19-12-18, 11:13 PM
| #1201 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  اقتباس:
اللهم امين يارب شكرا اميره بحجم السماء 🌹🌹 | |||||||||||||
|  |
|
19-12-18, 11:16 PM
| #1202 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
وعليكم السلام ورحمة الله وبركاته اسعد الله مسائك عزيزتي نورتي الروايه اتمنى القادم يحوز على إعجابك مازال الكثير بإنتظارك وسعيده بمتابعتك وتعليقك انتظر تواجدك معي على طول وطبيعي عدم حفظ الأسماء من اول فصل ^_^ منوره عزيزتي بطلتك الحلوه في ورود العشاق 🌹🌹 | |||||||||||||
|
| |
|
20-12-18, 09:04 AM
| #1204 | ||||||||
| نجم روايتي 
|  المخلصون نادرون في هذا الزمن ان وجدناهم في حياتنا ثراء لا يقدر بمال ... معادنهم أصيله تشع بالمحبة والتسامح ... 🌹🌹 وان قصرنا بحقهم لا يتغيرون .. دعواتي لكم بتمام العافية ... ونفوس سعيدة راضية ... وصدور من الهم خاليه... وقلوب بحب الله صافية وخلود في جنان قطوفها دانية ...🌹🌹🌹 وان ينوركم بنور القرآن ... ويزيدكم عافية واطمئنان ... ويهبكم شفاعة حبيب الرحمن آمين ياالله 🌹🌹🌹 🌹 صباح الخير🌹 | ||||||||
|
| |
|
20-12-18, 10:03 AM
| #1205 | ||||||
| نجم روايتي وكاتبة بمنتدى قلوب أحلام وقاصّة بمنتدى قصص من وحي الاعضاء،حارسةوكنز سراديب الحكايات وراوي القلوب وقلم مميزبالقسم الأدبي 
| صباح الوووورد على أهل ورود العشاق.. اليوم الخميس دندون...فلا تتأخري علينا... | ||||||
|
| |
|
20-12-18, 01:51 PM
| #1206 | ||||||
| مشرفة منتدى الصور وتسالي مصوره وعضو مميز في القسم الطبي والنفسي ونبض متألق في القسم الأدبي وفراشة الروايات المنقولةوبطلة اتقابلنا فين ؟ومشاركة بمسابقة الرد الأول ومشارك في puzzle star ومحررة بالجر 
| قرات اللي فاتني فصول مشوقه واحداث مثيره وتطورات كبيره هاجر زوجه الذيب ومتفقه معه تتخلص من وعد وتحصل على سعود وتخلص الذيب منه سممت ووعد وقتلت ام محمد بقلب بارد قاسي وما همها كلامه ابدا مجرمه .. تم ركان خوفها تحقق برجعه ابو ركان لحياتهم وتهديده لها على الفاضي ركان شو موقفه لو عرف مين ابوه وريف صابره وحزينه على حبها جوري ورعد هدوء وحب بينهم راكان وديما حلوين مشعل ضاع للاسف ... وريف ونواف رجعو بحبهم اللي تجاوز صعابهم وقربهم من بعض سعود اكتشف محمد بس تصرف بذكاء معه وبلشت حربهم الان مع الذيب متشووقه للقادم ... واعتذر لغيابي .. يعطيك العافية ريم وشكرا لك ..... | ||||||
|
| |
|
20-12-18, 03:14 PM
| #1207 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
| مســــاء المحبـة لكـل الأحبــة مســــاء السعـادة والسـرور تسجيــــل حضــووـور .. | ||||
|
| |
|
20-12-18, 03:15 PM
| #1208 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| السلام عليكم ورحمة الله وبركاته اسعد الله صباحكم ومسائكم بكل خير دقائق واضيف الفصل باذن لله قراءه ممتعه عزيزاتي وانتظر آرائكم بشوووق | ||||||||||||
