آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-07-19, 07:46 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  البارت 29 رواية...انتي سيوف الثأر في اجفاني بقلمي...سموو العراق 💔💔💔💔💔💔 آهـ .. ما أظلم العيش بعدك ، وما أقساه من دهر .. رحلتي وتركتيني دون أن تأخذيني معك .. حبيبتي رحلتي دون أن تسمحي لي بنظرة وداع .. رحلتي وتركتيني في حرقة والضياع .. لا شيء يصبرني بعدك إلا الإيمان بقضاء الله وقدره.. حبيبتي قد اجتمع في عينيها سحر الجمال وفي صوتها عذوبة أقرب للخيال وفي طباعها الدلع والدلال وفي حسنها مالا يخطر على البال وفي أخلاقها أفضل الخصال باختصار .. حبيبتي كاملة .. ولله الكمال فهي التي استحقت أن أمنحها قلبي ... لتكتب معاناة حبي ولكن حبيبتي رحلت وتركت لي المعاناة ....................................... كتله ببكاء ونحيب ....فدووه خالد احجي... وكف بسرعه وباس عيوني كال...لا يعمري لا تبجين سحبني وكعدني ولف ذراعه علئ كتفي....وسندني علئ صدره ضل يحجي وايده تمسح علئ راسي وكال...زينب هي كياني...تعرفين شنو كياني كتمت عبرتي وهمست...شلون ماتت؟ كال بهدوء...باانفجار كتله بنحيب...احجي الي عنها شلون تعرفت عليه شلون ماتت هم جنت قاسي وياها لو بس ويايه رفع وجهي بااصابعه وكال...اذا ضليتي تبجين مراح احجي ولا حرف.... مسحت دموعي جاوبته بسرعه...لا لا سكتت كال بجمود...جنت شاب عمري 28 سنه مثل اي شاب عادي اشتغل وعندي سياره ومحد هامني اضحك واسولف واطلع وضارب الدنيا طول بعرض... هزيت راسي بأي كال..جنه نسولف اني وصديقي وكال والله تعبت باجر ورايه كعده...من الصبح كتله بااستغراب...شنو تشتغل كال...عندي خط بجامعه اخذ اربع بنات بس شنو تعبني مايطلعن ويضلن نايمات بالجامعه ويتعيقلن تعبت منهن اريد ابطل.. كتله...استلمه بمكانك كال...ياريت والله كتله ..اوك هذا الاسبوع اني أخذهم....صدك رتبنه الوضع واخذتهم.... جانوا اربع بنات وحده من بينهم عرجه وقصيره وثنين شكلهن اعتيادي بس مبالغات بالبس والمكياج..وجانت من بينهم زينب من انذكر اسمها حسيت بروحها ويانه لزمته من قميصه حييل... كال...وهنا تعرفت عليها كتله بتعب...لا كمل اريد اعرف كوولشي كال...گليبي انتي تعبانه ينرادلج راحه السهر مو زين عليج بعدين اكمل كتله بعناد...لا لا هسسسه تنهد وجر نفس كال...المهم اخذتهم اسبوعين جان الطريق طويل وازدحام وتعب والمجاديه تفتر عليه واني ادفع بهل الالف وارجع ليوره استحي من البنات رفعت راسي بعصبيه كتله...يعني مو ل الله ضحك وحضني قووي كال...لا طبعا لربي بس كل شويه واحد جايني... بيومها اجتني مجديه ضاربه المكياج والصايه مزركشه... كالت...الله يخليك الله يزوجك حبيبتك انطيني صدقه دورت ماكوو خرده ومن بين الفلوس عندي فلوس ايرانيه اخذتهن من امي من اجت من الرضا وجانت بإيران...انطيتهن الها...وهي هجمت عليه كالت شنو تقشمرني منطيني ايرانيات كتلها بااستهزاء...جااا ما راح تروحين للرضا دخذيهن واسكتي وانوب ما راضيه هي شمرتهن عليه وراحت والبنات ضلن يضحكن وزينب انتبهت الها كل شويه تضحك وتباوع عليه.... واني مغلس وخجلان كل من وره المجديه فشلتني قررت اترك الخط دزيت الهن كل وحده رساله كتبت اعتذر منكم لكن مااكدر اخذكم بعد لان عندي شغل نمت وكعدت لكيت زينب حاركه تليفوني حرك بالاتصالات .والبنات هم بس الوحيده الهمتني هي زينب... بسرعه اتصلت بيها وبصوت نعسان ما رن بس عدة ثواني كالت بصوت ناعم أنثوي...الوو هلاوو خالد كلتلها...الوو هلوو زينب كالت بلهفه...الله عليك ليش تريد تبطل الخط جاوبتها...أي والله تعبت وعندي شغل مااكدر وانتن همين هوواي تتاخرن زينب...بس اني شنو ذنبي والله دائما اجي من وكت ونبي مليت يوميه خط جديد ويتركنه وحتئ بابا ضل يحجي لان هوايه يخاف عليه الله عليك لا تترك الخط... جاوبتها باارتباك...بس يا زينب... زينب...عفيه خالد والله اني دا اتونس وياك انت كوولش مرح صح لسانك متبري منك بس حلو ضحكت كلتلها...زينب الخاطر راح ارجع الخط بس كلي الصديقاتح لا يتأخرن كالت...اي يفترن بالسنتر موتني...احاجيهن والله بس انت لا تترك الخط... كلتلها...لا ان شاء لله جان اول مره احجي ويه وحده لطيفه ومؤدبه مثلها دفعته شوويه وابتعدت عنه... كال ...شبيج؟ كتله بحقد...اكرهك كال بضحكة...اكرهيني بس اسمعي مني كتله بقهر...كمل كال...اي المهم ضليت وياهم ست اشهر حييل عجبتني زينب مؤدبه وراقيه وناعمه وحلوه تجنن جنها طفل.... انقهرت من كلامه عليها ليش هيج يمدح بيها واني جان بس يضرب بيه ويغلط عليه ويسبني مو غيرانه منها بس وين العداله ليش معدل بينا كتله...الله يرحمها منو اكبر اني لو هي... كال...لا هي اكبر من اتزوجتها عمرها 21 كتله...يعني هي اكبر مني بسبع سنوات وانتي اكبر مني ب 15 سنه كال..تقريبا كتله...اي كمل... جر نفس عميق وتنهد كال...بيوم من الايام قررت افاتحه بموضوع خطوبه بس استحيت منها.... هي اجت صعدت بالخط...واني بالصدر سيارتي حديثه جانت... وضلينه منتظرين البنات... شفتها تلعب بموبايلها كلتلها باارتباك...احم امم زينب هي بسرعه رفعت بنظرها وابتسمت كالت بهدوء...تفضل خالد كلتلها...اممم ولد صديقي يريد يتزوج وكال اشوفله مره واني مااعرف ليش انتي اجيتي ابالي ضحكت كالت...ليش؟ كلتلها...امم لان بصراحه انتي حيل مؤدبه وراقيه كالت...اي شنو يشتغل حلوو لا كتلها...اي زين شايل روحه...ويشتغل الحمد لله كالت بضحكه...ههههه شنو شايل روحه ويشتغل غير اعرف شنو يشتغل كلتلها بتوتر...اي لا شكله مقبول..وعنده سياره ويشتغل بالشورجه عنده محل ملابس بس لازمه اخوو الكبير... كالت...ميخالف بس لازم اشووفه ويعني لازم يكون خووش ولد يعني مو هيج كلتلها...زين اخاف يعني هيج عاجبج واحد بالجامعه كالت بضحكه...ههههه لا بصراحه طلاب قسمي كلهم بنفس عمري واني مااحب هيج اريد اكبر مني بخمس سنوات اكثر... كلتلها ببتسامه...الحمد لله كالت بضحكه...صار عندي فضول اشووفه ضحكت كلتلها...هذا الكاعد مقابيلج حسيته غاصت بملابسها من الخجل وضلت متعرف تحجي مثل الطفل.... .....من حجه عليه هيييج حسيت ضربني بسكين كتله بقهر...نفس اليوم الخطبتني بي اول كلام ضربه بالحايط على وجهي... وهو جر نفس عميق وتنهد وسكت... كتله بنحيب....كمل كال...كافي يالله روحي نامي كتله...لا لا كمل عفيه اريد اسمع.... كال والحزن مرسوم على ملامحه بااتقان...وره يوم ردتلي جوابها بخجل كالت اني موافقه وبابا يكول اذا يردون خلي يجون اني من فرحتي ما صدكت خبر محنت متوقع توافق بهل سهوله بس حضي الاغبر سهل الي كل الامور... وفعلا راحت امي خطبتها شافتها تخبلت عليها هي حلوه حيل مرات اشبهها ببرواس الكرديه... ورحت شفتها اهلها ناس بسطاء على كد حالهم ابوها مكطومه ايده بالحرب...وجان كلش انسان واعي ومثقف...وعائلتهم رغم بساطتهم بس هم مستورين وكلهم طلاب وجانت زينب اكبر.... كدروا ياخذون استجابه مني وكدرت اخذ وانطي وياهم اتفقنه علئ كل شيء وحددنه موعد للخطبه... لكن الئ انصدمت بي معارضته عمها بالخطبه لان مجان عنده علم بخطبتي منها ولان ماا اجيت وشافني..... والي صدمني اكثر ان زينب هي الي وكفت بوجه عمها...وكلتله مااخرب الخطبه وخالد اريده وعمها جاي يضربها وابوها واكف بوجه... خابرتني كالت ...خالد عمو عارض علئ الخطبه بس اني وكفت بوجه واجه يضربيني... كلتلها بعصبيه...ابن المطي شحده يمد ايده عليج والله اجنزه تجنز... كالت بعصبيه...خااااالد لا تغلط علئ جدوو تره ميت وبعدين هو عمي ماا الك شغل انت... خجلت من نفسي وتسرعي كلتلها بتوتر...العفوو زنوبه بس مااعرف شنو الصار الي تعصبت لان سمعت يريد يضربج.... كالت بضحكه...اي بس لا تتسرع كلتلها...ادللي كم زينب عندي.... باوعتله بحييره والدموع لصقت برموشي وحاجيته بعتب...شكد سبيتني وشكد غلطت عليه ولا اذكر فد يوم اعتذرت وتاسفت ليش اني بنت البطه السوده... دخل اصابعه بشعري وقرب وجه من وجهي كال وهو يباوع الملامحي التعبانه....انتي بنتي واجيتي بوقت بي خالد مستهتر وكاره حتئ اهله... كتله ببكاء...شنوو ذنبي كال...ذنبج هو ذنبي حملتج مسؤؤلية الصار بس اكتشفت انتي طفله وطاهره ونقيه كتله بحسره علئ حالي...لا الي ايييد بقتل مهتدئ اصلا اهلي هم الي قتلوو كال بهدوء...االله يرحمه هذا يوومه صرخت بوجه كتله...شتريد ما كافي الي سويته بيه ما راح اسامح لو شما صار كال بغموض...وكل شي يطيب مدام صحت طابت كوول شئ يتعدل..... درت وجهي عنه واني اشهك كتله...هاي انت هيج دكول بس ثق بالله ما الي مكان وياك رجع دار وجهي عليه وحط ايدي علئ صدرة وكال...انتي مكانج تربع علئ عرش گلبي ما تدرين شصار بيه من ضربتج انقهرت علئ نفسي وعليج.. كتله بشهكات والم...اصلا انت متحبني... ضحك وحضن وجهي بااديه وباسني بشفايفي بسرعه دفعته ومسحت شفايفي واني اشهك... كال...ان شاء الله تعرفين معزتج يا طفلتي... كتله...لو انت معتبرني طفلتك جان ما ضربتني هيج شالني وكال..يالله يالله لازم تنامين ضليت ارفس برجليه وابجي...ماااا ماا عووفني اكرررهك مااحبك اكرررهك...حس شوويه.. نومني علئ السرير ونام بصفي دفعته حيييل ما كدرت اصلا اني تعبانه.... لزمت ايده وعضيييته حييل جني وحده متوحشه.. هو همس بضحكه...عضي عضي يا فديتج دكول سنون وحده عمرها 10 اشهر.... عرفت ماائذيته تركته ولزمت راسي من الوجع صرختت....ااااااه ااااه ياااااربي راسي راسي هو تخبل بسرعه لزمني باسني براسي وراح جاب علاجي ومي شربني وشربني هماتين منوم... ضل يمسح علئ راسي ويسويلي مساج ويقره عليه ايات قرانيه.... نمت علئ اخر كلمه من اية الكرسي.... وتاركته لوحده وهو يتامل جريمته البشعه علئ وجهها باسها بعيونها وهمس تسامحه بس هي حاقده عليه........ ............................. كعدت من النوم شفت مرتضئ مبدل ودا يلعب بفادي ابتسمت عليه... جان واكف ويبوس بي وفادي يضربه على وجه ومرتضئ..يضحك.... عدلت ملابس ولفيت شعري كتله صباح الخير... كال...صباح النور.. رحت غسلت واجيت اخذته منه وهو طلع بره... رحت غسلت الفادي ولبسته تراك سمائي وحطيتله بودره... طلعت بره ورحت لغرفة عمتي لكيت سحر نايمه خطيه حيل مقهوره عليها.... انطيت فادي العمه وصبحت عليهن.... هنه ضامات السالفه محد يعرف بس اني ومرتضئ وعمه... رحت سويتلهم ريوك للولد ودخلت ام علي هي وابنها.... رجعت بسرعه للمطبخ لان ابنها شاب كبير وضابط دخل يم الولد واني طلعت سلمت علئ حماتي ام علي... ودخلت جوه سلمت على خالتها وامها وسألت عن سحر كالت الها عمه هي مريضه... هاا وصح عمه كل شويه تصعد تشوف دانيا وبيبة سحر هم صعدت الها وتحمدت الها بسلامه.... رحت اخذت الريوك استحيت ادخله من ابن اختهم عذراء كالت صدك جذب جيبي.... وراحت دخلتها الهم.... جان كاعد خالد ومرتضئ وعمار ومعن وابن اختهم... علي...هلا بخوالي لحد يسأل لحد يجاوب شبيكم تتنفسون من خاصرتكم ونفسيتكم زفت عمار...انجب انت متسال صرت ضابط وشفت روحك وانت شواربك مكرطفه.... عذراء دخلت وهي لازمه الصينيه....لاه لاه لاه عليوي شواربه مكرطفه هذا ابو حسين شواربه يوكف عليهن صگر... علي...تسلمين خاله اول مره تحجين حجايه بيه خيير خالد...خاله شنوو هاي ام جهالك الكبد مالتك عذراء...اشكرك خالد اول مره تحجيلك حجايه بيه خيير... علي...لا شرعا ميصير لان خالتي وبعدين اني وياها اخوان برضاعه عذراء بهجوم..اعووذ بالله شوكت رضعنه لا تجذب اصلا اني من جنت طفله مخلصتها كله فووح.. مرتضئ...خالي بعد خالك تزوجها ههههههاي.. خالد..اي والله ونذر عليها عرسك على حسابي علي...خالي شنو السالفه عذراء...شبيك يمعود وين تلكه هيج قطعه نادره لا اريد ذهب ولا نيشان ومؤدبه ونضيفه وحلوه وخشمي صغير وطول الناكه بعد شتريد علي بعتب...عذيره اني عندي ثأر وياج تذكرين من ضربتيني بالباب وشكيتي راسي عذراء بضحكه...جااا امك مو كتلتني وحبستني بالحمام ومن ذاك اليوم واني تكاثرت عندي الجينات الرجوليه... خالد بضحكه...ولج انتي رجال بس من ذاك اليوم وشويه صارت عندج جينات انوثيه... علي...ههههههههاي عذراء...ضحكتم بدون اسنان ان شاء الله دخلت ام خالد .كالت هاا ولك حبوبه علاوي شلونك علي وكف وباس ايد حبوبته وباس راسها وسلم عليها.... ام خالد ...واحد منكم ياخذنه للمستشفئ بنت خالتكم مريضه... خالد...عفيني مااكدر اعوف دانيه.... مرتضئ نزل راسه يتمنئ هو يروح... وعمار دار وجه يكره سحر.... باوعت عليهم امهم وهزت راسها كالت....علاوي حبوبه تاخذنه علي ...اخذ مفاتيحه بهمه...ادللي ام خالد اكيد اخذكم غاليه وطلبج رخيص ...... لبست صايتي القديمه وروحي مسلووبه كرهت الحياة كرهت الدنيا كرهت كل شئ... اني متاكده قيس بس كشف عليه بس ما تقرب مني لان بيبي لحكته بس الوم صار عليه انتي مدنيه اله.واهس وامه سقطتني وشرفت ابنها.... اني حجيت كوولشي البيبي وهي بين المصدكه وبين الا حييل محتاجه الاهلي الحياة مشت وياي عكس وكرهتني بروحي تعبت حييل... ويا حايط الي اتكئ عليه يتفلش عليه.... الحظ يمشي معاكس ويايه مليت من الحياة قررت الانتحار بس الخووف منعني وقررت الصبر ومن الله الفرج..... طلعنه اني وبيبي وام خالد .... شفت ولد شاب واكف علئ سيارته جان شكله اعتيادي ماركزت بي زين.... كالوو هذا ابن ام علي صعدنه وياه جان مرح وبي شبه من مرتضئ هم كلهم احسهم متشابهين يمكن الدم هييج ولبق بالكلام ومبين شخصيه... عرفت من خلال كلامه هو ضابط بالنجف وضايج من دوامه.... وصلنه للمستشفئ نزلنه وهو ضل منتظرنه بسيارته... نزلنه دخلنه على الدكتوره وشرحنه الها الحاله كالت خلي افحصها.... اني تخبلت مستحيل اسمح الها بيبي لزكت اله تفحصني ضليت ابجي واصرخ وانهاريت وحتئ تحليل مقبلت اسووي... بيبي ضربتني وصارت هوووسه... ورفضت رفض تام خلينه ورجعنه وبيبي بس تغلط حتى كدام الولد الغريب غلطت..... من رجعنه وهو كلهم على كيفكم يمعودين البنبه مو مريضه شكوو هيج وياها... بيبي دكله...وحده ادب سز موتتني شوكت الله يخلصني منها... متت بدمي ومتت من القهر والفكر الئ ملاحكني وصلنه ونزلت ابجي مشفت احد لفيت راسي ونمت اهرب من مشاكلي... سمعت ام خالد دكله خلينه نزوجها لعلي حتئ لو فتره ويطلكها بس يستر عليها.... انصدمت ...امدده حضي وانوب مطلكه وابن اخت حبيبي ياربي موتني ولا تخليهم يذلوني هيج .............................. بعد مرور اسبوع.... كوولش كاره خالد وبس يحجي وياي اعيط بوجه واصرخ ويلزمني وجع راسي ماكمل على زوجته ومن احجي وياه يبدل الموضوع.... جنت كاعده بالزاويه مالت الغرفه ولامه رجليه الصدري وصافنه اريد اخلص منه بكل طريقه... شتميت عطره عرفته اجه لا هلا ولا مرحبا... جان دايح مدري وين مولي.... شافني كاعده علئ الارض تخبل اجه سحبني وكفني كال بعصبيه...دانيه ليش تخليني اتعصب عليح كتله باانهيار...هم عوزه الدايح ابو الشوارع يضربني مره ثانيه يالله يالله طفي عيني الثانيه... كال بغضب...داااااانيه اكوول مريضه ومااريد ائذيج شنو دايح ابو الشوارع انتي متستحين كتله.بااستهزاء..لا انت التستحي تنهد كال...استغفر الله لج بابا شبيج ليش تحبين المشاكل كتله...كمل زينب شلون ماتت لا تحرك كلبي.... تركني وراح كعد علئ السرير كال...اتركيها شلطشتي كتله بنحيب ...احجي يمكن اغفر الك كال تعالي... رحت كعدني على رجله واني ابتعدت.... كال بقهر...بعد ما خطبتها ضلينه ست اشهر مخطوبين وهي تغار من اطلع وتزعل واني أراضيها حبيتها من اعماق قلبي ...ترفه وبيضه وتعشقني جنه نطلع منتجعات ومطاعم مخليت مكان مااخذته الها وهي جانت هووايه تخابر بحيث اني انام وهي تحجي والصبح الكاها زعلانه ودازتلي رساله بيها رزاله اصحك عليها مثل الطفله ولازم اراضيها.... اتزوجنه ومااخذتها باليلة العرس خليتها علئ راحته لان من اشوفها احسها بريئه مو مال هيج سوالف... منا لمن هي طلبت وكالت امك دكول لازم يخلص هذا الموضوع... تقربت الها بحنيه وحب ورومانسيه وجنت حيل خجلان منها... انقهرت من حجه هيج لعد شبي ويايه عنيف وماكوو حنيه.... ما حجيت ولا عتبت عليه لان مستاهل.... كمل وكال..من اول شهر صارت حامل تخبلت وفرحت فرحتي ماانطيها لامي جنت احبها حييل اتخبل من تنضف وتشتغل اكلها اقري واكلي لا تسوين شئ بطلت من الخط وصار رجال تعرفوا عليه بالجامعه هو ياخذهم.... صارت حامل بالشهر الثالث والكل فرحان بحملها.... واني وياها مخططين شلون نعيش والولد وحتئ بدينه نجهز وهي تضحك دكول حضرنه المهد قبل الولد كلتلها...الايام تركض وهسه نكون عائله صغيره وحلوه حلفت مااخليها تحتاج شئ وفعلا كوولشي وفرت الها.... وبذاك اليوم المشؤؤم جانت عندها امتحان وراحت... واني جنت بشغلي هي كل شوويه تتصل بيه وكالت خالد ميته جووع كلتله بضحكه تعالي اكليني... كالت..يافديتك والله بس اجي اكلك وبعدبن كالت...حبيبي احس روحي مقبوضه وضايجه كلتلها...يعمري من الحمل لا تخافين... كالت...اي يمكن يالله حبي بااي احببببك منا للسماء كلتلها ...احبج من السماء لهنا ههههاي ضحكت وباست موبايلها وقفلته حسيت ما مرتاح مااعرف شصار بيه اجيت اكلب السياره هسه وصلت لاهلي واتصل موبايلي بعد ساعه من مخابرتها اليه.... فتحت خط سمعت واحد كال...انت خالد زوج زينب كتله بخووف....اي كال...زينب ماتت بالانفجار.. بذييج اللحظه مااعرف شنو احساسي كلت يمكن يجذب يمكن يشاقه كتله بخووف واديها كلها ترجف...اااا انت شدكوول كال باسف...هي وصديقاتها انا لله وانا اليه راجعون صرخت بصووت هزيت المنطقه هز طلعوو اخوانه وامي وابوويه واخذو الموبايل من ايدي خابروو وطلع الخبر صدك... اخواني ضلوو يلطمون عليها مثل النسوان وامي شكت ثوبها وابوي يلطم على راسه... رحنه للمستشفئ واجوو اهلها...امها تكسر الخاطر طارت مثل الحمامه المذبوحه بنص المستشفى علئ بنتها ويبس حلكها وابوها شك دشداشته ويلطم علئ صدره ويتبرغث بالتراب تبرغث.... هنه اربع جثث ماعرفوهن لان مفحمات... كالوو منو يدخل يشوفها محد قبل يدخل .... اني من شفته صارت صدك شكيت قميصي عليها واصررخ مثل الطفل الفاقد امه جان اكوو حررس سحبت منه الرشاشه واجيت اكتل نفسي بس أبوها لزمني وكال لا عمي تحبك زينب لا تجرحها... دخلت عليها....كالوو هاي الجنطه لهاي الجثه جانت جنطتها جلد طبيعي ممحتركه كلها وبيها صور عرسنه ماخذتهن تشوفهن الصديقاتها فتحت لكيتهن محتركات من اطرافهن وموبايلها محترك بس هم مطلعين السيم كارت... رحت ورجليه ميتات واديه تررجف والصدمه محتلتني راسي احس راح ينفجر رفعت الغطا منها ورجعت خطوووووات كبببيره من صدمتني... شمسوين بيها شلاعبين بخلقة الله.... مثل الدجاجه المشووويه ومحتركه.... جانت صاارخه وضال حلكها مفتووح أسنانها البيض بس هنه السلامات منها وجها محترررك مفحم مثل الفحم...وشعرها محترك.... وميته على كعدت السياره يعني ركبها مثنيه شلون من هيه كاعده بالكرسي احتمال جانو حاطيلهم لاصقه.... ورفعت الغطاء من جسمها شفت بطنها مفجوره من شدة الحراره واحشائها طالعه... مرتي ماتت محروكه مضلومه هي وطفلها... وكف وكال بصوت مكسور وحاد وحزيين .....كااافي دانيه لا تهيجين المواجع... رحت عليه وانقهرت حطيت راسي على ضهره وبجيت شكد محتمل الله يعينه دار عليه وحضن وجهي كال بحزن...لا تبجين لا تبجين عيونج لا تعذبيني دانيه والله تعبان ادري ضلمتج بس ان شاء الله اعوضج.... كتله بنحيب...اخذني باجر الها اريد اتاسف منها كال...لااا كتله ببكاء...لا لا اخذني والله اذا متاخذني اضل ابجي للصبح كال بعصبيه...دانيه لا تعاندين... كعدت علئ الارض وضليت ابجي كتله...والله للصبح هاي كعدتي هو شالني وباسني كال...مايصير خاطرج اله طيب باجر اخذج.... نمت بحضنه مع العلم زعلانه منه وضايجه بس انقهرت عليه وعليها.... وكل شويه اشهك وافز بصدره وهو يبوسني ويطمني.... ...................... .... كعدنه الصبح متاخرين تريكنه وبدلنه ورحنه مع العلم امه وابو رفضوو لان اني مريضه بس اصريت اروح حاقده على خالد رغم حنيته عليه. وصلنه هو اجر فندق وكال باليل نروح نزور طلعنه ازدحامات حيل صادف بيه مناسبه مكدرنه نوصل للامام علي عليه السلام فكال خلي نروح للسيد قدس الله سره كل شويه يطمن عليه واني تاركته لوحده يحاول يسترضيني ويطيب خاطري بس من تذوب الروح وتموت ما تنبعث من جديد... روحي ذابت ومستحيل تنبعث... بعد اخر موقف اجرامي بحقي... هو يحاول يسترضيني ومشاعره تجاهي مبينه لكن هيهات من اباوع علئ وجهي بالمرايه... اشوووف ضلم طاغوت متجبر بداخله... من ارجع للماضي وغيبوبتي وحاجتي للناس احقد بحقد دفين بداخلي... صح غلطت من مزقت صورة زوجتة بوجه... بس مجان لازم هيج يسوووي لسواه خلاني اقسم برب الكوون ...لو يموت گدامي مااسامحه... طلبت منه نروح للنجف وهو كووولش استغرب طلبي اتذكر كلماته الحنونه الئ ما اثرن بيه... بس ياعمري انتي تعبانه والبجي مو زين عليج.. باوعتله ... جنه كاعدين بضريح السيد الصدر قدس الله سره... وجانت بوكتها زياره عيد وحيييل ازدحام بحيث الناس عبالك دود جنت متفاجئه بالمنظر اول مره اشوف مقبرة وادي السلام كوولش كبيره وحزينه.... اول ما داخلنه النجف وجنت بسياره شفت القبور بجيت بنحيب... وهو تخبل وكف السياره واحتضني وهمس بحنيه...لا حبيبتي لا تعذبيني تدرين البجي مو زين عليج انتي مو وعدتيني ما تبجين... همست بعبره كاتمه نفسي...ابجي علئ احبابك ماعندي احباب بدار السلام... سحب ايدي وباسها وهمس...مااريد تنعين احبابي اني اريد تنعين نفسج ... رجعت من ذاكرتي بعد ما مد اليه لفة كص... كال بهدووء...حبيبتي اكلي بعد ورانه طريق... درت وجهي بجفاء هذي حالتي صار شهرين... شفته تنهد وراقب مناطق الخوف الموجوده بوجهي... كال بصوت هادئ...صح غلطت يالروح والجسد بس انتي ما تعرفين انتي شنو تعنين اليه وجودج بجانبي يكفي رغم جفائج وحتقارج اليه همست بصوت وعيون تلمع بدموع...انت اديك ملطخه بدمي...ولحد الان اكولك اني الي ايد بقتل مهتدئ ليش ما تحررني او تقتلني... همس..الروح ما تتلطخ اديها بالدم اني جاهل الوصول لقلبج بس الي اعرفه اني بعد الي صار ايقنت وتاكدت قلبي ما ينبض اله بحبج رفعت نضري ليفوك امنع سقوط الدموع.... هو تقرب بلهفه وهمس بعد حط الكنلكس علئ عيني الي يحيطها الزراك البنفسجي....لا تبجين اسووي كل شئ الخاطرج بس لا تبجين صحتج عندي بالدنيا لا تقهريني يا گلبي....ماا ادور وياج انتقام صدكيني المبني على باطل عندي باطل فديتج ياسالفتي لا تضررين عيونج بجت بصوت عالي وحطيت ايدي علئ وجهي جانت يمنه عوائل دياكلوون ضلوو يباوعون علينه وهو استحئ يحتضني يمهم بس ضل يلزم بيدي ويهديني.. فتحت عيووني وشفت شنوو الي صاير وره خالد... العالم تركض بصوره سريييعه مئات البشريه اطفال ونساء ورجال وشباب الكل يركض ويتصارخ عبالك يووم الحشر اجوو هاجميين عليه خالد بسرعه التفت واني صررخت ولميت رجليه الكل الي كاعد بصفنه وكف مفزوع والكل ركض وكفت وركضنه اني وخاااالد علئ ركضة العالم جنت اصرررخ بصووت عالي وبدون حذااائي.... سمعت العالم تصييح احزام نااسف احزاام ناسف... جان السيد مطووق وماكدرنه نطلع منه والازدحام قااااتل.. صفني خالد علئ الحايط وهو يررررجف واني منهاره بالصراخ... حماااني بصدره وطوقني بااديها غمض عيوونه وكال....غمضي يالروووح لا تفتحين عيوونج موتي علئ صدري مالج مكان غيييره كتله ببكاء ورعب...حينفجرر رااح تموت احمي نفسك غمض عيووونه وغمضت وياه..... 💔💔💔💔💔💔........................... نور...سمو العراق... كونوا هنا كونوا بخير...احبكم....💓 يُتبع... | ||||
|  |
|
