05-01-18, 02:08 AM
| #232 | ||||||||
| مراقبة عامة ومشرفة منتدى الروايات المنقولة  
|  السلام عليكم ورحمة الله وبركاته مساء العسل للناس العسل وهذي ي حلوين متقطفات البارت{ 16 } بس قبلها تقولكم شدون عازمتكم على عرسها شوفتوا كيف بنتي ذوق على الهجوم الي تحصله منكم وبعد تبيكم تحضرون بس ماوصيكم كل وحده تجيب لها هديه حلوه معتبره ولا تنسوون ام العروس ومانرضى أنا وبنتي بالرخيص نبي شيء غالي ••••• نروح للمقتطفات • • فتحت عينها بصدمه وأشرت على نفسها :قصدش مني ابتسمت بخبث :ايه • • • همست له: والله لو تمثل لبكره ترى واضح وهي ماهي غبيه • • • : هذا اتفاقنا ويالله روحي شوفي اي شيء أكله • • • وقفت بمكاني وصرخت وانا احط يدي علي فمي وامنع صوتي يطلع • • • وهي ماسكه على بطنها: شكل ولدي بيطيح بسبته • • يالله حبوبات توقعات حلوه مااوصيكم وترى من الحين لا أحد يقول صعبه سهلتها والله هالمره عشان ودي حد يجيبها واكتب اسمه بداية البارت ..ولو عاوزين مساعده العرض باقي شغال وانتم عارفين وش أقصد هههههه موعدنا غداً بإذن الله انتظروني وهالمره البارت طويل حيل وان شاءالله يكون مشوق ويعجب الكل استودعتكم الله الذي لا تضع ودائعه | ||||||||
|  |
|
05-01-18, 08:56 PM
| #233 | |||||
 
| اقتباس:
حسيت فيه توقعات صعبة بس حبيت أحاول حتى لو إني شطحت بعيد هههه | |||||
|
| |
|
06-01-18, 12:53 AM
| #235 | ||||||||
| مراقبة عامة ومشرفة منتدى الروايات المنقولة
| اللهم اني استغفرك وأتوب اليك سبحانك اللهم اني كنت من الظالمين الله صل وسلم على نبينا محمد "صلو عليه" • • (16) • • • (على فكره الدعوه عامه لزواج بنتي شوفوا كيف الكرم وبعد بوجود اطفال وجوالات كاميرا شفتوا كيف حتى زواجها مميز فديتها ) ناولته وأنا احس الدنيا..سوده بوجهي ..طالعت محمد بحقد ..هالولد متى يفهم ..رجعت بسرعه شفت مرة ابوي بوجهي تتطالعني وعلى وجهها ابتسامه كلها خبث قالت : شمسه ابوتس يدري بذا الموعد ولا من وراه حسيت بقهر ..من كلامها طنشتها ورحت لخالتي المطبخ ..وأنا باقي ..تحت تأثير.. الصدمه وبعد فيني خوف من خبث..أم محمد أكيد ماراح تفوت هالفرصه.. وتقول لابوي الله يستر طالعت خالتي الي همست لي : عسى ماشر وجهتش مايبشر بالخير عضيت شفتي وأنا متوتره وبسرعه سحبت صحن ووقلت وأنا اصرف نفسي : بغرف لامي مابقي شيء على موعد دواها وبنام من الفجر صاحيه ام سميره بشك : فيتس بلى ي شمسه وسكتت وهي تشوف ضرتها أم محمد واقفه عند الباب همست عرفت الحين عوقتس الله يعطينا خير ذا الليله شمسه بسرعه غرفت لامها ويدها ترجف أخر شيء توقعته انها تشوفه ..الليله ...فيها قهر منه ومن تشكيكه بأخلاقها ....أخذت الصحن ...وهي تحسه بيطيح من يدها مرت من عند حرمة ابوها وقفلت عيونها وهي ودها تصفقها بالي بيدها من كلامها السم :هالمرة غيروامكان الللقاء ماهو بمقلط شوية رمانسيه ي بنت طالعت خالتها أم سميره ...الي اشرت لها بيدها تروح تدري فيها ...خايفه عليها تعلق ..معاها بسرعة راحت لغرفة امها ...ودخلت وقفلت الباب حطت الصحن على الطاوله وهي تطالع ..امها الجلطه الاخيره هدت حيلها ...قربت منها وهمست لها والغصه بصوتها: يمه ي عيوني الحين موعد عشاتس عشان تاخذين الدواء شافتها فتحت عينها ابتسمت لها بحب ... وهي تقرب ..الصحن منها ..وتأخذ الملعقه سمت بالله وبدأت تأكلها ...بعد مأكلتها جلست تطالعها بحزن ..تمددت جنبها وهمست لها: يمه احبتس بالحيل دمعه نزلت منها مسحتها بسرعه قبل تشوفها أمها... @ @ @ @ اصايل مسكت على رأسي وأنا احس بالم قوي بالحيل مديت يدي ..لدرج ادور حبوب ..صداع ماحصلت ..بس لفتني شيء ..مثل الظرف بفضول مديت يدي وفتحته ..شفت فيه ورقه وكانت ثقيله طاح منها ..سيدي بسرعه ..أخذته وبرجعه..بس لفتني الكلام المكتوب على الورقه... وش رأيك افضحها ...بس كم تعطيني قبلها...بينا الوو ي حلوو هذا رقمي انتظرك ..رجعت الظرف مثل ماكان ..وأنا أفكر ي ترى مين يفضح ..وبعد مين الي مرسله هالسيدي ..آه يا مصعب كل مره اكتشف شيء أكبر ...الله يستر قفلت الدرج وقفت ...بروح اشوف اي مصيبه تخفف عني هالصداع ..لفيت الجلال علي ونزلت وأنا ادور بعيوني شيخ الغفر الي بالصاله ماحصلتها غريبه اليوم ماهي مسنتره مثل العاده رحت للمطبخ.. حصلت الخدامه تنظف قلت بتعب : فيه حبوب عندي صداع ذبحني اشرت لي على الثلاجه فتحتها وأخذت وحده ابتسمت لها يوم شفتها ماده لي بكوب المويه ..أخذته منها ...وشربت وشكرتها وطلعت أول ماجت عيني على التلفون قربت بتردد وأنا خايفه ...تلفت يمين ويسار ... مافي أحد هذي فرصتي مدام مصعب ماله أثر أبد ماراح تتعوض ذي الفرصه ..بذات من يوم مافصل الحراره عن تلفون الغرفه ..قطع عني أخر أمل ..بسرعه قربت منه ورفعت السماعه ..دقيت رقم بيتنا وأنا عيني على الباب ومتوتره حدي خايفه من مصعب يدخل اي وقت ..أخذت التلفون بيدي وحركته من مكانه وخليت عيني من الدريشه الزجاج ..ايه كذا حلوو اشوف أول مايدخل من البوابه ..مافيني على مشاكله بس حسيت روحي ردت يوم سمعت صوت أمي : الوووو قلت بعصه: يمه بفرحه : يجعلني فدوه يمه اخيراً ي اصايل دقيتي علي حرام عليتس لا حس ولا خبرحت جوالتس مقفلته شمسه تقول ليه يمه تسذا قلبي مخلوع عليتس أفكر بتس واقول بنتي ماتغيب إلا بها عوق بس وين ابوتس يفهم ماغير منشغل بأم الولد كنت اسمع عتبها علي ..وأنا دموعي تنزل وش اقولها مافيني اتكلم قفلت عيوني وأنا اسمعها تقول: الو الو يمه اصايل تسمعيني حاولت امسك نفسي وقلت : ايه يمه اسمعتس زين اخبارتس وأخبار خواتي وش مسوين طمنيني عنكم كلكم ام سميره :كلنا بخير أنت اهم شيء مبسوطه مع رجلس وبالمكان الي أنت به وكيف العيد معتس وعيدتي عند هله ولا سافرتي مع رجلتس مثل ماابوتس يقول اصايل عضت شفتها وهي تمنع شهقتها وش تقول لها بس حاولت ماتظهر لها وتقلقها بس في شيء محيرها ليه ابوها يقول انها مسافره معقول مصعب يدق عليه ويكذب يجلس انهم مسافرين يوم سمعت أمي تناديني قلت بسرعه : ايه يمه مبسوطه وعينها على الباب يمه وينها شمسه بكلمها ام سميره : راحت لأمها توو بحزن بان بصوتها خالتس حالتها ماتسر وبعد بقولتس تراه ملكت على عواد اصايل صرخت بصدمه: ايشش ملكت على عود متي وليه بذي السرعه وماعندي علم بعد ام سميره بعتب: أنت خليتي لتس طريق عشان حد يخبرتس اصايل برد بس جسمي كله رجف يوم جت عيني على الدريشه الزجاج وشفت مصعب ..جاي قلت بسرعه : يمه بعدين اكلمتس بحفظ الله قفلت وبسرعه رديت التلفون مكانه و جلست على الكنبه ولا كأني مسويه شيء ...أول مادخل ...طالعني وشكله انصدم بوجودي بالصاله .... | ||||||||
