آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
02-02-20, 12:27 AM
| #515 | ||||
 
|  بارت 25 تحس احد يمشي خلفها لكن مطنشه السالفه بكيفها ! عقدت حواجبها وهي تسمع نفس الصوت وهو يقول : الجازي لو سمحت دقيقة هذا الصوت تعرفه وكرهته قبل ما تشوف صورة هالشخص ...وش يبغى فيها لاحقها لمكان عملها ...لهنا كافي رح تخبر عمتها بحركاته..والا يمكن جاي يقنعها بعريس جديد مصدي مثله ! الحين رح تعرفه قدره...لفت وجهها وبهجوم غاضب :انت وش تبغى مني لاحقني لمكان عملي ! ما تستحي على وجهك ! لكن كل حركاتك هذه رح اخبر عمتي نجوى فيها...خليها تعرف ولد اختها وش يعمل من خلفها ! ولا تفكر تطلع نفسك من السالفه ...لاني رح اخبر ابوي بحركاتك هذه صدق ما عاد فيه حياء ولا احترام لاعراض الناس ! انصدم من هذا الهجوم عليه ..هذه البنت ما يدري مين مسلطها عليه! وبطبعه الهادي تكلم وبيده بعض الاوراق : ما لحقتك ولا شيء بس هذا مكان شغلي رفعت حاجب بحده : ومكان عملك بيطلب منك انك تلاحقني ! اها لا تكون مثل عيال الأقارب إلي يجلسون كاميرات مراقبه عليهن ويرصدون كل تحركاتهن !- اسمعني زين وخليها حلقه بإذنك انا عيالي لو ربي حفظهم لي كانوا طولي الحين فاحترم نفسك ولا تظن ابوي مو هنا تقول العب على البنت ما لها والي ! تراك غلطان لاني اكرهكم يا جنس الرجال ! فاحترم نفسك و انقلع من هنا قبل ما اجمع عليك الموظفين! ناظر حوله ما في احد زم شفته ما عجبه كلامها وتصرفها..للحين ماسك نفسه ..يعني لانه خطبها ورفضته تعمل نفسها شيء كثير وتشوف نفسها عليه بهذا الشكل ! تنهد بهدوء وبعدها نطق : خالي وليد يعرف انك تشتغلين هنا ؟! رفعت حاجب وللحين ما ناظرته ..اصلا لو بغت تناظره رح تنكسر رقبتها وهي رافعيتها حتى تشوفه ..كلامه ضايقها وش يقصد اذا ابوها يعرف بشغلها او لا ؟! مطت شفتها وردت بثقه : هو إلي توسط لي ووظفني بعد ! رجاء لا تتدخل بحياتي حتى مااغلط عليك رفع حاجب بسخريه : يعني للحين ما غلطتي !، على كل حال اشوفك بالإدارة ف قاطعته بغضب : لا تظن انك اذا كنت صاحب المدير تقلب الحق على كيفك الحين انا طالعه للمدير حتى يتفاهم مع الموظفين عنده ..تركت المكان بخطوات مسرعه! ناظر الأوراق بيده كل إلي كان يبغاه يعطيها الورق إلي سقطوا منها وهي تمشي ..ما توقع تأكله بقشوره ! مط شفته بسخريه وهو يقلدصوتها «كان عيالي طولي» فعلا هالبنت غريبة اطوار تظنه من الشباب إلي يلاحقوها ! وليش يلاحقونها اصلا يمكن يظنونها بزر مضيعه الرضاعه ويبغون يعطونها حلاوة ! اصلا استغرب لما شافها بالنقاب ونازله من سيارة سعود فعلا صدقت عمته ساعه تلبس وساعه ترميه ..إلي يلفت الانتباه فيها النظارات مع النقاب ...عرفها وهو طالعه من الكافيتيريا وانتبه على الاوراق إلي سقطت منها ! لكن يصير خير ما هو بزر إلي تصرخ عليه! طلع الجوال بهدوء واجرى مكالمه قصيره وبعدها توجه لمكتبه ! •* ** *** جلست بمكتبها وتفكر اكيد ولد عمتها خاف من تهديدها ...كلما تتذكر إنه رفضها يزيد كرهه بداخلها بدون ما تعرف شكله ! نسرين بهمس لسحر : اقولك شفتها بعيوني واقفه مع المدير ...اخخخ لو اعرف وش يبغى منها ! سحر بانفعال هامس: والكلبه هذه ما رح تخبرني بالسبب ! تنهدت الجازي وهي مطنشه همساتهم ..لازم تكمل الحين الشغل إلي عليها وبعدين رح تخبر عمتها تطلب من ولد اختها يبتعد عنها ! عقدت حواجبها وهي تبحث عن الاوراق ...تعوذت من الشيطان وهي تدور مثل المجنونه .... لحظه كانوا معها قبل شوي ...وقفت على حيلها معقول نسيتهم بالكافيتيريا ...توجهت للخارج بخوف هذه الأوراق لازم تكون جاهزة خلال هاليومين ...لا حول ولا قوة الا بالله ! وش هاليوم هذا ! توجهت تبحث وتدور بكل مكان مرت فيه ! معقول عمال التنظيف رموها بالزبالة ! توجهت وهي عافسه ملامحها بقرف وهي تدور بالقمامه بس ما في اوراق ! حست الدنيا سكرت بوجهها كيف تتصرف الحين ! رجعت ادراجها لمكتبها ترجع تبحث مره ثانيه لعل وعسى ما انتبهت زين ! وما انتبهت للي واقف يناظرها من شباك مكتبه باستمتاع ! مسك جواله واتصل على ابو محمد ! دخلت المكتب وكله حوسه فوق بعضه ! ناظرت البنات : شفتم اوراق قاطعتها نسرين وهي منشغله : ما شفنا شيء ! ناظرته الجازي بقهرمن ردها ...وش رح تعمل الحين ! ما هو ناقصها هذه السالفة ! كملت عليها لما دخل ابو محمد بعد ما استأذن : الجازي لا تنسين اوراق الصفقة المدير طالبهم اليوم! وقفت على حيلها بصدمه : اليوم! ابو محمد بشك : وش فيك ؟! ردت وهي تحاول تخفي ارتباكها : ها لا ولا شيء ! بس انت قلت يومين للحين ما جهزتهم ابو محمد هز راسه بتفهم : خلاص اشوف المدير وارد لك خبر ..بس انت احتياطا جهزيهم الليله ! مطت شفتها الجازي بسخريه وبداخلها «اذا لقيتهم» جلست بعد ما انهد حيلها وهي تفكر بحل لهذه الورطه! ** ** * تاخرت بالشركه وهي للحين تحوس وتبحث عن الأوراق ! ما خلت عامل نظافه الا سألته عن الاوراق وما احد معه خبر ! رن جوالها اتصلت وكانت نجوى ...ردت الجازي بضيق ...هلا عمتي ...لا لا تنتظريني ...عندي شغل بالشركه ورح اتاخر ....ايه ان شاء الله ! قفلت الخط وتوجهت للشارع العام ...ما تبغى ترجع للبيت ..خلقها ضايق من الاوراق ومن كل شيء ! تمشي بضياع بالطريق حتى وصلت لنقطه الافتراق ..هنا فارقت بناتها !، للحين هذا المكان معلق بذاكرتها ..ولازم تمر عليها وتجلس لفترات طويله ...لمجرد امل انها تلقى بناتها هنا ! معقول ما يحن عليها الخاطف ! للحين تعيش على امال وأحلام ...ما زادتها الا انكسار وخذلان !، تعبت من الوقوف وجلست على الارض وهي سانده ظهرها على العمود وتناظر السماء بسرحان ! متاكده انها على حافة الجنون ما بقى على جنونها الا شعره ! تحس كل شيء بالدنيا ضدها ! ** ** بنفس الوقت اتصلت عليه امه بعدم راحه : الجازي اتصلت معك ...تقول عندها شغل متراكم بالشركه..بالله يا ولدي اتصل فيها وارجعها الحين ماني مرتاح لجلستها هناك !