01-02-20, 03:20 AM
| #1701 | ||||||||
| مراقبة عامة ومشرفة منتدى الروايات المنقولة  
|  البارت الواحد والثلاثين يوسف ابتسم واهو مستغرب نوع الشكوى وبسخريه : طيب اتوقع انتم بنات نفسها والاخايفين تنفتنون فيها !! هاجر بجديه : لو سمحت حنا بنات محترمات ومانقبل وحده تجلس معنا بوضع مصيدت الذبان ! انطلقت ضحكته المجلجله :ههههههههههههههههه هاجر انقهرت بس ماتقدر تسوي شي نائب المدير وش بتقوله يعني ...... يوسف حس انها انقهرت من حركاتها حاول يسيطر على ضحكته لحد ماسكت بالقوه واهو يكح : كح كح احم طيب امشي قدامي خل اشوف مصيدت الذبان قاله ورجع يضحك ثم قام واقف بعد ماشبع ضحك واشر لها تمشي قدامه هاجر مشت راجعه للقسم وادخلت ولمار جالسه على طرف مكتبها بتحدي واهي متوقعه ان باسل هو الي راح تكون عنده الشكوى هاجر اجلست مكانها بصمت لمار فسرت صمتها على ان باسل شرشحها علشانها : قايله لاتنفشين ريشك وتسوين فيها راعيت صوت في الادراه والكلام كله انصب في اذن يوسف الي دخل وشاف كيف جالسه على طاولت المكتب بوقاحه تنحنح ينبهم لوجوده انقزت لمار من فوق المكتب ووقفت وراه واول ماشافت وجه يوسف اشهقت بانبهار شهقه ماهي بعيده عن شهقة حلا : هلابك طال عمرك في قسمنا ! يوسف ماخذ وضعية المدير الرسمي مع موظفينه وفي داخله ضحكه يجاهد انه يخنقها.. زي ماقالت هاجر مصيدت ذبان وصف في محله تكلم بصرامه واهو يعقد حواجبه : خصم يوم على الجلسه البعيده كل البعد عن الاحترام خصم يوم على تطاولك على زميلتك والي سمعته باذني خصم يوم وتسجيل يومك ذا غياب على مصيدت الذبان الي ناصبتها عندنا هنا ميس اسمعت مصيدت ذبان من هنا وافرطت ضحك من هنا غصب عنها : هههههههههههههههه يوسف التفت عليها واهو رافع حاجبه على جنب : وانتي خصم يوم على هالضحكه الي مالها سنع ميس ارفعت ايدينها بوضعية الاستسلام : اخصم اخصم اشهد انها ضحكةٍ تستاهل من يتخسر لها لمار شافت كيف ميس ردت عليه وتشجعت : انا اعترض على الخصومات مافيه والاقانون في الشركه يمنع اي شي من الي انا سويته يوسف بعدم مبالاه : كلمتي الحالها قانون لمار وكل ضنها ان باسل يحبها وماراح يتخلى عنها : باشتكيك عند المدير واولده يوسف بابتسامه : روحي عشان يخصمك انتي من الشركه ميس اضحكت مره ثانيه :هههههههههههههههههه خلصت ضحك ويوسف يناظر فيها بجمود ارفعت يدينها مره ثانيه باستسلام : اخصم اخصم يوم ثاني راضيه والله يوسف شمل المكتب بنظراته شاف هاجر وغاده يراقبن الي يصير بهدو وغيظ! رجع يلتفت على لمار : هاه موافقه على الخصومات والغياب والا ودك تشتكين تراي مره ديمقراطي لمار ماتقدر تشتكي عند طارق صحيح انه انسان محترم بس عصبي هن كموضفات مايتعامل معهن الافي حدود ضيقه وبرسميه لكن الموظفين الرجال يتضايقون من عصبيته تخاف تروحله ويعصب عليها : بشتكي عند باسل يوسف رفع اصبعه السباب حطه في اذنه وكأنه ينضفها :عند من عيدي اعادت بابتسامت ثقه :عند باسل ! قالته واهي داريه انه يقصد انها اسقطت الالقاب يوسف ضحك بقوه : هههههههههههههههههه وبنظرة خبث استدعاها من ماظيه القريب :طيب ياجميل اشتكي عند باسل بيجي بعد الظهر مايحتاج اذكرك قاله واستدار طالع من القسم النسائي واهو يحس ان صوت من الماضي رجع يناديه .....انتفض باستنكار لانه يرجع لوضعه السابق ...بدى يستغفر بكثره ورجع جلس على مكتبه واهو مستمر في الاستغفار ....... وفجأه انفتح باب المكتب ودخل طارق وغنى الي اركضت ليوسف واهي فاتحه ايديها بفرحه :يوسف يوسف فز من على الكرسي وطلع من ورى المكتب واهو يفتح ايديه لغنى الي ارتمت في حظنه وقام شايلها : غنوشتي الحلوه وش عندها مداومه اليوم غنى : جيت اقولك صار عندنا يوسف زيك يوسف بضحكه :هههه اجل بروح لأهلي دام عندكم يوسف بدالي غنى : لا تروح خلاص مانبي يوسف صغير يوسف باس خدها : امزح موب رايح واحب يوسف الصغير واذا كبر اشوي ناخذه معنا للبقاله .... غنى طارت من الفرحه على مشاوير البقاله... وقريب منهم الكلمه انزلت مثل الضربه على راس طارق الي بدى يحتل يوسف ويعتبره اولده من جد حتى انه صار يتفقد صلاته ويهاوشه عند الدخان ..... تجهم وجهه وشال هم ذاك اليوم الي يتركه فيه يوسف ويروح لأهله ...وبدفاشته المعهوده نفخ على يوسف ينفس عن حرقة خوفه من فقده : اترك لعب الوراعين عنك وخلص شغلك بسرعه قاله وتجاوزه لمكتبه بغضب ....يوسف التفت عليه واهو الثاني زيد تعود على اسلوبه ويفهم تفكيره : اسمعو من يتكلم مدشر الشغل من صبح والحين جاي تهايط على راسي طارق التفت عليه بعصبيه : انا لمتى اعلمك اذا تكلمت معي تكلم بادب فيه احد يقول لابوه تهايط صدق قلت حيا يوسف الحقه لمكتبه واهو عارف انه صار يشمله بأبوته نفس باسل ويعامله بنفس معاملته لباسل والغريب انه حتى هو صار يعتمد اسلوب باسل في تهدئته دخل وراه للمكتب واهو باقي شايل غنى تقدم للمكتب نزلها على واحد من الكراسي الي قدام المكتب ولف من وراه ..رخى على طارق وباسه على راسه : يعني مانمزح مخاوينك طال عمرك هاماهم يقولون لاكبر ولدك خاوه طارق ابتسم على عيارته : طيب ياخويي النشبه الحلوه ذي وش نسوي فيها وعندنا اجتماع بعد نصف ساعه قاله واهو يأشر على غنى يوسف التفت على غنى : احلى نشبه الحين باخذها معي لاستراحة الموظفين الي تحت واذا رجعت حطيتها في القسم النسائي طارق فتح الملف الي قدامه : زين ثم التفت عليه بشك : لايكون بتروح تشرب السم ... قاطعه يوسف : ماني شارب شي لاتصير شكاك وكل شي تهاوش عليه قبل تتأكد طارق صد عنه : الله يذكر باسل بالخير والا انت ماغير تنافخ علي يوسف ابتسم واهو ياخذ غنى بيدها : اي والله.. الله يرزقه الجنه على كثر ماتهاوشه طارق حذفه بالقلم الي في يده ويوسف انحاش عنه :تقلع لابارك الله في العدو طلع يوسف من قسم الاداره واهو ماسك غنى بيدها وبدي يمشيها في اقسام الشركه في طريقهم للاستراحه وكل من مروه يسلم على يوسف باحترام واهومكانه واغلب الموظفين هالوقت يمرون على الاستراحه يشربون قهوه فيها او ياخذونها لمكاتبهم ..من اول يوم دخل فيه هالشركه وباسل وابوه يعاملونه وكأنه واحد منهم والافي يوم حس انه مجرد موظف في الشركه ..بلعكس الكل يعامله وكأنه من اصحاب الحلال ورغم ان باسل وابوه يعرفون من هم اهله الا انهم ماهتمو لموضوعهم وكان تعاملهم معه هو يوسف كشخص بعيد عن اي اشخاص اخرين وهذا الي خلاه يتمسك فيهم ويقعد معهم طول هالمده ......ابتسم لمى دخل استراحة الموظفين وكل الموجودين اوقفو يرحبون فيه من اماكنهم حياهم واهو يوزع نظراته بينهم ويبتسم لهم اتسعت ابتسامته واهو يجلس مع غنى على طاوله صغيره في الركن ...هذا انا يابروق يوسف من غير راشد العامر وهذا هو المجلس فز كله لحضوري ومن غير لايعرفون ان اسم راشد العامر محفور على جبيني .....هنا البدايه وبيجي يوم وتشوفين من هو يوسف ؟!! ___________________ بروق اطلعت من غرفة عمتها بعد مانامت شافت في الممر اربعه كراسي حديد ثابته على جسر واحد تلفتت في الممر شافت انه بعيد عن الحركه وشبه منعزل اجلست على اقرب كرسي وطلعت جوالها تدق على رهف .....بعد التحايا والمجاملات رهف : الحين انتي من جدك بتقعدين تكدين على عمتي طول النفاس وعندها بنت طول الباب لاشغل والامشغله بروق : ومن قال بقعد طول النفاس انا ماجيت الاعلشان عمتي طلبتني بنفسها واهي صدق تعبانه ومحتاجه احد يقوم عليها واهي فرصه اغير جو الخنقه الي كنت فيه رهف : طيب متى بترجعين بروق : اول ماتكون عمتي قادره على السفر راح اتصل بابوي يجي ياخذنا يعني بالكثير اسبوع او ازود اشوي على حسب صحتها رهف : وزوج عمتي بيخليها تجي تتنفس عندنا بروق : والله عاد زوج عمتي فقد حقه في الرفض دامه طلب منا نقوم فيها رهف : وعمتي موافقه بروق : عمتك ابوي يقنعها هو مأكد علي اول ماتكون قادره على السفر اتصل فيه واعلمه رهف : طيب الحين هالبنت الماصخه ماتساعد ابد بروق بثقه : ياشيخه خليها تكبر بالاول رهف بتقرف من عقليت حلا الي تشوفها صغيره وتافهه : يعوه ياحومت الكبد بروق بضحكه :ههههه عاد هذي عمت اعيالك سلكي لها رهف : يع تكفين لاتسدين نفسي عن اعيالي ترا ماعندي احد اصرفهم عليه الا انتي بروق : ههههههه تعقبين انتي وياهم رهف : المهم اتركي السماجه وش صار على الجامعه بتقدمين على الترم الثاني بروق : لا دامي مابديت من بداية السنه بسحب ل السنه الجديده رهف : بتدخلين قانون بروق : مدري خالي ماشجعني ابد وكأني اقتنعت ببعض نقاطه تقدرين تقولين صرت بين علوم الحاسب والقانون رهف : علوم الحاسب اطلق مليون مره على وش داخله علمي وجايبه نسبه مئويه واخراتها تدخلين قانون الي اكثر الي يدخلونه حقون الادبي كله حفظ قوانين وملل اذا مره بتحاربين وتدخلين مجال مختلط حاربي على شي يستاهل وادخلي طب .... ........ انتهت مكالمتها مع رهف وسندت راسها على الجدار تفكر .....مدري ليه من سحبني سياف من البعثه فقدت اهتمامي بالتخصص الجامعي وصار تحصيل حاصل ....اول مره في حياتي احس اني ضايعه ومافي راسي شي محدد مرات اختار حاسب مرات اقنع نفسي بالقانون مرات افكر في الطب الطب والمحاماه مجالات مختلطه واول المعارضين لها سيااف ......وسياف ماعتقد انه بيتدخل فيني بعد ماتركته ! بس يبقى موب راضي .....وانا وش علي من ارضاه .....لا مهما كان يبقى سياف هو سياف ! طعنه وحده تكفي .......هو الي حدني اجرحه واوجعه ......لوبس يتفهم ان زي ماله رايه واعتباره ..انا لي رائيي واختياري .......هذا هو سياف بعمره ماراح يتغير ...الراي عنده مايراء .... دام ماعندي رغبه قويه لاي تخصص من هالتخصصات ليه مابعد عن استفزازه ولو من باب التقدير مهما صار يبقى هو سياف ! ! ____________________ ابتسم واهو يجلس مكانه بعد مارحب بخزام الي جايه في مكتبه : هلا والله بخزام اشوفك مسير علي على حد علمي مكتب المحاماه يجيبلك ماغص خزام ردله الابتسامه واهو يحط رجل على رجل بعد ماجلس على احد الكراسي قدام مكتبه : المغثات الي مثلك لابق لهم مكتب المحاماه هزاع كشر : اجل من الي مايلبق له مكتب المحاماه السكنيه حقتك خزام عقد حواجبه : سكنك جني اي والله هزاع بضحكه : ههه تخيل ترفضك خزام مستبعد هالخيار نهائي : هذا انت الي يرفضونه هزاع هز راسه واهو يرفع حاجبه باستنكار : حط كل الاحتمالات في راسك بلا عبط خزام ماعنده استعداد يفكر في ذا الكلام التافه : خل عنك قلي ماعاد جتكم هزاع : لا واتوقع ماعاد هي بجايه بس افرض ادخلت قانون وش بتسوي خزام بثقه : والله انه حريمتها هزاع باستنكار : وكيف بتمنعها ان شاء الله واهي باقي ماخذتك خزام بابتسامه : منعتها وانتهيت هزاع باستغراب : صاحي انت كيف منعتها لايكون مرسل امك تقول لامها نبي البنت ومانبيها تدرس قانون خزام ضحك بوناسه : هههههههه هالحركات يسوونها امثالك صدقني لو جت تقول بدخل قانون بفرح واصفق لها واشجعها واقول اطلق من يدخل القانون يااعظم محاميه هزاع عقد حواجبه : فهمني بلا كلام ماله معنا وشلون تقول منعتها ثم تقول بشجعها ... خزام قاطعه واهو يميل عليه بابتسامت مكر : طال عمرك هذي فايدت خزام الاعلامي المشهور وعلاقاته الواسعه وعلى اعلا المستويات خل برقي تختار الي تبي وتقدم على التخصص الي تبي في النهايه ماراح تدخل غير التخصص الي انا اوافق عليه وبشرط يكون مافيه اختلاط ان بغت زوجتي والاباقي بنت في بيت اهلها اتحداها تدخل تخصص انا ماني موافق عليه وفي النهايه الجامعات هم الي يوزعون خارطة الطلاب ومن حقهم يقبلون الي يبون وفي التخصص الي يحتاجون !!! هزاع بعصبيه : من جدك انت بتستخدم الاساليب الملتويه علشان تحرم البنت من اختيار التخصص الي تبيه خزام بجديه : هالبنت بتصير زوجتي ولو تموت ماخليتها تدخل تخصص مختلط هزاع بغضب : ماتبيها تدخل تخصص مختلط اقنعها موب تغشها خزام بدى يعصب : ماغشيتها انا ولي امرها ومن حقي استخدم قوامتي بالطريقه الي تناسبني... والاقناع في هالامور مايجيب نتيجه بتزعل وتعصب وتاخذ موقف وتنشب لي يادكتاتور يالي فيك مايخطيك لا حبيبي انا اوفر على عمري وجع الراس ذا كله وذا جاها الرفض من الجامعه بتقنع وتسكت والاتتعب قلبي والااتعب قلبها هزاع اتسعت عيونه بذهول : اي قوامه يرحم امك انت لحد الحين ماخطبتها وحتى لو كانت زوجتك ادراستها من حقها تقررها بنفسها خزام بصرامه : هزاع الموضوع اتفقت عليه وانتهيت وملفها ماراح يتعدى سلطتي باي حال من الاحوال هزاع انصدم صدمة عمره ماتخيل ان خزام الانسان المستقيم النزيه يستغل علاقاته الخاصه في التحكم بمصير انسانه ماله اي حق في انه يدير حياتها من ورى ظهرها بالطريقه الخسيسه ذي !! _______________________ ادخلت للقسم النسائي بعد ماراحت غيرت ملابسها وتغدت وارتاحت ! واستغربت واهي تشوف بنت صغيره جالسه على كرسيها وخلف مكتبها عقدة حواجبها بغضب والتفتت على هاجر وغاده تخزهم بعيونها واعتقادها ان هالثنتين متزوجات وهالبنت لوحده منهم : خير خير من قال ان مكتبي ملاهي اطفال ثم من المسعده الي جايبه بنتها معها خل اروح اشكها شكوى عشان تعرفون ان الله حق غاده وهاجر ناظرو في بعض واضحكو بأستفزاز وميس تبرعت وكملت المشهد : اذا اخذناك على جو احلامك الي راكبه صاروخ هذي تعتبر حماتك اخت زوجك غاده فقعت ضحك : ههههههه والله ان بسولي على قولتها بعيد عن شواربها لمار توسعت عيونها واهي تلف على غنى وتروح تشيلها وتجلس وتجلسها على المكتب قدامها واهي تبوسها : الله الله على الزين ياحلو اخو حبيبي يازينو هاجر بضحك :ههههههه قصدك بعيد عن رموشها من وين لها شوارب هي وخشتها لمار التفتت عليهم بعنطزه : صدقوني كل الي قاعدين تسوونه الحين راح ادفعكم اثمنه بس اصبرو علي كنت مكبره راسي عنكم بس اجبرتوني التفت لكم ميس افرطت ضحك : هههههههههههههه لاتكفين صدي مانقدر على نظرة الصقر الي احرقتينا فيها غاده بضحك : هههههه اذكر ان نائب المدير خصم عليك ثلاثه ايام وسجلك غياب اليوم والمديره جت امسحت بخشتك البلاط وبعدها طرتي لبيتكم على اساس مسجله غياب ومانك مداومه دامك مسجله غياب وش ردك الحين لمار بغرور : جنى على نفسه وربي وبعدين ذا طلع بزر وماله كلمه ولاهو قايل اشتكي انا ديمقراطي اجل ليه يمشي الخصومات الي قال عنها قبل اشتكي هاجر بجديه : لاتنسين انك تكلمين عن نائب المدير شوية احترام ايش الي بزر والكلام الفاضي لمار وكل اعتقادها ان باسل صار خاتم في اصبعها وراح تفرض عليه كل الي تبي : الي هو اخرته موظف غنى تحركت بتنزل عن المكتب واهي ماحبت ذالحرمه امسكتها لمار وباست خدها بقوه : وين وين ياحلوه خليك هنا غنى امسحت بوستها عن خدها بقوه : بروح لميس وخري ميس انبسطت : يازين الي حفظو اسمي ويبوني تعالي ياعيون ميس لمار قامت من كرسيها : اصلا طالعه وراحت لقسم الاداره واهي اساسا مارجعت الاعشان تقابل باسل اوصلت عند السكرتير وكانت بتتجاوزه لمكتب باسل لكنه وقفها : وقفي مكانك خير ان شاء الله وين رايحه لمار بثقه : خير انت رايحه لباسل السكرتير كشر : نعم ايش الثقه ذي اقول ارجعي من وين ماجيتي قبل انادي الحارس الي عند الباب يسحبك بمعرفته لمار انقهرت منه مشت راجعه لحد ماوقفت قدام مكتبه : قل لباسل لمار تبيك السكرتير اعطاها نظرة احتقار وبما انه يعرف ان باسل واحد مغزلجي توقع انها وحده بلا اخلاق اصلا تصرفاتها تدل على كذا ..نفض الافكار عن راسه و ضغط زر الاتصال المباشر بمكتب باسل : استاذ باسل فيه وحده اسمها لمار تبي تقابلك باسل برسميه : ومن متى اقابل الموظفين في مكتبي السكرتير ناظرها بشماته واهي اندفعت تكلم : بس انا عندي شكوى باسل : قدميها لمديرة قسمك لمار :بس شكواي على مديرة قسمي والي اعلى منها بعد باسل :عندك خمس دقاقيق بالضبط ناظرت السكرتير بانتصار رغم استغرابها من الطريقه الي تكلم فيها باسل السكرتير اشر لها بيده يعني ادخلي دخلت للمكتب واهي تناظر يوسف بتكبر وتجاوزت مكتبه رايحه لمكتب باسل يوسف اخذ جواله كتب رساله وارسلها ثم رفع راسه لباسل واشر له بالجوال يبيه ينتبه لكنه ماكان معه ومشغول بالملف الي في يده لمار اجلست في الكرسي الي قدام باسل مباشره من غير اسئذان : سلامتك بسولي ليش ماجيت الصباح باسل رفع راسه بسرعه عن الملف وعيونه متوسعه اقوى شي : لااكون اصغر اعيالك بس لمار بدت تقلق تعامل باسل معها متغير مليون بالميه وماتدري وش السبب ابلعت ريقها وتكلمت بزعل : اسفه استاذ باسل بس انا جايه اشتكي على هاجر والاستاذ يوسف باسل رفع حاجبه باستنكار : وش دخل هاجر في يوسف لمار بشرح : اليوم الصباح كانت نفسي مفتوحه على الدوام خاصه اني راح اشوفك فيه قالتها متعمده وانقهرت انه ماتأثر كملت عاد لبست وتزينت وجيت والنفسيه هاجر طقتها الغيره مني وجت تشتكيني عند يوسف واهو ماصدق خبر جاء خصم علي ثلاثه ايام وسجلني اليوم غياب باسل قاطعها بصرامه : دام الموضوع وصل للاستاذ يوسف وبت فيه معناته لحد هنا انتهى لمار عصبت وفزت واقفه وهي تميل عليه وتقرب وجهها منه : وانت ترضى علي انا لمار حبيبتك تخليني لقمه سهله للي يسوى والي مايسوى باسل ماكان في مزاج يسمحله باللعب والاستهتار امه تعبانه في المستشفى وموضوع زواجه من رهف محتل كل تفكيره ومجننه هاليومين وهذي جايه تزعم انها حبيبته مابقى الاهي : تخسين تكونين حبيبتي واذا في السالفه احد مايسوى فهو انتي وهاجر اعرفها زين انسانه محترمه ومتفانيه في عملها ومستحيل انها تقدم شكوى في احد من الباب للطاقه ومستحيل اني اخسر موظفه مثلها علشان وحده مثلك اما يوسف حلاله الشركه وراعيها ولو يفرض علي عقوبات انا بنفسي خضعت لها من غير نقاش عولم ؟! لمار شلتها الصدمه تمنت لوانه انكر حبه الها بس على الاقل يعترف انه كان بينهم استلطاف والاوش يسمي المكالمات والغزل والمسات ؟! كل ذا ويقول تخسين !! وش تعني ذا الكلمه وش كان يصنف نفسه واهو يغرقها بكلام الحب وش كان يشوفها بالضبط علشان يجي الحين ويقول تخسين انتفظت من مكانها بغظب : انت الي تخسي واندفعت تركض لمكتب طارق باسل ويوسف انقزو وراها في نفس الوقت افتحت الباب بعنف واهي تصايح : الحقني ياستاذ طارق الحقني انا داخله على الله ثم عليك باسل من وراها بصراخ : انقلعي برا يوسف بنفس الصراخ : احسلك ابلعي السانك ياحقيره جاهم صوت طارق بصرخه اخرستهم : انكتم انت وياه وانتي تعالي هنا اشوف تكلمي مثل الناس من غير صوت عالي لااقص السانك لمار واهي منهاره تبكي : ياستاذ شف ولدك يبي يلعب بشرفي يهددني انه اذا ماطلعت معه لشقه مفروشه بيطردني من الشركه والدليل ان خويه ذا خاصمن علي اليوم ثلاثه ايام متفقين علي حسبي الله عليهم يوسف وباسل تبادلو النظرات بفجعه من الي سمعوه وباسل اندفع ل لمار لفها يمه وصفعها كف : لاتكذبين ياحقيره طارق صرخ : لاتمد يدك وكسر يوسف مسك باسل عنها واهو مطير عيونه فيها بحقد : انتي القذره الي تصيدين الرياجيل لمار انهارت تبكي واهي تحس انها جابت لنفسها مصيبه ماهي قدها طارق صرخ على يوسف وباسل : انتم تنكتمون لاسمع لكم حس وانتي تعالي انطقي قدامي اشوف لمار توقعت انه بياخذ حقها منهم ناظرتهم بحقد وتقدمت اجلست على الكرسي الي اشر عليه طارق طارق جلس على كرسيه بعد ماجلست وبحده :افهم من كلامك انك سليمه لحد الحين ومحد اعتدى عليك لمار واهي تبكي : ايه طارق بجمود سحب اورقه وقلم حطها قدامها على المكتب : اجل الزم ماعليتس انتس تحافظين على عرضك وماهو منطقي ابد انك تستمرين في مكان فيه اثنين يخططون عليتس باسل ويوسف ناظرو بعض بغيض وطارق كمل كلامه : خذي اكتبي استقالتس وتطمني راتبك الشهر ذا بينزل في حسابك كامل وفوقه راتبين اضافيه تساعدك فترت بحثك عن عمل ثاني لمار انقهرت ماستفادت شي كانت تبيه اقلها يطرد يوسف والاولده كانت متاكده ان اقوى شي بيسويه معه انه يصفقه كم كف ...ماكانت تبي تترك الوظيفه بس دام المدير نفسه طلب منها تقدم استقالتها معناته ماعاد لها مكان هنا اخذت الورقه والقلم واكتبت طلب استقاله ومدت الورقه لطارق الي وقع عليها مباشره وكتب لها اورقه تظمن حقوقها الي قال بيصرفها لها اول ماخلص اعتدل في جلسته واشر لها على الباب : لاعاد اشوفك في هالشركه والابالصدفه لمار قامت واهي حدها مقهوره وانطقت من بين شهقاتها تستعطفه : وحقي من ذولا من ياخذه الي طارق بنفزه : ذولا تنسينهم نهائي والاكنهم انخلقو واياني واياك اسمع انك نطقتي عنهم حرف لافي الشركه والابرى حتى ماتلقيني اليوم الثاني في بيت اهلتس عشان اهدمه على راسك انتي وياهم وبصرخه :برااااا لمار مرت من بين يوسف وباسل واهي تشوف نظرات التشفي في عيونهم انقهرت مليون مره الشايب الظالم حسبي الله عليه اهم شي عنده اولده الدلوعه والابنات الناس بالطقاق الله ياخذك انت وولدك والسلتوح الي معكم ياظلمه ... باسل ويوسف تعلقت نظراتهم في لمار لحد ماطلعت من مكتب طارق وبعده من مكتب باسل الي يشوفون بابه من الباب الي ادخلو معه ومازال مفتوح اول ماطلعت ناظرو في بعظ اخذو نفس والتفتو على مصيرهم الاسود ! طارق اول ماتاكد ان لمار طلعت نهائي فز واقف بعصبيه وظرب بكفه على سطح المكتب بقوه وبصراخ : وش مسوين انت وياه ياكلاااب يوسف صرخ بعصبيه : مانا كلاب ولاتصارخ علينا وانت ماتعرف شي باسل اليوم كان اسواء ايامه على الاطلاق في البدايه تعب امه الي انهك روحه ثم هواجسه بزواجه من رهف الي حرمته النوم ثم كملت عليه الكلبه لمار واكيد ان ابوه صدقها وبنظره سوداويه وبتهكم موجع : متأكد انه مايهمك تسمع وش صار دامك سمعت الي يرضيك ويثبتلك اني انجس خلق الله زي ماتشوفني دايم.... طارق كلمت باسل اجرحته صحيح انه يعصب عليه ويهاوشه بس هذا لانه مهتم اذا ماهتم ببسال بمن يهتم !.... ومن قال انه يشوفه نجس ليته يعرف وش يشوف فيه ؟! يوسف شاف كيف طارق طير عيونه في باسل ووجه تغير مره عرف ان باسل جرحه وبقوه وبترقيع : باسل قصده انك لاعصبت تحكم على الامور قبل تسمع كل شي .... عرف انه طين الطين اكثر لمى شاف طارق نزل جالس على الكرسي بما يشبه الطيحه واهو يناظرهم بجمود ولونه انخطف اكثر اشر على الباب بعد ماتنحنح وسحب الاب توب قدامه بعنف يازعم انه فعلا موب مهتم وبمحاولت اصراخ خلت صوته يطلع متحشرج تحشره غصه :انقلعو انتم الاثنين لاشوفكم شهر كامل ... باسل من كثر مامخه مشوش ماعاد يقدر يوزن الامور في ذهنه وشيطانه الح عليه انه ماله قيمه تذكر عند ابوه ! مجرد عامل وموظف يخلص له اشغاله تحرك بغضب طالع من الشركه كلها ... يوسف احتار يلحق باسل والايقعد مع طارق وبعد تردد ثبت مكانه ...ماهو متطمن لجمود طارق حاول يستفزه لعل وعسى يطلع حرته فيه ويهدا وبعصبيه : زين دامك تنازلت عنا شهر كامل باخذ باسل ونروح لابوي راشد العامر على الاقل مايصارخ طارق انفجر فيه : وين يقلعكم راشد العامر يالسرابيت يالدشير يالسمرمد ....روحو اشوف روحو عساه يدفنكم تحت اساس وحده من عماراته ياكلاب ....انتم اصلا من يتحملكم غيري هاه دشير كلكم ماتسوون التاليه من الغنم لابو من جمعكم ....انقلع وراك الحق السربوت الثاني انقلع يوسف خلاه يطلع الي في قلبه كله ثم رد عليه بس بهدؤ ومايدري من وين جته الحكمه ! : ابشر يالغالي الحين الحق ولدك المدلع وين بيروح اصلا الله يخليلك جواهر بنت ماجد دامها عندك ماعليك باس انت بس حضر عندها اول ماتفتح الزياره وبتلقاه اهناك طارق كلام يوسف ريحه نوعا ما وخوفه نوعا ما لانه مايبي جواهر تكون هي الرابط بينه وبين اولده يبي مكانته عنده نفس مكانتها مد يده لعلبة المويه فتحها وشرب منها يهدي نفسه ويوسف تقدم له باس راسه وطلع ..... طارق والنار الي في قلبه عيت تخمد اخذ التلفون ودق على مديرة القسم النسائي وطلب منها تبلغ الموظفات انه بيجي لقسمهم سكر التلفون وقام رايح ل القسم النسائي وفي داخله يتحلف في لمار لو شافها باقي هنا ليطين عيشتها .. الموظفات مستغربات من دخلة لمار عليهن واهي تبكي ووجهها عليه اثر صفعه اخذت اغراضها بسرعه واطلعت ورغم انهن تعاطفن معها وحاولن يفهمن وش فيها الا انها ارفضت تتكلم ... هاجر بدت تحس بالذنب لوكانت تعرف ان الامور بتتطور لهالحد ماكانت اشتكت المديره تكلمت بقهر : فيه شي غير الي انا اعرفه تكلمو قبل يوصل المدير ميس : لا مافيه شي بس لمار راحت للاداره بتشتكي على هاجر ونائب المدير علشان الي صار الصبح وارجعت تبكي شالت شنطتها واطلعت وماندري وش فيها المديره ناظرت هاجر بتهديد : وانتي من سمح لتس تروحين تشتكين في الاداره جاها الرد من اخر شخص تتمنى تسمع صوته في اللحظه ذي : انا سمحت لها وماهو من حقك باي حال من الاحوال انك تمنعين اي موظفه من انها تتقدم بشكواها للاداره المديره استدارت بقوه جهة المدخل الي احتله طارق بوقفته المشدوده ووجهه المتجهم وواضح انه في اسواء حالاته على الاطلاق تكلمت بارتباك : اسفه طال عمرك مهوب قصدي امنعها بس انظمة الشركه تقول ان الي تبي ترفع شكوى من قسمي تتقدم فيها لي اول شي طارق تكتف بغضب : بتعلميني بانظمة شركتي المديره نزلت راسها : اسفه طارق اشر جهة مكتبها تقدرين تتفظلين المديره راحت لمكتبها بصمت غنى الي كانت جالسه على مكتب غاده واهي تنقل بينهن من صبح شافت انهم اسكتو قررت تروح الابوها قبل لااحد يتكلم مره ثانيه انقزت من على الطاوله واركظت لابوها احظنت ارجوله طارق ماهو رايق لها ابد مسكها بيدها بظيق روحي اجلسي في مكتب حلا لين اناديك غنى بوزت : كنت بشوفه بس مقفل طارق طلع مجموعة مفاتيحه من مخباه بملل وراح فتح مكتب حلا وغنى ادخلت تفرج عليه بوناسه طارق التفت على السكرتيره واهو ياشر على غنى : ادخلي عندها لاتحوس الدنيا رجع للموظفات ووقف مواجه لهن بحيث يشوفهن كلهن وبحده : وش صار اليوم الصبح وبالتفصيل ومن اشتكى على لمار وليه هاجر قامت واقفه : انا الي اشتكيت على لمار عند الاستاذ يوسف لاني مالقيتك والالقيت الاستاذ باسل طارق بصرامه : ليه تجاوزتي مديرة قسمك وجيتي عندنا هاجر والموضوع صار عندها موضوع كرامه والاعاد تهمها الوظيفه بشي فكون نائب المدير شديد الوسامه وولده مغزلجي تخلي تجاوزها لمديرتها موضع شك فقد يقول قائل انها رايحه تتميلح عندهم : لان الشكوى فيها جانب يمس الاستاذ باسل كان لازم اقدم الشكوى عندكم طارق شد على يده بغضب : وافرضي كان باسل مداوم بدال يوسف بتقدمين الشكوى عنده هاجر بثقه : اي نعم الاستاذ باسل من الناحيه العمليه نزيه جدا التفت على غاده وميس يسئلهن بصمت تكلمت غاده : كلام هاجر صحيح كل الموظفين يعرفون ان الاستاذ باسل مايجامل على حساب العمل طارق ازتادت عصبيته ورجع يناظر هاجر بعصبيه : ووشهي الشكوى الي تمس باسل دامه على قولتك نزيه هاجر : الاستاذ باسل كان يجي للقسم النسائي من وقت لثاني وكان يدخل عندنا من غير لاينبهنا واحيان تكون احجبتنا تحتاج تعديل طارق فار دمه صرخ عليها : اخلصي وش صار هاجر بلعت ريقها وبدت تخاف منه : الاستاذ باسل كان يجي يسولف مع لمار واليوم جت واهي لابسه لبس مبهرج ومكثره العطر لدرجه ازعجتنا فاضطريت اشتكيها في النهايه حنا بنات محترمات ولنا سمعتنا ومانبي موظفين الاقسام الثانيه يتكلمون عنا اذا شافوها طالعه داخله عندنا بالمنظر ذا نطق بقهر : وباسل من متى يجي عندكم قاله واهو يمرر انظره على الجميع فيما معناه ابي جواب من الكل واتفقو : من مده طويله : ويوسف بالاجماع : اول مره نشوفه اليوم بعد شكوى هاجر ميس بدفاع جرئي عن باسل : استاذ طارق لمار اهي الي شجعت الاستاذ باسل على العلاقه الي بينهم حتى اسئل البنات هاجر وغاده مايتكلمون معه بعمره ماتعرض لهم انا احيان اتكلم معه في مواظيع عامه بعمره ماتجاوز حدوده معي يعني الي يحترم نفسه يفرض احترامه على الناس ولمار ماكانت راضيه وبس الاكانت تسعى لانها ترتبط في الاستاذ باسل وتتزوجه طارق لوى فمه بتهكم : ومن الي بيزوجها اياه ان شاء الله اسكتن البنات وماردو رجع يتكلم بجديه : باسل من اليوم ماراح يطب القسم ذا واي احد يتعرض لكن تدلن مكتبي وعلشان محد يتأمل في باسل تراه خاطب من قرايبنا ويوسف متزوج ! البنات انقهرو خير ميتات على نوابه يتفشخر بخطبتهم وزواجهم عندهن وبجديه ممزوجه بتهديد : الي صار الصباح والي صار الحين واي شي قبلها او بعدها يندفن هنا ماسمع منه حرف واحد وان طلع اي هرجه عن لمار والاغيرها لاتلمون الاانفسكم واي احد يسئل عن لمار تقولون انها تزوجت واستقالت علشان الزواج في الايام الجايه اكيد راح نوظف غيرها مكانها الموظفه الجديده مايوصلها والاحرف من اي شي صار قبل الساعه الي تباشر فيها عملها هنا ...مفهوم :مفهوم ترك الموظفات وراح لمكتب حلا اخذ غنى وقفل المكتب وطلع وصدره ضايق من كل شي انفلات باسل وعلاقاته الي وصلها لحد الشركه ......الكلام الكبير الي رماه في وجهه وراح وهل كان يقصد الي قاله او انه مجرد تجريح في ساعة غضب ووشلون ممكن يتعامل معه .......تذكر كلام يوسف لمى قال باخذ يوسف معي لابوي راشد ومع انه واثق ان باسل مايتركه الا ان الكلمه اوجعته ويوسف ماعاد يقل عن باسل عنده حس بضيقه تحشر صدره وعيونه بدت تغورق دموع سحب طرف اشماغه ومسح فيها دموعه بسرعه وتلطم ....دخل مكتب السكرتير والاول مره يتجاهله وبدل لايدخل كالعاده مع باب مكتبه دخل مع باب مكتب باسل .....وقف بين المكتبين الخاليه يتلفت بينها....بلع غصه احرقت حلقه وتقدم للباب الي يفتح على مكتبه دخل منه ...انتبه لغنى تسحب يدها منه بقوه ناظر في يده الي ماسكتها وادرك انه كان يعصر يدها من غير ماينتبه فكها بسرعه واهي بكت وميلت راسها على رجوله بعد ماجلس في مكانه :اي عورتني ياباب اخذ يدها بين كفوفه ودلك معصمها بلطف : مادريت باقي يعورك غنى اعتدلت واقفه ومسحت دموعها : لا خلاص مايعور ...وين يوسف وباسل ابي العب معهم صد عنها بسرعه وحاول ينشغل بالاب توب الي قدامه لكنه ماعاد يستوعب شي ذهنه مشوش ونفسيته عدم ...كررت عليه باصرار : وين باسل ويوسف حس بقبضه قويه تعصر قلبه وهواجسه بدت تستحيل لسواد ...افرض باسل هج عنك وش بتسوي افرض يوسف رجع لأهله وش موقفك !! طلع جواله دق على باسل كم مره جواله مقفل ومع ذالك استمر يدق ....ماتغير شي دق على يوسف ورد عليه على طول وتوهق مايدري وش يقول مايبي يبين انه خايف يفقده والاانه محتاج يسمع صوته ويتطمن عليه ومع حيرته تحركت خشونته المعروفه بمكابر : هذا انت ...غلطان في الرقم بدق على بنت جاسر وش جاب رقمك يوسف فاهم الترقيع حقه ضحك متونس على خبصته : ههههههههههههه طلع جوالك اسنع منك لاسمع انك داق على بنت جاسر احرق شريحتك طارق بغيض من ضحكه عليه : وجع ان شاء الله انت متى بتتادب وانت تكلمني ثم ليه تارك الشغل وطالع يوسف روق عليه : مالي مزاج اشتغل اخصم راتب الشهر ذا والي بعده ماتفرق معي طارق عصب : اقول لاتخليني التفت لك ياولد ثم اسحب منك السياره وبطاقة الصراف يوسف ماكان يعنيله تهديد طارق شي لكن مجرد انه يهتم فيه يهدده يحاول انه يصلح سلوكه يبين خوفه عليه حتى لو باسلوب دفش كل هالاشياء تشده لهاالانسان وتخليه يستقبل ابوته بصدر رحب : طيب انا مالي نفس اداوم اليوم لازم يعني طارق : خلاص بكيفك بس مهوب معناته تهيت في الشوارع يوسف : لاماعليك انا في الشقه طارق تردد اشوي ثم سئل واهو منحرج من السؤال مايحب يبين اهتمامه بشكل مباشر : وخويك وين يوسف : عندي في الشقه دخل وحده من الغرف وسكر على نفسه طارق بخوف : فيه شي يعوره شي ..طيب طق عليه ليه جالس ومخليه يوسف : على هونك على هونك وش فيك مسرع كذا ..وبعدين لاتخاف عليه بيقعد يقلب راسه بين الجدران اشوي لين تطيح جنيته ويطلع طارق بنرفزه من نفسه : مع السلامه بس والسانك ذا شفله حل قبل اقصه قاله وقطع الخط في وجه يوسف يوسف الي كان منسدح على كنبه طويله في صالت الشقه وباسل منسدح على كنبه ثانيه قدامه وخر الجوال عن اذنه واهو يضحك بقوه :هههههههههههه ياخي ابوك ذا تحفه باسل الي كان منسدح على ظهره ومغطي عيونه بذراعه والهم راكبه تنرفز من ضحك يوسف على ابوه سحب رجله اليمين حطها على فخذه اليسار يقربها ليده نزع الجزمه منها وحذف فيها يوسف : لاتضحك على ابوي ياتافه الجزمه جت في ساق يوسف جلس بسرعه واهو يفرك ساقه واخذ الجزمه ضرب فيها باسل على فخذه : عورتني يانفسيه انت وابوك باسل طنشه حتى انه مافرك مكان الضربه مع انها عورته يوسف عرف انه شايل في نفسه كثير من البارح لأنه حس ان ابوه ماهو معطي امه الاهتمام الي تستحقه ..... __________ اول مابتدى وقت الزياره استعدن بروق وعمتها لاستقبال باسل الي كانو متأكدين انه راح يدخل عليهم مع اول دقايق الزياره لكن العجيب الي اذهلهم ان الي دخل عليهم طارق والي توقعو زيارته في نهايت وقت الزياره ....ناظرن في بعض باستغراب وجواهر خمنت ان حلا هي الي جابته من بدري دامها معه ...حلا سلمت على امها وباركت لها وكانت جايبه لها باقت ورد وعلبة شوكلاته فاخره واكواب قهوه من الكوفي بما انها ماتعرف تسوي قهوه عربيه ...بروق اخذت كوب القهوه حقها وقطعتين شوكلاته واطلعت في الحديقه الداخليه الصغيره للمستشفى والي كانت تطل عليها شبابيك غرف التنويم ...عشان طارق ياخذ راحته مع زوجته ....اختارت لها طاوله بعيده عن الازعاج واجلست ...طارق كان جالس يسولف مع جواهر وبناته وقصي وعينه على الباب كل اشوي يناظر فيه ثم يناظر في ساعته ...جواهر استغربت تأخر باسل : باسل وين ليه ماجاء طارق مد يده اخذ حبة شوكلاته يشغل نفسه : عنده شغل في الشركه جواهر استغربت ان الشغل يأخره عنها بس دامه قعد علشان شغل اكيد ان هالشغل مهم وماينتأجل طارق انتظر ...وانتظر ...والاحد جاء طلع من الغرفه للممر ودق على يوسف ..يوسف قطع اتصاله ..وعصب طارق منه مايستحي هالولد جاه تنبيه رساله ....شافها وكانت من يوسف ......حنا في المستشفى جينا قبل وقت الزياره بشوي بس باسل يوم شافك تدخل رفض يدخل وهذا هو ينتظر متى تروح ... رح انت وخله يشوف امه تراه اشوي وينفقع من الضيقه لاتزيدها عليه ... طارق اسودة الدنيا في وجهه هو ماجاء هالوقت الا علشان يشوفه ..بس دامه رافض يدخل واهو فيه مجبور يمشي لو انتهت الزياره واهو ماشاف امه بيكسر الدنيا ...رجع لغرفة جواهر قالهم انه بيمشي واذا جاء باسل يرجع العيال للبيت واهو سواء كذا متعمد لعل باسل اذا وصل العيال يجلس معهم ..وطلع من المستشفى لشركه .... قصي راح نادا بروق من الحديقه ادخلت ولقت باسل عند امه وجايب معه قهوه عربيه ابتسمت واهي ترد عليه السلام وتروح تجلس جنب عمتها من الجهه الثانيه اعرفت ان يوسف مر رد على عمتها وراح .. جواهر واهي ملاحظه التعب والهم على وجه باسل : انت وش فيك يعورك شي باسل رفع راسه لها يطمنها : لا بس علشان داومت اليوم وانا مواصل تعبان من الشغل وفيني نوم جواهر بحنيه : اجل اخذ اخوانك وروحو لبيتكم ونام وارتاح باسل : ماعلي يمه مافيني الا الخير ولاحق على النوم اسمعو صوت ممرضه تدخل والتفتو لها كانت جايبه النونو تدفه على سرير زجاجي مرفوع على اطار حديدي بارجل طويله تنتهي بعجلات تجمعو اخوانه عليه يشوفونه ويعلقون عليه وبعد فتره ابعدهم باسل عنه وبقى هو واقف جنب سريره يتأمله فجأه النونو قام من النوم وفتح عيونه وباسل انبسط عليه ارتخى على سريره وفجأه اعتدل واقف : بروق تعالي شوفي بروق جت اوقفت في الجهه المقابله لباسل : خير وش فيه باسل رفع راسه لها : عيونه مو كأن فيها صفار بروق دققت في عيون البيبي وكانت طبيعيه : لا سليمه الحمد لله باسل كان مبين التعب في وجهه وعيونه وفي نفس اللحظه الي رفع عيونه لبروق حلا كانت لهم بالمرصاد وشكتهم صوره ولان الصور في اغلب الاوقات تحكي قصص مخالفه للواقع ... كانت صورتنا الغادره تحكي قصة ام تتأمل مولودها الصغير بأهتمام وزوجها يتأملها بهيام !! وتشك طارت الصوره !! ______________ * * * | ||||||||
|  |
|
01-02-20, 03:22 AM
| #1702 | ||||||||
| مراقبة عامة ومشرفة منتدى الروايات المنقولة
| البارت الثاني والثلاثين جالس في صالة شقتهم وقدامه مجموعة عقود واوراق رسميه وفواتير تخص شغلهم وكان يدور اورقه معينه تخص المشروع الي يشتغلون فيه بمعداتهم .....ترك سياف في موقع المشروع وجاء لشقه مخصوص علشان هالورقه ....يرفع اورقه وينزل ثانيه ...لفت انتباهه شاشة جواله الي نورة وظهر عليها اشعار رساله اخذ جواله افتحه ودخل على تطبيق الواتساب واهو مستغرب ان بنت طارق تراسله مابينه وبينها اي اتصال غير تهاني الاعياد وهذا هو السبب الوحيد لوجود اسمها في جواله لاحظ ان الاشعار لصوره وتوقع انها صورة المولود الجديد ابتسم واهو يدخل على المحادثه لكن ابتسامته تبخرت واهو يفز واقف بفزع : اخو جاسر الايالخسيس وشلون جت منك هذي تطعن خوالك في ظهورهم !! ارتجفت يده واهو يتذكر رفض بروق الامنطقي لسياف ومخاطرتها بمستقبلها وحياتها واهي تتزوج واحد داشر سربوت بس علشان تفتك من سياف معقوله يكون سبب هوس بروق بالبعد عن سياف هو باسل ؟! وليه لا موب ذا هو محامي الدفاع الي يحشر نفسه في كل سالفه تخصها ويطير ويوقع علشانها ...حس بحرقه تشحن صدره وتشعل الغضب فيه زفر بحرقه واهو يتحرك في الصاله بعشوائيه رايح جاي والشكوك تلعب في مخه .....اصلا بروق وش موديها عندهم توني مكلم جاسر قبل ساعه كلهم في الرياض ....ايه بس يوم سئلت عنها قال طيبه وغير الموضوع بسرعه ...يعني كان متعمد يخبي عني انها في جده ! رفع جواله قدام عيونه بعد مانتبه انه مازال يعتصره في يده بقوه ...ناظر لصوره مره ثانيه وزاد عصبيه وقهر باسل النجس بياكلها بعيونه والهبله ذي مفهيه في البزر ماتدري عن النظرات القذره الي تسلطت عليها ....ماتدري؟! وش جايبها قدامه وبالقرب ذا ....لا ماتسويها بروق .....والصوره الي في يدك وش بتكذب عيونك .....طلع من تطبيق الواتس اب بحركه سريعه ودخل على جهات الاتصال طلع رقمها بسرعه ....اتصل بروق اخذت يوسف الصغير من السرير واعطته لعمتها عشان ترضعه .....وحلا تراقبها بغل من جت عندهم والكل يقارنونها فيها بروق سنعه بروق فاهمه بروق ...بروق ...بروق ...حتى يوسف طلع يحب بروق ..كشرت بقهر ثم ارجعت تبتسم لمى اسمعت جوال بروق يدق شكل فكرتها جابت نتيجه ...تعرف سياف مايفارق خالها ابد وتدعي من قلب ان الصوره تطيح في يده .....طيب لو طاحت الصوره بيد صقر في النهايه الجوال جواله ويمكن مايوري سياف الصوره ....ماعليه حتى لو ماشافها سياف صقر مايقل عنه شر والله انه ليسود عيشة المغروره بروق ..... بروق شافت رقم عمها صقر وعلاقتها فيه مازالت متوتره بسب تهورها لمى خبرته انها تزوجت يوسف علشان تتخلص من سياف ...حست انها مرات تتصرف بتهور وبدون تفكير ...قررت ترد عليه بعيد عنهم ارفعت راسها لعمتها :عمه هذا عمي صقر بروح اكلمه في الحديقه جواهر : سلميني عليه ولوني زعلانه منه ماكلمني يجيله شهر بروق اطلعت للحديقه الداخليه للمستشفى واهي قريبه من غرفة عمتها ردت واهي في الطريق :هلا بالصقر وش الرضاء الي انا فيه عشان تكلمني جتها صرخته المرعبه ولأول مره على الاطلاق يتكلم معها بشراسه : قصدك وش المصيبه الي انتي مسويتها بروق عقدت حواجبها وانكمشت ملامحها بقلق : ماسويت شي خل كلامك مباشر بلا لف والادوران صقر بعصبيه : انتي وينيك فيه هالحين انطقي بروق بوضوح : عند عمتي جواهر في المستشفى صقر بحده : ووش موديك عند جواهر واهلك في الرياض بروق : دقت علي تطلبني اجي اعاونها لانها مره تعبانه وجيت صقر بقهر وصراخ : والكلبه الي عندها وش شغلتها يومنك تجين تخدمينها بروق بعصبيه : كانت محتاجتني وانا مااخذل انسان يحتاجني صقر بقهر : طيب يابروق انا جاي اخذتس واحسابك معي بعدين بروق :عمي ... قاطعها بصراخ : عمى يعمي العدو لاسمع حسك تجهزين من غير والاحرف ....وقطع الخط في وجهها بروق كانت تتمشى في الحديقه واهي تكلم اول ماسكر عمها الخط ازفرة بضيق وراحت تجلس على وحده من الطاولات واهي تفكر بقلق ....عمي بيجي معناته حتى سياف بيجي ....لا ياربي لا مابي اشوفه كيف اقابله بعد الي صار ...من بعد ماغدرت فيه وتزوجت علشان افتك منه ماعاد شفته ...غدر!! لا وش غدر من حقي ارفضه وماهو من حقه يعترض على رفضي الزواج موب غصب .....بس متاكده انه مصدوم من زواجي متاكده انه زعلان مني وغضبان علي ....وانا وش علي منه خل يزعل ...لا ...سياف ذا سياف موب اي احد ....وارجعت فيها الذكرايات لورى ............طفله صغيره تركض هاربه بعد ماضربت بنت اكبر منها بشوي وبكتها ...مسكها بيدها قاطع عليها طريقها : ليش ضربتيها لفت براسها للجهه الثانيه وبكذب : ماضربتها سحب يدها يقربها له اكثر : بروق ناظري في عيوني اشوف ..يالله ناظري في عيوني حاولت تصد عنه يمين يسار لكنه كرر عليها :ناظري في عيوني ناظرت في عيونه واعتقادها انه صار يشوف كل شي سوته في عيونها ابتسم لها : الحين علميني ضربتيها كشرت بزعل : ايه ضربتها : وليه ضربتيها : هي اضربتني اول : عسى يدها للكسر تستاهل انهت اعترافها ورمت نفسها في حضنه واهو ضمها بقوه كانت هذي عادته معها كل مايبي يعرف منها شي يطلب منها تناظر عيونه واول ماتناظر في عيونه تعترف بكل الي سوته ثم ترمي نفسها في حضنه وماتدري هل هي بهالحركه تحاول التملص من عقاب افعالها او يمكن خجلانه من تصرفاتها الغلط او يمكن مغتاضه من ظعفها قدامه بقت اسيرة عيونه لوقت طويل وماكان يخلصها من هالاسر الا باسل الي كان يشجعها على التمرد عليه ...كان يسحبها من قدامه قبل لايحطها تحت سحر عيونه ويقولها طالعي عيوني ....وهذا الامر عندها غير قابل لرفض ...وماتدري ليه لكنه كان متمكن من روحها بطريقه ماهي قادره تفهمها ....عودها تكون قويه وشجاعه وتحارب الكل وفي نفس الوقت كان يخظعها لسلطته الي كانت تقاومها بمساعدت باسل وكانت تقدر تتمرد عليه وتعانده لحد ماينادي : بروق ناظري في عيوني هالكلمه تخظعها له بالكامل وفي كل مره تناظر في عيونه تعترف وترتمي في حضنه ... مرة السنين وكبرت شوي وصار يمنعها من حظنه لحد ماتعودت على انها تعترف وتبقى مكانها وكبرواكثر وتحجبت وهنا انكسر قيد هالكلمه ماهو لانها تغلبت عليها لا لانه ماعاد يقدر يطلبها منها وبدت تحس بخيوط شخصيتها تنفلت من بين اصابعه وبدت تحاربه وصارت تحط عينها في عينه بتحدي من غير مايثر فيها...بس هذا في اعتقادها لان نظرتها له جت من غير مايقول ناظري في عيوني كلمته السحريه الي تحكم سيطرت تعاويذه عليها ! وهالحين لمى اوصلت للحد الي اعتقدت انها تحررت منه بالكامل تلقى نفسها خايفه من مواجهته خايفه يقول ناظري في عيوني !خايفه تعترف له بكل شي وترتمي في حضنه ! خايفه تبتدي مرحلة الهروب مره ثانيه .....خايفه تكتشف ان روحها مربوطه فيه بحبل مهما امتد وابتعدت مصيره يجرها عند نقطه معينه ويردها له ! الاصحيح تحديها له لانها فعلا مستاءه من تدخلاته في حياتها وفرضه رغباته عليها والا لأن باسل كان يحرضها عليه ...ماعليك منه ..لاتسمعين كلامه ....طنشيه ....اذا قالك شي قولي لا والاتدخل فيني ...لاتسوين الاالي انتي تبينه ....هالكلمه الاخيره كانو متفقين عليها اساتذتها الاثنين باسل وسياف او سياف استاذها وباسل المحامي الي يدافع عنها ويعلمها الفرق بين حقها وحق الاخرين .... __________________ نزل من السياره وخلا بابها مفتوح مستعجل وصل لسياف مد الورقه عليه وسياف مسكها باستغراب واهو يشوفه متلطم اول ماخذ الورقه من يده استدار بيرجع لسيارته لكن سياف تقدم خطوه وامسكه بذراعه ولفه عليه :خير خير وش صار وقلب حالك كذا صقر بعصبيه : مافيه شي فارقني وراك سياف استغرب اول مره صقر يخبي عنه شي طول عمرهم ينقال عنهم اثنين في واحد من كثر ماهم منسجمين مع بعض والايخبون عن بعض شي تمسك في يد صقر يمنعه لايمشي من دونه ورفع يده بالورقه يأشر للمشرف على المعدات علشان يجيه ...