24-12-17, 06:39 AM
| #213 | ||||||||
| مراقبة عامة ومشرفة منتدى الروايات المنقولة  
|  السلام عليكم ورحمة الله وبركاته الله يسلمكم حبايبي قلبي وانتظروني بكره مع مقتطفات البارت كان ودي انزله كامل بس والله مابعدت كملته قلت اعطيكم شوي حماس قبل مانزله تعرفون مشهورة بااالنذاله هههههه ولي عوده على ردودكم العسل الله لا يحرمني منكم & نوني بنت الجنوب & | ||||||||
|  |
|
25-12-17, 06:54 AM
| #214 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته وهذي مقتطفات البارت { 15 } وماكثرت لكم عشان تجيبونها ي حلوين بس تكفوون اكتبو توقع وأحد ماهو تكتبون أكثر من شخصيه قدام المقطع وعاوزيني اختار دي تجي ي بنات على قول خواتي المصريات ي حبي لهم والله @ @ @ : الي يسمعك يقال الحين مفتقدها • • قال بصوت حاد وهو يتناول مني :ارجعي واحشمي فيه رجاجيل ي حيف • • ابتسمت لها: ي قلبي سمي على نفسك بس وخليها تطلعك باحسن طله • • قربت من الطاولات والكراسي وهي تحسس القماش : وع لا قماش ولا لون ولا شيء يفتح النفس بذي القاعه • • : والله ماتناله وانا موجود | ||||||||
|
| |
|
26-12-17, 10:12 PM
| #215 | ||||||||
| مراقبة عامة ومشرفة منتدى الروايات المنقولة
| سبحان الله وبحمده سبحان الله العظيم اللهم اني استغفرك وأتوب إليك • اللهم صل وسلم على نبينا محمد "صلوو عليه " • • • • السلام عليكم ورحمة الله وبركاته حبايبي بقولكم شيء قبل قراءة البارت مع الاسف ماقدرت اوفي بوعدي وأنزل في يوم محدد والله حاولت وحاولت بس ماقدرت احسه صعب ..واحس بصغط علي ..وأنا من النوع الي لو انضغطت والله ماأعرف أكتب ..اكون بكتب اي كلام بس عشان اوفي بوعدي معاكم وان ذا اليوم المحدد ينزل فيه البارت .. وماخلف وعدي ف عشان كذا ي حبايب قلبي نوني برجع لنظامي الأول البارت ينزل بدون تحديد يوم معين ..وقت ماخلص منه ينزل بس أكيد مايمر اسبوع إلا فيه بارت مثل العاده وراح اعطيكم خبر قبل نزوله والكل ان شاءالله عنده علم @ @ @ { 15 } • • • كنت اطالع.. وين مايطالع ..والصدمه واضحه عليه...حسيت ..بخوف وتوتر ... من نظراته ..طالعت يده... الي رفعها وأشر على الغرفه الي طلعت منها وقال بصوت مرعب : طالعه من غرفته ابتعدت شوي وأنا مو فاهمه شيء ويقصد غرفة مين الي طالعه منها ...بلعت ريقي وانا التف يمين ويسار بحاول افك نفسي منه لان نظرته ..ونبرة صوته ..ماتطمن أبد ومجنونه.. لو وقفت لمواجهته.. وهو بذي بذي الحاله ...بس وين ..واقف بوجهي .. ولا لي قوه ..على الفلات منه... الليله قلت وأنا احاول افهمه...ويمكن اقدر اكسب عطفه ..يوم اذكره انه طردني بلعت ريقي وقلت بخوف:أنت طردتي من الغرفة وطلعت بس سكت من ماقدرت أكمل من صرخته : ماحصلتي إلا غرفته تدخلي فيها خلاص خلت الغرف يااصايل اصايل الحين ليه ذي العصبيه ..والغرفه غرفة مين لازم اعرف عشان اعرف اتفاهم معه : الحين ذي العصبيه كلها ليه دخلت بس فيه شيء خلاني افقد السمع والنطق مع بعض وماعاد قدرت أكمل حسيت بطنين ذبحني طالعته ...بحقد ..وكرهه كل مره نفس ..الحاله يختمها.. بهالهمجيه مصعب بعصبيه صرخ : بعدلك وجهه تراددي ي بنت ال******* اصايل على قوة الكف الي أخذته وجعني بس السبه الي جت ..أبوي وجعتني أكثر صرخت بقهر وأنا اقرب منه واضربه على صدره منهاره : تخسى وتعقب تسبه قدامي مصعب بسرعه كتفها وهو ناوي عليها بس بس فيه شي خلاه يفكها وهو مصدوم من الصوت الي جاي من وراه الجوهرة يوم سمعت الصوت العالي والصراخ بسرعه ركضت لفوق ...وقفت مصدومه وهي تشوف مصعب ماسك اصايل قدام غرفة عناد ..عندها فضول تعرف وش بينهم قالت بشماته :قلت لك مافيه خير لاتضيعي حالك معاه أمه طقت روحها من قبلك وابتسمت بستفزاز بس حست بجسمها ارتجف من نظرة مصعب .. وعرفت انه ناوي عليها وبذات يوم صرخ : جيتي وجابك الله بسرعه ...شمرت قميصها ..ورجعت تركضي وتصرخ باسم ...صقر صقر ابو صقر طلع من الغرفه مفزوع من صوت الجوهره توقع مصيبه حصلت انصدم وهو يشوف الجوهره تركض ومصعب وراها وقف بوجهه وقال بعصبيه:لو فيك خير اوصلها اشوف الجوهره وهي وراه وتزفر بصوت عالي من الخوف :بموت بموت ي صقر الحمدلله لحقتني بأخر شيء يمه ولدك يبي له صرفه تصرف تكفى معه مصعب بقهر وهو يسمعها تتكلم ومأخذه راحتها بزياده بعد : والله فيني اوصلك وقدام عيون أبوي بس ماجاء وقتك واشرلها بتهديد مصيرك بتطيحي بيدي واعطاها ظهره وهو ناوي على اصايل الجوهرة صرخت بعصبيه: لا لا مستحيل يا صقر لو تخيله بالبيت وتسكت عنه مصعب التفت لها بعصبيه :هذا الي تبيه بس والله ثم والله مايصير ريحي عمرك جالس لك ولو به طلعه ماغيرك يطلع وطلعوك قريب ي الحثاله وعلى يدي بعد ابو مصعب بعصبيه صرخ : انقلع الحين ولا تحدني على شيء مابي اسويه وتندم وقتها مصعب رفع حاجب وقال بتحدي: والله ماتناله وانا موجود وطالع الجوهرة البيت ذا بحلامك فاهمه بعيد عنك الجوهرة بسرعه مسكت صقر ماتبي مصعب يدري .. انها تقنعه يكتب ..