|
| |
|
20-12-18, 03:19 PM
| #1209 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| المشاعر هي مــشاعر ذاك الحزيـن رتّب احزانه وزيّنها وراح فيه شي لو بغـى يخفيه يبيـن لو سكت حزنه تنطّقه الجراح بين أحلامـه وآلامـه ونتيـن ضحكته والحب وتفتيحة صبـاح مد يدين الرجـا ينطـر يديـن وأنهدر ذاك الرجاء وانطفى فرحه ولاح وانبنى بـه يـاس ماعمـره يليـن وانكسر به قلب مكسـور الجنـاح بلّغ الفرحـه وقلّـها : لاتجيـن صاحـبـك مات قلبه واستـراح ماهـدم حلمـه سـوى هـذا الحنيـن ومالعب في حسبته غير " الجـراح " ""الفصـل الحادي والعشرون الجزء الثاني "" حرك رأسه بـالـنـفـي ابتعد عن مـحمد وتوجـه لـلـشـبـاك فـتحه بسـرعه مكتوم واللـه مـكتوم والـهموم تراكمـت عليه يحاول يـكبـت أهاته وونـاته... لازم يقول لمـحـمد الـحـقـيقـه يدري انـها مـره ومـاهو وقتها ابد ...ويـدري انه بيـصدمه زود عـلـى صدمته لكن محد بيـعضد له غيره خصـوصا انه يحس بنفس الألـم إلي يحتويه بلـع ريقـه وهمـس بصوت بارد والهواء يحرك شـعره : واذا كانت امـك مـقتوله وش بتسوي توسـعت عـيونـه زاد شـحوبـه وتوقفـت الـساعات بـعـيونه ظلـت كلـمة سـعـود تتردد عـليـه مخه توقـف عـن التفـكير وكل إلـي يـشوفـه امـه وصـوتها التعبان ووشلـون مـاتت يعني ..يـعـني معقـولـه اذبحـوها بكل وحشيه حـرموه مـنها اكتشفوا خايـنـته وكانـت ثمـنـها جـنـته .. وأي ثمـن غالي خذوه مـنـه وأي سلعـه تاجـروا فيـها كان شـاك ان موتتها ماهي طبـيـعيـه..يـاويل حـاله عقـابه كان كبـير وقـوي حيـل حـاول يـضبط أعـصـابه عـض عـلى شفـاته الـمرتجـفـه وتجمـدت الدمـوع بعـيونـه سحـب السيـروم المـثبـت بيـده بكل قسوه وبدا الـدم يسـيل الود وده يـخلص هالـدم وتجف عـروقـه وتتوقـف انـفاسـه وقـف بعدم إتزان هز رأسه يـحـاول يـوازن حالـه ناظر لـسعـود بـإنـكسـار :قلي خلصوا إجراءت الـوالده لف له وعـيـونه تراقبـه بحزن تقـدم منـه بـسـرعـه سحـب يده وضـغط عـلى كفـه من الخلف : يدك تنزف هز رأسه بـبرود سحـب يـده مـن سـعـود : قـلبي إلـي يـنـزف ونـزفه مـاظنتي يـتخثر ابـد تنهد سـعود بـهم :محـمد خلك صبور وهدي مـصيرهم يـأخذون جزاهم رفـع مـحـمد يدينـه خلـلها بـخصل شعره ضـغط عـلى راسه يـحـس انه على وشك الجـنون إلى الآن ماهو مصدق إلـي يـصـير من حـولـه همس بنبره مرهقـه :الى مـتى أصبـر الى مـتى ..ذبحوها يا سعـود ذبـحـوا فرحـتي..لكن مـااخلـيهم واللـه مـااخلـيـهم.. سعـود بـهدوء: بنجيـبـهم بس الـصبـر عـض عـلى شـفـاته ودموع القـهر اسـترسـلـت عـلى خده همـس بغصـه :وشلـون ذبـحوها.. اخذ سـعـود الـمـلـف ورفـعه لـمحمـد :طلـبـت تقـريـر كامـل عـن سـبـب الـوفـاه واتضـح انـها حقنـت بـمادة قـاتله عبر المـغذيx وهي السبـب بـمـوتها تنـفـس بهم وكمل كلامـه :انت ارتاح وانا بخلـص كل شـي دامـها ظهرت الـحـقـيقه والـميت مـن الواجب دفـنه