آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
18-07-19, 12:56 PM
| #41 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الجزء الثاني..بارت 6 رواية..انتي سيوف الثأر في اجفاني بقلمي..سمو العراق 💔💔💔💔💔💔 جنت واكفه ويه مصعب وبابا ورايه ... شفت واحد طبگ بسيارته ونزل ... حطيت ايدي علئ صدري من شفت هذا ........ هذا هذا خالد ... صرت وره مصعب وعصرت الفايل بيدي.خفت ياخذه مني سلمته المصعب ... مصعب لزم الفايل بيده وخلاها بين فايلاته ... خالد تقرب منه وهو يرسم ابتسامه خبيثه علئ وجهه كال....هله بشوفير مرتي هله بخادم القووم مصعب گله...خيير رايد شئ خالد باستهزاء..اي اريد امشيلك راتب تحلل لگمتك بيها مصعب بتساؤل..راتب الشنو انت شبيك تخبلت خالد ببرود..لا لا ماتخبلت بس راتبك ومو تشتغل شوفير لمرتي مصعب بعصبيه...طليقتك بنت خالتي والي الشرف اوصلها ... خالد بحدده...واني ميشرفني ويمكن انت تعرف اني محذرك من قبل نسيت لو اذكرك طلع بابا من الشركه .. واني وكفت مقابيل خالد جاوبته بحده..خالد رجاءا انت ليش مجاي تستوعب اني وياك لازم نفترق لذالك لا تسويلي مشاكل خالد وهو يعص شفته...افااا اني هسه صرت اسووي مشاكل صدك انتي ميجي بعينج بس ميخالف تهونين ويالله خلصت اجازتج شوكت اجي اخذج جاوبته بااستهزاء..من الصحراء يطلگوها كاشي غمزلي وببتسامه..نطبگها لعيونج ليش لا نزلت راسي خجلانه منه ومن مصعب بابا وصل عدنه سلم على خالد بس خفت يجفص ويكوله قدمت لدانيا ... خالد سأل بابا بفضول...شعدكم هنا؟ ودانيا وياكم بابا جاوبه..دنقدم للدراسه بااوكرانيا خالد عقد حواجبه..لمنوو؟ جاوبت بسرعه..لبابا هو ديريد يدرس طب عام خالد بشك...اهاا وين الفايل بالله جاوبته...بعد بس سألنه ان شاء لله غير مره نجي بابا جان مذهوول ومصعب صافن ... خالد كال...وانتي اصلا شعندج تدخلين مؤسسات همه يقدمون انتي شنو بالموضوع ... بابا تدارك الموضوع...اني جبتها ويايه احتمال هماتين اقدم الها وندرس سووه ... خالد...لا تدرس بالعراق خارج العراق ممنوع ... عقدت حواجبي بعصبيه...انت شعليك بابا كال..اشش بابا عيب ان شاء لله نتفاهم اني وياه خالد بخبث..عوفها عمي خلي تطلع لبكلبها بس وحق الناموو بعلي دانيا ماتدرس خارج العراق لو تنزل ايه من السماء ... مصعب جاوبه...انت اصلا حتطلگها شكوو تتدخل بحياتها ... خالد حط ايده مقابيل وجه مصعب وبحده...رجاءا لا تتدخل من تدخل في ما لا يعنيه لقي ما لا يرضيه...اطلع منها وليدي وؤا تدخل بحجي الكبار لا يلوحك طشار...اوك مصعب جاوبه باستهزاء...بس هي تريد تطلك خالد...لا هي تدلل ويحق الها ... بابا جاوبه..يعني حلوه بحقنه واكفين بباب الشركه نتداهر خالد..اي صح مو حلوه يالله تفضلوو اوصلكم .. مصعب..اني اوصلهم خالد...لك بابا انت شبيك زعم تريد تخبلني روح لا والله اتصرف وياك غير تصرف خليني محترمك وكول لخاطر ابو رانيا مااريد احجي ... تنهدت..اووف منك منين طلعت ومنوو اصلا گله احنه هنا هو دائما مراقب مصعب بس اكييد هذا مو سبب اكوو واحد گايله معقوله رانيا ... مصعب جاوبه...بس اني جبتهم واني اخذهم بابا جاوبه..عمي مصعب مشكور خلي خالد يوصلنه وان شاء لله انت غير مره وتسلم ماقصرت خالد لزم ايدي ومشه بيه للسياره مكدرت اعضه مثل كل مره بس ما سكتت نبتت اضافري بيده هو ولاكانه يحس عنده عاادي ... ركبنه بالسياره اني،وره وهو يسوق وبابا بصفه بعد مجاب الفايل وانطاه اليه ... اني حاولت اخفي الاسم ... كل شويه وعدل المرايه يباوع عليه واني ممهتمه اله ... شغل مسجل السياره ... طلعت اغنيه جانت بوقتها اغنيه هسه ضاهره للساحه وحلوه ... كلماتها دكول...لو طار السمج بسماي افكر يمكن ارجعلك ... اول ماقره اول مقطع خالد عبالك تكهرب بسرعه طفئ المسجل ... اني ابتسمت بااستهزاء...ودرت وجهي للشباك ... اي والله اله تطير السمج بالسماء ياخالد يالله ارجعلك .. انتبت لبابا سأل خالد بابا...اكولك خالد شنوو عمار ما لزمتوو خالد بتنهيده...كلب لا والله.. الكلب وفي النذل فص ملح وذاب ناس كول خرج تهريب خارج العراق وناس دكول موجود بالعراق ... بابا...وانت شدكوول؟ خالد بثقه...داخل العراق لان اتفقت ويه المهربين ورهنت بيتنه والمحل البشورجه اذا لزموو يسلمونه الي ولحد الان ماكوو ....احتمال بمحافظه من محافظات العراق .. بابا...احتمال...اذا لزمته تقتله؟ خالد..اكييييد واشرب من دمه وخلي عبره لمن يعتبر تنهدت اخاف من خالد مجرم معقوله يقتل ابن عمته وقاتل اخوو سلمه للشرطه واسكت شكوو بعد تقتله ولا القتل مو هين ... وصلنه للبيت ونزلنه ... بابا كله...اتفضل؟ هو باوع عليه كال..لا ان شاء لله غير مره واخذ دانيا وياي بابا كله...ان شاء لله هو دخل ايده بجيبه طلع محفظته وطلع فلوس انطاني مااخذت ... تقرب مني وهمس بصوت خافت ..اخذيهم والله لو ما بالشارع جاا حطيتهن بصدرج رتعش جسمي من جرائته شكد سخييف لا وبابا واكف...يالله هذا شبي بنص الثلاثين وتحسينه مراهق .. اخذتهن واديه ترجف ودخلت بسرعه للبيت سمعت ضحكته عرف بنفسه احرحني ... شويه ودخل بابا مسحت وجهي احس عركت كلت لبابا..بابا ليش دكوله ان شاء لله ارجع وياه كال..اي ليش لا حتئ تسافرون سووه وتدرسين هناك ضحكت ..شووف بابا شديحجي ميعرف بخالد مخبل عباله مثله عاقل ... دخلت لغرفتي ... اخذت موبايل ماما ... اريد اسوي كروب كبير واضيف كل الاعرفهم واتراسل وياهم بلكي انسئ شوويه مشتاقه العذراء اريد اخابرها ... لكيت رسائل جايه من عبله ... فتحتهم لكيتها كاتبه...دنوو ميسر متخبل عليج يكول شلون مثقفه وحجيها حلو ومؤدبه اريد اخليها تكبل ويه واحد من جماعتي ... تنفست بضيق الحمدلله مخليه باسوورد الرسائل عبله جان شافتهم ماما وتخبلت .... رجعت خابرت رانيا خطيه اليوم عرس سحر . كالت...الوو هلاوو دنوو حبي ونبي جنت اريد اخابرج ضحكت بااستهزاء..اي مبين؟؟ رانيا...لا والله اصلا بالي عندج من خابرتني سلسبيل لحد هسه اريد بس افرغ واخابرج عقدت حواجبي...شوكت خابرتج؟ رانيا...قبل شويه اتصلت وخوفتني عضيت شفايفي بعصبيه...ليش شكالت ... رانيا بخووف...كالت الحكوو الدانيا ترئ مريضه ومدگول ... دانيا بهدوء..لا ماكوو شئ حسيت برانيا تبجي وصوتها يرجف...صدرج شبي؟ حسيت انهبطت...لا لتخافين مجرد عقده بصدري كال الدكتور ان شاء لله تروح ماحسيت اله ماما دخلت مرعوووووووبه .... قفلت الموبايل بسرعه ... ماما جانت تتنفس بصعووبه كالت...دااانيه لج شبي صدرج شنوو عقد كلتلها بخوف وتردد...ءءءء لاااا مابي شئ. هيج ممم مااكوو شئ عاطت بوجهي بعصبيه...لج دانيا احجي شبييج لا والله هسه احرك البيت نزلت راسي بخجل والدمعه بطرف عيني...مجرد عقده لا تخافين ماما ضلت تلطم علئ وجهها وتبجي ..ولج يا مجرد عقدده وج شلون تضمين عليه والله موتني ثنينحن .. كعدت علئ السرير وتلطم وتبجي كالت...ولج دانيا اني امج ماادري شبيج لا والله كرهتني بروحي وين الموبايل خلي اخابر ابووج طلع ... والله كلبي انترس دم منجن ... ضلت تشهك وتبجي واني هماتين ابجي ابوس بيدها .. خابرت بابا وبابا تخبل لان تبجي بالموبايل ... هو جان ديريد يروح للشركه ... رجع بسرعه ... ماكوو عشر دقايق وهو يمنه ... شاف ماما تبجي واني ابجي كال بخوف...شكوو؟ ماما جاوبته بنحيب...دانيا بيه مرض خبيث بابا من صدمته وخووفه وكع علئ ركبه وحط ايده علئ راسه ... ركضت عليه وحضنته وماما هماتين ... بسته بخده واني حاضنته وهمست...لا والله ماكوو شئ ان شاء الله ال دكتور كال مجرد عقد لا تخافين باوعلي بحسره كال...البسي خلي اخذج للمستشفئ لبست بسرعه واني ابجي وماما تبجي ورحنه للمستشفئ ... بعدين بابا رجعنه وكال باجر اخذج الدكتور رافد بشارع فلسطين دكتور معروف هو يقرر بسس ضلت ماما وبابا بس ياكلون بروحهم وماما بس تبجي حتئ خوفتني .. ...................... سحر .. بعد ليلة متعبة كضيتها بس ابجي افكر بلي راح يصير بالعرس وليلته بس .. وعيت على صوت بيبي وهيه تكعدني .. شكد ضايجه منها _ يلله ولج سحرية مابسج نووم كومي كومي . كمت مديت ايديه افرك بعيوني وخرتهن ورفعت راسي اباوعلها .راسي مصدع _ساعة بيش هسه _ساعة ٦ ولج يلله كومي _جاوبتها بحده.. بعده وكت واني البارحة مانايمة مدت ايدها لراسي ورفعته كالت شو باوعيني ولج .. ياااا هاي ليش هيج عيونج حمر كومي قسليهن وج انتي اليوم عروس .ليكون باجيه لان البارحه ضربتج ولج تستاهلين اكو وحده تسوي فعلتج نفضت مني الفراش وكمت ههه تقتل القتيل وتمشي بجنازته توجهت للحمام غسلت وطلعت خلوا الريوك وام خالد تحط بيدي باللكم واني مااشتهي ام خالد : ولج اكلي اليوم عرسج والله يسعدج اكلي _ جده.. والله ماشتهي اكوم اقسل . سمعت جدتي دردم ورحت للقرفة خذتلي خاولي وملابس ورحت للحمام سبحت ولبست وطلعت انتظرهم للعشرة طبت بيبي عليه للقرفة _ يلله ولج سحرية اجو خفي ايدج لاتأخرينهم .. كمت متثاغلة وشي بداخلي مايريدني اروح لبست عبايتي الاسلامية خذيت جنطتي وتبعت جدتي واني زعلانه عليها شعري احسه يوجعني و امشي ومشاعري مخربطة خوف على توتر شي بداخلي مو غابل يسكن ويهدأ . طلعت الهم شفتهم بالباب واكفين وينتظرون سلمت عليهم .. اخته كالت يلله سحر اصعدي بالسيارة . جدتي وجهت كلامها لاخت علي .. _ لج عيني ماوصيج بعد سووها حلوة وترسوها مكياج خلولهه حمرة حمرا هيه حلو عليه الاحمر . ضحكت وردت عليها تدللين خالة نطلعها كمر انت الج الصافي لاتديرين بال .. بس شويه تحكمي بااعصابج نريد نصعد بالسيارة صاحت علينه مرة ثانية _ ولج يمه موتودينهه صوب علاوي ولاتخلينه يشوفها منا للعصر خووش. _ صار خالة صار تدللين طلباتج اوامر .. بس مبينه كاره جدتي كوة فكتنا جدتي وطلعت بينه السيارة .. وصلنه للصالون وكعدت انتظر دوري وغبلي عرايس اثنين .. سمعتهم يسولفون عن ليلة العرس والعلاغة بين العريس والعروسة ويحجن بالخط العريض . اشمئزت نفسي ولعبت رووحي .. انتباني الم بمعدتي وبلحظات صارت تخبط حسيت محتاجة اتغيء ..اذكرت غيس وفعايله بيه خليت ايدي على حلكي والتفتت لاخت علي كتلها حبابة اريد اروح للحمام .. باوعتلي ماعجبها حالي كامت على حيلها بسرعة لزمتني بخوف واخذتني للحمام وكفت يم باب الحمام كلتلي بنبرة خوف .. تردين افوت وياج خاف توكعين هزيت راسي برفض ودخلت بسرعة بدون ماانطق .. دخلت وسديت الباب .. فتحت البوري بسرعة ودنكت ع المقسلة وظليت اتغيء والالم يعصر بطني .. سديت البوري واحس محتاجة هوا كرفصت وسندت ظهري للحايط غمضت عيوني ولازمة بطني لحظات وسمعت صوت باب الحمام تندك واخت علي ورة الباب تصيح _سحورة فتحي الباب لاتخوفيني عليج انقهرت عليها خطية مهتمة بيه كمت بقوة ضئيلة وايد ترجف فتحت الها االباب .. باوعتلي مصدومة اجيت اوكع لزمتني .. ومشت بية شافنها الي بالصالون انقهرن عليه .. ام الصالون .. عيني روحي جيبيلهه عصير ليمون طبيعي اكو واحد بالفرع يبيع .. _ اي رايحة بس فدوة ديروا بالكم عليها .. _ ان شاءالله .. راحت اخت علي واني بقيت كاعدة ع التخم اجت وحدة انطتني مي شربت منه بللت لهاتي يبست وام العروسة الثانية لزمت راسي وقرت عليه ايات قرانية بينما اجت اخت علي وجايبتبي عصير ليمون طبيعي وجبروني اجرعة كله .. يقيت شوية خلصت شغل العرايس باوعتلي مبتسمة كالت هاا ارتاحيتي تجين اشتغللج .. هزيت راسي وكمت من مكاني ورحت امشي بخطى ثكيلة والعيون تراغبني وكعدت على الكرسي .. رفعت راسي بيديها كالت شبيج وجهج شاحب عيونج مورمة وعبالك باجية ومنايمة انت مجبورة شي ؟ مجاوبتها تركت الحواب لاخت علي .. _ لا حبيبتي ممجبورة بس هيه خطية مو منا ويتيمة ماعدها احد اكيد بهيج يوم تحتاج اهلها .. ام الصالون .. يافدوة عيني والتفتت لاخت علي كلتلها شسمه زوجها _ اسمه علي كامت خلت راسي على صدرها وحضنتني كالت هسه ان شاءالله علاوي يصيرلج كل اهلج .. باوعتلها بامتنان ابتسمت ابتسامة مصطنعة .. كرصتني من خدي كلتلي بس انت بهالليلة صيري سباعية وحسسي انت تحبينه حتى هو هم يحبج ويشيلج على راسه .. وهسه راح اطلعج تخبلين ملكة جمال .. حسيت براحة كلامها وصل لروحي فعلا الكلمة الطيبة اله اثر بالنفس لذلك الله عادل اجرها ويا اجر الصدقة .. وحسيتها فعلا شالت من همي .. مكيجتني وخلصت لبست بدلتي وسوتلي تسريحة طلعت حلوة كلش .. اجه علينه علينه علي وطلعت وسط دعوات الكل الي بالسعادة ..اخذوني جلسة تصوير بالتصوير واثناء مانسوي حركات للصورة علي يخلي ايده عليه جسمي رجف كله قرب شفافه من اذني وهمس _حبيبتي ليش دترجفين انت بردانة ؟؟ بدون مااباوعله وشفافي ترجف ومتشنجة حييل كتله لا لاموبردانة .. خلصنا تصوير وودونه للبيت .. واني طول الزفة متوترة حييل .. واعصر باصابعي بيبي كاعدة يمي وتلغي بس احس صوتها بعيد عني .. اجه لزمني من ايدي وزفونا للغرفة وسط الهلاهل الي ملئت ارجاء المكان والي صدح صداها بأذني .. كعدت على السرير .. نزع سترته واجه يمي طوق اكتافي وحضني .. توترت كلش .. كال واخيرا صرتي بحضني وصرنا تحت سقف واحد .. مجاوبته .. وخر مني كال يلله كومي بدلي حتى ناكل بقيت ساكتة .. كام بدل ملابسه وفتح الباب وطلع .. ورة ماطلع دخلن وراه اخته وبيبي اجت بيبي كعدت يمي واخته راحت للكنتور ظلت بيبي تكرص بيه وتحجي بنبرة كلها تهديد اسمعي ولج سحيران شقلتكم الليلة خلصوها باجر اريد نيشانج زعم باجر ارجع للكوت افتهمتي .. خفت من تهديدها كلش .. اجت اخت علي ناوشتني سيت نوم كالت كومي لبسي باوعت الها وفكيت حلكي وصفنت بكرصة قوية من بيبي فزيت من صفنتي _ يلله ولج سحيرة كومي لبسي حتى تتعشون وتفضونها ترة تجيج الشهرية وتعاي لحد ماتخلص وانه ماكاعدتلكم هنا اريد ارجع للكووت .. كمت على حيلي واخذت سيت النوم بعجز ورحت للحمام بالقرفة وبدلت .. السيت نوم من قطعتين جوة كيمونة وفوكه روب القطعتين قصيرة حد الركبة وبي حزام ع الخصر لبستهم وطلعت شفت علي جفلت وظليت اشد بالحزام على بطني من كد التوتر .. اجه يمي واخذني كعدني كبال الاكل وظل ياكل .. واني كاعدة مقابيله وماحركت ساكن .. رفع نظره الي كال متاكلين حبيبتي .. مانطقت احس الكلام واكف بحنجرتي ومااكدر اطلعه .. سوا لفة زغير ومد ايده الي كال يلله اكلي حبيبتي ورااج ... وضحك وماكمل كلامه .. ودنك وبعده يضحك وياكل .. كوة اكلت اللكمة . وبعدها خلصنا اكل رحت غسلت وطلعت شفته بس بالتراكسوت ومتمدد .. بقيت واكفة بمكاني .. شافني اجه يمي اخذني من ايديه بهدوء ورحنا على السرير .. مددني ومدد يمي ومنتجي على عكسه ويباوعلي قمضت عيوني وحسيت لمساته عليه سحب الشريط وفتح الروب .. على اثر لمساته تشنجت واجاني صوت الكوافيرة وهيه تكولي صيري شجاعة وبيبي وهيه تخوف بيه اخر شي اجاني صوت غيس وهو يسمعني كلامه البذيء وتصورته مكان علي .. حاولت اقوي نفسي واستسلم بس مكدرت بدت قوتي تتضائل وتطلع على شكل شهكات وظلت تزيد وتعلى كلما يتعمق بحركاته لحد حسيت مااكدر اتحمل وصوت غيس بأذني وحركاته .. دفعت علي واني اصيح عوفني اتركنييي لا تقترب منييي .. نزلت من السرير شفت الروب ماكو وبس بالكيمونة طوقت جسمي بيدية واهذي وااشهك .. كعد على السرير يباوعلي مصدوم كال اهدي اهدي اني مقدر وضعج ميخالف اصبر عليج حتى لو شهر يلله تعالي نامي .. حسيت كلامه هدأني .. وبعدني اشهك مشيت للسرير تمددت وانطيته ظهر وخايفة هو ماحاول يتقرب مني بعد .. جريت الغطا ولفيت روحي .. تعبانة حيل ونعسانة بس الخوف متملكني مامأمنه منه خاف يجي الي مرة ثانية لحد حسيت انفاسه ثكلت درت شفته متمدد وايديه جوة راسه ونايم .. درت وجهي ولفلفت روحي بالغطا عدل ونمت .. ليوم ثاني الصبح كعدت مالكيت علي يمي .. كمت من السرير تمططت . رحت للحمام غسلت وطلعت ... انفتحت الباب وطبن ام علي وخواته يهلهلون ويصفكون وطشوا الجكليت عليه .. انقهرت بداخلي خطية فرحانين بابنهم بس ميدرون اني مانطيته حقه شسوي موبيدي ابتسمت الهم بوسوني وراها طبت بيبيتي باركتلي بوستها وحضنتها .. طلعن خواته وامه وهيه كعدت يمي على السرير التفتت الي وكالت _ ها ولج وين النيشان ؟ تلكئت بالكلام كتلها _هاا ماا كو تعبانين ماكدرنه البارحة لطمت على رجلها وكرصتني حييل بزندي ولللج ليششش حمارة مادبرتيها ولج اليوم العصر اريد اولي ارجع للكوت شكول لعمج شكول لمرته غير اخذ نيشانج وياي .. _ بيبي رحم الله والديج تركيني ترة مالي خلك .. _ والج عين تحجين بعد ظلت تكرص بية وترزل .. بهالاثناء دخل علي كال صباح الخير . خالة ترة هالشغلة بيناتنا رجاءً مااريد احد يتدخل بيها وبعدين عادي مو اله من اول ليلة .. بيبي : اسمعني انت وياها انه العصر راجعة للكوت عدكم بس هالظهرية كملوا شغلتكم وانطوني النيشان . وخلت وطلعت .. علي .. باوعت لسحر عيونها غايرة وحمرة وشفايفها مبوزة وجهها كله على بعضه متجهم .. كتلها مبين بيبيتج متحمسة اكثر مني وغمزتلها وابتسمت .. حسيت ملامحها ارتخت وطلعت منها احلى ابتسامة اسرتني وقيدتني بأغلال سحرها وبرائتها .. رجاءا اهل البيج لحد ينشر البارت لان مكامل ونشرته لان ديتهموني بالتهاون والاهمال واني ممخلصه لذالك نشرته وفعلا حالتي الصحيه مدا تتحسن باجر ان شاء لله اكمله...البارت خاص بسحر وعلي .. كونوا انتم كونوا بخير ... سمو العراق...احبكم | ||||
|  |
|
18-07-19, 12:59 PM
| #42 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تكملة البارت السادس من الجزء الثاني رواية..انتي سيوف الثأر في اجفاني بقلمي..سمو العراق 💔💔💔💔💔💔💔💔 ابتسمت عليه بحزن..جدتي لازمه الباب وتريد نيشان واني متوتره وخايفه وعلي جان اسلوبه حلوو.... تقرب مني ولزمني من خصري وعيونه تتاملني.. دمعت من خجلي وريقي جف..احس اطرافي جمدت بالحضات اتذكر غيس ولعانته ويايه واتذكر ضربه اليه وانه جنت ضعيفه لا حول ولا قوة... حسيته نزلني علئ السرير واني صدري يرتفع وينزل من الخووف... حسيت بغثيان ما اكدر اخلي يتغرب مني اخااف ضلت شفايفي ترجف... وهو ضل يوزع قبلاته على خدي... احسه غيس النايم ويايه مو علي انه بعدني ما متعوده على علي وجدتي لزكت ماتروح اله نيشان.. حسيت روحي طلعت من غربه..« قربه » دفعته بثنين اديه وصرخت بخوف وانه الملم بملابسي عليه... كتله بنهيار..عوووفني ماااريدكك ماااريدد يممممه تعالي مااريييييده ضليت انحب وابجي بصوت عالي وهو تخبل لزمني من اديه حيييل گال بااستغراب...لا ترديني لج انتي شنو سالفتج راح تخبليني كل ما اوصل بقربج تنهارين انتي عندج واحد همست بخوف ورجفه...لا لا والله وروح اهلي علي بعصبيه...لعد شبيج:؟ سحر بشهكه..مااريد انه حتى بعد مامتعوده عليك ولا اعرفنك اكييد صعبه عليه... مسح علئ شواربه بعصبيه وحسيته يهدئ بنفسه كال...يالله نصبر ماعندي شئ بس اخاف يا سحر تطلعين غيير شئ لو بالج واحد وحق الله اذا طلعت شكوكي صح وحق الله ماارحمج سكتت بس احس عيوني غوشت... هو كال... سحر هاي جدتج راضعه ويه ابليس وبما ان انتي متقبلين لازمنه نيشان مزيف بس جدتج شلون تعبر عليها.... سحر ببراءه...جااا شسوي علي بحيره..شمدريني بعدين راح يدور بالجرارات علئ شئ حااد شوويه واجه كعد يمي لزم المقراضه مالت الاضافر..واخذ المبرد الموجود بالمقراضه ورفع رجله وسرفن طرف التراك طلع رجله.. ولزم طرف المبرد وقربه من رجله... اني تقربت عليه وضليت اباوع عليه بخووف... هو جرح رجله بصعوبه رغم المبرد جديد وحاد واني غمضت عيوني حييل.. رجعت فتحت عيوني وهو حط القطعه البيضه علئ رجله ولوثها بالدم واني صافنه عليه بذهوول هو سوه حركه كمزني من مكاني نفخ بوجهي..بوووووه. كمزت وحطيت ايدي على صدري وابجي هو حضني وضحك بصوت عالي... كال بحنان...لهلدرجه تخافين هزيت راسي بلا... همس بهدوء..سحر حاولي تبينين انتي تعبانه لان جدتج اعوذ بالله منها يمكن اخت ابليس برضاعه بلعت ريقي...جااا ليش تأخذ قيبتها..« غيبتها » علي..والله جدتج قيبتها حلال علئ گولتج..ولج هاي جدتج نزلوو بيه فتوئ الياخذ غيبتها يدخل الجنه ضحكت بهدوء...ههههههه منهو نزل هاي الفتوئ علي...شيخ صديق خالي خالد... رفعت اصبعي وكاني فرحانه بااجابتي...ابو لهب علي احتضني وهو يضحك ...عفيه شاطره اختفت ابتسامتي من حضني علي حيل حباب ميستاهل وحده مثلي عدها سوابق.. مانسمع غير دگت الباب.. جدتي صاحت...خااب شنهي اخرتوني... علي تافئف...استغفر الله هسه رجلها والگبر غير تكعد انه صح جدتي قاسيه بس ما ارضئ علي يقلط عليها مهما يكون هي مره جبيره وملتزمه بعاداتها وتغاليدها راح فتح الباب وانطاهم الوصله وهنه ضلن يركصن ويهلهل عبالك محرر الموصل... جدتي دخلت عليه وتباشير الفرح علئ وجهها... كالت وهي تضربنه..عفيه عليج سحير مانزلتي راسي وطلعي بت همزين غيس ما واصلج سحبت نفس عميق وزفرته...لو تدري بيه لحد الان كولشي ماكوو يمكن تجنزني... دخلت عمتي والبنات وضلن يباركن الي...ويبوسن بيه واني ارد ببتسامه ومجامله... وبعدها جدتي لمت ملابسها وراحت للكوت... ............................ ثاني..يوم صادف جمعه لان سحر تزوجت اربعاء علئ خميس... كعدت الصبح من النوم لابسع تراك خفيف ولافه شعري ليفوك...غسلت وجهي وطلعت من غرفتي شفت امي كاعده علئ القنفه ولامه رجليها علئ صدرها وتبجي بصمت تنهدت وجريت نفس رحت كعدت يمها وحضنتها هي انتبهت عليه وزادت بالبجي بستها بخدها وهمست...ماما شبيج علئ كيفج والله اصلا اني ممتغيره اكيد مابيه مرض خبيث لو متغيرة جان اني هماتين خفت.. باوعت عليه كالت وهي تمسح دموعها ..يا ما متغيره اشوو وجهج اصفر وشعرج ديتساقط باوعتلها بنظرة بريئه...اي حاله نفسيه اكيد يتساقط شعري واذبل حضنتني وبجت... طلع بابا من غرفته وهو ينشف بوجه بالمنشفه... كال..صباح الخير ماما همست...منين يجي الخير ودانيا مااعرف شبيها بابا جاوبها...حجزت الها السبت ان شاء لله ...والله الي يكولي دانيا مابيه شئ والله انطي بيتي... ماما بجت كلتلها...والله لو اعرف انطي روحي وكل املاكي واكعد بالشارع بس دنوو مابيه شئ انطي كلها..الله كريم اني تلقائيا دمعت من كلامهم خله اثر بنفسي كوولش قووي ومعزتي ما نكروها شكد احبهم همه وطني ربي يحفظهم واكدر اسعدهم ولوو اني لحد الان ممسويه شئ يرفع راسهم بي كله من وره ابو الشوارع دمر مستقبلي واستوطن احلامي واحتل تفكيري... صهيوني..احتلني احتلال وماكوو فرج منه... منين اجيب شعلان ابو الجون يحاربه... انتبهت علئ صوت ماما...دوونه حبيبتي نروح اني وياج لخاله ام مصعب همه شويه تغيرين جوو ويه البنات.. ابتسمت ابتسامه صفره..بكيفج كال بابا...حضروو روحكم حتئ اوصلكم... ماما راحت تحظر نفسها واني هماتين عشر دقايق وخلصنه... وبابا هماتين بسرعه بدل ورحنه مسافة الطريق وصلنه البيت خاله بابا مقبل يدخل.. احنه دگينه الباب وبابا راح... فتحت خاله الباب ابتسمت بصدمه وفرح من شافتنه ممصدگه جاين الهم وخاصة اليوم جمعه والكل كاعد.. باوست ماما وباوستني... دخلنه لكيناهم هسه ديتريگون.. عبله كاعده علئ الكرسي ودتاكل كدامها الطاوله مالت الطعام بالصاله وتراسل... وسلسبيل هماتين دتتريك...ومصعب مقابيلهم من شافنه البنات فزن فرحات... عبله ...يااااااي خالتوو ودنوو والله ممصدكه مصعب ابتسم وحط ايده على الكرسي... سلسبيل كامت سلمت علينه... سلمنه عليهم وكعدنه... ماما اول مكعدت بجت وخاله استغربت كلتله بااستغراب...خييير ام رانيا شكوو صاير شئ ماما سحبت شهكاتها بحزن واطلقت العنان لدموعها...اي مصيبه وطاحت علئ راسي خاله بخووف...خييير شكو ماما بجت...دنوو احتمال بيها مرض خبيث بصدرها خاله لطمت صدرها...يمممه اعووذ بالله انتي شد دكولين سلسبيل..لا هو شك مبدئي ان شاء لله ماكوو شئ لا تخافون ام مصعب بعصبية..يعني انتي تدرين وساكته ماما كالت بعتب...اي ثنينهن ساكتت منتضرات الفرج شوكت يجي مصعب كعد يمنه بتوتر واضح عليه ...دااانيه معقوله ومتحجين والله ان شاء لله اخذج الاحسن دكتور جاوبته بشكر...تسلم مصعب بس،بابا حياخذني وان شاء لله خيير مصعب..ان شاء لله والله يا دانيه اوكف الج وكفة زلم وادللي وان شاء لله ما بيج الا عافيه ابتسمت بحزن...تسلم مصعب مقصرت... خاله كالت..دنوو حبيبتي تعالي بالله يمي خلي اشوف صدرج خجلت حيل من كلامها كدام مصعب وهو خطيه حس بسرعه راح الغرفته... تقربت من خاله هي دخلت ايدها بصدري ...التمست العقده ماما جانت مترقبه بخووف...هااا ام مصعب شفتيها خاله ام مصعب بلعت ريقها..اي ام رانيا موجوده كتله وضاهره... ماما لطمت علئ وجهها...صخام بوجهي عزه العزاني يممه بنيتي المسكينه يمه الصغيره سوده بوجهي المرض لامج يا ضناي... حضنته ونمت بحضنها وبجيت...ضلت تمسح علئ شعري وتبجي وخاله وبناتها يسكتون بيها... سلسبيل...والله خاله لتخافين الدكتور كال ان شاء لله حميدة مو خبيثه... ماما كالت..ان شاء لله والله خروف الوجه الله وتعالئ بس كون الله يبشرني بيها... ضلينه كاعدين يم خاله وكدرن يطلعن ماما من جوو الكابه الي هي بي... بس ماما كل شويه ترجع النفس الموضوع... بعدين رحنه لغرفة البنات... سلسبيل ضلت تسولف ويايه... وعبله ملتهيه بحبيبها... سلسبيل صاحت عليها خاله وراحت تساعدها بالغداء وعبله اجت كعدت يمي كالت..