03-10-18, 01:08 AM
| #621 | ||||||||
| مراقبة عامة ومشرفة منتدى الروايات المنقولة  
|  الشموخ طالعته يوم جاء وجلس جنبي وقال :أبوك مايرد عقدت حواجبي وقلت : ليه وش تبي منه عناد رفع حاجب وقال بخبث : بعزمه لملكتي يوم الخميس الشموخ بغيت أنهبل قلت بسرعه : مجنون لو تسويها وبعدين اي ملكه بهالسرعة متى امداكم تحددون وتحللون عناد ابتسم بستفزاز وقال:ربي مسهلها علينا انت وشلك المهم أبوك عيب لو يدري من غيري أكيد بيعتب علي اني ماعزمته الشموخ ياربي بموت احسني من هالرجال قلت بعصبيه من وقاحته : اي قلب عليك أنت بيموت لو عزمته عارفه أبوي مايرضى فيني وسكتت وأنا لللحين مصدومه هالاسبوع ملكته غريبه وش هالسرعة طالعته يوم ضحك بصوت عالي وقال :مايرضى فيك ايه واضح مره ودق رقمه مره ثانيه واشر بيده يوم رد عليه عشان تسكت : هلا هلا عمي وشلونك الشموخ حسيت قلبي وقف يوم رد عليه فتحت عيني بصدمه يوم قال: ابد والله مافيه شيء بس حبيت اعزمك ان شاءالله يوم الخميس ملكتي ايه ايه ملكتي هالاسبوع ان شاءالله وطالعني وقال ي عم بنتك عاقله وماتفكر بهالتفاهات وبعدين عندي عذر وقوي بعد خذها خذها وناولني الجوال وانا مصدومه مدري وش اقول قلت ودموعي تنزل :هلا يبه قفلت عيوني من الصرخه الي جتني : وش الي يقوله زوجك أكيد يمزح مسحت دموعي وقلت وانا اطالع عناد الي يطالعني بشماته وقرب مني وهمس: لو ماتهجديه علمته بعذري وانتِ خابره وش بتكون رد فعله ي بنت الغالي الي مايرضى فيك هزيت رأسي بدون صوت وقلت وانا اسمع أبوي يهاوش يبيني ارد عليه: يبه حبيبي انت لا تزعل نفسك ومثل ماقال لك عذره قوي والشرع محلل له خلاص ابو اميرة بصرخه : وش عذره توه متزوجك الشموخ طالعته وهو مبتسم بحقاره قلت بغصه: عذره خاص يبه مقدر اقوله شيء بيني وبينه وانا موافقه تكفى يبه مابي اسمع صوتك متضايق عشاني وانا الوضع عادي عندي لاتفكر فيني تدري بنتك وشلون قويه وتقدر تبدر عمرها لاتهم فيني وتكفى لا تقول لأمي بذات هالوقت ابو أميره بعصييه: جهزي حالك وخليه هالحافي المنتف بقلعته يملك ولا يموت أنا استاهل اعطيته بنتي الشموخ طالعت عناد اللي وجهه حمر وتغيرت ملامحه من الشماته للقهر اشر لها تسكر قلت بسرعه : بابا حبيبي لا تجي ماراح اطلع من بيتي خلاص ي قلبي لا تضايق عشاني قفلت عيوني يوم صرخ علي اني مجنونه وقفل بوجهي طالعته وانا اناوله الجوال وقلت بذل: خلاص شفيت غليلك انبسط الحين عناد بقهر عض شفته: أبوك شايف عمره علي بفلوسه الشموخ قاطعته بعصبيه : وش بيكون رده بالله يوم تعزمه بيقولك مبروك زين ماسويت في بنتي أكيد بتكون كذا ردة فعله تحمل شوي ومصيره يرضى عناد بعصبيه :اقسم برب العزه لويجي هنا ويقول بيأخذك وتروحي معاه عاد لاتلوميني وش بيصير مني وعاد تعرفين كلمتي لو قلت نفذت الشموخ اطالعه مصدومه فيه...كل ماتذكر كيف كان أول وكيف تحول كنت اقول انا السبب ..بس بعض مرات اشك ان هذي هي شخصيته وكان يمثل ويسوي انا المحترم يوم دخل الغرفة ..جلست اصيح بقهر الحين وش يفهم أبوي بالله ولا أمي يوم تدري يالله عناد يهددني بشيء قوي لو ابوي يدري به بيروح فيها ..