جاه المشرف ...عطاه الورقه وقاله يمسك الشغل ... ولحق صقر الي فك يده عنه واسبقه ل السياره اضطر انه يركض لمى شاف صقر فتح الباب خاف يمشي عنه ...لحق عليه في اخر لحظه ركب مع بدايه تحرك السياره سكر الباب بعنف والتفت على صقر : انت وش امرك وش صاير انطق لاحوسك صقر يحس قهره زاد سياف مايقدر يسميه شخص ثاني لاسياف هونفسه انعكاس لشخصه عمق لذاته تؤام ملازم له في كل كبيره وصغيره اكثر حتى من اي تؤام حقيقي .....وش يقوله ووش يخلي ..تذكر الصورة اللعينه في الجوال مد يده يتحسس جواله في مخباه البعيد عن سياف حذر نفسه لازم اغير رمز الجوال لايشوفها سياف ثم تصير مصيبه .... سياف انفلتت اعصابه من حالت صقر وسرحانه الغير طبيعيه صرخ : انطق اشوف احرقت اعصابي صقر قرر يقوله نصف الحقيقه : بروق في جده سياف بذهول : وشهو ...وش موديها جده صقر زفر بضيق : جواهر تعبانه واخذتها تقوم عليها سياف حس عروق راسه تفجر من القهر : قامت اقيامتها والوح بنتها وين جعلها ينحل بطنها الرمه صقر صرخ : لاتدعي سياف بغبنه : اخ يالقهر ياحلالاه يامن سرح بنتهم ذا التافهه مع الغنم خل تسنع المرمه ....وبروق وش موديها وين مخها يوم تروح تخدم خلق الله من متى بروق خدامه... ياكبر طمعتهم الكلاب مالقو الابروق يتخدمون فيها ..انا ابي افهم بس هي وشلون راحت عندهم ... صقر يتصبر لايجيب المطمه ويعلمه بالصوره : تقول عمتي اطلبتني وانا مخذل الي يحتاجني سياف ظرب درج السياره الي قدامه بقبضة يده : واهي وش تعرف عن الخذلان قلي وين كلامها ذا يوم خذلتني ..... صقر بصرخه : بس خلاص من غير شي بنفجر من القهر .... ___________________________ باسل اخذ اخوانه ورجع للبيت بعد مافتح لهم الباب ودخلهم : يالله روحو داخل وانا بمشي غنى تلوت في ساقه : لاتروح باسل انا اخاف ماما وبروق مانهم فيه قصي بتردد : وحلا بس في غرفتها وحنا نقعد الحالنا باسل توهق كان ناوي يمشي قبل يرجع ابوه بس دام اخوانه خايفين كذا مايقدر يخليهم : خلاص انا بروح اجيب لنا عشاء واجي وبعدها ننام كلنا في غرفتي قصي وغنى انبسطو وزادو الدلع حبه : طيب بنروح معك نجيب العشا اخذهم معه ودق على يوسف لقاه مع ابوه في الشركه اوصلو المطعم واهناك اخوانه طلبو ياكلون داخل المطعم وياخذون عشاء الباقين الحاله باسل كان حده تعبان ومرهق وماله في الجلسه بس يوم شافهم متشوقين لجلسة المطعم خلاهم يتعشون فيه واهو طلب بس عصير ماله نفس ياكل رجعو للبيت وقصي تكفل يوصل لحلا والخادمه وجباتهم ....صعد مع غنى فوق وطلب منها تدخل غرفتها تبدل وتفرش اسنانها وبعدها تجي لغرفته ... دخل الغرفه واهو مايشوف من النوم بدل ملابسه بسرعه وانتظر قصي وغنى لحد ماجوعنده خلا كل واحد منهم ينام على جهه من سريره الواسع واهو قفل الباب حتى يظمن ان ابوه مايوصل لهم بيرجع من الشركه ويلقاهم نايمين وحتى لو كان صاحي وقتها راح يمثل النوم .....التفت لقصي : افتح النور الي جنبك قصي مد يده للابجوره الي جنبه فتح نورها وباسل سكر اضاءة الغرفه واتجه لسرير : قصي انزل انت من السرير لحد ماصعد في النص وبعدها ترجع مكانك قصي سواء زي ماقاله باسل الي انسدح في وسط السرير بين قصي وغنى ...وماحتاجو لوقت طويل حتى ينامون طلع من الشركه واضطر انه يمر احد معارضهم الخاصه ببيع فساتين السهره خلص كم شغله هناك ورجع للبيت هلكان تعب ونفسيته عدم من المشكله الي صارت في الشركه اليوم وزاد عليه زعل باسل الي مفروض انه يعترف بغلطته ويتعاقب عليها .. والاخ يتزيعل ويبينا نراضيه كان يصعد مع الدرج ويتذمر بينه وبين نفسه مر غرفة قصي مالقاه مر غرفة غنى مالقاها حس بقلق راح لغرفة حلا ولقاها جالسه تطقطق في جوالها : اخوانك وين حلا : نامو عند باسل في غرفته طلع من عندها مبتسم يأمل نفسه انه بيشوفه الحين حتى لو نايم ...بلعكس احسن انه نايم حتى مايعرف انه جاء يشوفه ...كافي انه غلطان ناقص بعد فوق اغلاطه يقعد يطبطب عليه وصل لغرفة باسل وحاول يفتح الباب ولقاه مقفول نفخ بضيق وراح ينام في غرفته ...... عمتها نامت واهي افردت الكنبه المفرده الي تنفتح كسرير وانسدحت عليها واهي تعدل المخده تحت راسها ... جرت الحاف عليها واهي تستوي على جنبها اليمين ........لو جاء ... هل بيحاول يشوفها والابيصد ويبعد نفسه عنها ...لو احتفظ بنفسه بعيد مافيه مشاكل بس لو شافته وجها لوجه وش بيكون موقفها ....بيسئل ...بيعاتب ... لا لا عزت نفسه ماتسمح له ....معقوله يتجاهل كل ماصار ويسكت ويخلي كل شي ينقطع وينتهي للابد؟ !! ليه لا هذا هو المفروض ..خلاص ماعاد فيه مجال نلتقي من جديد لازم يقبل النهايه الي انا كتبتها ويحط نقطه على السطر وكفى ! جالس في الشقه بملل فضيع ...دق على باسل جواله مقفل تململ في مكانه طلع سيجاره ولعها وبداء يدخن تذكر شلته وممدوح وايامه معهم حس بشوق لهم .....دائما في هالواقت يكونون في قمة وناستهم بدى يدور حساباتهم في مواقع التواصل الاجتماعي اغلبهم لهم مده طويله مانزلو شي من بعد الحفله المشؤمه ...شكل جاسر نافظهم عدل ...دخل على حساب ممدوح ابتسم بحنين قوي ومحبه خالصه لهاالانسان لقاه منزل عدة صور له مع مشاري ولد جاسر ابتسم افا ذا المخيس اخذ مكاني ...طيب ياممدوح التبن .....وبمحانك عبيط مع نفسه فتح الاستديو واختار مجموعة صور بدى ينزلها على حسابه ....صوره له على مكتبه في الشركه ... صور له مع باسل ... صور مع قصي ....صور مع غنى .....وفي دقايق انهالت عليه الاسئله من فانزاته ...وين كنت ...من ذولا الي معك في الصور ...ليه ماعاد نشوفك مع ممدوح ......حس انه تورط قام مشى على كل الصور الي نزلها واغلق خاصية الكومنتات فيها .....فجأه جاه رساله خاصه من اخوه ثائر تردد يفتحها او لا ... بعد مشاورات مع نفسه فتحها وكان مرسله صورته الي تو نزلها واهو جالس على المكتب ومعلق عليها ....اطلق من يجلس على مكتب ياخوي ....وتحتها قلوب كثيره وابتسامات ....ابتسم بسعاده حس بحنين له ولكل اهله ...فكر يكتب له رد بس ...ماكان عنده جرئه مايدري ليه يحس بينه وبينهم جدار طويل صعب يتجاوزه ....بقى يراقب كلمات اخوه بصمت لاحظ انه بدى يكتب من جديد ....اوصلته صورته واهو شايل غنى على جنبه ويناظر في وجهها بابتسامه ملحقه بتعليق ....مين الاموره هذي بسم الله عليها ..لايكون متزوج من ورانا ...يوسف كشر على طاري الزواج وخاف فعلا تبدا شائعات من هالنوع رجع حذف صوره مع غنى كلها وحتى صوره مع قصي وخلا من كل الي نشره ثلاث صور بس صورته على مكتبه في الشركه وصورته مع باسل وصوره لابوه راشد لقاها وحيده بين الصور في جواله ونشرها .....تذكر ان هالصوره مرسلها له جاسر ابتسم بحب كل الاشياء الجميله تجيه من يم هالانسان .....لاحظ ان ثائر رجع يرسله رجع يشوف وش ارسل لقاه مرسل صور له واهو جالس في غرفته وتعليق اشتقتلك بس اهم شي انك مرتاح ومبسوط صوره لابوه ...بيذبحه الشوق لك واليوم الي يرسله جاسر صوره لك كنه العيد عنده ..ابتسم الخاين يرسل من وراي صورة امه اعتدل في جلسته بفرحه بصورتها وابتسم بقوه وماحس بنفسه الا واهو يبوس صورتها ويضمها لصدره ...ضحك على نفسه ماهو متعود على نفسه كذى قراء التعليق ...من بعد ماعرفت مكانك وانك صرت نائب مدير كبر راسها علينا وصغرت عشرين سنه الضحكه ماعاد تفارقها وكأن هم كبير طاح عن اكتافها .....عورته الكلمه وسالت دموعه على خده مسحها بأطراف اصابعه بسرعه واهو يحس انه بالفعل كان هم ثقيل على قلب امه وابوه ..رجع يركز في مسجات ثائر صورة نادر ... ذا عاد يبي الزواج ومزعجنا متى يرجع ولدكم عشان اخطب ...وحالف انه مايخطب الا وانت معه ...عقد حواجبه بتكشيره ...معقوله يرجع يخطب وسن ...لا ان شاء الله لا ....ماتستاهله نادر يستاهل وحده احسن منها بكثير واخيرا نجح ثائر في استفزازه ارسل بسرعه ..من ثائر : من وش : من بيخطب ثائر : بيخطب من نسباك بس باقي ماندري من بروق واعدته تختار له وحده من بناتهم وكأنه تذكر فجأه اسف اسف والله ماقصدت اذكرك فيها زفر بضيق وفي خاطره ..من قال اني نسيتها حتى تذكرني فيها ..تذكر انه قال نادر بيخطب من انسباه يعني موب ماخذ ذيك الرمه ..انبسط وبتفكير تذكر ان جاسر عنده بنت ثانيه اتسعت ابتسامته اكثر مايبيلها اختيار ارسل : الريم ثائر :؟ من الريم : اقصد اخطبو الريم بنت جاسر لنادر ثائر : موب خاطب احد لحد ماترجع انت تعال والله اشتقنالك : موب الحين محتاج وقت ثائر : بجيك انا : لا وطفى الجهاز بكبره ...لاحظ سيجارته خلصت رماها في المنفظه وولع وحده ثانيه ...بدى يدخن بشراهه ويفكر في نفسه ...اهله ...ماضيه ...مستقبله ....حس انه مازال هش وممكن يرجع لوضعه السابق بكل سهوله واهو ماصدق انه غير مسار حياته .....عاش سنوات طويله وظعه مع اهله متأزم ماكان له اي اهميه بينهم ...ماكان يظهر اي احترام لوجودهم ...ماكان بينه وبينهم اي تواصل حقيقي صحيح انه كان موقت موعد قومته من النوم على اجتماعهم اليومي علشان يقدر يشوفهم ...بس ماكان لذاك الاجتماع اثر فعلي في نفسه ماهو زي يوم يقعد مع جاسر يقعد يفتح معه مواضيع مالها حصر يناقشه ياخذ رايه يتبادل معه الافكار يقنعه بأي شي يبيه بالحوار والعقل والمنطق .......والازي جلساته مع طارق الي يحقق ويهاوش بجلافه ويزعل ويلح عليه ياكل وينشب في حلقه لو شافه يدخن ... ابتسم واهو يناظر السيجاره الخامسه في يده منتصفه طفاها واهو يعتذر لخيال طارق في ذهنه انت السبب لونك مازعلت ولدك الدلوع والاكان الحين سهران معي وناشب في حلقي زيك لاتدخن لا تدخن ...شغل التلفزيون وحط على فلم وقام يسويله شاهي في كوب رجع لصاله شايل كوبه وتفاجأ بباب الشقه يهتز وفيه من يحاول يفتحه استغرب .. نزل كوبه على الطاوله وراح للباب افتحه بحركه سريعه على وسعه وانصدم باثنين طوال واعراض لابسين اثياب وشمغ وواحد منهم ماسك في يده مفتاح وواضح انه الي كان يحاول يفتح الباب انتبه لدم ال ماجد عليهم ( يشبهونهم بالملامح ) خمن انهم صقر وسياف دام الشقه زي ماقال جاسر لصقر واهم الوحيدين الي ماشافهم من ال ماجد ابتسم لهم بترحيب هلا ومرحبا حياكم الله في مكانكم اذا ماني غلطان انتم صقر وسياف وتقدم سلم عليهم واهو ملاحظ الصدمه في وجيههم ...... سياف وصقر استغربو وجود رجال غريب في شقتهم بس كونه يسلم ويعرف باساميهم فهذا يثبت انه في ضيافة واحد من شباب العائله الي معهم مفاتيح لشقه يامشاري ياراكان .......سلمو عليه بجمود واهم شايلين هم وجوده معهم تكلم صقر واهو يكشر بضيق من ريحة الدخان الي تفوح من يوسف غير ان الشقه بكبرها مختنقه بريحة الدخان : من انت يوسف ابتسم واهو يرصد ردت فعلهم بأستمتاع : انا يوسف راشد ال عامر اتسعت ابتسامته اكثر واهو يشوف كيف التفتو على بعض بانفعال ثم التفتو عليه بكره والي اسمه سياف بيحرقه بنظراته اضطرو يبتلعون وجوده في شقتهم بكره له بسب انقاذه لبروق تبقى عملية هالانقاذ كرت عبور ليوسف عند ال ماجد كلهم مهما كانت مشاعرهم تجاهه شاف كيف انخطفت الوانهم وحب يطمنهم : بكره ان شاء الله راح انتقل لبيت العائله لقو انفسهم مضطرين يعزمون عليه يجلس صقر واهم يمشون لصاله : لا وال قاطعه يوسف : لاتحلف ماجيت هنا الاعلشان عمي جاسر وكنت ناوي اطلع على كل حال سياف ماتكلم معه ابد والاعنده نيه وقاعد يستغفر يحاول يضبط نفسه لاينفلت على الرجال واهو ضيف عندهم ....وليه معصب منه وشايله على راسي هو مجرد واحد مضحوك عليه العبت عليه بروق ولمى اخذت الي تبي ارمته ورى ظهراها اه من هالبروق اطلعت انسانه قاسيه وماتفكر الافي نفسها ....موب انت الي علمتها تكون هي ثم هي ثم هي ثم كل الناس من بعدها ...موب انت الي زرعت فيها انها تواجه وتناطح وتصمد في وجه الكل .....ايه بس انا كنت استثناء من كل ذا وشلون دخلتني في الحسبه وشلون قلبت علي مره وحده ... جاه صوت صقر يصحيه من سرحانه : ياهوه يالاخو التفت بحده : هاه : سلامات وين رحت تلفت سياف ماشاف يوسف : وين راح ذا صقر واهو ياخذ شنطته من الارض ويقوم واقف : دخل غرفة مشاري يقول بيرقد قام سياف واهو يشيل شنطته ويهف بيده الثانيه قدام وجهه : كاتمن الشقه بريحة الدخان المقرف صقر اشرله : قصر حسك لايسمعك لاتنسى انه ضيف عندنا واكيد ان جاسر هو الي ملزمن عليه يسكن هنا راحو لغرفتهم ينامون واهم متاكدين ان يوسف موب محتاج لشقتهم بس مايدرون ليه قاعد فيها يمكن علشان جاسر اما يوسف دخل ينام واهو عازم على انه يطلع من شقة العيال بيدور له شقه قريبه من الشركه صحيح ان اهله عندهم فيلا في جده بس مايبي يروح لها الشقه انسب له وعلى قده تقلب على فراشه كثير واهله وممدوح وشلته السابقه محتلين كل تفكيره اشتاق لهم كلهم وبقوه حتى انه حس بشي من الغضب على سوات جاسر بشلته وتفريقه لهم ...فيه صوت داخلي يقوله رح شفهم سلم عليهم شف وش سوو بعد ماتفرقو عن بعض ..زر الي انسجنو ...وكل لهم محامي ...حاول تطلعهم ...هواجس كثيره بدت تلعب في عقله جلها عن شلته السابقه وحنين قوي يدفعه لهم فكر انه يروح ل الرياض يومين يشوف اخوياه ويرجع من غير محد يعرف لامن اهله والامن جاسر وطارق ! ارتاح للفكره وبدى يستغرق في نوم عميق لحد مازعجه صوت الجوال برنينه تقلب اشوي يبي الصوت يختفي لكنه مستمر ...رفع نفسه عن السرير واخذ الجوال افتحه وكالعاده جاه صوت جاسر المريح الهادي : يابوك قم تعوذ من ابليس واقر وردك من الاذكار والقرآن مابقى على الصلاه شي يادوب توتر سكت كالعاده لحد ماخلص كلام :طيب : استودعتك الله وانتهت المكالمه على اجمل كلمه يسمعها في حياته هالكلمه كانت تقولها له بروق في اوقات السلام القليله الي تمر بينهم وهذا هو ابوها يصبحه كل يوم بنفس الكلمه استودعتك الله قام توضى وصلى الوتر وقعد على سجادته يقراء قرآن لحد ماأذن الفجر جاه الاتصال الثاني فتح الخط جاه كالعاده صوت طارق : قم صل :قمت :صل في المسجد مانك حرمه تصلي في البيت :طيب :لاتسلكلي قم صل فالمسجد :طيب سكر انت علشان اروح للمسجد سكر طارق وراح يوسف يصحي صقر وسياف وقبل يدخل الحمام دق جواله مره ثانيه ابتسم على هالروتين اليومي من الاتصالات فتح الخط جاسر : صاحي يابوي :ايه هالحين بطلع للمسجد :الله يحفظك احيان ينزعج من اتصالاتهم ويقرر انه يقفل جواله اذا جاء ينام وفعلا كم مره قفل الجوال لكنه في النهايه وبمجرد مايحس انه بدى ينعس تمتد يده للجوال تعيد تشغيله ...جاسر بعيد وقلقه شين !....وطارق زعله اقشر وبيجي يكسر الباب عليه ! حاول يتذكر متى توقفو اهله عن محاولاتهم لحثه على الصلاه ماقدر يتذكر بالضبط من طول المده يمكن في اخر سنه له في الثانويه بعد اسنتين من تعرفه على شلته الي اسحبوه معهم لاعمق مستنقعات الفساد يذكر ان اهله طوال السنتين كانت محاولاتهم لاستعادته من احضان الشله مستميته واحيان عنيفه لكنه وقتها كان منبهر بالشله وبتحررهم من كل قيود المجتمع والاخلاق والدين ! ولانه كان عنيف ومستميت في التمسك بهالشله بدو يفقدون املهم فيه وبدو يتراخون قدام اصراره على الفساد لحد ماوصلو لتجاهل كل الي يسويه خاصه ان كل واحد منهم عنده من الاشغال ماينسيه نفسه وعلى كل حال البيت اغلب الاوقات ان ماكان كلها فاضي ابوه وجده وحتى جواد ونادر في الشركه ومواقع عملهم المختلفه وامه في مشغلها الخاص والي حولته بجهدها المتواصل لدار ازياء وكانت تاخذ بناتها معها اما ثائر ملحقينه في نادي رياضي واهو المتمرد على كل قرارات الاسره رضخ الجميع لتمرده وبقى وحيد بعيد عن الكل _____________________ طارق قام لصلاة الفجر راح لغرفة باسل وبدى يطق الباب بقوه لحد مافتحله : قم صل وقوم قصي يصلي باسل بكسل ونوم : طيب طارق دق على يوسف قومه ثم راح يقوم حلا رجع من عند حلا لباسل لقاه راجع يرقد تلفت يدور شي يضربه ابه شاف سبتت بنطلونه طايحه في الارض اخذها والسعه فيها بقوه على فخذه : قم صل اشوف باسل نقز من السرير بروعه واهو يحك فخذه من الم الضربه :اااه وش فيه طارق صرخ :فيه الصلاه ياسلقه باسل انتبه لابوه ماسك السبته وطلع من الغرفه رايح للحمام الي يفتح على صالة الدور الي فوق واهو يمشي ويتلفت وكأنه باقي ماهو مستوعب الي صار ... طارق هز راسه بيأس منه واهو يشوفه نسى ان عنده حمام في غرفته وراح يدور الحمام البعيد قوم قصي وراح توضأ وطلع هو واعياله للمسجد .... وبعد الصلاه رجعو ينامون باسل كان موقت جواله ومهتم انه يقوم علشان مدرسة قصي والالوهي على دوامه مافكر .. قام على رنة جرس الجوال وقوم قصي وطلب منه يغسل ويروح يلبس ( الملابس تجهزهم الشغاله ) نزل للمطبخ واهو ناوي يسوي سندوتشات جبن له ولقصي بس تذكر ان ابوه مايحبها اضطر يصلح بيض ...وصلح معه شاهي جهز الفطور وناداهم يفطرون واهو مايناظر لابوه ابد على ابو انه زعلان طارق افطر برواقه واهو ساحب على باسل متعمد خلصو فطورهم في جو مزعج من التجاهل المتبادل ... طلع قصي لمدرسته وباسل قام رايح يبدل ملابسه تارك المواعين للخادمه تشيلها طارق صعد هو الثاني بدل ملابسه ورجع جلس في الصاله واهو متقصد يشوف باسل اذا نزل ... انتظر يجي ربع ساعه وبدى يطفش ويعصب ..اخيرا شرف باسل نازل مع الدرج واهو يدندن باغنيه مافهم منها شي والاهتم لان حماسه للمفاجئه الي مجهزها لباسل كان اكبر بكثير باسل وصل لاخر اعتبه من الدرج وقبل يغادره سمع صوت ابوه يصفر : الله الله لو شافوك موظفات الشركه بالشياكه ذي يمكن يغمى عليهن باسل حك قفاه بيده واهو فاهم سخريت ابوه منه تنحنح واهو يلف عليه : مايلفتون انتباهي اصلا طارق اتسعت ابتسامته وقام مشى كم خطوه لحد ماوصل لباسل وقف قدامه ومد يده يسحب طرف جاكيته يقلبه بتقييم وبتكشيره ونفزه : ماعندي موظفين مخازن يهايطون بالبس واذا هايطو بأشك انهم يسرقون من العهده الي تحت ايدينهم باسل توسعت عيونه بعدم فهم : وش جاب طاري موظفين المخازن طارق عقد حواجبه واهو يطق صدر باسل باصابعه : جاب طاريهم انك من اليوم واحد منهم باسل بعصبيه : وشهو... ومن قال اني بصير واحد منهم اترك الشركه كلها والااطب المخازن برجلي طارق صرخ بعصبيه : بطبها وتشتغل فيها ورجلك على ارقبتك والا انسى الشركه بكبرهاحتى ورث بعد موتي لاتحلم ابها باسل تضايق من طاري الموت اكثر من اصرار ابوه على انه يشتغل في المخازن ...واهو تربى على طاعت امه وابوه وانه يبديهم على نفسه ..بس انه يشتغل في المخازن مره كبيره في حقه وش بيقولون عنه الموظفين : عادي زي ماسويت انت شركتك باشتغل الحالي واسوي شركتي بنفسي طارق ضحك بتهكم : ههههه وانت تحسبن الشركه كبسة حاشي كل من بغى طقله شركه ...اسمع ياولد اليوم بتداوم في المخازن اقل شي اسبوعين لاتخليني اطلع قرار بفصلك من ادارت الشركه باسل انقهر من قرار ابوه الي يشوف انه قرار تعسفي ...اسبوعين في المخازن !!......يعني ماتعرف ابوك اقبل بالاسبوعين في المخازن قبل يطلع لك بشي اقوى .....صحيح لو سحب سيارتي ! .....بطاقات البنك ......ولا حتى لو فصلني من الاداره ؟! زم شفايفه بغيض :بشرط طارق بنرفزه : اخلص علي وش شرطه بعد باسل : باغير شكلي واسمي وماابي احد يعرف انه انا ولو شفتني في اي مكان تسوي نفسك ماتعرفني طارق فكر انه احسن كذا مايبي اولده ينذل قدام الموظفين وفي نفس الوقت بياخذ درسه :طيب ووش اسمك ان شاء الله باسل فكر اشوي واهو متقزز من الشغله :حترش طارق الي كان طول الوقت مكشر وينافخ طقته الضحكه على الاسم : هههههههههههه حترش بن غليص هذا الاسم الي راكبن عليك صح باسل كشر بقهر وبتحدي : ايه حترش بن غليص وش يضحك بالموضوع وهذا انا اعلمك من الحين مخازنك الخايسه بقلبها على روس الي فيها ان ماخليتك تحفظ اسامي الي يشتغلون في المخازن من كثر مايشتكون مني ماكون ما ...كان بيقول باسل وتراجع في اخر لحظه وبقهر :ماكون غليص طارق اعجبته السالفه وباستهزاء : غليص ابوك يامبدول انت حترش هههههه (مبدول =مصروع =مسطول=عديم النفع) باسل تجاوز ابوه بيطلع واهو يطبخ قهر من الاداره للمخازن ! جاه صوت ابوه يوقفه : على وين بتداوم كذا باسل جز على اسنانه بعصبيه : ابي اروح ادور ازباله البسها من وين اجيب زفت يناسب المخازن طارق روق على عصبيته : ايه اذا كذا ماعليه ____________________ قامو على الساعه ثمان غسلو وارجعو لغرفتهم يلبسون اثيابهم فجأه توقف سياف وطلع راسه من اسفل الثوب الي مدخلن ايدينه فيه قبل يلبسه : مايقولون مايصلي شهق صقر واهو يرفع راسه له : كيف صحانا لصلاة الفجر وراح للمسجد قبلنا ارتسمت على وجوههم علامة حيره كبيره وكملو لبس ... طلعو لصاله ولاحظو غرفة مشاري بابها مفتوح والصاله مافيها احد طل صقر مع باب الغرفه ماشاف احد والغرفه مرتبه ...التفت لصاله شافها منظفه من الحوسه الي البارح جاه صوت سياف الي طلع من المطبخ : شكله موب فيه صقر اتجه لباب الشقه يتفقده لقاه مقفول والمفتاح ماهو فيه ناظر تحت الباب ولقى المفتاح منزل على البلاط اخذه حطه في الباب : لام عفشه وطالع من الشقه سياف بارتياح : درب السلامه صقر ماحب انه يطلع من عندهم كذا : لوني داري كان رحت لبيت جاسر وخلينا الشقه له سياف يهون عليه : عادي ميلان ابوه توسده وتلحفه مهوب في عازه اطلعو من الشقه راحو افطرو بعدها راحو لبيت طارق مالقو احد ومن عند الباب اتصل صقر ببروق وردت :هلا عمي بجمود : وينك فيه : عند عمتي في المستشفى : وانا ماقلت لك اخلصي علشان اجي اخذك : انت في جده الحين : ايه وصلنا البارح متى الزياره : العصر الساعه اربع : وانا وش يصبرني ل الساعه اربع : انت الي معنن نفسك على غير سنع ابوي هو الي جابني وش عليك انت صرخ بعصبيه : بعد الك السان يرادد : ماخطيت علشان اتبلم واسكت صقر انقهر من قواة عينها بعد تلاسن ماكنها سوت شي وبالقوه قدر يرد نفسه لايسئل عن الصوره ومارده الا ان معرفت سياف عنها بتفضحهم فضيحه بجلاجل لانه مستحيل يسكت واهو اكثر من يعرف اجنان سياف لاصار الموضوع يخص بروق نطق بغيض : هين يصير خير بروق : عمي .. قاطعها : السلقه حلا جعل ماحلا وينها فيه بروق : في البيت : ادق الجرس محد يفتح بروق الحين ادق على الشغاله اقولها تفتح لكم ...... بروق انهت المكالمه واهي مستغربه من حجم غضب عمها على سالفة جيتها عند عمتها جواهر : وش فيه صقر بروق : معصب علشان جيت عندك الحالي جواهر : الله يهداه دايم معصب وحالته حاله وينهو فيه بروق : هنا في جده يقول واصلين البارح هو وسياف جواهر بقلق : بعد سياف معه بروق : ايه ________________ نايمه في امان الله فجأه حست بالحافها ينشال من فوقها بعنف وبصرخه صمت اذنها : قومي على حيلك اشوف ! __________________ * * * | ||||||||
|
| |
|
01-02-20, 03:25 AM
| #1703 | ||||||||
| مراقبة عامة ومشرفة منتدى الروايات المنقولة
| البارت الثالث والثلاثين نايمه في امان الله فجأه حست بالحافها ينشال من فوقها بعنف وبصرخه صمت اذنها : قومي على حيلك اشوف ! فزت جالسه برعب : وش صار وش فيه غرس يده في جذور شعرها وسحبها فوق بعنف وقامت واقفه على ركبها وهي باقي على سريرها وبكت بروعه ووجع واهي تمسك ايدين صقر تحاول تفكها من شعرها : اي اي خالي عورتني... عورتني تكفى فكني ... صقر نفضها بقهر : انفكت ارقبتك اي والله وش الصوره الي مرسلتها الي ياحيوانه حلا تبكي بانهيار ووجهها غرقان دموع : اي صوره واي خرابيط فكني يعور صقر نفظها مره ثانيه بعنف واهو يرفع وجهها له ويحط جواله قدام عيونها : الصوره هذي وش قصتها قبل افصل راسك عن جسدك .... وبصرخه : انطقي حلا برعب ومن بين بكاها وشهقاتها : باسل وبروق تعرفهم انت وشوله تنشدني صقر رجع الجوال في جيبه ومسك فكها بيده اليسار وشعرها في يده اليمين وصار يضغط على فكها بقوه : بتعلميني وش قصة الصوره والا اذبحك الحين ومحد حولك حلا انرعبت غير الوجع الفظيع الي تحس فيه في فكها ومنابت شعرها الي تتوقع انها انقشعت من مكانها : والاشي والاشي مافيه قصه صقر استغل رعبها علشان يعرف منها الحقيقه قبل يسوي اي شي يخسر معه بروق نزل يده من فكها لرقبتها وبتهديد : بتقولين وش جاب بروق عند باسل ووش كانو يقولون والااخنقك الحين لين تفطسين في يدي قاله وضغط بشويش على حنجرتها وزاغ عقلها من الخوف : باسل قالها البزر عيونه صفرا وبعدين بروق راحت تشوف عيونه وقالت مافيه شي صقر ضغط ضغطه ثانيه على حنجرتها كتهديد : وليش يطالع فيها كذا حلا واهي خلاص استسلمت وتملكها الرعب : والله انها الصوره طلعت كذا بس ماكان يطالع صدق بس ناظر فيها يقولها عن البزر وانا صورت صقر نفظها من يده وصفقها كف : لايالحقيره وش رايك اوريها الصوره هي وباسل حلا طاحت على سريرها واهي تبكي بقوه وضامه وجهها بين كفوفها بوجع ماقدرت تستحمل الألم الي في وجهها وانكبت دافنه وجهها في مخدتها ولمى قال بوري بروق وباسل الصوره انرعبت من قلب انقزت معتدله في جلستها واهي تمسك في يدين صقر وتترجاه : لا تكفى خالي الله يخليك كله والاالمتوحشه بروق انت ماتعرفها والله انها تذبحني والاهمها تكفى ياخالي طلبتك لاتوريها صقر بقهر ووده لو يذبحها من جد شاف جوالها على الدرج الي جنب سريرها خمه من فوق الدرج واصفقه في صدرها وبصرخه : افتحيه اشوف حلا خمت مكان الضربه بوجع واهي تعيش ابشع كابوس شافته في حياتها ....صرخ عليها صقر مره ثانيه : قلت افتحيه افتحته واهي منهاره بكى اخذه منها ودخل على الصور فرها يدور اذا لبروق صور عندها او لا مالقى الا الصوره الي ارسلتها له حذفها وراح للواتس اب حذف الصوره من المحادثه ورجع يخم حلا بشعرها ونفظها بعنف : ارسلتي الصوره لاحد غيري اصرخت بوجع ورعب : لا لا بس انت شد على شعرها مره ثانيه : ياويلك ياحلا لو تصورين بروق مره ثانيه والاتعرضينها بشي تسمعين .. وبصراخ : تراك ماتسوين معها اشعره في عيني وتراني اذبحك لعيونها فتجنبيها وتجنبيني معها احسلك حلا بانهيار : توبه توبه ماصورها والا اتدخل فيها صقر نفضها مره ثانيه : والصوره ذي ماسمع عنها والاحرف واحد وكلام طالع نازل منا منا اذبحك فاهمه حلا واهي حاسه انها قاعده تموت والاعمرها تعرضت للعنف والضرب ..تكلمت برعب :فاهمه والله فاهمه نفضها من يده بقهر وقرف ورفع جوالها قدام عيونها يوريها اياه ثم رفع يده وطبق فيه الجدار بقوته كلها ....واستدار طالع من عندها تذكر الصوره الي في جواله طلعه من مخباه افتحه وحذف الصوره واهو يحمد ربه انه شاف حلا قبل يقابل بروق لوكان سئلها عن الصوره كان قاطعته عمرها كله على شكه فيها ... حلا ماصدقت انه طلع من عندها ارفعت صوتها تبكي وادفنت وجهها في مخدتها تبكي بقهر وحرقه وكره لبروق الي يوم قالت بتنتقم منها انقلب كل شي على راسها ارفعت يدها تفرك فروة راسها الي تألمها بشده صقر المتوحش قطع شعرها ....اشهقت من بين دموعها واهمست لنفسها : يارب مايقول للمتوحشه بروق والاباسل والله انهم يذبحوني صقر نزل مع الدرج واهو مغبون من الي صار بغت تضيع سمعة بروق بتفاهتها وقل عقلها .... تذكر سياف الي ينتظره في المجلس وقف في نص الدرج ياخذ نفس عميق ويزفره ..يحاول يهدي نفسه مايبي سياف يشك في شي ...رتب نفسه وكمل ينزل مع الدرج شاف غنى طالعه من المطبخ ببجامتها وشكلها توها صاحيه ناداها سلم عليها وقالها تجيبله ماء ...راحت غنى تركض للمطبخ جابت له مويه شرب وخلص وسكر علبة المويه وخلاها في يده وانحنى لغنى :افطرتي غنى انبسطت انه سولف معها : ايه توني اكلت صقر بابتسامه واهو بدى يستعيد هدؤه بعد ماعرف سالفة الصوره : طيب روحي غيري ملابسك عشان تروحين لبابا معنا غنى انبسطت وراحت تركض للخادمه تسئلها وش تلبس والخادمه امسكتها بيدها واصعدت معها تطلع لها ملابس ... صقر دخل المجلس ورمى نفسه على الكنب بتعب سياف استغرب من حاله : وش فيك كانك طالع من معركه صقر مسح على وجهه بكفه بضيق : هاوشت الخبله حلا على اهمالها لأمها سياف كشر بكره لها : امحق حلا مفارقها الحلا وبحقد : يافرقى الزول اي والله ياهالي تسدح لاشغل والامشغله وبروق تكد على امها صقر ابتسم بسخريه لو تدري وشهي مسويه لبرقك وسرح ......طيب والنظره الي شفتها بعيني حتى لو كان يسئل عن البزر على قولتها ....يمكن من تأثير الصوره ياما طلعت الصور شي غير الشي .....اخ بس لو ماحذفت الصوره كان واجهت فيها باسل .....لا الافضل اسكر موضوع الصوره نهائي حتى مايصير اي شوشره حوالين بروق ....بس ماعليه ياباسل خل بس اعرف انك تحوم حولها ان مادفنتك بيدي ماكون صقر .... طلعه من سرحانه صوت سياف : انت كلمت عمتي صقر خبط جبهته متذكر : ياويلي من زعلها ....اشغلتني بروق الله يصلحها بجيتها الوجعانه ذي ونسيت جواهر انت كلمتها سياف ببرود : همانا جينا خلاص لاشفتها باركت لها وانتهى الموضوع صقر طلع جواله ودق على جواهر ردت : الله حي الصقر الي ماغير يحلق حولنا صقر توهق مبين عليها زعلانه : اول شي السلام عليكم جواهر : الله حيه وعليكم السلام صقر : مبروك ماجاتس يام باسل جواهر : الله يبارك فيك صقر : وشلونك وشلون صحتك عساك طويبه جواهر : الحمدلله بخير سياف رفع صوته يسمعها : الحمد لله على السلامه ياعمه جواهر اسمعته : الي يصيح وراك وش يقول صقر : يتحمد لتس بالسلامه جواهر : الله يسلمك ويسلمه مير الولد انخطبله بنجوزه وانتم توكم تباركون صقر ضحك : هههههه يعني بتفهمينا انا اخر ناس كلمو جواهر : اجل فيها شكه من امس والتلفون ماسكت لا من اهلي والامن اهل طارق وكل من كلمني نشدني عنك صقر ماكلم ؟! صقر بضحكه : هههه لاحول من القافه وهم وش دخلهم كلمت والا جواهر بجديه : يشتكون منك اخوانك انت وسياف يقولون يمر يومين وثلاثه ماكلمو صقر تضايق مايحب العتب وعنده مكالماتهم لاهلم كافيه : يومين ماهيب شي وش بيتغير في يومين جواهر باستطراد : يقولون جاين لجده ماشاء الله وشلون طرالك تزورني صقر طفش من المجاملات شق القربه : جيت اخذ بروق الي اخذينها تخدمون فيها وبنتكم طول الجدار موفرينها ل الدلع جواهر بزعل وتوها تنتبه انها فتحت العيون على بنتها : ياوجه الله متكاثرن علي نفعة بنية اوخيي وقت مرضي وحاجتي والاماعلاكم مني صقر بصدق : لاوالله علينا منتس ولانا بمخلينتس مير اهلتس لهم بيوت ورا ماجيتي في بيت جاسر والافي بيت احد اخوانتس الاخرين وبيحطونك في عيونهم ولحد مقصر ...اما انتس تاخذين بروق وبنتك تسدح ماعندها ماتلهابه لاوالله بنيتنا ماهيب خدامه ل ال جويعد جواهر حزت في نفسها الكلمه : انا بنتكم يال ماجد ماني من ال جويعد وبروق مكانها وسط عيني وما مداراتها الي بمنزلتن من قدرها شي ويومني ماجيتكم من زود مابي من وجع ممنوعتن من السفر صقر باقتناع بكل الي قاعد يسويه : المهم انا جاي اخذتس انتي وياها وهذا انتي ولدتي وماعاد فيه شي يمنعك من السفر جواهر بزعل : ماني برايحتن معك صقر بنفزه : بتروحين غصب وكلامي مع طارق مهوب معك ...... جواهر انهت المكالمه واهي تناظر في بروق بتوجس :انتي شارهتن علي يوم اني طلبتك تساعديني بروق ابتسمت لعمتها وقامت باست جبينها : لو مدري انك تعبانه صدق كان ماجيت ولو ابي اعيي عييت فلاتشيلين هم كلامهم وعمي اعرفه هو زعلان علشان حلا نفس عمري ويبيها هي الي تقوم فيك جواهر من داخلها اندمت انها اطلبت من بروق تجي تساعدها لان حال بنتها كان مستور ويوم جت بروق تقوم عليها تفتحت كل العيون على حلا وصار كل من يسئل ليش بروق موب حلا ؟! تحس انها تسببت في ان بنتها تطيح من عيون خوالها وحتى عمامها الي كلهم صارو يعرفون ان بنت اخوها هي الي مرافقه معها في المستشفى بس هي كان كل قصدها تشيل حمل تعبها عن اكتاف باسل الي مقطع عمره بين الشركه وبين الاهتمام بالكل ترحم باسل كثير لانه يشيل كل من طاح عليه والايشكي ....والمشكله ان الكل ماخذين عنه فكره انه مستهتر ...كله من حركات المغازل الله يصلحه بس عويناته شوي زايغه والشركه مرات يسحب عليها بس بعذره طارق يطفش الي مايطفش واوامره ماتخلص ......انتبهت من سرحانها على صوت بروق : عمه جوالك دق لين انقطع وراك سهيتي جواهر :هاه لاهنيا ..من الي يدق تعبت من المكالمات من امس مارتحت كل ماحطيت جنبي برتاح دق بروق اخذت جوال عمتها وسكرته : خلاص سكرته ارتاحي الحين قبل موعد الزياره خاصه انك بتطلعين بعدها على طول وترا لازم تروحين معنا ل الرياض جواهر واهي تتعدل في سدحتها : كيف اروح ل الرياض وقصي يدرس بروق : عمه محد مخليك تقعدين هنا لاابوي والاحتى عماني وانتي سمعتي بنفسك كل واحد يكلمك يقولك لازم تجين ل الرياض حتى عمات باسل متحمسات لشوفة يوسفاني من امس لليوم والواتس والسناب عند العايلتين برعايت يوسفاني جواهر ابتسمت : ياملحه اي والله الا يوسف ذا مايقولون انه طليقك كيف سمى عليه باسل مايستاهل الاسم بروق وسعت عيونها باستنكار : افا من الي مايستاهل هذا يوسف ال عامر على سن ورمح الا يستاهل ويستاهل ويستاهل جواهر قاطعتها بضحكه : هههه كنك متحسفه على الطلاق بروق بثقه : لاوالله موب متحسفه والاشي بس اقول الحق شوفي عمه الي ينتقص من قدر احد او يحط فيه مثالب ماهيب فيه بس عشانه يكرهه فهذا انسان ضعيف نظرته لنفسه مهزوزه او على الاقل انسان غير نزيه يوسف كان يمشي في طريق غلط والحين صحح مساره وصار رجال كفو جواهر ابتسمت لبروق : انا اشهد انك نزيهه ونفسك مافيه اصفى والااطيب منها __________________ جالس على مكتبه فاتح لاب توبه ويبحث عن حجز ل الرياض ويفاضل بين الايام في مخه بعد ماقرر يروح يزور افراد شلته من غير محد يعرف عنه بيقول بسافر لدوله خليجيه علشان محد يبلشه بالاسئله والتحقيق والاحد يحاسبه ليه جيت الرياض والاجيتنا بيخلي زيارته خاصه بخوياه وبس حتى ممدوح مايقدر يقابله مع انه اكثر واحد مشتاق له بس دامه صار يماشي مشاري مايقدر يشوفه .... دخل باسل المكتب وطبق الباب وراه مما خلى يوسف يرفع راسه عن الاب توب بنرفزه :خير ياهمجي باسل تقدم لمكتب يوسف جلس على طرفه : عاد نصيبك رماك في عامل مخازن صار لازم تتعود على الهمجيه يوسف كشر واهو مستغرب من كلام باسل : اولا الهمجي همجي وين ماكان مالها دخل بنوع الشغل وبعدين وش عامل المخازن ذي وقبل كل ذا دوك الملف ذا خلصه ماني رايق له باسل اخذ الملف من يده ورماه عليه مره ثانيه :ذا ياحبيبي شغل نائب المدير وانا والحمد الله يادوب عامل مخازن على قد حالي يعني من اليوم بأنسدح وادلدل ارجولي وحضرتك بتكرف عني وعنك يوسف وخر الملف على جنب وركز انتباهه مع باسل : انت مصخن فيك شي وش سالفة المخازن ذي باسل راح لمكتبه وجلس على كرسيه ومدد ارجوله قدامه واسترخى : الاستاذ طارق الله يطول بعمره عيني عامل مخازن لمدة اسبوعين من ورى لماروه العفنه يوسف احشرته الضحكه حاول يتجنبها بس ماقدر وانفجر ضحك :ههههههههههههههههه تستاهل اجل قم تقلع عن مكتب نائب المدير لا اشكك قرار فصل باسل اعتدل جالس : اي تكفى افصلني خلني اريح راسي من ذا الشركه بالمره قطع عليهم طارق السوالف بدخوله مع الباب المشترك شاف باسل على مكتبه واسئله باستعجال :خالك صقر وسياف وش عندهم جايين باسل ناظر في ابوه باستغراب : مدري عنهم متى جو يوسف يقاطعهم : جايين البارح في شقتهم التفتو طارق وباسل على يوسف بتوجس طارق :عسى ماضايقوك بشي يوسف ابتسم : لا محد ضايقني اصلا الصباح تركت لهم الشقه وطلعت اخذتلي شقه في البرج القريب من الشركه باسل ابتسم : اطلق مكان وانا خويك فيها طارق التفت على باسل بعصبيه : والبيت وش خانته باسل بزعل : والله ماخبر عامل المخازن يسكن مع مدير الشركه في نفس البيت يوسف ضحك على مناقرهم :هههههه شكلي بصير عامل معك وخل المدير يبتلش بالاداره الحاله باسل بوناسه : كفو ابوراشد طارق ابتسم : لامبتلش والاشي الي بيبتلش انتم بس لاتنسون تزيتون شوشكم وتفرقونها على جنب باسل ويوسف تخيلو المنظر :هههههههه طارق تذكر صقر وسياف رجع يتكلم بجديه : باسل دور مطعم عليه القيمه واحجز فيه دام امك ماهي في البيت بنغديهم برا ثم التفت على يوسف : وانت يايوسف استلم مكاني وعلى الغدا ابي اوصل القاك قدامي انت وياه موب اقعد انتظركم يوسف : انا يادوب اخلص الشغل بقعد في الشركه طارق بحزم :لاحق على الشركه والشغل ابي اوصل القاك قدامي يوسف :ان شاء الله ____________ غنى ادخلت المجلس واهي مبسوطه انها بتروح مع صقر ل الشركه .....شافها سياف داخله وابتسم وناداها :بنت تعالي غنى كشت منه لانه ماناداها باسمها فهمت انه مايعرفها كشرت في وجهه وراحت لصقر صقر ضمها واهو يضحك على سياف :ههههه ياخي انت مدري وش علتك يوم البنات مايداننك سياف ابتسم واهو يتذكر بنات العائله كلهن يخافن منه حتى رهف وبروق يحطن له القاب ..يعرفنه ابها بينهن كم مره سمعهن وطنش ...حس بوجع في قلبه على طاري بروق صارت قريبه منه حيل كل الي يفصله عنها ساعات كيف بيشوفها كيف بيتحمل قربها كيف بيصبر قلبه لايشق صدره ويحضنها .....فز على صوت صقر : ياهوه وين سرحت سياف : هاه ..معك معك صقر : طارق بيجي هنا سياف : لو رايحين له الشركه اصرف من القعده في البيت صقر : انا فكرت في السالفه ولقيت انه نقعد هنا احسن علشان نقنعه انا ناخذ جواهر معنا ماتنتخلى هنيا واهي تعبانه كذا سياف ببرود : ماهمتني جواهر دامها عند رجالها واعيالها هم المسؤلين عنها انا الي يهمني بروق وبس وماهي بقاعده عندهم اكثر مما اقعدت صقر : هين بروق مالهم عليها شور بتمشي معي بطيب والابغصيب سياف : قالت شي يوم قلت لها انا بناخذها صقر : لا وش تبيها تقول هي داريه اني ماجيت الا علشان اخذها ولاني براجع من دونها سياف : عمي جاسر ماكلمك صقر : لا شكله لحد الحين مايدري انا جايين لجده سياف : يمدي طارق علمه صقر بعدم مبالاه : وخله يعلمه خير ياطير بيمنعني لاخذ بروق سياف بجديه : يمنع بيدينه ورجلينه ماني بسياف ان مشيت واهي وراي صقر لوى السانه داخل فمه وبنكاده : ماتقول مانك بخاطبها لو مايبقى من البنات الاهي خلاص وش عليك منها وش لاون قصبك سياف كشر ورد بغيض واهو يحس بنار تحرق صدره : حتى لو ماتزوجتها بتبقى بروق برقي صقر : ماانصحك تقول هالكلام قدام جاسر ترا هالحليل الهويدي صكاته تروع سياف انسدح على الكنب : جاسر ينغرون الناس بلينه لين يطلع وجهه الثاني ...بس اظمن لك ان هالوجه مايطلع علي صقر : انا اهوجس ابه لادرى انا جايين ناخذ بروق والاعلمناه مالي خلق في مناطح جاسر والاحب ازعله مع ان ابوك الكبير بس عادي عندي يزعل هو والايزعل جاسر سياف طلع مفاتيحه وحذف فيها صقر : ولد ابوي تبدي جويسر على عقيد ال ماجد كلهم صقر تقدم بجسمه يحمي غنى الي جالسه جنبه من الجهه الثانيه وضرب المفتاح في كتفه خم كتفه يفركه : اح ...اسمه جاسر لاتصغره وبعدين انا صادق له هيبه على قو مرونته وتبسطه بس والله اني احسب احساب لخاطره اكثر من اي واحد غيره سياف حط اذراعه على عيونه واهو منسدح على ظهره : لانك تعرف لاخسرته مانك لاقن احد يسد مكانه عمي جاسر اسلوبه غير عن كل اخوانه حتى ابوي يعزه بزياده خاصه لاضاق صدره مايرتاح الا عند جاسر سمعو باب المدخل يفتح وفز سياف جالس وبتدى يتعدل في جلسته وصقر قام واقف واهو يشوف طارق داخل عليهم واهو يهلي ويرحب (وطارق له مكانته واحترامه عند كل ال ماجد ) وقف سياف وسلم على طارق من بعد صقر واجلسو وطارق استاذن منهم ودخل يسوي قهوه توه تذكر ان مافيه احد يسوي القهوه والاكان خلا باسل يجي معه يسوي القهوه عنه الخادمه حظرت الطوفريه وجهزت الفناجيل والكاسات وصحن التمر خلص طارق مجهز القهوه والشاهي حطهن في الطوفريه وراح يقهوي انسباه ......وبعد جوله من السوالف وتبادل الاخبار ....صقر :جواهر متى بتطلع من المستشفى طارق : هي ماتحب المستشفى واليوم الصبح اطلبت من الدكتوره تكتب لها خروج وقالت انتظري لبكره وعيت تقعد تقول بطلع على مسؤليتي قالت اجل بعد موعد الزياره اجيك اكشف على الجرح ونغير له واكتبلك خروج صقر : حلو اجل تراني باخذها معي ل الرياض مانا بمخلينها هنيا واهي تعبانه وبحاجة عنايه طارق يدري ان جيت بروق ماهي عاجبتهم وحتى مايعقد الامور فضل انه يسمح لجواهر تروح عند اهلها عن طيب خاطر لانها تعبت كثير في حملها ومحتاجه وقت طويل لين تسترد عافيتها غير ان خواته ودهن بشوفة اولده وماكل وحده منهن تقدر تجي تزوره والوقت وقت مدارس : ياجعلك سالم يابو ماجد ابد من يمي ماعندي مانع اخذها معك منها ترتاح ومنها تغير نفسيتها بعد طول الحكره على السرير والمنع من السفر ان اقعدت بعد الوالده اهنيا انفطرت كبدها من الظيقه صقر : زين وحنا مانبي منك غير قولت مسموحه طارق : مسموحتين مير هي من يقنعها هالحين تلقاها شايلتن هم قصي ودراسته وليتها على قصي وتهون الا باسل كيف تروح وتتركه وراها صقر ابتسم : ههههه مهوب هي وبس حتى انت ودك انها تروح وتخليلك باسل تستفرد فيه عاد ولدكم ذا ثقيل طينه طارق جاء الكلام على هواه : ههههه لوهي علي اخذت نصيبها فيه مع نصيبي مير المشكله انها اكلتن قلبه وانا ساحبن علي ..وثقل الطينه ماتعداك صقر بضحكه : ههههههه هذا واهو مايعصي لك امر تقول ساحبن علي اجل بعذره لو يسحب عليك صدق .... _______________ في المطعم جالسين يتغدون غنى وقصي معهم وحلا بقت في البيت ولان طارق كان مع صقر وسياف طول الوقت ماشافها والايدري عن المناحه الي هي عاشتها لاكثر من ساعتين وبعدها نامت من كثرة البكاء والتعب ...سئل عنها الخادمه وقالت انها قامت افطرت وارجعت تنام وفي الواقع هي مانزلت نهائي والخادمه ماشافتها ابد لكنها صرفته على امل انها تتم نايمه وتفتك من اوامرها وعجرفتها .... الاجواء على طاولت الغداء في المطعم كانت جميله وراقيه والجلسه كلها سوالف ووناسه بعد ماخلصو متغدين وقامو يغسلون صقر اخذ باسل على جنب بيعرف لوين بيوصل : اقدر اعرف وش بينك وبين بروق باسل عقد حواجبه بغضب : وش قصدك صقر بعصبيه : انا الي اسئل طول عمرك مسوي عمرك محامي الدفاع عنها وهالحين هي تزوجت يوسف وبعد اسبوعين بس تطلقت منه والحين هي هنا يازعم بتهتم بامك وش ورى ذا كله باسل تملكه الغضب دفه وراه : وش تقول انت تشكك في انا وبروق صاحي انت للي تقوله بروق هذي اختي الي ماجابتها امي ومااسمح لك تنطق عليها بحرف صقر قرب له مره ثانيه بعد مادفه ومد يده بيمسكه ببلوزته لكن باسل صد يده بحركه سريعه ...تكلم صقر بغيض : بروق انا اعرفها زين وخابرها مهيب راعيت علوم ولفات بس انت مقدر اصفي النيه معك باسل دخل ايدينه في جيوب بنطلونه ورفع اكتافه ونزلها بعدم اهتمام : مايهمني نيتك بشي عمرها لاصفت صقر بغضب : باسل انا ماامزح معك تكلم قبل لاادخل جاسر وطارق في السالفه وتكبر باسل زفر بضيق رافض مبداء انه يشك فيه ويقعد يبرر له ويشرح وفي نفس الوقت مايبي ابوه وخاله جاسر يتدخلون في السالفه يخاف يتسبب في شرخ علاقتهم ببعض : قلت لك بروق اختي والاعمر علاقتي فيها تجاوزت الاخوه واذا على المحاماه على قولتك شي طبيعي ادافع عن اختي وماذكر اني تخليت عن حلا في يوم من الايام علشان تستغرب دفاعي عن بروق كلامه كان مقنع بالنسبه لصقر خاصه ان رعد صديقه الخاص وفي نفس الوقت اقرب اخوان بروق لها ولو شك للحظه في نوايا باسل تجاه بروق مستحيل يسكت له ...