آخر 10 مشاركات
|
| |||||||||||||
| مشاهدة نتائج الإستطلاع: تمنياتكم لنهاية خذني بقايا جروح؟؟؟ | |||
| نهايه سعيده ؟؟ |     | 1,311 | 95.83% |
| نهايه حزينه؟؟ |    | 57 | 4.17% |
| المصوتون: 1368. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
17-10-21, 01:43 AM
| #12521 | |||||
 
|  تصدقون بنات ان مثيا ماعاد تهمنا ماتت ولا عاشت خبز خبزتيه يالرفلا كوليه هي اللي جابتها على نفسها ليه تتذاكى وتدس سوايا سعود تظن انها لحالها بتنهي امره وش هالذكاء اللي جاب اجلها 🤐 عناقيد انا مثلك اتوقع الشيطان سعود يكذب بس عشان يحرق قلب ميثا على ولدها ويمكن بعد🤔 انه سواها صدق لأن طلال طلع يعرف بجريمته اللي سواها بالوليد هذي سبب قوي يخلي سعود يفكر يلعب بعقل طلال لأنه تأكد ان طلال ضده 100% بس انا متأكده ان الوليد وهيثم ماراح يتركون طلال وان شاءالله بيرجعونه | |||||
|  |
|
17-10-21, 01:48 AM
| #12522 | ||||
| تذكرت ان عبايتها رماها الوليد .. همست -يووه بعد عبايتي تحت مدري وين حطوها ..بروح لسمر باخذ عبايتها .. تحركت بعجل ثم التفتت وهي ترجع تأخذ روبها .. الخفيف بتشيله عن السرير .. -خالتي اكلم مين لك الممرضات ؟؟ ماعرف أقول لهم .. -لا يابنتي دقي عالمطابخ .. هزت راسها نجلا متراجعه بعجل .. راحت للسنترال ودقت .. طلبت الي قالت ثم..سالت عن عبايتها بس مافهموا عليها او هي ماقدرت توصل لهم الي تبي .. مايدرون عنها أصلا .. وينها .. حذفت روبها وركضت يم جناح سمر .. غمضت عينها ماسكه مقبض الباب تتمنى تكون نايمه .. تنفست براحه وهي تستشعر السكون بالمكان والانوار الخافته ..وضي الشمس ..يتبادى من تحت الستاير .. تحركت بخفه جهة غرفة الملابس تعرف مكان عباياتها ...اول مادخلت سحبت عبايه وطرحه ..ونقاب .. اول ماخذتهم تذكرت ان أساسا عندها عباية السفر الي جابها لها .. عضت شفتها ..شلون نستها اكيد بغرفة ملابسها ... همشت فكرها وطلعت بالعبايه ... لبستها بعجل .. ولفت طرحتها ..شافت ام سلطان طالعه من الجناح ولابسه عباته .. -جو خالتي ؟؟ اروح ادخلهم ؟؟ -لا يابنتي الله يصلحك اهدي يامي ... يعقوب بيجيبهم .. ادخلي .. يابنتي .. داخل .. خابرتن حبيبك ماهوب يحب انتواجد مع رجال دامني موجوده ادخلي انا بوقف لهم عند الدرج .. !!.. ترقبتها نجلا بتفهم .. -والله خالتي بدخل بس بكون بعيد بناظره من بعيد !! .. دق جوال ام سلطان .. -ايه يعقوب دخلتوا .. ؟؟ يله تعال انا الدور الثاني واقفتن على راس الدرج .. خلهم يرقون لي .. !! لا الله يعافيك ماقصرت .. ان اعتزتك كلمتك .. شوف اشغالك .. انت .. ترقبتها نجلا وخطواتها البطيئه تاخذها لجناحها لكن عينها يم ام سلطان .. الي راحت توقف لهم .. اول ماجت تطرف بعينها لمدخل جناحها .. رجعت بعجل تشوف الي جاي .. ماشافات رجال ابد .. تهيبت نفسها وهي تتقدم .. وعينها تشوف الي جت ..ومعها نيرس .. تسلم على ام سلطان .. -السلام عليكم .. اهلين خاله ...!! وين مريضك او مريضتكم .. وعسى لاباس ان شاء الله .. نطقت ام سلطان وهي تسحب برقعها .. -احسبك رجال يامي .. تعالي تعالي تفضلي ولدي .. هو التعبان الله يعافيه .. وقفت نجلا وعينها يم هالدكتوره المتحجبه .. والي معها .. حتى ماسحبت نقابها .. اشتعل بروحها شي ضاري ..شعور غريب .. كم لها ماعاشته كم ؟؟ مانتبهت حتى لام سلطان تناديها .. -نجول ؟؟ يامي !؟وخري عن الدرب.. انتبهت ماظرتها .. -هاه .. طيب .. من هينا تعالي .. دخلت قبلهم ماشره لها تتبعها هي والنيرس حقتها .. تنفست بعمق .. عاضه شفتها وهي تشوفها تدخل .. وتحط شنطتها .. وتكلم مساعدتها .. ثم ابتدت تسال ..ام سلطان ..ونجلا تترقبها .. وتترقب الوليد .. -وش فيه خالتي ولدك وش يشكي منه .. !!؟ ابتدت ام سلطان تتكلم .. ونجلا تقرب منه .. ترتب اللحاف حواليه عينها عليه ... ناسيه حتى انا بنقابها ... سالتها ام سلطان .. -نجول بنتي كم طلعت حرارته .. ؟؟ ناظرت الانثى المتواجده .. ناطقه ..بحزم .. وعجل .. -40.. ردت عليهم وعينها عليه .. -اوه مرتفعه مره .. طيب حبيبتي ابعدي بكشف عليه .. قالتها والتفتت لمساعدتها تعطيها التعليمات .. اطرفت لام سلطان .. مرطبه شفتها .. -نجلا يامي افتحي نقابك مهنا رجال !!.. -اييه نسسيته .. قالتها .. ثم .. سحبته ببطء..وابعدته بيدها .. وهي واقفه مكانها رفعت يدها تتلمس .. حجابها بترتيب.. -ابعدي حبيبتي شوي .. بتجهزه الممرضه .. هتفت .. ناطقه ..وعينها على هالانسانه ,, -انا اجهزه اش تبين اسوي .. ؟؟ انا سادحته من اول !! سويت له كمادات حتى .. !! اطرفت لها الدكتوره بتقطيبه بسيطه .. وعينها يم الكدمه الي على ذقنها .. تبسمت وهي تترقبها .. -سلامات اش هالكدمه ؟.. تلمست انامل نجلا كدمتها بثبات .. ناطقه بثبات .. -حادث بسيط ..!!.. هزت راسها لها .. بفهم .. ورجعت تطرف يم الوليد .. بتركيز .. -قلتي سويتي له كمدات ؟؟ هزت نجلا راسها .. -ايه سويت .. يشكي بعد من رجله .. !! اشرت لها .. -طيب ابعدي شويه لاتخافين ان شاء الله انه بخير .. وقفت نجلا بثبات ...وهي تشوف النيرس مقبله ومنحنيه .. تتلمس جبينه .. وتبعد خصله .. بحركات ثابته ...متمرسه .. ناظرتهم نجلا الثنتين .. -عادي علميني وش اسوي له انا بساعدكم !! تبسمت لها الدكتوره بقل حيله ..وتفهم .. -الله يحفظ له البنات الحلوات يارب .. بس خلاص ارتاحي خلينا نقيس ونكشف عليه حبيبتي ..!! يله اجلسي عالكرسي .. ان شاء الله بابا بخير !! تنفست نجلا بصدمه وهي تطرف لام سلطان .. ثم رجعت تنطق لها ..بنظره هاديه ..مستملكه .. -هذا زوجي !!!.. بان الارتباك الخفيف ..عالدكتوره .. -اه ..طيب .. مانتبهت شكلك صغيرون مره .. هزت نجلا راسها .. -طيب ماعليه ..يله وش اسوي .. التفت له .. تتامل سكونه الغريب..ملاحظه حمار خفيف بملامحه .. تبادى لها حس ام سلطان .. -نجلا بنتي خلهم يكشفون .. تعالي .. .. اطرفت يم خالته وتقدمت بضيق وعينها عليهم ... كتفت يدينها .. تترقبهم فيما بين ابتدت النيرس .. تشوف شغلها .. والدكتوره ترفع يده تقيس نبضه .. زمعها اعتلى نبض نجلا وهي تشوف يديه المستسلمه بين يدها .. تسارع تسارع تسارع نبض قلبها خوف .. ماتبي يشد عليها يحسبها عي .. اول ماتركت يده تنفست .. وهي ترطب شفتها .. -هاه كيف .. !!..؟؟ التفتت للنيسر تعطيها تعليماتها ثم ناظرت نجلا وام سلطان .. -حاليا بنعطيه فولتالرين بالوريد عشان تنزل الحراره .. ومضاد .. بس لابد يراجع دكتور العظام .. بالتأكيد فيه التهاب .. نطقت نجلا معاجلتها .. -أي انا متأكده فيه .. قربت الدكتوره من رجله .. وتلمستها .. بخفه وبطء.. قدكت نجلا بعجل .. تاشر لها .. وبلا شعور تسحبها من بدها ..بحفه .. -رجله هذي تعرج من حادث قديم اذا شد عليها توجعه وهو امس مشى عليها وضغطها كثير !! ترقبتها الدكتوره باهتمام .. -اجل فيها التهاب .. الي بسويه الحين بعطيه مضاد زي ماذكرت .. ومسكن بيتحسن وبتخف الحرراه .. لكن في احتمال ترجع من جديد اذا مااختفى هالالتهاب .. لابد يراجع دكتور عظام .. سمعت حسه .. ينادي .. -نج..لا .. اطرفت له .. تاركه طرحتها تنسدل .. على اكتافها .. -هينا انا موجدوده .. مسكت يده .. مقربه .. وعينها تحتني له النظر .. -الوليد جبنا لك دكتوره .. بتعطيك مسكن ومضاد ! تلمست جبينه .. ببسمه .. وهي تشوف اللمرضه تبدا تتجهز للابر ..سمعت الدكتوره تقول .. -بنسوي له قبل اختبار حساسيه .. ناظرتها نجلا .. ورجعت تشوفه لقته مغمض ..متنفس بتوتر .. -طيب .. ترقبتهم .. بصمت .. وحذر .. وهي تستقسر .. -يحتاج يأخذ هالاشياء مره ثانيه ؟؟ اليوم !! هزت لها الدكتوره راسها بتاكيد وتطمين .. -بكتب له انا مضاد ومسكن بعد الفطور ياخذهم .. ان شاء الله لكن لابد يراجع !! -ان شاء الله .. شدت مبسمها وهم يعطونه الابر بالوريد ...قب هدب عينه .. بخفوت .. شدت يديه مستمعه لها .. -بكتب له كريم للجروح ..الي بيده .. مرتين باليوم يحطه .. رفعت نجلا لها راسها .. هازته .. -عندي كريم .. أتوقع ينفع بورك إياه .. تركته وتحركت مطلعه المرهم الي حطه لها .. ورتها إياه منتظره .. -أي هذا ممتاز ... يدهنها مرتين باليوم ... وقدامه العافيه ان شاء الله .. قربت ام سلطان .. -يعطيك العافيه يابنتي ماقصرتي .. !! -الله يعافيك خاله هذا واجبنا ... أي وقت احنا حاظرين !! تركته نجلا وتقدمت لها .. تسمع تعليماتها .. وخذت الوصفه منها .. تبسمت لنجلا .. -لاتشيلين هم بيتحسن مع المسكن الي عطيته .. بيقوم شويات ..بس يحتاج راحه .. ومع الفطور اليوم مشروبات ساخنه ..ومغذيه .. هزت لها نجلا راسها ناطقه .. -طيب ..ان شاء الله .. شكرا يعطيك العافيه .. -الله يعافيكم .. وكل عام وانتم بخير رمضان كريم عليكم ..الله يشفي مريضكم ..يارب .. -امين يابنتي علينا وعليك الله يتقبل صيامنا وثيامنا .. ويجزاك بالخير .. -امين .. مرت دقايق .. .تابعتهم الين طلعوا .. مع ام سلطان .. -اجي معك خالتي .. ؟؟ -لا يامي خلك مع الوليد .. وين العلاج هاتيه ارسله ليعقوب .. تقدمت لها نجلا تعطيها .. إياه ..وتراجعت .. داخله .. اول ماجت عينها جت عليه .. تنفست تترقب المكان كله .. توجهت للستاير ابعدتها فاتحه الشبابيك كلها وتاركه الستاير تبي الغرفه تنتعش من هوى باريها وتتجدد .. رجعت لها ترتب اللحاف حواليه .. ترقبت مكان اللصق ..ثم اطرفت لجيده الساكن .. قربت اكثر مستجلسه .. ماخذه منشفه تمسح ملامحه بخفه .. لاحظت قطرات من العرق يتلامع .. حوالين رقبته .. وحمار طفيف .. بخده .. همست .. -الوليد ؟؟ مب حاسس فيني لين الحين ؟؟ عطوك مضاد ومسكن .. افتح عينك طمني شوي .. !! تاملته بصمت ثواني .. ثم قربت مندسه ..جنبه ..جاذبه راسه ..لصدرها محتظنه جبينه .. ومتسانده على ظهر السرير .. مبتديه تمسد راسه .. بلمسات خفيفه .. هاتفه بضيق .. -قال بابا قال !!.. اطرفت يم صدره المكشوف .. شدت مبسمها .. -بعد انت الله يصلحك احد ينام متعري كيذا !!! ليتني لبستك فنيلتك !! تنهدت بحس مسموع .. مترقبه السقف والفراغ امامها ... جذب نواظرها حركة الستاير .. ونسيم الهوا .. حست بخمول .. طاغي .. وراحه اليمه تسرمدت دواخلها وهي تستشعر سكون جيده من الارنجاف .. وتقلص حرارته .. مدت يدها لكف يده .. تحتوي أصابعه..ومتلمستهم بخفيف . الشعور .. جاذبها .. شعور النعاس .. واحساس بالخمول .. الغريب .. رطبت شفتها ... مستقبلته ...باريحيه وسكون .. | ||||
|
| |
|
17-10-21, 01:54 AM
| #12523 | ||||
| قصر الجد .. الساعه .. 2.. اقبلت ..ساره ... على الصاله .. -تجهزت اغلب الأشياء ..امي .. واخواني بيجون ان شاء الله هم وعيالهم ... حتى صالح بيجي الليله امس جا من السفر .. !! هزت أمها راسها وهي على مسبحتها .. -ايه خابره .. الله يحييه مكلمني .. البارح ..بيجي يسلم ..!! استجلست ساره .. -زين .. بس بيت صخر اخوي مب جايين بنفقدههم هالسنه عالفطور الأول !! -اكيد بيسير عليهم نسيبهم.. ان شاء الله بيجون الأيام الجايه مهره قايلته لي .. -أي ان شاء الله .. -اختك لين الحين راقده ؟؟ مااصبحت ؟ -الا قامت بالمطبخ الخارجي .. تتطلب وتتامر مدري وش بيلحق عليه .. مسعود...طلباتها ماتخلص !!! تبسمت .. متسانده عللا ذقنها .. -الوليد ماكلمك معد تواصلتي معه !.. -لا والله يمه مستفقدته انا بعد .. مستغربه ماارسل حتى رسايل .. بالعاده مايكلم بس يرسل قبل يعني رمضانات الي راحت !! -لايكون ماخذن على خاطره لين الحين ؟ -لاااا يمه وش دعوه !! اهم شي سوا الي بي .. ماعليك ملام امي حبيبتي .. تبين ادق لك عليه ؟؟ رفعت راسها بها .. -من الحق له ؟؟ الحق لي مفترض يكلمني .. ويبارك بالشهر !! لكن الي مثله ماينلام وش لقى مني ؟؟ قامت ساره تستجلس جنبها .. -الله يهدي الأحوال يمه ماجاه منك الا كل خير .. خلاص خل ننسى الي راح امي اكيد لاهي ومشغول بيكلم اليوم أتوقع واكيد بعد البنات كلموك كلهم والعيال كلهم جت عالوليد ؟؟ مسكين شايل الشغل كله فوق راسه .. !!! هزت راسها .. بموافقه .. -الله يعين .. ركزت ساره فيها النظر مستغربه صدق حتى حصه ماجابت طاريها بالعاده كل رمضان تكون هي وابناتها اول الموجودين .. تشيل المكان بحظورها .. تراكت متسانده بتقكير …. حتى معد تدري وش صار على الجوهره تكذب ان قالت مب مهتمه بس ماتقدر تدق وعلى مين تدق !!؟؟ ركان!!!؟ مستحيل ومن سابع المستحيلات تدق عليه ..شدت مبسمها بس مهما كان عالاقل تعرف وش غدا عليها هالبنت عقل طلعت.. دخلت حنان بحسها مسلمه -السلام … -عليكم السلام -اخبار ام صخر !! .. -بخير !! تبسمت مقربه لاثمه راس أمها ومستجلسه معها مصحفها -ونبدا يومنا بالقرايه الله يتقبلها !! تبسمت ساره لها -وين تبدين بالقرايه وانتي من اصبحتي بالمطبخ !! مطت حنان شفتها مطرفه لها -ساره انا اجهز واطلب الي يحبونه اخواني وعيالهم !! -أي زين يعطيك العافيه !؟ تراكت مبتديه تفتح مصحفها -عاد الفيت أشياء يحبونها بنات اخوي دام مب جايين ! كلمتيهم ساره او كلموك ؟! -لا ارسلوا البنات رسايل ! توقعت امس يكلمون امي مدري وش عندهم اكيد اليوم بيدقون! -انا ارسلو رسايل بعد !! .. اطرفت ساره لأمها .. هالسنه غير كل سنه استقبالها للشهر بالعاده بسوم ضحوك مبسوطه واليوم غير غير .. رفعت جوالها تترقبه بصمت .. ثم أبتدت ترسل رساله عالخاص .. …………………………………………?? ? فيلا غازي -اخوك وينه طول اليل ماجا ؟! -عنده شغل بالمزرعه !! -ياذا المزرعه الي يكد فيها ليل نهار خلتكم هالبنت خدام لها!! ناظرتها شيهانه بتركيز ثم ارخت نواظرها -الله يصلح الحال .. امي وش تبين اليوم شي معين اسويه؟! لاني ببدا اسوي لسعد الحين قطبت أمها هدب عينها -بيجي ؟!!! -لا بيودي له نايف فطوره -غريبه ماراح لاخته!! هزت شيهانه اكتافها ممخفيه ضيقها وخوفها من الي صاير لان نجلا ماترد عليها -نجلا اكيد مجتمعه مع الحموله كيذا أتوقع هم !! يمكنهم رايحن بيت جدتهم !! دخلت الحازي -مسيتو بالخير -هلا خالتي ترقبت الجازي الأغراض والتجهيزات -هاه وش بنسوي اليوم ؟! طلعتي الي قلت لك ؟! -فهد بيجي الجازي ؟! ترا نايف مب مفطر هينا ! عاجلتها اختها -شفتي ياوخيتي بيروح يفطر مع اخوه ويترك امه!! بدل مايقول له تعال انت مقدر اخلي امي !! تنفست بعمق شيهانه وهي معطيتهم طهرها -امي الله يصلح الحال كيف بالله تبينه يجي سعد !!! كيف كيف يمه!!!