|
| |
|
06-01-18, 12:55 AM
| #236 | ||||||||
| مراقبة عامة ومشرفة منتدى الروايات المنقولة
| بلعت ريقي ..ونزلت نظري.. ليدي وأنا العب بطرف الجلال ..حاسه اني مفضوحه ..يالله استرها معي ..نظراته ماتبشر بالخير رفعت رأسي يوم قال بحده: يعني ماتوبي أنتِ خلاص حسيت الدنيا سودة بوجهي أكيد عرف إني كلمت أهلي قلت بتبرير:وش اسوي بس سكت يوم قاطعني وقال بعصبيه :يعني متى تفهمي ان اي وقت ولد أمه يجي وي سلام يشوفك قدامه بالصاله جالسه يالله انبسطي وقتها حسيت ..برأحه يوم راح تفكيره.. بشيء غير الي كنت متوقعته بس ..في نفس الوقت حسيت ..بقهر من كمية الشك ..والوسخ الي بقلبه ..يالله صبرني بس قلت ببرود ظاهري وأنا ارفع الجلال :وذا وش فيدته لو جا أكيد بتغطى به طمن نفسك ونظف قلبك شوي مصعب اشر لها بيده : قومي بس قدامي والصاله ماتنزلي إلا بعلمي حدك الغرفه بس واي شي تبيه الخدامه ماتقصر ام شغل التنطط ذا مابيه فاهمه اصايل وقفت بروح وافك نفسي منه ..على إني عندي اغلقه من الغرفه ..طول وقتي فيها .. بس انصدمت يوم شفته جلس جنبي بسرعه ومسكني لا اقوم ...جيت بتكلم بس سكت وانا اشوف الجوهره ..تطالعنا واقفه ..قدام المدخل ابتسمت بسخريه المجنون ذا وش ناوي عليه فتحت فمي بصدمه يوم قال: قلتي لي طفشانه افاا تطفشي وأنا موجود ذي تجي اصوله واحلى تمشيه لعيونك مصعب ابتسم ومد يده وسكر فمها وبهمس:عمى لا تفضحينا كملي معي عشان المريضه هذي تصدق اصايل طالعته وطالعت الي واقفه تطالعنا بعدم تصديق همست له: والله لو تمثل لبكره ترى واضح وهي ماهي غبيه تراها اخبث منك بعد مصعب عض شفته بقهر وقال وهو صاك على سنونه: قلتي لي وين ودك تروحي فيه يالله اصوله سفره مره وحده ولا يهمك نسافر وطالع الجوهره وهو يمثل انه مصدوم بوجودها:من متى هنا الجوهرة بسخريه :كمل بس اصايل والله ماقدرت امسك نفسي ضحكت غصب عني بس حسيت بشده على يدي حاولت اكتم الضحكه غصب مصعب حس بقهر كور يده وهو وده يقوم يفقع عيونها ويربي الغبيه هذي بجنبه على هالضحك وقف وقال :يالله اصوله الحقيني الغرفه قلت لك المكان ماهو مناسب ومر من عندها وقال بهمس :عندي لك حاجة حلوه بس ماهو وقتها الجوهرة عقدت حواجبها وقالت: حاجه عندك أنت مصعب بخبث ابتسم :اي والله حاجه كذا تطيرك من ارضك بعد الجوهرة حست بخوف من ثقتة بالي عنده وش مخبي لها المجنون ذا بس سوت نفسها مايهمها: سوي الي تقدر عليه مافي حد بيأخذ بعلومك وأشرت على عقله ...وطالعت اصايل بسخريه وكمل تمثيلك المسخره ..وضحكت بصوت عالي مستفززززز اصايل كنت اطالع مصعب ...الي مافهمت وش قال لها بس شفت وجهه الي ابد مايبشر بخير يوم ضحكت بهالطريقه صدق صدق مستفزة الله يعيني على أهل ذا البيت كلهم ياربي مافيهم الصاحي حتى شايبهم ماهو احسن منهم ...أول ماشر لي مصعب الحقه طلعت وراه وأنا خايفه منه مابي ..اتصادم معاه ..مرتاحه من امس ماشفته وش الي رجعه ...أول مادخلت الغرفة ..مشيت لكنبتي وجلست ...رفعت رأسي وطالعته شفته فتح الدرج الي فتحته قبل شوي ..وقلب الظرف شوي .. ورجعه وهو يهمس بحكي مدري وش هوو بس الي واضح انه يهددد ..عندي فضول اعرف ايش في السيدي ذا ...لفيت وجهي بسرعه يوم لف يطالعني شفته يأشر لي اجي له ...لا مابي والله خليني بعيده احسن بس وقفت غصب.. عني لازم اعطيه جوه ولا بروح فيها ...جلست وين ما أشر على السرير .. قلت بهمس : تحس الجوو بارد اليوم صح مصعب بصحكه: لا والله بس من الخوف الي راكبك اصايل حسيت بقهر يتمسخر عليه ومبسوط بالخوف الي مسببه لي بس انصدمت يوم مد بالجوال وقال : كلمي أهلك وعيدي عليهم اصايل طالعت الجوال ورجعت طالعته بسخريه : اعيد عليهم العيد انتهى خلاص وبعدين مابي شيء منك مصعب ببرود : خذي كلميهم هالفرصه ماتعوض اصايل هزيت رأسي :تنأيب ضمير ولا وشهوو مصعب ميل فمه وقال : اممم اعتبريها تنأيب ضمير وش بيضرك فيه بالعكس مستفيده اصايل بقهر وأنا اذكر كيف نظرات الجوهرة لي إلا كلها شماته ..من الي يسويه فيني والحين عادي كذا يقال ارضى وقفت وقلت :أهلي بخير ماعليهم خلاف الخوف علي أنا عايشه في بيت مافي حد يحترم الثاني ماغير يدور فرصه عشان ينتقم منه وأنا اطالع للدرج ..بس سكت يوم وقف ومسكني بقوه وقربني منه وقال بتهديد:بمشيها لك الحين وبكبر عقلي الليله شفقتن بحالك بس لو ينعاد الكلام هذا مدري وش يكون تصرفي وقتها احذري اصايل ويالله اجهزي بنطلع نتمشى اصايل طالعت بقهر والدموع بعيوني: بتمشيني عشان تثبت للجوهره ان الي سويته قبل شوي ماهو تمثيل صح غير كذا ماهمك مصعب بتحدي طالعها: ايه عندك مانع اصايل بعناد وقفت بوجهه : مابي اروح واشوف كيف تغصبني مصعب قال وهو صاك على سنونه :بنزل وبنتظرك بالسياره والله ثم والله لو تعدي ربع ساعه وماشفتك نزلتي ورأي بنقول عنادها ضيعها الله يرحمها اصايل بصرخه وهي تضربه على صدره بقهر:الله لا يرحمك ان شاءالله مصعب رفع يده وطالع ساعته: من الحين ببدأ احسب لك واعطاها ظهره ونزل شاف الجوهره قدامه والخدامه تغرف لها العشاء على الطاوله رفع صوته وقال : روحي لاصايل قولي لها بسرعه مصعب ينتظرك الجوهره بعناد وهي ترفع الملعقه : ماهي فاضيه مشغوله معي فيه