وليش يروح بعيد بروق نفسها ثقه ولايمكن تسمح لباسل يتجاوز حدود الاخوه معها تعوذ من ابليس واستدار بيترك باسل ويرجع للمجموعه لكن باسل وقفه متجاوز الي صار بينهم : خالي اصبر ابيك التفت عليه : خير وش بغيت باسل بتردد : ابي اخطب رهف صقر صغر عيونه فيه مستغرب انه يبي رهف واهم يضنون انه يبي بروق : ومن رادك لاتخطب باسل بعصبيه : ومن غير العله سياف انت خابره مايواطني ابيك تقنعه يوافق على الخطبه قبل اتقدم رسمي صقر ماعنده اعتراض على زواج باسل ورهف بس سياف صعب يقتنع بباسل : الفتره هذي لاتجيب طاري الخطبه بعدين انا اشوف موظوعك واعلمك وش يصير معي باسل هز راسه بتأييد لكلامه : اعتمد عليك ياخال لاتخليني صقر انقطع عنده الشك باليقين وتاكد ان باسل بالفعل يعد بروق اخت ثانيه له رفع يده وربت فيها على كتفه :اعتمد وان شاء الله خير _____________ نادو على رقمها في انتظار الصيدليه وقامت لشباك الصيدلي تصرف اعلاج عمتها اخذت كيس الادويه وراحت متجهه لغرفة عمتها .... صقر وسياف ادخلو لغرفة جواهر مع اولى دقايق الزياره سلمو عليها وباركو لها واسئلوها عن بروق قالت لهم انها راحت تصرف لها ادويتها من الصيدليه اتجهو للباب بيطلعون يدورونها لكن قطع تقدمهم دخول الممرضه تدف سرير المولود صقر رجع مع الممرضه لداخل الغرفه واخذ يوسف من سريره واهو سعيد بشوفته دخل طارق في نفس اللحظه الي شال فيها صقر يوسف ودخل معه في سوالف وتعليقات ...اما سياف طلع متجاهل كل شي يصير وراه في الغرفه الي طلع منها .....طلع وكل اهتمامه وتركيزه مع بروق ....مشتاق لها ....يحس بعطش عظيم في روحه لشوفتها لسماع صوتها ....وفي نفس الوقت موجوع منها يحس انها اخذلته ....يحس انها اهانته بتخليها عنه ...يحس انها ارخصت حبه .....يحس انها غدرت فيه وطعنته في مقتل ...اخذ خطوات قليله في الممر القريب من غرفة عمته ثم حس فجأه بقلبه ينتفض بين ضلوعه رفع انظره وشافها تتقدم ناحيته بثقه تقدم لها وفي كل خطوه يسكب مشاعره في قالب جليدي صلد ... لو احد غيرها اقفى عنه مستحيل يعطيه من اهتمامه لو نظره ...بس لانها هي مضطر يلتفت لها ...مستحيل يسمح لها تحط يدها على وجع قلبه لكنه على الاقل راح يستفزها وياقف جبل شامخ في وجهها ...مايقدر يعاتبها ......بس يقدر يجادلها يحط العقبات في طريقها وينفس عن بعض وجعه منها وقف قدامها مباشره وعيونه على عيونها الي تتحرك في كل مكان بعيد عنه تكلم بجمود : وش صار على دراستك قدمتي على الجامعه والا ؟! بروق اول ماشافته يمشي في الممر حست الاكسجين ينسحب من حولها .....وش بيقول لاشافها ...بيصرخ في وجهها ياخاينه ليه تركتيني ...بيرفع يده ويصفعها على وجهها لأول مره كتأديب على الي سوته !.....شدت طولها في استقامه وتقدمت له بتوصل لنهاية الوجع وتعرف وش مصيرها معه ....وقفت قدامه واهي تشتت نظراتها بعيد عنه ماعندها اي جرئه على مواجهة عيونه بذات لكن كلماته انزلت عليها مثل الصاعقه بغرابتها وبعدها كل البعد عن موضوع زواجها من يوسف ....ايش يقصد من كلامه ذا ....اخذت نفس عميق ...وازفرته تحاول تشجع نفسها تناظر في عيونه وتفهم وش يقصد بالضبط لكن شجاعتها اخذلتها لاول مره وماقدرت الا انها تركز نظرها على صدره وتكلمت بصوت جاهدت انه يكون طبيعي : باقي ماقدمت بقدم على السنه الجديده ان شاء الله سياف بشي من العصبيه الي فلتت منه غصب : ووش التخصص الي اخترتيه بروق ردت بسرعه تبي تتخلص من الجحيم الي تعيشه بوجوده وتجاهله لكل ماصار ...كانت تظن انها عقبه صعب تجاوزها ...وشلون يسئلها عن دراستها في اول لقاء بينهم من بعد ماتجرأت وقصت الحبل الي يلفه حول ارقبتها ....يكون ماهتم بزواجها اساسا ...معقوله ؟! : مازلت افاضل بين الطب والقانون وعلوم الحاسب سياف بعصبيه : انا الظاهر تركتلك الحبل لين حسبتي انه انفلت من يدي ماتدرين ان طرفه الاول في يدي هذي ورفع يده اليمين وطرفه الثاني في هذي ورفع يده اليسار .......اسمعيني زين تقدمين للجامعه الترم الثاني وعلى تخصص ادارت اعمال واذا فيك خير تخرجي بأقل من مرتبة الشرف لاولى بروق ثارت كل دوافع التحدي عندها وارفعت راسها له بغضب وتحدي واول ماعلقت عيونها في عيونه احرقتها النظره المركبه الي شافتها فيها ..عتب ...غضب ....حنين .....واشيا ثانيه مافهمتها وحترقت اكثر من لمحت الوجع والحزن الي ظهرت في ملامح وجهه ...حست بخزي واهي تحس انها سبب الي هو فيه نزلت عيونها بسرعه وباستسلام اقصدت منه الاعتذار عن ذنبها المتعمد : ابشر سياف انقهر عليها ومنها مايحب يشوفها مستسلمه كذا وكانها طالب بليد واقف قدام استاذه جز على اسنانه بغيض ونطق بقهر : بروق ناظري في عيوني ناظري عيوني اشوف بروق ارتجفت هذا الي كانت خايفه منه ارفعت راسها واصتدمت نظراتها في الظهر العريظ الي دخل قدامها فجأه نطقت بفرح واهي تشبث بجاكيته بيدينها فانسحب معها مبتعد عن ظهره : بااااسل !! باسل ابتسم بسخريه لمى اهتفت باسمه وكأنه يقول للواقف قدامه تتذكر !! سياف احتدت نظراته لباسل بكره وغضب واصتبغت عيونه بلون الدم بعد ماطعنته بروق من جديد واهي تحتمي فيه استعرت نظرات الشر بينهم بصمت قال الكثير ! لحد مانهاها سياف بنظرة احتقار اخيره .....ماخلت لها بعد هذي عذر ...وماعلى راس المرجله مفاصل .....وقلبن يدعيه لذل يدوسه برجله ماهو برجل غيره ....صد وتحرك مبتعد بشموخ يليق فيه من غير مايلتفت وراه او يسمح لنظراته انها تسقط على ماهو اقل من رؤؤس البشر قدامه ! ماكانت خايفه على نفسها ابد واهي تحتمي بباسل كل خوفها كان على سياف ماتبيه يناظر في عيونها ويعرف انها اخذته غدر ماتبيه يعرف انها ماتزوجت يوسف الاعشان تبعد عنه ماتبيه يعرف انها ماكانت نزيهه معه واهي تتلون وتلف ودور عشان تتخلص منه ماتبيه يكتشف وش كثر هي قزمه وحقيره قدامه واهي تظربه من تحت الحزام ! وماكانت تدري ان طعناتها المسمومه زيد انغرست في قلبه واذبحته ! سياف دخل الاصنصير ونزل لدور الارضي ومنه تحرك طالع من المستشفى طلع من البوابه وشاف الحديقه الخارجيه المحيطه فيه وبدى يتمشى فيها ...نفس الشخص ونفس الهتاف المستبشر الي حفظه صم ومايدري كيف يطلع في وجهه لمى يكون في لحظه فاصله معها ....هذا هو سبب مشاكله مع بروق .....كل مره يتلقف ويسوي نفسه البطل المدافع عنها .....رغم انه طول عمره يحميها حتى من الاخطار المحتمله قبل لاتصير الاانه والامره حس انها تحمله اي شعور خاص ....هذي هي الحقيقه المره الي سكر عيونه عنها طول السنين الي فاتت ....كان يشوف عنادها له وتمردها عليه الي ماكان يسيطر على حالات ثورانه الا بكلمته السحريه بروق ناظري عيوني ...ولحد الحين مايدر وش السر في هالكلمه حتى تكبح جنون التمرد عندها وتخظعها لسلطته من جديد .........الي يقهر انها تعامل باسل على انه البطل المنقذ ومايدري لاي حد اوصلت في مشاعرها تجاهه ! بروق اول ماتجاوزها سياف تنهدت بارتياح بغت تكت عفشها كله ابعدت يدها عن جاكيت باسل بخجل هالحركه وهالنداء الي نادتبه باسل كان مقتطع من طفولتها حتى انه طلع معها تلقائي من غير تفكير وبتذكر لوضع باسل مع سياف تكلمت بشي من العصبيه بسب الوضع الصعب الي هي فيه : انت وش سويت خربت على عمرك التفت عليها بابتسامة سخريه : لونك ماقعدتي تنتفظين قدامه مثل الحمامه الي مغرقها المطر كان ماتدخلت بروق عقدت حواجبها :ليه انت من متى هنا باسل هز اكتافه بعدم اهتمام : من اول ماوقفتي قدامه وماقدرت اروح واخليك معه الحالك قلت اراقب واشوف اذا احتجتيني اكون قريب منك بروق حست بالذنب باسل بينحرم من رهف بسببها :اسفه باسل شاف اشكثر مضطربه وحالتها تحزن مد يده لها :هاتي كيس العلاج وروحي ارتاحي في الحديقه القريبه هنا لو شافوك كذا ماراح تخلصين من الاسئله بروق عطته كيس العلاج وراحت للحديقه الداخليه اليوم عدد المتواجدين في الحديقه كثير وصايره شوي زحمه ...شافت مجموعة حريم جالسين على الثيل ومعهم قهوه يتقهوون ويسولفون وواظح انهم طالعين هنا يغيرون جو مريظتهم عن الغرفه جت قريب منهم واجلست على كرسي كانت تسحبه حرمه وراها علشان تجلس عليه لكن وحده ثانيه نادتها وراحت واتركته على دربها ......تحاول تذوب في التفاصيل الي حولها لعلها تنسى الي هي فيه بس غصب عنها ترجع لموقفها مع سياف .....ليه تكلم عن ادراستها هذا اكثر شي قاهرها وش معنى الدراسه بذات الي تكلم فيها الحين ...ووش يقصد من هالكلام ....ثم هو كان عنده اعتراضين في ادراستها انها ماتسافر والا تدخل تخصص مختلط بس بعمره ماحاول يجبرها على تخصص بعينه حتى رهف لمى منعها تدخل طب قال اختاري الي تبين بكيفك بس مايكون مختلط .....اجل ليه اختار لها ادارة اعمال وهالتخصص مافي حياتها كلها فكرة فيه او جاء على بالها تدخله ؟! باسل دخل غرفة امه وسلم عليها وعطاها كيس اعلاجها التفت على صقر وابوه شافهم يسولفون ومندمجين مع بعض والاكنهم قضو الظهر كله مع بعض ....حمد ربه ان خواله كلهم يحترمون ابوه ويحبونه مايتخيل نفسه في عائله الاب يكره اهل زوجته ..والزوجه تكره اهل الزوج كان عنده زميل دراسه عائلته بهذا الشكل ويعاني معهم الامرين وفي النهايه قرر يبتعد عن الكل العمام والخوال فز من هواجسه على صوت امه : بروق وين ابتسم لها : اجلست في الاستراحه تقول تبي تشرب كوب قهوه صقر رفع راسه اله : وسياف وين باسل تحرك يم الباب : مدري بروح ادوره ....يمه اذا مارجعت اعرفي اني رحت لشركه يوسف هناك الحاله طارق التفت عليه : لا ترجع من غير شر رح لشركه ساعد يوسف كثير عليه الشغل الحاله باسل بضيق واوهو يفكر في الي صار مع سياف :طيب جواهر اسئلت بسرعه قبل يطلع : حلا والصغار ليه ماجو معكم باسل : قصي وغنى راحو مع يوسف لشركه وحلا في البيت صقر كشر على طاري حلا وقام : انا بروح اشوف بروق تركهم يتكلمون عن حلا وراح يدور بروق شافها جالسه على كرسي ورى مجموعة حريم وحاطه كوعها على فخذها ومريحه وجهها على كفها قرب منها والاانتبهت له :بروق ارفعت راسها بسرعه وشافت صقر فزت واقفه وقربت منه سلمت عليه ...صقر لاحظ صوتها متغير ومبين عليها مرتبكه : وش فيك بروق :مافيني شي متى بنروح ل الرياض صقر : بكره جواهر تبي تبات الليله مع اعيالها قبل لاتروح وتخليهم بروق كان ودها لو يرجعون الحين : في اي وقت بنمشي صقر : مدري لارجعنا للبيت حجزت ___________ باسل دخل المصعد واهو يفكر في انه يدور سياف ويحاول يشرح له موقفه من بروق ....اخذ وقته يقلب الفكره في راسه ....لكنه في النهايه تراجع سياف الحين في قمة غضبه واهو بعد مايتحمله وممكن تقلب السالفه لهوشه بابسط مما يتصور ....في النهايه اتجه لسيارته بيروح لشركه يمدي قصي وغنى طفشو يوسف _____________________ انزلت من سيارة الاجره واهي تلتفت على خواتها الثنتين وبنت عمها الي انزلن بعدها والتفن حولها علشان يمشون كمجموعه وحده اشرت لمستنقع مياه صغير يعترض طريقهن :هاه هذا اول الخير انا مدري وشلون يجيلكم نفس تدخلون هالحي القديم الي يغم النفس تكلمت بنت عمها بدفاع : هالحي القديم الي انتي قرفانه منه فيه افضل مجمع لفساتين السهره كل صديقاتي في الجامعه مايشترون الامنه هاجر مشت مبتعده عن بقعة الماء بقرف واهي تشوف الشوارع كيف وصخه والبياعين منتشرين ببسطاتهم على جوانب الطريق ارفعت راسها تناظر البنايه الي زعمو لها انها افضل مجمع فساتين سهره بلونها الغامق :ماهقيت ورى هالغمته زين البنات اسحبوها معهم رغم تذمرها وادخلو للمجمع كان تقييمها الاول للمحلات انها نوعاما مقبوله وممكن تلقى فيها شي البنات بمبالغه في المدح بعد ماطلعو من ثاني محل تفرجو عليه : شفتي يهبل ونفس الفساتين الي نلقاها عند المولات الكبيره موجوده عندهم هاجر والسوق ماهو جاي على جوها : والله لو مخلينا نروح لواحد من معارضنا انه ابرك من ذا الحويس وبعدين تو منزلين بضاعتنا الجديده تهبل وحده من البنات بسخريه : بالحيل يابنت طارق الجويعد قال معارضنا قال تراك يادوب موظفه عندهم هاجر توقفت عن المشي ولفت مقابله للبنات : والله عاد مجرد كوني موظفه عندهم يحسسني بالانتماء لشركه الي موفره لي وظيفه من امتع واجمل الوظايف وبراتب تحلمين تحصلين مثله عند غيرهم بنت عمها امسكتها بيدها وجرتها معها : اسفين ياست الحسن والدلال وماننحرم من معارضكم بس تعالي شوفي المحل ذاك البنات امس في الجامعه مالهم سيره الاهو يقولون جايب فساتين شي راحن كلهن للمحل وادخلن فيه هاجر ادخلت واهي تشوف مستوى الفساتين في هالمحل افخم من كل الي شافتهم قبل بس فيه احساس غريب وترها التفتت للجهه الثانيه من المحل واشهقت بصدمه !! __________________ | ||||||||
|
| |
|
01-02-20, 03:27 AM
| #1704 | ||||||||
| مراقبة عامة ومشرفة منتدى الروايات المنقولة
| البارت الرابع والثلاثين هاجر ادخلت واهي تشوف مستوى الفساتين في هالمحل افخم من كل الي شافتهم قبل بس فيه احساس غريب وترها التفتت للجهه الثانيه من المحل واشهقت بصدمه !! هذي تصاميمهم الجديده وبتنزل لسوق بكره! وشلون وصلت للمحل الشعبي ذا وقبل حتى لايعرضونها هم انفسهم يعني حكاية ان احد شاف تصاميمهم المعروضه وقلدها مستبعده نهائي انتبهت من سرحانها على يد بنت عمها تهزها :وين رحتي وش رايك الموديلات تجنن صحيح ان البنات مدحو المحل لحد ماصدعت بس حقيقي تفاجأة الفساتين روعه بشكل هاجر حاولت تسيطر على انفعالاتها حتى ماتثير الشكوك : الله تجنن وتقدمت للفساتين تتفحصها هذي هي تصاميمهم واقمشتهم ونفس حياكتهم وتنفيذهم للقطع هالفساتين طالعه من عندهم بلا شك بس كيف ومتى ومن المسؤل التفتت لبنت عمها: اسمعي الموديلات اعجبتني حيل وودي افرج عليها زميلاتي في الشغل اسحبي الموظف للجهه الثانيه عشان اصور من غير ماينتبه لي بنت عمها : طيب بس علشان زميلاتك ينقهرون لاشافو فساتين ازين من حقتكم راحت بنت عمها للفساتين الي في الجهه الثانيه وبدت تطلع من الفساتين وتسئل عن الاسعار وتجيب على طاولت المحاسب بعدين تغير رايها وترجع الفستان الي اخذته وتاخذ غيره اشغلت العمال اقوى شي خاصه ان باقي البنات دخلو معها في الاسئله عن الفساتين والموديلات والاسعار _____________ باسل دخل مكتبه لقى قصي جالس مكانه وغنى جالسه مكان يوسف وكل واحد معه ايباد ومشغولين بالالعاب ابتسم :ماشاء الله احتليتو الاداره غنى مشغوله مره مع العبه وسفهته وقصي رفع راسه يناظر باسل : اصلا اذا انا كبرت بكون معك هنا باسل بمزح يتلفت في المكتب ناقص زحمه انا مكتبي ومكتب يوسف وكافي خلاص مافيه محل لمكتب زياده قصي نفخ صدره :انا بشارك ابوي في مكتبه واصير مدير عليكم انت ويوسف باسل رفع حاجبه على جنب : انت ينخاف منك من هالحين تخطط تصير مدير علي قصي بضحكه :هه ابوي يقول الي مايخطط ماينجح باسل موب ناقص شعارات :المهم بس وين يوسف قصي اشر بأصبعه على مكتب ابوه :في مكتب ابوي باسل بأمر :خلوكم مكانكم وبدون ازعاج عندنا شغل تركهم وراه ودخل لمكتب ابوه من الباب المشترك شاف يوسف يشتغل على الاب توب : بشر المتاجر استعدت لعرض الكولكشن الجديد يوسف واهو باقي مركز في الاب توب : ايه كل معارضنا استلمت البضاعه الجديده ومستعدين لعرضها ابتداء من بكره والرجيع كله وصل لمعمل الفرز جاهم صوت السكرتير من جهازالأنترفون :استاذ يوسف الاستاذ باسل عندك رد عليه يوسف : ايه عندي : هاجر تبي تقابله باسل ويوسف ناظرو في بعض بأستغراب وهالمره رد باسل اذا فيه مصيبه جديده من ورى هالموظفات فالافضل انه يعرفها قبل توصل لابوه :خلها تدخل باسل لف من ورى المكتب وقف جنب يوسف وهاجر دخلت وشافت باسل ويوسف مع بعض كانت مخططه تنقل الي شافته لباسل الحاله لانها ماتدري الاي مدى وصل الفساد في الشركه وقفت قدامهم بتردد كبير ...يوسف اشر لها تجلس على الكرسي واجلست واهي تفكر هل عادي انها تقول قدام يوسف باسل بقل صبر :اشوف رجلك خفت على الاداره انسه هاجر وماكن عندك مديرة قسم يفترض ترجعين لها في اي شي يخص الشغل هاجر متوتره من وجودها مع شابين الحالها وفي مكان مغلق تكلمت بسرعه تخلص عمرها : الموضوع الي جيت علشانه كبير ولازم يعالج بسريه كامله يوسف : معالجت الموضوع هذا شي راجع لنا انتي قولي الي عندك وبأقل قدر من الكلمات لانا مشغولين هاجر اغتاظت من اسلوبهم المستفز : البضاعه في السوق ! وسكتت !! باسل ويوسف ناظرو في بعض بغيض وتكلم باسل :لا ...من جد وشلون البضاعه في السوق وانا دوبني شايفها في المطعم يوسف لف بالكرسي جهة باسل وبضحك :هههه راحت تطلب اكل وراجعه هاجر فزة واقفه بعصبيه : عدم الاحترام ذا يخليني اطلع من غير ماقول والاحرف باسل حس انه زودها بس بعد هي تقهر قاعده تلف وتدور والافهمو منها شي اعتدل في وقفته :اسف بس انتي ماقلتي شي مفيد علشان نحترمه هاجر وجودها معهم الحالها موترها خاصه ان دوام الموظفات صار له ساعه منتهي علشان كذا مرتبشه وماهي عارفه تتكلم ....اخذت نفس عميق وازفرته رتبت افكارها بسرعه وتكلمت بهدوء مصطنع : انا العصر كنت في السوق ولقيت الكولكشن الجديد من بضاعتنا في واحد من المحلات الشعبيه باسل قاطعها : بضاعتنا الجديده صار لها اسبوع في السوق واي متجر ثاني سواء شعبي والافخم يقدر يتعامل مع نفس الموردين الي نتعامل معهم ويجيب نفس البضاعه الي نجيبها هاجر : انا اتكلم عن الكولكشن الخاص والي بينزل في معارضنا بكره باسل ويوسف ناظرو في بعض بسرعه المعنى الي وصلهم مره كبير ومايتمنون يكون صحيح يوسف : انتي متاكده يمكن واحد من معارضنا استعجل ونزل البضاعه قبل الوقت المتفق عليه هاجر بثقه : انا اعرف كل معارضنا وسبق وزرتها كلها وجميعها في مولات راقيه تصاميمنا موجوده في محل في سوق شعبي مشهور ماله اي علاقه في معارضنا والاشركتنا قالته وافتحت جوالها على الصور ونزلته على المكتب قدامهم يوسف وباسل بدو يستعرضون صور الفساتين باسل عقد حواجبه بغضب : وجع نص الي في المحل لنا هاجر بثقه : كل الي في المحل لنا الي انت تحسبها ماهي لنا هاذي التصاميم المرفوضه علشان كذا انت ماعرفتها بس انا اعرفها عدل بما انا نقعد نتشاور عليها بالاسابيع يوسف بدهشه : وترفضونها ليه التصاميم كلها مميزه هاجر : لان انتاجنا الخاص محدود نضطر ننقي نخبة النخبه من تصاميم المصممات والباقي ينرفض باسل بتأمل : صار لازم نتوسع اكثر قاطعته هاجر : انتم خليتو الموضوع الاساسي الشركه فيها خونه قاعدين ينهبونها من غير محد يحس فيهم باسل بقهر ضرب بيده سطح المكتب : اخ يالقهر من هالكلاب الي قاعدين يستغفلونا يوسف : المشكله ان المسروق التصاميم الخاصه بالشركه يعني فيه اكثر من قسم متورطين في السرقه هاجر : قسم التصميم باسل : وقسم معامل الخياطه يوسف : والمخازن هاجر : قسم الفرز والتجميع باسل : ولجنة المراقبه يوسف : وكل شخص موجود في الشركه يعتبر متهم حتى تثبت براءته هاجر : صحيح علشان كذا انا لازم اطلع قبل يشك السكرتير في الغرض من وجودي عندكم الحين خاصه اني ماداومت اليوم غير ان دوام الموظفات زيد انتهى باسل : وين تروحين لازم نتناقش في الموضوع ونشوف وش نسوي هاجر : موب مشكله صلح قروب واتس اب يجمعنا احنا الثلاثه ونتناقش فيه وجودي معكم بيخلي الناس المتورطه تحس ان فيه تحركات ماهي طبيعيه قاعده تصير اكيد انهم ماراح يسوون كل هالبلاوي الا وعينهم مفتوحه على الاداره اوسع شي باسل : صحيح قاله وطلع جواله فتح الواتس اب وسوا قروب يجمعهم هم الثلاثه هاجر : الاستاذ طارق بيكون عنده خبر او لا باسل بخوف على ابوه : لا اياني واياكم تجيبون له طاري لحد مانكتشف من المسؤل عن تسرب البضاعه ابوي ثقته في موظفينه عميا وخبر مثل ذا بيلعب في اعصابه خاصه انا لحد الحين ماندري كم عدد المتورطين والامن هم يوسف : افضل شي ان هالكلام يبقى سر بينا لحد مانعرف وشلون نوصل للخونه هاجر اخذت جوالها : اجل انا بمشي الحين باسل : ارسلي موقع المحل وكل المعلومات الي عرفتيها عنه على القروب هاجر : ان شاء الله طلعت هاجر ورجع باسل يجلس على الكرسي قدام يوسف : تعرف ان سالفت تعييني في المخازن جت في وقتها اذا اشتغلت هناك لابد اني امسك طرف الخيط الي بيوصلنا للجميع يوسف : بس مراقبت المخازن الحالها ماراح تكون كافيه الروس الكبيره موجوده هنا داخل الشركه باسل انحنى قدام وشبك اصابعه في بعض وحط ايديه تحت دقنه واهو يفكر كيف يتصرف في هالمصيبه الي ماكانت لاعلى البال والاعلى الخاطر ووشلون تطلع بضاعه من مخازنهم من غير مايعرفون عنها والتصاميم المرفوضه وين نفذت ومن نفذها ومن من قسم التصميم متورط بهالسالفه يوسف شاف باسل كيف سرح واهو شايل الهم على راسه : خلنا نراجع الكاميرات يمكن نلقى شي نبتدي فيه ....بس كيف نشوفها من غير مايعرفون موظفين غرفة المراقبه باسل رفع راسه ليوسف : نقدر نشوف كل تسجيلات كاميرات المراقبه من غير محد يعرف يوسف : حلو يعني انت رابط نظام المراقبه بلاب توبك باسل بجديه : لا عندي شي احسن من كذا يوسف برفعة حاجب : وشو باسل : غرفة مراقبه سريه محد يقدر يتحكم فيها غيري يعني اي شي يمسحونه موظفين المراقبه موجود في سجلات الغرفه ذي غير ان الكاميرات المرتبطه بهالغرفه اكثر بكثير من الي مرتبطه بغرفة المراقبه الي يعرفها الكل يوسف ابتسم : طلعت شرير باسل ابتسم على كلمة يوسف : بس المشكله علشان نلقى شي يفيدنا لازم نراجع الاف التسجيلات انت متخيل اقل مده نقدر نطلع منها بنتيجه شهر .....تسجيلات شهر كامل والشهر ذا مظروب في عدد الاقسام لأنا لازم نشوف تسجيلات كل قسم من اقسام الشركه ....يعني عدد مهول من التسيجلات يبيله وقت طويل عشان نقدر نطلع منه بنتيجه يوسف زفر بضيق : اففففف يعني لازم نراقب الموظفين بانفسنا باسل :المشكله كل الموظفين يعرفونا ......المخازن هي المكان الوحيد الي ماني معروف داخله يوسف بتفكير : لازم نستعين باحد ثقه يقدر يزرع نفسه بين الموظفين من غير محد يشك فيه باسل : اخ بس لو ماعند رعد جامعه كان خليته يمثل دور الموظف الجديد ويجيب اخبار الموظفين يوسف بشطحه : صدق انك بزر وشلون رعد صديقك واهو باقي يدرس وانت متخرج من زمان والابعد بزرتي قاطه معكم صداقه باسل التفت عليه باستنكار : انا وين وانت وين وبعدين مالك عندنا بزارين وياويلك لو بس تسمع انك قايل عنها بزره ورعد عادي الفرق بيني وبينه اربع سنوات ماتضر يوسف تذكر ممدوح قام من فوق كرسيه بحماس : بس لقيت الي نقدر نزرعه بين الموظفين من غير محد يشك فيه باسل انتقل له الحماس : من يوسف : ممدوح ولد عمي بكلمه واقوله يجي والاانت كلم مشاري يجي هو وياه باسل ابتسم : صح كيف ماجا في بالي مشاري لوقدرنا نقنع الاثنين انهم يشتغلون على القضيه معنا بنغطي جزء كبير من اقسام الشركه انا في المخازن وواحد من الشباب في المعمل قاطعه يوسف : ممدوح في قسم التصميم هو رسام شاطر ماله في الموديلات بس نقدر نستعين بموديلات من النت يخبص كم موديل في بعض يازعم انه مصمم باسل : بس وجود ثلاثه موظفين مستجدين ماتتوقع انها تثير الشكوك يوسف :انت فكرت قبل شوي تزيد كمية الفساتين الي تصممها الشركه خل ندخل من هالزوايه انا قاعدين ندرس التوسع في الشغل وبنجرب ننوع في التصاميم علشان كذا جبنا مصمم شاب باسل : حلو المصمم لقينا له مبرر وانا ابوي من البدايه قال لمدير المخازن ان واحد ازعجه علشان يوظف قريبه وانه حطني في المخازن علشان اطفش من الشغل واتركه من نفسي يوسف بضحكه :هههههههههه وابوك ليش قال كذا باسل ابتسم : علشان يضمن ان مدير المخازن يكرفني وفي نفس الوقت مايستغرب لاتركت الشغل بعد اسبوعين عشان كذا قال انه اساسا مايبغى يوظفني بس الرجال احرجه وقاله عليك ابه خله يكرف لين يعوف الشغل ويتركه من نفسه بس ياويلك لو تطول صوتك عليه او تسبه مابغى مشاكل مع قريبي يوسف :هههههههه اهم شي انه خايف على مشاعرك لاتنجرح من شتايم مديرك باسل :هههه شايف كيف يوسف : المشكله في المعمل كيف بنبرر وجود عامل سعودي فيه باسل : مدري خل نكلم الشباب ونشوف وش نسوي بعدها يوسف : الله يعين ورانا كرف باسل : اسمع انا بروح اودي اخواني للبيت وارجع علشان ندخل غرفة المراقبه ونبدى تنبيش من الليله _______________________ بروق حطت يوسف الصغير في سريره وزينت الحافه عليه والتفتت على عمتها الي فصخت عباتها وانسدحت على سريرها بتعب من الم الخياطه والماغص : عمه انا بدخل اسويلك عصيده وحليب وبعدها بأجي اجهز شنطتك جواهر استوت منسدحه : خلي الشنطه انا بنادي الشغاله اعلمها وش ابي واهي تجهزها بس ناديلي حلا مدري وينها مانزلت بروق استدارت بتطلع على دخلت حلا ومبين الزعل في وجهها راحت مباشره لامها من غير ماتطالع في بروق جلست على سرير امها وعلى طول بكت جواهر خافت عليها واسحبتها على صدرها : وش فيك ليه تبكين حلا بعد الي سواه فيها صقر اليوم ماعاد تقدر تجيب سيرته والاسيرة بروق من الخوف : انا من صباح وانا قاعده بلحالي بابا راح وباسل كمانا وحتى البزره غنى خذوها معاهم واول ماجاء قصي شالوه هوا كمانا وانا بقيت لحالي حتى غدى محد جابلي بروق ماتدري هي تكرهها هي تشفق عليها وش المشاعر المناسبه مع ذا الادميه فيه احد يبكي عشان بس من الصبح بلحاله في البيت وهذا وعندها شغاله وبيدها جوال والناس داخلين طالعين من عندها فظلت انها تروح تسوي عشا عمتها طلعت بروق للمطبخ وجواهر تمسح على راس حلا تواسيها : انا بروح بكره لخوالك في الرياض تروحين معي حلا عارفه انها بتروح مع صقر وبروق ومعهم المتوحش سياف مالها قدره تتحمل كل ذولا وفوقها جاء في بالها ان الساحه راح تفضاء لها مع يوسف بس تبقى القعده في البيت الحالها كيف تتحملها لا اكيد ابوها ماراح يسيبها : ماما انا مقدر اروح واخلي الشغل بابا قال لازم اخلص تدريب بسرعه وانا دوبني بديت افهم شويه من الشغل مقدر اروح وبعدينا اقعد اتعلم من جديد جواهر : انتي دوبك تبكين علشان قعدتي شوي الحالك واذا رحت بتجلسين الحالك كثير حلا ارفعت نفسها عن صدر امها واستوت جالسه واهي تمسح دموعها : لالمى ابقى مع بابا لحالي بيخليني معاه طول اليوم في الشركه ومش حيرجعني الا لمى بيرجع هوا للبيت جواهر : طيب لااوصيك على قصي بيجلس علشان مدرسته انتبهي له وغنى باخذها معي حلا ببساطه : والايهمك ياماما باسل كأنه ام بالزبط هوا راح يحط باله من قصي جواهر تنهدت بضيق واهي عارفه ان باسل هو الي راح يهتم بالكل ____________________________ صقر جلس مع طارق لحد ماتعشى معه واخذ بروق وراحو لبيت جاسر بروق اطلعت لغرفتها حطت شنطة ملابسها على السرير و نزلت عباتها ونقابها علقتهم وانزلت تدور صقر اكيد انه في المجلس دخلت مع باب المجلس وشافته يسكر جواله واهو ينفخ بضيق :خير عمي وش فيك صقر رفع راسه لها : سياف مدري وش عنده اليوم طلع من المستشفى من غير مايقولي ومدري وين راح والحين في الشقه ومايبي يجي هنيا وانا اعرف سياف مايسوي كذا الااذا فيه شي مضايقه بروق توترت من كلام عمها تكلمت واهي تطقطق في جوالها : معناته اتركه على راحته لحد مايجيك من نفسه وبتغيير للموضوع ....تبي شاهي اعرفك ماتجلس الاوكاسة الشاهي في يدك صقر قام :ايه اكيد ابي شاهي فيه مكسرات وموالح مع الشاهي والابيت ابوك مطفر بروق ابتسمت واهي تمشي جنبه : لاوش مطفر رعد جاب خفايف للمطبخ قبل يروحون دخلو للمطبخ وجلس صقر على كرسي الطاوله وبروق بدت تغسل الاواني الي تبي تستخدمها عبت غلاية المويه وشغلتها وبدت تغسل زمزمية الشاهي ... صقر كان وده يكلمها عن سياف وليش رافضته بس يعرفها تعصب اول مايكلمها عنه فحب يبدا بباسل حتى تفهم انه يسولف بشكل عام وتتجاوب معه ومن غير مقدمات : باسل وش يعني لك مباشره ومن غير تفكير : رعد صقر : وش دخل رعد اسئل عن باسل : وانا اتكلم عن باسل .....باسل رعد ورعد باسل اثنينهم وجهين لعمله وحده صقر ارتاح انها اختصرت الإجابه علشان يدخل في موضوعه على طول : وسياف ! بروق حست ان الاسم صدمها وصقر لاحظ انها توقفت عن الغسيل للحظه .......... تجاوزت صدمة السؤال وارفعت اكتافها بمعنى مدري : مدري صقر عقد حواجبه : وشلون ماتدرين بروق سكرة الماء ونزلت الزمزميه على رخامة المطبخ واستدارت تواجه صقر وببرود : انت تعرف انه ماهو شخص عادي اكيد صقر عقد ايدينه على قفاه وابتسم : ايه ادري وعلشان كذا مستغرب ليه تمردتي عليه وتزوجتي يوسف ؟! بروق اخذت الزمزميه وحطت فيها سكر وكيسين لبتن وعرق نعناع وصبت عليها المويه المغليه وسكرتها وارجعت تلتفت على صقر : مستحيل اتزوج سياف صحيح له مكانه كبيره عندي لدرجه موب عارفه اصنفها !.......بس مستحيل يكون في يوم من الايام زوجي ماتخيل سياف كزوج نهائي صقر اعتدل في جلسته ثم ميل بصدره شوي قدام على الطاوله وهو يحد نظراته في بروق : ماعندك ولاسبب مقنع علشان ترفضين سياف ......سياف انسان شخصيته متكامله وله مكانته وهيبته في العائله وعند كل من يعرفه ...معتمد على نفسه وعنده شغله الخاص ودخله فوق الممتاز ومافيه احد في الدنيا يعزك مثله بروق لفت على المغسله تغسل كاسات الشاهي : كل الي قلته صحيح بس بعد مايناسبني سياف سلطوي ومتحكم بشكل مستحيل اتقبله ...... حطت الكاسات والزمزميه في الطوفريه وشالتها وحطتها قدام صقر وارجعت تجيب مكسرات صقر صب له ولها شاهي وبروق جابت صحن المكسرات حطته قدام صقر وجلست مقابله له واخذت كاستها حطتها قدامها وبدت تحركها مكانها بحركه دورانيه ........ياه ياكبر الكذبه يابروق .......مستحيل تقبلين سلطته مره وحده ! خليك شوي صادقه مع نفسك .....الي قبل كم ساعه اقبلت انها تدرس تخصص بعمرها مافكرة فيه والاحتى جاء في بالها صدفة هذي انتي والاوحده ثانيه ؟!.........هذا خضوع لسلطة سياف والاماهو خضوع ؟! من وين جبتي انك ماتخضعين لسلطة احد ......طيب انا فعلا اخضع لسلطته المتغطرس وهذا اكبر سبب يخليني اهج عنه .......يا الله يابروق خضوع ....وهروب ...وش باقي ....معقوله هذي انتي ......وش الضعف ذا ........لا ماهو ضعف!! سياف زارع نفسه في اعماقي مااقدر اتخلص منه مقدر اكون قريبه منه وفي نفس الوقت اصادمه ممكن لمى اكون وسط اهلي .....بس صعبه حيل لمى اكون في مواجهته الحالي ! طيب هذا ماهو ضعف ؟! مدري ؟! يمكن اكبار له انتماء خفي يربطني فيه ! مدري ..مدري ........ قطع حبل افكارها صوت صقر الي ضرب بيده على الطاوله ينبهها : وين سرحتي بروق فزة :هاه لا معك شقلت صقر : اقول التسلط الي خايفه منه ذا بس علشانك في بيت ابوك ومايقدر يتعامل معك الاكذا بس اذا تزوجتيه وصرتي معه في بيت واحد اكيد اسلوب تعامله راح يختلف وبتقدرين تتفاهمين معه بروق قاطعته : عمي الله يخليك قفل هالموضوع سياف مستحيل اتزوجه مستحيل صقر عصب : طيب اذا ماتبينه كان على الاقل انتظرتي لحد مايخطبك ورفضتيه مثل الناس موب تروحين تزوجين واحد مايسوى علشان تقهرينه بروق شدة بيدها على الكاسه ....الطعنه الحقيقيه انها ماتقدر ترفضه علشان كذا هربت منه ! :الي صار صار بلاش نعيد ونزيد في امور منتهيه __________________ ادخلت الصاله واهي تفصخ عباتها ومشاري دخل بعدها شايل في يده كيس مفرش وكيس ثاني فيه مخده جديده نزلهن على الكنب وجلس : اف من الفره في السوق قرف الريم زيد اجلست التفتت عليه : ترا كلها كم محل للمفارش وعلى طول خلصنا ام مشاري تأشر على كيس المفرش : عسى لقيتو شي يستاهل الريم : حقون السرير وملحقاته جو مشاري قرب المفرش عند امه علشان تشوفه ام مشاري فتحت كيس المفرش وبدت تقيم خامته ونقشته : ايه الغرفه صارت جاهزه قومي اخذي المفرش زينيه على السرير مشاري : متى بيوصلون ام مشاري : على عشر تقريبا مشاري طالع ساعته :تسعه ونص الحين معناته لازم اروح للمطار الحين لااتأخر عليهم ام مشاري : مايحتاج راح رعد وسيف يجيبونهم مشاري : عاد رعد والريم ماصدقو وسحبو على الجامعه الريم قامت اخذت المفروش بتروح تزين سرير عمتها : انا ماسحبت ماعندي شي اليوم ام مشاري : ورعد مستحيل يفوت استقبال بروق في المطار لاي سبب الريم بغيض : معفن مابيني وبينه الاسنه وحده وقاط مع بروق الي بينهم ثلاث سنوات مشاري بضحكه :ههههه بروق قوة الجذب عندها عاليه الريم من عند الباب بتطلع : جاذبه للمشاكل وانت الصادق ام مشاري : الي يجذب الناس يجونه بمشاكلهم وانا اشوف ان بروق لحد كبير ناجحه في ادارت مشاكلها الريم راحت ومشاري التفت على امه : لو كانت ناجحه من جد كان اصبرت على زوجها الي اتركته من اسبوعين هذا هو تعدل وصار رجال سيده ام مشاري : والله انعداله ذا ينحسب لها هذا هي في سبوعين سوت انجاز وغيرت مسيرة رجال مشاري : بس مااستفادت من هالتغيير ليه ماقعدت معه دامها تقدر تغيره ام مشاري : بروق نفسها عزيزه وتاريخه الطويل مع الفساد ثقيل على نفسها ماتقدر تتعايش معه _____________________________ وقف سيارته عند بيت جاسر ونزل محد جاء معه لان خواله عندهم عشاء ......دخل المجلس وكان مليان ....ال ماجد كلهم وناس مايعرفهم ....بدى يسلم بثقته المعهوده وكونه مذيع كثيرين يعرفونه ويسلمون عليه بحماس تجاوز الرجال الي سلم عليه للي بعده ..لكن قامته انشدت وتوترت ملامحه للحظه واهو يشوف الواقف بين كبار ال ماجد والصور ماهي مثل الشوف الرجل له حضور قوي وهيبه طاغيه هذا هو سياف ولد عم بروق الي كانت تصيح بكرهها له ....ويوم اطريته لها انبرت تدافع عنه !! سلم على كم رجال ....ووصل لسياف وجنبه صقر سلم على سياف واهو يحدق في عيونه بتحدي هذا ولد عمها اقدر الناس على خطفها من بين ايدينه حس بغيره عظيمه وكره له ابتسم وضغط على يمناه بقوه ...سياف استغرب لكنه قابل ضغط خزام بضغطه وحده وجب عليه شكر الله على سلامت يمناه بعدها !! صقر لاحظ الي صار واتسعت ابتسامته ولمى سلم عليه خزام بادره بالضغط القوي على يده ومع ان يمين خزام عورته من ضغطة سياف الا انه قابل ضغط صقر بضغط مباشر ففكه صقر واهو يبتسم لعدم معرفته بسبب هالحركه من ذا الشخص الي بدا له في بداية دخوله كشخص ودود بس يوم وصل عندهم انقلب حاله ! مال عليه سياف يسئله :من ذا ؟ صقر :مدري اول مره اشوفه بس في راسه حب ماطحن سياف ابتسم لصقر : تطمن طحنته ! خزام جلس واهو كاره سياف وصقر ولأول مره يحس ان في طريقه لبروق عقبه لازم يتجاوزها انتبه لرعد يمد له فنجان القهوه واهو يبتسم في وجهه ويرحب فيه رد له الابتسامه واخذ الفنجان وعينه على سياف ....مغرور ...متغترطس ....شايف نفسه .....بس وش عندهم طايرين فيه وكأنه رئيس دوله !! بعد دقايق من وصول خزام رفع اذان العشاء ..... رجع بعد الصلاه وقبل يدخل المجلس شاف ال عامر واقفين مع ابو مشاري واهو ماعرفهم الافي الجلسه الي قبل الصلاه سمع كبيرهم يقول لابو مشاري : نبي نشوف بنيتنا ونسلم عليها جاسر اشر على المقلط : ابشر يابو جابر تعال في المقلط راشد وجواد : حتى حنا بنسلم عليها نادر : مايبيلها بروق صارت وحده منا وكلنا بنسلم عليها جاسر ابتسم لهم واهو سعيد ان رغم طلاق بروق مازالو يقدرونها ويسئلون عنها :حياكم كلكم بروق ماغير بنيتكم ومكانتكم محفوظه عندها دخلو للمقلط وسكرو الباب وراهم واشتعل خزام قهر وغيره وجع وجع وجع وش يبون ذولا ينادونها ويسلمون عليها هين خلو بس لين امسكها بيدي قال اهل قال !! كانت اسواء ليله بالنسبه لخزام مايدري يلقاها من سياف والامن اهل يوسف ... في المقلط دخلت بروق مع ابوها واهي لابسه عبايتها ونقابها وغنى متمسكه في يدها بروق تقدمت لجدها وعمها راشد سلمت عليهم بحراره ثم اوقفت جنب ابوها وردت السلام على جواد ونادر وثائر غنى بعد ماشافت ان كلهم رجال ماتعرفهم تمسكت في عباية بروق وتخبت وراها جاسر سحبها بيدها وطلعها من ورا بروق جابها قدام راشد وابو جابر : شوفي ذا ابو يوسف وذا جده ثائر ابتسم بفرح يوم عرفها : اهلا هذي الي شفتها مع يوسف في الصوره تجنن راشد سحبها بيدها يسلم عليها : الله حيها وشلونك ياحلوه غنى بعد ماعرفت انه ابو يوسف اعتبرت انه واحد من العائله انطلقت : يوسف عندنا في الشركه وكل يوم يجي عندنا في البيت راشد ابتسم لها بسعاده على طاري يوسف : ماشاء الله انتي تعرفين يوسف ابوجابر ناداها وجته وسلم عليها : ياحلو بنتي غنى : جدو حنا جاء عندنا يوسف صغير انت اخذه مانبيه ثائر قام جلس قدامها وسلم عليها : ياسلام عندكم يوسف زينا غنى خافت ياخذون يوسف الكبير :ايه يوسف النونو حقكم يوسف الكبير حقنا حنا قالته واهي تخبط بكفوفها على صدرها بأشارت انه لنا راشد رفع راسه لجاسر : ابو باسل مسمن على يوسف جاسر ابتسم : ايه مسمن عليه وحاطه على يمناه مايسمع فيه ابو جابر وراشد في نفس الوقت : يبشر بالسمايه جاسر : سماه من غلا ماهو يم السمايا ابو جابر : الله يرفع قدره ويعز شانه مافي نيته شكه والسمايه بتوصل سمينا الشباب التمو على غنى يسئلونها عن يوسف واهم مستانسين على سوالفها راشد : وش جاك من اخبار يوسف يابو مشاري جاسر جلس جنب ابو جابر وجلس بروق جنبه : ابشرك انه بخير واموره من احسن مايكون يشتغل مع طارق في الشركه هو وولده باسل في نفس المكتب ويسوون نفس الشغل ويعاملهم نفس المعامله مايفرق بينهم بشي راشد : الله يجزاه خير اشهد انه رجال كفو ومانظهر من جزاه جاسر ابتسم : الا هو الي يشكرك يوسف شايلن عنه الشغل شيل استرسل راشد في اسئلته عن يوسف ووضعه عند طارق ثم قام جاسر لضيوفه وترك بروق معهم بعد مااكدو عليه انهم يبون يجلسون معها نادر التفت لبروق بعد ماطلع جاسر وسكر الباب وراه : هاه وش صار على الوعد والانسيتي موضوعي بروق : لا اكيد مانسيت بس البنت الي اخترتها ارفضت نادر توسعت عيونه بأستنكار : نعم نعم ومن هذي الي ترفض نادر العامر بروق ابتسمت على صدمتة وبنفس اسلوبه يوم ذكر اسمه واسم ابوه : الريم بنت جاسر ناظرو في بعض وهذي هي الي حاطين عينهم عليها نادر فز واقف وبعصبيه : ياسلام وليه رافضه حضرتها جواد اسحبه بيده يجلسه واهو يضحك : هههه خلاص فهمنا انك ماتنرفض اجلس راشد التفت على بروق : وراها ارفضت بروق : اسباب كثيره الي قالتها كلها مرتبطه بيوسف عموما موب مشكله في بالي وحده ثانيه .. قاطعها نادر : بس انا ماابي الا الريم وبعدين يوسف وش دخله في الموضوع بروق انحرجت : في اعتقادها دامك اخوه تاخذ من تصرفاته ابو جابر : يابوك انتي خابره نادر ماهو مثل يوسف بروق : عارفه ياجدي وقلت لها هالكلام بس موب راضيه تقتنع عموما انا اشوف من جت غرور واهي وياها صحبه نادر طلع جواله وقاطع بروق : انا بدق على غرور التفتو كلهم على نادر ينتظرون نتيجة مكالمته نادر كان من جد معصب لثاني مره ينرفض والسبب يوسف وحده ارفضت حبه لانها تحب يوسف وتفضله عليه والثانيه ارفضته لانها خايفه يطلع مثل يوسف وماخذ طبعه : الو : هلا : اسمعي ابي تعرفين المغروره الي عندك ليش رافضتني اذا عندها شي تواجهني فيه غرور : لحظه لحظه بالهداوه علي ماني فاهمه شي منك من تقصد : اقصد الريم قايل لبروق تخطبها لي وحضرتها ارفضت : خلاص اعتمد ماعليك من بروق دواها عندي بنت جاسر : كفو انتظرك علميني وش يصير معك على طول : طيب بشوفها وارسلك واتس اب سكر نادر واسئله راشد : وش قالت نادر : تزهلت بالموضوع عاد مدري وش يصير معها جواد : من عندي مبروك غرور لاحطت شي في راسها تسويه بروق اضحكت :هههه عمي يعني انا الي مامني فود جواد : هههه لامو كذا بس دام غرور اخت نادر بتقتنع منها اكثر لانها اخت الاثنين وعايشه معهم راشد : الله يكتب الي فيه الخير كان وافقت خطبناها الليله بروق قاطعته بسرعه :لا استغربو راشد : ليه بروق : بصراحه العائله كلها ماخذه موقف سيئ من يوسف وانا اقصد عمامي واعيالهم وحتى اخوي رعد ناظرو في بعظ وسئل ثائر : ليش هم يعرفون وش صار في هوشتكم الاخيره بروق بثقه : لا بس بعد ماعرفو وضع يوسف بذاك الوقت كلهم لامو ابوي ابو جابر : نادر غير عن يوسف مايجوز يحكمون عليه بس علشانه اخو يوسف بروق : ادري بس نصيحتي الكم اذا تبون هالخطبه تتم تكتمو عليها على قد ماتقدرون وحاولو تجون ابوي في وقت يكون الحاله مامعه احد من عمامي او اعيالهم واول ماتجيكم الموافقه من ابوي اصرو على ان الملكه تتم باسرع وقت عمامي وعيالهم ماراح يرضون ان الريم تطلع من العائله خاصه انكم سبق واخذتوني والريم لو احد من عمامي اعترض على هالزواج مستحيل توافق انتهت جلستهم وقامو راجعين للمجلس ...... قام معهم يسولف ويبتسم وقلبه من داخل يحترق على اولده (يوسف عندنا في الشركه وكل يوم يجي عندنا في البيت )(يوسف الكبير حقنا حنا )(مسمن عليه وحاطه على يمناه مايسمع فيه )(ابشرك انه بخير واموره من احسن مايكون يشتغل مع طارق في الشركه هو وولده باسل في نفس المكتب ويسوون نفس الشغل ويعاملهم نفس المعامله مايفرق بينهم بشي )(هو الي يشكرك يوسف شايلن عنه الشغل شيل )(سماه من غلا....غلااااا......غلااااا طول عمره متمرد عليه وعصي وهالحين يوم انصلح حاله صار لغيره ....ليه وش قدم له طارق وماقدرت انا اقدمه له ....وش السر الي في جاسر وطارق علشان يوسف يسلم لهم ويقبل ابوتهم ويتمرد على ابوته هو .....ويعاملهم نفس المعامله مايفرق بينهم بشي؟!......ماااذكر اني فرقت في المعامله بينه وبين اخوانه .....وليه يعامله طارق كذا هو موظف عنده وبس وحتى هالوظيفه ماهو محتاجها ؟!! __________________ دخلت غرفة البنات واهي تمسح الماء الي في يدينها في جنوب جلابيتها شافت هيفاء منسدحه على مخده فوقها منشفه عريضه وتماضر توزع على وجهها وارقبتها خليط ابيض قربت منهن باستنكار :هذا وشنهو الي تلطسينه على وجهها تماضر الي كانت جالسه على مركى ومدنقه (منحنيه ) على هيفاء توزع لها الخليط على وجهها ارفعت راسها تناظر في خلود : هذا قناع زبادي ومعه اشياء ثانيه مانا معلمينك عنها علشان ماتقلدينا خلود كشرت بقرف : يع الله يديم النعمه انتن ماتخافن من ربي تلعبن بالارزاق هيفاء فتحت عيونها بقهر : وجهي القمري ذا وشو روثة كلب ؟! تراه نعمه واكبر نعمه مالت عليك صدق تماضر تضحك على كلام هيفاء : ههههه يومنه قمري وراك تحطين عليه قناع ...وبدت تلوي صوتها تقلد هيفاء ... ابي وجهي يصير ابيض مثل نجافات حوشنا البيض يضوي هيفاء بتقرف : يع ياحماره سال على اذني امسحيه تماضر اخذت منديل وبدت تمسح اذنها :ههههه خلي اذانيك تصير بيض هي بعد لاتقعد مثل حلقان قدر الضيفه المحترق خلود :ههههههههه ابك لونتس هو هو مهوب محترتس (متغير ) مالتس الاتصبغينه بويه هيفاء بقهر : اقول اطلعي انتي وش عرفك اصلا بالسنع تكفين ياتماضر اهبديها بنعال والابشي اقهرتني ومقدر اقوم اخرب قناع وجهي عليا دوبها داخله عندهم : الاانتي علامك متمدده كنك ذبيحه قومي اعتدلي من قال ان الي تحط قناع ماتجلس تماضر فقعت ضحك : هههههههههه تقول مابي احطه وانا جالسه يسيل داخل سنتياني عليا :الله يخلف وانتي ليه ماثقلتي الخلطه علشان تجمد على وجهك وماتسيل على قولك ...وبالمنديل نظفي الزايد لاتكبرين الموضوع هيفاء خلاص انفقعت كل من طل عليها قام يتريق ويتمسخر فيها فزت جالسه بعصبيه وخمت المنشفه الي كانت منسدحه عليها وقامت تمسح فيها الخلطه عن وجهها : الله ياخذني يوم ادور الزين عندكم هه ..وهه ..وهه تقوله واهي تمسح وجهها بعنف وعصبيه تماضر شهقت بقهر : يوه واتعبي ياحيوانه من اليوم وانا اليس خشتك..... ________________ متكي على مركاه ووجار النار قدامه ومنوخ جالس على الجنب الثاني من المركى ومزيد مقابل لهم بينه وبينهم الوجار وجنبه ناصر رفع راسه يبحر في مزيد بهم ثم استوى جالس : ولد عمك ماعاد جيته والاكلمته مزيد تنهد بضيق من بعد روحة ابوه وعمه لخزام والطريقه القذره الي تعامل فيها معهم ماعاد فكر يقرب منه كان يعذره على صدوده وجفاه بس توصل انه يتطاول على ابوه لحد هنا ويطيح من كل حساباته :لاجيته والاكلمته ولاني جايه ولاحتى مكلمه ولد عمي يومنه يدوركم ويبيكم تصددون عنه واخرتها تبريتو منه ويوم انه عافكم رحتو تراكضون وراه منوخ خزه بنضره حاره مايبيه يضيق صدر ابوه لكن مزيد تجاهله ماعنده استعداد يجامل احد دام القضيه صح وغلط او حلال وحرام ابو منوخ عورته الكلمه واهو في داخله معترف ان خزام وقبله عدي مالهم ذنب بس وش السواه في دم راجح الي احتل عروقهم غل وحقد عظيم يستوطن قلبه وروحه على هالراجح وكل مايعرق فيه ضاق صدره بالحيل وحس انه بدى يختنق راجح حرمه من اخوه تؤمه وحرمه من اولده وهذا هو يحرمه من حفيده ياعساك لنار الي تحرق جلدك مع لحمك ياجراح مثل ماحرقت قلبي ..... منوخ لاحظ ان ابوه ضاق وتغير وجهه اعتدل في جلسته واخذ يد ابوه يبوسها :يبه الله يرضى عليك لاتضيق خلقك ولاتشيل هم احد مشعان رفع راسه بجبروت : مابعد ظامي ضيقه ولالضيقتي على فرقاه نهايه ياحرق جوفي يوم ردوني عن ثاره ياليتني مت قدم يقولون راجح مات وانا ماذبحته جعل ذره كله لالذبح مزيد ماعاد معه صبر على هالثار الي جده حابسن نفسه فيه فز واقف :جدي طايل هو ابو ظامي واحق الناس بدمه وجدي اعتق راجح لوجه الله بتعترض امرٍ تم لوجه الله مشعان حس الدم يفور في عروقه وراسه قام يطبخ من الوجع الي صابه فيه :تقلع ...... نطقها وطاح مغشي عليه .... ___________________ * * * | ||||||||