اذا اكولج هسه فد شغله متصدكين كلتلها..شنوو؟ كالت..ميسر حيدفع قسط الجامعه يييييييياي فتحت عيوني مصدومه...انتي شددكولين لج قسط جامعتيج اكثر من مليونين شنوو غايته يدفع هيج مبلغ كالت بغرور...يحبني كلتلها...حبته حيه ام رأسين منين يجيب الفلوس هذا مكسر كالت..لج بابا بالدووله تعرفين شنو بالدوله كلتلها...هاااا حرامي بالدووله افتهمت حبي كالت بعصبية...لج لا تحجين علئ ميسر اصلا نزيه كلتلها...اي مبينه النزاهه واكعه من جيوبه... كالت...انتي ليش تكرهينه والله هو يحبج ودائما يسأل عنج ويكول سلميلي علئ دنوو ونطيني رقمها حتئ أسأل عنها...دانيا اختي واعز من اخواتي جاوبتها ...لا بالله خاف ميرضئ مكسر كوليله لعبها علئ غير دنوو ترئ تربية الصهيوني علمني علئ اصول الحقاره كولها...لذالك ليحاول يوكعني كالت..عزاا بعينج شيوكعج هو حبيبي تعرفين شنو حبيبي كلتلها..حبتكم حيه شعليه بيكم تركتها وطلعت... صاحت عليه بااستفزاز...تغارين لان تزوجتي زواج فاشل وزوجج مامعترف بيج حييييل قهرتني من حجت هيييج بس ماعرفت ارد عليها تمنيت ارد عليها بكلمه تطير جبهتها بس انعقد لساني من حقارتها... بس كلتلها..علئ الاقل زوجي وبالحلال حتئ لو فاشل مو مثلج مكسر مدري شلاعب بيج وضال يورق عليج حسيته دخنت...وتعصبت.. تركتها ورحت مزعوووجه حييييل كالت سلسبيل..شبيج دنوو ليش گالبه خلقتج كلتلها..هي صخله مدري عبله دكول تغارين مني لان زواجج فاشل وزوجج ممعترف بيج كالت..تولي البعيره متعرف تحجي مصعب دخل كال...اي فعلا فاشل وتافه وحقييير بلعت ريقي واحس اعصابي تلفت شكوو يغلطون مهما يكون هو زوجي حتئ لو هو غلطان لازم يحترموني... سكتت محجيت كال...والله علئ يوم اشتكي عليه اله اخلي يعفن بالسجن ضحكت لازم ارد عليه هيج تعلمت من خالد بس سكتت اذا ارد مصعب يزعل مني واني مااريد ازعل اي شخص... اتذكرت كلمة خالد من جان يكول الاصيفر امه متنسيه بيه حييه لان مثل الحيه يكرص ويضم راسه كال..دنوو تطلكي احسن والله كتله..الله كريم.. تركتهم ورحت يم ماما حطيت راسي علئ رجلها وهي ضلت تمسح علئ شعري وتبوس بيه.... وبعدها تغدينه ومصعب وصلنه البيتنه.... ورانيا كوول شويه تتصل بس احنه سوينه الموضوع عادي ما قلقناها... ...................................... رانيا جنت كاعده بغرفتي ارتب بيها...بعد مرور يومين من عرس سحر عندي قلق كوولش قوي من ناحية داانيا بس كل مااخابرها يطمنوني عليها ودكول ماكو شئ... كملت ودخلت سبحت... كعدت انشف بشعري ومشطت حطيت مرطب لاديه وحمره فاتحه... دخلت عذراء بدون ماتدك الباب... عذراء بلبكه..رانيا رانيا الحكي رانيا بخوف..خير شكوو كالت...راح يجي ابو لهب وامه يشوفوني عليج العباس طلعيني احلئ من هيفاء وهبي... ضحكت..صدوك حيجون يخطبوج عذراء..اي والعباس مجاي اصدك اكرصيني بلكي استوعب...ياربي والله مستحيه من خلقتي خلقتي سر عنوستي ضحكت...لا ونبي تجننين عذراء...يالله ميخالف احلفي جذب بس اريدج تطلعيني حلوه بحيث ابو لهب من يشوفني يضل يغني... لو عذيره لو مااريد حياتي حبي جديد وتهز جتف وتركص... ياربي هل بنيه مخبله... كلتلها روحي غسلي وجهج ولبسي وتعالي... ركضت دقيقتين واجت غاسله وجهها ولابسه ثوب جويتي وشال نفس اللون... باوعت علئ روحها وكالت...رووح ابو لهب بعد شتريد خويلد جابلك مره طالعه اليوم جني قلم جاف ههههههاي.... ضحكت حطيتلها مكياج والله طلعت حلوه نزلنه اني وياها جووه هي متعرف تستحي كل شويه وكالت..فدووه علموني شلوون اخجل كلتلها..عذوره بس نزلي راسج لا ترفعينه لان ابو لهب متدين لزمت اديها برجاء...عفيه رانيا عفيه كله دلعيني عذوره حتئ من تجيبون الجاي صيحي عليه عذوره تعالي اخذي الجاي حتئ ابو لهب يعرف اني مدلله وكيوت ومليانه كياته فديتني امي اليوم لبستني ازرك ابو لهب اذا يبوسني والعياذ بالله يدمر حبر خههخخ... استغفرت ربي واني اضحك عليها... دخل خالد كلها..هلا هلا بالزين كله شطالعه جنج حاويه مال زباله عذراء..متضامنه ويه حاوية اهل ابو لهب شايفتها هم زركه ههههههههاي متت من ضحك ذول شبيهم مخابيل يربي... كلتله..فدووه اتاخر ابو لهب شسالفه يصلي صلاة التراويح دخل يجي مو انكطع كلبي عفيه خالد روح جيبه بتكسي... كلها..هسه يجي لا تلحين عذراء..فدووه خابره خالد ..ولج لا انتي قطعه نادره مانريد نشمرج هيج شمره لازم ندلل عذراء..يابه خلي نكطع مهر ودلل براحتك بس خليني اتبركس براس ابو لهب وطيح الفأس براس ههههاي خالد..ادري ابو لهب لو محارب ضد الرسول بمعركة احد هم مايصير بيه هييج خطيه مضلوم شلون بلوه راح تطيح عليه عذراء...هاااا هااا شبيه والعباس قطعه نادره ماكوو مني شويه واندك الباب صار طشارهم ماله والي عذراء وامها تركض واخوانها صغار وعمتي هم وياهم... راح خالد هو يضحك فتح الباب واني دخلت بالمطبخ دخل ابو لهب وامه واخته... جان شاب ضعيف حييل وطويل وصاحب لحيه سوده وملامحه حلوه والوقار مبين علئ وجه وعندي احلئ من عذيره بقاطات خطيه عذراء ضلت ترجف طبعا وبكل ثقه مو خوف بس تخاف مينعجب بيها ابو لهب... المهم شوويه وطلع خالد صاح عليها وهي لبست عبايتها وراحت اخذت الجاي وطارت.. ركضت واني اضحك واباوع عليها من الزرف مال الباب جانت كاعده مقابيل ابو لهب...وابوها وعموو هم كاعدين وتتبسم وابو لهب يباوعلها ويسبح بسبحته وينزل عيونه.... ضل يسولفون احنه اجينه علئ الاخلاق والادب ومااعرف شنوو وان شاء لله نخليها بعيونه ... وبعدين راحوو هو وامه واخته...وخالد طلع وياهم احنه دخلنه وعذراء طايره من الفرح... كالت.. يممممه يجلط بالعباس لو ماعيب جان بسته امها ضربته...ماتستحين ماتخجلين مو عيب ولج ابوج خطبني حتئ ما شفته وكلشي مااعرف ولحد الان كولشي مااعرف وانتي لا تستحين لا تخجلين عذراء ضربت ايد بايد وكالت...والله موتتني كوولشي ما اعرف وكولشي مااعرف وازوجت ابوج ولحد الان مااعرف وهي مخلفه ست جهال جااا لو تعرفين شكد تخلفين... ضلينه نضحك عليها ...وامها ضلت تضرب بيها ودخل خالد وهي وكفت ملهوفه عليه... هااا خالد بشر.. خالد غمز الها..يكوول ابو لهب ماشاء لله ماهذا الحسن و الجمال اشبه بحور العين عذراء لزمت ادين خالد ممصدكه.. لا العباس عليك خالد...اي والعباس...تعال لج عذراء عند يا كشافه مشتغلات عذراء بفطاره..والله ماادري امي جابتلي بخور وبخرت بس شنوو ريحته جايفه فوزيه..دهر صابج ولج شوكت عذراء خافت..لا لا جذب اشاقه وياكم... كلها خالد..اذا ماعدكم مانع ان شاء لله الخطبه الجمعه بس نتفق على الحاظر والغايب عذراء شغلت الديجي وليله سهرن للصبح خطيه فرحانه... اني تركتها وصعدت فووك... لكيت مرتضى نايم علئ السرير هسه جاي كتله..الله يساعدك كال...هلا اووف نسيت فادي عند عمه حروح اجيبه... هو وكف تقرب مني ولزمني من ايدي كتله...مرتضئ،شبيك؟ كال..اريد حقي بلعت ريقي بخووف...مرتضى وخرر كال..ليش بالله اشوو كلهم حاطين نسوانهم بحضنهم عايشين حياتهم واني لا اني للسماء ولا اني للارض رجف كلبي من قربه...بس انت متحبني مرتضى...اكسر الحاجز واشووف دفعته..اهوو مرتضى عووفني.. هو لزمني حييل ودفعني علئ السرير..معاناتي كلها بسببج وهسه تتعيقلين عليه... نزع قميصه وشمره.. تخبلت..لا لا هذا مو من كل عقله احسه مثل التعبان احتمال سكران بس مو شكل سكران يمكن مكبسل هجم عليه بعنف وهو يبوس بيه ويسب دفعته واني ابجي..لك وخررر لا تنسئ اني ملك مهتدئ من كلت مهتدئ هجم بالزايد ضربني كال..عبالج اذا هيج دكولين اعوفج... درت وجهي وبجيت بصمت وهو همس باذني..سلميني نفسج كولشي انتهئ انتي ملك يمني افتهمتي... بلمح البصر تقرب مني حسيت نفسي قذره وحقيره بس خلص ابتعد عني واني وكفت لميت الشرشف علئ جسمي وابجي دخلت للحمام وقفلته... ضليت ابجي وابجي وارجف واحساس غريب تولد بداخلي وكره ناحية مرتضى.. حقير المهم رضئ غريزته... سديت الدوش وطلعت من الحمام مالكيته بالغرفه طالع القذر حتئ ما سبح.... جان دنيا العصر... قررت اروح الاهلي... بدلت بسرعه وأمسح بدموعي... هو من اخذني وكمل انطاني ضهره وكال..والله ندمت ندم لان تقرب مني بس جان يريد يجربني حرك كلبي حيييل واستصعفني... رخصني وخلاني لعبه بيده والله حرام عليه... شنو ذنبي صرت ارملة اخووو ليش العادات ربطتني بي والله ضد المراءه تتزوج حماها.. لان يذلها ويستحقرها وعبالك مان عليها.... رحت جبت فادي بدلت اله ولميت جنطتي وطلعت... لكيت خالد كاعد يدخن بالاستقبال كتله..خالد كال...هااا كتله..اريد اروح لاهلي وصلني كال..رجلج يدري كتله.. اي هو طلع موبايله واتصل بمرتضئ كله..صدك انت تدري بمرتك تريد تروح لاهلها مرتضى..اي ادري خلي تروح انصدمت صدمة عمري اخذ الي يريده وشمرني لا ياحقير اخذتني لحم وشمرني عظم. . خالد اخذ مفاتيحه وطلع ركبنه بالسياره والطريق كله اتنحب بصمت علئ،حالي وعلئ،غدر مرتضئ بيه... لا مااذلك يا مرتضئ مااطلع ام فادي ...... ... .......... .......... دانيا جنه هسه راجعين من الدكتور... الدكتور فحصني وحدد الاسبوع الجاي عمليه وقررت اسووي العمليه ماما جابت الطريق بس تبجي.. وبابا يهدئ بيه بس الدكتور كال..اتطمنوو هاي عقده يسموها ماوس معناه فاره متحركه وتتزرد. اما اذا مكي ماوس يعني قطه..هاي تكون خبيثه وتكون ثابته متتحرك وبعدين كال..لازم عمليه وزرع وان شاء لله خير وصلنه للبيت تقريبا الساعه بثمانيه اقل المهم الضلام احتل الجو.. رحت صليت واني وبابا وماما... وبابا كال لاتسون عشاء اجيب من بره جاي يطلع.. وندك الباب... فتحه وطلعت رانيا وخالد... سلمت علينه وحضنتني وبجت عبالي،لان مريضه وهم شبكت ماما وبجت وماما مصدكت ضلت تبجي خالد كعد بالاستقبال. واجه بابا كال خالد يريدج رحت اله مع العلم مااريد اروح... اول مدخلت باووع عليه بحده عبالك مسويه جريمه.. كعدت بدون مااسلم شفت الفايل بيده انهبطت فايل دراستي نسيته علئ الميز يبوو شافه... كال بجمود..شلونج كتله..جنت زينه بوجودك لا كال...هههههاي اي تلعبين من وراي غاب القط العب يافار رفعت حاجبي.. وهسه شتريد كال..اريد ارجعج لان انتي استهترتي بكيفج تطلعين ولا عبالج ماادري ولا دكيتي تليفون وكلتي علئ ذمته لازم يكون عنده علم تطلعين بكيفج وممخليتلي اي احترام... جاوبته بحده.. يابه اريد اطلك انت شنوو ضحك وحك لحيته..وشمعة الاسلام مااطلك لو تنزل ايه من السماء جاوبته..براحتك اقدم دعوه وتطلك غصبا عليك ما اهتم الكلامي وفتح الفايل... اووف دانيا.....للتقديم بالدراسه الاوكرانيا طب عام.. كمل.. هلا بالدكتوره بس بصراحه اكره الطب انتي لسان محامي لذالك راح أحرك الفايل... انصدمت من كلامه... شغل الجداحه وشعل طرف الفايل... انصدمت لا لا تخبلت وكفت مرعووبه منهاره ركضت عليه حاولت الحك علئ الفايل بس هو وكف ورفع ايده ليفووك... ضليت اضرب بي وادفع بي بس هو طويل وضخم مايحس... ضليت صرخ بصووت عالي.. ياكلب يانذل يا حقييير الله لا يوفقك اجت ماما ورانيا وبابا يركضون علئ صوتي.. بابا كال..شكوو شصااار خالد حضني وقيدني وهو يضحك بخبث..لا ماكوو شئ بس دنوو زعلانه لان تاخرت عليها عطت بوجه ...جذااااب بابا جذاااب حرك فايلي مراح اسافر بابا تخبل من شاف الفايل محترك تقرب من خالد كله وهو يعقد حواجبه...انت بأي حق تتجاوز علينه وبيتي خالد بجمود..لا متجاوزت انتو الي تجاوزتو مدام دانيا علئ ذمتي مستحيل اقبل تتصرفون من وراي وعبالك حراميه تردون تهربوها... ابو رانيا بعصبيه..بنتي واني الي اقرر مستقبلها وانت مالك حق عدنا خالد بثقه...لا الي دانيا مرتي وارفع عليكم دعوه واسحبها البيت الطاعه دانيا ببكاء...امداني اذا اطيعك والله تطلك وغصبا علئ خشمك فااهم اكرررررهك اكررررهك حسس شنو إحساسك ووين ابتسم بهدووء..اكرهيني المهم اني احبج عطت بوجهه...لك والله الدنيا صغرت بعيني وجودك يخنكني انت مستفز وخبيث اطلع من حياتي مليت منك امووت واخلص منك شلوون... بابا...خالد اطلع بررره خالد بتنهيده...ميخالف رايح بس وحق الله دانيا ماتصير الغيري گبر يضمها ولا غيري يحضنها... بابا رفع ايده راد يضربه بس هو لزم ايد بابا وضحك..لا لا ابو دانيا ممقبوله منك هذا واني حامي عرض بنتك... بابا من بين اسنانه...اطلع برره خالد عدل ملابسه واخذ موبايله ومفاتيحه و طلع وكف عند الباب وكال...اذا سافرت الي تصرف ثاني وياكم... طلع وركع الياب وراه فلشه... ماما حضنتني وضلت تصيح ...والله يطلكها النذل البنيه مريضه وهو يزيد عليها الله ينتقم منه الشويب منطيته دانيه تسوه راسه اكبر منها ب 16 سنه شلون مستفز... واني اشهك بحضن امي اووف منك خالد قهرتني ولا فد يوم سايسني الخبل بعد والله مااحبه ارريد اطلك مااريده.... رانيا جانت بس تصفن ومرات تنهد تغلط عليهم ومرات تهدئ... وبعدين ابنها ضل يبجي وراحت ترضعه.... مرت تقريبا...ربع ساعه... واتصل موبايل بابا.... بابا فتح خط رقم غريب جان... بابا...الووو المتصل..الوو بابا...تفضل المتصل..تعرف خالد هذا موبايله... بابا..اي اعرفه ليش شكووو المتصل...خالد سوووه حادث فزيت من حضن امي مرعووووووووووبه ومنهاره نهاية البارت...يتبع.... كونوا هنا كونوا بخير...احبكم سمو العراق...نور | ||||
|
| |
|
18-07-19, 01:17 PM
| #43 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني ...البارت السابع رواية..انتي سيوف الثأر في اجفاني بقلمي...سمو العراق 💔💔💔💔💔💔💔 وكفت بسرعه وبابا لبس سترته وتوجه للباب وشايل موبايله بيده وسويج السياره... احس كلبي طار من بين اضلاعي مو حبا بي لا بس ضميري يانبني لان طلع زعلان.. واكيد من انهياره سوه حادث اي اكييد تعصب...ياربي شحاله بس لا مات... مجرد ما تخيلت ميت وكف گلبي يمممه والله امه تتسودن...وهو من النوع النهار كله يفتر ما يلزمه گبر. اسم الله اسم الله... ماما هم خافت عليه كالت...لا انوب يصير عليه شئ ويبلونه بيه... رانيا شالت ابنها يبجي عاطت بوجه...لك اسكت خلي نشوف عمك شصار عليه... اخذت موبايل ماما وضليت اتصل عليه ماكوو مديرد متت من الخووف... يمممه بس لا مات ياربي مكسر ويكعد بالبيت ولا ميت... اباوع علئ اديه ترجف وشفايفي جفت...دموعي تنزل لا ارادي... كالت رانيا...هااا تحبي عطت بوجهها واني ابجي...لج يا احبه لج طلع مني زعلان واكيد سووه حادث بسببي والله امووت قهر يعني مصار الحادث اله لمن اجاني... رانيا تنهدت...اووف عبالك نفس اليوم الي اجه بي مهتدئ جنت انتظره بالهفه لكن للاسف مات...ان شاء لله خالد مابي شئ رغم كوولشي هو انسان دم ولحم والانسان مو معصووم وعمه وعمتي ميستاهلون لديصير بيهم... بلعت ريقي ...يمه اسم الله عليك خالد ياربي رجعه بالسلامه.... رحت الغرفتي وحركت الموبايل عليه حرك ميفتح خط احس بطني تكطعت من الخووف والقلق ورجليه ترجف وتضرب ببعض... نظراته الاخيره خوفتني من راح زعلان ياربي الخاطري رجعه سالم والله خطييه امه تحبه حييييل... وهو مو مال يمووت...بعده نفسه بالحياة... احس الدموع تتطافر من عيوني اتصلت علئ بابا ميرد ... مرت تقريبا ساعه... لا هو يرد ولا بابا يارب شصار والله القلق ذبحني شوويه وحسيت الباب انفتح ركضت بسرعه وطلعت بره غرفتي.. شفت بابا واكف وماما ورانيا يسئلون بيه علئ خالد اجيت ملهووفه وبصوت خايف...هاا بابا شبي خالد بابا هز ايده كال...اصلا ماكوو اختفئ مالكيته احس مثل الشمروو عليه مي بارد...شلوون اختفئ شنوو يعني شالته الملائكه.. كال..اندري رحت للمكان الوصفه اليه الولد وكال هنا رحت لا اكوو حادث ولا خالد موجود سألت ابو السوبر ماركت...كال لا صاير حادث ولا شئ عقدت حواجبي ..يالله بس لا خطفه عمار لا اعوذ بالله بس خالد مينخطف مستحيل هو نبه مو غبي ضليت اكل بااضافري من الخووف... باوعت الرانيه...عفيه رانيا اتصلي بمرتضئ خلي نشوف اخاف وصل للبيت رانيا بحقد...خلي يولي مااتصل بيه بابا اتعصب كال..هاي شبيكم لج رانيا شنو قلة الادب هاي شلون هيج تحجين علئ زوجج شنو خلي يولي رانيا خطيه اصطكت وضلت تتئت...اءءء لا بابا قصدي يعني مااريد اقلقهم وخلي همه يعرفون من غيرنه احسن... بابا...لج بابا لتصيرن همجيات وعدوانيات وتغلطن احترمن حتئ العالم تحترمجن احترم تحترم... رانيا نزلت راسها خجلانه...اءء العفوو بابا عرفت صاير بين رانيا ومرتضئ شئ فكلتلها انطيني رقم معن... طلعت موبايلها وردت الي الرقم... كتبته أصابعي ترجف من الهبطه... اتصلت بمعن... شوويه ورد عليه... جاوبته بلهفه...الووو هلاوو ابو محمد جاوب...اهلا وسهلا منو ويايه بلعت ريقي وتنفسي ضاق..اني دانيه زوجة خالد ضحك بتفاجئ...هلا والله مشتاقيلج صار هوواي بيتنه هدووء ومگابه العيطه غمضت عيوني قصده خالد يكتلني وهو يهد ورايه غير كله من وره اخووه ابو المشاكل... ابتسمت بهدوء...وينه خالد موجود كال...لا والله طالع كل عاده احتمال متزوج الشارع العام... ضحكت بقهر اخوو يحشش وميدرون بالدايح ميت عدل اووف ياربي... كتله...ابو محمد اذا اجه خالد ياريت دزلي مسج كال...ان شاء لله شنوو تصالحتوو كتله..لا والله متصالحنه بس عندي شغله وياه كال..هو مو اجاكم وصل رانيا انهبطت من كال هيج..اي بس راح من زمان كال...لعد وين راح كتله..والله ماادري هسه اذا رجع دزلي مسج اوك... كال..اي خووش قفلت الخط وماكتله هو سوه حادث خفت يذبوها براسنه... رجعت اتصلت..ماكوو ميرد ياربي وين راح... ضليت اكل بروحي اكل... ياربي بس لا مات اعوذ بالله...ياربي دخيلك شلوون احس كلبي ناار هسه غير كون نعرف وين والله اذا الزمه اله اكتله... صرت مثل الام العراقيه من يضيع ابنها بسوك تتخبل عليه ومن تلگاه تشبعه كتل... والله اذا الزمه اشبعه كتل ابو الشوارع ............................... سحر... جنت نايمه علئ السرير وخايفه اتهرب من علي وبس انضف جوه وعمه كل شويه وكالت روحي سحر اصعدي يم رجلج... صعدت وسبحت وبدلت ونمت علئ السرير... علي جان طالع.. شوويه ودخل وكعدت وعدلت نفسي هو كال اكعدي اكعدي لا تخافين مااسوي شئ... تنهدت بخووف... كال...تعشيتي كتله..الحمد لله وانت ما تعشيت اصبلك كال...لا تعشيت بالمطعم ويه اصدقائي... جاوبته..بالعافيه ضحك واجه كعد يمي حط ايده على خصري وباسني بخدي حسيت نفسي يبست من الخجل... همس عند اذني كال..شكوو لابسه حجابج حبيبي همست بخفوت...بارده ضحك وسحب حجابي وشمره باسني بااذاني بلعت ريقي جنت اتمنئ ادفعه بس اخاف يزعل وهو ميستاهل خطيه حيل حباب... ضليت ارمش بعيوني وارجف... كال بهدوء..سحر همست بخووف...هااا تنهدت..منوو مئذيج انت متعرضه العنف احجي والله العن خيرهم وخيسهم بالسجون بلعت ريقي والدمعه جفت بطرف عيني كتله...لا علي انه ما متعرضه بس انه شوويه شخصيتي ضعيفه لان جدتي ربتني علئ العيب والتقيد كال..لج انت ثلاجه باااارده متحسين وهااادئه حييل هدوئج يخوفني جاوبته برجفه...اي مو كتلك شويه شخصيتي ضعيفه ضحك كال...نقويها اني ضابط وانتي شرطي عندي شرايج ضحكت بقلق..وشتريد من الشرطي اسويلك جاي جنت اريد بس اشرد ضحك كال...لا اريد الشرطي ينام بحضني حسيت راح يغمه عليه من الخجل... هو تمدد وسحبني الحضنه لزمت قميصه ودفنت وجهي بصدره والرجفه اعتلتني من فووك ليجووه وهو حس عليه حسيت علئ نفسي ابجي من شد اعصابي وقلقي هو بعد راسي من صدره ومسح دموعي وضمني الصدره كال...لا تخافين والله مااسويلج شئ اله انتي تكولين علي تعال ترئ والله ممستعجل المهم تكونين راضيه اوك يكلبي هزيت راسي بأي وزدت بالبجي احب حنية علي عليه بس اخاف يتقرب مني ان شاء لله تتحسن حالتي كله من وره غيس النذل كرهني بجنس ادم الحقير ضل علي يمسح على شعري وهمس بكلمات طمنتني واسعدتني وعرفت اني محظوظه بعلي بس كون اكدر اتقبل قربه مني.... ................. ضلت كاعده للثنتين باليل ارجف من الخووف وابجي ورانيا هم خطيه قلقانه ويايه.... بعدين تذكرت رقمه القديم... كتبته..واتصلت رن كم رنه وبعدين انفتح خط... كال بثقل..الوووووو تنفست براحه صوته اعرفه من الف صووت يا اما سبني وكال بنت النعل والمطي والاستهزاء... كتله برهبه...الووو وينك لك شصار بيك صدوك سويت حادث كال بتفاجئ...اني؟؟ جاوبته...اي مو اتصلوو من موبايلك كالوو سويت حادث ضحك بااستهزاء...هاي شوكت لا الحمد لله حي ارزق ضجت حيل...انت شبيك تخبلت كوول شبيك؟ رد بجمود..بابا شبيج والله لا مسوي حادث ولا شئ ضربت رجلي بالارض ...لعد والله نرعبنه واحد خابر كال سويت حادث...ليكون ملعوب منك ضحك وكال..فديتج حبيبي خفتي عليه حسيت دخنت..لا لتفرح انقهرت علئ امك كال..احببببج مشتاق الاحضانج تنهدت وجريت نفس...انت تلعب عليه خليت بابا طلع تالي اليل يدور عليك واني كلبي نار اثاري ملعووب منك كال ببراءه...لا يابه وروح اجدادي كلهم لا ملعووب ولا شئ كتله بعصبيه...لا ملعووب اصلا من موبايلك اجه الإتصال كال..الأثير كتله...اي كال...اهوو والله قديمه لج بابا هذا الرقم ضاع من زمان اكلت شفايفي من عصبيتي..عبالي بالمستشفئ هسه كال بهيام..لا يروحي اعسل بالكهووه ولوو مشتاق النحلتي اوووف لو الزمج والله خووش مزه حسيت بقرف من كلامه عطت بعصبيه..شووف هي لا عبالك ارجعلك تطلك يعني تطلك والله اليوم السويته مايغتفر تحرك فايلي وتحرك كلبي هيج كال..حبيبتي دراسه خارج العراق ممنوع اوك ادرسي بالعراق مكايل شئ عضيت شفتي حيل...بابا انت شعليك لو ادرس بجنهم متدخل كال..مو صوجج صوج ابوج مخليج علئ حل كفشتج بس والحمزه...ماكوو دراسه خارج العراق لو مو اطلكج مفهوم بجيت بحزن..خالد نسيت السويته بيه نسيت شلون طفيت عيني وعقدتني لك رجعتلك حتئ اذلك وشوفك جريمتك مكدرت اذلك لان مو كد حقارتك دا اكولك حررني والله مسجوونه حس شوويه حس احساسك ويين اجتني نبرته الحزينه...دانيه والله امج ما تحبج بكدي واعترف اذيتج جنت مخبل مو عاقل اهلي ما سالمين مني بس والله من عرفتج صرت مسالم انتي ارجعي وشوفي اسلوبي والله ادللج دلال واذا اذيتج الج حق تتطلكين غمضت عيوني...ذكرياتي وياك تعيسه اجاني صوته الهايم...بس احببج وحق الكعبه احببج احب نعومتج وخبالج وكلامج وشعرج وصوتج التتنعوصين بيه عليه احب كووولشي بيج والله هاااايم لج قطار العمر فات واحنه ضالين بس نتعارك يابه ارجعي وخلي يصير عدنه ذريه وشووفي شلون ادللج والله متندمين... غمضت عيوني انوب يريد ذريه ابو المشاكل حتئ يورطني... كتله..خالد انت مستفز ومتسرع مااكدر اعيش وياك والله ورب والكائنات المجهريه والفضائيه وشمعة الاسلام والكعبة والحمزه وقمر العشيره.ورب الراقصات..مااتزوج غيرك بس طلكني طبعا هاي حلفانه يحلف هييج هو رد عليه..والحمزه وقمر العشيره وشمعة الاسلام ورب الكائنات الحية والمجهريه والفضائيه ورب الراقصات والكعبه ...مااطلكج لو تموتين... قفلت الخط وشمرت الموبايل علئ السرير موتني ميقبل يطلك بس الحمد لله تطمنت عليه... سمعت رنت الموبايل...رحت فتحته شفته رساله من الصهيوني كاتب... حبيبي شلون ما احبك ولابيك وامك ماتحن مثلي ولابيك عساهن بيه لوعاتك ولابيك وتحول كل مرض منك عليــه.! خالد..حبيبج كالت رانيا عليج مريضه صدك يكلبي ان شاء لله بمصعب الاصفر ولا بيج... ضحكت يربي والله ثاق من نفسه ليش مايكول بيه ولابيج لا بمصعب الاصفر..مصعب داقه دق... تغطيت بطانيتي وكل شويه اقره رسالته وبعدين قفلته ابو الشوارع بثنتين يكول بالكهوه وين اكوو كهوه مفتحه... ضليت افكر وافكر منا لمن غلبني النووم .......................... تقريبا الساعه بالعشره الصبح كاعده ام خالد وصينيه مقابيلها والولد يتريكون... ابو خالد بعصبية..انتم شبيكم تخبلتوو خالد..خييير حجي شكووو صاير شئ ابو خالد..ليش نسوانكم زعلانه مرتضئ بلع ريقه... خالد..والله اني هي شارده ومتقبل ترجع بس ان شاء لله الاسبوع الجاي افشلهم واخذ كبير العشيره... ابو خالد..خووش حجي وانت مريضي مرتضئ باارتباك..اني اريد اسافر للخارح خليها عند اهلها.. ابو خالد بعصبية...انجب هسه تروح تجيب مرتك وتجي رانيا خووش بنيه تشربني علاجي وكل شويه تجي تسأل عني وقايمه بواجبك وواجب العايله وانت تتعيقل عليه شبيها مو حلوه خايسه ؟؟ شوو شوفتها ترد الروح مرتضئ بخجل..اي بويه ابو خالد..وعلوويه كوووم رووح جيب مريتك بالله هذا الجبير الخير منتهين منه خالد...جااا شسووي اجرها من كفشتها واسحلها الغرفتي ابو خالد..خوو انت بس مال عرك ولك المره تجي بالكلمه الحلووه سايسه بوويه سايس مريتك خالد بااستهزاء..شني هي حنان الفتلاوي واسايسها ابو خالد..ولك انت ما الومها لو انهزمت نهار كله وليل كله داايح ومن تلفي عليه تشبعها رفسات حقها تنهزم بس هذا الاثول شبي انعده منك مرتضئ...العصر اجيبها ابو خالد...لا هسه مرتضئ بخجل..تآمر يابه ابو خالد...الزلم ترتاح بجال ولدها وانه بس عرك ومشاكل مايستحون ولا جنهم زلم مشوربه دخلت عذراء...جااا خالي شسوي غير تربيتك هااي خالد..