كيف!! التفتت لها تناظرها بهدووء -عادي يجي مهما كان ومهما صار انا مرت ابوه !! لي الحق الجازي اشرت لشيهانه تطلع .. نفضت يدها وطلعت أصلا حست بتختنق -علامك غاده !! ليه تدورين أي فرصه عشان تضيقين صدر عيالك!! مره احسك تبين تنفسين فيهم مب يكفي الي صاير !! وش الحق الي لك بالله أي حق تكفين مابي اكثر هرج الكلام معك ضايع لاتضيقين خلق ولدك ترا صدقيني اخرته بيهج من البيت والله!! تعبنا تعبنا!!!قسم بالله !! دخلت المطبخ تشوف وش بتزيد أغراض عن شيهانه طلعتهم والتفتت شافت اختها مب فيه .. تنهدت -الله يعين بس !! رقت شيهانه قبل بوقت لغرفة نايف تصحيه دقت الباب بخفه -نايف ؟! قوم صل الظهر الساعه٢ وشوي !! لحظات الا انفتح الباب ناظرها وتراجع جهة دورة المياه تبسمت -قوم يلله صحصح !! ماعندك شغل اليوم ؟! -الا يله بغسل وانزل -يعني بتروح وترجع تأخذ فطور سعد !! هز راسه موافق .. -زين يعطيك العافيه سكرت الباب وتراجعت .. متوجهه لغرفتها يم جوالها رفعته بتشوف فيه أي اتصال من نجول !! دقت من جديد تنتظر الرد شدت مبسمها تترقب تسمع صوتها .. جاها حسها باللحظه الي توقعت مايجيها رد وكانت بتقفل .. -هممم -نايمه نجول ؟! وينك الله يصلحك من امس وانا ادق عليك ؟! -ف ..يه!! -ماقمتي لين الحين ؟! غريبه عليك عسى منتي تعبانه؟! -لا. نايمه بس بقوم الحين !! شوي ادق عليك !! -طيب انتي بخير امورك كلها زينه ؟! -أي أي ..طيبه .. - الحمدالله .. خلاص بسكر واذا فضيتي كلميني !!..مع السلامه .. !! سمعت همسها .. -مع ....السلامه .... سكرت متنهده براحه ونازله تحت بخطوات هاديه .. صارت تتجنب الجلوس مع أمها وجدتها كل سوالفهم تخص خالها او نغزات تضايقها تخص اخوانها .. البلا ان أمها كنها نست الي صار !! لكن هي اتخذت انها تتجاهل ولاتجيب طاري نجلا وماتعطيهم فوصه عليها ابد !!! أصبحت ترد عنها بظهرها وماتسمح لاي احد انه يستنقص منها ... تبسمت بسمة اعتزاز لطار اختها ببالها وفكرها ... وهي تخطو خطوات هاديه ..للاسفل .. …………………………………………?? ?..................... قصر صخر ..آل جلمود ... قسم المطابخ الداخليه والمخازن انتعش المكان ... ببرنامج ..ديني من إذاعة القرأن .. وسمر توازن الاذاعه .. بتركيز .. -اييوه أخيرا ضبط ... التفتت لرنا الي تحظر مقاديرها بترتيب.. -وش رايك ؟؟ الحين اذا نزلت بتسمع ... !! -ماتوقع تنزل عقب امس ... ! استاقفت سمر متنهده .. ملقيه اوامرها للعاملات .. يجيبون اغراضها ..ثم رجعت .. لرنا مقربه ومتسانده عالصبه تترقب وش تسوي .. -عندي إحساس ان كل شي بيزين ..كل شي ... !! بس لو اشوف الجوهره بس!؟؟ في خاطري شي عليها ... !! مطت رنا شفتها .. مبتديه تشغل العجانه .. -انسيها سمر ... لاتضيعين صيامك .. !!.. ترقبتها سمر بتركيز ... مبتسمه .. -طيب صدقتي ... ! وش صار على رجلك ؟؟ معد تكلمتو ؟؟ -لا .. بس كلمت خالتي وعمي .. باركت لهم بالشهر !! -والبنات ؟؟ التفتت لها رنا .. مبتسمه .. بتفكير ..ثم رجعت تناظر عجينتها ..وطراوتها ..بالزبديه .. -اضافوني بقروب العيله !! رفعت سمر هدب عينها .. -اوهااا تطورات والله ... وكيف من فيه ! -بس هم الخوات ..الثلاث وانا الرابعه !! -ماشاء الله مستعجلين يبون يضمونك للعيله !!وكيف سولفتوا ؟؟ -سمر متى يمدينا نسولف يعني ؟؟ توهم ضافوني أرسلت لي مهره الظهر تستأذن ووافقت !! تبسمت سمر هاتفه .. -زيييين رنا وافقتي ... أي كيذا حاولي تتقبلين اذا انتي تبين !! وصدقيني انا احساسي يقول اننك تبينهم هالناس !! شدت رنا مبسمها مبعده نواظرها عن سمر بتفكير ... متذكره كلامه .. الي قاله ..هزت راسها .. -الله يسهل .. الحين افكر هو يقول مافي روحه مع هلك سمر ؟؟ !! شلون طيب انا ابي اروح معكم ؟؟واصلا ماتجهزت انا توني .. !!وبعد ابي أكون معكم واتطمن على نجول !!!الوقت غلط !! كتفت سمر يدها ... مرطبه شفايفها .. -تتوقعين الوليد مناديه عشان موضوعكم ؟؟ هزت اكتافها ... -مادري ...والله مادري !! ترقبت سمر .. العاملات ... الي يجهزون ... وحس صوت إذاعة القران .. سكون عجيب .. وشعور مريح تحس فيه رغم الضيقه الي تمازجت بليلتهم الفايته .. -لاتفكرين كله ربي بيدبره .... ان شاء الله ... تدرين متحمسه .. للفيو حق الإفطار حقي ..!! الوليد وعدني يرسله لي .. ! تبسمت رنا ... -زين ... !! .. رفعت يدها تشوف ساعتها .. -بخلي عجينتي تخمر ساعه ... وعلى بال اصلي العصر نبدا !! .. -ان شاء الله ... انا بجهز سلطة فاكهه لنجول .. بدل العصير ... تخبرين اني قريت كل شي يخص علاج الإدمان وايش يحتاج راعيه !!!؟ ناظرتها رنا .. ببسمه .. -تحبين نجول انتي سمر مره !! من شفتيها وانتي حابتها !! شفتي فيها الي ماشفته انا !! -ايه احبها ..واعزها .. الله لايحرمنا منها !! اشوف فيها اختي الي ماجابتها امي !! زي ماقالت لك شيهانه!! نجلا قلبها نظيف !! -صدقتي !! اشرت لها بتذكير -سمركلمتي جده ؟! عمتي ساره أرسلت تذكرنا تصدقين نسيت ماكلمتها بدل اكلم أرسلت رساله والمفروض العكس !! ضربت سمر راسها -يوه حتى انا رنا قسم بالله راسي من دريت عن نجول مضيع والخيمه حقتة افطاري !! لهينا لهينا !! ان صليت العصر كلمتها !! -لاتنسين !! عشان ماتتشره !! -طيب تبادت خطواتهم .. وتعليماتهم للعاملات وطباختهم .. اطرفت سمر يم مساكن الخدم همست بثبات -ودي اعرف وين ودا الوليد ماريتا !!! وذيك النسره وينها بعد وش صار عليها !!؟ -بيسجنونهم اكيد !! -احسن جعلهم يخيسون فيه بعد !!.. التفتت لها ... بحماس ...وعين بارقه .. -ابي بعد اعرف الوليد وش سوا بالسواق !! الي كان بياخذ نجول !!! يالله ياربي يقشعر جسمي لمن اتخيل بس انه كان بيسرقها رنا !! شفتي الوليد؟؟ ركزتي فيه الصبح افكر تلقينه .. جلده جلد الين عض الأرض !!! حيوان !! اشرت رنا ساده مبسمها .. -اشش اششش صايم هانتي صايمه لاتجرحين صيامك علامك !!! قالتها مبعده نظراتها .. بصدمه ..مبهوته ..وبسمه .. قطبت سمر والتفتت معها ..اول ماجت عينها على نجلا هتفت .. -هلا نجووووول ... !!.. وش هالزين !! تقدمت منها رنا .. -وش نزلك نجلا ارتاحي .. !! اقري قران فوق لاتنزلين الا وقت الفطور احنا بنسوي ونجهز !! رفعت نجلا هدب عينها مبتسمه ... وهي تترقب نظراتهم المصدومه لها وحالتها .. -كيف اجلس فوق .. !! بنزل اعاونكم ابي الاجر انا بعد !!.. وش قررتوا !!! بديتوا او لسه .. رفعت يدها .. تعدد وعينها تتهادى مابينهم .. -لاني بسوي قيمات وثريد ..ومريس !!! بهتت بسمة سمر ... بترقب لذيذ .. -وش مريس نجول ؟؟ -منقوع تمر .. بس لذييييذ ... تقدمت لهم .. ترقبتها ..سمر وهي تتكلم باندفاع .. جت عينها عالشالكي الأصفر ..اطرفت يم ذرعانها ثم أبعدت نواظرها .. وقفت لهم نجلا مقطبه هدب عينها ببسمه .. مدركه .. استغرابهم .. -وش فيكم ؟؟ ليش مصدومين انتم ؟؟ مب علمتكم نظامي ببيت ابوي !! شي اكيد بسويه ببيتي بعد !!! تبسمت رنا .. وهي تتبعها .. وسمر بعد .. -أي سويه والله صادقه .. الي تبين سويه ببيتك يام صخر !! التفتت لهم نجلا شاده مبسمها .. وعينها عالخدم .. مبتديه تطلب منهم الي تبي .. وتسالهم .. هتفت سمر .. -انا نجول بساعدك علميني وش تبين وبجيب !! لفت لها نجلا .. -ابي كرتون الرقاق حقي .. جبته معي انا قبل !! وابي كيسين تمر اخلاص ... ابتدت تعدد لها ... بتتابع ... وأول ماخلصت .. تنفست بعمق .. -ليه مسكرين الشبابيك ... افتحوها !!! افتحوا كل شي !!.. اشرت سمر للخدم يفتحون .. كل الي طلبت .. ثم اطرفت يم رنا .. بعدم فهم .. وبدون تنتبه نجلا ... هزت رنا اكتافها .. لها .. وعينها تترقب مرت اخوهم .. ومنظرها الحي المختلف عن الفجر ... اختلاف كلي .. حتى معصمها والرباط الي حواليه ..واضح وماهمها تخفيه ... اثار مشوخ بيدها .. ماعليها منها ... تنفست بعمق .. مبتديه تساعدها بالي تبي .. -وش بتبدين فيه نجول ؟؟ التفتت لها .. -بعد ابي اسوي شوربة حب !! انا وصيت عالاغراض قبل جبيتهم رنا لي !! -أي أي كل شي جبناه !! -وش ناوين شوربه اليوم ؟؟ -بنسوي شوربة بروكلي !ودجاج بالكريما !! -لا شيلي وحده منهم بسوي شوربة حب بس وريني وين اغراضي الي شريتي بطلع منهم لازم انقع الحبوب قبل بفتره .. أي صح وابي من أكياس لحم الشوربه !!! فيه عندكم تقسمون انتم او لا !؟؟ -الا نقسم تجي جاهزه لنا ... تعالي معي اوريك .. !! ترقبتهم سمر .. برهبه .. رطبت مبسمها ... متراجعه وطالعه .. خطواتها يم جناح أمها .. اول مادخلت .. هتفت .. -يمه شفتي نجوووول !!! جتك هينا ؟؟ رفعت مهره نواظرها بتقطيب .. -لامها نجلا عسى لاباس !! رفعت سمر يدها .. تهديها وهي تقرب .. -مافيها الا العافيه امي لاترتاعين ..!!! كشرت بنظراتها مقربه ..وشارحه .. -يمه نجلا ماكنها الي امس !! بالليل غير غير غير !!! تضحك ومبسوطه .. ومتحمسه تطبخ بعد !! قلن لها ارقي ارتاحي عيت !! رفعت ام سلطان هدب عينها .. -ولا تقولون لها شي !!! الي تبيه عطوها .. حتى لاتذكرنها بالي راح !! هزت سمر راسها .. وهي تستجلس .. -طيب طيب .. لاحظت بسمة أمها .. وسبحتها بيدها .. همست .. -يمه وش صاير ؟؟ فيه شي احنا مانعرفه !! . عندي شعور انك منتي مصدومه زيي !!! ..ليش؟؟ -ليه يابنتي انصدم !! هذي نجلا من عرفناها ... البارح مر عليها عارض الله لايعوده !!.. يارب لك الحمد يارب لك الحمد !!.. هي وينها الحين ؟؟ -بالمطبخ مع رنا !!.. بتسوي شوربة حب باللحم وشي عصير لالا ..منقوع تمر تقول مدري وش اسمه !! نطقت أمها ببسمه .. عجلا .. -مريّسه ؟؟ -ايييييييه هو ذا تخبرينه امي !! -هذا عصير جدك الله يرحمه ويجعا مستقره الفردوس !! كتفت سمر يدها تترقب أمها ... بتفكير .. -يمه حتى انتي فرحانه .. وش صاير علميني تكفين يمه وش صاير !! وش بدل حالها !! -الايمان !! والايقان برحمة الله !!! هذا الي بدل حالها !! -امي حبيبتي انتي تكلمتي معها صح وفاتني نص عمري صح يمه !! -شين مايخصك يامي سوالفن بين الام وبنتها !! -اهااااا بالله !!!.. استاقفت .. -بروح اشوف بعد وش تسوي ..منظرها يشرح الخاطر ... !! اشرت بيدها ..رافعه شعرها بشباكتها من جديد .. -يمه شفتي الأثر الي بيدها محطوط عليه شاش !! لااا ولابسه الشالطي الأصفر تعرفينه يوم تتحنى لبسته !!!.. وبعد ماهمها الاثار الي بيدها عادي !! نجلا يمه عكس امس مره مره كنها نجول الي نعرف !! رفعت امس سلطان يدها .. -يالله لك الحمد يالله لك الحمد .. !!.. هزت سمر راسها بتقطيب .. -وضعكم مشكوك فيه انتم الثنتين !!! لكن معليه بروح اسحب منها الكلام مرت ولدك النمروده الصفرا !!! قالت كلامها متراجعه ... بخطواتها ... الا أمها تسالها .. -سمر .. -لبيه امي !! بتعلميني ؟؟ -وش اعلمك يابنت !! قولي لمرت اخيك اذا خلصت تجيني تمرني !!! تبسمت بضحكه .. -ابشري عساها تطلع من المطبخ عليها حماس لو تشوفينه شي يمه شي !! -اذكري الله ياماشاء الله !! -ماشاء الله ماشاء الله الله يديمها يارب ... انهت منطوقها راجعه للمطبخ ... بشعور مختلف وحماس جديد ... نجلا بشكلها وهيئتها وشعورها ..واشراق ملامحها المجهده .. اضوت مساهم ..بشكل عظيم .. وش السر ؟؟ وش صاير ؟؟ .................................................. ................................. | ||||
|
| |
|
17-10-21, 02:05 AM
| #12525 | ||||
| "قبل بوقت .. جناح نجلا والوليد .. تبادى حس نغمه ... مستمر ... مخالف سكون المكان ... ارمشت .. بنعاس .. والرنين مستمر .. انتبهت انه لجوالها ...فتحت نواظرها بعجل .. اطرفت بنظراتها يم يدينه المحاوطه جيدها .. استكانت أنفاسها ماده يدها بعجل بتشوف من الي يدق ... اول مارفعته قطب هدب عينها وردت بعجل ... -الوو .. وصلها حس شيهانه ... وبتفس الوقت ..يدينه .. تحركت .. حواليها .. جاذبها ..ودافن مبسمه بشعرها ..ردت عليها بتوهان .. عجول وقفلت .. ويدها متلمسه كف يده... ابتهج داخلها وهي تستشعر اعتدال حرارته .. اول ماقفلت ...منها أبعدت الجهاز حاذفته ... ثم .. تلمست يدينه ..هامسه .. -الوليييد خفت حرارتك ؟؟ -الولييييد ؟؟؟ -همممم .. -راحت عنك الحراره !!؟؟ كيف جسمك يعورك ؟؟ همس ببحة صوت كاتم حسه وسط شعرها الكث.. -..يعني .... مدت يدها للجوال .. تترقب الساعه .. -تدري الساعه كم ؟؟؟ 2 قوم نصلي ... الظهر .. !!. أبعدت يده بخفه .. ساحبه نفسها ..بحرج ..شي بروحها يرفرف وقت .. عرفت ان اللهيب الحار منه اختفى .. اول مابعدت التفتت له ... مبعده خصلها ... ترقبته بتقطيب وهو مغمض ..نواظره ..مدت يدها لجبينه .. همست بفرحه .. -راحت حرارتك .. ياربي الحمد الله ... قربت لاثمه جبينه ... فتح نواظره ... يترقبها بتوهان ناعس.. تراجعت متلاقيه نواظرهم .. -كنت مسخن انت تعبت الصباح ماحسيت فينا ؟!!والحين خفيت ... !!يالبيه ياحبيبي ... !! قربت تلم راسه .. لها .. نطق ببسمه خفيفه .. -اللهم اني صائم ... تراجعت بحرج .. ورجفه بشفتها .. -ضمتي مختلفه يالئيم !!!! بريئه انا من ظنك !!! رفع يده يمسد ... جبينه ... ويترقب قميصها ... وبعثرة شعرها ... ونظراتها الحيه .. -متى غيرتي ؟؟ -من قبل وانت نايم !!.. استجلست .. مبعده شعرها .. -جتك حراره وصلت حرارتك أربعين !!!جبنا لك دكتور اعتطتك مسكن !كنت دايخ مب في وعيك مره !! قطب هدب..عينه ..وش سويت ؟؟من جاب الدكتور .. -يعقوب !! ضيق نواظره .. -رقيتي يعقوب لجناحنا ؟؟ والدكتور دخلتيه علينا هينا !!! تنفست ..بربكه .. وهي تشوف نظرته الجفول .. المتشدده .. -اييي عادي ... انت تعبت ..