|
| |
|
01-02-20, 03:28 AM
| #1705 | ||||||||
| مراقبة عامة ومشرفة منتدى الروايات المنقولة
| البارت الخامس والثلاثين مشعان حس الدم يفور في عروقه وراسه قام يطبخ من الوجع الي صابه فيه :تقلع ...... نطقها وطاح مغشي عليه .... مزيد انرعب وناصر فز واقف ومنوخ خم ابوه يحاول يصحيه مزيد تقدم لجده وشاله متجاهل شتايم منوخ الي صبها على راسه : ناصر بسرعه شغل السياره طلع ناصر يركض للسياره ومزيد وراه شايل جده ومنوخ سبق مزيد وركب ورى واخذ ابوه جنبه وحضنه لصدره واهو يمسح على وجهه ويقراء عليه قرآن ....دقايق وكانو في المستشفى دخلوه الطواري ووقفو عند باب الغرفه ينتظرون الدكتور يطلع ....اعيال مشعان بأعدادهم الكبيره بدو يتوافدون على المستشفى والكل يسب ويشتم في مزيد الي اعتبروه سبب طيحة ابوهم ...... متلثم بشماغه ومرتكي بكتفه على باب الغرفه الي فيها جده يسمع السب والشتم ومتجاهل الكل اذا احد منهم يضن انه يحب مشعان اكثر منه فهو يكذب على نفسه ....هذا جدي الي ربيت في حضنه وتعلقت فيه وحبيته اكثر حتى من ابوي وكل اهلي محد خايف عليه كثري ......قاعدين يطبطبون على خطاه علشان لايزعل عليهم يخافون يخسرون اخرتهم لو غضب على واحدٍ منهم .......بس محد فكر في اخرته هو ....وشلون بيقابل ربي واهو قاطعن رحمه وحاقدن على ناس مالهم دخل في موت اخوه غير انهم يقربون للقاتل وعاق لأبوه الي صفح وعفى عن القاتل لوجه الله واهو للحين يبكي على ثاره الي انتهى بموت القاتل ....المفروض يحمد ربه انه مات قبل يتمكن منه وياخذ ذنب دمه في ارقبته ساعتها محد بنافعه لاظامي والاغيره .... انتبه على يد تهز كتفه ابتسم بسخريه يوم شاف احد ضحايا مشعان (ظامي ) ارخى شماغه تحت ذقنه واهو يسلم على عمه ظامي سمي ظامي المقتول :هلا عمي اوصلتك الاخبار في المزرعه ظامي زفر بضيق : انت وش فيك على ابوي خابره صحته على قده ومايستحمل مزيد جز على اسنانه : لأن صحته على قده لازم يصحى على نفسه وينقذ آخرته من الظلم الي هو فيه ظامي نزل راسه بحسره : مسامحه جعلني افداه لاتظيق خلقه وبس مزيد ابتسم ابتسامه جانبيه ساخره : انا حتى كنت ناسي ظلمه لك !! ظامي غمض عيونه بألم وصد مزيد مد يده لذراع عمه الي يماثله في العمر واطول منه قامه بجسد رياضي مميز ....امسكه بذراعه ولفه يمه واشتبكت نظراتهم الغاضبه : وامك الي طلقها واهي حامل ابك ثم ماتت واهي تولدك سامحته والا ظامي بعد يد مزيد عن اذراعه بعنف :انا اروح للمزرعه احسن لي قاله وتحرك بيطلع لكن صوت مزيد المتهكم وقفه مزيد مواصل سخريته الموجعه :قصدك المنفى انا لو منك مارجعت من فرنسا بعد ماخلصت دراسه وبعدين وش هالانقياد الاعمى لجدي عشانه رمى عليك مزرعه يسكتك فيها رحت تدرس علوم زراعيه لذي الدرجه عاجبتك قسمت ابوك ....عاجبك ان نصيبك فيه مزرعه ؟! مزرعه ياظامي مزرعه !! ظامي استدار بوجع يناظر في اخوانه واعيالهم الي يراقبون الحوار بينه وبين مزيد بصمت كل واحد منهم ذاق ظلم مشعان بمقدار وطريقه مختلفه والمحرك الوحيد لهالظلم ثار ظامي ....صارو يستثقلون قولت الله يرحمه لاجاء طاريه لان كل ظلم مر عليهم بسبب موته مقتول ليته يرجع يعيش ويقتل مليون مره على عدد ماقتلهم بثاره....! ابومزيد تقدم لظامي حط يده على كتفه بمواساه :ماعليك منه الليله مهوب في صحوه ظامي :ويمكن يكون الوحيد الصاحي فينا! طلع الدكتور في هالأثناء وتجمهرو عليه ......الدكتور استغرب من عدد الاشخاص الكبير الي التفو حوله تكلم يطمنهم :الحمد لله مريضكم تجاوز مرحلت الخطر نطق منوخ بخوف : وش فيه ابوي التفت عليه الدكتور : الوالد تعرض لنوبة ارتفاع في الضغط والحين حالته مستقره واموره طيبه بس لازم تبعدون عنه اي شي يزعله او يأثر على نفسيته مزيد :متى يطلع الدكتور : لازم يقعد معنا يومين ثلاثه ناخذ له فحوصات شامله ونتطمن على صحته الحين هو نايم وقعدتكم هنا مامنها اي فايده منوخ : انا بجلس معه الدكتور : موب مشكله بس الباقين لازم ينصرفون ___________________________ غرور انهت المكالمه مع نادر والتفتت للبنات الي متجمعات في اخر المجلس الواسع والي ابتعدت عنهن علشان تكلم قامت واقفه :الريم تعالي ابيك في سالفه قامت الريم من بين البنات وديما ارفعت يدها بابتسامه : وانا ماينفع تاخذيني معها غرور عارفه ان ديما صديقة الريم المقربه وممكن تفيدها في اقناع الريم ويازين الزين بعد لوتاخذ جواد ابتسمت على الفكره : اصلا انتي معها في السالفه تعالي الريم : تبينا نجلس هنا والانطلع لغرفتي غرور : ياليت نطلع لغرفتك ناخذ راحتنا صعدو البنات لغرفة الريم وجلستهم في الجلسه الصغيره في غرفتها واهي عباره عن كنبتين مفرده متقابله وبينها طاوله خشب مستديره اجلست غرور على وحده من الكنبات وديما على الثانيه والريم اخذت كرسي التسريحه وجت اجلست معهن :وش رايكم انزل اجيب لنا قهوه وحلو غرور برفض سريع : لامايحتاج من اليوم نشرب قهوه ديما :حتى انا مكتفيه قهوه الريم التفتت على غرور : اذا السالفه عن بروق .. قاطعتها غرور : بروق اقولها الي ابي من غير واسطات انا ابيك انتي اخوي نادر موصي بروق تشاورك في خطبته لك وبروق تقول انك رفضتي الريم : دام بروق وصلت لكم رائيي ليه تفتحين الموضوع مره ثانيه غرور عقدت حواجبها :لان نادر ماينرفض نادر شخص مايتكرر مرتين صدقيني نادر غير بالمره عن يوسف ومحد يعرف نادر ويوسف كثري والله انك تظلمين نادر يوم بس تفكرين تدخلينه في مقارنه مع يوسف الريم عصبت : انا ماعلي منه اخوك النذل خان اختي وداس على كرامتها والاتنكرين انه انمسك في سهره مختلطه وفيها من القذاره مالله به عليم غرور بغيض من الموقف الي حطهم فيه يوسف :انتي مالك دخل في بروق زي مانادر ماله دخل بيوسف بروق متصالحين معها وهذي هي تزورنا ونزورها ونعزها كلنا واذا مفكره انك قاعده تاخذين حق بروق برفضك لنادر احب اوضحلك ان بروق ماهي محتاجه خدماتك وتخلص حقها اول باول ديما تدخلت : من جد مالك حق تخلطين بين الرجال واخوه دامه هو ماشي سيده ماله دخل بمشاكل اخوه الريم بضيق : ماشي ماله دخل في اخوه بس انتم على بالكم انا نفس بروق وانا ماني مثلها ابد لالي علاقه في السماء ولاعمري بكون من الشهب الي تنزل للارض .. غرور وديما فرطو ضحك على كلامها :هههههههههههههه غرور : ياليتها فيه تسمع بس وش تقولين عنها الريم اشهقت :ياويلكم تعلمونها غرور ارفعت جوالها عن الطاوله وافتحته وادخلت على تطبيق الواتس اب وارسلت لنادر كلام الريم شافته اتصل بعد ماوصلته الرساله بلحظه ارسل لها :اصبري ثواني غرور ارفعت راسها لريم :انا ارسلت كلامك للعريس وبنشوف الحين اذا يبي نفس بروق والا غرور وصلها تسجيل صوتي قربت الجوال من الريم وشغلت التسجيل وجاهم صوت نادر الهادي : كافي علينا بروق وحده موب ناقصين صواعق وبعدين انا انسان اشتري مزاجي وانا الي بقولها اذا هي زي بروق الله يسمح دروبها ماهو قصور في بروق بالعكس بروق اعزها مثل خواتي وافتخر ان عندي اخت مثلها بس زي ماقالت الريم انا انتمي للارض ومالي علاقه بحقون السماء ههههههه ديما :ههههههههههه هذا عطونياه انا الريم خلاص اخسرت فرصتها ههههه الريم ابتسمت على كلام نادر ونزلت عيونها بحيا وكأنه معهم وماعلقت على كلام ديما غرور اضحكت مع ديما :ههههههه والله عاد النادر مايبي الا الريم الشارد الي قاعد يتغلى علينا ديما امسكت يد الريم : يالله عاد فرحينا وقولي موافقه الريم ارجعت ترفع راسها وحطت عيونها في عيون غرور بتحدي وكانها تشوف نادر في عيونها : موب كذا وبس انا اختلف عن بروق بكل شي بروق عادي عندها تسكن معكم في نفس البيت انا انسانه ماخضع لملكية احد عشت طول عمري تحت ملكية امي ونظامها ولمى اتزوج ابي اعيش ملكيتي انا ونظامي الخاص .....انا اول شروطي يكون لي بيت الحالي محد يشاركني ادارته وتنظيمه الا زوجي الي شي بديهي بيكون شريك حياه .....واذا متعودين بروق تجلس معكم في جلساتكم العائليه تسولف مع ذا وتمزح مع ذاك انا انسانه اؤمن ان الحمو الموت ..وماراح اقبل باي جلسات مختلطه مع اخوان زوجي والاراح يكون بيني وبينهم الارد سلام لو قابلتهم صدفه وانا بكامل ستري وحجابي وقبل ذا كله اذا غركم ان بروق تبلع ماجاها وتسكت وتاخذ حقها بيدها على قولتها انا الشاطر يقرب مني والله اخلي فضيحته بجلاجل واعلم ابوي واخواني يطلعون حقي من عيونه على وشو اتعب عمري واشيل واحط ووراي ارجال يردون عني بسيوف ماهو بعصي .....الريم كانت تتكلم بأنفعال وماحست بغرور الي سجلت كل الكلام الي قالته وارسلته لنادر ......كلها لحظات وجاها رد نادر مسجل صوت : اذا على البيت امره منتهي وبيتي الخاص توني مخلصه من كم شهر والبيت كله تحت امرك محد له عندك شي واذا على الجلسات المختلطه زين انها جت منك لاني ماحبها اساسا وبروق بيض الله وجهها بنت جاسر حاشمه نفسها وزوجها وماهي كسيرت جناح بينا تاخذ حقها بيمناها وحنا معها ونرد عنها ونبديها على ولدنا وكلنا نعزها ونقدرها واذا جالك عندنا حق اخذيه زي ماتبين ان بغيتي بيدك وان بغيتي بيد غيرك واما الفضايح ماتطلع من بنات جاسر ... ديما دخلت اصبعها في فمها وصفرت :ياهوه ايش الكلام الكبير ذا الريم اعرفت ان غرور مرسله كلامها صوت من رده الدقيق على كل كلمه قالتها غير ان غرور ماطولت تكتب ومايمديها اكتبت كل الي قالته عصبت : انتي وشلون ترسلين صوتي لرجال غريب ومن غير اذني غرور بحرج : تعوذي من ابليس ذا خطيبك وانتم قاعدين تتفاهمون على الخطبه مافيها شي اذا ارسلته وجهة نظرك وبعدين نادر مستحيل يخلي احد يسمع التسجيل الريم بجديه : ماهو خطيبي ومابيني وبينه اي تفاهم دامه ماخطبني من ابوي قاطعتها غرور : عليك نور وحنا مانبي الاانك توافقين انه يخطبك من ابوك وبتلقينه من بكره في مجلسكم يخطب الريم صدت عن البنات بتفكير وش يمنع اني اوافق عليه دامه مستعد ينفذ كل شروطي ..بس ....بس ايش يالريم من جدك متأمله في واحد يحب اختك ...بس بروق تزوجت واحد غيره ومايكون سياف لوخطبها بعد مابدت عليه واحدن ثاني .....طيب وترك بروق مهوب معناته بيجي يخطبني وبعدين انا معجبه فيه صح وبقوه بس ماوصلت اني احبه يعني عادي اذا تزوجت غيره ...وليه ماتهزين السنارة وتشوفين يمكن تشبك .....البنات كانو تاركينها تفكر براحتها ومنتظراتها ترد عليهم ....الريم اعزمت امرها والتفتت على غرور : ابي اشاور عمي صقر قبل غرور عقدت حواجبها : طيب خلي مشاور عمك بعد مايخطبك نادر رسمي وش بيقول اذا سئلتيه عن رايه واهم ماجاهم احد يخطب الريم بثقه : لاعادي عمي متفهم ويعرف المشاورات الي تصير قبل الخطبه الرسميه وانا لازم اسئله عن اخوك حتى اقدر احكم اذا ممكن اقبل خطبته او لا وطبعا لو حصل خطبه ابوي له الراي الاول والاخير غرور بهدوء : اكيد مافيه شك ان ابوك له كلمته الفاصله ...طيب كيف اعرف ردك الريم : بروق تقولكم غرور فكرة تخلص الامور كلها جمله وحده وتخطب ديما لجواد بس خافت جواد يكون حاط عينه على احد فقررت تتكلم مع جواد الاول نادر كان جالس في سيارته ويتراسل مع غرور ...اخر شي ارسلته له : تقول لازم اشاور صقر قبل ارد عليكم سكر جواله واهو مبتسم يحس انه بدا يعجب بهالبنت واعجبه اكثر ان شخصيتها مختلفه عن شخصية بروق ....على الرغم انه معجب بشخصية بروق ويحترمها بس ماتناسبه ابد .....بروق ليوسف محد يقدر يفهمها ويرضي غرورها غيره بس المشكله انه تعرف عليها في الوقت الغلط لوكان قابلها من غير الرصيد الزاخر بالفساد ...بيكونون ساعتها ثنائي ذهبي ........اخذ نفس عميق واحساس بالسعاده يغمر روحه ....نزل من سيارته ورجع لمجلس الرجال الي تركهم متحجج بمكالمه مهمه تخص الشغل ......شاف صقر وسياف جالسين جنب بعض وجواد جالس جنبهم تذكر انها بتسئل عنه صقر راح جلس معهم ...... جواد بعد ماطلع نادر من المجلس قام راح لسياف....سياف وصقر جالسين يسولفون وتفاجئو بالي وقف قدامهم التفتو عليه جواد ابتسم : بعد اذنكم انا جاي اجلس معكم ومانتظر اذنهم الي اطلبه وجلس جنب سياف :انا عندي توصيه اني اخاوي سياف عاد انا واحد دقه قديمه واموت في الوصايا صقر وسياف كانو ملاحظينه في المجلس وسامعينه لمى كان يسولف مع الرجال وحبو انه جاء يتعرف عليهم ...... سياف ماهو ذاك الشخص الي يطير بالمدح اويهتز له لكن على الاقل يرسم ابتسامه على وجهه التفت على جواد بابتسامه ومن المقرود الي وصاك جواد ضحك : ههههههه وانا اشهد انها مقروده سياف عقد حواجبه بعدم فهم وصقر شك في السالفه : عاد مقرود والامقروده عطنا اسمه جواد ابتسم : ناس متعلقين في السماء يهايطون علينا بولد عمهم ويقولون انه رجال عن قبيله صقر وسياف ماكانو يعرفون انه يقرب ليوسف وافهمو انه يتكلم عن بروق هي الوحيده الي تكلم بالطريقه ذي وتربط نفسها دايم بالسماء والبرق والمعاني الي فيها رفعه وشموخ جواد لاحظ انهم مافهمو عليه تكلم بجديه :انا جواد العامر عم بروق اسم العامر غني عن التعريف وكونه عرف بنفسه انه عم بروق معناته انه عم يوسف ارتاحو لكونه ذكر اسم بروق موب يوسف الي اثنينهم يكرهونه ابتسم سياف بثقه ماخيبت ظنه مهما صار بينهم بيبقى بنسبه لها رمز ماتقدر تتجاهله : والنعم صقر :والنعم جواد : ماعليكم زود بدو يسولفون في مواضيع عامه لحد ماجاهم نادر جواد ابتسم واهو يأشر على نادر : هذا نادر ولد اخوي راشد الكبير رحبو فيه وانضم لجلستهم في جهه ثانيه من نفس المجلس مشاري وممدوح وراكان ولد عم مشاري مندمجين في سالفه ممدوح :باسل ذا وش يصير لك مشاري : ولد عمتي وابوه صديق ابوي من ايام الطفوله اصلا اهله كانو جيران جدي راكان :شركتهم وش فيها ليه يبيكم تروحون له مشاري : مدري وش السالفه بالضبط بس يقول فيه تلاعب ومحتاج احد يثق فيه وموظفينهم مايعرفونه راكان ناظر في ممدوح : وانت بعد بتروح ممدوح اخذ نفس عميق وازفره مازال شايل في نفسه من يوسف ماتخيل في يوم من الايام انه يتخلى عنه فجأه ويختفي كانو طول عمرهم مع بعض في الخير والشر ماخلو معصيه ماتشاركو فيها ويوم اختار الطريق الصح تخلى عنه ....ليه .....مايستاهل يكون شريكه في هالطريق .....في الردى خوي وفي الطيب ماهو كفو ...والا وش قصده بالضبط ؟! مشاري لاحظ سرحان ممدوح هز يده : ياعم نحنو هنا ممدوح انتبه : هاه معكم راكان اسئله مره ثانيه : وبعد هالفهاوه وش قررت بتروح والا ممدوح ابتسم على تعليق راكان : ايه اكيد بروح مهما صار مستحيل يحتاجني يوسف واتخلى عنه راكان من بعد ماطلق يوسف بروق ماعاد يهمه في شي وخاصه ان عمه واعياله الي يخصهم الامر محتضنين هاليوسف ومايرضون عليه .. : اجل انا معكم شكل السالفه اكشن ممدوح اجل بعد العشا ندور حجز راكان :ماحب الرفاهيه الزايده بعد العشا نركب سيارتنا ونمشي ممدوح بسرعه :ماسوق انا واحد ابي استمتع بوقتي موب انطق ورى الدركسون متيبس مشاري ضحك :هههه سبقتني والتفت على راكان :خلاص انا وياك نتبادل السواقه ساعتين ساعتين ابتسمت واهي داخله مجلس الحريم تشوف خالتها ام نادر مندمجه مع امها في السوالف تحب اخلاق عائلة يوسف ناس اخلاق وذوق وتعاملهم مع الناس فيه لطافه ومحبه تتمنى من قلبها ان الريم توافق على نادر وواثقه انه قادر يسعدها انتبهت لعمتها تشيل يوسف الي يبكي وتستعد عشان تقوم اتجهة لها بسرعه تمنعها لاتحرك من مكانها :خليك ياعمه وش تبين وانا اسويه ابتسمت لها جواهر بحب :خليني يامي بروح ابدل ليوسف بروق برفض : مستحيل اخليك تشيلينه هاتيه انا ابدله وزين الزين واخذته واطلعت فيه ام نادر فز قلبها مع الاسم واهي تعرف انه مسمى على ولدها قالت لها ام مشاري اول ماجت : يازين الاسم وراعيه ياليتك معلمتني يام مشاري يوم كلمتيني تعزمين كان ماجيت الا وسمايت هالقمر في يدي ام باسل : ياجعلك سالمه وسمايتك واصله وباسل وابوه ماسمو على اسم يوسف الامن غلا الله يخليه لكم طارق حاطه مع باسل في الاداره يقول شايلن الشغل عني شيل ام نادر ابتسمت بفرح :امين الله يخليلي ولك كل غالي .....تحس بسعاده مالها حجم تحجم فيها مالها حدود تحدها مالها عمق تستقر فيه وتنتهي! تحس فرحتها هاللحظه تتجاوز كل مفاهيم الوزن والقياس فرحه مالها الا اللهم لك الحمد حمداً يليق بجلالك وعظيم سلطانك....لتغلفها بما يليق باعظم الهدايا واجلها على الاطلاق ..... من كان يصدق ان يوسف بكل تمرده وعصيانه وبكل غروره وفساده ينصلح حاله ؟! هل هي دعواتها الي قعدت اسنين ترسلها تحت جنح الظلام ل الرحمن الرحيم لعله يشمله برحمته ويصلحه بمنه وكرمه او هل هو زواجه من بنت عصيه تعززت عليه وتغلت واجرحت كبريائه فقرر انه يوريها من نفسه مايخليها تحس انها امتلكت شخص له قيمته ثم اخسرته وللابد ... هل هو معروفه اليتيم في رد بنت انعزلت في البر عن اهلها وعزوتها وعن الناس اجمعين وكانت تحت سلطته مجرده من اسلحتها ثم ردها لاهلها من غير مايمسها بسوء ......او يمكن صدقات دفعت باسمه على يد جده ...وابوه جايز يكون كل ماسبق سبب لهدايته كل امر من الامور يسد خلل وكل فعل صالح له مكانته ودرجته وابوابه من الرزق والرحمات .... ختمت تأملاتها في حال ولدها بدعوه صادقه من قلبها همست فيها همس اللهم اتم على ولدي يوسف توبته واعصمه من الذنوب والمعاصي واجعل بينه وبين ماحرمت حجاب .... ام راكان التفتت على جواهر : حلوش وين ليش ماجبتيها معك جواهر ابتسمت وداخلها هم كبير من القلق على حلا وقصي : ابوها عيا عليها يبيها تدرب على الشغل عنده في الشركه ام راكان : الله يحفظها بحفظه جواهر من قلب : امين يالله انك تحميها من كل مكروه ام نادر التفتت على جواهر : ماشاء الله عندك بنوته غير العصفوره الي شفناها من اشوي جواهر ابتسمت : ايه عندي حلا في عمر بروق بنت اخوي ام نادر : الله يخليها لك يارب جواهر : امين ويخليلك بناتك ام نادر :امين بروق طلعت شايله يوسف ومعلقه شنطة اغراضه على كتفها قابلنها رهف وغزل في الصاله واجتمعن عليه يبوسنه وهو سكت مع الشيل والملاعب .... رهف : ياقلبو المزيون غزل تبوس خده : بعذره يطلع مزيون سمي ازين المزايين كلهم اخوي يوسف رهف تكش عليها : وع بس عليك انتي واخوك يوسفنا ماخذ زينه من خوه باسل يافديت الوسامه الفخمه الي كلها رجوله بروق ضحكت :ههههههه عاد مع الصبغه شي ثاني طالع على قولت سياف اشهب هههه غزل : وريني صورته ذا الباسل اذاهو مزيون بخطبه رهف اشهقت وقرصت غزل في عضدها : ياويلك تفكرين فيه والاتقربين منه غزل بعدت يد رهف عنها : يهبي يالعقربه ماقوى قرصتك بروق :ههههه خايفه تخطفين عريس الغفله من يدها غزل تفرك عضدها : مالت عليك وعليه اشبعي فيه ماابغاه اصلا انا ابي واحد كذا رزه وثقل موب واحد يصبغ اشهب كنه بريص رهف التفتت عليها بابتسامه :بس لقيت العريس الي تبينه مافيه اثقل والااعقل من اخوي سياف بروق توسعت عيونها بصدمه ! شافوها البنات واقطعو كلامهم باستغراب غزل بغيره لانها تعتبرها للحين زوجة اخوها وماتتخيل انها ممكن تفكر بغيره : وش فيك فكيتي حلقك بروق ابتسمت بحرج : لافكيت حلقي والاشي بس ماعتقد تصلحين لسياف رهف بغيض : والي يصلحون له ليش رافضينه بروق : انا بروح ابدل ليوسف اشغلتوني غزل عصبت تخاف انها تبي سياف هذي زوجت اخوها كيف تحب غيره : ومن قال مااصلح له بروق افهمت زعل غزل وعصبيتها ابتسمت لها : اجل نقول لسياف لقينا لك عروسه استحت غزل وصدت عنها :غبيه رهف بضحكه : ههههه وينك ياسياف تشوف من يتهاوش عليك بروق عصبت : رهف تعرفيني مابي سياف والافكرت فيه حتى فلا تألفين قصص من راسك قالته وراحت للغرفه الي بتبدل ليوسف فيها ____________________ جلس على كرسي بلاستك ابيض واهو يحس بالقرف الكرسي لونه ابيض وقالب بني من الوصخ عدل القبوع الصوف على راسه واهو يحمد ربه ان الشتاء مازال حاضر وبقوه شد جاكيته الجنز الثقيل على صدره واهو يتأمل ملابسه الي اختارها من اقمشه رخيصه ومعمره مثل مايعتقد ان العمال يختارون لبسهم حاول يكون اختياره للقطع عشوائي لكن حتى عشوائيته طلعت انيقه اناقه خشنه لشخص يضهر تميزه حتى لوكان مجرد عامل نفخ عليه مدير المخازن الاجنبي والي يجيد العربيه لطول اقامته في السعوديه وجميع العمال الي يشتغلون في المخازن من المقيمين القداما ومن نفس الجنسيه : حرش قوم اشتغل ليش جالس باسل فز واقف : اسمي حترش وش حرش ذي لمى تناديني تحترم اسمي احسن لك ثم موب انا الوحيد الجالس ...اشر على مجموعة العمال الي متحلقين على عدد من الطاولات وسوالفهم واصله اخر الشارع :شف ذولا كلهم جالسين وماعندهم شي يسوونه وانا توني كانس مكان حضرت جنابك مدير المخازن تقدم لباسل بضحكه تهكميه :ههههه انت مسوي جنجان علشان انت سعودي ماتبي تشتغل في المخزن هههه انا هنا مدير.. انت بس عامل وتسوي الي انا اقول ...الحين رح مسح الطاولات حقت العمال وشف على الطاوله الكبيره الي هناك حاجات حقة الشاهي سو شاهي للعمال باسل شد طوله واشر لصدره بعصبيه :انا حترش بن غليص امسح طاولات العمال اقول اكل تبن انت وياهم طاولات العمال ماهي من شغل المخازن ولاني ماسحها لو تموت المدير نفخ بعصبيه : اذا ماسويت الي انا قول باعلم طارق عليك باسل بعصبيه :نعم نعم منهو طارق... هذا المدير ياحمش ورح قله الي تبي المدير انقهر من باسل وفي نفس الوقت مايبي يتمشكل معه واهو يشوفه يتكلم بثقه خاف يروح يشتكيه عند طارق وفي النهايه كلهم سعوديين ومايضمن انه يضيع بينهم زفر بغيض واشر لواحد من العمال يسوي الشاهي قام العامل الي اشر له ... وجاه عامل ثاني يقوله انهم طالبينهم في قسم الفرز علشان يخزنون فساتين الرجيع لحد مايشحنونها للمحلات الي تاخذها بسعر الجمله وتبيعها باسعار مخفضه باسل اختار يكون من الي يستلمون الكراتين من عند باب المخزن ويرتبونها داخله وماتخيل انه بينكرف لحد ماتصيح كل عضله في جسمه .... __________ قامت من كرسيها بحماس ابوها اخذ قصي وراحو يتفقدون عرض البضاعه الجديده في محلاتهم وباسل ماداوم في الشركه اليوم وابوها يقول عنده شغل برا الشركه بس ماتدري وين ...اطلعت من القسم النسائي واهي حدها مشتاقه ليوسف دخلت قسم الاداره وماشافت السكرتير مكانه ابتسمت اقوى شي اليوم اجمل ايام حياتها ادخلت مكتب ابوها وتوجهة للحمام مباشره اوقفت قدام المغسله وافتحت شنطتها وبدت تحط ميكب لازم تبين كبيره علشان تعجب يوسف ضبطت وجهها وحطت عدسات وارموش وروج رايق واطلعت بالنتيجه الي تمنتها وجهها بين اكثر انوثه وملامحه الطفوليه صارت ساحره بشكل مغري بحسب خيالها ورؤيتها ....رشت عطرها بكثافه دخلت اغراضها في الشنطه وعلقتها على جنبها وراحت للباب المشترك افتحته وادخلت على يوسف ... يوسف رفع راسه على ريحة العطر الي فاحت فجأه في المكتب وشاف حلا !!!! تعلقت عيونه فيها بتعجب اول مره يشوفها كذا صايره مغريه بشكل مايوصف حس اعدادات حواسه صابها خلل وبدت كل مؤشراته تركض بشكل مجنون للحظه نسى من الي واقفه قدامه الا انها انثى شهيه وفتنه موجعه ماهي ذيك الانثى الناضجه لا هذي فتنة انثى توها متفتحه توها بنداوتها واول انعتاق لجاذبيتها جوريه عذبه في اول تفتح لها انوثه طازجه لم تمس ... لف بالكرسي الدوار جهتها واهو يسكر عيونه على صورتها وياخذ نفس عميق من عطرها بلذه اسكرته! حلا شافت كيف ذوبه شكلها طارت من الوناسه قربت منه اوقفت قدامه وانطقت بحالميه :اشتقت لك واسكتت هذا اخر خبرتها في الاغراء ....مالها خبره في هز القلوب المتخثره بحب سابق ....مالها معرفه في تحريك جمر الرغبه الساكن تحت طبقات عده من رماد التغافل والتجاهل والكبت ! كل الي تعرفه انها تملك قلب احتله يوسف بالكامل وجت تقدمه له كأثمن هديه تملكها وكلها امل انه يتقبل هديتها بترحاب ! ماتعرف شي من معاني الغدر والخيانه والنوايا القذره ! الموجع ان جهلها وبدائية افكارها لحد الطهر كانت هي النجوم السحريه الي سحر وميضها عيون يوسف واطلقت همجيته الذكوريه من معاقلها ! قام تحت تأثير سحرها قرب منها مد يده ومسك يدها بنعومه رفعها لفمه وباسها برقه وعيونه تبسط سلطته عليها بنظرات عاشق احترف فنون العشق حتى اصبح احد مراجعه العظيمه ! انتفظت بخجل وشغف وامور اخرى تجهلها ! وا...! قطع عليهم اللحظه ؟! _________________________ * * * | ||||||||
|
| |
|
01-02-20, 03:30 AM
| #1706 | ||||||||
| مراقبة عامة ومشرفة منتدى الروايات المنقولة
| البارت السادس والثلاثين قام تحت تأثير سحرها قرب منها مد يده ومسك يدها بنعومه رفعها لفمه وباسها برقه وعيونه تبسط سلطته عليها بنظرات عاشق احترف فنون العشق حتى اصبح احد مراجعه العظيمه ! انتفظت بخجل وشغف وامور اخرى تجهلها ! وا...! قطع عليهم اللحظه رنين جوال يوسف بنغمه جمعت له صراخ الكون في كلمه انت خاين ....خااااااين ونذل وحقير اقذر الشتايم سقطت في خياله كصراخ موجع على لسان جاسر ...طارق ...باسل ...بروق ....قصي ......وحتى غنى !! جمد مكانه واهو يناظر الجوال بذهول وكانه يقف قدام حشد منقذيه .....ايه هذي هي الحقيقه هذولا هم الي انقذوه من وحل الفساد والخسه والقذاره الي كان يرتع فيه....كل واحد منهم له دور وكل واحد منهم له عليه فضل ....تذكر وش كانت تقول بروق عن الجميل ؟! تقدر تشيل المعروف بنفس طريقتها تقدر تربت على صفحت رقبتك وتقول رقبتي ماتسد معروفكم تقدر تواجه غنى اصغر وحده فيهم... تقدر تقولها خنتك ومسيت شرف اختك سامحيني تقدر؟!! تحرك بثقل وانفاسه تتسارع بجنون حركته ثقيله بطئيه حس انه يشيل على اكتافه جبل من الهموم وقف قدام الجوال الموجد على مكتبه وقف يبحلق في اسم باسل الي ينور على شاشته حس انه يتقزم ويتضأل مع كل رنين حس انه خسيس نذل جبان خاااااااااين ......انتهى الرنين وسقط جالس على كرسيه مد يده للجوال وكانت ترجف بشكل واضح لدرجة ان حلا الي كانت تراقبه باستنكار وخوف لاحظت رجفت يده القويه بلع ريقه واهو يحس بحلقه يتصحر من الداخل ....وبلعت ريقها بحيره وخوف من المجهول ماتدري وش قلبه فجأه تكلمت بارتباك :يوسف وش فيك مازالت يده المرتجفه في طريقها للجوال حرفها عن مسارها واهو يقبضها بقوه ويبقس سطح المكتب بعنف ..... التفت عليها بسخط وتحول فجأه لبركان ثائر فز من الكرسي بقوه وتقدم لها بصراخ :انتي باقي هنا وش جايه تسوين حلا برجفة خوف وهمس اقتحم اذنه كصرخة مستغيث:اااحبك كلمتها حسسته بعمق قذارته لانه مستحيل يحبها اصلا قلبه مشغول بوحده غيرها مستحيل تقدر تهز شعره من مكانتها عنده الحاصل انه خان طارق خان باسل خان جاسر واضاف خيانه جديده لرصيد خياناته لبروق مشاعره ثايره بشكل مخيف يحس انه توزع لثلاث نسخ ......نسخة الجسد محمومه برغبات يحس بذبذبتها تهز اعصابه لدرجه مزلزله جسد مدلل طول عمره غارق في الشهوات والحين يدعى وكل خليه في جسمه تتوق للإستجابه ....نسخه ثانيه تتمثل في نسخة العقل الي بدت تبني اسوار من الممانعه وتضع عليها عقود طويله من اشواك الاستنقاص والاحتقار للفعل الحقير الي اقدم عليه ......نسخه ثالثه لأول مره يشغلها واهي نسخة الروح الي نفظت كل علاقاته بالبشر وكل حساباته عنهم بتجرد من هالمحسوبيات التافهه وبدت عملها الجاد في الترهيب من غضب الله والترغيب في عفوه ورحمته .....الموجع في الموضوع هو اتحاد كل هذي النسخ الثلاث داخله مما خلاه يشعر باضطراب مخيف يحس داخله خلاط عملاق يقلب مشاعره وانفعالاته نطق بغضب :وانا ماحب حيالله وحده استغربت كلامه توه باس يدها وهذا اكبر دليل على حبه لها البوسه حب ...وش فيه ذا ...يمكن خايف بروق تعرف ! تكلمت توضح له بصوت اكتسى بحماسه مفاجئه : انت خايف المغروره تعرف انك تحبني ترا هي ماتحبك اصلا ماتشوفك شي تتكلم عنك كلام وصخ تقول انك خاين وماتستاهلها !! حست انها اجرحته كملت بسرعه : هي الي ماتستاهلك متكبره ومغروره كلامها جننه زود على غبائهاوعدم استيعابها تتطاول على بروق صرخ عليها بغيض : وحده مثل بروق اذا شافت انها كثيره علي يحقلها تنغر وتترفع وواحد مثلي ماتهزه وحده مثلك انتي يادوب شقه وتخب! بحلقت فيه بعدم فهم حقيقي بعمرها مافكرت في الامور الي قد تحدث بين الرجال والنساء كل تفكيرها لاي سوق تروح ووش تشتري واي بلد لازم تقنع ابوها يسفرهم لها ..تتفرج على احدث الافلام ...الاغاني ...العاب الاون لاين ....النت بكل بحوره ...بس ذاك الجانب المتعلق بالظلما والليل ماعمره لفت انتباهها ...حتى العري البسيط في المقاطع تشمئز منه وتبعد عن اي شي يوصل لهالطريق المجهول بالنسبه لها.. تراجعت خطوه ورى هي حاسه بخطر في الموضوع وحاسه بشي غلط في كلامه بس للحين قاعده تفك الرموز تكلمت ببلاهه : وش دخل الشقه ؟! يوسف توسعت عيونه بذهول هذي اسذج انسانه شافها في كل حياته ....ماهو كذا وبس ...هذي اتفه واحد يلعب فيها لعب قرر يكمل الي ابتداه بروق علمته ان الدرس الصعب بس هو الي يرسخ في الذهن وناخذ كل خلاصته دون تفريط وان كان ابتدى امره معها بخيانه بينهيه بدرس ينحفر في مخها طول ماهي حيه شملها بنظره حارقه وابعد الجاكيت عن صدره بحركه سريعه دخل يده في مخباه الداخلي وطلع كرت البرج السكني من مخباه كرت مدون عليه عنوان البرج ورقم الشقه رمى الكرت عليها بأذلال ثم قرب وجهه لوجهها بنظره جائعه وتكلم بصوت مخملي يخفي تحته غل وقهر واشمئزاز من نفسه قبل لايكون منها :هذا عنوان شقتي الساعه حدعش في الليل مناسب!! وكأن عقلها كان فيه عطل ثم اشتغل فجأه انتفضت برعب وتراجعت ورى خطوه متعثره وقفت مكانها خوف انها تطيح وتسهل عليه مهمت ضياع شرفها هذا الي قالته بروق قاعد يصير حقيقه بدت تبكي بخوف هستيري ودموعها تصب بغزاره تكلمت بغضب : انت واحد حقير ومجرم اصلا بروق قالتلي انك خاين الحين عرفت انك خاين وحقير وماتستاهل بروق .....اشهقت بوجع على نفسها .. انا الغبيه ماصدقتها بروق ماتخذ اي شي مايملى عينها بروق الي يطيح من عينها ترميه ورى ظهرها وتمشي ...انا غبيه ...غبيه لاني شفتها تكرهك كان لازم اعرف انك واحد سافل وماتسوى تسمر للحظه في مكانه كلامها الي انقلته على لسان بروق كان مثل السهام الي تنغرس في صدره لوكان هذا كلامها هي ماهتم فيه ولاحطله وزن القهر كل القهر انه اسمعه نقلا عن بروق عقد حواجبه وجز على اسنانه بحقد على هالي وصلت له طعنات جديده من يد بروق :محد سافل الاانتي من اول يوم شفتيني فيه وانتي منهبله علي قعدتي تركضين وراي مثل الكلبه المسعوره تنطين في وجهي في كل مكان والحين متزينه ومتعطره وجايتني وش تبين انطقي وش تبين واضحه مايبيلها سوال جايه تعرضين نفسك علي مثل الجواري سكت لحظه يتأمل ملامحها المفجوعه وكمل بقسوه واهو يأشر على مكتب ابوها :المغروره الي تكلمين عنها مطيره اسم ابوها في السماء ولايمكن تسمح لاحد يلوثه... ابوك انتي وش وضعه وانتي بنته جايه تعرضين نفسك علي ...بروق بقت معي ليله كامله وانا الي كنت احاول اوصل لها بس ماقدرت وقرب لحد ماصارت انفاسه تضرب في وجهها واهي تنتفظ برعب وعاجزه عن الحركه كمل بسخريه :عرفتي منهي المغروره عرفتي انه مايحقلك تحلمين بمقارنه معها لان مكانها سماء فرقع اصابعه واهو ياشر لفوق :فوق بين السحاب مكان انتي ماتدلينه والاتحلمين فيه حتى حلا تحس انها انشلت فجأه ميب قادره تتحرك والاتسوي شي ...انفجعت من بشاعه كلامه وتفكيره هي بس تحبه وكانت تبيه يعجب فيها ويحبها بس !!!! مافكرت في القذاره الي يقولها ابلعت ريقها بخوف الصدمه كانت اقوى منها ... ماعندها رد على اتهاماته ماتعرف تتهاوش اليوم انجزت وردت بعض شي من كلامه بس خلاص لحد هنا وماتقدر تواصل .....ماهي عارفه كيف تدافع عن نفسها بالضبط واهي زي ماقال الي جته بنفسها ماهيه عارفه كيف تتصرف جسمها كله ينتفض من الخوف ودموعها تصب على خدودها وبدت تغرق طرحتها وماتسمع الا شهقاتها المتقطه انهى حيرتها صوت يوسف الي رجع يتكلم من جديد بعد ماراح للباب المشترك وافتحه وبقى واقف جنبه واهو ماسك مقبضه تكلم ببرود واهو ياشر على الباب المفتوح : قدامك فرصه وحده علشان تنفذين بجلدك لو سكرة هالباب مره ثانيه لاتلومين الانفسك !! التفتت للباب برعب ثم ناظرت في يوسف وكأنها تتاكد من صدقه شافت انه يمديها تهرب منه انتفضت في مكانها وحست جسمها بدى يستجيب لحركتها حطت كل عزمها في ارجولها واطلعت تركض بكل قوتها متجهه لمكتبها احمدت ربها ان السكرتير مازال غير موجود في مكتبه والموظفات انتهى دوامهم من يجي نصف ساعه ادخلت مكتبها وسكرت الباب بقوه واهي تتخيل يوسف يركض وراها ...قفلت الباب بالمفتاح وراحت لمكتبها رمت نفسها على الكرسي وبسطت ذرعانها على المكتب ودفنت وجهها فيها وقعدت تبكي بحرقه تحس انها في لحظه وحده اكبرت عشرين سنه قدام كرهت يوسف وكرهت نفسها ......وشلون بتقابل ابوها بعد الي سوته ارتفع صوت بكاها اكثر تتخلله شهقات موجعه لو يدري عنها ابوها بيموت من حسرته عليها وصدمته فيها .....ارتفع صوتها المتقطع بشهقات قويه تخاطب ابوها :سامحني يبه تكفى سامحني والله والله ماعودها توبه توبه بس انت سامحني تكفى ..... استمرت تبكي لحد ماجفت دموعها واستنفدت كل طاقتها قامت للحمام غسلت وجهها وشافت نفسها في المرايه الكحل مسوي خطوط سودا على خدودها وعيونها حمر اطلعت من دورة المياه راحت لمكتبها اخذت شنطتها وطلعت مناديل تنظيف الميكب وبدت تنظف وجهها ازالت الرمش الي مازال عالق والرمش الثاني زيد طاح مع الغسيل ازالت العدسات ...فكت طرحتها ولفتها على راسها من جديد باحكام اكثر ولاول مره تحرص انها تغطي معظم جبهتها بالحجاب وجزء من دقنها البست نظارتها السوداء تخفي منظر عيونها المخيف اخذت شنطتها واطلعت من الشركه خلت واحد من سواقين الشركه يوصلها للبيت ... اركبت في السياره من ورى وطلعت جوالها ارسلت لابوها وباسل انها ارجعت للبيت وان شحن جوالها بيطفي اغلقت الجوال ورجعته في الشنطه وصلت للبيت افتحت الباب وادخلت شافت الخادمه في طريقها :بطلع انام لااحد يصحيني ... يوسف تابع حلا واهي تركض طالعه من عنده التفت على مكتب طارق ونطق باسف :سامحني ماكنت قد الغلا والااستاهله سكر الباب ورجع لمكتبه واهو مهموم ومتوتر ويحس انه ارتكب جريمه عظيمه ..دق جواله مره ثانيه بالنغمه المخصصه لباسل غمض عيونه بألم احساس بالخزي يتعاضم داخله ...زفر بضيق وتقدم لمكتبه تنحنح يسلك حلقه ثم اخذ الجوال افتحه ورد :هلا :وينك فيه :في المكتب بقلق :وش فيه صوتك بكذب : والاشي بس متضايق اشوي بقلق اكثر : سلامتك من الضيقه وش مضيق صدرك باستمرار للكذب : يمكن علشان ممدوح بيجي تعرف صارلي زمان ماشفته واهو زعلان علي بشي من الارتياح : ماعليك منه بيرضى واذا مارضى يطق براسه الجدار ماعاش من يضيق خاطرك علشانه غمض عيونه بألم كلام باسل يصغره في عين نفسه اكثر :انت وش سويت زفر بغيض : والاشي اسمع ادخل على سجل مراقبة المخزن وشف اذا فيه اي تحركات غريبه : ليه انت مانك فيه : دوبني طالع مهدود حيلي من الكرف بجيب عشاء واجي :ابشر الحين اراجعه سكر باسل الخط ويوسف اخذ المفاتيح الي على مكتبه واتجه للستاره الثقيله المنسدله على الجدار المقابل لمكتبه رفع طرف الستاره ودخل بينها وبين الجدار مشى خطوتين ورى الستاره ووصل لباب مسكر افتحه بالمفتاح ودخل لغرفة المراقبه السريه وقفل الباب وراه اتجه للمكتب العريض المليان بالاجهزه والاب توبات وفي الجدار المقابل له العديد من شاشات العرض فتح احد الاب توبات وابتسم بسخريه واهو يدخل السجل الخاص بمراقبة قسم الاداره ....وهذي هي الخيانه الثانيه ...وبدى بمسح اي اثر للي حصل بينه وبين حلا واكثر من كذا حتى هروبها لمكتبها وكل الي سوته داخل مكتبها بعد ماتركته امسحه ....انتهى من المسح وفتح سجل المخازن وبدى يبحث عن اي شي يثير الشك بدى الوقت يمر ويوسف بدى يندمج مع الشغل لحد ماخذ كل تفكيره بعد ساعه من دخوله لغرفة المراقبه دق جواله ورد :هلا السكرتير : استاذ يوسف انا اسف ماقدرت ارجع اولدي باقي في الطواري مقدر اخليه :سلامته وش فيه :حرارته مرتفعه ويستفرغ الظاهر مشتري من البقاله شي منتهي تاريخه :الله يقومه بالسلامه خلاص خلك مع ولدك ماله داعي ترجع لشركه اصلا ماعندي شي الحين : امين ومشكور ماتقصر سكر من السكرتير ورجع يتابع سجلات المراقبه الخاصه بالمخازن ........ باسل دخل لمكتبه وفي يده اكياس عشاء نزل الاكياس على الطاوله الي بين الكرسيين الي قدام مكتبه وراح لغرفة المراقبه فتح الباب ودخل :وش سويت التفت عليه يوسف واهو يزفر بضيق ومبين التعب على وجهه : والاشي مافيه اي شي غريب بديت من تاريخ نقل البضاعه للمعارض والافيه اي شي غريب باسل انحنى على المكتب من جنب يوسف وبدى يستعرض السجل وفجأه بدى يقرب من الشاشه بأهتمام يوسف لاحظه : وش فيك باسل : المخزن ماهو مغطى بالكامل الي قاعدين نشوفه يادوب الجزء الامامي من المخزن يوسف باهتمام : قصدك انهم متلفين شبكة المراقبه باسل اعتدل في وقفته : فيه احتمالين يا انهم متلفين شبكة المراقبه ياان الجزء الخلفي من المخزن ماركب عليه كاميرات مراقبه من اساسه لانه يعتبر توسعه للمخزن وجايز ماركبو له كاميرات يوسف : طيب انت وش طلع معك باسل :اسكت لاتذكرني ياهم حاقدين علي مدري علشان ابوي قايلهم انه موظفني واسطه واهو مايبيني اشتغل عنده والا وراهم بلا يوسف : المشكله ابوك عطاهم سبب منطقي لوجودك بينهم وفي نفس الوقت صار عندهم سبب مقنع علشان يحطونك في روسهم الحين ماعاد ندري هم عندهم شي خايفين عليه والابس بيطيرونك علشان الكلام الي قاله ابوك لهم باسل ترك الماوس من يده : قم خلنا نتعشى وبعدها نكمل يوسف باسلوب طبيعي واهو وده يجس النبظ ويشوف وش صار مع حلا بس مافيه مجال يسئل عنها : عمي وقصي مانهم جايين باسل : لا ابوي خلص جولته واخذ عشا ورجع للبيت اختي والشغاله هناك الحالهم يوسف : وليه ماراحو مع امك باسل : علشان مدرسة قصي ...قم نتعشى ذابحني الجوع ____________________ منسدحه على سريرها وماهي قادره تنام من التعب الي تحس فيه في كل جسمها من اوصلو الصباح واهي ماجلست انقلبت على ظهرها وبدت تغوص في افكارها .......ليه تأثرة بكلام رهف ؟! سياف ماعمره كان الشخص الي اطمح لاني ارتبط فيه وش فرقت اخذ غزل والا غيرها ! لا وش ياخذ غزل سياف ماتناسبه غزل .....ماهو غزل بس الي ماتناسبه ؟! هذا سياف ......سيااااااف من تستاهل سياف ؟ والاوحده مافيه والاوحده تستاهل تكون زوجة سياف هو حلاته كذا من غير زواج !!! قيادي صلب ....كريم ....شهم ....نقي مايقبل باكثر من انثى .....انثى وحده بس يتوجها ملكه على روس الخلايق وتبقى اسيره في يده ! معنى الحب عنده التفاني في العطاء والحمايه لحد الاختناق ! بس مصيره يتزوج ..............اف ....خلاص ياخذ الريم ايه ريومه فخمه كذا ممكن تزبط معه .......يووووه نسيت الريم لنادر .......احسن ! ايه احسن مسرع يتزوج اصلا باقي شغله ماستقر رايح جاي لشرقيه مين هذي الي بتقظي حياتها مشوره ! انقلبت على جنبها اليمين واسحبت الحافها تغطي فيه وجهها ...خل انام بس وش علي منه تزوج والاقعد صدق فظاوه !! في الغرفه القريبه من غرفة بروق كانت الريم تعاني حاله مشابهه لحالتها صار لها نصف ساعه تتقلب في فراشها عجزت تنام ....مبين انه انسان عاقل وفاهم وكل طلباتي مستعد ينفذها ...غير ان بروق امدحته بالحيل وبروق ماهيب غاشتني والامقدمتن علي احد .....طيب وسياف ....هو اكيد بيكون احسن لي من الغريب ...بس ماضنتي انه يفكر فيني واضح انه يميل لبروق ......بس بروق تكرهه .....اشاور عمي علشان يوصله علم الخطبه ؟! بس بروق هاوشتني وقالت لازم نتكتم على الموضوع علشان يتم وتوقعها ان اعيال عمي يعترضون الخطبه معقوله يكون سياف الي بيعترض .....هالبروق عينها على الناس وتفهم شخصياتهم وتوقعاتها لايستهان فيها ......... خواته مره طيبات حتى امه اخلاق .....يكفي انهم ماتخلو عن بروق حتى بعد طلاقها من ولدهم باقي يسئلون عنها ويزورونها ......بس ممكن يقعدون يقارنون بيني وبين بروق .........طيب وخل يقارنون بروق اختي ولاني اقل منها باي شي .....بس هي غير تفكيرها غير اسلوب حياتها معهم غير ......طيب انا وضحت له اني اختلف عنها في كل شي واهو رحب بهالاختلاف ......الله صوته كان كذا فخم وواثق من نفسه واهو يتكلم .....خساره ماشفت صورته ....اهله كلهم فيهم جمال ملفت اكيد زيهم اهم شي مايكون زي رجل بروق جماله بزياده ..... اوه كان رجل بروق ....الحين المذيع ينتظرها عاد ذاك اكيد سحنته بتعجب بروق نفس المواصفات الي تحبها .....بس منجد خبله في احد يعوف سياف ؟! المذيع ويوسف معه مايرجحون في ميزان سياف بس مدري وش الغباء الي ضرب مخها ! _________________ دخل للمطبخ شايل في يده اكياس فطور حطها على طاولة المطبخ وبدى يسوي شاهي بسرعه ...علشان يلحق يصحي ابوه وقصي .....سمع صوت من يم باب المطبخ والتفت يشوف من .... طارق تنهد بارتياح لمى شاف باسل كان مشتط مع قصي صحاه من النوم وقعد يشرف عليه البس ذا وخل ذا واهو ماهو عارف وش المفروض يلبس ... مع انه يشوفه كل يوم قبل يروح للمدرسه ويشوف وش لابس .....