07-02-17, 11:50 PM
| #121 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء  
|  مساء الورد اخيرا حسام بدء يدور وري براءة خلود طارق و حكاوي روجي اللي ناوية تجنن اللي ابوه رسايل و نغمات و حركات و اكلات ملهاش وصف والله ووقعت يا تارك و محدش سمي عليك ادهم اتبع سياسة التجاهل برغم كل وجعه لكن بالاخر مقدرش مع اول مواجهه بينهم خطفها و سألها من حقه يعرف و يفهم فصل جميل يا موني ووالاحداث قوية | ||||||||
|  |
|
07-02-17, 11:58 PM
| #122 | |||||||||
| نجم روايتي 
| شكراااااااااااا يا امانى على الفصول الرائعة تارك وروجيدا طارق محتاج حد مجنون زيها يخرجه من حياته المملة وروجيدا محتاج رزين عشان يفرملها وقت اللزوم ويقدر يتخطى مشكلته بسبب ثقتها فيه حسام الحسنة االللى ممكن تعوض اللى هببته انك تثبت برائة خلود لانك مدب بس اعتقد ان عيرة مش خوف على ابن عمته ياسمين طبيعى ان ده يكون رد فعلها تجاه اى حد يقربلها بسبب الزبالة اللى كانت متزوجها لانها وضعت ثقتها فيه وهو خان الثقة دى باسوء طريقة ممكنة وطالما قررت تحكى لادهم يبقى اكيد ابتدت تميل ليه شكراااااااااااااا امانى بحجم حبات الرمل على الرواية الجميلة وعلى التزامك الرائع فى التنزيل لكى منى ارق التحايا | |||||||||
|
| |
|
08-02-17, 03:45 AM
| #123 | |||||
| كاتبة في قصص من وحي الاعضاء
| اقتباس:
| |||||
|
| |
|
08-02-17, 03:56 AM
| #124 | |||||
| كاتبة في قصص من وحي الاعضاء
| اقتباس:
| |||||
|
| |
|
08-02-17, 09:51 AM
| #125 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي 
| تارك وحسام سقطوا ولا حد سمى عليهم لكن الاثنان يكابران موقف تعجبت منه .. ام حسام تريده ان يرتبط باميره المطلقه لانها لاتنجب ............ بصراحه موقف غريب من ام ابنها الوحيد عنده بنت ............. اي وحده بمكانها تفضل ان ترى المزيد من الاحفاد وايضا تريد الولد الذي يحمل الاسم وابنها شاب ويحمل مميزات اي بنت تتمنى ان تكون من نصيبه ,,,, كما ان الامهات دائما تفضل ان يتزوج ابنها الارمل او المطلق وحتى لو عنده جيس من الاطفال ... تريده ان يتزوج بنت بنوت .. حتى الرجال نادرا مايفضلون مطلقه او ارمله ,,, اذا فكروا بالزواج اول شيء يفكرون به بنت لم تتزوج من قبل ............. لو كان حسام عنده ولد كان ممكن اقتنع برأي امه لكن عنده بنت وهو وحيدها وتقترح عليه زوجة مطلقة لانها لاتنجب ... بصراحه موقف تعجبت منه خلود استطاعت ببرائتها وتلقائيتها ان تقنع حسام انها بريئة ياسمين ومواجهة محتومه مع ادهم ............ بانتظار الفصل القادم بشوق لنرى رد فعل ادهم على حديث ياسمين | |||||||
|
| |
|
08-02-17, 05:46 PM
| #126 | ||||
| كاتبة في قصص من وحي الاعضاء