يااخوي غمـض عيـونـه يستوعب كل شي يصير حولـه فتحها بسـرعه مـسـح عـلى وجـهه ابتعد عن سـعـود وصـار يركض بـجـنـون فـتح بـاب الغرفه وطلع بخطوات سريـعـه ... لحـقـه سـعـود بـسـرعه عارف انه بيتهور مايلـومه ويـمـكن لـو انـه بمكانه كان أنـجـن شـافه يركض بـالسـيـب متوجه لـخارج المسـتشفـى توسعت خطواته وصـار يـركض وراه تعداه ووقف قـبـاله فتح يـديـنه وهو يـتنـفـس بسرعه :مـاراح تطلع.. محـمد طريقنـا سـوا مـاراح تسـلكه وحدك تسمـع ..انا مـعـك انتقـامـك بـتأخذه وانـتقامي بـأخذه اشـر مـحمـد بـيـده وصدره يـطلع وينزل وشفايـفـه ترتجـف بـعـصـبـيـه :اتركنـي ماآآيهدى بآلـي حـتى أخذ روحــه شـد سـعـود على اسـنانه وتكلـم بـصـوت عالـي مـتجاهل كل إلـي حـولـه : مـااتركك قـلـت لـك مالك طلـعـه تاخذ روحه وبـعدين وش بتستفـيد بتبرد قلـبـك.. طيب قلي بنقـدر نـثبـت عليـه شـي طبـعا لا اشـر بيـده وهو يحاول يـمنعـه يـتقدم خطوه وحـده : اهدى مـافـيـه شـي يـصـير بالتهور اوعـدك انـه بيـعض أصـابـع الـنـدم اوعـدك يـا محمـد انـت بـس استهدي بلـلـه غمض عـيونه وفـتحـها بسـرعه وهو يـهلـل ويذكر الله بـلع ريـقـه بـصـعـوبـه تراجـع لـجـهة الـجـدار سـنـد نـفسه عـلـيـه ونزل شوي شوي حـتى استقر جسـمه بالارض ضـم رجوله له وعيونـه عـلى سعود : عـنـدي بعـض الأدلـه يـمكن تمـسك عـلـيهم فـيها شـي.. ارتخت يـديـنه نـزلـها وتنفس براحـه تقدم مـن مـحمد جـلس قـبـاله وابـتسم بـشحـوب :كفو ..ابيـك كذا وبأذن الـله بنـنـتصـر مسح دموعه بـألم وصـار يـتكلـم كأنه طفل :خذنـي لها ابـي اشوفـها لأخر مره حـرك سـعـود رأسـه بالإيجاب سـاعد مـحمد على الـوقـوف سـنده علـيـه وصـار يمـشي وهو مـعه متوجيـن لمكان امه حـاس بشعوره حاس بألـمه الـكبـيـر وهاذي هي بـدت تنـغرس فـيـه جذور الاحزان مـثلـه بالضبط وتتفرع مـنها مـتاهات الأزمان وترويـها ثغرات الأنـين المدميه للارواح ... """"""""""""""" دخل بهدوء وهو رافـع ستاند الـورد نـاظر بدر إلي يـضـحك بسعـاده :أششـش بدوري مـاابي امي تحـس عـلينـا رجـع نـظره لديـما وابـتسم حـتى وضحت غمـازاته إلـي زايده ملامحه الـرجـوليـه جمال :مـن تشـوفك بتسـتانـس حـيـل حركت راسـها بالايـجـاب نزلـت نـقـابها والـخجل يكتسـيها اول مـره تطلع معـه واول مـره تجـي الـبـيـت معه التوتر تمكن منها لكن احـساس الامـان بـوجـوده معها هو الي مريـحـها همـسـت بـصـوت نـاعـم :شـكلـك مزعـل خالتي بـقـوه رفـع الورد : ولا يهمـك اعرف شـلون أراضيـها انتي ظلـي مع بـدر هنا وانا بـدخل اوكي هزت رأسها ببتسامـه :روح الـلـه يرزقك بـرها.. همـس بحـب وعـيـونـه تنـاظرها بعشق :فديـت قـلـبك يا قلـبـي انـتي انـهى كلامه وابتعد عـنها تقـدم من البـاب الداخلـي زود وقـف قباله اخذ نـفس وانتبـه للبـاب مـفـتوح الاكيد انـها تاركته لـهم وتنتظرهم... رسم ابـتسـامـه هاديه علـى ملامحـه دخل وعـيـونه تدور أمـه كان