جوال يوفي بالغرض مصعب بحده: وين خدامتك كم مره قلت لك مالك شغل فيها وطالع الخدامه بسرعه روحي لها قالت بخوف منه: طيب بابا وبسرعه ركضت للدرج وقربت من الغرفه شافت الباب مفتوح واصايل جالسه على السرير تصيح قربت منها بتردد خايفه تهاوشها مثل الجوهره بس غصب عنها بعد راح تقولها الي قاله لها خوفها من مصعب أكثر قالت بتوتر: بابا يقول يالله اصايل رفعت رأسها وطالعتها وهي تصيح: يارب يموت قولي يارب هزت رأسها بقوه وهي مستنكره الي تقوله: حرام ماما بابا مصعب زجين بس عصبي أنت ينزل سرعه عشان مايعصب أكتر اصايل بقهر صرخت: قولي له ماراح انزل ويسوي الي يبي جلست عندها وهي تترجاها : لازم ينزل ولا يسوي مشكله كبير انا فيه يروح حرام ماما الله يخليك اصايل شفتها تترجاني يالله البيت كله يخاف منه وقفت وقلت بقهر: عشانتس بس إلا والله مانزل له ابتسمت برضى: ماما أنت طيب غير ماما جوهره بس يخاصم ويصرخ وشغل واجد اصايل وهي ترفع يدها: ماعندي وعندتس غير ندعي عليهم هالاثنين الجوهر ومصعب وربي يجيب دعانا قريب وقتها راح نرتاح : ايش ماما اصايل بطفش: ولا شيء يالله روحي خلاص طالعت بجامتي افف مافيني اغير ...بس تعوذت من ابليس ورحت غيرت لبسي ولبست عباتي وطلعت شفت الجوهرة بوجهي قدام باب غرفتي انصدمت من وجودها .. الجوهرة تتكلم ..بسرعه وهي تطالع الدرج خايفه من مصعب لا يجي : انصحك لا تسمعي كلامه تراه عسر وبيستقوى عليك لاتفكري أنا اكرهه بس ماحب تعامله معي وانتِ شايفه بنفسك وبعد والله ودي نصير اصدقاء ونونس بعض بهالبيت وش رأيك اصايل كنت مستغربه ..من كلامها ياربي مقدرت ارتاح لها ابتسمت مجامله : ان شاءالله ولفيت ظهري لها وقفلت الباب بالمفتاح مثل ماهو محذرني السيد مصعب ..كل ماطلعنا لازم تتقفل الغرفه بالمفتاح ..طالعتها حسيت عينها على الباب وشكله ماحبت يوم قفلته قلت وأناابرر:انفذتعليمات فقط اعطيتها ظهري ونزلت وأنا افكر بكلامها نصير اصدقاء اخخ لو يدري مصعب بينجلط ...طلعت لبرا شفته جالس بسيارته فتحت الباب وركبت وعلى طول كحيت وأنا متذمره من ريحة الدخان: وش ذا القرف ياربي أنا متى ارتاح امش تأخرنا اففف مصعب بقهر طالعها: الحين لاطعتني وجايه ومخليه الحق لك وبعد تتذمري من التأخير اصايل وأنا مقهوره انا قدر يمشي كلمته علي :حرك مصعب عشان نقدر نرجع بدري فيني نوم مصعب بسخريه : تطمني بترجعي بدري وبتنامي تراها كلها لفتين وراء البيت اصايل صغرت عيوني بقهر لفتين وراء البيت : ليه شايفني بزر يصيح وتبي تسكته مصعب ضحك بصوت عالي : ههههههههه ياربي على التشبيه اصايل ياربي حتى ضحكته مستفزه لفيت وجهي وأنا اطالع الحي الفخم ..يالله على فخامة بيوتهم بس قلوبهم أبد ماهي على بعض ..إلا من رحم ربي غير عن ديرتنا ..آه ي زينها لو حد غاب يوم الجيران كلها تتفقده طالعته يوم قال: وش رأيك نقضى لنا يومين بالدمام فتحت عيني بصدمه الدمام ..قلت وأنا اذكره : تراك جاي منه من يومين وبدقه ولا ماتهنيت يوم أخذوا منك حبيبة القلب وجيت على وجهك مصعب بعصبيه صرخ: يعني ماهو ناويه تشوفي للسانك هذا حل اعوذ بالله منك اصايل لزقت بالباب من صرخته وقلت وبسرعه: خلاص اسفه بس مابي اروح الدمام ابي اروح الديره ارتحت يوم سكت ومارد ...الحمدلله هدي قلت بتردد: مصعب خفت يوم طالعني وحسيت بتوتر بس حاولت اقوي نفسي وأكمل : ودي ارجع لبيتك القديم مارتحت في بيت أبوك أبد مصعب طالع الطريق وشد على الطاره بقهر وقال:ماهو الحين خليني الحين اصفي حسابي مع ال*****وبعدها يصير خير اصايل هزيت رأسي بأسف من السبه القويه الي وجهاا لحرمة ابوه ..يالله من شوي وهي تقول تبينا نصير اصدقاء ...والله لو تدري ..ماهو اقولكم عايشين مع بعض وقلوبهم ماهي على بعض ... شفته وقف عند محل جوالات ...قلت بفرحه : بتأخذ لي جوال والله قلتها مستحيل تخليني كذا بدونه مصعب طالعها وهو مبتسم بوقاحه:لا لا بس بغير هالكسره بيدي اصايل طالعته وأنا احس اني تفشلت حرام والله لفيت وجهي بزعل...أول مانزل صحت بقهر لمتى بتحمل تذكرت عرضه لي يوم يعطيني جواله كنت بموت عشان أخذه بس ..مسكت نفسي بالقوه الحمدلله وأنا مكلمه أمي قبلها بشوي إلا كان بضعف وبأخذه وبخليه.. يحس انه متفضل علي.. اففف ..حسيت بطفش ..كل ذا عشان يأخذ جوال وجهت نظري لدرج سيارته ...ياترى وش فيه من مصايب ...بفضول مديت يدي ..عضيت شفتي يوم حصلته مقفل ..يالله مصعب خلاني فضوليه وأنا هالطبع أبد ..ماهو فيني بس ..من خوفي وش مخبى عني ..بحياتي مع مصعب صرت احاول اعرف كل شيء عنه ... لفيت بسرعه يوم فتح الباب .. يالله ماحسيت عليه يوم طلع من المحل .. الحمدلله والدرج مقفل إلا كان التهيت فيها ولاحسيت بجيته وقتها يالله الخلاص منه ومن عفاريته ...ميلت فمي بسخريه يوم رمى الكرتون بالمكان الي بيني وبينه قلت : مبروك مصعب بيرودوهو يقلب الجوال بيده: الله يبارك فيك وبسخريه تبين مثله اصايل عضيت شفتي بغيض:لا لا مشكور خيرك سابق مصعب ابتسم بسخريه وقال :تستاهلي والله وحقك أكثر وحرك السياره اصايل طنشته وأنا مقهوره قهر لما أحد يحرمك من شيء ويجلس يتلذذ فيه افف طفشت من السياره وهو مابقى شارع إلا دخله وبعد كتمني من ريحة الدخان وطول الوقت ساكت وسرحان مدري وش يخطط له احس وراه مصيبه الله يستر قلت وفيني النوم : مصعب خلاص الجوهرة عرفت انك طلعتني وماكنت تمثل عليها وماقصرت يالله رجعني البيت رأسي افتر من السياره وغصب افتح عيوني من هالهدواء مصعب طالعها ببرود: افاا ماهي عاجبتك تمشيتي لك اصايل والله ودي اموت نفسي قلت بقهر :الحين ذي تمشيه بالله طول الوقت تلف بالسياره حتى مطعم مافكرت توديني له مصعب طالعها ورجع طالع الطريق ونفث من الدخان وقال بسخريه:هاا قولي تبي مطعم ي الدوبه اصايل صغرت عيوني بقهر يوم رجع يتمسخر علي صدق ماهو رجال ...