هله بنجمة هوليوود هله بعذراء والله حجيجج درر عذراء..افاا ابو وليد بخدمتك انت الغالي صديق الغالي ..اوو قصدي ابن الغالي.. خالد..تسلمين والله بخدمتج ان شاء لله هاي الجمعه الخطوبه.. عذراء بفرحه...لا تخليني اركص اسكت.. كعدت..اي والله خالي تربيتك شينه كلهم مابيهم خير طلع بس خالد بس خير وفايده.. خالي لا تحجي عليهم وانت من الاول ما منطيهم تربيه الشتله من الاول تنزرع عدل تطلع عدله تزرعها اعوج تطلع عووجه وماتصير الها جاره اله تكسرها هسه انت شتلاتك كلهن عووج طلع بس خالد شتلته عدل ومايرافگ اله المتدينين والمؤمنين الله يكثر من امثاله... ابو خالد..خاب انتي ما تنجبين عذراء..والله خالي ولدك ماينلامون لو شلعو كلبك احجي وياك بااحترام تسب بيه... خالد..شني عذيره صايره هيئه الأمر بالمعروف والنهي عن المنكر... غمزتله...جااا غير مرة الشيخ صدك اروح اصبغ شعري ككوي واجر بدله اله اخلي ابو لهب يباوع صفح خهههههاي يمه ممصدكه حتئ ضليت ما انام خاف يطلع حلم... خالد...لا نامي صدك... عذراء..الحمد لله ربي رزقتني باابو لهب هو صدك جنه رجلين دجاجه مهلووسه بس ميخالف احسن من ماكوو المهم أحرك كلب گرايبه واتزوج ههههههاي خالد تركها تسربت الوحده ووكف راح الشغله ومرتضئ راح الرانيه.... ........................ رانيا كعدت علئ صوت بكاء فادي لكيته متقيئ ومدمر ملابسه... تافئفت ورحت غسلت اله وبدلتله وغسلت وبدلت خطيه جان جوعان رضعته... طلعت لكيت ماما مسويه ريوك كعدت تريكت ضلت تسأل عن مرتضئ وتعامله ويايه جاوبتها زين... ضلت تلح بالاسئله... واني اجاوبها بااختصار بس ابدي احضنها واشكي بس شنوو اعرف ماما تعيش حالتها وتضل تغلط عليه وتعاركه. بعدين ضحكت كالت..اختج الخبله البارحه تخبلت همزين اجيتي كلتي مابي شئ خالد طلع موبايله ضايع ومدري منو ناصب علينه... كلتلها..اندري بيها صدوك مخبله شويه واندك الباب..رحت فتحته تفاجئت من شفت مرتضئ اجه جان واكف لابس قميص ازرك وبنطرون اسوود عضيت شفتي واجيت ابجي.. كال..صباح الخير مارديت عليه كال..شنوو ماتدخليني كتله.بحزن..تفضل دخل للاستقبال..وكعد واني رحت جبت فادي واجيت انطيته اله محبيت احسس ماما احنه زعلانين هو من شاف ضحك ووكف اخذه مني ويبووس بي ويعضه واني منزله راسي بفشله وخجل وحزن ومشاعر مضطربه بعدين باوع عليه اختفت ابتسامته كال..رانيا اني اعتذر عن الي صار البارحه تنهدت ...هذا حق واخذته بس جان لازم تكون بطريقه افضل مو بهمجيه كال..اي حقج بس والله اني صح حسيت نفسي حقير وتندمت ان شاء لله ماتنعاد اله برضاج جريت نفس ..برضاي او لا اتمنئ تكون اوعئ من هيج ومتحسسني اني سلعه رخيصه الله يوفقك مرتضى اذا متريدني عادي والله طلكني وشوف الي تسعدج كال بسرعه...لا رانيا اني من البارحه منايم والله صح جرحتج بكلامي وعدم اهتمامي بس ضليتي ابالي وانتي مرتي نمتي بحضني واخذت حقي مااطلكج ولا افكر ان شاء لله تتحسن علاقتنا مدام كسرنا اول حاجز سكتت قيد لساني بكلامه بجيت بكلب محرووك وهو تخبل ترك فادي علئ القنفه واجه يمي حضني وباسني بخدي ويمسح بدموعي حسسني مثل الطفله كال..لا رانيا والله عبالك فادي بجه مو انتي لا تكسرين كلبي وتزيديها عليه ان شاء لله والله بعد ماائذيج ابتسمت بحزن ورحت شلت فادي خطيه خاف يوكع.. هو وكف كال..يالله حضري روحج خلي نروح كتله..لا اريد ارتاح كم يوم وان شاء لله ارجع هو حسيته ضاج بس سكت.. بعدها باوع عليه وابتسم كال..شكد عمرج ابتسمت كتله..اربعه وعشرين كال..صدك جنج 18 بس والله احلئ عمر اني 30 انصدمت..انت اكبر من.... سكتت ماكملت كلامي هو اكبر من مهتدئ بس ليش كلهم مامزوجين ومهتدئ خطب قبلهم.. هو هم غلس ماحجه... ضحكت..اني عمري 24 بس ليشوفني يكول اصغر كال..لان بيضه وكتكوته اني هم انصدمت عبالي اصغر.. سألني كم عمرك غاليتي ..! فتبسمت وقلت عندما تغازلني غزل نزار أكون بنت العشرين وحين تغمرني بحنان الاب أكون طفله لا تعرف عد السنين وحين توقظ العشق في جسدي أكون بنت الثلاثين وحين تبعد وتقسو أصبح جسد بلا انوثه واكون بلغت من العمر التسعين فإياك ان تسأل أنثى كم تبلغ من السنين اسألها هل لكي من البشر عاشق يعشق معك الجنون ضل كاعد يسولف راد اروح وياه بس رفضت كتله كم يوم وتعال ادلل عشتوو.. وهو انطانه مصرف وباس فادي .راح..حسيت براحه شوويه ورجع الدم بوجهي صار عندي نشاط وحيويه وصرت مثل الفراشه كل شويه احط بمكان... .................. . بعد مرور اسبوع كامل... اليوم موعد عمليتي الخووف متلبسني كل شويه ابجي بس مو كدام اهلي لان خطيه همه هم متوترين.. رانيا مراحت لعيالها ضلت يمنه.... بدلت بسرعه تقريبا الساعه بسبعه الصبح بابا اخذ بطانيه... و العمليه بمستشفئ خاص الهلال الأحمر بالمنصور ماما هم خلصت خطيه بس تدعي وتقره قران ورانيا كالت اروح وياكم... ركبنه بالسياره وكلبي احسه انقفص من الخووف خايفه تكون العقده خبيثه... وصلنه للمستشفئ استقبلنه ال دكتور بالخاص.. كال..انتظري ساعه عندي عمليه قبلج.. جنت العب بالموبايل وماما لازمه السبحه تسبح وكفت عند رقم خالد... اديه لوحدهم كتبتله رساله... خالد..اني بمستشفى الهلال الأحمر بالمنصور دا اسوي عمليه..اذا متت فانت مبري الذمه والله ادعيلي وترحم الي وربي يوفقك... بجيت بصمت وروحي ذابت من الحزن علئ حالي وحال اهلي .... شوويه ودخلت خاله ام مصعب هي ومصعب وسلسبيل... وضلينه تقريبا ساعه وصاح الدكتور باسمي ولبست بدلة العمليات.... نهاية البارت...يتبع كونوا هنا كونوا بخير..احبكم نور..سمو العراق💔 | ||||
|
| |
|
18-07-19, 01:47 PM
| #44 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني.. البارت الثامن رواية...انتي سيوف الثأر في اجفاني بقلمي..سمو العراق 💔💔💔💔💔💔💔💔 كلما أغمضت عيني تمنيت لو ان كل الاحزان تموت كلما وضعت رأسي على وسادتي تساقطت الدموع كل دمعة تواسي اختها وقلبي الاحمق يذكرني انني يجب ان اضع بيني وبينك مسافات واترك ارضا وسماءً انت بها ويقول لي كفى لم تكتفي بكل هذه الاحزان لم اعد استطع احتمالها وصلت لمرحلة تبلد الشعور لااشعر بشيء سوى انني كل ليلة وكل يوم يحدق بكل المأسي التي رسمتها بجسدي وروحي واقول لك سرا صغيرا انني كل ليلة ابكيك وابكي حالي كانما القدر يخبرنا بكل وضوح ان طريقينا لن يتلاقيا اما بثأر لم يكتمل او بفراق ابدي كل حرف هو مغموس بدمي دعني ارحل بصمت وتذكرني كنسمة ربيعية مرت بك في ظهيرة شهر تموز . للمبدعه المتابعه Mnmn78 دانية خالد .................... لبست صدريه العمليات التي واحس من الخوف صخنت... اجت الممرضه كالت..ماما هاي انتي شدسوين باوعتلها بااستغراب...ليش شدسوي شكوو؟ تنهدت...لج ماما انزعي ملابسج كلهم وحتئ شكوو شئ ذهب لابسته انزعي لان يضرب بالبنج... استغربت كلتلها..لا مستحيل ملابسي ماانزعهم واني ملابسه ذهب بس الحلقه والتراجي... كالت..اي انزعيهن.. كعدت علئ الكرسي ونزعت اول ترجيه كلتلها ..حلقتي وملابسي ماانزعهم... حطت ايد علئ ايد...وشلون عيني نسويلج عمليه غير تنزعين ملابسج جاوبتها..اي انزع بس التشريت بس البجامه ما انزعها لو تنزل ايه من السماء..هي العمليه بصدري شكوو نازعه بجامتي... انتبهت النفسي صايره مثل الصهيوني،واحجي مثله تنهدت ياربي اشوو مااجه يمكن رسائلي ماوصلته. بس خايفه امووت ومايجي امنيتي اشووفه قبل لا اسوي العمليه...اريد اعرف احساسه شنوو مثل قبل لو هو فعلا تغير ... تذكرته من سويت عمليه من طلع عندي حمل خارج الرحم يعني حن عليه بس،مو هلكد جان عادي. تخيلت اطلع جنازه من المستشفئ وخالد. يحزن عليه وبعدها يتزوج... مجرد مافكرت ان اني امووت وهو يتزوج ويعيش،حياته واني اعيش بضلمة القبر وكعن دموعي لا ارادي... لا هذا ضلم واكبر ضلم اني عانيت من جلافته واسلوبه القاسي واريده يداويني تجي وحده غيري تأخذه.. طلعت من غرفة العمليات معانده مااريد انزع ملابسي او بالاحرئ اريد شويه تتاخر العمليه شفت ماما وبابا وخاله ومصعب. رانيا وسلسبيل وعبله لكل منتظرني... اجه بابا ملهووف كال..هااا بنيتي شو طلعتي كتله..هاي الدكتوره مخبله تريد انزع كل ملابسي كالت ماما..اي بنيتي غير عمليه كلتلها بعناد ...ترئ هي بصدري شكوو نازعه كل ملابسي والله بس التشيرت تريد تريد ما تريد بكيفه كعدت علئ الكرسي مالت الانتضار خاله كالت..صرتي حمرره يمكن صخنتي حبيبتي... تتهدت ودرت وجهي معقوله موصلت رسالتي... حسيت كلبي،صاار نار اي مااهمه الواطي ابو الشوراع اكيييد تعب من الدياحه وهسه نايم الثور اكل ونوم ودايحه ويريد ذريه بربيها دربي روحك بالاول يالله تفكر بالذريه.. احجي بكلبي واعصابي نار بس شفته حسيت كلبي يرجف واديه ترجف واحساسي غيير مااعرف اوصفه..رجليه احسهن ماتن ونعقد لساني بابا رد عليه...انت شمدريك احنه هنا ودنجري عمليه الدانيه هو جان عاقد حواجبه وشاد علئ شفايفه وقابض ايده بعصبية حتئ شرايينه مبينه.. كال بعصبية...هذا مو شغلك ابو رانيا مع الاسف عليك ماامن بيك وهيج تسوي بيه تقبلها علئ نفسك هيج يسون بيك...مدام دانيا علئ ذمتي وملك يمني كل شئ يخصها يخصني يعني مرتي مريضه واني اخر من يعلم بس جان يحجي بحقد وحرگه.. بابا جاوبه ...بس هي تريد تطلگ وهماين ما حبينه نقلقك خالد بتفاجئ..تقلقني؟؟: شنوو دانيا رخيصه عليه وهيج تحجي قسما بذات الله لو جاي ولكيتها مسويه العمليه وحق القران الكريم..والكعبه اله احرك المستشفئ عليكم.. مصعب كله...يالله واجيت يعني شحتسووي خالد..انت ابو حتسوي ماتسكت احسنلك ..خليني محترمك ومحترم نفسي اني بس صافنه عليه وهو اصلا مباوع عليه جان محروك كلبه من اهلي... بابا كله..اي صدك شتسووي خالد...راح اخذها واسفرها الخارج العراق واسويلها عمليه بالخارج ومحد يفتح حلكه بكلمه... وكفت مصدوومه يريد ياخذني ويسافر ..لا مستحيل هو رئسا باوع عليه تغيرت نظرته من عصبيه وحقد الي حزن وحنيه... سكتت ورجفت شفايفي ونعقدت النونه بحنجي... تقرب مني ولزمني من اكتافي وبعدها سحبني لحضنه خجلني كدام الكل وهو من النوع المايحب يبين حبه كدام شخص رغم كوولشي يستحي... بجيت بصدره القاسي الي،يا ما وياما خلاني ابجي عليه مجبوره او راضيه... همس بجمود...اخر من يعلم اني يادانيا والله جنت حاس بيج شلوون تخليني وراج همست ببكاء...مو رسلتلك رساله.. رد بصوت ضاحك حزين..خلف الله عليج اخير من ابووج والله ورب البيت لو راسلتلي رساله ومسويه العمليه احقد عليج اليوم الدين... جريت نفس..ردت ابريك الذمه قبل ما اموت... كال..ان شاء لله الاصيفر يومه قبل يومج... بعدني شوويه من صدره ولزم وجهي بين اديه كال..انتي شنوو البيج عملية شنوو تسووين:؟ همست..صدري وابطي طلع بي عقد ومااعرف اذا خبيثه او حمييده.. فتح عيونه بصدمه وابتعد مصدووم حسيته انعقد لسانه كال...صددرج وخبيث شنوو انتي شتحجين حط ادييه فووك راسه ولف داخل بمكانه..صدره يرتفع وينزل هجم علئ ابوويه واني لزمته كله بعصبية وصياح...دااانيه شاك بيها مرررض خبيث وساااكت لك انتم شنووو والله اليوم انعل خيركم بابا انقهر عليه...يمعوود الدكتور طمنه ان شاء لله مابيها شئ خالد بقهر...شلوون مابيها شئ داانيه هااي..شلون تنام وتغمض عينك وهي مريضه لا ومدكولي شسويلكم والله الحرگ قليل بحقكم.. لزمته وهمست ...مابيه شئ علئ كيفك لا تخوفني رجع لزمني من وجهي ويباوع عليه بقهر...متغييره اي والله متغييره لج اني نذل ضال بس افكر شلون ارجعج وارضيج وماادري بيج مريضه..وتعانين حركت كلبج وعذبتج وماادري انت مهمومه ومريضه الله ينتقم مني.. صرخت بوجه واني ابجي...خالد علئ كيفك والله تخوفني.. اجت الممرضه كالت...دانيا يالله تعالي موعد عمليتج خالد لزمني وقربني عليه...لا متسوي باوعت عليه خايفه..خالد لا خلي اسويه واخلص كال..لا نسافر للخارج بابا ...خالد رجاءا لتعاند دانيا لازم تسوي العمليه هسه وهذا دكتور معروف وكبير بالخارج نفس لهنا ماكوو فرق ضلت اذا العقده حميده او خبيثه وان شاء لله حميدة ومنسافر.. خالد..شنوو دكتور يسوي الها لا والله عرضي مينكشف علئ غيري..اريد دكتوره انتبهنه للصوت وهو يكول..يابه لا حياء بالطب.. ابتسمت هذا الدكتور شكد حباب وراقي.. خالد باوع عليه كله..لا حياء ولا بطيخ اريد اسفرها للخارج الدكتور ضحك..تعال يابه تعال خلينه نحجي اني وياك ونقرر خالد تركني وراح..واني لزمته ...اروح وياك ضحك بحزن...ادري وين رايح للملاعيب جاوبته..ميخالف اريد اعرف شحسيوي الدكتور يجوز تردون تكتلوني ماعندي ثقه بيكم... ضحك وكال...بس اذا تزوجتي غيري اكتلج تركني وراح واني رحت وراها بتراكي و لابسه بدلة العمليات ولافه الشاله دخلنه للدكتور كعدنه وهو كاعد علئ مكتبه... كال..اهلا وسهلا بدانيا وعائلتها ضحكت بهدوء... وخالد مطنكر وجهه يلطم..شبيها دانيه الدكتور..شبيها شو جنها الورد ضحكت ياربي الدكتور يلاطف خالد مايدري بي صهيوني سكت محجه بس عاقد حواجبه ويفرك بااصابعه... خالد..دكتور رجاءا احجي شبيها دانيه واذا متكدر العمليتها اسفرها.. الدكتور..تدري انت اخرتنه جان هسه كملت عمليتها..يا بابا دانيه عمليتها بسيطه بس يضل الزرع واني والله اعتبرها مثل بنتي حتئ وان كان اسوي العمليه الصدرها واني محاسب امام الله...وهي بنتي ان شاء لله.. خالد تنهد..ميخالف سويها بس دكتور دير بالك عليها خطيه بعدها صغيره اخاف تختنك بالبنج الدكتور...هذا مستشفئ خاص والكل متدرب ومؤهل ان شاء لله تطلع من العمليه مثل الورد وخلي اكولك فد شغله اني يجوني ناس كبار بالسن وعجايز وسمان اضل محتار بوزنهن الوحيده دانيه اجتني رشيقه ذنيج احتار بعمليتهن احتار بكرشهن... ضل يضحك ويلاطفنه حسيت خالد شويه ارتاحله.. كله..يالله توكل خلينه نسوي العمليه.. وكف الدكتور وصاح علئ الممرضات ومساعد ال دكتور اخذتني الممرضة..بعد ماودعني خالد وطلب مني اقره ايات واكون قويه رحت ودعت اهلي... ودخلت الغرفة العمليات..ماقبلت انزع حلقتي والبجامه بس نزعت التشيرت وملابسي الداخليه من فووك اجت الممرضه طلعت ايدي وصدري وبعدها غطتني.. واجه ال دكتور مالت البنج ضل يسولف ويايه وشكل الكانوله وزقني ابرة البنج جانت كووولش،قوويه وحاره جنها تيزاب... ورحت بغيييير عالم مجرد ما رمشت رمشتين.. كانت القلوب عبرئ وحيرئ وتدعي بصدق نيه القلب دانيا المحمل بالجراح... خالد خابر مرتضئ وتكفل بكافة تكاليف المستشفئ.. .................. كعدت الصبح تقريبا بالسته.. اليوم علي يداوم صار 15 يوم ممداوم..هو مو لازم شهر حتئ،يخلص شهر العسل..بس ياعسل شهر البصل احسن منه جان نايم بصفي عاري الصدر وكوولش خجلانه اتمنئ انهزم منه بس هو مقبل يريد اتعود عليه.. ضليت نايمه بصفه علئ طرف السرير وهو سحبني ضل يسولف ويايه وانه اساله عن شغله وداومه.. حسيت براحه ويه علي وكدر ياخذ استجابه مني ضليت اسولف اله علئ الكوت وخضارها.. وبعدها نمت واني بحضنه... فزيت علئ صوت المنبه الساعه بسته لازم اكعده يروح الدوامه... كعدت رحت غسلت ورشيت عطر وحطيت ايدي علئ كتفه فززته... همست بهدوء...علي علي اكعد تاخرت علئ داومك كعد هو وضل يتثاوب وبعدها اخذله صفنه ابتسمت كتله...صباح الخير ضحك كال..صباح الورد حبيبي كتله...يالله روح اسبح وبدل حتئ اسويلك ريوك كال..لا لتعبين نفسج اتريك هناك متاخر كتله..يالله راح احضر غميصك ضحك كال..فداج غميصي فشلت لان لهجتي هيج ونزلت راسي خجلانه... ضحك وراح غسل وسبح...واني حضرت ملابسه... طلع من الحمام ينشف بشعره... كتله..نعيما كال..تسلمين عمري انطيته ملابسه هو جان لابس البنطرون... اخذ القميص لبسه كال...سوسو دكمي قميصي تقربت منه بخووف ورجفه لزمت قميصه وضليت ادكم بس هو حس بخووفي... تقرب مني وباسني بخدي ابتعدت بسرعه وهو باوع عليه متفاجئ... حبيت اغير السالفه كتله..علي عادي اطلع ويه عمه لو متقبل كال بهدوء...ويه امي تطلعين عادي لاي مكان بس غير امي متطلعين اوك...لا تعتبريني همجي بس خووف عليج كتله..لا لا مااعتبرك اصلا اني هم اخاف اطلع ويه اي شخص هو بس ويه عمه اطلع مثل مكلت ضحك وسحب ايدي وباسها كال..فديت التسمع الكلام بعدها رن موبايلي رحت شفته رغم قريب..« رقم غريب» مافتحت خط علي كال...هذا منوو كتله بخوف..جدتي كال..ما فتحتي خط كتله..هو طفئ شويه اخابرها كال..براحتج رحت حضرت حذائه وجواريبه وعطره ... اجيت لكيته كاعد علئ السرير والموبايل بيده وعيونه متتفسر..خفت.. هو فتح الكفر وطلع السيم كارت وشمر الموبايل علئ السرير كال..هذا السيم كارت مالتي قديم راح اخذه واجيبلج غييره خفت منه حييل بس محجيت شئ.. وهو لبس حذائه وساعته ورش عطر واخذ ملابسه راح سلم على امه و طلع بس شفته ضاج.. ياربي معرفت شصار... معقوله صار شئ..كلت بس يرجع اسولف اله علئ غيس النذل وبلكي يتفهمني... رحت الغرفتي نضفتها وضليت انضف وابجي وادعي ماكوو شئ يارب... ........................ طلع الدكتور من غرفة العمليات.. وهو لازم جيس بداخله مثل الشحمات مكورات بداخل محلول ... ركض عليه خالد وابوها ومصعب،وامه والنبات..هااا دكتور بشرر... ام دانيا جانت دمعتها علئ خدها وسبحتها بيدها وهي تسبح...وتدعي لضناها المحرومه... رانيا..اول مره اشووف خالد هيج ملهووف ومتوتر وخطيه اجوو اهله كلهم حتئ مرتضئ وعموو وعمه.. عمه ضلت تنعي علئ دانيه حفضت كلماتها من كالت...تونين يابيضه ياترفه تونين كل ونج بحرفه خطيه وضلوو يدعولها... طلع الدكتور..خالد اول واحد استقبله الدكتور كال...الحمد لله علئ سلامتها عمليتها ناجحه بس هاي العقد لازم هسه تاخذوها للتحليلات بشارع فلسطين خالد اخذه منه..ان شاء لله بس اشوف دانيا اخذهن احللهن الدكتور..بعد اربعين يوم يطلع الزرع اذا حميد الحمد لله وهذا الي نرجوه من رب العالمين واذا خبيث لا سامح الله نجري عمليه ثانيه ونقلع الصدر ماما كلتله...لا لا اسم الله كون بيه ولا بيها الدكتور كال ...ان شاء لله مابيه شئ اني شاك حميد الورم. شوويه وطلعوها جابوها بالسديه بس تبجي وتهلوس واكثر كلامها بس تسب وتغلط..وتذكر اسم خالد..كلت هسه تفضح نفسها ودكول ضربني بعيني عاد بابا ميرجعها لو خالد يبجي طين... هو خالد جان لازم ايدها وصلوها لحد الغرفه الخاصه.. راد يشيلها الممرض مقبل خالد كله ..عوفها عوفها... شالها نومها علئ السرير وهي تسب وتبجي وكله بنت الكلب مدري تسب بيمن واخر شئ كالت هذا الدكتور ابن المطي.. اني صدك ضحكت عليها وماما سدت حلكها...وضحكت عليه... مرت نص ساعه يالله وعت علئ نفسها... خطيه حالتها حاله حاطيلها صونده بصدرها وبنهايتها سرنجه تنزل شكوو مصل ووصاخه ودم وجراحه وتبجي من الوجع اجه الممرض صاحه خالد خطيه جان ملهوف عليها... شكل المضمد كانوله وضربها ابر مسكنه ومغذي شدولها.. ضلت شوويه ونامت.... بعدها صار العصر...كالوو روحوو.. كلنه رحنه وضل بس بابا وخالد وماما.... خالد كال لبابا...ابو رانيا روح اني ابات يمهم... بابا كله...لا اني اضل... خالد اصر يضل...يم الحب.. وبابا استسلم للامر الواقع وراح ويانه ورجعنه للبيت... اني ركبت ويه بابا كال مرتضئ..شنو مناويه تجين ويانه جاوبته..مو دتشوف دانيا مريضه ان شاء لله بس تطيب ارجع.. كال..يالله مو مشتاق الفادي خطيه صار هوايه ممنومه بحضني... كتله..اخذه خلي عندك وباجر جيبه كال..لا مااريده اله امه وياه... كتله بضحكه..درووح يابه لا تضربك سياره وانت بنص الشارع واهلك يبلوني بلووه يسوك توم كروز عليه كال بضحكه..حتركت عشيرته هو واهله.. ضحكت وصعدت الجام اجه بابا ورحنه احس براحه هل ايام بس خايفه تخرب هل لحضات خايفه هم ينغدر مرتضئ،واحس نفسي فكر منو يصير ويايه زين ينقتل اخاف عمار يقتله اعووذ بالله لا اسم الله ان شاء لله عمره طوويل... جنه نتسابق بالسيارات...وصلنه للبيت ورجعت اتصلت بماما كالت نايمه دانيا وماما وخالد جايبين عشاء ومتعشين.. ........................... فتحت عيوني،بهدوء وتعب ووجع جانت الغرفه هادئه بس صوت التلفزيون ناصي حيل انتبهت عليه فلم اجنبي... جنت غرفه خاصه وبيها تلفزيون وحتئ ثلاجه صغيره.. دانيا بوجع..اهئ اهئ خالد وكف ملهووف وتقرب مني وهو يمسح جبيني العركان..هاا دانيا حبيبتي...بيج شئ يوجعج شئ باوعتله بحيره..اي جسمي مكسر كال..فديتج من البنج هذا ان شاء لله شويه وتصيرين زينه انتبهت علئ الصونده النازله من صدري وبيه سرنجه ونص السرنجه بيها دم... خفت لا لا انرعبت كتله...هاااي شنوو؟ كال بعد ماكعد علئ طرف السرير..لا تخافين هاي صونده ينزل منها المصل والوصاخه.. كتله بخوف وبكاء..تخووف ضحك كال..اي خربوو مالاتي هذا الدكتور حشاج مطي باوعتله..اذا قلعو صدري شسووي تنهد وجر نفس..دانيا مااشوفج جسم اذا قلعو او لا ..المهم عندي صحتج بالدنيا اني احببج مااحب جسمج.. بعدين غمزلي..لا والله احبببه مو جسم نعناع..احبه بكل تفاصيله وتعرجاته.. خزرته واني تعبانه.. عيب استحي منا ماما كال..تشووخر لو اطك يمها عبوه متكعد بس اني المحروم المضلووم مكابل دانتي وهي شايله خشمها وشلوون خشم جنه خشم بزونه مال بوس.. درت وجهي..كلامك مياثر بيه كال بهيام..لا والله ياثر صرتي حمرره.. وبعدها كمل ...لج دانيا ليش مترجعين والله شلون جنتي يمي منشنشه ومدبدبه شحلاتج هسه ضعفانه... شفتي الفرق بين خيري وخير اهلج بس رحتيلهم ضعفتي وعمليات وقهر...ادري بيج ماتكدرين علئ فراكي يروحي ضحكت باستهزاء..والله ثاق من نفسه عبالك بس همه عدهم اكل احنه ماعدنه... كتله بتعب..اليوم لازم نفسك ماكوو كهاوي كاعد وساكت هنا.. كال برومانسيه...انعل ابو الكهووه وكل واحد بالكهووه غير اليوم احس روحي عريس واني كاعد بصفج واني مربطه والله لو اغتصبج محد يدري.. فتحت عيوني مصدومه..تتقربلي واني مريضه وتكون ذريتك الدايحه... كال...له له دنوو هيج تفكريني قليل ذووق ودنئ نفس وج اني احبج مااحب جسم.. ورجع عاد نفس الجمله...لا لا احببه بس صحتج اهم من اي شئ ولا تفكرين اني ملطلط والله اذا ترجعين ومتردين اتقرب منج لو اضل دهر مااتقرب منج راضي. همست بعتب ووجع..نسيت شسويت بيه حط اصبعه علئ شفايفي وكال..لا تطرين الماضي سدي والله اني بنفسي مقابل علئ تصرفي دانيه يگلبي ربج بجلالته وعضمته يغفر انتي ليش قاسيه والكائنات انتي بس انطيني فررصه وشوفي شلون اخليج مثل المي بصينه.. سكتت معرفت ارد عليه... تقرب مني باسني بخدي وبعدها باس ايدي بحنيه كال..انتي طفلتي وعشقي وروحي صح حبيتج واعترفت متأخر بس وحق كل ميت نام بالنجف حبيتج اكثر من روحي... درت وجهي عليه..اني لو زينب منو تحب اكثر سكت مجاوب بعدها جر نفس كال...لحد هسه ماانسئ الرجفه الي اعتلتني بوفاة زينب..ولا اكدر اوصفها... انتي وزينب بناتي ومااكدر. افرقج عنها..لا تساليني منو احب بيجن..لان بصراحه زينب احبها واخاف علئ مشاعرها وهي بقبرها... بس يا دانيا اريد ادللج مثل ما دللت زينب واكثر.. درت وجهي وبجيت محتاره ارريده ومااريده ..شلوون بيه حتئ من اعترف بحبه لزينب مزعلت بالعكس هذا وفاء الها واني مقدرته...وحبيت اجابته لان حجه الواقع ومكذب عليه... دار وجهي عليه وباسني بشفايفي ابتعدت بسرعه وكلبي يدك و العمليه حسيتها تقلصت.. بعدها اندك الباب دخلت مضمده عجوز..داكه تاتو ولابسه تنوره قصيره كالت..لازم اضربها ابر مال التهابات... خالد كلها..تفضلي خاله وهي تخبلت ..شنوو خاله هازه كاروك لك عيني اني صغيره..وبعدين المن صارلي سنين ادرس حتئ دكولي خاله لك كوول دكتوره... كلها..العفوو خاله..اءء اقصد دكتوره.. هي ضربتني ابره بحقد احسها موتتني.. طلعت وهو كال...مررض هاي شبيها جنها زيتونه مرت بباي تلكينها معاصره هتلر وواكعه بحبه وهو ممنطيها عين وطكته بسحر وخلته يحرك اليهود لان حب يهوديه ومحبته.. ضحكت..اووف منك يسطر تسطر بالكلام يالف قصص بكيفه كتله..خف علينه يالشاب ضحك كال...من اشووفج اصغر 15 سنه ومن ابتعد عنج اصير شوويب وبعازت الرايح والجاي.. ضحكت خجلانه وهو ضل كاعد يمي كل شوويه يبوس بيدي ويهمسلي كلمات حب ويشربني عصير... ونمت تعبانه..كل شوويه انام... كعدت الصبح الدكتور كتبلي خرووج وسجلي علاج 12-ابره مال التهابات..وكبسول وحبوب... وكال عشر ايام تفتحين الخيط وتشيلون الصونده بس عند الطبيب مو احنه نفتحهن... خالد كال..ارجعج عليه احسن... وبعدها شالني وماما حضرت اغراضي وركبنه بسيارته.. وصلنه للبيت وهو خطيه هماتين شالني لكيت رانيا مرتبه البيت دخلني الغرفتي... وتريك عدنه كلهم التموو...تريكوو جان يسولف وياهم واني اباوع عليهم... وماما خطيه جابتلي ريوك ضلت تريك بيها..وشربتني علاجي.. هو راد يروح كال العصر اجيج...لازم اروح ابدل.. كتله..بكيفك خله فلووس جووه المخده وباسني براسي كدام ماما وراح.. شوويه واجت عمه وعذراء والبنات وفوزيه... خطيه سلمن عليه... عذراء كعدت بصفي كالت..شلوونج ولج سولفيلي الدكتور حلوو لا حتئ اسووي عنده عمليه... كتلها ..كبر مو جاي تنخطبين وبعدين عملية شنوو كالت..شبيج عيوني لا سامح الله ابو لهب طلكني وين اروح عاد بلكي الدكتور يخطبني واحرك كلب ابو لهب حتئ يعرف اني مرغووبه حتئ عند الدكاتره... ضحكت بتعب عليها..يابه دزوجي ابو لهب وبعدين تطلكي. عذراء..خاب بس خلي اتزوج والقران حتئ بعد مااجي لاهلي خاف ابو لهب يلعب بذيله...بس اريد احرك كلب كرايبه وصديقاتي ههههههاي مره من المرات صديقتي الروح بروح تزوجت جنه اني وياها وحده تسولف معاناتها للثانيه وشوكت نتزوج ليش ماهي تزوجت..اشوو هاي نغرت عليه اتصل بيها مترد ادزلها رسائل مترد... انقهرت حيل جان شسويت لبست حلقة مرة معن ورحت الخالد جان هسه متزوج زينب وتوسلت بيه اطك ليده وايدي صوره ... هو بالكوه قبل ونزلها بالفايبر ...وكتبت علئ حبنا اقره الف قل هو الله احد.. ومتشوفين صديقتي كل شويه ودزت رساله.. عذراء منو خطبج عذراء احجي.. وتتصل بيه ولا ارد ههههععاي حركت كلبها علئ لخالي بلاش. ضحكت عليها الخبله حتئ عمليتي وجعتني... بعدها رن موبايل ماما ردت اشتري موبايل قبل لا اسووي عمليه...بس اجلتها لان ماما انطتني موبايلها مفتحت خط..من اتصل بعدها اجت رساله ..مكتووب.. دانيا احببببج والله اله اطلكج من رجلج واخذج واني كبير بالدووله لو اعرف اقتله اخذج.. بلعت ريقي بخووف ورجفه... يممممه هذا منوووو ؟؟ نهاية البارت ...يتبع ث هنا كونوا بخير...احبكم .يااحلئ متابعين نور سمو العراق..💔💔 | ||||