- قفل الخط بهدوء بدون ما ينطق حرف ..على عكس إلي جالس جنبه بعد ما تعطلت سيارته مر عليه سعود يأخذه! عقله بدوامه يفكر اي دوام للحين ! الشركه نظامها ل 3 وبتقفل وحتى الحريم يصرفونهم قبل اعطاهم قرار النساء الدوام ينتهي 2 هذه وين طست وتكذب انها بالشركه! معقوله للحين جالسه تبحث عن الاوراق! عقد حواجبه وناظر سعود: طريق الشركه من هنا ليه لفيت قاطعه سعود ابتسم بسخريه : ومين قالك اني رايح للشركة ! عقد حواجبه باستغراب من هالابتسامه ...ولا عباله ولا اهتم لغياب ابنة خاله! تنهد وما تكلم يشوف وش اخر هالمهزله ! التفت على سعود لما وقف جنب الطريق ..طلع جواله واتصل بضجر ما احد يرد عليه ! بدا يضرب هرن ورجع يتصل مره ثانيه استغرب من موقفه وقبل ما ينطق تكلم سعود بضجر وهو يفتح باب السياره : لازم تغلبني وتنزلني! خخخ لو اشتغل بالبلديه الا اقلع هالعمود زادت تعقيد حواجب فياض من كلامه ...ما فهم شيء ... راقب خطوات سعود ..لما توجه لمتسوله جالسه عند عامود ...زفر بضجر من سعود وقت هالمتسوله الحين ! لمح ملامح سعود الغاضبه ....يمكن اول مره يشوفه كذا دوم مروق !- مط شفته بلامبالاه ما يخصه حتى يتدخل فيه ! لحظات قامت وسعود يتكلم بصوت وصل لمسامعه لما اقترب من السياره : كيف ما تبغين ترجعين للبيت !- تراك خلاص مسخت السالفة انا اليوم رح اكلم خالي! تنهد سعود من حالة الغضب إل اعترته : انااسف ! ما ردت عليه ...فتحت السياره وركبت بهدوء بدون ما تناظر احد ! قفل الباب سعود وحرك السياره بهدوء ..انتبه على نظرات فياض وكأنه ما هو عاجبه شيء ! ابتسم بلعانه وتكلم :عسى جمعتي غله ممتاز اليوم يا الجازي ! اذا تبغين احطك بالشارع الثاني عليه حركه اكثر هههههه ناظر فياض سعود و من كلامه إلي متاكد انه سخريه لكن ما استلطف هذا الكلام! ما يدري ليه جالسه هنا؟ وسعود كأنه حافظ الدرس وعارف مكانها،! غريبه هالبنت بكل تصرفاتها ! انصت سمعه لما تكلمت الجوال بصوت هادي : هلا ...الله يسلمك ...بس انت قلت يومين .....طيب طيب احاول ...ان شاء الله...قفلت الخط بضجر من ابو محمد الي استلمها يبغى الاوراق ! من وين تجيب هالاوراق ! تكلمت بهدوء مع سعود : سعود خذني بطريقك لبيت ياسمين سعود بضجر،: يا كرهي لذي الصديقه! الجازي بنفس الهدوء:ما تبغى براحتك نزلني الحين اخذ سيارة اجره قاطعها سعود بقهر : انت ما تتوبين من سيارات الزفت ! ردت بعقلانية: أصابعك ما هي مثل بعض ..نزلني عندك قاطعها بضجر : انكتمي الحين اقلعك عندهابس من الحين اقولك ما رح ارجعك عندي طلعه مع ربعي ! ردت بنفس الهدوء : ان شاء الله ! يسمع الكلام بهدوء فعلا هذه البنت لا سائل ولا مسؤول طالعه داخله على راسها ! وفوق هذا صغيره كيف خاله تاركها على هواها ! لا والمشكله الخبل إلي جنبه ماشي معها على كيفها ! ما له كلمه عليها وما يقدر يتدخل دام ابوها وامها راضيين منطقيا ما له دخل ..اذا اليوم بس قال لو سمحتي مسحت فيه الارض ! لكن رح يداويها على ذي السالفه وكيف تكلم الناس باحترام ! دخلت عند ياسمين تبحث لها عن حل للورطه إلي دخلت نفسها فيها ! ** *** ** في اليوم الثاني طلعت من الدوام مباشره لبيتهم بعد ما خبرتها عمتها انه ابوها رجع وموجود حاليا في بيتهم ...انقهرت من عمتها ليه ما خبرتها كان كنسلت هالدوام إلي طول اليوم تتهرب من ابو محمد ! دخلت البيت بابتسامة مشتاقة لابوها حيل ...اصواتهم بالمطبخ ما زالت الابتسامه مرسومه على شفتها ..سرعان ما انمحت وفتحت عيونها بصدمه للكلام ! وليد بعقلانيه: اعتبري نفسك ما عرفت انه مريم نفسها ابنة الجازي ! حنين باستنكار : كيف ! انت انجنيت ! رد بقهر : انت فكري بعقل ليه اهلك دسوا هالسالفة للحين ! بعد ما وعيت هالبنت وصارت تفهم صدقيني ما رح تتقبل الجازي يبغون يكسرونها للجازي مره ثانيه ! لكن انا مستحيل اسمح لهذا الشيء يصير ! الجازي انا من باكر رح احجز لها ولك وفرح واحمد ونسافر ! وهناك رح تنسى كل شيء ! قاطعته الجازي وهي تدخل ودموعها تنزل بصمت: تمزحون صح ! ناظرت امها بشتات : من متى تعرفين ؟! حنين باسف : ما صار لي يومين وابوك نبه علي ما اخبرك هو بيتصرف ! ناظرت الجازي ابوها بقهر من تصرفه : دوم اشوفك العاقل ورأيك هو الصواب بس الحين لا سنين وانا انتظر بناتي والحين تبغى اتركهم قاطعها وليد باقناع : يا ابوي ما جابوا السيره الحين الا البنت عايفيتك ! وحتى لو تقبلتك ما رح يسمحون لك تاخذينها ..يمنون عليك بيوم بالاسبوع او بالشهر ! ويتقطع قلبك بزياده لما تتعلقين فيها! ولا تقولين حضانه لانه وقتها رح يثبتون انك مب قد المسؤولية ولو فرضنا رح تكسبين القضيه ما استبعد عن جواد يأخذ البنت ويهج من الدنيا ! انا ابغى مصلحتك ! هزت راسها بالرفض: مستحيل اتخلى عنها ! البنت هذه تحبني دوم تيجي عندي والاعبها بس ماتخيلت لو لحظه تكون ابنتي !، و بتذكر نطقت بجنون: سالم وينه هالزفت ! وليد ناظر نجوى وسميه ومعهم سالم واقفين يناظرون الموقف بصمت !، لفت تطلع تبغى تكلم سالم ...وقفت لما شافت سالم يناظرها بهدوء ...نطقت بقهر : انت قلت شفت البنات ماتوا وحضرت الدفن ! ليه تكذب علي ! حرام عليك عيشتني بكذب طول هالسنين ! قاطعها بضيق : انا ما كذبت لما وصلت المستشفى شفت البنت الاولى محروقه بالثلاجة قلبي ما طاوعني اشوف الثانيه وطلعت من المكان وما حضرت وقت الدفن عزيتهم بعد ما دفنوا ! عضت على شفتها من النار إلي تحرق جوفها ....ابنتها قدامها طول الوقت وما معها خبر ! نطقت بقهر : والله ما اسامحك ! قاطعها وليد بحزم : الجازي ! ما لنا بالماضي ...نبغى الحين قاطعته باصرار : الحين تأخذني عند ابنتي ! يبه لا تلومني نار بقلبي من ذاك اليوم وما تنطفي الا بشوفتها ! زفر بضيق وليد واشر للامام: امشي نشوف اخر هالسالفة ! ** ** ** واقفه بمجلس جدها وقلبها يدق بقوة ...اخذت نفس تحاول تهدي نبضات قلبها ...