وهو الي بيرميني لعناد وبنذل وقتها أكثر من كذا وقفت ورحت غرفتي ..وجلست على السرير وأنا أفكر ..وشلون امس داق عليهم يقال يسوي مفاجاة لي واليوم يصدمهم انه بيتزوج علي ..يالله قد ايش حقيرر وقفت يوم الجرس رن وأنا ماسكه على قلبي لايكون أهلي طلعت من الغرفه وانا اطالع غرفته ..حسيت الدنيا ظلمت بوجهي وأنا اسمع صوت ابوي معصب وأمي بعد بسرعه مشست وفتحت الباب وعلى طول أمي صرخت بوجهي : قدامي ياللااااا قدامي طالعت أمي وقلت : ماما ي قلبي هدي شوي مو كذا ابو أميره بقهر: وشلون تهدي وهالمنتف بيجيب على رأسك مره وانت باقي عروس الشموخ وش صار لك الشموخ طالعت الغرفه يوم عناد طلع وقال ببرود : هالمنتف بنظرك رجال وساد نفسه ماعمره نزل حاله لك ولا لغيرك وبنتك هذي هي قدامك خيرها تبي تروح معك ولا تبي تجلس عندي وبدون رمي كلام لاني لما الحين مسوي لك قدر وحشيمه ام أميره بعصبيه وهي تقدمه منه تبي تهاجمه : هذا تقديرك لنا تبي تتزوج عليها يالظالم ليه وش ناقصها الشموخ وقفت بوجهه امها وهي تمنعها ماتقرب منه عناد بقهر :مالكم دخل اتزوج ماتزوج هالشيء راجع لي وعندكم بنتكم خذوها لو تبي تروح ابو أميره بعصبيه : ايه بنتي وبتروح معي وغصب عن خشمك واشوف كيف تقدر تمنعها عناد سند نفسه على الجدار وقال ببرود وهو يطالعها : ماراح امنعها تبي تروح درب السلامة تبي تجلس معززه مكرمه ام اميره وهي تمسك الشموخ بيدها : يالله جيبي عباتك وقدامي ومن اول قلتها لك ولد الجوهرة هذا مابه خيرررر بس ركبتي رأسك وصغرتي عمرك حتى زواج مثل الناس ماسواه لك والحين يبي يتزوج الشموخ ودي فعلاً أخذ عباتي وارتاح من ذا كله طالعته كان يطالعني بتهديد ..حسيت فيه لو تقدمت خطوه بس وسويت الي أمي تطلبه مني راح يقول الي صار مني يعني نهايتي على طرف لسانه ..تعوذت من ابليس وقلت : ماما حبيبتي انا راضيه وطلعه من بيت رجلي مالي وخلاص انا اخترت هالحياة من البدايه وراضيه فيها بس أمي قاطعتني بصرخه : الله يقطع هالحياة مع هالرجال وطالعت عناد وقالت والغبنه بصوتها تبي تتزوج عليهاليه وش الشيء الخاص الي ذابح عمرك عليه قلت وانا مابي عناد يرد عليها برد يقهرها زود :خلاص قلت لكم طلعه من بيت رجلي والله ماطلع وتكفون لاتكبرونها خلاص شيء خاص بيني وبينه ام اميره بصدمه: تسمع الي اسمعه ي راشد ابو اميره بصرخه: بنتك ابد مابها فوت ومصيرها تحسرعلى الي تسويه بحالها وياللاااانا قدامك احتريك بالسيارة لأني لو جلست شوي بموت وطلع وهو معصب الشموخ قربت من أمها قبل تلحق أبوها وقالت: تكفوون لا تزعلون مني ومسحت دمعتها الي نزلت وضمتها وهمست قولي لبابا احبه كثير لا يزعل مني وانت بعد ام أميره وهي تصيح طالعت عناد : الله يقهرك مثل ماقهرتها وان شاءالله كل دمعه نزلت منها تكون جمره بقلبك ياللي ماتخاف ربك ابعدت الشموخ عنها وقالت وهي تطالعها وتمسح دموعها بيدها بعد قلب أمك فكري بنفسك وامشي معانا وخليه يسوي الي يبي وبكره يطلقك ويأخذك اللي احسن منه وهذا الي انخدعنا فيها كلنا بحريقه تحرقه هو والي بيأخذها