وشلت المهمه عنك قمت بالواجب !!! جا يمد يده مغافلها بس انتبهت وقمزت صارخه .. -ايششش !!! وش سويت ؟؟ لاتقوم بروح انا اتوضى واصلي ثم انت صل .. وارجع ريح لاتقوم من السرير الا وقت الفطور !! استتد براسه عالمخاد ..ينظر لها .. بترقب .. وهو مبتسم .. مستشعر حالتها الغريبه .. -اخبارك اليوم ؟!! نمتي زين او ازعجتك بحماي !؟؟ تنعدت بنظره رحوم .. -ازعجتني ؟؟؟ لا والله !!.. بش شلت همك !!..شلونك الحين ؟؟ غمض عينه .. يمدد يدينه .. ويتأوه .. بوجع .. قربت بانتفاض هاتف .. -الوليد انتبه رجلك ..!! غافلها ماد يده ساحبها ... مد يده الثانيه رافعها ..وساحب جيدها ..وحساها يتبادى باستنكار .. -صايمه انا صايمه ياكذاب تكذب علي !!!..الولييييد ابعد يدك صايمين احنا !!! استحكم جيدها تحته .. تارك صدرها يواجه المفرش .. قابض يدينها الثنتين ... ومقرب بمبسمه يم مسامعها .. ناطق بوعيد هادي ... وهامس .. -بسألك مره وحده وردي علي ..!! همست بربكه ..وضحكه خافته .. -جروحي جروحي تعورني .. انتبه ليده ابعد أصابعه عن معصمها المضمد ..لكن استحكم المسكه من فوقه .. جاذب يدينها الثنتين بيد وحده .. واليد الثانيه تبعد شعرها ... -انتي جبتي يعقوب هينا !!ودخلتي دكتور !! لين غرفتي وفراشي وانتي فيه ؟؟ شدت مبسمها وهو يضغط جيده فوق جيدها .. -ايه جبته !! احنى راسه بلا شعور يم خلف عنقها .. غارس اسنانه .. صرخت .. باعتراض .. -دكتوووره !!!!! دكتوووره !!!! ااااه الوليد دكتوووره والله !!!! خفف ..ضغطه عليه .. ورفع راسه.. -من جابها هالدكتوره ؟؟ هتفت ضاحكه -خالتي مهره والله خالتي !!! مالي دخل !!!والله !!! نطق باستفهام .. -خالتي جت هينا ؟؟ حركت راسها .. لافته بصعوبه .. تبي تشوفه .. ترقبت ملامحها وشعره المبعثر .. -شوف انا كمدتك بعد ماحسيت بي ؟؟ ناظر ادرويتك جنبي !!! ترقبها ..بتفكير .. -اح الوليد كتمتني ابعد !!!!.. تراجع .. بخفه .. مستجلس عالسرير .. انتفضت جالسه مقابلته ... وهي تتلمس ظهرها ووجع عضته .. -ماعندك الا العض !؟؟ ماتدري يعني جسمي حساس !!! قطب هدب عينه وهو يشوف الحمار المكتنف ملامحها ورقبتها .. ونظرتها الي كلها حياه .. وغضب ..محموق .. -بعد وش صار علميني !!! قلت شي انا !! هذريت بشي !! ارتخت ملامحها بمكر ..مبعد خصلها ومرتبه شعرها بنظرات هاديه ... ناطقه ..وهو تحرك هدب عينها .. -ايييه قلت واجد !!! رفعت يدها .. -فاضيح فضايح !!!.. وش أقول وش اخلي !!! حست بحركته لكن هالمره قدرت تتخطاه وتبعد ... رافعه يدها محذرته .. -انتبه تلمسني ... ياخي حرااام حرام تجرح صيامي !!!! رفع اصبعه ..مهدد .. -نجلا لاتستفزيني !!؟؟ -استفزك عشان اذكرك انك صايم ؟؟؟ !!.. انا بروح اصلي !!! لاتلحقني ... !! تراجعت وهو يترقبها ..الين اختفت .. انتبه للصق الي على معصمه .. مقطب هدب عينه .. رفع راسه .. شاف روبها .. عالمخاد .. وانتبه للكيس تيع الصيديله ..تقدم ساحبه وفاتحه .. مطلع العلاجات .. ترقبها بسكون .. مدرك انها صادقه .. ماتمزح.. رجع يرمي جيده المنهك .. حاسس بخمول .. بس لذيذ .. فيها شي متغير .. عن الامس !!..ضيق نواظره ..يم الستاير المتهاديه من الهوا .. متنفس ..بعمق .. ابعد اللحاف رافع رجله .. تلمس كعب رجله بخفه .. مقطب هدب عينه لانه حس بوجع خفيف ... افلتها ... وغمض عينه بسكون ...يستجلب انفاس ..لف بجيده مستشعر عطر جيدها المحاوطه بكل مكان ..حتى بمخدته !!! دفن مبسمه وانفاسه ... غايص وسط حشوة الريش .. وقماش القطن الناعم ..بس مب زي نعومة ملمسها ... حبيبته ..وزوجته ...الصغيره .. الي استحكمت كل مافيه باجرام متكامل ... سمع همس ..خفيف .. ...... قبل بوقت... طلعت تاركته متوجهه لدورة المياه ... اول مادخلت قفلت الباب بحذر .. وتبادت خطواتها للمرايا... تأملت ملامحها وهيئتها .. واستمهلت النظر الين استقرت نواظرها .. وسط بريق عينها .. تراكت عالمغسله .. تترقب كل شي فيها ... هالوجه الي يحبه الوليد والجسم الي يستملكه الوليد .. وهالشعر الي ..يعشقه الوليد .. تبسمت .. متباديه افكارها مستشعره فرحتها بشوقته طيب .. عارفه ان روحها الضايقه هدت حيله واتعبته زودن على همه .. !!.. اطرفت يم معصمها .. ترقبته بصمت .. مخاطبه نفسها وروحها .. واذا يعني مدمنه ! واذا هالسم يسري بدمها ويتعبها !!! مب الله يعرف !!؟؟ مب الله داري انها بدون ذنب خذته ؟؟ مب اكرمها ربي بهالرجال ؟؟ الي يدري بضعففها ولا اهتم !!! رفعت راسها تترقب نحرها .. واثار استحكامه وتملكه الواضح وكنه يبي يبرهن لها انها بيجدها التعبان الناحل الضعيف ..مازالت تبهره وتحرك فيه الشعور ..كما دايم ..وكما البدايات .. تبسمت .. معترفه بيقين انه يعشق روحها .. مثل ماقال ..واعترف .. وهي مثل تعشق روحه ..هي قبله حبت روحه وضعفه .. الي مب ظاهر الا لها .. ابتدت تفتح المويه بحماس مختلج فيها شعور جيد عجيب وغريب .. انسابت المويه ..بين اناملها ..جمعت وسط كفوفها قطرات .. بارده ورفعتها بشغف غاسله ملامحها .. برفرة سكون عجيبه .. مهيبه .. تمت دقايق ولحظات .. غسلت وتوضت ..واستعدت تطلع .. فتحت الباب ... وعينها تترقب المكان .. ماشافته .. توجهت يم سجادتها .. وصلت ..مستكين فيها الشعور .. تبي اليوم تعوض ضياع الامس وجهد الامس ..وضيق الأيام الي راحت .. اليوم لها هي .. وله هو .. شدت مبمسها مكبره .. بيقين تام استشعرته بايمانها .. وايقانها ان القادم اجمل واجمل واجمل .. انرسم بفكرها ..وجه ام سلطان .. السمح أمها مهره .. نبض قلبها مرفرف سعادة انها بتنزل وتلاقيها .. هالسنه مب وجه غاده ولسان غاده !!!!! لا بتنزل لعالمها هي .. الي اوجده الله لها .. وسخره لها ... صلت .. بخشوع .. مرتجف جيدها .. حاسه ببروده .. بس طارده كل تفكير سييء..من بالها .. ..مرت لحظات الصلاه .. بهدووؤ .. وقبل السلام .. ابتدت تدعي بقلب موقن .. متذكره منطوق أمها الحبيبه مهره .. مدركه صدقها فعلا ربي يبي الدعا واللجوء مايبي الحسره والبكا والحزن .. يبي يستشعر ضعف المؤمن امامه وقوته امام الناس ..الضعف مو لازم يبان الا للخالق الباري .. .. دعت ودعت .. بمكنون صدرها .. كله .. ثم سلمت .. براحه .. تحركت مبعده شرشفها ومرتبته .. قامت تجهز له المكان .. جابت المصحف حطته عالطاوله ..وبعد محموله .. !..ثم تراجعت بخطواتها قبل حتى تغير لبسها .. رجعت له .. تطل عليه .. قطبت نظراتها وقت شافته مغمض وراسه مدفون وسط مخدته .. همست مقربه بخوف -الوليييد وش فيك ؟؟ رفع راسه .. متلاقيه نواظره بها .. تراجعت ..واقفه .. -وش فيك ؟؟ مدت يدها تتلمس جبينه .. -رجعت لك الحراره ؟!! رفع يده قابض كفها .. وشاد عليه ومحتويه .. -لا ... ترقبها بحنو .. -وش قالت الدكتوره الي جبتوها !! كشرت بملامحها .. بهزل .. -لاتذكرني فيها .. أصلا دخلتها مضطره لو علي ماخليتها تدخل وتلمس يدك حتى !!! تبسم .. متابع منطوقها .. -ماقالت شي جديد علمتني شي انا عارفته وقلته لها لو ادري جبت لك المسكن الي خذته وخليتك تاخذه بس بتفطر هي حقنتك بالوريد !!! -وش قالت طيب ؟؟ قربت مستجلسه ويدها بيده .. -تقول فيك التهاب برجلك هو الي سبب هالحراره العاليه !!! اشرت لرجله .. تحس بوجع الحين ؟؟ -شوي خفيف اذا وقفت بيبان اكثير !! -طيب جبت عصاتك لاتشد عليها .. قوم صل واجلس لاتنزل .. ولاتروح مكتبك بعد ولاتكلم شغلك !! خفتت نبرته ..مترقبها ببسمه حانيه -اجلس وش اسوي ..! -اقرا قران ... ابدا فيه اقراه مع التفسير لكل جزئيه من محمولك يعني اقصد !!!! .. تلمس اصابعها .. -وانتي وش بتسوين ؟؟ -انا بنزل شوي .. عند خالتي اطمنها عليك .. !!اكيد تهوجس بنا الحين !!.. ارخى نواظره .. نطقت هاتفه بهمس .. -شكرا قصيت اضافري !! رفع عينه لها ..بترقب .. بدون تستشعر معنى نظرته ..تابعت .. -بس الشاش جاه مويه مسحت عليه شوي بعدين بغيره !! -قوم يله صل شوي بياذن العصر !!.. نطق مركز بعينها .. -قلت شي وانا مسخن نجلا ؟؟ ارخت نظراتها لاصابعها بين يده ابتدت تحركها وتتلمس جروح يده .. بخفه ناطقه .. -كنت تناديني بس !!.. رفعت عينها له .. -بس ؟؟ -وتقول ضمييني وانا ضميتك نمت بحظني كل الوقت وانا غفيت معك !!! تبسم .. رافع هدب عينه .. -لو ادري اني بنام هالنومه من اول مرضت !!!.. جرت يده باعتراض .. -بسم الله عليك من المرض .. الله يحفظك من كل شي يارب .. !!.. يله قوم قوم .. حاولت تجره بخفه .. وهو مساعدها .. رافع متنه .. مدت يدها الحره لعصاته ... -هه استخدمها الوليد لاتمشي بدونها عشان ماتزيد رجلك !! قبض ممسكها .. ..تركت يده .. متلمسه ذراعه وهو يوقف .. تبسمت متراجعه ..مجنبه جنبه .. -جهزت مصحفك ... بغرفة الجلوس .. اجلس واقرا .. صل عالكرسي .. لاتسجد عذرك معك ..عشان رجلك !! طول ماهي تعطيه أوامر هو روحه تبتسم .. بخفوت ..مستمع لحس الحياه بصوتها .. ساعدته بدورة المياه .. وسمح لها .. تحتوي نقصه ولو كان قادر بس يبيها تعيش وتحس نفس شعوره وقت ماكان معها بهالمكان .. وساعدها .. استشف فيها شي من الثبات .. والحزم .. وكثير من الحنان ,,الغامر ..اختارت له غيار وساعدته .. وهو مازال مستمر تاركها تستلم تمام الأمور .. مستمع لسوالفها الحانيه ..ومعاملتها له كما الطفل .. صحيح قادر يقوم بنفسه ..بس ماينكر انه عشق منها هالتصرف .. اعجبه ووقع بغرامه .. مرت اللحظات الين انتهى من صلاته ... واستجلس ..ماد رجله مسجنب عصاته .. شالت السجاده من امامه . وجابت له خداديه كبيره ..انحت بجيدها رافعه رجله ومحطيتها تحتها .. بخفه ..-خل رجلك فوقها .. احسن لاتضغطها عالارض !! وقفت ساحبه ...وبخفه الطاوله .. الصغيره .. هي تتكلم ..وهو لها ممترقب حالها المبهج ..له .. -مافيه جوالات يالوليد !! فترة العصر برمضان مهمه .. اقرا فيها احسن لك ..! تساند مجنب يده .. يناظرها .. . -اذا بغيت شي كلمني من السنترال !!! وبرقا لك .. !.. ضيق نواظره .. -طيب لاتبطين !!.. -عادي حتى لو ابطيت بكون عند امي مهره لاتشيل هم انا بخير اليوم !!! ناظرها مبتسم ..هاز راسه.. - طيب الله يديم الخير !.. استاقفت ... تترقبه .. بحذر وهو يمسك المصحف .. مبتدي يفتحه .. قربت مستجلسه .. -الوليدد! نطق بدون يناظرها وعينه يم المصحف واوراقه -همم.. بلعت ريقها متنفسه .. بثبات .. -جرعتي مع الفطور ؟؟ او متى !؟؟ التفت لها بعجل مقطب .. -أي بعد الفطور ليه حاسه بشي الحين ؟؟ -لالا .اقصد .. الشعور العادي بردانه شوي بس الم لا !!..بس اسال متى .. علمني ابي اخذها انا !! ركز فيها النظر -انا بعطيك إياها ... !!وفيه أشياء ثانيه لازم تاخذينها ... بوصي عليها الليله !! -ايش ؟؟ -فيتمينات معينه !!.. ارخت نواظرها يم يدها .. خاتمها الي تحب .. نطق لها بثبات .. -بتمر هالايام نجلا !! تبسمت رافع راسها .. -ادري بتمر .. عارفه ..ان شاء الله بتروح .. بس ابي أقول لك شي !! ضيق نواظره تارك المصحف عالطاوله .. وملتفت لها معطيها اهتمامه .. -ايش !!قولي ! ترقبت جبينه .. ولمعة شعره الرطب ..استمهلت نظراتها الين عمق عينه ..ملاحظه اختفاء خطوط الاجهاد والحمار الي كاان موجود .. ترددت كيف تشرح له الي بخاطرها .. -انا .. ابي اتحسن واطيب .. عشاني ثم عشانك ..لاني لازم اطيب عشان أكون معك دايم واوقف معك !!! احتنت نظرته مترقبها ...بحنو وعشق ثقيل لكن خفيف على روحه .. تابعت منطوقها ..مرطبه شفتها .. ترقب شعرها المرفوع ..باريحيه ..شرار ضي الحياه الي انوجد من فتح عينه .. وهو محتظنها .. -اقصد .. انا الحين راضيه ومدركه اني باذن الله بطيب واعرف ان الي فيني ابتلاء وراضيه فيه ..!! رفعت عينها له .. متابعه .. -وشاكره ربي اني مع هالابتلاء ماحرمني وجودك !! الي امر فيه مب شي وجعه عند لمن حسيت امس اني يمكن ماشوفك او تتخلى عني وتتركني !!! سكتت ..تهدي نفسها اكثر .. ثم تابعت وهي شابكه يدينها.. -مدري فهمت علي او لا ... ابي اعلمك .. تحرك .. متقدم .. سائلها بثبات .. -وش تعلميني ؟؟ قولي ناظرته .. بربكه .. -بعلمك ان كل شي يهون وانت معي !!!..ويهون وانا ببيتي وسط هلي امي مهره وخواتي !!..اليوم قمت وانا اشوف كل شي صغير واقدر افوز انا واتغلب عليه .. !! لان ربي حاوطني فيكم انتم !!! ابرقت نظرتها وهي تنهي كلامها ..وتشوفه يبتسم .. -الحمد الله !!.. هذا الصح والي لازم تتأكدين منه من زمان !! همست له ... ببسمه طارفه .. -انت وصلته لي !!امس !!..خليتني احس اني نجلا القديمه !!..لا مب القديمه قبل تعرفك !!! اقصد ..انت امس والي سويته لي ..وكلامك لي..كاني انولدت مره ثانيه !!بس بمكان حلو وبيت ازين من بيتي القديم !! مد يده قابض يدينها المتشابكه .. .بحنو حاسس ببرودتها .. شد عليها ناطق ,, -انتي الي خليتي الوليد ينولد من جديد !!!..انتي نعم الزوجه تجلا !.. الله يحفظك لي !..ولايحرمني منك ابد !!قولي امين تنفست بربكه .. مرجفه .. هامسه ..ببسمه .. -امييين .. تحركت مرتبكه .. بس أقدمت .. لاثمه جبينه .. ومبعده .. -ولايحرمني منك .. زوجي الحبيب .. ترقب الحيا فيها ... وحرج ملامحها .. مبتسم .. ومستبرق به شعور الفرح .. لشوفتها ..وسماع منطوقها .. الي اسكب عليه شي كبير من الراحه ..الجزله العميقه .. -وش رايك اليوم مانروح نصلي بالبيت التروايح ؟؟ !! وانت بالمسجد ..حقنا هينا !!! -الي تبين .. -ايه ابي مانطلع اليوم ودي نجلس بالخيمه بعد .. هز راسه .. -نجلس بالخيمه ليش لا !!! ابعد خصلتها مبتسمه .. -خل نشوف طاش ماطاش كلنا مجتمعين طيب ؟؟ ضحك بخفه .. -ماقد ركزت فيه اسمع به دايم !! -حلوو يضحك ..بس لازم كلنا نلتم ونشوفه سوا !! هز راسه .. -نشوفه اليوم يام محمد ليش لا !!.. استاقفت .. -خلاص اقرا بنزل انا ..لخالتي ..ترا بقفل باب المكتب باخذ المفاتيح معي ... مابيك .. تروح تكلم شغلك ابد !!! ضحك .. رافع هدب عينه ..