البيت أبد ماودها.. ان صقر قال... كذا الحين بيجلس لها وبيخرب عليها كثير قالت بسرعه : خلاص حبيبي صقور امش نام واسفه ازعجتك وطالعت مصعب وهي تحاول تخليه مايشك في سالفة البيت أبد ماهو في صالحها : تطمن لا ابي بيتك ولا ابي شيء والله يخلي ولدي عناد لو ابي بيت ماراح يقصر بيأخذلي احسن بيت فيك ي الرياض مصعب ضحك بستفزاز: هههههه وشهوو عيدي تكفين عناد يأخذ لك ههههههه الله المستعان هذا وهو يأخذ مصروفه من ابوي تبيه يأخذ لك بيت مره وحده ي كبر أحلامك ي الجوهره خليك بس في عمليات التجميل وفضي بالك من اي تخطيطات قذره لانه ماراح تطولي شيء وأنا موجود.... ابو مصعب صرخ بقهر: بموت والله بموت والسبه أنت ي مصعب مصعب بسرعه طلع وهو يسمع الجوهره تهدي عليه هين مصيره يربيها الخبيثه بس الحين بيتفاهم... مع الزفته ..هذي وشلون.. تدخل غرفته... لو جاء وهي موجوده اذبحها واذبحه أول ماوصل الغرفه حط يده على المقبض وهزه بقوه انصدم يوم شافه مقفول قال وهو صاك على سنونه : اصايل افتحي احسن لك والله العناد أبد مايجي معي وبصرخه اعلى افتحي قبل اكسره عليك وقتها والله ماهو بصالحك | ||||||||
|
| |
|
26-12-17, 10:13 PM
| #216 | ||||||||
| مراقبة عامة ومشرفة منتدى الروايات المنقولة
| كنت اسمع صراخه وأنا باقي ماهو مصدقه اني قدرت.... افلت من يده ...يالله على كرهي للجوهره .. بس والله اليوم حبيتها ..انقذتني منه .. حطيت يدي ...على اذوني منزعجه من صوته الي بدأ يعلى ..بلعت ريقي بخوف .. وحسيت بطني قلبت على فجأة ..حطيت دي على بطني ...وحسيت ..اني بستفرع حسبي الله عليك .. ي مصعب ..دهورت صحتي بعد ...مشيت للسرير ...وجلست عليه ... ي ناس تعبي منه صار... جسدي ونفسي أول ماحسيت الباب شوي ويكسره وقفت وقربت من الباب وفتحته وماعندي إلااقابل مصيري الليله ...ي دوب بس افتح إلا دفه ودرعم وهو هايج ابتعدت بسرعه لنهاية الغرفه بس على طول مسكني من كتفي وهو يصرخ: يعني فوق وساختك لك وجهه تقفلي الباب كنت مصدومه من كلمته قبل سوي سب ابوي وتربيته ...والحين بعد يشكك فيني قلت وأنا احس بستفرع ويالله قادره امسك نفسي بالقوه :مصعب ليت تهدا شوي وتفهمني ليه معصب ومعترض على الغرفه الي رحت لها والله ماعندي علم غرفة مين مصعب قربها منه وقال وهو صاك على سنونه : متأكده ماتدري غرفة مين وبعد تبي تعرفي ليه معصب يعني الحين كل ذا ومافهمتيه انها غرفة الزفت اصايل كنت احس ...الجرح يألمني... واحس انه رجع يصب دم ....وجهت نظري ليده الي ماسك بها كتفي قلت وأنا اتألم : انتبه الجرح بس آه ليتني ماقلت وذكرته فيه وجهه نظره لكتفي وزاد بضغطه عليه وقال وهو يتلذذ بألمي وابتسامه كلها خبث :ليته مايبرا وابعدني عنه بقوه اختل توازني ..وطحت على الأرض حسيت عظامي تفكتت كلها بذات يوم ضرب ظهري بالجدار الي وراي صراخت ب آه مكتومه مصعب رجع التفت لها ورفع يده بتهديد : هالمره بمشيها بس والله المره الثانية راح تتمني الموت فاهمه غرفة عناد لا اشوفك جايه جنبها اصايل كنت مطنشه تهديده وبالي بالدم الي رجع يصب الشاش كله تغطى قلت بوجع: تطمن الموت ماهو بعيد عني مدام تحت عصمتك حسبي الله عليك شوف كيف رجع ينزف مصعب سحب علبة العطر من على التسريحه ..ورماها بالارض وصرخ : كم مره قلت لا تردي علي انكتمي لا اسمع صوتك رفعت يدي ..على وجهي ..امنع الزجاج الطاير لا يدخل.. في عيوني ..وزحفت لوراء بحذر ..وأنا اشوف الزجاج ..حولي هزيت رأسي.. مصدومه ومتحسفه.. على عمري ..بضيع والله ..بضيع معه ..لو سكت أكثر من كذا حطيت يدي.. على أذوني .. يوم رجع يهاوش ويهدد ...مابي اسمع صوته وتهديده اكرههه والله العظيم اكرهه وأكرهه عمري أكثر ..طالعته بخوف يوم جلس على ركبه قدامي ورفع وجهي بيده وقال بنبره اكرها كلها شك: داخله غرفته ليه يعني الجناح كله فيه أكثر من عشر غرف ماملت عينك غير غرفته ..