وخُلقتِ مِن ضِلعي الأعوجُا=خذني بقايا جروح ارجوك داويني * مميزة *

[قلب لايصدأ]

الذين يشاهدون محتوى الموضوع الآن : 254 ( الأعضاء 61 والزوار 193)
‏قلب لايصدأ, ‏ضحكة خجووله, ‏دنيتي دونكـ ظلام !!, ‏مشاعر م, ‏هاجر!, ‏Rahaaff, ‏mawadaa, ‏Sahar12, ‏ساميرااا, ‏ام ارجوان, ‏دكتورة صيدلانية, ‏شجون الحنين, ‏موكاااا, ‏emily55, ‏قال الزهر آآآه, ‏أم عبدالل, ‏معين هتان, ‏لآلئ, ‏^_*, ‏سر علني, ‏ميار عبدالله, ‏زهراء ش, ‏بدوويه, ‏هيفاء الحربي, ‏ام شوجي2009, ‏ريما الشريف, ‏شاكره لله, ‏Hmas, ‏فاطمه.م, ‏أم الحور, ‏مسو عوض, ‏Maha bint saad+, ‏مرتاحه وماكله تفاحه, ‏mooogah, ‏الرُبى, ‏Sarah Sarah, ‏ثمرو, ‏ميلا راكان, ‏وراقة, ‏امنه عمر سالم, ‏رولا خالد, ‏Shr shr, ‏أرق, ‏ذكريات العمر, ‏no7no, ‏Hamedh, ‏الربيع الجميل, ‏Elhelween, ‏راء!, ‏نارجسيه, ‏نووررهه, ‏االنايفة العنزي, ‏غروب خيالي, ‏ملكةالقمر, ‏تفله, ‏Rahafll, ‏م ممم ممم, ‏اسى الهجران, ‏M.MK, ‏همسة حوووب, ‏نجد1415
قراءة ممتعة للجميع
منوره ياقال

[أرق]

صباحكم خير ، شكراً قااال بارت جميييل ويحزن ف نفس الوقت وكنت متوقعه موت ميثا الله يصبر قلب بناتها ،
والجوهره اخذت الجوال من دون مايدرون عنها كيف رنا مافقدته بتزيد عليها المصايب

[صباح مشرق]

سلمت يمناك قال الزهر فصل موجع ومبكي
قلبي حزين على ميثا وافكر في طلال والبنات اذا درو عنها
انصدمت صدمه قويه ماتوقعت شهود زواج الوليد من العنود زناد ونايف
خفت من جراءة العنود مع الوليد
البندري ويالله من البندري وحركاتها
ذكرتينا باجواء وطعم ايام وليالي رمضان الله يبلغنا يارب
قوة وسطوة وجبروت سعود الى متى
فصل قوي ومشاعر جياشه مدري شاقول وشنهو اخلي
شكرا ياكاتبتنا المبدعه 💝

[Maha bint saad]

الذين يشاهدون محتوى الموضوع الآن : 227 ( الأعضاء 57 والزوار 170)
‏Maha bint saad+, ‏عروس الشرق, ‏فاطمه.م, ‏ساميرااا, ‏noura 203, ‏نووررهه+, ‏الغزال الشامي, ‏marwa15, ‏جودي_, ‏سمائي قمر, ‏محد يهزمني, ‏فرييدةة, ‏ارض اللبان, ‏أم مودي النضرة, ‏ام هنا, ‏marwa2010, ‏ذكريات العمر, ‏غيم الصيف, ‏جمانه_, ‏ملوكة 3, ‏مريم عبدالرحمن, ‏يضحو, ‏عهود حربي, ‏روايتي سعادتي, ‏الديراويه, ‏يلديز جمال, ‏انصاف عبدالله, ‏نوشا محمد, ‏ياسمين78, ‏طربيزة, ‏مها_, ‏mooogah, ‏Amool.12, ‏mo0ony, ‏دكتورة صيدلانية, ‏Saro7272, ‏•عائشة, ‏Maaaha, ‏farah mum, ‏أم الحور, ‏^_*, ‏Shr shr, ‏ميرا الخالد, ‏هاجر!, ‏no7no, ‏han0, ‏حلم فتاه, ‏العذرآء, ‏فطوم ال عمر .., ‏lama., ‏موضى و راكان, ‏emily55, ‏حليمة سباغ, ‏سارا خالد, ‏الآمال, ‏Elhelween, ‏الربيع الجميل