ومسكت يدها تجرها تبيها تجي معاهم عناد كور يده بقهر من اول تغلط عليه وهو ساكت ومقدر وضعهم بس معاد فيه يتحمل ماهو قادر قرب منها وسحب الشموخ من يدها ومسكها بتملك وقال : والله محترمك للحين بعد الله يخليك لاتخليني اصدمك فيني أكثر الشموخ سحبت يدي منه وانا اسمع كلامه لأمي حسيت فيه غرور وتعالي علينا قربت من أمي وهمست لها : ماما خلاص تكفين وصدقيني لو ماعجبني الوضع والله لارجع لكم ام اميره طلعت من الشقه وهي معصبه وتسب فيه وفي امه الشموخ طالعته يوم قال بستفزاز: غلطوا واجد علي بس الحمدلله اخلاقي عاليه وأكبر دليل مافضحتك قدامهم وهذي بحد ذاتها كبيره لاتنسينها لي اوكيه ومسح دمعتها للي نزلت على خدها ورفع يده وقال ماتأثر فيني أبد صرخت بقهر وانا كاره صوته وجوده بدون حس ضربت على صدره بقوه : اسكت اسكت خلاص لعاد تذلني زود حسيت فيه يوم قيد يديني بين يدينه وصرخ بقوه : وبعدين معك طالعت عيونه وقلت بضعف :عناد مابي اسمع شيء منك واشرت للباب روح روح وخلني وصرخت بقهر وأنا افلت من يده يارب ينحرق قلبك مثل ماحرقت قلبي وقلب أمي .... وجلست على الأرض منهاره ..وش تبي فيني مدام ماهو راضي تسامحني هذا الي ودي أعرفه بس عناد طالعها شوي وراح لغرفته مايبي يشفق عليها مصيبه لو طاوع قلبه ..كور يده وضرب الجدار بقوه وهو مقهور منها ومن حاله تعوذ من ابليس وجلس وهو يفكر في الي صار ..وكاد غلط يوم عزم أبوها بس لازم يدري وماعنده إلا هالطريقه وبعد هالشيء كان مخطط له من انتقامه منها بس بعد قلبه محروق من كلام أهلها عليه .وقف وأخذ جواله ومحفظته وطلع من الغرفه شافها مكانها بالأرض تصيح طنشها ومره من عندها وطلع من الشقه .. الشموخ قفلت عيوني يوم ضرب الباب وراه حسيت بقهر ..كل ماتذكر الي صار .آه يبه والله اني ودي اروح معك بس م باليد حيله أول ماذن العشاء رددت وراه ..ورفعت رأسي وقلت يارب برد على قلبي وأجبر خاطري يارب ..استغفرت ربي بعدها حسيت براحه شوي...وقفت على حيلي ورحت توضيت وصليت ..وجلست ادعي الله يقويني على الي بيصير معي ..آه قدامي ايام صعبه.. تمددت على السجاده وأنا احس بتعب وصداع ذبحني من كثر الصياح .. قفلت عيوني وغفيت ... @ @ @ طالعته يوم فتح الباب ابتسمت له وأنا فرحانه انه رجع بخير ..وماعليه اثار مضاربه بس صد عني ودخل الحمام الله يكرمكم افف موده زفت اسكت أحسن شيء سندت ظهري على السرير ..وسكرت عيوني أفكر وشلون اخليه يرضى عني ...واعرف رجع أخذ المسدس او لا وعلى مين ناوي بالضبط ..فتحت عيوني يوم سمعت صوت الباب ينفتح طلع وهو ينشف شعره وقال قبل اتكلم :والله ي اصايل لو اسمع كلمه تافهه مثلك سويت الي في بالك وتذكري كنتي خايفه منه اصايل بلعت ريقي كأنه يذكرني بظني فيه الحقود مع نفسه ماراح اتكلم عليه ..