وشايفتها غرفة رجال أكيد كل شيء واضح ليه دخلتيها طالعته ماهو عارفه وش أقوله تعبت وأنا ابرر له بس قلت بمحاوله اخيره يمكن انفك :والله العظيم الغرفتين الي قبلها كانت مقفله وهالغرفه الوحيده كانت مفتوحه ودخلتها وأنا مدري لمين ويوم اكتشفت انها لرجال طلعت وأنت كان بوجهي مصعب وهو رافع حاجب : لا ي شيخه كانت مقفله ولا كان نيتك تدخلي غرفته وبس ويجي هوو ويشوفك قدامه ويقهرني زود اصايل عضيت شفتي من كمية القذاره الي يقولها قفلت عيوني يوم صرخ يبيني ارد قلت وأنا ابعد وجهي عنه :والله مادري وبعدين ليه تقول كذا وليه كل ذا الشك وهالمشاكل معاه لانه أخذ الي تبيها انا مالي دخل بينكم مصعب بسرعه ماخلاها تكمل ضربها على فمها وبعصبيه صرخ:بعد لك عين تسألي حقيره صدق وقوية عين ومين قالك انه يقدر يأخذها لو ابيها اصايل ...حطيت يدي ...على شفتي وأنا احس سنوني تحركت ..من مكانها حسيت بطعم الدم بفمي ...رفعت رجولي وحطيت رأسي على ركبتي وانهرت اصيح ..طلعت كل الي بقلبي ...كنت اسمعه يصارخ على رأسي بكلام يقهر ويجرح أكثر وأكثر طالعته يوم قال: (( أبوك مارماك إلا وراك بلى) حسيت الدنيا سودت بوجهي أكثر وأكثر كل الي سواه فيني ماوجعني قد ذي الكلمه قالها الحين رفعت ...رأسي وأنا مصدومه صرخت بوجع وقهر :لا تحطها بذمتك أبوي اعطاني لك يتفكرك كفوو آه ي بوي مقدرت اكمل ولا ابرر له احس اني بتعب نفسي زياده بذات مع نظراته الي تذبح قلت بوجع: الي فهمته ان أبوك كان يشك ب أمك وأنت نفس الخطى تكمل الي كان يسويه معاها سبحان الله الزمن يعيد نفسه ...وماهي بعيده ان مصيري نفس مصيرها وصحت منهاره بس تصدق الوحيد الي ماراح اسامحه ابوي مصعب بسرعه جلس قدامه وهو يحط يده على فمها مايبيها تكمل وقال وهو منهار : أمي غير أمي شريفه أمي عفيفه وتكرم عنك أمي ابوي قذفها بالباطل وقربها منه بعنف بالباطل فاهمه بالباطل بس أنا شايفك طالعه من غرفته اصايل كل مايشد علي ويهزني بعنف دموعي كانت تعبر عن وجعي يوم ارخى يده قلت : ليت يصير لي نفس المصير وقتها ترتاح مثل أبوك حسيته قام مثل الملسوع وهو يكرر :لا تشبهيني فيه لا تشبهيني فيه عضيت شفتي وأنا احس طعم الدم بفمي وقفت وأنا منهاره من الي صار لي الليله كثير والله كثير علي ..آه يمه وينتس تشوفي وش صار في بنتس جلست على الكنبه وتمددت وتكورت على نفسي وأنا اصيح ماهو قادره امسك نفسياحس روحي القويه مصعب هزمها خلاص معاد بالقوه الي كنت عليها مصعب حطمني على الأخر ...قفلت عيوني ودي اغفي واروح بدنيا ثانيه وارتاح من كل شيء | ||||||||
|
| |
|
26-12-17, 10:14 PM
| #217 | ||||||||
| مراقبة عامة ومشرفة منتدى الروايات المنقولة
| رجع البيت ..وهو باقي.. مصدوم ..من الي صار أبد ماتوقع.. انها تكون بذي ..الاخلاق جلس على ...الكنبه وزفر بضيق ...ليه كل مايتمنى شيء ينصدم فيه ابتسم بسخريه والله ي عناد شكل نصيبك مأخذ من اسمك ابتسم بخبث ليه هالمره ..مايتحداه ويقدر يغلبه ويمكن يبرد قلبه شوي من الي يوجعونه طلع جواله من جيبه ودق رقم ابو الشموخ عارف الي بيقوله تهور بس ماعنده غيره يحس بقهر ويحس بوجع من رفضها له توقع تشكره على وقفته توقع شيء ثاني على الأقل تعرف معروفه بس شكل اشكالها ماهو من الي يعرفون الجميل ...لازم يبرد قلبه شوي ...ويذلها قبل ليلة الزوج أول ماسمع صوت ابو الشموخ قال بسرعه :ي عم طلبتك وتكفى تقول تم وماتردني ابو ميره وهو مستغرب توه طالع من عنده ايش فيه قال وهومنحرج لايكون طلبه مايقدر عليه بس غصب عنه قال : تم عناد :طلبتك تعطيني مرتي لما العرس الي مابقي منه غير اسبوعين ابو أميره انصدم من طلبه يحسه جنون منه لو وافق على طلبه قال وهو معترض : قول غيرها ي عناد والي اعرفك انك عاقل عناد بسرعه : تممت لي ي عم لا ترجع بكلمتك وبنتك بيصير لها عرس الكل بيتحاكى عنه لا تخاف وتفكر ماراح يتم لو خذيتها الليله أبو اميره كان يسمعه ويحس بجنون كلامه قال بقلة صبر: عناد بعقلك لا تخليني ازعل منك يكفي كل شيء صار بسرعه عناد قاطعه :زوجتي ي عم وطلبي مابه جنون مثل ما يتخيل لك وأنت تممتت وماهي من سلومنا الرجال يرجع بكلمته ابو اميره وهو يطالع زوجته وامها وش يقول لهم والحين عناد ذبحه بكلامه وصعب يرجع في شيء تممه قال بسرعه :تعال خذها بس لا تبيت إلا هنا وهذا أخر العلم وماعندي غيره عناد عقد حواجبه: وشلون ابو أميره بحده: خذ مرتك واطلع معاها شوي ورجعها وغير ذا الكلام ماعندي عناد أبد ماهو هذا الي يبيه زفر بضيق وقال : ابشر ي عم لك الي تبي ابو أميره قفل وهو يطالعهم قال بقلة حيله : الرجال طلبني وماطلب شيء ماهو له رجال ويبي مرته تطلع معه فيها شيء ذي ام أميره وقفت وهي مصدومه: وش الي تقوله وشلون تطلع معه ذا الوقت وليه ماجلس بعد الملكه وفكنا من ذي الطلعه وشلون بعد تطلع مع والعرس مابقي منه شيء خلاص قوله يصبر ابو اميره بعصبيه :الرجال طلبني يطلع مع مرته فيه شيء وسكت اجل لو تدرون وش طالب وش يكون ردة فعلك إذا طلعه وكذا اجل لو تدرين انه يبيها تروح بيته لما العرس أم اميره تطالع امها