17-07-19, 07:50 PM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ﺍﻟﺒﺎﺭﺕ ﺍﻟﺜﻼﺛﻮﻥ ﺭﻭﺍﻳﺔ ... ﺍﻧﺘﻲ ﺳﻴﻮﻑ ﺍﻟﺜﺄﺭ ﻓﻲ ﺍﺟﻔﺎﻧﻲ .. ﺑﻘﻠﻤﻲ ... ﻧﻮﺭ ﺳﻤﻮ ﺍﻟﻌﺮﺍﻕ 💔💔💔💔💔💔💔 ﻣﺎ ﺯﻟﺖ ﺍﺑﺤﺚ ﻋﻦ ﻋﻴﻮﻧﻚ ﺑﻴﻨﻨﺎ ﺍﻣﻞ ﻭﻟﻴﺪ ﺃﻧﺎ ﺷﺎﻃﻲﺀ ﺍﻟﻘﺖ ﻋﻠﻴﻪ ﺟﺮﺍﺣﻬﺎ ﺃﻧﺎ ﺯﻭﺭﻕ ﺍﻟﺤﻠﻢ ﺍﻟﺒﻌﻴﺪ ﺃﻧﺎ ﻟﻴﻠﺔ . ﺣﺎﺭ ﺍﻟﺰﻣﺎﻥ ﺑﺴﺤﺮﻫﺎ ﻋﻤﺮ ﺍﻟﺤﻴﺎﺓ ﻳﻘﺎﺱ ﺑﺎﻟﺰﻣﻦ ﺍﻟﺴﻌﻴﺪ ﻭ ﻟﺘﺴﺄﻟﻲ ﻋﻴﻨﻚ ﺃﻳﻦ ﺑﺮﻳﻘﻬﺎ ﺳﺘﻘﻮﻝ ﻓﻲ ﺍﻟﻢ ﺗﻮﺍﺭﻯ ﺻﺎﺭ ﺷﻴﺌﺎ ﻣﻦ ﺟﻠﻴﺪ ﻭ ﺃﻇﻞ ﺍﺑﺤﺚ ﻋﻦ . ﻋﻴﻮﻧﻚ ﺧﻠﻒ ﻗﻀﺒﺎﻥ ﺍﻟﺤﻴﺎﺓ ﻭﻳﻈﻞ ﻓﻲ ﻗﻠﺒﻲ ﺳﺆﺍﻝ ﺣﺎﺋﺮ ﺍﻥ ﺛﺎﺭ ﻓﻲ ﻏﻀﺐ ﺗﺤﺎﺻﺮﻩ ﺍﻟﺸﻔﺎﻩ ﻛﻴﻒ ﺍﻧﺘﻬﺖ ﺍﺣﻼﻣﻨﺎ ......................... ﻣﻦ ﻳﺘﺤﺪﺩ ﺍﻟﻤﺼﻴﺮ ﻭﺗﺸﻮﻑ ﺍﻟﻤﻮﺕ ﻳﺤﺎﺻﺮﻙ ﻣﻦ ﺟﻤﻴﻊ ﺍﻟﺠﻬﺎﺕ ﻣﺘﻔﻜﺮ ﺑﺲ ﺑﻨﻔﺴﻚ ﻭﺍﻗﺮﺏ ﺍﻟﻨﺎﺱ ﺍﻟﻚ .... ﻭﺗﻤﺮ ﻟﺤﻈﺎﺕ ﺗﺸﻌﺮ ﺑﺨﻮﻑ ﺍﻟﺊ ﻣﺎﺗﻮﻭ ﻣﻘﺘﻮﻟﻴﻦ ... ﻭﺗﻌﻴﺶ ﺍﺣﺴﺎﺳﻬﻢ .... ﺑﻬﺬﺍ ﺍﻟﻴﻮﻡ ﻋﺸﻨﻪ ﺍﺣﺴﺎﺱ ﺯﻳﻨﺐ ﻭﻣﻬﺘﺪﺉ .... ﻛﻠﻲ ﺍﺭﺟﻒ ﻭﺭﺟﻠﻴﻪ ﺗﺮﻋﺶ ﻭﺍﻧﻲ ﻣﺼﻔﻮﻓﻪ ﻋﻠﺊ ﺍﻟﺤﺎﻳﻂ ﻭﺧﺎﻟﺪ ﺣﺎﻣﻴﻨﻲ ﺑﺼﺪﺭﻩ ﻭﺣﺎﻁ ﺍﺩﻳﻪ ﻋﻠﺊ ﺍﻟﺠﺪﺍﺭ ﺍﺷﻮﻑ ﻭﻓﻮﺩ ﺍﻟﻌﺎﻟﻢ ﻭﻫﻲ ﺗﺘﺮﺍﻛﺾ ﻟﻜﻦ ﺑﺎﺏ ﺍﻟﺪﺧﻮﻝ ﻛﺎﻥ ﺻﻐﻴﺮ ﻣﺎ ﻳﻮﺳﻊ ﺍﻟﻌﺎﻟﻢ .... ﻭﺍﻟﺼﺮﻳﺦ ﻭﺍﻻﻃﻔﺎﻝ ﺗﺘﺒﺎﭼﺊ ﻋﺒﺎﻟﻚ ﻳﻮﻡ ﺍﻟﺤﺸﺮ ﻧﺎﺱ ﺩﻛﻮﻝ ﺍﺣﺰﺍﻡ ﻧﺎﺳﻒ ﻳﺮﻛﺾ ﻭﺭﻩ ﺍﻟﺰﻭﺍﺭ ﻭﻧﺎﺱ ﺩﻛﻮﻝ ﺍﻧﻔﺠﺮ ﻭﺍﺣﺪ ﻭﺍﺣﺪ ﺭﺍﺡ ﻳﻨﻔﺠﺮ .... ﺍﺣﺲ ﻛﻠﺒﻲ ﻃﺎﺍﺍﺭ ﻭﺭﻋﺐ ﺍﻟﻲ ﺍﻋﺘﻼﻧﻲ ﺧﻼﻧﻲ ﺍﺻﺮﺭﺥ ﺑﻬﺴﺘﻴﺮﻳﺎ ﻭﺻﺎﺭ ﻣﺪﺍﻓﻊ ﻭﻛﻞ ﻭﺍﺣﺪ ﻳﺮﻳﺪ ﻳﺤﻤﻲ ﻧﻔﺴﻪ ﻋﻠﺊ ﺣﺴﺎﺏ ﻏﻴﻴﺮﻩ ﻭﻋﺮﻓﺖ ﺍﻟﺮﻭﺡ ﻋﺰﻳﺰﻩ ... ﺿﺤﻜﺖ ﺑﺎﺍﺳﺘﻬﺰﺍﺀ ﻭﺍﻧﻲ ﺍﺻﺮﺥ ﺑﺪﺍﺧﻞ ﻧﻔﺴﻲ ﺧﺎﻟﺪ ﻳﺴﻤﻴﻨﻲ ﺍﻟﺮﻭﺡ ﻣﻌﻘﻮﻟﻪ ﺍﻧﻲ ﻫﻴﺞ ﻋﺰﻳﺰﻩ ﻋﻨﺪﻩ ﻫﻤﺲ ﺑﺮﻋﺐ ... ﺩﺍﻧﻴﻪ ﺍﺑﺮﻳﻨﻲ ﺍﻟﺬﻣﻪ ... ﺍﻧﻲ ﻣﻦ ﺍﻟﺮﻋﺐ ﻭﺍﻟﺨﻮﻑ ﻭﺍﻟﺮﺟﻔﻪ ﺍﻟﻲ ﺍﻋﺘﻠﺖ ﺟﺴﻤﻲ ﺭﺩﺕ ﺍﻧﻄﻖ ﻭﺍﺣﺠﻲ ﻟﻜﻦ ﻭﻛﻌﺖ ﺑﻴﻦ ﺭﺟﻠﻴﻪ ﻣﻐﻤﻲ ﻋﻠﻴﻪ .... ﻭﺑﻌﺪ ﻣﺎ ﻋﺮﻓﺖ ﺍﻟﺼﺎﺭ ..... ................................ ﺟﻨﺖ ﻛﺎﻋﺪﻩ ﻣﻦ ﺍﻟﺼﺒﺢ ﺑﺪﻟﺖ ﺍﻟﻔﺎﺩﻱ ﻭﻋﻄﺮﺗﻪ ﻭﺍﻧﻄﻴﺘﻪ ﺍﻟﻌﻤﻪ ﻭﻣﺮﺗﻀﺊ ﺭﺍﺡ ﺍﻟﺸﻐﻠﻪ ﺷﺎﻳﻞ ﺧﺸﻤﻪ ﻭﻳﺘﻌﻴﻘﻞ ﻣﺎﺍﻋﺮﻑ ﻋﻠﺊ ﺷﻨﻮﻭ ... ﻛﺘﻠﻪ ﻳﺎﺑﻪ ﺗﺰﻭﺝ ﺳﺤﺮ ﻭﻫﻢ ﻣﺮﺍﺡ ﺍﺗﻄﻠﮓ ﻣﻨﻚ ﺍﻛﻞ ﺗﺒﻦ ﻭﺍﺳﻜﺖ ﺿﻞ ﻳﺼﻴﺢ ﻭﻳﻐﻠﻂ ﻭﺧﻠﻪ ﻭﺭﺍﺡ ﻫﻲ ﺳﺤﺮ ﻣﻀﻠﻮﻣﻪ ﻭﻳﺘﻴﻤﻪ ﺍﻧﻲ ﻣﺎﺍﺭﻳﺪ ﺍﺷﻴﻞ ﺧﻄﻴﺘﻬﺎ .. ﺭﺣﺖ ﻟﻠﻤﻄﺒﺦ ﻟﻜﻴﺖ ﺯﻭﺟﺔ ﻣﻌﻦ ﺗﻐﺴﻞ ﻣﻮﺍﻋﻴﻦ .... ﺍﻧﻲ ﺭﺣﺖ ﻛﻨﺴﺖ ﺍﻻﺳﺘﻘﺒﺎﻝ ﺧﻄﻴﻪ ﺍﻟﻴﻮﻡ ﺩﻧﻮﻭ ﺑﺎﻟﻨﺠﻒ ﻫﺎﻱ ﺍﻭﻝ ﻣﺮﻩ ﺗﺰﻭﺭ ﺍﻟﻨﺠﻒ ﺣﻨﻪ ﻣﺎ ﻧﺪﻓﻦ ﺑﺎﻟﻨﺠﻒ ... ﺑﺲ ﻋﺎﺩﻱ ﻳﻜﻮﻟﻮﻥ ﻫﻢ ﺩﺍﻓﻨﻴﻦ ﺑﻮﺍﺩﻱ ﺍﻟﺴﻼﻡ ... ﻫﻲ ﺑﻌﺪﻫﺎ ﻣﺮﻳﻀﻪ ﻭﺍﺻﺮﺕ ﺍﻟﻪ ﺗﺮﻭﺡ ... ﻛﻤﻠﺖ ﻛﻨﺲ ﻭﺭﺣﺖ ﺍﻣﺴﺢ ﺑﺎﻟﺒﻼﺯﻣﻪ .... ﺩﺧﻠﺖ ﺍﻡ ﻋﻠﻲ ﻛﺎﻟﺖ ... ﻫﻼ ﺭﺍﻧﻴﻪ ﺍﻃﻠﻌﻲ ﺍﻃﻠﻌﻲ ﺍﺟﻪ ﺯﻭﺟﻲ ﻭﻳﺎﻳﻪ ﻣﻨﻮ ﻣﻦ ﺍﻟﻮﻟﺪ ﻫﻨﺎ .... ﻛﺘﻠﻬﺎ ... ﻫﻼﻭ ﺑﻴﺞ ﻋﻤﺮﻱ ﺑﺲ ﻋﻤﺎﺭ ﻭﻧﺎﻳﻢ ﺑﻐﺮﻓﺘﻪ ﻻﻥ ﻣﺮﺗﻀﺊ ﺭﺍﺡ ﻟﻠﺸﻐﻞ ﻭﺧﺎﻟﺪ ﻫﻮ ﻭﺩﻧﻮ ﺑﺎﻟﻨﺠﻒ ﻭﻣﻌﻦ ﻛﺬﺍﻟﻚ ﻣﻤﻮﺟﻮﺩ ﺑﺲ ﻋﻤﺎﺭ ﻧﺎﻳﻢ ... ﻛﺎﻟﺖ ... ﺭﻭﺣﻲ ﻛﻌﺪﻱ ﻋﻔﻴﻪ ﻛﻠﻴﻠﻪ ﺍﺟﻪ ﺍﺑﻮ ﻋﻠﻲ ﻛﻠﺘﻠﻬﺎ ﺑﺨﺠﻞ ... ﻭﺍﻟﻠﻪ ﺍﺳﺘﺤﻲ ﻛﺎﻟﺖ ... ﻳﻤﻌﻮﺩﻩ ﻋﻠﻴﻤﻦ ﻫﻮ ﻣﺜﻞ ﺍﺧﻮﻭﺝ ... ﺧﻠﺖ ﻭﺭﺍﺣﺖ ﺩﺧﻠﺖ ﺯﻭﺟﻬﺎ ﻭﺍﻧﻲ ﻃﻠﻌﺖ .... ﻭﺑﻌﺪﻳﻦ ﺭﺍﺣﺖ ﻟﻐﺮﻓﺔ ﺍﻣﻬﺎ .... ﺻﻌﺪﺕ ﺍﻧﻲ ﺗﺎﻓﺌﻔﺖ ﻫﺴﻪ ﺷﻠﻮﻥ ﺣﺎﻟﻪ ﺍﻧﻲ ﺣﻴﻴﻞ ﻣﺎﺍﺣﺐ ﻋﻤﺎﺭ ﻭﺍﺣﺲ ﻧﻈﺮﺍﺗﻪ ﻣﻮ ﻣﺮﻳﺤﻪ ... ﺩﻛﻴﺖ ﺍﻟﺒﺎﺏ ﺩﻛﻴﺖ ﻣﺎﻛﻮﻭﻭ ... ﻓﺘﺢ ﺍﻟﺒﺎﺏ ﺑﻬﺪﻭﻭﺀ ﻫﻮ ﺟﺎﻥ ﻧﺎﻳﻢ ﻭﻣﻐﻄﻲ ﺟﺰﺀ ﻣﻦ ﺟﺴﻤﻪ ﻭﺻﺪﺭﻩ ﻋﺎﺭﻱ ... ﺗﻨﻬﺪﺕ ﻭﺧﺠﻠﺖ ﺧﻠﻴﺖ ﻭﺭﺟﻌﺖ ﺭﺩﺕ ﺍﻃﻠﻊ ... ﺳﻤﻌﺘﻪ ﻳﺘﺜﺎﺋﺐ ﻭﻳﺤﺮﻙ ﺑﺮﻭﺣﻪ ... ﺩﺭﺕ ﻭﺟﻬﻲ ﻋﻠﻴﻪ ﻭﺑﺴﺮﻋﻪ ﻧﻈﺮﻱ ﻣﻨﻪ ﻛﺘﻠﻪ ... ﺻﺒﺎﺡ ﺍﻟﺨﻴﺮ ﺑﺲ ﺍﻡ ﻋﻠﻲ ﺩﻛﻮﻝ ﺍﺑﻮ ﻋﻠﻲ ﺟﻮﻭﻩ ﺑﻠﻜﻲ ﺗﻨﺰﻝ ﺍﻟﻪ ... ﻛﺎﻝ ﺑﻬﻴﺎﻡ ﻭﻧﻈﺮﺍﺕ ﺟﺮﻳﺌﻪ ... ﺍﺩﻟﻠﻲ ﻏﺎﻟﻴﻪ ﻭﺍﻟﻄﻠﺐ ﺭﺧﻴﺺ ﻛﻢ ﺍﻡ ﻓﺎﺩﻱ ﻋﺪﻧﻪ ... ﺧﺰﺭﺗﻪ ﺑﻨﻈﺮﻩ ﺣﺎﺍﺩﻩ ﻭﻃﻠﻌﺖ ... ﻭﻳﻪ ﻣﺎ ﺳﺪﻳﺖ ﺍﻟﺒﺎﺏ ﺣﺴﻴﺖ ﺑﺎﻳﺪ ﺧﺸﻨﻪ ﺳﺤﺒﺘﻨﻲ ... ﺑﺎﻭﻋﺖ ﻋﻠﻴﻪ ﺟﺎﺍﻥ ﻣﺮﺗﻀﺊ ﻳﺒﺎﻭﻉ ﻋﻠﻴﻪ ﻭﻋﻴﻮﻧﻪ ﺗﺠﺪﺡ ﻧﺎﺍﺍﺍﺍﺍﺍﺍﺭ ﻟﺰﻣﻨﻲ ﻣﻦ ﺷﻌﺮﻱ ﻭﺳﺤﺒﻨﻲ ﻣﺜﻞ ﺍﻟﺒﻬﻴﻤﻪ ... ﻭﺻﻠﻨﻪ ﻟﻠﻐﺮﻓﺘﻨﻪ ﺩﻓﻌﻨﻲ ﺣﻴﻴﻴﻞ ﻭﺳﺪ ﺍﻟﺒﺎﺏ .... ﻛﺎﻝ ﺑﻌﺼﺒﻴﻪ .... ﺷﺴﻮﻭﻭﻭﻳﻦ ﺑﻐﺮﻓﺔ ﻋﻤﺎﺭ ﻛﺘﻠﻪ ﺑﻐﻀﺐ ... ﺷﻨﻮﻭ ﻗﺼﺪﻙ ﺷﺴﻮﻭﻭﻱ ﻣﺮﺗﻀﺊ ﺍﺣﺘﺮﻡ ﻧﻔﺴﻚ ﺗﺮﺉ ﻫﻮﻭﻭﺍﻳﻪ ﺗﺠﺎﻭﺯﺕ ﻋﻠﻴﻪ ﻭﺳﻜﺘﺖ ... ﻫﻮ ﻫﺠﻢ ﻋﻠﻴﻪ ﻭﻟﺰﻣﻨﻲ ﻣﻦ ﺭﮔﺒﺘﻲ ﻛﺎﺍﻝ ... ﻣﺤﺘﺮﻡ ﻧﻔﺴﻲ ﻗﺒﻞ ﻻ ﺍﻋﺮﺭﻓﺞ ... ﻭﻣﻦ ﺷﻔﺘﺞ ﺍﺣﺘﻘﺮﺕ ﻧﻔﺴﻲ ﻣﺎﺍﺣﺘﺮﻣﺘﻬﺎ ﻟﺞ ﺣﺸﺸﺸﺮﻩ ﻧﺬﻟﻪ ﺷﻔﺘﻴﻨﻲ ﻣﺎ ﻣﻨﻄﻴﻴﺞ ﻋﻴﻴﻦ ﻭﻣﺎ ﻣﻨﻄﻴﺞ ﺣﻘﺞ ﺭﺣﺘﻲ ﺍﻟﻌﻤﺎﺭﺻﺪﻭﻭﻙ ﺣﻴﻴﻴﻴﻴﻴﻞ ﻗﻬﺮﻧﻲ ﻭﺟﺮﺣﻨﻲ ﺑﻜﻼﻣﻪ ... ﺭﻓﻌﺖ ﺍﻳﺪﻱ ﺑﻌﺼﺒﻴﺔ ﻭﻧﺰﻟﺘﻬﺎ ﻋﻠﺊ ﺧﺪﻩ ﻫﻮ ﺣﻂ ﺍﻳﺪﻩ ﻋﻠﻰ ﺧﺪﻩ ﺑﺼﺪﻣﻪ ... ﻭﻫﺠﻢ ﻋﻠﻴﻪ ﻧﺬﺍﻟﻪ ﻭﺣﻘﺎﺍﺍﺍﺭﻩ ﻛﻄﻌﻨﻲ ﺗﻜﻄﻊ ﺑﺤﻴﺚ ﺷﻌﺮﻱ ﻟﺰﮒ ﺑﺎﺍﺻﺎﺑﻌﻪ .... ﻃﺎﺣﻠﻲ ﺭﺍﺷﺪﻳﺎﺕ ﻭﺭﻓﺴﺎﺕ ﻭﺷﻌﺮﻱ ﺗﻜﻮﻡ ﻋﻠﺊ ﺍﻻﺭﺽ ﻣﻨﻪ ﺟﻨﺖ ﺍﺑﺠﻲ ﺑﺼﻤﺖ ﻭﺑﺪﻭﻥ ﺻﻮﻭﺕ ﻣﺎﺍﺭﻳﺪ ﻳﻌﺮﻓﻮﻥ ﺍﻟﺼﺎﺭ ﻭﻫﻮ ﻧﺬﻝ ﻳﻜﻮﻝ ﺍﺫﺍ ﻃﻠﻌﻠﺞ ﺻﻮﻭﺕ ﻭﺍﻟﻠﻪ ﺍﺷﺮﺏ ﻣﻦ ﺩﻣﺞ .... ﻭﻛﻒ ﻭﺍﺑﻌﺪ ﺷﻌﺮﻱ ﻣﻦ ﺍﺻﺎﺑﻌﻪ ﻭﻫﻮ ﻳﻜﻮﻭﻝ ... ﻭﺍﻟﻠﻪ ﺍﻟﻪ ﺍﺭﺑﻴﺞ ﺍﻟﻤﺮﺣﻮﻭﻡ ﺟﺎﻥ ﻫﻮﻭﺍﻱ ﻣﺪﻟﻠﺞ ﺍﻟﻪ ﺍﻃﻠﻊ ﺩﻻﻟﻪ ﻣﻦ ﺧﺸﻤﺞ .... ﻛﺘﻠﻪ ﺑﻌﺼﺒﻴﺔ ﻭﺑﻜﺎﺀ ... ﻃﻠﮕﻨﻲ ... ﺭﺟﻊ ﻟﺰﻣﻨﻲ ﻣﻦ ﺷﻌﺮﻱ ﻭﺍﻧﻲ ﻟﺰﻣﺖ ﺍﻳﺪﻩ ﺍﺑﺎﻭﻉ ﻟﻌﻴﻮﻧﻪ ﺗﺠﺪﺡ ﻭﺣﺎﺍﺩﻩ ﻭﺻﺎﺭ ﻋﺒﺎﻟﻚ ﺷﻴﻄﺎﻥ ... ﻛﺎﻝ ... ﺍﺗﻤﻨﻰ ﻭﺍﻟﻠﻪ ﻳﺎﺭﻳﺖ .... ﺩﻓﻌﺘﻪ ﻭﻭﻛﻔﺖ ﺭﺣﺖ ﻟﻠﺤﻤﺎﻡ ﻭﻗﻔﻠﺘﻪ ﻋﻠﻴﻪ ... ﻋﺎﺗﺒﺖ ﻣﻬﺘﺪﺉ ﺑﺼﻤﺖ ... ﺷﻠﻮﻭﻥ ﻳﺮﺿﻰ ﻫﺎﺍ ﺍﻟﻨﺬﻝ ﻳﺄﺫﻳﻨﻲ ﻭﺍﻧﻲ ﺍﻣﺎﻧﺔ ﺗﺮﺿﻰ ﻳﺎ ﻣﻬﺘﺪﺉ ﻣﺮﺗﻀﺊ ﻳﻀﺮﺑﻨﻲ ﻭﻳﻬﻴﻨﻲ .... ﻳﺸﻚ ﺑﻴﻪ ﻭﻳﻪ ﻋﻤﺎﺭ ﻭﻳﻜﻮﻝ ﺍﻧﺘﻲ ﻭﺣﺪﻩ ﻣﻨﺤﻄﻪ ﺑﻴﺞ ﺧﻴﺮ ﺟﺎﻥ ﺣﺎﻓﻈﺘﻲ ﻋﻠﻰ ﻧﻔﺴﺞ ﺑﺎﺍﻳﺎﻡ ﺍﻟﺨﻄﻮﻭﺑﻪ ﻣﻮ ﺣﺒﻠﺘﻲ ﻭﺍﻧﺘﻲ ﻣﺎ ﻣﻌﺮﺳﻪ .... ﺣﻴﻴﻞ ﻳﺠﺮﺣﻨﻲ ﺑﻜﻼﻣﻪ ﺍﺭﻳﺪ ﺑﺲ ﺗﻤﺮ ﻓﺘﺮﻩ ﻋﻠﻰ ﺯﻭﺍﺟﻨﻪ ﺍﺗﻄﻠﻚ ﻣﻨﻪ ﻭﻻ ﺍﺿﻞ ﻭﻳﺎﻩ ..... ﻭﻛﻔﺖ ﻏﺴﻠﺖ ﺑﺴﺮﻋﻪ .... ﻭﻣﺴﺤﺖ ﺩﻣﻮﻋﻲ ﻭﺣﺎﻭﻟﺖ ﺍﺿﺒﻂ ﺍﻧﻔﺎﺳﻲ ﺑﺲ ﻣﻜﺪﺭﺕ ﻛﺘﻢ ﺍﻟﺸﻬﻜﺎﺕ ﺧﻨﻜﺘﻨﻲ ... ﺧﻠﻴﺖ ﻭﻟﺒﺴﺖ ﺷﺎﻟﻲ ﻭﻃﻠﻌﺖ ﺿﻠﻴﺖ ﺍﻧﻀﻒ ﻭﺍﺷﺘﻐﻞ ﺣﺘﺊ ﺍﻧﺴﺊ ﺍﻟﻲ ﺻﺎﺭ ﺑﺲ ﻛﻞ ﺷﻮﻳﻪ ﺍﺧﺘﻨﻚ ﻭﺍﻛﺘﻢ ﻋﺒﺮﺍﺗﻲ .... ﺭﺣﺖ ﺍﺧﺬﺕ ﻓﺎﺩﻱ ﻣﻦ ﻋﻤﺘﻲ ﻭﻃﻠﻌﺖ ... ﻟﺤﻜﺘﻨﻲ ﺍﻡ ﻋﻠﻲ .... ﻟﺰﻣﺘﻨﻲ ﻣﻦ ﺍﻳﺪﻱ ﻛﺎﻟﺖ ... ﺷﺒﻴﺞ ﺭﺍﻧﻴﻪ ﺷﻜﻠﺞ ﻣﺎ ﻳﺒﺸﺮ ﺑﺨﻴﻴﻴﺮ ﺍﻧﻲ ﻋﺒﺎﻟﻚ ﺟﻨﺖ ﻣﺤﺘﺎﺟﻪ ﺍﺳﺘﺠﺎﺑﻪ ﻣﻦ ﻭﺍﺣﺪ ﺑﺴﺮﺭﻋﻪ ﺑﺠﻴﻴﻴﺖ ﻭﺷﻬﻜﺖ ﺣﻀﻨﺘﻨﻲ ﺍﻡ ﻋﻠﻲ ﻛﺎﻟﺖ ... ﻳﺎ ﻳﺎ ﺭﺍﻧﻴﻪ ﺷﺒﻴﺞ ﻣﻨﻮ ﻭﻳﺎﺝ ﻛﻠﺘﻠﻬﺎ ... ﺗﻌﺒﺖ ﺍﻡ ﻋﻠﻲ ﻭﻛﺮﻫﺖ ﺭﻭﺣﻲ ﺍﻧﻲ ﻣﺎﻟﻲ ﻣﻜﺎﻥ ﺑﻴﻨﻜﻢ ﻣﻦ ﺍﻟﺒﺪﺍﻳﻪ ﻟﻮ ﺍﻟﻲ ﻣﻜﺎﻥ ﺟﺎﻥ ﺿﻞ ﻣﻬﺘﺪﺉ ﺯﻭﺍﺟﻲ ﻣﻦ ﻣﺮﺗﻀﻰ ﻏﻠﻂ .... ﻛﺎﻟﺖ ... ﺷﺒﻲ ﺷﺴﻮﺍﻟﺞ ﻛﻠﺘﻠﻬﺎ ﺑﻨﺤﻴﺐ .... ﺿﺮﺑﻨﻲ ﻭﻳﻌﻴﺮﻧﻲ ﺑﺤﻤﻠﻲ ﻣﻦ ﻣﻬﺘﺪﺉ ﺍﻧﻲ ﻭﺍﻟﻠﻪ ﻣﺎﺍﻛﺪﺭ ﺍﻋﻴﺶ ﻭﻳﺎﻩ ... ﺳﺤﺒﺖ ﺷﺎﻟﻲ ﻭﺷﺎﻓﺖ ﺧﺪﻱ ﺷﻠﻮﻥ ﺍﺻﺎﺑﻌﻪ ﻣﻄﺒﻮﻋﻪ ﺑﺨﺪﻱ ﻛﻠﺘﻠﻬﺎ ... ﺣﻜﻢ ﺍﻟﻘﻮﻱ ﻋﻠﺊ ﺍﻟﻀﻌﻴﻒ .... ﺍﻧﻲ ﻭﺍﺧﺘﻲ ﺗﺤﻤﻠﻨﻪ ﻫﻮﻭﺍﻳﻪ ﻭﺳﻜﺘﻨﻪ ﻛﺎﻟﺖ ﺑﺎﺳﻒ ... ﺑﺲ ﻟﻴﺶ ﺿﺮﺑﺞ ﻛﻠﺘﻠﻬﺎ ... ﻻﻥ ﺟﻨﺖ ﺩﺍ ﺍﻛﻌﺪ ﻋﻤﺎﺭ ﻳﺠﻲ ﻳﻢ ﺍﺑﻮ ﻋﻠﻲ ﺍﻧﻲ ﻣﻮ ﻛﺘﻠﺞ ﻣﺎﺍﺭﻳﺪ ﺍﻛﻌﺪﻩ ﺍﻧﻲ ﺑﻐﻨﺊ ﻋﻦ ﺍﻟﻤﺸﺎﻛﻞ .... ﻛﺎﻟﺖ ﺑﺎﺳﻒ ... ﻫﺴﻪ ﻭﺍﻟﻠﻪ ﺍﺳﻮﻭﻱ ﺑﻲ ﻓﻠﻚ ... ﺳﺤﺒﺖ ﺍﻳﺪﻫﺎ ﻛﻠﺘﻠﻬﺎ ... ﻻ ﻻ ﺍﻡ ﻋﻠﻲ ﺍﻟﻠﻪ ﻋﻠﻴﺞ ﻋﻮﻓﻲ ... ﺳﺤﺒﺖ ﺍﻳﺪﻫﺎ ﻭﺭﺍﺣﺖ .... ﺩﺧﻠﺖ ﻟﻼﺳﺘﻘﺒﺎﻝ ﺷﺎﻓﺘﻪ ﻛﺎﻋﺪ ﻭﻳﺪﺧﻦ ﺑﺠﻜﺎﺭﺗﻪ ﺍﻡ ﻋﻠﻲ ... ﺧﻮﻭﻳﻪ ﻣﺮﺗﻀﺊ ﻫﺬﺍ ﺍﻧﺖ ﺍﻟﻌﺎﻗﻞ ﻫﻴﺞ ﺗﺴﻮﻱ ﺑﻤﺮﺗﻚ ﻣﺮﺗﻀﻰ ﺭﻓﻊ ﺭﺍﺳﻪ ﺑﺬﻫﻮﻝ ﻭﻃﻔﺊ ﺍﻟﺠﻜﺎﺭﻩ ﺑﻌﺼﺒﻴﻪ .... ﺭﺟﺎﺀﺍ ﺍﻡ ﻋﻠﻲ ﺍﻧﺘﻲ ﺍﺧﺘﻲ ﺍﻟﻜﺒﻴﺮﻩ ﻭﻣﺎﺍﺭﻳﺪ ﺍﺿﻮﺟﺞ ﻫﺎﻱ ﻛﻠﺒﻪ ﺑﻨﺖ ﺳﻄﻌﺶ ﻛﻠﺐ ﺍﻡ ﻋﻠﻲ ﻛﻌﺪﺕ ﻳﻤﻪ ﻭﺣﻄﺖ ﺍﻳﺪﻫﺎ ﻋﻠﻰ ﻛﺘﻔﻪ ﻭﺑﺤﻨﻴﻪ .... ﺧﻮﻭﻳﻪ ﻣﺮﺗﻀﺊ ﺷﺒﻴﻚ ﺍﻧﺖ ﻣﻮ ﺻﻐﻴﺮ ﺷﺒﻴﻬﺎ ﺭﺍﻧﻴﻪ ﻭﺍﻟﻠﻪ ﺣﻠﻮﻩ ﻭﺗﺠﻨﻦ ﻭﻧﻀﻴﻔﻪ ﻭﺩﺍﺭﺳﻪ ﻭﺍﻟﻠﻪ ﻟﻮ ﻣﺎ ﺍﺑﻨﻬﺎ ﻣﻘﺒﻠﺖ ﺗﺰﻭﺟﻚ ... ﻣﺮﺗﻀﺊ ﺑﺘﻨﻬﻴﺪﻩ ... ﻟﺞ ﻳﺎ ﺧﻮﻳﻪ ﻳﺎﺍ ﺍﻡ ﻋﻠﻲ ﻣﺤﺪ ﺣﺎﺱ ﺑﻴﻪ ﻳﻌﻨﻲ ﻭﺍﻟﻠﻪ ﺣﺘﺊ ﻣﻦ ﺍﻣﻲ ﺍﺳﺘﺤﻲ ﺷﻠﻮﻥ ﺍﻧﺎﻡ ﻭﺍﻛﻌﺪ ﻭﻳﻪ ﻣﺮﺓ ﺍﺧﻮﻭﻳﻪ ﺍﺣﺴﻦ ﺧﺎﻳﻦ ﺣﺘﺊ ﺍﻫﻠﻲ ﻣﻮ ﺑﺲ ﺍﺧﻮﻳﻪ ﺍﻡ ﻋﻠﻲ ﺑﺎﺳﺊ ... ﺧﻮﻭﻳﻪ ﺍﻧﺖ ﺍﺧﻮﻱ ﻭﻣﻬﺘﺪﺉ ﺍﺧﻮﻭﻳﻪ ﻭﺍﻟﺤﻲ ﺍﺑﺪﻩ ﻣﻦ ﺍﻟﻤﻴﺖ ﻭﺑﻌﺪﻳﻦ ﻫﻮ ﻣﺎ ﺗﺰﻭﺟﻬﺎ ﻭﻻ ﺟﺎﺑﻬﺎ ﺍﻟﺒﻴﺘﻪ ﻫﻲ ﺧﻄﻴﺒﺘﻪ ﺻﺢ ﺍﺧﺬ ﺣﻘﻪ ﻣﻨﻬﺎ ﺑﺲ ﺍﻧﺖ ﻣﺘﻜﺪﺭ ﺗﻌﺘﺒﺮﻫﺎ ﻣﺜﻞ ﺍﺧﺘﻚ ﻻﻥ ﻣﺎ ﻋﺎﺷﺖ ﻭﻳﺎﻙ ﺧﻮﻭﻳﻪ ﺧﻄﻴﻪ ﻻ ﺗﻀﻠﻤﻬﺎ ﺣﺮﺍﻡ ﻋﻠﻴﻚ ﻭﺍﻟﻠﻪ ... ﺗﻨﻬﺪ ﺑﺤﻴﺮﻩ ﻭﺗﺎﻓﺌﻒ ... ﺍﻡ ﻋﻠﻲ ... ﺍﺫﺍ ﻋﻠﺊ ﺩﺧﻠﺘﻬﺎ ﻟﻐﺮﻓﺔ ﻋﻤﺎﺭ ﺗﺮﺉ ﺍﻧﻲ ﺟﺒﺮﺗﻬﺎ ﻻﻥ ﺍﺑﻮ ﻋﻠﻲ ﻣﺤﺪ ﻳﻤﻪ .... ﺟﺮ ﻧﻔﺲ ﻋﻤﻴﻖ ﻭﺣﻂ ﺍﻳﺪﻩ ﻋﻠﻰ ﺧﺪﻩ ﺍﺗﺬﻛﺮ ﻣﻦ ﺿﺮﺑﺘﻪ ... ﺣﻠﻒ ﺑﺪﺍﺧﻞ ﻧﻔﺴﻪ ﺷﻜﺪ ﻋﺮﻣﻪ ﻭﻭﻛﺤﻪ ﻭﻫﻮ ﻳﺘﺨﺒﻞ ﻣﻦ ﻫﻴﺞ ﻭﺣﺪﻩ ﻟﻴﺶ ﻳﺤﺐ ﺳﺤﺮ ﻻﻥ ﺷﺨﺼﻴﺘﻬﺎ ﺿﻌﻴﻔﻪ ﻭﻓﻘﻴﺮﻩ .... ﻛﻠﻬﺎ ... ﺍﻡ ﻋﻠﻲ ﺳﺪﻱ ﺍﻟﻤﻮﺿﻮﻉ ﺭﺣﻤﻪ ﺍﻟﻤﻬﺘﺪﺉ ﺍﻡ ﻋﻠﻲ ... ﺳﻜﺘﺖ ﻋﻢ ﺍﻟﻬﺪﻭﺀ ﺑﻀﻊ ﺩﻗﺎﺋﻖ ... ﻣﺮﺗﻀﺊ ﺷﻐﻞ ﺟﻜﺎﺭﻩ ﺛﺎﻧﻴﻪ ... ﺍﻱ ﺷﻌﺠﺐ ﺟﻴﻴﻦ ﺍﻟﻴﻮﻡ ﺍﻡ ﻋﻠﻲ ... ﻭﺍﻟﻠﻪ ﺍﻣﻲ ﺧﺎﺑﺮﺗﻨﻲ ﻭﺍﺟﻴﺘﻬﺎ ﻣﺮﺗﻀﺊ ﺑﺘﺴﺎﺅﻝ ... ﺷﺘﺮﻳﺪ؟ ﺍﻡ ﻋﻠﻲ ... ﺧﻄﺒﺖ ﺳﺤﺮ ﻟﻌﻠﻲ ﺩﻛﻮﻝ ﺧﻮﺵ ﺑﻨﻴﻪ ﻭﺍﻡ ﺑﻴﺖ ﻭﻓﻘﻴﺮﻩ ... ﻭﻛﻎ ﻣﺼﺪﻭﻡ ﻣﻦ ﻛﻼﻡ ﺍﺧﺘﻪ ... ﻫﻤﺲ ﺑﺘﻮﺗﺮ .... ﺷﺶ ﺷﻨﻮﻭ ﺳﺤﺮ ﺧﻄﺒﺘﻮﻫﺎ ﻟﻌﻠﻲ ﺍﻡ ﻋﻠﻲ ... ﺍﻱ ﻣﺮﺗﻀﺊ ﺑﺤﺰﻥ ... ﻭﻋﻠﻲ ﻣﻮﺍﻓﻖ ﺍﻡ ﻋﻠﻲ ... ﻟﻴﺶ ﻣﻴﻮﺍﻓﻖ ﻭﺍﻟﻠﻪ ﻳﺎﺧﻮﻳﻪ ﻫﻮ ﻛﺎﻝ ﻳﻤﻪ ﺩﻭﺭﻱ ﺍﻟﻲ ﻣﺮﻩ ﻭﺍﻧﻲ ﺗﻌﺒﺖ ﺑﻨﺎﺗﻲ ﺑﺎﻟﻤﺪﺍﺭﺱ ﻭﺍﻧﻲ ﺿﺎﻟﻪ ﺍﻛﺮﺏ ﺍﻟﻮﺣﺪﻱ ﺍﺭﻳﺪﻟﻲ ﺑﻨﻴﻪ ﺗﺴﺎﻋﺪﻧﻲ ﻭﺗﺮﺩ ﻋﻠﻴﻪ ﺍﻟﻮﺣﺸﻪ ﻣﻦ ﻳﺮﺣﻮﻥ .... ﻣﺮﺗﻀﻰ ﺑﻘﻬﺮ ... ﻭﺳﺤﺮ؟ ﺍﻡ ﻋﻠﻲ ... ﻣﺎ ﺍﻟﻬﺎ ﺭﺃﻱ ﺑﻜﻴﻒ ﺟﺪﺗﻬﺎ ... ﻋﻘﺪ ﺣﻮﺍﺟﺒﻪ ﺑﻀﻴﻖ ﻭﺍﺧﺬ ﻣﻔﺎﺗﻴﺤﻪ ﻭﺟﻜﺎﻳﺮﻩ ﻭﻃﻠﻊ ﺷﺎﻑ ﺭﺍﻧﻴﻪ ﻛﺎﻋﺪﻩ ﺗﻮﻛﻞ ﺑﺎﻟﻌﺼﺎﻓﻴﺮﺩﺍﺭﺕ ﻭﺟﻬﻬﺎ ﻋﻠﻴﻪ ﻭﺭﺟﻌﺖ ﺗﻮﻛﻞ ﺑﺎﻟﻌﺼﺎﻓﻴﺮ ﻭﻛﺎﻥ ﻫﻮ ﻣﻤﻮﺟﻮﺩ .... ﻫﻮ ﻃﻠﻊ ﻭﺭﻛﻊ ﺍﻟﺒﺎﺏ ﻭﺭﺍﻫﺎ ﺑﻘﻮﻭﻭﻩ ... ﻃﻠﻊ ﻭﺷﻔﺖ ﻋﻴﻮﻧﻪ ﻣﺎﻝ ﻭﺍﺣﺪ ﻣﺘﻌﺎﺭﺽ ﻭﻣﺘﺨﺒﻞ ﺭﺩﺕ ﺍﺧﺎﺑﺮ ﻣﺎﻣﺎ ﺗﺠﻲ ﺗﺎﺧﺬﻧﻲ ﻣﻤﺠﺒﻮﺭﻩ ﺍﺗﺤﻤﻠﻪ ﺑﺲ ﺳﻜﺘﺖ ﻛﻠﺖ ﻫﺴﻪ ﻳﻜﻮﻟﻮﻥ ﺑﻌﺪﻫﺎ ﻣﺘﺰﻭﺟﺖ ﺯﻋﻠﺖ ﻭﺫﺍﻙ ﻣﻮﺗﺘﻪ ﺍﺑﺪ ﺍﻟﻨﺎﺱ ﻣﺘﺮﺣﻢ ... ﺭﺣﺖ ﺍﺧﺬﺕ ﺍﺑﻨﻲ ﻭﺭﺣﺖ ﺍﻟﻐﺮﻓﺘﻲ ﺿﻠﻴﺖ ﺍﻧﻮﻡ ﺑﻲ ﻭﺍﻏﻨﻲ ﺍﻟﻪ ﻭﻫﻮ ﻛﻮﻭﻟﺶ ﻫﺎﺍﺩﺉ ... ............................. ﺻﺤﺖ ﻟﻜﻴﺖ ﻧﻔﺴﻲ ﻋﻠﺊ ﺍﻟﺴﺮﻳﺮ ﺣﺴﻴﺖ ﻣﺜﻞ ﺍﻻﺑﺮ ﺑﻌﻴﻮﻧﻲ ﻓﺘﺤﺖ ﻋﻴﻮﻧﻲ ﺑﻬﺪﻭﺀ ﺷﻨﻮ ﺍﻟﺼﺎﺭ ﺍﻧﻲ ﻭﻳﻦ ﺟﻨﺖ ﺷﻨﻮﻭ ﺍﺧﺮ ﺷﺊ ﺻﺎﺭ ﻭﻳﺎﻳﻪ ﻟﻴﺶ ﮔﻠﺒﻲ ﻣﻘﺒﻮﺽ ﻭﺍﺣﺲ ﻣﺘﻜﺌﺒﻪ ﺻﺎﻳﺮ ﺷﺊ ﺑﺲ ﺷﻨﻮﻭ ... ﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻱ ﻭﻛﻌﺪﺕ ... ﺷﻔﺖ ﺧﺎﻟﺪ ﻛﺎﻋﺪ ﻋﻠﺊ ﺍﻟﻜﺮﺳﻲ ﻭﻳﺪﺧﻦ ﺑﻬﺪﻭﺀ ﻭﺍﻹﺿﺎﺀﺓ ﺧﺎﻓﺘﻪ ﻭﻫﻮ ﻻﺑﺲ ﻗﻤﻴﺺ ﺍﺳﻮﺩ .... ﻫﻤﺴﺖ ﺑﺨﻮﻭﻑ .... ﺧﺎﻟﺪ ﺧﺎﻟﺪ ... ﻫﺎﺍﺍ ﻳﺮﻭﺣﻪ ﺑﺠﻴﺖ ﺑﻨﻬﻴﺎﺭ ... ﺷﻨﻮ ﺍﻟﺼﺎﺭ ﺍﻧﻲ ﺷﺒﻴﻪ ﺟﻨﺖ ﺍﺣﻠﻢ ﻛﺎﻝ ﺑﻌﺪ ﻣﺎ ﻛﻌﺪ ﻳﻤﻲ ... ﺷﻨﻮ ﺷﺒﻴﺞ ﺷﺤﻠﻤﺘﻲ ﻛﺘﻠﻪ ... ﺍﺣﻨﻪ ﺟﻨﻪ ﻛﺎﻋﺪﻳﻦ ﺑﺎﻟﺴﻴﺪ ﻭﺭﻛﺾ ﻭﺭﺍﻧﻪ ﺣﺰﺍﻡ ﻧﺎﺳﻒ ﺿﺤﻚ ﻭﺣﻀﻨﻲ ﻛﺎﻝ ... ﻻ ﻣﺘﺤﻠﻤﻴﻦ ﺻﺪﻙ ﺑﺲ ﺍﻧﺘﻲ ﻣﻦ ﺍﻟﺨﻮﻭﻑ ﺍﻏﻤﺊ ﻋﻠﻴﺞ ... ﺍﺑﺘﻌﺪ ﻋﻨﻪ ﻭﻫﻤﺴﺖ ﺑﺮﻋﺐ .... ﻣﺎﺗﺖ ﻋﺎﻟﻢ ﻛﺎﻝ ... ﻻ ﺣﺒﻴﺒﺘﻲ ﻣﺎ ﻣﺎﺗﺖ ﻋﺎﻟﻢ ﺟﺎﻥ ﻣﺠﺮﺩ ﺍﺷﺘﺒﺎﻩ ﻋﻘﺪﺕ ﺣﻮﺍﺟﺒﻲ ﺑﺎﺍﺳﺘﻐﺮﺍﺏ ﻭﻛﺘﻠﻪ ... ﺷﻨﻮ ﺍﺷﺘﺒﺎﻩ ﻛﺎﻝ ... ﻫﻨﺎﻙ ﺑﺎﻟﺴﻴﺪ ﺍﻛﻮﻭ ﻣﺤﻞ ﻳﺒﻴﻌﻮﻥ ﺍﻛﻞ ﻭﻣﻦ ﺷﺪﺓ ﺍﻟﺤﺮﺍﺭﻩ ﻃﻚ ﺍﻟﮕﻮﺯﺍﻥ ﻭﺍﻟﻌﺎﻟﻢ ﺷﺮﺩﺕ ﻭﺻﺎﺣﺐ ﺍﻟﻤﺤﻞ ﺧﺎﻑ ﻋﻠﺊ ﺍﻟﻌﺎﻟﻢ ﺷﺎﻝ ﺍﻟﻜﻮﺯﺍﻥ ﻭﺭﻛﺾ ﺑﻨﺺ ﺍﻟﻤﻘﺒﺮﻩ ﺷﺎﻓﺘﻪ ﺍﻟﻌﺎﻟﻢ ﻭﺷﺮﺩﺕ ﻋﺒﺎﻟﻬﺎ ﺣﺰﺍﻡ ﻧﺎﺳﻒ ﺑﺎﻟﻤﻘﺒﺮﻩ ﻭﻫﻮ ﺧﺒﺺ ﺍﻟﻌﺎﻟﻢ ... ﺿﺤﻜﺖ ﺷﻜﺪ ﺍﻟﻌﺮﺍﻗﻴﻦ ﻣﻀﻠﻮﻣﻴﻦ ﺿﻠﻴﻨﻪ ﻧﺨﺎﻑ ﻣﻦ ﻛﻮﻭﻟﺸﻲ ﺭﻋﺐ ﻋﺸﺘﻪ ﻣﻮ ﻃﺒﻴﻌﻲ .. ﻫﻤﺴﺖ ... ﻋﺒﺎﻟﻲ ﺍﻟﮕﻪ ﺭﻭﺣﻲ ﺑﺎﻟﺠﻨﻪ ﺿﺤﻚ ﻛﺎﻝ ... ﺷﻤﺪﺭﻳﺞ ﺑﺎﻟﺠﻨﻪ ﺟﺎﻭﺑﺘﻪ ﺑﻌﺼﺒﻴﻪ ... ﺷﻨﻮﻭ ﻛﺎﺗﻠﻪ ﺍﺑﻮﻭﻙ ﻟﻮ ﺿﺎﻟﻤﻪ ﻣﺜﻠﻚ ... ﺿﺤﻚ ﻭﺣﻀﻨﻲ ﻛﺎﻝ ... ﺍﻋﻮﻭﺫ ﺑﺎﻟﻠﻪ ﻣﻨﺞ ﻟﺴﺎﻥ ﺩﻻﻟﻪ ﻛﺘﻠﻪ ... ﻫﺎﺍ ﺻﺪﻭﻙ ﺍﻛﺮﻫﻚ ﻛﺎﻝ ... ﺍﺣﺒﺒﺒﺒﺞ ﻛﺘﻠﻪ ﺑﻌﻨﺎﺩ ... ﺍﻛﺮﻫﻚ ﺍﻛﺮﻫﻚ ﺍﻛﺮﻫﻚ ﻛﺎﻝ ﺑﺼﻮﺕ ﺿﺎﺣﻚ ... ﺍﺣﺒﺞ ﺍﺣﺒﺞ ﺍﺣﺒﺞ ﻛﺘﻠﻪ ... ﺣﺒﻨﻲ ﺑﺲ ﻣﺮﺍﺡ ﺗﻠﮕﻪ ﻏﻴﺮ ﺍﻟﻨﻔﻮﺭ ﺳﻜﺖ ﻛﺎﻝ ... ﻣﺴﺘﻌﺪ ﺍﺫﻭﺏ ﺍﻟﺠﻠﻴﺪ ﺍﻟﻲ ﺗﻐﻠﻔﺖ ﺑﻲ ﺭﻭﺣﻲ ﻛﺘﻠﻪ ... ﺍﻟﻴﻮﻡ ﻋﺸﺖ ﺷﻌﻮﺭ ﺯﻳﻨﺐ ﻛﺎﻝ ﺑﺎﺳﺊ ... ﺟﻨﺖ ﺩﺍﺋﻤﺎ ﺍﻛﻮﻭﻝ ﺷﻨﻮ ﺟﺎﻥ ﺷﻌﻮﺭﻫﺎ ﻣﻦ ﺍﻧﻔﺠﺮﺕ ﺑﻴﻬﺎ ﺍﻟﺴﻴﺎﺭﻩ ﺧﺎﻓﺖ ﺍﻧﺮﻋﺒﺖ ﺍﺳﺘﻨﺠﺪﺕ ﺑﻴﻪ ﻟﻮ ﺑﻐﻴﺮﻱ ﺷﻨﻮ ﺟﺎﻥ ﺍﺣﺴﺎﺳﻬﺎ ﻣﺎﺗﺖ ﻗﺒﻞ ﻻ ﺗﺤﺘﺮﻙ ﻟﻮ ﺍﻟﻨﺎﺭ ﺣﺮﻛﺖ ﺭﻭﺣﻬﺎ ﻧﺰﻟﺖ ﺭﺍﺳﻲ ﺑﺤﺰﻥ ﻭﻛﺘﻠﻪ ... ﺍﻟﻠﻪ ﻳﺮﺣﻤﻬﺎ ﺍﻧﺖ ﺷﻨﻮ ﺟﻨﺖ ﺗﺘﻤﻨﺊ ﺳﺤﺐ ﻧﻔﺲ ﻋﻤﻴﻖ ﻭﻛﺎﻝ ... ﺟﻨﺖ ﺍﺗﻤﻨﺊ ﻣﻴﺘﻪ ﻗﺒﻞ ﻻ ﺗﺤﺘﺮﻙ ﺍﻟﺤﺮﻙ ﺍﻋﻈﻢ ﻣﻮﻭﻭﺕ ﻭﺍﺑﺸﻊ ﻣﻮﻭﺕ ﻛﺘﻠﻪ ﺑﺪﻣﻮﻉ ... ﻣﻦ ﺷﻔﺖ ﺍﻟﻤﻘﺒﺮﻩ ﺑﺎﻟﻴﻞ ﻭﺷﻔﺖ ﺍﻟﻘﺒﻮﺭ ﺗﻀﻢ ﺍﺟﺴﺎﺩ ﻧﺎﺱ ﺟﺎﻧﻮﺍ ﻋﺎﻳﺸﻴﻦ ﻭﻳﺎﻧﻪ ﻛﻮﻭﻟﺶ ﺧﻔﺖ ﻭﻋﺪﺕ ﺣﺴﺎﺑﺎﺗﻲ ﻭﺩﺧﻞ ﺍﻻﻳﻤﺎﻥ ﻟﮕﻠﺒﻲ ﻭﺷﻌﻮﺭ ﺍﻟﺮﻫﺒﻪ ﺍﻋﺘﻼﻧﻲ ﺍﺣﺲ ﻗﺒﻮﺭﻛﻢ ﻭﻣﻘﺒﺮﺗﻜﻢ ﺍﻟﻬﺎ ﺭﻫﺒﻪ ... ﻛﺎﻝ ... ﻣﻘﺒﺮﺓ ﻭﺍﺩﻱ ﺍﻟﺴﻼﻡ ﺗﻀﻢ ﺭﻓﺎﺓ ﻫﻮﻭﺍﻳﻪ ﻣﻦ ﺍﻟﻌﺎﻟﻢ ﻭﺗﻌﺘﺒﺮ ﺍﻛﺒﺮ ﻣﻘﺒﺮﻩ ﺑﺎﻟﻌﺎﻟﻢ ﻭﺑﻴﻬﺎ ﺃﺟﺴﺎﺩ ﻋﻠﻤﺎﺀ ﻭﺳﻴﺎﺳﻴﻦ ﻭﺭﺟﺎﻝ ﺩﻳﻦ ... ﻭﻗﺮﺑﻬﺎ ﻣﻦ ﻣﺮﻗﺪ ﺍﻻﻣﺎﻡ ﻋﻠﻲ ﻋﻠﻴﻪ ﺍﻟﺴﻼﻡ ﺧﻠﻪ ﺍﻟﻬﺎ ﻣﻜﺎﻧﻪ ﻛﻮﻭﻟﺶ ﻛﺒﻴﺮﻩ ﻋﻨﺪ ﺍﻟﺸﻴﻌﻪ ﻭﺧﻼﻫﻢ ﻳﺘﺸﻮﻗﻮﻥ ﺣﺘﻰ ﻳﻜﻮﻥ ﻣﺜﻮﺍﻫﻢ ﺍﻻﺧﻴﺮ ... ﺑﺎﻭﻋﺘﻠﻪ ﺑﺤﻴﺮﻩ ﻭﻛﺘﻠﻪ ... ﺣﻠﻮﻭ ﺑﺲ ﺍﺣﺲ ﺍﻛﻮﻭ ﻗﺒﻮﺭ ﻗﺪﻳﻤﻪ ﻭﺗﺮﻋﺐ ... ﻛﺎﻝ ... ﺍﻱ ﻗﺪﻳﻤﻪ ﺣﻴﻞ ﻭﺍﻛﻮﻭ ﻗﺒﻮﺭ ﺻﺎﺭ ﺍﻟﻬﺎ ﻣﺌﺎﺕ ﺍﻟﺴﻨﻴﻦ ... ﻭﻫﻢ ﺍﻟﻘﺒﻮﺭ ﺗﻜﻮﻥ ﻧﻮﻋﻴﻦ ﻭﺑﻴﻬﻦ ﻳﻮﺻﻞ ﻃﻮﻟﻬﻦ 8 ﺳﻢ ... ﻭﺍﻛﻮ ﺳﺮﺍﺩﻳﺐ ﻳﻜﻮﻥ ﻋﻤﻘﻬﺎ ﺑﻴﻦ ﻝ 5 ﺍﻟﻲ 8 ﺍﻣﺘﺎﺭ ﻛﺘﻠﻪ ﺑﺨﻮﻑ ... ﺩﻓﻨﺖ ﺯﻳﻨﺐ ﺑﺴﺮﺩﺍﺏ ﻛﺎﻝ ﺑﻘﻬﺮ ... ﻻ ﻻ ﻗﺒﺮﻫﺎ ﻧﺎﺻﻲ ﺍﺳﻼﻣﻲ ﻛﺘﻠﻪ .. ﺷﻨﻮ ﺷﻌﻮﺭﻙ ﻣﻦ ﺩﻓﻨﺘﻬﺎ ﺑﻠﻊ ﺭﻳﻘﻪ ﺑﻐﺼﻪ ﻭﻛﺎﻝ .... ﺍﺧﺬﻧﺎﻫﺎ ﻣﻦ ﺍﻟﻄﺐ ﺍﻟﻌﺪﻟﻲ ﺍﻟﺼﺒﺢ ﺟﺎﻥ ﻟﻔﻮﻫﺎ ﺑﺠﻴﺲ ﻭﻫﻨﺎﻙ ﻛﺎﻟﻮﻭ ﻏﺴﻠﻮﻫﺎ ﺑﺘﺮﺍﺏ ﻻﻥ ﺟﺴﻤﻬﺎ ﻣﺤﺘﺮﻙ ﻣﺎ ﻳﺘﺤﻤﻞ ﻣﻲ ... ﺟﺎﻧﺖ ﻣﺜﻞ ﺍﻟﺤﻤﺎﻣﻪ ﺍﻟﻄﺎﻳﺮﻩ ﺍﺣﺴﻬﺎ ﺭﺍﻳﺤﻪ ﺗﺸﻜﻲ ﺍﻟﺮﺑﻬﺎ ﻣﻦ ﺿﻠﻢ ﺍﻟﺊ ﻗﺘﻠﻮﻫﺎ ﺑﺪﻭﻥ ﺫﻧﺐ ... ﺍﻣﻲ ﺣﻄﺖ ﻋﻠﺊ ﺗﺎﺑﻮﺗﻬﺎ ﻋﺒﺎﻳﻪ ﻭﺍﻧﻲ ﺻﻌﺪﺕ ﻋﻠﺊ ﺍﻟﻜﻮﺳﺘﺮ ﻣﺎ ﻓﺎﺭﮔﺘﻬﺎ ﻭﻻ ﻟﺤﻀﻪ ﺟﻨﺖ ﺍﺗﻤﻨﺊ ﺗﻜﻮﻥ ﻣﻮ ﻫﻲ ﺍﻟﻤﻴﺘﻪ ﺍﺗﻤﻨﺊ ﺗﻜﻮﻥ ﻋﺎﻳﺸﻪ ﻭﻓﺎﻗﺪﻩ ﺫﺍﻛﺮﺗﻬﺎ ﻣﺎﺟﻨﺖ ﺍﺗﺨﻴﻞ ﺍﺩﻓﻨﻬﺎ ﺑﺎﺍﺩﻳﻪ ﺍﻻﺛﻨﻴﻦ ﺍﻟﻄﺮﻳﻖ ﻟﻼﺳﻒ ﺷﻜﺪ ﺑﻌﻴﺪ ﺍﺣﺴﻪ ﺻﺎﺭ ﺩﻗﻴﻘﺘﻴﻦ .... ﺍﺧﺬﻭﻫﺎ ﻟﻠﻤﻐﻴﺴﻞ ﻭﻏﺴﻠﻮﻫﺎ ﺟﺎﻧﻦ ﺭﺟﻠﻴﻬﺎ ﻣﺜﻨﻴﺎﺕ ﻭﻛﺎﻟﻮﻭ ﻣﻴﺼﻴﺮ ﺗﺪﺧﻞ ﻫﻴﺞ ﻟﻠﻘﺒﺮ ﻛﺴﺮﻭ ﺭﺟﻠﻴﻪ ﻭﻫﻨﺎ ﺗﺨﺒﻠﺖ ﻫﺪﻳﺖ ﻋﻠﻴﻬﻢ ﻭﻋﺎﺭﻛﺘﻬﻢ ﻭﻛﻠﺒﺖ ﺍﻻﻣﻪ ﻭﻋﻤﺎﻣﻲ ﻟﺰﻣﻮﻧﻲ ... ﻭﻫﺪﻭﻧﻲ ﺑﺲ ﻫﻴﻬﺎﺕ ... ﺍﻟﻤﻬﻢ ﺭﺣﻨﻪ ﻟﻜﻴﻨﻪ ﻗﺒﺮﻫﺎ ﺣﺎﻓﺮﻳﻨﻪ ﺣﺴﻴﺖ ﺣﺎﻓﺮﻳﻦ ﮔﻠﺒﻲ ﺷﻠﻮﻥ ﺍﻧﺰﻝ ﺯﻳﻨﺐ ﺍﻟﺤﻠﻮﻩ ﺍﻟﻨﺎﻋﻤﻪ ﺑﻬﺎﻱ ﺍﻟﺤﻔﺮﻩ ﻭﺍﺧﻨﻜﻬﺎ ﺑﺎﻟﺘﺮﺍﺏ ﺣﻀﻨﺘﻬﺎ ﺑﻴﻦ ﺍﺩﻳﻪ ﻭﻫﻤﺴﺖ ﺑﺎﺍﺫﺍﻧﻬﺎ ﺭﺍﺿﻲ ﻋﻨﺞ ﻳﺎ ﻃﺎﻫﺮﻩ ﻳﺎ ﺷﺮﻳﻔﻪ ﻭﺍﻟﻠﻪ ﻳﻮﻣﺞ ﺟﻤﺮﻩ ﺑﻜﻠﺒﻲ ﻣﺎ ﺗﻄﻔﻲ ﻭﻻ ﺗﺒﺮﺩ ﻭﺣﻘﺞ ﺍﺧﺬﻩ ﻣﻦ ﻋﻴﻮﻭﻥ ﺍﻟﻜﻞ ... ﺑﺴﺘﻬﺎ ﻭﻫﻲ ﺑﺎﻟﻜﻔﻦ ﻭﻛﻞ ﻣﺎ ﻛﺪﺭﺕ ﺍﻭﺩﻋﻬﺎ ... ﻣﺤﻮﻟﻠﻪ ﻭﻣﻮﻫﻮﺑﻪ ﻳﺎ ﻛﻴﺎﻧﻲ ﺷﻔﻴﻌﺞ ﺍﻣﻴﺮ ﺍﻟﻤﺆﻣﻨﻴﻦ ﺣﺴﻴﺘﻬﺎ ﺯﻟﻜﺖ ﻣﻦ ﺍﺩﻳﻪ ﺑﺪﻭﻥ ﺍﺭﺍﺩﺗﻲ ﻭﺩﺧﻠﺖ ﺍﻟﻘﺒﺮﻫﺎ ﺟﺎﻥ ﺍﺻﻌﺐ ﻳﻮﻡ ﻣﺮ ﻋﻠﻴﻪ ﺑﺤﻴﺎﺗﻲ ... ﻫﻠﻮﻭ ﻋﻠﻴﻪ ﺍﻟﺘﺮﺍﺏ ﻭﺿﻞ ﺍﻟﺪﻓﺎﻥ ﻳﻠﻘﻨﻬﺎ ﻻ ﺗﺨﺎﻓﻴﻦ ﺍﺫﺍ ﺳﺄﻟﻮﺝ ﻣﻨﻮ ﺭﺑﺞ ﻛﻮﻟﻲ ﺍﻟﻠﻪ ﺭﺑﻲ ... ﻭﺿﻞ ﻳﻠﻘﻨﻬﺎ ﺷﻨﻮ ﺫﻧﺒﻬﺎ ... ﻣﻘﺒﻠﺖ ﺍﺭﻭﺡ ﻭﻳﺎﻫﻢ ﻛﻠﺘﻠﻬﻢ ﺗﺨﺎﻑ ﻭﺍﻟﻠﻪ ﺗﺨﺎﻑ ﻣﺎﺍﻛﺪﺭ ﺍﻋﻮﻓﻬﺎ ﻭﺣﺪﻫﺎ ﻫﺎﻱ ﻋﺮﺿﻲ ﺷﻠﻮﻥ ﺭﺟﻮﻟﺘﻲ ﺗﺮﺍﺿﺎﻫﺎ ﺍﻋﻮﻓﻬﺎ ﻟﻮﺣﺪﻫﺎ ﺳﺤﺒﻮﻧﻲ ﺳﺤﺐ ... ﻛﺮﻫﺖ ﺍﻟﺪﻧﻴﺎ ﻭﺍﻟﻜﻞ ﻭﺿﻠﻴﺖ ﺳﻨﻪ ﻛﺎﻣﻠﻪ ﻣﺎﺍﻃﻠﻊ ﺍﺣﺲ ﻛﺮﻫﺖ ﺍﻟﻌﺎﻟﻢ ﻛﻠﻬﻢ ﻭﺍﺣﺴﻬﻢ ﻳﺴﺘﻬﺰﺋﻮﻥ ﺑﻴﻪ ﻛﻞ ﺧﻤﻴﺲ ﻭﺛﻨﻴﻦ ﺍﺯﻭﺭﻫﺎ ... ﺩﻓﻌﺖ ﺍﻟﻬﺎ ﺭﺩﻭﺩ ﻣﻀﺎﻟﻢ ﻭﺻﻮﻡ ﻭﺻﻼﺓ ﻣﻼﺑﺴﻬﺎ ﻭﺯﻋﺘﻬﻢ ﺑﺜﻮﺍﺑﻬﺎ ... ﺳﺠﻠﺖ ﺑﺎﻟﺤﺸﺪ ﻫﻢ ﺿﻠﻴﺖ ﺳﻨﻪ ﻣﺎ ﺗﺤﻤﻠﺖ ﻳﻮﻣﻴﻪ ﻣﺘﻌﺎﺭﻙ ﻣﺪﺭﻱ ﺷﺒﻴﻪ ﺍﻛﻞ ﺑﺎﻟﻌﺎﻟﻢ ﺍﻛﻞ ﻭﺑﺲ ﺍﺳﻮﻱ ﻣﺸﺎﻛﻞ ﺑﻄﻠﻮﻧﻲ ... ﻭﻣﺎﺕ ﻣﻬﺘﺪﺉ ﺯﺍﺩ ﺍﻟﻄﻴﻦ ﺑﻠﻪ .... ﺷﻔﺖ ﺍﻟﺘﻬﺪﻳﺪ ﺍﻟﻲ ﺍﻧﺘﻲ ﻫﺪﺩﺗﻲ ﺑﻲ ﻣﻬﺘﺪﺉ ﺟﻨﺖ ﺍﺭﻳﺪ ﺑﺲ ﻭﺍﺣﺪ ﺍﻧﺘﻘﻢ ﻣﻨﻪ ﻭﺍﻧﺘﻲ ﺍﺟﻴﺘﻲ ﻭﻓﻌﻼ ﺍﻧﺘﻘﻤﺖ ﻣﻨﺞ ﺗﻨﻬﺪﺕ ﻛﺘﻠﻪ .... ﺑﺲ ﺣﺮﺍﻡ ﻋﻠﻴﻚ ﻭﺍﻟﻠﻪ ﻛﺎﻝ ... ﺍﺩﺭﻱ ﺩﺭﺕ ﻭﺟﻬﻲ .. ﻋﻨﻪ ﻛﺎﻝ ... ﻧﺮﻭﺡ ﻧﺰﻭﺭ ﺍﻻﻣﺎﻡ ﻋﻠﻲ ﻋﻠﻴﻪ ﺍﻟﺴﻼﻡ ﻭﺑﻌﺪﻳﻦ ﻧﺮﻭﺡ ﻟﻠﻘﺒﻮﺭ .... ﻛﺘﻠﻪ ﺑﺨﻮﻑ ... ﺍﺧﺎﻑ ﻳﺼﻴﺮ ﺍﻧﻔﺠﺎﺭ ﻛﺎﻝ ... ﻫﻬﻬﻬﻪ ﻻ ﻟﺘﺨﺎﻓﻴﻦ ﻣﺎﻛﻮﻭ ﺷﺊ ... ﻛﺘﻠﻪ ... ﻻ ﺍﺻﻼ ﺍﻧﺖ ﺗﻜﻴﻒ ﺍﻣﻮﻭﺕ ﺳﺤﺒﻨﻲ ﻭﺿﻤﻨﻲ ﺍﻟﺼﺪﺭﻩ ﻛﺎﻝ ... ﻭﺍﻟﻠﻪ ﻣﺘﻬﻮﻧﻴﻦ ﺍﻧﺘﻲ ﺍﻟﺮﻭﺡ ... ﺍﻧﺘﻲ ﻋﻼﺝ ﻟﺠﺮﻭﺣﻲ ﺍﺫﻳﺘﺞ ﺻﺢ ﺑﺲ ﻋﺎﻟﺠﺖ ﻧﻔﺴﻲ ﻛﺘﻠﻪ ... ﻣﺎﺍﺍﺣﺒﻚ ﺑﺎﺱ ﺷﻔﺎﻳﻔﻲ ﺣﻴﻴﻴﻴﻴﻴﻞ ﺩﺍﻧﻴﻪ ﺑﻌﺼﺒﻴﻪ .... ﺍﻣﻤﻤﻤﻢ ﺩﻓﻌﺘﻪ ... ﺷﺒﻴﻚ ﺗﺨﺒﻠﺖ ﺧﺎﻟﺪ ﺑﺒﺮﻭﺩ .... ﻛﻞ ﻣﺎ ﺩﻛﻮﻟﻴﻦ ﺍﻛﺮﻫﻚ ﻭﻣﺎﺍﺣﺒﻚ ﻫﻴﺞ ﺍﻋﺎﻗﺒﺞ ... ﻛﺘﻠﻪ ﻭﺍﻧﻲ ﺍﺗﻬﺮﺏ ﻣﻨﻪ ... ﻣﺎﺍﺣﺒﺒﺒﺒﻚ ﺍﻛﺮﺭﺭﻫﻚ ... ﺭﻛﺾ ﻭﺭﺍﻳﻪ ﻭﺍﻧﻲ ﺭﻛﻀﺖ ﻓﺘﺤﺖ ﺑﺎﺏ ﺍﻟﺤﻤﺎﻡ ﺑﺲ ﻫﻮ ﺳﺤﺒﻨﻲ ﻭﺑﺎﺳﻨﻲ ﻣﺮﺗﻴﻦ ... ﻛﺎﻝ ﻟﺼﺎﻫﺮ ﻋﺠﺒﺘﺞ ﺍﻟﻌﻘﻮﺑﻪ ﻫﻬﻬﻪ ﻋﻔﺘﻪ ﻭﺭﺣﺖ ﻟﺒﺴﺖ ﺻﺎﻳﻪ ﻭﺍﺧﺬﺕ ﻋﺒﺎﻳﺔ ﺍﻟﺼﻼﻩ ﻭﻃﻠﻌﻨﻪ ﺍﻧﻲ ﻭﻳﺎﻩ ﺭﺣﻨﻪ ﻟﻼﻣﺎﻡ ﻋﻠﻲ ﻋﻠﻴﻪ ﺍﻟﺴﻼﻡ ﺩﺧﻠﺖ ﺯﺭﺕ ﺣﺴﻴﺖ ﺑﺎﺍﻧﺸﺮﺍﺡ ﺑﺼﺪﺭﻱ ﺻﻠﻴﺖ ﺻﻼﺗﻲ ﻭﻛﺘﻔﺖ ﺍﺩﻳﻪ ﺷﻔﺖ ﺍﻟﻌﺎﻟﻢ ﻣﻤﻬﺘﻤﻪ ﻋﺒﺎﻟﻚ ﺩﺍ ﺍﺻﻠﻲ ﻣﺜﻞ ﺻﻼﺗﻬﻢ ﻣﺎﺣﺴﻴﺖ ﺍﻛﻮﻭ ﻃﺎﺋﻔﻴﺔ ... ﺍﻟﺤﻤﺪﻟﻠﻪ ﺩﻋﻴﺖ ﺭﺑﻲ ﻭﺗﻮﺟﻬﺖ ﻟﻼﻣﺎﻡ ﻃﻠﺒﺖ ﻣﻨﻪ ﺣﺎﺟﻪ ﺑﺼﺪﺭﻱ ... ﺍﺫﻥ ﺍﺫﺍﻥ ﺍﻟﻔﺠﺮ ﺻﻠﻴﺖ ﻭﻳﻪ ﺍﻟﺸﻴﺦ ﺟﻤﺎﻋﻲ ﺑﺲ ﻣﺜﻞ ﺻﻼﺗﻲ ﺻﻠﻴﺖ ﻭﺧﻠﻴﺖ ﻭﻃﻠﻌﺖ .... ﺍﺧﺬﺕ ﻣﻮﺑﺎﻳﻠﻲ ﻣﻦ ﺍﻻﻣﺎﻧﺎﺕ ﺍﺗﺼﻠﺖ ﺑﺨﺎﻟﺪ ﻭﺍﺟﺎﻧﻲ ﻟﺰﻣﻨﻲ ﻣﻦ ﺍﻳﺪﻱ ﻭﺭﺣﻨﻪ ﻟﻠﻤﻘﺒﺮﻩ ... ﺩﺧﻠﻨﻪ ﺟﺎﻥ ﺍﻟﺠﻮﻭ ﺑﺎﺭﺩ ﻭﺍﺯﺩﺣﺎﻡ ﻫﻲ ﺍﺻﻼ ﺟﺎﻧﺖ ﺯﻳﺎﺭﻩ ﺍﻭﻝ ﺷﺊ ﺍﺧﺬﻧﻪ ﺍﻟﻤﻬﺘﺪﺉ ﺧﺎﻟﺪ ﻣﻦ ﺍﻟﻨﻮﻉ ﺍﻟﻲ ﻣﻴﺒﻴﻦ ﺣﺰﻧﻪ ﻣﺸﻔﺘﻪ ﺍﺫﺍ ﺑﺠﺊ ﺑﺲ ﻫﻮ ﻧﺎﻡ ﻋﻠﺊ ﻗﺒﺮ ﺍﺧﻮﻭﻭ ﻭﺿﻞ ﺻﺎﻣﺖ ... ﻭﺍﻧﻲ ﺣﻴﻞ ﺑﺠﻴﺖ ﻋﻠﻴﻪ ﺧﻄﻴﻪ ﺧﻄﻴﺐ ﺍﺧﺘﻲ ﻭﺣﺒﻴﺒﻬﺎ ﺭﺍﺡ ﻣﺜﻞ ﺷﺮﺑﺖ ﺍﻟﻤﻲ ﺑﻌﺪﻫﺎ ﻗﺮﻳﻨﻪ ﺍﻟﻔﺎﺗﺤﻪ ﻭﺧﻠﻴﺘﻪ ﻣﻲ ﻭﺑﺨﻮﺭ ﻭﻃﻠﻌﻨﻪ ﻫﻮ ﺭﻛﺒﻨﻲ ﺑﺴﻴﺎﺭﺗﻪ ﻭﻛﺎﻝ ﻧﺴﻴﺖ ﺷﺊ ﻳﻢ ﻣﻬﺘﺪﺉ ﻭﻗﻔﻞ ﺍﻟﺴﻴﺎﺭﻩ ﻭﺭﺍﺡ ﺟﺎﻥ ﺍﻟﺨﻮﻑ ﻣﺴﻴﻄﺮ ﻋﻠﻴﻪ .... ﺿﻞ ﺗﻘﺮﻳﺒﺎ ﺭﺑﻊ ﺳﺎﻋﺔ ﻭﺭﺟﻊ ... ﺷﻔﺖ ﻋﻴﻮﻧﻪ ﺣﻤﺮ ﻭﻭﺟﻬﻪ ﺍﺣﻤﺮ .... ﺳﺎﻕ ﺑﺴﺮﻋﻪ ﻭﺭﺣﻨﻪ ﺍﻟﻘﺒﺮ ﺯﻳﻨﺐ .... ﺟﺎﻥ ﻛﻠﺒﻲ ﻳﺮﺟﻒ ﻣﻦ ﺭﻭﺣﺘﻲ ﺍﻟﺰﻳﻨﺐ ... ﻭﺻﻠﻨﻪ ﺍﻟﻘﺒﺮﻫﺎ ... ﺟﺎﻥ ﻗﺒﺮﻫﺎ ﻋﺒﺎﻟﻚ ﻗﺒﺮ ﻋﺮﻭﺱ ﻛﻠﻪ ﻭﺭﺩ ﻣﺘﺮﺏ ﻭﺗﻮﺭ ﻫﻮ ﻫﺎﻡ ﻋﻠﻴﻪ ﻭﻧﺤﻨﺊ ﻭﺣﻂ ﺟﺒﻴﻨﻪ ﻋﻠﺊ ﻗﺒﺮﻫﺎ .... ﺿﻞ ﻳﻬﻤﻬﻢ ﺑﻜﻠﻤﺎﺕ ﻣﻌﺮﻓﺖ ﺷﻨﻮ ﺣﺠﻪ ﻭﺍﻧﻲ ﻧﻄﻴﺖ ﻣﻦ ﺍﻟﺒﺠﻲ ﻋﻠﻴﻬﺎ ... ﻟﻼﺳﻒ ﺳﺒﻴﺘﻬﺎ ﻭﻣﺰﻗﺖ ﺻﻮﺭﺗﻬﺎ ﻭﺍﻟﺴﺒﺐ ﻳﺮﺟﻊ ﺍﻟﻪ ... ﻫﻮ ﻳﺤﺠﻲ ﻭﻳﻤﺴﺢ ﻋﻠﻰ ﻗﺒﺮﻫﺎ ﺑﻴﺪﻩ ﺍﻧﻲ ﻛﻠﺘﻠﻬﺎ ﺑﻨﺤﻴﺐ ... ﻋﻔﻴﻪ ﺣﺒﻴﺒﺘﻲ ﺳﺎﻣﺤﻴﻨﻲ ﻭﺍﻟﻠﻪ ﻣﻮ ﻗﺼﺪﻱ ﺍﺳﻮﻱ ﻫﻴﺞ ﺑﺲ ﻣﺎﺟﻨﺖ ﺍﻋﺮﻑ ﺍﻧﺘﻲ ﻫﻴﺞ ﻣﻀﻠﻮﻣﻪ ... ﻫﻮ ﺭﻓﻊ ﺭﺍﺳﻪ ﻋﻠﻴﻪ ﻭﻋﻴﻮﻧﻪ ﺗﺠﺪﺡ ﺧﻔﺖ ﻣﻨﻪ ﻭﻧﺰﻟﺖ ﺭﺍﺳﻲ .... ﺗﻨﻬﺪ ﻭﻛﺎﻝ ﻳﺎﻟﻠﻪ ﺩﺍﻧﻴﻪ ﻛﺎﻓﻲ ﺗﻌﺒﺘﻲ ﻛﺘﻠﻪ ... ﻻ ﻻ ﺑﻌﺪﻧﻲ ﻫﻮ ﻭﻛﻒ ﻭﻛﻔﻨﻲ ﺳﺤﺒﻨﻲ ﻣﻦ ﺍﻳﺪﻱ ﻭﻃﻠﻌﻨﻲ .... ﺭﻛﺒﻨﻲ ﺑﺎﻟﺴﻴﺎﺭﻩ ﻭﻗﻔﻠﻬﺎ ... ﻭﺭﺟﻊ ﻭﺭﻩ ﻧﺺ ﺳﺎﻋﻪ ﺭﺟﻊ ﻋﻠﻴﻪ ﺍﺣﺲ ﺭﻭﺣﻲ ﻃﻠﻌﺖ ﻭﺑﺠﻴﺖ ﺑﺠﻲ ﻣﺼﺎﻳﺮ ... ﺷﻔﺖ ﺣﺎﻟﺘﻪ ﻳﺮﺛﺊ ﺍﻟﻬﺎ ﺳﻜﺘﺖ ﻣﻦ ﺍﻟﺒﺠﻲ ﺍﺣﺲ ﺻﺪﻋﺖ ﻭﻣﺘﺖ ﻭﻫﻮ ﺳﺎﻕ ﻭﺭﺟﻌﻨﻪ ﻟﻠﺒﻴﺖ ﻃﻮﻝ ﺍﻟﻄﺮﻳﻖ ﺟﻨﺖ ﻧﺎﻳﻤﻪ ﻭﻫﻮ ﻛﻞ ﺷﻮﻳﻪ ﻳﻤﺴﺢ ﻋﻠﻰ ﺿﻬﺮﻱ ﻭﺭﺍﺳﻲ ... ﻭﺻﻠﻨﻪ ﻟﻠﺒﻴﺖ ﺑﻌﺪ ﻃﺮﻳﻖ ﺷﺎﻕ ﻭﻣﺘﻌﺐ ﺑﺴﺮﻋﻪ ﺭﺣﺖ ﺳﺒﺤﺖ ﻭﻧﻤﺖ ﺣﺘﺊ ﻛﻮﻭﻟﺸﻲ ﻣﺎﺍﻛﻠﺖ ﻭﻻ ﺷﻔﺖ ﺍﻱ ﻭﺍﺣﺪ ...... ﻭﻫﻮ ﻛﺬﺍﻟﻚ ..... ﺑﻌﺪ ﻣﺮﻭﺭ ﺍﺳﺒﻮﻉ .... ﺟﺪﺗﻲ ﻛﺎﻟﺖ ﺳﺤﺮ ﺍﻟﻴﻮﻡ ﻳﺠﻲ ﻳﺸﻮﻓﺞ ﻋﻠﻲ ﺣﺘﺊ ﺑﺘﺰﻭﺟﺢ ﺟﻨﺖ ﻛﻠﺶ ﻛﺎﺭﻫﺘﻪ ﻭﻣﺎ ﺭﺍﻳﺪﺗﻪ ﻭﺧﺎﻳﻔﻪ ﻛﺮﻫﺖ ﺟﻨﺲ ﺍﺩﻡ ﻛﻠﻬﻢ ﻣﻦ ﻏﺪﺭ ﻗﻴﺲ ﻟﺨﻴﺎﻧﺔ ﻣﺮﺗﻀﻰ ﺍﻧﻮﺏ ﻋﻠﻴﻪ ﻋﻠﻲ ﻣﺎﺍﺭﻳﺪﻩ ﻭﺿﻠﻴﺖ ﺍﺑﺠﻲ ﻭﺟﺪﺗﻲ ﻛﺘﻠﺘﻨﻲ ﺣﻴﻴﻞ ... ﺍﺟﺖ ﺭﺍﻧﻴﺎ ﻟﺒﺴﺘﻨﻲ ﻓﺴﺘﺎﻥ ﻣﻦ ﺩﺍﻧﻴﻪ ﺣﻠﻮﻭ ﻭﻟﻮﻧﻪ ﻋﺸﺒﻲ ﻭﺣﻄﺘﻠﻲ ﻣﻜﻴﺎﺝ ... ﺿﺠﺖ ﻣﻨﻬﺎ ﺣﻴﻴﻞ ﻛﺎﻋﺪﻩ ﺗﺠﻤﻠﻨﻲ ﺣﺘﺊ ﺗﺨﻠﺺ ﺯﻭﺟﻬﺎ ﻣﻨﻲ .... ﻣﺎﺗﺪﺭﻱ ﺑﻴﻬﺎ ﻛﺮﻫﺖ ﺍﻟﻜﻞ ... ﻭﺷﻠﻮﻥ ﻫﺬﺍ ﻋﻠﻲ ﻳﺘﻘﺮﺏ ﻣﻨﻲ .... ﺑﺎﻭﻋﺖ ﻋﻠﺊ ﻭﺟﻬﻲ ﺑﺤﺰﻥ ﺑﺎﻟﻤﺮﺍﻳﻪ ﻟﻴﺶ ﻳﻌﻨﻲ ﻣﺎ ﺗﺰﻭﺟﻨﻲ ﻣﺮﺗﻀﻰ ﺍﻧﻲ ﺍﺣﺒﻪ ﻣﺎﺍﺭﻳﺪ ﺍﺑﻦ ﺍﺧﺘﻪ ﻭﺍﺣﺲ ﺍﻗﻬﺮﻩ ﻭﺍﺧﻮﻧﻪ .... ﺍﺟﺖ ﻋﺬﺭﺍﺀ ﺩﺧﻠﺖ ﺑﻌﺼﺒﻴﻪ ... ﻛﺎﻟﺖ .... ﺣﻈﻮﻅ ﺷﺒﻴﻨﻪ ﻣﻮ ﺣﻠﻮﺍﺕ ﻣﺤﺪ ﺑﺨﻄﺒﻨﻪ ﻭﻳﻦ ﺍﻟﻤﺴﺤﻮﻟﻪ ﺗﺰﻭﺟﺖ ﻭﻋﺬﺭﺍﺀ ﺑﻌﺪﻫﺎ ﻋﺬﺭﺍﺀ ... ﺍﻣﻬﺎﺕ ﺍﻟﻮﺻﺦ ﻭﺍﻟﺠﺎﻳﻔﺎﺕ ﺻﺎﺭ ﺑﺮﺍﺳﻬﻦ ﺣﻆ ... ﺣﻀﻲ ﺣﻆ ﺍﻟﻤﺴﻌﺪﺍﺕ ﺣﻀﻲ ﺣﻆ ﺍﻟﻨﺎﻳﻤﺎﺕ ﻟﻠﻀﻬﺎﺭﻱ .... ﻛﻠﺘﻠﻬﺎ ... ﺗﺮﺩﻱ ﺍﺧﺬﻱ ﻛﺎﻟﺖ ... ﺍﻱ ﻣﻮ ﻫﻮ ﺭﺍﺱ ﺧﺲ ﻛﺘﻠﻬﺎ ... ﺟﺎﺍﺍ ﺳﺴﻮﻳﻠﺞ ﻛﺎﻟﺖ ﺑﺲ ﺍﺭﻳﺪ ﺍﻫﻮﺱ ﻋﻠﺊ ﺣﻀﻲ .. ﺷﻤﺎﻟﺞ ﻳﺎﻋﺬﻳﺮﻩ ﻣﺎ ﺗﺰﻭﺟﻴﻦ ﻭﻛﻠﻪ ﺗﺰﻭﺟﺖ ﺣﺘﺊ ﺍﻟﺒﺰﺍﺯﻳﻦ ﻭﺑﻌﺪﻫﺎ ﺧﻠﺖ ﻭﻃﻠﻌﺖ ..... ﺍﻧﻲ ﺿﺤﻜﺖ ﻭﻟﺒﺴﺖ ﺷﺎﻟﻲ ﻭﻃﻠﻌﺖ .... ﺍﻟﺘﻘﻴﺖ ﺑﻤﺮﺗﻀﺊ ﺑﺴﺮﻋﻪ ﺭﺟﻌﺖ ﻭﺣﻄﻴﺖ ﺍﻳﺪﻱ ﻋﻠﻰ ﺻﺪﺭﻱ ﻣﻦ ﺍﻟﺨﻮﻑ ﻭﺍﻟﺤﻨﻴﻦ ﺑﺠﻴﺖ ﺑﺼﻤﺖ ﻋﻠﺊ ﺣﺒﻲ ﺍﻟﻀﺎﻳﻊ .... ........... ﻣﺮﺗﻀﺊ ﻣﻦ ﺷﻔﺖ ﺳﺤﺮ ﻛﺎﺷﺨﻪ ﻭﻻﺑﺴﻪ ﻭﺍﻟﻤﻦ ﺍﻻﺑﻦ ﺍﺧﺘﻲ ﺣﻴﻴﻴﻞ ﺍﻧﻘﻬﺮﺕ ﻭﺗﺎﺫﻳﺖ ... ﺍﺣﺒﻬﺎ ﺑﺲ ﻣﺎ ﺍﻋﺮﻑ ﺍﺣﺲ ﻣﺮﺑﻮﻁ ﺩﺧﻠﺖ ﻟﻜﻴﺖ ﺭﺍﻧﻴﺎ ﺗﻠﻌﺐ ﺑﻔﺎﺩﻱ ﺍﻭﻝ ﻣﺸﺎﻓﺘﻨﻲ ﺷﺎﻟﺖ ﺍﺑﻨﻬﺎ ﻭﻃﻠﻌﺖ ﺯﻋﻼﻧﻪ ﺿﺤﻜﺖ ﻫﻢ ﻳﺤﻖ ﺍﻟﻬﺎ ﺗﺰﻋﻞ .. ﺭﻭﻳﻨﻪ .... ﻧﻤﺖ ﻋﻠﺊ ﺍﻟﺴﺮﻳﺮ ﺳﻔﺖ ﻣﻮﺑﺎﻳﻠﻬﺎ ﻓﺘﺤﺘﻪ ﺑﺲ ﻫﻲ ﺣﺎﻃﻪ ﺭﻣﺰ .... ﺧﻠﻴﺘﻪ ﻋﻠﻰ ﺍﻟﻤﻴﺰ ﻭﺷﻔﺖ ﺳﻴﻢ ﻛﺎﺭﺕ .... ﺍﺳﺘﻐﺮﺑﺘﻪ ﺍﺧﺬﺗﻪ ﻭﻓﺘﺤﺖ ﺟﻬﺎﺯﻱ ﻭﻟﺰﻣﺖ ﺍﻟﺴﻴﻢ ﻛﺎﺭﺕ ﺍﺧﻠﻲ ..... ﻧﻬﺎﻳﺔ ﺍﻟﺒﺎﺭﺕ .... ﻳﺘﺒﻊ .... ﻛﻮﻧﻮﺍ ﻫﻨﺎ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ ﻧﻮﺭ ﺳﻤﻮ ﺍﻟﻌﺮﺍﻕ ❤❤❤❤.. | ||||
|
| |
|
17-07-19, 10:43 PM
| #33 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت 31 رواية...#انتي سيوف الثأر في اجفاني بقلمي...سمو العراق 💔💔💔💔💔💔 جاي اخلي السيم كارت ودخل خالد... خليته فوك البطاريه يعني ما دخلته وخليت الكفر... كتله ...هلا خالد زياره مقبوله كال بنتر...هلا مرتضئ بااستغراب...شكو صاير شئ؟ خالد لزمه من ياخة قميصه...لك انت الئ متئ تضل حمار مرتضئ بعصبية...اي غييير اعرف شكوو خالد بغضب...صوتك لا تعلي وتحترم نفسك وتمشي عدل مرتضى ...لعفو خالد بس مجاي اعرف اني شنو الي مسووي خالد...ليش ضارب رانيه مرتضئ نزل ادين خالد....اهووو خالد ترئ مصارت هي مرتي،ومن حقي ائدبها خالد بهدوء...شووف مرتضى سوالفك مو عليه أرضئ برانيه وسكت شبيها شو جنها العافيه وبعدين اترك سحر ولا توهم نفسك تحبها سحر صارت من نصيب ابن اختك اوك.... سكت وهو يحس الدخان يطلع من خشمه مرتضئ باسئ...انت يا خالد ضالم ليش ما تزوجتها ليش ورطتني بيها وتزوجت اختها لان دانيه محد لامسها وانت اول واحد بحياتها... خالد....اهوووو لك انت شبيك غبي اني احب دانيا شلون اتزوج رانيا .... مرتضى...واني احب سحر ليش زوجتوني رانيا خالد بجمود...هاي قسمتك ارضئ بالي قاسمه الك ربك تمام....ولعلمك ترئ مو هي وصلت الحجي ام علي حجت....وهاا ام علي متعرف بيك تحب سحر لذالك لا تفضحنه وخلي البنيه تمشي بطريقها مرتضئ باسف...تمام تركه وطلع شاف ام علي صاحت عليه ام علي...خالد خالد خالد وكف بااستغراب....خيير ام علي رايده شئ طلعت موبايلها وهي تبتسم....وطلعت الفيديو... فتحته وشوفته اله.... باوع عليه بااستغراب وبعدها ابتسم بقهر... شافها تركص بكل انواع الركص وبااحتراف.... اووف منها شكد حلووه ولطيفه حتئ بركصها.... ام علي بضحكة..شووف دنوو شلوون تركص لك هاي نعمه بوسها وحطها علئ راسك... هو من لهفته غير الموضوع...هههه ادري هي تركص تحضر ارواح... ام علي...ههههههههههه تركص اجنبي خالد..ههه هي خبيره بكل شئ بس وياي ثووله ام علي...هههه بعدها صغيره خوويه وانت كبير وواعي ارحمها هي مو زين منها متحمله عصبيتك وخبالاتك... خالد...لا لا ام علي اني مخبل ام علي بااستهزاء...لا لا عاقل هههههه ضحك ورسل الفيديو اله وحذفه من موبايل اخته ام علي بصدمه....ياااا ياااا والله صدك مخبل ليش مسحته... خالد...ههههههاي لج ام علي موبايلج وين ما اجي الكاه عند واحد واخاف يضيع...هااا وصدك اكوو بعد وحده مصوره ام علي بصدق...لا لا بس اني والله مخليت وحده تصور.... خالد...الحمد لله تركها وراح المحبوبته.... تمايلي حولي ... وراقصيني كي ارى استداره الكواكب .. حول قلبي العليل .. وافردي على البلاط شعرك .. المجعد العربي الاصيل .. وراقصيني .. راقصيني .. راقصيني وميلي كنسمه كما الهواء والهوى بيننا نهر يسيل .. جنت هسه طالعه من الحمام ولابسه روب الحمام وشعري دا انشف بي بالمنشفه وهو دخل... شفت ابتسامته الخبيثه علئ محياه... بلعت ريقي ودرت وجهي علئ المرايه...وضليت امشط بشعري.... وهو تقرب مني ولمس خصري ودفن وجه برقبتي وشفايفه توزع بوساته المقرفه عليه... حسيت باانقباضات اسفل بطني حطيت ايدي على وجه ودفعته... وهو لزم ايدي وباسها.... دارني عليه وصار ضهري علئ الحافه مالت الميز ابو تواليت.... هو طلع موبايله وفتح فيديو... كال بهيام ...تركصين كدام اليسوه والما يسووه واني رجلج وابو بيتج ما تركصيلي... همست بقهر...لان متستاهل خالد بعتب...افاااا اني حبيبج دكولين عليه ما استاهل بس يالله مااعتب عليج لان اكو مثل يكول من حبك لاشاك... دانيه بتنهيده...يممه منك عندك ثقه ما الها محل من الاعراب....وبعدين اني ما احبببببببك وبس اطلگ منك اتزوج واحد حنين يحبني... خالد بنص عين...واني مااحبج؟ بس انتي متحبيني رفعت حواجبي وهمست...ماامجبوره احب انسان هو اصلا ميحبني بس ديكفر عن ذنبه كال بجمود...انتي ملكي وماا اتخلئ عنج مهما صار كتله...بس اني الي ايد بمقتل مهتدئ ضحك كال...كتلج الله يرحمه ضجت لان ما انقهر كتله...يمعوود مااحبك احب غيرك حس يا اخي حس.... هو لزمني من روب الحمام وفتحه بعصبيه احس عضامي تملخت من اخبالاته الصهيوني... حاولت الملم الروب عليه مكدرت... هو شالني ويبوس بيه بعنف.. نزلني علئ السرير وهو يشم برگبتي واديه تتناغم علئ جسمي.... كتله بعصبيه...اذا متوخر ونبي اعيييط كال بهدوء....عااااادي كتله بعصبيه....اعضك والله كال بضحكه تنرفز...امووت علئ عضاتج رجع باسني بخدي واني عضيته بخدده حييييل... هوو هماتين عضاني.... صررخت ورفسته برجليه.... اندك الباب دفعته حيييل وصحت منوووووووووو بصوت عالي حتئ احرجه... هو تركني واني وكفت لفيت الروب عليه وربطته ولبست الشبشب.... عذراء كالت....اني فتحت الباب ووجهي مخطووف... كالت عذراء باانزعاج...جبتي عمرج تعيطين ما مصدكه ما خذتلج رجل بابا ترئ عيييب واااا ما وووا كتلها بخجل...ترئ ماكوو شئ كالت بنص عين...علييينه لا تخافين عيني بارده مااحسد... كتلها بضحكة...والله ماكوو شئ دفعتني ودخلت كال...وخري وخري ما تحسون بالحدايق..وشلون كلوبهم محتركه...هسه لو مجدي وعلئ عربانه هم راضين... شافت خالد متكئ علئ الفراش ويعدل بقميصه... رجعت باوعت عليه كالت...ودكول ماكوو شئ خالد كلها باستهزاء...يعني شكو مثلا عذراء...ماكوو شئ رجعت شاورتني كالت...ماخذ بس مقبلات موو.:؟ كلت .....يااا هاي شبيها... رحت للكنتور طلعت ملابس ورحت بدلت ورجعت عذراء كلتله...خالد صدك علاوي يريد يخطب سحر كلها بهدوء...اي لوت فمها وكالت ....خرب حضي حتئ سحيره ام قمازات تزوجت كلها...علئ الاقل سحر عاقله وناعمه كالت بصدمه ...ياااا جاا اني شبيه عقلي يوزن بلد حطت ايدها على خصرها وكالت...شبيه شبيه شو. كلي انوثه طاغيه وشعري طوويل وبالمواقف اوكف اله حزام ضهر واصير اخوو بس انتم تحبون الغريبات خالد باوع عليه وكال...ليش اكوو احلئ منهن ينكرطن كرط اني درت وجهي وسويت روحي ممنتبه كلتله...شنو حبوب مال معده وينكرطن... ورجعت كملت خالد ما علينه هسه شنوو ما عندك واحد منا منا حتى لو مجدي ومقعد هم راضين والله عيب اشوف الوراي والكدامي تزوجن واني بعدني عبالك مكالمه فائته ضحكت خالد كلها بجديه...تقبلين باابو لهب عذراء...ابو لهب ابو شلهوب اي واحد حتئ لو حرمله كلها بضحكه...ميخالف احجي وياه بس ترئ يبوشج عذراء بسرعه...امووت علئ البوشيه اصلا جنت اتمنى اتزوج واحد يبوشني واصير مرة الشيخ... خالد...خووش اليوم احجي وياه عذراء...فدوه الكلبك ويخليلك ام عطووب انقهرت من كالت عليه ام عطوب لا يا صخله نخلة الرافدين هم تقلد هو كلها ....لاااا خربنه كوولشي ولا دانيه مااقبل عليج احلئ مابيها شعرها... كلتله...منيلها شعرها جنه سيم مواعين هو ككلها...لعد راح ابو لهب كلتله...لا لا والله شعرها يجنن...جنها شعر نانسي عجرم هو ضحك واخذ مفاتيحه ووكف وعذراء طلعت وهي تتشكر منه....وسدت الباب وراها هو تقرب مني كال...فضحتينه يالفضيحه هسه امي دكول عايفنه وضال حاير بمرته وهااا ترئ تفكيرهم وصخ كتله...مثل تفكيرك وتفكير عذراء كال ....عفييييه تقرب مني واني ضربته علئ صدره كتله ...لا تتقرب حط ايده على صدره وكال...ااااخ يا مجرمه توجع كتله بنص عين...لا والله مو اقوئ من ضرباتك كبل للجمله العصبيه.. رفع ايدي وباس اصابع اديه كال...فديت ضرباتج وايدج هي ايد لو ايد طفل ذكرتيني باادين ابن اخوي العمره خمس سنين... خجلت من نظراته ودرت وجهي وهو باسني بااسفل رقبتي حطيت ايدي على رقبتي امنع تقبيله اليه.... كال بلهفه...لج انتي متعرفين شسويتي بيه اني صاير مخبل.... كتله بااستهزاء...لا والله مو عساس جنت عاقل.. ما حسيت غير بشفايفه تحتضن شفايفي اختنكت وخبرته بالتقبيل تفاجئني يوميه شكل عبالك دارس خصوصي باانواع القبل.... اني دفعته بس هو جبل وثكيل... تركني بعد ما هوو راد يعني بإرادته مو بإرادتي مسحت شفايفي بكم ثوبي ... تذكرت موقف قبل هماتين باسني ومسح شفايفه بكنلكس...وشمره عليه عود تلعب نفسه مني... اريد احسسه اني تلعب نفسي منه.... بس معرفت شلون... هو دار وجه وراد يطلع.... همست بصوت خافت....خالد خالد بهيام....يا روحه بلعت ريقي وكتله...شنو رأيك بالحادث الصار بالنجف كال بااستغراب... شنوو رأيي من يا ناحيه كتله...من ناحية الطائفية كال...مفهمت كتله باسئ...يعني اني سنيه وانت شيعي وثنينه حاصرنه الموت بذاك اليوم....يعني الارهاب مجاي علئ طائفه معينه جاي علئ العراق كله.. هو رجع عليه ولزمني من اكتافي وهمس...اسكتي لا تحجين كتله...ليش ما تريد اعاتبك .والله حالفه مااعاتبك بس دا اناقشك.... رفع ايدي وباسها كال...اعذريني اني اكثر واحد تاذه بالطائفية فقدت احبابي وكياني وتهديدج جان بصيص انتقام اليه... كتله بقهر...يالله انتقم مني عاقبني... ضم راسي لصدره ومسح على شعري..عاقبتج هواي وتجبرت عليج وهسه ادور رضاج كتله...بس والله كلبي مجروح منك... ماانسه من نزلتني من السياره باليل وضلام والكلاب محاوطتني ولا انسئ من كل ما تزعل تطردني خارج الغرفه وضل مثل المجديه افتر بالبيت ولا اكدر انسئ من ضربتني كدام خالتك وفشلتني...هووايه ائذيتني واني بزر دلال... سحب نفس عميق وباسني بجبيني كال...ان شاء الله كول شئ ينحل ووعد بعد مااضربج كتله باسئ علئ حالي....هذا كله ينحل بس ضربتك بعيني هاي جريمه بحق نفسي اذا تقبلتك لك 15 يوم واني فاقده امي تغسل وتلبس لك والله جرمت بحقي والله... ما تحملت ركضت علئ سريري وتغطيت وضليت انحب بصوت ناصي...كل مااذكر حاجتي للناس... هو تقرب مني ونام بصفي حضني من وره وباس كتفي العاري... كال بألم...لا تبجين عيونج يتاذن كتلج كولشي ينحل انتي طفلتي وروحي ان شاء الله يصير عدنه اطفال ونستقر وان شاء الله تنكسر ايدي اذا مديتها عليج حط ايده علئ بطني ومسح عليها ببطئ لزمت ايده وضليت ابجي وهو ضل يبوس بيه ويطمني عبالك ديحجي ويه طفل ويعتذر مني.... جان ماهر باصطيادي وكنت ضعيفه بمراوغته...