رفعت شعري لفوق وثبته بالشباصه وأنا اطالعه بابتسامه مستفزه تمدد على السرير وطالعني وقال وهو يأشر على الباب :برا اصايل بصدمه : لاااااااا مصعب ماتوصل لكذا مصعب صغر عيونه بقهر: لأني عارف كثر نصايحك وغثاك وبختصرها على عمري وراي دوام اصايل ابتسمت وأنا مطنشه كلامه :والله وصرنا نداوم غمزت له قولي وش وراك أكيد ماتهرول عبث مصعب رفع حاجب وقال: مالك دخل وحط المخده على وجههه وقال دقيقه وحده لو ابعد هالمخده عن وجهي وشفتك قدامي وقتها اكتبي وصيتك اصايل حسيت بقهر منه شوفو كيف طريقة كلامه معي كله تهديد ويقال ليه اخاف منه وبعد زعلان ولا وصلت فيه يطردني من غرفته الخايس وين اروح بالله الحين ...وقفت وانا أخذ مخدتي وارميها عليه وطلعت وقفلت الباب بقوه وأنا مقهوره سمعت صوته وهو يهدد: بحاسبك والله ماراح تعدي كذا فتحت الباب وقلت : مع نفسك بس بسرعه قفلته يوم طالعني بتهديد وشوي ويقوم لي طالعت الجناح كله غرف فكرت اروح لااي غرفه بس خفت ينشب لي مثل هذاك اليوم واتهمني اني داخله غرفة عناد بالقصد ..جلست جنب الباب اخخخ بس رجولي عورتني من برودة البلاط ...طالعت الغرفه وانا اهمس حسبي الله عليك من رجال وقفت ونزلت الدرج وانا متملله .. يالله وين بنام هالليله ... جلست على الكنبه ..شفت الخدامه رايحه غرفتها حسدتها والله ..رفعت يدي لها وقلت لومافيك نوم تعالي سولفي بس عضيت شفتي يوم شمقت فيني ودخلت غرفتها اخخخ هذي جاسوسة الجوهرة بالبيت ..كرهيه مره غير عن الخدامه الثانيه تمددت على الكنبه وطالعت الساعه الكبيره الي بالصاله شوي وتصل 11 ياللا انتظر ساعه يكون السيد مصعب نام واقدر ارجع الغرفه بس والله هالطرده بطلعها من عيونه يقال الحين بزعجه الموظف المهتم بدوامه ..إلا الله العالم وش وراه احس وراه مصيبه ...إلا دايم هو وابوه هواش عشانه هالدوام ... إلا على طاري شيخ الشباب صقور سافر مع سوسو ولا باقي .... ابتسمت بخبث ودي اشمت فيها واحرق قلبها مثل ماتحرق قلبي ...بس انفزعت يوم الباب انفتح فجأة ودخلت الجوهرة وهي تضحك بصوتها كله اعتدلت بجلستي وطالعتها قدامي واقفه وشكلها انصدمت من وجودي كشرت وقالت : خلاص شوي واكلمك وقربت منها وقالت بقرف:وش مجلسك هنا اصايل وش اقولها مطروده بس رفعت رأسي وقلت بشموخ :مالك دخل بيت رجلي وأجلس بالمكان الي يروق لي عندتس مانع الجوهر بقهر رمت الشنطه بالأرض : بيت رجلك بعينك هذا البيت كله لي وصقور ومسجله بأسمي اصايل هزت رأسها وقالت بخبث :إلا صقور سافر ولا باقي الجوهرة نزلت نفسها وأخذت الشنطه وقالت بعصبيه : مالك دخل ومشت بسرعه اصايل : على هونتس لا تطحين صدقيني عظامتس ماعاد بهاقوه وجبرها بيكون صعب وبنفسها الله يأخذتس ليتني ماطريتس ماحسبتس بتنطي بوجهي تسذا... @ @ @ @ عناد يلف بشوارع الرياض وهو ضايق ومقهور من كل شيء من كلامهم وخايف بعد يظلم عبيرررر اتجهه للبيت وقف قدام العماره وجلس بسيارته مانزل ..وهو يفكر بالشموخ ماوده ينزل ويدخل البيت ويشوفها قدامه ..مايبي قلبه يحن ..بالقوه سحب نفسه من توو ..رفع رأسه وهو يستغفر ونزل اتجهه للشقته وفتح الباب ودخل ماشافها قدامه بالصاله توقع يحصلها باقي مسويه مناحه مثل عادتها ..اتجهه لغرفة النوم شافها قدامه على السجاده متمدده انصدم قرب منها مفزوع جلس على ركبه وقال وهو يهزها بخوف : الشموخ بس يوم حس نفسها منتظم وفتحت عينها تطالعه ثقل نفسه شوي وقف وقال بحده :وش ذي النومه بالله وأشر بيده على السرير يعني الحين ضاق عليك السرير عشان تنامين هنا وتقفلين الطريق للدولاب بطلع لي ملابس ماعرفت ... حس نفسه يخربط بالحكي مايدري وش يقول كله عشان مايبي يوضح خوفه عليها ..يحس قلبه يدق بسرعه فعلاً فزعته افتكر اغمى عليها او صار لها شيء أخذ منشفه وملابس وطلع من الغرفة وهو يسب عمره مفضوح عندها على الأخر .... | ||||||||