بس ماهو مستوعب انه فجأه مسؤل عن تجهيز طالب مدرسه قبل يروح لمدرسته ... قصي زفر بضيق وتقدم لطاولة المطبخ سحب الكرسي بحلطمه وجلس : انت وينك ياخي مخليني عند ابوك لعوزني يحسبني بزر ماعرف البس ملابسي ماخلا شي في الدولاب كل اشوي يطلع لبس ويقول البس ذا ثم يشوف لبس ثاني ويغير رايه ويقول خلاص خل ذا هذا ازين منه جنني طارق اسرع للكرسي الي قدام قصي جلس عليه بعصبيه واهو يميل بجسمه قدام وينافخ عليه : انا الشرهه علي الي ابيك تلبس مثل الناس وترتب نفسك باسل خلص من سواة الشاهي حطه في الطوفريه مع الكاسات وشاله حطه على الطاوله قدامهم واهو يضحك على هوشتهم : يبه تراه يلبس الحاله دايم وش تبي فيه تطلع له ملابس طارق التفت على باسل واهو يعقد حواجبه بغيض : وانا وش دراني عنه من يلبسه كل يوم وبعدين انت وشلون تروح تنام عند يوسف وتخلي كل شي على راسي باسل بدى يوزع الفطور على الطاوله : انا خلاص خوي يوسف في الشقه وقاط معه في اجارها وبعدين يوسف البارح متضايق وخاطره شين طارق بأهتمام :وش فيه مصخن يعوره شي باسل : لا بس ولد عمه بيجي هو ومشاري وراكان وشايلن همه الظاهر بينهم زعل او شي طارق عقد حواجبه : وولد عمه وش عنده جاي باسل : ابد والاشي متخاوي هو واعيال خوالي بيقعدون كم يوم في جده ...... طارق :متى بيجون باسل :يمكن اليوم قصي خلص اكل وطلع ينتظر الباص عند الباب طارق قام :بروح عند قصي لين يركب مع باصه رح قوم حلا باسل قام لحق ابوه : انا اقف مع قصي بس فكني من حلا ودلعها على هالصبح طارق التفت عليه : وش الصبح من غير دلع حلوشتي ماتستاهل تصبح بوجهها اصلا قاله وصعد مع الدرج رايح لحلا وباسل راح وقف مع قصي عند الباب على وصول الباص ودع قصي وركب سيارته راجع ل الشقه طارق صحى حلا من النوم واجلست تبكي في حضنه ...طارق خاف عليها وحضنها بقوه وبدى يمسح على شعرها :ياحلوشتي ياقلبي وش يبكيك علميني لاتخوفيني عليك حلا تمنت تعلمه بالي صار معها بس ماتقدر وش بتقول رحت اعرض نفسي على موظف عندك ...ياالله من امس لليوم تضاعف عمرها وفهمت نوع الناس الي حولها بابشع صوره ابوها رجع يلح عليها علشان تعلمه ليش تبكي واضطرت تتكلم : بابا الله يخليك ابي اروح عند ماما انت ماتعرف قد ايش البارح خفت لمى خلص دوام الموظفات وانت وباسل ماكنتو في الشركه خفت مره القسم النسائي كان فاضي طلعت على طول للبيت ولمى وصلت هنا كمانا ماكان فيه احد الا الشغاله وخفت زياده ماحب اقعد في البيت لحالي انا نمت وانا ابكي من الخوف يابابا طارق يعرف وش كثر بنته دلوعه ماستنكر ابد خوفها ..هذي هي دلوعته رقيقه وناعمه ومثل نسمة الهواء ماهي حمل مسؤليه اصلا ماعاش من يحمل دلوعته مسؤليه حلوشه حقها بس تامر وتتدلل وكل ماتبي يصير ...يارب انت عالم هالقطعه من قلبي وش تعني لي يارب ترزقها بالي يعيشها مثل اميره في حلم طفله كل ماتأشر عليه بيدها يصير ويتحقق .....رفعها عن صدره واهو يطالع وجهها بحب ويمسح دموعها بيده : افا حلوشتي تبكي وانا موجود والايهمك ياروحي انتي لعيونك الحلوه من بكره اروح لمدرسة قصي ادبر له نقل للمدرسه الي يدرسون فيها عيال خوالك في الرياض ونروح كلناهناك حلا الي كانت تتهرب بنظراتها بعيد عن عيون ابوها واهي حاسه انها ماتستاهل هالابو العظيم ارفعت وجهها بنظرت استغراب : بنرجع نعيش في الرياض طارق : لا بس باخليكم هالسنه هناك وانا وباسل نروح ونرجع لكم امك اتعبها الحمل بالحيل ويبيلها وقت طويل لين ترجع لها صحتها تقعد عند اخوانها احسن لها وبعد عمامكم مشتاقين لكم حلا ابتسمت لأنها ضمنت انها تبعد عن يوسف وتفتك من الشغل في الشركه : طيب نحجز اليوم طارق بحزم ناظر في ساعته ورجع للجديه فجأه :الحين قومي البسي بنروح لشركه فيه اشغال لازم انهيها بنفسي قبل نروح لاي مكان وزي ماقلت بكره بروح لمدرسة قصي اخلص موضوع النقل يعني اقرب وقت لروحتنا بكره في الليل حلا بوزت باعتراض : بس انا ماابي اروح لشركه طارق رجع يحايلها ويبوس عيونها : افا حلوتي تخليني اروح لشركه لحالي تبيني افنش كل الموظفين الي في الشركه اذا دخلتها ونفسي في راس خشمي لان بنوتتي الحلوه ماجت معي تفتح نفسي لشغل حلا ضمت ابوها بحب وفي قلبها حرقه على المصيبه الي سوتها امس ...خايفه تروح وتشوف الحقير الي ماينتسمى هناك وفي نفس الوقت عارفه ان ابوها مستحيل يتركها وراه شجعت نفسها على الروحه واهي مقرره انها ماتطلع من القسم النسائي علشان ماتقابل ذاك الوقح الخاين ! :طيب اروح بس بشرط ماتطلع من الشركه الاورجلي على رجلك طارق قام واقف :لوطلعت من الشركه جبتك للبيت تمام كذا ابتسمت حلا ومن داخلها موجوعه تحس انها حقيره وماتستاهل يكون هذا هو ابوها واستسخفت نفسها لمى تذكرت كيف كانت دايم تقارن بينه وبين خالها جاسر ....جاسر بعمره مادلع بناته كذا صح بشوش ولين اكثر من ابوها بس مايتساهل مع اعياله ومايدلعهم زي مايسوي ابوها معها تذكرت وش كثر يكرفون بنات جاسر ...دورات تعليميه وتطوع واشيا كثيره ماهي موجوده عندهم حتى شغل البيت شي اساسي عندهم انهم يتعلمونه اتسعت ابتسامتها : تمام ونص ______________________ لابسه عباتها وشنطتها في يدها وتناظر في بروق الي جالسه تتقهوى مع امها وعمتها : بروق بلا بياخه امشي معي لسوق بروق واهي تصب لنفسها فنجان قهوه : والله ياريومه مالي نفس في السوق غير ان عمات باسل بيجون يسلمون على عمتي من بيعاون امي اذا رحنا كلنا جواهر : اقعدي وخلي السوق بكره ماني مستعجله على الاغراض ام مشاري : لاوالله روحي يوسف ماعنده ملابس ماغير البربتوز والمهاد من فوقه دق جوال الريم وناظرت فيه : هذا عمي صقر خلاص بروح مع اني ماحب اتسوق مع عمي صقر يلصق في الواحد مايروح طلعت الريم وشافت عمها واقف عند سيارته ومعه واحد واول ماطلعت اركبو السياره قربت للسياره واهي تهوجس معقوله الي معه سياف ....ليه لا مافيه احد يمشي مع صقر مثل ظله الاسياف اوصلت السياره وافتحت الباب الي ورى عمها واركبت واهي ترد السلام بخجل خاصه بعد ماتأكدت ان الي معه سياف ردو عليها السلام وحرك صقر السياره وبدى يسولف مع سياف والريم مركزه نظرها على يدينها بصمت ماهي متعوده تتكلم قدام احد من اعيال عمامها صقر سئل الريم عن السوق الي تبيه وردت على قد السؤال يادوب انطقت اسم السوق واسكتت صقر : بروق ليش ماجت معك سياف الي كان منشغل بجواله في ذيك اللحظه التفت يمها منتظر الجواب الريم لاحظت حركة سياف وصدت بحياء : بيجيهم ضيوف صقر حس انها مستحيه سكت عنها وطاري بروق ذكره في ال عامر وجه كلامه لسياف : والله ياال عامر ناس ينحبون سياف تذكر جواد ونادر : جواد مهوب صاحي عليه اسلوب نشبه صقر بضحكه : ههههه انت حبيته بس علشانه علمك بمديح بروق الك سياف اختفت ابتسامته حركت بروق محيرته اخذتن يوسف هربانه منه ثم تمدحه عند اهل زوجها معقوله تكون متعمده تطريه علشان تستفز يوسف وتبعده عنها ! هز راسه يبعد هالفكره من ذهنه لا بروق ماتسوي كذا لا .....وليه لا بروق ماعادهي زي مأعرفتها تغيرت مدري وش الي غيرها علي وش عندها اقلبت علي مره وحده ! صقر لاحظ سرحان سياف : يخلف الله علي دام جاء طاري بعض ناس طار عقلك ماعادهو معنا الريم كشت من ناحية سياف لمى حست انه فعلا متعلق ببروق والاماكان سج كذا ! سياف انتبه لكلام صقر ناظر فيه ولف على الشباك بصمت ...... وصقر احترم صمته وسكت وعم الهدوء السياره .... داخل السوق كان صقر وسياف يمشون جنب بعض ويسولفون والريم تمشي جنب صقر من الجهه الثانيه وكل مادخلت محل يدخل صقر معها وسياف ينتظرهم برا ....الريم دققت فيه كم مره والاحظت انه مالتفت يمها والامره بأستثناء المره الي التفت عليها عشان يعرف بروق ليه ماجت معهم .....انهت جولة التسوق وانتهت معها من سياف واتخذت قرارها ماراح تاخذ رائي صقر وبتتكتم على امر الخطبه زي ماقالت لها بروق وبتصلي صلاة استخاره واهي بتكون النقطه على اخر السطر اما توافق على نادر بشكل نهائي او ترفضه _______________________ يوسف كان جالس على مكتبه يشتغل وفجأه دق عليه باسل رد :هلا :انت وينك يوسف :في الشركه وين باكون يعني :ليه العيال ماكلموك يوسف :لا ليه :كلموني مشاري وراكان يقولون واصلين بعد الفجر ونامو في شقة العيال وتوهم قامو مع صلاة الظهر يوسف : ممدوح معهم : ايه معهم يوسف حز في نفسه ان ممدوح ماكلمه :وانت وينك الحين : في شقتنا رحت اغير القرف تبع المخازن انا طلبت الغداء في شقتنا تعال العيال بيجون هنا يوسف :طيب جاي عمي طارق علمته باسل :ابوي بياخذ حلا وقصي ويروح يغديهم في مطعم والشباب بيعشيهم في نفس المطعم حق عزومة خالي صقر انهى يوسف المكالمه والتفت على طارق الي دخل عليه مع الباب المشترك طارق : انت مارحت للحين يوسف وقف : بروح الحين طارق : خلاص رح وخلوكم مع الشباب انا برجع امسك الشغل ليين وقت صلاة العشاء يوسف اخذ جواله حطه في مخباه :اجل انا ماشي مانك متغدي معنا طارق :لا سكت يوسف مايبي يكثر اسئله ويجيبله طاري حلا ..... __________________ دخل الشقه وشاف باسل يرتب ترامس قهوه وشاهي على طاولت الخدمه الموجوده في الصاله تتوسط جلسة كنب مكون من اربع قطع كنبتين لثلاثه اشخاص وكنبتين مفرده تقدم للجلسه ورمى نفسه على وحده من الكنبات وباسل راح للمطبخ يجيب باقي الضيافه تحركت عيونه تتبع حركة باسل .......تخيل تقوله الخبله ذي الي سويته معها بيضن اني كنت باغتصبها ؟! وقبل يدق عليك وش كنت تسوي ؟!.........تسقيها ماء زمزم ؟!...............لاتبهرج نفسك يوسف ! انت شرعت في اغتصابها! ...........لا...بس بستها ....وخير ياطير يالبوسه ياما بست وياما وياما على وشو شايل هم هالبوسه وكأنها شرك بالله ؟! لاني تبت ايه تبت استغفر الله ...استغفر الله .....استغفر الله واتوب ايليه يالله انك تعفي عني .........كله من هالحلا الي ماطقها الحلا .....ليت ماهي منهم ....طارق ...باسل.....قصي.....غنى.....ويوسف الصغير ...وبس كافي كذا ياشينها بينهم كائن شاذ وغبي ليتها ماتت وامها تولدها كان حنا بخير ...اي والله قطعا الطاري ....قطع افكاره صوت الجرس الي ارتفع يرن بأزعاج .....زفر بضيق واهو يشوف باسل راح يفتح الباب ...يحس نفسه مازالت متزعزعه وماهي ثابته على حال يحس دوامة تقلباته باقي ماخلصت يحس ان اوتاد الماضي مازالت قويه وراسخه في الارض وتشده لها باصرار ....وهذا هو مبعوث الماضي الاسود يوصل لحد عنده ...فز واقف وعيونه متعلقه بالي دخل وسلم على باسل وتجاوزه في اتجاهه ...في الواقع هم ثلاثه لكن عيونه المفتوحه على اتساعها مالتقطت الا ممدوح الي مد يده يسلم ..ببرود ونظرة اعتاب ! يوسف سحب ممدوح لحضنه وحضنو بعض في سلام حار ظاهريا على الاقل ......لان هالحراره ماوصلت لأعماقهم !......مابين صدورهم الساخنه مساحه شاسعه مليانه عتاب ! الم ! رفض ! وفرااااغ! انتهى السلام مابين الجميع وتوزعو على الكنب ممدوح تحرك بتلقائيه وجلس جنب مشاري يوسف مافاته وابتسم بسخريه على حياته الي تشقلبت فوق حدر ...هذا تؤم روحه التحم بروح ثانيه وتخلى عنه !.........من جدك يوسف هو الي تخلى عنك والا انت الي تخليت عنه وعن كل ماضيك معه ......ايه تخليت ولاني بندمان هذا هو لقى غيري ولقيت غيره .......التفت لباسل على هالطاري وكأنه حس فيه ميل عليه : ماعليه واضح انه موب شايل عليك يوسف رفع حاجبه وهمس لباسل :مين ذا الي موب شايل علي باسل بنفس الهمس : ولد عمك يوسف ابتسم :ماتفرق معي باسل عقد حواجبه : ليه يوسف : لان يوسف خويه مات ويوسف الجديد مجرد ولد عم لااقل والااكثر مشاري شاف ممدوح كيف ركز على وشوشة باسل ويوسف ميل عليه وبهمس مشابه لهمس الشخصين الي مقابلين لهم : ترفق على عيونك بتطير من مكانها ممدوح بنفس الهمس : لاطارت والا شي بس مستغرب من شكل ولد عمك مدري وش يقرب لك مشاري ابتسم : ولد عمتي ماعليك من طلعاته الغريبه تراه محزم وكفو ممدوح ماهمه باسل وشكله لان تفكيره كان مشغول بيوسف يحس ان الي قدامه شخص ثاني غير تؤم روحه والي عاش معه عمر كأنهم روح وحده في جسدين منفصله ....الحين يحس بغرابة مشاعره تجاهه واهو يشوف واحد من جملة اعيال عمه له معزه وغلا وصلة الدم الوثيقه بس ذاك الرابط السحري الي يجذبهم لبعض اختفى ! انهى فاصل الهمس صوت راكان الجاد :وش سالفة الشركه والتلاعب الي قلتو عنه ؟ باسل اعتدل في جلسته : زي مانتم عارفين انا نتاجر في فساتين السهره وتسعين بالمئه من بضاعتنا جاهزه اما مستورده من الخارج او بتعاقدات مع دور ازياء سعوديه والعشره بالمئه الباقيه نصنعها في معاملنا وبتصميم مصممات سعوديات كل تصاميمهم محتكره للشركه والهدف من هالعشره بالمئه انها تضفي نوع من التميز لمعارضنا بحيث ان هالتصاميم ماتنوجد الى عندنا وقبل يومين وحده من موظفات الشركه راحت لسوق شعبي ولقت واحد من المحلات عارض تصاميمنا والغريب ان الفساتين الي هو عارضها باقي ماعرضناها حنا انفسنا غير ان المحل فيه تصاميم ثانيه تخصنا بس مانفذناها....اقصد ان المصممات عرضوها على لجنة اختيار التصاميم الي مفروض تنفذ وهاللجنه رفضوها والحين حنا محتارين كيف اطلعت الفساتين من معاملنا ومخازنا من غير محد ينتبه لها و التصاميم المرفوضه كيف نفذت من غير محد يعرف عنها شي ممدوح باهتمام :يعني انتم شاكين في المصممات باسل بجديه :شاكين في الكل كل شخص له صله بالشركه والمعارض مشتبه فيه راكان : وحنا كيف بنفيدكم في هالسالفه يوسف : ممدوح رسام ونقدر ندخله بين الموظفين على انه مصمم قاله واهو يناظر في ممدوح ممدوح ابتسم في وجهه : ارسم ايه بس مالي علاقه في التصميم وش يعرفني انا للفساتين والخراط الفاضي باسل ابتسم لممدوح : اولا الفساتين ماهي خراط فاضي كله والابضاعتنا لاتسبها ممدوح ضحك على دفاع باسل :ههههه باسل : اما التصاميم اهم شي انك تعرف ترسم شف الموديلات الي في النت واخبص كم حركه في بعض وطلع منها فستان جديد ممدوح بجديه : بحاول واشوف اذا زبطت معي ماعندي مشكله بس وش اسوي في الشركه باسل : ابد اندمج مع المصممات وحاول تعرف من الخاينه فيهم الي تسرب التصاميم ومين يتعامل معها مشاري : طيب هذا ممدوح حنا وش خانتنا باسل زفر بضيق : مدري للحين موب عارف كيف ادس موظفين جدد على الاقسام الثانيه خاصه المعامل حقت الخياطه كل الي فيها اجانب راكان : طيب ليه ماتراقبون المحل الي عرض الفساتين يوسف : فكره حلوه بس كيف نراقبه مانقدر نوظف عنده احد مشاري : موب لازم توظفون عنده احد اهم شي تعرفون من يدخل ويطلع عنده باسل : خلونا العصر نروح نشوف موقع المحل ونعرف وش نقدر نسوي راكان : اخاف يشوفنا صاحب المحل وبعدين يتذكرنا يوسف : خلونا كلنا نلبس ثياب ونتلثم ناخذ لفه سريعه داخل السوق ونطلع قبل نلفت انتباه احد باسل : العصر عاد نشوف وش نسوي ________________________ طلعت من مجلس الحريم شايله طوفريه مليانه كاسات وفناجين بتوديها المطبخ يغسلونها وترجعها للمجلس مره ثانيه قابلتها الريم في نص الطريق للمطبخ : هاه بيتعشون هنا بروق عقدت حواجبها بتعب : لا عيو عن العشا بس عمي طارق كلم عمتي ويقول بكره بيجي هو واعياله الريم : يعني بكره عندنا عشا بروق مشت للمطبخ والحقتها الريم :ياربي من التعب طول اليوم زيارات بروق نزلت الطوفريه على طاولت المطبخ وجت الخادمه اخذتها : التعب في بيتنا سهل امي تقول اتصلو بمكتب الخدم واطلبو فريق خدمه من الي بالساعه علشان ينظفون بيت عمتي الريم : اما لايكون بتروح لبيتها وين صعبه كذا بروق : دام عمي طارق بيجي اكيد بتروح لبيتها على الاقل لحد مايخلصون اهله من زياراتهم لها ووحده من خواته اسمعها قبل اشوي تقول لعمتي لاجاء طارق جيت عندك اقوم عليك الريم : تدرين متحمسه اشوف هداياهم الغرفه انترست هدايا بروق :ههههه امتع شي فتح الهدايا المسكره المهم خليك من ذا كله وش صار على سالفة نادر الريم ابتسمت بحياء والاكأن الي قدامها اختها الي اصغر منها : موافقه بروق بابتسامه : بأذن الله ماراح تندمين على هالموافقه بس كتمي على الموضوع الريم بخجل :متى بتكلمين اخته بروق اتسعت ابتسامتها : يومين كذا واكلم عمي راشد واقوله ________________ نفض يده من التراب بعد ماكان يدفن شتله توه زارعها وقام رايح لمزيد الواقف قريب منه على الرصيف الحجري الي يعتبر احد ممرات المزرعه الموزعه داخل المزرعه بطريقه هندسيه ملفته :انا ابي افهم خزام ذا وش صار بينه وبين ابوي وخلاه يتبرى منه مزيد : الي صار انه رفض يتزوج من بنات اخوانك يقول ماتزوج الاعلى كيفي وخوالي هم الي يخطبون لي ظامي قرب وجهه من مزيد باستغراب :نعم علشان يبي يختار زوجته بنفسه يطردونه ويتبرون منه وش الجريمه الي ارتكبها ان شاء الله مزيد بتهكم موجع : وانت وش ذنبك علشان يحكم عليك انك ماتدخل مجلسه غير يوم الجمعه في اجتماع العائله والابعد تدخل متلطم وحالتك حاله ظامي غمض عيونه بألم هالمزيد صاير بغيض زفر بضيق ورجع يناظر مزيد بعصبيه: انا متفهم مشاعره مالك دخل انت وعلشان يبعد مزيد عن موضوعه اردف : وش رايك نروح لخزام ذا ودي اتعرف عليه مزيد بعصبيه : دور لك خوي غيري بعد الاسلوب الحقير الي تعامل فيه مع ابوي مستحيل اروحله ظامي هز راسه بيأس : اما انكم عائله عجيبه غريبه اقول بالطقاق يطقه هو الثاني انا انشغل بمزرعتي اصرف لي مزيد ابتسم بسخريه : انت خلقه منشغل بذا المزرعه متى بس شلت هم العائله الي تتكلم عنها انت يادوب حافظ اسامي اخوانك واعيالهم ظامي ضحك :هههههههههه ياخي عمانك واعيالهم قبيله حتى اني مرات الخبط فيهم من كثرهم مزيد بجديه : المفروض تنبسط بكثرتهم وتقرب منهم بدل مانك دافن نفسك في ذا المزرعه ظامي بعدم مبالاه : ماتهمني كثرتهم في شي وعلاقتي زينه بالجميع مزيد ابتسم بسخريه : اي زينه يرحم والديك انت ماتعرف شي عن مشاكل العائله والاوش يصير فيها ظامي زفر بضيق : توك تتغنى بكثرتهم خلاص لانقص منهم واحد مانهم بفاقدينه وبعدين العيال دايم يجون يسهرون معي في المزرعه مزيد : الي يجونك المزرعه ان اكثرو يادوب عشره الي يعتبرونك خوي لهم او الي يحتاجون منك شي اما الباقين علاقتك فيهم سطحيه مره ظامي طفش منه : اقول مزيد انت بتفهمني ان علاقتك قويه بكل شخص من القبيله المسجله تحت اسم جدك مزيد : على الاقل ابذل جهدي واحاول اكون قريب من الكل ظامي بجديه وحزم حط عيونه في عيون مزيد : وانا ماني محتاج قرب احد المهم ان صلة الرحم موجوده والباقي مايلزمني _________________________________ منسدحه على طرف الزوليه المبسوطه في الحوش الي جهة قسم الحريم وكل نساء البيت موجودات في هالحظه على هالزوليه الكبيره مجتمعات مابين سوالف وقهوه ومزوح وسعة صدر تحركت ساحبه نفسها من فوق الزوليه واستوت جالسه واهي تلتفت على البنات الي داخلات في صف في حلقه واسعه تضم الجميع :اقول بنات التفتو يمها البنات واهي جالسه عند ظهورهن ردت عليها تماضر :خير هيفا بحماس : انتم تشوفون الي اشوفه الجو شي شي تماضر ردت بسخريه :نشوف نشوف واذا تحلمين بكشته طلعيها من مخك قبل تعشش فيه قاطعتها سلمى واهي تكمل بقهر : انتم باص مدرسه مايشيلكم خل عاد السيارات ماكن سياراتهم ماليه الارض هيفاء طنشت حلطمتهن : انا افكر انا نروح لمزرعة عمي ظامي تماضر كشرت وكشت على هيفاء : عمي ظامي اقول اكلي تبن عمك الي شايف نفسه مادخل يسلم علينا واهو كل اسبوع يرتز في مجلس ابوك تبينه يستقبلنا في مزرعته عليابتنكيت : بعذره كل ماجانا في اول رمضان والاالعيد يمشي يسلم لين تقطع براطمه من كثر التبويس البنات ضحكو : ههههههههههه ام عايد التفتت على البنات : وش تضحكن منه جعلتسن تضحكن مامن محتتسه (جعلكن تضحكن بدون ضروس ) هيفاء انقزت جنبها : جدتي الحبيبه وش رايك تكلمين عمي ظامي وتخلينه يجي ياخذني انا وياتس نتمشى في مزرعته ام عايد : ماعادبه وقت امسى الليل هيفاء بفرحه وكانها حست من كلام جدتها انها موافقه على الروحه للمزرعه : مهوب هالحين بكره بس انتي علميه هالحين وتعيني وش يقول البنات شافو ان فيه امل لروحه تعالت اصواتهن كل وحده تقول انا ابي اروح ام عايد تقدر تاخذ هيفاء وتروح بس انها تاخذ البنات كلهم يبيلهم اكثر من سياره تكلمت بعد تفكير : خلاص خلوها بعد يومين ثلاثه علشان ادبرها التسن (لكن ) ____________________ تحركت من خلف كاونتر الكوفي داخله لقسم تجهيز الطلبات وبدت تعد الطلبات مع العاملات بسب الزحمه الي جت عندهم اليوم ارفعت صوتها :عروب تعالي على الكاونتر استلمي الطلبات عروب جتها وقربت من اذنها وهمست :وانتي لازم تخدمين الناس بنفسك اجلسي وخليهم ينتضرون طلباتهم لحد مايجيهم الدور عذبه التفتت عليها : دام ماعندي شي اسويه مافيها شي اذا اشتغلت بيدي في محلي عروب انقهرت : محلك مانك في حاجته والاحاجت الي يطلع منه مانك مجبوره تخدمين احد عذبه استغربت من فكرة عروب السوداويه عن الخدمه : احد قال اني مجبوره انا مستمتعه بشغلي وحابته وحابه اي مجهود ابذله فيه عروب بقهر :يارباه ياكثر ماتحبين العناء عذبه ابتسمت لها : اقول روحي استقبلي الطلبات خليني استفيد من جيتك هنا الي على غير سنع عروب باست خدها وراحت تستقبل الطلبات فجأه دخلو ثلاث بنات مع بعض وكانو يسولفون ويضحكون فجأه سكتو واهم يشوفون الواقفه على كاونتر الكوفي هويدا :بنات هذي عروب طلعت حافيه منتفه وتشتغل كاشير في كوفي جميله : وع وع وش ذا والمشكله تهايط علينا في الجامعه بالماركات واللبس فوز : لا ماهي معقوله اكيد فيه شي غلط البنت تلعب بالفلوس لعب وملابسها ماركات حقيقيه مستحيل حيالله راتب يجيب لها ذا كله فوز باستعجال :خلونا نشوف وش عندها قالته وتقدمت لعروب وبتعالي وسخريه اشرت عليها بطرف يدها :انتي هيه ابي المن..... واقطعت كلامها بشهقه تمثل الصدمه وانها توها تشوف وجهها :عروب وش تسوين هنا عروب الي توها خلصت من تدوين احد الطلبات وتمريره انصعقت بسماع صوت ماهو غريب عليها ارفعت راسها وطاحت عينها على ثلاث من شلتها في الجامعه حست الارض تدور فيها توسعت عيونها برعب الحين وش بيقولون عنها والله ليفضحونها في الجامعه كلها : فوز انا ...انا جميله واهي ترميها بنظرة احتقار من فوق لتحت وبتهكم :هه انتي ايش ؟!..نادله في كوفي.. اجل ملابسك من وين تجيبينهم هويدا بوتيرة سخريه اعلى تقاطع جميله : اكيد تجيها صدقه من اصحاب المحلات الي تخدم عليهم واضحكو بصوت عالي :هههههههههههه عروب انقهرت من مسخرتهم :كلي تبن انتي وياها الي ياخذ الصدقات انتم والانسيتو اني افطركم كل يوم على حسابي والكوفي ذا ملكي ماعتقد انكم لو كان عندكم املاك بتتركونها للغرب يديرونها لكم البنات انقهرو عروب فاقعه مرارتهم بعنطزتها وكل ماشترو شي تجيهم بالي افخم وازين منه وهذي فرصتهم يشرشحونها فوز : بلا وقاحه وقلت ادب حنا مانا بعجزانين نعزمك كل يوم على الفطور وفي افخم مطعم بس انتي الي مسويه فيها بنت عز وكل يوم تحلفين علينا انك تدفعين احساب الفطور هويدا كملت : طلع كله هياط بهياط واخرتها قهوجيه ماتسوى عذبه جت وعروب تطردهم وقفتها والتفتت على البنات وهي سامعه كل شي من بدايته بس اسكتت تبي تسمع وتشوف مستوى البنات الي تماشيهم عروب :معلش يابنات قبل لاتمشون ابيكم تسمعون مني كلمه البنات وقفو واهم ينقلون نظراتهم بين عذبه وعروب عذبه بابتسامه : اذا مصاحبين عروب علشان الفلوس تطمنو حساب عروب فيه اقل شي مئة الف ذا حسابها الشخصي تبع البعزقه واذا مصاحبينها علشان شخصها مااعتقد ان شغلها مهما كان ممكن يأثر في نظرتكم لها وفي كل الحالتين انتم خسرتو عروب والاعاد تفكرون انكم تماشونها البنات انصدمو بكلام عذبه والي زاد الطين بله ان وحده من الموجودات اسمعت الي صار من بدايته وكملت على كلام عذبه : معقوله انتم بنات جامعه وعقولكم صغيره كذا تتخلون عن صديقتكم علشان اطلعت بنت ناجحه وعندها مشروع تديره بنفسها مع امها صدق ماعندكم سالفه البنات انقهرو من كلام الحرمه فوز ردت بحقد : ماتلزمنا صداقتها انا ابوي ضابط ماامشي مع قهوجيه عروب ضحكت باستفزاز :ههههههه طيب خلي راتب ابوك ينفعك يابنت الضابط جميله اسحبت فوز بيدها : خلاص بنات امشو ..... طلعو البنات وعروب اركضت لمكتب عذبه دخلته وضربت الباب وراها عذبه لحقتها فتحت الباب ودخلت عندها لقتها جالسه على كرسيها وحاطه يدينها على الطاوله ومنزله راسها عليها وتبكي قربت منها عذبه ورفعتها عن الطاوله وحضنتها : افا تبكين علشان كلام ماله قيمه من بنات تافهات اصلا انتي وشلون تماشين بنات هذي اخلاقهن عروب تبكي وتشاهق : هالبنات بكره بيفضحوني في الجامعه كلها وبتصير سيرتي على كل السان عذبه كل مالها تنصدم اكثر بتفكير عروب الي ماتدري من اي بيئه انزرع في مخها تكلمت بعصبيه :نعم؟!...يفضحونك ليه ان شاء الله تشتغلين رقاصه تالي الليل وانا مدري والاايش وش الي يفضح في شغلنا ان شاء الله ماتكلمين عروب ابعدت راسها عن حضن عذبه وتكلمت بعصبيه : انتي ماشفتي كيف قعدو يتمسخرون علي الي تقول كاشير والي تقول نادله والي تقول قهوجيه بكره بلاقي الجامعه كلها ينادوني بهذي الالقاب عذبه بقهر : وانتي ماعندك السان تسكتينهم ماتعرفين تقولين انا اشتغل في حلالي والشغل ماهو عيب ماتعرفين تقولين النادله ماهي اقل منكم بشي والفلوس ماتصنع كرامت الانسان وقيمته عروب فزة من الكرسي وصارخت بغضب : من قال ان الفلوس ماتصنع كرامة الانسان هالحين الفلوس هي كل شي الكرامه والمكانه والشرف والطهر والاخلاق والسعاده وكل شي الفلوس حرفيا هي كل شي في الحياه عذبه صدعت من المنطق الغريب الي قاعده تسمعه تكلمت بحسره وسالت على خدها دمعة قهر : لا ماهو صحيح الانسان الي ماعنده اخلاق مستحيل يمتلك الاخلاق بالفلوس انتي وشلون تفكرين بالاسلوب السطحي ذا ليه تحسسيني اني فشلت في تربيتك ليه تحسسيني اني خنت الامانه الي حطتها امي في ارقبتي والاقدرت ازرع في نفسك مبادئي صحيحه ليه ليه عروب ردت بحده : لاتقولين ماعرفت اربيك انتي ربيتيني احسن تربيه والكلام الي قلته هو الصح وبكره يجيك كلامي وتشوفين كيف الجامعه كلها راح يعايروني انطق الباب والتفتن عليه وكل وحده منهم تمسح دموعها وترتب شكلها تكلمت عذبه :ادخلي نوره الموظفه السعوديه افتحت الباب وطلت براسها داخل بحرج : ام خزام انا اسفه بس صوتكم طالع لبرا والزباين يسمعون تكلمت عذبه بعد ماستعادت هدؤها : خلاص روحي انتي شوفي شغلك عروب تكلمت واهي تفتح جوالها : بكلم خزام وارجع للبيت عذبه اتجهة للباب بتطلع : بكيفك __________________________ بدل ملابسه واهو يفكر في كل الي صار معه اليوم لقائه بممدوح ماكان مثل ماتوقع والامور بينهم مرت بتجاهل للماضي من الطرفين .....ماهو بس كذا ....ممدوح واضح انه ارتبط بمشاري وصار هو صديقه المقرب يجلس جنبه يساسره وحتى لمى راح ينام في شقتهم راح معه ......بكيفه يمكن يكون هذا اريح لي وله مابي نرجع نجتمع على نفس سوالفنا قبل ...خلاص انا مليت من ذاك الماضي ومن ذيك الحياه لازم اثبت نفسي لازم اعلق اسمي في السماء شمس ! ابتسم لنفسه واهو يرتمي على السرير ياالله شكثر اثرت فيني وصرت اتبنا افكارها وتعاليها ......وليه لا ماهو غلط ابد ان الانسان يحط لنفسه مكانه عاليه بعلو النجوم في السماء ويتسمك فيها .....هذا انا صرت اشوف السماء مكان طبيعي لها وماعاد يقنعني اشوفها باي وصف ثاني مايتعلق بالسماء والبرق والرعد .......اتسعت ابتسامته اكثر وكمل في خياله ...والصواعق .......اه منك يااعمق صاعقه في حياتي متى اصير في حياتك شمس تعجزين انك تواجهين نورها متى تضطرين انك ترفعين راسك لفوووووق علشان تشوفيني متى ؟! ______ اتجه للقسم النسائي وقبل يدخل تنحنح وانتظر دقيقه ثم دخل الموظفات استغربن من بعد طرد لمار ماعاد شافوه واستغربو اكثر من الشخص الي دخل معه واهو يتلفت فيهن ويوزع ابتسامات ويأشر لهن بيده ان السلام عليكم باسل دخل للقسم النسائي متجاوز الموظفات من غير مايتكلم معهن او يلتفت عليهن وقف قدام مكتب السكرتيره وتكلم بجديه : ام عادل فيه السكرتيره : ايه فتحت جهاز الاتصال وبلغت المديره ان الاستاذ باسل يبيها ثم اشرت لباب المديره واهي تكلم باحترام : تفضل طال عمرك باسل تقدم لباب مكتب المديره المسكر فتحه دخل هو وممدوح وخلوه مفتوح المديره وقفت باحترام : اهلا استاذ باسل تفضل اجلس واشرت لممدوح علشان يجلس على الكرسي الثاني باسل تكلم في الموضوع مباشره واهو يأشر على ممدوح : هذا ممدوح مصمم ازياء راح ينضم لقسم التصميم من اللحظه ذي المديره عقدت حواجبها وحدة نظراتها باعتراض : بس قسم التصميم تابع للقسم النسائي وجزء منه وانت تعرف ان مكتبهم ملاصق لقسمنا ذا وكل الي في القسمين نساء ووجود رجل بينهم راح يضايقهم بلا شك باسل بجديه : هذا مكان عمل ومافيه والاقانون في الشركه يمنع توظيف الموظفين الرجال في نفس المكان مع الموظفات وبعدين ممدوح بيشتغل اسبوعين ثلاثه ويمكن شهر كفترة تدريب وبعدها بنشوف اذا قررنا تثبيته في الوظيفه وقتها بنعزله في مكتب خارج القسم النسائي المديره ماعجبها الكلام : بس الموظفات راح يعترضون باسل ببرود : الي تعترض تقدم استقالتها لان اعتراضها ماراح يغير شي ناظرت في ممدوح بكره : وين ملفك ممدوح ابتسم واشر على باسل باسل تكلم بسرعه : ملفه عندي اذا قررت اثبته ارسلت لك الملف المديره كشرت : استاذ باسل انت قاعد تتجاوز اعراف العمل ونظامه باسل وقف ينهي النقاش : انا حر في شركتي اوظف الي ابي متى ماابي كان ودها تعترض وتقول لازم تعلن عن الوظيفه وتختار الأنسب من بين المتقدمين لكن شجاعتها خانتها وسكتت باسل راح مع ممدوح لقسم التصاميم فرض عليهم وجود ممدوح وطلع وتركه ممدوح ابتسم واهو يتجه للمكت الموجود قدامه مباشره جلس على الكرسي الدوار ورفع ارجوله على سطح المكتب بوقاحه ندى شهقت واهي تشوفه كيف احتل مكتبها تقدمت له وضربت سطح المكتب بيدها : انت خير ذا مكتبي قم ضف نفسك اشوف ممدوح عقد ايدينه ورى رقبته بأسترخاء وابتسم :واذا ماضفيت نفسي وش بتسوين ؟ ....تكفين قولي انك بتضفيني انتي.. قاله واهو يستنشق عطرها الي كان يفوح معبي المكان من حولها بحركه توحي بالتلذذ ندى توسعت عيونها بغيض وتراجعت خطوه ورى واهي مصدومه من حجم وقاحته : انت واحد وقح وقليل ادب ممدوح هز اكتافه بعدم مبالاه : ادري اسماء بعصبيه : انت بتحترم نفسك والااناديلك المدير ممدوح ضحك باستفزاز : هههههههههه توكن من اشوي بس عارضتن وجودي قدام نائب المدير وماخليتن شي ماقلتنه علشان تمنعوني من اني اشتغل في هالقسم واذا جاء المدير قلتله انكن متحاملات علي ومقدمات شكوى كيديه علشان تطلعوني من القسم ونائب المدير راح يشهد معي المصممات ناظرو في بعض بغيظ وحيره مانهم عارفات كيف يتخلصون منه والاكيف يتحملون وجوده معهم واهو بهالوقاحه ندى تكلمت بهدؤ لعل وعسى يفيد معه : بس هذا مكتبي خل نائب المدير يوفر لك مكتب خاص فيك ممدوح نزل ارجوله من على المكتب واعتدل جالس وتكلم باحترام : طيب انتي هالحين بتجلسين على المكتب لاقمت عنه ؟ ندى انحرجت لأنها قاعده تصمم وماتحتاج المكتب تكلمت بضيق واهي تأشر على منصة التصميم الخاصه فيها وتحديدا على لوح الرسم : الحين انا اشتغل على تصميم ممدوح ابتسم وتكلم برقه ادهشتها : افهم من كذا تبيني اقوم اجلس في البلاط لانك ماتبيني اجلس على كرسيك الي الحين انتي موب في حاجته ندى تفشلت والتفتت على زميلاتها تبي احد ينجدها بس البنات صدو عنها واهم مستغربين من التقلب العجيب في تصرفات الشخص الجالس قدامهم ارجعت تلتفت عليه وبأستسلام : لاخلاص خلك جالس بس لازم تطلب من الاداره مكتب خاص فيك ممدوح رجع يبتسم ونطق بأمتنان : شكرا واكيد شؤن الموظفين راح يوفرون لي مكتب قريب ________________ جالسه في مكتبها تتصفح النت من امس واهي تجي مع ابوها لشركه تدخل مكتبها والاتطلع منه الا اذا ابوها كلمها وقالها تقابله عند المصعد وتنزل معه لسيارته فجأه دق عليها ابوها وردة :اهلين باباتي طارق : انا في السياره برا تعالي بسرعه حلا خافت بس مابينت : ليش ماقلتلي انزل معاك طارق : لاني كنت في مشوار الساعه الحين اربع العصر ورحلتنا الساعه سته يادوب نلحق نمر البيت نجهز الباقي من اغراضنا ونطلع للمطار انهت المكالمه مع ابوها وطلعت بسرعه سكرة مكتبها وقفلته ومشت متجاوزه الموظفات من غير ماتعبرهن وصلت للمصعد وتفاجأت بموظف يبي يستخدم المصعد الخاص ناظرت فيه من فوق لتحت واشرت عليه بفوقيه : اجري بعيد قبل لاافصلك من الشغل هيا اجري من قدامي ممدوح اتسعت ابتسامته وشكل البنت النعوم الي يقوطر رقه ودلع اعجبه بقى واقف على باب المصعد الي كان ناوي يدخله قبل لاتوقفه بصرختها الي ماعرف لها وصف من جمالها : انا جاي قبلك انزلي معي والااجري انتي هههههه حلا خايفه منه بعد الي صار لها مع يوسف صارت تخاف من كل الرجال بس لازم تسوي نفسها قويه علشان مايحس بضعفها ويستغلها وبعدين ابوها تحت لو الأهبل ذا ماسمع الكلام تدق عليه وتفك عمرها : انت شكلك مو عارف تتكلم مع مين امشي من قدامي قبل اتصل على بابا يسلمك ملفك ويرميك برا ممدوح عرف انها اخت باسل من الكلام الي قالته بس موب قادر يتركها : وانا وش سويت علشان تكلمين بابا انا جيت قبلك معناته انا انزل في المصعد ق.... جاه صرخه قطعت كلامه : ممدوووح ______________________ * * * | ||||||||
|
| |
|
01-02-20, 03:31 AM
| #1707 | ||||||||
| مراقبة عامة ومشرفة منتدى الروايات المنقولة
| البارت السابع والثلاثين ممدوح عرف انها اخت باسل من الكلام الي قالته بس موب قادر يتركها : وانا وش سويت علشان تكلمين بابا انا جيت قبلك معناته انا انزل في المصعد ق.... جاه صرخه قطعت كلامه : ممدوووح التفت يتصنع البراءه :وش فيه مشاري اللي وصل عنده دفه بيده وراه :بعد عن البنت ممدوح :خير انا جاي قبلها وكلنا موظفين نفس بعض هي اللي مفروض تنتظر مشاري طنش ممدوح ووسع لحلا علشان تدخل المصعد واهي دخلت بعد ماعطت ممدوح نظرة احتقار .....مشاري دخل بعدها للمصعد وضرب ازرته واهو معطيها ظهره وبعصبيه : انتي لمتى تمشين بدون نقاب حلا مطمنه لمشاري وفي اعتقادها عيال العم وعيال الخال مايجي منهم اذى بس تنقهر منهم كل الطرفين اذا شافوها بدو يتحكمون فيها ويهاوشونها واهي البنت الوحيده من بين الطرفين اللي تتحجب وماتلبس نقاب بحماية ابوها اللي يشوف ان الحجاب كافي ولبس النقاب عنده امر اختياري احتقن وجهها من الغيض وردت بنبرة زعل : بابا سامحلي البس حجاب مالك صلاح ابتسم مشاري على لهجتها وطريقة نطقها للكلمات واهو مازال معطيها ظهره وهنا انفتح باب المصعد وطلع وطلعت وراه مشى ومشت وراه لحد ماوصلو لسيارة طارق وشافو طارق وباسل واقفين عندها حلا ركبت السياره ومشاري وقف معهم وبجديه :عمي حلا ليه ماتتنقب طارق ناظره بحده واهو مغتاض كيف يتجراء يتدخل في شي يخص بنته وبجديه اكبر اشر على باسل اللي قلب لون وجهه من الفشله :ولد عمتك ذا اخوها واذكر يوم قالي نفس كلامك قلتله لاجالك بنت ربها على ماتبي هذي بنتي وماسمح لاحد يتدخل في اي شي يخصها مشاري تفشل خاصه ان طارق تركه وراح ركب السياره ...باسل التفت على مشاري بضيق :انا اسف على تصرف ابوي زي مانت شايف مايخلني اتدخل في شي يخص حلا وياما حاولت اقنعه بس مافيه فايده مشاري عقد حواجبه : وعمتي راضيه انها تلبس حجاب من غير غطى والانقاب باسل زفر باحراج : امي اول المؤيدين لانها تكتفي بالحجاب جاهم صوت طارق : مطولين واقفين مشاري مد يده لباسل : هات المفتاح انا بسوق ركب مشاري جنب طارق وباسل ركب مع حلا ورى اما قصي مع الخادمه في البيت .... ____________________ ممدوح انقهر لمى شاف مشاري دخل المصعد مع حلا شات بابه الخارجي برجله بانفعال ....جاه صوت ساخر : ترفق بعمرك لايطق لك عرق ويكون في علمك هذي اخت باسل فخلها خارج تفكيرك القذر حتى ماانسف راسك بالكامل التفت بحده وخم يوسف بحلق جاكيته وبحرقة خيانته له وانسحابه من حياته بطريقه قذره نطق واهو يجز على اسنانه بحنق : وقذارتك انت وين راحت انسفتها بروق البنت اللي ماقدرت توصل لها ولاحتى بطريقه نظيفه يوسف اشتعلت اعصابه قهر هذا صديقه الموالي واللي يعرف ادق تفاصيله وجرح الصديق اعمق واقوى من كل جروح الاعداء مجتمعه بادله نفس الحركه وتشبث بياقة جاكيته وقربه من وجهه المحتقن من شدة الغضب : لاتجيب طاريها على لسانك تفهم ممدوح ابتسم بسخريه مريره : كل اللي قالته سوته اثبتت انها صاعقه اضربت عمق القاع واحرقته لدرجة ان القاع انشق عن شخص ثاني طار ل السماء فجأه وصدق انه من اهل السماء وماعاد ينتمي للقاع يوسف بنفس السخريه العميقه :دامي وصلت ل السماء فأنا من اهلها ومايهمني كيف وصلت الدور والباقي عليك ... حرك يده من ياقة ممدوح ليده وابعدها عن ملابسه واهو يدور عليه بنظره متفحصه وممدوح مركز معه بألم من الحال اللي وصلو له ....رجع يكمل كلامه واهو يضيق عيونه في نظره كأنه اراد منها سبر اغواره : إلى متى وانت باقي في القاع ممدوح اشتعل غضب ورجع يشد ياقة يوسف بانفعال : لاتبز بعمرك علي انا وانت نفس العينه ونفس المصير غصنا في القاع سواء وطلعنا منه سواء الفرق اني ماكنت محتاج لبنت تجرني من القاع بالقوه علشان اطلع ......انا اللي تركت القاع باختياري وطلعت منه برجولي قاله ونفض يده من جاكيت يوسف واتجه للمصعد دخله ونزل تحت انظار يوسف اللي ارتسمت على وجهه ابتسامت سخريه واسعه ....هه طلعت من القاع برجولك والاجاسر جفف منابع الفساد من حولك وسحبك منه بالقوه وربطك بولده حتى ماتطيح في نفس المستنقع مره ثانيه ......لونك طالع برجولك كان ماوصلتني شكاوي بنات قسم التصميم ومن اول يوم تداوم فيه ! _____________ التفت على عروب الجالسه جنبه في السياره بغضب : من جدك انتي مسويه مناحه علشان كم كلمه سمعتيها من بنات تافهات ورفع يده يضرب فيها على راسه بعصبيه : ذولي عقولهن متوقفه عن النموء عند الابتدائي والاوحده تفكيرها سطحي كذا من وين تصير طالبة جامعه عروب خبطت درج السياره الي قدامها بيدها بقهر : انا ماعلي منهم عاقلات والامجانين ذولي بكره بيشرشحوني في الجامعه كلها خزام زم شفايفه بامتعاض وبنبره فيها عتب واضح : عروب انتي متفشله من امي ومن الكوفي حقها عروب اشهقت باستنكار من المعنى الي فهمه خزام وبعصبيه : مجنون انت اتفشل من امي ليه ان شاء الله وش ناقصها امي علشان اتفشل منها خزام ناظرها وده يصدق الي سمعه : والكوفي عروب اسكتت للحظه بتفكير الكوفي من سنين طويله تروحله مع عذبه ومتعوده عليه اخيرا قررت انها موب متفشله منه : لا خزام بصبر : اجل ليه شايله هم البنات عروب بشرح : لأنهم راح يتكلمون وكأنه شي يفشل ويخلون البنات يضحكون علي انت ماسمعت وش قالو يقولون عني قهوجيه ...نادله .. خزام قاطعها : انا اقولك كيف تقلبين السالفه عليهم وتفشلينهم عروب بحماس :كيف خزام : تذكرين المنشور الي طبعناه دعايه للكوفي وفيه صور منه عروب :ايه خزام : ابي انسخ لك منه كميه واخذيها معك للجامعه واول مايتجمعون البنات الي جوكم اليوم ابدي وزعي المنشور البنات هنا بيبدون يسئلون عنه ومتاكد ان البنات العاقلات بيبدون يشجعونك غير انهم بيشوفون من الصور فخامة الكوفي وبكذا هالتافهات ماراح يلقون شي يقولونه عروب ابتسمت واهي تحس انه هم وانزاح عنها :فدوه انا يااحلا خزام بحياتي خزام كشر بمزح : ليه كم خزام بحياتك عروب ضحكت :هههههه خزام واحد معفن ويبي يتزوج مطلقه خزام هنا عصب من جد صرخ : عروب بروق راح تكون زوجتي ومااسمحلك تنادينها بالقاب مالها معنى عروب اكلتها الغيره طايح دفاع عن هالبروق واهو باقي ماخطبها اجل لويتزوجها وش بيسوي : واهي صدق مطلقه ماجبت شي من عندي خزام بعصبيه :عروب بروق جنبي عنها حتى ماتخرب بينا عروب بقهر : وانت من الحين بايعني علشانها خزام بمحاولت تهدئه : انا مابعتك والايمكن ابيعك بس انتي تحسسيني انك حاطتها في راسك من غير سبب عروب لفت عنه يم الدريشه :ياعمي طير بس خزام قلب عيونه وزفر بضيق وسكت عنها بدى يشيل هم تعامل عروب مع بروق اذا اجتمعو في نفس البيت هل بروق بتتقبل عروب هل ممكن انهم يتفاهمون مع بعض ويصيرون صديقات ....والله ماهو مبين ان عروب ناويه على خير ....انا شفت بعيني كيف خوال مزيد طلبو من جاسر يناديها لهم يسلمون عليها واضح ان البنت خلوقه وتتعامل مع اهل زوجها بذوق واخلاق بس عروب من يفهمها ووش الحل معها لو سوت لها مشاكل ؟!.......الله يستر من الجاي قطع افكاره صوت عروب : انت وين موديني خزام : وين بوديك للبيت اكيد عروب : ودني بيت سالم خزام وقف قدام بيته : وصلنا ادخلي عند خوات هزاع اخلصي علي بامشي عروب انزلت واهي تنفخ بطفش :اف منك وصكت الباب بقوه خزام علق البوري عليها بعصبيه للحظه ثم حرك ماشي واهو يشوفها تهاوشه رغم ان صوتها ماوصله بس واضح من حركات يدينها انها معصبه .......ابتعد عن البيت متجه للمتجر حقه ...دق جواله واخذه يشوف الرقم ولقاه رقم غريب فتح الخط ورد :هلا جاه صوت ولد خمن من صوته انه مراهق :انت خزام بن عدي خزام باستغراب : ايه انا خزام جاه صوت الولد بفرح : وشلونك خزام انت طيب شكلك ماعرفتني انا رائد ولد عمك فز قلبه وانطلقت اساريره لدرجه استنكرها على نفسه وماقدر يخفي الفرح في صوته واهو يرد: هلا وغلا برائد عساك طيب رائد باندفاع : انا الحمد لله بخير بس والله مشتاقلك ليه ماتجينا في المزاحميه انا علمت عيال عمي اني جيت عندك في البيت وماصدقوني لين شافو الصور والله كلهم يتمنون يشوفونك غصه اعترضت في حلقه واهو يرد بصوت مخنوق : تسلم حبيبي ...رائد عيني انا عندي رجال الحين مشغول معه مضطر اسكر رائد على نفس وتيرة الفرح الي ينبض في صوته من بداية المكالمه : خلاص ماعليك سكر بس تكفى تعال خزام بجمود : مع السلامه رائد : مع السلامه يااحلى ولد عم خزام خلا الجوال على اذنه بصمت لحد ماقطع رائد الخط نزل الجوال على الحامل الخاص فيه واهو يحس بصدره يضيق متى بيتركونه في حاله كل مانساهم جاء من يذكره فيهم متى بيرميهم ورى ظهره جملة وحده ويتخلص منهم للابد متى ينذكر اسمهم قدامه والايلقاله في قلبه هزه ولا يسمع له في روحه صدى لمتى ............انتفض فجأه وش فيك ياخزام بزر مثل ذا بيهزك ويجيب اقصاك نسيت طردهم لك ...نسيت انهم تبرو منك اول وتالي .....لا لا مانسيت ولاني بناسي جعل فرقاهم دوم ماهي يوم ماخذت منهم خير لاانا والاابوي قبلي ........مد يده للجوال اخذه ...فتحه ...حضر رقم رائد ورجعه مكانه ______________ التفت على يوسف واهو يحط جواله قدامه يفرجه على السناب :شف مين شايل يوسفنا يوسف اتسعت ابتسامته واهو يشوف ابوه شايل يوسف على سناب رعد الي حرك الكام على ابوجابر وسحب يوسف الجوال من باسل يقربه من وجهه بشوق ابو جابر كان يبتسم لرعد ويسولف معه بعده مرر الكام جهة نادر وجنبه جواد ......تاه مع الوجوه الي مهما ابعدها وتجاهل اهلها لاتندثر من قلبه والاتنقطع صلتهم بروحه ....ابتسم باسل واهو يشوف يوسف كيف انفصل عنهم واتحدت كل حواسه تتابع السناب ......ممدوح بانتقاد : ترا مابينك وبينهم غير ساعه بالطياره لمتى وهم ينتظرونك ترجع وكأنهم ذابحين لك احد يوسف رفع راسه بسرعه وحده مصدوم من كلام ممدوح وشلون يناقش موضوع عائلي قدام الناس كذا تكلم بغيض :محد اشتكالك وسكر الموضوع نهائي لاني مابي اناقشه لامعك والامع غيرك مشاري الي يعرف الجهد الي بذله ابوه في سبيل اصلاح هالشخصين الي اقدحت بينهم تكلم بسرعه يهدي الوضع : ابو نادر راضي عن شغل يوسف هنا ممدوح التفت على مشاري باستنكار :بتعلمني في عمي مشاري :ايه اعلمك في عمك لانه هو الي قال هالكلام بنفسه لابوي وانا كنت جالس معهم وقال المهم انه مرتاح في شغله وخل ياخذ الوقت الي يبي باسل تضايق من كلام ممدوح اكثر من يوسف نفسه اول ماجاهم يوسف كان متضايق من وجوده بس مع الوقت وبعد ماعرف يوسف زين صار يعتبره اخ له ماعمره فكر انه بحاجة اخوان ولا بعمره فكر يحط احد في هالمكانه حتى رعد الي يعتبر اقرب الناس له طول عمره ينظر له بعين الصديق اما يوسف احساسه فيه مختلف ....