الي تطالعهم ساكته : يمه قولي شيء صعب بنتي تطلع ذا الوقت حتى لو هو رجلها الجدة بقلة حيله: يقولك الرجال طلبه تبيني اعيد وازيد في حكي مفروغ منه جهزي سواقك بس يرجعني المجمعه بينقص عمري في بيتك من مشاكلكن ومن فعايلكن الي كلها جنون وهي تطالع أبو اميره بعتب ابو اميره بحده: قولي لبنتك تجهزز رجلها بالطريق والي يسمعك يقول بيأخذه لبيته كلها طلعه ويرجعها لك حريم ناقصات عقل ام أميره صرخت بعصبيه: يمه تسمعيه وش يقول يبيني اروح اقولها واصحيها من نومها يالله قومي رجلك طقت براسه يطلعك ذي الوقت الجده وقفت وهي تتعكز على عصاتها و ابتسمت بسخريه :اعطيتيه مجال يستقوى عليك وعلى بناتك تحمليه لا تندبي حظك الحين ابو أميره اعطاهم ظهره وطلع لفوق شافها واقفه ويحس انها سمعت كل شيء قال وهو يحاول يفهمها يكفي قلبه منفطر عليها على كل شيء غصبها وهذي دلوعته قال بحنان: ي روح ابوك الشموخ قاطعته : موافقه اطلع معه وابتسمت بسخريه عارفه ليه عناد طلب يطلع معي ...عشان يوضح لي ويفهمني انه متفضل علي مادري غبي مايدري اني ابيها من الله والحمدلله وهي جت منه لازم اجلس معه بعيد عن البيت ...واقدر اقنعه قلت وانا مافيني صبر انتظره اخاف يغير رأيه :وصلني له أنت يبه لا يجي هوو أبو اميره انصدم توقع بيتعب عشان يقنعها يعرفها ويعرف عنادها ...بس أبد ماتوقع انها بترضخ بذي الطريقه ..وبعد تقوله يوصلها قال بحده : يجي لك هو ويطلعك وبعدها يرجعك وخلاص وشهوله تروحي بيته استخفيتي الشموخ ابتسمت بسخريه وقالت : يبه تكفى لا تردني مثل ماتنفذ طلباته نفذ لي بعد هالطلب ابو أميره قال وهو ناقد عليها: مايصير الشموخ قربته منه وبدلع : بابا عشاني تراني زعلته وهو مايستاهل ابو أميره بحده : وشلون زعلتيه الشموخ عضت شفتها صدق غبيه الحين وشلون تطلع نفسها قالت بسرعه: بابا لاتسأل خلاص وشوف بنفسي براضيه يالله قول له وين عنوانه ودي افرحه يوم اروح له ابو أميره بحده : انثبري مكانك وبدق عليه الحين واقوله انك جاهزه يجي لك هو الشموخ مايهمها تروح له يجي هو اهم شيء تشوفه وتجلس معه بعيد عن هنا متأكده بتضغط عليه ويتطلع بنتيجه .. بسرعه راحت لغرفتها ...... @ @ @ عناد باقي جالس بالشقه ماطلع وهو يفكر في الي سواه ..وشلون طلبت من ابوها كذا اي جنون سويته حط يده على رأسه وهو باقي ماهو مصدق الي سواه ..يحس نفسه تهور الحين تفتكر انه ميت عليها رفع جواله وهو يدق رقم ابوها بيعتذر بأي شيء عشان مايطلع معاها بس انصدم يوم رن الجوال بيده وكان رقمه ... قفل عيونه بقهر مايبي الرفض يجي منها فتح الخط وقال :هلا بحده وهو يناظرها : تعال الشموخ تنتظرك عناد قفل عيونه وده يعتذر بس ماقدر قال بضيق: ان شاءالله ابو الشموخ وهو يحذره: ساعتين ي عناد وترجع عناد ابتسم بسخريه وقال: ابشر ي عم وانسى الي طلبته وقفل وهو مقهور ومتردد يروح طالع الصاله فوضه الاثاث ماهو مرتب أبد الاثاث بكل ...مكان تواه واصل ...الي طلبه ...وعليها ماطلب كل الاثاث ...ماغير اثاث الصاله ومخلي لها المجالس وغرفة النوم ... يبيها على ذوقها ابتسم بسخريه ...على حماسه وكيف كلم خويه عشان يقدر يقنع ابوه يأجر منه الشقه ...وهو باقي ماعنده عقد زواج عشان العمارة كلها عوائل ....ومايسكنها غير المتأهل تحمس وبالأخير انضرب على وجههه ..اخذ مفتاحه وطلع وهو مقهور من نفسه @ @ @ ابتسمت وهي تشوفها تلبس العبايه : ي سلام اخذ عقلك من أول نظره وين الي تصيح وتصارخ مابيه الشموخ ابتسمت بسخريه :. قلتيها خذ عقلي من أول نظره دورت جوالها بعيونها متحمسه للطلعه حدها عندها أمل ترجع غرفتها وهي منهيه كل شيء ندى معترضه : الشموخ مستحيل تروحي كذا وهو شافك بمكياج الملكه كان غير شكلك اجلسي احط لك شيء خفيف على الاقل الشموخ بغرور: واثقه من جمالي أميره قربت منها ومسكتها وابتسمت : ي قلبي سمي على نفسك بس وخليها تطلعك باحسن طله قدامه الشموخ بقهر منهم : انتم حدكم فاضين والله وبعصبيه وين جوالي اففف ولبست العبايه وطلعت وأميره تركض وراها .. التفت لها وقالت بهمس : صدقيني بيرجع لك بسوي المستحيل أميره فتحت عينها بصدمه من الكلام تقوله اختها قالت بحده: الشموخ وش ذا الكلام والله لو نيتك تسوي شيء الحين بروح اقول لابوي ويتفاهم معك وسالفة اني ابيه هذي من رأسك وخيالك الشموخ بتحدي : اتحداك تقولي له عارفه قلبك مايطاوعك ونزلت وهي مستعجله شافت ابوها جالس قدامها بالصاله ويطالعها مبتسم فرحان حده وهي تقبلته بذي السرعه قال وهو يطالع زوجته: شوفي بنتك وشلون فرحانه وانتِ مسويه فيها ام أميره بشك وهي تطالع الشموخ : حماسها هو الي مخوفني الشموخ جلست على الكنبه وهي تفكر كيف راح تقنعه ...