|  |
|
03-10-18, 01:10 AM
| #622 | ||||||||
| مراقبة عامة ومشرفة منتدى الروايات المنقولة
| طالعت الجوال يوم رن فتحت الخط وهي معصبه : مقفل بوجهي ومسوي حظر والحين تدق لك وجهه قال بضحكه : خلاص فتحت الحظر عنتس لا تعصبين شمسه انصدمت من رده توقعت يهاجمني مثل العادة ولا أقل شيء يقولي ليه باقي جالسه وانا قايلتس روحي قفلت عيوني يوم قال بهمس : شموس تسمعيني عضيت شفتي بقهر :عواد عواد بهمس : هلاااا شمسه رفعت حاجب وقالت :بك شيء أكيد لايكون بتموت وتبي تطلب السماح من الحين أقولك ماراح اسامحك عواد قال بفخر: لو مت فخر لي ولتس بعد تكوني مرة الشهيد شمسه :فخر لك ولأمك أنا وش يدخلني عواد بسخريه : بعد تبريتي مره بدل ماتقولين الله يطول بعمرك معترضه ليه جمعتس معي شمسه بحقد:تدري فيني ماحب تجمعني معك بشيء وتذكر أنت الي انهيتني من حياتك قبل عواد زفر بقهر : شمسه خلاص لا تفتحين هالسيرة أبد ماهو وقتها والمهم الحين ابيتس تروحين لابتسام وقولي لها رجلها حتى وأنا بالحد الجنوبي ابثرني فيها يقول مقفله جوالها من يومين ورافضه تفتحه وترد عليه قولي لها والله لو ماتفتحي جوالتس وتدقي على الرجال جيت وكسرته على رأسها حدي واصله معي منها ومنه شمسه بقهر : تكسر على رأسها ايه تسويها مارحت بعيد طالع على عمك أبو محمد عواد بحده : ايه لان الي مثلها يبي لهن سنع بس الملامه ماهو عليكم على الرجال الي ماخذينكم معطينكم وجهه بزياده ولو طلعت مثل عمي لي الشرف ابوتس ي العاقه شمسه تحس الكلام كله موجهه لها وبعد صرت بنظره عاقه قفلت الخط بوجهه وطالعت الجوال وصرخت بقهر دايم أنت المنتصر عواد شوي وصلت رساله منه فتحتها وكان مرسل لها ( بعتبرها انتس تأخذين حقتس مني يعني وحده بوحده بس مانصحتس انتس تعيدينها ويالله بحفظ الله ادعيلي عندي تقدم بالصفوف الأولى ) رميت الجوال من يدي ..وهي تصرخ بعد تبيني ادعيلك دخلت غرفتة ..وقربت من التسريحه ورمت كل عطوره وساعاته بالأرض وهي مقهوره ومعصبه حدها ..طالعت الأرض كلها زجاج وبعد ساعاته منثره قدامها بسرعه راحت للدولاب وفتحته وطلعت فستان عرسها ...إلا لما الحين ماهي عارفة ليه ماتخلص منه مثل مارماها أول لليلة ...طالعته وهو بين يدينها حست احداث هذيك الليله تمر قدامها ..بسرعه رحت لغرفتها وفتحت شنطة مكياجها وطلعت مقص وأخذت جوالها ورجعت لغرفته وقصت الفستان من كل مكان وهي تصرخ منهاره وتصيح محتفظ فيه يقال من كثر حبك لي ...حست بوجع بيدها وهي تقص رمت المقص وهي تشوفه مقطع وصل قدامها صورته ورسلته له وكتبت (وشهوله تحتفظ فيه مدام صاحبته انتهت من حياتك ) كلها ثواني وجاني رده الي حطمني (عادي ارميه بأقرب زباله هذا مصير الي ينتهي عندي ) حسيت الدنيا سودت بوجهي الحقير ردها لي باقوى يعني انا بنظره تسذا ..