إنتي عرفاني مليش فـ الكارتون والكلام ده أنا هعيل داليا : إخص عليك يا رخم طاب إمشي بقي يلا عشان شكلهم مشيوا ونسيونا علي : ههههههههههههه شكلك بيبقي تحفه وإنتي مكشره داليا : والله ؟؟ علي : بس وإنتي بتضحكي أحلي بكتيير من الآخر إنتي فـ كل حالاتك بتخطفي قلبي إبتسمت بخجل : الله بقي يلا بينا عشان عشان إتأخرنا علي : أيوه أيوه أمال !! يلا يا ستي . . . رجعوا الشاليه ، البنات كانوا قاعدين سوا فـ أوضتهم خبط علي ع الباب علي : ممكن أدخل يا بنات علا : إتفضل يا علوش علي : علوش !!! الله يسامحك يا علا علياء : عاوز إيه يا لولو ؟ علي : لولو ! وإنتي يا داليا معندكيش دلع كمان عشان تكمل !!! داليا : ههههههههههه إسمك حلو كده مش محتاج دلع عشان أجمله علا وعلياء : الله الله ، سيدي يا سيدي علياء : بت يا علا شجره وإتنين لمون هنا ^__* علي : ههههههههههه بس يا رخمه إنتي وهي نستوني كنت جاي ليه أمممم اه صح ......ممكن أسمع معاكم فيلم ؟؟ علياء : أوي أوي حد يكره صحبتك يا باشمهندس تعالي أقعد لما نختار فيلم علي : يلا نسمع فيلم UP علا : من إمته بتسمع كارتون ده إنت ما بتحبهوش ! بص لداليا : حبيته أوي وخصوصاً الكارتون ده ^___* إتوردت خدودها وإبتسمت بفرحه وخجل . . . لسه شايف قصاد عينيه ملامحها ونظرتها وإبتسامتها فـ اللحظه دي :')) وفجأه خرّجه من شروده صوت جرس الباب : هروح أفتح وآجي يا روحي فتح الباب وإتسمر مكانه _ أقدر أدخل ؟ علي : أ أ أهلاً بحضرتك ،، إتفضلي دخلت ولاحظت كوبايتين النسكافيه _ إنت منتظر حد ؟ علي : لأ خالص لاحظ إنها باصه ع النسكافيه ، علي : ده أختي علياء كانت جيالي بس راحت مشوار مع جوزها يعني _ أه ، طيب هو أنا ممكن أتكلم معاك شويه علي : أه أوي أوي إتفضلي حضرتك ~ ~ ~ خرج وحيد من عند طارق ،، وطارق رن الجرس ، دخل العسكري طارق : مش عاوز أي إزعاج ولا أي حد يدخلي ! خرج العسكري وبدأ طارق يكمل شغله... . . داليا خرجت من المستشفي وراحت علي طول ع القسم ، وقفت عند مكتب طارق والعسكري منعها تدخل وشاورلها علي مكتب تاني تروحله ، فضلت تقوله إنها لازم تدخل لطارق لأمر مهم لكنه رفض ومنعها فطنشت كلامه ودفعت الباب بعنف . . . طارق بدأ يندمج فـ شغله وفجأه إندفع باب المكتب بعنف ولقي داليا داخله والعسكري بيشدها من إيديها طارق : سيبها سيبها تدخل خلاص ، روح وإقفل الباب وراك سابها العسكري ، خرج وقفل الباب وراه ،، وقفت داليا قصاد المكتب ، وطارق لاحظ إنها معيطه ومستغرب إنها تجيله لوحدها من المصحه !!! طارق : داليا إنتي كويسه ؟ داليا : أنا خلاص متنازله عن حقي ، إلغي المحضر إللي عملته وإقفل القضيه خلاص مفيش أي حاجه حصلتلي إتصدم طارق ووقف قصاد داليا : داليا إنتي بتقولي إيه ؟؟!! مش ممكن داليا : مش ممكن ليه !!! واحده جت قدمت بلاغ وبتتنازل عنه دلوقتي خلاص بسيطه ! طارق : وإيه إللي يخليكي تتنازلي عن حقك !!! داليا : عشان أنا خلاص مش عاوزه حقي أبويا عندي أهم من حقي إللي بدور عليه ده طارق : هو والدك منعك إنك تتطالبي بحقك !!! بدأت دموع داليا تنزل وعلىَ صوت نحيبها ، ردت بصوت متهدج : أ أن أنا السبب فـ كل إللي حصله ومعنديش إستعداد أخسره ، مش مهم مش مهم عندي أعيش بقهره وألم وعذاب فـ حياتي بس المهم عندي نَفَس أبويا يبقي فـ الدنيا ، مهم عندي ما إتحرمش من حضنه طارق : إهدي يا داليا أرجوكي وفهميني حصل إيه لوالدك ؟؟ داليا : بابا فـ المستشفي بسببي وكل ده ولسه ماعرفش بموضوع القضيه أمال لو عرف !! الدكتور قال غلط أي ضغط عليه وأنا مستحيل هكون أنانيه ، لو سمحت إلغي المحضر دلوقتي حالاً طارق : أ أصـ أ رن موبايل طارق ولقي وحيد ، رد وسمع منه التمام : تمام يا باشا إتقبض ع التلاته وزي ما أمرت سحبنا تليفوناتهم وهمَّا معانا فـ البوكس دلوقتي ! طارق : طيب يا وحيد خلاص أول ما توصلوا إحتجزهم ما تجوش عندي وأنا هكلمك بعدين قفل الموبايل وبص لداليا ومش عارف يقولها إيه !! داليا وهي بتمسح دموعها : يلا طارق بتردد : داليا خلاص مابقاش ينفع ! داليا : هو إيه ده إللي مبقاش ينفع ! طارق : فات أوان إنك تتنازلي عن حقك لإن خلاص قبضنا ع المتهمين صرخت داليا : إييييييييييييييه مش ممكن ، أبويا لأ مش هينفع مش هينفع مش عاوزه حقي :"( طارق : داليا إهـدي بس وهنـ قاطعته : إنت تسكت خالص إنت كل إللي همك تعمل قضيه تقيله وتاخد ترقيه لكن حياة الناس ملهاش أي تمن عندك ولو حصلت حاجه لأبويا أنا هحملك المسئوليه كامله قالت جملتها ومشيت ورزعت الباب وراها ، وطارق واقف مزهول من كلامها عذرها عشان حالتها بس مش عارف يعمل إيه ؟! كلم نِهال وإتصدمت لما عرفت بإللي حصل وعلي طول طلبت منه مايسيبش داليا ، فخرج من المكتب بسرعه وراها وفضل يدور عليها لكنها فـ لحظه إختفت وملهاش أثر !!!!!!!! ••••••••●••••••••● ••••••••••●••••••� ��••●••••••••●•• ••••• جاسر : أنا جييييت خالد : لا لا لا إنهارده عيد !!! غريبه يعني أول مره تقول هقلب وأجيلكم وتكون أد كلامك جاسر : ههههههه عيب عليكو يا عم، بس بجد زهقت دي خنقاااني عاوزه تعرف كل تحركاتي ناقص لما أهرش أكلمها وأقولها حبيبتي أنا هرشت -_- محمود : ههههههههههههههخخخخخ هم كده الحريم يا عمنا تحسهم حبل بيتلف حولين رقبتلك برضاك جاسر : أقعد فـ جنب ياض وإب بإللي معاك خالد : هنا يا ابني إنت طاب روح ع الحمام جاسر : محدش له عندنا حاجه ، تحب أشتريلك أم المكان ده بأصحابه !!! إحنا قاعدين هنا بفلوسنا يبقي نعمل إللي علي كيفنا -_- محمود : تعجبني دماغك ، بالمناسبه إحنا سبقناك وطلبنا حاجات وخلصت أبقي حاسب عليها ههههههههههههههه جاسر : طاب يلا بس إخلص ناوله محمود علبه وقبل ما يفتحها سمعوا : وكمان بتشموا !!! قوم يلا إنت وهو >.