تلفتت يمين ويسار : وين ميمه ام أميره : الحين يالله قدرت عليها تدخل الغرفه وتنام تبي تسري في ذا الليل الشموخ وقفت تبي تروح لها ...بس غيرت رأيها يوم سمعت جوال أبوها يرن ..أول مافتح الخط عرفت انه هو ..ابتسمت بسخريه متشوق للطلعه معي ي ولد الجوهرة بس خاب ظنها يوم قال ابوها:هلا ي ابو ناصر عسى خيرر حست بطفش وقفت ... ام أميره : وين الشموخ طالعتها وقال ببرود ظاهري : بطلع اجلس بالحوش احس بخنقه ام أميره بشفقه عليها: لو ماهو راضيه تروحي طالعت زوجها لا تروحي وبكره من بدري يجي ويجلس معاك هنا الشموخ بسرعه قالت: لا لا يمه بروح ام أميره عقدت حواجبها مستغربه :سبحانه يغير ولا يتغير الشموخ طلعت وانا اسمع امي تقول في بنتك شي ء أبد ماهي طبيعه بسرعه للحوش ماتبيها تشك فيها ...أكثر أول ما قربت من المكان الي تحب تجلس فيه جلست وهي تتنهد بضيق ...آه الله يقدرني على الي بسويه حست بطفش وهي تنتظر تحسه تأخر رفعت جوالها .تطالعه ..ليت رقمه عندها كان دقت عليه ودها تنهي ذي المهزله بسرعه | ||||||||
|
| |
|
26-12-17, 10:15 PM
| #218 | ||||||||
| مراقبة عامة ومشرفة منتدى الروايات المنقولة
| في الجنوب • • قالت بحده أول ماسمعت صوته : لو قريب مرني ابيك الحين ولاتعذر بالوقت المتأخر عقد حواجبه مستغرب من لهجة عمته حتى سلام ماسلمت عليه طالع الساعه شوي وتجي وحده وعمته تبيه يجيها الحين بكره وراه دوام ابتسم بسخريه يوم تذكر الي صار أكيد بنتها قايله لها قال بضيق : بالبيت الحين جاي لش انصدم يوم قفلت بوجهه من غير ماتتكلم ...وقف وهو يتمنى ربي يصبره أكيد الخايسه قايله لها.. ومكثره هالمره ..طلع من غرفته واتجههه لبيت عمته وهو متأكد انها بتحط عليه لما... ينتفخ رأسه ...دخل بيت عمته وهو ينادي عليها أول ماسمع صوتها تقوله يدخل سم بالله ودخل وهو مجهز نفسه ...لي اي كلمة ترميها عليه يدري بعمته لا عصبت ماتخلي ولاتبقي شافها جالسه قدامه ولاقامت مثل العاده ترحب به لا جاء قرب منها ونزل نفسه شوي يبي يسلم فوق رأسها ... صدته بيدها وهي تقول بحده: سلامك وصل واجلس بتفاهم معك والله يستر عليك انصدم من حركتها مهما عصبت عليه ماتوصل لذي الدرجة أول مره تسوي كذا معه قال بعتب : علامها الغاليه شايله علي نوفه بحده : فعايلك ي ولد أخي ماتعجب وتخلي الي ماينقد عليك ينقد ياسر بسخريه: على هونك ي عمه ترى ماهو الي يوصلك صدق وأنتِ أكثر وحده عارفة بنتش ماتصدق في علم على تأخذيني بالصوت وأنتِ ماهو متأكده بالي تقوله نوفه قاطعته بعصبيه: ي حرتك من ذي البنت بس حاط عليها الحين وظلمتها وهي مالها سبب بالي مزعلني منك ياسر عقد حواجبه أجل وش الي مزعلها مدام شدن ماهي في السالفة : خير ي عمه وش العلم والله اقلقتيني نوفه هزت رأسها بحسره: ليه تسوي كذا ماتبيها قول مابيها ولا تطق الصدر وتفزع ولا تجلس تدور وراء فلان وعلان تبي أحد يقرب لها بس عشان ماتجي منك يعني يوم تحرمني منها بيرتاح قلبك قلت لك تزوجها وشوف حياتك لا تلزم عمرك فيها و بنتي عندي وش بيضرك بالله ليه تبي تحرق قلبي عليها ياسر عض شفته وهو متفشل ...آه ليته ماسأل ابو سعيد...فضحه عند عمته قال وهو يحاول يبرر : ي عمه يطولي بعمرش تراش فاهمه غلط أنا يوم سألت عن خالها ماهو قصدي يأخذها نوفه قاطعته بعصبيه : لا تكذب علي وأنت أكثر واحد تدري بخالها يوم موت ابوها سأل عنها وقلت مافيه غيره يفكنا منها ياسر قفل عيونه بصبر وقال : يعمه ذي العصبيه ماهي بصالحش صحتش ي عمه وليتش تفهمي مقصدي بدون ظلم لي نوفه وهي تصيح : ليه تبي توجعني يكفي عمها تقوم أنت تزيد علي تصدق اموت لو راحت ذي البنت عن عيني ليه ماهو براضين تفهمون ان روحي متعلقه فيها والي يوجعها يوجعني وأخر شىء توقعته منك تحفر من ورانا هذي علومك ي ولد اخوي هذا الي حطيته سند لي ولبنتي آه ليت لساني انقص قبل افزع بك ياسر آه لو تدري بسالفته مع عمها وش يصير الحين بس سأل عن خالها صار كذا يوم شاف دموعها قلبه ..وجعه عليها ..قرب منها ..