|
| |
|
18-07-19, 01:49 PM
| #45 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني..البارت التاسع رواية...انتي سيوف الثأر في اجفاني بقلمي..سمو العراق 💔💔💔💔💔💔💔 الخيانة هي الجريمة التي يدفع ثمنها من لم يقترفوها ..................... لزمت الموبايل هذا منوو ...؟ كتبت باادي اليسرئ لان اليمنئ،مربووطه من العمليه ومااكدر احركها... جانت كتابتي هووايه ساحكه بيها لان ممسيطره وموجوعه..كتبت...انت منو بلا زحمه... كتب..اني ميسر صديق عبله... فتحت عيوني مصدومه صخام بوجهج عبله هذا شنو يحجي.. كتبت..اي منو انطاك رقمي... كتب..اخذته بدوون متعرف عبله دانيا اني تعبان والله وانتي احسج بلسم لجروحي تعرفين اني الغربيه كلها اليه واني كبير بالدووله وحمايه الشخص معروف بالدووله وانتي انزرعتي بكلبي من اول يوم شفتج بي ولعنت زوجج لان ممقدر النعمه العنده..اني زوجتي عقيمه ومدللها دلال . . يالله شلوون صدمني ما اكدر اوصف الرجفه الي اعتلتني النذل العاار يضحك علئ بنت خالتي وديريد يسووي علاقه ويايه مااكتفئ... بس خفت حييل هو كشخص مسؤؤل بالدوله واله حمايته ومركزه يكدر يسووي اي شئ...هو ديستغل البنات بفلووسه ومركزه... بس عباله اني مثل الي عرفهم اني تربية الصهيوني مستحيل اتقشمر يمكن لو علئ قبل انجرف بمشاعري بس مستحيل اخوون بنت خالتي الثووله.. اني اصلا تعبانه من العمليه بس الابر والمسكنات مسكنات الآلام... ماما اجت يمي كالت.. دانيا عيب ماما عمتج والبنات كاعدات وانتي لازمه الموبايل وبعدين مو زين عليج انتي هسه طالعه من العمليه...انطينياه كلتلها بخووف..انتظري ماما بس ارسل رساله لعبله كالت..يالله بسرعه يا سالفة عبله الي متخلص.. كتبت بسرعه ونصه سحك..بلا زحمه بعد لا ترسل اي رساله هذا رقم ماما وختأخذ الموبايل... هو كتب...اوك حبي فتحت حلكي عرضين مكسر النذل يكوولي حبي حبتك صخله ورفستك بگلبك مو كلب فندق كل شويه وحب وحده ودك اليتيمه الها... مسحت الرسائل ونطيته لماما... عذراء كالت..امج جنها أمي بس تشوفني لازمه الموبايل تجيني تركض ومن اكلها يمه مريضه دكول كله من وره الموبايل... ولج يممه بطني توجعني ...دكول اي من وره الموبايل... ولج يمممه حاامل..اي كله من الموبايل...موتتني دكول تحبين الموبايل اكثر مني.. بصراحه احب الموبايل اكثر من عشيرتي.. ضحكت بتعب ... عمه كالت ..شلوونج يمممه كلتلها...زينه شوويه احسن كالت بحزن...والله متستاهلين مدري منين تجيج المصايب والامراض..كلها عيون ما تصلي علئ النبي نزلت راسي وتنهدت كلتلها...الله كريم تقربت مني وعذراء مدت راسها تتنصت كالت..جااا عمه انتي ليش رحتي بعد ما رجعتي وخاله ذيبج يعاني الوحده... عذراء كالت بصوت عالي...ابجي طحال بايت علئ الذيب وصديق الذيب اي والله يعاني الوحده.. فوزيه خزرته وهي سكتت... عمتي تقربت مني كالت...ادري مو وكته يا دانيا وادري خالد عصبي ومايرحم واني امه والله ما راضيه بتصرفاته ولا قابله علئ اخلاقه بس يا يمه هو يحبج وهو هم متعذب بحياته من ماتت زينب وهو متخبل اخبال... همست بصوت ضعيف وناصي ودمعه لمعت بطرف عيني...بس يا عمه انتي ما ترضينها علئ بناتج مو صح هووايه مواقف سواهن ويايه بدون ذنب وكله نسيته اسالي،بنت مريم شلون ضربني بالشارع والله شنوو گاطعته بالكلام وخله سني ينزف ويصيح ويغلط وذلاني وهذا يهون ومحجيت... بس من ضربني بعيني لا مستحيل يجمعنه فراش واحد اعذريني عمه بس نفسيتي متتقبل... عمه كالت...انتي ما تحبينه سكتت شوويه وجريت نفس كلتلها..ليش،اني شوكت شفته حتئ احبه اشوو هو يطلع من الصبح لحد العصر بشغله يجي من شغله بس ياكل ويسبح وطلع لو عنده فاتحه لو عنده عرس لو بالكهوه ما يدخل اله نص ليل ومن يرجع بس يعارك يعارك ذبان خشمه.. اني شنوو ذنبي اتحمل خبالاته..والله عمه ابنج مخبل كالت.. هوو ابني مااحب واحد يحجي عليه هيج ويكول مخبل بس انتي ارجعي واذا ائذاج والله العظيم اني اطلكج بيدي... سكتت بس حسيت الوجع رجع عليه لان المسكنات تفكني...عضيت شفتي من الوجع وحاولت اسيطر علئ نفسي مديت روحي ونمت... هي حطت ايدها على شعري كالت...هذا مو كته الحجي ان شاء لله نحجي غير مره هزيت راسي بأي... غطيت وجهي باادي الثانيه...دموعي نزلت لا ارادي محتاااره مااكدر اعيش وياه ولا اكدر اتقبل حياتي بدوونه...... عدت ذكرياتي وياه من اول ماشافني بالجامعه وحسيت حيصير شئ وبعدها من خطفنه وضربني بالحايط زواجي منه دماار ... مااذكر عنده موقف حلووو.. لا والادهئ من هيج من نتعارك يطردني بره الغرفه يخليني افتر مثل المجديه... سمعت ماما دكول لام خالد...والله مااعرف دانيا شنو الي شافته وهيج رافضه خالد بس اني دا اشوفها جانت متعذبه وياه ودانيا مدلله عدنه عذراء كلتلها...خاله والقران مدللها دلال تكعد الضهاري وهي خاله لسانها طوويل يحجيله كلمه ترد عليه عشره ..مو لسان رشاشه جاا الرجال من حقه يكتلها ماما كلتلها...لا شنو يكتلها لازم يتفاهمون هي صغيره وهو كبير وواعي وهي انثئ وهو رجال لازم يكون اوعئ من هييج..وعمر الانسان ما مشئ بالضرب ترئ بس الحيوان ينضرب وهم لازم نرفق بي عذراء..والله يا خاله شكلج الزلمه يتقشمر بالكلمه الحلوه اكلها ولج عووبه البسي مشلتح وشغلي ساجده عبيد...ودكي وركصي للصبح شووفي اذا ما الصبح تلكينه يصلي علئ ذيال ثووبج... بس هي ويين شعفتها معطبه ووجها اصفر وبس وااع وعااا بس تقرب منها جااا شلون ما يمل وشوكت ما تجينها تعبانه وتدلع عليه...هاي بعدها ما صار عدها ست جهال وملت جاا من يصير عدها جهال شلون بالله...لازم يطكها بمره... امها كلتلها...وج انتي شوو متستحين اسكتي... عذراء..رجاءا انتي اسكتي مااعوفج انتي وابوي دقيقه اذا ماا الكاج مخلفه طفل..حتئ سويت عليهم برج مراقبه كد ما يتختلوون.. ورجعت كملت...خاله لا تلومين ابن خالي. ابن خالي سبع ونجر وما يصادق اله الناس الزينه بس الصووج من بنتج لا منطيته حقوقه ولا ترد لسانها...وتسمي الصهيوني العباس عليج بداعت بناتج اكوو وحده هيج تسمي رجلها... ماما كلتلها...اي غير مضوجها عذراء..يا مضوجها خاله هااا ودكول عليه الدايح ابو الشوارع ...هتلر ...العباس عليج هذا حجي.. ضحكت واني جوه البطانيه الحماره فضحتني فضيحه...طلعت اني حقيره وابن خالها شريف هنه ضلن يضحكن... رجعت كالت..شوفي خاله هي تحبه والقران لان مره من المرات ضربها راشدي فك براغي رگبتها واجت تبجي وتغلط وتسب والعن خيره والصهيوني والدايح ابو الشوارع والمعفن ضربني عسه ايده الكسر...محد يكدرله...شايخ علئ العالم الشيخ الدايح اني مو تعرفيني فطيره انقهرت عليه عبالي ادميه كتلها ما يكدر اله بس الله... جاا وهي تسودنت ..انجبي وكلي تبن شنوو اسم الله تردينه يمووت مو خطيه عمتي...تنحرم من ابنها العباس عليج هسه هاي واحد شيحجي وياها.. اسمع الكل يضحك بس ضحكة ماما مختفيه من بينهم اكييد مقهوره عليه لان خالد يضربني... تنهدت وجريت نفس.. الله كريم مخليه كل شئ للوقت هنه كالن نترخص اجه معن عمتي وخرت الغطاء سويت روحي نايمه باستني بخدي وراسي وخلت فلوس جوايه هي وفوزيه وراحن وعذراء تلعلع عليه..سلمت علئ امي وراحت... واني تجيني اوجااع وترروح بس احس بتشنج بضهري حييل اذاني وهماتين السرنجه الموجوده بصدري بيها نص دم ... الدكتور كال من تنترس انزعيها ونزلي الدم ورجعي لبسيها بالصونده.. ضليت اتلوئ من الوجع وتلعب نفسي من الاكل من وره البنج ضال جاثم علئ صدري... نمت موجوعه تعبانه ... .......................... رانيا جنت دا اساعد ماما بالغده... ودانيا خطيه نايمه ماخذه مسكن... وفادي عند بابا...خاله كالت حتجي النه... هي وبناتها...وهماتين اقاربنه كل شويه واحد يجي.. اني خابرت سلسبيل كلتلها..اذا انتي بالدوام اريدج تجيبين اليه حبوب مانع للحمل.. وهي استغربت كالت..ليش شنوو تشربين مانع زوجج ميقبل كلتلها...لا مو ميقبل بس احس فادي صغير لازم اربي تربيه زينه وبعدين اخلف غير طفل.. كالت..اوك اجيبلج بس مو زين اعتقد كلتلها..لا ماكوو شئ ان شاء لله اني هماتين مااريد طفل من مرتضئ هسه لان احس ممستقرين.. كالت...اوك من اجي اجيبلج... قفلت الخط وضلينه نسوي اكل اني وماما احس السويته صح لان مرتضئ متناقض ساعاته مو سووه وما اريد اسووي طفل واضلمه ويايه فادي كافي عليه من احس انوو متصافين اخلف طفل... شوويه واندك الباب رحت فتحته.. جانت خاله وبناتها ومصعب وخالتي الثانيه هي واطفالها وخالوو.. سلمت عليهم ودخلوو جووه خطيه مكعدوو دنوو معولت نامت... بس خالاتي تخبلن عليها... اجت سلسبيل . .انطتني الحبوب... اخذتهن واشكرت منها... وانطيتها فلوس مقبلت تاخذ... ما ضلوو هووايه قبل لا تكعد دنوو راحت خاله وبناتها ومصعب وضلت بس خالتي الصغيره كالت خاله..شلونه مرتضئ وياج: كلتلها بضحكه..زويين غمزتلي..ماكوو نونو علئ الطريق ضحكت..لا والله ماكوو كالت..ليكون لحد الان ماكوو شئ كلتلها...لا علئ كولة دنوو اغتصبني خاله ماتت ضحك كالت ..شبيها دنوو؟ ضحكت كلتلها..اول مااخذها خالد خابرتني تبجي وتسب وتغلط كلتلها شكوو صاير شئ كالت خالد اغتصبني،بيومها متت ضحك خاله ضحكت كالت...هاي مخبله وين اكوو رجال يغتصب مرته... كلتلها...لا وتريد ترفع دعوه ضده... كالت..هو رجلها مبين شخصيه وحااد كلتلها..اهوو خاله سايگ علئ عائلته هو الكل بالكل مشي عائلته علئ سراط المستقيم.. كالت..حلوو هيج رجال مسيطر بس هي شكوو تريد تطلك كلتلها..خاله هو قاسي وياها وهي تعرفيها تدلع فما بينهم كيمياء..ميتفاعلون.. كالت..الله يهديهم اني زوجي رجل دجاجه ميحل هههه واذا تعصب يكول ونبي اليوم مااكوول ..يابه اوكل ..مااوكل هههه ضحكت علئ كلام خالتي خطيه رجلها بااااارد وهي ضايجه تريده شوويه يضبها.. خليت وكعدت دنوو سوينالها معلاك شووي خاله خطيه كعدت تبوس بيها وتوكل بيها وجبرتها تاكل. اكلت شوويه وكل شوويه تسأل علئ عبله ........................... دانيا متت من الوجع العصر احس روحي طلعت ضليت ابجي واتلوئ وماما خطييه كاعده تبوس بيه.. ضهري موتني اكتافي حيل تاذيني قبل شوويه زينه بس هسه متت... بابا كعدني وضل يقره ايات عليه ويمسح علئ اكتافي... شوويه والباب اندك... راحت رانيا فتحت الباب.. شوويه ودخل خالد ..باوعت عليه واني ابجي كال..خييير شكوو شبيها دانيا ؟ بابا كال..مااعرف ضهرها يوجعها وكتفها... هو اجه كعد يمي جنت لابسه تراك بنفسجي بي سحاب وفاتحه السحاب من ناحية صدري علمود الصونده البصدري... خالد لزم ايدي كال..هااا گلبي اخذج للمستشفئ جاوبته بدموع ..لا مااريد كال..جااا شلوون تضلين هيج خليني اخذج للمستشفئ ويضربوج ابر حتئ ترتاحين.. بجيت حييل...مااكدر ارووح جسمي مشنج سحب اديه كال..اني موجود واشيلج وسيارتي موجوده هو سحب العلاج ويقره بيهن خررب حضي هو ميعرف يقره انكليزي مدري شنو يقره.. كال بثقه..هذا ميفيد لازم ابرره اروح ادور مضمده اجيبها واجي كتله ببكاء...لا مااريد ماما تعرف تضرب ابر بس دكول خلي من يزيد عندج الالم كوولش يالله اضربج خالد باوع علئ ماما بعتب...خااف ما ترضين صدك جذب شنو منتضرتها تموت يمعوده اضربيها.. ماما اخذت الابره والاسرنجه وحضرته هو كاعد وبابا كاعد غير يكومون اضرب الابره فاني شسويت رحت ضربت الابره بره بالصاله.. ورجعت ماما تجي اليه استحيت من خالد كوولش... رجعت نمت علئ فراشي... وبابا وماما طلعوو خلونه وحدنه... هو ما صدك تقرب مني واني بعدني موجوعه ما سكنت... حط ايده علئ شعري كال...هااا حبيبي ما رتاحيتي شوويه؟ همست بوجع...لا همس برومانسيه..عسئ الوجع للاقصده بكلبي ولا بيج باوعتله بألم..تقصدني؟ كال وهو يعض شفته.. افاااا اني اقصدج والله اتمنئ المرض انسان اله امحي من الارض والسماء.. تقرب مني وحط خشمه علئ خدي...تحبيني؟ تنهدت من جنت اساله واكوله تحبني يكوولي عفيه لا تزعجيني،فاني لازم اقلده كتله..اهوو لا تزعجني كال بثقه ...هو اني اكدر ازعجج عمي وروح اهلي كلهم مااكدر علئ زعلج...بس اني اعرف قصدج من دكولين لا تزعجني باوعتله ورفعت حاجب..اي،شنوو كال ببتسامه خبيثه..معناه كلبج يضل يدك ويزعجج من يسووي حفله موسيقيه صاخبه وهو محتفل بحبي... هزيت راسي باسئ..يايمه منك عندك ثقه توكل بلد كال..اي لج احترك عشيرتي بنار ونفط غير من اشووفج تصعد عنده الثقه لج الله خلقج وجان راضي علئ عباده وكتبو. بجنسيج نوع الجنس..انووثه طاغيه... ابتسمت بخجل خررب يوومه اله يخجلني رجع كمل كال عود مثل عذراء ماعرفوو يحددون نوع الجنس كاتبين بالجنسيه الي شعار اخر.. باوعت عليه وطكيتها بضحكه...هههههههه هو ضحك باسني بخدي حييل ماصدك حطيت ايدي علئ صدره وبعدته باوع علئ صدري..كال وهو يعقد حواجبه..ليش السرنجه متروسه دم ومحد مبدلها شهل تسيب والله اخذج وياي هنا محد يداريج.. كتله..لا تضل تصيح تعرف كولش زين شلون اهلي مداريني... كال..اي بس ماتحمل بعدج عاد تعالي دلليني كولي رجلي ابو جهالي يجي تعبان خلي اسويله مساج ادلعه ترئ والله حرام عليج محاسبه امام الله لان ممهتمه بيه وطبعا هذا مو كلامي كلام ابو لهب رجال متدين وعابد وزاهد..حتئ راح يبوش عذيره يخاف علئ الجمال الخارق البارق مايدري عذراء ارجل منه ضحكت يالله شكد يحجي علئ العالم وياخذ غيبه وهاا الكعده ماخلت عن سؤاله عن مصعب.. من كال..اجتكم الحيه المسمومه استغربت منو الحيه المسمومه...اثاري يقصد مصعب.. بعدين كتله..اشوو عذوره ما نخطبت كال..غير ابو لهب يريد يروح للعمره من يجي ان شاء لله يخطب ... كتله...ان شاء لله بعدين تقرب مني ونزع السرنجه واخذها ودخل سرنجه غيرها لان مليانه دم... ضل كاعد يمي يسولف ويحاول ينسيني اليوم ماسب هووايه... بس اني كتله تذكر من جنت دكول علئ بابا نعال وهيج وهيج اشر على نفسه بصدمه...اني شووكت والكائنات مااذكر هيج غالط علئ عموو اصلا حيل احترمه.. يابه فوك شينه كوات عينه وجذاب طلع وهاي خصله جديده من خصلات صفات خالد الحميده... ضل كاعد للمغرب بس شرب جاي وبابا توسل بي يضل يتعشئ مقبل... خله وراح بعد ما كل شويه بايسني واني اتعيقل عليه يحقلي لان هو هوايه جان يتعيقل... وبعد ما راح اخذت موبايل ماما رسلت رساله لعبله كتبت الها... يا معفنه يا عووبه يا حماره هذا حبيبج دزلي رساله ويكول دانيه احببج تعالي حليها شلون بالله.. كتبتلي بسرعه..خلي يولي يمعووده اصلا مااحبه هم جبير وهم عقيم وهم ساقط..جنت اقط بي يولي.. ياربي خبلتني عبله كلتلها..لعد كاتبلي احبج واكتل زوجج واخطبج كليله رجعت ولتخابرها بعد كتبت والله دانيا ميسر اذا خله وحده اباله يجيبها يجيبها... كتبت بنت الزمال انعل ابووج ياابو مكسر وياج انوب عليه مكسر... قفلت الموبايل وحضرتها وحضرت مكسر من الشركه.. وين المطي يجي عليه هسه هذا شنو .................. . بعد مرور مده رانيا رجعت الزوجها ..وعذراء بعدها لحد الان ممخطوبه وتبجي نعل عبالها ابو لهب خرب الخطبه دكول هو هذا حضي حتئ ابو لهب المهلس يتعيقل عليه ويماطل بالخطوبه ويوميه هذا الاسبوع الخطبه وكوولشي ماكوو... لكن تقرر الاسبوع الجاي الخطبه بعد تخرب تصير مااعرف... اني اليوم موعد الزرع خابر خالد كال اني راح اروح اجيبه واجيكم... ضليت كاعده متوتره وخاايفه وماما تدعي وبابا هماتين بس يدعي.. اني شلت الازرار وفتحت العمليه جانت نضيفه بس ضل الزرع خالد حيييل تاخر راح من 3 الضهر وهسه بالسته العصر وهو مجاي... ضليت ابجي كلت بيه شئ ومااجه ميكدر يواجهني خابرته انطاني رفض رجعت خابرت هم رفضه حسيت كلبي طار من بين اضلاعي لا ياربي كوولشي ولا الخبيث فدووه اروحلك والله تعبت وكوولشي مجاي احقق من حياتي احس الدنيا ضلمه بعيني وانوب افقد صدري والله مصيبه احساسي قاتل بذيج اللحضه ولا يمكن انسه الرحفه الي اعتلت جسمي... بابا كال..حروح وراه اشوو تاخر وميفتح خط ااخاف التحليل مو نضيف... كلتله ماما بخووف...اي روحح بابا جاي يطلع واندك الباب.... نهاية البارت...يتبع.. لاتنسو التصويت حبيباتي...اعرف البارت قصير بس والله العظيم هذا الاسبوع كوله امتحانات ومع لعلم كتبت تستاهلون والله كونوا هنا كونوا بخير...احبكم نور سمو العراق..😘💔 | ||||
|
| |
|
18-07-19, 01:53 PM
| #46 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني...البارت العاشر رواية..انتي سيوف الثأر في اجفاني بقلمي..سمو العراق 💔💔💔💔💔💔 لقد تراكمت الاوجاع والاحزان والخيبات فينا فــ باتت ارواحنا ملجئ يحتضن الألم والانكسارات 💔 ........................... احساسي قاتل بذيج اللحضه ولا يمكن انسه الرحفه الي اعتلت جسمي... بابا كال..حروح وراه اشوو تاخر وميفتح خط ااخاف التحليل مو نضيف... كلتله ماما بخووف...اي روحح بابا جاي يطلع واندك الباب.... احس انسلبت مني،الحياة ورعب راودني حياتي،ومصيري،بهذا التحليل اذا كان نضيف،فاني،ملكه وهذا الي ارجوو من رب العالمين بس اذا مو نضيف اكييد حياتي حتتدمر وتنهار.. فتح بابا الباب.دخل خالد بعد ما سلم على بابا جان شايل علاكه بيها باكيت والعلاكه ثانيه،بيها علاج والضرف. .. باوع عليه كال ...السلام جاوبته ماما.. وعليكم السلام هااا بشر خالد شنوو تحليل دانيا.. كال بهدوء...نضيف الحمدلله تنفست برراحه وعمق وضحكت... ماما طارت من الفرحه هي وبابا ورجعت حضنتني وهي تتنحب وتبجي...الحمدلله الحمدلله يارب انت ارحم الراحمين الحمد لله ماخيبت ضني وماكسرت خاطري... الف حمد وشكر يارب... وبابا باسني وهو يضحك ويبوس بيه خالد ابتسم...الحمد لله الزرع نضيف والدكتور كال اني عرفته نضيف من اول ما سويت العمليه بس احولته علئ الزرع لان احنه دوله متعرضه للحروب والانفجارات وخفت يكون الورم ملوث لذالك حلته علئ الزرع للتأكيد حطيت ايدي على صدري براحه واني أبتسم وعيوني تلمع بالدموع...الحمد لله يااربي يا جابر الخواطر جبرت خاطري بعدين بابا كال...خالد ليش تاخرت وتتصل بيك دانيا متفتح خط..والله رعبتنه..وعيشتنه بالحصت فزع خالد بهدوء...والله ازدحامات وموبايلي جان صامت اعتذر والله اعرف عيشتكم بقلق..بس شسووي واجيت اتصل هذا المرور فد واحد مخبل بسيطرتكم بس يشوف واحد يخابر يغرمه... بابا لزم كتفه وگله ...ادخل ادخل للاستقبال دخل هو وبابا للاستقبال...واني رحت اسووي جااي.. دخلت للمطبخ سويت جاي بسرعه..وحضرت استكاين بين مخدر صبيته واخذته الهم... وكفت عند الباب..سمعته يكوول البابا ..بس اني اريدها بابا جاوبه...وهي متقبل ترجع اني مااعرف شنو الي صار بينكم بس الي اعرفه دانيا ممتقبلتك وهي تسعئ للطلاق خالد..بس اني مااطلك مستحيل اتخلئ عنها لو مهما صار اني اذا طلكتها معناها مااحبها ولا اجازف الخاطرها خليها عدكم بس مدام اسمها مثبت بااسمي هذا يكفي.. بابا كال...بس دانيا طموحه وتريد تدرس رغم هي من اول ما تزوجت استغنت عن دراستها بس،هسه لا تسعئ الدراستها وهذا حقها لان هي 11 سنه تدرس بس حتئ تدخل جامعه وتخصص بقسم وانت للاسف حرمتها... خالد...مستعد ارجعها لدراستها وادخلها جامعه اهليه اني رغم مااكلك خيير...بس اني احب الدراسه وجانت زوجتي المرحومه طالبه واستشهدت وهي تطلب العلم...لذالك ماعندي اي مانع بدراستها.. سمعت بابا يكووله...انت اخذت دانيا مني بتهديد لا تنسئ شلون ساومتني عليها من هذاك اليوم واني عرفتك راح تتمنذل عليها ولا راح ترحمها لان اني رجال واكبر منك وانت جنت سليط وياي ولا احترمتني وبعدين شلون انت ترحم رانيا وانت اني،بمثابة ابووك ما رحمتني وهددتني خالد...لا ما هددتك كتلك عشيرتي هي الي طالبت بثار مهتدئ واني وكفت بوجههم وكتلك اذا اصير نسيبك محد راح يفتح حلكه ويحجي وشفت اني وكفت الك سيف ودرگه... يالله شلون صدمني شكد جذاب وين عشيرته تعرف بهذا الموضوع اصلا عشيرته وماتهمت بابا بمقتل مهتدئ...لا ويحجي بثقه وواهم بابا انو فعلا عشيرته هي الهددت بابا... بابا جاوبه...بس القاتل طلع منكم وبيكم وانت ما الك ثار ويانه لذالك دانيه متريدك وانت ارحمها من البدايه خليتني اوافق علئ زواج يكون فاشل بنظري لان ياخالد دانيا مو مثلك...دانيا من النوع التحب الاتكيت وتحب دراستها وتحب تكون حره وانت اسلوبك مقييد انت اني اتهمتني باطل تريد ما تتهمها خالد...والله انت تجيب التهمه الروحك يعني من اليوم الي اختفئ مهتدئ بي انت اختفيت وياه انت ثرت الشك ليش اختفيت ليش هذا اكثر موقف شككني بيك... بابا اتغيرت نبرة صووته وكال بعصبيه...انت شلون تشك بيه هيييج اخووك حامي عرض بنتي شلون اغدره واقتله انت ماجنت تعرف سبب روحتي بيوم انخطاف اخووك ولا تعرف اني وين رحت... خالد...وين رحت؟ بابا بحمود...اكوو ناس من الطائفه متعصبين فكرت همه الي خطفوو رحت الشيخ عشيرتهم والوقف الس...وطالبت بمهتدئ وجنت اني الي اريد اكفله لكن حلفوو هو مو عندهم واصلا ميعرفوو...هذا جان سبب روحتي بمقتل اخوك وبعدين طلع القاتل منكم وبيكم.. ومالك عدنه شئ.. خالد تنهد..جنت مقهور حيييل اخوويه عريس وراح محروم واخويه تهدد منكم.. بابا..منوو هدده؟ خالد سكت وكال..انسئ اني خفت خالد يكول لبابا علئ كلامي وتهديدي لمهتدئ ودخلت معمعه الها اول مالها تالي... اني حبيت اكطع كلامهم دخلت للاستقبال وشايله صينية الجاي... حطيت استكان مقابيله علئ الطاوله ورجعت وحطيت استكان مقابيل بابا... هو شال الاستكان وشرب واني درت وجهي ردت اطلع كال باانزعاج..ادري جاي شربت باارد بابا كال باانزعاج..شنو هذا مالت الصبح خجلت وفشلت كتله...لا والله هسه سويته.. خالد..والكائنات مال اول البارحه تعال وغسل وجهك بي بابا كال..يابه بارد شسالفه.. خليت وطلعت من خجلي..ورحت حميته وصبيت جديد بابا كال ..تعالي،اكعدي بابا تفاهمي ويه زوجج وان شاء لله خيير.. كعدت بهدوء واني دايره وجهي ومتوتره... هو جان بعيد عني بس شاف بابا طلع .....بسرعه اجه وكعد يمي وحضني باوعتله بعصبيه..شنوو اشوو تتجرء عوفني لزكت بيه ماكو مكان... كال ببراءه..اي ماكوو هناك بارده هنا دافيه تنهدت..يمعود شتريد شنو دافيه اصلا الجو زين خالد برومانسيه...اي بس يمج بلعت ريقي همست...خالد بعد لا تجي والله دتعذبني خليني اعيش بفترة نقاوه احس من تجي تكتم علئ صدري حسيت حنكي انخلع من سحبني ودار وجهي عليه كال بتساؤل وغضب..اكتم علئ صدرج انتي شكد عنيده اني جاي اكلج احبج والله اربعين يوم اربعين يوم اليل ماانامه افكر شلوون تعيشين اذا طلع الزرع مو نضيف لج اربعين يوم واني بكل لحظه اذكرج وادعي بصدق نيه لاول مرره لج والله دعيت ربي امووت ولا اشووف الحزن بعيونج وتردين ابتعد عنج واطلكج لج والله مااكدر اعيش بدونج انتي النفس انتي عرضي وشرفي وغيرتي لو شيصير مااقبل تكونين الغيري ولا اقبل افصلج عني بفاصل الطلاك انت حلالي عافيتي والله مااطلك لو تمطر نسوان... تنهدت باوعتله ودمعه بعيني.. بس مااكدر اعيش،وياك ما احس بالأمان انت تفيدك وحده تتقبل عصبيتك اني مااتقبلها واني مدلله سنه وحده عشتها بكهفك دمرتني مااكدر اعيش واكمل حياتي وياك افتهمني ارجووك كال...اني مخبل ماافتهم بجيت بنحيب ..والله خالد مو بيدي والله اخاف منك لحد الان اتفزز واخاف منك وكل يوم يراودني حلم ضربتك اليه بعيني والله من اشوفك اشووف نفسي مذلوله ومستعبده وراضيه بالذل... سكت ورجع باوعلي..والكعبه الج معزه بكلبي مثل معزت طفل صغير وابوو فقده انتي ليش ما تنطيني فرصه يابه انطيني فرصه وشووفي عضيت شفتي...اريد ادرس مااريد ارجع كال..ادرسي والله اني اخذج وارجعج وشنو واذا مادرستي ترئ عادي افتخر بيج والله بالكي تصيرين معلمه وتدرسين جهالي بدون فلوس هههه تنهدت..اووف خالد مااريد ارجع والله مااريد مااحب ارجع النفس الكهف اني مااحب الذل اني حرره جر نفس وطلع جكايره يدخن كال..