بسرعه گلبي يوكع فريسه سهله اله اتحمليني... اكثر كلمه كنت اسمعه منه جان لطيف واكثر الاحيان حقير جنت دائما ابلع الوجع والاهانه بكلمه حلوه منه لكن بالوقت الحالي ماترضيني كلماته ولا غزله كلبي موجوع منه واخااف حييييل بوجوده... وهو حاس بخوفي منه وراتعابي من وجوده... ............................. بعد مرور اسبوع... جنت كاعده بالصالون احساس باليأس والقهر ليش ما علي اجه قبل لا احب مرتضئ وقبل لا الكلب قيس يعتدي عليه.... اني متأكده هو ما وصل بقربي بس حقير شاف كوولشي كرهني بجنس ادم وحتئ مرتضئ كرهته جدتي جبرتني علئ علي وكالت اتزوجي لا بعصاتي اچسرچ تچسر همج ياكل بكلبي...واحد غيرنه كتلج وغسل عاره.... هو اجه شافني وشفته جان يسولف ويضحك وكل شوويه يباوع عليه... وانه جنت ما اباوع عليه بس احس بنظراته... جان كاعد خالد وهو وابو وعمه وامه وجدتي وام خالد.... بيومها كرهت مرتضئ حييل وحسيته جبان خالد احسن منه وفارض شخصيته على الكل... لو جان خالد مكان مرتضئ اكيد يدافع عن حبه وميخلي واحد يتقرب مني... بس مرتضئ منتظر معجزه من السماء حتئ تغير مسير حياته.... اليوم قررو الخطبه.... ام علي اجرت اليه فستان ذهبي طويل...وحجزت بالصالون راحت ويايه...جدتي خبلت ام الصالون لا تمشطين شعرها حييل لا تكصينه حركتي بالشسوار لا تخففين حواجبها... لا تحطيلها هواي حمره المهم خلصتني ام صالون وخابرتهم جدتي واجه عمار اخذنه... جنت لابسه البرنص وانتبهت عليه... يخابر ويكول الواحد....آي لازم كل شئ يتقسم بينه لا لا ماكو واحد احسن من واحد وحيل منغر بحاله سمعت من البنات ام خالد جانت رايدتني اله بس هو رافض ومقلد عليه... اصلا اني هم مااحبه شكله يغث.... وصلنه للبيت ونزلت من السياره بالگوه.. بسبب حجم البدله... دخلت للصاله وكعدت واجت اخت خالد مريم نزعت البرنص... شفت البنات كلهم متجمعين.... وكلهم حلوات... جانت رانيا لابسه فستان اسوود قصيير لحد فوك الركبه ورجليها عبالك كيمر تعالي وغمسي بيهن... وحاطه مكياج احلئ من مكياج الصالونات وشعرها يجنن طوويل وسرح...واشقر احسها فرحانه لان انخطبت... واني احس بغيره منها... شغلت الديجي بس البنات مقبلو كالوو طفوو.... ..... جنت بغرفتي طلعت شورت قصير كابوي وبدي ابيض... تخيلت نفسي لابستهم يبوو والله خويلد ينجلط ويقتلني ويقتل نفسه... رجعت ضميتهم وطلعت فستان يصير من فوك تور سمائي ومن جوه مثل النتوره ضيقه سوده وبي شده من الوسط واحد من اكتافه يكون مائل... حطيت مكياج خفيف وحمره ورديه...وشسورت شعري سرحته كوولش ورفيت فقط اطرافه جانت رافعه رجلي دا البس بحذائي وهو دخل... صرخت بخجل ونزلت رجلي بسرعه شفت نضراته قليلة ادب ومو راحه حسيت بطني ضلت دا تائذيني.... بلعت ريقي وغطيت نفسي بالبطانيه... هو سحبه وشمره كتله بعصبية...اهوو راح نبدي بقلة الادب كال بااستهزاء...لا والله شلابسه انتي يالله يالله انزعي لا اجرم بيج واعاقبج عقووبه اخليج تتطوطحين مثل السكرانه... كتله بنحيب وقهر...اي اضرب اضرب انت بس هذا الكادر عليه بي والله انت وعدتني ما تضربني فكون عند كلمتك ولا تضرب ضحك بصوت عالي.....هههههههههههاي منو كلج اضربج لج عندي اساليب للعقوبات هم مسليه وهم بيها عنف... دفعته واني اعرج لان كعب لابسته وواحد لا كتله...اعوذ بالله منك مجرم وعوينجي وموراحه وتحجي بالالغاز... وكلك غموض ترئ ما اخاف منك بس اكول عيب خليني احترمه هو احتضن خصري وضحك...فديت العرجه وفديت التحترمني مدام هيج انتي محترمه انزعي هذا الفستان والبسي استر لان والله يسووي اغراء مو طبيعي وهسه طبعا اني حالتي حاله بس صابر شسوي... بعدته عني ورحت ادور بالكنتور علئ فستان... طلعت فستان طويل وكلبي يرجف حسيته انفاسه قريبه من رقبتي بعد شعري من رقبتي وباسني تنهدت بداخلي هذا شبي ضال بس يبوس خلصنه من الدايحه رجعت لقلة الادب.... باوعتله بنظرة عتب كال بهيام وهو يشم بشعري برومانسيه اليوم مسرحه الشعر كتله...مو الخاطرك مجرد تغيير ضحك كال...احبه بكل حالاته بس المجعد احلئ... تنهدت ورفعت عيوني ليفوك...تذكرني بمسيلمه الكذاب... هو سحبني من ايدي بقوه طرت بضريح صدره كال بغضب..داااانيه صح احاول اروضج واسترضيج بس اذا تجاوزتي فعلا ارجع مثل الاول كتله بصدمه...يعني تهددني كال بجمود....دانيه امشي عدل وتركني وطلع مذهوله من تصرفاته هو لو يضل طول عمره يسترضيني مراح يجازيني بسرعه بدلت ولبست حذائي وطلعت... نزلت جوه وضليت كاعده بقهر وصافنه باانزعاج شبي هذا خبل والله ابو الشوارع صاير رومانسي وانوب يهدد شلون جذاب مغير شخصيته عباله مااعرفه اكبر مخبل.... ياربي شبيه صايره بس اغلط من رافق القوم اربعين يوم صار مثلهم... باوعت علئ الاجواء عذراء تركص ركص المعزايات وتهز اجتاف بصوره سريعه عبالك منتووله لابسه بنطرون ابيض وبدي طويل فانيلا جويتي...و لابسه القراصه ام الريش حمره ...والحمره السحريه ورانيا خطيه محتاره بس توزع كالت ...كومي ساعديني كتله...مابيه حييل كالت بضحكه...والله فايخه... ضحكت كتلها...وين ابنج كلت...عند مرتضئ كتلها...لعد مانزل للخطبه... كالت بعد ما لوت فمها...يتعيقل ومقهور عشتوو ضحكت كلتلها...روحي جيبي ابنج لا ينام ويوكع هي حطت الصينيه وراحت... ....... رانيا صعدت فووك شفت مرتضئ نايم علئ بطنه وبصفه فادي وهو جان صافن عليه ويباوع لملامحه من حس بيه دار وجه عليه اني تقصدت اغريه وكفت مقابيله علئ المرايه ونثرت شعري كتله....شلونه فادي هو غلس ما حجه يابه شلون حرگ گلبي.... درت وجهي عليه كتله...مو احجي وياك وكف بعصبيه كال...شلابسه ماعندج غييير هاي النص متر لابستها لو عاجبج قلة الادب كتله بعصبيه....اي عاجبني ضرب السرير بقووه خطيه كمز فادي وصررخ احس طارت روحي من الخوووف والقهر علئ فادي وهو صفن وبعدها حطه علئ صدره وضل يبوس بي...حبيبي باباتي فاادي مو عليك علئ امك الخبله انقهرت كووولش والعبره خنگتني وكتمتها بصدري ولئلئت الدمعه بعيني.... رحت سحبته منه وكتله...اسكت ماما اسكت هو انت هم ماعندك حظ مثل امك مرتضئ ضل يباوع عليه حسيته انقهر رحت طلعت صايه ولبستها بعد ما حطيت فادي بسريره ولبست شال وطلعت... هو صاح عليه...رانيه راانيه قفل الباب وهو سمعته يسب ويغلط متت من القهر والالم مااعرف شصار بيه من ابني اليتيم بجه قهرني كووولش... مااحب مشاكلنه تأثر على طفلي حتئ وان كان طفل رعبته من عمه اذتني حييل... ضليت كاعده محتاره ومخنوكه.... اجوو كالوو هلهلوو تمت الخطبه.... اوووف جانو يركصون ويهوسون واني كلبي نار وهماتين سحر بس تبجي وخربت حتئ مكياجها.... ...... سحر من كالوو تمت الخطبه بجيت من القهر والخووف وعدم الامان حسيت بحاجة امي واهلي اخذوني اعقد جنت ارعش من الخووف واسمع صوت علي يخترق اذاني سالنه الشيخ علئ الموافقه.... وكتله...اي موافقه واعلنه زوج وزوجه.... طلعنه خارج الغرفه وصارت الهلاهل وبوسه ولتخاف من امها هو جان مرح وفرحان عكسي جنت محاسه بالامان ومحبيته... مو كوه النفس وما تشتهي.... عذراء دفته وكالت...حبها ولك حبها ولا تخاف من امها... وهو مصدك طاحلي بوووس اجيت اصرخ انعاد عليه موقف قيس النذل كوه صبرت روحي.... ................... تخبلت من هلهلوو خلاص راحت سحر ورانيه موتتني علئ يوم صدك اجرم بيها ومرات حيل انقهر عليها وابن اخوويه ميهون عليه... اتذكرت السيم كااارت وخليته... كله ارقام شباب وبنات وكل اسماء البنات هيج....ام سرمد الگوا....ام صهيب ال.... سوشه ال... تفاجئت معقوله هييج بعدها اتصل رقم.... فتحت خط وبسرعه انقفل.... شويه ووصلت رساله مكتوب بيها.... مهتدئ اذا اعترف بسالفته عليكم والله اخليكم تبجون دمم انتم ايدكم تلوثت بدم المگرود واخذتو سيارته ومن تقاسمتوو مااا شركتوني... انصدمت احسس اطرافي جمدت... ركضت بسرررعه... نزلت شفت خالد لازم مرته ويحجي وياها بعصبيه وهي معانده وتدفع. بي كتله بهدوء...خااالد اريدك شووويه هو خجل وترك مرته واجه ورايه صعدنه فوووك واني بلعت ريقي... اهل دانيه ورانيه علسوو اخوونه لان السيم كارت يخص رانيا.... نهاية البارت....يتبع كونوا انتم كونوا بخير...احبكم 😘 نور سمو العراق... تسلمون على تعليقاتكم الحلوووه ربي يوفقكم وحبيت اطمنكم عني شوويه زينه الحمد لله😘 | ||||
|
| |
|
17-07-19, 10:45 PM
| #34 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ﺍﻟﺒﺎﺭﺕ32 #ﺍﻧﺘﻲ ﺳﻴﻮﻑ_ﺍﻟﺜﺄﺭ_ﻓﻲﺍﺟﻔﺎﻧﻲ ﺑﻘﻠﻤﻲ .. ﺳﻤﻮ ﺍﻟﻌﺮﺍﻕ 💔💔💔💔❤💔 ﻭﺍﺟﻪ ﻭﺭﺍﻳﻪ ﺻﻌﺪﻧﻪ ﻓﻮﻭﻭﻙ ﻭﺍﻧﻲ ﺑﻠﻌﺖ ﺭﻳﻘﻲ ... ﺍﻫﻞ ﺩﺍﻧﻴﻪ ﻭﺭﺍﻧﻴﻪ ﻋﻠﺴﻮﻭ ﺍﺧﻮﻭﻧﻪ ﻻﻥ ﺍﻟﺴﻴﻢ ﻛﺎﺭﺕ ﻳﺨﺺ ﺭﺍﻧﻴﺎ .... ﺧﺎﻟﺪ ﺑﺎﺍﺳﺘﻐﺮﺍﺏ ... ﺍﻧﺖ ﺷﺠﺎﻱ ﺗﺤﺠﻲ ﺍﻱ ﺳﻴﻢ ﻛﺎﺭﺕ ﻣﺮﺗﻀﺊ ﺑﺮﺟﻔﻪ ﻭﻫﻮ ﻳﺒﻠﻊ ﺭﻳﻘﻪ ... ﻫﺬﺍ ﺍﻟﺴﻢ ﻛﺎﺭﺕ ﻳﺨﺺ ﺭﺍﻧﻴﻪ ﻟﻜﻴﺘﻪ ﻳﻢ ﻣﻮﺑﺎﻳﻠﻬﺎ ﻭﺍﺧﺬﺗﻪ ﺻﺎﺭ ﻋﻨﺪﻱ ﻓﻀﻮﻝ ﺍﻋﺮﻑ ﺷﻮ ﺍﻟﺒﻲ ﻓﺘﺤﺘﻪ ﻭﺍﻧﺼﺪﻣﺖ ﻣﻦ ﺍﻻﺭﻗﺎﻡ ﻭﺍﻧﺼﺪﻣﺖ ﻫﻢ ﻣﻦ ﺍﻟﺮﺳﺎﻟﻪ ﺍﻟﻲ ﻭﺻﻠﺖ ﻗﺒﻞ ﺷﻮﻭﻳﻪ ﺧﺎﻟﺪ ﺑﻌﺼﺒﻴﻪ ﻭﻣﻼﻣﺢ ﺷﻴﻄﺎﻧﻴﻪ ... ﺭﺳﺎﻟﺔ ﺷﻨﻮﻭﻭ ﻣﺮﺗﻀﻰ ﻃﻠﻊ ﻣﻮﺑﺎﻳﻠﻪ ﻭﺧﺎﻟﺪ ﻗﺮﻩ ﺍﻟﺮﺳﺎﻟﻪ ... ﻣﻜﺘﻮﺏ .... « ﺃﻧﻄﻮﻧﻲ ﻓﻠﻮﺱ ﻻ ﺍﻋﺘﺮﻑ ﺑﻤﻮﺿﻮﻉ ﻣﻬﺘﺪﺉ ﻭﻻ ﺗﻨﺴﻮﻥ ﺍﻧﺘﻮ ﻗﺘﻠﺘﻮ ﻭﺷﺮﻛﺘﻮﻧﻲ ﻭﻳﺎﻛﻢ ﻭﺑﻌﺪﻫﺎ ﻛﻮﻭﻟﺸﻲ ﻣﺤﺼﻠﺖ ﻣﻨﻜﻢ .... ﺧﺎﻟﺪ ﺿﺮﺭﺏ ﺍﻟﻤﻴﺰ ﺑﻌﺼﺒﻴﻪ ﻭﺷﺪ ﻋﻠﻰ ﺷﻔﺎﻳﻔﻪ ﻗﺘﻞ ﻣﻊ ﺳﺒﻖ ﺍﻻﺻﺮﺍﺭ ﻭﺍﻟﺘﺮﺻﺪ ﻭﻻ ﻣﻌﺘﺮﻓﻴﻦ ... ﺍﺧﺬ ﺍﻟﻤﻮﺑﺎﻳﻞ ﻣﻦ ﻣﺮﺗﻀﺊ ... ﺧﺎﻟﺪ ﺑﻬﺪﻭﺀ ﻋﻜﺲ ﺍﻟﺒﺮﺍﻛﻴﻦ ﺍﻟﻲ ﺟﻮﺍﻩ ... ﻭﺷﻮﻭﻑ ﻣﺮﺗﻀﻰ ﺍﺫﺍ ﻓﺘﺤﺖ ﺣﻠﻜﻚ ﺑﻜﻠﻤﻪ ﻣﺎ ﺗﻠﻮﻡ ﺍﻟﻪ ﻧﻔﺴﻚ ﻓﺎﻫﻢ .... ﻣﺮﺗﻀﺊ ﺑﺎﺍﺳﺘﻐﺮﺍﺏ ... ﺷﺘﺮﻳﺪ ﺗﺴﻮﻭﻱ ﺧﺎﻟﺪ ﺑﻔﺤﻴﺢ ... ﺑﻌﺪﻳﻦ ﺍﻓﻬﻤﻚ .. ﻭﻫﺎﺍ ﺩﻳﺮ ﺑﺎﻟﻚ ﺗﺤﺴﺲ ﺭﺍﻧﻴﺎ ﺑﺸﺊ ﺧﻠﻴﻚ ﻃﺒﻴﻌﻲ ﺍﻭﻙ ﻣﺮﺗﻀﺊ ﺑﻘﻬﺮ ... ﺍﻱ ﺑﺲ ﺗﺮﺉ ﺍﻟﻤﺮﺣﻮﻡ ﻫﻢ ﺍﺧﻮﻭﻳﻪ ﺧﺎﻟﺪ ... ﺍﺩﺭﻱ ﻣﮕﺎﻳﻞ ﺷﺊ ﺑﺲ ﺧﻠﻴﻨﻪ ﻧﻔﻜﺮ ﺑﻌﻘﻞ ﻗﺒﻞ ﻣﺎ ﻧﺨﻄﻲ ﺍﻱ ﺧﻄﻮﻩ ... ﻣﺮﺗﻀﺊ ﺳﻜﺖ .... ﻭﺑﻌﺪﻫﺎ ﻛﻤﻞ ... ﻣﻮ ﻻﺯﻡ ﻣﻌﻦ ﻭﻋﻤﺎﺭ ﻳﻜﻮﻥ ﻋﻨﺪﻫﻢ ﺧﺒﺮ ﺧﺎﻟﺪ ﺑﻐﻀﺐ .... ﻻﺍﺍﺍﺍﺍﺍﺍ ﻣﺮﺗﻀﺊ ﺑﺼﺪﻣﻪ ... ﻟﻴﺶ . ؟ ﺧﺎﻟﺪ ﺑﺘﻨﻬﻴﺪﻩ ... ﺍﻟﺴﺮ ﺍﺫﺍ ﺻﺎﺭ ﺑﻴﻦ ﺍﻛﺜﺮ ﻣﻦ ﻭﺍﺣﺪ ﺍﻗﺮﻩ ﻋﻠﻴﻪ ﺍﻟﺴﻼﻡ .. ﺍﺧﺎﻑ ﻣﻌﻦ ﻳﺤﺠﻲ ﻟﺰﻭﺟﺘﻪ ﻭﺯﻭﺟﺘﻪ ﺗﻄﺶ ﺍﻟﺨﺒﺮ ﻭﻋﻤﺎﺭ ﺍﺧﺎﻑ ﻳﺤﺠﻲ ﻻﻣﻲ ﻭﺍﻣﻲ ﺗﮕﺒﺐ ﺍﻟﻘﻀﻴﻪ .... ﻣﺮﺗﻀﺊ ﺑﺤﺰﻥ ... ﺑﺲ ﻭﺍﻟﻠﻪ ﺍﺣﺲ ﻧﺎﺭ ﺗﺴﻌﺮ ﺑﺼﺪﺭﻱ ﺍﺧﻮﻭﻳﻪ ﻫﺬﻭﻟﻪ ﺍﻻﻧﺬﺍﻝ ﻳﻘﺘﻠﻮﻧﻪ ﻭﺍﺣﻨﻪ ﻣﻠﻔﻴﻦ ﺑﻨﺎﺗﻬﻢ ... ﺧﺎﻟﺪ ... ﺍﺳﻜﺖ ﺧﻠﻲ ﻧﺘﺄﻛﺪ ﻭﻻ ﺗﻨﺴﺊ ﺑﻨﺎﺗﻬﻢ ﻣﺮﺗﻚ ﻭﻣﺮﺗﻲ .. ﻣﺮﺗﻀﺊ ﺑﻌﻨﻒ ... ﺍﻧﻲ ﻻ ﻣﻌﺘﺒﺮﻫﺎ ﻣﺮﺗﻲ ﻭﻻ ﺭﺍﺡ ﺍﻋﺘﺒﺮﻫﺎ ﺧﺎﻟﺪ ﻟﺰﻣﻪ ﻣﻦ ﻳﺎﺧﺔ ﻗﻤﻴﺼﻪ ﻭﺑﻬﺪﻭﺀ ... ﺭﺍﺡ ﺗﻌﺘﺒﺮﻫﺎ ﺻﺪﮔﻨﻲ ﻣﺮﻳﺖ ﺑﻨﻔﺲ ﺍﻟﺘﺠﺮﺑﻪ .... ﺗﺮﻛﻪ ﻭﺭﺍﺡ ﻣﺬﻫﻮﻝ ﺗﺤﺖ ﺗﺴﺎﺅﻻﺗﻪ ﺷﻨﻮ ﻗﺼﺪﻩ ﻣﺮ ﻧﻔﺲ ﺍﻟﺘﺠﺮﺑﻪ ... ؟ ﻣﻌﻘﻮﻟﻪ ﻣﺠﺎﻥ ﻳﺤﺐ ﺩﺍﻧﻴﺎ ... ﺍﺣﺲ ﻧﻔﺴﻲ ﺩﺧﺖ ﺣﻴﻴﻞ ﻭﻟﻌﺒﺖ ﻧﻔﺴﻲ .... ﺻﻌﺪﺕ ﻓﻮﻭﻙ ﺑﺪﻟﺖ ﺑﺴﺮﻋﻪ ﻟﺒﺴﺖ ﺛﻮﺏ ﺍﺯﺭﻙ ﻗﺼﻴﺮ ﻭﻏﺴﻠﺖ ﻭﺟﻬﻲ ﻭﻟﻔﻴﺖ ﺷﻌﺮﻱ ﻓﺮﺣﺎﻧﻪ ﺍﻟﻴﻮﻡ ﻣﺸﺴﻮﺭﻩ ﻭﺻﺎﻳﺮ ﺳﺮﺡ .... ﺻﺎﻳﺮﻩ ﺑﺴﺮﻋﻪ ﺍﺗﻌﺐ ﺟﺴﻤﻲ ﺍﺑﺪ ﻣﺎ ﻳﺘﺤﻤﻞ .... ﺍﺗﺬﻛﺮﺗﻪ ﻣﻦ ﻟﺰﻣﻨﻲ ﻭﺿﻞ ﻳﺘﻤﻨﺬﻝ ﻭﻳﻔﻴﻚ ﻋﻠﻴﻪ ... ﻋﺪﺕ ﺍﻟﻤﻮﻗﻒ ﺑﻤﺨﻴﻠﺘﻲ .... ﻃﻠﻌﺖ ﺩﺍ ﺍﺧﺬ ﺍﻟﺼﻴﻨﻴﻪ ﻟﻠﻤﻄﺒﺦ ... ﻭﻫﻮ ﺳﺤﺒﻨﻲ ﻫﺴﻪ ﻃﻠﻊ ﻣﻦ ﺍﻻﺳﺘﻘﺒﺎﻝ .. ﻛﺎﻝ ﺑﺠﺪﻳﻪ ... ﺷﻮﻓﻲ ﺩﺍﻧﻴﻪ ﻻ ﺗﺮﻛﺼﻴﻦ ﺗﺮﺉ ﻛﻠﻬﺎ ﺗﺼﻮﺭ ﻭﺍﺫﺍ ﻃﻠﻌﺖ ﺍﻟﺼﻮﺭ ﻭﺍﻟﻠﻪ ﻣﻴﺼﻴﺮ ﺧﻴﻴﻴﺮ ﺳﺤﺒﺖ ﻧﻔﺴﻲ ﻣﻨﻪ ﻭﻛﺘﻠﻪ .... ﺍﻫﻮﻭﻭ ﺗﻔﻜﻴﺮﻙ ﻣﺎﻝ ﺷﻴﺎﺏ ﺗﺮﺉ ... ﻭﺑﻌﺪﻳﻦ ﻻ ﺗﻤﺜﻞ ﺩﻭﺭ ﺍﻟﻌﺎﺷﻖ ﺍﻟﻲ ﻳﻐﺎﺭ ﻋﻠﺊ ﺍﻟﺒﻄﻠﻪ ﻭﻣﻴﺨﻠﻴﻬﺎ ﺗﺮﻛﺺ ﺗﺮﻩ ﺻﺎﺭﺕ ﻗﺪﻳﻤﻪ ﻫﻮ ﺳﺤﺒﻨﻲ ﻭﻛﺎﻝ .... ﻫﻬﻬﻬﻬﻬﺎﻱ ﻻ ﻣﺎ ﺍﻣﺜﻞ ﺩﻭﺭ ﺍﻟﻌﺎﺷﻖ ﺍﻟﻐﻴﻮﺭ ﺑﺲ ﺗﻌﺎﻱ ﺍﺻﻌﺪﻱ ﻓﻮﻭﻙ ﺣﺘﺊ ﻧﺴﺘﻌﺠﻞ ﺑﺎﻟﺬﺭﻳﻪ ﺍﻟﺼﺎﻟﺤﺔ ﺣﻄﻴﺖ ﺍﻳﺪﻱ ﻛﺪﺍﻡ ﻭﺟﻪ ﻛﺘﻠﻪ ... ﺭﺟﺎﺀﺍ ﺫﺭﻳﺘﻚ ﺍﻟﺴﺎﻗﻄﻪ ﻣﺎﺍﺭﻳﺪﻫﺎ ﺧﻠﻴﻨﻲ ﺑﺤﺎﻟﻲ ﻭﺧﻠﻴﻚ ﺑﺤﺎﻟﻚ ﺍﺣﺴﻦ ﺍﻟﻨﻪ ﺛﻨﻴﻨﻪ .... ﺳﺤﺒﻨﻲ ﻣﻦ ﺍﻳﺪﻱ ﺑﻘﻮﻩ ﻭﺍﻧﻲ ﻟﺰﻣﺖ ﺑﺎﻟﻤﺤﺠﺮ ﻣﺎﻟﺖ ﺍﻟﺪﺭﺝ ... ﻭﻫﻮ ﻳﺠﺮ ﻭﺍﻧﻲ ﻣﻌﺎﻧﺪﻩ ... ﻟﺤﺪ ﻣﺎ ﺍﺟﻪ ﻣﺮﺗﻀﺊ ﻭﺟﻪ ﻣﺨﻄﻮﻑ ﻭﺷﺎﻓﻨﻪ ﺣﻴﻞ ﺧﺠﻠﺖ ﻣﻨﻪ ... ﻭﺧﺎﻟﺪ ﻛﺬﺍﻟﻚ ﺿﻞ ﻳﺤﻚ ﺑﺬﻗﻨﻪ ... ﺑﺲ ﻣﺮﺗﻀﻰ ﻣﺎﺍﻧﻄﻪ ﻣﺠﺎﻝ ﻭﻛﻠﻪ ﺃﺭﻳﺪﻙ ﺑﻤﻮﺿﻮﻉ ﻣﺎﻋﺮﻓﺖ ﺷﻨﻮ ﻣﻮﺿﻮﻋﻪ ... ﺍﻧﻲ ﺷﻌﻠﻴﻪ ﻧﺎﺭﻫﻢ ﺗﺄﻛﻞ ﺣﻄﺒﻬﻢ ... ﺗﻤﺪﺩﺕ ﺍﺭﻳﺪ ﺍﺭﻳﺢ ﺭﺍﺳﻲ ﻭﺿﻬﺮﻱ .... ﻣﺸﺘﺎﻗﻪ ﺍﻻﻫﻠﻲ ﺣﻴﻞ ﺍﺭﻳﺪ ﺍﺭﻭﺡ ﺍﻟﻬﻢ ﺑﻌﺪ ﻣﺎ ﺍﺭﺟﻊ .... ﺳﻤﻌﺖ ﺍﻟﺒﺎﺏ ﺍﻧﻔﺘﺢ ﻛﻠﺖ ﺑﻜﻠﺒﻲ .... ﺍﻫﻮﻭﻭ ﺭﺍﺡ ﻳﺒﺪﻱ ﻳﺘﺤﺎﺭﺵ ﻭﻳﻘﻠﻞ ﺍﺩﺏ ... ﻭﻳﺨﻨﮕﻨﻲ ﺷﺜﻜﻠﻪ ﻣﺜﻞ ﺍﻟﺠﺒﻞ .. ﺍﺷﻮﻭ ﻫﺬﺍ ﻓﺎﺟﺌﻨﻲ ﺍﺻﻼ ﻣﺎ ﺍﻫﺘﻢ ﺍﻟﻮﺟﻮﺩﻱ ... ﺑﺴﺮﻋﻪ ﻓﺘﺢ ﻛﻨﺘﻮﺭﻩ ... ﻭﻃﻠﻊ ﻣﻼﺑﺲ ﻭﺩﺧﻞ ﻟﻠﺤﻤﺎﻡ ... ﺳﺒﺢ ﻭﻃﻠﻊ .... ﺟﻨﺖ ﺍﺑﺎﻭﻋﻠﻪ ﺑﻨﻈﺮﺍﺕ ﺍﺭﻳﺪ ﺍﻓﺴﺮ ﺷﻨﻮ ﺍﻟﺪﻳﺼﻴﺮ ﺷﺒﻲ ﻗﺒﻞ ﺷﻮﻳﻪ ﻳﺮﻳﺪ ﺑﺲ ﻳﺴﺘﺮﺿﻴﻨﻲ ﻭﻫﺴﻪ ﻣﻤﻬﺘﻢ ﺍﻟﻮﺟﻮﺩﻱ ... ﻟﻴﻬﺘﻢ ﺍﺻﻼ ﻣﺎﺍﺣﺒﻪ .... ﺿﻠﻴﺖ ﺍﺑﺎﻭﻉ ﻋﻠﻴﻪ ﺑﻄﺮﻑ ﻋﻴﻨﻲ .... ﻭﺭﻭﺣﻲ ﺗﺤﺘﺮﻙ ﻣﻦ ﺻﻤﺘﻪ ﺍﻟﻤﻔﺎﺟﺊ ... ﺷﺒﻲ ﻟﻮﻳﺶ ﺳﺎﻛﺖ .... ﻋﺪﻧﻪ ﻣﻠﺤﻖ ﺑﺎﻟﻜﻨﺘﻮﺭ ﺷﻮﻳﻪ ﻋﺎﻟﻲ ﺷﻔﺘﻪ ﻃﻠﻊ ﺍﻟﻤﻔﺘﺎﺡ ﻭﺩﻳﺮﻳﺪ ﻳﻔﺘﺤﻪ ... ﺍﺗﺬﻛﺮﺕ ﻣﻦ ﺟﺎﻥ ﻳﺨﺒﺚ ﻭﻳﺎﻳﻪ ﻫﻮ ﻋﻤﻼﻕ ﻳﻜﺪﺭ ﺑﺴﺮﻋﻪ ﻳﻔﺘﺤﻪ ... ﻳﻌﺎﻧﺪ ﻭﻳﺎﻳﻪ ﺍﻟﻪ ﺍﻧﻲ ﺍﺟﻴﺐ ﺷﻐﻼﺗﻪ ﻣﻨﻪ ﺟﺎﻥ ﻳﺨﻠﻲ ﺑﻲ ﻣﺤﺎﺑﺴﻪ ... ﺟﻨﻬﻦ ﻣﺤﺎﺑﺲ ﺳﺤﺎﺭ ﻫﻨﺪﻱ ... ﻭﻫﻤﺎﺗﻴﻦ ﻳﺨﻠﻲ ﺳﺎﻋﺎﺗﻪ ﻭﺍﻭﺭﺍﻕ ﻭﻣﺎﺍﻋﺮﻑ ﺷﻨﻮ ﻭﺩﺍﺋﻤﺎ ﺍﺷﻮﻑ ﻣﺴﺪﺱ ﻣﻠﻔﻮﻑ ﺑﻘﻄﻌﻪ ﺑﻴﻀﻪ ﻣﺮﻛﻮﻥ ﺑﺰﺍﻭﻳﺔ ﺍﻟﻤﻠﺤﻖ .... ﺍﺗﺬﻛﺮ ﻣﺮﻩ ﺟﻨﺖ ﻛﺎﻋﺪﻩ ﺍﻛﻮﻭﻱ ﺑﻘﻤﻴﺼﻪ ﻭﻫﻮ ﺩﺧﻞ ﺑﻬﺠﻮﻡ ... ﻛﺎﻝ ... ﺩﺍﺍﺍﻧﻴﻪ ﺍﻧﻄﻴﻨﻲ ﻫﻮﻳﺘﻲ ﺍﺭﻳﺪ ﺍﺭﻭﺡ ﻣﻜﺎﻥ ﺑﻌﻴﺪ ﻛﺘﻠﻪ ... ﺑﺎﻟﻤﻠﺤﻖ ﻭﻣﺎ ﺍﻟﻮﺡ .. ﻛﺎﻝ ﺑﻌﺼﺒﻴﻪ ... ﺟﻴﺒﻴﻠﺞ ﻛﺮﺳﻲ ﻭﺍﺻﻌﺪﻱ ﻭﺳﻮﺍﻟﻔﺞ ﺍﻟﻌﺠﻮﺯﻳﻪ ﺑﻄﻠﻴﻬﺎ .... ﺷﻤﺮﺕ ﺍﻟﻘﻤﻴﺺ ﺑﺘﺬﻣﺮ ﻭﻃﻔﻴﺖ ﺍﻻﻭﺗﻲ ﻭﻭﻛﻔﺖ ﻣﺸﻴﺖ ﻣﻦ ﻳﻤﻪ ﻭﺍﻧﻲ ﺍﺗﺬﻣﺮ ﻭﻫﻮ ﻟﺰﻣﻨﻲ ﻣﻦ ﻛﺘﻔﻲ ﻛﺎﻝ ﺑﻐﻀﺐ ﻭﻋﻴﻮﻧﻪ ﺍﻟﻀﺎﻟﻤﻪ ﺍﻟﺘﻘﺖ ﺑﻌﻴﻮﻧﻲ ﺍﻟﺒﺮﻳﺌﻪ ﻛﺎﻝ ﺑﻬﺪﻭﺀ .. ﺷﻨﻮ ﻣﻌﻨﺊ ﺗﺼﺮﻓﺞ؟ ﺟﺎﻭﺑﺘﻪ ﺑﺨﻮﻑ ﻭﺍﺳﺘﺜﻮﻟﺖ ﻧﻔﺴﻲ ... ﺷﻨﻮ ﻣﻌﻨﺎﻩ ﻛﺎﻝ ﺑﻐﻀﺐ ... ﺍﻧﻲ ﺍﺳﺎﻟﺞ ﻛﺘﻠﻪ ﺑﺨﻮﻑ ﻭﺗﺮﺩﺩ ... ﻭﺍﻟﻠﻪ ﺍﺳﻔﻪ ﺑﺲ ﺍﻧﺖ ﻋﻤﻼﻕ ﻭﺗﻜﺪﺭ ﺗﺠﻴﺐ ﻫﻮﻳﺘﻚ ﻳﻌﻨﻲ ﺍﻧﺖ ﺑﺲ ﺗﺮﻳﺪ ﺗﻌﺒﻨﻲ ﻻﻥ ﻻﺯﻡ ﺍﺟﻴﺐ ﻛﺮﺳﻲ ﻣﻦ ﺍﻟﻤﻄﺒﺦ ... ﻛﺎﻝ ﺑﻬﻤﺠﻴﻪ ... ﻣﻬﻤﺘﺞ ﺗﺨﺪﻣﻴﻨﻲ ﻫﻨﺎ ﻣﻔﻬﻮﻭﻡ ﺟﻨﺖ ﺣﻴﻴﻞ ﺿﺎﻳﺠﻪ ﺭﺩﺕ ﺍﺭﺩ ﻋﻠﻴﻪ ﻭﺍﻛﻠﻪ ﻻ ﺧﺪﺍﻣﺘﻚ ﻭﻻ ﺧﺪﺍﻣﺔ ﺍﻟﺨﻠﻔﻮﻙ ﺑﺲ ﺳﻜﺘﺖ ﻻﻥ ﺍﻋﺮﻑ ﻣﺮﺍﺡ ﺍﺋﺬﻱ ﺷﺨﺺ ﻏﻴﺮ ﻧﻔﺴﻲ .. ﻫﻮ ﺗﺮﻛﻨﻲ ﺑﻌﺪ ﻣﺎ ﻧﺰﻟﺖ ﺭﺍﺳﻲ ﺑﺤﺰﻥ ﻭﺍﻧﻲ ﺭﺣﺖ ﻧﺰﻟﺖ ﺟﺒﺖ ﻛﺮﺳﻲ ﻭﺍﺟﻴﺖ ... ﺻﻌﺪﺕ ﻋﻠﻴﻪ ﻭﺟﻨﺖ ﺍﺩﻭﺭ ﻋﻠﺊ ﻫﻮﻳﺘﻪ ﻭﻫﻮ ﺗﻘﺮﺏ ﻣﻨﻲ ﺧﻔﺖ ﺣﻴﻴﻞ ﺍﻋﺮﻓﻪ ﺧﺒﻴﺚ ﻭﺍﻟﻲ ﺑﺮﺃﺳﻪ ﻳﺴﻮﻭﻱ .. ﻣﺠﺮﺩ ﺣﻂ ﺭﺟﻠﻪ ﻋﻠﺊ ﺣﺎﻓﺔ ﺍﻟﻜﺮﺳﻲ ﺻﺮﺧﺖ ﺑﺼﻮﺕ ﻋﺎﻟﻲ ... ﻭﺣﻀﻨﺘﻪ ﻣﻦ ﺭﮔﺒﺘﻪ ﻭﻃﺎﺣﺖ ﺍﻻﻏﺮﺍﺽ ﻣﻦ ﺍﻳﺪﻱ ﻭﻫﻮ ﺍﺣﺘﻀﻦ ﺧﺼﺮﻱ ﻭﺿﺤﻚ ﻭﺑﻌﺪﻫﺎ ﺑﻌﺪ ﺍﻳﺪﻩ ﺑﺲ ﻣﺎ ﻟﺰﻣﻨﻲ ﺧﻼﻧﻲ ﺍﺗﻠﻮﻟﺢ ﻭﺍﻧﻲ ﻻﺯﻣﻪ ﺑﺮﻛﺒﺘﻪ ﻭﺍﺗﻮﺳﻞ ﺑﻴﻪ ﻳﻠﺰﻣﻨﻲ ﻫﻮ ﺩﻓﻊ ﺍﻟﻜﺮﺳﻲ ﻭﺧﻼﻧﻲ ﻻﺯﻣﻪ ﺑﺮﮔﺒﺘﻪ ﻭﻣﺤﺘﻀﻨﺘﻪ ﺣﻂ ﺍﻳﺪﻩ ﻭﺭﻩ ﺿﻬﺮﻱ ﻭﺷﺎﻟﻨﻲ ﻭﻫﻤﺲ ... ﺍﻧﺤﻜﻤﺘﻲ ﺍﻋﺪﺍﻡ ﺑﺤﻀﻨﻲ ... ﻧﺰﻟﻨﻲ ﻋﻠﺊ ﺍﻟﺴﺮﻳﺮ ﻭﺗﻘﺮﺏ ﻣﻨﻲ ﺑﺤﻘﺎﺭﻩ ﺍﺣﺴﺎﺱ ﺻﻌﺐ ﻭﻣﺬﻝ ﻣﻦ ﺷﺨﺺ ﻳﻬﻴﻨﺞ ﻭﺑﻌﺪﻳﻦ ﻳﻜﻮﻥ ﻭﻳﺎﺝ ﺭﻭﺣﻴﻦ ﺑﺠﺴﺪ ... ﻭﻳﺄﺧﺬ ﻛﻞ ﺷﺊ ﻣﻨﺞ ﺭﻏﻢ ﺭﻓﻀﺞ ﻟﻬﺬﺍ ﺍﻟﺸﺊ ....... ﺍﺳﺘﻔﺎﻗﻴﺖ ﻣﻦ ﺫﺍﻛﺮﺗﻲ ﻋﻠﺊ ﺻﻮﺕ ﺍﻟﻤﺴﺪﺱ ﺍﻟﻲ ﺍﻣﺘﻠﺊ ﺷﺎﺟﻮﺭﻩ ﺑﺎﻟﺮﺻﺎﺹ ... ﻓﺰﻳﺖ ﻭﺯﺣﻔﺖ ﻋﻠﺊ ﺍﻟﺴﺮﻳﺮ .... ﻫﺬﺍ ﺷﺪﻳﺮﻳﺪ ﻳﺴﻮﻭﻱ ... ﻣﻨﻮﻭ ﻳﺮﻳﺪ ﻳﻘﺘﻞ ﺑﺲ ﻻ ﺑﺎﺑﺎ ﺍﻭ ﺍﻫﻠﻲ ... ﻻ ﻭﺍﻟﻠﻪ ﺍﻗﺘﻠﻪ ... ﺗﺮﺉ ﻭﺍﻟﻠﻪ ﺗﺠﺒﺮ ﻫﻮﻭﺍﻳﻪ ﻭﻛﻔﺖ ﺑﻠﻬﻔﻪ ﻭﺻﺎﺭﺕ ﻣﻘﺎﺑﻴﻠﻪ ﻛﺘﻠﻪ ... ﺍﻧﺖ ﺷﺪﺗﺴﻮﻱ ﺍﻟﻤﻦ ﻣﺎﺧﺬ ﻣﺴﺪﺳﻚ ﺍﻧﺖ ﺗﺮﻳﺪ ﺗﻘﺘﻞ ﺍﻫﻠﻲ ... ﺑﺎﻭﻋﻠﻲ ﺑﻨﻈﺮﻩ ﻏﺎﻣﻀﻪ ﻭﮔﺎﻝ ... ﻟﻴﺶ ﺍﻗﺘﻠﻬﻢ ﻛﺘﻠﻪ ﺑﺎﺍﺭﺗﺒﺎﻙ ﻭﺧﻮﻑ ... ﻻﻥ ﺍﻧﺖ ﻣﺘﻬﻤﻬﻢ ﺑﻘﺘﻞ ﻣﻬﺘﺪﺉ ﻛﺎﻝ ﺑﻬﺪﻭﺀ ... ﻟﻴﺶ ﻫﻤﻪ ﻗﺘﻠﻮﻭﻭ ﻛﺘﻠﻪ ﺑﻌﺼﺒﻴﻪ ... ﺍﻧﺖ ﻣﻮ ﺩﻛﻮﻝ ﺑﻌﺪ ﻣﺎﺍﺷﻚ ﺑﻴﺞ ﻭﺍﻟﻠﻪ ﻳﺮﺣﻤﻪ ﻫﺬﺍ ﻳﻮﻣﻪ ﻟﻴﺶ ﺭﺟﻌﺖ ﺗﺘﻬﻢ ﻣﻦ ﺟﺪﻳﺪ ﺍﻧﺖ ﺷﺒﻴﻚ ﻟﻴﺶ ﻣﺘﻘﻠﺐ .... ﻫﻮ ﺩﺍﺭ ﻭﺟﻪ ﻭﺣﻂ ﺍﻟﻤﺴﺪﺱ ﺑﺤﺰﺍﻡ ﺑﻨﻄﻠﻮﻧﻪ ﻭﻟﺒﺲ ﺳﺘﺮﺗﻪ ﻭﺍﺳﺘﺪﺍﺭ ﻭﻃﻠﻊ .... ﺍﻧﻘﻬﺮﺕ ﺣﻴﻴﻞ ﻣﻦ ﺑﺮﻭﺩﻩ ﻭﺗﻄﻨﻴﺸﻪ ﺍﻟﻴﻪ... ﺩﺭﺕ ﻭﺟﻬﻲ ﺍﺩﻭﺭ ﺷﺊ ﺍﺿﺮﺑﻪ ﺑﻴﻪ ﻣﻠﻜﻴﺖ ﺷﺊ ﺑﺲ ﺍﻟﻤﻜﻴﺎﺝ ﻭﺍﻟﺘﺤﻔﻴﺎﺕ ... ﺷﻠﺖ ﻋﻠﺒﺔ ﺍﻟﻔﺮﺵ .. ﻭﺷﻤﺮﺗﻪ ﻋﻠﻴﻪ ﺑﻌﺼﺒﻴﻪ ﺍﺟﺖ ﺑﻀﻬﺮﻩ ﺑﺴﺮﻋﻪ ﺩﺍﺭ ﻭﺟﻪ ﻋﻠﻴﻪ ﻭﻋﻴﻮﻧﻪ ﺗﺠﺪﺡ ﻧﺎﺍﺭ ﺗﻘﺮﺏ ﻣﻨﻲ ﺑﺴﺮﺭﻋﻪ ﻭﺍﻧﻲ ﺭﺟﻌﺖ ﺑﺴﺮﻋﻪ ﺑﺲ ﻫﻮ ﻟﺰﻣﻨﻲ ﻟﺰﻣﻨﻲ ﻣﻦ ﺷﻌﺮﻱ ﺑﺲ ﺑﺨﻔﻴﻒ ﻣﻮ ﺣﻴﻞ ﻭﻗﺮﺏ ﺷﻔﺎﻳﻔﻪ ﻣﻦ ﺍﺫﺍﻧﻲ ﻭﻫﻤﺲ ﻭﻋﻴﻮﻧﻪ ﺟﺎﻧﺖ ﻣﻤﺘﻮﺟﻪ ﻋﻠﻴﻪ .... ﺻﺢ ﺍﺫﻳﺘﺞ ﻭﻧﺪﻣﺖ ﻋﻠﺊ ﻓﻌﺎﻳﻠﻲ ﻭﻳﺎﺝ ﻭﺻﺢ ﺍﺣﺎﻭﻝ ﺍﺳﺘﺮﺿﻴﺞ ﻭﺍﺭﻭﺿﺞ ﻭﺍﻧﻘﻬﺮ ﻋﻠﻴﺞ ﺑﻬﻮﻭﺍﻱ ﺍﻣﻮﺭ ﺑﺲ ﻗﺴﻤﺎ ﺑﺬﺍﺕ ﺍﻟﻠﻪ ﺍﺫﺍ ﺗﺠﺎﻭﺯﺗﻲ ﻣﺮﻩ ﺛﺎﻧﻴﻪ ﻭﺍﺳﺘﺮﺟﻠﺘﻲ ﻋﻠﻴﻪ ﻗﺴﻤﺎ ﺑﺬﺍﺕ ﺍﻟﻠﻪ ﻣﺎﺍﺭﺣﻤﺞ ... ﻣﺎﺍﺭﺟﻊ ﺧﺎﻟﺪ ﺍﻟﻘﺪﻳﻢ ﺑﺲ ﻣﺎﺍﻗﺒﻞ ﺗﺠﺒﺮﻳﻦ ﻣﻔﻬﻮﻡ ﺑﺎﻭﻋﺘﻠﻪ ﺑﺤﻘﺪ ﻭﻛﺘﻠﻪ ﺑﺠﻤﻮﺩ ... ﺧﺎﻟﺪ ﻃﻠﮕﻨﻲ ﻫﻮ ﺿﻞ ﻣﺮﻛﺰ ﺑﻌﻴﻮﻧﻲ ﺍﻧﻲ ﻫﻢ ﺿﻠﻴﺖ ﻣﺮﻛﺰﻩ ﺑﻌﻴﻮﻧﻪ ﺑﺲ ﻣﺎﺍﻋﺮﻑ ﺷﻨﻮ ﺍﻟﻲ ﺻﺎﺭ ﺑﻴﻪ ﺣﻴﻞ ﺧﺠﻠﺖ ﻣﻦ ﻧﻈﺮﺍﺗﻪ ﻭﺍﺣﺲ ﺑﺎﺍﻧﻘﺒﺎﺿﺎﺕ ﺍﺳﻔﻞ ﺑﻄﻨﻲ ... ﻧﺰﻟﺖ ﻋﻴﻮﻧﻲ ﻣﻦ ﻋﻴﻮﻭﻧﻪ ﻭﻛﺴﺮﺕ ﻧﻈﺮﺍﺗﻲ ﻫﻤﺲ ﺑﺨﺒﺚ ... ﻫﻬﻪ ﻻ ﻭﺍﺿﺢ ﻃﻠﻜﺘﺞ ﺗﺮﻛﻨﻲ ﻭﺭﺍﺡ ﻭﺍﻧﻲ ﺭﻛﻀﺖ ﻭﺭﺍﻫﺎ ﻟﺰﻣﺖ ﺍﻳﺪﻩ ﻛﺘﻠﻪ ... ﻻ ﺗﺴﻮﻱ ﺷﺊ ﺍﻟﺒﺎﺑﺎ ﺍﻟﻠﻪ ﻋﻠﻴﻚ ﻛﺎﻝ ﺑﻬﺪﻭﺀ .. ﺍﺫﺍ ﻣﺎﻟﻪ ﺍﻳﺪ ﺍﻛﻴﺪ ﻣﺎ ﺍﺳﻮﻱ ﺷﺊ ﻛﺘﻠﻪ ﺑﺮﺟﺎﺀ ... ﻋﻔﻴﻪ ﺍﻟﺨﺎﻃﺮﻱ ﺗﻨﻬﺪ ﻭﻛﺎﻝ ... ﻭﺍﻟﻠﻪ ﺍﻟﺞ ﺧﺎﻃﺮ ﺑﺲ ﺍﻧﻲ ﺣﻘﻲ ﻻﺯﻡ ﺍﺧﺬﻩ ﻣﻦ ﺣﻠﻚ ﺍﻟﺴﺒﻊ ﺿﻠﺖ ﺭﺟﻠﻴﻪ ﺗﺮﺟﻒ ﻣﻦ ﺍﻟﺨﻮﻭﻑ ﻭﺍﺭﺗﻌﺒﺖ ﻣﻦ ﻛﻼﻣﻪ ﺍﺧﺎﻑ ﻳﺎﺧﺬ ﺑﺎﺑﺎ ﺑﺬﻧﺐ ﻏﻴﻴﺮﻩ ﻣﺜﻞ ﻣﺎ ﺍﺧﺬﻧﻲ ﺑﺬﻧﺐ ﻏﻴﺮﻱ ﻫﻮ ﺣﻴﻞ ﻣﺘﻬﻮﺭ ﻭﻛﻼﻣﻪ ﻳﺪﻝ ﻋﻠﺊ ﺍﻥ ﻫﻮ ﺣﺎﻗﺪ ... ﻟﺰﻣﺖ ﺭﺍﺳﻲ ﻣﻦ ﺍﻟﻮﺟﻊ .. ﺍﺣﺲ ﺭﺍﺳﻲ ﺩﺍﺭ ﻭﺍﺧﺘﻨﻜﺖ ﻫﻮ ﻣﻦ ﺷﺎﻓﻨﻲ ﻫﻴﺞ ﻟﺰﻣﻨﻲ ﻣﻦ ﺍﺩﻳﻪ ﻛﺎﻝ ... ﺍﻫﺪﻱ ﺍﻫﺪﻱ ﻣﺎﻛﻮ ﺷﺊ ﻭﺑﻌﺪﻫﺎ ﻛﺎﻝ ﺑﻌﺼﺒﻴﻪ ... ﺍﻧﺘﻲ ﺷﺒﻴﺞ ﺷﻜﻮﻭ ﺗﻌﻴﺸﻴﻦ ﺍﻟﺤﺎﻟﻪ ﺑﺎﺑﺎ ﺍﻧﻲ ﻋﻨﺪﻱ ﺷﻐﻞ ﻭﻃﺎﻟﻊ ﺷﻜﻮﻭ ﺩﺧﻠﺘﻲ ﺍﺑﻮﺝ ﻭﺍﻫﻠﺞ ﻭﺗﺨﻠﻴﻨﻲ ﻓﻌﻼ ﺍﺷﻚ ﺑﻴﻬﻢ ... ﻛﺘﻠﻪ ﺑﻨﺤﻴﺐ ﻭﺻﻮﺕ ﺗﻌﺒﺎﻥ ... ﺍﻧﺖ ﻛﻼﻣﻚ ﻳﺴﻢ ﺍﻟﺒﺪﻥ ﻭﺍﺧﺎﻑ ﺗﺎﺧﺬ ﺑﺎﺑﺎ ﺑﺬﻧﺐ ﻏﻴﺮﻩ ... ﻣﺜﻞ ﻣﺎ ﺍﺧﺬﺗﻨﻲ ﺑﺬﻧﺐ ﻏﻴﺮﻱ ﻫﻮ ﺍﺑﺘﺴﻢ ﺑﻬﺪﻭﺀ ﻭﻛﺎﻝ ... ﻻ ﺗﺨﺎﻓﻴﻦ ﻣﺎﻛﻮﻭ ﺷﺊ ﻭﺍﻟﻠﻪ ﻣﺎﺍﺿﻠﻤﻜﻢ ﺑﻌﺪ ... ﻛﻌﺪﻧﻲ ﻋﻠﺊ ﺍﻟﺴﺮﻳﺮ ﻭﻃﻠﻊ ﺧﺎﺭﺝ ﺍﻟﻐﺮﻓﻪ ... ﻣﺎﺍ ﺍﻋﺮﻑ ﻟﻴﺶ ﻣﺎ ﺍﺭﺗﺎﺣﻴﺖ ﺍﻟﻪ ﺧﻔﺖ ﺣﺎﻟﺘﻪ ﻣﺘﻄﻤﻦ ﺿﻠﻴﺖ ﺍﺭﻭﺡ ﻭﺍﺟﻲ ﻭﺭﺍﺳﻲ ﻣﻮﺗﻨﻲ ﺍﺣﺲ ﻋﻴﻮﻧﻲ ﺣﺘﻄﻠﻊ ... ﻳﺎﺭﺏ ﺍﺣﻔﻆ ﺍﻫﻠﻲ ﻭﻻ ﺗﺨﻠﻲ ﺧﺎﻟﺪ ﺳﺒﺐ ﺑﺘﺪﻣﻴﺮﻫﻢ ﻳﺎﺍﺭﺏ . ...................................... ﺟﻨﺖ ﺑﻌﺪﻧﻲ ﺑﺒﺪﻟﺘﻲ ﻭﺍﺧﻮﺍﺕ ﻋﻠﻲ ﻳﺮﻛﺼﻦ ﻭﻋﻠﻲ ﻛﺎﻋﺪ ﺑﺼﻔﻲ ﻭﺍﻧﻲ ﻋﺎﻛﺴﻪ ﻧﻔﺴﻲ ﻭﻣﺒﺘﻌﺪﻩ ﻋﻨﻪ ﻭﺣﻴﻞ ﻣﺘﻮﺗﺮﻩ ﻣﻦ ﻭﺟﻮﺩﻩ .... ﻫﻮ ﺟﺎﻥ ﺷﻜﻠﻪ ﺍﻋﺘﻴﺎﺩﻱ ﻋﻨﺪﻩ ﺷﻮﺍﺭﺏ ﻭﺷﻌﺮﻩ ﺧﻔﻴﻒ ﻣﺎﺣﺒﻴﺖ ﺷﻮﺍﺭﺑﻪ ﺍﺣﺴﻬﻦ ﻣﺮﻋﺒﺎﺕ ﻭﻣﻦ ﺳﺎﻟﺖ ﺟﺪﺗﻲ ﻋﻠﺊ ﺷﻮﺍﺭﺑﻪ ﻛﺎﻟﺖ ﺷﺒﻴﺞ ﻫﺬﺍ ﺿﺎﺑﻂ ﻭﻻﺯﻡ ﻋﻨﺪﻩ ﺷﻮﺍﺭﺏ ﺣﺘﺊ ﻳﺨﻮﻑ ﺍﻟﻌﺎﻟﻢ ﻛﺘﻠﻬﺎ ... ﺟﺎﺍﺍ ﺟﺪﻩ ﺍﻧﻲ ﺷﻨﻬﻲ ﺫﻧﺒﻲ ﻳﺮﻋﺒﻨﻲ ﺑﺸﻮﺍﺭﺑﻪ ﺧﻠﻲ ﻳﺰﻳﻨﻬﻦ ﻛﺎﻟﺖ ... ﺍﻧﺠﺒﻲ ﺍﻧﺠﺒﻲ ﺻﺢ ﺍﻟﻬﺎ ﺭﺟﻞ ﺻﺎﺣﺖ ﺍﻋﻮﺝ ﻫﻮ ﻟﻮ ﻳﺪﺭﻱ ﺑﺴﺎﻟﻔﺘﺞ ﻭﻳﻪ ﻏﻴﺲ ﺟﺎﺍ ﺣﺘﺊ ﻣﺎ ﺑﺎﻭﻉ ﺑﺠﻬﺮﺗﺞ ﺑﻴﻮﻣﻬﺎ ﺳﻜﺘﺘﻨﻲ ﻭﺫﻛﺮﺗﻨﻲ ﺑﻘﻴﺲ ﺍﻟﻨﺬﻝ ﻭﺧﻠﺘﻨﻲ ﻛﺮﻫﺖ ﺭﻭﺣﻲ ... ﺍﻧﺘﺒﻬﺖ ﻋﻠﺊ ﻫﻤﺴﺎﺗﻪ ﻣﻦ ﻛﺎﻝ .. ﺳﺤﺮ ﺍﻟﻴﻮﻡ ﺑﺎﻟﻴﻞ ﺍﺟﻲ ﺍﻛﻌﺪ ﻭﻳﺎﺝ ﺍﻭﻙ ﺍﻧﻪ ﺧﻔﺖ ﻭﺑﺴﺮﻋﻪ ﻛﺘﻠﻪ ... ﻻ ﻻ ﺍﻧﻪ ﺍﻟﻴﻮﻡ ﺗﻌﺒﺎﻧﻪ ﻭﺭﺍﺳﻲ ﻳﻮﺟﻌﻨﻲ ﺧﻠﻴﻬﺎ ﻏﻴﺮ ﻣﺮﻩ ﻫﻮ ﺿﺎﺝ ﻭﺳﻜﺖ ﻭﺑﻌﺪ ﺍﺻﻼ ﻣﺎ ﺍﻫﺘﻢ ﺍﻟﻮﺟﻮﺩﻱ ... ﺍﺣﺴﻦ ﺧﻠﻲ ﻳﻔﻜﻨﻪ ﺍﺣﺲ ﻣﺎ ﻣﺘﻘﺒﻠﺘﻪ .... ﺍﺟﺖ ﻋﺬﺭﺍﺀ ﻭﻛﻔﺖ ﻳﻤﻪ ﻛﻠﺘﻠﻪ ... ﺑﺎﻟﺨﻴﺮ ﻭﺍﻟﻌﺎﻓﻴﻪ ﺍﻥ ﺷﺎﺀ ﻟﻠﻪ ﻳﻮﻡ ﻋﺮﺳﻚ ﻭﻟﻮﻭ ﻣﺘﺴﺘﺎﻫﻞ ﺑﺲ ﻣﻴﺨﺎﻟﻒ ﻫﻮ ﺿﺤﻚ ﻛﻠﻬﺎ ... ﺍﻥ ﺷﺎﺀ ﺍﻟﻠﻪ ﻳﻮﻡ ﺍﻟﺞ ﺧﺎﻟﻪ ﻋﺬﺭﺍﺀ ... ﻣﻦ ﻛﻠﺖ ﺧﺎﻟﻪ ﺍﺋﻴﺴﺖ ﻣﻨﻚ ... ﺍﻛﻠﻚ ﻋﻼﻭﻱ ﻭﻳﻦ ﻣﻜﺎﻧﻚ ﺑﺎﻟﻀﺒﻂ ﺑﺸﻐﻠﻚ ﻫﻮ ﺿﺤﻚ ﻛﻠﻬﺎ ... ﺑﺎﻟﻨﺠﻒ ﺿﺤﻜﺖ ﻭﺿﻠﺖ ﺗﺒﺎﻭﻉ ﻋﻠﻴﻪ ﻫﻮ ﺟﺎﻥ ﻻﺑﺲ ﺑﻨﻄﺮﻭﻥ ﺯﻳﺘﻮﻧﻲ ﻭﻗﻤﻴﺺ ﺍﺑﻴﺾ ﻭﺳﺘﺮﻩ ﺳﻮﺩﻩ ... ﻟﺰﻣﺖ ﺳﺘﺮﺗﻪ ﻛﻠﺘﻠﻪ .. ﻭﻟﻚ ﻋﻠﻴﻮﻱ ﻫﺎﻱ ﺍﻟﺴﺘﺮﻩ ﻣﻦ ﻳﺎ ﺟﺜﻪ ﺧﺎﻣﻄﻬﺎ ... ﻛﻠﻬﺎ ... ﻣﻦ ﺟﺜﺖ ﺍﺑﻮﺝ ﻫﻮ ﺟﺎﻥ ﻻﺑﺲ ﻣﺤﺒﺲ ﺍﺳﻮﺩ ﻭﺑﻲ ﺷﺮﺥ ﺭﺻﺎﺻﻲ ﺑﺎﻭﻋﺖ ﻋﻠﻴﻪ ﻭﻛﻠﺘﻠﻪ ... ﻓﺪﻭﻩ ﻋﻼﻭﻱ ﺍﻧﻄﻴﻨﻲ ﻣﺤﺒﺴﻚ ﻫﺬﺍ ﻣﺪﺭﻱ ﻣﻦ ﻳﺎﺟﺜﻪ ﺧﻤﻄﺘﻪ ﺑﺲ ﻣﺒﻴﻦ ﺻﺎﺣﻲ ... ﻓﺪﻭﻩ ﺑﺲ ﺍﻧﺨﻄﺐ ﺍﺭﺟﻌﻪ ﺍﻟﻚ ﻫﻮ ﻧﺰﻋﻪ ﻭﻫﻮ ﻳﻀﺤﻚ ﻭﺍﻧﻄﺎﻩ ﺍﻟﻬﺎ .... ﻭﻫﻲ ﻟﺒﺴﺘﻪ ﻭﺿﻠﺖ ﺗﻔﺘﺮ ﺿﺤﻜﺖ ﻋﻠﻴﻬﺎ ﻛﺘﻠﻪ ﺑﻬﻤﺲ .. ﻋﺬﺭﺍﺀ ﺣﺒﺎﺑﻪ ﺑﺲ ﺷﻮﻳﻪ ﺟﻨﻬﺎ ﻣﺨﺒﻠﻪ ﻫﻮ ﺭﻓﻊ ﺣﺎﺟﺐ ﻛﺎﻝ ... ﻻ ﻻ ﺧﺎﻟﺘﻲ ﻣﺎﺍﻗﺒﻞ ﺗﺤﺠﻴﻦ ﻋﻠﻴﻬﺎ ﻧﺰﻟﺖ ﺭﺍﺳﻲ ﺑﻔﺸﻠﻪ ﻭﻋﻀﻴﺖ ﺷﻔﺘﻲ ﺑﺨﺠﻞ ﻛﺎﻝ ... ﻻ ﻋﺬﺭﺍﺀ ﺗﺤﺐ ﺗﺸﺎﻗﻪ ﺑﺲ ﻫﻲ ﺫﻫﺐ ﻭﺍﻟﻠﻪ ﻛﺘﻠﻪ ﺑﺨﺠﻞ ... ﺍﻱ ﻭﺍﻟﻠﻪ ﺍﻥ ﺷﺎﺀ ﻟﻠﻪ ﺗﻠﻜﻪ ﺍﺑﻦ ﺍﻟﺤﻼﻝ ﺍﻟﻲ ﻳﺴﻌﺪﻫﺎ ﻛﺎﻝ ﺑﺎﺍﺳﺘﻬﺰﺍﺀ .. ﺍﺑﻦ ﺍﻟﺤﻼﻝ ﻣﻦ ﻳﺎﺧﺬ ﻋﺬﻳﺮﻩ ﻳﺼﻴﺮ ﺍﺑﻦ ﺣﺮﺍﻡ ﺍﻟﻠﻪ ﻭﻛﻴﻠﺞ ... ﺑﻌﺪﻫﺎ ﺧﻠﻮﻭ ﻭﺭﺍﺣﻮ ﻫﻮ ﺍﻧﻄﺎﻧﻲ ﻣﺼﺮﻑ ﻭﻛﺎﻝ ﺍﺷﺘﺮﻳﻠﺞ ﻣﻮﺑﺎﻳﻞ ﺣﺘﺊ ﻧﺘﻮﺍﺻﻞ ﻭﺍﻧﻲ ﻛﺘﻠﻪ ... ﻻ ﻻ ﻣﺎﺍﺣﺐ ﺍﻟﻤﻮﺑﺎﻳﻞ ﻣﺎﺍﻋﺮﻑ ﻟﻴﺶ ﻣﺠﻨﺖ ﺣﺎﺑﻪ ﺍﺗﻮﺍﺻﻞ ﻭﻳﺎﻩ ﻫﻮ ﺗﻨﻬﺪ ﻭﺻﺎﺡ ﻋﻠﺊ ﻋﺬﺭﺍﺀ ﺍﺧﺬ ﻣﺤﺒﺴﻪ ﻭﻃﻠﻊ ... ﻭﻛﻞ ﺑﺎﺭﻛﻠﻲ . ﻭﻃﻠﻌﻮﻭ .... ﺭﺣﺖ ﻟﻠﻐﺮﻓﻪ ﻟﺒﻴﻬﺎ ﺍﻧﻲ ﻭﺟﺪﺗﻲ ﺻﺤﺖ ﻋﻠﺊ ﺍﺧﺘﻬﻢ ﻓﺘﺤﺖ ﺍﻟﺒﺪﻟﻪ ﻭﺭﺣﺖ ﻓﺘﺤﺖ ﺍﻟﺘﺴﺮﻳﺤﻪ ﺭﺣﺖ ﺳﺒﺤﺖ ﻭﺩﺧﻠﺖ ﺑﻨﻮﺑﺔ ﺑﻜﺎﺀ ﻣﺎﺍﻋﺮﻑ ﻟﻴﺶ ﻣﺘﻮﺗﺮﻩ ﻭﺧﺎﻳﻔﻪ ﻭﻣﺰﻋﻮﺟﻪ ﻣﺎﺍﺭﻳﺪ ﺍﺗﺰﻭﺝ ﺍﺣﺲ ﻣﻤﺴﺘﻌﺪﻩ ... ﺍﺧﺬﺕ ﻣﻮﺑﺎﻳﻞ ﺑﻴﺒﻲ ﻭﻛﻌﺪﺕ ﺍﻟﻌﺐ ﺩﻭﺩﻩ ﻟﻌﺒﻪ ﺭﻏﻢ ﺑﺴﻴﻄﻪ ﺑﺲ ﺍﺣﺒﻬﺎ ﺟﻨﺖ ﺍﻟﻌﺐ ﺑﻴﻬﺎ ﺣﺘﺊ ﺍﻧﺴﻪ ﺷﻮﻭﻳﻪ ﺑﻌﺪﻫﺎ ﺭﺣﺖ ﺍﺷﻮﻑ ﺑﻴﺒﻲ ﻋﺪﻟﺖ ﺣﺠﺎﺑﻲ ﻭﻃﻠﻌﺖ ... ﻭﻣﺮﺗﻀﺊ ﻃﻠﻊ ﻣﻦ ﻏﺮﻓﺘﻪ ﺭﺩﺕ ﺍﺭﺟﻊ ﺑﺲ ﻓﺸﻠﺖ ﻣﺎﺍﻛﻤﻞ ﻃﺮﻳﻘﻲ ﻫﻮ ﺑﺎﻭﻋﻠﻲ ﺑﻌﺘﺐ ﻭﻛﺎﻝ ﺑﻐﺼﻪ ... ﻣﺒﺮﻭﻙ ﺳﺤﺮ ﺷﺎﻳﻔﻪ ﻛﻞ ﺍﻟﺨﻴﺮ ﻟﻤﻌﺖ ﺍﻟﺪﻣﻌﻪ ﺑﻌﻴﻮﻧﻲ ﺍﻟﻮﺣﻴﺪ ﻣﺮﺗﻀﺊ ﺍﻟﻲ ﺍﺣﺴﻪ ﻋﻔﻮﻱ ﻭﺍﺣﺲ ﺑﺄﻣﺎﻥ ﻭﻳﺎﻩ ﺑﺲ ﻫﻮ ﻏﺪﺭﻧﻲ ﻣﺎ ﺍﻋﺮﻑ ﺣﻀﻲ ﺍﻟﻌﺎﺛﺮ ﻫﻮ ﺍﻟﻲ ﻏﺪﺭﻧﻲ ... ﻛﺘﻠﻪ ﺑﺤﺰﻥ ... ﺷﻜﺮﺍ ﺗﺴﻠﻢ ﻛﺎﻝ ﺑﻬﺪﻭﺀ ... ﻣﺠﺎﻥ ﻻﺯﻡ ﺗﺰﻭﺟﻴﻦ ﻋﻠﻲ ﻻﻥ ﺗﻘﺮﺑﺘﻲ ﻣﻨﻲ ﺍﻛﺜﺮ ﻣﺎﺍﺭﻳﺪ ﺍﺣﺠﻲ ﺍﻛﺜﺮ ﻣﻦ ﻫﻴﺞ ﻛﺘﻠﻪ ﺑﺘﻮﺗﺮ ﺑﻌﺪ ﻣﺎ ﺑﻠﻌﺖ ﺭﻳﻘﻲ ... ﻭﺍﻧﻲ ﻫﻢ ﻣﺠﻨﺖ ﺭﺍﻳﺪﻩ ﺍﻛﻮﻥ ﻗﺮﻳﺒﻪ ﻣﻨﻜﻢ ﺑﺲ ﻫﺬﻱ ﻗﺴﻤﺘﻲ ﻭﺍﻟﺤﻤﺪﻟﻠﻪ ﻋﻠﺊ ﻛﻞ ﺣﺎﻝ ﺷﻔﺖ ﺭﺍﻧﻴﺎ ﻃﻠﻌﺖ ﻣﻦ ﺍﻟﻤﻄﺒﺦ ﻭﺭﺟﻌﺖ ﺩﺧﻠﺖ ﺧﻔﺖ ﺣﻴﻞ ﺗﺸﻚ ﺍﻛﻮﻭ ﺷﺊ ﻛﺘﻠﻪ ... ﻣﺮﺗﻀﺊ ﺍﻟﻠﻪ ﻭﻳﺎﻙ ﻛﺎﻝ .. ﺍﻟﻠﻪ ﻭﻳﺎﺝ ﺍﻧﺘﻲ ﺯﻭﺟﺔ ﺍﺑﻦ ﺍﺧﺘﻲ ﻭﺍﻥ ﺷﺎﺀ ﺍﻟﻠﻪ ﺍﺧﺘﻲ ﺭﺑﻲ ﻳﺴﻌﺪﺝ ﻛﺘﻠﻪ .. ﺷﻜﺮﺍ ﻭﺗﺮﻛﺘﻪ ﻭﺭﺣﺖ ﺿﻠﻴﺖ ﺍﺑﺠﻲ ﺑﻨﺤﻴﺐ ﻋﻠﺊ ﺣﻀﻲ ﺍﻟﻤﺰﻓﺖ ﺳﻤﻌﺖ ﺭﻧﻪ ﻣﻮﺑﺎﻳﻞ ﺟﺪﺗﻲ ﺭﻗﻢ ﻏﺮﻳﺐ ﻣﺎﺭﺩﻳﺖ ﻋﻠﻴﻪ ﺭﺟﻊ ﻳﺮﻥ ﺍﻛﺜﺮ ﻣﻦ ﻣﺮﻩ ﻓﺘﺤﺖ ﺧﻂ ﻭﻛﻠﺖ ... ﺍﻟﻮﻭﻭ ﻭﺍﻧﺼﺪﻣﺖ ﻣﻦ ﺍﻟﺼﻮﻭﺕ ﺍﻟﺴﻤﻌﺘﻪ ﺍﺣﻘﺮ ﺧﻠﻖ ﺍﻟﻠﻪ ﻛﺎﻝ ﺑﺤﻘﺎﺭﻩ ... ﻫﻼ ﺑﺎﻟﻲ ﺗﻮﻧﺴﻨﻲ ﺍﻭﻭﻭﻑ ﺷﻜﺪ ﻧﻤﺖ ﻭﻳﻪ ﻧﺴﻮﺍﻥ ﺑﺲ ﻣﺜﻠﺞ ﻣﺎ ﺷﻔﺖ ﻗﻔﻠﺖ ﺍﻟﻤﻮﺑﺎﻳﻞ ﺑﺴﺮﻋﻪ ﻭﺟﺴﻤﻲ ﻛﻠﻪ ﻳﺮﺟﻒ ﻭﻛﻠﺒﻲ ﻳﺪﻙ ﺳﺮﻳﻊ ﺑﺠﻴﺖ ﺑﺼﻤﺖ ﻭﻟﻔﻴﺖ ﻧﻔﺴﻲ ﺑﺎﻟﺒﻄﺎﻧﻴﻪ ﻭﺍﻧﺤﺐ ﺑﺼﻮﺕ ﻳﻜﻄﻊ ﺍﻟﻜﻠﺐ ... ﺍﻟﻜﻠﺐ ﺭﺟﻊ ﻋﻠﻴﻪ ﺷﺴﻮﻱ ﻳﺎﺭﺑﻲ ﺍﻧﺖ ﺍﻟﻤﻌﻴﻦ ﻻ ﺗﺨﻠﻲ ﻫﻞ ﻧﺬﻝ ﻳﺬﻟﻨﻲ ﺍﻛﺜﺮ ﻣﻦ ﻫﻴﻴﻴﺞ ... ﺷﻠﻮﻥ ﻭﺭﻃﻪ ﺷﻠﻮﻥ ﺍﺫﺍ ﻋﺮﻑ ﺍﻧﺨﻄﺒﺖ ﻳﺎﺭﺑﻲ ﺳﺘﺮﻙ ﻣﺎﺍﺭﻳﺪ ﻣﺸﺎﻛﻞ ... ................................... ﺟﻨﺖ ﻛﺎﻋﺪﻩ ﺑﺎﻟﻤﻄﺒﺦ ﺍﺑﺪ ﻣﺼﻌﺪﺕ ﺍﻟﻐﺮﻓﺘﻲ ﻫﺎﻱ ﻣﻮ ﻋﻴﺸﻪ ﻫﺎﻱ ﺍﻧﺘﻘﺎﻡ ﻫﻮ ﺯﻋﻠﻨﻲ ﻭﻣﺎ ﺭﺍﺿﺎﻧﻲ ﺩﺍ ﺍﻗﺎﺭﻥ ﺑﻴﻨﻪ ﻭﺑﻴﻦ ﻣﻬﺘﺪﺉ ﺍﻟﻠﻪ ﻳﺮﺣﻤﻪ ﻣﺎﻛﻮﻭ ﺍﻱ ﺗﻘﺎﺭﺏ ﺑﻴﻨﻬﻢ ... ﺟﻨﺖ ﻣﻦ ﺍﺯﻋﻞ ﺍﻗﻔﻞ ﺍﻟﻤﻮﺑﺎﻳﻞ ﻋﻠﻴﻪ ﺍﻟﮕﺎﻩ ﺣﺎﺭﻙ ﺍﻟﻤﻮﺑﺎﻳﻞ ﺣﺮﻙ ﺑﺎﻻﺗﺼﺎﻻﺕ ﻭﻣﺎﺍﺭﺩ ﻋﻠﻴﻪ ﻳﺮﺟﻊ ﻳﺨﺎﺑﺮ ﻋﻠﺊ ﺍﻣﻲ ﻭﻋﻠﺊ ﺩﺍﻧﻴﺎ ﺑﺲ ﻛﻮﻥ ﺍﺣﺠﻲ ﻭﻳﺎﻫﺎ ﻭﻣﺮﻩ ﺯﻋﻠﺖ ﻭﻳﺎﻩ ﻭﻗﻔﻠﺖ ﻣﻮﺑﺎﻳﻠﻲ ﻋﻠﻴﻪ ﻭﺑﻌﺪﻳﻦ ﻓﺘﺤﺘﻪ ﻟﻜﻴﺖ ﻋﺪﺩ ﻛﺒﻴﺮ ﻣﻦ ﺍﻟﺮﺳﺎﺋﻞ ﻭﺍﻻﺗﺼﺎﻻﺕ ﻭﺑﻌﺪﻫﺎ ﺍﺗﺼﻞ ﺍﻧﻄﻴﺘﻪ ﻟﻤﺎﻣﺎ ﺣﺠﺖ ﻭﻳﺎﻫﺎ ﺑﺲ ﻛﻠﺘﻠﻪ ﺍﻟﻮﻭ ﻭﻫﻮ ﺣﺠﻪ ﺑﻠﻬﻔﻪ ﺧﻄﻴﻪ ... ﺍﻟﻮﻭ ﻫﺎﺍﺍ ﺣﺒﻲ ﺭﺍﺍﻧﻴﺎ ﻭﺍﻟﻠﻪ ﺍﻣﻮﺕ ﻋﻠﻴﺞ ﻣﺎ ﻳﻬﻮﻥ ﻋﻠﻴﻪ ﺯﻋﻠﺞ ﻻ ﺗﺨﻠﻴﻨﻲ ﺍﻛﺘﻞ ﺭﻭﺣﻲ ﻭﺍﻟﻠﻪ ﻣﺎﻣﺎ ﺿﺤﻜﺖ ﻛﻠﺘﻠﻪ ﺍﻧﻲ ﺍﻡ ﺭﺍﻧﻴﺎ ﻫﺎﻱ ﺭﺍﻧﻴﺎ ﻫﻮ ﺧﺠﻞ ﺣﻴﻞ ﻭﺑﻌﺪﻫﺎ ﺣﺠﻴﺖ ﻭﻳﺎﻫﺎ ﻭﺿﻠﻴﺖ ﺍﺑﺠﻲ ﺍﺗﺨﺒﻞ ﺍﺟﻪ ﻟﻠﺒﻴﺖ ﻭﺭﺍﺿﺎﻧﻲ ﻭﺍﺧﺬﻧﻲ ﺍﻻﺭﻗﺊ ﻣﻄﻌﻢ ﺑﺲ ﻣﺎﺍﻋﺮﻑ ﻟﻴﺶ ﻭﺷﻨﻮ ﺍﻟﺤﻜﻤﻪ ﻣﻦ ﻣﻮﺗﻪ ﻛﻮﻭﻭﻟﺶ ﺟﺎﻱ ﺍﺗﻌﺐ ﺑﺎﻟﺘﻔﻜﻴﺮ ﻟﻴﺶ ﻣﺎﺕ ﻟﻴﺶ ﻫﻮ ﺑﺎﻟﺬﺍﺕ ﺍﻟﻜﻞ ﺍﺗﺌﺬﺉ ﺑﻤﻮﺗﻪ ﻣﻮ ﺑﺲ ﺍﻧﻲ ﺍﻟﻜﻞ ﺩﺍﻧﻴﻪ ﻭﺧﺎﻟﺪ .. ﻭﻣﺮﺗﻀﺊ ﻭﺳﺤﺮ ... ﻭﻣﺎﻣﺎ ﻭﺑﺎﺑﺎ ... ﻭﺍﻫﻠﻪ ... ﻭﺍﻧﻲ ﻭﻃﻔﻠﻲ ﺍﻟﻜﻞ ﺗﺎﺫﻳﻨﻪ ﻫﻮ ﻣﺎﺕ ﻳﻤﻜﻦ ﺍﺭﺗﺎﺡ ﻟﻜﻦ ﺍﺣﻨﻪ ﺩﻧﻌﺎﻧﻲ ﻭﺍﻟﻠﻪ ﺍﺗﻤﻨﺊ ﺍﻣﻮﻭﺕ ﺑﺲ ﻃﻔﻠﻲ ﻣﺴﻜﻴﻦ ﻣﻨﻮ ﺍﻟﻪ .... ﻃﻠﻌﺖ ﻣﻦ ﺍﻟﻤﻄﺒﺦ ﺷﺎﻳﻠﻪ ﻃﻔﻠﻲ ﻫﺰﻧﻲ ﺍﻟﻤﺸﻬﺪ ﺍﻟﻲ ﺷﻔﺘﻪ ﺳﺤﺮ ﻣﺮﺗﻀﺊ ﻭﺍﻛﻔﻴﻦ ﻣﺎﺍﻋﺮﻑ ﺷﻨﻮ ﻳﺤﺠﻮﻥ ﺣﻴﻞ ﺍﻧﻘﻬﺮﺕ ﻭﺭﺟﻌﺖ ﻟﻠﻤﻄﺒﺦ ﺣﺴﻴﺖ ﺑﺎﺍﻫﺎﻧﻪ ﻟﺬﺍﺗﻲ ﻫﻲ ﺍﻧﺨﻄﺒﺖ ﻭﻫﻮ ﻣﺘﺰﻭﺝ ﻣﺎﻛﻮﻭ ﺩﺍﻋﻲ ﻟﻬﺎﻱ ﺍﻟﺴﻮﺍﻟﻒ ... ﺣﻀﻨﺖ ﺍﺑﻨﻲ ﻭﺍﻟﺤﺴﺮﻩ ﺗﺎﻛﻞ ﺑﻜﻠﺒﻲ .... ﺳﻜﺘﺖ ﻗﺮﺭﺕ ﺍﺣﺠﻲ ﻭﻳﻪ ﺑﺎﺑﺎ ﻻﻥ ﺍﻧﻲ ﻣﺎﺍﺭﻳﺪ ﺍﺿﻞ ﻫﻨﺎ ﺑﻴﻦ ﺭﺟﺎﻝ ﻣﻴﺤﺘﺮﻡ ﻭﻣﻴﻘﺪﺭ ﻭﻛﻠﺒﻪ ﻣﻮ ﺍﻟﻲ ... ﺩﺧﻞ ﻋﻤﺎﺭ ﻭﻛﺎﻝ ... ﻫﻼ ﺑﺎﻟﻐﺎﻟﻲ،ﻓﺎﺩﻱ ﻭﺍﻣﻪ ﺍﺑﺘﺴﻤﺖ ﺑﺤﺰﻥ ﻭﺳﻜﺘﺖ ﻫﻮ ﺍﺧﺬﻩ ﻣﻨﻲ ﻭﺑﺎﺳﻪ ﻭﻛﻌﺪ ﻋﻠﺊ ﺍﻟﻜﺮﺳﻲ ﻛﺎﻝ ... ﺭﺍﻧﻴﺎ ﺳﻮﻳﻠﻲ ﺟﺎﻱ ﻛﺘﻠﻪ ... ﺍﻱ ﺍﺩﻟﻞ ﻛﻤﺖ ﻭﺍﺣﺲ ﺑﻨﻈﺮﺍﺗﻪ ﺗﻼﺣﻜﻨﻲ ... ﺳﻮﻳﺖ ﺟﺎﻱ ﻭﺍﻧﻄﻴﺘﻪ ﺍﻟﻪ ﻛﺎﻝ ﺑﻬﺪﻭﺀ ... ﺭﺍﻧﻴﻪ ﺍﻧﺘﻲ ﻣﺜﻘﻔﻪ ﻭﻭﺍﻋﻴﻪ ﻭﻣﺘﺨﺮﺟﻪ ﻳﻌﻨﻲ ﺷﻜﻮﻭ ﺭﺍﺿﻴﻪ ﺑﻤﺮﺗﻀﺊ ﻭﺍﻧﺘﻲ ﺗﻜﺪﺭﻳﻦ ﺗﺮﺑﻴﻦ ﺍﺑﻨﺞ ... ﻛﺘﻠﻪ ... ﻋﻮﺩ ﻣﺎﺭﺩﺕ ﺍﺑﻨﻲ ﻳﻌﻴﺶ ﻣﺬﻟﻮﻝ ﻭﺣﻴﺪ ﺭﺩﺗﻪ ﻳﻌﻴﺶ ﺑﻴﻦ ﻋﻤﺎﻣﻪ ﻭﻣﺎﺭﺩﺕ ﺍﻟﻨﺎﺱ ﺗﻌﻴﺮﻩ ﺑﺎﻣﻪ ﺑﺲ ﻣﺮﺗﻀﻰ ﻫﻢ ﺯﻳﻦ ﻭﻫﻢ ﺻﻌﺒﻪ ﻋﻠﻴﻪ ﻳﺘﻘﺒﻠﻨﻲ ﺍﻥ ﺷﺎﺀ ﺍﻟﻠﻪ ﺗﻨﺤﻞ ﺍﻣﻮﺭﻧﻪ ... ﻛﺎﻝ ... ﻟﻴﺶ ﺻﻌﺒﻪ ﻋﻠﻴﻪ ﺗﺮﺉ ﻋﺎﺩﻱ ﻫﻮ ﻣﻬﺘﺪﺉ ﻣﺎﺕ ﺍﻟﻠﻪ ﻳﺮﺣﻤﻪ ﻭﺍﻟﻠﻪ ﻟﻮ ﺍﻧﻲ ﺟﺎﻥ ﺩﻟﻠﺘﺞ ﺩﻻﻝ ﻛﻮﻟﺶ ﻧﺮﻓﺰﻧﻲ ﺑﻜﻼﻣﻪ ﻭﻧﻈﺮﺍﺗﻪ ﺗﺮﺧﺼﺖ ﻣﻨﻪ ﻭﻃﻠﻌﺖ ﺗﺮﻛﺘﻪ ﻭﺷﻠﺖ ﺍﺑﻨﻲ ﻭﺭﺣﺖ ﻟﻐﺮﻓﺘﻲ ... ﻣﺠﻨﺖ ﻧﺎﻭﻳﻪ ﺍﺭﻭﺡ ﻟﻠﻐﺮﻓﺘﻪ ... ﺩﺧﻠﺖ ﺷﻔﺘﻪ ﻧﺎﻳﻢ ﻋﻠﺊ ﺑﻄﻨﻪ ﻫﺎﻱ ﻋﺎﺩﺗﻪ ﻣﻦ ﻳﻀﻮﺝ ... ﺿﻠﻴﺖ ﻛﺎﻋﺪﻩ ﻭﻫﻮ ﻣﺎ ﺣﺮﻙ ﺳﺎﻛﻦ ﺑﻠﻌﺖ ﺭﻳﮕﻲ .. ﺷﻠﺖ ﻓﺎﺩﻱ ﻭﻃﻠﻌﺖ ﻫﻮ ﺻﺎﺡ .... ﻭﻳﻦ ﺭﺍﻳﺤﻪ ﻛﺘﻠﻪ ﺑﻬﺪﻭﺀ ... ﻟﺪﺍﻧﻴﺎ ﻫﻮ ﺳﻜﺖ .... ﺻﻌﺪﺕ ﺍﻟﺪﺍﻧﻴﺎ ﺩﻛﻴﺖ ﺍﻟﺒﺎﺏ ﺍﺗﻤﻨﻴﺖ ﻣﺎ ﺍﻟﻜﻪ ﺧﺎﻟﺪ ﺩﻛﻴﺖ ﺍﻟﺒﺎﺏ ﺷﻮﻳﻪ ﻭﻓﺘﺤﺖ ﺩﺍﻧﻴﺎ ﻟﺒﺎﺏ ﻛﺎﻟﺖ ﺑﺎﺍﺳﺘﻐﺮﺍﺏ ... ﻫﺎﺍﺍ ﺭﺍﻧﻴﺎ ﺷﻜﻮﻭ ﺟﻨﺖ ﻧﺎﻳﻤﻪ ﻭﺍﻧﺪﻙ ﺍﻟﺒﺎﺏ ﻓﺘﺤﺘﻪ ﻟﻜﻴﺘﻬﺎ ﺭﺍﻧﻴﻪ ﺧﻄﻴﻪ ﺿﺎﻳﺠﻪ ﺩﺧﻠﺘﻬﺎ ﻛﺎﻟﺖ ﺑﺘﻮﺗﺮ ... ﺧﺎﻟﺪ ﻭﻳﻦ ﻛﻠﺘﻠﻬﺎ ... ﻛﺎﻟﻌﺎﺩﻩ ﺩﺍﻳﺢ ﻣﻨﻮ ﻳﻔﺮ ﺍﻟﺸﺎﺭﻉ ﻏﻴﺮﻩ ﻭﻳﺘﻔﻘﺪ ﺍﺣﻮﺍﻝ ﺍﻟﺮﻋﻴﻪ ..... ﺿﺤﻜﺖ ﻛﺎﻟﺖ ... ﺩﺍﻳﺢ ﻭﻻ ﻣﺰﻋﺞ ﻛﻠﺘﻠﻬﺎ ... ﻻ ﻻ ﺯﻭﺟﻲ ﺍﻟﻤﺤﺘﺮﻡ ﻛﻠﻬﻦ ﺟﺎﻣﻌﻬﻦ ... ﻧﻮﻣﺖ ﻓﺎﺩﻱ ﻋﻠﺊ ﺍﻟﺴﺮﻳﺮ ﻭﺿﺤﻜﺖ ﻛﺎﻟﺖ ... ﺗﺤﺒﻴﻨﻪ ﻛﻠﺘﻠﻬﺎ ﺑﺎﺍﺳﺘﻬﺰﺍﺀ .. ﺍﻣﻮﻭﺕ ﻋﻠﻴﻪ . ﻣﻦ ﻛﺜﺮ ﻣﺎﺍﺣﺒﻪ ﺍﺳﺘﺸﻬﺪﺕ ﺑﺤﺒﻪ ... ﺭﺍﻧﻴﻪ .... ﻫﻬﻬﻬﻬﻬﻬﻬﻬﻪ ﻃﻴﺢ ﺍﻟﻠﻪ ﺣﻈﺞ ﻛﻠﺘﻠﻬﺎ ... ﻭﺍﻟﻠﻪ ﺑﻄﺮﺍﻧﻪ ﺍﻧﺘﻲ ﺿﻠﻴﻨﻪ ﻧﺴﻮﻟﻒ ﻭﺣﺪﻩ ﺗﺴﻮﻟﻒ ﻟﻠﺜﺎﻧﻴﻪ ﻋﻦ ﻣﺌﺴﺎﺗﻬﺎ ﻭﺑﻌﺪﻫﺎ ﻧﻤﺖ ﺑﺤﻈﻦ ﺭﺍﻧﻴﻪ .... ﻭﺍﻟﻤﻌﺪﻝ ﻣﺪﺭﻱ ﻭﻳﻦ ﻃﺲ ﻣﻦ ﺍﻟﻌﺼﺮ ﻟﺜﺎﻧﻲ ﻳﻮﻡ ﻭﺍﻣﻪ ﺧﺎﺑﺮﺗﻪ ﻛﻠﻬﺎ ﻳﻢ ﻭﻟﺪ ﺻﺪﻳﻘﻲ ﻫﻬﻬﻬﻬﻬﻬﻬﻬﻬﻪ ﺍﻧﻮﺏ ﻳﺮﻳﺪ ﺫﺭﻳﻪ ﺻﺎﻟﺤﻪ ﺍﺧﺎﻑ ﺫﺭﻳﻪ ﺩﺍﻳﺤﻪ ﻋﻠﺊ ﺍﺑﻮﻫﻢ .... .................................. ﻣﻦ ﺍﻭﻝ ﻣﺎ ﻃﻠﻊ ﻣﻦ ﺑﺎﺏ ﺑﻴﺘﻬﻢ ﺭﻛﺐ ﺳﻴﺎﺭﺗﻪ ﺑﺴﺮﻋﻪ ﻭﺳﺎﻕ ﺑﺴﺮﻋﻪ ﺟﻨﻮﻧﻴﺔ ﺍﺗﺼﻞ ﻋﻠﻰ ﺻﺪﻳﻘﻪ ﺍﺑﻮ ﻟﻬﺐ ... ﺧﺎﻟﺪ ... ﺍﻟﻮﻭ ﺑﺸﻴﺮ ﺗﻌﺎﻝ ﻳﻢ ﺍﻟﻔﻠﻜﻪ ﺍﻭﻙ ﺑﺸﻴﺮ ... ﺍﻫﻮﻭ ﺑﺲ ﻻ ﺗﺎﺧﺬﻧﻪ ﻟﻠﻤﻠﻬﺊ ﺧﺎﻟﺪ ﺑﺪﻭﻥ ﻧﻔﺲ ... ﻣﻠﻬﺊ ﺷﻨﻮ ﻟﻚ ﺗﻌﺎﻝ ﻳﺎﻟﺸﻴﺦ ﺍﺑﻮ ﻟﻬﺐ ... ﻣﺎﺍﺟﻲ ﻛﺘﻠﻚ ﺧﻠﻲ ﺍﻋﻘﺪ ﻻﺑﻦ ﺍﺧﺘﻚ ﻣﺎ ﻗﺒﻠﺖ ﺧﺎﻟﺪ ... ﻫﺴﻪ ﻏﻴﺮ ﻳﺨﻒ ﻋﻠﻴﻨﻪ ﺍﻟﺸﻴﺦ ﺗﻌﺎﻝ ﻭﻟﻚ ﺷﻠﻮﻥ ﻟﻜﻴﺘﻠﻚ ﻣﺮﻩ ﺗﻄﻴﺢ ﻣﻦ ﺍﻟﺠﻴﺐ ﺍﻟﻮﺭﻩ .... ﺍﺑﻮ ﻟﻬﺐ ... ﺟﺎﻳﻚ ﺟﺎﻳﻚ ﺍﻫﻢ ﺷﺊ ﺍﻟﻤﺮﻩ ... ﺧﺎﻟﺪ ... ﻫﻲ ﺗﻠﻮﮒ ﺍﻟﻚ ﻟﻒ ﺍﻟﺴﻴﺎﺭﻩ ﻭﺭﺍﺡ ﻟﻠﻔﻠﻜﻪ .... ﻟﻜﻪ ﺻﺪﻳﻘﻪ ﻣﻨﺘﻈﺮﻩ ... ﺻﻌﺪ ﺑﺎﻟﺴﻴﺎﺭﻩ ﻭﺳﻠﻢ ﻋﻠﻴﻪ ... ﺍﺑﻮ ﻟﻬﺐ ... ﺧﺎﻟﺪ ﺷﺒﻴﻚ ﺧﺎﻟﺪ ﺑﻀﻴﻖ ... ﺿﺎﻳﺞ ﻭﻃﺎﻟﻌﻪ ﺭﻭﺣﻲ ﺍﺑﻮ ﻟﻬﺐ .. ﻫﺬﺍ ﻣﻦ ﺍﺑﺘﻌﺎﺩﻙ ﻋﻦ ﺍﻟﻠﻪ ﻋﺰ ﻭﺟﻞ ﺍﻗﺮﺉ ﺳﻮﺭﻩ ﺍﻟﺒﻘﺮﻩ ﻓﺎﻥ ﺍﻟﻠﻪ ﻏﺎﺿﺐ ﻋﻠﻴﻚ ﺧﺎﻟﺪ ... ﺍﻥ ﺷﺎﺀ ﺍﻟﻠﻪ ﺣﺴﺴﺘﻨﻲ ﻣﺴﻮﻱ ﺧﻄﺔ ﻣﻌﺮﻛﻪ ﺍﺣﺪ ﻭﻣﻨﺘﺼﺮ ﻋﻠﺊ ﺍﻟﻤﺴﻠﻤﻴﻦ ﺍﺑﻮ ﻟﻬﺐ ... ﻻ ﻭﺍﻟﻌﻴﺎﺫ ﺑﺎﻟﻠﻪ ﻟﻜﻦ ﺍﻻ ﺑﺬﻛﺮ ﺍﻟﻠﻪ ﺗﻄﻤﺌﻦ ﺍﻟﻘﻠﻮﺏ ﺧﺎﻟﺪ ... ﺍﻭﻭﻑ ﺷﺤﺠﻴﻠﻚ ﺍﺣﺲ ﻋﺮﻓﺖ ﺍﻟﻘﺘﻞ ﻣﻬﺘﺪﺉ ﺍﺑﻮ ﻟﻬﺐ ﺑﺼﺪﻣﻪ .. ﺷﻨﻮ ﺷﻠﻮﻥ ﻋﺮﻓﺘﻪ ﺧﺎﻟﺪ ... ﺍﻋﺘﻘﺪ ﺍﻫﻞ ﺯﻭﺟﺘﻲ ﻫﻢ ﻗﺘﻠﻮﻭ ﻻﻥ ﺍﻟﺴﻴﻢ ﻛﺎﺭﺕ ﻣﺎﻟﺖ ﺍﺧﺘﻬﺎ ﺍﺧﻮﻳﻪ ﻟﻜﺎﻩ ﻭﺍﺟﺖ ﺭﺳﺎﻟﻪ ﻣﻦ ﻭﺍﺣﺪ ﻣﻦ ﻋﺎﺻﺒﺘﻬﻢ ﺍﺑﻮ ﻟﻬﺐ ﺑﺘﺴﺎﺅﻝ ... ﻭﺷﺴﻮﻳﺖ؟ ﺧﺎﻟﺪ ... ﺩﺯﻳﺖ ﺭﺳﺎﻟﻪ ﻭﻛﺘﺒﺖ ﻭﻻ ﺍﻧﻄﻴﻚ ﻓﻠﺲ ﻭﺍﻋﻠﺊ ﻣﺎ ﺑﺨﻴﻠﻚ ﺍﺭﻛﺒﻪ ... ﺭﺩﺕ ﺍﺳﺘﻔﺰﻩ ﺣﺘﺊ ﻳﻌﺘﺮﻑ ﻋﻠﺊ ﻧﻔﺴﻪ ﺍﺑﻮ ﻟﻬﺐ ... ﻭﺭﺩ ﻋﻠﻴﻚ ﺧﺎﻟﺪ ... ﻻ ﺑﻌﺪﻩ ﻣﺎ ﺭﺍﺩ ... ﺍﺑﻮ ﻟﻬﺐ ... ﺍﻋﺮﻑ ﻭﻟﺪ ﺻﺪﻳﻘﻲ ﻳﻌﺮﻑ ﺑﺎﻟﺠﺮﺍﺋﻢ ﺍﻻﻛﺘﺮﻭﻧﻴﺔ ﺑﺲ ﺗﻨﻄﻲ ﺍﻟﺮﻗﻢ ﻫﻮ ﻳﻄﻠﻌﻠﻚ ﻣﻨﻮ ﺍﻟﻘﺎﺗﻞ ... ﺧﺎﻟﺪ ﺑﻠﻬﻔﻪ ... ﺻﺪﻙ ﺍﺑﻮ ﻟﻬﺐ ... ﺍﻱ ﻭﺍﻟﻠﻪ ﺧﺎﻟﺪ ﺑﺴﺮﻋﻪ .... ﺍﺧﺬﻧﻲ ﻋﻠﻴﻪ ﺍﺑﻮ ﻟﻬﺐ ... ﻳﺎﻟﻠﻪ ﺭﺍﺣﻮﻭ ﻭﻫﻮ ﻳﺴﻮﻭﻕ ﺑﺴﺮﻋﻪ ﻭﻳﺘﻤﻨﺊ ﻳﻜﻮﻥ ﺍﻟﻘﺎﺗﻞ ﻣﻮ ﻣﻦ ﺍﻫﻞ ﺩﺍﻧﻴﺎ ﺍﺗﻤﻨﻰ ﻳﻜﻮﻥ ﻣﺼﻌﺐ ﻭﺍﻟﻠﻪ ﻳﻄﻴﺢ ﺣﻀﻪ ... ﺧﺎﺑﺮﻭ ﻋﻠﺊ ﺍﻟﻮﻟﺪ ﺍﻟﻲ ﻳﺸﺘﻐﻞ ﺑﻬﺬﺍ ﺍﻟﻤﺠﺎﻝ ﻭﻭﺻﻒ ﺍﻟﻬﻢ ﺍﻟﻤﻜﺎﻥ ﻭﺻﻠﻮﻭ ﻟﻠﻤﻜﺎﻥ ﺍﻟﻤﺨﺼﺺ ... ﻭﻧﺰﻟﻮﻭ ... ﺳﻠﻤﻮ ﻋﻠﺊ ﺍﻟﻮﻟﺪ .. ﻭﺍﻧﻄﻮﻭ ﺍﻟﺴﻴﻢ ﻛﺎﺭﺕ ﻭﺍﻟﺮﻗﻢ ﺍﻟﺜﺎﻧﻲ .... ﺍﻟﻮﻟﺪ ﻃﻠﻊ ﺍﻟﺴﻴﻢ ﻛﺎﺭﺕ ﺍﻟﻤﻦ ..... ﺧﺎﻟﺪ ﺑﺮﺟﻔﻪ ﻭﺗﻮﺗﺮ ﻭﺭﻫﺒﻪ ... ﺷﻨﻮﻭ ﺍﻟﻤﻦ ﺍﻟﺴﻴﻢ ﻛﺎﺭﺕ ﺍﻟﻮﻟﺪ .... ﻋﻤﺎﺭ ...... ﻓﺘﺢ ﻋﻴﻮﻧﻪ ﺑﺼﺪﻣﻪ ﻭﺣﻂ ﺍﺩﻳﻪ ﻓﻮﻭﻭﻙ ﺭﺍﺳﻪ ﻻ ﻳﻤﻜﻦ ﻳﺼﺪﻙ ﻻ ﻻﺍﺍﺍ ﻣﻮ ﻣﻌﻘﻮﻭﻟﻪ ﻋﻤﺎﺭ ﻗﺎﺗﻞ ﻣﻬﺘﺪﺉ ... ﻻﺍﺍﺍﺍ ﻫﺬﺍ ﺍﻛﻴﺪ ﻣﻘﻠﺐ ﺳﺤﺐ ﺍﻟﻤﻮﻇﻒ ﻣﻦ ﻗﻤﻴﺼﻪ ﻭﺻﺮﺥ ﺑﻮﺟﻪ ... ﺍﻧﺖ ﺷﺪﻛﻮﻭﻝ ﻫﺬﺍﺍﺍ ﺍﺧﻮﻭﻭﻭﻱ ﻣﻮ ﻣﻌﻘﻮﻭﻟﻪ ﻳﻘﺘﻞ ﻣﻬﺘﺪﺉ ﺍﻟﻤﻮﻇﻒ ﺑﺨﻮﻑ ... ﻭﺍﻟﻠﻪ ﻫﺬﺍ ﺍﻟﻄﻠﻊ ﻋﻨﺪﻱ ﻭﻫﺬﺍ ﺍﻟﻌﻨﻮﺍﻥ ﺗﺎﻛﺪ ﻣﻨﻪ ﺑﺎﻭﻉ ﺑﺎﻟﺤﺎﺳﺒﻪ ﻭﻫﻮ ﻳﺮﺟﻒ ﻣﺴﺢ ﻭﺟﻪ ﺑﺘﻮﺗﺮ ... ﻻﺍﺍﺍﺍ ﻻﺍﺍﺍﺍ ﻣﺎﺍﺻﺪﻙ ﻭﺍﻟﻠﻪ .... ﺭﺟﻊ ﺩﺧﻞ ﺍﻟﺴﻴﻢ ﻛﺎﺭﺕ ﺑﻤﻮﺑﺎﻳﻠﻪ ... ﻭﺍﺟﺘﻪ ﺭﺳﺎﻟﻪ ... ﻣﻜﺘﻮﺏ ﺑﻴﻬﺎ ... ﻟﻚ ﻋﻤﺎﺭ ﻧﺬﻝ ﻭﺍﻟﻠﻪ ﻟﻮ ﻳﺪﺭﻭﻥ ﺑﻴﻚ ﺧﻮﺍﻧﻚ ﺍﻧﺖ ﺧﺎﻳﻨﻬﻢ ﺍﻟﻪ ﻳﺴﻮﻙ ﺍﻓﺨﺎﺫ ﻭﺍﺟﺘﺎﻑ ... ﺭﻛﻊ ﺍﻟﻤﻮﺑﺎﻳﻞ ﺑﻌﺼﺒﻴﺔ ﻋﻠﺊ ﺍﻻﺭﺽ ﻭﺭﻛﻀﺖ ﺍﻟﺴﻴﺎﺭﺗﻪ ... ﺟﺎﻥ ﺩﻧﻴﺎ ﺍﻟﺼﺒﺢ ﺗﻘﺮﻳﺒﺎ ﺑﺎﻟﻌﺸﺮﻩ .... ﺻﺮﺥ ﺑﻮﺟﻪ ﺍﺑﻮ ﻟﻬﺐ ... ﺑﺴﺮﺭﻋﻪ ﺍﻧﻄﻴﻨﻲ ﻣﻮﺑﺎﻳﻠﻚ ﻫﺬﺍ ﺍﻟﻜﻠﺐ ﻻ ﻳﻔﻠﺖ ﺍﻧﻄﺎﻩ ﻣﻮﺑﺎﻳﻠﻪ ﻭﺍﺗﺼﻞ ﻋﻠﺊ ﻣﺮﺗﻀﺊ ﺍﺟﺎﻩ ﺻﻮﺕ ﻣﺮﺗﻀﺊ ﺍﻟﻨﺎﻋﺲ ... ﺍﻟﻮﻭﻭ ﺧﺎﻟﺪ ﺑﻌﺼﺒﻴﻪ ... ﻛﻮﻭﻭﻡ ﺍﻟﻚ ﻧﺎﻳﻢ ﻭﻋﻤﺎﺭ ﻗﺎﺗﻞ ﺍﺧﻮﻭﻙ ﻓﺰ ﻣﺮﺗﻀﺊ ﻣﻦ ﺳﺮﻳﺮﻩ ﻣﺮﻋﻮﻭﺏ ... ﺷﻠﻮﻭﻥ ﺧﺎﻟﺪ ... ﺍﻟﻚ ﻋﻤﺎﺭ ﻃﻠﻊ ﻫﻮ ﻟﻘﺎﺗﻞ ﻣﺮﺗﻀﺊ ... ﺍﻧﺖ ﺗﻀﺤﻚ ﻋﻠﻴﻪ ﺧﺎﻟﺪ ﺑﻐﻀﺐ ... ﻭﻛﺖ ﺿﺤﻚ ﺯﻣﺎﻝ ﺭﻭﻭﻭﺡ ﺍﻟﺰﻣﻪ ﻻ ﻳﻔﻠﺖ ﻣﺮﺗﻀﺊ ﺭﻛﺾ ﻭﻫﻮ ﻳﺼﻴﺢ ﻟﻚ ﻋﻤﺎﺍﺍﺭ ﻧﺬﻝ ﻗﺘﻠﺖ ﻣﻬﺘﺪﺉ ﺍﻟﻜﻞ ﻓﺰ ﻋﻠﺊ ﺻﻮﻭﺗﻪ ﺍﻟﻌﺎﻟﻲ ﻭﺿﺮﺑﻪ ﻋﻠﺊ ﺑﺎﺏ ﻋﻤﺎﺭ ﻭﺍﻡ ﺧﺎﻟﺪ ﺗﻠﻄﻢ ﻭﻻﺯﻣﻪ ﻣﺮﺗﻀﺊ ﺗﺮﻳﺪ ﺗﻔﻬﻢ ﺍﻟﺴﺎﻟﻔﻪ ... ﻭﻣﺮﺗﻀﺊ ﻓﻠﺶ ﺍﻟﺒﺎﺏ ﺗﻔﻠﺶ ... ﻃﻠﻊ ﻋﻤﺎﺭ ﻭﻫﻮ ﻻﺯﻡ ﻣﺴﺪﺳﻪ ﺻﺎﺡ ﺑﺼﻮﺕ ﻏﺎﺿﺐ ... ﻭﺍﻟﻠﻪ ﺍﺫﺍ ﺗﻘﺮﺑﺖ ﺍﻗﺘﻠﻚ ﻫﺠﻢ ﻋﻠﻴﻪ ﻣﺮﺗﻀﺊ ﻭﻭﻭﻭﻭ ﻧﻬﺎﻳﺔ ﺍﻟﺒﺎﺭﺕ .... ﻳﺘﺒﻊ .... ﻛﻮﻧﻮﺍ ﻫﻨﺎ ﻛﻮﻧﻮﺍ ﺑﺨﻴﺮ ... ﺍﺣﺒﻜﻢ 😘😘 ﺍﻥ ﺷﺎﺀ ﺍﻟﻠﻪ ﺑﻌﺪ ﻏﺪ ﺍﻟﺒﺎﺭﺕ ﺍﻻﺧﻴﺮ ﻣﻦ ﺍﻟﺠﺰﺀ ﺍﻻﻭﻝ ... ﻻ ﺗﻨﺴﻮﻭ ﺍﻟﺘﺼﻮﻳﺖ ﺑﻨﻴﺎﺗﻲ ﻓﺪﻳﺘﻜﻢ | ||||