| ( الفصل التاسع عشر ) أغلقت رنا الهاتف مع ياسمينه وألقته على السرير ثم ألتفتت لحمزه الذى كان جالساً على السرير واضعاً يديه تحت رأسه ويراقبها بأستمتاع وعندما أنتهت من مكالمتها أشار له بأصابعه بأن تقترب فأطعته باسمه وأقتربت ووضعت رأسها على صدره فلف ذراعيه حولها وقال بخبث : قولى لى بئه بتخططى لأيه ... وليه مارحتيش الشغل أنهارده وأعدتى كمان جمبك رفعت رأسها وهى تنظر له نظره عاشقه ..نعم هى تعشق هذا الرجل الذى يفهمها دون أن تتحدث ... لاتعلم لما يلومها فى حبه لما يقولون عليه أنه قاسى ويسألونها كيف تتحمله ..هى تتمنى فقط أن يروه بعيونها ليعلموه أى أنسان رائع هو أبتسم حمزه لنظرات زوجته وقال : لو فضلتى تبصيلى كده هتنقل لحوار تانى أفضل بكتير وعلى ما اعتقد هيعجبك أكتر وأهو نبقى أستثمرنا الوقت صح أبتسمت رنا حتى ظهرت نواجزها وقالت وهى تضربه بخفه على كتفه : كل تفكيرك منحرف فضحك بشه وهو يسحبها لتعدل من وضعها تصبح بجانبه ويضع يديه على كتفها وقال : ياحبيبتى الأنحراف ده أسلوب حياه ...المهم ماتحاوليش تتوهينى ..بتخططى لأيه يا مرات حمزه رفع يديها ببراءه قائله : مش بخطط ...أنا بس بحاول أوفق راسين فى الحلال ( ومين الراسين دول ) ( آدهم أخويه وياسمين صحبتى ) قطب حمزه جبينه بتفكير وقال : ياسمين مين ...أها مش دى إلى كانت هنا فى عيد ميلاد هنا بنتنا ( أها ) ( الأموره إلى لبسه نضاره دى ) خرجت من تحت كتفيه وجلست على ركبتيها أمامه واضعه يديها على خصرها وقالت : وأنت عرفت منين أنها أموره رغم أنها لابسه نضاره مغطيه كل وشها ..ده مفيش حد أنتبه لملامحها ألا لما قلعت النضاره ( طب أعملكم أيه وأنتم إلى شكلكم نظركم ضعيف مش هى ) ضيقت رنا عيونها بتحذير وقالت : حمزه يا أبن زينب ..ليلتك مش فايته شكلها ( ليه بس يا رونتى ... أنا بقول الحق وأنا راجل بيقدر الجمال ) القت رنا الوساده على رأسه فألتقطتها وهو يضحك ثم بحرك سحبها لتسقط مره أخرى على صدره وقال وهو ينظر لعيونها : يمكن أشوف الف ست جميله لكن عيونى ماتعرفش تعشقك غير جميله واحده بس ... تعرفيها !! تظاهرت رنا بالتفكير ووضعت أصبع تحت ذقنها وقالت : مين ياترى ؟! فى ثوانى كان ممسكاً بوجهها بين يديه ومقبلها على شفتيها قبله طويله أثبت فيها بلغه أبلغ من الكلام عشقه لها ..عندما أبتعد عنها وضع جبهته على جبهتها وقال بأنفاس مقطوعه : عرفتى هى مين فأومأت برأسها وأبتعدت عنه قليلاً ...فأكمل مستفهماً : قولى لى بئه أيه الحكايه من أولها فذهبت إلى جانبه ووضعت رأسها على كتفيه وبدأت تقص عليه ماتعرفه عن ياسمين وآدهم وكيف علمت من مجرد النظر أليهم ان بينهم خلاف وكل منهم يعانى ولكن يأبى أى منهم أن يذهب للطرف الآخر فقررت أن تتغيب اليوم لتضع ياسمين فى طريق آدهم مره اخرى لعلهم يتوصلوا لحل سوياً عندما أنتهت تفاجئت بحمزه يقول لها بغضب وأستنكار : أرمله ...أرمله يارنا ..عايزه تجوزى أخوكى لأرمله وكمان عندها أبن ( وفيها أيه ياحمزه ) (يعنى أيه فيها أيه .... ليه يابنتى من قلت البنات الى ما أتجوزتش عشان تجوزى أخوكى لأرمله وكمان مخلفه ..