مو كتلج والله متشوفين اله كل خييير جاوبته...لا هو وكف بعصبية...وحق القران وحق امة محمد لو اريد ارجعج ارجعج غصبا عنج مفهووم بس ميخالف انطيج مهله واخر مهله الج سامعه وكفت بعصبيه..شفت شلوون انت متصير الك جااره هز راسه بوعيد..لان انتي متستجابين كتله..يابه لزكه مااريدك قبض علئ ايده بعصبية ورجع لزمني من وجهي..لا مو لزكه واكدر استغني عنج بس والنجف مااطك عناد بيج مااطلك خله وطلع بعد مااخذ جكايره ومفاتيحه وركع الباب كل قووته وراه... ضربت رجلي بالارض وكعدت علئ القنفه ابجي حتئ ما خلاني افرح بتحليلي.. شكد نذل ياربي والله حيرني... رحت الغرفتي نمت يطلك يعني يطلك اذا هو عنيد اني اعند منه وماكوو واحد احسن من واحد... اتصلت عبله فتحت خط... عبله..هلاوو دندون دانيا بتنهيده..هلا عبله..شبيج رافعه خشمج عليه لا وحاضرتني وحاضره مصعب وحاضره ميسر وحاضره سلسبيل مسويه حضر جماعي... دانيا بعناد..تستاهلون ميجي منكم بس المصايب عبله بصوت حزين..دنوو حبي اريد منج فد موضوع اريدج تحققينه الي عفيه ونبي ماكوو غيرج دانيا بااستغراب...شنوو؟ عبله..ميسر دانيا بحقد ...شبي مكسر؟ عبله ببكاء..لج هددني لج نذل شسوه بيه انصدمت بخوف..شسووه؟ عبله..مو دفع فلوس قسط الجامعه مالتي وكلي وقعي هنا هذا مالت الوصل مال الجامعه وهو النذل مخليني موقعه علئ عقد وهسه يكول ولو تشتغلين ويانه لو افضحج وكل فلس انطيته الج اريده فتحت حلكي مصدومه وخايفه..اي وشسويتي لج عووبه اني مو كتلج هذا ملعب وبعدين بالدوله هذا اكيد يضرج.. عبله ببكاء..اي ولج يكول اني ابوو...ال...«-لقبه» محد يندك بيه جايه انتي تلعبين عليه اريدج تجين تشتغلين ويانه وتحاجين دانيا همين.. حسيت كلبي وكع بين رجليه ...اني شعليه يمعووده فدووه لا تورطيني وكلي لاهلج همه يلكون حل لمصيبتج... عبله..مو اني غبيه اخذت قسط من بابا وصرفته وميسر دفعلي القسط وهسه يريده ومتورطه.. فتحت عيوني مصدومه ...دهر صابج عبله علئ هل دكه وج وين وديتي مليونين لج زماله شلوون هيج تتصرفين.. كالت..شسوي صار سنه واني اصرف بالمطاعم الراقيه والمناطق السياحيه وعلئ صديقاتي ومكياج وعطور ومااعرف شنوو وملابس... كلتلها بعصبية...وخاله مدكولج منين؟ عبله...لا دكول بس اكولها من صديقاتي وهدايا من صديقاتي لان يحبني وهي تسكت.. هزيت راسي بعدم تصديق..وهسه شلوون عبله بحزن..دنوو ساعديني ميسر يحبج بلكي تكدرين تقنعي حبابه الله يخليج رديت بعصبية...رجاءا علبه لا تورطيني البيه مكفيني والله وعندي رجال مجرم وبس يعرف لو خالد يكتله لو ميسر يكتله فدوه عفيني... عبله..مو لان يحبج ويحترمج حبابه دنوو تنهدت..والله مااكدر واخاف غلسي منه وقفلي موبايلج او اكسري السيم كارت كالت..حدزلج المحادثه وشوفي قفلت الموبايل وشويه ودزتلي سكرينات يممه تفاجأت من الكلام المكتوب كله تهديد... شوفي لج عبله والله اطيح حضج اجيج للكليه اسحلج سحل..وجهج هذا الحلوو اشوه واخليج تتندمين...خلي دانيا تتواصل وياي.. كاتبه اله...انت مو متزوج كاتب الها...انعل ابو زوجتي ياابو الخلفها رجعي فلوسي لا ادز حمايتي ينعلون سلفه سلفاج.. مسحت السكرينات واني ارجف ياربي هذا شيريد مني والله كلب ونذل ماعنده غيره..مدام يغلط علئ عرضه ومستهان بمرته فااكيد نذل وستين نذل... ضليت ارجف من الخوف اني وين والدوله ووين يربي والله حييره خالد اذا اكووله يذبحني.. وبابا اكيد بعد ميخليني اداوم جامعه شلون ياربي والله حييره... صرت حتئ اخاف اطلع اخاف يسويلي شئ وهم خفت على خالد اخاف يسويله شئ.. ومن خلال كلام عبله وهو مبين متعصب ونذل ضليت لليل افكر من الخووف ضليت ابجي ياربي ارحمني واهدي سري وريح بالي.. لو خالد زين ويايه جان اني هسه ام وعايشه وياه سعيده بس هو السبب بكل شئ وهو الطاغي الله يهدي ... اتذكرت قبل من زعلت وياه... دخلت للمطبخ اسووي اله عشاء وهو اجه كعد كال سويلي بيض... كليت اله بيض وحطيت اله فلفل اسود لان اني احبه ويه البيض حطيته كدامه بعصبيه... وهو ضل مثبت نضراته عليه وخازرني خفت منه ونزلت عيوني كال..اسامح اسامح المسامح كريم...واكيد الي اجر عند ربي... جريت نفس وزفرته... هو شويه وضل يكح وشرب المي كووله وكف بعصبية كال..بنت الكلب حاطتلي فلفل اليوم انعل خييرج جاوبته بخوف وبراءه...لا والله. طيب احبه هييج كال بهدوء..بس اني مااحبه رجعت ليوره خايفه منه فتح الثلاجه طلع فلفل اخضر حار... كال..اكلي مو تحبينه اخذته من ايده بعصبيه...واكلته حسيت جنهم دخلت بحلكي..متت بس كملت الفلفه بعناد.. هو باوع عليه وضحك لزمني وفتح السنك غسل وجهي احس عيوني طلعت... ضليت احك واديه احس،صارت حمرر ورقبتي،احك بيها... ردت اطلع هو لزمني كال..افاا توهجت الشفايف من الفلفل الحار وما ترديني اطفيهن... باوعتله بحقد ردت ابتعد ماحسيت غير بشفايفه احتضنت شفايفي... دفعته وطلعت امشي بسرعه واحك من الحساسيه الصابتني بسبب الفلفل. واسب بكلبي الصهيوني هتلر وكلني الفلفل وباسني،شكد مااحبك اكررررهك... صحيت من واقعي بالحضات فكرت ارجع للصهيوني،واخلص من عبله وحبيبها... لان خالد مصدر حمايه الي حتئ،وان كان قاسي... نمت تعبانه واني متوتره واردد بداخلي نوم بدون نعاس،كووولش متعب.... ......................... رانيا.... اليوم خطبت عذراء بعد معاناة راحت للصالون واحنه ضلينه ننضف.. خطيه من الفرحه راحت للصالون بدون قراصتها ام الريش وحتئ،الحمره السحريه مخلتها... واني كلتلها..خلي الف الج الشال توربان كالت..يممه حتئ اطلع جني عباس ابن فرناس.. ضحكت عليها وراحت وكالت شغلوو الديجي وعلوو حييل اريد احرك كلب جوارينه شويه والعالم التمت اجت سحر هي،وعلي،وام علي والبنات واقاربنه... خطيه هي عذراء عزمت دنوو ودنوو رفضت مقبلت تجي... دخلت سحر كالت رانيا مكيجيني... اخذتها الغرفتي وكعدت امكيج بيها كلتلها..ماكو نونو علئ الطريق... جرت نفس كالت..لا والله وعلي حيل ضايج مني حتئ ضل ما يجي للبيت كلتلها...بعد وكت ترئ هسه تزوجتي كالت..مو بعده مماخذني بس بداعت ابنج لا تحجين انصدمت كلتلها...اووف ليش كالت بحزن وقلقل..مااحب اي واحد يتقرب مني عرفت بسبب ابن عمها العار شوويه ودخل مرتضئ واول مشافها طلع...حتئ مسلم.. تنهدت بضيق يمكن بعده يحبها اوف ربي.. بس هو زين ويايه ويضحك وياخذ حقي بس مو ملطلط لا مرات... واني اخاف منه اشرب مانع... بس ميدري...ومدلل فادي حيييل ويموت عليه... وحتئ كال..اريد اخذه يزور ابوو واني كتله..اروح وياك هو سكت محجه شئ وبعدها كال...اي روحي مااحرمه منكم... بس بوقتها حييل ضاج حتئ طلع مااجه ومن خابرته طلع رايح للامام الكاظم عليه السلام... شوويه وكالوو اجت عذراء... اني جنت بعدني ممكمله..بدلت سحر وكملت مكياج وشسورت شعرها ونزلت طلعت تجنن... واني هماتين بدلت ومكيجت ونزلت... بس لبست حجاب وصايه كلت يم البنات انزعها.. من نزلت سمعت علي يكول الخالد اصبرلي بس هذا الاسبوع والله وكل شئ تمام... والله اني ما ناسي جاي اشتغل بس تعرف مكاني بين بغداد والنجف صعب... خالد يكله...اي،صح بس ترئ طوولت حييل تركتهم ورحت ومعرفت شنوو يدوور ابالهم دخلت شفت عذراء لابسه بدله تفاحي ومسويلها تسريحه وزنودها مبينه وكاتبه علئ صدرها ابو لهب ضحكت يممه من هسه بده الحب... وتضحك مكيفه بس طالعه حلووه.. اجيت سلمت عليها وبستها كلتلها..طالعه كيوته كالت بفررحه...لاا العباس عليج مااتحمل لا تلعبين بالاعدادات... ضحكت كلتلها..والله حلوه نيال ابو لهب كالت..يممه فديته اليوم اطكه بنظره اخلي بس يحلم بيه... جانت لازمه مرايه صغيره بيدها كل شويه وباوعت الوجهها.. كالت..والقران طالعه اشبه ام كلثوم بااخر حفله..شهل تسريحه وحاطتلي ورده ام ريش الريش لاحكني حتئ بخطبتي كلتلها..والله حلوه شبيج كالت..ادري والعباس احلئ وحده طلعت اني يصالون تفاجئن عليه وكله تريد تصور حرم ابو لهب المصون هععععععاي حميت موو يالله ميخالف المهم نتزوج شوكت يصيرون عندي جهال وارضع واخبط مميات وبعدها وكفت شغلت الديجي... واجت فوزيه رزلتها وكعدت عاقله.. اخوات علي كومنها..وضلت تهز جتف وتركص بدلتها وامها كل شويه مكعدتها... شوويه ركصت وبعدين اجه ابن حمايه كال..عمو مرتضئ يريدج... لبست صايتي وحجابي ورحت الغرفتي كلت اكيد فادي يبجي وزعجه يالله خلي اروح اتدلع عليه... اول مدخلت الغرفه شفته واكف بنص الغرفه وعيونه تجدح ولازم بيده شئ ضحكت بخووف ووكفت مقابيله كتله..هااا مرتضئ رايد شئ ماحسيت غير براشدي وكعن من طوولي كدام رجليه حطيت ايدي على خدي من الصدمه وهو رجع رفعني من كتفي... وهمس بفحيح مررعب..اليوم العن خيييرج نهاية البارت..يتبع بنات والله حيل اعتذر منكم لان أتأخر بس ونبي عندي امتحانات وارجع من الجامعه متاخره وانام شوويه ومدا الحك..فديتكم متفهميني احلئ متابعين والله اجيت اختصرها بس حرامات..لازم اوفي حقها لا تنسوو التصويت... كونوا هنا كونوا بخير..احبكم..بحجم السماء... نور سمو العراق | ||||
|
| |
|
18-07-19, 01:54 PM
| #47 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لجزء الثاني ..البارت الحادي عشر رواية...انتي سيوف الثأر في اجفاني. بقلمي..سمو العراق 💔💔💔💔💔💔💔 لقد تراكمت الاوجاع والاحزان والخيبات فينا فــ باتت ارواحنا ملجئ يحتضن الألم والانكسارات 💔 ........................ س سحبني،من كتفي،ووكفني جنت مصدومه ومخليه ايدي علئ خدي احس خدي شب نااار.. طلع شريط الحبوب خلاها بوجهي،...هذذا شنوووووو؟ باوعتله بعيون حيرانه..اءءءء صرخ بوجهي بعصبيه...احجي بلعتي لسانج؟هذا شنو عضيت شفايفي بخووف..اممم حبوب مرتضئ..يعني شنوو؟ رانيا بهدوء...مرتضئ خلينه نتفاهم حبوب عادي مرتضئ،بحقد...عاادي..مانع للحمل وعادي كمل بعصبيه...هسه صارت عادي تاخذين مانع للحمل وانتي متزوجه كدام الكل وقبل جنتي،بس مخطووبه مافكرتي بهذا الشئ...انت شنوو قضيتج تحبين الفضايح يعني صدوك انقهرت حييل من كلامه اعرف شنو يقصد بكلامه يريد يجرحني ويحسسني اني بعت نفسي قبل زواجي ومفكرت صح... بلعت ريقي وجاوبته...مرتضئ اني وياك ممتفاهمين واخاف يجي طفل بضروف صعبه ويتبهذل ويانه... كال بااستهزاء..مو علئ اساس فادي ما تبهذل..لج حمااره مدام من وراي تشتغلين مااثق بيج وبعدين شنوو اني رجل كرسي وما تناقشيني ومخليتني وراج وتتصرفين من كيفج والله والله اله اطيح حضج واذلج مدام هيج سويتي باوعتله بعصبيه...وشسويت سبيت العنب الاحمر مرتضئ قبض ايده...انتي فد وحده حقيييره جاي اعدل اسلوبي وياج واكول خطيه ترملت وهي صغيره وهي عرضي وابنها ابني وانتي تهينيني من وراي... عندج طفل متهتمين بس اني من حقي يصير عندي طفل وهذا الموضوع لازم نقرره اني وياج بس انتي ما عترفتي بيه...وسويتي البراسج بدون ما تستشيريني... رانيا مااتحمل اشوفج بغرفتي اطلعي برررره... تنهدت لزمت ايده..فدووه مرتضئ افهمني خليني افهمك سحب ايده وانطاني ضهره همس بجمود...وخري من وجهي حضنته من خصره وحطيت راسي علئ ضهره لاول مره اتجرء وتقرب منه باارادتي.. همست بصوت ذايب..مهتدئ بلعت ريقي مصدومه من حالي وهو دار وجهه عليه بسررعه... ضليت اتنفس بصعووبه وعيونه الحاده تتاملني..مجنت متقصده والله فعلا مجنت متقصده... باوعت بعيوني وشفايفي ترجف..اءءء ااا اسفه واا والله مو قصدي دفعني حييل رجعت خطوتين وجهه صار ناااار ناااار... كال بعصبيه...لا عبالج اغاار منه هذا اخووي رضعنه من نفس الصدر وشالتنه بطن وحده وتقاسمنه ضلمة الرحم اثنينه مقهور عليه اكثر ما مقهور علئ نفسي... من البدايه رفضتج لان عيوونه تووكف بيني وبينج احس خاين اخوووي ابن امي وابووي شووفي خالد مرته ماتت واهل مرته انطوو اختها بعدها صغيره ولا متزوجه ولا شئ وهمه عائله محترمه ودارسه بس هو رفضها لان يحس بخيانه لمرته... يفضل الغريبه علئ اخت مرته واني فضلت اي وحده عليج. .... بس القدر والنصيب اله كلمته مااعرف شنوو الي خلاني اوافق اني اكثر واحد انضلم بموت مهتدئ انجبرت عليج بحياتي العاطفيه... جان من حقي اكوون عريس وفرحان بعرسي واخطط المستقبلي بس اني للاسف عبالك زافيني للمشنقه... هذا كله وكلت اني ممسوي شئ حرام الحي ابدئ من الميت وهي حرمة اخوويه وابنها ابن اخووي ولازم اكون عند ثقه امهتدئ واحافظ علئ عائلته ومااطشرها... مع العلم جنت اقنع نفسي واني رافض الفكره خسرت حبيبتي بسببج انتي السبب بكوولشي... لان لو بس مخطووبه ومات مهتدئ عادي كلمن يروح بطريقه بس انتي سدتي كل الطرق.. نزلت دموعي لا ارادي حسيت اني ضالمه الكل وضالمه نفسي،من خليت مهتدئ يتقرب مني ماحسبت حساب للقدر فعلا اني غلطانه ومتسرعه بقراراتي... كال بهدوء...حضري نفسج ما الج مكان بگلبي...بس تخلص الخطوبه اخذج الاهلج لان مليت واني اقنع نفسي وانتي،اصلا متساعديني انانيه حييل مهتمه بس بنفسج شكد احاول اراضيج بس انتي كله بسببج انصدمت وجريت نفس عميق هزيت راسي بأي وخليت وطلعت من الغرفه واني اجر بحسرتي واثبت انفاسي...مسحت دموعي مرتضئ ميحبني وهذا دليل كلامه اني دخيله علئ حياته ويحاسبني لان اشرب مانع من وراه... حتئ من يتقرب مني احسه بس المهم يشبع غريزته ولوو هو يكول غير هذا الشئ يكول اني اريدج زوجه وحبيبه... بس هسه هو كال بس تخلص خطبة عذراء ترحين لاهلج اني هم تعبت كله زعلانه وماكوو راحه وياه.. دائما اقارن بينه وبين مهتدئ ..مهتدئ الروح تركع اله ويحبني،ويبوس،تراب رجليه... عكس مرتضى الي احسه مان عليه لان تزوجني... ضليت اكل بروحي وانتبهت عليه سحر سالتني شنوو بيه مجاوبتها... شوويه واجت الزفه... عذراء جانت كاعده علئ الكرسي وجنها مختنكه بالبدله...والكشره فاتحتها..جنها كشرة مدلول ابن شلتاغ... اشرت عليه من بعيد كلتلها ...اكعدي عدل وسدي حلكج... هي رجعت روحها ليوره گبنت وسدت حلكها. ... ضلت النسوان تسولف وتضحك شوويه وكالو هلهلوو عذراء اجت هي دكوم تهلهل.. كامت امه واخواته واقارب ابو لهب كلها تركص.. وفصوص روبه يا گفاها منين دورها ولگاه... والگوله الثانيه...بشير ما كعد راحه اخذله خووش تفاحه.. صدوك ضحكت عذيره تفاحه يابه لا تنغر علينه... وعذراء فاتحه الحلگ عرضين وتضحك. بعدين اجوو لبسوها برنص ودخل ابو لهب لابس قاط اسود ومزين شكله مال واحد فقير ومتدين والله ابو لهب مااعرف شمسوي هيج صار بي. دخلوو عقدوو وطلعوو... كعدوو علئ القنفه وابو لهب انطه العذراء سبحه وهمس الها.. هاي سبحه مزوره كل الائمه طلبتج نذر والله حققه اليه... عذراء بودها تهجم علئ ابو لهب وتغتصبه اخذت السبحه ولبستها بيدها ولزمت ايده عبالك جاي يشرد.. ضلن أقاربه يدكن ...بوسها ولتخاف من امها.. وابو لهب ما حرك ساكن توسلن بي مقبل يستحي وعذراء جانت منتضرته يبوس.. المهم ما باسها وهي طنكرت... خطيه الولد خجول وهي مستعجله ههه راحت الزفه وعذراء شغلي الديجي،وذبت لحم تهتز من جميع الاتجاهات والكل يركص وياها حتئ سحر الفقيره ركصت... اصلا احنه بناتنه ركصن ويه كرايب ابو لهب ممصدكين القطعه النادره تزوجت.. بعدين راحت بدلت بس ضلت بتسريحته متقبل تمسح اي شئ...ولا قبلت تخرب التسريحه اجت للاستقبال سلمت علئ خالها وعمو بارك الها... شافت خالد... كلها.. هلا بالقطعه النادره مبروك منج المال ومنه العيال ..اووه نسيت والله مجاي افرق بينج وبين ابو لهب ...ابو لهب بي انوثه اكثر منج كلتله...رجاءا والعباس اصلا اليوم رب الانوثه..غير من شافني ابو لهب اجه يخطفني لو ما ربك ستر كلها..وين يلكه مثلج خلقه واخلاق باع الكياته بااع هي مدت ايدها بفخر...بوسها.. وبعدها كملت اووف واخيرا تحققت احلامي وراح احرك كلب گرايبنه باجر البس الحلقه واجي لهذا جيرانه الاكلت حروف اسمه اكله ايدي توجعني فرجها واخلي يشوف الحلقه ويحترك كلبه هههههععاي.... كلها خالد...احركي كلب الكل انتي اليوم ملكة زمانج باوعت علئ علي،وضحكت كالت..اي خلي احرك كلب هذا ابو السراديب وين اكوو ضابط متعين بالنجف السيطره مالته سرداب...وبمكان الصبات حاط كبور هههههههاي..وجهاز الكشف عود بخور علي كلها...دروحي هسه انتي،وين كاعده بزيونه انوب حاطه عطر مال عجايز..ادري عطر فليت مال ذبان... كلتله...اي حقك وين متعلم علئ هيج عطور انت حدك مي ورد وبخور ابو الاسد ههههاي اجت كعدت يم خالد...فدووه خلوودي انطيني رقم ابو لهب اريد اخابره اريد اعرف شنوو يحب شنوو ياكل والالوان الي يحبها حتئ من باجر اهجم علئ السوك... يستاهل ابو لهب شعندي،غيره احبل اجيب.. خالد كلها...لا عيب انتي قطعه نادره لازم هو يبادر ويخابر مو انتي ...انتضري شوويه واسحلي سحل.. كلتلها..خرب حضي ولك هذا مايبادر هي بووسه ما باسني وكلها دكله بوسها ولا تخاف من امها وهو صافن صفنت العاشكه..كلشي،ماكوو.. واني وامي ندعي شوكت يبوسني اصلا امي اجت تدفعه عليه يا لاتخاف من امها... هي امي خايفه على ابو لهب مني ههههعععععاي.. كلها..عمي والله كاتله روحج علئ ابو لهب لو بحلاة توم كروز جاا شسويتي... كلتله...كلمن يمد رجليه علئ كد اغطاه اني،وين وتوم كروز وين هو ابو لهب،وناذره طلي لابو فاضل وصنيتين للقاسم...وسفرة ام البنين...ولزمت سبوته يالله حصلته... هاا ولا انسئ شغل ام عباس فديتها ما خلت شئ ما سوته منا لمن اجه ابو لهب والقران حتئ اجت تعتزل من وراي... بس هسه لا عايشه بفخر والله الها بيت ركن بالجنه وعلئ نهر الفردوس لان جمعت راسين بالحلال... كلها خالد..بس الي يسووي سحر يدخل النار بفتوه من زوجج الموقر ابو لهب رضي الله عنه.. عذراء..فديته كل فتاويه تتطبق وعلئ العين والراس بس ام عباس هاي الروايه ضعيفه ومالها مكان من الصحه يمكن ابو لهب جان سكران من انطاها الفتوئ..ولك لو ما ام عباس جاا هسه اني بعدني اگاگي..وكلي زوري.. واغني حرت لاني لاهلي ولا اني الحبيبي... خالد كلها..الله يحفظ ام عباس وهديتها علئ حسابي وصدك شغلها نضيف وحلوو ومضمون عذراء ..جاا شلون هاي ام عبيس الروح والريه ضلينه نضحك عليها...وهي تحشش هي،وخالد والكل كاعد يضحك عدا مرتضئ طلع... بعدين ام علي راحت هي وبناتها وسحر اخذهم علي.. ............... بعد ما كفت العالم رحت انضف،اني والبنات وعذراء تخرط علينه...بعد ما بدلنه طبعا عزلنه البيت كووله وغسلنه مواعين العشاء اتعشت يمنه ام علي وبناتها وزوجها وابنها... جنت دا اغسل بالطارمه وفادي عند عمه تلعب بي... دخل مرتضئ باوع عليه بطرف عينه وراح للغرفه اني رحت اخذ مفتدئ،ورحت الغرفتي..خطيه فادي نايم... صعدت شفته متمدد علئ السرير وهو لابس حذائه... نومت فادي بسريره... وهو كال ..يالله حضري نفسج خليني اخذكم.. باوعت عليه بهدوء جاوبته...اوك بس ثواني... جنت مااريد اروح ردت اعتذر منه..عن الي صار بس هو معاند... وكف هو وعدل ملابسه..اني تقربت منه وحضنته كتله برومانسيه..سامحني مرتضئ والله مو قصدي.. باوع عليه وهمس ...انتي ما تحبيني لو تحبيني جان ردتي طفل مني بس انتي قررتي الوحدج وجرحتيني... باوعت عليه وجاوبته ...وهسه همس بهدوء..كتلج حضري روحج.. بلعت ريقي جنت اباوع علئ ملامحه الحاده وطوله الفارع جنت قصيره بالنسبه اله وهو هيئته رجوليه.. اتجرئت لاول مره وشفايفي قبلت شفايفه غمضت عيوني واني هايمه بي وهو حسيته ساكن ما متجاوب ويايه... خجلت من نفسي وحسيت محاولتي باءت بالفشل.. سحبت شفايفي،من شفايفه بخجل... وابتعدت وهو ضل واكف ومصدوم حط اصبعه علئ شفته.. ولف بالغرفه دوره وحده وبدون مايباوع بوجهي شال فادي وكال بجمود..يالله اتاخرنه... حسيت اختنكت وروحي ذابت رخصت نفسي وهو معاقبني رحت بسررعه لميت ملابسي واغراضي ودموعي تواسيني تمنيت يصير زلزلال ولا اتخلئ بهيج موقف.... إنتهت جميع محاولاتي أفلت يدي يمكنك الذهاب، لبست حجابي وصايتي باوعت للمرايه خصلات شعري الاشقر هاربه من حجابي...وخدودي نار من الخجل وعيوني نعست من الدمووع... شلت الجنطه وهو مشئ شايل فادي طلعنه من الغرفه... وطلعنه بالحديقه ركبنه السياره... حط فادي بحضني..جنت طول الطريق المضلم الكئيب ابجي اذا طلگني شنوو مصيري... ليش اني ماعندي حظ ويه هل اخوان... لو اني مااعرف اتصرف ...والله حبيت مهتدئ من كل كلبي وتالي مات وتركني وترك علئ كاهلي طفل معذب روحي.. ومرتضئ عبالك مان عليه لان متزوجني ولا معتبرني زوجه بس بوقت حاجته... شنو يعني اتطلك والله خطيه بابا وماما شبعوو قهر منه لو مخلفين ولد ولا مخلفينه... دنوو طالبه الطلاك واني محتاره شنوو اسوي... ليس علينا تبريرُ افعالنا دائماً، فمن يحبّنا سيفهمُنا 🍂 ............................ سحر وصلنه للبيت علي جان بس يسولف هو واخواته وامه واني متجاهلني... بس جان متجاهلني تماما اني حسيت بهذا الشئ.. ابتسمت..خطيه يحق اله يزعل حباب هو ماكوو منه... حتئ ذاك اليوم..من اخذ سيم كارتي... ورجع من النجف كال تعالي ويايه.. من اجيت كال..هذا رقم يتصل وبس يهدد بيج من خابرته وكتله انت منوو مجاوبني... اني يا سحر مااريد اضلمج واعرف اخلاقج واعرفج بريئه لذالك لا تضمين عليه وكولي هذا منوو اني بسرعه بجيت وخفت بس جاوبته بالصح ومضميت عليه كتله ابن عمي جان رايدني وجدتي مازوجتني الك لان انه مااحبنه وهو كلش قذر ونذل... هو من شافني تهسترت من انذكر اسم قيس خطيه حضني وكال احجي شمسويلج هذا النذل واني احاسبه... كتله هو بس يضربني وخلوني خدامه عند امه وأخواته بس ماذكرت التحرش.. خطيه علي سكتت كال..ان شاء لله انتي عرضي ومرتي وبعد محد ياذيج... وتفهم الموضوع حتئ بدون مااشرح اله... بس كال..جان يحبج كتله..اي بس وروح اهلي اني حييل اكرهنه وصلنه للبيت واحنه رحنه صعدنه الغرفتنه... بعدني هسه دخلت علي سحبني انضربت بصدره... كال بقسوه ممزوجه برومانسيه..شطالع الكمر والله بقلاوه عراقيه بالدهن الحر اليوم اكل واصعد السكر... دفعته كتله..فدووه علي حباب وخر كال..والله اليوم اخرر يوم الج... دفعته برعب عفيييه عليييي لااااااا هو هجم بعصبيه دفعني علئ السرير حاول ينزعني الفستان واني ادفع بي واضرب بي وابجي... دارني علئ ضهري..فتح السحاب واني ابجي وأصرخ بعدها حط شفايفه علئ ضهري العاري بعد ماشاف الندوب وهمس ..منووو سووه بيج هييج قيس ضاربج احجي حبيبتي والله ادفنه بمكانه وانعل والدي والديه.. شهقت ومجاوبته وهو دارني عليه مسح دموعي وباسني بكصتي...وضمني الصدره تمسكت بقميصه واني ابجي وهو خطييه احتار شنو يسوي وعرف متعرضه لتعنيف... كال راح اخذج الدكتور نفساني ان شاء لله يكدر يعالج ويخليج تصيرين زينه... هزيت راسي بأي...ونمت بحضنه واني ابجي واشهك... ............ ........................ دانيا... جنت كاعده علئ الموبايل باليل العب فطريه شكد احبها...واكيف من ينقتل التنين ولعابه تزوج ماريوو.. ماريوو مثل خالد بس ميجذب ولا يحلف ..بس هم نفس الشئ نهار كله دايح ويكمز... ماما وبابا بغرفتهم... شوويه واتصل موبايل ماما اول شئ عبالي عبله العوبه... بس ضحكت اعرف هذا الرقم رقم الصهيوني... فتحت خط سويت نفسي مااعرفه... جاوبت بدلع..الوو منو ويايه...؟ كال بصوت ساخر...ما تعرفيني؟ جاوبت بمياعه...لا والكائنات ماعرفتك بلا زحمه انت منوو عموو... جاوب بذوبان...احتركوو عمامي كلهم الاحياء والأموات والسابقون والاحقوون..ماعرفتيني بعد عمج ..اني حبيبج ضحكت..مصدك روحك بعدني شابه مااحب الشياب.. رد..فداج الشايب هو وعمامه كتله..شتريد مو عيب تغازل بنات العالم بنصاص اليالي.. جاوب..عموو اريد ابووج اريد احجي وياه.. رديت..شتريد بلازحمه بابا شايب والشايب وقت نومهم انت مو لازم تصير مثلهم لان نفس العمر شعجب نهار كله تفتر.. رد بسخريه...مضيع العجوز مالتي وادور عليها وكالوو موجوده بيتكم عاد كلت احاجي الحجي بلكت يردها الي. جاوبته..والله العجوز ما عجزت بس من صارت يمك ويالله رقم بابا عندك وخابر منه شكوو داك علئ بنت ابوها بنص ليل هاي وانت داخلين بالعمرين وماتستحي... كال..والكعبه ما موجود عندي ورب البيت هسه يالله انطيني رقم ابووج خليني احجي وياه.. كتله..شتريد منه كال..الشايب جايب عشيرته ويريد يرجع عجوزته كتله..تصبح على خير..شيوبنه العجوز ماتت كال..اعووذ بالله يوم الصيفر قبل يومها حجيتي هاي اعز من روحي اذا مااحجي وياها اخلص يومي مهموم. ضحكت بهدوء...يالله عيني رقم بابا موجود عندك وخابره العجوز نعست... اندك الباب واني قفلت الخط وطلعت اللعبه ورحت ردت اعرف منوو كلت منوو... اجاني الصوت الانثوي...اني عرفتها رانيا...فتحت الباب بسرعه حضنت رانيا هي بسرعه دخلت جووه... ومرتضئ جان شايل فادي..هم دخل سلمت عليه ودخلته بالاستقبال... هو كال..صيحي ابوج اريد اسلم عليه... كتله..اي حاضر... فادي بسرعه اخذ الموبايل يلعب بي ضحكت عليه وبسته حيييل ورحت... اصيح بابا.... مرتضئ..جان كاعد يريد يسلم علئ ابو رانيا ويروح لان هو وصل البيت لازم يسلم علئ الرجال... وفادي يلعب بموبايل ام دانيا... شوويه واجت رسالتين... فادي شمر الموبايل ومرتضئ ضحك عليه شاله من الارض... باوع علئ الرساله فتحه .... انصدم من الكلمات المكتووبه... عبله..حبيبتي دنوو ميسر يكوول شووكت التقي بيها والله اريدها دخلت مزاجي ماانسئ ذاك اليوم من رحنه للمطعم ولا انسئ رقتها ودلعها...والله اشبعها فلوس وسفرات وتعرف اني كبير بالدوله انومها علئ ورد والله...دنوو حبي. انتظر جوابج مرتضئ انصدم فتح عيوونه مصدوووم... بسررعه اخذ صووره للرساله وقفل الموبايل ضل واكف شال فادي ... بعدها ...اجيت اني وبابا شفت مرتضئ مدري شبي عبالك متوتر... سلم على بابا بسررعه..وانطاها فادي وطلع... اتفاجئت منه هذا شبي...بسررعه راح شنوو صار اكيد متعارك ويه رانيا... اخذت فادي ورحت الرانيا وبابا هم اجه ويايه ... هي جانت ساكته...وكامت سلمت علئ بابا... بابا عرف متضايقه..وزعلانه تركها وكلها ان شاء لله باجر منتفاهم.. واني هم تركتها مسالتها كعدت العب بالحلوو فادي حبيب خالته.. وازعجه بشعري المكفش. ...................... مرتضئ جان يسووق بسسرعه جنونيه...وهو يفكر بخاينة دانيا لاخوو حتئ وان كانت زعلانه بس هي ملك يمينه وعلئ ذمته ميصير هيج تسووي...لازم تحفظ ملكية زوجها.. فتح موبايله واتصل علئ خالد... خالد..الوو هاا مرتضئ مرتضئ..وينك اريدك خالد بااستغراب..خيير شكوو صاير شئ مرتضئ..وين الكاك... خالد ...بالكهوه مرتضى..تعال للبيت اريدك ضروري... خالد..اوك مسافة الطريق ومرتضئ وصل...شاف سيارة خالد طاابكه... عرفه جااي للبيت... دخل للبيت وبسرعه صعد الدرج درجتين درجتين.. دك الباب وخالد اذن اله بالدخول... خالد...خيير مرتضئ شصاير خوفتني؟ وكف باسف كدام اخوو...دانيا تخوونك... خالد فتح عيوونه بصدممممه. ولزم مرتضئ من ياخة قميصه بعصبية...تاكل نعل دانيا اششرف من الشرف... مرتضئ...عندي دليل ضدها... خالد برعب ونهيار...ويييينه مرتضئ..فتح الموبايل وشوفه السكررين... خالد بلع ريقه بتوتر ونهيار وعصبيه لزم الموبايل بعنف وشمررره بكل مايملك من قووه ..كسره الئ اجزاء.... نهاية البارت...يتبع كونوا انتم كونوا بخير...احبكم... نور..سمو العراق | ||||