|
| |
|
17-07-19, 10:48 PM
| #35 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت 33 والأخير من الجزء الأول رواية...#انتي سيوف الثأر في اجفاني.. بقلمي..سمو العراق 💔💔💔💔💔💔 مات الضمير وشيعوو جثمانه.. جان كاعد يجري اتصال ويفتر بغرفته.... الشخص ...انت شنوو تلعب عليه لك ساعه دكلي انطيك فلوس ساعه دكول لا عمار بااستغراب...اني شوكت كتلك لا؟؟ الشخص...انت مو رسلتلي رساله كتبت بيه ولا انطيك فلس... عمار...من يا رقم الشخص...من السيم كارت الاثير عمار بلع ريقه..بس اني مضيعه صار كم يوم شلون اجتك رساله منه الشخص...انت تضحك عليه عمار بعصبيه..انجب لك شنو اضحك عليك الشخص...هسه تنطوني فلوسي لا والله حتئ كبيركم اشتكي عليه... عمار بدون نفس...مو كتلك ننطيك..ارسلي الرساله الي انرسلت الك..من الرقم الأثير.... الشخص..اي ميخالف بس دزو فلوسي و ديرو بالكم تقتلوني...ترئ مخلي واحد احتياط بس يصير عليه شئ يوديكم بستين داهيه... عمار بعصبيه...مو كتلك اي قفل الخط وشويه اجته الرساله المرسوله للشخص المطالب بحقه الباطل... قراها..انصدم هذا منو الرسال هاي الرساله هو ضاع سيم كارته بس ميعرف وين... معقوله واحد من اخوانه هو الي اخذ السيم كارت.. اتمنئ يكون السيم كارت ضاع بالشارع ولا ضاع بالبيت.... حس برجفه بكلبه وخوووف ورعب.... عدة دقايق وسمع صوت مرتضئ يصيح باسمه ويغلط.... سمع اسم مهتدئ...انت قتلت مهتدئ ...لك كلب تقتل اخوونه.... ضل يفتر بالغرفه برعب بسرعه قفل الغرفه... فتح الكنتور وطشر الملابس كلها... طلع الفلووس مالته وجنسيته وجوازه.... وبعدها طلع مسدسه حس الباب حينكسر من شدة الضرب عليه... ركض بسرعه فتح الباب ووجه السلاح بوجة مرتضئ هجم عليه مرتضئ لكن عذراء..لزمته... عذراء...مرتضئ لا لااا لك لا تنكتل فهمنه شصاير هو متعصب ولازم مسدسه وانت تهجم عليه يكتلك والله لك الشيطان ما مات.... ... دانيا...جنت نايمه بحظن رانيا وابنها بنصنه سمعت صوت الغلط والصياح فززت رانيا بديه كلتلها بخووف...رانيا رانيا لج اكعدي مدري شصاير فزت مرعووبه كالت...شكوو شصاير؟ نزلت من السرير علئ صوت مرتضئ ولبست حجابها ونزلت تركض واني هماتين لبست حجابي وركضت حتئ مغسلت وجهي... لكيتها قايمه القيامه... عمار موجه سلاحه بوجه مرتضى...ومرتضى يتهدد عليه...ولازمته عذراء وخطيه عمتي تكسر الخاطر ودكله..ولك عمار تكتل مهتدئ تكتل اخووك ولك ربيت وتعبت وما فرقتك من ولدي...ولك عمار اضملك الاكله الزينه ولك اكلهن عمار يجي من شغله تعبان اسهملك السهم الزين هيج تجازيني... هو جان موجه سلاحه عليهم ويبجي كلها...والله مو اني كتلته والله اني ما كتلته.... مرتضى صرخ بوجه بعصبية...لك جذاااب نذل لو ما انت كتلته مو رفعت سلاحك لوجهي نذذذذذل اعتبرناك اخوونه وهيج تخونه... كال وهو يبجي ويصرخ...ما كتلته والله ما كتلته همه كتلوو اني جنت بس اريد اسلبه بس همه كتلو اباوع علئ رانيه ترتجف وتبجي بس بدون صوت وجهها صار احمر هجمت علئ عمار بعصبيه وهي تصرخ...لك نذذل حقيير كسرت فرحتي يتمتني جرحت كلبي هو اطلق رصاصه كلنه صرخنه ورانيه وكعت من طولها.... وكعت رانيا وهو انهزم بس موجه اسلاحه علينه.... مرتضئ ركض لرانيا عباله اجت الطلقه بيها رفع من الارض واحنه ركضنه عليها شفناها تتنفس وممضروبه بس هو من ضرب هي انهارت ووكعت واحنه صار الصريخ عبالنه ضربها.. مرتضئ شاف مابيه شئ ركض للشارع وعمتي هي وفوزيه يصرخن وركضن وراها... هو جان قووي ومنهار ماكدرن يلزمنه... خطيه عمه تصيح...ولك مرتضى يممه لا تفجعني هذا النذل كسر كلبي لا يكسر كلبي بيك.... هو مجان مهتم وفوزيه لزمته من تشيرته وتجر بيه حتى تشيرته تمزق.... طلع للشارع بس عمار ابتعد مسافه لتمت العالم علينه والنسوان اجت تركض تريد تعرف الصار ركب مرتضئ سيارته والناس صارت هوسه ببابهم ماخلته يتحرك... دخلوو للبيت وغسلوله جان حيل منهار.... وخطيه عمتي وفوزيه اتخبلن عمتي صاعد سكرها وضعطها وتخربطت.... ورانيا تخربطت.... جان يوم كوولش صعب انسان عايش وياهم ومبربينه هيج يغدر بيهم ويطعنهم بضهرهم.... الكل مصدوم ومنهار.... دخلوو الزلم واجه معن من سمع تخبل ضل يصرخ... وعمو ابو خالد كعد بالكاع وحط ايده على راسه وضل يصرخ....يا بوويه يامهتدئ انه ابوووك ملفي كتالك واعلف عليه...يا وسفة الوسفه انغدر يابويه الله ينتقم مني دخلت حيه لبيتي وكبرتها حتى تاكلكم.... خطيه ويضرب على جبينه.... حيل انقهرت عليه عموو فقير ومسالم ومن موتت مهتدئ وهو معتزل عن الكل لان هو حيل يحب مهتدئ وصعبه عليهم ابنهم كبروا ودرسوو وجانو يفتخرون بي ويجي واحد نذل مثل عمار يقتله ماغزر بيه الزاد والملح صدمتهم بعمار جانت اقوئ من صدمتهم بومتت مهتدئ شوويه واجه خالد.... دخل اسلاحه بيده وشكله يرعب لابس قميص اسوود وبنطرون كابوي... صاح بصووت عالي...وين عمااااااااااار اني جنت كاعده بالمطبخ واباوع عليه من الشباك... هو جان بالحوش... طلعوو الناس الي التمت من الاستقبال... واستقبله..مرتضئ كله...عمار انهزم... خالد ما كله عمار انهزم...اتخبل صار عبالك مصارع... لزم مرتضئ من ياخه قميصه وعاط بوجه بعصبيه وغضب...لك اثووووول شلووون انهزم اني مو كتلك لاتخلي ينهززززززززم.... مرتضئ بنهيار....هو انهزم من ايييدي عرفني بسرعه اول ماصحت عليه وجان لازم سلاح واجه يقتلني... خالد ضررب مرتضى راشدي طير ملامح وجه خطيه ماتوازن.. العالم لزمت خالد وابو خطيه يتوسل بيه...ولك بويه خالد علئ كيفك...ماكدر اله وهو يصيح بعصبيه...مو هذا مطي اكوو واحد هيج يسووي يروح يفضحه وهيئله كل شئ جنت ارجف من فوك ليجوه خالد من يتعصب مايرحم وحيل اضووج واخاف واتمنئ اختفي اذكره من يضربني ومايرحمني.... اني بس جنت اريد اعرف شعوره شنو تجاهي من ناحية ضلمي متحسف متندم اني حلفت مااسامحه وهو جان يضحك عليه يكول عود من يجي هذا اليوم كليلي.... شفت واحد من جيرانهم كعده علئ الدرج وانطاه كلاص مي وهو يكوله...اهدئ عمي اهدئ هسه القانون ياخذ مجاره خالد اخذ الكلاص منه وركعه بالحايط وهو يصيح..انعل ابو القانون والله اطلع اغم اذا مااخذت حقي وكف وحط مسدسه وره ضهره وطلع .... خطيه عمتي ركضت وراها... لزمته وحضنته كلتله...فدووه يممه ابوس ايدك يمه هذا نذل لا يغدر بيك فدوه اروحلك خابرنه الشرطه همه يعاقبونه.... هو لزم وجه امه وباسها براسها ورفع اصبعه بتهديد...انعل والدي والديه والله حق مهتدئ محد ياخذه غيري...والله ترك الناس وطلع وامه خطيه فرفحت وتركض وراه وتتوسل بي بس هو تركها وطلع....هو عنيد والي براسه يسووي ضلينه نسوي جاي ومي للرايح والجاي واقاربهم كله التمت..... وخالد راح مااجه... جنت حيل خايفه عليه لان أتأخر هووايه اخاف هم يغدر بي عمار...مثل ماغدر بااخووو.... سوينه عشاء وهو ماكووو..... رحت صعدت فوك لغرفتي سبحت وبدلت وضليت ابجي... مااريد اضل يم خالد لان هو قاسي وعصبي وحرمني من كل شئ من دراستي واهلي وحتئ انوثتي قلت بوجوده صرت مبهذله عوائلنه حيل راقين ودارسين وديكولون بس بنات ابو رانيا فشلن بزواجهن لان ميخلونه ندرس... عدنه بعوائلنه الدراسه اهم شئ واني للاسف خالد دمر مستقبلي... هو صح تعرض لضغط تغيرت من شخصيته وصار عدواني بس هو اصلا وكح من زمان امه تسولف دكول جان حييل وكح من صغير وشالع كلبي وبس يعارك بالجيران والمدير جان يوميه فاصله... قبل جانوو اكوو مصرين يشتغلون فالمصري غالط عليه كايل عليه...ابن الشرموطه... وهو متخبل وهاد علئ المصري والعالم لازمته جان هنا عمره 16 سنه... ودكول امه اكل روحه لحم...وكل شوويه وكال...شلون يكلي ابن العرموطه انب امي عرموطه... دكول مجان يعرف شنو معنئ شرموطه... ومن درئ قبل كم سنه كال اله اروح المصر اكتله هههه مخبل بس هو يشاقه ميروح.... وامه دكول جان من كثر ميعارك قميصه بي بس دكمتين كلهن مكطعات... اتذكر موقفي وياه دائما... جان دائما يسوي الاشياء الي اكرها... يعني يكتلني .يريدني انام بحضنه لو يكعدني بحضنه مره ضربني وره ساعه سحبني كعدني بحضنه حيل ضجت وضليت احجي وهو ولا جنه... جان حاجبه شوويه مضروب كتله...هاي منو ضربك كال..هاي عذراء من جنه صغار كتلتها وضربتني بقوطيه المعجون وانجرح حاجبي كتله ...زين شنو هاي الندبه الي بجبينك كال..هاي مره واحد مطيرجي خمط طيرتي ورحت جيتت علئ سطحهم اخذت ثنين من طيوره الزاجل والاورفلي ومن دره شمر عليه طابوكه اجت بكصتي... كتله بااستهزاء...لعد كلهم كاتلينك ولا كاتل واحد هو لزمني باسني بعنف كال عذراء مسترجله وابو الطيور ساااق..... كلت بكلبي ...وانت شريف... سمعت صوته اجه فزيت من مكاني....ونزلت اركض... ........................... من اول ماطلع من بيتهم وهو كاب نار اعصابه تلفانه متخبل انسان عايش وياهم يطلع هو قاتل اخوهم شكد حقير ماحس بتأنيب الضمير شلون جان ياكل بخيرهم وهو خاينهم...شلون عايش مرتاح بنصهم وهو برگبته دم جان يدور بشوارع بغداد بس عمار فص ملح وذاب.... خابر علئ علي...وطلب انطاه الرقم المتصل والي كشف عمار.... وعلاوي كله راح يحددون موقعهم.... خابر علئ اصدقائه ثنين وخابر علئ ابو لهب ومرتضئ والتقوو بمكان....راحوو دكوو اهل عمار...واجوو واهل عمار رادوو عطووه.... ....... دانيا....شفته واكف بالحووش ولازم موبايله يخابر ومسدسه بيده باوعت عليه وبلعت ريقي... ابوو اجه بعصبيه....كله انت شلون تدك العالم هو هم حجه بعصبيه...كله انعل والدي والديهم باجر عكبه يحمونه ويردونه منه ويسونه زلمه علينه ابوو..وشتريد الدوله هي تاخذ حقنه خالد...لا دوله ولا نعال حقي اخذه اخذه...ودكيتهم حتئ يعرفون دمه مهدور ومنو يساعده يلوحه طشار منه.... شووويه واجت ناس اهل عمار... طبعا هو عمار ابن عمتهم ومن ماتت امه عمره 13 سنه همه انتشلوو لان مرة ابوو جانت قاسيه وياها وتخلي يبوگ وتضربه... وهو مو نفس عشيرة خالد من غير عشيره... هو باوع عليه صرخ بوجهي كال...طبي جوووه كولش انقهرت وفزيت من مكاني ركضت للمطبخ وكعدت.. قررت اتركه اي هذا قراري لازم يحترمني اني اريد اكمل اعيش هو بس يغلط وميحترم.... جانن البنات كاعدات بالمطبخ يسون جاي... وعذراء كل شويه تطل من الشباك تباوع علئ ابو لهب جرت نفس كالت...شكد حقير عمار والله لحد الان ممصدكه هو كتل مهتدئ الله برحمه.... صدك الغريب احسن من يندار سبع فدوات لابو لهب خلقه واخلاق... رانيا جانت دايخه حييل وبس تبجي وكل شويه دكول...ليش كتله والله مايدري شصار بيه والله انذليت ليش علمود المهر والله لو كايل انطي مهري وذهبي وفلوسي وكل شئ يريد...والله لو اعرف اكعد بالشارع ولا مسوي هييج... اووف ياحبيبي يامهتدئ نمت جوه التراب وتركتني جان سحر كلت الها....انت جاي تخونين مرتضئ بهذا حجيج ردت عليها رانيه بحده ونهيار...انتي مالج شغل لا تستسرفين براسي خطيه سحر انصدمت وسكتت واني كلتلها...ياااا رانيه شبيج علئ كيفج كالت...متشوفيها شدا دكول سحر بلعت ريقها بصعوبة وكلتلها...مو قصدي بس لان انتي متزوجه هيج حجيت رانيا ردت عليه بااستهزاء...وانتي مو هم مخطوبه سكتت سحر وخلت وراحت كلتلها...يمعوده علئ كيفج لبنيه متقصد كالت بحده....لا تقصد تنهد وتركته اصب بالجاي مر عليه شريط حياتي وانتقام خالد مني انضلمت حييل منه اخر ضربه قتلتني.... قررت اخابر امي وتجي تأخذني واطلب الطلاق... طريقي وياه مسدود..... اجه مرتضئ اخذ الجاي باوع علئ رانيا شافها كاعده ولازمه راسها... كلها بهدوء...شلون صرتي تردين اخذج للمضمد كلتله....لا الحمدلله زينه كلها...فادي وين كلتله بتعب...نايم كلها...ديري بالج عليه هذا امانه هي هزت راسها بأي واني انطيته الجاي هو كال...دانيا كتله....هاااا كال....خالد ضغطه صاعد 18 كتله بصدمه وخووف...يااا خطيه خلي يجي يرتاح كال...ميقبل وبس يصيح راح اكوله امي تريدك وانتي اطلعي صعدي فووك لان هسه قسنه ضغطه صاعد كتله...اي اي ميخالف عذراء كلتله...قستو ضغط ابو لهب مرتضئ كلها...انعل ابوج لابو ابو لهب متستحين كلتله...شبيك نمونه هو جهاز وبلاش اذا تريد انطيك الف....حتئ اذا صاعد اعصرله ليمون اني ذكرت هم اخذت ليمون وبرتقال وبديت اعصره ومرتضئ عافها وطلع شوويه وسمعت حرحشت كلامهم خليت وطلعت شفته واكف يحجي ويه مرتضئ اجيت تقربت منهم هو باوع عليه جان لازم راسه كال...انتي ليش تعاندين مو اكلج ادخلي جوه ابتسمت بحزن عرفته ماعنده الجرئه يواجهني وهو ضالمني.. كتله بهدوء...تعال اصعد فوك انت تعبان كال بعصبية...يطبني مرض شنو يعني واذا صعد ضغطي شوويه تذليني كتله بنفاذ صبر...شبيك خالد شنو اذلك حرام عليك لزمته من ايده وسحبته هو سحب ايده وصعد فووك كدامي واني رحت للمطبخ جبت العصير اله وصعدت.... صعدت لكيته ديطلع قميص ويريد يسبح... سحبته من ايده وكعدته علئ السرير وانطيته العصير كتله...اشرب زين للضغط ضحك بحزن وملاطفه كال...خاف مسويتلي سحر ضحكت بهدوء..كتله اي مو جاي اموت عليك هو شربه جرعه وحده وانطاني لكلاص... وتمدد علئ السرير كال...تعالي دلكي راسي يوجعني كعدت ادلك براسه واباوع عليه وارجف وكلبي يدك سريع مااعرف شيصير بيه من اتقرب منه... ماردت اعاتبه ولا احجي لان مااريد اتعبه... بس اكيد مخليه اله عتب وقررت من اتركه هو حيقراه باوعت لملامحه وهمست...انتهت اللعبه واثنينه خسرنه ماكو ربحان بينه... هو سحبني نمت بصفه بس كوولش خايفه جنت اخاف من شعوري تجاها بس اني كانثئ لازم ارد اعتباري واخذ حقي هو ضالم وضلمني لازم ارجع حقي... نمت بحضنه محتاره مقهوره مجبوره....وكل شوي افز اشووفه...بسته بصدره وبجيت حييل مقهوره لان قررت اتركه...بس والله لازم اتركه لان ذلني هوووايه.... وانقهر عليه لان ديكول احبج... الحيره اكلتني اكل..... كلما اردت الهروب من اوجاع الماضي .. أحببتك واحببت القدر الذي اتى بك الى دربي .. حبيبي ،،، مالي اراك مندهش .. وفي عينيك اقرأ ملامح الاستغراب سأوضح لك الصوره .. لم آتي هنا لأزخرف لك كلمات حبي .. الذي انت اعلم به مني .. ولا لأنظم لك الابيات والقصائد التي تعلمتها لأعبر لك كلما وصلت الى نشوة العشق معك كما تحب ان تكون .. أتيت .. لأقول لك انه يجب علي ان اودع روحي وان ألفظ آخر لحظات السعاده بحياتي يجب علي ان أرحل عن عالمك لاتسألني لما ..؟؟ فاأنا نفسي لاأعلم لما ..!! الشيْ الذي أعلمه أنه هذا مايجب ان يحدث ............................... سحر... كعدت الصبح متضايقه جدتي كالت بعد نروح البيتنه وغيس وله بعد ما نشوف جهرته... كتلها ....ميخالف رحت غسلت واجيت همه بعدهم مخبوصين خبص... .والعالم متفاجئه من الصار كالوو اجه علي ...هو علي ضابط بالنجف بس ماعنده دوام اليوم.... وهم عنده اصدقاء ضباط هنا... خابرهم... من اجه كال لزمو العصابه عن طريق الاتصال مالت الشخص الي جان يراسل عمار.... وهو اعترف علئ عصابته هم سبعه وبيهم واحد كبير بالدوله...هو رئيس العصابه... بس عمار للاسف انهزم ما لزمووو..... اني ضليت كاعده بالغرفه.... شويه واجه علي سلم عليه وعلئ جدتي... وجابلي موبايل اخذته بخجل... وكتله...راح نرجع للكوت كال...ميخالف بس اذا تردون ااجر الكم شقه هنا بين منزوج خفت حيل من كال هيج...كتله...لا لا هناك احسن كال...براحتج خله وطلع... شوويه واتصل موبايل جدتي جدتي فتحت خط.. قيس كلها...تجن لا والله افضحجن فضيحه كلتله جدتي....ياااا غيس يالنذل رديت كلها...اي والله تفسخون الخطبه واني ناهي علئ بنت عمي ضليت كلي ارجف وابجي وجدتي تغلط عليه وهو يغلط عليها.. ضليت بحيره وهو يحلف اله يفضحنه.....العار .............................. بعد مرور اسبوع.... خالد راح يلتقي بقتلت اخووو بالمركز.... واني لميت اغراضي وخابرت ماما .... اجت هي ومصعب جنت ادور داخل الغرفه كلها ذكريات تعيسه وحزينه... لكن بيها شئ حلوو ونفس رائع.... حطيت الرساله علئ السرير وطلعت..... ودعتهم وعمتي ضلت تبجي كالت لا ترحين... كلتلها ببتسامه...سكتت هوواي اهلي لو يدرون هو ضاربني بعيني ميسكتون انتهت اللعبه وانتهئ كوولشي مع السلامه... طلعت ركبت السياره وطكيت من البجي واشهك وماما ومصعب تخبلوو كالوو ضاربج محجيت بس ابجي واباوع للطريق... وتركته وتركت كوولشي ورراي الله يسعده وينسيني لان تعبت حييل واحس تعبت نفسيتي ومحتاجه للراحه لان وياه بس مشدوده اعصابي...... .......................... هو اجه من المركز كعد شويه ويه اهله ومحد حجه عن موضوع دانيا... جان يسولف عن قتلت اخوو وشلون اغتالوو.... وبعدها اترخص وصعد فوووك.... الف بالغرفه مشاف محبوبته وطفلته العنيده... استغرب اتوقعها يم رانيا انتبه للورقه جان عليه كوم مال جكليت.... فتحه وانصدم من حروفه كاتبه.... خالد يامجرم..... لست انا سيوف الثأر في اجفانك بل انت السيوف القاتله في أوصالي..نثرت غبار الذل في اوطاني واذوب من الحزن بحضنك ياسلطاني...ارئ كفوف الحقد تسطرها علئ وجنتي وائن قهرا من اسئ الحرمان..اشكو سيوف الثأر من ألم الدجئ..اشكوو مهانتك الي ياسجاني...رباه نصرك مئملي عجل به..واسلل سيوف الحق من اجفاني..... خالد اذا تحبني حررني من قيودك وطلكني اني رحت الاهلي.... تخبل عصر الرساله بعصبيه.... وهمس بفحيح مرعب...اني الج دانيه والله اله اطيح حضج تمردتي هووواي.... اخذ موبايله جاي يطلع... وصلته رساله... فتحه جان مكتوب....خالد ...اني ما قتلت مهتدئ صح اني طمعت بفلوسه وسيارته ومجان بنيتي اقتله بس جنه نريد انسلبه.... بس هو من خطفناه وشدينه عيونه اول محجيت عرفني كلي ....هاااااا عماااار ياكلب ياخاين تخوني وتسلبني... فالمسؤل علينه كال...مدام عرفك لازم ينقتل لان راح ننفضح..... وهو المسؤؤل قتله واني طلعت بره....ولاتدور ورايه خالد اني راح اكسر السيم كارت مراح تلكه مكاني... نهاية الجزء الأول من القصه..... الهدف من القصه هو الطائفيه وعدم بناء امور باطله وما الها مكان من الصحه علئ حساب اشخاص ابرياء...دانيا كانت ضحيه للطائفيه بدون سبب ...وخالد ايضا ضحيه... ان شاء الله انتو تميزون هدف القصه.... انتظروني بالجزء الثاني...مع كشف حقائق عصابة عمار ....ومغامرات دانيا وخالد... وزواج عذراء 😍 كونوا هنا كونوا بخير...احبكم نور سمو العراق.... | ||||
|
| |
|
17-07-19, 11:07 PM
| #36 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني ...البارت الاول بقلمي..سمو العراق رواية...انتي سيوف الثأر في اجفاني 💔💔💔💔💔💔 غفرت لك مئة مرة. وعفوت عن ضلمك الذي مضئ ولا اعلم الان ان كان قلبي سيعيدك لترقص به مجددا او انه سيرفض وجود انفاسك ان تخالط انفاسي... ضلم المرأة واضطهاد حقوقها وسلبها حق الحياة ...يعاقب عليه الرب قبل القانون بعد مرور فتره ..... جنت كاعده بغرفتي والحزن معتليني كاره روحي وحياتي والساعه العرفت بيها خالد... سنه واكثر اني محبوسه بدهاليز سجنه بنات خالاتي تخرجوا من السادس ويايه صارو مرحله ثانيه واني كوولشي ماكوو ماحققت شئ من الجنت اسعي اله سمعت الباب اندگ مسحت دموعي ورحت فتحته شفت بابا واكف وماما ماما كالت..شوفها من اجت لحد الان وهي گالبه خلقتها ومطنكره بوجهي اني شعليه مزوجتها لو هي فلفلت عليه كوولش انقهرت من كلام ماما ليش هيج تحجي كلام مبتذل ومحلوو وكدام بابا بابا كلها بهدوء...روحي خليني اني احجي وياها ماما خزرتني وتركتنه وراحت... وبابا دخل كعد على السرير ..كال..تعالي بنيتي تعالي باباتي شبيج ليش عاكفه عن نفسج ومتكئبه انتي صاير وياج شئ كتله بضيق وكتمه...لا مابيه شئ بس احس نفسيتي تعبانه وروحي دتطلع كال بهدوء..خالد مسويلج شئ؟ جريت نفس وتنهد وبكلبي هو شنو الي ما سواه كتله...بابا اني مااكدر اعيش وياه اكتشفت هو حيل عصبي وكذب عليه مخلاني اكمل دراستي كال...بابا صارلج فتره وياه شنو هسه تذكرتي دراستج كتله بقهر...اي هسه اذكرت جنت معميه علئ عيوني والله بابا تعبت اريد ادرس احسن عفيه بابا ساعدني وان شاء الله ارفع راسك... كال بهدوء...خالد خابرني فزيت من مكاني كتله...شيريد؟ كال..يريد يرجعج كتله بخوف ورعب...وانت شكلت كال..كتله تعال ونتفاهم كتله...بابا هذا مبخليني ادرس ومايحترمني خلي يطلكني واني متنازله عن كوولشي بس خلي يتركني كال..اهدي بنيتي ان شاء لله يجي ونحجي وياه هديت شوويه حسيت مثل لسعة الجگاره بصدري ونغزات تروح وتجي معرفت شنوو وهماتين احس بثقل بواحد من صدري... كتله...اي بابا من يجي اني مااطلع.. كال...براحتج خله ووكف باسني بجبيني وطلع... اما اني تمددت احس صدري اشتعل بي نار... مديت ايدي على صدري حسيت مثل العضم داخلي نابت بنصه يخوف... استغربت الحاله..شنو صدري يريد يكبر وهيج صاير بيه بس يوجعني حييل وحتئ ايدي توجعني منه... تلمست صدري الثاني حجمه طبيعي ومو مثل صدري الاول...مابي عظم... النغزات موتتني وايدي وكتفي حيل يوجعني... بس مو دائما مرات .... شويه اني استحي من ماما ...فقررت اكول الرانيا او البنت خالتي هي ممرضه باحد المستشفيات.. اووف ياخالد شسويت بيه... يوميه طالعتلي عله من وراك...هسه كون يطلگ بدون مشاكل ويفضها... تنهدت بوجع ...زين اذا طلگ اكدر اعيش ويه غيره لو اكتفيت... لا مستحيل اني اتغلفت بجليد قساوته وفعلا اكتفيت بس هو صدوك يحبني لو كذاب... مااعرف اسلوبه الزفت وشخصيته خلتني ما اعرف اذا هو فعلا يحبني او ضميره يأنبه علئ فعايله ويايه رحت طلعت اخذت موبايل ماما ورجعت لغرفتي بحثت بالاسماء وطلعت رقم رانيه.... اتصلت عليها مااعرف شنو سبب اتصالي.. مافتحت خط مااعرف بيمن ملتهيه شمرت الموبايل ورجعت نمت الملل طغئ علئ كل حياتي ماكوو شئ اشغل بالي،بي فقط الذكريات الاليمه ويه زوجي المصون مرات اكول حرامات يحمل كلمة زوج ومرات اكول هو هم حقه اخوو مات وعباله احنه السبب بقتله والتسجيل هو السبب وفعلا غلطة الشاطر بألف... لكن ذكرياتي هي الي تحقد عليه وتخليني مااحبه شوويه واجت ماما فتحت الباب كالت ...دانيا ماما كومي بدلي اجت خالتج وبناتها عيب منهم شعرج مخربط.... غطيت نفسي بالبطانيه كلتلها...كليلهم نايمه سحبت الغطه...كالت تعرفين عبله وسلسبيل بس يجن يدخلن هنا كومي روحي غسلي ولا تضلين تتعيقلين.. يالله بسرعه... شمرت الغطاء كلتلها..اهووو كمت كمت ماما هزت راسها باسئ وراحت... واني رحت غسلت ورجعت فتحت شعري ولفيته رفعته ليفوك مثل لكبه وحطيت ماشات ثبته باوعت الوجهي صار اصفر رشيت عطر وتجاهلت وجهي.. جنت لابسه بجامه سوده وبدي ساده للخصر تركوازي اخذت بليره بيضه لبستهم فوكاه وطلعت... اول موصلت للاستقبال فتحت الباب صار بوجهي مصعب رجعت بسرررعه وحطيت ايدي على راسي اغطي شعري... هو وكف والبنات وخاله هماتين كال ...شبيها شبيها؟ ماما جرت نفس...مو تحجبت وتستحرم سلسبيل ضحكت قووووي.....ههههههههههاي عشتوو تركتهم ورحت احس جمرت لبست شال ورجعت دخلت مره ثانيه وسلمت عليهم وبنات خاله يبوسن بيه ومكيفات وفرحانات... ضلينه نسولف وماما ضيفتهم جان مصعب يلعب بموبايله ممهتم عادي.... عبله جانت بس دا تراسل لموبايلها وتتبسم وتراسل كلت لسلسبيل...هاي شبيها بس تضحك دخل بيها جني كالت بقهر...لا عيني الاخت مكبله وحبيب القلب ديراسل رفعت حاجبي كلتلها...عشتوو..شنو وياها بالجامعه ؟ كالت...لا لج متعرفه عليه علئ الفيس والاخ مغركها بالفلووس تصوري كل ما يلتقون ينطيها فلووس ورقه ورقتين... انصدمت فتحت عيوني مصدومه كلتلها...وهو شنو غايته ينطيها فلوس اكيد ناطيته شئ يالله هو هيج يورق عليها كالت..تحلف دكول بس ايدي لزمها كلتلها...وانتي شدكولين؟ رفعت اكتافها وفتحت أديها بمعنئ مااعرف... كلتلها...زين شنو يشتغل: كالت...كبير بالدوله كلتلهاا..لج حاجيها لا توكعكم بمصيبه كالت...لا هي ضامنته.. سكتت هنه من النوع عنيدات ولي براسهن يسونه كالت سلسبيل...صدوك تردين تتطلكين؟ كلتلها بضيق...اي كالت..اي ماما كالت ومصعب ديكول اني اكون محاميها واطيح حضه اذا مئذيج تنهدت وابتسمت بداخلي..ههه ألمحامي مصعب ضد خالد والله اله يذبحه كلتلها...لا مااريد ارفع عليه دعوه اريد مثل ما دخلنه بالمعروف نطلع بالمعروف... كالت...زين انتي لويش تردين تطلكين؟ كلتلها بتشرد...عصبي ويضرب ومايحترم واني تعبت كالت..زين انتي ماتحبي سحبت نفس كلتلها...ولا شووويه كالت بصدمه .. معقووله؟مو كتلتي روحج عليه كلتلها...اي بس هو هماتين حرمني من دراستي وميتفاهم كالت...يحبج سحبت نفس قوووي وزفرته.... اتذكرت قبل لا ينكشف عمار وقبل لا يضربني بعيني جان يدور بكنتوره باليل واني امسح بالاخشاب بعدها كال خالد...اكلج هييي عندح عطر كتله بدون نفس..بكنتوري كال بااستهزاء...جااا متخلينه علئ الميز تخافين يخلص فكر بنت فكر شمرت الوصله بعصبيه كتله...شووف. رجاءا لا تغلط واني مااخلي علئ الميز لان عذراء تخلصه ترش علئ روحها علئ وصخ ومو بس،علئ،روحها لا وحتئ الخيالها... هو فتح الكنتور وطلع العطر ورش علئ روحه وهم رش الخياله خررب حضي سبح بيه سبح رجع واثار انتباه ثوب النوم الاسود الي انطتنياه رانيه... هو سحبه وفتحه ...واني غطيت وجهي بااديه خجلانه حييل يخزي وخفييف تور وقصير كال بااستهزاء..هله والله ما شاء الله صايره رومانسيه وتردين تشعلينه ليله حمره ومشتريه ثوب كله اغراء ههه كل هذا حتئ تثيرين انتباهي والله طلعتي مو هينه تردين توكعيني سحبت نفس بضيق كتله...لا تفرح انطته اليه رانيه وباجر اروح الاهلي واشمره بزباله هو اجه بعصبيه لزمني ودفعني علئ الحايط ولزك خدي علئ الحايط وكال...والله انتي اشمري وشوفي شيجرالج:؟ دفعته احس عضام وجناتي لزكت بالحايط كتله...شيجرالي بالله كال...اشمرج وراه بالحاويه دفعته بس مكدرت وايده الحقيره مثبت بيها وجهي ولازكه بالجدار كتله بنحيب...يالله وخررر شبيك تخبلت كال برومانسيه وهو يحرك انفه علئ رقبتي...اي اتخبلت من تخايلتج لابسه ثوب النوم الاسود وتركصين وتهزين بخصرج عليه... كتله ...اركص لابليس ومااركص الك. هو سحبني حييل،وباسني برقبتي وحط الثوب بيدي.كال..يالله البسي وخلي الخاطر عليج طيب خزرته كتله...ترئ يلعب النفس عليه كال بدون نفس...امشي البسي لا بالقران انزعج والبسج... كمزت من الخجل واعرفه الي براسه يسووي يييع امووت ولا ابدل كدامه... عشتوو علئ اساس،مشايف شئ هوو ضحكت بااستهزاء... اخذته روحت للحمام غسلت وجهي وقفلت الباب وكعدت علئ الطبله الموجوده بالحمام واني حاضنه الثوب مرت خمس دقايق و وكمزت من الرفسه الئ رفست الباب وصوته النذل...بنت النعال بس لا كعدتي تسبحين وصرتي براسي نضيفه والله اسحلج سحل... تنهدت بداخلي شلون ورطه هسه مااريد انام وياه شكد لزكه ابو الشوارع نهار كله دايح ومن يذكر يجيني تالي اليل... كتله بهدووء...هسه كملت نزعت التشيرت بسرعه ولبسته جنت لابسه بجامه لونها بيجي خليتها ما نزعتها... وفتحت شعري صاير كفشه شكبرها...ولبست نعال الحمام وطلعت ...بلكي تلعب نفسه ويعوفني طلعت وحطيت ايدي علئ صدري هو من ناحية الصدر خفيف وبطني مبينه من التور بس البجامه مخربه كوولشي... هو اتكئ علئ المخده متمدد علئ السرير كال...ادري بنت الكلب هاي رومانسيتج جنج مجديه باوعلي من فووك ليجوه وهو يقيمني كال...بالله من الصدر للخصر تمام ...من الخصر لجوه ينرادلج تعديل... اشر بسويج سيارته ...انزعي البجامه بسرعه صارت عليه اشرف من ابو لهب...من فوك مصيفه ومن جوه مشتيه... ضليت واكفه وساكته ولا حاجيته كال...اممم نعال سندريلا هم انزعي مخرب اطلالتج اكيد هليام مرافگه عذراء وصايرات نفس الموديل رفعت حاجبي ودرت وجهي زعلانه... كمل كلامه وكال...والله شعرج هذا مصيبه بس هم رضينه الحمد لله علئ كل حال المهم انزعي البجامه.. كتله اغير السالفه...الجوو بارد خليها كال...تنزعيها لا اجي انزعها اني والله عقدت حواجبي بعصبيه وضليت اسب بي بكلبي حسيته راد يكووم من حرك روحه بسرعه نزعت النعال ونزلت نفسي انزع البجامه هو عض شفته ووكف ورسم ابتسامه خبيثه علئ شفايفه صار مقابيلي وسحبني لصدره صرنه مثل مومبا وتيمون ... حسيت بقرف من قبلاته سحبني من خصري ونزلني علئ السرير وضل يوزع قبلاته المقرفه علئ خدي ورقبتي واني كل شوويه ادفعه وهو يلزم ايدي ويقيدني ونزع قميصه غمضت عيوني خجلانه ورجع يبوسني.. كتله بقرف...تحبني؟ كال...اشششش لا تعكرين مزاجي شكد حقير بوقت الي نكون روحين بجسد ما يطمني بكلمه حلووه المهم يرضي غريزته الحيوانيه رجع يشم بيه بلهفه وذوبان عبالك يحبني وكل شويه يبوسني واني طردووني...😂 رجعت من ذاكرتي علئ صوت مصعب الي كال...والله يا دانيه انتي حلوه وصغيره وناعمه هذا مخبل مايلوك الج خليني ارفع عليه دعوه اذله بيها كتله بجمود...ارفع ضحك بخبث مبين عليه كال...ان شاء الله من باجر باوعتله بنظره حاده وكلت لسلسبيل...سوسو اريدج بموضوع كالت...خير شنووو كتله..تعالي الغرفتي أخذتها ورحنه كلتلها بخجل...سوسو صدري احس مثل لسعات الجكاره موتني واحس مثل العظم نابت بي كالت ...بالله خلي اشووف ضميت صدري خجلانه واحتضنت نفسي.. لا لا عيب كالت...ديالله صارت خجووله لا خجل بالطب.. مدت ايدها بصدري والتمست العظم اختفت ابتسامتها بسرعه خفت كلتلها...اكو شئ كالت بسرعه...لا لا ان شاء الله ماكوو شئ بس باجر تعالي لمدينة الطب هناك عدنه كادر طبي لهاي الامراض وان شاء الله ياخذون عينه يحللوها... سلسبيل ممرضه هناك مخلصه معهد طبي من الثالث كلتلها...اهااا ان شاء الله بالكي بابا يجيبني دخلت عبله تخابر بحبيبها وتضحك... كلتله...اوك اوك اجي وحجيب بنوته حلوه ويايه باوعت عليه وضحكت اني مااهتميت الها بالي عند صدري وخايفه... خلصت اليوم وياهن ومارتاحيت العبله ابد... بعدين سلسبيل كالت...دانيه فاتحين دورات تدريسيه بالخارج بااوكرانيا حتئ لو معدلج قليل يقبلوج طب عام كلتلها بتفاجئ...صدووك لعد باجر حروح اقدم كالت.. اي روحي حبي قررت افاتح بابا واخذ ماما واسافر ادرس بالخارج ومن الله التوفيق... ........................ رانيا .... كعدت الصبح لكيت دانيا متصله بيه ما رديت عليها...ولا رجعت اتصلت بيها... اعرفها تريد تعرف ردة فعل خالد وتعرف شنو وشدا يسووي.. هي ابد ماشتكت منه بس،ليش هسه هي عافته... قررت اصعد واشوف شبيهم وليش يردون ينفصلون... هو من عرف تخبل.... اذكرته من صعد وما لگاه ونزل علينه.... جنه كلنه كاعدين بالاستقبال والحزن سيد الموقف عمار للاسف انهزم وخلوو الصوج بمرتضئ... نزل خالد مثل الاسد الهايج وزعزع هدوء الاستقبال... امه تلكته كلتله ...هاااا يمممه خالد بعصبيه...لك والله مليت والله علئ،يوم احط طلقه براسي واخلص منكم اني بيا حال وهاي بطرانه امه حطت ايدها بهدوء علئ كتفه وحاجته بحنيه...يممه اعوفها خطيه مقهوره يوم يومين وترجع خالد بغضب...عساها لا رجعت بس اني،بيا حال وهاي تدلع وتخليني اكل همها... امه كلتله..يمه لا تنسئ انت شسويت بيها خليها ترتاح عند اهلها وان شاء الله ترجع هو تركها وطلع... اني لحكته كتله ...خالد.. بدون مايدور وجه كال...هاااا كتله...اني احجي وياها ان شاء الله كال.. عوفيها لا تحجين وياها هسه بالي يم عمار بس اخلص منه اني أحل كوولشي... سكتت وعفته.... رحت غسلت مرتضئ جان طالع... رحت للمطبخ جيب مي دا اسوي ممه الفادي شفت عذراء كاعده تشرب جااي وتسفت كلتلها...صباح الخير كالت باانزعاج...هلااا كلتلها...شبيج؟ كالت...وحده حشاج نعال وزماله واجيب المصايب والقهر الروحي كلتلها بااستغراب.. اعوذ بالله صاير شئ كالت..البارحه رحت الجيرانه معرسه عمرها 13 سنه شفتي بزر زري عرست واني ضاله بس اكوول مبروك ان شاء الله بالرفاه والبنين.. بس بكلبي اكوول عساج لا تهنيتي ضحكت كتلها ...خطيه كالت بعصبيه...خلي توولي ذاك اليوم جانت الشوفيره مالتي كل شويه افتح الباب أوديها تشتريلي وهسه عرست امداني امده فركي ما ساويت حلي... كلتلها...ان شاء الله تزوجين كالت...ان شاء الله...لا ولج انوب من القهر اليل كله اكل وامي دكول وج لا تاكلين باليل مو زين علئ معدتج...والله بطرانه جاا هي المعده شمدريها دنيا ليل... ضحكت كتلها...شمدريني كالت بعد ماجرت نفس...هسه ابو لهب خوش ولد غير يجي يصارح والله مليت علئ يوم انهبه واشرد دخل مرتضئ كلها..تنهبين منوو ولج كلتله بلعثمه..فادي فادي هو سكت وضل يباوع عليه.... كتله...صباح الخير شنو اليوم ممداوم كال...لا ماخذ اجازه اريد اشوف السز عمار وين صار كتله بخووف...يمعوود لا يغدرك والله كلبي خلص فدوه الكلبك خلي الشرطه هي تحل القضيه ابتسم كال...خايفه عليه كتلها بخجل...اي لعد بس يصير عليك يكولون عليه تجسح زلم عذراء كالت...شديلج جهاز حمايه ههههههههاي روضي ليش ماتزوجتني والله گرفتي زينه مااجسح زلم ههههاي. هو هز ايده وطلع كال...تعاي وراي هو طلع وعذراء كالت...هلا هلا راح يجي اخوو الفادي يمممه الله عليج عود قرولي الفاتحه بلكت توصلني رومانسيه ههههههاي ضحكت وتركتها ورحت... دخلت للغرفه مالكيته دورت عليه ماكووو لعد وين راح طلعت بره شفت سحر واكفه هي وبيبيتها وهو محظر نفسه ديريد ياخذهم... تنهدت سحر كوولش علاقتها بعلي متوتره... وسمعت علي يريد يفسخ الخطبه لان ذاك اليوم اجه وكعد وياها وطلع زعلان مااعرف شنو حجت وياها وخلت لولد يزعل... من بيبيتها سمعت علي يريد يفسخ الخطبه كتله كتله موتتها تموت.. وخطيه ضليت يومين تبجي... بس الحجيه متوتره ودائما تخابر وتغلط... وقررت اليوم تروح بدون سابق انذار ومرتضئ هو الي راح يوصلهم مرتضئ من يشوف سحر يدووخ ويعدم وجودي رغم احس مايباوع عليها ولا هي تباوع عليه بس مبينه مشاعرهم مكتوومه... سلموو علينه وطلعووو... واني ضجت حيييل رحت بغرفتي حضنت فادي اووف شكد متحسفه مهتدئ اريييده زوجي حبيبي والله هذا انجبرت عليه وانجبر عليه...وانجبر احسن من تصرفاتي واحاول اكسبه.... ضليت ارضع بفادي واتامله.... ..................... كعدت الصبح اخذت بابا ورحت السلسبيل بس مكتله علئ صدري كتله اريد اسوي تحاليل مال كالسيوم لان شعري كوولش يتساقط وهو خطيه ما كال شئ اخذني بعد ما بدلت ماما رادت خطيه تروح ويايه وهم مقبلت وصلنه المدينه الطب... وخابرت سلسبيل اجتني ورحنه اني وياها صعدتني للطابق السابع كالت ...هنا يشخصووج.... من وصلنه وصعدت احس رجليه ماتت ورجليه ترجف من المنظر الشفته بطني ضلت تلوويني قااوش كبير ومتروس اطفال وبنات شابات وعجايز كلهم شعرهم واكع وحواجبهم ماكوو وشادين كانونات ولابسين كممات النظر يصدم ويهبط .... رمشت بعيوني باوعت لبنيه شابه جانت هسه سابحه حطت ايدها على شعرها وهو وكع عبالك مثل الدجاجه من تنصلي بمي حار ويوكع ريشها... خطيه البنيه انرعبت ضلت تصرخ وتبجي واجوو يركضون الدكاتور يهدون بيها يحاولن يسكتوها... سحبتني سلسبيل وكال...تعالي الدكتور يريدج رحت بياس وخووف جابتني لقسم الأمراض الخبيثه معقوله بيه مرض خبيث... دخلت للدكتور سلمنه عليه وهو يعرف سلسبيل شرحت اله الحاله... وهو اتفهمها..كتب ورقه وانطاها الي كال...هذا تحليل ياخذون من صدرج عينه ويزعوها وانشوف اذا اكوو مرض خبيث نستئصل الصدر ونبدي بالعلاج الكيميائي واذا ماكو نسوي فقط عمليه نزيل العقد وكفت من الخووف واحس رجليه دخل بيها الموت وين انسانيته هذا الدكتور شلون هيج يحجي نزلت دموعي بصمت شفت من حياتي حتئ ابدي برحلتي ويه الخبيث واعاني ... اني ماعولت خلصت من خالد الي جان مثل السرطان ينهش بيه وهسه هم اعيد نفس المعاناة ...والله واصعب خطيه سلسبيل ضلت تمسح بدموعي وتبوس بيه وتطمن بيه... نهاية البارت...يتبع.... لا تنسو المشاركه والتصويت... كونوا هنا كونوا بخير...احبكم😘😘😘 نور سمو العراق..💔💔 | ||||
|
| |
|
17-07-19, 11:09 PM
| #37 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني...البارت الثاني رواية...انتي سيوف الثأر في اجفاني بقلمي..سموو العراق 💔💔💔💔💔💔💔 شنو ذنبي وحرمني الضيم عشريني؟ شنو ذنبي وحرمني المشط والحنة وعلى جروحي يتچيني؟ اعيش إلمن؟ وأموت بـ ليش! انه أصلاً ضمير الناس موتني ميحييني .. انه بلا ظفيرة وشوكَ تشعل ظلمة سنيني .. الكلمات للرائعه المرحومه بإذن الله..الشاعره وجدان النقيب😢 ........................ ب بارت طوويل..لاحلئ متابعين..لا تنسوو التصويت احبتي...بكم نكتمل...واعتذر عن التاخير لكن النت فصل عندي... باوعت لسلسبيل بحيره ودموعي ترست وجهي ورجفت من الخوف كولشي ولا يطلع بيه الخبيث اصعب مرض واصعب معاناة راحت تمر عليه.... معقوله يطيح شعري وحواجبي ويكصون صدري مجرد التفكير حسيت برعب مو طبيعي واحس كلبي يرررجف وتنفسي ضااق اباوع للدكتور شكله يخوف مابي رحمه معقوله اخلص باقي حياتي هنا... وخالد يتركني واصلا ميفكر يرجع وحده مريضه بالخبيث... طلعنه من الغرفه واني ابجي سلسبيل حضنتني كالت...حبيبتي لا تخافين هسه نروح لدكتور أنس هو كبير ومعروف احسن من هذا الجلفي.... رحنه للدكتور دخلنه جان الدكتور شكله يدل على الوقار والشيب مشتعل براسه ولابس نضارته الطبيه سلمنه عليه وكعدنه وهو لاحظ خوفي... سلسبيل رجعت شرحت الحاله... هو وكف كال..بابا تعالي اكعدي على السديه خلي افحصج اجيت بخووف ورجفه وارتباك كعدت علئ السديه جنت لابسه بنطرون كابوي ولابسه قميص طويل زيتوني.... وشال وحذاء فلات...والله لو يدري بيه خالد اطلع بنطرون اله يعلكني علئ التيل ويعدمني...او يرجمني رميا بالحجاره... تنهدت يولي اصلا يطلكني وهو الممنون اني وصلت الهاي الحاله بسببه... كال الدكتور ببتسامه...تكدرين تطلعين صدرج حتئ افحصج عقدت حواجبي بخجل جاوبته...لا دكتور من فوك القميص افحصني... كال...لا بابا ميصر لازم اشووف اذا اكوو عقده او لا فااذا اكوو لازم ناخذ عينه ونحللها حتئ نعرف اذا كان الورم حميد او خبيث...او يمكن يكون حليب متكدس كتله بخجل...دكتور اني مااكدر اطلع صدري شويه استحي اذا تريد افحصني من فووك... هو باوع السلسبيل بنظرة عتب...صح الدكتور اكبر من بابا بس والله استحي صعب عليه حيل اني لحد الان استحي من خالد وهو زوجي شلون الدكتور يريد يشوف صدري ... مرات تكون الامراض مزعجه ومحرجه بنفس الوقت اجت سلسبيل كالت...يمعوده شبيج لا تخجلين اصلا لا عيب ولا حرام هاي صحتج اهم من كل شئ... المهم طلعت صدري سلسبيل وتغطيت بشالي الدكتور اجه فحصني من جوه الشال حسيت بخجل مو طبيعي وعرفت مدئ شفافيتي... ابتعد الدكتور كال باسف...بابا هاي عقده ضاهره ولازم عمليه وزرع... بجيت برعب ولزمت ايد الدكتور بستها واتوسل بي...فدوه دكتور انطيني علاج وتروح فدووه مااريد اسوي عمليه وزرع اخااف والله اخاف... خطيه الدكتور مسح دموعي وحب يطمني كال...لا بابا لا تخافين ان شاء الله ماكوو شئ ضليت ابجي واشهك بصوت عالي،وخطيه سلسبيل بجت علئ بجيتي.... الدكتور بلطافه...ههه بابا شبيج ان شاء الله ماكوو شئ حسجلج ابر اخذيهم وبعد اسبوع تعالي ارجعلي اوك... هزيت راسي بأي واني اشهك... اخذ قصاصه وقلم كتب بيه وباوع عليه وضحك كال...هيج اليبجي يصير حلوو ...اشوو مره سلسبيل بجت وسالت كحلتها صارت جنها فلم رعب ضحكت واني امسح دموعي وسلسبيل كلتله...لا دكتور مو هيج والله اني حلوه كلها بمزح...اي حلوه بس هاي البنيه احلئ تمنيت روحي شاب جان تزوجتها ههههههههههه ضحكت علئ كلامه...وملاطفته كلتله سلسبيل...دكتور خطبناها الاخويه ومقبلت راحت تزوجت واحد مخبل اني كرصتها بعتب من ايدها وخجلت... كال هو بصدمه ...متزوجه:؟ كتله بهدوء...اي كال...لعد زوجج مايدري بهاي الكتله كتله...لا ميعرف اني قبل فتره احس بنغزات ولسعات بس هسه حسيت مثل العظم نابت بصدري وحجيت السلسبيل وهي جابتني هنا.... كال بغموض...خلي يعرف احسن كتله بخووف وبلعت ريقي...ليش دكتور يعني خبيثه الكتله... كال...لا ان شاء لله ماكوو شئ بس للاحتياط... كتله بألم...شكرا دكتور خلينه وطلعنه اني وسلسبيل ردت اخابر بابا يرجع ياخذني بس سلسبيل مقبلت... كالت...امشي وياي البيتنه... كلتلها...اوك بس اخابر ماما جنت اريد اروح وياها لان بس اروح البيتنه اشبع بجي وماما تشك اكوو شئ واني مااريد اخوفها لان خطيه كلب والده بسرعه تعيش الدور وتتخبل... ماما رغم عصبيه بس تتخبل علينه اني ورانيه...تحبنه حيل وشكد تمنت نصير فد شئ بس للاسف احنه حطمنه امالها بزواجات فاشله... خابرت ماما كلتلها حروح البيت خاله ام مصعب وماما كالت روحي واجي وراج.... قفلت موبايلي وحجيت ويه سلسبيل كلتلها...سلسبيل الله عليج بداعة عزيز گلبج لا تفتحين موضوع صدري كدام اي شخص اي شخص مااريده يعرف فتحت عيونها مصدومه كالت....يااا دانيه لج هذي صحتج لازم اهلج يكون عندهم علم... جريت نفس بقهر...لا تحجين الله عليج مااريد اشوف الذل والعطف بعينهم وهماتين مااريد يطلع بيه الخبيث ويوكع شعري ويكصون صدري خليني اموت واني كامله شهكت من البجي مجرد مااتخيلت نفسي تنهدت سلسبيل وحضنتني كالت...والله لازم احجي المصلحتج.... كلتلها...مو هسه اني افتح الموضوع بس خلي اخلص من موضوع خالد وان شاء الله افاتح اهلي بالموضوع لان خطيه شبعوو قهر من ورايه...يوميه عمليه هي سكتت...ورجعت خابرت مصعب...هو محامي اخذ اجازه زمنيه واجانه... طلعنه من المستشفئ بعد ما جابت سلسبيل العلاج من الصيدليه جان مجرد ابر بسيطه مال التهابات... لكينه مصعب طابگ بسيارته الحديثه بباب المستشفى ركبت سلسبيل بالصدر واني وره مصعب كال...شلونج دنون جاوبته بهدوء...الحمد لله بخير... كال بااستغراب...شعندج اليوم هنا...؟ كتله بتنهيده...اجيت اسوي تحليل مال كالسيوم وطلع عندي نقص وسجلي الدكتور علاج كال بلهفه...هاااا الحمد لله على السلامه كتله...الله يسلمك شويه وخله الموبايل مالته وشكله بالمسجل طلع صوت التسجيل... مصعب كال وهو يضيق عيونه من خلال المرايه...بيمن يذكرج؟ استمعت للصوت...وابتسمت رغم حزني على حالتي.. مصعب..الوو لك انت ماتمل يوميه مخابر خالد...شووف يالاصفر مو متصدك مرتي تزعل تجي تركض صاير شوفير والله موتك علئ ايدي... مصعب بحقاره...شوفيرها وان شاء الله زوجها وانت طليقها... خالد بعصبية...تزوجها بجنهم يا عار وتحلم اطلك وهاا حط النعال بحلكك واسكت فاااهم يااا..مااريد اغلط ضحكت بااستهزاء ..ميريد يغلط خطيه ليش هو انت شخليت... مصعب رد عليه..مراح انزل المستواك وارد عليك بس حكولك معزوم بعرسنه ان شاء الله خالد...اي ان شاء لله العرس بقاعه الهاوية..« احد اسماء جهنم». وتجيب فرقة كفار قريش والمطرب ان شاء الله ابليس ولده..موو؟: لك انت ليش ما تنجب لا اخليك برگبتي.... مصعب...هم ما راح ارد عليك لان اكوو قول يكوول سكوتي ليس ضعف مني ولكن ما من اسد يرد على حديث الكلاب... خالد بااستهزاء....ههههههههههههها ي ضحكتني اول مره اشووف اسد اصفر ومصعلك وشواربه مكرطفه صفر ضحكت ..يالله خالد ولا يكعد راحه.. ابو الشوارع متعلم كل سالفه لان نهار كله دايح ومرافگ العفطيه... مصعب جاوبه.. انت لازم تطلكها لان هي متريدك هي كالت هذا الشئ وطلبته بالسانها خالد بغضب...شووف لك طلاك مااطلگ لو نخله تنبت بروسكم...دانيا انزرعت بحضني مستحيل تنزرع بحضن غيري...لو اقتلها لو اقتل روحي ورب الكائنات احجي بجديه .. تنهدت واستغفرت ربي ...هذا مجرم يسويها بس اني مااتزوج غيره ولا اريده ورجع كمل...لا اكتلها اول شئ وبعدين اكتل روحي اخاف اموت وتروح تتزوج غيري والله اتخبل واني بالجنه... ضحكت واثق يدخل الجنه ابو المشاكل... بعدها مصعب ضل يداهر وياها بعدين قفل الخط.. كال..شفتي شلون يغلط سجلت المكالمه حتى اشوفها الج ... كتله برجاء...فدوه مصعب اترك خالد تره اني بغنئ عن المشاكل خلي لا تحاجي بس هيج تحجي وياه يعاند بالزايد وميطلك.. كال...لا ارفع عليه دعوه كتله...رجاءا مصعب اني مموكلتك محامي الي كال بصدمه...مو البارحه كلتي ارفع عليه دعوه كتله...اي بس غيرت رأيي... هو سكت بس ملامحه تغيرت وبين الانزعاج عليه... وصلنه البيت خاله ومصعب نزل كدامنه بعد ما ركن سيارته... فتح الباب ودخل دخلنه وراه... جانت خاله دتنضف بالصاله بالمكنسه الكهربائيه... وعبله لابسه تراك وردي وشعرها كاصته ولادي وصابغته اسود فاحم... وحاطه الهتفون بااذانها وتسمع اغاني... سلمت علئ خاله خطيه طارت من الفرح لان اجيتهم.. كلت العبله الهبله...ثوول ما دكومين تنضفين بمكان خاله... هي بسرعه انتبهت عليه وضحكت ونزعت الهتفون وشبكتني كالت...هلا هلا واكول البيت منور اثاري الكمر عدنه... مصعب كال بضحكه..صدوك منور البيت ان شاء الله يضل دووم منور بوجود دندون ....وغمز الاخته حسيت قصده مو شريف يالله خلي يحجي بكيفه بعدين يجي هتلر يطيح حضه...ويكفخه بعدها خليت ورحت كعدت بغرفة البنات جنه نسولف ونضحك بس همي اكبر مني صدري كل شويه ينغزني اجامل واضحك ومااحب اشكي لاحد هاي طبيعتي بس اريد خالد ينقهر الوحيد اليستاهل القهر لان هو عذبني وطيح حضي احب اشوف خووفه ولهفته عليه اتمنئ اموت واشوف شنو يسووي هم يحزن عليه مثل زوجته... بلعت الغصه وسكتت..النذل مشتاقه السوالفه رغم قاسي.... بس خلي يولي يطلكني عمه عيني...ايده ثگيله محد يتحملها واني تحملتها اتصل موبايل عبله وهي فزت ملهووفه... اخذت موبايلها وكعدت تتصل وتتمضحك وتتدلع... وكل شوويه وكلتله ...بيبي حبيبي وتبسبس وره شوويه قفلت الموبايل واجت كعدت يمي حجت بزعل كالت...ميسر زعل لان كتله عيني ميقبل اله حبيبي... كتلها بااستغراب...وهذا منو مكسر ضحكت وكالت...هههههاي حلوو مكسر لج هذا حبيبي ميسر لج قليل امثاله يعني اذا اجاني للجامعة بنطيني ورقه...وتشوفين كوله يلبس قوط رسميه وحمايته وهو فد شئ كبير بالدوله طااگ للستار كلتلها بعد ما لوت شفايفي...يمعوده هيج شخصيات تخووف ديري بالج اوك كالت...لا ضامنته بعدها اتصلت بي مارد عشتوو زعل شلون دكوله عيني يريد حبي وكلبي...مكسر مدري ميسر جان كلتلي...الله عليج دنوو احجي وياه كوليله مو قصدها زعل..لان كوتله عيني يريد اله حبيبي وكلبي حطت الموبايل بااذاني اجاني صوته لحاد كال...الوو شتردين عندي شغل يالله عبله لا تعطليني دفعت ايدها والموبايل..عايزه مصايب اني وهاي عبله الهبله تريد تورطني ضلت تتوسل بيه احجي وياه بس اني رفضت... بعدها كالت...دنوو ليش ماترحين ويايه للجامعه هناك شوفي اقسامنه وقدمي كلتلها...اريد اقدم للخارج كالت..دتعالي متخسرين شئ واعزمج علئ مطعم وانسج اخر ونسه كلتلها بضيق...الله كريم وبكلبي خلي اخلص من سالفة صدري وبعدين افكر بدراستي صحتي اهم شئ...بس شلون مااريد يكصون صدري خلي اتناسئ الموضوع واجذب علئ سلسبيل اكولها راحت بعد ماكوو عقده... تغديت يم خالتي ومصعب مگابلني وكاعد وبس يتبسم مدري علئ شنوو كملنه غده وماما كعدت تسولف ويه خاله وبعدين خابرت بابا واجه اخذنه... طول الطريق دموعي تنزل بصمت واباوع للشارع بضياع لا من دراستي ولا من زواجي ولا من صحتي... كوولشي ضاااع ادمرت ودمر مستقبلي ورغم كوولشي حاسه بفراغ ورانيا ما عبالك اختي هاملتني حتئ متتصل واتصل مترد واذا ردت تقفله بسرعه لو ابنها يبجي لو يصيحوها.... وصلنه للبيت بدلت ورحت صليت فروضي ونمت وضليت انحب وصدري ينغزني... اني مريضه ومحد يعرف وماكوو اهتمام اتذكرت من خالد ضربني بعيني شلون اهتم بيه واني اسب بي واطرده وتعصب عليه مع العلم هو مداريني... استرجعت الموقف بمخيلتي جنت لامه رجليه وكاعده بزاوية الغرفه وشعري منكووش وعيني محاوطها الزراك وشفايفي جافه جنت حاطه راسي بين رجليه... حسيت باايد خشنه انحطت علئ كتفي فزيت برعب.. هو كعد مقابيلي ركبه ونص باوعلي بحنيه وحزن.. مد اصابعه قريب من شفاتي وحط الحبايه بينهم وانطاني المي لزمت كلاص المي وشمرته تناثر الكزاز ...باوعتله بنظره حاااده ولزمت الحبايه شمرتها... دفعته حييل كتله...لا تمثل دور الحنين هاي الادوار متلوك الك...انت تعرف دورك يا مجرم حتضني بااديه القاسيه وكال...اششش لا تبجين لا تأذين عيونج...بعدج مريضه انصدمت الحقير مو هو المرضني وصلني لهذي الحاله وهسه خايف علئ عيوني دفعته بس مكدرت حسيت راح اتقيئ دفعته كتله حتقيئ هو فتح اديه اثنينهم وكال بعد ما نظر الي نظرة عطف..تقيئي باوعتله بعيون حايره ومصدومه حطيت اصابعي علئ شفايفي همست...اكرهك ضحك وهمس بااذاني...اروح فدووه ونذر للحلو اني...اعشگنج ورب الكائنات باسني بااذاني خلاني ارجف...مسحت اذاني منه ضربته بصدره وعطت بوجه بعصبيه...واذا وذا وذا يعني شكيت صورة الحلوه ابتسم بحزن وهمس...اشش بعدين نحجي حبيبتي هسه لازم ترتاحين.. ضل يحجي ويايه وكل شويه يبوس اصابع اديه واني حيييل زعلانه عليه واشهك من البجي وهو محتار ميعرف شنو يسووي وشلون يراضيني فاقد الوسيلة وماعنده فد موقف يشفع اله لان اجرم بحقي... مسح دموعي ورجع جاب علاجي مره ثانيه وكلاص مي انطاني بالگوه شربته وتعبته حييييل... شالني نومي علئ فراشي مسحت دموعي وانفي باادي...باسني بشفايفي رغم رفضي... وهو راح شال كزاز الكلاص وشمره بزبل واجه كعد يمي يمسح على شعري بهدوء وهمس بكلمات ما فهمتهن غامضات اصلا نص كلامه ماافهمه... رجعت من ذاكرتي علئ صوت رنت موبايل ماما بعده عندي اريد اشتري موبايل.. شفته اسم رانيا اتصلت بيه مافتحت خط عليها اصلا رفضته حتئ احسسها اني مو بحاجتها.... المطيه هسه تذكرت ترد عليه ما دكول اختي خلي اسأل عليها اشوفها شبيها ما بيها هاي بعدها ماتدري بيه مرض وهيج نكرتني... انتبهت علئ نفسي اغلط نفس خالد يالله...