عيونها على الباب فقط ...ما تبغى من الدنيا الا تضم ابنتها وتدخلها داخل ضلوعها ! ناظرت ابوها إلي وقف جنبها وشد على يدها حتى تتماسك !، رفعت بيدها النحيله مسحت الدموع إلي بدت تتساقط من عيونها ! وليد بصوته الحاني : الجازي! هزت رأسها بخفه وكأنها تقول له ما في شيء ! كل شيء تمام ! بداخلها المشاعر تبعثرت اول ما فتح جواد الباب ودخل المجلس ويمسك بيد مريم بملامح هاديه ومن خلفه الجازي ما هو باين منها شيء ! تقدم جواد وسلم على وليد بنظرات واثقه ...لكن وليد شاف بعيونه خبث ومكر ثعلب ! نزل نظره على طفله بشعر متوسط الطول يزينه طوق عليه شكل ارنب ! ما يشوفها تشبه الجازي ابدا ويمكن هذا إلي ساعده يمشي خطته الخبيثه ! الجد تقدم بهدوء وناظر مريم : تعالي يا مريم سلمي على امك هذه ماما ! ابتسمت الجازي لها لكن سرعان ما انخرست كل فرحه بداخلها وهي تشوف مريم تبعد وتتعلق بجواد وعيونها كلها خوف ! تناظر مريم وهي تبكي بقوة لما حملها جواد وتقدم فيها ناحيه الجازي ! كانت تصرخ وكأنه رح يلقيها عن ظهر البرج ..او انها تشوف وحش كبير بعيونها !، انصدمت من رد فعل مريم ! الجد باهتمام وقف عند جواد وهو يسمي على البنت ويذكر الله ! مريم وهي مستمره بالبكاء : ابغى ماما واشرت على الجازي 2 حست الجازي كأنها بمكان مرتفع وبلمح البصر ارتطمت بالارض ! انكسر اشياء بزياده بداخلها وهي تشوفها بحضن زوجة جواد وتحتضنها مريم بقوة وخايفه من كل شيء وكأنه حضن زوجة جواد هو الامان لها ! عقلها ما قدر يستوعب وما قبل الانهزام ! ما رح تستسلم أبدا ! هذه ابنتها ومستحيل تتخلى عنها ! فتحت شنطتها بيد مرتجفه ..اخرجت قطعة حلاوة منها وبصوت مرتجف تقدمت كم خطوة من مريم : جبت لك حلاوة تعالي صرخت مريم بخوف لما توجهت الجازي ناحيتها ...بمخيلتها الطفوليه رسمت للجازي صوره مخيفه من وصف ابوها ...عقلها الطفولي ما يعرف الا انه امها الثانيه شريره وحش ورح تذبحها ! وقفت خطواتها الجازي وهي تشوف جواد يتقدم من زوجته ويحمل مريم وبنبره حاده تكلم وهو يناظرهم :مب مستعد اخسر ابنتي وتنجن عشان هالامومة المتأخرة ...خلها تشوف لها ارمل قطع كلامه وسكت لما استوعب كلامه ...تنهد ونطق : السموحه عمي ابو بندر ...حمل مريم وخرج وزوجته خلفه ...... تحس بباب كبير قفل بوجهها بعد خروجهم ! ما في اي كلمه توصف احساسها او مشاعرها ! ما انتبهت على كلام جواد ولا سمعته ! ناظرت جدتها بضياع وهي تواسيها : لا تهتمي يوم يومين وتتعود عليك ما ردت بحرف واحد ..توجهت للخارج بخطوات تائهة بعد ما نطقت،: مشينا يبه ! وكأنه حاسة السمع وقفت عندها تسمع ثرثره جدها وصوت ابوها الغاضب المتوعد وصوت جدتها الحاني! بس ما اهتمت لكل هذا ...لانه الوجع والالم إلي تجرعته الحين يفوق كل شيء كل شيء ! وقفت بالخارج ...ناظرت السماء مكتضه بالغيوم واجواء بارده ....ليت إلي بداخلها يبرد مثل هالاجواء الباردة ....حبست نفسها بقوقعة الحزن على ذكرى البنات وبنهاية المشوار ابنتها ضناها ترفضها ! ومب اي رفض ! حست بيد حانية على كتفها وبنبره مواساه: الجازي بدأ جسمها يهتز من فعل البكاء ...وكأنه ابوها ضغط الزر للبكاء .....ضمها له بقوة لو يطلع بيده تعيش سعيده طول حياتها ...لكن هالشيء ما هو بيده ...للحين بقلبه نار تغلي من كلمة جواد ! مسك نفسه لاخر لحظه ما يكسر راسه ..لكن ما هو وليد الي يرد بطريقة همجيه ..رح يقهره وهو جالس ! اخذ نفس وبعدها نطق: الجازي ادري الحاله الي كنت فيها كانت نتيجة شعورك بالذنب انه البنات ماتوا بسببك ...والحين البنت عايشة ومبسوطه عند ابوها ! متى ناويه تنتبهين على نفسك وتعيشين حياتك من جديد ! نفسك هذه لها حق عليك ! متى يا الجازي نتجاوز هذه الازمة ؟! رفعت نظرها لابوها بشتات ما عادت تعرف وش تبغى من هذه الحياه ! ** ** ** •* نجوى تمسح دموعها بعد ما خبرهم وليد بالسالفه : حسبي الله عليه ! حط المر بحلق الجازي ! حنين بقهر وهي تبكي : ليته من هالحال واردى جعله يكون نهايته السجون من القروض. إلي فوق راسه ! يظن حوبة الجازي رح تتركه !، قلبي يوجعني لما شفتها دخلت وكل احزان العالم تحيط فيها ..على بالي جواد رفض انها تاخذ ابنتها ! ما توقعت انها البنت رفضتها! نجوى وقفت بضيق ،: ربك رح يفرجها ...واخر البنت مردها لامها طال الزمن والا قصر ! والحين راجعه لاني تاخرت على البيت ! حنين : نامي هنا نجوى هزت راسها برفض : حرام اترك ولد اختي بدون عشاء هزت راسها حنين وبعدها جلست تفكر كيف تطلع الجازي من هالاجواء والانكسارات ! ** •• ** ابو ناصر بغضب: كلامك ناقص وما له داعي ! والله اني شعرت نفسي بحجم النمله. قدام وليد ! جواد بإصرار : وانا صادق تدور لها ارمل قاطعه ابو ناصر بقهر: مهما إلي صار بيننا كلامك هذا عيب بحق وليد ..تراه رجال له احترامه بين الرجال! الجده بقهر: ما توقعتك حقود لذي الدرجه مكره البنت بامها ! و ش عملت الجازي حتى تكرهها كذا !، ناظر جدته بسخريه : وش عملت ؟! سلامتك ولا عملت شيء وانا الغلطان ! وبقهر : جدتي انت تشوفين الحق وتحيدين عنه وفوق هذا مقاطعيتني ! انا وش عملت ؟! ابو ناصر بهدوء : اسمع اليوم اتصلت حنين تبكي وانت تعرفني كل شيء ولا زعل حنين ! تقول اذا ما استقبلت البنت الجازي رح تهج من الديره كلها ! فاختصر السالفه واترك البنت تستقبل امها ! خلاص انسى الماضي وحنا عيال اليوم ! جواد بقهر من جده إلي خايف على زعل حنين : انا وش دخلني إذا البنت ما هي طايقيتها ابو ناصر قاطعه بحزم : كلنا نعرف انك ربيت البنت على كره امها قاطعته ام ناصر وهي تخزه : على اساس ما تعرف بالسالفه! الجد تورط وبتلعثم : ءءء انا لا قاطعته الجده بقهر : انت الراس المدبر !، لا حول ولا قوة الا بالله ! الجد طنشها وناظر جواد بتأكيد : باسرع وقت تحبب البنت بأمه يكفي حرمان طول هذا الوقت! اتوقع انحرق قلبها زياده بعد !