قام واقف وسحب يوسف بيده منهي النقاش : امش معي خل ننزل للمطاعم نجيب عشاء على عيونا بدل مانطلب عمياني يوسف قام معه واهو عارف قصده ابتسم له واهم طالعين مع باب الشقه : صار وجع لقلبي باسل فهم انه يتكلم عن ممدوح واهو سبق وقاله عن علاقته فيه :ماعليك منه هواصلا مخاوي مشاري ومسوي فيها الي يبكي على الصحبه الي ضاعت يوسف وقف مكانه ووقف معه باسل مستغرب وقفته يوسف حدق في باسل للحظه ثم نطق بحيره :تعتقد انها ضاعت خلاص باسل زم شفايفه ونزل نظره لاقدامه لحظه ثم رجع يناظر في عيون يوسف : على الاقل ماراح تكون بنفس عمقها السابق انت تغيرت واهو تغير تعرفت على ناس وتعرف على ناس افكاركم ...انشطتكم ...كل شي بينكم تغير وتباعد اعتقد الوصف الي يناسبكم الحين اعيال عم يوسف هز راسه بموافقه على كلام باسل وابتسم واهو يرجع يمشي من جديد ويمشي باسل معه وبمرح : دامك طلعت محلل علاقات كذا من الي يناسبه وصف صديق لي الحين باسل التفت عليه واهو يرفع ياقة جاكيته بغرور : احم ..اكيد انا وقرب من يوسف وحط يده في يد يوسف واهم باقي يمشون جنب بعض وكمل : واخوي بعد يوسف ضحك وبمزح : ههههه بدليل ابوك صار يشتمني نفسك باسل بضحك : تخسي يشتمك نفسي انا اكثر يوسف : هههههه اتحداك حتى طلع جوالك نشوف مدة مكالمته الاخيره باسل بجدال : وش قالك يوسف يتذكر : قال قم صل ياسلقه وش قاعد تسوي للحين مارحت للمسجد ماش القلب ميت ماهو يم الصلاه سرابيت كلكم مامنكم فايده باسل قاطعه : اها سرابيت ذي لنا مع بعض وكله نفس الي قاله لي يوسف فرط ضحك : هههههههههه ياخي انت مستوعب انا نتهاوش على شتايم باسل فرط معه :ههههههههههه وش نسوي طارق باشه مايعرف الا الشتم عاد انا ماعلي منك لين بدى يشتمك بديت اغار هههههههههه يوسف : والله له وحشه باسل يدف راسه بيده بمزح : انا بس الي اشتاقله يوسف بنفس المزح : عاد لازم تشاركني في راشد نفس ماشاركتك في طارق باسل :على حسب اذا نفس طارق كافي علي طارق واحد يوسف تغير صوته : ماراح تلحق تشوفه حتى تعرف نفس مين !! __________________________ لمت اخر صحون الفطور في الطوفريه وشالته طالعه من عند عمتها الي تكلمت من وراها : بروق ولاعليك امر صحي حلا بروق وقفت واستدارت تواجه عمتها : صحيتها للفطور وعيت تقول خليني انام شوي جواهر : اجل خليها غنى وين راحت بروق : تلعب في الصاله بالالعاب الي جابتهم لها الريم وقصي توه راح مع ابوه يسجل في المدرسه صحيح نسيت عمي طارق يسئل ليش مقفله جوالك جواهر : خلاص كلمني كنت مقفلته يوم نمت والحين مفتوح بروق كملت طريقها للمطبخ يوم شافت عمتها انهت كلامها .....نزلت الطوفريه في المطبخ واجلست على الطاوله تفكر ... البارح سوو عشاء رجال لطارق واعياله وال عامر جو وجابو سماية يوسف سياره فخمه من عمها راشد وقطعة ارض من جدها جابر وجواد ونادر وثائر حطو مبالغ نقديه في مهاد يوسف لمى جاهم في المجلس ....وبما انهم جو لحد عندهم بلغتهم بموافقة الريم ونادر فرحته لاتوصف ...موب نادر وبس كلهم كانو فرحانين بهالخطوبه .... كذا تقدر تطمن على الريم خاصه انها بتدخل على عائله افرادها في قمة الادب والاخلاق ...هاليومين صار الصعوبه في ان البنت تلقى عائلة ترحب فيها كوحده منهم .... صارت محاربة عائلة الزوج لزوجة ولدهم شي شائع ونفس الشي محاربة الزوجات لعائلة ازواجهم ....ومايندرى وش السبب في انتشار الحروب العائليه هل لان هذي هي الصوره النمطيه الي تسوقها الافلام والمسلسلات العربيه بشكل عام .....انا اشلي في الزواج ومشاكله الحين صار لازم اجهز نفسي واستعد لتسجيل في الجامعه ....ادارة اعمال ...التخصص ماهو بطال وممكن يفتح لها مجال العمل الحر وممكن تفكر لها في مشروع يخصها ...قطع عليها صوت غنى تكلمها : بروق التفتت عليها : ياعيون بروق وش تبين غنى : ماما تبغاك بروق قامت وامسكت غنى بيدها : يالله تعالي نروح لها ... دخلت بروق عند عمتها واهي تسمع يوسف يبكي : وش فيه يسوفاني يبكي اخذه ابدل له جواهر ارفعت راسها لبروق واهي تفك مهاد يوسف :لاخليه انا ببدله لازم اقوم واتحرك ذبحني المطيح بس ابيك تروحين لسوق تاخذين لغنى ملابس تعرفين كل يوم والبيت مليان عالم .. بروق التفتت على غنى بابتسامه : الله غنوشه بتتقضى وش رايك تروحين معي غنى فرحت وحضنت بروق واهي تصارخ : ايه ابي اروح ابي اروح بروق التفتت على عمتها : خلاص عمه اخذها جواهر شالت يوسف وانزلت من السرير اخذيها والله يعينك عليها بتدوشك بروق : ماعليك انا وياها متفاهمين صح غنى غنى اتسعت ابتسامتها :صح بسمع كلامك ولاني مزعلتك ابد ابد بروق ضحكت لها : هههه دامك واثقه كذا خلاص بتروحين الله لايعوق بشر جواهر من عند باب الغرفه بتطلع : فيه احد يوديك بروق : ايه رعد ماعنده محاضرات اليوم على الساعه عشره الصباح دخلت السوق هي وغنى ورعد راح يخلص له اشغال واذا خلصو يكلمونه اتجهت لمحلات الاطفال مباشره وبدت تتسوق شافت فستان اسود جميل استغربت اللون الاسود على طفله بس جمال الفستان اجبرها تجربه على غنى وطلع شي رايق وشيك بس باقي ماهي مستسيغه اللون الاسود لطفله بدت تفر غنى وتشوف الفستان من كل الجهات : غنوشه انتي عاجبك الفستان غنى اخذت لفه سريعه على نفسها واهي ترفع اطراف الفستان من الجنب باصابعها بطريقه استعراضيه : حلو مره بروق ارفعت صوتها للعامل في المحل : مافيه الوان ثانيه من هالفستان العامل : لا بس هالون بروق اخذته واخذت معه كم فستان غيره وحاسبت واطلعت لمحل ثاني وبدت تنقي بناطيل وبلايز لغنى وتقيس عليها اخذت مجموعة قطع والتفتت على غنى شافتها تلعب مع ولد في نفس عمرها تحركت لطاولت المحاسبه واهي تحذرها : تعالي جنبي بسرعه لاتطلعين حست بغنى تقف جنبها واهي تنزل القطع الي في يدها قدام الكاشير وارفعت شنطتها طلعت البوك افتحته وطلعت جوالها تشيك عليه شافت اشعارات رسايل افتحتها تقراها ..سمعت صوت الكاشير يطلب المبلغ واهي مازالت تحس بجسم غنى الملتصق فيها طلعت الفلوس حاسبت اخذت الكيس مدت يدها لغنى مسكتها بيدها لكنها ابتعدت عنها بسرعه وخوف التفتت عليها وانصدمت بالولد الي كان يلعب مع غنى واقف جنب امه الي كانت واقفه جنبها تنتظرها تخلص ...اشهقت برعب واهي تلفت في المحل تدور غنى ماشافت احد التفتت للولد بسرعه : وين البنت الي كانت تلعب معك تمسك في امه بقوه وطل براسه من وراها واهو يأشر باصبعه جهة الباب : طلعت ؟! رمت الاكياس الي في يدها واطلعت تركض مع الباب تلفتت يمين يسار المتسوقين مره قليلين بما ان حركة التسوق في الصباح مره ضعيفه ....مافيه الا كم حرمه وكم رجال ...ومافيه اثر لاي اطفال حولها بدت تركض في الممر واهي تنادي : غنى غنى ...ياناس ياعالم احد شاف بنت صغيره لابسه جنز وجاكيت ابيض الحريم القليلات حولها بدو يتلفتون ويطلون داخل المحلات يدورون معها بروق حست انها راح تجن غنى مره صغيره يادوب اربع سنوات ماراح تعرف تتصرف الحالها .....حست مشاعر الضياع الي رافقتها في البر بدت ترجع لها ...وبنت بانت لها من بعيد لابسه فستان احمر جرت لها خيال الجمس الاحمر الي ارعبها في البر مستوى تنفسها ارتفع وقلبها تحسه بينشلع من مكانه ..تركض وتتلفت وتصرخ بأسمها ...انحرفت مع لفه ضهرت قدامها وادخلت في سيب ثاني ممتد لمسافه طويله والمحلات متراصه على جهاته الثنتين تلفتت يمين يسار شافت اجنبي منحني على شي قدامه ماميزته اخذتها الريبه ...وركضت له توقفت جنبه ورفع راسه بخوف من الحركه الغريبه ....جنبه اكياس ورباط جزمته متعلق بين ايدينه توقف عن ربطه مع وقوفها السريع الي ازعجه ...نطقت بخوف :ماشفت بنت صغيره فز واقف وقاطعها بمجرد مافهم وش تبي اشر بيده لجهة المطاعم وتكلم بعربيه مكسره : فيه وحده مرت من هنا تركض وتشيل بنت صغيره .. انطلقت تركض جهة منطقة المطاعم من غير ماتسمع باقي كلامه واهي تنادي : غنى غنى لمحت حرمه تطلع من الحمامات شايله في يدها جاكيت ابيض وتصيح ورى حرمه طويله جثتها ضخمه لابسه عبايه كتف ونقاب مبين من ربطته على قفاها والاتشوف الاظهرها والحرمه الي تبعتها تنادي : الجاكيت لبنتك بروق توسعت عيونها برعب واهي تستوعب ان الجاكيت حق غنى والحرمه الظخمه بدت تركض بروق صاحت بكل صوتها : امسكوها خاطفه بنتي ...خاطفه بنتي امسكوها طلع على صراخها حرمه من الكوفي الي كانت واقفه قدامه اركضت وراها واهي ماسمعت الا اخطفت بنتي صارو الثلاث حريم يركضون ورى الحرمه الضخمه والي واضح انها تشيل شي بس موب مبين والحريم كلهم يصرخون باعلى صوتهم امسكوها خاطفه بنت كلها شويات وبدو الناس يتبعون الصوت ويركضون معه ومن حسن الحظ مرت من قدام مجموعة محلات فاتحه واطلعو اصحاب المحلات في وجه الحرمه مسكوها واخذو البالطو النسائي الكبير الي كان ملفوف على طفل ماهو مبين منه شي ...الرجال الي شال الطفل نزله في الارض وبعد عنه البالطو وانصدمو من شكل البنت الصغيره فمها مسكر بشريط لاصق وايدينها وارجولها مقيده بنفس الشريط بروق انخلع قلبها واهي تشوف غنى كيف مربطه بغت تروح من يدها بكت قهر واهي تخمها من ايدين الرجال وتضمها بقوه غنى كانت تبكي دموعها تصب وواضح فيها الرعب بس ماتقدر تتكلم والاتتحرك ...بروق حست بالحريم الي كانو يطاردون الحراميه معها يجلسون جنبها ويواسونها وفجاه اسمعت شهقه : انتي بروق جاسر رفعت راسها وعيونها مليانه دموع وشافت عذبه واطلقت الرعب الي سكن ضلوعها : بغت تروح مني ياخاله بغيت افقدها عذبه سحبت غنى من حضنها : بسم الله عليتس انتي وياها هاتي يامي خليني افكها بروق عطت غنى لعذبه وفزت واقفه : وين الحقيره الي خطفتها والله لتدفع الثمن الكلبه واحد من الرجال الي ماسكين الحرمه التفت على بروق : الله لايوفقها الخسيسه هالحين تجي الشرطه وتاخذها بروق طلعت جوالها ودقت على خالها ابو ريان قالت له الي صار وقالها انه بيجي وبيمسك القضيه من اولها ..... عذبه جرت بروق بيدها تعالي معي وخلي الرجال يتصرفون دامك كلمتي ابو ريان ماهي بطالعتن منها بروق اخذت غنى الي منهاره بكى من عذبه وحضنتها : بنتظر لحد ماتجي الشرطه واحد من الرجال واهو يشوف امن السوق احضرو : لاتخافين ياختى انا هنا والله ماتركها الكلبه الافي يد الشرطه واهم بيحظرون بسرعه انتي بس اخذي هالضعيفه بعيد قطع قلبها البكى بروق استسلمت ليد عذبه الي تجرها معها واهي تشوف الحرمه الاجنبيه تصارخ على الرجال بلغتها وتحاول تفك نفسها منهم لكن السكيورتي احكم قبضته على يدينها واهو ينهرها بشده ..... عذبه دخلت بروق للكوفي وماكان فيه الا كم وحده تجاوزتهم لمكتبها واهي تطلب من نوره تجيب لبروق مويه وتجهز لها ضيافه .......غنى متعلقه في رقبة بروق ورافضه تتركها من الخوف وتتنهد بقوه من كثر البكى بروق تمسح على شعرها وتقراء عليها قران .... عذبه جلست على الكرسي قدام بروق وفكت نقابها دخلت نوره وحطت علب المويه على الطاوله واطلعت عذبه فكت مويه ومدتها لبروق :خذي اشربي بروق ارفعت نظرها لعذبه واهي محتضنه غنى بقوه : خليها على الطاوله مقدر انزلها مره مرعوبه عذبه بحنيه قامت تاخذ غنى لكن غنى تمسكت ببروق اكثر واهي تخبي وجهها في رقبتها.. بروق شدت عليها ثم عدلت وضعها وجلستها في حضنها: غنوشه حبيبتي الحرمه سوت لك شي غنى زمت شفايفها تقاوم البكى ثم نطقت بشفايف مرتجفه وحروف مقطعه : ضربتني كف عشان ناديتك تقول لو تكلمتي اموتك بروق ضمتها : لاتخافين الشرطه خذوها خلاص وبيحطونها في السجن غنى ودموعها رجعت تصب :احسن عذبه قربت منها واربتت على خدها بيدها : ياحلو البنوته الحلوه اسمك مره جميل وانتي بعد جميله وش رايك اشغلك لعبه على جوالي غنى بسرعه وخوف :لا مابي بروق وعذبه ناظرو في بعض باستغراب وبروق رجعت تمسح على شعرها : ليه ماتبغين عمه تعطيك جوالها غنى بحلقت في عذبه بخوف وارجعت تناظر في بروق ....بروق تشجعها : لاتخافين هذي عمه تحبك واهي الي مسكت الحرمه الشريره عشانها تحبك وخايفه عليك غنى جرت تنهيده طويله من اعماقها وكانها بس الحين تأكدت انها في امان رجعت تناظر بروق : الحرمه الشريره شغلت لعبه على جوالها واعطتني العب ... وارجعت تبكي مره ثانيه بروق مسحت دموعها :خلاص انسي الي صار لاتبكين انتي معي وماني مخليتك تبعدين عني ابد نوره جابت قهوة وحلا لعذبه وبروق حطتها على الطاوله ثم اعتدلت واقفه واهي تاخذ الكيس الصغير الي كانت معلقته في يدها ومدته لغنى : وهذي احلا حلاوه وشبس للبنوته الحلوه بروق اخذت الكيس واهي تناظر لغنى : الله على الحلويات الجميله خذي شوفي مره حلوه غنى اخذت الكيس وامسكته في يدها من غير ماتفتحه .. عذبه : البنيه هذي منهي بنته اول مره اشوفها بروق : هذي بنت عمتي جواهر عذبه بتذكر : ايورالي اني اذكرها الله العالم اني زيد شفتها عند امك كم مره ايام جيرتنا معهم بروق : جايز هم كانو عايشين في الرياض وقبل ست سنوات نقلو لجده عذبه :هي الي امك عزمتني على عشاها قبل يومين تقول جايتكم تنفس عندكم بروق : ايه هي دق جوال بروق وكان خالها كلمته وبعد ماانهت المكالمه رفعت راسها لعذبه : انا بدق على رعد يجي ياخذني عذبه : انتظري شوي يمكن الشرطه يطلبونك بروق : لا خالي معهم وقال روحي ماعليك هو بيتصرف دق جوال عذبه وردت : هلا هزاع هزاع : البنت عندك عذبه : ايه انت مع ابو ريان هزاع : ايه البنيه وشلونها عذبه : الحمد لله طيبه وش صار على المجرمه الي عندكم هزاع : الشرطه اخذوها واخذو اقوال الشهود وحنا متابعين معهم كل شي الحين بنطلع لمركز الشرطه ....... بروق ودعت عذبه واهي ممنونه لها حيل ماهي متخيله من غيرها وش كان بيصير فيها ...اطلعت من الكوفي وتقدم لها رعد بخوف خم غنى من بين ايدينها شالها على متنه واهو يتفقد وجهها : فيك شي غنوشه يعورك شي غنى هزت راسها : لا التفت على بروق : وانتي كيفك بروق ازفرة بارتياح : الحمد لله بخير خل نمشي دمي نشف من الروعه غنى حست بالامان واهي على كتف رعد اهتفت بصوت واضح لاول مره من بعد مااستعادتها بروق من الخاطفه : فساتيني وينها رعد ضحك واهو يلتفت على بروق : ههههههه بعد ذا كله ومانسيتي الفساتين بروق ابتسمت واهي تناظر في عيون غنى : لا برافو عليك انيقه ماتنسين مقضاتك والافي اصعب الضروف امش رعد خل نروح ناخذ اغراضها من المحل الي تركتها فيه ........ وقف سيارته قدام بيتهم ونزلو منها واهم يشوفون طارق يطلع من البيت بانفعال اندفعت غنى تركض له ولمها لصدره بقوه واهو يتفقدها بيده ويوزع قبلاته على وجهها فز واقف بعد ماتطمن انها بخير وشالها على كتفه التفت مواجه لبروق وصب غضبه عليها : انتي وين عيونك يوم البنت تخطف من بين يدينك ماتشوفين مانك قد المسؤليه لاتخاذينها من اساسه ... بروق انقهرت من هجومه عليها وفي نفس الوقت مقدره كونه في مقام ابوها وتعرف مكانته عند ابوها شقد حاولت ترد بهدؤ على قد ماتقدر : عمي والله اني حريصه ع... قاطعها طارق بغضب :لاتعقبين مانك حريصه وينهو حرصك يوم تضيعين في البر والحين مضيعه البنت قاطعه رعد بعصبيه والي مارده لايرد من البدايه الامكانت طارق في نفس ابوه : بروق طول عمرها حريصه بس الحرص مايمنع القدر بروق تجاوزت طارق داخله للبيت كلامه حز في نفسها كثير بس تقديرها لابوها مقيدها عن الرد رعد نفس الشي مايبي يتطاول على طارق تقديرا لابوه تركه يصرخ بشتايم وسباب يحرق القلب ورجع يركب سيارته ويمشي طارق الي عرف السالفه من ابو ريان الي كلمه وطلب منه يجيه في قسم الشرطه علشان يرفع قضيه باسمه على الاجنبيه الي اشرعت في خطف بنته وكانت من جنسيه انعرفت بالعنف في الفتره الاخيره واكثر حاملي هذي الجنسيه يجون للبلد كخدم ... دخل للمجلس واهو مازال يسب ويشتم ثم يرفع صوته ينادي جواهر ثم يرجع يسب ويشتم جته جواهر تمشي ببطء بسب تعبها وانفجعت من الكلام الي رماه في وجهها : انتي وشلون تتركين بنتك تطلع مع بنت فاهيه ماتدري وين الله حاطها جواهر : بر.. قاطعها بغضب : اص اص مابي اسمع زود هرج بنتي ماتطلع مع احد غيرتس ولاتخلينها تغيب عن عينتس لحظه البنت انخطفت لولا ان الله سخر لها المسلمين الي مسكو الفاجره الي خطفتها والاكان ماعاد شفتيها دف غنى الي دخلت في نوبة بكاء من الهواش الي تشوفه ...دفها على امها وطلع من غير مايفكر حتى في الي فجعها بكلامه وراح ... جواهر اشهقت برعب واهي تحضن غنى وتضمها لصدرها بقوه وتسمي عليها وتحمد الله الي ردها لها .....حلا كانت واقفه على باب القاطع جت مع امها لمى سمعت صراخ ابوها وتسمرت مكانها بذهول ورعب ....وقفت تناظر في امها واهي تحضن غنى وتبوسها ....تحركت فاتحه المجال لامها عشان تدخل واهي تراقب حركتها البطئيه المتالمه لمى مرت من قدامها غنى واهي تمشي جنب امها داخله مسكتها بعضدها وقفتها واسئلتها واهي تشاهق من البكى كيف انخطفتي غنى انهمرت تحكي من بين دموعها وشهقاتها واخذو وقت يعيدون عليها ويسلونها لحد مافهمو السالفه واهي ان غنى طلعت مع باب المحل وشافتها الحرمه الاجنبيه قربت منها وافتحت جوالها على لعبه واعطته غنى الي اخذته وبدت تلعب الحرمه استغلت اندماجها في اللعب ومشتها معها واهي تقولها بعربيه مكسره تعالي نشوف بنتي قدام غنى مشت معها شوي وانتبهت تلفتت شافت انها مع الحرمه الحالها وبروق ماهي معها والمحل صار بينها وبينه مسافه كانت بترجع ركض لكن الحرمه اسرع منها سكرت فمها بيدها وشالتها واسرعت تمشي لمنطقة المطاعم قبل تدخلها غنى قدرت تعض يدها بعدت يدها عن فم غنى بوجع واهي باقي شايلتها واركضت للمدخل هنا شافها الرجال الي علم بروق عنها ولاحظ يد الحرمه سودا والبنت بيضاء وشك فيها من ركضها وبكاء البنت الي في يدها ....الحرمه دخلت حمام وسكرته عليها طلعت من شنطتها لفة شريط لاصق وسكرت فيه فم غنى ثم فصخت جاكيتها ورمته في الحمام وربطت ايديها ورجولها بالشريط الاصق ونزلت البالطو الطويل الي كانت لابسته فوق العبايه ولفت غنى داخله وطلعت شايلتها وكأنها ام منيمه طفلها وطالعه فيه ومع البرد محد راح يشك في انها مغطيته علشان لايبرد ... دخلت غرفتها واهي تحس بالم وضيقه كلام طارق اوجعها بالحيل والي زاد وجعها انه في سن ابوها ومقامه وماتقدر ترد عليه احتراما لابوها اولا ثم احتراما له هو نفسه خاصه انها تعرف ان هذا طبعه لسانه قذر والكل يعاني منه وعلى راسهم باسل نزلت عباتها ونقابها علقتهم في المشجب واهي تفكر تجلس جلستها المعتاده و تاكل تشوكلت سودا تروقها .. ....ابتسمت بسخريه على نفسهاو انفظت الفكره من راسها يوسف نسف كل طقوسها الي كانت تهديها وقت زعلها وابطل تعويذتها اتجهة لدولابها فتحت بابه بتلبس ملابس رياضيه مريحه وتنزل لصالة الرياضه ...تأملت قسم الملابس السبور وازفرة بضيق واهي تسكر الدولاب مالها نفس تبدل والالها نفس في شي راحت للحمام غسلت وجهها ونشفت واطلعت ومزاجها مازال متعكر ونفسها ضايقه ناظرت في لبسها جنز اسود وبلوزه قطن ثقيل بالون الابيض وعليها رسومات عشوائيه ملونه وفوقها جاليه اسود فرو قصير ....قررت تنزل لصالة الرياضه من غير ماتبدل طلعت من غرفتها وانزلت مع الدرج وبس طبت الصاله شافت حلا جايه تركض لها ناويه الشر وقفت قدامها بحقد ودفتها بيدها ورى بروق ثبتت نفسها وامسكت يد حلا واضغطت بابهامها في وسط معصمها بقوه .....حلا تصارخ بكراهيه لبروق ايه كرايه خلاص كرهتها من بعد موقفها مع يوسف ومقارنته بينهم : ياحقيره ماخذه اختي تضيعينها ياكلبه بروق زادت من اعتصار معصمها واهي تكلمها من بين اسنانها وشافت كيف طفرة دموع حلا من الوجع : الحقير انتي ...واختك مانك باحرص عليها مني حلا تتل يدها من يد بروق متوجعه حيل من ضغطها القوي عليها ودموعها بدت تصب غصب عنها انقهرت من نفسها ليه ماتكون قويه مثلها ليه تبكي بسرعه زادت في صراخها : وينه حرصك والبنت انخطفت وانتي مفهيه بروق اتركت معصم حلا ومسكت نحر بجامتها : انتي اخر وحده تتكلم عن الفهاوه لان مخك فاضي خلقه مافيه اي شي له قيمه او وزن ونصيحه لاتلعبين معي لانك موب قدي .. قالته ودفت حلا وراها وابتسمت لمى شافت حلى تطيح تجاوزتها لصالة الرياضه واهي كارهه نفسها من الضيقه الي تحس فيها .... حلا زاد قهرها دفت بروق ولاصار لها شي واهي طاحت من دفة بروق الها صاحت من ورى بروق بقهر : الله ياخذك بعذره يوسف يوم طلقك درباوي موب بنت (درباوي لفض يطلقونه الشباب على فئه من الشباب الدشير الي يتعمدون يظهرون بشكل معين يغلب عليه الهلهله في البس والمظهر ) بروق عصبت زياده ومارادها لاتتوطى في بطنها الاانها تعرفها ضعيفه وماهي قد الي تقوله ارجعت لها لحد ماوقفت قدامها واهي جالسه في الارض من بعد طيحتها وبعكس النار الي تشتعل في اعصابها تكلمت بهدوء ساخر : ادري انك تحبين يوسف وتموتين ويطالع فيك بس احب اعطيك معلومه واحد عاش مع بروق وعرفها مستحيل يناظر في وحده مثلك قالته واتركتها رايحه لصاله الرياضيه حلا كلام بروق طعنها في الصميم خاصه ان يوسف سبق وقاله الها حطت راسها بين رجولها وقعدت تبكي بحرقه وقهر .... جواهر منسدحه على سريرها بتعب وغنى نايمه في حظنها ...تسمع صراخ حلا على بروق ومغتاضه منها تعرف ان بروق مستحيل تتهاون بغنى او تتقصد لها الشين وتدري ان الي صار ممكن يصير وغنى معها هي يامها ......زفرة بضيق مامصبرها عن حلا لاتقوم عليها الاالوجع الي تحسه يقطع اسفل بطنها وظهرها غير خرعتها على غنى الي بغت تاخذ قلبها ......سمعت صراخ حلا يرتفع مره ثانيه اهمست لنفسها : بنت ماجد بنته انفلتو على بنيت جاسر ال جويعد والله لولا علمي انها قادرتن عليتس يابنت بطني والا والله اني مااخليتس مير كفوتس مايجيك من بروق جعلها والله تسلم __________________ تمشي وجنبها ثلاث من بنات الشله وتشوف قدامها الثلاث بنات الي امس شافتهم في الكوفي قدرت تميز ابتسامات السخريه على وجهيم من قبل لاتوصل لهم وتاكدت من الطريقه الي يتهامسن فيها انهن ناويات عليها بمجرد ماتوصل لهم وقفت فجأه : بنات لحظه ابيكم في سالفه البنات الي يمشون جنبها التفن عليها :خير فتحت عروب شنطتها بتوتر وطلعت مجموعه كبيره من المنشورات الدعائيه ومدتها قدامهم : اختي تبيني اعلن عن الكوفي حقنا بس انا مستحيه اوزعهم وحده من البنات تكلمت بسرعه واهي ترجع ورى خطوه وتأشر بيدها بتكبر :انا مستحيل اسوي شي زي كذا عروب انخطف لونها هذا الي ماكانت حاسبه حسابه انتبهت للمنشورات تنسحب من يدها التفتت جهة اليد الي سحبتها وشافت اخر وحده توقعت توقف معها بيوم لانها دايم تتمسخر على ملابسها هالبنت رغم انها مقتدره زي بنات الشله كلهم الا انها اخر وحده تهتم بالماركات تلبس اي شي يعجبها ماركه ...تقليد ...محلي ...اي شي وياما ورتهم اكسسوارات لابستها وقالت لهم بكل بساطه هذي بعشره وهذي بخمسه وهذي بريال ...هالارقام الصغيره هن مايتعاملن فيها الا داخل بقاله ...بس لحظه ياعروب لاتستعجلين يمكن ناويه تنتقم من سخريتك من ملابسها وتقوم تشرشحك قدام البنات رنيم ابتسمت في وجه عروب واهي تقسم المنشورات قسمين وتمد قسم لعروب : والله انك تبشرين بالسعد انتي واختك ....ماشاء الله ياعروب هالكوفي الفخم لكم توني قبل يومين كنت فيه يجنن واختك عذبه الله يخليها لك يارب تجنن من جد الاسم لابق لها ..هي اختك صح عروب اتسعت ابتسامتها واهي تحس بالفرج جاها : اي عذبه اختي واهي امي الي ربتني رنيم تحركت توزع المنشورات الي معها واهي تنادي بصوت نوعا ما عالي : يابنات لايفوتكم كوفي العاتي فخم فخم وقهوتهم لذيذه ومضبوطه وتراه لعروب واختها عذبه ادعمو مشروع زميلتكم يابنات عروب تشجعت وبدت توزع المجموعه الي معها بصمت البنت الي معهم اخذت من عروب كميه وبدت توزع .... البنت الي رفضت توزع معهم انحرجت خاصه بعد ماشافت كيف البنات صبو المديح على عروب لانهم فهمو ان عروب شريكة عذبه في الكوفي .... الثلاثي الحاقد فقدو كل اسلحتهم والطاوله انقلبت عليهم واهم يسمعون تعليقات البنات من حولهم : احسن شي سويته ياعروب انك اشتغلتي جنب الدراسه ..... ماني مصدقه في هالعمر وعندك مشروع خاص فيك .... ياشيخه انتي بطله عرفتي كيف تستغلين وقتك صح .... الله ياعروب طلعتي سيدة اعمال ....نبي نشوف اختك تشوقنا نشوفها من مديح رنيم لها ..... _____ خزام التفت لامه اول ماركبت معه السياره وبأستعجال خايف : يمه بروق وش فيها وش صاير عذبه باستنكار لتعلقه القوي ببروق : ترفق بعمرك تراها بنتٍ من اقصى العرب خزام بانفعال : يمه هالبنت الي من اقصى العرب ساكنه في قلبي تكفين يمه طمنيني عليها عذبه حنت عليه : مابها الى العافيه البنيه الي معها انخطفت ومسكنا الحرمه الي خطفتها عساها ماتربح والابروق ماجاها باس خزام بقلق اكل روحه : وبروق وشلونها يوم جتك مرتاعه خايفه تبكي وش مسويه عذبه بطولة بال : كلنا ارتعنا (الارتياع =الفزع )مير انها بنتن شقرديه وماسكتن نفسها خزام بدى يهدى : الحمد لله عذبه : هزاع وش قال عن روحتهم لشرطه خزام : يقول جاهم ابو البنت ورفع قضية خطف وابو ريان بنفسه شغال على القضيه بس عاد الشرطه والمحاكم شغلتهم طويله والظاهر انها مطلوبه وعليها قضايا من قبل عذبه : الله حسيبها وش تبي بالضعيفه يوم تخطفها خزام بجديه : بلاك ماتدرين هالضعيفه تدخل عليها ثروه تشوها وتشحد فيها والا بعد استخدمتها لامور اعظم عذبه : الله يحفظنا بحفظه ويرد كيدهم في نحورهم _____________ جالسه في الصاله دافنه راسها بين ركبها وتبكي في كل هوشه تنهان وتنظرب والاتقدر تاخذ حقها بيدها حتى لمى كانت في المدرسه صديقاتها يدافعون عنها ويحمونها عند اهلها ابوها وجدتها وباسل وحتى امها كل ذولا يدافعون عنها ويحمونها وعند خوالها بروق هي الي كانت تحميها وتدافع عنها مع انها واظح عليها ماتحبها بس ماتدري ليه دايم تفزع لها يمكن علشان خاطر باسل ! بس الحين بروق هي الي تهاوشت معها ....تمنت لونها قدرت عليها كان بتحس بانتصار حياتها كلها اه يالقهر عرفت وشلون تقهرها ابي افهم شي واحد وشلون تسبه وتشتمه واهي الي تطلب الطلاق منه وباقي يحبها ...وش فيها زود عني ...وش ...ودي افهم وش عاجبهم فيها لسانها طويل وعربجيه وكريهه وماتنبلع ابد ....مسحت دموعها في ذراعها وقامت راحت لامها واهي باقي مبين على وجهها البكى دخلت بعصبيه واهي تنافخ : ماما قومي نروح لبيتنا جواهر فزت جالسه على سريرها وغمضت عيونها بقوه عورتها الحركه السريعه تغاضت عن الوجع ورفعت راسها لحلا بغضب : اص اص اعقبي واخسي ياقليلة الادب اصغر اعيالك يومنك داخلتن علي تنهرني وتتأمرين فوق راسي عاني بيتك مابينك وبينه الاجدار يام بيت اخذي شغالتك وانقلعي له حلا انصدمت من هجوم امها عليها وارجعت تبكي : ماما بروق ضربتني تبين نجلس عندهم واهي ظاربتني جواهر بعصبيه : تستاهلين الضرب وازود يومنك قايمه على البنت تنابحين عليها وش حاجتك يعنني خايفتن على اختي ؟! من متى ياحلا من متى السنع والخوف على اختك ؟....اختك قدام عينك ماعمرك نشدتي عنها لو تموت بين يدينك مادبرتيها مير خلي عنك العلوم الي مالها سنع واحترمي الناس الي انتي جالستن في بيتهم دخل جاسر في هاللحظه وركضت له حلا تشكي من بروق : خالي بروق ضربتني ! ____________________ * * * | ||||||||
|
| |
|
01-02-20, 03:33 AM
| #1708 | ||||||||
| مراقبة عامة ومشرفة منتدى الروايات المنقولة
| البارت الثامن والثلاثين تنقلت بين عدد من الاجهزه الرياضيه ...ثم استقرت على سير المشي تذكرت طيحة حلا حمدة الله انها ماطاحت لمى حلا دفتها ماتقبل على نفسها مثل هالوضع عندها يقين ان قوة البدن داعم اساسي لقوة الشخصيه ....ياما انقذتها قوة جسمها من مواقف كان ممكن تكون سبب لإذلالها .....صحيح ماوصلت لمرحلة ان عضلاتها تبرز والاتبي توصل لهالمرحله ..وصحيح ماتدربت على اي نوع من انواع رياضات الدفاع عن النفس ووتمنى لونها سوت هذا الشي ...بس مجرد الصمود قدام اي شخص يتنمر عليها يعتبر انجاز ....سمعت صوت اقدام تقترب منها رفعت راسها شافته يتقدم لها جسمه رياضي قامته طويله شماغه مرتب بدقه وجهه وسيم لدرجه لاتمل العين من مراقبته عيونه واسعه ونظراته وطن ! تحب نظرات عيونه فيها هدوء وثقه وحب يشمل الجميع ....حواجبه معقوده بطريقه افسدت بشاشة وجهه ...زعلان عشان صاحبه ؟ زادت في سرعتها في الجري على السير بتوتر ...سمعت صوته يأمرها : وقفي تمرين وتعالي ابيك ..... بدت تخفف من سرعتها تدريجيا تبي شوية وقت زياده تستعد لمواجه تضن انها بتكون صعبه دام الحواجب معقوده ! جاسر اتجه للكراسي الجلد الموجوده يمين الاجهزه الرياضيه قريب من الجدار ....جلس وعينه مافارقت بروق الي جته تمشي بتعب بعد المجهود الي بذلته في التمرين ..ارتخت عليه قبلت جبينه وجلست جنبه ...التفت عليها واهو يزيد من عقدة حواجبه : انتي ضاربه حلا جاه جوابها سريع : مو بالضبط جاسر : وشلون مو بالضبط بروق ناظرت في وجهه : يعني دفيتها ماضربتها جاسر ارتفعت نبرة صوته شوي : تفرق بروق ردت ظهرها ورى تريحه على الكرسي وارفعت راسها تناظر في السقف وبصوت مسترخي : تفرق ان الضرب اهانه تصل في كل الاحوال والدف انت الي تحدد نتيجته ياتعز نفسك وتصمد ياتطيح ! رفع حاجبه على جنب لمى سكتت من غير ماتكمل : كملي والي يطيح وش وضعه تكلمت واهي تشدد على الكلمات :الي يطيح ينداس ! رد عليها بحده :بروق لازم تعرفين انه مايحقلك تدوسين احد حتى لو كان طايح الي يطيح قدامنا نمد له يدينا ونساعده انه يقوم من جديد ماندوسه بروق تبي ترجعه لاساس الموضوع : زعلان لاني دفيت حلا والا لاني كنت باتسبب في خطف بنت صديقك وبالنسبه لدوس اذا كان الي طايح يسعى لانه يطيحني ادوسه وانا طربانه بشوية شده : زعلان منها كلها حلا ضيفه عندك عيب عليك تدفينها وحتى غنى غلطتي لما اخذتيها معك والي يطرب على دوس الناس يجيله يوم وينداس بروق بجمود : لوما محاولت الخطف ماكنت قلت اني غلطت بأخذها معي والضيفه تحترم نفسها ماتجي تتهجم علي وتدفني جاسر ابتسم واهو يتذكر كلامها الاول : ويوم دفتك طحتي بروق ابتسمت لمى شافت ابتسامته وشدة ظهرها معتدله في جلستها : بنت جاسر ماتطيح بسهوله ولوحصل وطاحت تطيح الي طيحها معها اتسعت ابتسامته وربت على كتفها بحب : طيب يابنت جاسر امشي معي اعتذري لحلا بس علشانها في بيتنا بروق باستنكار : اعتذر لها واهي الي غلطانه علي ليه جاسر بمحاولة اقناع : لاني متاكد انك قويه وماتأثر فيك حلا ...وبعدين حلا ذي احترميها مثل الكبار وعامليها مثل البزران ..الفرق بينك وبينها شاسع اخذيها على قد سطحيتها بروق طغى على عيونها نظرة حزن اثرة في جاسر واقلقته مسك يدها بيدينه الثنتين يربت عليها بحنيه : وش فيك بروق صدة ماتبيه يناظر في عيونها وبجمود : ماراح اعتذر لها كرامتي ماتنزل دعاسه تحت رجول الضيوف ! جاسر في هالحظه ماتهمه لاحلا والاغيرها كل الي يبيه انه يعرف نظرة الحزن الي في عيونها وش سببها ضمها لصدره وعرف انها زعلانه من فزعته مع حلا لانها ماحضنته زي ماحضنها باس راسها الي استقر على صدره تحت دقنه وبصوت هادي حنون : ماعاش والاكان الي يدوس على كرامتك واذا على حلا كيفها موب لازم ترضى دامها مزعله برقي حياتي بروق ارخت راسها على صدر ابوها وتكلمت بهدوء وبصوت مبحوح : اناصحيح اخطيت اني انشغلت عنها عند المحاسب كان لازم اشدها في يدي قبل لااروحله ...بس اول مافقدتها بذلت جهدي ودورتها لحد مالقيتها ....انت ماتعرف وش كثر انرعبت لمى التفت والاحصلتها جنبي ركضت ادورها مثل المجنونه ومن بعيد شفت بنت لابسه ثوب احمر وكل مشاعر الضياع الي حسيت فيها في البر ارجعتلي .....ازفرت نفس حار وابوها يزيد من شدت احتضانه لها ويمسح على راسها بيده ويستمع لها بقهر من نفسه وشلون انشغل بشكاوي حلا ولاسئلها عن حالها ووش صار فيها يوم فقدت غنى ..... رجعت تكمل بألم حسيت اني انا الي ضايعه حسيت بالرعب الي صابني لمى شفت الجمس الاحمر في البر ..بس ماستسلمت لخوفي قاومت مشاعري واعطيت الاولويه للبحث عن غنى ...ركضت في كل مكان ..صرخت ...دورت....لحد ماوصلت لها واسترديتها ...قلي انت لوكانت حلا مكاني بتقدر تتجاوز مخاوفها ..بتقدر تحدد اولوياتها ...بتملك الشجاعه على انها تقدم وتبحث بنفسها ..جاسر مسك فكها بيده ورفع راسها له يناظر وجهها باسها بين عيونها ورجع يضمها لصدره : مايحصلها حلا تدخل في مقارنه معك ....بروق اذا ماخذه في خاطرك علشان قلت اعتذري لها ترا قلته شفقان عليها وادري انك قويه وماتهمك تفاهة هالبنت يحز في نفسي اني اقول عنها هالكلام لكن الصدق ان طارق فشل مع حلا ووقف تكوين شخصيتها على بنت ام عشر سنوات! بروق سحبت نفسها من حضن ابوها وواجهته : اذا ابوها فشل معها انا ابوي ناجح وسوا مني بنت ناجحه اذا انا قويه مايعني اني مااتئلم ..مايعني اني مااخاف ...مايعني اني مااحس وانقهر مثل الناس ...مايعني اني اترك كرامتي حق مشاع لضعوف يتقاطعونها بينهم وانا اتفرج عليهم بحجة اني قويه واهم ياحرام مايقدرون على مواجهتي الي ماعنده الشجاعه على مواجهتي يلم السانه ويقضب ارضه يبه انت جيت تسئل ليه ضربتي حلا ؟ ليه ماسئلت انتي خايفه ...انتي متوجعه ...احد غلط عليك ؟ جاسر انقهر من نفسه اكثر اساسا هو جاي للبيت علشان يسئلها كل هالأسئله بس حلا طلعت في وجهه وخربت كل شي تكلم بأسف حقيقي : اسف اذا انشغلت بشكاوي حلا موب علشانها اغلا منك بس لاني واثق ان بنتي قويه وقدها بروق اخذت يد ابوها بين كفوفها وباستها : يبه رجيتك دامك عارف اني قدها اذا يوم توجعت واخذت بثاري لاتاقف في وجهي لاتجبرني اعتذر لاحد لاشفت في يدي سكين ابي انتقم لنفسي حط يدك على يدي خل طعنتي تصير اقوى تكفى يايبه انا اصبر على كل شي الاجرح الكرامه مالي معه صبر فكت يده واهي تضرب على قلبها بقبضتها وتكمل بصوت موجوع :لامن ذا انجرح يايبه خلني اخذ ثاراته واداويه بمعرفتي اعترف يايبه ان في قلبي جاهليه مايبري علتي الاالثار ! كلامها هزه وخوفه عليها سحب يده من بين كفوفها ومسكها باكتافها واشتبكت نظراته بنظراتها : ابوك ماهو بطلاب ثار من وين جبتي حرقة القلب هذي ؟! فزت واقفه وطاحت كفوفه في حضنه حركت كفوفها تشرح له ونظراتها مازالت مستقره في عمق عيونه : جبتها من الي قطع من روحة غصن وازرعه بوسط صدري .....جبته من الي نقش الدم حناء بوسط كفي ؟! جاسر توسعت عيونه وذكرى قديمه تضرب في عمق ذاكرته (كانو مخيمين وقت الربيع عند حلال ابوه دخل لشبك الحلال مع ابوه وسياف بيختارون ذبيحه يتغدون عليها فجاه هج الحلال الي في الجهه الثانيه وارتفعت صرخة بروق بعد مانطحها التيس ومايدرون كيف تسللت وراهم من غير مايحسون فيها عمرها وقتها عشر سنوات سياف عصب وقام يحلف انهم يذبحون التيس الي نطح بروق وكان شاب على مشارف العشرين ..الجد ماجد بر بحلف سياف وذبح التيس ويوم ذكوه غط سياف يده في دم التيس وراح لبروق فتح كفها ومسح الدم فيها وسكر قبضتها وقالها بحده : تحني بدم التيس الي نطحك وكل من نطحك تحني بدمه !! فز واقف واهويتعزوى بغضب من الي سمعه : ابن ماجد ودامه زارعن في صدرك من روحه غصن ورا مااخذتيه وانا مخيرك بينه وبين يوسف ؟! بروق غمضت عيونها بألم للحظه ثم افتحتها وارجعت تناظر في عمق عيونه بثقه دامها اوصلت معه لحد هنا لازم تستمر لنهايه : يايبه الله يخليك افهمني انا مستحيل اتزوج سياف انت مستوعب اني ربيت على يده ...اكذب لواقول انه اخوي لا سياف اكبر من كذا اكذب لو قلت انه ابوي اكيد انه ماوصل للحد ذا ..تقدر تقول انه مثل نجم الثرياء ازعم اني ماأحتاجه وامشي في طريقي ولاتهت غصب عني اتلفت ادور عليه ... وبأنفعال مفأجي بسب الضغط الي تحس فيه : سياف استاذي الي علمني الحياه سياف المحامي الي يدافع عني وحتى الحبل الي يخنقني ويضيق الدنيا من حولي هونفسه سياف ! انا مدري وشلون يتجراء يخطبني مجرد الفكره مقرفه جاسر فهم انها تقصد ان سياف له مكانه عندها بس بعيد عن علاقة الحب والزواج اقرب ماتكون لمكانة الشخص الي يربي ولد ماهو اولده ..رغم ان سياف مارباها بالمعنى المفهوم بس تاثيره في حياتها قوي ومحد يقدر ينكره مسكها بيدها جلسها على الكرسي وجلس جنبها وبشي من الاستغراب سئلها : كأني فهمت انك خايفه اغصبك على سياف ؟ بروق زمت شفايفها وناظرت فيه : والله ينخاف منك يبه مرات تصكك حالات تفرض قرارك اشد حتى من ولد اخوك جاسر صد عنها واهو مبتسم ويحك ارقبته باصبعه السبابه : اممممم خلاص اجل اعتمدي ماني غاصبك على سياف بس ..يمكن اغصبك على غيره بروق توسعت عيونها وشهقت بخرعه : لا يبه طلبتك الاالغصيبه انااهون على اشرب السم برضاي والااني اشرب الماء الصافي على العطش بالغصب والاحتى اقدر اتحمل اعيش اختيار غيري يايبه جاسر عوره قلبه عليها واهو فعلا عارف هالخصله فيها ماترضى الابالي تقتنع فيه تكلم بلطف يطمنها : لتس مني مازوجك الا برضاك بروق ابتسمت واهي تنتهز الفرصه وتسحب يد ابوها بيمناها وتقبلها : ماهو الزواج وبس طلبتك يبه حياتي كلها ابيها من اختياري ابي لاغلطت مالوم الانفسي والانجحت احس بقيمة نفسي تكفى يبه اوعدني تخليني اختار طريقي في الحياه رجيتك يبه اوعدني جاسر تعاطف معها ومايدري هو تهور بقراره او انه انصفها دامها ماتقنع الابرايها واهو واثق من رجاحة عقلها : اوعدتس اني ماردتس عن شين يخص حياتس والااغصبتس على شين يخص حياتس بروق ارفعت نفسها تبوس راسه بفرحه : الله يطول بعمرك ويخليك لي ذخر جاسر ابتسم على فرحتها وماهو متطمن على الوعد الي قطعه على نفسه وماعاد يمديه يتراجع : ....طيب دامنا توصلنا لأتفاق وش رايك تعلميني ليه كل ماتذكرتي البر ماتذكرين الا الجمس الأحمر بروق تنهدت ونزلت نظرها في الارض واهي تلعب باصابعها : مدري يمكن لانه اكثر شي ارعبني في البر اصلا بمجرد مالمحته انتفض قلبي من الرعب ولقيت نفسي اركض للغار مثل المجنونه جاسر بأستغراب : ويوسف ماخفتي منه بروق تذكرة متى انرعبت من يوسف ووش سوى بعدها بس ماحبت تشوه صورة يوسف عند ابوها : لا ..اقصد خفت بس موب لدرجة الرعب ومن داخل نفسي حسيت انه لازم اروح معه وتخيلت انه يمكن اقعد وماعاد القى بعده احد يرجعني او يمكن يجي واحد نفس راعي الجمس جاسر تنهد بضيق من ذكرايات ذيك الفتره : حاولي تنسين الي صار في البر والحمد لله انك رجعتي لنا بخير بروق هزت راسها : الحمد لله _____________________ عاقد ايدينه على صدره بغضب يتأمل السيارات الثلاث الي اقتحمت مزرعته كشر بغيض واهويتذكر مكالمة منوخ :ترا بجيب عماتي والبنات لمزرعتك يوسعون صدورهم ويتمشون رد بغضب واهوماله اي علاقه بالعنصر النسائي في العائله : وانا ماابيهم يجون منوخ نفخ عليه بعصبيه : انا اعلمك اني باجيبهم ماشاورك ظامي : اعتقد ان المزرعه مزرعتي وانا الي اقول من يدخل ... قاطعه منوخ : انا عشر دقايق واكون عندك اذا بتطردني .. قاطعه ظامي واهو يحب منوخ واخوانه من ام منوخ اكثر من الباقين لان ام منوخ هي الي ربته : لاحاشاك من الطرد المزرعه وراعيها تحت امرك.... توسعت عيونه واهو يشوف السيارات الثلاث توقف على مسافه منه بدى يعد بنظره الي نزلن من السيارات وانصدم بالبنتين الي كشفن اوجيهن على طول وجن يركضن واهن كل شوي موقفات يتشابكن بالايادي وكل وحده منهن تحاول تعرقل الثانيه حتى ماتوصله قبلها هيفاء واهي تدف اميره اخت مزيد : ياحماره ترا انا الي اخذتكم معنا والاكان تقعدون اميره تمسك فيها وتتعداها : المهم اني جيت وبسلم على عمي قبلك هيفاء اركضت وراها وخمتها بعبايتها من ورى :وقفي ياهبله منزله غطاك ونويصر يقز اميره اشهقت بفشله هي انزلت من سيارة عمها ولانها هي وهيفاء متحديات من تسلم على ظامي قبل انزلت بحماس وفصخت نقابها على طول وكل تفكيرها في انها تسبق هيفاء انحنت بسرعه تنزل راسها تحت والبست نقابها من جديد واول ماعتدلت شافت هيفاء تسلم على ظامي ارفست برجلها في الارض بقهر وكملت تمشي واهي تحلطم : جعلك بالحازوقه الي تقرفك يانويصر انت وجزيان معك (جزاء اخو ناصر ) هيفاء سلمت على ظامي بحماس بعكس بروده هو : انا هيفاء بنت اخوك منوخ واشرت على الحريم والبنات الي جايينهم يمشون لاتشيل هم هالغنم الي انهدو عليك انا بعرفك عليهم كلهم ظامي ابتسم على كلامها غصب عنه واهو كان ناوي يسفهم ومايعطيهم وجه علشان ماعاد يجونه هيفاء ضحكت اول ماوصلت اميره : هههههه مره ثانيه لاتحدين مانك بقدي اميره تبتسم ل ظامي واهي تسلم عليه : شف بنت اخوك هذي اخبل وحده في العائله اما انا اميرتهم اميره ثم التفتت على هيفاء : تراي رحمتك يالبزر وخليتك تفوزين بمزاجي حتى ماتقلبينها مناحه بعدين .... ظامي سافهم رغم انه داخليا مستمتع بالحرب الي بينهم هيفاء قرصتها في عضدها بقوه : البزر انتي واشكالك اميره انقزت من قو القرصه : اه ياحماره عورتيني ام عايد السعتهن بالخيزرانه قبل تسلم وقامن يتحككن ..وبعكس هيصة اميره وهيفاء سلمن باقي البنات بهدؤ وحياء لانهم موب متعودات عليه تماضر كانت اخر وحده سلمت عليه انفخت صدرها واهي تأشر على الباقين :شايف ذولي كلبوهن ماعليكم منهم انا بس اختك هيفاء برجه اسحبت عليا بيدها لحد ماوقفتها جنب تماضر : ياكذابه وهذي وشي تراها اخته بعد عليا عصبت من سحبة هيفاء الها توازنت في وقفتها والتفتت عليها بقوه : وجع ياحيوانه هيفاء ولاهمها صراخها عليها اربتت على كتف عليا بكفها : الشرهه علي الي ادافع عنك ومابيها تاخذ اخوك من دونك عليا دفتها عنها بشويش ولفت يم العريش الي راحو له الحريم وانطلت كلامها واهي تمشي من غير اهتمام : كأنه همني ذا الاخو وراي قبيلة اخوان تحوم الكبد لو نتصدق فيهم ابرك اسمعت ضحكه رنانه والتفتت بقوه شافت ظامي يضحك بعد ماكان ساحب على كل كلامهم والاكأنه يسمع وهذا الي خلا عليا ماتتقبله منوخ كان جاي لهم وسمع كلام عليا وضحكة ظامي القويه ابتسم ورفع صوته لعليا الي كملت تمشي للعريش : انا من بتصدقين بي عليه هيفاء بسرعه التفتت لابوها : انت راس المال محد يقدر يخسرك ظامي اعجبه رد هيفاء بس ماعلق وعليا من مكانها ارفعت صوتها تسمعه : انت لاتصدقت ابك ردوك علي وعطوني معك صدقه ظامي ومنوخ ضحكو على كلامها وهيفاء ماعجبها كلامها عن ابوها اركضت لها تبي تنتقم منها ...عليا شافتها واركضت لعمتها ام عايد تخبت جنبها وام عايد اول ماقبلت عليها هيفاء وتلسعها بالخيزرانه هيفاء قامت تلوى وتحك فخذها من حرارة الضربه : انتي علامك زلغتي فخذي لاتحمسين واجد تراها بنت طبينتك ام عبيد (ام عليا) :حنا يالطباين متصافيات بينا وش تبين ام عايد تكلم ام بخيت : اسفهيها ماعليتس منها هيفاء بعياره : بالحيل يالمتصافيات ماتصافيتن لين جدي سحب عليتسن من بعد جدتي ام منوخ الله يرحمها ام عايد هوبت عليهابتلسعها بالخيزرانه بس هيفاء ارجعت كم خطوه ورى وماعاد تلحقها من مجلسها : تسذبين يالتسذوب جدتس اخذني بعد وفاة ام منوخ الله يرحمها عليا اقلبت على ام عايد : اخذتس علشانك تقربين لام منوخ يدور ذكراياتها فيتس (ام عايد بنت عم ام منوخ ) ام عايد : والله والنعم ببنت عمي ومشعان ماخذني يتذكربي ام منوخ لانها ماتنسى مير اخذني على حس السمعه الطيبه والفعول الي ترفع الراس .... منوخ واعياله واقفين مع ظامي بعد ماراحو الحريم والبنات اجلسن في العريش منوخ : حنا بنروح ل الحلال وبنبات هناك حنا وابو مزيد (عندهم مخيم كبير من عدت خيام عند حلالهم ) ظامي : ابوي بيروح معكم منوخ : ايه طلعتنا كلها علشانه نبيه يوسع خاطره ناصر : جزاء انت ارجع للبيت اخذ امي واعيالها وانا وابوي بنمشي من هنا (ام ناصر عندها اولاد وبنات صغار غير ناصر وجزاء والاربع بنات الكبار ) جزاء : زين اجل يالله اشوفكم على خير ظامي :مع السلامه جزاء : الله يسلمك ظامي : والعالم ذولا من بيرجعهم للبيت ناصر ضحك : هههه ذولا عاد مسؤليتك واشر على بيت ظامي الي يتوسط المزرعه ... بيباتون عندك ومتى مارجعنا نفكر .. قاطعه منوخ بمزح : ابد من عندي متنازلين عنهم خلهم عندك خاصه بنتاخيك الملسونه وعمتها (يقصد هيفاء وتماضر ) ظامي كشر : الملسونات كلهن بتجي وتلقى السنتهن مقطوعه ناصر بضحكه : ههههه جدتي ام عايد راس الملسن والمحامي حقهن ياويلك بس لوتقرب لهن منوخ : عاد عمتي ماتفك الخيزرانه من يدها ظامي حس ان يومه طويل مع هالبنات ..... سبق وصرف العمال من المزرعه بمجرد ماكلمه منوخ حمد ربه ان منوخ جايب معه ذبيحه مذبوحه جاهزه صعب يطلع ويترك كل هالحريم في المزرعه الحالهم رغم ان مزرعته مره قريبه من العمران احتار اذا ناويات يطبخن العشاء بانفسهن او المفروض هو الي يطبخ بما انهم ضيوف عنده رفع يده ناظر الساعه توها اربع العصر واهو مشغلن نفسه بالعشاء تلفت في الخضار حوله ورجع يراقب وش يصير في العريش ...