رباني علئ ايده وصرت مثله اطبع بااطباعه وحتئ مثله اسب واغلط صرت هجوميه وعدوانيه... رجعت اتصلت مره ثانيه قفلت الموبايل وحطيت راسي علئ المخده بين افكاري وواقعي المر نمت تعبانه مجروحه ومئيسه من الحياة... ....................... جان دنيا الضهر والبيت هدووء رحت الغرفتي اشوف فادي ومرتضئ عمه صاحته ضل كاعد يمها... اني رحت لغرفتي شفت فادي كاعد بسريره يلعب بلعبه مالته اشتراه اله مرتضئ اتصلت بدانيا مفتحت خط رجعت اتصلت بيه ماردت... اكيد زعلانه لان ماارد عليها ضحكت اختي مخبله وحساسه.... خطيه مقهوره علئ خالد لا ليله ليل ولا نهاره نهار منا دانيا زعلانه ومنا عمار منهزم...وكلها واكعه علئ راسه.. رحت دخلت للحمام سبحت بسرعه نشفت شعري بالمنشفه ولبست رووب الحمام طلعت ارجف من البرد شفت فادي يبجي خطيه جوعان هليام كوولش هاملته... شلته من سريره وكعدت علئ الجربايه طلعت صدري دا ارضع بي... هدئ شوويه ضليت امسح بشعره تنهدت لو ابو موجود شنو فرحته بيه... ضاقت انفاسي من حياتي التعيسه لعنت عمار النذل كله من وراه كسرني وكسر فرحتي ويتم طفلي ويتمني الله لا يوفقه ولا يحسن اليه.... انفتح الباب بسرعه جان مرتضى... ضميت صدري بسرعه بخجل...ومفتدئ ضل يبجي جووعان رجليه جانت طالعه وباارده خجلت حييل من مرتضئ حاولت اسكت فادئ بس هو جوعان... اجه مرتضى اخذه من بين احضاني وباسه خلاه بسريره وانطاها لعبته... سكت شوويه واني وكفت ونزلت من السرير باوعت عليه جانت نظراته مو مريحه خلت انفاسي تلهث وگلبي يدگ سريع ابتسم ابتسامه جانبيه رعبتني اكثر... مشيت بسرعه وتزحلكت بلعبة فادي سياره صغيره صرخت بصوت عالي ووكعت علئ وركي حسيت انكسر ضهري.. هو ركض عليه ملهووف واني من خجلي وكفت بسرعه متناسيه وجعي مشيت بسررعه وعثررت بس هو لزمني... ضحك بصوووت عالي واجته نوبة ضحك مو طبيعه...هههههههاي ههههههههاي عطت بوجه كتله...شبيك تضحك تتشمت حضرتك يعني مشايف وحده توكع ضحك كال...لا اول مره اشوف وحده توكع مرتين دفعته كتله واني عاقده حواجبي وحطيت ايدي على ضهري...ضهري نكسر وانت تضحك هو يريد يسطر بس يضحك خررب حضي كتله بعصبيه..لا تطلع معدتك من الضحك على كيفك لا تموت وابتلي بيك بالله شكول رجلي مات من ضحك من كلت رجلي مات من الضحك هو اختفت ابتسامته... احتضن خصري باثنين اديه وعيونه الجريئه تتئملني همس بهدوء عند شفاتي...معتبرتني رجلج رمشت بعيوني وتئتئت بالكلام...اءءء ل لا مم تقرب مني وغمض عيونه وبلع ريقه...واني ارجف رجليه احسهن ماتن واصابعي ترجف واطرافي بردت بين شفايفي وشفايفه تفصل سنتيمترات... دخلت أصابعه بشعري المبلول وتقرب اكثر... همست بهدوء..مرتضئ همس بهدوء وهو مغمض عيونه...هااا اجيت ابجي..فادي خطيه جووعان هو ابتعد بسرعه وباوعلي مصدوم عبالك حس بلي جان ديسوي.. بلع ريقه وراح للباب ديفتحه...واني سحبت نفس والرجفه تعتلي جسمي كوله مااريد اكون شهووه اريده يحبني مو بس يشوفني جسم لا اريده يشوفني رووح... ومااريد يحس اني رخيصه منو يجي أسلم روحي اله... اندك الباب وهو فتحه... دخلت عذراء كالت...هلا شلونكم خالد المو رجال يمكم جبتله شال... مرتضئ عقد حواجبه كلها...هااا شنو ولج مو رجال وشنو جبتيله شال.. كالت...اي مو رجال وعدني يزوجني لابو لهب وما وفه بوعده وكال اني مو رجال وشاربي مو عليه اذا مازوجتج ولحد الان كولشي ماكوو قررت اسمي المو رجال وجبتله شال خلي يتحجب ويزين شواربه... اني ضحكت.. ومرتضئ كلها...انجبي حماره شهل حجي والله اذا يسمعج خالد هيج تحجين اله يشنقج بالشال الجايبته كلتله بعناد.. هلووو علئ اساس اني خايفه منه ياحيف الشوارب التارسه وجه هسه شرايده اني.. مهند هو ابو لهب المهتلف صاير براسي عالم ديني بجامته طايره جنها بجامة نيلز... ضحكت كلتلها...اذا هو هيج معاجبج شكو كاتله روحج كالت..شسوي نسبة العنوسه صاعده 60 بالميه وحضي الاغبر. ذباني عليه مرتضئ تركها تسربت الوحدها وطلع غمزتلي كالت....هااا راح يجي ولي العهد مبين سابحه شوكت يجي هذا اليوم...ويوميه اسبح..مو مثل هسه من العيد للعيد ابن المطي هم لو بسلحفاة هسه وصل كلتلها...بيوم الخميس ادعي وان شاء لله تنفتح قسمتج كالت...باع الفطيره ماخليت واحد يعتب عليه ما نخيته ولج اني بس ابدي ادعي وهي الملائكه تضل تتراكض ويصيحون...سدوو ابواب الاستجابه عذيييره اجت تدعي ولج ايست من امي سمتني عذراء راح اضل طول عمري عذراء .. كتلها..لا ان شاء لله تزوجين كالت..اي والله ان شاء لله الستر زين احسن وحده تنهب؟تنستر احسن... كلتلها...اي والله احسن هههههه كالت..اضحكي شعليج طكيتي ثنين رجوله مثل حضي ابو لهب ويتعيقل عليه.... خرب حضي حاسدتني عليهم واحد ميت واحد مااعرف شنو يريد... ضلينه نسولف اني وياها وهي تسولف بس بالزواج ومنو خطبها ومنو اجاها وبطولاتها تضحك ويه الخطابه.. .... ................... باليل جنت نايمه حسيت بووجع موتني بكتفي متت منه كعدت من الألم رحت للثلاجه طلعت حبايه مسكن شربتها ورجعت افرك بكتفي ضليت تقريبا نص ساعه الالم زاد احس مثل السكين داخله بكتفي والعظم يصل عليه متت متتت الم مو طبيعي... ضليت ابجي وانحب وجع اقوه من وجع سن العقل.. ضليت اتكلب علئ فراشي مثل الحمامه المفرفحه وائن بصوت مسموع... شفت گلوب الغرفه انفتح باوعت جانت ماما.. شافتني ابجي تخبلت. كالت بخووف..ماما دنوو شبيج؟ كلتلها بنحيب وبكاء...ايدي وكتفي يوجعني راح امووت خطيه ضلت تسوي اليه مساج وتفرك بيه وتقره آيات واني بس ابجي متت التطلگ مو مثلي... راحت صاحت لبابا واجه بابا متخبل كالوو..هااا بابا دانيا شبيج... كتله...ايدي متت منها كعد يفرج بيها وجابت ماما عصاره انطتها اله حطالي بس مفاد متت من الوجع... كمت منهم وكعدت علئ الارض ابجي تمددت علئ برودة الأرض وابجي ماما ضلت تبجي كلتله اخذها للمستشفئ بابا كعد يمي كال بابا امشي اخذج للمستشفئ..جان دنيا ليل والوقت متأخر تقريبا بالثنتين... مقبلت اروح جانت عدنه مكتبه اني ورانيا دائما نشتري كتب ونقره صارت نومتي يم المكتبه من حركتي وبكائي رفست المكتبه وطاحت الكتب كولها عليه... حسيت هدء الوجع عليه...بابا راد يشيل الكتب عطت بصوت عالي...لا بابا عوفهم احس صرت زينه ماما كالت..لج ماما لا تتمرضين الكاع بارده كتلها...ميخالف المهم سكنت من الوجع... خطيه ضلوو للصبح كاعدين يمي واني من التعب والوجع نمت محسيت علئ روحي والكتب فوكاي..واكوو كتاب صار مقابيل عيني اسمه... ضننته رجلا...هذا الكتاب حلوو نصوص شعريه وومضات اتمنئ ارسلهن كولهن الخالد واكتبله ضننتك رجلا يا دايح... ....................... سحر.... رجعنه للكوت جنت حيل متكئبه وخااايفه من الواطي النذل غيس... وصلنه مرتضئ جنت متجاهله مشاعري تجاها اني ملك لابن اخته وهو خال زوجي ما لازم افكر بي... من وصلنه جان غيس ماموجود عنده حموله وطالع للبصره عساه لا اجه الكلب..الحيوان... اتذكرت علي خطيه اخر مره اني وياه... من اجانه وكعدنه لوحدنه اول مره يختلي بيه جدتي ماترضئ وجانت ماموجوده راحت هي وام خالد الكاظم عليه السلام... جنت كاعده بخجل وشابكه اصابعي وهو جان يتاملني ويبتسم بهدوء... بعدها ترك مكانه واجه كعد بصفي وانه ابتعدت شويه.. كال بهيام...شبييج حبيبتي ترئ اني زوجج حبيبج لا تخافين.. كتله بخوف...لا ما خايفه بس كال..بس شنووو؟ كتله..اءء هيييج انه شويه خجووله هو حط اصابعه حدر حنكي وانه غمضت عيوني ماحسيت غير بدفوو علئ شفايفي... فتحت عيوني شفته غيس مو علي صررخت بوجه ودفعته ونعادت عليه تحرشات غيس وذكريات اليمه دفعته وكتله اكرهك اكرهك يا نذل.. وهو تخبل ضربني راشدي صحاني من حالتي... وكال...اله اطلكج اني هيج تكليلي اله تحبين وهيج تتصرفين.. تخبل وخله وطلع وكل لامه مااريده بعد وانه من ذيج لساعه الهاي الساعه بعد ماشفته وانتصل عليه من موبايل جدتي ما يجاوب...حتى هو اشترالي موبايل هم تصلت دزيت رساله ما رد عليه.. وحتئ كتبتله..حبيبي علاوي رد وهو مايرد... تنهدت وكمت... مرة عمي شاده حرابه هي وبناته وياي شلون خطبني ضابط.... اجت جدتي دخلت للغرفه ملهووفه وعصاها بيدها كالت...ولج سحيير لا تطلعين خووش غيس اجه من شغله... اني ضلت لشتي كلها ترجف... كتلها...لا مااطلع حسيت بخطئي وعدم كسب علي لناحيتي حتئ يخلصني من ابن عمي ولازم انسئ مرتضئ انه غسمتي ويه علي وان شاء لله اصوونه ومااغدره.. ماحسيت غيير انرفس الباب وطب غيس وجدتي لازمته..وعيونه تجدح شرار ومزين شعره صفر يخووف... زحفت علئ الجربايه من الخوف وهو تقرب مني وانه صررخت وحطيت اديه على اذاني... ......................... كعدت الصبح نضفت ويه البنات ومرة معن ومريم اختهم وبعدين صعدت بدلت الفادي وبدلت مرتضئ جان نايم هليام ميروح للداوم .. يشتغل سايق مخده... اتصلت ماما عليه فتحت خط كالت رانيا تعالي دنوو البارحه تخربطت ... وسولفتلي شنو صار بيها... تخبلت... بسرعه كعدت مرتضئ وسولفتله واني مرتبكه وخايفه خطيه مكال شئ...حظر نفسه وغسل وبدل وكال حظري فادي.. نزلنه مبدلين... كالت عمه...هاي وين رايحين كلتلها...دانيا متخربطه البارحه واريد اروح اشوفها كالت...ياااا وهسه شلونها كلتله..والله مااعرف رايحه اشوفها... طلعنه ركبنه بالسياره ورحنه البيت اهلي... وصلنه مسافة الطريق... دكينه الباب فتح بابا الباب...سلم علينه واخذ فادي يبوس بي... وكعد مرتضئ وبابا بالاستقبال... ..... جنت كاعده اتريك عيوني مورمه من البجي مال البارحه خطيه ماما تسوي لفات وتوكل بيه... شفت رانيا دخلت سلمت على ماما واجت دنكت عليه باستني وضلت تبجي واني درت وجهي منها زعلانه كعدت ضلت تسولف كالت..شبيج :؟ كلتلها بزعل...الحمد لله بخير مابيه شئ كالت بفشله..حبيبتي اعذريني تعرفين بيت عمو هوسه منا مشكلة عمار والمشاكل كايمه وخالد كل شويه معاركهم ونسيت افتح خط عليج كلتلها...انتي اختي من حقي اعتب عليج كالت..اي والله حقج اعذريني... شويه واندك الباب... كمت اني فتحته جانت عمه وفوزيه ومعن ومرته وعذراء واخت خالد مريم كلهم جايين الخاطري صدوك فرحت بجيتهم... سلمت عليهم... وعذراء حضنتني حضنه وتبوس بيه احس مردت الكتله الي بصدري... واني ضحكت وبستها... رحت استحيت من معن لبست جاكيت وشال لان جنت لابسه بجامه ضيقه بيضه وتشيرت سبورت احمر.... كالوو ...شنو شبيج البارحه؟ كلتلهم ماما...ايدها وكتفها مدري شبيهم... كالت عمه...خاف شايله ثكل كلتلها...اي نضفت غرفتي وشلت الجنط كبار يمكن طك عندي دمار... هو جذب بس اريد اسكتهم... صفت بصفي عذراء كالت..ماترجعين خطيه الفرس مالتج ضال يزاكط بس يعارك بعباد الله وذاك اليوم صعدت فووك اله ... كلتلها بصدمه ...شسوين كالت..اريد اغتصبه هههههههاي شريد منه مثلا وعدني بشغله وما وفه بيه طلع مو رجال... خفت من كلامها شنو مو رجال معقوله خالد يخوني ويه عذراء لا والله انتحر... كتلها..اي وبعدين كالت وهو تهف باديها...لكيته نايم وحاظن ثوب النوم مالتج تمنيت روحي بمكانه خخخخخخخ ضحكت كلتلها...شهل ضحكه مال السكارئ.. كالت...خاب ارجعي لا تتعيقلين لا بالعباس اخلي امي تطكه بسحر واخذه ...لج دنوو والقران مشتاقتلج تذكرين من نباوع علئ ابو لهب لزمنه خالد ضحكت كلتلها...اي اذكر من وراج اجه يكتلني... كالت..درجعي كلتلها...لا يطلك كالت..طلكج البين وسواج وصلتين وهو انتن مال رجوله العوبات صدك الله ينطي الجوز للماعنده سنون...هو انتي تحجين علئ خالد شنو انتي خيره لسانج لسان دلاله... ضحكت وهي تنطي نصائح ومواعظ... وبعدها راحوو وحتئ رانيا راحت.... ضجت حييل من راحوو لمتهم حلووه وكلهم يسولفون بنفس الوقت مو مثلنه هدووء وماما متسولف ولا حتئ بابا.... جنت من اضوج اروح العذراء تونسني... حسيت بنغزات تحت ابطي مثل نغزات صدري رحت للحمام نزعت التشيرت ومديت ايدي التمس شنو الصار... انصدمت بوجود كتله ثانيه تحت ابطي مشابهه للبصدري... وكعت علئ ركبي نهارت قوواي رجفت شفايفي وبجيت بصمت جنت بواحد صرت بثنين.... لا ياربي لا تفجعني بصحتي.... لبست تشيرتي ومسحت دموعي...وحاولت اضبط انفاسي وروحي هايمه ومسلوبه مني الحياة... اندك الباب... جنت متوقعه هذي خالتي هي وبناتها لان خابرت كالت حتجي... رحت فتحت الباب... ورجعت خطوتين من خووفي وصدمتي واني اشووف الصهيوني خيم علئ بابنه وخياله وجثالته غطت عليه... ردت اسد الباب لكن هو دفعه واحتضني... وقيدني باديه ... نهاية.البارت...يتبع...... وقفه احبتي...اقف لحظة صمت وحداد علئ ارواح اهالي الموصل الذي غرقوا ليلة امس والئ جميع شهداء واموات المسلمين.... #شهداء الموصل الئ رحمة الله😢😢 كونوا هنا كونوا بخير...احبكم😘 نور سمو العراق 💔💔 | ||||
|
| |
|
18-07-19, 12:18 PM
| #38 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني..بارت 3 رواية...انتي سيوف الثأر في اجفاني بقلمي..سمو العراق 💔💔💔💔💔💔💔 يقولون حبيبتي مريضة .......فياا ليتني الطبيب المداوي رفقا بها.......... ايها القدر خذ مني سنوات وسنوات وارزقها عمرا وعمرا مديدا فلقد اكتفئ قلبي بكل هذا العذاب دعوتك يارب بكل انواع الدعاء ان لا تسلب منها نور الحياة💔 فلقد سلبيتها الروح انا قبلا فالضرب في الميت حرام... فطفلتي المريضه ضحية عنفوان سيفي البتار شكر خاص للمبدعه Mnmn78 ....................... رحت فتحت الباب... ورجعت خطوتين من خووفي وصدمتي واني اشووف الصهيوني خيم علئ بابنه وخياله وجثالته غطت عليه... ردت اسد الباب لكن هو دفعه واحتضني... وقيدني باديه ... دفعته ماگدرت جان اقووئ مني احتضني وهو يهمس...دانيا حبيبتي اني زوجج حبيبج اهدئ لا تخافين... انصدمت من كلامه... حبيبي؟؟،زوجي المجرم اي بس حبيبي لااا والف لااا كتله بهدووء...شتريييد؟ عض شفته وغمز الي وكال...افااا هيج تستقبلين الضيوف ومع العلم اني مو اي ضيف اكيد الي معزه خاصه.. بلعت ريقي واني ارجف مجرد ما شفته مشاعري تلخبطت كتله...تفضل بابا موجود كال...ماعندي حجي ويه بابا كلامي وياج انتي... كتله بجمود...لا ماعندي كلام وياك كلامي انتهئ من اول يوم تركت بي البيت...خااالد طلگني.. هو تكلم من بين اسنانه ولزمني من تشيرتي وبعصبيه...دانيه مااطلك لو ينزل نبي من السماء.. عطت بوجه بعصبيه...اطلگني يعني تطلگ وهاي الفاظك بطلها علئ شنو نازل نبي من السماء عقد حواجبه وتقرب مني اكثر كال.. تردين تطلگين حتئ تزوجين مصعب... كتله بنهيار...اتزوج مصعب غيره هذا ما يخصك كال بوعيد...يعني اذا طلكتج تزوجين؟ كتله بعناد...اي اتزوج اتزوج رجال يحترمني ويقدرني ومايضربني ويتهمني باااطل اتزوج ولا يرف الي جفن.. هو لزمني من ايدي وسحبني بعصبية ومشئ حسيت طرت صررخت وضليت اضررب بي عطت بصوت عالي...بااابا هو دار وجه وراد يحط ايده علئ حلگي حتئ يمنع صراخي بس اني جنت اسبع منه لزمت ايده وعضيتها حيييييل ويدقني من اعضه يضل بس يبتسم وعيونه الخبيثه تتاملني ويضل يهمس...عضي حيييل تمنيتها بصدري... من يحجي هيج يخليني ارخي اسناني وتضل رجليه ترجف شوويه واجه بابا وماما... شافونه واكفين هو مغطيني،واني ضايعه ويه حجمه بسرعه ابتعدت وهو هم ابتعد وضحك... بابا كال بااستغراب...خييير شكوو انتي بابا صرختي؟ ضحك خالد كال...السلام عليكم لا مصرخت بس جانت تريد تكلك اني اجيت... بابا اجه سلم عليه هو وماما واستقبلوو... واني رحت الغرفتي ارجف وجهي گب نااار وصار احمر حتئ الوجع نسيته ... ضليت افتر بتوتر داخل الغرفه وكلي فضول اريد اعرف شنو الي دا يدور بينهم وعن شنو يحجون... ياربي بس لا يحجي الهم عن ماضينه التعيس ويقهرهم ويقلقهم.... شوويه واجه بابا كال...دانيا تعالي خالد يريدج كتله بخوف وتردد...شيريد؟ تقرب مني وحط اديه على اكتافي كال...بابا تفاهموو انتي وياها ترئ رغم اني احبج واريد مصلحتج بس الطلاگ مو هين صح هو حلال بس بغيض عند ربج ابغض الحلال عند الله الطلاق....تفاهموو بابا واذا لگيتي طريقج مسدود رديلي،خبر... طلعت من غرفتي وبابا وماما راحوو الغرفتهم اني لازم اروح اكعد الوحدي وياها بالاستقبال... اول شئ رحت سويته قفلت الباب الرئيسي اخاف هتلر بخطفني فقلت الباب وضميت المفتاح بصدري... انووب رحت رجعت الغرفتي لبست بليره لان جنت لابسه بس بجامه وبدي و خالد مو راحه اخاف يغتصبني واصير حامل وارجع غصبا عني...وتتكون عندي الذريه الدايحه.. وكفت علئ المرايه رتبت شعري وكرصت خدودي حتئ اصير حمره طبيعي... انتبهت علئ نفسي شنو الغايه من ان اكون حلووه بنظره استغربت حالتي وخليت ورحت... فتحت الباب شفته كاعد علئ التخم الملكي ويشرب جكاير وهيئته حيييل تخوفني... هو من شافني عدل كعدته وطفئ جكارته وكف ملهووف ومشئ بخطوات وصلته اليه... لزمني من اكتافي واني درت وجهي زعلانه كال بهيام ولهفه...كالوو مريضه تخبلت مرتين اجيت اسووي حادث بالطريق باوعتله بحددده ماعجبني كلامه... كال..اليوم مرتين غصيت بالأكل استغربت حالتي اثاري دلال حااس اليوم الروح مريضه ...جاوبت گلبي وكتله اروحلها فدووه وونذر من عمري علئ عمرها... غمضت عيووني حيييل ورجفت شفايفي وكعن دموعي لا ارادي... هو مسح دموعي بلهفه وباسني بدموعي كال بخووف...شبيج شنو اليوجعج والله اعارك المرض وطلعج من حلگ السبع اشتريت بروحي والله انتي جاهله معزتج عندي بس اني ماجاهل غلاج بگلبي... هزيت راسي ناكره كلامه...خاااالد انت السبب بكل شي انت دمرتني دمرت كووولشي والله مااريد اعاتبك لان متستاهل العتب...واني مااحب اشكي.. كال باسف...اني وياج ضحيه للعنف الطائفي صح تجبرت عليج وقسيت بس صدكيني جنت اقسي علئ روحي قبل مااقسئ عليج...تعبني الحنين لعيونج وزعلني غيابج..فعلا افتقدتج وشتاقيت الج احس يومي فارغ بدونج... درت وجهي عنه وانطيته ضهري مسحت دموعي بتعاسه كتله...واني احس يومي مليان بدونك...خالد اني وياك ابد ما نتراهم فارق عمر بينه ولا عقلي،مثل عقلك اني وياك مثل السماء والطارق... كال..شنو التردينه؟ كتله برجاء بدون ماادير وجهي اله...بس حررني من سجنك والله اخذت ثارك وزايده اصلا ما الك ثار ويايه حسيت بقبلاته علئ رقبتي من وره غمضت عيوني وبطني لوتني همس عند اذني..ترضين امووت والله مااكدر افاركج اني هاايم تعرفين شنو هااايم احببببج درت وجهي عليه ولزمته من ياخة قميصه بااثنين اديه باوعت بعيونه كتله برجاء...باوع بعيوني خاالد شووف اني مثلي دانيه الجيت عروس لبيتك لو تغيرت شوووف شووف الشحووب اتمعن بوجهي تشوف الحياة مسلوبه مني والله هذا كله بسبب شنوو؟ تعرف شنو ذكرياتي الاليمه وياك لك والله اني دا امووت خليني اعيش بسلام فدوه اروح الك.. حتضني من خصري وهمس...مستعد انسيج كوولشي،واعيشج بسلام بس،انتي،انطيني،فرصه ولا تصيرين قاسيه.. بللت شفايفي واحس ريقي يبس...خالد كوله انساه وتغاظئ عنه بس لا اكدر انسئ ضربتك العيني ولا اكدر انسئ من تركتني بالشارع انت اجرمت بحقي والله ومحاسبتك ولا شتكيت عليك ولا كلت شئ،ولا حتئ اي شخص،من اهلي يعرف... كال بحب..اصييله والله صح قسيت وياج بس انتي عالجتيني من ازمات مرة بحياتي،القدر هو خلاج بطريقي والصدفه هي لجابتج دووه لجروحي شهكت من البجي كتله..خالد ترضئ امووت.. هو احتضني حيييل وعبالك راح اطير حسيت عضامي تكسرت بحضنته.. كال...كتلج الاوي المووت وطلعج من حلگ السبع المووت مو الج مايلوك الطوولج كتله. ببكاء.....لعد لو انت تموت لو اني،واحد منه لازم يموت حتئ الشخص الثاني،يخلص طريقه... كال بتفاجئ...هيج وجودي تعتبرينه الموت بالنسبه الج... كتله بشهكه...اي كال بجمود...خووش راح احاول ابتعد عنج بس مراح اسمح لاي شخص يتفرل منج ولا اسمح لشخص يكون ولي عليج انتي مرتي ومسئوله مني وان شاء لله باجر اخذج للدكتور... كتله بتنهيده...خالد ترئ مجرد تشنج عضلي،ماكو شئ وياريت تطلگني بدوون مشاكل ماحسين غييير بااديه القاسيه قيدتني وصفني علئ الحايط وعيونه تجدح شرار... كال بعصبية وفحيح شيطاني...صارلي ساعه احجي وياج واكلج مااطلكج اعرفج بس اطلگ ترحين تزوجين وتحركين كلبي...والله مو زلمه ولا طالع من ضهر ابووي اذا طلكتج... صررخ لوجهي كال ... فاهمه انتي ملكي تعرفين شنو ملكي... كتله ...مو ملكك ولا ورث من امك ماحسيت غير بقبلاته القاااسيه قطعت انفاسي،حاولت ادفعه ماكدرت جانت قوته تفوق قووتي اضعااف... فتح شعري ودخل اصابعه بشعري واني اضرب بي واريد التقط انفاسي صرت ارجف وعرگت حيييل نبتت اضافري بيده وهو رخئ اديه مني دفعته وركضت وصلت لباب الاستقبال باوعت عليها وهو نظراته الخبيثه وضحكته الاشمئزازيه مراقبتني... عض شفته وكال...اووووف والله بزونه منفووشه نفش... بلعت ريقي هذا مستحيل اخلص منه.... مديت ايدي بصدري وهو يبتسم بخبث... طلعت المفتاح وشمرته عليه كتله..اطلع بررره يامنحرف ياحيف شواربك وبابا مئمن بيك وانت تريد تعتدي عليه... لكف المفتاح وضحك بااستهزاء... ههههههههههاي اي. مو علئ اساس اني ممعتدي من قبل لج دانتي حافظ جسمج شبر شبر اوووف من الشامه البخصرج لحد هسه مزلزله كياني....لا وبعد ل.... فتحت عيووني مصدومه من جرائته كال..اكمل لو كاااافي ...وغمز الي فتحت الباب وطلعت ملهووفه وخايفه شكد ميستحي حافظني حفظ ويعدد خررب يومك دكيت الباب علئ بابا ... طلع بابا كال...هااا بابا كتله...خالد يريد يروح منتظرك... بابا طلع وراح للاستقبال.. وكفت وره الباب... بابا كله...هااا عمي ان شاء لله خيير كله...خير ان شاء لله خلوها عدكم هاي الفتره وان شاء لله بس ترتاح ارجع عليها.. بس هي شنو البيها.. بابا گله...هي بس صار الها فترها تشكي من ايدها وكتفها دكول شد عضلي... خالد...راح احجز الها عند طبيب مفاصل واخذها وان شاء لله خيير رفعت حواجبي بااستهزاء يا مفاصل اني انمليت عقد بصدري وحده وتحت ابطي وحده ودا احس برزوز وحده ثانيه... اووف لو يعرفون اني من شنوو اعاني... بجيت من اليأس والجزع الي تلبسني معقووله بعد فتره اكون جوه التراب واكون نسيان وما اكون بينهم كلمن يعيش حياته واني تخلص حياتي... شنو المنتظرته اني المووت ؟ سكوتي عن مرضي يدل اني منتظره المووت... ماحسيت غير باابويه حط فلووس بيدي.. باوعتله مصدومه كل هل فتره افكر وخالد طلع... كتله بااستغراب...هاي شنوو؟ كال...خالد دزهم الج...يكول مدام مسؤؤله مني محد اله شغل بمصرفها باوعت علئ الفلوس وتنهدت..ميغريني لو شيسوي ميغريني...ميكدر يتملكني... ما عرفت نفسي ابجي اله ما بعد بابا مسح دموعي.. تركت بابا ووكعت الفلوس من ايدي وركضت الغرفتي ودموعي تتطاير من عيوني... وبابا ادرك البيني وبين خالد شئ عظيم وما گدر يستوعب شنوو... نمت علئ فراشي واني اشهك وابجي وحسيت بالنغزات زادت وصدري اشتعل نار حاولت اخفف من الضغط علئ نفسي بس مكدرت لذالك التجئت للنوم الكاذب للهروب من ذكرياتي التعيسه..... ............. ....................... سحر... زحفت على السرير من الخووف واني اشووف أقبح انسان علئ وجه الكره الارضيه... قيس النذل العااار ...وجه ممسوحه من الرحمه وصاير مثل القرد ... مزين گرعه وطابر حاجبه... حسيت من شفته راح اتقيئ... هو هجم عليه وجدتي والبنات لزمنه... ضل يتهدد بعصبية وغضب...لج عااار انخطبتي والله اله افسخها واذلج هنا بنت الكلب انقهرت حيييل ودموعي نزلت لا ارادي يسب بااهلي وهمه مووته الله ياخذك وينتقم منك شر انتقام الله علئ الضالم ان شاء لله حوبت يتمي ما تتعداك... ماكدرت انطق بولا كلمه خووفي منه اكبر مني... كال بااستهزاء...ههه خطيبج العار يدري لاعب بيج منا لمن كلي الله بس... شمئزيت من كلامه وحقارته وشديت علئ شفايفي... تقرب مني ولزمني من حجابي وهمس...تطلكين واخليج خدامه جووه رجليه مفهووم مو اني قيس الوحده مثلج حشره تريد تذلني... وكمل بهمس مقرف...اوووف مشتاق الاحضانج حسيت القهر ياكل بكلبي باوعتله بحده وتفلت بوجه ماعرفت شلووون اجتني القوووه ماحسيت غير براشدي افقدني السمع للحضات... وكعت من الجربايه وصرخت احس ضهري انكسر ضليت اصرخ وابجي وهو يدفر بيه ويتهدد وهنه لازماته...وكفت اريد انهزم منه ماحسيت غير برفسة رجله علئ بطني طيرتني من مكاني انضربت بالباب جانت بيه حديده وحافته طالعته حسيته دخلت بضلعي ضليت اتلوئ واصررخ من الوجع انهاريت كووولش متحملت اببببد جدتي ضلت تضرب بي وتغلط عليه وهو من شافني هيج خله وطلع... كومتنني اخته وكعدتني علئ الجربايه الدم ترس ضهري.. سمعت جدتي تخابر بام خالد كلها..خييه الحكينه كليلهم خلي يزوج علي وسحر هذا الاسبوع غيس هجم علينه وكتل سحر وبعدها كالتلها...جااا خووش باجر اجيب سحر واجي... قفلت الموبايل واجت يمي تباوع علئ ضهري ضلت تلطم كالت...يمممه شلون تزوجين وغيس العار شوهج راحت فتحت الكنتور وضلت تلم بااغراضنه وقررت تزوجني بسرعه من علي حتئ تحميني من قيس... وانه هم اريد اتزوج علي وهم اخاف منه يطالبني بحقوقه كزوج وانه كاره جنس ادم ربي يحلها محتاجه لامي حييل اتمنئ اموتن واخلص من الحياة الگشره... يمممه وينج افتحي كبرج وحضنيني مااريدن اي واحد بس انتي ضليت ابجي منا لمن احسن عيوني طفن وبعد مااشوف... وضهري متت منه انه احسن بعد مااخلف وقيس النذل احسه كطع خلفتي ضرباته كله على ضهري جدتي كعدت بصفي كالت باجر نروح من الصبح نشرد وان شاء لله علي يحميج من غيس هزيت راسي بأي وضليت اون و ابجي..منا لمن حسيت دموعي خلصن... ................... .. جنت كاعده بالاستقبال اني والبنات وعموو ومعن...ومرته وعمتي وعذراء... جانت عمتي تلعب بفادي وتبوس بي ودكله...فديتك يا رويحت الغالي... اجه مرتضئ دخل كعد بصفي.. واني تنحنحت وابتسمت بوجه وهو بادلني الابتسامه ودار وجه وبعدين راح اخذ فادي من عمتي وكعد يمها يبوس بيه ويبززه بلحيته وفادي مزعوج فديته بعدين دخل خالد كال..السلآم كلوله...وعليكم السلام ورحمة اللة وبركاته امه كلتله...