وعقله صغير وكل عيوب الدنيا به قلت وأنا متنرفزه حدي:الي ابيه صدق ترجعني البيت الجوهرة وحشتني مصهب طالعها بصدمه : ايشش اصايل ابتسمت بتشفي وقلت بسفتزاز: فيها شيء وحشتني هالوقت اسهر واسولف معاها وأنت اليوم ضيعت علي السهره امس جلسنا لما الصبح مصعب صرخ بعصبيه: تسهري معاها تسهري مع الحثاله من وراي ي الغبيه هذي لازم تبعدي عنها فاهمه اصايل ياربي ليه ليه دايم اوقع نفسي هيا الحين وش يفكني صدقت شمسه يوم قالت والله ماترتاحي لما روحك تطلع بيد اي احد من الاشخاص الي تستفزيهم قلت بسرعه : والله امزح معك بس سكت من صرخته : انكتمي مابي اسمع منك شيء وهي شغلها عندي اصايل يالله وش سويت انا الليله مصيبه بتحصل بسبتي والله ..طالعت الساعة باقي شوي وتجي 2 يارب يوم نرجع البيت مانحصلها صاحيه وتعلق بينهم قلت وانا ناويه ابعدهم عن بعض بعد المصيبه الي سويتها : وش رأيك نسافر للدمام مصعب وهو معصب حده: باحلامك تسافري وبقهر برجعك تكملي سهرتك مع الجوهره اصايل بسرعه: والله اكذب بس قهرتني وقلت برجعها لك مصعب وهو صاك على سنونه : والله لو ماتسكتي مايصير لك طيب اصايل سكت معاد تكلمت والي بيصير يصير. ماهو دايم بينهم مشاكل تجي على هالمره يعني أول ماوصلنا نزلت وانا خايفه شفته يمشي وراي وهو معصب حده أول مادخلت دورت عليهابعيوني يارب اصرفها الليله .. طالعت مصعب يوم قال : أكيد هايته ال***ربي فكها مني الليله بس وين مصيرنا نتلاقى بكره وخير اصايل رددت كلمته بكره ربي يحلها من عنده طلعت بسرعه وراه بعد ماتطمنت مالها أثر بالبيت ..دخلت الغرفه وفرحت يوم شفته دخل على طول الحمام الله يعزكم بسرعه فكيت العبايه ورميت نفسي على الكنبه وقفلت عيوني ادور النوم الي طيره مابيه يطلع ويحصلني صاحيه يكفي الي صار مافيني عاد اتحمل ..... | ||||||||
|
| |
|
06-01-18, 12:56 AM
| #237 | ||||||||
| مراقبة عامة ومشرفة منتدى الروايات المنقولة
| اليوم الثاني في الجنوب • • كنت مبسوطه وأنا امسح الحوش من المطر القوي الي نزل وأنا اسمع صراخ أمي تبيني أدخل هذي هي دايم لا نزل مطر قوي تعصب علي لاطلعت ..طالعت جهة بيت خالي مبارك ...بعد الملكه لعاد نور ولعاد خالتي ام ياسر جت يمنا ..أجل يوم يتم الزواج وش بيصير الله يستر ودي اعرف ليه امه معترضه نور عارفه ..انهم هم رافضين يخلونها تجي ..صرت احس بطفش بدونها أول مادق الباب قربت منه وقلت : مين سمعت صوت خالتي ام سعيد تقول: افتحي ي شدن انا ام سعيد فتحت الباب بسرعه وقلت : هلا تفضلي جتني ضحكه على شكلها وهي ترجف ام سعيد وهي تطالع جهة الصاله: خالتش موجوده شدن بقهر وأنا احرك المساحه بيدي ودي اعطيها على رأسها قلت وأنا ابي انتقم منها والطعها بها البرد عشان تتوب معاد تقرل خالتش : أمي ماهي خالتي وليه تسأليه عنها في شيء صار ام سعيد وهي تبعدها عن طريقها: عزالله جمدن بمكاني لو جلست اسمعش شدن صغرت عيوني بقهر يوم سفهتني ودخلت الصاله..طنشت وجلست امسح من قلب ...بس ناقصني وجود نور وحشني استهبالي معاها بهالجوو سمعت صوتها وصوت حور بالحوش حقهم قربت من الباب الفاصل وأنا عارفه اني اغامر بس وحشتني وبطمن عليها وصراحه طفشانه حدي وبعد لساني تحكني لازم اقولها اني رحت شفت القاعه وكل شيء صار معاي ..فكيت الباب وقلت بصوت عالي شوي: نور حسيتها انصدمت من شوفتي بس قلت بسرعه وأنا خايفه لا يجي ياسر ولا امها تجي: تعالي ي بنت بسرعه نور وهي تطالع جهة باب الصالة خايفه حور ترجع وتهاوشها قالت بسرعه وهي تصرفها:تكفين شدن حور راجعه الحين راحت بس تجيب الشاي شدن بسرعه قالت: بتقهوى معاكم مدام ياسر ماهو موجود وبسولف شوي بس وبرجع البيت نور حست بحزن عليها.. وبعد وشلون تردها عيب عليها بس ..خايفه... من امها ومن ياسربعد ومن المصيبه حور والله لو ترجع وتشوفها بتسوي مصيبه قالت بتردد:تعالي والله يستر وطالعت حور الي طالعه من الصاله وبيدها ابريق الشاي قالت بسرعه قبل تكسر بخاطر شدن: عزمتها على الشاي حور طالعتها بصدمه هذي ماننفك منها يالله ودها ترجع وتخبر أمها بس لا لا اعرف كيف اخليها تتوب تجي هنا قالت بخبث : ماقصرتي ي نور تعالي شدن نور المكان بوجودش شدن فتحت عينها بصدمه وأشرت على نفسها :قصدش مني حور ابتسمت بخبث :ايه شدن رفعت يدها: نور بسرعه قيسي حرراة اختش حور وهي تحط الشاي على الارض وتجلس على الفرشه: اوف ي قدمش ي شدن مين الحين عاد يقول كذا شدن بسرعه تربعت وجلست مقابلتها : انا واشرت لنور : تعالي ي قلبي اجلسي جنبي ي عندي سواليف يحبها قلبش والله نور بحماس وهي تسحب صحن الحب : ايش شدن ابتسمت بخبث: اخخ ي أني لعبت بحسبة أخوش لعب حتى بلاط القاعه ماسلم مني اخخ كل شيء ماعجبني وأنا من داخلي بموت من فخامة القاعه يختي البخيل طلع ذوق نور اشرت لها تبيها تسكت ماهي مطمنه لحور أبد ولا هي مصدقتها ومصدقه عزيمتها .لشدن أكيد وراها شيء قالت وهي تحاول تغير السالفة :خليش من ذي الحاجات بس قولي لي وش صار على الكوفيرا تكفين لا تسمعي كلام عمتي وتخليها تجيبلش الي سوتش يوم الملكه شدن بحيره :والله مدري مين بتحجز لي نور بسرعه : تكفين انا بحجز لش وخليش من عمتي وأم سعيد شدن بضحكه: ابشرش ترى أم سعيد عندنا نور عضت شفتها: هالفتره اطرديها والله لاعبه بعقل عمتي والمصيبه تسمع كلامها شدن بقهر: اخخخ هذي المصيبه يوم اعترض على شيء تقول وش يعرفش تراي زوجت بناتي كلهن ومافي حد غيري كان يختار لهم حور بقهر من نور قطعة عليها الي تبيه ودها تتكلم أكثر عشان تنتقم من ياسر ...