غلطان مـن رفـع صوته وزودها عليها كسر قـلـبها الـضعـيف عـارف انه زعلها بتصـرفـه المتهور مـاكان لازم يسـوي إلي سواه امـس مرر نظراته يـتفحـص الصـاله استقـرت عيونـه عـليها جالسـه ومـنزلـه رأسـها لـتحت وضاغطه عـلـيـه بـيـديـنـها واضح مـن شـكلها انـها تعبانه ومهمومـه اوجـعه قلـبه من مـنـظرها.. زاد بخطواته لها وقف قبـالـها همس بصوت هادي :ماعاش من يزعـلـك يا ام راكان حتى لـو كنـت انا تسلـل صوته لها رفعت رأسـها بـسرعـه كانـت متاكده من رجـعته كانت مـتأكده انـه بيـرسم هالـملامـح علـى وجـهه رغم حيـرته نـزلـت دموعها بـهدوء وتكلـمت بـتعـب :راآكان نزل ستاند الورد على الطاوله وجلـس قبـالها سحب يـدينها وضمـها بين يـديـنـه انحـنى وصار يبـوسها بحب رفـع رأسه لـها وعـيونه تحكي كلام كثير :عيـون راكان وقـلـبـه وجـنته انـتي وش يـرضيـك يـاغلاتي تبـين عـيوني عـطيتك تبين قـلبـي والله لا اعطيك ولو تبين روحـي كلها فدا لـك نزل رأسه بحظنـها وكمـل كلامه : وبـعديـن عندي ام راكان وحده ومـافيـه مـنـها..يمه سـامـحيني تكفـيـن سـامـحـينـي تصرفـت معـك بـأنـانـيه حاوطت رأسـه وضمـته بين يديـنـها همسـت بصوت باكي:الانانـيـه بعيده عـنك يايـمـه ..سـامحني انـت اذا اوجعـتك لـكن ماهو بـيـدي واللـه ماهو بيـدي ياراكان ياليت تفهمنـي ياولـدي رفع رأسه وملامـح الـحـزن ارتسـمـت عـلـى وجـهه حط يدينه عـلـى يدينـها إلي نزلتها علـى وجهه :ااه الـوجـع إلي منـك ياحلاته من وجـع..يمـه فاهمـك وبـالـحيل بعد واعـرف انك مخبـيه عني شي كبـيـر واعـرف انه مـمـكن يقـودنـي للهلاك ... قـاطعته بسـرعـه وهي تهز رأسـها بخوف وتشد عـلى وجهه : لا تقول هالـحـكي طريـقك كلـه ورد منـتثر ابـتسم بحـزن مـن تذكر وجـود ديـمـا :ووردتي تنتظرك بـرا ..وبـعدين مـاقلتي لـي وش رايـك بالهديه ابتسمـت وهي تشـوف سـتانـد الورد الكبير عـلى الـطاولـه وطقم الذهب يـتوسطه زادت دمـوعـها :وكل هذا لـي يـا راكان ضحـك راكان وهو يـوقـف ويـأشر بيده :ولو تبين افرش لـك الـبـيت ورد فرشـته لعـيونـك يـالغالـيـه ضحكت وهي تمسح دمـوعها :ياجـعلـني مـاابـكيك يـا ولدي اللـه يرضـى عـلـيك دنيـا واخره تنهد براحـه من سـمـع صـوت ضحـكتها وكأنـها اعطته الامـل في حياته الـجـايـه :امـيـن ياجنتي يـلا الهديه الثانـيـه تنـتظرك برا مسك يدها وقـومـها معه همـس بـهدوء :تعـالي معـي عقدت حواجـبها وتكلمت بـتسـأول :مـين تقصـد ياراكان توسـعت ابتسـامته وهو يـمشي جـهة الباب :تشـوفـين الـحـيـن وش اقصـد طلـعـوا للحديقه وقف وناظر امه ورجـع ناظر بـدر وديـما إلي واقفـين ومـنـتظريـن اشـاره منـه :قلـت لك لو تبيـن روحـي عطيتك والروح مـتعـلـقـه بهالبـنـت توسعت ابتسامته وتكلم بنـبـره مـعـبره :جبت لـك ديمـا يـا يـمه ابـتسمت وهي تناظر راكان بحـب شلون بتكون حـيـاتها بـلاه ..شلون لـو تعـكرت روحـه الـحلوه بـظلام ابـوه ...