|
| |
|
18-07-19, 01:57 PM
| #48 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لجزء الثاني...بارت 12 رواية...انتي سيوف الثأر في اجفاني بقلمي..سمو العراق 💔💔💔💔💔💔💔💔💔 أرجوكم، أقنعوني بأي شيء إلا الخيانة لأنها تحطم القلب وتنزع الحياة من أحشاء الروح. ....................... مرتضئ..فتح الموبايل وشوفه السكررين... خالد بلع ريقه بتوتر ونهيار وعصبيه لزم الموبايل بعنف وشمررره بكل مايملك من قووه ..كسره الئ اجزاء.... مرتضئ،بصدمه..موبايلي.. خالد افتر بالغرفه بررعب...لا مستحييل والله لو اشوفها ويه واحد ماصدك دانيا اعرفها كلش زين دانيا دانتي مستحيل تصير الغيري... مرتضئ..العفوو خالد انت اخووي وجان لازم اكلك بالصار اني اصلا انصدمت من شفت الرساله اجت من رقم ما عرفته المن بس هي كاتبه خاله.. والاسم المذكور ميسر.. ودكلها هو كبير بالدووله واكيد يغركج بالفلوس.. خالد بنهيااار...والله والكائنات وحق كل مضلووم لو مو بالدوله لو يصير ملك ومالك الامه كلها..دانيا ما تصير الغيري لو اعرف امووت... مرتضئ بتوتر...بس خانتك ؟ لان الكلام جان يكول..دانيا والله تخبل عليج من شافج بالمطعم يعني اكييد طالعه وياه خالد لزمه من ياخة قميصه بعصبية...لك انت شتريد ترش علئ جروحي ملح تسكت لا وحق الله ادفنك بمكانك.. مرتضئ نزل راسه..مااريد اجرحك بس هاي الحقيقه ودانيا فضلت غيرك عليك... رفع ايده بكل عنفوان وضررب مرتضئ بقسوه مرتضئ فتح عيونه مدهوش وحط ايده على خده... خالد رفع اصبعه بتهديد...دانيا ماتفضل غيري عليه والله والله احط طلقه براسي وراسهه واكتل روحي واكتلها.. فررك وجهه بتوتر وصدره يصعد وينزل...اطلللع برره مرتضئ مرتضئ..اءء، خالد شال المزهريه بعصبيه وركعها بالحايط...اطللللللع بررررره لك اطلللع بره لا تخليني اجرم بيك.. مرتضئ انقهر علئ خالد كوولش تقرب منه وحط ايده على كتفه وكمل بهدوء...خالد اهدئ يجوز سوء فهم ان شاء لله ماكو شئ ودانيا صح فقيره الله يكون بعونك... دفعه بسررعه وركض للحمام..فتح الحنفيه وضل يتقئ بصعوووبه... مرتضئ ركض عليه ولزمه من كتفه ضل يغسل،بوجه وخالد كردة فعل ابعد ايييده.. مرتضئ بخووف..خالد يمعود ماكوو شئ علئ كيفك عض اصبببعه حيييل...اوووف دانيا لو الزمج باوع علئ وجهه بالمرايه صاير نار...اااااااخ دانيا احس،عيوني طلعت... مرتضئ بخووف...خالد كول يالله خالد بعصبيه..انت تطلع مني لا والله اطلع قهري كله بيك ابو المصايب كله من وراك مرتضئ بصدمه..اني شعليه خالد..اطللللع بررره اكلك.. مرتضئ لزمه...علئ كيفك خالد يجوز سوء فهم خالد ...انت تطلع لو تريدني احطك برگبتي... مرتضئ جر نفس عميق وطلع..بعد مشال موبايله المكسر.. اما خالد كعد علئ السرير وهو يتنفس بصعوبة ممستوعب لديصير دانيا تخوونه.. خالد...لا مستحيل دانيا متسويها اصلا تخاف مني وتستحي واني زوجها وتستحي مني مااعتقد بس شلون وكف بسرعه واخذ مفاتيحه وموبايله وطلع نزل درجات الدرج بسررعه...طلع من البيت ركب سيارته وهو حاب يهجم علئ دانيا واهلها... ساق بسرررعه جنونيه وهو يهمس بغضب...تموتين ولا تنزرعين بحضن غيري گبر يدفنج ولا غيري يحضنج... انتبه علئ نفسه ايده ترجف وهو يسووق ...لعد شكد يحبها وهي مجافيته... مجافيته!!! لان تحب غيييره ومنو تحب كبير بالدوله ماتريده لان مو مثل كبيرها... همس بحده...لا كبير ولا غبير كبير علئ رووحه والله الي يعني الي... ما حس غيير هو واكف بباب بيتهم ...رووحه معلكه عندها لازم يرجعها لازم... حاول يهدئ من نفسه وواسه روحه بألم...اهدئ خالد لا تضلمها لا تضلمها...لا ترجع مثل قبل وضلمتها وطلع القاتل منك وبيك...اهدئ دانيه ماتغلط... اوووف يابيت الاصفر كله من وراهم هاي خالتها هي السبب... ضل مرتكز عند باب بيتهم وكل شويه يريد يهجم ويرجع يهدئ نفسه... ............................ جنت كاعده يم رانيا ضلت تبجي علئ مرتضئ واعترفت هي غلطت لان اخذت مانع... بعدها حضنتها وبستها نامت هي وابنها... تركتها ورحت طلعت بره الغرفه كعدت بالمطبخ... احس روحي مكتومه وذايبه مقهوره حييل .. خالد ..ارريده اي اعترف اريده لو اكره جان مقبلت اراسله الكلام وياه حلوو هسه مو قبل ..قبل بس،يغلط... حطيت ايدي على شفايفي،اكتم شهكاتي...رغم جافيته بس هو ضل متمسك بيها... صح اذاني وضلمني وكرهني بروحي بس ايقنت ان هو يحبني اكثر حتئ،من اهلي وكل يوم يدز رسائل ويتطمن عليه رغم اني دائما يكون كلامي قاسي وياه... حبيت اصراره عليه وخوفه عليه... حبيت انطي فرصه الله غفور رحيم ليش اني مااغفر بس جنت خايفه يرجع يقسئ،عليه... والله اكتل روحي لان اني حجازف وارجع وياه... بجيت بقهر علئ حالي لا من دراستي،ولا من زواجي هو قبل ادرس بس،اني مااضمنه لان ماعنده كلمه صدوك... بس،الي،يقهرني الورايه والكدامي صار براسهم خير واني معلكه لا اني مطلقه ولا اني متزوجه... خالد عنيد من سابع المستحيلات يطلك واني،هماتين مااكدر اعيش ويه رجال غيره ولا اكدر شخص غيره يكشف عليه... خالد ستر اليه وهو الي،يخلصني،من ميسر عبالك مو مطلكه الكل تريد تفترسني...هاي المطلقه ببلدي مع احترامي للكل... لزمت موبايل ماما وكتبت.... هلاوو خالد اذا تريدني من صدوك باجر جيب عشيرتك كرد اعتبار اليه وتعال اخذني...بس،ورب الكعبه يا خالد اذا اذيتني وضربتني وقسيت ويايه وحق الله اهج من العراق كله واخليهم يكولون مرته نزلت راسه.... قفلت الموبايل وتنهدت ان شاء لله يفيد الكلام وياه هذا قراري اني مسؤؤله عنه يارب خالد يصير ادمي،والله اذا قسئ،ويايه والله اقتله... شوويه ورد عليه كاتب... تولتْ بهجةُ الدنيا فكُلُّ جديدِها خَلَقُ وخانَ الناسُ كُلُّهمُ فما أدري بمن أثقُ وكاتب...احلئ،خبرر سمعته والله قبل خمس دقايق اجيت اكتل روحي بس الحمد لله ربج لطف... ابتسمت بس تفاجئت ردة فعله جانت بارده ورسالته عن الخيانه مااعرف جرحتني... كتبت...انت شددكول شنوو هذا المسج كتب...لا ولا يهمج انرسل بالغلط... ما رديت عليه بس،احس انهنت حيييل وتورطت ليش قبلت ارجع...ونزلت من كرامتي... اووف خوويلد كلك حيييره.. رحت الغرفتنه شفت رانيا نايمه وحاضنه ابنها رحت دحست روحي يمهم وحضنتهم... ابتسمت حسيت براحه مع اضطرابات اوووف..والله يا خالد اذا مااخليك تبجي طييين علئ قربي ... قررت باجر اخلي ماما ورانيا تروح تجيبلي ملابس اخبل بيها الصهيوني فووك خبالاته ... اريد ازيح الخجل عني شويه ههههه واخلي ابو الشوارع. يكف عن الدياحه... نمت واني ارسم شلون حيكون لقائنه بعد زعل فات عليه هوووايه... .......................... عند خالد جان كاعد بالسياره ووصلت رسالة دانيه تفاجئ من رسالتها ... معقوله تريد ترجع اله وتريد يجيب عشيرته... ضحك علئ تهديدها اذا اذاها تقتل روحها .. افاا واني اسمح الج تئذين نفسج.. بس ليش رادت ترجع وميسر شنوو سالفته اني مااريد اضلمها اريد اسمع منها كافي ائذيتها هوواي.. كتب الها رساله عن الخيانه يريد يعرف شنو الرساله الكتبها..فكر بمرتضئ،شحيكون موقفه وهو يرجع مرته...وبنظره هي خائنته... همس،بهدوء...لا مرتضئ،ولا غييره اذا فعلا هي خاينه كرامتي فووك كولشي ومااعترف بيها بتراب... واذا هي بريئه والله مرتضئ مايسلم مني... رجع لمنطقته بين الفرحه والزعل..بين الخيانه والابتسامه... بس مدام رضت ترجع هذا يكيفه وكل شئ ينحل بس كوولشي ينحل..... ضل للفجر يفتر بالشارع بسيارته... وبعدها.وصل للبيت صعد الغرفته الجوو بارد وحلو وبارد ومنعش... صعد الغرفته وشمر نفسه بكافة ملابسه وحط راسه علئ المخده ... ضل تراوده الخاينه ...المهم ترجع ..ومكسر حسابه بعدين كل واحد يحط عينه علئ دنوو حسابه عسير لو هسه يكون ملك محصن يتحاسب دانيه خط احمر.... ابتسم من الصبح يجمع عمامه ويرحوون عراضة شيوخ مشيخه البيت دنوو تستاهل بس،كون مو خاينه... نام علئ وجه وهو يفكر بدانيا مشتاق يضمها ويحضنها ويحطها علئ صدره... دعه ربه مايكون موضوع ميسر صحيح بس يعرف فتاته مستحيل تغلط... بس شنو موضوعها شنوو كاعده وياه بالمطعم معقوله دانيا... والله كرامتي متسمح الي بس حبي الها تغلب علئ غضبي... بس اعرف اذا خاينه او لا...ولكل حادث حديث.. نام وهو يفكر تعبان بدانيه ومشاكلها وعقله ماخله من التفكير بعمار ومصيبته.... .................... جانوو كلهم ملتمين ... علي صينيه الريوك... وكل عاده ابو خالد يخطب... ابو خالد...ليش ولك مرتك وديتها لأهلها... مرتضئ..جزعت منها خليها تتادب ابو خالد..الله اكبر عليكم ولكم علئ يوم انجلط والله دخل خالد يمسح وجهه بالمنشفه... ابو خالد...وانت يالكبير.. خالد..خابر ابو سعد وحجي محمد وابو صفاء خلي يرحون ويانه ابو رانيا كال تعالوو بيتي مفتوح الكم باوع عليه مرتضئ مصدووم وخالد بادله بنضره عاديه... ابو خالد بفرحه...اي نجيبهم وناخذهم بس كون تستقر انت ومرتك... خالد بعده نظرته علئ مرتضئ ...ان شاء لله تركهم وطلع... امه...خالد يمه تعال اكل خالد...الحمد لله شبعان طلع وراه مرتضئ لزمه من ايده...حترجع دانيه خالد بنظره استهزاء...اي عندك مانع مرتضئ...لا لا بس يعني علئ ذاك الموضوع خالد بغضب...والكائنات والنجف اذا واحد عرف بهذا الموضوع يا مرتضئ حسابك عسير اجت عذراء...عصير برتقال هههههاي خالد...لا عصير نعل... عذراء...كوولشي نشرب حتئ لو بلنگوو بس ياموضوع الما تريد يفتحه مرتضئ خالد..موضوع ام عباس بخصوص فتوى ابو لهب بيها وان هي تدخل النار لان جمعتكم بالحلال...والله بالحرام مو بالحلال... عذراء..فتوئ باطله ومالها صحه وهاي مو من ابو لهب ابو لهب كل فتاويه صحيحه ومستنده بس داعيات لان شيخ معروف وزاهد وعابد يردون يشوهون سمعته... مرتضئ..هي ضلت سمعه من اخذج.. عذراء..الحمدلله سمعتي سابقتني وهنيال ابو لهب عليه كيوته وحلوه ومؤمنه صح اخذ غيبه اكثر شئ بالفواتح والاعراس بس لا علئ الفاسق غيبه... وصح اجذب بس كل جذباتي بيضات ونضيفات يلمعن لمع... وصح افتن بس كلهن علئ النيه وان شاء لله منا وهيج ادرس عند زوجي ابو لهب قدس الله سره خالد..ان شاء لله اهم شئ النيه ولا تنسين شيخ ابو لهب وكال عذراء الموقره لازم تتبوش... عذراء..صدك جذب البس جادر مال فواتح اذا يريد غير لحد هسه مامصدكه والحمزه وجاي اوفي بالنذور هي وين اكوو رجوله انقرضوو...نسبة العنوسه 60 بالميه.. الحمد لله جبر خاطري ورزقني باابو لهب وخله روحي ملتهبه بحبه فديته وفدوو ولد خالي خالد..انعل ابووج ياابو حتئ ابو لهب عذراء..لا لا يااخ خالد لعن الله السبابين انهم بالدرك الاسفل من جهنم... خالد..والكائنات مسبتج حلال اصلا اكوو فتوئ دكول العنوها والجنه مأواكم... عذراء..ديلله هسه وذا مسبيت طار نصي...صدك راح ترجع دوينه خالد..اي اليوم ارجعها عذراء..وكل شويه تكب العيطه هههههههاي وتعاي يعذراء فازعي... باوعلها صفح وتركها وراح الغرفته.... راح الغرفته سبح وبدل وطلع شوويه واجوو ثنين من عشيرته وابوو واخو معن وهو راحوو علئ بيت دانيا.... .............. ...... عند دانيا... سبحت من الصبح وبدلت بابا كال دانيه خالد خابرني كال اريد ارجع دنوو انتي قابله ترجعين... جاوبته بهدووء..اي بس بشروط كال..شنوو؟ كتله..مايتسرع ويايه وهماتين اريد اكمل دراستي وميحرمني منكم كل اسبوع يجيبني... كال...ان شاء لله بعدها تركت بابا ورحت كعدت يم رانيا... كالت...معقوله ترجعين كلتله...انطي فرصه خلي نشوف بلكي تعدل... كالت...ذيل...ابد ماينعدل كلتلها بعصبيه...لا تغلطين عليه شنو ما وراه مره تردج ضحكت كالت...العفوو العفوو مو قصدي... ضليت كاعده متوتره واهز برجلي وشويه اجوو رحت بسرعه شفته دخل حسيت انهبطت من شفته وكلبي وجعني... بجيت بصمت واسمع اطراف حديثهم بعدين بابا كله هي مرتك والك بس خاف الله بيها وترئ تريد تكمل دراستها... سمعته يكلها..اي من حقها تكمل ليش لا بعدها اجه بابا كال..يالله حضري نفسج دانيا زوجج حياخذج جاوبته...لا خلي يجي باليل... كال...اهاا اي ميخالف... راح..وحجه ويه وهو قبل.... رانيا وماما كالن حنجيب الج ملابس ..ورادن يرحن للمجمع يمنه ملابسه راقيه... رانيا اتصلت على مرتضئ مافتح خط... رجعت اتصلت مافتح خط... دزت رساله..كتب..حروح وياه ماما للمجمع نريد نشتري اغراض الدنوو تقبل اروح... هو رد عليه...روحي كلفتي نفسج والله من تسوين مصايب ما تستشيريني بس هسه علئ الطلعه رسلتي يالله هم خلف الله عليج... هي انقهرت حييل اجت تعاركه بس لزمتها وخلت وراحت.. ضليت محتاره شلون حيكون لقائنه اني وياه محتاره حيل بس حلفت اشلع كلبه.... نضفت البيت وسويت غداء... ورحت سويت شمع الجسمي وسبحت...وشسورت شعري. حفيت حواجبي بالمقلط...وحطيت قناع تنضيف ... يعني كملت كوولشي... اجت رانيا وماما ... جيبات اليه ملابس واغراض وجيبات فستان احمر يجنن قصير للركبه وضيق وربع ردن وفتحته الصدر كبيره... ابتسمت اله البسه ومخبل مجنوني... لميت الاغراض وسفطتهن وكلت باليل اخابره يجي الصهيوني .............................. سحر...علي عنده اجازه كال اليوم اخذج الدكتور محمد الشرع بالكراده للامراض النفسيه... بس هو مكال لاهله ان اني مريضه نفسيا بس كلهم هي معدتها حيل تاذيها وراح اخذها للدكتور... لزمنه سره وبعدها دخلنه... الدكتور مقبل يدخل علي بس اني... جان اسلوبه كوولش حلوو ويسأل هووايه بحيث كدر ياخذ استجابه مني وضليت اطلع سالفه وره سالفه... جنت احجي وابجي واعترف شوويه شوويه حسيت براحه جسديه.. والدكتور انقهر عليه ولاطفني بكلامه... وكال حيكون علاجج جلسات... انطاني علاج وكال هذا ينوم ترئ... طلعنه من الدكتور وعلي اخذ العلاج من الصيدليه... اول مرجعت تعشيت وغسلت المواعين شربت علاجي... ونمت بصف علي .. علي كول شويه يتقرب مني ويبوسني واني مسطوره سطر نمت والله لو يغتصبني ماادري بروحي عبالك مو علاج عبالك بنج... .................. ........... تقريبا الساعه بالعشره... جنت واكفه علئ المرايه لابسه الفستان الاحمر وصابغه شعري ومشسورته وحاطه مكياج فاتح بس الحمره طووخ حمرره.. ولبست تراجي وعقد ناعم...وصبغت اضافري احمر وحذاء عاليه ذهبيه... ورشيت عطر... اجت رانيا كالت..يالله خالد يريدج... احس عبالك اليوم عرسي واجت الزفه كلبي حسيته ووكع بدييه رعب واحساس يخوووف... لبست صايتي وشالي وشلت جنطتي وطلعت... جان هو واكف ويه بابا كدام سيارته... من شافني ابتسم.... واني نزلت راسي خجلانه... ودعت بابا وماما طلعت ورايه بستها واجيت ابجي بس خفت علئ المكياج... ركبنه بالسياره وماما وبابا اكلوبهم متلهفه عليه... ركبنه السياره... هو جان هادئ حيل ولا نطق بكلمه بعدها لزم ايدي واني سحبتها خجلانه... وهو شغل اغنيه خنتك مبارح مدري شسمها... اتصلت بيه عبله من امها واني اخذت موبايل ماما... مجاوبتها... هو كال..جاوبي فتح خط بعناده وتحسفت رجعت هاي فوك ما يراضيني اشوو شايل خشمه... جاوبت..الوو كالت..دنوو ميسر يريدج كلتلها بغضب...اكلي نعل باعي اني رجعت البيت زوجي وهاي السوالف بطليها مو تسوين المصايب وتشمريها براسي ترئ ما عايزه واني مابيني وبينكم شئ ولا تضلين تسربتين بكيفج تمام كالت..شبيج اكلتيني بكشوري كلتلها..لان تجلطوون بابا مجرد كعدت وياج بالمطعم لزكتوو الي لزكه ترئ ميصير هييج والله من وره سوالفكم وخوفي علئ نفسي رجعت الزوجي.. قفلت الخط ودرت وجهي... هو جان يباوع عليه مستغرب درت وجهي عليه كتله...لا تباوع ولا تتهم باطل هاي فد وحده حماره متورطه ويه واحد وتريد اطلعها كال بااستغراب..منوو كتله...بنت خالتي عبله اخت مصعب كال..افاا الاصفر طلعت اخته اسمها عبله شهل اسم قلت اسامي شسالفه كتله ..لا هو الحقيقي اسمها سوندس... هي تنكتب سندس..بس الفضها سوندس خالد كال..لو مو تحطيلها وااو هي سندس ويمها ايييع.. ضحكت بهدووء ودرت وجهي... وصلنه للبيت تقريبا ب 11 باليل... جان البيت هدووء.. صعدنه الغرفتنه اني نزعت الصايه والشال... وكفت كدام المرايه وعدلت شعري شفت نظراته السخيفه علئ انحناءات جسمي ابتسم بخبث وتقرب مني... اديه القاسيه احتضنت خصري...وطبع بوسه علئ كتفي العاري... حركت نفسي مزعووجه منه واحاولت افلت من تقبيله... كال...اوووف يالاحمر خله كل خليه بجسمي تنبض بالحب... دفعته ووكفت كدامه قدمت بعض الخصل كدام وجهي..لا حبيبي انت لحد الان قيد التجربه مستحيل تلمسني كال..وضل محروم اليوم وصارلي هوواي صايم اريد افطر كتله.. له له ضل صايم والك اجر ان شاء لله كال بحقد..اله تلبسين احمر والانوثه متفجره اليوم واني العبد الضعيف مااكدر الكيد النساء باوعتله كتله...افاا يالصهيوني انت لابليس تكدر ماتكدر للنسوان سحبني ضربت بصدره رفع راسي وقرب شفايفه من شفايفي. كال...والله الاحمر اسقط كل حصوني وخلاني انسحب واصير من اسرائلي صهيوني لمواطن مسلوب حقه وغازين احلامه.. ضحكت بااستهزاء... ماحسيت غير بشفايفه احتضنت شفايفي ودخل اصابعه بشعرري... فتحت عيوني مصدومه وانقطع تنفسي آهٍ يا ذات الفستان الاحمر .. خصركِ إغراءٌ .. يتفجر .. قلبى سيدتى .. لا يتصبر .. ما تحت الخصر .. بهتان .. أو إيمان .. أغرقنى في ( حبات السكر ) دفعته وابتعدت عنه... رحت للحمام بعد مااخذت ملابس وجهي نار من الخجل بسرعه غسلت وجهي وبدلت... طلعت من الحمام شفته يخابر ويغلط ويسب اعصابه نااار... ويكله...هو يقتلني والله ما جابته امه... خفت حييل واخذت غطا ورحت نمت علئ القنفه... هو قفل موبايله..وراح اخذ ملابس بدل واجه... كعد علئ السرير كال...يا كيفي ..تعالي نامي بحضني يرحب بيج يالزايره الكريمه... درت وجهي وابتسمت كتله...لا لا عيوني هذا مكاني مااجي يمك كال..ادري رجعتي حتئ تحطميني وتشيبيني كتله..اي والله بس تتقرب مني اشرد لامك كال..ومن يكولون ليش شارده شدكولين الذيب يريد يغتصبني خجلت حيييل وغطيت وجهي ولا باوعت عليه ضحك بصوت عالي واستفزني... كال..نامي يروحي ماازعجح ولوو صارت مثل الفاقد امه ويريد حضنه مشتاق لاحضانج يكيفي.. عفته ونمت وكل شويه اذكر كلامه وابتسم الحمد لله مازعجني ولا حجه شئ ولا جبرني... نمت واني خايفه يهجم عليه.... صحيت مرعوووووبه علئ صوووت الاذان... صررخت بصووت عالي وصطكيت... هو فز بسررعه واجه يركض عليه... كال..بخوف شكوو شكوو كتله برعب واني المس لحيته وذقنه بخووف ورجفه شفتك دخلوو جنازتك ويه اذان الفجر... نهاية البارت...يتبع ان شاء لله ما ضل شئ علئ ختم الروايه جان لازم البارت البعده هو البارت الاخير... لكن كثرة الاحداث منعتني..لذالك حيكون بعد بارتين.. كونوا انتم كونوا بخير...احبكم 💔 سمو العراق...نور | ||||
|
| |
|
18-07-19, 02:05 PM
| #49 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني..البارت 13 رواية...انتي سيوف الثأر في اجفاني بقلمي..سمو العراق 💔💔💔💔💔💔💔 البارت جدا طوويل لا تنسوو التصويت والمشاركه😘 ............................ أترحل عني و تمضي بعيد ؟ و أجلس وحدي بدرب الضياع فيذهب عمر (الصباح) هباء و أبقى الرهينة للذكريات أفتش عنك دروب الرجاء و ابحث في جفن كل مساء ............................. اجه كعد يمي ولزم اديه ثنينهم همس بهدوء..دانيا شبيج لا تخافين مجرد كابوس... هزيت راسي بعدم قبول...لا لا مو كابوس هذا حلم واني احلامي تتحقق... تقرب اكثر مني واحتضني...انتي شنو شفتي شنو الراودج بلعت ريقي واني اعييد الحلم بمخيلتي حسيت برعب مو طبيعي...شفت بيتكم كووله احترك وصار صريخ ولطم وكله طفووو مابي،شئ بس كنتوري تضرر.. وشوويه وانفتح بابكم طلاقتين ودخلت جنازه...شايليها اربع زلم...وعمتي،فرفحت من اللطم والبجي... ما عرفنه المن الجثه..بس جنت حييل خايفه وسأل منوو المن هاي الجنازة... واحد ملثم ولابس،عكال ...كال...هاي جثة تاج راسج وفزيت... سحب راسي وخلاه علئ صدره مسح علئ شعري المجعد وهمس...باجر ادفع صدقه لا تخافين همست ...اخاف يصير شئ بعد لا تطلع كال...ههههههه فديت التخاف عليه لا حبيبي ان شاء لله ماكوو شئ هاي لان متوتره وخايفه هيج صار بيج مجرد كابوس لا تهتمين.. سحبت نفسي منه ولفيت نفسي بالبطانيه جانت الاناره خاافته والضلام محيط بالغرفه ... هو تقرب مني كال...كومي نامي علئ الچربايه جاوبته بنعاس وخوف...لا هناء احسن همس بذوبان...ليش بالله...ترئ ذليتينه يگليبي والله مااتحمل البعد صاير كوولش اعتبريني ابنج ولفيني بحضنج حاولت اخفي ابتسامتي مكدر ...وبس اني ابني اكبر من جدي الله يرحمه همس برومانسيه...يروحلج فدوه جدج وجد الاصفر والله مشتاقلج بس انتي اعوذ بالله ولا تحنين... همست بحنين...لان انت ماتحن؟ رفع حواجبه مصدوم...اني مااحن اصلا اني مكتوب بجنسيتي نوع الجنس...حب وحنان وكمل..يالله كومي نامي بحضن رجلج وكافي دلال.. رفعت حاجب..ترئ يحقلي صاح بصوت عالي...بس يحقلج يحق الج ويحق الج ..قابل عذراء ومايحقلج...اوووف منج دلالج يذوب گلبي... حسيت بخجل من كلامه همست ...بس مرتاحه هنا همس عند اذني...واني ما مرتاح لان اشوف الملائكه تسب بيج ...واني مااكدر اسووي شئ..لان هذا حق..اني العبد الصالح محروم منج ورغم كوولشي مااقبل الملائكه تسبج ورب الكائنات ....انتي نعمه لازم نبوسج. ونحطج بمكان نضيف مثل حضني ضحكت وخجلت بس حبيت اغير الموضوع واتجاهل حضنه...يابه انت شعليك ترئ،اني قابله يسبوني... همس..واني مااقبل سكتت محاجيته اريد اعتب عليه واعيد الماضي بس فضلت السكوت لان اذا تكلمنه راح نجرح ارواحنه ومراح نخلص لو بعد سنه... اريد ادفن الماضي لكن للاسف الانكسر مايتصلح وحتئ لو حاولنه نصلحه راح يضل اثر ومستحيل ينمحي... هو بااسلوبه يكدر ينساني واتغاضئ عن اخطائه وتجبره عليه... كوولشي ادفنه بس ضربته العيني مااكدر اتغاضه عنها دائما يتعذر انتي شككتي صور مرحومه شهيده ماشفت من الدنيا شئ صرتي،انتي والزمن عليها... ضلمتيها مثل ماا الارهاب ضلمها...صورها ذكرئ اليه منها مو من حقج تشككيهن صح ضربت بساعة عصبيه لان متحملت اشوف صورها تصير رماد ومتقصده تغثيني من شككتيهن بالمقص..والباقي شكتيها بوجهي هذا جان عذره علئ ضربته اليه..بس والله لو مطلكني ولا ضاربني هييج... صحيت علئ صوته من همس...دانيا عندي حجي وياج رغم اقرب الناس وصله الي بس محبيت اضلمج كعدت علئ حيلي كتله...شنووو؟ مسح علئ لحيته كال..انتي متغلطين مو صح جاوبته...الإنسان خطاء ومو معصوم فأكيد اغلط بس اعرف الصح من الغلط ومااسوي شئ يخل بالأدب وكف ودار وجهه وتنهد وبصوت شبه حاد...ميسر منوو فتحت عيوني مصدومه...منو گله علئ ميسر مهما يكون اني اخاف من خالد اكون بنظره عايبه وخلاقي سزز... بس كلت لازم اكووله بالحقيقه حتئ،يتفهمني ويعرف اني مو خاينه وماحفضته بغيابه... صح غلطت من كعدت ويه مكسر وعبله بمكان عام..وحده غيري جان طلعت من اول ما شافته... بس للاسف جان موقفي ضعيف... وكفت وراه مباشرا جاوبته بصوت هادئ...هو حبيب عبله... دار وجهه بعصبيه...