< إلتفتوا ، جاسر : خير فيه حاجه ؟! _ أه فيه كل خير ، مطلوب القبض عليكم يا حيلتها ؟ محمود وخالد بصوا لبعض بعدين بصوا لجاسر ، فوقف جاسر بغرور : إنت عارف بتكلم مين ؟!! حك الضابط ذقنه وفجأه مد إيديه ومسك جاسر من رقبته : مش عايز كلام كتير يا روح أمك بص للعساكر وأمرهم يخدوهم ع البوكس ،،، خدوا التلاته وسط زهول الموجودين فـ المكان ، سحبوا موبايلاتهم قبل ما يحطوهم فـ البوكس وجاسر وخالد ومحمود مش مستوعبين إللي بيحصل ولا فاهمين هم واخدينهم ليه وعلي فين :O !!! ~ ~ ~ طارق قال لـ نِهال إن داليا إختفت ! وهي كلّمت أحمد سألته عنها فنزل يدور عليها ! . . . داليا خرجت من عند طارق وفضلت ماشيه فـ الشارع بلا هدف ودموعها مش عاوزه تقف :'( خايفه جداً علي أبوها وفـ نفس الوقت حاسه إنها مقهوووره ووحيده أوووووي ، مش حاسه بصخب ولا زحمة الشارع ، بصت للسما وفضلت تردد بحرقه : (( يــــا رب دبّر لي فإنيّ لا أحسن التدبير )) :'( فتحت عيونها ولقت الناس بتبصلها فـ الشارع كإنها مجنونه ، فهربت من نظراتهم ومش عارفه تروح علي فين :'( !!!!!! ••••••••●••••••••● ••••••••••●••••••� ��••●••••••••●•• ••••• علي : إتفضلي حضرتك إقعدي أم هاله : أنا أسفه إني جيالك من غير ميعاد يا ابني علي : لا حضرتك تيجي فـ أي وقت ما تعتذريش أم هاله : طبعاً إنت مستغرب أنا هنا ليه رغم إنك خلاص طلقت بنتي ! علي : ـــــــــــــــــــــــــ ـــــــــــــــــــــــ !!! أم هاله : بص يا ابني أنا جيالك دلوقتي من ورا بنتي ومن غير حتي ما أقول لجوزي ، عارفه إنك خلاص طلقت هاله بس فيه حاجه لازم تعرفها علي بيبصلها بتعجب !!! إتشجعت أم هاله وقالت : هاله بنتي حامل يا علي إتصدم أول ما سمع كلامها ووقف : إيه إللي حضرتك بتقوليه ده !!!! أنا أنا مش فاهم حاجه !!!!!!! أم هاله : إللي سمعته يا ابني ، هاله حامل من قبل ما تطلقوا علي : بس إزاي !!! أم هاله بعصبيه : هو إيه إللي إزاي ده إن شاء الله ، هي مش كانت مراتك >.< !!! علي : لأ ما اقصدش بس هي ماقالتليش ليه قبل الطلاق !!!! أم هاله : والله السؤال ده إنت إللي تجاوب عليه شوف عملتلها إيه قلب حياتها بالشكل ده !! عموماً أنا مش جايه أتكلم معاك فـ حاجه غير إني أرضي ضميري قدام ربنا وأعرفك إنها حامل مشيت وسابته لسه مزهول :O !! بيرن فـ ودانه كلامها (( هاله بنتي حامل يا علي )) !!! حط إيديه علي ودانه وبدأ الصداع ، مش عارف يفكر ولا قادر يستوعب الصدمه ولا الموقف إللي إتحط فيه دلوقتي :O !! ~ ~ ~ داليا فضلت ماشيه فـ الشوارع لحد ما رجلها وجعتها ، بصت لقت نفسها عند النيل ، قعدت هناك وفضلت باصه للشمس وهي بتستخبّي فـ حضن السما وقت الغروب ♥ حاسه إن الحُمره إللّي فـ السما دي تشبه لقلبها الدامي :'( ، حطت إيديها علي قلبها بصت جنبها ولمحت طيف علي وهو بيضحك معاها فـ نفس المكان ،، بصت علي بتاع الدرا وإفتكرت لما كانوا بيشتروا منه ، حمص الشام .. البطاطا وغزل البنات ، نسمة الهوا الصافيه ، تأملت كل ده وكإنها غرقان شايف سكرات الموت بـ عينيه :'( ~ ~ ~ أحمد مازال بيدور علي داليا ونِهال راحت ع المستشفي لأم داليا ، كلمها طارق وهي هناك يتطمن وقالتله إنها لسه ماظهرتش فقرر ينزل يدور عليها ~ ~ ~ داليا رغم نسمات الهوا الصافيه حاسه بخنقه ، حاسه حد ماسك رقبتها وخانقها مش قادره تتنفس ، دموعها بتنساب وهي مش عارفه تفكر فـ هم إيه ولا إيه !!! هتفكر فـ إللي حصلها ولا فـ علي إللي باعها وأول ما إتوجعت وإحتارت لقت رجلها جيباها عند أكتر مكان كانوا بيقعدوا فيه سوا :'( !!! مش عارفه ليه رغم كل إللي حصل حاسه بحنين جواها ليه ♥ نفسها دلوقتي بس تشوفه قصادها ساعتها هتنسي كل حاجه حصلت وهتسيب نفسها للحظه دي وبس ، هتشكيله إللي جواها وتبكي مش عاوزه أكتر من كده مجرد بس إنها تلاقيه جنبها :'( ~ ~ ~ علي من وقت ما مشيت أم هاله وهو قاعد فـ الأرض وبيحاول يستوعب الموقف !! بيحاول يفكر فـ إللي المفروض يعمله دلوقتي مع هاله ، بيفكر فـ حياته إللي بين يوم وليله إتحولت لجحيم >Sad !!! قام من الأرض إتناول الجاكيت بتاعه ونزل ، فضل ماشي فـ الشوارع بلا هدف ولقي رجله وخداه عند أكتر مكان كان بيقعد فيه مع داليا ، عند المكان إللي بيحس فيه بروحها ويسمع ضحكاتها الصافيه ♥ ، دلوقتي هو مشتاقلها أوووي >Sad نفسه يشوف داليا ويترمي فـ حضنها ، نفسه يترجاها تسامحه وهو وواثق إنها هتسامحه لإن مهما حصل نقاء قلبها مابيعرفش يكره ولا يحقد :'( بيتأمل النيل بعيون باكيه :'( وبيفتكر كل لحظه مرت هنا وكل خطوه مشيوها سوا وهناك علي بعد كام متر قاعده داليا وبتفتكر فـ نفس الذكريات ......~~ وإنتهت حلقتنا هنا إنهارده يا تري علي هيقابل داليا إللي قاعده علي بعد خطوات منه ؟! ولو إتقابلوا هيقولها إيه ؟! وياتري ناوي يعمل إيه مع هاله بعد ما عرف بحملها ؟! وهاله لما تعرف إن أمها قالتله هتكون ردة فعلها إيه ؟ يا تري هترجعله ولا لأ ؟ وقضية داليا هتمشي إزاي ؟! ولما أبوها يعرف يا تري هتكون ردة فعله إيه ؟ يتبع.... | ||||