ليه ) فأجابته بتحدى : بيحبها ياحمزه ... إلى يخليها مميزه أنه بيحبها .... بيحبها رغم أنه شاف إلى أجمل وأحلى منها وإلى بنات زى ما أنت بتقول ومع ذلك حبها هى ..عرفت ليه ) ( واللله أنا مش شايف ده مبرر ..إلى خلاه يحبها يحب غيرها ) ( ليه ياحمزه ..هو أنت ممكن تحب غيرى ) تراجع الغضب فى عيون حمزه ليحل محله نظره أخرى وقال : لأ طبعاً ..أنا عمرى ما هحب ولا حبيت غيرك ( رغم أنى مش هقدر اخلف لك الولد الى مامتك بتتمناه ولا هعرف أخلف تانى أصلاً ) ( ليه فتحتى الموضوع ده تانى مش كنا قفلنا ) ( لأ ماقفلنهوش لأن زى ما ياسمين فى رأيك عيبها أنها كانت متجوزه ..أنا كمان فى وجهة نظرك أبقى معيوبه ) نظر لها حمزه طويلاً ثم بحرك واحده قام من مكانه وقفز فوقها ليصبح معتليها وقال من فوقها : أوعى تقولى على نفسك معيوبه تانى يا رنا ..أنتى الكمال كله وكل ستات الدنيا ممكن تكون معيوبه أو ناقصه أنتى وحدك بس إلى كامله ..فهمتى ولو كلامى عن ياسمين هيخليكى تفكرى كده أو تفهمى أن ده قصدى فخلاص أنسى خالص وبلاش نتكلم خالص فى الموضوع ده ..أنا بحب آدهم زى طارق وزى مابتمنى لطارق بتمناله بس لو سعادته معاها مش هتمناله غير أن ربنا يجمعهم ببعض وضعت رنا يديه حول عنق حمزه وقالت : بحبك ياحمزه ( بحبك ياقلب ونور عين حمزه ..ثم غمز لها قائلاً : وبما أننا خلصنا موضوع آدهم وأنتى أعدتينى اجازه أنهارده يبقى لازم تسلينى ) وقبل أن تسأله عن وسيلة تسليتها كان قد أسكت فمها بالطريقه الوحيده التى يضمن أن تسكتها لفتره طويله .................................................. .......................... قص حسام كل شئ على طارق الذى كان يستمع له بتركيز شديد وعندما أنتهى قال طارق : أنت ليه متأكد من برائتها أوى كده ياحسام مط حسام شفتيه وقال : مش عارف أحساس جوايه ( بس أنت عارف فى شغلنا مفيش حاجه أسمها أحساس ) ( عارف ياطارق ..بس صدقنى أنت لو أتعملت مع خلود هتلاقيها أرق من انها تعمل كده .... وبجد كلامها مقنع يعنى لو هى كده فين فلوس التجاره دى ...فين فلوس الأدويه ..دى حالها صعب جداً ومضطره تهين نفسها وتشتغل خدامه بس عشان تصرف على أخواتها ...) ( بص ياحسام هو كل ده برضو مش دليل ..وارد أوى تكون فلوسها أتصرفت وهى ف السجن أنت عارف الحرام مش بيدوم ... لكن الأكيد انها حتى لو مش بريئه فهى أكيد ماعملتش كده لوحدها وأكيد لها شركا معاها ) ( انت برضو مصمم أنها مجرمه ) ( هفضل مصمم لغاية ما اثبت العكس ... بس قولى أنت ناوى تعمل أيه ..أيه إلى فى دماغك ) ( بص أنا بعد تفكير فكرت انك ممكن تساعدنى بصفتك تعرف المكان هنا قبلى بصفتك اقدم وأكيد عارف الديلرز إلى فيه ولحسن الحظ أن المستشفى هنا فى منطقة القسم بتاعنا فده خيط ممكن يوصلنا لحاجه ) فكر طارق قليلاً ثم قال : ممكن ... بس أنت عارف ممكن بالى بتقوله نثبت تورط ناس تانيه بس ده مش هيبرئها ياحسام ..