سويت حظر له مابي عاد يرسل لي شيء يوجعني عارفه عواد سليط لسان وراح يوجعني أكثر من تسذا أخذت نفس وقويت حالي شوي ومسحت دموعي الي تنزل ومعانده توقف مشيت بحذر للتسريحه وقفت وطالعت حالي خلاص شمسه لايكسرتس واحد مثل عواد ...تذكرت كلامه عن ابتسام ياللا طلعني من طوري وخلاني انسى طلعت من الغرفه ورحت لها ودخلت عليها وأنا معصبه :ي شيخه رجلتس ذا ابثرنا فكي جوالتس وفكينا ترا مسخت مره منتس ومنه ابتسام بقهر رمت الكتاب الي بيدها : وصلتس بعد وشلون دق عليتس الله يفضحه فضحني هالرجال شمسه تلفت يمين ويسار تدور شيء ترميها فيه : هييي عمى بعينتس ي الخايسه وش ذا الحكي يدق علي تسيف يالي ماتستحين داق على اخوتس والحين دق عليه يقولي قولي لابتسام تفتح جوالها ابتسام : اسفه شموس بس والله توقعت يسويها لأنه مجنون الظاهر يومين ويدق على الشرطه بعد عشان يطلعوني له ..والحين شوفي بعينتس ماعتق أخوي حتى وهو هناك هذا وشلون يفهم اقوله هالفتره عندي اختبار مأخذه ترم صيفي ي ولد الناس أفهم يبي شوي اهتمام بس لا ابثرني بصور الفساتين الخايسه الي يرسلها وموعد العرس شمسه بعصبيه: مدري عنتس انت وهوو ليت اليوم تتزوجون وننفك وطلعت وقفلت الباب بقوه ابتسام رفعت صوتها: على هونتس لا تحطين حرتس على عواد علي انا ورجلي @ @ @ @ أول مادخل جدة ..طالعها وهي نايمه اللي خلاه يقول له زيارة .. عشان تذكر مكالمته القديمه لعمها ..والحين لو خبرته بالي صار أكيد بيتأكد من كلامه الي وصله له زمان ..عض شفته بقهر مايبي يتذكر سواته هذي لازم يحذرها وتألف له اي شيء بس لا تقول له انها شردت وهذا سبب رجوعها له ..ابتسم بسخريه مايبيها وبنفس الوقت خايف عليها لانه أول ظلمها ويحس للحين بتأنيب الضمير ويخاف يشبك هذي مع هذيك ويسوي فيها شيء ويأخذ اثمها ...أخذ جواله ودق رقم عمها ... وقال له يوصف له المكان وسكر طالعها يوم صحت من النوم و تطالعه بخوف وقالت : لا تقول وصلنا ياسر : صحيتي حلوو ابيش تسمعي الي بقوله لش قبل نوصل شدن تلفت يمين ويسار بخوف وقلت :من توو الي تكلمه عمي صح ياسر : ايه ابيه يوصف لي المكان المهم الحين ابيش تقولين مابي ارجع مع ياسر مابيه أبد فاهمه خليش انتي الي رفضتيني ولا تقولين الي صار بالضبط شافها بتعترض قال شدن والله يمكن يذبحش ولا يسوي بش شيء تعرفينه دمه حار وماراح يرحمش خلي كل العيوب فيني وخلي الرفض منش شدن صاحت بقهر وهي تسمع كلامه : ليه خايف علي وأنت الي رميتني بنفسك له ياسر بضيق : سوي الي قلت لش عنه وتكفين لو مره اسمعي كلامي وأنا بحاول ابعد الشك عنش بس أنت خليش على كلمتش انش ماتبيني شدن صدت بدون ماترد عليه تحس عيونها توجعها من كثر الصياح ..وراسها ثقيل واطرافها بارده من الخوف وكلها دقايق ..وصل للعنوان الي قاله له ...