يوم تقوله وتتشفى فيه يوم يعصب تكرهه وتكره تسلطه عليهم قالت بخبث:والله ماهو مصدقه ي شدن شدن طالعتها وعقدت حواجبها: ايش حور : وشلون قدرتي تقنعي ياسر يحجز لش قاعه وهو كان معترض لاتزعلي مني بس هذي الحقيقه صراحه طلعتي ماهو هينه أبد وطلع خبث النسوان كله وهي عادها ملكه وشلون لاجيتي في بيته شدن وهي متفاخره بعمرها انها قدرت تمشي كلمتها على اخوهم الي بنظرهم مرعب وطاغيه قالت بفخر: ماعليش ياسر دوابيره عندي وماخفي عليش اخوش مهفه كل ماقلنا شيء انا وعمتي وافق على طول وسكتت وهي تشوف ام ياسر جايه وهي معصبه وتصارخ: والله صادقه مهفه وهو سمع كلامش وكلام نوفه حسبي الله عليكم بهذلتوا الولد نور وقفت بسرعه: يمه فاهمه غلط وطالعت حور بقهر هي السيب خلتها ترتسل في الكلام ام ياسر بقهر : وش الي فهمته غلط وبعصبيه أكثر أنتِ وهي جالسين تتسمعوا عليها وهي تحط على أخوكم والله ماهو برجال لو ماطلقش الليله الحين بدق عليه ويجي يتفاهم معش وراحت للصاله معصبه نور بسرعة راحت تركض وراء أمها تحاول تمنعها ماتدق عليه شدن حسيت نفسي بورطه وش الي قلته طالعت بحور بحقد هي الي سحبتني بالكلام ..بسرعه ركضت لبيتنا وأنا خايفه...من ياسر لا يجي ويسوي مصيبه يارب تصرف شره عني هالمره أمي بتعصب علي صدق وهي محذرتني ماروح لهم ..دخلت للصاله شفت ام سعيد باقي موجوده ..رحت لغرفتي بسرعه جلست على السرير وأنا افرك يدي ...بخوف اوف امه معصبه كانت وأكيد بتقول له الي قلته بالتفصيل ..آه ليتني فكرت قبل استرسل بالكلام فزيت بخوف.. من رنة الجوال ..أخذته من الشاحن ..وانصدمت وأنا اشوف رقم ياسر مسرع وصلت له يالله ..زفرت أكثر من مره ابي اقوي نفسي وارد بس لا لا مستحيل ارد عليه ...صمته ورجعت مكاني والجوال بيدي ..وعيني على الباب لا يدخل علي باي وقت رجع دق مره ثانيه عضيت شفتي افضل شيء ارد قبل يجي هنا اعرف عقله خفيف ويموت في شيء اسمه مشاكل وهاوش يدورها دواره فتحت الخط وأنا مقفله عيوني من الصراخ والسب الي بيجني عارفه اسلوبه الزفت بالكلام بس صدمني يوم قال :اخيراً رديتي شدن بلعت ريقي وأنا مصدومه من هدوئه أبد ماتوقعته عضيت شفتي وقلت: كنت مشغوله ياسر بسخريه : قلتي لي مشغوله اسف لو ادري كان غير وقت دقيت عليش شدن حسيت براحه انها ماقالت له قويت نفسي شوي وقلت : نعم ليه داق علي ولا خلاص زانت لك السالفه وايوه بعدين عند أمي تنكر وتحطها فيني ياسر عض شفته بقهر لكن بيصبر والزواج مابقي منه شيء غير اسبوع وبيعرف كيف يطلع حقه كله ويعلمها كيف المهفه يكون :معليش على الازعاج بس ياليت تخفي رجلش شوي عن بيتنا طيب عشان مابي صداع وكثرة حكي قبل الزواج شدن عضيت شفتي يوم قال كذا يعني امه خبرته قلت بسرعه: من غير ماتوصي عيب اجي بيتكم والعرس مابقي منه شيء ياسر بقهر صرخ: طيب ليه ماتفهمي نفسش أجل شدن قفلت عيونها من صرخته:خلاص بقفل ماكملت كلمتها إلا قد قفل بوجهاا طالعت الجوال بخوف ..يالله هذي كيف يطاوعها قلبها تقول له كل شيء ...طلعت للصاله وأنا ببرد قلبي في أم سعيد وقفت بقهر وأنا اسمعها تقول:اعطيني بس مقاس بنتش وأنا علي الباقي قلت بقهر: من زين ذوقش عاد يكفي الملكه زميلاني كلهم ضحكوا على مكياجي ام سعيد بزعل: تسمعي بنتش ي نوفه نوفه بحده: شدن شدن قربت منها وهي ودها تصيح: يمه خلوني أنا اختار فستاني وطالعت أم سعيد ودي كذا في تصميم معين استأجره وبقهر يكفي مافصلت الفستان ام سعيد وقفت وطالعت نوفه: الحمدلله جت من بنت رجلش شدن بقهر: لا تقولي بنت رجلش قولي بنتش ام سعيد طالعت نوفه الي قالت : في ذي بنتي معاها حق ام سعيد بقهر:والله أنا استاهل مضيعه وقتي معاكم يالله مع السلامه نوفه ابتسمت :لا تنسي اللي وصيتش به وطالعت شدن اللي بتعترض غمزت لها تسكت @ @ @ @ الرياض • • رفع جواله وهو يشوف رقم أمه فتح الخط :هلا يمه الجوهره : وينك عناد وهو يطالع الملف الي بيده:في المكتب الجوهره:وش اتفقت عليه أنت والشموخ من تجهيز الزواج امها تقول طلعت معاها عشان مابي احجز شيء وحضرتها تعترض وقتها اتفشل عناد بضيق من سيرتها قال : سوي الي يريحك وماعليك وقتها ترضى غصب ولو ماعجبها مع نفسها الجوهره صغرت عيونها بشك: بينكم شيء صار عناد بجمود:لاااا الجوهره : طيب تمر علي ابيك تدويني لكذا مشوار وبعد بطاقة الدعوه الي اختارتها وصلت عناد ابتسم : ماشاءالله امداك تحجزيها الجوهره بقهر غصب عني :وش اسوي مدام أنت وزوجتك ماتبوون تتحركون قلت انا اخلص الموضوع عناد عقد حواجبه مستغرب أكثر وحده كانت معترضه والحين متشوقه وكل وقت تدق وتسأل قال بشك: الجوهره وش وراك الجوهره بسرعه وهي تصرفه : ماوراي شيء الله يسامحك بس فرحانه فيك وتقول كذا يالله قفل خليني اكمل اللي علي عناد قفل من عند أمه وهو شاك ان وراها شيء أبد استعجالها غريب ...هي يالله راحت أخذت معه الشبكه والحين تسأل وش صار وايش تجهز ابتسم بسخريه ..الله يسخر الشموخ بعد تذكر الي صار بينهم ...هز رأسه مايبي يفكر فيها رجع طالع الملف ..بس رجع قفله وهو ضايق ... @ @ @ @ في غرفة مصعب ،، كنت اطالعه وهو نايم ...مستغربه من نومه من امس ماقد صحي لاصلاة ولا شيء ودي اصحيه يصلي بس خايفه منه ..لا حرام اخليه كذا قربت منه وقلت بتردد: مصعب صلاه فاتك الظهر والعصر ابتعدت يوم فتح عينه وناظرني رجعت مكاني وجلست كيفه الي علي سويته طالعت الباب يوم دق وقفت وفتحته وأنا اشوف خدامة الجوهره قدامي :نعم :ماما جوهره انزل يتقهوى قفلت الباب بسرعه من غير مارد عليها وطالعت مصعب الي يطالعني شكله سمعها قال بصوت ثقيل من النوم: الي سمعته صدق ولايتهيأ لي اصايل بسرعه : ارجع نام يتهيأ لك مصعب دف المفرش بعصبيه: يعني صدق مسويه صداقه معاها الزفته اصايل مقهوره حدي من هالجوهره الحين وش تبي مني بالله قلت بسرعه وأنا احاول اهديه:لا تستفز بذي الطريقه هي كذا توصل لمرادها شوفني بمكاني مانزلت ولا شيء لو نزلت وجلست معاها هذاك الوقت من حقك تزعل حسيت براحه يوم سكت وقف وراح جهة الدولاب وأخذ ملابس وقفل الباب بقوه حطيت يدي على اذوني وقفلت عيوني يالله شكلي برجع لديرتي صمه ولا بي عوق .. فيني قهر من هالجوهره تدري بوجوده هنا ليه تعزمني .. طالعت الدولاب اتأكد انه مانخلع بابه بس نزلت نظري يوم جت عيني بعينه مرمن عندي ودخل الحمام وهو معصب ويسب بس ماهو عارفه ايش يقول يتلحطم بكلام ماهو مفهوم | ||||||||
|
| |
|
06-01-18, 01:06 AM
| #238 | ||||||||