فاهم قصدى (أكيد فاهم بس أنا فكرت أن ده بداية الخيط عشان يكون فى سبب أن القضيه تتفتح وبعدها يبقى سهل نثبت برائتها ) رفع طارق أصبعه محذراً وقال : دى لو كانت فعلاً بريئه ياحسام فأجابه حسام بأقتناع : بريئه ... والله بريئه ياطارق ( طيب أما نشوف ... أنا هديك كل أسماء الديلرز إلى أعرفهم وانت عليك الباقى ... تمام ) ( تمام ...تسلم لى ياطارق كنت عارف أنك إلى هتساعدنى ) وقبل ان يجيبه طارق ارتفع رنين هاتفه وكان هذه المره أتصال من روجيدا فرفع الهاتف وقال بغضب : ألووو ( تاارك ) وكأنها قالت الكلمه السحريه التى أمتصت بها كل غضبه فقال وهو يمسح على وجهه : نعم ياروجيدا ( أنت فين ..أنا خلصت ) فقطب جبينه بعدم فهم : فين أيه وخلصتى أيه ( أيه ياتارك ..مش أنا بعتلك ع الواتس وقلت لك أنى هدخل آخر محاضره وهتخلص كمان ساعتين عشان تيجى تاخدنى ...أنت أستلمت الرسايل ظهر أدامى أنك شفتهم ) ضرب طارق على جبينه فهو بالفعل فتح التطبيق ولكنه لم يقرأ الرسائل بل فتحه وأغلقه دون حتى أن يمر بعيونه على ماكتبته لتوقعه أنه شئ غير هام كالذى تكتبه دائماً قبالتأكيد هى لا تبلغه بميعاد أنصرافها فى ثلاثين رساله ألا أذا كانت تكتبهم حرف حرف سحب طارق مفاتيحه من على المكتب وقال وهو يتحرك بأتجاه الباب والهاتف مازال على أذنيه : معلش ياروجيدا أنا كنت فى أجتماع مهم .. بصى أستنينى فى كافتريا الجامعه وأنا قبل نص ساعه هكون عندك ... ثم أضاف بحزم : جوا الجامعه ياروجيدا مش بره ..أنا هعرف أدخل .... ثم أكمل من بين أسنانه محذراً : روجيدا ماتطلبيش أيس كريم فأجابته ببراءه : ليه أنا بحبه اوى فصاح بغضب : هو كده ...من غير ليه أسمعى إلى بقولك عليه وخلاص فأذعنت قائله  أوك ياتارك ..بس مش تتأخر عليه )(حاضر يا روجيدا ...حاضر ) وأنطلق مسرعاً لها فهو يعلم أنها لا تجيد حتى الآن التعامل مع الغرباء لذلك لا تقدر على ركوب سيارة أجره بمفردها وقد عين لها والدها سائق مخصوص وأطمئنان روجيدا له لم يكن بسهوله رغم أنه رجل عجوز .................................................. .................................................. ................................. تحركت ياسمينه وجلست على الكرسى وهى ترتعش ..تفاجئت بيد آدهم تمتد لها بكوب وقال بهدوء: أشربى دى وأهدى ولما تحسى أنك قادره تتكلمى أتكلمى مدت ياسمينه يديها لتلتقط الكوب فلاحظ أنها ترتعش فوضع الكوب على سطح المكتب حتى تستطيع أن تلتقطه بسهوله ولف حول المكتب وجلس بهدوء حتى يكون على مسافه بعيده منها ألتقطت ياسمين الكوب وأرتشفت منه بضع رشفات قليله ثم وضعته بهدوء وقالت بصوت منخفض : كان معيدى فى الكليه ....أسمه وليد ... أول يوم دخل لينا فيه طلب مننا بحث وده بحجة أنه عايز يتعرف على دماغ كل واحد فينا بتفكر أزاى ..بس الحقيقه أنه كان بيعمل علينا أحنا البحث قطب آدهم جبينه دليل على عدم فهمه فأكملت تفهمه : الأستاذ كان بيدور فينا على الصيده الجديده ...وإلى هى كانت أنا طبعاً بعد ماشاف أسمى رباعى وعرف أنا بنت مين وبسرعه حط عينه على الهدف إلى كان وقتها .....