ومستنطق .. -عجيييب يابنت غازي !! هزت اكتافها وراسها .. بحبور .. متغافله كل شي يضايقها .. من منظرها الي رغم ذويانه الا انه استشرق من جديد .. -انا راعية البيت واقرر كل شي فيه !!! نطق راد عليها وهو يسحب مصحفه .. بحسه الثابت .. وخصله من شعره تهادت على جبينه .. -ياجعله دايم ..ياام محمد !!..جعل بيتك عامرن بحسك !!! اشرت بيدها ..وهي واقفه عند المدخل .. -وحسك وحسك بعد !!! هز راسه .. لها .. مترقب روحتها ..بصمت مبهج ... مفطب هدب عينه ..مب مصدق ان تعبه حرك فيها كل مكمن قوه ..وثبات ..ارخى نواظره يم المصحف ..مبتدي باصابعه المستحكمه .. يفتح بداية الصفحات .... تركته نجلا متوجه صدق للمكتب قافلته .. بعد ماتاكدت ان اجهزته فيه .. تنفست .. بصمت بعاكس الضوجه الي براسها وقت تذكرت منطوقه لها ..عن طلال أصلا حتى ماعلمته انها تدري وانه تكلم عنه ... سكتت .. راحت غرفة الملابس .. بدلت لبسها .. معاديه شعور البراد ولابسه شي يحبه عليها .. تبسمت رافعه شعرها .. اطرفت يم ذرعانها .. بتركيز .. لفت لدولابها تدور .. قطعه تلبسها معه .. فستان الشالكي .. مالقت .. تنهدت .. طارده التفكير ..السلبي بكل شي.... مقرره تنزل كيذا بكل اثر فيها الا اثاره هو اخفتها .. لانها ملكها .. هي ..مال احد حق يشوفها .. غيرها .. تبسمت وهي ماره من غرفة الجلوس مستمعه لحسه الهادي .. يقرا ..طلت براسها بدون ينتبه .. ثم تراجعت .. تاركه الجناح .. بحماس .. بتجهز هي بعد الفطور وبتسوي الي كان يحبه .. تهادت خطواتها العجلا ... اول مانزلت توجهت للمطابخ .. تبي تشوف اغراضها .. ثم بتروح لأمها مهره .. اقبلت .. سامعه حس رنا وسمر .. انتبهت لنظرة رنا المصدومه لها تبسمت .. .................................................. ................................. .................................................. ..... رجعت سمر للمطابخ .. وأول مااقبلت سمعت حس نجلا توجه تعليماتها .. للطباخه الي واقفه معها .. ورنا معها تنظر لها ببهجه .. -هاتيه انا بغسله انتي قطعي اللحم !! قطع صغار مابي كبيره وشوفي حطي قطعتين لحم بعظم !! معهم اذا خلصتي شوفي الخضار الي طلعت لك قطعيها لي مكعبات كبار فهمتي علي !! هزت راسها حفيظه العامله -فاهم مدام !! -البهارت وينها مابي حقتك الي تخلطينها ابي المطحونه لحالها !! يعني هاتي كمون لحال وكزبره فلفل اسود !! التفتت لرنا مقطبه -يووه رنا ليتني وصيتك تشترين صرة الشوربا بهارات حب !! قربت سمر منها تترقبها -عادي نوصي السواق وين يبيعونها ! ناظرتها نجلا مطرفه -زين كلميه اذا راح للعطاره عليمني او سوبر ماركت كبير عاد انا اقدر اسويها بس فاتني نسيت !! سمر خليه يروح عطارة (؟؟؟) شغلهم نظيف مره ..!جنب بيت هلي !! هزت سمر راسها -طيب فيه شي ثاني تبين ؟! سلهمت هين نجلا بتفكير وهي ماسكه خصرها -لا كل الأغراض فيه !! جبتو برتقال؟!!! حق عصير ؟!! لفت لحفيظه -هاتي العصاره وين مكانها ؟!!! -جبنا نجول !!….كل القواكه فيه !! -حلو عشان العصاير ابي طازجه مابي صناعي !! اطرفت سمر لرنا .. ثم نطقت -كنت ناويه اسوي لك سلطة فواكه ؟!قلت ..يعني.. ناظرتها نجلا ببسمه -ايش عشان السم الي بالعصير قصدك؟!!! يعني سمر اترك العصيرات عشان وحده ماتستاهل سمتني به؟!! لا والله الا بالعكس بشربه الحين وانا واثقه انه نظيف وبيكون الذ !! تبسمت سمر باشراق -اقديتي يامرت اخوي صادقه والله ليه نخلي أي احد ياثر علينا ويكرهنا باشيا نحبها !! هزت نجلا راسها وهي تقدم تت قب اغراضها -أي خذي قناعتني من اليوم ورايح !! ترقبتها رنا بتركيز هاتفه بحنو -نجلا ماشاء الله تبارك الله انتي امس غير والحين غير !!؟ لفت لها نجلا تناظرها ثم استنطقت هازه اكتافها -وش بستفيد رنا ؟! من زيادة الهم ؟! الي صار صار هل أوقف واضعف واتاثر !!! ابي اسكر عالي راح واتناساه لانه صار ومالي يد فيه مب اخياري !! لكنه صابني !! بأمر الله!! وامر الله للبني ادم كله خير !! قمت اليوم وانا مقرره أوقف بوجه الضروف الي اتعبتني !! وان شاء الله بقدر!!! قربت منها رنا -بتقدرين انتي قويه تبارك الرحمن !! حتى لو ضعفتي هذا طبيعي نجول !! ارخت نجلا نواظرها -ادري!.. يابنات صح انا ضعفت بس وين ضعفت فيه ؟!! عند ناس يحبوني ويعزوني !! انتم عندكم انتم !! يعني صح بي هم واشوفه صعب لكن من ناحيه ثانيه انتم فيه انا مب لحالي !! امي مهره متقبلتني !! وانتم بعد ادري تحبوني !! هتفت سمر -مين مايحبك نجول !! صادقه كل كلمه قلتيها صح !! هزت نجلا راسها -انتظر بس نسافر واتعالج !! شفتو المكان الي بنروح له!! يجنن وراني إياه الوليد احسن حتى من الجزيره الي رحنا لها !! ترقبوها بصمت مبهج -سويسرا هو قال لامي !! هزت راسها -ايه فلل متوفر فيها كل شي هو بعد بيكون معي !!! رفعت راسها بحماس - يالله !!! ودي اطيب بسرعه !! ادري بنات اني عشان منتظمه عليه حالتي مستقره !! وعارفه لو تاخرت وش بيصير !! لكني اثق بالوليد وطريقته بعلاجي !! مسلمه امري لله ثم له هو بيوقف معي !! انتبهت للاله الي جابتها العامله -هاتيها شكرا !! حطيها هينا واشبكيها !! جيبي برتقال وجزر انا بغسلهم !! وين القطاعه جيبيها بعد !! -اوكي مدام!! ناظرتهم نجلا متسانده ومكتفه يدها -بسوي عصير برتقال وجزر يحبه الوليد !! انتم وش بتسوون؟!! علموني ؟! اشرت رنا للعجانه -انا بسوي فطاير مشكله ! وسمر حلى ومكرونه!! ايش نوعها سمر ؟! -مكرونه باستا!! نطقت لسمر بعجل -سمر من راييي لاتسوين مكرونه فيه طبق حلو الثريد يكفي او انتم تحبونها !! مره!! -عادي نجول لو اسوي شوي !! تنويع!! شدت نجلا مبسمها - ترا انا اقصد عشان مانبذر فهمتو!! بعدين صح تعالو احنا بنسوي للجميع الجميع او شلون!! -لا حفيظه بتسوي لهم طبخنا بس لنا احنا!! -حلو زين طيب والسمبوسه ؟!؟ اشرت سمر بحماس -جاهزه نجول الطباخ مجهزها من قبل كل المقالي !! كنا بنخليها وقت شكينا فيهم بس الوليد قال امورهم تمام!! ترقبتها نجلا بقل فهم نطقت سمر شارحه -نجلا انا عقب الي سووه الحيوانات ماريتا وكانو شلت كل أجهزة الخدم وجوالاتهم شكيت فيهم!!! نطقت رنا -سمر صيااامك لاتجرحينه بدون سب !! يختي تعبت انبهك!! تبسمت نجلا بتفكير -حتى انا ماتوقعت من كانو تسوي هالشي !!! مستغربه مره !! ودي اسالها ليش!!؟ وش قصرت معها وايش سويت أصلا لها !!!! يعني الي عطيتها مايكفي !!! لو طلبت زود عطيت والله!! -لاتفكرين نجلا فيهم اشوى انقلعوا عن بيتنا!!! كلهم غلطانات حتى الراس الكبير الي بييت جدان الجوهره هي الي اعطتهم شغالة جدتها!! حركت نجلا هدب عينها -اعوذ بالله من ضعوف النفوس!! وين بيروحون من الله انا منيب مسامحه ولاوحده فيهم من كبيرتهم الجوهره الين كانو!!! ارمشت .. طارده التفكير فيهم رفعت يدها -بنات ابي انساهم ماتذكرهم ابد !! مب معنى اني سامحتهم لا ابد!!! لكن مابي يعكرون مزاجي !!! اليوم احسني غير عن امس ورمضان هالسنه لي غير !!! مره غير !!الحمد الله على كل حال !! جتها الفواكه خذتها .. مبتديه تتوجه للحوض تغسلهم ناظرتها رنا -صادقه نجلا .. تبسمت لها .. سائله -هاتي اساعدك !! تركت سمر جوالها -نجلا طلبت الي تبين !! -زين الله يعافيك !! قربت سمر متسانده تتقربهم الثنتين وحده تغسل ووحده تقطع همست لنجلا -نجول وش فيه صاير شي بينك وبين امي!! واحنا ماندري ؟!! نزلتي انتي واحنا راقدين؟ تطرفت لها نجلا بجانب عينها وهي تغسل هتفت رنا -وش تقولين سمر طولي صوتك بسمع !! انا بعد !! -ماقول شي قطعي البرتقال !!! رجعت لنجلا تترقبها بترقب -هاه علميني!! نطق نجلا بشي مختلف -سمر الحين اننتي كيف بتسافرين ؟ ودراستك؟! عبست سمر بخفه -وش فيها دراستي ؟! عاد بسحب واكمل معك مره وحده !!! أصلا من قبل خاطري بالسفر !! صح انه جا بهالضروف لكن منيب مخليتك نجول !! ركزت نجلا فيها النظر -الله لايحرمني منكم!! -ولامنك بس لاتصرفين علميني بالله!! امي هيناك تقول قولي لنجول تمرني وانتي هينا تصرفين!! وبعد تقول قولي ماشاء الله على نجول!!! شاكه بوضعكم انا!!! انهت نجلا غسيل الي بيدها !! رشت قطرات خفيفه من الما على سمر -بلالقافه !!! تتدخلين بين بنت وامها ليه !! ليه!!!؟ فتحت سمر عينها -والله انه نفس كلامي امي !!! ضحكت نجلا .. باغتهم سوال رنا -وش كلام امي سمر ؟!! علموني !! -ماعليك منها فاضيه سمر تسحب من لساني الهروج كالعاده !!! شبكوها رنا ؟!!! -أي -هين نجول اصبري علي !!! تبادت فترة العصريه .. وهم بالمطبخ يتشاركون ويسالون نجلا عن كل الي تسويه .. حذتهم السوالف لكل منحنى لكن بعيد عن الضيق .. وكل شي يبهت سوالفهم!! … صلوا حتى ورجعوا.. يكملون .. أشرفت نجلا على ترتيب الطاوله واختارت هي طقم السفره ورتبته .. استاقفت .. تترقب .. الترتيب -وش ناقص سمر ؟! ورد صح ؟!!! وش رايك اجيب من برا !! استاقفت سمر ضاحكه -اجلسي بروح انا تذكرين سالقتك مع الورده الحمرا !!! اشرقت نظرات نجلا أساسا جا ببالها هاليوم -اذكره روحي وانتبهي انني بعد !! شكلي لي كم لون تدرون بجده عندي حديثة ورد كامله!! عطاني إياها الوليد ؟؟ هي لخالة سلطانه الله يرحمها ! -أي قلتي لنا!! نجول تحبين جده او هينا قولي هينا لاني اغار منهم!! استجلست نجلا ساحبه كرسي حاسه باجهاد مدت يدها لمنديل .. ماسحه ملامحها .. -كلكم احبكم كلكم !! -دايم اسالك وبكرر الين تقولين انتم !! وبس !! تراكت نجلا على يدها -في احلامك !! هيناك بعد اهل لي !! مدري وش اخبارهم ماكلمتهم من فتره!! امهم مب فيه !! -بالله وينها يعني؟! -مسافره هي واخوهم !! بس هم بالبيت مع خالتي ام عمار!! -يالبيه الله يوسع صدورهم!! أسندت راسها عالطاوله قطبت سمر هدب عينها -نجول وش فيك ؟! تعبتي صح من نزلتي وانتي واقفه !! غلطانه !! -بغمض عيني شوي بسلين تجيبين الورد !! روحي يله !! -لا قومي منيب مخليتك هينا روحي عند امي هي تبيك !! انسدحي بجيبه واحطه انا !! استجلست نجلا ناطقه وعينها عالترتيب -سمر ابي كل شخص عنده ورده !! فيه فازات صغيرونه عندكم شفتها انا !! -أي اعرفها انوع الألوان بعد ؟! -أي نوعي !! ركزت بها بمكر -وجلمودك الكبير وش احط عنده أي لون ؟! تبسمت واقفه -الي تبين حطي اهم شي ورده حيه اطارفها مب تعبانه سمعتي ؟! -ياعيني ياعيني !!! بحط له صفرا !!! زي لبسك !! ارخت نجلا راسها لملابسها -طيب قالتها رايحه متوجهه لجناح ام سلطان .. وبالها مشغول بالوليد ماكلم ولانزل .. بتمر ام سلطان ثم بترقى تشوفه معد بقى عالاذان الا نص ساعه ..!! اقبلت مبتسمه ونظراتها المجهده مشرقه -السلام عليكم!! ناظرتها ام سلطان مرحبه بحس حاني -ياهلا يامرحبا يالله ان تحييها ياذكر الله عليك !! يابنتي !! قربت نجلا مبتسمه ومنحنيه تلثم جبينها -اخبارك امي مهره!! عساك نمتي زين عقبنا ؟! -والله مارقدت يابنتي بس مرتاحه دام مانزلتي قلت الأمور طيبه وبخير بشري عن الوليد ؟! عساه بخير ؟! استجلست نجلا ماده رجولها لامتهم فوق بعض -أي احسن راحت حرارته قلت له يريح فوق ولاينزل الا وقت الفطور !! ماعلمته اني بطبخ قلت بجلس عند امي مهره تحت !! ابتسمت ام سلطان -ماشاء الله اجل اليوم بنامل عيشتن تسر الخاطر !! زادت بسمة نجلا -ان شاء الله عاد من زمان ماطبخت اخر شي بجده !! ان شاء الله يجوز لك طبخي !! وتراه مب زي اكلك!! ولا طبخك ابد !! -لا انا اظن انه ازين بعد !! -ان شاء الله يارب -انتي اخبارك يامي اشوفك احسن من البارح ومن الصبح !! ناظرتها نجلا بتركيز -انا طيبه !! ركزت بنواظرها اكثر .. كلامك الي قلتيه لي ريحيني يمه!! عادي صح اقولك يمه؟!! صح عادي ؟! هزت ام سلطان راسها بحنو -زينها من لسانك أي بالله عادي ومسموح والي تبين !! انتي بنتي بها ومن غيرها !! ..وياعساني يامي كفولك !! فتحت نجلا عيونها .. ببرقه ..وهي تستاقف تتوجه لها تننحني بلاشععور تقبض يدينها ..تلثمها -وش هالكلام امي الغاليه انتي !! .. انا الي يارب أكون بنت باره فيك وكفو لك !! ياحظي انك تشوفيني بنتك !!! رفعت راسها تناظرها وهي مستجلسه على ركبها .. -أصلا انا كلامك عيا يفارقني اسمعه كل شوي براسي ... ووجهك هو الي اتذكره ... طول ماانا نايمه ان فتحت عيني اتذكرك انتي وكلامك الصباح !! ..ارخت يدها ليدين مهره .. لاثمتها بحب .. كبيير متجلي بقلبها .. وعميق .. -الله لايحرمني منك يارب !! انا ودري اعيد وأقول يمه يمه يمه يمه احسني استحي اقولها وفرحانه بنفس الوقت !! ناظرتها من جديد .. -ودي كل الناس الي من زمان .. يعرفوني يشوفوني معك الحين !!! .. رفعت مهره يدها وهي تسحبها تتلمس خصلات نجلا وجبينها بحنو .. -الله يسلم هالراس .. انتي دره رده يابنتي .. !!..قومي اجلسي بعلمك علم بيني وبينك !!! استجلست نجلا وعينها تترقبها .. بلهفه وترقب.. -وشهو خالتي ؟؟ -تخبرين ان هاليوم اول يوم يفطر به معنا الوليد من جانا ؟؟ !! عمره من وسكن هالبيت ماافطر معنا برمضان يامسافر ..يابمكتبه .. الوليد يابنتي مايعرف وش هي لمة العيله ..لابجده ولاهنيا !! قطبت هدب عينها نجلا .. هامسه .. -كيف عرفتي خالتي !!؟؟ انه بجده كيذا ؟؟ -خابره يابنتي ..من له بجده مااخبر له احد !! لو له كان كثر روحاتهم لهم !! هو دايم هينا !!.. ارخت نجلا نواظرها .. ليدينها .. ومعصمها .. المضمد .. -صادقه .. رفعت راسها لها هاتفه .. -بس اليوم ان شاء الله بينبسط ... انا اعرف شعوره خالتي !! اقصد امي امي !! اعرف شلون بيحس .. !! شفتي يوم قلتي ..اليوم عنه كيف يناظرني ؟؟ انا ادري واعرف ..انه يعزني ويحترمني انا بعد زيه .. احشمه ومابي يضيق لا مني ولاعشاني .. ودي اطيب وادرس واكمل .. وارفع راسه فيني ..!!.تدرين انه ماخذ الدوكتوراه..!؟؟ ابي زيه انا !! تهقين بقدر ؟؟ ترقبتها مهره ... بحنو .. -ايه بتقدرين راسك يوزن بلد يابنتي شاطره وفاهمه وعاقله !!.. تنهدت نجلا .. تترقبها .. -الحمد الله انك فيه !!..احبك انا مره ودي اعلم كل الناس عنك !!.. ضحكت ام سلطان .. شاده سبحتها -علمي يابنتي الي تبين ... !!انتي بس وش تبين سوويي !! لاتشوريني !!! -الله يحفظك !! تبادى حس سمر .. -مااااااااشاء الله التفتوا لها ... بصدمه .. ضحوك ..واقفه هي ماسكه خصرها بيدينها .. -ترسليني عشان .. تنفردين فيها ؟؟؟ رنا وينها عنكم ؟؟ قامت نجلا مستجلسه عالسرير جنب ام سلطان فارده ذراعها الصغير فوق اكتافها ..وسانده راسها .. -سمر خلاص راحت عليك امك !!! جاك شريكه خذت الغلا عنك !!! قربت سمر وعينها عليهم ..ضاحكه .. -امي تكفينا كلنا تجاكرني بعد مرت ولدك !!.. قومي جوالك يدق .. !! جبته لك سكت قبل شوي !! أبعدت نجلا بحذر .. سائله .. -مين ؟؟ ماشفتتيه .. -شيهانه أتوقع !! -يوهه قلت لها بكلمها ونسيتها ... !! -نجول مافيه وقت .. بياذن .. بعد ربع ساعه ... جهزنا كل شي ..خلاص .. !! استاقفت نجلا .. -صبيتو المرقه عالرقاق ؟؟ -لالا .. هذي خلينها ... بس اعلمك عشان تستعدين يله امي نقوم نجلس .. !! لفت نجلا لام سلطان .. -خالتي عقب الصلاه والفطور بنروح للخيمه جهزنا فيها .. ورتبنا !! -نجلا يمه هي الي جهزت تعبت نفسها والله !! -لا تعب ولاشي ... بريح عقب التروايح .. رطبت شفتها الجافه .. برجفه .. مهيبه .. مدركه .. انها تعبت بس تطرد كل التعب وكل حس خافت يذكرها بحالتها ... -روحي يامي ... شوفي رجلك علومه وانزلوا !! سوى !! - طيب بروح له ..!!.. انتوا بعد روحوا اجلسوا خالتي خلك بمكانك الي دايم !!.. ترا سوينا لك اكلك كله !! هزت راسها ام سلطان بنظره حانيه وهي تستاقف .. -الله يجزاك خير ويحفظك ويرحم والديك !! -امين يارب ... قالتها متحركه .. وتاركتهم .. حاسه بتعب .. خفيف ... بس محتمل ... توجهت هالمره .. للمصعد مافيها من رقية الدرج .. | ||||