ماراح تسـمـح له ابد يـقرب صـوبـه بتسـوي المـستحـيل عشان تحمـيـه همست بـبحـه : والـله تعـرف شـلون تراضي ياولد ضـحك بخفـه: ههههه تربـيت يـديـنـك يـااحـلى ام بالـكون اشـر لديما تقرب لهم وهو يـضحـك بـصوته الـمـميز .. انتبـهت لإشـارته زادت دقات قـلـبـها من طلـته الـحلوه وضـحكته ..تعامـله الـراقـي مـع امـه زاد إعجابها فـيه اسـلوبه دخل قلـبها وتمـلكها بـكل بـساطه .. تقدمت بخطوات هاديه لام راكان سلـمت عـلـيها والخجل يحتويـها دخلوا لـلـصالـه واندمـجـت ام راكان مع ديـمـا وتبـددت شـوي مـن احزانـها.. | ||||||||||||
|
| |
|
20-12-18, 03:23 PM
| #1210 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| وقـف قبـالها وصـار يـمشي لورى والضحكه شـاقه وجـهه بـسعـاده :وش تبـيـن يـلا امري تدللـي كل السـوق تحـت امـرك رفع رعد يدينـه وهو يـاشر بحماس: بـالاول نـروح قـسـم الـحوامـل وإلا الـموالـيد ما توقعـت يكون مـتحمـس لـهدرجه لـلبيـبي وهاذي هي طلعت حـامـل بـعـد مـاتاكدوا مـن الـتحـالـيل حسـت ان رعد طفـل وفـرحـان بنجـاحـه او تكريمه بأحـد شـهادات الـشكر والتفوق وهو فـعلا قلبها كرمـه ومـيزه عـن الـكل حطت يدها علـى بـطنها وارتجـفت شـفـاتها وصـارت تصارع عـيونها دمـوع الـفرح .. شعـور حـلو وجـميـل احساس جـديـد عـلـيها احسـاس اخذها لبعـيد يمكن يـشـابـه شروق الـشـمس بتدفق دفـاها لـلـجمـيع او نـزول المـطر بعد طول انـتظار الشـعـور الي يراودها كفيـل بتدفـق الـدم بإنـسيـاب في عروقـها ضحكت بـصـوت خافـت مـن بـيـن دموعها :بـالاول قـسم الـحوامـل تونا علـى قسـم الـمـوالـيـد وقـف وهو يضـحـك ويـحـك رأسـه :وش يـدريـني مـن فرحـتي معـاد صـار عـقلـي يوزن شـي مـسحـت دموعـها وابتسمت :تتوقـع اسامه بيـفرح هز رأسه بـحماس :اكيد مو الاخ بيـصير خال ضحـكت بخفه وصارت تمـشي قـبله : والله حاسه إن الـغيـره بتشـتغل عنده لحـقـها رعد وهو يـضحـك وصار يمشي جـنبها مـسـك يـدها ودخلـوا قـسم الـحوامـل وهو يـختار لـها مقاسـات كبيـره وهي ترجـعها وظلـوا على هالـحـاله حتى اختارت كم بـجـامـه وترينـق وكم فـستان حمـل هادي وبعض ارواب الـبيت البـارده طلعـوا مـن الـمـحل وهو شايـل الأكياس الـكبيـره وهي الصغيـره تنـهد بتعـب :هالحـيـن كل إلـي اخترتها مـااعـجـبـوك جوري بزعل : تبي تلـبـسـنـي كيـس الـله يهديك كل إلي اخترتها وش كبـرها وبـضـيـع فـيها .. ضـحك بخفـه علـى نـبـرتها وهو ياشـر علـى بـطنها :هههه طيـب كله عـشان لـو كبر بطنك مدت فـمها بزعـل :رعـد لاتحـسـسني انـي بـصير كوره ترى توني بأول الـحمل ابتسـم وهو يـرفع الأكيـاس:حـتى لـو صرتي كوره بتظليـن بعيـوني احـلـى قمـر شـافته عـيـنـي ابتسمـت ونـبـضـات قـلـبـها تزيـد شلـون غير مـن حـالها شلـون زاد ثقـتها بنفسـها وقوى عزيـمتها بتصيـر ام لطفـل منـه واي شعـور يحتويـها رفـعت نظرها بسعـاده... الـكون كله من حولـها متوقف مـعادا صوته الـهادي الي