الحريم جالسات ومجمعات سلال القهوه وسطهن وواضح انهم بدو يتقهوون ...البنات منتشرات يتفرجون على المزرعه ماعدا وحده لاحظ انها ماجلست ابد من اوصلو قبل نصف ساعه ولحد الحين واهي تجدل الاغراض من المكان الي العيال نزلو فيه الزهاب للمطبخ الخارجي الموجود قريب من العريش كسر خاطره منظرها خاصه ان الاغراض بعيده عن المطبخ وهذا اخذ منها وقت وجهد اكبر في نقلها ....اخذته ارجوله عندها من غير مايحس : ليش تشتغلين الحالك خلود اعتدلت في وقفتها بارتباك وخجل : البنات ضعيفات متشفقات على المزرعه والطلعه رفع حاجبه باستنكار ماهو شايف ضعيف الاهي : وانتي ماتبين المزرعه والطلعه خلود ارتاحت لعمها وحست انها تقدر تسولف معه من غير حواجز قالت برضى : الا بس لازم اول شي اخلص اشغالي هن ماقصرن من يوم ارجعن من دواماتهن واهن يدبتسن خلهن يوسعن صدورهن ضعيفات ظامي توسعت عيونه على غرابة كلامها من جدها ذي راحمتهن واهن مخلياتها تكرف الحالها ومن غير تردد التفت على كرتون مليان اغراض جمع الاكياس الي حوله حطها عليه وشاله واهي ملت ايدينها اكياس ومشت معه وكان هذا اخر الاشياء الي تخص المطبخ ....نزل الكرتون الي معه على رخامة المطبخ والتفت على خلود هالبنت اثارت فضوله اكثر من اي احد غيرها : تقدرين تروحين تتمشين في المزرعه الحين خلود ارفعت راسها له بابتسامه : لاويني وين التمشيه هالحين لازم ارتب الاغراض في المطبخ اول شي ماحب شغل البربسه ظامي عقد حواجبه بضيق وزم شفايفه لحظه يفكر ثم تحرك متجه لخلود مسكها بكفها وسحبها معه :تعالي اشوف خلود حاولت تفك نفسها منه بس ماقدرت كان اقوى منها بمراحل : عمي تكفى خلني اخلص شغلي ماحب اجلس ووراي شغلن مانجز ظامي تجاهل كلامها وسحبها وراه لحد ماطلع للمزرعه الي كانت تحفه هندسيه ممراتها حجر والاشجار والنباتات داخلها موزعه بشكل جمالي مبهر شاف البنات ملتفات حول النافوره الكبيره القريبه من مدخل بيته مشى لحد ماوقف في مكان يقدرون البنات يسمعونه منه ورفع صوته ينادي : يابنات ..يابنات تعالن البنات سمعو ظامي يناديهم انبسطو وكل اعتقادهن انه بيفرجهن على المزرعه اول الواصلات هيفاء واميره : هلا عمو ظامي ابتسم بسخريه : موب لايق فلاتتعبين نفسك انتي وهي وتسوين فيها دلوعه اميره وهيفاء ناظرو في بعض بغيض وردت اميره : ومن قال انا قلناه نتدلع حنا قلناه لانا شفناك انت دلوع عاد ولد بدو ومدلع مشكله .. اميره قالته استفزاز صريح لان ظامي مافيه والاريحة لدلع ومظهره وكلامه رجولي بحت واهي استفزته لانهم لاحضو انه مطنشهم ومايرد على سوالفهن معه ومبين انه مايبيهم يجون مزرعته قطع كلامها يد ظامي الي سحبتها بمعصمها بعنف خلاها تضرب في جسمه وانرعبت واهي تشوف كيف عصب : اجل لاتخليني اطلع هالدلع عليتس وامشي انتي وياها رتبو اغراضكم داخل المطبخ والاتهون مفارشكم والحفكم ترتبونها داخل المجلس الي مفروش بمخاد واذا فيكن خير ارجع واشوف فوظى في اي مكان قاله ونفض معصم اميره من يده ورفع راسه شمل البنات بنظره حاره : تحركن اشوف بسرعه البنات تنكدن وازعلن من منافخ ظامي عليهن بس ماقدرن يخالفن كلامه وراحن يرتبن زي ماطلب منهن خلود خافت منه وكانت بتروح مع البنات بس ظامي مسكها بيدها وسحبها معه : انتي اخذتي حقك من الشغل جاء دورهن خلود وقلبها مكسور على البنات ودها لوانه تركهن ينبسطن واهي تخلص الشغل كله ماعندها مشكله هي خلاص تعودت على الشغل وتحبه وذولي ضعيفات ماهن متعودات على العنى صح يشتغلن في البيت وكل وحده عليها دور تقوم فيه بس هن يدرسن ويتعبن في المدرسه حرام مساكين كان خلاهن يوسعن صدورهن ...حست بضيقه يوم شافتهن تنكدن وتمنت انه ماجاء وساعدها خرب كل شي ونكد على الجميع ....ظامي جرها جنبه وهو يسولف عليها بس لاحظ انها انطرمت فجأه وماعاد ردت على كلامه التفت لها شافها سرحانه ووجهها حزين استغرب : انتي وش فيتس ليه ساكته كذا وسرحانه خلود التفتت يم المطبخ وارجعت تناظر فيه ثم ارفعت راسها لسماء وارجعت تناظره : عصر الشتاء قصير بتغيب الشمس والبنات ماشافن المزرعه زين كان خليتني اخلص الشغل قاطعها ظامي بغيض : وانتي ماتبغين تشوفين المزرعه هزت كتفها بعدم مبالاه : عادي انا ماني بورعه ان شفت المزرعه زين وان ماشفتها ماهيب اكبر همي ظامي انقهر من تفكيرها تكلم بغضب : يعني هن الي وراعين وبعدين انتي من الي لاعب عليتس ومفهمك انك عجوز ام ثمانين سنه وبقهر اكبر ..تدرين وشلون بالطقاق .. خلود توسعت عيونها متعجبه من عصبيته الي في نظرها مالها اي داعي وهمست لنفسها : ياحافظ ياعقايل الله وش فيه ذا ماغير يمشي ويقول ياشر اشتر راقبته وين بيروح شافته مر من قدام العريش وتعداه شكله بيروح لبيته ...وقف ورجع للعريش الظاهر ان جداتي نادنه عندهن التفتت تدور بعينها في المزرعه شافت اكثر المزرعه جايه من ورى المطبخ يعني تقدر تروح تكمل الشغل هي وتهرب البنات من الباب الي يفتح على الجهه الثانيه من غير مايشوفهن عمها ...راحت للبنات وممداها تدخل عندهن الاوهن يسكرن الدروج والثلاجه مخلصات كل الشغل الي ماخذ معهن والاعشر دقايق لانهن كثير اربع بنات تكفلن بترتيب المطبخ وثلاث راحن يرتبن المفارش والشناط الصغيره داخل البيت تلفتت في المطبخ شافته مرتب من احسن مايكون والبنات بدن يطلعن مستعجلات وتسمعهن يقولن بيشوفن البنات الي داخل اذا باقي عندهن شي ماخلص يساعدنهن علشان يخلصن بسرعه ابتسمت براحه المطبخ الحاله كان يحتاج منها شغل لبعد صلاة المغرب لو سوته لحالها ....طلعت من المطبخ متجهه للعريش بتجلس مع جداتها تسولف معهن ماتستهويها جلسات البنات وقليل تستانس بالقعده معهن وهي اساسا تصنف نفسها من فئة الحريم وتستنكر تصرفات البنات من مزح مبالغ فيه وركض ولعب وتعتبر هالتصرفات من قل السنع والعقل ! ___________________ جالسه على كرسي جلد ثابت وتربت بالقلم على سطح طاوله مكتبيه خفيفه من النوع الي يستخدم غالبا لدراسه واهي في قمة غيظها عينها من ربع ساعه مافارقت ممدوح الي احتل مكتبها بكل وقاحه وتشوفه جالس يطقطق على لاب توبه ومتجاهلهاماكان عندها نيه تعطيه مكتبها لكنه بكل وساعة وجه شال اغراضها حطها على المكتب الصغير الي جابوه له لانه مازال تحت التجربه واذا ثبتوه بيطلعونه من عندهن ويحطون له مكتب الحاله شهقت وفزت معتدله في جلستها لمى شافته رفع راسه لها وعلى وجهه ابتسامه عريضه وحرك ياقة جاكيته بغرور : اتوقع الحين تقدرين ترسميني بدقة تسعه وتسعين في المئه وتتكحلين بشوفتي ك.... قطع كلامه شهقتها العاليه واهي تفز واقفه وتجي قدامه مباشره وتنحني تضرب مكتبه بقبضت يدها بغضب : انت واحد وقح وحقير وشايف نفسك ترا كنت ادعي عليك لانك استوليت على مكتبي من غير وجه حق ممدوح ضحك بتسليه : هههههه ومايصير تدعين علي من غير ماتاكلين وجهي بعيونك ندى عتدلت في وقفتها في ارتداده سريعه للخلف واهي مصدومه من الي قاله تلفتت بسرعه تشوف ردت فعل زميلاتها شافت الكل يناظر فيها اما باحتقار اوبغضب ارجعت تناظر في ممدوح وبهمس : واطي وقذر واستدارت طالعه من المكتب بسرعه ودموعها ماليه عينها ...ممدوح شتم نفسه على الحاله الي وصلها لها وقام بيلحقها يعتذر لها بس تراجع في اخر لحظه طلعته وراها بتزيد الامر سوء اسماء خبطت مكتبها بقوه خلت الجميع يلتفتون عليها ووقفت موجهه كلامها لممدوح بغضب : اتوقع اقل شي تسويه بعد وقاحتك هذي انك ترجع للبنت مكتبها ولحد هنا وكفايه ممدوح التفت على اسماء بابتسامه واسعه وراح لحد ماوقف قدامها :انتي كلامك اوامر ابشري برده لها اسماء انحرجت من كلامه اجلست تشغل نفسها بائي شي قدامها : مايامر عليك ظالم ممدوح اتسعت ابتسامته لف راجع من عندها بغرور لمح صمود تاخذ شي من مكتبها وتطلع بهدوء ..طلع زقاره وبدى يدخن واهو راجع لمكتبه لمياء رفعت راسها بسرعه بعد ماكانت مركزه في الاب توب الي قدامها وبصرخه : اطلع دخن برا اصلن التدخين ممنوع في الشركه ممدوح هذا هو الي يبيه طلع بسرعه للممر وبدى يتلفت يدور صمود وين راحت ماشافها تحرك جهة ممر جانبي ماشافها رجع وقف على الجدار المقابل لقسم التصميم حتى يشوف باب دورات المياه بوضوح واهو يمثل انشغاله بالتدخين ..فجأه شاف ندى تطلع من دورات المياه شافته وصدت عنه بسرعه والضيق مبين عليها .... تضايق من نفسه ماكان المفروض يستفزها الاولى انه يكسب ثقت الموظفات بدل لاينفرهن منه ... راقبها لحد مادخلت المكتب ورفع راسه لجهة الممر وشاف صمود جت من الممر الجانبي وموب مبين عليها شي عطته نظره طويله ودخلت القسم ؟!! ممدوح شك في صمود تحرك يتمشى واهو يدخن يبي يشوف في الممر احد ...دخل مع نفس الممر الي جت منه وكان في هالممر مكاتب المراقبين ومهمتهم مراقبة سير العمل في معمل الخياطه والمخازن ومايدري ايش كمان يخظع لراقبتهم ...نفس هالممر يودي لممر ثاني فيه استراحه صغيره للموظفين ومصعدين ودرج ...تلفت ممدوح ماشاف احد حوله طفى زقارته وراح يرميها في سلة المهملات ... والشكوك بدت تاكله رجع للمكتب شاف ندى راجعه لمكتبها وناقله لاب توبه واغراضه على المكتب الصغير راح جلس عليه من غير اهتمام واهو يطلع جواله ويرسل على القروب كل الي صار ____________________ يتجول بين جدران الارفف الحديديه الضخمه وعينه تتفحص السقف بدقه يدور كاميراة المراقبه بيتاكد وش سبب ان الجهه الخلفيه من المخزن خارج تغطية نظام المراقبه ...سمع صوت خطوات قريبه واعتدل قدام احد الرفوف بحركه سريعه وبدى ينفظ الغباربالمنفظه الي في يده يزعم الانشغال طلع في وجهه واحد من العمال وتكلم بخشونه : حرش ايش تسوي هنا باسل التفت عليه بعصبيه يكره ان احد يحرف في اسمه حتى لوكان اسم مستعار : اسمي حترش حترش غبي انت ماتفهم وزي مانت شايف قاعد انظف القرف ذا ودامك جيت خذ نظف انت العامل خاف من صراخه : انت نظف المدير قال لك انت باسل نفخ عليه بغيض : اجل انقلع من قدامي ملاحظ ان العمال يكرهونه ويناظرونه بشر وكل كلامهم قدامه بلغتهم ...اليوم ماكان عندهم شغل ومانزلو من سكنهم الا لحظات قصيره ويرجعون يصعدون غير انهم مايتركونه الحاله وعيونهم دايم عليه وبصعوبه لقى هالفرصه يفتش المدير ارسله ينظف ونادى كم عامل عنده مايدري وش قصتهم مجتمعين مافيه فايده من التنصت عليهم دامهم مايتكلمون الابلغتهم ... العامل راح وباسل تأكد ان ماحوله احد ورجع يتفحص السقف واهو يمشي ورافع راسه صدم في شي وسوى قربعه نزل راسه بسرعه يشوف وش صدم فيه وشهق بفرحه لمى شاف سلم معدني اخذ السلم وحطه تحت المكان الي يتوقع انه مكان مناسب لكاميراة المراقبه صعد على السلم لحد ماصار قريب من السقف وبدى يتفحصه واهو يحمد ربه ان رفوف المخزن مرتبه كجدران ممتده لسقف ومنظمه في صفوف بحيث يكون بينها ممرات يصل اتساعها لمترين هالجدران التنظيميه طولها تقريبا ثلاثه امتار تنتهي بممر طوله مترين ثم يبدى جدار الارفف الي بعده على نفس الخط وتستمر على نفس الترتيب بحيث ان المخزن مقسم بممرات بطول والعرض تشبه الفراغات بين الاحرف على لوحة الكيبورد ...وبهاالترتيب صعب على الي في بدايه المخزن انهم يشوفون الي في اخره الا ذا ناظرو من نفس الممر الي هو واقف فيه والي بطبيعة الحال بيكون ممتد من بداية المخزن لنهايته بعد فتره قصيره من استخدامه ل السلم وصل للي يبي سمع صوت مدير المخزن يناديه بصوت عالي نزل من السلم بسرعه واهو مازال مصدوم راح للمدير في بداية المخزن وانصدم بالي واقف عنده المدير اول ماشاف باسل اشر للشخص الي واقف جنبه عليه : هذا حرش الي واقف جنبه صحح معلومته : هذا الاستاذ باسل المدير باسل شد طوله ووقف قدامهم بشموخ وكأنه استعاد منصبه بمجرد مااشر عليه موظف لجنة المراقبه ولان عمل هالموظف له صله بالمخازن مايقدر يحدد اذا وجوده في المخازن الحين شي طبيعي او لاسباب مجهوله مدير المخزن رجع ياشر لباسل وياكد على كلامه خاصه ان باسل ماتكلم : هذا حرش عامل هنا باسل سحب القبوع الصوف الي كان مغطي فيه شعره ورماه على مدير المخزن بسخريه واهو يزرع اصابعه في شعره الرمادي يرتبه وتكلم بحده : دامك عرفت من انا اسمعني عدل انا اشتغلت هنا عقاب من بوي على شغله بيني وبينه والحين ابوي مسافر .. ومد يده مسك مدير المخزن بنحر بلوزته بخشونه وعصبيه وسحبه يمه : اذا كلمك وسئلك عني تقوله اني اشتغل هنا لحد الحين واسوي كل الي تقوله ياويلك لو سئل عني وقلت اني ماعاد اجي نفض يده من مدير المخزن والتفت على موظف المراقبه وباقي العمال وصرخ عليهم : اسمع في الشركه او في اي مكان اني اشتغلت في المخزن افصلكم كلكم من دون نقاش ومن غير مااسئل من الي تكلم مفهوم العمال انرعبو يوم عرفو انه ولد المدير خاصه انهم ماخلو شي ماسووه علشان يتخلصون منه اكدو له انهم ماراح يتكلمون باسل رجع يناظر المراقب بغرور : راح اكون سعيد لولقيت سبب يخليني افصلك من شغلك بعد ماجيت وشفتني بنفسك وانا اشتغل في المخزن وعرفت ان ابوي يعاقبني المراقب مااستغرب ابد ان طارق يعاقب اولده مثل هالعقاب لان الكل يعرف انه شخص عصبي وحازم في شغله : طال عمرك انا ماشفت والاعرفت شي باسل هز راسه وابتسم بسخريه : من مصلحتك انك ماشفت والاسمعت قاله وتجاوزهم طالع من المخزن بيروح يغير ملابسه ويداوم في الاداره واهو تعمد يقول لهم عن عقاب ابوه ويشدد عليهم انهم مايعلمون احد حتى مايكون عندهم شك ان له اي هدف من وجوده في المخازن ..مايدري اذا هالمراقب له اي صله مشبوهه بالعمال ...احتمال يكون تواجده عندهم طبيعي ..بس مايمنع يخلي عينه عليه او بالاصح على كل المراقبين مستحيل تتم سرقه منظمه داخل الشركه من غير تعاون من المراقبين او واحد منهم على الاقل بس المشكله اي تغيير مفاجيئ في عملهم او اضافة شخص جديد لهم راح يكون اشاره واضحه لشكهم فيهم واهو مايبي احد ينتبه انه يعرف شي حتى مايفلت احد من الخونه _________________________ ابتسم على سوالف عماته ...من سنين طويله ماجلس معهن ومع انه يلقى صعوبه في الاندماج مع اي شخص ينتمي لعائلته بعكس كل الناس الباقين والي يعتبرونه كشخص اجتماعي سريع الاندماج مع الغرب ...الا ان جلسة عماته وسوالفهن ادخلت شي من الانبساط لنفسه مد فنجاله لخلود الي تصب القهوه وتفاجأ بعمته ام عايد تاخذ الفنجان من يده وتنزله في الارض : قم مشني في مزرعتك مانك شايب تكرع في القهوه النهار كله ابتسم ظامي على كلام عمته وقام يلبي رغبتها : ليه مايكرع القهوه الاالشياب ام عايد قامت تمشي جنبه وماسمعو ردها الي جالسين على الفرشه عليا التفت على امها وعماتها : ظامي ليه قاعد في المزرعه لحاله الجدات ناظرو في بعض وام عبيد استوت في جلستها ونزلت الفنجال من يدها على الفرشه :مالتس في بعض الهرج لزوم عليا اعرفت ان امها ماهيب معلمتها انقزت جنب عمتها ام ابخيت وحبت راسها :طلبتك ياعميمه انك تعلميني بقصته وليه مايجينا غير في السنه حسنه ام بخيت ارفعت نظرها لام حميد وام عبيد كأنها تشاورهن ومن نظراتهن لها افهمت انهن يشجعنها على الكلام اخذت فنجانها من الارض ارشفته دفعه وحده وبدت تحكي : ام ظامي بنت عم مشعان وابطت ماتزوجت يجونها خطاب وتعيي يوم خطبها مشعان غصبها عليه ابوها وفي يوم من الايام جلست انا وعمتك (اخت مشعان ) فضه نسولف ننتقل للمشهد من ذاكرت ام بخيت (صبت فنجان القهوه ومدته لفضه : غرسه وش علمها كل ماشافت مشعان داخل اخذت ثوبها بشليله وتناوشت المواعين تجدل وتغسل ابك يافلانه والله اني دايرتن الفكر من سواتها امس اندعست علي في المطبخ وانا اسوي قهوتي وارهجت على المواعين النظيفه جمعتها على جال المغسله وقامت تفرك فيها بالماء والصابون فضه اشربت فنجانها ومدته لام بخيت تصب لها واحدن ثاني : علمها عندي وانا اختس غرسه من ضاري واهي مهتويتن ظامي واهوه مهتويها وزيد قالي الله يرحمه علميها اني بخطبها وانا خويبرتها مهتويته مير سكت ماعلمته قلت هابشر بعلمها وارد علاك مير ويصير ماصار ويذبح ظامي الله يرحمه وتحترم الرياجيل من بعده (امتنعت عن الزواج ) لين غصبها عمي على مشعان ..انقطع كلامها من اليد الي اسحبتها واقفه واصفقتها كف ..فضه وام بخيت ارتاعن من دخلت مشعان عليهن وواضح انه سمع كل شي صرخ في وجهها : ورا ماعلمتيني ان اخوي مهتويها ويباها يالفاجره خليتيني اخون اخوي واخذ امرته وقام يضرب فضه من غير شعور واهو يحس نفسه خاين وخسيس خان ظامي واخذ حبيبته ومن ساعته طلق غرسه فضه صاحت : لاتطلق لاتطلق حامل غرسه حامل مشعان دارت فيه الدنيا يوم عرف انها حامل : اجل تلزم بيتها وتستتر عني لاعاد تشوفها عيني والاجاء الي في بطنها كانه ولد اسمه ظامي وكانه بنت بكيفها تسميها على ماتبى ولالها طلعه من هالبيت ان ارجعت لعمي اخاف يجوزها مرتن ثانيه فضه من بين دموعها :خلها على ذمتك ياخوي علشان عمي مايخذها هز راسه بأيه وطلع ووجهه اسود من الغبينه والهم مرت فترت حمل غرسه واهي معزوله عن مشعان ماعاد شافها من بعد هاك الساعه لين ماتت واهي تتولد بظامي ظامي اخذه مشعان وعطاه ام منوخ تربيه ويوم بعد يوم وسنه بعد سنه كبر ظامي وطلع اسم على مسمى نسخه مكرره من عمه ظامي وهاالشبه المتطابق مع ظامي العم وصل لاقصاه لمى دخل ظامي الثانويه ونبت شعر وجهه وهنا صار مشعان ينفر منه ويحس بضيقه لاشافه ومرات يبكي ويقعد يرثي ظامي بقصايد رثاء موجعه ويوم خلص ظامي اولى ثانوي كتب له مشعان المزرعه باسمه وطلب منه يعتزله لأنه ماعادله قدره على شوفة ظامي قدامه واهو ماخذ الثار والابردة حرقة قلبه وشوي شوي حكم عليه مايدخل مجلسه الايوم الجمعه يحضر اجتماع اهله وفي هلال رمضان والاعياد ولاجاه يتلثم حتى مايشوف وجهن مأخذ بثاره وحتى مايشوف خيانته لاخوه في وجه ظامي واعتبر ان الشبه الي بين اخوه وولده عقاب له على خيانته ل ظامي واخذه لحبيبته ونسي انه هو وظامي يتشابهون وولده شبيهه ) __________________ بعد اسبوع دخل مع جاسر لمجلسه واهو ينادي بعلو صوته : بروق يابروق جاسر ارسل لبروق تعالي للمجلس طارق يبيك كلها دقايق وادخلت بروق للمجلس لابسه عباتها ونقابها : السلام عليكم :وعليكم السلام بروق برسميه بغيت شي يابو باسل طارق كشر بغيض اول مره احد من عيال جاسر يناديه ابو باسل دايم ينادونه عمي تكلم بحده واهو ياشر على صدره : تقولينه الي انا بروق بنفس الرسميه : ولدك اسمه باسل والا طارق عقد حواجبه بغضب : انتي خابرتن ولدي باسل مير انا عمتس بروق : عمامي ال ماجد وانت من ال جويعد طارق التفت على جاسر بغضب : انت توحي بنتك وش تقول جاسر رفع يدينه في وضع الاستسلام واهو يتذكر جلسته مع بروق : انا لاتدخلني بينكم منك الها طارق جز على اسنانه بغيض ورجع يلتفت على بروق : خلي الهرجه هذي نتفاهم عليها بعدين تعالي سنعي البيت قدام الناس يجون بروق بجمود : اسنعي لبيت ابوي وفيه والي غيره ماني ملزومتن به طارق توسعت عيونه من الي يسمعه بعمر بروق ماتكلمت معه كذا رد باستنكار : مانتس جايتن لالتمايم بروق ابتسمت وبانت ابتسامتها في عيونها من فتحة النقاب : لا اكيد ابجي ابشوف سنع بنت طارق عند ضيوفها هي تقوم بالحمل والاتبرك دونه ________________ * * * | ||||||||
|
| |
|
01-02-20, 03:38 AM
| #1709 | ||||||||
| مراقبة عامة ومشرفة منتدى الروايات المنقولة
| البارت التاسع والثلاثين طارق توسعت عيونه من الي يسمعه بعمر بروق ماتكلمت معه كذا رد باستنكار : مانتس جايتن لالتمايم بروق ابتسمت وبانت ابتسامتها في عيونها من فتحة النقاب : لا اكيد ابجي ابشوف سنع بنت طارق عند ضيوفها هي تقوم بالحمل والاتبرك دونه طارق عرف انها زعلانه منه يوم انفلت عليها يسبها ويشتمها بس ذاك اليوم بعذره وش تبيه يقول وبنته مخطوفه من بين ايدينها رد عليها بتحدي : بنت طارق شيخه محفوله مكفوله بروق بنفس نبرة التحدي : الله يقويك مشيخها بريالك مانا بخدم عند الشيخات طارق التفت على جاسر بغضب : انت تسمع ياجاسر والاماغير تقلب راسك كذيا جاسر ببرود : اسمع ياطارق طقيت الباب وجاك الجواب ....قلتلها هاك اليوم لين صفى راسك ومارديتك عنها واليوم ماردها عنك دون نفسها طارق التفت على بروق بغضب خاصه انه حس ان صديق عمره زعل عليه بسببها : تبشر بعزها بنت طارق طول عمرها شيخه عليتس وعلى غيرك جاسر تغير وجهه والتفت على طارق بحده وكان بيرد عليه لكن بروق اسبقته : ما للبزر مشيخه لاعلى الناس والاحتى على نفسه طارق رفع يده بعصبيه وغضب ونزل فيها بكل قوته مصوبها على خد بروق واهو يعتبر مرادد وحده في عمر بنته له اهانه وتقليل من قدره لكن جاسر اعترض يده ومسكها وفي نفس الوقت التفت على بروق بغضب من كلام طارق : بروق ادخلي داخل بروق دخلت واهي تفور من كلام طارق ومحاولته لضربها طول عمرها تقدره وتحترمه وتحطه بنفس مقام ابوها واليوم جاي يهينها علشان بنته بدل مايعتذر عن شتايمه الي صبها على راسها الاسبوع الي راح ... جاسر التفت على طارق بعد ماطلعت بروق وبحده : الابروق ياطارق مااسمحلك تهينها سكت عنك الاسبوع الي راح احتراما للاخوه الي بينا بس الظاهر مالها قدر عندك .. طارق صاح بغضب : الاسبوع الي راح بنتك مضيعه بنتي وش تبيني اسوي مثلا احب راسها قاله وطلع من بيت جاسر معصب واهو يحلف انه ليوري الكل منهي بنت طارق ! بروق دخلت داخل البيت واعصابها شابه حريقه من القهر الي تحس فيه طارق ماهو حاسب لاحد حساب وكل ماله يتجراء عليهم اكثر .....انزعت نقابها وارمته على كنب الصاله وفكت طرحتها ونزلت عباتها بسرعه واهي تحلطم رمتهم على الكنب وراحت للمطبخ تبي تشرب ماء كود تهدي من نفسها شوي ...دخلت المطبخ وصبت لنفسها مويه وجلست على كرسي طاولت المطبخ تشربه بشويش وتفكر في الي صار ...انتبهت على صوت امها :بروق صاير شي ابوك جاني معصب يقول روحي شوفي بروق واجلسي معها وطلع من البيت وحاله مايسر .. بروق تنهدت بضيق ونزلت الكوب على الطاوله والتفتت لأمها الي اسحبت الكرسي الي عن يمينها وجلست عليه : عمي طارق كان هنا يبيني اشرف على تجهيزات التمايم ....وحكت لها التفاصيل .. ام مشاري بغيض : لا هالطارق تجاوز حدوده بزياده بس بعذره دام ابوك متحمل غثاه ويسلك له بروق : يمه الانسان لمى يختار صديق واحد للعمر كله يحاول قد مايقدر انه يحافظ على مكانته في عين هالصديق لأنها لو طاحت مره ماراح ترجع بالمره بس عمي مدري وش فيه وكنه مرخص ابوي ام مشاري بعصبيه : طارق غرته سعة بال ابوك يحسب انه مايقدر يستغني عنه بروق بتحليل : عمي طارق يحب ابوي ومتمسك فيه هذا شي اكيد بس يعتبر طولة السانه شر لابد منه ويفترض ان ابوي دامه عارف انه مايقصد الكلام الي يقوله وقت عصبيته خلاص مافيه داعي يبرر او يعتذر ويعتبر انه مجرد كلام انقال وانتهى في وقته ام مشاري : الكلام اول اسباب هدم العلاقات وابوك شكله وصل حده واذا طارق ماعدل اسلوبه معه اتوقع تنتهي صداقتهم خلال سنتين ثلاث اذا حطينا في الاعتبار ان جاسر خاطره وسيع بزياده بروق : لو حصل وانتهت صداقتهم ابوي ماراح يتأثر كثير لانه انسان محبوب والف من يتمنى صداقته ام مشاري تغير الموضوع : بتروحين معي ل التمايم والامع الريم لديما بروق : كنت ناويه اروح ل التمايم بس بعد الي صار هونت بروح مع الريم ام مشاري : احسن ماله داعي تروحين لهم في بيتهم وتغثين نفسك ويمكن البزره حلا ترمي عليك كلمه والاشي وجواهر ماهي في عازة مشاكل بين بنت اخوها وبنتها بروق : مشاري عرف عن خطبة نادر ل الريم ام مشاري : لا موب انتي صاكه روسنا تكتمو على الموضوع ولاحد يدري ....حتى ابوك انتقلت له عدوى التكتم ويقول نادر رجال كفو والاابي الريم تخسره بروق : الله يتمم لهم على خير هانت بكره ملكتهم ام مشاري تقاطعها : انتي متوقعه ان احد من اعيال عمامك يبي الريم بروق بصدق : مدري عن سالفة احد منهم يبيها او لا بس متأكده انهم بيعترضون على نادر علشانه من ال عامر واهم للحين مقهورين من الكلام الي جاهم عن يوسف ومعتبرين ان اهله خادعينهم عندك سيف وراكان ذولا ممكن يفركشون السالفه ام مشاري : لو قايله سياف ممكن اصدق لان كلمته مسموعه عند الكل بس سيف وراكان مافي يدينهم شي وابوك موب معطيهم وجه بروق : مايعطيهم وجه بس ابوانهم يعطيهم كل شي ام مشاري : الله يستر بستره ويتمم ل الريم على خير جاهم صوت الريم يقطع عليهم سوالفهم : يمه انتي متأكده ان مرة خالي بتروح للعرس الي هم معزومين عليه ام مشاري التفتت ل الريم : ايه كلهم بيروحون ماغير البنات بيجتمعن عند ديما ليه الريم تلعب باصابعها بحياء : يمه اخاف اقابل ام ريان مستحيه منها بروق ارفعت حاجبها باستنكار : التمايم وقلتي استحي اروح لها وال عامر بيحضرون بس حريم خوالي وش دخلهم في السالفه تستحين منهم اصلا محد منهم يعرف انك مخطوبه الريم زاد احراجها : ادري بس اء ...مدري وشلون اشرح لك احس كل الناس يناظرون فيني ويقولون شوفو هذي ملكتها بكره واهي مقضيتها عزايم ام مشاري اتسعت ابتسامتها : عادي ملكه ترا مافيها شي اصلا العقد بينكتب الصباح وفي الليل بنسوي حفلة صغنونه ويجي رجلك يشوفك ويلبسك الشبكه وخوالك وخالاتك بيجون واكيد كل عمامك يعني مصيرك تشوفينهم الريم نزلت راسها بحياء واهي مبتسمه وبروق تفرج عليها وتعلق بضحك :ههههه نادر بيطير عقله بس يشوف ذا الابتسامه والحياء الي مقطع بعضه ... ام مشاري تهز راسها بعدم رضاء : انتم يبيلكم تدمجون شخصياتكم مع بعض عشان تطلعون بشخصيه اكثر توازن الريم وبروق صرخو في نفس الوقت : لا بروق : انا عاجبتني نفسي كذا مابي اخذ من احد شي الريم تكشر في وجه بروق : والاحتى انا ابي اخذ منك شي بتسوين خلل في هرمونات انوثتي ! ________________________ طارق اخذ الموضوع تحدي ارسل على قروب اخوانه وخواته يسئلهم عن منسقين الحفلات في الرياض وحمد ربه انه سبق وجهز امور الضيافه كامله يعني يقدر يركز على التنظيم والخدمه وانهالت عليه الارقام في لحظه ...ماضيع وقت وبدى يجري اتصالاته وكان العائق الاول الوقت شركات التنسيق ماتقبل الخدمه الفوريه لان شغلهم يحتاج تخطيط وجهد ووقت وهذا خلا كل مكاتب التنسيق الي اتصل فيهم يرفضون طلبه بمجرد مايعرفون ان مناسبته اليوم ...بعد جهد قدر يقنع وحده من الشركات تنظم له تمايم اولده لكن بسعر مضاعف لعدة مرات طارق ماهتم بالتكاليف المهم عنده يفوز بالتحدي ويوري الكل منهي بنت طارق ! انهى الاتصال واهو يطالع في ساعته وحده بعد الظهر معقوله بيكفي الوقت للي ابي ! ______________________ اطلعت من غرفتها واهي حدها مرتبكه ..نقطة ارتكاز الثقه الوحيده في نفسها حطمها يوسف ...كانت متشبعه بالمديح لشكلها واناقتها لدرجة انها ماعاد تتأثر بهالمديح وتيبست روحها عطش لمديح من نوع ثاني ! مديح الشخصيه والثناء على الذات والانبهار بالشيئ الي تسويه ...بس اهي موقاعده تسوي شي اساسا علشان الناس ينبهرون بالي تسويه ....الا كانت تدرس وتنجح !...نجاح بالدف ويقعدون يعايرونها بالي حولها ....طيب والشغل في الشركه ؟!......ماكانت تشتغل تكذب على نفسها والاايش .....حتى ولو اهي ماهي سيئه وكل شي فيها جميل ....وين هالجمال ليه ماشافه يوسف ؟! حست بغصه تعترض في حلقها ودمعه غافلتها وطاحت من عينها ....ارفعت يدها بآليه وامسحت دمعتها واهي تشهق بنفس حار مشت ل الدرج واهي تشوف فخامة التنسياقات والجمال المتفرد في تصميم زينة البيت وترتيباته ابتسمت بفرح واهي تناظر في فستانها الانيق بقصته الفرنسيه الواسعه ...شعرها القصير ستريت الميك اب الي ابدعت فيه الميك اب ارتيست معطيها شكل انثوي ساحر خاصه مع وجهها البيبي فيس برز جمالها بنعومه وانوثه رقيقه وهاديه والشكل النهائي لطلتها مبهر لولا انخماد بريق الثقه داخلها ...تتخطى نازله مع الدرج ويدها في حركه مستمره مابين تعديل شعرها وتلمس وجهها ومن ثمى رفع جوانب فستانها في حركه قلقه غير منقطعه يحركها انعدام الثقه تحس بذاتها نسيج متهالك من حلوى شعر البنات هشه رقيقه سريعة التلف ! استقبلنها عماتها الي وقفن في مدخل الصاله لاستقبال الضيوف الي بدو يتوافدون : هلا حلوشه وش هالزين : عمه صدق حلوه : تجننين : طيب شعري : يهبل : طيب وجهي موكنهم كثرو ميكب : لابالعكس طالعه شي : احسه مايناسبني صح : لا بالعكس مخليك بنوته قمر واصغر من عمرك ( عمتها قالته وفي اعتقادها ان هالكلام بيفرحها لكن في الواقع الميكب كان مبينها في عمرها الحقيقي واهي بشكلها المعتاد تبين اصغر ) حلا زاد احباطها يعني مع كل الي سوته باقي اصغر من سنها تعقدت من كثر مايشهقون الناس في وجهها كل ماقالت لهم سنها ...يالله شكلك من بنات المتوسط .... كشرة بهم بعد ماوقفت جنب عماتها تسلم على الضيوف وتفكيرها ماهو معهم ....بتجي الغوله الحين وش اسوي اذا جت اسلم عليها والا ...واهي وش بتسوي اخاف تقولي شي يقهرني قدام الناس ....اف اكره الناس المتوحشه .....بروق ....سياف ... صقر ....رهف ...وحتى باسل ....هو صحيح مرات يصير حنين ...بس برضو يبقى متوحش كانو الناس يدخلون يسلمون يشملونها بنظرة تأمل معجبه ثم يتجاوزونها وتنتهي من اذهانهم في نفس الحظه بسب وقوفها البارد بطريقه توحي بانها ضمن زينة المكان ماتهلي وترحب زي عماتها الي شالو المكان بصوت ترحيبهم ماتراد السلام وتنشد عن الحال نفس بنات عمامها الي يقابلون الناس ببشاشه ويردون على اسئلة المجاملات المعتاده ....ادخلت ام مشاري وتحفزة حلا تنتظر دخول بروق ...لكن حريم خوالها دخلو بعد ام مشاري ومن بعدهم بنات خوالها وبروق والريم لحد الحين مابينو ...اسمعت وحده من عماتها تسئل : وين بنات جاسر ماشوفهن معكم : عند خوالهن اشرق وجهها فجأه ..حست بفرحه حقيقيه ماهي مصدقه انها تخلصت من بروق ...انتهى الاستقبال وانتقلن البنات للمجلس الثاني المجهز باستريو علشان يرقصون ... وهالمجلس منسق ومرتب على اعلا مستوى الورد الطبيعي موزع بطريقه فنيه على الطاولات وفي الزوايا والمدخل ...الظيافه من افخم محلات ومخابز الحلويات والموالح.. الشوكلت السويسري والبلجيكي يملا الصواني الفخمه ..وثلاث مظيفات مهمتهم يصبون القهوه والشاهي للبنات ويقدمون لهم الضيافه واذا كان هذي ترتيبات جلسة البنات الباقي افخم بمراحل التمايم اقل ماقيل عنها فخمه لحد المبالغه الكل لاحظ ان الترتيبات جت على وزن حفلة زواج واكثر مالفت انتباه الضيوف طواقم الخدمه المبالغ في اعدادهم ناس تضيف وناس تسوي القهوه والشاهي وناس تنقل الضيافه من المطبخ للمجالس وناس تستلم العبايات وتعلقها في المكان المخصص وناس تراقب النظافه وناس مهمتهم يستلمون الاطفال وينقلونم لغرفه خاصه فيهم مجهزه بالالعاب والمشرفات الي يتابعونهم شي غريب ايش داعي البشر ذولا كلهم وعدد الضيوف مهما كبر يبقى تحت السيطره بمجهودات اهل الحفل من بنات وحريم ... وغاب عن ذهن المتسآئلين ان العدد الكبير من الخدم والمظيفات مقصود والهدف منه اظهار ترف حلا وانها تلقى من يخدمها في اقل واتفه الامور والاتضطر تخدم اي احد حتى ولو بمدة فنجال __________________ من صبح ماجلس المجهود الي بذله في تجهيز الحفله خرافي صحيح انه جهز كل شي برياله على قولة بروق بس مجرد البحث والتنسيق مع شركات الخدمه وتنسيق الحفلات اخذت منه وقت وجهد كبير وصرف اضعاف الميزانيه الي كان مقررها للحفله ......يستقبل ضيوفه ويرحب ويهلي وقلبه مشغول بالي تأخر عنه لأول مره في عمر صداقتهم الطويله ....تلفت في المجلس الواسع وشافه مليان ناس ....بس كل هالناس مايغنونه عن صديق عمره ......معقوله يكون زعلان .......اف كله من بروق والسانها الي يبيله قص .....الي سويته كافي يقص السانها ...بتشوف بعينها بنتي كيف يخدمها ريالي ويعيشها اميره ......ابتسم بفرح واهو يشوف الي دخل للمجلس بابتسامته المشرقه ووجهه البشوش عارضه بخطوات سريعه وسلم عليه بحراره رغم انه ماله كم ساعه من شافه : انت وينك من اليوم ليه تأخرت جاسر مااستغرب من حفاوة طارق في السلام ماعنده شك في مكانته عنده ويعرف ان هالسلام الحار على وزن اسف : رحت اودي البنات لبيت خالهن ولزم علي ابو ريان اتقهوى عنده طارق تغير وجهه وانصدم وشلون بنات جاسر يتغيبن عن تمايم اولده : وليه توديهن والتمايم ..ليه ماجن جاسر بتبرير : بنت خالهن عاز... قاطعه طارق بحده : مافيه عزيمه تبدا على عزيمتي رح جبهن والاارسل رعد يجيبهن جاسر بأحراج : رعد كاشت مع اخوياه ومهوب راجع من غير شر غير بكره المغرب طارق حزة في خاطره كيف اعيال جاسر مايحضرون تمايم اولده ماعمرهم تغيبو عن مناسبه تخصه اذا كان عندهم في الرياض او كانو عنده في جده ...هو ماهتم بعيال اخوانه من جاء منهم ومن غاب اخوانه انفسهم ماعنده مانع لو غاب منهم واحد والاثنين بس جاسر واعياله لا جاسر غير طول عمره غير انتبه من هواجسه على حركة جاسر يوم مشى وتعداه داخل للمجلس وجاء من بعده رجال سلم عليه عجز يركز منهو والا وش قال في سلامه انتهى من استقباله بسرعه والتفت يدور جاسر بعيونه شافه يمر على الرجال في المجلس ويسلم عليهم وكل واحد يسلم عليه ياقف معه لحظه يشدد عليه بالسؤال عن الحال والعيال ......دليل مكانته الكبيره في نفوس الناس ....استمر يراقبه واهو ينتظر اللحظه الي ينتهي فيها من السلام حتى يرجع يجلس جنبه كالعاده ..يبي يعرف ليه اعياله ماجو وبيحاول يقنعه يرسل احد يجيب البنات من بيت خالهم مايصير يتغيبون عن التمايم قطع حبل افكاره انتهاء جاسر من السلام رسم على ملامحه الجامده ابتسامه عريضه تسبب الارهاق لعضلاة وجهه بس ماعليه كل شي لأجل جاسر يهون .... انكمشت ابتسامته اسرع ممايضن لمى شاف جاسر يتجه لراشد ال عامر وابوه ويجلس بينهم وذولاك طايرين فيه ...هذا راشد ابو يوسف ....الشخص الي عجز يستسيغه ....مايستاهل يوسف اساسا ....بس ليه يوسف مقاطعهم ....يوم عزمني في بيته جلس طول الوقت يسئل عن يوسف ...وواضح انه مايعرف عنه شي ....يمكن زي ماقال جاسر علشان بدى بدايه جديده ويبي يستقر وضعه قبل يرجع لهم .....الله يصبرني على ذاك اليوم ....ايه ياجاسر ياترا وش الي مخلفك الليله ...ماهي بعيده تكون العوبا ورى زعلته ذي ...اكيد انها فارتن راسه والا من متى جاسر يزعل من دون سبب ..... واذا على هواشي لبنته تراها بنتي انا بعد وش فيها لاهاوشتها ! _______________ طلعت ل الصاله واهي طفشانه بروق النذله ساحبه عليها ورايحه لخوالها روحتها ذي مره غريبه بس مصيري اعرف وش وراها ...اشهقت بفرح واهي تشوف بنات ال عامر يشيكن على اشكالهن قدام المرايه الجانبيه في الممر الي قبل مجلس الحريم تقدمت لهن وسلمت عليهن بحماس : دخلتو تسلمون على الحريم والاباقي غرور بابتسامه هاديه : الا سلمنا وخلصنا رهف : حلو اجل مشينا لمجلس البنات هناك رقص وفله غزل : بروق جت رهف كشرت : لا ماجت النذله رايحه لخوالها مدري وش الطاري غرور الي مكلمه بروق وقايله لها ان الريم مستحيه تحضر التمايم وبتروح معها لخوالهم ابتسمت بتسليك : اكيد عندها اسبابها يمكن جاي خوالهم احد مهم والا شي رهف : يمكن خل تجي بس وانا اطلع الهرجه من بطنها غزل ارفعت يدها لشعرها ترجع خصله منه لورى طاح من يدها منديل وقبل لاتنحني تاخذه القطته وحده من العاملات بملقط وحطته في سله شكلها فخم شايلتها في يدها البنات ناظرو بعض باستغراب غزل واهي تلفت تحاول تعد كم شافت من عامله من دخلت لحد الحين : وش سالفة الخدم ذولا خير ترا مره مسوين زحمه رهف بحرج : والله ان عمتي ورجلها طول عمرهم متواضعين وموب حقين مظاهر بس الليله مدري وش سالفته ابو باسل مبالغ مره في التجهيزات وعدد العاملات الي جايبهم لخدمة الضيوف يمكن من زود فرحته بالمولود غرور ماعجبها جو الحفله مره اوفر بس ماعلقت غزل ماهي متعوده تخلي شي يثقل على قلبها : حنا اول ماشفنا الزينه والعاملات الي كل مامشيت خطوتين طلع في وجهي وحده جديده قلنا يمكن فيه مناسبه قرينه توقعنا بنتهم عاقده قرانها او شي رهف : لا ماعندهم غير تمايم ولدهم وبنتهم توها غرور : بنتهم مره توها بنت متوسط مين الاهبل الي راح يخطبها في السن ذا رهف ضحكت على كلامها : هههههه تراها كبري انا وبروق بس علشان حجمها شوي صغير ووجهها بيبي فيس تبين صغيره غزل باستغراب : اما عاد المشكله موب بس شكلها حتى شخصيتها يوم تكلمت معها كنت متاكده مليون بالمئه انها بنت متوسط اشوا اني ماجبت طاري ادراستها وتفشلت .... رهف : امشو خلونا نروح لمجلس البنات لمتى وحنا واقفات في الممر ___________ وقف سيارته قدام بيته وعينه على الي واقف على بابه يحتريهم بدليل انه بمجرد ماشاف السياره وقفت جاهم يمشي ...التفت على بروق في المرتبه الخلفيه : طارق يحتريك بروق بمزح : كذا الشخصيات المهمه لازم ينتظرونهم الريم بحياء : يافشلتي من عمي طارق بيزعل علينا ماحضرنا تمايم اولده بروق : ماعليه بعض الزعل صحي يقوي القلب الريم اول ماوقفت السياره نزلت بسرعه وراحت لداخل البيت مستحيه لاتواجه عمها .... طارق شاف الريم تدخل وماهتم كثير لانه يعرف الريم خجوله وماتتكلم معه يادوب ترد السلام وتسئل عن الحال وقف قدام الباب ينتظر بروق جاه صوتها : مساء الخير رفع راسه لها بزعل : مساء النحشه بروق بابتسامه : موب انا الي تنحاش والي تبيني اجي واشوفه شفته سناب تسلم والله عينٍ تطنخ يابو باسل ضيوفك على حساب نظرتها ابتسم طارق على كلامها وتباعد جاسر الليله وغياب اعياله عن حفلته خلاه يراجع حساباته وفي النهايه لقى ان بروق مهما سوت تبقى وحده من بناته دامها بنت جاسر وبمجاكر : اي والله تسلم عين بنتي حلوشه طنخت الناس من طنختها الشيخه بروق عدلت شنطتها على متنها وارجعت تناظره : المشيخه عزوم ومقضات لزوم ماكل من قال انا الشيخ اخذ الشيخه طارق عصب : ابو باسل ابوه وانا ماقضي الزوم بروق انقهرت منه يفسر الكلام على كيفه : حاشاك طال عمرك ان ماقضيت الزوم انت من يقضيه بس كلامنا كان عن حلا مهوب عنك طارق ومازال معصب : حلا بنت عمتك وش جايك منها علشان ترهجين عليها كذا بروق استغربت كيف يتجاهل الي يسويه هو وبنته ويركز على تصرفاتها هي : بنت عمتي على عيني وراسي طول ماهي محترمتني اما لاخطت علي ماني بساكتن عن حقي طارق رجع يستخدم كلامها ضدها : هامانك تقولين حلا بزر خلاص اجل البزر ماعليه شرهه وشلون تزعلين على الي ماتلحقه مشاريه بروق اتسعت ابتسامتها بانتصار : اجل قل لبزرتك تراها في حل وش ماطرى على بالها تسويه ترا بالي وسيع على كل صغير (قالتها ظاهرها صغر العمر وقصدها صغر العقل ) طارق توسعت عيونه وتوه انتبه لزلة السانه وهالبنت داهيه ماتنتناشب حس ان السالفه ماعادهي معه كمل الي بداه : اهم شي انكم تصالحون بروق بارتياح سجلت انتصارها عليه وهذا يكفيها اما حلا ماهي من الي ترد عقلها لهم : من يمي لاتشيل هم اعتبر انه ماصار شي طارق ناظر في جاسر الي واقف معهم يسمعهم من غير مايتدخل في حوارهم واهو متعمد هذا الشي عشان بروق تدافع عن نفسها مايحب يقدم لها الحمايه وكأنها بزر ويفضل يعطيها فرصتها في الحوار والنقاش دام الكلام موجه لها ....ورجع يناظر في بروق : ووش سالفت ابو باسل الي طالعه فيها اليوم بروق نزلت نظراتها للحظه واهي تفكر هل هو جاد بهالسؤال يعني ماهو حاس انه غلطان علي ...ارجعت ترفع نظراتها له وتكلم بصراحه : السالفه انك الاسبوع الي راح سبيتني وشتمتني وقلت في الي ماينقال وانت عارف ان كل الي قلته ماهو صحيح فلا تتوقع اني جاسر ثاني ! للاسف مابعد وصلت لحالة الصفح المطريه الي عند ابوي .. جاسر ابتسم وربت على كتف طارق : محد يتحمل المنشار الي في فمك غيري وحتى انا بديت ازهق منه طارق كشر واهو يوزع نظراته بين بروق وجاسر وبعد ماخلص جاسر كلامه زحف يمه ولف يده من ورى كتوفه واهو يناظر بروق ويوجه كلامه الها : بسم الله على جاسر منك ابعدي عنه لاتعدينه ثم التفت على جاسر ووجه له كلامه : انت اصلا ماتقدر تزهق مني خل عنك سوالف العوبا هذي لاتخرب بينا جاسر ابتسم له : يمكن يطري علي طواري طارق نفص عيونه فيه : ياويلك ان هوجست بس في هالطواري .... بروق تعرف انه من النوع الي مايتقبل الاعتذار فحبت تسهلها عليه : انا مابي اخرب بينكم والاشي وتراك مسموح ياعمي بس انت امسك لسانك عني لاني ماصبر على التجريح طارق زفر بضيق هالبنت صعبه وراسها يابس ياكبر الفرق بينها وبين جاسر ..بس بعذرها عمها ابو سياف وخالها ابو ريان : خلاص ابشري ماعاد تسمعين مني غير الي يرضيك يابنت جاسر بروق برضى : اجل تصبح على خير ياعمي ذبحني البرد هنا بدخل .. طارق ابتسم : تصبحين على خير ___________________ مشغول بمراجعة كاميرات المراقبه هو وباسل فجأه جاه تنبيه على جواله اخذ الجوال فتحه لقاه تنبيه بحجزه لرياض اليوم العصر حذف التنبيه ونزل الجوال على المكتب الي قدامه ...طول الاسبوع الي راح واهو مشغول مع الشباب في البحث عن الخونه الموجودين داخل الشركه ...لدرجة انه نسى شلته وماعاد يمثلون له اي هاجس التفت على باسل : انت متاكد ان كاميرات المخازن معطله بفعل فاعل باسل رد واهو مركز في تسجيلات الفديو الي يتفحصها على الشاشه قدامه : ايه متأكد بس متى عطلوها هذا الي بيجنني كل مارجع بالتاريخ شهر ورى في سجلات المراقبه القى انها معطله من قبل ذا التاريخ يوسف باهتمام : الحين انت كم شهر رجعت التسجيل باسل : تقريبا خمسه شهور ولحد الحين مالقيت شي هذي بس حقة المخازن يوسف : اف شكلنا ماراح نلقى شي باسل : لا ماعليك بنصيدهم قريب لاتنسى بعد اسبوعين بنستلم التصاميم الجديده وفي هالوقت اكيد بيتحركون وبنقدر نكشفهم يوسف : ان شاء الله دريت ان الشباب بيمشون بكره باسل : ايه عارف ماقصرو راقبو المحل والالقو عليه شي الظاهر المشكله في الوقت الي حنا بدينا نراقب فيه لانا جينا بعد ماخلصو شغل واكيد قاعدين ينتظرون التصاميم الجديده يوسف : زين ان ممدوح بيستمر في قسم التصميم اكيد ان البدايه من اهناك باسل ترك الماوس من يده وبدى يتمطى واهو مكانه ثم قام واقف : قم خلنا نروح نتغدا اليوم ممدوح عازمنا يوسف اخذ جواله :لحظه خل اكلمه بشوف طلع والا باقي باسل : لاتكلمه ارسله واتس اذا ماطلع معناته في مكتبه للحين واكيد المصممات حوله يوسف فتح جواله وبدى يراسل ممدوح وبعد فتره قصيره قام واقف واهو يدخل جواله في مخباه : يقول في الشقه يبدل ملابسه والشباب عنده بيطلعون الحين للمطعم باسل فتح الباب المخفي خلف الستاره وطلع منه واهو يرد على يوسف الي تبعه : حلو اجل مشينا للمطعم ونتقابل هناك اوصلو للمطعم ولقو الشباب واصلين قبلهم اول ماجلسو التفت ممدوح على مشاري بحماس : وش الخبر الي لك ساعه صاجنا فيه بيفرحكم ..