- ناظرتهم الجده بقهر نطقت وهي خارجه :" الرجل الشرير مثل الفحمة: إذا ما حرقتك سودتك. *• ** ** ** ناظرت عمتها بقهر : عمتي لا تقهريني ! ترى ما لي خلق اقابل احد انارايحه لبيتكم افضل نجوى مسكتها وجرتها للكرسي : اقول اجلسي اذا انا جايه هنا اقابلهم يعني ما لك مفر ! حتى اخواتك برضو رح يتواجدون ! وبعدين هذا بيتكم! الجازي بضيق : وليه ما استقبلتي في بيتك! ليه في بيتنا ! نجوى هزت كتوفها : ابوك اصر نستقبلهم هنا ! الجازي بضيق : عمتي اقولك ما لي خلق اشوف احد ! اصلا ما يعرفوني رح اروح انام ولا احد يجيب سيرتي وانتهينا ! نجو زفرت بغضب : طبب بلاه تجلسين على الاقل ساعديني ! امك قاربت على الرجوع من السوق! الجازي للحين متاثره من رفض مريم لها لكن ما تبغى تظهر لكل من حولها انها انكسرت ..رح تحاول ترجع الحياه طبيعيه وتدفن حزنها بقلبها وبنفس الوقت تفكر كيف تسترد ابنتها إلي متاكده انه كله من جواد لعب بعقل هالطفله ...تنهدت ونطقت بهدوء :عمتي خلاص اجلسي وانا أجهز كل شيء ! وقبل ما تعترض نجوى حلفت الجازي عليها تطلع ! بدات تجهز بالعشاء والضيافة ...وعقلها سارح بعالم ما فيه احد ..بمكان فاضي ما تفكر بشيء ! خلاص مل قلبها من التفكير ! بعد مرور ساعات جهزت كل شيء على دخول نجوى : غلبتك يا الجازي معنا! هزت راسها الجازي بالنفي : لو خدمتك طول حياتي ما وفيت جمايلك علي ! نجوى بابتسامه محبه : الله يرضى عليك ! وش رايك تغيرين قاطعتها الجازي برفض : عمتي اتركيني على راحتي ! استأذنت وطلعت لغرفتها قفلتها بالمفتاح حتى مااحد يقطع خلوتها ! تناولت منوم وحطت راسها على المخده... غمضت عيونها وبعد وقت قصير كانت بعالم الاحلام ! ** **** ** حنين تسلم على ام فياض بابتسامة: يا هلا والله نور البيت ! ام فياض بابتسامه عريضه هذه ثاني مره تشوف حنين شافتها بزواج وليد والحين بس ! تبادل الجميع السلام بابتسامات دافئه ! نجوى بعتاب: وينك مع هالغربه مرت السنين وما شفناك ! ام فياض :وكانك ما تعرفين طبيعة شغل ابو فياض :! سميه بابتسامة: ماعرفتينا يا عمتي على إلي معك ! ام فياض بابتسامة : خليني اعرفك بالاول نجوى: هذه سميه بنت وليد زوجة سالم ! هزت ام فياض رأسها بإعجاب : ما شاء الله عليك سميه كبر راسها : تسلمي يا عمتي ! وين سالم والقزمه يسمعون هالكلااام العسل ! ضحكت ام فياض على كلام سميه ..تابعت سميه كلامها : وهذه البطه السوداء اختي دانا دانا فتحت عيونها باستنكار:سوداء بعينك يا برميل ! اصلا الكل يتمنى سماري ام فياض بابتسامة: ايه صادقه سمارها حلو وملامحها حلوة ربي يحفظها ! دانا ضربت سميه بكوعها وهي تحرك حواجبها : سمعتي ! سميه مطت شفتها : ما علينا وهذه فرح مخطوبة لسعود ام فياض : ما شاء الله يا نجوى اخذت بنات وليد وما تركت لغيرك ! نجوى بابتسامة باهته : النصيب سميه بلقافه : والحين دورك يا عمتي عرفينا ام فياض بنفس الملامح المريحه : هذه الله يسلمك ابنتي ليان اصغروحده باخوانها ! وهذه اختها شمس متزوجه صار لها 8 اشهر ! حنين هزت رأسها ؛ ربي يحفظهم لك ! وبدأت سوالف الحريم من سالفه لسالفه ! والشيء الوحيد إلي م انذكر الجازي بتحريص من نجوى حتى ما ينحرجوا لانها رفضت تنزل ! ** ** ** صحيت الصبح ونزلت من الدرج وهي تثاوب بكسل ....البيت هادي ... يمكن عمتها نجوى رجعت لبيتها مع عمتها ام فياض ! احسن شيء ما لها خلق لاحد! ما هي طايقه ابنهم حتى تطيق اهله! تحس بصداع يضرب براسها ...لازم تشرب دواء الصداع بالغرفة خلص الدواء رح تشوف بالمطبخ ! تمشي ببطء وبروح ميته ! تحاول تتناسى الاحداث لكنها ترجع وتنتكس ويتلبسها البرود ! جالسات بالصاله بهدوء ...استغربوا من الكائن الصغير إلي نزل ومر من امام الصاله وما ناظرتهم حتى ! شمس ناظرت امها : اتوقع انها شغالتهم ! ليان وهي تكتم ضحكتها : شفت شعرها يا دافع البلاء وكأنها اصابه التماس كهربائي ! ههههههههههه بطني هههههههه ام فياض ما اهتمت لهذا الكائن ظنت انها الشغاله لانه ما بنات اخوها شافتهم البارحه وهذه النسخه ما شافتها ! دخلت الجازي المطبخ وناظرت امها جالسه تحوس بالمطبخ : صباح الخير ! حنين ناظرتها بفجعه : يا فضحيتي سلمتي على عمتك بهذا المنظر ! رفعت الجازي الحاجب بعدم استيعاب: عمتي !، مين عمتي ! حنين بصوت منخفض : عمتك ام فياض جالسه بالصاله مع بناتها لا تقولي ما سلمت عليهم ! الجازي وبعدين معك لو سلمت وش ينقصك ! الحين يقولون شايفه نفسها ! مطت الجازي شفتها من كلام امها الغير مفهوم ما في أحد بالصاله وليه اصلا يكونوا عندنا من صباح ربنا ! اخذت حبتين من الباندول وقبل ما تشربهم سحبتهم حنين بقوة : ما في دواء ! انت مجنونه تشربين ادويه بلا وعي ! الجازي بضعف : يمه راسي يوجعني بس اخر مره ! حنين ناظرتها : افطري بالاول وبعدين تشربين حبة وحده بس ! هزت راسها بطاعه اهم شيء الصداع يخف ! تناولت الفطور بسرعه حتى تحصل على الدواء ...بعد ما اخذت الدواء ناظرت امها ببرود : انا انظف المطبخ انت ارتاحي !، حنين هزت رأسها : الحين اخلي فرح تصحى وتنزل تساعدك! الجازي برفض : اتركيها نايمه ! حنين : ودوامك الجازي بنفس البرود : الوقت طويل ! حنين عقدت حواجبها : ومين قال الوقت طويل ترى الساعه8:10 فتحت عيونها باستنكار تاخرت على الدوام : يمه خلي فرح تنزل. تنظفه انا تاخرت وتوجهت كم خطوة سرعان ما سحبتها حنين : اطلعي من هذا الباب لا احد يشوفك واطلعي للدوام من الباب الثاني بسرعه ! عفست ملامحها من افكار امها اكيد شافوها ليه هالحركات ! ** ** ** يتبع التعديل الأخير تم بواسطة لامارا ; 04-04-20 الساعة 01:35 AM | ||||
|  |
|
02-02-20, 12:28 AM
| #516 | ||||