وقف السياره قدام بيت عمها .. بس بسرعه مسكت فيه وهي تقول بصوت مبحوح : ياسر يجعلني مافقدك لا تتخلى عني ياسر طالع عمها الي واقف وجبنه شاب طويل ونحيف همس لها وقال : لأخر مره اقولش ي شدن سوي الي قلت لش عنه قولي مابي ياسر وطالبه الطلاق منه وانا طبعاً بحاول امثل عليه الحين انه يقنعش تردين لي والحين بس جبتش لهم عشان ترتاحي عندهم شوي وبأخر طلاقي شوي منش عشان مايشك بشيء فاهمه ومسك يدها شدن ماهو وقت صياحش الحين تكفين خليش انت الي رافضه العيشه عندي وعند عمتي نوفه ولا تمسكي فيني قدامه عشان تردين معي مابيه يشك وكمل وهو يذكرها تذكري وش مسوي قبل زواجي منش ... وشلون جاء وهو ثاير عليش بسية كلام كذب وصله تكفين شدن قوي عمرش شوي شدن كنت اسمعه وانا اطالع عمي واطالع الي واقف جنبه ..طالعته يوم رجع يحذرني همست له وقلت :يالله تقتل القتيل وتمشي بجنازته ياسر بقهر : قلت لش لمصلحتش ي بنت الناس شدن وجسمها يرجف : مصلحتي تردني ياسر قفل عيونه بصبر وقال : المهم الحين تنزلين ومثلي مثل ماقلت لش وعاد انت خبره بالكذب مايحتاج اوصيش شدن طالعته وقلت :لو مت ماراح اسامحك ياسر تذكر هالشيء ياسر طالع عمها يوم قرب منهم وهو يضحك ويرحب : هلا والله بريحة هلي همس انزلي بسرعه وسوي مثل ماقلت لش نزل وسلم عليه ابو خالد وهو يأشر على ولده : وهذا خالد ولدي ياسر ابتسم له وسلم عليه وطالع ابو خالد وقال وهو يعتذر : اعذرنا جاين هالوقت والناس نايم بس وش اسوي بنت اخيك فقدتك ورفضت حتى تخليني استأجر ونجيك من بكره إلا تبي عندك وعاد شدون ورأسها اليابس مين يقدر يردعها طالعها يبيها تتنزل بس رافضه ابتسم بتوتر وراح لجهة بابها وفتحه وانحنى شوي وهمس :شدن عشان عمتي نوفه سوي الي اطلبه منش صدقيني مارح يرحمش شدن طالعت عيونه ادور الرحمه فيها همست له : ليه ماترحمني أنت طيب صك على سنونه وقال انزلي بسرعه طالعت عمي يوم قرب مني : علامها بنتي ماهي راضيه تنزل هذي الي مشتاقه لي ياسر رفع نفسه وقال وهو يبتسم :مستحيه منك ابو خالد قرب منها ومسك يدها ونزلها وقال : والله ي هالزيارة ردت روحي لي تفضلي البيت بينور بطلتش ي بعد قلبي شدن طالعته وانا خايفه طالعت ياسر الي واقف ويطالعني يبيني أتكلم بس مافيني والله جسمي كله يرجف ودموعي رافضه توقف وصوت شهقاتي واصله لعمي ابو خالد قال بخوف وشك : تصحين يبه ليه عسى ماشر وهو يطالع ياسر ياسر بسرعه قال : ياليت ي عم تعقلها بس عن الي في بالها ابو خالد عقد حواجبه وهو يسمعه يتكلم قال وهو يتلفت : تفضلوا مايصير هالكلام وحنا برا خالد قلط ياسر وانا بشوف بنت أخوي وبجي لكم ياسر بسرعه قال :مقدر والله والحين شدون امانه عندك وتكفى مثل ماقلت لك عقلها وانا مستعد اسوي الي تبي بس ترضى عني شدن كان صياحي يزيد وانا اسمع كذبه علي عمي بس فعلاً مثل ماقال يمكن لمصلحتي وكاد عمي يتبرأ مني مثل أمي طالعت عمي يوم قال :عسى خيرر ياسر نزل الشنطه وطالعها وقال: اترخص شدن حسيت الدنيا قفلت بوجهي وانا اشوفه معطيني ظهره خلاص انتهيت ودي اصرخ واقول تكفي ي ياسر لا تخليني لهم ..فرحت يوم رجع طالعني وابتسم لي ..وأشر لي بيده يودعني ...