| مراقبة عامة ومشرفة منتدى الروايات المنقولة
| أخذ شور وطلع ..نشف شعره وطالعها بالمرايه وقال بحده:تغديتي اصايل رفعت حاجب وين تغديت وأنا محبوسه بذي الغرفه هزيت رأسي بلااااا مصعب بجمود: اصلي وننزل نتغدى كنت ودي اقوله خلي الخدامه تجيبه للغرفه مابي يقابل الجوهره قدامي اخاف من وجودهم مع بعض أول ماكمل صلاته قلت بتردد: كلم الخدامه مصعب رفع حاجب: ليه اصايل : مافيني انزل وخلنا نتغدى هنا مصعب بعناد وهو يرفع السجاده: قدامي ساكته مشيت معاه ..وأنا كارهه نزولي بذات بعد مارسلت لي خدامتها ...وقف قلبي يوم شفتها جالسه بالصاله قدامي وعلي طول رفعت بطاقة دعوه: وش رأيك صوصو هذي احلى ولا هذي وهي ترفع الثانيه لا لا لا وش صوصو ..ذي بعد طالعت ..مصعب الي وجهه حمر بسرعه ..وهو خلقه اخلاقه قافله تجي ذي تكملها قلت بسرعه : مالي دخل العرس لكم وكيفتس اختاري له انتيِ بس شكلي انا بعد هببتت لان مصعب طالعني بعصبيه أكثر بسرعه انسحبت وأنا اسمع صوت مصعب العالي والجوهره بعد ترد عليه ...طالعت الخدامه وقلت بعجز وقهر :هذولا كذا على طول : تعود ماما خلاص ماشاءالله تعودتي و شكلي فعلاً بسوي مثلتس وبتعود حسبي الله عليهم الاثنين مقلقين راحتنا ... حضرت الغداءوطلعت وأنا اسمع مصعب يقول : يبه راح تخسر على الفاضي العرس ماراح يتم وفر فلوسك من الحين اقولك ردت عليه الجوهر بتحدي : العرس وبيصير وأنت تشوف بعد وطالعتني وبعد فستان زوجتك على حسابي وشوف كيف تقدر تمنعني مصعب بسرعه قلب الطاوله الي بالنص و عليها البطاقات و التحف الزجاج ..الي عليها تنثر بكل مكان اصايل وقفت بمكاني وصرخت وانا احط يدي علي فمي وامنع صوتي يطلع ...بس انصدمت من ابو مصعب وهو يصرخ بعصبيه : والله لا ادق على الشرطه وهم يقدورا يمنعوك بسرعه تقدمت وقلت بخوف :لا الله يخليك وقربت من مصعب وأنا احاول ابعده قلت وأنا اشوفه يطالع أبوه من غير مايتكلم قلت وأنا احاول فيه يمشي ويطلع لللغرفه بس وين طول وعرض كل محاولتي باءت بالفشل ولا تحرك من مكانه ..حاسه من سكوت مصعب وراه تصرف ينهي حياة حد في ذا البيت وعيني على الزجاج المنتثر بكل مكان .. مصعب بعد اصايل عنه وقرب من أبوه وقال: تبلغ فيني الشرطه عشان مرتك ولدها يالله يبه وصلت لكذا ابو مصعب بعصبيه صرخ : ابعد عن وجهي في هالساع ي مصعب ولا والله ثم والله لا اغضب عليك ليوم الدين ي العاق انقلع من بيتي لابارك الله فيك من ولد اصايل جسمي كله رجف من هالكلمه قالها ابوه (عاق) يالله ي قوتها اعوذ بالله من غضب الوالدين طالعته بشوف تأثيره من هالكلمه قالها ابوه بس بسرعه ابعدني عن طريقه وطلع وهو مسرع بخطواته...بسرعه رقيت الدرج.. بس وقفت يوم قالت الجوهره وهي ماسكه على بطنها:صقر شكل ولدي بيطيح بسبته ...ليه يسوي فيني كذا فتحت عيني بصدمه "حامل " الجوهره حامل بسرعه كملت طريقي لغرفتي وأنا افكر بردة فعل مصعب يوم يدري بهالحمل ...يعني كم عمرها معقول مادخلت سن اليأس ..تذكرت ولدها وش طوله ماشاءالله ...وش علي تحمل ولا ماتحمل الله يفكني شرهم ... جلست افكر بمصعب ..ي ترى وين راح ... هزيت رأسي وأنا ابعده من تفكيري مدري ليه اقلق عليه وتفكيري دايم به .. فيه شيء بقلبي على عيوبه كلها بس يخليني اشفق عليه احسه ضايع وتصرفاته كلها تخبط في تخبط ..إلا لو حد عاقل وفاهم .. يسمع ابوه يدعي عليه ويصفه بالعاق ويطلع كذا عادي بدل مايطيح تحت رجله يطلب السماح .... @ @ @ @ الجنوب بعد اسبوع • • (يوم الحنا ) قالت نور بقهر :يمه حرام عليش والله عمتي عزمتنا صعب نطنشها والمحزنه ذي وش مستفيده منها العرس وبيتم .. ام ياسر بقهر :نور انقلعي من وجهي قبل اهفش بذي بيدي حور بقهر: حرام راح تموت علينا لو ماحضرت الحنا تبع الست شدن اخخ وعمتي مصدقه نفسها مسويه ليلة حنا ومصدقه نفسها ... ام ياسر بغيض: ناوي تقهرني هالنوفه يكفي صبري عليها يوم تتحكم في رجلي الحين بعد لحقت بولدي حسبي الله عليها والله كنت صابره عليها وعلى غثاها عشان شافقه عليها لانها وحيده بس والله ماتستاهل طالت وشمخت بزياده نور شافت ياسر طلع من غرفته ...وهو معصب على طول سكتت ولاعاد فتحت فمها ودها تطير لغرفتها بس خايفه يحس انها خايفه منه وتعلق معاه تدري فيه لو حس بخوفهم يتجبر عليهم زياده ..طالعت أمها يوم قالت:اسمع اسمع عمتك هايصه اسمع الدبك ياسر بقهر وهو يسمع صوت الهيصه واصل لهم قال وهي يتحلف فيهم :خليها تنبسط مصيرها تتحسف حور بفضول : وش ناوي عليه يويسر ياسر طالعها ورفع حاجب :لا ي شيخه يويسر حور بخبث : والله سمعت شدن تقول كذا فامسكت الكلمه معي نور حسيت بقهر يوم ..حور حطتها بشدن طالعت ياسر بحذر وخوف ياسر بعصبيه: الحين شدن تقول يويسر حور وقفت بسرعه وتخبت وراء امها وهي خايفه: والله هي الي قالت ام ياسر بقهر: الحين تقول عنك أكثر ويوم تعصب تعصب على شيء تافهه مثل كذا ليه ماعصبت يوم قالت عنك مهفه لهم صاير ياسر وقف بضيق وقال :الله يخليش يمه تكفين لا تزيدينها علي وطلع من الصاله وهو معصب ويتحلف فيهم ..طلع للشارع شاف الحريم رايحين جاين لبيت عمته عض شفته بقهر وطلع سيارته وحرك بسرعه وهو متضايق حده ..تذكر ليلة عرسه من عفاف ...كان طاير من الفرحه ويعد الساعات وعلى اعصابه ....حس بضعف وحن لها بالحيل بدون مايحس رفع جواله ودق رقمها ودق رقمها الي حافظه أكثر من رقمه يبي بس يسمع صوتها ..عارف ان هالضيقه كلها بتروح ..بس ماردت عليه رمى الجوال بقهر لو ردت وش يقول لها بكره عرسي يالله ..يحس حياته خربت زيادة معاها بسبة هالزواج يمكن لو ماتزوج شدن يمكن يرجعون لبعض .. آه والله ماهو راضي على هالزواجه خير شر بس هين ي عمه وي شدن حقدي عليكم مايشفيه شيء ..وكلامش ي شدن من وراي رأح تثمنيه... طالع جواله يوم جاه تنبه برساله رفعه وفتحها شافها كاتبه له {لايكون بس حاب تعزمني لعرسك} كتب لها بسرعه {عفاف ردي علي تكفين } بسرعة ردت له{معاد بيني وبينك كلام خلاص انت انهيته تذكر انك مطلقني} عض شفته بقهر وكتب لها{ باقي بالعده ويجوز تكلميني ولا تنسي مافي حد غيرش حدنا على هالشيء } رجع دق عليها حصل جوالها مقفل قفل عيونه بندم ...