وحط يده على كتوفها وقال بحزن عليها: يجعلنش فداش لا تصيحي قطعتي قلبي وأسف خلاص معاد بسأل عنه وبنتش ماراح تفارقش اوعدش وبيصير لها احسن عرس يرضيش ويرضيها بس لا اشوفدموعش والله انها تفطر قلبي يجعلني قبلش وسلم فوق رأسها حقش علي وتراي ابشرش حجزت القاعة نوفه مسحت دموعها وبهمس : لا توجعني تكفى ياسر أشر على خشمه: ولا يهمش حس انها ماهي مصدقته فكر وش يرضيها تذكر المصيبه شدن ترضى لو حد يجيب سيرتها ويطيب خاطرها بعد ابتسم بقهر وقا :وينها بنتش ماشوف لها أثر العادة مسنتره هنا نوفه بسخريه : الي يسمعك يقال الحين مفتقدها ياسر صدق صدق مستغرب انها ماوصلت الي صار بينهم لعمته لا لا فيه تطور ابتسم مجبر وقال : الله يسامحك بس مهما كان زوجتي من حقي أسال عنها نوفه قالت وهي شايله بخاطرها عليه : تطمن نايمه ياسر بنفسه فكه ابتسم مجامله وقف :يالله بحفظ الله بس انصدم من الي يشوفها مدرعمه عليهم وتطالعه بقهر : تسأل عني انقهر يوم عرف انها تتسمع لكلامهم حس بقهر وطالع عمته هذي تربيتش الله المستعان نوفه وهي ترحب فيها: هلا هلا يمه صحيتي توه ياسر يسأل عنش شدن بسرعه: سمعته وحطت يدها على فمها اخخ فضحت عمرها انها تتسمع لهم من وراء الباب ياسر طالعها وهو مكشر اعوذ بالله طريتها مجامله ...ماصدقت خبرالله ياخذها فتح عينه بصدمه من ردهااااا وقحه وتعترف بكل سهوله ياربي هالبنت كلها عيوب اعطاهم ظهره بيطلع بس وقف بمكانه يوم قالت : يسأل عشان يطمن اني قلت لش الي سواه فيني ولا لا عارفته جبان عندش ويحب ينكر وقدامي مسوي فيها نوفه طالعت ياسر بعصبيه: وش مسوي ومتى جيت هنا ياسر لف بعصبيه ...يالله توه قدريرضي عمته الحين تجي ذي وتقلب عمتي عليه بذي السرعه قال وهو يغمز لها يبيها تسكت :شدن وش مسوي الله يهداش ماترتاحي لما تسوي مصيبه وطالع عمته بنتش تحب تألف شوي مثل ماأنتي خابره نوفه بحده: ياسر وشلون جاي هنا وأنا ماهو موجوده ياسر بقهر معاد فيه يسكت: لا ي عمه على هونش ترى بنتش الي جايه لما عندي نوفه طالعت شدن بصدمه شدن بسرعه وهي تبرر :يمه يكذب هو طالب رقمي من أخته عشان يدق عليه ويهاوش ويسمعني كلام ماله داعي وبعدها بغى يطقني بس الله فكني من يده ياسر كان يسمعها وهو مصدوم ...هذي الغبيه صدقت اني طلبت رقمها ... وبعد أنا الي داق قال بقهر من كذبها : شدن مين الي دق أنا ولا أنتِ شدن طالعت أمها بخوف وقالت بكذب : أنت ياسر فتح عينه بصدمه وصرخ بعصبيه وقرب منها : أنا الي دقيت خافي ربك من هالكذب نوفه وقفت بوجهه: لا اضربها قدام عيني وقول تكذب بعد ياسر بغى ينتف شعره منهم : ي عمه لا تصدقي الي تقوله هذي توقع بلد مع بعض وهي ابرد ماعندها الكذب صار يمشي بعروقها نوفه بعصبيه: ياسر هذي فعايلك قدامي أجل من وراي وش تسوي لا تحاول تنكر وتحط بنتي كذوب وفيها مية عذروب ياسر طالع شدن بتهديد يبيها تقول الصدق بس وين تطالعه بعين قويه واثقه ولا عليها قال بقهر : والله بنتش مابها حيا داقه علي بنفسها ولو ماهو مصدقتني الحين انادي لش نور ورفع جواله ودق على أخته بس ماردت نوفه طالعت شدن بشك وبعد مصدقه ياسر قالت بحده وهي تنهي السالفه : خلاص السالفه تافهه ومايحتاج لها كل ذا شدن تنهدت براحه امها انقذتها ...إلا نور بتفضحها على الاخر كان ...قربت من امها وهي تبي تستفزه زياده وهمست لها: يمه خليه بكره يودينا نشوف القاعه مدام حجزها ياسر حس بقهر من عمته يوم حست ان بنتها كذابه صرفت السالفه وانقهر أكثر شيء يوم قربت من عمته وتساسرها مايدري وش تقول قال بقهر : هاا وش بقي تكذب فيه نوفه ابتسمت غصب عنها الرجال مشتط قدامها وهي تبي تشوف القاعه قالت وهي ماسكه ضحكتها: سلامتك بس بنتي تبي تشوف القاعة مدام تقول حجزتها ياسر بصدمه : نعمممم شدن بقهر : ي سلام لا يكون ماحجزت وناوي تسوي لي عرس بحوشكم ادري فيك بخيل ياسر بقهر:لا طال عمرش بحوش الحلال حق ابوي وش رأيش أكيد يكون مناسب أكثر لش شدن ضربت برجلها الارض بقهر: يمه شوفيه وين بيحط عرسي ياسر استحقر حركتها لابعد مايكون بزر تافههه طالع عمته بسخريه وهي تضحك عليها :تصحبي على خير ي عمه والقاعة خلاص وقعت ودفعت عربونها روحتكم ماراح يغير شيء نوفه : الله يحفظك حبيبي و أكيد ماراح تقصر واثقه بذوقك شدن بقهر مسكت يدها تترجاها: يمه حرام عليش بشوفها نوفه ماتبي تكسر خاطرها قالت بسرعه : ياسر يجلعني قبلك ماتردني يمه بكره لو فاضي خلنا نروح نشوف القاعه ياسر عض شفته بقهر وقال وهو مجبر :ابشري والله ماردش وبكره بعد العصر ان شاءالله نروح وطلع وهو معصب حده وده يرجع ويكفخها على هالدلع ...قدامه لحالها جبانه بس قدام عمته تتحول ويكبر رأسهااااااا لكن هين والله لا انتقم منش والدلع ذا كله يطلع من عيونش ...ولا ماكون ولد ابوي @ @ @ الرياض أول ماوصل بيتهم ..دق على أبوها وقال له انه ينتظرها برا ...كلها دقايق وشافها طالعه...حس بضيق أكثر مايدري وش يبرر لها بطلبه بهالطلعه ...أول ماطلعت السياره وقفلت الباب ...حرك السياره بدون مايتكلم : لا تروح مطعم ولا اي مكان ودني بيتك طالعها وهو مصدوم ماتوقعها بهالجراءه قال : بيتي الشموخ وهي تطالع قدام : ايه بيتك عندي كلام ضروري تسمعه ومايصلح ينقال في مكان عام ...ولا حتى في السياره عناد كان يسمعها وهو ماهو مصدق الي تقوله وتطلبه تذكر شكل البيت ...كله فوضه بس مين هي عشان يهتم بشكل البيت عشانها قال بجمود:اوك | ||||||||