|
| |
|
17-10-21, 02:17 AM
| #12526 | ||||
| مركز التوقيف .. ترقب سعد السفره الي قدامه .. والحافظات .. الي دخلوها له .. درا انها من نايف .. رفضوا يخلونه يدخل له علموه انه اذا كمل اربع وعشرين ساعه ... بيطلقونه ... امتدت يده ..بثقل .. يفتح الحافظات .. مبتديه الروايح الزكيه لطبخ البيت .. تعتلي ... مع ان المركز جاب له اكل .. الا انه جنبنه يوم عرف ان هالطبخات كلها من يدين شيهانه ... ضاجت نظراته متذكر .. اخر رمضان قضاه معهم بالبيت !! تذكر نجلا وقل راحتها عالسفره وكيف كان يجمع لها الاكل على جنب قبل يخلص .. انرسمت امام فكره فرحتها ... لمن تشوفه حافظ لها .. شد مبسمه ..تارك كل شي .. ومحني راسه يمسح ملامحه ...بضيق ... رفع نواظره يتأمل صغر المكان .. ومع هذا ثقل بصدره وضيق اكثر داخل روحه ... مايدري وش اخبارها .. حتى نايف ماقدر يتواصل معه .. تساند عالجدار ساند راسه مفكر ... معقوله صار بحياتها مجرد هامش !! ولازم يكف خوفه عليها ؟؟؟ !!..وينظر لها برسميه !!.. من متى ونجلا عنه بعيده بهالشكل !! ومن متى وصلوا لهالطريق المسدود ... لدرجة تنهد وماتلجا له ولاتخبره .. !!..؟ اذا طلع بيكلمه ..رغم صعوبة الموقف الي جمعهم البارح بيتواصل معه ويساله عنها .. .................................................. .................... فيلا العنود ... استجلست عالطاوله ... بالحديقه الخارجيه .. ومعها يزيد ... -يعني ابوي الوليد مب جاي اليوم بعد ؟؟ تساندت فاتحه غطى التمور الي قدامها ... ترقبت الصحون المرتبه والسفره .. الي تشرح الخاطر .. -لا ياولدي عنده شغل .. بس بيجي ان شاء الله !! يمكن بعد التراويح !!!كيف مدرستك ؟؟اليوم ! -زينه مره ....مرتاح فيها -ازين من جده ؟ -ايييييه ازين كثير !!! هزت راسها ... وهي تصب له عصير .. -تبي مشكل ؟؟ ماسووو فيمتو واحسن لك الطازه !! -أي عطيني وهذاك ايش ؟؟ -هذا.. ليمون ونعناع انا طلبته !!!..خذ لك تمره .. !! ترقب الأصناف .. كلها ... وتنهد.. -كل هذا لنا ؟؟؟ بس احنا ؟؟ تبسمت ..بحبور ... -ايه .. بالعافيه يابوي ... ابدى الحين ادع ربي لجدك وجدتك !! -بدعي لابوي بعد الله يرحمه .. ليتني عرفته وشافني !! بس ان شاء الله بالجنه !! شدت العنود مبسمها ... بحذر .. هاتفه وسط روحها الله يبيده ويبعده لجهنم يارب التفت لها ..هاتفا بفرحه .. -بس الحمد الله ابوي الوليد موجود ..!! -الحمد الله .. الله يطول بعمره قول يارب مايحرمنا منه ابد !!! ترقبت ولدها مبتدي يهمس بدعائه الطفولي ..اما هي استندت على ظهر الكرسي ... ورفعت راسها للسما ... مستمعه لحس تسابيح العصافير ..غمضت عينها متنفسه بعمق .. ذاكره والديها بدعاها ... ياكم تمنت يعيش ابوها ويشوف حالها من بعده شلون ارتفع وكيف صار .. كيف كل ماكان صعب تيسر لها بالساهل ,,كيف انفتح قدامها الطريق للرجعه .. شدت مبسمها مستشعره السكون وهمس يزيد المحبب لقلبها .. ... اليوم زواجها منه .. دعت بروحها وبعمق قلبها .. (يارب حنن قليبه علي ..يارب اجعلني قرة عين له ... يارب مادخلت حياته ونيتي شر ابي الستر والعفاف مع الي قلبي يحبه ) تبادى حس الاذان فتحت نواظرها ... مسميه ومبتديه تفطر ....تبي تقوم تتجهز ... وترتب وضعها لجيته ... وشوفته ... مع كل ثانيه ..ينتفض نبضها ومع قرب الوقت .. يغشاها شي من الرهبه واللهفه .. يااااه كم اشتاقت .. تنظر لعيونه بلا ذنب وبعيد عن الاحلام .. بيكون زوجها حليلها وحلالها ... ... .................................................. ................................. قصر صخر آل جلمود .. جناح نجلا والوليد ... دخلت بهدووؤ .. مستمعه ..لصوت المقرئ.. قطبت هدب عينها ...وهي تخطو براحه الين وصلت لغرفة الجلوس .. انتبهت له منسدح عالكنب .. مرخي ذراعه على عينه ..واليد الثانيه مستريحه على صدره .. شدت مبسمها مقربه منتببهه لرجله الممدوه .. عالمخده والثانيه على الكنب..استاقفت بقرب ..تتأمله .. مترقبه علو صدره من أنفاسه ..حركت هدب عينها بخفه ..وهي تتراجع ..دام غافي بتخليه لين تخلص معها خمس دقايق لازم تستعجل .. توجهت لغرفة الملابس..ساحبه روبها الجاف و..تحركت بحركات عجلا وهي تتحمم ..همست برهبه ..منتفضه .. -اووه يابرد الما .. !!!! مدت يدها توازن درجة اتزان المويه .. شاده مبسمها .انتبت للشاش الي ترطب .. فكته بحذر ..وعينها تترقب جروحها .. واثار زرقا مخضره .. رفعتها تجاه الما .. تغسلها .. مبعده الشاش ... مرت ثواني خلصت .. وطلعت بعجل ماخذه روبها .. يسابق أنفاسها .. حماسها .. المرتقب لنزوله معها .... معد بقا معها وقت .. اقبلت عليه .. مبتسمه ..وهي تهمس.. -الولييدد؟؟ خذت الريموت مقصره عالصوت .. -الوبيد قوم يله وقت الفطور !! رفع يده .. عن عينه بترقبها .. -كيف رجلك ؟؟ شلون تحس الحين ؟؟ تركت الريموت وقربت اكثر منحنيه .. ماده يدها تتلمس جبينه .. -اشوا مافيك حراره .. بعد الفطور تأخذ علاجك ..يله قوم ياعمري تحت كلهم بلبس وانزل لكم .. !! نطق ببحة نعاس .. -متى جيتي ؟؟ كم الساعه الحين ؟ -خلاص بياذن .. تبسمت له مترقبه اختفاء اللون الشاحب وبوداي الاجهاد .. عن محيّاه.. -جهزي لي ثوب .. بتوضى !! -طيب الحين .. بجهزه .. ابشر .. تراجعت .. داخله غرفة ملابسهم ساحبه المنشفه من شرعها ونافضته .. مستلج جيدها من برودة المكان ..ضمت الروب حوالين جيدها .. جابت السلم الصغير .. وفتحت دولابه .. ترقبت اثيابه ..بنظره عجلا اختارت له واحد .. وجهزت له غيارات داخليه ..بسرعه .. التفتت لقته داخل .. تلاقت نواظرهم ..تبسم لها .. محرك هدب عينه وهو ..يمشي بصعوبه .. غير ظاهره .. رطبت شفتها وعينها على رجله ..هاتفه .. -رجلك توجعك ؟؟ رفعت عينها .. له .. -بطببها بعد الفطور .. شوف جهزت اغراضك .. يله البس .. استجلس .. وهو ينطق وعينه عالغيارات .. -ساعديني طيب .. مد يده معطيها بعض من لبسه ..خذته ببسمه .. وهي تنتحني تجلس .. وتدخل الفتحات من رجوله .. -هه .. بتوقف ؟ قالتها ثم استاقف .. ببطء .. ثم انحنى ماخذ الباقي ولابس .. -يله قومي البسي ..اكيد ينتظرونا .. الفطور وين برا او داخل .. استاقفت متوجهه لدولابها .. -داخل .. تباطئت .. وهي ..تنتظره يطلع .. وصلها حسه .. القريب ماتدري متى قرب .. -وراك نجلا ؟؟ يله البسي .. !! لفت لقته وراها .. مابينهم الا كم خطوه .. انتبهت ليدينه الي تزرر ثوبه باستحكام .. -بلبس ..انزل انت .. روح لخالتي .. تنتظرك !! غافلها ماد يده .. لخلفها .. ساحب فستان .. ترقبه بوسد يده .. شد مبسمه ..وهو يحطه بين يديها .. -البسي لي ذا !! ناظرته وهي تمسكه ... اختار لها .. فستان ربيعي بلون الزهر .. ناظرها ..مبتسم ...وناطق .. وهو يتراجع يم المرايا ويمشط شعره .. -يشبه لون ..وجهك وانتي مستحيه مني !! رفعت هدب عينها ..ببسمه .. لوصفه .. -طيب بلبسه الحين .. التفت لها ساحب عطره ..ومتعطر .. -انتظرك تحت لاتبطين .. !! قالها وطلع عنها .. تنفست ..برهبه .. من هيمنة تواجده .. وهي تترقب ظهره .. وطوله الجال ..ومواري الرطوبه بنهايات شعره .. رجفت يدها وهي بسرعه تفتح روبها .. وتبتدي تلبس .. اطرفت يم المرايا .. مجفلها منظرها المبعثر ..وخصل شعرها .. تنبهت للحمار الخفيف المنعكس عالفستان .. متذكره منطوقه لها .. كبير حيل الإحساس .. الي يخالجها ..هالانسان ..يسري بها لأعلى مكمن معتلي ومرتكز ..وهذا حاله دايم ..يرتقي بها فوق فوق فوق .. تركها .. بعد مالمح حرجها منه .. يعشق هالحيا المتأصل فيها بدون شعور منها .. خذا عصاته ..وهتف ناطق لها يحسه الجهور .. اللعوب .. معطيها جوها مادرت ان نسخه ثانيه معه .. -نجلا متى ناويه تفتحين مكتبي !!؟؟ وصله حسها .. -بعد الفطور .. اذا رقيت اصلي فتحته لك !!! تبسم متقدم ..للمدخل .. لابس المساجديه .. وطالع .. بخطوات هاديه مايبي يضغط اكثر على رجله .. العطش بالغ منه ابلغ مكان ..جاف ريقه .. نزل من المصعد .. اول ماطلع استقبلته سمر ببسمه .. -هلا هلا ... قربت منه لاثمه جبينه عقب انحنى لها .. -رمضان كريم يالغالي .. !كل عام وانت وسطنا يارب!! تبسم لها ساحب يده وهو يتقدم .. -امين .. خالتي وين ..بجناحها .. ؟؟ -أي امي جالسه .. الحين بتقوم لغرفة الطعام .. !! ترقب المكان .. بصمت .. -بروح لها ثم نجيكم مره وحده .. ! -نجلا فوق او نزلت ؟؟ تحرك بخطواته .. البطيئه .. -فوق .. الحين بتنزل !! ترقبته وتحركت .. يم المطابخ .. - رنا خلاص تعالي يله نزل الوليد .. !! ترقبت رنا .. شغلها .. -يله جايه ... اشرت آمره ..العاملات .. -يله ودوه ... -سمر الي نجلا سوته نكمله او كيف .. كل شي جاهز باقي اصب المرقه .. -لا خلي شغلها بتنزل الحين .. انهت كلامها الا نجلا مقبله وداخله .. -وش سويتو ؟؟ خلصتوا كل شي .. ؟؟ التفتوا لها ..تبسمت رنا .رافعه يدها .. -خلصت انا شغلي توهم مودينه .. عاد أقول لسمر كان اصب المرقه بدالك زين جيتي !! قربت من اغراضها نجلا وعينها تترقب .. -الوليد وخالتي بغرفة الطعام ؟؟ -لا راح لها جناحها !!يمك راحوا الحين .. صفقت بيدها .. -يله بروح قبلكم انا ..اعجلوا .. مابقى وقت ... نطق نجلا .. -يله بجيكم روحي رنا .. اسبقوني ..بجي الحين .. .................................................. ............................... قبل بوقت .. دخل الوليد على ام سلطان .. ببسمه حانيه .. -السلام عليكم .. -هلا !! ارحب يابوي .. وعليكم السلام .. قرب منها لاثم جبينها .. بخفه .. -كل عام وانتي بخير .. ياوجه الخير عساه يعود عليك اعوامن مديده !! -وانت بخير وصحه وسلامه ...الله يعوده وانت حولنا وحوالينا !! جت عينها على رجله .. وبطء حركته .. -وسلمت ياولدي عز الله مقامك .. بشرني عنك ان شاء الله انك احسن ؟ استاقف .. ويدينه على ممسك عصاته .. -نحمده ونشكره .. عارض بسيط وعدا !! ترقبته مهره ..مدركه بواقي الاجهاد .. بملامحه .. -الحمد الله يارب لك الحمد .. استاقفت .. امام نواظره .. -يله مشيننا .. ! مدت يدينها له قابضه كف يده .. تبسم مبتدي بيلف معها .. ويستمع لها ..هي تتلمس يده -الحمد الله حرارتك خفت .. خافت عليك اليوم نجول !! تحسب بياخذونك وحلفت الا تروح معك !! ضحك بخفه .. -ماحسيت والله بشين ابد .. علمتني هي !! .. مير اني منيب ذاكرن شي ابد !! -اييييه والله ياجتك سخونه ياولدي هدت حيلك !!! جت دكتوره وكشفت عليك .. وطمنتنا .. !! بس تقول لزمن تروح تكشف على رجلك !! تقدم معها مستمع .. -اجل دكتوره !؟ -ايه الحمد الله .. مب دكتور ... تبسمت متابعه له ..بشرح .. هادي وضحوك ..وحاني .. -ليتك شفت نجول يوم شافتها !! رفعت راسها .. له متابعه .. -وقفت عيت تتحرك من عندك .. تقول انا بسوي له وش تبين اسوي !!!! تبسم بتفكير .. مخفي بعض الجهد .. -عاد هالكتوره قالت لها ابييك ان شاء الله بخير !! وبغت تشوط مريتك !! قالت ذا زوجي !! نطق مقطب هدب عينه .. وضاحك .. -لعنة الله على شيطانها مره !!..ماتنلام مرتي ياميمتي !! لو اني سامعها عدلت هالعوج الي بلسانها !! ضحكت ام سلطان .. -من يلومها يابوي نجول غاديتن عندك فريفيره !! -افا ياميمتي..!! حتى انتي !! رفعت يدها وهزت راسها .. -بس انكم لايقين لايقين !! انا اقصد يامك لاتلوم الناس !!نجول مثل الورده المفتحه ياتبارك الله مايبان عليها العمر والصبح كنها ام 16 !! نطق بعجل .. بدون شعور .. -وانا ولد البطه السودا !! -حاشاك وش بطته انت شيخ ولد شيخ الله يعز قدرك ويرفع شانك ويحفظك .. انا مغير امزح كعك أبيك تضحك !! تبسم رافع هدب عينه بحنو -يصير خير ان شاء الله .. شدت يده ..ناطقه .. -لعاد اتهمل نفسك يالوليد الالتهاب مب زين يضر بالجسم .. عالجه مبكر !!!.. -ان شاء الله .. مرت ثانيه صمت ثم تطقت من جديد .. -ابي رقم الاجوديه الي تبعت نجول !! ارخى نواظره لها .. رفعت له راسها .. وهي تخطو معه متقدمه يم مدخل صالة الطعام .. شدت يده .. وتابعت .. -تستاهل الشكر بنت الاجواد !! جا ينطق .. الا قاطعه حس سمر .. -هلا هلا نورتوا ... قامت بعجل .. بحركه ميرحيه .. تاشر بيدها -تفضلوا بسرعه بيأذن .. ناظر الوليد المكان ... بترقب ... مبهوت ..