وأكملت بتهكم : أسهل مما يتخيل .... المهم طلبنى فى مكتبه طبعاً والحجه أن بحثى عاجبه وعايز يناقشنى فيه وطبعاً أنا زى الهبله كنت هطير م الفرحه مش مصدقه أنى أعده ادامه بيناقشنى وأنا قشه ..أصلك مش متخيل ..وليد كان وسيم جداً لبق فى الكلام ..دمه خفيف ..جنتيل مان ..بأختصار كان حلم كل بنت ف الجامعه ...مش فى الجامعه بس ... حلم أى بنت تقابله .... لاحظت أن آدهم ضم قبضتى يديه وكأنه على وشك ضرب أحدهم ثم قال لها بهدوء: تضايقى لو دخنت تفاجئت فى الأول لأنها أول مره ترى آدهم يدخن ولكنها لم تعلق وأشارت برأسها نافيه لتسمح له أن يدخن وبالفعل فتح علبة سجائره وسحب منها واحده وأشعلها وأشار لها : كملى يا ياسمينه سحبت ياسمين أنفاسها وأكملت : بس وقد كان ..أتكررت المقابلات كلها كانت ف الكليه بتبدأ بالدراسه وبعدها تتحول لكل حاجه وأى حاجه بعيد عن الدراسه ..لحد مافى يوم قالى أنه بيحبنى وعايز يتجوزنى ...طرت م الفرحه بس طبعاً أحمد باشا كان ليه رأى تانى ..رغم أن وليد وقتها كان شاب مايترفضش ..معيد فى الكليه وعنده شقه كبيره فى منطقه راقيه جداً وتمليك وعنده عربيه يعنى عريس هايل بأى مقياس غير مقياس أحمد باشا .... رفض وأنا عاندت وهو رفض وكل لما أتكلم كان يرفض أكتر لحد مافى يوم قالى أنه خلاص قرا فتحتى على حد من شركائه ثورت وقلت مش هتجوز غير وليد وهو صمم والنتيجه هو رفض أكتر وحدد ميعاد الخطوبه مع شريكه والمفروض أنى بس أكون موجوده وأدى الدور إلى عليه وبس ... كلمت وليد وعرفته وأتفقنا أننا نهرب ونتجوز ومش مهم أى حد ...بس نفذنا فعلاً وهربنا وأتجوزنا بحضور أهله وأتنين من صحابى أطفئ آدهم سيجارته بعنف وقال غير مصدق : سيبتى أهلك عشانه ...هربتى وأتجوزتى من وراهم ..مش قادره أصدق فأجابته بسخريه مريره : أهلى ... أهلى مين يا آدهم ...والدى الى ما أفتكرنيش غير بس لما عرف أنى ممكن أخدم مصالحه ولا مامتى إلى هى بالمناسبه لو مكنتش تعرف ..هناء فريد المذيعه المشهوره إلى حاسه بكل قضايا الوطن بس ماتعرفش بنتها ملامحها شكلها أيه من كتر ماهى مشغوله عنها ومهتمه بأى حاجه وكل حاجه ألا بنتها الوحيده ... أنا كنت بهرب من مكان غريب لأنسان وقتها كنت حاساه أقرب منهم ليه ...بس للأسف طلعت غلطانه ... وغلطانه جداً كمان تنهدت ثم اكملت : أتجوزنا ووالدى لما عرف كل إلى عمله مكالمة تليفون قالى فيها ...أنسى أن ليك أب وميراثى لو هوزعه على اليهود مش هتطولى منه مليم ( معقول ) ( مش مصدق ليه يا آدهم أنا بالنسبه ليهم مجرد مشروع دخلوا وللأسف كان فاشل وده كمان نفس تفكير وليد برضو ... بعد الجواز وطبعاً بعد شهر العسل الخيالى أبتدى يطلب منى أروح لأحمد باشا وأعتذرله وأحاول أحنن قلبه عليه عشان يرضى عليه وكان دايماً بيقولى أنه بيعمل كده عشان مصلحته بس الحقيقه كان بيعمل كده عشانه هو ومش عشانى أنا خالص ( ليه كان عايز أيه من والدك ) ( وليد كان داخل مشروع كبير أوى وكان عامل لينك مع ناس بره البلد وبعتلهم دراسة المشروع وهما وافقوا عليه بس عشان يشاركهم لازم يحط أد المبلغ إلى هيحطوه عشان يطمنوا ..