|
| |
|
26-12-17, 10:18 PM
| #219 | ||||||||
| مراقبة عامة ومشرفة منتدى الروايات المنقولة
| اتجهه للبيت ..وطول الطريق... كانوا ساكتين ...هي تفكر وشلون ..تقدر تقنعه ..وهو مصدوم ...من طلبها وليه طلبت تروح البيت مايروحون مكان ثاني ... أول ماوصلوا قال ببرود: هذا وصلنا البيت الشموخ من غير ماترد.. فتحت باب ..السياره ونزلت وهي متوتره والله لو يدري ابوها ولا امها.. انها جايه بيته ...بدون علمهم ماتدري ايش ..يحصل فيها .. مشت ..وراه وهي متردده ..تكمل الي بدت فيه ولا تقوله ..خلاص نروح ..مكان ثاني بس متأكده ..وقتها ماراح تعرف ..تتكلم معاه حست بطنها وجعها يوم فتح باب الشقه ودخل وقف ينتظرها تدخل قدمت خطواتها بتردد أول مادخلت.. وقفل الباب حطت يدها على قلبها ولفت له وهي تقوي نفسها قالت بسرعه : نخيتك ي عناد وأنا في بيتك ماتمم ذا العرس والله مالك مكان بقلبي ولا أنا راضيه لك انك تعيش مع وحده مجبوره فيك عناد عض شفته وقفل عيونه بصبر كلامها يوجع بالحيل ..قال بصدق : ماحسبت انك مغصوبه علي كان مارضيت وقتها الشموخ بسرعه قاطعته: باقي الوقت لك تكفى وقربت منه ومسكت يده بجراءه عناد دف يده مثل الملسوع ..كل مره تصدمه أكثر وأكثر كل ذا عشان ماتبيه قال بسخريه : الحين طالبه تجي بيتي عشان تذللين لي بهالطريقه الوقحه ... الشموخ حست بقهر من كلامه بس ماعليه بتكبر دماغها وعرفت طبعه من أول ماشافته العناد مايجي معه قالت بصبر : لو ترضاها تكمل مع وحده ماتبيك على رأحتك وطالعت الشقه بتصغير الحين تعيش هنا بعد ماكانت عايشه بفله الكل يحسدها عليها... لا لا مستحيل تتم ذي الزواجه وين عقل ابوها يوم وافق عليه يقال مفتضل علينا بعد ... عناد يحس نفسه يضيق عليه جالسه تجرحه مايدري وش يسوي يحس نفسه محتار وخايف عمه وابوها يرجعون اللوم عليه وينقدون تصرفه ومافي فرق بينه وبين مصعب عاد مصعب يوم رفضها ماملك عليها اما هو صارت زوجته يحس موقفه صعب قال بصدق: والله نفسي عايفيتك ولا ابيك زوجه لي الشموخ بفرحه قاطعته : وش تنتظر يالله قولها وريحني والله اني قلت ماترضاها لنفسك عناد بقهر : طيب ابوك وش بيقول عني وأنا داق الصدر قدام الرجاجيل اعطيني حل مقنع له الشموخ بقهر صرخت: قلت لك مية مره ابوي عندي وكلام الناس مايهمني عناد : بس ابوك تهمه سمعته يكفي الي سواه ولد عمك ي بنت الناس افهمي موقف صعب الشموخ بسرعه : ولد عمي فيه شيء خلاه يسوي كذا ومصيري مين الي خرب بينا إلا أنا عارفه انه يبني وأنا ابيه وعارفه مين الي قايل له بس اتأكد.... عناد يحس الدنيا تلف فيه من قوة كلامها بكل بقاحه تقولها بوجهه ..انها تبيه وهي على ذمته بكل قوته قاطعها بكف خلى وجها يلف وصرخ بعصبيه: وأنتِ على ذمتي وبكل باقحه تقولي انك تبيه الشموخ كانت مصدومه من الكف الي جاها تحس خدها تخدر ...أول مره في حياتها حد يمد يده عليها قالت بعصبيه : والله بتدفع ثمنه والله ي ال******* عناد صرخ بعصبيه : قدامي تحركي .. الشموخ مشت وهي تسب فيه وتتحلف حرك السياره وهو يسوق بجنون ...كانت تتمنى توصل بسرعه ...تحس نفسها ماهي مصدقه الي صار معاها ... أول ماوقف السياره نزلت بسرعه ودخلت البيت وهي تركض حمدت الله وهي ماشافت حد قدامها بسرعه دخلت الغرفه وقفلت على نفسها ورمت نفسها على السرير تصيح بقهر روحتها عقدت السالفة زياده ...شوي وسمعت صوت باب الغرفه ..يدق وصوت امها وراه صاحت زود وهي تكتم شهقتها ماتبيها تسمع ...انا انضرب ومن مين من الي مايسوى .... عناد رجع البيت ودمه يثور ..يحس نفسه مقهور وباقي ..مابرد قلبه.... كان نفسه يربيها ويعرفها كيف تفكر قبل تنطق بالكلمه كل مايتذكر كلمتها ان باقي عندها أمل ترجع لمصعب يحس بقلبه يغلي ... @ @ @ الجنوب اليوم الثاني • • بالتحديد في القاعه قالت وهي تطالعها بعدم رضى: يمه ماهي حلوه تفشل نوفه بحده : احمدي الله يمه اشوفها مابها خلاف ياسر متسند على العمود الجبسي وهو ماهو عاجبه وبالعافية ماسك نفسه ولع يوم قالت ماهي عاجبتها بس مطنش بيشوف أخرتها وين ذي النتفه ... شدن قربت من الكراسي وهي تمسكها : وع يمه لا قماش ولا لون ولا شيء يفتح النفس بذي القاعه نوفه وهي تقنعها: عادي يمه ياسر يكلم الرجال ويقوله نبي نختار قماش ولون على ذوقنا ماهي صعبه هذي كلها سهلات اهم شيء حصلنا قاعه بذا الوقت زحمه كلها اعراس شدن بعدم رضى: لا يمه مايمدي نغير طالعت ياسر الي يطالعهم ساكت أقول ياسر مره ماحبيتها ياسر قرب منهم وهو وده يذبحها : ليه ست شدن ماحبيتيها