وين جنت كلها..مشوار هي سكتت محد يحجي وياه ...عمتي بطبيعتها تخاف علئ ولدها واذا واحد منهم طلع تحرك التليفون حرك عليه ومن يجي تسوي بي فلك... بس خالد شكد تتصل عليه ميفتح خط او يفتح يكلها جاي بالطريق..ومن يجي دكله يمه فدوه لا تطلع دير بالك على نفسك وهو يكلها اي ان شاء لله وثاني يوم نفس الشئ علئ كولة دانيا...دايح وشفت الكل يخاف منه ويحسبله حساب حتئ اخوو الكبير.. الوحيده المتخاف هي عذراء... اول مدخل كلتله...هااا وينه ابو لهب كالها...بالدرك الاسفل من جهنم كلتله...يااا ابو لهب المتدين بجهنم جاا انت وين يشمرونك بالزفيير كلها..انجبي انجبي وينج وين ابو لهب رجال متدين وصاحب دين انتي شنوو كلتله...شني والله العظيم اذا يريد اكص النيشان طول مال علگ اخضر هو ضحك كلها ..والله ذكرتيني بنكته تنطبق عليج ان شاء لله عذراء من تزوج ابو لهب تلبس ثوب اخضر وتشعل كلوب اخضر وتحط نزله خضره ...ويدخل ابو لهب يكول ازور عذراء اصالة عن نفسي وعن والديه ووالد والديه اادخل يا عذراء اادخل يا امة الله احنه ضحكنه متنه من ضحك... وهي هم الفطيره تضحك علئ واهسنه بس المهم تزوج ابو لهب... كلتله..نذر عليه اذا اتزوجت ابو لهب البس بدله خضره كلها...ان شاء الله ازوجج والله بس اصبري عليه شويه... كلتله...ان شاء لله واني هم نذر عليه اذا تزوجت ارجعلك دانيه وبديت وياها اغور بيها... هو ضحك وتركنه وراح... شويه واتصلت بيبة سحر ... والفتهمته حتجي لان كاتلها ابن عمها مااعرف شنوو.. بسرعه انتبهت علئ مرتضئ عيونه صارت بكصته وترك فادي انطاه لاخته وانتبه علئ كلام امه... عرف ابن عمها ضاربها ومئذيها... مرتضئ كال بعصبيه...شنو تايهتله والله من علي اله اجفنه وهو حي وادفنه نذل عار يضرب بنيه لا حول ولا قووه... امه كلتله...ان شاء لله راح تجي واخابر اختك ام علي تقرب زواجهم... هو عبالك انضرب راشدي تركها وراح واحس لسانه انربط... انقهرت حيييل عليه وعلئ سحر وعلئ الكل الله ينتقم منك عمار بهذلتنه كلنه ربي يبهذلك مثل ما بهذلتنه... اخذت فادي وطلعت وحس وجرت من القهر... وعمتي كعدت تخابر بأم علي وتحجي وياها.... واني دخلت لغرفتي حسيت خنكتني العبره واريد ابجي بس كتمت عبرتي وحاولت اقووي نفسي... بس هيهات لان صعب من تحسين بعدم اهميتج وانتي جنتي الكل بالكل من انسان يسواهم كلهم... ..................... بعد مرور كم يوم.. خابرتني عبله كالت باجر تعالي ويايه للجامعه لان حاجيت الاساتذه وكالوو خلي تجي تشوف الاقسام... كلتلها ميخالف رحت لبابا كتله بابا خطيه مكسر خاطري كال ..روحي رحت دا احظر ملابسي طلعت فسان قصير اسود وبي ذهبي من الوسط وبنطرون اسوود وشال ذهبي وحذاء بيجيه وجنطه كذالك... شويه واتصل موبايل ماما هو كوله عندي... فتحت خط لكيتها رانيا... حجيت وياها...جانت مزعوجه من تصرفات مرتضئ تجاه سحر... سكتت منها ومااعرف شنو انصحها اصلا مشكلتها عويصه.. كلتلها..باجر اروح للجامعه كالت..خالد عنده خبر كلتلها..وهو شله شغل هو طليقي ان شاء لله كالت..لج ميصير تطلعين بدون علمه.. كلتلها..يمعووده هو اني وين رايحه للملهئ كوله رايحه ادور جامعه تتقبلني اريد اداوم... كالت...لعد مو كلتي ادرس بااوكرانيا كلتلها..اي ان شاء لله بس خاف خالد ميقبل ضحكت كالت...مو معتبرته طليقج شكوو ماكله همه تنهدت كلتلها...مااعرف بس يمكن لان بالخارج... كملت اتصال وقفله... بعدين ضليت احووس مكدرت انام احس بثقل بصدري ويوجعني... حاولت اتناساها ... دخلت علئ صفحة خالد الرسميه بالفيس... شفت ناشر صورة قبر زينب الله يرحمها وكاتب... الگبر مو للبگدج گومي البسي سوار...الچفن ميلوگ للمتروسه حنييه.. جان مكتوب الشهيده الشابه..زينب .... انقهرت حيييييل وبجيت اووف يا خالد... زينب ماتت ودانيا مريضه... ان شاء لله تدفني بصف زينب وتخلصني من همك... رحت لفراشي واني افكر بيه اذا متت شيسوي هم يبجي عليه... بس لا حقير ميبجي اصلا من ضربني ما رف اله جفن..صح تأثر بس ما شفت دموعه وهو حيل ميحترمني... ومخلصها عليه بنت الكلب بنت المطي...ابويه يدخل الجنه من وراه اني متأكده... وشكد يقلد عليه شعرج صووفه وشفايفج براطم صوماليه... اذكر مره جابني من اهلي... كال..اكلج شكد عمرج؟ كتله بحقد..جنت 19 بس هسه 102 كال بااستهزاء...اي مبين 102 شكلج مال وحده كبيره باوعتله بنظره حاده اصلا اني كاعده بصفه بالصدر ضايعه مضيعني... كتله بسخريه...وانت شكد يالبيبي؟ كال..زين عمري مااكدر اكوول اخاف من العيون كتله..اعرف بيك اكبر مني ب 15 سنه ولو مبين بعشرين كال..احجي بكيفج وهذا حجي يفيدج هو مو بالعمر بالشكل كلت...اووف شووف الثقه والله بابا مبين اصغر منك كال..وانتي مبينه اكبر من امي كتله...اني وزني 54 وعمري 19 وطولي 159 يعني كيووت..بس كوول لروحك وزنك طن..وطولك برج ايفل وعمرك 70 سنه ضحك كال..لا يا ملعوونه راح اكولج عمري الحقيقي اني 34 سنه ارتاحيتي كتله..اي شويب رجلك بالگبر كال..بنت المطي تسكتين لا اوكلج نعل سكتت واني اسب بي بكلبي ... ضحكت علئ ذكرياتي وياها ونمت.... وماصحيت اله علئ رنة موبايلي... موقته الموبايل...كعدت بدلت بسرعه ومكيجت ورشيت عطر... شوويه واجت عبله بالخط مالتها... رحت ركبت وياها.... كالت...لج شطالعه تجننين اليوم تصير كتل عليج ضحكت كلتلها...مو الهلدرجه... اول موصلنه كالت عبله...خلي نروح للمطعم نتريك ونرجع للجامعه بين متجي صديقتي تجيبلج ورقه من العماده حتئ يقبلون يدخلوج... رحت وياها المطعم كووووولش راقي يجنن بالكراده وقريب علئ جامعتها... استقبلنه النادل... كعدنه بجناح خاص للعوائل... ضلينه نسولف وكل شوويه عبله تراسل... شوويه وحسيت صارت حركه ورايه درت وجهي... شفت شخص لابس قاط اسوود ومسدسه بارز من احزام بنطلونه ووياه اثنين واحد علئ يمينه وهو علئ يساره وكل واحد منهم عضلاته اكبر من وجه عبله يخوفون... بلعت ريقي ...وهي ضحكت ووكفت... جانت لابسه فستان قصير احمر وشعرها اسود ولادي وحمره ...حمره تجيب الشبهه سلمت عليها تفاجئت منها... وهو كعد مقابيلي وعيونه الجريئه تتاملني كال...مرحباا معرفتج منو بلا زحمه بلعت ريقي ومكدرت احجي لو يجي خالد او بابا شنو موقفي واني كاعده ويه عصابه مدري شنوو... ........ .................. بمكان ثاني.... جان واكف بالمكان الي يتواجد بيه خالد... همس الصديقه وهو يخفي وجه بمناظر كبيره وشفقه عريضه... ...لازم اتخلص منه هذا خطر على حياتي... صديقه...وشتريد تسوي ....بضحكه حقيره...يا اما اقتله يا اما اكسره وكعده بالبيت... صديقه....ههههههاي كسره وكعده مثل النسوان حتئ تحس بنشوه وانت تشوف عدوك عاجز.. هوو.... ههههههاي فعلا حلوه هاي كثرلي منها... طلع خالد..من الكهووه وتوجه السلاح عليه بدون علمه... نهاية البارت....يتبع... حبيباتي طلب تابعوو هذول الكاتبات فضلا وليس امرا...user6542200 FatimeRaad انتظروني بالبارت القادم... كونوا هنا كونوا بخير... احبكم...نور سمو العراق😘💔 | ||||
|
| |
|
18-07-19, 12:22 PM
| #39 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني..بارت 4 رواية..انتي سيوف الثأر في اجفاني.. بقلمي...سمو العراق 💔💔💔💔💔💔 الحب كالزهرة الجميلة والوفاء هي قطرات الندى عليها والخيانة هي الحذاء البغيض الذي يدوس على الوردة فيسحقها. ................ .. ............. وهو كعد مقابيلي وعيونه الجريئه تتاملني كال...مرحباا معرفتج منو بلا زحمه بلعت ريقي ومكدرت احجي لو يجي خالد او بابا شنو موقفي واني كاعده ويه عصابه مدري شنوو... جاوبته بتردد وخوف...والله اني اقارب عبله باوع علئ عبله وابتسم... عبله جاوبته بدلع..اعرفك هايه دنوو بنت خالتي ضحك كال...اهلا وسهلا اتشرفت بمعرفتج جاوبته واني بدي اركع عبله بكتابها علئ راسها...شكرا كال ...متريگين؟ عبله جاوبته...لا بس شبعانين صفگ باايده اجه الگرصون بسرعه انطاه المنيووو. وهو گال.. حطلب الكم مشاوي علئ ذوقي... سكتت محجيت مع العلم مااحب اللحوم المشويه تجس نفسي منها... وعبله جاوبته بدلع...براحتك حبيبي شوويه وانترست الطاوله ترس...مشاوي من كل شئ نوع والمقبلات والشوربه والخبز 3،انواع كال..تفضلوو اكلوو انقهرت كوولش شنو يغريه باللگمه مماكلين لو شنوو... بالي كوله عند خالد لا يسوين تكه علئ الفحم اذا شافني.. كتبت رساله العبله مضمونها...عبله يا طايحة الحظ هذا عنتر شجابه والله لو خالد يجي اله يسويني كباب شووي شلون تجيبيني هنا وتواعدين مكسر كتبتلي...مسحت الرساله لج بعد لا ترسلين وتغلطين لا يقراهم متعرفينه كبير بالدوله ليروح يطيح حضج من وصلت رسالتها حسيت دخنت كتبت الها...انعل ابووج يا ابو حتئ مكسر بنت الكلب ادري هيج فلا اجيت هيج تخونيني عبله؟ قرت الرساله وضحكت بس ماردت عليه... هو كال...اكلوو اكلوو بالعافيه... عبله لزمت الجطل واخذت بيه قطعه مال لحم وكلت ميسر مدري مكسر... وهو ضحك واكلها وباس ايدها انصدمت من جرئتهم لا متزوجين لا مخطوبين لا اقاربها وهيج يتصرفون وكدامي لعد لو متزوجين شيسون ينامون كدامي والله ميستحوون... لعد شبي حظي ولا اعرف ادلع واذا صارت رومانسيه بيني وبين خالد اخربها بالعض دائما اعضه وانهزم امداني لو دراسه خصوصي عند عبله جان هسه خالد محبس بيدي... انتبهت عليه دكوله بدلع وتسوي روحها مثل الطفله...انت متحبني لو تحبني جان طلگت زوجتك انصدمت ...يبووو متزوج؟ باوعت عليه انقهرت متزوج ويضحك علئ الخبله هاي كتله...انت متزوج؟ كال باارتباك...لا شبه متزوج جاوبته...هاي شلوون كال...هي اقاربي ومحلوه وكبيره وميصير عندها اطفال واني متمكن واريد اطلكها هي حاليا زعلانه جاوبته..بس هذا ضلم وخيانه يعني واذا محلوه هاي خلقة رب العالمين وشكوو اذا هي معاجبتك شكوو اتزوجتها كال بحزن...امي جبرتني كتله...حاول تتاقلم وياها ورجعها عبله حجت بعصبيه...هي انت ويايه عليه كلتلها...اني ويه الحق هو كال...اني مسؤؤل عن تصرفاتي ومااحب اي شخص يتدخل بخصوصياتي... كتله...اوك اني اسفه زعجتكم بس بصراحه اني حجيت الحق والساكت عن الحق شيطان أخرس هو ضحك كال...انطيني رقمج عبله بسرعه باوعت عليه وخزرته... شتسوي بيه؟ ضحك بمكر وخباثه كلها...لا حتئ من انتي مموجوده اخابرها واتطمن عليج لان ذيج المره من مافتحتي خط ضل بالي عليج احتاريت بمنو اخابرج حتئ اطمئن.... كتله..لا ماعندي اصلا موبايل ماما هذا كال..اي عادي انطيناه كتله...لا اعتذر مااكدر هو سكت وبعدين كمل كال...اني مااكدر حاليا اطلگ زوجتي لان امي مسكينه اخوويه توفئ بالغربيه وتأثرت حييل وتعلقت بزوجتي وهماتين زوجتي من اهل الغربيه وعندها بيت هناك وتفلش بالاحداث وانطوها تعويض واريد اخذ التعويض لان البيت اشتريته منها وبس اسجله باسمي اطلگها ان شاء لله وتزوج عبله.... حسيت كلامه حييل مستفز ومو صادق وراه فد موضوع خطير.. بعدين فتح محفضته متروسه دولارات اخذ ورقتين حطهن بجنطة عبله وهي سوت روحها مقابله... بعدين طلع ورقتين وحطهن مقابيلي كال...هاي هديه مني استغربت كتله...بمناسبة شنوو؟ كال...بمناسبة انو اني تعرفت عليج وطبعا الي الشرف.... رجعت الوقتين علئ الطاوله وخليتهم كدامه كتله...تسلم وصلت هديتك اني مااكدر اخذ شئ من اي شخص لان عندي معين الحمد لله كالت عبله...ههههههه اني عندها معين مخبل كال باستغراب..شنو قصدكم كلتله عبله...دنوو متزوجه بس علئ وجه طلاگ لان متريده هو انرسمت علئ وجه ابتسامه خبيثه وغثيثه كال...اذا مابي خير تطلگي احسن... احس دخنت من كلامه شنو يكول علئ خالد مابي خيير...المطي مكسر يروح فدوه الخالد علئ الاقل خالد شريف مو مثل هذا مدري منين جابته عبله... كلتله واني اوكف ...اني اترخص بابا رمش عليه لازم اروح يالله باي... ميسر كال...بس مااكلتي شئ كتله..شبعانه شكرا ميسر..ان شاء لله نلتقي مره ثانيه... ضحكت جاوبته...مااعتقد كال بغموض...لا صدگيني نلتقئ وراح اذكرج عبله كلتله بخووف...شتقصد.؟: كلها بعد ما باس ايدها بجرائه...بزواجنه حبيبي كلتله...اووووه فديت بيبي ... تركتهم وطلعت...بعد ماعبله لزكت اضل... طلعت اتصلت علئ بابا واحس الدمعه بعيني... مااعرف ليش حسيت بخيانتي لاهلي والزوجي الصهيوني...صح هو قسئ هوايه ويايه بس يضل زوجي واني ملك يمينه ولازم أحفظه حتئ واحنه منفصلين... ضليت كاعده بباب الجامعه تقريبا نص ساعه واجه بابا ماخذ اجازه زمنيه ركبت وياها كال...هاا باباتي اشوو عبله مو وياج وطلعتي من وكت؟ كتله...اي عندها محاضره واني طلعت لان ضجت كال...هاا وهسه تداومين كتله...لا معجبتني اريد اقدم للجامعه...بالخارج ادرس طب عام... كال...اليوم احاجي صديقي اخوو مقدم وداومي وياه وهم اخذ اجازه واسافر وياج بسته بخده وهو يسوق كتله...كوون كل الاباء مثلك بس بابا دا اشووف انت تفرق بيبني وبين رانيا احسك تحبني اكثر كال بجمود...انتن ثنينجن بناتي بس رانيا زعزعت ثقتي بيها من صارت حامل قبل لا تتزوج صح هذا الشئ حلال بس مجتمعنه ذكوري وقاسي من وراها مجان الي وجه اباوع للعالم .وثقي بالله واحد غيري كتلها علئ فعلتها بس اني اكول بناتي مالهم غيري ولا الي غيرهن والناس مو اعز منجن لذالك خليت كلام الناس وراي ومن ولدت فادي حسيت بلذة الحياة وحسيته سند اليه قبل لا يكون سند لامه... كتله ...الله يخليك النه بابا ... بصراحه اني مااعرف اعبر عن مشاعري وخاصه بهيح مواقف ودائما اكتم مشاعري واستحي اعبر لا لماما ولا لبابا ولا الخالد... خالد اذا اعبرله عن مشاعري اعضه... ضلينه نسولف اني وبابا طول الطريق وماحسيت بيه الكلام ويه بابا ممتع وحلوو لان متفهم...حييل بعدين استغربت وتسائلت ليش بابا زوجني الخالد ووافق مع العلم جان يتمنئ الي مستقبل حلوو... مامنعت نفسي من السؤال كتله...بابا ليش قبلت اتزوج خالد مع العلم جنت تريدني اكمل تفاجئت من موافقتك... كال...غير انتي تردينه كتله...اي بس شعجب ما رفضت ومن اجه مهتدئ رفضت... كال بتنهيده...تردين الصراحه لو شنو؟ كتله...اي الصراحه طبعا كال..بابا انتي جنتي حبل نجاة بالنسبه العائلتنه كتله بتساؤل...شلوون؟ كال...عشيرة خالد تهموني الي ايد بقتل مهتدئ واحد من جيرانه معترف ان الي ايد بقتل مهتدئ وتهددت منهم وكال اكوو تسجيل ضدي..خالد كال اني احميك من عشيرتي اذا رضيت بالنسب ونطيتني دانيا مقبلت بس تفاجئت بقبولج وانتي رايدته خفت من التهديد رغم ماعندي شئ والله واني ليل كله عايف العالم وادور شلون الولد انكتل بمنطتي تنهدت كذاب خوويلد الدايح شلون فرهه علئ بابا والله كذاب اصلا عشيرته محد اتهم بابا هو الوحده يقرر ويهدد ملعوون...ابليس يدرس خصوصي عنده وطلع امتياز.... وصلنه للبيت ودخلت وبالي كووله يمه شلون غدر باابويه وهماتين زعلت من بابا شلون قدمني كبش فداء لخويلد...ابو الشوارع ........................... سحر اجينه انه وجدتي بدون علم غيس صار يومين عدهم... اليوم تجي ام علي هي وعلي...وتحدد يوم العرس... خايفه كلش من العرس اخافن من علي... شفت مرتضئ سلم عليه وراح مااعرف ليش مرتضئ الوحيد الي ائمن بي... يمكن لان اول رجل بحياتي حاولت انساها واتناساها... شكلي صاير يخوف صفره وعيوني مورمه والولد راح يجي لازم ارتب نفسي دخلت سبحت بسرعه وحطيت شويه مكياج رغم مااعرف بس حطيت مشطت شعري ولفيته ولبست شالي... شويه واجه علي سمعته يسلم علئ بيبيته.... ضل ارعش من الخوف والتوتر ... دخل سلم على جدتي وسلم عليه... كال بهدوء..شلونج سحر كتله...زينه الحمد لله كال..ان شاء لله دووم كتله...تسلم رحت سلمت علئ امه وكعدت اتفقنه العرس يكون الاسبوع الجاي وانه بعدني كلشي مامحضره... كالت ام علي..اني اخذج اكص نيشان بيوم واحد والذهب هم نجيبه ويانه... والبدلات وحجز الصالون اروح الوحدي احجز كنالها براحتج... دخلت عذراء سلمت عليهم... شافت علي لابس قميص مخطط احمر وابيض واسود ولابس بنطرون اسوود.. عذراء ضربته علئ جتفه كلتله...هااي شلابس من قميص طالع جنك المصاصه بأيام الحصار.. اني ضحكت بضحكه خجوله... كلها ..تسكتين لا اعتقلج وانومج بسجن اليوم كلتله...اي العباس عليك اعتقلني بلكي يصادفني ضابط بي خير وتبدي علاقة الحب واسمي قصة حبنا الضابط وعذراء الجميله... كلها..لا قصدج الضابط التعيس والطويله ههههههاي كلتله..خااب ما تسكت اول مره اشووف ضابط متعين بالنجف شني لازم حراسه علئ الموته خاف يشردوون ههههاي... كلها..شهل ضحكه مال السكارئ شوويه انوثه رقه دلع ماكوو كلتله..كل هل رقه والانوثه والدلع وتريد بعد صدك ماتستحي اصلا هيفاء وهبي تدرس عندي اصول الدلع خصوصي... بعدين طلعت كذلتها كاصتها كلتله..وين اكوو مثلي قطعه نادره بااع الكذله بباع هو ضحك كلها ....جنج ماروكوو انت وكذلتج هههههاي كلتله ..احم لو ماسويت الي سحر بالنجف بس حتئ اقبل بيك واني اكلك علاوي حبيبي ميصير اني خالتك وانت لا حياة لمن تنادي منا لمن قفلت قسمتي وعنست خطيتي برگبتك... دخل مرتضئ باوع علينه كاعدين سلم وطلع... وعلي دفع عذراء وكعد يمي وكل شويه يتقرب اكثر وامه كاعده وجدتي وجدته وعذراء اجت وكعدت يمنه وتحجي علئ علي... ..... رانيا ...جنت كاعده ارتب بالغرفه... دخل مرتضى عيونه بكصته حتئ ماسلم.. نام علئ السرير وكال.. رانيا كتلها...هاا كال..تعالي يمي تركت الاغراض ورحت كتله.. هااا شتريد تفضل كال..فرجي ضهري تعبان... بلعت ريقي بخجل وكعدت علئ طرف السرير وحطيت ايدي علئ اكتفافه وضليت امسح عليه بهدوء... وهو رخئ اعصابه شوويه ودفعني وكعت من السرير ما تماسكت ووكف فاجئني وضوجني بنفس الوقت... عطت بوجه حييل..شبييك دفتني انت ماتستحي كال وهو يعقد حواجبه .. شبييج لج صوتج نصي لا اخرسج... وكفت بوجه كتله ..انت اكبر جبان لا كدرت تاخذ حبيبتك ولا كدرت ترفضني وهسه تريد تنتقم مني بسبب جبنك... ما حسيت غير بكف طير ملامح وجهي.. ولزمني من شعري كال وهو يتقرب مني...اي جبان جبان لان رضيت بيج يا حشره جبان لان ما وكفت بوجهم كلتلهم مااريدها... دفعته وضليت اضرب بي عشوائي نهاريت كوولش كتله...طلگني طلكني ما اريدك يانذل.. هو دفعني حييل احس تكسرت... وكفت بصعوبة وفتحت الكنتور لميت ملابسي بجنطخ صفيره ودموعي ملت وجهيي... كتله..حخابر بابا يجي ياخذني كال بعصبية...امشي اني اوديج علئ اساس ميت عليج... شلت فادي والجنطه... نزلت وهو وراي عمتي باوعت عليه شافتني ابجي والطفل بيدي وشايله جنطتي كالت...يااا شكوو شبيكم؟ كتلها...ماكوو شئ عمه كلتله...ولك مرتضئ والله مرضتني شلون بيك... هو تركها بدون ميجاوبها وطلع ركبت بسياره وره وفادي بحضني... ضليت انحب بألم وحاضنه ابني... وين مهتدئ الحنين لكله حنيه وغيره عليه وغامرني برومانسيته ... اريد امووت واخلص لا قررت اتطلگ ولا اهتم لاي شخص... هله دانيا تريد تطلگ واني اتطلگ بس عادي مو اول مره اخوات يتطلگن... هو جان يباوع عليه بالمرايه وملامحه احتدت... جان يحووس فادي بحضني ويبجي.. همست ببكاء...اسكتي حبيبي انت مثل امك ماعندك حظ لو عندك جان ضل ابوووك... مرتضئ بسرعه لف السياره حسيته اجه يگلبها بينه... صرخت ورجعت حضنت ابني... ضلينه تقريبا ساعتين بس نفتر بالشارع واحس طال الطريق استغربت هذا شوكت يوصلنه.... كتله بحرگه گلب...ماوصلنه شنوووو؟ كال بهدوء...راااح نووصل سكتت شوويه وشفت الطريق هذا الطريق ما يوصل الاهلي... همست..انت وين ماخذنه ما رد عليه...وعيونه متوجهه للطريق.. خفت وضربته علئ كتفه كعدت علئ طرف الكشن وحاضنه فادي...انت وين ماخذنه... ما حجه سكت... شويه وشفت هذا طريق اهله تعصبت حييل كتله...ليش رجعتني لاهلك كال...ماعندي مره تزعل ...اذا تزعلين ازعلي بحضني كتله بعصبية...انت شنوو من بشر ترووح فدوه المهتدئ معقوله انت اخوو هو وكف السياره ودار عليه وعيونه تنط من العصبيه كال...وحق القران تمنيت مو بالشارع اله اشرب من دمج درت وجهي متعصبه علئ شنو ضاج اي والله يروحله ستين فدووه هو وين ومهتدئ وين حرامات ضماها التراب... وصلنه للبيت هو نزل وفتح الباب كال..يالله انزلي اني اسف واعتذر صح اليوم قسيت وياج بس والله تعبان شوويه حقج عليه... كتله من بين اسناني...رجعني الاهلي بسرعه كال..والله ماارجعج يالله شسويتلج هسه اني مو زين ساكت اكوو وحده دكول الرجلها جبان كتله...اي ممجذبه كال..انزلي لا اوكع سنونج بحلكج كتله بعصبيه..شحدك شنو تايهتلك ماعندي اهل هسه اخابر بابا واخلي يجيني... جان موبايلي علئ الكشن هو خمطه بسرعه وصدمني كتله...جيب موبايلي هو تركني ومشئ...نزلت اركض تاركه الجنطه وباب السياره مفتووح بس شايله فادي... كتله..جيب موبايلي لا والله الم الطابوك مالت المنطقه وافلش سيارتك تفلش... هو ضحك كال..بووويه طلعت عنيفه ام فادي امشي طبي جووه لا افلشج تفلش... راح قفل باب السياره ونزل الجنطه ضليت اتداهر وياه وهو مقبل ينطيني موبايلي... وجبرني ادخل جوه..دخلت لكيت سحر واكفه هي ومريم اختهم وعذراء باوعت عليهم بعتب وصعدت فووك... دخلت الغرفه بجيت وحطيت فادي بسريره ونمت علئ سريري وتغطيت ودخلت بنوبة بكاء الها اول ما الها تالي..... وشويه هو صعد وكف علئ راسي حط ايده علئ شعري ومسح عليه بضياع وتركني وراح... يعرف بنفسه جرحني واذاني بس حلفت اله اشلع گلبه يا اما اني يا اما سحر.... مرت ساعتين تعبت من البجي والنوم خليت ونزلت... جوه بعد ما غسلت وجهي ولبست شالي... نزلت جوه دخلت للمطبخ فتحت الثلاجه اريد اسوي عشاء... دخلت عذراء كعدت علئ الكرسي كالت...صدك مرتضئ كتلج سكتت ما حاجيتها... كالت..متعافيه والله جااا شني الرجال ما يحجي حجايه انتي واختج تركضن تزعلن والله نسوان عليه العباس اذا زعلت ولا اطلع من البيت والقران اشحت ابو لهب وضل كاعده المره الزينه تكعد بيتها وما تزعل كلتلها..اي مو اني حماره بدون احساس يجرحني واسكت... كالت...اهووو صح الها رجل كالت اعوور خااب كوومي انتي واختج وحدتجن لسانها لسان دلاله مو لسان رشاشه يخربط خرط ولج الرجال يتقشمر ببوسه... شوفي ابو لهب شكد عصبي من اتزوجه اقشمره ببوسه اخلي يسيح ويشد وصله ويركص رئصني يكدع. . ضحكت كلتلها..عذراء العفطيه تزوج شيخ ولا مااصدك كالت..كوون بس الدايح علئ گولة دانيا يحرك روحه جااا هسه حامل بتووم..بس هو وين من الصبح وهسه صار دنيا اليل وهو ما يلفي ورجعت كملت...اكلج ولا وحده حبلت بيجن يابه لا تشككني بقدرات ولد خالي والله يحبلون المطي شبيجن انتن خاف عقيمات... كلتلها...ماتنجيبين اشوو اني عندي ولد ودنوو حبلت وسقطت كالت...هم صح شكيت بقدرات ولد خالي دخلت سحر باوعت عليه وابتسمت واني درت وجهي سحر كالت العذراء.. عذوره بيبي ام خالد تريدج وكفت عذراء كالت...وين الحسين الشهيد كوون جابتلي خطابه...هسه شنوو لازم اخجل موو يا ربي مااعرف اخجل... خلت وطلعت... اجت سحر كعدت كالت ببتسامه حزينه...انه اليوم والله كلش انقهرت عليج وعلئ فادي وحتئ علئ مرتضئ باوعت عليه بحده كلتلها...شنوو شمتانه كالت..لا والله ان شاء لله ربي يغضب عليه اذا شمتانه ادري انتي محملتني سبب مشاكلج ويه مرتضئ صح اني جنت احبه بس من انخطبت لعلي تركته وهو كذالك ما بيني وبينه شئ...ربي يسعدج... كلتلها..ويسعدج بس رجاءا ابتعدي عني كالت بحزن...جنت طفله وماتت امي وعشت بيت جدتي صرت خدامه قبل لا يشتد عودي المرة عمي وبناتها هذا كله يهوون... بس المايهون هو شرفي من يتعامل وياج شخص حقير ويعاملج كزوجه وهو مزوجج ويريد يضيع شرفج هذا محد يقبل بي... جرت نفس وكالت...غيس ابن عمي عاملني معاملة العواهر ومن مااقبل يضربني وياذيني جنت اتشرد منه وجنت البس ملابس جدتي حتئ يكرهني بي هو حيوان وغريزته امشيته.... اجيت هنا وحبيت مرتضئ وهو حبني بس للاسف هو مو غسمتي خطبج وتزوجج... وانه رجعت مكسورة خاطر البيت عمي... وبيوم من الايام غيس لزمني باليل وحاول يقتصبني جردني من ملابسي وعاث فساد علئ جسمي... حطت اديها علئ وجهها وبجت بصوت حزين... اني انقهرت عليها حييل حطيت ايدي علئ كتفها ومسحت عليه... كالت بحزن وخجل...وصل بقربي حييل بس جدتي اجت ونغذتني الحمد لله اجيت هنا وصارت غسمتي العلي... انه اتمنئ اشوف مرتضئ سعيد وانتي وياها والله كعدت مقابيلها ومسحت دموعها كلتلها...كافي حبيبتي اني مزعلانه منج ولا انتي السبب هو صعب يتقبلني لان اني جنت خطيبة اخوو وهو حاط اخوو بين عيوونه.. هي كالت..احجي وياه:؟ كلتلها...لا عليمن اني اعرف اتصرف كالت...جااا راح اساعدج بالعشاء كلتلها بضحكه...يالله مسحت علئ خدي الي مطبوعه اصابع مرتضئ بيهن ابتسمت بحزن كلتلها...ههههه ميوجع كالت بضحكه..يالله ضرب الحبيب مثل اكل الزبيب ضحكت وضلينه اني وياها نطبخ ونضحك كدرت تاخذ استجابه مني وكدرت اعرف تفاصيل حياتها... ضلت تسولف علئ بيت عمها وعذابها من ابن عمها... كلتلها..انطيني رقمج ونسوي كروب ودنوو تقوده كالت بضحكه...ههههه فديت دنوو والله حبابه شوويه ودخل مرتضئ للمطبخ شايل فادي يبجي كال...رنوو فادي يبجي تعالي اخذي.. رحت اخذته بس شنو شايله خشمي عليه يستاهل الخبيث.... وهو ضحك وهز ايده وطلع كعدت ارضع بفادي وسحر تسولف وتگلي بعدين رحت وديته لعمه... ورجعت... صبينه الاكل واخذناها... بهل اثناء دخل خالد عيونه تجدح شرار صاح علئ مرتضى ومعن وهمه تركوو الاكل وراحوو معرفت شبيهم.... ............................ دخل لغرفته ومعن ومرتضئ مقابيله... معن ...خييير شبيك.وجهك بيه سبعين لطام مرتضئ..ليش هو يا يوم دخل اذا ما يلطم ههههاي خالد...انجب انجب اسمعوو اليوم شنو صار معن..شصار؟ خالد...تعرضت للاغتيال بس ربك ستر اجت بالسياره معن ومرتضئ تخبلوو...شنووو انت شدكوول شنو هل حجي منوو يفكر يغتالك وشلون... خالد...طلعت من الگهوه...