آه وش الي صار لهم وقلب حياتهم كذا والله ندمان حده ..ليته تنازل عن الارض وفك عمره من هالمشاكل كلها ..وش استفاد من الأرض يوم خسرها @ @ @ @ في الرياض طالعت أختها بحزن : ليه كذا ي الشموخ والله مايجي العرس إلا قد اختفيتي من هالضعف الشموخ طالعتها بتعب مافيها تتكلم أشرت للباب تبيها تطلع ماتبي تسمع شيء ولا تتكلم مع أحد مصدومه حدها من الي صار لها مع عناد .. كل ماتذكر كيف مد يده عليها تكره عمرها .. كيف قدر يجرح كرامتها كيف قدر يتجراء عليها اخر شيء توقعته يسوي هالشيء معاها .. أميره وقفت بعجز: طيب وش رأيك مدام العرس باقي منه اسبوع يمدينا نروح المجمعه عند ميمه ونجي معاها يوم تجي قبل العرس بيومين نبي نغير جوو تكفين الشموخ وافقي الشموخ بضيق : أميره حبيبتي تكفين مابي شيء خلاص خليني بغرفتي لما اطلع من هالبيت وابوي وأمي بيندموا انهم غصبوني أميره: أمي مالها ذنب ماتقدر تقول كلمه بعد كلام ابوي وبعد أبوي ماعمره غصبنا على شيء ومعيشنا احسن عيشه بس الظروف بعض مرات تحكم ي الشموخ لو تشوفيه كيف زعلان وضايق ولا عاد يأكل زين يقول يحس انه ظلمك بس صعب يرده ويرفضه بعد شهامته الي سواه الشموخ صرخت بقهر: ليت خلى شهامته وفكنا أميره رفعت يدها وقالت : خلاص اهدي وبسرعه طلعت وقفلت الباب وهي تسمعها تسبه وتدعي عليه .... | ||||||||
|
| |
|
06-01-18, 01:16 AM
| #239 | ||||||||
| مراقبة عامة ومشرفة منتدى الروايات المنقولة
| رفعت يدي.. وأنا اقلبها واشوف نقش الحناء ... كنت مبسوطه فيه ..حدي أول مره انقش هالقد طالعت أمي يوم دخلت على الغرفه وهي متوتره قلت بخوف : وش فيه يمه وجهش به شيء نوفه بتوتر: عمش بالطريق الحين دق قالي خلي بنت أخوي تطلع لي المجلس بشوفها شدن بصدمه : عمي وش جابه قربت منها ومسكت فيها بخوف يمه قولي له نايمه وراها عرس تكفين يمه صرفيه ولا اقولش اعطيني جوالش بدق على ياسر يصرفه بمعرفته تكفين يمه مابي اقابله نوفه مسكتها وهي تهدي عليها : يمه ليه ذا الخوف كله مفروض ضمنتي خلاص الحين أنتِ زوجه ومسؤولة من رجال اطلعي لعمش واستقبليه وقهويه وخليه يرضى عنش واعطتها ظهرها وطلعت وهي خايفه أكثر منها ماتدري ليه يوم تسمع طاريه تحس قلبها يقبضها ويوجعها تحس فراقها عن شدن بيكون على يده شدن هزت رأسها :لا لا لا وبسرعه تلفتت تدور جوالها دقت رقم ياسر بس قفل بوجهااا حست بخيبه وماتدري وش تسوي أفضل شيء تسمع كلامها أمها وتسوي الي قالته أول ما طلعت شافت امها تأشر لها تقرب منها وتمد لها بسامعة التلفون مديت يدها وتناولت السامعة وهي ترجف همست : وصل نوفه بفرحه همست لها بيعتذر منش شدن بفرحه رفعت السامعه وقالت : الو ابو خالد : شدن شدن بخوف : هلا ابو خالد : كيفك يبه شدن وهي تطالع امها الي واقفه جنبها: بخير أنت كيفك ابو خالد ابتسم : الحمدلله اعذريني يبه والله جاي صوبك بس حصلت واحد من الي اعرفهم ونشب لي إلا يعزمني عنده قلت خلاص اشوفك مره وحده وأنتِ لابسه فستانك الله يسعدك يبه وبنات عمك يعتذرون منك مسافرين مع امهم يتمشون تعرفي صيفيه هالوقت إلا كان ودهم يحضرون شدن كنت اسمعه يبررر ويتعذر لبناته ..كان ودي اقوله احسن شيء سواه انهم صيفوا وفكوني ..قفلت عيوني بضيق يالله ودي اقفل قلت بسرعه : عادي ي عم خذ راحتك يالله مع السلامه قفلت بسرعه مابي اطول معاه احس قلبي بيوقف ضميت أمي وهمست لها : اخيراً انفكيت ورفعت يدي بفرحه شوفي كيف صار الحناء بيدي نوفه طالعت يدها و مدت يدها ومسكت يدينها الثنيتن ورفعتها وباستها بحنان :يجعلني يمه قبلش وضمتها لصدرها ودموعها تنزل همست له :بكره بتكوني أجمل عروس والبنات كلهن بيحسدونش على زينش يمه @ @ @ @ اصايل كنت قلقانه حدي ..عليه له اسبوع ماله أثر أبد ..بس الحسنه الوحيده في غيابه إني ادق على أمي ..وشمسه الي تحسها تعبانه وضايقه من الي صار معاها ..وبعد البيت زحمه مايفضى إلا أخر الليل حريم جاين رأيحين والجوهرة ماهي مقصره كل يوم محتفله بزواج ولدها.. حسيت بجوع اخذت جلالي ونزلت شفت الصاله كلها هدايا وباقات ورد وعليها حلاوة ماشاءالله الجوهره معروفه ... كل هالهدايا لها قربت من الباقه وهفت نفسي على الحلاوه الي فيها مديت يدي وسحبت وحده فكيتها وبسرعه أكلتها ...وأنا اتلفت البيت كان هدوء مخيف رحت للمطبخ وسويت لي سندوتش جبن وأخذت عصير برتقال وطلعت لغرفتي ...وقفلت الباب علي المشاكل الي يسويها بس وجوده يحسنني بالامان بها البيت حطيت الأكل على الطاوله ونفسي انسدت منه ودي اطلب رقمه من أبوه بس خايفه اتفشل وشلون زوجته ورقمه ماهو عندي ....وبعد خايفه مصعب يشك اني استخدم تلفون البيت .... @ @ @ @ يوم العرس في القاعه قالت وهي مبهوره : لا لا معقول أنتِ النتفه شدن شدن بظرافه ماهي بوقتها: لا نور نور قربت منها وهي تضحك : ي قلبي وحشتيني موت وباستها بخدها شفتي كيف الكوفيره الي حجزتها لش خلتش قمر ماهو كوفيرة ام سعيد شدن وهي متذمره منها: الله يقلعش بتخربي مكياجي وضربتها على ظهرها وجع غيره الحموات من الحين وخلاص دبلتي كبدي بكوفيرة ام سعيد نور وهي تصحك: صدقيني بتشوفي شيء من غيرة الحموات بس ماهو مني من الرأس الكبير وبنتها حور اما من ناحيتي خلي في بطنش بطيخه صيفي شدن بدون مبالاة : مايهمني مدام أمي نوفه موجوده الي فيه أمه خير يقربني نور : هييي حدك لا تغلطي مارضى في الماما شدن طنشتها وقالت: كيف بالله الحضور زحمه نور بضحكه: والله ماغير ام سعيد وبنتها أموله وسمعت ام سالم اعتذرت يعني اخوي خسر على هالقاعه بالباطل شدن صرخت بقهر: تكذبين والله صديقاتي كلهن حضروا أمي قالت لي نور ابتسمت : ياربي ي حبك للفشخره الحين تبيهم يحضرون عشان يشوفون كيف عرسش صار ومن