وطبعاً المبلغ كان كبير والحل هو كان أحمد باشا وإلى كان الجسر إلى مابنهم هو أنا ... طبعاً رحت للى مفروض أبويه رفض يقابلنى وألى مفروض أنها أمى قالت لى نحدد ميعاد تانى ونتكلم عشان مش فاضيه ورجعت زى مابيقولوا بخفى حنين وكانت دى أول مره .....) سكتت قليلاً لتلتقط أنفاسها فالقادم صعب عليها لتعترف به وخصوصاً أنها اول مره تحكيه لأاحد أستحثها آدهم قائلاً : أول مره لأيه يا ياسمينه أجابت ورأسها للأسفل من الخجل وقالت : أول مره يضربنى ( يضربك !!!!) ( أه يضربنى ... كانت أول مره بس مش آخر مره كل مره كان بيرفض يقابلنى كان وليد بيزيد أكتر كان عنده أمل أن أحمد باشا فى يوم لما يشوف بنته بتتهان يثور ويحاول يطلقنى منه وساعتها تيجى فرصته ويحاول أن يستغل الموقف وياخد فلوس قصاد أنه يطلقنى ) خبط آدهم على مكتبه بشده وهو يقول : الحيوان السافل ... بس أنا عايزه أعرف ليه والدك سكت أزاى قلبه طوعه يشوف كده أكتر من مره ومايتكلمش ..وصرخ قائلاً : أزاى !! ( الصراحه ..هو ماشفش ..هى مره واحده إلى رحتله لما شفنى بصلى من فوق لتحت وقالى : أحسن ...من يومها ما رحتلوش تانى ...كنت بنزل على أنى نازلاله وأقعد ألف ف الشارع وأرجع تانى وأتقبل مصيرى ) ( طب وليه ماطلبتيش الطلاق ) ( لما جيت أطلب الطلاق كان الأوان كان فات ..كنت حملت فى ياسين ووليد معاملته بقيت أحسن وأنا أفتكرت ان ربنا هداه أتريه كان مستني ياسين عشان كان فاكر أن قلب أحمد باشا هيحن على حفيده ...بس هو كان غلطان ...أزاى أذا كان ما حنش على إلى منه هيحن على أبنى ... ( بس بيقولوا أن أعز الولد.... فقاطعته قائله : ده للناس إلى عندهم قلب يا آدهم ..مش أهلى خالص ( وبعدين ) ( مات ...... عمل حادثة عربيه ومات ..ظهر أحمد باشا تانى فى حياتى ..والمره دى كان معاه عرض جديد ..أسيب أبنى لأهل والده وهو مستعد يتغاطى عن إل فات وهو مجهزلى جوازه تليق بيه ... طبعاً رفضت وكانت النتيجه أنه سبنى ومشى تانى ..بعدها جه وائل أخو وليد بيطالب بحقه فى شقة أخوه .. ولما رفضت عرض عليه بكل بجاحه الجواز ..) ( أيه ..جواز ) ( أه ... أنا سبت كل حاجه عرضت الشقه للبيع بعفشها وأخدت مبلغ كويس أديت لوالدته نصيبها لأن والده كان متوفى و أشتريت بالباقى شقه أصغر على أدى أنا وأبنى وباقى المبلغ حطيته وديعه طويله ودى طبعاً عشان أضمن حق ياسين حتى فوايدهم فتحت بيهم حساب تانى بيتحط فيه فوائد الوديعه علطول وعاهدت نفسلى أنى مش همد أيدى على ولا مليم لحد مايكبر لأن ده حقه هو بس .. ولولا وجوده أنا كنت نمت على الرصيف ولا كنت خدت مليم من فلوس وليد ...... سكتت قليلاً ثم رفعت نظرها لآدهم وقال : تفتكر يا آدهم بعد كل إلى مريت بيه أنا عندى أستعداد أنى اعيد التجربه تانى حتى لو عارفه جوايه ومتأكده أنك مختلف عن وليد ..) جملتها الأخيره كانت قد أعتطته بعض الأمل فيكفيه أن تراه مختلفاً فهذه بدايه مبشره لف آدهم وجلس أمامها وقال : مادام أنتى شايفانى مختلف ليه ما تديناش فرصه .... ( فرصه ... فرصه يا آدهم وتفتكر أنا عندى طاقه لفرص تانى ..