انعل حتئ عبله ياابو الخلفها حبيب عبله شعنده وياج... باوعت عليه بهدوء..اذا تضل هيج مراح احجيلك اي شئ... مسح وجهه بتوتر ...احجي ما متعصب اني لان اثق بيج... جريت نفس ..والله يا خالد مابيني وبينه شئ..بس اني اخاف احجيلك الصار وتگوم تدوس ببطني.. جر نفس..لا يابه شسالفه اصلا اني مااحب العنف تفاجئت من كلامه الصهيوني ميحب العنف اصلا هو عباره عن كتلة عنف وتمشي...بس ان شاء لله تغير بعد ماتركته وصار اله گلب... سحبني وكعد علئ القنفه كال...احجي بعد عمج شنو الصار... فركت اديه بتوتر وباوعتله بخووف...خالد اني،من تركت جنت ناويه اطلك لذالك قررت ادرس فعبله كالت تعالي قدمي بجامعتي... خالد بترقب...اي كملي.. بلعت ريقي..اي فرحنه اني وياها مقبلوو يدخلوني للجامعه لان التسجيل انغلق..فهي اخذتني المطعم فاخر قريب من جامعتها .. شوويه ودخل واحد وياه اثنين معضلين حمايه اله شفته تغيرت ملامحه كال وهو يعقد حواجبه..بس لا كعدتي وياهم ومنو هذوول جاوبته بخوف وصدق...اي كعدت هو عبالك مو كتله كعدت عبالك كتله زنيت... وكف بعصبيه وقبض ايده حييييل ورجع عليه وعيونه تجدح شرار...وسفه هيج تسووين من وراي لو ما حالف بروح مهتدئ مااذيج والله جااا ما رحمتج اليوم... لزمت ايده بحنان...انت بس افهم والله مابيني،وبينه شئ مجرد كعدت وعبله كالت هذا حبيبي،ويريد بزوجني وبيومها تعاركت وياه وطلعت اتصلت علئ بابا واجاني...لان بصراحه كلامه حيل ماعجبني واسلوبه اسلوب واحد حقير كال...اي وشلون اصدكج وليش هو يريدج استغربت منو موصل هذا الكلام اله... كتله...انت منو وصلك هذا الكلام كال بحده...جاوبي علئ سؤالي اول مره وبعدين اذا اقتنعت اجاوبج... جريت نفس...يا خالد هذا واحد واطي ورط عبله وبعدها يكولها اريد اتزوج بنت خالتج... اني محجيت كلام ميسر كله لان اعرف خالد عصبي ويورط روحه... هو تعصب حييل تقرب مني واني رجعت بخووف لزكت روحي بالحاييط ضميت وجهي بكفوفي اخاف يجيني بووكس... صرخت تلقائيا وضليت ارجف صرخت بصوت عالي...لااااا لا تضربني والله مو قصدي هي عبله حقيره هيج سووت... ماحسيت غير بكفوف اديه نزلت اديه من وجهي باوعت علئ وجهه بخووف ورهبه وقابلتني عيوونه النظراته المتاسفه علئ حالي جنت نظرته نظرة عطف على حنان... همس..مااضربج لا تخافين بس اني جاي اناقشج والسويتي،غلط... ضليت ارجف بخووف..اي والله كوله من وره عبله كال وهو يعقد حواجبه..هي منو عبله هاي ام شعر الكصير جنها صخله سوريه لو غيرها... باوعتله بخووف...اي هي ابتسم بحزن كال.. اي كملي جاوبته بخوف..هو بس هيج والله مابيني وبينه شئ لو بينه شئ مارجعت الك والله همس برومانسيه...زين تحبيني باوعت بعيونه بتوتر وخووف ورهبه ومشاعر مخربطه همست بخفوت بعد مانزلت عيوني...شوويه مو هوواي... ضحك كال...يالله المهم اكوو حب واحنه نزرعه ونهتم بي ونكبره ونسووي عظيم... هزيت راسي بأي... بعدها كمل بجديه ...دانيه موبايل امج ترجعينه واني اشتريلج موبايل عائلة الاصفر مااريد اي واحد منهم يعرف رقمج. الجديد لان راح اشتريلج رقم جديد وهااا اريد كل شئ تعرفينه عن هذا عنتر حبيب عبله... جاوبته...مااعرف عنه شئ بس هو اسمه ميسر بيتهم بال....وهو حمايه الشخص معروف بالدوله من أهالي الغربيه...وعنده هووايه فلووس.. جاوبني من وين اله... جاوبته...مو اكوو ناس تضررت من دخلوو داعش،للغربيه وتفلشت بيوتهم فااجاهم تعويض وهذا ميسر مو ياخذ من الدوله فلوس مال التعويض ياخذ نصهن... جاوب...هااا يعني حرامي مستور جاوبته ...اي هو هيييج حرامي مستور جاوب بااستهزاء...الله يقرضه هو عبله وجه السطل رفعت ايدي بخووف...امييين ضحك عليه همست...بعدك تشك بيه جاوب..وج اني من البدايه ما شاك بيج بس واحد حشاج مطي سمم افكاري.. همست..منوو مصعب باوعلي بغموض وسكت...سبي مصعب يستاهل استغربت..بس مصعب مايعرف جاوب..اي طنطه مخلي اخته علئ حل شعرها...بس ضال يفيك عليه اني محامي واني محامي ابو شوارب مهلسه... هزيت راسي بأي .... صرت مثل الاله بس احرك بروحي... همست ...وهسه شحتسوي خطيه عبله انقذها... جاوب..شكلولج عليه باتمان وانقذها خلي تولي تستاهل اخت الاصفر..نارهم تاكل حطبهم شعلينه بيهم... باوعتله برجاء..بس خطيه هو حط اديه علئ خصري وقربني منه...عوفينه من هل صخله وخلينه بالكتاكيت...شلونج يگلبي مشتاق حد الجنون... حطيت اديه علئ اديه ردت ابتعد ورجليه ترجف من الخووف...خالد اريد انام كال..اي والله خلينه انام ونستعجل بذريتنه نزلت راسي بخجل...لا لا نعست يعني سحبني مثل اللعبه بين ادييه... نومني علئ السرير ونام بصفي حضني بين اديه حسيت ضعت بحضنه... لميت نفسي ودفنت وجهي بصدره ولا رفعت راسي وهو ضل يهمس اليه بكلمات عاشق ولهان وبعدها سأل عن صدري وعن العمليه... جاوبته زينه وكل شوويه يبوسني بشعري وخدي ويحرك ايده بعبث علئ خصري جنني.. اتمنئ اشررد منه بس بعد ابتليت استدعيت النوم وسويت روحي نايمه وعاد هو مصدك شببع طن بوسات... باس خشمي وهو يكوول ...هلا بشيخ العشيره دوومك شامخ وشايف رووحك ههههههههههه والله عليه سوالف خوويلد مشبه خشمي بشيخ عشيره متكبر ومغرور... ........................... رانيا... جنت كاعده بالاستقبال احس بحراره كبيرره بجسمي وكل شوويه اتقيئ،... واحس الجوو حااار وراسي ثكييل كلت احتمال عندي تيفوو جان فادي هسه ديمشي يوكف يمشي شوويه ويوكع ويرجع يكمل خطواته... تكملت فادي الطريقه خله عندي امل..لازم ويه كل مااوكع اكمل طريقي... مرتضئ مااتصل بيه... بس مرات يتصل يتطمن علئ فادي..واني بس يسلم عليه من طرف خشمه... حسيت معدتي قلبت ركضت للمغسله تقيئت بصعووبه ياربي شبيه بس لا تيفوو... والله احس روحي طلعت... اجت ماما شافتني كالت...هاا ماما رانيه شبيج؟؟ غسلت وجهي وهمست...والله مااعرف تيفوو مااعرف شنوو احس روحي طالعه ومصخنه كالت..حضري روحج اسويلج تحليل جاوبتها...اوك رحت غسلت وجهي وحطيت شوويه باودر وكحل ولبست صايه وشال وماما بدلت الفادي...وبدلت وخابرت علئ بابا واجه... رحنه لمستوصف قريب علينه... مسافة الطريق وصلنه للمستوصف... دخلنه جانت بنيه شابه لابسه لابكوت...وكاعده تحلل بعض التحليلات الدم... كلتلها...السلام عليكم باوعت عليه ابتسمت كالت..وعليكم السلام تفضلي،حبيبي كعدت علئ الكرسي وهي كعدت علئ كرسيها كالت..تفضلي كلتلها...مااعرف احس بصخوونه وتقيئ ومااكدر اعين نفسي صار هاي كم يوم بس اليوم حييل زادت حالتي وهماتين عندي خموول وين مااجي انام.. كالت..مزوجه؟ جاوبتهه..اي كتبت بورقه...حسولج تحليل حمل رديت بسرعه...لا لا ماخذه احتياطات اكيد ماعندي حمل بس اعتقد تفوو كالت..شلون ماخذه احتياطات نزلت راسي...جنت اشرب حبوب مانع للحمل كالت...اهاا اوك انطيني ايدج خلي اسحب دم واخذ تحليل حمل وتحليل كلتلها بضحكه...لا بس تيفوو والله ماخذه مانع ماعندي حمل ضحكت..ميخالف للاحتياط هزيت راسي بأي... اخذت سرنجه ومثل الشريط قووي وينسد حطته علئ اعلئ زندي وشدته حييل...ضلت تدور وريد.. بعدها زرقت الابره بالوريد وسحبت دم..وجعتني شوويه..وحطت لصقة الجروح عليه وكمت نزلت صايتي كالت...انتضريني نص ساعه ويطلع التحليل... ضلينه كاعدين بغرفة الانتضار ... وجان فادي كاعد بحضني وكح ويحووس يريد يمشي طالع علئ عمه خالد مايكعد دقيقه ههههه مرت نص ساعه وصاحت بااسمي... رحت بلهفه الها هي جانت تقره بالتحاليل كالت بهدووء..ماعندج تيفؤ بس عندج حمل... نزل عليه الخبر مثل الصاعقه ممصدكه يبووو حامل لعد وحبوب منع الحمل... جاوبتها..لا مستحيل والله ماخذه حبوب اخاف اكوو غلط شلون حااامل... كالت بهدوء..حبيبتي عادي يصير إذا تخطت المرأة يوما واحدا وما تناول حبوب منع الحمل، فما تبقى مستويات هرموناتها بمستويات ثابتة كافية لمنع الحمل. وإذا انتي مااخذتي حبوب منع الحمل على أساس يومى، فحتكون طرق منع الحمل الوارده أحيانا التقيؤ فاذا كنتي مريضة واخذتي حبوب منع الحمل وتتقئ يمكن للحبوب ان ترجع بالتقيؤ، أو ما يستوعبها جسمج بالكامل... وهووايه اكوو امور تادي للحمل وحتئ وان كنتي تاخذين حبوب منع الحمل..مثل انو متاخذين الحبوب بنفس الوقت او ان تشربين وياه علاج يكون متضارب فيضعف حبوب المانع... كلتله... اي صح اني مجنت اخذ ابنتظام يوم اخذ وافوت فتره انسئ مااخذ وهسه شلوون. يعني هسه حامل كالت... اي مبروك هذا رزق من ربج جاوبتها...الحمدلله علئ كل حال انطيتها فلووس..وطلعت من الغرفه ماما تلكتني كالت هااا بشري جاوبتها بهدوء وخجل..حامل ضحكت بفرحه..الحمد لله الحمد لله مبرووك ماما... فادي يعمري اجااك اخوو بعد شتريد... ابتسمت بهدوء لازم اكوول المرتضئ بس شلون هو ميريدني ...ويكرهني شلوون ورطه...اي بس هذا ابنه شسووي... بابا جان واكف كدام سيارته مقابيل المستوصف ركبنه بسياره وماما كالت لبابا رانيا حامل وهو خطيه فررح... وكال..لازم نخبرهم بحمل رانيا ماما كلتله...اي نخابرهم هذا ابنهم لازم يعرفون بي تنهدت...اي اني حخابره وصلنه للبيت اني جنت محتاره اخابره لو لا بس هو لازم يعرف هو ابوو طفلي ولازم يكون عنده خبر لازم ارجع مااريد ابني الثاني يتيتم مثل ماا ابني الاول تيتم.... لزمت الموبايل وطلعت رقمه ضليت أتأمل الرقم راح يفرح لو لا ان شاء لله يفررح..... ...................... صحيت علئ صوته وهو يخابر... خالد..علاوي بعد خالك اريدك تكلف واحد من الضباط يشوفلي ميسر مدري..نعال شنوو قضيته... ورجع كمل..اي انطيك عنوانه هو واحد من اهالي...وحمايه الواحد مسؤؤل من اهالي الغربيه ويبوك بفلوس المواطنين العزل بسبب التعويض ومهدد وبنت خالت دانيا... كعدت لميت شعري...جنت لابسه ثوب خفيف وقصير نص ردن اصفر... هو كمل مخابره وباوع عليه...واخر شئ كله انتضر منك خبر هاي الايام اريدها... كال..اووف صباح العافيه ابتسمت بهدوء ونزلت راسي هو اجه كعد قريب مني حتضن خصري وهمس ياام ثوب اصفر نص ردان لفيني بحضنج بردان ما تجرئت وباوعت بعيونه..وهو حط شفايفه علئ رقبتي راد يبوسني واني تركته ورحت للحمام هربانه.. لزمت خدودي احس صخنت... بسرعه فتحت الحنفيه غسلت وجهي بصابونتي وفرجت اسناني جايبتهن ويايه من البارحه وسفطتهن... جريت المنشفه دا انشف وجهي انتبهت علئ اثار البقع برقبتي تخووف زركه وبنفسجيه... عضيت شفتي خررب يومك خالد ادري ناموس ماكلني اكل...والله عبالك وحده مشهووه والله عيب من بيت عموو هسه يكولون شبسرعه رجعت وشبسرعه اكلها... اووف يا خالد ولا تستحي هسه وحده ثنين مو عشره عشره..عبالك بيه جدري.. طلعت من الحمام هو بسرعه باوع عليه نزلت راسي ورحت للكنتور طلعت نفنوف بدون اكمام سمائي وبدي اوفايت وشال اوفايت... رجعت باوعت عليه وهو ابتسم وكمل..نسبح سوه يعمري اخذت الملابس،وركضت قفلت الباب وسمعت صوت ضحكته المستفزه..يسبح ويايه والله لو يضل يوم بعمري مااخلي يباوع عليه...عيب شسالفه... كملت سبح وبدلت ..ولفيت شعري بالمنشفه... طلعت من الحمام وكفت كدام المرايه وخلت المنشفه وفتحت الشسوار اننشف بشعري وهو اجه حضني من وره وحط شفايفي عند اذني همس...لا تشسورينه احبه مكفش يطلعج جنج بزونه مكتووله... تنهدت وبكلبي حتئ بغزله يسخر مني... باسني بااذاني دفعته كتله...مدااشسور من رد عليه حسيته يقلد عليه...لعد شدا اسووين باوعتله ببراءه..دا انشفه هو رجع حضني وبغاتني ببوسه علئ شفايفي وهمس عندي...فديت الدا واهل الدا وكلمن يكوول دا احببج يا دلالي... ضحكت بهدوء ومااعرف حييل اخجل بحضرة صدره واحس برجفه تعتليني... شوويه وعبالك صار هجووم والدك علئ الباب مو طبيعي... هو تفاجئ ركض بسرعه فتح الباب... دخلت عذراء وكالت.....كلووووووووووووووو� �ووووووش دنوو رجعت لعيالها وطير السعد يبرالها...وحديقتنه زهرت صبح ورد بيها..... خالد كلها بعصبيه...انعل ابووووج يا ابو حتئ طير السعد بنت النعل والله عبالي هجمت علينه القوات القذره... هي حضنتني وتبوس بيه واني هم بادلتها عذراء حبابه رغم خبله... رجعت كلت لخالد...خااب دروح غير من دريت دنو رجعت اجيت اجيكم ب 3 باليل بس الوالده ماقبلت كلها...الله واكبر عليج يا غضب هزيت ايدها ورجعت تبوس بيه كالت...هاا بشري البارحه ليله حمره لوصفره جاوبتها...لا صفره كالت..اي لازم صفره وعود هسه جايه وتتعيقلين وتتدلعين ولا ومااحبك ووخر عني من هسه اريد ابيعهن على ابو لهب...ههههههههههههاي ضحكت ورجعت بستها...اي مبرووووك كالوو انخطبتي.. تنفست براحه...اي والله والعباس لحد الان مامصدكه مخطووبه .....بس موتني ابو لهب مايتصل بيه البارحه كعدت ابجي عود اريد اصير كيوته وادلع عود مشتاقه الختيبي ههههاي سوالف مختوبين ...بعده هسه انخطبت ثاني يوم بجت شلون ميخابرني وممهتم بيه مشتاقتله بس قلة اهتمامه يعذبني...يمكن سولنه سحر لو طكونه بعين.. ضحكت كلتله...هاي سوالف المخطوبين بصراحه ماعشتها كالت...اي جااا غير ابن خالي ذيب مدللج دلال مثل ابو لهب مطفي من الرئيسي حتئ اتصال ما يتصل عبالي انخطب واضل كاعده للصبح مخابرات وحب وغزل...اشوو يوميه كاعده للصبح انتظر من لهوبتي اتصال وكلشي ماكوو... كلتلها...لعد ليش ما يتصل كالت بنص عين...مو دام ضله يستحرم يحجي ويه البنات... دانيا....هههههههه بس انتي خطيبته عذراء...اندري بي بس لا كرايبه قلدوو عليه وجزت نفسه بس،لا محوللات ولا موهبات خربن قسمتي قطع الاعناق ولا قطع الارزاق ابو لهب رزقي وقطعنه.. رجعت حضنته تحت انضار خالد... وهو اجه تقرب كال..طاحيه الهل ناقه حضن جاا شبيه ابزز كلتله...عذراء ترئ اني وياك نفس الحضن هههههههاي ثنينه نفس الطول وضخامه.... هو سحبني كله..حضني بي دفوو مثل حضنج بي طحالب عذراء...احم احم هسه اخابر ابو لهب ويكلي مشتاق لاحضانج ...وخليكم تغارون وخلي يدعي عليكم العابد الزاهد دعائه مستجاب... خالد كلها...لا عذوره لا انتي لحنينه ام كلب الأبيض لبركه مالتنه عذراء...البخ البخ ضحكنه اني وخالد.... خلينه ونزلنه جوه دخلنه بالاستقبال جانوو الكل كاعدين من شافوني وكفوو.. اني سلمت عليهم وبست ايد عموو وهو عمو باسني براسي.. ورحت بست عمه وهي حضنتني وضلت تبوس بيه.. سلمت على البنات وعلئ فوزيه... كلهم فرحوو برجوعي...ضلينه نسولف ونضحك وخالد كل شويه يتصل بشخص.. ويكله...بس اريد اعرف مكانه اي المهم اعرف وين راقب الي جان يلتقي بيهم.. اني عبالي علئ ميسر عمو كله...انت ابو المصايب شنو الي تريد تعرف مكانه خالد...لا بس هذا واحد قشمر صديقي بسياره وماانطاه السنويه ونريد انلزمه عمه كلتله...يمه ارحم شيباتي ولا تسووي مشاكل والله البينه كافينه انت شلك غرض بالوادم ضحك وكمل...هههه لا تخافون شسالفه...مجرد نقاش بسيط ابو كله جذاب... خالد...ورب الكائنات وقمر العشيره وشمعة الاسلام مجرد موضوع من الماضي وبسيط ولازم انهي... دخل مرتضئ وهو متوتر بس كأنه فرحان... عذراء كلتله...هااا ابو الشباب شبيك جنك حرامي صاير شئ كال بهدوء مخالطه ابتسامه...رانيا حااامل عمه وعمو والكل واني اول وحده انصدمت كلنه وكفنه وعمه ضلت تضحك وركضت عليه شبكته كالت ..يمه الحمدلله واخيرا راح تستقر ويصير عندك طفل الحمد لله يربي عمو ضحك..مبرروك وليدي وروح جيب مريتك ودير بالك عليها ورفق بيها الحامل ينراد الها مداره وانت ابن ابوك اريدك تكون سبع اني ابتسمت وفرحت اله والاختي ان شاء لله هل طفل يكون وجه خير عليهم ويربطهم بأصر قووي خالد هم بارك اله... واجه وكف يمي كال..خررب حضي راح اشيب وولي العهد مااجه..وينك بويه جببر طوولت مثل رجل عذييره كطعت كلبي،شووكت تجي ضحكت وباوعت عليه...يييع شنو جبر كال..والله جبر ....بجيته تنجبر كل جروحي فديته هو وامه كتله بااستغراب...منو أمه كال..اذا هسه اكتل روحي احد يلومني...ولج ماكله مرگه ثوول..اكوو غيرج مره تحلالي.. درت وجهي وضحكت... هو كال...ماغرتي منهم اشوو اني صابتني غيييره اريد طفل...يالله بعد عمج كومي نستعجل ابتعدت عنه كتله...مااااا هو بسرعه اجاه اتصال وطلع برره...يحجي بهمه وغموض مااعرف شنوو يدور برأسه غامض وسوالفه تخووف والحلم يخووف وكوولش خفت عليه..ياربي احفظ ابو الشوارع بعينك الذي لا تنام.. هو اندفاعي وبسرعه يهجم ويذب روحه بالنار ميخاف ابد المهم يسوي الي برأسه ...................................... سحر... بعد ماراح علي واجه من الدوام... خابرتني جدتي وتبجي كالت غيس لزموو بشقه مال دعاره بالكراده وذبوو بالسجن... ولاكين بالشغه ..« الشقه » مخدرات وذابينه براسه... ورحنه للمحامي يكول اقل شئ ينحكم عشر سنين يمه راح شبابه...ياغيس يامسكين ضحكت بكلبي وفرحت فررحه من اعماق كلبي الله ماينسئ عبده حاشاه لله... خليت وطفيت الموبايل... جان دنيا ليل... كلت لازم انهي كوولشي وافررح علي خطييه بس شلون اخاف انفر منه... بس احس تحسنت علئ العلاج.. رحت سبحت شسورت شعري وحطيت مكياج ولبست سيت مال نوم ابيض... ورشيت عطر خففت الاناره... ضليت منتظره كلت بس لا انام ومايجي وشاربه علاج ومنعسه راح انام واعوفه... تمددت علئ السرير ضليت اغفي... ماحسيت غير بيده علئ خصري درت وجهي عليه باوعت خجلانه.. هو ضحك كال..كلت يربي منزل ملاك صغير نايم بغرفتي اثاري سحورتي نايمه مثل الملائكه ضحكت وباوعت عليه كال...احببج حضنت رگبته وبسته بخده همست..اني كلي ملكك هو عبالك انطيته اشاره تقرب مني بحنبه وحب ورومانسيه جنت اتهرب منه بين لحضه ولحضه وتنعاد عليه مشاهد قيس النذل لكن علي جان يطمني وبهمس بكلمات ترضيني بين لحضات صرت زوجه فعليه اله... وضهرت اثار بكارتي... صح قيس تقرب مني بس مااوصل بقربي جان تحرشه سطحي وجدتي لحكت عليه... بس مجرد هو كشف عليه صارت عندي حاله نفسيه قاسيه لكن الحمد لله علي عاملني بطيب وحب واحترام وعالجني كدر ياخذ مني استجابه... جنت كاره علي بالبدايه..بس عسئ ان تكرهو شيئا وهو خير لكم...الحمدلله الله عوضني بعلي...واهله ناس طيبين.. وفعلا ربي يمهل ولا يهمل وكل طاغيه واله يوم وحتئ لو بعد حيين... حضنت علي ونمت مرتاحه لاول مره بحياتي...ياربي يدومها عليه... ............................. بعد مرور عشره ايام... رانيا رجعت المرتضئ بعدهم شوويه متوترين رغم مرتضئ مداريها ومدللها وشتريد وشنو تتنسئ، وهي هم تحاول ترضي وتحاول تساعده وتجذبه الها... عذراء ماخابرها ابو لهب فهي راحت خابرته ماتحملت وضلوو يتغازلون غزل ديني ارهابي هههه واني وخالد ...زوينين هو يحبني حيييل لحد الان ماعرف عن ميسر شئ بس علي يكله اكوو شخص بهذا الاسم صح ومسؤؤل بالدوله... كل يوم يطلب قربي واني مجافيته اخر يوم البارحه توسل بيه وضل يتمنذل واحبج والملائكه شبعتج سب كتله..اي مو مثلك الملائكه وتسب ومااعرف شلون قشمرني وخلاني زبده سايحه بحضنه وتقرب مني... كعدت من الصبح مالكيته سابح وشامر ملابسه وطالع رجعت حليمه لعادتها القديمه... اني هم كمت سبحت غسلت ملابسه وغسلت ملابسي ورجعت هم سبحت... صعدت فووك شريتهن... نزلت جووه ساعدتهم بالتنضيف ودنسوي غده صبينه الغده الدايح ماشرف ... كمت غسلت المواعين ومرة معن سوت جاي ورانيا كنست الاستقبال... هو دخل شفته وطلعت من المطبخ كال...هلا بروحي شوفي بعد مواعين لتغسلين انتي مهمتج بس ترضيني رفعت حاجب..متغدي لو لا كال..متغدي يكلبي سحب ايدي وصعدنه فووك .. كتله...خالد كال...هااا يگلبه كتله...المواعين علئ النص كال.. اي عادي واذا كلولج ليش غسلتي نصهن كليلهم رجلي مااكل بس اني اذا اكلنه ثنينه اغسلهن كلهن ضحكت..اووف منك مو رجال داهيه هو سحبني كعدني علئ رجله ضل يهمس بحب ويبوس بيه حسيت بطني لوتني من الخجل... شوويه واجاه اتصال هو بعدني عنه ووكف ملهوووف... فتح خط... ضل يحجي وبعدها كله...اهااا جاايك والله اليوم اخلي الدم للركاب اني انصدمت هو قفل الخط وفتح الكنتور وطلع مسدسه تخبلت لا لا انهرت لزمته من صدره وتوسلته...خالد شكووو وين رايح خاااالد هو باوع عليه بعيون تلهث من النشوه باسني بجبيني،وكال...الله عليج لا تزوجين بعدي حسيت رجليه مااسيطر عليهن ضليت لازمته واتوسل بي مايطلع هو ابتعد عني ضليت اصرخ لزمت قميصه حييل وشكيته... بس ماكدرت اله... ركض بايان الدرج ثنين ثنين... وطلع من البيت جانت بس،عمه وعمو موجود والبنات كالوو . .شكوو شكوو كلتلهم ببكاء وخوف ...متعارك واخذ مسدسه وراح عمه ضلت تلطم وعموو ضل يخابر علئ الولد ويدك علئ راسه.... شوويه واجوو الولد عمه كلهم..روحو شوفو اخوكم وين رااح... همه هم خطيه تخبلووو... ضلوو تقريبا ساعتين ماكوو خببر عنهم كللهم بعدها ...اجه مرتضئ كال ماكووو فص ملح وذاب كعدت علئ الدرج ابجي والطم صخاام يخالد شسويت بيه متجي منك راااحه... ضلينه متوترين وندعي وعمه تدعي وتبجي اني احس دخت وراحت روحي... حسيت بحراره علئ شفتي لمست بين انفي وشفتي شفت الدم نزل من الخووف والهبطه مسحته بيدي ومااهتميت .. شويه والتموو كلهم معن ومرتضئ وعموو وصارت هووسه حتئ علي اجه وام علي... علي خابر كل السيطرات... واليعرفهم... شويه واجه اتصال العلي... فتح خط جنه مترقبين بخووف وعبره وبكاء.. علي فتح خطط.. وهمس...شنووو خالي خاالد انكتل لااااا جذب انت شدكول نهايه البارت...يتبع كونوا هنا كونوا بخير...احبكم 💔 نور سمو العراق ان شاء لله البارت البعده هو البارت الاخييير انتظروني | ||||
|
| |
|
18-07-19, 02:08 PM