هالحكي شدن طنشتها وطالعت جهة الباب تنتظر دخول امها نوفه عندها فضول تعرف مين الي جاا طالعت نور بعدم صبر وقالت:روحي نادي امي نور وهي تطالع شكلها في المرايه : وش تبين فيها أكيد مشغوله قولي وش تبين وأنا اسوي الي تبين ي عمرري اليوم عروسه وتتدللي على كيفش شدن : روحي عدي لي الي جوو بالضبط وياويلش تغلطين وبعد جيبي لي عصير ولا اي مصيبه بدوخ من الجوع وامي ناسيتني من المغرب نور بصدمه: عمتي نوفه مااكلتش غريبه ادري فيها تركض وراش بالأكل وش الي تغير شدن بقهر: الي تغير ان عينش صابتنا الله يقلعش حسدتني على كل شيء نور :كنت حاسدتك ان مافي حد يكفخش مثلنا بس الحين شكلش بتصفي جنبي وجنب حور وراح تحصلي من الطيب نصيب شدن كشرت بوجهاا:لا ي قلبي تطمني بنزل من القاعه لبيت أمي على طول وياسر مايقدر يمد يده علي هو في بيته وأنا في بيتي عند ماما مدلللله ماهو مثلكم ساكتين له وهو يتطاول عليكم نور بسخريه:ي كثر احلامش بس قال ايش نازله لعند أمش تفتكري ياسر يرضى شدن بسرعه : هذا اتفاقنا ويالله روحي شوفي اي شيء أكله نور ضحكت : هههههه ابشري من عيوني الحين بروح اشوف مين الي جاء وبقولش وبجيب اي شيء تأكليه وقبل تطلع قالت أول مره اشوف عروس كذا شدن طنشتها وطالعت الجوال الي رن برقم غريب عقدت حواجبي مستغربه الرقم ..بس اتوقع حد من زميلاتي ويبغوا يتسفسروا عن مكان القاعه رديت :الو بس انصدمت من الكلام القوي والصراخ الي جاني :وشلون كذا تأخذيه هذي جزاتي يأما شفقت عليش وعاملتش مثل أختي الصغيره لكن بدعي عليش ي شدن ي خرابة البيوت يالفتانه شدن قلت وأنا مصدومه من الكلام : مين : الحين ماعرفتيني ي ناكرة العشره حسبي الله عليش الله ينتقم منش ومن أمش وقفلت بوجها شدن كنت مصدومه ...هذي ابله عفاف .. ليه تدعي علي وش ذنبي ..طلقها قبل يخطبني وقبل يتزوجني ... حسيت نفسي انسدت من كل شيء فرحتي بالفستان والقاعه كلها تبخرت شفت نور جايه وهي متحمسه وأمي بعد معاها نور وهي تعطيها عصير : خذي اشربي والحين بتبدا زفتش يالله ي قمر تجهزي شدن أخذت العصير وحطيته.. معاد لي نفس طالعت أمي الي قربت مني وهي تقرأ على رأسي وتحصني ..همست لها : مابي هالزواج يمه نوفه مسكت وجها وقالت: لا تخافي وتتوتري ماراح حد يفرق بينا انا افداش ولا تنسي مثل ماقلت لش تنزلي من القاعه لبيتنا الزواج بس تسكيته لعمش هدي يمه هزيت رأسي بتوتر وفيني غصه من كلام ابله عفاف شفت ام ياسر دخلت سلمت علي بدون نفس وطلعت على طول ..احسها سوت كذا ماتبي حد من الضيوف ينقد عليها ... همست لنور:نور ابله عفاف دقت علي نور وهي ترتب فستانها وتجهزها للزفه : خلينا الحين من ابله عفاف هي رفضته خليها بنفسها والحين يالله ي قلبي زفتش لا تخلي حد يخرب عليش هالليله شدن مشيت مع نور وأمي وأول ماطلعت للصاله ...كان الحضور كثير مره أكثر مما اتوقع ...حسيت بوناسه ...ونسيت عفاف وكلامها وعلى طول اشتغل الشريط ..مشيت بكل هدوء كنت فرحانه والخوف الي حسيته كله راح .. يمكن لأني عارفه بعد كل ذي الهيصه برجع لحبيبة قلبي ..طالعت نور الي مدت يدها وقومتني تبيني ارقص ..وأنا ماصدقت خبر ..حسيت بهمسها عند اذوني :بنت على هونش الله يفشلش اجلسي ليتني ماقيمتش ..طنشتها وجلست اهز على خفيف ...وبذات يوم صديقاتي كلهم قابلوني ..حسيت اني فرحانه حدي ..همست لي نور : ي خبله هدية عمتي شكلش نسيتها مع الدبك فتحت فمي وأنا اتذكر بسرعه روحي جيبيها نوره اشرت لها : شوفيها جبته وأنت ولا همش أخذت علبة الهديه وقربت من أمي وهمست لها : يمه حسيت بدموعها ابتسمت لها وفتحت العلبه ولبستها طقم الذهب الي وصيت فيه نور تأخذه لي واعطيتها قيمته من مهري وهي ماتدري..وبعدها نور ناولتني عقد الورد لبستها وضميتها وهي تصيح ..مع التصفير والتصفيق ماقدرت امسك نفسي صحت معاها ..بعدها مسكتني ورجعت ترقصني وهي مقابلتني .وبعدها جلست بتعب يوم الحضور قام للعشاء وكلها دقايق وشفت أمي رجعت وهي تقول بهمس:يمه ياسر ينتظرش بالسياره شدن بصدمه: يمه بروح معش نوفه ابتسمت لها تطمنها: ي عمري بس قدام الناس وقدام عمش الي ناشب لنا باقي بالقاعه جالس شدن هزيت رأسي ..ونزلت بمساعدة أمي ونور وصديقاتي ...رحت للغرفه ولبست عباتي وطلعت شفت عمي واقف ..وجنبه ياسر على طول قرب مني وسلم علي ..وبارك لي وقال وهو يطالع ياسر:امانه عندك ورجع طالعني محتاجه شيء يبه قبل تروحي مع رجلك هزيت رأسي بدون صوت ..أكثر اثنين يرعبوني واقفه بينهم كنت بس اهز رأسي على توصيات عمي الي يسمعه يقول مره مكلف على نفسه والحين اهمه ...طالعت يدي يوم مسكني ياسر واليد الثانيه عدل نظارته يالله حتى هو عريس مافسخ هالنظاره كان لبس عدسات طبيه هاليوم مدام مايقدر يشوف بدونها يالله من تفكيري السخيف أبد ماهو وقته الحين طالعته بسخريه يوم قال : لا تخاف على بنت أخيك ويالله بحفظ الله همست له أول ماسحبني للسياره :وين وين انتظر شوي همس لي بحده وهو يساعدني اركب :ولا كلمه جيت بتكلم بس شفته سفهني و راح لمكانه وركب قبل يحرك قلت بسرعه :انتظر أمي نوفه مااروح بدونها ياسر طالعها بحقد: قلتي تبي امش نوفه • • كتتتتتت واسفه إذا فيه اخطاء إملائيه نزلته لكم بدون مراجعه جيت من بيت أهلي ونزلته بسرعه خفت أتأخر عليكم زياده لو جلست ادقق فيه ماعليه طنشوو هههههه &نونــي بنت الجنوب& استودعتكم الله الذي لا تضيع ودائعه سبحان الله وبحمده سبحان الله العظيم "الوتر أحبتي" الله يرحمك يامن أوجعني فرقاك | ||||||||
|
| |
|
06-01-18, 01:32 AM
| #240 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 38 ( الأعضاء 12 والزوار 26) فيتامين سي, بتلات الورد, جولييتي, amana 98, لينا&, جوووجووو سعد, عاشقه للوطن, Sou-sou31, oranss, ام تنسيم, الكنز المخفي, jollay قراءة ممتعة لكم ..... وردود ممتعه لنا وللغاليه نوني ....... | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