|
| |
|
03-10-16, 03:33 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ʚϊɞ ʚϊɞ •.¸(17)¸.• ʚϊɞ ʚϊɞ وقفنا الحلقه إللي فاتت عند أما قام علي من الأرض ، إتناول الجاكيت بتاعه ونزل ، فضل ماشي فـ الشوارع بلا هدف ولقي رجله وخداه عند أكتر مكان كان بيقعد فيه مع داليا ، عند المكان إللي بيحس فيه بروحها ويسمع ضحكاتها الصافيه ، دلوقتي هو مشتاقلها أوووي نفسه يشوف داليا ويترمي فـ حضنها ، نفسه يترجاها تسامحه وهو وواثق إنها هتسامحه لإن مهما حصل نقاء قلبها مابيعرفش يكره ولا يحقد بيتأمل النيل بعيون باكيه وبيفتكر كل لحظه مرت هنا وكل خطوه مشيوها سوا ،،،، وهناك على بعد كام متر قاعده داليا وبتفتكر فـ نفس الذكريات ~ . . . مشي علي وهو لسه بيتأمل المكان ووقف عند راجل بيبيع ورد إبتسم وراحله وأول ما الراجل شافه عرفه _ أستاذ علي علي : إزيك يا عم منصور _ فـ نعمه وفضل الحمدلله عاش من شافك بقالك كتير أوي ما بتجيش علي : معلش ظروف ومشاغل الحياه بقي _ ده أنا كنت كل يوم بجهز لحضرتك أنواع الورد إللي الست داليا بتحبهم وموجودين دلوقتي كمان مش هتاخد منهم قلب علي إتقبض أول ما سمع إسم داليا وسرح فـ أيام ما كان بيجيبلها ورد من هنا وكل مره يجيوا فيها المكان سوا يشتريلها ورد من الأنواع إللي بتحبها ... فاق من شروده علي صوت الراجل _ إلا هي الست داليا مش مع حضرتك ليه ؟ علي : مسافره وهترجع قريب أوي إن شاء الله :')) _ ربنا يرجعهالك بالسلامه يا استاذ علي علي : يا رب إدعيلنا كتير أوي الله يكرمك يا عم منصور ، بقولك إيه جهزلي بوكيه الورد _ هي مش مسافره هيدبل منك كده لما ترجع أبقي تعالى وأنا هعملهولك علي : لأ ما تخافش مش هيدبل بس إعملي بوكيه من كل الورود إللي داليا بتحبها _ من عنيا أخد بوكيه الورد من الراجل ، سلم عليه ومشي وهو ماسكه بيتأمله ويبتسم لإنه دلوقتي شايف قصاده إبتسامة داليا ونظرتها لبوكيه الورد لما كان بيجيبهولها وفجأه ! وقف مكانه لما لمح داليا ع النيل فضل يتأملها والهوا بيطير حجابها، حط إيديه علي قلبه ولمعت الدموع فـ عنيه إفتكر إنه كالعاده بيتهيأله إن داليا قاعده هناك ومايعرفش إنها بالفعل هي ، فضل واقف يتأمل سراب داليا إللي شايفه قصاده دلوقتي ودموع حاضنه خده ..... ~ ~ ~ داليا تعبت من كتر التفكير ، لاحظت إنها مختفيه بقالها كتير خافت يقلقوا عليها وهم مش ناقصيين هم أكتر من كده (( إنتـِ~ قاعده هنا ليه يا داليا !! لسه عندك أمل يجي ! قومي كفايه أهلك مش ناقصيين قلق أكتر من كده ، إستهدي بالله وإمشي ثم إن خلاص المكان ده مبقاش مكانك )) مسحت دموعها إتناولت شنطتها وقامت .... وعلي مازال واقف بيبصلها ومش متخيل إن ممكن تكون هي داليا بالفعل ! قرب منها طفل : عاوز حاجه لله يا ابله وربنا ماكلت حاجه مـ الصبح Sad( إبتسمت و طلعت فلوس من شنطتها ، مسحت علي شعره وإدتهاله وعلي واقف ومتابع الموقف من بعيد : معقوله دي داليا ؟! فضل يهز فـ راسه وكإنه بيفوّق نفسه ، لحد ما جه نفس الطفل عنده وقاله نفس الجمله بص للطفل وهو لسه مزهول : حبيبي هو إنت شايف أبله إللي واقفه هناك دي ؟؟ _ أيوه وإدتني فلوس دلوقتي علي : يعني مش أنا لوحدي إللي شايفها يعني داليا مش ممكن !!!!! وبسرعه جري ناحيتها وقبل ما يوصل عندها خبط فـ بياع غزل البنات . . داليا بعد ما إدت الفلوس للطفل شاورت لتاكسي وركبت للمستشفي ... . . إعتذر علي لبياع غزل البنات ولمح داليا بتركب تاكسي جري بسرعه ورا التاكسي وهو بينده : داليا داليا إستني ، داليااااااااا وداليا سندت راسها علي كنبة العربيه ومش سامعه أي صوت حوليها غير صوت أم كلثوم من راديو التاكسي: ((وصفولي الصبر لقيته خيال و كلام في الحب يا دوب ينقال أهرب من قلبي أروح على فين ليالينا الحلوة في كل مكان مليناها حب احنا الاتنين و ملينا الدنيا أمل و حنان )) ~ ~ ~ وعلي تعب من الجري ورا التاكسي وقف ومش مصدق إن داليا كانت علي بعد خطوات منه وبيحسبها مجرد سراب ! قعد ياخد نَفسه وهو بيبص للورد بألم بحسره ..... ••••••••●••••••••● ••••••••••●••••••� ��••●••••••••●•• ••••• نِهال وعلياء قاعدين فـ المستشفي مع أم داليا بيهدوها من الحاله إللي بقت فيها بعد ما داليا إختفت ! وطارق وأحمد كل واحد بيدور عليها فـ مكان وملهاش أثر ..... . . . علياء : إستهدي بالله كده يا خالتو والله هترجع وهنطمن عليها وعمو عمران هيبقي أحسن من الأول كمان عشان خاطري كفايه عياط بقي خديجه : هلاقيها منين ولا منين بس يا ربّي من راجلي سندي وضهري إللي رقدته كسراني ولا من بنتي إللي مليش غيرها وكل يوم قلبي بيتقطع عليها طمن قلبي يا رب أنا مابقتش مستحمله نِهال : ماتقلقيش يا طنط داليا عاقله وإن شاء الله مش هتعمل أي حاجه تضرها تلاقيها خرجت تتمشي من ضيقها وهتلاقيها جايه علي هنا علي طول ( خديجه : يا رب يا رب إنت العالم بحالي يا كريم لحظات ولمحوا داليا جايه ناحيتهم جريوا التلاته عليها : داليا إنتي كويسه ؟ كنتي فين ؟ داليا : إيه يا جماعه مالكم في إيه أنا كويسه الحمدلله ، إتخنقت و روحت أتمشي شويه مش أكتر !! نِهال : مش قولتلك يا طنط ) قرب داليا من أمها مسحت دموعها وقبّلت راسها : كفايه عياط يا أمي ، بابا هيبقي كويس إن شاء الله ما تقلقيش ضمت أمها فـ حضنها وهي بتربت علي كتفها وتهديها ونِهال إتصلت بأحمد وطارق وبلغتهم إن داليا جت المستشفي ، فرجعوا على طول على هناك ... ~ ~ ~ فضلت داليا قاعده جنب أمها منتظرين خروج الدكتور إللي دخل لأبوها وماسكه دموعها بالعافيه عشان تقدر تصبر أمها ! دقايق وخرج الدكتور وطمنهم وطلبت منه داليا يدخلوا يشوفوه وافق بشرط ما يتكلموش معاه كتير ومجرد 10 دقايق ويخرجوا دخلت خديجه الأول إطمنت عليه وخرجت ، بعدها دخلت داليا .. قربت من أبوها ودموعها بدأت تفك قيودها وتنزل غصب عنها ، قبّلت إيديه وفضلت تعتذرله داليا : أنا أسفه يا حبيبي أنا إللي عملت فيك كل ده وأسفه عشان قبلت أرفع قضيه وأطالب بحقي معرفش إزاي كنت أنانيه أوي كده ومافكرتش فيك ، سامحني يا نور عيني وماتقلقش أنا هعمل المستحيل وأوقف القضيه دي وكإن محصلش أي حاجه ، بص أنا خلاص مش هقعد فـ المصحه تاني هرجع البيت وأشتغل زي ماكنت ونعيش بسعاده وكإن محصلش حاجه خالص و ماتخفش أنا هبقي كويسه أوي بس عشان خاطري تقوم بالسلامه عشان خاطري يا بابا ملناش سند غيرك فـ الدنيا فضلت تبكي بحرقه وهي ماسكه إيديه ، فضغط علي إيديها ضغطه خفيفه بصتله ، رفع إيديه بوهن وطلب منها تقرب ، شال جهاز التنفس فقامت بسرعه وقربت منه عشان تسمع بيقول إيه ، قالها بوهن : آآآآه أنـ أنا إللي آسف يا بنتي أو أوعي تتنازلي عععععن ححقك يا داليا آآآآآه عشان عشان خاطري إإإعملي إللي ماقدرتش أنا أعمله ودايماً هه هكون فخووور بيكـي قالها كلامه ودموعه نازله ، مسحت داليا دموعه وحطتله جهاز التنفس ، قبّلت راسه : كفايه كلام يا حبيبي عشان ما تتعبش ، ما تقلقش عليا يا بابا حتي لو إتنازلت عن القضيه هبقي كويسه مش مهم ، المهم عندي صحتك إنت وبس إنت أهم عندي من أي حاجه فـ الدنيا رفع إيديه وشاورلها تاني ، فقربت منه ، ورفعتله الجهاز عمران بوهن : إسسسمعي كلامي آآآه لو ربـ بنا أحيااني ووقفت علي رجلي هرفـ فـ فع أنا القضيه وأجيبـ لك حقك عشان خاطري أو أوعي تتـ تتنازلي يا داليا داليا وهي بتحطله الجهاز : خلاص يا حبيبي كفايه كلام إللي تؤمر بيه هنفذه بس ماتتعبش نفسك يا قلبي ماتشغلش بالك بأي حاجه المهم تقوملنا بالسلامه دخلت الممرضه : لو سمحتي يا آنسه كفايه كده داليا : حاضر حاضر طالعه أهه قبّلت راس أبوها وخرجت ،، كان طارق وأحمد وصلوا و واقفين بره ، طمنتهم علي أبوها ، سابتهم واقفين ووقفت بعيد عند الشباك إللي فـ آخر الطرقه ، قرب طارق منها فمسحت دموعها :"( طارق : داليا أنا أنا أسف وخلاص هكلم زميلي إللي قبض عليهم دلوقتي حالاً وأقوله يوقف القضيه ويطلق سراحهم بس أرجوك تتفهمي إن أنـ قاطعته : خلاص يا طارق إنت قلت فات أوان إننا نتنازل وأنا بقولك دلوقتي كمل القضيه ،، دلوقتي أنا أقوي لإني مش لوحدي معايا أبويا ، هو إللي طلب مني بنفسه إني ما أتنازلش :')) إبتسم طارق : عظيييم جداً ، ربنا يقومهولك بالسلامه إن شاء الله داليا : يا رب :')) طارق : بعد إذنك هروح أشوف آخر التطورات بقي وياريت ماتختفيش تاني عشان تعبتينا يا أنسه إبتسمت داليا : حاضر :")) وقبل ما يمشي ندهتله ، فرجعلها : خير فيه حاجه يا داليا ؟ داليا : أنا يعني كنت عاوزه أقولك أنا أسفه يعني عشان إللي قولته فـ المكتـ طارق : ولايهمك ولا كإني سمعت حاجه أساساً ) أنا مقدر حالتك وقتها وما زعلتش تماماً ) إبتسمت داليا : حقيقي مش عارفه أشكرك إزاي طارق : أشكريني بإني أشوفك قويه وما تسمحيش للضعف يدخل قلبك أبداً ومش عاوزك تقلقي من أي حاجه حقك هيرجعلك لحد عندك ) داليا : إن شاء الله :")) إستأذن طارق من الموجودين ومشي ،، وداليا بصت للسما وهتف قلبها #يـــــــارب_قوّيني :'(( •••••••●••••••••●• •••••••••●•••••••� ��•●••••••••●••• •••• علي أول ما فاق من زهوله مسك الموبايل وكلم علياء ، لما لقت المتصل علي وقفت علي جنب بعيد عنهم وردت عليه سألها داليا كانت فـ المصحه دلوقتي ولا لأ ، حكتله إنهم فـ المستشفي وماكنوش لاقيين داليا علي : يعني كانت هي فعلاً :"(( علياء : هو إيه ده إللي كانت هي ؟!! علي : أنا شفت داليا من شويه وكنت بحسب نفسي بيتهيألي ، داليا كانت علي بعد خطوتين مني يا علياء ومالحقتهاش :"(( علياء : طيب إهدي يا حبيبي طيب حصل خير علي : إزاي بس > !! إنتوا فـ مستشفي إيه ؟! علياء : لأ علي بقولك إيه