| جالسه بالمكتب وهي تفكر بحل للاوراق اعتمدت على ياسمين تلقى لها حل وفي الاخير انتهت المهله وبعدها ما لقت الحل ! وقفت وهي تعدل النقاب بعد ما اتصل ابو محمد فيها وطلب منها تمر لمكتبه ! دخلت ببرود بعد ما ردت السلام! ابو محمد بضيق: وبعدين يا الجازي المدير ملزم على الاوراق وش صار عليهم ! اخذت نفس وبعدها نطقت ببرود : الاوراق ضاعوا وما ادري من وين اجيبهم عقد حواجبها باستنكار : نعم ! ضاعوا! يا برود اعصابك وتقولينها بكل برود ! الحين وش اقول للمدير ! على الاقل لو اعطتيني خبر كان قدرت احل المشكلة ! عض على شفته بتفكير ! تذكر صديق له خبره بهذه السوالف يقدر يحل له هالسالفه ! وقبل ما يتكلم لمح بعقله فكره بعد ما وصلته اخبار عن حالة الجازي الاجتماعيه مطلقه : اسمعيني زين هذه الأوراق مهمه رح نروح بستين داهيه اذا ما دبرنا السالفه ! يمكن تخسر الشركه ملايين والسبب اهمالك ! ترى حنا واقعين بسالفة ما هي هينه ! اسمعيني زين لي صديق يقدر يحل الموضوع لكن في هناك مقابل بدل هالخدمه ! وش قلت ! رفعت حاجب باستغراب : وش هالمقابل ! تكلم باريحيه: شوفي انا رجال اخاف الله ...وما اقرب دروب الحرام ...وانا طالب يدك بالحلال ...اذا وافقت الحين اكلم زميلي ويدبر السالفة وان رفضت تحملي نتائج اهمالك ! ** ** ** ** جالس في مكتبه يكلم بالجوال ومبتسم على كلام اخته إلي للحين تضحك على شكل شغالة بيت خاله ! قفل الخط وهو يحس بالضيق وهو يتذكر الحوار بينه وبين وليد : ناظر خاله بصدمة من الكلام : اخطب الجازي ! وليد بهدوء : انا ما اجبرك عليها..المثل يقول اخطب لابنتك قبل ابنك ....انت تشوف البنت وتجلس معها وان عجبتك ربنا يتمم وان ما صار بينكم توافق ربي يوفق كل واحد بطريقه ! ولا تظن اني بايع ابنتي بذي الطريقة لكن ابغى رجال اكون مرتاح انها الجازي معه ! وبتاكيد: مثل ما قلت لك خطبهارجال غريب وانا بصراحه ابغى اعطيها لرجال يصونها الغريب ما نضمنه ! ناظر خاله بهدوء: انا يا خالي نسبك يشرفني وربي يشهد اني سعيت له ولي الفخر انك تكون جد عيالي! لكن انا رجال اذا انرفضت مره ما ارجع مره ثانيه حتى لو كانت ملك نازل من السماء ..وانا خطبت الجازي ورفضتني قاطعه بصدمه: متى هالكلام ؟ ما عندي خبر به ! فياض بهدوء : انا كلمت خالتي نجوى تحس نبض البنت اذا موافقه اتقدم لها رسمي لكن بعد يوم وصلني ردها رافضيتني بقوة وانا بصراحه ما اجبر نفسي على شخص ما يبيني ! السموحه منك يا خالي وربنا يوفقها مع الزوج الصالح ! نفض هالسالفه من راسه وهو يفكر معقول خاله يزعل؟! قطع افكاره دخول حمد بعد ما طرق الباب وهو يضحك ! رفع فياض حاجب باستغراب : وش فيك تضحك؟! حمد بضحكه : الحين حضرت خطوبه ! عقد حواجبه باستغراب : خطوبه ! ما فهمت ؟! حمد ابتسامه مريحه :هذا يا طويل العمر في موظف هنا ابو محمد كنت ابغى ادخل اخذ من عنده الاوراق والا عنده موظفه المسكينة مضيعه اوراق مهمه للشركة وابو محمد استغل هالنقطه وعرض عليها الزواج مقابل انه يحل سالفه الاوراق ! ناظره بعدم تصديق وبخفوت نطق : وش صار ؟! ضحك حمد: المسكينه اعطته رقم أبوها ! لا النكته يقولها انت مطلقه وانا ارمل متعادلين! نطق بصدمه اكبر : مطلقه ! سأل وكأنه يبغى يتأكد : وش اسم هالموظفه !، حمد وهو يمط شفته : ومين غيرها المتجعرفه الجازي ! دخلت الشركه بواسطه من أبوها صديق المدير !، تدري انا ابو محمد من زمان اشك بامره لازم كل يوم يناديها على مكتبه! بالمقابل ولا مره طلب زميلاتها ! دوم الجازي ! يحس بداخله انفجار من إلي يسمعه ...لهنا وكافي ! تذكر لما كانت تتكلم مع ابو محمد بالجوال ! وحتى لما كان مع سعود كانت تتكلم مع رجال ..لحظه قالت له يومين ! اكيد انه ابتزها بسالفه الاوراق ! لكن يصير خير ! ناظر حمد الي يكلمه وعقله ما هو مستوعب كلامه ! يفكر ب مطلقه ! الجازي مطلقه ! اول مره يسمع هالسالفه ! خالته ولا مره جابت له السيره حتى لما خطبها ما خبرته بشيء! لحظه ! بدأ عقله يربط بالأحداث ...لما كانت بالمطبخ مع خالته اكيد الي كانت تقصده نجوى هو طليقها للجازي! معقول للحين تحبه! بس ما يدري طلاق من خطوبة والا زواج بهتت ملامحه وهو يتذكر البنت إلي عرضتها عليه خالته نجوى ...معقول كانت تقصد الجازي ! عقله الحين تشوش وما هو قادر يوصل لنتيجه ! هز راسه بتسليك لما استأذن حمد وطلع ! ** ** ** ** سكتوا لما دخل ابو محمد بعد ما استاذن وناظر الجازي بتشكيك : المدير طالبك باسمك الحين ! عقدت حواجبها باستغراب المدير وش يبغى منها ! ابو محمد يحثها :-قومي يا بنت الحلال المدير مشغول وعنده اجتماع بعد قاطعته الجازي وهي توقف ببرود .... توجهت لغرفة المدير وهي مستغربه للحين وش يبغى منها ..ناظرت السكرتير بهدوء : المدير طالبني ! السكرتير بمهنية: انت الجازي! هزت راسها بهدوء ..اشر لها بالدخول طرقت الباب بخفة ...فتحت الباب بعد ماقال لها السكرتير تدخل تحس قلبها طبول ..تركت الباب مفتوح وهي تتحاشى النظر للمدير المنشغل بأوراق قدامه ! ردت السلام بهدوء ..وحست بسهم اخترق قلبها لما التقت عينها بعينه ..نزلت نظرها وجلست لما ما اشر لها بالجلوس !- استغفرت ربها ...وقلبها يدق طبول ...ما تدري ليه يناظرها بحده كذا ! بعد وقت قصير استغربت طالبها ومادخل بالموضوع حتى ما رد السلام عليها اول ما دخلت ! صدق انه نفسية ...ما تدري قلبها الغبي ليه يدق كذا ..اخذت نفس وبعدها نطقت بهدوء وبصوتها رجفه بسيطه : لو سمحت خبروني انك طالبني ..اذا مشغول ارجع قاطعها وهو يتكلم بمهنيه والاوراق بيده: الجازي عليك انذارين من قبل مسجلين بملفك ..والحين انذار ثالث يعني كذا تكوني مفصوله من الشركه ! اشر على أوراق بيده : هذه الاوراق سقطت منك وانت خارجه من الكافيتيريا ذيك المره ...بغيت اعطيك إياهم بس ما تركت لي فرصه ..إلي يبغى يشتغل بشركه محترمه المفروض يحافظ على اوراقها وسريتها ! مد لها باوراق :وهذه اوراق فصلك من الشركه ! تعالي باكر او اليوم اذا في وقت تعملين اجراءات الفصل و تأخذين مستحقاتك كامله ! بعد ما تناولت الاوراق نطق بنبره اعتبرتها الجازي مستفزة لها : تقدرين تتفضلين الحين عندنا اجتماع ! مسكت اوراقها بصدمه وكأنها بحلم ...