مبتدي يتقدم .. -اجلس يابوي مكانك .. مارد بس كان يترقب السفره وهو يقرب ... نطق سائل ..بحس هادي .. -نجلا ماجت ؟؟ -الا بالمطبخ الحين تجي !! دخلت رنا وراهم .. -جيتوا زين ... حياكم ... بقى شوي عالاذان ..سمر افتحي عالحرم ... !.. - طيب بس بفك الشبابيك عشان نسمع الاذان بوضوح .. قربت رنا من الوليد .. -هلا اخوي سلام اخبارك عقب التعب .. !! لثمت جبينه .. وهو جالس ماد رجله ..ومجنب عصاته .. -بخير الحمد الله .. اطرف بنواظره يم ..البطايق .. امام كل صحن خاص .. ناظرته سمر ..-حطيت لك هالورده مخصوص !! تبسم ..ماد يده مقرب .. يبي يقرا .. المكتوب .. ضيق نواظره .. (جابك الله من بياض الفال والحظ الكبير واستبشرت بك ضلوع صدري وفزت ) تبسم مقطب ..هدب عينه .. سمع حس سمر.. -نجول مجهزه البطايق .. لكل واحد فينا .. رفع عينه ..لها .. -وينها هي ؟؟ تبادى حس الاذان .. وبنفس الوقت .. حسها وشذى روايح يخبرها .. ويعرفها .. التفت ينظر لها .. تلاقت نواظرهم .. -جيييييييت !! اذن افطروا يله !!تاخرت عليكم بس ابي يكون حار !! تبعتها عاملتين .. -يله حطوه ..هاتي الي معك .. قربت من مكانها .. الي بتجلس فيه .. وعيونه تترقبها .. شاف الصحن الي بيدها وهي تحطه امامه .. -هذا الثريييد سويته لك !!! ناظرته ببسمه .. مستشعره .. تركيزه فيها .. عجز شعورها يتغافل النظره الي يوجهها له .. استاقفت من جديد ..توجه كلامها لهم .. -هاتي صحون القيمات .. !! خذتها وابتدت هي توزعها بينهم .. -خذي سمر .. -نجول ليه ماخليتهم يجبونها هم من اول !! -لا ابي انا احطها عالسفره ..!.. جابت الصحن الأول ودته يم ام سلطان المبتسمه .. -هذا لك خالتي قللت الشيره مره خفيفه !! رجعت تحط صحن الوليد قدامه .. هامسه ..بحس يسمعه هو .. -سويت لك الي تحب !! اطرفت يمه لقته ينظر للاكل .. بصمت .. مخفي احساسه بثبات مهلك لروحها .. استجلست .. مبتسمه .. مترقبه السفره .. بفرحه .. -تجنن سفرتنا بنات ... الله يتقبل منا يارب .. سمعت ام سلطان .. -ماشاء الله تبارك الله هذا كله شغلكن ؟؟ هتفت سمر .. -ايه امي احنا الثلاث !! ابتدت تعدد لها نجلا وش سوت .. ورنا وش سوت وهي وش سوت .. قربت نجلا التمر يم الوليد .. -خذ تمره وش تبي أي نوع !!.. مد يده بدون ينظر لها .. ترقبته بتقطيب ..وهي تلاحظ هروب نظراته منها .. مدت يدها تأخذ اخلاص .. ومبتديه تدعي .. قبل تفطر .. وهم كلهم مثلها .. تبادى حس ام سلطان الهامس بدعا ..يسمعونه .. تنفست نجلا وعينها تطوف حواليهم بلاشعور .. مرتجفه أطرافها .. تبسمت ..متلاقيه نواظرها بعين سمر .. الي ردت لها البسمه .. -يمه بغرف لك من مكرونتي !! مدت يدها تحط لها ... ورنا بعد قات تأخذ الصحون واحد واحد .وتغرف لهم .. اطرفت نجلا للوليد .. شافته يشرب مويه .. بهدووء .. مستغربه صمته .. استاقفت .. -بغرف لك شوربه اول ... !!سمر قربي بادية خالتي بحط لها !!! وزعوا الاكلات فيما بينهم .. متخلل افطارهم سوالفهم .. استاقف الوليد .. ببطء.. -بلحق عالصلاه وراجع !! لفت نجلا تناظره .. لقته لاف بجيده ومتقدم طالع .. رطبت شفتها يم مكانه شرب شوربه وبس مااكل كثير سمعت ام سلطان .. -بيلحق عالصلاه لاتفوته جماعه !! استاقفت .. -ايه حتى انا بصلي وارجع ... تركتهم .. لاحقته ..بخطواتها العجلا شافت ظهره .. هتفت .. مقربه .. -الوليد لحظه .. !! استاقف لاف ..بجيده .. تبسمت تبحث عن عينه .. -وش فيك ؟؟ ليش هادي عالفطور ؟؟ كلمه وحده ماقلت !! ترقبها الين قربت .. منه ..احتنت نظراته لها ..تلمست ذراعه .. بخفه .. -لايكون تحس بحراره ؟؟ -لا مافيني الا العافيه .. اجهاد صيام .. !! .. -ماليت شي ؟ بترجع لنا سويت لك ثريد قلت لي تحبه قبل تذكر ؟؟ هز راسه .. لها .. -برجع .. تحرك .. يمشي وهي تتبعه .. -طيب بصلي بعد انا وميب ماكله لين تجي ... ! يله روح .. فتحت له الباب الكبير .. تحركت خصلات شعرها ... بتلاعب عاصي حوالين ملامحها ... مشى متعديها بخطواته .. الهاديه .. -استودعتك ربي !! ترقبته طالع مستغربه حالته ... قفلت الباب بتفكير وهي ترجع لهم ... لقت ام سلطان... توها راجعه من دورة المياه .. وسمر معها بتجلسها مقابله القبله ... رنا مب فيه .. وهي توجهت لدورة المياه .. ثم بتصلي .. زيهم .. مكتنفها شعور هااادي وسكون لذيذ .. يرفرف حوالينها .. صلوا كللهم ... وحاوطوا الطاوله من جديد .. -عطيني نجلا من حقك !! -طيب هاتي صحنك ذوقيه عليمني !! -كنه قرصان صح ؟؟ -لا هذا الذ .!! بعد مع اللبن لذيذ !! التففت لم سلطان .. -امي مهره وش رايك ؟؟ -وش زينه ماشاء الله !! يعطيك العافيه !! -يعافيك يارب .. تبادى حس الجرس ... تركت نجلا الي بيدها .. | ||||
|
| |
|
17-10-21, 02:23 AM
| #12528 | ||||
| -انا بفتح هذا الوليد !!! ناظرتها سمر .. مبتسمه .. جت عينها على .. الورده الي قدام كرسي الوليد فزت من مكانها .. -بغيرها بحط لون زي فستانها .. غشاشه هالنجول لبست اصفر ثم غيرت !! ضحكت رنا .. -الله يصلح الحال .. !! والله محدن مركز غيرك الوليد مب منتبه ولانجول !! ناظرتها سمر ..بتكشيره .. -ماعليك منهم هالاثنين يفهمون كل شي بس مايبينون ابد !!! .................................. قبل بلحظات .. اول ماكانت مقبله عالمدخل . لمحت عاملهه جايه تفتخ .. اشرت لها تصرفها .. -انا بفنح لمستر ... روحي انتي ... ترقبته نجلا وخطواتها تاخذها عجلا يم الباب باستعجال ..فتحته .. بعجل .. اول ماتلاقت نظراتهم هتفت محاوله تسيطر عالبروده وبداية التعب ..والرجفه .. -يله تعال .. كمل اكلك !! دخل .. بخطواته قفلت الباب بصوت مسموع ... تنفست وهي تلتفت له .. وتشم ريحة عطره .. لقته ملتفت لها ..قبض يدها ساحبها يم المجلس .. -الوليد ينتظرونا داخل ابي اذوقك اكلي ذقت القيمات بس باقي باقي !! انهت منطوقها حاسه ببرودة يدها وسط كفه .. مشت بخطواتها وراه الين وقف -تراك تضغط على رجلك لامن مشيت بسرعه والتف مقابلها .. ومحاصرها ترقبها ناطق بهادي الحس .. -نزلتي من بدري عشان تطبخين؟! ناظرته بتركيز هاتفه -أي مابيك تنزل وتدري كنت بفاجئك بالسفره حقة رمضان !! اقصد اكيد شفت سفر احلى بس سفرة البيت غير تختلف !! قرب منها بخطوات بطيئه مشدد حصارها مد يده يجنب عصاته على الكنب القريب منهم .. وعينه يمها .. تارك يدها الثانيه ومحاوط خصرها جاذبها .. ناطق بهادي الحس محني جيده وهو يلاصق جبينه بجبينها -الله لايحرمني ..هالزول وراعيته !!! ناظرته عن قرب بحرج مستشعره أنفاسه القريبه والممتزجه بريح الهيل والبن .. العربي .. -ينتظرونا .. وعلاجاتك بعد هيناك كلها لازم ... قاطعها .. منحني اكثر لاثم مبسمها .. بخفه .. -مابي علاج هالدكتوره ..الي ماتعرف تهرج وتثمن كلامها !!! شدت مبسمها .. تحاول تبتتعد مقطبه هدب عينها ..هامسه باستغراب .. -وش فيها !!ليه كيذا تقول عنها ؟!! تراجع مركز فيها انظر ..مقطب هدب عينه ناطق باستهجان خافت ..بس لقلبها جهور وحاد ..ومتغاضب .. -اجل انتي بنتي !!! عسى خير !!!..قلنا بينا عمر بس مب بنتي عاد !!!زين اني منيب يمها ولا كان علوووم !!! عضت شفتها ببسمه ..منبسطه حواجبها .. -ايه تقول لي الله يخلي له البنات الحلوات !!! وبابا بخير !! -بابا بعينها !!!! انحنى قابض مبسمها .. بلثمه غاضبه معاقبه ..انصدمت من اندفاعه ثواني ثم استكانت .. سامحه له ..يتدرج ..مابين عنف القرب وحنو اللمسه ..مضت ثواني ولحظه لذيذه تجمعهم ..تراجع ..متنفس ... بقل حيله .. وناطق ببحة حس .. وهو يقبض بيدينه خصرها -فرحتيني اليوم !!.. ارخت نظراتها وريحت كفوف يدها فوق محاني صدره .. وهي تستمع له .. -خلك كيذا دايم !..استشعري كل نعمه حواليك !!كل ماتتذكرين وجع وضيق عشتيه تذكري لمتنا مع الي يحبونا اليوم !! هذ نعمه عظيمه نجلا !! انتم خليتوني ماعرف اعبر عن فرحتي وقت دخلت وشفت الي مسوين !!! رفعت نظراتها له .. -باقي تذوق ثريدي !!.. تبسم ..رافع يدينه محاوط ملامحها ... ويستنطق بوعيد ومنحني لاثم ملامحها ..بثبات .. متمكن .. -بذوقه !!..بذوقه !! بذوقه ..وش بيردني علميني !!! وش بيمنعني عنك وعن طبخك وكلك !!! رفعت يدها تتلمس أصابعه .. مرتجف جيدها .. ببروده .. -وعصرت لك عصير بعد جزر وبرتقال انا سويته بنفسي !! تراجع ثواني ..يترقب عينها ..بعمق ..حاسس برجفتها الي تحاول تثبتها ..حاوط جيدها مستاقف .. -بردتي !؟؟ اسند ذقنه فوق راسها وتلمس بيدينه جيدها لامها له بحنان .. سمع همسها .. المعترف .. -وقت علاجي وعلاجك .. !! اهتز متنها .. تراجع بعجل يظن تصيح .. انصدم بضحكها المتواصل وهي ترفع يدها تخفي عيونها .. بهتت نظرته ببسمه .. مكتشف ضحكها ..الخافت .. -علاااامك !! مسك يدينها مبعدها .. نطقت بضحك متقطع .. خفيف .. -الوليد بالله مب حالنا يضحك !! كل واحد يعالج الثاني !!! قبل نفسيا الحين صدق بالعلاجات والادويه !!!..الله يستر من الجاي !! زادت بسمته .. -تضحكين يعني!! ابد الجاي شايبك بتطببينه انتي بكبر انا بعد وبينحني ظهري !.وبصف بسريري جنب خالتي بس هاه !! بالليل برقا لك فوق!! ..ضحكت بخقه ..ثم ثبتت نظرتها ..رافعه يدها تمسح دمعه ضحوك طارفه بارده كما الثلج .. -بالله !!!.. هز راسه .. -أي والله تراجع قابض كف يدها .. مبتدي يطلع .. وهي تتبعه .. -تعالي ابي اكلي الي سويتيه لي !!!.. شدت يدينه ماسكه ذراعه .. -كيف قيماتي !! -لذيذه .. !.. -بالعافيه ..!! هتفت بهمس ..وهي توقف قدامه .. -الوليد جرعتي !!!؟؟ متى اخذها احسني مجهده .. قاطعها .. وهو يجرها ويمشي .. -الحين !.. -قدامهم يعني ؟ -ودي اخذها لحالي !.تصدق اليوم البنات توقعوا اكره طاري العصير !! بس قلت لهم مايهمني !! عادي بستمر اشرب عصاير !!! ارخى نواظره .. لها ..بدون أي بسمه.. ناطق بهدوء .. -انا عارف انك قويه من قبل مايهمك شي !!! والي مرينا فيه امس وقبله كله طبيعي وعادي !! ارتخت نظراتها لخطواتها معه ..ناطقه بهمس هادي -كله عادي الا الي سواه سعد !! استاقف ..ملتفت لها .. -تبين تتكلمين معه ! تبين يجيك نجلا !! قولي ايه وازهمه لك ونايف معه اخوانك كلهم اجيبهم لك !!! ترقبته ..مرمشه .. ومتنفسه ببسمه شاكره .. رافعه يدها لصدرها .. -لا يالوليد مابي مابي اشوفه !.. بداخلي شي من ناحيته مب زعل !؟ لا بس مضايقني سعد ؟!..ماقد حطيت ببالي بيوم يجي ويوجعني ابد !! الضيق والوجع من العالم كلها الا هو !! ترقبها .. بتفهم .. -ماعليه خذي الأمور من نظرتي الي علمتك دام ماتبين تشوفينه الحين خليها عقب نرجع ان شاء الله وانتي بصحه وعافيه تكون نفسك هدت وهو مثلك خليه يشوفك وانتي طيبه وبخير وماتشكين من شي ابد كود يقتنع بي !! همست هاتفه باستغراب .. -يقتنع بك ؟؟ -ايه هو مايشوفني لايقن لك !! ارخت نواظر عينها متنهده .. -الله يعين .. شد يدها .. اكثر وتكلم بثبات ..وثقه -بيسهل الله وتزين الأمور كل هالعلوم الي مضايقتك من ناحيته بتروح !! تبسمت له .. بقل حيله .. -ان شاء الله ... !.. دخلوا غرفة الطعام ..واصلهم حس البنات .. -هذاهم جو !! -يله وينكم ننتظركم !! -عادي كان كليتوا !!! كشرت سمر ببسمه .. -لااااااااا ووويييين ناكل وكبيرنا مب فيه !!! هذي قلة احترام !!! حتى امي وقفت !! ناظرت نجلا ام سلطان المبتسمه .. -يله اجلسوا ..ياعيالي .. وسمو بالرحمن !!! تساندت رنا تترقب اخوها بحذر ماجاب طاري انطباعه ..لكن لاحظت انه طلع بشكل ودخل بشكل ثاني .. -ماشاء الله وش هالزين ياخواتي !!.. -عيونك الزينه ... نطقت رنا .. بحماس وهي تحط له .. -اهم شي الطعم يارب يجوز لك هذي حشوتها دجاج وهذي زعتر بلبنه !! تبي جبن سايل او مالح !! -جبن سايل هاتي !! وقفت نجلا .. تأخذ صحنه .. وتفتح الحافظه .. -بحط لمي والوليد من الثريد حقي .. -وانا نجول حطي لي !! ترقبتهم ام سلطان .. مدت نجلا صحنها ووصلته سمر .. -يعطيك العافيه ..بنتي !! الله يسلم هاليدين !!.. -بالعافيه يمه !! .. باقي شوربه حطيتوا لها ؟؟ -ايه شربت الوليد ماشرب .. ! -بحط له .. خذ صحنك ذوق ..!! مد يده .. قابض ملعقته .. بترقب مبهج ..وشعور عامر بالبهجه .. عينه طافت بهم كلهم بدون يحسون فيه .. مستمع لسوالفهم .. تلاقنظرته بنواظر ام سلطان من كم مره .. ابتدى ياكل مسمي ..ووقفت نجلا تترقبه بحماس .. شاده مبسمها .. -هاه وش رايك ؟؟ زي هذا الي عجبك !! ارخى نواظره لصحنه محرك الثريد !.. -لذيذ مافيه كلام !! ناظرها وهو يرفع ملعقته .. -بالعافيه .. طيب زيه كيذا انت تبيه !! -الذ من الي ذقته .. رفع يده شارح .. ماقد ذقت مثله ابد !! تبسمت مستجلسه ... -امممم نجول يجنن مره ... -يهبل يابنتي مابه خلاف..والشوربه تهبل حطيتي للوليد ؟؟ اشرب منها ياولدي تدفيك عقب حماك !! -هتفت سمر . -ي حمى متى جاته حمى الحينن عليك حراره انت !! -لا سمر تعب الوليد الصباح بس الحين احسن .. ذكرتيني .. مدت يدها لجيبها مطلعه علاجاته .. المضاد .. والمسكن .. -رجلك توجعك صح ! هذا يبيعد الوجع .. !! وقت تقرب له المويه .. -هذي مويتك اذا كليت كل علاجك !! -عطني عصيري !!.. وقفت ماده يدها للجيك .. -هاتيه ابيه .. له طريقه .. التفتت له ومعها الجيك والكاس .. -وشهي ؟؟ انا ارجع الكاس من كم مره عشان يختلط صح !!!! خذاها منها يصب له بالكاس .. ويرجع يعيد ارجاعه ثم يصبه من جديد .. -هاتي كاسك ..بصب لك معي .. !! ناظرهم جميع -من يبي !! قدموا كاساتهم .. له صاب لهم .. خذتها نجلا لهم بترقب مبهج ... ثم جلست .. مد يده بكاستها .. -هذي كاستك بالعافيه .. رفع كاسته له وعينه عليها .. شارب بصمت .. اول ماخلص .. -حتى عصيري الي احبه من يدينك غير !!! ركز بنواظرها مبعد كاسته ..ومتابع ..بحس جهور .. -الذّ!!!! تبسمت شاربه عصيرها بحرج وسط هتاف سمر .. -ياعيني ياعيني !!! الله لنا !!ذق مكرونتي طيب !!! كليت ثريدها كله الي بصحنك !! نطقت ام سلطان .. -ماشاء الله بالعافيه .. اذكري الله يابنتي على اخوك !!