الدنيا هنا متكهربه مش ناقصيين أي حاجه زياده أبوس إيديك بلاش جنان وإبعد عنهم دلوقتي خالص علي : طيب أنا عاوز آجي أطمن على عم عمران علياء : ماتقلقش أنا هبقي أطمنك إن شاء الله بس إنت ما تجيش هنا نهائياً علي : عليا طاب أنا كنت عاوز أتكلم معاكي فـ موضوع ضروري علياء : موضوع إيه ده ؟! علي : مش هينفع فـ التليفون لازم أشوفك علياء : طيب ممكن ساعه كده إن شاء الله وأجيلك البيت علي : تمام أنا فـ إنتظارك قفل معاها ، إتنهد وهو بيبص ع النيل ويودعه ، شاور لتاكسي ورجع البيت ... ~ ~ ~ طارق بعد مشي من المستشفي راح علي مكتبه كلّم وحيد وسأله عن آخر التطوارت وحيد : ولا أي حاجه جديده يا طارق باشا محتجزهم لحد ما حضرتك تؤمر وعليهم مراقبه بس من الواضح إنهم عاملين بلاوي كتير لدرجة إنهم مش عارفين ممسوكين علي إيه ولا إيه Very Happy !!! طارق : مايستعجلوش على رزقهم هيعرفوا كل حاجه إن شاء الله وحيد : والواد إبن الزغبي ده شغال ويقول إنتوا مش عارفين انا إبن مين ! أنا عاوز محامي ومن حقي أكلم أهلي ومعرفش إيه ! أجيبهملك دلوقتي ؟ طارق : لا لا خليهم يباتوا الليله فـ الحجز هنبدأ التحقيقات من بكره إن شاء الله وحيد : تمام يا باشا قفل طارق مع وحيد ، إتناول الجاكيت ومشي وهو بيرتب أفكاره ويستعد للبدايه ... ~ ~ ~ علياء إستأذنت من خالتها وداليا تمشي عشان تروح تطمن علي بنتها ، مشيت من المستشفي وراحت علي طول لـ علي علياء : خير يا علي فيه إيه ؟ علي : أقعدي يا علياء علياء وهي بتقعد : طيب بس طمني فيه إيه ؟! زفر علي ، بصلها ورد : هاله حامل يا علياء علياء : إييييييييييييييييييييييه :O !! مش ممكن :O طاب إنت عرفت منين ؟!!! علي : أمها هي إللي قالتلي ، هاله حامل من قبل ما تطلق ومارضيتش تقولي عشان أطلقها وأمها هي إللي قالتلي علي كل حاجه من ورا هاله علياء : هي إزاي تخبّي حاجه زي دي >.< !!!! ، طيب قولي ناوي علي إيه > ؟! علي : لو كنت أعرف ماكنتش كلمتك تفكري معايا فـ حل أنا بجد عاجز حتي عن التفكير > ! سكتت شويه بعدين ردت : صراحه أنا من رأيي يا علي أفضل حل إنك ترجعها وإنتوا لسه فـ شهور العده ، رجعها وربّي طفلك فـ حضنك إعمل قرار واحد صح فـ الكركبه إللي فـ حياتك دي ( ! علي : لو إفترضنا إني هسمع كلامك وهرجعها هعيش معاها إزاي يا داليا > ؟! علياء : أممم أنا إسمي علياء علي فكره ! شيل بقي إسم داليا ده من دماغك خلاص يا علي ويكون فـ علمك أنا قولتلها إنك طلقت مراتك علي : بجد ؟! وقالتلك إيه ؟!! علياء : إتضايقت مني وإتعصبت وقالت أخوكي وأموره مايهمونيش وطلبت مني ما أجيبش سيرتك تاني يعني داليا مش بتفكر ترجعلك يا علي ممكن كفايه بقي إللي بتعمله ده !! مش هتقدر تعيش مع هاله بس حته منك جواها بتربطك بيها غصب عنك لازم تفوق بقي وترضي بالأمر الواقع ، رجعها مش يمكن لما تولد ويجي الطفل يحنن قلبك ناحيتها وتحبها ! علي : أنا مستحيل هحب حد غير داليا > ! علياء : خلاص يا سيدي ماتحبهاش بس ضحي عشان إبنك إللي من صلبك ولا هترميه هو كمان !!! زفر علي ومسك دماغه : خلاااااص مش قادر تعبت تعبت بجد نفسي أصحي من الكابوس إللي عايش فيه ده بقي > رن جرس الباب علياء : إنت مستني حد ولا إيه ؟! علي : لأ !! قام فتح الباب وكانت أخته علا ، علياء أول ماشافتها سلمت عليها ببرود وقالت : أهه جتلك صاحبة الأفكار النيره قولها وأظن هتقولك نفس كلامي لأول مره هنتفق علي حاجه :/ ! رمقتها علا بنظرة ضيق وبصت لعلي : فيه إيه مالكم ؟! علي : > هاله حامل علا : إيييييه :O ! حكالها نفس الكلام إللي قاله لعلياء وكان رأيها زي رأي علياء إنه لازم يرجع هاله ! فضل علي باصصلهم ومحتار مش قادر ياخد قرار ...... ~ ~ ~ دخلت أم جاسر أوضته ومالقتهوش ، كلمته ع الموبايل ولقته مقفول فقالت أكيد كالعاده هيبات بره مع أصحابه ~ ~ ~ مريم كل شويه تبص فـ الساعه وتبص من الشباك تشوف خالد رجع ولا لأ .. رن موبايلها فجريت عليه مريم : ألو أيوه يا عمرو ( عمرو : مال صوتك فيه إيه ؟ مريم : معرفش خالد لسه مارجعش لحد دلوقتي أنا قلقانه عليه أوي ( عمرو : تلاقيه كعادة كل يوم سهران مع أصحابه مريم : نفسي بجد خالد يبعد عن المقرفين دول حاسه إنهم هيضيعوه بجد تعبت من القلق عليه كل يوم كده :'(( عمرو : ماتقلقيش بقي وإن شاء الله هتلاقيه راجع بالليل أو الصبح زي الأسبوع إللي فات المهم إنتي دلوقتي تقفلي الباب عليكي كويس والشبابيك وتدخلي تنامي مريم : مش عارفه يا عمرو مش هيجيلي نوم غير لما أطمن عليه عمرو : يا بنتي كل مره تعملي نفس الموال ده وبيرجع بخير الحمدلله إنتي بس إللي غاويه تقلقي نفسك وخلاص يلا بقي يا مريوم أدخلي نامي ماتنسيش إن عندك محاضرات مهمه بكره إن شاء الله مريم : حاضر عمرو : يلا وأنا هفضل معاكي ع الموبايل لحد ما تقفلي الشقه كويس وتنامي مريم : ماشي ^_^ عمرو : أيوه كده يا شيخه إبتسمي ^_^ مريم : علي أساس إنك شايف إبتسامتي يعني Very Happy عمرو : أها شايفها بإحساسي ^__* مريم : سيدي يا سيدي ع الإحساس ^_^ عمرو : ها قفلتي ؟ مريم : قفلت الباب وبقفل فـ شباك الصاله أهه عمرو : طيب يلا وأنا جنبك ما تخافيش ) ♥ ~ ~ ~ هاله قاعده فـ الصاله فـ حضن باباها وأمها قاعده جنبهم بتقشر فاكهه وبيضحوا وهم بيسمعوا مسرحية العيال كبرت Very Happy ! رن جرس الباب ، قام أبو هاله يفتح وإتفاجئ لما لقى #علي واقف ع الباب..... يتبع..... | ||||