قل اخلص مشاري التفت على يوسف والفرحه واضحه على وجهه : ابشركم نادر اخو يوسف والريم اختي عقدو قرانهم اليوم قبل صلاة الظهر يوسف فز بفرحه وحضن باسل الي فز معاه وحضنه يبارك له ممدوح ضرب بكفه كف مشاري بسعاده وقعد يطبل على الطاوله والفرحه ماهي سايعته لكن هيصة الفرح توقفت مع نفخة راكان على مشاري بغضب : خير ان شاء الله اشوف ال عامر قشو بناتنا ممدوح رد عليه بانفعال : بناتكم اخذو ارجال من يحصلها نادر ال عامر راكان بقهر : ومن يحصله الريم ال ماجد باسل يفك بينهم : بس انت وياه كلهم كفو لبعض والنعم فيهم مشاري يشد راكان بيده ويجلسه بعد مافز واقف مع سماعه للخبر : تعوذ من ابليس واقعد الرجال كفو وكلن يشهد له والريم امرها في يد ابوها دام ابوي زوج نادر مايحقلك تعترض راكان بعصبيه : تراها بنت عمي و.. قاطعه ممدوح : بنت عمك صارت مرة ولد عمي وانتها امرها والحين انا الي اقول اقصر الهرج ولاتطري مرة ولدنا باسل بحده : خلاص ياركان قل الله يبارك لهم راكان شاف ان الموضوع طلع من يده تعوذ من ابليس وجلس معهم وبارك لهم ببرود ومن داخله مقهور كيف تسربن بنات عمه جاسر من بين ايدينهم من غير مايحسون يوسف بعكس الكل ماسمح لاحد يخرب عليه فرحته بمجرد ماسمع صيحة راكان طلع من عندهم بيكلم نادر ويبارك له دامه عقد قرانه وانتهى مايهمه من يعترض ومن يبارك جلس في مدخل المطعم واتصل بنادر انفتح الخط وصاح بفرح : مبروك مبروك ايه هذي العروس الي تستاهل نادر العامر نادر كان مجتمع مع اهله في صالة بيتهم بعد مارجعو من عقد القران فز واقف اول ماعرف صوت يوسف توه حس بطعم الفرحه من قلب : هلا هلا الله يبارك فيك هذي بركاتك انت الي عرفتنا عليهم تجمعو اهله حوله واهم يطلبونه يفتح السبكر بيسمعون صوت يوسف....فتح نادر السبكر واهو يشوف الفرحه في وجه ابوه ..امه ...ثائر ...جواد ...وحتى غزل ....الجد يتابعهم من مكانه بسعاده واهو يدعي لاحفاده العريس الي تحت عينه والمتمرد الغائيب ...اما غرور فتحت جوالها وانشغلت فيه رغم انها ماهي شايفه والاشي من شاشة هالجوال جوارحها تعاندها بمتابعة غير الي هي بغت تتابعه ... جاهم صوت يوسف تملاه الفرحه : اصلا انا ماختار الاالناس الفخمه غزل بلقافه : ابشرك الفخمه الي انت اخترتها هي الي ضبطت كل شي تسلطت عليها العيون تحذرها من انها تجيب هالسيره ابتسمت لهم بعدم اهتمام خاصه واهي تسمع جواب يوسف ! : هههههه شفتو وشلون منفعتي جت مره وحده مطر مطر حتى محد يقول مامنك فايده ضحكو اهله بسعاده واحساس لذيذ بأن ولدهم رجع لربه ودينه ينتشر في صدورهم ويمنحهم الرضى على هالولد جواد بمزح : الله يبارك في برقٍ شق غيمتك وخلاها تمطر يوسف برد سريع : جعلك ببرقٍ كله صواعق العن من الي جاني غزل بمزح : بتحرقنا انت عمك براسه عاصفة صواعق يبيله غيمة يفرغ صواعقه عليها ... يوسف شرق ضحك : هههههههه وجواد مسك غزل بأذنها : انا كلي صواعق هاه .... ام نادر تكلمت بشوق تقاطعهم بعد مايئست انهم يعطونها فرصه تكلم : وشلونك يايوسف وحشتني ... واختنق صوتها بغصة ...متلهفه له ولشوفته ...ثائر الي واقف جنبها لف يده على اكتافها وحضنها وباس راسها ومسح دموعها بيده من غير مايقول شي يوسف حس بتغير صوت امه واختناقه حب يفرحها : انابخير يمه وشلونك عساك طيبه هاه ماودك تعتمرين وتشجعين ولدك الداشر على العمره فرحه اكتسحت قلوبهم ...بعد طول غياب صرح لهم اخيرا انه يبي يشوفهم ماعندهم مانع يروحون له في اخر الدنيا وشلون واهو قريب في جده ....خاصه انهم مازالو خايفين من رجعته لرياض يخافون يرجع ويرجع لشلته ودشرته معهم ام نادر وابو نادر انطقو في نفس الوقت مع اختلاف كلامهم ام نادر : ودي ودي ابجي عمره بس انت تعال ابو نادر بلهفه : بنحجز بكره ونقابلك في المطار ونروح نعتمر كلنا سواء يوسف اختلطت عليه الاصوات : وشو ابو نادر اخذ الجوال من نادر وسكر السبكر : كيف حالك : الحمد لله بخير وشلونك يبه ابو نادر واهو يبعد يد ام نادر عن الجوال واهي تحاول تاخذه منه : الحمد لله طيبين : مبروك زواج نادر ابو نادر : الله يبارك فيك والعقبى لك : ماهوب في النيه ابو نادر : النوايا تبدل : الله يكتب الي فيه الخير ابونادر ارتاح قلبه ماهو متخيل ان هذا اولده الي قاعد يذكر الله بين كل كلمه والثانيه ...وجاسر يقول جميل يوسف ماتسده ارقبتي انا وبنتي اجل اناوش اقول ياجاسر عن جميلك انت وبنتك .. :بندور لنا حجز بكره على خير ونجيك : حياكم الله لاتحرمون للعمره خلوها الفجر بعد بكره نروح كلنا نحرم من السيل ونعتمر قبل صلاة الفجر ابو نادر : خلاص صار خذ امك اشغلتني بتكلمك ام نادر اخطفت الجوال من يد راشد : هلا والله بالغالي هلا حبيبي هلا بقلبي وعيوني يوسف بضحكه من كثر ماهو فرحان بمكالمته لاهله واحساسه انهم فاقدينه ويبونه : ههههه هلابك انتي يابعد الدنيا كلها ماني مصدق الكلام الحلو ذا كله الي تراني يوسف انا موب حبيب قلبك نويدر ام نادر ودموعها تصب وصوتها يشرق بفرحتها تقدمت لنادر القريب منها وصارت تربت على كتفه وتأشر له لاتصدق : نويدر جنبك ماياكل عيش بس نجامل اخوك الشايب وش نسوي نادر ويوسف ضجو في ضحكه طويله والتعليقات انصبت على نادر خاصه من غزل وثائر .... غرور مازالت في مكانها تكبت ابتسامتها على تعليقاتهم بالجز على اسنانها بقوه شاشة جوالها طافيه واهي مازالت تتصفح ! ____________ رجع يوسف للجلسه بنفسيه ثانيه والسعاده تنطق على كل تفاصيله ...انتبه لمشاري الي لوحله بيده : مبروك يالنسيب يوسف رد عليه بابتسامه مشرقه واهو ياخذ مكانه على الطاوله : الله يبارك فيك العقبى لك مشاري بجديه : ولك ..انا بحجز على اقرب رحله لازم الحق على حفلتهم الليله بتخاويني يوسف : لا اهلي هم الي بيجون عندي بكره على خير ممدوح : من الي بيجي يوسف التفت على ممدوح : اهلي كلهم مشاري : دام اهلك بيجون بعطيك مفتاح بيت ابوي استقبلهم فيه يوسف : لا والله ماندخله بيتهم موجود لاتشيل همهم راكان يكلم مشاري : دامك بتحجز اليوم بحجز معك مالي نفس اضرب مشوار ل الرياض على السيارة لحالي باسل : وسيارتك راكان : عادي اوقفها في بيت عمي اما جاء احد من الشباب ورجع عليها ولا تشحنها لي بعدين ماني مستعجل عليها _____________ دخل لصالة مكاتب قسم التصميم الواسعه واهو في قمة سعادته زواج نادر من اخت مشاري اسعده كثير خاصه انه يعرف سالفة حب نادر لبنت عمهم الكريهه والحمد لله انه تجاوز هالحب وماتورط بوحده ماتستاهله ....رد السلام بصوت عالي خلاء البنات الي كانو كلهم في منصة التصميم يلتفتون عليه وردو على سلامه باصوات متفاوته وارجعن يكملن شغل ... ندى لاحظت وجهه مشرق سعاده حست قلبها يتفجر فرح لمجرد شوفته سعيد ماقدرت تمسك نفسها واسئلت بفضول : بشر وش عندك مبسوط اليوم ممدوح صعد لمنصة التصميم واهي مرتفعه عن مستوى ارضية قسم المكاتب بدرجتين ووقف قريب من استاند الرسم الخاص بندى تكلم بفرح : ولد عمي تملك اليوم ندى بوناسه : الف مبروك ممدوح : الله يبارك فيك وتقدم يشوف التصميم الي قاعده ترسمه اشر على الكم وناظر في وجهها : لو تخلينه بدون كم موب ازين ندى ارجعت ورى خطوه تتأمل تصميمها لحظه ثم التفتت لممدوح : الا ازين بألغيه ..وش رايك في باقي التفاصيل ممدوح بصدق : تحفه سمعو صوت جوال ارتفع رنينه من جهة المكاتب والتفتو يشوفون جوال من ...شافو لمياء تتجه لمكتبها وتاخذ جوالها من عليه وترد ...ارجعو يناقشون تفاصيل المؤديل ....وفجأه اسمعو صوت لمياء يرتفع بغضب حزين : ياخي خلاص مابي منكم شي اصلا وش ارجي منكم بعد الي سويتوه قالته وسكرة جوالها راميته على المكتب واطلعت من القسم تلفتو على بعض وحسو الجو ثقل فجأه وانسدت انفسهم عن التصميم انسحبو من المنصه راجعين لمكاتبهم ندى ناظرت في ساعتها وارجعت تناظر في ممدوح : وقت الاستراحه ..بطلب قهوه اطلبلك معي ابتسم لها ممدوح : ياليت قاله وريح ظهره على كرسيه وسرح في وضعه داخل هالشركه ماسوى فيه خير يوسف يوم جابه بين هالموظفات ....يحاول يفصل بين مهمته وافتتانه القوي بالبنات ويبدو انه فشل في هالشي ...من مده تارك البنات والسهرات والخراب ... لازم يكون قد التحدي ويستمر في الطريق الصح ....لف براسه في المكتب ورجع يفكر ..بس كيف وباقة هالورد محاصرتني ...يامتى اخلص من هالسالفه المشكله كلهم يثيرون الشك ولاني لاقي اي دليل على اي وحده فيهم زفر بضيق ورفع راسه يشوف وش يسوون شاف لمياء ارجعت اخذت جوالها وحطته في شنطتها وارجعت تطلع شكلها استاذنت من الدوام ...قام واقف وتقدم لمكتب ندى جلس على طرفه : اقول بنات لمياء ليه دايم الحالها وماتسولف وكلامها معنا على قد الشغل واقل .. صمود التفتت عليه : نفسيه بعيد عنك ندى التفتت لصمود : قصدك حزينه احس عندها مشاكل اسريه اسماء انهت التكهنات بكلامها : ارمله... زوجها مات في حادث واهي تصرف على اعيالها وساكنه في شقه اجار قريب من اهلها وطبعا هي الي تدفع الإجار ندى لفت ل اسماء : وانتي وش دراك اسماء : لقيتها مره تبكي وقت البريك وسئلتها قالت الإجار حل وماعندها تدفع صمود باستنكار : بلاش ادراما رواتبنا كبيره وتقدر تستاجر شقه فخمه وتعيش اعيالها احسن عيشه اسماء اندمجت في السالفه ونست انها قاعده تتكلم عن اسرار وحده مأمنتها سرها : هذا لوماكان عليها ديون تخيلو كانت ماخذه قرض او سياره من بنك المهم انها ماخذه مبلغ وقدره علشان تساهم مع اخوانها في بناء بيت العائله وفي النهايه اخوانها كل واحد طلع له شقه في هالبيت واهي طلعت بلوشي ولمى بغت تسكن مع امها وخواتها في الدور الاول قالو مانستقبل اعيالك خليهم عند اهلهم وتعالي وانكرو فلوسها الي ادفعتها يقولون دفعتيها لابوك الله يرحمه ماهو لنا ممدوح توسعت عيونه ظروفها ممكن تكون وسيلة ضغط عليها علشان توفر فلوس القرض لو بطرق غير مشروعه تكلم بأسف : الله يفرج عنها الموظفات : امين __________________ واقف بين العمال في موقع المشروع يأشر لسائق الشاحنه الكبيره علشان ينزل حملة الرمل في المكان المناسب : تيامن تيامن ....ايه بس بس ..ارجع ورى جاه صوت صقر يناديه بعيد عن تجمع المعدات والعمال : سياف تعال هنا ..تعال ياولد سياف صاح بصوت عالي عشان يسمعه : جاي التفت على احد العمال وقاله يوجه سائق الشاحنه بداله وراح لصقر وصل لصقر الي كان واقف ومشغول بالجوال : خير وش بغيت صقر رفع راسه له وبجديه : ال عامر اخذو بنت عمك لولدهم سياف توسعت عيونه بأستنكار : وشهو ! ______________________ * * * | ||||||||
|
| |
|
01-02-20, 03:52 AM
| #1710 | ||||||||
| مراقبة عامة ومشرفة منتدى الروايات المنقولة
| البارت الاربعين وصل لصقر الي كان واقف ومشغول بالجوال : خير وش بغيت صقر رفع راسه له وبجديه : ال عامر اخذو بنت عمك لولدهم سياف توسعت عيونه باستنكار : وشهو ! وبصرخه : وعمي وشلون يردها للكلب ذا ! صقر استوعب انه فاهم غلط : نادر والريم وين راح تفكيرك انت تنهد بارتياح : طيب تكلم مثل الناس ...الله يبارك لهم نادر كفو ويستاهل ماهو مثل السمرمدي اخوه صقر بعدم رضى : ماهو مثل السمرمدي اخوه والا ماهيب بروق سياف بصدق : كلها صقر بضيق : ماتوقعت ان جاسر يسحب علينا كذا في تزويج بناته والا كأنا اخوانه والمفروض يشاورنا على الاقل يعطينا خبر بالخطبه ماهوب بعد مايتملكون ويخلصون يبلغنا مثلنا مثل الغرب سياف يفك لطمته ويرجع يلفها من جديد عن الغبار الناتج من شغل المعدات : اكيد انه ماسوى كذا الاعلشان محد يتدخل صقر بغيض : الي قاهرني انه الريم مافكرة تشاورني سياف بعدم مبالاه : ومن متى الريم تشاورك في شي ...اخبر الي قريبه منك بروق صقر بتفكير : صحيح انها ماهي قريبه مني حيل مثل بروق بس كنت متوقع انها اذا انخطبت بتلف على العائله كلها تسئلهم عن رايهم الريم حساسه وهاديه ومرات احسها ضعيفه سياف بسخريه : هه مافي اعيال جاسر احد يسئل احد عن الي يبي يسويه يمكن يتشاورون بينهم بس في النهايه كل واحد منهم يسوي الي يبي اما انها ضعيفه تطمن جاسر مايربي ضعوف صقر ابتسم : اتوقع كل عايلتنا كذا ماهو بس اعيال جاسر ماذكر بينا مستضعفين سياف بسخريه : اجل لاتسوي نفسك مدار الكون وان الكل بيجون يسئلونك صقر كشر بغيض : ياخي حاس بغبينه حازه في نفسي وبقوه مدري ليه الريم بالذات كنت منتضر انها تشاورني في زواجها سياف بمزح : خلاص ردلها الحركه والاتعلمها بزواجك لين تملك صقر بمزح مماثل : تصدق انا مفهين عمرنا راح وحنا مافكرنا نتزوج سياف بحسره : انت المفهي انا كنت انتضر بنت اخوك تخلص دراسه واسحبت علي قبل حتى تبدا دراستها ________________ صب فنجان القهوه ومده لابو سياف بابتسامه رغم ان ابو سياف مكشر ...اخذ الفنجان من يد جاسر وناظر في عيونه مباشره : صرنا نسمع بزواج بناتك مثل الغرب ياجاسر جاسر بثقه : انا افداك من قال انكم مثل الغرب اول ماتمت الملكه بلغتكم على طول ابو سياف بعدم رضا : وليه ماعلمتنا من الخطبه جاسر شاف ان الزعل حاصل حاصل جابها كاش : وليش اعلمكم عن الخطبه كل واحد ادرى بمصلحة بناته ابو سياف بحده : وكان اعيال عمها لهم خاطر فيها جاسر بنفس الحده : البنت باقي لها ترم وتخرج من الجامعه كل هالوقت ماشافوها اعيال عمها ثم انا سئلت الريم وقالت ماتبي احد من اعيال عمامها ودامها هي ماتبيهم انتهينا وماعاد يهمني من يبيها دامها اخذت الي هي تبي سيف بقهر وكل الي حاره ان الي اخذها اخو يوسف الي اخذ بروق عن اخوه : وش زوده عنا علشان الريم تبديه جاسر التفت على سيف بهدوء وابتسامه مستفزه : انت لوانك خاطبها رديتك من دون لااشاورها فز سيف بغضب وصرخ على عمه : وانا وش ناقصني علشان ترفضني جاسر دفه بكفه مع صدره وطاح جالس على الكنب مكان ماكان : صوتك ماترفعه علي لاقص السانك ثم اذا تخرجت بعد سته شهور واسست نفسك بعد كم سنه فوقها بذاك الوقت تقدم لبنات الناس واخطب ابوسياف ماقدر يرد على كلام جاسر بعد مااولده قل ادبه ورفع صوته عليه التفت على سيف وانهره بغلضه : قم حب على راس عمك واعتذر منه ماعاد فيه لاحيا والاحشيمه ماغير واحدكم ينافخ على الي اكبر منه كأنه اصغر اعياله سيف كبت غضبه وقام باس جاسر على راسه ومن غير نفس : اسف طال عمرك السموحه جاسر اسحبه بيده واحضنه بحب واهو يربت على ظهره بيمناه : مسموح مازعل من الغالين انا سيف تفشل سالفة ان ال عامر اخذو بروق من سياف والحين اخذو الريم رغم انهم ماصانو الي قبلها هالشي قاهره وحارق قلبه بس بعد مايحقله يتجاوز حدوده مع عمه....سحب نفسه من حضن عمه وباس خشمه وراسه : والله ياعمي لوما غلاك مانزعل ان بنتك راحت لنفس الناس الي فرطو في اختها قبل كم شهر جاسر يربت على متن سيف بتشجيع : كفو البناخي الي يخاف على بنت عمه بس لونك مفكرن فيها شوي بتعرف ان عمك مايفرط في بنته والايعطيها الا الي يستاهلها ويوسف كلنا نعرف ظروف زواجه من بروق لكن الريم مافيه شي يحدنا نعطيها احد الاان كان يستاهلها ونادر رجال كفو واهله اجواد وبروق الي انت تقول انهم فرطو فيها هي اول من زكاه ومدح اخلاقه ولاجوزته على مديحها ..انا بنفسي ناشدن عنه وباحثن وراه ولالقيت الاكل خير سيف زالت الحرقه الي في قلبه بعد كلام عمه وحس انه غلط يوم تدخل في شي مايخصه لاهو كان ناوي يخطب الريم والاحتى اخوه يبيها ابتسم لعمه بحرج : مبروك زواج الريم ياعمي جاسر ابتسم بسعاده : الله يبارك فيك والعقبى لك سيف بمزح : تو الناس باقي الست شهور وفوقها كم سنه جاسر بضحكة :هه بيسرها الله ابو سياف بجديه : انت تقصيت عن الرجال زين اخاف ننخدع فيه مثل مانخدعنا باخوه جاسر جلس جنب ابو سياف وربت على فخذه بيده : لاتخاف تخبر يوم جانا خبر يوسف هاك الحين ماخليت والابقيت احد من عائيلتهم مانبشت وراه لارجال ولاحرمه لاكبير ولاصغير والناس اجواد وفيهم خير ماشذ عنهم غير يوسف والحمد لله هداه ربي الله يثبته على طريق الحق __________________________ اطلعت من دورة المياه ومشت راجعه لمكتبها ولمى مرة من خلف المكتب الخالي والي كان سابقا لميار اسحبت الكرسي واجلست عليه وصارت تدور بالكرسي يمين يسار : بنات ماكأنهم تأخرو مااعلنو عن وظيفة ميار تتوقعون ناوين يرجعونها والابيلغون وظيفتها خير شر ويكتفون فينا هاجر ماقدرت تخفي وناستها بانهم تخلصو من ميار كانت انسانه وقحه ومزعجه قامت من مكانها واهي تحس جسمها متيبس من طول الجلسه على الكرسي تقدمت ل غاده ولفت الكرسي يمها عشان تشوف وجهها واهي تكلم معها : شكلي بأنقل للمكتب ذا قبل لايجي وحده جديده تاخذه غاده بمزح : لازم تاخذين اذن ميس دامها بتقابل خشتك هاجر ماكان عندها نيه تبدل مكتبها فعلا بس تتسلا بالسوالف التفتت على ميس وشافتها مشغوله وماهي معهم اشرت ل غاده باسكتي وراحت لميس واهي ناويه تلف الكرسي الي هي جالسه عليه بحيث تاخذ لفه كامله على نفسها تقدمت لها واهي تتخيل ردت فعلها لمى تفجعها امسكت حافة الكرسي وانتبهت لها ميس على طول وخمت لابتبها خبطت بشاشته على لوحة مفاتيحه مسكرته بحركه سريعه وعنيفه خلت هاجر وغاده يتسمرون من الدهشه هاجر انتفضت مكانها واول ماخطر على بالها الخيانه لا ياربي لا دخيلك لاتكون وحده من زميلاتي خاينه ابلعت ريقها بصعوبه وتكلمت بشك : وش فيك ليه خفتي ليه سكرتي الجهاز كذا ميس لفت عليها بانفعال وربكه : انتي وشلون تلقفين على جهازي كذا وش صنف التجسس ذا هاجر عصبت : هي هيه انتي خير وش تجسسه الي تكلمين عنه كنت بالف الكرسي حقك بس وش هالي خايفه اشوفه غاده بعد مابلعت الصدمه : وش ذا ميس وش مهببه في الجهاز عشان تطبقينه كذا ميس اوقفت بعصبيه ودفت هاجر مع كتفها : اقول وخري زين مالكم دخل في خصوصياتي صرخت غاده بانفعال واهي تفز واقفه : خصوصياتك ياهانم في بيتكم هنا خصوصيات الشغل وبس ميس ميلت جسمها قدام اشوي تقرب وجهها لغاده : هذا انتي قلتيها خصوصيات شغل وشغلي مسؤليتي الحالي ماهو من حقك تلقفين فيه هاجر بحزم : بس حنا فريق واحد وعملنا مشترك ميس التفتت عليها بعصبيه : قصدك افتح جهازي واسلمك اياه عشانا فريق واحد هاجر حست ان انفعالها الزايد بيخرب الدنيا لوكانت ميس هي الخاينه فعلا لفت راجعه لمكتبها وبنبرة اعتذار : لا العفو موقصدي بس كل الموضوع انا استغربنا الطريقه الي سكرتي فيها الجهاز وبس ميس ازفرة بغيض وانطقت الكلمات ببطء واهي تشدد على حروفها : مالك علاقه غاده وهاجر ناظرو في بعض باستنكار لتصرفها وتكلمت هاجر تسكر الموضوع : عن الوظيفه يمكن مااعلنو عنها علشان المدير مسافر غاده قررت تمشي مع هاجر في تجاهل تصرف ميس الغريب : وش دخل سفر المدير الي يقابل الموظفات لجنة الترشيحات والقبول و اهي مكونه من ثلاثه موظفين من قسمنا موظفه ومن قسم التصميم ثنتين ومديرة قسمنا والاستاذ باسل هذا اذا الموظفين المطلوبين لقسمنا او قسم التصميم غاده ميلت راسها على كفها واذراعها منتصبه على الطاوله : صح ....لايكون ناوين يحطون احد من قريباتهم من غير مفاضله والا شي ميس حست انها اثارة شكوك زميلاتها فيها من غير داعي وزعلتهن منها في نفس الوقت حبت تلطف الجو بينهم وادخلت في المناقشه : لاتستبعدين هذا هم موظفين المصمم الجديد من غير اعلان والامفاضله والاهو يحزنون اقص يدي ان ماكان يقرب لهم او على الأقل صديق باسل او حتى ابوه صديق المدير خاصه انه واحد مستهتر واتفه مايشوف انظمة الشركه هاجر بحذر وكل خوفها تكون كاشفه ممدوح : من قال انه مستهتر ميس ميلت قدام اشوي تزعم الانسجام في السالفه حتى تنسيهن سالفتها : كم مره اشوفه يدخن في السيب الي قدام قسمنا غاده قالت الي في خاطر هاجر : حتى لودخن موب معناته يقرب لاصحاب الشركه ويمكن مايدرون انه يدخن داخل الشركه من اساسه هاجر بتمويه : ترا التدخين يعتبرونه حاجه تافهه ومايشددون عليها كم مره اشوف موظفين غيره يدخنون في الممرات ولاحد قالهم شي ميس : خلي التدخين البنات يقولون انه يقعد يسولف ويستهبل عليهم اكثر مما يشتغل هذا اذا كان يشتغل من اساسه غاده كشرة بغيض : وليه مايشتكونه ويخلونه يتادب ميس تهز اكتافها بمدري : يمكن علشان توقعو انه يقرب للمدير قالو الشكوى ماهي جايبه همها هاجر بصدق : بالعكس مديرنا مايجامل في الشغل وانتم شفتو ان اولده ماعاد عتب قسمنا ولاعاتبني على الشكوى الي قدمتها والاشي بالعكس انتم شفتوه يوم جاء لمكتبنا وقال اي شي يضايقكم تجون لمكتبي على طول غاده بزهق من السالفه : في حريقه كلهم كلن عقله في راسه ويعرف خلاصه هاجر ارفعت ساعتها لعينها : بنات وقت البريك انا بروح لاستراحت الموظفين العامه الكوفي اهناك احسن وخيارات الاكل في البوفيه اكثر ميس بسخريه : والله والاكل ترا كلها سندوتشات هاجر : الحمد لله نعمه غاده ارجعت لمكتبها : روحي واطلبيلي معك انا بسكر ملفاتي والحقك واجلست تشتغل على جهازها ميس ارجعت تفتح الاب توب حقها : انا بطلب اكلي هنا هاجر اطلعت من عندهم وطلعت جوالها واهي متجهه للمصعد وبدت تكتب تقريرها عن الي صار وترسله لقروب الواتساب واكدت على تحذيرها من كون ممدوح مشكوك في وظعه بسبب الطريقه الي توظف فيها _________________________ خلصت من زينتها وارفعت راسها لديما الي واقفه جنبها تعيد على الروج حقها : ديومه الناس كثير تحت ديما تقرب وجهها من المرايه اكثر : اش الريم عقدت حواجبها ومدة يدها تهز ديما :وش اش ديما ابعدت الروج عن شفايفها بحنق والتفتت على الريم : ماتشوفيني اضبط روجي خليني اركز ماحب احد يتكلم معي وانا مركزه في شي الريم ماسكتها بيدها : علميني قبل ثم ركزي على كيفك ديما تتكلم بسرعه عشان ترجع تضبط روجها : مافيه الاعمامك وخوالك واهل المعرس ..بس تعالي ليه ماسويتي كوشه الريم اخذت الشعر الي نزل على وجهها ورجعته ورى اذنها : كفايه كوشه وحده يوم العرس اذا الحين بزبط كوشه واتكلف على الفستان والميكب وش بقى للعرس ديما لفت عليها بكامل جسمها واتكت على التسريحه الي وراها : كل البنات يسوون كذا وش ناقصك انتي حتى ماتسوين كوشتين وتدلعين نفسك وبعدين فستانك مره ناعم ماحسه فستان ملكه الريم اوقفت تناظر في شكلها على مراية التسريحه شعرها استريت مكياجها ناعم مره والاكنها حاطه شي فستانها دانتيل ضيق باكمام طويله وفتحة الصدر ملتفه على الاكتاف بدون اي شي اضافي مجرد ان خامة الدانتيل ونقوشه فخمه من غير لاشك والاكرستال دانتيل خالص : خلي عنك فستان ملكه والافستان زواج هو حلو والالا ديما تتأملها بأعجاب : حلو وبس يجنن بس يفوز بأنعم فستان في الحفله كلها الريم ابتسمت : وهذا المطلوب افتحت عليهم بروق الباب : يالله ياعروسه الزفه ديما التفتت على بروق : كيف بتسوون زفه ومافيه كوشه بروق واقفه ورى الريم تعدل شعرها : عادي مجهزين لها الكنبه الي في صدر الصاله وحاطين قدامها طاوله مزينه بالورد الطبيعي وبعدين هي ماراح تطول عند الحريم يادوب يسلمون عليها وتطلع للمجلس الجانبي عشان العريس يلبسها الشبكه ديما ماكانت حابه ان ملكة الريم تكون بالتنسيق البسيط ذا كان ودها تكون مجهزه على افخم مستوى تكلمت بزعل : حتى المجلس مافيه كوشه ويادوب رازين قدامهم طاوله متروسه ورد بروق بابتسامه : صدقيني الترتيبات رايقه وجميله انتي من اليوم هنا وماشفتي شي من التجهيزات دخلت عليهم غرور : بنات ننزل وراها والا نخليها تنزل لوحدها بروق : لا بتنزل وحدها ديما :اجل خل ننزل حنا قبلها انزلو البنات وبقت الريم لوحدها فوق قريب من راس الدرج اخذت نفس عميق واهي تسمع صوت زفة الشعر تبدا والاضواء تتسلط على اعلى الدرج تحركت بخطوات بطيئه ماسكه بين ايدينها جوريه وحده مزين ساقها القصير بالدانتيل انزلت تتهادى بنعومه ورقه والمصوره تلتقط لها الصور لحد ماوصلت لنهاية الدرج وهنا بدت اغنية الزفه اوقفت للحظه تاخذ نفس عميق واهي حدها مستحيه وتحس العيون كلها عليها واصلت طريقها لصدر المجلس لحد ماستقرت على الكنبه المجهزه لها ...ارجعت الانوار من جديد وبدو اقاربها يسلمون عليها ويباركون ...ثم انتقلت للمجلس مع امها وخواتها وعماتها ودخل عندها ابوها ورعد باركو لها واطلعو ورعد طلب منهم يلبسون عبيهم علشان يدخل العريس كانو مجهزين العبايات من قبل والبسوها عندها وبروق نادت ام العريس وخواته .... دخل نادر لابس ثوب ابيض وشماغ احمر رغم ان الجو مازال بارد ...ابتسم واهو يشوف عروسته منزله راسها وواضح انها مستحيه تقدم مع رعد وعيونه ماهي شايفه احد غيرها وصلو عندها وتقدم رعد خطوه مسكها بيدينها ووقفها اخذ يدها اليمين وحطها بوسط كف نادر هذي ريومتنا الغاليه لوتلف العالم كله ماتلقى مثلها جاهم صوت مشاري من ورى مسوي فيها معصب : خير خير تسلمه ريمي من وراي نادر وقف جنب الريم واهو شاد على يدها في يده ومبتسم على كلام مشاري : خير انت هذي ريمي انا ماعادهي بريمك والتفت لرعد يرد على كلامه : مايحتاج تمدح النادر مايخذ الانادره مثله ارتفع صوت الهمس والوشوشه بين الحريم بعد تعليق نادر والريم استحت ونزلت راسها اكثر وتحس جسمها سخن من مسكته لها ووقفته جنبها مشاري تقدم لها حضنها وباس جبينها : الف مبروك ريمي الريم ارفعت راسها لأخوها وابتسمت له ابتسامه صغيره وارجعت تنزل راسها من غير ماترد نادر شاف وش كثر اهي مستحيه ناظر في مشاري : وش رايك تاخذ اخوك وتورونا عرض اكتافكم مشاري مسكه بيده بمزح : لا وانت الصادق بناخذك معنا رعد بضحكه : هه صادق مشاري شفت العروسه ولحد هنا كافي عليك امش اطلع ام مشاري تقدمت لهم اسحبت كل واحد منهم بيد : انتم الي اطلعو ازعجتونا نادر اتسعت ابتسامته : كفو خالتي عليك ابهم مشاري ورعد مشو مع امهم واهم يسولفون معها لحد ماطلعتهم من المجلس وارجعت ... غرور وغزل وامهم نزلو عباياتهم وتقدمو لنادر والريم باركو لهم .. ام نادر قربت له الشبكه الالماس عشان يلبس عروسته اخذ الخاتم لبسها ولبسته ..مد يده بياخذ العقد واسبقته غرور : كافي عليك الخاتم انا بلبسها العقد الريم تنهدة بأرتياح ان غرور هي الي بتلبسها موب نادر ...حس بتنهيدتها وميل عليها همس في اذنها بطردهم الحين الريم بدت تفرك غصن الورده بتوتر ...غرور لبستها العقد وغزل وبروق اخذو الحلق ...غزل ابتسمت لنادر بنذاله : وحنا بنلبسها الحلق قالته وقربت ل الريم تلبسها من الجهه الي يم نادر وبروق لبستها الي من الجهه الثانيه بروق بضحكه : ههه باقي الاسواره من بيلبسها نادر سحب الاسوره من الاستاند : عطيتكم وجه لبسها وتصورو مع امه وخواته واطلعو واتركوهم الحالهم ..... _________________ دخل ل المطعم الفخم واهو يشوف الدهشه على وجه يوسف وممدوح وقف ولف عليهم : وش فيكم تسمرتو ابتسم يوسف بسعاده واهو يأشر على الشاشه الي تعرض صور نادر وبعدها عبارات تهنئه الف مبروك عقد قران سعيد ،افراح ال عامر وال ماجد ، نادر &الريم عقد قران مبارك كانت الشاشه تعرض صوره لنادر ثم عبارة تهنئه ثم صوره ثانيه وبعدها تهنئه بالتتابع ..الشاشه معلقه على جدار المدخل المقابل للباب مباشره والمدخل كله مزين بالبوالين والورد الطبيعي : وش ذا باسل حضن يوسف بفرحه : الف مبروك والعقبى لك يوسف شد عليه كان صدره ضايق لأنه ماحضر فرحة اخوه لكن الحين يحس انه شارك في الاحتفال حتى لو من بعيد : الله يبارك فيك والله يكتب لك الي تتمناها باسل بحماس :امين يارب ممدوح حضن يوسف وبارك له وادخلو ل الركن المجهز للاحتفال والي كان مفتوح على المطعم كله كان فيه شاشة عرض كبيره مثبته على الجدار المقابل لجلستهم تعرض لقطات الحفل من سناب رعد وثائر وباقي الشباب وهم بعد ماقصرو وبدويصورون احتفالهم الصغير سناب ...باسل كان متفق مع المطعم انهم يوزعون قهوه وتشوكلت وانواع مختلفه من العصاير والكيك على حضور المطعم على حسابه والشباب بس اعرفو ان اخ العريس ماقدر يحضر حفلة اخوه التفو عليهم وشاركوهم الفرحه والاحتفال ...وانقلب جو المطعم الشبابي لهيصه واحتفال استثنائي ....... _________________ رفع راسه لباسل ورد بعصبيه : ياسلام وليه ماتروح تهزأه انت تدري ان اموري انا وياه هاليومين ماهي هذاك الزود باسل ارتكى على مكتب يوسف بيدينه : انا علاقتي بالرجال محدوده ومستحي اروح اسبه قدام الخلق واهو تاركن اهله واشغاله وجاي يقدملي خدمه مهوب ملزوم فيها يوسف بمحاولت اقناع : عادي انت معلمه بكلام هاجر وان الموظفين شاكين في وضعه وقايله انا بنغسل اشراعه اليوم باسل بحزم : انا مستحيل اتلفظ عليه حتى لويطلع من الشركه بدون مانوصل لشي يوسف قام من ورى مكتبه : لاوعلى وش يطلع من الشركه قبل نعرف شي يبشر بالسب الي يبرد قلب كل مغتاض راح يوسف لقسم التصميم ودخل مع الباب وشاف ممدوح جالس يطقطق على جواله والموظفات يشتغلون تقدم لمكتب ممدوح وبدو ينتبهون لوجوده ممدوح عارف السالفه بس انصدم ان الي جاء يوسف موب باسل نزل الجوال على المكتب يمثل الارتباك يوسف مدله يده : اقدر اشوف الجوال ممدوح حس بغيض من كلامه بس اضطر يلعب الدور ل النهايه قام واقف وتكلم بأحترام : جوالي شي شخصي ماهو من حقك تشوفه يوسف صفق بطريقه مسرحيه : لابرافو عليك تعرف الحقوق وقتك هنا ياستاذ يامحترم ملك لشركه وماهو من حقك تقضيه على خصوصياتك ممدوح ناظر في الموظفات شافهن يراقبن الي يصير نزل راسه بأحراج ماهو متعود احد ينافخ عليه ويسكت بس مضطر يمثل دور الموظف الي خايف يفقد وظيفته تكلم بهدوء : طال عمرك انتم طالبين مني عدد محدد من التصاميم وانا عندي مجموعة تصاميم جاهزه علشان كذا ماكان عندي شي اسويه يوسف بالقوه منع نفسه لايضحك على سالفة طويل العمر تكلم بنفخه : بس حنا نبي تصاميم خاصه بالشركه ممدوح وده يصفقه وكابت في نفسه : التصاميم الي عندي من تصميمي ولااطلع عليها احد يعني بتكون خاصه بالشركه يوسف بعصبيه مالها داعي : حتى ولو حرك يدك صمم غيرها موب لازم تلتزم بالعدد المطلوب ويكون في علمك هذا مكان عمل محترم سوالف فاضيه قلت ادب مانبي وياليت تتذكر انك مابعد ثبت على الوظيفه وياسهل مانطيرك من مكانك ممدوح هز راسه بأستسلام ومن داخله يتوعد بيوسف : ان شاء الله يوسف استدار طالع من المكتب واهو يمشي نفخ بكلمتين : ناس قليلة حياء ماتجي الابالعين الحمراء ممدوح ماعاد فيه صبر تلفت على مكتبه يدور شي يحذفه فيه شاف اقلمه واحذفه بقوه ورى يوسف بس ذاك زيد طلع ندى بتهكم : احمد ربك انه طلع والاكان تنفصل بدون نقاش ممدوح تجاهل كلامها واهو يتكتف ويلف بنظراته بينهن : الحين ابي اعرف من مشتكيه علي ندى ارفعت يدها : انا مااشتكيت على احد ممدوح لف وجهه جهة اسماء اعرفت انه يوجه لها السؤال ردت : والا انا التفت على صمود ارفعت يدها زي ندى :مهوب انا بس اشهد ان الي سواها سبقني ولوالمدير متأخر اشوي كان رحتله بنفسي ممدوح فك ايدينه الي كان مكتفها والتفت بكل جسمه يمها : وليه ان شاء الله تشتكيني ماتعرفين ان الشكوى علي ممكن تطيرني من مكاني زي السلام عليكم خاصه ان ابوي حفيِ لين جابلي هالوظيفه بالواسطات وبعد عنى تكرم ووظفني حضرة المديرولابعد الباشا اولده مهوب عاجبه ويدور علي الزله .. صمود حست بالذنب في النهايه ماتبي تكون سبب في قطع رزقه : اسفه والله اسفه مافكرة انها ممكن توصل لقطع الارزاق بس والله مهوب انا الي اشتكى صح كنت ناويه بس في النهايه ماشتكيت ممدوح التفت على لمياء وبحده : مابقى الاانتي يالمياء لمياء بكذب واهي تتمنى انه ينفصل من جد : ايه انا واذا ماتسنعت وقضبت ارضك بقدم فيك كل يوم شكوى ممدوح توسعت عيونه من الكذبه واهو عارف انه محد اشتكى : وانا وش ضريتك فيه علشان تشتكيني وبعدين عندك علي ماخذ قوليلي انا مايحتاج تروحين للإداره ترا ماني بزر واقدر احل مشاكلي بنفسي لمياء بجديه : حلو معناته خلك في حالك ولاتنسى انا بنات هنا ماتربطنا فيك اي صله مهوب اخوياك في الديوانيه ممدوح نزل راسه بتفكير ورجع ارفعه : حلو منطق برظه اوكي انا اسف يابنات توني انتبه اني براء الديوانيه وراح جلس على مكتبه وفتح لاب توبه يازعم انه يشتغل ____________________ استقبل اهله في المطار هو وممدوح وباسل ماكان يدري انه مشتاق لهم هالقد اندفع لابوه بشوق وضمه وباس خشمه وراسه وحس بغصه في حلقه واهو لأول مره يحس انه عاق لوالديه كان يرمي اسباب خرابه على ابوه ونسي انه رجال طول بعرض ومسؤل عن نفسه ارتخى على اكفوف ابوه وباسها واطفرة من عيونه دموع الندم : تكفى يبه سامحني ممدوح وباسل تأثرو من منظر الانكسار الي ظهر فيه وابعدو عنه يسلمون على جده والشباب علشان مايحرجونه راشد اسحبه لصدره واهو يحس انه استرد اولده اخيرا بادله القبلاة على وجهه واهو يربت على ظهره بيده : مسموح يابوك مسموح المهم انك رجعتلي يوسف الي ابي صد باسل واهو ماسك يد نادر اخر واحد سلم عليه بعد ماشاف المشهد يتكرر بين يوسف والجد ومع الام باكثر عاطفه وبكى قوي من الام وهذا الي اوجع باسل مايقدر على دموع الأمهات : اخوك البزر متى بيخلص اصياح نادر ابتسم : شكلك خايف تشاركه الدموع باسل سحب نادر يقدمه ليوسف : اقول رح اخذ نصيبك من العياط (البكى على قولة اخوانا المصريين ) سلم عليهم واحد واحد ابوه جده امه جواد نادر ثاير غزل ...ومع كل واحد يتجدد الشوق في صدره وكأنه غاب عنهم اسنين كان يضن انهم اشخاص عاديين في حياته ومالهم ذيك الأهميه لكن شوفته الهم بعد هالغياب علمه انهم القلب والروح ومعنى الحياة وقيمة وجوده ومعناه سعيد بشوفتهم سعيد لدرجه يحس كل خليه في جسمه تصرخ احبكم احبكم اكثر من مما تتخيلون احبكم بكل قطره في دمي احبكم ... تقدم ل غرور الي لاحظ تباعدها عنه وكأنها تتهرب من سلامه تقدم لها واخذ يمناها من جنبها سلم عليها بالخد واهي بادلته السلام ببرود مسك يدها بيدينه الثنتين يشوف اثر جريمته فيها شاف اثر الجرح باقي منه مقدار ظ،سم مسوي ندبه واظحه في اعلى كفها اول مكان طاحت عليه السكين ..تمنى لو السكين صابت ارقبة بروق ولاجت في يدها ..رفع كفها لفمه وباسها على مكان الجرح وهمس لها بتأثر : انا اسف سامحيني غرور صدت تخفي تأثرها وردة عليه بحده : رح اعتذر للي كنت بتذبحها يوسف شد على يدها : شفتها قبل اشوفك والاطرى في بالي اعتذر لها وبتموت ماعتذرت لها غرور ردت عليه بتهكم وغصه قويه تعترض في حلقها : يقالها مخطيتن عليك تراها ماسوت شي الاانها قرت لك تاريخك فماهو ذنبها ذا كانت صفحتك سوداء يوسف حس كلامها طعنه مسمومه بوسط قلبه تسمر قدامها مايدري بوش يرد عليها غزل الي اسمعت الحوار انقهرت من غرور والدراما السودا الي سوتها اسحبت يوسف بذراعه بمزح ومشته معها واهم يشوفون باسل وممدوح ونادر يمشون قدامهم بمسافه اشرة على باسل بضحكه : ههه وراك مخاوي شايب شعره ابيض قلو الشباب يوسف عرف انها تحاول تطلعه من الجو الي دخلته فيه غرور ابتسم لها بمجامله : اهل جده عندهم الناس بالمقلوب الشباب شعرهم ابيض والشيبان شعرهم اسود غزل ضحكت تشجعه يوسع صدره : ههههه يمه منهم اجل ارجع لنا بسرعه قبل يقلب شعرك ابيض ________________ جلس على الكرسي وعينه على خزام الي يفصل بينهم المكتب الضخم تكلم باستغراب : انت اليوم مانك بخالي ماغير توزع ابتسامات مدري وش وراها خزام ميل جذعه على المكتب يقرب لهزاع وبابتسامه واسعه : احزر وش صار هزاع هز راسه بمدري : قلي انت وش صار خزام بوناسه : عروستي المستقبليه سجلت في الجامعه قسم أدارة اعمال هزاع تغير وجهه بغضب : صاحي انت تطيرها من قانون لادارة اعمال باي حق وبصفتك وشو خزام كشر بعدم رضا على انفعال هزاع : بصفتي زوجها المستقبلي وتراها هي الي اختارة ادارة الاعمال موب انا ولونها مختاره القانون كان حطيتها في اخس تخصص علشان لاتخرجت ماتلقى وظيفه هزاع ضرب المكتب بقبضته بغضب : ياخي انت من وشو مخلوق وش حاجتك في وظيفتها خلها توظف وين ماتبي هذا انت تشتغل في مهنتين وامك تشتغل وخالتك تشتغل وش معنى هي خزام نفخ بعصبيه : قلت لو ..لو اختارة القانون واهي اختارة ادارة الاعمال خلاص تحمد ربها انها تلاحقت عمرها هزاع بغضب : خزام تصرفاتك هذي بتجني عليك ترا البنت ماهي زي مانت متوهم تجرها وراك مثل الصخله واهي تهز راسها بابشر وسم لاياحبيبي هذي تاكلك مغمضه فلا تحلم كثير خزام عقد حواجبه واهو متحسف انه قال لهزاع : ومن قال اني ابيها صخله بالعكس انا مايجوزلي الا ترويض المهره الجموح وعلى قولة ابونوره يامدور الهين ترا الكايد احلى هزاع عصب زياده صاح في وجهه : الي تسويه مهوب ترويض ياحضرت هذي تصرفات واحد جبان خايف من المواجهه خزام فز واقف بغضب :ولدك ياعدي انا تقول عني جبان ...انت اكثر واحد يعرف اني ماتردد في مواجه احد هالمره تبيني اخاف من مواجه بنت وبعدين ترا ماصار شي كلها سوالف البنت سجلت واختارة التخصص الي تبي من راسها ولمى قلت اني باغير تخصصها فهذا لانا باقي ماتزوجنا ومافيه مجال اتكلم معها هزاع توسعت عيونه باستغراب : احلف بس وليه ان شاء الله حاط ان زواجك منها امر منتهي وخالصين منه خزام باستغراب اكبر : وليه مانكون خالصين منه عبالك بترفضني انا هزاع بغيض : ترا مهوب علشانها مطلقه بتفرح باول واحد يتقدم لها خزام بغضب : وانا ماقلته علشانها مطلقه ....بنات البنوت يتمنني هزاع تمنى بصدق انها ترفضه على هالغرور الي فيه بس احتفظ بأمنيته لنفسه موب ناقص يكسر المحل على راسه وبدل مايقول الي يدور في راسه فضل انه يهدي الامور : خلاص يبه غلطنا وحقك علينا الحمد لله ماني بنت والاكان اشيب وانا احتريك تطق بابي خزام بغيض : يع من بيطالع في وجهك وانت بنت الله يديم النعمه بس هزاع تحرك ماشي من عنده :انا بروح لدوامي اصرف لي خزام رفع صوته من وراه : وش بعده بعد ماغثيتني هزاع كمل طريقه من غير مايرد عليه لانه منغث منه بجد _______________________ جالسه على فرشه مبسوطه في الحوش ملتفه بشال صوف الجو غيم وبراد يشرح الصدر الربيع في اقبال والشتاء اقفى تذكرة ظامي واهي متشفقة شوفته زيارتهم اله في المزرعه علقتها فيه ..يمكن علشان هو الوحيد من اعيال مشعان ماله ام صحيح فيه غيره واجد امهاتهم مطلقات بس موجودات ومتعلقين فيهن اكثر من ابوهم رغم برهم له ...ياكثر جحوده هالادمي ياكثر مايجمع على ظهره من ذنوب ...اطردت خيال مشعان من بالها وارجعت تفكر في ظامي ..ماله ام وانا مالي اعيال يارب تحنن قلبه علي وتسمعني كلمة يمه من فمه ودي اسمعها قبل اموت يارب رجيتك ياكريم يالله حست بدموعها تغرق برقعها اخذت طرف طرحتها وامسحتها ..يالله انك عالم ماصبرني على مشعان والااخذته واستغنيت به عن بيت ابوي الاعلشان اعياله .. والاانا حره ماقبل الضيم والاقبل المهونه مير حسبي على قلبٍ ذلني من بعد عز (ام عايد متزوجه قبل مشعان ولمى عرفت انها عاقر ماتجيب اعيال اصرت على الطلاق وانشرت بين الناس انها عاقر حتى مايخطبها الاواحدن راضن بحالها ) على كثر ماركضت وراهم وداريتهم واحتضنت كل من قالت امه مشغوله والاوراي عزيمه ..ولاحدن منهم جبر في خاطري وسمعني هالكليمه الي احترقت روحي في رجواها ...سمعت صوت باب الشارع يفتح واهي جالسه في حوش الرجال تنحنحت تعدل صوتها واخذت كوب الماء الي في جنبها اشربته جاها صوت مزيد المزوح : شيخة الجدات جالسه في الحوش الحالها والله ياشايبن يتركتس بريحاتك ماعنده نظر قاله وقام يتلفت يخاف جده يسمعه ناصر دزه مع كتفه : لاقلت كلمه خلك قدها مهوب تلفت من الذله مزيد دف يد ناصر : رح وراك بس ناد جدك وانا اقوله وينك عن الشيخه بنت الشيوخ انحنى على ام عايد وباس خشمها وراسها : وشلونتس ياجده وجاء ناصر من بعده وسوى نفس ماسوى وام عايد تهلي وترحب فيهم تلفت مزيد وشاف طوافير القهوه والشاهي وعرف ان المجلس قبل فتره كان مليان :وين اربوعتس اخاف انا الي قطعنا جلستكم ام عايد تأشر له بحب يجي يجلس جنبها واهو تقدم جلس وين مابغته يجلس التفتت عليه : ابد ماقطعتو شي زيد قامو بلياكم ناصر اخذ فنجال نظيف وصب لمزيد قهوه ..ثم صب لجدته ومن بعدها صب له ام عايد تمسح على كف مزيد : ياوليدي ماجيت ظامي اليوم ماشفته مزيد التفت عليها بعد مارشف من فنجانه ونزله : لاوالله ياجديده اليوم ماشفته مير جايه قبل امس مابه الاالعافيه ليه تنشدين عنه ام عايد ترددت لحظه ثم تكلمت وكأنها مستحيه من الكلام الي بتقوله : والله ماغير انغرف قليبي على شوفته من بعد مسيارنا عليه في المزرعه ماعاد شفناه ياكافي حتى الجمع الي جت من بعدها مادخل يسلم ناصر بجفاف : الي مايدورتس لاتدورينه كيفه محد درى عنه جاء والاراح ام عايد انكتم صدرها من كلام ناصر ويالله ردت البكوه لاتطلع مزيد التفت على ناصر بحده يأنبه بنظراته على كلامه : لابالله دارين عنه ونبيه وكان ودك يالغاليه تخاويني لهالهيس الاربد نغصبه بانفسنا ونتعشى عنده قدام ام عايد انطلقت اساريرها وبسرعه خوف انه يغير رايه : هاصبر خلك هنيا بروح البس عباتي واجي ... اختار مكانه خارج البيت المكون من طابق واحد بين الورود والخضره والجو البديع جالس على كرسي خشبي ويشتغل باندماج تام على موقع المتجر الالكتروني الخاص فيه والي يروج البضائع الفرنسيه بحكم دراسته هناك اتفق مع عدة مصانع على ترويج بضائعهم في السعوديه والوطن العربي مقابل خصم مناسب على طلبياته وهالمتجر حقق شهره واسعه وارباحه فوق الممتازه انتهى من كتابة الرد على رسالت احد طالبي الدعايه والاعلان وقبل لايرسله دخل على جوه صوت سياره مزعج خرب عليه انسجامه رفع راسه يشوف من المتطفل ذا الي جاي يقطع عليه اشغاله زفر بضيق لمى عرف السياره همس لنفسه واهو يلتفت للاب توب ويضغط على ارسال : اللزقه ذا تم الارسال وبدى يغلق الجهاز واهو يسمع صوت مزيد يصايح بعد مانزل من السياره : ظامي جعل عدوك لالظمأ قم اذبح لنا تويس مبروك بنشوي اتسعت ابتسامت ظامي وهمس لنفسه : واطلق لزقه في ذمتي رفع صوته واهو يقوم من الكرسي : تخسي اذبح قطع كلامه لمى شاف عمته ام عايده تمشي من وراه كمل كلامه : انت تخسي اذبحلك بس عمتي تبشر بالي يسرها مزيد وصل عنده وسلم عليه وبعد السلام كمل كلامهم : المهم ان التيس يذبح الي والالجدتي ام عايد سلمت عليه بشوق استغربه ظامي منها بس ماعلق وبما ان صلاة المغرب اوجبت والجو بدى يبرد دخلهم لداخل البيت واستاذن من عمته علشان يطلع هو ومزيد يصلون في المسجد الي في طرف المزرعه مع العمال ومن يمر بالمزرعه وقت الصلاة واهو منبه بواب المزرعه انه يفتح الباب وقت الصلاة وحاط لوحه على المدخل تنبه بوجود مسجد داخل المزرعه للي يبي يصلي راحو يصلون واهي اوقفت داخل المجلس الواسع تتأمله بحب وتتمنى لوكان ظامي صدق ولدها كان خلت مجلسه ذا دايم مفتوح والناس تنصاه من قريب وبعيد بتخليه شيخ ال شعوان كلهم وبتفضح اكاذيب الشايب كلها وتوقفه عند حده والله انها اقدر الناس على رد صوابه لراسه من بعد اذن الله مير مالها في صوابه وخطاه حاجه ماله عندها نصيبٍ يحثها على العنوه خله في غيه لين يصفي راسه !! ___________________ اسمعت صوت الباب يطق واهي جالسه على طاولة القراءة تقرأ كتاب ارفعت صوتها : ادخل دخل ابوها وسكر الباب وراه ولان طاولتها ماعندها كرسي ثاني يجلس عليه تقدم لها مسكها بيدها وقومها معه للكنبه الوحيده في غرفتها واهي واسعه بحيث تكفي ثلاثه اشخاص جلس وجلسها جنبه والسعاده مبينه في وجهه : محد قالك ان عندي احد بروق باستغراب : الا ادري ان عندك ارجال ليه اتسعت ابتسامة جاسر ونطق بفرح : ومحد قالك انهم جايين يخطبون برقي !! _______________________ * * * | ||||||||
|
| |
 |
| أدوات الموضوع | |
| انواع عرض الموضوع | |
|
|
51Likes
.png)
العرض العادي