تراني ماحب تناظرون بعض عالاكل !!! -لا يمه اقصد ياكل بعد من اكلي زيها !! عطته وجلسته متسانده على يدها تترقبه .. -هاه قولي زيها بالضبط !! قد ذقت باستا زيها !!! اطرف لنجلا .. بنظره عميقه ثواني قليله .. وكيف ينسى الباستا الي ذاقها من يدها ..بأول حياتهم .. نجلا بعد متسانده تترقب كلامه .. بحماس .. -لذيذه ياسمر .. الله العالم بتجيني تخمه اليوم !! نطقت باعتراض ضاحك .. -الله اكبر الحين يوم كليت مكرونتي بتجيك تخمه !!!! مقبوله منك معليش !!! -قلت لك راي فيها !! كل شي طبختوه زين اعجبني ماشاء اللع عند مواهب بالبيت وانا جايب طباخين !! وعاملات يباشرون !! اليوم انتم قمتن بكل شي !! نطقت رنا .. -تستاهل ياخخوي نقوم لك بكل شي !! يعني تشوف جلستك بينا عاديه !!! اول يوم رمضان من مات ابوي ماعشت هالفرحه والترقب !!! غير اليوم غير ... انت كلك غير !!! زادت بسمته ..بحبور .. -بتنفخون راسي ... التفت لام سلطان .. -شوفي لك دبرتن فيهم ياميمتي !!كبر راسي !! ضحكوا جميع .. تموا يتسامرون وحسهم المبتهج مخلف حسهم الباكي البارح .. ممحيه من الوجود .. كله .. وقفت سمر ..بعجل .. -يله وقت طاش امشوا القهوه والشاي ومخلوطك يمه هيناك !! قامت رنا .. -بنادي الممرضات يجيبون كرسيك امي !!! تحركت طالعه ... نطقت سمر .. -ترا فيه تقديمات خفيفه هيناك بعد !!بسبقكم انا .. !! طلعت تاركتهم ... تبي تأخذ سجاجيد أمها الي بتعطيهم إياها ..وتوديها معها ... قبل يجون .. تهادت خطواتها بشعور فرحان .. قابلت رنا جايه مع اللمرضات ..وكرسي أمها .. -اعجلي رنا يله يله لاتتاخرون !!! ضحكت لها رنا وهي تشفها تركض.. -طيب طيب لاتطيحين انتبهي !!! وقفت ملتفته لها وانفاسها تعتلي .. -رنا قلتوا لهم يشغلون عقود النور ؟؟ -ايه قالت لهم امي !! -زين ... يله لاتتاخرون خلوا سوالفنا بالخيمه !!! وقت دخلت رنا ... وانشغلت مع ام سلطان .. قرب الوليد هامس بحص هادي .. -جيبي شي يدفيك من فوق !! التفتت له .. لقته مركز بها .. حست بيده من تحت الطاوله .. تقبض فوق كفها البارد .. -بردتي يله قومي بنتظرك منيب رايح لين تجين !! توترت شفايفها .. مطرفه لهم ثم له .. -جرعتي ..!! ضيق نواظره .. -خذتيها خلاص !! حس بجمودها ..وارتباكها .. -متى ؟؟ ناظر كاستها تبع العصير.. ثم تلاقت نواظره بها مدرك انها فهمت .. تبسمت .. بربكه ..هامسه .. -ماحسيت بك .. تصدق !؟ تبسم .. شاد يدها ... -يله قومي ...شوفي خلصوا !! تراجع متساند باريحيه .. وعينه ام سلطان وهي تكلمه .. -يله لاتبطون علينا الحقونا .. !! -جاينكم .. وقفت نجلا شارحه -بروح اجيب لي شي وانزل !!!.. التفتت له .. -تبي شي اجيب لك من فوق !!! هز راسه ..بصمت ..رافض ..ضيقت نواظرها باستغراب .. -غريبه ماتبي جوالاتك !؟؟ ضيق نواظره .. ثم رفع هدب عينه .. ماد يده .. رافع كاسة الما .. -منيب مستعجل عليهم !!! ركز بها النظر اكثر مترقب ذقنها ..ونعومة نظراتها له -يله روحي لك دقيقتين ان تاخرتي رقيت وراك وسحبنا عليهم !! ضحكت متحركه من مكانها ومرجعه الكرسي .. -لا بجيك لاتتحرك من مكانك !! انهت كلامها ..متهاديه خطواتها بعجل يم الدرج ززماتي المصعد حتى فيها طاقه ودها تطير من الحماس ... اول مادخلت جناحهم توجهت ..لغرفة الملابس ... فاكه الدولاب تترقبه بعجل سحبت .. جت عينها عالشال تبع ام عمار ..همست .. -هذا وقتك !!! رفعت نفسها وخذته .. وتراجعت بعجل ... سمعت حس جوالها ... توجهت .. لصالة الجلوس اول ماشافته ..قطبت هدب عينها .. -هلا شيهانه نسييييييتك !!!! لاهيه لاهيه ... اخباركم بدوني هالسنه !!!! | ||||
|
| |
|
17-10-21, 02:26 AM
| #12529 | ||||
| نطقت مبتسمه ومتقدمه ..بتطلع .. -ياشييينه بدونك نجووول !!حتى نصوري مره فاقد الي تخشينه له تذكرين الكريما كرامل وهي حاره .. يحبها منك !!نسيت ابقي له اليوم !!! من اول بيكلمك !! -هاتيه ..هاه حبيبي !!! قفلت بابهم ... وتوجهت للدرج من جديد وهي تسولف معه ... اقبلت عالوليد .. مالقت احد شافت ظهره متساند عالكرسي تقدمت الين جت جنبه .. اشرت له وهي تتكلم توريه الشاال ثم همست .. -هدية ام عمار !! تبسمت ..متابعه لنصوري.. -ابش ابشر حبيبي ... بقول لشوش تجيبك طيب !! بس مب اليوم لا بعدين خلاص ؟؟ !عطني شيهانه .. ترقبت الوليد يوقف .. ويسحب عصاته .. ويترقبها .. قربت قابضه يده .. مبتديه تمشي معه بحنو منتبهه لرجله .. -شيهانه اخباركم ؟ اجاكم سعد !؟ -لا بس ودينا له فطور يقول نايف مشغول !! وصراحه حتى لو فاضي ماهقيت يجي نجول تخبرين انتي !! -اييي صادقه .. بس كنت بشوف كلكم او لا !! -يتواصل مع نايف !! نجول تعالي بسالك احد حولك !! ارتبكت ناطقه وهي تستشعر حرارة يد الوليد ..وهيمنة قربه منها .. -ايه ليه !!قولي عادي !! -نايف مضيق خلقي .. وش صاير بينه وبين سعد تعرفين ؟؟ -لا والله ماعرف .. قال نايف شي ؟ -نايف نجلا متحسر على فعوله معكم قبل ... !! تنهدت نجلا ... منتببه لتقدمهم يم الباب ... ترك يدها يفتح الباب .. ويلتفت لها .. -مافي يدي شي !! وش اسوي شيهانه انا !!! -لاتسوين شي ياوخيتي يكفي انك طيبه انا قلت له ينسى ذيك الأيام دام انتم بخير !! صح نجول !! -صح دامنا بخير لايتذكرها !! سمعت حس صارخ ..عالخط الثاني ... كشرت بضيق .. -روحي روحي لامك تناديك !! -أي بروح يله نجول سلمي عليهم كلهم ... عندنا جدتي والجازي تسلم عليك !! شدت مبسمها كارهه طاري ام عادل المشؤم .. -الله يسلمها سلمي عليها بعد .. مع السلامه !! قفلت داسته بجيبها .. ماده يدها داستها وسط كف الوليد ..تنفست بعمق وهي ترفع راسها وتشوف الانوار ..هاتفه .. -ولعوها مره ثانيه ... !!!ياحلوها ... ذا الانوار !!!.. رفعت راسها له .. ثم تركت يده متقدمه مواجهته تاركه للطريق ظهرها وخطواتها تمشي متراجعه عكس نظرة عينها المتوجهه له .. -اخبار اخوانك !! تبسمت .. -ماعليهم ..طيبين نصوري شاب عليهم .. يبي يكلمني !! هزت اكتافها زايده بسمتها ..هزت اكتافها !!! -بيتهم مفتقدني مره !! ناظرها بترقب لملامحها .. الذاويه بس جمييله .. عيونها مشرقه .. عيونها فيها روح الامل وحسها ممتزج بنبرة الإصرار .. -وانتي !؟؟ فتحت عينها .. بقل تصديق انه يسالها هالسؤال .. -انا !!! رفعت راسها .. مغمضه ..مبتديه تتراجع وتدور وتدرو وتدور ... -انا في بييييتي .... هذا كله بيييييتي..... !!! هذا عالمي انا عالمي لحالي !!! لفت ودارت .. ببطء .. مستشعره النعيم والسرور الي تحسه اليوم ... منتشيه باحساس متفرد .. ضحك بخفه ..وعين مبرقه .. -نجلا لاتطيحين !!! فتحت عينها ضاحكه .. وهي تشرح رافعه يدها بكل مكان .. -هذي انا هالمكان كله انا !!! شفت كيف مضوي وكله نور !!! عالمي هذا يالوليد !!! تبسم .. متأمل منظرها وشعرها .. المسترسل حواليها ... رفعت يدها تبعد خصلها عن ذقنها .. ..وهي تتابع ..بحماس خطواته وهو يتقدم لها ببطء.. اطرفت يم رجله عاضه شفتها بحرج انها تقدمته وخلته يجتهد بثل لين وصلها ..مدركه تعب كعب رجله .. ارتبكت وقت وصل لحد عندها .. قابض يدها ..ثم حاوط اكتافها وهو يمشي .. رفعت يدها شابكه اصابعها بيده المحاوطتها وفوق كتفها الأيمن .. -وانا عالمي انتي !! ماعندي شي اشتاق له من أساس كله انتي !!..لا البيوت ولا هالانوار ولا الاهل ... كلهم انتي !!! التفت رافعه راسها .. لقته يترقبها .. بعين مشرقه .. ومبرقه .. لحظتها دعت وسط قلبها .. ربي يحفظ له طلال .. من عمق عمق روحها رجت الله يرجعه له ولا يوريه فيه باس او مكروه .. سمعوا حس سمر الصارخ .. -يلللله وينكم تعالو بدا طاااش !!!!لاتفوتكم حلقة سعيداااان !!! التفتو ا لها متقدمين .. هتفت نجلا ... -جينا جينا ..جهزي القهوه .. -جاهزه امشي تعالي بسرعه ... ترا حجزت قدام التلفزيون والله ماقوم هذاني علمتك !!.. تراجعت بعجل داخله للخيمه ... وصلهم حس المسلسل .. تقدمت ماسكه يده ومبعدتها عن اكتافها .. -هذا الملسلسل اعشقه يالوليد بس غاده النسره ماتخليني استممتع فيه ... انهت منطوقها .. وهو بترقبها .. من بدا يمشي معها .. ورفرفه وسط روحه طاغيه .. جديده .. صوت قوي ثابت .. يصدح ..بروحه .. ويمحي مافات .. من ثواني الضيق .. وقت ابتدت تدور حوالين نفسها تذكر لها مواقف كثير شافها بدون تدري .. واولهم اللحظه الي سمعها تدندن وطلبها تصير له زوجه عن حق وحقبق .. وقتها ماقدر يقاوم الروح البريئه الي فيها .. استسلم امام جبروت ققراراته واستحكامه امام اته وجيده ..وسلم لها طالب .. بكل حذر .. تناصفه حياته الشقيّه بلا شعور .. اول مادخلوا الخيمه ... جت عينه يم التجهيزات ... وام سلطان .. -يامرحبا يامرحبا ... تعالوا اجلسوا هنيا !! تركت يده محرج من نظرات رنا المبتسمه لهم .. اما سمر مب معهم متراكيه .. وماه رجلها ..تتفرج .. عالحلقه .. مشت معه الين قرب يجلس .. -روحي عند سمر .. ناظرته .. بتردد .. ضحك بخفه .. -روحي روحي .. خذي راحتك !! ترقبته وهو يجلس ماد رجله .. تحركت جايبه تكايه ثم رجعت له .. -بحط ذي تحت رجلك .. رفعتها بمساعدته .. وقبلها سحبت المساجديه .. من رجله .. تنفست ببطء ثم قامت .. -اصب لك شاي او قهوه ؟ -انا بصب نجول ... هز راسه .. فاتح عينه .. باشراق .. -روحي شوفي مسلسلك !!! تركته متقدمه عند سمر ومستجلسه معها .. التفتت لها سمر .. تناظرها بمكر .. -نجلا ناظري لو الوليد زي سعيدان أبو ضروس بتعشقينه او لا !! صراحه ثولي تراها بذمتك !! -عادي اذا زي شخصيته بحبه !! -نصابه اخوي مزويووون كل البنيت يحبنه !!!عاد جا من نصيبك انتي !! هزت نجلا اكتافها .. -ماانكر .. انه مزيوون .. بس بعد شخصيته قويه تبهرني يعني !! كشرت سمر برحمه يم الشاشه .. -وسعيدان ضعيف ؟؟؟ وش زين شخصيته ناظري سنيناته بالله !!!..بس بيجرحك اذااا .. فتحت نجلا عينها بصدمه .. ساحبه خدادية سدو وحاذفتها ..هامسه -مرجوجه انتي متى تعقلين سمر والله اني استحي من كلامك !!! ضحكت سمر بحس عالي ... هامسه وسط ضحكها -الله ياذا الحيا تكفين .. انا اقصد هذا واسنانه صف لولو وضعك مزري كيف لو اسنان سعيدان !!! عاجلتها ضحكه قويه .. ونجلا تترقبها بقل تصديق .. وشي من الحرج .. شوي الا صرخت سمر .. -اححححح .. انحذفت بخداديه من وراها التفتوا كلهم .. وهي ششهقت هاتفه باعتراض -الولييييييد !!!! هزبها الوليد .. بتوعد ضاحك .. -اتركي مرتي عنك خل تشوف مسلسلها !!!! هزت اكتافها وهي تمسد راسها .. -ماسويت لها شي بس قلت لو الوليد يشبه سعيدان بتحبينه ؟؟ قالت النمروده لا !! ناظرتها نجلا صارخه ..بحرج وهي تلم الشال حواليها -كذاااابه !! والله كذابه احب سعيدان والله !!!! جمد لسانها وهو يناظرها بتركيز .. بدون .. يضحك .. وصلهم حس سمر الضاحك .. تناظرهم الاثنين .. -ماعليك انت ان هي حبت سعيدان .. اشرت بحماس ضاحك .. -انت حب حبيبة سعيدان واقهرها ياخوي ولا يهمك !!! الحين بتجي .. رفعت اصبعها لامسه خدها .. -تهههههببببل !!! خلها تحب أبو سنون مب نافعها !! عاجلتها خداديه .. محذوفه .. فتحت عينها بصدمه ... جهة أمها .. -يممممه !!!! علامك !!! وراك علي جزاني أراضيهم وش اسوي بهم اذا قلت خاتمتهم الاثنين !!!.. -يانت اهجدي خل نشوف عليان !!! استجلست سمر .مبتسمه لامه شوشتها بحذر ... وعينها على الوليد .. -يمه من عيونك خلاص بالله لاترهبني .. !! كشرت بعينها ... -ضعيف سعيدان والله !!!.. ضحكت نجلا بقل صبر .. -سمممر خلااااص اهجدي !!!.. بشوووف بتخلص الحلقه ... !!! استجلست سمر معطيه الجميع ظهرها كالسابق .. وهامسه -يويلي من عيونه وش ذا نجول شلون متحمله انتي ..!!بالله اذا عصب وين تروحين ؟؟ -حرام عليك اشغلتيني سمر .. بناظر .. رفعت سمر رجلها متراكيه على ركبها بذقنها ..بضحكه مخفيه .. -طيب ..طيب... | ||||
|
| |
|
17-10-21, 02:30 AM
| #12530 | ||||