يتكلـم بحمـاس ركزت بـنظراتها علـى المـول الكبـير ودها تدور فيه وتاخذ لـطفلـها مـن الـحـين حـتى هي حـماسها بيـجننها تلاشـت ابـتسامـتها وهي تلـمحـه من بـعـيـد استقـرت عيونـها عليه تعرفـه وتعرف هالشخص زين عقدت حـواجـبـها وتوسـعـت عـيونها مـن شافته تراجع واختفـي بـسرعـه طاحت الأكيـاس من يـدها حسـت بإختلال توازنـها ... رمى الأكياس مـن يـده وسـنـدها بـسـرعه عـلـيـه همـس بخوف :مـاهقـيـت ان الحمل بيـتعـبك حبيبـتي حـركت رأسـها بخوف تكلـمت بإرتبـاك :رعد خذني لـلبيت مـاابي شي بـسـرعـه رعد بخوف :طيـب تحسـين بدوخه يـوجـعك بـطنك .. حـركت رأسها بـالنفي وهي تعتدل بـوقـفـتها حـركت يـدها بمـعـنى أنها بـخير :دوخه بسـيطه وراحت تنهد براحه رجـع اخذ الأكيـاس إلي رمـاها والاكيـاس الي طاحت منها وصـار يمـشي وعـيونه عليها بـقلق.. بلـلـت شفـاتها الي جـفت متاكده انها شافته متاكده انـه هو تعـرفـه لـو مـن بيـن مليون شخص لـيـش رجـع ليـش يراقبها يـعـنـي يـوم حـياتها نورت جـاء يظلـمـها يوم لـقـت مـن يـحتويـها بحـاجـتها جاء يرعبها..بـعد مـاذلها ورماها وانـكرها ظهر ...ورب البيت مـاتعترف فـيه وبتزيف لـه اقـنعه وتلبـسها عـشـانه وتذوقه مرارة سواته فـيها حتى لو انه احب الناس لقـلبها بـتكتسـب الجفـا مـنه وترسم الـدفـا لقـلبـها مع رعـد ... """"""""""""" مـرت لـحـظات ونـسـت ديـمـا نفسـها حـتى انها صارت تتكلم بعـفـويـه أكثر وعيـون راكان تتفحـصها بـحـب همـس ومازالت نـظراته عليها :ديمـا رفـعت رأسها له وتوها تنتبـه انـه جالس معـهم صـار وجـهها احمر تكلمت بـصـوت خافـت:لـبيه توسعت ابتسـامته :الـوقـت تأخر مواعـد الرجال الحـين عـشـان نشـوف نـمـاذج لغرف النـوم .. رفعت شـيـلـتها عـلى رأسـها ووقـفت :خالـتي تاخرنا خلـيها مـره ثانـيـه واوعـدك اسهر معـك ونـسولـف لـحـتى تمـليـن من سـواليفـي ام راكان بسعاده: مسـتحيـل امـل منـك الله يسـعدك يا يـمه مـع ولـدي وتكون حيـاتكم كلـها نـور .. ردوا بصـوت واحد وهم يناظرون بعض :آمين تقدم راكان منـها سحب يـدها ضـمها بين يده :يمـه نستأذنك بـنمـر نشوف غرف النوم تعـرفيـن مـابقـى عـلى زواجـنا الا كم اسبوع.. وبـعـدها بـرجـع ديـما بـيتهم وارجـع اسـهر مـعـك والا مـاتبـيني ضـحـكت بـراحـه شـوفتها لـولدها مـع ديما اسـعـدت قـلـبـها وشـرحته : ههههه ابيك ولـيش مـاابـيك يـلا يـمـه روحـوا قبل تتاخرون شـد على يد ديـمـا وطلعوا هو ويـاها وعيـون ام راكان تراقـبهم بـحـب نزلت نـظرها لبدر إلـي نايـم بـبراءه على الكنـبه تقـدمت مـن الـطاولـه مـررت يدها على الـورد سـحبت ورده ورفـعـتها لـخشـمها استنشـقتها ودمعـتها خطت بألـم عـلـى مـلامـحها الـشاحبه :مـا تقدر تأخذه لـعالمك مـا تقدر يـالذيب ولدي طريـقه نور وبيظل نـور طول عـمره .. """"""""""""" يـمـكن نواجه أوجاع مـايناسبـها البوح ويـمكن تضيـق فـيـنا وتقـودنـا بـدون لا نـحس للكتمـان..