ممكن اعرف شدن ببرود يقهر : كيفي كذا ماحبيتها ياسر بحده : ماعندش إلا هي ولا مثل ماقلت لش حوش حلال ابوي موجود شدن بقهر طالعت أمها:. يمه اسمعي وش يقول رجع يقول حوش ابوه يرضيش يمه نوفه قربت منهم وهي معصبه عليهم الاثنين: تصدقون شكلي بزواجكم جنيت على حالي وعمري بينقص سبتكم انا رايحه السياره وانتم اذبحو بعض هنا وبدا العرس عزاء يالله شدوا حيلكم شدن بخوف قربت منها وضمتها: بسم الله عليش وعلي يمه ويجعله بعدوي يارب وهي تطالع ياسر وتلعب بحواجبها ودها تنتقم منه على كل كلمة جرحها فيها .. ياسر استحقرها وطالعها بستخفاف: خلاص ي عمه نمشي شدن بسرعه: باقي ماتأكدت من كل شيء ياسر عض شفته بقهر وأشر بيده: تفضلي تأكدي شدن ابتسمت له بمكر وقالت: شوف فيه اشياء كثيرة ماحبيتها أبد راح اكتبها لك عشان تكلم الرجال وبنسق لنفسي الكوشه وكل شيء موجود بذي الصاله ابيه على ذوقي ياسر طالع عمته يبيها تتكلم بس وين مطنشه وجالسه تقلب في مفارش الطاولات حس انهم ينتقمون منه ..توها معصبه عليهم وذحين مشت على الي تقوله شدن حس ان الثنتين متفقين عليه قال بقهر: يالله ي عمه وراي مشاوير بقضيها نوفه : انا فداش خلني اطمن على كل شيء يمه ذولا معازيم وفي وجيهنا كل شيء لازم يكون مضبوط ويشرفنا منهم ياسر فتح عينه بصدمه وهو يطالع شدن وهي ترفع المفرش وتتاكد من السراميك الي تحت الطاوله لا كذا أوفر وش يسوون ذولا حس بدمه يغلي : الله والمعازيم ي عمه تراهم ام سعيد وام صالح بنتش ماخلت لش صاحب ولا جاره نوفه بعتب: وهذولا مقامهم عالي وأنا امك وابي ابيض وجهي قداهمم وبنتي الي يغلط عليها يتساهل الي يجيه شدن رفعت رأسها من تحت الطاوله وقالت : ياسر نسيت صديقاتي ياسر صغر عيونه وده يدفنها ...تحت ذي الطاوله اشر بسخريه : خليش بس منشغله بذي الطاولة وانتِ هاجده شدن وقفت وطالعت الصاله كلها وقالت برود يقهر : تبيها من الأخر ياسر تكتف وقال بغيض: ياليت شدن بستفزاز: ماحبيتها أبد ياسر أعطاهم ظهره وقال بغيض : انتظركم بالسياره @ @ @ @ قالت بشوق لأختها: فقدت اصايل ي عمه لو هي هنا كانت الحين يدها بيدنا وتجهز معنا العزيمه قال وهي ناقده عليها: خلاص تزوجت ونستنا يمه حتى سامعه ماترفعها تتطمن علي والله حازتن بنفسي قالت وهي تجهز السلطه : لا تنقدي ي عمه عليها ماتدري وش ظروفها ومتأكده انه مامنعها إلا شيءكايد حتى جواله مقفل ام اصايل وهي تغرف القرصان :والله قلبي مشغول عليها وكل ماكلمت ابو محمد عصب علي وقالي وش تبيني ازوجها واجلس ادورها البنت مع رجلها ولا عليها خلاف بس الحين عروس وبيأخذون راحتهم قالت بقلق عليها: ان شاءالله ربي يطمنا عليها وسكتت وهي تشوف محمد جاي يركض يقولكم عواد وش صار في الأكل ابتسمت بحزن كل ماتذكر كيف احرج أبوها بين الرجاجيل وخلاه يملك له وهي ماهي راضيه ...ولا أخته جايه بقوة عين تقول والله نقدنا على عواد بفعلته وكان لازم من رأيتس بس يقول اشكروني رحمة بنت عمكم قبل يطوفها القطار يقال تضحك على أخوها وسواليفه ماتدري انها اذبحتني.. جت تنقل لي كلامه ... سبحان الله يردها لي يقال ...انتبهت على خالتي وهي تقول : لي ساعه اناولتس الصحن وأنتِ ماهو يمي اسمه لعب بحسبتس والله ي بنات ابوكم يلعبن الرجاجيل بحسبتكم هذيك قطعت وأنتِ سمعتي بس اسمه ضاعت علومس ابتسمت بتوتر وقلت : سمي ي خاله وش تأمرين عليه ام صايل وهي تناولها الصحن : خذي وديه لمحمد يروح به المقلط اخذته منها ومشيت للمقلط شفت محمد واقف بالصاله قلت له : خذه محمد بخوف لا يطيح منه : قربيه شوي اخاف يقع مني تعالي مافيه أحد مشيت معه للمقلط بعد .. مأكد لي انه مابه حد ..أول ماقربت من الباب فتح محمد الباب وتناول مني ...بس انصدمت من الي واقف بوسط المقلط يطالعنا .... وش مدخله وابوي باقي ماقلط الرجاجيل تصمرت مكاني ماهو قادره ارجع والصحن بثقله بيدي مديت يدي و ناولت محمد عشان ارجع بسرعه بس محمد قال بسرعه : والله بيطيح شفته قرب مني بعد ..ماقفل الباب الي يطلعك لللحوش وقال بصوت حاد وهو يتناول مني :ارجعي واحشمي فيه رجاجيل ي حيف • • كتتتتتتتت • • & نونـــي بنت الحنوب & استودعتكم الله الذي لا تضيع ودائعه "الوتر احبتي " الله يرحمك يامن اوجعني فراقك | ||||||||
|
| |
|
26-12-17, 10:25 PM
| #220 | ||||||||
| مراقبة عامة ومشرفة منتدى الروايات المنقولة
| البارت ونزل وان شاءالله يكون قد انتظاركم وقدرت شوي اعوض غيابي الاسبوع الماضي ويارب يكون طوله يرضيكم ولا تحرموني ردودكم الله لا يخليني منكم احبكم ي احلى متابعين &نـــونـي بنت الجنوب & | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