| مرت الساعات ... خفيفه معاكسه ساعات الامس .. وضيق الامس ..ووجع الامس ... سولفوا وتسامروا ... الين اخذ من نجلا مبلغ الاجهاد ... والارهاق ... تناظرهم متراكيه على يدها ..وتستمع لهم .. قلبها معه من طلع ورقا فوق ... حست فيه مايبي تلحقه فوق .. من كلامه قبل يطلع .. (اجلسي معهم انتي برقا عندي شغل ..ثم بطلع الصلي العشا والتروايح ! ناظر رنا .. ونطق .. بحس آمر .. -رنا تعالي ابيك !) ترقبتهم نجلا بصمت الغريب انه ماسال حتى عن مفاتيحه كيف يأخذ جوالاته ؟!.. هتفت له .. -ومفاتيح المكتب ماتبيها ! التفت لها مقطب نظر عينه .. -الا وينها ؟؟ شدت مبسمها ..رافعه يدها -درج تسريحتي الأول وسط علبة خاتمي هذا !! هز راسه ..طالع وتاركهم .. --يله فمان الله .. -مع السلامه الله يحفظك .. ياولدي .. !! رجعت نجلا تتساند ... وعينها عالشاشه ...بصمت .. ترقبت سمر رنا وهي تمشي طالعه .. ثم اطرفت يم امهم الي دق جوالها ورفعته ترد ..واخيرا اطرفت يم نجلا -مجهده انتي نجول روحي انسدحي ... ! -لا اول بصلي ثم اريح ...! التفتت لها بحماس خافت .. -سمر متى نلبس الجلابيات ؟؟ -المخاوير قصدك اسمها مخاوير !! ضحكت ضاربتها بخفه .. -لاتدققين .. متى تلبسونها ؟؟ -بعد مانريح وننزل عالساعه 12 كيذا ... ! -اها زين ... -اخترتي وش تلبسين ؟؟ رطبت شفتها .. بتفكير .. -لا اذا رقيت اخترت .. !! ترقبتها سمر بتركيز .. -نجلا الوليد تهقين وش بيقول لرنا !!؟؟ -مادري والله .. شدت سمر مبسمها بتفكير وتابعت .. -القجر جا زناد !! وقابله الوليد !! ماعلمك ؟؟ قطبت هدب عينها ... -لا ماقال .. والله !! -امممم ياخوفي يمنعها تسافر معنا !! -شلون سمر هو لسه ماتزوجو!!! -الا عقد عليها خلاص !! يقدر يرفض ولازم تسمع هي !! بس مدري عن الوليد بيسمح له او لا !! ارخت نجلا نواظرها .. بتفكير متذكره اغلب مواقف الوليد مع سعد .. -الوليد بيشوف هي وش تبي وبيقنعه اكيد او بيقرر هو وش الأفضل لها بمشورتها طبعا !! تنهدت نجلا مكتفه يده .. -بقلقكم سمر انتيب تتركين المدرسه ورنا بترفض هالرجال بسبتي !! يالله رفع يدها تمسح ملامحها .. هتفت سمر ..بهمس .. -يابنت الحلا انا ابي الهجه أصلا مابي ادرس ... !! خليني اكمل معك بعيدن وناسه !!نتخرج سوا عشان حفل التخرج مانخسرهم !! أبعدت نجلا يدها ضاحكه .. -هذا هو يعني ؟؟ -ايه ايه .. خلني اسافر من زمااااان ماسافرنا قد وعدني الوليد بس ماجت الظروف عالكيف !وحتى الحين مب عالكيف !! لككككن!!! سكتت ثانيه .. مركزه بعين نجلا .. -اهم شي كلنا مع بعض صح نجلا !!! عادي ينتظر الباقي .. انت تحتاجين وجودنا والله ماخليك وحتى رنا ماهقيت توافق عشانك !! ارخت نجلا عينها يم .. اناملها المتشابكه .. -الله لايحرمني منكم .. قرصتها سمر وفزت من مكانها صارخه بخفه .. -بلا دراما يام دميعه انتي .. قومي دام ننتظر الصلاه وش رايك نغطس رجولنا بالبركه !!! قومي فزي .. استاقفت سمر .. وتبعتها هي ... -امي من تكلمين ؟؟ مييين خالتي ؟؟ سلمي عليها !! بنروح البركه نغطس رجولنا طيب ؟؟ شوي ونجي .. اشرت أمها هازه راسها وهي لاهيه تكلم تبسمت لهم .. مشت نجلا تتبعها جت عينها المراجيح .. شافت مرجيحتهم .. هب نسيم بارد ارجف به قلبها .. ثم اطرفت يم طريقهم متوجه للبركه ...مع سمر .. .................................................. ................................. فيلا .. العنود.. جناح غرفة النوم .. صلت التروايح ... وتطمنت على يزيد ... وقامت تستعد... طلبت من الطباخ يحظر الي تبي .. وخلتهم يجهزون ..كل شي ... ودها تعرف من جهز هالمكام كله ..ومين ..اثث .. المطبخ وادواته .. الوليد من أمر بالضبط ... معقوله فيه عنصر نسائي يعرف .. عنها ؟؟ .. بمحيطه .. استاقفت تشوف نفسها بالمرايا ... لافه منشفه حول شعرها ورابطه الروب حوالين جيدها المورد ..والمتشرب عطور حمامها الساخن .. تنفست .. مبتديه ترش المويه عالمرايا تبعد طبقة التكثف الي حاصله ... تبي تشوف برقة عينها .. وفرحتها .. شدت مبسمه ببسمه ... مستدركه ان فقط احساسها بقرب تواجده بحياتها اضفى لون وردي مزهر على ملامحها ... طلعت .. متوجهه لغرفة ملابسها .. جت عينها على فستانها .. عندها من قبل اشترته رغم انها ماكنت عارفه متى بيمدي تلبسه بس اعجبها .. لونه احمر دمي ..ماسك وفتحة الظهر الين المنتصف متعاكسه بسيور رقيقه على اكتافها .. ابتدت بهدووؤ تستعد .. على اكمل وجه .. وبحامس يرجف بها .. ويصعد بها فوق ... اول ماخلصت ناظرت نفسها نظره اخيره ... عينها ترقبت .. هيئتها الانثويه الطاغيه .. تصميمها وجرئتها امرأه مكتملة من الداخل ومن الخارج .. ظاهرها .. يسقط عقل اقوى رجل .. وهي هالشي خابرته واهملته من سنين ... صحيح جاب لها مشهور وخلاه يعشقه تفاصيلها بهوس .. لدرجة كرهت خلقتها !! لكن بعده جاها الرجل .. الي يستحق يتبادى هالجمال بين ايديه ... تبسمت ..مطرفه لساعتها بيدها .. الساعه 12 .. تعطرت .. وسمعت دق عالباب .. -ادخل !!! دخلت عامله معها مجمر ..فحم .. -هاتيه تعالي ... خذي ملابس الي بالحمام معك .. !! خلاص تحت خلصتوا شغل ؟؟ -ايوه مدام .. خذت المجمر منها وفتحت علب عطورها الخاص .. خذت من العوده الي عندها وتبخرت .. وروحها ترفرف... جت عينها على جوالها عالسرير ... والأوراق الي وقعتها عالكمودينو .. شدت مبسمها تاركه المبخر .. بتشوف وش صار معه .. متلى ياترا بيجي .. أساسا صوته البارح ماعجبها ..ولا أسلوبه لازم بعد ملكتهم تجلس معه تتكلم وتشرح له هي مب طايحه عنده .. نزلت بعد وقت تشوف التجهيزات ... تطمنت ورقت من جديد ليزيد .. فتحت الباب .. -يزيد ؟؟ وش تسوي تذاكر ؟؟ -تعالب امي حليت خلاص ..!! فتح عينه يشوفها بانبهار .. -يمه وش هذا ؟؟ الزين .. رفع يده لمبسمه ببرقه مصدومه.. -الله الله ياحلووووك !! وين بتروحين ؟؟ او بيجي احد ؟ تبسمت قافله الباب . -بييجي احد .. تعال نجلس وافهمك ... كل شي .. ترقبها بحماس .. -من يجي امي ليه كاششخه كيذا ؟؟ جلست ماده يدها له .. -تعال تعال بعلمك ..بيجي واحد تحبه مره .. !! .................................................. ................................. قبل بوقت ... جناح رنا ... أبعدت لحافها بحمق .. ماقدرت حتى تغفا شوي ... مقهوره من تهميشه لها طيب خذ راييي !!؟؟ كيف تمنعني من السفر !!!؟؟... شلون يبي تعتدل هالحياه وهو يتخطاها !! معقوله هذا الي جابه بعز الفجر للوليد ؟؟ حتى متاجرت تسال الوليد من نادى الثاني !!! رفعت يدها مغطيه ملامحها بقل صبر ... سمعت دق عالباب .. وقفت متوجهه للمدخل قافلته هي .. -جييييت .. سمر انتي ؟؟ -ايه انا افتحي .. فتحت لها وابتعدت عن الباب .. دخلت سمر عينها عليها ومظهرها .. -وراك معد نزلتي ؟؟؟ تحت .. ولاجهزتيييي !! ناظيني وش رايك بالمخور حقي ؟؟؟ التفتت لها رنا تترقبها وهي تلف حوالين نفسها بفرح .. -حلو ماشاء الله .. وقفت سمر .. -وراك ماتجهزتي ؟؟؟ فيه شي ؟؟ الوليد كلمك عن زناد او عن مين ؟؟ ! شدت مبسمها مبعده نواظرها .. عنها .. -تكلم عن زناد تصدقين مايبي اسافر معكم ؟؟ يبي ياخذني من الان !! برمضان ؟؟ لا وبدون زواج ولا لمه ولا شي عشان الضروف يعني !! قربت سمر مسكره الباب .. -مين هذا بالضبط زناد او الوليد ؟؟ لان غالبا زناد مايدري عن وضعنا !!! -لا مايعرف شي بس الوليد قال له ان عنده شغل .. بالخارج مطول وبياخذنا والوليد علمني انه رافض اروح معكم !! -ايوه وراي الوليد ايش تقدمت جالسه عالصوفا .. -الوليد يقول هذا رجلك مقدر امشي كلامي عليه كلمته تمشي او تفاهمي معه لكن حفه عليك تسوين الي يبي .. يقول اذا رجعتو بيسوي لي زواج كبير اشلرت بيدها وسع المكان .. ثم تنهدت متقدمه تتساند على ركبها .. -وش قلتي للوليد رنا ؟؟ -مابي اضغطه سمر وازيد همه وش بقول يعني !! يكفيه من الهم الي صار امس لاااه وتعب بعد مقدر حتى ابين له اني ضايقه !! قلت انا ودي اروح معكم عشان نجول !! -قال بتتفهم هي ولازم تشوفين حياتك وتبدينها صح مع رجلك بدون شد تكلمي معه واقنعيه !! -طيب رنا كلميه واقنعيه ..!! ناظرتها رنا بتفكير .. -ماظنيت سمر هو دام رفض قدام الوليد وش يدل عليه ذا !! -رنا تقارنين الوليد فيك ؟؟ انتي غير بيلين عشانك فهمتي !! مدري متى مخك يتفتح !! فتحت رنا عينها بصدمه .. -عسى خير ان شاء الله .. !! اشوك صايره تموقين بزياده وش ذا !!! احشميني !! ضحكت سمر .. بخفه .. -انا افهمك افهمك ... لاني اشوف الموفق من جهه ثانيه .. تنهدت مرمفه بيدها .. -اشوى ماعندي رجال يحكمني .. ويتحكم بي !!!تخيلي ماسافر معهمم كان بنهبل !! ضحكت رنا هازه راسها .. -من تحت ؟؟ -الوليد طلع من قبل .. ونجلا رقت تريح .. اكيد بتنزل شويات امي صلت ..وريحت وبنزل عشان تلبس .. بكون معها .. !! رنا تهقين يجي احد ؟؟ -مين يعني .. ! -عماتي مثلا -لا مب جايين .. -أتوقع بكره اجل .. عمتي ساره زمان عنها مره .. ارخت رنا نواظرها .. بصمت ثم نطقت .. -بكره عندي طلعه -وييييين ؟؟ -بروح ارتب لوضعي قبل السفر .. عندي كذا شغله ضروريه .. -يعني وين وين يمكن اروح معك .. رفعت لها راسها .. -لا بلحالي انتي روحي عقبي !!. ضيقت سمر نواظرها .. بتشكيك .. -يوووه تكفين سمروه فكيني من الترقب انزلي يله بتجهز .. وانزل .. !! .................................................. .................................... جناح نجلا والوليد .. من رقت عنهم .. صلت وغيرت واندست بلا شعور وسط فراشها ... معد رجع الوليد ولاكلمته .. شافت مكتبه مسايف .. وبس.. من حطت راسها غشت عينها .. وسط الظلام .. حاسه بفتووور واجهاد ... وخمول .. مجهد .. تدري وش أسبابه .. بس مستسلمه .. ومستقبلته .. بهدوووء .. مسلمه كل شي ماتقدر تغيره لرب العباد ... تركت الانوار مفتوحه كالعاده ... والشبابيك كلها مفتوحه ... حتى ماجهزت ولا اختارت وش بتلبس ... مافيها حيل ... وسط روحها .. شي من السكون ومعه شي من ضيق يشمل صورة سعد .. حتى ماكلمها .. ولاحاول !!! لارساله ولا أي شي !! .. صحيح هي غضبانه وحزينه منه لكن توقعت يحاول وصحيح بترده لانها عاجزه تقابله حرتها منه مابردت لان وجعه كبير .. حيل كبير .. قبل بوقت .. مكتب الوليد .. الأرضي .. شد مبسمه .. تارك جواله عقب كلم وخلص مكالماته ... مازال وضع طلال مجهول ... ومافيه أي تفصيل لو صغير .. عن حالهم الاثنين ... ترقب بصمت هادي ساكن المكان وهو أساسا مايشوف الا الهواجس المتشعبه براسه ... ارخى عينه يم رجله المضمده بشده .. بعد تكلم مع رنا وطلع .. وصلى التروايح راح يكشف على رجله .. وفعلا ملتهبه اعصابها جدا ..ولو صبر عليها كان مشكله .. بيستمر عالمضاد وربطوها له .. رطب شفته .. يترقبها .. حركها بخفه .. ثم رجعها .. مكانها .. رفع يده يحك ذقنه بتفكير ثم اسند ظهره .. مغمض عينه .. وساند راسه .. ينتظر مكالمه .. مهمه .. باله بعد مع نجلا .. خلى سمر تدخل تشوفها من كم مره ونايمه .. مازالت .. قال لهم يتركونها ومايصحونها .. تبسم وهو مغمض .. متذكر .. منظرها وحماسها وقوة صلابتها الي انوجدت بين يوم وليله .. قبل ينام كان فيه من شق الهم الشي الثقيل .. ويوم صحى وهو بين محانيها ومعها .. واستشعر الحياه المتوهجه فيها .. انقلب حاله وضيقه .. تبادى حس جواله رفع راسه ماد يده بعجل .شاف رقم العنود .. تنفس بهدووء رافع الجوال .. -نعم ؟ -السلام عليكم .. -وعليكم السلام .. !! -اخبارك الوليد ! قطب هدب عينه بقل فهم .. -العنود انا بيني وبينك شي ؟؟ حس بكون الطرف الثاني .. ثم نطقت فجاه .. -كيف ؟؟ مافهمتك ؟؟ مب قلت بتجي اليوم انا انتظرك طيب !! هذا كلامك ؟؟ -متى قلته ؟؟ متى قلت اليوم بجيك ؟؟؟ -انت قلت يالوليد اليوم تبي عقدنا يصير !! رفع يده يمسد باصابعه جبينه .. متنفس بحمق.. وناطق بحس هادي .. -انتي غلطانه قلت بكره ومكلمتني الفجر طبيعي بكره اقصد بها بكره مب اليوم !!! -مانتبهت ... -هذا أولا !!! ثانيا انا امنعك كل لحظه والثانيه داقه علي بجوالي الخاص وش عندك ؟؟ ارسلي رساله بتوصلني !!! انا مابيني وبينك أي علاقه لا من بعدي ولامن قريب ! -بكره بتكون زوجي يالوليد !! احتدت نظرته .. -ورقيا فقط يالعنود !!.. استجلس بحمق ناطق ..رافع اصبعه .. -اسمعيييي !!! لعاد تتواصلين معي ... انتي عارفه وش وضعي معك !!! أي ترقب منك يشملني بحياتك انسيه يالعنود !!! -انا ماترقب شي عارفتك كيذا من خبرتك بس انا مستغربه شلون متحمله زوجتك هالشخصيه منك !!!يااما انها تحبك مثلي او نطق بحس ثابت .. فاحم .. -زوجتي لاتجبين طاريها !! ولاتفكرين فيها ابد عدي انها مب موجوده !!ولا لك دخل بحياتي كلها !!! لاتحديني يالعنود احذفك لمشهور !!!! تراه عند حطة يدي !!! تنفست العنود بحمق .. -لا !!!!وغير كذا انا شايله زوجتك من راس ولاافكر فيها !!!.. ومره ثانيه منيب داقه عليك ابد .. ورجاء لعاد تهددني بمشهور .. !! انت تحسبني قليله يالوليد ؟؟ لاتنسى هالقليه الي تهددها ياما وياما احتوتك باسوء لياليك تذكر هالشي زين !! ضيق نواظره ..مبتسم بحمق .. -لاحول ولاقوة الا بالله ... !!..وش تبين يالعنود ؟؟ تذكريني بالي راح وش مقصدك ؟؟ علميني عشان اعلمك انا بعد !! تنهدت.. بحشلرجة حس .. -مابي شي .. مابي شي ابد !!! .. لكن خاف الله فيني ولاتهددني بمشهور وانت اعرف هو وشو من الرجال !!! قاطعها بحمق .. -خلاااص اجل !! احشمي نفسك عني !!!لاتخليني أوصل معك لاقصاي !!! هتفت بحمق .. -أوصل يالوليد أوصل !!!اقصاك هذا ابيه انا !! وانت تدري وش معناته اني ابيه !!!.. الي بعرفه ليه انت مضطر تتزوجني وانت غني وقادر تخلينا عندك وتهدد مشهور بنا ليه تتزوجني ليييه !! جاها رده بهدوووء .. -مايخصك !!!.. سكتت شاده مبسمها .. ثم نطقت .. بخفوت .. -انت تكابر ادري انا وانت تعرف .. قاطعها .. -انتي وش انتي أصلا !!! ممر مريت فيه برضاك !!.. وكنت حاسب له حساب وجا وقته .. مب معنى اني استمتعت بك كم ليله اني راجعن لك عشانها !!!!خيالاتاك شيليها ولاتدوشين راسي بها !!.. -تغيرت يالوليد !!! حرك هدب عينه .. -كلنا نتغير .. محدن يبقى على حاله .. !! -طيب ممكن يكون عندي علم متى الورق ذا يكون بينا ؟؟ -بكره بجيكم عقب التروايح خلك جاهزه بجيب معي الشهود .. والشيخ ..!! -تعرف شروطي اكيد صح يالوليد ؟؟ -وش شروطك ؟؟ وغير الي قلتيه ؟؟ -أي غير !! ابي أأمن نفسي .. معك ..وبعدك .. !! -الي بالورق ووقعتي عليه ماكفاك ؟؟ وش تبين زود عليه !! انا عطيتك الي ماتحلمين فيه !!! -لا ماعطيتني !! هذا الله بيعطيني إياه مب انت الي احلم فيه الله بيعيطني !! --انتهى الكلام .. بينا لاعاد تدقين علي ان شفت رقمك بحظرك !! أي شي ضروري كلمي مشعل !! -ومشعل هذا حتى بعد زواجنا بكلمه !!؟؟ احتدت نظرته حاسس بشرار ,بروحه ..وضيق ..ناطق .. -بعد ماعقد عليك منتيب متواصله مع احدن ابد !!!!.. تبسمت بحمق سافر .. -طيب .. -يله بسكر !.. سكر منها بدون يسمع لها .. تنهد بغضب منها .. إصرارها الي فاهمه .. لابد يحط له حد .. دق جواله من جديد ... رفعه ..بعجل .. هو الينتظره .. -نعم !! -طلع الان سعد بن غازي من التوقيف !! -ممتاز .. بيض الله وجهك !! التحقيقات الي تخصه سريه تحفظ لكن بسريه تامه !! وتنقل لفرع مكاتبنا الي تخص تحقيقاتنا !! -ابشر سايدة العميد .. -طلع لحاله او معه احد !! -معه اخوه -تمام .. يعطيكم العافيه ... قفل منهم ..دام طلع مع نايف فهو مطمن ... اهم شي يتاكد انه بيمشي جيزان ... بكره بيردون عليه بخصوص .. المحكمه وموعدها ..يبي يقدمه .. وبيتواصل مع نايف ببخصوص.. عيلة الهواري ... استاقف ... من مكانه ... متحرك .. ساحب عصاته هالمره لازم فعلا يتكي عليها وييحط كل قوته عليها ... طلع من مكتبه ماتواجه مع احد .. توجه للمصعد راقي ... | ||||
|
| |
|
| أدوات الموضوع | |
| انواع عرض الموضوع | |
|
|
73040Likes
العرض العادي