ومااشوف اله الرمي صار عليه عشوائي بس ربك كله صار بالسياره...العالم اتمت عليه وهو شخط بسيارته مالحكت الحكه اجت بسيارتي وكلبي نااار... معن بعصبيه...شلووون هيييج منوو هذا والله اله اشرب دمه والله منوو احجي مرتضئ بغضب..منوو والله انعل والدي والديه خالد ...دخلوني اكل نعل واكمل مرتضئ...كمل خالد..شويه واجتني رساله مكتوب بيها... معن بنهيار...اي شمكتوب خالد.. ممكتوب...خالد اني عمار اتركني بحالي ولا تدور وراي لا والله ادفنك يم اخووك لو اخطف دانيا واذلك واكتلها واحجي عن ثقه خليني اسافر خارج العراق واسكت... معن بصدمه...يابه اتركه وفكنه منه لك مهتدئ مات لك هذا نذل لا يغدر بيك ويكتلك.... خالد بعصبيه..والله ما اتركه لوو يضل يوم بعمري اكتله اكتله مرتضئ..واذا كتلك ومتت شنكول وامي شسوي... خالد..الروح وحده وماياخذها اله باريها بس صدك دانيا اذا متت لا تخلوها تتزوج اكتلوو العريس معن...انت خبل مرتضئ...ههههاي اي والله خبل لك يا دانيه خالد..اي مخبل مخبل بحبها يناس احبها عذبتها واحبها واريدها بكد مااريد عدووي..... معن كعد يمه..لك اذا هيج دير بالك وكعد شوويه نهار كله داايح اكعد الدنيا تخووف مرتضئ..انجيب دانيا تربطه خالد...هههههاي شنوو مطي وتربطني...يالله اطلعوو بره خلص موضوعي ديروو بالكم علئ نفسكم وانتبو ولا تامنون اوك... معن تنهد ومرتضئ هم... طلعهم وسد الباب.... وفتح موبايلها رسل الدنووو.... زعلان الحلوو وشلون اراضي..شلوونج حبيبي تغلي والله يلوگلج احببج بكد رحمة الله... .................... دانيا جنت دا انام... واجت رسالة خالد.... عقدت حواجبي متفاجئه... قفلت الموبايل واجت رساله ثانيه ...شلوونج حبي ادري زعلانه بس احاول اراضيج شعندي غيرج ... هم ما رديت... كتب...زعلان يا زعلان خليت گلبي حيران مو كتلك يا حبيبي بطل زعل من زمان ضحكت وهم ما رديت... رجع كتب..فديت اليشووف الرسائل وميرد ومسووي رووحه ثگيل عمي حقج تصيرين هيج اذا حبيبج خالد... ضحكت كتبت..شايف روحك زياده ومنو هذا خالد وزير الماليه واني ماادري.. كتب ..يروحلي فدووه هو وعشيرته ...احببج عشق اروح فدووه للشعر الحلوو كتب..قصدك الكفشه نسيت لو اذكرك اشبه ملك الحبشه اني كال..اصلا جنج شعر زليخه امووت علئ الدلع كتبت..يمعوود شايب انته متلوك الك سوالف المراهقين... كتب..وداعتج من اشوفج اتراهق واعيش احلام اليقضه..شلون صرتي بعدج مريضه كتب..لا زينه يالله بااي مااريد احجي وياه اخاف احن عليه. كتب..تصبحين على حضني تحلم بيه حبيبي احبج ومحمد... كتبت بعد ماضحكت..تصبح علئ عاصفه رمليه تشمرك بجنوب افريقيا وتبوسك وحده صوماليه تشفطك شفط كتب..هو يحلالي بعد شفاتج شفايف غيير عسل شوكت اجي ابووس قفلت الخط ومرديت عليه يعرف شلون يحرجني ويخليني اغووص بملابسي نمت واني اضحك وابجي بنفس الوقت احس صرت خبله كله من وره خالد الدايح خرب اخلاقي ما اعرف شنو اريد هسه اني ليش رديت عليه يربي بس والله ماارجع ولو تنبت نخله براسه الخبل نمت وامنيتي مااحلم بي مثل كل يوم... ................. رانيا......اليوم حنة سحر اخذوها للصالون... واحنه نضفنه وكملنه... وعذراء فاتحه الديجي وتركص... صعدت فووك دخلت للحمام سبحت وكملت... طلعت لكيت مرتضئ نايم علئ بطنه... مكيجت كدام انظاره وفتحت شعري شسورته واخذت فستان وحذاء ودخلت بدلت بالحمام ولبست الحذاء باوعت علئ شكلي بالمرايه شكلي يجذب ابتسمت بخبث وطلعت واني العب بشعري... اول مطلعت مرتضئ باوع عليه فتح عيوونه ورجع طبيعي... صارت مقابيله وهو ورايه..جنت لابسه فستان حيل قصير ذهبي دنكت علئ فادي كتله...ماما شنوو رئيك بامك حلووه موو... مرتضئ ببتسامه... فادي عمي صاير حيل مستهتر وتلبس مشلتح وتعزف علئ الوتر الحساس شنو نيتك فهمني رانيا ببتسامه بدون ماادير وجهي...فادي ماما ماكوو غير مستهتر ولا تضل تبصبص ترئ كولشي متحصل بس شلعان الكلب مرتضئ بضحكه...عمي فادي ترئ اني زرعت التفاح واكدر اكله بس منتظر شوويه ينضج...يقصد علاقتهم رانيا...ما تاكل لا تفاح ولا بطيخ ماماتي انت رفست نعمتك فتحت الباب ردت اطلع وهو اعترض طريقي ولزمني من خصري... كال..هيج تطلعين كتله ..انت شعليك اي هيج اطلع ودا اريد اركص شعر شعر هو سحبني وطلع ثووب كشمير كال...البسي هذا كتله...مااااا كال..والله مااخليج تطلعين والقران وروح العزاز والحسن... كتله...لا تحلف...اطلع يعني اطلع هو راح وقفل الباب وكعد بخبث علئ السرير اني ضحكت رحت اخذت الثوب ولبسته كتله ..يالله افتح الباب بدلت هو وكف فتح الباب كتله واني اطلع...ههههههههههه اله اركص بملابسي ال داخليه... هو سحبني ورجع قفل الباب شمرني علئ السرير وتقرب مني واني عطت...لا مرتضئ لاااا عفيه نهاية البارت...يتبع كونوا هنا كونوا بخير...احبكم... نور سمو العراق💔 | ||||
|
| |
|
18-07-19, 12:25 PM
| #40 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثاني...بارت 5 رواية...انتي سيوف الثأر في اجفاني.. بقلمي..سمو العراق 💔💔💔💔💔💔💔 هو سحبني ورجع قفل الباب شمرني علئ السرير وتقرب مني واني عطت...لا مرتضئ لاااا عفيه حط شفايفه على خدي كال..اششش خلينه نكسر هذا الحاجز يمكن واحد يتقبل الثاني.. حطيت ايدي على وجهه وهمست..وخرر مرتضئ رجاءا ما اريد اجرحك ابتسم بهيام...امم اجرحيني واحرجج.. ابتعد شوويه حسيته مثل السكران الي غريزته تمشي فتح اول زرين من قميصه... حسيت صدري ضل يرتفع وينزل وخوفي زاد عن حده اني شسويت شنو جانت غايتي ارجع كرامتي المهدوره ...ولو جنت اريد اغري..بس اني ردته سحبني...مو هيج بالحضات اتذكرت مهتدئ من جان ياخذني للشقه هنه 3 مرات مو اكثر..اتقرب اليه بيهن... بس شعووري تجاها حلووو سلمته كوولشي لان احبه وماشفت بي سلبيات اما مرتضئ انجبرت عليه وهو مجبور عليه وواحد يعاند الثاني ... اليوم عذراء كالت..سمعت عمتي تحجي وياه دكووله اخذ مرتك ولا تصير اغم وحتئ لو مرة اخووك هي هسه مرتك والمره تريد من الرجال حقوقها مثل ما هو يريد حقوقه... واذا ضليت هاملها راح تشيهه عينها علئ غيرك.. وتتندم ومو بس تخسرها تخسر حتئ ذاتك وكرامتك..اذا فضلت واحد عليك... بصراحه حييل ضجت من كلامها شنو شايفتني خاينه وهيج تحجي ...صح غلطت بنظرهم ويه مهتدئ بس مو معناها اني بدون اخلاق...واخون زوجي حتئ وان كان ميحبني... والله لو ما مهتدئ مات وانجبرت على مرتضئ فلا اقبل بيه.. ماحسيت غير بقبلات مرتضئ التايه على خدي فتحت عيوني علئ وسعهن ودفعته حيييييل هو لزم ادييه بثنين اديه وقيدني حسيته راح يتهور لازم ماانطي اي شئ حتئ يثق اني مو رخيصه مثل ما مرخصيني بنظرهم وبنظره... رفع ثووبي واني لزمت ايده بسسرعه صرخت بوجهه بعصبيه...مرتضئ بداعت امك عووفني. همس بمكر...امي هي حرضتني لا تحلفيني بيها هي سبب بلي انتي بي... شمئزيت من كلامه يعني امه خلتني اباله... حطيت ايدي على وجه وهمست ...مرتضئ دا اكولك عووفني رجاءا اني اصلا مااحبك واريد اتطلك بس دا انتظر دانيا تنحل مشكلتها... هو لزمني من ثوبي وشگاه بعصبية خلاني صررخت ولميت اديه على صدري... كال بعصبية..انجبي تطلك تريد.... ما اطلك.. جاوبته واني لازمه ثوبي ووجهي صار احمر من العصبيه....انت مو متحبني عووفني بحالي ومن نستعد اتقرب مني.. همس بضحكة..ههههاي صارلج ساعتين تغرين بعم فادي وهسه تردين نستعد..لا بابا خسرتي.. عطت بوجه بعصبيه...انت مو متحبني سكت مجاوب وعيونه تتاملني.. رجعت همست..مو تحب سحر لا تصير خاين تعصب حييل وضغط علئ خدودي...انجبي سحر مرة ابن اختي...صدك جنت احبها بس صارت الغيري ربي يستر عليها... ردت اذكر اسم مهتدئ حتئ يعوفني بس لا اكيييد يجرم بيه ويموتني حلال... رجع يبووس بيه واني ادفع بي واحاول الملم نفسي.. لزمته من وجه همست بكلمات... هو رفع راسه بذهوول وتكلم بعصبيه...جذااابه جاوبته بخجل...والله وداعت فادي.. ابتعد شوويه وجر نفس ورجع باوع عليه خجلان من الجان ديسووي كال...كووومي خليت ووكفت اعدل بملابسي ولزمته من ناحية صدري... رحت اخذت ملابس ودخلت للحمام بدلت لبست بنطرون ابيض وتشيرت نص ردن چويتي وطلعت كثفت الحمره... باوعت عليه جان صافن ويدخن... باوع عليه وفرك وجهه بتوتر كال...احم اني ..اءءء اطلعي برره... عقدت حواجبي هذا شبي خبل يركض وره نزواته وبعدين يحملني السبب همزين ماانطيته اي شئ... تركته وطلعت بعد ما لبست جاكيت طويل وشال... دخلت للصاله شفت سحر هسه جايه من الصالون جانت لابسه بدله بنفسج فااتح ومكياج وردي علئ مووف...وتسريحه بسيطه بس كوولش،حلووه جانت تبتسم مجامله... والعالم ملتمه وعذراء مشغله صفگه... الي اذكره عيوني اسهرن للصبح اليوم احط بيجن ملح... وهي تركص ركص وتهز جتف جنها غساله عطلانه... لابسه فستان ضيييق وهي من وره مكوييه ماعندها جسم...وعندها عضلات وكرش بضيم بس شكلها يعني متوسط الحمره السحريه خاطه بيها حلگها خط والبودره تارسه وجهها والكحل والضلال وفاتحه شعرها... بس والله رغم عيوبها بس محبوبه واحسها طالعه حلووه... طلعت رحت للمطبخ دا احظر الكيك والعصير... شفت خالد كاعد علئ الكرسي وماد رجليه علئ الكرسي الثاني... ابتسمت بخجل همست...سلام عليكم كال..وعليكم لفيت شفايفي والله فديوم سلمنه عليه ورد السلام كامل... كال...عزمتي امج:؟ جاوبته...لا باوع عليه ورفع حاجبه...ليش؟ جاوبتها...محد عزمهم كال..ماعزمتيها انتي عيب شدكول علينه امج مانحترم ونقدر...وهم تجيب دانيا تتونس شويه ضحكت..لا دانيا متجي ومستحيل تجي مااعتقد تدخل البيت انهانت وانضربت بي هو وكف وتقرب مني...انهانت؟ مو هي السبب بكوولشي هي السجلت تسجيل واخوويه مات بمنطقتكم... رانيا...وانت ماصدكت وخليت اختي محطه لخبالاتك هو لزم الكلاص وركعه بالحايط كال بعصبيه...احترمي نفسج اني دانيا مرتي ما تحط عينها بعيني وانتي بكل صلافه تغلطين.. ضحكت بااستهزاء..غبيه وحماره دانيا..لعد اكوو وحده يضربونها بعينها وينوموها مستشفئ وتضل كاعده ويه المجرم الي جرم بيها... خالد بذهول وتساؤل...منو وصلج هذا الحجي؟ رانيا..لا تخافين دانيا محجت شئ الوصل الكلام همه اهلك سمعت اطرف حديثهم واجرامك بااختي لك شكالت الك نفسك وانت تضرب طفله لا حول ولا قوة هاي رجووله بنظرك؟ خالد رص علئ اسنانه...انتي شنوو من بشر وخري مني مااريد اجرحج انتي ودانيا مثل السماء والطارق ابدد ماجنج اختها... ضحكت ...دانيا غبيه خالد...وانتي خبيثه صدوك قهرني من كال خبيثه جاوبته...ليش تكرهون الحقيقه وتجاهلوها طلگ اختي والله وياك متكدر تعيش وياك... دخلت عذراء كالت...مايطلگ والله مايطلگ دانيا لخالد متصير الغييره وترئ هي رغم جان ياذيها هي تحبه... باوع عليها خالد كلها...اوول مره بحياتي احببج ضحكت كلتله...جااا غير مصلحتنه يمك... وغمزت اله... هو كلها...افااا بشاربي والله الاسبوع الجاي هو يمكم اجت تركض وكفت مقابيله...صدك العباس عليك والله من الفرحه رااح انتحر...ابو لهب راح يجي يخطب ضحك بمكر..اي وان شاء لله تعزمين الابالي عذراء..افاا اعزمها واعزم الخلفوها صدك جذب اني عفتهم يحجون وكعدت الم بالكزاز الكسره خالد.. سمعته يكولها...عذراء هم فديوم واحد مغازلج مصچمچ عذراء بفخر...اي والله مره رحت ويه امي للسوك واحد گال مره لو طافره من الجنه... خالد جان يشرب مي شرگ بالمي وضلت هي تدگ علئ ضهرها كلها...هو گال؟؟؟ عذراء...اي والله خالد...جااا من باجر اله اصير ملحد اذا النسوان البجنه يشبهونج عذراء بقهر...شبيه شبيه امهات شعافي احلئ مني اصلا اني قطعه نادره قليل امثالي... اني ضليت اضحك عليها كلما حجت وكالت اني قطعه نادره... احت فوزيه دخلت عاطت بعذراء...ولج عذووره والله موتيني عذراء..خييير خييير شتردين من لطوومه... فوزيه..عليمن مشتريتلج فستان ب30 الف حتئ تكعدين بي بالمطبخ ولج روحي يم النسوان وركصي هلبت وحده تنعجب بيج عذراء...هههههههههههههاي شووف امي ما تدري العريس حاطته بجيبي رجعت كملت..خالد اكلها الاسبوع الجاي يجون لو خاف تنجلط... خالد..اشش يمكن مايجون عذراء..تف تف هذا فالك ...استغفر الله فال الله ولا فالك... بعدين صاحوو اجت الزفه اجت... عذراء باوعت من شباك المطبخ وضحكت شافت علي.. كلت الخالد..يممه شوف عليوي شطالع جنه تامر حسني بأيام الفگر ههههههههاي همزين ماتزوجته جااا طلعوو جهالي يشبهوونه...عوود مثل ابو لهب خالد كلها..المايلوح العنب يكول حامض ..هو ابو لهب ويمكن هم ما يقبل عذراء..لا تخاف اطكه بسحر وبعدها طلعت تركض وره علي.... واني رحت للصاله ضليت اوزع بالعصاير والكيك والدگ والرگص ... وعلي لبس سحر الحلقه وهي لبسته... واخذوو كم صووره... وضلت ام علي تركص هي وبناتها وعمات علي وتعجبن علئ سحر... بس سحر جانت كوولش حزينه ومتوتره وعلي خطيه حاس بهذا الشئ... انتبهت علئ ضهر سحر كووله ندووب مبينه متعرضه لتعنيف... خطيه هي شكت من ابن عمها مرات انقهر لان ماتزوجت مرتضئ بس الغلط منه هو فرط بيها... بعدين اجت اخت عذراء الصغيره جابت موبايلي وكالت...دانيا اتصلت.. اخذت موبايلي وطلعت احجي وياها.... .......................... جنت كاعده بغرفتي بملل... تنهدت وضليت افتر بالغررفه اذكرت ذاك اليوم خابرتني سلسبيل كالت شلون صرتي تعالي للمستشفئ كلتلها بكذب..لا اصلا راحت كالت بااستغراب..شلون راحت هي اله بعمليه حتئ علاج ميفيد لفيت شفايفي بااستهزاء...يعني اجذب عليج هي راحت وحدها اني شعليه سلسبيل...والله جذابه اعرف بيج دانيا..رجاءا سلسبيل عيب عليج دكولين جذابه وهي راحت بعد شكوو... سلسبيل...بس اني دا احجي المصلحتج دانيا..بس اني اعرف مصلحتي سلسبيل..اوك براحتج قفلته منها...ورجعت اتصلت برانيا... سلمت عليها وهي هماتين وضلينه نسولف... كالت..اليوم رزلت خالد سحلته ذهابا وايابا مااعرف ليش تعصبيت عطت بالموبايل...ليش؟؟ علئ شنوو رانيا...لخاطرج حبي ترئ عرفت هو ضاربج بعينج وعاتبته ومن اجيكم حكوول لبابا حتئ من تقديم طلب للطلاگ بسرعه يطلگ لان متعرضه لتعنيف... غمضت عيوني وگلبي يررجف همست من بين اسناني...انتي شعلييج متدخلين رانيا...والله اذا حجيتي اي كلمه لبابا لا اني اختج ولا انتي اختي مفهوووم رانيا بصدمه..لج عووبه هذا دليل ضده ليش متردين تستخدمينه ليكوون تحبينه تكونين غبيه والله حسيت مثل النار اشتعلت بصدري بس انقهر يرجع عليه الم صدري واتوجع حييل جاوبتها...رانيا معليج اني ابد ماتدخلت بحياتج فانتي لا تدخلين رجاءا كالت...اوك اوك سكتت ليش تعصبتي اني دا احجي المصلحتج.. اووف منو يحجي يكول دا ادور مصلحتج استغفر الله قفلته منها حتئ مسلمت عليها... رحت نمت على فراشي...النغزات بصدري زادت حييل... مديت ايدي الصدري يبوو شوويه كبرانه... قررت باجر اروح اني وبابا واقدم للدراسه بااوكرانيا وهناك اسووي عمليه حتئ اذا قلعوو صدري مراح اكول لاحد مااحب نضرات الاستعطاف منهم.... ولا احب نظرة خالد اليه تكون مقرفه واني فاقده صدري ومركز انوثتي... اتذكرت مره من المرات...صار موقف ويايه... جنت دا اكووي بقميصه وهو دخل جان طالع يعني مو شئ جديد هو اربعه وعشرين ساعه دايح ويفتر... امه تسأله يا اما عنده فاتحه يا اما عرس هاي اعذاره.. شافني دا اكووي كال بعصبيه..بعدج ماكاويته جاوبته بتذمر...مو دا اكووي ليش تصيح مشئ للحمام وهو ينزع قميصه..بسرعه بسرعه عاب هل شكل جاوبته...مو علئ اساس انت حلوو جنك فريد الاطرش بشبابه هههههه رجع عليه لزمني من شعري واني من خووفي نزلت الاوتي علئ القميص... كال...بنت النعال صايره تقلدين والله انطيتج مجال اكص لسانج اذا مره ثانيه تجاوزتي.. هزيت راسي بأي...من الخووف.. ما نشم بس ريحة شعواط القميص هو ترك شعري وباوع للقميص احترك من ضهره واني شلته بااصابعي وباوعتله بااستهزاء..خبلتني كويتي ما كويتي..هسه قميصك صار خليجي مو كويتي ههههه ماحسيت غير براشدي طيرني من مكاني.. ورجع عليه شالني من شعري ورجع ضربني مره ثانيه وهو يصررخ بوجهي...بنت الزمال تستهزئين حضرتج والله اليوم تخلقيلي قمييص باوعتله بحدده وعيوني تدمع...حرگته وشتريد فدووه اليه هو لزمني ونزلي علئ السرير..وصعد فوكاه وضل يضرب ويسب... بعدها تركني وجهي احمر من ضرباته وشعري كفش وعيوني الدموع تطفر منهن هيج وهيج... فتحت الجراره بيها شريطين حبوب... طلعت وباوعت عليه رفعتهن بيدي كتله..شوووف اله انتحر وابليك بيه هو باوع عليه بسرعه نظره صقر وركض وراي... جنت اسرع منه والحمام اقرب عليه دخلت وقفلت الباب... وهو ضل يدك بالباب ويكول...دانيا اطلعي لا بالقران اجرم بيج... جنت واكفه علئ المغسله وابجي باوعت للشريطين فتحتهن وطلعت الحبوب فرغته كووله بيدي ونزلته بالمغسله..العار عباله انتحر علئ موده واغضب ربي امداني اذا سويتها... فتحت الحنفيه وذوبت الحبوب بالمي وراح بالمغسله غسلت وجهي..وهو دخلت للحمام بعد ماكسر الباب لزمني وفعصني بديه كال بصدمه بعد ماشاف الاشرطه فاارغه....انتحرتي... هزيت راسي بأي... عساني لا كتله انتحرت تخبل اخبال فوووك خبالاته ... لزمني سند ضهري علئ صدره وبطني علئ المغسله وحنئ راسي دخل اصبعه بحلكي خررب يوومه موتني...يريدني اتقيئ الحبوب غصبا عني واني اصلا مشاربه حبوب... ضليت اتقئ غصبا عني شاف..ماكوو اثار حبوب ضرب المغسله كال...خررب يومج بنت النعال تردين تموتين والله اله انعل خيييرج اليوم راح جاب عبايه وحجاب ولبسني اياه بعشوائيه... شالني وانزلني من الغرفه واني مبهذله وابجي ركبني بالسياره ويغلط ويسب وهو ابو الراهي ساق بسرعه جنونيه... وصلنه للمستشفئ اخذوني الطوارئ.. واني اضحك بكلبي وابجي اني منتحرت بس هذا الخبل سواها صدوك... الدكاتره هم مخبلين مثله بدون فحص بس كلهم تسممت..سولي غسل معده... عبالي غسل المعده شئ عادي... اشوو اجه الدكتور لازم اثنين مغذيات بيده دخل الابره بخشمي صرخت ولزمت ايده نزفت دم ضليت ابجي... وشدولي مغذي بيدي بهذلوني...جانت جذب صارت صدك.. هو معاند اله يغسلون معدتي واني ابجي واصرخ والدكاتره احتارو بنصنه... بعدين دكتوره كلتله شربها لبن اكتيفيا مابيه شئ ان شاء لله... هو طلعني جابلني لبن من السوبر ماركت قريب من المستشفئ وركبنه... جنت اشرب بالبن وابجي وهو بس يخوزر بيه... بعدين صدري جان طالع شوويه من ثوبي وشال مخربط هو نزل شالي علئ صدري وكال...ضميهن مالاتي مااريد احد يشوفهم... حرجني حيييل وخجلت درت وجهي واني اعدل بشالي وهو ضحك بخبث عليه...مالاته ابو الشوارع امداني رجعت من ذاكرتي اووف ياخالد شسولف صدري احتمال يقلعوو بلعت ريقي ورجف قلبي مجرد الفكره ترعبني...نمت علئ وسادتي ملجئ احزاني بجيت وحدتي وقلت حيلتي...مااعرف شنوو الاريده بس قررت السفر واترك كوولشي ورايه...نمت واني ادعي ربي يخلصني من احزاني ويسعدني...يافارج الهم فرج همي واسعدني... ......................... سحر .. بعدها اجت ام علي انحنت عليه كالت يلله سحورة امشي ارتاحي جوة بالغرفة .. كمت على حيل وكام علي وياي عمتي ساعدتني امشي لان البدلة مدنفشة وطويلة والحذاء عالي كوة اكدر امشي جيت اوكع .من هوسة الناس ودوخة الديجي الي يصدح بأذني . لزمني علي من ايدي ارتبكت ورجفت ايدية .. اخذوني لقرفة ام خالد .. وكعدت على السرير .. اجه علي كعد يمي وعمتي تعدل ببدلتي .. طلعت عمتي وبغينا وحدنه ظلت عيوني تدور بأرجاء القرفة بدون هدف بس مجرد اريد اخفي توتري من غرب علي مني .. حسيت ايده تسللت لركبتي من ورة ارتعشت خلايا جسمي وجفلت رفعت اكتافي بحركة سريعة .. بعدها ايده على رقبتي كال بصوت هادىء وحنون .. اهدي شعرج مجلب بالعقد لتتوجعين او يتكطع شعرج اني ماارضى شعرج احبه خلي افكه .. رخيت جسمي واصابعه دافية تتحرك على ركبتي ويفك بشعري من العغد .. كال شدعوة هيج خايفة مني ومتشنجة بس هالليلة وانت باجر بحضني .. خجلت كلش واحس النار تطلع من خدودي من الخجل .. دار وجهي عليه ورفعه لمستوى نظره كال احجيلج كلمة ليش هيج خجولة انت .. ؟ حاولت اتجرأ واحجي .. كتله لا بس تعبانة اليوم هواي تعبت .... علي : حبيبتي سلامتج من التعب بس الليلة وباجر نتزوج وبعدها تنتقلين لبيتنا وترتاحين ان شاءالله .. ابتسمت اله وظل يمرر اصبعه على خدي يتلمس نعومة بشرتي يباوعلي ومبتسم ونظرة الحب تشع من عيونه واني ميتة من الخجل .. اباوعله وانصي .. هيه لحظات وانفتحت الباب بقوووة ودخلت بيبي معصبة باوعتلها بخوف سحبتني من قيود بدلتي نزلتني من السرير وشمرتني بالكاع منين جابت القوة ماادري .. غطيت وجهي بايديه وهيه استلمتني ضرب احساسي بين الخوف وبين الفشلة تضرب وتصيح ... لج ادبسز متستحين شكو كاعدة هنا يمه متصبرين هو كلها ليلة وحدة وباجر عرسج لج مو عيب اسألهم عليج يكولون كاعدة يمه وحدهم بالغرفة .. سحبها علي مني وظل يتوسل بيها متضربني واني واكعة بالكاع اشهك وابجي وتسريحتي خربت ووكعت على وجهي .. دخلت عذراء وام على والبنات كلهم وحتئ خالد ومرتضئ وجدتي تصيح وتغلط ونزلت راسنه الله لايوفقج... علي گلها بعصبيه_ شسالفة حجيه ترة بعدني ابنطروني حتى مانزعته .. عذراء ضحكت كالت..شووف الفطير فضحنه... خالد وكف بوجه جدتي كلها...خاااب حجيه شبييج تخبلتي جااا وذا كعدت يمه شني هو جيرانهم غير زوجها شهل همجيه كلتله...اني همجيه والله اليوم اذبحها جان غيس يكول وانه ماصدكه علي كلها بتساول...قيس منوو وشنوو تصدكينه شنو السالفه فهمونه رانيا...دخلت شفت الامه مگلوبه خطيه سحر لازمتها ام علي وشعرها صاير ملايخ وجدتها تغلط عليها ودكول نزلتي راسنه ونزلتي راسنه... والله عبالي هي وعلي خلصوو شغلتهم..بعدين فهمت شلون هو مختلي بسحر بيوم الحنه وجدتها كاتلتها.. علي وكف بوجه الحجيه كلها بعصبيه...هاي اخر مره تمدين ايدج علئ سحر..اني زوجها ومحد اله حق يضربها... خالد سحب علي وطلعه بره لاول مره يصير عاقل...طلع خالي اطلع ان شاء لله ماكوو شئ مرتضئ جان يباوع علئ سحر بحسره ...من يمي انقهرت ... جانت سحر ملفلوفه بشال مطالع منها شئ بس شعرها ملخ... مرتضئ طلع قبل علي...من شاف علي نزل نفسه علئ سحر ومسح علئ شعرها بحنيه وهمس الها بكلمات يطمنها بيهن علي راد يطلع ولزمته عذراء كلتله...لا تنقهر الحجيه تگاگي لان عزبه أسأل مجرب..ههههههاي صابتها غيره الله وكيلك والعباس كفيلك علي بعصبية...وخري من وجهي انتي الثانيه والله بطرانه... عذراء..حقك والعباس حقك.. عمي لو انت زوجي وكاعده يمك امي ما تحجي لو نضل اسبوع هو تركها وطلع واني اخذت سحر خطيه لغرفة معن انطيتها ثوب تبدل فتحت الها السحاب شفت ضهرها خطيه كووله جروح قديمه وجرح جديد.. تنهدت علئ حالها... حاولت افتح تسريحتها بس بيبيتها مسويتها متشابكه بالگوه فتحتها دخلت سبحت وهي بس تبجي خطيه حالها يصعب علئ الكافر... اسمع علي يصيح ويغلط مصارت حنه صارت عبالك عزاء وخواله لازمينه... تنهدت وطلعت بره شفت خالد ومرتضئ لازمي وهو ماخله غلطه بقاموس الغلط ما سب الحجيه بيها. بس الحمدلله الحجيه جانت بغرفة عمتي... خالد كله..خالي رووح بعد خالك باجر اخذ مرتك ومحد اله حق عندك هو هو راسه ويتوعد بالحجيه...الهمجيه شلوون ضربتها مدكول خطيه يتيمه وعروس كسرت حتئ فرحتها...والله لو ما مره وكبيره اله دفنتها باارضها مرتضئ..علئ كيفك خالي يالله مصار شئ ان شاء لله تنحل مو انت تعرف الحجيه شويه متشدده علئ بعصبيه..علئ روحها واذا متشدده يابه مرتي قابل كفررت انعل ابوهم يا ابو العرفني بيهم والله كرهوني حتئ بالزواج... خالد..لك خالي علئ كيفك هاي وانت ضابط ومن اول موقف انهاريت جااا لو مصدوم بگدي شسويت علي...اوووف والله قابل لا اخطب احسن والله احسن سحر ماادري عليمن كالبه خلقتها والحجيه لعبت لعب والله لو ماباجر العرس اله اطلك ولا زواج ولا بطيخ... عذراء...يبوو ناس تريد بس تزوج وناس رافسه نعمتها جااا ربي مثل ما تفتح لعباد الله باب فرج افتحنه وياهم شني والله لو جنت ويه قووم لوط هم مايصير بيه هييج ابتسمت عليها... وعلي طلع هو وامه واخواته وبعده يغلط وامه تهدئ بي... دخلت لغرفه معن لكيت سحر نايمه علئ الجربايه وشعرها ينكط مي وتبجي اووف والله تكسر الخاطر سمعتها تهمس..يمه وينج نزلت دموعي لا ارادي وسبيت الساعه التزوجت بيها مرتضئ لو تاركته الها مو احسن... رحت غطيتها وفتحت التدفئ وطفيت الكلوب وطلعت تاركتها الوحدها تداري جروحه.... رحت الغرفتي شفت ملوث البيئه مرتضئ بجكارته عبالك مصنع مال تدخين ابد ما لمته خطيه والله هو سحر ابد ميستاهلون ياريت ييرجع الزمن ومهتدئ يرجعلي ومرتضئ السحر يرجع... لكن تمشي الرياح بما لا تشتهي السفن... رحت بدلت ومسحت المكياج وحضنت فادي ونمت.. حسيته نام بصفنه وحضن فادي.. ابتسمت الله يحنن كلبه علينه..... ........................... كعدت الصبح بدلت بسرعه اتفقت اني وبابا نروح نسوي مالت السفر بابا كال مصعب يروح ويانه لان صديقه يشتغل هناك... بدلت لبست تشيرت اوفايت وبنطرون كابوي وشال ماروني وحذاء ماروني ومكياج خفيف... ركبنه اني وبابا بالسياره...وصلنه للمكان المطلوب لكينه هناك مصعب سلم علينه كملنه كوولشي خطيه مصعب كوولش تعب ويايه... طلعنه نضحك وكتبولي موعد السفر جنت واكفه ويه مصعب وبابا ورايه... شفت واحد طبگ بسيارته ونزل... حطيت ايدي علئ صدري من شفت هذا........ نهاية البارت...يتبع... وقفه...هلاوو حبيباتي اعتذر عن التأخير وعن عدم اكمالي للقصه لكن والله حالتي الصحيه جدا متدهوووووره اسناني حييل ديئذوني وعندي حمل وفلاونزا وهبوط وحالتي حاله اكييد تعذروني..😢 لاتنسوو التصويت حبيباتي...مع العلم ماراضيه عن البارت بس احسن من ماكوو😢😢😢 كونوا انتم كونوا بخير..احبكم.. | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