فاكر ياآدهم لما قلت لك أن وليد ساب جوايه إلى مايخليش مكان لراجل تانى ...... أنا مكنتش بكدب ..أنا جوايه أجوف ..فاضى ..مفيش مكان لأى حد غير أبنى ...مفيش حد فى حياتى غيره ولا عايزه حد ) قالت ذلك وقامت واقفه وقالت : أنا آسفه يا آدهم .... أنا حكيتلك بس عشان أنا كنت مديونالك بالقاعده دى عشان أنا غلط فى حقك وكان من حقك تعرف عشان تعرف أنا ليه قلت إلى قلته وتعذرنى ) تحركت ياسمين من أمام آدهم ولكنه ناداها برقه : ياسمينه فردت بنعم دون أن تلتفت ( مفيش أى أمل أنك حتى تفكرى ) لفت رأسها وقالت : لازم عشان تطلب الأمل تطلبه من حد حى ....وأنا ميته يا آدهم من زماان .................................................. .................................................. ....................... جلست روجيدا فى الكافيتريا تحتشى مشروباً ساخناً وتنتظر طارق ولكنها تفاجئت بمن يسحب كرسيه ويجلس أمامها وعندما رفعت رأسها وجدته شاب غريب لاتعرفه ..فى الحال توترت وتلفتت حولها بخوف فتفاجئت بالشاب يقول : أنا رامى زميلك فى الدفعه وكمان عشان بحرف الره بنكون دايماً فى نفس اللجنه ..بس من الواضح أنك كا أخدتيش بالك منى نظرت له ولم ترد فأكمل وكأن سكوتها شجعه : هو أنتى صحيح كنتى فى أمريكا ..طب أيه جابك هنا ...حد يبقى هناك ويجى بلدنا دى ..ده انا لو ألاقى نص فرصه تخرجنى من البلد دى كنت مسكتها فيها وخرجت منها بتذكره بلاعوده .. ( وأحنا هنكون أكتر من سعداء وأحنا بنودعك وبنكسر وراك قلل مصر كلها ) رفع رامى رأسه ليرى من المتحدث ليجده طارق أمامه واقفاً بقيصه السماوى الملتقص بعضلات صدره البارزه وبنطلون من اللون الكحلى ملتصق يفخده وأكثر ما أخافه هو الحزام الملتف حول جذعه المخصص لحمل الأسلحه وقف رامى وهو ينظر لروجيدا ويشير على طارق : البودى جارد بتاعك ده يا روجيدا تفاجئ بلكمه على فكه أسقطته على ظهره فى الأرض وطارق يشرف عليه من فوق قائلاً : لو قربت لها تانى هيكون آخر يوم فى عمرك ثم سحب روجيدا من يديها قائلاً بغضب : ياله سحب طارق روجيدا خلفه وسار بأتجاه السياره مسرعاً وهى تبكى وفتح باب السياره وأجلسها ثم صفق الباب بشده وألتف إلى مكانه وأنطلق دون أن ينظر إليها أو يهتم بدموعها ولا بأرتجافها أوقف السياره فى مكان خالى نسبياً وقال بعنف : ممكن أعرف انى بتعيطى ليه دلوقتى تنشقت بشده وقالت وهى تشهق : ع...ش..ان ..أأنت ..زع..لا..ن منى فصاح بغضب وأنتى مش عايزانى أزعل )( والله ...هو إلى ..جه أعد ) ( وأنتى ليه مازعقتلوش وقلت لى أوم ... لما سكتى أفتكرك بتشجعيه ) فقالت وهى تشهق بدموعها : أنا ...