|
مشاهدة نتائج الإستطلاع: اي ثنائي اعجبكم حتى الآن | |||
تمارا وسهيل | 181 | 72.98% | |
جيك وفيبي | 16 | 6.45% | |
مروان وميرا | 10 | 4.03% | |
عمار وغريس | 9 | 3.63% | |
عمار وتمارا | 60 | 24.19% | |
روز وسايمن | 11 | 4.44% | |
غريس ودايفد | 4 | 1.61% | |
إستطلاع متعدد الإختيارات. المصوتون: 248. أنت لم تصوت في هذا الإستطلاع |
| LinkBack | أدوات الموضوع | انواع عرض الموضوع |
27-09-17, 07:24 PM | #1022 | |||||
كاتبة في قسم قصص من وحي الأعضاء
| اقتباس:
وانا والله اشك في الموضوع ده قعدت احسبها واحسب الاحداث لقيتها هربت مني خالص وربنا يستر بقى.. بالعكس دور الجده بحياه مروان كان مهم جدًا جدًا.. فعلا ميرا معرفتش تحتويه كويس لانها متعرفش تتعامل مع المواقف ديه.. أما سامورة يموت في البؤساء علشان يقف جمبهم ابنك بالتبني عمل موقف حلو اهو علشان متقوليش مضطهداه.. ههههههههههههه ايوة بس سهيل هو اللي عمل فيه كده عارف اخوه بقى مليش دعوة دول اخوات في بعضيهم.. ههههههه الراجل واثق من نفسه ومن المجنونة اللي معاه.. غير ان محروسك انتي اشتعال ذاتي يا امي مش محتاج بنزين ولا غاز حتى عنده قرون استشعار عن بعد.. جيك وفيبي الثنائي المأنتخ مع نفسه حد زيهم اقعدي قري عليهم لغاية ما يتنحسوا.. سهيل كان فايق ماهو كان بيكلمه من شوية وبيتخانق معاه.. عمار القلب حبيب هارتي ياناس ربنا معاه.. مسكت ايده بطريقة عفوية بلاش الظن السيء ده.. ميرسي ياطمطم على تركيزك مع السرد بتطلعي بحاجات لوز.. خمسة امواااااه.. بس كده ناقص ريفيو يااونطاجية.. | |||||
27-09-17, 07:28 PM | #1023 | |||||
كاتبة في قسم قصص من وحي الأعضاء
| اقتباس:
طيب نقول حاجة موضوع روز وسايمن شائك شوية وبحاول اتكلم عنه بالراحة غير ان قصتهم لسه بدري عليها شوية.. بس طبعا الفصول القادمة هتلاقي مشاهد ليهم مميزة.. مفيش ظلم ان شاء الله.. بس سعيدة على ملاحظتك للأبطال دول خصوصًا.. سلمتِ حبيبتي.. | |||||
27-09-17, 07:30 PM | #1024 | ||||
كاتبة في قسم قصص من وحي الأعضاء
| مساء الورد عليكم😍😍 ومعايا اقتباس صغنن من فصل الغد😁😁 وربنا يستر😇😇 اقتباس من الفصل الثاني والعشرين من دموع رسمها القدر☺☺ كانت أنفاسها تتسارع، صدرها يعلو ويهبط بشكل ملحوظ، كل ماحدث يكاد يجعلها تريد الركض والإنزواء بعيدًا والبكاء، الجميع يلومها وهي تتحمل بصبر صامتة، تبتلع كلماتها تخنقها غصة مسننة استحكمت بحلقها تكاد تزهق روحها، لكن ليست تمارا من ستنهار وخاصةً الآن.. ابتلعت ريقها بصعوبة، واكتسى وجهها الجمود، تتحرك بخطوات ثابتة ظاهريًا وداخلها يختض؛ حتى دقات قلبها المتسارعة يكاد يسمعها من يمر بجوارها، عيناها جادتان رغم إرهاقهما البين والهالات الزرقاء التي تحيط بهما.. بطرقات حازمة طرقت باب الطبيب، وانتظرت حتى سمعت السماح لها بالدخول.. والطبيب يطالعها بإشفاق، لتقول بصوت صارم حازم:" لقد قررت.. سيجري عمار العملية بأسرع وقت.." عقد الطبيب حاجبيه بتعجب، قائلاً بإبتسامة رقيقة:" تمارا.. لقد رفض عمار إجراء العملية وأيضًا........" قاطعته تزم شفتيها بقوة أكبر، تكاد تلهث بإنفعال، كلماتها تخرج حادة دون شعور: " أظن أن عمار ليس بحالة جيدة يستطيع أن يقرر ماهو بصالحه، أنا زوجته ومن يقرر في هذه الحالة.." #تمارا_عمار #دموع_رسمها_القدر | ||||
27-09-17, 08:04 PM | #1025 | ||||
كاتبة في قسم قصص من وحي الأعضاء