بس قفلت الدنيا بوجهي يوم رجع اعطاني ظهره وركب السياره وحرك بسرعه حسيت رجولي ماهي حاملتني طالعت عمي وهو يقول : بسم الله عليك قوي نفسك شوي يبه وتعالي معي وبأخذ حقك كله منه بس أفهم وش بينكم أول شدن رجولي رفضت تتحرك كنت احس عمي يجرني جر وكل ماتقدمت أتخيل اللي صار لي منهم قبل أول مادخلت بيتهم طالعت زوجته وهي رافعه خشمه ونفس الوقفه ماتغيرت.. هذي سيب عذابي ..حسيت الدنيا تدور فيني ورأسي ثقيل ورجولي معاد حملتني وحسيت عمري اذبل من يدين عمي قفلت عيوني وانا احس كل شيء حولي سواد كنت اسمع صراخ عمي فوق رأسي ..بس ماقدرت ارد عليه .... كتتتتتتتتت & نونــي بنت الجنوب & سبحان الله وبحمده سبحان الله العظيم استودعتكم الله "الوتر أحبتي " "الله يرحمك يأمن اوجعني فراقك " يالله الحين ارتاحوو من بنتي سافرت وخلتكم انتم وياسر الي تدافعون عنه المهم حبوبات لاتحرموني ردودكم العسل مثلكم الله يحفظكم يارب | ||||||||
|
| |
|
03-10-18, 01:21 AM
| #623 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 47 ( الأعضاء 9 والزوار 38) فيتامين سي, ام تنسيم, نور كان بيروت, 4sttaa, بيااان, better tomorrow, nsr7531, bobosty2005, حررره قراءة ممتعة لكم....... وردود ممتعة لنا ....... وللغاليه نوني ....... | ||||||||
|
| |
|
03-10-18, 02:05 AM
| #624 | ||||
| حياكى الله فيتامين سى بارت اليوم جميل والله شدن على اد ما كنا مقهورين منه البارتات إللى فاتت على اد ماوجعت قلبى هالبارت ياريت هذا يكون درس لها وتتعلم منه وتتخلص من فصولها ولقافتها وكذبها الجوهره وسحر وصقر عندى احساس ان انتقام ربنا ل ام مصعب راح يكون قريب منهم وراح تتخلص الشموخ من زواج عناد وعبير شمسه وعواد اتمنى شمسه تسامح عواد ترى الحياه قصيره ماتستاهل كل هالمشاحنات وألصد والجفا مزيد من الابداع يانونى ولا تتاخرى علينا بالبارت القادم الله يوفقك | ||||
|
| |
|
05-10-18, 01:38 AM
| #629 | ||||
| نجم روايتي 
| ما هذا البارت القاسى لقد احزننى كثيرا وضع الجميع رغم أفعال شدن الا اننى تعاطفت معها وبنفس الوقت أجد العذر لوالد ياسر بما فعله فهى لا تتعلم وتتمادى بتصرفاتها بغض النظر عن النتائج فكان لابدان تعاقب بطريقة صعبه كان الله بعون نوفة تألمت من أجلها هى بالفعل تحبها كابنتها ولكن كانت تحتاج للكثير من الحزم وكذلك الشموخ كان عناد قاسى عليها ومصمم على الزواج يستحق ما فعله والدها و والدتها يعنى رجل سيتزوج على ابنتهم المفروض بقى يهنوا ويباركوا ده يحمد ربه أنهم لم يولعوا فيه يا ريت يرجع عن هذا الزواج وشمسة لم تسامح عواد محتاجين يتكلموا مع بعض بصراحه وعواد يكون أكثر تفهما من ذلك ولا يستفزها حال مصعب واصايل مرتبط بصلاح حال والده لو حسس ابنه انه فعلا اب له سند وحماية وأمان سيختلف مصعب ويعيش حياته مع اصايل بهدوء وسعادة فتصرفاته عناد بوالده يا ترى ما مصير شدن بعد تخلى نوفة وياسر عنها وعمها المفروض يحتوى هذه اليتيمه ولكن الحياة احيانا تكون قاسية رغم الوجع ولكنه فصل ممتع بالتوفيق عزيزتى لك منى اجمل الامانى 🤗🤗🤗🤗🤗🤗🤗🤗🤗 | ||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