قرائه ممتعه للجميع …

[ام ارجوان]

بارت حلو و مشوق روعه رجعت نجلا قويه و متفائله حلو اجواء رمضان معهم تجنن فرحت لان رمضان مثل ماخططت حلو شعور الوليد برجعت حبيبته قويه و لبى ام سلطان ياعرب تهبل وبناتها الحين الجده نوره مصدقه نفسها مره لي الحق وانا الكبيره ليه نست وش سون بسلطانه هي عليه لوم وتتحمل نصف الجريمه كان قبضت الحيه حصيص عنهم ولا من قوة الوجه تبيه ياخذ العقرب وامها خربت حياة امه بس هم الناس كذا الصافع ينسى والمصفوع ماينسى ويامالهم من الخير جاي حلو ظهور ساره و حنان رحمة نايف يشهد على زواج رجل اخته هذا اذا عرفت نجلا بتنقهر منه واللي سواءه الوليد بحيث ان نايف شهد على زواجه ماعد يقدر يفتح فمه عند نجلا حركه خبيثه من ولدنا بس حلوه😂 يعني مزاعله الاخو وين تروح مالها الاهو وبعدين هو مايبي احد يدري غير الاثنين زناد ان درت رنا بتفجره و نجلا بتاكل نايف والجوهره قرب الموت ارسل رنا توصل لها الجهاز هو اصلن مراقب جوال اخته يعني بيدري وش بتسوي الكلبه وخمدان بيتولها يعني راحت فيه نجي للي فقعت مرارتي في البارت العنود هوعلمك مايبيك الا تترزز لين جاها قضاها ياكبر الاهانه حجمها بطريقه مرعبه ماحد يتحملها وهو ينتظر هذي اللحظه من الكلب مشهور و الحبيب طلول بخير زين ماراح عقله ما اتوقع يدري عن شغل الوليد كعميد ركن احس ماعنده علم والا يابنات🧐 ام طلال مادري احس ماماتت نشوف الجاي بيوضح والكلبه الجربا الثانيه بنيدر واضح من بيكون سبب وجودها تحت سقف بيته البندري جعلها تموت ليته هو اللي رد عشان يقضي لها تقهر مايبيك لازقه هي بس واضح بيكون حسابها عسير مره بيقضي عليه مره وحده ياخي الكلب سعود وش يحس فيه يذبح و مستانس 😂 بكذا ضمنا انه ماراح يقرب للعقرب عنيد احس بتنتقم منه عن طريق نجلا مدري وش بيصبرني للسبت الجاي مره متحمسه 😂😂

[نووررهه]

صبحكم الله بالرضا والسرور والمسره اللي مالها حدود
اول شي احب اعتذر منكم لأني رثعت🙈 بالبارت اكتب ومادريت انه نزل وجا تعليقي بوسطه ليت احد يحذف التعليق ولا يشوف له صرفه كأنه حبت هيل بلقمة رز 😂😂
يوووه ياقال وشلون اعبر لك عن شعوري بعد البارت يمكن تنصدمون مني بس انا مبسوطه اي نعم مبسوطه كذا في فراشه تحوم بقلبي ضحكه شاقه وجهي ماني قادره امسكها ولا ابي
xقال انا جايه لك كعابي ببوس راسك اللي قدره ربي يخلق لنا هالأبداع وبحضنك حيييييل عشان اوصلك شعوري من هالبارت والروايه كلها صدق مافي شي يعبر عن شعوري الا انك تشوفين وجهي الحين مافي حرف يوصف احساسي تبارك الرحمن على القدره اللي رزقك اياها الله يديمها ويحفظك من سوء 💛
فيني مليون شعوري كلها متزاحمه بصدري بكل لحظه منها شعور يطغى على الثاني مبسوطه ومصدمه ومتضايقه وبحاله عاليه من الترقب وانا اقرا البارت
مبسوطه من الفكره اللي وصلت لقلبي نجلا من تعب الوليد وشلون قررت توجه الأبتلاء بقوة صبر وعظيم شكر مو بضعف وشتات وشلون استشعرت حاجه الوليد لقوتها وحاجتها هي بعد انها تكون قويه عشان تنتصر على شتاتها اي كنت متوتره من ضياع تفكيرها وهي تتصرف وشلون كانت تنسى وتتذكر وتضيع وتثبت بنفس اللحظه تعب قلبي معها كان ودي احد يمسكها ويقولها بهدوء ان كل شي بيعدي كل شي بقدرت الله وجت امنا مهره 💓وقالت اللي بقلبي كله وش الأم اذا ماكنت مثلها وش داعيها اذا ماكانت ركن ثابت بالعاصفه قلب حاني بالحزن عقل مرشد بالشتات فخر عارم بكل وقت قال صورت لي الأم بأعظم صورها واجملها 💕