هذا ولد عمتها وش يعمل بغرفة المدير ..ويصدر القرارات على كيفه ! مصدق نفسه الاخ ! وفوق هذا معطيها انذار ما له حق ابدا بهذا التصرف ...قاطع افكارها وهو يكلمها : لو سمحت بعد 5 دقائق عندنا اجتماع السكون وحده يغلفها لثواني ...اخذت نفس وبعدها تكلمت بهدوء :ما يحق لك تاخذ قرارات عن المدير وين المدير ابغى اقابله ! ابتسم وهو يحس بنبره القهر بصوتها بالرغم انها تحاول تتكلم عادي : انا والمدير واحد ما في فرق ! بعد جملته تاكدت انه صديق المدير المقرب علشان كذا يتكلم بثقة ! ما رح تستفيد شيء ! لفت وجهها وبنبره متوعده بدون ما تناظره: وقسم بالله الا تندم على هذا الفصل ! وما رح اسكت ! لا تفكر انك تقطع رزقي ترى كل الشركات تتذابح حتى اتوظف عندهم ! سحبت نفسها وطلعت بغضب من المكان ! وسط ابتسامة فياض انه قهرها ورفع ضغطها ! هذه اخرتها تتزوج بالشركه ! وش هالسمعة الحلوة بعد ما ينشر حمد هالسالفه ! افضل قرار اتخذه انه فصلها ويبعدها عن ابو محمد حتى ما يضغط عليها بالزواج وتكون على معرفه انه الاوراق انحلت وما في مجال احد يضغط عليها ! *• ** ** رجعت للدوام وما قابلت احد ...توجهت لغرفتها وبدات تبكي وهي تحس بموجه قهر وذل بعد ما طردها فياض من الشركه! ما رح تسكت لهم ورح تشتكي عليهم ! توجهت للحمام بدلت وجهزت نفسها للصلاه ! اسندت ظهرها على السرير وهي جالسه على الارض بعد ما كملت الصلاه ...ما تدري ليه كل شيء ضدها ! ابنتها رفضتها فياض رفضها والحين الشركه طردتها ! وش هالحظ إلي عليها ! مسحت دموعها بخفه لما دخلت امها غرفتها : اليوم راجعه بكير !- هزت رأسها الجازي بدون ماتنطق بحرف واحد ! حنين : يا يمه ما يصير عمتك من البارحه عندنا لازم تنزلين وتسلمين عليها ! الجازي بقلب ميت : يا يمه هي ما تدري اذا موجوده على سطح الارض ! واذا عرفت بوجودي قولي لها اني في بيت جدي وانتهينا !، حنين باعتراض :،بس ابوك الجازي بقرف من هالحياه: خلاص يمه ترى ما لي خلق اشوف احد ولا اكلم احد !، خلاااص ! ابوس يدك اعفيني من المجاملات ! إلي فيني مكفيني ! ما ابغى اشوف احد ولا اتعرف على احد ! قاطعها صوت وليد الحاد إلي ماسك نفسه بالقوة عنها بعد ما رفضت فياض على الاقل تعطيه خبر تستشيره ما هو ترفض من راسها ! نطق بنبره حاده: ما في احترام لاهلي ! وش هالتصرفات البزرانيه! الجازي أنا للحين ساكت عن هالتصرفات لعل وعسى تصحين على نفسك وعلى الوهم إلي عايشيته لكن ما في فائده ! الحين تنزلين وتسلمين على عمتك وبناتها بدون نقاش ! اعطاها نظره قويه وغادر المكان ..ناظرت امها بعد ما تقوست شفتها دليل على البكاء : ليه ما تحسون فيني !، حنين بوجع : ما نحس فيك ! انت متى تحسين فينا وترحمينا ! قومي جهزي نفسك قبل ما يزعل ابوك ! رتبي نفسك اخواتك على الطريق، وما بقى وقت على الغداء! هزت راسها بدون نفس ...وقفت بملل من هالمجاملات ...وش تلبس ! ناظرت البيجاما إلي لابسيتها تكاسلت تبدل ! رمت ثوب الصلاه على السرير وتوجهت خارج غرفتها ! يقولون إلي يبغونه ما عاد يهم ! سميه وهي داخله جو مع عماتها وبناتهم ..وقع نظرها على الجازي نازله ببيجاما النوم وسيعه عليها باللون الاسود ..شعرها كالعاده متطاير بالهواء ....حول عيونها اسود ..تحس عيونها متورمات من البكاء ...وجهها شاحب ما في حياة ! الناس تكبر والجازي بعيونها كل يوم تصغر ..مين يصدق انها اكبر وحده فيهم!، حركت سميه بمحاولات فاشله تؤشر للجازي تنقلع تبدل بس الغبيه ولا كأنها تؤشر لها !، ليان باستغراب : علامك تعملين حركات هبل !، سميه باحراج : ولا شيء ! ناظرت الجازي بتوعد وهي تشوفها تتقدم تبغى تسلم ...سميه باحراج من منظر الجازي : ههههه هذه شغالتنا الجديدة تبغى تسلم عليكم ! ريتا سلمي على عمتي ام فياض ! ناظرتها الجازي بقلب ميت وش يفيد الكشخه والترتيب اذا مات القلب !، ليان بابتسامه متواضعه :،شفناها الصبح ! الجازي بملل وكأنها تؤدي واجب عليها سلمت بيدها ما هي طايقه فياض ولا اهله ! وتوجهت مباشره للمطبخ بدون اي كلمه ! شمس ناظرت اختها وبعدها امها بعدم تصديق : انا شفتها الصبح بس ما انتبهت على ملامحها !، تشبهك يمه ! ليان رفعت حاجب : وش جاب لجاب هذه وكأنها طالعه من القبر ! متاكدين انكم تطعمونها ! سميه باحراج : ا يه ايه ام فياض سكتت وما علقت على السالفه وهي منشغله بجوالها وما انتبهت للجازي اصلا ! واقفه بالمطبخ تجهز مع امها الغداء وسميه ودانا وفرح جالسات بالصاله وصوت ضحكهم طالع وهم يتكلمون باندماج مع بنات عمتها ! ناظرت امها وهي تحس ظهرها تصلب من الوقوف ...اليوم بذلت جهد نفسي وجسدي فوق طاقتها ! من لما دخلت المطبخ ما طلعت منه : احط فلفل على السلطه حنين وهي تحرك الاكل: اعملي قسمين واحد بفلفل والثاني لا ! هزت راسها بطاعه ...متى ينتهي الغداء على خير ! حنين بهدوء : نرتب الاكل بصالة الاكل افضل ! وبصوت مرتفع : يا فرح يا فررررح ! دخلت فرح المطبخ بضجر وعقلها مع السالفه إلي تتكلم فيها شمس تبغى تسمعها : نعم حنين بعصبيه : نعامه ترفسك مب شايفه مشغولين بالتجهيز فرح بضجر : طيب ليه سميه ودانا جالسات قاطعتها حنين بقهر من كسل بناتها ؟: ذول ضيوف شرف ما يصلح يشتغلون ! بسرعه ساعدي الجازي ! هزت راسها وبوزها شبرين وبدات ترتب الاطباق على سفرة الاكل مع الجازي ! تنهدت الجازي وهي تحس ظهرها طق ما تتحمل وجعها اكثر من كذا ! تكلمت مع امها : كل شيء جاهز ! ابوي وينه ؟! حنين :ابوك اسمع صوته بالصاله ما سمعتيه!، هزت رأسها بالنفي وبدات تنظف المطبخ ..مسكت يدها حنين : اتركي عنك وتعالي للاكل ! فكت يد امها بشويش : اتركيني يمه آكل هنا براحتي ! ناظرت حنين بعيون الجازي اللامعه وما حبت تضغط عليها وخاصه مع الدموع إلي اوشكت تنزل من عيونها ! بدأت تنظف بالمطبخ تبغى تجهز كل شيء بسرعه وترجع لغرفتهاترتاح ! وقفت تنظيف لما وقف ابوها على باب المطبخ : تعالي للغداء واترك الشغل فرح بعد الغداء تكمل تنظيف ! الجازي برفض : يبه وليد بحزم وبصوت هامس : اختي ما هي من مقامك قاطعته بضيق : لا تفسر الكلام انا زفر بضيق وهو يشوف الدموع بدت تنزل ..