|
| |
|
03-10-16, 03:33 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ʚϊɞ ʚϊɞ •.¸(18)¸.• ʚϊɞ ʚϊɞ وقفنا الحلقه إللي فاتت عند هاله لما كانت قاعده فـ الصاله فـ حضن باباها وأمها قاعده جنبهم بتقشر فاكهه وبيضحوا وهم بيسمعوا مسرحية العيال كبرت ! رن جرس الباب ، قام أبو هاله يفتح وإتفاجئ لما لقى #علي واقف ع الباب علي : أقدر أدخل يا عمي ؟ _ أ أه أكيد بس لحظه واحده دخل لهاله وأمها فـ الصاله ، هاله : إيه يا بابا مين ع الباب ؟ _ ده علي إنتفضت هاله من مكانها : وده جاي ليه إن شاء الله ؟؟!!!! بصت لأمها ولقتها مرتبكه فسألت : ماما إوعي يكون إللي فـ بالي حصل ؟؟!!! أمها : هو إيه ده إللي فـ بالك ؟؟ أبوها : مش وقته يا جماعه إتفضلوا جوه دلوقتي قامت هاله مع أمها ودخلوا جوه وخرج أبو هاله لـ علي وأذنله يدخل قعدوا فـ الصاله فـ صمت لدقايق علي بيرتب فيها كلامه وأبو هاله بيحاول يخمن علي جاي ليه ؟! _ خير يا ابني فيه حاجه ؟ علي : عـ عمي أنا أنا عرفت إن هاله حامل ده صحيح ؟ _ أ أيوه إنت عرفت إزاي ؟! علي : مش مهم عرفت إزاي المهم إني عرفت ، ممكن أستأذن حضرتك أتكلم مع هاله شويه ؟ _ لحظه واحده سابه ودخل أوضة هاله إللي من وقت ما عرفت إن علي عندهم وهي مش على بعضها وأمها تجنبتها تماماً و هربت علي أوضتها ، أول ما دخل أبو هاله جريت عليه هاله : خير يا بابا علي جاي ليه ؟! _ علي عرف إنك حامل هاله : إييييييه !! مؤكد ماما هي إللي قالت إزاي تحطني فـ موقف زي ده !!! _ المهم دلوقتي علي عاوز يقعد معاكي شويه ؟ هاله : لأ أنا مش عاوزه أقعد معاه ، وهقعد معاه ليه إن شاء الله !!! _ بصي يا هاله أنا قولتلك قبل كده إن عمري ماهغصبك علي أي قرار بس إنتي لازم تقعدي معاه لإنك دلوقتي مش مجرد طليقته إنتي بتحملي طفله فمن الأفضل لطفلك ده إنك تقعدي مع علي وتتناقشوا فـ إللي ناويين تعملوه تجاه الطفل ده سواء كنتوا هترجعوا لبعض أو لأ هاله : لأ يا بابا مستحيل هرجعله _ وانا ماقولتش إرجعي قولت إطلعي دلوقتي وإسمعي إللي عنده ممكن ؟ هزت راسها فـ إستسلام : حاضر خرجت هاله مع أبوها وقعدوا فـ الصاله مع علي ، دقيقتين وإستأذن أبو هاله ، دخل أوضة المكتب وسابهم يتكلموا شويه براحتهم إتنحنح علي وكسر الصمت إللي بينهم : إزيك يا هاله ؟ ردت بحده : الحمدلله ، خير ؟ علي : إنتي ليه ماقولتليش إنك حامل ؟ هاله : هه قال يعني كان هيفرق معاك علي : هاله أنا مش وحش للدرجه دي ! فياريت كفايه تتعاملي معايا بأسلوبك ده علي الأقل دلوقتي لو سمحتي ! هاله : طيب أهه حضرتك عرفت يا تري ممكن تقولي إللي عندك عشان مانعطلش بعض !! علي : هاله ممكن نحط أي خلافات علي جنب دلوقتي ونفكر بعقلانيه ؟ هاله : وهي العقلانيه إيه من وجهة نظر حضرتك ؟! علي : يعني أنا شايف إننا المفروض دلوقتي نرجع لبعض يعني عشان الطفل إللي فـ بطنك هاله : أمممممم بس أنا شايفه بقي إني دي حاجه مستحيله ومعنديش مشكله إذا كنت حامل يعني أنا هقدر أربي طفلي علي : بس لاحظي إنه مش هيكون طفلك لوحدك !! هاله : للأسف ! لذلك ما تشغلش بالك وتفتكر إني بجبرك علي حاجه ولا عاوزه حاجه تربطنا ببعض ولو كنت عاوزه كده كنت قولتلك قبل ما نطلق ! فعيش حياتك وإتجوز إللي تحبها عادي جداً ولما أولد إن شاء الله أكيد ليك الحق تشوف طفلك فـ أي وقت أو ياريت نأجل موضوع الإتفاقات ده لحد ما ربنا ييسر وأولد بس أظن كده حليتلك المشكله أو العقبه الجديده إللي ظهرت فـ حياتك ! علي : بس أنا ماقولتش إن الموضوع عقبه فـ حياتي عشان كده جيت و هاله : مش هنضحك علي بعض كتير يا علي لا انا هعرف أعيش معاك بعد إللي حصل ولا إنت هتقدر تعيش مع واحده غير داليا علي : لكنـ هاله : مفيش لكن خلاص الموضوع منتهي أنا مش هرجعلك والطفل إللي فـ بطني مش هيغير أي حاجه فـ موضوع طلاقنا ، شرفت ! قالت كلامها وقامت دخلت جوه وسابته فـ الصاله لوحده مش عارف يتصرف إزاي ؟! خرج أبوها علي : عمي أنا كنت عاوز أرجع هاله ؟ _ وياتري كان ردها إيه لما قولتلها ؟ بص علي فـ الأرض _ الموضوع ده يرجعلها هي ، هي إللي لازم تقرر فيه ! علي لقى وجوده ملهوش لازمه فإستأذن ومشي ،، ويعد ما مشي علي طول أبو هاله دخلها أوضتها وزي ما توقع لقاها بتبكي فقرب منها وربت علي كتفها هاله : عاجبك كده يا بابا ؟! أنا واثقه إن ماما هي إللي قالتله لإن محدش يعرف غيرنا ودكتوره يسرا ومستحيل يسرا هتعمل حاجه زي دي من غير إذني _ خلاص يا هاله حصل خير أياً كان إللي قاله المهم خلاص عرف وإنتي رديتي عليه بقرارك النهائي ولو عاوزه تفكري تاني يمكن تغيري قرارك يـ هاله : لأ مش هفكر تاني ولا هغير قراري خلاص _ طيب يلا مش عاوز دموع ، قومي دلوقتي حالاً إتوضي وطلعي كل همك ودموعك وإنتي ساجده يلاااا بسرعه هاله وهي بتمسح دموعها : حاضر يا بابا :'((( قامت إتوضت وبدأت تصلي ، وباباها خرج لأوضته حيث أمها إللي عملت نفسها نايمه _ أممممم معقوله لحقتي تنامي ! أم هاله : _ قومي يا سماح فتحت عيونها وردت بخوف : خير ؟ _ إنتي عارفه أنا عاوز أسألك عن إيه كويس أوي وعموماً نسأل تاني إنتي إللي قولتي لـ علي على حمل هاله ؟ * أأ أنا كل إللي يهمني مصلحتها _ أنا عارف بس قالت إنها عاوزه هي إللي تقوله يبقي إحنا ليه نتسرع ونتدخل !!! * أنا عارفه دماغها ناشفه ومستحيل كانت هتقوله _ عشان كده كدبتي عليا إمبارح وقولتي إنك رايحه السوق وروحتي من غير إذني عنده صح ؟!! * أنا أسفه ماكنتش أقصد بس أنا بجد تعبت من الحاله إللي وصلتلها ونفسي أطمن عليها وأرتاح بقي _ يعني أنا إللي مش نفسي !!!! وأهه بنتك خلاص صدته وقالتله مش هترجعله لو سمحتي بقي ماتدخليش فـ الموضوع تاني ولا تجيبي سيرته لحد ما ربنا ييسر وتولد * أيوه بسـ _ خلاص يا سماح إنهي الموضوع بقي وإعمليلي قهوه عشان دماغي صدعت * حاضر قامت تعمل القهوه وسابته بيفكر فـ إللي ناوي يعمله عشان يسعد بنته ويريح قلبها ~ . . . وعلي رجع علي شقته ، رمي نفسه ع السرير وفضل يفتكر فـ داليا لما شافها ع الكورنيش وقلبه حس بحسره إنه ملحقهاش ، كان نفسه أووي تشوفه ويتكلم معاها ، فضل يتخيل لو كانت شافته وإتكلموا كان هيقولها إيه وردة فعلها هتكون إيه ؟!!! فضل سارح فـ خيالاته لحد ما غلبه النعاس .... •••••••●••••••••●• •••••••••●•••••••� ��•●••••••••●••• •••• طارق راح الصبح علي مكتبه ، وطلب يجيبوله المتهمين . . . جاسر وخالد ومحمود ما شافوش النوم طول الليل ، قاعدين يفكروا فـ إللي حصل ويفتكروا فـ بلاويهم عشان يفهموا هم هنا ليه ؟! وراح من بالهم تماماً إن ممكن واحده من إللي إغتصبوها تكون قويه لدرجة إنها تبلغ عن جريمتهم وتطالب بحقها ..... فـ آخر الليل غلبهم النعاس وناموا وكإن بقالهم سنين ماناموش صحيوا علي صوت دوشه وقبل ما عيونهم تتفتح كانت الكلبشات فـ إيديهم ومسحوبين بره الحجز .. واضح إن التحقيقات هتبدأ وخلاص هيفهموا هم ليه هنا ؟! ~ ~ ~ أول واحد دخلوه لطارق هو جاسر ، أول ما دخل فضل يزعق وطارق هادي تماماً جاسر : إنتوا أكيد مجانين عشان تحتجزوني كده من غير ما تقولوا التهمه ؟! انت مش عارف انا ابقي مين طارق : طيب أقعد وماتعلييش صوتك وتأكد إن هنا (( إنت مش عارف انا ابقي مين )) دي مش هتنفعك وخصوصاً معايا أنا ! جاسر : طيب لو سمحت انا عاوز اكلم المحامي ؟! طارق : هههههههههههه هتكلمه أكيد بس مش تعرف الأول تهمتك إيه ؟! ولا إنت عارف إنت هنا ليه ؟! جاسر : لأ مش عارف وياريت تفهمني أنا هنا ليه ؟! طارق : ده أنا قلت هتعرفوا علي طول تهمتكم بس واضح إنكم عامليين بلاوي كتيير فمش قادرين تحددوا إنتوا هنا ليه ! طيب هبسطهالك قولي إنت كنت فين ليلة 6 ديسمبر فـ الفتره من الساعه 10 تحديداً للصبح ؟! سكت جاسر شويه ورد : مش فاكر ! طارق : إزاي بقي ده إنت المفروض رجل أعمال ناجح يعني الثانيه عندك ممكن تغير مسار حياه ! ولا إنت لسه مستجد بقي فـ عالم رجال الأعمال ؟! جاسر وهو حاطط رجل علي رجل : ياريت تتكلم دوغري وتقول انا هنا ليه ؟! وقف طارق وإتكلم بعصبيه : أنا هنا إللي أحدد الكلام يبقي إزاي ولما أسألك سؤال تقف وترد عدل يالا ، قوم شد جاسر من التيشرت ووقفه ، وجاسر وقف بخوف قصاد طارق وبدأ يفتكر ليلة 6 ديسمبر حصل فيها إيه ؟! طارق : يلا إنطق كنت فين ! جاسر : أ أنا أنا بجد مش فاكر ، ممكن حضرتك تقولي التهمه إيه عشان افتكر ؟! طارق : لأ إنت هتطلع تفكتر براحتك لحد ما نعرف من صحابك كنتوا فين ! رن الجرس دخل العسكري حط الكلبشات فـ إيدين جاسر ودخّل خالد وقف خالد وصوت أنفاسه واضح ، بيحاول يقف بثقه وثبات : خـ خير يا فندم ؟! طارق : كل خير إن شاء الله ! كنت فين ليلة 6 ديسمبر فـ الفتره من الساعه 10 تحديداً للصبح ؟! أول ما سمع التاريخ رجع فلاش باك لمريم وهي بتناوله الجاكيت قبل ما ينزل مريم : ماتنساش تطلع لطنط فتحيه جارتنا وتقولها كل سنه وإنتي طيبه عيد ميلادها إنهارده ) خالد : ليه هو إنهارده كام ؟ مريم : 6 ديسمبر يا خلوده أوعى تنسي عشان خاطري إنت عارف هي بتحبنا أد إيه وملهاش حد يسأل عنها ! خالد : حاضر يا حبيبتي ما تقلقيش مش هنسي ، المهم خدي بالك من نفسك ولو إتأخرت ماتقلقيش إقفلي عليكي الباب كويس مريم : حاضر بس عشان خاطري بلاش تتأخر لإني بقلق عليك ومابيجيليش نوم وإنت بره ( قبّل راسها : حاضر هحاول ما أتأخرش ، مش عاوزه حاجه من بره ؟ مريم : عاوزه سلامتك سابها وطلع لجارتهم قالها كل سنه وإنتي طيبه وبعدها قابل محمود وجاسر وسهروا مع بعض ، وبعد ما سكروا قابلوا داليا ،، وبدأ خالد يفتكر تفاصيل الحادثه وحالته النفسيه فـ الفتره اللي مرت بعد اللي حصل ، وأول ما إفتكر بان علي ملامحه الذعر وبدأ العرق ينصب من جبينه وإيديه فيها رعشه خفيفه ، خرج من شروده علي صوت طارق طارق : هنستني كتير ؟!!!! خالد : أ أ أنا هنا ليه حضرتك لو سمحت ! طارق : أنا هنا إللي بسأل وبس رد علي سؤالي كنت فين ليلة 6 ديسمبر زادت رجفت خالد وأصبحت ملحوظه لطارق طارق : واضح إنك إفتكرت ومش هتتعبني كتير أقعد يا خالد خالد وهو بيقعد : حضرتك أنا أنا معملتش حاجه طارق : لأ كده بقي هنزعل من بعض ، طاب أقولك علي إتفاق لو حكيتلي عن إللي حصل هنخفف العقوبه عنك شويه خالد : عقوبة إيه يا فندم أنا ماعملتش حاجه ولو سمحت أنا عاوز محامي طارق : أممممم محامي ! يبقي أكيد عرفت مدي خطورة إللي عملته والورطه إللي فيها فعشان كده عاوز محامي يلحقك عموماً ماتستعجلش هنجيبلك محامي رن الجرس ، وزي ما العسكري عمل مع جاسر سحب خالد ودخل الأخير وهو بيرتجف من قبل ما تبدأ التحقيقات !!! طارق : شكلك كده مش هتتعبني يا مصلحه ، أقعد كده وإهدي يا راجل مفيش حاجه ، تاخد سيجاره ؟! محمود : أنا يا باشا إللي حضرتك تشوفه ناول سيجاره لمحمود وولعهاله ، مسكها بإيدين مرتعشه طارق : بص يا مصلحه الإتنين إللي دخلوا قبلك دول عند أول مشكله وهيبيعوك هما ليهم ضهر ومسندوين وخصوصاً إللي إسمه جاسر ده لا هتهمه إنت ولا حتي خالد وخصوصاً هيفعصك إنت ، لإنك عنده مجرد مصلحه بتعدلهم المزاج وتسليهم وبس فخليك معانا وساعدنا نحل القضيه دي وساعتها وعد مني هخففلك العقوبه إللي ممكن تصدر ليك محمود : أنـ نـا مش مش مش فاهم حاجه يا باشا عقوبة إيه وقضية إيه ! طارق : قولي هو إنت كنت فين ليلة 6 ديسمبر يا مصلحه ؟! وفكر قبل ما تنطق ! حاول يفتكر وبالفعل ماقدرش يفتكر إيه إللي حصل فـ التاريخ ده ! وطارق بعد شوية أسئله وجهها لمحمود وعصبيه وضغط ، أمرهم ياخدوه ، وحطوا كل واحد فـ حجز لوحده لحد ما يرتاح ويبدأ التحقيقات من تاني ... •••••••●••••••••●• •••••••••●•••••••� ��•●••••••••●••• •••• مريم راحت الجامعه وماقدرتش تركز فـ المحاضرات ، وهي ماشيه وقفها عمرو عمرو : مريم ، فيه إيه مالك ؟ مريم : معرفش بس خالد لسه مارجعش ( عمرو : إنتي غريبه أوي من إمبارح طيب ماهو كالعاده كده يا مريم وعارف إنك هتروحي تلاقيه رجع ! فليه تعملي فـ نفسك كل ده ! مريم : معرفش يا عمرو أنا حاسه إن قلبي مقبوض أوي وطول الليل أشوف كوابيس معرفش ليه أول مره أحس بكده عمرو : طيب إهدي كده عشان خاطري وإن شاء الله خير ،، تعالي أوصلك البيت يلا مريم : لأ لأ طبعاً توصلني إيه بس يا عمرو إطمن أنا هبقي بخير إن شاء الله عمرو : متأكده ؟ مريم : متأكده وأول ما أروح إن شاء الله هطمنك عمرو : خلاص هستنى تليفونك مريم : إتفقنا مشيت مريم ولسه قلبها مقبوض ونفسها تطمن علي أخوها ... ~ ~ ~ ناريمان : هاي يا طنط أم جاسر : هاي يا ناريمان أخبارك إيه يا حبيبتي ؟ ناريمان : كويسه ، أنا طالعه لجاسر أوضته _ بس جاسر مش هنا من إمبارح تقريباً خرج مع صحابه ناريمان : هو كان إمبارح خارج معايا أنا وقالي مروح أنام عشان عندي إجتماع الصبح بدري ! _ مش عارفه بقي مابتش فـ البيت إمبارح !! ناريمان : غريبه !!! _ إستني ساعه كمان وهتلاقيه راجع ناريمان : همشي بقي يا طنط عشان عندي ميعاد وأنا هبقي أكلم جاسر أو بلييز يا طنط لما يرجع خليه يفتح موبايله ويكلمني _ أوك ناريمان : باي _ باي •••••••●••••••••●• •••••••••●•••••••� ��•●••••••••●••• •••• جاسر فـ الحجز وبيحاول يفتكر مصيبة إيه إللي عملها فـ اليوم ده ! بس مش قادر يفتكر اليوم نفسه وبدأ يسترجع كل بلاويه زي محمود إللي قاعد فـ الحجز إللي جنبه بيفكر فـ مصايبه وبلاويه ويسترجعها وهو حاسس بخوف لما إفتكر كلام طارق إنه ملوش ضهر وممكن جاسر فـ أي لحظه يبيعه بس المشكله انه مش قادر يفتكر هو متهم بإيه !!! أما عن خالد فهو الوحيد إللي إفتكر الحادثه وعرف همّ هنا ليه ، فضل يفتكر فـ الحادثه والملامح إللي فاكرها من داليا وصوت صرخاتها >، حط إيديه علي ودانه وفضل يبكي بحرقه وخوف :’( بيفكر فـ مصيره ومصير مريم من بعده ، حاسس إنه جني علي نفسه وعليها ، فضل يبكي بخوف ومش عارف يتصرف إزاي !!! ~ ~ ~ داليا فضلت جنب أمها وأبوها فـ المستشفي ، طارق إتصل بنِهال وحكالها عن بداية التحقيقات وطلب منها تروحله هي وداليا عشان الخطوه إللي بعد كده ألا وهي إن داليا تتعرف ع المتهمين على أرض الواقع ، وبالفعل نِهال عدت علي داليا فـ المستشفي خدتها وراحوا عند طارق ، إستقبلهم بترحاب وساب داليا قاعده وكلم نِهال علي جنب وفهمها إن داليا ممكن تحصلها الحاله اللي حصلت قبل كده لإنها هتشوف المتهمين قصادها وعلى بعد خطوات منها ونِهال قالتله يبدأ وإن شاء الله هتقدر تسيطر علي حالة داليا أمرهم يدخلوا المتهمين فـ أوضة ، دخلوهم صف متهمين ملهمش علاقه بالقضيه وحطوا وسطهم جاسر وخالد ومحمود فـ أماكن متفرقه دخل طارق لـ داليا ونِهال وقالهم يخرجوا معاه ، راح بيهم ع الأوضه اللي فيها المتهمين وداليا ماشيه مع نِهال وقلبها مقبوض ، بتسحب رجلها بالعافيه وأنفاسها صوتها مسموع من الخوف والقلق >Sad ربتت نِهال علي كتفها وإبتسمت ، دخلت نِهال ووراها طارق وقالوا لداليا تدخل ، بصت فـ الأرض وجسمها بدأ يرتجف ، سمت الله ورفعت عنيها عشان تبدأ تتعرف ع المتهمين ....... يتبع..... | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