مـاتمـوت هالاوجاع ابـد حتى لو تكلـمـنـا عـنـها ولاتسكت اذا خبـيناها بالعكس تظل داخلـنا دامـعه وترهق ارواحنـا بدون امـل لإطلاقها وهذا حال مشـعل مـع اوجـاعـه المجهوله ثبـت رأسه علـى الدركسون الـصداع يـداهم رأسه من كل مـكان حتى عيونه مـاهو قـادر يفـتحها سـمع طق علـى زجـاج السياره رفـع رأسـه بـثقـل فتح الـشبـاك وناظره بـمـلامح خالـيـه :اخيرا جـيت :وهذاني جـيت يالـحبـيـب لكن عـلامـك مثل الـضـايـعx فـتح مـشعل الباب ونـزل قـفل البـاب وراه هز كتوفه وعـيونـه مثبته علـيـه :ماادري لـيش احـس بـضـياع وهم يـضـغط عـلى صدري عقـد حـواجـبـه وعـيـونه عـلى مشـعل : وجهك شـاحب لا انا كذا بـديت اشك في وضـعـك ياولـد ابتسـم مـشعل بشحـوب :تعـبـان ياماهر حـط مـاهر ذراعـه عـلى كتف مشعل وسحبه وهو يمشي : ادخل الـبـيت ومـا راح افكك حـتى اعرف وش إلـي متعـبـك دخلوا مع بـعض البـيـت اخذ ماهرx مشعل للمجلـس جـلسوا بهدوء ومـشعل مـازال مـلـتزم الصمت غيـر عـن العاده مـرت لـحظات صمت رفـع مـشعل يـدينه وخللها بخصل شـعـره تكلم بتعـب :ماهر جيـب لـي شـاي احـس راسـي بينـفـجـر وقف مـاهر والـقـلـق يـحتويـه حال مـشعل ماهو عـاجـبه ابـد من سـمع نـبرة صوته بـالجـوال وهو حاس ان فيه شي مـاهو مـشـعل إلـي يـعـرفه همس بـهدوء:دقـايـق ويكون عندك طلع بـخطوات سريـعـه دخل مع الـبـاب الثاني إلـي يـطل عـلى الـصاله انتبـه لـريـمـا جـالسـه وتسـولـف كالـعاده مـع يـعـقـوب:ريمـو ابـي شاي عـلى الـسـريـع ابتسمت مـن شافته أشـرت عـلى ثلاجـة الـشـاي إلي علـى الـطاوله :تونـي مـسـويتها بس غريبه تطلـب شـاي ابـتسم بهدوء:مـو انـا هذا مشـعل يبـيـه.. نـبـض قـلـبـها من ذكر مـشعل و انـرسمت شبـه ابتسـامه علـى شفـاتها مـن تذكرت مـلامـح وجـهه الغبـيه ... عقـد حـواجـبـه وتقـدم مـنها اخذ ثلاجة الشاي وحرك يده قـريـب مـن وجـهها :هيه لا يكون سرحـتي في يعقـوب انـتبهت له وضـحكت بخفـه :ههههه لا واللـه بـس عندي شوي أفـكار مـرهقتني .. بادلـها الضحـكه وغمـز لها :لا يكون الي بـبالـي .. انـرسمـت عـلـى وجهها ملامـح حزينه :وش الـي بـبـالك همس وهو يـتفـحص مـلامحها :تبيـن الصـدق مافيـه شي ببالي ابـد ابـتسـمت وهي تاشر لـه :لاتنـسـى خذ مـعك كاسات الشاي خويـك ينـتظرك ضرب رأسه بـخفـه توه يـتذكر مشـعـل انحـنـى ورفـع الـصـينيـه وطلـع بـسـرعـه ... تنـهدت بتعـب ولفـت لـيعقوب فتحـت الـقفص وطلعته وقـفته عـلى يدها وصـار يطلع أصوات مـختلـفـه وكأنه فـرحـان بتحريره همـسـت ببـحـه :يعـقوبـي قـول لي وش السوات محـتاره كثيـر غمـضـت عيونـها وصوت الطير يتردد عـلـى رأسـها وكلام الجـده غزيـل من سـاعـه يـرن بأذانـها ... ، ، يتبع في الصفحه إلي تليه ص ١٢٢ التعديل الأخير تم بواسطة عييون الريم ; 20-12-18 الساعة 03:40 PM | ||||||||||||
|
| |
 |
| أدوات الموضوع | |
| انواع عرض الموضوع | |
|
|
29Likes
العرض العادي