كيف يقدر يخليها تتجاوز هالازمه ما يعرف كيف ! تركها وطلع ما هو ناقصه فضايح قدام أخته تشوفها وهي تبكي ! مسحت الجازي دموعها ورجعت ترتب بالمطبخ ! بعد وقت دخلت سميه ومعها اطباق فارغه : انت يا قزمه وش هاللبس إلي لابسيته ! فضحتينا قدام عمتي! طنشتها الجازي واخذت منها الاطباق بصمت مطبق ! سميه تحاول تغير مود الجازي:ريتا وبعدين معك ! ابنه سميه بسرعه تقدمت: ماما ابغى الحمام سميه بضجر : هو وقتك الحين ! أخذتها وطلعت من المطبخ ! دخلت المطبخ فرح بضجر : يا كرهي للشغل ! امي تقول اساعدك ! رح اقول لها انك رفضتي اساعدك ! نطقت الجازي وهي ضاغطه على اسنانها بقوة من الالم : نظفي مكان سفره الاكل وانا اكمل هنا ! بعد عناء جهزت المطبخ ...وبعدها توجهت مباشره لغرفتها بدون ما تاكل ....بس تبغى سريرها ! ** ** •* ام فياض تناظر نجوى: ايه كان عنهم اجتماع وما تغدى معنا ! نجوى بابتسامه : يقول ينحرج لما ييجي هنا ما يحب يضايق على احد ليان : بنات خالي متزوجات ما في غير الدبه هذه ! فرح فتحت عيونها ،: انا دبه ! سميه بضحكه : الا قولي بقره! ما ادري اهلي يطعمونك برسيم فرح مطت شفتها : نفس البرسيم إلي يطعمك منه سالم ! سميه باستنكار: انا اختك الكبيره يا حماره ! ام فياض بابتسامة لسميه: الي بيته من قزاز لا يرمي بيوت الناس بحجاره ! سميه مطت شفتها : قصدك اني دبه ! هذا وانا جايه اسلم عليكم قبل ما نرجع شمس باهتمام :كل اسبوع تنزلين عند اهلك واهله!- نجوى بضيق من بعدهم : لا والله احيانا يجلسون شهر وما ينزلون واضطر انا اروح اشوفهم سميه : بس زمان ما زرتينا يا عمتي ! نجوى : ما اقدر اترك سعد وسعود كثير ! دخل وليد بابتسامه ..وجلس مع أخواته يتكلمون ... ناظر ام فياض وهو مبسوط فيها اخته الكبيره ولها معزه بالرغم ما كان يشوفها كثير :-انا حلفت الا تجلسين عندي لوقت ما ينزل ابو فياض وترتبون اموركم هنا ! ام فياض بابتسامة : ليتك سالم يا اخوي ! وليد بابتسامة : ما قلت لي كيف هالبنات معك سميه بثقه : اكيد انااحسن وحده باخواتي صح يا عمتي ! نجوى ضربتها على راسها : يا واثقه ! ام فياض : سميه ما شاء الله عليها جلستها ما تمل منها وخاصه بوجود دانا وحتى فرح مثلهم تتونس بالجلسه معهم ربي يحفظهن ! عقد حواجبه باستغراب دوم يميل للجازي ويحب يكون المديح كله لها بالرغم انه زعلان منها الحين على رفض فياض بدون ما تستشيره لكن تبقى الجازي غير عن كل اخوانها..بس استغرب اخته ما جابت سيرتها : والجازي ! ام فياض رفعت حاجب : الجازي ! ومين هذه ! وليد ارتخت ملامحه معقول كسرت كلمته وما سلمت على اخته : ابنتي ! ام فياض بصدق : والله ما شفتها ! حنين تستدرك: الا شف قاطعها وليد وهو يكلم فرح :،روحي نادي الجازي بسرعه ! فزت فرح بسرعه متوجه لغرفة الجازي تنادي عليها ! سميه تحس نفسها تورطت قدام ابوها اذا عرف انها قالت عن الجازي انها الشغاله والظاهر عمتها وبناتها صدقوا ! قررت تهرب قبل وصول الجازي ! استأذنت وتحججت انه سالم مستعجل اخذت عيالها وطلعت من البيت بسرعه ! رجعت فرح وهي تقول : الحين تنزل! تحس بنغزه بقلبها من طريقة فرح لما ايقظتها...افزعتها بقوة ..وكأنه ما ينقصها الا فرح وثقل دمها! حطت يدها على قلبها يدق بقوة ! ابوها وش يبغى منها ! حملت نفسها ونزلت وهي ناسيه انه عمتها عندهم ! تقدمت منهم وردت السلام بخفوت : نعم يبه نجوى ناظرت الجازي وتحس بالقلق عليها ...حالها ما عجبها اكيد للحين متاثره من موقف ابنتها ! هذا الشحوب والسواد حول عيونها كله بسبب جواد حسبنا الله ونعم الوكيل ! ليان جالسه تناظر الجازي تنزل تبغى تشوف هالمتكبره ليه ما سلمت عليهم للحين ! حاولت تكتم ابتسامتها وهي تشوف شعر هالبنت يضحكها بقوة ! انمحت ابتسامتها لما اقتربت وردت السلام وهي تقول نعم يبه ! هذه الجازي ! وليد بعتب: الجازي ليه ما سلمت على عمتك ! ناظرت عمتها بدون تركيز و للحين تحس بنغزه بصدرها ! شمس بضحكه: الحين هذه الجازي! سميه قالت لنا انها الشغاله اسمها ريتا ! وليد ناظرها بصدمه وهو يتوعد بسميه على هالكلام ! مسك الجازي واجلسها جنبه وهو يمسح على رأسها حتى يخفف من شعرها المتطاير بالهواء : وهذه الجازي يا ام فياض ! ام فياض استغربت حال هالبنت شكت انه اخوها يسيء معاملتها والا ليه حالها كذا ! ردت بمجامله : الله يحفظها لك ! ايه هذه شفناها! نجوى زل لسانها : عاد فياض يقول تشبهك يا ام فياض بقوة وليد ناظر نجوى وهو رافع حاجب ومانطق بحرف واحد شمس عقدت حواجبها : وش عرفه فيها ! ام فياض تغير الموضوع : انت باي صف يا جازي! ناظرت الجازي ابوها ببرود وكأنها جليد وما نطقت بحرف! وليد بابتسامة : الله يسامحك يا ام فياض تراها البكر ..هذه اكبر وحده باخوانها متخرجه وموظفةبعد بشركتكم ! ام فياض ما صدقت : تمزح! نجوى بابتسامه: وهو صادق ! فرح بضحكه: الكل يظنها اصغر مني ! حنين ما علقت على السالفة واكتفت بالصمت! ليان : انا على بالي انه سميه اكبر وحده ! تسمع سوالفهم لكن عقلها بسالفه جديده كيف تخطف مريم ! ايه لازم تخطفها وتحرق قلب جواد عليها ..وتقر عيونها بشوفتها ..رح تهرب وتعيش بمكان ما احد يعرفه بعيد عن الكل ! بس كيف تخطفها ! لازم تخطط مضبوط للسالفة ! رفعت نظرها باستغراب ابوها ما هو موجود ما تدري متى طلع ! ناظرت ام فياض الي تكلمها : فياض يعرف انك تشتغلين بالشركة ! الجازي وبداخلها ااااه من هالفياض ..نطقت بنبره اقرب للهمس : اي ليان بمزح : علامها بطارية صوتك منخفضة كذا ! نجوى اعطت ليان نظره حاده بدون ما تتكلم ! ام فياض مستغربه من البرود إلي يغلف الجازي ..