| #50 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني...البارت الاخير رواية...انتي سيوف الثأر في اجفاني بقلمي سمو العراق ❤❤❤❤❤❤ حبيبي لا تتركني وحيده ارجوك أرحم دموعي... أرحم قلبي... أرحم ضعفي لا اعلم بماذا احدثك ....وماذا اخبرك عن حالي أن قلت ضياع .... فالضياع هيـــــــن وأن قلت حزن .... فهو فرح بقارنة بمعاناتي وان قلت هم ...... تمنيت الهم على الذي انا به وان قلت مـــــــوت .... في الموت راحه وانا اتعذب اميري أرجوك تحدى العالم من أجلي تحدى كل الصعوبات لعيون محبوبتك انا حبيبتك الا استحق ذلك التحدي أنا من أحبتك بصدق أنا من عشقت ذاتك أنا من هامت بيومك وامسك أنا من بكت لاجلك أنا من خافت عليك من النسمه ومن نفسك أنا من عاشت لاحزانك وجنونك أنا ... وانا ............انا جوهرتك الغاليه أرجوووك لاتتركني وحيده لو تعلم بمأساتي لما فكرت في الرحيل حبيبتك شارفت على الجنون جوهرتك تحتضر تحت قدميك لا أطلب المستحيل فقط لقيااك أقترب مني أريد ان آلقاك لحظات لا اكثر وبعدها اهديك روحي لتعيش وتحيا بها وانا امووت مبتسمه و فرحه بين ذراعيك الحانيتان وادفن في قلبك ..... يكفيني حينها ان تحيا روحي في صدرك أميري انت تعلم عن حالي في غيابك قلتها لك ... وها انا اعيدها في غيابك توقف زمني وأنتحر مايدعى الوقت يالله كم اشقاني هذا دانيا وخالد..❤ .............................. طلع من البيت وهو يسوق بسررعه جنونيه... ابتسم بلعانه عدووه اللدود وقاتل اخوو عررف مكانه... ابو لهب جان كاعد بصفه لزمه من ايده بتوتر...خااالد اترك هاي الشغله للقانون لان اذا قتلته انت اكيد راح تتحاسب باوع عليه بحده وعيونه تجدج شرار...هذا ثااااري واطلع مو زلمه ولا طالع من ضهر ابوو اذا مااخذت ثار مهتدئ.. ابو لهب...هدي نفسك رب العالمين يكول..بسم الله الرحمن الرحيم...«أَلَّا تَزِرُ وَازِرَةٌ وِزْرَ أُخْرَى» لا تعيد الغلط بغلط استغفر ربك وارضئ بالديه وخلي القانون ياخذ مجراه.. ضحك بقهر...اي مو اخوك المقتول لك مهتدئ،انقتل وعلئ ايد منوو...علئ اييد الكلب الي ربيناه وكبرناه وتالي غدرنه ماغزر بي الزاد والملح.. ماوكفت بعيونه امي..والله تطلع اللكمه من حلكنه وتحطها بحلكه...مافرقنا منا وانتشلناه من قهر مرة ابوو وتالي هيج يغدرنه والله الموت قليل بحقه وحق الكائنات اله اوصله للنجف... ابو لهب ضل يحجي وياه لكن هو مصر ومتلذذ القتل عدوه..... وصل للمكان المتواجد بي عمار...صار فتره وهو مخلي صديقه وابو لهب مراقبين صديق عمار... وهمه اكتشفوو المكان المتواجد بي،عماار.... وكف مقابيل الشقه الموجود بيها... اجت سياره سريعه وكفت مقابيل الشقه جان بيها شاب لابس شفقه كبيره بيضه...ولابس مناضر اكبار بحيث،وجه بالصعوبه تميزه.... نزل من السياره وهو يعدل بقميصه ويحاول يخفي المسدس وره ضهره.... خالد من شاافه استغربه اخاف يطلع مو هو بس مستحيل هو يعرف هيئته وطووله... هذا النذل الخاين القاتل لو مربين كلب ..والله اوفئ،منه..والله لو مهتدئ انقتل من واحد غريب يمكن تكون جمرته ما تلهب بكثر ما القاتل هو منهم وبيهم.. نزل من سيارته بعصبية وهو لازم مسدسه... صرررخ بصوووت عاااالي...عماااااااااار يانذل التفت عليه بخوف ورهبه وفزززع فتح عيونه مصدوم من عرف خالد عرف بمكانه وهو الجان بعد كم يوم الموعد سفره تهريب.... همس بصوت خاافت...خالد!!!! خالد بحدددده وعصبيه....ايييي كسار راسك والله اليوم لاخليك تقره علئ روحك سورة الفاتحه وتنوح مثل الحرمه علئ روحك... رفع المسدس وسحب اقسام ووجهه علئ عمار... خالد بثقه...تشاهد علئ روحك يا عاار عمار بخووف وسرعه ومباغته سحب مسدسه من خصره خالد اطلق رصاصه....عمار اطلق رصاصه... وكع عمار وهو يلزم كتفه وتدفق الدم ترس ملابسه فتح عيونه من الالم والوجع وصررخ بصوت عالي.. اما خاالد ماحس غير بحرارة الطلقه الي اقتحمت احشائه ركض عليه ابو لهب وهو يصررخ... خااالد...خاااالد وكع علئ ركبه ولمس بطنه انترست ايده دم ولوثت حلقته ومحبسه ونزل الدم علئ ساعده... لزمه ابو لهب وهو يصررخ نزع قميصه بسررعه وخلاها علئ مكان الطلقه... باوع عليه شافه يفتح عيونه ويغلقهن ابو لهب سحبه حطه بحضنه وضل يرجع الدم الاديه ويفرك بيهن...وصررخ ويصيح...خااالد قووي نفسك خالد لا تموت التمت العالم وصارت ضجه داخل المنطقه اتصلوو علئ سيارة الاسعاف... شويه ووصلت سيارة الاسعاف..نزلوو منها الممرضين نزلوو السديه شالوو خالد وخلوو بالسديه جان ثكيل ماكدرو اله وهو فقد الوعي، بعد كم دقيقه من انضرب اما عمار لحد الان واعي..ويصرخ ويتوجع... صفوهم سوه خالد وعمار وهمه واحد قتل الثاني... اسعفوهم بالاسعافات الاوليه وصارت ضجه جبيره داخل سيارة الاسعاف.... ........................ دانيا... مجرد ماعلي اجاه الاتصال حسيت بخدر بكل جسمي،جنت مترقبه بخووف وقلقل... مرت عليه لحضات اصعب من الولاده العسره...والعائله كولها نفس حالتي... مجرد ما علي كال ...شنوو خالي كتلو. گب الصريخ والعياط وعمتي ضلت تلطم علئ وجهها والبنات يصررخن... اني ضليت مصطكه لزكت بالحايط مااعرف شسووي جميله وعذراء ضلن يلطمن.ويصرخن... وعمو يصيح...يا يابه يا بوووويه ولك بوويه خالد ولك بوويه خالد مرتضئ ومعن تخبلوو ضلو. يصيحون ويغلطون ويصرخون ومرتضئ ضرب ايده بالباب ضل ينزف محد اهتم اله خطيه رانيا ركضت عليه لزمت ايده هو عاط بيها .....وخررري ولج اخووي الثاني انكتل وبعده ماطاب جرح الاول... لحضات يالله استوعبت الصار وفقت من حالت الصدمه صررخت بصووت عالي...لااااا ياربي لااااا خااالد لاااا جنت مااعرف ابجي ولا اصررخ مثلهم لان احنه ما مر علينه موقف مثل هذا الموقف.. فقط مهتدئ،..وهماتين مهتدئ واهله جانو بالشارع وامه واخواته بيتهم... يعني ماشفت هييج بس هسه شفت شلون نهارو علئ خالد اجت عمتي عليه كالت بصرراخ وبجي...ولج دانيا رجلج كتلو ولك يممممه شلوون ترووح من ايدي لهسه جرح اخوك جمره وتلسع بصدري...اااااه يمممه وضلت تلطم وتدك علئ كلبها وبناتها لزمنها نهارت حيييل واني مصذكه وضامه اديه الصدري وابجي بصوت عالي وحتئ مااعرف ابجي... بلعت ريكي معقووله خالد مااات؟ لا والله مايموت هو يحبني والله سامحته علئ كوولشي والله مااريد منه شئ بس يرجع الاهله واحبابه عمري ورغم كوول الشفته منه لكن ولا فد يوم دعيت عليه بالموت ولا فديوم دعيت عليه دعيت عليه من كلبي دائما الساني ينربط ومااكدر امسه بسووء... معقوله بعد مارجعتله ورضاني يمووت يعني،اني،فكر عمري ماكتله احببك جان يتمنئ يسمعها مني ولا فديوم كتله حبيبي ولا بادلته المشاعر... ليش من حسيت فقدته اريد اعيش،وياه لحضات حلوه وادفن الماضي...ليش،من اطلع بمكان واروح وافتر مااشوف احسن منه...ليش تطبعت بااطباعه وصرت احلف واسب مثله...ليش تقمصت شخصيته.. وصرنه وجهين العمله وحددده...احبببه واررريده مااريد يموت لان مستحييل يحلالي رجال بعده... احب غيرته عليه واحب طولة لسانه وسرعة البديهيه العنده... جنه من طائفتين مختلفين بكوووولشي جنه مثل الزيت والنار ومستحيييل نتصافه نتصافينه وحبينه بعض... ليش،القدر خااين كسر خاطري منه صررخت بصووت عااااالي صفنهم كلهم وركضت منهاره داخل الحوووش ركضت وفتحت الباب الرئيسي... الكل ركض ورايه طلعت برره العالم كله لكيتها متجمعه علئ صوت صراخ البنات وعمتي ركضوو ورايه الولد وعموو من طلعت اركض واني اريد اروح الخالد...لاكني جيرانهم كوولش سمين واسمراني...اسمه سيوفي.. هو وزنه فووك الميه واسمراني...خطييه من شافني منهاره واركض ويركضون ورايه وكف سد عليه الطريق.. اني بالنسبه اله نمله وهو فيل من حلات روحي لزمته من قميصه ودفعته دفعه مااعرف من وين اجتني القووه جانت اكوو سياره خطيه الولد نركع بيها وبعدها اجه معن حضني ولفني وعمو ومرتضئ ضليت اصررخ وابو خالد حضني كال...عمي ارحمي،شيباتي علي اجه كال...ان شاء لله مابي هو هسه بالمستشفى مصوب.. خطيه العالم صاحبة غيره دارت وجهها مني... حسيت رجعلي الامل من علي كال مصوب ركضت عليه وبست ايده وتوسل بي وبوس بيده هو خطيه سحبها... دانيا...فدوه علي كوول عايش،خطييه والله هو حباب بس عصبي ميخالف اتحمله والله ميخالف اخدمه حتئ لو معوق المهم عايش لحد الان مانعرف منو كتله... عموو سال كله بخوف..هو منو ضربه علي باسف...عمار عمو حط اديه علئ راسه...لا يا يابه يابوويه لا يانذل ياكلب لفيت علئ ابني الثاني وانه جنت اشتغل عماله ومكسور ضهري حتئ مااخليك تحتاج الغيري توكف امك بين عيوني ماوكفت بعيونك ماذكرت الطيب ياعار... مرتضئ ومعن ضلوو يهددون...ويسبون ويغلطون ونكتل ونذبح ... ركبوو سياراتهم واني ركبت ويه عمو ومرتضئ وعمه اجت ويانه تبجي وتنعه وتعاتب بخالد واني جنت ادعي بصدق نيه...ما خليت واحد مادعيته ...ياربي اذا اتريد تاخذه اخذني اني لان اني صرت انثئ رماديه مااقبل بغييره... مسافة الطريق وصلنه... نزلنه كوولنه لكينه الجيران واصدقائه كوولعا ملتمه وقبلنه... دخلنه للطوارئ مقبلوو ندخل... عمه لزمت الدكتور وضلت تبوس بي وتتوسل بي يدخلها... الدكتور مقبل يدخلها ... كال..رجاءا حالتهم حرجه وواحد منهم منتهي لان ضربته حااده واذا مرت اربعه وعشرين ساعه وعاش فالحمد لله واذا ما مرت فااحنه العلينه سوينها اني همست بخوف ودموع...منو منهم ؟ كال..الطويل الاسمراني،اعتقد اسمه خالد من كال خالد احس رجليه ماتت وكعت من طوولي احس الكاع افترت بيه ... وعمه ضلت تصررخ ورجعت لزمتني اجه عموو ومرتضئ ومعن الدكتور نزل عليه لزمني ومرتضئ شالني اخذوني للطوارئ...خشمي ضل ينزف دم واشحط اني دائما عندي يصفر الضغط... نوموني علئ السديه واجت الممرضه قاست ضغطي كالت...حبيبتي ضغطج مصفر لازم اضربج ابره حتئ يتعدل... عدلت روحي كلتلها...لا لا مااريد كمت من مكاني وعدلت حجابي احس بدووخه مو طبيعيه وعيوني غوشت احس نفسي،ضااق واتمنئ انهزم اختفي بس،كون مااضل هنا... لزمت مرتضئ اتوسل بي كتله فدووه اريد اشووفه كال...والله كلهم طردوهم من الطوارئ الدكتور مقبل ضليت اتوسل بي كتله...مرتضئ ابووس رجلك بس خليني ارووح اشووفه والله اني احجي وياه.. هو خطيه استسلم للامر الواقع واخذني للدكتور...مقبل الدكتور يدخلي.. ذليت روحي وسحلتها سحل وابجي واتوسل بي يالله قبل الدكتور..بس تشوفي فقط من جام الغرفه ممنوع تدخلين هزيت راسي بأي... اخذني بداخل الممر الطويل ريحة الديتول تسطر بالراس والهدوء عام المكان اشرلي علئ الغرفه وكفت مقابيل باب غرفته شفته من شفته انرعبت يممممه الحاله ماتطمن وايرارات علئ صدره والباندج ملفوف علئ بطنه وبطل الدم مشكل بيده والايد الثانيه مشكل بيها المغذي... وجهاز التنفس مخلينه علئ خشمه... وجان تنفسه يصعد وينزل ويرتفع تخووف حالته... حطيت شفايفي علئ جام الغرفه وشهكت شهكات متتاليه ودموعي احسها تطفر من عيوني... همست بحنين...خالد اني دانتك مو دكولي احببج وكبر يضمج ولا غيري يحضنج مشتاقه الحضنك اكعد ماعهدتك هيج بارد وهادئ وين خالد ابو لسان الطوويل الما يهتم لا لكبير ولا لصغير ولبراسه يسوي معقوله هيج البني ادم بس لسان... بلعت ريقي..خاالد اذا صدك تحبني حاول تساعد نفسك الخاطري والخاطر اهلك والله عمه تكسر الخاطر... رفعت ايدي بصدق نيه ودموع ما توقفت ولا لحظه...ياارب يااااارب يامنجي يونس من بطن الحووت نجي خالد من هل محنه وطول بعمره... يارب اذا اني مخلوقه بس لحتئ اتعذب اخذ امانتك وريحني والله ضاق الصبر ونكسر كلبي... لا ياربي اني مسامحته لا تغضب عليه بسبب فعايله ويايه والله اني راضيه مااريده يموووت مااريده فدوه اروحلك يارب طوول بعمره... فدوه ياربي ماكسرت خاطرك خلي اليه... اجه الدكتور كال ...يالله بابا لازم تطلعين هزيت راسي بأي وطلعت جانت غرفه عمار قريبه من غرفته اصلا مشفته بس بصراحه دعيت اله الله يشافي... لان اخاف ادعي عليه والله يغضب عليه ويصير بخالد شئ طلعت واني روحي معلكه عنده... سميته الدايح ابو الشوارع لان مجان يلفي عليه واني اضوج وانقهر رغم مغثته بس وجوده يكفي... من قهري لقبته بهووايه القاب ومنهن الصهيوني...لان هو صح اجرم بحقي..والحمد لله تغيير هووايه وغير من نفسه لخاطري وهذا يكفيني... طلعت برره ضلينه كاعدين بالحديقه مال المستشفئ... صار دنيا اليل اجووي امي وبابا وخالاتي خطيه كعدن يمي ضلن يواسن بيه... وبعدها اجن اخوات خالد... ضلن يبجن ويدعن اله.. واجت عذراء وفوزيه عذراء كلبت المستشفئ گلاب بالبجي وكل شوويه وكالت...يمممه يا صاحبي والله يومي مايحله اذا مااشوفه واحجي ويه يممه خالد من عمري علئ عمرك والعباس ابو فاضل خالد اذا مات انجن والعباس اتسودن... جانت خطيه حييل منهاره ومتأثره وحتئ مااهتمت لابو لهب ولا قلدتله ...جانت بس تبجي... بعدها الكل راح ضلينه بس اني وعمتي وفوزيه والولد وعموو صار الجوو بارد واني تعبت توسلو بيه اروح مقبلت نمت علئ رجل عمه بالحديقه وعيوني احس يصمطني من البجي ومورمات... وكولشي مماكله والضغط موتني حتئ صوتي راح... عمه خطيه حطت ايدها علئ راسي ومسحت عليه بحنان كالت...ولج عمه دعيله ترئ انتي انضلمتي وياه بس والله وروح مهتدئ ماتلكين واحد يحبج بكده... من جنتي زعلانه كلها تحشي براسه تزوج واكسر خشمها وهو يكول واني اكدر اكسر شيخ العشيره...لو اضل بدون مره طوول عمري مااريد غييير دانيه... ابتسمت بحزن..رجعتله وجسحته اني فكر فگر كالت...لا عمه مو فكر..ان شاء لله ازمه وتعدي وان شاء الله ربج ينقذه الخاطرج كلتلها..ان شاء لله يارب والله هذا الاتمناه مااريد شئ ثاني جنت اغفئ واكعد مهبوطه اخاف يكولون مات واشوف عمتي تبجي والولد متوترين... صبح الصبح وهو حالته حرجه وعمار صحئ عمار طوقوا غرفته ومخلوو واحد يوصل اله وبس يطيب يسجنوو... راحوو للدكتور كلهم..منا ل 12 الضهر اذا صحئ خير على خير وان شاء لله يصحئ...ادعوله ترئ حالته حرجه.. صارت الساعه ب 11 ونص رحت للمرضات طلبت منهن سجاده وتربه... اني رغم من غير طائفه بس طلبت تربه من امام مضلوم ان شاء لله اتوجه بيه الرب العالمين... اخذت مكان بالحديقه مال المستشفئ بعيد عن انضار العالم جان الجوو حاااااار والشمس عموديه وكفت صليت بنص الشمس كلت بلكي ربي ينكسر خاطره عليه ويرجعه اليه سجدت سجده طويله ومئه مره گلت ادركني ياارب لشفاء خالد... احس ماعت رووحي وجسمي ضل ينكط مي وكفت مره ثانيه مكدرت اسيطر علئ نفسي من كثر ما الشمس ضربت براسي...متتت بجي وقهر وحزن كله يهون بس المهم يعيش شلت السجاده صفطتها وبست التربه مسحت بيها وجهي ورحت انطيتها للممرضه... ضلينه كاعدين بالحديقه صارت تقريبا ب 11-و55 دقيقه شفنه مرتضئ طلع من الطوارئ يركض ويبجي وملهووف من شفته حسيت ماتت رجليه وكلبي وكف عمتي كامت ملهووفه... وهم جانوا جليين كرايبهم وفوزيه موجوده... مرتضئ..يممممه يمممه خالد كعد يمممه من الفررحه بجييت ووكعت علئ رجليه تنفست برراحه الحمد لله الحمد لله ياربي ماقصرت حاشاه لله مايضلم عبده... عمتي ضلت تهلهل وفوزيه تهلهل مكيفات واني رحت حضنت مرتضئ من الفرحه لو يشوفني خالد حاضنته اله ينتلني نتلات كهربائيه... رحنه للدكتور مقبل يدخلنه كال..رجاءا حالته ممستقره وراح ننقله للعنايه المركزه خلوو يرتاح رجاءا المهم عدنه راحته ضلينه ندعي اله... وواحد يبارك للثاني عمو نذر 3 خرفان لوجه الله وتعالئ... ............................. رانيا جنت كاعده اسبح وادعي الزوج دانيا خطيه مسكينه مشافت راحه... شويه واتصل موبايلي.. جانت خاله ام مصعب.. فتحت خط طلعتلي عبله كالت...هاااا خالد مات لا رديت عليها بعصبيه فورت دمي...ماتت روحج ولا طابت جروحج بنت الاوادم شلون هيج تحجين كالت..شبيج ترئ عادي الموت حق وبعدين دنوو معجبينها هوايه مصعب كاتل روحه واكوو واحد بالدوله املخ روحه جاوبتها..انعل ابوج ياابو مصعب ياابو ال بالدوله.. ضحكت كالت...يااا شبيج هو مجرد سؤال كلتلها..رجاءا ابتعدي عن دانيا ترئ البيها كافيها وانتي متكعدين وهي ثوله خليها بحالها لا والله اكول البابا وماما عليج جتئ بعد ميخلوج تدخلين الهم... كالت ..يمعوده شبيج هسه اني،شحجيت..هاج هاي ماما حجيت ويه خاله سالتني عنه كلتلها والله بعده ادعوله كالت ان شاء لله ياربي يشافي... قفلت الموبايل ونزعت عباية الصلاه ورحت الفادي خطيه جوعان سويله سلليلاك ودا اوكل بي دخل مرتضى وهو مبتسم وكفت بالهفه ...هااا مرتصئ بشر كال بفرحه..الحمدلله صحئ بس شويه تعبان ابتسمت براحه..الحمد لله والشكر بس كون عايش وخشمه يشم الهوه... كال..اي الحمد لله اجيت اسبح واروح كتله...اوك ححضر الحمام الك لزمني من اكتافي وباسني بخدي كال..لا تعبين روحج اريد ابني يطلع مدبدب اني اروح احضره ابتسمت عليه ونزلت راسي رجع باسني بخدي وراح لزمت مكان بوسته واني اضحك ياربي حبه ضل ينمو بداخلي بس لحد الان مااكدر انسئ مهتدئ ولا احاول انساه لان فعلا كان انسان رائع.. ............................ بعد مرور يومين يالله سمحو النه ندخل عنده عمه دخلت وشبكته وضلت تبجي وباست اديه جنت اني واكفه علئ صفحه وابجي بصمت وحاطه ايدي علئ خدي هو باوع عليه بتعب ورفع ايده عمه باوعت عليه راحت جابتني كعدتني يمه اني عبالك مو شفته عبالك وحده جانت بدار الايتام ولكت امها حطيت اديه علئ وجهي نطيت وفرفحت من البجي وهو تكلم بصعووبه..اششش لا تبجين ترئ ارجع اموت وخرت اديه وتكلمت بهمه..لا اسم لله اسم لله كال بتعب ووجع..بالاصفر ولا بيه ابتسمت بحزن ولا يبطل سوالفه جاوبته بحب..بكلهم ولا بيك تقربت منه ولأول مره اتجرء بسته بخده وعمتي ضربتني علئ ضهري ...عاد استحي كولي امه موجوده خجلت حسيت غصت بملابسي هو جاوب امه...لا يمه هاي وصفه من الدكتور وترئ بيها انواع عمتي فطيره دكله...اه صدك ضحكت وهو ضحك بتعب كلها ...اني يايوم جذبت هي كلتله بحزن ونحيب..يمه شوكت تهيد ولك يمه هل مره عدت سلامات مره ثانيه ماتعدي كلها..هل كلب مات كلتله...لا مامات بس الشرطه مطوقه غرفته وراح يتحاكم خالد بوجع..جنت اتمنئ يموت علئ ايدي اني لزمت ايده جاوبته...عفيه خالد حباب الله يوفقك بطل مشاكل الخاطر ابنك الي بطني هو فتح عيونه مصدوم كال ....حامل جاوبته...لا بس بالمستقبل اكييد اصير حامل هو ضحك حييل ولزم عمليته وعمه ماتت ضحك كال..خرب يووومج واني اكوول شوكت صارت حامل مصار 10 ايام من رجعتها وهم ما متقرب منها بشهادت امي طبعا... امي كلتله...يااا خاب انتم ماتستحون بعدها الدكتور كال ..يالله اطلعوو طلعنه وصلنه للباب..واني كلتلها ...يااا عمه نسيت اغراضي بالغرفه كالت..اغراض ايش كلتلها...اغراض مالاتي رحت رجعت للغرفه بدون علم الدكتور... من فتحت باب الغرفه هو بسرعه باوع عليه ضحك رجعت كعدت يمه كال بحب ...هاا شعبج دخلوج كتله..لا قشمرت علئ عمه والدكتور مايدري بيه داخله.. هو ضحك وسحب ايدي وباسها.. كال تدرين من جنت فاقد دخلوني للجنه وجابولي كل وحده تجنن من حور العين وكالوو اختار رفعت حاجب مرضيت علئ كلامه هو كمل كال..باوعت عليهن كتلهم بصراحه ماكوو بحسن وجمال دانتي...كل النافسنها بالجمال خسرن ضحكت وخجلت من كلامه رجعت بسته بخده.. كال بعصبية مصطنعه ترئ مليت من بوست جدتي الله يرحمها اريد بوسه اكس كلوزف..حصريه جاوبته ببراءه...يعني شلون كال بوجع..انتي بس تقربي واني اعلمج اتقربت منه وهو سحب راسي شوويه وحسيت طكطكه مال احذيه ابتعدت بسرعه وسويت روحي ادور عمتي فتحت الباب كالت...يالله دانيا مدكليلي. شدورين طلعت من الغرفه ومادرت وجهي عليه خجلانه.... ....... .......................... بعد مرور شهرين... عمار بالسجن...وميسر علي خله واحد بقوات اسوات يقدم عليه شكوئ ولكوه متلبس بالجرم وهو يبتز العالم وياخذ فلوسهم...اجت النزاهه اخذته وحكموو عبله دكول طلع وره اربع اشهر ومااعرف عنه اي شئ وخالد عمليته لحد الان ماتطمن بس هو ولا مهتم وعادي يطلع ويدخل ودايح كل عاده بس مخفف طلعات شوويه... وقبل اسبوع راح زار زينب يكول مدام انتي زوجتي والج حق عليه هي هم زوجتي والها حق عليه اني مااحجي بالعكس والله كل خميس اذكره يسويلها ثواب ولو هو ماينسئ. بس اني الي اسوي الثواب واقره الفاتحه واوزعه بثواب روحها الطاهره... البارحه حنة عذراء وذبت لحم بالركص ومكيفه ممصدكه... واليوم العرس ومخبوصين رحنه اني وياها للصالون اخذتنه فوزيه... والبنات ضلوو ينضفون ويشتغلون... دخلنه للصالون وبلشت ام الصالون بعذراء عذراء عبالك. تعرف العرايس من ستين عام ماخذه الناس حاصل فاصل تضحك وتسولف وتشاقه وشافت صور رجولة العرايس كلهم بدت تشتغل بيها سوتلها تسريحه ومكياج ولبست البدله وجسمها حطتله بودره ولبستها العقد وحطت عطر طلعت كووولش حلووه اني كعدت يمها كلتلها...عذراء لا تبجين تخربين مكياجج كالت..خررب حضي شوف هاي الفاهيه شدكول ولج والعباس اذا طاحت دمعه من عيوني اله ارش بيهن ملح صدك جذب ما صدكت اعرس اروح افاول روحي بالبجي امداني... كلتلها...لعد اني من نزوجت شبعت بجي هزيت ايدها بعدم رضا...تتعاييرين وين مودينج للجبهه شو راح تتبطحين بحضن رجلج ويشبعج بوس ودلال بعد ضاله يم نبع الحنان شسووي مخلصتها تنضيف وباليل احضن المخده...وتحسر ضحكت عليها وبعدها اجت فوزيه اخذتنه... طبعن اني بدلت بالصالون لبست بنطرون ابيض وتشيرت قصير وردي فاااتح وحذاء ورديه ردت اشسور شعري بس ماقبلت ام الصالون كالت هيج احلئ.. مكيجت مكياج وردي فاتح ولبست صايتي والشال خليته هيج بدون دنبوس... رحنه للبيت ولكينه سحر جايه خطيه حامل وتعبانه حيل ومتغيره بس خطيه فرحانه وتركص ومبدله وكاشخه... ورانيا هم بطنها كبرانه اخذت قبل كم يوم سونار طلعت بيها بنيه وحيل فرحانه وتنتظر قدومها عذراء اول مادخلت وهي طكتها ركصه مامصدكه واجت فوزيه رزلتها...ههههه وعذراء ولا جنها تركص .. وبعدها اجت الزفه رحت الخالد فووك من شافني لزك بيه والحمره وخرها من كثر ما كل شويه بايسني.. مقبل اروح للزفه بس اني توسلت بي يالله قبل وبشروط هماتين... ابو لهب جان لابس قاط نيلي وقميص سمائي ورباط وطالع حلوو وعذراء فاتحه حلكها عرضين... وابو لهب منزل راسه يستحي ومتدين حييييل.. رحنه بالزفه جانت زفتهم حلوه وحيل تونسنه وعذراء لازمه مهفه وتهفي جنها ام كلثوم... وصلنه البيت ابو لهب واهله ذبحوو طلي.. خطيه شذنب الطلي يتحمل غلطة ابو لهب... كعدنه شويه وصبو العشاء. تعشينه وعذيره احسها تمطك بعدها اجه ابو لهب وزفوها...وضلن اخوات ابو لهب يهوسن اليوم يومك يابطل..... ضحكت بداخلي اليوم يوم عذيره هي لتلعب علئ الجربايه ههههههههههه مرت عشر دقايق وطلع ابو لهب وصارت الهلاهل.. احنه دخلنه كنالها هااا نزلت راسها بخجل ...تم الموضوع بنجاح فتحت حلكي وامها باستها وعتي والكل بارك الها اني كلتلها..شبسرعه كالت..وين السرعه غير ابو لهب اخرنه خلانه نصلي متت عليها من الضحك شاورتني كالت...وج والعباس لو مامصلي بخمس دقايق اسرع ليلة دخله بالعالم... ضحكت عليها جانت ولا خجلانه وتحجي عادي وابو لهب من طلع ينكط مستحه حتئ مارفع عينه... سلمنه علئ عذراء وطلعنه اخوو ابو لهب وصلنه البيتنه بسياره كيه... وصلنه رحت صعدت الغرفتي لكيت خالد ماكوو ضجت هذا شوكت يكعد بالبيت... ابتسمت مدام بعدني بمكياجي طلعت سيت مال نوم ابيض لبسته بعدها نزعته شوو احس عيب..احس روحي مراودته عن نفسه... لبست ثوب قصير نص ردن بنفسجي هم شويه مغري وضيق بارز مفاتن جسمي شويه وحسيت الباب انفتح ضحكت ركضت عليه حضنته وهو حضني وفرني.. باسني بركبتي... كال...انعل عشيرت مصعب ابو لهب وعذيره ادري شمزوج كيك ضحكت جاوبته بغرور..شكرا كال..لا لا اني مااريد شكر اريد اشياء تريحني مثل بوسه حضنه عضه كلشي الجان المهم بيها رومانسيه جاوبته..انت بكيفك اني ملك يمينك شسوي سوي بس باادب كال..اممم شلون باادب يعني خجلت..شمدريني هو ضحك سحبني وتقرب مني ضل يبوس بيه ويعض جاوبته موكتلك باادب...شو صارت عنف كال...ترئ اني جاي اكل محد كلج صيري حلووه ادري يكلبي الوالده متنسيه بيج شكر مو حتئ سكر صار بيه من وراج... ضحكت مره ثانيه.... هو ماصدك هجم عليه بحب رومانسيه وشويه شووويه عنف ... تنازلت عن كل اولويات الحقد وصرت مكشوفه اله تغيير حييل وصار فعلا انسان كلمة الحق تنكال..هو شخصيه وعند كلمته ومحد يفرض رئيه عليه... صح هو مجان حباب بس هسه لا حباب الحمدلله.... ................................ بعد مرور اربع سنوات... عمار انحكم مؤبد...وبعدها تخفف الحكم 15 سنه ورانيا صار عندها بنيه وفادي فقط... وسحر صار عندها بس ثنين بنات... وعذراء ..ثنين ولد وهسه جابت بنيه وجاهلها كلها متجرعهم وكحيييين من يجونه نشرد واني صار عندي ولد ومن وراها صارت عركه شكبرها اني وخالد لان اني مااريد يسمي جبر وهو اصر علئ جبر ابني حييل يشبهني كفشته مكنكره وكبيره وابيض مدبدب يجنن ووكح طالع علئ ابو السانه لسان محامي... اني اسمي اموري علئ بطل ولاية بطيخ لان نفس شعره بس ابني اشكر شعره... جنت دا اغسل ملابس واجه اموري مزعوج دفر باب الحمام برجله كمزني باوعت عليه خزرته كتله..شبيك؟ كال بطفوله وهو عاقد حواجبه وعاقد النونه..تنوو طيحي بطهيوني احد الساحنه مني... ضحكت متت من ضحك يكول..دنوو صيحي بالصهيوني اخذ الشاحنه مني... تركت الملابس وشلته بوسته بخدوده رحت الخالد كتله بزعل...عيني الصهيوني ليش مزعل ابني وماخذ الشاحنه ضحك كال..والله موبايلي مصفر وابنج نهار كله لازم الايباد ويشحن كتله..اي شسوي يمعود بس ينزل جوه يكتل جهال معن ورانيا وهنا جهال عذراء اخاف يتعاركون هو كال..مااعبه الطهيوني خالد مات من الضحك اخذه مني وباسه.. وانطاه الشاحنه.. تقرب مني وباسني بشفايفي دفعته كتله...يااا لا يشوفنه اموري والله يفضحنه فضيحه لزم خصري وكرصني كال..جيبلي بعد واحد مثل جبر والله حتئ اسمي جاسم اني احب الجهال كتله...ياااا والله ولا اجيب لحد الان من اذكر الم الولاده جسمي كوله يضل يرعش كال..اووف لا ذكريني من ضليتي تصرخين حطيت اديه علئ اذاناتي مااريد اسمع صريخج ولا انتي تطلكين واني اطلك وياج ههههههههههههههاي ضحكت كتله...اي ذكرت اني اصيييح اااااااااه وانت تصيح اااااه كال برومانسيه شووفي حتئ بااوجاعج اني مشاركج ابتسمت كتله..مي خالف اجيبلك بعد طفل بس لا تسمي جاسم سمي علي كال..ميخالف نسمي ليش لا بعدها اجه فادي كال صبوو غده تعالو تغدوو نزلنه كلنه... عذراء جانت تاكل وابنها خابص الامه يصيح...اقيني اااااابع اقيييييني ابع عوود انطيني ربع وهي ولا مهتمه تاكل من دخل خالد كالت...اي ابن الحلال بذكره حمودي ماما روح اخذ من خالك خالد اببع خالد كلها..اكلي نعل حاط راتب ابو لهب عندي ابنها ركع الباب ...اقيني ابع ام التتن ام المطويات هي ماتت من ضحك شركت بالاكل... كلها خالد شيكول. كلتله يكول ...ام الدكسن ام المقويات ههههههههاي هاي ذاك اليوم امي عيرتني لان اول ماجبت شموسه ركضت جبتلي شريط دكسن ومقويات اوف ياخالد من احبل اضعف يصير حلكي اشعرضه فاول مااجيب اطك شريط الدكسن... ضلينه نضحك بعدين صاحت لابنها كلتله ...حمودي عليك العباس شسميني حتئ خالو ينطيك الف كلها..اتميها حلف عذراء.......خههههههههههععععع� �عاي كلتلها شيكول.. كالت..يسميني خلف بمسلسل زرق ورق لان مانطيهم رباعه عود اني جحفه هههههههههاي ضلينه نضحك عليه وخالد انطاهم الف راح ابنها وابنها الثاني واموري وفادي يشترون... واني رحت صبيت غده الخالد وصعدنه فووك تغدينه جان هو يوكلني بيده ويهمس الي بكلمات غزل خالد تغير حيل من صرت حامل حييل ساعدني جان حتئ الغرفه يمسح اخشابها ويرتبها ويكولي ...لا دكولين ترئ تروح الهيبه ههههههههاي بس هو عنده عادي يكول الامام علي عليه السلام جان يساعد مولاتنا الزهراء عليها السلام.... ومصعب خطب وراح يتزوج بس خالد حيييل يكرهه وهو هم يكره خالد فمقبل اروح بعرسه رغم اني جنت اتمنئ اروح بس ماحبيت ازعله مصعب مو احسن من الصهيوني... النهاية لهنا تتوقف القصه واكيد ماتوقفت حياتنا... سردت الكم قصة ..« انتي سيوف الثأر في اجفاني» بما تحمل من معاني وعبر بين طائفتين متقاتلتين لكن انكشفت الحقيقه وكل الي ينبني علئ باطل فهو باطل... انزرع الحب والموده بين قلبين من طائفتين وانتج عن ذلك بذره جميله من كلا الطائفتين وهو جبر فعلا جبر لكل جروحهم. اتمنئ الحياة الكريمه لجميع الابطال... واشكركم متابعيني علئ حسن الاصغاء والمتابعه كنتم خيير متابعين وشجعتوني أكملها... ربي يوفقكم ويسعدكم.... كونوا هنا كونوا بخير...احبكم ❤ نور سمو العراق❤❤❤   ساره اذا عذراء تلزمج اله تكسرج تكسر لعد شالوو الرحم يا قاسيه 😂😂😂Hamzayhoocom1996 | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