[نووررهه]

انا كأني كنت واقفه بركن بعيد اشوف فيه ارتباك نجلا خوفها وتشتت افكارها وحركتها السريعه تجمع افكارها وتبعثرهن بنفس اللحظه ثباتها للوليد يوم همس ضميني كان يخلق فيني شعور ماقدرت افهمه يشبه العجز وقلة الحيله تبي تسوي له كل شي والسم اللي بعروقها يشتت عقلها وافكارها 😔
وفجاءه هفت على وجهي ابتسامه تحولت لضحك يمحي كل شعور قبله لما شافت ان اللي جا دكتوره وضربت معها الغيره شوط تمنيت الوليد صحى وشاف استقعادها لدكتوره عشان ماتلمسه😂😂
تصدقون خفت لوهله على الدكتوره يوم قالت لنجلا انها بنته حسيت ان نجلا بتهبد الدكتوره بالنيرس وتفكت منهم 😂😂😂
طول البارت كنت بحالة ترقب لا توصف بدت من خفت ان الوليد يهذي بأمور شغله بدون وعيه واستكنت لما اخذ الأبره ونام 😧
معرف اتكلم عن شعوري عن الوليد قال دايم تتم وصفه وتكفيه مافي اوضح من وصفها له لما صحى وترك لنجلا زمام اموره و نظراته وهو يستوعب شعورها اللي جاها من بعد تعبه تفكيره العميق بأبسط تفاصيلها وافكارها فهمه لروحها قبل حكيها خلاني اشوف نجلا من عيونه احبها بقلبه اخاف عليها مثله بالضبط
xوهي تحاول فيه ينقلب على ظهره حسيت بالعجز يتملكني وحالته تسحبني لأخر مدى الضيق وشلون القوي من القوه ضعف وشلون تحامل على نفسه وهو يداري كل شي وعجز يداري نفسه قادر على كل شي وعاجز يلتفت لنفسه ثواني يسند نفسه فيها لين تخلى عنه جيده لجل يذكره انه انسان وله بالضعف والأرتخاء حق واول مانزلت حرارته وصحى رجع يكبت نفسه ويتنفس تفاصيل الأمور ويداري كل شي بدون مايراعي حق نفسه عليه😤
ثقت نجلا بشكلها اللي بدت ترجع لها من بعد تصرفاته معها خلتني بحاله من الراحه اللي تغشنا عقب التعب مثل اللي ركض اميال وقدر يوقف دقايق يلقط انفاسه كلامها لنفسها ثقتها بلبسها طبخها ورغبتها الكبيره بأنها تنجز وتبهره وتكون قد وعدها شعوري معها ماينوصف تغيير نظرتها لحالتها جرأتها وهي تواجه تعبها استشعارها لتعب جسمها وثباتها امام هالتعب بدون خوف وهلع منه تذكرني بنعمة الرضا اذا انزله الله بقلوبنا مهما يصير بنصبر برضا وقوه 💕

[نووررهه]

فرحة الوليد بلمتهم على الفطور وشعورهم اللي مابخلو عليه فيه نظرات عيونه اللي كان كأنه قاعد يحبس هذي اللحظات بصدره قبل ماتختفي من قدامه يفطني لعمق النبذ والجرح اللي طعنه من قبل نجلاه وجا الحين يداوي هذا الجرح فيها
شفتوا ضحك سمر حمقها لقافتها تعليقاتها احسها تشبهنا كلنا بحبها لنجلا وحرصها مجاكرتها للكل هذي اللي تنحط على الجرح يبرى 🤗
ورنا بخوفها وترقبها وشتاتها هي للحين ماهي مصدقه انها سلمت من شر الشيطان الجوهره للحين ماهي قادره تستوعب انها طلعت من ماضيها سليمه للحين شعور الذنب يعانق روحها ودها تكفر عنه بكل طريقه وتبدي الكل على نفسها يمكن بكذا تقدر تسامح نفسها شتاتها مع زناد وترددها كله بسبة خوفها من المستقبل واللي جاي معه ودي احد ياخذ بيدها ويهدي خوفها ويذكره ان التائب من الذنب كا من لا ذنب له خطة الوليد اللي عاونته فيها وكلامها عن نجلا عند الجوهره ودفاعها حسيتها مثل اللي انقرص وصار يتحرص على كل اللي حوله مايجيهم مثل اللي جاه حتى لو كلفه هالشي روحه