| بحب جدا المناقشات اللي من هذا النوع.. انتوا ايه رأيكم Nesma Mohamed اما نشوف اخرتها مع ست تمارا اللى عايشه فى فيلم نهر الحب مع عمار :-( :-( ..اساسا انا مرارتى مفقوعه منها اساسا من ساعه الجواز منه ودلوقتى ماشاء الله تضحيه وحب منها ليه ...امال ايه وضع سهيل فى الروايه بالظبط ؟ بينظم المرور ؟ بجد حساه بقى ضيف شرف ومركون على الرف وماشاء الله عمار بقى البطل الاول ..ديدى ارحمى سهيل كفايه كده ديدى انتى كل مره بتقوليلى كده وبردو مش مقتنعه ..سامحينى لو سمحتى ...انا اتشديت للقصه اساسا من حب تمار وسهيل لبعض بكل ظروفهم القاسيه والغير طبيعيه ...دلوقتى الروايه حساها بقيت روايه جديده خالص بالنسبه ليا وحساه ان سهيل وقته انتهى فى الروايه وبقى مجرد ضيف شرف ...واكيد فى الاخر تمارا حتكتشف انه كان حب طفوله ...فالحوار ده بصراحه قاهرنى Amani Ibrahim بزمتك مش بقى كده :'( :'( :'( انا بحبه وعارفه انه غلط وعيوبه كتيير جدا ...وكان نفسى يتعاقب ..بس باللى بيحصل فيه ده ..ده اتقتل ومتقبلش حتى توتبته Amani Ibrahim لا عادي ان حاسه ان الروايه فيها كتير من الواقع الحب الذي لا يقل ولا يتاثر من شئ غير موجود فعلا الانسان بيحب المعامله الجيده Nesma Mohamed لو جينا للواقع عمار كان حيكمل مع مراته وابنه وحتى لو مرضه ادى لموته كان حيموت فى حضنهم ...على فكره انا شوفت نماذج حقيقه قدامى من عيلتى اصابهم السرطان بنفس حاله عمار وعملوا عمليات وللاسف ماتوا ومفيش اى واحد فيهم فكر لثانيه انه يهد الحب والعشره لمجرد انهم عارفين انهم حاله ميئوس منهم لانهم راضيين بقضاء اللهAmani Ibrahim...اما عمار كان انانى جدا دمر عيلته وبيته وكمان كان طرف فى دمار حب سهيل وتماراوللاسف جدا بمعاونه تمارا ذات نفسها..وعشان كده تمارا بالنسبه ليا بقيت شخصيه شائكه وتصرفاتها محسوبه عليها بالنسبه ليا لانها دمرت حبها لسهيل وكمان فرقت عيله عمار ...يعنى الصراحه عمار وتمار الاتنين اسوء من بعض فى الانانيه على حساب الناس التانيه | ||||
27-09-17, 08:06 PM | #1026 | ||||
كاتبة في قسم قصص من وحي الأعضاء
| Nesma Mohamed ديدى تصرفات عمار مع غريس واصراره على الطلاق هو اللى ادى لحدوث العلاقه بينها وبين صاحابها دلوقتى خلينا امنيين مع بعض وبعدين اى ست لما جوزها بدون ابداء اى اسباب يقولها لغايه هنا استوب حياتنا انتهت وخلاص نفركش رد فعلها حيبقى عنيف جدا ومش متوقع وطبعا فى حاله غريس اللى اجنبيه ومش مسلمه فاقل من عادى انها تدخل فى علاقه مع راجل جديد وبصراحه عمار مينفعش وقتها نقول عليه اصل مينفعش دى خانته وهو اساسا اللى غلطان من الاول ...اما تمارا على فكره بقى هى مفتريه عن سهيل وكانت حتبقى ند ليه وبالعكس هى اللى كان غرورها وكبريائها هو اللى حيسيطر عليها وقتها يعنى من الاخر كان سهيل حيبقى الطرف الاضعف وقتها بينهم ...بصراحه لحد دلوقتى انا مش شايفه اى مبرر منطقى لعمار وتمارا فى قرار جوازهم نهائى ..عارفه لو تمارا كانت اتجوزت راجل تانى كنت التمستلها العذر ..لكن مع عمار بالذات وبالظروف دى وبوضع مرضه واحتمال موته وكلنا عارفين ان تمارا شخصيه اساسا مش مضحيه بالعكس هى نفس شخصيه سهيل بس فى صوره ست ...تخلينا اقف وملقيش اى عذر ليها فى جوازها منه ..لان من الممكن جدا عمار يموت وتبقى ارمله وعادى جدا سهيل حيبقى قدامها ونرجع لنفس الدايره من تانى Amani Ibrahim انا شايفه ان زواج تمارا من عمار احسن عقاب لسهيل حتي لو رجعوا لبعض حيفضل عايش مع احساس انه تاني راجل في حياتها | ||||
29-09-17, 02:17 AM | #1029 | ||||
كاتبة في قسم قصص من وحي الأعضاء
| عذرًا على التأخيرلكنه لظروف قهرية.. ضيوف غير متوقعين.. وتحذير أصحاب القلوب المرهفة تمتنع😇😇 أما من يريد الكآبة والنواح فليتفضل مشكورا والعاقبة عندكم في المسرات😭😭😭 بصراحة الفصل مرهق نفسيًا بالنسبة لي كثيرًا.. | ||||
أدوات الموضوع | |
انواع عرض الموضوع | |
|
|