والله م أعرفه ( وهو عارف أسمك منين ) ( بيقول معايه فى الدفعه بس أنا معرفوش ) فخبط على المقود بشده وقال : أنا عايزه أعرف ليه ما زعقتيش فيه لما فرض نفسه عليكى فقالت بخفوت : خفت " خفت "...كلمه واحده كانت قادره أنا تمتص غضبه وترجعه لتعقله ..نعم هى تهاب الرجال وخافت عندما فرض هذا السمج نفسه عليها .... مسح طارق بيديه على وجهه وسحب يديها التى كانت تفركها ببعضها وقال بهدوء : خلاص يا روجيدا ماتعيطيش ...أنا بس أتجننت لما لقيته قريب منى رفعت عيونها أليه وقالت وهى تمسح دموعها : بتغيرى عليه يا تارك لا يعلم بما يرد عليها ولا يعلم ماهية أحساس الغيره كل ما يعلمه أنه شعر بنفسه سيقتل هذا السمج نظر أليها فوجدها تنتظر أجابته بتلهف فوجد نفسه يهز رأسه بحركه خرقاء لا معنى لها ويرفع يديها إلى فمه ويطبع عليها أول قبله طويله أذابتها وأذابته معها ...بعد قليل رفع شفتيه من على يديها فوجدها مغمضه عيونها ولكن ليس بخوف ولكن بخجل لذيذ فكان سيتهور ولكن نظر حوله وعرف أنه سيتسبب بفعل فاضح فى الطريق العام لو طاوع نفسه على ما يفكر فيه ..لذلك أجلى صوته وقال بصوت أجش : روجيدا ففتحت عيونها وقالت بصوت خجول : نعم ( تيجى ناكل أيس كريم ) .................................................. .................................................. ................. | ||||
|
| |
|
08-02-17, 05:51 PM
| #127 | ||||
| كاتبة في قصص من وحي الاعضاء
| [QUOTE=um soso;11984109]تارك وحسام سقطوا ولا حد سمى عليهم لكن الاثنان يكابران موقف تعجبت منه .. ام حسام تريده ان يرتبط باميره المطلقه لانها لاتنجب ............ بصراحه موقف غريب من ام ابنها الوحيد عنده بنت ............. اي وحده بمكانها تفضل ان ترى المزيد من الاحفاد وايضا تريد الولد الذي يحمل الاسم وابنها شاب ويحمل مميزات اي بنت تتمنى ان تكون من نصيبه ,,,, كما ان الامهات دائما تفضل ان يتزوج ابنها الارمل او المطلق وحتى لو عنده جيس من الاطفال ... تريده ان يتزوج بنت بنوت .. حتى الرجال نادرا مايفضلون مطلقه او ارمله ,,, اذا فكروا بالزواج اول شيء يفكرون به بنت لم تتزوج من قبل ............. لو كان حسام عنده ولد كان ممكن اقتنع برأي امه لكن عنده بنت وهو وحيدها وتقترح عليه زوجة مطلقة لانها لاتنجب ... بصراحه موقف تعجبت منه خلود استطاعت ببرائتها وتلقائيتها ان تقنع حسام انها بريئة ياسمين ومواجهة محتومه مع ادهم ............ بانتظار الفصل القادم بشوق لنرى رد فعل ادهم على حديث ياسمين [/QUOTE بحب فيكى تعليقك على الحاجات الى ماحدش بياخد باله منها ..حسام رافض فكرة الزواج لأنه خايف على بنته من أم تظلمها وعاليه كل املها تشوفه مع زوجه وتطمن عليه قبل ما تموت وأن كان حجته بنته فأميره الاختيار المثالى عشان عقيمه فبكده تتجوزه وتربى بنته من غير ماتظلمها بالعكس ده هتديها الحب لولاد هى أتحرمت منهم | ||||
|
| |
 |
| أدوات الموضوع | |
| انواع عرض الموضوع | |
|
|
34Likes
.png)
.png)
العرض العادي