تحسها بعالم غير عالمهم ! نجوى : اطلعي نامي يا جازي وارتاحي! بدون تردد طلعت لانه الجلسه بهذا المكان تخنقها ! بعد وقت ما بقى بالصاله الا نجوى وام فياض ! ام فياض باستغراب : الجازي طبيعيه والا مريضه! نجوى هزت راسها بالنفي : وش هالكلام ! الله لا يعلقك مع لسانها هههههه ام فياض باستغراب : علامها كذا ! نجوى بتكدر: مرت بظروف صعبة للحين ما تجاوزتها ! لا تلومينها ! ام فياض عقدت حواجبها : غريبه اخواتها الاصغر منها تزوجوا قبلها ! نجوى تنهدت: اخخخ يا اختي على حظ هالبنت ! تراها تزوجت وتطلقت فتحت ام فياض عيونها بعدم تصديق ..بدات نجوى تروي لها حكاية الجازي وام فياض منفعله وكل شوي تعطي جواد شتيمه او دعوة ! نجوى تختم كلامها : وهذا إلي صار معها ابنتها رفضتها وإلي مضايق وليد كلام جواد خليها تشوف لها ارمل وكانه يقصد انه الجازي ما رح تتزوج الا شخص متزوج او كبير او ارمل قاطعتها ام فياض بحقن : الله لا يوفقه ! كذا الواحد يعمل في بنات الناس ! نجوى بتردد : وابغى اقول لك شيء ! ناظرتها ام فياض تحثها على الكلام ..ناظرت نجوى حولها تتاكد ما في احد : بصراحه ولدك فياض خطبها مني بس انا صرفت الموضوع وقلت له انها رفضت ! ام جواد عقدت حواجبها : فياض! ما قال ولا جاب سيره لنا ! وانت ليه كنسلت الموضوع ! نجوى تنهدت : ولدك ما يبغى يتزوج فتاه متزوجه من قبله ولما طلب يد الجازي كنسلت الموضوع من عندي خفت يرفضها وتزيد انتكاسة الجازي وما هو ناقصها ! ام فياض قاطعتها : وليه يرفضها ! وش فيها اذا كانت متزوجه من قبل ! يا سخف عقل الرجال ! لكن الحل عندي ! اذا ما فكيت عقدة الجازي ما أكون ام فياض ! البنت بأول عمرها حرام تضيع كذا ! ورح اخلي طليقها واهله يموتون بغيضهم والزمن بيننا ! ** •• ** ضاق خلقه بعد خطبة ابو محمد ..ناظر فياض وزفر بضيق : وقسم بالله ما يستحي على وجه عمره قريب الستين ومتصل يبغى يخطبها بكل قوة عين ! فياض هز راسه وبداخله بلاك ما تعرف البلاء من ابنتك معطيته رقمك ...تكلم بهدوء : كثير رجال يستغلون هذه النقطه ! الا ما قلت لي يا خالي ناوي تستقر برا ! تنهد بضيق : والله يا ولدي ما نويت وما طلعت الا غصب عني ! هذا بندر رح يطلع الشيب براسي ! متى يكمل الدراسه وانفك من هذه السالفه ! فياض باهتمام : صاير شيء؟! مط شفته وليد وش يقول وش يخلي ...والله سالفته ما تنقال ..متحرش ببنت عربيه هناك واهلها ما خلوا فيه عظمه سليمه فاضطر يجلس عنده لوقت يتعافى ...وبتغطيه على الموضوع :،لا ما في شيء غير الخير .بس انت تعرف هالعيال ومشاكلهم إلي ما تخلص ! قاطعتهم نجوى وام فياض وهم يجلسون والابتسامه تشع من عيون ام فياض ..بعد الخوض بالكلام ..تكلمت ام فياض بنغزه: تدري مب مصدق وانا اناظر الجازي سبحان الله تشبهني كثير ! عندي صوره بعمرها كأننا توام ! نجوى : بس انت اطول منها ! نزل راسه وهو يسمع امه تتكلم عن البنت ما يدري وش سبب هالكلام ! رفع رأسه لما تكلمت امه : والله اني هالبنت دخلت قلبي وما هي طالعه من نفسي ! علشان كذا انا اخطبها لفياض على سنة الله ورسوله ! وش قلت يا اخوي؟! انتهى البارت ....انتظروني يوم الأربعاء بإذن الله ...دمتم بخير التعديل الأخير تم بواسطة لامارا ; 04-04-20 الساعة 01:37 AM | ||||
|
| |
|
02-02-20, 02:23 AM
| #518 | ||||
| قلبي وجعني على الجازي ... ما توقعت جواد يوصل لهالدناءة هاي... وواثق الاخ انه مرد مريم اله ... ويبتسم بعد !!! حسبي الله عليك يا جواد ... ما ادري الوم مين ولا مين ومنتظرين وليد ينفذ توعده في هالجواد ... فياض تصرفه كان حكيم لما طرد الجازي من الشركة... وكمان لما تغاضى عن صراخها عليه... الحمد لله ما كان في شهود عل اللي صار !!! ام فياض هل رح تكون سبب في تغيير حياة الجازي ... وهل رح تزيد معاناة الجازي في حالة زواجها من فياض ؟؟ولا رح تكون بداية جديدة وحياة يتخللها الافراح ونبض الحياة من جديد ؟؟؟؟ اممممم واش شعور فياض وتصرفه بعد خطبة امه للجازي؟؟ البارت كان خطيييييير وموجعععععع الله لا يسامحك يا جواد ... حقووووود لدرجة لا توصف ... يا حسافة بس هاكل هم الديون يجعله من هالحال لاسوء... ودعوة المظلوم ليس بينها وبين الله حجاب!!!!! بتعرفي صدمتيني ولا ازال مرة بعد مرة انصدم يا أبرار... الله يحميكي عليكي أفكار مدري كيييف؟؟؟ لو خليتي الجازي تسلم عادي على عمتها كان ما كان منطقي اصلا ... اصلا توقعت تغمى او تنجلط بعد سلام مريم عليها او كلام جواد حسبي الله عليه !!!! وصلتي حالتها لدرجة حسيت حالي محلها!!! اتوقع ينحرج فياض من طلب امه ... ويسكت حتى يختلي فيها... وهي تحكيله قصة الجازي كلها ... بس رجااااااااااااااء يا أبرار اذا ناوية جد تزوجيها ايا كان وبالذات فياض لااااااااااازم يكون على بينة ** يعرف ويدرك ** كل اللي عاشته بالماضي !!! لا تخليها تزيد معاناة معه لانه ماخذ أفكار جواد عنها ... محتارة جدا اش الجزء التاني من الرواية رح يكون؟؟؟ ومتى رح تظهر البنت التانية من التؤام ؟؟ و سؤال أبرار كيييف بعد ولادة الجازي التؤام كان الكل يحكي انهم نسسسسسخة من الجازي .... والان الوليد ما تعرف على ملامحها ؟؟ خطر ببالي انه مريم يمكن جد مو بنت الجازي وانه هي بنت تانية كانت في سيارة الخاطف ما انتبهلها الرجل المديون لما اخذ وحدة من التؤام ؟؟؟ مدري والله تفكيري يمكن شطح ؟؟ بس هاد تفسيري الحالي !! ^^ نتظرررررررك أبرار.... مبدعة كعادتك .... الله يحميكي... وبالتوفيييييييق ❤❤ | ||||
|
| |
|
02-02-20, 09:28 AM
| #519 | ||||
| حتى انا افكر كذا مريم يمكن ماتكون بنت الجازي 😂 بصراحه اكبر ضربه لجواد ام عن وليد صراحه ماحبيت انه يعرض بنته لفياض حتى اذا هو انسان كويس وان شاء الله وليد يعرف يتصرف بعد رفض فياض ويتصرف بطريقه حكيمه مع ام فياض ويخرج الجازي من السالفه اذا كان فياض يبقها بيطلبها من وليد | ||||
|
| |
|
| أدوات الموضوع | |
| انواع عرض الموضوع | |
|
|
15Likes
العرض العادي
