آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
15-05-22, 11:39 AM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 28 مازن وهو يستوعب : اي والله محمد و راكان و لمى .. خال و عم راكان بضحكة : ان شاء الله و يارب قريب أب .. مازن : اميييييييييييين .. راكان بضحكة : يعني نقول لـ لمى تشوف لك بنت الحلال ؟ ريان : لا يستاهل ان زوجتي تتعب عشانه مازن قرب من لمى و ضمها : اي والله اتستاهل ؟ صح لموو ؟ لمى بتقهر ريان : اكيد يا روح لمو اذا انت ما تستاهل من يستاهل بعدك ؟ راكان : اووه .. ريان تنرفز مره بس حاول يضبط اعصابه ابتسم بخفه .. بعد مرور ربع ساعه راكان استأذن بعد ما وصله مسج من زوجته .. راكان وهو طالع .. ريان : لازم تزورنا مع الاهل .. لمى بحماس : ايييي بليز راكان : ان شاء الله ، يلا مع السلامة .. و اتجهه للسياره و كان مازن بـ انتظاره .. في بيت راكان .. راكان : حياك تعشاء معنا ؟ مازن : كثر الله خيرك ، صديقي تركي ينتظرني راكان : حافطك ربي .. و نزل .. واول ما فتح الباب .. شافهم جالسين بالحديقه .. راكان : السلام عليكم . طيف اتجهت له و بجراءه ضمته : اهلاااً طولت مره .. راكان شد على عليها : اعذرينا يا الغاليه كنت عند اختي طيف بعد راسها عن صدره و ابتسمت بخفه : الله يخليكم لبعض راكان : اميييين و يخليك لي ! طيف توردت خدودها بخجل .. في بيت ابو فهد .. ام فهد : حيالله عيالي ياهلاا سلمو عليها واتجهو للصاله .. ام فهد : شلونكم شخباركم ؟ فهد ما رد وهو شارد تماماً .. داليا بـتداوك للموضوع : بخير الله يسلمك .. و اللتفت على فهد الي كان يناظر للدرج بسرحان .. دخلت امال و بـ ابتسامة : حي الله زوجة ولدنا ، نورتي البيت داليا بـمجاملة : نورك .. و سلمت عليها و اتجهت لفهد الي كان عاقد حواجبه . . امال : فهد ؟؟ و قربت منه : ففههد فهد فز وهو يحاول يضبط اعصابه : وين ابوي ؟؟ ام فهد : بينزل هالحين فهد لـ امال : قولي له وصلو بسرعه .. امال مصدومة من تصرفاته حتى سلام ما سلم عليها اتجهت فوق .. داليا مصدومه وبنفسها كيف يتعامل مع اهله ذا ؟؟ بعد مرور دقايق نزلت امال و ابوها ابو فهد : ياهلاا ياهلااا فهد وقف و بجدية : متى ناوين تكلمون راكان ؟؟ ابو فهد نزل وهو ساكت ومستغرب من فهد .. ابو فهد : ننتظر الامور تهدأ .. فهد : الولد ترك وظيفته و عطاني مفتاح السياره ؟ كيف بيعيش هو وزوجته ؟؟؟؟ لا وظيفه ولا دخل ! ابو فهد : انت كنت موجود ! انا ما اجبرته فهد بغضب : يبه لا تحاول ابداً تطلع نفسك انت وعمي صح ! ابو فهد : ادري الي سويناه غلط بس ما فصلته ولا قلت له عطني مفتاح السياره الي شريتها لك !!!! بعد مرور دقايق نزلت امال و ابوها ابو فهد : ياهلاا ياهلااا فهد وقف و بجدية : متى ناوين تكلمون راكان ؟؟ ابو فهد نزل وهو ساكت ومستغرب من فهد .. ابو فهد : ننتظر الامور تهدأ .. فهد : الولد ترك وظيفته و عطاني مفتاح السياره ؟ كيف بيعيش هو وزوجته ؟؟؟؟ لا وظيفه ولا دخل ! ابو فهد : انت كنت موجود ! انا ما اجبرته فهد بغضب : يبه لا تحاول ابداً تطلع نفسك انت وعمي صح ! ابو فهد : ادري الي سويناه غلط بس ما فصلته ولا قلت له عطني مفتاح السياره الي شريتها لك !!!! فهد بغضب : راكان عنده كرامه مستحيل ياخذ منكم شي بعد الي سويتوه !!! ابو فهد : اجل وش تبينا نسوي له ؟؟؟ فهد: اقل الاحسان كلمو معارفكم بالسوق اذا قدم اوراقه عندهم يقبلونه .. راكان عزيز نفس مستحيل يطلب من احد شي .. لازم يتوظف ابو فهد : طيب طيب بس انت شفيك معصب علينا !!! فهد بغضب : لان راكان رفع صوته علي بسببكم ! لان اتصل عليه ولا يرد علي !!!! اروح له للبيت ما يبي يشوفني حتى ! ابوفهد : مو انا اقول لك انتظر الامور تهدا و اكيد عمك يبي يروح له و يتفاهم معه فهد : ايي اييه يستقبلكم علطول راكان و اتجهه للباب وهو غضبان جداً لانه من دخل البيت وهو يتذكر مواقف جمعتهم مع عمهم .. كيف هان عليه ؟؟؟ كيف قدر يخبي موضوع مثل كذا ؟ معقول لهدرجة ما في لا احساس ولا ضمير ؟ في بيت ريان .. بعد ما راحو اخوانها .. كانت جالسه بالصاله و بحضنها قوت .. ريان : ماشاء الله عليه ابداً ما يشبه اخوانك مازن و محمد لا شكلاً ولا حتى بالشخصيه .. لمى تنهد : اكيد .. كل واحد عاش ظروف غير ، و راكان تعب من هالحياه مره .. الله يعوضه بس ريان : امين يارب و الله واضح عليه انه رجال كفو وما عليّه .. لمى : اكيد ابوي عنده تبرير للي صار .. ريان تنهد : اكيد ! ما فارق ولده وزوجته كل هالسنين الا ان فيه شي و وقف : يلاه عند اذنك نبي ننام يلا قوت قوت : لا ما ابي لمى : انا انومها شوي ، خلاص رح انت ريحّ .. ريان بـ ابتسامة : شكراً لان صدق تعبان .. و اتجهه للغرفه .. لمى تحس برجفه من كلمته " صدق تعبان " لا يكون فيه شي وما يبي يقول لي ! اخذت قوت علطول لغرفتها و جلست عندها لين نامت و اتجهت لغرفتهم وهي جداً متوتره .. في بيت راكان .. بعد العشاء كانت جالسه و بيدها جوالها فجاءه جا راكان و جلس بجنبها على ان الكرسي كان ضيق عليّهم .. راكان بهمس : طول اليوم ما شفتك و حشتيني ! طيف حست بخجل .. راكان : افا ما في حتى انت وحشتني ! لهدرجة انا نشبّه و ارتحتي مني اليوم ؟ طيف بتسرع : لالاا راكان ضحك بخفه : ارحمي قلبي من خجلك الزايد ! قاطع حديثهم صوت افنان .. راكان بهمس : تموت لو تتدخل و اللتفت له : هلا و جلس يسولف مع افنان و ماسك طيف مع يدها و يلعب بـ اساورها لاشعورياً .. في بيت ريان .. فتحت الباب بشويش و شافته نايم قربت منه و بخطوات متردده تقدم منه و بنفسها : لا يارب لاا يارب و قربت منه و حطت يدها عند انفه عشان تشوفه يتنفس ولا لا .. و تنهدت بـ ارتياح .. اف لمى شفيك وسوستي بالموت اكثر منه ! اتجهت لغرفه الملابس وبدلت ملابسها و رفعت شعرها و اتجهت للسرير .. وهي تفكر بـ راكان .. كان شعور غريب الانسان الي من صغرك تستحين منه بيوم وليله يطلع اخوك و يزورك بالبيت .. انسدحت و عطت ريان ظهرها .. و تنهدت وهي محتاره بموقفها بين ابوها و راكان لازم نسوي شي يصلح بينهم .. ريان اللتفت وشافها قريبه منه .. و ريحة عطرها ملتّ المكان .. قرب منها و ضمها من ورا بخفه .. لمى حست الدم توقف بعروقها .. ريان وهو يستنشق ريحة شعرها : احب ريحة بخور شعرك .. لمى من الخجل لا حركة ولا اي كلمة .. ريان : فكرتي صار لي شي وبضحكة : بتسوين كل يوم كذا .. لمى بتوتر : لاه بس ريان : بس ايش لمى : انك قلت تعبان وبتردد : خفت صار لك شي و ما تبي تقول لي .. ريان قرب منها و بهمس : عمري الي خايفين والله ! في بيت سيف . . باقي على زواجة ليلّه فقط .. كان كاره كل شي حوله و حزين جداً و كل تفكيره بـ ابتسام ! كيف اقدر اعيش مع غيرك ؟ كيييف .. معقوله بيجي يوم و تعيشين مع غيرك من الفكرة بس جن جنونه .. و تنرفز اخذ مفتاح سيارته و طلع وهو معصب جداً يوم جديد .. الساعه / ٤ صباحاً كانت قايمه تصلي الفجر و سمعت صوت التيلفون اتجهت له و بنفسها : خير الله يجعله خير .. رد : الو بتوتر : ايه انا والدته .. بصدمة : يمممه ولللييدددي يمه حبيبي و بتوتر : حلفتك بالله يا وليدي هـو عـا عـااايشـ شـ ؟؟ تنهد ونزلت دمعه على خدها و بكت بحرقه .. يمه وليدي .. اتجهت فوق بسرعه .. في بيت ريان .. صحت من النوم وهي تحس بنعاس .. و اللتفت وشافت ريان نايم بعمق غضمت عيونها وهي تتذكر احداث امس حست بخجل شديد و توردت خدودها و قامت من السرير بسرعه وهي مستحيه مره .. في بيت راكان .. كانت نايمه بعمق .. قرب منها و باسها بخفه : يكفي نوم ! طيف فزت ولما شافت مدى قربه حست بخجل شديد ! وبتوتر : صحييت صحيت راكان : يلاه ننتظرك على الفطور و نزل وهو يعدل شماغه و على شفايفه ابتسامه خفيفه .. في المستشفى .. كانت جالسه وهي تدعي لـ ولدها ان الله يقومه بالسلامه و يحفظه .. طلعت جوالها و اتصلت على اختها لازم تبلغها ! اليوم الزواج !!!!! و العريس بين الحياه و الموت و لاشعورياً اتصلت على ابتسام لانها موظفه هنا و طلبت منها تجي قسم العمليات .. عند ابتسام .. حست بتوتر .. الله يستر ! ليش خالتي هنا ! من عندهم مريض ! وحست قلبها ينقزها : لا يارب لاااااا يارب !!! في بيت ريان . اخذ شور وهو جداً مروق .. لبس ثوب ابيض و شماغ لان كان عنده غداء عمل .. نزل بخطواته الواثقه .. لمى حست قلبها يدق بسرعه من ريحة عطره .. ريان : صباح الخير يا حلوين قوت : صباح النور ريان ابتسم بخفه وهو يشوفها منزله راسها .. ريان بخبث : لمو كيفك اليوم ؟ لمى بتوتر وهمس : تمام .. ضحك بصوت مسموع و اتجهه للباب : لاتنتظروني على الغداء عندي شغل في بيت خاله سيف .. انهارت مي لما امها قالت لها سيف بالمستشفى !! لبست عباتها ونزلت بسرعه و بنفسها يارب استر يارب !!!!! بالمستشفى .. لما قالت لها ام سيف حست كان احد كب مويا بارده عليها من الصدمة ما قدرت حتى ترد .. !!! اتجهت لباب العمليات بسرعه و ضغطت الزر اكثر من مره من فتح الباب اتجهت داخل بسرعه وهي تلتفظ انفاسها .. صادفت دكتوره مروه وهي طالعه من احد الغرف ابتسام : سيف سيف وينه ؟؟ مروه عقدت حواجبها : سيف الـ ***** ابتسام مسكت يدها : اييي ايييي مروه : تعرفينه يقرب لك ابتسام : مروه تكفين قولي انه بخير !!! طلع الدكتور عماد : ما نقدر نقول شي هالحين لكن حالته جداً خطره و سوينا الي علينا ، دعواتكم له .. و اتمنى تكملون نقاشكم برا مو هناا ابتسام بكت بصمت اتجهت لقسم العمليات بسرعه و ضغطت الزر اكثر من مره من فتح الباب اتجهت داخل بسرعه وهي تلتفظ انفاسها .. صادفت دكتوره مروه وهي طالعه من احد الغرف ابتسام : سيف سيف وينه ؟؟ مروه عقدت حواجبها : سيف الـ ***** ابتسام مسكت يدها :اييي ايييي مروه : تعرفينه يقرب لك ابتسام : مروه تكفين قولي انه بخير !!! طلع الدكتور عماد : ما نقدر نقول شي هالحين لكن حالته جداً خطره و سوينا الي علينا ، دعواتكم له .. و اتمنى تكملون نقاشكم برا مو هناا ابتسام بكت بصوت مسموع و اخذتها مروه عند قسم التعقيم .. و مسكتها مع يدها : هو نفسه ولد جيرانكم ابتسام بـ انهيار : اييييه هو ضمتها مروه على صدرها : بيتحسن ان شاء الله ، ادعي له يا ابتسام .. في نفس المستشفى .. مي كانت منهاره وبنفسها شاقول لصحباتي و التجهيزات و التعب وكل شي .. ام سيف كانت تدعي بصوت مسموع .. طلع الدكتور وكلهم اتجهو له .. ام سيف : طميني يا وليدي .. د.عماد بمهنية : ما اقدر اقول شي هالحين ، لكن سوينا الي علينا .. مي بتردد : حالته حرجة ؟ د.عماد : جداً ، و اذا قام لكم بالسلامة ان شاء الله ، لابد من ضرر دائم لكن ما اقدر اقول شي واضح بعد ٢٤ ساعه باذن الله .. ام سيف جلست بالارض تبكي بصوت مسموع .. و بجنبها اختها ام مي .. بعد مرور ثلاث ايام .. قبل زواج محمد و امال بليّله .. في بيت ابو محمد .. مازن و ابوه كانو متحمسين اكثر منه ! و مازن كان يشرف على اخر الاثاث الي وصل اليوم .. ابو محمد بتردد : قلت لـ اخوك ؟ محمد تنهد : مستحيل يجي مازن بحرقه : قلت له و قال لي لا .. ابو محمد تنهد : الله يصلح الحال . مازن : يبه شتنتظر ؟ ابو محمد : بعد زواج محمد ان شاء الله بنفسي اروح له .. و الي يبي يصير يصير .. مازن : ان شاء الله .. محمد : عن اذنكم و طلع و اتجهه لزوجته بشرى وهو مهموم جداً .. في المستشفى .. مي بصدمة : اااايييشش !! ابو سيف بجزع : يمه وليدي ! داليا بتردد : طيب دكتور ما له علاج ؟ د.عماد : العلم تطور ، و ممكن العلاج الفيزيائي يساعده انه يقدر يمشي مره ثانيه ، لكن نسبه ضئيله .. مي اخذت شنطتها و طلعت وهي تبكي .. صادفت امها ام مي : شقال لكم الدكتور ؟؟؟؟ مي بـ انهيار : سيف بيكمل باقي حياته مقعد و بصراخ : مقعد يمهه كيف اقدر اعيش معه كيييييييف ام مي : استهدي بالله يا امك الا ان فيه علاج او شي مي ببكا : الدكتور يقول ما فيه و مسحت دموعها : يمه اقول لك من هالحين مستحيل اعيش مع واحد مقعد مستحيييييييل و طلعت برا وهي تبكي .. نتوقف هنا | ||||
|  |
|
15-05-22, 11:48 AM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 29 في بيت ريان .. كانو نازلين مع الدرج .. طالعين لمطعم ******* مسوين بارتي صغير لـ قوت بسبب نجاحها بالروضة .. وهم نازلين كانت مشغوببه بجوالها و شافته وقف فجاءه و حط يده على راسه .. لمى تقدمت بسرعه و مسكته لاشعورياً مع يده : شفيك ريان ريان وهو مغمض عيونه : لا ولاشي صداع خفيف لمى : اذا تعبان خلاص نأجل الـ قاطعها وهو يفتح عيونه : ما فيني شي يلا لمى : ريان ! ريان اللتفت لها : ما فيني شي وكمل طريقه لمى تقدمت وصارت بجنبه و مسكت يده بصمت ريان ابتسم بخفه : ما عليك عندي توازن لمى رفعت عيونها : كيفي انا ابي امسك يدك ! ريان ضحك بخفه : كليّ حلالك ! لمى حست بخجل وبنفسها : غبيه ما تقدرين تمسكين لسانك ! في بيت راكان .. حط يده على حبينها : لالا لازم نروح للمستشفى طيف : ما فيني شي والله ، احط كمادات راكان بعجله : وينهم انا احطهم لك ؟؟؟ طيف بخجل ابتسمت و قالت له .. اتجهه راكان وجاب شنطه الاسعافات الاوليه و حط لها كمادات .. و قاس لها الحراره .. وهو مهتم جداً و خايف عليها .. في بيت فهد .. ركبت السياره وهي تبكي .. فهد : عسى ما شر ؟ شقال لكم الدكتور داليا ببكا : يمكن ما يقدر يمشي مره ثانيه على رجوله و بكت بحرقه .. فهد فتح حزام الامان و اللتفت لها و بحنيّه : لاحول ولا قوه الا بالله .. ما في امل ؟ داليا : قال ممكن مع العلاج الطبيعي و نسبه ضئيله انه يرجع يمشي فهد بجديه : لا تقطعين الامل و تجزعين يا داليا ادعي له و تصدقي عنه بنيّه شفاءه .. داليا بكت بصوت مسموع .. فهد جت في باله فكرة و اتجهه لجمعيه ****** لرعاية الايتام .. في غرفه ابتسام .. عشان خبرتها و علمها بهالتخصص كان عندها امل كبير لان فيه كثير حالات تحسنت .. بس بالرغم من هذا كانت حزينه و عجزت تتخيل رده فعل سيف اذا عرف .. !!! في مطعم ******* . ريان كان يضحك لـ ضحكتها و يتأملها بكل ما فيها .. وهو يتشعر كل لحظة مع بنته .. لمى كانت ملاحظه نظراته لقوت .. و كانه يودعها .. حست بضيقه وهي مو قادره تقنعه يسوي العمليه .. والايام جالسه تمر بسرعـه .. بيوم الزواج .. كان محمد غصب يمثل الابتسامة و الفرح .. امال كانت مبسوطه جداً و حولها امها و بنت عمها لمى .. كان الزواج جداً فخم .. و الحضور كثير لـ مكانه ابو محمد الاجتماعية .. وهذا الشي قهر بشرى مره ! لانها كانت من الحضور على ان محمد قال لها لا تجين ! بس كان فيها فضول تروح و تشوف العائله الي رفضتها و رفضت نسب ابوها .. !!! في المستشفى .. سيف بغضب : اطططلللعووو بررررا ما ابي اشوف احددد ام سيف بخوف : سيف استهدي بالله سيف بغضب : يمه اطلعو اطلعووو طلعت ام سيف و ام مي و مي و الممرضه وهم متوترين من غضبّه .. ام سيف عند الباب : يمه مي اللتفت لها : هلا ام سيف : يا امك انتي زوجته و حلاله على سنه الله ورسوله .. اجلسي معه و واسيّه .. مي ناظرت بصدمة ىبدون رده فعل و بنفسها من جدها ذي ! تبين اقابله وهو بهالحاله كملت طريقها بدون ما ترد !!! ام سيف : شفيها بنتك !! ام مي بتوتر : اعذريها يا ام سيف مي مره زعلت على الزواج و الدعوات والي صار ام سيف بصدمة : وهذا همها !!! ولدي كان بين الحياه و الموت ولا شفتها طول الثلاث ايام ؟ و لما جت ما تكلمت معه حتى ! شفيها بنتك !!! ام مي بتوتر : انا اكلمها و افهمها !!! قاطع حديثهم : السلام عليكم ام سيف : هلا امي ابتسام بتردد : قال له الدكتور ؟ ام سيف بقلة حيله : ايه و عصب علينا و طردنا ابتسام : لاحول ولاقوه الا بالله .. ام سيف : تكفين يل بنيتي كلميه وقولي له انت دكتوره و تفهمين بحاله قولي له ان فيه امل ابتسام بتوتر : انا ام سيف : ايه انتي يا بنيتي تكفين شوفت عينك داليا من جهة منهاره ، و رنا بالبيت متضايقه على اخوها و زوجته و بحرقه : قليله خاتمه حتى ما قالت له كلمه وحده و طلعت .. ابتسام بتوتر : ان شاء الله يا خاله ام سيف : الله يرضى عليك .. بغرفه سيف .. فتحت الباب بشويش سيف بصرخة ارعبتها : قلت لكم ما ابي اشووووف احدددد ابتسام فزت بخوف .. لكن قررت تدخل ! في بيت ريان .. تجهز و وصل بنته عند امها و اتجهه للقاعه من بدري .. يبي يوقف مع ابو محمد و مازن بفرحتهم .. في بيت راكان .. طيف : تكفى يا راكان ! والله بيجي يوم وتندم ! راكان : مستحيل اروح لهم ! طيف تنهد : انت تدري ان هالقطاعه مستحيل تكون طول العمر وبيجي يوم وتتسامحون والله ما تسوى عليكم .. اخوك الكبير ما تحضر زواجه ! وهم اكثر ناس وقفو في زواجنّا !!! راكان كلام طيف ردده شوي ! و فكر من جديد وقت الزفـة .. نزلت امال بخطوات خجلانه و الكل كان مبسوط و فرحان بـ استثناء عيون كانت تراقبها بحقد وحسد ! شفيك زود عني ! انا اجمل منها. !!! ليش رفضوني انا و اجبروه فيه .. ! بعد مرور ربع ساعة .. دخل محمد مع مازن و فيصل و فهـد .. داليا فز قلبها بشعور غريب .. و هي تتذكر موقفه لما اخذها من المستشفى و اخذها لدار رعاية .. و قال لها اكفلي يتيم او شاركي بـمدرسه لهم بنيّه شفاء اخوك .. و كان داعم لها طول هالفتره .. وكان واقف مع اهلها طول الوقت .. اما على طاولة ام وليد .. فز قلبها بشعور غريب وهي تشوفه يسولف مع مازن و يبتسم .. اه يا فيصل لو تدري بحبي ! و مشاعري لك !!!! اما محمد .. كان يحسها اثقل لحظلت بحياتها شافها جالسه بـ فستانها الابيض ومنزله راسها بخجل ! انا اسف يا بنت عمي ! اسسف .. بشرى كانت تحس نار بصدرها من شكله وهو واقف بجنبهاا .. في سيارة راكان .. نزل بخطوات متردده جداً و اتجهه للبوابه وهي يحس بشعور غريب .. صادف عند الاستقبال فهد وابو فهد .. اتجهه لفهد بشوق و ضمه .. فهد كان مصدوم من وجوده ! وما توقع ابداً يحضر الزواج .. فهد بـ ابتسامة : ياهلاا .. راكان : شخبارك ؟ فهد : بشوفتك والله بخير ! ابو فهد من بعيد : شلونك يا ابوك ؟ راكان مهما كان يبقى له فضل عليه : بخير الله يسلمك .. فهد : تعال تعال والله محمد بيفرح بجيتك بنفس القاعة .. فوق عند محمد و امال .. ابو محمد طلب من محمد انه يجي للغرفه الثانيه .. محمد توتر جداً ، غريبه ! اتجهه للغرفه الثانيه و ترك الباب مفتوح ! ابو محمد بغضب : وبعدين يعني ؟ متى تستوعب الي حولك ! محمد بصدمة : شصاير يبه ؟ ابو محمد حذف ملف على الطاولة : هذا الي صاير ! كل يوم اقول هو بيستوعب الخطا الي سواه و يطلقها لكن ! كل يوم تصدمني اكثر !!!! وصلت فيها هي و ابوها يحضرون زواجك !!! محمد من الصدمه عجز يرد حتى !!! ابو محمد بغضب : اعرف كل شي و بالتفصيل ! فميحتاج تنكر او تقول شي !!!!! بس بما ان وصلت فيهم الجراءه لهدرجة تجي و تجلس بين الحضور و ابوها هالـ ****** يناظر لي بكل وقاحة هنا لا كل شي يتغير محمد بحرقه : يبه والله احبها و ابيها ام لعيالي !!! ابو محمد بغضب : تخسي بنت الـ ********* تكون ام لاحفادي !!!! اصحى يا محمد اصحى متزوجتك مصلحة مو حباً فيك محمد : مستحيل يبه ! بشرى تحبني و انا احبها !!!!!! و طول فتره زواجنا ولا جابت طاري الفلوس و الشركة ! حتى ابوها استقبلني في بيته ايام ولا جاب حتى سيرتك !!! ليش انت تسوي فيهم كذا !!!!! محمد بحرقه : يبه والله احبها و ابيها ام لعيالي !!! ابو محمد بغضب : تخسي بنت الـ ********* تكون ام لاحفادي !!!! اصحى يا محمد اصحى متزوجتك مصلحة مو حباً فيك محمد : مستحيل يبه ! بشرى تحبني و انا احبها !!!!!! و طول فتره زواجنا ولا جابت طاري الفلوس و الشركة ! حتى ابوها استقبلني في بيته ايام ولا جاب حتى سيرتك !!! ليش انت تسوي فيهم كذا !!!!! ابو محمد : شف الاوراق شفهم وبتعرف هي تحبك ولا لا !!!! محمد رفع الاوراق وهو مصدوم وجالس يشوف ورقه وراء الثانيه : هذي الاوراق بالمكتب ! شوصلها لك !!! ابو محمد : كمل كمل .. و اتسعت عيونه بصدمة : وهو يشوف ورقه وكاله بـاسمه لكن مت عليها توقيع !! ابو محمد : اصحى من غفلتك و شوف الي حولك ! جالسه تاخذ الاوراق المهمه و جالسه تخطط هي وابوها مع محامي وانت ! بسخرية : نايم بالعسل ولا تدري عن شي !! محمد بصدمة : مستحييييل جلس وهو يشوف الاوراق و يجمع افكاره .. احيانا تتعمد تجلس عندي اذا اشتغلت و مره قالت لي نسيت الجوال ابي مفتاح ! ومره اصرت تنظيف و ترتب الاوراق رغم اني كنت ارفض اي احد يدخل ! بدا يربط الاشياء ببعض .. وحس انه غبي جداً ... !!!!! عند الباب .. بكت بحرقه وهي مصدومة ! كيف عمي يرضها علي ! كيف يخفي عنّا شي مثل كذاااا ؟؟؟؟ حست بأهانة و قل حيلة ! وهي تشوف فستانها الابيض .. طاحت من يدها المسكة و جلست بالارض تبكي لاشعورياً .. ! في المستشفى .. ابتسام بهمس : ممكن دقايق بس ؟ سيف عرفها من صوتها اللتفت لها تلقائياً .. قربت منه : الحمدلله ع السلامة .. سيف تغير مزاجة جذرياً : الله يسلمك .. ابتسام سحبت كرسي و جلست قريب منه .. سيف اللتفت للجهة الثانيه : اذا جايه تعيدين لي نفس كلامهم ترا والله انـ قاطعته ابتسام : لا ، انا اتكلم هنا بصفتي دكتوره .. ليش اكذب عليك ؟ ممكن ينفع العلاج و ممكن لا ! سيف غمض عيونه بضعف .. ابتسام : بس تذكر انك نجيت من الحادثه بـ اعجوبه ! السياره ولا شي فيها سليّم ! و الي صدمك توفى بمكان الحادث لكن انت من فضل الله كتب لك حياه .. واذا مقعد ؟ انتهت حياتك خلاص !!!! ناظر حولك شوفي ذوي الاحتياجات الخاصه مكملين حياتهم ومتزوجين وعندهم عيال ! وكثير منهم يجي مع عياله بوقت مرضهم ونشوف بالمولات مع عيالهم ؟ ليش نظرتك محدوده جداً ؟ كانت الاصابه قريبه من العين كان ممكن تفقد نعمة البصر كان فيه ضرر بالكلى لكن من رحمة الله فيك ما صار فيهم شي ! وابتلاك الله في رجولك ، و مع هذا اقول بعد مشيئه الله فيه نسبه لعلاجك !!! ليش نظرتك محدوده جداً ؟ كانت الاصابه قريبه من العين كان ممكن تفقد نعمة البصر كان فيه ضرر بالكلى لكن من رحمة الله فيك ما صار فيهم شي ! وابتلاك الله في رجولك ، و مع هذا اقول بعد مشيئه الله فيه نسبه لعلاجك !!! سيف ما رد عليها و حس كلامها قوي لدرجة انه لامس قلبه بكل ما فيّه ! ابتسام : عن اذنك ما اطول عليّك وكانت تبي تطلع سيف بصوت مبحوح : احتاجك لا تخليني .. ابتسام تنهدت وهي تزيح قناع القوه قدامه و نزلت دمعتها بقلة حيلة .. مسحت دموعها بسرعه ومن غير لا تلتفت : اوعدك اني بـ ازورك مره ثانيه .. و اكون معك . وطلعت بسرعه وهي تكتم شهقاتها اول مره تشوفه بهالحاله .. في بيت ام مي .. مي : ابي ورقه طلاقـي !!!! بالطيب بالغصب ما لي شغل مستحيل اعيش معه ام مي بصدمة : مو هذا سيف الي ازعجتيني فيه ؟؟؟ و سويتي كل شي عشان خالتك تخطبك له ؟؟ مي بتوتر : اي كان سيف الاولي الي له حضور و كلمته ما تتكرر .. و الكل يحسب له الف حساب اما هالحين وسكتت بسخرية .. ام مي قاطعتها : صدق انك ما تستحين !!! يا خساره تربيتي فيك بس !!!! مي صعدت غرفتها : قولي لخالتي اليوم او انا اقول له بكررررا. في بيت ريان .. رجعو من الزواج وهم مبسوطين .. نزلت عباتها .. ريان قرب منها و بشوق : شهالزين ! لمى حست بخجل فضيع .. قرب منها ريان وباسها بخفه على خدها بعدت عنه لمى بسرعه و اتجهت لدورة المياه .. ريان انصدم شفيها !! اتجهه وراها وهو يسالها : لمى شفيك !! لمى كانت تكح و تستفرغ ( اكرمكم الله ) ريان طق الباب : لمى لمى كانت تحس بالم بـبطنها غسلت و فتحت الباب .. ريان قرب منها : سلامات شفيك !! لمى : ما ادري معدتي تالمني ريان : شماكله اليوم انتي ؟ لمى : من امس وهي تألمني .. ريان : اللبسي عباتك بسرعه لمى : لالا ما فيني شي ريان بأمر : معك ربع ساعه بدلي فستانك و انتظرك بالسيارة .. لمى بتافف : اف ريان و صعدت فوق لانها تعرف طبعه خلاص قال كلمه الا تصير ! في القاعة .. محمد بصدمة : امال !! ابو محمد وقف بصدمة : يا بنيتي افهمك انا الموضوع امال استجمعت قوتها : ما هقيتها منك يا ولد العم !!! محمد بتوتر اللتفت لا ابوه : انت وصلها للبيت انا عندي شغل لازم انهيه اللّيله !!! و طلع بعجله .. ابو محمد : اكيد انك سمعتي الي صار بس يا بنيتي وليدي كان مخدوع فيها و قاطعته امال : وانت ياعمي ؟ ترضها علي ؟؟؟ انا بحسبه بنتك ! ترضى اتزوج واحد ، متزوج بالسر !!! مسحت دمعتها وهي تحاول تتمالك نفسها !! نتوقف هنا | ||||
|
| |
|
15-05-22, 11:54 AM
| #33 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 30 في بيت محمد .. وصل قبلها وكان ينتظرها بالصاله .. بعد مرور ربع ساعه و كانت على محمد عشر ساعات .. دخلت هي و ابوها و كانت تضحك بصوت عالي : مسوي انا الحزين ابو بشرى : كله توقيع خلصي بسرعه .. بكرا ما يناظر حتى بوجهك بشرى بغرور : لا ما عليك .. ما يناظر لغيري اساساً محمد صفق : برافو ، برافووو بشرى فزت بخوف .. ابو بشرى اتسعت عيونه بصدمة : محمد !!! محمد بسخرية : صحيح ما اناظر عليك ، و الخطا مني عطيت وحده ********* ما تستاهل حتى نظره مني ! ابو بشرى بتوتر : استهدي بالله فيه خطا بالموضوع انا قاطعه بحده : ولا كلمه يا ********** تزوجت بنتك وانا ادري ان ابوي مو راضي عيشتها احسن عيشه و ما تطلب يوصلها و بحرقه : لللليييششش ؟؟؟ و بغضب : ليشش بشرى ببكا : محمد انا والله احبك و قاطعها بهدوء : انتي طالق .. اطلعي برررراا ابو بشرى بصدمة : محمد انت مسـ قاطعه بحده : اطلع برررراااا و تقدم منها : اطلعي يا بنت ****** اخذتك و عزيتك و رزيتك و كنت ناوي قريب اقول لا اهلي بس مو كفو لا انتي ولا ابوك .. ابو بشرى : بتندم يا محمد محمد بغضب : اعلى ما بخيلك اركبه .. اطلعو برا و بتذكر : و انسي انك تاخذين شي من هالبيت .. ملابسك الشغاله تجهزهم بنرسلهم لجمعية او محتاج وراه اجر .. بشرى كانت تبكي بحرقه .. صبرت عليه كل هالوقت ! واخر شي تطلع من غير اي شي !!!! بشرى : ملابسي و مجوهراتي و قاطعها بحده : والله ما يطلع شي لك من هالبيت و انقلعي برا ابو بشرى : مو على كيفك ! اغراض بنتي اخذهم بالطيب ولا بالقانون محمد : فيك خير يلا ؟ وانا عندي كلام مهم ، وعندي اوراق ابي المحكمة تشوفها انا رحمه فيكم ما ابي ادخلكم المحاكم بس اذا تبي يلا تدل طريق المحكمة !!! في المستشفى .. كان جالس وهو يهز رجله بتوتر .. الدكتوره بـ ابتسامة : مبروك لمى بصدمة عدلت جلستها : ااايشش ريان وقف بصدمة و اتجهه لقسم الكشف : الدكتوره : زوجتك حامل بشهرها الاول ريان للحظه ابتسم لاشعورياً لكن سرعان ما تلاشت ابتسامته وهو يتذكر مرضه .. فتح الستاره بغضب : مستحححييل .. الدكتوره وقفت بصدمة .. : بتصير اب !! ريان وهو يناظر للجهاز : لا لا وبضياع : لاااا مستحيل الدكتوره : عن اذنكم و طلعت .. لمى حطت يدها على بطنها و بكت بصمت .. لان حتى هي اول شي جا في ولدها انتي مصيرك ارمله .. و بترضين ان ولدك يتيم بعد !! ريان قرب منها : لمى الموضوع ما فيه نقاش .. مستحيل اسمح لك تجيبينه .. و بتردد : الشهر الاول عادي تجهضيّنه .. ريان قرب منها : لمى الموضوع ما فيه نقاش .. مستحيل اسمح لك تجيبينه .. و بتردد : الشهر الاول عادي تجهضيّنه .. لمى رغم هذا ما رضت ابداً .. حطت يدها على وجههّا .. وبكت ريان جلس على السرير : لمى انتي تردين بحالتي .. يمكن اموت باي لحظة .. يمكن ما اقدر اشوفه حتى ، مستحيل اسمح لك تتحملين مسووليه طفل لحالك .. و بحرقه : قدامك حياه طويله .. و ضغط على قلبه : يمكن تتزوجين واحد كفو ويستاهلك و تكونين اسره معه .. لا تظلمين هالروح بجيتها وهي يتيمه و تربطين حياتك فيني للابد .. و قف و اتجهه برا وهو يحس الدنيا ضايقه فيه ما ينكر انه للحظه انبسط معقوله لمى .. بتصير ام لعيالي ؟ كيف هالصغيره تصير ام هههه . لكن سرعان ما رجع للواقع المر .. مستحيل اسمح لها ! لازم تجهضه لازززززززم في بيت محمد .. نزلت وهي تبكي .. ابو محمد : تكفين يا ابوك كبري عقلك ولا تهدمين بيتك بيدك من اول يوم محمد اخطا ايه .. لكن مستحيل تبقى على ذمته انتي بنت عمه ، وانتي الاساس .. بشرى كانت نزوه ! في سياره محمد .. كان واقف قدام بيته و يحس بضعف و حرقه كيف قدرت تستغفلني ؟ كيف !!!! و امال ! عرفت بكل شي ، شموقفي قدامها ؟ تنهد وهو ضايق صدره بعد تردد قرر ينزل .. في المستشفى .. قبل لا تطلع اتجهت لغرفته .. تنهدت و فتحت الباب بشويش .. شافته نايم .. قربت منه و تأمله ملامحه الحاده .. و بنفسها يا ليت اقدر اسوي لك شي ! يا ليت !!! في بيت ام سيف .. ام سيف : كيف اقول له كيف داليا : صدق انها ما تستحي !!!! رنا : تحمد ربها ان اخوي و افق ياخذها ام سيف : سيف نفسيته تعبانه والله لو درا بيتعب زود ! داليا ما تعرف ليش تذكرت فهد ! سبحان الله خلق و فرق ! لما صار لي الحادث وما تربطه اي صله فيني اصر انه يتزوجني و يعوضني ! رغم انه يعرف اني مستحيل اجيب له طفل ! و ذي قليله الخاتمه ! لما اخذته كان سليم وما فيه العافيه ولما صار الحادث تخلت عنه !!! و بنفسها : استشعري النعمه الي انتي فيها يا داليا ! فهد ما في مثله والله ! بعد مرور يومين .. في بيت محمد . كان منحرج جداً منها .. ويتجنب يناظر بعيونها لان نظرات امال كانت تقتله .. اما امال قالت لا لـمى الي صار .. و لمى اقنعتها ان تبقى ببيت زوجها و ان محمد الي سواه غلط بس ان هالحين هو يحمل مشاعر كره لها ! تقصد بشرى . و انتي زوجته و بنت عمه و بالعلن قدام الكل .. اسكتي عنه هالفتره ، مع الوقت بيتلاشى الحاجز الي بينكم .. !!! و اذا شفتي انك مستحيل تسامحينه وقتها سوي الي تبين ! في بيت راكان .. كان جالس بالصاله .. و رن الجرس و فتح الباب باسل .. باسل : حياكم تفضلو راكان عقد حواجبه بصدمه ! و وقف .. و دخل ابو فهد و ابو محمد و ابو وليد !! راكان اتسعت عيونه بصدمة مو مستعد للقاء معهم ! لكن ما يقدر يطردهم ! هم هالحين ببيته ! ضيوفه .. في بيت ريان .. لمى بصراخ : لا ترفع صوتك علي ! قلت لك مستحيل ، انا ابيه ريان بغضب : لمى لا تجننيني ! ترا حتى انا مو هاين علي ! لمى : انا تعبانه وما فيني على كلامك ! و الي عندي قلته لك ريان : انتي ليش ماخذه السالفه بعناد ؟ ليش تبين تصعبينها علي وهي صعبه ! لمى لاشعورياً : انت مصعب كل شي على نفسك ! اذا تبي تعيش مع بنتك قوت و تبي تشوف طفلك الثاني سو العمليه و الي كاتبه الله بيصير ! ريان سكت بصدمة .. لمى : بدال ما تعاتبني و خايف على الجنين قل لنفسك ، بتترك قوت عن ام ما تدري عنها وانت تعرف ان فيه امل تعيش معها اقلها طفلي انا اتحمل مسوؤلياته وابيه .. ريان صدمه كلام لمى ! و سكت وهو مو عارف ايش يقول حتى ! في بيت فهد .. نزلت و شافت بوكيه ورد .. استغربت و اتجهت له و اخذت الكرت .. " صباح الخير يا مجمل صباحي " فهد . ابتسمت لاشعورياً وبنفسها : يارب ساعدني ! والله اني احاول انسى .. في المستشفى .. رنا : والله مو كفو ابتسام بصدمة : قلتو له ؟ رنا : اي تو طالعين من عنده ، انا اعرف سيف ما اعطنا رده فعل ، بس اكيد عصب .. ابتسام : لاحول ولا قوه الا بالله ! و بنفسها صح انهم انفصلو بس ابداً ما تمنت تكون تحت الظروف ! رفض مي له و طلب الطلاق اكيد هز رجولته ! وحسسه بضعف .. ! في بيت راكان .. كان يهز رجوله بتوتر .. وهو يسمع كلامهم والكل كان منتظر منه رده فعل .. ابو محمد : يشهد الله اني حاولت ! لكن وقتها كنت صغير و جاهل ! تخليت عنكم و بعدها طول هالسنين امك الي رفضت ! راكان ببرود : خلصتو كلامكم ؟ ابو فهد : ما نبي منك هالحين تسامحنا ولا تجاملنا و تحب راس ابوك فكر ، فكر بكلامنا صح اخطينا .. ونطلب منك السموحة ! في الليل .. في بيت راكان كان يفكر بكلامهم .. طيف شدت على يده : الاهل عزوه و سند يا راكان ! لاياخذ الحقد و الانتقام .. صح الي صار كبير بحقك ، بس يبقى ابوك و بحرقه : والله لو يرجع ابوي و يسوي فيني الي يبي ما زعلت منّه .. بس لو يرجع ونزلت راسها و بكت بضعف راكان بتوتر : الله يرحمه و يغفر له .. و ضمها بحنان .. طيف : نصيحة يا راكان عش معه دامكم بصحة و عافيه ما تدري شيبي يصير بكرا .. راكان مسح دموعها بيده : ان شاء الله خير ان شاء الله .. في بيت ريان .. كان جالس بالحديقه .. وكان الجو بارد شوي ، الشتاء قريب .. يفكر بكلامها و رفضها و قوت و مصيرها بعده .. لمى جلست بجنبه بهدوء .. اللتفت لها بصمت و تنهد .. لمى لاحظت تاثير كلامها على ريان بخصوص عياله .. و كانت تبي تستغل الفرصه .. اخذت يده و حطتها على بطنها : مو حرام نفرط فيه ؟؟ ريان حس بقشعريرة .. وشد يده حطت يدها فوق يده : مو بس قوت محتاجة لك . و طفلك محتاج لك . انا ابيك بحياتي ، انا ابيك بجنبي .. ليش ما تحس فيني ؟ ريان انصدم من كلامها .. لمى نزلت دمعتها بمراره .. كل يوم قبل لا انام استودعك الله اخاف اقوم و اصحيك وما ترد علي .. اخاف ارجع اعيش بروحي .. بعد ما حسيت بالاستقرار معك .. ريان بصدمة : لـ لمى لمى : عيون لمى .. ريان بتوتر : لا تحبين شخص يبي قاطعته بهمس وهي تقرب منه : هالشخص عنده فرصه يجرب . عنده فرصه يعيش معنا .. ريان : لا تصعبينها علي ! لمى بـ انفعال : انت ليش ما تحس لييش وضربته بخفه على صدره : اقول لك احبك احبك وابيك ليش تسوي فيني كذا و بصراخ : لهدرجة مشاعري ما تهمك سامحتك ايه و بـ انيهار بس تعلقت فيك و حبـ قرب منها ريان و قاطع كلامها بقبله طويله ... في بيت محمد .. محمد بتوتر : جاهزه ؟ امال : دقايق . محمد : يلاه انتظرك .. لبست عباتها و اخذت شنطتها .. محمد بتردد : امال اللتفت له : هلا محمد قرب منها : الى متى ؟ امال : ايش ؟؟ محمد : الى متى حياتنا كذا ؟ انا اخطيت و اعترف بخطاي و طلقتها والله ! ولا فيه احد بحياتي .. امال : ههه لو عمي ما تكلم كان الى الان على ذمتك محمد : تكفين يا بنت العم ! تكفيييييييين ! لا توقفين ضدي ، والله اني تعبان من هالحياه .. اكره نفسي ميه مره لما اشوفك انا واحد ******* ما استاهلك ! لكن النصيب جمعنا .. يوم جديد .. بغرفه سيف كانت مروه ماخذه اجازه اضطرارية .. و سلمو حاله راكان لـ ابتسام .. دخلت بخطوات متردده .. ابتسام : السلام عليكم .. سيف : وعليكم السلام . ابتسام وهي تفتح الملف : انا باكون مسوؤله عن حالتك هاليومين . الدكتوره مروه اخذت اجازة .. سيف كان يتأملها بكل ما فيها و بنفسه .. لو كانت بمكان مي ! بتتخلى عني ! هه مستتتتحيل ، هذيك قليله خاتمة .. و الحمدلله ان وضحت حقيقتها قبل لا يربطني فيها طفل .. في بيت ريان .. صحت وحست بيد ريان حول خصرها .. كانت بتقوم بس شد عليها لمى بخجل : رياااان ريان بنعاس : شتبين يا مزعجة لمى : ممكن تبعد يدك ريان بعد عنها .. و كمل نومته واحلامه الورديـه .. ما يبي يرجع للواقع المـر . في بيت فهد .. داليا : عن اذنكم بـ اشيك على العشاء و قامت بخطوات واثقه جداً .. امال بهمس : زوجتك شايفه نفسها لهدرجة ليه ؟ فهد بضحكة : والله يحق لها امال : اوك يعني حلوه ما ننكر بس ما تشوف احد بعينها احد فهد بحب : بس انااا امال : اسكت اسكت بالله فهد : زوجك متى يجي ؟ امال بتوتر : شوي .. فهد : اتصلي عليه .. امال طلعت جوالها و بتردد ما تبي فهد يشك بشي .. اتصلت عليه وبنفسها يارب ما يرد يارب ! محمد : الو امال : اهلين ، وينك ؟ محمد : تو خلصت شغلي .. امال : حلو ، لان العشاء على وشك و ننتظرك محمد : ان شاء الله ربع ساعه وانا عندكم امال : اوك و قفلت الخط و رسمت على شفايفها ابتسامة : جاي .. في المستشفى .. ابتسام : من بكرا تبدا بالعلاج الطبيعي سيف : ممكن طلب ؟ ابتسام لاشعورياً : امر ! سيف ابتسم : ما يامر عليك عدو .. خليك معي . قربك و وجودك يهمني مره ابتسام : بصفتي دكتورتك طبعاً باكون موجود سيف : لا مو بصفتك دكتوره ابيك بجنبي بصفتك و سكت بتردد .. ابتسام وقفت بتوتر .. سيف : ابتسام ابيك زوجة لي على سنه الله و رسوله .. سكتت بصدمة وما توقعت ابداً كلامه !! وكمل : وبما انك دكتوره فانتي تعرفين نسبه علاجي ، و ممكن ايه و ممكن لا و صدقيني لو رفضتيني عشان حالتي الصحيه باتفهم موقفك .. و بتردد : اذا زوجتي طـ قاطعته ابتسام بالرد الي جا من قلبها قبل عقلها .. !!!! ابتسام : موافقه .. سيف رفع راسه بصدمة ما توقع ترد بهالسرعه عليه ! نتوقف هنا | ||||
|
| |
|
15-05-22, 11:59 AM
| #34 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 31 قبل الأخير بعد مرور شهر كامل على الاحداث الاخيره .. في المستشفى .. بعد ما تم عقد عقرانهم رسمياً بموافقه الاهل ❤️.. صارت ابتسام المسوؤله عن حالته الي كانت تتحسن بشكل ملحوظ لان النفسيه تلعب دور جداً مهم .. و سيف زاد اصراره بالعلاج عشان يرجع يوقف على رجوله و يعيش مع زوجته و حب طفولته .. في بيت ريان .. بدت اعراض الحمل توضح عليها و كانت تعبانه باول شهر مره .. ريان كان يحاول بكل ما فيّه يساندها .. و لما شاف اصرارها على الطفل .. بعد تفكير مطول ! قرر يسوي العمليه عشان قوت و لمى و الطفل الي يحتاج اب بحياته .. ! في بيت راكان .. تسامح مع والده ، لكن لسى علاقتهم متوتره ! طيف كانت بجنبه تنسى الدنيا و ما فيها .. كانت ونعم الزوجة و نعم السند .. في بيت فهد .. تحسنت علاقتهم لكن لسى يعاني من غرورها الزايد ! في بيت محمد .. سامحته امال و بدو حياه جديده .. لانها لاحظت ندمه طول هالشهر .. !!! بيت ابو فهد .. فضى البيت من بعد فهد و امال وما فيّه الا فيصل !! و كذالك بيت ابو محمد .. ما فيّه الا ابو محمد و مازن ! و راكان كان يزورهم كل ويكيند ، مع محمد و زوجته .. في بيت راكان .. طيف : كانهم تأخرو ؟ راكان : لالا تو الوقت طيف : انا بالمطبخ اذا وصلو بلغوني .. واتجهت للمطبخ تشرف على الضيافه .. اليوم عائله ابو محمد و ابو فهد بيتعشون عندهم .. ! الساعه ٩ مساءاً .. في بيت راكان .. الكل كان موجود .. ( ابو فهد و فهد و فيصل و ابو محمد و محمد و مازن و ريان ) فهد كانت يتجنب نظرات ريان .. بعد السلام و تبادل الاحوال .. ريان تنهد : ما اقطع حديثكم لكن عندي كلمتين ودي كلكم تسمعونهن .. ابو محمد : تفضل يا وليدي .. ريان تنهد : بعد يومين عمليتي و بتردد : استئصال ورم خبيث ابو محمد بجزع : لاحول ولا قوه الا بالله !!! ابو فهد تنهد : الله يقومك بالسلامه يا وليدي ! فهد نسى كل الخلافات وكل شي بينهم و تذكر ان هالانسان كان صديقه ست سنوات !!!!! فهد بخوف : ريان شتقول ، شفيك و بضياع : ورم يعني وسكت وهو في باله مية فكرة سودا .. ! ريان بتوضيح : انا والله ما كانت نيتي اسوي العمليه و قلت اعيش اخر سنه او سنتين مع بنتي و زوجتي لكن بعد حمل ام فهد و رفع عيونه و ناظر لفهد بنظرات انكسار .. ! توكلت على الله و ووقعت على العمليه لكن نسبة النجاح ٣٠٪ فهد : واذا واذا ما نجحت ريان تنهد : وقتها ادعي لي .. استجمع نفسه : انا وصيتي تكفون زوجتي و ولدي امانه و وجهه كلامه لا ابو محمد : تكفى يا عمي ما اوصيّك عليها فهد قام وهو معصب : بتقوم بالسلامه بتقوم بالسلامه لا تقول كذا لا تقووول ريان بعد يد فهد و بصوت مكسور : ان شاء الله . لكن ابي اتطمن وانا داخل العمليات ان زوجتي و ولدي بخير ابو محمد : استهدي بالله يا وليدي استهدي بالله راكان : لا توصينّا يا ريان على بنتنا بعيوننا باذن الله لين ترجع لهم انت بالسلامه بعد العمليه .. ريان تنهد وهو يتجاهل دموعه .. ريان بضياع : انا ما شاغل بالي غيرهم ، بادخل وانا ما ادري اطلع ولا لا ونزل راسه : توها صغيره حـ قاطعه فهد بحده : رياااان لا تقول كذاااا لاتقول كذا ريان ضم فهد : سامحني يا فهد سامحني و حللنيّ والله اني ضايقتك كثير ! فهد : مسموح و محلل يا ابو فهد و باذن الله بقوم بالسلامه .. في مجلس الحريم .. ( ام فهد و بنتها امال و زوجة ولدها داليا و لمى .. ) طيف : شرفتونا ام فهد : والله الشرف لنا يا بنيتي .. امال : شلونك شخبارك طيف : بخير الله يسلمك .. امال : لمى وبصوت اعلى لمى .. لمى : هلا امال : شفيك ؟؟ لمى : تعبانه شوي .. طيف ابتسمت بحب : الله يقومك بالسلامه يا عيني راكان لما عرف انبسط مره لكم لمى : الله يسلمك و عقبالكم طيف بخجل : امين . داليا كانت تهز رجلها بتوتر و بنفسها ما عليك ما يقصدرون شي .. وهم لما اخذوك كانو يدرون انك مريضه .. ومستحيل تجيبن لهم الحفيد هدي اعصابك .. حاولت ترسم ابتسامه على شفايفها .. حاولت ترسم ابتسامه على شفايفها .. لمى : ماشاء الله يا داليا كل يوم تحلوين زود .. داليا كان اطرا لمى تاثير بتغير مزاجها جذرياً ابتسمت : عيونك والله .. في بيت سيف .. ام سيف : ما صار الا الخير يا خيتي و الحمدلله الله عوضه بوحده تستاهله .. ام مي : والله ما لي وجهه اشوفه حتى ام سيف : والله دايم يسالني عنك .. يدري ان الطلاق منها و تفكيرها الجاهل انتي ما لك دخل فيها .. في بيت ام وليد .. ام سيف بغضب : اهتمي بنفسك شوي شوفي اختك .. شوفي بنت ام سيف .. نجود تاففت وراحت غرفتها .. ام سيف : اه يالقهر بنت الـ ***** تاخذ سيف .. و انا مالت طايحه بكبدي حتى ما احد يسال عنها .. في بيت راكان .. ريان : كثر الله خيرك ، وعساها جمعه دايمه فهد : وان شاء الله كل جمعة انت معنا ريان ابتسم بخفه : يلاه عن اذنكم .. دخلت قوت : بابا اللتفتو لها ابو محمد : الله يصلحها و يخليك لها ريان : امين ، يلا يا بابا جاي يلا استودعكم الرحمن راكان : فمان الكريم .. واتجهه لسيارته .. ركبت لمى : السلام عليكم ريان : ياهلا وعليكم السلام .. قوت : بابا نبي نجي بكرا هنا ريان ضحك بخفه : جازو لك ؟ طيف : انبسطت مره مع اخت زوجة راكان .. ريان تنهد : ان شاء الله يا ابوك اذا الله اعطانا عمر .. في المستشفى .. سيف : اه راسي ابتسام قربت منه بخوف : شفييييك ارفع راسك ارفعه رفع راسه و ابتسم بخفه وهو يحسبها لحضنه : ما ينفع معك الا كذا ابتسام بتوتر : سييييف سيف : زوجتي وحلالي ! ابتسام : الله يخليك لا يدخل احد فشله سيف شد عليها : والله ما على لو يجي مدير المستشفى .. ابتسام برجا : تكفى سيف سيف : لا تحاولين حتى .. طق الباب سحبت نفسها بسرعه .. سيف ضحك بخفه .. دخلت الممرضة و اعطت ابتسام نتيجة الاشعه .. ومرت الليّله على خير ❤️ و ثاني يوم عدى بشكل سريع و الكل يدعي لـ ريان لا عمليته بالليل .. الساعه ٩ مساءاً .. بالمستشفـى .. في المستشفى .. الكل متوتر و موجود .. من فهد ، راكان ، محمد ، مازن لمى امال و طيف .. طيف : يارررررب لا تفجع قلبي يارب قومه لنا بالسلامه يارب .. طالت ساعات الانتظار الى ٥ ساعات .. وبكل ساعه تنهار لمى اكثر .. راكان كان يحاول يواسيها بكل ما فيها .. بعد مرور ربع ساعـة .. طلع الدكتور وكان ملامح التعب واضحة جداً .. الكل واقف بصدمة ما يبي يسال و ينفجع مو مستعدين لان ملامح الدكتور ما كانت تطمّن .. لمى استجمعت قوتها : بشرنا يادكتور .. الدكتور وهو يشيل الكام : الحمدلله استئصلنا الورم بالكااامل و العمليه كانت صعبه شوي لكن التوفيق و التييسر من رب العالمين لمى سجدت سجده شكر .. فهد ضم راكان : يالله لك الحمد .. امال جلست بالارض وحطت يدها على ظهر امال : الحمدلله انتشر الخبر بالعايله و الكل انبسط له .. و اتصلو على لمى يتحمدون لها بسلامه زوجها .. في المستشفى .. ابتسام كانت واقفه بتوتر : لا تزعل سيف لو ما قدرت ، انت بالبداية فتره العلاج سيف تنهد وهو يشوف الممر .. وبتردد : ان شاء الله وقف بمساعده الممرضه و زوجته ابتسام .. بس للاسف ما قدر يمشي الا خطوه وحده .. ابتسام بترفع معنوياته : الحمدلله الحمدلله سيف اللتفت لها : يعني زين ابتسام وهي تساعده يجلس : الحمدلله بشهر و شي ، هذا انجاز بعض الحالات شهور ما يوقفون حتى .. سيف لف يده حول رقبتها : بعد فضل الله ، فضلك و دعمك لي نزلت راسها بخجل .. سيف : انتي واعدتيني لو مشيت اكمل العلاج بالبيت .. ابتسام بتفكير : اممم اوك اكلم المشرف و بهمس : بس بالبيت ما اقدر اتطمن عليك بنفسي اللتفت لها وبتسرع : تجيني ابتسام رفعت حواجبها : نعم حبيبي ؟ وين اجي ! ترا هنا اشتغل بصفتي دكتوره مو زوجة لو رجعت للبيت مستحيل ابوي يوافق ازورك قبل الزواج سيف تنهد بضيقه : اف يالله ! ابتسام : براحتك اكمل المشرف ؟ سيف بقهر : طبعاً لا ، خلاص باكمل هنا بس اشوفك قدامي ! ابتسمت بخفه .. كانت فيه عيون تراقبهم بحقد وكرهه ومصدومه انه وقف على رجوله وبنفسها : غبيه غبيه انتيييييييي والله سيف بعد الي سويتيه ما يناظر لوجهك حتى .. ! بعد مرور يومين .. اول ما صحى ريان كان راكان و محمد موجودين .. و لمى كانت بالبيت عن قوت .. اول ما بلغها راكان انه صحى .. فزت بفرح و تجهزت و اتجهت للمستشفى وهي جداً متوتره من لقائهم .. في بيت راكان .. كانت بيدها التحليل المنزلي و علامات الفرحة على وجههّا غمضت عيونها و تنهدت الحمدلله ، الحمدلله . . و بتردد : كيف اقول له ؟ كييييييف .. اف الحمدلله يارب . في بيت فهد .. داليا : لازم اروح انا ! فهد : عشان خاطري طيب داليا رفعت راسها و ابتسمت لاشعورياً : عشانك بس .. فهد ضمها بخفه : الله لا يحرمني .. ! وكمل طريقه للدرج .. كانت حركة عفوية لكن تاثيرها جداً قوي على داليا حست قلبها من تسارع النبض يبي يطلع من مكانه .. بالمستشفى .. دخلت بخطوات متردده جدا لمى : السلام عليكم ريان بـ ابتسامة رغم التعب : وعليكم السلام ياهلا ياهلا راكان : لنا ساعه مقابلينه ولا حتى ابتسم لنا محمد : لنا الله .. اتجهت له وهي خجلانه من وجود اخوانها .. قربت منه و باسته على راسه : الحمدلله على سلامتك ريان حط يده حول خصرها و سحبها لحضنه .. لمى توردت خدودها من وجود اخوانها راكان : احم عاد حنا نستأذن محمد ضحك بخفه و طلعو لمى بخجل : ررريييااااننن ريان بتعب : اشتقت لك لمى : طيب انت تعبان ببعد شوي ريان : قربك مني راحة ، خليك و غمض عيونه و سند راسه على كتفها .. لمى كانت ما بين دموع فرح ان ريان حقيقي قدامها بصحة و بخير ومن جهة منحرج منه اخوانها .. في بيت محمد .. دخل وعلى ملامحة اجمل ابتسامه .. امال استقبلته : شعندنا محمد بـ ابتسامة .. مبسوط ان ريان قام بالسلامه لزوجته و بنته .. امال : ايه الحمدلله .. محمد : والله رحت اليوم لا ورد ولا شي امال : بكرا نزوره و ناخذ معنا محمد قرب منها : ان شاء الله و حط يده حول خصرها : شمسويه لنا .. امال بـ ابتسامة : اكل يحبه قلبك .. محمد لاشعورياً : والله كل شي منك احبـه .. امال حست بخجل من رده .. نتوقف هنا | ||||
|
| |
|
15-05-22, 12:07 PM
| #35 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 32 والأخير في الليل .. في بيت راكان .. راكان لاشعورياً ضمها بكل قوه و بصدمة : حا حـامل ، يالله لك الحمد طيف بخجل : راااكان راكان باسها على جبينها : مبروك يا نظر عيني ! مبروك يا كل دنيتي .. طيف نزلت راسها بخجل : يبارك بعمرك و يخليك لنا. راكان ضحك بفرح .. و بتذكر : بـ ابشر ابوي طيف انبسطت كيف ان راكان اول شخص جا في باله ابوه رغم الي صار ... !! اتصل عليه و بشره .. ابو محمد كانت فرحته فرحتين الاولى ان بيصير جد ! و الثانيه ان ولده بنفسه دق عليه يبشره بالخبر الي اسعده جداً .. ! في المستشفى .. دخلت الممرضه ومعها العشاء ريان بتافف : ما لي نفس والله .. لمى قربت منه : واذا من يدي ؟؟ ريان ابتسم : اساسا انا جوعان لمى ضحكت بخفه .. و قربت من الصينيه وهي مبسوطه جداً ان زوجها بخير .. ريان كان يحس الدنيا مو سايعته من الفرحة .. اولاً شفاءه من المرض ، رضا فهد تحسن علاقته مع زوجته و صار يجمعهم طفل و حب و احترام و اهتمام .. !! في بيت محمد .. كانت تحاول تطلع الصحون من فوق دخل محمد و ريحة عطره تسبقه و بضحكة : ههههه انا اسف ما كنت ادري انك قصيره لهدرجة ولا فصلت لك مطبخ على قدك امال بقهر : انا مو قصيره ، بس الدرج عالي و رفعت يدها تحاول و قف وراها محمد ومد يده : تبين هذا ؟ امال بتوتر : اييي اخذه محمد ونزله على الدرج وهو ما زال قريب منها و بضحكة : احلى قصيره بحياتي .. امال كانت مصدومة من شخصيه محمد بداية الزواج كان صامت اغلب الوقت .. بس من صرت ما اعطي رده فعل زعل او عتب انكسرت حواجز كثير بيننّا .. ! و تحسنت علاقاتنا جداً في بيت راكان .. كان جالس بجنبها و يسولف بحماس .. راكان : طبعاً اذا ولد فهد و اذا بنت ما ادري كيفك طيف : ههههه راكان راكان : اقول لك من هالحين عشان احطك بالصوره طيف بضحكة : اساساً كنت اعرف انك ابو فهد قبل لا اخذك .. راكان : هههههه كويس .. النهايـة بعد مرور سنة كاملة ❤️ نبدأ في بيت راكان .. راكان : حي الله من جانا حياك تفضل .. ابو محمد : الله يحيّك .. و بشوق : وين فهد يا ابوك راكان : انا كنت ادري ان الجيّه مو عشاني ابو محمد : انت الخير و البركة .. بس يا وليدي والله ان قلبي معه و مع بنيّه لمى . راكان : طيييف طييف .. طيف طلعت من المطبخ : هلا راكان : ابوي هنا جيبي فهد طيف : شلونك ياعمي ؟ ابو محمد : بخير الله يسلمك .. طيف : دقيقه و اجيبه لكم .. و كانو يعيشون حياه سعيده ، و زادت سعاده بوجود فهد الصغير بالعائله .. في بيت محمد .. كانو راجعين من السوبر ماركت امال : اوف تعبت محمد : كم اقول لك ارتاحي و ريحي البيبي وانا اجيب الاغراض .. امال : لاتكفى ترا ما نسيت اخر مره شسويت فيني ، نص الاغراض غير عن الي طلبتهم محمد بخجل : هو يعني انا شعرفني امال : عشان كذا انا ابي اروح محمد اللتفت لها : انا والله ادور راحتك يا كل دنيتي ! امال ابتسمت لاشعورياً .. على ان الحمل مره اثرت على نفسيتها لكن محمد مستحملها وهو مستمتع جداً .. في بيت سيف .. انهاء العلاج الطبيعي و صار يمشي لكن بعكازات لكن بشكل مؤقت .. ابتسام دخلت بتعب : السلام عليكم سيف : وعليكم السلام .. و تنهد للمره المليون اقول لك خففي من شغلك .. ابتسام تنهد : والله ما اقدر يا نظر عيني و بتنهي هالنقاش الي صار يتردد كثير .. لان سيف مره متعاطف معها ما بين المستشفى و البيت .. ابتسام : ايش اسوي لك عشاء ؟ سيف : طبعاً ما اسمح لك تدخلين المطبخ عازمك على احلى عشاء بالرياض ابتسام بـ ابتسامة : وه الله لا يخليني منك .. سيف العاشق لـ ابتسام الي يدور اي شي يسعدها او يخفف التعب عنها ما يتردد فيه .. عوضته عن كثير نقص بحياته العاطفيّه لانه فاقد الحنان من الصغر .. و تحمل مسوؤليات اكبر منه ... فكان عند ابتسام المدللّ .. رغم انه خارج محيط البيت جداً له حضور و فيه عصبيّه نوعا ما .. لكن قدام عيونها يتلاشى كل شي .. في بيت ريان .. لمى : اتركها ريان وهو يناظر لبنته " سلاف " الي بيد قوت : تستهبلين لو طاحت من يدها لمى بهمس : شفيك ريان ؟ انت تدري انها امس كانت نازله فيها مع الدرج ريان اتسعت عيونه بصدمة لمى : ليش ؟ لانّا حارمينها منها ف استغلت الفرصه .. فخليها تمسكها قدامنّا و رح اجلس عندها و تفاهم معها قوت مو صغيره ، بس تغار .. ريان : صبر يارب صبر .. لمى ضحكت : ياربي ريان اكتشفت صبرك صفر .. ريان : من بناتك .. لمى بضحكة : انتبه لبناتي ، ب اروح اتجهز اليوم زواره ببيت ام فهد .. ريان : حاضرين .. قربت منه وباسته بخفه و بضحكة : شكلك يموت وانت منهار منهم كانو يعيشون حياه سعيده ما بين غيره قوت ، و ازعاج سلاف .. ريان كان يحاول يحتويها بكل ما فيّه و يعوضها عن كل الي صار .. و لمى استوعبت ان ريان تعب بحياته مع زوجته الاولى و مرضه ف صارت تتنازل عن كثير اشياء بس عشان ترضي ريان .. بيت فهد .. كان يحبها بجنون و مستعد يكمل حياته كلها معها لكن داليا كانت تحس بالذنب و دايم تقول له تزوج و ينتهي النقاش بغضب فهد و زعل داليا ! لانه رافض الفكرة تماماً و كان يقول لها : انتي نصيبي و قدري ، و انا اراضي فيك .. ليش تبين تجيبين لنا المشاكل ؟ بيت ابو وليد .. للاسف حب نجود كان من طرف واحد وتلاشى بعد ما سمعت ان فيصل ملك على اخت صديقه .. كملت دراستها بالجامعه هي و رنا .. وكان عندهم اهدافي و طموحات دراسيه يبون يحققونها .. بيت ابو فهد .. كان فيصل يجهز اثاث غرفته الي فوق لان قرر يعيش هو وزوجته مع اهله .. بيت ابو محمد .. كان مبسوط بـ احفاده " فهد و سلاف " وكان يحاول يقنع مازن بالزواج لكن كان رافض تماماً الزواج هالوقت .. راكان و طيف رغم الظروف و المصاعب الي واجهوها بحياتهم الا انهم عوضو بعض جداً .. وكان لها السند ، وهي كانت له الامان 💍 ريان و لمى .. بداية علاقتهم انتقام لكن تحولت الى حب عميق جداً و سلاف كانت ثمرة حبهم 💍 فهد و داليا .. احياناً التضيحة و الحب كافيّه لتربط شخصين ببعض طول العمر .. فهد ما يفكر بالاطفال لان يحس نفسه اناني ! انت الي تسببت لها بالحادث ! بعدين تروح تتزوج وتجيب عيال 💍 .. محمد و امال .. من علاقه عتب و زعل الى علاقه حب و صداقه و احترام .. لامس معها الحب الحقيقي .. صح تزعل منه احياناً و العكس بس كان يحمل لها مشاعر حب صادقه وهي بعد .. عكس علاقته مع بشرى الي كانت كلها تصنع 💍 سيف و ابتسام .. 💍 رغم الرفض بالبداية الا ان النصيب و الحب جمعهم تحت ظروف .. لكن كل شي بالحياه قابل للتغير طالماً الانسان بصحته و عافيته .. بشرى رجعت لحياتها السابقة .. لمستوها الي تستحق بنيتها الشينّه .. نوره تزوجت للمره الثالثه و كانت ناسيه تماماً ان عندها بنت ! رغم ان لمى ما قصرت مع قوت ابداً .. مي ندمت ايام و بكت شهور .. و جبروها اهلها تتزوج واحدد اكبر منها عمر ، ولا وظيفه ولا شي .. و كانت بينهم مشاكل جداً .. " يجيب الله بعد كسر الخواطر خير كثر ما ضاقت و قلنا عسى خيره " ❤️❤️❤️❤️❤️❤️❤️❤️❤️❤️❤️❤️ دايماً مهما يصير قولو خيّره ! فالخيره فيما اختاره الله .. كثير امور بحياتنا نتضايق للحظة عشانها لكن احياناً يكون عوض الله لك كبير ! و يجبر بخاطرك .. و هذا الي حاولت اوصله بروايتي مثل ما كتبت ومثل ما قريتو .. معاناة ، حزن ، ضيقة ، جبر خواطر ❤️.. النهـاية ❤️ الحمدلله الذي بنعمته تتم الصالحات ❤️ ختمت روايتي السادسة " يجيب الله بعد كسر الخواطر خير كثر ما ضاقت و قلنا عسى خيره " بتاريخ ١٤٣٩/٨/٩ هـ ٢٥ / ابريل / ٢٠١٨ م و كانت ١٥٨ بارت 🙏🏻 تقريباً صار لي اكتبها ثلاث شهور 😍.. ختاماً .. فضلاً اي شخص قرا روايتي السادسه انتظر رايه تحت هالبوست 🙏🏻❤️❤️❤️❤️ | ||||
|
| |
|
| أدوات الموضوع | |
| انواع عرض الموضوع | |
|
|
4Likes
العرض العادي