[نووررهه]

انصعقت وانا اشوف زناد ونايف يشهدون على الزواج وقفت شوي احاول استوعب وعجزت عجز نايف اوجعني حيرته وضيقته وصدمته والأدهى الظن اللي ظنه ان يزيد ولد الوليد صح اني فرحة ان الزواج ورق بس فكرت زواجه نفسها راح تجلط نجلا والخايسه البندري خييير وش تبي ودي ياصل لها علوم الشيطان الجوهره وسوات الوليد فيها كوود تفكنا من شرها وودي بعد الوليد يدري عن نيتها السوده عشان يسود لها عيشتها بحق وحقيق 😠😤
عديمة الكرامه عنيد يممممممممه ياوجه الله يالله اني داخلتن عليك منها وش ذا وش هالأدميه صدق من اي مستنقع طلعت لنا بسم الله والله اني خفت منها وش كمية الرخص اللي فيها حسبي الله عليها كانها روعتني فوق ما انا منقرفه منها
ذي مصيبه مريضه بجيحه يععع صدق يععع وش بنفسها ذي شرهانه على الوليد لأنه بيردها لمشهور وماهي شرهانه على كمية الذل والأهانه اللي بنفسها خييير صدق ذي😨 تخوف انا خفت على الوليد منها وش بتسوي بنجلا لو تقابلها صدق تقرف يعني الوليد بين لها هي وين ووش حجمها ووضعها الحقيقي بحياته والعنز عنز وعنز تنطح بعد تكفون احد يروح يشب فيها ويريحنا هذي وصلت مرحله ماحد وصلها من انعدام الكرامه واحترام الذات حشمة النفس اظن مامرت عليها ابد😨😱 يالله اني بوجهك تصيح من اهانة الوليد لها وماحست بأهانتها لنفسها ذي يبي لها سفاح يذبحها ويرجع يتأكد ست مرات انها ماتت قبل يدفنها 😫

[نووررهه]

وفاة ميثا ماحسيت بوجعها كثر ما اوجعتني خيبة ووجع الوليد منها ومن سواتها انفجاره بنجلا ونفسه ضيق صدره اللي رجع يستجمع عليه انهياره الصامت واكثر ما اوجعني حاجته للبكاء اللي نساه من صغرهx صادق صبرها خرطي وتفكيرها اللي مشت فيه كان بأعلى مراحل الغباء وغبائها جاب نهايتها شايله هم بسمه واشواق وطلال اذا وصلهم الخبر طلال اللي ارتحت بشكل ماحد يتصوره لخطته ان شاءالله ماتنكشف لين يوصل له الوليد 😞
ثبات نجلا قدام الوليد وهو بقمة عصبيته كلامها له وقفتها الصامته قدامه هو نفس الكلام اللي قاله لها من قبل لما قال لها اذا عصبت لا تروحين وتتركيني حتى لو انا طلبت اقعدي معي لين يهدى ضيقي وزعلي
❤
قال جعل عمرك طويل على طاعه وصحة ولمة من تحبين حولك الله يجبر بخاطرك دنيا واخره بعد ماجبرتي خاطرنا بهالبارت قلنا لك ان اشتقنا لضحكهم وماخلتيها بنفوسنا وضحكتينا معاهم اي كان اللي بيجي قدام ونعيشه معاهم مهما كان يوجع انا واثقه فيك تهونين علينا الضيق والوجع صرنا نستسهله حنا حتى الألم صار له من بعد حرفك طعم ثاني كنت مشتاقه للبارت الطويل الليx قوووه والحمدلله جا هذا البارت اجمل من اللي انتظرته اسأل الله ان يبارك لك بوقتك وجهدك ويسعدك دوووم💛
لي رجعه ان شاءالله مع اني ادري هرجي طويل بس الشكوى لله للحين في اشياء واجد بصدري 😊